Bigg Boss 8: ఆఖరి నిమిషంలో బిగ్‌బాస్‌ లిస్ట్‌ నుంచి అవుట్‌.. ఆ స్థానంలో యూట్యూబర్‌..

ఈసారి బిగ్‌బాస్‌ 8 లాంచింగ్‌ రోజు హౌస్‌లో 14 మంది అడుగుపెట్టనున్నారు. అందులో డౌటే లేదు. అందులో ఏడుగురు అమ్మాయిలు( ప్రేరణ, యష్మి, బెజవాడ బేబక్క, కిరాక్ సీత, నైనిక, విష్ణుప్రియ, సోనియా ఆ​కుల), ఏడుగురు అబ్బాయిలు (పృథ్వీరాజ్, నిఖిల్, నబీల్ అఫ్రిది, ఆదిత్య ఓం, శేఖర్ భాషా, నాగ మణికంఠ, అభయ్ నవీన్) ఉన్నారు. ఇప్పటికే రిలీజైన ప్రోమో ప్రకారం వీళ్లంతా జంటలుగా ఇంట్లోకి వెళ్లనున్నారు. తర్వాత కూడా జంటగానే కొనసాగుతారా? లేదా? అన్నది తర్వాత చూడాలి! 

చివరి నిమిషంలో..
ఈ 14 మందిలో నటుడు పరమేశ్వర్‌ హివ్రాలే పేరు కూడా గట్టిగా వినిపించింది. కట్‌ చేస్తే చివరి నిమిషంలో అతడు షో నుంచి సైడ్‌ అయిపోయాడట! ఈయన దశాబ్దకాలంగా తెలుగు ఇండస్ట్రీలో ఉన్నాడు కానీ పెద్దగా పాపులర్‌ అవలేదు. చిరు గొడవలు, కుమారి 18+, లావణ్య విత్‌ లవ్‌ బాయ్స్‌, జాతీయ రహదారి సినిమాల్లో నటించాడు. ఎల్లందు నుంచి ఐదుసార్లు ఎమ్మెల్యేగా గెలుపొందిన నాయకుడు గుమ్మడి నర్సయ్య బయోపిక్‌ను సైతం దర్శకుడిగా వెండితెరపై ఆవిష్కరించాడు.

యూట్యూబర్‌..
ఇంత టాలెంట్‌ ఉన్న ఈయనకు ఆరోగ్యం బాగోలేకపోవడంతో షోలో అడుగుపెట్టకముందే నిష్క్రమించక తప్పలేదట! దీంతో ఇతడి స్థానంలోకి యూట్యూబర్‌ నబీల్‌ అఫ్రిదిని తీసుకొస్తున్నారు. ఈయన షరతులు వర్తిస్తాయి అనే మూవీలోనూ యాక్ట్‌ చేశాడు. మరి ఈ యూట్యూబర్‌ బిగ్‌బాస్‌ను ఏమేరకు వాడుకుంటాడో చూడాలి!

చదవండి: బిగ్ బాస్ 8 ఫైనల్ లిస్ట్ ఇదే.. వీళ్లు పక్కా!