పంట కోత యంత్రం బోల్తా పడి మహిళ మృతి

పంట కోత యంత్రం బోల్తా పడి మహిళ మృతి

ఆళ్లగడ్డ: పంట కోత యంత్రం బోల్తా పడి మహిళ మృతి చెందగా, మరో ముగ్గురు మహిళలు గాయపడిన ఘటన శుక్రవారం చిన్నకందుకూరు గ్రామంలో చోటుచేసుకుంది. స్థానికులు తెలిపిన వివరాలు.. చిన్నకందుకూరు గ్రామానికి చెందిన సుబ్బమ్మ (40)తోపాటు మరో ముగ్గురు కలిసి మినుము పంట నూర్పిడి చేసేందుకు కూలీపనులకు వెళ్లారు. పొలంలో మినుము నూర్పిడి చేసి మరో చేలోకి యంత్రాన్ని ట్రాక్టర్‌కు తగిలించుకుని తీసుకెళ్తుండగా ప్రమాదవశాత్తూ పంట కోత యంత్రం బోల్తా పడింది. సుబ్బమ్మపై యంత్రం పడటంతో ఆమె అక్కడికక్కడే దుర్మరణం చెందింది. మరో ముగ్గురు గాయపడ్డారు. కేసు నమోదు చేసి, దర్యాప్తు చేస్తున్నామని రూరల్‌ పోలీసులు తెలిపారు.