రైలు కిందపడి యువకుడి ఆత్మహత్య

రైలు కిందపడి యువకుడి ఆత్మహత్య

రాయగడ:

రైలు కిందపడి ఒక యువకుడు ఆత్మహత్య చేసుకున్న ఘటన జిల్లాలోని మునిగుడ సమితి అంబొదల రైల్వేస్టేషన్‌ సమీపంలో శనివారం తెల్లవారుజామున చోటుచేసుకుంది. మృతుడు జార్ఖండ్‌కు చెందిన దయానిధి శర్మ(27)గా పోలీసులు గుర్తించారు. సమాచారం తెలుసుకున్న రైల్వే పోలీసులు మృతదేహాన్ని స్వాధీనం చేసుకుని పోస్టుమార్టంకు తరలించారు. పోలీసులు తెలియజేసిన వివరాల ప్రకారం.. జార్ఖండ్‌కు చెందిన శర్మ గత కొద్ది నెలలుగా అంబొదలలో ఫ్యాబ్రికేషన్‌ పనులను చేస్తుండేవాడు. శనివారం తెల్లవారుజామున అతడు తన బైక్‌ను రైల్వేస్టేషన్‌ బయట ఉంచి, అనంతరం ఆత్మహత్యకు పాల్పడినట్లు అనుమానిస్తున్నారు. ఆత్మహత్యకు గల కారణాలు తెలియాల్సి ఉంది.

1/1

రైలు కిందపడి యువకుడి ఆత్మహత్య