సీతారామ సేవా సమితి

సీతారామ సేవా సమితి

జ్యోతినగర్‌(రామగుండం): ఎన్టీపీసీ రామగుండం అన్నపూర్ణకాలనీకి చెందిన గోలివాడ చంద్రకళ మహిళా మిత్ర మండలి వ్యవస్థాపక అధ్యక్షురాలు. సేవా కార్యక్రమాలు నిర్వహిస్తూ ప్రజలతో మమేకమవుతున్నారు. ఈ క్రమంలో తన ఆలోచనలను మిత్రులు, శ్రేయాభిలాషులకు తెలియజేసి, 19 ఫిబ్రవరి 2023న సీతారామ సేవా సమితి పేరిట వాట్సాప్‌ గ్రూపు ఏర్పాటు చేశారు. ఇందులో 130 మంది సభ్యులున్నారు. ప్రతినెలా కొందరు రూ.100, మరికొందరు రూ.200 చొప్పున, పుట్టినరోజు అయితే కొంత ఎక్కువ డబ్బులను జమ చేస్తున్నారు. పెద్ద మొత్తం కాగానే.. అందరూ చర్చించుకుంటున్నారు. పేదవాళ్ల సమాచారం తెలుసుకొని, వారి ఇళ్లకు వెళ్లి, కావాల్సిన సాయాన్ని నగదు రూపంలో గానీ, వస్తురూపంలో గానీ అందిస్తున్నారు. ఇప్పటివరకు 80 మందికి పైగా పేదలకు సాయం చేశామని, ప్రభుత్వ పాఠశాలల్లో విద్యార్థులకు ప్లేట్స్‌, వాటర్‌ బాటిళ్లు అందించామని చంద్రకళ తెలిపారు.