యువత క్రీడలపై ఆసక్తి చూపాలి

యువత క్రీడలపై ఆసక్తి చూపాలి

వేములవాడరూరల్‌: యువత క్రీడల పట్ల ఆసక్తి చూపాలని విప్‌ ఆది శ్రీనివాస్‌ అన్నారు. వివేకానంద జయంతి సందర్భంగా వేములవాడ మున్సిపల్‌ పరిధి శాత్రాజుపల్లిలో నిర్వహిస్తున్న ఉమ్మడి జిల్లాస్థాయి వాలీబాల్‌ పోటీలు సోమవారం ముగిశాయి. పోటీల్లో ఉమ్మడి జిల్లా నుంచి 40 జట్లు పాల్గొన్నాయి. ఈ సందర్భంగా విప్‌ ముఖ్య అతిథిగా హాజరై మాట్లాడారు. ఈ ప్రాంతంలో క్రీడాపోటీలు నిర్వహిస్తే తన వంతు సహకారం అందిస్తానని పేర్కొన్నారు. స్పోర్ట్స్‌ యూనివర్సిటీ ఏర్పాటు చేసేలా సీఎం దృష్టికి తీసుకెళ్లి ప్రయత్నం చేస్తామన్నారు. గెలుపొందిన జట్లకు బహుమతులు అందజేశారు. పోటీల్లో సిరిసిల్ల జట్టు ప్రథమ, రామడుగు ద్వితీయ, ఎస్సారార్‌ కరీంనగర్‌ తృతీయ, శాత్రాజుపల్లి నాల్గో స్థానంలో నిలిచాయి. ప్రథమ బహుమతి రూ.15,000, ద్వితీయ రూ.10,000, తృతీయ రూ.6,000, 4వ స్థానం పొందిన జట్టుకు రూ.4,000 నగదు, షీల్డ్‌లు అందించారు.