రోడ్డు ప్రమాదంలో సచివాలయ ఉద్యోగి మృతి

రోడ్డు ప్రమాదంలో సచివాలయ ఉద్యోగి మృతి

శ్రీకాళహస్తి రూరల్‌: రోడ్డు ప్రమాదంలో సచివాలయ ఉద్యోగి మృతిచెందిన ఘటన స్థానికంగా విషాదాన్ని నింపింది. స్థానికుల సమాచారం మేరకు.. మండలంలోని కాపుగున్నేరి సచివాలయ ఇంజినీరింగ్‌ అసిస్టెంట్‌కే కే.రాజ్‌కుమార్‌ (29) గురువారం విధులు ముగించుకుని సాయంత్రం 6.30 సమయంలో ఇంటికి వెళ్లేందుకు కాపు గున్నేరి హైవే రోడ్డు దాటుతున్నాడు. అదే సమయంలో శ్రీకాళహస్తి వైపు వేగంగా వెళుతున్న కారు ఢీకొంది. దీంతో రాజ్‌ కుమార్‌కు తీవ్ర గాయాలయ్యాయి. ఆస్పత్రికి తీసుకెళుతుండగా.. మార్గమధ్యంలోనే మృతిచెందాడు. పమాదానికి కారణమైన కారుని రూరల్‌ పోలీస్‌ స్టేషన్‌ తరలించారు. కేసు నమోదు చేసుకొని దర్యాప్తు చేస్తున్నట్టు పోలీసులు పేర్కొన్నారు.

1/1

రోడ్డు ప్రమాదంలో సచివాలయ ఉద్యోగి మృతి