సెమిస్టెర్‌ పరీక్షలు వాయిదా

విశాఖ సిటీ: ఏయూ ఇంజినీరింగ్‌ కాలేజ్‌ గ్రౌండ్‌లో ఈ నెల 29న ప్రధాన మంత్రి నరేంద్ర మోదీ సమావేశం నేపథ్యంలో ఏయూలో జరగాల్సిన బీఈ, బీటెక్‌ సెమిస్టర్‌ పరీక్షలు వాయిదా పడినట్లు కంట్రోలర్‌ ఆఫ్‌ ఎగ్జామినేషన్స్‌ టి.చిట్టిబాబు తెలిపారు. ఈ నెల 27, 28 29 తేదీల్లో జరగాల్సిన బీఈ/బీటెక్‌ 4/1 సెమిస్టర్‌ పరీక్షలు ఈ నెల 30, డిసెంబర్‌ 2, 3 తేదీల్లో ఉదయం 9 నుంచి మధ్యాహ్నం 2 గంటల వరకు జరగనున్నట్లు వెల్లడించారు. అలాగే 27, 29 తేదీల్లో జరగాల్సిన బీఆర్క్‌ 5/1 పరీక్ష ఈ నెల 30, డిసెంబర్‌ 3వ తేదీన జరుగుతుందని వివరించారు.