నేడు పీటీసీ, సీటీసీలో పాసింగ్‌ అవుట్‌ పరేడ్‌

నేడు పీటీసీ, సీటీసీలో పాసింగ్‌ అవుట్‌ పరేడ్‌

● స్టైఫండరీ ట్రెయినీ పోలీస్‌

కానిస్టేబుళ్ల శిక్షణ ముగింపు

ఖిలా వరంగల్‌: మామునూరు, మడికొండలోని పోలీస్‌ శిక్షణ కళాశాలల్లో గురువారం ఉదయం దీక్షాంత్‌ పరేడ్‌లు జరగనున్నాయి. ఈ మేరకు ఏర్పా ట్లు చేశారు. మామునూరు పోలీసు శిక్షణ కళాశాలలో ట్రెయినీ మహిళా సివి ల్‌, ఏఆర్‌ కానిస్టేబుళ్ల పాసింగ్‌ అవుట్‌ పరేడ్‌ జరగనుందని ప్రిన్సిపాల్‌ ఇంజారపు పూజ తెలిపారు. బుధవారం పీటీసీ పరేడ్‌ గ్రౌండ్‌లో ట్రైనింగ్‌ అధి కారుల పర్యవేక్షణలో శిక్షణార్థులు మాక్‌ పాసింగ్‌ అవుట్‌ పరేడ్‌ నిర్వహించారు. అనంతరం ప్రిన్సిపాల్‌ ఇంజా రపు పూజ మాట్లాడారు. తెలంగాణ ఉమ్మడి 10 జిల్లాల నుంచి మొత్తం 1,148 మంది మహిళా కానిస్టేబుళ్లు శిక్షణ పూర్తి చేసుకున్నట్లు వివరించారు. వీరంతా గురువారం ఉదయం 8.30 నుంచి 11.30 గంటలలోపు జరిగే పాసింగ్‌ అవుట్‌ పరేడ్‌ ముగింపుతో జనంలోకి వెళ్లనున్నారని పేర్కొన్నారు. కార్యక్రమానికి ముఖ్య అతిథిగా మంత్రి సీతక్క హాజరవుతున్నట్లు తెలిపారు. అధికారులు, పీఆర్‌ఓ రామాచారి పాల్గొన్నారు.

సీటీసీలో...

మడికొండ: మడికొండలోని సిటీ పోలీ స్‌ శిక్షణ కేంద్రంలో ఉదయం 8.30 గంటలకు 6వ బ్యాచ్‌ స్టైఫండరీ ట్రెయినీ పోలీస్‌ కానిస్టేబుళ్ల (సివిల్‌) పాసింగ్‌ అవుట్‌ (దీక్షాంత్‌) పరేడ్‌ నిర్వహిస్తున్నట్లు సీటీసీ ప్రిన్సిపాల్‌, అదనపు డీసీపీ (అడ్మిన్‌) ఎన్‌.రవి బుధవారం తెలిపారు.