TV
అంతర్‌ కళాశాలల వాలీబాల్‌ పోటీలు ప్రారంభం
ఏలూరు (ఆర్‌ఆర్‌పేట): ఆదికవి నన్నయ యూనివర్సిటీ పరిధిలోని కళాశాలల మధ్య మహిళల వాలీబాల్‌ పోటీలు స్థానిక సీఆర్‌ఆర్‌ మహిళా కళాశాలలో గురువారం ప్రారంభమయ్యాయి. ఈ పోటీలను సీఆర్‌ఆర్‌ విద్యా సంస్థల పాలక మండలి కార్యదర్శి ఎంబీఎస్‌వీ ప్రసాద్‌, కళాశాల కరస్పాండెంట్‌ సీహెచ్‌ విశ్వనాథరావు ప్రారంభించారు. యూనివర్సిటీ పరిధిలోని 12 కళాశాలల నుంచి మొత్తం 140 మంది విద్యార్థినులు ఈ పోటీల్లో పాల్గొన్నారు. వీరిలో అత్యుత్తమ ప్రతిభ కనబరిచన విద్యార్థినులను ఆదికవి నన్నయ యూనివర్సిటీ తరఫున అంతర్‌ యూనివర్సిటీ పోటీల్లో పాల్గొనే జట్టుకు ఎంపిక చేయనున్నారు. శుక్రవారం జరిగే యూనివర్సిటీ జట్టు ఎంపిక కమిటీ సభ్యులుగా ఏ. స్వాతి, జీవీ పవన్‌ కుమార్‌ వ్యవహరిస్తుండగా జీ ప్రమీలా రాణి పరిశీలకురాలిగా, పీ సునీతమ్మ, కే సంజీవరావు ఆర్గనైజింగ్‌ కమిటీ సభ్యులుగా వ్యవహరిస్తున్నారు. ప్రారంభ కార్యక్రమంలో సీఆర్‌ఆర్‌ మహిళా కళాశాల ఇన్‌చార్జి ప్రిన్సిపాల్‌ జీ సరళ, ఐక్యూఏసీ కోఆర్డినేటర్‌ కే ఝాన్సీలక్ష్మి పాల్గొన్నారు.
Comments
Please login to add a commentAdd a comment