న్యూఢిల్లీ: ప్రభుత్వరంగంలోని షిప్పింగ్‌ కార్పొరేషన్‌ ఆఫ్‌ ఇండియా (ఎస్‌సీఐ) డిసెంబర్‌తో ముగిసిన త్రైమాసికంలో బలహీన పనితీరు నమోదు చేసింది. ఈ కాలానికి రూ.75 కోట్ల లాభాన్ని ప్రకటించింది. అంతక్రితం ఏడాది ఇదే త్రైమాసికంలో లాభం రూ.134 కోట్లతో పోల్చి చూస్తే 44 శాతం తగ్గిపోయింది. కార్యకలాపాల ద్వారా రూ.1,350 కోట్ల ఆదాయం సమకూరింది. అంతక్రితం ఏడాది ఇదే కాలంలోనూ ఆదాయం రూ.1,363 కోట్లుగా ఉండడం గమనార్హం. వ్యయాలు రూ.1,214 కోట్ల నుంచి రూ.1,277 కోట్లకు ఎగిశాయి. వ్యయాలు గణనీయంగా పెరిగిపోవడం లాభాలకు చిల్లుపెట్టినట్టు తెలుస్తోంది. శుక్రవారం బీఎస్‌ఈలో కంపెనీ షేరు 1%పైగా నష్టపోయి రూ.192 వద్ద స్థిరపడింది.

న్యూఢిల్లీ: కీలక మౌలిక(ఇన్‌ఫ్రా) రంగ వృద్ధి 2024 డిసెంబర్‌ నెలలో కాస్త మందగించింది. 4 శాతానికి పరిమితమైంది. 8 మౌలిక రంగాల వృద్ధి అంతక్రితం ఏడాది ఇదే నెలలో 5.1 శాతంగా నమోదైంది. నెలవారీగా చూస్తే అంటే 2024 నవంబర్‌లోనూ 4.4 శాతం పురోగతి సాధించింది. అధికారిక గణాంకాల ప్రకారం నేచురల్‌ గ్యాస్‌ ఉత్పత్తి క్షీణతను చవిచూసింది. అంతేకాకుండా వివిధ రంగాలలో ఉత్పత్తి నీరసించింది. బొగ్గు 5.3 శాతం, రిఫైనరీ ప్రొడక్టులు 2.8 శాతం, ఎరువులు 1.7 శాతం, స్టీల్‌ 5.1 శాతం చొప్పున వృద్ధి సాధించాయి. అయితే అంతక్రితం డిసెంబర్‌లో వీటి ఉత్పత్తిలో వరుసగా 10.8 శాతం, 4.1 శాతం, 5.9 శాతం, 8.3 శాతం చొప్పున పురోగతి నమోదైంది. కాగా.. సిమెంట్‌ తయారీ 4 శాతం, విద్యుదుత్పత్తి 5.1 శాతం వృద్ధిని అందుకున్నాయి. ఇక ఈ ఆర్థిక సంవత్సరం(2024–25) ఏప్రిల్‌–డిసెంబర్‌లో కీలక రంగాలు బొగ్గు, చమురు, నేచురల్‌ గ్యాస్, రిఫైనరీ ప్రొడక్టులు, ఎరువులు, స్టీల్, సిమెంట్, ఎలక్ట్రిసిటీ ఉత్పత్తి 4.2 శాతం పుంజుకుంది. గతేడాది(2023–24) ఇదే కాలంలో 8.3 శాతం వృద్ధి నమోదైంది. ఈ 8 కీలక మౌలిక రంగాలు దేశీ పారిశ్రామిక ప్రగతిని సూచించే పారిశ్రామికోత్పత్తి సూచీ(ఐఐపీ)లో 40 శాతానికిపైగా వాటాను కలిగి ఉన్న సంగతి తెలిసిందే.

హైదరాబాద్‌ సహా దేశవ్యాప్తంగా నియామకాలు డిసెంబర్‌లో జోరందుకున్నాయి. క్రితం ఏడాది ఇదే నెలతో పోల్చి చూస్తే 31 శాతం పెరిగినట్టు ఫౌండిట్‌ ఇన్‌సైట్స్‌ ట్రాకర్‌ నివేదిక వెల్లడించింది. ఈ నివేదిక ప్రకారం గడిచిన ఆరు నెలల్లో నియామకాలు 12 శాతం పెరిగాయి. ఆన్‌లైన్‌ జాబ్‌ పోస్టింగ్‌ల ద్వారా ఈ వివరాలను ఫౌండిట్‌ వెల్లడించింది. ముఖ్యంగా హైదరాబాద్‌లో డిసెంబర్‌ నెలలో నియామకాలు 36 శాతం పెరిగాయి. → కన్జ్యూమర్‌ ఎల్రక్టానిక్స్, తయారీ, నిర్మాణం, ఇంజనీరింగ్‌ రంగాల్లో ఎక్కువ మందికి ఉపాధి లభించింది. 57 శాతం నుంచి 60 శాతం వరకు ఈ రంగాల్లో నియామకాలు డిసెంబర్‌లో పెరిగాయి. → ఏఐ ఉద్యోగాలు గడిచిన రెండేళ్లలో 42 శాతం వృద్ధితో 2,53,000కు చేరాయి. పైథాన్, ఏఐ/ఎంఎల్, డేటా సైన్స్, డీప్‌ లెరి్నంగ్, ఎస్‌క్యూఎల్, సాఫ్ట్‌వేర్‌ డెవలప్‌మెంట్‌ నైపుణ్యాలకు ఎక్కువ డిమాండ్‌ నెలకొంది. టెన్సార్‌ఫ్లో, పైటార్చ్‌ తదితర ఏఐ ఫ్రేమ్‌వర్క్‌ల్లో నైపుణ్యాలున్న వారికి సైతం అధిక డిమాండ్‌ కనిపించింది. → హెచ్‌ఆర్‌ అడ్మిన్‌ ఉద్యోగ నియామకాలు గత మూడు నెలల్లో 21 శాతం పెరిగాయి. → మెడికల్‌ ఉద్యోగాలు సైతం 44 శాతం అధికంగా నమోదయ్యాయి. టెలీ మెడిసిన్, డయాగ్నోస్టిక్స్, నర్సింగ్, హెల్త్‌కేర్‌ అనలిస్ట్‌ తదితర హెల్త్‌టెక్‌ ఉద్యోగాలకు డిమాండ్‌ నెలకొంది. → డిసెంబర్‌లో కోయింబత్తూరులో అత్యధికంగా 58 శాతం మేర నియామకాలు పెరిగాయి. బెంగళూరులో 41 శాతం, చెన్నైలో 37 శాతం చొప్పున అధిక నియామకాలు జరిగాయి. ముంబైలో 23 శాతం, ఢిల్లీ ఎన్‌సీఆర్‌లో 33 శాతం చొప్పున అధిక నియామకాలు చోటుచేసుకున్నాయి. → టైర్‌–2, 3 నగరాలు హెల్త్‌కేర్‌ కేంద్రాలకు నిలయాలుగా మారుతున్నాయి. వీటికి సంబంధించి నియామకాలు 30 శాతం పెరిగాయి. → బెంగళూరులో 26 శాతం, పుణెలో 17 శాతం, ఢిల్లీలో 14 శాతం చొప్పున ఏఐ నియామకాలు వృద్ధి చెందాయి. ఏఐ కీలకం.. ‘‘అన్ని రంగాల్లోనూ నియామకాలు పెరగడం ఉద్యోగ మార్కెట్‌ చురుకుదనాన్ని, బలాన్ని తెలియజేస్తోంది. ముఖ్యంగా గత రెండేళ్లలో ఏఐ ఉద్యోగాల్లో 42 శాతం పెరగడం గమనార్హం. 2025లోనూ ఏఐ ఉద్యోగ నియామకాల్లో 14 శాతం మేర వృద్ది ఉండొచ్చు. ఏఐ ఇకపై ప్రస్తుత, భవిష్యత్‌ మానవ వనరులకు కీలకంగా కొనసాగుతుంది’’అని ఫౌండిట్‌ సీఈవో వి.సురేష్‌ అన్నారు.

న్యూఢిల్లీ: అంతర్జాతీయంగా అనిశ్చితి నెలకొన్న నేపథ్యంలో ఎగుమతులు వరుసగా రెండో నెలా క్షీణించాయి. 2023 డిసెంబర్‌తో పోలిస్తే గతేడాది డిసెంబర్‌లో స్వల్పంగా ఒక్క శాతం తగ్గి 38.01 బిలియన్‌ డాలర్లకు పరిమితం కాగా దిగుమతులు 5 శాతం పెరిగి 59.95 బిలియన్‌ డాలర్లకు చేరాయి. వాణిజ్య లోటు 21.94 బిలియన్‌ డాలర్లుగా నమోదైంది. బుధవారం కేంద్రం విడుదల చేసిన గణాంకాల ప్రకారం.. డిసెంబర్‌లో పెట్రోలియం, రత్నాభరణాలు, రసాయనాల ఎగుమతుల వృద్ధి నెమ్మదించింది. అయితే, జౌళి, ఎలక్ట్రానిక్స్, ఇంజినీరింగ్, బియ్యం, మెరైన్‌ ఉత్పత్తుల ఎగుమతులు మెరుగ్గా నమోదయ్యాయి. మిగతా దేశాలతో పోలిస్తే భారత్‌ ఎగుమతుల గణాంకాలు మెరుగ్గా ఉన్నట్లు వాణిజ్య శాఖ కార్యదర్శి సునీల్‌ బర్త్‌వాల్‌ తెలిపారు. వాణిజ్య గణాంకాలను సమగ్రంగా విశ్లేషించే విదంగా కృత్రిమ మేథ (ఏఐ) ఆధారిత డేటా అనలిటిక్స్‌ ప్లాట్‌ఫాంను రూపొందించడంపై కసరత్తు చేస్తున్నట్లు ఆయన చెప్పారు. ఇందుకోసం ఇప్పటికే ఒక కమిటీని ఏర్పాటు చేసినట్లు పేర్కొన్నారు. కరెన్సీ హెచ్చుతగ్గులు, అంతర్జాతీయంగా వాణిజ్యానికి సవాళ్లతోపాటు కమోడిటీలు, లోహాల ధరల్లో హెచ్చుతగ్గులే ఎగుమతుల క్షీణతకు దారి తీసినట్లు ఎగుమతి సంస్థల సమాఖ్య ఎఫ్‌ఐఈవో ప్రెసిడెంట్‌ అశ్వనీ కుమార్‌ తెలిపారు. ఇక ఈ ఆర్థిక సంవత్సరం ఏప్రిల్‌–డిసెంబర్‌ మధ్య కాలంలో ఎగుమతులు 1.6 శాతం పెరిగి 321.71 బిలియన్‌ డాలర్లకు, దిగుమతులు 5.15 శాతం పెరిగి 532.48 బిలియన్‌ డాలర్లకు చేరాయి. వాణిజ్య లోటు 189.74 బిలియన్‌ డాలర్ల నుంచి 210.77 బిలియన్‌ డాలర్లకు చేరింది. ఇతర వివరాల్లోకి వెళ్తే.. → డిసెంబర్‌లో పెట్రోలియం ఉత్పత్తుల ఎగుమతులు 29 శాతం క్షీణించి 4.91 బిలియన్‌ డాలర్లుగా నమోదయ్యాయి. → ఎల్రక్టానిక్స్‌ ఎగుమతులు ఏకంగా 35.11 శాతం పెరిగి 3.58 బిలియన్‌ డాలర్లకు చేరాయి. 24 నెలల్లో ఇది గరిష్ట స్థాయి. → బంగారం దిగుమతులు 55 శాతం పెరిగి 4.7 బిలియన్‌ డాలర్లకు చేరాయి. వెండి దిగుమతులు 211 శాతం పెరిగి 421.91 మిలియన్‌ డాలర్లుగా నమోదయ్యాయి. → సేవల రంగం ఎగుమతులు 31.63 బిలియన్‌ డాలర్ల నుంచి 32.66 బిలియన్‌ డాలర్లకు పెరిగాయి. → సవరించిన గణాంకాల ప్రకారం 2024 నవంబర్‌లో ఎగుమతులు 5 శాతం తగ్గి 32.03 బిలియన్‌ డాలర్లకు క్షీణించగా, దిగుమతులు 16 శాతం పెరిగి 63.86 బిలియన్‌ డాలర్లకు చేరాయి. వాణిజ్య లోటు 31.83 బిలియన్‌ డాలర్లుగా నమోదైంది. నవంబర్‌లో పసిడి దిగుమతులను 9.84 బిలియన్‌ డాలర్లకు సవరించారు. → డిసెంబర్‌లో అమెరికా, సౌదీ, ఫ్రాన్స్, బంగ్లాదేశ్, శ్రీలంకకు భారత్‌ అత్యధికంగా ఎగుమతులు చేయగా .. చైనా స్విట్జర్లాండ్, థాయ్‌ల్యాండ్, జర్మనీ, అమెరికా నుంచి దిగుమతి చేసుకుంది.

న్యూఢిల్లీ: ఈక్విటీ మ్యూచువల్‌ ఫండ్స్‌ పథకాలు డిసెంబర్‌ నెలలో దుమ్మురేపాయి. అక్టోబర్‌ నెలలో నికరంగా 14 శాతం మేర పెట్టుబడులను కోల్పోయిన ఈక్విటీ ఫండ్స్‌.. తిరిగి డిసెంబర్‌ నెలలో రూ.41156 కోట్ల పెట్టుబడులను ఆకర్షించాయి. అక్టోబర్‌ నెలలో నికర ఈక్విటీ పెట్టుబడులు రూ.35,943 కోట్లతో పోల్చి చూస్తే 15 శాతం పెరిగాయి. వరుసగా 46వ నెలలోనూ ఈక్విటీ ఫండ్స్‌లో సానుకూల పెట్టుబడులు నమోదయ్యాయి. ఈక్విటీలోని అన్ని విభాగాల పథకాల్లోకి నికర పెట్టుబడులు వచ్చాయి. 2024 మొత్తం మీద ఈక్విటీ పథకాల్లో ఇన్వెస్టర్లు రూ.3.94 లక్షల కోట్లను పెట్టుబడి పెట్టారు. 2023తో పోల్చితే 144 శాతం అధికం. మ్యూచువల్‌ ఫండ్స్‌ సంస్థల అసోసియేషన్‌ (యాంఫి) ఈ మేరకు గణాంకాలను విడుదల చేసింది. ఎప్పటి మాదిరే మిడ్‌క్యాప్, స్మాల్‌క్యాప్‌ పథకాలు తమ జోరును కొనసాగించాయి. ఈ రెండు విభాగాల పట్ల ఇన్వెస్టర్లలో ఆసక్తి ఏ మాత్రం తగ్గలేదు. థీమ్యాటిక్‌/సెక్టోరల్‌ ఫండ్స్‌కు సైతం డిమాండ్‌ కొనసాగింది. డిసెంబర్‌లో డెట్‌ ఫండ్స్‌ నుంచి నికరంగా రూ.1.3 లక్షల కోట్లు బయటకు వెళ్లిపోయాయి. దీంతో మొత్తం మీద మ్యూచువల్‌ ఫండ్స్‌ పరిశ్రమ నుంచి డిసెంబర్‌లో రూ.80,355 కోట్లను ఇన్వెస్టర్లను వెనక్కి తీసుకున్నారు. ఫలితంగా పరిశ్రమ నిర్వహణలోని పెట్టుబడుల విలువ (ఏయూఎం) నెలవారీగా 1.7 శాతం తగ్గి డిసెంబర్‌ చివరికి రూ.66.9 లక్షల కోట్లకు పరిమితమైంది. విభాగాల వారీగా.. → స్మాల్‌క్యాప్, మిడ్‌క్యాప్‌ ఫండ్స్‌కు డిమాండ్‌ కొనసాగుతూనే ఉంది. స్మాల్‌ క్యాప్‌ ఫండ్స్‌లోకి రూ.4,667 కోట్ల పెట్టుబడులు వచ్చాయి. మిడ్‌క్యాప్‌ ఫండ్స్‌లోకి రూ.5,093 కోట్లు వచ్చాయి. నవంబర్‌ నెలతో పోల్చి చూస్తే స్మాల్‌క్యాప్‌లోకి 13 శాతం, మిడ్‌క్యాప్‌ ఫండ్స్‌లోకి 4 శాతం అధికంగా పెట్టుబడులు వచ్చాయి. ఇన్వెస్టర్లు అధిక రాబడుల కోసం వీటిని ఎంపిక చేసుకుంటున్నట్టు కనిపిస్తోంది. → లార్జ్‌క్యాప్‌ పథకాలు రూ.2,010 కోట్ల పెట్టుబడులను రాబట్టాయి. నవంబర్‌లో వచి్చన రూ.2,500 కోట్లతో పోల్చితే 20% తగ్గాయి. → సెక్టోరల్, థీమ్యాటిక్‌ ఫండ్స్‌ అత్యధికంగా రూ.15,331 కోట్లను ఆకర్షించాయి. నవంబర్‌లో వచి్చన రూ.7,658 కోట్లతో పోల్చితే రెట్టింపయ్యాయి. → డిసెంబర్‌లో 33 కొత్త మ్యూచువల్‌ ఫండ్‌ పథకాలు (ఎన్‌ఎఫ్‌వో) మార్కెట్లోకి వచ్చాయి. ఇవి ఇన్వెస్టర్ల నుంచి రూ.13,643 కోట్లను రాబట్టాయి. నవంబర్‌లో మొత్తం 18 ఎన్‌ఎఫ్‌వో ఇష్యూలు రాగా, అవి సమీకరించిన మొత్తం రూ.4,000 కోట్లు కావడం గమనార్హం. ఏకంగా మూడింతలకుపైగా పెరిగినట్టు తెలుస్తోంది. → ఫ్లెక్సీక్యాప్‌ ఫండ్స్‌లోకి రూ.4,770 కోట్లు వచ్చాయి. నవంబర్‌లో వచి్చన రూ.5,084 కోట్లతో పోల్చితే స్వల్పంగా తగ్గాయి. మల్టీక్యాప్‌ ఫండ్స్‌ 15 శాతం తక్కువగా రూ.3,075 కోట్లను ఆకర్షించాయి. → లార్జ్‌ అండ్‌ మిడ్‌క్యాప్‌ ఫండ్స్‌లో రూ.3,811 కోట్ల పెట్టుబడులు నమోదయ్యాయి. → గోల్డ్‌ ఎక్సే్ఛంజ్‌ ట్రేడెడ్‌ ఫండ్స్‌ రూ.640 కోట్లను ఆకర్షించాయి. 2024 సంవత్సరం మొత్తం మీద గోల్డ్‌ ఫండ్స్‌లోకి రూ.11,226 కోట్ల పెట్టుబడులు రావడం గమనార్హం.సిప్‌ పెట్టుబడుల్లో వృద్ధి సిస్టమ్యాటిక్‌ ఇన్వెస్ట్‌మెంట్‌ ప్లాన్‌ (సిప్‌) రూపంలో డిసెంబర్‌లో ఈక్విటీ పథకాల్లోకి రూ.26,459 కోట్ల పెట్టుబడులు వచ్చాయి. ఇది ఆల్‌టైమ్‌ గరిష్ట స్థాయి. నవంబర్‌ నెల సిప్‌ పెట్టుబడులు రూ.25,320 కోట్లతో పోల్చి చూస్తే 5 శాతం పెరిగాయి. అన్ని మ్యూచువల్‌ ఫండ్స్‌ సంస్థల నిర్వహణలోని సిప్‌ పెట్టుబడుల విలువ రూ.13.63 లక్షల కోట్లకు చేరింది. ఇన్వెస్టర్లలో నమ్మకానికి నిదర్శనం ‘‘ఎన్‌ఎఫ్‌వోలు, సిప్‌ పెట్టుబడులు, ఏక మొత్తంలో కొనుగోళ్లు నికర పెట్టుబడుల ప్రవాహానికి తోడ్పడ్డాయి. పెట్టుబడులు బలంగా రావడం మ్యూచువల్‌ ఫండ్స్‌ పట్ల ఇన్వెస్టర్లలో ఉన్న నమ్మకానికి నిదర్శనం’’అని కోటక్‌ మహీంద్రా ఏఎంసీ నేషనల్‌ సేల్స్‌ హెడ్‌ మనీష్‌ మెహతా తెలిపారు. మార్కెట్‌ అస్థిరతల్లోనూ సిప్‌ పెట్టుబడులు బలంగా కొనసాగడం అన్నది దీర్ఘకాల పెట్టుబడుల పట్ల ఇన్వెస్టర్లలో ఉన్న నమ్మకాన్ని తెలియజేస్తున్నట్టు మిరే అస్సెట్‌ ఇన్వెస్ట్‌మెంట్‌ మేనేజర్స్‌ డి్రస్టిబ్యూషన్‌ హెడ్‌ సురంజన బోర్తకుర్‌ పేర్కొన్నారు.

న్యూఢిల్లీ: పెట్రోల్, డీజిల్‌ వినియోగం డిసెంబర్‌ నెలలో గణనీయంగా పెరిగింది. క్రితం ఏడాది ఇదే నెలలోని వినియోగంతో పోల్చి చూస్తే, పెట్రోల్‌ అమ్మకాలు (ప్రభుత్వరంగ సంస్థల) 10 శాతం పెరిగి 2.99 మిలియన్‌ టన్నులుగా ఉన్నాయి. ప్రభుత్వరంగ ఆయిల్‌ కంపెనీలు బీపీసీఎల్, ఐవోసీఎల్, హెచ్‌పీసీఎల్‌ ద్వారా 90 శాతం ఇంధన విక్రయాలు నడుస్తుంటాయి. క్రితం ఏడాది డిసెంబర్‌ నెలలో పెట్రోల్‌ అమ్మకాలు 2.72 మిలియన్‌ టన్నులుగా ఉన్నాయి. డీజిల్‌ అమ్మకాలు సైతం 4.9 శాతం పెరిగి 7.07 మిలియన్‌ టన్నులకు చేరాయి. నవంబర్‌ నెలలోనూ పెట్రోల్, డీజిల్‌ వినియోగం క్రితం ఏడాది ఇదే నెల గణాంకాలతో పోల్చి చూసినప్పుడు 8.3 శాతం, 5.9 శాతం చొప్పున పెరగడం గమనార్హం. వరుసగా రెండో నెలలోనూ వృద్ధి నమోదైంది. డిసెంబర్‌లో క్రిస్‌మస్‌ సెలవుల సందర్భంగా పర్యటనలు పెరగడం, ఖరీఫ్‌ సాగు సందర్భంగా యంత్రాలకు ఇంధన వినియోగం పెరగడం వినియోగంలో వృద్ధికి దారితీసింది. ఇక ఈ ఏడాది నవంబర్‌ నెల విక్రయాలతో పోల్చి చూస్తే డిసెంబర్‌లో పెట్రోల్‌ అమ్మకాలు 3.6 శాతం, డీజిల్‌ అమ్మకాలు 1.7 శాతం చొప్పున తక్కువగా ఉండడం గమనార్హం. దేశ ఇంధన మార్కెట్లో 40 శాతం డీజిల్‌ రూపంలోనే వినియోగం అవుతుంటుంది. ముఖ్యంగా 70 శాతం డీజిల్‌ను రవాణా రంగం వినియోగిస్తుంటుంది. ఆ తర్వాత వ్యవసాయ రంగంలో డీజిల్‌ వినియోగం ఎక్కువగా ఉంటుంది. ఇక విమానయాన ఇంధనం (ఏటీఎఫ్‌) అమ్మకాలు డిసెంబర్‌ నెలలో క్రితం ఏడాది ఇదే నెలతో పోల్చితే 6.8 శాతం పెరిగి 6,96,400 టన్నులుగా ఉన్నాయి. వంటగ్యాస్‌ (ఎల్‌పీజీ) వినియోగం 5 శాతానికి పైగా పెరిగి 2.87 మిలియన్‌ టన్నులకు చేరింది.

దేశవ్యాప్తంగా డిసెంబర్‌ నెలలో విద్యుత్‌ వినియోగం (power consumption) గణనీయంగా పెరిగింది. 6 శాతం పెరిగి 130.40 బిలియన్‌ యూనిట్లుగా నమోదైంది. 2023 డిసెంబర్‌ నెలలో వినియోగం 123.17 బిలియన్‌ యూనిట్లుగా ఉంది. రోజువారీ గరిష్ట సరఫరా (గరిష్ట డిమాండ్‌) 224.16 గిగావాట్లుగా నమోదైంది.2024 మే నెలలో 250 గిగావాట్లు ఇప్పటి వరకు గరిష్ట రోజువారీ రికార్డుగా ఉంది. 2024 వేసవి సీజన్‌కు గరిష్ట రోజువారీ డిమాండ్‌ 260 గిగావాట్లకు చేరుకోవచ్చని కేంద్ర విద్యుత్‌ శాఖ అంచనా వేయడం గమనార్హం. ఇక 2025 వేసవి సీజన్‌కు గరిష్ట డిమాండ్‌ 270 గిగావాట్లకు చేరుకోవచ్చని భావిస్తోంది.రూమ్‌ హీటర్లు, వాటర్‌ హీటర్లు, గీజర్ల వాడకం డిసెంబర్‌లో విద్యుత్‌ వినియోగం పెరగడానికి కారణమై ఉండొచ్చని విశ్లేషకులు భావిస్తున్నారు. ఉత్తరాదిన ఉష్ణోగ్రతలు మరింత కనిష్టానికి చేరుకునే అవకాశాలతో విద్యుత్‌ వినియోగం జనవరిలోనూ అధికంగా ఉంటుందని అంచనా వేస్తున్నారు.

ముంబై: భారత ఆర్థిక వ్యవస్థ సవాళ్లను ఎదుర్కొంటూ స్థిరత్వాన్ని కొనసాగిస్తోందని రిజర్వ్‌ బ్యాంక్‌ ఆఫ్‌ ఇండియా (ఆర్‌బీఐ) నివేదిక పేర్కొంది. గ్రామీణ వినియోగం పునరుద్ధరణ, ప్రభుత్వ పెట్టుబడుల పెరుగుదల అలాగే బలమైన సేవల ఎగుమతులు భారత్‌ ఎకానమీ పటిష్టతకు కారణమవుతున్నాయని వివరించింది. ఆయా అంశాల దన్నుతో మార్చితో ముగిసే 2024–25 ఆర్థిక సంవత్సరంలో స్థూల దేశీయ ఉత్పత్తి (జీడీపీ) 6.6 శాతం నమోదవుతుందని ఆర్‌బీఐ 2024 డిసెంబర్‌ ఆర్థిక స్థిరత్వ నివేదిక (ఎఫ్‌ఎస్‌ఆర్‌) వెల్లడించింది. నివేదికలోని ముఖ్యాంశాలు.. → షెడ్యూల్‌ కమర్షియల్‌ బ్యాంకులు (ఎస్‌సీబీలు) పటిష్టంగా ఉన్నాయి. వాటి లాభదాయకత పెరుగుతోంది. మొండి బకాయిలు తగ్గుతున్నాయి. తగిన మూలధన మద్దతు లభిస్తోంది. ద్రవ్య లభ్యత (లిక్విడిటీ) బఫర్లతో గణనీయంగా శక్తివంతమయ్యాయి. రుణాలపై రాబడి (ఆర్‌ఓఏ)ఈక్విటీపై రాబడి (ఆర్‌ఓఈ) దశాబ్దాల గరిష్ట స్థాయిలో ఉండగా, స్థూల మొండిబకాయిల నిష్పత్తి పలు సంవత్సరాల కనిష్ట స్థాయికి చేరుకుంది. రుణ నాణ్యత మెరుగుపడడం బ్యాంకింగ్‌కు పూర్తి సానుకూల అంశం. స్థూల మొండిబకాయిల (జీఎన్‌పీఏ)నిష్పత్తి 2024 సెపె్టంబరు నాటికి 12 ఏళ్ల కనిష్ఠ స్థాయికి 2.6 శాతానికి తగ్గింది. → మొదటి రెండు త్రైమాసికాల్లో బలహీన వృద్ధి ఫలితాలు వచ్చినప్పటికీ, నిర్మాణాత్మక వృద్ధి అంశాలు స్థిరంగా ఉన్నా యి. 2024–25 మూడవ, నాల్గవ త్రైమాసికాల్లో వృద్ధి పునరుద్ధరణ జరుగుతుంది. దేశీయ వినియోగం, ప్రభుత్వ పెట్టుబడులు, బలమైన సేవల ఎగుమతులు, ఆర్థిక పరిస్థితులు ఇందుకు కారణంగా ఉంటాయి. → కరీఫ్, రబీ పంట భారీ దిగుబడులు ద్రవ్యోల్బణాన్ని పూర్తి అదుపులోనికి తీసుకువచ్చే అవకాశం ఉంది. æ అంతర్జాతీయ భౌగోళిక, రాజకీయ ఉద్రిక్తతలు గ్లోబల్‌ సరఫరా చైన్‌పై అలాగే కమోడిటీ ధరలపై ఒత్తిడిని పెంచే అవకాశాలు ఉన్నాయి. 2025లో వృద్ధి అవకాశాలు మెరుగు భారత ఆర్థిక వ్యవస్థకు 2025లో మంచి వృద్ధి అభివృద్ధి అవకాశాలు ఉన్నాయి. వినియోగదారులు, వ్యాపార వర్గాల్లో విశ్వాసం ఇందుకు దోహదపడుతుంది. భారత ఆర్థిక వ్యవస్థ పురోగతి, స్థిరత్వంపై మేము దృష్టి సారిస్తున్నాం. అంతర్జాతీయ సవాళ్లు ఉన్నప్పటికీ, ప్రస్తుత ఆర్థిక సంవత్సరం రెండవ భాగంలో వృద్ధి ఊపందుకుంది. – ఫైనాన్షియల్‌ స్టెబిలిటీ రిపోర్ట్‌లో ఆర్‌బీఐ గవర్నర్‌ సంజయ్‌ మల్హోత్రా ముందుమాట

న్యూఢిల్లీ: దేశ రాజధాని నగరం ఢిల్లీ(Delhi)లో వర్షం(Rain) సరికొత్త రికార్డు నమోదు చేసింది. ఏకంగా 101 ఏళ్ల తర్వాత ఢిల్లీలో డిసెంబర్‌ నెలలో 24 గంటల వ్యవధిలో అత్యధిక వర్షం నమోదై రికార్డు సృష్టించింది. శనివారం(డిసెంబర్‌ 28) ఉదయం 8.30 వరకు గడిచిన 24 గంటల్లో ఢిల్లీలో 41.2మిల్లీమీటర్ల వర్షపాతం నమోదైంది.సరిగ్గా 101 ఏళ్ల క్రితం 1923 డిసెంబర్‌ 3వ తేదీన 75.7 మిల్లీమీటర్ల వర్షం కురిసింది. ఇంతటి వర్షం తర్వాత మళ్లీ డిసెంబర్‌(December)లో శనివారమే అత్యధిక వర్షం పడింది.వాతావరణ శాఖ ఢిల్లీకి ఎల్లో అలర్ట్‌ జారీ చేసింది.వర్షం ఆగకుండా కురుస్తుండడంతో ఢిల్లీలో ఉష్ణోగ్రతలు 13డిగ్రీలకు పడిపోయాయి. వర్షం వల్ల రోడ్లపై నీరు నిలిచి పలుచోట్ల ట్రాఫిక్‌కు ఇబ్బందులు ఏర్పడ్డాయి.భారీ వర్షం కారణంగా రాజధాని నగరంలో క్షీణించిన వాయునాణ్యత ఒక్కసారిగా మెరుగుపడింది.ఇదీ చదవండి: అమ్మో ఇవేం ఎండలు

ఈ ఏడాది డిసెంబర్‌ 21కి ఓ ప్రత్యేకత ఉంది. పగటి సమయం 8 గంటలూ, రాత్రి సమయం 16 గంటలూ ఉంటుందని అంటున్నారు. కానీ, పదమూడున్నర గంటలే ఉంటుందనేది నిపుణుల అభిప్రాయం.సాధారణంగా ప్రతిరోజూ మనకు 12 గంటల పగలు 12 గంటలు రాత్రి సమయం ఉంటుంది. అయితే రుతువులను బట్టి, భూమిపై ఉన్న ప్రాంతాన్ని బట్టి పగలు – రాత్రుల సమయంలో ఎక్కువ తక్కువలూ ఉంటాయి. భూమి ఇరుసు 23.4ని కోణంలో వంగి ఉండటం వలన సూర్యుని నుండి వెలువడే సూర్యకాంతి భూమిపైన సమానంగా కాకుండా వివిధ కాలాలలో వివిధ రీతుల్లో పడుతుంది. ఫలితంగా రాత్రి–పగలు సమయాల్లో ఒక్కోసారి ఎక్కువ తేడాలు వస్తాయి. దీన్నే ‘ఆయనాతం’ అంటారు.సంవత్సరంలో రెండుసార్లు అయనాతం ఏర్పడుతుంది. మొదటిది వేసవి కాలపు ఆయనాతం కాగా, రెండవది శీతాకాలపు ఆయనాతం. శీతాకాలపు ఆయనాతం డిసెంబర్‌ 19–23 తేదీల మధ్యలో ఏదో ఒక రోజు ఏర్పడుతుంది. ఈరోజు మనం చూసేది శీతాకాలపు అయనా తాన్నే. ఇదే సమయంలో ఆస్ట్రేలియా వంటి ప్రాంతాల్లో పగలు ఎక్కువగా ఉండి రాత్రి తక్కువగా ఉంటుంది. శీతకాల ఆయనాతంతో భూమి ఉత్తరాయణం ప్రారంభిస్తుంది. అంటే... సూర్యుడు ఉత్తర దిశ వైపుకు కదలడం ప్రారంభిస్తాడు. అదే క్రమంలో జనవరి నుండి పగలు సమయం క్రమంగా పెరుగుతూ రాత్రి సమయం క్రమంగా తగ్గుతుంది.చ‌ద‌వండి: పురాతన నిధిలో గ్రహాంతర పదార్థాలు..!అయనాతం వంటి వాటిని ఆసరా చేసుకుని కొంతమంది ప్రత్యేక పూజలు చేస్తామంటూ కల్లబొల్లి మాటలతో ప్రజలను మోసం చేసే అవకాశం ఉంది. గ్రహణం ఏర్పడడం, ఆయనాతం ఏర్పడడం, నెలలో ఒకసారి పౌర్ణమి, ఒకసారి అమావాస్య ఏర్పడడం... ఇవన్నీ ప్రకృతిలో చోటు చేసుకునే సహజ ప్రకియలు. శాస్త్రీయ సమాచారాన్ని అర్థం చేసుకుని మోసగాళ్ల పాలబడకుండా జాగ్రత్తగా ఉండాలి. మూఢనమ్మకాలను నిర్మూలించి శాస్త్రీయ సమాజం నిర్మించేందుకు ప్రతి ఒక్కరూ కృషి చేయాలి.– చార్వాక, సైంటిఫిక్‌ స్టూడెంట్‌ ఫెడరేషన్‌ నేషనల్‌ కోఆర్డినేటర్‌

2024 డిసెంబర్ నెల ముగియడానికి కేవలం కొన్ని రోజులు మాత్రమే మిగిలి ఉన్నాయి. కాగా బ్యాంకులకు ఈ నెలలో వరుస సెలవులు రానున్నాయి. ఈ సెలవులు తెలుగు రాష్ట్రాల్లోని బ్యాంకులకు వర్తిస్తాయా?.. సెలవు రోజుల్లో ఆన్‌లైన్ కార్యకలాపాల పరిస్థితి ఏమిటి? అనే వివరాలు ఈ కథనంలో వివరంగా తెలుసుకుందాం.➤డిసెంబర్ 25న క్రిస్మస్, కాబట్టి దేశంలోని అన్ని బ్యాంకులకు సెలవు.➤డిసెంబర్ 26, 27వ తేదీలలో మిజోరం, నాగాలాండ్, మేఘాలయ ప్రాంతాల్లో క్రిస్మస్ వేడుకలు జరుగుతాయి. ఈ కారణంగా అక్కడి బ్యాంకులకు మాత్రమే సెలవు.➤డిసెంబర్ 28, 29వ తేదీలు వరుసగా నాల్గవ శనివారం, ఆదివారం. ఈ కారణంగా దేశంలోని అన్ని బ్యాంకులకు సెలవు.➤డిసెంబర్ 30వ తేదీ మేఘాలయాలో యు కియాంగ్ నంగ్బా.. ఈ సందర్భంగా అక్కడి బ్యాంకులకు సెలవు.బ్యాంకులకు వెళ్లి చేసుకోవాల్సిన ఏదైనా అత్యవసరమైన పనిని.. సెలవులను గమనించి ముందుగానే పూర్తి చేసుకోవాలి. అయితే ఆన్‌లైన్ సేవలు అన్నీ సెలవు దినాల్లో కూడా అందుబాటులో ఉంటాయి. కాబట్టి ఆన్‌లైన్ లావాదేవీలకు ఎలాంటి ఆటంకం ఉండదు.(బ్యాంకింగ్ సెలవుల షెడ్యూల్‌ మారవచ్చు.. కాబట్టి హాలిడే క్యాలెండర్‌లో ఏవైనా అప్‌డేట్‌లు లేదా రివిజన్‌ల కోసం రిజర్వ్ బ్యాంక్ ఆఫ్ ఇండియా.. లేదా మీ సంబంధిత రాష్ట్ర ప్రభుత్వాల అధికారిక ప్రకటనలను గమనించాల్సి ఉంటుంది.)

గత నెలలో దేశీ స్టాక్స్‌లో భారీగా ఇన్వెస్ట్‌ చేసిన విదేశీ పోర్ట్‌ఫోలియో ఇన్వెస్టర్లు(ఎఫ్‌పీఐలు) ఈ నెల(డిసెంబర్‌)లోనూ కొనుగోళ్లకే ఆసక్తి చూపుతున్నారు. వెరసి ఈ నెల తొలి రెండు వారాల్లో ఎఫ్‌పీఐలు రూ. 22,766 కోట్ల విలువైన స్టాక్స్‌ సొంతం చేసుకున్నారు. ఇందుకు ప్రధానంగా యూఎస్‌ ఫెడరల్‌ రిజర్వ్‌ వడ్డీ రేట్ల కోత అంచనాలు ప్రభావం చూపుతున్నాయి. కాగా.. అక్టోబర్‌లో మార్కెట్‌ చరిత్రలోనే అత్యధికంగా రూ. 94,017 కోట్ల విలువైన అమ్మకాలు చేపట్టిన విదేశీ ఇన్వెస్టర్లు నవంబర్‌లోనూ నికరంగా 21,612 కోట్ల పెట్టుబడులు వెనక్కి తీసుకున్న సంగతి తెలిసిందే. అయితే సెపె్టంబర్‌లో గత 9 నెలల్లోనే అధికంగా రూ. 57,724 కోట్లు ఇన్వెస్ట్‌ చేయడం గమనార్హం!

వింటర్‌ అంటేనే వెచ్చని పార్టీల సీజన్‌. చల్లని వాతావరణంలో పుట్టే లేజీనెస్‌ను వేడి వేడి క్రేజీ పార్టీస్‌ ద్వారా తరిమికొట్టడం సిటీ పార్టీ లవర్స్‌కి అలవాటు. అందుకే డిసెంబర్‌ నెల వచ్చెరా అంటే పార్టీలకు వేళాయెరా అన్నట్టు ఉంటుంది. క్రిస్మస్‌ నుంచి సంక్రాంతి వరకూ వరుసగా హోరెత్తే వేడుకల్లో అటు పండుగలు ఇటు న్యూ ఇయర్‌ లాంటి సంబరాలు కలగలసి ఎక్కడలేని సందడినీ మోసుకొస్తాయి. ఇప్పటికే చలితో పాటు పారీ్టల సందడి కూడా సిటీని కమ్ముకుంది. ఈ నేపథ్యంలో నగరంలో క్రేజీగా మారిన కొన్ని పార్టీస్టైల్స్‌ గురించి.. నలుగురమూ కలిశామా.. తిన్నామా.. తాగామా.. తెల్లారిందా.. అన్నట్టు కాకుండా తాము నిర్వహించే పార్టీలకు ఆసక్తికరమైన థీమ్‌ జతచేయడం అనే అలవాటు నగరంలో ఎప్పటికప్పుడు కొత్త పుంతలు తొక్కుతోంది. తమ వేడుకని కొన్ని రోజుల పాటు టాక్‌ ఆఫ్‌ ది టౌన్‌గా మార్చాలని పార్టీ లవర్స్‌ ఆలోచిస్తున్నారు. అందుకు అనుగుణంగా వెరైటీ థీమ్స్‌ అన్వేíÙస్తున్నారు. దీంతో వెరైటీ పార్టీస్‌ పుట్టుకొస్తున్నాయి వాటిలో కొన్ని.. ట్విన్నింగ్‌.. స్టన్నింగ్‌.. తల్లీ కూతుళ్లు కావచ్చు, తండ్రీ కొడుకులు కావచ్చు.. భార్యాభర్తలు కూడా కావచ్చు.. కలిసి పుట్టకపోయినా కవలలం కాకపోయినా మేం ఇద్దరం కాదు ఒక్కరమే.. అనే భావన వచ్చేలా అనుబంధాన్ని ఆవిష్కరించే అవకాశాన్ని అందిస్తుందీ ట్విన్నింగ్‌ పార్టీ. ఇటీవల నగరంలో పలు చోట్ల దీనిని ఏర్పాటు చేస్తున్నారు. ఈ పార్టీకి వచ్చే అతిథులు జంటగా వస్తారు. ఒకే రంగు దుస్తులు ధరించడం దగ్గర నుంచి వారిద్దరి మధ్య అనుబంధాన్ని వీలున్నన్ని మార్గాల్లో వ్యక్తీకరించడమే ఈ పార్టీల్లో థీమ్‌. ఫ్యూజన్‌.. ఫన్‌.. భారతీయతను, పాశ్యాత్య రీతులను కలగలిపేదే ఫ్యూజన్‌ పార్టీ. వీటినే ఇండో వెస్ట్రన్‌ పారీ్టస్‌ అని కూడా పిలుస్తున్నారు. ఈ పార్టీలో వేడుక జరిగే ప్రదేశం అలంకరణ నుంచీ వస్త్రధారణ వరకూ ఫ్యూజన్‌ శైలి ప్రతిఫలిస్తుంది. ఉదాహరణకు లాంతర్లు, దీపాలు వంటి సంప్రదాయ వెలుగుల సరసనే ఎల్‌ఈడీ లైట్స్‌ అలంకరించడం.. అదే విధంగా అతిథులు లెహంగా, స్కర్ట్స్‌కు క్రాప్‌ టాప్స్‌ను జత చేయడం లేదా కుర్తా షర్ట్స్‌కు జీన్స్‌ కలపడం.. ఇలా ఉంటుంది. వంటకాల నుంచి కాక్‌టైల్స్‌ వరకూ విందు వినోదాలన్నీ భారతీయ, పాశ్చాత్య మేళవింపుతోనే ఉంటాయి. రాయల్టీ.. పార్టీ.. ఇండియన్‌ రాయల్టీ థీమ్‌తో నిర్వహించే పార్టీలో అంతా రిచ్‌ లుక్‌ ఉట్టిపడుతుంది. సిల్‌్క, వెల్వెట్, గోల్డ్, రెడ్‌ రాయల్‌ బ్లూ.. కలర్‌ ఫ్యాబ్రిక్‌తో పార్టీ ప్రదేశం అంతా అలంకరణతో మెరిసిపోతుంటుంది. వింటేజ్‌ క్యాండిల్‌బ్రాస్, రాయల్‌ థ్రోన్స్, గ్రాండ్‌ షాండ్లియర్స్‌.. వగైరాలతో రిచ్‌ టచ్‌ ఇస్తాయి. అతిథులు ఖరీదైన దేశంలో పేరొందిన ప్రాంతాల దుస్తులు, షేర్వానీ.. వగైరాలు ధరిస్తారు. వెండి ప్లేట్లలో విందు వడ్డిస్తుంటే.. అందుకు తగిన నేపథ్యంలో లైవ్‌ గజల్స్‌ తరహా సంగీతాలు వినిపిస్తుంటాయి. బాలీవుడ్‌.. స్టైల్‌.. నగరం టాలీవుడ్‌కి కేరాఫ్‌ అయినప్పటికీ.. పారీ్టస్‌ ఇచ్చిపుచ్చుకోడంలో బాలీవుడ్‌ స్టైల్‌ పారీ్ట.. అంటూ ఒకటి ఉంది తప్ప టాలీవుడ్‌ థీమ్‌ ఇంకా తెరకెక్కలేదు. ఈ పారీ్టలో బాలీవుడ్‌ పోస్టర్స్, ఫెయిరీ లైట్స్, క్లాసిక్‌ బాలీవుడ్‌ లైవ్‌ మ్యూజిక్‌.. ఏర్పాటు చేస్తారు. అక్కడ ఏర్పాటు చేసిన డ్యాన్స్‌ ఫ్లోర్‌పై బాలీవుడ్‌ హిట్స్‌కి అతిథులు తమ అభిమాన చిత్రంలోని స్టెప్స్‌ జత చేస్తారు. ఈ పార్టీలోనే బెస్ట్‌ డ్యాన్సర్, మోస్ట్‌ గ్లామరస్‌ అవుట్‌ ఫిట్‌.. తదితర సరదా అవార్డ్స్‌ కూడా ఉంటాయి. పూల్‌.. పారీ్టస్‌.. నగరంలోని స్టార్‌ హోటల్స్‌లో మాత్రమే కాదు కొందరి సొంత భవనాల్లోనూ కొందరికి స్విమ్మింగ్‌ పూల్స్‌ ఉన్నాయి. కేవలం స్విమ్మింగ్‌కు మాత్రమే కాదు పారీ్టలకు కూడా పూల్‌ కేరాఫ్‌గా మారింది. పూల్‌ దగ్గర నిర్వహించే పారీ్టస్‌ కోసం పూల్‌ ఆవరణం మొత్తం ఆక్వా థీమ్‌తో డెకరేట్‌ చేస్తున్నారు. ఈవెంట్‌ మొత్తం పూల్‌ దగ్గరే జరుగుతుంది. వాటర్‌ గేమ్స్, ఆక్వా డ్యాన్స్‌ తదితర సరదా ఆటలూ పూల్‌ రీడింగ్స్‌ వంటి ఆసక్తికరమైన సెషన్లూ ఉంటాయి. పూల్‌ పారీ్టలో భాగంగా పగలూ రాత్రీ లైట్ల ధగధగల మధ్య నీళ్లలో జలకాలాటలు ఉర్రూతలూగిస్తాయి. పాట్‌ లాక్‌.. ఫుడ్‌ క్లిక్‌.. చాలా కాలంగా వాడుకలో ఉన్న సంబరాల శైలి ఇది. అయినప్పటికీ దీనికి ఇంకా క్రేజ్‌ తగ్గలేదు. ఇంట్లోనే నిర్వహించుకోవడం, ఎన్నో రకాల ఇంటి వంటలు ఆస్వాదించే వీలుండడం ఈ పాట్‌లాక్‌ని బాగా క్లిక్‌ చేసింది. పాట్‌లాక్‌ కోసం ఒక వ్యక్తి హోస్ట్‌గా ఉంటే ఆ వ్యక్తి ఇంటికి అందరూ తమకు బాగా నచి్చన, వచి్చన వంటకాన్ని తయారు చేసి తీసుకెళతారు. అలా పెద్ద సంఖ్యలో పోగైన ఆహారపదార్థాలను రుచి చూస్తూ గేమ్స్, అంత్యాక్షరి వంటివాటితో సందడిగా గడిపేస్తారు. ఆరోగ్యకరం.. ఆర్గానిక్‌.. ఆహారంలో, ఆహార్యంలో ఇప్పటికే సహజత్వంవైపు సిటిజనులు భారీగా దృష్టి సారించిన సంగతి తెలిసిందే. ఇప్పుడీ పోకడ పారీ్టస్‌కి కూడా అంటుకుంది. ఎకో ఫ్రెండ్లీ లేదా ఆర్గానిక్‌ పార్టీలు షురూ అయ్యాయి. నగరంలో చాలా మందికి శివార్లలో పార్మ్‌ హౌజ్‌లు ఉన్న నేపథ్యంలో ఒక్కోసారి ఒక్కో ఫార్మ్‌ హౌజ్‌లో పార్టీ ప్లాన్‌ చేసుకుంటున్నారు. అక్కడ కాసేపు ఆటపాటలతో పాటు సహజ పద్ధతిలో తయారైన వంటకాలను ఆస్వాదించి పచ్చని ప్రకృతిలో సేదతీరి తిరిగి వస్తున్నారు. డెస్టినేషన్‌..ప్యాషన్‌.. ఉన్న ఊర్లో సెలబ్రేషన్స్‌ చేసుకోవడం ఎలా ఉన్నా.. ఊరు దాటి వెళ్లాం అంటే తెలియని ఫ్రీడమ్‌ ఫీలింగ్‌ వచ్చేసి ఆటోమెటిగ్గా సందడి మొదలైపోతుంది. డెస్టినేషన్‌ పారీ్టలు నగరంలో క్లిక్‌ అవడానకి కారణం అదే. ప్రస్తుతం బ్యాచిలర్‌ పారీ్టలు ఎక్కువగా డెస్టినేషన్‌ ఈవెంట్స్‌గా మారాయని నగరానికి చెందిన ఉత్సవ్‌ ఈవెంట్స్‌ నిర్వాహకులు రాజ్‌కిషోర్‌ అంటున్నారు. సిటీకి దగ్గరలో ఉన్న అనంతగిరి మొదలుకుని కాస్త దూరంలో ఉన్న లోనావాలా, దండేలి, మతేరన్‌ తదితర హిల్‌ స్టేషన్స్‌ వరకూ డెస్టినేషన్‌ పారీ్టస్‌ జరుగుతున్నాయి.ట్రెడిషనల్‌గా.. ట్రెండీగా.. సంక్రాంతి టైమ్‌లో ట్రెడిషనల్‌ పారీ్టస్‌ ఎక్కువగా జరుగుతుంటాయి. వేడుక అంతా సంప్రదాయబద్ధంగా జరుగుతుంది. ముగ్గులు, జానపద గీతాలు పాడడం, కల్చరల్‌ యాక్టివిటీస్‌ ఉంటాయి. వీటికి తమ టీనేజ్‌ పిల్లల్ని తీసుకు రావడానికి పార్టీ ప్రియులు ఇష్టపడుతున్నారని పార్టీ ఆర్గనైజర్‌ విశాల చెప్పారు. దీని వల్ల వారికి మన సంప్రదాయాలపై మక్కువ, అవగాహన ఏర్పడుతుందనే ఆలోచనే దీనికి కారణమన్నారు.

2024 ముగుస్తోంది. లెక్కకు మించిన స్మార్ట్‌ఫోన్‌లు మార్కెట్లో అందుబాటులో ఉన్నాయి. ఈ కథనంలో రూ.25,000 లోపు ధర వద్ద లభించే బెస్ట్ స్మార్ట్‌ఫోన్‌ల గురించి వివరంగా తెలుసుకుందాం.వన్‌ప్లస్‌ నార్డ్ సీఈ4 (OnePlus Nord CE4)ప్రస్తుతం మార్కెట్లో రూ. 25వేలలోపు ధర వద్ద లభిస్తున్న అత్యుత్తమ స్మార్ట్‌ఫోన్‌లలో 'వన్‌ప్లస్‌ నార్డ్ సీఈ4' ఒకటి. ఇది మంచి పనితీరును అందించడం మాత్రమే కాకుండా.. బ్యాటరీ కెపాసిటీ కూడా ఉత్తమగానే ఉంటుంది. 6.74 ఇంచెస్ వైబ్రెంట్ అమోలెడ్ డిస్‌ప్లే కలిగి ఉన్న ఈ ఫోన్ స్నాప్‌డ్రాగన్ 7 జెన్ 3 చిప్‌సెట్ పొందుతుంది. మంచి ఫోటోల కోసం లేదా ఫ్లాగ్‌షిప్ గ్రేడ్ డిస్‌ప్లే క్వాలిటీ వంటివి కోరుకునవారికి ఇది బెస్ట్ ఆప్షన్.రెడ్‌మీ నోట్ 13 ప్రో (Redmi Note 13 Pro)మంచి డిస్‌ప్లే, బెస్ట్ పర్ఫామెన్స్ కోరుకునే వారికి 'రెడ్‌మీ నోట్ 13 ప్రో' ఉత్తమ ఎంపిక. దీని ధర కూడా రూ. 25వేలు కంటే తక్కువే. 6.67 ఇంచెస్ 1.5కే అమోలెడ్ డిస్‌ప్లే కలిగిన ఈ ఫోన్.. 120 Hz అడాప్టివ్ రిఫ్రెష్ రేట్ పొందుతుంది. ఇందులో స్నాప్‌డ్రాగన్ 7ఎస్ జెన్ 2 ప్రాసెసర్ ఉంటుంది. 5100mAh కెపాసిటీ కలిగిన బ్యాటరీ రోజంతా పనిచేస్తుంది.మోటరోలా ఎడ్జ్ 50 ఫ్యూజన్ (Motorola Edge 50 Fusion)అద్భుతమైన డిజైన్ కలిగి, మంచి పనితీరును అందించే స్మార్ట్‌ఫోన్‌ కోసం ఎదురు చూసేవారికి మోటరోలా ఎడ్జ్ 50 ఫ్యూజన్ ఓ మంచి ఆప్షన్. ఇది స్నాప్‌డ్రాగన్ 7ఎస్ జెన్ 2 ప్రాసెసర్ పొందుతుంది. ఈ స్మార్ట్‌ఫోన్‌ డిస్‌ప్లే 6.7 ఇంచెస్ వరకు ఉంటుంది. ఇందులోని 5000 mAh బ్యాటరీ.. 68 వాట్స్ ఫాస్ట్ ఛార్జర్‌కు సపోర్ట్ చేస్తుంది.మోటరోలా ఎడ్జ్ 50 నియో (Motorola Edge 50 Neo)మోటరోలా ఎడ్జ్ 50 నియో కూడా మన జాబితాలో చెప్పుకోదగ్గ స్మార్ట్‌ఫోన్. ఇది డైనమిక్ 120 Hz రిఫ్రెష్ రేట్‌తో కూడిన.. 6.4 ఇంచెస్ డిస్‌ప్లే పొందుతుంది. IP68 వాటర్ రెసిస్టెన్స్, 15 వాట్స్ వైర్‌లెస్ ఛార్జింగ్, గుండ్రంగా ఉండే కెమెరా సిస్టమ్ వంటి ఫీచర్స్ ఇందులో ఉన్నాయి. 50 MP ప్రైమరీ లెన్స్ & 32 MP సెల్ఫీ షూటర్‌ వంటివి ఈ స్మార్ట్‌ఫోన్‌లో ఉన్నాయి.వివో టీ3 ప్రో (Vivo T3 Pro)లెదర్ బ్యాక్‌తో సొగసైన.. స్లిమ్ డిజైన్‌ పొందిన ఈ స్మార్ట్‌ఫోన్ 6.77 ఇంచెస్ అమోలెడ్ డిస్‌ప్లే పొందుతుంది. క్వాల్‌కామ్ స్నాప్‌డ్రాగన్ 7 జెన్ 3 చిప్‌సెట్ కలిగిన ఈ ఫోన్ 5500 mAh బ్యాటరీ పొందుతుంది. డ్యూయల్ రియర్ కెమెరా సెటప్ కలిగి ఉండటం వల్ల తక్కువ కాంతిలో కూడా ఫోటోలు తీసుకోవడానికి ఉత్తమంగా ఉంటుంది.నథింగ్ ఫోన్ (2ఏ) (Nothing Phone (2a))పాలికార్బోనేట్ బ్యాక్‌తో, ప్లాస్టిక్ బిల్డ్ కలిగిన ఈ ప్రీమియం ఫోన్ ధర కూడా రూ. 25వేలు కంటే తక్కువే. ఇందులోని గ్లిఫ్ ఇంటర్‌ఫేస్ ప్రత్యేకంగా నిలుస్తుంది. రోజువారీ వినియోగానికి మాత్రమే కాకుండా.. గేమింగ్ కోసం కూడా ఇది చాలా అనుకూలంగా ఉంటుంది. 5000 mAh బ్యాటరీ కలిగిన ఈ ఫోన్ రోజు వినియోగాన్ని నిర్ధారిస్తుంది. ఇది డ్యూయల్ 50 MP రియర్ కెమెరాలు కలిగి ఉండటం వల్ల ఉత్తమ ఫోటో అనుభవాన్ని పొందవచ్చు.

గో ఆధారిత ప్రకృతి వ్యవసాయదారుల సంఘం, ఏపీ రైతు సాధికార సంస్థ, ప్రకృతి వ్యవసాయదారుల సేవాల సంఘం సంయుక్తంగా డిసెంబర్‌ 12 నుంచి 15వ తేదీ వరకు విశాఖపట్నంలోని ఆంధ్ర యూనివర్సిటీ ఇంజనీరింగ్‌ కళాశాల మైదానంలో 5వ విశాఖ ఆర్గానిక్‌ మేళా నిర్వహించనున్నాయి. రైతులు, ప్రకృతి/ సేంద్రియ వ్యవసాయదారులు, ఆహారోత్పత్తుల ఉత్పత్తిదారుల, వినియోగదారులు పెద్ద ఎత్తున పాల్గొనాలని నిర్వాహకులు పిలుపునిచ్చారు. 12న ఉ. 10 గంటలకు ప్రారంభోత్సవంతో పాటు సేంద్రియ/ప్రకృతి వ్యవసాయదారుల సమ్మేళనం ఉంటుంది. 13న ఉ. 10 గం.కు ఆరోగ్య అవగాహన సదస్సు, 14న ఆహార ప్రాసెసింగ్‌పై సదస్సు, 15 సేంద్రియ ఇంటిపంటలు/ మిద్దె తోటల సదస్సు, ముగింపు సమావేశం జరుగుతాయి. అందరూ ఆహ్వానితులే. ఇతర వివరాలకు.. 78934 56163, 91001 86522. ఇదీ చదవండి : నిలువు పుచ్చ తోట!అవును..నిజమే!

ప్రయాణం చేస్తూనే అల్పాహారం తీసుకోవాలనుకున్న ఓ యువ ప్రొఫెషనల్‌ దీని కోసం అరటి వాల్‌నట్‌ కేక్‌ తయారు చేసుకుంటాడు. బిజీగా ఉండే ఓ మోడ్రన్‌ మదర్‌.. చిన్నపిల్లల స్నాక్‌ బాక్స్‌ కోసం తన ప్యాంట్రీలో నిల్వ చేసిన ఫ్రూట్‌ పుడ్డింగ్‌ కేక్‌ని బయటకు తీసి రెడీగా ఉంచుతుంది. ఇలా ఉదయాన్నే తీసుకునే అల్పాహారం నుంచి రాత్రి పూట ఆస్వాదించే బ్రౌనీస్‌ వరకూ.. కేక్స్‌ నగరవాసుల వేగవంతమైన డైలీ రొటీన్‌లో భాగం అయిపోయాయి. ఇక న్యూఇయర్‌ని, క్రిస్మస్‌లను మోసుకొచ్చే డిసెంబర్‌ నెలలో అయితే కేక్‌ల సందడికి హద్దే ఉండదని చెప్పాలి. కేకుల వినియోగంలో సౌలభ్యంతో పాటు వాటి రుచి కారణంగా చాలా మందికి ఆహారపరంగా ప్రాధాన్యత జాబితాలో అగ్రస్థానంలో ఉన్నాయి. లాక్‌డౌన్‌ సమయంలో ఇళ్లకే పరిమితమైన సిటిజనులు హోమ్‌ బేకింగ్‌ను అలవాటు చేసుకున్నారు. అలా పదుల సంఖ్యలో పుట్టుకొచి్చన హోమ్‌ బేకర్స్‌.. ఆన్‌లైన్‌ వేదికగా అనేక మందికి వీటిని చేరువ చేశారు. దీంతో ఈ డెజర్ట్‌ సిటిజనులకు మరింత ఇష్టమైన ఆహారంగా మారింది. హాట్‌ కేక్‌.. ఈట్‌ రైట్‌.. సిటీలో విరివిగా వినియోగంలో ఉన్నవాటిని ప్యాకేజ్డ్‌ కేకులు: ఆరి్టసానల్‌ కేక్‌లుగా విభజించవచ్చు. వీటిలో స్పాంజ్‌ కేక్‌లు, కప్‌ కేక్‌లు, చీజ్‌ కేక్‌లు, కేక్‌ పాప్స్‌ వంటివి వేగంగా తినే పని ముగించాలనుకునేవారికి ఇష్టమైనవిగా మారాయి. దీనికి తోడు పలు బ్రాండ్స్‌ మార్కెట్లోకి ప్రవేశపెడుతున్న వివిధ రుచులు ఆకట్టుకునే ప్యాకేజ్‌లతో మరింతగా ఆదరణ దక్కించుకుంటున్నాయి. ప్లెయిన్‌ స్పాంజ్‌ కేకులు, ఫ్రాస్టెడ్‌ ఐసింగ్, స్విస్‌ రోల్స్, ఫ్రూట్‌ ఫిల్డ్‌ మఫిన్‌ల వరకు అందుబాటులో ఉన్న అనేక రకాల ప్యాకేజ్డ్‌ కేక్‌లకు డిమాండ్‌ బాగా ఉంది. గులాబ్‌ జామూన్, రస్‌మలై కేకులు లేదా ఫిర్ని తిరమిసు ఇలా బ్రెడ్‌ తయారీదారులు మన రుచులతో పాశ్చాత్య డెజర్ట్‌లను చొప్పిస్తున్నారు. పండుగలకూ పసందే.. పుట్టిన రోజులు లేదా వివాహాలతో పాటు కేక్‌ సంప్రదాయం భారతీయ పండుగలకు కూడా విస్తరించింది. రాఖీ, దీపావళి భాయ్‌ దూజ్‌ వంటి పండుగలు సంప్రదాయ స్వీట్లు – బహుమతులతో పాటు కేక్‌లను బహుమతిగా ఇచ్చే వారి సంఖ్య పెరుగుతోంది. సంప్రదాయ స్వీట్‌లు ఇప్పటికీ పెద్ద ఎత్తున ఆదరణ పొందుతున్నప్పటికీ, కేక్‌ను బహుమతిగా ఇవ్వడం అనేది కూడా క్రమక్రమంగా ఊపందుకుంటోంది. అలా ఇచ్చి పుచ్చుకోవాలనుకునేవారి కోసం రిచ్‌ ప్లమ్‌ కేక్, విక్టోరియన్‌ ప్లమ్‌ కేక్, చాకొలెట్‌ ఐసింగ్‌ కేక్, వెనీలా ఐసింగ్‌ కేక్, పైనాపిల్, స్ట్రాబెర్రీ, బట్టర్‌ స్కాచ్, బ్లాక్‌ ఫారెస్ట్‌ కేకులతో పాటు ఫ్రెష్‌ ఫ్రూట్‌ కేక్, క్యారామిల్‌ కేక్, చాకొలెట్‌ ఆల్మండ్‌ కేక్‌.. వంటì వెన్నో.. సిటీ మార్కెట్లో సందడి చేస్తున్నాయి. ఊపుతెచ్చిన.. ఈ–కామర్స్‌ఇ–కామర్స్‌ ప్లాట్‌ఫారమ్‌ల వల్ల కొన్ని గంటల్లో ఫ్యాన్సీ కేక్‌లను పంపడం/స్వీకరించడం çసర్వసాధారణమైపోయింది. కేక్‌ గిఫ్టింగ్‌ కోసం ఈ ప్లాట్‌ఫారమ్‌ల ద్వారా కొనుగోలు చేసి, బహుమతిగా పంపే సౌలభ్యంతో కేక్‌ల విక్రయాల్లో 12–15% పెంపునకు ఈ సైట్లు కారణమయ్యాయని అంచనా. ప్రముఖ ఆన్‌లైన్‌ బేకరీ రిటైల్‌ చైన్‌ అయిన విన్నీ విక్రయాల తీరు రాఖీ, భాయ్‌ దూజ్‌ లేదా దీపావళి వంటి పండుగల సమయంలో డిమాండ్‌కు అద్దం పడుతోంది. ఏతావాతా ప్లాట్‌ఫారమ్‌ల వెల్లువ కేక్‌ గిఫ్టింగ్‌ మార్కెట్‌ వృద్ధికి గణనీయంగా దోహదపడింది. రాఖీ, భైదూజ్‌ దీపావళి వంటి పండుగల సమయంలో కేక్‌ విక్రయాల దాదాపు 20% వృద్ధి రేటును చూసింది. సోషల్‌.. సోస్టైల్‌.. డిజైనర్‌ కేక్స్‌ హవాకు సోషల్‌ మీడియా ఆజ్యం పోస్తోంది. ఆకర్షణీయమైన వెరైటీలను సోషల్‌ వేదికలపై ఇన్‌ఫ్లుయెన్సర్లు, ఫుడ్‌ బ్లాగర్‌లు తాజా కేక్‌ డిజైన్‌లను క్రమం తప్పకుండా ప్రదర్శిస్తున్నారు. తద్వారా ప్రత్యేక సందర్భాలకు తగ్గట్టుగా డిజైన్‌ చేసిన కేక్‌ల వైపు వినియోగదారుల చూపు మళ్లేలా చేస్తున్నారు. పరిశ్రమ నివేదికల ప్రకారం, సోషల్‌ మీడియా ప్రభావం వల్ల దేశంలో కేక్‌ మార్కెట్‌ కొన్ని సంవత్సరాలుగా 20శాతం వరకూ పెరుగుతోందట.సందర్భమేదైనా.. సందడి కేక్స్‌దే.. ఒకప్పుడు కేక్స్‌ను కేవలం బర్త్‌డేలకు మాత్రమే ఎక్కువగా వినియోగించేవారు. క్రిస్మస్, న్యూ ఇయర్‌లతో పాటు ఇప్పుడు ఇవి విభిన్న సందర్భాలకు విస్తరించాయి. చిన్నారుల పుట్టిన రోజుల్ని ప్రతినెలా జరపడం దగ్గర నుంచీ వివాహ వార్షికోత్సవాల దాకా అలాగే కొత్తగా జాబ్‌లో చేరడం దగ్గర నుంచీ ప్రమోషన్స్, పదవీ విరమణ దాకా.. ఇలా అనేకానేక సందర్భాలకు కేక్స్‌ను వినియోగించడం జరుగుతోంది. పైనాపిల్‌ కేక్, బటర్‌స్కాచ్‌ కేక్, ఛీజ్‌ కేక్, బిస్కోటి కేక్‌.. తదితర వెరైటీలకు ఫుల్‌ డిమాండ్‌ ఉంది. – సయ్యద్‌ ఇర్ఫాన్, సుభాన్‌ బేకరీ

Bank Holidays in December 2024: నవంబర్ నెల ముగింపునకు వచ్చేసింది. త్వరలో డిసెంబర్‌ నెల ప్రారంభం కాబోతోంది. ఈ నేపథ్యంలో రాబోయే నెలలో బ్యాంకులు ఏయే రోజుల్లో పనిచేస్తాయి.. ఏయే రోజుల్లో మూతపడతాయి అన్న వివరాలతో డిసెంబర్ బ్యాంక్ సెలవుల పూర్తి జాబితాను ఇక్కడ అందిస్తున్నాం..ఆర్బీఐ ప్రకటించిన సెలవుల జాబితా ప్రకారం.. డిసెంబర్‌ నెలలో ప్రభుత్వ, ప్రైవేట్‌ బ్యాంకులకు అధిక మొత్తంలో వరుస సెలవులు ఉన్నాయి. ముఖ్యంగా పండుగలు, ప్రాంతీయ, జాతీయ విశేష సందర్భాల నేపథ్యంలో బ్యాంకులు కొన్ని రోజులే పనిచేయనున్నాయి.డిసెంబర్‌లో బ్యాంకులకు వారాంతపు సెలవులతో సహా కనీసం 17 లిస్టెడ్ సెలవులు ఉన్నాయి. కొన్ని దీర్ఘ వారాంతాల్లో కూడా ఉన్నాయి. కాబట్టి బ్యాంకుకు మీ సందర్శనలను తదనుగుణంగా ప్లాన్ చేసుకోండి. బ్యాంక్ సెలవులు దేశంలోని రాష్ట్రాల నుండి రాష్ట్రాలకు మారుతూ ఉంటాయి.డిసెంబర్‌లో బ్యాంక్ సెలవుల పూర్తి జాబితాడిసెంబర్ 1 - ఆదివారండిసెంబర్ 3 - శుక్రవారం - సెయింట్ ఫ్రాన్సిస్ జేవియర్ ఫీస్ట్‌ (గోవా)డిసెంబర్ 8 - ఆదివారం డిసెంబర్ 12 - మంగళవారం - పా-టోగన్ నెంగ్మింజ సంగ్మా (మేఘాలయ)డిసెంబర్ 14 - రెండవ శనివారండిసెంబర్ 15 - ఆదివారండిసెంబర్ 18 - బుధవారం - యు సోసో థామ్ వర్ధంతి (మేఘాలయ)డిసెంబర్ 19 - గురువారం - గోవా విమోచన దినం (గోవా)డిసెంబర్ 22 - ఆదివారండిసెంబర్ 24 - మంగళవారం - క్రిస్మస్ ఈవ్ (మిజోరం, నాగాలాండ్, మేఘాలయ)డిసెంబర్ 25 - బుధవారం - క్రిస్మస్ (దేశమంతా)డిసెంబర్ 26 - గురువారం - క్రిస్మస్ వేడుక (మిజోరం, నాగాలాండ్, మేఘాలయ)డిసెంబర్ 27 - శుక్రవారం - క్రిస్మస్ వేడుక (మిజోరం, నాగాలాండ్, మేఘాలయ)డిసెంబర్ 28 - నాల్గవ శనివారండిసెంబర్ 29 - ఆదివారండిసెంబర్ 30 - సోమవారం - యు కియాంగ్ నంగ్బా (మేఘాలయ)డిసెంబర్ 31- మంగళవారం - నూతన సంవత్సర వేడుక/లాసాంగ్/నామ్‌సూంగ్ (మిజోరం, సిక్కిం)

సాక్షి, అమలాపురం: పెళ్లిళ్ల సీజన్‌ సమీపిస్తోంది. బ్రహ్మచారులు కొత్త బంధంలో ఒదిగిపోయేందుకు సిద్ధమవుతున్నారు. కన్నెపిల్లలు సిగ్గుల మొగ్గలవుతూ ముస్తాబులకు రెడీ అవుతున్నారు. పెళ్లి ఏర్పాట్లకు వధూవరుల కుటుంబాలు ఉరుకులు, పరుగులు పెడుతున్నాయి. నగలు, వస్త్రాలు, కల్యాణ మండపాలు, సన్నాయి, కేటరింగ్‌కు డిమాండ్‌ ఏర్పడింది. నగలు, వస్త్ర దుకాణాల్లో అప్పుడే షాపింగ్‌ కళ పెరిగిపోయింది. పెళ్లి బంధం ప్రతి ఒక్కరి జీవితంలో అత్యంత కీలకమైంది. తల్లిదండ్రులు తమ బిడ్డల భవిష్యత్తు కోసం ఆచితూచి శుభఘడియలను ఎంచుకుని ముడేస్తారు. తద్వారా వారి వివాహ బంధం జీవితకాలం ఎలాంటి ఆటుపోట్లకు లోనవకుండా ఉండాలని కోరుకుంటారు.మార్గశిరం మంచిదని..మార్గశిర (డిసెంబర్‌) మాసంలో మళ్లీ పెళ్లి బాజాలు మోగనున్నాయి. ఈ మాసంతో పాటు వచ్చే ఏడాది ఫిబ్రవరి, మార్చి నెలల్లో కూడా రాష్ట్రవ్యాప్తంగా పెద్ద సంఖ్యలో వివాహాలు జరగనున్నాయి. మార్గశిర మాసంలో బలమైన ముహూర్తాలు ఉండటంతో పాటు జనవరిలో పుష్యమాసం కావడం.. మార్చి రెండో వారం నుంచి శుక్ర మౌఢ్యమి (మూఢం) రానుండటంతో ఇప్పుడున్న ముహూర్తాల్లోనే పెళ్లిళ్లు చేయాలని పెద్దలు ఆరాటపడుతున్నారు. ప్రస్తుత కార్తీక మాసంలో ఈ నెల 24న చివరి ముహూర్తం ఉంది. కార్తీకంలో పెళ్లిళ్లు జరిగినా పెద్దగా లేవనే చెప్పాలి. డిసెంబర్‌ 2వ తేదీ నుంచి మార్గశిర మాసం మొదలు కానుండటంతో వివాహాలు అధిక సంఖ్యలో జరగనున్నాయి. తెలుగునాట మాఘం, వైశాఖం, శ్రావణ మాసాల తరువాత మార్గశిర మాసంలోనే ఎక్కువగా వివాహాలు జరుగుతుంటాయి. జనవరిలో ముహూర్తాలు లేవుడిసెంబర్‌ 25 తరువాత నుంచి జనవరి 30వ తేదీ వరకూ పుష్యమాసంలో వివాహాలు, ఇతర శుభ కార్యక్రమాలు పెద్దగా చేయరు. జనవరి 31 నుంచి మార్చి 7వ తేదీ వరకూ మాఘమాసంలో ముహూర్తాలున్నాయి. మార్చి 13 నుంచి శుక్ర మౌఢ్యమి (మూఢం) మొదలు కానుండటంతో ముహూర్తాల కోసం మళ్లీ నెల రోజులకు పైగా ఎదురుచూపులు తప్పవు. ఈ కారణాలతో మార్చి 7లోపు పెళ్లిళ్లు చేసేందుకు చాలామంది ఆరాటపడుతున్నారు.7న అతి పెద్ద ముహూర్తండిసెంబర్‌ నెల పొడవునా ముహూర్తాలున్నాయి. ఆ నెలలో ఏడో తేదీ అతి పెద్ద ముహూర్తం. ఆ రోజున సుమారు 30 పెళ్లిళ్లకు ముహూర్తాలు పెట్టాను. డిసెంబర్‌ 22వ తేదీ ఆదివారం సైతం పెద్దఎత్తున పెళ్లిళ్లు జరగనున్నాయి. జనవరిలో పుష్యమాసం కావడంతో పెద్దగా ముహూర్తాలు లేవు. ఈ కారణంగా డిసెంబర్‌లో ఎక్కువగా వివాహాలు జరగనున్నాయి. – దైవజ్ఞరత్న ఉపద్రష్ట నాగాదిత్య సిద్ధాంతి, అమలాపురం25 వరకూ శుభముహూర్తాలుమార్గశిర మాసంలో డిసెంబర్‌ 4వ తేదీ బుధవారం బలమైన ముహూర్తాలున్నాయని పురోహితులు, సిద్ధాంతులు చెబుతున్నారు. ఆ రోజు రాత్రి 7.54 గంటలకు, తెల్లవారుజామున 4.28 గంటలకు (తెల్లవారితే గురువారం), అలాగే 5, 6 తేదీల్లో ముహూర్తా­లున్నాయి. 7వ తేదీన కూడా అతి పెద్ద ముహూర్తాలున్నాయి. ఆ రోజు రాత్రి 7.50, తెల్లవారుజామున 4.24 (8వ తేదీ ఉదయం) రికార్డు స్థాయిలో పెళ్లిళ్లు జరగనున్నాయి. అలాగే, 10వ తేదీన సైతం అధిక సంఖ్యలో వివాహాలు చేయనున్నారు. డిసెంబర్‌ 11, 14, 20, 22, 24, 25 తేదీల్లో పెళ్లిళ్లతో పాటు, వివిధ శుభ కార్యక్రమాలకు సైతం మంచి ముహూర్తాలు ఉన్నాయి.

సాక్షి అమరావతి: జూన్ నెలాఖరు నుంచి సరైన ముహూర్తాలు లేవు. వివాహాలు, శుభకార్యాలు వాయిదా పడుతూ వస్తు న్నాయి. ఎట్టకేలకు ఇక ముహూర్తం కుదిరింది. వధూవరులు ఒక్కటయ్యే తరుణం వచ్చేసింది. దేశవ్యాప్తంగా శనివారం నుంచి పెళ్లి సందడి అంబరాన్ని తాకనుంది. ఈ ఏడాది చివరి వరకు ఇది కోలాహలం కొనసాగనుంది. అక్టోబర్ 12 నుంచి డిసెంబర్ 81 మధ్య 23 శుభ ముహూర్తాలు ఉన్నాయి. ఈ శుభ ఘడియల్లో దాదాపు 48లక్షల వివాహాలు జరిగే అవకాశం ఉంది. ఈ విషయాన్ని కాన్సెడరేషన్ ఆఫ్ ఆల్ ఇండియా ట్రేడర్స్ (సీఎఐటీ) తాజాగా విడుదల చేసిన సర్వే నివేదిలో వెల్లడించింది. ఈ నివేదిక ప్రకారం.. దేశవ్యాప్తంగా 2023వ సంవత్సరంలో చివరి మూడు నెలల్లో దాదాపు 35 లక్షల పెళ్లిళ్లు జరిగాయి. సుమారు రూ.4.25 లక్షల కోట్ల వ్యాపారం జరిగింది. ఈ ఏడాది అక్టోబర్ 12 నుంచి డిసెంబర్ ఆఖరు వరకు ఉన్న ముహూర్తాల్లో దేశవ్యాప్తంగా మొత్తం 48లక్షలకు పైగా వివాహాలు జరిగే అవకాశం ఉంది. ఒక్కొక్క పెళ్లి వేడుకకు సగటున రూ.12 లక్షలు ఖర్చు పెడతారని అంచనా. ఈ లెక్కన ప్రస్తుత పెళ్లిళ్ల సీజన్లో దాదాపు రూ.5,76 లక్షల కోట్లు ఖర్చు అవుతుం దాని ప్రాథమికంగా లెక్క తేల్చారు.షాపింగ్ సందడి షురూ..దసరా పండుగతోపాటు పెళ్లిళ్ల షాపింగ్ కూడా కొందరు. ప్రారంభించారు. దీంతో మార్కెట్లో సైతం సందడి నెలకొంది. భోజనాలు, క్యాటరింగ్, కళ్యాణ మండపాలు ఫంక్షన్ హాళ్లు, హోటళ్లు, డెకరేషన్లకు ముందస్తు ఒప్పందాలు చేసుకుంటున్నారు. శుభలేఖల ప్రీం టింగ్స్, ఫ్లెక్సీ ప్రింటర్స్, ఫొబో గ్రావర్లు, టెంట్ హౌస్, వంటమేస్త్రీలు, ముట పనివాళ్లు, క్యాటరింగ్ బాయ్స్, బ్యూటీ మనన్లు, మెహందీ ఆది పూలు అమ్మేవాళ్లు, మంగళ వాయిద్య కళాకారులు, డీజే మ్యూజి నివ్వాహకులు ఇలా పెళ్లి వేడుకతో ప్రతి ఒక్కరిని ముందుగానే ఎంపిక చేసుకుని అడ్వాన్సులు ఇచ్చే పనిలో నిమగ్నమయ్యారు. దేశంలో సాధారణ, మధ్య తరగతి ప్రజల నుంచి సంపన్నుల వరకు పెళ్లి వేడుక అన్నట్లుగా ఖర్చు చేస్తున్నారు. ఎంగేజ్‌మెంట్, ఫ్రీ వెడ్డింగ్, హల్దీ, రిసెప్షన్ పోస్ట్ వెడ్డింగ్... ఇలా అనేక దశలుగా పెళ్లి వేడుకకు రాజీపడకుండా నిర్వహిస్తున్నారు. అందువల్ల ఈ ఏడాది చివరి వరకు దేశవ్యాప్తంగా పెళ్లి సందడి ఉంటుందని సీఏఐటీ వెల్లడించింది.ముహూర్తాలు.. ఇవీ అక్టోబర్ 12, 13, 16, 20,27వ తేదీల్లో మహూర్తాలు ఉన్నాయి. నవంబర్ 3, 7, 8, 9, 10, 13, 14, 16,17. డిసెంబర్‌లో 5,6,7 8, 11, 12, 14, 15, 26 వ తేదీల్లో ముహూర్తాలు ఉన్నాయి. ఆ తర్వాత సంక్రాంతి మాసం ప్రారంభం కావడంతో మళ్లీ వచ్చే ఏడాది ఫిబ్రవరి, మార్చి నెలలు వరకు శుభ ముహూ కోసం ఆగాల్సి వస్తుంది. అందువల్ల ఈ ఏడాురు దీపావళి తర్వాత పెద్ద సంఖ్యలో పెళ్లిళ్లు జరిగే అవకాశం ఉంది. అదే సమయంలో ఉపనయనాలు, గృహప్రవేశాలు కూడా ఎక్కువగా జరుగుతాయని అంచనా.

ఇండియన్‌ ప్రీమియర్‌ లీగ్‌ (ఐపీఎల్‌) స్ఫూర్తితో ప్రారంభమైన హాకీ ఇండియా లీగ్‌ (హెచ్‌ఐఎల్‌) తిరిగి అభిమానులను అలరించేందుకు సిద్ధమైంది. 2017లో నిలిచిపోయిన హెచ్‌ఐఎల్‌ను తిరిగి ఆరంభించాలని హాకీ ఇండియా (హెచ్‌ఐ) నిర్ణయించింది. ఈసారి లీగ్‌కు సరికొత్త హంగులు అద్దగా... పురుషులతో పాటు మహిళల విభాగంలో పోటీలుజరగనున్నాయి. డిసెంబర్‌ 28 నుంచి ప్రారంభం కానున్న ఈ లీగ్‌ కోసం ఈ నెల 13 నుంచి మూడు రోజులపాటు ప్లేయర్ల వేలం జరగనుంది. ఒక్కో జట్టులో 24 మంది ప్లేయర్లు ఉండనున్నారు. ఇందులో నలుగురు జూనియర్‌ ఆటగాళ్లు తప్పనిసరి అనే నిబంధనను తీసుకొచ్చారు. పురుషుల విభాగంలో హైదరాబాద్‌ జట్టును రెసల్యూట్‌ స్పోర్ట్స్‌ కంపెనీ సొంతం చేసుకుంది. మహిళల లీగ్‌ తుదిపోరు వచ్చే ఏడాది జనగరి 26న, పురుషుల ఫైనల్‌ ఫిబ్రవరి 1న నిర్వహించనున్నట్లు హాకీ ఇండియా అధ్యక్షుడు దిలీప్‌ టిర్కీ ప్రకటించాడు. ఏడేళ్ల తర్వాత తిరిగి ప్రారంభం కానున్న లీగ్‌ విశేషాలను పరిశీలిస్తే... – సాక్షి, క్రీడావిభాగం దేశంలో హాకీ క్రీడకు మరింత ప్రోత్సాహం అందించాలనే లక్ష్యంతో మొదలు పెట్టిన హాకీ ఇండియా లీగ్‌ (హెచ్‌ఐఎల్‌) ఏడేళ్ల విరామం తర్వాత పునఃప్రారంభం కానుంది. 2013లో ప్రారంభమైన లీగ్‌ ఐదు సీజన్‌లు పాటు విజయవంతంగా కొనసాగిన తర్వాత 2017లో అనివార్య కారణాల వల్ల నిలిచిపోయింది. ఇప్పుడు తిరిగి ఈ ఏడాది నుంచి ప్రారంభించనున్నట్లు హాకీ ఇండియా అధ్యక్షుడు దిలీప్‌ టిర్కీ శుక్రవారం వెల్లడించాడు. గతంలో పురుషుల విభాగంలో మాత్రమే పోటీలు జరగగా... ఈ సారి మహిళల విభాగంలోనూ మ్యాచ్‌లు జరగనున్నాయి. హెచ్‌ఐఎల్‌ తిరిగి ప్రారంభమవడం ద్వారా ఆటకు మరింత ఆదరణ దక్కడంతో పాటు... మహిళల హాకీలో కోత్త జోష్‌ రానుంది. భారత మాజీ కెపె్టన్‌ దిలీప్‌ టిర్కీ హాకీ ఇండియా అధ్యక్షుడిగా బాధ్యతలు చేపట్టినప్పటి నుంచి... ఈ లీగ్‌ను తిరిగి తీసుకురావాలని ప్రయత్నాలు చేయగా... ఇప్పటికి కార్యరూపం దాలి్చంది. హెచ్‌ఐఎల్‌కు టిర్కీనే చైర్మన్‌గా వ్యవహరించనున్నాడు. ‘జాతీయ జట్టుకు నాణ్యమైన ఆటగాళ్లను అందించడంలో హాకి ఇండియా లీగ్‌ కీలక పాత్ర పోషించనుంది. హాకీ క్రీడలో కొత్త అధ్యాయానికి నేడు తెర లేచినట్లు అనిపిస్తోంది. అడగ్గానే హెచ్‌ఐఎల్‌ కోసం 35 రోజుల సమయాన్ని కేటాయించిన అంతర్జాతీయ హాకీ సమాఖ్య (ఎఫ్‌ఐహెచ్‌)కు ధన్యవాదాలు. హాకీ ఇండియా అధ్యక్షుడిగా బాధ్యతలు చేపట్టినప్పటి నుంచి దీని కోసం కృషి చేశా. ఇప్పటికి కల సాకారమైంది’ అని టీర్కీ పేర్కొన్నాడు. హాకీ ఇండియా కార్యదర్శి భోళానాథ్‌ సింగ్‌ మాట్లాడుతూ... భారత్‌లో హాకీ కేవలం క్రీడ మాత్రమే కాదని దీనికి భారతీయుల గుండెల్లో ప్రత్యేక స్థానం ఉందని అన్నారు. 2036 వరకు భారత హాకీకి ఒడిశా రాష్ట్ర ప్రభుత్వం స్పాన్సర్‌గా వ్యవహరించనుందని పునరుద్ఘాటించారు. జట్ల వివరాలు పురుషుల విభాగంలో ఎనిమిది జట్లు పాల్గొననున్నాయి. వాటిలో చెన్నై జట్టుకు చార్లెస్‌ గ్రూప్, లక్నో జట్టుకు యదు స్పోర్ట్స్, పంజాబ్‌ జట్టుకు జేఎస్‌డబ్ల్యూ స్పోర్ట్స్, పశ్చిమ బెంగాల్‌ జట్టుకు ష్రాచీ స్పోర్ట్స్, హైదరాబాద్‌ జట్టుకు రెసల్యూట్‌ స్పోర్ట్స్, రాంచీ జట్టుకు నవోయమ్‌ స్పోర్ట్స్‌ ప్రైవేట్‌ లిమిటెడ్‌ యజమానులుగా కొనసాగనున్నారు. టెన్నిస్‌ దిగ్గజం మహేశ్‌ భూపతికి చెందిన ఎస్‌జీ స్పోర్ట్స్‌ కంపెనీ ఢిల్లీ జట్టును సొంతం చేసుకుంది. మహిళల విభాగంలో హరియాణా జట్టును జేఎస్‌డబ్ల్యూ స్పోర్ట్స్, పశ్చిమ బెంగాల్‌ టీమ్‌ను ష్రాచీ స్పోర్ట్స్, ఢిల్లీ జట్టును ఎస్‌జీ స్పోర్ట్స్, ఒడిశా జట్టును నవోయమ్‌ స్పోర్ట్స్‌ సొంతం చేసుకున్నాయి. మరో రెండు ఫ్రాంచైజీల యజమానులను త్వరలోనే వెల్లడించనున్నారు. » పురుషుల విభాగంలో 8 జట్లు, మహిళల విభాగంలో 6 జట్లు లీగ్‌లో పాల్గొననున్నాయి. గతంలో కేవలం పురుషుల విభాగంలోనే పోటీలు జరగగా.. తొలిసారి మహిళా లీగ్‌ను ప్రవేశ పెడుతున్నారు. » పురుషుల విభాగంలో పోటీలను రౌర్కెలాలో, మహిళల మ్యాచ్‌లను రాంచీలో నిర్వహించనున్నారు. » ఒక్కో జట్టులో 24 మంది ఆటగాళ్లు ఉండనున్నారు. వారిలో 16 మంది భారత ఆటగాళ్లు, 8 మంది విదేశీయులకు అవకాశం ఉంటుంది. భారత ఆటగాళ్లలో నలుగురు జూనియర్‌ ప్లేయర్లు తప్పనిసరి. » డిసెంబర్‌ 28న ఈ లీగ్‌ ప్రారంభం కానుండగా... మహిళల విభాగంలో వచ్చే ఏడాది జనవరి 26న రాంచీలో ఫైనల్‌ జరగనుంది. పురుషుల విభాగంలో వచ్చే ఏడాది ఫిబ్రవరి 1న రౌర్కెలాలో తుదిపోరు జరగనుంది. » ఈనెల 13 నుంచి 15 వరకు న్యూఢిల్లీలో జరగనున్న ప్లేయర్ల వేలంలో అన్ని ఫ్రాంచైజీలు పాల్గొననున్నాయి. ప్లేయర్ల కనీస ధరను మూడు కేటగిరీలుగా (రూ. 10 లక్షలు, 5 లక్షలు, 2 లక్షలు) విభజించారు. » ఆటగాళ్లను ఎంపిక చేసుకునేందుకు పురుషుల విభాగంలో ఒక్కో ఫ్రాంచైజీ రూ. 4 కోట్లు... మహిళల విభాగంలో ఒక్కో ఫ్రాంచైజీ రూ. 2 కోట్లు ఖర్చు చేయవచ్చు. » 2013లో తొలిసారి నిర్వహించిన హెచ్‌ఐఎల్‌లో రాంచీ రైనోస్‌ టైటిల్‌ సాధించగా.. ఆ తర్వాత 2014లో ఢిల్లీ వేవ్‌రైడర్స్, 2015లో రాంచీ రాయ్స్, 2016లో పంజాబ్‌ వారియర్స్, 2017లో కళింగ లాన్సర్స్‌ చాంపియన్‌గా నిలిచాయి. » పారిస్‌ ఒలింపిక్స్‌ తర్వాత హాకీ ఆటకు గుడ్‌బై చెప్పిన భారత దిగ్గజ గోల్‌కీపర్‌ పీఆర్‌ శ్రీజేశ్‌ ఢిల్లీ జట్టుకు డైరెక్టర్‌గా వ్యవహరించనున్నాడు.

భారతీయ రైల్వేలు ప్రవేశపెట్టిన వందేభారత్‌ రైళ్లకు ప్రయాణికుల నుంచి అమితమైన ఆదరణ లభిస్తోంది. ఈ నేపధ్యంలో రైల్వేశాఖ కొత్తగా వందే భారత్‌ స్లీపర్‌ రైలును ప్రయాణికులకు అందుబాటులోకి తీసుకొస్తోంది. ఈ మొదటి వందే భారత్ స్లీపర్ రైలు ఈ ఏడాది డిసెంబర్‌ నాటికి అందుబాటులోకి రానుంది.2019లో వందేభారత్‌ చైర్-కార్ రైలును ప్రారంభించారు. ఇప్పుడు వస్తున్న వందేభారత్‌ స్లీపర్‌ రైలు ఈ సిరీస్‌లో మూడవ ఎడిషన్. మొదటి వందే భారత్ స్లీపర్ రైలు గుజరాత్‌లో నడపాలని రైల్వే అధికారులు భావిస్తున్నారు. అధికారికంగా ఇంకా దీనిపై స్పష్టత రాలేదు. ఈ రైలును రెండు నెలల పాటు పరీక్షించనున్నారు.వందే భారత్ తొలి స్లీపర్ రైలు బెంగళూరులోని భారత్ ఎర్త్ మూవర్స్ లిమిటెడ్ (బీఇఎంఎల్) ప్లాంట్ నుండి సెప్టెంబర్ 20 నాటికల్లా బయలుదేరుతుందని ఇంటెగ్రల్ కోచ్ ఫ్యాక్టరీ (ఐపీఎఫ్) చెన్నై జనరల్ మేనేజర్ యూ సుబ్బారావు మీడియాకు తెలిపారు. దీని తర్వాత రైలు ట్రయల్ రన్ జరగనుంది. వాయువ్య రైల్వే జోన్‌లో హైస్పీడ్ రైలు ట్రయల్‌ను నిర్వహించనున్నారు.స్లీపర్‌ వందేభారత్‌లో స్టెయిన్‌లెస్ స్టీల్ కార్ బాడీ, ప్రయాణీకులకు మెరుగైన రక్షణ సదుపాయాలు, జీఎఫ్‌ఆర్‌పీ ఇంటీరియర్ ప్యానెల్‌లు, ఏరోడైనమిక్ డిజైన్, మాడ్యులర్ ప్యాంట్రీ, ఫైర్ సేఫ్టీ కంప్లైయెన్స్, డిసేబుల్డ్ ప్యాసింజర్‌ల సౌకర్యాలు, ఆటోమేటిక్ డోర్లు, సెన్సార్ ఆధారిత ఇంటర్‌కమ్యూనికేషన్, ఫైర్ బారియర్ డోర్లు ఉన్నాయి. యూఎస్‌బీ ఛార్జింగ్‌తో కూడిన ఎర్గోనామిక్ టాయిలెట్ సిస్టమ్, ఇంటిగ్రేటెడ్ రీడింగ్ లైట్ కూడా దీనిలో ఉండనున్నాయి.

అయోధ్యలో రామాలయ నిర్మాణ పనులు ఈ ఏడాది డిసెంబరు నాటికి పూర్తి కానున్నాయి. గర్భగుడి పనులు దాదాపు పూర్తయ్యాయి. ఆలయంలో మిగిలిన పనులు శరవేగంగా కొనసాగుతున్నాయి. రామమందిర నిర్మాణ కమిటీ చైర్మన్ నృపేంద్ర మిశ్రా  ఈ పనులను సమీక్షించారు. 2024 డిసెంబరు నాటికి ఆలయ నిర్మాణం పూర్తికానున్నదని వెల్లడించారు. ఏప్రిల్ 17న శ్రీరామ నవమి రోజున ఉదయం 12:16 గంటలకు సూర్యుని కిరణాలు  ఐదు నిమిషాల పాటు బాలరాముణ్ణి తాకుతాయని నృపేంద్ర మిశ్రా తెలిపారు. ఇందుకోసం అవసరమైన సాంకేతిక ఏర్పాట్లు జరుగుతున్నాయన్నారు. రామనవమి నాడు ఉదయం 3:30 గంటల నుంచి రాత్రి 11 గంటల వరకు రామ్‌లల్లాను భక్తులు దర్శనం చేసుకోవచ్చన్నారు. ఆరోజున బ్రహ్మ ముహూర్తంలో మంగళ హారతి, అభిషేకం తదితర పూజాది కార్యక్రమాలు నిర్వహించనున్నారని తెలిపారు. అయోధ్యలోని సుగ్రీవ కోట, బిర్లా ధర్మశాల, శ్రీరామ జన్మభూమి ప్రవేశ ద్వారం వద్ద ప్రయాణికుల సేవా కేంద్రాలు ఏర్పాటు చేస్తున్నామని నృపేంద్ర మిశ్రా తెలిపారు. మునిసిపల్ కార్పొరేషన్ పరిధిలోని వంద ప్రాంతాల్లో ఎల్‌ఈడీ స్క్రీన్‌లను ఏర్పాటు చేసి, ఆలయంలో నిర్వహించే అన్ని పూజాది కార్యక్రమాలను ప్రత్యక్ష ప్రసారం చేయనున్నామన్నారు.

న్యూఢిల్లీ: ఉద్యోగుల భవిష్యనిధి సంస్థ (ఈపీఎఫ్‌వో)లో 15.62 లక్షల మంది సభ్యులు డిసెంబర్‌ నెలలో చేరారు. 2023 నవంబర్‌ నెలతో పోలిస్తే సభ్యుల చేరికలో 12 శాతం వృద్ధి నమోదైంది. అదే 2022 డిసెంబర్‌ నెల చేరికలతో పోలిస్తే 4.62 శాతం వృద్ధి కనిపించింది. ఉపాధి అవకాశాల పెరుగుదల, ఉద్యోగుల ప్రయోజనాలపై పెరుగుతున్న అవగాహన, మరిన్ని సంస్థలకు చేరువ అయ్యేందుకు ఈపీఎఫ్‌వో చేపడుతున్న కార్యక్రమాలు సభ్యుల పెరుగుదలకు సాయపడుతున్నట్టు కేంద్ర కారి్మక శాఖ ప్రకటించింది. 8.41 లక్షల మంది ఈపీఎఫ్‌వో కింద మొదటిసారి నమోదు అయ్యారు. అంటే తొలిసారి వీరు సంఘటిత రంగంలో ఉపాధి పొందినట్టు తెలుస్తోంది. 2023 నవంబర్‌తో పోలిస్తే కొత్త సభ్యుల పెరుగుదల 14 శాతంగా ఉంది. పైగా డిసెంబర్‌ నెలకు సంబంధించిన నికర కొత్త సభ్యుల్లో 57 శాతం మంది 18–25 వయసులోని వారే కావడం గమనార్హం. మిగిలిన సభ్యులు ఒక సంస్థ నుంచి మరో సంస్థకు మారడం ద్వారా తమ ఈపీఎఫ్‌ ఖాతాను బదిలీ చేసుకున్నారు.   2.09 లక్షల మంది మహిళలు.. 8.41 లక్షల కొత్త సభ్యుల్లో 2.09 లక్షల మంది మహిళలు ఉన్నారు. 2023 నవంబర్‌ నెలతో పోలిస్తే 7.57 శాతం అధికం. రాష్ట్రాల వారీగా చూస్తే.. మహారాష్ట్ర, గుజరాత్, తమిళనాడు, కర్ణాటక, హర్యానా రాష్ట్రాల నుంచి ఎక్కువ మంది చేరారు. డిసెంబర్‌ నెలకు సంబంధించి కొత్త చేరికల్లో 58.33 శాతం ఈ రాష్ట్రాలకు చెందిన వారే ఉన్నారు. ఇందులో మహారాష్ట్ర వాటా 21.63 శాతంగా ఉంది. ఐరన్‌ అండ్‌ స్టీల్, బిల్డింగ్‌ అండ్‌ కన్‌స్ట్రక్షన్, జనరల్‌ ఇన్సూరెన్స్‌ రంగాలు ఎక్కువ మందికి అవకాశం కల్పించాయి.

న్యూఢిల్లీ: కొత్త కస్టమర్లను ఆకర్షించడంలో మరోసారి రిలయన్స్‌ జియో ముందుంది. 2023 డిసెంబర్‌ నెలకు గాను 39.94 లక్షల మొబైల్‌ చందాదారులను జియో సొంతం చేసుకుంది. భారతీ ఎయిర్‌టెల్‌ కిందకు కొత్తగా 18.5 లక్షల మంది కస్టమర్లు వచ్చి చేరారు. అదే సమయంలో ఎప్పటి మాదిరే వొడాఫోన్‌ ఐడియా మరో 13.68 లక్షల కస్టమర్లను డిసెంబర్‌లో కోల్పోయింది. ప్రభుత్వరంగ బీఎస్‌ఎన్‌ఎల్‌ 1.5 లక్షల కస్టమర్లు, ఎంటీఎన్‌ఎల్‌ 4,420 మంది కస్టమర్ల చొప్పున నష్టపోయాయి. మొత్తం టెలికం చందాదారులు 2023 నవంబర్‌ నా టికి 1,185.73 మిలియన్లుగా ఉంటే, డిసెంబర్‌ చివరికి 1,190.33 మిలియన్లకు (119 కోట్లకు) చేరారు. నెలవారీగా ఇది 0.39 శాతం వృద్ధికి సమానం. బ్రాడ్‌బ్యాండ్‌ చందాదారులు సైతం 90.4 కోట్లకు పెరిగారు. వైర్‌లైన్‌ టెలిఫోన్‌ చందాదారుల సంఖ్య నవంబర్‌ చివరికి 3.15 కోట్లుగా ఉంటే, డిసెంబర్‌ చివరికి 3.18 కోట్లకు పెరిగింది. వైర్‌లైన్‌ విభాగంలో జియో 2.46 లక్షల కొత్త కస్టమర్లను సాధించింది. ఎయిర్‌టెల్‌ 82,317 మంది, వొడాఫోన్‌ ఐడియా 9,656, క్వాండ్రంట్‌ 6,926 కస్టమర్ల చొప్పున సొంతం చేసుకున్నాయి. బీఎస్‌ఎన్‌ఎల్‌ 34,250 మంది, టాటా టెలిసరీ్వసెస్‌ 22,628 మంది చొప్పున కస్టమర్లను కోల్పోయాయి.

న్యూఢిల్లీ: ఎంప్లాయీస్‌ స్టేట్‌ ఇన్సూరెన్స్‌ కార్పొరేషన్‌ ( ESIC ) కిందకు డిసెంబర్‌ నెలలో 18.86 లక్షల మంది కొత్త సభ్యులు చేరినట్టు కేంద్ర కార్మిక శాఖ గణాంకాలు చెబుతున్నాయి. అదే నెలలో 23,347 సంస్థలు ఈఎస్‌ఐసీ కింద నమోదు చేసుకున్నాయి. ముఖ్యంగా యువతకు ఎక్కువ ఉద్యోగ అవకాశాలు లభింనట్లుగా తెలుస్తోంది. కొత్త సభ్యుల్లో 8.83 లక్షల మంది (47 శాతం) వయసు 25 ఏళ్లలోపే ఉన్నట్టు గణాంకాలు తెలియజేస్తున్నాయి. ఇక నికరంగా నమోదైన మహిళా సభ్యుల సంఖ్య 3.59 లక్షలుగా ఉంది. అలాగే, డిసెంబర్‌లో 47 ట్రాన్స్‌జెండర్లకు సైతం ఉద్యోగ అవకాశాలు లభించాయి. సమాజంలోని ప్రతివర్గానికీ ప్రయోజనాలు అందించేందుకు ఈఎస్‌ఐసీ కట్టుబడి ఉన్నట్టు కేంద్ర కార్మిక శాఖ తెలిపింది. కార్మిక శాఖ తాత్కాలిక పేరోల్ డేటా ప్రకారం.. ఈఎస్‌ఐసీ కింద అధికారిక ఉద్యోగ కల్పన నవంబర్‌లో 1.59 మిలియన్ల కొత్త ఉద్యోగులతో పోలిస్తే, డిసెంబర్‌లో నెలవారీగా 18.2 శాతం పెరిగింది. ఏప్రిల్‌లో 17.8 లక్షల మంది, మేలో 20.2 లక్షల మంది, జూన్‌లో 20.2 లక్షల మంది, జూలైలో 19.8 లక్షలు, ఆగస్టులో 19.4 లక్షలు, సెప్టెంబర్‌లో 18.8  లక్షలు, అక్టోబర్‌లో 17.8 లక్షల మంది ఈఎస్‌ఐసీలో కొత్తగా చేరుతూ వచ్చారు.

న్యూఢిల్లీ: పవర్‌గ్రిడ్‌ కార్పొరేషన్‌ డిసెంబర్‌తో ముగిసిన త్రైమాసికానికి పనితీరు పరంగా రాణించింది. క్రితం ఏడాది ఇదే కాలంలోని లాభం రూ.3,645 కోట్లతో పోల్చి చూసినప్పుడు 11 శాతం పెరిగి రూ.4,028 కోట్లకు చేరింది. ఆదాయం సైతం క్రితం ఏడాది ఇదే కాలంలో ఉన్న రూ.11,530 కోట్ల నుంచి రూ.11,820 కోట్లకు పెరిగింది. ప్రస్తుత ఆర్థిక సంవత్సరం తొలి తొమ్మిది నెలల్లో రూ.7,690 కోట్ల మూలధన వ్యయాలను వినియోగించింది. డిసెంబర్‌ త్రైమాసికంలో ఆరు అంతర్రాష్ట్ర ట్రాన్స్‌మిషన్‌ సిస్టమ్‌ ప్రాజెక్టులను బిడ్డింగ్‌లో గెలుచుకుంది. వీటి నిర్మాణ అంచనా వ్యయం రూ.20,479 కోట్లుగా ఉంది. డిసెంబర్‌ చివరికి పవర్‌గ్రిడ్‌ సంస్థ నిర్వహణలోని ట్రాన్స్‌మిషన్‌ ఆస్తుల నిడివి 1,76,530 సర్క్యూట్‌ కిలోమీటర్లుగా ఉంది. అలాగే, 276 సబ్‌ స్టేషన్లు, 5,17,860 మెగావోల్ట్‌ యాంపియర్స్‌ ట్రాన్స్‌ఫార్మేషన్‌ సామర్థ్యం కలిగి ఉంది. ప్రస్తుత ఆర్థిక సంవత్సరానికి ఒక్కో షేరుకు రెండో మధ్యంతర డివిడెండ్‌ కింద రూ.4.50 చొప్పున పంపిణీ చేయాలని నిర్ణయించింది.

న్యూఢిల్లీ: బ్రాండ్ల ఆమోదయోగ్యతకు సంబంధించి గ్లోబల్‌ కంపెనీలకు దీటుగా దేశీ ఎల్రక్టానిక్స్‌ కంపెనీలు ఉంటున్నాయి. లావా, క్యూబో వంటి సంస్థలకు మెరుగైన రేటింగ్స్‌ లభిస్తున్నాయి. మార్కెట్‌ అనాలిసిస్‌ సంస్థ టెక్‌ఆర్క్‌ డిసెంబరులో నిర్వహించిన అధ్యయనంలో ఈ విషయాలు వెల్లడయ్యాయి. ఈ–కామర్స్‌ ప్లాట్‌ఫాంలు అమెజాన్, ఫ్లిప్‌కార్ట్‌లలో 35 ఉత్పత్తుల కేటగిరీలవ్యాప్తంగా 25 బ్రాండ్లపై దీన్ని నిర్వహించారు. ‘రియల్‌మీ, రెడ్‌మీ వంటి గ్లోబల్‌ బ్రాండ్స్‌కి ఈ–కామర్స్‌ ప్లాట్‌ఫామ్‌లలో 4.3 రేటింగ్‌ ఉన్నట్లు మా విశ్లేషణలో వెల్లడైంది. వాటితో పోలిస్తే పరిశ్రమ ప్రమాణాలకు దాదాపు సమానస్థాయిలో లావా మొదలైన సంస్థలకు 4.2 రేటింగ్‌ ఉంది‘ అని నివేదిక పేర్కొంది. లావాకు 90.2 శాతం మంది అత్యధిక రేటింగ్స్‌ (4, 5 స్థాయిలో) ఇవ్వగా, గ్లోబల్‌ బ్రాండ్స్‌కి వచి్చన 4, 5 స్థాయి రేటింగ్స్‌ 75.8 శాతమే ఉన్నాయి. ఇంటర్నెట్‌ ఆఫ్‌ థింగ్స్‌ కేటగిరీలో హీరో గ్రూప్‌ సంస్థ క్యూబో ఏకంగా పరిశ్రమ సగటు 4 రేటింగ్స్‌ను కూడా దాటేసి 4.1 రేటింగ్స్‌ దక్కించుకుంది. అయితే, అంతర్జాతీయ సంస్థలకు అత్యధిక స్థాయిలో 4, 5 రేటింగ్స్‌ ఉన్నాయి. వేరబుల్‌ కేటగిరీల్లో మాత్రం రియల్‌మీ, రెడ్‌మీ, ఒప్పో, వన్‌ప్లస్‌ నార్డ్‌ వంటి అంతర్జాతీయ బ్రాండ్స్‌తో పోలిస్తే భారతీయ బ్రాండ్స్‌కి పరిశ్రమ బెంచ్‌మార్క్‌ కన్నా తక్కువ రేటింగ్స్‌ ఉన్నాయి. పరిశ్రమ బెంచ్‌మార్క్‌ రేటింగ్స్‌ 4.2గా ఉండగా .. భారతీయ బ్రాండ్స్‌ అయిన నాయిస్, బోల్ట్‌ ఆడియోకి 4.1, ఆ తర్వాత బోట్‌..పీట్రాన్‌కు 4.0 రేటింగ్స్‌ లభించాయి. మివి, గిజ్‌మోర్, నంబర్‌కి సగటున 3.9 రేటింగ్‌ ఉంది. యాపిల్, శాంసంగ్‌ల టార్గెట్‌ యూజర్ల సెగ్మెంట్‌ భిన్నమైనది కావడంతో వాటిని ఈ అధ్యయనంలో పరిగణనలోకి తీసుకోలేదు.

న్యూఢిల్లీ: రిటైల్‌ ద్రవ్యోల్బణం మళ్లీ ఎగువబాట పట్టింది. కూరగాయాలు, పప్పులు, వంట దినుసుల ధరల మంటతో డిసెంబర్‌ మాసానికి 5.69%కి పెరిగింది. ఇది నాలుగు నెలల గరిష్ట స్థాయి కావడం గమనించాలి. వినియోగ ధరల సూచీ (సీపీఐ/రిటైల్‌) ఆధారిత ద్రవ్యోల్బణం 2023 నవంబర్‌ నెలలో 5.55%గా ఉంటే, 2022 డిసెంబర్‌ నెలకు 5.72%గా ఉంది. ఈ వివరాలను జాతీయ గణాంక కార్యాలయం విడుదల చేసింది. రిటైల్‌ ద్రవ్యోల్బణంలో సగం వాటా కలిగిన ఆహారోత్పత్తుల ధరలు (కూరగాయలతో కూడిన).. గతేడాది నవంబర్‌ నెలలో 8.7%గా ఉంటే, డిసెంబర్‌ నెలలో 9.53%కి పెరిగిపోయాయి. 2022 డిసెంబర్‌లో వీటి ధరలు సూచీలో 4.19% వద్దే ఉండడం గమనార్హం. 2023 ఆగస్ట్‌లో ద్రవ్యోల్బణం 6.83% గరిష్ట స్థాయిని తాకిన తర్వాత నుంచి కొంత తగ్గుతూ వచ్చింది. కూరగాయల విభాగం ద్రవ్యోల్బణం 27.64%గా ఉంది. పప్పులకు సంబంధించి 20.73%, వంట దినుసుల ద్రవ్యోల్బణం 19.69% చొప్పున నమోదైంది.  ఆహార విభాగంలోనే... సీపీఐ ద్రవ్యోల్బణం త్రైమాసికం వారీగా పెరిగిపోవడం అన్నది ఆహారం, పానీయాల విభాగం వల్లేనని ఇక్రా ముఖ్య ఆర్థికవేత్త అదితి నాయర్‌ పేర్కొన్నారు. మిగిలిన అన్ని విభాగాల్లో ద్రవ్యోల్బణం కొంత తగ్గడం లేదంటే అదే స్థాయిలో కొసాగినట్టు తెలిపారు. రిటైల్‌ ద్రవ్యోల్బణాన్ని దీర్ఘకాలంలో 4% స్థాయిలో (2 శాతం అటూ ఇటూ దాటకుండా) పరిమితం చేయాలన్నది ఆర్‌బీఐ లక్ష్యం. 

ముంబై:  డిసెంబర్‌లో జాబ్‌ మార్కెట్‌ కోలుకుంటున్న సంకేతాలు కనిపించిన నేపథ్యంలో ఈ ఏడాది నియామకాలు మెరుగుపడవచ్చన్న అంచనాలు నెలకొన్నాయి. 2024లో మొత్తం హైరింగ్‌ 8.3 శాతం వృద్ధి చెందవచ్చని భావిస్తున్నారు. కన్సల్టెన్సీ సంస్థ ఫౌండిట్‌ రూపొందించిన వార్షిక ట్రెండ్స్‌ నివేదికలో ఈ విషయాలు వెల్లడయ్యాయి. దీని ప్రకారం గతేడాది డిసెంబర్‌లో హైరింగ్‌లో 2 శాతం వృద్ధి నమోదైంది. కొత్త సంవత్సరంలో నియామకాల వృద్ధి 8.3 శాతంగా ఉండవచ్చని, బెంగళూరులో అత్యధికంగా 11 శాతం వృద్ధి నమోదు కావచ్చని నివేదిక పేర్కొంది. తయారీ, బీఎఫ్‌ఎస్‌ఐ, ఆటోమోటివ్, రిటైల్, ట్రావెల్, టూరిజం విభాగంలో హైరింగ్‌ ఎక్కువగా ఉండనుంది. 2022తో పోలిస్తే 2023లో హైరింగ్‌ కార్యకలాపాలు 5 శాతం తగ్గాయి. అయితే, డిసెంబర్‌లో కాస్త మెరుగ్గా 2 శాతం వృద్ధి కనపర్చింది. 2022 మధ్య నుంచి జాబ్‌ మార్కెట్లో స్థిరంగా కొనసాగుతున్న ట్రెండ్‌ 2023 ఆఖర్లో మారిందని నివేదిక తెలిపింది. ఉద్యోగావకాశాలు తక్కువగా ఉన్నప్పటికీ సరైన వారిని నియమించుకోవడంలో వ్యాపార సంస్థలకు సవాళ్లు ఎదురవుతున్నాయని, జాబ్‌ ఓపెనింగ్స్, హైరింగ్‌ మధ్య వ్యత్యాసం ఇదే సూచిస్తోందని పేర్కొంది. గతేడాది జనవరి నుంచి డిసెంబర్‌ వరకు తమ ప్లాట్‌ఫామ్‌లో నమోదైన డేటాను విశ్లేషించిన మీదట ఫౌండిట్‌ ఈ నివేదికను రూపొందించింది. నివేదికలోని మరిన్ని విశేషాలు.. ప్రతికూల పరిస్థితులు నెలకొన్నప్పటికీ 2023లో కొన్ని రంగాలు చెప్పుకోతగ్గ స్థాయిలో వృద్ధి కనపర్చాయి. మారిటైమ్, షిప్పింగ్‌ పరిశ్రమలో నియామకాలు 28 శాతం పెరిగాయి. అంతర్జాతీయంగా వాణిజ్యం పెరగడం, సరఫరా వ్యవస్థలో సమస్యలు తగ్గుముఖం పట్టడం ఇందుకు తోడ్పడ్డాయి. అలాగే రిటైల్, ట్రైవెల్, టూరిజం రంగాల్లో కూడా 25 శాతం వృద్ధి నమోదైంది. అడ్వరై్టజింగ్, మార్కెట్‌ రీసెర్చ్, పబ్లిక్‌ రిలేషన్స్‌ రంగాల్లో 18 శాతం పెరుగుదల కనిపించింది. æ 2024లో కొత్త టెక్నాలజీల్లో అనుభవమున్న నిపుణులకు డిమాండ్‌ పెరగనుంది. కృత్రిమ మేథ/మెíÙన్‌ లెరి్నంగ్, డేటా సైన్స్, సైబర్‌ సెక్యూరిటీ నిపుణులకు గణనీయంగా అవకాశాలు ఉంటాయి. 

ముంబై: ప్రపంచ పరిణామాలు, దేశీయ కార్పొరేట్‌ డిసెంబర్‌ త్రైమాసిక ఆర్థిక ఫలితాలు ఈ వారం దలాల్‌ స్ట్రీట్‌కు దిశానిర్ధేశం చేస్తాయని స్టాక్‌ నిపుణులు చెబుతున్నారు. స్థూల ఆర్థిక గణాంకాలు, విదేశీ ఇన్వెస్టర్ల పెట్టబడుల సరళీపై ఇన్వెస్టర్లు దృష్టి సారించవచ్చు. వీటితో పాటు డాలర్‌ మారకంలో రూపాయి విలువ, క్రూడాయిల్‌ ధరల కదలికలు ట్రేడింగ్‌పై ప్రభావం చూపొచ్చంటున్నారు. ఈ కొత్త ఏడాది 2024 తొలి వారంలో జరిగిన అయిదు ట్రేడింగ్‌ సెషన్లలో సూచీలు మూడింటిలో లాభాలు ఆర్జించగా, రెండింటిలో నష్టాలు చవిచూశాయి. వారం మొత్తంగా సెన్సెక్స్‌ 214 పాయింట్లు, నిఫ్టీ 21 పాయింట్లు నష్టపోయాయి. ‘‘దేశీయ కార్పొరేట్‌ ఆర్థిక త్రైమాసిక ఫలితాలు ప్రకటన నేపథ్యంలో మార్కెట్‌ పరిమిత శ్రేణి ట్రేడవుతూ, ఒడిదుడుకులకు లోనవ్వొచ్చు. స్థిరమైన ర్యాలీ కొనసాగితే అమ్మకం, అనూహ్యంగా పతనమైతే నాణ్యమైన షేర్ల కొనుగోళ్లు వ్యూహాన్ని అమలు చేయడం ఉత్తమం. ప్రస్తుతానికి దేశీయ మార్కెట్లో సానుకూల సెంటిమెంట్‌ నెలకొని ఉంది. సాంకేతికంగా నిఫ్టీ 21,750 పాయింట్ల వద్ద అమ్మకాల ఒత్తిడికి లోనవుతుంది. ఈ స్థాయిని చేధించగలిగితే 22,000 స్థాయిని పరీక్షిస్తుంది. దిగువ స్థాయిలో 21,600 పాయింట్ల వద్ద తక్షణ మద్దతు కలిగి ఉంది’’ అని మాస్టర్‌ క్యాపిటల్‌ సర్వీసెస్‌ సీనియర్‌ వైస్‌ ప్రెసిడెంట్‌ అరవిందర్‌ సింగ్‌ నందా తెలిపారు.   క్యూ3 ఫలితాల సీజన్‌ ప్రారంభం ప్రస్తుత ఆర్థిక సంవత్సరం (2023–24) మూడో త్రైమాసిక కార్పొరేట్‌ ఆర్థిక ఫలితాల సీజన్‌ ఈ వారం ప్రారంభం కానుంది. దేశీయ ఐటీ అగ్రగామి సంస్థలు టీసీఎస్, ఇన్ఫోసిస్‌లు గురువారం( జనవరి 11న) ఆర్థిక ఫలితాలను ప్రకటించి దేశీయ కార్పొరేట్‌ ఆర్థిక ఫలితాల సీజన్‌కు తెరతీయనున్నాయి. మరుసటి రోజు విప్రో, హెచ్‌సీఎల్‌ టెక్నాలజీ, హెచ్‌డీఎఫ్‌సీ ఏఎంసీ, ఆనంద్‌ రాఠి, హెచ్‌డీఎఫ్‌సీ లైఫ్‌ ఇన్సూరెన్స్‌ కంపెనీలు తమ డిసెంబర్‌ క్వార్టర్‌ పనితీరును వెల్లడించనున్నాయి. క్యూ3 ఫలితాల వెల్లడి సందర్భంగా స్టాక్‌ ఆధారిత ట్రేడింగ్‌ జరగొచ్చు. స్థూల ఆర్థిక గణాంకాలు   యూరోజోన్‌ నవంబర్‌ రిటైల్‌ అమ్మకాలు, పారిశ్రామికోత్పత్తి, ఆర్థిక సేవల గణాంకాలు సోమవారం విడుదల అవుతాయి. జపాన్‌ నవంబర్‌ గృహ వినియోగ వ్యయ డేటా, యూరోజోన్‌ నవంబర్‌ నిరుద్యోగ రేటు, అమెరికా నవంబర్‌ వాణిజ్య లోటు గణాంకాలు మంగళవారం వెల్లడి కానున్నాయి. అమెరికా నవంబర్‌ రిటైల్‌ ద్రవ్యోల్బణం డేటా గురువారం ప్రకటించనుంది. ఇక వారాంతాపు రోజైన శుక్రవారం దేశీయ నవంబర్‌ రిటైల్, ద్రవ్యోల్బణ గణాంకాలు వెల్లడి కానున్నాయి. అదే రోజున జనవరి 5తో ముగిసిన వారం నాటి ఫారెక్స్‌ నిల్వలు, డిసెంబర్‌ 29తో ముగిసిన వారం బ్యాంకింగ్‌ రుణ, డిపాజిట్‌ వృద్ధి గణాంకాలు విడుదల కానున్నాయి. కీలక స్థూల ఆర్థిక గణాంకాల వెల్లడి ముందు ఇన్వెస్టర్లు అప్రమత్తత వహించే వీలుంది.   ప్రపంచ పరిణామాలు ఎర్ర సముద్రంలో సరుకు రవాణా నౌకలపై యెమెన్‌కు చెందిన హౌతీ మిలిటెంట్ల దాడులతో ఎగుమతులపై భారీ ప్రభావం చూపుతోంది. అమెరికా బాండ్లపై రాబడులు గతవారం రోజుల్లో 18 బేసిస్‌ పాయింట్లు పెరిగి 4 శాతానికి పైగా చేరుకున్నాయి. యూఎస్‌ డిసెంబర్‌ పేరోల్‌ డేటా అంచనాలకు మించి నమోదవడం ‘ఫెడ్‌ వడ్డీ రేట్ల తగ్గింపు వాయిదా’ వాదనలకు బలాన్నివ్వొచ్చు. కావున ప్రపంచ పరిణామాలు ఈక్విటీ మార్కెట్లకు అనుకూలంగా లేవు. 5 ట్రేడింగ్‌ సెషన్లల్లో రూ.4,800 కోట్ల పెట్టుబడులు   కొత్త ఏడాది తొలివారంలో విదేశీ ఇన్వెస్టర్లు(ఎఫ్‌ఐఐలు) నికర కొనుగోలుదారులుగా నిలిచారు. దేశీయ మార్కెట్లో ఎఫ్‌ఐఐలు జనవరి 1–5 తేదీల్లో రూ.4,800 కోట్ల పెట్టుబడులు పెట్టారు. భారతీయ బలమైన ఆర్థిక వ్యవస్థ పనితీరుపై విశ్వాసం ఇందుకు కారణమని మార్కెట్‌ వర్గాలు తెలిపాయి. డెట్‌ మార్కెట్లో అదనంగా మరో రూ.4000 కోట్ల పెట్టుబడులు పెట్టినట్లు డిపాజిటరీ డేటా వెల్లడించింది. ‘‘అమెరికాలో వడ్డీ రేట్లు తగ్గుతాయన్న ఊహాగానాలతో కొత్త ఏడాదిలోనూ భారత్‌ స్టాక్‌ మార్కెట్లలో ఎఫ్‌పీఐ పెట్టుబడులు పెరిగే అవకాశం ఉంది’’ అని జియోజిత్‌ ఫైనాన్సియల్‌ సరీ్వసెస్‌ చీఫ్‌ ఇన్వెస్ట్‌మెంట్‌ ఆఫీసర్‌ వీకే విజయ కుమార్‌ తెలిపారు. ఇదే సమయంలో (జనవరి 1–5 తేదీల్లో) సంస్థాగత ఇన్వెస్టర్లు  రూ.7,296 కోట్ల ఈక్విటీలు విక్రయించారు. ఇక 2023లో భారత్‌ ఈక్విటీ మార్కెట్లలో ఎఫ్‌పీఐలు రూ.1.71 లక్షల కోట్ల విలువైన స్టాక్స్‌ కొనుగోలు చేశారు.  డెట్‌ మార్కెట్లో రూ.68,663 కోట్ల పెట్టుబడులు పెట్టారు.

న్యూఢిల్లీ: వస్తు సేవల పన్ను (జీఎస్‌టీ) వసూళ్లు డిసెంబర్‌లో రూ.1.64 లక్షల కోట్లుగా నమోదయ్యాయి. 2022 ఇదే నెలతో పోలిస్తే ఈ విలువ 10 శాతం అధికం. ఏప్రిల్‌–డిసెంబర్‌ 2023 మధ్య జీఎస్‌టీ వసూళ్లు 12 శాతం పెరిగి రూ.14.97 లక్షల కోట్లుగా నమోదయ్యాయి. ఆర్థిక సంవత్సరం మొదటి తొమ్మిది నెలల్లో వసూళ్లు సగటున 12 శాతం వృద్ధితో రూ.1.66 లక్షల కోట్లుగా ఉన్నాయి.   ఆర్థిక సంవత్సరంలో తీరిది...  ఆర్థిక సంవత్సరం తొలి నెల ఏప్రిల్లో చరిత్రాత్మక స్థాయిలో రూ.1.87 లక్షల కోట్ల అత్యధిక వసూళ్లు నమోదయ్యాయి. మే, జూన్‌ నెలల్లో  వరుసగా రూ.1.57 లక్షల కోట్లు, రూ.1.61 లక్షల కోట్లు ఒనగూరాయి. జూలై వసూళ్లు రూ.1.60 లక్షల కోట్లు. ఆగస్టు వసూళ్లు రూ. 1.59 లక్షల కోట్లుకాగా, సెప్టెంబర్‌లో రూ. 1.63 లక్షల కోట్ల జీఎస్‌టీ రాబడి నమోదయ్యింది. ఇక అక్టోబర్‌ విషయానికి వస్తే. వసూళ్లు భారీగా రూ.1.72 లక్షల కోట్లుగా నమోదయ్యాయి.  2017 జూలైలో ప్రారంభం తర్వాత ఇవి రెండవ భారీ స్థాయి వసూళ్లు (2023 ఏప్రిల్‌ తర్వాత).  నవంబర్‌లో వసూళ్లు రూ.1.67 లక్షల కోట్లు.  ఎకానమీ క్రియాశీలత, పన్నుల ఎగవేతలను అడ్డుకునేందుకు కేంద్రం చర్యలు, వసూళ్ల వ్యవస్థలో సామర్థ్యం పెంపు, పండుగల డిమాండ్‌ జీఎస్‌టీ భారీ వసూళ్లకు కారణమని అధికార వర్గాలు పేర్కొన్నాయి. రానున్న నెలల్లో సైతం ఇదే ధోరణి కొనసాగుతుందన్న విశ్వాసాన్ని అధికార వర్గాలు వ్యక్తం చేస్తున్నాయి.    మొత్తం ఆదాయం రూ.1,64,882  ఇందులో సీజీఎస్‌టీ రూ.30,443  ఎస్‌జీఎస్‌టీ  రూ.37,935  ఇంటిగ్రేటెడ్‌ జీఎస్‌టీ రూ. 84,255  సెస్‌ రూ.12,249   

విదేశీ ఇన్వెస్టర్లు డిసెంబర్‌లో ఇప్పటికి వరకు (1–22 తేదీల మధ్య) రూ. 57,300 కోట్ల విలువైన ఈక్విటీలను కొనుగోలు చేశారు. ఈ ఏడాది ఎఫ్‌పీఐల పెట్టుబడుల్లో ఇదే గరిష్టం. ‘‘ఇటీవల జరిగిన ఐదు రాష్ట్రాల అసెంబ్లీ ఎన్నికల్లో మూడింటిలో బీజేపీ గెలుపొందడం+తో బలమైన ఆరి్థక వృద్ధి, రాజకీయ సుస్థిరత ఏర్పడొచ్చనే ఆశావహ అంచనాలు నెలకొన్నాయి. అమెరికా ట్రెజరీ బాండ్ల విలువ స్థిరంగా తగ్గుతోంది. ఈ పరిణామాలు ఎఫ్‌ఐఐల కొనుగోళ్లను ప్రేరేపించాయి. అమెరికాలో వడ్డీ రేట్లు తగ్గుతాయన్న ఊహాగానాలతో కొత్త ఏడాదిలోనూ భారత్‌ స్టాక్‌ మార్కెట్లలో ఎఫ్‌పీఐ పెట్టుబడులు పెరిగే అవకాశం ఉంది’’ అని జియోజిత్‌ ఫైనాన్సియల్‌ సర్వీసెస్‌ చీఫ్‌ ఇన్వెస్ట్‌మెంట్‌ ఆఫీసర్‌ వీకే విజయ కుమార్‌ తెలిపారు. ఈ ఏడాదిలో మొత్తంగా భారత్‌ స్టాక్‌ మార్కెట్లలో ఎఫ్‌పీఐల పెట్టుబడులు రూ.1.62 లక్షల కోట్ల మార్కును దాటేశాయి. ఇక డెట్‌ మార్కెట్లోకి డిసెంబర్‌ నెలలో రూ. 15,545 కోట్ల ఎఫ్‌పీఐ నిధులు వచ్చి చేరాయి. గత నెలలో రూ.14,860 కోట్లు, అక్టోబర్‌లో 6,381 కోట్ల నిధులు వచ్చాయి. ఫైనాన్సియల్‌ సరీ్వసెస్‌తో పాటు ఆటోమొబైల్, క్యాపిటల్‌ గూడ్స్, టెలికం రంగాల్లో ఎఫ్‌పీఐ పెట్టుబడులు ఎక్కువగా పెట్టుబడి పెట్టారని గణాంకాలు చెబుతున్నాయి.

మన దేశంలో గోవా విమోచన దినోత్సవాన్ని ప్రతి సంవత్సరం డిసెంబర్ 19న నిర్వహిస్తుంటారు. దేశంలోని అందమైన బీచ్‌లు కలిగిన రాష్ట్రం గోవా. నైట్‌ లైఫ్‌కు గోవా ప్రసిద్ధి చెందింది. భారతదేశానికి స్వాతంత్ర్యం వచ్చిన తర్వాత కూడా, అనేక రాచరిక రాష్ట్రాలు  విదేశీ శక్తుల చేతుల్లో ఉండేవి. ఇటువంటి రాష్ట్రాల్లో గోవా ఒకటి. భారతదేశానికి 1947, ఆగస్టు 15న స్వాతంత్ర్యం లభించింది. అయితే గోవా రాష్ట్రం అప్పటికి పోర్చుగీసు ఆధీనంలో ఉంది. దేశానికి స్వాతంత్ర్యం వచ్చిన 14 సంవత్సరాల తర్వాత 1961 డిసెంబర్ 19న గోవా భారతదేశంలో చేరింది. నాటి నుండి ప్రతి సంవత్సరం డిసెంబర్ 19ని గోవా విమోచన దినంగా జరుపుకుంటున్నారు. దేశానికి స్వాతంత్ర్యం వచ్చిన తర్వాత నాటి ప్రభుత్వం, ప్రధాని పండిట్ జవహర్ లాల్ నెహ్రూ.. గోవా స్వాతంత్ర్యం కోసం అనేక సార్లు చర్చలు జరిపారు. అయితే పోర్చుగీస్.. గోవాకు విముక్తి కల్పించేందుకు ఏమాత్రం అంగీకరించలేదు. పోర్చుగీస్‌తో చర్చలు విఫలమైన తరువాత భారత ప్రభుత్వం గోవా స్వాతంత్ర్యం కోసం ‘ఆపరేషన్ విజయ్’ ప్రారంభించింది. గోవాకు విముక్తి కల్పించేందుకు 30 వేల మంది సైనికులతో కూడిన బృందాన్ని భారత్‌ యుద్ధరంగంలోకి దించింది. మూడు వేలమంది పోర్చుగీస్ సైనికులపై భారత వైమానిక దళం, నేవీ, ఆర్మీ దాడి చేశాయి. ఈ దాడి కేవలం 36 గంటలపాటు కొనసాగింది. దీంతో పోర్చుగీస్ బేషరతుగా గోవాపై నియంత్రణను వదులుకోవాలని నిర్ణయించుకుంది. ఈ దాడి తరువాత గోవా.. భారతదేశంలో చేరి కేంద్రపాలిత ప్రాంతంగా మారింది. అయితే 1987, మే 30న గోవాకు భారత్‌ పూర్తి రాష్ట్ర స్థాయి హోదాను కల్పించింది. నాటి నుండి ప్రతీ ఏటా మే 30ని గోవా వ్యవస్థాపక దినోత్సవంగా జరుపుకుంటున్నారు. 

న్యూఢిల్లీ: నికర ప్రత్యక్ష పన్ను వసూళ్లు డిసెంబర్‌ 17వ తేదీ నాటికి గత ఏడాది ఇదే కాలంతో పోల్చితే 21 శాతం పెరిగి రూ.13,70,388 కోట్లుగా నమోదయ్యాయి. వీటిలో కార్పొరేట్‌ పన్ను (సీఐటీ) వాటా రూ.6.95 లక్షల కోట్లు. వ్యక్తిగత ఆదాయపు పన్ను (పీఐటీ), సెక్యూరిటీ లావాదేవీల పన్ను (ఎస్‌టీటీ) వాటా రూ.6.73 లక్షల కోట్లు.  ఆదాయపు పన్ను శాఖ తెలిపిన సమాచారం ప్రకారం, 2023–24 బడ్జెట్‌ లక్ష్యాల్లో నికర ప్రత్యక్ష పన్ను వసూళ్లు 75 శాతానికి చేరాయి.  2022–23 ఆర్థిక సంవత్సరంలో ప్రత్యక్ష పన్ను వసూళ్లు రూ.16.63 లక్షల కోట్లు. 2023–24లో ఈ లక్ష్యాన్ని రూ.18.23 లక్షల కోట్లుగా బడ్జెట్‌ నిర్దేశించుకుంది.   రిఫండ్స్‌ రూ.2.25 లక్షల కోట్లు.. కాగా, డిసెంబర్‌ 17 వరకూ రిఫండ్స్‌ విలువ రూ.2.25 లక్షల కోట్లు. వీటిని కూడా కలుపుకుంటే స్థూల ప్రత్యక్ష పన్ను వసూళ్లు రూ.15.95 లక్షల కోట్లుగా నమోదయ్యాయి. వీటిలో కార్పొరేట్‌ పన్ను వసూళ్లు రూ.7.90 లక్షల కోట్లు,  ఎస్‌టీటీసహా వ్యక్తిగత పన్ను వసూళ్లు రూ.8.03 లక్షల కోట్లు. వేర్వేరుగా వసూళ్లను పరిశీలిస్తే... అడ్వాన్స్‌ ట్యాక్స్‌ వసూళ్లు రూ.6.25 లక్షల కోట్లు, టీడీఎస్‌ రూ.7.71 లక్షల కోట్లు, సెల్ప్‌–అసెస్‌మెంట్‌ ట్యాక్స్‌ రూ.1.49 లక్షల కోట్లు. రెగ్యులర్‌ అసెస్‌మెంట్‌ ట్యాక్స్‌ రూ. 36,651 కోట్లు. ఇతర హెడ్స్‌ కింద వసూళ్ల మ్తొతం రూ.14,455 కోట్లు.     లక్ష్యాల సాధనపై భరోసా... ప్రస్తుత ఆర్థిక సంవత్సరం కేంద్రం రూ.18.23 లక్షల కోట్ల ప్రత్యక్ష పన్ను వసూళ్లను లక్ష్యంగా పెట్టుకుంది. పరోక్ష పన్నుల (వస్తు సేవల పన్ను, కస్టమ్స్, ఎక్సైజ్‌) వసూళ్ల లక్ష్యం రూ.15.38 లక్షల కోట్లు. వెరసి మొత్తం పన్ను వసూళ్ల లక్ష్యం రూ. 33.61 లక్షల కోట్లు.  ఈ  స్థాయి పన్ను వసూళ్ల లక్ష్యానికి ప్రభుత్వం కట్టుబడి ఉంటుందని కేంద్రం స్పష్టం చేస్తోంది. తాజా గణాంకాల ప్రకారం, డిసెంబర్‌ 17 వరకూ ప్రత్యక్ష పన్ను వసూళ్లు దాదాపు 21 శాతం పెరిగాయి.  పరోక్ష పన్ను దాదాపు 5 శాతం అధికంగా నమోదయ్యాయి. 2022–23 ఆర్థిక సంవత్సరంలో పన్ను వసూళ్ల మొత్తం రూ.30.54 లక్షల కోట్లు. 2023–24లో దీనిని 10 శాతం (రూ.33.61 లక్షల కోట్లు) పెంచాలన్న లక్ష్యాన్ని బడ్జెట్‌ నిర్దేశించుకుంది. కేంద్ర ఆర్థిక మంత్రి నిర్మలా సీతారామన్‌ ఫిబ్రవరి 1వ తేదీన లోక్‌సభలో ఓట్‌ ఆన్‌ అకౌంట్‌ లేదా మధ్యంతర బడ్జెట్‌ను ప్రవేశపెట్టే అవకాశం ఉన్న సంగతి తెలిసిందే.  లోక్‌సభకు ఎన్నికల అనంతరం కొలువుదీరే నూతన ప్రభుత్వం పూర్తి స్థాయి బడ్జెట్‌ను ప్రవేశపెడుతుంది.  

న్యూఢిల్లీ: విదేశీ పోర్ట్‌ఫోలియో ఇన్వెస్టర్లు (ఎఫ్‌పీఐలు) భారత ఈక్విటీల పట్ల దూకుడు వైఖరి ప్రదర్శిస్తున్నారు. గడిచిన కొన్ని నెలలుగా అమ్మకాలు సాగిస్తూ వచ్చిన ఎఫ్‌పీఐలు, ఈ నెలలో మాత్రం భారీ పెట్టుబడులకు మొగ్గు చూపించారు. డిసెంబర్‌ నెలలో మొదటి ఆరు ట్రేడింగ్‌ రోజుల్లో (8వ తేదీ నాటికి) ఏకంగా రూ.26,505 కోట్ల మేర కొనుగోళ్లు చేశారు. ఇటీవల ఎన్నికల ఫలితాలు బీజేపీకి అనుకూలంగా ఉండడం, మూడు రాష్ట్రాల్లో బీజేపీ బంపర్‌ మెజారిటీ సాధించడంతో 2024 సార్వత్రిక ఎన్నికల తర్వాత ప్రస్తుత ప్రభుత్వమే కొనసాగుతుందన్న స్పష్టత ఎఫ్‌పీఐల్లో సానుకూలతకు దారితీసింది. అక్టోబర్‌ నెలలోనూ ఎఫ్‌పీఐలు నికరంగా రూ.9,000 కోట్ల పెట్టుబడులు పెట్టారు. అంతకుముందు ఆగస్ట్, సెపె్టంబర్‌ నెలలో రూ.39,300 కోట్ల మేర పెట్టుబడులను వారు ఉపసంహరించుకోవడం గమనార్హం. ఇక మీదట ఎఫ్‌పీఐల పెట్టుబడులు కొనసాగుతాయని జియోజిత్‌ ఫైనాన్షియల్‌ సర్వీసెస్‌ చీఫ్‌ ఇన్వెస్ట్‌మెంట్‌ స్ట్రాటజిస్ట్‌ వీకే విజయ్‌కుమార్‌ అభిప్రాయపడ్డారు. రాష్ట్రాల ఎన్నికల ఫలితాలతో రాజకీయ స్థిరత్వం కొనసాగుతుందన్న సంకేతాల ఫలితమే ఎఫ్‌పీఐల పెట్టుబడులు భారీగా రావడానికి కారణమని ఫిడెల్‌ఫోలియో ఇన్వెస్ట్‌మెంట్స్‌ వ్యవస్థాపకుడు కిస్లే ఉపాధ్యాయ పేర్కొన్నారు. ‘‘2024 సాధారణ ఎన్నికల అనంతరం రాజకీయ స్థిరత్వం, భారత ఆర్థిక వ్యవస్థ బలమైన పనితీరు, ద్రవ్యోల్బణం తగ్గడం, అమెరికా బాండ్‌ ఈల్డ్స్‌ స్థిరంగా తగ్గుతూ వస్తుండడం, బ్రెండ్‌ క్రూడ్‌ ధరల్లో దిద్దుబాటు భారత్‌కు అనుకూలించే అంశాలు’’అని విజయ్‌ కుమార్‌ వివరించారు. వీటిల్లో పెట్టుబడులు   ‘‘వచ్చే ఏడాది మొదటి త్రైమాసికం నుంచి రేట్ల కోత ఉంటుందని యూఎస్‌ ఫెడరల్‌ రిజర్వ్‌ సంకేతం ఇవ్వడం, అధిక వడ్డీ రేట్ల వాతావరణం నుంచి మళ్లనున్నట్టు సూచించడమే అవుతుంది. దీంతో ఇతర కరెన్సీలతో యూఎస్‌ డాలర్‌ బలహీనపడడం మొదలైంది’’అని మార్నింగ్‌ స్టార్‌ ఇండియా రీసెర్చ్‌ మేనేజర్‌ హిమాన్షు శ్రీవాస్తవ తెలిపారు. యూఎస్‌ ట్రెజరీ బాండ్‌ ఈల్డ్స్‌ క్షీణించడంతో ఎఫ్‌పీఐలు భారత ఈక్విటీల్లో ఉన్న రిస్‌్క–రాబడుల తీరును తిరిగి మదించడానికి దారితీసినట్టు చెప్పారు. బ్యాంకులు, ఐటీ, టెలికం, ఆటోమొబైల్, క్యాపిటల్‌ గూడ్స్‌ కంపెనీల్లో ఎఫ్‌పీఐల కొనుగోళ్లు ప్రధానంగా ఉన్నాయి. ఈ ఏడాది మొత్తం మీద ఇప్పటి వరకు ఎఫ్‌పీఐలు ఈక్విటీల్లో రూ.1.31 లక్షల కోట్లు ఇన్వెస్ట్‌ చేయగా, డెట్‌ మార్కెట్లో రూ.55,867 కోట్ల పెట్టుబడులు పెట్టారు.

మన దీపావళి ఇటీవలే జరిగింది. అచ్చం మన దీపావళిని పోలిన పండుగనే జపానీయులు కూడా ఏటేటా జరుపుకొంటారు. ఈ పండుగ పేరు ‘చిచిబు యమాత్సురి’– అంటే రాత్రి వేడుక అని అర్థం. దాదాపు మూడు శతాబ్దాలుగా జపానీయులు ఈ పండుగను జరుపుకొంటూ వస్తున్నారు. ఇది రెండు రోజుల పండుగ. ప్రతి ఏటా డిసెంబర్‌ 2, 3 తేదీల్లో జపాన్‌ ప్రజలు ఘనంగా ఈ పండుగను జరుపుకొంటారు. ఒకుచిచిబు పర్వతసానువుల దిగువన ఉండే చిచిబు పట్టణంలో ఈ వేడుకలు జరుగుతాయి. రాజధాని టోక్యో సహా వివిధ నగరాలు, పట్టణాలకు చెందిన ప్రజలు ఇక్కడకు చేరుకుని, ఘనంగా పండుగ చేసుకుంటారు. సాయంత్రం చీకటి పడుతూనే ప్రార్థన మందిరాలను, ఇళ్లను సంప్రదాయబద్ధమైన లాంతరు దీపాలతో అలంకరిస్తారు. వీథుల్లో ఊరేగింపులు జరుపుతారు. ప్రార్థన మందిరాలలో ప్రత్యేక ప్రార్థనలు చేస్తారు. పండుగ మొదటి రోజున ప్రార్థనలు, విందు వినోదాలతో గడుపుతారు. రెండోరోజైన డిసెంబర్‌ 3న రాత్రి వేళ ఇళ్లను, ప్రార్థన మందిరాలను లాంతరు దీపాలతో అలంకరించి, భారీ ఎత్తున బాణసంచా కాల్పులు జరుపుతారు. ఈ వేడుకల్లో చిచిబు పట్టణం బాణసంచా కాల్పులతో హోరెత్తుతుంది. ఎటు చూసినా మిరుమిట్లు గొలిపే బాణసంచా మెరుపులు కనిపిస్తాయి. రంగు రంగుల తారాజువ్వలు, చిచ్చుబుడ్లు వంటి బాణసంచా కాల్పుల్లో పిల్లలూ పెద్దలూ అంతా ఉత్సాహంగా పాల్గొంటారు. చిచిబు పట్టణంలోని ప్రధాన ప్రార్థన మందిరమైన చిచిబు మందిరంలో ఈ వేడుకలు మరింత అట్టహాసంగా జరుగుతాయి. ఈ మందిరం రాత్రివేళ దీపకాంతులతో ధగధగలాడిపోతుంది. వేలాది మంది జనాలు ఇక్కడకు చేరుకుని, బాణసంచా కాల్పులు జరుపుతారు. ఈ మందిరం నుంచి కలపతో తయారు చేసిన రథాల వంటి ‘యతాయి’ వాహనాలను దీపాలతో అలంకరించి వీథుల్లో ఊరేగిస్తూ బాణసంచా కాల్పులు జరుపుతారు. ఈ వేడుకలను తిలకించడానికి విదేశీ పర్యాటకులు కూడా ఇక్కడకు పెద్దసంఖ్యలో వస్తుంటారు.  (చదవండి: అక్కడ ఊపిరి తీసుకున్నా ప్రమాదమే! అణు రియాక్టర్‌ పేలుడు ఏదీ సంభవించలేదు కానీ..!)

ఓటీటీలకు గిరాకీ పెరిగిపోయింది. అటు థియేటర్‌లో రిలీజైన సినిమాలను, ఇటు సొంతంగా సినిమాలు, సిరీస్‌లు నిర్మిస్తూ ఎంటర్‌టైన్‌మెంట్‌ ఇండస్ట్రీలో దూసుకుపోతున్నాయి. ఎప్పటికప్పుడు ట్రెండ్‌కు తగ్గట్లుగా విభిన్న కంటెంట్‌తో సినీప్రియులను ఆకర్షిస్తున్నాయి. 2023కి ముగింపు పలకడానికి ఇంకా ఒక్క నెల మాత్రమే మిగిలి ఉంది. ఇప్పటికే ఈ ఏడాదికిగానూ ఎక్కువ పాపులర్‌ అయిన సిరీస్‌లు ఇవే అని ఐఎమ్‌డీబీ ఓ జాబితా విడుదల చేసింది. ఇందులో ఫర్జి, గన్స్‌ అండ్‌ గులాబ్స్‌, ద నైట్‌ మేనేజర్‌ వెబ్‌ సిరీస్‌లు టాప్‌ 3లో వరుసగా చోటు దక్కించుకున్నాయి. కోహ్రా, అసుర్‌ 2 నాలుగైదు స్థానాల్లో ఉన్నాయి. రానా నాయుడు ఆరో స్థానంలో ఉండగా దహాద్‌, సాస్‌, బహు ఔర్‌ ఫ్లెమింగో, స్కూప్‌, జూబ్లీ తర్వాతి స్థానాల్లో ఉన్నాయి. వీటికి పోటీనిచ్చేందుకు కొత్త సినిమాలు, సిరీస్‌లు రిలీజ్‌కు రెడీ అయ్యాయి. మరి డిసెంబర్‌ నెలలో ఓటీటీలోకి వచ్చే చిత్రాలు, సిరీస్‌లేంటో చూసేద్దాం... అమెజాన్‌ ప్రైమ్‌ ► క్యాండీ కేన్‌ లేన్‌ - డిసెంబర్‌ 1 ► మేరీ లిటిల్‌ బ్యాట్‌మెన్‌ - డిసెంబర్‌ 8 ► యువర్‌ క్రిస్‌మస్‌ ఆర్‌ మైన్‌ - డిసెంబర్‌ 8 ► రేచర్‌ 2 - డిసెంబర్‌ 15 హాట్‌స్టార్‌ ♦ ద షెఫర్డ్‌ - డిసెంబర్‌ 1 ♦ మాన్‌స్టర్ ఇన్‌సైడ్: అమెరికాస్ మోస్ట్ ఎక్స్‪‌ట్రీమ్ హాంటెడ్ హౌస్ - డిసెంబర్ 1 ♦ ఇండియానా జోన్స్‌ అండ్‌ ద డయల్‌ ఆఫ్‌ డెస్టినీ - డిసెంబర్‌ 1 ♦ ద ఫ్రీలాన్సర్‌: ద కన్‌క్లూజన్‌ - డిసెంబర్‌ 15 ♦ బీటీఎస్‌ మోనమెంట్స్‌: బియాండ్‌ ద స్టార్స్‌ - డిసెంబర్‌ 20 ♦ పెర్సీ జాక్సన్‌ అండ్‌ ద ఒలంపియన్స్‌ - డిసెంబర్‌ 20 నెట్‌ఫ్లిక్స్‌ ► మే డిసెంబర్‌ - డిసెంబర్‌ 1 ► మిషన్‌ రాణిగంజ్‌ - డిసెంబర్‌ 1 ► స్వీట్‌ హోమ్‌ 2 - డిసెంబర్‌ 1 ► ద ఆర్చీస్‌ - డిసెంబర్‌ 7 ► మై లైఫ్‌ విత్‌ ద వాల్టర్‌ బాయ్స్‌ - డిసెంబర్‌ 7 ► జిగర్‌తాండ డబుల్‌ ఎక్స్‌ - డిసెంబర్‌ 8 ► లీవ్‌ ద వరల్డ్‌ బిహైండ్‌ - డిసెంబర్‌ 8 ► ద క్రౌన్‌ సీజన్‌ 6, రెండో భాగం - డిసెంబర్‌ 14 ► చికెన్‌ రన్‌: డాన్‌ ఆఫ్‌ ద నగ్గెట్‌ యానిమేట్‌ ఫిలిం - డిసెంబర్‌ 15 ► ట్రెవర్‌ నోవా: వేర్‌ వాస్‌ ఐ - డిసెంబర్‌ 19 ► మాస్ట్రో - డిసెంబర్‌ 20 ► రెబల్‌ మూన్‌: ద చైల్డ్‌ ఆఫ్‌ ఫైర్‌ - డిసెంబర్‌ 22 ► జియోంగ్‌సియోంగ్‌ క్రియేచర్‌ సీజన్‌ 1 పార్ట్‌ 1 - డిసెంబర్‌ 22 ► కర్రీ అండ్‌ సైనేడ్‌: ద జెల్లీ జోసెఫ్‌ కేస్‌ డాక్యుమెంటరీ - డిసెంబర్‌ 22 ► రిక్కీ జెర్వాయిస్‌: అర్మగెడాన్‌ - డిసెంబర్‌ 25 ► మనీ హెయిస్ట్‌ బెర్లిన్‌ - డిసెంబర్‌ 29 లయన్స్‌ గేట్‌ ప్లే ♦ డిటెక్టివ్‌ నైట్‌: రోగ్‌ - డిసెంబర్‌ 1 జియో సినిమా ► 800 (సినిమా) - డిసెంబర్‌ 2 ► జర హట్కే జర బచ్కే - డిసెంబర్‌ 2 ► స్మోదర్‌డ్‌ - డిసెంబర్‌ 8 ► స్కూబీ డూ అండ్‌ క్రిప్టో టూ - డిసెంబర్‌ 10 ► ద బ్లాకెనింగ్‌ - డిసెంబర్‌ 16 ► ఆస్టరాయిడ్‌ సిటీ - డిసెంబర్‌ 25 సోనీలివ్‌ ♦ చమక్‌ సిరీస్‌ - డిసెంబర్‌ 7 జీ5 ► కడక్‌ సింగ్‌ - డిసెంబర్‌ 8 ► కూసే మునిస్వామి వీరప్పన్‌ - డిసెంబర్‌ 8 యాపిల్‌ టీవీ ♦ ద ఫ్యామిలీ ప్లాన్‌ - డిసెంబర్‌ 15 చదవండి: ఆ కంటెస్టెంట్‌ చేతికి ఫినాలే అస్త్ర.. ఎలిమినేషన్‌ గండం గట్టెక్కితేనే టాప్‌ 5లోకి

వాషింగ్టన్‌: అమెరికాలో హెచ్‌–1బీ వీసాలతో ఉద్యోగాలు చేసుకుంటున్న విదేశీయులకు  అమెరికా స్టేట్‌ ఫర్‌ వీసా సరీ్వసెస్‌ డిప్యూటీ అసిస్టెంట్‌ సెక్రెటరీ జూలీ స్టఫ్ట్‌ శుభవార్త చెప్పారు. హెచ్‌–1బీ వీసాల రెన్యూవల్‌ (స్టాంపింగ్‌) కోసం స్వదేశానికి వెళ్లాల్సిన అవసరం లేదని, అమెరికాలోనే ఈ ప్రక్రియను పూర్తి చేసుకోవచ్చని తెలిపారు. డిసెంబర్‌ నుంచి మూడు నెలలపాటు ప్రయోగాత్మకంగా ఈ విధానం అమలు చేయనున్నట్లు వెల్లడించారు. కొన్ని కేటగిరీల్లో హెచ్‌–1బీ వీసాలకు డొమెస్టిక్‌ రెన్యూవల్‌ ప్రక్రియ డిసెంబర్‌ నుంచి ప్రారంభం అవుతుందని పేర్కొన్నారు. అమెరికాలో పెద్ద సంఖ్యలో భారత ఐటీ నిపుణులు హెచ్‌–1బీ వీసాలతో ఉద్యోగాలు చేసుకుంటున్నారు. తాజా నిర్ణయంతో వీరికి ఎంతో ప్రయోజనం చేకూరనుంది. వ్యయ ప్రయాసలు తప్పుతాయి. అయితే, తొలి దశలో 20,000 మందికే ఈ వెసులుబాటు కలి్పంచనున్నట్లు తెలిసింది. ఆ  తర్వాత దశల వారీగా మరికొంతమందికి అవకాశం కలి్పస్తారు. డిసెంబర్‌ నుంచి మూడు నెలల్లోగా హెచ్‌–1బీ వీసా గడువు ముగిసేవారు వీసా రెన్యూవల్‌ (స్టాంపింగ్‌)ను అమెరికాలోనే చేసుకోవచ్చు. అమెరికా వీసాలకు భారత్‌లో భారీ డిమాండ్‌ ఉందని జూలీ స్టఫ్ట్‌ గుర్తుచేశారు. వీసా కోసం కొన్ని సందర్భాల్లో ఏడాదిపాటు ఎదురుచూడాల్సి వస్తోందని చెప్పారు. భారతీయులకు సాధ్యమైనంత త్వరగా వీసా అపాయింట్‌మెంట్లు ఇవ్వాలని భావిస్తున్నామని వివరించారు. ఇందులో ఒక మార్గంగా డొమెస్టిక్‌ వీసా రెన్యూవల్‌ ప్రోగ్రామ్‌ ప్రారంభిస్తున్నట్లు తెలియజేశారు. దీనివల్ల భారతీయ టెకీలకు లబ్ధి కలుగుతుందన్నారు మనవారికి 1.4 లక్షల వీసాలు 2022లో భారత విద్యార్థులకు రికార్డు స్థాయిలో 1.4 లక్షలకుపైగా వీసాలు జారీ చేసినట్లు స్టఫ్ట్‌ వెల్లడించారు. అమెరికా వర్సిటీల్లో తరగతుల ప్రారంభానికి ముందే భారత్‌లో స్టూడెంట్‌ వీసా ఇంటర్వ్యూలు పూర్తి చేయడానికి సిబ్బంది కొన్నిసార్లు వారమంతా పనిచేస్తున్నారని తెలిపారు.

యాక్షన్  మోడ్‌లోకి వెళ్లడానికి సిద్ధమవుతున్నారు హీరో వరుణ్‌ తేజ్‌. ‘పలాస’ ఫేమ్‌ కరుణ కుమార్‌ దర్శకత్వంలో వరుణ్‌ తేజ్‌ హీరోగా తెరకెక్కనున్న యాక్షన్  ఫిల్మ్‌ ‘మట్కా’. ఈ చిత్రంలో నోరా ఫతేహి, మీనాక్షీ చౌదరి హీరోయిన్లుగా నటించనున్నారు. వైర ఎంటర్‌టైన్ మెంట్స్‌పై మోహన్‌ చెరుకూరి (సీవీఎం), డాక్టర్‌ విజయేందర్‌ రెడ్డి తీగల నిర్మించనున్న ఈ సినిమా రెగ్యులర్‌ షూటింగ్‌ డిసెంబరులో ప్రారంభం కానుంది. ప్రస్తుతం ప్రీప్రొడక్షన్  వర్క్స్‌కి సంబంధించిన పనులతో బిజీగా ఉన్నారు చిత్రయూనిట్‌. ‘‘దేశవ్యాప్తంగా చర్చనీయాంశమైన ఓ వాస్తవ ఘటన ఆధారంగా వైజాగ్‌ నేపథ్యంలో ఈ సినిమా కథ ఉంటుంది. 24 ఏళ్ల వ్యవధిలో (1958 –1982) జరిగే ఈ సినిమాలో వరుణ్‌ నాలుగు డిఫరెంట్‌ గెటప్స్‌లో కనిపించనున్నారు. 1950, 1980 నాటి వాతావరణాన్ని తలపించేలా  భారీ సెట్స్‌ను రూపొందిస్తున్నాం. హైదరాబాద్‌లో ఓల్డ్‌ వైజాగ్‌ సిటీని క్రియేట్‌ చేసేందుకు ఓ భారీ సెట్‌ను నిర్మిస్తున్నాం. ఈ సినిమాకు నలుగురు ఫైట్‌ మాస్టర్స్‌ వర్క్‌ చేస్తారు’’ అని చిత్రయూనిట్‌ పేర్కొంది. ఈ సినిమాకు సంగీతం: జీవీ ప్రకాష్‌కుమార్‌. 

న్యూఢిల్లీ: జీవిత బీమా రంగ దిగ్గజం ఎల్‌ఐసీ ప్రస్తుత ఆర్థిక సంవత్సరంలో మూడు నుంచి నాలుగు వరకు నూతన పాలసీలను ఆవిష్కరించనుంది. నూతన వ్యాపార ప్రీమియంలో రెండంకెల వృద్ధిని సాధించాలనే లక్ష్యంతో ఉంది. ‘‘గతేడాదితో పోలిస్తే రెండంకెల వృద్ధిని సాధిస్తాం. ఎందుకంటే ఇండివిడ్యువల్‌ రిటైల్‌ వ్యాపారం పుంజుకుంటున్న సంకేతాలు కనిపిస్తున్నాయి. ఆకర్షణీయమైన కొత్త పాలసీలను ఆవిష్కరించనున్నాం’’అని ఎల్‌ఐసీ చైర్మన్‌ సిద్ధార్థ మహంతి తెలిపారు. డిసెంబర్‌ మొదటి వారంలో ఎల్‌ఐసీ ఒక ఉత్పత్తిని తీసుకువస్తుందని వెల్లడించారు. దీనితో మార్కెట్లో మంచి స్పందన వస్తుందని ఆశిస్తున్నట్టు చెప్పారు. డిసెంబర్‌లో తెచ్చే నూతన పాలసీ గురించి వివరిస్తూ.. పాలసీ మెచ్యూరిటీ తర్వాత (గడువు ముగిసిన అనంతరం) జీవితాంతం ఏటా సమ్‌ అష్యూర్డ్‌లో (బీమా కవరేజీలో) 10 శాతం చొప్పున లభిస్తుందని తెలిపారు. ఇది మార్కెట్లో సంచలనాన్ని సృష్టిస్తుందన్నారు. 20–25 ఏళ్ల తర్వాత ఎంత చొప్పున వస్తుంది, ఎంత ప్రీమియం చెల్లించాలన్నది తెలుసుకునేందుకు ప్రతి ఒక్కరూ ఆసక్తి చూపిస్తారని పేర్కొన్నారు. ఈ ప్లాన్‌పై రుణ సదుపాయం, ముందస్తు ఉపసంహరణకూ అవకాశం ఉంటుందన్నారు. హామీతో కూడిన రాబడులు ఇచ్చే పాలసీలకు పాలసీదారులు, వాటాదారులు ఆసక్తి చూపిస్తున్నారని చెబుతూ.. తమ కంపెనీ వాటాదారుల్లో చాలా మంది పాలసీదారులుగా ఉన్నట్టు మహంతి తెలిపారు. ప్రస్తుత ఆర్థిక సంవత్సరం మొదటి ఆరు నెలల్లో (ఏప్రిల్‌–సెపె్టంబర్‌) నూతన వ్యాపార ప్రీమియం (ఇండివిడ్యువల్‌) 2.65 శాతమే వృద్ధి చెంది రూ.25,184 కోట్లకు చేరుకోవడం గమనార్హం.

న్యూఢిల్లీ: పార్లమెంటు శీతాకాల సమావేశాలు డిసెంబర్‌ రెండో వారంలో మొదలవుతాయని సమాచారం. డిసెంబర్‌ 3న ఐదు రాష్ట్రాల అసెంబ్లీ ఎన్నికల ఫలితాలు వెలువడనుండటం తెలిసిందే. ఆ తర్వాత కొద్ది రోజులకే పార్లమెంటు సమావేశాలు మొదలవుతాయని, డిసెంబర్‌ 25న క్రిస్మస్‌కు ముందు ముగుస్తాయని ప్రభుత్వ వర్గాలు తెలిపాయి. భారతీయ శిక్షా స్మృతి, నేర శిక్షా స్మృతి, సాక్ష్యాధారాల చట్టాల స్థానంలో స్టాండింగ్‌ కమిటీ ఇటీవలే ఆమోదించిన కొత్త చట్టాలు ఈ సమావేశాల్లో పార్లమెంటు ముందుకు రానున్నాయి. కేంద్ర ప్రధాన ఎన్నికల కమిషనర్, ఎన్నికల కమిషనర్ల నియామక బిల్లు సైతం పార్లమెంటు వద్ద పెండింగ్‌లో ఉంది. శీతాకాల సమావేశాలు సాధారణంగా నవంబర్‌ మూడో వారంలో మొదలై క్రిస్మస్‌ ముందు ముగియడం ఆనవాయితీగా వస్తోంది. 

న్యూఢిల్లీ: ప్రభుత్వ రంగ టెలికం సంస్థ బీఎస్‌ఎన్‌ఎల్‌ ఈ ఏడాది డిసెంబర్‌లో 4జీ సేవలను ప్రవేశపెట్టే యోచనలో ఉంది. ముందుగా పరిమిత స్థాయిలో మొదలుపెట్టి వచ్చే ఏడాది జూన్‌ నాటికి దేశవ్యాప్తంగా విస్తరించాలని భావిస్తోంది. ఇండియా మొబైల్‌ కాంగ్రెస్‌లో పాల్గొన్న సందర్భంగా సంస్థ సీఎండీ పి.కె. పుర్వార్‌ ఈ విషయాలు తెలిపారు. జూన్‌ తర్వాత 4జీ సర్వీసులను 5జీకి అప్‌గ్రేడ్‌ చేసే యోచనలో ఉన్నట్లు వివరించారు. ‘డిసెంబర్‌లో పంజాబ్‌లో 4జీ సేవల ను ప్రారంభించేందుకు బీఎస్‌ఎన్‌ఎల్‌ సిద్ధంగా ఉంది. 200 సైట్లలో నెట్‌వర్క్‌ సిద్ధంగా ఉంది. 3,000 సైట్లను ఇన్‌స్టాల్‌ చేసే ప్రక్రియలో ఉన్నాం‘ అని పుర్వార్‌ చెప్పారు. నెట్‌వర్క్‌ను క్రమంగా నెలకు 6,000 సైట్లతో మొదలుపెట్టి ఆ తర్వాత 15,000 సైట్ల వరకు పెంచుకోనున్నట్లు తెలిపారు. మొత్తం మీద 2024 జూన్‌ నాటికి 4జీ విస్తరణ పూర్తి చే యాలని నిర్దేశించుకున్నట్లు పుర్వార్‌ పేర్కొన్నారు.

సాక్షి, హైదరాబాద్‌:  ‘అసెంబ్లీ ఎన్నికలు డిసెంబర్‌ 7న జరుగుతాయి. దీనికి సంబంధించి నవంబర్‌ 12న ఎన్నికల నోటిఫికేషన్‌ ప్రకటించి 19వ తేదీ వరకు నామినేషన్లు స్వీకరిస్తారు. నామినేషన్ల పరిశీలన, ఉపసంహరణ ప్రక్రియ ముగిసిన తర్వాత నవంబర్‌ 22న తుది అభ్యర్థుల జాబితా(ఫారం–7ఏ) ప్రకటిస్తారు. డిసెంబర్‌ 11న ఓట్లు లెక్కించి ఫలితాల ప్రకటిస్తారు’.. రాష్ట్ర శాసనసభ ఎన్నికల కసరత్తులో భాగంగా రాష్ట్ర ఎన్నికల ప్రధాన అధికారి(సీఈఓ) కార్యాలయం రూపొందించుకున్న ఓ తాత్కాలిక ఎన్నికల షెడ్యూల్‌ మాత్రమే ఇది. దీనిని అనుసరించే ఎన్నికల నిర్వహణలో భాగంగా వివిధ కార్యక్రమాలకు గడువు కూడా నిర్దేశించారు. దీనికి సంబంధించిన ఫ్లెక్సీని ముద్రించి కార్యాలయ ప్రాంగణంలో ప్రదర్శనకు ఉంచారు. రాష్ట్ర శాసనసభకు 2018లో జరిగిన సాధారణ ఎన్నికల షెడ్యూల్‌ సైతం ఇదే కావడం గమనార్హం. అయితే కొన్నిరోజులు అటుఇటుగా ఇదే షెడ్యూల్‌తో అసెంబ్లీ ఎన్నికలు జరిగే అవకాశాలున్నాయి. వాస్తవానికి తెలంగాణతోసహా ఛత్తీస్‌గఢ్, మధ్యప్రదేశ్, రాజస్తాన్, మిజోరం రాష్ట్రాల శాసనసభ ఎన్నికల నిర్వహణకు అక్టోబర్‌ తొలివారం లేదా ఆ తర్వాత ఎప్పుడైనా కేంద్ర ఎన్నికల సంఘం ఎన్నికల షెడ్యూల్‌ ప్రకటించే అవకాశముంది. రాష్ట్రంలో అసెంబ్లీ ఎన్నికల నిర్వహణ సంసిద్ధతను పరిశీలించడానికి చీఫ్‌ ఎలక్షన్‌ కమిషనర్‌ (సీఈసీ) రాజీవ్‌కుమార్‌ నేతృత్వంలో ఎలక్షన్‌ కమిషనర్లు అనూప్‌చంద్ర పాండే, అరుణ్‌ గోయల్‌తో కూడిన కేంద్ర ఎన్నికలసంఘం ఫుల్‌ బెంచ్‌ అక్టోబర్‌ 3 నుంచి 5వ తేదీ వరకు రాష్ట్రంలో పర్యటిస్తుంది. ఆ తర్వాత వాస్తవ ఎన్నికల షెడ్యూల్‌ ప్రకటిస్తారు.   ఇదీ ఎన్నికల సంఘం వర్క్‌ కేలండర్‌   నిర్దిష్ట తేదీలు/గడువులతో వచ్చే అక్టోబర్‌ టు డిసెంబర్‌ వరకు రోజువారీగా చేయాల్సిన కార్యాక్రమాలతో ఎన్నికల సంఘం ఓ కేలండర్‌ రూపొందించింది.   అక్టోబర్‌లోగా ఈ పనులు పూర్తవ్వాలి   ఇప్పటికే ఈవీఎంలు, వీవీప్యాట్‌లకు ప్రథమస్థాయి తనిఖీలు పూర్తయ్యాయి. ఎన్నికల సామగ్రి సమీకరణ, బ్యాలెట్‌ పత్రాల ముద్రణకు ప్రింటింగ్‌ ప్రెస్‌ ఎంపిక, స్ట్రాంగ్‌ రూమ్స్, కౌంటింగ్‌ కేంద్రాల పరిశీలన/నిర్థారణ, దర్యాప్తు సంస్థల నోడల్‌ అధికారులు/సహాయ వ్యయ పరిశీలకులు/ వ్యయ పర్యవేక్షణ బృందాలు/ రిటర్నింగ్‌ అధికారులు/సెక్టార్‌ అధికారులకు వేర్వేరుగా శిక్షణ, జిల్లాలకు నిధుల కేటాయింపు, అభ్యర్థుల ఎన్నికల వ్యయానికి సంబంధించిన ధరల ఖరారు, ఫ్లైయింగ్‌ స్క్వాడ్స్‌/స్టాటిక్‌ సర్వేలియన్స్‌ టీమ్స్‌/వీడియో సర్వేలియన్స్‌ టీమ్‌ల ఏర్పాటు తదితర పనులన్నీ వచ్చే అక్టోబర్‌నెలలోగా పూర్తి చేయాలని సీఈఓ కార్యాలయం నిర్దేశించుకుంది.      నవంబర్‌లో..   నవంబర్‌లో వివిధ స్థాయిల్లోని పోలీసు అధికారులకు శిక్షణ, పోలింగ్‌ సిబ్బందికి నియామక ఆదేశాల జారీ, సోషల్‌ మీడియాపై పర్యవేక్షణ, ఈవీఎంల తొలి ర్యాండమైజేషన్, వ్యయ పరిశీలకులకు శిక్షణ, పోలింగ్‌ కేంద్రాల ప్రకటన, వికలాంగులు/80 ఏళ్లకు పైబడిన వయో వృద్ధులైన ఓటర్లకు ఇంటి నుంచే ఓటు హక్కు కల్పించడానికి ఫారం 12డీ దరఖాస్తుల స్వీకరణ, సీ–విజిల్‌ ద్వారా ఎన్నికల కోడ్‌ ఉల్లంఘన ఫిర్యాదుల స్వీకరణ, పెయిడ్‌ వార్తలపై సమీక్ష, ఎన్నికల్లో వినియోగించేందుకు సమీకృత ఓటర్ల జాబితా ప్రకటన, పోలింగ్‌/కౌంటింగ్‌ ఏజెంట్ల నియామకం, బ్యాలెట్‌ పత్రాల ముద్రణ, సూక్ష్మ పరిశీలకులకు శిక్షణ, ఈవీఎంలకు రెండో ర్యాండమైజేషన్‌ నిర్వహణ, పోస్టల్‌ బ్యాలెట్ల పంపిణీ/స్వీకరణ తదితరాలన్నీ పూర్తి చేయాలి.   డిసెంబర్‌లో..   డిసెంబర్‌ నెలలో పోలింగ్‌ సిబ్బందికి తుదిశిక్షణ, పోలింగ్‌ కేంద్రాలకు రవాణా సదుపాయ కల్పన, పోలింగ్‌కు 48 గంటల ముందు మద్యం అమ్మకాలపై నిషేధం, పోలింగ్, కౌంటింగ్‌కు సంబంధించిన ఏర్పాట్లు పూర్తి చేయాలి.  

గౌహతి: డిసెంబర్‌లో జరగనున్న అసెంబ్లీ సమావేశాల్లో రాష్ట్రంలో బహుభార్యత్వాన్ని నిషేధిస్తూ బిల్లును ప్రవేశపెట్టనున్నట్లు తెలిపారు అసోం ముఖ్యమంత్రి హిమంత బిశ్వ శర్మ. టిన్‌సుకియాలో జరిగిన అఖిలపక్ష సమావేశంలో అయన మాట్లాడుతూ వచ్చే 45 రోజుల్లో ఈ బిల్లును సిద్ధం చేసి డిసెంబర్ సమావేశాల్లో ప్రవేశపెడతామని అన్నారు.  లీగల్ కమిటీ..  శనివారం జరిగిన అఖిలపక్ష సమావేశంలో సీఎం హిమంత బిశ్వ శర్మ మాట్లాడుతూ అసోం ప్రభుత్వం బహుభార్యత్వం బిల్లును సీరియస్‌గా తీసుకుందని దీనిపై ఒక లీగల్ కమిటీని కూడా ఏర్పాటు చేశామన్నారు. బహుభార్యత్వాన్ని నిషేధించడంలో సాధ్యాసాధ్యాలు గురించి అధ్యయనం చేయాల్సిందిగా రాష్ట్ర ప్రభుత్వం కమిటీని సూచించినట్లు తెలిపారు.  ప్రజాభిప్రాయం కూడా..  ఇదే అంశంపై ప్రజాభిప్రాయాలను కూడా సేకరించగా ప్రజల నుంచి సానుకూల స్పందన వస్తోందని మొత్తం 149 మంది నుంచి అభిప్రాయసేకరణ చేయగా వారిలో 146 మంది సానుకూలంగా స్పందించినట్లు తెలిపారు. మరో ముగ్గురు మాత్రం బహుభార్యత్వాన్ని సమర్ధించినట్లు తెలిపారు. బిల్లును రూపొందించడమే మా తదుపరి కార్యాచరణని అన్నారు. వీలైతే రాష్ట్రంలో లవ్ జిహాద్‌ను కూడా అంతం చేసే విధంగా ఇదే బిల్లులో మరికొన్ని అంశాలను కూడా చేర్చనున్నామన్నారు.           ఈ సందర్బంగా సాయుధ దళాల ప్రత్యేక అధికారాలు ఉపసంహరించే చట్టం గురించి ప్రస్తావిస్తూ.. అది రాష్ట్ర ప్రభుత్వ అభిప్రాయమని ఆ విషయంలో కేంద్ర ప్రభుత్వానిదే తుది నిర్ణయమని.. ఈ నెలాఖరులో కేంద్రంతో చర్చించి కచ్చితమైన నిర్ణయాన్ని తీసుకుంటామని అన్నారు.  సాయుధ దళాల ప్రత్యేక చట్టం..  1958 సాయుధ దళాల ప్రత్యేక అధికారాల చట్టం ప్రకారం శాంతిభద్రతలకు విఘాతం కలిగించే ప్రాంతాల్లో ప్రజా జీవనానికి ఇబ్బంది లేకుండా చేయడానికి పార్లమెంట్ వారికి ఈ అధికారాలను మంజూరు చేసింది. 1972లో ఈ చట్టాన్ని సవరిస్తూ ఒకసారి ఇబ్బందికరమైన ప్రాంతమని ప్రకటించాక అక్కడ కనీసం మూడు నెలల పాటు విధులు నిర్వర్తించేందుకు సాయుధ దళాలకు ప్రత్యేక అధికారముంటుంది.  #WATCH | On banning polygamy in the state, Assam CM Himanta Biswa Sarma says "A legal committee was formed to check if polygamy can be banned by the state govt or not. Later, we asked the public for their opinion if they had any objections. We received a total of 149 suggestions… pic.twitter.com/ZC9U2TNSQQ — ANI (@ANI) September 3, 2023 ఇది కూడా చదవండి: సరదా సన్నివేశం.. రాహుల్‌కు మటన్ కర్రీ వండటం నేర్పిన లాలూ

సాక్షి, హైదరాబాద్‌: రైతులెవ్వరూ బ్యాంకులకు ఒక్క రూపాయి కట్టవద్దని, ఈ ఏడాది డిసెంబర్‌ 9న కాంగ్రెస్‌ ప్రభుత్వం ఆధ్వర్యంలో రైతులకు రూ.2 లక్షల రుణమాఫీ చేస్తామని టీపీసీసీ అధ్యక్షుడు ఎ.రేవంత్‌రెడ్డి చెప్పారు. అసెంబ్లీ ఎన్నికల అనంతరం తెలంగాణలో ఏర్పడే ఇందిరమ్మ రాజ్యంలో అన్ని వర్గాలకు న్యాయం జరుగుతుందని హామీ ఇచ్చారు. ఆదివారం జూబ్లీహిల్స్‌లోని తన కార్యాలయంలో కొల్లాపూర్, మహేశ్వరం నియోజకవర్గాలకు చెందిన బీఆర్‌ఎస్‌ నేతలు కాంగ్రెస్‌ పార్టీలో చేరారు. ఈ సందర్భంగా రేవంత్‌ మాట్లాడుతూ, పార్లమెంటులో నోరు తెరవకపోయినా కేసీఆర్‌ను పాలమూరు జిల్లా భుజాలపై మోసిందని, అయినా పాలమూరు ప్రజలను కేసీఆర్‌ వంచించారని విమర్శించారు. పాలమూరు ప్రజానీకం ఈసారి జెండాలు, ఎజెండాలను పక్కనపెట్టి కాంగ్రెస్‌ను గెలిపించే బాధ్యత తీసుకోవాలని, పాలమూరులో 14కు 14 స్థానాలు గెలిస్తే రాష్ట్రంలో కాంగ్రెస్‌కు 100 స్థానాలు ఖాయమని చెప్పారు. కాంగ్రెస్‌ పార్టీ కార్యకర్తలు గ్రామగ్రామాన తిరిగి ప్రతి తలుపు తట్టాలని, రాష్ట్రంలో ఇందిరమ్మ రాజ్యం తెచ్చేందుకు కృషి చేయాలని కోరారు. కాంగ్రెస్‌ పార్టీ అధికారంలోకి వచ్చిన తర్వాత ప్రతి పేదవాడికి ఇల్లు కట్టుకునేందుకు రూ.5 లక్షలు ఇస్తామని, ఆరోగ్యశ్రీ ద్వారా రూ.5 లక్షల వరకు వైద్య ఖర్చులను ప్రభుత్వమే భరిస్తుందని, ఏడాదిలోగా 2 లక్షల ఉద్యోగాలను భర్తీ చేస్తామని, రూ.500కే మహిళలకు వంటగ్యాస్‌ సిలెండర్‌ అందిస్తామని రేవంత్‌ హామీ ఇచ్చారు.  

సీహెచ్‌వీ సుమన్‌ బాబు హీరోగా నటిస్తూ, దర్శకత్వం వహిస్తున్న చిత్రం ‘గిద్దలూరు పోలీస్‌స్టేషన్ ’. శ్రీ సుమన్‌ వెంకటాద్రి ప్రోడక్షన్స్  పై ఈ మూవీ రూపొందుతోంది. సుమన్‌ బాబు మాట్లాడుతూ– ‘‘చట్టం ఎవరి చుట్టం కాదు. కర్తవ్యమే ప్రాణం అని నిరూపించిన ఒక పవర్‌ఫుల్‌ పోలీస్‌ ఆఫీసర్‌ కథే ‘గిద్దలూరు పోలీస్‌స్టేషన్ ’. అందరూ ఆలోచించే కథ, కథనం ఉంటుంది. ఆగస్ట్‌ 15న మా సినిమా ఫస్ట్‌ గ్లింప్స్‌ రిలీజ్‌ చేస్తాం. డిసెంబరులో సినిమా రిలీజ్‌ చేస్తాం’’ అన్నారు. ఈ చిత్రానికి సంగీతం: ప్రమోద్‌ పులిగిల్ల, కెమెరా: గణేష్, లైన్‌ ప్రోడ్యూసర్‌: అబ్దుల్‌ రెహమాన్ .  

న్యూఢిల్లీ: దేశవ్యాప్తంగా ఏడు ప్రధాన పట్టణాల్లో ఇళ్ల విక్రయాలు డిసెంబర్‌తో ముగిసిన మూడో త్రైమాసికంలో 11 శాతం పెరిగినట్టు రేటింగ్‌ ఏజెన్సీ ఇక్రా తెలిపింది. ఏడు పట్టణాల్లో 149 మిలియన్‌ చదరపు అడుగులు (ఎంఎస్‌ఎఫ్‌) అమ్ముడుపోయినట్టు వెల్లడించింది. గత పదేళ్లలో ఒక త్రైమాసికం వారీ అత్యధిక విక్రయాలు ఇవేనని పేర్కొంది. డిమాండ్‌ మెరుగ్గా ఉండడమే వృద్ధికి మద్దతునిచ్చినట్టు తెలిపింది. 2022–23 మొదటి తొమ్మిది నెలల్లో (2022 ఏప్రిల్‌ నుంచి డిసెంబర్‌ వరకు) ఈ ఏడు ప్రధాన పట్టణాల్లో 412 ఎంఎస్‌ఎఫ్‌ అడుగుల ఇళ్లను విక్రయించినట్టు ఇక్రా తెలిపింది. అంతక్రితం ఏడాది ఇదే తొమ్మిది నెలల్లో విక్రయాలు 307 ఎంఎస్‌ఎఫ్‌తో పోలిస్తే 30 శాతానికి పైగా వృద్ధి నమోదైంది. కరోనా మహమ్మారి తర్వాత కొనుగోలుదారుల ప్రాధాన్యతల్లో మార్పు వచ్చిందంటూ.. లగ్జరీ, మధ్య స్థాయి ధరల ఇళ్ల వాటా పెరిగినట్టు వివరించింది. 2019–20లో లగ్జరీ ఇళ్ల వాటా 14 శాతం, మధ్యస్థాయి ధరల ఇళ్ల వాటా 36 శాతం చొప్పున ఉంటే.. 2022–23 ఏప్రిల్‌–డిసెంబర్‌ కాలానికి లగ్జరీ ఇళ్ల అమ్మకాల వాటా 16 శాతానికి పెరిగితే, మధ్యస్థాయి ఇళ్ల విక్రయాల వాటా 42 శాతానికి చేరింది. హైదరాబాద్‌తోపాటు, చెన్నై బెంగళూరు, కోల్‌కతా, ముంబై మెట్రోపాలిటన్‌ రీజియన్, నేషనల్‌ క్యాపిటల్‌ రీజియన్, పుణె పట్టణాలకు సంబంధించి ఇక్రా గణాంకాలు విడుదల చేసింది. 2023–24లో 16 శాతం..   ‘‘రెసిడెన్షియల్‌ రియల్‌ ఎస్టేట్‌ అమ్మకాలు విలువ పరంగా 2022–23లో 8–12 శాతం మేర వృద్ధి చెందొచ్చు. 2023–24లో 14–16 శాతం మధ్య పెరగొచ్చు’’అని ఇక్రా వైస్‌ ప్రెసిడెంట్, కో గ్రూప్‌ హెడ్‌ అనుపమ రెడ్డి తెలిపారు. టాప్‌–12 డెవలపర్ల ప్రాథమిక గణాంకాల ఆధారంగా వేసిన అంచనాలుగా ఇక్రా పేర్కొంది. ఆర్‌బీఐ వడ్డీ రేట్ల పెరుగుదల గృహ కొనుగోళ్లపై లేదని తెలిపింది. ‘‘కరోనా ముందున్న నాటి రేట్ల కంటే ఇప్పటికీ గృహ రుణాలపై రేట్లు తక్కువే ఉన్నాయి. కనుక కొనుగోలు శక్తి ఇప్పటికీ ఆరోగ్యంగానే ఉంది. తక్కువ నిల్వలు, డెవలపర్లు తమకు అనుకూలంగా ప్రాజెక్టులు ప్రారంభించడం, ఉద్యోగ మార్కెట్‌లో మందగమనం, వడ్డీ రేట్లు మరింత పెరుగుదల కొనుగోలు శక్తిపై చూపించే అంశాలు’’అని పేర్కొంది. 2022 డిసెంబర్‌ నాటికి అమ్ముడుపోని ఇళ్ల పరిమాణం 839 ఎంఎస్‌ఎఫ్‌గా ఉందని ఇక్రా తెలిపింది. 2021 డిసెంబర్‌లో విక్రయం కాని ఇళ్లు 923 ఎంఎస్‌ఎఫ్‌తో పోలిస్తే తక్కువేనని గుర్తు చేసింది. వార్షికంగా చూస్తే 2022 డిసెంబర్‌ త్రైమాసికంలో ఇళ్ల ధరలు 10 శాతం పెరిగినట్టు పేర్కొంది. పెరిగిన నిర్మాణ వ్యయాలను కస్టమర్లకు బదిలీ చేయడమే ధరల పెరుగుదలకు కారణంగా తెలిపింది. 

బెంగళూరు: విమానయాన సంస్థ ఆకాశ ఎయిర్‌ ఈ ఏడాది చివరికల్లా అంతర్జాతీయ సర్వీసులను ప్రారంభించనుంది. డిసెంబర్‌ నాటికి పెద్ద ఎత్తున విమానాలకు ఆర్డర్‌ ఇవ్వనున్నట్టు సంస్థ ఫౌండర్, సీఈవో వినయ్‌ దూబే బుధవారం వెల్లడించారు. ‘ఇప్పటికే 72 విమానాలకు ఆర్డర్‌ ఇచ్చాం. వీటిలో 18 సంస్థ ఖాతాలో చేరాయి. కొత్తగా ఇవ్వనున్న ఆర్డర్‌ మూడంకెల స్థాయిలో ఉంటుంది. ఏడాది కాలంలో 300 మంది పైలట్లను నియమించుకుంటాం. బెంగళూరులో లెర్నింగ్‌ అకాడెమీ స్థాపించనున్నాం. వచ్చే పదేళ్లలో సంస్థకు కనీసం 3,500 మంది పైలట్లు అవసరం అవుతారు’ అని వివరించారు. సిబ్బందిలో మహిళల సంఖ్య 37 శాతం ఉంది. దీనిని 50 శాతానికి చేర్చాలన్నది ఆకాశ ఎయిర్‌ లక్ష్యం. గతంలోనే ఆర్డర్‌ ఇచ్చిన 72 విమానాలను బోయింగ్‌ 2027 మార్చి నాటికి డెలివరీ చేయనుంది. ఫిబ్రవరి మొదటి వారంలో ఆరు నెలలు పూర్తి చేసుకున్న ఆకాశ ఎయిర్‌ 10 లక్షల మందిని గమ్యస్థానాలకు చేర్చింది. హైదరాబాద్, వైజాగ్‌తోసహా 14 నగరాల్లో సేవలు అందిస్తోంది. 2023 ఆగస్ట్‌ నాటికి వారంలో 1,000 సర్వీసులు నడపాలని లక్ష్యంగా చేసుకుంది.

ముంబై: భారత్‌ స్థూల దేశీయోత్పత్తి (జీడీపీ) డిసెంబర్‌ త్రైమాసికంలో 4.6 శాతమన్న అంచనాలను బ్యాంకింగ్‌ దిగ్గజం స్టేట్‌ బ్యాంక్‌ ఆఫ్‌ ఇండియా (ఎస్‌బీఐ) గ్రూప్‌ ప్రధాన ఆర్థిక సలహాదారు సౌమ్య కాంత్‌ ఘోష్‌ వెలువరించారు. రెండవ త్రైమాసికంలో ఉన్న ఆశావహ పరిస్థితుల్లో తమ 30 హై ఫ్రీక్వెన్సీ ఇండికేటర్లు లేవని పేర్కొంది. మూడవ త్రైమాసికంలో వృద్ధి 4.4 శాతమన్న రిజర్వ్‌ బ్యాంక్‌ ఆఫ్‌ ఇండియా( ఆర్‌బీఐ) అంచనాలకన్నా ఎస్‌బీఐ గ్రూప్‌ ఎకనమిక్‌ అడ్వైజర్‌ లెక్కలు అధికంగా ఉండడం గమనార్హం. కాగా, ఆర్థిక సంవత్సరంలో (2022-23) 6.8 శాతం అంచనాలను 7 శాతానికి పెంచుతున్నట్లు ఘోష్‌ పేర్కొన్నా రు. ప్రస్తుత ఆర్థిక సంవత్సరం మొదటి త్రైమాసికం (ఏప్రిల్‌–జూన్‌లో ఎకానమీ వృద్ధి రేటు 13.5 శాతంగా నమోదయ్యింది. రెండవ త్రైమాసికానికి ఇది 6.3 శాతానికి పడిపోయింది.   2023-24లో వృద్ధి 5.9శాతం : ఇండియా రేటింగ్స్‌   కాగా, 2023- 24 ఆర్థిక సంవత్సరంలో భారత్‌ వృద్ధి 5.9 శాతమని ఇండియా రేటింగ్స్‌ ఒక నివేదికలో పేర్కొంది.  

న్యూఢిల్లీ: ఎంప్లాయీస్‌ ప్రావిడెంట్‌ ఫండ్‌ ఆర్గనైజేషన్‌ (ఈపీఎఫ్‌ఓ)లో డిసెంబర్‌ 2022లో 14.93 లక్షల మంది కొత్త సభ్యత్వం నమోదయ్యింది. 2021 ఇదే నెలతో పోల్చితే ఇది 2 శాతం (32,635 మంది) అధికమని కార్మిక మంత్రిత్వశాఖ 2022 డిసెంబర్‌కు సంబంధించి విడుదల చేసిన (తొలి) గణాంకాలు పేర్కొన్నాయి.   గణాంకాల్లో కొన్ని ముఖ్యాంశాలు పరిశీలిస్తే.. ► ఈపీఎఫ్‌ఓలో చేరిన 14.93 లక్షల మందిలో దాదాపు 8.02 లక్షల మంది కొత్త ఉద్యోగులు. వీరు మొదటిసారి సామాజిక భద్రతా వ్యవస్థ– ఈపీఎఫ్‌ఓ పరిధిలోకి వచ్చారు. అంటే మొదటిసారి వ్యవస్థాగతమైన ఉపాధిని వీరు పొందారన్నమాట.   ► కొత్తగా చేరిన 8.02 లక్షల మందిలో 18 నుంచి 21 సంవత్సరాల మధ్య వయస్కులు 2.39 లక్షల మంది. 22–25 సంవత్సరాల మధ్య వారు 2.08 లక్షల మంది. 18 నుంచి 25 సంవ త్సరాల మధ్య వయస్సు కలవారు మొత్తం సంఖ్యలో (8.02 లక్షల మంది) 55.64% మంది.   ► సమీక్షా నెల్లో 3.84 లక్షల మంది ఈపీఎఫ్‌ఓ నుంచి బయటకు వెళ్లగా, 10.74 లక్షల మంది బయ టకు వెళ్లి మళ్లీ కొత్త ఉద్యోగాల్లో చేరారు. తద్వా రా తిరిగి ఈపీఎఫ్‌ఓలో సభ్యత్వం పొందారు.   ఈఎస్‌ఐసీలోనూ భారీ పెరుగుదల కాగా, ఎంప్లాయీస్‌ స్టేట్‌ ఇన్సూరెన్స్‌ కార్పొరేషన్‌ (ఈఎస్‌ఐసీ)లో కూడా 2022 డిసెంబర్‌లో కొత్త ఉద్యోగులు 18.03 లక్షల మంది చేరాయి. 2021 డిసంబర్‌తో పోల్చితే ఈ సంఖ్య 14.52 లక్షలు పెరగడం గమనార్హం. ఈఎస్‌ఐసీ కింద డిసెంబర్‌ 2022లో 27,700 కొత్త సంస్థలు రిజిస్టరయ్యాయి. కొత్తగా చేరిన 18.03 లక్షల మంది ఉద్యోగుల్లో 25 సంవత్సరాలపైబడినవారు 8.30 లక్షల మంది. దేశంలో యువతకు ఉపాధి అవకాశాలు లభిస్తున్నాయని ఈ గణాంకాలు వెల్లడిస్తున్నాయి. ఈఎస్‌ఐ స్కీమ్‌లో చేరినవారిలో 80 మంది ట్రాన్స్‌జెండర్లు.   సభ్యులకు బహుళ ప్రయోజనాలు... ఉద్యోగి రికార్డుల నవీకరణ నిరంతర ప్రక్రియ.  ఈ ప్రాతిపదికన పేరోల్‌ డేటాను తాత్కాలికమైనదిగా పరిగణించాలి. మునుపటి డేటా ప్రతి నెలా మారుతుంది. ఏప్రిల్‌ 2018 నుండి  (సెప్టెంబర్‌ 2017 తరువాత కాలాన్ని పరిగణనలోకి తీసుకుంటూ) పేరోల్‌ డేటా విడుదలవుతోంది. ఈపీఎఫ్‌ఓ తన సభ్యులకు సభ్యులకు ఈపీఎఫ్, ఎంపీ చట్టం, 1952 చట్టం కింద లభించే పలు ప్రయోజనాలను అందించడానికి బాధ్యత వహించే సామాజిక భద్రతా సంస్థ. ఇది సభ్యులకు వారి పదవీ విరమణపై భవిష్య నిధి, పెన్షన్‌ ప్రయోజనాలు అలాగే సభ్యుడు అకాల మరణం సంభవించినప్పుడు వారి కుటుంబాలకు కుటుంబ పెన్షన్,  బీమా ప్రయోజనాలను అందిస్తుంది. ఈపీఎఫ్‌ఓ దాదాపు 6 కోట్ల  మందికి పైగా చందాదారులతో రూ.12 లక్షల కోట్ల పెట్టుబడులను కలిగి ఉంది.  పటిష్టమైన స్థాయిలో రూ.300 కోట్లకు పైగా మిగులునూ నిర్వహిస్తోంది.  ఉద్యోగుల భవిష్య నిధి (ఈపీఎఫ్‌) డిపాజిట్లపై 2021–22 ఆర్థిక సంవత్సరానికి సంబంధించి 8.1 శాతం వడ్డీ రేటు చెల్లించడానికి కేంద్రం ఆమోదముద్ర వేసింది. గడచిన నాలుగు దశాబ్దాల కాలంలో (1977–78లో ఈపీఎఫ్‌ 8 శాతం) కనిష్ట వడ్డీరేటు ఇది.  డెట్‌ ఇన్వెస్ట్మెంట్‌ నుంచి పొందిన వడ్డీ అలాగే ఈక్విటీ పెట్టుబడుల నుంచి వచ్చిన ఆదాయ అంశాలను పరిగణనలోకి తీసుకుని ఈపీఎఫ్‌ఓ అత్యున్నత స్థాయి సెంట్రల్‌ బోర్డ్‌ ఆఫ్‌ ట్రస్టీస్‌ (సీబీటీ) వడ్డీరేటును నిర్ణయిస్తుంది. 2015–16లో స్టాక్‌ మార్కెట్లో పెట్టుబడులను ఈపీఎఫ్‌ఓ ప్రారంభించింది. ఈక్విటీల్లో తన మొత్తం నిధుల్లో 5 శాతంతో ప్రారంభమైన ఈపీఎఫ్‌ఓ పెట్టుబడులు,  ప్రస్తుతం 15 శాతానికి చేరాయి.

న్యూఢిల్లీ: పారిశ్రామిక ఉత్పత్తి వృద్ధి 2022 డిసెంబర్‌లో మందగించింది. సమీక్షా నెల్లో ఇందుకు సంబంధించిన సూచీ (ఐఐపీ) వృద్ధి రేటు 4.3 శాతంగా నమోదయ్యింది. నవంబర్‌లో ఈ రేటు 7.3 శాతం. మొత్తం సూచీలో మెజారిటీ వాటా కలిగిన తయారీ రంగం, భారీ యంత్ర పరికరాల ఉత్పత్తులు, డిమాండ్‌కు ప్రాతిపదిక అయిన క్యాపిటల్‌ గూడ్స్‌ రంగాల పేలవ పనితీరు డిసెంబర్‌ గణాంకాలపై పడినట్లు జాతీయ గణాంకాల కార్యాలయం (ఎన్‌ఎస్‌ఓ) వెలువరించిన లెక్కలు పేర్కొంటున్నాయి. ఎయిర్‌ కండీషనర్లు, రిఫ్రిజిరేటర్ల రంగం ఉత్పత్తులకు సంబంధించిన కన్జూమర్‌ డ్యూరబుల్స్‌ విభాగం కూడా వృద్ధి (5.1 శాతం) నుంచి క్షీణతకు (–10.4 శాతం) మారింది. సబ్బులు, షాంపూల వంటి ఎఫ్‌ఎంసీజీ ఉత్పత్తులకు సంబంధించిన కన్జూమర్‌ నాన్‌ డ్యూరబుల్స్‌ రంగంలో వృద్ధి రేటు తగ్గింది.  వార్షికంగా పరిశీలిస్తే మాత్రం 2021 డిసెంబర్‌కన్నా 2022 డిసెంబర్‌లో పనితీరు మెరుగ్గా ఉండడం ఊరటనిస్తున్న అంశం. అప్పట్లో ఐఐపీ వృద్ధి రేటు కేవలం 1 శాతం మాత్రమే. 9 నెలల్లో ఇలా... మార్చితో ముగిసే ప్రస్తుత ఆర్థిక సంవత్సరం మొదటి తొమ్మిది నెలల్లో (ఏప్రిల్‌– డిసెంబర్‌) ఐఐపీ 5.4 శాతం పురోగమించగా, 2021 ఇదే కాలంలో ఈ వృద్ధి రేటు 15.3 శాతంగా ఉంది. 2022 ఏప్రిల్‌ నుంచి నవంబర్‌ నాటికి ఈ వృద్ధి రేటు 5.5 శాతం  

న్యూఢిల్లీ: ఆదిత్య బిర్లా ఫ్యాషన్‌ అండ్‌ రిటైల్‌ కన్సాలిడేటెడ్‌ లాభం డిసెంబర్‌తో ముగిసిన మూడు నెలల కాలంలో అంతక్రితం ఏడాది ఇదే కాలంతో పోల్చినప్పుడు, 94 శాతం తగ్గిపోయి రూ.11 కోట్లకు పరిమితమైంది. అంతక్రితం ఏడాది ఇదే కాలంలో సంస్థ లాభం రూ.197 కోట్లుగా ఉంది. ఆదాయం 20 శాతం వృద్ధితో రూ.3,589 కోట్లకు చేరింది. ప్రధానంగా మార్కెటింగ్‌ వ్యయాలు, వ్యూహాత్మక పెట్టుబడులు రెండు రెట్లు పెరగడం నికర లాభం తగ్గిపోయేందుకు కారణమైనట్టు సంస్థ తెలిపింది. వ్యయాలు 31 శాతం పెరిగి రూ.3,603 కోట్లుగా ఉన్నాయి. మధుర ఫ్యాషన్‌ అండ్‌ లైఫ్‌స్టయిల్‌ విభాగం ఆదాయం 24 శాతం పెరిగి రూ.2,466 కోట్లుగా ఉంటే, ప్యాంటలూన్స్‌ ఆదాయం 9 శాతం పెరిగి రూ.1,159 కోట్లుగా ఉంది. తన బ్రండెడ్‌ అవుట్‌లెట్లను 245 వరకు పెంచుకుంది.  

న్యూఢిల్లీ: సుప్రీంకోర్టు న్యాయమూర్తులుగా గత డిసెంబర్లో కొలీజియం సిఫార్సు చేసిన ఐదు పేర్లను త్వరలో ఆమోదించనున్నట్టు కేంద్రం పేర్కొంది. రాజస్తాన్, పట్నా, మణిపూర్‌ హైకోర్టుల ప్రధాన న్యాయమూర్తులు జస్టిస్‌ పంకజ్‌ మిత్తల్, జస్టిస్‌ సంజయ్‌కరోల్, జస్టిస్‌ పి.వి.సంజయ్‌ కుమార్‌తో పాటు పట్నా హై కోర్టు న్యాయమూర్తి జస్టిస్‌ అష్నదుద్దీన్‌ అమానుల్లా, అలహాబాద్‌ హైకోర్టు న్యాయమూర్తి జస్టిస్‌ మనోజ్‌ మిశ్రా వీరిలో ఉన్నారు. కొలీజియం సిఫార్సులను కేంద్రం పెండింగ్‌లో పె డుతున్న వైనంపై విచారణ జరుపుతున్న జస్టిస్‌ ఎస్‌.కె.కౌల్, జస్టిస్‌ ఏఎస్‌ ఓకా ధర్మాసనానికి అటార్నీ జనరల్‌ ఆర్‌.వెంకటరమణి శుక్రవారం ఈ మేరకు సమాచారమిచ్చారు. ‘‘ఆ ఐదు సిఫార్సులు గత డిసెంబర్‌ 13న చేసినవి. ఇప్పుడు ఫిబ్రవరి వచ్చింది’’ అని ధర్మాసనం గుర్తు చేయగా, ఆదివారానికల్లా నియామక ఉత్తర్వులు రావచ్చని బదులిచ్చారు. కోర్టులపై దాడి పరిపాటైంది: జస్టిస్‌ కౌల్‌ కొలీజియం సిఫార్సులను తొక్కిపడుతున్న తీరుపై ధర్మాసనం ఈ సందర్భంగా తీవ్ర ఆగ్రహం వ్యక్తం చేసింది. హైకోర్టు న్యాయమూర్తుల నియామకం, బదిలీల సిఫార్సు సంగతేమిటని ప్రశ్నించింది. అందుకు ఇంకాస్త సమయం పడుతుందని ఏజీ చెప్పగా మండిపడింది. ‘‘ఇది చాలా చాలా సీరియస్‌ అంశం. ఈ విషయంలో కేంద్రం వైఖరి మమ్మల్ని ఎంతగానో ఇబ్బంది పెడుతోంది. బదిలీ సిఫార్సులను కూడా పెండింగ్‌లో పెడితే మేమింకేం చేయాలని మీరు ఆశిస్తున్నట్టు? మీరు ఉత్తర్వులిచ్చే దాకా సదరు న్యాయమూర్తులు చేతులు ముడుచుకుని కూర్చోవాలా? మీరదే కోరుకుంటున్నారా?’’ అంటూ తీవ్ర స్వరంతో ప్రశ్నించింది. ‘‘ఈ విషయంలో మేం ఒక వైఖరికి వచ్చి అతి కఠినమైన నిర్ణయాలు తీసుకునేలా చేస్తున్నారు. అది అంతిమంగా అందరికీ చాలా అసౌకర్యంగా ఉంటుంది’’ అంటూ ఏజీని హెచ్చరించింది. ‘‘హైకోర్టు న్యాయమూర్తుల బదిలీల్లో జాప్యాన్ని అస్సలు అనుమతించేది లేదు. ఎందుకంటే ఈ విషయంలో కేంద్రం పాత్ర అతి స్వల్పం. ఈ విషయమై ఎవరో మూడో శక్తి మాతో ఆటలాడటాన్ని ఎట్టి పరిస్థితుల్లోనూ అనుమతించబోం. మీ జాప్యం వల్ల న్యాయ, పాలనపరమైన విధులకు విఘాతం కలగడం అస్సలు ఆమోదనీయం కాదు’’ అంటూ మండిపడింది. ‘‘హైకోర్టు ప్రధాన న్యాయమూర్తి పదవికి ఒక న్యాయమూర్తి పేరును కొలీజియం సిఫార్సు చేస్తే ఇప్పటిదాకా ఏ నిర్ణయమూ తీసుకోలేదు. మరో 19 రోజుల్లో ఆయన రిటైరవుతున్నారు. సీజే అవకుండానే రిటైరవాలని మీరు ఆశిస్తున్నట్టా?’’ అని నిలదీసింది. ఇది తమ దృష్టిలో ఉందని, అవసరమైన చర్యలు తీసుకుంటామని ఏజీ బదులిచ్చినా సంతృప్తి చెందలేదు. ‘‘కొలీజియం సిఫార్సులను ఒక్కోసారి రాత్రికి రాత్రే ఆమోదిస్తున్నారు. మరికొన్నిసార్లు విపరీతంగా జాప్యం చేస్తున్నారు’’ అంటూ తీవ్రంగా తప్పుబట్టింది. కొలీజియం పునరుద్ఘాటించిన పేర్లనూ పెండింగ్‌లో పెడుతున్నారని న్యాయవాది ప్రశాంత్‌ భూషణ్‌ ధర్మాసనం దృష్టికి తీసుకెళ్లారు. కోర్టులపై బయట తీవ్ర దాడికి పాల్పడుతున్నారని మరో న్యాయవాది ఆరోపించగా వీటికి అలవాటు పడిపోయామని జస్టిస్‌ కౌల్‌ ఆవేదన వెలిబుచ్చారు. విచారణను ఫిబ్రవరి 13కు వాయిదా వేశారు. కొలీజియం విషయమై కేంద్రానికి, న్యాయవ్యవస్థకు మధ్య తీవ్ర ఘర్షణ వాతావరణం నెలకొనడం తెలిసిందే. కొలీజియం సిఫార్సులను కేంద్రం పెండింగ్‌లో పెట్టడం దాన్ని మరింత పెంచింది. తాజాగా అలహాబాద్, గుజరాత్‌ హైకోర్టుల ప్రధాన న్యాయమూర్తుల పేర్లను సుప్రీంకోర్టు న్యాయమూర్తులుగా సీజేఐ జస్టిస్‌ డి.వై.చంద్రచూడ్‌ సారథ్యంలోని కొలీజియం జనవరి 31న సిఫార్సు చేసింది. సుప్రీంకోర్టులో 34 మంది న్యాయమూర్తులకు గాను ప్రస్తుతం 27 మందే ఉన్నారు.

న్యూఢిల్లీ: వస్తు సేవల పన్ను (జీఎస్‌టీ) వసూళ్లు డిసెంబర్‌లో 15% పెరుగుదలతో రూ.1,49,507 కోట్లకు చేరాయి. 2021 ఇదే నెలతో (రూ.1.30 లక్షల కోట్లు) పోల్చితే ఈ పెరుగుదల 15 శాతంగా నమోదయ్యింది. తయారీ, వినియోగ రంగాల నుంచి డిమాండ్‌ పటిష్టంగా ఉందని గణాంకాలు వెల్లడించాయి. వస్తు సేవల పన్ను వసూళ్లు రూ.1.4 లక్షల కోట్లను అధిగమించడం ప్రస్తుత ఆర్థిక సంవత్సరం ఇది వరుసగా 9వ నెల. 

న్యూఢిల్లీ: భారత్‌లో నిరుద్యోగం రోజు రోజుకీ ఎక్కువైపోతోంది. డిసెంబర్‌లో అత్యధికంగా 8.3% శాతానికి నిరుద్యోగం రేటు ఎగబాకింది. గత 16 నెలల్లో అదే అత్యధికమని సెంటర్‌ ఫర్‌ మోనటిరింగ్‌ ఇండియన్‌ ఎకానమీ (సీఎంఐఈ) ఒక నివేదికలో తెలిపింది. పట్టణాల్లో నిరుద్యోగ రేటు 2022 నవంబర్‌లో 8.96 ఉంటే, డిసెంబర్‌ వచ్చేసరికి 10.09 ­శాతానికి పెరిగింది. ఇక గ్రామీణ ప్రాంతాల్లో నిరుద్యోగం రేటు నవంబర్‌లో 7.55% ఉంటే స్వల్పంగా తగ్గి డిసెంబర్‌ నాటికి 7.44శాతానికి చేరుకుంది. నిరుద్యోగం రేటు అత్యధికంగా హర్యానాలో 37.4% ఉంది. ఆ తర్వాత స్థానాల్లో రాజస్థాన్‌ (28.5%), ఢిల్లీ (20.8%) ఉన్నాయి.   కేంద్రానికి అతి పెద్ద సవాల్‌ పెరిగిపోతున్న ద్రవ్యోల్బణం అదుపు చెయ్యడం, లక్షలాది మంది నిరుద్యోగులకు ఉద్యోగ అవకాశాలను కల్పించడం మోదీ సర్కార్‌ ముందున్న అతి పెద్ద సవాల్‌గా ఉంది. కాంగ్రెస్‌ నాయకుడు రాహుల్‌ గాంధీ తన పాదయాత్రలో కూడా అధిక ధరలు, నిరుద్యోగం సమస్యలపైనే ప్రధానంగా దృష్టి పెట్టారు. ఇలాంటి సమయంలో నిరుద్యోగం రేటు మరోసారి పెరిగిపోవడం ఆందోళన కలిగించే అంశమే. అయితే కరోనా భయాలు తొలగిపోయిన తర్వాత గ్రామీణ ప్రాంతాల్లో కార్మికుల భాగస్వామ్యం బాగా పెరిగిందని, ఇది నిజంగానే మంచి విషయమని సీఎంఐఈ మేనేజింగ్‌ డైరెక్టర్‌ మహేశ్‌ వ్యాస్‌ చెప్పారు. గత ఏడాది కాలంలో ఉపాధి కార్మికులు భాగస్వామ్యం రేటు పెరిగి డిసెంబర్‌లో అత్యధికంగా 40.48% నమోదైందని ఆయన వివరించారు.

సాక్షి, హైదరాబాద్‌: నూతన సంవత్సర వేడుకలను దృష్టిలో ఉంచుకొని శనివారం అర్ధరాత్రి వరకు మెట్రో రైళ్లు నడుపనున్నట్లు హెచ్‌ఎంఆర్‌ ఎండీ ఎన్వీఎస్‌ రెడ్డి ఒక ప్రకటనలో తెలిపారు. నగరంలోని వివిధ మెట్రో కారిడార్‌లలో తెల్లవారు జామున ఒంటిగంటకు ప్రారంభ స్టేషన్‌ నుంచి చివరి రైలు బయలుదేరి 2 గంటలకు గమ్యస్థానానికి చేరుకుంటుంది. మరోవైపు వేడుకలను దృష్టిలో ఉంచుకొని మెట్రో స్టేషన్లు, రైళ్లలో  పటిష్టమైన భద్రతా చర్యలు చేపట్టినట్లు పేర్కొన్నారు. ప్రయాణికులు సురక్షితంగా ఇళ్లకు చేరుకొనేందుకు అన్ని ఏర్పాట్లు చేసినట్లు చెప్పారు.   ఎంఎంటీఎస్‌ ప్రత్యేక రైళ్లు...  నూతన సంవత్సరం సందర్భంగా కల్వరి టెంపుల్‌లో జరిగే వేడుకలకు వెళ్లే భక్తుల కోసం శనివారం రాత్రి నుంచి ఆదివారం ఉదయం వరకు వివిధ రూట్లలో  ఎంఎంటీఎస్‌ ప్రత్యేక రైళ్లు నడుపనున్నట్లు దక్షిణమధ్య రైల్వే సీపీఆర్వో సీహెచ్‌.రాకేశ్‌ తెలిపారు. నాంపల్లి–లింగంపల్లి, ఫలక్‌నుమా–లింగంపల్లి మధ్య ఈ ప్రత్యేక రైళ్లు రాకపోకలు సాగించనున్నాయి.  న్యూ ఇయర్ విషెస్ ఇలా తెలియజేయండి మీ సన్నిహితులకు

న్యూఢిల్లీ: విదేశీ పోర్ట్‌ఫోలియో ఇన్వెస్టర్లు(ఎఫ్‌పీఐలు) ఈ నెల(డిసెంబర్‌)లో ఇప్పటివరకూ దేశీ ఈక్విటీలలో నికర పెట్టుబడిదారులుగా నిలిచారు. అనిశ్చుతులలోనూ రూ. 11,557 కోట్లను నికరంగా ఇన్వెస్ట్‌ చేశారు. రష్యా– ఉక్రెయిన్‌ యుద్ధం, చైనాలో కోవిడ్‌ ఆందోళనల నేపథ్యంలోనూ దేశీ ఈక్విటీలపట్ల ఆసక్తి చూపారు. అయితే సమీప భవిష్యత్‌లో యూఎస్‌ స్థూల ఆర్థిక గణాంకాలు, కోవిడ్‌ పరిస్థితులు ఎఫ్‌పీఐ పెట్టుబడులపై ప్రభావం చూపనున్నట్లు జియోజిత్‌ ఫైనాన్షియల్‌ సర్వీసెస్‌ చీఫ్‌ ఇన్వెస్ట్‌మెంట్‌ స్ట్రాటజిస్ట్‌ వీకే విజయ్‌కుమార్‌ పేర్కొన్నారు. డిపాజిటరీ గణాంకాల ప్రకారం డిసెంబర్‌ 1–23 మధ్య ఎఫ్‌పీఐలు నికరంగా రూ. 11,557 కోట్ల విలవైన ఈక్విటీలను కొనుగోలు చేశారు. కాగా.. గత నెల(నవంబర్‌)లో ఎఫ్‌పీఐలు మరింత అధికంగా రూ. 36,200 కోట్లను ఇన్వెస్ట్‌ చేయడం గమనార్హం! ఇందుకు యూఎస్‌ డాలరు బలహీనపడటం, స్థూల ఆర్థిక పరిస్థితుల సానుకూలత దోహదం చేశాయి. అయితే అంతకుముందు అంటే అక్టోబర్‌లో నామమాత్రంగా రూ. 8 కోట్ల విలువైన అమ్మకాలు చేపట్టగా.. సెప్టెంబర్‌లో రూ. 7,624 కోట్ల పెట్టుబడులను వెనక్కి తీసుకున్నారు. 

ముంబై: భారత్‌ విదేశీ మారకద్రవ్య నిల్వలు వరుసగా ఐదు వారాల పెరుగుదల తర్వాత డిసెంబర్‌ 16తో ముగిసిన వారంలో తగ్గాయి. డిసెంబర్‌ 9వ తేదీన 564.06 బిలియన్‌ డాలర్లుగా ఉన్న ఫారెక్స్‌ నిల్వలు 16తో ముగిసిన వారానికి 571 మిలియన్‌ డాలర్లు తగ్గి 563.499 బిలియన్‌ డాలర్లకు చేరాయని ఆర్‌బీఐ తాజా గణాంకాలు వెల్లడించాయి. అక్టోబర్‌ 2021లో దేశ విదేశీ మారకపు విలువ 645 బిలియన్‌ డాలర్ల ఆల్‌ టైమ్‌ గరిష్ఠ స్థాయికి చేరుకుంది. అయితే ప్రపంచ పరిణామాలు, ఒత్తిళ్లు, రూపాయిని రక్షించుకోవడానికి సెంట్రల్‌ బ్యాంక్‌ చర్యలతో గరిష్టం నుంచి దాదాపు 100 బిలియన్‌ డాలర్లు తగ్గి దాదాపు ఒక దశలో 540 బిలియన్‌ డాలర్ల వరకూ పడ్డాయి.  

సాక్షి, ముంబై: ఎలక్ట్రిక్ స్కూటర్‌‌ లవర్స్‌కు ఓలా ఎలక్ట్రిక్  గుడ్‌ న్యూస్‌ చెప్పింది.డిసెంబర్ సందర్భంగా ఓలా ఎలక్ట్రిక్ ప్రత్యేక ఆఫర్లను ప్రకటించింది. డిసెంబర్ టు రిమెంబర్ అంటూ ఓలా ఎస్1 ప్రో ఎలక్ట్రిక్ స్కూటర్‌‌పై  భారీ తగ్గింపును అందిస్తోంది. అలాగే జీరో డౌన్‍ పేమెంట్‍తో పాటు మరిన్ని ఆఫర్లు ఉన్నాయి. అయితే బేస్‌ వేరియంట్‌పై ఈ ఆఫర్‌ వర్తించదు.  అలాగే 10 ఈ స్కూటర్లను ఉచితంగా అందించనుంది. గతంలో అక్టోబర్‌లోప్రకటించిన ఈ ఆఫర్‌ను తర్వాత నవంబర్ వరకు పొడిగించిన సంగతి తెలిసిందే.  తాజాగా ఈ ఆఫర్‌ను  డిసెంబర్ 31  2022 వరకు పొడిగించింది. ఓలా ఎస్1 ప్రోపై డిస్కౌంట్ ఓలా ఎస్1 ప్రో ఎలక్ట్రిక్ స్కూటర్‌‌పై రూ.10వేల తగ్గింపును అందిస్తోంది. తద్వారా ఈ స్కూటర్‌‌ను రూ.1,29,999 (ఎక్స్-షోరూమ్)కే సొంతం చేసుకోవచ్చు. దీని అసలు ధర రూ.1,39,999. జీరో డౌన్ పేమెంట్  జీరో డౌన్ పేమెంట్‍తో నెలకు కనిష్టంగా రూ.2,499  ఈఎంఐ ఆప్షన్‍తో ఓలా ఎలక్ట్రిక్ స్కూటర్‌‌ను కొనుగోలు చేయవచ్చు.  8.99 శాతం వడ్డీరేటుతోపాటు, వెహికల్ ఫైనాన్స్‌పై ఎలాంటి ప్రాసెసింగ్ ఫీజ్ ఉంటుంది. ఉండదు. ఎంపిక చేసిన క్రెడిట్ కార్డులపై అదనపు డిస్కౌంట్‌ కూడా లభ్యం. 10 ఎస్1 ప్రో   స్కూటర్లు ఉచితంగా  పది ఎస్1 ప్రో స్కూటర్లను  కస్టమర్లకు ఉచితంగా అందించేందుకు కాంటెస్టును నిర్వహిస్తున్నట్టు  ఓలా ఎలక్ట్రిక్ చీఫ్ మార్కెటింగ్ ఆఫీసర్ అన్షుల్ ఖండేల్వాల్  తెలిపారు. లక్ష యూనిట్ల విక్రయాలను అత్యంత వేగంగా సాధించిన సంస్థగా ఓలా అవతరించింది, అలాగే ఈ సెగ్మెంట్‌లో 50 శాతానికి పైగా ఆదాయ మార్కెట్ వాటాతో వరుసగా 3 నెలలో( నవంబరు) కూడా అత్యధికంగా అమ్ముడైన ఎలక్ట్రిక్ ద్విచక్ర వాహన బ్రాండ్‌గా కూడా అవతరించింది. కాగా ఓలా ఎలక్ట్రిక్ స్కూటర్ అమ్మకాలు నవంబర్ 2022లో 20,000 యూనిట్లను దాటేశాయని ఓలా సీఈవో భవిష్‌ అగర్వాల్‌ ట్విటర్‌ ద్వారా వెల్లడించిన సంగతి తెలిసిందే. అలాగే విస్తరణలో భాగంగా 11 నగరాల్లో 14 కొత్త ఎక్స్‌పీరియన్స్‌ కేంద్రాలను ప్రారంభించింది.  ప్రస్తుతం దేశవ్యాప్తంగా 50 ఓలా ఎక్స్‌పీరియన్స్ సెంటర్లు ఉన్నాయి. త్వరలోనే మరో 100 సెంటర్లను ప్రారంభించాలని ఓలా భావిస్తోంది. From winning an Ola 🛵, to endless offers while buying it...if there weren’t enough reasons to switch to the Ola S1, here are some more. Own the #1 EV in India and make it a December to remember! 🎁🥳🎄 #EndICEage ⚡️ pic.twitter.com/8aZyqcy9pq — Ola Electric (@OlaElectric) December 5, 2022

సాక్షి,ముంబై: దేశీయ కార్ల దిగ్గజం మారుతి సుజుకి డిసెంబరు నెలలో కూడా  కొన్ని ఎంపిక చేసిన కార్లపై డిస్కౌంట్‌ ధరలను ప్రకటించింది. ముఖ్యంగా వచ్చేఏడాది జనవరి నుంచి అన్ని మోడళ్లకార్ల ధరలను పెంచక తప్పదని ఇటీవల ప్రకటించిన తరువాత అందిస్తున్న ఈ తగ్గింపు ధరలకు ప్రాధాన్యత  లభిస్తోంది. స్విఫ్ట్‌, డిజైర్‌, వవ్యాగన్‌ ఆర్‌, సెలెరియో తోపాటు, న్యూజెన్‌ ఆల్టో, మారుతి అరేనా మోడళ్లపై  కొనుగోలు దారులు డిస్కౌంట్‌ ఆఫర్‌ను పొందివచ్చు. కార్పొరేట్ డిస్కౌంట్లు, ఎక్స్ఛేంజ్ ఆఫర్‌, క్యాష్‌ బ్యాక్‌ లాంటి ఆఫర్లుంటాయి. అలాగే నవంబరు నెలలో మాదిరిగానే ఎర్టిగా ఎమ్‌పివి. బ్రాండ్-న్యూ బ్రెజ్జా ఎస్‌యూవీలపై డిస్కౌంట్‌లు ఉండవు. మారుతి సుజుకి డిసెంబర్ 2022 నెలలో తన అరేనా లైన్ వాహన తగ్గింపును రూ. 52,000 వరకు అందిస్తోంది ఇటీవల విడుదల చేసిన మారుతి సుజుకి ఆల్టో కె10 మాన్యువల్ మోడల్స్‌పై రూ.52,000 వరకు  డిస్కౌంట్‌. ఏఎంటీ  మోడల్స్‌  రూ. 22వేలు, ఇటీవల విడుదలైన సీఎన్‌జీ మోడల్ కూడా రూ.45,100 తగ్గింపుతో అందుబాటులో ఉంది. సెలెరియో సీఎన్‌జీ రూ. 45,100, పెట్రోల్-మాన్యువల్ కార్లపై రూ. 36వేల వరకు తగ్గింపు అందు బాటులో ఉంది. ఏఎంటీ వెర్షన్‌పై  రూ. 21,000 తగ్గింపు లభ్యం. హై ఎండ్‌ వేరియంట్లపై  రూ. 42,000 వరకు తగ్గింపు ,  బేసిక్‌ మోడల్స్‌పై  17వేలు తగ్గింపు అందిస్తోంది.  మారుతి మాన్యువల్ ఎస్‌-ప్రెస్సో వేరియంట్‌లపై గరిష్టంగా రూ. 46,000, ఏఎంటీ  వేరియంట్‌లు రూ. 20వేలు, సీఎస్‌జీ వేరియంట్‌పై రూ. 45,100 తగ్గింపు లభిస్తుంది.  అలాగే స్విప్ట్‌ ఏఎంటీ, మాన్యువల్ మోడల్స్ రెండింటిలోనూ దాదాపు  రూ. 32వేలు తగ్గింపు.   

న్యూఢిల్లీ: డిజిటల్‌ ఇండియా బిల్లు ముసాయిదా డిసెంబర్‌ ఆఖరు కల్లా సంప్రదింపుల కోసం సిద్ధం కాగలదని కేంద్ర ఐటీ శాఖ సహాయ మంత్రి రాజీవ్‌ చంద్రశేఖర్‌ తెలిపారు. వ్యక్తిగతయేతర డేటా యాజమాన్య అధికారాలు, డేటా పోర్టబిలిటీ తదితర అంశాలు కూడా ఇందులో ఉంటాయని ఆయన వివరించారు. సమకాలీనమైనదిగా, అంతర్జాతీయ ప్రమాణాలతో డిజిటల్‌ ఇండియా చట్టం ఉంటుందని మంత్రి చెప్పారు. 22 ఏళ్ల నాటి ఇన్ఫర్మేషన్‌ టెక్నాలజీ చట్టం స్థానంలో కేంద్రం దీన్ని ప్రవేశపెట్టనుంది. ప్రభుత్వం ఇటీవలే డిజిటల్‌ వ్యక్తిగత డేటా భద్రత (డీపీడీపీ) బిల్లు ముసాయిదా విడుదల చేసింది. మరోవైపు, ’వేరబుల్స్‌’ (వాచీలు మొదలైనవి)కి కూడా ఉత్పాదకత ఆధారిత ప్రోత్సాహక (పీఎల్‌ఐ) పథకాన్ని వర్తింప చేసే యోచన ఉందని చంద్రశేఖర్‌ చెప్పారు. ఎలక్ట్రానిక్స్‌ రంగంలో వేరబుల్స్‌ విభాగం అత్యంత వేగంగా వృద్ధి చెందుతోందని తెలిపారు.

సాక్షి, ముంబై:  మరికొన్ని రోజుట్లో వంట గ్యాస్‌ వినియోగదారులకు శుభవార్త అందనుంది. దేశంలోని సామాన్య ప్రజలకు ఉపశమనం కలిగించేలా గ్యాస్ ధరపై కేంద్ర ప్రభుత్వం త్వరలో నిర్ణయం తీసుకునే అవకాశం ఉందని ఊహాగానాలు వెలుడుతున్నాయి. దీనికి తోడు తగ్గుతున్న చమురు ధరలు ఈ అంచనాలకు ఊతమిస్తున్నాయి. (షాకింగ్‌: 5.4 మిలియన్ల ట్విటర్‌ యూజర్ల డేటా లీక్! మస్క్‌ స్పందన ఏంటి?) వంట గ్యాస్‌ను చౌకగా అందించేందుకు కేంద్ర ప్రభుత్వం ప్రణాళిక రూపొందిస్తోంది. ముఖ్యంగా సీఎన్‌జీ, ఎల్‌పీసీ గ్యాస్ రెండింటి ధరలను తగ్గించే అవకాశం ఉందని అంచనా. గత కొంత కాలంగా  కోవిడ్‌ మహమ్మారి, ఇటీవలి భౌగోళిక రాజకీయ సంక్షోభం గ్యాస్ ధర పెరగడంతో ప్రజలపై భారం పడుతోంది. ఈ నేపథ్యంలో  గ్యాస్ ధరల నియంత్రణకు  సెప్టెంబరులో ఏర్పాటైన కమిటీ ఒక ప్రణాళికను రూపొందిస్తోంది. దీని కింద ప్రభుత్వ రంగ సంస్థల పాత సెక్టార్ నుంచి వచ్చే సహజ వాయువు ధర పరిమితిని నిర్ణయించాలని ప్లాన్ చేస్తోంది. ఇది గ్యాస్ కోసం సిఫార్సు చేసే అవకాశం ఉంది.  ఈ మేరకు ప్రణాళికా సంఘం మాజీ సభ్యుడు కిరీట్ ఎస్ పరేఖ్ నేతృత్వంలోని కమిటీ  నవంబర్ 29న ప్యానెల్ సభ్యులు తమ సిఫార్సులను సమర్పించనున్నారు.  ఈ అంచనాలు నిజమైతే సామాన్య ప్రజలకు ఎంతో ఊరట లభిస్తుంది. (ఉద్యోగులను భారీగా పెంచుకోనున్న కంపెనీ) కాగా ప్రతి నెల మొదటి తేదీన చమురు కంపెనీలు ధరలను సమీక్షించడం తెలిసిన సంగతే.  గత నెలలో కంపెనీలు వాణిజ్య గ్యాస్ సిలిండర్ల ధరలను చమురు కంపెనీలు తగ్గించిన సంగతి తెలిసిందే.

సాక్షి, హైదరాబాద్‌: భాగ్యనగరానికి పెళ్లి కళ రానుంది. మరికొద్ది రోజుల్లో నగరమంతటా బాజాభజంత్రీలు మోగనున్నాయి. మూఢాల కారణంగా మూడు నెలలుగా శుభ కార్యాలు నిలిచిపోయాయి. ఈ నెలాఖరుతో అవి తొలగిపోనున్నాయి. దీంతో డిసెంబరు మొదటి వారం నుంచి పెద్ద సంఖ్యలో పెళ్లిళ్లు జరగనున్నాయి. ఇప్పటికే  నగరంలోని వివిధ ప్రాంతాల్లో ఫంక్షన్‌ హాళ్లు. కల్యాణ మండపాలు, కమ్యూనిటీ హాళ్లు బుక్‌ అయ్యాయి. మరోవైపు కొంతకాలంగా స్తబ్దత నెలకొన్న మార్కెట్లు సైతం క్రమంగా కళకళలాడుతున్నాయి. డిసెంబరు నెలలో కేవలం 5 ముహూర్తాలే ఉండడంతో వేల సంఖ్యలో పెళ్లిళ్లు జరగనున్నాయి. ఈ  మేరకు ఒక్కో ఫంక్షన్‌ హాల్‌లో రోజుకు కనీసం రెండు పెళ్లిళ్ల చొప్పున  బుక్‌ అయినట్లు నిర్వాహకులు చెబుతున్నారు. డిసెంబరు తర్వాత  తిరిగి ఫిబ్రవరి వరకు ముహూర్తాలు లేకపోవడంతోనూ డిమాండ్‌ ఎక్కువగా ఉన్నట్లు పురోహితులు పేర్కొన్నారు.  ఉందిలే మంచి ముహూర్తం..  సాధారణంగా కార్తీకమాసంలో పెళ్లిళ్లు పెద్ద ఎత్తున జరుగుతాయి. కానీ.. ఈసారి శుభకార్యాలకు ఎంతో అనుకూలమైన కార్తీక మాసంలో మూఢాలు ఉండడంతో పెళ్లిళ్లతో పాటు గృహ ప్రవేశాలు వంటి కార్యక్రమాలు కూడా జరగలేదు. అన్ని రకాల శుభ కార్యక్రమాలను నగరవాసులు వాయిదా వేసుకున్నారు. సెప్టెంబరు 22న  మొదలైన  మూఢాలు ఈ నెల 27 వరకు ఉన్నాయి. దీంతో అందరూ డిసెంబరు ముహూర్తాల కోసమే ఎదురు చూస్తున్నారు. దృక్‌ సిద్ధాంతం మేరకు డిసెంబరులో 4, 8, 14, 17, 18వ తేదీల్లో దివ్యమైన ముహూర్తాలు ఉన్నట్లు ప్రముఖ వేదపండితులు చిర్రావూరి శివరామకృష్ణ  తెలిపారు. పూర్వ సిద్ధాంతం ప్రకారం ఈ నెలలో మరికొన్ని అదనపు ముహూర్తాలు కూడా ఉన్నప్పటికీ ఈ అయిదే ముఖ్యమైనవి కావడంతో ఆయా రోజుల్లోనే ఎక్కువ పెళ్లిళ్లు జరగనున్నట్లు పేర్కొన్నారు. వీటిలో ఎక్కువ శాతం కన్య రాశి, సింహరాశి ముహూర్తాలే ఉన్నాయి. 4వ తేదీ రాత్రి  11.30 గంటలకు, తిరిగి తెల్లవారు జామున ఒంటిగంటకు  మంచి ముహూర్తాలు ఉన్నాయి.   ►8వ తేదీ గురువారం రాత్రి 11.38 గంటలకు కన్యా లగ్నం, రాత్రి 1.20 గంటలకు నిశీధి ముహూర్తం ఉన్నట్లు పురోహిత వర్గాలు పేర్కొన్నాయి. 14వ తేదీన బుధవారం, మహానక్షత్రం రాత్రి  11.27 గంటలకు మంచి  ముహూర్తం ఉంది. 17వ తేదీ రాత్రి హస్తా నక్షత్రం, రాత్రి 11.15 గంటలకు, 18వ తేదీ  ఆదివారం చిత్ర నక్షత్రంలో రాత్రి  11.11 గంటలకు,.  తిరిగి అర్ధరాత్రి  12.47కు  సింహలగ్నం ఉన్నట్లు   తెలిపారు. ఆ తర్వాత జనవరి 26వ తేదీ వరకు ఎలాంటి పెళ్లి ముహూర్తాలు లేవు. తిరిగి ఫిబ్రవరి నెలలోనే మరోసారి బాజాభజంత్రీలు  మోగనున్నాయి. దీంతో డిసెంబరు ముహూర్తాలకు  డిమాండ్‌ ఎక్కువగానే ఉంది.  ►డిసెంబరు నెలలో వేల సంఖ్యలో పెళ్లిళ్ల కోసం సుమారు 10 వేలకు పైగా ఫంక్షన్‌ హాళ్లు. మండపాలు తదితర వేదికలు ఇప్పటికే బుక్‌ అయ్యా యి. సుమారు 25 వేలకు పైగా జంటలు ఈ నెలలో ఒక్కటి కానున్నట్లు పురోహితులు అంచనా వేస్తున్నారు. కానీ.. ఈ సంఖ్య ఇంకా  పెరి గే అవకాశం కూడా ఉంది. అలాగే ఫంక్షన్‌ హాళ్ల కు సైతం ఇంకా డిమాండ్‌ పెరగనుంది. వస్త్ర దుకాణాలు, బంగారు ఆభరణాల దుకాణాలు, ఇతర మార్కెట్లలో సైతం గిరాకీ ఊపందుకోనుంది.     ముహూర్తాలు కూడా కలిసి రావచ్చు   దృక్‌ సిద్ధాంతం ప్రకారం డిసెంబరులో 5 ముహూర్తాలే ఉన్నాయి. కానీ  కొందరు పురోహితులు పూర్వసిద్ధాంతాన్ని అనుసరించి ముహూర్తాలను నిర్ణయిస్తారు. ఈ మేరకు డిసెంబరులో మరిన్ని ముహూర్తాలు కూడా ఉండవచ్చు.    – చిర్రావూరి శివరామకృష్ణ, వేద పండితులు  

సాక్షి, హైదరాబాద్‌: తెలంగాణలో ఈడీ, ఐటీ దాడుల ప్రకంపనల వేళ ప్రభుత్వం మరో కీలక నిర్ణయం తీసుకుంది. డిసెంబర్‌లో తెలంగాణ అసెంబ్లీ సమావేశాలు నిర్వహించనున్నారు. వారం రోజుల పాటు సమావేశాలు నిర్వహించాలని నిర్ణయం తీసుకున్నారు.  కాగా, అసెంబ్లీ సమావేశాల నేపథ్యంలో సీఎం కేసీఆర్‌ స్పందించారు. తెలంగాణ అభివృద్ధిని కేంద్రం అడ్డుకుంటోంది. కేంద్రం విధిస్తున్న అనవసర ఆంక్షల వల్ల తెలంగాణకు రూ.40వేల కోట్ల ఆదాయం తగ్గిందన్నారు. ఈ విషయాన్ని అసెంబ్లీ వేదికగా ప్రజలకు వివరిస్తామని కేసీఆర్‌ స్పష్టం చేశారు.   

సాక్షి, ముంబై: ఆర్‌బీఐ డేటా ప్రకారం డిసెంబర్‌ నెలలో బ్యాంకులు 13 రోజుల పాటు మూసి ఉండనున్నాయి. డిసెంబర్‌లో వచ్చే  రెండు, నాలుగు శనివారాలు   4 ఆదివారాలతో  పాటు  రిజర్వ్‌ బ్యాంకు ప్రతి నెల బ్యాంకుల సెలవులు జాబితాను విడుదల చేస్తుంది. బ్యాంక్ సెలవుల జాబితాను ఒకసారి చెక్  చేసుకొని దాని కనుగుణంగా ప్లాన్‌ చేసుకోవడం బెటర్‌.  డిసెంబర్‌లో 3,4,10,11,18,24,25 తేదీల్లో  దేశవ్యాప్త  సెలవు. అలాగే డిసెంబర్ 24న, క్రిస్మస్, నాలుగో శనివారం కారణంగా దేశవ్యాప్తంగా బ్యాంకులు మూసి ఉంటాయి. అయితే ఇంటర్నెట్ బ్యాంకింగ్, యూపీఐ సేవలు యథావిధిగా అందుబాటులో  ఉంటాయి.  డిసెంబర్‌లో బ్యాంకులకు సెలవులు: డిసెంబర్ 3 - శనివారం (సెయింట్ జేవియర్స్ ఫీస్ట్ , గోవాలో హాలిడే) డిసెంబర్ 4 -ఆదివారం డిసెంబర్ 10- రెండో శనివారం  డిసెంబర్ 11 -ఆదివారం డిసెంబర్ 12- సోమవారం (పా టాగన్ నెంగ్మింజ సంగం, మేఘాలయలో సెలవు) డిసెంబర్ 18 - ఆదివారం డిసెంబర్ 19 - సోమవారం (గోవా లిబరేషన్‌ డే,గోవాలో సెలవు) డిసెంబర్ 24- శనివారం ( క్రిస్మస్, నాలుగో శనివారం  దేశవ్యాప్త సెలవు)  డిసెంబర్ 25 - ఆదివారం డిసెంబర్ 26- సోమవారం (క్రిస్మస్, లాసంగ్, నమ్సంగ్  మిజోరం, సిక్కిం, మేఘాలయలో  హాలిడే) డిసెంబర్ 29- గురువారం (గురు గోవింద్ సింగ్‌ పుట్టినరోజు,చండీగఢ్‌లో  హాలిడే) డిసెంబర్ 30- శుక్రవారం ( యు కియాంగ్ నంగ్వా  మేఘాలయలో సెలవు డిసెంబర్ 31 - శనివారం (నూతన సంవత్సర వేడుకలు, మిజోరంలో సెలవు) రాష్ట్రాల పండుగల ఆధారంగా  అక్కడ బ్యాంకులు మూసి ఉంటాయి. ఈ సెలవులు అన్ని రాష్ట్రాలకు వర్తించవని గుర్తించుకోవాలి. 

సాక్షి, విద్యానగర్‌(కరీంనగర్‌): శ్రావణంలో 15 రోజులపాటు భాజాభజంత్రీలు మోగగా సోమవారం నుంచి డిసెంబర్‌ 2 వరకు ముహూర్తాలు లేవు. తిరిగి డిసెంబర్‌ 3 నుంచి 19వ తేదీ వరకు పది ముహూర్తాలే ఉన్నాయి. అప్పటివరకు శుభకార్యాలకు ఆగాల్సిందే. ఈ నెల 24వ తేదీ పవిత్ర శ్రావణ బహుళ ద్వాదశీ బుధవారం పునర్వసు నక్షత్రంతో పెళ్లిళ్లు కాకుండా ఇతర కార్యక్రమాలకు సంబంధించి మంచిరోజులూ ముగుస్తాయి. సెప్టెంబర్‌ 17 నుంచి శుక్ర మౌఢ్యమి సెప్టెంబర్‌ 17 భాద్రపద బహుళ సప్తమి నుంచి శుక్ర మౌఢ్యమి ప్రారంభమై అక్టోబర్‌లో వచ్చే అశ్వయుజ, నవంబర్‌లో వచ్చే పావన కార్తీక మాసాల్లోనూ కొనసాగుతుంది. మార్గశిర శుద్ధ దశమి డిసెంబర్‌ 2న ఇది ముగుస్తుంది. డిసెంబర్‌ 24 నుంచి పుష్యమాసం పుష్యమాసం డిసెంబర్‌ 24 నుంచి ప్రారంభమై జనవరి 21వ తేదీ వరకు ఉంటుంది ఈ రోజుల్లో శుభముహ్తూరాలు లేవు. తిరిగి జనవరి 22 నుంచి మాఘమాసం ప్రారంభమై, మార్చి 19 వరకు వరుసగా అన్నీ మంచి రోజులే. వివాహాది, సమస్త శుభకార్యాలు నిర్వహించుకోవచ్చు.   ఈ నెల చివరలో పండుగలు  ►25న మాసశివరాత్రి  ►27న పొలాల అమావాస్యతో శ్రావణ మాసం ముగుస్తుంది. ►30న కుడుముల తదియ  ►31న వినాయక చతుర్థి, నవరాత్రోత్సవాలు ప్రారంభం ►సెప్టెంబర్‌ 9న నిమజ్జనోత్సవం. అస్తమించని మౌఢ్యం.. శుక్రాస్తమయం అస్తమించిన మౌఢ్యమని, దీన్నే శుక్ర మౌఢ్యమి అని అంటారు. ఇది ఉన్న కాలంలో గ్రహాలు çశుభ ఫలితాలు ఇవ్వవు. ఈ సమయంలో ఎలాంటి శుభకార్యాలు చేపట్టవద్దు. కొత్తగా ఎలాంటి పనులు ప్రారంభించకూడదు.  – మంగళంపల్లి శ్రీనివాసశర్మ, నగర వైదిక పురోహితుడు, కరీంనగర్‌  డిసెంబర్‌లోనే ముహూర్తాలు.. శ్రావణంలో శుభకార్యాలకు ముహూర్తాలు సోమవారంతో ముగుస్తాయి. మళ్లీ డిసెంబర్‌ వచ్చే మార్గశిర వరకు ఆగాల్సిందే. ఆ నెలలోనూ కేవలం 10 రోజులే ముహూర్తాలున్నాయి. మళ్లీ జనవరి 22 నుంచి మాఘమాసంలో ఉంటాయి.   – పవనకృష్ణ శర్మ, ప్రధానార్చకుడు, శ్రీదుర్గాభవాని ఆలయం, నగునూర్, కరీంనగర్‌                                            

న్యూఢిల్లీ: భారత్‌ పారిశ్రామిక ఉత్పత్తి వరుసగా నాల్గవ నెల 2021 డిసెంబర్‌లోనూ పేలవంగా ఉంది. పారిశ్రామిక ఉత్పత్తి సూచీ (ఐఐపీ) వృద్ధి రేటు కేవలం 0.4 శాతంగా నమోదయినట్లు (2020 ఇదే నెలతో పోల్చి) జాతీయ గణాంకాల కార్యాలయం (ఎన్‌ఎస్‌ఓ) శుక్రవారం విడుదల చేసిన గణాంకాలు వెల్లడించాయి. మొత్తం సూచీలో దాదాపు 77.63 శాతం వాటా కలిగిన తయారీ రంగం పేలవ పనితీరును ప్రదర్శించింది. ఈ విభాగంలో అసలు వృద్ధిలేకపోగా 0.1 శాతం క్షీణత నమోదయ్యింది. ప్రస్తుత ఆర్థిక సంవత్సరం మే, జూన్, జూలై, ఆగస్టు నెలల్లో రెండంకెల్లో వృద్ధి నమోదయ్యింది. అటు తర్వాత క్రమంగా బలహీనపడింది. 2020 లో బేస్‌ ఎఫెక్ట్‌ ప్రభావం క్రమంగా తొలగిపోతూ రావడం కూడా దీనికి కారణం. సెప్టెంబర్‌లో 4.4 శాతం, అక్టోబర్‌లో 4 శాతం, నవంబర్‌లో 1.3 శాతం (తొలి 1.4 శాతానికి దిగువముఖంగా సవరణ) వృద్ధి రేట్లు నమోదయ్యాయి.  కొన్ని కీలక రంగాల పనితీరును పరిశీలిస్తే.. ► మైనింగ్‌ రంగంలో వృద్ధి 2.6 శాతంగా నమోదయ్యింది. ► విద్యుత్‌ ఉత్పత్తి 2.8 శాతం పెరిగింది. ► పెట్టుబడులు, భారీ యంత్రసామాగ్రి కొనుగోళ్లను ప్రతిబింబించే క్యాపిటల్‌ గూడ్స్‌ విభాగం కూడా 2021 డిసెంబర్‌లో క్షీణతలోనే ఉంది. క్షీణరేటు 4.6 శాతంగా నమోదయ్యింది. 2020 ఇదే నెలల్లో ఈ విభాగంలో 2.2 శాతం వృద్ధి నమోదయ్యింది.   ► రిఫ్రిజిరేటర్లు, ఎయిర్‌కండీషనర్ల వంటి కన్జూమర్‌ డ్యూరబుల్స్‌ విభాగంలో కూడా 2.7 శాతం క్షీణతను నమోదయ్యింది. 2020 డిసెంబర్‌లో ఈ విభాగంలో 6.5 శాతం వృద్ధి నమోదయ్యింది.   ► ఇక ఫాస్ట్‌ మూవింగ్‌ కన్జూమర్‌ గూడ్స్‌ (ఎఫ్‌ఎంసీజీ)కు సంబంధించి విభాగంలో ఉత్పత్తి కూడా 0.6 శాతం క్షీణతలోనే ఉంది. 2020 డిసెంబర్‌లో ఈ విభాగం 1.9 శాతం వృద్ధి నమోదుకావడం గమనార్హం.   తొమ్మిది నెలల్లో ఇలా... ఇక ఆర్థిక సంవత్సరం తొలి తొమ్మిది నెలల్లో ఏప్రిల్‌ నుంచి డిసెంబర్‌ మధ్య  ఐఐపీ వృద్ధి రేటు 15.2 శాతం. లో బేస్‌ దీనికి ప్రధాన కారణం. 2020 ఇదే కాలంలో అసలు వృద్ధి లేకపోగా 13.3 శాతం క్షీణత నమోదయ్యింది. ‘పోల్చుతున్న నెలలో’  అతి తక్కువ లేదా ఎక్కువ గణాంకాలు నమోదుకావడం, అప్పటితో పోల్చి, తాజా సమీక్షా నెలలో  ఏ కొంచెం ఎక్కువగా లేక తక్కువగా అంకెలు నమోదయినా అది ‘శాతాల్లో’ గణనీయ మార్పును ప్రతిబింబించడమే బేస్‌ ఎఫెక్ట్‌. 2020 మార్చి నుంచి ఒడిదుడుకుల బాట... మహమ్మారి కరోనా భయాలతో 2020 మార్చి 25 మే 31వ తేదీ వరకూ నాలుగు దశల్లో (మార్చి 25– ఏప్రిల్‌ 14, ఏప్రిల్‌ 15– మే 3, మే 4– మే 17, మే 18–మే 31) కఠిన లాక్‌డౌన్‌ అమలు జరిగిన సంగతి తెలిసిందే. అప్పటి నుంచీ ఐఐపీ తీవ్ర ఒడిదుడుకుల బాటన పయనించింది. 2020 మార్చి (మైనస్‌ 18.7 శాతం) నుంచి ఆ ఏడాది ఆగస్టు వరకూ క్షీణతలోనే నడిచింది. అటు తర్వాత కొన్ని నెలల్లో భారీ వృద్ధి కనబడినా, దానికి ప్రధాన కారణం లో బేస్‌ ఎఫెక్ట్‌ కారణంగా కనబడింది.  కీలక గణాంకాలను పరిశీలిస్తే...

ముంబై: దేశీయ ఆటో తయారీ కంపెనీల డిసెంబర్‌ వాహన విక్రయ గణాంకాలు మిశ్రమంగా నమోదయ్యాయి. గతేడాది చివరి నెలలో మారుతీ సుజుకీ, హ్యుందాయ్, హోండా కార్స్, ఎంజీ మోటార్స్‌ విక్రయాలు క్షీణించాయి. టాటా మోటార్స్, మహీంద్రా అండ్‌ మహీంద్రా, నిస్సాన్, స్కోడా అమ్మకాలు మెరుగుపడ్డాయి. ఇదే డిసెంబర్‌లో ద్విచక్ర వాహన కంపెనీలైన హీరో మోటోకార్ప్, రాయల్‌ ఎన్‌ఫీల్డ్‌ అమ్మకాలు స్వల్పంగా క్షీణించాయి. ఆర్థిక రికవరీతో వాణిజ్య వాహనాలకు డిమాండ్‌ నెలకొంది. ఫలితంగా ఈ విభాగానికి చెందిన వోల్వో ఐషర్, అశోక్‌ లేలాండ్, టాటా మోటార్స్, ఎంఅండ్‌ఎం వాహన అమ్మకాల్లో వృద్ధి నమోదైంది.   ► మారుతీ గతేడాది డిసెంబర్‌లో దేశీయంగా 1,23,016 వాహనాలను అమ్మింది. అంతకు ముందు ఏడాది ఇదే నెలలో (2020) లో విక్రయించిన 1,40,754 యూనిట్లతో పోలిస్తే 13 % తక్కువ గా ఉంది. 2021లో 12.14 లక్షల యూనిట్లను విక్రయించింది.   ► ప్యాసింజర్‌ వాహనాల విక్రయాల్లో టాటా మోటార్స్‌ 50% వృద్ధిని నమోదు చేసింది. గతేడాది డిసెంబర్‌లో ఈ సంస్థ 23,545 కార్లను అమ్మగా.. 2021లో 35,299 యూనిట్లను అమ్మింది.  దేశీయ ఆటో పరిశ్రమపై డిసెంబర్‌నూ సెమికండెక్టర్ల కొరత ప్రభావం కొనసాగింది. ప్రతికూలతల కంటే సానుకూలతలు ఎక్కువగా ఉండటంతో కొత్త ఏడాది అమ్మకాలపై ఆశావహ దృక్పథాన్ని కలిగి ఉన్నాము. అయితే ఆర్థిక వ్యవస్థ స్థితిగతులు, సెమికండెక్టర్ల కొరత సమస్యలు పరిశ్రమకు ఇప్పటికీ ప్రశ్నార్థకంగానే మిగిలాయి.      శశాంక్‌ శ్రీవాస్తవ మారుతీ సుజుకీ ఎగ్జిక్యూటివ్‌ డైరెక్టర్‌  

సాక్షి, హైదరాబాద్‌: పెరిగిన చలి, కొత్త ఏడాది ఊపుతో గతేడాది చివర్లో మందుబాబులు కేసులకు కేసులు మందు, బీర్లు లాగించేశారు. డిసెంబర్‌ చివరి 4 రోజుల్లో రాష్ట్రంలోని మద్యం డిపోల నుంచి సుమారు రూ.600 కోట్ల విలువైన మద్యం మార్కెట్‌లోకి వెళ్లింది. 2021, డిసెంబర్‌ 31న దాదాపు రూ.171 కోట్ల మద్యం అమ్ముడుపో వడం గమనార్హం. ఇక, డిసెంబర్‌ నెల మొత్తం మీద రూ.2,901 కోట్ల మద్యం విక్రయాలు జరిగినట్లు ఎక్సైజ్‌ శాఖ లెక్కలు చెబుతున్నాయి. ఈ నెలలో 40.11 లక్షల కేసుల లిక్కర్, 33.93 లక్షల కేసుల బీర్లు అమ్ముడయ్యాయని గణాంకాలు వెల్లడిస్తున్నాయి. గత ఏడాదితో పోలిస్తే ఇది 27 శాతం ఎక్కువ. గత ఏడాది డిసెంబర్‌లో 33.23 లక్షల కేసుల లిక్కర్, 26.66 లక్షల కేసుల బీర్లు అమ్ముడయ్యాయి. వీటి విలువ రూ.2,276 కోట్లు. ఇక, 2021 సంవత్సరం మొత్తం మీద 2.73 కోట్ల లిక్కర్‌ కేసులు, 2.45 కోట్ల బీర్‌ కేసులు అమ్ముడయ్యాయి. వీటి విలువ రూ. 18,868 కోట్ల పైమాటే. అదే 2020లో రూ.16,254 కోట్ల విలువైన మద్యం అమ్ముడయింది. 2020తో పోలిస్తే 2021లో 16 శాతం ఎక్కువ మద్యం విక్రయాలు జరిగినట్లు ఎౖMð్సజ్‌ శాఖ గణాంకాలు వెల్లడిస్తున్నాయి.   చదవండి: అరుదైన రాయి.. కాపాడుకోవాలోయి

సాక్షి, హైదరాబాద్‌: తెలంగాణలో రికార్డ్‌ స్థాయిలో లిక్కర్‌ అమ్మకాలు జరిగినట్లు ఎక్సైజ్‌శాఖ తెలిపింది. డిసెంబర్‌ నెలలోనే తెలంగాలో అత్యధిక విక్రయాలు నమోదయ్యాయి. శుక్రవారం ఒక్కరోజే రూ.171 కోట్ల లిక్కర్‌ అమ్మకాలు జరిగాయి. గత ఐదు వ్యవధిలోనేనే రూ.902 కోట్ల మద్యాన్ని మందుబాబులు స్వాహా చేశారు. గతంలో ఎన్నడూ లేనంతగా డిసెంబర్‌ నెలలో 3,435 కోట్ల మద్యం అమ్మకాలు జరిగాయి. గత సంవత్సరం డిసెంబర్‌లో 2,764 కోట్ల అమ్మకాలు జరిగాయి. 2020లో 25,602కోట్ల అమ్మకాలు జరగ్గా.. 2021 శుక్రవారం సాయంత్రానికే 30,196 కోట్ల మేర మద్యం విక్రయాలు జరిగాయి. రంగారెడ్డి జిల్లాలో 6,970 కోట్లు, నల్గొండ జిల్లాలో 3288 కోట్లు, హైదరాబాద్‌లో 3,201 కోట్ల అమ్మకాలు నమోదయినట్లు ఎక్సైజ్‌శాఖ వెల్లడించింది. చదవండి: (కేకలు, అరుపులు.. జూబ్లీహిల్స్‌లో యువతి హల్‌చల్‌)

Rohit Sharma Achieved Many Milestones In December: రోహిత్‌ శర్మ టీమిండియా పరిమిత ఓవర్ల ఫుల్‌టైమ్‌ కెప్టెన్‌(వన్డే కెప్టెన్‌)గా 2021 డిసెంబర్‌ 8న నియమితుడైన సంగతి తెలిసిందే. అయితే యాధృచ్చికంగా అతనికి ఈ నెల భలే కలిసొస్తుంది. గతంలో మైదానం లోపల, వెలుపల ఎన్నో మైలురాళ్లను రోహిత్‌ ఇదే నెలలో చేరుకున్నాడు. అతని వ్యక్తిగత జీవితంలో డిసెంబర్‌ నెల ఎంతో ప్రత్యేకంగా నిలిచింది.  రోహిత్‌ 2017 డిసెంబర్‌లో తొలిసారి టీమిండియా సారధ్య బాధ్యతలు చేపట్టాడు. కోహ్లి గైర్హాజరీలో శ్రీలంకతో జరిగిన పరిమిత ఓవర్ల సిరీస్‌లో రోహిత్ భారత జట్టుకు నాయకత్వం వహించాడు. ఆ సిరీస్‌లో జరిగిన ఓ టీ20 మ్యాచ్‌లో రోహిత్‌ ఫాస్టెస్ట్ సెంచరీ(36 బంతుల్లో) సాధించి ప్రపంచ రికార్డు నెలకొల్పాడు.  రోహిత్‌ వ్యక్తిగత జీవితంలోనూ డిసెంబర్ చాలా ప్రత్యేకమైంది. 2015, డిసెంబర్ 13న రోహిత్‌.. రితికా సజ్దేను వివాహం చేసుకున్నాడు. అలాగే రోహిత్, రితికల కుమార్తె అదర కూడా 2018లో ఇదే నెలలో(డిసెంబర్ 30) జన్మించింది. ఇలా చాలా ఘనతలను రోహిత్‌ డిసెంబర్ నెల సాధించాడు. తాజాగా పరిమిత ఓవర్ల ఫార్మాట్‌లో టీమిండియా సారధ్య బాధ్యతలను చేపట్టనుండడంతో రోహిత్‌కు డిసెంబర్‌ మాసం చిరకాలం గుర్తుండిపోయేదిగా మారింది. చదవండి: ఆమె నా బిగ్గెస్ట్‌ సపోర్ట్‌ సిస్టమ్‌.. తన వల్లే ఇదంతా: రోహిత్‌ శర్మ  

న్యూఢిల్లీ: స్టాక్‌ మార్కెట్లు గరిష్ట స్థాయుల్లో తిరుగుతున్న నేపథ్యంలో పబ్లిక్‌ ఇష్యూల జోరు కొనసాగుతోంది. నవంబర్‌లో 10 కంపెనీలు విజయవంతంగా ఐపీవోలను ముగించగా.. డిసెంబర్‌లోనూ మరో 10 కంపెనీలు లైన్‌లో ఉన్నాయి. ఇవి దాదాపు రూ. 10,000 కోట్ల పైగా సమీకరించనున్నాయి. ఇప్పటికే స్టార్‌ హెల్త్‌ అండ్‌ అలైడ్‌ ఇన్సూరెన్స్, టెగా ఇండస్ట్రీస్‌ పబ్లిక్‌ ఇష్యూలకు మార్కెట్లో సబ్‌స్క్రిప్షన్‌ కొనసాగుతోంది. రాబోయే రోజుల్లో ట్రావెల్, హాస్పిటాలిటీ టెక్నాలజీ సేవల సంస్థ రేట్‌గెయిన్‌ ట్రావెల్‌ టెక్నాలజీస్, ఆర్థిక సేవల గ్రూప్‌ ఆనంద్‌ రాఠీలో భాగమైన ఆనంద్‌ రాఠీ వెల్త్, గ్లోబల్‌ హెల్త్, హెల్తియం మెడ్‌టెక్‌ మొదలైనవి డిసెంబర్‌ ఐపీవోల జాబితాలో ఉన్నాయి. రేట్‌గెయిన్‌ ఇష్యూ డిసెంబర్‌ 7–9 మధ్య ప్రారంభం కానుండగా, ఆనంద్‌ రాఠీ వెల్త్‌ ఐపీవో డిసెంబర్‌ 2న మొదలవుతుంది. ఇక మెడాంటా బ్రాండ్‌ ఆస్పత్రులను నిర్వహిస్తున్న గ్లోబల్‌ హెల్త్, ఫార్మసీ రిటైల్‌ చెయిన్‌ మెడ్‌ప్లస్‌ హెల్త్‌ సర్వీసెస్, హెల్తియం మెడ్‌టెక్‌ కూడా ఐపీవోలకు సిద్ధమవుతున్నాయి. ఇవి కాకుండా మెట్రో బ్రాండ్స్, శ్రీరామ్‌ ప్రాపర్టీస్, ఏజీఎస్‌ ట్రాన్సాక్ట్‌ టెక్నాలజీస్, శ్రీ బజరంగ్‌ పవర్‌ అండ్‌ ఇస్పాత్, వీఎల్‌సీసీ హెల్త్‌కేర్‌ హెల్త్‌కేర్‌ కూడా డిసెంబర్‌లోనే పబ్లిక్‌ ఇష్యూకి రానున్నాయని ఇన్వెస్ట్‌మెంట్‌ బ్యాంకర్లు తెలిపారు.   బుల్‌ రన్‌ ఊతం..  పబ్లిక్‌ ఇష్యూల ద్వారా సమీకరించే నిధులను ఆయా కంపెనీలు తమ వ్యాపార కార్యకలాపాల విస్తరణ, రుణ భారాన్ని తగ్గించుకోవడం, ఇతర కార్పొరేట్‌ అవసరాల కోసం వినియోగించుకుంటున్నాయి. కొన్ని ఇష్యూల ద్వారా ప్రైవేట్‌ ఈక్విటీ సంస్థలు, ప్రమోటర్లు తమ వాటాల్లో కొంత భాగాన్ని ఆఫర్‌ ఫర్‌ సేల్‌ (ఓఎఫ్‌ఎస్‌) విధానంలో విక్రయించి నిధులు సమీకరించుకున్నారు. ఐపీవోల జోరు కొనసాగడానికి ఈక్విటీ మార్కెట్లలో బుల్‌ రన్‌ కారణమని లెర్న్‌యాప్‌డాట్‌కామ్‌ వ్యవస్థాపకుడు, సీఈవో ప్రతీక్‌ సింగ్‌ చెప్పారు. ‘ఏ కంపెనీ అయినా పబ్లిక్‌ ఇష్యూకి వెళ్లాలంటే బుల్‌ మార్కెట్‌ అత్యంత అనువైనది. అందుకే చాలా కంపెనీలు ప్రస్తుతం లిస్టింగ్‌కు వస్తున్నాయి. ఇలాంటి మార్కెట్లలో సెంటిమెంటును తమకు ప్రయోజనకరంగా మల్చుకునేందుకు కంపెనీలు ప్రయత్నిస్తాయి. విజయం కూడా సాధిస్తాయి‘ అని ఆయన పేర్కొన్నారు. చాలా మటుకు ఐపీవోలకు ఇన్వెస్టర్ల నుంచి బంపర్‌ స్పందన లభిస్తోంది కూడా. పలు ఇష్యూలు అనేక రెట్లు సబ్‌స్క్రయిబ్‌ అవుతుండటం ఇందుకు నిదర్శనం. మార్కెట్లు నెమ్మదించి, మళ్లీ పడే దాకా ఐపీవోల ట్రెండ్‌ కొనసాగుతుందని, సమీప భవిష్యత్‌లో మరిన్ని టెక్‌ కంపెనీలు పబ్లిక్‌ ఇష్యూల ద్వారా నిధులు సమీకరించేందుకు ముందుకు వస్తాయని ప్రతీక్‌ సింగ్‌ తెలిపారు. భవిష్యత్‌లో మార్కెట్లు క్షీణిస్తే.. ఐపీవోలు కూడా తగ్గుతాయి అని పేర్కొన్నారు.  ఇప్పటిదాకా 51 కంపెనీలు..  ఎక్సే్ంజీల గణాంకాల ప్రకారం 2021లో ఇప్పటిదాకా 51 కంపెనీలు ఐపీవోలకు వచ్చాయి. రూ. 1 లక్ష కోట్ల పైగా సమీకరించాయి. ఇవి కాకుండా ఇన్‌ఫ్రా ఇన్వెస్ట్‌మెంట్‌ ట్రస్టులు (ఇన్‌విట్‌), రియల్‌ ఎస్టేట్‌ ఇన్వెస్ట్‌మెంట్‌ ట్రస్టులు (రీట్‌) కూడా పబ్లిక్‌ ఇష్యూలకు వచ్చాయి. ఐపీవో ద్వారా పవర్‌గ్రిడ్‌ కార్పొరేషన్‌ ఆఫ్‌ ఇండియాకు చెందిన పవర్‌గ్రిడ్‌ ఇన్విట్‌ రూ. 7,735 కోట్లు, బ్రూక్‌ఫీల్డ్‌ ఇండియా రీట్‌ రూ. 3,800 కోట్లు సేకరించాయి. 2020 మొత్తం మీద పబ్లిక్‌ ఇష్యూల ద్వారా 15 కంపెనీలు రూ. 26,611 కోట్లు సమీకరించాయి. 2017లో అత్యధికంగా ఐపీవోల సందడి కనిపించింది. అప్పట్లో 36 కంపెనీలు పబ్లిక్‌ ఇష్యూల ద్వారా ఏకంగా రూ. 67,147 కోట్లు సేకరించాయి. మళ్లీ ఆ స్థాయిని మించిన ఐపీవోల సందడి 2021లో కనిపిస్తోందని మార్కెట్‌ వర్గాలు పేర్కొన్నాయి. ఐపీవోకి స్నాప్‌డీల్‌  రూ. 1,870 కోట్ల సమీకరణ యోచన  ఈ–కామర్స్‌ సంస్థ స్నాప్‌డీల్‌ వచ్చే ఏడాది ప్రథమార్ధంలో పబ్లిక్‌ ఇష్యూ (ఐపీవో)కి వచ్చేందుకు సన్నాహాలు చేసుకుంటోంది. సుమారు 250 మిలియన్‌ డాలర్లు (దాదాపు రూ. 1,870 కోట్లు) సమీకరించాలని యోచిస్తోంది. దీని ప్రకారం సంస్థ విలువ సుమారు 1.5–1.7 బిలియన్‌ డాలర్లుగా ఉండనుంది. దీనికి సంబంధించిన ముసాయిదా ప్రాస్పెక్టస్‌ను మరికొన్ని వారాల్లో మార్కెట్ల నియంత్రణ సంస్థ సెబీకి స్నాప్‌డీల్‌ సమర్పించనున్నట్లు సంబంధిత వర్గాలు తెలిపాయి. డిసెంబర్‌–జనవరిలో ప్రాస్పెక్టస్‌ సమర్పించాలని, అనుమతులు వచ్చాక 2022 ప్రథమార్ధంలో ఐపీవోకి రావాలని కంపెనీ భావిస్తున్నట్లు వివరించాయి. పబ్లిక్‌ ఇష్యూ సందర్భంగా వ్యవస్థాపకులు తమ వాటాలను విక్రయించే యోచనలో లేరని పేర్కొన్నాయి. ఇతర ప్రధాన వాటాదారులు కూడా అదే అభిప్రాయంతో ఉండవచ్చని సంబంధిత వర్గాలు వివరించాయి. స్నాప్‌డీల్‌లో సాఫ్ట్‌బ్యాంక్, బ్లాక్‌రాక్, టెమాసెక్‌ హోల్డింగ్స్, ఈబే వంటి దిగ్గజాలు ఇన్వెస్ట్‌ చేశాయి. ఒకప్పుడు దేశీ ఈ–కామర్స్‌ రంగంలో స్నాప్‌డీల్‌ ఒక వెలుగు వెలిగింది. కానీ ఫ్లిప్‌కార్ట్, అమెజాన్‌ వంటి సంస్థల రాకతో.. పోటీలో వెనుకబడింది. ఒక దశలో ఫ్లిప్‌కార్ట్‌లో విలీన అవకాశం వచ్చినప్పటికీ ... డీల్‌ కుదుర్చుకోలేదు. స్వయంగా ఆర్థికంగా బలపడే లక్ష్యంతో స్నాప్‌డీల్‌ 2.0 వ్యూహాన్ని అమలుకు మొగ్గు చూపింది.      చదవండి: బంగారానికి ప్రత్యేక బ్యాంకు ఉండాలి

న్యూఢిల్లీ: కేంద్రం డిసెంబర్‌లోగా భారత్‌ బాండ్‌ ఈటీఎఫ్‌ (ఎక్సే్చంజ్‌ ట్రేడెడ్‌ ఫండ్‌) ద్వారా రూ.10,000 కోట్లకుపైగా సమీకరించే అవకాశం ఉందని ఆర్థిక శాఖలో ఒక సీనియర్‌ అధికారి వెల్లడించారు. కేంద్ర ప్రభుత్వ రంగ సంస్థల పురోగతి ప్రణాళికలకు ఈ నిధులను వినియోగిస్తారు. ఇదే జరిగితే భారత్‌ బాండ్‌ ఈటీఎఫ్‌ జారీ ఇది మూడవ విడత అవుతుంది. భారత్‌ బాండ్‌ ఈటీఎఫ్‌ అనేది ప్రభుత్వ రంగ సంస్థల సులభతర రుణాలకు సంబంధించి ఒక  పెట్టుబడి సాధనం.   ఈటీఎఫ్‌ ప్రస్తుతం ప్రభుత్వ రంగ కంపెనీల ’ఏఏఏ’ రేటెడ్‌ బాండ్లలో మాత్రమే పెట్టుబడి పెడుతుంది. 2020 జూలైలో రెండవ విడత భారత్‌ బాండ్‌ ఈటీఎఫ్‌ జారీ జరిగింది. మూడురెట్లకుపైగా ఇది ఓవర్‌సబ్‌స్రై్కబ్‌ అయ్యింది. రూ.11,000 కోట్ల సమీకరణలు జరిగాయి. ఇక 2019 డిసెంబర్‌లో వచ్చిన తొలి ఆఫర్‌ ద్వారా రూ.12,400 కోట్ల సమీరణలు జరిగాయి. భారత్‌ బాండ్‌ ఈటీఎఫ్‌కు మొదటి విడతలో మూడు, పది సంవత్సరాల మెచ్యూరిటీ ఆప్షన్లు ఉండగా, రెండవ విడతకు ఐదు, 12 సంవత్సరాల ఆప్షన్స్‌ ఉన్నాయి. ఎడెల్‌వైస్‌ అసెట్‌ మేనేజ్‌మెంట్‌ ఈ పథకం ఫండ్‌ మేనేజర్‌. 

న్యూఢిల్లీ: సెంట్రల్‌ టీచర్‌ ఎలిజిబిలిటీ టెస్ట్‌(సీటీఈటీ)ని డిసెంబర్‌ 16–జనవరి 13వ తేదీల మధ్యలో నిర్వహించనున్నట్లు సెంట్రల్‌ బోర్డ్‌ ఆఫ్‌ సెకండరీ ఎడ్యుకేషన్‌(సీబీఎస్‌ఈ) తెలిపింది. దేశవ్యాప్తంగా కంప్యూటర్‌ ఆధారితంగా 20 భాషల్లో ఈ పరీక్ష జరుగుతుందని శనివారం ఒక ప్రకటనలో పేర్కొంది. ఈ పరీక్ష సిలబస్, భాష, అర్హత విధానం, పరీక్ష ఫీజు, పరీక్ష జరిగే నగరాలు, మిగతా ముఖ్య సమాచారాన్ని సీటీఈటీ వెబ్‌సైట్‌ https://ctet.nic.in లో ఈ నెల 20వ తేదీ నుంచి అందుబాటులో ఉంటుందని వెల్లడించింది. సీటీఈటీ వెబ్‌సైట్‌లో ఆన్‌లైన్‌లో మాత్రమే దరఖాస్తు చేసుకోవాల్సి ఉంటుందని అభ్యర్థులకు తెలిపింది. ఆన్‌లైన్‌ దరఖాస్తు ప్రక్రియ సెప్టెంబర్‌ 20 నుంచి అక్టోబర్‌ 19వ తేదీ వరకు అందుబాటులో ఉంటుందని పేర్కొంది. అక్టోబర్‌ 20వ తేదీ మధ్యాహ్నం 3.30 గంటల వరకు ఫీజు చెల్లించవచ్చని వివరించింది.

న్యూఢిల్లీ: ఈ ఏడాది చివర్లో(డిసెంబర్‌) భారత క్రికెట్ జట్టు దక్షిణాఫ్రికా పర్యటనకు వెళ్లనుంది. ఈమేరకు దక్షిణాఫ్రికా క్రికెట్ బోర్డు శుక్రవారం నిర్ధారించింది. పర్యటనలో భాగంగా టీమిండియా మూడు టెస్ట్‌లు, మూడు వన్డేలు, నాలుగు టీ 20 మ్యాచ్‌లు ఆడనుంది. డిసెంబర్ 26 నుంచి ప్రారంభమయ్యే ఈ ద్వైపాక్షిక సిరీస్‌.. వచ్చే ఏడాది జనవరి 25న ముగుస్తుంది. ప్రపంచ టెస్ట్ ఛాంపియన్‌షిప్‌లో భాగంగా జరిగే ఈ సిరీస్‌లోని తొలి టెస్ట్‌ మ్యాచ్‌ డిసెంబర్‌ 17న జొహన్నెస్‌బర్గ్‌ వేదికగా జరగనుంది. అనంతరం సెంచూరియన్‌ వేదికగా రెండో టెస్ట్‌ డిసెంబర్‌ 26న(బాక్సింగ్‌ డే టెస్ట్‌), మూడో టెస్ట్‌ జొహన్నెస్‌బర్గ్‌ వేదికగా జనవరి 3న మొదలవుతాయి. ఇక మూడు వన్డేల సిరీస్‌లో భాగంగా తొలి వన్డే జనవరి 11న, రెండో వన్డే జనవరి 14న, మూడో వన్డే జనవరి 19న జరగనున్నాయి. ఆతర్వాత  నాలుగు టీ20 మ్యాచ్‌లు వరుసగా జనవరి 19(పార్ల్‌), జనవరి 21(కేప్‌టౌన్‌), జనవరి 23(పార్ల్‌), జనవరి 26న(పార్ల్‌) షెడ్యూలయ్యాయి. టీమిండియా చివరిసారిగా 2018లో దక్షిణాఫ్రికాలో పర్యటించింది. ఆ పర్యటనలో భారత్‌ టెస్ట్ సిరీస్‌ను కోల్పోగా.. వన్డే, టీ20 సిరీస్‌లను గెలుచుకుంది. ఇక ఇరు జట్ల మధ్య గతేడాది మార్చిలో(భారత పర్యటన) షెడ్యూలైన పరిమిత ఓవర్ల సిరీస్‌.. కరోనా కారణంగా పూర్తిగా రద్దైన సంగతి తెలిసిందే.  చదవండి: స్టార్‌ ఆటగాళ్లకు మొండిచేయి.. దక్షిణాఫ్రికా టీ20 జట్టు ఇదే  

కోలీవుడ్‌ స్టార్‌ హీరో ధనుష్‌ తెలుగులో ఓ డైరెక్ట్‌ ఫిల్మ్‌ చేయనున్న సంగతి తెలిసిందే. తెలుగు, తమిళ, హిందీ భాషల్లో ఈ చిత్రాన్ని శేఖర్‌ కమ్ముల డైరెక్ట్‌ చేయనున్నారు. నారాయణదాస్‌ నారంగ్, పుస్కూరు రామ్మోహన్‌ రావు నిర్మించనున్నారు. ఈ సినిమా రెగ్యులర్‌ షూటింగ్‌ను ఈ ఏడాది డిసెంబరులో ఆరంభించాలనుకుంటున్నారట. ప్రస్తుతం స్క్రిప్ట్‌కు తుది మెరుగులు దిద్దే పనిలో శేఖర్‌ కమ్ముల బిజీగా ఉన్నారని తెలిసింది.

న్యూఢిల్లీ: భారత్‌ సేవల రంగం డిసెంబర్‌లో మందగించింది. ఇందుకు సంబంధించి బిజినెస్‌ యాక్టివిటీ ఇండెక్స్‌ 52.3గా నమోదయ్యింది. నవంబర్‌లో ఈ సూచీ 53.7 వద్ద ఉంది. అమ్మకాల్లో వృద్ధి మందగించడం దీనికి ప్రధానకారణమని ఆర్థిక సమాచార సేవల దిగ్గజ సంస్థ ఐహెచ్‌ఎస్‌ మార్కిట్‌ ఎకనమిక్స్‌ అసోసియేట్‌ డైరెక్టర్‌ పోలీనా డీ లిమా పేర్కొన్నారు. నిజానికి బిజినెస్‌ యాక్టివిటీ ఇండెక్స్‌ 50పైన ఉంటే దానిని వృద్ధి ధోరణిగానే పరిగణించడం జరుగుతుంది. ఆలోపునకు పడిపోతేనే క్షీణతగా భావిస్తారు. దీని ప్రాతిపదికన డిసెంబర్‌ వరకూ వరుసగా మూడవనెల బిజినెస్‌ యాక్టివిటీ సూచీ వృద్ధి ధోరణిలోనే ఉంది.  బలహీన వ్యాపార ఆశావాద పరిస్థితుల నేపథ్యంలో డిసెంబర్‌లో ఉపాధి కల్పన తగ్గిందని, అమ్మకాలు మూడు నెలల కనిష్టానికి పడ్డాయనీ పోలీనా డీ లిమా వివరించారు. బ్రిటన్‌ కొత్త స్ట్రెయిన్, దీనితో తిరిగి గ్లోబల్‌ కోవిడ్‌–19 ప్రయాణపు ఆంక్షలు, డిమాండ్‌ పరిస్థితులపై ఆయా అంశాల ప్రతికూల ప్రభావం,  2020 చివరిలో భారత్‌ సేవల రంగాన్ని నెమ్మదింపజేసి ఉంటుందని నిపుణులు విశ్లేషిస్తున్నారు. సేవలు, తయారీ రెండూ కలిపినా తగ్గుదలే! కాగా సేవలు, తయారీ రెండు రంగాలూ కలిపిన కాంపోజిట్‌ పీఎంఐ అవుట్‌పుట్‌ ఇండెక్స్‌ కూడా నవంబర్‌తో పోల్చితే డిసెంబర్‌లో 56.3 నుంచి 54.9కి పడిపోయింది. ‘‘అయితే 2021లో ఉత్పత్తి పెరుగుతుందన్న ఆశావహ అంచనాలను కంపెనీలు కొనసాగిస్తున్నాయి. అయితే 2021 తొలి కాలంలో సవాళ్లు కొనసాగుతాయి. అయితే అటు తర్వాత సుస్థిర రికవరీ కొనసాగుతుంది. కోవిడ్‌–19 లభ్యత ఒకసారి ప్రారంభమైన తర్వాత మరింతగా సాధారణ పరిస్థితులు నెలకొంటాయి’’ అని పోలీనా డీ లిమా పేర్కొన్నారు.

న్యూఢిల్లీ: భారత్‌ తయారీ రంగం డిసెంబర్‌లో మరింత పటిష్టమైంది. ఐహెచ్‌ఎస్‌ మార్కిట్‌ ఇండియా మ్యానుఫ్యాక్చరింగ్‌ పర్చేజింగ్‌ మేనేజర్స్‌ ఇండెక్స్‌ (పీఎంఐ) డిసెంబర్‌లో 56.4కు ఎగసింది. నవంబర్‌లో ఇది 56.3 వద్ద ఉంది. పీఎంఐ సూచీ 50 పైన ఉంటే వృద్ధి ధోరణిగా భావించడం జరుగుతుంది. ఆ లోపు నమోదయితే క్షీణతగా భావిస్తారు. తయారీకి సంబంధించి పీఎంఐ సూచీ 50పైన కొనసాగడం ఇది వరుసగా ఐదవనెల. ఆర్థిక క్రియాశీలత మెరుగుపడ్డం, రికవరీ, డిమాండ్‌ పరిస్థితులు బాగుండడం, ఉత్పత్తి పెంపు ద్వారా నిల్వలు మెరుగుపరచుకోడానికి కంపెనీల యత్నాలు వంటి అంశాలు తయారీ రంగం పురోగతికి కారణమని ఐహెచ్‌ఎస్‌ ఎకనమిక్స్‌ అసోసియేట్‌ డైరెక్టర్‌ పోలియానా డీ లిమా పేర్కొన్నారు. అయితే ఉపాధి అవకాశాలు డిసెంబర్‌లోనూ మెరుగుపడలేదని ఆయన వివరించారు. ఉపాధి కల్పన క్షీణతలో ఉండడం ఇది వరుసగా తొమ్మిదవసారి. కాగా ముడి సరుకు  ధరల పెరుగుదల తీవ్రంగానే ఉందని, డిసెంబర్‌లో ఇది 26 శాతానికి చేరిందని పోలియానా డీ లిమా తెలిపారు. రెండవ త్రైమాసికం (జూలై–సెప్టెంబర్‌)తో పోల్చితే మూడవ త్రైమాసికం  (అక్టోబర్‌–డిసెంబర్‌)లో తయారీ రంగం మెరుగుపడిందని ఆయన పేర్కొంటూ, సూచీ 51.6  నుంచి 57.2కు చేరిందని అన్నారు.  వరుసగా 36 నెలలు సూచీ 50 పైన వృద్ధి ధోరణిలోనే కొనసాగిన తయారీ, కరోనా కఠిన లాక్‌డౌన్‌ పరిస్థితుల నేపథ్యంలో ఏప్రిల్‌లో 50 పాయింట్ల దిగువకు క్షీణతలోకి జారిపోయింది. తిరిగి ఆగస్టులోనే వృద్ధి బాటకు వచ్చింది.

క్యాన్సర్‌ వ్యాధితో పోరు జరపడం రోగికి సవాలే. కానీ అంతకంటే పెద్ద సవాలు మరోటుంది. అదే క్యాన్సర్‌ వ్యాధి కారణంగానూ, చికిత్సతోనూ వచ్చే తీవ్రమైన నిస్సత్తువ. వ్యాధిగ్రస్తుణ్ణి తీవ్రమైన నీరసం అనుక్షణం కుంగదీస్తూ ఉంటుంది. ఏమాత్రం చురుగ్గా ఉండనివ్వదు. ఈ నీరసం నిస్సత్తువ, అలసటగా అనిపించే భావన రోగిని మందకొడిగా చేసి... కొన్నిసార్లు మరింత కుంగుబాటుకు గురిచేస్తుంది. దాంతో క్యాన్సర్‌పై పోరు కంటే... ఈ నిస్సత్తువతో పోరే మరింత పెద్ద సవాలుగా మారుతుంది. కొంతమంది రోగులు తొలుత కాస్త కుంగిపోయినా... క్రమంగా తమ మానసిక బలాన్ని కోల్పోని వారు క్యాన్సర్‌ పోరుపై తప్పక విజయం సాధిస్తారు. డిసెంబరు నెలను ‘క్యాన్సర్‌ ఫెటీగ్‌ అవేర్‌నెస్‌ మాసం’ గా పేర్కొంటారు. ఈ సందర్భంగా వ్యాధిగ్రస్తుల నీరసం, నిస్సత్తువ (క్యాన్సర్‌ ఫెటీగ్‌)పై అవగాహన, వాటిని అధిగమించే తీరుతెన్నులను తెలుసుకుని, వ్యాధిపై విజయం సాధించడం కోసం ఉపయోగపడేందుకే ఈ కథనం. క్యాన్సర్‌ వ్యాధిగ్రస్తుల్లో నీరసం, నిస్సత్తువ (క్యాన్సర్‌ ఫెటీగ్‌) చాలా సాధారణం. కానీ చాలామందికి దీనిపై అవగాహన ఉండదు. దీనివల్ల కలిగిన వ్యాకులత, కుంగుబాటు వల్ల రోగి జీవనశైలిపై తీవ్ర ప్రభావం పడుతుంది. రోగి తన రోజువారీ పనులను చురుగ్గా చేసుకోలేడు. దాంతో జీవితాన్ని ఆస్వాదించలేడు. ఈ నిస్సత్తువకు చాలా కారణాలే ఉంటాయి. నిర్దిష్టంగా ఫలానా అంశమే దీనికి కారణం అని చెప్పడానికి వీలుకాదు. అయితే చాలామంది రోగులు వ్యాధి కారణంగా తాము అనుభవించే షాక్‌లో ఈ అంశాన్ని విస్మరిస్తారు. దీన్ని అధిగమించగలమనే ధ్యాసే వారికి కరవవుతుంది. కానీ కొన్ని పరిమితుల మేరకు దీన్ని అధిగమించడానికి చాలా మార్గాలున్నాయి. ఆ కారణాలనూ, మార్గాలను చూద్దాం. కారణాలు రక్తహీనత (అనీమియా): అనీమియా అనే కండిషన్‌ క్యాన్సర్‌ నిస్సత్తువకు ఒక ప్రధాన కారణం. సాధారణంగా క్యాన్సర్‌ రోగుల్లో (అందునా ప్రధానంగా బ్లడ్‌ క్యాన్సర్లలో) వారి ఎముక మూలుగ ఎక్కువగా ప్రభావితమై ఎర్రరక్తకణాల సంఖ్య తగ్గుతుంది. ఈ ఎర్రరక్తకణాలే దేహంలోని ప్రతి కణానికీ ఆక్సిజన్‌ను తీసుకెళ్తాయన్న విషయం తెలిసిందే. దాంతో కణాలకు అందే ఆక్సిజన్‌ తగ్గి నీరసం, నిస్సత్తువ ఏర్పడతాయి. శరీరంలో విషాలు తొలగకపోవడం: ఆక్సిజన్‌ అందించడంతో పాటు ఎర్రరక్తకణాలు దేహంలో తయారైన కార్బన్‌డయాక్సైడ్, ఇతర విషాల (టాక్సిన్స్‌)ను బయటకు పంపుతాయి. కానీ ఎర్రరక్తకణాలు తగ్గడంతో కణానికి అందాల్సిన ఆక్సిజన్‌ కూడా తగ్గుతుంది. దాంతోపాటు బయటకు విసర్జించాల్సిన విషాలను తీసుకెళ్లే సామర్థ్యమూ తగ్గుతుంది. దేహంలో ఉండిపోయిన ఈ విషాలు జీవక్రియలకు ఆటంకంగా కూడా పరిణమిస్తాయి. ఫలితంగా రోగిలో తీవ్రమైన నీరసం, నిస్సత్తువ ఏర్పడతాయి. రోగి ఎప్పుడూ అలసట తో ఉన్నట్లుగా ఉంటాడు. బ్లడ్‌ క్యాన్సర్, పెద్దపేగు క్యాన్సర్, ఊపిరితిత్తుల క్యాన్సర్లలో తగినంత ఆక్సిజన్‌ అందక ఈ పరిస్థితి సాధారణం. క్యాన్సర్‌ చికిత్సల వల్ల : కొన్ని సందర్భాల్లో క్యాన్సర్‌ రోగులకు అందించే కీమోథెరపీ, రేడియోథెరపీ చికిత్సల కారణంగానూ, బోన్‌ మ్యారో క్యాన్సర్‌లకు అందించే మందుల కారణంగా కూడా రోగుల్లో తీవ్రమైన నీరసం, నిస్సత్తువ కనిపిస్తాయి. ఈ చికిత్సల్లో భాగంగా క్యాన్సర్‌ కణాల్ని తుదముట్టించడానికి టార్గెట్‌ చేస్తున్నప్పుడు... ఆరోగ్యవంతమైన కణాలు కూడా అంతో ఇంతో దెబ్బతినడం జరుగుతుంది. ఈ కారణంగా క్యాన్సర్‌ రోగుల్లో నీరసం, నిస్సత్తువ ఏర్పడతాయి. దీంతో పాటు కొన్ని సందర్భాల్లో చికిత్సలో కలిగే నొప్పి, యాంగై్జటీ/ డిప్రెషన్‌కు గురికావడం, మందకొడిగా ఉండాల్సిరావడం (ఇనాక్టివిటీ), తరచూ నిద్రాభంగం కావడం, నిద్రలో అంతరాయాలు, సరిగా భోజనం తీసుకోకపోవడం వంటివి కూడా నీసరం, నిస్సత్తువకు కారణమవుతాయి. ► అధిగమించడం ఇలా ... నీరసం, నిస్సత్తువ ఉన్నప్పటికీ తొలి దశల్లో మనోబలంతో క్రమంగా మంచి ఆహారానికీ, క్రమబద్ధంగా వ్యాయామానికీ ఉపక్రమించడంతో ‘క్యాన్సర్‌ ఫెటీగ్‌’ను అధిగమించవచ్చు.  క్రియాశీలంగా ఉండటం (ఇంక్రీజింగ్‌ యాక్టివిటీ) : రోగులు తమలో ఉన్న నీరసం, నిస్సత్తువలకు లొంగిపోకుండా... ఎంతోకొంత చురుగ్గా ఉండటానికి ప్రయత్నించాలి. అలసట కలిగించని తేలికపాటి వ్యాయామాలు చేయడానికి ఉపక్రమించాలి. దాంతో దేహంలోనూ, మెదడులోనూ చురుకు పుట్టించే ఎండార్ఫిన్స్‌ అనే రసాయనాలు స్రవిస్తాయి. ఫలితంగా మూడ్స్‌ కూడా మెరుగుపడతాయి. రోగిలో సంతోషభావనలు కలుగుతాయి.   న్యూట్రిషన్‌ కౌన్సెలింగ్‌ : క్యాన్సర్‌ రోగుల్లో చాలామంది తమ బరువు కోల్పోయి... చాలా సన్నబడతారు. రోగులు తమ వ్యాకులత కారణంగా తినకపోవడంతో పాటు... చికిత్సలో భాగంగా కనిపించే ఆకలిలేమి, వికారం, వాంతుల వల్ల కూడా తినలేకపోతారు. దాంతో ఆహారం తీసుకోకపోవడం, ఫలితంగా దేహానికి కావాల్సిన పోషకాలు అందకపోవడం జరుగుతాయి. దేహంలోకి పోషకాలు అందేందుకు, నోటికి రుచిగా ఉండేలా ఎలాంటి ఆహారాలు తీసుకోవచ్చు అనే అంశంపై అవగాహన కలిగించుకునేందుకు ‘న్యూట్రిషన్‌ కౌన్సెలర్‌’ను సంప్రదించాలి. అపుడు ఆహార నిపుణులు దేహానికి అవసరమైనన్ని క్యాలరీలూ, ద్రవాహారాలు, ప్రోటీన్లు, కొవ్వులు, కార్బోహైడ్రేట్లతో పాటు ఇతర పోషకాలు అందేందుకు అవసరమైన డైట్‌ప్లాన్‌ను సూచిస్తారు. మానసిక బలం కోసం తోడ్పాటు  చాలామంది రోగులు తమకు క్యాన్సర్‌ ఉందని తెలియగానే తీవ్రమైన కుంగుబాటుకు లోనవుతారు. నిజానికి ఈ రోజుల్లో క్యాన్సర్లు దాదాపు 90  శాతానికి పైగా రకాలను పూర్తిగా నయం చేయవచ్చు. మొదటి, రెండో దశలో ఉన్న క్యాన్సర్లన్నింటినీ దాదాపుగా పూర్తిగా నయం చేయవచ్చు. అందుకే రోగులు తమ మానసిక బలాన్ని పెంపొందించుకోడానికి అవసరమైన రిలాక్సేషన్‌ టెక్నిక్స్, కాగ్నిటివ్, సోషల్‌ థెరపీల కోసం మానసిక నిపుణుల సహాయం తీసుకోవచ్చు. మానసిక చికిత్సలతో కూడా క్యాన్సర్‌ ఫెటీగ్‌ను చాలావరకు అధిగమించవచ్చు. విశ్రాంతి : క్రియాశీలంగా ఉండటానికి ప్రయత్నించడంతో పాటు... కొన్ని సందర్భాల్లో తగినంత విశ్రాంతి తీసుకోవడం కూడా అవసరం. ఈ విశ్రాంతి మళ్లీ మన శక్తిసామర్థ్యాలను (ఎనర్జీని) ఆదా చేసుకోడానికీ... దాంతో మరింత శక్తి పుంజుకుని మళ్లీ క్రియాశీలం కావడానికి ఉపయోగ పడుతుందని గ్రహించాలి. అందుకే తమ నిస్సత్తువ కారణంగా విశ్రాంతి తీసుకోవాల్సి వస్తోందని అనుకోకుండా... అలాంటి విశ్రాంతి సమయాల్లో ఇతరులపై ఆధారపడుతున్నామని సిగ్గుపడకుండా... విశ్రాంతి సమయాన్ని ఎనర్జీని ఆదా చేసుకునే టైమ్‌గా పరిగణించాలి. ఇలా ఈ సానుకూల దృక్పథంతో రోగి మళ్లీ శక్తి పుంజుకుని చురుగ్గా మారగలుగుతాడు. ఇతర విషయాలపైకి దృష్టి మళ్లించడం (డిస్ట్రాక్షన్‌)  ఎప్పుడూ తనకు వచ్చిన వ్యాధి గురించే ఆలోచించకుండా... తమ దృష్టిని ఇతర అంశాలపైకి మళ్లించాలి. మంచి పుస్తకాలు చదవవచ్చు. హాస్యభరితమైన, వినోదాత్మకమైన సినిమాలు చూడవచ్చు. ఫ్రెండ్స్‌తో సంభాషించవచ్చు (ఈ కోవిడ్‌ సమయంలో వ్యక్తిగతంగా కలవలేకపోయినా... మొబైల్స్‌లో, వాట్సాప్‌ ద్వారా ఇతరులతో సంభాషణలు చేయవచ్చు. ఇలా రోగులు తమ సరదా సమయాన్ని గడపవచ్చు. ఇలా ఎప్పుడూ సంతోషంగా ఉండటం అంటే వ్యాధిపై సగం విజయాన్ని సాధించడమే. కంటికి తగిన నిద్ర  చాలామంది క్యాన్సర్‌ రోగులకు ఉండే ప్రతికూలత ‘నిద్ర’. రోగుల్లో చాలామందికి తరచూ నిద్రాభంగమవుతుంటుంది. దాంతో రోగి మరింత నిస్సత్తువగా మారిపోతాడు. రోగుల్లో ఫెటీగ్‌కు ‘నిద్ర’ అనే అంశం చాలా ప్రధానమైంది. చిన్న చిన్న టెక్నిక్స్‌తో ఈ సమస్యను అధిగమించవచ్చు. రిలాక్సేషన్‌ టెక్నిక్స్‌ ద్వారా రోగులు తమలోని వ్యాకులతను, కుంగుబాటును అధిగమించడం ద్వారా కంటినిండా నిద్రపోవచ్చు. కాఫీ లేదా కెఫిన్‌ ఉండే ద్రవాహారాలను కేవలం ఉదయం పూటకు మాత్రమే పరిమితం చేయడం, నిద్రకు ముందు తీసుకోకపోవడం, నిద్ర వచ్చినప్పుడో లేదా మధ్యానం పూటో కాస్తంత చిన్న చిన్న కునుకులు తీయడం, పవర్‌న్యాప్‌ను అలవరచుకోవడం, వేళకు పెందలాడే నిద్రించి పెందలాడే లేవడం లాంటి మంచి నిద్ర అలవాట్లను అలవరచుకోవడం లాంటి చిన్న చిన్న టెక్నిక్స్‌ ద్వారా కూడా రోగులు తమ నిద్రాభంగాలనూ, నిద్రలో అంతరాయాల సమస్యను తేలిగ్గా అధిగమించవచ్చు. కంటినిండా నిద్రపోవడం అనే అంశం కూడా రోగిలో వ్యాధి నివారణశక్తిని పెంపొందిస్తుందన్న విషయం తెలిసిందే. ఇది కూడా రోగి త్వరగా కోలుకునేలా చేసే అంశమే. అవసరాన్ని బట్టి మందులు ఒకవేళ రోగిలోని అలసట భావన చాలా ఎక్కువగానూ, తీవ్రమైన నీరసం, నిస్సత్తువ ఉంటే రోగి కారణాలనూ, పరిస్థితిని బట్టి డాక్టర్లు కొన్ని మందులను సూచిస్తారు. రక్తహీనత తక్కువగా ఉన్నవారికి ఐరన్‌ సప్లిమెంట్లూ, పోషకాహార లోపాలను బట్టి ఇతర మందులు, మానసిక కారణాలున్నవారికి యాంటీ డిప్రెసెంట్లు, సైకో స్టిమ్యులెంట్ల వంటి ఔషధాలను ఇస్తారు. క్యాన్సర్‌ రోగులెవరైనా క్యాన్సర్‌ ఫెటీగ్‌తో బాధపడుతుంటే పైన సూచించిన సూచనలను పాటించడం ద్వారా తమకు తామే సమస్యను అధిగమించవచ్చు. ఒకవేళ అప్పటికీ కుదరకపోతే వైద్యనిపుణుల సహాయం తీసుకోవచ్చు. అయితే ఈ సమస్య అధిగమించలేని సమస్యేమీ కాదని గ్రహించడం చాలా ప్రధాన అంశం. దీన్ని గ్రహిస్తే సగం సమస్య పరిష్కారమైనట్లే. సగం వ్యాధి తగ్గినట్లే.   డా. అజయ్‌ చాణక్య కన్సల్టెంట్‌ సర్జికల్‌ ఆంకాలజిస్ట్‌

న్యూఢిల్లీ: ఉద్యోగుల భవిష్యనిధి సంస్థ (ఈపీఎఫ్‌వో) ఆరు కోట్ల మంది సభ్యుల భవిష్యనిధి నిల్వలపై 2019–20 ఆర్థిక సంవత్సరానికి సంబంధించిన వడ్డీ 8.5 శాతాన్ని డిసెంబర్‌ నెలాఖరులోపు జమ చేయనుంది. ఈ ఏడాది సెప్టెంబర్‌లో కార్మికమంత్రి సంతోష్‌ గంగ్వార్‌ అధ్యక్షతన జరిగిన ఈపీఎఫ్‌వో ట్రస్టీల సమావేశంలో 8.5 శాతాన్ని రెండు భాగాలుగా చేసి.. తొలుత 8.15 శాతం, తర్వాత డిసెంబర్‌ చివరిలోపు 0.35 శాతం చొప్పున జమ చేయాలని నిర్ణయించిన విషయం తెలిసిందే. ఇందులో ఇప్పటి వరకు ఏదీ కార్యరూపం దాల్చలేదు. దీంతో ఈ నెలలోనే 8.5 శాతం వడ్డీని జమ చేసేందుకు ఆర్థిక శాఖా సమ్మతి కోరుతూ కార్మిక శాఖ ప్రతిపాదన పంపినట్టు విశ్వసనీయ వర్గాలు తెలిపాయి. కొన్ని రోజుల్లోనే ఆర్థిక శాఖ నుంచి ఆమోదం రావచ్చని, దాంతో ఈ నెల చివర్లోగా వడ్డీ జమ చేయడం పూర్తవుతుందని ఆ వర్గాలు పేర్కొన్నాయి.  

న్యూఢిల్లీ: సోష‌ల్ మీడియా వాడ‌కం పెరిగాక క‌రోనా క‌న్నా స్పీడుగా ఫేక్ న్యూస్ విస్త‌రిస్తోంది. క‌రోనాను పూర్తిగా నిలువ‌రించే మందు లేన‌ట్టే ఈ ఫేక్ న్యూస్ బెడ‌ద‌ను నివారించేది కూడా ఏదీ లేదు. పైగా లాక్‌డౌన్ కాలంలో అస‌త్య వార్త‌లు సీజ‌నల్‌ వ్యాధుల క‌న్నా ప్ర‌బ‌లంగా వ్యాపించాయి. తాజాగా అంద‌రినీ కంగారు పెడుతూ మ‌రో పుకారు నెట్టింట తెగ చ‌క్క‌ర్లు కొడుతోంది. క‌రోనా కేసులు త‌గ్గుముఖం ప‌ట్ట‌నందున డిసెంబ‌ర్ 1 నుంచి దేశ‌వ్యాప్తంగా మ‌రోసారి లాక్‌డౌన్ విధిస్తార‌ట‌. ఈ మేర‌కు ఓ ట్వీట్ అంద‌రినీ త‌ప్పుదోవ ప‌ట్టిస్తోంది. (చ‌ద‌వండి:వైర‌ల్‌: వందేళ్ల‌ కింద‌టి శ‌వం న‌వ్వుతోందా?) అయితే మ‌ళ్లీ లాక్‌డౌన్ అనే వార్త‌ను ప్ర‌భుత్వం కొట్టిపారేసింది. స‌ద‌రు ట్వీట్ మార్ఫింగ్ చేసిన‌ట్లు  ప్రెస్ ఇన్‌ఫ‌ర్మేష‌న్ బ్యూరో(పీఐబీ) వెల్ల‌డించింది. లాక్‌డౌన్ విధింపు గురించి ప్ర‌భుత్వం ఎలాంటి నిర్ణ‌యం తీసుకోలేద‌ని స్ప‌ష్టం చేసింది. కాబ‌ట్టి సోష‌ల్ మీడియాలో ఏది కంట ప‌డ్డా గుడ్డిగా న‌మ్మేయ‌కండి. ఇలాంటి అస‌త్య వార్త‌ల‌ను ఇత‌రుల‌కు షేర్ చేయ‌కండి. కాగా దేశంలో ప్ర‌స్తుతం అన్‌లాక్ 5.0 మార్గ‌ద‌ర్శ‌కాలు కొన‌సాగుతున్నాయి. (చ‌ద‌వండి: అంద‌రి కోసం..దేశం చూసొద్దాం పద) నిజం: డిసెంబ‌ర్ 1 నుంచి లాక్‌డౌన్ అమ‌లు చేస్తున్న‌ట్లు కేంద్రం ఎలాంటి ప్ర‌క‌ట‌నా చేయ‌లేదు. A tweet allegedly posted by a prominent media outlet claims that due to the growing number of #COVID19 cases in the country, the Govt. is going to re-impose a nationwide lockdown from 1st December#PIBFactCheck: This tweet is #Morphed. No such decision has been taken by the Govt pic.twitter.com/8Urg7ErmEH — PIB Fact Check (@PIBFactCheck) November 12, 2020

సాక్షి, హైదరాబాద్‌: గ్రేటర్‌ హైదరాబాద్‌ మున్సిపల్‌ కార్పొరేషన్‌(జీహెచ్‌ఎంసీ) ఎన్నికల ప్రక్రియలో మళ్లీ కదలిక మొదలైంది. తాజా ప్రతిపాదనల మేరకు నవంబర్‌ రెండో వారంలో షెడ్యూల్‌ విడుదల చేసి డిసెంబర్‌ మూడో వారంలో ఎన్నికలు నిర్వహించే దిశ గా కసరత్తు వేగం పుంజుకుంది. తొలుత డిసెంబర్‌లో ఎన్నికలు నిర్వహిస్తారని భావించిన ప్పటికీ ఇటీవలి వర్షాలు, వరదలతో.. జనవరి ఆఖరు లేదా ఫిబ్రవరి మొదటి వారంలో ఉం డొచ్చని భావించారు. కానీ మళ్లీ ప్రభుత్వం నుంచి వచ్చిన సంకేతాలతో.. జోనల్, సర్కిల్‌ కార్యాలయాల్లో సంక్షేమం, అభివృద్ధి కార్యక్రమాలను వీలైనంత వేగిరం చేసి, ఆపై ఎన్నికలకు వెళ్లే యోచనలో ఉన్నట్లు తెలుస్తోంది. ప్రస్తుతం నగరంలో వరద బాధిత కుటుంబాలకు పంపిణీ చేస్తున్న రూ.10 వేల సాయాన్ని ఈ నెల 31లోగా పూర్తి చేయాలని జీహెచ్‌ఎంసీ అధికారులకు ప్రభుత్వం ఆదేశాలిచ్చిం ది. డబుల్‌ బెడ్రూం ఇళ్ల పంపిణీ, రహదారుల మరమ్మతులను యుద్ధ ప్రాతిపదికన పూర్తి చేయాలని ఆదేశిస్తూ.. ఎన్నికల షెడ్యూల్‌ ఎప్పుడైనా వెలువడవచ్చనే సంకేతాలిచ్చింది.  పాత రిజర్వేషన్లే ఇప్పుడూ..  జీహెచ్‌ఎంసీ చట్టానికి ఇటీవల చేసిన సవరణ మేరకు ప్రస్తుతం ఉన్న డివిజన్ల రిజర్వేషన్లను యథావిధిగా కొనసాగించనున్నారు. అలాగే మహిళలకు 2016లో అమలైన 50 శాతం రిజర్వేషన్లకు చట్టబద్ధత లభించింది. ఈ మేరకు 150 డివిజన్లలో 75 పూర్తిగా మహిళలకే కేటాయిస్తారు. ఈ మారు మేయర్‌ పీఠం కూడా వారికే కేటాయించారు. దీంతో జీహెచ్‌ఎంసీ లో మహిళా నేతల సందడి మరింత పెరగనుంది. కాగా, 2020 ఫిబ్రవరి ఓటర్ల జాబితానే ప్రామాణికంగానే తీసుకుని, కొత్త ఓటర్ల నమోదుకు నామినేషన్ల ముందురోజు వరకు అనుమతించనున్నారు. ప్రస్తుత పాలకవర్గం గడువు 2021  ఫిబ్రవరి 10 వరకు ఉన్నా, 3 నెలల ముందుగానే ఎన్నికలకు వెళ్లి, కొత్త పాలకవర్గం కొలువుదీరేందుకు తాజా సవరణలు అనుమతిస్తున్నాయి. అంతా సవ్యంగా సాగితే జీహెచ్‌ఎంసీ కొత్త పాలకవర్గం 45 రోజుల ముందుగానే కొలువుదీరనుంది.    రిటర్నింగ్‌ అధికారుల నియామకం  బల్దియా ఎన్నికలకు అడుగులు వడివడిగా పడుతున్నాయి. ఎన్నికల నిర్వహణకు రిటర్నింగ్‌ అధికారులు (ఆర్‌ఓ), అసిస్టెంట్‌ రిటర్నింగ్‌ అధికారులను (ఏఆర్‌ఓ) నియమించారు. ఈ మేరకు జీహెచ్‌ఎంసీ పంపిన జాబితాను ఆమోదిస్తూ రాష్ట్ర ఎన్నికల కమిషనర్‌ పార్థసారథి బుధవారం నోటిఫికేషన్‌ జారీ చేశారు. గ్రేటర్‌ పరిధిలోని 30 సర్కిళ్ల వారీగా 150 వార్డులకు ఆర్‌ఓలు, ఏఆర్‌ఓలతోపాటు రిజర్వులో ఉండేందుకు కూడా అధికారులను నియమించారు.  

న్యూఢిల్లీ: దేశవ్యాప్తంగా ఇంజనీరింగ్‌ కళాశాలలు, సాంకేతిక విద్యా సంస్థల్లో చేరే కొత్తగా చేరే విద్యార్థులకు విద్యా సంవత్సరం ఈ ఏడాది డిసెంబర్‌ 1వ తేదీ నుంచి ప్రారంభం కానుంది. కోవిడ్‌ నేపథ్యంలో ప్రవేశాల డెడ్‌లైన్‌ను పొడిగించినట్లు అఖిల భారత సాంకేతిక విద్యా మండలి(ఏఐసీటీఈ) ప్రకటించింది. రాష్ట్ర ప్రభుత్వాల విజ్ఞప్తి మేరకు ఇంజనీరింగ్‌ కాలేజీల్లో అండర్‌ గ్రాడ్యుయేట్‌ కోర్సుల్లో మొదటి సంవత్సరంలో అడ్మిషన్ల తుది గడువును నవంబర్‌ 30వ తేదీ వరకు పొడిగించామని ఏఐసీటీఈ కార్యదర్శి రాజీవ్‌ కుమార్‌ తెలిపారు. కోవిడ్‌ మార్గదర్శకాలను అమలు చేస్తూ ఆన్‌లైన్, ఆఫ్‌లైన్‌ ద్వారా తరగతులను ప్రారంభించవచ్చని సూచిం చారు. కరోనా విజృంభణ కారణంగా మార్చి 16 నుంచి యూనివర్సిటీలు, కాలేజీలు, స్కూళ్లు మూతపడిన సంగతి తెలిసిందే. వర్సిటీలు, కాలేజీల్లో ఫ్రెషర్లకు నూతన విద్యా సంవత్సరాన్ని ప్రారంభించేందుకు యూజీసీ ఇటీవల అనుమతినిచ్చింది. తరగతులు ఆలస్యంగా ప్రారంభం అవుతున్న కారణంగా 2021లో వేసవి సెలవులను భారీగా కుదిస్తామని యూజీసీ పేర్కొంది.

సాక్షి, హైదరాబాద్‌: కోవిడ్‌ మహమ్మారి మూలంగా పారిశ్రామికవేత్తలు, పెట్టుబడిదారులు ఎదుర్కొంటున్న సవాళ్లపై చర్చించేందుకు హైదరాబాద్‌లో అతిపెద్ద అంతర్జాతీయ సదస్సు జరగనుంది. ఈ మేరకు సదస్సు నిర్వహించడానికి ‘ది ఇండస్‌ ఎంట్రప్రెన్యూర్స్‌ (టై)’ హైదరాబాద్‌ శాఖ సన్నాహాలు చేస్తోంది. డిసెంబర్‌ 8 నుంచి 10 వరకు మూడు రోజుల పాటు జరిగే ఈ వర్చువల్‌ సదస్సును ప్రధాని నరేంద్ర మోదీ చేతుల మీదుగా ప్రారంభించేందుకు ప్రయత్నిస్తోంది. ప్రపంచ వ్యాప్తంగా పేరొందిన సుమారు 20వేల మంది వ్యాపార, వాణిజ్య వేత్తలు, రెండు వందల మంది పెట్టుబడిదారులు ఇందులో పాల్గొం టారు. వ్యాపార, వాణిజ్య, క్రీడా, తదితర రంగాలకు చెందిన సుమారు 50 మంది వక్తలు ప్రసంగిస్తారు. అంతర్జాతీయ వ్యాపార, వాణిజ్య దిగ్గజాలు సత్య నాదెళ్ల, రతన్‌టాటా, ఎలాన్‌ మస్క్, సుందర్‌ పిచాయ్, ఆనంద్‌ మహీంద్రా, షెరిల్‌ సాండ్‌బెర్గ్‌ వంటి వారు ఈ సదస్సులో పాల్గొంటారని ‘టై’ వెల్లడించింది. సరికొత్త అవకాశాలపై చర్చలు.. ‘ఎంట్రప్రెన్యూర్‌షిప్‌ 360’గా పిలిచే ఈ సదస్సులో కోవిడ్‌ కారణంగా వివిధ రంగాలు ఎదుర్కొంటున్న సవాళ్లపై చర్చిస్తారు. ఎంట్రప్రెన్యూర్స్‌ తమ వ్యూహాలను సమీక్షిం చుకోవడంతో పాటు, తమకు అవసరమైన పెట్టుబడులు సమకూర్చుకునేలా ఈ సదస్సు దోహదం చేస్తుందని భావిస్తున్నారు. ఇందులో పలువురు అంతర్జాతీయ వ్యాపార, వాణిజ్యవేత్తలు తమ ఉత్పత్తులు, సేవలు ప్రదర్శించే అవకాశం ఉంది. కోవిడ్‌ మూలంగా వివిధ రంగాలు దెబ్బతిన్నా, అంతే సమంగా కొత్త అవకాశాలూ ఉన్నాయనే కోణంలో ఈ సదస్సులో భాగస్వామ్యం వహిస్తున్నట్లు రాష్ట్ర ఐటీ, పరిశ్రమల శాఖ వర్గాలు వెల్లడించాయి. కాగా, ప్రపంచ వ్యాప్తంగా 15వేలకు పైగా సభ్యులు, 3వేలకు పైగా చార్టర్‌ సభ్యులతో పాటు 14దేశాల్లో 61 చాప్టర్‌లను ‘టై’ కలిగి ఉంది. డిసెంబర్‌లో జరగనున్న టై సదస్సులో అమెరికా, యూరప్, ఆఫ్రికా, ఆసియా ఖండాల నుంచి 25 చాప్టర్‌లు పాల్గొనే అవకాశం ఉంది.

సాక్షి, న్యూఢిల్లీ: ఉచిత సేవలతో టెలికాం పరిశ్రమలో సంచలనాలు నమోదు చేసిన రిలయన్స్‌ జియోకు తాజాగా భారీ షాక్‌ తగిలింది. ఇటీవలి కాలవంలో టారిఫ్‌ సవరింపు కారణంగా డిసెంబరు నెలలో జియో కొత్త వినియోగదారుల సంఖ్యలో భారీగా క్షీణించిందని  ట్రాయ్‌ వెల్లడించింది. నవంబరు నెలలో 5లక్షల 60 వేల కొత్త చందారులను జత చేసుకున్న జియో డిసెంబర్ నెలలో 82,308 మంది ఖాతాదారులను మాత్రమే నమోదు చేసింది. అంతేకాదు ఈ విషయంలో  బీఎస్‌ఎన్‌ఎల్‌ కంటే వెనకపడటం విశేషం. మరోవైపు ఏజీఆర్‌ బకాయిలతో సంక్షోభంలో పడ్డ వొడాఫోన్‌ ఐడియా చందాదారుల విషయంలో కూడా  పురోగతి లేదు. టెలికాం రెగ్యులేటరీ అథారిటీ ఆఫ్ ఇండియా (ట్రాయ్) డిసెంబర్ 31, 2019తో ముగిసిన నెలలో భారతీయ టెలికాం కంపెనీల చందాదారుల డేటాను బుధవారం విడుదల చేసింది.  జియో గత ఏడాది డిసెంబర్‌లో తన టారిఫ్ పెంపును ప్రవేశపెట్టడమే  సబ్‌ స్కై‍బర్ల  సంఖ్య తగ్గడానికి  ప్రధాన కారణం కావచ్చని పేర్కొంది. కంపెనీ మార్కెట్ వాటా పుంజుకుంది.  నవంబర్ 2019 చివరిలో 32.04 శాతంతో పోలిస్తే 32.14 శాతానికి పెరిగింది. వోడాఫోన్-ఐడియా మార్కెట్ వాటా నవంబర్‌లో 29.12 శాతం నుండి డిసెంబర్‌లో 28.89 శాతానికి తగ్గింది. ప్రభుత్వ యాజమాన్యంలోని బీఎస్‌ఎన్‌ఎల్ ఈ నెలలో సుమారు 4,26,958 మంది కొత్త చందాదారులను చేర్చుకుంది.  ఇది జియో కంటే ఎక్కువ.  నవంబర్ 2019 నెలలో 3,38,480 మంది  మాత్రమే.  దీని మార్కెట్ వాటా ఒక నెలలో 10.19 శాతం నుండి 10.26 శాతానికి పెరిగింది. 2 019 చివరి నెలలో ప్రవేశపెట్టిన సుంకం పెంపు కారణంగా  మొత్తం చందాదారుల వృద్ధి మందగమనంలో ఉందని ట్రాయ్‌ వెల్లడించింది.  అయినప్పటికీ రిలయన్స్ జియో ఇప్పటికీ మార్కెట్ వాటాలో 32.14 శాతంతో టాప్‌లో ఉండగా, వొడాఫోన్ ఐడియా 28.89 శాతం మార్కెట్ వాటాతో రెండవ స్థానంలో ఉంది. 28.43 శాతం మార్కెట్ వాటాతో   మూడవ స్థానంలో ఎయిర్‌ టెల్‌ వుంది. తాజా ట్రాయ్‌ నివేదిక ప్రకారం వొడాఫోన్ ఐడియా డిసెంబర్ 31తో ముగిసిన నెలలో 36,44,453 మంది సభ్యులను కోల్పోయింది. ఇది నవంబర్ నెలలో కోల్పోయిన 3,64,19,365 కంటే చాలా తక్కువ. చందాదారుల సంఖ్యలో నష్టం గణనీయంగా  తగ్గినప్పటికీ, మార్కెట్ వాటా గత నెలలనుంచి క్రమంగా క్షీణిస్తూ వస్తోంది. ఎయిర్‌టెల్‌ డిసెంబర్ నెలలో చందాదారులను కోల్పోయినా  ఈ  సంఖ్య 11,050 వద్ద  స్థిరంగా ఉంది. మొత్తం వైర్‌లెస్ చందాదారుల సంఖ్య  2019 నవంబరులో 1,154.59 మిలియన్ల నుండి 2019 డిసెంబర్ చివరినాటికి 1,151.44 మిలియన్లకు తగ్గింది. తద్వారా నెలవారీ క్షీణత రేటు 0.27 శాతం. 

బీజింగ్‌: రోజులు గడుస్తున్నా చైనాలో కోవిడ్‌–19 (కరోనా వైరస్‌) కల్లోలానికి అంతం లేకుండా పోతోంది. గత ఏడాది డిసెంబర్‌లో తొలికేసు నమోదైన నాటి నుంచి చూస్తే మంగళవారం నాటికి వైరస్‌ బాధితుల మరణాల సంఖ్య 1,115కు చేరింది. ప్రస్తుతం 44,763 మంది వ్యాధి బారినపడినట్లు చైనా ఆరోగ్య శాఖ అధికారులు బుధవారం తెలిపారు. జపాన్‌ తీరంలో లంగరేసిన డైమండ్‌ ప్రిన్సెస్‌ క్రూయిజ్‌ నౌకలో తాజాగా 39 మందికి వ్యాధి సోకినట్లు నిర్ధారణ అయింది. దీంతో నౌకలో వైరస్‌ బాధితుల సంఖ్య 174కు చేరింది. మొత్తం 3700 మంది ప్రయాణీకులు ఉన్న ఈ నౌకలో ఇంకా వందలాది మందికి వైరస్‌ నిర్ధారణ పరీక్షలు చేయాల్సి ఉందని జపాన్‌ ఆరోగ్య మంత్రి కట్సునోబూ కాటో తెలిపారు. కోవిడ్‌ బారిన పడినట్లు అనుమానిస్తున్న ఇద్దరు మహిళలు రష్యాలోని ఆసుపత్రి నుంచి పరారైనట్లు రష్యా ఆరోగ్యశాఖ అధికారులు తెలిపారు. ఆసుపత్రిలో వైద్యులు సరిగా సహకరించకపోవడం, ఆసుపత్రిలోని పరిస్థితులు, వైరస్‌ సోకుతుందేమో అన్న భయం కారణంగానే తాము పారిపోయినట్లు ఆ మహిళలు చెప్పినట్లు వార్తలొచ్చాయి. ఇద్దరు భారతీయులకు కోవిడ్‌ టోక్యో: జపాన్‌లో క్రూయిజ్‌ నౌకలో చిక్కుకున్న 138 మంది భారతీయుల్లో ఇద్దరికి కోవిడ్‌ సోకినట్లు జపాన్‌లోని భారత రాయబార కార్యాలయం వెల్లడించింది. వ్యాధి సోకిన వారిని ఆస్పత్రులకు తరలించి జపనీస్‌ నియమనిబంధనల ప్రకారం చికిత్స అందిస్తున్నామని జపాన్‌ అధికారులు పేర్కొన్నారు. కోవిడ్‌ వైరస్‌ ఉన్నందున ఈ నెల 19 వరకూ క్రూయిజ్‌ నౌకను తమ అదుపులోనే ఉంచుకోనున్నట్లు చెప్పారు. మరిన్ని వివరాలు తెలుకునేందుకు భారత రాయబార అధికారులు జపాన్‌ అధికారులతో సంప్రదింపులు జరుపుతున్నారు.  

సాక్షి, న్యూఢిల్లీ:  దేశీయ ఆర్థిక వృద్దిపై  మరింత ఆందోళన రేపుతున్నాయి తాజా ఐఐపీ గణాంకాలు. ఉత్పత్తి రంగంలో నెలకొన్న సంక్షోభంతో పారిశ్రామిక ఉత్పత్తి డిసెంబరులో పారిశ్రామిక ఉత్పత్తి సూచిక (ఐఐపి) 0.3 శాతానికి పడిపోయింది.   2018 డిసెంబర్‌లో ఇది 2.5 శాతం.  ప్రధానంగా  చైనాలో వ్యాపించిన కోవిడ్-2019 (కరోనా వైరస్‌) బాగా ప్రభావం చూసినట్టు ఎనలిస్టులు చెబుతున్నారు.   ప్రభుత్వం ఐఐపీ గణాంకాలను బుధవారం విడదుల చేసింది. నేషనల్ స్టాటిస్టికల్ ఆఫీస్ (ఎన్‌ఎస్‌ఓ) గణాంకాల ప్రకారం,  ఏడాది క్రితం ఇదే నెలలో 2.9 శాతం వృద్ధితో పోలిస్తే ఉత్పాదక రంగాల ఉత్పత్తి 1.2 శాతం క్షీణించింది. విద్యుత్ ఉత్పత్తి కూడా 0.1 శాతం తగ్గింది. 2018 డిసెంబర్‌లో 4.5 శాతం వృద్ధిని సాధించింది. అయితే మైనింగ్ రంగ ఉత్పత్తి 5.4 శాతం పెరిగింది. ప్రస్తుత ఆర్థిక సంవత్సరం ఏప్రిల్-డిసెంబర్ కాలంలో ఐఐపి వృద్ధి  0.5 శాతానికి క్షీణించింది. 2018-19 ఇదే కాలంలో 4.7 శాతం పెరిగింది. చదవండి :  ధరల మంట: రీటైల్‌ ద్రవ్యోల్బణం ఆరేళ్ల గరిష్టం కోవిడ్‌-19 : ఎలక్ట్రానిక్‌ పరిశ్రమలు మూత

సాక్షి,న్యూఢిల్లీ:  రిటైల్‌ ద్రవ్యోల్బణం బాటలో టోకు ధరల సూచీ ఆధారిత ద్రవ్యోల్బణం (డబ్ల్యూపీఐ) కూడా నడిచింది.  డిసెంబరు నెల టోకు ధరల సూచీ మరింత ఎగిసింది. నవంబరు 0.58 శాతం శాతంతో పోలిస్తే డిసెంబరు మాసంలో 2.59 శాతంగా ఉంది. ప్రధానంగా ఆహార పదార్థాలు(ఆలూ, ఉల్లి) ఇంధన ధరలు సెగ డబ్ల్యూపీఐని ప్రభావితం చేసింది. ఆహార ద్రవ్యోల్బణం (డబ్ల్యుపిఐ ఫుడ్ ఇండెక్స్) 13.24  శాతం పెరిగింది. నవంబరులో ఇది 11 శాతం. నవంబరు మాసంలో 172.3 శాతంగా ఉన్న ఉల్లి ద్రవ్యోల్బణ రేటు డిసెంబరులో 455.8 శాతానికి  చేరింది. రిటైల్‌ ద్రవ్యోల్బణం డిసెంబరులో 7.35 శాతం వద్ద ఐదున్నర సంవత్సరాల గరిష్ట స్థాయినికి చేరుకున్న సంగతి  తెలిసిందే.

సాక్షి,ముంబై: దేశీయ మార్కెట్లో మరోసారి వాహనాల విక్రయాలు మందగించాయి. ఇప్పటికే వరుస త్రైమాసికాల్లో భారీగా పడిపోతున్న వాహన విక్రయాలు డిసెంబరుమాసంలో క్షీణతను నమోదు చేసాయి. సొసైటీ ఆఫ్ ఇండియన్ ఆటోమొబైల్ తయారీదారులు (సియామ్) విడుదల చేసిన గణాంకాల ప్రకారం. దేశీయ ప్యాసింజర్‌ వాహనాల అమ్మకాలు 1.24 శాతంక్షీణించి 2,35,786 యూనిట్లకు చేరుకున్నాయి. అంతకుముందు ఏడాది ఇదే కాలంలో 2,38,753  యూనిట్లుగా వుంది.  దేశీయ కార్ల అమ్మకాలు 8.4 శాతం తగ్గి 1,42,126 యూనిట్లకు చేరుకున్నాయి. 2018 డిసెంబర్‌లో 1,55,159 యూనిట్లు.  గత నెలలో మోటార్‌సైకిల్ అమ్మకాలు 12.01 శాతం క్షీణించి 6,97,819 యూనిట్లకు చేరుకున్నాయి. అంతకు ముందు ఏడాది 7,93,042 యూనిట్లు.డిసెంబరులో మొత్తం ద్విచక్ర వాహనాల అమ్మకాలు 16.6 శాతం క్షీణించి 10,50,038 యూనిట్లకు చేరుకున్నాయి. అంతకు ముందు ఏడాది 12,59,007 యూనిట్లు. వాణిజ్య వాహనాల అమ్మకాలు 12.32 శాతం తగ్గి డిసెంబర్‌లో 66,622 యూనిట్లకు చేరుకున్నాయని సియామ్ తెలిపింది. 2018 డిసెంబర్‌లో 16,17,398 యూనిట్ల నుంచి వాహనాల అమ్మకాలు 13.08 శాతం క్షీణించి 14,05,776 యూనిట్లకు చేరుకున్నాయి. 2018 లో 33,94,790 యూనిట్లతో పోలిస్తే 2019 లో ప్రయాణీకుల వాహనాల అమ్మకాలు 12.75 శాతం తగ్గి 29,62,052 యూనిట్లకు చేరుకున్నాయి. మొత్తం వాహనాల అమ్మకాలు 2019 జనవరి-డిసెంబర్‌లో 13.77 శాతం తగ్గి 2,30,73,438 యూనిట్లుగా నమోదయ్యాయి. గత ఏడాది  2018 లో 2,67,58,787 యూనిట్లుగా ఉన్నాయి. కాగా టాటా మోటార్స్‌  చైనా మార్కెట్‌లో మాత్రం వరసగా ఆరు నెలలో కూడా డబుల్‌ డిజిట్‌ గ్రోత్‌ను సాధించింది.  దీంతో మార్కెట్లో  టాటా మోటార్స్‌ షేరు నష్టాలనుంచి లాభాల్లోకి మళ్లింది. మారుతి సుజుకి  కూడా లాభపడుతోంది.

న్యూఢిల్లీ: భారత బాక్సింగ్‌ సమాఖ్య (బీఎఫ్‌ఐ) ఆధ్వర్యంలో తొలిసారి నిర్వహించనున్న ‘బిగ్‌ బౌట్‌ ఇండియన్‌ బాక్సింగ్‌ లీగ్‌’ బరిలో దిగే బాక్సర్ల వివరాలను ప్రకటించారు. ఈ లీగ్‌ డిసెంబర్‌ 2 నుంచి 21 వరకు జరుగుతుంది. మొత్తం ఆరు జట్లు టైటిల్‌ కోసం తలపడతాయి. తెలంగాణ బాక్సర్, ప్రపంచ జూనియర్‌ మాజీ చాంపియన్‌ నిఖత్‌ జరీన్‌ ఒడిశా వారియర్స్‌కు ప్రాతినిధ్యం వహిస్తుండగా... భారత దిగ్గజ బాక్సర్‌ మేరీకోమ్‌ పంజాబ్‌ రాయల్స్‌ తరఫున పోటీపడనుంది. వీరిద్దరు 51 కేజీల విభాగంలో బరిలోకి దిగుతారు. ఆంధ్రప్రదేశ్‌కు చెందిన పొలిపల్లి లలితా ప్రసాద్‌ పురుషుల 52 కేజీల విభాగంలో పంజాబ్‌ రాయల్స్‌ జట్టుకు ఆడతాడు. ఇదే విభాగంలో ప్రపంచ చాంపియన్‌షిప్‌ రజత పతక విజేత అమిత్‌ పంఘాల్‌ టీమ్‌ గుజరాత్‌ అదానీకి ప్రాతినిధ్యం వహిస్తాడు. జట్ల వివరాలు  ఒడిశా వారియర్స్, బెంగళూరు బ్రాలర్స్, పంజాబ్‌ రాయల్స్, టీమ్‌ గుజరాత్‌ అదానీ, బాంబే బుల్లెట్స్, నార్త్‌ ఈస్ట్‌ రైనోస్‌.   వెయిట్‌ కేటగిరీలు  మహిళల విభాగం: 51 కేజీలు, 60 కేజీలు; పురుషుల విభాగం: 52 కేజీలు, 57 కేజీలు, 69 కేజీలు, 75 కేజీలు, 91 కేజీలు.

సాక్షి, హైదరాబాద్‌: ప్రతిష్టాత్మక బీబీనగర్‌ ఎయిమ్స్‌లో వచ్చే డిసెంబర్‌ నుంచి ఔట్‌ పేషెంట్‌ (ఓపీ) సేవలు అందుబాటులోకి రానున్నాయి. అక్కడ నిమ్స్‌ ఆధ్వర్యంలో సేవలు కొనసాగుతుండగా, త్వరలో ఎయిమ్స్‌ సేవలు ప్రారంభం కానున్నాయి. దేశవ్యాప్తంగా అత్యంత ప్రతిభ గల ప్రముఖవైద్యులు, ప్రొఫెసర్లు అక్కడ అందుబాటులో ఉంటారు. వారి సేవలు బీబీనగర్‌ చుట్టుపక్కల జిల్లాల ప్రజలకు అం దనున్నాయి. ఇప్పటికే నిమ్స్‌ ద్వారా రోజుకు 500 మంది వరకు ఓపీ రోగులు వస్తున్నా రని అంచనా. ఎయిమ్స్‌ సేవలు అందుబాటులోకి వస్తే రోజుకు 2వేల మంది వరకు వచ్చే అవకాశముందంటున్నారు. ఈ ఏడాది నుంచి బీబీనగర్‌ ఎయిమ్స్‌లో ఎంబీబీఎస్‌ తరగతులు ప్రారంభమ య్యాయి. పలు రాష్ట్రాలకు చెందిన 50మంది విద్యార్థులు వైద్య విద్యను అభ్యసిస్తున్నారు. మార్చి నుంచి ఇన్‌ పేషెంట్‌ సేవలు... వచ్చే మార్చి నుంచి ఇన్‌పేషెంట్‌(ఐపీ) సేవలు ప్రారంభం కానున్నాయని అధికారులు చెబుతున్నారు. ప్రధానంగా జనరల్‌ మెడిసిన్, గైనిక్‌ విభాగాల్లో ఇన్‌ పేషెంట్లకు ముందుగా వైద్య సేవలు ప్రారంభించి తదుపరి విడతల వారీగా ఇతర వైద్య సేవలన్నింటినీ ప్రారంభిస్తారని వైద్య ఆరోగ్యశాఖ వర్గాలు చెబుతున్నాయి. ఎయిమ్స్‌ వర్గాలు ముందుగా 750 పడకలతో అనుబంధ ఆస్పత్రి ప్రారంభించాలని అనుకున్నారు. కానీ ఇక్కడి రద్దీని దృష్టిలో ఉంచుకొని వెయ్యి పడకలకు పెంచాలని వైద్య ఆరోగ్యశాఖ వర్గాలు కేంద్ర ఎయిమ్స్‌ వర్గాలకు విజ్ఞప్తి చేశాయి. అందుకు కేంద్ర వర్గాలు సుముఖత వ్యక్తంచేసినట్లు రాష్ట్ర వైద్య ఆరోగ్యశాఖకు చెందిన కీలకాధికారి ఒకరు తెలిపారు. ఇన్‌పేషెంట్లు 2 వేల వరకు రోజూ ఉంటే, పడకల సంఖ్య తప్పనిసరిగా వెయ్యి ఉండాలని అంటున్నారు. నిమ్స్‌లో ప్రస్తుతమున్న ఫీజుల మాదిరిగానే ఎయిమ్స్‌లో ఉంటాయని అంటున్నారు. దీనిపై ఇంకా ఎలాంటి సమాచారం లేదని చెబుతున్నారు. మూడేళ్లలో నిర్మాణం పూర్తి.. బీబీనగర్‌ ఎయిమ్స్‌ కోసం తెలంగాణ ప్రభుత్వం దేశంలో ఎక్కడా లేని విధంగా 200 ఎకరాలు కేటాయించింది. అధికారులు పలుమార్లు దీనిపై ఢిల్లీకి వెళ్లి ఎయిమ్స్‌ కోసం కృషిచేశారు.ఎట్టకేలకు ఇది సాకారం కావడంతో ఇక్కడి ప్రజలు సంతోషంలో ఉన్నారు. ఇప్పటికే అక్కడ నిమ్స్‌ భవనాలు ఉండటంతో తాత్కాలికంగా ఎయిమ్స్‌ నడిపిస్తున్నారు. మూడేళ్లలోగా పూర్తిస్థాయిలో 200 ఎకరాల్లో హాస్టళ్లు, ప్రొఫెసర్లు, డాక్టర్ల వసతి గృహాలు పూర్తికానున్నాయి.అద్భుతమైన మైదానాలు, స్విమ్మింగ్‌ ఫూల్స్, బృందావనాలు కూడా రూపుదిద్దుకుంటాయని అధికారులు చెబుతున్నారు. అందుకోసం ఎయిమ్స్‌ ఇప్పటికే నిధులు కేటాయించింది. మున్ముందు పీజీ సీట్లు కూడా వచ్చాక ఎయిమ్స్‌ ద్వారా ఇక్కడి ప్రాంత వాసులకు మరింత మెరుగైన వైద్యం అందుబాటులోకి రానుంది. హైదరాబాద్‌లోని కార్పొరేట్‌ ఆసుపత్రులకు మించి వైద్యం ఉంటుందని, అదే రాష్ట్రంలో వైద్యానికి బెంచ్‌మార్క్‌గా ఉంటుందని అంటున్నారు. అంతేగాక అనేక పరిశోధనలు కూడా ఇక్కడ జరగనున్నాయి.

 సాక్షి, ముంబయి: దేశీయ టూవీలర్‌, త్రీవీలర్‌ వాహన తయారీ సంస్థ టీవీఎస్ మోటార్ కంపెనీ అమ్మకాలలో భారీ వృద్ధిని సాధించింది.  డిసెంబర్  39 శాతం వృద్ధితో 2,56,909 యూనిట్లు విక్రయించింది. మొత్తం ద్విచక్ర వాహనాల విక్రయాలు 37.9 శాతం పెరిగి 2,47,630 యూనిట్లుగా నమోదయ్యాయి. ఈ గణాంకాలను సోమవారం కంపెనీ ప్రకటించింది దేశీయ అమ్మకాలు మాత్రం 35.4 శాతం పెరిగి 2,07,778 యూనిట్లకు చేరుకున్నాయని హోసూర్‌కు చెందిన కంపెనీ ఒక ప్రకటనలో తెలిపింది. డిసెంబర్ 2016 లో 55,557 యూనిట్లుండగా, స్కూటర్ విక్రయాలు 50.5 శాతం పెరిగాయి. మోటార్‌ సైకిల్ అమ్మకాలు పెరిగి 63.7 శాతం పెరిగి 95,281 యూనిట్లకు చేరుకున్నాయి.   అలాగే ఈ నెల  ఎగుమతులు 55.8 శాతం పెరిగి 47,818 యూనిట్లకు చేరుకున్నాయి. వీటిలో ద్విచక్ర వాహన ఎగుమతులు 52.7 శాతం పెరిగి39,852 యూనిట్లకు చేరుకున్నాయి. డిసెంబర్ 2017 నాటికి 5,393 యూనిట్లు విక్రయించగా .. అంతకు ముందు డిసెంబర్ 2017 నాటికి 9,279 యూనిట్లు విక్రయించింది.

సాక్షిప్రతినిధి, కరీంనగర్‌ : మిషన్‌ కాకతీయ నాలుగోవిడత పనులను చేపట్టేందుకు సిద్ధం కావాలని నీటిపారుదలశాఖ అధికారులను ప్రభుత్వం ఆదేశించింది. ఇందుకోసం సర్వేలు చేసి అధికారులు పంపిన ప్రతిపాదనలకు ప్రభుత్వం ఆమోదం తెలిపింది. ఉమ్మడి కరీంనగర్‌ జిల్లాలో నాలుగోవిడత కింద 641 చెరువులు, కుంటల మరమ్మతు, పునరుద్ధరణ పనులకు ప్రభుత్వం పచ్చజెండా ఊపింది. దీంతో అధికారులు నాలుగోవిడత మిషన్‌ కాకతీయ పనులు ప్రారంభించడంలో నిమగ్నమయ్యారు. ప్రభుత్వం ప్రతిష్టాత్మకంగా తీసుకున్న మిషన్‌ కాకతీయ పనులు ఉమ్మడి జిల్లాలో మూడు విడతలుగా సాగాయి. జిల్లాల పునర్విభజనకు ముందు 5,998 చెరువులు, కుంటలు ఉన్నాయి. ఇందులో సిద్దిపేట, జయశంకర్‌ భూపాలపల్లి, వరంగల్‌అర్బన్‌ జిల్లాలకు వెళ్లినవి మినహాయించగా, కరీంనగర్, జగిత్యాల, రాజన్న సిరిసిల్ల, పెద్దపల్లి జిల్లాల్లో 4,445 మిగిలాయి. ఇందులో నుంచి మూడువిడతల్లో 2171 చెరువుల మరమ్మతు, పునరుద్ధరణ పనులు చేపట్టారు. నాలుగో విడతగా 641 చెరువుల పునరుద్ధరణ, మరమ్మతు పనులకు ప్రభుత్వం ఆమోదం తెలపగా.. ప్రారంభించేందుకు అధికారులు సన్నాహాలు చేస్తున్నారు.  వేగం పెంచితేనే లక్ష్యం నెరవేరేది..     అగ్రిమెంట్‌ సమయంలోనే కాంట్రాక్టర్ల కట్టడి.. 2014లో చెరువులు, కుంటల మరమ్మతు, పునరుద్ధరణ పనులకు శ్రీకారం జరగగా.. అదే ఏడాదిలో అధికారులు సర్వే నిర్వహించి ప్రభుత్వానికి నివేదించారు. జిల్లాల పునర్విభజన తర్వాత నాలుగు జిల్లాల్లో 4,445 చెరువులు, కుంటలు మిగలగా.. మొదటి, రెండు, మూడు విడతల్లో 2,171 చెరువుల పనులకు టెండర్ల ద్వారా కాంట్రాక్టర్లను ఎంపిక చేశారు. ఈ పనుల కోసం రూ.795.95 కోట్లు అంచనావేశారు. మొదటి విడతలో 643 చెరువులకుగాను 631 పనులు పూర్తయ్యాయి. రెండోవిడతలో 863 చెరువులకు ఆమోదం లభించగా.. 859 చెరువుల పనులు ప్రారంభించారు. ఇందులో 581 చెరువులు పూర్తయ్యాయి.  మూడో విడతలో 664 చెరువులకు ఆమోదం లభించగా, 654 చెరువులకు టెండర్లు పిలిచి 649 పనులను మొదలుపెట్టారు. మొత్తం మూడు విడతల్లో 2171 చెరువులకు 1212 చెరువులు పూర్తి కాగా, 959 పనులు వివిధస్థాయిల్లో ఉన్నాయి. ఈ పనులపై అధికారులు కాంట్రాక్టర్లకు రూ.213.95 కోట్లు చెల్లించినట్లు రికార్డులు చెప్తున్నాయి. వివిధ స్థాయిల్లో ఉన్న 959 పనులతోపాటు నాలుగో విడతలో 641 చెరువుల పనులు నిర్ణీత సమయంలో పూర్తి కావాలంటే పర్యవేక్షణ, వేగం పెంచడంతో పాటు అగ్రిమెంట్‌ సమయంలోనే కాంట్రాక్టర్లను కట్టడి చేయాలని పలువురు సూచిస్తున్నారు.  పనులపై ఆదినుంచీ ఆరోపణలే మిషన్‌ కాకతీయ పథకం ప్రారంభం నుంచి చాలాచోట్ల పనులు జరుగుతున్న తీరుపై ఆరోపణలు వినిపిస్తున్నాయి. తూము, కాలువలు, అలుగు, కట్ట నిర్మాణాల్లో నాణ్యత లోపించిందన్న ఫిర్యాదులు పలు గ్రామాల నుంచి వచ్చాయి. అధికార పార్టీ నేతలు తమ అనుయాయులకే టెండర్లను కట్టబెట్టడం వల్ల పనులు ఎలా చేసినా వారిపై చర్యలు తీసుకోవడం లేదన్న విమర్శలు వినిపించాయి. వీటిలో కొన్నింటిపై విజిలెన్స్, ఎన్‌ఫోర్స్‌మెంట్‌ విభాగం అధికారులు విచారణ కూడా జరిపారు. కరీంనగర్, జగిత్యాల డివిజన్లలో చాలాచోట్ల పనుల్లో నాణ్యత లేదని, నామమాత్రంగానే మట్టితరలింపు చేపట్టి బిల్లులు పొందారని తేలింది.  కాంట్రాక్టర్లు, అధికారుల మధ్య సమన్వయంతో ఈ అవినీతి జరిగిందన్న విమర్శలు కూడా వచ్చాయి. చెరువులకు సంబంధించిన తూములు, అలుగుల నిర్మాణంలో నాణ్యత సరిగా ఉండడం లేదు. చెరువు కట్టలు ఎత్తు పెంచడంలో మొరం నింపుతూ పనులు ముగించారన్న ఫిర్యాదులున్నాయి. కొన్నిచోట్ల కాంట్రాక్టర్లు పనులను ఇతరులకు అప్పగించి తప్పించుకున్న సంఘటనలూ ఉన్నాయి. పెద్దపల్లి, రాజన్న సిరిసిల్ల జిల్లాల్లో వచ్చిన ఆరోపణలపైనా విజిలెన్స్, ఎన్‌ఫోర్స్‌మెంట్‌ అధికారులు అప్పట్లో విచారణ జరిపారు. ఈ నేపథ్యంలో ప్రభుత్వం ప్రతిష్టాత్మకంగా తీసుకున్న ఈ పథకం సక్సెస్‌ కోసం అధికారులు అవినీతి, అక్రమాలకు తావు లేకుండా వ్యవహరించాలని పలువురు కోరుతున్నారు.


 - జనవరి-డిసెంబర్ ఆర్థిక సంవత్సరంపై కేంద్రం కసరత్తు
 - భారత్లో 150 ఏళ్లుగా ఏప్రిల్ మార్చి ఆర్థిక సంవత్సరం
 - అభివృద్ధి చెందిన దేశాల్లో కేలండర్ఏడాదే ఆర్థిక ఏడాది
 - కేలండర్కు మారడం అంతర్జాతీయ వ్యవస్థకు అనుగుణం
 - దేశంలో రుతుపవనాల చక్రానికీ అనుగుణంగా ఉంటుంది
 - ఇప్పటికిప్పుడు అమలు చేస్తే చాలా వ్యయప్రయాసలు
 - జీఎస్టీ అమలు విషయంలో ఇప్పటికే కొంత గందరగోళం
 - దానికితోడు ఆర్థిక సంవత్సరాన్నీ మారిస్తే ఇంకా ఇబ్బందే
 - రెండుమూడేళ్లు ఆగటం ఉత్తమం: ఆర్థిక నిపుణుల సూచన
 
 (సాక్షి నాలెడ్జ్‌ సెంటర్)
 
 కొత్త సంవత్సరం అంటే.. కొత్త ఆశలు.. కొత్త ఆశయాలు.. కొత్త ప్రణాళికలు! జనవరి 1తో మొదలయ్యే కొత్త సంవత్సరం ప్రపంచంతో పాటు భారత ప్రజలకూ క్రొంగొత్త కాలమే! కేలండర్మారడంతోనే కొత్త సంవత్సరంతో పాటు కొత్త జీవితంలోకి ప్రవేశిస్తున్నట్లు భావిస్తాం. కానీ.. మన దేశ ఆర్థిక వ్యవస్థకు.. దానికి ముడిపడివున్న దేశ ప్రజల ఆర్థిక వ్యవహారాలకు మాత్రం కొత్త సంవత్సరం ఏప్రిల్1తో మొదలవుతుంది. ఇది 150 ఏళ్లుగా కొనసాగుతున్న ఆర్థిక సంవత్సర వ్యవస్థ. చాలా దేశాల్లో.. ముఖ్యంగా అభివృద్ధి చెందిన దేశాల్లో కొత్త కేలండర్తోపాటే కొత్త ఆర్థిక సంవత్సరం కూడా ఆరంభమవుతుంది. ఆయా దేశాల్లో జనవరి  డిసెంబర్ఆర్థిక సంవత్సర వ్యవస్థ ఉండటమే దీనికి కారణం. దేశంలో ప్రస్తుతం అనుసరిస్తున్న ఏప్రిల్ మార్చి ఆర్థిక సంవత్సరం విధానాన్ని అంతర్జాతీయంగా అనుసరిస్తున్న జనవరి  డిసెంబర్కు మార్చే అంశంపై కేంద్రంలోని మోదీ సర్కారు కసరత్తు మొదలుపెట్టింది. గత ఆదివారం నీతి ఆయోగ్పాలక మండలి సమావేశంలో మోదీ అ అంశాన్ని ప్రముఖంగా ప్రస్తావించారు. ఈ ఆర్థిక సంవత్సరం మార్పు వల్ల లాభనష్టాలేమిటి? దీనిపై ఆర్థిక నిపుణుల అభిప్రాయాలు ఎలా ఉన్నాయి?
 
 150 ఏళ్లుగా అనుసరిస్తున్న విధానం..:
 బ్రిటిష్పాలకులు 1867లో బ్రిటన్సామ్రాజ్యంలో అనుసరించే విధానానికి అనుగుణంగా భారత ఆర్థిక వ్యవహారాల జమాలెక్కల కోసం ఏప్రిల్ మార్చి ఆర్థిక సంవత్సరం విధానాన్ని ప్రవేశపెట్టారు. స్వాతంత్య్రం తర్వాత కూడా దేశంలో ఇదే వ్యవస్థను కొనసాగించారు. 1992లో దేశంలో ఆర్థిక సంస్కరణల శకం మొదలైనపుడు.. ఆర్థిక సంవత్సర వ్యవస్థను కూడా జనవరి  డిసెంబర్కు మార్చాలన్న ప్రతిపాదనలు వచ్చాయి. కానీ అవి ముందుకు సాగలేదు. తాజాగా.. కేంద్ర ప్రభుత్వ మాజీ ప్రధాన ఆర్థిక సలహాదారు శంకర్ఆచార్య సారథ్యంలోని నిపుణుల కమిటీ గత ఏడాది డిసెంబర్లో ఆర్థిక మంత్రిత్వశాఖకు అందించిన నివేదికలో.. ఆర్థిక సంవత్సరాన్ని జనవరి  డిసెంబర్కు మార్చాలని ప్రతిపాదించింది. దేశంలో కీలకమైన రుతుపవనాల చక్రానికి, రబీ, ఖరీఫ్పంటల కోత సమయాలకు అనుగుణంగా ఆర్థిక సంవత్సరాన్ని క్రమబద్ధం చేయడం ఈ కమిటీ చెప్పిన ప్రధాన కారణాల్లో ఒకటి. వ్యవసాయ ఆదాయం అతి ముఖ్యమైన మన దేశంలో ఆ ఆదాయం అందిన వెంటనే బడ్జెట్లను తయారు చేయాలని ప్రధాని మోదీ, నీతి ఆయోగ్చైర్మన్అరవింద్పణగరియాలు కూడా బలంగా భావిస్తున్నారు. దాదాపు 150 ఏళ్లుగా అనుసరిస్తున్న ఈ ఆర్థిక సంవత్సరం విధానాన్ని మార్చడమంటే భారీ మార్పే అవుతుంది. అదే జరిగితే.. దేశ బడ్జెట్తేదీని ప్రస్తుతమున్న ఫిబ్రవరి నుంచి నవంబర్నెలకు మార్చడం, పన్ను మదింపు సంవత్సరాన్ని మార్చడం, దానికి అనుగుణంగా సంబంధిత మౌలిక సదుపాయాలను పునర్వ్యవస్థీకరించడం, పార్లమెంటు సమావేశాల సమయాలను మార్చడం వంటి చాలా మార్పులు కూడా చేయాల్సి ఉంటుంది.
 
 ‘కేలండర్’కి మారితే వల్ల లాభాలివీ..:
  ఆర్థిక సంవత్సరాన్ని కేలండర్సంవత్సరానికి మార్చడం వల్ల కొన్ని లాభాలు ఉన్నాయి. ప్రస్తుతం అభివృద్ధి చెందిన చాలా దేశాలు జనవరి  డిసెంబర్ఆర్థిక సంవత్సరాన్నే పాటిస్తున్నాయి. భారత ఆర్థిక వ్యవస్థ ప్రపంచ ఆర్థిక వ్యవస్థలో మరింత ఎక్కువగా సమ్మిళతమవుతుండటం, దేశంతో చాలా అంతర్జాతీయ సంస్థల వాణిజ్య లావాదేవీలు పెరుగుతుండటం వంటి పరిస్థితుల్లో భారత ఆర్థిక సంవత్సరాన్ని అభివృద్ధి చెందిన దేశాల విధానంలోకి మార్చడం.. అంతర్జాతీయ లావాదేవీలను సులభతరం చేస్తుంది.
  ముఖ్యంగా స్వదేశంలో ఒక తరహా ఆర్థిక సంవత్సరాన్ని, భారత్లో మరొక తరహా ఆర్థిక సంవత్సరాన్ని అనుసరించాల్సి వస్తున్న బహుళజాతి సంస్థలకు పద్దుల నిర్వహణలో ఉపశమనం లభిస్తుంది. ‘‘అంతర్జాతీయ విధానానికి మారడం మంచిది. మన దేశాన్ని మిగతా ప్రపంచం వరుసలో నిలుపుతుంది. వలస పాలకులు ప్రవేశ పెట్టిన విధానాన్ని అనుసరించడాన్ని కొనసాగించాల్సిన అవసరమేమీ లేదు’’ అని రేటింగ్ఏజెన్సీ అయిన క్రిసిల్లో ముఖ్య ఆర్థికవేత్త డి.కె.జోషి పేర్కొన్నారు.
 
 అలాగే.. ప్రస్తుతం కేంద్ర ప్రభుత్వం ఫిబ్రవరిలో బడ్జెట్ప్రవేశపెట్టే సమయానికి.. కొత్త ఆర్థిక సంవత్సరానికి సంబంధించి రుతుపవనాల రాకపై నిర్దిష్ట సమాచారం ఉండదు. ఇది ఆదాయ  వ్యయాల అంచనాల పట్టికలో అనిశ్చితికి కారణమవుతుంది. కాబట్టి ఆర్థిక సంవత్సరాన్ని జనవరి  డిసెంబర్మార్చితే ఈ అనిశ్చితికి తావుండదనేది పలువురు ఆర్థిక నిపుణుల అభిప్రాయం.
 
 ఇప్పటికిప్పుడు మారడం సమస్యాత్మకం..:
 ఆర్థిక సంవత్సరాన్ని ఉన్నపళంగా మార్చేస్తే కొన్ని సమస్యలూ ఉంటాయని మరికొందరు ఆర్థిక నిపుణులు చెప్తున్నారు. కేంద్ర ప్రభుత్వం బడ్జెట్ప్రవేశపెట్టే సమయాన్ని ఈ ఏడాది ఒక నెల ముందుకు జరిపిన విషయం తెలిసిందే. అయితే.. ఈ మార్పుకు సిద్ధం కావాల్సింది ప్రధానంగా ప్రభుత్వ సంస్థలే కానీ పరిశ్రమలు, కంపెనీలకు సంబంధించినది కాదు. కాబట్టి ఆ మార్పు సులభమైనదే. అదే ఆర్థిక సంవత్సరాన్ని మార్చడమంటే ప్రభుత్వ విభాగాలతో పాటు దేశంలోని అన్ని రంగాలూ అందుకు అనుగుణంగా తమ చిట్టాపద్దులను సవరించాల్సి ఉంటుంది.
 
 ముఖ్యంగా దేశంలోని కంపెనీలు, ప్రభుత్వ పన్ను విభాగాలు ఏప్రిల్ మార్చి ఆర్థిక సంవత్సర చట్రంలో నడుస్తున్నాయి. తక్షణమే ఈ సంవత్సరాన్ని మార్పు చేస్తే.. అందుకు అనుగుణంగా ఆయా సంస్థలు భారీగా సర్దుబాటు చేసుకోవాల్సి ఉంటుంది. దీనివల్ల ఒక్కసారే అయినా పెద్ద నష్టమే ఉంటుందని కేర్రేటింగ్ఏజెన్సీ ముఖ్య ఆర్థికవేత్త మదన్సబ్నవిస్పేర్కొన్నారు. ఈ మార్పు వల్ల ప్రస్తుతమున్న వ్యవస్థలో పెద్దగా మారేదేమీ ఉండదనీ అభిప్రాయపడ్డారు. ఆర్థిక సంవత్సరం మార్పు వెంటనే తీసుకువస్తే.. ఈ సంవత్సరంలో అమలులోకి తేనున్న వస్తువులు, సేవల పన్ను (జీఎస్టీ)కి ఇబ్బందులు తప్పకపోవచ్చు. ఇప్పటికే.. కంపెనీలు, ప్రభుత్వ సంస్థలు జీఎస్టీ శకానికి మారడం కోసం తంటాలు పడుతున్నాయి. ఇప్పుడు ఆర్థిక సంవత్సరాన్ని కూడా మార్చేస్తే.. ఒకేసారి రెండు భారీ మార్పులకు అనుగుణంగా మారడం మరిన్ని ఇబ్బందులకు దారితీస్తుంది.
  
 రాష్ట్రాలు ఏమంటున్నాయంటే..:
 ఆర్థిక సంవత్సర వ్యవస్థ మార్పు ప్రతిపాదనలను గత ఏడాది మహారాష్ట్ర వంటి కొన్ని సంస్థలు వ్యతిరేకించాయి. ఒకవైపు ఆర్థిక వ్యవస్థలో జీఎస్టీ అమలు, ప్రణాళిక  ప్రణాళికేతర వ్యయాలను కలిపివేయడం వంటి కీలకమైన నిర్మాణాత్మక మార్పులు జరుగుతోందని, పరిపాలనా సమయం, మానవవనరులను అధికంగా ఈ మార్పులపై వెచ్చించాల్సి వస్తోందని.. ఈ  సమయంలో కొత్త ఆర్థిక సంవత్సర వ్యవస్థకి మారడం సాధ్యంకాకపోవచ్చునని మహారాష్ట్ర సర్కారు కేంద్ర ప్రభుత్వానికి రాసిన ఒక లేఖలో పేర్కొంది.
 
 రెండు మూడేళ్లు ఆగితే మంచిది..:
 అంతర్జాతీయంగా అనుసరిస్తున్న జనవరి  డిసెంబర్ఆర్థిక సంవత్సరానికి మారడం మంచిదే. అది దేశంలో కీలకమైన రుతుపవన చక్రానికి కూడా అనుగుణంగా ఉంటుంది. అదే సమయంలో ఈ మార్పును అమలు చేయడం చాలా వ్యయప్రయాసలతో కూడుకుని ఉంటుంది. ప్రభుత్వం, పారిశ్రామిక రంగం ఒకసారే అయినా కొంతమేర నష్టపోవాల్సి ఉంటుంది. కొత్తగా అమలులోకి రానున్న జీఎస్టీ విషయంలో ఇప్పటికే పారిశ్రామిక వర్గాల్లో కొంత గందరగోళం ఉందని.. ఇప్పటికిప్పుడు ఆర్థిక సంవత్సరాన్ని కూడా మార్చడం దీనిని మరింత పెంచుతుందని.. కాబట్టి ఆర్థిక సంవత్సరం మార్పు విషయంలో తొందరపడకపోవడం ఉత్తమమని కొందరు నిపుణులు అభిప్రాయపడుతున్నారు. జీఎస్టీ అమలులోకి వచ్చిన రెండు మూడేళ్ల తర్వాత ఆర్థిక సంవత్సరం మార్చుకోవచ్చని క్లియర్టాక్స్డాట్ఇన్సీఈఓ అర్చిత్గుప్తా పేర్కొన్నారు.


 న్యూఢిల్లీ :  రిలయన్స్ జియో 4జీ.. చాలా స్లో గురూ అంటూ వచ్చిన కామెంట్లను ఛాలెంజ్గా తీసుకున్న కంపెనీ డిసెంబర్ లో ఇంటర్నెట్ స్పీడులో దూసుకుపోయింది. 2016 డిసెంబర్లో జియో నెట్వర్క్ స్పీడు భారీగా పెరిగినట్టు టెలికాం రెగ్యులేటరీ ట్రాయ్ వెల్లడించింది. సెకనుకు జియో నెట్వర్క్ సగటు డౌన్ లోడ్ స్పీడు 18.16 ఎంబీపీఎస్ను తాకిందట. సెప్టెంబర్లో వాణిజ్య 4జీ సర్వీసులతో మార్కెట్లోకి ఎంట్రీ ఇచ్చిన తర్వాత ఇదే అత్యధికమైన స్పీడని ట్రాయ్ డేటా పేర్కొంది. నెలవారీ సగటు మొబైల్ డేటా స్పీడును ట్రాయ్ వెల్లడిస్తోంది.
  
 ట్రాయ్ డేటా ప్రకారం డిసెంబర్ నెలలో జియో డౌన్ లోడ్ స్పీడు 18.16 ఎంబీపీఎస్ను తాకింది. కాగ, నవంబర్లో జియో నెట్ వర్క్ డౌన్లోడు స్పీడు దారుణంగా ఉందని ట్రాయ్ వెల్లడించిన సంగతి తెలిసిందే. స్పీడు ఇంటర్నెట్ ను ఇస్తామన్న కంపెనీ అప్పుడు కేవలం 5.85 ఎంబీపీఎస్ స్పీడునే అందించింది. లాంచింగ్ సమయంలో జియో స్పీడు 7.26 ఎంబీపీఎస్ ఉండేది. దీంతో ఇతర టెలికాం నెట్వర్క్లతో పోలిస్తే జియో స్పీడు దారుణంగా ఉందంటూ ట్రాయ్ పేర్కొంది.
  
 ఆ కామెంట్లను ఛాలెంజ్గా తీసుకున్న కంపెనీ డిసెంబర్ నెలలో తన స్పీడును వేగంగా పెంచుకుని 18.16 ఎంబీపీఎస్ ను తాకింది. ఇతర నెట్వర్క్లు వొడాఫోన్ డౌన్లోడ్ స్పీడు 6.7 ఎంబీపీఎస్, ఐడియా స్పీడు 5.03 ఎంబీపీఎస్, భారతీ ఎయిర్టెల్ స్పీడు 4.68 ఎంబీపీఎస్, బీఎస్ఎన్ఎల్ స్పీడు 3.42ఎంబీపీఎస్, ఎయిర్సెల్ స్పీడు 3ఎంబీపీఎస్, రిలయన్స్ కమ్యూనికేషన్ స్పీడు 2.6 ఎంబీపీఎస్ ఉన్నట్టు ట్రాయ్ డేటా వెల్లడించింది.  


 న్యూఢిల్లీ : డిసెంబర్ నెలలో వాహన విక్రయాలు డౌన్ అయ్యాయి. 2015 డిసెంబర్ కంటే 2016 డిసెంబర్ నెలలో దేశీయంగా ప్యాసెంజర్ వెహికిల్ విక్రయాలు 1.36 శాతం పడిపోయి 2,27,824 యూనిట్లుగా నమోదయ్యాయి. గత కాలంలో ఇవి 2,30,959 యూనిట్లగా ఉన్నాయి. అదేవిధంగా దేశీయ కార్ల విక్రయాలు కూడా 8.14 శాతం పడిపోయి డిసెంబర్ నెలలో 1,58,617 యూనిట్లు అమ్ముడుపోయినట్టు దేశీయ ఆటోమొబైల్ తయారీదారుల సంఘం సియామ్ తెలిపింది.
  
 మోటార్ సైకిల్ విక్రయాలు 22.5 శాతం క్షీణించి 5,61,690 యూనిట్లగా నమోదైనట్టు, టూవీలర్ వాహన అమ్మకాలు 22.04 శాతం పడిపోయి 9,10,235 యూనిట్లని పేర్కొంది. 2015 డిసెంబర్ నెలలో మోటార్ సైకిల్ విక్రయాలు 7,24,795 యూనిట్లగా, టూవీలర్ విక్రయాలు 11,67,621 యూనిట్లగా ఉన్నట్టు సియామ్ వెల్లడించింది. వాణిజ్య వాహనాల అమ్మకాలు కూడా పడిపోయినట్టు సియామ్ తెలిపింది. 
  


 చెన్నై: తమిళనాడులో డిసెంబర్‌ నెలను ఓ గండంలా భావిస్తున్నారు. ఆ రాష్ట్ర రాజకీయాల్లో ఈ నెలలోనే పలు విషాద సంఘటనలు చోటుచేసుకున్నాయి. యాదృచ్ఛికమో ఏమో కానీ తమిళనాడు గతంలో డిసెంబర్‌ నెల​లోనే ప్రఖ్యాత నేతలను కోల్పోయింది. ఇప్పుడు మరో నేతను కోల్పోయి శోకసంద్రంలా మారింది.
 
 అమ‍్మగా తమిళులు ఆరాధించే జయలలిత శకం ముగిసింది. డిసెంబర్‌ 5 అర్ధరాత్రి జయలలిత మరణించినట్టు ప్రకటించిన సంగతి తెలిసిందే. జయ గురువు, మాజీ ముఖ్యమంత్రి ఎంజీఆర్‌ కూడా ఇదే నెలలో మరణించారు. 1987 డిసెంబర్‌ 24న ఎంజీఆర్‌ తుది శ్వాస విడిచారు. గురుశిష్యుల జీవితాలు డిసెంబర్‌లోను ముగిశాయి. భారత చివరి గవర్నర్‌ జనరల్‌ సీ రాజగోపాలచారి 1972 డిసెంబర్‌ 25న, పెరియార్‌ ఈవీ రామస్వామి 1972 డిసెంబర్‌ 24న కన‍్నుమూశారు. ఇక 2004 డిసెంబర్‌ 26న వచ్చిన సునామీ, 2015 డిసెంబర్‌లో చెన్నై, ఇతర జిల్లాలను ముంచెత్తిన వరదలు తమిళులకు పీడకలను మిగిల్చాయి.


 న్యూఢిల్లీ  : రిజర్వు బ్యాంకు ఆఫ్ ఇండియా గవర్నర్గా ఉర్జిత్ పటేల్ పదవీ బాధ్యతలు స్వీకరించిన అనంతరం ఆయన నేతృత్వంలో మానిటరీ కమిటి వెలువరిచిన తొలి పాలసీలో అటు కార్పొరేట్ వర్గాలకు, ఇటు సామాన్య ప్రజలకు ఆశ్చర్యకరంగా వడ్డీరేట్లలో పావు శాతం కోత విధించిన సంగతి తెలిసిందే. ఆయన నేతృత్వంలో డిసెంబర్లో వెలువడే రెండో పాలసీ ఎలా ఉండబోతుంది అని అప్పుడే మార్కెట్ వర్గాల్లో చర్చ ప్రారంభమైంది. అసలకే అంతర్జాతీయంగా అనిశ్చిత పరిస్థితులు, రూపాయి భారీగా పతనం, మరో వైపు దేశీయంగా పెద్ద నోట్ల రద్దు ప్రక్రియ కొనసాగుతుండటం వంటి అంశాల నేపథ్యంలో ఈ సారి పాలసీలో రేట్ కోతపై ఎలాంటి నిర్ణయం ప్రకటిస్తుందా అని సర్వత్రా ఆసక్తి నెలకొంది.. దేశ వృద్ధికి మద్దతు పలికేందుకు ఉర్జిత్ నేతృత్వంలోని మానిటరీ పాలసీ కమిటీ డిసెంబర్లో కూడా రేట్ కోత విధిస్తుందని డీబీఎస్ రిపోర్టు పేర్కొంటోంది.
  
 పెద్దనోట్ల రద్దుతో మోర్గాన్ స్టాన్లీ, ఫిచ్ లాంటి పలు రేటింగ్ సంస్థలు ఇప్పటికే దేశీయ వృద్ధి రేట్లో కోత విధించాయి. నోట్ల రద్దు సమీప భవిష్యత్‌లో ఆర్థిక కార్యకలాపాలపై ప్రతికూల ప్రభావం చూపవచ్చంటూ వృద్ధి అంచనాలను వెల్లువరుస్తున్నాయి. ముఖ్యంగా వినియోగత్వం, సప్లై చైన్, నగదు ఆధారిత పరిశ్రమలు, ద్రవ్యోల్బణంపై ప్రభావం చూపనుందని పేర్కొంటున్నాయి. ఈ నేపథ్యంలో ఆర్బీఐ రేట్లలో కోత విధించవచ్చని తెలుస్తోంది. అంతర్జాతీయ అనిశ్చితలతో పాటు రూపాయి పతనం 2017 మొదటి క్వార్టర్లో రేట్ల తగ్గింపును ప్రతిపాదిస్తున్నాయని పేర్కొంది. వృద్ధికి మద్దతు ఇ‍వ్వడానికి సెంట్రల్ బ్యాంకు డిసెంబర్ వెలువడే పాలసీ రేట్లలో కోత విధిస్తుందని డీబీఎస్ రీసెర్చ్ రిపోర్టుచెప్పింది. ఇది ద్రవ్యోల్బణానికి అనుకూలంగా మారనుందని వెల్లడించింది.  కాగ  గత నెలలో వెలువరిచిన పాలసీ రేట్లలో ఉర్జిత్ నేతృత్వంలోని కమిటీ 0.25 శాతం తగ్గించి, 6.25శాతంగా ఉంచింది. తదుపరి పాలసీ డిసెంబర్ 7న జరుగునుంది. 


 యాక్కై చిత్రాన్ని డిసెంబర్ నెలలో విడుదల చేయడానికి సన్నాహాలు చేస్తున్నట్లు ఆ చిత్ర దర్శకుడు కుళందై వేలప్పన్ తెలిపారు. యువ నటుడు కృష్ణ, స్వాతి జంటగా నటించిన చిత్రం యాక్కై. ప్రకాశ్‌రాజ్, జోకర్ చిత్రం ఫేమ్ గరు సోమసుందరం ప్రధాన పాత్రలు పోషించిన ఈ చిత్రాన్ని ప్రేమ్ ఫిలిం పతాకంపై ముత్తుకుమార్ నిర్మిస్తున్నారు. యువన్‌శంకర్‌రాజా సంగీతాన్ని అందిస్తున్నారు. ఈ చిత్రం గురించి దర్శకుడు తెలుపుతూ యాక్షన్, సెంటిమెంట్, లవ్, రొమాన్‌‌స, కామెడీ వీటిలో ఏ అంశాలతో కూడిన కథ అరుునా దానికి మరింత మెరుగులు దిద్దేది సంగీతం అని తాను అనుభవపూర్వకంగా తెలుసుకున్నానన్నారు.
 
  అలాంటి అద్భుతమైన సంగీతాన్ని యువన్‌శంకర్‌రాజా తమ యాకై ్క చిత్రానికి అందిస్తున్నారని తెలిపారు. ఆయన సంగీతంలో నటుడు ధనుష్ పాడిన పాట ఇప్పటికీ సంగీత ప్రియులను అలరిస్తోందన్నారు. ప్రస్తుతం యువన్‌శంకర్‌రాజా నేపథ్య సంగీతాన్ని సమకూర్చుతున్నారని తెలిపారు.యాక్కై చిత్రానికి ఆయన సంగీతం అదనపు ఆకర్షణగా నిలుస్తుందనే నమ్మకాన్ని వ్యక్తం చేశారు. కాగా అన్ని కార్యక్రమాలను పూర్తి చేసి చిత్రాన్ని డిసెంబర్‌లో తెరపైకి తీసుకురావడానికి సన్నాహాలు చేస్తున్నట్లు దర్శకుడు కుళందై వేలప్పన్ వెల్లడించారు.


 ఎస్కేయూ : శ్రీకృష్ణదేవరాయ విశ్వవిద్యాలయం దూరవిద్య డిగ్రీ , పీజీ, లేటరల్‌ ఎంట్రీ పరీక్షలు డిసెంబర్‌లో నిర్వహించనున్నారు. ఈ మేరకు ఆయా అధ్యయన కేంద్రాల నిర్వాహకులకు శుక్రవారం దూరవిద్య విభాగం అధికారులు ఉత్తర్వులు పంపారు. ప్రతి పరీక్ష కేంద్రానికి ప్రభుత్వ కళాశాల, ఎయిడెడ్‌ కళాశాలకు చెందిన అధ్యాపకులను పరిశీలకులుగా నియమిస్తామని అందులో పేర్కొన్నారు. పరీక్షల నిర్వహణకు విద్యార్థుల నుంచి అదనపు మొత్తాలు వసూలు చేస్తే అధ్యయన కేంద్రాలను బ్లాక్‌లిస్ట్‌లో పెడతామని హెచ్చరించారు.


 అనంతపురం ఎడ్యుకేషన్‌ : ఉపాధ్యాయులకు ‘హెడ్‌మాస్టర్‌ అకౌంట్‌ టెస్ట్‌’ పరీక్షలు డిసెంబరు 30, 31 తేదీల్లో ఉంటాయని డీఈఓ అంజయ్య మంగళవారం ఒక ప్రకటనలో తెలిపారు. పరీక్ష కేంద్రాలు విశాఖపట్నం, కాకినాడ, విజయవాడ, గుంటూరు, కడపలో ఉంటాయన్నారు. పరీక్ష ఫీజు రూ.150 చెల్లించి నవంబరు 7లోగా దరఖాస్తు  చేసుకోవాలన్నారు. అలాగే రూ.60 అపరాధ రుసుంతో నవంబర్‌ 14 వరకు దరఖాస్తు చేసుకోవచ్చన్నారు. డీడీఓ కోడ్‌ 27000303001 మీద చలానా రూపంలో ఎస్‌బీఐ/ఎస్‌బీహెచ్‌ శాఖలలో మాత్రమే ఫీజు చెల్లించాలన్నారు.


 ముంబై: భారత బ్యాడ్మిం టన్ స్టార్ సైనా నెహ్వాల్ తిరిగి డిసెంబరులో కోర్టు లో అడుగుపెట్టనుంది. గాయం కారణంగా మోకాలికి ఆపరేషన్ చేయించుకున్న సైనా... తన పునరాగమనం మరింత బలంగా ఉంటుందని పేర్కొంది. ‘అంతా సవ్యంగా జరిగితే డిసెంబరులో దుబాయ్ వరల్డ్ సూపర్ సిరీస్ ఆడతాను. గత ఐదారేళ్లలో నా ప్రదర్శన కంటే ఆరబోయే మూడేళ్లు మరింత మెరుగ్గా రాణిస్తాననే నమ్మకం ఉంది’ అని సైనా తెలిపింది.  
  


  ప్రతి రెండు మండలాలకు ఒక ఉప కలెక్టర్‌తో గ్రామస్థాయిలో పరిశీలన
 సాక్షి ఆధ్వర్యంలో వెబ్‌ల్యాండుపై అవగాహన సదస్సులో డీఆర్వో జితేంద్ర
 గ్రామపురోణీల పరిష్కారం కోసం ప్రభుత్వానికి ప్రతిపాదనలు: ఆర్డీవో
 వెబ్‌ల్యాండులో లోపాలపై రైతులు ఆందోళన
  
  
 విజయనగరం గంటస్తంభం/రూరల్‌: జిల్లాలో వెబ్‌ల్యాండ్‌ సమస్యలపై ప్రస్తావించేందుకు ఓ చక్కని వేదిక సాక్షి ఆధ్వర్యంలో ఏర్పాటైంది. రైతులంతా ఆ అవకాశాన్ని సద్వినియోగం చేసుకున్నారు. తాము ఎదుర్కొంటున్న సమస్యల్ని ఏకరువు పెట్టారు. దీనికిగల పరిష్కారాన్ని సైతం వారు సూచించారు. అధికారులు సానుకూలంగా స్పందించారు. రైతులనుంచి వినతులు స్వీకరించారు.
 వెబ్‌ల్యాండ్‌లో నెలకొన్న సమస్యల్ని డిసెంబర్‌ నెలాఖరునాటికి పరిష్కరిస్తామని జిల్లా రెవెన్యూ అధికారి ఎం.జితేంద్ర స్పష్టం చేశారు. జిల్లాలో 1978లో జరిగిన ఎఫ్‌సీవో తప్పులున్నాయని, ప్రభుత్వ భూమిని జిరాయతీగా, జిరాయతీ భూములు ప్రభుత్వ భూములగా నమోదయ్యాయని చెప్పారు. 2012లో జరిగిన కంప్యూటరీకరణలో లోపాల వల్ల తప్పులు దొర్లాయని వివరించారు. ఇలాంటి సమస్యలన్నీ జిల్లా కలెక్టర్‌ దష్టికి తీసుకెళ్లామని, స్పందించిన ఆయన గ్రామస్థాయిలో పక్కాగా భూముల పరిశీలనకు చర్యలు తీసుకుంటున్నట్లు తెలిపారు. రెండు మండలాలకు ఒక ఉప కలెక్టరును నియమించే ఆలోచన ఉందని చెప్పారు. సాక్షి ఆధ్వర్యంలో స్థానిక జెడ్పీ సమావేశ మందిరంలో మంగళవారం నిర్వహించిన వెబ్‌ల్యాండుపై అవగాహన సదస్సులో ఆయన ముఖ్య అతిధిగా మాట్లాడారు. రైతుల సమస్యలకు సూచనలు సలహాలు ఇచ్చారు. రైతులకు చదువు లేకపోవడం వల్ల భూసమస్యలు ఉత్పన్నమవుతున్నాయనీ, వెబ్‌ల్యాండు వచ్చిన తర్వాత మీసేవ ద్వారా అన్నింటికి పరిష్కారం దొరుకుతుందని చెప్పారు. అక్కడ పరిష్కారం కాకుంటే జేసీ, కలెక్టర్‌కు ఆపీల్‌ చేయవచ్చని రైతులకు సూచించారు. మీ ఇంటికి మీభూమి కార్యక్రమంలో దరఖాస్తు చేసుకున్న వాటిలో కొన్నింటిని పరిష్కరించామనీ, తాతల కాలం నాటి భూములు వారసత్వంగా విడగొట్టి సాగు చేస్తున్నారని, అలాంటివారు కూర్చొని వాటాలు తేల్చుకుని సాక్షి సంతకాలతో రాసిస్తే వారికి భూమి హక్కులు కల్పిస్తామన్నారు. నోటి అమ్మకాలు, గ్రామపురోణీలు ద్వారా అమ్మకాలు జరిగిన వాటికి అవకాశం ఇచ్చినా పరిష్కరించలేదని తెలిపారు. హక్కు సక్రమంగా ఉంటే వెబ్‌ల్యాండులో సవరణలు తప్పక చేస్తామన్నారు. ఇంకా తమ చేతిలో లేనివాటిని ప్రభుత్వం దష్టికి తీసుకెళతామని హామీ ఇచ్చారు. 
  
  
 దశలవారీగా పరిష్కారం: జెడ్పీ సీఈఓ
 జెడ్పీ సీఈవో రాజకుమారి మాట్లాడుతూ వెబ్‌ల్యాండుకు ముందు రికార్డులు కొంతమంది చేతిలో ఉండేవని, ఇప్పుడు అందరికీ అందుబాటులో ఉంటున్నాయని తెలిపారు. కుటుంబసభ్యులంతా రాసిస్తే వారసత్వ హక్కుల కల్పన పెద్ద సమస్య కాదన్నారు. దశలవారీగా రికార్డు శతశాతం ఫ్యూరిఫికేషన్‌ జరుగుతుందన్నారు. విజయనగరం ఆర్డీవో శ్రీనివాసమూర్తి మాట్లాడుతూ గ్రామపురోణీల విషయం ప్రభుత్వం దష్టికి తీసుకెళ్లామని తెలిపారు. అంతవరకు భూయజమానులు తమ వివరాలు 1బిలో సాగుదారుల ఖాతాలో నమోదు చేసుకోవాలని సూచించారు. భూములు ఎక్కడైనా రిజిస్ట్రేషన్‌ చేసుకునే వీలున్నందున రైతులు అప్రమత్తంగా ఉండాలన్నారు. జిల్లాలో ఎఫ్‌సీవోలో సమస్యలున్నాయన్నారు. ఇద్దరు వ్యక్తుల మధ్య భూతగాదా తమకు సంబంధం లేదని, కోర్టులను ఆశ్రయించాలని సూచించారు. మీసేవలో పట్టాదారుపాసుపుస్తకం 60రోజుల్లో రావాలని, రాకుంటే జేసీకి ఆపీల్‌ చేయాలని సూచించారు. 
  
  
 రైతుల నుంచి స్పందన
 సాక్షి ఆధ్వర్వంలో నిర్వహించిన వెబ్‌ల్యాండుపై అవగాహన సదస్సుకు విశేష స్పందన లభించింది. విజయనగరం డివిజన్‌లో పలు ప్రాంతాల నుంచి రైతులు పెద్ద సంఖ్యలో హాజరయ్యారు. తాము ఎదుర్కొంటున్న సమస్యలు వివరించారు. వెబ్‌ల్యాండులో ప్రస్తుతం ఉన్న లోపాలు ఎత్తిచూపారు. ఫలితంగా తాము పడుతున్న ఇబ్బందులు ఒక్కొక్కటి వివరించారు. పరిష్కారం కోసం చర్యలు తీసుకోవాలని కోరారు. వెబ్‌ల్యాండు లోపాల వల్ల కలిగే నష్టాలు, అనర్థాలను రైతుసంఘాల నాయకులు గట్టిగా వివరించారు. సదస్సులో విజయనగరం తహసీల్దారు శ్రీనివాసరావు, రిటైర్డు తహసీల్దారు చంద్రుడు, రైతుసంఘం నాయకులు మర్రాపు సూర్యనారాయణ, బుద్దరాజు రాంబాబు, సింగుబాబు, రైతులు పాల్గొన్నారు. 
  


 సాక్షి ప్రతినిధి, తిరుపతి/ కుప్పం: డిసెంబర్‌లోగా కుప్పం ప్రాంతానికి హంద్రీనీవా ద్వారా కృష్ణా జలాలు అందిస్తామని సీఎం చంద్రబాబు తెలిపారు. ఇందుకోసం  పనుల వేగాన్ని పెంచుతామన్నారు. సోమవారం కుప్పం నియోజకవర్గంలోని వివిధ ప్రాంతాల్లో పర్యటించిన చంద్రబాబు కమతమూరు, సామగుట్టపల్లి క్రాస్‌లలో బహిరంగ సభల్లో ప్రసంగించారు. రాష్ట్రవ్యాప్తంగా పశుదాణా భద్రత కల్పించేందుకు ప్రణాళికలు సిద్ధం చేశామని చెప్పారు. రెండు మూడు రోజుల్లో రెండో విడత డ్వాక్రా రుణమాఫీ కోసం నిధులు విడుదల చేయనున్నట్లు చెప్పారు. ఈసారి డ్వాక్రా మహిళలు మాఫీ సొమ్మును వాడుకునే వెసులుబాటు కల్పిస్తున్నామన్నారు.
 
 తాగుడు వల్ల వేల కుటుంబాలు ఆర్థికంగా చితికిపోతున్నాయన్న సీఎం చంద్రబాబు తాగుబోతులైన భర్తలకు తిండిపెట్టడం మానేస్తే గానీ దారికి రారని మహిళలకు సూచించారు. గ్రామాల్లో బెల్టుషాపులు కనిపిస్తే వాటిని ధ్వంసం చేయాలని మహిళలకు పిలుపునిచ్చారు. ఈ విషయంలో ఎక్సైజ్ అధికారులు తప్పు చేస్తే వారి ఉద్యోగం పోతుందన్న విషయాన్ని గుర్తు పెట్టుకోవాలని హెచ్చరించారు.
  
 హోదా కోసం పోరాడుతూనే ఉన్నా...
 ప్రత్యేక హోదా కోసం తాను పోరాడుతూనే ఉన్నాన ని సీఎం పునరుద్ఘాటించారు. ఈ విషయంలో వైఎస్సార్‌సీపీ, కాంగ్రెస్ పార్టీలు తనను ఇబ్బంది పెట్టలేవన్నారు. తన హయాంలో బంద్‌లు, ధర్నాలను సహించబోనన్నారు. ఆందోళన కారులు ఆర్టీసీ బస్సుల జోలికెళ్తే చేతులు కాలేలా ప్రత్యేక చట్టం తేవాల్సి ఉందన్నారు. కాగా నియోజకవర్గ పర్యటనలో కుప్పంపై సీఎం మరోమారు హామీల జల్లు కురిపించారు. గతంలో ఇచ్చిన హామీల సంగతి ప్రస్తావించకుండానే కొత్త వాగ్దానాలు చేశారు. ఈ సందర్భంగా సీఎం కమతమూరు, సామగుట్టపల్లి క్రాస్, శాంతిపురం మండలాల్లో రూ.2.40 కోట్ల విలువైన అభివృద్ధి పనులకు శంకుస్థాపనలు చేశారు.
  
 గవర్నర్‌ను పుష్కరాలకు ఆహ్వానించిన  సీఎం
 సాక్షి, అమరావతి: ఉమ్మడి రాష్ట్రాల గవర్నర్  ఈఎస్‌ఎల్ నరసింహన్‌ను ముఖ్యమంత్రి చంద్రబాబు కృష్ణా పుష్కర వేడుకలకు ఆహ్వానించారు. సోమవారం హైదరాబాద్‌లోని రాజ్‌భవన్‌లో గవర్నర్‌ను ముఖ్యమంత్రి కలిశారు. పుష్కరాల ఆరంభ, ముగింపు వేడుకలు ఘనంగా నిర్వహిస్తున్నామని, భక్తులకు ఎలాంటి అసౌక ర్యాలు కలగకుండా చర్యలు తీసుకుంటున్నామని వివరించారు. ఈ ఏడాది పుష్కరాల సందర్భంగా మరిన్ని నదులను అనుసంధానం చేసి కరువు రహిత రాష్ట్రంగా తీర్చిదిద్దాలని దీక్ష తీసుకోబోతున్నట్లు వివరించారు. అనంతరం పుష్కరాల్లో తప్పకుండా పాల్గొంటానని గవర్నర్ చెప్పారు. కాగా, వీరి భేటీలో చంద్రబాబు ఢిల్లీ పర్యటనలో ప్రధాని, అరుణ్‌జైట్లీలతో సమావేశం, ప్రత్యేక హోదాపై రాష్ర్టంలో జరిగిన ఆందోళనలు చర్చకు వచ్చినట్లు సమాచారం.


 కరీనా కపూర్ తల్లి కాబోతున్నారు. ఈ విషయాన్ని ఆమె భర్త సైఫ్ అలీఖాన్ శనివారం ధ్రువీకరించారు. ఈ ఇద్దరికీ పెళ్లై దాదాపు నాలుగేళ్లయింది. అప్పట్నుంచీ కరీనా తల్లి కాబోతోందనే వార్తలు అడపా దడపా హల్ చల్ చేశాయ్. అవన్నీ పుకార్లని సైఫ్, కరీనా స్పష్టం చేసుకుంటూ వచ్చారు. ఆ మధ్య ఓ సందర్భంలో కరీనా తాను తల్లి కావాలనుకుంటున్నట్లు చూచాయగా చెప్పారు.
  
  ఇప్పుడు ఆ కోరికను నిజం చేసుకుంటున్నారు. ఈ సందర్భంగా సైఫ్ మాట్లాడుతూ- ‘‘ఔను.. కరీనా గర్భవతి. డిసెంబర్‌లో డెలివరీ డేట్ ఇచ్చారు. కరీనా ప్రెగ్నెన్సీ గురించి తెలియగానే శ్రేయోభిలాషులందరూ శుభాకాంక్షలు చెప్పారు. అందరికీ థ్యాంక్స్’’ అన్నారు. కరీనా కపూర్‌కు ఇది తొలి సంతానం కాగా...మాజీ భార్య అమృతాసింగ్‌తో సైఫ్‌కు ఇప్పటికే ఇద్దరు పిల్లలున్నారు. 1991లో అమృతా సింగ్‌ను పెళ్లి చేసుకున్న సైఫ్... పదమూడేళ్ల కాపురం తర్వాత విడాకులు తీసుకున్నారు.


 మేషం: (అశ్వని, భరణి, కృత్తిక 1 పా.)
 ముఖ్యమైన పనులు మందకొడిగా సాగుతాయి. కొన్ని నిర్ణయాలు వెనక్కి తీసుకుంటారు. బంధువర్గంతో నెలకొన్న వివాదాలు పరిష్కరించుకుంటారు. ఆకస్మిక ప్రయాణాలు. వ్యాపారాలలో నిరుత్సాహం. ఉద్యోగులకు ఆకస్మిక మార్పులు. రాజకీయ, కళారంగాల వారికి శ్రమాధిక్యం. ఇంటర్వ్యూలు నిరాశ కలిగిస్తాయి. ఎరుపు, ఆకుపచ్చ రంగులు. తూర్పు దిశ ప్రయాణాలు అనుకూలం. విష్ణు ధ్యానం మంచిది.
  
 వృషభం: (కృత్తిక 2,3,4 పా, రోిహ ణి, మృగశిర 1,2 పా.)
 పనులు నిదానంగా పూర్తి చేస్తారు. ఆత్మీయుల సలహాలు స్వీక రిస్తారు. పలుకుబడి కలిగిన వారితో పరిచయాలు. దూర ప్రయా ణాలు. ఒక సమాచారం ఉత్సాహాన్నిస్తుంది. ఆరోగ్యభంగం. వ్యాపార లావాదేవీలు సామాన్యం. ఉద్యోగులకు మార్పులు. రాజకీయ, పారిశ్రామిక వర్గాలకు ఒత్తిడులు. ఆలయ దర్శనాలు. నీలం, నలుపు రంగులు. దక్షిణ దిశ ప్రయాణాలు అనుకూలం. దుర్గా స్తోత్రాలు పఠించండి.
  
 మిథునం: (మృగశిర 3,4, ఆరుద్ర, పునర్వసు 1,2,3 పా.)
 కొన్ని కార్యక్రమాలు నిదానంగా పూర్తి చేస్తారు. అవసరాలకు డబ్బు సమకూరుతుంది. ఆరోగ్యభంగం. బంధువుల నుంచి ఒత్తిడులు. ఆస్తి వివాదాల పరిష్కారానికి యత్నాలు. వ్యాపారాలు సామాన్యం. ఉద్యోగాలలో మార్పులు. రాజకీయ, కళా రంగాల వారికి విదేశీ పర్యటనల్లో మార్పులు. లేత ఆకుపచ్చ, గోధుమ రంగులు. ఉత్తర దిశ ప్రయాణాలు అనుకూలం. ఆంజనేయ దండకం పఠించండి.
  
 కర్కాటకం: (పునర్వసు 4 పా., పుష్యమి, ఆశ్లేష)
 నూతనోత్సాహంతో ముందడుగు వేస్తారు. ఉద్యోగయత్నాలు సఫలమవుతాయి. విందు వినోదాలు, శుభకార్యాలలో పాల్గొంటారు. ప్రముఖులకు ఆతిథ్యం ఇస్తారు. సంఘంలో గౌరవ ప్రతిష్ఠలు. ఆర్థిక లావాదేవీలు సంతృప్తికరంగా ఉంటాయి. వ్యాపారాలు మరింత పుంజుకుంటాయి. ఉద్యోగ వర్గాలకు పదోన్నతి సూచనలు. పారిశ్రామిక, కళారంగాల వారికి సన్మాన సత్కారాలు. చాక్లెట్, పసుపు రంగులు. తూర్పు దిశ ప్రయాణాలు అనుకూలం. కృష్ణ స్తోత్రాలు పఠించండి.
  
 సింహం: (మఖ, పుబ్బ, ఉత్తర 1 పా.)
 ఎంతటి పనినైనా పట్టుదలతో పూర్తి చేస్తారు. అందరిలోనూ మంచి గుర్తింపు లభిస్తుంది. ఆశ్చర్యకరమైన సంఘటనలు ఎదురవుతాయి. ఉద్యోగ, వివాహ యత్నాలు కలసివస్తాయి. ఆర్థిక పరిస్థితి మెరుగ్గా ఉంటుంది. వ్యాపారవర్గాలకు మంచి లాభాలు అందుతాయి. ఉద్యోగుల సేవలకు అధికారుల గుర్తింపు లభిస్తుంది. రాజకీయ, కళారంగాల వారికి ఆకస్మిక విదేశీ పర్యటనలు. చాక్లెట్, లేత ఆకుపచ్చ రంగులు. పశ్చిమ దిశ ప్రయాణాలు సానుకూలం. నవగ్రహ స్తోత్రాలు పఠించండి.
  
 కన్య: (ఉత్తర 2,3,4 పా, హస్త, చిత్త1,2 పా.)
 హామీలు నిలుపుకుని విశ్వసనీయత  చాటుకుంటారు. ప్రతిభాపాటవాలు వెలుగులోకి వస్తాయి. ఆర్థిక పరిస్థితి ఆశాజనకంగా ఉంటుంది. సన్నిహితుల నుంచి ధనలాభ సూచనలు. ఆస్తి వివాదాల పరిష్కారం. వ్యాపారాలలో ఒడిదుడుకులు తొలగుతాయి. ఉద్యోగులకు సంతోషకరమైన సమాచారం. రాజకీయ,కళారంగాల వారికి అరుదైన అవకాశాలు. ఆకుపచ్చ, నీలం రంగులు. దక్షిణ దిశ ప్రయాణాలు అనుకూలం. కనకధారాస్తోత్రం పఠించండి.
  
 తుల: (చిత్త 3,4, స్వాతి, విశాఖ1,2,3 పా.)
 కొన్ని పనులు చకచకా సాగుతాయి. ఆర్థిక పరిస్థితి మెరుగుపడుతుంది. మిత్రులతో వివాదాల పరిష్కారం. వ్యాపార లావాదేవీలు లాభిస్తాయి. ఉద్యోగులకు ఇంక్రిమెంట్లు. రాజకీయ, కళారంగాల వారికి ఆహ్వానాలు. ఆకాశ నీలం, నలుపు రంగులు. పశ్చిమ దిశ ప్రయాణాలు అనుకూలం. హనుమాన్ చాలీసా పఠించండి.
  
 వృశ్చికం: (విశాఖ 4 పా., అనూరాధ, జ్యేష్ఠ)
 ఆర్థిక పరిస్థితి గతం కంటే మెరుగ్గా ఉంటుంది. సన్నిహితులు, మిత్రులతో ఆనందంగా గడుపుతారు. వాహనాలు, ఆభరణాలు కొనుగోలు చేస్తారు. శుభకార్యాలలో పాల్గొంటారు. పలుకుబడి పెరుగుతుంది. వ్యాపారాలలో ముందడుగు. ఉద్యోగులకు పదోన్నతులు. రాజకీయ, కళారంగాల వారికి సన్మానాలు. గులాబి, ఎరుపు రంగులు. తూర్పు దిశ ప్రయాణాలు అనుకూలం. హయగ్రీవ స్తోత్రాలు పఠించండి.
  
 ధనుస్సు: (మూల, పూర్వాషాఢ, ఉత్తరాషాఢ 1 పా.)
 పనులు కొంత మందగిస్తాయి. ఆకస్మిక ప్రయాణాలు. రుణఒత్తిడులు. బంధుమిత్రులతో మాటపట్టింపులు. ఆశయాల సాధనలో వెనుకబాటు. వాహనాల కొనుగోలు యత్నాలు వాయిదా. వ్యాపారాలు మందకొడిగా సాగుతాయి. ఉద్యోగవర్గాలకు బాధ్యతలు పెరుగుతాయి. నేరేడు, ఆకుపచ్చ రంగులు. తూర్పు దిశ ప్రయాణాలు అనుకూలం. ఆదిత్య హృదయం పఠించండి.
  
 మకరం: (ఉత్తరాషాఢ 2,3,4, శ్రవణం, ధనిష్ఠ 1,2 పా.)
 ముఖ్యమైన కార్యక్రమాలు నెమ్మదిగా పూర్తి చేస్తారు. ఆర్థిక పరిస్థితి నిరాశ కలిగిస్తుంది. బంధువులతో మాటపట్టింపులు వస్తాయి. ఆకస్మిక ప్రయాణాలు చేయాల్సి వస్తుంది. ఆరోగ్యభంగం. చిన్ననాటి మిత్రులను కలుసుకుని కష్టసుఖాలు విచారిస్తారు. వ్యాపారాలలో నిదానం అవసరం. ఉద్యోగులకు మార్పులు తప్పవు. రాజకీయ, పారిశ్రామికవర్గాలకు విదేశీ పర్యటనలు వాయిదా పడతాయి. నీలం, లేత పసుపు రంగులు. ఉత్తర దిశ ప్రయాణాలు అనుకూలం. రామరక్ష స్తోత్రం పఠించండి.
  
 కుంభం: (ధనిష్ఠ 3,4, శతభిషం, పూర్వాభాద్ర 1,2,3 పా.)
 కొత్త విషయాలు తెలుసుకుంటారు. ఆత్మీయుల నుంచి శుభవార్తలు వస్తాయి. ఆర్థిక పరిస్థితి మెరుగుపడుతుంది. సన్నిహితులతో వివాదాల పరిష్కారమవుతాయి. ఉద్యోగయత్నాలు అనుకూలిస్తాయి. ఎంతటి వారినైనా ఆకట్టుకుంటారు. వ్యాపారాలలో పురోగతి కనిపిస్తుంది. ఉద్యోగులకు ప్రశంసలు అందుతాయి. రాజకీయ, పారిశ్రామికవర్గాలకు సన్మానాలు. నలుపు, బంగారు రంగులు. పశ్చిమ దిశ ప్రయాణాలు అనుకూలం. వేంకటేశ్వర స్తుతి మంచిది.
  
 మీనం: (పూర్వాభాద్ర 4 పా., ఉత్తరాభాద్ర, రేవతి)
 కొత్త పనులు చేపడతారు. ఆలోచనలు కలసివస్తాయి. ఆర్థిక లావాదేవీలు సంతృప్తికరంగా ఉంటాయి. కొన్ని సమస్యలు తీరి మనశ్శాంతి చేకూరుతుంది. విలువైన వస్తువులు కొంటారు. ఆలయాలు సందర్శిస్తారు. వ్యాపారాలు విస్తరిస్తారు. ఉద్యోగులకు చికాకులు తొలగుతాయి. రాజకీయ, కళారంగాల వారికి ఒత్తిడులు తొలగుతాయి. గోధుమ, ఎరుపు రంగులు. తూర్పు దిశ ప్రయాణాలు అనుకూలం. అంగారక స్తోత్రం పఠించండి.
  
  - సింహంభట్ల సుబ్బారావు, జ్యోతిష్య పండితులు


 మేషం: (అశ్వని, భరణి, కృత్తిక 1 పా.)
 ఆర్థిక ఇబ్బందులు తీరతాయి. యుక్తితో కొన్ని సమస్యల నుంచి బయటపడతారు. ఉద్యోగావకాశాలు వస్తాయి. సభలు, సమావేశాల్లో పాల్గొంటారు. ప్రముఖులతో పరిచయాలు. గృహ, వాహనాల కొనుగోలు. వ్యాపారాలు విస్తరిస్తారు. ఉద్యోగులకు కొత్త హోదాలు. రాజకీయ వర్గాలకు పదవీయోగం.  పసుపు, లేత ఆకుపచ్చ రంగులు, దక్షిణదిశ ప్రయాణాలు అనుకూలం. విష్ణుధ్యానం చేయండి.
  
 వృషభం: (కృత్తిక 2,3,4 పా, రోిహ ణి, మృగశిర 1,2 పా.)
 ఎప్పటి నుంచో వేధిస్తోన్న ఒక సమస్య నుంచి గట్టెక్కే సూచనలు. ఖర్చులు అధికం. బంధువులతో ఉత్తర ప్రత్యుత్తరాలు. ఇతరులకు చేయూతనందిస్తారు. పోటీ పరీక్షల్లో విజయం. పలుకుబడి పెరుగుతుంది. వ్యాపారాలు సాఫీగా సాగుతాయి. ఉద్యోగులకు శ్రమానంతరం ఫలితం కనిపిస్తుంది. నేరేడు, గులాబీ రంగులు, పశ్చిమదిశ ప్రయాణాలు అనుకూలం. హనుమాన్ చాలీసా పఠించండి.
  
 మిథునం: (మృగశిర 3,4, ఆరుద్ర, పునర్వసు 1,2,3 పా.)
 కార్యక్రమాలు నిదానంగా పూర్తి చేస్తారు. ఆర్థిక విషయాలు కొంత నిరాశ కలిగించినా అవసరాలు తీరతాయి. ప్రముఖులతో ముఖ్య విషయాలు చర్చిస్తారు. ఆస్తి వివాదాలు పరిష్కారం. కాంట్రాక్టులు దక్కించుకుంటారు. విద్యార్థులకు అనుకూల స్థితి. వ్యాపారాలు లాభిస్తాయి. ఉద్యోగులకు అదనపు బాధ్యతలు. ఆకుపచ్చ, నీలం రంగులు ఉత్తరదిశ ప్రయాణాలు అనుకూలం. శివ పంచాక్షరి పఠించండి.
  
 కర్కాటకం: (పునర్వసు 4 పా., పుష్యమి, ఆశ్లేష)
 కొత్తపనులకు శ్రీకారం. ఆర్థిక పరిస్థితి గతం కంటే ఆశాజనకం. చిన్ననాటి మిత్రులను కలుసుకుని ఉల్లాసంగా గడుపుతారు. ఇంతకాలం పడిన శ్రమ కొలిక్కి వస్తుంది. విలువైన వస్తువులు, భూములు కొనుగోలు చేస్తారు. నిరుద్యోగులకు ఉద్యోగావకాశాలు. కాంట్రాక్టర్లు ప్రాజెక్టులు దక్కించుకుంటారు. వ్యాపారాలు విస్తరిస్తారు. ఉద్యోగులకు హోదాలు పెరుగుతాయి. పారిశ్రామిక వర్గాలకు ఉత్సాహవంతమైన కాలం. గులాబీ, తెలుపు రంగులు, తూర్పుదిశ ప్రయాణాలు అనుకూలం. నృసింహస్తోత్రాలు పఠించండి.
  
 సింహం: (మఖ, పుబ్బ, ఉత్తర 1 పా.)
 పనులు చకచకా పూర్తి కాగలవు. అనుకున్న ఆదాయం సమకూరి అవసరాలు తీరతాయి. మీ శ్రమకు తగిన ఫలితం దక్కుతుంది. నూతన వ్యక్తుల పరిచయం. సంఘంలో గౌరవ మర్యాదలు పొందుతారు. గతంలోని సంఘటనలు గుర్తుకు తెచ్చుకుంటారు. విద్యార్థుల ప్రతిభ వెలుగులోకి వస్తుంది. గృహ నిర్మాణయత్నాలు కలసి వస్తాయి. వ్యాపారాలు విస్తరిస్తారు. ఉద్యోగులకు హోదాలు పెరుగుతాయి. రాజకీయ వర్గాలకు పదవులు, సన్మానాలు. ఎరుపు, నేరేడు రంగులు, దక్షిణదిశ ప్రయాణాలు అనుకూలం. లక్ష్మీస్తోత్రాలు పఠించండి.
  
 కన్య: (ఉత్తర 2,3,4 పా, హస్త, చిత్త1,2 పా.)
 బంధువులు, మిత్రులతో ముఖ్య విషయాలు చర్చిస్తారు. వ్యతిరేకులు కూడా అనుకూలురుగా మారతారు. ఆదాయం సంతృప్తినిస్తుంది. జీవిత భాగస్వామితో వివాదాలు సర్దుబాటు కాగలవు. కాంట్రాక్టర్లకు శుభవార్తలు. ఇంటి నిర్మాణ యత్నాలు కలసి వస్తాయి. వ్యాపారాలు లాభకరం. ఉద్యోగులకు ఇంక్రిమెంట్లు. పారిశ్రామికవేత్తలకు విదేశీ పర్యటనలు. ఆకుపచ్చ, చాక్లెట్ రంగులు, తూర్పుదిశ ప్రయాణాలు అనుకూలం. కనకదుర్గా స్తోత్రాలు పఠించండి.
  
 తుల: (చిత్త 3,4,స్వాతి, విశాఖ1,2,3 పా.)
 ఆర్థిక లావాదేవీల్లో ఒడిదుడుకులు తొలగుతాయి. పరిచయాలు పెరుగుతాయి. విద్యార్థులు, నిరుద్యోగుల కృషి ఫలిస్తుంది. వ్యాపారాలు లాభకరం. ఉద్యోగులకు విధుల్లో ప్రోత్సాహకరంగా ఉంటుంది. ఆకాశ నీలం, లేత ఆకుపచ్చ రంగులు, ఉత్తరదిశ ప్రయాణాలు అనుకూలం. విష్ణుసహస్రనామ పారాయణం చేయండి.
  
 వృశ్చికం: (విశాఖ 4 పా., అనూరాధ, జ్యేష్ఠ)
 ఆర్థిక ఇబ్బందులతో సతమతమవుతారు. రుణాలు కూడా చేయాల్సి వస్తుంది. ఆరోగ్యంపై శ్రద్ధ అవసరం. శ్రమ తప్ప ఫలితం కనిపించదు. భూ వివాదాలు, కోర్టు కేసులు కొంత చికాకు పరుస్తాయి. కాంట్రాక్టర్లకు ఒత్తిడులు. వ్యాపారాలు మందగిస్తాయి.  వారం చివరిలో కొంత అనుకూలత. ఎరుపు, తెలుపు రంగులు, పశ్చిమదిశ ప్రయాణాలు అనుకూలం. ఈశ్వరారాధన మంచిది.
  
 ధనుస్సు: (మూల, పూర్వాషాఢ, ఉత్తరాషాఢ 1 పా.)
 ఆర్థిక లావాదేవీలలో పురోగతి. కొత్త కాంట్రాక్టులు దక్కించుకుంటారు. ఇంటి నిర్మాణయత్నాలు కార్యరూపం దాలుస్తాయి. ప్రముఖుల నుంచి ఆహ్వానాలు. ఇంటిలో శుభకార్యాలు. వ్యాపారాలు పుంజుకుంటాయి. ఉద్యోగులకు హోదాలు. కళారంగం వారికి ఒత్తిడులు తొలగుతాయి. ఎరుపు, చాక్లెట్ రంగులు, తూర్పుదిశ ప్రయాణాలు అనుకూలం. ఆదిత్య హృదయం పఠించండి.
  
 మకరం: (ఉత్తరాషాఢ 2,3,4, శ్రవణం, ధనిష్ఠ 1,2 పా.)
 కొత్త వ్యక్తులు పరిచయమవుతారు. ఆశయాలు సాధిస్తారు. సంఘంలో గౌరవ మర్యాదలు. వాహనాలు, ఆభరణాలు కొనుగోలు చేస్తారు. ఇంతకాలం పడిన శ్రమ ఫలిస్తుంది. సోదరులు, సోదరీలతో ఉత్సాహంగా గడుపుతారు. కాంట్రాక్టర్లకు కొత్త ఆశలు. బంధువులతో ఉత్తర ప్రత్యుత్తరాలు. విద్యార్థులు అనుకూల ఫలితాలు సాధిస్తారు. భాగస్వామ్య వ్యాపారాలు లాభసాటిగా ఉంటాయి. పారిశ్రామికవేత్తలకు విదేశీ పర్యటనలు. నీలం, తెలుపు రంగులు, ఉత్తరదిశ ప్రయాణాలు అనుకూలం. దక్షిణామూర్తి స్తోత్రాలు పఠించండి.
  
 కుంభం: (ధనిష్ఠ 3,4, శతభిషం, పూర్వాభాద్ర 1,2,3 పా.)
 ఆర్థిక పరిస్థితి మెరుగ్గా ఉంటుంది. పనులు నిదానంగా సాగుతాయి. దూరపు బంధువులను కలుసుకుని ఉత్సాహంగా గడుపుతారు. ఆస్తి వివాదాల పరిష్కారం. ఇంటి నిర్మాణాలు చేపట్టే వీలుంది. గత సంఘటనలు గుర్తుకు వస్తాయి. పుణ్యక్షేత్రాలు సందర్శిస్తారు. ఆరోగ్యపరంగా కొద్దిపాటి చికాకులు. వ్యాపారాలలో ఒడిదుడుకులు తొలగుతాయి. ఉద్యోగులకు ఉన్నత హోదాలు. రాజకీయ వర్గాలకు సన్మానాలు, సత్కారాలు. నలుపు, లేత ఆకుపచ్చ రంగులు, పశ్చిమదిశ ప్రయాణాలు అనుకూలం.  ఆంజనేయ దండకం పఠించండి.
  
 మీనం: (పూర్వాభాద్ర 4 పా., ఉత్తరాభాద్ర, రేవతి)
 కొత్త కార్యక్రమాలు చేపడతారు. ఆర్థిక లావాదేవీలు ఆశా జనకంగా ఉంటాయి. సన్నిహితులతో వివాదాలు సర్దుబాటు కాగలవు. ఒక సమాచారం నిరుద్యోగులకు సంతోషం కలిగిస్తుంది. వస్తులాభాలు. జీవితాశయం నెరవేరుతుంది. శుభకార్యాలకు డబ్బు వెచ్చిస్తారు.  వ్యాపారాలు విస్తరిస్తారు. ఉద్యోగులకు పదోన్నతులు. పారిశ్రామికవర్గాలకు అనుకోని ఆహ్వానాలు. గులాబీ, పసుపు రంగులు, దక్షిణదిశ ప్రయాణాలు అనుకూలం. నవగ్రహ స్తోత్రాలు పఠించండి.
  
 - సింహంభట్ల సుబ్బారావు, జ్యోతిష్య పండితులు


 
  తెలుగు రాష్ట్రాల్లో 122 పట్టణాల్లో... మొదలైన ప్రీ-బుకింగ్ రిజిస్ట్రేషన్లు
  హైదరాబాద్, బిజినెస్ బ్యూరో: టెలికం రంగ సంస్థ ఐడియా సెల్యులార్ డిసెంబరులోనే 4జీ ఎల్‌టీఈ సర్వీసులను దేశవ్యాప్తంగా ప్రారంభిస్తోంది. నెట్‌వర్క్ పనితీరుపై సాంకేతిక పరీక్షలను దాదాపు పూర్తి చేసింది. రిలయన్స్ జియో కంటే ముందే 4జీ మార్కెట్లో ప్రవేశించే దిశగా కంపెనీ ఏర్పాట్లను వేగిరం చేసింది. అటు ప్రీ-బుకింగ్ ఆఫర్‌ను ప్రారంభించింది. పేరు నమోదు చేసుకున్న కస్టమర్‌కు సర్వీసులు ప్రారంభం అయ్యాక 10 రోజుల కాలపరిమితి ఉండే 1 జీబీ డేటాను ఉచితంగా ఇవ్వనుంది.  కాగా, ఐడియా సెల్యులార్ తొలుత 1,800 మెగాహెట్జ్ బ్యాండ్‌లో ఆంధ్రప్రదేశ్ (తెలంగాణతో కలిపి) సర్కిల్, హర్యానా, కర్నాటక, కేరళ, మధ్యప్రదేశ్ మరియు చత్తీస్‌గఢ్, పంజాబ్, ఒడిషా, తమిళనాడు సర్కిళ్లలో 4జీ మార్కెట్లో ప్రవేశిస్తోంది.
 
  చిన్న పట్టణాల్లోనూ..
  చిన్న పట్టణాల్లో డేటా వినియోగం జోరుగా ఉండడం, 4జీ స్మార్ట్‌ఫోన్లు రూ.4,500 నుంచి లభిస్తుండటంతో ఐడియా వ్యూహాత్మకంగా పావులు కదుపుతోంది.  బండిల్ ఆఫర్ల కింద దిగ్గజ కంపెనీల స్మార్ట్‌ఫోన్లను ప్రవేశపెట్టనుందని సమాచారం. డేటా చార్జీలు మార్కెట్ ధరలకు పోటీనిచ్చేలా ఉంటాయని ఐడియా ప్రతినిధి ఒకరు సాక్షి బిజినెస్ బ్యూరోకు శుక్రవారం వెల్లడించారు.  
 
  122 పట్టణాల్లో 4జీ...
  తెలంగాణ, ఆంధ్రప్రదేశ్ సర్కిల్‌లో కంపెనీ 122 పట్టణాల్లో 4జీ సర్వీసులను ప్రారంభిస్తోంది. ప్రధాన పట్టణాలైన హైదరాబాద్, వైజాగ్, విజయవాడ, వరంగల్, కడప, తిరుపతి, రాజమండ్రితోపాటు అన్ని జిల్లా కేంద్రాలు వీటిలో ఉన్నాయి.


 మేషం: (అశ్వని, భరణి, కృత్తిక 1 పా.)
 కొత్త పనులు ప్రారంభిస్తారు. అందరిలోనూ గౌరవం. రాబడి సంతృప్తికరంగా ఉంటుంది. కుటుంబంలో శుభకార్యాలు. భూ వివాదాల పరిష్కారం. కాంట్రాక్టర్లకు నూతనోత్సాహం. వ్యాపారాలలో ఆశించిన లాభాలు అందుతాయి. ఉద్యోగులకు కలసివచ్చే సమయం. పారిశ్రామికవేత్తలకు అరుదైన సన్మానాలు. ఎరుపు, లేత పసుపు రంగులు, తూర్పుదిశ ప్రయాణాలు అనుకూలం. శివాష్టకం పఠించండి.
  
 వృషభం: (కృత్తిక 2,3,4 పా, రోిహ ణి, మృగశిర 1,2 పా.)
 యత్నకార్యసిద్ధి. పరపతి పెరుగుతుంది. సన్నిహితుల సాయం అందుతుంది. నిరుద్యోగులకు శుభవార్తలు. ఆర్థిక ఇబ్బందులు కొంత తీరతాయి. బంధువులతో వివాదాలు సర్దుబాటు కాగలవు. భూములు, వాహనాల కొనుగోలు యత్నాలు కలిసివస్తాయి. ఉద్యోగులకు అనుకూల మార్పులు. ఆకుపచ్చ, తెలుపు రంగులు, ఉత్తరదిశ ప్రయాణాలు అనుకూలం. విష్ణు సహస్రననామ పారాయణం చేయండి.
  
 మిథునం: (మృగశిర 3,4, ఆరుద్ర, పునర్వసు 1,2,3 పా.)
 మొదట్లో  ఇబ్బందులు ఎదురైనా అధిగమిస్తారు. ఆత్మీయుల నుంచి శుభవార్తలు. ఆదాయం సమృద్ధిగా ఉంటుంది. రుణబాధలు తొలగుతాయి. చాకచక్యం, నేర్పుతో సమస్యల నుంచి గట్టెక్కుతారు. వ్యాపారాలు ఉత్సాహవంతం. ఉద్యోగులకు హోదాలు. కళా రంగం వారికి సన్మానాలు. నీలం, నేరేడు రంగులు, పశ్చిమదిశ ప్రయాణాలు అనుకూలం. కనకదుర్గాదేవికి కుంకుమార్చన చేయండి.
  
 కర్కాటకం: (పునర్వసు 4 పా., పుష్యమి, ఆశ్లేష)
 బంధువులతో కొద్దిపాటి వివాదాలు తప్పవు. ఆర్థిక విషయాలు సంతృప్తినిస్తాయి. భూ వివాదాలు పరిష్కార దశకు చేరతాయి. వేడుకలలో పాల్గొంటారు. మీ సత్తా చాటుకుని అందర్నీ ఆకట్టుకుంటారు. విద్యార్థులకు అనుకూల ఫలితాలు.
 
 ఇంటి నిర్మాణయత్నాలు సానుకూలమవుతాయి. ధార్మిక కార్యక్రమాలలో పాల్గొంటారు. వ్యాపారాలు ఉత్సాహంగా సాగుతాయి. ఉద్యోగులకు ఉన్నతస్థితి దక్కే అవకాశం. పారిశ్రామికవేత్తల కృషి ఫలిస్తుంది. ఎరుపు, గులాబీ రంగులు, దక్షిణదిశ ప్రయాణాలు అనుకూలం. హనుమాన్ చాలీసా పఠించండి.
  
 సింహం: (మఖ, పుబ్బ, ఉత్తర 1 పా.)
 ఆదాయం కంటే ఖర్చులు అధికం. పనుల్లో అవాంతరాలు. భూ వివాదాలు చికాకు పరుస్తాయి. శ్రమ పెరుగుతుంది. ఆలయ దర్శనాలు. సోదరులు, మిత్రులతో అకారణ విభేదాలు. ఇంటా బయటా చికాకులు తప్పకపోవచ్చు. ఆరోగ్యంపై శ్రద్ధ వహించండి. శ్రమపడ్డా ఫలితం కనిపించదు. దూరపు బంధువులను కలుసుకుంటారు. వ్యాపారాలలో లాభాలు స్వల్పమే. ఉద్యోగులకు పనిభారం. రాజకీయ వర్గాలకు విదేశీ పర్యటనలు వాయిదా. చాక్లెట్, పసుపు రంగులు, తూర్పుదిశ ప్రయాణాలు అనుకూలం. లక్ష్మీగణేశ్‌ను పూజించండి.
  
 కన్య: (ఉత్తర 2,3,4 పా, హస్త, చిత్త1,2 పా.)
 ఆర్థిక పరిస్థితి మెరుగ్గా ఉంటుంది. సన్నిహితులు, మిత్రులతో ఉల్లాసంగా గడుపుతారు. ఇంటి నిర్మాణయత్నాలు కలసి వస్తాయి. పుణ్యక్షేత్రాలు సందర్శిస్తారు. చిన్ననాటి విషయాలు గుర్తుకు తెచ్చుకుంటారు. జీవిత భాగస్వామి ద్వారా ఆస్తిలాభ సూచనలు. వ్యాపార లావాదేవీలు పుంజుకుంటాయి. ఉద్యోగులకు ఉన్నతహోదాలు తథ్యం. కళారంగం వారికి అవార్డులు. ఆకుపచ్చ, లేత ఎరుపు రంగులు, ఉత్తరదిశ ప్రయాణాలు అనుకూలం. శ్రీరామ రక్షాస్తోత్రం పఠించండి.
  
 తుల: (చిత్త 3,4,స్వాతి, విశాఖ1,2,3 పా.)
 కార్యక్రమాలలో విజయం. పలుకుబడి పెరుగుతుంది.  వాహనాలు, భూముల కొనుగోలు. కోర్టు వ్యవహారాలు సానుకూల మవుతాయి. ఆశించిన ఆదాయం సమకూరుతుంది. వ్యాపారాలు లాభిస్తాయి. ఉద్యోగులకు పదోన్నతులు. తెలుపు, లేత నీలం రంగులు, పశ్చిమదిశ ప్రయాణాలు అనుకూలం. ఆంజనేయ దండకం పఠించండి.
  
 వృశ్చికం: (విశాఖ 4 పా., అనూరాధ, జ్యేష్ఠ)
 అనుకున్న ఆదాయం సమకూరి ఇబ్బందులు తొలగుతాయి. పనుల్లో విజయం. తల్లి తరఫు వారి నుంచి ఆహ్వానాలు. స్థిరాస్తి వృద్ధి. ముఖ్య నిర్ణయాలు తీసుకుంటారు. విద్యార్థులు, నిరుద్యోగులకు శుభవార్తలు. ఆరోగ్యం కొంత మందగిస్తుంది. వ్యాపారాలు లాభసాటిగా ఉంటాయి. ఉద్యోగులకు ఇంక్రిమెంట్లు. ఎరుపు, తెలుపు రంగులు. దక్షిణదిశ ప్రయాణాలు అనుకూలం. కనకధారాస్తోత్రం పఠించండి.
  
 ధనుస్సు: (మూల, పూర్వాషాఢ, ఉత్తరాషాఢ 1 పా.)
 నూతనోత్సాహంతో పనులు పూర్తి చేస్తారు. ప్రముఖులతో పరిచయాలు. భూములు, వాహనాలు కొనుగోలు చేస్తారు. శ్రమ ఫలిస్తుంది. కొత్త కాంట్రాక్టులు దక్కించుకుంటారు. వివాదాలు తీరతాయి. వ్యాపారాలలో కొత్త పెట్టుబడులు సమకూరతాయి. ఉద్యోగులకు ప్రోత్సాహకరం. రాజకీయ వర్గాలకు విదేశీ పర్యటనలు. ఆకుపచ్చ, చాక్లెట్ రంగులు. ఉత్తరదిశ ప్రయాణాలు అనుకూలం. విష్ణుధ్యానం చేయండి.
  
 మకరం: (ఉత్తరాషాఢ 2,3,4, శ్రవణం, ధనిష్ఠ 1,2 పా.)
 వ్యవహారాలలో పురోగతి. దూరపు బంధువులను కలుసుకుని ఉత్సాహంగా గడుపుతారు. ప్రఖ్యాతిగాంచిన వ్యక్తులు పరిచయమవుతారు. ఇంటిలో శుభకార్యాలు నిర్వహిస్తారు. ఉద్యోగయత్నాలు అనుకూలిస్తాయి. చిరకాల ప్రత్యర్థులు అనుకూలురుగా మారే అవకాశం. కొత్త విద్యావకాశాలు దక్కించుకుంటారు.
 
 వ్యాపార విస్తరణలో అడుగు ముందుకు వేస్తారు. ఉద్యోగులకు సంతోషకరమైన సమాచారం. పారిశ్రామిక వర్గాలకు సన్మానాలు. నీలం, నలుపు రంగులు, తూర్పుదిశ ప్రయాణాలు అనుకూలం. సుబ్రహ్మణ్యాష్టకం పఠించండి.
  
 కుంభం: (ధనిష్ఠ 3,4, శతభిషం, పూర్వాభాద్ర 1,2,3 పా.)
 ఆర్థిక ఇబ్బందులు ఎదురైనా క్రమేపీ తొలగుతాయి. ఆప్తులు మరింత దగ్గరవుతారు. పనుల్లో విజయం. పలుకుబడి పెరుగుతుంది. కాంట్రాక్టులు లభిస్తాయి. నూతన పరిచయాలు.  గృహ నిర్మాణయత్నాలు కలసి వస్తాయి. వివాహ, ఉద్యోగయత్నాలు అనుకూలిస్తాయి. విద్యార్థులు అనుకున్న ఫలితాలు సాధిస్తారు. వ్యాపారాలు పుంజుకుంటాయి. ఉద్యోగులు సమర్థత చాటుకుంటారు. నేరేడు, లేత ఆకుపచ్చ రంగులు, దక్షిణదిశ ప్రయాణాలు అనుకూలం. హయగ్రీవ స్తోత్రాలు పఠించండి.
  
 మీనం: (పూర్వాభాద్ర 4 పా., ఉత్తరాభాద్ర, రేవతి)
 బంధువులతో వివాదాలు సర్దుబాటు కాగలవు. ఆర్థికంగా కొంత అనుకూలత ఉంటుంది. శ్రమానంతరం పనులు పూర్తి కాగలవు. ఆలోచనలు కార్యరూపంలో పెడతారు. పరిచయాలు పెరుగుతాయి. వివాహాది శుభకార్యాలు నిర్వహిస్తారు. ఆరోగ్యపరంగా కొద్దిపాటి చికాకులు. వ్యాపారాలు అభివృద్ధిదాయకం. ఉద్యోగులకు ఉన్నత హోదాలు. కళారంగం వారికి సన్మానాలు. బంగారు, తెలుపు రంగులు, పశ్చిమదిశ ప్రయాణాలు అనుకూలం. దుర్గాస్తోత్రాలు పఠించండి.
 - సింహంభట్ల సుబ్బారావు, జ్యోతిష్య పండితులు


 మేషం: (అశ్వని, భరణి, కృత్తిక 1 పా.)
 అవసరాలకు సొమ్ము అందుతుంది. ఆత్మీయులు, బంధువుల సలహాలతో ముందడుగు వేస్తారు. ఇంటిలో శుభకార్యాలు.  స్వల్ప అనారోగ్యం. విద్యార్థులు ఉత్సాహంగా ముందుకు సాగుతారు. వ్యాపారాలు లాభసాటిగా ఉంటాయి. ఉద్యోగులకు విధులలో ప్రోత్సాహం. కళారంగం వారికి నూతనోత్సాహం. ఎరుపు, నేరేడు రంగులు, ఉత్తరదిశ ప్రయాణాలు అనుకూలం. విష్ణుధ్యానం చేయండి.
  
 వృషభం: (కృత్తిక 2,3,4 పా, రోిహ ణి, మృగశిర 1,2 పా.)
 ముఖ్యమైన పనులు ముందుకు సాగవు. ఆర్థిక ఇబ్బందులు. బంధువర్గంతో అకారణ వివాదాలు. అగ్రిమెంట్లు వాయిదా. ఆరోగ్యపరంగా చికాకులు. ముఖ్య నిర్ణయాలలో తొందరపాటు వద్దు. వ్యాపారాలు సామాన్యంగా ఉంటాయి. ఉద్యోగులకు అదనపు బాధ్యతలు. పారిశ్రామిక వర్గాలకు నిరుత్సాహమే.  నీలం, లేత ఆకుపచ్చ రంగులు, తూర్పుదిశ ప్రయాణాలు అనుకూలం. దుర్గాస్తోత్రాలు పఠించండి.
  
 మిథునం: (మృగశిర 3,4, ఆరుద్ర, పునర్వసు 1,2,3 పా.)
 ఆదాయం సమకూరుతుంది. పనులలో విజయం. పలుకుబడి పెరుగుతుంది. సన్నిహితులతో వివాదాలు సర్దుబాటు కాగ లవు. నిరుద్యోగులకు అనుకూల ప్రకటన రావచ్చు. ఆరోగ్యం కొంత ఇబ్బంది కలిగిస్తుంది. వ్యాపారాలు విస్తరిస్తారు. ఉద్యోగులకు కొత్త హోదాలు. రాజకీయ వర్గాలకు పదవీయోగం, సన్మానాలు. గులాబీ, పసుపు రంగులు, దక్షిణదిశ ప్రయాణాలు అనుకూలం. శివపంచాక్షరి పఠించండి.
  
 కర్కాటకం: (పునర్వసు 4 పా., పుష్యమి, ఆశ్లేష)
 చేపట్టిన కార్యక్రమాలు సాఫీగా పూర్తి కాగలవు. ఆర్థిక ఇబ్బందుల నుంచి బయట పడతారు. ఆకస్మిక ధనలాభం. చిన్ననాటి విషయాలు గుర్తుకు తెచ్చుకుంటారు. మీ ప్రతిభాపాటవాలు వెలుగులోకి వస్తాయి. కొత్త కాంట్రాక్టులు దక్కించుకుంటారు. శుభకార్యాలకు డబ్బు బాగా వెచ్చిస్తారు. వ్యాపారాలు లాభాలు తెచ్చి పెడతాయి. ఉద్యోగులకు విధులలో అవాంతరాలు తొలగుతాయి. కళారంగం వారికి సన్మానాలు, పురస్కారాలు లభించే అవకాశం ఉంది. తెలుపు, చాక్లెట్ రంగులు కలసి వస్తాయి. నృసింహ స్తోత్రాలు పఠించండి.
  
 సింహం: (మఖ, పుబ్బ, ఉత్తర 1 పా.)
 పనులలో విజయం సాధిస్తారు. పలుకుబడి పెరుగుతుంది. సన్నిహితులతో ఆనందంగా గడుపుతారు. ఆధ్యాత్మిక కార్యక్రమాలపై దృష్టి సారిస్తారు. నిరుద్యోగుల నిరీక్షణ ఫలిస్తుంది. మీపై వచ్చిన ఆరోపణలు, అపవాదులు తొలగుతాయి. ఆదాయం సంతృప్తికరంగా ఉంటుంది. వ్యాపార లావాదేవీలు ఉత్సాహంగా సాగుతాయి. ఉద్యోగుల సేవలకు గుర్తింపు రాగలదు. రాజకీయ వర్గాలకు విదేశీ పర్యటనలు. నేరేడు, గులాబీ రంగులు, పశ్చిమదిశ ప్రయాణాలు అనుకూలం. శ్రీరామరక్షాస్తోత్రాలు పఠించండి.
  
 కన్య: (ఉత్తర 2,3,4 పా, హస్త, చిత్త1,2 పా.)
 కార్యక్రమాలలో పురోగతి. పరపతి పెరుగుతుంది. ప్రముఖులతో పరిచయాలు ఏర్పడతాయి. ఆలోచనలు కార్యరూపంలో పెడతారు. పుణ్యక్షేత్రాలు సందర్శిస్తారు. మీ శ్రమ ఫలిస్తుంది.  వాహనాలు, గృహం కొనుగోలు యత్నాలు కలసి వస్తాయి. ఆశ్చర్యకరమైన విషయాలు తెలుస్తాయి. వ్యాపారాలలో ముందడుగు వేస్తారు. ఉద్యోగులకు కొత్త హోదాలు. కళారంగం వారికి అవార్డులు రావచ్చు. ఆకుపచ్చ, చాక్లెట్ రంగులు, ఉత్తరదిశ ప్రయాణాలు అనుకూలం. గణేశ్‌స్తోత్రాలు పఠించండి.
  
 తుల: (చిత్త 3,4, స్వాతి, విశాఖ1,2,3 పా.)
 వ్యవహారాలు సాఫీగా సాగుతాయి. దీర్ఘకాలిక సమస్య ఒకటి పరిష్కారం. ఆరోగ్యం కొంత మందగిస్తుంది. వాహనయోగం. విద్యార్థుల యత్నాలలో పురోగతి. వ్యాపారాలలో చిక్కులు తొలగి ఊరట చెందుతారు. ఉద్యోగులకు పదోన్నతులు. నీలం, నేరేడు రంగులు, తూర్పుదిశ ప్రయాణాలు అనుకూలం. హనుమాన్ చాలీసా పఠించండి.
  
 వృశ్చికం: (విశాఖ 4 పా., అనూరాధ, జ్యేష్ఠ)
 రాబడి పెరిగే అవకాశం. ఆస్తి వ్యవహారాలలో చిక్కులు తొలగుతాయి. వాహనాలు, స్థలాలు కొనుగోలు చేస్తారు. ఆరోగ్యంపై శ్రద్ధ వహించండి. వ్యాపారాలలో లాభనష్టాలు సమానంగా ఉంటాయి. ఉద్యోగులకు కొత్త బాధ్యతలు. పారిశ్రామిక వర్గాలకు విదేశీ పర్యటనలు. ఎరుపు, లేత పసుపు రంగులు. దక్షిణదిశ ప్రయాణాలు అనుకూలం. ఆదిత్య హృదయం పఠించండి.
  
 ధనుస్సు: (మూల, పూర్వాషాఢ, ఉత్తరాషాఢ 1 పా.)
 పనులు కొంత నెమ్మదిస్తాయి. బంధువులు, శ్రేయోభిలాషులతో ముఖ్య విషయాలు చర్చిస్తారు. ఆలోచనలు కలిసిరావు. ఇంటా బయటా నిరుత్సాహం. రావలసిన పైకం ఆలస్యమవుతుంది. వ్యాపారాల విస్తరణ యత్నాలు ముందుకు సాగవు. ఉద్యోగులకు పని ఒత్తిడులు. కళారంగం వారికి శ్రమాధిక్యం. గులాబీ, తెలుపు రంగులు, ఉత్తరదిశ ప్రయాణాలు అనుకూలం. దక్షిణామూర్తి స్తోత్రాలు పఠించండి.
  
 మకరం: (ఉత్తరాషాఢ 2,3,4, శ్రవణం, ధనిష్ఠ 1,2 పా.)
 కొత్త పనులు ప్రారంభిస్తారు. చిన్ననాటి మిత్రులను కలుసుకుని ఉత్సాహంగా గడుపుతారు. రావలసిన సొమ్ము అందుతుంది. స్థిరాస్తి విషయంలో ఒప్పందాలు చేసుకుంటారు. వాహన, కుటుంబసౌఖ్యం. శుభకార్యాలకు హాజరవుతారు. విద్య, ఉద్యోగావకాశాలు దక్కించుకుంటారు. వ్యాపారాలు లాభసాటిగా ఉంటాయి. ఉద్యోగులకు పదోన్నతులు దక్కవచ్చు. పారిశ్రామిక వర్గాలకు ఆహ్వానాలు అందుతాయి. లేత నీలం, ఆకుపచ్చ రంగులు, ఆంజనేయ దండకం పఠించండి.
  
 కుంభం: (ధనిష్ఠ 3,4, శతభిషం, పూర్వాభాద్ర 1,2,3 పా.)
 బంధువులతో విభేదాలు తొలగుతాయి. అనుకున్న కార్యక్రమాలు సజావుగా పూర్తి చేస్తారు. సంఘంలో మంచిపేరు సంపాదిస్తారు. చిరకాల ప్రత్యర్థులు మీకు సహకరిస్తారు. ఇంటి నిర్మాణాలలో పురోగతి కనిపిస్తుంది. ఆర్థిక పరిస్థితి మెరుగ్గా ఉంటుంది. ఒక సమస్య లేదా వివాదం నుంచి బయటపడతారు. వ్యాపారాలు మరింతగా విస్తరిస్తారు. ఉద్యోగులకు ఇంక్రిమెంట్లు లభిస్తాయి. రాజకీయ వర్గాలకు పదవీయోగం. తెలుపు, చాక్లెట్ రంగులు, దక్షిణదిశ ప్రయాణాలు అనుకూలం. విష్ణుసహస్రనామ పారాయణ చేయండి.
  
 మీనం: (పూర్వాభాద్ర 4 పా., ఉత్తరాభాద్ర, రేవతి)
 అనుకున్నదే తడవుగా పనులు చేపట్టి పూర్తి చేస్తారు. ఇంటిలో శుభకార్యాలు నిర్వహిస్తారు. ఆరోగ్య సమస్యలు కొంత చికాకు పరుస్తాయి. ఆప్తుల నుంచి ఆహ్వానాలు అందుతాయి. కోర్టు వ్యవహారాలలో విజయం. విద్యార్థులకు ఫలితాలు ఉత్సాహాన్నిస్తాయి. వ్యాపారాలు లాభిస్తాయి. ఉద్యోగులకు హోదాలు పెరిగే అవకాశం. కళారంగం వారికి సన్మానాలు. ఎరుపు, నేరేడు రంగులు, తూర్పుదిశ ప్రయాణాలు అనుకూలం. కనకదుర్గా స్తోత్రాలు పఠించండి.
 - సింహంభట్ల సుబ్బారావు, జ్యోతిష్య పండితులు


 ఇటీవల వరుస ఫెయిల్యూర్స్తో ఇబ్బందుల్లో ఉన్న యంగ్ హీరో అల్లరి నరేష్ తన తదుపరి సినిమా విషయంలో ఆచితూచి అడుగులు వేస్తున్నాడు. రొటీన్ కామెడీ సినిమాలతో పాటు, ప్రయోగాత్మకంగా తెరకెక్కించిన సినిమాలు కూడా పెద్దగా వర్కవుట్ కాకపోవటంతో కాస్త గ్యాప్ తీసుకున్న నరేష్, ఓ డిఫరెంట్ సినిమాతో ఆడియన్స్ ముందుకు వస్తున్నాడు.
 
 సీనియర్ హీరో మోహన్ బాబుతో కలిసి 'మామ మంచు అల్లుడు కంచు' సినిమాలో నటిస్తున్నాడు. కామెడీ స్పెషలిస్ట్ శ్రీనివాస్ రెడ్డి డైరెక్ట్ చేస్తున్న ఈ సినిమా ప్రస్తుతం షూటింగ్ కార్యక్రమాలు జరుపుకుంటోంది. 24 ఫ్రేమ్స్ ఫ్యాక్టరీ బ్యానర్పై మరో యంగ్ హీరో విష్ణు ఈ సినిమాను నిర్మిస్తున్నాడు. ఈ సినిమా ఫస్ట్ లుక్ పోస్టర్ను ఈ నెల 24న రిలీజ్ చేస్తున్నట్టుగా తెలిపాడు నిర్మాత మంచు విష్ణు.
 
 దాదాపుగా షూటింగ్ పూర్తికావచ్చిన ఈ సినిమా, పోస్ట్ ప్రొడక్షన్ పనులను కూడా వీలైనంత త్వరగా పూర్తిచేసి డిసెంబర్ నెలాఖర్లో క్రిస్మస్ కానుకగా రిలీజ్ చేయడానికి ప్లాన్ చేస్తున్నారు. మోహన్ బాబు కాంబినేషన్లో వస్తున్న 'మామ మంచు అల్లుడు కంచు' సినిమాతో అయినా అల్లరి నరేష్ సక్సెస్ సాధిస్తాడేమో చూడాలి.


 కోల్‌కతా: రాజకీయాలతో సంబంధం లేకుండా క్రికెట్ కొనసాగాలని పాకిస్తాన్ క్రికెట్ బోర్డు చైర్మన్ షహర్యార్ ఖాన్ అభిప్రాయపడ్డారు. ఇటీవల మరణించిన జగ్మోహన్ దాల్మియా కుటుంబీకులకు సానుభూతి తెలిపేందుకు ఖాన్ కోల్‌కతాకు వచ్చారు. ‘ఇరు దేశాల మధ్య క్రికెట్ సంబంధాలు నిరంతరాయంగా కొనసాగాలని కోరుకుంటున్నాను. రాజకీయాలతో క్రీడలను ముడిపెట్టడం తగదు. షెడ్యూల్ ప్రకారం డిసెంబర్‌లో భారత్‌తో సిరీస్ జరుగుతుందని ఆశిస్తున్నాను. మా ప్రధాని నవాజ్ షరీఫ్ కూడా ఇదే అభిప్రాయంతో ఉన్నారు. అలాగే ఈ సిరీస్ జరుగకపోతే ఐసీసీ ఈవెంట్స్‌లో భారత్‌ను బాయ్‌కాట్ చేస్తామని నేను అనలేదు’ అని ఖాన్ తెలిపారు. మరోవైపు ఈసిరీస్ విషయమై దుబాయ్‌లో వచ్చే నెల జరిగే ఐసీసీ సమావేశాల సందర్భంగా చర్చిద్దామని బీసీసీఐ.. పీసీబీకి లేఖ రాసింది.
  


 రాష్ట్ర ఎన్నికల ప్రధాన కమిషనర్ కసరత్తు
  పోలింగ్ బూత్ ఫొటోలు, రూట్‌మ్యాప్‌ల సేకరణ
  
  అసెంబ్లీ ఎన్నికల కోసం అధికార అన్నాడీఎంకే వచ్చే ఏడాది వరకు ఆగలేక పోతోందా ? అనేక అంశాల్లో కలిసివచ్చే ఈ ఏడాది డిసెంబర్‌లోనే అసెంబ్లీ ఎన్నికలకు సిద్ధం అవుతోందా ? ఇందుకు సంబంధించి రహస్యంగా ఎన్నికల అధికారులను సమాయత్తం చేస్తోందా? అనే ప్రశ్నలకు అవుననే సమాధానం వస్తోంది.
  
  చెన్నై, సాక్షి ప్రతినిధి: అన్నాడీఎంకే అధికారంలోకి వచ్చి నాలుగేళ్లు దాటి ఐదో ఏడు నడుస్తోంది. 2011 అసెంబ్లీ ఎన్నికల్లో అత్యధిక మెజారిటీ సాధించి అధికారం చేపట్టిన అన్నాడీఎంకే ప్రభుత్వానికి వచ్చే ఏడాది మే వరకు గడువుంది. అయితే ఆదాయానికి మించిన ఆస్తుల కేసులో శిక్ష పడి మళ్లీ నిర్దోషిగా బైటపడిన జయలలిత మళ్లీ ముఖ్యమంత్రి అయ్యారు. అమ్మ అవినీతి పరురాలు అంటూ అస్త్రాన్ని సంధించలేని స్థితిలో పడిపోయిన డీఎంకే సంపూర్ణ మద్యనిషేధాన్ని తెరపైకి తెచ్చింది. రాష్ట్రంలో ఇటీవల  చోటుచేసుకున్న అనేక మద్యం నేపథ్య సంఘటనలు ప్రభుత్వ ప్రతిష్టను దెబ్బతీశాయి. ప్రజల్లో ముఖ్యంగా మహిళలు టాస్మాక్ దుకాణాల పేరువింటే మండిపడుతున్నారు.
  
   టాస్మాక్‌ల ముందు ఆందోళనలు నిర్వహించి మూసివేయిస్తున్నారు. ఈ దశలో తాలూకా స్థాయిలో ఎలైట్ మద్యం దుకాణాలను తెరవనున్నట్లు ప్రభుత్వం చెప్పడం అగ్గిపై ఆజ్యం పోసినట్లయింది. ఎలైట్ దుకాణాలను తెరవనిచ్చేది లేదని ప్రతిపక్ష పార్టీలన్నీ ప్రతిజ్ఞ చేశాయి. మద్యం అమ్మకాలపై ప్రజల్లో పెల్లుబుకిన వ్యతిరేకత ను తమకు అనుకూలంగా మలుచుకోవడంలో డీఎంకే కృతకృత్యురాలైంది. కొన్ని ప్రాంతీయ పార్టీలు బహిరంగంగా డీఎంకేకు అభినందనలు తెలిపాయి. ప్రతిపక్షాలన్నీ ఏకమవుతున్న దశలో ముందుగానే మేలుకోవాలని అమ్మ ఆశిస్తున్నట్లు సమాచారం.
  
  అచ్చిరాని సరి సంఖ్య:
  రాజకీయాల్లో సెంటిమెంట్‌ను కొందరు తప్పనిసరిగా పాటిస్తారు. ఇందుకు జయలలిత కూడా అతీతంగా కాదని కొందరు రాజకీయ విశ్లేషకుల భావన. ముఖ్యమైన పనులు నెరవేరేందుకు సరి సంఖ్య కంటే బేసి సంఖ్యే ఫలప్రదం అని అమ్మ భావనగా అంటున్నారు. గత ఎన్నికలు జరిగి, అధికారాన్ని కట్టబెట్టిన సంవత్సరం 2011 బేసి సంఖ్య. ఇక అధికారంలో ఉండగానే అమ్మచేత రాజీనామా చేయించి జైలు పాలుచేసిన 2014 సరిసంఖ్య. అలాగే అప్పీలుపై నిర్దోషిగా తీర్పువెలువడి ముఖ్యమంత్రి పీఠాన్ని కట్టబెట్టిన 2015 బేసి సంఖ్య అనేది గమనార్హం.  ఈ సెంటిమెంట్ లెక్కలకు తోడుగా విపక్షాల సంపూర్ణ మద్య నిషేధం నినాదం అధికార పక్షాన్ని ఇరుకున పెట్టింది. విపక్షాలు మరింత బలపడేలోపే అసెంబ్లీ ఎన్నికలను ఎదుర్కొనాలని అమ్మ భావిస్తున్నట్లు సమాచారం.
 
  ఎన్నికల సన్నాహాలు:
   అసెంబ్లీ ఎన్నికల నిర్వహణకు సహజంగా నాలుగైదు నెలలకు ముందే ప్రధాన ఎన్నికల కార్యాలయం పనులు ప్రారంభిస్తుంది. ఈ అంచనా ప్రకారం రాష్ట్రంలో అసెంబ్లీ ఎన్నికల కసరత్తు రహస్యంగా సాగిపోతోంది. జూన్ నుండి ఎన్నికల పనులు వేగంగా సాగుతున్నాయి. రాష్ట్రంలోని అన్ని పోలింగ్ కేంద్రాలు ఫోటోలను తీసి పంపాల్సిందిగా జిల్లా, నియోజక వర్గాల ఎన్నికల అధికార్లకు ఆదేశాలు అందాయి. మొత్తం 234 నియోజవర్గాల్లోని పోలింగ్ బూత్‌ల ఫొటోలను తీసి 20 రోజుల క్రితమే రాష్ట్ర ఎన్నికల ప్రధాన కమిషనర్‌కు అందజేశారు. అన్ని పోలింగ్ బూత్‌లు, కేంద్రాలను కలుపుతూ రూట్‌మాప్ కూడా సిద్ధం చే సి వెంటనే పంపాల్సిందిగా ఆదేశాలు ఇచ్చి ఉన్నారు. ఎన్నికల కమిషన్ పడుతున్న హడావిడిని గమనిస్తే ఈ ఏడాది డిసెంబర్‌లో ఎన్నికలు తథ్యమని అంచనా. అసెంబ్లీ డెప్యూటీ స్పీకర్ తంబిదురై గతంలో తిరుచ్చీలో జరిగిన సభలో ముందస్తు ఎన్నికలు తధ్యమని చేసిన ప్రకటన గమనార్హం.
  


 హైదరాబాద్, బిజినెస్ బ్యూరో: కార్ల అమ్మకాలు డిసెంబరులోనే అధికమని మారుతి సుజుకి వెల్లడించింది. ఇతర నెలలతో పోలిస్తే డిసెంబరులో 40-50 శాతం అమ్మకాలు అధికమని కంపెనీ దక్షిణప్రాంత కమర్షియల్ బిజినెస్ హెడ్ రామ్‌సురేశ్ ఆకెళ్ల శుక్రవారమిక్కడ మీడియాకు తెలిపారు. కంపెనీలిచ్చే ఆఫర్లే ఇందుకు కారణమని చెప్పారు. దీనికితోడు వాహనాల అమ్మకాలను ప్రోత్సహించేందుకు కేంద్ర ప్రభుత్వం ఇచ్చిన 4 శాతం ఎక్సైజ్ డ్యూటీ తగ్గింపు ప్రోత్సాహకం డిసెంబరు 31తో ముగిసే అవకాశం ఉందని వెల్లడించారు.
 
 ‘ఏప్రిల్-నవంబరు కాలంలో కార్ల పరిశ్రమ వృద్ధి రేటు 4 శాతం మాత్రమే. మారుతి సుజుకి 13.5 శాతం వృద్ధి నమోదు చేసింది. గతేడాది ఇదే కాలంతో పోలిస్తే సంస్థ మార్కెట్ వాటా 4 శాతం పెరిగి 45 శాతానికి చేరింది. ఇక తెలంగాణ మార్కెట్లో 9%, ఆంధ్రప్రదేశ్ మార్కెట్లో 20% వృద్ధి నమోదు చేశాం’ అని చెప్పారు. విజయవాడ విపణిలో 30% దాకా వృద్ధి ఉందని వివరించారు. కాగా, సెప్టెంబరు 10-అక్టోబరు 23 మధ్య మారుతి సుజుకి సెలబ్రేషన్స్ అన్‌లిమిటెడ్ పేరుతో స్కీమ్‌ను నిర్వహించింది. ఈ కాలంలో తెలంగాణ, ఆంధ్రప్రదేశ్‌లో 8,100 కార్లను కంపెనీ విక్రయించింది. శుక్రవారం నిర్వహించిన బంపర్ డ్రాలో దీపక్ అనే కస్టమర్ సెలెరియో కారును గెల్చుకున్నారు. రామ్‌సురేశ్ ఆకెళ్ల డ్రా తీశారు.


 ముంబై: బంగారం ధరల మరింత తగ్గే అవకాశముందని మార్కెట్ నిపుణులు అంచనా వేస్తున్నారు. అంతర్జాతీయ మార్కెట్లో రుపాయి విలువ స్థిరంగా కొనసాగితే డిసెంబర్ నాటికి పది గ్రాముల బంగారం ధర 24,500 రూపాయలకు తగ్గవచ్చని భావిస్తున్నారు.
 
 శనివారం మార్కెట్లో పది గ్రాముల బంగారం ధర 26,143 రూపాయలు పలికింది. బంగారం ధరలు ఒకటి లేదా రెండు వారాలు నిలకడగా ఉండవచ్చని, ఆ తర్వాత ధరలు తగ్గుతాయని నిపుణులు తెలిపారు. అంతర్జాతీయ మార్కెట్లో ఈ ఏడాది చివరకు బంగారం ధర 1080-1120 డాలర్లు ఉండవచ్చని అంచనా వేస్తున్నారు. రుపాయి విలువ స్థిరంగా కొనసాగితే భారత్లోనూ బంగారం ధర తగ్గుతుందని చెప్పారు.
  


 యాచారం: నగర ప్రజలకు నీటి ఎద్దడి తలెత్తకుండా డిసెంబర్‌నాటికి మూడోదశ కృష్ణా జలాలను తరలించడానికి కృషి చేస్తున్నట్లు రాష్ట్ర ఎక్సైజ్ శాఖ మంత్రి పద్మారావు పేర్కొన్నారు. సోమవారం ఉదయం ఆయన నాగార్జునసాగర్-హైదరాబాద్ రహదారిపై జరుగుతున్న మూడో దశ కృష్ణాజలాల తరలింపు పనులను పరిశీలించారు.
 
 మార్గమధ్యలో గునుగల్ గ్రామంలో ఉన్న రిజర్వాయర్‌ను సందర్శించారు. ఇక్కడ నిర్మిస్తున్న 99 ఎంఎల్ నీటి నిల్వ సామర్థ్యం గల రిజర్వాయర్లను పరిశీలించారు. నీటి సామర్థ్యం, ఎప్పటిలోగా పూర్తవుతుంది తదితర వివరాలను అధికారులను అడిగి తెలుసుకున్నారు. గునుగల్‌లో నిర్మించిన రిజర్వాయర్లు, మూడో దశ రిజర్వాయర్ల పనులు తదితర విషయాలను హెచ్‌ఎండబ్ల్యూఎస్ ఎండీ జగదీశ్వర్ మంత్రికి వివరించారు.
  
 ఈ సందర్భంగా మంత్రి మాట్లాడుతూ.. పనుల్లో వేగవంతం కోసమే అధికారుల బృందంతో కలిసి హైదరాబాద్ నుంచి నల్లగొండ జిల్లా కోదండపూర్ వరకు జరుగుతున్న పైపులైన్, రిజర్వాయర్ల పనులను పర్యవేక్షిస్తున్నట్లు తెలిపారు. నీటి పన్ను చెల్లించే విషయంలో ప్రజల్లో చైతన్యం తీసుకరావాలని ప్రజాప్రతినిధులు, అధికారులకు సూచించారు. పన్నులు చెల్లిస్తే నీటి ఇబ్బంది ఉండదన్నారు. పన్నుల వసూలు విషయంలో సీఎం కేసీఆర్ సైతం కఠినంగా ఉన్న విషయాన్ని గుర్తు చేశారు.
 
 ‘పట్నం’ ప్రజలకు సరిపడా..
 మూడోదశ కృష్ణా జలాల్లో ఇబ్రహీంపట్నం డివిజన్ ప్రజలకు సరిపడా తాగునీరు అందించే విధంగా అధికారులను ఆదేశించనున్నట్లు మంత్రి తెలిపారు. కరువు ప్రాంతమైన పట్నంకు సరిపడా కృష్ణాజలాలు సరఫరా చేయాలని టీఆర్‌ఎస్ నియోజకవర్గ ఇన్‌చార్జి కంచర్ల చంద్రశేఖర్‌రెడ్డి, గునుగల్ సర్పంచ్ అచ్చెన మల్లికార్జున్ తదితరులు మంత్రికి విన్నవించారు.
 
 దీనికి స్పందించిన మంత్రి  నివేదిక తెప్పించుకొని సీఎం ఆదేశాల మేరకు ఈ ప్రాంతానికి  తాగునీరు అందించేలా చూస్తామని హామీ ఇచ్చారు. కార్యక్రమంలో హెచ్‌ఎండబ్ల్యూఎస్ ఉన్నతాధికారులు సత్యానారాయణ, కొండారెడ్డి, విజయకుమార్, దశరథ్‌రెడ్డి, వైస్ ఎంపీపీ రామకృష్ణ యాదవ్, నాయకులు శ్రీనివాస్, జగదీశ్వర్ యాదవ్, నారాయణరెడ్డి, యాదయ్య గౌడ్, లక్ష్మణ్, మధుసూదన్‌రెడ్డి, సంధాని, భాషా, భాస్కర్, కిషన్ తదితరులు పాల్గొన్నారు.


 బాలీవుడ్‌కు 'పీకే' భయం పట్టుకుందా? పీకేతో పోటీ పడేందుకు ఇతర సినిమాలు భయపడుతున్నాయా? మిస్టర్‌ పర్‌ఫెక్ట్‌ను బీట్‌ చేసేందుకు బాలీవుడ్‌ ఎందుకు జంకుతోంది?  రిలీజ్‌కు ముందే సూపర్‌స్టార్ అమీర్‌ ఖాన్‌ పీకే బాలీవుడ్‌లో సంచలనం సృష్టిస్తోంది.  డిసెంబర్‌లో పీకే ని ప్రేక్షకుల ముందు నిలబెట్టాలన్నది మిస్టర్‌ పర్‌ఫెక్ట్‌ ఆలోచన.  డిసెంబర్‌ లో విడుదలైన అమీర్‌ సినిమాలన్నీ సూపర్‌ డూపర్‌ హిట్టయ్యాయి.
 
 పీకే కూడా డిసెంబర్‌లో రానుండటంతో బాలీవుడ్‌ అంతా షేక్‌ అవుతోంది. చాలా మంది నిర్మాతలు తమ చిత్రాల విడుదల తేదీలను ప్రీపోన్‌, పోస్టు పోన్ చేసుకుంటున్నారు. అభిషేక్‌ - అసిన్‌ సినిమా ఆల్‌ ఈజ్‌ వెల్‌ను నిర్మాతలు డిసెంబర్‌ 5న రిలీజ్‌ చేస్తామని ముందు ప్రకటించారు. అమీర్‌తో పోటీ పడటం కంటే  సినిమా రిలీజ్‌లను వాయిదా వేసుకోవడం మంచిదనే వాదన బాలీవుడ్‌లో వినిపిస్తోంది.  ఇమ్రాన్‌ హష్మీ,  కంగనా రనౌత్‌ సినిమా  ఉంగ్లి, అజయ్‌ దేవగన్, సోనాక్షి సిన్హా 'యాక్షన్‌ జాక్సన్‌' కూడా డిసెంబర్‌ 5న ప్రేక్షకుల ముందుకు రానుంది.
 
  జనవరి 9 విడుదల చేయాలనుకున్న థెవర్‌ను ముందుకు జరిపారు. సంజయ్‌ కపూర్ నిర్మాతగా  అర్జున్ కపూర్‌-సోనాక్షి సిన్హా  జంటగా నటించిన ఈ సినిమా కూడా డిసెంబర్‌ 5న సిల్వర్‌ స్క్రీన్‌ను తాకనుంది.  సైఫ్‌- ఇలియానా నటించిన హ్యాపీ ఎండింగ్‌కు కూడా పీకే భయం పట్టుకున్నట్లుంది.  డిసెంబర్‌ 5న రిలీజ్‌ కావాల్సిన ఈ సినిమాను  నవంబర్‌ 21న విడుదల చేయనున్నారు.
 
 అమీర్ ఖాన్ నగ్న పోస్టర్తో దేశవ్యాప్తంగా వివాదానికి తెరతీసిన పీకే చిత్రానికి  రాజ్‌కుమార్ హిరానీ దర్శకత్వం వహించారు.  ఈ రాజకీయ వ్యంగ్య చిత్రంలో అమీర్‌ఖాన్ సరసన అనుష్కాశర్మ నటిస్తోంది. ఈ సినిమా పోస్టర్కు సంబంధించి నిర్మాతలపై  అభిషేక్ భార్గవ అనే యువకుడు కోర్టులో పిటిషన్ దాఖలు చేశాడు.  అమీర్ నటిస్తున్న ‘పీకే’ చిత్రం న్యూడ్ పోస్టర్ అభ్యంతరకరంగా ఉందని, సమాజంలో అసభ్యతకు తగిన ప్రచారం కల్పించేట్లుగా ఉందని ఆ యువకుడు పేర్కొన్నాడు.
 
 అయితే  నిర్మాతపై దాఖలైన ఈ పిటిషన్ను సుప్రీం కోర్టు కొట్టివేసింది. కళలు, వినోదానికి సంబంధించిన విషయాలలో జోక్యం పనికిరాదని కోర్టు చెప్పింది. ఇష్టంలేకపోతే సినిమా చూడవద్దని అత్యున్నత న్యాయస్థానం పిటిషనర్కు సలహా ఇచ్చింది.  అంతేకాకుండా ఇటువంటి విషయాలలో మతపరమైన అంశాలు తీసుకురావద్దని కూడా సుప్రీం కోర్టు  పిటిషనర్కు సలహా ఇచ్చింది. సినిమా విడుదలపై ఆంక్షలు విధిస్తే నిర్మాత హక్కులకు భంగం కలిగించినట్లు అవుతుందని కోర్టు తెలిపింది.
 
 ఈ రకంగా విడుదలకు ముందే విస్తృత స్థాయిలో దేశవ్యాప్తంగా ప్రచారం పొందిన పీకే సినిమాలో కథాపరంగా అమీర్ ఖాన్ వింతవింత దుస్తులు ధరించారు.  ఈ చిత్రం డిసెంబర్‌ 19న  విడుదల కాబోతుంది. దీనితోపాటు ఆ రోజు విడుదలయ్యే మరో  సినిమా ఏదీ లేకపోవడం విశేషం.  అయితే వరదలా డిసెంబర్‌ 5న విడుదలయ్యే  సినిమాలలో దేనిని ప్రేక్షకులు ఆదరిస్తారో వేచిచూడాలి.
 - శిసూర్య


  తెలుగుజాతి వైభవానికి ప్రతీకగా నిలిచిన కాకతీయ చరిత్ర ఆధారంగా గుణశేఖర్ స్వీయ దర్శకత్వంలో నిర్మిస్తున్న చిత్రం ‘రుద్రమదేవి’. అనుష్క టైటిల్‌రోల్ చేసిన ఈ చిత్రంలో రానా, కృష్ణంరాజు, సుమన్, నిత్యామీనన్, కేథరిన్ ఇతర ముఖ్యభూమికలు పోషించగా, గోన గన్నారెడ్డిగా అల్లు అర్జున్ ప్రత్యేక పాత్రలో నటించారు. దేశంలోనే తొలి హిస్టారికల్ స్టీరియో స్కోపిక్ త్రీడీగా తెరకెక్కుతోన్న ఈ చిత్రం చిత్రీకరణ పూర్తి చేసుకుంది.
  
  ఈ సందర్భంగా గుణశేఖర్ మాట్లాడుతూ -‘‘తెలుగుజాతి చరిత్ర, తెలుగుజాతి సాహసం కళ్లకు కట్టే సినిమా ఇది. హాలీవుడ్ సాంకేతిక నిపుణులతో రూపొందిన ఈ సినిమా ప్రేక్షకులకు అంతర్జాతీయ విజువల్ థ్రిల్‌కి గురిచేస్తుంది. అందుకే... రాష్ట్రంలోని పలు ఎగ్జిబిటర్లు ఈ సినిమా ప్రదర్శనకు అనుగుణంగా థియేటర్లను సిద్ధం చేసుకోవడం విశేషం. త్రీడీతో పాటు 2డీలో కూడా ఈ సినిమా విడుదల అవుతుంది. ఈ చిత్ర నిర్మాణంలో సహకరించిన ప్రతి ఒక్కరికీ ధన్యవాదాలు.
  
   పోస్ట్ ప్రొడక్షన్ పనులు జరుగుతున్నాయి. డిసెంబర్‌లో సినిమాను విడుదల చేయడానికి సన్నాహాలు చేస్తున్నాం’’ అని తెలిపారు. ప్రకాశ్‌రాజ్, ప్రభ, ఆదిత్యమీనన్, జయప్రకాశ్‌రెడ్డి తదితరులు నటించిన ఈ చిత్రానికి మాటలు: పరుచూరి బ్రదర్స్, పాటలు: సిరివెన్నెల, కెమెరా: అజయ్ విన్సెంట్, సంగీతం: ఇళయరాజా, కళ: తోట తరణి, కూర్పు: శ్రీకరప్రసాద్, ఎగ్జిక్యూటివ్ నిర్మాత: కె.రామ్‌గోపాల్, సమర్పణ: రాగిణి గుణ.
  


 దుబాయ్: చేతిలో సెల్ ఫోన్ లేనిదే రోజు గడవడం లేదు. అందరికీ అదొక అత్యవసర పరికరంగా మారిపోయింది. వచ్చే డిసెంబరు నాటికి ప్రపంచంలో సెల్ ఫోన్ల సంఖ్య మొత్తం జనాభా సంఖ్యను మించిపోతుందని తాజా అధ్యయనంలో వెల్లడైంది. అప్పటికి ప్రపంచ జనాభా 700 కోట్లుంటే సెల్‌ల సంఖ్య 730 కోట్లకు చేరుతుందని ప్రొఫెషనల్ నెట్‌వర్కింగ్ కంపెనీ సిలికాన్ ఇండియా తెలిపింది.
 
 ఇప్పటికే 100కు పైగా దేశాల్లో మొబైల్స్ సంఖ్య జనాభాను అధిగమించింది. రష్యాలో 25 కోట్ల సెల్‌ఫోన్లున్నాయి. అక్కడి జనాభా సంఖ్యతో పోలిస్తే ఇది 1.8 రెట్లు అధికం. బ్రెజిల్‌లోని ఫోన్ల సంఖ్య 24 కోట్లు. ఆ దేశ జనాభాతో పోలిస్తే ఈ సంఖ్య 1.2 రెట్లు ఎక్కువ. ప్రపంచంలో సమాచారం పరిమితంగా ఉండే బీద ప్రాంతాల్లో జీవన ప్రమాణాలను భారీగా పెంచే సామర్థ్యం సెల్ ఫోన్లకు ఉందని అంతర్జాతీయ మొబైల్ టాప్‌అప్ ప్రొవైడర్ డింగ్ సీఈఓ మార్క్ రోడెన్ చెప్పారు.
 
 కొన్ని ప్రాంతాల్లో ఫోన్ ఖాతాదారులు టాప్‌అప్ కోసం నిత్యావసరాలను త్యాగం చేస్తున్నారని డింగ్ పరిశోధకులు తెలిపారు. వర్థమాన దేశాల్లో 60% మంది రోజువారీ సంపాదన 2 డాలర్లకంటే తక్కువగా ఉన్నప్పటికీ వారిలో అత్యధికులకు మొబైల్స్ ఉన్నాయన్నారు.


  ప్రయోగాలు చేసే దర్శకులలో నృత్య దర్శకుడు, దర్శకుడు రాఘవ లారెన్స్ ఒకరు. ముని, ముని-2గా కాంచన చిత్రాలను తెరకెక్కించి హారర్ చిత్రాల ట్రెండ్‌కు సరికొత్త ఊపు తీసుకొచ్చిన లారెన్స్ తాజాగా ముని-3గా గంగ చిత్రాన్ని పూర్తి చేసే పనిలో ఉన్నారు. తాప్సీ హీరోయిన్‌గా నటించిన ఈ చిత్రాన్ని డిసెంబర్‌లో విడుదలకు సన్నాహాలు చేస్తున్నారు. తాజాగా రాఘవేంద్ర ప్రొడక్షన్స్ పతాకంపై ఒరు టిక్కెటిల్ రెండు సినిమా ఒండ్రు కిళవన్ ఒండ్రు కరుప్పుదురై అనే వైవిధ్య భరిత చిత్రాన్ని స్వీయ దర్శకత్వంలో తెరకెక్కించనున్నారు. తమిళం, తెలుగు భాషల్లో రూపొందించనున్న ఈ చిత్రం గురించి బుధవారం విలేకరుల సమావేశంలో రాఘవ లారెన్స్ వెల్లడిస్తూ ఈ చిత్రాన్ని రెండు కథలుగా తెరకెక్కించనున్నట్లు తెలిపారు. చిత్రం తొలి భాగంలో తనకు జోడిగా ఆండ్రియూ నటించనుండగా రెండో భాగంలో నటి రాయ్‌లక్ష్మి నటించనున్నారని వివరించారు. తమిళ వెర్షన్‌కు గీత రచయిత వివేక్ సంభాషణలందిస్తున్నారని తెలిపారు.
  


 సాక్షి, హైదరాబాద్: రోజురోజుకూ పెరిగిపోతున్న చలితో రాష్ట్రం గజగజా వణుకుతోంది. గతంలో ఎన్నడూ లేనిరీతిలో ఉష్ణోగ్రతలు పడిపోతున్నాయి. రికార్డు స్థాయిలో కనిష్ట ఉష్ణోగ్రతలు నమోదవుతుండటంతో ఆదిలాబాద్, ఖమ్మం తదితర ఏజెన్సీ ప్రాంతాల్లో పరిస్థితి మరీ దుర్భరంగా ఉంది. బుధవారం విశాఖ ఏజెన్సీలోని పాడేరు ఘాట్‌లో 2 డిగ్రీలు, లంబ సింగిలో 4, మినుములూరులో 5, చింతపల్లిలో 7 డిగ్రీలు, ఆదిలాబాద్‌లో 8 డిగ్రీల కనిష్ట ఉష్ణోగ్రతలు నమోదయ్యాయి.
 
 రాజధాని హైదరాబాద్‌లోనూ గత ఏడాదికంటే తక్కువగా ఉష్ణోగ్రతలు నమోదవుతున్నాయి. తెలంగాణ ప్రాంతం లో గత ఏడాదితో పోల్చితే కనిష్ట ఉష్ణోగ్రతలు అధికంగా పడిపోయాయి. పలు ప్రాంతాల్లో ఏకంగా నాలుగైదు డిగ్రీలు తక్కువగా నమోదవుతుండడం గమనార్హం. కరీంనగర్, హైదరాబాద్, రంగారెడ్డి తదితర జిల్లాల్లో గత ఏడాది డిసెంబరు 18న నమోదైన కనిష్ట ఉష్ణోగ్రతలకంటే ఈసారి అదే తేదీన నాలుగు డిగ్రీల వరకూ తక్కువ ఉష్ణోగ్రతలు రికార్డయ్యాయి.
 
 వరంగల్‌లో ఆరు డిగ్రీలు తక్కువగా నమోదైంది.  డిసెంబర్ రెండో పక్షంలోనే చలి తీవ్రత జనవరిని తలపిస్తోంది. ఇక ఏజెన్సీల్లో మంచు దట్టంగా కప్పేస్తుండటంతో.. ఉదయం పది గంటలకుగానీ రోడ్లపైకి వచ్చే పరిస్థితి లేదు.
  


 సాక్షి, గుంటూరు : వచ్చే ఎన్నికల్ని దృష్టిలో పెట్టుకున్న రాష్ట్ర ప్రభుత్వం రచ్చబండ లో ప్రజలకిచ్చిన వరాలపై దృష్టి సారిస్తోంది. కొత్తగా మంజూరు చేసిన రేషన్ కార్డులకు డిసెంబరు నెల కోటాను విడుదల చేసి పేదల ఓట్ల కోసం గాలం విసిరింది. రచ్చబండ-3 కింద ప్రజలకు పంపిణీ చేసిన 70,159 రేషన్ కార్డులకు డిసెంబరు నెల కోటా కింద 620 మెట్రిక్ టన్నుల కిలో రూపాయి బియ్యాన్ని విడుదల చేసింది. రచ్చబండ సభల్లో రేషన్‌కార్డులు, కూపన్లు పంపిణీ చేసిన వారందరికీ డిసెంబరు నెల సరుకుల్ని 25 లోగా పంపిణీ చేయాలని జిల్లా పౌరసరఫరాల శాఖ అధికారులు డీలర్లకు ఆదేశాలు జారీ చేశారు.
 జిల్లాలో మొత్తం 10,98,964 తెల్లకార్డులు, 82264 అంత్యోదయ అన్నయోజన, 1401 అన్నపూర్ణ కార్డులున్నాయి. రచ్చబండ -3 కార్యక్రమం ముగిసే నాటికి కొత్తగా పంపిణీ చేసిన 70,159 కార్డులతో కలిపి వీటి సంఖ్య 14,34, 993 అయ్యాయి. వీటన్నింటికీ డిసెంబరు నెల కోటా కింద 19,704 మెట్రిక్ టన్నుల బియ్యాన్ని ప్రభుత్వం విడుదల చేసింది. డీలర్లు వెంటనే మండల లెవల్ స్టాక్‌పాయింట్ల నుంచి సరుకును తీసుకెళ్లి కార్డుదారులకు పంపిణీ చేయాలని డీఎస్‌వో రవితేజనాయక్ పేర్కొన్నారు.
  ఆధార్‌కార్డుల లింకు 71 శాతం పూర్తి..
  జిల్లాలో 11,53,451 మంది గ్యాస్ వినియోగదారులు ఉన్నారు. వీరిలో 8,19,078 మంది(71శాతం) ఆధార్‌కార్డుల్ని గ్యాస్ ఏజెన్సీల్లో లింకు చేయించుకున్నారు.  కాగా బ్యాంకుల్లో మాత్రం 5,00,687 మంది(44శాతం) మాత్రమే పేర్లను నమోదు చేయించుకున్నారు. జిల్లాలో ఉన్న 48,89,230 మంది జనాభాలో 48,46,100 మంది ఆధార్ గుర్తింపు కార్డుల కోసం పేర్లను నమోదు చేయించుకున్నారు. ఇంకా 43,130 మంది ఆధార్ కార్డుల కోసం పేర్లను నమోదు చేసుకోవాల్సి ఉంది. కోస్తా జిల్లాల్లో ఎక్కువ మంది (99.12 శాతం) పేర్లను నమోదు చేయించుకున్న జిల్లాగా గుంటూరు నిలిచింది.
  


  ఇంకా డిసెంబర్ కూడా రాకముందే క్రిస్‌మస్ సంబరాలను హోరెత్తిస్తోంది ఆస్ట్రేలియాలోని ఒక కుటుంబం. ఆ దేశ రాజధాని కాన్‌బెర్రాలోని డేవిడ్ రిచర్డ్స్ ఫ్యామిలీ తమ ఇంటి ఆవరణలో ఐదు లక్షలకు పైగా లైట్లను అలంకరించి గతంలో ఉన్న రికార్డును తుడిచి పెట్టి మరీ గిన్నిస్‌బుక్ ఆఫ్ రికార్డ్స్‌లో స్థానం సంపాదించింది. నెలరోజుల పాటు వీటిని అవాంతరం లేకుండా వెలిగించి వీరు పండగ సంబరాలు జరుపుతారట. గత మూడు సంవత్సరాల నుంచి ప్రపంచ వ్యాప్తంగా ఈ విధమైన క్రిస్‌మస్ సంబరాల విషయంలో అనేక మంది పోటీ పడుతున్నారు. తమ ఇళ్ల ఆవరణలో లైట్ల డెకరేషన్‌తో వీరు రికార్డులు సృష్టిస్తున్నారు.
  
   2011లో తొలిసారి రిచర్డ్స్ వాళ్ల ఫ్యామిలీనే 3.3 లక్షల లైట్లను తమ ఇంటి ఆవరణలో అమర్చి గిన్నిస్‌బుక్ ఆఫ్ రికార్డ్స్‌లో స్థానం సంపాదించింది. ఆ తర్వాతి యేడాది న్యూయార్క్‌కు చెందిన ఒక కుటుంబం 3.4 లక్షల లైట్లతో వీళ్ల రికార్డును బ్రేక్ చేసి గిన్నిస్‌బుక్‌లో స్థానం సంపాదించింది. అయితే ఈ విషయాన్ని ప్రతిష్టగా తీసుకొన్న రిచర్డ్స్ ఫ్యామిలీ ఈసారి ఐదు లక్షల లైట్లను ఏర్పాటు చేసి తిరిగి రికార్డును తమ సొంతం చేసుకొంది. క్రిస్‌మస్ పండగ వరకూ రిచర్డ్స్ ఇంటిముందు ఈ ఏర్పాట్లు ఇలాగే ఉంటాయి.   విశేషం ఏమిటంటే... వీళ్లింట్లో పండగ సంబరాలు ఇంత వైభవంగా జరుగుతుంటే ఇరుగూ పొరుగూ కుళ్లుకుంటూ రిచర్డ్స్ ఫ్యామిలీతో మాటలు బంద్ చేశారట!
  


 =కార్డుల్లో తప్పులు సరిచేసుకోవచ్చు
  =బ్యాంకుల అత్యుత్సాహంతో కొన్నిచోట్ల సమస్యలు
  
 కలెక్టరేట్, న్యూస్‌లైన్ : జిల్లాలో 35లక్షల జనాబా ఉండగా ఇప్పటి వరకు 30.11 లక్షల మందికి ఆధార్ కార్డులు జారీ చేశామని జిల్లా కలెక్టర్ జి.కిషన్ తెలిపారు. నగదు బదిలీ అంశంపై బుధవారం కలెక్టరేట్ సమావేశ మందిరంలో జిల్లా జిల్లా స్థాయి అవగాహన సదస్సు నిర్వహించారు. ప్రభుత్వ రాయితీ పథకాలు పొందుతున్న వారిలో నకిలీలను గుర్తించేందుకు ప్రవేశ పెట్టిన ఈ కార్యక్రమం చక్కని ఫలితాలు ఇస్తోందని తెలిపారు.
 
 కార్యక్రమంలో పాల్గొన్న యూఐడీఏఐ(యునిక్ ఐడింటిఫికేషన్ అథారిటీ ఆఫ్ ఇండియూ) డిప్యూటీ డెరైక్టర్ జనరల్ ఎంవీఎస్ రెడ్డి మాట్లాడుతూ కోర్ బ్యాంకింగ్ అవకాశం ఉన్న బ్యాంకు ఖాతాదారులకే ఆధార్  ద్వారా నేరుగా ప్రభుత్వ పథకాల లబ్దిని పొందే అవకాశం ఉంటుందని తెలిపారు. ఆధార్ కార్డుల జారీ విషయంలో ఆలస్యమైనప్పటికీ ప్రభుత్వ పథకాల విషయంలో, బ్యాంకర్లు తప్పనిసరిగా ఈ-ఆధార్‌ను అంగీకరించాలని స్పష్టంచేశారు. ఈ విషయంలో అబ్దిదారులకు అవగాహన కల్పించాలన్నారు.
 
 ఆధార్ నమోదు, వివరాల సేకరణ, కార్డుల జారీ తదితర విషయాల్లో కొద్దిపాటి సమస్యలున్నమాట వాస్తమేనని అన్నారు. అయితే వాటిని త్వరలో సరిచేసి పూర్తి స్థాయిలో సేవలందించేందుకు అవసరమైన చర్యలు తీసుకున్నట్లు తెలిపారు. కార్డుల్లో పేర్లు, చిరునామా, వయస్సు వంటివి తప్పుగా ఉన్నట్లయితే మార్చుకునే అవకాశం ఉందని, ఈ విషయంలో కార్డులదారులు ఆందోళన చెందాల్సిన అవసరం లేదని పేర్కొన్నారు. ఆధార్ కేంద్రాలకు వెళ్లి తప్పులను సరిచేసుకోవ చ్చని తెలిపారు.
 
 ఫొటోలో పొరపాట్లు, వేలిముద్రల విషయంలో స్పష్టత లేకున్నా మార్పు చేసుకోవచ్చని, అయితే ఇది ఆధార్ నమోదు కేంద్రాల్లో మాత్రమే సాధ్యపడుతుందని చెప్పారు. ముఖ్యంగా 2012 ఏప్రిల్ కన్నా ముందు ఆధార్ కోసం నమోదు చేయిచుకున్నవారు ఇప్పటికీ కార్డు రాకపోతే మళ్లీ కేంద్రానికి వెళ్లి నమోదు చేసుకోవాలని సూచించారు. ప్రతి ఐదేళ్లకోసారి బయోమెట్రిక్ ఎన్‌రోల్‌మెంట్‌ను మార్చుకోవచ్చని తెలిపారు. కార్యక్రమానికి హాజరైన ఎల్పీజీ డీలర్లు ఆధార్ సమస్యలు వివరిస్తూ..
 
 గ్యాస్‌కనెక్షన్‌కు అనుసంధానం చేసిన ఆధార్ విషయంలో లబ్దిదారు ఇచ్చిన ఖాతాలో కాకుండా మరెవరి ఖాతాలోనో డబ్బుల జమ అయినట్లు సమాచారం వస్తుందని, దీనివల్ల సమస్యలు తలెత్తుతున్నాయని తెలిపారు. అయితే ఆధార్ అనుసంధానం విషయంలో కొన్ని బ్యాకులు అత్యుత్సాహంతో ఆధార్ కేంద్రాల నుంచి డాటా తీసుకుని సీడింగ్(లింక్ చేయడం) చేశాయని, ఈ క్రమంలో పొరపాట్లు జరిగాయని, వీటిని గుర్తించి తక్షణ చర్యలకు ఆదేశాలిచ్చామని తెలిపారు. ఇకపై అలాంటి సమ్యలు రాకుండా పక్కాగా చర్యలు తీసుకుంటున్నామని వివరించారు.
 
 కలెక్టర్ పౌసుమి బసు మాట్లాడుతూ ఇలాంటి విషయాలను ప్రభుత్వం దృష్టికి తీసుకువెళ్లి తగు చర్యలకు సిఫారసు చేసినట్లు తెలిపారు. కార్యక్రమంలో పాల్గొన్న అసిస్టెంట్ డిప్యూటీ జనరల్ మేజేజర్ శ్రీనివాస్ ఆధార్ సీడింగ్, సమస్యలు పరిష్కారాలు, ఇతర ఇబ్బందులపై అధికారులకు, డీలర్లకు అవగాహన కల్పించారు. కార్యక్రమంలో ట్రైనీ కలెక్టర్ రాజీవ్‌గాంధీ హన్మంతు, డీఎస్‌వో ఉషారాణి, ఎల్డీఎం దత్, బ్యాంకుల ప్రతినిధులు, గ్యాస్‌డీలర్లు, అధికారులు పాల్గొన్నారు.
  


  తెలంగాణ ప్రత్యేక రాష్ట్రం ఏర్పాటు చేయడానికి కేంద్రం త్వరపడుతోంది. విభజనకు వ్యతిరేకంగా రాష్ట్రంలో పెద్ద ఎత్తున ఆందోళన వ్యక్తం చేస్తున్నా ప్రభుత్వం పట్టించుకోవడంలేదు. కాంగ్రెస్ అధిష్టానంతోపాటు టిడిపి అధ్యక్షుడు చంద్రబాబు నాయుడు, ముఖ్యమంత్రి కిరణ్ కుమార్ రెడ్డి  తెలుగు ప్రజలకు ద్రోహం చేయడానికి సిద్దపడ్డారు. కిరణ్ నాటకం, చంద్రబాబు అండతో రాష్ట్రాన్ని చీల్చడానికి కేంద్రం సన్నద్ధమైంది. సీమాంధ్రుల గోడును కాంగ్రెస్ అధిష్టానం గానీ, కేంద్రం గానీ పట్టించుకునే పరిస్థితిలేదు. తెలుగువారిని వచ్చే నెలలోనే అన్యాయంగా చీల్చడానికి కేంద్రం అన్ని ఏర్పాట్లు చేస్తోంది.
 కేంద్ర మంత్రి జైపాల్‌ రెడ్డి, కాంగ్రెస్ ఎంపీ పాల్వాయి గోవర్ధన రెడ్డిలు కూడా ఈ విషయాన్ని స్పష్టం చేశారు. జనవరి 1లోగా తెలంగాణ ప్రత్యేక రాష్ట్రం  ఏర్పాటవుతుందని జైపాల్‌రెడ్డి చెబితే, జనవరిలో రెండు రాష్ట్రాలు ఏర్పడతాయని  పాల్వాయి చెప్పారు. అంతేకాకుండా రాష్ట్ర విభజనకు ముఖ్యమంత్రి కిరణ్ కుమార్ రెడ్డి అంగీకరించినట్లు కూడా పాల్వాయి గోవర్ధన రెడ్డి తెలిపారు.
 
 ఢిల్లీ వర్గాల సమాచారం ప్రకారం ఈ నెల 21న తెలంగాణ ప్రత్యేక రాష్ట్రం ఏర్పాటు బిల్లును కేంద్ర మంత్రివర్గ ఆమోదిస్తుంది. ఈ నెల 18న జరిగే మంత్రుల బృందం (జిఓఎం) సమావేశం చివరిదయ్యే అవకాశం ఉంది. ఈ శీతాకాల సమావేశాల్లోనే తెలంగాణ బిల్లును పార్లమెంటులో ప్రవేశపెడతారు. ఈ సమావేశాలు డిసెంబరు మొదటి వారంలో ప్రారంభమయ్యే అవకాశం ఉంది. పార్లమెంటులో ఆమోదించిన రోజునే  బిల్లును రాష్ట్రపతి ప్రణబ్ ముఖర్జీకి పంపుతారు.  
 
 ఆ తరువాత ఆ బిల్లును రాష్ట్ర శాసనసభ  అభిప్రాయం కోసం పంపుతారు. ఈ ప్రక్రియకు రెండు వారాల సమయం పట్టే అవకాశం ఉంది.  శాసనసభను సమావేశపరచడానికి ముఖ్యమంత్రి కిరణ్ కుమార్ రెడ్డి అంగీకరించినట్లు తెలుస్తోంది. శాసనసభలో బిల్లును ఆమోదించినా, ఆమోదించకపోయినా  రాష్ట్రపతి ఆమోదంతో ప్రత్యేక రాష్ట్రం ఏర్పాటు చేసే అవకాశం ఉంది. రాష్ట్రాన్ని విభజించాలన్న గట్టి పట్టుదలతో కాంగ్రెస్ అధిష్టానం ఉన్నందున డిసెంబరు నెలాఖరకు తెలంగాణ ప్రత్యేక రాష్ట్రం ఏర్పడటం ఖాయం అని తెలుస్తోంది. తెలంగాణ ప్రజలకు నూతన సంవత్సర కానుకగా తెలంగాణ ప్రత్యేక రాష్ట్రం లభించే అవకాశాలు మెండుగా కనిపిస్తున్నాయి. నూతన సంవత్సరం సందర్భంగా తెలంగాణలో సంబరాలు జరుపుకుంటుంటే, సీమాంధ్రలో ఆందోళనలు, అల్లర్లు చెలరేగే అవకాశం ఉంది.


 ముంబై: టీమిండియా దక్షిణాఫ్రికా పర్యటనపై నెలకొన్న అనిశ్చితికి త్వరలోనే తెరపడనుంది. డిసెంబర్‌లో ధోని సేన అక్కడ పర్యటించనుంది. దీనిపై భారత క్రికెట్ నియంత్రణ మండలి (బీసీసీఐ) ఈ నెల 19న తమ నిర్ణయాన్ని ప్రకటించనుంది. ముందనుకున్నట్లు సుదీర్ఘ పర్యటన కాకుండా... పూర్తిగా కుదించిన మ్యాచ్‌లతో ఈ సిరీస్‌ను నిర్వహించనున్నట్లు తెలిసింది.
  
   బోర్డు వర్గాల సమాచారం మేరకు రెండు టెస్టులు, మూడు వన్డేలకు బీసీసీఐ ఓకే చెప్పింది. మరో టెస్టు కోసం క్రికెట్ దక్షిణాఫ్రికా (సీఎస్‌ఏ) చేసిన డిమాండ్‌ను బీసీసీఐ తోసిపుచ్చినట్లు సమాచారం. పర్యటన ఆరంభంలో వార్మప్ మ్యాచ్ జరగనుంది. భారత్‌కు వెస్టిండీస్, న్యూజిలాండ్‌లతో బిజీ షెడ్యూలు ఖరారైన నేపథ్యంలో అదనంగా మరో మ్యాచ్ చేర్చలేమని బోర్డు స్పష్టం చేసింది.
  
   బీసీసీఐ చీఫ్ శ్రీనివాసన్, సీఎస్‌ఏ చీఫ్ క్రిస్ నెన్జానిల మధ్య ఈ మేరకు గత శనివారం చర్చలు జరిగినట్లు బోర్డు కార్యదర్శి సంజయ్ పటేల్ చెప్పారు. ముందనుకున్న షెడ్యూలు ప్రకారమైతే భారత్ వచ్చే నవంబర్ నుంచి జనవరి 15 వరకు మూడు టెస్టులు, ఏడు వన్డేలు, రెండు టి20లు ఆడాలి. కానీ సీఎస్‌ఏ చీఫ్ ఎగ్జిక్యూటివ్‌గా బీసీసీఐకి గిట్టని లోర్గాట్‌ను నియమించడంతో వివాదం మొదలైంది.
  


 కాలానుగుణంగా సమాజంలో అనేక మార్పులొస్తుంటాయి. ఏ విషయంలోనైనా మార్పు అనేది సహజం. కానీ దేశ రాజధానిలో మహిళల భద్రత విషయంలో మాత్రం ఎటువంటి మార్పు రావడంలేదు. డిసెంబర్ 16న జరిగిన దారుణం తర్వాత ప్రజల్లోనుంచి పుట్టుకొచ్చిన ఆగ్రహ జ్వాలలతో కొంతైనా మార్పొస్తుందని ఆశించారు. అయితే భద్రత విషయంలో మహిళల్లో ఎటువంటి భరోసా లభించకపోయినా భయం మాత్రం కనిపిస్తోంది.  ఇప్పటికీ మహిళలు అభద్రతాభావంతోనే బయట అడుగుపెడుతున్నారు. 
  
  న్యూఢిల్లీ: ‘బస్‌స్టాపుల్లో, బస్సుల్లో ఆకతాయిల వేధింపులు భరించలేకపోతున్నాం. రాత్రిపూట ఒంటరిగా ప్రయాణించాలంటే భయమేస్తోంది. ఒకవేళ తప్పనిసరిగా ప్రయాణించాల్సిన పరిస్థితే వస్తే బస్సులనే ఆశ్రయిస్తున్నాం. మహిళల భద్రత కోసం ప్రత్యేక చర్యలు తీసుకుంటున్నామని పోలీసులు చెబుతున్నా అవేవీ మాకు కనిపించడంలేదు. మహిళలను వేధించే లెసైన్సు తమ వద్ద ఉన్నట్లుగానే ఇంకా మృగాళ్లు ప్రవర్తిస్తున్నారు’... దేశ రాజధానిలో ప్రస్తుత పరిస్థితిపై ఓ యువతి చెప్పిన మాటలివి. ఓ వార్తా సంస్థ నిర్వహించిన సర్వేలో దాదాపు మహిళలందరూ ఇవేరకమైన బాధలను చెప్పుకున్నారు. డిసెంబర్ 16 ఘటన తర్వాత దేశం యావత్తు ముక్తకంఠంతో మహిళల భద్రతపై ప్రభుత్వాన్ని నిలదీసింది.
  
  దీంతో సమాజంలో మార్పు వస్తుందని, మహిళలకు మంచిరోజులు వస్తాయని ఆశించారు. కానీ వారి ఆశలన్నీ అడియాశలే అయ్యాయి. భద్రత కల్పిస్తారనే ధీమాతో ఏ ఒక్క మహిళా బయటకు వెళ్లలేకపోతోంది. పైగా భయంభయంతో వెళ్లాల్సి వస్తోంది. నిజంగా పోలీసులు భద్రత కల్పిస్తే ఆకతాయిల వేధింపులు ఆగిపోయేవి. కామాంధులు భయపడేవారు. కానీ ఆకతాయిల వేధింపులు ఆగకపోగా మరింత పెరిగాయని అనేక సర్వేల్లో వెల్లడైంది. అత్యాచారాల నగరంగా ఢిల్లీని చెప్పుకోవడంలో ఏమాత్రం అతిశయోక్తి లేదనే విషయం తేటతెల్లమైంది. ‘నిర్భయ ఘటన తర్వాత నాలో భయం మరింతగా పెరిగింది.  ప్రతి ఒక్కరినీ అనుమానంతోనే చూస్తున్నాను. ఈ వాతావరణం నుంచి ఎలా బయటపడాలో తెలియడంలేద’ని రిషితా సింగ్ అనే యువతి వాపోయింది. 
  
  మార్పు మహిళల్లోనే...
  పసి బాలలు, వికలాంగులు అని కూడా చూడకుండా కామంతో విరుచుకుపడుతున్న మృగాళ్లలో ఎటువంటి మార్పు రాలేదని, వీరి ఈ దుశ్చర్యలతో మహిళల్లోనే జాగ్రత్తగా ఉండాలనే చైతన్యం వచ్చిందని చెబుతున్నారు మానసిక నిపుణులు. బస్సుల్లో ఓ మహిళను ఎవరైనా వేధిస్తున్నట్లు కనిపిస్తే ఆ బస్సులో ఉన్న మహిళలందరూ ఒక్కటవుతున్నారని, వేధింపులకు పాల్పడుతున్నవారికి బుద్ధి చెప్పేందుకు శాయశక్తులా ప్రయత్నిస్తున్నారని, ఈ మార్పు మాత్రం స్పష్టంగా కనిపిస్తోందటున్నారు. అయితే ఒకరికంటే ఎక్కువ మంది ఉన్నప్పుడు మాత్రమే మహిళల్లో ఈ చైతన్యం కనిపిస్తోందని, ఒంటరిగా ఉన్నప్పుడు మాత్రం ఆమె ‘అబల’గానే వ్యవహరిస్తోందంటున్నారు. మృగాళ్లలో మార్పు వచ్చినప్పుడు మాత్రమే మహిళలు స్వేచ్ఛగా ఉండగలుగుతారని సూచిస్తున్నారు.