సాక్షి, న్యూఢిల్లీ: రాజకీయ అస్థిరతకు మారుపేరైన జార్ఖండ్‌ మరోసారి అసెంబ్లీ ఎన్నికల పోరుకు సిద్ధమైంది. ప్రజాకర్షక పథకాల సాయంతో అధికారాన్ని నిలబెట్టుకోవాలని జేఎంఎం సారథ్యంలోని ఇండియా కూటమి ఆశపడుతోంది. జనాభాలో మెజారిటీ అయిన గిరిజనులతో పాటు ముస్లిం మైనారిటీల్లో సీఎం హేమంత్‌ సోరెన్‌కు ఉన్న ఆదరణ గట్టెక్కిస్తుందని నమ్ముతోంది. ఎన్డీఏ సారథి బీజేపీ మాత్రం ఐదేళ్లనాడు చేజారిన అధికారాన్ని ఎలాగైనా ఒడిసిపట్టాలని ఉవి్వళ్లూరుతోంది.హేమంత్‌ తదితరుల అవినీతినే ప్రధానాస్త్రంగా చేసుకుంది. గత ఎన్నికల్లో ముఖం చాటేసిన గిరిజనులను ప్రసన్నం చేసుకునేందుకు తీవ్రంగా శ్రమిస్తోంది. వలసలు తదితరాలను ప్రస్తావిస్తూ వారిని ఆకట్టుకునే పనిలో పడింది. 81 అసెంబ్లీ స్థానాల్లో 43 సీట్లకు బుధవారం తొలి విడతలో పోలింగ్‌ జరగనుంది. మిగతా 38 స్థానాలకు నవంబర్‌ 20న పోలింగ్‌ జరుగుతుంది. నిరుద్యోగం, ధరల పెరుగుదల వంటి అంశాలెన్ని ఉన్నా జనాభాలో 35 శాతంగా ఉన్న గిరిజనులే మరోసారి ఫలితాన్ని నిర్దేశించనున్నారు.ప్రాంతాలవారీగా చూస్తే గిరిజనులు ఏకంగా 60 శాతముండే కొల్హన్, సంథాల్‌ పరగణాల్లో జేఎంఎంకు తిరుగులేని పట్టుంది. 25 అసెంబ్లీ స్థానాలున్న కీలకమైన నార్త్‌ చోటానాగపూర్‌తో పాటు ఎస్సీ ప్రాబల్య పాలము ప్రాంతంపై బీజేపీ ఆధిపత్యం సాగుతోంది. ఐదో ప్రాంతమైన సౌత్‌ చోటానాగపూర్‌లో 2019 అసెంబ్లీ ఎన్నికల్లో ఇరు కూటములు పోటాపోటీగా తలపడ్డాయి. సంథాల్‌ పరగణా అత్యంత వెనకబడ్డ జిల్లాలున్న ఈ ప్రాంతం ఇటు బిహార్, అటు పశ్చిమబెంగాల్‌తో సరిహద్దులు పంచుకుంటుంది. ఇక్కడి 18 అసెంబ్లీ స్థానాల్లో ఏడు ఎస్టీ, ఒకటి ఎస్సీ రిజర్వుడు సీట్లు. ఎస్సీలు 8 శాతముంటే ఎస్టీలు 28, ముస్లింలు 23 శాతమున్నారు. 2019 అసెంబ్లీ ఎన్నికల్లో: ఇండియా కూటమి ఏకంగా 13 స్థానాలు గెలుచుకోగా బీజేపీకి 5 మాత్రమే దక్కాయి. లోక్‌సభ ఎన్నికల్లో: 10 అసెంబ్లీ స్థానాల పరిధిలో ఇండియా కూటమి ఆధిపత్యం సాగగా 8 బీజేపీని ఆదరించాయి. కొల్హాన్‌ ఒడిశా, పశ్చిమబెంగాల్‌తో సరిహద్దులు పంచుకునే ఈ ప్రాంతంలో 14 అసెంబ్లీ స్థానాలున్నాయి. వాటిలో ఒక ఎస్సీ, 9 ఎస్టీ స్థానాలున్నాయి. ఇక్కడ ఎస్టీలు ఏకంగా 42 శాతం కాగా ఎస్సీలు కేవలం 5 శాతమే ఉంటారు. ముస్లింలు 6 శాతమున్నారు. ఈసారి అధికారం దక్కాలంటే నార్త్‌ చోటానాగ్‌పూర్‌లో ఆదరణను నిలబెట్టుకుంటూ సంతాల్, కొల్హాన్‌ ప్రాంతాల్లో పాగా వేయడం ఆ పారీ్టకి తప్పనిసరి. ఇందుకోసం ఇటీవలే జేఎంఎం నుంచి వచ్చిన మాజీ సీఎం చెంపయ్‌ సోరెన్‌పై బీజేపీ ఆశలు పెట్టుకుంది. అక్రమ వలసల అంశం ఈ ప్రాంతంలో తమకు బాగా కలిసొస్తుందని అంచనా వేస్తోంది. 2019 అసెంబ్లీ ఎన్నికల్లో: ఇండియా కూటమికి 13 స్థానాలు దక్కగా బీజేపీ పూర్తిగా చతికిలపడింది లోక్‌సభ ఎన్నికల్లో: ఏకంగా 8 అసెంబ్లీ స్థానాల పరిధిలో బీజేపీకి ఆదరణ దక్కింది. పాలము ఇటు బిహార్, అటు ఛత్తీస్‌గఢ్‌తో సరిహద్దులున్న ప్రాంతం. 9 అసెంబ్లీ స్థానాల్లో రెండు ఎస్సీ, ఒక ఎస్టీ సీట్లున్నాయి. 25 శాతం ఎస్సీలుండటం బీజేపీకి కలిసొచ్చే అంశం. 2019 అసెంబ్లీ ఎన్నికల్లో: ఇండియా కూటమికి ఐదు సీట్లు దక్కగా బీజేపీ మూడింటితో సరిపెట్టుకుంది. లోక్‌సభ ఎన్నికల్లో: ఏకంగా 8 అసెంబ్లీ సీట్ల పరిధిలో బీజేపీ ఆధిపత్యమే సాగింది. నార్త్‌ చోటానాగ్‌పూర్‌ 25 అసెంబ్లీ స్థానాలున్న అతి కీలక ప్రాంతం. బిహార్, పశ్చిమబెంగాల్‌తో సరిహద్దులున్నాయి. ఈ ప్రాంతంలో ఒక్క ఎస్టీ రిజర్వుడు స్థానం కూడా లేకపోవడం విశేషం. ఇక్కడ బిహార్‌ తదితర రాష్ట్రాల నుంచి వలస వచి్చన వాళ్లు ఎక్కువ. 17 శాతం ఎస్సీలు, 16 శాతం ముస్లింలుంటే ఎస్టీలు కేవలం 9 శాతమే ఉన్నారు. 2019 అసెంబ్లీ ఎన్నికల్లో: బీజేపీ 10, ఇండియా కూటమి 11 సీట్లు గెలుచుకున్నాయి. లోక్‌సభ ఎన్నికల్లో: ఏకంగా 24 అసెంబ్లీ స్థానాల పరిధిలో బీజేపీ హవాయే సాగింది. ఈ పరిణామం కమలనాథుల్లో హుషారు పెంచింది. సౌత్‌ చోటానాగ్‌పూర్‌ ఛత్తీస్‌గఢ్, ఒడిషాలతో సరిహద్దులున్న ఈ ప్రాంతం 15 అసెంబ్లీ స్థానాలకు నిలయం. 11 ఎస్టీ, ఒకే ఒక్క ఎస్సీ స్థానమున్నాయి. ఇక్కడ ఎస్టీలు ఏకంగా 51 శాతముంటారు. ముస్లింలు 11 శాతం కాగా ఎస్సీలు కేవలం 5 శాతమున్నారు. 2019 అసెంబ్లీ ఎన్నికల్లో: ఇండియా కూటమి 8, బీజేపీ ఐదు సీట్లు గెలుచుకున్నాయి. లోక్‌సభ ఎన్నికల్లో: బీజేపీకి ఎదురుగాలి వీచింది. ఆ పార్టీ 4 అసెంబ్లీ స్థానాల పరిధిలోనే మెరుగైన ప్రదర్శన చేసింది. మిగతా 11 చోట్లా ఇండియా కూటమి హవాయే సాగింది.67 శాతం రెడ్‌ అలర్ట్‌ స్థానాలే! 174 మందిపై కేసులు 235 మంది కోటీశ్వరులుసాక్షి, న్యూఢిల్లీ: జార్ఖండ్‌లో బుధవారం తొలి దశలో పోలింగ్‌ జరగనున్ను 43 అసెంబ్లీ స్థానాల్లో 29 రెడ్‌ అలర్ట్‌ నియోజకవర్గాలున్నాయి! బరిలోని అభ్యర్థుల్లో ముగ్గురు, అంతకంటే ఎక్కువ మందిపై క్రిమినల్‌ కేసులుంటే వాటిని రెడ్‌ అలర్ట్‌ స్థానాలుగా పరిగణిస్తారు. ఇక 174 (26%) మందిపై క్రిమినల్‌ కేసులున్నట్టు జార్ఖండ్‌ ఎలక్షన్‌ వాచ్, అసోసియేషన్‌ ఫర్‌ డెమొక్రాటిక్‌ రిఫారమ్స్‌ (ఏడీఆర్‌) వెల్లడించాయి.వీరిలో ఇందులో 127 (19%) మందిపై తీవ్రమైన క్రిమినల్‌ కేసులున్నాయి. బీజేపీకి చెందిన 36 మంది అభ్యర్థుల్లో 20 మంది (56%), 17 మంది కాంగ్రెస్‌ అభ్యర్థుల్లో 11 మంది (65%), 23 మంది జేఎంఎం అభ్యర్థుల్లో 11 (48%) మందిపై క్రిమినల్‌ కేసులున్నాయి. 11 మందిపై మహిళలపై నేరాలకు సంబంధించిన కేసులున్నాయి. అభ్యర్థుల్లో 235 మంది (34%) కోటీశ్వరులు. బీజేపీలో 30 మంది (83%), కాంగెస్‌లో 18 మంది (78%) కోటీశ్వరులున్నారు.

న్యూఢిల్లీ: ఇటీవలి లోక్‌సభ ఎన్నికల్లో పోలైన ఓట్లకు, లెక్కించిన ఓట్లకు మధ్య వ్యత్యాసం ఎందుకుందో చెప్పాలని భారత ఎన్నికల సంఘాన్ని అసోసియేషన్‌ ఫర్‌ డెమొక్రటిక్‌ రిఫారమ్స్‌ (ఏడీఆర్‌) గురువారం డిమాండ్‌ చేసింది. ఓట్లలో వ్యత్యాసానికి కారణాలను వివరించాలని కోరింది. సార్వత్రిక ఎన్నికల్లో ఏకంగా 538 నియోజకవర్గాల్లో పోలైన ఓట్లు, లెక్కించిన ఓట్లకు మధ్య తేడాలున్నాయని ఏడీఆర్‌ సోమవారం తమ నివేదికలో వెల్లడించిన విషయం తెలిసిందే. 362 నియోజకవర్గాల్లో పోలైన ఓట్ల కంటే.. 5,54,598 ఓట్లను తక్కువగా లెక్కించారని తెలిపింది. మరో 176 నియోజకవర్గాల్లో పోలైన ఓట్లకంటే 35,093 ఓట్లను అదనంగా లెక్కించారని పేర్కొంది. ఏడీఆర్‌ సోమవారం నివేదిక వెలువరించినప్పటికీ ఈసీ ఇప్పటిదాకా ఓట్లలో వ్యత్యాసంపై స్పందించలేదు. ఏపీలోనే అత్యధికం పోలైన, లెక్కించిన ఓట్ల మధ్య వ్యత్యాసం మొత్తం దేశంలో ఆంధ్రప్రదేశ్‌లోనే అత్యధికంగా ఉంది. ఏపీలో 21 నియోజకవర్గాల్లో కలిపి మొత్తం పోలైన ఓట్ల కంటే 85,777 ఓట్లను తక్కువగా లెక్కించారు. అలాగే మరో నాలుగు నియోజకవర్గాల్లో పోలైన ఓట్ల కంటే 3,722 ఓట్లను అధికంగా లెక్కించారు. ఇది అనుమానాలకు తావిస్తోంది. ఓట్లలో తేడా ఎలా వచి్చందో చెప్పాలని.. ఏడీఆర్‌ గురువారం ప్రధాన ఎన్నికల కమిషనర్‌ రాజీవ్‌ కుమార్, ఎన్నికల కమిషనర్లు జ్ఞానేశ్‌ కుమార్, డాక్టర్‌ సుఖ్‌బీర్‌ సింగ్‌ సంధూలకు లేఖ రాసింది. సార్వత్రిక ఎన్నికల్లో ఈవీఎంల ఓట్ల లెక్కింపులో వ్యత్యాసాలపై తీవ్ర ఆందోళనను వ్యక్తం చేసింది. ఈ వ్యత్యాసాలపై ఈసీ తక్షణం వివరణ ఇవ్వాలని, ఎన్నికల ప్రక్రియలో ప్రజా విశ్వాసం సడలకుండా చూడాలని కోరింది.

లండన్‌: పధ్నాలుగేళ్ల కన్జర్వేటివ్‌ పార్టీ పాలనకు యూకే పౌరులు చరమగీతం పాడనున్నారన్న విశ్లేషణల నడుమ బ్రిటన్‌ సార్వత్రిక ఎన్నికల పోలింగ్‌ పర్వం గురువారం ప్రశాంతంగా పూర్తయింది. ఆకాశాన్ని అంటుతున్న నిత్యావసరాల ధరలు, వలసల కట్టడిలో విఫలమయ్యారన్న విమర్శలు ఎదుర్కొంటున్న భారతీయ మూలాలున్న బ్రిటన్‌ ప్రధాని రిషి సునాక్‌కు ఈ ఎన్నికలు ప్రతిష్టాత్మకంగా మారిన విషయం తెల్సిందే. ఉదయాన్నే భార్య అక్షతామూర్తితో కలిసి సునాక్‌ నార్త్‌ఆలెర్టన్‌ సిటీ దగ్గర్లోని కిర్బీ సిగ్‌స్టన్‌ గ్రామంలోని పోలింగ్‌ కేంద్రానికి వచ్చి ఓటేశారు. ‘మార్పు’ నినాదంతో ఎన్నికల్లో ఫేవరెట్‌గా నిలిచిన విపక్ష లేబర్‌ పార్టీ నేత కెయిర్‌ స్టార్మర్‌ సైతం భార్య విక్టోరియాతో కలిసి ఉత్తర లండన్‌లోని క్యామ్‌డెన్‌ విల్లింగ్‌హామ్‌ హాల్‌ పోలింగ్‌కేంద్రంలో హుషారుగా ఓటేశారు. బ్రిటిష్‌ స్థానిక కాలమానం ప్రకారం ఉదయం ఏడుగంటలకే 40,000 పోలింగ్‌బూత్‌లలో పోలింగ్‌ మొదలైంది. బ్రిటన్‌లో 4.6 కోట్ల మంది ఓటర్లు ఉన్నారు. ఉదయం ఏడు గంటల నుంచి రాత్రి 10 గంటలదాకా అంటే భారత కాలమానం ప్రకారం శుక్రవారం తెల్లవారుజామున 2:30 గంటల దాకా పోలింగ్‌ జరగనుంది. పోలింగ్‌ పూర్తయిన తర్వాత ఓట్ల లెక్కింపు మొదలుపెడతారు. బ్రిటన్‌ పార్లమెంట్‌ దిగువ సభ అయిన ‘హౌజ్‌ ఆఫ్‌ కామన్స్‌’లో ఉన్న మొత్తం 650 ఎంపీ స్థానాలకు పోలింగ్‌ చేపట్టారు. సాధారణ మెజారిటీ సాధించాలంటే 326 సీట్లు గెలవాలి. ప్రధానమైన కన్జర్వేటివ్, లేబర్‌ పార్టీలతోపాటు లిబరల్‌ డెమొక్రాట్స్, గ్రీన్‌ పార్టీ, స్కాటిష్‌ నేషనల్‌ పార్టీ, ఎస్‌డీఎల్‌పీ, డెమొక్రటిక్‌ యూనియనిస్ట్‌ పార్టీ, సిన్‌ ఫియెన్, ప్లెయిడ్‌ సిమ్రూ, ది యాంటీ ఇమిగ్రేషన్‌ రిఫామ్‌ పార్టీలతోపాటు స్వతంత్రులు బరిలో దిగారు. 2019 సార్వత్రిక ఎన్నికల్లో 67 శాతం పోలింగ్‌ నమోదైంది. పోలింగ్‌ ముగిశాక ఎగ్జిట్‌పోల్స్‌ వెలువడే అవకాశముంది. కన్జర్వటివ్‌ పార్టీ కేవలం 53–150 సీట్లు సాధిస్తుందని, లేబర్‌ పార్టీ ఘన విజయం సాధిస్తుందని ఇప్పటికే ఓపీనియన్స్‌ పోల్స్‌ వెల్లడయ్యాయి.

న్యూఢిల్లీ: సార్వత్రిక ఎన్నికల్లో భాగంగా శనివారం ఆరో విడతలో 58 లోక్‌సభ స్థానాల్లో పోలింగ్‌ ప్రశాంతంగా ముగిసింది. కడపటి సమాచారం అందేసరికి 61.11 శాతం పోలింగ్‌ నమోదైంది. పశి్చమబెంగాల్లో అక్కడక్కడా చెదురుమదురు ఘటనలు, ఢిల్లీలో ఒకట్రెండుచోట్ల ఈవీఎంలు మొరాయించడం మినహా పోలింగ్‌ సజావుగా సాగింది. ఈ విడతలో కూడా బెంగాల్లోనే అత్యధికంగా 79.40 శాతం పోలింగ్‌ నమోదైంది. జార్ఖండ్‌లో 63.76 శాతం, ఒడిశాలో 69.32, హరియాణాలో 60.06, ఢిల్లీలో 57.67, బిహార్లో 55.24, యూపీలో 54.03 శాతం పోలింగ్‌ జరిగింది. జమ్మూకశ్మీర్లోని అనంత్‌నాగ్‌–రాజౌరీ లోక్‌సభ స్థానంలో 54.15 శాతం పోలింగ్‌ జరగడం విశేషం. అక్కడ గత కొన్ని దశాబ్దాల్లో ఇదే అత్యధికం. దీంతో జమ్మూ కశీ్మర్‌లో పోలింగ్‌ ప్రక్రియ ముగిసింది. అక్కడి 5 లోక్‌సభ స్థానాల్లో కలిసి 58 శాతం పోలింగ్‌ నమోదైంది. ఇది గత 40 ఏళ్లలో అత్యధికమని ఈసీ పేర్కొంది. అక్కడి బారాముల్లా (59 శాతం), శ్రీనగర్‌ (34.4 శాతం) స్థానాల్లోనూ ఈసారి అత్యధిక పోలింగ్‌ నమోదైంది. ఒడిశాలో 6 లోక్‌సభ స్థానాలతో పాటు వాటి పరిధిలోని 42 అసెంబ్లీ స్థానాలకు కూడా పోలింగ్‌ జరిగింది. శనివారంతో 28 రాష్ట్రాలు, కేంద్రపాలిత ప్రాంతాల పరిధిలోని 486 లోక్‌సభ స్థానాల్లో పోలింగ్‌ ముగిసింది. మిగిలిన 57 స్థానాలకు జూన్‌ 1న చివరిదైన ఏడో విడతలో పోలింగ్‌ జరగనుంది. జూన్‌ 4న ఫలితాలు వెల్లడవుతాయి. ఓటేసిన ప్రముఖులు రాజధాని ఢిల్లీలోని మొత్తం ఏడు లోక్‌సభ స్థానాలకూ ఈ విడతలోనే పోలింగ్‌ జరిగింది. దాంతో ప్రముఖులంతా ఓటింగ్‌కు తరలివచ్చారు. రాష్ట్రపతి ద్రౌపదీ ముర్ము, ఉపరాష్ట్రపతి జగ్‌దీప్‌ ధన్‌ఖడ్, సుప్రీంకోర్టు ప్రధాన న్యాయమూర్తి జస్టిస్‌ డి.వై.చంద్రచూడ్, కేంద్ర మంత్రులు ఎస్‌.జైశంకర్, హర్దీప్‌సింగ్‌ పురి, కేంద్ర ప్రధాన ఎన్నికల కమిషనర్‌ రాజీవ్‌కుమార్, కాంగ్రెస్‌ నాయకురాలు ప్రియాంకా గాంధీ వద్రా దంపతులు, హరియాణా సీఎం నయాబ్‌సింగ్‌ సైనీ తదితరులు ఓటు వేశారు. ప్రియాంక కూతురు మిరాయా తొలిసారి ఓటేశారు. కాంగ్రెస్‌ అగ్ర నేతలు సోనియాగాంధీ, రాహుల్‌గాంధీ ఆప్‌కు ఓటేయగా... ఆప్‌ చీఫ్, ఢిల్లీ సీఎం అరవింద్‌ కేజ్రీవాల్‌ దంపతులు కాంగ్రెస్‌కు ఓటేయడం విశేషం. సోనియా, రాహుల్‌ ఓటేసిన న్యూఢిల్లీ లోక్‌సభ స్థానంలో ఆప్, కేజ్రీవాల్‌కు ఓటున్న చోట చాందినీచౌక్‌ స్థానంలో కాంగ్రెస్‌ బరిలో ఉండటమే ఇందుకు కారణం. ఢిల్లీలో రెండు పార్టీలూ కలిసి పోటీ చేస్తుండటం తెలిసిందే.బెంగాల్లో బీజేపీ అభ్యరి్థపై దాడి! బెంగాల్లోని ఝార్‌గ్రాంలో తృణమూల్‌ కార్యకర్తలు తన కాన్వాయ్‌పై దాడికి పాల్పడ్డారని బీజేపీ అభ్యర్థి ప్రణత్‌ తుడు ఆరోపించారు. తనతో పాటు భద్రతా సిబ్బందికి గాయాలైనట్టు తెలిపారు. బీజేపీ ఖుర్దా అసెంబ్లీ అభ్యర్థి, చిలికా సిట్టింగ్‌ ఎమ్మెల్యే ప్రశాంత్‌ జగ్‌దేవ్‌ తన అనుచరులతో పాటు ఓ పోలింగ్‌ బూత్‌లోకి చొరబడి ఈవీఎంను పగలగొట్టారు. పోలింగ్‌ అధికారిని తీవ్రంగా గాయపరిచారు. ఆయనను పోలీసులు అరెస్టు చేశారు.

రాష్ట్రంలో టీడీపీ గూండాలు సాగిస్తున్న విధ్వంసకాండ గురించి పదుల సంఖ్యలో వెలుగు చూస్తున్న వీడియోలు ప్రజలను దిగ్భ్రాంతికి గురిచేస్తున్నాయి. మనం ఉంటున్నది ప్రజాస్వామ్య దేశంలోనేనా లేక ఆటవిక రాజ్యంలో ఉంటున్నామా.. అనే అనుమానం కలుగుతోంది. గుంపులు గుంపులుగా తోడేళ్ల మందలా వచ్చి దుకాణాలు, ఇళ్లపై పడుతున్నారు. కుర్చీలు, బల్లలు, మోటార్‌ సైకిళ్లను లాక్కొచ్చి రోడ్లపై పడేస్తున్నారు. లావుపాటి కర్రలు, ఇనుప రాడ్లతో వాటిని ధ్వంసం చేస్తున్నారు. ఆయిల్‌ ట్యాంక్‌ పగులగొట్టి నిప్పంటిస్తున్నారు. నిర్భయంగా వచ్చిన దారినే కేకలు వేసుకుంటూ వెళ్లిపోతున్నారు. ఆ దృశ్యాలు చూస్తుంటే సినిమాల్లో సీన్లు కళ్ల ముందు మెదులుతున్నాయి. ఇంత జరుగుతున్నా పోలీసులు స్పందించక పోవడం విస్తుగొలుపుతోంది. పైగా ఎక్కడ, ఏ చిన్న గొడవ జరిగినా.. దాన్ని వైఎస్సార్‌సీపీకి అంటగడుతూ ఎల్లో మీడియా, ఎల్లో బ్యాచ్‌ దుష్ప్రచారం సాగిస్తోంది. బాధితుల నుంచి ఎన్ని ఫిర్యాదులు వచ్చినా, అటు ఈసీ, ఇటు పోలీసులు.. టీడీపీ అనుబంధ సంఘాలన్నట్లు వ్యవహరిస్తుండటం దారుణం.సాక్షి, నరసరావుపేట: రాష్ట్రంలో పోలింగ్‌ సందర్భంగా టీడీపీ గూండాలు, రౌడీలు పేట్రేగిపోయారు. యథేచ్ఛగా రిగ్గింగ్‌ చేస్తూ అడ్డుకున్న వైఎస్సార్‌సీపీ నేతలు, శ్రేణులను దారుణంగా చితకబాదారు. ఎస్సీ, ఎస్టీ, బీసీలు, మైనార్టీలు వైఎస్సార్‌సీపీకి ఓటేయనీయకుండా వారిపై అత్యంత పాశవికంగా దాడులకు తెగబడ్డారు. కొన్నిచోట్ల ఈ వర్గాలు తమకు ఓట్లేయలేదని వారి ఇళ్లను ధ్వంసం చేశారు. దుకాణాలను లూఠీ చేశారు. ఇదేంటని అడ్డుకోవడానికి ప్రయత్నించినవారిని చావ బాదారు. స్వగ్రామాలను వదిలేసి బిక్కుబిక్కుమంటూ వేరే ఊళ్లలో తల దాచుకునేలా టీడీపీ మూకలు స్వైర విహారం సాగించాయి. చర్యలు తీసుకోవాల్సిన పోలీసులు టీడీపీ గూండాలకే కొమ్ముకాశారు. ఎస్సీ, ఎస్టీ, బీసీ, మైనార్టీలు తమను కాపాడండి అంటూ ఆర్తనాదాలు చేసినా ఏ ఒక్క పోలీసూ పట్టించుకోలేదు. రాష్ట్రంలో పల్నాడు జిల్లా మాచర్ల, నరసరావుపేట, అనంతపురం జిల్లా తాడిపత్రి, తిరుపతి జిల్లా చంద్రగిరి, తదితర ప్రాంతాల్లో టీడీపీ గూండాల దాడిని పోలీసులు చేష్టలుడిగి వేడుకలా చూశారు. మే 13న పోలింగ్‌ ముగిసిననాటి నుంచి వెలుగు చూస్తున్న వీడియోలు టీడీపీ మూకలు అరాచకాలు, విధ్వంస కాండను కళ్లకు కట్టినట్టు చూపుతున్నా పోలీసులు గట్టి చర్యలు తీసుకుంటే ఒట్టు. మాచర్ల ప్రాంతంలో పచ్చ మూక విధ్వంసం గురించి పదుల సంఖ్యలో వీడియోలు వైరల్‌ అవుతున్నా, వాటి గురించి ఏమాత్రం పట్టించుకోవడం లేదు. అటు ఈసీ, ఇటు పోలీసులు టీడీపీ అనుబంధ సంఘాలన్నట్లు వ్యవహరిస్తుండటం గమనార్హం. అదే మాచర్లలో ఒక్క వీడియోను సాకుగా చూపిస్తూ వైఎస్సార్‌సీపీ శ్రేణులను మాత్రం వెంటాడి వేధిస్తున్నారు. హత్యాయత్నం కేసులు, అట్రాసిటీ కేసులు నమోదు చేస్తూ ‘పచ్చ’పాతం చూపుతున్నారు. పోలీసుల మద్దతుతోనే టీడీపీ మూక దాడులు ఎన్నికల్లో ఎస్సీ, ఎస్టీ, బీసీ, మైనార్టీలు వైఎస్సార్‌సీపీకి ఓటు వేశారన్న అక్కసుతో టీడీపీ మూక పల్నాడు జిల్లాలో చేసిన అకృత్యాలు ఒక్కొక్కటిగా బయటపడుతున్నాయి. పౌర సమాజం భయభ్రాంతులకు గురయ్యేలా వైఎస్సార్‌సీపీ సానుభూతిపరు­లపై అత్యంత పాశవికంగా టీడీపీ గూండాలు జరిపిన దాడి వీడియోలు సోషల్‌ మీడియాలో వైరల్‌ అవు­తున్నాయి. ఈ సందర్భంగా పల్నాడు జిల్లా పోలీ­సుల తీరుపై ప్రజలు తీవ్ర అసంతృప్తి వ్యక్తం చేస్తున్నారు. సమస్యాత్మక ప్రాంతమని ముందే తెలిసినా తగిన జాగ్రత్తలు తీసుకోకపోవడం పలు అనుమానాలకు తావిస్తోంది. టీడీపీ చేసిన దాడికి కొంత మంది పోలీసుల మద్దతుందనే ఆరోపణలు వ్యక్తమవుతున్నాయి. పోలింగ్‌ మరుసటి రోజు మే 14న కారంపూడిలో బుడగ జంగాలు, దళితులు, ముస్లింలపై టీడీపీ మూకలు రెచ్చిపోయా­యి. ఆ రోజు వందలాది మంది టీడీపీ రౌడీల దారుణ కాండను కొంత మంది ప్రజలు ఇళ్ల మీద నుంచి సెల్‌ఫోన్లలో వీడియోలు తీశారు. అందులో బడుగు, బలహీనవర్గాలకు చెందిన దుకాణాలు, ఇళ్లు, వాహనాలను టీడీపీ మూక ధ్వంసం చేస్తున్న దృశ్యాలు రికార్డు అయ్యాయి. వాటిలో వీడియో తీస్తున్న కుటుంబ సభ్యులు.. ఇంతవరకు ఇక్కడే ఉన్న పోలీసులు లేకుండా ఎటుపోయారని ఒకటికి రెండుసార్లు అనుకోవడం ఆ వీడియోలో రికార్డు అయ్యింది. ఆ సమయంలో టీడీపీ గూండాలు మారణాయుధాలతో చేస్తున్న స్వైరవిహారం చూసి భయపడిన కూతురు ఇంట్లోకి వెళ్లి తాళాలు వేసుకుందామని అనగా.. ఇంకో వీడియో తీస్తున్న వ్యక్తి.. ‘దాడి చేస్తు­న్నవారు మన టీడీపీ వాళ్లు.. మనల్ని ఏం చేయరు’ అని భరోసానివ్వడం గమనార్హం. ఇప్పుడు ఈ వీడియోలన్నీ సోషల్‌ మీడియాలో వైరల్‌ అవుతున్నాయి. టీడీపీ మూకలపై చర్యలేవి? టీడీపీ రౌడీలు, గూండాలు మారణాయుధాలతో విధ్వంస కాండకు దిగిన వీడియోలు సోషల్‌ మీడియాలో వైరల్‌ అవుతున్నా పోలీసులు చర్యలు తీసుకోకపోవడంపై విమర్శలు వ్యక్తమవుతున్నాయి. తాము ఇంతగా వీడియోల ద్వారా ఆధారాలు అందిస్తున్నా పోలీసులు ఎందుకు చర్యలు తీసుకోవడం లేదని టీడీపీ మూక దాడుల బాధితులు ప్రశ్నిస్తున్నారు. అయితే ఈ విషయంపై మాట్లాడేందుకు, సమాచారం ఇచ్చేందుకు జిల్లా పోలీసులెవరూ ముందుకు రావడం లేదు. ఉన్నతాధికారుల అనుమతి లేకుండా వివరాలు వెల్లడించలేమంటున్నారు. కారంపూడి ఘటనలో వందలాది మంది టీడీపీ గూండాలు విధ్వంస కాండకు దిగారు. ఈ దాడులకు సంబంధించి ఇప్పటివరకు ఎంతమందిని గుర్తించారు, ఎందరిపై కేసు నమోదు చేశారనేది తెలియనీయడం లేదు. ఇటీవల పల్నాడు జిల్లా ఎస్పీ కార్యాలయానికి వచ్చిన ఓ ఉన్నతాధికారి కేసుల నమోదు, ఇతరత్రా వివరాలేవీ తనకు తెలియకుండా బయటకు వెళ్లనివ్వొద్దని హెచ్చరికలు జారీ చేసినట్టు తెలుస్తోంది. దీంతో పోలీసులు ఏ సమాచారం బయటకు రానివ్వడం లేదు. వైఎస్సార్‌సీపీ శ్రేణులపై కేసుల నమోదుకు ఉత్సాహం.. వందలాది వీడియోల రూపంలో ఆధారాలు ఉన్నా టీడీపీ మూకలపై చర్యలు తీసుకోని పోలీసులు.. మరోవైపు మాచర్ల, నరసరావుపేట వైఎస్సార్‌సీపీ ఎమ్మెల్యేలు.. పిన్నెల్లి రామకృష్ణారెడ్డి, గోపిరెడ్డి శ్రీనివాసరెడ్డి, వైఎస్సార్‌సీపీ నేత పిన్నెల్లి వెంకటరామిరెడ్డి లాంటి వారిపైన మాత్రం కేసుల నమోదుకు ఎక్కడలేని ఉత్సాహం చూపుతున్నారనే విమర్శలు వ్యక్తమవుతున్నాయి. ఎమ్మెల్యే గోపిరెడ్డి శ్రీనివాసరెడ్డి ఇల్లు, ఆస్పత్రిని విధ్వంసం చేయడంతోపాటు వైఎస్సార్‌సీపీ ఎస్సీ నేతలపై హత్యాయత్నం కేసుల్లో నిందితుడైన టీడీపీ నరసరావుపేట ఎమ్మెల్యే అభ్యర్థి చదలవాడ అరవింద్‌బాబు, ఆయన అనుచరులను అరెస్ట్‌ చేయడంలో పోలీసులు నిలువెత్తు నిర్లక్ష్యం చూపుతున్నారనే ఆరోపణలు ఉన్నాయి. పల్నాడులో 144 సెక్షన్‌ అమలవుతున్న నేపథ్యంలో శాంతియుతంగా ఉండాల్సిన చదలవాడ అరవింద్‌బాబు ఇంట్లోనే నిరసన దీక్షలు పేరిట మీడియాకు వీడియోలు, ఫొటోలు పంపి రెచ్చగొట్టే ప్రయత్నాలు మానుకోకపోవడం గమనార్హం. ఈ నేపథ్యంలో టీడీపీ నేతలపై తగిన చర్యలు తీసుకోవాలని వైఎస్సార్‌సీపీ నేతలు మర్రి రాజశేఖర్, రావెల కిషోర్‌ బాబు తదితరులు డీజీపీ హరీశ్‌ కుమార్‌ గుప్తాకి శనివారం వినతిపత్రం అందజేశారు. ఎన్నికల కౌంటింగ్‌ దగ్గరపడుతున్నందున మళ్లీ టీడీపీ మూకలు హింసకు పాల్పడకుండా పోలీసులు గట్టి చర్యలు తీసుకోవాలని ప్రజలు కూడా కోరుతున్నారు. ఇప్పటికైనా పోలీసులు ‘పచ్చ’పాతాన్ని మానుకోవాలని విన్నవిస్తున్నారు.

ఒడిశాలో ఇప్పటిదాకా 9 లోక్‌సభ సీట్లకు, వాటి పరిధిలోని 63 అసెంబ్లీ స్థానాలకు పోలింగ్‌ పూర్తయింది. ఆరో విడతలో 6 లోక్‌సభ సీట్లకు శనివారం పోలింగ్‌ జరగనుంది. అధికార బిజూ జనతాదళ్, బీజేపీ హోరాహోరీగా తలపడుతుండగా కాంగ్రెస్‌ పూర్వ వైభవం కోసం శ్రమిస్తోంది. ఈ నేపథ్యంలో కీలక నియోజకవర్గాలపై ఫోకస్‌... సంభాల్‌పూర్‌... తొలిసారి కాషాయ జెండా 2019లో ఇక్కడ తొలిసారి కాషాయ జెండా ఎగిరింది. బీజేపీ నేత నరేశ్‌ గంగదేవ్‌ కేవలం 9,162 ఓట్ల తేడాతో బీజేడీ అభ్యర్థి నళినీకాంత ప్రధాన్‌ను ఓడించారు. ఈసారి కేంద్ర మంత్రి ధర్మేంద్ర ప్రధాన్‌ తొలిసారి ప్రత్యక్ష ఎన్నికల బరిలో దిగారు. కాంగ్రెస్‌ నుంచి నాగేంద్ర ప్రధాన్, బీజేడీ నుంచి ప్రణబ్‌ ప్రకాశ్‌ దాస్‌ పోటీలో ఉన్నారు. త్రిముఖ పోరు ఉత్కంఠ రేపుతోంది.కటక్‌... బీజేడీ కంచుకోటస్వాతంత్య్ర యోధుడు సుభాష్‌ చంద్ర బోస్‌ జన్మస్థలమిది, హొయలొలికించే మహానదీ తీరాన 900 ఏళ్లు కళింగ రాజధానిగా వెలిగింది. బీజేడీ దిగ్గజం భర్తృహరి మహతాబ్‌ 1998 నుంచి వరుసగా ఆరుసార్లు గెలిచారు. ఇటీవలే బీజేపీలో చేరి ఆ పార్టీ టికెట్‌పై బరిలోకి దిగారు. బీజేడీ నుంచి సంతృప్త్‌ మిశ్రా, కాంగ్రెస్‌ నుంచి సురేశ్‌ మహాపాత్ర రేసులో ఉన్నారు. కంచుకోటను కాపాడుకునేందుకు సీఎం నవీన్‌ పట్నాయక్‌ గట్టిగా ప్రయతి్నస్తున్నారు. కాంగ్రెస్‌కూ మంచి ఓటు బ్యాంకు ఉండటంతో త్రిముఖ పోరు ఉత్కంఠ రేపుతోంది.పూరి.. నువ్వా నేనా! సుందరమైన బీచ్‌లు, జగన్నాథుడి సన్నిధితో కళకళలాడే పూరిలో బీజేడీకి 2019లో బీజేపీ జాతీయ ప్రతినిధి సంబిత్‌ పాత్ర చుక్కలు చూపించారు. చివరిదాకా గట్టి పోటీ ఇచ్చి కేవలం 11,714 ఓట్ల తేడాతో ఓడిపోయారు. ఈసారి మళ్లీ సవాలు విసురుతున్నారు. ఇక బీజేడీ సిట్టింగ్‌ ఎంపీ పినాకీ మిశ్రాకు బదులు ముంబై మాజీ పోలీస్‌ కమిషనర్‌ అరూప్‌ పట్నాయక్‌ను బరిలోకి దించింది. కాంగ్రెస్‌ నుంచి జయనారాయణ్‌ పటా్నయక్‌ పోటీలో ఉన్నారు. ఆ పారీ్టకి ఇక్కడ బలమైన ఓటు బ్యాంకుంది.భువనేశ్వర్‌... నవీన్‌కు సవాల్‌ ఈ టెంపుల్‌ సిటీలో గత ఎన్నికల్లో తొలిసారి బీజేపీ గెలిచింది. బీజేడీ అభ్యరి్థ, ముంబై మాజీ పోలీస్‌ కమిషనర్‌ అరూప్‌ పటా్నయక్‌ను బీజేపీ తరఫున మాజీ ఐఏఎస్‌ అపరాజితా సారంగి ఓడించారు. ఈసారీ ఆమే బరిలో ఉన్నారు. బీజేడీ నుంచి మన్మథ రౌత్రే, కాంగ్రెస్‌ నుంచి యాసిర్‌ నవాజ్‌ పోటీలో ఉన్నారు. దాంతో త్రిముఖ పోటీ రసవత్తరంగా మారింది. ఇండియా కూటమి భాగస్వామి సీపీఎం కూడా పోటీలో ఉండటం కొసమెరుపు!కియోంజర్‌.. పోటాపోటీ ఈ ఎస్టీ రిజర్వుడ్‌ నియోజకవర్గం 2009 నుంచీ బీజేడీ గుప్పెట్లోనే ఉంది. 2019లో బీజేడీ నుంచి గెలిచిన చంద్రానీ ముర్ము యంగెస్ట్‌ ఎంపీగా రికార్డు సృష్టించారు. ఈసారి ధనుర్జయ సిద్దుకు బీజేడీ టికెటిచ్చింది. బీజేపీ నుంచి అనంత నాయక్, కాంగ్రెస్‌ నుంచి బినోద్‌ బిహారీ నాయక్‌ రేసులో ఉన్నారు. కియోంజర్‌ పరిధిలోని 7 అసెంబ్లీ సెగ్మెంట్లలో 6 బీజేడీ చేతిలోనే ఉండటం ఆ పారీ్టకి కలిసొచ్చే అంశం. – సాక్షి, నేషనల్‌ డెస్క్‌

ఉత్తరప్రదేశ్‌లో లోక్‌సభ ఎన్నికల నాల్గవ దశ పోలింగ్‌ జరుగుతోంది. ఈ దశలో రాష్ట్రంలోని 13 లోక్‌సభ స్థానాలకు పోలింగ్‌ కొనసాగుతోంది. మొత్తం 130 మంది అభ్యర్థులు ఎన్నికల బరిలో ఉన్నారు. మాజీ సీఎం అఖిలేష్‌ యాదవ్‌ కన్నౌజ్‌ స్థానం నుంచి పోటీకి దిగారు.లఖీమ్‌పూర్‌ ఖీరీ జిల్లాలోని ఫూల్‌బెహడ్‌ పరిధిలోని భూఢ్‌ గ్రామంలో వర్షం కారణంగా బూత్‌ నంబర్‌ 259లో పోలింగ్‌ నెమ్మదిగా జరుగుతోంది. ఉదయం ఎనిమిది గంటల వరకూ ఈ బూత్‌లో కేవలం 40 మంది మాత్రమే ఓటు వేశారు. భారీ వర్షం కారణంగా పోలింగ్‌ బూత్‌ ఖాళీగా కనిపిస్తోంది. మరోవైపు బహరాయిచ్‌ పరిధిలోని కార్త్‌నియాఘాట్‌ అటవీ ప్రాంతంలో ఓటర్లు ఉత్సాహంగా ఓటు వేస్తున్నారు. ముఖ్యంగా మహిళా ఓటర్లు ఇక్కడ అత్యధిక సంఖ్యలో కనిపిస్తున్నారు. కాగా ఓటరు గుర్తింపు కార్డు సరిపోలని కారణంగా నలుగురిని అధికారులు అదుపులోకి తీసుకున్నారు.కాన్పూర్‌లో పోలింగ్‌ ప్రారంభానికి ముందే ఈవీఎంలు మొరాయించాయి. ఫలితంగా గంగా గంజ్‌, బిఠూర్‌, కల్యాణ్‌పూర్‌ తదితర ప్రాంతాల్లో పోలింగ్‌ కొద్దిసేపు నిలిచిపోయింది. కల్యాణ్‌పూర్‌లో ఈవీఎంలు మొరాయించిన విషయాన్ని సమాజ్‌వాదీ పార్టీ అభ్యర్థి రాజారామ్‌ పాల్‌ ఒక ట్వీట్‌ ద్వారా ఎన్నికల సంఘానికి తెలియజేశారు.

భారత ఎన్నికల సంఘం టైమ్‌టేబుల్ ప్రకారం ఏడు దశల లోక్‌సభ 2024 ఎన్నికల నాలుగో రౌండ్ మే 13న (సోమవారం) జరగనుంది. అయితే ఎన్నికల పోలింగ్‌ సజావుగా జరిగేలా నియోజకవర్గాలలోని స్కూల్స్‌, ఇతర సంస్థలకు ఈసీ సెలవు ప్రకటించింది. ఆర్‌బీఐ ప్రకారం ఓటింగ్ జరగనున్న అన్ని నియోజకవర్గాల్లో బ్యాంకులు మూత పడనున్నాయి. ఈ ప్రాంతాల్లో బ్యాంకులు పనిచేయవు మే 13న 4వ దశ ఎన్నికల నేపథ్యంలో ఆంధ్రప్రదేశ్, తెలంగాణ, బీహార్, జార్ఖండ్, మధ్యప్రదేశ్, మహారాష్ట్ర, ఒడిశా, ఉత్తరప్రదేశ్, పశ్చిమ బెంగాల్, జమ్మూ- కాశ్మీర్‌లో బ్యాంక్ సేవలు నిలిచిపోనున్నాయి.

బీజేపీ మద్దతు దారులు పోలింగ్‌ బూత్‌లను లూటి చేస్తున్నారంటూ ఉత్తర్‌ ప్రదేశ్‌ సమాజ్‌వాది (ఎస్పీ) పార్టీ అధినేత అఖిలేష్‌ యాదవ్‌ సంచలన వ్యాఖ్యలు చేశారు.మంగళవారం ఉత్తర్​ప్రదేశ్‌లో ఒకప్పుడు సమాజ్‌వాదీ పార్టీకి కంచుకోటలుగా ఉన్న 10 లోక్‌సభ స్థానాల్లో మూడో విడతలో పోలింగ్‌ కొనసాగుతుంది. ఈ తరుణంలో తన భార్య, సిట్టింగ్ ఎంపీ డింపుల్ యాదవ్ పోటీ చేస్తున్న మైన్‌పురి నియోజకవర్గంలో ఎటావాలో ఓటు వేశారు.రైతులు ప్రాణాలు కోల్పోయారనిఅనంతరం బీజేపీపై అఖిలేష్‌ యాదవ్‌ విమర్శలు చేశారు. బీజేపీలో అధికార పోరు నడుస్తోందని, అందుకే ఆ పార్టీ నేతలు ఆత్మ సంతృప్తి ప్రకటనలు చేస్తున్నారని వ్యాఖ్యానించారు. బీజేపీ ప్రభుత్వం రైతులకు కనీస మద్దతు ధర ఇవ్వలేకపోయిందని, మోదీ ప్రభుత్వం తెచ్చిన మూడు వ్యవసాయ చట్టాలకు వ్యతికేరంగా వెయ్యి మందికి పైగా రైతులు ప్రాణాలు కోల్పోయారని మండిపడ్డారు.లఖింపూర్ ఖేరీ హింసాకాండపైఈ సందర్భంగా 2021లో జరిగిన లఖింపూర్ ఖేరీ హింసాకాండను ఆయన పరోక్షంగా ప్రస్తావించారు. కేంద్ర మంత్రి అజయ్ కుమార్ మిశ్రా కుమారుడు ఆశిష్ మిశ్రా కారులో ఉన్న ఓ నలుగురు అగంతకులు రైతులను ఢీకొట్టారని ఆరోపించారు. ఇలా బీజేపీ అధికారంలోకి వచ్చిన నాటి నుంచి రైతుల ఆత్మహత్యలు పెరిగిపోయాయని ద్వజమెత్తారు. ఐదు లక్షల ఓట్లతో డింపుల్ యాదవ్ కాగా, సైఫాయిలో ఓటు వేసిన ఎస్పీ నేత రామ్ గోపాల్ యాదవ్ మాట్లాడుతూ.. బీజేపీ అధికారంలోకి వస్తే రాజ్యాంగాన్ని మారుస్తుందని ఆరోపించారు. ఈ లోక్‌సభ ఎన్నికల్లో దేశాన్ని కాపాడే పోరాటమని, మైన్‌పురి స్థానంలో డింపుల్ యాదవ్ ఐదు లక్షల ఓట్లతో గెలుస్తారని ధీమా వ్యక్తం చేశారు.

సార్వత్రిక ఎన్నికల్లో భాగంగా కర్నాటకలో 14 లోక్‌సభ స్థానాలకు శుక్రవారం రెండో విడతలో పోలింగ్‌ జరగనుంది. 2019లో రాష్ట్రంలో బీజేపీ క్లీన్‌స్వీప్‌ చేయగా ఈసారి బీజేపీ–జేడీ(ఎస్‌) కూటమితో కాంగ్రెస్‌ హోరాహోరీ తలపడుతోంది. జేడీ(ఎస్‌) పోటీ చేస్తున్న హసన్, మండ్య, కోలార్‌ స్థానాలకు రెండో విడతలోనే పోలింగ్‌ ముగియనుంది. ఆ పార్టీ 2019 లోక్‌సభ ఎన్నికల్లో కాంగ్రెస్‌తో జట్టు కట్టడం విశేషం! ఈసారి పలు స్థానాల్లో పోటీ నువ్వా నేనా అన్నట్టుగా సాగుతోంది... బెంగళూరు నార్త్‌బీజేపీ నేత సదానంద గౌడ 2014 నుంచీ ఇక్కడ గెలుస్తున్నారు. ఈసారి మాత్రం కేంద్ర సహాయ మంత్రి శోభ కరంద్లాజె పోటీ చేస్తున్నారు. ప్రముఖ విద్యావేత్త, కాంగ్రెస్‌ నేత ఎంవీ రాజీవ్‌గౌడను ఆమె ఢీకొడుతున్నారు. గౌడ బెంగళూరు ఐఐఎం ప్రొఫెసర్‌. ఆర్‌బీఐ సెంట్రల్‌ బోర్డ్‌ సభ్యుడు. ఈ స్థానం 1999 దాకా కాంగ్రెస్‌ కంచుకోట. 2004 నుంచీ బీజేపీ జైత్రయాత్రే సాగుతోంది. దీనికి ఈసారి ఎలాగైనా చెక్‌ పెట్టాలని కాంగ్రెస్‌ పట్టుదలగా ఉంది.బెంగళూరు సౌత్‌1996 నుంచి ఈ స్థానం బీజేపీకి కంచుకోట. బీజేపీ దివంగత నేత అనంతకుమార్‌ ఇక్కడినుంచి ఏకంగా 28 ఏళ్లు లోక్‌సభకు ప్రాతినిధ్యం వహించారు! 2019 ఎన్నికల్లో యువ నేత తేజస్వి సూర్య బీజేపీ తరఫున 3.31 లక్షల ఓట్ల మెజారిటీతో నెగ్గారు. ఈసారీ ఆయనకే బీజేపీ టికెటిచి్చంది. కాంగ్రెస్‌ నుంచి రాష్ట్ర మంత్రి రామలింగారెడ్డి కుమార్తె సౌమ్యా రెడ్డి బరిలో ఉన్నారు. ఈసారీ విజయం తనదేనని తేజస్వి ధీమాగా ఉన్నా పోరు హోరాహోరీగా సాగవచ్చంటున్నారు.హసన్‌మాజీ ప్రధాని దేవెగౌడ ఐదుసార్లు నెగ్గిన స్థానమిది. 2019లో మనవడు ప్రజ్వల్‌ రేవణ్ణను బరిలో దింపారు. బీజేపీ నేత ఎ.మంజుపై ఆయన 1.41 లక్షల ఓట్ల మెజారిటీతో నెగ్గారు. ఈసారి కూడా జేడీ(ఎస్‌) నుంచి ప్రజ్వలే బరిలో ఉన్నారు. కాంగ్రెస్‌ నుంచి బలమైన నేతగా పేరున్న జి.పుట్టస్వామి గౌడ మనవడు శ్రేయస్‌ పటేల్‌ పోటీలో ఉన్నారు. ఒకప్పుడు దేవెగౌడ, పుట్టస్వామి పోటీకి వేదికైన హసన్‌ వారి మనవళ్ల పోరుకు కేంద్రంగా మారింది!కోలార్‌ఒకప్పుడు కాంగ్రెస్‌కు బలమైన పట్టున్న కోలార్‌లో ఈసారి గట్టి పోటీ నెలకొంది. అసెంబ్లీ ఎన్నికల్లో ఇచి్చన హామీలు ఇక్కడ పూర్తిస్థాయిలో అమలు కాకపోవడం కాంగ్రెస్‌కు ప్రతికూలంగా మారింది. 2019 లోక్‌సభ ఎన్నికల్లో బీజేపీ నేత ఎస్‌.మునిస్వామి 2.1 లక్షల మెజారిటీతో కాంగ్రెస్‌ నేత కె.హెచ్‌.మునియప్పపై నెగ్గారు. ఈసారి పొత్తులో భాగంగా జేడీ(ఎస్‌) అభ్యర్థి ఎం.మల్లేశ్‌బాబు పోటీ చేస్తున్నారు. అంతర్గత విభేదాలు కూడా ఇక్కడ కాంగ్రెస్‌కు చేటు చేసేలా ఉన్నాయి. ఇక్కడ ఆరుసార్లు గెలిచిన మునియప్ప ఇటీవలి అసెంబ్లీ ఎమ్మెల్యేగా విజయం సాధించారు. లోక్‌సభ టికెట్‌ను తన అల్లుడికి ఇప్పించుకునేందుకు ప్రయతి్నంచగా సొంత పార్టీ నేతలే మోకాలడ్డారు. సామాజిక వర్గాల ప్రభావం..రెండో దశలో భాగంగా ఎన్నికలు నిర్వహించే 14 స్థానాలకు గాను మెజారిటీ చోట్ల వొక్కళిగ సామాజిక వర్గం ఓటర్లు కీలకంగా వ్యవహరించనున్నారు. వీరు బీజేపీ వైపు మొగ్గు చూపిస్తుంటారు. వీరితోపాటు ఎస్సీ, ఎస్టీ ఓట్లపైనా బీజేపీ దృష్టి సారించింది. ఎస్సీ, ఎస్టీ, ముస్లిం ఓటర్లను ఆకర్షించడంపై కాంగ్రెస్‌ ప్రధానంగా దృష్టి పెట్టింది.కరవు కోరలుకర్ణాటకలోని అధిక ప్రాంతాలు ప్రస్తుతం చరిత్రలోనే అతి తీవ్రమైన కరువును చూస్తున్నాయి. దాదాపు అధిక శాతం పట్టణాలను కరువు ప్రాంతాలుగా ఇటీవలే ప్రభుత్వం ప్రకటించింది. ఫలితంగా నిత్యావసరాల ధరలు భగ్గుమంటున్నాయి. కరువు కోరల్లోనే జరిగిన శాసనసభ ఎన్నికల్లో ఐదు గ్యారంటీలతో నెగ్గుకొచి్చన కాంగ్రెస్‌కు.. లోక్‌సభ ఎన్నికలు ప్రతిష్టాత్మకంగా మారాయి. ఆ గ్యారంటీల ప్రభావం ఇప్పుడు అంతగా పనిచేయకపోవచ్చన్న అభిప్రాయం వినిపిస్తోంది. మండ్యవొక్కళిగ ఆధిపత్యమున్న స్థానమిది. గత ఎన్నికల్లో నటి సుమలత బీజేపీ మద్దతుతో 1.26 లక్షల ఓట్ల మెజారిటీతో విజయం సాధించారు. మాజీ సీఎం కుమారస్వామి కుమారుడు నిఖిల్‌ కుమారస్వామిని ఓడించారు. ఈ స్థానం పొత్తులో భాగంగా ఈసారి జేడీ(ఎస్‌)కు వెళ్లింది. కుమారస్వామే బరిలో ఉన్నారు. సుమలత బీజేపీలో చేరడం ఆయనకు మరింత కలిసి రానుంది. కాంగ్రెస్‌ నుంచి వెంకటరమణ గౌడ (స్టార్‌ చంద్రు) బరిలో ఉన్నారు. 2009, 2014 ఎన్నికల్లో ఇక్కడి నుంచి జేడీ(ఎస్‌) విజయం సాధించడం కూడా కుమారస్వామికి కలిసొచ్చే అంశాల్లో ఒకటి.బెంగళూరు రూరల్‌2019 లోక్‌సభ ఎన్నికల్లో కర్నాటకలో కాంగ్రెస్‌ గెలిచిన ఏకైక స్థానమిది. ఈసారి కూడా డిప్యూటీ సీఎం డీకే శివకుమార్‌ తమ్ముడు, సిట్టింగ్‌ ఎంపీ డీకే సురేశ్‌ పోటీలో ఉన్నారు. ఇక్కడ 2009లో జేడీ(ఎస్‌) నేత కుమారస్వామి గెలిచారు. కాంగ్రెస్‌ ఇక్కడ బలంగా ఉండటంతో దేవెగౌడ అల్లుడు, ప్రముఖ వైద్యుడు సి.ఎన్‌.మంజునాథను బీజేపీ బరిలో దింపింది. ఇద్దరూ బలమైన అభ్యర్థులు కావడంతో పోటీ రసవత్తరంగా మారింది. చారిత్రకంగా ఇక్కడ హస్తానిదే ఆధిపత్యం. ఆ పార్టీ ఏకంగా 13 సార్లు నెగ్గగా మూడుసార్లు జేడీ(ఎస్‌) గెలిచింది.– సాక్షి, నేషనల్‌ డెస్క్‌

నాలెడ్జ్‌ కేపిటల్‌. ఐటీ హబ్‌. దిగ్గజ శాస్త్ర సాంకేతిక సంస్థల నిలయం. కాస్మోపాలిటన్‌ సంస్కృతి. చెప్పుకుంటూ పోతే బెంగళూరు నగర ప్రత్యేకతలు అన్నీ ఇన్నీ కావు. కానీ ఎన్నికల విషయానికి వచ్చేసరికి మాత్రం ఈ లెక్కలన్నింటినీ పక్కన పెట్టేస్తున్నారు నగర ఓటర్లు. అన్నిచోట్లా ఉన్నట్టే కులం, మతం, పార్టీ విధేయతలకే ఓటేస్తున్నారు!బెంగళూరు నగర పరిధిలో 4 లోక్‌సభ సీట్లకూ శుక్రవారం రెండో విడతలో పోలింగ్‌ జరగనుంది. 2008లో లోక్‌సభ నియోజకవర్గాల పునరి్వభజన జరిగినప్పటి నుంచీ ఆ స్థానాల్లో ఓటర్లు ఎప్పుడూ ఒకే పారీ్టకో, అభ్యరి్ధకో పట్టం కడుతుండటం విశేషం... బెంగళూరు పరిధిలోని లోక్‌సభ, అసెంబ్లీ స్థానాల్లో గెలిచిన అభ్యర్థే గెలవడం, ఒకే పార్టీకి ఓటర్లు జై కొట్టడానికి నియోజకవర్గాల పునరి్వభజన జరిగిన తీరే కారణమనేది రాజకీయ పరిశీలకుల అభిప్రాయం. నేతలు తమకు అనుకూలమైన కులాలు, మతాల ఓటర్లు ఒకే నియోజకవర్గంలోకి వచ్చేలా జాగ్రత్త పడటం వల్లే ఈ ట్రెండ్‌ కొనసాగుతోందనే వాదనలు బలంగా ఉన్నాయి. లోక్‌సభతో పాటు అసెంబ్లీ ఎన్నికల్లోనూ ఇదే ధోరణి ప్రతిఫలిస్తోంది. 2008 నుంచి బెంగళూరులోని మొత్తం 28 అసెంబ్లీ స్థానాల్లో 57 శాతం సీట్లను సిట్టింగ్‌ ఎమ్మెల్యేలే గెలుస్తూ వస్తున్నారు. మరో 18 శాతం సీట్లను ఒకే ఎమ్మెల్యే లేదా పార్టీ కనీసం రెండుసార్లు గెలవడం విశేషం. ఆ లెక్కన చూస్తే నగరంలోని 75 శాతం స్థానాలు ఒకే అభ్యరి్థకో, ఒకే పారీ్టకో ‘రిజర్వ్‌’ అయిపోయాయన్నమాట! రాజకీయాల్లో తరచూ వినిపించే ఓటర్ల వ్యతిరేకత, సిట్టింగ్‌ ప్రజాప్రతినిధిపై అసంతృప్తి వంటివి బెంగళూరుకు వర్తించవు!నగర పరిధిలోని తొమ్మిది అసెంబ్లీ సీట్లలో బీజేపీ నుంచి, ఏడు స్థానాల్లో కాంగ్రెస్‌ నుంచి గెలిచిన అభ్యర్థులే మళ్లీ గెలిచారు. శివాజీనగర్‌లో 2008 నుంచి వరుసగా మూడుసార్లు కాంగ్రెస్‌ టికెట్‌పై ఎమ్మెల్యే అయిన రోషన్‌ బేగ్‌ 2019లో బీజేపీలోకి దూకారు. అనంతరం జరిగిన ఉప ఎన్నికలో మాత్రం కాంగ్రెస్‌ అభ్యర్థి రిజ్వాన్‌ అర్షద్‌ చేతిలో ఆయన చిత్తుగా ఓడటం విశేషం! అర్షద్‌కు ఎమ్మెల్యేగా అది రెండో విజయం. చామరాజ్‌పేట్‌ నుంచి మూడుసార్లు గెలిచిన కాంగ్రెస్‌ ఎమ్మెల్యే జమీర్‌ అహ్మద్‌ మాత్రం రెండుసార్లు జేడీ(ఎస్‌) టికెట్‌పైనా గెలిచారు.వొక్కళిగలే కీలకం...బెంగళూరులో ఇలా ఒకే పార్టీ, ఒకే అభ్యర్థి వరుసగా గెలుస్తున్న ట్రెండ్‌ వెనక పలు ఇతర కారణాలూ ఉన్నా కులమే కీలక ఫ్యాక్టర్‌గా నిలుస్తోంది. పార్టీ ఓటు బ్యాంకుతో పాటు పారీ్టలు, నేతల మధ్య లోపాయకారీ అవగాహన, తటస్థ ఓటర్ల మొగ్గు కూడా ప్రభావం చూపుతున్నాయి.► బెంగళూరులోని 28 అసెంబ్లీ స్థానాల్లో 4 ఎస్సీ రిజర్వుడు సీట్లు. వాటిని బీజేపీ, కాంగ్రెస్‌ చెరో రెండు చొప్పున తమ ఖాతాలో వేసుకుంటూ వస్తున్నాయి.► బెంగళూరు పరిధిలోని 28 మంది ఎమ్మెల్యేల్లో 13 మంది వొక్కళిగ కులానికి చెందినవారే. మిగతా సీట్లలో కూడా వారి ప్రభావం గట్టిగా కనబడుతుండటం నగరంలో కులాలవారీ ఓటింగ్‌ కీలకంగా నిలుస్తోందనేందుకు తిరుగులేని నిదర్శనం.► పునరి్వభజన తర్వాత పరిసర గ్రామీణ ప్రాంతాల నుంచి బెంగళూరు నగర పరిధిలోని నియోజకవర్గాలకు ఓటర్ల వలస కూడా ఈ ధోరణికి మరింత దోహదపడుతోంది.► వొక్కళిగ, ఎస్సీ రిజర్వుడ్‌తో పాటు ముగ్గురు ముస్లిం, ఒక క్రిస్టియన్‌ అభ్యర్థులు శివాజీనగర్‌ శాంతిగనర్, చామరాజ్‌పేట్, సర్వజ్ఞనగర్‌లో అసెంబ్లీ స్థానాల్లో ఆధిపత్యం ప్రదర్శిస్తున్నారు.► రాజాజీనగర్, గాం«దీగనర్, బసవనగుడి, చిక్పేట్‌ నియోజవర్గాల్లో ఎప్పుడూ బ్రాహ్మణ సామాజిక వర్గమే గెలుస్తోంది.► ప్రస్తుత లోక్‌సభ ఎన్నికల్లో నగరంలో టికెట్ల కేటాయింపులోనూ వొక్కళిగల ఆధిపత్యం కొట్టొచి్చనట్టు కనిపిస్తోంది. నాలుగు సీట్లలో మూడింటిని కాంగ్రెస్‌ ఆ సామాజికవర్గానికే కట్టబెట్టింది. బెంగళూరు నార్త్‌ నుంచి రాజీవ్‌ గౌడ, సౌత్‌ నుంచి సౌమ్యా రెడ్డి, రూరల్‌లో డీకే సురేశ్‌ బరిలో ఉన్నారు. బీజేపీ నుంచి బెంగళూరు నార్త్‌ అభ్యర్థి శోభ కరంద్లాజె, రూరల్‌ నుంచి సీఎన్‌ మంజునాథ కూడా వొక్కళిగలే. ► బెంగళూరు సెంట్రల్‌ లోక్‌సభ పరిధిలోని అసెంబ్లీ స్థానాల్లో చాలావరకు మైనారిటీల ఆధిపత్యమే కావడంతో మన్సూర్‌ అలీకి కాంగ్రెస్‌ టికెటిచి్చంది.లోక్‌సభ ఎన్నికల్లోనూ ఇదే ధోరణి► నియోజకవర్గాల పునర్విభజన జరిగిన తర్వాత మూడు లోక్‌సభ ఎన్నికల్లోనూ బెంగళూరు పరిధిలోని స్థానాల్లో దాదాపు ఒకే పార్టీ, లేదా అభ్యర్థే గెలిచారు.► బెంగళూరు రూరల్‌ 2013 ఉపఎన్నిక నుంచీ కాంగ్రెస్‌ కంచుకోటగా మారింది. పీసీసీ చీఫ్‌ డీకే శివకుమార్‌ సోదరుడు డీకే సురేశ్‌ ఇక్కడ హ్యాట్రిక్‌ కొట్టారు. నాలుగో విజయం కోసం మళ్లీ బరిలో దిగారు. ఆయనదీ వొక్కళిగ కులమే. ఇక్కడ బీజేపీ కూడా అదేసామాజిక వర్గానికి చెందిన దేవెగౌడ అల్లుడు సి.ఎన్‌.మంజునాథను బరిలో దింపింది.► బెంగళూరు సెంట్రల్‌ బీజేపీ సిట్టింగ్‌ ఎంపీ పీసీ మోహన్‌ కూడా హ్యాట్రిక్‌ వీరుడే. ఈసారి కూడా ఆయనే బరిలో ఉన్నారు. కాంగ్రెస్‌ మాత్రం అభ్యరి్థని మార్చి మన్సూర్‌ అలీతో అదృష్టాన్ని పరీక్షించుకుంటోంది.► బెంగళూరు సౌత్‌ నుంచి బీజేపీ సిట్టింగ్‌ ఎంపీ తేజస్వీ సూర్య మళ్లీ పోటీలో ఉన్నారు. ఇక్కడ 1991 నుంచీ కాషాయ జెండానే ఎగురుతుండటం విశేషం! దాంతో ఈసారి రాష్ట్ర మంత్రి రామలింగారెడ్డి కుమార్తె సౌమ్యా రెడ్డిని కాంగ్రెస్‌ బరిలోకి దింపింది.► బెంగళూరు నార్త్‌లో మాత్రం 2014 నుంచీ గెలుస్తున్న సదానంద గౌడను బీజేపీ ఈసారి పక్కనబెట్టింది. ఉడుపి–చిక్‌మగళూరుఎంపీ, కేంద్ర మంత్రి శోభ కరంద్లాజెను బరిలో దింపింది. ఆమె కోస్తా వొక్కళిగ కాగా కాంగ్రెస్‌ అభ్యర్థి రాజీవ్‌ గౌడ స్థానిక వొక్కలిగ కావడం విశేషం.బెంగళూరు నగర పరిధిలోని లోక్‌సభ స్థానాలుబెంగళూరు నార్త్, బెంగళూరు రూరల్, బెంగళూరు సెంట్రల్, బెంగళూరు సౌత్‌ నోట్‌: ‘గతం’ శీర్షికన అందిస్తున్న లోక్‌సభ ఎన్నికల సిరీస్‌కు రెండో విడత పోలింగ్‌ కవరేజీ కారణంగా ఈ రోజు విరామం. ఆ సిరీస్‌ రేపటినుంచి యథావిధిగా కొనసాగుతుంది. – సాక్షి, నేషనల్‌ డెస్క్‌

కేంద్ర ఎన్నికల సంఘం కీలక నిర్ణయం తీసుకుంది. బీహార్‌లోని నాలుగు పార్లమెంటరీ నియోజకవర్గాల్లోని కొన్ని అసెంబ్లీ సెగ్మెంట్‌లలో ఎన్నికల సమయాన్ని రెండు గంటల పాటు పొడిగించింది. నోటిఫికేషన్ ప్రకారం, బంకా, మాధేపురా, ఖగారియా, ముంగేర్ లోక్‌సభ నియోజకవర్గాల్లో పోలింగ్‌ సమయం ఉదయం 7 నుండి సాయంత్రం 4 గంటల వరకు ఉంది. అయితే వేడిగాలుల దృష్ట్యా పోలింగ్‌ శాతాన్ని పెంచేలా ఈ నియోజకవర్గాల్లో పోలింగ్ సమయాన్ని పొడిగించాలని బీహార్ ప్రధాన ఎన్నికల అధికారి కేంద్రం ఎన్నికల సంఘాన్ని కోరారు. ఆ అభ్యర్థనను పరిగణనలోకి తీసుకున్న కేంద్ర ఎన్నికల సంఘం ఆ నాలుగు లోక్‌సభ నియోజక వర్గాల్లో పోలింగ్‌ సమయాన్ని మార్చాలని నిర్ణయించింది. ఈ లోక్‌సభ స్థానాలకు చెందిన వివిధ అసెంబ్లీ సెగ్మెంట్‌లలోని కొన్ని పోలింగ్ స్టేషన్‌లలో ఎన్నికల సంఘం ఇప్పుడు పోలింగ్‌ సమయాన్ని ఉదయం 7 గంటల నుండి సాయంత్రం 6 గంటల వరకు కొనసాగేలా నిర్ణయించింది. ఈ నియోజకవర్గాల పరిధిలోని ఇతర పోలింగ్ స్టేషన్‌లలో ఎన్నికల సమయం ఉదయం 7 నుండి సాయంత్రం 4 గంటల వరకు ఉంటుంది. సాధారణ పోల్ సమయాలు ఉదయం 7 నుండి సాయంత్రం 6 వరకు ఉంటాయి. అయితే అవి భూభాగం, సూర్యాస్తమయం సమయం, భద్రతా పరిస్థితిని బట్టి మారుతూ ఉంటాయి.

లోక్‌సభ ఎన్నికల రెండో విడత పోలింగ్‌ ఎన్నికలకు సర్వం సిద్ధమైంది. 26న దేశవ్యాప్తంగా 12 రాష్ట్రాలు/కేంద్రపాలిత ప్రాంతాల పరిధిలోని 88 స్థానాల్లో పోలింగ్‌ జరగనుంది (మధ్యప్రదేశ్‌లోని బేతుల్‌లో బీఎస్పీ అభ్యర్థి అశోక్‌ భలావి మరణంతో అక్కడ పోలింగ్‌ వాయిదా పడింది). రెండో దశలో 1,210 మంది పోటీలో ఉన్నారు. వీరి ఎన్నికల అఫిడవిట్లను అసోసియేషన్‌ ఫర్‌ డెమోక్రటిక్‌ రిఫామ్స్‌ (ఏడార్‌) విశ్లేíÙంచగా పలు ఆసక్తికర అంశాలు వెల్లడయ్యాయి...► రెండో విడత బరిలో నిలిచిన అభ్యర్థుల్లో మహిళలు కేవలం 8 శాతమే ఉన్నారు!► పట్టభద్రులు, ఆపై చదువులు చదివిన వారు 43 శాతం.► 21 శాతం మందిపై క్రిమినల్‌ కేసులున్నాయి. వారిలో 167 మంది తీవ్రమైన నేరారోపణలు ఎదుర్కొంటున్నారు. ఈ జాబితాలో కాంగ్రెస్‌ (35), తర్వాత బీజేపీ (31), సీపీఎం (14) టాప్‌లో ఉన్నాయి.► 390 మంది కోటీశ్వరులున్నారు. వీరిలో 105 మంది ఇండిపెండెంట్లు. తర్వాతి స్థానాల్లో బీజేపీ (64), కాంగ్రెస్‌ (62), బీఎస్పీ (24) నిలిచాయి. ఇద్దరికి 500 కోట్ల పైగా ఆస్తి ఉంది!► టాప్‌–10 సంపన్న అభ్యర్థుల్లో కర్నాటక టాప్‌లో ఉంది. మండ్య కాంగ్రెస్‌ అభ్యర్థి వెంటకరమణే గౌడ రూ.623 కోట్లతో ‘టాప్‌’ లేపారు. బెంగళూరు రూరల్‌ కాంగ్రెస్‌ అభ్యర్థి డీకే సురేశ్‌ రూ.593 కోట్ల ఆస్తులతో రెండో స్థానంలో నిలిచారు. హేమమాలినికి రూ.279 కోట్ల ఆస్తులున్నాయి. మధ్యప్రదేశ్‌లో హోషంగాబాద్‌ కాంగ్రెస్‌ అభ్యర్థి సంజయ్‌ శర్మ (రూ.233 కోట్లు), మండ్యలో జేడీ(ఎస్‌) చీఫ్‌ కుమారస్వామి (రూ.217 కోట్లు), యూపీలో అమ్రోహా బీజేపీ అభ్యర్థి కన్వర్‌ సింగ్‌ తన్వర్‌ (రూ.215 కోట్లు) టాప్‌–10లో నిలిచారు.► రెండో విడత అభ్యర్థుల సగటు ఆస్తుల విలువ రూ.5.2 కోట్లు. ఆరుగురు తమకు చిల్లిగవ్వ కూడా లేదని ప్రకటించడం విశేషం!► అభ్యర్థుల్లో ఎక్కువ మంది 40–50 ఏళ్ల మధ్యవారే. సగటు వయసు 49 ఏళ్లు. 70–80 ఏళ్ల మధ్య వయసు్కలు 49 మంది ఉండగా ఇద్దరు 80 ఏళ్లు పైబడ్డారు.– సాక్షి, నేషనల్‌ డెస్క్‌

న్యూఢిల్లీ: మావోయిస్టు ప్రభావిత జార్ఖండ్‌లోని సింగ్‌భూమ్‌ లోక్‌సభ నియోజకవర్గంలోని పలు ప్రాంతాల ప్రజలు రెండు దశాబ్దాల అనంతరం మొదటిసారిగా 2024 ఎన్నికల్లో ఓటు హక్కు వినియోగించుకోనున్నారు. ఓటర్ల సౌలభ్యం కోసం మావోయిస్టులకు కంచుకోటల్లాంటి మారుమూల ప్రాంతాల్లో 118 బూత్‌లను ఏర్పాటు చేసినట్లు జిల్లా ఎన్నికల అధికారి కుల్దీప్‌ చౌదరి చెప్పారు. ఆసియాలోనే అత్యంత దట్టమైన సాల్‌ అడవుల్లో ఉన్న సరండా వంటి 118 గ్రామాల్లోకి మే 13వ తేదీన జరిగే పోలింగ్‌కు సిబ్బందితోపాటు సామగ్రిని హెలికాప్టర్ల ద్వారా పంపుతామన్నారు. నుగ్డి గ్రామంలోని మిడిల్‌ స్కూల్, బొరెరో గ్రామంలోని మధ్య విద్యాలయలో మొదటిసారిగా పోలింగ్‌ బూత్‌లను నెలకొల్పామన్నారు. కొన్ని ప్రాంతాల్లోకి సిబ్బంది నాలుగైదు కిలోమీటర్లు నడిచి వెళ్లాల్సి ఉంటుందని వివరించారు. ఏ ప్రాంతాన్నీ వదలకుండా ఏర్పాట్లు చేస్తున్నామని చెప్పారు. ‘ఆపరేషన్‌ అనకొండ’ ద్వారా భద్రతా బలగాలు తల్కోబాద్‌ వంటి 25 వరకు గ్రామాల్లో 15 కొత్త క్యాంపులను ఏర్పాటు చేసి, భద్రతను కట్టుదిట్టం చేశాయని పేర్కొన్నారు. 121 పోలింగ్‌ బృందాలను రైళ్ల ద్వారా పంపించామన్నారు. దివ్యాంగులు, 85 ఏళ్లు పైబడిన వారికి ఇళ్ల వద్దే ఓటు వేసే సదుపాయం కలి్పంచినట్లు చెప్పారు. ఎస్టీ్ట రిజర్వుడు స్థానమైన సింగ్‌భూమ్‌లో బీజేపీ నుంచి మాజీ సీఎం మధు కోడా భార్య, సిట్టింగ్‌ ఎంపీ గీతా కోడా రంగంలో ఉన్నారు. ఇండియా కూటమి అభ్యరి్థని ప్రకటించాల్సి ఉంది.

సాక్షి, కోల్‌కతా : ఉత్తర్‌ప్రదేశ్‌లో సార్వత్రిక ఎన్నికల సన్నద్ధతపై కేంద్ర ఎన్నికల సంఘం ప్రధాన కమిషనర్‌ (సీఈసీ) సమీక్ష నిర్వహించారు. ఈ సందర్భంగా ఆయన మాట్లాడుతూ.. పూర్తిగా మహిళలతో కొన్ని  పోలింగ్ కేంద్రాలు నిర్వహిస్తామని తెలిపారు. ఆయా పోలింగ్ కేంద్రాల్లో మహిళా భద్రతా సిబ్బందిని మోహరించడానికి మేము ప్రయత్నిస్తున్నట్లు తెలిపారు.  #WATCH | Kolkata, West Bengal: Chief Election Commissioner Rajiv Kumar says, "There will be a few polling stations which will be run entirely by women. We will try to deploy female security personnel in those polling stations... Similarly, some polling stations will be… pic.twitter.com/vVQpgQ706o — ANI (@ANI) March 5, 2024 అదే విధంగా, కొన్ని పోలింగ్ కేంద్రాలు పూర్తిగా వికలాంగులే నిర్వహిస్తారని, తద్వారా ఇతరులకన్న వారు తక్కువగా కాదని నిరూపిస్తారని అన్నారు.  

బాపట్ల: సాధారణ ఎన్నికలు అత్యంత పారదర్శకతతో నిర్వహించేందుకు యంత్రాంగం సన్నద్ధమవుతోందని జిల్లా ఎన్నికల అధికారి, కలెక్టర్‌ పి.రంజిత్‌ బాషా తెలిపారు. స్థానిక కలెక్టరేట్‌లో గుర్తింపు పొందిన రాజకీయ పార్టీలతో బుధవారం సమావేశం నిర్వహించారు. కలెక్టర్‌ మాట్లాడుతూ ఓటరు జాబితాలో ఫొటోలు డబల్‌ ఎంట్రీలు, మృతుల ఓట్లు తొలగింపులో నిర్లిప్తంగా వ్యవహరించిన వారిపై క్రమశిక్షణ చర్యలు తీసుకుంటున్నామని వెల్లడించారు. ఓటర్ల జాబితాలో మృతుల పేర్లు తొలగించలేదని వస్తున్న ఆరోపణలను సుమోటోగా స్వీకరించి విచారిస్తున్నామని తెలిపారు. ఇప్పటికే 50 మంది బీఎల్‌ఓలకు షోకాజ్‌ నోటీసులు జారీ చేసినట్లు చెప్పారు. జిల్లాలో గత ఏడాది జనవరి నుంచి ఓటర్ల జాబితాలో చేర్పులు, మార్పులు, తొలగింపులపై 2,08,740 దరఖాస్తులు అందినట్లు వివరించారు. వాటిలో 32,056 దరఖాస్తులను తిరస్కరించగా, 906 దరఖాస్తులు పెండింగ్‌లో ఉన్నాయని, మిగిలినవన్నీ పరిష్కరించినట్లు పేర్కొన్నారు. ఆన్‌లైన్‌లో ప్రతిరోజు 500 దరఖాస్తులు ప్రతిరోజు ఆన్‌లైన్‌ ద్వారా సుమారుగా 500 దరఖాస్తులు నమోదు అవుతున్నాయని చెప్పారు. వాటిని ఎప్పటికప్పుడు పరిష్కరిస్తున్నామన్నారు. ఆయా నియోజకవర్గాల ఎన్నికల రిటర్నింగ్‌ అధికారులకు అన్ని సూచనలు ఇచ్చామని తెలిపారు. ఎన్నికలు ముందు ఎన్నికల కమిషన్‌ మార్గదర్శకాల మేరకు సవరణ చేసిన తుది జాబితా ప్రచురిస్తామన్నారు. అన్ని రాజకీయ పార్టీలకు వాటిని అందిస్తామన్నారు. పోలింగ్‌ కేంద్రాల చిరునామాల మార్పు అంశాన్ని నిబంధనల మేరకు ఎన్నికల కమిషన్‌ అనుమతుల ఆధారంగా చర్యలు తీసుకుంటామని పేర్కొన్నారు. ఒకే పోలింగ్‌ కేంద్రంలో 1,500ల మందికి మించి ఓటర్లు ఉంటే అలాంటి ప్రాంతాల్లో ఓటర్ల సౌలభ్యం కొరకు రెండో పోలింగ్‌ కేంద్రం ఏర్పాటు చేస్తామన్నారు. సమావేశంలో జిల్లా రెవెన్యూ అధికారి పి.వెంకటరమణ, కలెక్టరేట్‌ ఏఓ కృష్ణకాంత్‌, ఎన్నికల విభాగం పర్యవేక్షకులు సీతారామయ్య, వైఎస్సార్‌ సీపీ, టీడీపీ, బీజేపీ, కాంగ్రెస్‌, బీఎస్పీ, ఆమ్‌ ఆద్మీపార్టీ, సీపీఐ నాయకులు మాల్యాద్రి, షేక్‌ మహమ్మద్‌ గౌస్‌ బాషా, రామకృష్ణ, డి.రవి, జి.నాగరాజు, ఏ బాలాజీరెడ్డి, ఎన్‌.కోటేశ్వరరావు, పాల్గొన్నారు.

ఫిబ్రవరి 8న పాకిస్తాన్‌లో సాధారణ ఎన్నికలు జరగనున్నాయి. విపరీతమైన ద్రవ్యోల్బణంతో ప్రజలు ఇబ్బందులు పడుతున్న వేళ.. దేశంలో ఈ ఎన్నికలు జరుగుతున్నాయి. అనేక ఆర్థిక, రాజకీయ సంక్షోభాల నడుమ పాక్‌ ప్రజలు జీవనం సాగిస్తున్నారు. పాకిస్తాన్ ద్విసభ పార్లమెంటరీ వ్యవస్థను కలిగి ఉంది. దీనిలో జాతీయ అసెంబ్లీలోని పలువురు సభ్యులను ప్రజలు ఎన్నుకుంటారు. జాతీయ అసెంబ్లీలో మొత్తం 336 స్థానాలు ఉన్నాయి. వాటిలో 266 స్థానాలకు ప్రజలు ఓటు వేస్తారు. 60 సీట్లు మహిళలకు, 10 సీట్లు ముస్లిమేతరులకు రిజర్వ్ చేశారు.  పంజాబ్ ప్రావిన్స్‌లో అత్యధికంగా 141 సీట్లు, సింధ్‌లో 75, ఖైబర్ పఖ్తుంక్వాలో 55, బలూచిస్థాన్‌లో 20, ఇస్లామాబాద్‌లో మూడు సీట్లు ఉన్నాయి. పాకిస్తాన్‌లో ప్రస్తుతం 12.85 కోట్ల మంది ఓటర్లు ఉన్నారు. ఇది దేశ మొత్తం జనాభాలో సగానికి పైగా ఉంది. 6.9 కోట్ల మంది పురుష ఓటర్లు ఉండగా, 5.9 కోట్ల మంది మహిళా ఓటర్లు ఉన్నారు. నమోదైన ఓటర్లలో కూడా 44 శాతం మంది 35 ఏళ్లలోపు వారే. 2018 నుండి, దేశంలో ఓటర్ల సంఖ్య 2.25 కోట్లు పెరిగింది. అందులో 1.25 కోట్ల మంది మహిళలు. 2018లో జరిగిన సాధారణ ఎన్నికల్లో 52 శాతం మంది  ఓటర్లు తమ ఓటు హక్కును వినియోగించుకున్నారు. పాకిస్తాన్ ఎన్నికల్లో 5,121 మంది అభ్యర్థులు తమ అదృష్టాన్ని పరీక్షించుకుంటున్నారు. వీరిలో 4,806 మంది పురుషులు, 312 మంది మహిళలు, ఇద్దరు లింగమార్పిడి అభ్యర్థులు ఉన్నారు. 167 నమోదిత రాజకీయ పార్టీల అభ్యర్థులతో పాటు స్వతంత్రులుగా మొత్తం 5,121 మంది అభ్యర్థులు పోటీ చేస్తున్నారు.  ఎన్నికల్లో పోటీ చేస్తున్న ప్రధాన పార్టీల విషయానికొస్తే మాజీ ప్రధాని నవాజ్ షరీఫ్‌కు చెందిన పాకిస్తాన్ ముస్లిం లీగ్ (నవాజ్) (పీఎంఎల్-ఎన్), బిలావల్ భుట్టో, ఆసిఫ్ అలీ జర్దారీ నేతృత్వంలోని పాకిస్తాన్ పీపుల్స్ పార్టీ (పీపీపీ). ఇమ్రాన్ ఖాన్ పాకిస్తాన్ తెహ్రీక్-ఇ-ఇన్సాఫ్ (పీటీఐ) ఎన్నికల గుర్తును ఎన్నికల సంఘం స్తంభింపజేసింది. ఫలితంగా పీటీఐ అభ్యర్థులు స్వతంత్ర అభ్యర్థులుగా ఎన్నికల్లో పోటీకి దిగారు. ఫిబ్రవరి 8న జరగనున్న సార్వత్రిక ఎన్నికల కోసం మొత్తం 90,582 పోలింగ్ కేంద్రాలను ఏర్పాటు చేశారు. ఈ పోలింగ్ స్టేషన్లలో దాదాపు 17,500 ‘అత్యంత సున్నితమైన’ పోలింగ్ స్టేషన్లు. పాక్‌ ఓటర్లు బ్యాలెట్ పేపర్ ద్వారా ఓటు వేయనున్నారు.   

కర్నూలు: సార్వత్రిక ఎన్నికలు మార్చి, ఏప్రిల్‌ నెలల్లో జరిగే అవకాశం ఉండటంతో ఏర్పాట్లపై జిల్లా అధికారులు కసరత్తు చేస్తున్నారు. ఇప్పటికే పోలింగ్‌ కేంద్రాలను గుర్తించి వాటిలో మౌలిక వసతుల కల్పనపై దృష్టి సారించారు. వీటితోపాటు డిస్ట్రిబ్యూషన్‌, రిసెప్షన్‌ , కౌంటింగ్‌ కేంద్రాల్లో పని చేసేందుకు అవసరమైన ఉద్యోగుల వివరాల సేకరించే ప్రయత్నంలో ఉన్నారు. ఇందుకోసం ట్రేజరీస్‌ డీడీ, జిల్లా ఎంప్లాయ్‌మెంట్‌ అధికారుల ఆధ్వర్యంలో మ్యాన్‌ పవర్‌ కమిటీని ఏర్పాటు చేశారు. ఒకటి, రెండు రోజుల్లో నివేదికకు సిద్ధం ఎన్నికలు ఎప్పుడొచ్చినా అధికార యంత్రాంగం సిద్ధంగా ఉండడానికి సమాయత్తం అవుతోంది. ఎన్నికల విధుల్లో పాల్గొనే అధికారులను నియమించేందుకు ఏర్పాట్లను ముమ్మరం చేస్తోంది. ఇప్పటికే ఉద్యోగుల వివరాలు సేకరణ కోసం ఏర్పాటు చేసిన మ్యాన్‌పవర్‌ కమిటీ తన విధులను ప్రారంభించింది. అన్ని శాఖల్లో పని చేస్తున్న ఉద్యోగుల వివరాలు సేకరిస్తోంది. విద్యాశాఖలో పనిచేసే ఉపాధ్యాయులు, ఇతర అధికారులు, ఫోర్త్‌ క్లాస్‌ ఎంప్లాయిస్‌, జూనియర్‌ , సీనియర్‌ అసిస్టెంట్లు, డిప్యూటీ తహసీల్దార్లు, తహసీల్దార్లు, వివిధ శాఖల ఇంజినీరింగ్‌ విభాగాల్లో పనిచేసే ఏఈలు, డీఈలు, ఈఈలు, ఎస్‌ఈలు డిప్యూటీ కలెక్టర్లు, ఆర్‌డీఓలు, సబ్‌ కలెక్టర్లు, జేసీలు, కలెక్టర్‌ వరకు ఇలా అన్ని స్థాయిలా అధికారులు ఎన్నికల విధుల్లో పాల్గొంటారు. ఒకటి, రెండు రోజుల్లో దాదాపు 33 శాఖల్లో పనిచేసే అధికారుల వివరాలను నివేదించేందుకు మ్యాన్‌ పవర్‌ కమిటీ సిద్ధమవుతోంది. 18 వేల మంది సిబ్బంది అవసరం.. ఎన్నికల విధుల్లో ప్రధానంగా పోలింగ్‌, డిస్ట్రిబ్యూషన్‌, రిసెప్షన్‌, కౌంటింగ్‌ కేంద్రాలతోపాటు ఇతర విధుల్లో పాల్గొనేందుకు జిల్లాకు 18 వేల మంది సిబ్బంది అవసరం అవుతారు. జిల్లాలో 2,186 పోలింగ్‌ కేంద్రాలు ఉన్నాయి. వీటిలో ప్రతి పోలింగ్‌ కేంద్రానికి ఒక ప్రైసెడింగ్‌ ఆఫీసర్‌, ఒక అడిషినల్‌ ప్రైసెడింగ్‌ ఆఫీసర్‌, నలుగురు అదర్‌ ప్రైసెడింగ్‌ ఆఫీసర్‌లు ఉంటారు. ఈ లెక్కన దాదాపు 13,116 మంది సిబ్బంది అవసరం అవుతారు. అంతేగాక మరో 2 వేల మంది వరకు రిజర్వ్‌లో ఉండేందుకు అవసరం. వీరితోపాటు డిస్ట్రిబ్యూషన్‌, రిసెప్షన్‌, కౌంటింగ్‌ తోపాటు ఇతర విధులకోసం మరో 3 వేల వరకు సిబ్బంది అవసరం అవుతారు. పోలీసులు కాకుండానే జిల్లాలో మొత్తంగా దాదాపు 18 వేల మంది వరకు ఉద్యోగులు ఎన్నికల విధుల్లో పాల్గొనాల్సి ఉంటుంది. ఇప్పటికే ఎన్నికల విధుల్లో సెక్టోరల్‌, నోడల్‌ ఆఫీసర్‌లు ఇప్పటికే 20 మందిని నోడల్‌ అధికారులుగా నియమించగా.. వారు ఎన్నికల విధుల్లో పాల్గొంటున్నారు. జిల్లాలో 234 మంది సెక్టోరల్‌ ఆఫీసర్లను నియమించారు. వీరంతా పోలింగ్‌ కేంద్రాల్లో మౌలిక వసతులపై ఆరా తీస్తున్నారు. పోలీసులకు సంబంధించి 234 మంది పోలీసు సెక్టోరల్‌ అధికారులను నియమించారు. వీరు పోలింగ్‌ కేంద్రాల భద్రత అంశాలపై పరిశీలన చేస్తున్నారు. వీరంతా కూడా ఒకటి, రెండురోజుల్లో కలెక్టర్‌కు నివేదిక ఇవ్వాల్సి ఉంది. ఎంపికై న ఉద్యోగులకు శిక్షణ ఇస్తాం సార్వత్రిక ఎన్నికలు ఎప్పుడు వచ్చినా నిర్వహించేందుకు అన్ని రకాలుగా సిద్ధమవుతున్నాం. సిబ్బంది ఎంపిక కోసం మ్యాన్‌ పవర్‌ కమిటీని నియమించాం. ఒకటి, రెండు రోజుల్లో నివేదికలు వస్తాయి. ఎన్నికల సంఘం నిబంధనలు మేరకు కావాల్సిన వారిని ఎంపిక చేసుకుని శిక్షణ ఇస్తాం. – డాక్టర్‌ జి.సృజన, కలెక్టర్‌, జిల్లా ఎన్నికల అధికార ఇవి చదవండి: ఎన్నికల పటిష్ట నిర్వహణకు కార్యాచరణ

సాక్షి, హైదరాబాద్‌: ‘ఓటర్లను ప్రలోభాలకు గురిచేయకుండా మంగళవారం రాత్రి మొదలు నిరంతర పర్యవేక్షణ పోలింగ్‌ పూర్తయ్యే వరకూ కొనసాగుతుంది. ప్రతి వాహనాన్నీ తనిఖీ చేయాలని ఆదేశించాం. ప్రతి ఫిర్యాదుపై దగ్గర్లోని వీడియో సర్వేలన్స్‌ బృందాలు వెళ్లి విచారణ చేస్తాయి.’అని రాష్ట్ర ఎన్నికల ప్రధాన అధికారి(సీఈఓ) వికాస్‌రాజ్‌ స్పష్టం చేశారు. ఓటర్లకు డబ్బులు, మద్యం, ఇతర కానుకల పంపిణీని కట్టడి చేసేందుకు కంట్రోల్‌ రూమ్‌ ద్వారా 24్ఠ7 పర్యవేక్షణ కొనసాగుతుందని వెల్లడించారు. అన్ని చెక్‌పోస్టుల వద్ద వాహనాల తనిఖీలను ప్రత్యక్ష ప్రసారం ద్వారా కంట్రోల్‌ రూమ్స్‌ నుంచి పర్యవేక్షిస్తామని చెప్పారు. రాష్ట్ర శాసనసభ సాధారణ ఎన్నికల ఏర్పాట్లను మంగళవారం ఆయన బీఆర్‌కేఆర్‌ భవన్‌లోని తన కార్యాలయంలో జరిగిన మీడియా సమావేశంలో వివరించారు.  స్థానికేతరులందరూ వెళ్లిపోవాలి... ఎన్నికల ప్రచారానికి తెరపడిందని, మంగళవారం సాయంత్రం 5 గంటల నుంచి సైలెన్స్‌ పీరియడ్‌ ప్రారంభమైందని వికాస్‌ ప్రకటించారు. రాజకీయ, ప్రచార కార్యక్రమాలపై నిషేధాజ్ఞలతో పాటు 114 సెక్షన్‌ అమల్లో ఉంటుందన్నారు. ఎన్నికల ప్రచారం కోసం వచ్చిన స్థానికేతరులందరూ నియోజకవర్గాలను విడిచి తక్షణమే వెళ్లిపోవాలని ఆదేశించారు  ప్రతి పార్టీ నిషేధాజ్ఞలు పాటించాలి  నిషేధాజ్ఞలను అనుసరించాలనీ, టీవీ, సినిమా, రేడియో వంటి ప్రసార మాధ్యమాల ద్వారా ఎన్నికల ఫలితాలను ప్రభావితం చేయకూడదనే నిబంధనలను పాటించాలని అన్ని రాజకీయ పార్టీలకు వికాస్‌రాజ్‌ సూచించారు. ఒపీనియన్‌ పోల్స్‌పై నిషేధం ఉంటుందన్నారు. పోలింగ్‌ ముగిసిన తర్వాత అర్ధ గంట వరకు ఎలాంటి ఎగ్జిట్‌ పోల్స్‌ ఫలితాలను ప్రకటించరాదని స్పష్టం చేశారు. ఎల్రక్టానిక్‌ మీడియా, సోషల్‌ మీడియాలో ఎలాంటి రాజకీయ ప్రకటనలు ఇవ్వరాదన్నారు. మీడియా సర్విఫికేషన్‌ అండ్‌ మానిటరింగ్‌ కమిటీ ఆమోదంతోనే పత్రికల్లో ప్రకటనలు జారీ చేయాలని సూచించారు. బల్క్‌ ఎస్‌ఎంఎస్‌లు, వాయిస్‌ మెసేజేస్‌లపై నిషేధం ఉంటుందన్నారు. ఎన్నికలకు సంబంధించి పార్టీల స్టార్‌ క్యాంపైనర్లు పత్రికా సమావేశాలు పెట్టరాదని, మీడియాకు ఇంటర్వ్యూలు ఇవ్వరాదని స్పష్టం చేశారు   ఈవీఎంల తరలింపును ఫాలో కావచ్చు..  పోలింగ్‌ రోజు పోలింగ్‌ కేంద్రాల వద్ద ప్రచారం నిర్వహించడం, మొబైల్‌ ఫోన్స్, కార్డ్‌లెస్‌ ఫోన్లు, వాహనాలతో రావడంపై నిషేధం ఉంటుందని వికాస్‌రాజ్‌ తెలిపారు. అభ్యర్థులు పోలింగ్‌ కేంద్రానికి ఓటర్లను తీసుకుని రావడం, తీసుకెళ్లడం కోసం వాహనాలను సమకూర్చడం నేరమని హెచ్చరించారు. ఈవీఎంల మూడో ర్యాండమైజేషన్‌ పూర్తయిందని, పోలింగ్‌ కేంద్రాలకు ఈవీఎంల కేటాయింపుపై మంగళవారం రాత్రిలోగా నిర్ణయం తీసుకుంటారని తెలిపారు. డిస్ట్రిబ్యూషన్‌ కేందాలకు బుధవారం ఉదయం పోలింగ్‌ సిబ్బంది వచ్చాక వారికి ఈవీఎంలను ఇచ్చి పోలింగ్‌ కేంద్రాలకు పంపిస్తారన్నారు. పోలింగ్‌కు ముందు, పోలింగ్‌ తర్వాత ఈవీఎంలను ఒక ప్రాంతం నుంచి మరో ప్రాంతానికి తరలించే సమయంలో అభ్యర్థుల ఏజెంట్లు తమ వాహనాల్లో ఫాలో కావచ్చని సూచించారు. నిర్దేశిత రూట్లలోనే ఈవీఎంలను రవాణా చేయాల్సి ఉంటుందని, మధ్యలో ఎక్కడా ఆగకూడదని స్పష్టం చేశారు. పోలింగ్‌ రోజు అభ్యర్థి ఒక వాహనం వాడడానికి మాత్రమే అనుమతిస్తామని, ఏజెంట్‌కు మరో వాహనం అనుమతి ఉంటుందన్నారు. ఓటర్లకు రాజకీయ పార్టీలు పంపిణీ చేసే ఓటర్‌ స్లిప్పుల్లో అభ్యర్థి పేరు, రాజకీయ పార్టీ గుర్తు ఉండరాదన్నారు.  ఏజెంట్లు ఈవీఎంల వద్దకి వెళ్లరాదు..      పోలింగ్‌ రోజు మాక్‌ పోల్‌ కోసం అభ్యర్థుల ఏజెంట్లు ఉదయం 5.30 గంటలకి పోలింగ్‌ కేంద్రాలకు చేరుకోవాలని సీఈఓ వికాస్‌రాజ్‌ సూచించారు. ప్రిసైడింగ్‌ అధికారులు మాక్‌పోల్‌ నిర్వహించిన తర్వాత వీవీ ప్యాట్‌ కంపార్ట్‌మెంట్‌ను ఖాళీ చేయాల్సి ఉంటుందని, కంట్రోల్‌ యూనిట్‌ మెమోరీని సైతం డిలీట్‌ చేయాలన్నారు. ఏజెంట్లు ఈవీఎంల వద్దకి వెళ్లరాదని, లేనిపక్షంలో ప్రిసైడింగ్‌ అధికారులు వారిని బయటికి గెంటివేస్తారన్నారు.   పోస్టల్‌ బ్యాలెట్‌లో విఫలం కాలేదు..  పోస్టల్‌ బ్యాలెట్‌ సదుపాయం కల్పనలో విఫలమైనట్టు వచ్చిన ఆరోపణలను వికాస్‌రాజ్‌ తోసిపుచ్చారు. ఇంటి నుంచి ఓటేసేందుకు దరఖాస్తు చేసుకున్న వారిలో 94శాతం మందికి సదుపాయం కల్పించామన్నారు. 27,178 మంది ఇంటి నుంచే ఓటేయగా, వారిలో 15,999 మంది 80ఏళ్లుపైబడినవారు, 9459 మంది దివ్యాంగులు, 1720 మంది అత్యవసర సేవల ఓటర్లున్నారని వెల్లడించారు. మరో 10,191 మంది సర్విసు ఓటును ఎల్రక్టానిక్‌ రూపంలో డౌన్‌లోడ్‌ చేసుకున్నారని, డిసెంబర్‌ 3న ఉదయం 7.59 గంటలకు అవి సంబంధిత కౌంటింగ్‌ కేంద్రానికి చేరుకోవాల్సి ఉంటుందని వివరించారు. ఎన్నికల విధుల్లో ఉన్న మరో 1.48 లక్షల మంది ప్రభుత్వ ఉద్యోగులు సోమవారం నాటికి పోస్టల్‌ బ్యాలెట్‌ ద్వారా ఓటేశారని చెప్పారు. పోస్టల్‌ బ్యాలెట్‌ ఓట్లను సంబంధిత నియోజకవర్గానికి పంపించేందుకు గచ్చిబౌలి స్టేడియంలో ఎక్ఛేంజ్‌ కేంద్రం పెట్టామని ఆయన వివరించారు   సెక్టోరియల్‌ అధికారులకు మెజిస్టీరియల్‌ అధికారాలు...  ప్రతి నియోజకవర్గం పరిధిలోని కొన్ని పోలింగ్‌ కేంద్రాలకు ఒక్కో సెక్టోరియల్‌ అధికారిని నియమించామని ఎక్కడ ఎలాంటి సమస్య వచ్చినా వారు స్పందించి చర్యలు తీసుకుంటారని వికాస్‌రాజ్‌ తెలిపారు. శాంతిభద్రతల సమస్యలొస్తే చర్యలు తీసుకునే మెజిస్టీరియల్‌ అధికారాలు వారికి ఉంటాయన్నారు. ఎక్కడైన ఈవీఎంలు పనిచేయని పక్షంలో తక్షణమే ప్రత్యామ్నాయ ఈవీఎంలను వారే సమకూర్చుతారని తెలిపారు. విలేకరుల సమావేశంలో అదనపు సీఈఓ లోకేష్‌కుమార్, జాయింట్‌ సీఈఓ సర్ఫరాజ్‌ అహమద్, డిప్యూటీ సీఈఓ సత్యవాణి పాల్గొన్నారు.  పోలింగ్‌ రోజు సెలవు ప్రకటించకుంటే కఠిన చర్యలు సీఈఓ వికాస్‌రాజ్‌ ఆదేశం  సాక్షి, హైదరాబాద్‌: శాసనసభ సాధారణఎన్నికల్లో ఓటేసేందుకు నవంబర్‌ 30న పోలింగ్‌ రోజు సెలవు ప్రకటించని ప్రైవేటు వ్యాపార సంస్థలు, కంపెనీలపై కఠిన చర్యలు తీసుకోవాలని రాష్ట్ర ఎన్నికల ప్రధాన అధికారి(సీఈఓ) వికాస్‌రాజ్‌ ఆదేశించారు. గత శాసనసభ సాధారణ ఎన్నికల పోలింగ్‌ రోజు కొన్ని ఐటీ, ఇతర ప్రైవేటు కంపెనీలు తమ ఉద్యోగులకు సెలవు ప్రకటించలేదని ఫిర్యాదులొచ్చాయని ఆయన గుర్తు చేశారు. ఈ సారి ఎవరైనా తమ ఉద్యోగులకు సెలవు ప్రకటించని పక్షంలో కార్మిక చట్టంతో పాటు ఎన్నికల చట్టాల కింద కఠిన చర్యలు తీసుకోవాలని ఆదేశిస్తూ రాష్ట్ర కార్మిక శాఖకు మంగళవారం లేఖ రాశారు.   

రాజస్థాన్‌  అసెంబ్లీ ఎన్నికల పోలింగ్‌ కొనసాగుతోంది. అధికార కాంగ్రెస్‌, బీజేపీ మధ్య హారా హోరీగా  సాగుతున్న ఈ  పోరులో గెలుపుపై  ఎవరికి వారే ధీమా వ్యక్తం చేస్తున్నారు. తాజా మధ్యాహ్నం 1 గంటల వరకు 40శాతానికి పైగా ఓటింగ్ నమోదుగా  తాజా సమాచారం ప్రకారం 55.63శాతం ఓటింగ్ నమోదైంది. మరోవైపు సికార్‌లోని బోచివాల్ భవన్, ఫతేపూర్ షెఖావతి సమీపంలో  కొంతమంది  రాళ్ల దాడికి దిగారు.దీంతో వారిని చెదరగొట్టేందుకు భారీగా పోలీసులు మోహరించి పరిస్థితిని అదుపులోకి తెచ్చారు.  రాష్ట్రంలో అన్ని చోట్లా ప్రశాంతంగా ఓటింగ్ జరుగుతోంది. అయితే ఫతేపూర్ షెకావతి నుంచి హింసాత్మక సంఘటన చోటు చేసుకుంది.. రెండు వర్గాల మధ్య తీవ్ర ఘర్షణ కారణంగా   ఉద్రిక్తత నెలకొంది. ఉద్రిక్తత సమయంలో జనం అదుపు తప్పి భారీగా రాళ్లు రువ్వారు. హింసాకాండతో కొంత సేపు ఓటింగ్ నిలిచిపోయింది. అయితే భద్రతా బలగాలు అప్రమత్తమై జనాన్ని అదుపు చేశారు. పరిస్థితి సద్దుమణిగిన తర్వాత మళ్లీ ఓటింగ్ ప్రారంభమైంది.  ఇది ఇలా ఉంటే ఈసారి  ట్రెండ్‌ రివర్స్‌ అవుతుందని, అధి​కారం తమదేనని ముఖ్యమంత్రి అశోక్‌ గెహ్లాట్‌ ధీమా వ్యక్తం చేశారు.  రాష్ట్రంలో బీజేపీ తుడిచిపెట్టుకుపోతుందని వ్యాఖ్యానించారు. భాజపా అఖండ మెజారిటీతో అధికారంలోకి  రానుంది. రాజస్థాన్ ప్రజలు గత ఐదేళ్ల దుష్పరిపాలనకు ప్రతీకారం తీర్చుకునేందుకు ఓట్లు వేస్తున్నట్లు కనిపిస్తోంది. నేరాలు, అవినీతి  పాలన అంతంకోసం  జనం ఓటు వేస్తున్నారుని కేంద్ర మంత్రి గజేంద్ర సింగ్ షెకావత్ వ్యాఖ్యానిచారు. ప్రధాని మోదీని ఉద్దేశించి రాహుల్ గాంధీ చేసిన వ్యాఖ్యలపై   స్పందించిన బీజేపీ నేత, రాజస్థాన్ మాజీ సీఎం వసుంధర రాజే రాజకీయాల్లో ఉన్న వ్యక్తులెవరైనా ఇలాంటి వ్యాఖ్యలు  చేయడం సరైందికాదనీ కొత్త ఓటర్లు ఈ పరిణామాల్ని గమనిస్తున్నారని పేర్కొన్నారు.   కాగా రాజస్థాన్‌లోని 200 నియోజకవర్గాల అసెంబ్లీలలో 199 అసెంబ్లీలలో కట్టుదిట్టమైన భద్రత మధ్య ఉదయం 7 గంటలకు ఓటింగ్ ప్రారంభమైంది.     ఈ సాయంత్రం 6 గంటలక పోలింగ్‌కు కొనసాగుతుంది. డిసెంబర్‌ 3న ఓట్ల  లెక్కింపు ఉంటుంది.  పోలింగ్‌కు సంబంధించి గట్టి భద్రత ఏర్పాటు చేశామని  డీజీపీ పుమేష్‌మిశ్రా  తెలిపారు. ఇదిబ ప్రజాస్వామ్యానికి పండుగ  లాంటి, స్వేచ్ఛగా, నిర్భయంగా ఓటు హక్కు వినియోగించుకోవాలని ఓటర్లకు డీజీపి పిలుపునిచ్చారు. #WATCH | Rajasthan Assembly elections: Stone pelting reported near Bochiwal Bhawan, Fatehpur Shekhawati in Sikar. Heavy Police deployed. pic.twitter.com/AAXLlkp5pn — ANI (@ANI) November 25, 2023

మధ్యప్రదేశ్‌లో 230 స్థానాలకు నవంబర్‌ 17న(శుక్రవారం) ఒకే దశలో పోలింగ్‌ జరిగిన సంగతి తెలిసింది. సుమారు 71.16 శాతం ఓటింగ్‌ ప్రశాంతంగా జరిగింది. అయితే మధ్యప్రదేశ్‌లోని భింద్‌లోని కిషుపురాలో పోలింగ్‌ కేంద్రం నెంబర్‌ 71 బూత్‌లో కొందరు అధికారులు ఓటింగ్‌ నిబంధనలు ఉ‍ల్లంఘించడంతో ఎన్నికల సంఘం రీపోలింగ్‌కు ఆదేశించింది. ఈ నేపథ్యంలో నేడు నవంబర్‌ 20న(మంగళవారం) ఆ ప్రాంతంలో రీ పోలింగ్‌ నిర్వహిస్తున్నారు అధికారులు. ఉదయం 7 గంటలకు ఈ ఓటింగ్‌ ప్రారంభమైంది. ప్రస్తుతం ప్రశాంతంగ సాగుతోందని, కట్టుదిట్టమైన భద్రతా చర్యల నడుమ జరుగుతోందని కలెక్టర్‌ సంజీవ్‌ శ్రీ వాస్తవ్‌ అన్నారు. ఇదిలా ఉండగా, మునపటి పోలింగ్‌లో పాల్గొన్న ఆ నలుగురు అధికారులపై ఎఫ్‌ఐఆర్‌ నమోదు చేసినట్లు తెలిపారు. వీరిలో ముగ్గర్ని విధుల నుంచి సస్పెండ్‌ చేయగా, నాల్గవ వ్యక్తి పర్మినెంట్‌ వర్కర్‌ అని అతనిపై క్రమశిక్షణా చర్యలు తీసుకున్నట్లు వెల్లడించారు. కాగా, అదే నవంబర్‌ 17వ తేదిన చత్తీస్‌గఢ్‌ అసెంబ్లీ ఎన్నికల రెండోదశ పోలింగ్‌ ముగిసింది. ఇక ఆ ఇరు రాష్ట్రాల ఓట్ల లెక్కింపు డిసెంబర్‌ 3న జరగనుంది.  (చదవండి:  కాంగ్రెస్‌కు అవినీతే పరమావధి)

భోపాల్‌/రాయ్‌పూర్‌: ఐదు రాష్ట్రాల అసెంబ్లీ ఎన్నికల పోరు కీలక దశకు చేరింది. కీలకమైన మధ్యప్రదేశ్‌లో మొత్తం 230 అసెంబ్లీ స్థానాలకు శుక్రవారం ఒకే దశలో పోలింగ్‌ జరగనుంది. ఛత్తీస్‌గఢ్‌లో మొత్తం 90 సీట్లకు గాను రెండో, తుది దశలో భాగంగా 70 అసెంబ్లీ సీట్లకు కూడా పోలింగ్‌ జరుగుతుంది. ఆ రాష్ట్రంలో నవంబర్‌ 7న తొలి దశలో 20 నక్సల్స్‌ ప్రాబల్య స్థానాల్లో పోలింగ్‌ ముగియడం తెలిసిందే. అదే తేదీన ఈశాన్య రాష్ట్రం మిజోరంలో మొత్తం 40 స్థానాకలు ఒకే దశలో పోలింగ్‌ జరిగింది. మరో కీలక రాష్ట్రమైన రాజస్థాన్‌లో నవంబర్‌ 25న, చివరగా తెలంగాణలో నవంబర్‌ 30న పోలింగ్‌ జరగనుంది. మొత్తం ఐదు రాష్ట్రాల అసెంబ్లీ ఎన్నికల ఫలితాలూ డిసెంబర్‌ 3న వెల్లడవుతాయి. మధ్యప్రదేశ్‌లో.. మధ్యప్రదేశ్‌లో 2018 అసెంబ్లీ ఎన్నికల్లో కాంగ్రెస్‌ 114 స్థానాలతో అతి పెద్ద పారీ్టగా అవతరించింది. బీఎస్పీ, స్వతంత్రుల మద్దతుతో ప్రభుత్వం ఏర్పాటు చేసింది. 15 నెలలకే జ్యోతిరాదిత్య సింధియా సారథ్యంలో 22 మంది ఎమ్మెల్యేలు బీజేపీలో చేరడంతో కుప్పకూలింది. శివరాజ్‌సింగ్‌ చౌహాన్‌ సారథ్యంలో బీజేపీ మరోసారి ప్రభుత్వాన్ని ఏర్పాటు చేసింది. ఈసారి ఆ రెండింటితో పాటు సమాజ్‌వాదీ పార్టీ కూడా మరోసారి గట్టిగా ఉనికి చాటుకునే ప్రయత్నం చేస్తోంది... ఛత్తీస్‌గఢ్‌ రెండో దశలో... రాష్ట్రంలో 15 ఏళ్ల బీజేపీ పాలనకు తెర దించి 2018 అసెంబ్లీ ఎన్నికల్లో ఏకంగా 68 సీట్లతో కాంగ్రెస్‌ ఘనవిజయం సాధించింది. ఈ ఐదేళ్లలో సీఎం భూపేశ్‌ బఘెల్‌ పలు ప్రజాకర్షక పథకాలతో రైతులతో పాటు అన్ని వర్గాలనూ ఆకట్టుకుంటూ వచ్చారు. అనంరం ఉప ఎన్నికల విజయాలతో అసెంబ్లీలో కాంగ్రెస్‌ బలం 71కి పెరిగింది. ఈసారి బీజేపీ, కాంగ్రెస్‌లతో పాటు బీఎస్పీ, ఆమ్‌ ఆద్మీ పార్టీ కూడా పోటీలో ఉన్నాయి...

నాగర్‌కర్నూల్‌: వచ్చే అసెంబ్లీ ఎన్నికలను దృష్టిలో పెట్టుకొని సమస్యాత్మక పోలింగ్‌ స్టేషన్ల గుర్తింపు ప్రక్రియ సజావుగా చేపట్టాలని కలెక్టర్‌ ఉదయ్‌కుమార్‌ ఆదేశించారు. శనివారం ఉదయం నూతన కలెక్టరేట్‌లోని సమావేశ మందిరంలో ఎస్పీ మనోహర్‌తో కలిసి సమస్యాత్మక పోలింగ్‌స్టేషన్‌ల గుర్తింపుపై స్టేషన్‌ హౌజ్‌ ఆఫీసర్లతో సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ జిల్లాలో దాదాపు 760 పోలింగ్‌స్టేషన్లు ఉండగా.. వీటిలో సమస్యాత్మక పోలింగ్‌స్టేషన్‌ ఎన్ని ఉన్నాయి.. అందుకు గల కారణాలను వివరిస్తూ నివేదిక ఇవ్వాలని ఆదేశించారు. 2018 అసెంబ్లీ ఎన్నికలను ప్రామాణికంగా చేసుకోవాలని సూచించారు. గొడవలు జరిగిన పోలింగ్‌ స్టేషన్‌, క్రిమినల్‌ కేసులు ఎక్కువగా నమోదైన పోలింగ్‌ స్టేషన్‌, రెండు పొలిటికల్‌ పార్టీల మధ్య హోరాహోరీగా పోటీ ఉన్న ప్రాంతం, కుల, మత విభేదాలు ఎక్కువగా ఉన్న పోలింగ్‌స్టేషన్‌, 80 శాతం కన్నా అధికంగా పోల్‌ అయినవి లేదా 70 శాతం ఓట్లు ఒకే అభ్యర్థికి పోల్‌ అయిన పోలింగ్‌స్టేషన్‌.. ఏ నియోజకవర్గంలో వస్తుంది అనే పూర్తి వివరాలు తెలియజేయాలని సూచించారు. లైసెన్స్‌ పొందిన మారణాయుధాలు ఎవరి దగ్గర ఉన్నాయో గుర్తించి తిరిగి జమ చేసుకోవాలని చెప్పారు. ఎస్పీ మాట్లాడుతూ 2018 ఎన్నికల రోజున ఏదైనా పోలింగ్‌స్టేషన్‌లో గొడవ జరిగి ఉంటే దానిని సైతం సమస్యాత్మక పోలింగ్‌ స్టేషన్‌గా గుర్తించాలన్నారు. వచ్చే ఎన్నికల్లో గొడవలు జరిగే ప్రమాదం ఉందా.. లేదా.. ఓటర్లను ప్రభావితం చేసే అవకాశం ఉందా.. అని భావిస్తే పూర్తి వివరాలతో నివేదిక ఇవ్వాలన్నారు. సమావేశంలో డీఎస్పీలు మోహన్‌కుమార్‌, గిరిబాబు, స్టేషన్‌ హౌజ్‌ ఆఫీసర్లు, ఎన్నికల సెక్షన్‌ సూపరింటెండెంట్‌ జాకీర్‌అలీ తదితరులు పాల్గొన్నారు.

బెంగళూరు: కర్ణాటక అసెంబ్లీ ఎన్నికల్లో 73.19 శాతం పోలింగ్‌ నమోదయ్యింది. ఎన్నికలు బుధవారం జరగ్గా, తుది గణాంకాలను ఎన్నికల సంఘం గురువారం విడుదల చేసింది. 73.19 శాతం పోలింగ్‌ నమోదు కావడం ఒక కొత్త రికార్డేనని రాష్ట్ర ముఖ్య ఎన్నికల అధికారి చెప్పారు. అత్యధికంగా చిక్కబళ్లాపుర జిల్లాలో 85.56 శాతం, బెంగళూరు రూరల్‌లో 85.08 శాతం, అత్యల్పంగా బీబీఎంపీ దక్షిణంలో 52.33 శాతం పోలింగ్‌ నమోదయ్యింది. రాష్ట్రంలో మొత్తం 58,545 పోలింగ్‌ కేంద్రాలు ఏర్పాటు చేయగా, రీపోలింగ్‌ నిర్వహించాల్సిన అవసరం ఎక్కడా రాలేదని అధికారులు తెలిపారు.

పంజాబ్ అసెంబ్లీ ఎన్నికల్లో భాగంగా మోగా పోలింగ్ బూత్ వద్ద బాలీవుడ్‌ నటుడు, సామాజిక కార్యకర్త అయిన సోనూసూద్ ఎస్‌యూవీ వాహనాన్ని పోలీసులు స్వాధీనం చేసుకున్నారు. మోగా నియోజకవర్గం నుంచి కాంగ్రెస్ అభ్యర్థిగా సోనూ సూద్ సోదరి మాళవికా సూద్ సచార్ పోటీ చేస్తున్న సంగతి తెలిసిందే.  ఈ మేరకు ఆయన తన సోదరి మాళవిక సూద్‌ సచార్‌ కోసం బాలీవుడ్‌ నటుడు మోగాలో క్యాంప్‌ చేస్తున్నాడు. అయితే మోగా జిల్లాలోని లంధేకే గ్రామంలో అనుమానాస్పద కార్యకలాపాలు జరుగుతున్నాయంటూ వచ్చిన ఫిర్యాదుల నేపథ్యంలో సోనూ సూద్ స్పోర్ట్స్ యుటిలిటీ వాహనాన్ని (ఎస్‌యూవీ) పోలీసులు స్వాధీనం చేసుకున్నారు. ఎన్నికల పరిశీలకుల సూచన మేరకు వాహనాన్ని సీజ్ చేసినట్లు పోలీసులు తెలిపారు. అంతేకాకుండా ఎస్‌డీఎం-కమ్-రిటర్నింగ్ అధికారి సత్వంత్ సింగ్ కూడా సోనూ సూద్ ఇంటిపై వీడియో నిఘాను ఆదేశించారు. ఈ మేరకు సిటీ పోలీస​ స్టేషన్‌ ఆఫీసర్‌ దేవిందర్ సింగ్ మాట్లాడుతూ ..అనుమానాస్పద కార్యాచరణ ఆధారంగా ఎస్‌యూవీని స్వాధీనం చేసుకున్నాము. లంధేకే గ్రామంలోని పోలింగ్ బూత్ దగ్గర ఎస్‌యూవీ తిరుగుతున్నట్లు మాకు ఫిర్యాదు అందింది. మేము దానిని స్వాధీనం చేసుకున్నాము. అంతేకాదు అతను మోగాలో ప్రచారం చేస్తున్నప్పుడు ఆ వాహనాన్ని ఉపయోగించినట్లు సంబంధిత వర్గాలు తెలిపాయి. సోనూ సూద్‌కు మోగా నియోజకవర్గంలో ఓటు లేనందున ఆ ప్రాంతంలోకి వెళ్లడానికి వీల్లేదని ఇంట్లోనే ఉండాలని ఎస్‌డీఎం-కమ్-రిటర్నింగ్ అధికారి సత్వంత్ సింగ్ కూడా ఆదేశించారు. అయితే అతను ఆ ఆదేశాలను ఉల్లంఘించాడు. తదుపరి విచారణలు జరుగుతున్నాయి. అని అన్నారు. ఈ విషయమై సోనూసూద్‌ను మాట్లాడుతూ.. “శిరోమణి అకాలీదళ్ అభ్యర్థి బర్జిందర్ సింగ్, అలియాస్ మఖన్ బ్రార్, నాపై తప్పుడు ఫిర్యాదు చేశారు. ఇది కేవలం పార్కింగ్ సమస్య మాత్రమే. వాహనం సరిగ్గా పార్క్ చేయలేదు. ఇంకేమీ లేదు" అని చెప్పారు. (చదవండి: కాంగ్రెస్‌కే ఓటు వేయండి అని బీజేపీ ప్రచారం ! తప్పుగా అర్థం చేసుకున్నారంటూ వివరణ)

న్యూఢిల్లీ: అయిదు రాష్ట్రాల అసెంబ్లీ ఎన్నికలు సమీపిస్తున్న వేళ భారత్‌లో వన్‌ నేషన్, వన్‌ ఎలక్షన్‌ ఆవశ్యకతను ప్రధానమంత్రి నరేంద్ర మోదీ మరోసారి లేవనెత్తారు. వన్‌ నేషన్‌–వన్‌ –ఎలక్షన్‌ –వన్‌ ఓటరు లిస్ట్‌ ఉండాలని, లేదంటే ఏడాది పొడవునా ఎక్కడో ఒక చోట ఎన్నికలు జరుగుతూ అభివృద్ధి కార్యక్రమాలకి ఆటంకం ఏర్పడుతోందన్నారు. జాతీయ ఓటర్ల దినోత్సవాన్ని పురస్కరించుకొని దేశవ్యాప్తంగానున్న బీజేపీ కార్యకర్తలతో ఆన్‌లైన్‌లో ప్రధాని మాట్లాడారు. పట్టణ ప్రాంతాల్లో విద్యాధికులు, సంపన్నులు ఓటు వెయ్యకపోవడం పట్ల మోదీ ఆవేదన వ్యక్తం చేశారు. చైతన్యవంతమైన ప్రజాస్వామ్యం కలిగిన మన దేశంలో ఈ  పరిస్థితి మారాల్సిన అవసరం ఉందన్నారు. 1951–52లో జరిగిన మొదటి లోక్‌సభ ఎన్నికల్లో 45% పోలింగ్‌ జరిగితే 2019 నాటికి 67శాతానికి పెరిగిందన్నారు. మహిళా ఓటర్లు అత్యధికంగా ఓటు హక్కు వినియోగించుకోవడం హర్షణీయమని, కానీ ఇంత తక్కువ ఓటింగ్‌ జరగడానికి గల కారణాలేంటో రాజకీయ పార్టీలన్నీ ఆలోచించాలన్నారు. పట్టణ ప్రాంతాల్లో ప్రజలు ఎన్నికల గురించి సోషల్‌ మీడియాలో సుదీర్ఘ చర్చలు చేస్తారు కానీ , పోలింగ్‌ కేంద్రాలకు తరలిరావడం లేదన్నారు. ఎప్పుడు ఎక్కడ ఎన్నికలు జరిగినా క్షేత్రస్థాయిలో బీజేపీ ఎన్నికల ఇన్‌చార్జ్‌లు (పన్నా ప్రముఖ్స్‌) కనీసం 75% పోలింగ్‌ జరిగేలా చూడాలని పిలుపునిచ్చారు. ఓట్ల శాతం పెంచడానికి కేంద్ర ఎన్నికల సంఘం చేపట్టిన చర్యల్ని ప్రధాని అభినందించారు.  75% ఓటింగ్‌ జరిగేలా చూడాలి వచ్చే లోక్‌సభ ఎన్నికల్లో ఓటింగ్‌ శాతం 75శాతానికి పెరిగేలా చర్యలు చేపట్టాలని ఉప రాష్ట్రపతి వెంకయ్యనాయుడు పిలుపునిచ్చారు. 12వ జాతీయ ఓటర్ల దినోత్సవాన్ని పురస్కరించుకొని మంగళవారం తాను హాజరు కావాల్సిన ఒక  కార్యక్రమానికి సందేశాన్ని పంపారు. కోవిడ్‌–19తో బాధపడుతూ హోం క్వారంటైన్‌లో ఉన్న ఆయన తన సందేశంలో 75వ స్వాతంత్య్ర దినోత్సవాన్ని జరుపుకుంటున్న సమయంలో 75% ఓటింగ్‌ జరిగేలా చూడాల్సిన బాధ్యత అందరిపైనా ఉందన్నారు. ప్రతి ఒక్కరూ ఓటు అంటే హక్కు కాదని, తమ బాధ్యతని భావించిన రోజు దేశంలో ఓటింగ్‌ శాతం పెరుగుతుందని, ప్రజాస్వామ్యం పరిఢవిల్లుతుందని వెంకయ్య నాయుడు అభిప్రాయపడ్డారు.   ఓటింగ్‌ తప్పనిసరి చేయాలి..  దేశంలో ఓటు వెయ్యడాన్ని తప్పనిసరి చేయా లని 86 శాతం మంది ముక్తకంఠంతో కోరారని ఒక సర్వేలో వెల్లడైంది. పబ్లిక్‌ యాప్‌ అనే సోషల్‌ మీడియా ప్లాట్‌ఫారమ్‌ జాతీయ ఓటరు దినోత్సవాన్ని దృష్టిలో ఉంచుకొని ఓటింగ్‌పై ఒక సర్వే నిర్వహించింది. ఈ సర్వేలో నాలుగు లక్షల మందికిపైగా పాల్గొన్నారు. వారిలో 86 శాతం మందికి పైగా ఓటింగ్‌ను తప్పనిసరి చేయాలన్నారు. ఎన్నికల ప్రక్రియపై విశ్వాసం ఉందని సర్వేలో పాల్గొన్న వారిలో 80శాతం మందికిపైగా చెప్పారు. దేశంలో తక్కువగా పోలింగ్‌ జరుగుతున్న నేపథ్యంలో ఓటింగ్‌ని తప్పనిసరి చేయాలా అని అడిగిన ప్రశ్నకు 86శాతం మందికి పైగా చేసి తీరాలని అన్నారు.     

న్యూఢిల్లీ: పశ్చిమ బెంగాల్‌ తుది దశ పోలింగ్‌లోనూ భారీగా పోలింగ్‌ నమోదైంది. గురువారం 35 స్థానాలకు జరిగిన ఎనిమిదో విడత పోలింగ్‌లో 76.07శాతం పోలింగ్‌ నమోదైనట్టు కేంద్ర ఎన్నికల సంఘం వెల్లడించింది. కరోనా భయాలను కూడా ఖాతరు చేయకుండా పెద్ద సంఖ్యలో ఓటర్లు వచ్చి తమ ఓటు హక్కుని వినియోగించుకున్నారు. ఈ దశలోనూ పలు చోట్ల ఉద్రిక్తతలు నెలకొన్నాయి. బీర్భమ్‌ జిల్లా ఇలామ్‌బజార్‌ ప్రాంతంలో తృణమూల్‌ కాంగ్రెస్, బీజేపీ మధ్య ఘర్షణలు జరిగాయి. బీజేపీ అ«భ్యర్థి అనిర్బన్‌ గంగూలీపై దాడి జరిగినట్టుగా ఎన్నికల అధికారులు వెల్లడించారు. కర్రలు, బ్యాట్‌లు తీసుకొని ఆయనపై దాడి చేయడానికి వచ్చినçప్పుడు ఏర్పడిన ఘర్షణలో ఇద్దరు గాయపడ్డారు. ఈ దాడి వెనుక టీఎంసీ మద్దతుదారులు ఉన్నారని గంగూలీ చెప్పారు. తన కారుని పూర్తిగా ధ్వంసం చేశారని అన్నారు. వాళ్లు రాక ముందు వరకు పోలింగ్‌ ప్రశాంతంగా సాగిందని తెలిపారు. జొరసాంకో నియోజకవర్గం బీజేపీ అభ్యర్థి మీనాదేవి పురోహిత్‌ తాను నియోజకవర్గంలో పర్యటిస్తూ ఉంటే ప్రత్యర్థి పార్టీ వ్యక్తులు తన కారుపై బాంబులు విసిరారని ఆరోపించారు. పశ్చిమ బెంగాల్‌లో 294 స్థానాలు ఉండగా ఎనిమిది దశల్లో పోలింగ్‌ నిర్వహించారు. మార్చి 27 న మొదలైన పోలింగ్‌ ఏప్రిల్‌ 29తో ముగిసింది.  

కోల్‌కత్తా: ఎన్నికలకు అంతా సిద్ధమైంది.. కొద్దిసేపయితే పోలింగ్‌ ప్రారంభం అవ్వాల్సిన సమయంలో షాకింగ్‌ ఘటన చోటుచేసుకుంది. విధులు నిర్వహించడానికి వచ్చిన ఓ జవాన్‌ ఆత్మహత్య చేసుకోవడం కలకలం రేపింది. దీంతో ఆ ప్రాంతంలో కొద్దిసేపు ఎన్నికలకు అంతరాయం ఏర్పడింది. దానికి సంబంధించిన వివరాలు ఇలా ఉన్నాయి. బెంగాల్‌లోని దక్షిణ 24 పరగణాల జిల్లాలో రెండో దశ పోలింగ్‌ గురువారం జరిగింది. ఈ సందర్భంగా ఆ ప్రాంతంలోని పాతర్‌ ప్రతిమ పోలింగ్‌ కేంద్రంలో పోలింగ్ ఏర్పాట్లు చేశారు. ఆ కేంద్రంలో బందోబస్తు నిర్వహించేందుకు సెంట్రల్‌ ఆర్మ్‌డ్‌ పోలీస్‌ ఫోర్స్‌కు చెందిన కమల్‌గంగూలీ బుధవారం వచ్చాడు. అయితే రాత్రి ఏం జరిగిందో ఏమో కానీ తెల్లవారేసరికి విగతజీవిగా మారాడు. ఆ పోలింగ్‌ కేంద్రంలో ఉరి వేసుకుని ఆత్మహత్యకు పాల్పడ్డాడు. ఉదయం చూసిన అధికారులు షాక్‌కు గురయ్యారు. ఒకవైపు ఎన్నికలు ఉన్నాయి.. ఇక్కడేమో మృతదేహం అని కంగారు పడ్డారు. వెంటనే మృతదేహాన్ని దించి పోస్టుమార్టం తరలించారు. అనంతరం పోలింగ్‌ కేంద్రంలో మొత్తం సర్దుబాటు చేసి ఏర్పాట్లు పునరుద్ధరించారు. అయితే జవాన్‌ గంగూలీ ఎందుకు ఆత్మహత్య చేసుకున్నాడో తెలియరాలేదు. దీనికి సంబంధించిన వివరాలు ఇంకా తెలియాల్సి ఉంది.

ధనేఖలి: బెంగాల్‌ తొలివిడత ఎన్నికల్లో భారీగా పోలింగ్‌ శాతం నమోదు కావడం రాష్ట్రంలో మార్పునకు సంకేతమని, అవినీతి టీఎంసీ పాలనపై ప్రజలు విశ్వాసం కోల్పోయారనేందుకు నిదర్శనమని బీజేపీ అధ్యక్షుడు జేపీ నడ్డా అభిప్రాయపడ్డారు. టీఎంసీ గూండాల బీభత్సాల నడుమ శాంతియుతంగా ఎన్నికలు నిర్వహించిందంటూ ఎన్నికల కమిషన్‌ను ప్రశంసించారు. టీఎంసీ ఆట ముగిసిందని, ఎన్నికలు శాంతియుతంగా జరగడంపై మమతా బెనర్జీ ఆందోళనగా ఉన్నారని విమర్శించారు. బెంగాల్‌ తొలిదశ ఎన్నికల్లో దాదాపు 85 శాతం పోలింగ్‌ నమోదయింది. మమతా బెనర్జీ నందిగ్రామ్‌ నియోజకవర్గాన్ని ఎంచుకోవడంపై వ్యంగ్యంగా స్పందిస్తూ ‘‘ తన కేబినెట్‌లో మాజీ మంత్రిని ఎదుర్కొనేందుకు స్వయంగా సీఎం రంగంలోకి దిగారంటే, ఇద్దరిలో ఎవరు బడాలీడర్‌?’’ అని ప్రశ్నించారు. బెంగాల్‌లో టీఎంసీ అదృశ్యమవుతుందని నందిగ్రామ్‌ ప్రజలు స్పష్టమైన సమాధానమిస్తారన్నారు. ఇటీవలే మరణించిన 82ఏళ్ల వృద్ధురాలు సోవా మజుందార్‌ను ప్రస్తావిస్తూ, మమత పాలనను దుయ్యబట్టారు. బెంగాల్‌లో మా, మాటీ, మానుష్‌ అరక్షితంగా మారాయన్నారు. మమత పాలనలో సిండికేట్‌ రాజ్యం ఏర్పడిందని ఆరోపించారు. కిడ్నాపులు, యాసిడ్‌ దాడులు, హత్యాయత్నాల్లో బెంగాల్‌ అగ్రగామిగా మారేందుకు మమతే కారణమని విమర్శించారు. మొహర్రం ఊరేగింపునకు గతేడాది అనుమతినిచ్చిన రాష్ట్ర ప్రభుత్వం, రామమందిరం శంకుస్థాపన రోజు ఎందుకు కర్ఫ్యూ విధించిందని నడ్డా ప్రశ్నించారు. దుర్గాపూజ, సరస్వతి పూజపై పరిమితులు విధించిన సీఎం ఎన్నికలు వచ్చే సరికి చండీయాగాలు చేస్తోందన్నారు. హూగ్లీలో జూట్‌మిల్లుల్లో అధికశాతం మూతపడడం, రాష్ట్రంలో పరిశ్రమల దుస్థితికి నిదర్శనమన్నారు.     

సాక్షి, న్యూఢిల్లీ: దేశవ్యాప్తంగా ఉత్కంఠ రేపుతున్న పశ్చిమబెంగాల్‌తో పాటు అస్సాం అసెంబ్లీ తొలి దశ ఎన్నికలకు సర్వం సిద్ధమైంది. బెంగాల్‌లో 30, అస్సాంలో 47 స్థానాలకు శనివారం పోలింగ్‌ జరగనుంది. కోవిడ్‌–19 కేసులు విజృంభిస్తున్న నేపథ్యంలో ఎన్నికలు జరుగుతూ ఉండటంతో కేంద్ర ఎన్నికల సంఘం అన్ని ముందు జాగ్రత్తలు తీసుకుంది. ప్రతీ పోలింగ్‌ కేంద్రం దగ్గర థర్మల్‌ స్క్రీనింగ్‌ ఏర్పాటు చేశారు. శానిటైజర్లు ఉంచారు. పరీక్షలో ఎవరికైనా జ్వరం ఉందని తేలితే వారిని సాయంత్రం ఓటు వేయడానికి అనుమతిస్తారు. ఓటర్లందరూ తప్పనిసరిగా మాస్కు ధరించి తీరాలన్న నిబంధనలున్నాయి. బెంగాల్‌లో హ్యాట్రిక్‌ కొట్టాలన్న ఉత్సాహంలో తృణమూల్‌ కాంగ్రెస్, తూర్పున పాగా వెయ్యాలన్న వ్యూహంలో బీజేపీ నిలవడంతో హోరాహోరీ పోరు నెలకొంది. 2016 ఎన్నికల్లో టీఎంసీ ఈ 30 స్థానాలకు గాను 26 సీట్లలో గెలుపొందింది. అయితే గత అయిదేళ్లలో ఈ ప్రాంతంలో బీజేపీ పట్టు బిగించి అధికారపక్షానికి సవాల్‌ విసురుతోంది. బీజేపీ నేత సువేందు అధికారి సొంత జిల్లా మేదినిపూర్‌ జిల్లాలో పోలింగ్‌ జరుగుతూ ఉండడంతో సర్వత్రా ఆసక్తి నెలకొంది. టీఎంసీ, బీజేపీలు 29 స్థానాల్లో అభ్యర్థుల్ని బరిలో నిలిపితే, లెఫ్ట్‌–కాంగ్రెస్‌–ఐఎస్‌ఎఫ్‌ కూటమి మొత్తం 30 స్థానాల్లోనూ పోటీ చేస్తోంది. మరోవైపు పౌరసత్వ సవరణ చట్టం (సీఏఏ)ని, జాతీయ పౌర పట్టిక (ఎన్‌ఆర్‌సీ)ని కేంద్ర ప్రభుత్వం తీసుకువచ్చిన నేపథ్యంలో అస్సాం అసెంబ్లీ పోరు రసవత్తరంగా మారింది. అధికారాన్ని కాపాడుకోవడానికి పకడ్బందీ వ్యూహాలను రచించిన బీజేపీ–ఏజీపీ కూటమికి కాంగ్రెస్‌ నేతృత్వంలోని మహాకూటమి, లోకల్‌ కార్డుతో కొత్తగా ఏర్పాటైన అసోం జాతీయ పరిషత్‌ల నుంచి గట్టి పోటీ ఎదురు కానుంది. గత ఎన్నికల్లో బీజేపీ–ఏజీపీలు 47 స్థానాలకు గాను 35 సీట్లలో గెలుపొందాయి.   భద్రతా బలగాల నీడలో   పశ్చిమ బెంగాల్‌లోని నక్సల్స్‌ ప్రభావిత ప్రాంతమైన జంగల్‌మహల్‌లో 30 స్థానాల్లో పోలింగ్‌ జరుగుతూ ఉండడంతో ఎన్నికల సంఘం కట్టుదిట్టమైన భద్రతా ఏర్పాట్లు చేసింది. సమస్యాత్మక ప్రాంతమై జర్‌గ్రామ్‌ జిల్లాలో ప్రతీ పోలింగ్‌ బూత్‌ దగ్గర 11 మంది పారామిలటరీ సిబ్బంది మోహరించినట్టుగా ఎన్నికల అధికారులు వెల్లడించారు. 1307 పోలింగ్‌ బృందాలను అత్యంత సమస్యాత్మకంగా గుర్తించి 127 కంపెనీల కేంద్ర బలగాలను మోహరించింది.  పురూలియాలో 185 కంపెనీలు, పూర్వ మేదినీపూర్‌లో 148 కంపెనీలు, బంకూరాలో 83 కంపెనీల బలగాలు మోహరించాయి. ఒక్కో కంపెనీలో వంద మంది సిబ్బంది ఉంటారు. రాష్ట్రానికి చెందిన 22 వేల మందికిపైగా పోలీసు సిబ్బంది కూడా ఎన్నికల విధుల్లో ఉన్నారు.   బరిలో ఉన్న ప్రముఖులు పశ్చిమబెంగాల్‌లోని 30 స్థానాల్లో కొందరి అభ్యర్థిత్వం ఆసక్తి రేపుతోంది. పురూలియా సిట్టింగ్‌ కాంగ్రెస్‌ ఎమ్మెల్యే సుదీప్‌ ముఖర్జీ ఇటీవల బీజేపీ గూటికి చేరుకొని ఎన్నికల బరిలో నిలిచారు. ఆయనపై టీఎంసీ మంత్రి శాంతి రామ్‌ మెహతా పోటీ పడుతున్నారు. ఖరగ్‌పూర్‌ నియోజకవర్గంలో త్రిముఖ పోటీ నెలకొని ఉంది. దినేన్‌ రాయ్‌ (టీఎంసీ), తపన్‌ భూహియా (బీజేపీ), ఎస్‌.కె.సద్దామ్‌ అలీ (సీపీఐఎం) మధ్య గట్టి పోటీ ఉంది. అస్సాంలో తొలి దశలోనే ముఖ్యమంత్రి, స్పీకర్, మంత్రులు, ఎందరో విపక్ష నేతలు  తమ అదృష్టాన్ని పరీక్షించు కుంటున్నారు. ముఖ్యమంత్రి సర్వానంద సోనోవాల్‌ మజూలి నుంచి తిరిగి బరిలో నిలిచారు. కాంగ్రెస్‌ నేత రజీబ్‌ లోచన్‌ పెగు ఈ నియోజకవర్గం నుంచి 2001 నుంచి వరసగా మూడు సార్లు ఎన్నికయ్యారు. గత ఎన్నికల్లో సోనోవాల్‌ చేతిలో ఓటమిపాలయ్యారు. ఈ సారి మళ్లీ వీళ్లిద్దరే తలపడుతున్నారు. జోర్హత్‌ నుంచి అసెంబ్లీ స్పీకర్‌ హితేంద్రనాథ్‌ పోటీ పడుతున్నారు.

మహిళల్లో ఓటు వేయాలన్న ఉత్సాహం కలిగించడం కోసం అస్సాంలోని నల్బరి జిల్లా యంత్రాంగం కొత్తగా ఆలోచిస్తోంది. నల్బరినే ఎందుకు అంటే.. ఆ జిల్లాలోని అత్యున్నతస్థాయి అధికారులంతా దాదాపుగా మహిళలే కావడం! డిప్యూటీ కమిషనర్‌ మహిళ. సూపరింటెండెంట్‌ ఆఫ్‌ పోలీస్‌ మహిళ. ముగ్గురు అడిషనల్‌ డిప్యూటీ కమిషనర్‌లు మహిళలు. వీళ్లంతా కలిసి నల్బరిలోని మూడు అసెంబ్లీ నియోజకవర్గాల్లో మహిళా ఓటర్లను పోలింగ్‌ స్టేషన్‌లకు నడిపించేందుకు రకరకాల ప్రణాళికలు, పథకాలు రచిస్తున్నారు! 126 స్థానాలు గల అస్సాం అసెంబ్లీకి మూడు విడతలుగా.. మార్చి 27, ఏప్రిల్‌ 1, 6 తేదీలలో.. పోలింగ్‌ జరుగుతోంది. అభ్యర్థుల గెలుపోటములపై మహిళా ఓటర్లే ప్రభావం చూపబోతున్నారని సర్వేల అంచనా. బ్రహ్మపుత్ర నది ఉత్తరపు ఒడ్డున అస్సాం నగరం గువాహటికి 60 కి.మీ. దూరంలో ఉంది నల్బరి జిల్లా. ఆ జిల్లాను నడిపే అత్యున్నతస్థాయి అధికారులంతా మహిళలేనన్నది మరీ కొత్త సంగతైతే కాదు. అయితే వీళ్లంతా కలిసి మహిళా ఓటర్లను పోలింగ్‌ బూత్‌ల వైపు ఆకర్షించేందుకు కొత్త కొత్త ఐడియాలు వేస్తున్నారు. వీళ్లకేం పని? వీళ్లకే పని! డిప్యూటీ కమిషనర్, సూపరింటెండెంట్‌ ఆఫ్‌ పోలీస్, జిల్లా పరిషత్‌ చీఫ్‌ ఎగ్జిక్యూటివ్‌ ఆఫీసర్, అడిషనల్‌ డిప్యూటీ కమిషనర్లు.. వీళ్లే కదా జిల్లా ప్రజల్ని చైతన్యవంతుల్ని చేయవలసింది, బాధ్యత గల పౌరులుగా మెలిగేలా నడిపించవలసింది! అస్సాంలో త్వరలో ఎన్నికలు జరుగుతున్నాయి. ఓటు వేయడం పౌరధర్మం అయితే, ఓటు వేయించడం అధికారం ధర్మం. ఆ ధర్మాన్నే ఈ మహిళా అధికారులంతా బాధ్యతగా, వినూత్నంగా చేపడుతున్నారు. అభ్యర్థులు మహిళల ఓట్ల కోసం పాట్లు పడుతుంటే, అధికారులు మహిళల చేత ఓటు వేయించడం కోసం ‘ప్లాట్‌’లు ఆలోచిస్తున్నారు. మహిళల కోసం ప్రత్యేక పోలింగ్‌ స్టేషన్‌లు ఏర్పాటు చేయిస్తున్నారు. లోపల బూత్‌ సిబ్బంది, బయట భద్రతా సిబ్బంది అంతా మహిళల్నే నియమిస్తున్నారు. ఇందులో కొత్తదనం ఏమీ లేదు. మహిళల్ని ఆ పోలింగ్‌ బూత్‌లకు రప్పించేందుకు జిల్లాలోని మూడు అసెంబ్లీ నియోజకవర్గాలైన నల్బరీ, బర్క్‌షెత్రి, ధర్మాపూర్‌లను ప్రత్యేక జోన్‌లుగా, సెక్టార్‌లుగా, చౌక్‌లుగా విభజించి అక్కడ మహిళా చైతన్య కేంద్రాలను ఏర్పాటు చేస్తున్నారు. ఆ కేంద్రాలలో ఉండేది మళ్లీ మహిళలే. వారు తమ పరిధిలోని మహిళలకు ఓటు ఎందుకు వేయాలో చెబుతారు. ఓటు వేయకపోతే ఏం జరుగుతుందో వివరిస్తారు. ‘ఈసారి మన మహిళల ఓటు మీద అస్సాం భవిష్యత్తు ఆధారపడి ఉంది’ అని సర్వేలను ఉదహరిస్తూ కొన్ని ప్రధానమైన అభివృద్ధి అంశాలను అర్థమయ్యేలా చేస్తారు. ఓటు ఎవరికి వేసినా గానీ, మొత్తానికైతే ఓటు వేయడం మానకూడదన్న స్పృహ కలిగిస్తారు. ఇందుకోసం ఆ కేంద్రాల్లోని మహిళా సిబ్బందికి శిక్షణ ఇవ్వడం ఇప్పటికే పూర్తయింది. ఇక పోలింగ్‌ డ్యూటీలో ఉన్న మహిళలకైతే వాళ్లెంత చిన్న బాధ్యతల్లో ఉన్నా ప్రత్యేక వసతుల్ని కల్పిస్తున్నారు. ‘‘మహిళలు సౌకర్యంగా ఉంటే, సమాజం సవ్యంగా సాగుతుంది’’ అంటారు డిప్యూటీ కమిషనర్‌ పురబి కన్వార్‌. అందుకే ఆమె ఓటు వేసే మహిళలకే కాకుండా, ఓటు వేయమని చెప్పే, బూత్‌ లోపల ఓటు వేసేందుకు దారి చూపే మహిళా సిబ్బంది అందరికీ కూడా సౌకర్యంగా ఉండేట్లు ఏర్పాటు చేయిస్తున్నారు. పురబి కన్వార్‌ జిల్లా ఎన్నికల అధికారి కూడా. మరోవైపు.. ఇళ్లకు డెలివరీ అయ్యే గ్యాస్‌ సిలిండర్‌లపై ‘ఓటు వెయ్యడం మీ కర్తవ్యం’ అని తెలియజెప్పే స్టిక్కర్‌లను అతికించమని చెబుతున్నారు. ఇప్పటి వరకు అలా స్టిక్కర్‌లు అంటించిన సిలిండర్‌లు ఐదు వేల వరకు డెలివరీ అయ్యాయి. అలాగే వీధి నాటకాలు వేయిస్తున్నారు. మహిళా కళాశాలల్లో సమావేశాలు ఏర్పాటు చేయిస్తున్నారు. ‘మహిళా అధికారుల జిల్లా’గా నల్బరి స్టోరీ అప్పుడే అయిపోలేదు. డిస్ట్రిక్ట్‌ ఇన్‌స్పెక్టర్‌ ఆఫ్‌ స్కూల్స్, డిస్ట్రిక్ట్‌ ఫుడ్‌ ఇన్‌స్పెక్టర్, డిస్ట్రిక్ట్‌ సోషల్‌ వెల్ఫేర్‌ ఆఫీసర్, డిస్ట్రిక్ట్‌ ఇన్ఫర్మేషన్‌ అండ్‌ పబ్లిక్‌ రిలేషన్స్‌ ఆఫీసర్‌.. అందరూ మహిళలే! జిల్లా ఎస్పీ మహిళ (అమన్‌జీత్‌ కౌర్‌). జిల్లాలోని ఐదుగురు జడ్జిలు, నలుగురు సర్కిల్‌ ఆఫీసర్‌లు, సబ్‌–రిజిస్ట్రార్‌ (రెవిన్యూ), ఇంకా.. డిస్ట్రిక్ట్‌ ఫైనాన్స్‌ అండ్‌ అకౌంట్స్‌ ఆఫీసర్, డిస్ట్రిక్ట్‌ లేబర్‌ ఆఫీసర్, సబ్‌–డివిజినల్‌ అగ్రికల్చర్‌ ఆఫీసర్, సాయిల్‌ సైంటిస్ట్, డిస్ట్రిక్ట్‌ చైల్డ్‌ వెల్ఫేర్‌ ఆఫీసర్, చైల్డ్‌ డెవలప్‌మెంట్‌ ప్రాజెక్ట్‌ ఆఫీసర్‌లు అంతా మహిళలే. ఇంత మంది మహిళా అధికారులు ఉన్నప్పుడు మహిళా సంక్షేమానికి ప్రాధాన్యం లేకుండా ఉంటుందా? మహిళల్లో చైతన్యం వెల్లివిరవకుండా ఉంటుందా?

సాక్షి, నల్గొండ: నల్గొండ- వరంగల్‌- ఖమ్మం పట్టభద్రుల ఎన్నికకు సంబంధించి నేడు పోలింగ్‌ జరుగుతున్న సంగతి తెలిసిందే. టీఆర్‌ఎస్‌కు ఓటు వేయాలంటూ ఆ పార్టీ కార్యకర్తలు బూత్‌లోకి వచ్చే పట్టభద్రులకు డబ్బులు పంచడం స్థానికంగా కలకలం రేపింది. తాజాగా భువనగిరి, సూర్యాపేట, దేవరకొండలో ఓటు వేయడానికి వస్తున్న పట్టభద్రులను ప్రలోబాలకు గురిచేస్తూ డబ్బులు పంచుతూ వీడియోకు అడ్డంగా దొరికిపోయారు. నల్గొండ- వరంగల్‌- ఖమ్మం ఎమ్మెల్సీ స్థానానికి పల్లా రాజేశ్వర్‌ రెడ్డి (టీఆర్‌ఎస్‌), ఎస్‌.రాములునాయక్‌ (కాంగ్రెస్‌), గుజ్జుల ప్రేమేందర్‌ రెడ్డి (బీజేపీ), బి.జయసారధి రెడ్డి (సీపీఐ), ప్రొఫెసర్‌ ఎం.కోదండరాం (టీజేఎస్‌) తదితరులు పోటీ పడుతున్నారు. కాగా నల్గొండలోని నాగార్జున డిగ్రీ కళాశాల బూత్ నెం 30 లో ఘర్షణ చోటు చేసుకుంది. టీఆర్‌ఎస్ నాయకులు బీజేపీ ఏజెంట్‌పై చేయి చేసుకోవడంతో ఘర్షణలు చెలరేగాయి. గుర్తింపు కార్డు లేకుండా ఎలా ఏజెంట్‌గా కూర్చున్నారంటూ బీజేపీ ఏజెంట్‌పై టీఆర్‌ఎస్ నేతలు చేయి చేసుకున్నారు. దీంతో పరిస్థితి అదుపు తప్పింది. ఈ వార్త తెలుసుకున్న బీజేపీ కార్యకర్తలు భారీగా పోలింగ్ బూత్ వద్దకు చేరుకున్నారు. పరిస్థితిని అదుపులో తేవడానికి పోలీసులు ప్రయత్నిస్తున్నారు.  చదవండి: MLC Elections 2021: పోలింగ్‌ లైవ్‌ అప్‌డేట్స్‌

సాక్షి, విజయవాడ : రెండవ విడత పంచాయతీ ఎన్నికలు రేపే (ఫిబ్రవరి13)జరగనున్నాయి. ఉదయం  6.30 గంటల నుంచి మధ్యాహ్నం 3.30 గంటల వరకు రెండవ విడత పోలింగ్‌ జరగనుంది. రాష్ట్రవ్యాప్తంగా మొత్తం 13 జిల్లాల్లోని 18 డివిజన్లలో 167 మండలాల్లోని 2786 పంచాయితీలకి ఎన్నికలు ఉండనున్నాయి. దీంతో ఏపీ వ్యాప్తంగా పోలీంగ్‌కి 44గంటల ​ముందే మద్యం దుకాణాలు మూతపడనున్నాయి. ఏజెన్సీ గ్రామాల్లో మద్యాహ్నం 1.30 గంటల వరకే పోలింగ్ నిర్వహించి సాయంత్రం 4 గంటల నుంచి ఓట్ల లెక్కింపు చేపడతారు. ఫలితాల వెల్లడి అనంతరం ఉపసర్పంచ్ ఎంపిక ప్రక్రియ జరగనుంది. రెండవ విడతకి నోటిఫికేషన్‌ ఇచ్చిన మొత్తం పంచాయతీలు 3328 కాగా, వాటిలో 539 సర్పంచ్‌ స్థానలు ఏకగ్రీవమయ్యాయి. మొత్తం 33,570 వార్డులు ఉండగా, వాటిలో 12,604 ఏకగ్రీవమయ్యాయి. అయితే 149 వార్డుల్లో నో నామినేషన్‌ ఉండటంతో 20,817 వార్డులకి రేపు ఎన్నికలు జరగనున్నాయి. (అమానుషం: కారుతో మూడుసార్లు తొక్కించి..) 44,876 మంది అభ్య​ర్థులు వార్డులకి పోటీపడనున్నారు. 167 డిస్ట్రిబ్యూషన్ కేంద్రాల ద్వారా ఎన్నికల సామాగ్రిని ఈరోజు రాత్రి వరకే సిబ్బంది పోలింగ్‌ కేంద్రాలకు తరలించనున్నారు. ఈ ఎన్నికల్లో మొత్తం 29,304 పోలింగ్‌ కేంద్రాలుండగా వాటిలో 5480 సమస్యాత్మక  కేంద్రాలు ఉండగా,  4181పోలింగ్ కేంద్రాలను  అతి సమస్యాత్మకమైనవిగా అధికారులు గుర్తించారు. ఎన్నికల‌ నిర్వహణకి 18387పెద్ద బ్యాలెట్ బాక్సులను ఏర్పాటు చేయగా, 8351 మధ్యరకం, 24034 చిన్న బ్యాలెట్ బాక్సులను ఏర్పాటు చేశారు. ఎన్నికల నిర్వహణకు 1292 స్టేజ్ - 1 రిటర్నింగ్ అధికారులు ఉండనుండగా, 3427స్టేజ్ -2 రిటర్నింగ్ అధికారులు,  1370 అసిస్టెంట్ రిటర్నింగ్ అధికారులు ఉండనున్నారు. ప్రిసైడింగ్ అధికారులు 33835 కాగా, ఇతర పోలింగ్ సిబ్బందితో కలిపి మొత్తం 47492 మంది ఉన్నారు. ఇప్పటికే పోలింగ్ కేంద్రాల వద్దే అధికారులు కట్టుదిట్టమైన ఏర్పాట్లు చేశారు. 32141మంది కౌంటింగ్ సిబ్బంది ఉండగా, పర్యవేక్షణ కోసం జిల్లాకి ఒకరు చొప్పున 13 మంది పంచాయితీ రాజ్ ఉన్నతాధికారులు ఉ‍న్నారు. పంచాయితీ రాజ్ కమీషనర్, డిజిపి కార్యాలయాలలో ఎన్నికల ప్రక్రియ పరిశీలనకి కమాండ్ కంట్రోల్ రూమ్ ఏర్పాటు చేశారు. ఎస్ఇసి కార్యాలయంలో వెబ్ కాస్టింగ్ ద్వారా ఎన్నికల‌ కమీషనర్ పోలింగ్, కౌంటింగ్ ప్రక్రియను పరిశీలించనున్నారు. (సినిమాలో చూస్తాడు.. బయట చేస్తాడు )

శ్రీనగర్‌ : జమ్మూకశ్మీర్​కు స్వయంప్రతిపత్తి తొలగించి.. కేంద్రపాలిత ప్రాంతంగా మార్చిన తర్వాత మొదటిసారిగా అక్కడ ఎన్నికలు జరిగాయి. స్థానిక సంస్థల తొలిదశ ఎన్నికలు శనివారం జరిగాయి. ఈ రోజు ఉదయం 7 గంటలకు పోలింగ్‌ మొదలై మధ్యాహ్నం 2 గంటలకు ముగిసింది. ఈ ఎన్నికలను అడ్డుకునేందుకు ఉగ్రవాదులు యత్నిస్తున్నారని నిఘా వర్గాలు హెచ్చరించిన  నేపథ్యంలో అప్రమత్తమైన భద్రతా దళాలు... ఎలాంటి అవాంఛనీయ ఘటనలు జరగకుండా పూర్తిస్థాయిలో పటిష్ఠమైన రక్షణ వలయాలు ఏర్పాటు చేశాయి. అనుమానాస్పద ప్రాంతాలలో బలగాలు  గస్తీ నిర్వహించాయి. సురక్షితమైన ఎన్నికలు జరిగేలా అవసరమైన అన్ని కోవిడ్ ప్రోటోకాల్‌లను ఉంచామని, మొత్తం  51.76% పోలింగ్‌ నమోదైనట్లుగా రాష్ట్ర ఎన్నికల కమిషనర్ కెకె శర్మ తెలిపారు. ఈరోజు 43 డిస్ట్రిక్ట్​ డెవలప్​మెంట్​ కౌన్సిల్​(డీడీసీ) స్థానాలకు పోలింగ్‌ జరిగింది. వీటిలో 25 కశ్మీర్​లో ఉండగా జమ్మూ ప్రాంతంలో 18 స్థానాలు ఉన్నాయి. మొదటి దశ ఎన్నికల కోసం 7,03,620 మంది ఓటర్లకుగానూ మొత్తం 2,644 పోలింగ్ కేంద్రాలు ఏర్పాటు చేసినట్లు అధికారులు తెలిపారు. మొదటి దశ డీడీసీ, సర్పంచ్​, ఉప ఎన్నికల్లో మొత్తం 1427 మంది అభ్యర్థుల భవితవ్యం తేలనుంది. మొత్తం 280 డీడీసీ, 12,153 పంచాయతీలకు 8 దశల్లో ఎన్నికల అధి​కారులు పోలింగ్​ నిర్వహించనున్నారు.  పీపుల్స్ అలయన్స్ ఫర్ గుప్కర్ డిక్లరేషన్ (పిఎజిడి), బీజేపీ, మాజీ మంత్రి బుఖారీ స్థాపించిన అప్ని పార్టీల మధ్య  త్రిముఖ పోరు జరగనుందని విశ్లేషకులు అంచనా వేస్తున్నారు. పీపుల్స్ డెమోక్రటిక్ పార్టీతో సహా పలు రాజకీయ పార్టీల సమ్మేళనం అయిన పీఎజీడీ, జమ్మూకశ్మీర్  ప్రత్యేక హోదాను పునరుద్ధరించడానికి ప్రయత్నిస్తుంది. 

సాక్షి, హైదరాబాద్‌ : గ్రేటర్ హైదరాబాద్ లో డిసెంబర్ 1న జరిగే పోలింగ్‌కు ఓట‌రు గుర్తింపుకార్డు లేకున్నా ప్రత్యామ్నాయ గుర్తింపు డాక్యుమెంట్ల‌ను చూపించి ఓటు వేసే అవ‌కాశం క‌ల్పిస్తున్న‌ట్టు జిల్లా ఎన్నిక‌ల అధికారి డిఎస్ లోకేష్ కుమార్ శనివారం తెలిపారు. ఓటు వేయ‌డానికి ముందు పోలింగ్ కేంద్రంలో ప్రతీ ఒక్క ఓటరు గుర్తింపు నిర్థార‌ణ‌కు గాను ఓట‌రు గుర్తింపు కార్డు చూపించాల్సి ఉంటుంది. ఒకవేళ అది లేకపోతే నిర్థార‌ణ‌కు కింద తెలిపిన ప్ర‌త్యామ్నాయ ఫోటో గుర్తింపు కార్డుల‌లో ఏద‌యినా ఒక‌దానిని చూపాలని జిల్లా ఎన్నిక‌ల అధికారి స్ప‌ష్టం చేశారు. కాగా ఓటర్‌ గుర్తింపు కార్డుకు ప్రత్యామ్నాయంగా కింద పేర్కొన్న 18 గుర్తింపు కార్డులు ఓటర్లు తమ వెంట తీసుకురావచ్చు. అవి ఏంటంటే   1. ఆధార్ కార్డు 2.  పాస్‌పోర్ట్ ‌3. డ్రైవింగ్ లైసెన్స్‌ 4. ఫోటోతో కూడిన‌ స‌ర్వీస్ ఐడెంటిఫైకార్డ్‌ 5. ఫోటోతో కూడిన‌ బ్యాంకు పాస్‌బుక్‌ 6. పాన్ కార్డు7.  ఆర్‌.జి.ఐ, ఎన్‌.పి.ఆర్ స్మార్ట్ కార్డు 8. జాబ్ కార్డు 9. హెల్త్ కార్డు 10. ఫోటోతో కూడిన పింఛ‌న్‌ డాక్యుమెంట్ 11. ఎమ్మెల్యే, ఎంపీ, ఎమ్మెల్సీల‌కు జారీచేసిన అధికార గుర్తింపు ప‌త్రం 12. రేషన్ కార్డు 13. కుల ధృవీక‌ర‌ణ ప‌త్రం 14. ఫ్రీడమ్ ఫైటర్ ఐడెంటిఫై కార్డు 15. ఆర్మ్స్ లైసెన్స్ కార్డు 16. అంగవైకల్యం సర్టిఫికెట్ 17. లోక్‌సభ, రాజ్యసభ మెంబర్ ఐడెంటిఫై కార్డు 18. పట్టదారు పాస్‌బుక్  

సాక్షి, హైదరాబాద్ : జీహెచ్‌ఎంసీ ఎన్నికల సందర్భంగా బ్యాలెట్‌ బాక్సులను తీసుకెళ్లే సిబ్బందికి, బ్యాలెట్‌ పేపర్లను ఒక దగ్గరకు చేర్చే ఉద్యోగులకు పీపీఈ కిట్లు ఇవ్వాలని రాష్ట్ర వైద్య, ఆరోగ్య శాఖ సూచించింది. కరోనా నేపథ్యంలో జీహెచ్‌ఎంసీ ఎన్నికల్లో తీసుకోవాల్సిన జాగ్రత్తలపై ప్రజారోగ్య సంచాలకులు డాక్టర్‌ శ్రీనివాసరావు ఇటీవల రాష్ట్ర ఎన్నికల సంఘం కమిషనర్‌ పార్థసారథికి సమగ్ర మార్గదర్శకాలను అందజేశారు. ఆ ప్రకారం ఎన్నికల సంఘం ఉత్తర్వులు జారీ చేసింది. ఎన్నికల కార్యకలాపాల్లో పాల్గొనే వారందరూ తప్పనిసరిగా మాస్క్‌లు ధరించాలని మార్గదర్శకాల్లో పేర్కొన్నారు. లేకుంటే పోలింగ్‌ స్టేషన్లలోకి ప్రవేశం ఉండదని స్పష్టం చేశారు. ‘నో మాస్క్‌ నో ఎంట్రీ’అని పెద్ద ఎత్తున ప్రచారం చేస్తారు. ‘భౌతికదూరం తప్పనిసరిగా పాటించాలి. రాజకీయ పార్టీలు, ఎన్నికల సిబ్బంది తమ కార్యకలాపాలను పెద్ద పెద్ద హాళ్లలో నిర్వహించుకోవాలి. పోలింగ్, భద్రతా సిబ్బంది కిక్కిరిసినట్లు వెళ్లకుండా తగినన్ని వాహనాలను సమకూర్చుకోవాలి. ఎన్నికల సిబ్బంది అంతా ఆరోగ్య సేతు యాప్‌ను డౌన్‌లోడ్‌ చేసుకోవాల’ని మార్గదర్శకాల్లో పేర్కొన్నారు.       ఆరడుగుల దూరం   పోలింగ్‌స్టేషన్‌కు వచ్చే ఓటర్ల మధ్య ఆరడుగుల దూరం పాటించేలా చర్యలు తీసుకోవాలి. ఎన్నికల సందర్భంగా కోవిడ్‌ జాగ్రత్తలను పర్యవేక్షించేందుకు వార్డు స్థాయి వరకు నోడల్‌ హెల్త్‌ ఆఫీసర్లను నియమించాలి. పోలింగ్‌ సిబ్బందిలో ఎవరికైనా కరోనా లక్షణాలుంటే, తక్షణమే వారి స్థానంలో రిజర్వుడు సిబ్బందిని అందుబాటులో ఉంచుకోవాలి. అభ్యర్థులు తమ రోజువారీ ఎన్నికల ఖర్చులను ఆన్‌లైన్‌ ద్వారా సమర్పించవచ్చు. నామినేషన్‌ సమర్పించడానికి అభ్యర్థితో పాటు మరో ఇద్దరికే అనుమతి ఇస్తారు. రెండు వాహనాలకే అనుమతి.  మరికొన్ని మార్గదర్శకాలు...   -   ఎన్నికల సామగ్రి పంపిణీ, సేకరణ, ఓట్ల లెక్కింపు కేంద్రాల్లో శానిటైజర్లను అందుబాటులో ఉంచాలి.   - పోలింగ్‌స్టేషన్‌ను పరిశుభ్రంగా ఉంచడంపై ప్రత్యేక దృష్టి కేటాయించాలి.   -   ఓటర్ల మధ్య ఆరడుగుల భౌతిక దూరాన్ని పాటించేలా వలయాలు గీయాలి. వాటిల్లో ఓటర్లు నిలబడేలా పర్యవేక్షించాలి.   -    స్త్రీ, పురుషులు, వికలాంగులు/ సీనియర్‌ సిటిజన్లకు... మూడు క్యూలు ప్రత్యేకంగా ఉండాలి.   -    అవకాశముంటే సీనియర్‌ సిటిజన్లు, వికలాంగులు, పాలిచ్చే తల్లులు, గర్భిణీ స్త్రీలు క్యూలలో నిలబడకుండా నేరుగా పోలింగ్‌స్టేషన్‌లోకి ప్రవేశించేందుకు అనుమతి ఇవ్వాలి.   -    భౌతికదూరాన్ని పర్యవేక్షించేందుకు వాలంటీర్ల సేవలు ఉపయోగించుకోవాలి.   -    కోవిడ్‌ అవగాహనకు పోస్టర్లు ప్రదర్శించాలి.   -   సిబ్బంది, ఏజెంట్ల కోసం పోలింగ్‌స్టేషన్లలో భౌతికదూరం పాటించేలా సీటింగ్‌ ఏర్పాట్లు చేయాలి.   -    మాస్క్‌ లేకుండా ఓటర్లను పోలింగ్‌స్టేషన్లలోకి అనుమతించరు. అయితే ఓటరును గుర్తించేందుకు ఒకసారి మాస్క్‌ను తొలగించి వెంటనే పెట్టుకోవచ్చు.   -   ప్రతి పోలింగ్‌ అధికారి ముందు ఒక ఓటరు మాత్రమే నిలబడటానికి అనుమతిస్తారు.   -    పోలింగ్‌ అధికారులకు, భద్రతా సిబ్బందికి మాస్క్‌లు, శానిటైజర్లు, ఫేస్‌షీల్డ్‌లు ఇస్తారు.  -    ఇంటింటి ప్రచారానికి అభ్యర్థితో కలిపి ఐదుగురు వెళ్లొచ్చు.   -   రోడ్‌షోలలో వాహనాల మధ్య 100 మీటర్ల దూరం పాటించాలి.   -    ఒకేమార్గంలో రెండు వేర్వేరు రాజకీయ పార్టీ రోడ్‌ షోలు ఉంటే, వాటి మధ్య కనీసం అరగంట తేడా ఉండాలి.   -    కరోనా ప్రొటోకాల్‌ ప్రకారం బహిరంగ సభలు, ర్యాలీలు నిర్వహించుకోవచ్చు. పర్యవేక్షించడానికి హెల్త్‌ రెగ్యులేటర్లను నియమించాలి.  

ప్రపంచానికి పెద్దన్న ఎవరు కాబోతున్నారో తేలే సమయం ఆసన్నమైంది. ప్రపంచ దేశాలను ప్రభావితం చేసే నిర్ణయాధికారం ఎవరికి అప్పగించాలో తేల్చి చెప్పే అతి పెద్ద ఎన్నికలకి ముహూర్తం సమీపిస్తోంది. అమెరికా అధ్యక్ష బరిలో ప్రస్తుత అధ్యక్షుడు, రిపబ్లికన్‌ పార్టీ అభ్యర్థి డొనాల్డ్‌ ట్రంప్, మాజీ ఉపాధ్యక్షుడు డెమొక్రాటిక్‌ అ«భ్యర్థి జో బైడెన్‌ ఢీ అంటే ఢీ అంటున్నారు. కరోనా సంక్షోభం నేపథ్యంలో ఇప్పటికే పోస్టల్‌ బ్యాలెట్‌ ద్వారా కోట్లాది మంది ఓటు హక్కు వినియోగించుకున్నప్పటికీ అసలు సిసలు సంగ్రామానికి తెరలేచే సమయం ఆసన్నమైంది. మంగళవారం నాడు జరిగే ఎన్నికల్లో ఎవరిది పై చేయి కాబోతోంది ? అమెరికన్‌ ఓటరు జాతీయవాదానికే మళ్లీ జై కొడతారా ? ట్రంప్‌ పాలనా వైఫల్యాలతో విసిగిపోయిన ప్రజలు మార్పు కోరుకుంటారా ? అందరిలోనూ అదే ఉత్కంఠ...   స్వింగ్‌ భళా.. అమెరికా అధ్యక్ష ఎన్నికల్లో స్వింగ్‌ రాష్ట్రాల్లో ఓటరు ఎటు వైపు మొగ్గుతారన్నదే అత్యంత కీలకం. 2016 ఎన్నికల తరహాలో పాపులర్‌ ఓట్లు సాధించలేకపోయినా, స్వింగ్‌ రాష్ట్రాల ఎలక్టోరల్‌ కాలేజీ ఓట్లతో గట్టెక్కగలనన్న ధీమా అధ్యక్షుడు ట్రంప్‌లో కనిపిస్తోంది. ఎన్నో కీలక రాష్ట్రాల్లో బైడెన్‌కి స్వల్పంగానే ఆధిక్యమున్నట్టుగా పోల్‌ సర్వేలు చెబుతూ ఉండడంతో ఆఖరి నిముషంలో ఫలితం ఎలాగైనా మారే అవకాశం ఉంది. అందుకే ట్రంప్, బైడెన్‌లు స్వింగ్‌ రాష్ట్రాల్లో సుడిగాలి ప్రచారాన్ని నిర్వహిస్తున్నారు. తటస్థ ఓటర్లను ఆకర్షించే ప్రయత్నాలు ఉధృతంగా చేస్తున్నారు. నార్త్‌ కరోలినా, పెన్సిల్వేనియా, మిషిగాన్, విస్కాన్సిన్‌ రాష్ట్రాల్లో ట్రంప్‌ ఆఖరి నిముషంలో ప్రచారం చేస్తున్నారు. ఇక బైడెన్‌ పెన్సిల్వేనియా రాష్ట్రంపై అత్యధికంగా దృష్టి సారిస్తున్నారు. పోలింగ్‌ రోజు రాత్రి ట్రంప్‌ మాత్రం శ్వేతసౌధంలోనే ఉంటూ ఎన్నికల ఫలితాల సరళి సమీక్షించనున్నట్టుగా తెలుస్తోంది. కౌంటింగ్‌ను సవాల్‌ చేస్తాం: ట్రంప్‌ ఫెయేట్‌విల్లే: అధ్యక్ష ఎన్నికల్లో ఓటమి తప్పదనుకున్నాడో ఏమోగానీ.. రిపబ్లికన్‌ పార్టీ అభ్యర్థి, ప్రస్తుత అధ్యక్షుడు డొనాల్డ్‌ ట్రంప్‌ మంగళవారం నాటి పోలింగ్‌ తరువాత ఓట్ల లెక్కింపును సవాలు చేయనున్నట్లు సూచనప్రాయంగా తెలిపారు. మంగళవారం పోలింగ్‌ నిర్వహిస్తున్నప్పటికీ చాలామంది అంతకుముందే మెయిల్‌ ఇన్‌ బ్యాలెట్‌ల ద్వారా ఓట్లేశారు. 9కోట్ల 20 లక్షల మంది ఈ పద్ధతిలో ఓట్లు వేసేసిన నేపథ్యంలో కొన్ని రాష్ట్రాల్లో వీటిని లెక్కబెట్టేందుకు కొన్ని వారాల సమయం పడుతుందని అంచనా. ఫలితంగా కొత్త అధ్యక్షుడు ఎవరన్నది స్పష్టమయ్యేందుకు మరింత సమయం ఎదురు చూడాల్సిన పరిస్థితి ఏర్పడనుంది. ఈ నేపథ్యంలో ఓట్ల లెక్కింపులో జరుగుతున్న జాప్యాన్ని తాము సవాలు చేసే అవకాశం ఉందని ట్రంప్‌ చెబుతున్నారు. కంప్యూటర్ల యుగంలోనూ ఎన్నికలు జరిగిన రోజు రాత్రికల్లా ఫలితాలు తేలకపోవడం ఘోరమైన విషయమన్నారు. మెయిల్‌–ఇన్‌ బ్యాలెట్ల పద్ధతిలో మోసాలు జరిగే అవకాశాలు ఎక్కువని ట్రంప్‌  వ్యాఖ్యానించారు. ఒకవేళ అమెరికన్లు ఓట్లు వేయాలని అనుకుని ఉంటే చాలా ముందుగానే ఆ పని చేసి ఉండాల్సిందని అన్నారు. ‘అందరూ ఒకే రోజు ఓటేయాల్సిన అవసరం లేదు. నెల రోజుల క్రితం ఓటేసి ఉండవచ్చు’అని ట్రంప్‌ వ్యాఖ్యానించారు. స్వింగ్‌          ఎలక్టోరల్‌ రాష్ట్రాలు       కాలేజీ ఓట్లు   అరిజోనా     11   విస్కాన్సిన్‌     10 మిషిగాన్‌     16 పెన్సిల్వేనియా     20 ఓహియో     18 నార్త్‌ కరోలినా     15 జార్జియా     16 ఫ్లోరిడా     29 

సాక్షి, నిజామాబాద్‌ : ఉమ్మడి నిజామాబాద్‌ జిల్లా స్థానిక సంస్థల ఎమ్మెల్సీ ఉప ఎన్నిక పోలింగ్‌ ప్రశాంతంగా ముగిసింది. శుక్రవారం ఉదయం 9 గంటల నుంచి సాయంత్రం 5 గంటల వరకూ పోలింగ్‌ కొనసాగింది. కాగా ఎమ్మెల్సీ ఉప ఎన్నికలో ఈసారి వంద శాతం పోలింగ్‌ నమోదు అయింది. జిల్లావ్యాప్తంగా 50 పోలింగ్‌ కేంద్రాల్లో మొత్తం 824మంది ఓటర్లు తమ ఓటు హక్కును వినియోగించుకున్నారు. 24మంది పీపీఈ కిట్లతో వచ్చి మరీ ఓటు వేశారు. ఇక ఎమ్మెల్సీ బరిలో మూడు ప్రధాన పార్టీల అభ్యర్థులు బరిలో ఉన్నారు. టీఆర్‌ఎస్‌ అభ్యర్థిగా మాజీ ఎంపీ కవిత కల్వకుంట్ల పోటీ చేయగా, కాంగ్రెస్‌ అభ్యర్థిగా సుభాష్‌ రెడ్డి, బీజేపీ నుంచి పోతన్‌కర్‌ లక్ష్మీ నారాయణ బరిలో ఉన్నారు. ఫలితాలు ఈ నెల 12న ప్రకటించనున్నారు.  99.64% పోలింగ్ శాతం నమోదు మొత్తం 824 ఓట్లకి 821 ఓట్లు పోల్ మిగతా ముగ్గురు పోస్టల్ బ్యాలెట్ ద్వారా ఓటు వినియోగం చివరి గంటలో  ఓట్లు వేసిన కరోనా పాజిటివ్ వచ్చిన ప్రజా ప్రతినిదులు ఎలాంటి ఘటనలు చోటు చేసుకోకుండా ప్రశాంతంగా ముగిసిన పోలింగ్ ఈనెల 12న ఓట్ల లెక్కింపు

సియోల్‌ : కరోనా మహమ్మారి ప్రపంచాన్ని వణికిస్తున్నా దక్షిణ కొరియాలో పార్లమెంట్‌ ఎన్నికలకు పోలింగ్‌ యథావిథిగా కొనపాగుతోంది. ఓటర్లు భౌతిక దూరం పాటిస్తూ తమ ఓటు హక్కును వినియోగించుకుంటున్నారు. ఓటర్లు, అభ్యర్ధులు, పోలింగ్‌ సిబ్బంది మాస్క్‌లు, శానిటైజర్లు వాడుతూ ఎన్నికల ప్రక్రియలో పాల్గొంటున్నారు. థర్మల్‌ స్క్రీనింగ్‌ అనంతరం ఓటర్లను పోలింగ్‌ బూత్‌లోకి అనుమతిస్తున్నారు. కరోనా పాజిటివ్‌ వచ్చిన వారికి ప్రత్యేక బూత్‌ల్లో ఓటు వేసే అవకాశం కల్పించిన అధికారులు స్వీయ నిర్బంధంలో ఉన్న వారికి ఓటింగ్‌ వేళలు ముగిసిన తర్వాతా ఓటు వేసే వెసులుబాటు కల్పించారు. కాగా ఈ ఎన్నికల్లో అధికార మూస్‌ జే ఇన్స్‌ పార్టీ గెలిచే అవకాశం ఉందని సర్వేలు వెల్లడించాయి. కాగా, దక్షిణ కొరియాలో 10591 కరోనా కేసులు నమోదవగా మహమ్మారి బారినపడి 225 మంది మరణించారు. 13 వేల మంది స్వీయ నిర్బంధంలో ఉన్నారు. చదవండి : కరోనా హాట్‌స్పాట్స్‌గా 170 జిల్లాలు

న్యూఢిల్లీ: ఢిల్లీ అసెంబ్లీ ఎన్నికల పోలింగ్‌ తుది గణాంకాలను.. పోలింగ్‌ ముగిసిన దాదాపు 24 గంటల తరువాత.. ఎన్నికల సంఘం ఆదివారం సాయంత్రం 7.15 గంటలకు విడుదల చేసింది. మొత్తంగా, 62.59 శాతం పోలింగ్‌ నమోదైందని ఢిల్లీ చీఫ్‌ ఎలక్టోరల్‌ అధికారి రణ్‌బీర్‌ సింగ్‌ వెల్లడించారు. 2015 ఎన్నికల కన్నా ఇది దాదాపు 5% తక్కువ. ఆ ఎన్నికల్లో 67.47% మంది తమ ఓటుహక్కును వినియోగించుకున్నారు. ఢిల్లీలోని 70 నియోజకవర్గాలకు శనివారం జరిగిన ఎన్నికల్లో బల్లీమారాన్‌ నియోజకవర్గంలో అత్యధికంగా 71.6%, ఢిల్లీ కంటోన్మెంట్‌ స్థానంలో అత్యల్పంగా 45.4% పోలింగ్‌ నమోదైందని సింగ్‌ తెలిపారు. తుది గణాంకాలను విడుదల చేయడంపై జరిగిన ఆలస్యంపై ఆయన వివరణ ఇచ్చారు. కచ్చితమైన గణాంకాలను విడుదల చేయాలనే ఉద్దేశంతో రాత్రంతా రిటర్నింగ్‌ అధికారులు సమాచారాన్ని విశ్లేషించారని, అందువల్లనే పోలింగ్‌కు సంబంధించిన తుది శాతాన్ని వెల్లడి చేయడంలో జాప్యం ఏర్పడిందని ఆయన వివరించారు. అయితే, ఇది అసాధారణ ఆలస్యమేమీ కాదన్నారు. తుది పోలింగ్‌ శాతాన్ని వెల్లడించడంలో ఆలస్యం నెలకొనడాన్ని ఆమ్‌ఆద్మీ పార్టీ చీఫ్‌ అరవింద్‌ కేజ్రీవాల్‌ ప్రశ్నించారు. ‘ఈసీ ఏం చేస్తోంది? పోలింగ్‌ వివరాలను ఎందుకు విడుదల చేయడం లేదు?’ అని ఆదివారం సాయంత్రం 4 గంటల సమయంలో ఆయన ట్వీట్‌ చేశారు. ‘బీజేపీ నేతలు ఇచ్చే పోలింగ్‌ గణాంకాల కోసం ఈసీ ఎదురు చూస్తోంది. అందుకే, పోలింగ్‌ ముగిసి 24 గంటలు గడుస్తున్నా ఇప్పటికీ తుది లెక్కలు ఈసీ వెల్లడించలేకపోయింది’ అని ఆప్‌ నేత, ఢిల్లీ డిప్యూటీ సీఎం మనీశ్‌ సిసోడియా మీడియాతో అన్నారు. 70 ఏళ్ల దేశ చరిత్రలో ఇలాంటిది మునుపెన్నడూ జరగలేదని ఆయన వ్యాఖ్యానించారు.

న్యూఢిల్లీ: ఢిల్లీ శాసనసభ ఎన్నికలు భారీ బందోబస్తు మధ్య శనివారం ప్రశాంతంగా ముగిశాయి. సాయంత్రానికి 61.46% పోలింగ్‌ నమోదైంది. ఢిల్లీలోని 11 జిల్లాలకు గాను ఈశాన్య ఢిల్లీలో అత్యధికంగా 65.24% పోలింగ్‌ నమోదు కాగా, న్యూఢిల్లీలో 56.10%, ఆగ్నేయ ఢిల్లీలో అత్యల్పంగా 54.89% మంది ఓటు హక్కు వినియోగించుకున్నట్లు అధికారులు ప్రకటించారు. సీఎం కేజ్రీవాల్‌ బరిలో ఉన్న న్యూఢిల్లీ నియోజకవర్గంలో 42% మంది ఓటేశారు. కొన్ని పోలింగ్‌ బూత్‌ల వద్ద ఓటర్లు బారులు తీరి ఉన్నందున పోలింగ్‌ శాతం పెరిగే చాన్సుందని అధికారులు తెలిపారు. గత 2015 అసెంబ్లీ ఎన్నికల్లో 67.47% పోలింగ్‌ నమోదు కాగా, గత ఏడాది జరిగిన లోక్‌సభ ఎన్నికల్లో ఢిల్లీలో 60.60% పోలింగ్‌ నమోదైంది.  పెట్రోలింగ్, క్విక్‌ రెస్పాన్స్‌ టీములు కలిపి 60వేల మంది పోలీసులు బందోబస్తులో పాల్గొన్నారు. ఢిల్లీ అసెంబ్లీలోని 70 స్థానాలకు ఈ నెల 11వ తేదీన ఓట్ల లెక్కింపు జరగనుంది. ఓటేసిన రాష్ట్రపతి కోవింద్‌ దంపతులు పోలింగ్‌ సరళి ఇలా.. పోలింగ్‌ ఉదయం 8 గంటలకు ప్రారంభం కాగా మొదటి మూడు గంటల్లో కేవలం 14.5% మాత్రమే పోలింగ్‌ జరిగింది. ఆ తర్వాత కొద్దిగా పుంజుకుని, మధ్యాహ్నం 3 గంటలకు 41.5%కు చేరుకుంది. పోలింగ్‌ ముగిసే 6 గంటల సమయానికి ముస్లిం ఓటర్లు ఎక్కువగా ఉన్న ముస్తాఫాబాద్‌లో 66.29%, మతియామహల్‌ 65.62%, సీలాంపూర్‌లో 64.92% పోలింగ్‌ నమోదైంది. షహీన్‌బాగ్‌లాంటి కొన్ని చోట్ల ఓటర్ల క్యూలు కొనసాగుతున్నందున పోలింగ్‌ శాతం పెరిగే అవకాశాలున్నాయని ఢిల్లీ చీఫ్‌ ఎలక్టోరల్‌ అధికారి రణ్‌బీర్‌ సింగ్‌ తెలిపారు. వీవీప్యాట్‌ స్లిప్పులో తన ఫొటో, పేరు కనిపించలేదంటూ న్యూఢిల్లీ నియోజకవర్గ కాంగ్రెస్‌ అభ్యర్థి రమేశ్‌ సభర్వాల్‌ అధికారులకు ఫిర్యాదు చేశారు. దీంతో కొద్దిసేపు పోలింగ్‌కు అంతరాయం కలిగింది. అధికారులు వెంటనే ఆ వీవీప్యాట్‌ మిషన్‌ స్థానంలో మరొకటి ఏర్పాటు చేశారు. ఈ ఎన్నికల్లో వీవీప్యాట్‌ వైఫల్యం కేవలం ఒక్క శాతమేనని సీఈవో తెలిపారు. శతాధిక వృద్ధులు 60 మందికిపైగా ఓటు హక్కు వినియోగించుకున్నారన్నారు. ఓటేసిన ప్రముఖులు రాష్ట్రపతి  కోవింద్, మాజీ ప్రధాని మన్మోహన్, కాంగ్రెస్‌ చీఫ్‌ సోనియా గాంధీ, రాహుల్, ప్రియాంక, కేంద్ర మంత్రులు జైశంకర్, హర్దీప్‌ సింగ్‌ తదితరులు ఓటుహక్కు వినియోగించుకున్నారు. ఆప్‌ కన్వీనర్, ఢిల్లీ సీఎం కేజ్రీవాల్‌ రాజ్‌పూర్‌ ట్రాన్స్‌పోర్ట్‌ అథారిటీ పోలింగ్‌ కేంద్రంలో తల్లిదండ్రులతోపాటు భార్య సునీత, కొడుకు పుల్కిత్‌తో కలిసి వచ్చి ఓటు వేశారు. ముందుగా ఆయన తల్లిదండ్రుల ఆశీర్వాదం తీసుకున్నారు. ప్రియాంకా గాంధీ కొడుకు రెహాన్, కేజ్రీవాల్‌ కొడుకు పుల్కిత్‌ మొదటిసారిగా ఓటు హక్కు వినియోగించుకున్న వారిలో ఉన్నారు. కేజ్రీవాల్‌ మళ్లీ సీఎం అవుతారని భావిస్తున్నారా అని మీడియా ప్రశ్నించగా ప్రజలు ఎవరికి ఓటేస్తే వారే ఢిల్లీ సీఎం అవుతారని పుల్కిత్‌ బదులిచ్చాడు. పోలింగ్‌ కేంద్రం వద్ద సోనియా, ప్రియాంక కేజ్రీవాల్, స్మృతి ఇరానీ ట్విట్టర్‌ వార్‌ ఓటు ఎవరికి వేయాలనే విషయంలో మగవారిని సంప్రదించాలంటూ ఢిల్లీ మహిళలకు ఆప్‌ నేత, ఢిల్లీ సీఎం కేజ్రీవాల్‌ ఇచ్చిన పిలుపుపై కేంద్రమంత్రి స్మృతి ఇరానీ ట్విట్టర్‌ వేదికగా విమర్శనాస్త్రాలు సంధించారు. ‘మీరంతా తప్పకుండా ఓట్లేయండి. ముఖ్యంగా మహిళలకు ఓ విన్నపం. కుటుంబంతోపాటు దేశం, ఢిల్లీ గురించి ఆలోచించాల్సిన బాధ్యత మీపై ఉంది. ఎవరికి ఓటు వేయాలనే విషయంలో మీ ఇంట్లో మగవారితోనూ చర్చించండి’ అంటూ పోలింగ్‌కు ముందు కేజ్రీవాల్‌ ట్విట్టర్‌లో పేర్కొన్నారు. దీనిపై కేంద్ర మంత్రి స్మృతి ఇరానీ స్పందిస్తూ..ఎవరికి ఓట్లేయాలో తెలియని స్థితిలో మహిళలున్నట్లు కేజ్రీవాల్‌ భావిస్తున్నారని మండిపడ్డారు. ఇందుకు కేజ్రీవాల్‌ బదులిస్తూ..ఇంటి బాధ్యతలు మోసే ఢిల్లీ మహిళలు తమ కుటుంబం ఎవరికి ఓటేయాలో కూడా ఈసారి నిర్ణయించారని వ్యాఖ్యానించారు. షహీన్‌బాగ్‌లో ఆగని నిరసనలు పౌరసత్వ సవరణ చట్టానికి వ్యతిరేకంగా దేశ రాజధాని షహీన్‌బాగ్‌లో పోలింగ్‌ రోజూ నిరసనలు ఆగలేదు. నిరసనలు కొనసాగేందుకు వీలుగా అందులోని మహిళలు కొందరు మధ్యాహ్నం, కొందరు సాయంత్రం పోలింగ్‌ బూత్‌లకు వెళ్లి ఓటేశారు. ప్రజాస్వామ్యానికి ఎంతో కీలకమైన పోలింగ్‌ ప్రక్రియలో తామూ భాగస్వాములయ్యామని నిరసనల్లో పాల్గొంటున్న జెహ్రా షేక్‌ తెలిపారు. బిర్యానీ కోసమే నిరసనల్లో పాల్గొంటున్నట్లు యూపీ సీఎం యోగి ఆదిత్యనాథ్‌ చేసిన వ్యాఖ్యలు తప్పని రుజువు చేసేందుకు ఓట్లు వేశామని మొహమ్మద్‌ అయూబ్‌ అన్నారు. ఏ పార్టీ వారు కూడా తమకు బిర్యానీ సరఫరా చేయడం లేదన్నారు. షహీన్‌బాగ్‌లో నిరసనకారులకు ఢిల్లీ సీఎం బిర్యానీ అందజేస్తున్నారంటూ చేసిన వ్యాఖ్యలకు యూపీ సీఎం యోగికి ఈసీ నోటీసులు పంపింది. సిరా గుర్తుతో ఎంపీ గౌతం గంభీర్‌ దంపతులు.   9నెలల పాపతో క్లాసికల్‌ డ్యాన్సర్‌ అరణ్యని ఓటేసిన 111ఏళ్ల కలితార మండల్‌

రాంచీ : జార్ఖండ్‌లో అసెంబ్లీ ఎన్నికల్లో మూడో విడత పోలింగ్‌ గురువారం జరుగుతోంది. మొత్తం 17 స్థానాల్లో పోలింగ్‌ జరుగుతుండగా, అందులో రాజధాని నగరమైన రాంచీ కూడా ఉంది. రాంచీ, హతియా, కాంకె, బర్కత, రామ్‌గడ్‌ నియోజకవర్గాల్లో పోలింగ్‌ సమయాన్ని ఉదయం 7 నుంచి సాయంత్రం 5 గంటల వరకు నిర్ణయించారు. మిగతా నియోజకవర్గాల్లో ఉదయం 7 నుంచి మధ్యాహ్నం 3 గంటల వరకు నిర్ణయించారు. ఈ విడత పోలింగ్‌లో ముగ్గురు మంత్రుల  నియోజకవర్గాలున్నాయి. అంతేకాక, మాజీ ముఖ్యమంత్రి బాబులాల్‌ మరాండి, మాజీ ఉప ముఖ్యమంత్రి సుదేశ్‌ మాతోలు కూడా మూడో విడతలో పోటీ పడుతున్నారు. 

రాంచీ: జార్ఖండ్‌లో మొదటి దశలో 13 అసెంబ్లీ స్థానాలకు పోలింగ్‌ ముగిసింది. శనివారం జరిగిన ఈ పోలింగ్‌లో 64.12% పోలింగ్‌ నమోదైనట్లు అధికారులు తెలిపారు. గుమ్లా జిల్లాలో ఓ కల్వర్టు వద్ద నక్సలైట్లు బాంబు పేల్చారని, అయితే ఎలాంటి నష్టం జరగలేదని అదనపు డీజీపీ మురారి లాల్‌ మీనా చెప్పారు. దల్తన్‌గంజ్‌ నియోజకవర్గంలోని కోసియారాలో కాంగ్రెస్‌ అభ్యర్థి కేఎన్‌ త్రిపాఠి ఆయుధాలతో పోలింగ్‌ బూత్‌లో ప్రవేశించాలని చూడగా పోలీసులు అడ్డుకొని అతని నుంచి ఓ పిస్టల్, మూడు కాట్రిడ్జ్‌లను సీజ్‌ చేశామని పలమౌ డిప్యూటీ కమిషనర్, రిటర్నింగ్‌ ఆఫీసర్‌ శాంతను అగ్రహారి తెలిపారు. నక్సల్స్‌ ప్రభావితం, చలికాలంలో త్వరగా చీకటి పడుతున్నందున ఉదయం 7కు ప్రారంభించి, మధ్యాహ్నం 3 గంటలకే పోలింగ్‌ ముగించినట్లు చెప్పారు. 13 ప్రాంతాల్లోనూ చెదురుమదురు ఘటనలు మినహా పోలింగ్‌ ప్రశాంతంగా జరిగిందన్నారు. ఈ ప్రాంతాల్లో జరిగిన ఎన్నికల్లో ప్రముఖులు ఆరోగ్య శాఖ మంత్రి రామ్‌ చంద్ర, రాష్ట్ర కాంగ్రెస్‌ అధ్యక్షుడు రామేశ్వర్‌ ఓరాన్, బీజేపీ నుంచి టికెట్‌ ఆశించి భంగపడిన ఆ పార్టీ చీఫ్‌ విప్‌ రాధాక్రిష్ణ కిషోర్‌లు ఉన్నారు.  

సాక్షి, ప్రతినిధి, సూర్యాపేట: హుజూర్‌నగర్‌ శాసనసభ స్థానానికి సోమవారం ఉప ఎన్నిక జరగనుంది. నియోజకవర్గ పరిధిలోని 302 పోలింగ్‌ కేంద్రాల్లో ఉదయం 7 గంటల నుంచి సాయంత్రం 5 గంటల వరకు పోలింగ్‌ నిర్వహించనున్నారు. 24న ఓట్లను లెక్కించి ఫలితాలను ప్రకటిస్తారు. ఎన్నికల ఫలితాలను నిర్దేశించే స్థాయిలో మహిళా ఓటర్లు ఈ నియోజకవర్గంలో ఉన్నారు. 1,16,508 మంది పురుషులు, 1,20,435 మంది మహిళలు కలిపి మొత్తం 2,36,943 మంది ఓటర్లు పోలింగ్‌లో పాల్గొననున్నారు. పోలింగ్‌ను దృష్టిలో పెట్టుకుని సోమవారం నియోజకవర్గం పరిధిలో ప్రభుత్వం స్థానిక సెలవు దినంగా ప్రకటించింది. పీసీసీ చీఫ్‌ ఉత్తమ్‌కుమార్‌రెడ్డి లోక్‌సభకు ఎంపిక కావడంతో హుజూర్‌నగర్‌ ఎమ్మెల్యే పదవికి రాజీనామా చేశారు. దీంతో ఇక్కడ ఉపఎన్నిక అనివార్యమైన విషయం తెలిసిందే. ఉప ఎన్నికలో శానంపూడి సైదిరెడ్డి(టీఆర్‌ఎస్‌), నలమాద పద్మావతిరెడ్డి (కాంగ్రెస్‌), డాక్టర్‌ కోటా రామారావు(బీజేపీ), చావ కిరణ్మయి (టీడీపీ)తో కలిపి మొత్తం 28 మంది అభ్యర్థులు పోటీ చేస్తున్నారు. ఈవీఎంకు అనుసంధానం చేసే బ్యాలెట్‌ యూనిట్‌తో గరిష్టంగా 15 మంది (నోటాతో కలిపి 16) అభ్యర్థులకు మాత్రమే అవకాశం ఉండడంతో ఇక్కడ రెండు బ్యాలెట్‌ యూనిట్లను వినియోగించనున్నారు. మొత్తం 1,497 మంది పోలింగ్‌ సిబ్బంది ఈ ఎన్నికల విధుల్లో పొల్గొంటున్నారు. టీఆర్‌ఎస్, కాంగ్రెస్‌ అభ్యర్థుల మధ్య ప్రధాన పోటీ నెలకొని ఉంది.  పోలీస్‌ పహారాలో.. పోలింగ్‌ సందర్భంగా ఎలాంటి అవాంఛనీయ సంఘటనలు జరగకుండా భారీ పోలీస్‌ బందోబస్తు చేపట్టారు. మొత్తం 2,350 మంది సిబ్బందితో ప్రత్యేక బందోబస్తు చేస్తున్నారు. 6 కంపెనీల కేంద్ర బలగాలు, 5 కంపెనీల తెలంగాణ స్పెషల్‌ పోలీస్, జోన్‌ పరిధిలోని జిల్లాల నుంచి అదనపు సిబ్బంది, 10 స్పెషల్‌ పార్టీలు, డాగ్‌ స్క్వాడ్స్, టాస్క్‌ఫోర్స్, 27 రూట్‌ మొబైల్స్, 7 క్విక్‌ రియాక్షన్‌ టీమ్స్‌ బందోబస్తులో ఉన్నాయి.

న్యూఢిల్లీ: సోమవారం ఉదయానికి అందుబాటులో ఉన్న సమాచారం ప్రకారం 2019 సార్వత్రిక ఎన్నికల్లో దేశవ్యాప్తంగా చూస్తే 67.11% పోలింగ్‌ నమోదైంది. భారత పార్లమెంటు ఎన్నికల చరిత్రలో ఇదే అత్యధికం. అయితే ఈ లెక్కలు మారే అవకాశం ఉంది. 2019 ఎన్నికలు మొత్తం ఏడు దశల్లో జరగ్గా, ఓటు హక్కు కలిగిన వారి సంఖ్య దాదాపు 91 కోట్లు. 2014 ఎన్నికల్లో 66.4 పోలింగ్‌ శాతం నమోదు కాగా, 2009లో అది మరీ 56.9 శాతమే. దేశంలో మొత్తం 543 లోక్‌సభ నియోజకవర్గాలుండగా, 542 స్థానాల్లో ఎన్నికలు జరిగాయి. తమిళనాడులోని వేల్లూరులో ధన ప్రవాహం అధికంగా ఉందనే కారణంతో ఈసీ అక్కడ ఎన్నికను రద్దు చేసింది. వేల్లూరులో తర్వాత ఎన్నిక ఎప్పుడు నిర్వహించేదీ ఈసీ ఇంకా ప్రకటించలేదు. 2014తో పోలిస్తే 2019కి ఓటర్ల సంఖ్య దాదాపు 8 కోట్లు పెరిగింది. 2019లో తొలిదశలో 69.61%, రెండో దశలో 69.44%, మూడో దశలో 68.4%, నాలుగో దశలో 65.5%, ఐదో దశలో 64.16%, ఆరో దశలో 64.4%, ఏడో దశలో 65.15% పోలింగ్‌ నమోదైంది. 2014తో పోలిస్తే మధ్యప్రదేశ్, హిమాచల్‌ ప్రదేశ్‌ల్లో పోలింగ్‌ 5 ఐదు శాతానికి పైగా పెరిగింది. చండీగఢ్‌లో 10% పైగా తగ్గింది.

ఆదివారం దేశంలోని 7 రాష్ట్రాల్లోని  59 నియోజకవర్గాల్లో  ఆరో విడత పోలింగ్‌ ముగిసింది. దీంతో 17వ లోక్‌సభ ఎన్నికలు చివరిదశకు చేరుకున్నాయి. మే 19న తుది విడత పోలింగ్‌ జరుగుతుంది. ఢిల్లీలో పోలింగ్‌ బూత్‌ల దగ్గర  ఏర్పాటు చేసిన సెల్ఫీ పాయింట్ల దగ్గర యువతులు బిహార్‌లోని గోపాల్‌గంజ్‌ జిల్లాలో ఓటు వేసిన నవవధువు బిహార్‌ రాష్ట్రం సివాన్‌లో ఓటేసిన నాటి, నేటి తరం మహిళలు న్యూ ఢిల్లీ సంగం విహార్‌ పోలింగ్‌ స్టేషన్‌లో ఐడీకార్డులతో ఓటర్లు పశ్చిమ బెంగాల్‌ సింగ్‌భూమ్‌లోని  పోలింగ్‌ స్టేషన్‌ వద్ద భద్రతా విధుల్లో ఉన్న జవాన్‌ హరియాణా ఫరీదాబాద్‌లో ఓటేసిన ఆనందంలో మహిళలు ఢిల్లీలో ఓ సీనియర్‌ ఓటర్‌ను పోలింగ్‌ బూత్‌కి ఎత్తుకుని వెళ్తున్న యువకుడు బిహార్‌ రాష్ట్రంలోని వైశాలి జిల్లాలో ఓటింగ్‌లో పాల్గొన్న మహిళలు ప్రయాగరాజ్‌లో ఓటు హక్కు వినియోగించుకుంటున్న సాధువులు  

న్యూఢిల్లీ: ఆరో విడత సార్వత్రిక ఎన్నికలు ఆదివారం ముగిశాయి. ఏడు రాష్ట్రాల్లోని 59 స్థానాలకు జరిగిన ఈ ఎన్నికల్లో 63.48 శాతం పోలింగ్‌ నమోదైనట్లు కేంద్ర ఎన్నికల సంఘం తెలిపింది. పశ్చిమబెంగాల్, ఉత్తరప్రదేశ్‌లో చెదురుమదురు ఘటనలు మినహా పోలింగ్‌ ప్రశాంతంగా సాగిందని వెల్లడించింది. పోలింగ్‌లో పశ్చిమబెంగాల్‌ మరోసారి అగ్రస్థానంలో నిలవగా, హరియాణా, జార్ఖండ్, మధ్యప్రదేశ్, ఢిల్లీ, బిహార్, యూపీలు ఆ తర్వాతి స్థానాల్లో నిలిచాయని పేర్కొంది. తాజా పోలింగ్‌తో మొత్తం 543 స్థానాలకు గానూ 484 స్థానాలకు ఎన్నికలు పూర్తయ్యాయనీ, మిగతా 59 సీట్లకు మే 19న చివరి దశ ఎన్నికలు నిర్వహిస్తామని ఎన్నికల సంఘం స్పష్టం చేసింది. ఈ ఎన్నికల్లో రాష్ట్రపతి రామ్‌నాథ్‌ కోవింద్, ఉపరాష్ట్రపతి వెంకయ్యనాయుడు, కాంగ్రెస్‌ చీఫ్‌ రాహుల్‌ గాంధీ తదితరులు ఓటు హక్కును వినియోగించుకున్నారు. మరోవైపు ఢిల్లీలో ఓటింగ్‌ శాతాన్ని పెంచేందుకు ఈసీ తీవ్రంగా ప్రయత్నించినప్పటికీ ఫలితం లేకపోయింది. 2014లో ఢిల్లీలో 65 శాతం పోలింగ్‌ నమోదుకాగా, ఈసారి అది 60 శాతానికి పడిపోయింది. బీజేపీ నేత భారతిపై దాడి.. పశ్చిమబెంగాల్‌లోని 8 లోక్‌ సభ సీట్లకు పోలింగ్‌ సందర్భంగా హింసాత్మక సంఘటనలు చోటుచేసుకున్నాయి. ఘటాల్‌ నియోజకవర్గంలోని కేశ్‌పూర్‌ ప్రాంతంలో పోలింగ్‌ సరళిని పరిశీలించడానికి వెళ్లిన బీజేపీ అభ్యర్థి, మాజీ ఐపీఎస్‌ అధికారిణి భారతీ ఘోష్‌పై తృణమూల్‌ కాంగ్రెస్‌ పార్టీ(టీఎంసీ)కి చెందిన మహిళా కార్యకర్తలు దాడిచేశారు. అనంతరం అక్కడి నుంచి బయలుదేరిన భారతి రిగ్గింగ్‌ జరుగుతోందన్న సమాచారంతో దొగాచియా పోలింగ్‌ కేంద్రానికి వెళ్లారు. అక్కడ టీఎంసీ మద్దతుదారులు ఆమె కాన్వాయ్‌పై రాళ్లతో పాటు బాంబులు విసిరారు. ఈ ఘటనలో భారతి భద్రతా సిబ్బంది ఒకరు గాయపడగా, కారు ధ్వంసమైంది. ఈ సందర్భంగా మనస్తాపానికి లోనైన ఆమె కన్నీరు పెట్టుకున్నారు. కాగా, ఈ వ్యవహారంపై నివేదిక సమర్పించాలని పశ్చిమ మిడ్నాపూర్‌ మెజిస్ట్రేట్‌ను రాష్ట్ర ఎన్నికల సంఘం ఆదేశించింది. యూపీలో బీజేపీ ఎమ్మెల్యే దౌర్జన్యం.. ఉత్తరప్రదేశ్‌లోని బదోహీ నియోజకవర్గంలో ఎన్నికల సందర్భంగా ప్రిసైడింగ్‌ ఆఫీసర్‌పై బీజేపీ నేతలు దాడిచేశారు. ఔరాయ్‌ అసెంబ్లీ సెగ్మెంట్‌లో ఉద్దేశపూర్వకంగా ఎన్నికల ప్రక్రియను నెమ్మదించేలా చేశారంటూ బీజేపీ ఎమ్మెల్యే దీననాథ్‌ భాస్కర్, ఆయన అనుచరులు ప్రిసైడింగ్‌ అధికారిని చితక్కొట్టారు. ఈ ఘటనను సీరియస్‌గా తీసుకున్న ఈసీ, మొత్తం వ్యవహారంపై నివేదిక సమర్పించాలని ఎన్నికల అధికారులను ఆదేశించింది. మరోవైపు బిహార్‌లోని షియోహర్‌ లోక్‌సభ నియోజకవర్గంలో ఓ హోంగార్డ్‌ పోలింగ్‌కు ముందు కాల్పులు జరపడంతో ఎన్నికల అధికారి ఒకరు ప్రాణాలు కోల్పోయారు. బిహార్‌లోని కొన్ని పోలింగ్‌ కేంద్రాల్లో ఓటింగ్‌ సందర్భంగా ఈవీఎంలు మొరాయించగా, అధికారులు ప్రత్యామ్నాయ ఏర్పాట్లు చేశారు. మరోవైపు హరియాణాలోని రోహతక్‌లో బీజేపీ నేత మనీశ్‌ గ్రోవర్‌ పోలింగ్‌ కేంద్రాల్లోకి బలవంతంగా ప్రవేశించి ఓటర్లను ప్రభావితం చేస్తున్నారని కాంగ్రెస్‌ రోహతక్‌ అభ్యర్థి దీపేందర్‌ సింగ్‌ హుడా ఆరోపించారు. అయితే ఈ ఆరోపణలను మనీశ్‌ ఖండించారు. హరియాణాలో ఎలాంటి హింసాత్మక ఘటనలు నమోదు కాలేదని ఎన్నికల సంఘం తెలిపింది. ఈసీకి ఫిర్యాదు చేస్తాం: బీజేపీ ఓడిపోతున్నామన్న ఆగ్రహంతోనే టీఎంసీ నేతలు భారతీ ఘోష్‌పై దాడిచేశారని కేంద్ర మంత్రి, బీజేపీ నేత ప్రకాశ్‌ జవదేకర్‌ విమర్శించారు. నిందితులపై చర్యలు తీసుకోవాల్సిన పోలీసులు తమ నేత కదలికలపై నిషేధాజ్ఞలు విధించారని మండిపడ్డారు. ఓటేసిన ప్రముఖులు సార్వత్రిక ఎన్నికల్లో భాగంగా పలువురు ప్రముఖులు ఢిల్లీలో ఓటు హక్కును వినియోగించుకున్నారు. రాష్ట్రపతి భవన్‌ ప్రాంగణంలో ఏర్పాటుచేసిన పోలింగ్‌ కేంద్రంలో రాష్ట్రపతి రామ్‌నాథ్‌ కోవింద్‌ ఓటు హక్కు వినియోగించుకున్నారు. ఉపరాష్ట్రపతి వెంకయ్య నాయుడు తన భార్యతో కలిసి నిర్మాణ్‌ భవన్‌లోని పోలింగ్‌ కేంద్రంలో ఓటేశారు. యూపీఏ చైర్‌పర్సన్‌ సోనియా గాంధీ ఇక్కడే ఓటు వేశారు. కాంగ్రెస్‌ అధ్యక్షుడు రాహుల్, విదేశాంగ మంత్రి సుష్మా స్వరాజ్‌ ఔరంగజేబురోడ్డులోని పోలింగ్‌బూత్‌లో ఓటు హక్కు వినియోగించుకున్నారు. కాంగ్రెస్‌ ప్రధాన కార్యదర్శి ప్రియాంక భర్త రాబర్ట్‌ వాద్రాతో కలసి న్యూఢిల్లీ స్థానంలో ఓటేయగా, మాజీ సీఎం షీలా దీక్షిత్, ఢిల్లీ సీఎం కేజ్రీవాల్‌ కూడా ఓటు హక్కును వినియోగించుకున్నారు. పోలింగ్‌ సందర్భంగా కొన్నిచోట్ల ఈవీఎంలు మొరాయించగా, ఓట్లు గల్లంతయ్యాయని మరికొన్ని చోట్ల ఓటర్లు ఆందోళనకు దిగారు. ఢిల్లీలో ఆదివారం ఓటేసిన అనంతరం వేలిపై సిరా గుర్తు చూపిస్తున్న ఉపరాష్ట్రపతి వెంకయ్య నాయుడు దంపతులు యూపీఏ చైర్‌ పర్సన్‌ సోనియా గాంధీ, కాంగ్రెస్‌ అధ్యక్షుడు రాహుల్ ప్రియాంక గాంధీ వాద్రా దంపతులు, కేంద్ర మంత్రి సుష్మాస్వరాజ్ మాజీ సీఎం షీలా దీక్షిత్, ఢిల్లీ సీఎం అరవింద్‌ కేజ్రీవాల్‌

సాక్షి, న్యూఢిల్లీ:  సార్వత్రిక ఎన్నికల్లో భాగంగా ఆరో దశలో దేశ వ్యాప్తంగా 59 లోక్‌సభ స్థానాలకు  ఎన్నిక జరుగుతున్న విషయం తెలిసిందే. ఉదయం 7 గంటలకు ప్రారంభమైన పోలింగ్‌ ఎలాంటి అవాంఛనీయ ఘటనలు చోటుచేసుకోకుండా ప్రశాంతంగా సాగుతోంది. బెంగాల్‌లో బీజేపీ-తృణమూల్‌ కార్యకర్తల మధ్య కొన్ని ప్రాంతాల్లో ఘర్షణలు చోటుచేసుకున్నాయి. ముఖ్యంగా రెండు పార్టీల నేతలు రిగింగ్‌కు పాల్పడుతున్నారంటూ ఆరోపణలు చేసుకుంటున్నారు. కొన్ని పాం‍త్రాల్లో పోలీసులు లాఠీఛార్జ్‌ చేశారు. దీంతో పోలింగ్‌కు కొంత అంతరాయం ఏర్పడింది. ఢిల్లీ ఈవీఎంలు సరిగా పనిచేయడంలేదని ఆప్‌ నేతలు ఈసీకి ఫిర్యాదు చేశారు. కాగా 1 గంటల వరకు నమోదైన పోలింగ్‌ శాతం వివరాలను ఎన్నికల అధికారులు ప్రకటించారు. 1 గంటల వరకు దేశ వ్యాప్తంగా 39.16శాతం పోలింగ్‌ నమోదైనట్లు అధికారులు తెలిపారు.   రాష్ట్రాల వారిగా 1 గంటల వరకు నమోదైన పోలింగ్‌ వివరాలు బిహార్‌ : 35.22 శాతం  హర్యానా : 37.70 శాతం మధ్యప్రదేశ్‌ : 41.36శాతం ఉత్తర ప్రదేశ్‌ : 34.16శాతం ఢిల్లీ : 28.69శాతం పశ్చిమ బెంగాల్‌ : 52.31శాతం జార్ఖండ్‌ : 46.64శాతం  

న్యూఢిల్లీ: ఆరో విడత సార్వత్రిక ఎన్నికలకు సర్వం సిద్ధమైంది. ఏడు రాష్ట్రాల్లోని 59 లోక్‌సభ స్థానాలకు ఆదివారం ఎన్నికలు నిర్వహించేందుకు ఎన్నికల సంఘం ఏర్పాట్లు చేసింది. 1.13 లక్షల పోలింగ్‌ కేంద్రాలను ఏర్పాటుచేసింది. ఈ విడతలో 10.17 కోట్ల మంది ఓటర్లు ఓటు వేయనున్నారు. ఉత్తరప్రదేశ్‌లోని 14 స్థానాలతో పాటు హరియాణా(10), బిహార్‌(8), మధ్యప్రదేశ్‌(8), పశ్చిమబెంగాల్‌(8), ఢిల్లీ(7), జార్ఖండ్‌(4) సీట్లకు ఆరో విడతలో ఎన్నికలు జరగనున్నాయి. ఈ స్థానాల్లో 979 మంది అభ్యర్థులు తమ అదృష్టాన్ని పరీక్షించుకుంటున్నారు. బీజేపీకి ఎదురీత: 2014 లోక్‌సభ ఎన్నికల్లో ఈ 59 స్థానాల్లో బీజేపీ ఏకంగా 45 సీట్లను సొంతం చేసుకుంది. ఈసారి యూపీలో సమాజ్‌వాదీ పార్టీ(ఎస్పీ)–బహుజన్‌ సమాజ్‌ పార్టీ(బీఎస్పీ) కూటమి బీజేపీ జోరుకు బ్రేకులు వేయవచ్చని రాజకీయ విశ్లేషకులు భావిస్తున్నారు. గతేడాది జరిగిన ఉపఎన్నికల్లో బీజేపీకి గట్టిపట్టున్న గోరఖ్‌పూర్, ఫూల్పూర్‌ లోక్‌సభ సీట్లను ఎస్పీ–బీఎస్పీ కూటమి దక్కించుకోవడం ఇందుకు ఉదాహరణ. 2014లో యూపీలోని ఈ 14 సీట్లలో 13 స్థానాలను బీజేపీ దక్కించుకుందనీ, ఈసారి ఆ పరిస్థితి పునరావృతమయ్యే అవకాశాలు లేవని వ్యాఖ్యానిస్తున్నారు. పశ్చిమబెంగాల్‌లో ఈ ఎన్నికల్లో అధికార తృణమూల్‌ కాంగ్రెస్, బీజేపీ, వామపక్షాలు, కాంగ్రెస్‌ల మధ్య పోటీ ఉండనుంది. దేశరాజధానిలో ఎన్నికలను శాంతియుతంగా నిర్వహించేందుకు 60,000 భద్రతా సిబ్బందిని మోహరించినట్లు ఢిల్లీ పోలీస్‌ కమిషనర్‌ అమూల్య తెలిపారు. బరిలో ఉన్న ప్రముఖులు వీరే నరేంద్రసింగ్‌ తోమర్‌ (బీజేపీ – మొరేనా), ప్రజ్ఞాసాధ్వీ ఠాకూర్‌ (బీజేపీ– భోపాల్‌) , మేనకాగాంధీ (బీజేపీ – సుల్తాన్‌పూర్‌) , గౌతం గంభీర్‌ (బీజేపీ – తూర్పు ఢిల్లీ), రీటా బహుగుణా జోషి (బీజేపీ – అలహాబాద్‌), హర్‌‡్షవర్ధన్‌ (బీజేపీ–ఢిల్లీలోని చాందినీచౌక్‌), దిగ్విజయ్‌ సింగ్‌ (కాంగ్రెస్‌– భోపాల్‌) , జోతిరాదిత్య సింధియా (కాంగ్రెస్‌ – గుణ) , షీలా దీక్షిత్‌ (కాంగ్రెస్‌ –ఈశాన్య ఢిల్లీ), భూపేందర్‌సింగ్‌ హుడా (కాంగ్రెస్‌– సోనిపట్‌), అఖిలేశ్‌ యాదవ్‌ (ఎస్పీ– అజాంగఢ్‌), విజేందర్‌ సింగ్‌ (కాంగ్రెస్‌–దక్షిణ ఢిల్లీ),దుష్యంత్‌ చౌతాలా (జేజేపీ–హిస్సార్‌), దీపేందర్‌ హుడా (కాంగ్రెస్‌ –రోహ్‌తక్‌)

సాక్షిప్రతినిధి, ఖమ్మం: జిల్లాలో రెండో విడత పరిషత్‌ ఎన్నికలు శుక్రవారం ప్రశాంతంగా ముగిశాయి. ఆరు జెడ్పీటీసీ, 82 ఎంపీటీసీ స్థానాలకు పోలింగ్‌ జరిగింది. ఏన్కూరు, కల్లూరు, పెనుబల్లి, సత్తుపల్లి, తల్లాడ, వేంసూరు మండలాల్లో ఎన్నికలు నిర్వహించగా.. ఎక్కడా అవాంఛనీయ సంఘటనలు చోటు చేసుకోకపోవడంతో అధికార యంత్రాంగంతోపాటు పోలీసులు ఊపిరి పీల్చుకున్నారు. ఎన్నికలు జరిగే సమస్యాత్మక, అతి సమస్యాత్మక పోలింగ్‌ కేంద్రాల్లో పోలీసులు భారీ బందోబస్తు ఏర్పాటు చేశారు. పోలింగ్‌ సందర్భంగా ఏమైనా సంఘటనలు జరిగితే వెంటనే స్పందించేందుకు రూట్‌ మొబైల్‌ పార్టీలను సిద్ధంగా ఉంచారు. ఉదయం 7 గంటల నుంచి ప్రారంభమైన పోలింగ్‌ సాయంత్రం 5 గంటల వరకు కొనసాగింది. ఉదయం మందకొడిగా పోలింగ్‌ జరిగినప్పటికీ 11 గంటల తర్వాత ఊపందుకుంది. మొదటి విడత ఎన్నికల్లో చెదురు మదురు సంఘటనలు చోటు చేసుకోగా.. రెండో విడతలో మాత్రం ప్రశాంతంగా ఎన్నికలు జరిగాయి. అయితే సత్తుపల్లి మండలం కిష్టారంలో మద్యం మత్తులో ఓ యువకుడు ట్రెయినీ ఎస్సై శ్రీకాంత్‌ను నెట్టివేయడంతో కొద్దిసేపు ఉద్రిక్తత చోటుచేసుకుంది. పెనుబల్లి మండలం లంకపల్లిలో గురువారం రాత్రి స్వల్ప ఘర్షణ జరగడంతో భారీ ఎత్తున పోలీస్‌ బలగాలు మోహరించి.. పరిస్థితిని అదుపులోకి తెచ్చారు. ప్రశాంతంగా ఎన్నికలు జరిగేలా చర్యలు చేపట్టారు. పోలింగ్‌ కేంద్రాల వద్ద ఎలాంటి అవాంఛనీయ సంఘటనలు జరగకుండా బందోబస్తు నిర్వహించారు. పోలింగ్‌ కేంద్రాల వద్ద మంచినీరు తదితర ఏర్పాట్లు చేశారు. పోలింగ్‌ కేంద్రాలను సందర్శించిన కలెక్టర్, సీపీ..  రెండో విడత ఎన్నికలు జరిగిన పోలింగ్‌ కేంద్రాలను కలెక్టర్‌ ఆర్వీ కర్ణన్, పోలీస్‌ కమిషనర్‌ తఫ్సీర్‌ ఇక్బాల్‌ సందర్శించారు. తల్లాడ జెడ్పీ పాఠశాలలో ఏర్పాటు చేసిన పోలింగ్‌ కేంద్రాన్ని కలెక్టర్‌ కర్ణన్, జెడ్పీ సీఈఓ ప్రియాంక సందర్శించారు. ఈ సందర్భంగా కలెక్టర్‌ మాట్లాడుతూ పోలింగ్‌ కేంద్రాల వద్ద అన్ని వసతులు కల్పించినట్లు చెప్పారు. ప్రతి ఒక్కరూ స్వేచ్ఛగా తమ ఓటు హక్కు వినియోగించుకోవాలన్నారు. అన్నారుగూడెంలో ఎన్నికల సరళిని సీపీ తఫ్సీర్‌ ఇక్బాల్‌ పరిశీలించి.. శాంతిభద్రతలను పర్యవేక్షించారు. అలాగే కిష్టారం పోలింగ్‌ కేంద్రాన్ని పోలీస్‌ కమిషనర్‌ తఫ్సీర్‌ ఇక్బాల్, అసిస్టెంట్‌ కలెక్టర్‌ హనుమంతు కొడింబా పరిశీలించారు. పోలింగ్‌ సరళిని అడిగి తెలుసుకున్నారు. మొత్తం 82.05 శాతం పోలింగ్‌ నమోదు..  రెండో విడత ఏన్కూరు, కల్లూరు, పెనుబల్లి, తల్లాడ, సత్తుపల్లి, వేంసూరు జెడ్పీటీసీ ఎన్నికల్లో మొత్తం 82.05 శాతం పోలింగ్‌ నమోదైంది. 1,88,785 ఓట్లు పోల్‌ కాగా..  అందులో 93,143 మంది పురుషులు, 95,642 మంది మహిళలు ఓట్లు వేశారు. అత్యధికంగా ఏన్కూరులో 85.31 శాతం పోలింగ్‌ జరిగింది. మొత్తం 22,207 ఓట్లు పోల్‌ కాగా.. 10,881 మంది పురుషులు, 11,326 మంది మహిళలు ఓట్లు వేశారు. అత్యల్పంగా కల్లూరులో 77.45 శాతం ఓటింగ్‌ నమోదైంది. మొత్తం 39,360 మంది ఓటు వేయగా.. అందులో 19,532 మంది పురుషులు, 19,828 మంది మహిళలు ఉన్నారు. పెనుబల్లిలో 84.61 శాతం పోలింగ్‌ నమోదు కాగా.. 34,418 మంది ఓటు వేశారు. ఇందులో 17,003 మంది పురుషులు, 17,415 మంది మహిళలు ఉన్నారు. సత్తుపల్లిలో 83.14 శాతం పోలింగ్‌ నమోదు కాగా.. 28,536 మంది ఓట్లు వేశారు. 13,784 మంది పురుషులు, 14,752 మంది మహిళలు ఓట్లు వేశారు. తల్లాడలో 83.46 శాతం పోలింగ్‌ జరగ్గా.. 36,564 మంది ఓట్లు వేశారు. 18,064 మంది పురుషులు, 18,500 మంది మహిళలు ఓట్లు వేశారు. వేంసూరులో 80.49 శాతం పోలింగ్‌ జరగ్గా.. మొత్తం 27,700 ఓట్లు పోలయ్యాయి. ఇందులో 13,879 మంది పురుషులు, 13,821 మంది మహిళలు ఓట్లు వేశారు.

నక్సల్‌ ప్రభావిత ప్రాంతాల్లో ఎన్నికల నిర్వహణ అత్యంత కష్టతరమైన పని. అందులోనూ అత్యంత వెనుకబడిన, కనీస రవాణా సదుపాయాలు లేని ప్రాంతాల్లో ఎన్నికల నిర్వహణ అతి కష్టం. అలాంటి కోవలోదే జార్ఖండ్‌లోని హజారీబాగ్‌. హజారీబాగ్‌ నియోజకవర్గంలో అధిక సంఖ్యలో ఉన్న ఆదివాసీలతో ఓట్లు వేయించేందుకు స్థానిక ఎన్నికల నిర్వహణాధికారులు ముçప్పుతిప్పలు పడుతున్నారు. రెక్కాడితేగానీ డొక్కాడని ప్రజలు వారు. అభివృద్ధి వారి గూడేల్లోకి అడుగిడే పరిస్థితులే లేవు సరికదా జార్ఖండ్‌లోని కొన్ని ప్రాంతాల్లో మావోయి స్టుల ప్రాబల్యం ప్రబలంగా ఉంది. ఎలాగైనా పోలింగ్‌ శాతాన్ని పెంచడం కోసం ఆదివాసీలను ఆకట్టుకునే ప్రయత్నం మొదలుపెట్టారు ఎన్నికల నిర్వాహకులు. కొండకోనల్లో ఉండే గిరిజనులను రప్పించేందుకు ఓ సరికొత్త ఎత్తుగడ వేశారు. గతంలో స్థానిక ఆదివాసీ ప్రజల్లో అత్యధిక మంది రైలు ఎక్కడం కాదు కనీసం చూడను కూడా చూసి ఉండర ని తెలిసుకున్నారు. అంతే రైలు బోగీ ఆకారంలో పోలింగ్‌ బూత్‌ని ఏర్పాటు చేసి, దానికి 140 నంబర్‌ ఇచ్చారు. దానికి తోడు రైలు బూత్‌ గురించి గిరిజన గూడేల్లో విస్తృతంగా ప్రచారం కూడా జరిగింది. ఎన్నికల అధికారులు ఊహించినట్టుగానే నిజమైన రైలుని చూడని  ఆదివాసీలు రైలు బూత్‌ని చూడ్డం కోసం వచ్చి, ఎంచక్కా రైలెక్కి తమ ప్రజాస్వామిక హక్కు అయిన ఓటు హక్కుని వినియోగించుకుని వెళ్ళిపోయారు. టికెట్టు లేకుండా రైలెక్కినట్టూ అయ్యింది. అధికారులకు ఆశించిన ఓటుని వినియోగించుకోవడమూ జరిగింది. బూత్‌నంబర్‌ 140 జార్ఖండ్‌లోని హజారీబాగ్‌ నియోజకవర్గం పరిధిలోని రామ్‌గఢ్‌ బ్లాక్‌లోనిది.  

న్యూఢిల్లీ: విపరీతమైన ఎండలు, రంజాన్‌ పర్వదినాల్లో ఉపవాసాల నేపథ్యంలో సార్వత్రిక ఎన్నికల తదుపరి దశల్లో పోలింగ్‌ను ఉదయం 5 గంటలకే ప్రారంభించాలంటూ దాఖలైన పిటిషన్‌పై తమ నిర్ణయం చెప్పాల్సిందిగా కేంద్ర ఎన్నికల సంఘాన్ని సుప్రీంకోర్టు గురువారం ఆదేశించింది. ఉదయం 5 గంటలకే పోలింగ్‌ నిర్వహించాలని తాము ఎన్నికల సంఘానికి వినతిపత్రం అందించామని, అయితే వారి నుంచి ఎటువంటి స్పందన లేకపోవడంతోనే ఈ పిటిషన్‌ను దాఖలు చేస్తున్నామని పిటిషన్‌ వేసిన లాయర్లు మహమ్మద్‌ నిజాముద్దీన్‌ పాషా, అసద్‌ హయత్‌లు సుప్రీంకోర్టుకు తెలిపారు.  

న్యూఢిల్లీ: లోక్‌సభ ఎన్నికల నాలుగో దశ ప్రచారం శనివారంతో ముగిసింది. 8 రాష్ట్రాల్లోని 71 నియోజకవర్గాల్లో సోమవారం పోలింగ్‌ జరగనుంది. వివిధ నియోజకవర్గాల పోలింగ్‌ సమయాలు వేర్వేరుగా ఉండటంతో ఆయా నియోజకవర్గాల్లో ప్రచారం సాయంత్రం 4 గంటల నుంచి 6 గంటల మధ్య ముగిసింది. ఓటింగ్‌ ప్రక్రియ ముగియడానికి ముందు ఉండే 48 గంటల కాలాన్ని ‘నిశ్శబ్ద కాలం’గా పిలుస్తారు. ఈ సమయంలో ఎలాంటి రాజకీయ ప్రచారమైనా నిషిద్ధం. ప్రచారం గడువు ముగియడంతో మహారాష్ట్రలోని 17, రాజస్తాన్, ఉత్తరప్రదేశ్‌లో 13 చొప్పున, పశ్చిమబెంగాల్లో 8, మధ్యప్రదేశ్, ఒడిశాలో 6 చొప్పున, బిహార్‌లో 5, జార్ఖండ్‌లో 3 నియోజకవర్గాల్లో ఎన్నికల ర్యాలీలకు, వీధి కూడలి సమావేశాలకు తెరపడింది. 

నల్లగొండ : పరిషత్‌ ఎన్నికల్లో ప్రతి గ్రామంలో ఒక పోలింగ్‌ స్టేషన్‌ ఏర్పాటు చేయాలని ఎన్నికల సంఘం నిర్ణయించింది. ఓటర్లు ఓటు హక్కు వినియోగించుకునేందుకు ఎలాంటి ఇబ్బందులు పడొద్దన్న ఉద్దేశంతో ఎన్నికల సంఘం ఈ నిర్ణయం తీసుకుంది. గతంలో చిన్నచిన్న ఊళ్లలో ఉన్న ఓటర్లు పక్క గ్రామాలకు వెళ్లి ఓటు హక్కును వినియోగించుకోవాల్సి వచ్చేది. దీంతో వారు పోలింగ్‌ కేంద్రాలకు వెళ్లేందుకు వ్యయ, ప్రయాసలకు గురయ్యేవారు. ఓటర్ల ఇబ్బందులను గుర్తించిన ఎన్నికల సంఘం ప్రస్తుత స్థానిక ఎన్నికల్లో ఏ గ్రామం ఓటర్లు అదే ఊరిలో ఓటు వేసే విధంగా పోలింగ్‌ స్టేషన్లు ఏర్పాటు చేయాలని నిర్ణయం తీసుకుంది. దీంతో 400 ఓట్లు ఉన్న గ్రామంలో కూడా పోలింగ్‌  స్టేషన్‌ ఏర్పాటు కానుంది. ఈ నిర్ణయంతో ఓటర్ల ఇబ్బందులు తప్పనున్నాయి. ప్రస్తుతం జిల్లాలో జిల్లాలో 31 మండలాల పరిధిలో 31 జెడ్పీటీసీలు, 349 ఎంపీటీసీ స్థానాలకు ఎన్నికలు జరగనున్నాయి. అందుకు సంబంధించి 9,67,912 మంది ఓటర్లు తమ ఓటు హక్కును వినియోగించుకోనున్నారు. వీరి కోసం జిల్లా వ్యాప్తంగా 1,930 పోలింగ్‌ కేంద్రాలను ఏర్పాటు చేశారు. ఎమ్మెల్యే ఎన్నికల్లో 1200 నుంచి 1400 ఓటర్లకు ఒక పీఎస్‌ గత అసెంబ్లీ ఎన్నికల్లో 1200 నుంచి 1400 ఓటర్ల వరకు ఒక పోలింగ్‌ కేంద్రాన్ని ఏర్పాటు చేశారు. దీంతో జిల్లాలో 1,627 పోలింగ్‌ కేంద్రాలు ఉండేవి. అయితే ఒక గ్రామ పంచాయతీ పరిధిలో రెండుమూడు గూడేలు ఉండేవి.. ఆ గూడేల్లో 300 నుంచి 400 వరకు ఓటర్లు ఉండేవారు. 1200 ఓటర్లకు ఒక పోలింగ్‌ స్టేషన్‌ ఏర్పాటు చేయడంతో.. గ్రామపంచాయతీల్లోనే ఉండేవి. దీంతో పక్కనున్న గూడేల ఓటర్లు న డుచుకుంటూ వచ్చి ఓటు వేయాల్సిన పరిస్థితి ఏర్పడేది. అయితే కొంతమంది రా జకీయ పార్టీల నాయకులు ఓటర్ల రవాణా కోసం వాహనాలను ఏర్పాటు చేసే వారు. దాన్ని కూడా ఎన్నికల సంఘం అడ్డుకోవడంతో ఓటర్లు తీవ్ర ఇబ్బందులు ప డ్డారు. కొందరు పక్క గ్రామానికి వెళ్లలేక ఓటు హక్కునుకూడా వినియోగించుకోలేదు. ఎంపీ ఎన్నికల్లో పెరిగిన పోలింగ్‌స్టేషన్లు.. ఇటీవల జరిగిన పార్లమెంట్‌ ఎన్నికల్లో ఎన్నికల సంఘం పోలింగ్‌కేంద్రాల సంఖ్యను పెంచింది. అసెంబ్లీ ఎన్నికల్లో ఓటర్లు పడిన ఇబ్బందులను గుర్తించిన ఎన్నికల సంఘం 1000 నుంచి 1200 ఓటర్లకు ఒక పోలింగ్‌కేంద్రాన్ని ఏర్పాటు చేయాలని నిర్ణయించింది. దాంతో పోలింగ్‌ కేంద్రాల సంఖ్య 1,990కి చేరింది. పరిషత్‌ ఎన్నికల్లో 400 ఓటర్లకు పోలింగ్‌స్టేషన్‌.. ఓటర్లు ఎలాంటి ఇబ్బంది లేకుండా ఓటు హక్కు వినియోగించుకోవాలని సంకల్పిం చిన ఎన్నికల సంఘం పరిషత్‌ ఎన్నికల్లో 400 మంది ఓటర్లు ఉన్నా పోలింగ్‌ కేంద్రాన్ని ఏర్పాటు చేస్తున్నారు. దీంతో ప్రతి గ్రామంలో పోలింగ్‌ కేంద్రం ఏర్పాటైనట్ల య్యింది అంటే 200 నుంచి 400 ఓటర్ల వరకు ఉన్న ప్రతి గ్రామంలో పోలింగ్‌ కేంద్రాన్ని ఏర్పాటు చేశారు. తక్కువ ఓటర్లు ఉన్న గ్రామాలు జిల్లాలో 305 ఉన్నాయి. ఆ గ్రామాల్లో ప్రస్తుతం పోలింగ్‌ కేంద్రాన్ని ఏర్పాటు చేశారు. దీంతో  ఏ గ్రామంలో ఉన్న ఓటర్లు ఆ గ్రామంలోనే ఓటు వేసుకునేందుకు వెసులుబాటు కలిగింది. ఉదాహరణకు నల్లగొండ నియోజకవర్గంలోని నల్లగొండ మండలం రెడ్డికాలనీకి చెందిన ఓటర్లు గత ఎన్నికల్లో బట్టపోతులగూడెంలో ఓటు హక్కును వినియోగించుకున్నారు. కనగల్‌ మండలంలోని కుమ్మరిగూడెం ఓటర్లు అమ్మగూడెంలో, చెల్లాయిగూడెం ఓటర్లు కనగల్‌లో, తిప్పర్తి మండలంలోని బండ్లోరిగూడెం ఓటర్లు జొన్నగడ్డలగూడెంలో, సర్వాయిగూడెం ఓటర్లు గొల్లగూడంలో ఓటు వేసేవారు. ప్రస్తుతం అన్ని గ్రామాల్లోనూ పోలింగ్‌ కేంద్రం ఏర్పాటు చేస్తున్నారు. దీంతో వారి ఇబ్బందులు తొలగనున్నాయి.  

న్యూఢిల్లీ: లోక్‌సభ రెండో దశ ఎన్నికల్లో భాగంగా నేడు 95 స్థానాల్లో పోలింగ్‌ నిర్వహించనున్నారు. ఒక కేంద్రపాలిత ప్రాంతం, 11 రాష్ట్రాల్లోని జరగనుంది. కేంద్ర మంత్రులు జితేంద్ర సింగ్, జువల్‌ ఓరమ్, సదానంద గౌడ, పొన్‌ రాధాకృష్ణ సహా, మాజీ ప్రధాని హెచ్‌డీ దేవెగౌడ, డీఎంకే నేత దయానిధి మారన్, ఏ రాజా, కనిమొళి తదితరులు రెండో దఫా ఓటింగ్‌లో తమ అదృష్టాన్ని పరీక్షించుకోనున్నారు. రెండో దశ పోలింగ్‌లో మొత్తంగా 1,600 మంది అభ్యర్థులు బరిలో నిలిచారు. మొత్తంగా 15.8 కోట్ల ఓటర్లు తమ ఓటు హక్కును వినియోగించుకోనున్నారు. షెడ్యూల్‌ ప్రకారం తమిళనాడులోని 39 చోట్ల ఓటింగ్‌ జరగాల్సింది. కానీ, డీఎంకే నేత సంబంధీకుల వద్ద భారీ మొత్తంలో నగదు లభించిన నేపథ్యంలో రాష్ట్రంలోని వేలూరు నియోజకవర్గంలో పోలింగ్‌ను కేంద్ర ఎన్నికల సంఘం మంగళవారం రద్దుచేసింది. సరైన శాంతిభద్రతలు లేకపోవడంతో త్రిపుర(ఈస్ట్‌) స్థానానికి పోలింగ్‌ను మూడో దశలో (ఏప్రిల్‌ 23న) నిర్వహించనున్నారు. ఒడిశాలోని కంధమాల్‌ జిల్లా ఫుల్బనీ అసెంబ్లీ నియోజకవర్గంలో సిబ్బందితో కలసి పోలింగ్‌ బూత్‌కు వెళ్తున్న ఎన్నికల అధికారిణిని మావోలు బుధవారం కాల్చి చంపారు.

సాక్షి, న్యూఢిల్లీ : లోక్‌సభ ఎన్నికల తొలివిడత పోలింగ్‌ గురువారం దేశవ్యాప్తంగా స్వల్ప ఘర్షణలు, చెదురుమదురు ఘటనలు మినహా ప్రశాంతంగా ముగిసిందని ఈసీ వెల్లడించింది. 20 రాష్ట్రాల్లోని 91 నియోజకవర్గాల్లో జరిగిన తొలివిడత పోలింగ్‌లో పలు రాష్ట్రాల్లో ఓటింగ్‌ శాతం అత్యధికంగా ఉండగా, మరికొన్ని రాష్ట్రాల్లో 60 శాతం ఓటింగ్‌ కూడా నమోదు కాలేదు.  ఇక బిహార్‌లో కేవలం 50 శాతం పోలింగ్‌ నమోదవగా, త్రిపురలో అత్యధికంగా 81.80 శాతం ఓటింగ్‌ జరిగింది. ఆంధ్రప్రదేశ్‌లో అసెంబ్లీ ఎన్నికలతో పాటు మొత్తం 25 లోక్‌సభ స్ధానాల్లో జరిగిన పోలింగ్‌లో 76.69 శాతం ఓటర్లు తమ ఓటు హక్కు వినియోగించుకున్నారు. తెలంగాణలో 60 శాతం పోలింగ్‌ నమోదైంది. పశ్చిమ బెంగాల్‌లో 81 శాతం పోలింగ్‌ నమోదైంది. యూపీలో 63.69 శాతం, మహారాష్ట్ర, చత్తీస్‌గఢ్‌లో 56 శాతం, జమ్ము కశ్మీర్‌లో 54.49 శాతం, అసోంలో 68 శాతం, నాగాలాండ్‌లో 78 శాతం, సిక్కింలో 69 శాతం, మణిపూర్‌లో 78 శాతం, మేఘాలయాలో 67.16 శాతం, అరుణాచల్‌ప్రదేశ్‌లో 66 శాతం, అండమాన్‌ నికోబార్‌ దీవుల్లో 70 శాతం ‌, లక్షద్వీప్‌లో 66 శాతం పోలింగ్‌ నమోదైంది.

సాక్షి, ఆంధ్రప్రదేశ్‌: సార్వత్రిక ఎన్నికల్లో ఇప్పటి వరకు అందిన సమాచారం ప్రకారం ఆంధ్రప్రదేశ్‌లో 76.69శాతం పోలింగ్‌ నమోదైనట్లు ఎన్నికల అధికారులు ప్రకటించారు. గత ఎన్నికలతో పోల్చుకుంటే ఈసారి కొంతమేర పోలింగ్‌ శాతం తగ్గిందని తెలిపారు. పలు ప్రాంతాల్లో ఈవీఎంలు మొరాయించడం, హింసాత్మక సంఘటనలు ఘటనలు మినహా పోలింగ్‌ ప్రశాంతంగా జరిగింది. గుంటూరు, కృష్ణా జిల్లాలో పలు ప్రాంతాల్లో అర్థరాత్రి వరకు పోలింగ్ కొనసాగింది. ఈవీఎంలు మొరాయించడం, ఘర్షణలు చోటు చేసుకోసున్న నేపథ్యంలో కొన్ని ప్రాంతాల్లో రీపోలింగ్‌ జరపాల్సిన ఆవశ్యకతపై శుక్రవారం నిర్ణయం తీసుకోనున్నట్టు కేంద్ర ఎన్నికల సంఘం తెలిపింది.  ఎన్నికల తొలిదశ పోలింగ్‌ వివరాలను కేంద్ర ఎన్నికల సంఘం డిప్యూటీ ఎలక్షన్‌ కమిషనర్‌ ఉమేష్‌ సిన్హా గురువారం రాత్రి మీడియాకు వెల్లడించారు. ప్రకాశం, విజయనగరం జిల్లాలో అత్యధికంగా 85 శాతం పోలింగ్‌ నమోదుకాగా.. విశాఖ, పశ్చిమ గోదావరి, కడపలో అత్యల్పంగా 70శాతం నమోదైంది. (చదవండి: ఓటెత్తిన ఆంధ్ర) జిల్లాల వారిగా పోలింగ్‌ శాతం వివరాలు శ్రీకాకుళం: 72 శాతం విజయనగరం: 85 శాతం విశాఖపట్నం: 70 శాతం తూర్పు గోదావరి: 81 శాతం పశ్చిమ గోదావరి: 70 శాతం కృష్ణా: 79 శాతం గుంటూరు: 80 శాతం ప్రకాశం: 85 శాతం నెల్లూరు: 75 శాతం చిత్తూరు: 79 శాతం కర్నూలు: 73 శాతం వైఎస్సార్‌ కడప: 70 శాతం అనంతపురం: 78 శాతం చదవండి: ఓటింగ్‌ శాతం తగ్గించేందుకు.. బాబు కుట్ర

న్యూఢిల్లీ: ప్రపంచంలోనే అతిపెద్ద ప్రజాస్వామ్యంలో ఎన్నికల యజ్ఞం ప్రారంభమైంది. తొలి దశలో భాగంగా గురువారం 18 రాష్ట్రాలు, రెండు కేంద్రపాలిత ప్రాంతాల పరిధిలో 91 లోక్‌సభ స్థానాలు, నాలుగు రాష్ట్రాల అసెంబ్లీలకు నిర్వహించిన పోలింగ్‌లో కోట్లాది మంది ఓటుహక్కును వినియోగించుకున్నారు. దేశవ్యాప్తంగా పలు ప్రాంతాల్లో ఈవీఎం యంత్రాలు మొరాయించాయని, ఓటర్ల పేర్లు భారీగా గల్లంతైనట్లు వార్తలు వెలువడ్డాయి. మహారాష్ట్రలోని గడ్చిరోలి జిల్లాలో ఓటింగ్‌ కొనసాగుతుండగా ఓ పోలింగ్‌ బూత్‌ సమీపంలో మావోయిస్టులు ఐఈడీని పేల్చివేశారు. అయితే ఈ ఘటనలో ఎవరూ గాయపడలేదని అధికారులు తెలిపారు. ఛత్తీస్‌గఢ్‌లోని బీజాపూర్‌లో నలుగురు నక్సలైట్లను అరెస్ట్‌ చేసిన పోలీసులు వారి నుంచి ఆయుధాలు స్వాధీనం చేసుకున్నారు. ఉత్తరప్రదేశ్‌లోని కైరానాలో కొందరు గుర్తింపుకార్డులు లేకుండానే పోలింగ్‌ కేంద్రంలోకి చొరబడటానికి ప్రయత్నించగా, బీఎస్‌ఎఫ్‌ జవాను గాల్లోకి కాల్పులు జరిపి వారిని నిలువరించాడు. తొలి దశలో పోటీచేసిన ప్రముఖుల్లో కేంద్ర మంత్రులు నితిన్‌ గడ్కారీ(నాగ్‌పూర్‌), హంసరాజ్‌ అహిర్‌(చంద్రాపూర్‌) కిరణ్‌ రిజిజు(అరుణాచల్‌ వెస్ట్‌), ఆర్‌ఎల్డీ చీఫ్‌ అజిత్‌ సింగ్‌(ముజఫర్‌నగర్‌) తదితరులున్నారు. ఎన్నికల గురించి తమ వేదికపై సుమారు 4.5 లక్షల సంభాషణలు జరిగినట్లు ట్విట్టర్‌ వెల్లడించింది. ఉద్యోగాలు, వ్యవసాయం, పన్నులు తదితరాల కన్నా జాతీయభద్రత గురించే ఎక్కువ చర్చ జరిగిందని, ప్రధాని నరేంద్ర మోదీ పేరు ఎక్కువగా ప్రస్తావనకు వచ్చిందని తెలిపింది.  బెంగాల్‌లో 81 శాతం.. బిహార్‌లో 50 శాతం..  తొలి దశ పోలింగ్‌లో రెండు లోక్‌సభ స్థానాలకు ఎన్నికలు జరిగిన పశ్చిమ బెంగాల్‌లో అత్యధికంగా 81 శాతం పోలింగ్‌ నమోదైంది. బిహార్‌లో అత్యల్పంగా 50 శాతం మందే తమ ఓటుహక్కును వినియోగించుకున్నారు. మిజోరంలో 61.95 శాతం మంది ఓటుహక్కు వినియోగించుకున్నట్లు ఎన్నికల సంఘం ప్రకటించింది. జమ్మూ కశ్మీర్‌లోని బారాముల్లాలో 35.01 శాతం, జమ్మూలో 72.16 శాతం ఓటింగ్‌ నమోదైంది. ఆంధ్రప్రదేశ్‌(25), తెలంగాణ(17), ఉత్తరాఖండ్‌(5), ఉత్తరప్రదేశ్‌(8), మహారాష్ట్ర(7), అస్సాం(5), బిహార్‌(4), ఒడిశా(4), జమ్మూ కశ్మీర్‌(2), పశ్చిమ బెంగాల్‌(2), ఛత్తీస్‌గఢ్‌(1), మేఘాలయ(2), అరుణాచల్‌ప్రదేశ్‌(2), మిజోరం, త్రిపుర, మణిపూర్, నాగాలాండ్, సిక్కిం, అండమాన్‌ నికోబార్, లక్షద్వీప్‌లలో ఒక్కో స్థానంలో పోలింగ్‌ జరిగింది. ఆంధ్రప్రదేశ్‌(175), అరుణాచల్‌ప్రదేశ్‌(57), సిక్కిం(32), ఒడిశా(28) అసెంబ్లీలకు కూడా తొలి దశలో ఎన్నికలు నిర్వహించారు.  ఛత్తీస్‌గఢ్‌ ఎన్‌కౌంటర్‌లో నక్సలైట్‌ మృతి..  ఛత్తీస్‌గఢ్‌లోని నారాయణ్‌పూర్‌ జిల్లాలో జరిగిన ఎన్‌కౌంటర్‌లో నక్సలైట్‌ చనిపోగా, ఒక జవాన్‌ గాయపడ్డాడు. ఓర్చా ప్రాంతంలోని అటవీప్రాంతంలో హెలిప్యాడ్‌ వద్ద భద్రతా బలగాలు సోదాలు నిర్వహించారు. ఇదే సమయంలో ఇరు వర్గాల మధ్య ఎదురుకాల్పులు చోటుచేసుకున్నాయని డీఐజీ సుందర్‌రాజ్‌ చెప్పారు. బస్తర్‌ లోక్‌సభకు పోలింగ్‌ నేపథ్యంలో నిఘా బృందం ఈ ఆపరేషన్‌ను చేపట్టిందని తెలిపారు. పేట్రోలింగ్‌ పూర్తయిన తరువాత భద్రతా బలగాలు వెనుదిరుగుతుండగా మావోయిస్టులు కాల్పులు జరిపారని దీంతో ఎన్‌కౌంటర్‌ జరిగిందని పేర్కొన్నారు.

సాక్షి, సిటీబ్యూరో: హైదరాబాద్‌ లోక్‌సభ పరిధిలో పోలింగ్‌ శాతం పెంపుపై ఎన్నికల యంత్రాంగం, ప్రధాన రాజకీయ పక్షాలు చేసిన ప్రయోగం ఫలించలేదు. లోక్‌సభ చరిత్రలో ఎన్నడూ లేనివిధంగా పోలింగ్‌ శాతం గణనీయంగా తగ్గిపోయింది. ప్రతి ఎన్నికల్లో ఓటర్ల సంఖ్య పెరుగుతున్న పోలింగ్‌ శాతం మాత్రం పెరగడం లేదు. ఈసారి కొత్తగా నమోదైన యువ ఓటర్లపై ఎన్నికల యంత్రాంగంతో పాటు మజ్లిస్‌ పార్టీ దృష్టి సారించినా ఫలితం లేకుండా పోయింది. ఏకంగా లెర్న్‌ ప్రాజెక్టును ప్రారంభించి కళాశాల విద్యార్ధులతో టాక్‌విత్‌ అసదుద్దీన్‌ పేరుతో ముఖాముఖి, టౌన్‌హాల్‌ కార్యక్రమాలను నిర్వహించింది. పాదయాత్రలతో పోలింగ్‌ శాతం పెంపుపై అవగాహన కూడా కల్పించింది. హైదరాబాద్‌ లోక్‌సభ పరిధిలో వన్‌సైడ్‌గా పోలింగ్‌ జరిగే ఆనవాయితీ ఉన్నా.. మెజార్టీకి పోలింగ్‌ శాతమే ప్రాణం. వాస్తవంగా పాతబస్తీ  పరిధిలో విస్తరించి ఉన్న లోక్‌సభ నియోజకవర్గంలో మజ్లిస్‌ పార్టీకి గట్టి పట్టు ఉంది. మెజార్టీ ఒకే సామాజిక వర్గం కావడంతో గణనీయమైన ఓటు బ్యాంకు ఉంది. గుండుగుత్తగా ఓట్లు పడతాయి. సదరు సామాజికవర్గం వారు ఓట్లు వేశారంటే కచ్చితంగా ఆ పార్టీ ఖాతాలో పడినట్లే నమ్మకం. ప్రజలపై విశ్వాసం. కానీ ఈసారి పోలింగ్‌ శాతం గణనీయంగా పడిపోయింది. పాతబస్తీలో పురుష ఓటర్లతో పోల్చితే మహిళా పోలింగ్‌ శాతం తక్కువగా నమోదయ్యింది. సాధారణంగా ఇంటి పనులతో తీరికలేకపోవడం, కట్టుబాట్లు, ఇతరత్రా కారణాలతో  ప్రత్యేక సమయం కేటాయించి బయటకి వెళ్లి ఓటింగ్‌లో పాల్గొనేందుకు మహిళలు పెద్దగా ఆసక్తి కనబరచడంలేదు. ప్రతిసారీ మహిళా పోలింగ్‌ శాతం తక్కువగా నమోదు కావడం గమనార్హం.  

కెరమెరి: ఎన్నికల ప్రక్రియ ప్రారంభం నుంచి వా రు అనుభవిస్తున్న కష్టాలు ఎట్టకేలకు దూరమయ్యాయి. కెరమెరి తహసీల్దార్‌ ప్రమోద్‌ ప్రత్యేక చొరవ తీసుకుని ఉన్న గ్రామంలోనే పోలింగ్‌  కేంద్రం ఏర్పాటు చేయడంతో అక్కడి ఓటర్ల హర్షం వ్యక్తం చేస్తున్నారు. 70 ఏళ్ల  తర్వాత అక్కడి ఆదివాసీలకు  ఎట్టకేలకు స్వాతంత్య్రం సిద్ధించినట్లు భావిస్తున్నారు. ఏళ్ల కష్టాలు దూరం..  మండలంలోని కరంజివాడ గ్రామ పంచాయతీ లోని నాగల్‌గొంది, కొలాంగూడ గ్రామాల్లో 379  జనాభా ఉంది. అందులో పురుష ఓటర్లు 113 కా గా.. మహిళలు 106 మొత్తం  219  ఓటర్లు ఉన్నా రు. వారు గత కొన్ని సంవత్సరాలుగా ఇందాపూర్, లేదా నిషాని  గ్రామంలోని పోలింగ్‌ బూత్‌ కేంద్రానికి వెళ్లి ఓటు వేసేవారు. 70 ఏళ్లలో ఇప్పటికి జరిగిన అన్ని ఎన్నికల్లోనూ వారికి కష్టాలు తప్పలేదు. ఇందాపూర్‌కు వెళ్లాలంటే 15 కిలోమీ టర్లు కాగా, నిషాని గ్రామం 18 కిలోమీటర్ల దూ రంలో ఉంది. ఈ నేపథ్యంలో ఏ కాలంలో ఏ ఎన్ని కలు జరిగిన వారు పాదయాత్రగా వెళ్లక తప్పలే దు.  చాలా సందర్భాల్లో వానకు తడుస్తూ, ఎండ కు ఎండుతూ.. చలికి వణుకుతూ వెళ్లి ఓట్లు వేశా రు. ఎన్నికలు జరిగిన ప్రతీ సారి వారు దూరభా రం అధికమవుతుందని దగ్గర్లో పోలింగ్‌ కేంద్రాన్ని ఏర్పాటు చేయాలని అక్కడి ఓటర్లు కోరినప్పటికి అధికారులు పట్టించుకోలేదు. పోలింగ్‌ కేంద్రాల మార్పు రెవెన్యూ అధికారుల చేతుల్లో ఉన్నప్పటికి మనకెందుకులే అనుకున్నారు. ఫలితంగా ఇప్పటి వరకు ఓటు వేసేందుకు కష్టాలు చవిచూశారు.  సాక్షి, తహసీల్దార్‌ ప్రత్యేక చొరవ ఈ విషయమై డిసెంబర్‌ 7న సాక్షి దినపత్రికలో ‘ఓట్ల కోసం తప్పని పాట్లు’ అనే కథనం ప్రచురి తం కావడంతో పాటు ఆ ప్రాంత ప్రజలు కెరమెరి తహసీల్దార్‌ ప్రమోద్‌ను వేడుకున్నారు. దీంతో స్పందించిన తహసీల్దార్‌ అక్కడి ఓటర్లు, జనాభా తదితరాల వివరాలను  సేకరించారు. అక్కడి ఓట ర్లు ఓటు వేసేందుకు ఇబ్బందులు పడుతున్న విష యం వాస్తవమేనని గ్రహించిన ప్రమోద్‌కుమార్‌ వెంటనే నాగల్‌గొందిలోనే పోలింగ్‌ కేంద్రం ఏర్పా టు చేశారు. నేడు జరిగే పార్లమెంట్‌ ఎన్నికలకు వారు నాగల్‌గొంది గ్రామంలో ఏర్పాటు చేసిన పో లింగ్‌ బూత్‌ సంఖ్య 90లో  ఓటుహక్కును వినియోగించుకోనున్నారు. అధికారులు అన్ని ఏర్పాట్లు చేశారు. దూరభారం తగ్గింది  చాలా కాలంగా ఓట్లు వేయడానికి  పడుతున్న కష్టం ఎట్టకేలకు  ముగిసింది. ఇక చక్కగ తమ గ్రామంలోనే ఓటు హక్కు వినియోగించుకునే అవకాశం రెవెన్యూ అధికారులు కల్పించారు. సరైన రోడ్డు సౌకర్యం లేక , దూరభారం అధికంగా ఉండడంతో చాలా ఇబ్బందులు పడ్డాం.                             – మధుకర్‌ సర్పంచ్, నాగల్‌గొంది  ఓటర్ల బాధలు చూసి..  ఓటర్లు టు వేసేందుకు పడుతున్న బాధనలు చూ సి వారు ఉండే గ్రామంలోనే పోలింగ బూత్‌ కేంద్రం ఏర్పాటు చే యాలని భావించాం. వెంటనే అధికారులకు నివేదికలు సమర్పించండంతో అక్కడ నూతనంగా పోలింగ్‌ బూత్‌ కేంద్రం మంజూరైంది. దీనికి ‘సాక్షి’ కూడా తోడైంది. ప్రజల బాధలు తీరాయి. దూరభారం తగ్గింది.                        – వి.ప్రమోద్, తహసీల్దార్‌ 

బజార్‌హత్నూర్‌(బోథ్‌): 17వ లోక్‌సభ ఎన్నికలు దేశవ్యాప్తంగా ప్రాధాన్యత సంతరించుకున్నాయి. జాతీయ పార్టీలుగా సుదీర్ఘ కాలంగా పాలించిన కాంగ్రెస్, బీజేపీతో ప్రాంతీయ పార్టీల మధ్య ఆసక్తికర పోరు నెలకొంది. రాష్ట్రంలో టీఆర్‌ఎస్‌ లోక్‌సభ ఎన్నికలను ప్రతిష్టాత్మకంగా తీసుకుంది. 17 లోక్‌సభ స్థానాలకు గాను 16 స్థానాలు గెలుపొందేందుకు ముమ్మర ప్రచారంతో హోరెత్తించగా.. బీజేపీ, కాంగ్రెస్‌లు కూడా తమ ప్రచార పర్వం ఉధృతంగానే కొనసాగించాయి. ఆదిలాబాద్‌ పార్లమెంట్‌ నియోజకవర్గ పరిధిలో ఏడు అసెంబ్లీ నియోజకవర్గాలు (ఖానాపూర్, సిర్పూర్, నిర్మల్, ఆసిఫాబాద్, ఆదిలాబాద్, బోథ్, ముథోల్‌) ఉన్నాయి.  అతివలే అంతిమ నిర్ణేతలు  పోలింగ్‌ గడువు సమీపిస్తున్న కొద్ది ప్రధాన రాజకీయ పార్టీలు నువ్వా,నేనా అన్నట్లు రీతిలో ప్రచా రం చేపట్టాయి. ఆదిలాబాద్‌ పార్లమెంట్‌ స్థానం పరిధిలో సిర్పూర్‌ మినహా మిగతా ఆరు నియోజకవర్గాలల్లో పురుషులతో పోల్చితే మహిళ ఓటర్లే అధికం. సహజంగానే పోలింగ్‌ సరళిలో పురుషులతో పోల్చితే మహిళలే ఉత్సహంగా పాల్గొంటారన్నది గత అనుభావాలు సూచిస్తుండటంతో ప్రస్తుత ఎన్నికల్లోనూ మహిళలదే కీలక పాత్ర కాబోతోంది. అంతే కాదు కొత్తగా 38,588 మంది ఓటర్లుగా నమోదైన యువత కూడా అభ్యర్థుల గెలుపోటమిలో కీలకపాత్ర పోషించే అవకాశం ఉంది.  ఏడు నియోజకవర్గాల్లో 7,58,064 మంది మహిళా ఓటర్లు  ఆదిలాబాద్‌ పార్లమెంట్‌ స్థానం పరిధిలోని ఏడు అసెంబ్లీ నియోజకవర్గాలకు గాను మొత్తం 14,88,353 మంది ఓటర్లు ఉండగా ఇందులో 7,30,233 మంది పురుష ఓటర్లు, 7,58,064 మంది మహిళా ఓటర్లు, ఇతరులు 56 మంది ఉన్నారు. ఈ ఏడు అసెంబ్లీ నియోజకవర్గాలలో సిర్పూర్‌ మినహా పురుష ఓటర్లతో పోల్చితే మహిళా ఓటర్లే అధికం. సిర్పూర్‌ నియోజకవర్గంలో మహిళా ఓటర్లతో పోల్చితే పురుష ఓటర్లు 1574మంది అధికంగా ఉన్నారు. మిగతా ఆరు నియోజక వర్గాలలో మహిళా ఓటర్లే అధికం. ఖానాపూర్‌లో 3,763, నిర్మల్‌ 13,396, ఆసిఫాబాద్‌ 135, ఆదిలాబాద్‌ 2437, బోథ్‌ 3896, ముథోల్‌ 5676, మొత్తం 27,381 మంది మహిళలు అధికంగా ఉండటంతో ఎంపీ అభ్యర్థుల గెలుపోటమి వీరిపైనే ఆధారపడి ఉంది.  ప్రసన్నం చేసుకునే పనిలో పార్టీలు  లోక్‌సభ అభ్యర్థికి మహిళల ఓట్లు కీలకం కావడంతో వారిని ప్రసన్నం చేసుకునే పనిలో ప్రధాన రాజకీయ పార్టీలున్నాయి. బీజేపీ, కాంగ్రెస్, టీఆర్‌ఎస్‌ అభ్యర్థులు పోటాపోటీగా ప్రచారం చేస్తూ మా ప్రభుత్వం వస్తే, మా అభ్యర్థి గెలిస్తే మహిళలకు ప్రాధాన్యత ఇచ్చే పథకాలు ప్రవేశపెడుతామని హామీలిస్తూ మహిళలను కలుసుకుని ఓట్లు వేయాలని కోరారు. గ్రామస్థాయిలో సర్పంచులుగా మహిళల ప్రాతినిధ్యం పెరిగినందున అందులో అధికార టీఆర్‌ఎస్‌ పార్టీకి సంబంధించిన మహిళా సర్పంచులు అధికంగా ఉండటంతో వారికి ప్రచార బాధ్యతలు అప్పగించారు. రాబోయే ఐదేళ్ల భవిష్యత్తును దృష్టిలో పెట్టుకుని టీఆర్‌ఎస్‌కు ఓటు వేస్తే మహిళలకు మరింత లబ్ధి చేకూరుతుందని ఆ పార్టీ నాయకులు ప్రచారం చేశారు. బీజేపీ ముస్లిం మహిళలకు తలాక్‌ రద్దు, గ్రామీణ ప్రాంతాల్లో మహిళల పరువు కాపాడుటతో పాటు స్వచ్ఛభారత్‌ ద్వారా మరుగుదొడ్ల నిర్మాణం చేపట్టినట్లు ప్రచారం చేసింది. ఇక కాంగ్రెస్‌ మహిళలకు ప్రత్యేక పథకాలు ఉంటాయని భరోసా కల్పిస్తూ ప్రచారం హోరెత్తించాయి. మరి ఈ ఎన్నికల్లో మహిళలు ఎటువైపు మొగ్గుచూపుతారోనన్న ఉత్కంఠ సర్వత్రా చోటు చేసుకుంది.   

సాక్షి, జోగిపేట(అందోల్‌): అందోలులోని ఉన్నత పాఠశాలలో లోక్‌సభ ఎన్నికల సందర్భంగా బుధవారం శక్తి పోలింగ్‌ స్టేషన్‌ను ఏర్పాటు చేశారు. నియోజకవర్గానికి ఒక్కటి శక్తి పోలింగ్‌ స్టేషన్‌ను ఏర్పాటు చేయాలన్న ఆదేశాలు ఉండటంతో అందోలులో ఏర్పాటు చేసినట్లు అందోలు తహసీల్దార్‌ బాల్‌రెడ్డి తెలిపారు. ఈ పోలింగ్‌ కేంద్రానికి వెళ్లే దారిని అందంగా తీర్చిదిద్దారు. ప్రత్యేక కర్టెన్‌లతో స్వాగత తోరణాన్ని ఏర్పాటు చేశారు. వివాహ వేడుకలాగా ఏర్పాటు చేసిన స్వాగతతోరణం బాగా ఆకట్టుకుంటుంది. గ్రామస్తులు ప్రత్యేకంగా ఈ కేంద్రాన్ని చూసి వెళ్తున్నారు. గత అసెంబ్లీ ఎన్నికల్లో జోగిపేటలోని బాలుర ఉన్నత పాఠశాలలో శక్తి పోలింగ్‌ స్టేషన్‌ను ఏర్పాటు చేశారు.  

సాక్షి, కర్నూల్‌ (ఆస్పరి) : ఈ రోజుల్లో ఉన్నత విద్యావంతులకు కూడా ఓటు హ​క్కును ఉపయోగించుకోవాలంటే నామోషి.. ఆఫీసులు ఆ రోజు సెలవునిస్తే సినిమాలకు, పబ్బులకు వెళ్లి సరదాగా కాలక్షేపం చేస్తున్నారు... మరోవైపు వారికి చదువు రాదు.. పొట్టచేత బట్టుకుని వలస వెళ్లారు.. కానీ వారికి ఓటు విలువ తెలుసు. ఓటు హక్కును వినియోగించుకోవడం తమ బాధ్యతగా భావించి ఎన్నో వ్యయ ప్రయాసలకు ఓర్చి సొంతూరు పయణమయ్యారు..  వర్షాభావం కారణంగా పంటలు ఎండిపోయి పనులు లేకపోవడంతో బతుకుతెరువు కోసం దూర ప్రాంతాలకు వలస వెళ్లిన మండల పరిధిలోని తంగరడోణ, ములుగుందం, బనవనూరు, కైరుప్పల, తొగలుగల్లు, యాటకల్లు, హలిగేర, చిరుమాన్‌దొడ్డి, శంకరబండ తదితర గ్రామాలకు చెందిన కూలీలు మిర్చి కోత పనుల కోసం  రెండు, మూడు నెలల క్రితం గుంటూరు వెళ్లారు. ఈ రోజు పోలింగ్‌ ఉండడంతో దూర ప్రాంతాల్లోని వారంతా లారీలు, రైళ్లు, బస్సులు ఇతర ప్రత్యేక వాహనాల్లో సొంతూరు వస్తున్నారు. మండల పరిధిలోని తంగరడోణకు చెందిన కూలీలు గుంటూరు నుంచి ఆల్విన్‌ వాహనంలో సొంతూరు వచ్చారు.

సాక్షి, కడప అర్బన్‌: ఎన్నికల నిర్వహణలో అప్రజాస్వామికంగా వ్యవహరించినా, విఘాతం కలిగించినా తాట తీస్తామని ఎస్పీ అభిషేక్‌ మహంతి హెచ్చరించారు. జిల్లా వ్యాప్తంగా గురువారం ఎన్నికలకు ఎలాంటి ఆటంకాలు కలగకుండా పకడ్బందీగా ఏర్పాట్లు చేపట్టామనీ  ఆయన పేర్కొన్నారు.  ప్రజలకు, వివిధ పార్టీల నేతలకు, ఏజెంట్లకు సూచనలు చేశారు. అభ్యర్థులు, ఏజెంట్లు, ఓటర్లు గానీ వాహనాలు కాన్వాయ్‌గా రాకూడదన్నారు. అనుమతించిన వాహనాలలోనే విడివిడిగా వెళ్లాలన్నారు.  పోలింగ్‌ స్టేషన్‌ల వద్ద, ఇతర ప్రదేశాలకుగానీ గుంపులుగా ఉండరాదు.  ఓటరును భయపెట్టరాదు. ప్రలోభాలకు గురి చేయరాదు.  ఓటర్లను వాహనాల్లో తరలించరాదు. ఇతర సౌకర్యాలైన భోజనం, వగైరా వసతులను కల్పించరాదన్నారు. అలా చేస్తే వాహనాలు, వస్తువులను సీజ్‌ చేయడంతో పాటు చట్ట ప్రకారం వారిపై కఠిన చర్యలు తీసుకుంటామనీ హెచ్చరించారు.  జిల్లా వ్యాప్తంగా ఇప్పటికే దాదాపు 18వేల మందిని బైండోవర్‌ చేశారు.  అత్యాధునిక సాంకేతిక పరిజ్ఞానంతో ఎన్నికల ప్రక్రియను ఎప్పటికపుడు చిత్రీకరించనున్నారు.  దాదాపు 6 వేల మంది పోలీసు సిబ్బందిబందోబస్తులో పాల్గొంటున్నారు. సిఆర్‌పీఎఫ్, ఐఆర్‌బీ, కేరళ, కర్నాటక నుంచి వచ్చిన ప్రత్యేక బలగాలు పోలింగ్‌ స్టేషన్‌ వద్ద బందోబస్తులో పాల్గొంటాయి. పోలింగ్‌ ప్రక్రియకు విఘాతం కల్గించే వ్యక్తులపై, వారికి మద్దతు ఇచ్చే అభ్యర్థులపై కూడా కఠిన చర్యలు తీసుకుంటారు.  

రాయ్‌పూర్‌ : చత్తీస్‌గఢ్‌లోని నక్సల్‌ ప్రభావిత బస్తర్‌ లోక్‌సభ నియోజకవర్గంలో కట్టదిట్టమైన భద్రత మధ్య పోలింగ్‌ జరుగుతోంది. ఎన్నికల బహిష్కరణకు మావోయిస్టులు పిలుపు ఇవ్వడం, పోలింగ్‌కు రెండు రోజుల ముందు బీజేపీ ఎమ్మెల్యే భీమా మాందవి, నలుగురు పోలీసు సిబ్బందిని మావోలు హతమార్చడంతో బస్తర్‌ లోక్‌సభ నియోజకవర్గంలో 80,000 మంది పోలీసులతో భారీ బందోబస్తు ఏర్పాట్లు చేశామని చత్తీస్‌గఢ్‌ ఎన్నికల ప్రధానాధికారి వెల్లడించారు. మావోల దాడి జరిగిన దంతెవాడ బస్తర్‌ నియోజకవర్గ పరిధిలో ఉండటంతో ప్రత్యేక భద్రతా ఏర్పాట్లు చేపట్టారు. నియోజకవర్గంలో 1879 పోలింగ్‌ కేంద్రాలకు గాను 741 పోలింగ్‌ బూత్‌లను అత్యంత సమస్యసాత్మకంగా, 606 సమస్యాత్మక బూత్‌లుగా గుర్తించారు. మావోల హెచ్చరికల నేపథ్యంలో 289 పోలింగ్‌ కేంద్రాలను సురక్షిత ప్రాంతాలకు తరలించారు. భద్రతా ఏర్పాట్లలో భాగంగా డ్రోన్‌లను సైతం వినియోగిస్తున్నామని అధికారులు తెలిపారు.

సాక్షి, న్యూఢిల్లీ : దేశవ్యాప్తంగా 18 రాష్ట్రాలు, రెండు కేంద్ర పాలిత ప్రాంతాల్లోని 91 నియోజకవర్గాల్లో లోక్‌సభ ఎన్నికల తొలివిడత పోలింగ్‌ గురువారం ఉదయం ఏడు గంటలకు ప్రారంభమైంది. ఆంధ్రప్రదేశ్‌, తెలంగాణ, ఉత్తర్‌ ప్రదేశ్‌, ఉత్తరాఖండ్‌, పశ్చిమబెంగాల్‌, అసోం, బిహార్‌, ఒడిశా,చండీగఢ్‌, జమ్ము కశ్మీర్‌, మహారాష్ట్ర, మణిపూర్‌, మేఘాలయా, మిజోరం, నాగాలాండ్‌, అరుణాచల్‌ప్రదేశ్‌, త్రిపుర, అండమాన్‌ నికోబార్‌, లక్షద్వీప్‌ల్లోని పలు నియోజకవర్గాల్లో తొలి విడత పోలింగ్‌ జరుగుతోంది.  ఇక జనరల్‌ నియోజకవర్గాల్లో పోలింగ్‌ ఉదయం ఏడు గంటలకు ప్రారంభమై సాయంత్రం 6 గంటలకు ముగుస్తుందని, ఈశాన్య రాష్ట్రాల్లో ఉదయం ఏడు గంటలకు ప్రారంభమయ్యే పోలింగ్‌ ఐదు గం‍టల వరకూ కొనసాగుతుందని ఈసీ ప్రకటించింది. అయితే మణిపూర్‌, నాగాలండ్‌లో సాయంత్రం 4 గంటల వరకే పోలింగ్‌ ముగుస్తుందని పేర్కొంది. మరోవైపు తొలివిడత పోలింగ్‌ జరిగే నియోజకవర్గాల్లో ప్రజలు పెద్ద ఎత్తున తరలివచ్చి తమ ఓటు హక్కు వినియోగించుకోవాలని ప్రధాని నరేంద్ర మోదీ ట్వీట్‌ చేశారు.

సాక్షి, హైదరాబాద్‌: సార్వత్రిక ఎన్నికల్లో కీలక ఘట్టమైన పోలింగ్‌ రెండు తెలుగు రాష్ట్రాల్లోనూ ప్రారంభమైంది. తెలంగాణతో పాటు ఏపీ వ్యాప్తంగా ఉదయం 7 గంటలకు పోలింగ్‌ ప్రారంభమైనట్లు ఎన్నికల అధికారులు ప్రకటించారు. ఆంధ్రప్రదేశ్‌లో 175 అసెంబ్లీ నియోజకవర్గాలతో పాటు, 25 లోక్‌సభ స్థానాలకు పోలింగ్‌ జరుగుతుండగా..  తెలంగాణలో 17 లోక్‌సభ స్థానాలకు ఎన్నికలు జరుగుతున్నాయి. ఓటు హక్కు వినియోగించుకునేందుకు ఓటర్లు తరలివస్తున్నారు. పలు చోట్ల ఈవీఎం మొరాయించడంతో చిన్నచిన్న సమస్యలు తలెత్తాయి.  ఎలాంటి సాంకేతికమైన సమస్యలు తలెత్తకుండా ఉదయం 5.30 గంటల నుంచి మాక్‌ పోలింగ్‌ను నిర్వహించారు. ఏపీలో 46,120 పోలింగ్‌ బూత్‌లను ఏర్పాటు చేయగా.. తెలంగాణలో మొత్తం 34,603 పోలింగ్‌ కేంద్రాలను ఏర్పాటు చేసినట్లు అధికారులు తెలిపారు. వీటితో పాటు దేశ వ్యాప్తంగా నేడు తొలి విడత ఎన్నికలు జరుగుతున్న విషయం తెలిసిందే. ఏపీ, ఒడిశా, సిక్కిం రాష్ట్రాల అసెంబ్లీ ఎన్నికలతో పాటు దేశ వ్యాప్తంగా 20 రాష్ట్రాల్లో 91 పార్లమెంట్‌ స్థానాలకు కూడా పోలింగ్‌  ప్రారంభమైంది. సున్నితమైన, సమస్యత్మాక ప్రాంతాల్లో ఎలాంటి హింసాత్మక ఘటనలు చోటుచేసుకుండా భారీగా బందోబస్తును ఏర్పాటు చేశారు. 

వాంకిడి(ఆసిఫాబాద్‌): ఎన్నికల్లో ఎప్పుడూ లేనివిధంగా ఎన్నికల కమిషన్‌ ఓట్ల శాతం పెంచేందుకు అన్ని ఏర్పాట్లు చేస్తోంది. ఇప్పటికే జిల్లా వ్యాప్తంగా పోలింగ్‌ చీటీలను బీఎల్‌వోల ద్వారా పంచి పెట్టింది. ఓటర్లకు ఓటు వేయడానికి ఎలాంటి ఇబ్బందులు ఎదురుకాకుండా పోలింగ్‌ చీటీపైనే ఓటరు ఫొటో, పోలింగ్‌ కేంద్రం మ్యాప్, బీఎల్‌వో పేరు, ఫోన్‌నంబర్, కేంద్రం సమస్త వివరాలను ముద్రించింది. దీంతో గత ఎన్నికల్లో ఓటరు ఓటు వేయాలన్న కేంద్రం ఎక్కడుంది, ఓటు వేయాడానికి వెళ్లాలన్న ఇబ్బందులు పడేవారు. ప్రస్తుతం అలాంటి ఇబ్బందులు ఎదురుకాకుండా ఎన్నికల కమిషన్‌ ఓటరు ఫొటోతో కూడిన పోలింగ్‌ చీటీలను పంపిణీ చేస్తూ వాటి వెనుకలో కేంద్రం మ్యాప్, వివరాలను పొందుపర్చారు. దీంతో పోలింగ్‌ శాతం పెరిగే అవకాశం ఉంది. ఈ విధానం అములు చేయడంతో ఎమ్మెల్యే ఎన్నికల్లో పోలింగ్‌ శాతం పెరగడానికి దోహదపడడంతో తిరిగి అదే విధానాన్ని పార్లమెంట్‌ ఎన్నికల్లోనూ అమలు చేస్తున్నారు.జిల్లాలో మొత్తం 583 పోలింగ్‌ కేంద్రాలు చేశారు. ఇందులో సిర్పూర్‌(టి) నియోజకవర్గంలో 283, ఆసిఫాబాద్‌ నియోజకవర్గంలో 300ల కేంద్రాలు ఉన్నాయి. జిల్లాలో మొత్తం 4,02,663 మంది ఓటర్లు ఉన్నారు. ఎన్నికల నిర్వహణ కోసం మొత్తం 1863 మంది అధికారులను నియమించారు. ఓటర్లు వచ్చేలా చర్యలు   పోలింగ్‌ చీటీలో ముద్రించిన సూచనలు ఇలా..  మీ గుర్తింపును నిరూపించడానికి ఓటరు చీటి మాత్రమే సరిపోదు, మీ గుర్తింపును బలపర్చడానికి మీరు మీ ఎన్నికల ఫొటో గుర్తింపు కార్డు లేదా భారత ఎన్నికల కమిషన్‌ పేర్కొంది. 11 డాక్యూమెంట్లలో ఏదైనా ఒక గుర్తింపు కార్డును తప్పని సరిగా మీ వెంట తీసుకురావాలి. పోలింగ్‌ ముగిసే సమయానికి క్యూ వరుసలో ఉన్న ఓటర్లందరికీ టోకెన్‌ జారీ చేసి తమ ఓటు వేయడానికి అనుమతిస్తారు. మహిళకు ప్రత్యేక క్యూ ఉంటుంది. వయోవృద్ధులకు ఓటింగ్‌ నిమిత్తం ప్రాధాన్యం ఉంటుంది. అందులు, శారీరక వైకల్యం కలిగిన ఓటరు ఓటు వేయడం కోసం కంపార్టుమెంటు వద్దకు తీసుకెళ్లేందుకు ఒక వయోజనుడిని సహాయకుడిగా అనుమతించవచ్చు. మొబైల్‌ఫోన్లు, కెమెరాలు, ఎలక్ట్రానిక్‌ పరికరాలు పోలింగ్‌ బూత్‌లోకి అనుమతించరు. ఒక నిర్ణీత అభ్యర్థి కోసం ఓటు వేయడానికి డబ్బు లేదా ఏదేని ఇతర విధాలైన ప్రతిఫలాన్ని ఇవ్వజూపడం లేదా అంగీకరించడం చట్ట ప్రకారం అవినీతి చేష్ట కిందకు వస్తుంది. ఏ ఒక్క ఓటరును వదిలేయరాదు. ప్రతీ ఓటు లెక్కించబడుతుంది. ఓటరు చెంతలోనే పోలింగ్‌ చీటీలు మండలాల వారీగా ఏర్పాటు చేసిన బీఎల్‌వోలు పోలింగ్‌ చీటీలను వారికి కేటాయించిన పోలింగ్‌ కేంద్రం పరిధిలోని ఓటర్ల ఇంటింటికి వెళ్లి పంపిణీ చేస్తున్నారు. అలా పంపిణీ చేసిన అనంతరం బీఎల్‌వోలు ఓటరులకు పోల్‌ చీటిలు ముట్టినట్లు సదరు ఓటరు ద్వార సంతకాలు తీసుకుంటున్నారు. ఇలా పోలింగ్‌ చీటీలు ఇవ్వడానికి బీఎల్‌వోలు వెళ్లినప్పుడు ఇంట్లో ఓటరు లేకున్న దిగులు పడకుండా ఓటింగ్‌ సమయంలో కేంద్రాల వద్ద ఉన్న బీఎల్‌వో వద్ద నుంచి తమ పోలింగ్‌ చీటీలు సేకరించి ఓటు హక్కును వినియోగించుకోవచ్చనే వెసులుబాటు కల్పించారు.   

సాక్షి, కరీంనగర్‌రూరల్‌: భారత రాజ్యాంగం కల్పించిన ఓటు హక్కును సద్వినియోగం చేసుకోవాలంటే ఈ గ్రామస్తులు మరో ఊరికి పోవాల్సిందే. దాదాపు 5 కిలోమీటర్ల దూరంలో ఉన్న గ్రామానికి వెళ్లి ఓట్లు వేయాల్సిన పరిస్ధితి ప్రస్తుతం ఏర్పడింది. గత అసెంబ్లీ ఎన్నికల్లో సైతం ఓట్లేసేందుకు తీవ్ర ఇబ్బందులు ఎదుర్కొన్నారు. తమ ఊరిలోనే పోలింగ్‌స్టేషన్లను ఏర్పాటు చేయాలని స్ధానిక ప్రజాప్రతినిధులు అధికారులను కోరినప్పటికీ ఫలితం లేకుండా పోయింది. అయితే కొత్త పోలింగ్‌స్టేషన్ల ఏర్పాటులో ఎన్నికల సంఘం నిబంధనలు అడ్డురావడంతో అధికారులు పాత విధానంలోనే పోలింగ్‌ను నిర్వహించేందుకు అవసరమైన ఏర్పాట్లు చేస్తున్నారు. కొత్త గ్రామపంచాయతీతో సమస్య.. ప్రభుత్వం దుబ్బపల్లిని కొత్త గ్రామపంచాయతీగా ఏర్పాటు చేయడంతో చామన్‌పల్లి పంచాయతీవాసులకు కొత్త సమస్య ఏర్పడింది. కొత్త గ్రామపంచాయతీ పరిధిలో ఉన్న పోలింగ్‌ కేంద్రాలకు వెళ్లి ఓట్లు వేయాల్సిన పరిస్థితి నెలకొంది. కరీంనగర్‌ మండలంలోని 17 గ్రామపంచాయతీల పరిధిలో మొత్తం 46,597  మంది ఓటర్లున్నారు. వీరిలో పురుషులు 23,217, మహిళలు 23,379 మంది ఉన్నారు. మొత్తం 65 పోలింగ్‌స్టేషన్లు ఉన్నాయి. గతంలో చామన్‌పల్లి పంచాయతీ పరిధిలో ఉన్న శివారు గ్రామం దుబ్బపల్లిని గత ఆగస్టు నెలలో రాష్ట్ర ప్రభుత్వం కొత్త గ్రామపంచాయతీగా ఏర్పాటు చేసింది.అయితే దుబ్బపల్లి పంచాయతీ పరిధిలో ఉన్న జెడ్పీ పాఠశాలలోనే అసెంబ్లీ, లోక్‌సభ ఎన్నికల పోలింగ్‌ కేంద్రాలను అధికారులు ఏర్పాటు చేస్తున్నారు. ప్రస్తుతం లోక్‌సభ ఎన్నికల పోలింగ్‌కు సైతం ఈ పాఠశాలలో చామన్‌పల్లి, దుబ్బపల్లి గ్రామాలకు కలిపి మొత్తం 5 పోలింగ్‌ కేంద్రాలను ఏర్పాటు చేశారు. చామన్‌పల్లిలో ప్రస్తుతం మొత్తం ఓటర్లు 2357 మంది ఉండగా వీరిలో పురుషులు 1145, మహిళలు 1212 మంది ఉన్నారు. ఈ ఓటర్లందరికీ 85, 86, 87, 88 నంబర్‌ గల పోలింగ్‌స్టేషన్లు  ఏర్పాటు చేశారు. అదేవిధంగా కొత్త గ్రామపంచాయతీ దుబ్బపల్లిలో 571 మంది ఓటర్లు ఉండగా పురుషులు 289, మహిళలు 282 మంది ఉన్నారు. వీరందరికీ 89 నంబర్‌ పోలింగ్‌స్టేషన్‌ ఏర్పాటు చేశారు. ఐదు కిలోమీటర్లు పోవాల్సిందే.. చామన్‌పల్లి నుంచి దుబ్బపల్లి గ్రామపంచాయతీ దాదాపు 5 కిలోమీటర్ల దూరంలో ఉంటుంది. ప్రస్తుత లోక్‌సభ ఎన్నికల్లో ఓటు వేసేందుకు దుబ్బపల్లిలోని జెడ్పీ పాఠశాలలో ఏర్పాటు చేసిన పోలింగ్‌కేంద్రాలకు వెళ్లాల్సిన పరిస్థితి నెలకొంది. గత అసెంబ్లీ ఎన్నికల్లో సైతం దుబ్బపల్లిలోనే పోలింగ్‌ కేంద్రాలను ఏర్పాటు చేయడంతో ఓటు వేయడానికి చామన్‌పల్లి గ్రామస్తులు తీవ్ర ఇబ్బందులు ఎదుర్కొన్నారు. ఆటోలు, ద్విచక్రవాహనాలు అందుబాటులో లేకపోవడంతో పలువురు ఓటర్లు నడుచుకుంటు వెళ్లాల్సి వచ్చింది. పలువురు వృద్ధులు, వికలాంగులు, మహిళలు ఓటు వేసేందుకు ముందుకురాకపోవడంతో స్థానిక నాయకులు ఆటోలను ఏర్పాటు చేశారు.   ఆటోల్లో ఓటర్లను తరలించడాన్ని అధికారులు అడ్డుకోవడంతో పలు వివాదాలేర్పడ్డాయి. ఈక్రమంలో చామన్‌పల్లిలోనే పోలింగ్‌ కేంద్రాలను ఏర్పాటు చేయాలని స్ధానిక నాయకులు విజ్ఞప్తి చేశారు. అయితే లోక్‌సభ ఎన్నికల్లో కూడా కొత్త పోలింగ్‌స్టేషన్లను ఏర్పాటుచేయడంలో నెలకొన్న సాంకేతిక సమస్యలతో అధికారులు గతంలో ఉన్నట్లుగానే పోలింగ్‌స్టేషన్లను ఏర్పాటు చేశారు. దీంతో ఈనెల 11న జరిగే పోలింగ్‌లో చామన్‌పల్లి ఓటర్లు గతంలో మాదిరిగానే దుబ్బపల్లికి వచ్చి ఓటు వేయాల్సిన పరిస్ధితి నెలకొంది.   ప్రత్యేక వాహనాలు ఏర్పాటు చేయాలి చామన్‌పల్లి నుంచి దుబ్బపల్లిలోని పోలింగ్‌ కేంద్రాలకు ఓటర్లు వెళ్లేందుకు తీవ్ర ఇబ్బందులు ఎదుర్కొంటున్నారు. అసెంబ్లీ ఎన్నికలప్పుడు వృద్ధులు, మహిళలు ఓటు వేసేందుకు ఆసక్తి చూపలేదు. ప్రస్తుత లోక్‌సభ ఎన్నికల్లో పోలింగ్‌ రోజున ఓటర్లను తరలించేందుకు అధికారులు ప్రత్యేకంగా వాహనాలను ఏర్పాటు చేయాలి. – వడ్లకొండ పర్షరాములు, చామన్‌పల్లి పోలింగ్‌ కేంద్రం ఏర్పాటు చేయాలి చామన్‌పల్లిలోని ప్రాథమిక పాఠశాలలో పోలింగ్‌ కేంద్రంను ఏర్పాటు చేయాలి. గ్రామపంచాయతీ ఎన్నికలప్పుడు తమ గ్రామంలోనే పోలింగ్‌ కేంద్రాలను ఏర్పాటు చేశారు. అసెంబ్లీ, లోక్‌సభ ఎన్నికలకు దుబ్బపల్లిలో కేంద్రాలను ఏర్పాటు చేయడం తగదు.  దుబ్బపల్లికి వెళ్లి ఓటు వేయడం వృద్ధులు, మహిళలకు ఎంతో ఇబ్బందిగా ఉంటుంది. – బోగొండ లక్ష్మి, సర్పంచ్, చామన్‌పల్లి పాత పోలింగ్‌ కేంద్రాల్లోనే.. కొత్త పోలింగ్‌ కేంద్రాలను ఏర్పాటు చేయడంలో కొన్ని సాంకేతిక సమస్యలున్నాయి. ఎన్నికల సంఘం నిబంధనలతో ప్రస్తుతం కొత్త కేంద్రాలను ఏర్పాటు చేయలేదు. గత అసెంబ్లీ ఎన్నికలప్పుడు ఉన్న కేంద్రాల్లోనే ప్రస్తుత లోక్‌సభ ఎన్నికలకు పోలింగ్‌ నిర్వహించేందుకు ఏర్పాట్లు చేశాం. – జి.కుమారస్వామి, తహసీల్దార్, కరీంనగర్‌రూరల్‌ 

సాక్షి, కొత్తగూడెం: పార్లమెంట్‌ ఎన్నికల పోలింగ్‌ రోజున ఓటు హక్కు వినియోగించుకునే జిల్లా ఓటర్లకు భద్రాద్రి కొత్తగూడెం కలెక్టర్‌ రజత్‌కుమార్‌ శైనీ పలు సలహాలు, సూచనలు చేశారు. ఈ మేరకు మంగళవారం ఒక ప్రకటన విడుదల చేశారు.  స్త్రీ, పురుషులు వేర్వేరుగా క్యూలైన్‌ పాటించి పోలీసు శాఖ వారికి సహకరించాలి. పోలింగ్‌ స్టేషన్‌కు వచ్చే ఓటర్లు సెల్‌ఫోన్‌ తీసుకు రావొద్దు. మద్యం సేవించి ఓటు వేయడానికి రాకూడదు. పోలింగ్‌ కేంద్రానికి ఎలాంటి మారణాయుధాలు, వాటర్‌ బాటిళ్లు, ఇంక్‌ బాటిళ్లు తీసుకురావొద్దు.  రాజకీయ పార్టీలకు చెందిన స్టిక్కర్లు, టోపీలు, కండువాలు, జెండాలు తదితర వాటితో పోలింగ్‌ కేంద్రానికి రావొద్దు.   ఓటర్‌ కార్డుపై ఓటరు వివరాలు అన్నీ సరిగ్గా ఉంటే ఓటర్‌ ఐడీ కార్డుతో ఓటు వేయవచ్చు. లేదంటే ఇతర గుర్తింపు కార్డుల్లో కొన్ని చూయించాలి.   పోలింగ్‌ కేంద్రం నుంచి 100 మీటర్లు మార్కు చేయబడిన లైనులోపల మాత్రమే ఓటర్లకు ప్రవేశం.   ఓటు వేసిన వెంటనే తిరిగి పోలింగ్‌ కేంద్రం విడిచి వెళ్లిపోయి మరొక ఓటరుకు అవకాశం ఇవ్వాలి.   పోలింగ్‌ కేంద్రం నుంచి 200 మీటర్లు అవతల ఓటు వేయడానికి వచ్చిన వారి వాహనాలను పార్క్‌ చేయాలి. పోలింగ్‌ కేంద్రం నుంచి 200 మీటర్ల అవతల మాత్రమే రాజకీయ పార్టీ వారు నీడనిచ్చే లాంటివి ఏర్పాటు చేసుకుని ఒక చిన్న టేబుల్, రెండు కుర్చీలతోపాటు  ఇద్దరు మాత్రమే ఉండాలి. పార్టీ జెండాలు కానీ, గుర్తులు కానీ బ్యానర్లుగాని ప్రదర్శించకూడదు. ఏ పార్టీ వారు కూడా ఎటువంటి టెంట్లను ఏర్పాటు చేయకూడదు.   టిఫిన్లు, భోజనాలు తదితరవి ఓటర్లకు సరఫరా చేయరాదు. ఓటర్‌ స్లిప్పులు ఇచ్చేవారు ఎటువంటి పార్టీ గుర్తులు లేకుండా తెల్లని కాగితంలో ముద్రించనవి మాత్రమే ఇవ్వాలి. అభ్యర్థి పేర్లు మొదలైనవి కలిగిన వాటిపై ఇవ్వకూడదు.   

మిర్యాలగూడ టౌన్‌ : ఈనెల 11వ తేదీన జరగనున్న 13వ లోక్‌సభ ఎన్నికలకు సంబంధించి కొంత మంది యువకులు ఆహ్వాన పత్రిక ముద్రించి వాట్సాప్‌లో పోస్ట్‌ చేశారు. ఆహ్వానం...సాధారణ ఎన్నికలు–2019, నూతన సభ్యుల ఉత్సవం, ముహూర్తం 11.04.2019 గురువారం ఉదయం 6 గంటల నుంచి సాయంత్రం 6గంటలు, వేదిక.. మీ ప్రాంతంలోని మీ ఓటు నమోదైన పోలింగ్‌ కేంద్రం, విన్నపం...ఈ ఎన్నికల ఉత్సవానికి సంబంధించి ఎటువంటి కానుకలు ఇవ్వరాదు...తీసుకోరాదు.. అంటూ ఓటర్లను ఆకట్టుకునే విధంగా ముద్రించారు. ఈ వాట్సాప్‌లో చక్కర్లు కొడుతున్న ఆహ్వాన పత్రికపై సర్వత్రా చర్చ జరుగుతుంది.     

సాక్షి, సిర్పూర్‌(టి) : అసెంబ్లీ ఎన్నికలతో పోలిస్తే ప్రస్తుతం నియోజకవర్గంలో ఓటర్ల సంఖ్య పెరగడంతో లోకసభ ఎన్నికల్లో ఓటర్ల ప్రభావంపై సర్వత్ర ఉత్కంఠ నెలకొంది. నియోజకవర్గంలోని అన్ని మండలాల్లో గతంలో కంటే ఓటర్ల సంఖ్య గణనీయంగా పెరగడం, అందులో యువత ఓటర్లే అధికంగా ఉండటంతో ప్రధాన పార్టీల నాయకులు పోలింగ్‌పై అంచనకు రాలేకపోతున్నారు. నియోజకవర్గంలోని సిర్పూర్‌(టి), కౌటాల, బెజ్జూర్, కాగజ్‌నగర్, దహెగాం, పెంచికల్‌పేట్, చింతలమానెపల్లి మండలాలు ఉన్నాయి. 7 మండలాల్లో అసెంబ్లీ ఎన్నికల్లో కంటే లోకసభ ఎన్నికలకు విడుదల చేసిన ఓటరు జాబితాలో ఓటర్ల సంఖ్య గణనీయంగా పెరిగింది. నియోజకవర్గంలోని 7 మండలాల్లో అసెంబ్లీ ఎన్నికల్లో 1,90,934 మంది ఓటర్లు ఉండగా, ప్రస్తుతం లోకసభ ఎన్నికలకు అధికారులు విడుదల చేసిన ఓటరు జాబితాలో ఓటర్ల సంఖ్య 2,02,580 చేరుకుంది. అధికారులు చేపట్టిన అవగాహన కార్యక్రమాలతో 11,646 మంది కొత్తగా ఓటుహక్కు నమోదు చేసుకున్నారు. పోలింగ్‌ శాతంపై అంచనాలు..  సిర్పూర్‌(టి) నియోజకవర్గంలోని మండలాల్లో ఓటర్ల సంఖ్య పెరగడంతో అసెంబ్లీ ఎన్నికల్లో నమోదైన పోలింగ్‌ శాతం కంటే లోకసభ ఎన్నికల్లో పోలింగ్‌ శాతం పెరుగుతుందని నాయకులు అంచన వేస్తున్నారు. అసెంబ్లీ ఎన్నికల్లో ఓటుహక్కు లేని పలువురు యువత కొత్తగా ఓటు నమోదు చేసుకున్నారు. యువత ఓటుహక్కు వినియోగించుకునే అవకాశం ఉండటంతో, వారు ఎటువైపు మొగ్గుతారోనని అభ్యర్థుల్లో ఆందోళన మొదలైంది. పకడ్బందీగా ఏర్పాట్లు..  గ్రామాల్లో లోకసభ ఎన్నికలకు అధికార యంత్రాంగం పకడ్బందీగా ఏర్పాట్లు పూర్తి చేస్తున్నారు. రెవెన్యూ అధికారులు పోలింగ్‌ కేంద్రాల గుర్తింపు, పోలింగ్‌ కేంద్రాల్లో వసతులు, ఓటర్లకు మౌలిక వసతులు కల్పించడంలో నిమాగ్నమయ్యారు. అదేవిధంగా నియోజకవర్గంలో వందశాతం పోలింగ్‌ దిశగా పోలీసు అధికారులు చర్యలు చేపడుతున్నారు. సమస్యాత్మక గ్రామాల్లో ప్రత్యేక కేంద్ర బలగాలతో కలిసి స్థానిక పోలీసు అధికారులు కవాతు నిర్వహించి గ్రామస్తులకు అవగాహన కల్పిస్తున్నారు. ప్రతి ఒకరూ ఓటుహక్కు నిర్భయంగా వినియోగించుకోవాలని భరోసా కల్పిస్తుస్తున్నారు. పోలీసులు, రెవెన్యూ అధికారుల తనిఖీలు.. లోకసభ ఎన్నికల్లో ఎలాంటి అవాంఛనీయ సంఘటనలు చోటుచేసుకోకుండా ముందస్తు చర్యల్లో భాగంగా నియోజకవర్గంలోని అన్ని మండలాల్లో పోలీసులు భారీ బందోబస్తును ఏర్పాటు చేశారు. నియోజకవర్గంలోని రెండు అంతర్రాష్ట్ర రహదారులు సిర్పూర్‌(టి)–మాకిడి, వెంకట్రావ్‌పేట–పోడ్సా అంతర్రాష్ట్ర రహదారుల్లో రెవెన్యూ అధికారులు, పోలీసులు నిరంతరం వాహనాల తనిఖీ చేపడుతున్నారు.   

సాక్షి, బద్వేలు : పెద్ద పండుగ వచ్చిందంటే బస్సులో సీటు కోసం ముందస్తుగానే రిజర్వేషన్‌ చేసుకోవాలి. లేదంటే ప్రయాణానికి ఇక్కట్లే. అదనపు డబ్బులు చెల్లించాల్సిందే. ఇప్పుడు ఏ పండుగ ఉందనుకుంటున్నారా... ఏప్రిల్‌ 11... ఓట్ల పండుగ. రాష్ట్రంలో ఒకేసారి శాసనసభ, పార్లమెంట్‌ అభ్యర్థుల ఎన్నికలు జరిగే రోజు. ఈ నెల పదో తేదీన ఎన్నికల తేదీలను ఎలక్షన్‌ కమిషన్‌ ప్రకటించింది. మరుసటి రోజు నుంచి ఆర్టీసీ బస్సు సీట్ల రిజర్వేషన్లు ఊపందుకున్నాయి. చాలామంది హైదరాబాద్, బెంగళూరు, విజయవాడ వంటి ప్రాంతాల నుంచి జిల్లాకు వచ్చేం దుకు ముందస్తు రిజర్వేషన్లు ప్రారంభించారు.       ఈ నేపథ్యంలో ప్రయివేట్‌  బస్సు ఆపరేటర్లు కూడా పదో తేదీ టిక్కెట్ల ధరలను అమాంతం రెండు నుంచి మూడు రెట్లు పెంచేశారు. అయినా ఓటు వేసేందుకు రిజర్వేషన్లు ఆగడం లేదు. బస్సులతో పాటు రైళ్లలో కూడా బెర్తులు ముందుగానే నిండిపోయాయి. ఓటర్లలో చైతన్యం పెరిగింది.  ఓటింగ్‌ శాతం పెరగడమే ఇందుకు నిదర్శనం. దీంతో పాటు ఎన్నికల కమిషన్, స్వచ్ఛంధ సంస్థలు, సెలెబ్రెటీలు సైతం ఓటు వేయాలని పిలుపునిస్తున్నారు. రాజకీయ చైతన్యం కూడా పెరిగింది. ఓటేసేందుకు యువత ఉత్సాహంగా ఎదురు చూస్తుండగా, ఇతరులు కూడా సొంతూళ్లలో ఓటు వేయాలని సిద్ధమవుతున్నారు. పదో తేదీ సీటు గగనమే 11వ తేదీ పోలింగ్‌ సందర్భంగా పదో తేదీనే బయలుదేరి సొంతూళ్లకు రావడానికి సన్నద్ధమవుతున్నారు. ఆర్టీసీ బస్సులతో పాటు ప్రయివేట్‌ బస్సుల్లోను సీట్లకు గిరాకీ ఏర్పడింది. హైదరాబాద్‌ నుంచి కడపకు 26 ఆర్టీసీ బస్సులుండగా 20 బస్సుల్లో సీట్లు బుకింగ్‌ అయిపోయాయి. మిగిలిన సర్వీసుల్లో కూడా అరకొరసీట్లు మాత్రమే ఉన్నాయి. హైదరాబాద్‌ నుంచి ప్రొద్దుటూరు, జమ్మలమడుగు, బద్వేలు, రాయచోటి వంటి ప్రాంతాలకు ఉన్న ఆర్టీసీ బస్సుల్లోనూ సీట్లు బుకింగ్‌ 90 శాతం అయింది. ఆర్టీసీ 50 వరకు ప్రత్యేక బస్సులను నడిపేందుకు సిద్ధమవుతున్నట్లు అధికారులు చెబుతున్నారు. ఇబ్బందులు పడుతున్న నిరుద్యోగులు ప్రస్తుతం జిల్లాకు చెందిన  పలువురు హైదరాబాద్, విజయవాడ, విశాఫపట్నం వంటి సిటీలలో ఉద్యోగ శిక్షణ పొందుతున్నారు. ఈ నెల 21న గ్రూపు–4 పంచాయతీ సెక్రటరీ ప్రిలిమ్స్‌ పరీక్ష ఉంది. పదో తేదీ బస్సుల్లో సీట్లు లేకపోవడంతో వారంతా 8, 9వ తేదీలలో ఇళ్లకు రావాల్సిన పరిస్థితి ఏర్పడింది. 11, 12 తేదీలలో కూడా రద్దీగా ఉండే అవకాశం ఉంది. ఈనేపథ్యంలో ఓటు వేసేందుకు రావాలంటే నాలుగైదు రోజులు వృథా అవుతాయని వారు ఆందోళన చెందుతున్నారు. పరీక్ష పది రోజుల ముందు ఉండటం కూడా ఇబ్బందికరంగా మారిందని వాపోతున్నారు. పరీక్షను కొద్ది రోజులు వాయిదా వేయాలని డిమాండ్‌ చేస్తున్నారు. జిల్లావ్యాప్తంగా దాదాపు 15 వేల మంది గ్రూపు–4 అభ్యర్థులు ఇతర ప్రాంతాల్లో ఉన్నారు. ప్రయివేట్‌ ట్రావెల్స్‌ దోపిడి ఇదే అదనుగా భారీ ఆర్జనకు ప్రయివేట్‌ ట్రావెల్స్‌ సిద్ధమయ్యాయి. 8 నుంచి ఛార్జీలను కొద్దిగా పెంచుతూ పదోతేదీకి పూర్తిస్థాయిలో పెంచేశాయి. హైదరాబాద్‌ నుంచి కడపకు తొమ్మిదో తేదీ రూ.1200 నుంచి రూ.1500 మధ్య ఉండగా పదో తేదీకి ఇవి రూ.1500 నుంచి రూ.2వేలకు చేరాయి. 10వ తేదీకి హైదరాబాద్‌ నుంచి ప్రొద్దుటూరుకు రూ.1000 నుంచి రూ.1500, రాయచోటికి రూ.1800 నుంచి రూ.2 వేలు, పోరుమామిళ్ల, బద్వేలుకు రూ.1200 నుంచి రూ.2 వేలకు చేరింది. బెంగళూరు, చెన్నై, విజయవాడ తదితర ప్రాంతాల నుంచి అధిక సంఖ్యలో ఓటర్లు తరలిరానున్నారు. ఇక్కడి నుంచి కూడా ట్రావెల్స్‌ టిక్కెట్ల ధరలను రెండింతలు పెంచేశాయి.  టిక్కెటు ధర పెంచేశారు ప్రయివేట్‌ ట్రావెల్స్‌ టిక్కెట్‌ ధరను పెంచేశాయి. ఓటు వేయడానికి వచ్చే విద్యార్థులు, ఉద్యోగ శిక్షణకు వచ్చిన అభ్యర్థులు దీంతో ఇబ్బందులు పడుతున్నారు. ప్రస్తుత ఇరుపార్టీలకు కీలకం కావడంతో ఓటర్లు కూడా ఆసక్తిగా ఓటేసేందుకు అసక్తిగా చూస్తున్నారు. – బాలగోపాల్‌రెడ్డి, మిద్దెల, కాశినాయన మండలం ఆసక్తిగా ఉన్నాం మేం ఉద్యోగ శిక్షణ కోసం వచ్చాం. ఓటింగ్‌ ముందు రోజు సొంతూళ్లకు వచ్చేం దుకు సిద్ధమవుతున్నాం. టిక్కెట్‌ ధరలు చూస్తే గుండె గుభేల్‌ మంటోంది. దీనిపై అధికారులు స్పందించాలి.    – గౌస్‌ బాష,  పోరుమామిళ్ల గ్రూపు–4 అభ్యర్థుల ఆందోళన ఓటు వేసేందుకు వచ్చేందుకు జిల్లా వ్యాప్తంగా దాదాపు 15 వేల గ్రూపు–4 పరీక్షకు సన్నద్ధం అవుతున్న అభ్యర్థులు ఇతర ప్రాంతాల్లో ఉన్నారు. నాలుగు రోజులు ఓటింగ్‌ నేపథ్యంలో రానుపోను నాలుగు రోజులుపైనే అవసరమవుతుంది. ఈ నేపథ్యంలో మరోపది రోజులు పరీక్ష వాయిదా వేయాలి.– సుదర్శన్‌ రెడ్డి, బద్వేలు 

సాక్షి,పెద్దపల్లిఅర్బన్‌: జిల్లా కేంద్రంలోని ప్రభుత్వ జూనియర్‌ కళాశాలలో నిర్వహించిన పోలింగ్‌లో నిట్టూరు గ్రామానికి చెందిన సంపత్‌ అనే గ్రాడ్యుయేట్‌ ఓటేస్తు సెల్ఫీ దిగి కాసేపు కలకలం సృష్టించాడు. సెల్ఫీ దిగిన సందర్భంలో ఫ్లాష్‌లైట్‌ రావడంతో గుర్తించిన ఎన్నికల అధికారి వెంటనే వెబ్‌కాస్టింగ్‌ వీడియోను పరిశీలించారు. సెల్ఫీ దిగినట్లు వెబ్‌కాస్టింగ్‌లో స్పష్టంగా తెలియడంతో సంపత్‌ను పోలీసులకు అప్పగించారు. సంపత్‌పై 128 ఆర్టీ ఆక్ట్‌ కింద బెయిలబుల్‌ కేసు నమోదు చేసినట్లు అధికారులు తెలిపారు.   

సాక్షి, చీమకుర్తి(ప్రకాశం): ఎన్నికల్లో ఎలాగైనా గెలావాలి.. పోటీ చేసేవారైనా, వారి తరఫున వారి అభిమాన కార్యకర్తలైనా సరే.. ప్రత్యర్థిని ఓడించి గెలిచేందుకు, లేక గెలిపించేందుకు ఎంతకైనా సిద్ధమే. అందుకే పోలింగ్‌ జరిగే నాడు గ్రామాల్లో హోరాహోరీగా ఎన్నికలు జరిగే క్రమంలో ఎన్నికల విధులు నిర్వహించాలంటే అధికారులు భయాందోళనలు చెందుతుంటారు. అలాంటి వివాదాస్పద గ్రామాలలో ఎన్నికలను సజావుగా నిర్వహించేందుకు పోలీసులకు తల ప్రాణం తోకకొచ్చినంత పనవుతుందని ఆందోళన చెందుతుంటారు. అలాంటి పోలింగ్‌ కేంద్రాలను ఎన్నికల పరిభాషలో పోలీసులు సమస్యాత్మక గ్రామాలుగాను, సమస్యాత్మక పోలింగ్‌ స్టేషన్‌లుగా పోలీస్‌ రికార్డులలో ప్రత్యేకంగా నమోదై ఉంటుంది. పోలింగ్‌ రోజున జరిగే గొడవలతో పాటు పోలింగ్‌ ఏకపక్షంగా జరిగినా, పోటీలో ఉన్న ఒకే వ్యక్తికి 90 శాతానికి పైగా ఓట్లు పోలైనా అలాంటి పోలింగ్‌ స్టేషన్‌లను సమస్యాత్మక పోలింగ్‌ కేంద్రాలుగా పోలీసులు ప్రత్యేక ముద్ర వేస్తారు. అత్యధికంగా సంతనూతలపాడు మండలంలో ఉన్నదే 60 పోలింగ్‌ స్టేషన్‌లు అయితే వాటిలో 54 క్రిటికల్‌ బూత్‌లే ఉండటం విశేషం. తర్వాత స్థానం నాగులుప్పలపాడు మండలంలో 74 బూత్‌లకు గాను 53 క్రిటికల్‌ బూత్‌లే ఉన్నాయి. అన్నిటికంటే తక్కువుగా మద్దిపాడు మండలంలో 54కి 24 బూత్‌లు మాత్రమే క్రిటికల్‌ గా నమోదై ఉన్నాయి. ఇక చీమకుర్తి పట్టణంలో 23 పోలింగ్‌ బూత్‌లు ఉంటే వాటిలో 21 పోలింగ్‌ బూత్‌లు క్రిటికల్‌గా నమోదై ఉన్నాయి. ఇక  చీమకుర్తి మండలం మొత్తం మీద 68 బూత్‌లకు గాను 42 క్రిటికల్‌ పోలింగ్‌ స్టేషన్‌లుగా నమోదై ఉన్నాయి.  మండలం  క్రిటికల్‌  నార్మల్‌  మొత్తం  చీమకుర్తి  42  26  68  సంతనూతలపాడు  54  6  60  మద్దిపాడు  24  30  54  నాగులుప్పలపాడు  53  21  74  మొత్తం  173  83  256 కేటగిరీలుగా విభజన.. చీమకుర్తి మండలంలోని కూనంనేనివారిపాలెం, గాడిపర్తివారిపాలెం, ఎర్రగుడిపాడు, ఇలపావులూరు, పల్లామల్లి వంటి గ్రామాలను ఉదాహరణలుగా చెప్పుకోవచ్చు. సమస్యాత్మక పోలింగ్‌కేంద్రాలను పోలీసులు మూడు రకాల కేటగిరీలుగా విభజించారు. నేర చరిత్ర, రిగ్గింగ్‌ స్వభావం ఎక్కువుగా ఉన్న పోలింగ్‌ కేంద్రాలను హైపర్‌ క్రిటికల్‌ గాను, మీడియం స్టేజిలో ఉన్న వాటిని క్రిటికల్‌ విభాగంలోను, సాధారణ స్థాయిలో ఉన్న వాటిని నార్మల్‌ పోలింగ్‌ స్టేషన్‌లుగాను విభజించారు. సంతనూతలపాడు నియోజకవర్గలోని నాలుగు మండలాల్లో మొత్తం 256 పోలింగ్‌ స్టేషన్‌లు ఉన్నాయి. వాటిలో హైపర్‌ క్రిటికల్‌ కేటగిరీలో ఒక్కటి కూడా లేదని, పోలీస్‌ రికార్డులు ధ్రువీకరిస్తున్నాయి. క్రిటికల్‌ విభాగంలో 173, నార్మల్‌ విభాగంలో 83 ఉన్నాయి. నియోజకవర్గంలో 173 బూత్‌లు సమస్యాత్మకంగా ఉన్నాయి సంతనూతలపాడు నియోజకవర్గంలోని నాలుగు మండలాలలో కలిపి 256 పోలింగ్‌ బూత్‌లు ఉంటే వాటిలో 173 బూత్‌లు క్రిటికల్‌ పోలింగ్‌ స్టేషన్‌లుగా నమోదు చేయబడ్డాయి. 86 మాత్రమే నార్మల్‌ కండిషన్‌లో ఉన్నాయి. ఎన్నికలప్పుడు ఆయా గ్రామాలలో గతంలో జరిగిన నేరాలు, ఓటింగ్‌ సరళి ఒకే వ్యక్తికి ఏక పక్షంగా ఓట్లు పోలైనా క్రిటికల్‌ పోలింగ్‌ స్టేషన్‌లుగా నమోదు చేయటమైనది.  - ఓ.దుర్గా ప్రసాద్, సీఐ, ఒంగోలు రూరల్‌

సాక్షి, న్యూఢిల్లీ : దేశవ్యాప్తంగా మొత్తం ఏడు దశల్లో సార్వత్రిక ఎన్నికల షెడ్యూల్‌ను ఈసీ ఆదివారం వెల్లడించింది. ఏప్రిల్‌ 11న జరిగే తొలివిడతలో 20 రాష్ట్రాల్లోని 91 స్ధానాలకు పోలింగ్‌ జరగనుంది. రెండో దశలో 13 రాష్ట్రాల్లోని 115 స్ధానాలకు, మూడవ దశలో 14 రాష్ట్రాల్లోని 115 స్దానాలకు పోలింగ్‌ జరుగుతుంది. ఇక నాలుగో దశలో 9 రాష్ట్రాల్లోని 71 స్దానాలకు, ఐదో దశలో 5 రాష్ట్రాల్లోని 51 స్ధానాలకు పోలింగ్ జరుగుతుందని ఈసీ వెల్లడించింది. ఇక ఆరో దశలో ఏడు రాష్ట్రాల్లోని 59 స్ధానాలకు, తుది ఏడవ దశలో 8 రాష్ట్రాల్లోని 59 స్ధానాలకు పోలింగ్‌ జరుగుతుందని ప్రధాన ఎన్నికల కమిషనర్‌ సునీల్‌ అరోరా తెలిపారు. ఇక తెలుగు రాష్ట్రాలు ఆంధ్రప్రదేశ్‌, తెలంగాణలో తొలి దశలోనే ఏప్రిల్‌ 11న పోలింగ్‌ జరగనుంది. ఒకే విడతలో ఎన్నికలు జరిగే రాష్ట్రాలు ఆంధ్రప్రదేశ్‌ తెలంగాణ అరుణాచల్‌ ప్రదేశ్‌ గోవా గుజరాత్‌ హర్యానా హిమాచల్‌ ప్రదేశ్‌ కేరళ మేఘాలయ మిజోరాం నాగాలాండ్‌ పంజాబ్‌ సిక్కిం తమిళనాడు ఉత్తరాఖండ్‌ అండమాన్‌ నికోబార్‌ దాద్రా నగర్‌ హవేలి డయ్యుడామన్‌ లక్ష్యద్వీప్‌ న్యూఢిల్లీ పాండిచ్చేరి చంఢీగఢ్‌ రెండు విడతల్లో ఎన్నికలు జరిగే రాష్ట్రాలు కర్ణాటక మణిపూర్‌ రాజస్తాన్‌ త్రిపుర మూడు విడతల్లో ఎన్నికలు జరిగే రాష్ట్రాలు అస్సాం చత్తీస్‌గఢ్‌ నాలుగు విడతల్లో ఎన్నికలు జరిగే రాష్ట్రాలు జార్ఖండ్‌ మధ్యప్రదేశ్‌ మహారాష్ట్ర ఐదు విడతల్లో ఎన్నికలు జరిగే రాష్ట్రాలు జమ్మూ కశ్మీర్‌ ఏడు విడతల్లో ఎన్నికలు జరిగే రాష్ట్రాలు ఉత్తర్‌ ప్రదేశ్‌ బిహార్‌ పశ్చిమ బెంగాల్‌

సాక్షి, హైదరాబాద్‌ : తెలంగాణ రాష్టానికి సంబంధించి రెండో విడత గ్రామ పంచాయతీ ఎన్నికలు శుక్రవారం ఉదయం ఏడు గంటలకు ప్రారంభమయ్యాయి. మొత్తంగా రెండో దశలో 4135 సర్పంచ్‌ స్థానాలకు 783 ఏకగ్రీవమయ్యాయి.  మిగిలిన 3,342 స్థానాలకు ఎన్నికలు జరుగుతుండగా.. 10,668 మంది సర్పంచ్‌ అభ్యర్థులుగా బరిలోకి దిగారు. 26, 191 వార్డులకు 63,480 మంది అభ్యర్థులు పోటీ పడుతున్నారు. మధ్యాహ్నం 1 గంట వరకు పోలింగ్‌ జరుగగా..రెండు గంటలకు ఓట్ల లెక్కింపు మొదలవుతుంది. 

శామీర్‌పేట్‌: పోలింగ్‌ మొదలయ్యే సమయానికి 38 గంటల ముందే (19వ తేదీ సాయంత్రం 5 గంటలకు) ప్రచారాన్ని నిలిపివేయాలని జిల్లా ఉపఎన్నికల అధికారి జ్యోతి తెలిపారు. గురువారం శామీర్‌పేట మండల పరిషత్‌ కార్యాలయంలో ఆమె విలేకరులతో మాట్లాడుతూ... గ్రామపంచాయతీ ఎన్నికలకు అన్ని ఏర్పాట్లు పూర్తిచేశామన్నారు. శామీర్‌పేట మండలంలో 22 గ్రామపంచాయతీలు ఉండగా ఇందులో యాడారం, నాగిశెట్టిపల్లి  పంచాయతీల్లో సర్పంచ్‌తో పాలకవర్గం ఏకగ్రీవంగా ఎన్నికైందన్నారు. సీఎం దత్తత గ్రామమైన మూడుచింతలపల్లి సర్పంచ్‌ ఏకగ్రీవం అయ్యాయని వీటితో పాటు లింగాపూర్‌ తాండాలోని 8 వార్డుల వార్డుసభ్యులు ఏకగ్రీవంగా ఎన్పికైనట్లు తెలిపారు. శామీర్‌పేట మండలంలో మిగిలి 20 గ్రామపంచాయితీల్లో 74 మంది సర్పంచ్‌ అభ్యర్ధులతో పాటు 574 మంది వార్డు సభ్యుడి అభ్యర్ధులకు 216 పోలింగ్‌ బూత్‌ల ద్వారా ఎన్నికలు 21న నిర్వహించి ఆదే రోజు మధ్యాహ్నం తర్వాత ఉపసర్పంచ్‌ను ఎన్నుకోనున్నట్లు తెలిపారు. ఒకరోజు ముందే పోలింగ్‌స్టేషన్‌కు సిబ్బంది... గ్రామ పంచాయతీ ఎన్నికల నిర్వహణకు పోలింగ్‌ స్టేషన్‌కు ఒక రోజు ముందే ఎన్నికల సిబ్బంది చేరుకుంటారన్నారు. ప్రతి గ్రామానికి ఒక రిటర్నింగ్‌ అధికారిని నియమించామని, మండల వ్యాప్తంగా 22 రూట్లలో 22 బస్సుల్లో ఎన్నికల సామాగ్రిని తరలించనున్నట్లు తెలిపారు. పంచాయతీ ఎన్నికల నిర్వహణకు నలుగురు జోనల్‌ అధికారులతో పాటు 672 మంది ఎన్నికల సిబ్బందిని నియమించామని, 4 ఫ్లైయింగ్‌ స్క్వాడ్‌ బృందాలు(ఎస్‌ఎస్‌టీ, ఎఫ్‌ఎస్‌టీ, వీఎస్‌టీ, ఎంఎస్‌టీ)లు 24 గంటలు మండల వ్యాప్తంగా పర్యటిస్తున్నాయన్నారు. సమస్యాత్మక ప్రాంతాల్లో ప్రత్యేక బృందాలు... మండలంలోని సమస్యాత్మక గ్రామాల్లో ప్రత్యేక బృందాలు  పర్యటిస్తాయన్నారు. అతి సమస్యాత్మకమైన అలియాబాద్, బొమ్మరాశిపేట, లాల్‌గడి మలక్‌పేట, మజీద్‌పూర్, మూడుచింతలపల్లి, శామీర్‌పేట, తుర్కపల్లి గ్రామాలను గుర్తించామని ఈ గ్రామాల్లో అదనపు పోలీస్‌ సిబ్బందితో పాటు ప్రత్యేక బృందాలు(ఫ్లైయింగ్‌స్క్వాడ్‌) పర్యటిస్తాయన్నారు. ఎన్నికలు ప్రశాంతంగా నిర్వహించేందుకు అభ్యర్ధులతో పాటు ప్రజలు సహకరించాలన్నారు.

ఢాకా : బంగ్లాదేశ్ సార్వత్రిక ఎన్నికల పోలింగ్ ఆదివారం హింసాత్మక ఘటనల నడుమ ముగిసింది. ఎన్నికల సందర్భంగా చెలరేగిన హింసలో 13 మంది మర ణించారు. రాజ్‌షాహి, చిత్తగావ్‌, కుమిల్లా, కాక్స్‌బజార్‌ జిల్లాల్లో ఇద్దరేసి చొప్పున మరణించారు. ఇక బ్రమ్మణబెరియా, రంగమతి, నార్సిది, బొగుర, గజీపూర్‌, సిల్హెట్‌లో చెలరేగిన అల్లర్లలో ఒక్కరి చొప్పున మరణించారు. మృతుల్లో పాలక అవామీ లీగ్‌ కార్యకర్తలే అధికంగా ఉన్నారని అధికారులు పేర్కొన్నారు. ఈ ఎన్నికల్లో మరోసారి అధికార పగ్గాలు చేపట్టేందుకు ప్రధాని షేక్‌ హసీనా సర్వశక్తులు ఒడ్డుతుండగా, అధికార పక్షానికి చెక్‌ పెట్టాలని విపక్ష బంగ్లా నేషనలిస్ట్‌​ పార్టీ (బీఎన్‌పీ) చెమటోడ్చింది.  స్థానిక కాలమానం ప్రకారం ఉదయం 8 గంటలకు 40,000కు పైగా పోలింగ్ కేంద్రాల్లో ప్రారంభమైన ఓటింగ్  మధ్యాహ్నం 4 గంటలకు పోలింగ్ ముగిసింది. ప్రధాని షేక్ హసీనా ఢాకా సిటీ కాలేజ్ సెంటర్‌లో  ఓటు హక్కును వినియోగించుకున్నారు. పోలింగ్‌ నేపథ్యంలో దేశవ్యాప్తంగా ఆరు లక్షలకు పైగా భద్రతా సిబ్బందిని నియమించారు.

న్యూఢిల్లీ: పొగాకు ఉత్పత్తులపై చట్టపరమైన నిషేధ నిబంధనలను పటిష్టస్థాయిలో అమలుచేయాలని కేంద్ర ఎన్నికల సంఘం నిర్ణయించింది. ఇందులోభాగంగా, పోలింగ్‌ బూత్‌లలో పొగాకు సంబంధ ఉత్పత్తుల వాడకాన్ని నిషేధించింది. వచ్చే ఏడాది సార్వత్రిక ఎన్నికల్లో నిషేధాన్ని పూర్తిస్థాయిలో అమలుచేయనున్నారు. బీడీ, సిగరెట్, గుట్కాలతోపాటు నమిలే పొగాకు ఉత్పత్తులనూ పోలింగ్‌ బూత్‌లలో నిషేధించింది. పొగ తాగడంసహా, ఉత్పత్తులపై నిషేధం పూర్తిగా అమలయ్యేలా జిల్లా ఎలక్టోరల్‌/జిల్లా మెజిస్ట్రేట్‌లను ఆదేశించాలని సూచిస్తూ అన్ని రాష్ట్రాల, కేంద్రపాలిత ప్రాంతాల ప్రభుత్వాలకు ఈసీ లేఖలు రాసింది. ‘దేశంలోని అన్ని పోలింగ్‌ బూత్‌లు పొగాకురహితంగా ఉండాలి’ అని ఈసీ తన మార్గదర్శకాల్లో పేర్కొంది.

సాక్షి, మిర్యాలగూడ : సాధారణ ఎన్నికల పోలింగ్‌ శుక్రవారం ముగిసింది. దాంతో ప్రచార ఆర్భాటాలు, ఓటర్లకు గాలం వేయడం ముగిసింది. ఎన్నికల్లో ప్రధాన అంకమైన పోలింగ్‌ ముగియడంతో అభ్యర్థులు ఊపిరి పీల్చుకున్నారు. కానీ అసలు అంకమైన కౌంటింగ్‌ ఈ నెల 11వ తేదీన ఉంది. ఇంతకాలం పాటు ఎన్నికల ఆర్భాటాల్లో ఉన్న అభ్యర్థులు, ఆయా పార్టీల నాయకులు లెక్కల్లో మునిగి తేలుతున్నారు. పోటీ చేసిన ప్రధాన రాజకీయ పార్టీల అభ్యర్థులంతా రాజకీయ ఉద్దండులే కావడం గమనార్హం. టీఆర్‌ఎస్‌ తరుపున పోటీ చేసిన భాస్కర్‌రావు గత ఎన్నికల్లో తెలంగాణ వాదం ఉన్నప్పటికీ కాంగ్రెస్‌ తరుపున విజయం సాధించారు. కాంగ్రెస్‌ అభ్యర్థిగా పోటీ చేసిన ఆర్‌. కృష్ణయ్య 40సంవత్సరాలుగా బీసీ ఉద్యమ నేతగా కొనసాగుతున్నారు. సీపీఎం తరుపున పోటీ చేసిన జూలకంటి రంగారెడ్డి 40సంవత్సరాలుగా రాజకీయాల్లో ఉండటంతో పాటు మూడు పర్యాయాలు ఎమ్మెల్యేగా గెలుపొందారు. కాగా ఈ ముగ్గురు కూడా ఈ ఎన్నికల్లో ఎవరి లెక్కలు వారు వేసుకుంటున్నారు. మండలాల వారీగా ఆయా పార్టీల నాయకులతో సమావేశాలు నిర్వహించి ఓట్ల శా తాన్ని లెక్కించుకుంటున్నారు. ఏ పార్టీకి ఎక్కువ ఓట్లు వస్తాయనే విషయంతో పాటు తమకు ఎన్ని ఓట్లు వస్తాయనే విషయాన్ని చర్చించుకుంటున్నారు. ఏది ఏమైనా ఎన్నికల్లో ఎవరికి వారుగా తమదే విజయం అని పేర్కొంటున్నారు.  పెరిగిన పోలింగ్‌పై చర్చ.. గతంలో ఎన్నడూ లేని విధంగా మిర్యాలగూడ నియోజకవర్గంలో పోలింగ్‌ శాతం భారీగా పెరిగింది. గత ఎన్నికల్లో 79.13 శాతం ఉన్న పోలింగ్‌ ఈ ఎన్నికల్లో 84.57కు పెరిగింది. పెరిగిన పోలింగ్‌ శాతం తమకంటే తమకే అనుకూలంగా ఉంటుందని అన్ని రాజకీయ పార్టీల అభ్యర్థులు భావిస్తున్నారు. ముఖ్యమంత్రి కేసీఆర్‌ చేపట్టిన అభివృద్ధి, సంక్షేమ పథకాలతో మళ్లీ ఆయననే గెలిపించాలని ఎక్కువగా పోలింగ్‌లో పాల్గొన్నారని టీఆర్‌ఎస్‌ నాయకులు భావిస్తుండగా, కేసీఆర్‌కు వ్యతిరేకంగా ఉద్యోగ, ఉపాధ్యాయ, విద్యార్థులంతా ఏకమయ్యారని, అందుకు తమకే అనుకూలంగా ఉంటుందని ప్రతిపక్ష పార్టీల నాయకులు భావిస్తున్నారు. ఏది ఏమైనా పెరిగిన పోలింగ్‌ ఎవరికి లాభం చేకూరనుందో మరో రోజు వేచి చూడాల్సిందే.  స్వతంత్రుల ఓట్లు ఎవరికి గండిపడునో.. గతంలో ఎన్నడూ లేని విధంగా మిర్యాలగూడ నియోజకవర్గంలో ఎన్నికల్లో 29 మంది అభ్యర్థులు పోటీలో ఉన్నారు. దాంతో రెండు ఈవీఎం మిషన్లు ఏర్పాటు చేశారు. రెండు మిషన్లు పక్కపక్కనే పెట్టడం వల్ల కూడా ఓటర్లు కొంతమంది అనుకున్న గుర్తుకు ఓటే వేయలేదని, దాంతో స్వతంత్ర అభ్యర్థులకు అధికంగా ఓట్లు వస్తాయని భావిస్తున్నారు. ఒకవేళ స్వతంత్ర అభ్యర్థులకు అనుకున్నట్లుగానే ఎక్కువ ఓట్లు వస్తే ప్రధాన రాజకీయ పార్టీల అభ్యర్థుల ఓట్లకు గండిపడే అవకాశం ఉంది. దాని వల్ల ప్రధాన పార్టీ అభ్యర్థుల గెలుపు, ఓటములపై కూడా ప్రభావం చూపే అవకాశాలు లేకపోలేదు.   

సాక్షిప్రతినిధి, ఖమ్మం:  జిల్లాలోని ఐదు నియోజకవర్గాలకు నిర్వహించిన సార్వత్రిక ఎన్నికలకు సంబంధించిన ఓట్ల లెక్కింపును ఈ నెల 11వ తేదీన పటిష్టంగా, సమర్థవంతంగా నిర్వహించేందుకు జిల్లా అధికార యంత్రాంగం ఏర్పాట్లు పూర్తి చేసింది. కొణిజర్ల మండలంలోని తనికెళ్ల వద్ద గల విజయ ఇంజనీరింగ్‌ కళాశాలలో ఓట్ల లెక్కింపు కోసం కసరత్తు పూర్తయింది. ఈ నెల 7వ తేదీన ఎన్నికలు జరిగిన విషయం విదితమే. అదేరోజు రాత్రి కౌంటింగ్‌ కేంద్రం(విజయ ఇంజనీరింగ్‌ కళాశాల)కు ఈవీఎంలను తరలించారు. కళాశాల చుట్టూ మూడంచెల బందోబస్తును ఏర్పాటు చేశారు. పోలింగ్‌ నాటి నుంచి కలెక్టర్‌ ఆర్‌వీ.కర్ణన్, సీపీ తఫ్సీర్‌ ఇక్బాల్‌ల పర్యవేక్షణలో పటిష్ట బందోబస్తును ఏర్పాటు చేశారు. జిల్లాలోని 1305పోలింగ్‌ బూత్‌లలో ఓటింగ్‌ చేపట్టగా 9,33,124 మంది ఓటు హక్కును వినియోగించుకున్నారు. ఓట్ల లెక్కింపు కోసం 14టేబుళ్లను ఏర్పాటు చేయగా, పోస్టల్‌బ్యాలెట్ల లెక్కింపు కోసం మరొక టేబుల్‌ను సిద్ధం చేశారు. ఒక్కొక్క రౌండ్‌కు  30నిమిషాల పాటు సమయం కేటాయించనున్నారు.   ఉదయం 8గంటల నుంచి లెక్కింపు   ఉదయం 8గంటలకు పోస్టల్‌ బ్యాలెట్‌ లెక్కింపు ప్రక్రియ ప్రారంభం కానుంంది. 8:30గంటల నుంచి ఈవీఎంలోని ఓట్ల లెక్కింపును చేపడతారు. ఒక్కొక్క నియోజకవర్గానికి 14టేబుళ్ల చొప్పున లెక్కింపు చేయనున్నారు. అదనంగా మరొక టేబుల్‌ను పోస్టల్‌ బ్యాలెట్‌కు ఉపయోగించనున్నారు. ఈవీఎంలను ఉదయం 8:30 గంటలకు ఓపెన్‌ చేసి ఎన్నికల అధికారులు ఓట్ల లెక్కింపును ప్రారంభిస్తే మధ్యాహ్నం ఒంటిగంట వరకు అభ్యర్థుల గెలుపు ఓటములు తేలుతాయి. అభ్యర్థికి వచ్చే మెజారిటీపై ఓ అంచనా రానుంది. అధికారిక లెక్కల ప్రకారం సాయంత్రం 4నుంచి 6గంటల వరకు అభ్యర్థుల గెలుపు వివరాలు తెలియనున్నాయి.         

కొణిజర్ల: జిల్లాలోని ఐదు నియోజకవర్గాల ఓట్ల లెక్కింపు ప్రక్రియ ఈనెల 11వ తేదీన ఉంటుందని, ఇందుకోసం అన్ని ఏర్పాట్లు పూర్తి చేసినట్లు కలెక్టర్‌ ఆర్వీ.కర్ణన్‌ తెలిపారు. కొణిజర్ల మండలం తనికెళ్లలోని విజయ ఇంజనీరింగ్‌ కళాశాలలో ఏర్పాటు చేసిన కౌంటింగ్‌ కేంద్రాన్ని శనివారం ఆయన పోలీస్‌ కమిషనర్‌ తఫ్సీర్‌ ఇక్బాల్‌తో కలిసి పరిశీలించారు. ఈ సందర్భంగా స్ట్రాంగ్‌ రూమ్‌ల వద్ద భద్రతా ఏర్పాట్లను, కౌంటింగ్‌ కేంద్రానికి పాలేరు, మధిర నియోజకవర్గాలకు చెందిన ఈవీఎంలు రావడంతో వాటిని భద్రపరిచే విధానాన్ని, కౌంటింగ్‌ చేపట్టే గదులను పరిశీలించారు. ఇంకా మిగిలిపోయిన ఏర్పాట్లను వేగవంతం చేయాలని అక్కడి సిబ్బందికి సూచించారు. అనంతరం కలెక్టర్‌ విలేకరులతో  మాట్లాడుతూ జిల్లాలో 86 శాతం పోలింగ్‌ నమోదైనట్లు తెలిపారు. పాలేరు, ఖమ్మం, వైరా, మధి ర, సత్తుపల్లి నియోజకవర్గాల లెక్కింపును విజయ ఇంజనీరింగ్‌ కళాశాలలో నిర్వహిస్తున్నట్లు తెలిపారు. ఇందుకోసం మూడం చెల భద్రత ఏర్పాటు చేశామన్నారు. మొదట సెంట్రల్‌ రిజర్వ్‌ పోలీసు లు బయట పహారా కాస్తున్నట్లు తెలిపారు. మధ్య లో ఏఆర్‌ పోలీసులు, చివరగా స్థానిక పోలీసుల బందోబస్తు ఉంటుందన్నారు. వ్యవస్థ అంతా పారదర్శకంగా ఉండేందుకు సీసీ కెమెరాలు ఏర్పా టు చేసి.. నిఘా కట్టు దిట్టం చేశామన్నారు. ఆది, సోమవారాల్లో వివిధ పార్టీల నాయకులు, కౌంటింగ్‌ ఏజెంట్లు మీడియా పాయింట్‌ వద్ద ఏర్పాటు చేసిన టీవీ తెరలపై స్ట్రాంగ్‌ రూమ్‌ల విధానం, కౌంటింగ్‌ హాల్‌ను పరిశీలించవచ్చన్నా రు. ఉదయం 8 నుంచి సాయం త్రం 6 గంటల వరకు అభ్యర్థులు అక్కడే ఉండి.. పరిశీలించే విధంగా అన్ని సౌకర్యాలు కల్పించామన్నారు. రెండు రోజులపాటు ఆయా నియోజకవర్గాల ప్రత్యేక పరిశీలకులు నిత్యం లెక్కింపు కేంద్రాన్ని పర్యవేక్షిస్తుంటారని తెలిపారు. ఈనెల 11న ఉద యం 8గంటలకు కౌంటింగ్‌ ప్రక్రియ మొదలవుతుందని, తొలుత పోస్టల్‌ బ్యాలెట్‌ల లెక్కింపు, ఆ తర్వాత ఈవీఎం ద్వారా ఓట్ల లెక్కింపు మొదలుపెడతారని ఆయన వివరించారు. కార్యక్రమంలో అడిషనల్‌ సీపీ, వైరా ఏసీపీ డి.ప్రసన్నకుమార్, సీఐ ఏ.రమాకాంత్‌ తదితరులు పాల్గొన్నారు.  

సాక్షిప్రతినిధి, ఖమ్మం: జిల్లాలోని ఐదు నియోజకవర్గాల్లో 9,33,124 మంది ఓటర్లు తమ ఓటు హక్కును వినియోగించుకున్నారు. శుక్రవారం జరిగిన పోలింగ్‌లో ఓటర్లు తమ చైతన్యాన్ని చూపారు. పురుషుల కన్నా మహిళలు కొంతమేరకు ఎక్కువ మంది ఓట్లు వేశారు. ఎన్నికల కమిషన్‌ విస్తృతంగా నిర్వహించిన చైతన్య, అవగాహన కార్యక్రమాలు బాగానే పనిచేశాయని చెప్పొచ్చు. దీంతో ఓటు హక్కు విలువ తెలుసుకున్న ప్రజలు తమ ఓటు హక్కును వినియోగించుకునేందుకు ఆసక్తి కనబరిచారు.   జిల్లావ్యాప్తంగా 10,85,179 మంది ఓటర్లు ఉండగా.. వీరిలో 9,33,124 మంది ఓటు హక్కును వినియోగించుకున్నారు. అంటే 85.98 శాతం పోలింగ్‌ నమోదైంది. గత 2014 ఎన్నికలతో పోలిస్తే ఎక్కువగా జరిగినట్లే లెక్క. ఉమ్మడి ఖమ్మం జిల్లాలో గత ఎన్నికల్లో 81.28 శాతం పోలింగ్‌ నమోదైంది. ఈ ఎన్నికల్లో పురుషులు 4,57,761 మంది ఓటు వేయగా.. మహిళలు 4,75,362 మంది ఓటు వేశారు. అయితే ఇతరులు 76 మంది ఉండగా.. కేవలం ఒక్కరు మాత్రమే తమ ఓటు హక్కును వినియోగించుకున్నారు.   ఓటర్లలో చైతన్యం..  ఈ ఎన్నికల్లో ఓటర్లలో చైతన్యం వెల్లివిరిసింది. పురుషులు 5,32,499 మంది ఉండగా.. 4,57,761 మంది ఓటు వేశారు. అంటే 85.96 శాతం మంది పురుషులు ఓటు హక్కును వినియోగించుకున్నారు. ఇక మహిళలు 5,52,604 మంది ఉండగా.. వారిలో 4,75,362 మంది ఓటు వేశారు. అంటే 86.02 శాతం మంది ఓటు వేశారు. ఇదిలా ఉండగా.. ఇతరులు 76 మంది ఉండగా.. వీరిలో కేవలం ఒక్కరు మాత్రమే ఓటు హక్కు వినియోగించుకున్నారు. మధిరలో ఆ ఒక్క ఓటు వేశారు. ఎన్నికల కమిషన్‌ ఈసారి ఓటింగ్‌ శాతాన్ని పెంచడంపై దృష్టి సారించింది. ఈ క్రమంలోనే ఎన్నికల నోటిఫికేషన్‌ విడుదలైనప్పటి నుంచి ఓటు హక్కు ప్రాముఖ్యతను వివిధ మార్గాల ద్వారా ప్రజలకు అర్థమయ్యేలా వివరించింది. అవగాహన సదస్సులు ఏర్పాటు చేసి.. ఓటు హక్కు వినియోగించుకోవడం వల్ల సమర్థులైన అభ్యర్థులను మనమే ఎన్నుకునే అవకాశం కలుగుతుందని వివరించింది. అలాగే ఓటు హక్కు ఎందుకు వినియోగించుకోవాలనే దానిపై కూడా అవగాహన కార్యక్రమాలు నిర్వహించారు. కరపత్రాలు, పోస్టర్ల ద్వారా గ్రామాలు.. పట్టణాల్లో ప్రచారం కల్పించారు. ప్రజలు ఓటు హక్కు విలువ తెలుసుకోవాలనే ఉద్దేశంతో ఎన్నికల కమిషన్‌ అధికారులతో కూడళ్ల వద్ద అవగాహన కార్యక్రమాలను ఏర్పాటు చేశారు. ఇవన్నీ ఫలించడంతోనే ఓటింగ్‌ శాతం పెరిగింది. అయితే మధ్యాహ్నం వరకు మందకొడిగా పోలింగ్‌ సాగడంతో ఇటు అభ్యర్థులు.. అటు అధికారులు కొంత నిరాశ చెందారు. మధ్యాహ్నం 2 గంటల తర్వాత పోలింగ్‌ బూత్‌లకు ఓటర్ల రాక క్రమక్రమంగా పెరిగింది. దీంతో సాయంత్రం సమయంలో అత్యధికంగా పోలింగ్‌ జరగడంతో ఎక్కువ పోలింగ్‌ శాతం నమోదైంది. మధిరలో అత్యధికంగా 91.65 శాతం..  జిల్లాలోని మధిర నియోజకవర్గంలో అత్యధికంగా 91.65 శాతం పోలింగ్‌ నమోదైంది. ఇక్కడ 2014 ఎన్నికల్లో 89.5 శాతం పోలింగ్‌ నమోదైంది. మొత్తం 2,03,132 మంది ఓటర్లు ఉండగా.. వారిలో 1,86,173 మంది ఓటు వేశారు. 92,378 మంది పురుషులు, 93,794 మంది మహిళలు, ఇతరులు ఒకరు ఓటు హక్కు వినియోగించుకున్నారు. పాలేరులో 90.99 శాతం పోలింగ్‌ నమోదైంది. ఇక్కడ 2014 ఎన్నికల్లో 90.04 శాతం ఓటింగ్‌ జరిగింది. ఈసారి ఇక్కడ 2,08,544 మంది ఓటర్లు ఉండగా.. వారిలో 1,89,761 మంది ఓటు వేశారు. వారిలో పురుషులు 91,885 మంది ఉండగా.. మహిళలు 97,876 మంది ఉన్నారు. వైరాలో 88.83 శాతం పోలింగ్‌ నమోదైంది. 2014లో 87.45 శాతం ఓటింగ్‌ నమోదైంది. ఈసారి ఇక్కడ 1,76,825 మంది ఓటర్లు ఉండగా.. 1,57,067 మంది ఓటు వేశారు. వారిలో 77,903 మంది పురుషులు, 79,164 మంది మహిళలు ఉన్నారు.  సత్తుపల్లిలో 88.65 శాతం ఓటింగ్‌ నమోదైంది. 2014లో ఇక్కడ 85.2 శాతం ఓటింగ్‌ జరిగింది. ఈసారి 2,22,711 మంది ఓటర్లు ఉండగా.. వారిలో 1,97,443 మంది ఓటు వేశారు. వీరిలో పురుషులు 98,116 మంది.. 99,327 మంది మహిళలు ఉన్నారు. ఖమ్మంలో 73.98 శాతం పోలింగ్‌ నమోదైంది. 2014 ఎన్నికల్లో 70.57 శాతం పోలింగ్‌ నమోదైంది. ఈసారి ఇక్కడ 2,73,967 మంది ఓటర్లు ఉండగా.. 2,02,680 మంది ఓటు వేశారు. వీరిలో 97,479 మంది పురుషులు.. 1,05,201 మంది మహిళలు ఉన్నారు.    

ఖమ్మం : అసెంబ్లీ ఎన్నికల పోలింగ్‌ ప్రక్రియ శుక్రవారం ముగిసింది. అభ్యర్థుల రాజకీయ భవితవ్యం ఎలక్ట్రానిక్‌ ఓటింగ్‌ మిషన్‌(ఈవీఎం)లో నిక్షిప్తమైంది. ఓట్ల లెక్కింపునకు రెండు రోజులు మాత్రమే సమయం ఉంది. ఇప్పటికే బరిలో నిలిచిన అభ్యర్థులు ఎవరి అంచనాల్లో వారు మునిగిపోగా.. పోలింగ్‌ సరళి ఎవరికి అనుకూలమనే దానిపైనే ప్రధానంగా చర్చ నడుస్తోంది. ఉమ్మడి జిల్లాలోని  ఏ నియోజకవర్గంలోనూ మేము గెలుస్తామంటే.. మేము గెలుస్తామని ప్రధాన పార్టీల అభ్యర్థులు ధీమా వ్యక్తం చేస్తున్నారు. ఓట్ల లెక్కింపు నిర్వహణకు ఎన్నికల అధికారులు ప్రత్యేక ఏర్పాట్లు చేస్తున్నారు.  ఉమ్మడి ఖమ్మం జిల్లాలోని పది నియోజకవర్గాల ఈవీఎంలను శుక్రవారం అర్ధరాత్రి వరకు ఖమ్మం, భద్రాద్రి కొత్తగూడెం జిల్లా కేంద్రాలకు తరలించారు. భద్రాద్రి జిల్లాలోని ఐదు నియోజకవర్గాల ఈవీఎంలను కొత్తగూడెంలో గల అనుబోస్‌ ఇంజనీరింగ్‌ కళాశాలలో భారీ ఏర్పాట్ల మధ్య ఉంచగా.. ఖమ్మం జిల్లాలోని ఐదు నియోజకవర్గాల ఈవీఎంలను కొణిజర్ల మండలం తనికెళ్లలోని విజయ ఇంజనీరింగ్‌ కళాశాలలో పోలీసు బందోబస్తు మధ్య భద్రపరిచారు. పోలింగ్‌ ప్రక్రియ సజావుగా పూర్తికావడంతో ఇక ఆయా పార్టీల అభ్యర్థులు పోలింగ్‌ సరళి, తమ విజయావకాశాలపై ఎవరికి వారే సానుకూల లెక్కలు వేసుకుంటూ.. విజయం ఖాయమన్న సంకేతాలు పార్టీ శ్రేణులకు ఇస్తున్నారు. ఉమ్మడి జిల్లాలోని పది నియోజకవర్గాలకు జరిగిన ఎన్నికల్లో ఒక్కో నియోజకవర్గం నుంచి నాలుగు ప్రధాన పక్షాల అభ్యర్థులు పోటీ చేసినా.. ప్రధానంగా టీఆర్‌ఎస్, ప్రజాకూటమి అభ్యర్థుల మధ్యనే హోరాహోరీ నెలకొంది. టీఆర్‌ఎస్‌ అభ్యర్థులు అందరికంటే ముందుగా ఓటర్లను కలుసుకుని రెండు నెలలపాటు ప్రచార కార్యక్రమాలు విస్తృతంగా చేపట్టారు. ప్రభుత్వ సంక్షేమ కార్యక్రమాలు, నియోజకవర్గంలో చేసిన అభివృద్ధిని వివరించడం ద్వారా ఓటర్లను ఆకట్టుకునే ప్రయత్నం చేశారు. అలాగే ప్రజాకూటమి భాగస్వామ్య పక్షాలైన కాంగ్రెస్, తెలుగుదేశం, సీపీఐ అభ్యర్థులు ఎన్నికల బరిలోకి దిగడానికి.. వారికి టికెట్‌ ఖరారు కావడానికి సమయం పట్టడంతో ఉన్న కొద్ది సమయాన్ని పూర్తిస్థాయిలో వినియోగించుకునే ప్రయత్నం చేశారు. దీనికి అనుగుణంగా ఆయా నియోజకవర్గాల అభ్యర్థులు దాదాపు 15 రోజులపాటు ప్రచారాన్ని గ్రామాల్లో హోరెత్తించారు. ప్రధాన పార్టీల అభ్యర్థులు పోటాపోటీ ప్రచారం చేసినా.. పోలింగ్‌ సరళి మాత్రం వీరిని పూర్తిస్థాయిలో సంతృప్తి పరచలేకపోయింది.  తమ ప్రచారానికి అనుగుణంగా ఉదయం నుంచే ఓటర్లు పోలింగ్‌ కేంద్రాల వద్ద బారులు తీరుతారని భావించిన ప్రధాన రాజకీయ పక్షాలకు, అభ్యర్థులకు అటువంటి పరిస్థితి కనిపించలేదు. ఉదయం 7 గంటలకు ప్రారంభమైన పోలింగ్‌ 11 గంటల వరకు మందకొడిగా సాగడంతో తమ విజయావకాశాలపై ఎవరికి వారే తమదైన రీతిలో విశ్లేషణ చేసుకుని పోలింగ్‌ శాతం పెంపుపై దృష్టి సారించారు. దీనికి అనుగుణంగానే మధ్యాహ్నం 12 గంటల నుంచి ఉమ్మడి ఖమ్మం జిల్లాలో పోలింగ్‌ శాతం క్రమేణా పెరుగుతూ వచ్చింది. పోలింగ్‌ శాతం పెరగడానికి జిల్లా అధికారులు.. ఎన్నికల సంఘం సారించిన ప్రత్యేక దృష్టి, ఏర్పాట్లు దోహదపడ్డాయి.  పోలింగ్‌ శాతంపై బేరీజు..  ఇక శుక్రవారం జరిగిన పోలింగ్‌ శాతం తమకు ఏ రకంగా ఉపయోగపడుతుందనే అంశంపై ప్రధాన పార్టీలు బేరీజు వేసుకునే పనిలో పడ్డాయి. పట్టణ ప్రాంత ఓటర్లు ఎప్పటిలాగే ఓటు వేయడానికి కొంత అనాసక్తి చూపినా.. గ్రామీణ ప్రాంత ఓటర్లు మాత్రం అత్యధికంగా ఓట్లు వేయడంతో ఆ ఓటింగ్‌ సరళి తమ విజయానికి సంకేతమంటూ టీఆర్‌ఎస్, ప్రజాకూటమి అభ్యర్థులు తమ అనుకూల వాదాన్ని వినిపిస్తున్నారు. ప్రధానంగా రైతులు, వ్యవసాయ కూలీలు, మహిళలు ఓటింగ్‌పై మక్కువ చూపడం తమ సంక్షేమ కార్యక్రమాల ఫలితమేనని టీఆర్‌ఎస్‌ నేతలు భాష్యం చెబుతుండగా.. ప్రధాన వర్గాలన్నీ ఓటింగ్‌ వైపు మొగ్గు చూపడం ప్రజా వ్యతిరేకతకు ప్రతిబింబమని ప్రజాకూటమితోపాటు బీజేపీ, సీపీఎం, బీఎల్‌పీ వంటి పార్టీలు ఓటింగ్‌ సరళిని విశ్లేషిస్తున్నాయి. మరో రెండు రోజుల్లో ఓట్ల లెక్కింపు జరగనుండడంతో ఈ రెండు రోజులు తమ సానుకూల, ప్రతికూల అంశాలపై ప్రత్యేక చర్చలు చేసేందుకు ఆయా రాజకీయ పక్షాలు ప్రాధాన్యం ఇస్తున్నాయి. మరోవైపు కౌంటింగ్‌ ప్రక్రియకు సంబంధించి కార్యకర్తలను కార్యోన్ముఖులను చేసే అంశంపై ప్రధాన రాజకీయ పక్షాలన్నీ దృష్టి పెట్టాయి. ఏజెన్సీ ప్రాంతమైన భద్రాద్రి కొత్తగూడెం జిల్లాలోని భద్రాచలం నియోజకవర్గంలో సైతం ఈసారి పోలింగ్‌ శాతం పెరగడం ఇటు అధికారులకు.. అటు రాజకీయ పార్టీలకు కొత్త ఉత్సాహాన్నిచ్చింది. ఓటు హక్కు వినియోగంపై తాము చేసిన ప్రయత్నాలు ఫలించాయని అధికారులు సంతృప్తి వ్యక్తం చేస్తుండగా.. ప్రజాభీష్టం, ప్రజావ్యతిరేకత వెలువడిందనడానికి పెరిగిన పోలింగ్‌ శాతం తార్కాణమని ప్రధాన రాజకీయ పక్షాలు తమకు అనుకూలంగా విశ్లేషించుకుంటున్నాయి. ఖమ్మం జిల్లాకు సంబంధించిన ఐదు నియోజకవర్గాల ఓట్ల లెక్కింపు విజయ ఇంజనీరింగ్‌ కళాశాలలో నిర్వహిస్తారు. భద్రాద్రి కొత్తగూడెం జిల్లాలోని ఐదు నియోజకవర్గాల ఓట్ల లెక్కింపు అనుబోస్‌ ఇంజనీరింగ్‌ కళాశాలలో నిర్వహించనున్నారు. ఈ ప్రక్రియను అత్యంత పకడ్బందీగా నిర్వహించేందుకు రెండు జిల్లాల అధికారులు ఇప్పటికే దృష్టి సారించారు. కౌంటింగ్‌ ఏజెంట్లు, ఓట్ల లెక్కింపు అధికారులకు ప్రత్యేక స్థానాలను ఏర్పాటు చేయడం.. ప్రతి నియోజకవర్గంలో ఓట్ల లెక్కింపు ప్రక్రియ పారదర్శకంగా చేపట్టేందుకు అవసరమైన ఏర్పాట్లు చేస్తున్నారు. రౌండ్లవారీగా ఓట్ల లెక్కింపు నిర్వహించేందుకు అవసరమైన సిబ్బందిని ఇప్పటికే సిద్ధం చేశారు. దీనికి అనుగుణంగా టేబుళ్లను, లెక్కింపు సామగ్రిని సిద్ధం చేశారు.   ఓట్ల లెక్కింపు సందర్భంగా ఎటువంటి అవాంఛనీయ సంఘటనలు జరగకుండా ఖమ్మం, భద్రాద్రి కొత్తగూడెం జిల్లాల పోలీస్‌ ఉన్నతాధికారులు తఫ్సీర్‌ ఇక్బాల్, సునీల్‌దత్‌ నేతృత్వంలో ప్రత్యేక భద్రత ఏర్పాట్లు చేశారు. పోలింగ్‌ సరళికి, తమ అంచనాలకు మధ్య గల వ్యత్యాసాన్ని నివృత్తి చేసుకునేందుకు ప్రధాన పార్టీల అభ్యర్థులు పార్టీ శ్రేణులతో సమావేశమై.. ఓటింగ్‌ సరళిపై గ్రామాలవారీగా, మండలాలవారీగా సమీక్షలు చేసే పనిలో నిమగ్నమయ్యారు.   

సాక్షి, పెద్దపల్లి : ‘ఆ మండలంలో మనకు లీడ్‌ వస్తది...ఈ మండలంలో కొంత పోతది...ఫలానా డివిజన్‌ మనకే మొగ్గుంది...ఈ డివిజన్‌లో ప్రత్యర్థికే ఎక్కువ ఓట్లంటున్నరు...మొత్తానికి తక్కువోట్లతోనైనా మనమే బయటపడుతాం’ అంటూ అభ్యర్థులు, వారి అనుచరులు లెక్కలేసుకుంటున్నారు. అసెంబ్లీ ఎన్నికల పోలింగ్‌ జిల్లాలో శుక్రవారం ప్రశాంతంగా ముగిసింది. పోలింగ్‌ అనంతరం ఈవీఎంలను ఓట్ల లెక్కింపు కేంద్రమైన సెంటినరీకాలనీలోని జేఎన్‌టీయూకు తరలించారు. ఎవరి లెక్కలు వారివే...  పోలింగ్‌ ముగియడంతో అభ్యర్థులు, అనుచరులు గెలుపోటములపై లెక్కలేస్తున్నారు. గత ఎన్నికలకు భిన్నంగా ఈసారి అన్ని నియోజకవర్గాల్లోనూ పోటీ   ఉత్కంఠగా ఉంది. జిల్లాలోని పెద్దపల్లి, మంథని, రామగుండం మూడు నియోజకవర్గాల్లోనూ పోటాపోటీగా ఎన్నికలు సాగాయి. ఫలితాలపై ఊహించడం మినహా, గత ఎన్నికల తరహాలో అంచనాలు వేయడం సాధ్యపడడం లేదు. ఒక్క నియోజకవర్గంలోనే ఒక్కో పార్టీకి ఒక్కో ప్రాంతం అనుకూలంగా కనిపిస్తుండడంతో ఫలితం పక్కాగా చెప్పే పరిస్థితి కనిపించలేదు. పెద్దపల్లిలో టీఆర్‌ఎస్, కాంగ్రెస్‌ అభ్యర్థులు దాసరి మనోహర్‌రెడ్డి, చింతకుంట విజయరమణారావుల నడుమ పోటీ హోరాహోరీగా సాగింది. నియోజకవర్గంలోనే అధిక ఓట్లున్న పెద్దపల్లి పట్టణం, మండలం అభ్యర్థి భవితవ్యాన్ని తేల్చనున్నాయి. ఇక మంథనిలో కాంగ్రెస్, టీఆర్‌ఎస్‌ అభ్యర్థులు దుద్దిళ్ల శ్రీధర్‌బాబు, పుట్ట మధులు నువ్వా నేనా అన్నట్లుగానే పోటీపడుతున్నారు. తూర్పు మండలాలు ఒక పార్టీకి అనుకూలంగా, ఇతర మండలాలు మరో పార్టీకి అనుకూలంగా ఉన్నట్లు ప్రచారం సాగుతోంది. దీంతో ఎవరైనా స్వల్ప మెజార్టీతోనే గెలుస్తారని ఆయా పార్టీలు అభిప్రాయపడుతున్నాయి. రామగుండంలో ఫార్వర్డ్‌బ్లాక్‌ అభ్యర్థి కోరుకంటి చందర్, టీఆర్‌ఎస్‌ అభ్యర్థి సోమారపు సత్యనారాయణ, కాంగ్రెస్‌ అభ్యర్థి మక్కాన్‌సింగ్‌ రాజ్‌ఠాకూర్‌ల నడుమ పోరు ఉత్కంఠగా కొనసాగింది. ఇక్కడ యైటింక్‌లైయిన్‌కాలనీ ఓట్లు కీలకంగా మారే అవకాశం ఉన్నట్లు ప్రచారం జరుగుతోంది.   ఓటేసిన ప్రముఖులు  పోలింగ్‌ సందర్భంగా అభ్యర్థులు, అధికారులు తమ ఓటు హక్కును వినియోగించుకున్నారు. కలెక్టర్, ఎన్నికల రిటర్నింగ్‌ అధికారి అల్లమరాజు శ్రీదేవసేన గోదావరిఖనిలో, జాయింట్‌ కలెక్టర్‌ వనజాదేవి పెద్దపల్లిలో ఓటు వేశారు. పెద్దపల్లి పట్టణంలోని మిషన్‌ హైస్కూల్‌లో టీఆర్‌ఎస్‌ అభ్యర్థి దాసరి మనోహర్‌రెడ్డి, బీజేపీ అభ్యర్థి గుజ్జుల రామకృష్ణారెడ్డి, ఎలిగేడు మండలం శివపల్లిలో కాంగ్రెస్‌ అభ్యర్థి చింతకుంట విజయరమణారావులు ఓటు వేశారు.  ధర్మపురి టీఆర్‌ఎస్‌ అభ్యర్థి కొప్పుల ఈశ్వర్‌ గోదావరిఖని, రామగుండం టీఆర్‌ఎస్‌ అభ్యర్థి సోమారపు సత్యనారాయణ గౌతమినగర్, ఫార్వర్డ్‌బ్లాక్‌ అభ్యర్థి కోరుకంటి చందర్‌ తిలక్‌నగర్, కాంగ్రెస్‌ అభ్యర్థి మక్కాన్‌సింగ్‌రాజ్‌ఠాకూర్‌ రామగుండంలో, బీజేపీ అభ్యర్థి బల్మూరి వనీత గోదావరిఖనిలో ఓటువేశారు. మంథనిలో కాంగ్రెస్‌ అభ్యర్థి దుద్దిళ్ల శ్రీధర్‌బాబు కాటారం మండలం ధన్వాడలో, టీఆర్‌ఎస్‌ అభ్యర్థి పుట్ట మధు మంథనిలో ఓటు హక్కు వినియోగించుకున్నారు. కాగా పోలింగ్‌ అనంతరం ఈవీఎంలను రామగిరి మండలం సెంటినరీకాలనీలోని జేఎన్‌టీయూ భవనంలోకి తరలించి, భద్రపరిచారు. స్ట్రాంగ్‌రూం వద్ద గట్టిపోలీసు బందోబస్తు ఏర్పాటు చేశారు. ఈ నెల 11న జేఎన్‌టీయూ భవనంలోనే ఓట్ల లెక్కింపు జరగనుంది.   

సాక్షిప్రతినిధి, ఖమ్మం: శాసనసభ ఎన్నికల పోలింగ్‌ శుక్రవారం ప్రశాంతంగా ముగిసింది. ఎన్నికల నిర్వహణకు జిల్లా యంత్రాంగం రెండు నెలలుగా పకడ్బందీ ఏర్పాట్లు చేయడంతో జిల్లావ్యాప్తంగా ఎటువంటి ఇబ్బందులు తలెత్తలేదు. ఓటర్లు తమ ఓటు హక్కును ప్రశాంత వాతావరణంలో వినియోగించుకున్నారు. అయితే పోలింగ్‌ ప్రారంభమైన మొదటి రెండు గంటలు మాత్రం జిల్లాలోని అనేక పోలింగ్‌ కేంద్రాల్లో ఈవీఎంలు మొరాయించాయి. కొన్నిచోట్ల ఉదయం 10 గంటల వరకు పనిచేయకపోవడంతో అధికారులు హుటాహుటిన ప్రత్యామ్నాయ ఈవీఎంలను ఏర్పాటు చేశారు. ఈసారి పోలింగ్‌ కేంద్రాల వద్ద అధికారులు పెట్టిన నిబంధనల వల్ల పార్టీల శిబిరాలు పోలింగ్‌ కేంద్రాలకు దూరంగా ఏర్పాటు చేశారు. వికలాంగులు, మహిళలకు ప్రత్యేక ఏర్పాట్లు చేయడంతో పోలింగ్‌ శాతం పెరుగుతుందని భావించినా.. వికలాంగుల పోలింగ్‌ శాతం కొంత పెరిగినా.. సాధారణ పోలింగ్‌ శాతం మాత్రం గతంకన్నా కొంత తగ్గింది. ఓటర్లలో అనాసక్తి పెరగడానికి గల కారణాలపై ఎవరికి వారు తమదైన రీతిలో విశ్లేషిస్తున్నారు. పలు రాజకీయ పక్షాలు ఓటర్లను పోలింగ్‌కు కొన్ని గంటల ముందు ప్రలోభాలకు గురిచేయడం.. అవి అందరికీ చేరకపోవడం సైతం పట్టణ ప్రాంతాల్లో పోలింగ్‌ తగ్గడానికి ప్రధాన కారణంగా విశ్లేషిస్తున్నారు. ఇక గతంలో ఎన్నడూ లేని విధంగా ఈసారి జిల్లాలోని పలు నియోజకవర్గాల్లో నోటాకు ఎక్కువ సంఖ్యలో ఓట్లుపడే అవకాశం ఉన్నట్లు తెలుస్తోంది. నోటు రాలేదని నోటాపై మక్కువ చూపినట్లు రాజకీయ పక్షాలు చమత్కార వాగ్బాణాలు వదులుతున్నాయి. దీంతో ఏ రాజకీయ పక్షానికి ప్రయోజనం.. ఎవరి ఓట్లు నోటాకు పడ్డాయి.. అనే కోణంలో రాజకీయ కూడికలు, తీసివేతల్లో అభ్యర్థులు, రాజకీయ పార్టీలు నిమగ్నమయ్యాయి.   విశిష్టతను చాటిన పోలింగ్‌ సరళి  పోలింగ్‌ సరళి ఈసారి విశిష్టతను చాటింది. ఉదయం 7 గంటలకు ప్రారంభమైన పోలింగ్‌ మధ్యాహ్నం వరకు ఒక మోస్తారుగా కొనసాగగా.. మధ్యాహ్నం 2 గంటల నుంచి క్రమేణా పెరుగుతూ వచ్చింది. సాధారణంగా 5 గంటల వరకే పోలింగ్‌ సమయం కాగా.. తిరుమలాయపాలెం మండలం హైదర్‌సాయిపేట, సత్తుపల్లి నియోజకవర్గంలోని పలు గ్రామాల్లో ఓటర్లు పోలింగ్‌ కేంద్రాల వద్ద బారులు తీరడంతో వారందరూ ఓటు హక్కు వినియోగించుకునేలా సమయం ఇచ్చారు. జిల్లాలోని పలు పోలింగ్‌ కేంద్రాలను ఆయా పార్టీల అభ్యర్థులు సందర్శించి.. ఓటింగ్‌ సరళిని పరిశీలించారు. మంత్రి తుమ్మల నాగేశ్వరరావు, ఖమ్మం టీఆర్‌ఎస్‌ అభ్యర్థి పువ్వాడ అజయ్‌కుమార్, కేంద్ర మాజీ మంత్రి రేణుకాచౌదరి, టీడీపీ అభ్యర్థి నామా నాగేశ్వరరావు, కలెక్టర్‌ ఆర్‌వీ.కర్ణన్, సీపీ తఫ్సీర్‌ ఇక్బాల్‌ తదితరులు ఖమ్మంలో తమ ఓటు హక్కును వినియోగించుకున్నారు. ఎంపీ పొంగులేటి శ్రీనివాసరెడ్డి కల్లూరు మండలం నారాయణపురంలో ఓటు హక్కును వినియోగించుకోగా.. ఎమ్మెల్సీ పొంగులేటి సుధాకర్‌రెడ్డి అదే పోలింగ్‌ కేంద్రంలో ఓటేశారు. స్వల్ప ఉద్రిక్తతలు మినహా ప్రధాన సంఘటనలు ఏమీ జరగకపోవడంతో జిల్లా పోలీస్‌ యంత్రాంగం ఊపిరి పీల్చుకుంది. అయితే రఘునాథపాలెం మండలంలో కార్యకర్తలను చెదరగొడుతున్న సమయంలో ఒక పోలీస్‌ అధికారి లాఠీ కాంగ్రెస్‌ కార్యకర్తకు తగలడంతో తల పగిలింది. ఇక పోలింగ్‌ జరిగిన తీరుపై జిల్లాలోని పలు రాజకీయ పక్షాలు తమదైన రీతిలో స్పందించాయి. ఖమ్మంలోని ఒక పోలింగ్‌ కేంద్రంలో దొంగ ఓట్లు పోలయ్యాయని, దీనికి ఆధారాలు సైతం లభించాయంటూ టీడీపీ అభ్యర్థి నామా నాగేశ్వరరావు అక్కడ రీపోలింగ్‌ నిర్వహించాలని అధికారులను డిమాండ్‌ చేశారు. ఈ మేరకు సదరు పోలింగ్‌ కేంద్రం వద్ద మీడియాతో మాట్లాడి.. నిబంధనలకు విరుద్ధంగా ఓటు వేశారని, వారిపై చర్య తీసుకోవాలని ఎన్నికల అధికారులకు ఫిర్యాదు చేసినట్లు వివరించారు. నగరంలోని ఓ పోలింగ్‌ బూత్‌లో పోలింగ్‌ స్లిప్‌లపై ఫొటోలు మార్చి జిరాక్స్‌ పత్రాల ద్వారా ఓటు వేసే ప్రయత్నం చేశారంటూ టీడీపీ అభ్యర్థి నామా ఎన్నికల అధికారులకు ఫిర్యాదు చేశారు. దీనిపై చర్య తీసుకోవాలని డిమాండ్‌ చేయగా.. ఫిర్యాదును పరిశీలించి చర్య తీసుకుంటామని అధికారులు హామీ ఇచ్చారు.   85.05 శాతం పోలింగ్‌..  ఈ ఎన్నికల్లో జిల్లావ్యాప్తంగా 85.05 శాతం పోలింగ్‌ జరిగినట్లు ఎన్నికల అధికారులు ధ్రువీకరించారు. ఉదయం 6 గంటల వరకు ఎన్నికల సిబ్బంది సామగ్రిని సిద్ధం చేసుకుని.. 6.30 గంటలకు ఆయా పార్టీల ఏజెంట్ల ఎదుట మాక్‌ పోలింగ్‌ నిర్వహించారు. ఉదయం 7 గంటలకు పోలింగ్‌ ప్రారంభమైంది. గతంతో పోలిస్తే ఈసారి ఎన్నికలు ప్రశాంతమైన వాతావరణంలో.. ఎటువంటి ఘర్షణలకు తావు లేకుండా పూర్తయ్యాయి. పోలీసులు కట్టుదిట్టమైన భద్రతా ఏర్పాట్లు చేశారు. జిల్లా ఎన్నికల అధికారి, కలెక్టర్‌ ఆర్‌వీ.కర్ణన్‌ పోలింగ్‌ సరళిని కలెక్టరేట్‌లో ఏర్పాటు చేసిన వెబ్‌కాస్టింగ్‌ ద్వారా పరిశీలించారు. కలెక్టర్‌ నగరంలోని ఎస్‌ఆర్‌అండ్‌బీజీఎన్‌ఆర్‌ కళాశాల పోలింగ్‌ బూత్‌.. సిద్ధారెడ్డి కళాశాలలోని పోలింగ్‌ బూత్‌లను పోలీస్‌ కమిషనర్‌ తఫ్సీర్‌ ఇక్బాల్‌తో కలిసి పరిశీలించారు.   మొరాయించిన ఈవీఎంలు..  జిల్లావ్యాప్తంగా పలు పోలింగ్‌ బూత్‌లలో ఈవీఎంలు మొరాయించాయి. దీంతో పోలింగ్‌ ఆలస్యంగా ప్రారంభమైంది. సత్తుపల్లిలోని జేవీఆర్‌ డిగ్రీ కళాశాల పోలింగ్‌ బూత్, కిష్టారంలోని పోలింగ్‌ బూత్‌లలో ఈవీఎంలు పనిచేయకపోవడంతో గంట ఆలస్యంగా పోలింగ్‌ ప్రారంభమైంది. వైరా నియోజకవర్గ కేంద్రమైన వైరాతోపాటు గుండ్రాతిమడుగు, కారేపల్లి, కొణిజర్ల ప్రాంతాల్లో ఈవీఎంలు మొరాయించడంతో ఓటింగ్‌ ఆలస్యంగా ప్రారంభమైంది. పోలింగ్‌ ఏజెంట్లు అధికారులకు సమాచారం ఇచ్చి పోలింగ్‌ ప్రశాంతంగా జరిగేలా చూశారు. తిరుమలాయపాలెం మండలం హైదర్‌సాయిపేట పోలింగ్‌ బూత్‌ వద్ద సాయంత్రం 5 గంటలకు ఈవీఎం మొరాయించింది. దీంతో అప్పటి వరకు పోలింగ్‌ బూత్‌లో 300 మంది వరకు క్యూలో ఉన్నారు. మళ్లీ 6 గంటలకు ఈవీఎంలు పనిచేయడంతో వారితో ఓట్లు వేయించారు. మధిర మండలం మహదేవపురం, మధిరలోని హరిజనవాడ, మున్సిపల్‌ కార్యాలయాల్లో ఏర్పాటు చేసిన పోలింగ్‌ బూత్‌లలో ఈవీఎంలు మొరాయించాయి. దీంతో వాటి స్థానంలో కొత్తవి అమర్చి ఉదయం 8.30 గంటలకు మళ్లీ పోలింగ్‌ ప్రారంభించారు. ఖమ్మంలోని ఎన్నెస్పీ క్యాంప్‌ నిర్మల్‌ హృదయ్‌ ప్రాథమిక పాఠశాలలోని 109 పోలింగ్‌ బూత్‌లో ఈవీఎం ఉదయం 40 నిమిషాలపాటు మొరాయించింది. మహిళా డిగ్రీ కళాశాలలోని 179వ పోలింగ్‌ బూత్‌లో ఉదయం 9.17 గంటల సమయంలో ఈవీఎం మొరాయించడంతో అధికారులు ఓటింగ్‌ ప్రక్రియను నిలిపివేశారు. విషయం తెలుసుకున్న టీడీపీ అభ్యర్థి నామా బూత్‌లోకి వెళ్లి ప్రిసైడింగ్‌ అధికారితో మాట్లాడారు. ఎంత సేపటికీ మిషన్‌ పనిచేయకపోవడంతో మరో ఈవీఎంను ఏర్పాటు చేసి.. 45 నిమిషాల తర్వాత ఓటింగ్‌ను ప్రారంభించారు.   ఆందోళనలు .. తమ సమస్యలను పరిష్కరించకుంటే ఓట్లు వేసే ప్రసక్తి లేదని కొందరు ప్రజలు ఆందోళనకు దిగారు. ఖమ్మంలోని 26వ డివిజన్‌లో స్థానికులు తమ ప్రాంత సమస్యలను పరిష్కరించలేదని.. ఓటింగ్‌ను బహిష్కరిస్తామని ఆందోళన చేపట్టారు. స్థానిక నేతల హామీతో ఓటర్లు పోలింగ్‌ కేంద్రానికి వెళ్లి ఓటు వేశారు. వైరా నియోజకవర్గంలోని ఏన్కూరు, జూలూరుపాడు మండలాల్లో ప్రజలు తమ సమస్యలు పరిష్కరించే వరకు ఓటు వినియోగించుకోమన్నారు. ఏన్కూరు మండలం పీకే తండాలో సీసీ రోడ్డు నిర్మించాలంటూ ఆందోళన చేయడంతో ఎస్సై పవన్‌ హామీతో ఓటు హక్కు వినియోగించుకున్నారు.  జూలూరుపాడు మండలం నల్లబండబోడు గ్రామస్తులు అనంతారం–నల్లబండబోడు గ్రామానికి బీటీ రోడ్డు నిర్మాణం చేపట్టాలంటూ సుమారు రెండు గంటలపాటు ఆందోళనకు దిగారు. తహసీల్దార్‌ రమేష్‌ హామీతో ఓటుహక్కు సద్వినియోగం చేసుకున్నా రు. బేతాళపాడు, పాపకొల్లు గ్రామస్తులు పోడు భూములకు పట్టాలు ఇవ్వాలంటూ ఆందోళన చేసి.. నిరసన వ్యక్తంచేశారు. అధికారుల హామీతో ఓటు హక్కును వినియోగించుకున్నారు. 

ఖమ్మంఅర్బన్‌/కామేపల్లి/పాల్వంచ : నగరంలోని బల్లేపల్లిలోని 36వ పోలింగ్‌ స్టేషన్‌లోని ఎలక్ట్రానిక్‌ ఓటింగ్‌ మెషీన్‌ (ఈవీఎం) పోలింగ్‌ ప్రక్రియ ప్రారంభం కాకుండానే ఉదయం పూట మొరాయించింది. దీంతో ఎన్నికల అధికారులు  మరో ఈవీఎం ఏర్పాటు చేశారు. అది కూడా మొరాయించింది. మళ్లీ ఇంకోటి తెచ్చి బిగించాక..రెండు గంటలకు పైగా ఆలస్యంగా పోలింగ్‌ ప్రారంభమైయింది. దీంతో..అంతసేపు ఓటర్లు నిరీక్షించాల్సి వచ్చింది. బల్లేపల్లిలో అత్యధికంగా ఓట్లు ఉన్న బూత్‌ కూడా ఇదే కావడంతో  వందలాది మంది క్యూకట్టారు. వికలాంగులు ఇబ్బంది పడ్డారు. రఘునాథపాలెంలోని  31వ నంబర్‌ పోలింగ్‌ స్టేషన్‌లో ఈవీఎం ప్యాడ్‌ పని చేయకపోవడంతో ఇక్కడా ఆలస్యమైంది. చింతగుర్తిలోని 22 పోలింగ్‌ కేంద్రంలోని ఈవీఎంలో లోపం తలెత్తి ఓట్ల నమోదు నెమ్మదించింది. వృద్ధులు అంతసేపు క్యూలో నిలుచోలేక ఆరుబయట కుప్పలపై కూర్చోవాల్సి వచ్చింది. వేపకుంట్లలోని 61వ పోలింగ్‌ కేంద్రంలో ఈవీఎం అంతరాయంతో ఆరగంట ఆలస్యంగా పోలింగ్‌ ప్రారంభమైనట్లు గ్రామస్తులు తెలిపారు. ఈవీఎంల ద్వారా ఓటింగ్‌తోపాటు, అదనంగా ఓటు ఎవరికి వేసింది చూసుకోనే విధంగా ఏర్పాటు చేసిన ఈవీఎం ప్యాడ్‌తో పోలింగ్‌ పక్రీయ చాలా ఆలస్యంగా కొనసాగడంతో  తక్కువ ఓట్లు ఉన్న పోలింగ్‌ కేంద్రాల్లో సైతం గంటల తరబడి ఉండటంతోపాటు, క్యూకట్టి చాలా సేపు వేచి ఉండాల్సి వచ్చింది. కామేపల్లి మండలంలోని పండితాపురం, కొత్తలింగాలలో అర్ధగంట పాటు ఈవీఎంలు మొరాయించగా, మద్దులపల్లిలో గంటున్నర పాటు ఈవీఎం పనిచేయలేదు. కామేపల్లిలో కూడా ఇదే సమస్య తలెత్తింది. ఇక్కడ రాత్రి వరకు పోలింగ్‌ జరిగే అవకాశాలు ఉన్నాయి.  పాల్వంచ పట్టణంలోని రాతి చెరువు ప్రభుత్వ ప్రాథమికోన్నత పాఠశాలలో 46 ఓట్లు పోల్‌ అయిన తర్వాత ఈవీఎం మొరాయించింది. ఇక్కడ గంట పాటు పోలింగ్‌ నిలిచింది. తహసీల్దార్‌ రవికుమార్‌ పరిశీలించి, కొత్తది ఏర్పాటు చేయించాక పోలింగ్‌ ప్రారంభమైంది. 

పాల్వంచ : అసెంబ్లీ ఎన్నికల ప్రక్రియ ముగియడంతో ఈవీఎంలు, ఇతర ఎన్నికల సామగ్రిని పాల్వంచలోని అనుబోస్‌ ఇంజనీరింగ్‌ కళాశాలలో ఏర్పాటుచేసిన కౌంటింగ్‌ కేంద్రానికి తరలించారు. ఈ సందర్భంగా అక్కడ పటిష్ట భధ్రత చర్యలు చేపట్టారు. జిల్లాలోని కొత్తగూడెం, ఇల్లెందు, అశ్వారావుపేట, భద్రాచలం, పినపాక నియోజకవర్గాల్లో మొత్తం 71 మంది అభ్యర్థులు బరిలో నిలిచారు. జిల్లాలోని 995 పోలింగ్‌ కేంద్రాల్లో ఉదయం 7 నుంచి సాయంత్రం 4 గంటల వరకు ఓటింగ్‌ ప్రక్రియ కొనసాగింది. కొన్ని చోట్ల ఓటర్లు సాయంత్రం కూడా బారులుదీరి ఉండటంతో ఓటింగ్‌ ఆలస్యం అయింది. అనంతరం మారుమూల ఏజెన్సీ ప్రాంతాల నుంచి ఈవీఎంలు, వీవీప్యాట్లను కౌంటింగ్‌ కేంద్రానికి కట్టుదిట్టమైన భద్రత నడుమ తరలించారు.    ఉన్నతాధికారుల పర్యవేక్షణ...  కౌంటింగ్‌ కేంద్రాన్ని కలెక్టర్‌ రజత్‌ కుమార్‌ శైనీ, ఎస్పీ సునీల్‌దత్, జాయింట్‌ కలెక్టర్‌ కె.వెంకటేశ్వర్లు ఆధ్వర్యంలో భద్రాచలం సబ్‌ కలెక్టర్‌ భవేష్‌ మిశ్రా, డీఎస్పీలు కుమారస్వామి, మధుసూదన్‌రావు పర్యవేక్షణ చేస్తున్నారు. పోలింగ్‌ కేంద్రాల నుంచి వచ్చిన ఈవీఎంలను ఆన్‌లైన్‌ చేయడంతో పాటు బ్యాలెట్‌ యూనిట్‌లను కేటగిరీల వారీగా ఏర్పాటు చేశారు.  కౌంటింగ్‌ కేంద్రం చుట్టూ సీసీ కెమెరాలు, వెబ్‌ కెమెరాలను అమర్చారు. స్ట్రాంగ్‌ రూంలకు విద్యుత్‌ సరఫరా లేకుండా చేశారు. ఎలాంటి అగ్నిప్రమాదాలు, షార్ట్‌సర్క్యూట్‌ జరగకుండా ముందు జాగ్రత్తలు తీసుకున్నారు.  సిబ్బందికి భోజన ఏర్పాట్లు చేశారు. ఎన్నికల లెక్కింపు తీరును బయట నుంచి ఆయా అభ్యర్థులు, అధికారులు పరిశీలించేలా బయట ప్రొజెక్టర్‌లను కూడా ఏర్పాటు చేయనున్నారు. 

సాక్షి, హన్వాడ: మండలంలో అసెంబ్లీ ఎన్నికలు శుక్రవారం ముగిశాయి. ఆయా గ్రామాల్లో ఎన్నికల కో లాహలం కనిపించింది. ఏ పోలింగ్‌ కేంద్రానికి వెళ్లినా ఓటర్లు బారులు తీరారు. మండల కేం ద్రంతోపాటు గొండ్యాల్, వేపూర్, ఇబ్రహీంబాద్, టంకర, చిన్నదర్పల్లిలోని పోలింగ్‌ కేంద్రాల్లో సాయంత్రం 6గంటలు దాటింది. ఇదిలా ఉండగా మున్సిపల్‌ వార్డు, 19 గ్రామ పంచాయతీల్లో కలిపి మొత్తం 43 పోలింగ్‌ కేంద్రాల్లో పోలింగ్‌ ప్రశాంతంగా ముగిసింది. మాధారం, హన్వాడ, కొనగట్టుపల్లి, మునిమోక్షం పోలింగ్‌ కేంద్రాల్లో సల్ప ఆందోళనలు చోటుచేసుకున్నాయి. మాధారంలో 7గంటలకు ప్రారంభం కావాల్సి ఉండగా ఈవీఎం మొరాయించడంతో 8గంటలకు ప్రారంభమైంది. హన్వాడ 17, 18 పోలింగ్‌ కేంద్రాల్లో ఓటు వేయడానికి వచ్చే వృద్ధులతో నేరుగా ఓటు వేయించినట్లు తెలియడంతో టీఆర్‌ఎస్, ఎన్‌సీపీ నాయకుల  మధ్య వాగ్వాదం చోటుచేసుకుంది. ఈ సందర్భంగా పోలింగ్‌ సరళిని అభ్యర్థులు శ్రీనివాస్‌గౌడ్, ఎర్రశేఖర్, సురేందర్‌రెడ్డి, పద్మజారెడ్డి పరిశీలించారు.  గండేడ్‌లో 63.5శాతం పోలింగ్‌ .. గండేడ్‌: మండలంలో శుక్రవారం జరిగిన అసెంబ్లీ ఎన్నికల్లో మండల వ్యాప్తంగా 63.5శాతం పోలింగ్‌ నమోదయినట్లు అధికారులు తెలిపారు. మండలంలో 69పోలింగ్‌ కేంద్రాల్లో అక్కడక్కడ చిన్న చిన్న గొడవలు తప్ప అన్ని పోలింగ్‌ కేంద్రాల్లో పోలింగ్‌ ప్రశాంతంగా ముగిసింది. కాంగ్రెస్‌ అభ్యర్థి రామ్మోహన్‌రెడ్డి, టీఆర్‌ఎస్‌ అభ్యర్థి మహేష్‌రెడ్డి మండలంలోని ఆయా గ్రామాల్లో జరుగుతున్న పోలింగ్‌ కేంద్రాలను సందర్శిం చారు. మండలంలో అనేక మంది యువకులు మొదటిసారిగా తమ ఓటు హక్కు వినియోగించుకున్నారు. పూణె, ముంబై, హైదరాబాద్‌ తదితర ప్రాంతాలకు వలస వెళ్లిన ప్రజలు, గిరిజనులు శుక్రవారం ఉదయమే తమతమ గ్రామాలకు చేరుకుని తమ ఓటుహక్కును వినియోగించుకున్నారు. సాయంత్రం 5గంటలకు పోలింగ్‌ ముగిసిన అనంతరం ఓటింగ్‌ పరికరాలను అ«ధికారులు ఆయా జిల్లా కేంద్రాలకు తరలించారు.   

సాక్షి, కోడేరు: మండలంలో పోలింగ్‌ కేంద్రాల్లో ఓటర్లు తమ ఓటును వినియోగించుకున్నారు. మండలంలో మొత్తం 30,743 ఓటర్లకు గాను దాదాపు వెయ్యికి పైగా ఓట్లు గల్లంతయ్యాయి. ఉదయం 7 గంటలకు ప్రారంభమైన పోలింగ్‌ కొన్ని గ్రామాల్లో ఈవీఎంలు మొరాయించాయి. వెంటనే అధికారులు స్పందించి నూతన ఈవీఎంలను ఏర్పాటు చేశారు. కోడేరులో 300, రాజాపూర్‌లో 225, ఎత్తంలో 330, సింగాయిపల్లిలో 105, రాజాçపూర్‌లో 225, మరికొన్ని గ్రామాల్లో ఓట్లు గల్లంతు కావడంతో తహసీల్దార్, సిబ్బందిపై మండిపడ్డారు. తాము ఈ ఎన్నికల్లో ఓటు హక్కు కోల్పోయామని ఆవేదన వ్యక్తం చేశారు. మండలంలో ఎలాంటి అవాంఛనీయ సంఘటనలు జరగకుండా పోలింగ్‌ కేంద్రాల వద్ద భారీ బందోబస్తు ఏర్పాటు చేసినట్లు ఎస్‌ఐ పోచయ్య తెలిపారు.  

మహబూబ్‌నగర్‌ న్యూటౌన్‌ / దేవరకద్ర : జిల్లాలోని ఐదు నియోజకవర్గాల్లో పోలిస్తే దేవరకద్రలో అత్యధికంగా పోలింగ్‌ నమోదైంది. ఈ నియోజకవర్గంలో 84.6 శాతం పోలింగ్‌ నమోదైనట్లు అధికారులు వెల్లడించారు. ఇక ఐదు నియోజకకవర్గాల్లో పోలిస్తే అతి తక్కువగా మహబూబ్‌నగర్‌లో 73.5 శాతం నమోదైంది. కాగా, రెండో స్థానంలో జడ్చర్ల నియోజకవర్గంలో 82 శాతం, నారాయణపేటలో 80.7 శాతం పోలింగ్‌ నమోదు కాగా.. మక్తల్‌ 77.7 శాతం పోలింగ్‌తో నాలుగో స్థానంలో నిలిచింది. ఇక దేవరకద్ర నియోజకవర్గంలోని పలు కేంద్రాల్లో రాత్రి 8.10 గంటల వరకు పోలింగ్‌ కొనసాగింది. సాయంత్రం 5 గంటల వరకు 76 శాతం పోలింగ్‌ నమోదైనట్లు అధికారులు వెల్లడించారు. అప్పటికే పలు పోలింగ్‌ కేంద్రాలకు ఓటర్లు చేరుకుని ఉండడంతో టోకెన్లు జారీ చేశారు. భూత్పూర్‌ మండలంలోని 28, 36 కేంద్రాలకు చివరి నిముషాల్లో ఇతర ప్రాంతాల ఉండే ఓటర్లు రావడంతో పోలింగ్‌ రాత్రి వరకు కొనసాగింది. ఈ మండలంలోని 28వ పోలింగ్‌ కేంద్రంలో 82 శాతం, 36వ కేంద్రంలో 86 శాతం పోలింగ్‌ నమోదైంది. ఇక చిన్నచింతకుంట మండలంలోని 160, 191 పోలింగ్‌ కేంద్రాల్లో కూడా రాత్రి వరకు పోలింగ్‌ జరిగింది. తద్వారా చివరకు ఈ నియోజకవర్గం 84.6 శాతం పోలింగ్‌తో జిల్లాలోనే అగ్రస్థానంలో నిలిచింది. ఇక జడ్చర్ల నియోజకవర్గం రాజాపూర్‌ మండలంలోని పలు కేంద్రాల్లో కూడా 6 గంటల వరకు పోలింగ్‌ కొనసాగింది. కాగా, పోలింగ్‌ ఆలస్యం కావడానికి ఓటర్లు చివరి సమయంలో ఎక్కువగా రావడం ఓ కారణమైతే.. మరికొన్ని కేంద్రాల్లో ఈవీఎంలు మొరాయించడం ఇంకో కారణంగా చెబుతున్నారు.  పట్టణ ప్రాంతమైనా..  మహబూబ్‌నగర్‌ నియోజకవర్గ కేంద్రం జిల్లా కేంద్రంగా కూడా ఉంది. ఇక్కడ విద్యావంతులు, ఉద్యోగులే ఎక్కువ. అయినప్పటికీ జిల్లాలోనే తక్కువ పోలింగ్‌ శాతం నమోదు కావడం గమనార్హం. ఈసారి ఎలాగైనా పోలింగ్‌ శాతం పెంచాలన్న లక్ష్యంతో అధికారులు అనేక చర్యలు చేపట్టారు. అవగాహన సదస్సులు, చైతన్య ర్యాలీలు చేయించడంతో పాటు ఫ్లెక్సీలు, వీడియోల ద్వారా విస్తృతంగా ప్రచారం చేశారు. అయినప్పటికీ ఈ నియోజకవర్గంలోనే జిల్లాలోని అన్ని నియోజకవర్గాల్లో పోలిస్తే తక్కువ పోలింగ్‌ శాతం నమోదు కావడం విస్మయాన్ని కలిగిస్తోంది. 

సాక్షి, కొత్తగూడెంరూరల్‌: కొత్తగూడెం నియోజకవర్గంలో తనకు ప్రజల ఆదరణ ఉందని.. తప్పకుండా గెలుస్తానని ప్రజాకూటమి అభ్యర్థి వనమా వెంకటేశ్వరరావు అన్నారు. శుక్రవారం లక్ష్మీదేవిపల్లి మండలంలోని శ్రీరామచంద్ర ఆర్ట్స్‌ కళాశాలలో జరుగుతున్న పోలింగ్‌ సరళిని ఆయన పరిశీలించారు. ఈ సందర్భంగా ఆయన విలేకరులతో మాట్లాడారు. నియోజకవర్గంలో తనకు ప్రజలందరూ ఓటు రూపంలో సహకరిస్తున్నారన్నారు. తనను కొత్తగూడెం ఎమ్మెల్యేగా ప్రజలు గెలిపిస్తారన్నారు. ఆయన వెంట టీడీపీ జిల్లా అధ్యక్షుడు కోనేరు సత్యనారయణ, (చిన్ని), లాయర్‌ లక్కినేని సత్యనారయణ తదితరులు ఉన్నారు.  

సాక్షి, కొత్తగూడెం:  శాసనసభ ఎన్నికల పోలింగ్‌ ప్రక్రియ జిల్లాలో ప్రశాంతంగా ముగిసింది. జిల్లాలోని ఐదు నియోజకవర్గాల్లో కలిపి 79.5 శాతం ఓట్లు పోలయ్యాయి. అశ్వారావుపేట నియోజకవర్గంలో 88.61 శాతం, భద్రాచలంలో 78.5 శాతం, కొత్తగూడెంలో 80.18 శాతం, పినపాకలో 82 శాతం, ఇల్లెందులో 68 శాతం పోలింగ్‌ నమోదైంది. రాష్ట్రవ్యాప్తంగా మావోయిస్టు ప్రభావిత ప్రాంతాలైన 13 నియోజకవర్గాల్లో సాయంత్రం 4 గంటలకే పోలింగ్‌ ముగించాలని ఎన్నికల సంఘం నిర్ణయించింది. కాగా, జిల్లాలోని ఐదు నియోజకవర్గాలూ మావోయిస్టు ప్రభావిత ప్రాంతాలే కావడంతో గంట ముందుగానే పోలింగ్‌ ముగించేలా చర్యలు తీసుకున్నారు. అయినప్పటికీ సాయంత్రం ఓటర్లు ఎక్కువగా రావడంతో 4 గంటలలోగా పోలింగ్‌ కేంద్రాలకు వచ్చి క్యూలో నిల్చున్నవారికి అవకాశం కల్పించారు. పలు కేంద్రాల్లో మొదట్లో ఈవీఎంలు మొరాయించడం, కొన్ని చోట్ల మధ్యమధ్య సాంకేతిక సమస్యలు తలెత్తడంతో పోలింగ్‌ ప్రక్రియ కొంత ఆలస్యమైంది. భద్రాచలం, అశ్వారావుపేట నియోజకవర్గాల్లో ని కొన్ని కేంద్రాల్లో రాత్రి 8 గంటల వరకు, పినపాక, కొత్తగూడెం, ఇల్లెందు నియోజకవర్గాల్లో రాత్రి 9.30 గంటల వరకు పోలింగ్‌ కొనసాగింది. మొదట్లో  మందకొడిగా ప్రారంభమైనప్పటికీ చివర్లో ఓటర్లు పోటెత్తడం గమనార్హం. పలు కేంద్రాల్లో పోలింగ్‌ ఆలస్యం అయిన నేపథ్యంలో మావోయిస్టు ప్రభావిత ప్రాంతం కావడంతో పోలీసులు అత్యంత పకడ్బందీగా వ్యవహరించారు. ముఖ్యంగా భద్రాచలం నియోజకవర్గంలోని ఛత్తీస్‌గఢ్‌కు సరిహద్దులో ఉన్న చర్ల మండలంలోని కొన్ని బూత్‌ల్లో రాత్రి 8 గంటల వరకు పోలింగ్‌ నిర్వహించాల్సి రావడంతో మరింతగా జాగ్రత్తలు పాటించారు. ఎన్నికల నేపథ్యంలో ఎ లాంటి అవాంఛనీయ ఘటనలు చోటుచేసుకోకపోవడంతో ఎన్నికల సంఘం, పోలీసు యంత్రాంగం ఊపిరి పీల్చుకున్నా యి. అయితే భద్రాచలం నియోజకవర్గం పరిధిలోని వాజేడు, వెంకటాపురం మండలాలు జయశంకర్‌ భూపాలపల్లి జిల్లాలో ఉన్నాయి. ఈ క్రమంలో వాజేడు మండలంలో పోలింగ్‌ పూర్తయిన తర్వాత ఎన్నికల సిబ్బంది ఈవీఎంలు, ఇతర పోలింగ్‌ సామగ్రితో వాజేడు నుంచి భద్రాచలం మీదుగా పాల్వంచలోని స్ట్రాంగ్‌ రూంకు తరలించారు. అయితే సిబ్బంది ప్రయాణిస్తున్న బస్సు వెంకటాపురం చేరుకున్న తరువాత చర్ల, భద్రాచలం మార్గంలో వెళ్లడం శ్రేయస్కరం కాదని పోలీసులు సూచించడంతో వెంకటాపురం నుంచి తిరిగి వాజేడు వెళ్లారు. అక్కడి నుంచి ఏటూరునాగారం, మంగపేట, మణుగూరు మీదుగా పాల్వంచకు చేరుకున్నారు. ముఖ్యంగా భద్రాచలం నియోజకవర్గంలో ప్రధాన రహదారి కాకుండా అటవీ ప్రాంతాల్లో పోలీసు బలగాలను భారీగా మోహరించారు. మావోయిస్టు పార్టీ అనుబంధ పీఎల్‌జీఏ(పీపుల్స్‌ లిబరేషన్‌ గెరిల్లా ఆర్మీ రోత్సవాలు శనివారం వరకు ఉండడంతో పోలింగ్‌ భద్రతతో పాటు సమాంతరంగా సరిహద్దులో కూంబింగ్‌ నిర్వహించారు. ఈ క్రమంలో చర్ల మండలం పెదమిడిసిలేరు వద్ద సీఆర్‌పీఎఫ్‌ 141 బెటాలియన్‌ సిబ్బంది మావోయిస్టు యాక్షన్‌ టీం సభ్యు డిని అదుపులోకి తీసుకున్నారు. అతడి నుంచి డైరెక్షనర్‌ మైన్స్‌(పేలుడు పదార్థాలు) స్వాధీనం చేసుకున్నట్లు సమాచారం.  అంచనాల్లో పార్టీలు, అభ్యర్థులు..  నామినేషన్ల ఉపసంహరణ పర్వం పూర్తయినప్పటి నుంచి బరిలో నిలిచిన అభ్యర్థులు గెలుపు కోసం హోరాహోరీ ప్రచారం చేశారు. అనేక రకాల వ్యూహాలు, ఎత్తులు, పైఎత్తులతో ఎన్నికల రణక్షేత్రంలో ముందుకెళ్లారు. ముఖ్యంగా ప్రధాన పార్టీల అభ్యర్థులు ఎప్పటికప్పుడు కేడర్‌ను సమాయత్తం చేసుకుంటూ పోలింగ్‌ ముగిసేవరకు రేయింబవళ్లు పనిచేశారు. ఎట్టకేలకు ఎన్నికలు ముగియడంతో ఆయా అభ్యర్థుల భవితవ్యం ఈవీఎంలలో నిక్షిప్తం అయింది. మరో మూడు రోజుల్లో తమ భవితవ్యం తేలనుండడంతో ప్రధాన పార్టీల అభ్యర్థులు  గెలుపుపై ధీమా వ్యక్తం చేస్తూనే పలు రకాల అంచనాలు, లెక్కలు వేసుకుంటున్నారు. అన్ని నియోజకవర్గాల్లో ప్రధానంగా టీఆర్‌ఎస్, కాంగ్రెస్‌ కూటమి మధ్యే పోటీ ఉంది. అన్ని చోట్లా పోటీ నువ్వా.. నేనా.. అనే స్థాయిలో పోలింగ్‌ జరిగినట్లు రాజకీయ వర్గాలు చర్చించుకుంటున్నాయి.      

సాక్షి, హైదరాబాద్‌: తెలంగాణలో జరిగిన ముందస్తు ఎన్నికల్లో.. కడపటి వార్తలందేవరకు 67.7% పోలింగ్‌ నమోదైందని ఎన్నికల సంఘం ప్రకటించింది. అయితే ఈ శాతంలో స్వల్ప మార్పులు ఉంటాయని పేర్కొంది. కాగా.. ఖమ్మం జిల్లా మధిరలో రాష్ట్రంలోనే అత్యధికంగా 91.27% మంది ఓటర్లు తమ హక్కును వినియోగించుకున్నారు. పాలేరు (90.97%), మునుగోడులో (90.88%), నర్సంపేటలో (90.10%) తదుపరి స్థానాల్లో నిలిచాయి. అత్యల్పంగా మలక్‌పేట నియోజకవర్గంలో 40% పోలింగ్‌ నమోదు కాగా ఎల్బీనగర్‌లో 42%, యాకుత్‌పురలో 41.75% మంది మాత్రమే తమ హక్కును వినియోగించుకున్నారు. ఈసారి పోలింగ్‌ శుక్రవారం కావడంతో హైదరాబాద్‌లోని సెగ్మెంట్లలో ఓటింగ్‌ తక్కువగా నమోదైనట్లు తెలుస్తోంది. అసెంబ్లీ నియోజకవర్గాల వారీగా పోలింగ్‌ శాతం

జైపూర్‌: రాజస్తాన్‌ అసెంబ్లీకి శుక్రవారం జరిగిన ఎన్నికలు ప్రశాంతంగా ముగిశాయి. ఓటింగ్‌ ముగిసే సాయంత్రం 5 గంటల సమయానికి 74.02% పోలింగ్‌ నమోదైందని అధికారులు తెలిపారు. గత 2013 ఎన్నికల్లో 75.23% పోలింగ్‌ నమోదైంది. అసెంబ్లీలోని 200 స్థానాలకు గాను ఒక్కటి మినహా 199 సీట్లకు శుక్రవారం ఎన్నికలు జరిగిన విషయం తెలిసిందే. బహుజన్‌ సమాజ్‌ పార్టీ అభ్యర్ధి లక్ష్మణ్‌ సింగ్‌ హఠాన్మరణంతో ఆల్వార్‌ జిల్లా రామ్‌గఢ్‌ నియోజకవర్గం ఎన్నిక నిలిచిపోయింది. సుమారు 2వేల మంది అభ్యర్థులు బరిలో ఉండగా 4.74 కోట్ల ఓటర్ల కోసం 51, 687 పోలింగ్‌ బూత్‌లను ఏర్పాటు చేశారు. స్వల్ప ఘటనలు మినహా రాష్ట్ర మంతటా ఎన్నికలు ప్రశాంత వాతావరణంలో జరిగాయి. ఓటు హక్కు వినియోగించుకున్న ప్రముఖుల్లో ముఖ్యమంత్రి వసుంధరా రాజే, రాజస్తాన్‌ పీసీసీ అధ్యక్షుడు సచిన్‌ పైలట్, మాజీ సీఎం అశోక్‌ గెహ్లాట్‌ ఉన్నారు. సీఎం అభ్యర్ధి వసుంధర 2003 నుంచి పోటీ చేస్తున్న ఝల్రాపటన్‌ నియోజకవర్గంలో పోటీ ఆసక్తికరంగా మారింది. వసుంధర ప్రధాన ప్రత్యర్ధిగా కేంద్ర మాజీ మంత్రి, బీజేపీ సీనియర్‌ నేత జశ్వంత్‌ సింగ్‌ తనయుడు మాన్వేంద్రసింగ్‌ కాంగ్రెస్‌ అభ్యర్ధిగా గట్టి పోటీ నిస్తున్నారు. ఎన్నికలకు కొద్ది రోజుల ముందే ఈయన కాషాయాన్ని వదిలి కాంగ్రెస్‌ కండువా కప్పుకున్నారు. దీంతోపాటు ముస్లిం జనాభా ఎక్కువగా ఉన్న టోంక్‌ స్థానం నుంచి సచిన్‌ పైలట్‌ పోటీ చేస్తుండగా ఆయన ప్రధాన ప్రత్యర్ధిగా బీజేపీ ఏకైక ముస్లిం అభ్యర్ధి, రాష్ట్ర మంత్రి యూనస్‌ ఖాన్‌ బరిలో ఉండటంతో పోటీ ఆసక్తికరంగా మారింది. గతంలో దౌసా, అజ్మీర్‌ లోక్‌సభ స్థానాల నుంచి రెండుసార్లు ఎంపీగా ఎన్నికైన పైలట్‌ ఈసారి అసెంబ్లీ బరిలో ఉన్నారు. దాదాపు 130 నియోజకవర్గాల్లో బీజేపీ, కాంగ్రెస్‌ ముఖాముఖి తలపడుతున్నాయి. ప్రస్తుత అసెంబ్లీలో బీజేపీకి 160, కాంగ్రెస్‌కు 25 మంది సభ్యుల బలం ఉంది. తాజా ఎన్నికల ఫలితాలు ఈ నెల 11వ తేదీన వెలువడనున్నాయి. మైళ్ల దూరం నడిచి... జోధ్‌పూర్‌: రాజస్తాన్‌లో 199 అసెంబ్లీ స్థానాలకు శుక్రవారం జరిగిన ఎన్నికలు ప్రశాంతంగా ముగిశాయి. సాథూర్, మండి వంటి ప్రాంతాల్లో పోలింగ్‌ ఓ గంట ఆలస్యంగా ప్రారంభమవ్వగా మిగతా అన్ని ప్రాంతాల్లో ఉదయం 8 గంటలకే పోలింగ్‌ ప్రారంభమైంది. రాష్ట్ర సరిహద్దులో ఉన్న బర్మార్, జైసల్మేర్‌ జిల్లాల ప్రజలు ఎడారిలో కొన్ని మైళ్ల దూరం నడిచి మరీ తమ ఓటు హక్కును వినియోగించుకున్నారు. పోలింగ్‌ కేంద్రాలు వీరు నివసించే ప్రాంతానికి కొన్ని మైళ్ల దూరంలో ఉంటాయి. దూరాన్ని సైతం లెక్క చేయకుండా మారుమూల గ్రామాల ప్రజలు పెద్ద సంఖ్యలో ఓటింగ్‌కు హాజరయ్యారు. ఈసారి పోలింగ్‌లో పాల్గొన్న మహిళలు సంఖ్య కూడా పెరిగింది. 101 ఏళ్ల పాలీదేవి అనే మహిళ బర్మార్‌లోని ఓ పోలింగ్‌ కేంద్రంలో తన ఓటు హక్కును వినియోగించుకుంది. అలాగే బుండి జిల్లా హిందోలీ ప్రాంతానికి చెందిన 102 ఏళ్ల కుస్నీబాయ్‌ చేతి కర్ర సాయంతో ఓటు వేసేందుకు వచ్చారు. జోథ్‌పూర్‌ జిల్లాలోని పలు ప్రాంతాల్లో పోలింగ్‌ బూత్‌ల వద్ద ప్రజలు పెద్ద సంఖ్యలో బారులు తీరారు. బరన్‌ జిల్లా సుఖ్‌నాయర్‌ గ్రామ ప్రజలు ఓటింగ్‌లో పాల్గొనలేదు. తమ గ్రామ సమస్యలను ఏ రాజకీయ పార్టీ పట్టించుకోకపోవడంతో నిరసన తెలుపుతూ ఓటింగ్‌కు దూరంగా ఉన్నామని తెలిపారు.  

సాక్షి, సూర్యాపేట : రాజకీయ పార్టీలు ఎన్నికల వేళ ప్రలోభాలకు గురిపెడుతూ ఉంటాయి. అయితే పోలింగ్‌ బూత్‌ వద్దే తమ పార్టీకి ఓటు వేయమంటూ ఓటర్లను ప్రలోభపెట్టిన ఘటన సూర్యాపేటలోని హుజుర్‌నగర్‌లో జరిగింది. హుజుర్‌ నగర్‌ పోలింగ్‌ బూత్‌ 187లో కొందరు టీఆర్ఎస్‌ ఏజెంట్లు ప్రలోభాలకు గురిచేయడంతో ఓటర్లు ఫిర్యాదు చేశారు. కారు గుర్తుకు ఓటెయ్యమంటున్నారంటూ.. వెంటనే వారిపై చర్యలు తీసుకోవల్సిందిగా అధికారులతో వాగ్వాదానికి దిగారు.   

సాక్షి, హైదరాబాద్‌: మహబూబ్‌నగర్‌ జిల్లా ఆమనగల్లు మండలంలోని జంగారెడ్డిపల్లిలో కల్వకుర్తి కాంగ్రెస్‌ అభ్యర్థి, తాజా మాజీ ఎమ్మెల్యే వంశీచంద్‌ రెడ్డిపై గుర్తు తెలియని వ్యక్తులు దాడి చేశారు. పోలింగ్‌ బూత్‌ను పరిశీలించడానికి వెళ్లిన ఆయనపై దుండగులు దాడి చేశారు. ఈ ఘటనలో ఆయన ప్రయాణిస్తున్న కారు అద్దాలు పగిలిపోయాయి. గాయపడిన ఆయనను స్థానిక ఆస్పత్రికి తరలించారు. మెరుగైన వైద్యం కోసం హైదరాబాద్‌ నిమ్స్‌ ఆస్పత్రికి తీసుకెళ్లారు. ఈ ఘటనతో జంగారెడ్డిపల్లిలో ఉద్రిక్త పరిస్థితులు నెలకొన్నాయి. బీజేపీ చెందిన వారే ఈ దాడికి పాల్పడ్డారని కాంగ్రెస్‌ నాయకులు ఆరోపిస్తున్నారు. తెలంగాణ వ్యాప్తంగా పోలింగ్‌ కేంద్రాల వద్ద మరికొన్ని ఘటనలు.. సిద్దిపేట, గజ్వెల్, మర్కుక్, ములుగు, జగదేవపూర్ మండలాలలో పోలింగ్ ప్రశాంతంగా కొనసాగుతోంది. వర్గల్‌లో మాజీ ఎమ్మెల్యే నర్సారెడ్డి ని హౌస్ అరెస్ట్ చేసి పోలీసులు నిర్భందించారు.   గండిపేట మండలం పుప్పులగూడా బాలాజీ నగర్‌లో బీజేపీ-మహాకూటమి నేతల మధ్య వాగ్వాదం చోటు చేసుకుంది. దీంతో బీజేపీ అభ్యర్థులు బద్దం బాల్‌రెడ్డి పోలీసులకు ఫిర్యాదు చేశారు.  నిజామాబాద్‌లోని మోపాల్‌ మండలం ఎల్లమ్మ కుంటలో టీఆర్‌ఎస్‌-కాంగ్రెస్‌ వర్గీయుల మధ్య ఘర్షణ చోటుచేసుకుంది. ఈ ఘటనలో ఐదుగురికి గాయాలయ్యాయి. ఈ ఘటన పోలింగ్‌ కేంద్రం ముందే జరగడం ఆశ్చర్యకరం. వరంగల్ రూరల్ ఖానాపూర్ మండల కేంద్రంలో టీఆర్ఎస్-కాంగ్రెస్ వర్గీయుల మధ్య ఘర్షణ, తోపులాట చోటుచేసుకుంది. ఖమ్మం జిల్లా ఏన్కూర్‌ మండలం ఇమామ్‌ నగర్‌లో గ్రామ సమస్యలు పరిష్కరించలేదని గ్రామస్తులు రాస్తారోకో చేస్తున్నారు. 

మొన్నటిదాకా ప్రచారపర్వంతో తెలంగాణలో ఎన్నికల రణరంగం వేడెక్కగా.. నేడు తెలంగాణ వ్యాప్తంగా పోలింగ్‌ జరగనుంది. కొద్దిసేపటి క్రితమే.. పోలింగ్‌ ప్రారంభమైంది. అన్ని చోట్లా వేడి ప్రశాంతంగా పోలింగ్‌ జరుగుతోంది. ఈ ఎన్నికల్లో అందరూ తమ ఓటు హక్కును వినియోగించుకోవాలని పలువురు సినీ ప్రముఖులు విజ్ఞప్తి చేశారు. అయితే ఎంతో బిజీగా ఉండే సెలబ్రెటీస్‌.. బాధ్యతగా వారి ఓటు హక్కును వినియోగించుకోకున్నారు.  అన్ని చోట్లా ఓటర్లు తమ ఓటు హక్కును వినియోగించుకునేందుకు పోలింగ్‌ కేంద్రాలవద్ద బారులు తీరారు. ఉదయం 7గంటలకు ప్రారంభమైన పోలింగ్‌ కేంద్రాల వద్ద భారీ భద్రతను ఏర్పాటు చేశారు. పోలింగ్‌ కేంద్రాల్లోకి సెల్‌ఫోన్లు తీసుకెళ్లడం, సెల్ఫీలు తీసుకోవడాన్ని నిషేదించారు. అయితే ఈ పోలింగ్‌ సాయంత్రం 5వరకు జరగనుండగా..మావోయిస్ట్‌ ప్రభావిత ప్రాంతాల్లో సాయంత్రం 4గంటల వరకు జరగనుంది.  మెగాస్టార్‌ చిరంజీవి, ఆయన కుటుంబ సభ్యులు  జూబ్లిహిల్స్ క్లబ్‌లో ఓటు వేయనుండగా.. జూబ్లీహిల్స్‌ ఉమెన్‌ కోఆపరేటివ్‌ సొసైటీలో నాగార్జున, జూబ్లీహిల్స్‌ బీఎస్‌ఎన్‌ఎల్‌ ఆఫీస్‌లో అల్లు అర్జున్‌,  బంజారా హిల్స్‌ యూరోకిడ్స్‌ స్కూల్లో విజయశాంతి, జూబ్లీహిల్స్‌ ఓబుల్‌రెడ్డి పబ్లిక్‌ స్కూల్లో జూ. ఎన్టీఆర్‌ తమ ఓటు హక్కును వినియోగించుకోకున్నారు.  చింతమడక గ్రామంలోని బూత్‌ నెంబర్‌13లో కేసీఆర్‌, బంజారాహిల్స్‌ రోడ్‌నెంబర్‌ 2 సెయింట్‌ నిజామ్స్‌ హైస్కూల్‌లో కేటీఆర్‌, బోధన్‌ నవీపేట్‌ హైస్కూల్‌లో బూత్‌నంబర్‌ 177లో కవిత, సోమాజిగూడ రాజ్‌నగర్‌ అంగన్‌వాడి కేంద్రంలో గవర్నర్‌ నరసింహన్‌, అచ్చంపేట కొండారెడ్డి బూత్‌నెంబర్‌82లో రేవంత్‌ రెడ్డి, తార్నాకలో కోదండరామ్‌, జూబ్లీహిల్స్‌ క్లబ్‌లో జైపాల్‌ రెడ్డి, పరిపూర్ణానంద, బంజారాహిల్స్‌ రోడ్‌ నెంబర్‌ 10లో సీఈఓ రజత్‌కుమార్‌, బంజారాహిల్స్‌ రోడ్‌ నెంబర్‌ 5లో జాయింట్‌ సీఈఓ ఆమ్రపాలి తమ ఓటు హక్కును వినియోగించుకోనున్నారు. 

సాక్షి, ఆలేరు : పోలింగ్‌ నిర్వహణకు అధికారులు అన్ని ఏర్పాట్లు చేశారు. ఈనెల 7న పోలింగ్‌ జరగనుం ది. ఇందుకు గాను నియోజకవర్గానికి సంబం ధించి ఈవీఎంలు, వీవీప్యాట్లను ఇండోర్‌ స్టేడియంలోని ప్రత్యేక రూంలో భద్రపరిచారు. గురువారం ఎన్నికల సామగ్రి, సిబ్బందిని తరలించేం దుకు ఇండోర్‌ స్టేడియంలో ప్రత్యేకంగా ఏర్పాట్లు చేశారు. ఇప్పటికే ఎన్నికల నిర్వహణలో పాల్గొనే సిబ్బందికి శిక్షణ పూర్తయింది. అలాగే ఓటర్‌ స్లిప్పుల పంపిణీ కూడా పూర్తి చేశారు.  2,09,266 మంది ఓటర్లు.. ఆలేరు నియోజకవర్గంలో 2,09,266 మంది ఓట ర్లు ఉన్నారు. ఇందులో స్త్రీలు 1,04,040 మంది, పురుషులు 1,05,207 మంది, ఇతరులు 19 మంది ఉన్నారు. మొత్తం 303 పోలింగ్‌ కేంద్రాల ను ఏర్పాటు చేశారు. 360 మంది ఎన్నికల ప్రిసైడింగ్‌ అధికారులు, 360 మంది అసిస్టెంట్‌ ప్రిసైడింగ్‌ ఆఫీసర్లను నియమించారు. 34 మంది సెక్టోరియల్‌ అధికారులను నియమించారు. 606 మం ది పీఓలను నియమించగా ఒక్కో పోలింగ్‌ కేం ద్రంలో ఇద్దరు పోలింగ్‌ ఆఫీసర్లు విధులు నిర్వహిస్తారు. నియోజకవర్గంలో 37 పోలింగ్‌ కేంద్రాలను సమస్యాత్మకమైనవిగా గుర్తించారు. సమస్మాత్మక గ్రామాల్లో వెబ్‌కాస్టింగ్‌ నిర్వహించనున్నారు.  డిజిటల్‌ సర్వేలెన్స్‌.. నియోజకవర్గంలో అన్ని పోలింగ్‌ కేంద్రాల్లో డిజిటల్‌ సర్వేలెన్స్‌ ద్వారా వీడియో చిత్రీకరణకు వెబ్‌కాస్టింగ్‌కు ఏర్పాట్లు పూర్తిచేశారు. పోలింగ్‌ సిబ్బందిని సకాలంలో చేరవేసేందుకు వాహనాలను ఏర్పాటు చేశారు. 24 కేంద్రాల్లో సీసీ కెమెరాలు, 16కేంద్రాల్లో లైవ్‌ వెబ్‌కాస్టింగ్, 43 కేంద్రాల్లో ఆన్‌లైన్‌ రికార్డింగ్, 223 కేంద్రాల్లో ఆన్‌డ్రాయిడ్‌ మొబైల్‌ రికార్డింగ్, 25 మంది వీడియోగ్రాఫర్లను నియమించారు. పోలింగ్‌ కేంద్రాల్లో ఓటింగ్‌ సరళిని పర్యవేక్షించేందుకు మైక్రో అబ్జర్వర్లను నియమించారు. 455 ఈవీఎంలు, 363 వీవీప్యాట్లు, 352 కంట్రోల్‌ యూనిట్లను ఏర్పాటు చేశారు.  దివ్యాంగులకు ప్రత్యేక ఏర్పాట్లు.. నియోజకవర్గంలో దివ్యాంగ ఓటర్లు 3,592 మంది ఉన్నారు. వీరిని ఎన్నికల రోజున పోలింగ్‌ కేంద్రానికి తరలించేందుకు 197 ఆటోలను ఏర్పాటు చేశారు. పోలింగ్‌ స్టేషన్‌లోకి సులువుగా వెళ్లేందుకు ర్యాంపులను ఏర్పాటు చేశారు. వీరి కోసం వీల్‌చైర్లను అందుబాటులో ఉంచారు. అంధుల కోసం బ్యాలెట్‌లో బ్రెయిలీ లిపితో అభ్యర్థుల క్రమసంఖ్యగల కార్డును అమరుస్తారు. వీరు ఓటేసేందుకు సహాయకులను అనుమతిస్తారు.  ఒక పోలింగ్‌ కేంద్రంలో మహిళలకు ప్రత్యేకం.. మహిళల ఓటింగ్‌ శాతం పెంచేందుకు ఈసారి ప్రయోగాత్మకంగా ఆలేరులోని బాలికల ఉన్నత పాఠశాలలో ఒక మహిళ పోలింగ్‌ కేంద్రాన్ని ఏర్పాటు చేశారు. ఇందులో పూర్తిగా మహిళా సిబ్బందినే నియమించారు. దీంతో పాటుగా నియోజకవర్గంలో ఒక మోడల్‌ పోలింగ్‌ కేంద్రాన్ని ఏర్పాటు చేశారు. ఈ కేంద్రాన్ని అన్ని వసతులతో ఆకర్షణీయంగా తీర్చుదిద్దుతారు. పోలింగ్‌ కేంద్రంలో ప్రత్యేక సహాయక కేంద్రం ఉంటుంది. మోడల్‌ పోలింగ్‌ కేంద్రంలో ఫర్నిచర్, తాగునీరు, దివ్యాంగులు సులువుగా వెళ్లేందుకు ర్యాంపు, మరుగుదొడ్లు, మూత్రశాలలు తదితర సౌకర్యాలు అందుబాటులో ఉంటాయి.  బరిలో వీరే.. ఆలేరు శాసనసభ స్థానానికి 14 మంది అభ్యర్థులు బరిలో ఉన్నారు. బూడిద భిక్షమయ్యగౌడ్‌ (కాంగ్రెస్‌), గొంగిడి సునీత (టీఆర్‌ఎస్‌), దొంతిరి శ్రీధర్‌రెడ్డి (బీజేపీ), మోత్కుపల్లి నర్సింహులు (బీఎల్‌ఎఫ్‌), కల్లూరి రాంచంద్రారెడ్డి (బీఎస్పీ), కందడి మణిపాల్‌రెడ్డి (తెలుగు కాంగ్రెస్‌), కొత్త కృష్ణ (అంబేద్కర్‌ నేషనల్‌ కాంగ్రెస్‌), రేగు ఆనంద్‌ (బీఆర్‌ఎస్‌), జన్నె సరిత (ఎస్‌పీ), గుజ్జుల రాంచంద్రారెడ్డి, బొల్లారం రమేష్, వైల శ్రీనివాస్‌రెడ్డి, మొరిగాడి కృష్ణ, దీరావత్‌ గోపినాయక్‌ వీరంతా స్వతంత్రులు.   పకడ్బందీగా ఏర్పాట్లు  .. ఎన్నికలు సజావుగా నిర్వహించేందుకు పకడ్బందీగా ఏర్పాట్లు చేశాం. నూరు శాతం పొలింగ్‌ నమోదు కావాలని లక్ష్యంగా పెట్టుకున్నాం. ఇందుకు ప్రతి పోలింగ్‌  కేంద్రంలో అన్ని ఏర్పాట్లను చేశాం. ఎన్నికల విధుల్లో ఉన్న ప్రతి అధికారి వారి పరిధి మేరకు ఎన్నికలు సవ్యంగా జరిగేందుకు తమవంతుగా కృషి చేయాలి. ఓటు హక్కు ఉన్నవారు తప్పనిసరిగా వినియోగించుకోవాలి   – మందడి ఉపేందర్‌రెడ్డి, ఎన్నికల రిటర్నింగ్‌ ఆఫీసర్‌  

సాక్షి,మిర్యాలగూడ రూరల్‌ : శాసనసభ ముందస్తు ఎన్నికలు ఈ నెల 7న శుక్రవారం ఉదయం 7గంటలకు ప్రారంభమై సాయంత్రం 5గంటలకు నిర్వహించనున్నారు. ఓటు వేయడానికి ఓటర్లందరికీ ఓటరు స్లిప్పులను బీఎల్‌ఓల ద్వారా ఇంటింటికీ తిరిగి అందజేశారు. ఈ స్లిప్పులు లేకున్నా ఓటరు జాబితాలో తమ కార్డు నంబరు, పోలింగ్‌ బూతు నంబరు, ఓటరు క్రమ సంఖ్య తెలిసి ఉంటే తెల్లకాగితంపై రాసుకుని వెళ్లి ఎన్నికల సంఘం ఆమోదించిన ఆధార్‌కార్డుతో పాటు డ్రైవింగ్, పాన్‌కార్డు, ఉపాధిహామీ జాబ్‌కార్డు, పట్టాదారు పాస్‌పుస్తకం, పాస్‌పోర్టు లాంటి తదితర గుర్తుంపు కార్డులు  ఏ ఒక్కటి ఉన్నా చూపించి కూడా ఓటు వేయవచ్చు. పోలింగ్‌ బూతులో ఏజెంట్‌ అభ్యంతంరం తెలిపినపుడు వారిని సంతృప్తి పరిచే విధంగా రుజువు చేసుకోవలసి ఉంటుంది. స్థానిక బూతులెవల్‌ అధికారి,గ్రామ రెవెన్యూ అధికారి నిర్ధారణ చేస్తారు.  పోలింగ్‌ రోజు  సాయంత్రం  వరకు ఓటు వేయడానికి ఎంత పెద్ద వరుస ఉన్నా వారందరూ ఓటువేయడానికి అవకాశం కల్పిస్తారు.ఒక వేళ అవకాశం ఇవ్వక పోతే అక్కడి పరిశీలకులు లేదా టోల్‌            ఫ్రీ నంబర్‌ 1950 ఫిర్యాదు చేయవచ్చు. మహిళలు, దివ్యాంగులు, వృద్ధులకు ప్రత్యేక వరుసలు ఏర్పాటు చేస్తారు.   అంధులు, శరీర దౌర్భల్యం గల వారిరు ఓటు వేయడానికి సహాయకులను తీసుకుపోవచ్చు. అయితే సహాయకున్ని ఒక ఓటుకు మాత్రమే అంగీకరిస్తారు.  మళ్లీ రాకుండా సహాయకుని                      కుడిచేతిచూపుడు  వేలుకు సిరా గుర్తు వేస్తారు.  పోలింగ్‌ బూతులోనికి కెమరాలు, సెల్‌ ఫోన్లు అనుమతించరు.  ఓటు వేయడానికి బహిరంగంగా డబ్బు ,బహుమతి, మద్యం తీసుకొన్న వారితో పాటు ,ఇచ్చిన వారిని అరెస్టు చేస్తారు.  అభ్యర్థికి చెందిన వాహనంలో ఓటు వేయడానికి వచ్చిన అరెస్టు చేయవచ్చు.  

సాక్షి, సిటీబ్యూరో: ఈసారి ఎన్నికల్లో నూతన విధానాలు, వివిధ యాప్‌లు, విస్తృత ప్రచారంతో పాటు వివిధ కొత్త అంశాలను అమలు చేస్తోన్న ఎన్నికల సంఘం.. మరో అడుగు ముందుకువేసింది. మహిళా సాధికారతే లక్ష్యంగా వారికోసం ప్రత్యేక పోలింగ్‌ కేంద్రాలు ఏర్పాటు చేసింది. వీటి నిర్వహణ బాధ్యతనూ మహిళా అధికారులకే అప్పగించింది. దివ్యాంగుల కోసం భారీ ప్రచారంతో పాటు ఉచిత రవాణా, వారికోసం ప్రత్యేక యాప్‌ను అందుబాటులోకి తీసుకువచ్చిన విషయం విదితమే. ఇదే కోణంలో మహిళలకు తగిన ప్రాధాన్యమిచ్చే లక్ష్యంతో నియోజకవర్గానికి ఒకటి చొప్పున వీరికోసం పోలింగ్‌ కేంద్రం ఏర్పాటు చేసింది. వీటి నిర్వహణ బాధ్యతలను సైతం మహిళా అధికారులకే అప్పగించాలని ఎన్నికల సంఘం ఆదేశించింది. ఇందుకనుగుణంగా హైదరాబాద్‌ జిల్లాలోని 15 నియోజకవర్గాల్లో ఒక్కో పోలింగ్‌ కేంద్రం (పీఎస్‌)లో పోలింగ్‌ బాధ్యతలు మొత్తం మహిళా అధికారులకే అప్పగించారు. ప్రిసైడింగ్‌ అధికారి, అసిస్టెంట్‌ ప్రిసైడింగ్‌ అధికారి సహా సిబ్బంది మొత్తం మహిళలే ఉంటారని జీహెచ్‌ఎంసీ పేర్కొంది. నియోజకవర్గాల వారీగా ప్రత్యేక మహిళా పోలింగ్‌ కేంద్రాల వివరాలు ఇలా ఉన్నాయి.

ఎన్నికలకు ఆది.. అంతం ఉండదు. పాత నీరు పోతుంది.. కొత్త నీరు వస్తుంది. ఇది కాల గమనం. అదేవిధంగా ప్రజలు కూడా పాత నాయకులను మరిచిపోతుంటారు. కొత్త నాయకులను స్వాగతిస్తుంటారు. ఇదే బాటలో వైరా నియోజకవర్గంలోని పలు పార్టీలకు చెందిన మెజార్టీ నాయకులు, కార్యకర్తలు పయనిస్తున్నారు. స్థానిక ప్రజలను, నమ్ముకున్న వారికి మేలు చేయలేని అభ్యర్థులను తిరస్కరిస్తున్నారు. పార్టీలకు అతీతంగా కొత్తగా ఎన్నికల బరిలో నిలిచిన స్వతంత్ర అభ్యర్థి రాములుకు జై కొడుతున్నారు. ఆ పరిణామాలు ఎందుకు ఏర్పడ్డాయో ఎవరికీ అంతగా తెలియవు. ఒక్కొక్కరు ఒక్కో విధంగా చెబుతున్నారు. ఈ ఉత్కంఠతకు తెరపడాలంటే కొన్ని రోజులు వేచి చూడాల్సిందే.  సాక్షి, వైరా: ఎన్నికల పోలింగ్‌ తేదీ దగ్గరపడుతుండటంతో వైరా నియోజకవర్గంలో పోటీ చేస్తున్న అభ్యర్థులు ప్రచార వేగాన్ని పెంచారు. అభ్యర్థులు ఓటర్లను ఆకర్షించడానికి గ్రామాల్లో రోడ్‌ షోలు నిర్వహిస్తున్నారు. అయితే పోలింగ్‌ బూత్‌ల పరిధిలోని ఓటర్లను ఆకట్టుకోవడానికి ద్వితీయ శ్రేణి నాయకులు, కార్యకర్తలకు బాధ్యతలను అప్పగించారు. ఓటర్లను వ్యక్తిగతంగా కలవడం వల్ల వారి సమస్యల గుర్తించి, పరిష్కార మార్గాలను అన్వేషిస్తున్నారు. నియోజకవర్గంలో ప్రధాన పార్టీల అభ్యర్థులతోపాటు స్వతంత్ర అభ్యర్థులు కలిపి 13 మంది పోటీ చేస్తున్నారు. పోటీ ఎలా ఉన్నా పోలింగ్‌ బూత్‌ల వారీగా ప్రచారం నిర్వహించడం వల్ల ఫలితాలు సానుకూలంగా ఉండే అవకాశం ఉంటుందని అభ్యర్థులు భావిస్తున్నారు. పోలింగ్‌ బూత్‌ల పరిధిలోని ఓటర్ల వివరాలను తెలుసుకుంటున్నారు. ఓటర్లకు ప్రభుత్వం ద్వారా అందిస్తున్న సంక్షేమ పథకాలను వివరించడానికి అధికార టీఆర్‌ఎస్‌ నాయకులు, కార్యకర్తలు సమాయత్తం అయ్యారు. మరోవైపు మహాకూటమి అభ్యర్థి కూడా ప్రచారంలో ముందన్నప్పటికీ నియోజకవర్గంలో కాంగ్రెస్, టీడీపీ నాయకుల పూర్తి స్థాయి మద్దతు ఆశించిన స్థాయిలో లేకపోవటంతో ప్రచారంలో ఓటర్ల నుంచి అంతగా స్పందన రావటం లేదు. అలాగే ఓటర్ల సమస్యలను తెలుసుకుని తమ నాయకుడు గెలిస్తే పరిష్కార మార్గాలపై హామీలు ఇస్తున్నారు. ఒక్కో పోలింగ్‌ బూత్‌కు 10 మంది నుంచి 15 మంది కార్యకర్తలకు బాధ్యతలు అప్పగించారు.   ప్రచారంలో వెనుపడ్డ బీజేపీ..   నియోజకవర్గంలో రెండోసారి పోటీలో ఉన్న బీజేపీ ప్రచారంలో వెనుకంజలో ఉందని చెప్పవచ్చు. ఇక్కడి బీజేపీ అభ్యర్థినికి సినిమా గ్లామర్‌ ఉన్నప్పటికీ ఎన్నికల కోసమే నియోజకవర్గంలో పర్యటిస్తున్నట్లు పలువురు చర్చించుకుంటున్నారు. పార్టీ నాయకుల్లో సమన్వయం లోపించటంతో ఓటర్ల నుంచి ఆశించిన స్థాయిలో స్పందన కల్పిచటం లేదు. అత్యధిక ఓటర్లు బీసీ వర్గం కాగా గిరిజనులు వారితోపాటు ఉన్నప్పటికీ ఇక్కడి బీజేపీ అభ్యర్థి రేష్మారాథోడ్‌ను ఆదరిస్తారో.. లేదో.. వేచిచూడాల్సిన పరిస్థితి ఉంది. 2009లో బీజేపీ నుంచి మీసాల వెంకటేశ్వర్లు పోటీ చేసి 1,171 ఓట్ల సాధించాడు. 2014లో టీడీపీతో పొత్తు కలవటంతో ఇక్కడ పోటీచేసే అవకాశం కూడా లేకపోయింది. ఈ ఎన్నికల్లో అయినా ఆశించిన స్థాయిలో ఓట్లు సాధిస్తారా.. లేదా.. అనే సందేహం స్థానికుల్లో నెలకొంది.  సీపీఎంకు గిరిజనుల ఓట్లే కీలకం..   నియోజకవర్గంలో మొదటిసారిగా ఒంటరిగా బరిలో నిలిచిన సీపీఎం అభ్యర్థి భూక్యా వీరభద్రం గిరిజన సమస్యలపై.. పోడు భూములకు పట్టాలకై.. జైలుకెళ్లిన పరిస్థితులు కూడా ఉన్నాయి. వారి సమస్యలపై తాను చేసిన పోరాట ఫలితంగా ఇక్కడ ఆ పార్టీకి ఓట్లు ఏ విధంగా రాలతాయో వేచి చూడాల్సిందే. మరోవైపు సీపీఐ పార్టీ గుర్తు, సీపీఎం గుర్తు ఈవీఎంలో మొట్టమొదటి సరిగా కనిపిస్తుండటం, రెండు గుర్తులు కూడా ఒకదాని తరువాత ఒకటి ఉండటంతో ఓటర్లు ఏ మేరకు ఓట్లు వేస్తారో కూడా తెలియని పరిస్థితి.   రాములుకు కలిసోచ్చిన గుర్తు..   నియోజకవర్గంలో కాంగ్రెస్, టీఆర్‌ఎస్‌ పార్టీలకు చెందిన బలమైన నాయకులు లావుడ్యా రాములుకు అండగా నిలవటం, పార్టీలతో ప్రమేయం లేకుండా స్వతంత్ర అభ్యర్థిగా బరిలో నిలవడం, రాములుకు ‘రైతు నాగలి’ గుర్తు రావటం వంటి విషయాలు ఆయనకు కలిసి వచ్చాయని చెప్పవచ్చు. కాంగ్రెస్, టీఆర్‌ఎస్‌లో మెజార్టీ నాయకులు, కార్యకర్తలు రాములుకు మద్దతు ఇవ్వడంతో రాములు విజయంపై చర్చలు జరుగుతున్నారు. ఏదిఏమైనప్పటికీ త్వరలో జరగనున్న ఎన్నికలు, వాటి ఫలితాలపై సర్వత్రా చర్చ జరుగుతోంది.   మరిన్ని వార్తాలు...

సాక్షి, మిర్యాలగూడ రూరల్‌ : సాధారణ ఎన్నికల్లో వినియోగించనున్న ఎలక్ట్రానిక్‌ ఓటింగ్‌ యంత్రాలను ఈవీఎంలు అంటారు. ఓటింగ్‌లో కంట్రోలింగ్‌ యునిట్‌ (సీయూ), బ్యాలెట్‌ యునిట్‌ (బీయూ),కీలకం. వాటి పనితీరును ఎన్నికల వేళ ఒకసారి పరిశీలిద్దాం. ఓటర్లు వేసే ఓటింగ్‌లో సీయూ, బీయూ కీలక మైన ఎన్నికల కేంద్రంలోని అధికారుల వద్ద సీయూ ఉంటుంది. ఓట్లు బీయూలో ఓటు వేయాల్సి ఉంది. ప్రతి ఓటరు ఓటు వేయడానికి వెళ్లేటప్పుడు అధికారి సీఅయూలోని బ్యాలెట్‌ బటన్‌ నొక్కితే ఓటరు వద్ద ఉన్న బ్యాలెట్‌ యునిట్‌ ద్వారా ఓటు వేసేందుకు వీలవుతుంది. బీయూలో 16 గుర్తుల వరకు ఉంటాయి. ఒక వేళ అంతకంటే ఎక్కువ గుర్తులు ఉంటే...మరో యంత్రాన్ని ఉపయోగించాలి. అభ్యర్థులు పది మందికన్న తక్కువగా ఉంటే ఎంత మంది పోటీలో ఉంటే అందరి గుర్తులు ఉండేలా సాంకేతిక చర్యలు తీసుకుంటారు. ఉదాహరణకు 10మంది అభ్యర్థులు పోటీలో ఉంటే 10బటన్లు మాత్రమే పని చేసేలా చేస్తారు. అదే విధంగా పై వారిలో ఎవరు కాదు అనే అనే అంశంలో( నోటా)బటన్‌ కూడా ఉంటుంది. ఇది అభ్యర్థుల అందరి గుర్తు కంటే దిగువన ఉంటుంది. ఎన్నికల అధికారి సీయూలో బ్యాలెట్‌ బటన్‌ నొక్కగానే ఓటు వేసేందుకు వెళ్లిన ఓటరు వద్ద ఉన్న బీయూలోని ‘బిజీ’ బల్బు వెలుగుతుంది. బీయూలోని అభ్యర్థుల గుర్తుల్లో ఎదురుగా ఉన్న బటన్‌ నొక్కితే ఓటు వేసే పక్రియ పూర్తయినట్లు. ఎన్నిక పూర్తి కాగానే బీజీ బల్బు ఆగిపోతుంది. అప్పుడు అధికారి మరో ఓటరును పంపించి ఎన్నికల అధికారి బ్యాలెట్‌ బటన్‌ నొక్కుతాడు. ఇలా మరొకరు ఓటు వేసేందుకు వీలవుతుంది.  సీయూ, బీయూ ధ్రువీకరణ : సీయూ, బీయూ వెనుక వైపున పనిశీలిస్తే ఈవీఎం యంత్రాలు క్యూసీ క్వాలిటీ చెక్‌  జరుగుతుందీ లేనిది తెలుసుకోవచ్చు. వెనుక భాంగాలో అంటించి ఉండే స్టికర్‌పై ఈవీఎం తయారీ సంస్థ ఈసీఎల్‌ ప్రతినిధి, జిల్లా ఎన్నిక అధికారి ఈవీఎం పనితీరు, క్వాలిటీని ధ్రువీకరిస్తూ సంతకాలు చేసి ఉంటాయి.    పకడ్బందీగా పరిశీలన :  ప్రస్తుతం ఈవీఎంల తనిఖీ చాలా వరకు పకడ్బందీగా నిర్వహిస్తున్నారు. ప్రథమ దశలో సజావుగా ఉన్నాయని తెలిపేందుకు పైభాగంలో భారత ప్రభుత్వ లోగోతో  కూడిన పింక్‌ స్టికర్‌       అంటిస్తారు.  ఈవీఎంలపై ఆయా రాజకీయ పార్టీల సందేహాలు, అనుమానాలు నివృతి చేసేందుకు  వీలుగా మాక్‌ పోలింగ్‌ నిర్వహిస్తారు. ఈ మాక్‌ పోలింగ్‌ సందర్భంగా ఆయా పార్టీ అభ్యర్థులు తమకు నచ్చిన గుర్తుపై ఓట్లు వేసి తరువాత పోలైన ఓట్లతో ఏయే గుర్తులకు ఎన్ని ఓట్లు పడ్డాయో సరిచూస్తారు.   నీలి రంగు మూతలు తెరిస్తే ...క్లోజ్‌ , రిజల్స్‌ ,ప్రింట్‌ ,క్లియర్‌ అనే బటన్లు కనిపిస్తాయి. ఆయా సూచికలు సదరు పనిచేస్తాయి.   రివర్స్‌ బటన్‌ నొక్కితే  ఎవరికి ఎన్ని ఓట్లు వచ్చాయో తెలుస్తుంది. ఇవన్ని రిటర్నింగ్‌ అధికారులు నిర్వహించే పనులు కాగా రాజకీయ పార్టీల అనుమానాలు తొలగించేందుకు మాక్‌   పోలింగ్‌లో వాటిద్వారా ఈవీఎం పని తీరు తెలియజేస్తారు. కంట్రోలింగ్‌ యూనిట్‌  కంట్రోలింగ్‌ యూనిట్‌లో ఎరుపు రంగు దీర్ఘ చతురస్రాకారంలో ఉన భాగం ‘‘డిస్‌ప్లే’’ఈ ప్రాతంలో ఎంత మంది ఓటు వేసింది.. ఎప్పటికప్పుడు తెలుపుతుంది. దిగువన నీలి రంగులో చతురస్రాకార భాగాలున్న ప్రాంతంలో ఉన్న››‘క్యాండ్‌ సెట్‌ యూనిట్‌ ’గా వ్యవహరిస్తారు. వీటిని రిటర్నింగ్‌ అధికారి స్థాయిలో పోలింగుకు  ముందు తగిన విధంగా సెట్‌ చేసి ఉపయోగిస్తారు.  

సాక్షి, నేలకొండపల్లి/వైరా: జిల్లా యంత్రాంగం ఎన్నికల నిర్వహణకు పటిష్ట ఏర్పాట్లు చేస్తోంది. ఎన్నికల విధుల్లో భాగంగానే ప్రతీ ఓటరుకు పోల్‌ స్లిప్పులను పంపిణీ చేసేందుకు ఆయా రిటర్నింగ్‌ అధికారుల కార్యాలయాలకు చేరుకున్నాయి. జిల్లాలోని 5 అసెంబ్లీ స్థానాల్లో 10,83,175 మంది ఓటర్లు ఉన్నారు. 1,306 పోలింగ్‌ కేంద్రాలు ఉన్నా యి. 100శాతం ఓటు హక్కును సద్వినియోగం చేసుకునేందుకు స్లిప్పులు ప్రతీ ఓటరుకు చేరేలా చర్యలు తీసుకుంటున్నారు. వీటిని ఆర్‌వో కార్యాలయాల్లో బూత్‌ల వారీగా సిద్ధం చేస్తున్నారు. పోల్‌ స్లిప్పులపై ఫొటోలు ముద్రించడంతో బోగస్‌ ఓట్లను అరికట్టే అవకాశం ఉంది.     బహుముఖ ప్రయోజనాలు: ఓటర్లకు ఫొటోలో కూడా పోల్‌ స్లిప్పులు ఇవ్వటం వల్ల బహుముఖ ప్రయోజనాలు ఉన్నాయి. స్లిప్పు పై ఫొటో, ఓటరు సంఖ్య ఉంటుంది. దీంతో ఓటర్లకు ఎలాంటి గందరగోళం ఉండదు. ఫొటో ఉంటుంది కాబట్టి ఎన్నికల సిబ్బంది సులభంగా గుర్తు పడతారు. ఓటింగ్‌ శాతం పెరిగేందుకు ఈ స్లిప్పులు దోహదపడతాయి.  –దశరథ్, పాలేరు రిటర్నింగ్‌ అధికారి  పోల్‌ స్లిప్పు తీసుకోవాలి: రాష్ట్ర ఎన్నికల సంఘం ముద్రించిన ఓటరు చిట్టీల ను ప్రతీ ఓటరు తీసుకోవాలి. బూత్‌ లెవల్‌ అధికారుల ద్వారా పంపిణీ చేస్తున్నాం. కొత్తగా నమోదైన ఓటర్లను స్మార్ట్‌ ఓటరు కార్డులు కూడా అం దించనున్నాం. బూత్‌ లెవల్‌ అధికారులతో పాటు నోడల్‌ అధికారులు కూడా ఓటరు చిట్టీల పంపిణీలో పాల్గొననున్నారు.   –రవీందర్, ఎన్నికల డిప్యూటీ తహసీల్దార్, వైరా   ప్రతీ ఓటరుకు..  పోలింగ్‌ చిట్టీలు ప్రతి ఒక్కరికీ అందేలా ప్రత్యేక చర్యలతో గతంలో ప్రజా ప్రతినిధులకు అందించే పద్ధతిని తొలగించారు. వారికి సైతం ఫొటోలతో ఉన్న పోలింగ్‌ చిట్టీలకు సంబంధించిన వివరాలు ఇవ్వడం లేదు. నేరుగా ఆయా పోలింగ్‌ బూత్‌లకు కేటాయించిన బూత్‌ లెవల్‌ అధికారులతో పంపిణీ చేసేందుకు చర్యలు తీసుకుంటున్నారు. డిసెంబర్‌ 1వ తేదీ నాటికి ప్రతీ ఓటరుకు తమ ఓటరు చిట్టీలు అందించడంతో పాటు,  అందని వారికి ఎన్నికల సమయంలో పోలింగ్‌ కేంద్రాల వద్ద పంపిణీ చేయనున్నారు.    గతం కన్నా భిన్నంగా...  గత ఎన్నికల సమయంలో పోల్‌ చిట్టీల కన్నా ప్రస్తుత పోలింగ్‌ చిట్టీలు భిన్నంగా ఉన్నాయి. ప్రతీ ఓటరు చిట్టీపై వారి ఫొటో ఉంటుంది. దీంతో పాటు పోలింగ్‌ ఏజెంట్‌ గుర్తుంచుకునేందుకు ఇబ్బందులు తీరాయి. గతంలో పంపిణీ చేసిన చిట్టీలపై ఫొటో ఉండేది కాదు. దీంతో ఓటింగ్‌ సమయంలో ఏజెం ట్లు గుర్తుపట్టేవారు. ఇక నుంచి ఓటర్లకు ఇబ్బంది ఉండదు. వీటితో పాటు పోలింగ్‌ కేంద్రం ఎక్కడ ఉంది, తదితర వివరాలు కూడా పొందుపరిచారు. ఓటరు నేరుగా తమకు కేటాయించిన పోలింగ్‌ కేంద్రానికి చేరుకునేలా చిరునామా పొందుపరిచారు.   

సాక్షి, న్యూఢిల్లీ : మధ్యప్రదేశ్‌, మిజోరాంలలో అసెంబ్లీ ఎన్నికల పోలింగ్‌ ముగిసింది. బుధవారం ఉదయం 8 గంటలకు ప్రారంభమైన పోలింగ్‌ సాయంత్రం 5 గంటలకు ముగిసింది. మధ్యప్రదేశ్‌లో 65.5 శాతం పోలింగ్‌ నమోదవగా, మిజోరంలో 73 శాతం పోలింగ్‌ జరిగింది. మధ్యప్రదేశ్‌ అసెంబ్లీ ఎన్నికల్లో 230 స్దానాలకు గాను మొత్తం 2899 మంది అభ్యర్ధులు బరిలో నిలవగా 1094 మంది స్వతంత్ర అభ్యర్ధులుగా తమ అదృష్టం పరీక్షించుకోనున్నారు. కాంగ్రెస్‌, బీజేపీలు హోరాహోరీగా తలపడిన ఈ ఎన్నికల్లో 5.4 కోట్ల మంది ఓటర్లు ఆయా పార్టీల భవితవ్యాన్ని ఈవీఎంల్లో నిక్షిప్తం చేశారు.  వరుసగా నాలుగోసారి పాలనాపగ్గాలు అందుకునేందుకు పాలక బీజేపీ అత్యంత ప్రతిష్టాత్మకంగా ఎన్నికల్లో తలపడగా, ప్రభుత్వ వ్యతిరేకతను అందిపుచ్చుకుని  ఎలాగైనా అధికారంలోకి రావాలని విపక్ష కాంగ్రెస్‌ సర్వశక్తలూ ఒడ్డింది. ఇక మధ్యప్రదేశ్‌లో బీజేపీ నాలుగోసారి తిరిగి అధికారం చేపడుతుందని సీఎం శివరాజ్‌ సింగ్‌ చౌహాన్‌ ధీమా వ్యక్తం చేశారు. 200 సీట్లు లక్ష్యంగా ఈసారి తమ పార్టీ పోరాడిందని, ఈ లక్ష్యాన్ని అధిగమించేందుకు తమ కార్యకర్తలు కృషిచేశారన్నారు. మొరాయించిన ఈవీఎంలు పోలింగ్‌ సందర్భంగా పలుచోట్ల సాంకేతిక సమస్యలతో ఈవీఎంలు మొరాయించాయి. మధ్యప్రదేశ్‌లో దాదాపు 100కుపైగా ఈవీఎంలను మార్చినట్టు ఈసీ వర్గాలు వెల్లడించాయి. ఈవీఎంల్లో సమస్యలు తలెత్తడంతో పలు ప్రాంతాల్లో పోలింగ్‌ ఆలస్యంగా ప్రారంభమైందని అధికారులు తెలిపారు. కాగా సెంధ్వా అసెంబ్లీ నియోజకవర్గం పరిధిలోని జాప్డి పడ్లా గ్రామంలో ఇతరులు పోలింగ్‌ బూత్‌ల వద్దకు వచ్చారని ఆరోపిస్తూ స్దానికులు ఆందోళనకు దిగారు. ఆందోళనకారులు రెండు బైక్‌లకు నిప్పంటించారు. పోలింగ్‌ విధుల్లో అధికారుల మృతి మధ్యప్రదేశ్‌ అసెంబ్లీ ఎన్నికల పోలింగ్‌ విధుల్లో భాగంగా గుణలో ఓ ఎన్నికల కమిషన్‌ అధికారి, ఇండోర్‌లో ఇద్దరు అధికారులు గుండె పోటుతో మరణించారు. మరణించిన అధికారులకు రూ 10 లక్షల పరిహారం ప్రకటించారు. మిజోరంలో.. మిజోరం అసంబ్లీ ఎన్నికల్లో 73 శాతం ఓటింగ్‌ నమోదైంది. నాలుగు గంటలకే పోలింగ్‌ ముగిసినా ఓటు హక్కు వినియోగించుకునేందుకు పెద్దసంఖ్యలో ఓటర్లు పోలింగ్‌ కేంద్రాల వద్ద బారులు తీరడంతో ఓటింగ్‌ శాతం మరింత పెరుగుతుందని అధికారులు పేర్కొన్నారు. 40 అసెంబ్లీ నియోజకవర్గాల్లో పోలింగ్‌ ప్రశాంతంగా ముగిసింది. ముఖ్యమంత్రి లాల్‌ తన్వాలా పోటీ చేస్తున్న సెర్చిప్‌ స్ధానంలో అత్యధికంగా 81 శాతం పోలింగ్‌ నమోదైందని రాష్ట్ర ఎన్నికల ప్రధానాధికారి అశిష్‌ కుంద్రా తెలిపారు. త్రిపుర సరిహద్దులోని కన్హుమన్‌ గ్రామంలో త్రిపుర క్యాంప్స్‌లోని బ్రూ శరణార్ధులు 52 శాతం మేర ఓటు హక్కు వినియోగించుకున్నారని చెప్పారు.

సాక్షి, ఖమ్మంరూరల్‌: సార్వత్రిక ఎన్నికల పోలింగ్‌ గడువు సమీపిస్తున్న కొద్దీ..ఇటు ప్రచారం ఊపందుకుంటుండగా, బరిలో నిలిచిన అభ్యర్థులకు మాత్రం అదనపు ఖర్చులు పెరుగుతున్నాయి. అవి తడిసి మోపెడవుతున్నాయి. జిల్లాలోని ప్రధాన పార్టీలకు సంబంధించి కొందరు అభ్యర్థుల ఖర్చు అంతకంతకూ పెరుగుతోంది. ఇంకా రెట్టింపయ్యే అవకాశాలు మెండుగా ఉన్నాయి. గెలుపును సవాల్‌గా తీసుకున్న నేతలు వెనుకాడడంలేదు. గెలుపుపై దృష్టి సారించారు. ఇప్పటికే పార్టీల అభ్యర్థులు  తమ అనుచరులు, బయటి వ్యక్తులతో గుటుట్చప్పుడు కాకుండా అవసరమైన నిధులను సమకూర్చుకుంటున్నారు. ఎన్నిడబ్బులు ఖర్చుపెట్టినా ప్రచా రం ఏస్థాయిలో చేశారన్నదానిపైనే గెలుపోటములు ఆధాపడి ఉంటాయని భావించి ఆ స్థాయిలో వెచ్చించేస్తున్నారు. ప్రచారానికి అధిక ప్రాధాన్యం ఇస్తున్నవారు డబ్బుల విషయంలో వెనుకాడట్లేదు. వాల్‌పోస్టర్లు, డోర్‌స్టిక్కర్లు, జెండాలు, టోపీలు, కండువాలు, టీషర్ట్స్, చొక్కాలు ఇతర ప్రచార సామగ్రికి ప్రధాన పార్టీల అభ్యర్థి రూ.5లక్షలకు పైగా ఖర్చు చేస్తున్నట్లు తెలిసింది. ప్రచారానికి ఆటోలు ఉపయోగిస్తున్నారు. ఒక్కో ఆటో కిరాయి రోజుకు రూ.600. డీజిల్‌ ఖర్చు కూడా అభ్యర్థులే భరిస్తున్నారు. డ్రైవర్‌తో పాటు వాహనంలో అభ్యర్థికి సంబంధించిన వారు ఉంటారు. వీరికి భోజనంతోపాటు సదరు రూ.300నుండి రూ.400 వరకు చెల్లిస్తున్నారు. మైక్‌సెట్‌ అద్దె రోజుకు రూ.800నుంచి1000 వరకు ఉంటోంది. కొందరు నాయకులు ప్రత్యేకంగా పాటలు రూపొందించుకుంటున్నారు. రోడ్‌షోలకు కొందరు నాయకులు కొత్త వాహనాలు కొంటున్నారు. ఈమొత్తం ప్రక్రియకు లక్షలు ఖర్చు చేస్తున్నారు.   అంతా ప్రచారజపమే..   ఖమ్మంసహకారనగర్‌: ఎన్నికల సమయం సమీపిస్తుండడంతో బరిలో ఉన్న వివిధ పార్టీల అభ్యర్థులు దొరికిన వారందరినీ ప్రచారానికి వినియోగించుకుంటున్నారు. కుటుంబ సభ్యులతో పాటు స్నేహితులు, బంధువులు, సన్నిహితులను ప్రధాన వ్యూహకర్తలుగా ఉపయోగిస్తున్నారు. జిల్లా కేంద్రమైన ఖమ్మం నియోజకవర్గంలో రెండు మండలాలే ఉండగా మిగతా నియోజకవర్గాలకు ఒక్కొక్క నియోజకవర్గానికి నాలుగు నుంచి ఐదు మండలాలు ఉన్నాయి. ఇక్కడ తమ ప్రచారాన్ని వాహనాల ద్వారా చేస్తుండగా ఖాళీ సమయాల్లో అభ్యర్థులు, వారి అనుయాయులు గ్రామాల్లోని నాయకులతో సమావేశాలు ఏర్పాటు చేస్తున్నారు. బరిలో ఉన్న అభ్యర్థులు తొలుత ఆయా ప్రాంతాల వారీగా ముఖ్య నాయకులు, అనుచరులతో ముందస్తుగా సమావేశం అవుతున్నారు. అనంతరం వారిచ్చే సలహాలు సూచనలతో పాటు వారి ఆలోచనల ప్రకారం తేదీని నిర్ణయించి ప్రచార సభలు ఏర్పాటు చేస్తున్నారు. ఉదయం, సాయంత్రం వేళల్లో వీటిని నిర్వహిస్తున్నారు. గ్రామాల్లో కూలీలు అధికంగా ఉండడంతో వారిని ఆకట్టుకునేందుకు, కలిసేందుకు ఆసక్తి చూపుతున్నారు. తాము చేసిన, చేయబోయే కార్యక్రమాలను సభల్లో ప్రజలకు వివరిస్తున్నారు. ఫేస్‌బుక్, వాట్సాప్‌లలో సైతం అభ్యర్థుల ప్రచార కార్యక్రమాలను తెలియజేయడంతో పాటు వారిని గెలిపించాలని కోరుతూ కొద్దిమంది వాట్సాప్‌ గ్రూప్‌లు ఏర్పాటు చేసి ప్రచారంలో ముందుకెళ్తున్నారు. నేరుగా అభ్యర్థులు కూడా సందేశాలు పంపించే సంస్కృతి ఉంది. ఒక అభ్యర్థి పోస్టర్‌ ఎక్కడ వేస్తే మరో అభ్యర్థి పోస్టర్లు, అక్కడ, ఆ సమీపంలో వేస్తూ ప్రచారంలో ఒకరికి ఒకరు సై అంటే సై అంటూ దూసుకెళ్తున్నారు.     ఖర్చుకు వెనుకాడకుండా..  అప్పులు చేసైనా, బంగారం తాకట్టుపెట్టి అయినా..లేదా బంగారు ఇచ్చయినా ఓట్లు పడేలా చూసుకోవాలనేలా కొందరు డబ్బు విషయంలో భయపడకుండా వెచ్చిస్తున్నారు. ఏ పార్టీకి ఎంతబలం ఉంది..ఎన్ని ఓట్లు వచ్చే అవకాశం ఉందని ఓ అంచనాకు వచ్చినట్లు తెలిసింది. గెలవాలంటే ఇంకెన్ని ఓట్లు అవసరం అవుతాయని లెక్కలు కడుతున్నారు. ఈ మేరకు ఓటర్లకు గాలం వేసేందుకు ప్రణాలిక రూపొందిస్తున్నారు. ప్రత్యర్థి ఎంతముట్టచెబితే  అంతకంటే ఎక్కుగా ఓటర్లకు  ఇవ్వాలన్నా నిర్ణయానికి వచ్చినట్లు తెలిసింది. అంతేగాక ఏస్థాయిలో మద్యం, తాయిలాలు వంటివి ఎరవేయాలనేది అంచనా వేస్తున్నారు. ఇదంతా జరిగితే అభ్యర్థుల ఖర్చుకు ఇక అంతే ఉండదు. ప్రచారానికి తిరిగే సమయంలో వందల సంఖ్యలో జనం, కార్యక్తలు ఉండేటట్లు చూసుకుంటున్నారు. వీరిలో ఎక్కువమంది దినసరి కూలీలనేది ఓ విమర్శ. వీరికి మధ్యాహ్నం భోజనం అందిస్తూ, సాయంత్రం వేళ మద్యం కూడా పంపిణీ చేస్తున్నారు.    

సాక్షి, సిటీబ్యూరో: ఇప్పటి వరకు ఓటర్ల జాబితా తదితర కార్యక్రమాలపై శ్రద్ధ చూపిన హైదరాబాద్‌ జిల్లా ఎన్నికల అధికారులు ఇక పోలింగ్‌ కేంద్రాల వద్ద వసతులపై దృష్టి సారించారు. కనీస సదుపాయాలైన తాగునీరు, టాయిలెట్లు, కరెంట్, ఫ్యాన్లు, దివ్యాంగులకు అవసరమైన ర్యాంపులు ఏర్పాటు చేస్తున్నారు. మొత్తం 1,500 పైచిలుకు ప్రాంతాల వద్ద  పోలింగ్‌ కేంద్రాల్లో దివ్యాంగుల కోసం ర్యాంపుల నిర్మాణం చేపట్టారు. 1,413 ప్రాంతాల్లో ర్యాంపుల నిర్మాణం పురోగతిలో ఉందని అధికారులు పేర్కొన్నారు. వీటితోపాటు ప్రతి పోలింగ్‌ కేంద్రంలో అవసరమైన ట్యూబ్‌లైట్లు, ఫ్యాన్లు, ఎక్స్‌టెన్షన్‌ బాక్సులు అద్దెకు తీసుకోనున్నారు. 8,844 లైట్లు, 1,694 ఫ్యాన్లు, 4,058 స్పైక్‌లు అవసరమవుతాయనే అంచనాతో  దాదాపు రూ.71.59 లక్షలు అవసరమని అధికారులు అంచనా వేశారు టాయిలెట్‌ సదుపాయం లేని చోట వాటిని నిర్మించనున్నట్లు పేర్కొన్నారు. ఆయా కేంద్రాల్లో అవసరాన్ని బట్టి ఒకటి నుంచి మూడు ర్యాంపుల వరకు నిర్మిస్తున్నారు. పోలింగ్‌ ప్రదేశాల్లో కనీసం ఒక్క వీల్‌చైర్‌ అయినా అందుబాటులో ఉంచడంతో పాటు అవసరమనుకున్న ప్రాంతాల్లో మూడు వీల్‌చైర్లు ఉంచనున్నారు.  

సాక్షిప్రతినిధి, నల్లగొండ : ఒకసారి ఎన్నికల్లో గెలిచి ఎమ్మెల్యే కావడమే కష్టంగా భావిస్తున్న క్రమంలో వరసగా మూడు విజయాలు సాధిస్తే.. ఆ విజయాలను తక్కువగా అంచనా వేయలేం. మూడు దాటి నాలుగు, ఐదు, ఆరు, ఏడు సార్లు కూడా గెలుపొందిన నేతలు జిల్లాలో ఉన్నారు. ఉమ్మడి జిల్లాలోని పన్నెండు నియోజకవర్గాలకు గాను 11 నియోజకవర్గాల్లో పదిహేను మంది నేతలు హ్యాట్రిక్‌ విజయాలు సాధించారు. రద్దయిన రామన్నపేట నియోజకవర్గంలోనూ ఇద్దరు నాయకులు వరుసగా మూడేసి సార్లు విజయాలు సాధించారు. ఒక్క సూర్యాపేటలోనే వరుసగా మూడు పర్యాయలు గెలిచిన వారు లేకుండా పోయారు. సీపీఎం నుంచి ఉప్పల మల్సూరు ఈ నియోజకవర్గం నుంచి నాలుగు సార్లు ఎమ్మెల్యేగా పనిచేసినా ఆయన వరుస ఎన్నికల్లో గెలవక పోవడంతో హ్యాట్రిక్‌ దక్కలేదు. ఈసారి ఎన్నికల్లో వరుసగా మూడో విజయం కోసం ఎదురు చూస్తున్న అభ్యర్ధి ఒక్కరూ లేకపోవడం గమనార్హం. మూడో విజయం కోసం  ఆశపడుతున్న వారున్నా.. వారు వరుస విజయాలు సాధించిన వారు కారు. కాంగ్రెస్‌ అభ్యర్థులు జానారెడ్డి వరసగా ఐదో విజయంపై, మొత్తంగా ఎనిమిదో గెలుపు కోసం ఎదురు చూస్తుండగా, ఉత్తమ్‌ కుమార్‌ రెడ్డి, కోమటిరెడ్డి వెంకటరెడ్డి ఐదో విజయం కోసం ఈసారి బరిలో పోరాడుతున్నారు.   పాల్వాయి గోవర్ధన్‌రెడ్డి   (మునుగోడు) : ఒకే నియోజకవర్గం నుంచి ఐదు పర్యాయలు విజయాలు సొంతం చేసుకున్న పాల్వాయి గోవర్ధన్‌రెడ్డి కాంగ్రెస్‌ తరఫున హ్యాట్రిక్‌ పొందారు. ఆయన 1967, 1972, 1978, 1983లో వరుసగా నాలుగు సార్లు గెలిచారు.   ఉజ్జిని నారాయణరావు (మునుగోడు) : పాల్వాయి గోవర్ధన్‌ రెడ్డి తర్వాత మునుగోడు నుంచి  ఉజ్జిని నారాయణరావు సీపీఐ తరఫున వరుసగా ఎన్నికల్లో గెలిచారు. ఆయన 1985, 1989, 1994 ఎన్నికల్లో గెలిచి హ్యాట్రిక్‌ సాధించారు. ఎలిమినేటి మాధవరెడ్డి   (భువనగిరి) : జిల్లా రాజకీయాల్లో చెరగని ముద్ర వేసిన ఎలిమినేటి మాధవరెడ్డి టీడీపీ తరఫున భువనగిరి నుంచి వరుసగా నాలుగు ఎన్నికల్లో గెలిచారు. ఆయన  1985, 1989, 1994, 1999 ఎన్నికల్లో విజయాలు సాధించారు.  ఎలిమినేటి ఉమా మాధవరెడ్డి (భువనగిరి) : ఎలిమినేటి మాధవరెడ్డి నక్సలైట్ల చేతిలో హత్యకు గురి కావడంతో ఈ నియోజకవర్గం నుంచి ఆయన భార్య ఉమామాధవరెడ్డి 2000 సంవత్సరంలో జరిగిన ఉప ఎన్నికల్లో గెలిచారు. ఆ తర్వాత ఆమె వరుసగా 2004, 2009 ఎన్నికల్లోనూ గెలిచి హ్యాట్రిక్‌ విజయాలు సొంతం చేసుకున్నారు.   నర్రా రాఘవరెడ్డి  (నకిరేకల్‌) : సీపీఎంకు తిరుగులేని విజయాలు సాధించి పెట్టిన నియోజకవర్గాల్లో నకిరేకల్‌ ఒకటి. ఆ పార్టీ నుంచి నర్రా రాఘవరెడ్డి ఏకంగా వరుసగా ఐదు పర్యాయాలు గెలిచారు. మొత్తంగా ఆరు సార్లు ఎమ్మెల్యేగా ప్రాతినిధ్యం వహించారు. నర్రా వరుసగా .. 1978, 1983, 1985, 1989, 1994 ఎన్నికల్లో విజయాలు సాధించారు. రాంరెడ్డి దామోదర్‌రెడ్డి  (తుంగతుర్తి) : మొత్తంగా ఐదు పర్యాయాలు ఎమ్మెల్యేగా గెలిచిన రాంరెడ్డి దామోదర్‌ రెడ్డి తుంగతుర్తి నియోజకవర్గం నుంచి హ్యాట్రిక్‌ సాధించారు. ఆయన 1985, 1989లో కాంగ్రెస్‌ తరఫున, 1994లో ఇండిపెండెంట్‌గా గెలుపొందారు. ఆ తర్వాత ఇదే స్థానం నుంచి 2004లో, సూర్యాపేట నుంచి 2009లో కూడా ఎమ్మెల్యేగా గెలిచారు.  ఆరుట్ల కమలాదేవి  (ఆలేరు ) : ఆలేరు నియోజకవర్గానికి జరిగిన తొలి ఎన్నికల నుంచి వరుసగా మూడు సార్లు ఆరుట్ల కమలాదేవి ఎమ్మెల్యేగా గెలిచారు. ఆమె 1952, 1957 ఎన్నికల్లో పీడీఎఫ్‌ అభ్యర్థిగా 1962లో సీపీఐ తరఫున పోటీ చేసి విజయాలు సాధించారు.  మోత్కుపల్లి  నర్సింహులు (ఆలేరు) : ఆలేరు నియోజకవర్గం నుంచి రెండో హ్యాట్రిక్‌ కూడా నమోదైంది. మోత్కుపల్లి నర్సింహులు ఇక్కడి నుంచి వరుసగా ఐదు సార్లు గెలుపొందారు. ఆయన 1983, 1985లో టీడీపీ అభ్యర్థిగా, 1989లో ఇండిపెండెంటుగా, తిరిగి 1994 లో టీడీపీ నుంచి, 1999లో కాంగ్రెస్‌ నుంచి గెలిచారు.   బద్దూచౌహాన్‌  (దేవరకొండ)  : స్థానికేతరుడైన బద్దూ చౌహాన్‌ ఎస్టీ రిజర్వుడు స్థానమైన దేవరకొండ నుంచి మూడు సార్లు గెలిచారు. సీపీఐ తరఫున ఆయన 1985, 1989, 1994 ఎన్నికల్లో దేవరకొండకు ప్రాతినిధ్యం వహించారు.  నిమ్మల రాములు  (నాగార్జున సాగర్‌): నాగార్జున సాగర్‌ నియోజకవర్గం చలకుర్తిగా ఉండిన సమయంలో నిమ్మల రాములు హ్యాట్రిక్‌ విజయాలు సాధించారు. 1962లో పెద్దవూర నియోజకవర్గంగా ఉన్నా, 1967లో చలకుర్తి నియోజకవర్గంగా మారింది. నిమ్మల రాములు1967లో ఇండిపెండెంట్‌గా, 1972,1978 ఎన్నికల్లో కాంగ్రెస్‌ తరఫున గెలిచారు.   కుందూరు జానారెడ్డి  (నాగార్జునసాగర్‌) : రాష్ట్రంలో మెజారిటీ విజయాలు సాధించిన జాబితాలో తొలి నేతగా ఉన్న కుందూరు జానారెడ్డి మొత్తంగా ఇప్పటి వరకు ఏడు పర్యాలు అసెంబ్లీ ఎన్నికల్లో నెగ్గారు. చలకుర్తి నియోజకవర్గంగా ఉన్నప్పుడు 1983, 1989 ఎన్నికల్లో టీడీపీ నుంచి, 1989 ఎన్నికల్లో కాంగ్రెస్‌ నుంచి వరుసగా గెలుపొందారు. 1994 ఎన్నికల్లో ఓడిపోయిన ఆయన తిరిగి 1999, 2004, 2009 ఎన్నికల్లో కాంగ్రెస్‌ అభ్యర్థిగా రెండోసారి హ్యాటిక్‌ సాధించారు. 2009లో చలకుర్తి రద్దయి నాగార్జున సాగర్‌ నియోజకవర్గం ఏర్పడగా,  జానారెడ్డి 2014 ఎన్నికల్లోనూ విజయం సాధించారు. ఇప్పుడు 2018 ఎన్నికల్లోనూ కాంగ్రెస్‌ అభ్యర్థిగా ఉన్నారు.  తిప్పన చిన కృష్ణారెడ్డి మిర్యాలగూడ : కాంగ్రెస్, కమ్యూనిస్టులు మాత్రమే ఇప్పటిదాకా విజయాలు సాధించిన మిర్యాలగూడ నియోజకవర్గంలో కాంగ్రెస్‌ తరఫున తిప్పన చిన కృష్ణారెడ్డి 1962, 1967, 1972 ఎన్నికల్లో వరుసగా గెలిచి హ్యాట్రిక్‌ సాధించారు.   ఉత్తమ్‌ కుమార్‌రెడ్డి  హుజూర్‌నగర్‌ : టీ పీసీసీ సారథి కెప్టెన్‌ ఉత్తమ్‌ కుమార్‌ రెడ్డి హ్యాట్రిక్‌ విజయం సాధించారు. తొలుత ఆయన కోదాడ నియోజకవర్గం నుంచి 1999, 2004, హుజూర్‌నగర్‌ (2009లో ఏర్పాటైంది) నుంచి 2009, 2014 ఎన్నికల్లో విజయం సాధించారు.   వేనేపల్లి చందర్‌రావు  (కోదాడ) : కోదాడ నియోజకవర్గం నుంచి మొత్తంగా నాలుగు విజయాలు సాధించిన వేనేపల్లి చందర్‌రావు టీడీపీ నుంచి వరుసగా 1985, 1989, 1994 ఎన్నికల్లో గెలుపొంది హ్యాట్రిక్‌ జాబితాలో చేరారు.  కోమటిరెడ్డి వెంకట్‌రెడ్డి  (నల్లగొండ ) : ఎన్నికల్లో పోటీ చేసిన తొలిసారి నుంచి ఇప్పటిదాకా ఒక్క ఎన్నికల్లోనూ కోమటిరెడ్డి వెంకట్‌రెడ్డి ఓడిపోలేదు. వరుసగా గెలుపొందారు. ఇప్పుడు ఐదో విజయంపై కన్నేసిన ఆయన కాంగ్రెస్‌నుంచి వరుసగా 1999, 2004, 2009, 2014 ఎన్నికల్లో విజయాలు సాధించారు.  రద్దయిన రామన్నపేట నుంచి  2009 సార్వత్రిక ఎన్నికల నుంచి రామన్నపేట నియోజకర్గం నుంచి కూడా ఇద్దరు నేతలు హ్యాట్రిక్‌ విజయాలు సాధించారు. కె.రామచంద్రారెడ్డి : రామన్నపేట నియోజకవర్గం నుంచి కె.రామచంద్రారెడ్డి 1952, 1957, ఎన్నికల్లో పీడీఎఫ్‌ అభ్యర్థిగా, 1962లో సీపీఐ నుంచి గెలిచి హ్యాట్రిక్‌ సాధించారు.గుర్రం యాదగిరిరెడ్డి : రద్దయ్యే వరకు ఈ నియోజకవర్గం నుంచి కేవలం కమ్యూనిస్టులు, కాంగ్రెస్‌ అభ్యర్థులు మాత్రమే విజయాలు సాధించారు. కాగా, గుర్రం యాదగిరి రెడ్డి సీపీఐ అభ్యర్థిగా .. 1985, 1989, 1994 ఎన్నికల్లో వరుస విజయాలు సాధించారు.      మరిన్ని వార్తాలు...

సాక్షి, వైరా: ఎన్నికల విధుల్లో పబ్లిక్‌ సర్వెంట్‌ అనే పదానికి సాధారణ అర్థం పోలీసు అధికారి అని కాదని ఎన్నికల సంఘం స్పష్టం చేసింది. యూనిఫాంలో ఉన్నా, లేకపోయినా పోలీసులకు పోలింగ్‌ బూత్‌లోకి వెళ్లడానికి అనుమతి లేదు. అవసరమైన పక్షంలో శాంతి భద్రతల పరిరక్షణ కోసం ఎన్నికల అధికారి పిలిస్తే తప్ప ఏ ప్రత్యేక కారణం లేకుండా పోలింగ్‌ బూత్‌లోకి వెళ్లడం నిషేధం.   పోటీ చేసే అభ్యర్థికి జడ్‌ ప్లస్‌ కేటగిరీ రక్షణ ఉన్నప్పటికీ రక్షణ సిబ్బందికి పోలింగ్‌ బూత్‌లోకి అనుమతి లేదు. అభ్యర్థితో పాటు మఫ్టీలో ఉన్న ఒకే భద్రతా సిబ్బంది మాత్రమే వెళ్లడానికి అనుమతిస్తారు.    కేంద్ర, రాష్ట్ర ప్రభుత్వాల కేబినెట్, స్టేట్‌ మంత్రులు, ఉపమంత్రులకు ప్రజల ఖర్చుతో భద్రత ఉంటుంది. వీరికి తమ వెంట వచ్చే భద్రత సిబ్బందికి కూడా ప్రవేశం లేదు. భద్రత సిబ్బంది తలుపు బయట ఆగిపోవాలి. అక్కడ ఎవరికి ఇబ్బంది కల్గించే పని మంత్రి వెంట ఉన్న సిబ్బంది చేయరాదు.    పోలింగ్‌ సిబ్బంది తమపై ఎన్నికల అధికారులు ఆదేశాలను మాత్రమే అనుసరించాలి. రాజకీయ నాయకులు, మంత్రుల మాటలను పట్టించుకోవద్దు. ఎన్నికల కమిషన్‌ ఆజ్ఞా పత్రం ఉంటే తప్ప పోలింగ్‌ బూత్‌లోకి రావడానికి వీలులేదు. అక్కడ ఓటర్లను ప్రభావితం చేసే విధంగా ప్రవర్తించరాదు. మాటలు, సైగలు చేసినా నేరం కిందకే వస్తుంది.  

సాక్షిప్రతినిధి, నల్లగొండ : ఎన్నికల తేదీ దగ్గర పడే కొద్దీ ప్రచార రంగం మరింత వేడెక్కుతోంది. ఉమ్మడి జిల్లా వ్యాప్తంగా పన్నెండు నియోజకవర్గాల్లో ఆయా పార్టీల అభ్యర్థులు నువ్వా–నేనా అన్న చందంగా ప్రచారం చేస్తున్నారు. ప్రచారానికి కేవలం పది రోజుల సమయం మాత్రమే మిగిలి ఉండడంతో ఒక విధంగా సర్వ శక్తులు ఒడ్డుతున్నారు. ఈసారి ఎన్నికల్లో ఏకంగా ఆరుగురు మాజీ మంత్రులు తమ అదృష్టాన్ని పరీక్షించుకుంటున్నారు. దీంతో వారు పోటీ చేస్తున్న నియోజకవర్గాల్లో ఎన్ని కలు కీలకంగా మారాయి. మాజీ అమాత్యులపై పోటీ పడుతున్న వారూ అనూహ్యంగా విజయం సొంతం చేసుకోవాలని శ్రమ పడుతున్నారు. దీంతో ప్రచారం వేడివేడిగా సాగుతోంది. పార్టీ కార్యకర్తలు, ద్వితీయ శ్రేణి నాయకులను మాత్రమే కాకుండా, పలువురు తమ తరఫున ప్రచారం చేసేం దుకు కుటుంబ సభ్యులను రంగంలోకి దింపారు.  హాట్‌ టాపిక్‌గా .. ఐదు చోట్ల ఎన్నికలు  ఉమ్మడి నల్లగొండ జిల్లాలో మాజీ మంత్రులు పోటీ చేస్తున్న ఆ ఐదు నియోజకవర్గాలు హాట్‌ టాపిక్‌గా మారాయి. సూర్యాపేట నియోజకవర్గంలో ఆపద్ధర్మ మంత్రి జగదీశ్‌రెడ్డి టీఆర్‌ఎస్‌ అభ్యర్థిగా రెండో సారి అదృష్టాన్ని పరీక్షించుకుంటున్నారు. తొలిసారి ఎమ్మెల్యేగా గెలిచిన వెంటనే  కేసీఆర్‌ కేబినెట్‌లో అవకాశం దక్కించుకున్న జగదీశ్‌రెడ్డి ఈ సారి గెలుపును సవాల్‌గా తీసుకుని శ్రమిస్తున్నారు. ఇదే నియోజకవర్గం నుంచి మాజీ మంత్రి ఆర్‌.దామోదర్‌ రెడ్డి కాంగ్రెస్‌ అభ్యర్థిగా బరిలో ఉన్నారు. ఇప్పటికే ఐదు సార్లు అసెంబ్లీకి ఎన్నికైన దామోదర్‌ రెడ్డి సూర్యాపేట నుంచి 2009లో ప్రాతినిధ్యం వహించారు. గత సార్వత్రిక ఎన్నికల్లో ఓడిపోయిన ఆయన ఈసారి గెలుపుపై దృష్టి పెట్టారు. హుజూర్‌నగర్‌ నియోజకవర్గం నుంచి హ్యాట్రిక్‌ విజయంపై, మొత్తంగా ఐదో విజయంపై కన్నేసిన టీపీసీసీ చీఫ్‌ ఉత్తమ్‌ కుమార్‌ రెడ్డి ఈ ఎన్నికను కీలకంగా భావిస్తున్నారు. 2009 –2014 లో కాంగ్రెస్‌ ప్రభుత్వంలో, ఉమ్మడి ఏపీ ఆఖరి సీఎం కిరణ్‌కుమార్‌ రెడ్డి కేబినెట్‌లో మంత్రిగా పనిచేసిన ఉత్తమ్‌ కుమార్‌రెడ్డికి ఈ సారి ఎన్నిక సవాల్‌గా మారింది. అత్యధిక కాలం మంత్రిగా పనిచేసిన రికార్డున్న కాంగ్రెస్‌ సీనియర్‌ నేత కుందూరు జానారెడ్డి నాగార్జున సాగర్‌ నుంచి ఎనిమిదో విజయం కోసం శ్రమిస్తున్నారు. ఈసారి ఎన్నికను ఆయన మరింత ప్రతిష్టాత్మకంగా తీసుకున్నారు. తెలంగాణ ఉద్యమ సమయంలో ప్రత్యేక తెలంగాణ కోసం మంత్రి పదవికి రాజీనామా చేసిన కోమటిరెడ్డి వెంకట్‌రెడ్డి నల్లగొండలో ఐదో విజయంపై కన్నేశారు. 2009లో కాంగ్రెస్‌ ప్రభుతంలో వైఎస్‌ రాజశేఖరరెడ్డి కేబినెట్‌లో ఆయన మంత్రిగా పనిచేశారు. తెలంగాణ కోసం పదవీ త్యాగం చేసి 2014 ఎన్నికల్లో విజయం సాధించారు. జిల్లాలో మరో సీనియర్‌ రాజకీయ నాయకుడు , మాజీ మంత్రి మోత్కుపల్లి నర్సింహులు మరోసారి ఆలేరు నుంచి అదృష్టాన్ని పరీక్షించుకుంటున్నారు. ఆయన ఇక్కడ నుంచి ఐదు పర్యాయాలు, తుంగతుర్తి నుంచి ఒకసారి గెలిచారు. ఎన్నికలకు కొద్ది నెలల ముందు ఆయన టీడీపీ నుంచి బయటకు వచ్చిన ఆయన ఆలేరు నుంచి పోటీకి దిగుతున్నారు. ఈ సారి ఆయనకు బీఎల్‌ఎఫ్‌ మద్దతు ఇస్తోంది. సుదీర్ఘ కాలం ఆలేరుకు ప్రాతినిధ్యం వహించిన నర్సింహులు ఆలేరు అభివృద్ధి కోసం తనను గెలిపించాలని కోరుతున్నారు. మొత్తంగా జిల్లాలోని పన్నెండు నియోజకవర్గాల్లో ఐదు నియోజకవర్గాల్లో ఐదుగురు మాజీ మంత్రులు, ఒక ఆపద్ధర్మ మంత్రి అదృష్టాన్ని పరీక్షించుకుంటున్నారు.  అదనపు బాధ్యతలతో.. ఒత్తిడి  ఈ ఎన్నికల్లో ఐదు స్థానాల్లో పోటీ పడుతున్న మంత్రులుగా చేసిన ఆరుగురిలో ఐదుగురిపై అదనపు బాధ్యతల ఒత్తిడి ఉందన్న అభిప్రాయం వ్యక్తం అవుతోంది. ఆపద్ధర్మ మంత్రి జగదీశ్‌రెడ్డి ఒక వైపు తన నియోజకవర్గంలో ప్రచారం చేసుకుంటూ, తన గెలుపు కోసం శ్రమిస్తూనే.. జిల్లాలోని టీఆర్‌ఎస్‌ అభ్యర్థుల ఎన్నికను పరిశీలించాల్సి వస్తోందంటున్నారు. ప్రధానంగా ఆయన సొంత నియోజకవర్గం తుంగతుర్తిలో టీఆర్‌ఎస్‌ అభ్యర్థి విజయం కోసం దృష్టి పెట్టాల్సి వస్తోందని అభిప్రాయపడుతున్నారు. సూర్యాపేట స్థానం నుంచి కాంగ్రెస్‌ అభ్యర్ధిగా బరిలో ఉన్న మాజీ మంత్రి దామోదర్‌ రెడ్డి తన సొంత నియోజకవర్గం, నాలుగు సార్లు ఎమ్మెల్యేగా గెలిపించిన తుంగతుర్తి బాధ్యతను కూడా చూస్తున్నారు. టీ పీసీసీ చీఫ్‌గా రాష్ట్ర ఎన్నికల సారథ్య బాధ్యతలు మోస్తున్న ఉత్తమ్‌ కుమార్‌ రెడ్డి ప్రత్యేకించి తన నియోజకవర్గంతో పాటు, పొరుగునే ఉన్న కోదాడపైనా దృష్టిపెట్టాల్సి వస్తోందని చెబుతున్నారు. ఇక్కడి నుంచి ఆయన భార్య, తాజా మాజీ ఎమ్మెల్యే పద్మావతి రెండో సారి పోటీలో ఉన్నారు. కోదాడ నుంచి రెండు పర్యాయాలు గెలిచిన ఉత్తమ్‌ కుమార్‌రెడ్డి కోదాడను తమ చేయి దాటిపోకుండా వ్యూహాలు రచించాల్సి ఉంటుంది. సీనియర్‌ నేత కె.జానారెడ్డి తన నియోజకవర్గం నాగార్జునసాగర్‌తో పాటు, పొరుగునే ఉన్న మిర్యాలగూడ నియోజకవర్గ బాధ్యతలు కూడా చూస్తున్నారు. చివరి నిమిషంలో కాంగ్రెస్‌ టికెట్‌ దక్కించుకున్న బీసీ సంఘం నేత ఆర్‌.కృష్ణయ్యను గెలిపించాల్సిన బాధ్యత కూడా జానారెడ్డిపైనే పడిందని పేర్కొంటున్నారు. ఐదో విజయం కోసం పోటీలో ఉన్న మాజీ మంత్రి కోమటిరెడ్డి వెంకట్‌రెడ్డి నల్లగొండలో తన గెలుపుకోసం శ్రమిస్తూనే.. తమ సొంత నియోజకవర్గమైన నకిరేకల్‌లో కాంగ్రెస్‌ అభ్యర్థి చిరుమర్తి లింగయ్య కోసం కూడా పనిచేయాల్సి వస్తోందని చెబుతున్నారు. ఇప్పటికే ఈ నియోజకవర్గంలో ఆయన ఒక సారి ప్రచారానికి వెళ్లి వచ్చారు. ఇలా.. ఒక అపద్ధర్మ మంత్రి, నలుగురు మాజీ మంత్రులకు తమ నియోజకవర్గాలతో పాటు ఇతర స్థానాల బాధ్యత మీద పడిందని విశ్లేషిస్తున్నారు.       

సాక్షి, యాదాద్రి : ఎన్నికల ప్రచారం తారాస్థాయికి చేరింది. పోలింగ్‌ సమయం దగ్గర పడుతుండడంతో అభ్యర్థులు గెలుపుకోసం శక్తియుక్తులొడ్డుతున్నారు. మరోవైపు అభ్యర్థుల తరఫున వారి కుటుంబ సభ్యులు, బంధుగణం ప్రచారబాట పట్టింది. గ్రామాలు, పట్టణాల్లో ఇంటింటికీ వెళ్లి విస్తృతంగా ప్రచారం సాగిస్తున్నారు. మహిళలకు బొట్టు పెట్టి ఓటు అడుగుతూ తమ అభ్యర్థిని గెలిపించాలని వేడుకుంటున్నారు.  కొందరు ఎలాంటి హంగూఆర్భాటం లేకుండా ప్రచారం చేస్తుండగా మరికొందరు వినూత్న రీతిలో దూసుకుపోతూ ప్రత్యేక ఆకర్షణగా నిలుస్తున్నారు.జిల్లాలో టీఆర్‌ఎస్, కాంగ్రెస్, బీజేపీ, బీఎల్‌ఎఫ్‌తో పాటు ఇతర పార్టీల అభ్యర్థుల కుటుంబాలు పోటాపోటీగా ప్రచారం సాగిస్తున్నాయి. జిల్లా పరిధిలోని భువనగిరి, ఆలేరు, మునుగోడు, తుంగతుర్తి, నకిరేకల్‌ నియోజకవర్గాల్లో అభ్యర్థుల తరఫున వారి కుటుంబాలు రంగంలోకి దిగడంతో ప్రచారం మరింత వేడెక్కింది. అభ్యర్థుల భార్యలు, తనయులు, సోదరులు, అల్లుళ్లు ఇతర బంధువర్గం అంతా రంగంలోకి దిగడంతో ప్రచారం పోటాపోటీగా సాగుతోంది. ప్రధానంగా మహిళా ఓ టర్లను ఆకట్టుకునేందుకు వినూత్నంగా ప్రచారం చేస్తున్నారు. భువనగిరి నియోజకవర్గ టీఆర్‌ఎస్‌ అభ్యర్థి పైళ్ల శేఖర్‌రెడ్డి భార్య వనితారెడ్డి, కుమార్తె మాన్వితారెడ్డి, కాంగ్రెస్‌ అభ్యర్థి కుంభం అనిల్‌కుమార్‌రెడ్డి తరఫున భార్య కిరణ్‌జ్యోతిరెడ్డి, కుమారుడు శ్రీరామ్‌రెడ్డి, కుమార్తెలు కీర్తిరెడ్డి, స్పూర్తిరెడ్డి విస్తృతంగా ప్రచారం చేస్తున్నారు. అదే విధంగా ఆలేరు నియోజకవర్గ టీఆర్‌ఎస్‌ అభ్యర్థి గొంగిడి సునీత తరఫున ఆమె భర్త గొంగిడి మహేందర్‌రెడ్డి, అల్లుడు అక్షయ్‌రెడ్డి, కుమార్తె అంజనీరెడ్డి, కాంగ్రెస్‌ అభ్యర్థి బూడిద భిక్షమయ్యగౌడ్‌ తరపున ఆయన సతీమణి బూడిద సువర్ణ ప్రచారం నిర్వహిస్తున్నారు. ఇక మునుగోడు నియోజకవర్గంలో బీజేపీ అభ్యర్థి గంగిడి మనోహర్‌రెడ్డి సతీమణి అనురాధ, టీఆర్‌ఎస్‌ అభ్యర్థి కూసుకుంట్ల ప్రభాకర్‌రెడ్డి సతీమణి అరుణ, కుమారుడు శ్రీనివాస్‌రెడ్డి, కాంగ్రెస్‌ అభ్యర్థి కోమటిరెడ్డి రాజగోపాల్‌రెడ్డి సతీమణి లక్ష్మి ముమ్మరంగా ప్రచారం చేస్తున్నారు. తుంగతుర్తి నియోజకవర్గంలో బీజేపీ అభ్యర్థి రామచంద్రయ్య సతీమణి సరస్వతి ఇంటింటికి వెళ్లి ప్రచారం నిర్వహిస్తున్నారు.  బృందాలుగా విడిపోయి.. అభ్యర్థుల తరఫున వారి భార్యలు, కుటుంబంలోని మహిళలు.. మహిళా ఓటర్లకు బొట్టు పెట్టి, పార్టీ గుర్తులను చూపిస్తూ ఓటు వేయాలని అభ్యర్థిస్తున్నారు. ప్రణాళిక ప్రకారం ప్రచారం సాగిస్తున్నారు. ఉదయం 7 గంటలకే బయటకు వెళ్లి సాయంత్రం వరకు బృందాలుగా ప్రచారంలో పాల్గొంటున్నారు. ప్రచారానికి మరో పది రోజులే మిగిలి ఉండడంతో  ఎక్కడెక్కడ ప్రచారంలో చేయాలో ప్రణాళిక సిద్ధం చేసుకుని ముందుకు సాగుతున్నారు. మొత్తానికి కుటుంబసభ్యులు, బంధుగణంతో ప్రచారం మరింత వేడెక్కింది. 

జిల్లా పోలీసు యంత్రాంగం శాసనసభ  ఎన్నికలను పకడ్బందీగా నిర్వహించే పనిలో నిమగ్నమైంది. సమస్యాత్మక ప్రాంతాలను గుర్తించిన ఆ శాఖ.. కట్టుదిట్టమైన చర్యలు చేపట్టింది. ప్రశాంత వాతావరణంలో పోలింగ్‌ జరిపేందుకు.. ఎక్కడా ఎటువంటి అవాంఛనీయ సంఘటనలు చోటుచేసుకోకుండా పటిష్ట ప్రణాళికలు రూపొందించి.. అమలు చేస్తోంది. గ్రామీణ ప్రాంతాల్లో ఘర్షణలు జరిగే ప్రాంతాలను ముందస్తుగా గుర్తించి.. భద్రతను ఎప్పటికప్పుడు పర్యవేక్షిస్తోంది. పోలింగ్‌ బూత్‌లవారీగా పూర్తిస్థాయి బందోబస్తు ఏర్పాటు చేసేందుకు పూనుకుంది.   సాక్షిప్రతినిధి, ఖమ్మం: జిల్లాలో మొత్తం 1,303 పోలింగ్‌ బూత్‌లు ఉండగా.. కొత్తగా మరో మూడు బూత్‌లను ఏర్పాటు చేశారు. ఇటీవల ఓటరు నమోదు కార్యక్రమం చేపట్టగా.. పెరిగిన ఓటర్లను దృష్టిలో ఉంచుకుని జిల్లా అధికారులు వాటిని ఏర్పాటు చేశారు. రెండు పోలింగ్‌ బూత్‌లను ఖమ్మం నియోజకవర్గంలో.. ఒకటి పాలేరు నియోజకవర్గం లోనూ ఏర్పాటు చేశారు. దీంతో జిల్లాలో 1,306 బూత్‌లున్నట్లు అయింది. ఈ లెక్క ప్రకారం ఖమ్మంలో 296 పోలింగ్‌ బూత్‌లు, పాలేరు 266, మధిర 251, వైరా 229, సత్తుపల్లిలో 264 పోలింగ్‌ బూత్‌లున్నాయి. మొత్తం పోలింగ్‌ బూత్‌లను పరిశీలించిన అనంతరం సమస్యాత్మక కేంద్రాలను గుర్తించారు.   342 సమస్యాత్మక కేంద్రాలు  జిల్లాలో మొత్తం 342 సమస్యాత్మక కేంద్రాలు ఉన్నట్లు అధికారులు గుర్తించారు. గతంలో సమస్యాత్మకం, అత్యంత సమస్యాత్మక పోలింగ్‌ బూత్‌లను లెక్కించిన అధికార యంత్రాంగం ఈసారి సమస్యాత్మక బూత్‌లను మాత్రమే గుర్తించింది. గతంలో జరిగిన ఎన్నికల సందర్భంగా చోటుచేసుకున్న హింసాత్మక సంఘటనలు, ఘర్షణల ఆధారంగా సమస్యాత్మక కేంద్రాలను గుర్తించారు. 342 సమస్మాత్మక కేంద్రాల్లో ఖమ్మం నియోజకవర్గంలో 65, పాలేరు 93, మధిర 69, వైరా 49, సత్తుపల్లి 66 ఉన్నాయి. వీటిలో...అత్యధికంగా పాలేరు నియోజకవర్గంలో 93 పోలింగ్‌ బూత్‌లున్నాయి. ఈ నియోజకవర్గంలో గతంలో పలు సంఘటనలు జరగడం వల్ల వీటిని సమస్యాత్మక పోలింగ్‌ బూత్‌ల జాబితాలో చేర్చారు. కూసుమంచి మండలం చేగొమ్మ, పోచారం, తిరుమలాయపాలెం మండలం పిండిప్రోలు, ఖమ్మం రూరల్‌ మండలం గూడూరుపాడు, ముత్తగూడెం తదితర గ్రామాల్లో గతంలో ఎన్నికల సందర్భంగా ఘర్షణలు చోటుచేసుకోవడంతో ఈ పోలింగ్‌ బూత్‌లను సమస్యాత్మక కేంద్రాల పరిధిలోకి తెచ్చారు. పాలేరు తర్వాత మధిర, సత్తుపల్లి, ఖమ్మం కేంద్రాల్లో సమస్యాత్మక కేంద్రాలున్నట్లు గుర్తించారు. వైరా నియోజకవర్గంలో తక్కువగా 49 సమస్యాత్మక పోలింగ్‌ కేంద్రాలు ఉన్నట్లు గుర్తించారు. సమస్యాత్మక పోలింగ్‌ కేంద్రాలతోపాటు సాధారణ పోలింగ్‌ కేంద్రాల్లో కూడా ఎన్నికలు ప్రశాంతంగా జరిగేలా పోలీస్‌ యంత్రాంగంతోపాటు జిల్లా అధికారులు చర్యలు చేపట్టారు.    గట్టి నిఘా ఏర్పాటు..  జిల్లాలో సమస్యాత్మక కేంద్రాలుగా గుర్తించిన 342 పోలింగ్‌ బూత్‌లలో ఎటువంటి అవాంఛనీయ సంఘటనలు జరగకుండా పోలీస్‌ యంత్రాంగం  ఎప్పటికప్పుడు చర్యలు తీసుకుంటుంది. ఇప్పటి నుంచే అక్కడ చేపట్టాల్సిన చర్యలపై పోలీస్‌ ఉన్నతాధికారులు సిబ్బందికి తగిన సూచనలు, సలహాలు ఇస్తున్నారు. ఇప్పటికే బైండోవర్లను ముమ్మరం చేశారు. ఇక సమస్యాత్మక కేంద్రాలున్న ప్రాంతాల్లో బైండోవర్ల విషయంలో కఠిన నిబంధనలు అమలు చేస్తున్నారు. ఈ ప్రాంతాల్లో ఎన్నికలకంటే ముందు నుంచి పోలీస్‌ బందోబస్తును పటిష్టం చేశారు. ఎప్పటికప్పుడు పోలీసుల నిఘా.. పర్యవేక్షణ ఉండేలా చూస్తున్నారు. అలాగే ఘర్షణలు జరగకుండా అవగాహన కార్యక్రమాలను కూడా నిర్వహిస్తున్నారు. 

సాక్షి, దమ్మపేట: ఒక్కోసారి ఎన్నికల్లో దొంగ ఓట్లు కూడా వేస్తుంటారు. పోలింగ్‌ సమయంలో ఏజెంట్లు అప్రమత్తంగా లేని సమయంలో ప్రత్యర్థి పార్టీలకు చెందిన కార్యకర్తలు అవతలి వ్యక్తుల ఓటును వేసేసి వెళ్తుంటారు. అయితే మన ఓటు హక్కును తిరిగి సాధించుకునేందుకు ఎన్నికల చట్టం అవకాశం కల్పిస్తోంది. సెక్షన్‌ 49 పీ ప్రకారం. తన ఓటును మరొకరు వేసినట్లు గుర్తిస్తే వెంటనే సంబంధిత పోలింగ్‌ కేంద్రలో చాలెంజ్‌ ఓటును నమోదు చేసుకోవచ్చు.  కాండక్ట్‌ ఆఫ్‌ ఎలక్షన్‌ రూల్స్‌ 1961లోని సెక్షన్‌ 49 పీ ప్రకారం.. పోలింగ్‌ సమయంలో మన ఓటు ఎవరైనా అంతకుముందే వేసినట్లు గుర్తిస్తే వెంటనే సంబంధిత పోలింగ్‌ కేంద్రానికి వెళ్లి ఆ ఓటును వెనక్కి తీసేయమని అధికారులను కోరవచ్చని న్యాయనిపుణులు చెబుతున్నారు. ఇందరు కోసం రూ.5 అక్కడి ప్రిసైడింగ్‌ అధికారికి చెల్లించి ఓటనును నమోదు చేయాలని కోరితే.. అతని వద్ద ఉన్న గుర్తింపుకార్డు తదితరాలన్నింటినీ పరిశీలించి అనుమతి ఇస్తారు. మొత్తం ఓట్లలో అదనపు ఓటుగా ప్రత్యేకంగా గుర్తిస్తూ ఈ ఓటును కలిపి లెక్కించకుండా దాచి ఉంచుతారు. ఓట్ల లెక్కింపు సమయంలో బ్యాలెట్‌పై మనం వేసిన ఓటును ఓట్ల లెక్కింపులో చివరికి లెక్కిస్తారు. గెలుపు ఓటముల్లో ఈ ఓటు అవసరాన్ని బట్టి దీనిని అప్పుడు పరిగణనలోకి తీసుకుంటారు.  

సాక్షి, ఖమ్మంసహకారనగర్‌: జిల్లాలో మహిళా సిబ్బందితో పోలింగ్‌ నిర్వహించే కేంద్రాలను ఎన్నికల అధికారులు ప్రకటించారు. తొలుత నియోజకవర్గానికి ఒక పోలింగ్‌ కేంద్రాన్ని ఏర్పాటు చేయాలని నిర్ణయించగా, అనంతరం పరిణామాల్లో మూడు పోలింగ్‌ కేంద్రాలను ఏర్పాటు చేశారు.   ఖమ్మం నియోజకవర్గంలో ఖమ్మం అర్బన్‌(ఖమ్మం మున్సిపల్‌ కార్పొరేషన్‌), రఘునాథపాలెం ఉండగా, ఖమ్మం మున్సిపల్‌ కార్పొరేషన్‌లో మూడు పోలింగ్‌ కేంద్రాలు ఏర్పాటు చేశారు. పాలేరు నియోజకవర్గంలో నాలుగు మండలాలు ఉండగా ఖమ్మం రూరల్‌మండలంలో మూడు పోలింగ్‌ కేంద్రాలు ఏర్పాటు చేశారు. వైరా నియోజకవర్గంలో నాలుగు మండలాలు ఉండగా కారేపల్లి మండలం,  కొణిజర్ల మండలాల్లోని మూడు కేంద్రాలు ఏర్పాటు చేశారు.  మధిర నియోజకవర్గంలో నాలుగు మండలాలు ఉండగా మధిర, ముదిగొండ, చింతకాని మండలాల్లోని ఒక్కొక్క గ్రామాన్ని ఎంపిక చేశారు. సత్తుపల్లి నియోజకవర్గంలో నాలుగు  మండలాలు ఉండగా సత్తుపల్లి మండలలో మూడు కేంద్రాలు ఏర్పాటు చేశారు.   మహిళా సిబ్బందితో పని చేసే పోలింగ్‌ కేంద్రాలు:  నియోజకవర్గం పోలింగ్‌బూత్‌ నం  ప్రాంతం పురుషులు    మహిళలు    ఇతరులు     మొత్తం   ఖమ్మం     207     262    172  కెఎంసీ  కెఎంసీ  కెఎంసీ  513  662  646   900  765   750    1     -  1 1414  1427 1397   పాలేరు 129 120 105        కొత్త నారాయణపురం  పెద్దతండ  దానవాయిగూడెంకాలనీ      599    591  608   680   678   659  1  ––   2 1280 1269 1269  మధిర      170  19     63   మధిర  లక్ష్మీపురం  అనంతసాగర్‌    75 517 567    672  613    606    1  ––    ––    1248  1130   1173  వైరా 42  131   40       మణిక్యారం  తనికెళ్ళ  గాంధీనగర్‌   620  540  602     588    588      586        –– –– –– 1208 1128 1188   సత్తుపల్లి  197   178    170      గుర్వాయిగూడెం  అయ్యగారిపేట   అయ్యగారిపేట  734   629    586    758  704  638   1  ––     ––    1493 1333 1224                                                                 

పెద్దపల్లిఅర్బన్‌ :  జిల్లాలోని సమస్యాత్మక పోలింగ్‌ కేంద్రాలను నిఘా నీడలోకి తెస్తున్నారు. అసెంబ్లీ ఎన్నికలు ప్రశాంతంగా నిర్వహించుకునేందుకు అధికారులు ముమ్మర చర్యలు తీసుకుంటున్నారు. పోలింగ్‌ కేంద్రాల వద్ద ఎలాంటి అవాంఛనీయ సంఘటనలు చోటుచేసుకోకుండా పోలీసు సిబ్బందిని నియమించేందుకు పోలీస్‌శాఖ కార్యాచరణ షురూ చేసింది. ఓటింగ్‌ జరిగే సమయంలో అవరోధాలు కల్పించే వారిపై ఉక్కుపాదాన్ని మోపేందుకు రంగం సిద్ధం చేస్తున్నారు. 1,526 సీసీ కెమెరాలు  జిల్లాలోని ప్రతీ పోలింగ్‌ కేంద్రం వద్ద సీసీ కెమెరాలు ఏర్పాటు చేస్తున్నారు. పోలింగ్‌కేంద్రం బయట ఎటూ వందమీటర్ల పరిధిలో జరిగే ప్రతీ వి షయాన్ని రికార్డు చేసేందుకు జిల్లావ్యాప్తంగా 1,526 సీసీ కెమెరాలు బిగిస్తున్నారు. మరో రెండు, మూడు రోజుల్లో పనులు పూర్తికానున్నాయి.    196 సమస్యాత్మక కేంద్రాలు   జిల్లాలోని మూడు నియోజకవర్గాల్లో 763 పోలింగ్‌కేంద్రాలు ఉన్నాయి. వీటిలో 196 సమస్యాత్మక పోలింగ్‌కేంద్రాలను అధికారులు గుర్తించారు. రామగుండం 31, మంథని 111, పెద్దపల్లిలో 54 సమస్మాత్మక కేంద్రాలుగా గుర్తించారు. ఈ కేంద్రాలన్నీ పూర్తిగా సీసీ కెమెరాల నీడలో ఉండనున్నాయి. మామూలు కేంద్రాల వద్ద ఇరువైపులా మాత్రమే కెమెరాలు ఏర్పాటు చేయనుండగా సమస్యాత్మక కేంద్రాల్లో మాత్రం వీలైనన్నీ ఎక్కువ కెమెరాలను బిగిస్తున్నారు.  కేంద్రాల వద్ద ప్రచారం నిషేధం  పోలింగ్‌ కేంద్రాల వద్ద ప్రచారం చేయడం నిషేధమని పోలీసులు ప్రకటించారు. పార్టీల నాయకులు జెండాలు, కరపత్రాలు, బ్యాలెట్‌పేపర్లు, పోలింగ్‌ చీటీలు, కండవాలు ధరించి ప్రచారం చేస్తే సీసీ కెమెరాల ఆధారంగా సదరు వ్యక్తులపై కేసులు నమోదు చేస్తామని తెలియజేస్తున్నారు. అంతేకాకుండా పోలింగ్‌ కేంద్రాల వద్ద ఓటర్లను ప్రలోభాలకు గురిచేసే ప్రతీ చర్యను రికార్డు చేయనున్నట్లు పేర్కొంటున్నారు.   గొడవలు చేసేవారిపై ఉక్కుపాదం  పోలింగ్‌ సందర్భంగా గొడవలు సృష్టించే వారిని గుర్తించేందుకు, పోలింగ్‌ కేంద్రాల వద్ద భద్రత నిర్వహణను ఉన్నతాధికారులు పర్యవేక్షించేలా సీసీ కెమెరాలు ఏర్పాటు చేస్తున్నారు. అల్లర్లకు పాల్పడే వారిని గుర్తించేందుకు సీసీ కెమెరాలు ఎంతగానో ఉపయోగపడనున్నాయి. గత ఎన్నికల్లో జరిగిన ఘటనలను దృష్టిలో ఉంచుకొని భద్రత చర్యలు పకడ్బందీగా తీసుకుంటున్నట్లు పోలీసులు తెలిపారు.   పోలీసులకు అదనపు బాధ్యతలు  జిల్లాలోని మూడు నియోజకవర్గాల్లో పోలింగ్‌ కేంద్రాల వద్ద ఏర్పాటు చేస్తున్న సీసీ కెమెరాల బాధ్యతను స్థానిక పోలీస్‌స్టేషన్‌ ఎస్సైలకు అప్పగించారు. వాటిని బిగించడం మొదలు పనితీరును పర్యవేక్షించే బాధ్యతలను సైతం వారికే అప్పగించారు. దీంతో పోలీసు అధికారులకు అదనపు బాధ్యతలు పెరగనున్నాయి. 

జిల్లా పోలీసు యంత్రాంగం శాసనసభ  ఎన్నికలను పకడ్బందీగా నిర్వహించే పనిలో నిమగ్నమైంది. సమస్యాత్మక ప్రాంతాలను గుర్తించిన ఆ శాఖ.. కట్టుదిట్టమైన చర్యలు చేపట్టింది. ప్రశాంత వాతావరణంలో పోలింగ్‌ జరిపేందుకు.. ఎక్కడా ఎటువంటి అవాంఛనీయ సంఘటనలు చోటుచేసుకోకుండా పటిష్ట ప్రణాళికలు రూపొందించి.. అమలు చేస్తోంది. గ్రామీణ ప్రాంతాల్లో ఘర్షణలు జరిగే ప్రాంతాలను ముందస్తుగా గుర్తించి.. భద్రతను ఎప్పటికప్పుడు పర్యవేక్షిస్తోంది. పోలింగ్‌ బూత్‌లవారీగా పూర్తిస్థాయి బందోబస్తు ఏర్పాటు చేసేందుకు పూనుకుంది.   సాక్షిప్రతినిధి, ఖమ్మం : జిల్లాలో మొత్తం 1,303 పోలింగ్‌ బూత్‌లు ఉండగా.. కొత్తగా మరో మూడు బూత్‌లను ఏర్పాటు చేశారు. ఇటీవల ఓటరు నమోదు కార్యక్రమం చేపట్టగా.. పెరిగిన ఓటర్లను దృష్టిలో ఉంచుకుని జిల్లా అధికారులు వాటిని ఏర్పాటు చేశారు. రెండు పోలింగ్‌ బూత్‌లను ఖమ్మం నియోజకవర్గంలో.. ఒకటి పాలేరు నియోజకవర్గం లోనూ ఏర్పాటు చేశారు. దీంతో జిల్లాలో 1,306 బూత్‌లున్నట్లు అయింది. ఈ లెక్క ప్రకారం ఖమ్మంలో 296 పోలింగ్‌ బూత్‌లు, పాలేరు 266, మధిర 251, వైరా 229, సత్తుపల్లిలో 264 పోలింగ్‌ బూత్‌లున్నాయి. మొత్తం పోలింగ్‌ బూత్‌లను పరిశీలించిన అనంతరం సమస్యాత్మక కేంద్రాలను గుర్తించారు. 342 సమస్యాత్మక కేంద్రాలు  జిల్లాలో మొత్తం 342 సమస్యాత్మక కేంద్రాలు ఉన్నట్లు అధికారులు గుర్తించారు. గతంలో సమస్యాత్మకం, అత్యంత సమస్యాత్మక పోలింగ్‌ బూత్‌లను లెక్కించిన అధికార యంత్రాంగం ఈసారి సమస్యాత్మక బూత్‌లను మాత్రమే గుర్తించింది. గతంలో జరిగిన ఎన్నికల సందర్భంగా చోటుచేసుకున్న హింసాత్మక సంఘటనలు, ఘర్షణల ఆధారంగా సమస్యాత్మక కేంద్రాలను గుర్తించారు. 342 సమస్మాత్మక కేంద్రాల్లో ఖమ్మం నియోజకవర్గంలో 65, పాలేరు 93, మధిర 69, వైరా 49, సత్తుపల్లి 66 ఉన్నాయి. వీటిలో...అత్యధికంగా పాలేరు నియోజకవర్గంలో 93 పోలింగ్‌ బూత్‌లున్నాయి. ఈ నియోజకవర్గంలో గతంలో పలు సంఘటనలు జరగడం వల్ల వీటిని సమస్యాత్మక పోలింగ్‌ బూత్‌ల జాబితాలో చేర్చారు. కూసుమంచి మండలం చేగొమ్మ, పోచారం, తిరుమలాయపాలెం మండలం పిండిప్రోలు, ఖమ్మం రూరల్‌ మండలం గూడూరుపాడు, ముత్తగూడెం తదితర గ్రామాల్లో గతంలో ఎన్నికల సందర్భంగా ఘర్షణలు చోటుచేసుకోవడంతో ఈ పోలింగ్‌ బూత్‌లను సమస్యాత్మక కేంద్రాల పరిధిలోకి తెచ్చారు. పాలేరు తర్వాత మధిర, సత్తుపల్లి, ఖమ్మం కేంద్రాల్లో సమస్యాత్మక కేంద్రాలున్నట్లు గుర్తించారు. వైరా నియోజకవర్గంలో తక్కువగా 49 సమస్యాత్మక పోలింగ్‌ కేంద్రాలు ఉన్నట్లు గుర్తించారు. సమస్యాత్మక పోలింగ్‌ కేంద్రాలతోపాటు సాధారణ పోలింగ్‌ కేంద్రాల్లో కూడా ఎన్నికలు ప్రశాంతంగా జరిగేలా పోలీస్‌ యంత్రాంగంతోపాటు జిల్లా అధికారులు చర్యలు చేపట్టారు. గట్టి నిఘా ఏర్పాటు..  జిల్లాలో సమస్యాత్మక కేంద్రాలుగా గుర్తించిన 342 పోలింగ్‌ బూత్‌లలో ఎటువంటి అవాంఛనీయ సంఘటనలు జరగకుండా పోలీస్‌ యంత్రాంగం  ఎప్పటికప్పుడు చర్యలు తీసుకుంటుంది. ఇప్పటి నుంచే అక్కడ చేపట్టాల్సిన చర్యలపై పోలీస్‌ ఉన్నతాధికారులు సిబ్బందికి తగిన సూచనలు, సలహాలు ఇస్తున్నారు. ఇప్పటికే బైండోవర్లను ముమ్మరం చేశారు. ఇక సమస్యాత్మక కేంద్రాలున్న ప్రాంతాల్లో బైండోవర్ల విషయంలో కఠిన నిబంధనలు అమలు చేస్తున్నారు. ఈ ప్రాంతాల్లో ఎన్నికలకంటే ముందు నుంచి పోలీస్‌ బందోబస్తును పటిష్టం చేశారు. ఎప్పటికప్పుడు పోలీసుల నిఘా.. పర్యవేక్షణ ఉండేలా చూస్తున్నారు. అలాగే ఘర్షణలు జరగకుండా అవగాహన కార్యక్రమాలను కూడా నిర్వహిస్తున్నారు.

సిరిసిల్లక్రైం: ముందస్తు అసెంబ్లీ ఎన్నికల్లో అధికార యంత్రాంగం తనకు అందుబాటులో ఉన్న ఆధునిక సాంకేతిక పరిజ్ఞానం వినియోగించి పూర్తిపారదర్శకంగా, అవాంఛనీయ ఘటనలకు తావివ్వకుండా ముందుచూపుతో వ్యవహరిస్తోంది. ఇందులో భాగంగానే జిల్లాలోని అన్ని పోలింగ్‌ కేంద్రాల్లో సీసీ కెమెరాలు ఏర్పాటు చేయాలని సంకల్పించింది. సమస్యాత్మక, అత్యంత సమస్యాత్మక పోలింగ్‌ కేంద్రాలు సహా ప్రధాన రహదారుల వెంట సీసీ కెమెరాలు ఏర్పాటు చేయడంతోపాటు అదనపు పోలీసు బలగాలను వినియోగించాలని నిర్ణయించింది. ఇందుకు అవసరమైన ఏర్పాట్లు ముమ్మరం చేసింది. 60 సమస్యాత్మకం.. 9 అత్యంత సమస్యాత్మకం.. జిల్లాలో 492 పోలింగ్‌ కేంద్రాలు ఏర్పాటు చేశారు. ఇందులో 60 సమస్యాత్మక, 9 అత్యంత సమస్యాత్మక కేంద్రాలు ఉన్నాయని పోలీసు, రెవెన్యూ అధికారులు గుర్తించారు. గతంలో జరిగిన అల్లర్లు, వివాదాలను ఆధారంగా చేసుకుని వీటిని విభజించారు. గతంలో నక్సల్స్‌ ప్రభావం ఉన్నగ్రామాలు, ఒకేచోట అధికంగా పోలింగ్‌స్టేషన్లు, ఓటర్ల రద్దీ అధికంగా ఉండే పోలింగ్‌ కేంద్రాలను సైతం సమస్యాత్మకమైనవిగా గుర్తించినట్లు సమాచారం. ఆయా కేంద్రాల్లో అదనపు పోలీస్‌ భద్రతను ఏర్పాటు చేస్తారు. జిల్లాలో ఇప్పటికే అవసరమైన పోలింగ్‌ కేంద్రాల్లో సీసీ కెమెరాలను ఏర్పాటు చేయడంలో అధికారులు నిమగ్నమయ్యారు. నేరాల నియంత్రణపై ప్రత్యేక దృష్టి.. నేరాలను నియంత్రించేందుకు సిరిసిల్లతోపాటు వేములవాడలో ఇప్పటికే సీసీ కెమెరాలు ఏర్పాటు చేశారు. ఏదైనా సాంకేతిక సమస్య తలెత్తితే వెంటనే సరిచేస్తున్నారు. ప్రధాన రహదారుల వెంట, జనసమ్మర్థం ఉండే ప్రాంతాలు, ప్రధాన కూడళ్లలో సీసీ కెమెరాలు ఏర్పాటుచేశారు. ఫుటేజీల్లో స్పష్టత వచ్చేలా పోలీసులు అధికారులు నాణ్యమైన సీసీ కెమెరాలు ఏర్పాటు చేసేందుకు నిర్ణయించినట్లు తెలిసింది. ఇందుకోసం ఆయా మండలాల పోలీసు అధికారులు.. తమ పరిధిలోని గ్రామాల్లో ప్రజల భాగస్వామ్యంతో సీసీ కెమెరాలు ఏర్పాటు చేసేపనిలో ఉన్నారు. ప్రధాన పట్టణాలే కాదు.. ప్రతీ గ్రామంలోనూ సీసీ కెమెరాలు ఏర్పాటు చేయాలని నిర్ణయించింది. ఇదేవిషయంపై ఎస్పీ రాహుల్‌హెగ్డే తరచూ సమీక్ష సమావేశాల్లో ప్రస్తావిస్తున్నారు. ముఖ్యంగా ప్రధాన రహదారుల వెంట ఏర్పాటు చేయబోయే సీసీ కెమెరాలు.. ఎన్నికలు ప్రశాంత వాతావరణంలో జరిగేందుకు తోడ్పడతాయని అదికారులు భావిస్తున్నారు. ప్రణాళిక ప్రకారం ఏర్పాట్లు.. జిల్లాలో ఎలాంటి అవాంఛనీయ సంఘటనలు జరగకుండా  ఎన్నికలు నిర్వహించేందుకు ఉన్నతాధికారులు ప్రణాళిక రూపొందించారు. ఇందుకోసం సాధారణ, సమస్యాత్మక, అత్యంత సమస్యాత్మక పోలింగ్‌ కేంద్రాలు గుర్తించారు. రెవెన్యూ, పోలీస్‌ అధికారులు సమన్వయంతో వీటిని గుర్తించి అక్కడ పూర్తిస్థాయిలో వీడియో చిత్రీకరించేందుకు నిర్ణయించారు. ఇందుకు అవసరమైన సీసీ కెమెరాలు సమకూర్చేందుకు  కాంట్రాక్టర్లతో చర్చిస్తున్నారు. దీనికితోడు సమస్యాత్మక ప్రాంతాల్లో సీసీ కెమెరాలు ఏర్పాటు చేయాలని అడిషనల్‌ డీజీపీ జితేందర్‌ ఇటీవల జిల్లా పోలీస్‌ అధికారులను అదేశించారు. జాయింట్‌ కలెక్టర్‌ యాస్మిన్‌బాషా సీసీ కెమెరాల ఏర్పాటు విషయాన్ని పోలీస్‌ అధికారులతో చర్చించారు. పోలింగ్‌ నాటికి సమస్యాత్మక కేంద్రాల్లో సీసీ కెమెరాలు ఏర్పాటు చేయాలని సూచించారు.

సాక్షి, ఖమ్మంసహకారనగర్‌:  పోలింగ్‌ సమయంలో ఓటు వేయటానికి వచ్చిన ఓటర్లు తన ఓటును వేస్తూ సెల్‌ఫోన్‌లో సెల్ఫీలు దిగటం, ఇతరులకు చూపించటం చట్ట విరుద్ధం. ఒక వేళ చూపిస్తే రూల్‌ 49ఎం(ఓటు రహస్యం) చట్టం మేరకు ఎన్నికల అధికారులు గుర్తించి ఓటరును బయటకు పంపిస్తారు. ఆ ఓటును 17–ఏలో నమోదు చేస్తారు. లెక్కింపు సమయంలో ఆ ఓటును పరిగణనలోకి తీసుకోరు. రూల్‌ నంబర్‌ 49ఎన్‌ ప్రకారం అంధులైన ఓటర్లు తాము ఓటు వేయటానికి 18 సంవత్సరాలు దాటిన సహాయకుడిని వెంట తీసుకొని వెళ్ళవచ్చు. సహాయకుడు అతని ఓటును బహిర్గతం చేయనని నిబంధన 10లో ధ్రువీకరించాల్సి ఉంటుంది.   

సాక్షి, కామారెడ్డి అర్బన్‌: పోలింగ్‌ బూత్‌లో అభ్యర్థుల తరఫున పరిశీలన కోసం కూర్చుండే ఏజెంట్ల పాత్ర చాలా కీలకమైంది. బోగస్‌ ఓట్లు పడకుండా ఓటేయడానికి వచ్చే వారిని నిశితంగా చూడాలి. ఒక ఓటు తేడాతో అభ్యర్థులు గెలుపోందే అవకాశం ఏన్నందున ఏజెంట్లుగా ఉండే వారు అభ్యర్థికి అత్యంత విశ్వాసపాత్రులుగా వుండాలి. లేకపోతే ఇతర అభ్యర్థులకు అమ్ముడు పోయే సందర్భాలు కూడా ఉంటాయి.  పోలింగ్‌ ఏజెంట్ల నియామకంలో ఎన్నికల సంఘం ఇటీవల కొన్ని మార్పులు చేసింది.  పోలింగ్‌ స్టేషన్‌లో గుర్తింపు పొందిన జాతీయ పార్టీలు, రాష్ట్ర పార్టీలు, గుర్తింపు పొందిన ఇతర రాష్ట్రాల పార్టీలు, తమ ఎన్నికల గుర్తును ఇక్కడ ఉపయోగించడానికి అనుమతి పొందిన వారు, గుర్తింపు పొందని రిజిష్టర్‌ పార్టీల అభ్యర్థులు, స్వతంత్ర అభ్యర్థులకు ప్రాధాన్యత క్రమంలో ఏజెంట్‌ కూర్చీలు వేస్తారు.  పోలింగ్‌ ఏజెంట్లు తప్పనిసరిగా అదే గ్రామానికి చెందిన వారై ఉండి, ఓటరుగా నమోదై ఉండి, ఎన్నికల సంఘం ఫొటో గుర్తింపు కార్డు కూడా కలిగి ఉండాలి.  ప్రతి పోలింగ్‌ స్టేషన్‌కు ప్రతి అభ్యర్థి తరఫున ఒక పోలింగ్‌ ఏజెంట్, ఇద్దరు రిలీఫ్‌ ఏజెంట్లను నియమించుకోవచ్చు.  పోలింగ్‌ ఏజెంట్‌ ఫారం–10లో పోటీ చేస్తున్న అభ్యర్థి లేదా అతని ఎన్నికల ఏజెంట్‌ నియామక పత్రం పొందినవారికి నిరూపణ డిక్లరేషన్‌పై ఏజెంట్‌ పాస్‌ జారీ చేస్తారు.  ఒక్కో బూత్‌కు మూడు పాసులు జారీ చేసిన ఒక్క∙పో రు మాత్రమే కూర్చోడానికి అనుమతి ఇస్తారు. ఓటర్ల జాబితాను బయటకు తీసుకువెళ్లేందుకు వీలు ఉండదు.  లింగ్‌ ఏజెంట్లు ఓటింగ్‌ సమయానికి కనీసం గంటముందుగా బూత్‌కు చేరుకోవాలి. ఆలస్యంగా వెళ్లినా అధికారులు వారి పక్రియ వారు చేసుకుపోతారు. ఆలస్యమయాతే ఓటింగ్‌ మిషన్ల సీల్‌లో ఏజెంట్‌ సంతకం చేయడం, పరిశీలన చేయలేకపోతారు. అలాగే ఓటింగ్‌ ముగిసిన అనంతరం కూడా ఈవీఎంల సీలింగ్‌ పక్రియను పర్యవేక్షించి దానిపై సంతకం చేయాలి.  పోలింగ్‌ ఏజెంట్లు ఎట్టి పరిస్థితుల్లోనూ సెల్, వైర్‌లెస్, కార్డ్‌లెస్‌ తీసుకుపోరాదు. పార్టీ కండువాలు, గుర్తులను ధరించరాదు. ఓట్లు వేయని ఓటర్ల సంఖ్యను సూచించి వెలుపలికి చీటీలను పంపడం నిషేధం.  పోలింగ్‌ స్టేషన్‌లో జరిగే ప్రతి కదలిక, తతంగాన్ని ఏజెంట్‌ నిశితంగా పరిశీలించి ఏ మాత్రం అనుమానం కలిగినా ప్రిసైడింగ్‌ అధికారి, పరిశీలకులు, సూక్ష్మ పరిశీలకులకు ఫిర్యాదు చేయాలి. పోలింగ్‌పై    అభ్యంతరం తెలుపవచ్చు.  పోలింగ్‌ సరళి కనిపించే విధంగా పార్టీ ప్రాధాన్యత ప్రకారం ఏజెంట్లకు కూర్చీలు ఏర్పాటు లేకుంటే ఫిర్యాదు చేయవచ్చు.   సంఖ్య అసాధారణంగా ఉంటే ఏజెంట్లకు పోలింగ్‌ స్టేషన్‌లో ఏ విధంగానైనా సర్దుబాటు చేస్తారు.   

చింతలమానెపల్లి(సిర్పూర్‌):  దివ్యాంగులపై అధికారులు చిన్నచూపు చూస్తున్నారు. సదరమ్‌ సర్టిఫికెట్ల జారీలో తీవ్ర నిర్లక్ష్యం వహిస్తున్నారు. వీరిని చూస్తే సామాన్యులకు సైతం ఏదైనా సహాయం చేయాలనిపిస్తుంది. కానీ దివ్యాంగుల పట్ల అధికారులకు మాత్రం కనికరం కలగడం లేదు. ఫలితంగా ధ్రువీకరణ పత్రాలు లేక దివ్యాంగులు ప్రభుత్వ పథకాలకు దూరమవుతున్నారు. ఓటరుగా కూడా తమ హక్కులు కోల్పోతున్నారు.  ఇదీ పరిస్థితి.. జిల్లాలో సుమారు 14వేల మందిపైగా దివ్యాంగులు ఉన్నారు. కానీ ఇందులో 7,070 మంది మాత్రమే దివ్యాంగులుగా ధ్రువీకరణ పత్రాలు పొందారు. ఉమ్మడి ఆదిలాబాద్‌ జిల్లాలో గత 5 ఏళ్లలో మంచిర్యాలలో శిబిరాలు నిర్వహించారు. కాగజ్‌నగర్‌లో ఒకసారి శిబిరం నిర్వహించి గుర్తింపు పత్రాలు అందజేశారు. కొత్తగా కుమురంభీం జిల్లా ఏర్పడ్డ తొలుతలో ఒకసారి జిల్లా కేంద్రంలో సదరమ్‌ శిబిరం నిర్వహించగా సుమారు 3వేల మంది హాజరయ్యారు. కానీ ఇందులో ఇప్పటి వరకు ఒక్కరికీ సర్టిఫికెట్‌ ఇవ్వలేదు. జిల్లాలోని ఆయా ప్రాంతాల్లో దివ్యాంగుల సంఖ్య అధికంగా ఉన్నా సదరమ్‌ శిబిరాలు నిర్వహించడంలో అధికారులు నిర్లక్ష్యం వహిస్తున్నారు.  ప్రభుత్వ పథకాలకు దూరం దివ్యాంగులకు ప్రభుత్వ పథకాలు అందాలంటే ప్రభుత్వం అధికారికంగా ఇచ్చే సదరమ్‌ ధ్రువీకరణ పత్రం తప్పనిసరి. ఈ సర్టిఫికెట్‌ లేక దివ్యాంగులు పథకాలకు అర్హత కోల్పోతున్నారు. ప్రభుత్వం అందించే సబ్సిడీలు, ఆర్థిక పథకాలు వీరికి అందడం లేదు. దివ్యాంగుల కోసం ప్రభుత్వం ప్రత్యేకంగా పింఛన్, ఆర్టీసీ, రైల్వే ప్రయాణాల్లో రాయితీ, సబ్సిడీ రుణాల మంజూరు, ట్రై సైకిళ్ల మంజూరు, చేతికర్రలు సహా మరికొన్ని పథకాలు ప్రవేశపెట్టింది. కానీ ధ్రువీకరణ పత్రాలు లేక ఈ పథకాలకు దివ్యాంగులు దూరం కావాల్సి వస్తోంది.   మండల కేంద్రాల్లో శిబిరాలు నిర్వహించాలి జిల్లాలో దివ్యాంగులు భారీ సంఖ్యలోనే ఉన్నారు. వీరిలో చాలా మందికి ధ్రువీకరణ పత్రాలు లేకపోవడంతో ప్రభుత్వ పథకాల్లో అర్హత కోల్పోతున్నారు. ఈ నేపథ్యంలో ఆయా మండల కేంద్రాల్లోనే సదరమ్‌ శిబిరాలను నిర్వహించాలని దివ్యాంగులు కోరుతున్నారు. మంచిర్యాల, ఆసిఫాబాద్‌ వంటి పట్టణాలకు వెళ్లాలంటే బెజ్జూర్, కౌటాల, దహెగాం, చింతలమానెపల్లి మండలాలలోని మారుమూల గ్రామాల నుంచి సుమారు 100నుంచి 150 కిలోమీటర్ల దూరం ఉంటుంది. అయితే ఇంత దూర ప్రాంతాలకు దివ్యాంగులు వెళ్లడం ఇబ్బందిగా మారుతోంది. ఇలాంటి సమస్యలపై గతంలో జిల్లా కేంద్రం ఆసిఫాబాద్‌లో ఆందోళనలు కూడా నిర్వహించారు. కలెక్టర్‌కు వినతిపత్రాలూ అందించారు. అయినా సమస్య పరిష్కారానికి నోచుకోకపోవడంతో దివ్యాంగులు మానసికంగా వేదనకు గురవుతున్నారు. ఎన్నికల పోలింగ్‌లో ధ్రువీకరణ పత్రం ఉంటేనే గుర్తింపు.. ఎన్నికల పోలింగ్‌లో భాగంగా దివ్యాంగులకు ధ్రువీకరణ పత్రం ఉంటేనే దివ్యాంగులకు ప్రత్యేకంగా సౌకర్యాలు కల్పిస్తారు. పోలింగ్‌ కేంద్రాల్లో దివ్యాంగుల కోసం ఓటు వేసే సమయంలో ఇబ్బందులు ఎదురుకాకుండా ఉండేందుకు ఎన్నికల కమిషన్‌ పలు మార్గదర్శకాలు జారీ చేసింది.   దివ్యాంగులు పోలింగ్‌ గదిలోకి వెళ్లేందుకు వీలుగా మెట్లు ఉన్న ప్రాంతంలో ర్యాంప్‌ నిర్మించాలి.   దివ్యాంగుల కోసం చక్రాల కుర్చిలు ఏర్పాటు చేసి తరలించాలి. ఇందుకు గాను ప్రభుత్వం ఇప్పటికే కుర్చిలు కొనుగోలు చేసింది.  ఆయా పోలింగ్‌ కేంద్రం పరిధిలో దివ్యాంగుల సంఖ్య అధికంగా ఉంటే దివ్యాంగుల కోసం ప్రత్యేకంగా గదిని ఏర్పాటు చేయాల్సి ఉంటుంది.దివ్యాంగులు పోలింగ్‌ కేంద్రంలో ఓటు వేసేంత వరకు అందుబాటులో ఉన్న ప్రభుత్వ ఉద్యోగులు సహకరించాల్సి ఉంటుంది. ఇంటి నుంచి బయటకు రాలేని దివ్యాంగులను ప్రభుత్వ అధికారులు గుర్తించి పోలింగ్‌ కేంద్రం వరకు తరలించి ఓటుహక్కు వినియోగించుకునేలా చర్యలు తీసుకుంటారు. కొంతవరకు దివ్యాంగులకు మానవతా  దృక్పథంతో సహకరిస్తున్నా ప్రభుత్వ రికార్డుల ప్రకారం అందించే సౌకర్యాలకు మాత్రం దివ్యాంగుల ధ్రువీకరణ పత్రాలు తప్పనిసరిగా అధికారులకు చూపించాల్సి ఉంటుంది. 

సాక్షి,మిర్యాలగూడ రూరల్‌ : అర్హులందరికీ ఓటు హ క్కు కల్పిస్తాం, ఓటు వేసేందుకు సకల సౌకర్యాలు కల్పిస్తున్నాం అని ఎన్నికల అధికారులు చెబుతున్నారు. కానీ కొన్ని గ్రామాల ఓటర్ల పోలింగ్‌ బూత్‌ అందుబాటులో లేక ఓటు వేసేందుకు నానావస్థలు పడుతున్న గ్రామాలు ఇంకా ఉన్నాయి. ఆ కోవకు చెందిన గ్రామమే మిర్యాలగూడ మండలం తుంగపహాడ్‌ గ్రామ పంచాయతీ పరిధిలోని ధీరావత్‌తండా. ఇటీవల నూతన గ్రామ పంచా యతీగా మారింది. ఈ తండాలో 315 మంది ఓట ర్లు ఉన్నారు. ఇందులో ఐదుగురు వృద్ధులు, ఇద్ద రు దివ్యాంగులున్నారు. ఈ గ్రామస్తులు ఓటు వే సేందుకు తుంగపహాడ్‌ గ్రామ శివారు లావూడితండాలో పోలింగ్‌ బూత్‌ ఏర్పాటు చేశారు. ఈ పోలింగ్‌ బూత్‌ చెప్పు కొనేందుకు రెండు కిలో మీటర్ల దూరమే అయినా రోడ్డు వసతి లేదు. ధీరావత్‌తండా నుంచి లావూడితండాకు వెళ్లాలంటే పొలం గట్ల మీదుగా కాలి నడకన వెళ్లాలి. అలా వెళదామన్న రెండు వాగులు(బంధాలు) దాటాలి. ఈ వాగుల నిండా నీరు ఎల్లప్పుడూ ఉం టుంది. దీంతో వాగులను దాటే పరిస్థితి ఉండదు. కనీసం సైకిల్, బైక్‌గానీ వెళ్లే అవకాశం లేదు.   ఓటు వేయాలంటే బంధమైనా దాటాలి..18కి.మీటర్లైనా ప్రయాణించాలి:  ధీనావత్‌తండా వాసులు ఓటు వేయాలంటే పొలం గట్టున రెండు కిలో మీటర్లు కాలినగక వెళ్లి రెండు బంధాలు దాటితే కానీ వారు ఓటు వేయడానికి ఏర్పాటు చేసిన లావూడితండాలోని పోలింగ్‌ బూత్‌కు చేరుకోలేరు. ఈ మార్గం వెళ్లడానికి కనీసం కాలిబాట సౌకర్యం లేదు. కాగా వాహనాలపై వెళ్లాలి. వెళ్లాలంటే శ్రీనివాస నగర్, తుంగపహాడ్‌లో పోలింగ్‌ బూత్‌లను దాటి 9 కిలోమీటర్లు రోడ్డు మార్గాన వెళ్లాలి. ఓటు వేసి తిరిగి వారు తండాకు రావాలంటే 18కిలో మీటర్లు ప్రయాణం చేయాల్సిందే. దీనితో వీరు ఓటు వినియోగించుకోవాలంటేనే ఎంతో ఇబ్బందిగా భావిస్తున్నారు. ఈ విషయం అధికారుల దృష్టికి తీసుకెళ్లినా పట్టించుకోలేదు. ఇప్పటికైనా ధీరావత్‌తండా ఓటర్లకు పక్కనే ఉన్న శ్రీనివాసనగర్‌ పోలింగ్‌ బూత్‌కు మార్చడమన్న, లేదా తండాలో ప్రత్యేక బూత్‌ ఏర్పాటైనా చేయాలని తండా ఓటర్లు కోరుతున్నారు. తండాలోనే పోలింగ్‌ బూత్‌ ఏర్పాటు చేయాలి : ధీరావత్‌తండాలోనే పోలింగ్‌ బూత్‌ ఏర్పాటు చేయాలి. తండాలో 315మంది ఓటర్లు ఉన్నారు. అందరూ తమ ఓటు హక్కు వినియోగించుకోవాలంటే వాగులు దాటి వెళ్లే పరిస్థితి లేదు. ఈ విషయం ఇప్పటికే పలుమార్లు అధికారుల దృష్టికి తీసుకెళ్లాం. స్పందన లేదు. ఎన్నిక సమీక్షనైనా, ఎన్నికల అధికారులైనా స్పందిచాలి. తండాలోనే పోలింగ్‌ బూత్‌లు ఏర్పాటు చేయాలి. – ధీరావత్‌ రమేశ్, ధీరావత్‌ తండా   

రాయిపూర్‌: ఛత్తీస్‌గఢ్‌ రెండో దశ అసెంబ్లీ ఎన్నికలకు రంగం సిద్ధమైంది. 19 జిల్లాల్లో విస్తరించిన మొత్తం 72 అసెంబ్లీ స్థానాలకు నేడు పోలింగ్‌ జరగనుంది. పోలింగ్‌ దృష్ట్యా పటిష్ట భద్రత ఏర్పాట్లు చేశారు. లక్షమందికి పైగా భద్రతాబలగాలను మోహరించారు. మొత్తం 90 సీట్లలో 18 స్థానాలకు తొలి దశ పోలింగ్‌లో ఈ నెల 12న ఎన్నికలు జరిగిన విషయం తెలిసిందే. 8 నక్సల్స్‌ ప్రభావిత జిల్లాల్లో తొలి దశలోనే పోలింగ్‌ పూర్తయింది. మిగిలిన మావో ప్రభావిత జిల్లాలైన గరియాబంద్, ధంతరి, మహాసముంద్, కబీర్దమ్, జష్‌పూర్, బల్‌రామ్‌పూర్‌ జిల్లాల్లో నేడు పోలింగ్‌ జరగనుంది. రమణ్‌సింగ్‌ ప్రభుత్వం లోని 9 మంది మంత్రులు, స్పీకర్‌తో పాటు కాంగ్రెస్‌ రాష్ట్ర చీఫ్‌ భూపేశ్‌ బఘేల్, అజిత్‌ జోగి సహా ఇరు పార్టీల కీలక నేతల భవిష్యత్‌ నేడు ఈవీఎంలలో నిక్షిప్తం కానుంది. ఈ 72 సీట్లలో 46 జనరల్, 9 ఎస్సీ, 17 ఎస్టీలకు కేటాయించారు. 2013లో ఈ 72లో 43 స్థానాలను బీజేపీ, 27 సీట్లకు కాంగ్రెస్‌ చెరో సీటును బీఎస్పీ, స్వతంత్ర అభ్యర్థి గెలుచుకున్నారు.   ఉదయం 8 నుంచి సాయంత్రం 5 వరకు ఉదయం 8 గంటల నుంచి సాయంత్రం 5 గంటల వరకు పోలింగ్‌ జరుగుతుంది. కనీసం 65 స్థానాలు గెలుచుకుని వరుసగా నాలుగోసారి అధికారం చేపట్టాలని బీజేపీ, 15 ఏళ్లుగా కొనసాగుతున్న విపక్ష హోదాను అధికార పక్షంగా మార్చుకోవాలని కాంగ్రెస్‌ సర్వశక్తులు ఒడ్డుతున్నాయి. బీఎస్పీ, అజిత్‌ జోగికి చెందిన జనతా కాంగ్రెస్‌ ఛత్తీస్‌గఢ్, సీపీఐల కూటమి కూడా విజయంపై ఆశలు పెట్టుకుంది.  

సాక్షిప్రతినిధి, కరీంనగర్‌: జిల్లాలో 2014 ఎన్నికల కంటే ఈసారి పోలింగ్‌ శాతం మరింత పెంచే దిశగా అధికారయంత్రాంగం చర్యలు ప్రారంభించింది. జిల్లా కలెక్టర్, ఎన్నికల అధికా రి సర్ఫరాజ్‌ అహ్మద్‌ ఈ విషయమై ప్రత్యేక దృష్టి సారించారు. జిల్లాలోని నాలుగు నియోజకవర్గాల్లో పోలింగ్‌ కేంద్రాల వారీగా ఓటర్ల సంఖ్య, పోలింగ్‌ కేంద్రాలు, ఎలక్ట్రానిక్‌ ఓటింగ్‌ యంత్రాలు వివరాలపై ఒకటికి రెండు సార్లు పరిశీలన చేస్తున్నారు. పోలింగ్‌ కేంద్రాల్లోని అసౌకర్యాలతోపాటు ఆ కేంద్రాలకు వచ్చే ఓటర్ల ఇబ్బందులను తెలుసుకోవాలని ఆయన అధికారగణాన్ని ఆదేశించారు. క్షేత్రస్థాయిలో వాస్తవ పరిస్థితులను తెలుసుకుంటే ప్రత్యామ్నాయ ఏర్పాట్లపై తగు చర్యలు తీసుకునే అవకాశముంటుందని అధికారులతో నిర్వహించిన సమావేశాల్లో సూచించారు. ఈ మేరకు జిల్లా అధికార యంత్రాంగం నియోజకవర్గాల వారీగా పోలింగ్‌ శాతం పెంపుపై దృష్టి సారించి ఏర్పాట్లను పరిశీలిస్తోంది. 2014 ఎన్నికలతో పోలిస్తే తగ్గిన ఓటర్లు.. సగటున 72.47 శాతం పోలింగ్‌.. 2014 ఎన్నికలతో పోలిస్తే ఓటర్ల సవరణ, నమో దు తర్వాత ఇటీవల ప్రకటించిన జాబితా ప్రకారం 42,305 ఓటర్లు తగ్గారు. గత ఎన్నికల పో లింగ్‌ నాటికి 9,32,534 ఓటర్లుండగా, ప్రస్తుతం ఆ సంఖ్య 8,90,229గా ఉంది. ఆ ఎన్నికల్లో నాలుగు నియోజకవర్గాల్లో సగటున 72.47 శా తం నమోదు కాగా, అత్యధికంగా మానకొండూ రు నియోజకవర్గం ఓటర్లు తమ ఓటు హక్కును వినియోగించుకోగా, అత్యల్పంగా పోలింగ్‌ శా తం కరీంనగర్‌లో నమోదైంది. కరీంనగర్‌ నియోజకవర్గంలో 3,22,595 మంది ఓటర్లుంటే 1,89,580 మంది తమ ఓటుహక్కును వినియోగించుకోగా 58.77 శాతంగా నమోదైంది. హుజూ రాబాద్‌లో 2,09,783కు 1,62,675 మంది ఓటు వేయగా 77.54 శాతం, చొప్పదండి(ఎస్సీ)లో 2,04,776లకు 1,50,049 మంది ఓట్లేయగా 73.27 శాతంగా నమోదైంది. అదేవిధంగా మానకొండూరు(ఎస్సీ) నియోజకవర్గంలో 1,95,380 ఓటర్లకు గాను 1,56,907 మంది తమ ఓటుహక్కుని వినియోగించుకోగా 80.31 శాతంగా పో లింగ్‌ నమోదైంది. ఈ నేపథ్యంలో ఓటర్ల సంఖ్య తగ్గినా.. పోలింగ్‌ శాతం తగ్గకుండా చర్యలు తీసుకుంటున్నారు. కరీంనగర్, హుజూరాబాద్, మానకొండూరు, చొప్పదండి నియోజకవర్ల ఓటర్లనే జిల్లా ఓటర్లుగా పరిగణిస్తున్న నేపథ్యంలో ఇప్పటికే పోలింగ్‌ కేంద్రాల గుర్తింపు పూర్తయ్యింది. అక్కడి సౌకర్యాల విషయంలోనూ సమగ్ర సమాచారాన్ని అధికారయంత్రాంగం సేకరించింది. ఈ క్రమంలో ఇటీవల కొత్తగా అన్ని మండలాలకు తహసీల్దార్లు విధుల్లో చేరారు. కిందటి ఎన్నికల్లో పోలింగ్‌ శాతం తక్కువగా నమోదు కావడాన్ని గమనించిన పాలనాధికారి మరోమారు పోలింగ్‌ కేంద్రాలను సందర్శించాలని వారిని ఆదేశించడంతో యంత్రాంగం అప్రమత్తమైంది. కరీంనగర్‌లోనే మరీ తక్కువ.. పోలింగ్‌ శాతంపై కసరత్తు.. నాలుగు నియోజకవర్గాలను పరిశీలిస్తే గత ఎన్నికల్లో కరీంనగర్‌ నియోజకవర్గంలో పోలింగ్‌ శాతం తక్కువగా నమోదైంది. ఈ నియోజకవర్గంలో 3,22,595 మంది ఓటర్లుంటే 1,89,580 మంది తమ ఓటుహక్కును వినియోగించుకున్నా రు. పోలింగ్‌ సరళిని పరిశీలిస్తే చాలా తక్కువగా 58.77 శాతం మంది మాత్రమే ఓట్లు వేశారు. హుజూరాబాద్, చొప్పదండిలో ఫరవాలేదనిపించినా.. మానకొండూరులో అత్యధికంగా 80.31 శాతం నమోదైంది. ఈసారి నాలుగు నియోజకవర్గాల్లో పోలింగ్‌ శాతం మరింత పెంచే దిశగా ఎదురయ్యే అవరోధాలను అధిగమించాలని పాలనాధికారి భావిస్తున్నారు. అవసరమైతే పోలింగ్‌ కేంద్రాన్ని ఒక చోటు నుంచి దగ్గరగా ఉన్న మరో చోటికి మార్చడం లేదంటే గుర్తించిన పోలింగ్‌ కేంద్రానికి రాని పరిస్థితి ఉంటే ఏం చేయాలన్న దానిపై ప్రతిపాదనలు సిద్ధం చేయాలని అధికా రులను ఆదేశించడం చూస్తుంటే పాలనాధికారి పోలింగ్‌ నమోదుపై పక్కా ప్రణాళికతో వెళ్తున్నారన్న సంకేతాలు కనిపిస్తున్నాయి. ప్రధానంగా కొత్తగా వచ్చిన తహసీల్దార్లు సరైన నివేదికను, ప్రతిపాదనలు సరిగ్గా రూపొందిస్తేనే పాలనాధికారి సంకల్పం నెరవేరే అవకాశముంది. కాగా.. ఇటీవల ప్రకటించిన జాబితా ప్రకారం జిల్లాలో 8,90,229 మంది ఓటర్లుండగా ఇందులో 4,42,342 పురుషులు, 4,46,832 మహిళా ఓటర్లు, 55 మంది ఇతరులు ఉన్నారు. నియోజకవర్గాల వారీగా చూస్తే కరీంనగర్‌లో అత్యధికంగా మొత్తం ఓటర్లు 2,77,236 ఉండగా, అత్యల్పంగా 1,99,098 మంది మానకొండూరులో ఉన్నారు. చొప్పదండిలో 2,08,056, హుజూరాబాద్‌లో 2,05,839 మంది ఓటర్లు నమోదై ఉన్నారు. పోలింగ్‌ నాటికి స్వల్పంగా పెరిగే అవకాశం ఉన్నా.. ఇప్పుడున్న జాబితా ఆధారంగా పోలింగ్‌ శాతం పెంచడంపై అధికార యంత్రాంగం కసరత్తు చేస్తోంది.

శ్రీనగర్‌: కశ్మీర్‌లో జరిగిన మున్సిపల్‌ ఎన్నికల్లో దాదాపు 70 శాతం వార్డుల్లో పోలింగ్‌ జరగలేదని ఓ నివేదికలో వెల్లడైంది. కొన్ని చోట్ల కనీసం ఎవరూ నామినేషన్‌ వేయలేదు. మరికొన్ని చోట్ల ఒక్కరే నామినేషన్‌ దాఖలు చేయడంతో పోలింగ్‌ జరగలేదు. కశ్మీర్‌ ఎన్నికల విభాగం గణంకాల ప్రకారం 10 జిల్లాల్లోని 40 మున్సిపాలిటీల్లో 598 వార్డులకు ఎన్నికలు జరిగాయి. ఇందులో 186 వార్డుల్లోనే పోలింగ్‌ జరిగింది. మిగతా 412 (68.89 శాతం) వార్డుల్లో ఎటువంటి ఓటింగ్‌ జరగలేదు. తీవ్రవాదులతో ముప్పుపొంచి ఉన్న నేపథ్యంలో భద్రత కారణాల దృష్ట్యా అభ్యర్థుల వివరాలను రహస్యంగా ఉంచింది. దీంతో కొందరు అభ్యర్థులు ప్రచారానికి దూరంగా ఉండగా.. మరికొందరు అజ్ఞాతంలో గడిపారు. ఎన్నికలు జరిగిన 598 వార్డుల్లో 231 (38.62) వార్డుల్లో ఒక్కరే నామినేషన్‌ దాఖలు చేయగా వారే గెలుపొందినట్లు ప్రకటించారు

శ్రీనగర్‌: ప్రధాన రాజకీయ పార్టీల బహిష్కరణ పిలుపు నేపథ్యంలో జమ్మూకశ్మీర్‌లో మొదటి విడత స్థానిక ఎన్నికల్లో అతి తక్కువ పోలింగ్‌ నమోదయింది. కశ్మీర్‌ లోయలో అత్యంత కట్టుదిట్టమైన భద్రత నడుమ సోమవారం మొదటి విడత 83 వార్డులకు జరిగిన ఎన్నికల్లో 84,692 మంది ఓటర్లకు గాను 7,057 మంది మాత్రమే ఓటుహక్కు వినియోగించుకున్నారు. ఉగ్రవాద ప్రభావిత కశ్మీర్‌ లోయలో కేవలం 8.3 శాతం ఓటింగ్‌ నమోదయింది. జమ్మూలోని కార్గిల్‌లో అత్యధికంగా 78 శాతం, లేహ్‌లో 52 శాతం పోలింగ్‌ నమోదయిందని అధికారులు తెలిపారు. కుప్వారా, హంద్వారా మునిసిపల్‌ కమిటీ ఎన్నికల్లో వరుసగా 36.6 శాతం, 27.8శాతం మంది ఓటు హక్కు వినియోగించుకున్నారు.

మాస్కో: రష్యా అధ్యక్ష పదవిని వ్లాదిమిర్‌ పుతిన్‌ నాలుగోసారి చేపట్టడం లాంఛనమేనని తెలుస్తోంది.  రష్యాలో అధ్యక్ష ఎన్నికలు ఆదివారం జరిగాయి. ఈ దేశంలో ఏకంగా 11 టైమ్‌ జోన్‌లు ఉండటంతో పోలింగ్‌ ఒక్కో ప్రాంతంలో ఒక్కో సమయంలో మొదలైంది. భారత కాలమానం ప్రకారం శనివారం అర్ధరాత్రి 1.30 గంటలకు మొదలైన పోలింగ్‌ ఆదివారం అర్ధరాత్రి 11.30 గంటలకు ముగిసింది. 2000 నుంచి 2008 వరకు రెండు పర్యాయాలు అధ్యక్షుడిగా పనిచేసిన ఆయన ఆ తర్వాత నాలుగేళ్లు ప్రధానిగా ఉన్నారు. 2012లో మూడోసారి అధ్యక్షుడయ్యారు. తాజాగా రష్యాలో అధ్యక్ష ఎన్నికలు జరుగుతుండగా పుతిన్‌పై తీవ్ర వ్యతిరేకత ఉన్నప్పటికీ ఆయనకు ప్రత్యామ్నాయంగా మరో బలమైన నేత లేరు. పుతిన్‌ ప్రధాన ప్రత్యర్థి అలెక్సీ నావల్నీని ఎన్నికల్లో పోటీ చేయకుండా నిషేధించారు.

సాక్షి , చెన్నై:  చెన్నై ఆర్ కేనగర్‌ ఉప ఎన్నికల్లో భాగంగా గురువారం ఉదయం 8 గంటలకు పోలింగ్‌ ప్రారంభమైంది. ఉదయం నుంచే ఓటర్లు తమ ఓటు హక్కును వినియోగించుకునేందుకు పోలింగ్‌ కేంద్రాలకు తరలి వస్తున్నారు. 258 పోలింగ్‌ కేంద్రాల్లో పోలింగ్‌ జరుగుతోంది. సాయంత్రం 5 గంటల వరకూ పోలింగ్‌ కొనసాగుతుంది. అన్నాడీఎంకే అధినేత్రి జయలలిత చెన్నై ఆర్కే నగర్‌ అసెంబ్లీ నియోజకవర్గం నుండే ప్రాతినిథ్యం వహించారు. ఆమె మరణంతో ఏర్పడిన ఖాళీని ఆరు నెలల్లోగా భర్తీ చేయాల్సి ఉండగా ఈ ఏడాది ఏప్రిల్‌ 12వ తేదీన ఉప ఎన్నికల షెడ్యూలు విడుదలై నామినేషన్లు కూడా పూర్తయ్యాయి. అయితే ఓటర్లకు నగదు బట్వాడా జరగడంతో ఆ ఎన్నిక రద్దయింది.  ప్రస్తుతం అన్నాడీఎంకే, డీఎంకే, బీజేపీ, స్వతంత్ర అభ్యర్థిగా టీటీవీ దినకరన్‌ సహా మొత్తం 59 మంది రంగంలో ఉన్నారు. సహజంగా తమిళనాడులో ఏ ఎన్నికలు వచ్చినా ప్రధాన పోటీ అన్నాడీఎంకే, డీఎంకేల మధ్యనే ఉంటుంది. అయితే ఈ ఉప ఎన్నికల్లో అన్నాడీఎంకే బహిష్కృతనేత దినకరన్‌ పోటీకి దిగడంతో త్రిముఖ పోటీ నెలకొంది. 

న్యూఢిల్లీ: పోలింగ్‌కు 48 గంటల ముందు ఎన్నికల ప్రచారాన్ని ఆపివేయాలనే నిబంధనపై సవరణలు సూచించేందుకు కేంద్ర ఎన్నికల కమిషన్‌(సీఈసీ) ఒక కమిటీని ఏర్పాటు చేసింది. నిబంధనల ప్రకారం ప్రచార పర్వాన్ని నిలిపివేస్తున్న పార్టీలు, అభ్యర్థులు ఆధునిక సాంకేతిక పరిజ్ఞానాన్ని ఉపయోగించుకుని ఇతర మార్గాల్లో ప్రచారం కొనసాగిస్తున్నట్లు సీఈసీ గుర్తించింది. ఇటీవలి గుజరాత్‌ ఎన్నికల సందర్భంగా ప్రధానమంత్రి నరేంద్ర మోదీ ఫిక్కి సమావేశం, టీవీల్లో రాహుల్‌ గాంధీ ఇంటర్వ్యూలు, ప్రచారం ముగిశాక బీజేపీ మ్యానిఫెస్టో విడుదల.. వంటివి వివాదాస్పదంగా మారాయి. ఇటువంటి చర్యలకు అడ్డుకట్ట వేసేందుకు సమాచార, ప్రసార, న్యాయ, ఐటీ మంత్రిత్వ శాఖలతోపాటు నేషనల్‌ బ్రాడ్‌కాస్టర్స్‌ అసోసియేషన్లు, ప్రెస్‌ కౌన్సిల్‌ ప్రతినిధులతో కూడిన కమిటీని ఏర్పాటు చేసింది. 

అహ్మదాబాద్‌: 2017 గుజరాత్‌ అసెంబ్లీఎన్నికల్లో రెండు దశల్లో కలిపి సగటున 68.41 శాతం పోలింగ్‌ నమోదయిందని ఎన్నికల సంఘం(ఈసీ) తెలిపింది. 89 స్థానాలకు తొలిదశలో జరిగిన ఎన్నికల్లో 66.75 శాతం, రెండోదశలో 93 స్థానాలకు జరిగిన ఎన్నికల్లో 69.99 శాతం పోలింగ్‌ జరిగిందని తెలిపింది. ఆదివాసీలు అధికంగా ఉన్న నర్మదా జిల్లాలో అత్యధికంగా 79.15 శాతం, ద్వారక జిల్లాలో అత్యల్పంగా 59.39 శాతం పోలింగ్‌ జరిగినట్లు తెలిపింది. తాపి(78.5%), బనస్కంథ(75.1%), సబర్కంథ(74.9%) జిల్లాల్లో భారీగా ఓటింగ్‌ జరిగినట్లు వెల్లడించింది.   


 ముగిసిన స్థానిక సంస్థల ఎమ్మెల్సీ పోలింగ్‌
 – మొత్తం ఓటర్లు 1,084.. ఓటేసింది 1,077 మంది
 – మొత్తం 99.35 శాతం పోలింగ్‌
 – 20న ఓట్ల లెక్కింపు
 – గంటల తరబడి నిలబడిన ఓటర్లు
 – ఓటు వేసేందుకు ఇంత సేపు ఏంటంటూ అసహనం
 – పోలింగ్‌ కేంద్రంలో అధికార పార్టీ నేతలు
 – ఫిర్యాదు చేస్తే తప్ప స్పందించని అధికారులు
 – నంద్యాల డివిజన్‌లో క్రాస్‌ ఓటింగ్‌
 – ఆందోళన చెందుతున్న అధికార పార్టీ నేతలు
  
 సాక్షి ప్రతినిధి, కర్నూలు: స్థానిక సంస్థల ఎమ్మెల్సీ ఎన్నికల ప్రక్రియ ముగిసింది. శుక్రవారం జరిగిన ఓటింగ్‌ ప్రశాతంగా ముగిసింది. మొత్తం 1,084 మంది ఓటర్లలో 1,077 మంది ఓటు హక్కును వినియోగించుకున్నారు. మిగిలిన 7గురు వివిధ కారణాలతో ఓటింగ్‌లో పాల్గొనలేదు. మొత్తం మీద 99.35 శాతం పోలింగ్‌ జరిగింది. ఈ నెల 20న ఓట్ల లెక్కింపు జరగనుంది. అయితే, ఓటింగ్‌లో నంద్యాల, ఆదోని డివిజన్‌లో మొదట్లో భారీగా ప్రారంభం కాగా.. కర్నూలు రెవెన్యూ డివిజన్‌లో నెమ్మదిగా ప్రారంభమయ్యింది. అదేవిధంగా కర్నూలు రెవెన్యూ డివిజన్‌లో ఓటు వేసేందుకు గంటల తరబడి క్యూ లైన్‌లో నిలబడాల్సి వచ్చింది. దీంతో ఓట్లు తక్కువగా ఉన్నప్పటికీ ఇంత సేపు క్యూలో నిల్చోవడం ఏమిటని ఓటర్లు అసహనాన్ని వ్యక్తం చేశారు.
  
 ఒకానొక దశలో 11 గంటల ప్రాంతంలో క్యూలో నిల్చున్న ఓటరు.. రెండు గంటల పాటు వేచిచూసి ఓటు వేయాల్సిన దుస్థితి నెలకొంది. మరోవైపు ఎండ వేడిమి భారీగా ఉండటంతో అభ్యర్థులు ఇబ్బందులు ఎదుర్కొన్నారు. ఇక ఓటింగ్‌ కేంద్రంలోకి అధికార పార్టీకి చెందిన పలువురు నేతలు వచ్చి ఓటర్లను ప్రభావితం చేసే ప్రయత్నం చేశారు. అధికారులు మాత్రం చూసీ చూడనట్టుగా వ్యవహరించారనే విమర్శలు ఉన్నాయి. అయితే, ప్రతిపక్ష పార్టీ నుంచి అభ్యంతరం చెప్పిన తర్వాతే వారిని బయటకు పంపించారు.
  
 ముఖ్యంగా నంద్యాల, కర్నూలు రెవెన్యూ డివిజన్‌లో క్రాస్‌ ఓటింగ్‌ జరిగిందని అధికార పార్టీ నేతలు ఆందోళన వ్యక్తం చేస్తున్నారు. మరోవైపు వైఎస్‌ఆర్‌సీపీలో తాము గెలుస్తున్నామనే ధీమా కనబడింది. అయితే, ఎవరి భవితవ్యం ఏమిటనే విషయం ఈ నెల 20న జరిగే ఓట్ల లెక్కింపులో బయటపడనుంది. మధ్యాహ్నం 12 గంటల సమయానికి ఎవరిది గెలుపనే అంశం సూచనప్రాయంగా తెలిసే అవకాశం ఉంది.
  
 భయపెడుతున్న క్రాస్‌ ఓటింగ్‌
 వాస్తవానికి స్థానిక సంస్థల ఎమ్మెల్సీ ఎన్నికల్లో గెలిచేందుకు అవసరమైన మెజార్టీ ఓటర్లు వైఎస్సార్‌ కాంగ్రెస్‌ పార్టీకి ఉన్నారు. అయితే అధికార పార్టీ నేతలు ప్రలోభాలకు గురిచేసి, బెదిరించి పలువురిని పార్టీ మార్పించారు. ఈ నేపథ్యంలో వీరు తమకు ఓటు వేస్తారా అనే అనుమానం అధికార పార్టీలో వ్యక్తమవుతోంది. ప్రధానంగా నంద్యాల డివిజన్‌లో భూమాకు చెందిన అనుచరులు తమ ప్రత్యర్థిగా ఉన్న శిల్పాకు ఓటు వేసేందుకు మొదటి నుంచీ నిరాకరించారు. దీంతో ఈ డివిజన్‌లో భారీగానే క్రాస్‌ ఓటింగ్‌ జరిగిందని అధికారపార్టీ నేతలే అంగీకరిస్తున్నారు.
  
 అదేవిధంగా కర్నూలు డివిజన్‌లోని కోడుమూరు, నందికొట్కూరు నియోజకవర్గాల్లో పార్టీ మారిన పలువురు ఓటర్లు కూడా తాము గెలిచిన వైఎస్సార్‌ కాంగ్రెస్‌ పార్టీ రుణం ఈసారి తీర్చుకోవాలని నిర్ణయించుకుని ఓటింగ్‌కు వచ్చినట్టు తెలుస్తోంది. కర్నూలు డివిజన్‌లోనూ క్రాస్‌ ఓటింగ్‌ జరిగిందనే ప్రచారం జరుగుతోంది. ఇక ఆదోని రెవెన్యూ డివిజన్‌లో వైఎస్సార్‌ కాంగ్రెస్‌ పార్టీకి పక్కా మెజారిటీ ఉంది. మొత్తం మీద వైఎస్సార్‌ కాంగ్రెస్‌ పార్టీ అభ్యర్థికి గెలుపు సూచనలు కనపడుతున్నాయి. అయితే, అధికారపార్టీ నేతలు మాత్రం.. ఎవరికి ఓటు వేసేది తెలుస్తుందని.. ఓటు వేయకపోతే సంగతి చూస్తామంటూ పలు చోట్ల బెదిరింపులకు దిగినట్టు సమాచారం.
  
 నేరుగా పలువురు జెడ్పీటీసీలు, ఎంపీటీసీ సభ్యులతో పాటు కౌన్సిలర్లకు కూడా ముఖ్యమంత్రి చంద్రబాబు ఫోన్‌లో మాట్లాడినట్టు తెలిసింది. అంటే అధికార పార్టీలో ఏ స్థాయిలో ఓటమి భయం ఉందో ఈ విషయం తేటతెల్లం చేస్తోందని వైఎస్‌ఆర్‌సీపీ నేతలు అంటున్నారు. ఇక ఓటింగ్‌ జరుగుతుండగా... అధికారపార్టీ నేతలు పలువురు పోలింగ్‌ కేంద్రంలోకి వచ్చే ప్రయత్నం చేశారు. ఎక్కడా అధికారులు మాత్రం నిలువరించే ప్రయత్నం చేయలేదు. అయితే, వైఎస్‌ఆర్‌సీపీ అభ్యర్థి గౌరు వెంకటరెడ్డి అభ్యంతరం చెప్పడంతో పోలీసులు వారిని పంపించేశారు. 
  
 డివిజన్ల వారీగా ఉన్న ఓట్లు, పోలైన ఓట్ల వివరాలు
 డివిజన్‌ ఉన్న ఓట్లు   పోలైన ఓట్లు  శాతం
 కర్నూలు   386             384        99.48 
 ఆదోని       391             389        99.48
 నంద్యాల    307             304        99.02
 మొత్తం    1,084           1,077        99.35
  
 ఓటు వేయని వారు
 – భూమా నాగిరెడ్డి– ఎమ్మెల్యే, నంద్యాల (మరణించారు)
 – సుంకమ్మ– రామతీర్థం ఎంపీటీసీ (చనిపోయారు) 
 – మస్తాన్‌ వలీ, చాగలమర్రి ఎంపీపీ (జైల్లో ఉన్నారు)
 – మహదేవమ్మ–కోవెలకుంట్ల ఎంపీటీసీ (చనిపోయారు)
 – పద్మావతమ్మ– బేతంచర్ల జెడ్పీటీసీ (విదేశాల్లో ఉన్నారు)
 – బుట్టా రంగయ్య– ఎమ్మిగనూరు మునిసిపాలిటీ వైస్‌చైర్మన్‌ (అనారోగ్యం) 
 – మోహన్‌ రాజ్‌– మార్లమడికి ఎంపీటీసీ
  


 - మున్సిపల్ కమిషనర్‌ ఎస్‌ రవీంద్రబాబు
 - రిటర్నింగ్‌, అసిస్టెంట్‌ రిటర్నింగ్‌ అధికారులతో సమావేశం
 కర్నూలు (టౌన్‌) ; త్వరలో నిర్వహించనున్న కర్నూలు మున్సిపల్‌ కార్పొరేషన్‌కు ఎన్నికలకు సంబంధించి పోలింగ్‌ స్టేషన్ల గుర్తింపు ప్రక్రియను పకడ్బందీగా చేపట్టాలని నగరపాలక కమిషనర్‌ ఎస్‌. రవీంద్రబాబు సూచించారు. స్థానిక నగరపాలకలోని సమావేశ భవనంలో శుక్రవారం ఏర్పాటు చేసిన రిటర్నింగ్‌ అధికారులు, అసిస్టెంట్‌ రిటర్నింగ్‌ అధికారులతో సమావేశంలో ఆయన మాట్లాడారు. ఇప్పటికే వార్డుల వారీగా ఓటర్ల గుర్తింపు కార్యక్రమం ముగిసిందన్నారు. బీసీ, ఎస్సీ, ఎస్టీ, మహిళలు ఇలా.. కులాల వారీగా ఓటర్లను కూడా గుర్తించామన్నారు. నగరపాలక సంస్థ కార్యాలయం, కర్నూలు, కల్లూరు, రెవెన్యూ డివిజనల్‌ కార్యాలయాలు, జిల్లా కలెక్టరేట్‌ ఎదుట ఈ నెల 13న కులాల వారీగా ఓటర్ల జాబితాను ప్రదర్శిస్తామన్నారు. 
 ఒక్కో రిటర్నింగ్‌ అధికారి 5 వార్డులకు ప్రాతినిధ్యం వహించాల్సి ఉంటుందన్నారు. 51 వార్డుల్లో  ప్రభుత్వ కార్యాలయాలు, ప్రభుత్వ పాఠశాలలను పోలింగ్‌ కేంద్రాలుగా ఎంపిక చేయాల్సి ఉందన్నారు. 9వ వార్డులో ప్రభుత్వ పాఠశాలలు, ప్రభుత్వ భవనాలకు ఇబ్బందిగా ఉన్నట్లు గుర్తించామని, ఇక్కడ ప్రత్యామ్నాయ చర్యలు తీసుకోవాలన్నారు. రిటర్నింగ్‌ అధికారులకు వారికి కేటాయించిన కార్యాలయ గదిలో ఆయా వార్డుల సమాచారం, ఓటర్ల జాబితా తదితర వాటిని అప్పగిస్తామన్నారు. వారం రోజుల వ్యవధిలో ఈ ప్రక్రియ పూర్తి చేయాలన్నారు. కార్యక్రమంలో టౌన్‌ప్లానింగ్‌ డిప్యూటి సిటీ ప్లానర్‌ కృష్ణకుమార్‌, ఎన్నికల విభాగం సూపరింటెండెంట్‌ ఇశ్రాయేలు, నగరపాలక మేనేజర్‌ చిన్నరాముడు తదితరులు పాల్గొన్నారు.
  


 - అంధులు, నిరక్షరాస్యులకు మినహాయింపు
 - వీరు 13వ తేదీ సాయంత్రంలోగా దరఖాస్తు చేసుకోవాలి
 - స్థానిక ఎమ్మెల్సీ ఎన్నికలపై జేసీ హరికిరణ్‌  
 
 కర్నూలు(అగ్రికల్చర్‌): శాసనమండలి స్థానిక సంస్థల నియోజకవర్గ ఎన్నికల పోలింగ్‌ ఈ నెల 17న ఉదయం 8 నుంచి సాయంత్రం 4 గంటల వరకు జరుగుతుందని జాయింట్‌ కలెక్టర్, రిటర్నింగ్‌ అధికారి హరికిరణ్‌ తెలిపారు. కర్నూలు, ఆదోని, నంద్యాల రెవెన్యూ డివిజన్‌ అధికారుల కార్యాలయాల్లో ఏర్పాటు చేసే కేంద్రాల్లో పోలింగ్‌ జరుగుతుందని ఆయన శుక్రవారం ఒక ప్రకటనలో తెలిపారు. పోలింగ్‌ కేంద్రంలో ఓటు హక్కు వినియోగించుకునేందుకు సహాయకులను అనుమతించబోమన్నారు. అంధులు,  చదువులేని, బలహీనులై ఉండి ఓటు వేయలేని స్థితిలో ఉన్నవారు సహాయకుల కోసం తగిన ఆధారాలతో ఈ నెల 13వ తేదీ సాయంత్రంలోగా దరఖాస్తు చేసుకోవాల్నారు. దరఖాస్తు ఫారాన్ని వెబ్‌సైట్‌(ఠీఠీఠీ.జుuటnౌౌ .్చp.జౌఠి.జీn)నుంచి పొందాలన్నారు. 18 ఏళ్లు నిండి, ఫొటో గుర్తింపు కార్డున్న వారినే సహాయకునిగా నియమించుకోవాలన్నారు.
  


 ఈనెల 20న కౌంటింగ్‌
 - 13 ఉపాద్యాయ పోలింగ్‌ కేంద్రాల్లో 100 శాతం పోలింగ్‌
 – పట్టభద్రు ఓటింగ్‌ 62.73 శాతమే..
 – అనంతపురం చేరిన బ్యాలెట్‌ బాక్స్‌లు
 – గెలుపుపై ఎవరి అంచనాలు వారివే..
 
 కర్నూలు(అగ్రికల్చర్‌): శాసనమండలి కర్నూలు, అనంతపురం, వైఎస్‌ఆర్‌ జిల్లాల ఉపాధ్యాయ నియోజకవర్గాల ఎన్నికల పోలింగ్‌ ముగియడంతో అందరి దృష్టి ఓట్ల లెక్కింపుపై పడింది. గెలుపుపై ఎవరి అంచనాల్లో వారు ఉన్నారు. ఓట్ల లెక్కింపునకు మరో 10 రోజుల గడువు ఉండటంతో విజయావకాశాలపై పెద్ద ఎత్తున చర్చ జరుగుతోంది. పట్టభద్రల నియోజకవర్గానికి సంబంధించి వెన్నపూస గోపాల్‌రెడ్డి, గేయానంద్‌ మధ్యనే పోటీ ఉన్నట్లు పోలింగ్‌ సరళిని బట్టి తెలుస్తోంది. జిల్లాకు సంబంధించి ఉపాధ్యాయులు పెద్ద ఎత్తున ఓటు హక్కు వినియోగించుకున్నారు. ఉపాధ్యాయులకు 55 పోలింగ్‌ కేంద్రాలు ఏర్పాటు చేయగా.. ఏకంగా 13 పోలింగ్‌ కేంద్రాల్లో 100 శాతం పోలింగ్‌ నమోదయింది. అతి తక్కువగా కర్నూలు డివిజన్‌లోని 147వ పోలింగ్‌ కేంద్రంలో 69.57 శాతం పోలింగ్‌ జరిగింది. ఈ పోలింగ్‌ కేంద్రంలో 23 మంది ఉపాధ్యాయ ఓటర్లు ఉండగా 16 మంది ఓటేశారు.
 
 శాసనమండలి ఎన్నికలను పట్టించుకోని పట్టభద్రులు
 జిల్లాలో పట్టభద్రుల ఓటర్లు 82,591 మంది ఉన్నారు. వీరికి 121 పోలింగ్‌ కేంద్రాలను ఏర్పాటు చేశారు. అయితే పట్టభద్రులు ఎన్నికలపై ఆసక్తి చూపలేదు. కేవలం 51,813 మంది మాత్రమే ఓటుహక్కు వినియోగించుకున్నారు. పోలింగ్‌ శాతం 62.73 శాతం మాత్రమే ఉంది. ఆదోని డివిజన్‌లో అత్యధికంగా 70.98 శాతం పోలింగ్‌ జరిగింది. కర్నూలు డివిజన్‌లో అత్యధికంగా 267 పోలింగ్‌ కేంద్రంలో 73.63 శాతం పోలింగ్‌ సమోదయింది. నంద్యాల డివిజన్‌లోని 334వ పోలింగ్‌ కేంద్రంలో అత్యధికంగా 69.07 శాతం పోలింగ్‌ జరిగింది. అతి తక్కువగా నంద్యాల డివిజన్‌లోని 316ఏ పోలింగ్‌ కేంద్రంలో 45.73 శాతం పోలింగ్‌ నమోదయింది.
 
 రెవెన్యూ డివిజన్‌ వారీగా ఉపాద్యాయ ఓటర్ల  పోలింగ్‌
 –––––––––––––––––––––––––––––––––
 డివిజన్‌    మొత్తం ఓటర్లు        పోలైన ఓట్లు        శాతం
 –––––––––––––––––––––––––––––––––
 ఆదోని     1523            1428            93.76
 కర్నూలు    3102            2870            92.52
 నంద్యాల    2045            1917            93.74
 ––––––––––––––––––––––––––––––––––
 మొత్తం    6670            6216            93.17
 ––––––––––––––––––––––––––––––––––
 
 రెవెన్యూ డివిజన్‌ వారీగా పట్టభద్రుల  ఓటర్ల పోలింగ్‌
 ––––––––––––––––––––––––––––––––––
 డివిజన్‌    మొత్తం ఓటర్లు        పోలైన ఓట్లు        శాతం
 ––––––––––––––––––––––––––––––––––
 ఆదోని     14968            10625            70.98
 కర్నూలు    41723            25515            61.15
 నంద్యాల    25900            15673            60.51
 ––––––––––––––––––––––––––––––––––
 మొత్తం    82591            51813            62.73
 –––––––––––––––––––––––––––––––––-
 
 అనంతపురం చేరిన బ్యాలెట్‌ బాక్స్‌లు
 పట్టభద్రులు, ఉపాధ్యాయ నియోజకవర్గాలకు చెందిన బ్యాలెట్‌ బాక్స్‌లను అనంతపురానికి తరలించారు. కర్నూలు, ఆదోని, నంద్యాల డివిజన్‌ కేంద్రాలలో భద్రపరిచిన బ్యాలెట్‌ బాక్స్‌లను రాజకీయ పార్టీల ప్రతినిధుల సమక్షంలో ప్రత్యేక పోలీసు బందోబస్తుతో తరలించారు. ఈ నెల 20న అనంతపురంలో ఓట్ల లెక్కింపు చేపడతారు.
  


 అనంతపురం అర్బన్‌ : పశ్చిమ రాయలసీమ నియోజకవర్గ (వైఎస్‌ఆర్, అనంతపురం, కర్నూలు జిల్లాలు)  పట్టభద్ర, ఉపాధ్యాయ ఎమ్మెల్సీ ఎన్నికల పోలింగ్‌ ప్రక్రియ గురువారం ప్రశాంతంగా ముగిసింది. ఉదయం 8 గంటల నుంచి సాయంత్రం 6 గంటల వరకు పోలింగ్‌ జరిగింది. ఓటింగ్‌ తొలుత మందకొడిగా మొదలైంది. ఆ తరువాత పుంజుకుంది. ఉదయం 8 నుంచి 10 గంటల మధ్య పట్టభద్ర ఓటింగ్‌ 11.06 శాతం, ఉపాధ్యాయ ఓటింగ్‌ 14.85 శాతం నమోదైంది. 10 నుంచి మధ్యాహ్నం 12 గంటల మధ్య పట్టభద్ర ఓటింగ్‌ 27.18 శాతం, ఉపాధ్యాయ ఓటింగ్‌ 56.26 శాతం, మధ్యాహ్నం 12 నుంచి  2 గంటల మధ్య పట్టభద్ర ఓటింగ్‌ 37.64 శాతం, ఉపాధ్యాయ ఓటింగ్‌ 68.38 శాతం, మధ్యాహ్నం 2 నుంచి సాయంత్రం 4 గంటల మధ్య పట్టభద్ర ఓటింగ్‌ 46.64 శాతం, ఉపాధ్యాయ ఓటింగ్‌ 83.01 శాతం, సాయంత్రం 4 నుంచి  6 గంటల మధ్య పట్టభద్ర ఓటింగ్‌ 63.25 శాతం, ఉపాధ్యాయ ఓటింగ్‌ 93.26 శాతం నమోదైంది.
 
 జిల్లాల వారీగా ఓటింగ్‌ ఇలా..
 పట్టభద్ర ఓటింగ్‌ ఇలా...
 జిల్లా        10 గంటలు    12గంటలు    2 గంటలు    4 గంటలు    6 గంటల    తుది శాతం    
 వైఎస్‌ఆర్‌        10.23        32.00        38.50        41.00        57.34        57.34    
 కర్నూలు        13.90        24.55        34.50        46.94        64.22        64.22    
 అనంతపురం    9.06        25.18        39.93        51.97        68.19        68.19    
 మొత్తం        11.06        27.18        37.64        46.64        63.25        63.25    
 
 ఉపాధ్యాయ ఓటింగ్‌ ఇలా...
 జిల్లా        10 గంటలు    12గంటలు    2 గంటలు    4 గంటలు    6 గంటల    తుది శాతం
 వైఎస్‌ఆర్‌        15.00        55.00        68.00        85.00        93.60        93.60    
 కర్నూలు        12.20        59.83        69.40        82.05        93.33        93.33    
 అనంతపురం    17.36        53.94        67.75        81.99        92.84        92.84    
 మొత్తం        14.85        56.26        68.38        83.01        93.26        93.26