TV
కుత్బుల్లాపూర్: ఒంటరిగా ఉన్న మహిళ ఇంట్లోకి ప్రవేశించిన నలుగురు ఆకతాయిలు ఆమెను లైంగికంగా వేధించారు. దీంతో తనపై లైంగిక వేధింపులకు పాల్పడటంతో పాటు దౌర్జన్యం చేశారని ఫిర్యాదు అందడంతో రంగంలోకి దిగిన పోలీసులు నలుగురు యువకులను అరెస్ట్ చేసి రిమాండ్కు తరలించారు. ఈ సంఘటన నగరంలోని కుత్బుల్లాపూర్ భాగ్యలక్ష్మీ కాలనీలో ఆదివారం చోటుచేసుకుంది.
వివరాలిలా ఉన్నాయి... భాగ్యలక్ష్మీ కాలనీలో నివాసముంటున్న ఓ మహిళ ఇంట్లో ఒంటరిగా ఉన్న సమయంలో అదే ఇంట్లో పైఅంతస్తులో అద్దెకు ఉండే నలుగురు యువకులు ఈ నెల 18న ఆమెతో అసభ్యంగా ప్రవర్తించారు. తలుపులు తెరచుకుని లోపలికి వెళ్లి ఆమెను లైంగికంగా వేధించారు. బాధితురాలి ఫిర్యాదు మేరకు కేసు నమోదు చేసుకున్న పోలీసులు ఆదివారం నిందితులను అరెస్ట్ చేసి రిమాండ్కు తరలించారు.
