మ్యూనిక్‌ (జర్మనీ): స్వదేశంలో జర్మనీ టెన్నిస్‌ స్టార్‌ అలెగ్జాండర్‌ జ్వెరెవ్‌ అదరగొట్టాడు. తన 28వ పుట్టిన రోజున... తనకెంతో కలిసొచ్చిన బీఎండబ్ల్యూ ఓపెన్‌ ఏటీపీ–500 టోర్నీలో జ్వెరెవ్‌ మూడోసారి విజేతగా నిలిచాడు. ఆదివారం జరిగిన పురుషుల సింగిల్స్‌ ఫైనల్లో టాప్‌ సీడ్‌ జ్వెరెవ్‌ 6–2, 6–4తో అమెరికాకు చెందిన రెండో సీడ్‌ బెన్‌ షెల్టన్‌ను ఓడించాడు. ఈ ఏడాది తన ఖాతాలో తొలి టైటిల్‌ను జమ చేసుకున్నాడు. 2017, 2018లలో కూడా ఈ టైటిల్‌ నెగ్గిన జ్వెరెవ్‌ ఓవరాల్‌గా తన కెరీర్‌లో 24వ టైటిల్‌ను సాధించాడు. చాంపియన్‌గా నిలిచిన జ్వెరెవ్‌కు 4,67,485 యూరోల (రూ. 4 కోట్ల 54 లక్షలు) ప్రైజ్‌మనీతోపాటు రూ. 1 కోటీ 40 లక్షలు విలువ చేసే బీఎండబ్ల్యూ ఐఎక్స్‌ ఎం70 మోడల్‌ ఎలక్ట్రిక్‌ కారు లభించింది.

ఒకరేమో ఇప్పటికే ఆడిన రెండు గ్రాండ్‌స్లామ్‌ ఫైనల్స్‌లో విజేతగా నిలువగా... మరొకరు ఆడిన రెండు గ్రాండ్‌స్లామ్‌ ఫైనల్స్‌లో ఓడిపోయారు. గ్రాండ్‌స్లామ్‌ టైటిల్‌ ఎలా గెలవాలో ఇప్పటికే ఒకరికి అనుభవం ఉండగా... మరొకరికి ఆ అనుభవం లేదు. అయితేనేం ముచ్చటగా మూడో ప్రయత్నంలోనైనా ‘గ్రాండ్‌’ విజయాన్ని అందుకోవాలని ఒకరు... వరుసగా మూడోసారీ ‘గ్రాండ్‌’ టైటిల్‌ను సొంతం చేసుకోవాలనే లక్ష్యంతో మరొకరు బరిలోకి దిగారు. ఆ ఇద్దరిలో ఒకరు ప్రపంచ నంబర్‌వన్‌ యానిక్‌ సినెర్‌ కాగా... మరొకరు ప్రపంచ రెండో ర్యాంకర్‌ అలెగ్జాండర్‌ జ్వెరెవ్‌.... ఈ ఆసక్తికర నేపథ్యంలో ఆదివారం ఆ్రస్టేలియన్‌ ఓపెన్‌ పురుషుల సింగిల్స్‌ ఫైనల్‌ హోరాహోరీగా సాగడం ఖాయమని అందరూ భావించారు. కానీ రెండు గ్రాండ్‌స్లామ్‌ టైటిల్స్‌ విజేత సినెర్‌ తన ప్రత్యర్థికి ఆ అవకాశం ఇవ్వలేదు. తొలి పాయింట్‌ నుంచే పూర్తి ఆధిపత్యం కనబరిచి జ్వెరెవ్‌ జోరుకు అడ్డుకట్ట వేసిన సినెర్‌ వరుసగా రెండో ఏడాది ఆ్రస్టేలియన్‌ ఓపెన్‌ సింగిల్స్‌ టైటిల్‌ గెల్చుకున్నాడు. మరోవైపు సినెర్‌ దూకుడుకు ఎలా అడ్డుకట్ట వేయాలో తెలియక జ్వెరెవ్‌ వరుస సెట్‌లలో చేతులెత్తేసి కెరీర్‌లో మూడోసారి గ్రాండ్‌స్లామ్‌ ఫైనల్లో ఓడిపోయి రన్నరప్‌ ట్రోఫీతో సరిపెట్టుకున్నాడు. 2020 యూఎస్‌ ఓపెన్‌ ఫైనల్లో డొమినిక్‌ థీమ్‌ (ఆస్ట్రియా) చేతిలో, 2024 ఫ్రెంచ్‌ ఓపెన్‌ ఫైనల్లో అల్‌కరాజ్‌ (స్పెయిన్‌) చేతిలో జ్వెరెవ్‌ పరాజయం పాలయ్యాడు.మెల్‌బోర్న్‌: ఎలాంటి సంచలనం నమోదు కాలేదు. ఆ్రస్టేలియన్‌ ఓపెన్‌ పురుషుల సింగిల్స్‌లో కొత్త చాంపియన్‌ అవతరించలేదు. గత ఏడాది విజేతగా నిలిచిన ఇటలీ ప్లేయర్, ప్రపంచ నంబర్‌వన్‌ యానిక్‌ సినెర్‌ ఈ సంవత్సరం కూడా టైటిల్‌ నిలబెట్టుకున్నాడు. ఆదివారం జరిగిన ఆ్రస్టేలియన్‌ ఓపెన్‌ పురుషుల సింగిల్స్‌ ఫైనల్లో టాప్‌ సీడ్‌ సినెర్‌ 2 గంటల 42 నిమిషాల్లో 6-3, 7-6 (7/4), 6ృ3తో రెండో సీడ్, ప్రపంచ రెండో ర్యాంకర్‌ అలెగ్జాండర్‌ జ్వెరెవ్‌ (జర్మనీ)పై విజయం సాధించాడు. విజేతగా నిలిచిన సినెర్‌కు 35 లక్షల ఆ్రస్టేలియన్‌ డాలర్లు (రూ. 19 కోట్ల 4 లక్షలు), రన్నరప్‌ జ్వెరెవ్‌కు 19 లక్షల ఆస్ట్రేలియన్‌ డాలర్లు (రూ. 10 కోట్ల 33 లక్షలు) ప్రైజ్‌మనీగా లభించాయి. గతంలో జ్వెరెవ్‌పై రెండుసార్లు నెగ్గి, నాలుగుసార్లు ఓడిపోయిన సినెర్‌ గత రికార్డును పట్టించుకోకుండా ఈ మ్యాచ్‌లో బరిలోకి దిగాడు. ఏస్‌తో మొదలుపెట్టిన సినెర్‌ తొలి గేమ్‌లో జ్వెరెవ్‌ చేసిన మూడు తప్పిదాలతో ఒకటిన్నర నిమిషంలోనే గేమ్‌ దక్కించుకున్నాడు. ఆ తర్వాత ఎనిమిదో గేమ్‌లో జ్వెరెవ్‌ సర్వీస్‌ను బ్రేక్‌ చేసిన సినెర్‌ తొమ్మిదో గేమ్‌లో తన సర్వీస్‌ను నిలబెట్టుకొని 46 నిమిషాల్లో సెట్‌ గెలిచాడు. రెండో సెట్‌లో ఇద్దరూ ప్రతి పాయింట్‌కు హోరాహోరీగా పోటీపడ్డారు. దాంతో ఇద్దరూ తమ సర్వీస్‌లను కాపాడుకోవడంతో స్కోరు 6ృ6తో సమమైంది. టైబ్రేక్‌ అనివార్యమైంది. టైబ్రేక్‌లో సినెర్‌ పైచేయి సాధించి 72 నిమిషాల్లో రెండో సెట్‌నూ సొంతం చేసుకున్నాడు. మూడో సెట్‌లోని ఆరో గేమ్‌లో జ్వెరెవ్‌ సర్వీస్‌ను బ్రేక్‌ చేసిన సినెర్, ఆ తర్వాత తన సర్వీస్‌ను నిలబెట్టుకొని 5ృ2తో ఆధిక్యంలోకి వెళ్లాడు. ఎనిమిదో గేమ్‌ను జ్వెరెవ్‌ కాపాడుకోగా, తొమ్మిదో గేమ్‌లో సినెర్‌ తన సర్వీస్‌ను కాపాడుకోవడంతోపాటు బ్యాక్‌హాండ్‌ విన్నర్‌ షాట్‌తో విజయాన్ని ఖరారు చేసుకున్నాడు. మ్యాచ్‌ మొత్తంలో సినెర్‌ సర్వీస్‌లో జ్వెరెవ్‌ ఒక్కసారి కూడా బ్రేక్‌ పాయింట్‌ సాధించే అవకాశాన్ని దక్కించుకోకపోవడం గమనార్హం. 4 గత 35 ఏళ్లలో గ్రాండ్‌స్లామ్‌ ఫైనల్లో బ్రేక్‌ పాయింట్‌ ఎదుర్కోని నాలుగో ప్లేయర్‌ సినెర్‌. గతంలో పీట్‌ సంప్రాస్‌ (బోరిస్‌ బెకర్‌తో 1995 వింబుల్డన్‌ ఫైనల్‌), రోజర్‌ ఫెడరర్‌ (ఫిలిప్పోసిస్‌తో 2003 వింబుల్డన్‌ ఫైనల్‌), రాఫెల్‌ నాదల్‌ (కెవిన్‌ అండర్సన్‌తో 2017 యూఎస్‌ ఓపెన్‌ ఫైనల్‌) ఈ ఘనత సాధించారు.5 హార్డ్‌ కోర్టులపై వరుసగా మూడు గ్రాండ్‌స్లామ్‌ టైటిల్స్‌ నెగ్గిన ఐదో ప్లేయర్‌ సినెర్‌. గతంలో జాన్‌ మెకన్రో (1979, 1980, 1981 యూఎస్‌ ఓపెన్‌), ఇవాన్‌ లెండిల్‌ (1985, 1986, 1987 యూఎస్‌ ఓపెన్‌), రోజర్‌ ఫెడరర్‌ (2005, 2006, 2007 యూఎస్‌ ఓపెన్‌), నొవాక్‌ జొకోవిచ్‌ (2 సార్లు; 2011 ఆస్ట్రేలియన్‌ ఓపెన్, యూఎస్‌ ఓపెన్, 2012 ఆ్రస్టేలియన్‌ ఓపెన్‌; 2015 ఆస్ట్రేలియన్‌ ఓపెన్, యూఎస్‌ ఓపెన్‌; 2016 ఆ్రస్టేలియన్‌ ఓపెన్‌) ఈ ఘనత సాధించారు.1 అత్యధిక గ్రాండ్‌స్లామ్‌ టైటిల్స్‌ నెగ్గిన ఇటలీ ప్లేయర్‌గా సినెర్‌ గుర్తింపు పొందాడు. రెండు గ్రాండ్‌స్లామ్‌ టైటిల్స్‌తో నికోలా పిత్రాంజెలి (1959, 1960 ఫ్రెంచ్‌ ఓపెన్‌) పేరిట ఉన్న రికార్డును సినెర్‌ (2024, 2025 ఆ్రస్టేలియన్‌ ఓపెన్‌; 2024 యూఎస్‌ ఓపెన్‌) సవరించాడు. 1 జిమ్‌ కొరియర్‌ (అమెరికా; 22 ఏళ్ల 5 నెలల 14 రోజులు; 1992ృ1993) తర్వాత ‘బ్యాక్‌ టు బ్యాక్‌’ ఆ్రస్టేలియన్‌ ఓపెన్‌ టైటిల్స్‌ నెగ్గిన పిన్న వయస్కుడిగా సినెర్‌ (23 ఏళ్ల 5 నెలల 10 రోజులు) గుర్తింపు పొందాడు.8 కెరీర్‌లో తాము ఆడిన తొలి మూడు గ్రాండ్‌స్లామ్‌ ఫైనల్స్‌లోనూ విజేతగా నిలిచిన ఎనిమిదో ప్లేయర్‌ సినెర్‌. కానర్స్‌ (అమెరికా), జాన్‌ బోర్గ్, ఎడ్బర్గ్‌ (స్వీడన్‌), కుయెర్టన్‌ (బ్రెజిల్‌), ఫెడరర్, వావ్రింకా (స్విట్జర్లాండ్‌), అల్‌కరాజ్‌ (స్పెయిన్‌) ఈ ఘనత సాధించారు. 2019 ఆరేళ్ల తర్వాత ఆ్రస్టేలియన్‌ ఓపెన్‌ ఫైనల్లో ప్రపంచ నంబర్‌వన్, రెండో ర్యాంకర్‌ తలపడ్డారు. ఈసారీ నంబర్‌వన్‌ ర్యాంకర్‌ వరుస సెట్‌లలో గెలిచాడు. 2019లో నంబర్‌వన్‌ జొకోవిచ్‌ రెండో ర్యాంకర్‌ రాఫెల్‌ నాదల్‌పై వరుస సెట్‌లలో నెగ్గాడు. 6 కెరీర్‌లో తాము ఆడిన తొలి మూడు గ్రాండ్‌స్లామ్‌ ఫైనల్స్‌లో ఓడిన ఆరో ప్లేయర్‌ జ్వెరెవ్‌. ఈ జాబితాలో అగస్సీ (అమెరికా), ఇవానిసెవిచ్‌ (క్రొయేషియా), ముర్రే (బ్రిటన్‌), థీమ్‌ (ఆ్రస్టియా), రూడ్‌ (నార్వే) ఉన్నారు.

ఆస్టేలియా ఓపెన్‌-2025(Australian Open 2025) టోర్నమెంట్లో సెర్బియా టెన్నిస్‌ దిగ్గజం నొవాక్‌ జొకొవిచ్‌(Novak Djokovic) ప్రయాణం ముగిసింది. గాయం కారణంగా శుక్రవారం నాటి సెమీ ఫైనల్‌ మ్యాచ్‌ మధ్యలోనే అతడు వైదొలిగాడు. ​తద్వారా టెన్నిస్‌ చరిత్రలోనే అత్యధిక గ్రాండ్‌స్లామ్‌ సింగిల్స్‌ టైటిల్స్‌ గెలిచిన ఆటగాడిగా నిలవాలన్న జొకొవిచ్‌ కలకు బ్రేక్‌ పడింది.కాగా ఆస్ట్రేలియన్‌ ఓపెన్‌లో రికార్డుస్థాయిలో ఏకంగా పది సార్లు టైటిల్‌ సాధించిన ఘనత జొకొవిచ్‌ సొంతం. కేవలం గతేడాది మాత్రమే అతడు ఈ ప్రతిష్టాత్మక టోర్నీలో సెమీ ఫైనల్‌లో ఓడిపోయాడు. అయితే, ఈసారి మాత్రం మరింత జాగ్రత్తగా అడుగులు వేసిన జొకొవిచ్‌కు గాయం రూపంలో దురదృష్టం ఎదురైంది.అల్‌కరాజ్‌ అడ్డంకిని అధిగమించిక్వార్టర్‌ ఫైనల్లో.. తనకు ప్రధాన అడ్డంకిగా భావించిన అల్‌కరాజ్‌తో హోరాహోరీ పోటీలో గెలుపొందిన జొకొవిచ్‌ సెమీస్‌కు దూసుకువచ్చాడు. ఈ క్రమంలో జర్మన్‌ టెన్నిస్‌ స్టార్‌ అలెగ్జాండర్‌ జ్వెరెవ్‌(Alexander Zverev)తో సెమీ ఫైనల్లో తలపడ్డాడు. ఇందులో భాగంగా తొలి సెట్‌ను జ్వెరెవ్‌ 7-6తో గెలుచుకున్నాడు.పోటీ నుంచి తప్పుకొంటున్నాఅయితే, ఆ వెంటనే నెట్‌ దగ్గరికి వెళ్లిన జొకొవిచ్‌ జ్వెరెవ్‌తో కరచాలనం చేసి.. తాను పోటీ నుంచి తప్పుకొంటున్నట్లు తెలిపాడు. దీంతో సెమీస్‌ విజేతగా నిలిచిన జ్వెరెవ్‌ నేరుగా ఫైనల్లో అడుగుపెట్టాడు. కాగా క్వార్టర్‌ ఫైనల్‌ మ్యాచ్‌లోనూ జొకొవిచ్‌ కాలి నొప్పితో ఇబ్బంది పడినట్లు కనిపించాడు. తాజాగా సెమీస్‌ మ్యాచ్‌లో బాధ భరించలేక వైదొలిగాడు.ఈ నేపథ్యంలో తీవ్రంగా ప్రాక్టీస్‌ చేసిన కారణంగానే ఈ సెర్బియా స్టార్‌ గాయపడ్డాడనే అభిప్రాయాలు వ్యక్తమవుతున్నాయి. ఏదేమైనా.. రిటైర్మెంట్‌కు చేరువైన 37 ఏళ్ల నొవాక్‌ జొకొవిచ్‌ తాజా గాయం వల్ల.. 25వ గ్రాండ్‌స్లామ్‌ టైటిల్‌ గెలవకుండానే ఆస్ట్రేలియా ఓపెన్‌ నుంచి నిష్క్రమించడం గమనార్హం.జొకొవిచ్‌కు చేదు అనుభవంసెమీ ఫైనల్‌ బరి నుంచి తప్పించుకుని కోర్టును వీడుతున్న సమయంలో నొవాక్‌ జొకొవిచ్‌కు చేదు అనుభవం ఎదురైంది. కొంతమంది ప్రేక్షకులు అతడి గాయం గురించి హేళన చేసేలా మాట్లాడుతూ పరుషమైన వ్యాఖ్యలు చేశారు. ఈ నేపథ్యంలో జ్వెరెవ్‌ తన ప్రత్యర్థి ఆటగాడికి మద్దతుగా నిలిచాడు.జ్వెరెవ్‌ క్రీడాస్ఫూర్తి‘‘గాయం వల్ల కోర్టును వీడిన వ్యక్తిని అవమానించేలా మాట్లాడటం సరికాదు. దయచేసి కాస్త సంయమనం పాటించండి. మీలో ప్రతి ఒక్కరు టికెట్ల కోసం డబ్బులు చెల్లించారని తెలుసు. కాబట్టి ఐదు సెట్ల మ్యాచ్‌ను చూడాలని ఆశించడం మీ హక్కు.కానీ పరిస్థితులను కూడా అర్థం చేసుకోవాలి. గత ఇరవై ఏళ్లుగా ఆట కోసం తన సర్వస్వాన్ని అర్పించిన వ్యక్తి నొవాక్‌ జొకొవిచ్‌. దయచేసి అతడిని ఏరకంగానూ హేళన చేయకండి’’ అని జ్వెరెవ్‌ క్రీడా స్ఫూర్తిని చాటుకున్నాడు.చదవండి: Ind vs Eng: ‘అదృష్టం వల్లే గెలిచారు’... జోఫ్రా ఆర్చర్‌పై ఫ్యాన్స్‌ ఆగ్రహం

బెలారస్‌ టెన్నిస్‌ స్టార్‌ అరియానా సబలెంకా(Aryna Sabalenka) ఆటతోనే కాదు.. డాన్స్‌తోనూ ఆకట్టుకోగలనని నిరూపించింది. ఆస్ట్రేలియా ఓపెన్‌(Australian Open)లో శుభారంభం చేసిన అనంతరం తనలోని మరో కోణాన్ని అభిమానులకు చూపించింది. వరస్ట్‌ డాన్సర్‌ని అంటూనే‘నా డాన్స్‌ అస్సలు బాగోదు. ఇకనై నన్నో వరస్ట్‌ డాన్సర్‌గా అందరూ గుర్తు పెట్టుకుంటారేమో’ అంటూనే కాలు కదిపిన సబలెంకా.. క్యూట్‌ మూవ్స్‌తో ప్రేక్షకులను అలరించింది. దీంతో ఫిదా అయిన ఆడియన్స్‌ కరతాళ ధ్వనులతో సబలెంకాను ఉత్సాహపరుస్తూ స్టాండింగ్‌ ఓవియేషన్‌ ఇచ్చారు. ఇందుకు సంబంధించిన వీడియో సోషల్‌ మీడియాలో వైరల్‌గా మారింది.‘హ్యాట్రిక్‌’ టైటిల్‌ గెలవడమే లక్ష్యంగాకాగా ‘హ్యాట్రిక్‌’ టైటిల్‌ గెలవడమే లక్ష్యంగా సబలెంకా ఆస్ట్రేలియన్‌ ఓపెన్‌ గ్రాండ్‌స్లామ్‌ టోర్నీ బరిలోకి దిగింది. అందుకు తగ్గట్లుగానే తొలి మ్యాచ్‌లో అదరగొట్టింది. ఆదివారం జరిగిన మహిళల సింగిల్స్‌ తొలి రౌండ్‌లో ప్రపంచ నంబర్‌వన్, టాప్‌ సీడ్‌ సబలెంకా 6–3, 6–2తో 2017 యూఎస్‌ ఓపెన్‌ చాంపియన్‌ స్లోన్‌ స్టీఫెన్స్‌ (అమెరికా)పై అలవోకగా గెలిచి రెండో రౌండ్‌లోకి అడుగు పెట్టింది.ఇక 2023, 2024లలో చాంపియన్‌గా నిలిచిన సబలెంకా ఈసారీ ఆస్ట్రేలియన్‌ ఓపెన్‌ టైటిల్‌ సాధిస్తే... మార్టినా హింగిస్‌ (స్విట్జర్లాండ్‌; 1997, 1998, 1999) తర్వాత ఈ టోర్నీలో ‘హ్యాట్రిక్‌’ నమోదు చేసిన ప్లేయర్‌గా గుర్తింపు పొందుతుంది.శుభారంభం చేసిఇక మ్యాచ్‌ విషయానికొస్తే.. స్లోన్‌ స్టీఫెన్స్‌తో 71 నిమిషాలపాటు జరిగిన మ్యాచ్‌లో సబలెంకా రెండు ఏస్‌లు సంధించి, రెండు డబుల్‌ ఫాల్ట్‌లు చేసింది. 20 విన్నర్స్‌ కొట్టిన ఈ బెలారస్‌ స్టార్‌ 21 అనవసర తప్పిదాలు చేసింది. నెట్‌ వద్దకు 21 సార్లు దూసుకొచ్చి 13 సార్లు పాయింట్లు నెగ్గిన సబలెంకా తన సర్వీస్‌ను రెండుసార్లు కోల్పోయి, ప్రత్యర్థి సర్వీస్‌ను ఐదుసార్లు బ్రేక్‌ చేసింది. గత ఏడాది రన్నరప్, పారిస్‌ ఒలింపిక్స్‌ స్వర్ణ పతక విజేత కిన్‌వెన్‌ జెంగ్‌ (చైనా), 11వ సీడ్‌ పౌలా బదోసా (స్పెయిన్‌) కూడా రెండో రౌండ్‌లోకి ప్రవేశించారు.తొలి రౌండ్‌ మ్యాచ్‌ల్లో ఐదో సీడ్‌ కిన్‌వెన్‌ 7–6 (7/3), 6–1తో అంకా టొడోని (రొమేనియా)పై, బదోసా 6–3, 7–6 (7/5)తో జిన్‌యు వాంగ్‌ (చైనా)పై గెలిచారు. ఇతర తొలి రౌండ్‌ మ్యాచ్‌ల్లో 14వ సీడ్‌ మిరా ఆంద్రీవా (రష్యా) 6–3, 6–3తో మేరీ బుజ్‌కోవా (చెక్‌ రిపబ్లిక్‌)పై, 18వ సీడ్‌ డొనా వెకిచ్‌ (క్రొయేషియా) 6–4, 6–4తో డియాన్‌ పారీ (ఫ్రాన్స్‌)పై, లేలా ఫెర్నాండెజ్‌ (కెనడా) 7–5, 6–4తో యులియా (ఉక్రెయిన్‌)పై విజయం సాధించి రెండో రౌండ్‌లోకి అడుగు పెట్టారు.జ్వెరెవ్‌ బోణీ మరోవైపు.. పురుషుల సింగిల్స్‌లో రెండో సీడ్‌ అలెగ్జాండర్‌ జ్వెరెవ్‌ (alexander zverev- జర్మనీ) సులువుగా రెండో రౌండ్‌కు చేరగా... ఆరో సీడ్‌ కాస్పర్‌ రూడ్‌ (నార్వే) ఐదు సెట్‌ల పోరులో గట్టెక్కాడు. జ్వెరెవ్‌ 6,4 6–4, 6–4తో లుకాస్‌ పౌలీ (ఫ్రాన్స్‌)పై నెగ్గగా... రూడ్‌ 6–3, 1–6, 7–5, 2–6, 6–1తో 3 గంటల 21 నిమిషాల్లో మునార్‌ (స్పెయిన్‌)ను ఓడించాడు. వర్షం కారణంగా తొలి రోజు చాలా మ్యాచ్‌లకు అంతరాయం కలిగింది. Aryna Sabalenka dancing for Australian Open crowd after winning her 1st round against Sloane Stephens“Now they have proof that I’m the worst dancer” 😂Give this woman a spotlight and she will shinepic.twitter.com/L5JyfrwcXs— The Tennis Letter (@TheTennisLetter) January 12, 2025

న్యూయార్క్‌: యూఎస్‌ ఓపెన్‌ గ్రాండ్‌స్లామ్‌ టెన్నిస్‌ టోర్నమెంట్‌ పురుషుల సింగిల్స్‌ విభాగంలో ప్రపంచ నాలుగో ర్యాంకర్‌ అలెగ్జాండర్‌ జ్వెరెవ్‌ (జర్మనీ) శుభారంభం చేశాడు. సోమవారం జరిగిన తొలి రౌండ్‌ మ్యాచ్‌లో నాలుగో సీడ్‌ జ్వెరెవ్‌ 6–2, 6–7 (5/7), 6–3, 6–2తో మాక్సిమిలన్‌ మార్టెరర్‌ (జర్మనీ)పై గెలుపొందాడు. 2 గంటల 53 నిమిషాలపాటు జరిగిన ఈ మ్యాచ్‌లో జ్వెరెవ్‌ 21 ఏస్‌లు సంధించాడు. తన సర్వీస్‌ను ఒకసారి కోల్పోయి ప్రత్యర్థి సరీ్వస్‌ను ఆరుసార్లు బ్రేక్‌ చేశాడు. మరోవైపు 2020 చాంపియన్‌ డొమినిక్‌ థీమ్‌ (ఆ్రస్టియా) తొలి రౌండ్‌లోనే ఇంటిదారి పట్టాడు. 13వ సీడ్‌ బెన్‌ షెల్టన్‌ (అమెరికా) గంటా 50 నిమిషాల్లో 6–4, 6–2, 6–2తో థీమ్‌ను ఓడించి రెండో రౌండ్‌లోకి ప్రవేశించాడు. మహిళల సింగిల్స్‌లో ఏడో సీడ్‌ కిన్‌వెన్‌ జెంగ్‌ (చైనా) కష్టపడి రెండో రౌండ్‌లోకి అడుగు పెట్టింది. తొలి రౌండ్‌లో కిన్‌వెన్‌ జెంగ్‌ 4–6, 6–4, 6–2తో అనిసిమోవా (అమెరికా)పై గెలిచింది. 12వ సీడ్‌ దరియా కసత్‌కినా (రష్యా), 24వ సీడ్‌ డొనా వెకిచ్‌ (క్రొయేíÙయా), 27వ సీడ్‌ స్వితోలినా (ఉక్రెయిన్‌) కూడా తొలి రౌండ్‌లో గెలిచి రెండో రౌండ్‌లోకి ప్రవేశించారు. మరోవైపు తొమ్మిదో సీడ్‌ మరియా సాకరి (గ్రీస్‌) గాయం కారణంగా తొలి రౌండ్‌లోనే వెనుదిరిగింది. యఫాన్‌ వాంగ్‌ (చైనా)తో జరిగిన మ్యాచ్‌లో సాకరి తొలి సెట్‌ను 2–6తో కోల్పోయింది. ఈ దశల గాయం కారణంగా సాకరి మ్యాచ్‌ నుంచి తప్పుకుంది.

పారిస్‌: తరచూ గాయాలబారిన పడటం... పూర్తిస్థాయి ఫిట్‌నెస్‌ లేకపోవడం... వెరసి మట్టికోర్టులపై మకుటంలేని మహరాజుగా వెలుగొందిన స్పెయిన్‌ దిగ్గజం రాఫెల్‌ నాదల్‌కు ఫ్రెంచ్‌ ఓపెన్‌ గ్రాండ్‌స్లామ్‌ టోరీ్నలో ఊహించని పరాజయం ఎదురైంది. 2005 నుంచి ఈ టోర్నీలో ఆడుతూ ఏకంగా 14 సార్లు విజేతగా నిలిచిన 37 ఏళ్ల నాదల్‌ మొదటి రౌండ్‌లోనే ఇంటిదారి పట్టడం ఇదే తొలిసారి కావడం గమనార్హం. ప్రపంచ నాలుగో ర్యాంకర్, గత మూడేళ్లుగా ఫ్రెంచ్‌ ఓపెన్‌లో సెమీఫైనల్‌ చేరిన జర్మనీ స్టార్‌ అలెగ్జాండర్‌ జ్వెరెవ్‌ పక్కా ప్రణాళికతో ఆడి నాదల్‌ ఆట కట్టించాడు. 3 గంటల 5 నిమిషాలపాటు సోమవారం జరిగిన పురుషుల సింగిల్స్‌ తొలి రౌండ్‌లో జ్వెరెవ్‌ 6–3, 7–6 (7/5), 6–3తో నాదల్‌ను ఓడించి రెండో రౌండ్‌లోకి ప్రవేశించాడు. ఈ మ్యాచ్‌లో జ్వెరెవ్‌ ఎనిమిది ఏస్‌లు సంధించడంతోపాటు నాదల్‌ సరీ్వస్‌ను ఆరుసార్లు బ్రేక్‌ చేశాడు. జ్వెరెవ్‌ సరీ్వస్‌ను కేవలం రెండుసార్లు బ్రేక్‌ చేసిన నాదల్‌ 30 అనవసర తప్పిదాలు కూడా చేశాడు. గాయం కారణంగా గత ఏడాది ఈ టోరీ్నకి దూరంగా ఉన్న నాదల్‌ తాజా ఓటమితో చివరిసారి ఫ్రెంచ్‌ ఓపెన్‌లో ఆడినట్లు భావించాలి. సుమిత్‌ నగాల్‌ ఓటమి ఫ్రెంచ్‌ ఓపెన్‌లో తొలిసారి ఆడుతున్న భారత నంబర్‌వన్‌ సుమిత్‌ నగాల్‌ పోరాటం మొదటి రౌండ్‌లోనే ముగిసింది. ప్రపంచ 18వ ర్యాంకర్‌ ఖచనోవ్‌ (రష్యా)తో జరిగిన మ్యాచ్‌లో సుమిత్‌ 2–6, 0–6, 6–7 (5/7)తో ఓడిపోయాడు. మరోవైపు ప్రపంచ రెండో ర్యాంకర్‌ యానిక్‌ సినెర్‌ (ఇటలీ) శుభారంభం చేశాడు. తొలి రౌండ్‌లో సినెర్‌ 6–3, 6–3, 6–4తో యుబ్యాంక్స్‌ (అమెరికా)పై గెలిచాడు. స్వియాటెక్‌ ముందంజ మహిళల సింగిల్స్‌లో డిఫెండింగ్‌ చాంపియన్, ప్రపంచ నంబర్‌వన్‌ ఇగా స్వియాటెక్‌ (పోలాండ్‌) రెండో రౌండ్‌లోకి దూసుకెళ్లింది. తొలి రౌండ్‌లో స్వియాటెక్‌ 6–1, 6–2తో లియోలియా జీన్‌జీన్‌ (ఫ్రాన్స్‌)పై గెలిచింది. ఇతర తొలి రౌండ్‌ మ్యాచ్‌ల్లో మూడో సీడ్‌ కోకో గాఫ్‌ (అమెరికా) 6–1, 6–1తో జూలియా అవ్‌దీవా (రష్యా)పై, ఎనిమిదో సీడ్‌ ఆన్స్‌ జబర్‌ (ట్యునీíÙయా) 6–3, 6–2తో సాచియా వికెరీ (అమెరికా)పై, ఐదో సీడ్‌ వొండ్రుసోవా (చెక్‌ రిపబ్లిక్‌) 6–1, 6–3తో మసరోవా (స్పెయిన్‌)పై విజయం సాధించారు. 3: ఫ్రెంచ్‌ ఓపెన్‌ చరిత్రలో నాదల్‌ను ఓడించిన మూడో ప్లేయర్‌గా జ్వెరెవ్‌ నిలిచాడు. గతంలో సోడెర్లింగ్‌ (స్వీడన్‌; 2009లో ప్రిక్వార్టర్స్‌లో) ఒకసారి... జొకోవిచ్‌ (సెర్బియా; 2015 క్వార్టర్‌ ఫైనల్లో, 2021 సెమీఫైనల్లో) రెండుసార్లు ఈ టోర్నీ లో నాదల్‌ను ఓడించారు. 2016లో గాయం కారణంగా నాదల్‌ మూడో రౌండ్‌ నుంచి వైదొలిగాడు.3: గ్రాండ్‌స్లామ్‌ టోరీ్నలలో నాదల్‌ తొలి రౌండ్‌లో ఓడిపోవడం ఓవరాల్‌గా ఇది మూడోసారి మాత్రమే. ఇంతకుముందు నాదల్‌ 2016 ఆ్రస్టేలియన్‌ ఓపెన్‌లో, 2013 వింబుల్డన్‌ టోర్నీలో తొలి రౌండ్‌లో ఓటమి పాలయ్యాడు.

మెల్‌బోర్న్‌: ఈ సీజన్‌ ఆరంభ గ్రాండ్‌స్లామ్‌ టోర్నీ ఆస్ట్రేలియన్‌ ఓపెన్‌లో సంచలనాల పరంపర కొనసాగుతోంది. సీడెడ్‌ స్టార్లు రెండో రౌండే దాటలేకపోతున్నారు. నాలుగో రోజు పోటీల్లో రెండో సీడ్‌ కాస్పర్‌ రూడ్‌ (నార్వే), 12వ సీడ్, ఒలింపిక్‌ చాంపియన్‌ అలెగ్జాండర్‌ జ్వెరెవ్‌ (జర్మనీ) ఇంటిదారి పట్టారు. నాదల్‌ ఇది వరకే అవుటైన ఈ టోర్నీలో హాట్‌ ఫేవరెట్‌గా మారిన సెర్బియన్‌ దిగ్గజం నొవాక్‌ జొకోవిచ్‌ మూడో రౌండ్లోకి ప్రవేశించాడు. మహిళల సింగిల్స్‌లో నిరుటి వింబుల్డన్, యూఎస్‌ ఓపెన్‌ రన్నరప్, రెండో సీడ్‌ అన్స్‌ జబర్‌ (ట్యూనిషియా), తొమ్మిదో సీడ్‌ వెరొనికా కుడెర్మెతొవ (రష్యా), 16వ సీడ్‌ అనెట్‌ కొంటావిట్‌ (ఈస్టోనియా)లు కంగు తిన్నారు. ఈ విభాగంలో నాలుగో సీడ్‌ కరొలిన్‌ గార్సియా (ఫ్రాన్స్‌), ఐదో సీడ్‌ అరిన సబలెంక (బెలారస్‌), 12వ సీడ్‌ బెలిండా బెన్సిక్‌ (స్విట్జర్లాండ్‌) ముందంజ వేశారు. బ్రూక్స్‌బి ‘హీరో’చితం పురుషుల సింగిల్స్‌లో గురువారం జరిగిన రెండో రౌండ్లో  22 ఏళ్ల యువ అమెరికన్‌ జెన్సన్‌ బ్రూక్స్‌బి సంచలన ప్రదర్శనతో రూడ్‌ను కంగుతినిపించాడు. దీంతో గతేడాది  ఫ్రెంచ్, యూఎస్‌ ఓపెన్‌లలో రన్నరప్‌గా నిలిచిన రూడ్‌ ఈ సీజన్‌ తొలి గ్రాండ్‌స్లామ్‌లో అనూహ్యంగా రెండో రౌండ్లోనే ఇంటిదారి పట్టాడు. 3 గంటల 55 నిమిషాల సమరంలో బ్రూక్స్‌బి 6–3, 7–5, 6–7 (4/7), 6–2తో రూడ్‌ను ఓడించాడు. 8వ సీడ్‌ టేలర్‌ ఫ్రిట్జ్‌ (అమెరికా) అయితే వైల్డ్‌కార్డ్‌ ప్లేయర్‌ అలెక్సీ పాపిరిన్‌ (ఆస్ట్రేలియా) చేతిలో చేతులెత్తేశాడు. ఫ్రిట్జ్‌ 7–6 (7/4), 6–7 (2/7), 4–6, 7–6 (8/6), 2–6తో 23 ఏళ్ల అలెక్సీ పోరాటానికి తలవంచాడు. నాలుగో సీడ్‌ జొకోవిచ్‌ (సెర్బియా) 6–1, 6–7 (5/7), 6–2, 6–0తో క్వాలిఫయర్‌ ఎంజో కౌకాడ్‌ (మారిషస్‌)పై గెలుపొందగా, జ్వెరెవ్‌కు 7–6 (7/1), 4–6, 3–6, 2–6తో మైకేల్‌ మో (అమెరికా) చేతిలో చుక్కెదురైంది. ఐదో సీడ్‌ రుబ్లెవ్‌ (రష్యా) 6–2, 6–4, 6–7 (2/7), 6–3తో ఎమిల్‌ రుసువురి (ఫిన్లాండ్‌)పై నెగ్గాడు.   మూడో రౌండ్లో గార్సియా, సబలెంక మహిళల సింగిల్స్‌ రెండో రౌండ్లో నాలుగో సీడ్‌ గార్సియా (ఫ్రాన్స్‌) 7–6 (7/5), 7–5తో లేలా ఫెర్నాండెజ్‌ (కెనడా)పై, ఐదో సీడ్‌ సబలెంక (బెలారస్‌) 6–3, 6–1తో షెల్బీ రోజర్స్‌ (అమెరికా)పై వరుస సెట్లలో విజయం సాధించారు. అయితే గతేడాది సూపర్‌ ఫామ్‌లో ఉన్న రెండో సీడ్‌ జబర్‌ (ట్యూనిషియా) 1–6, 7–5, 1–6తో మర్కెట వొండ్రొసొవా (చెక్‌ రిపబ్లిక్‌) చేతిలో పరాజయం పాలైంది. 9వ సీడ్‌ కుడెర్మెతొవ (రష్యా) 4–6, 6–2, 2–6తో అమెరికాకు చెందిన క్వాలిఫయర్‌ కేటీ వొలినెట్స్‌ చేతిలో ఇంటిదారి పట్టింది. 12వ సీడ్‌ బెన్సిచ్‌ 7–6 (7/3), 6–3తో క్లెయిర్‌ లియూ (అమెరికా)పై గెలుపొందగా, 16వ సీడ్‌ కొంటావిట్‌ (ఈస్టోనియా) 6–3, 3–6, 4–6తో మగ్ద లినెట్‌ (పోలాండ్‌) చేతిలో కంగుతింది. 30వ సీడ్‌ కరోలినా ప్లిస్కొవా (చెక్‌ రిపబ్లిక్‌) 6–0, 7–5తో పుతినెత్సవ (రష్యా)పై గెలిచింది.

ఆస్ట్రేలియన్‌ ఓపెన్‌ గ్రాండ్‌స్లామ్‌లో భాగంగా జర్మనీ టెన్నిస్‌ స్టార్‌ అలెగ్జాండర్‌ జ్వెరెవ్‌కు వింత అనుభవం ఎదురైంది. సీరియస్‌గా మ్యాచ్‌ ఆడుతున్న సమయంలో ఆకాశంలో ఒక పిట్ట.. పోతూ పోతూ అతని తలపై రెట్ట వేసింది. ఒక్కక్షణం ఆగిన జ్వెరెవ్‌ ఏంటా అని తల నిమురుకుంటే పిట్ట రెట్ట అతని చేతులకు అంటింది. దీంతో ఇదేం కర్మరా బాబు అనుకుంటూ పక్కకు వెళ్లి తలను టవల్‌తో తుడుచుకొని మ్యాచ్‌ను కంటిన్యూ చేశాడు. ఇది చూసిన అభిమానులు గొల్లుమని నవ్వారు దీనికి సంబంధించిన వీడియో సోషల్‌ మీడియాలో వైరల్‌గా  మారింది. తొలి సెట్‌లో 2-2 స్కోరు సమానంతో టైబ్రేక్‌ ఆడుతున్న సమయంలో ఈ ఘటన చోటుచేసుకుంది. ఇక ప్రపంచ 13వ ర్యాంకర్‌ అయిన అలెగ్జాండర్‌ జ్వెరెవ్‌ రెండో రౌండ్‌లోనే ఇంటిముఖం పట్టాడు. అమెరికాకు చెందిన అన్‌సీడెడ్‌ మైకెల్‌ మోహ్‌ చేతిలో జ్వెరెవ్‌ 6-7(1), 6-4, 6-3,6-2తో ఓటమి పాలయ్యాడు. తొలి సెట్‌ను టైబ్రేక్‌లో సొంతం చేసుకున్న జ్వెరెవ్‌ ఆ తర్వాత అదే ఆటతీరును కనబరచడంలో విఫలమయ్యాడు. వరుస సెట్లలో మోహ్‌ చేతిలో ఖంగుతిన్నాడు.  A perfect shot from the Australian Open bird 💩🤣 Alexander Zverev will be hoping he gets some good luck after that 🍀#AusOpen | @AlexZverev pic.twitter.com/Bi1TDcfz1q — Eurosport (@eurosport) January 19, 2023 చదవండి: మ్యాచ్‌ పట్టించుకోకుండా పక్షులు, ఆకాశంకేసి చూస్తున్నారా!?

‘‘వినమ్రంగా వ్యవహరించిన తీరు.. సాటి ఆటగాడి పట్ల సహృదయ భావం నాదల్‌ను మరింత ప్రత్యేకంగా మార్చాయి’’ అంటూ భారత క్రికెట్‌ దిగ్గజం సచిన్‌ టెండుల్కర్‌ స్పెయిన్‌ టెన్నిస్‌ స్టార్‌ రాఫెల్‌ నాదల్‌పై ప్రశంసలు కురిపించారు. అతడి క్రీడాస్ఫూర్తిని కొనియాడారు. కాగా ఫ్రెంచ్‌ ఓపెన్‌-2022 గ్రాండ్‌స్లామ్‌ టోర్నీ పురుషుల సింగిల్స్‌ తొలి సెమీస్‌లో నాదల్‌- మూడో సీడ్‌ అలెగ్జాండర్‌ జ్వెరెవ్‌(జర్మనీ) తలపడ్డారు. ఈ క్రమంలో నాదల్‌ తొలి సెట్‌ గెలవగా.. రెండో సెట్‌లో నాదల్‌ రిటర్న్‌ షాట్‌ను అందుకునే క్రమంలో దురదృష్టవశాత్తూ జ్వెరెవ్‌ జారిపడ్డాడు. నొప్పి తీవ్రతరం కావడంతో మళ్లీ కోర్టులో అడుగుపెట్టలేకపోయాడు. దీంతో నాదల్‌ను విన్నర్‌గా ప్రకటించారు. అయితే, చక్రాల కుర్చీలో బయటకు వెళ్లిన జ్వెరెవ్‌ మళ్లీ ‘క్రచెస్‌’ సాయంతో కోర్టులోకి వచ్చి ప్రేక్షకులను చూస్తూ అభివాదం చేసి వెళ్లాడు. అతడి నిష్క్రమణతో అభిమానులు నిరాశలో మునిగిపోగా.. నాదల్‌ సైతం జ్వెరెవ్‌కు ఇలా జరిగినందుకు విచారంగా కనిపించాడు. ప్రత్యర్థి ఆటగాడి పట్ల సానుభూతి చూపించాడు. భావోద్వేగానికి గురైన జ్వెరెవ్‌ను ఓదార్చాడు. ఇక జ్వెరెవ్‌ క్రచెస్‌ సాయంతో నడుస్తుండగా.. నాదల్‌ అతడి పక్కనే బాధగా ఉన్న ఫొటో వైరల్‌ అవుతోంది. ఈ నేపథ్యంలో సచిన్‌ నాదల్‌ను కొనియాడాడు. ఇక టీమిండియా మాజీ హెడ్‌కోచ్‌ రవిశాస్త్రి సైతం.. ‘‘ఇలాంటివి చూసినపుడే కదా హృదయం ద్రవిస్తుంది. నువ్వు త్వరలోనే తిరిగి వస్తావు జ్వెరెవ్‌. ఇక నాదల్‌ క్రీడాస్ఫూర్తికి చేతులెత్తి నమస్కరించాలి. అన్ని రకాలుగా గౌరవం అందుకునేందుకు అతడు అర్హుడు’’ అని ట్వీట్‌ చేశాడు. కాగా ఈ మ్యాచ్‌లో విజయంతో నాదల్‌ ఏకంగా 14వ సారి ఫ్రెంచ్‌ ఓపెన్‌ ఫైనల్‌కు చేరుకున్నాడు.    ‌  The humility and concern shown by Nadal is what makes him so special.#RolandGarros pic.twitter.com/t7ZE6wpi47 — Sachin Tendulkar (@sachin_rt) June 3, 2022 This is why sport can make you cry. You will be back @AlexZverev. @RafaelNadal - Sportsmanship, humility. Just brilliant and respect 🙏🙏🙏 #FrenchOpen2022 #RolandGarros pic.twitter.com/n5JFNFK7r1 — Ravi Shastri (@RaviShastriOfc) June 3, 2022 ⚔️ A thrilling battle came to a tough end with an injury to @AlexZverev but he and @RafaelNadal played some amazing points! Check out the Highlights by @emirates 🎥#RolandGarros | #EmiratesFlyBetterMoment pic.twitter.com/E9vn2iRF1v — Roland-Garros (@rolandgarros) June 3, 2022

పాయింట్‌ పాయింట్‌కూ పోరాటం... సుదీర్ఘ ర్యాలీలు... 3 గంటల 13 నిమిషాలు ముగిసినా పూర్తి కాని రెండు సెట్‌లు... ఫ్రెంచ్‌ ఓపెన్‌లో 13 సార్లు చాంపియన్‌ రాఫెల్‌ నాదల్, జర్మనీ స్టార్‌ అలెగ్జాండర్‌ జ్వెరెవ్‌ మధ్య శుక్రవారం జరిగిన పురుషుల సింగిల్స్‌ సెమీఫైనల్‌ తీరిది. తొలి సెట్‌ను అతికష్టమ్మీద నెగ్గిన నాదల్‌కు రెండో సెట్‌లోనూ ఒక్కో పాయింట్‌కు తన అనుభవాన్నంతా రంగరించి పోరాడాల్సిన స్థితి ఏర్పడింది. ఈ నేపథ్యంలో మ్యాచ్‌ తుది ఫలితం ఎలా ఉంటుందోనని అభిమానులు ఆలోచిస్తున్న తరుణంలో కోర్టులో ఊహించని సంఘటన జరిగింది. రెండో సెట్‌ 12వ గేమ్‌లో నాదల్‌ రిటర్న్‌ షాట్‌ను అందుకోనే క్రమంలో బేస్‌లైన్‌ వద్ద జ్వెరెవ్‌ జారి పడటంతో చీలమండకు తీవ్ర గాయమైంది. పడిన వెంటనే జ్వెరెవ్‌ నొప్పితో విలవిలలాడాడు. మైదానంలో ప్రథమ చికిత్స తర్వాత జ్వెరెవ్‌ను చక్రాల కుర్చీపై బయటకు తీసుకెళ్లారు. ఐదు నిమిషాల తర్వాత జ్వెరెవ్‌ ‘క్రచెస్‌’ సహాయంతో కోర్టులోకి వచ్చి అభిమానులకు అభివాదం చేసి వెళ్లిపోయాడు. దాంతో రాఫెల్‌ నాదల్‌ తనకెంతో కలిసొచ్చిన ఫ్రెంచ్‌ ఓపెన్‌లో 14వ సారి ఫైనల్లోకి ప్రవేశించాడు. గతంలో ఫైనల్‌ చేరిన 13 సార్లూ నాదలే విజేతగా నిలిచాడు. కాస్పర్‌ రూడ్‌ (నార్వే), సిలిచ్‌ (క్రొయేషియా) మధ్య రెండో సెమీఫైనల్‌ విజేతతో ఆదివారం జరిగే ఫైనల్లో నాదల్‌ తలపడతాడు. పారిస్‌: తన 36వ పుట్టిన రోజు విజయం రుచి చూసిన స్పెయిన్‌ టెన్నిస్‌ స్టార్‌ రాఫెల్‌ నాదల్‌ ఫ్రెంచ్‌ ఓపెన్‌ గ్రాండ్‌స్లామ్‌ టోర్నీలో ఫైనల్లోకి అడుగు పెట్టాడు. మూడో సీడ్‌ అలెగ్జాండర్‌ జ్వెరెవ్‌ (జర్మనీ)తో శుక్రవారం జరిగిన పురుషుల సింగిల్స్‌ తొలి సెమీఫైనల్లో నాదల్‌ తొలి సెట్‌ను 7–6 (10/8)తో టైబ్రేక్‌లో గెలిచాడు. రెండో సెట్‌లోని 12వ గేమ్‌ చివర్లో నాదల్‌ రిటర్న్‌ షాట్‌ను అందుకునే క్రమంలో జ్వెరెవ్‌ కోర్టులో జారి పడ్డాడు. దాంతో పాయింట్‌ నాదల్‌కు లభించింది. స్కోరు 6–6తో సమమైంది. కోర్టులో జారిపడ్డ జ్వెరెవ్‌కు గాయం త్రీవంగా ఉండటంతో అతను మళ్లీ బరిలోకి దిగలేకపోయాడు. దాంతో నాదల్‌ను విజేతగా ప్రకటించారు. 3 గంటల 13 నిమిషాలపాటు జరిగిన పోరులో జ్వెరెవ్‌ రెండు సెట్‌లలో నాదల్‌కు చెమటలు పట్టించాడు. తొలి సెట్‌ టైబ్రేక్‌లో జ్వెరెవ్‌ 6–2తో ఆధిక్యంలో నిలిచి నాలుగు సెట్‌ పాయిం ట్లు సంపాదించాడు. కానీ పట్టువదలకుండా పోరాడినా నాదల్‌ వరుసగా ఐదు పాయింట్లు గెలిచి 7–6తో ఆధిక్యంలోకి వచ్చాడు. ఆ తర్వాత స్కోరు 7–7తో, 8–8తో సమమైంది. ఈ దశలో నాదల్‌ వరుసగా రెండు పాయింట్లు గెలిచి తొలి సెట్‌ను గంటా 38 నిమిషాల్లో గెల్చుకున్నాడు. రెండో సెట్‌లోనూ జ్వెరెవ్‌ అద్భుతంగా ఆడుతూ 5–3తో ఆధిక్యంలోకి వచ్చి సెట్‌ కోసం సర్వీస్‌ చేశా డు. కానీ తొమ్మిదో గేమ్‌లో జ్వెరెవ్‌ సర్వీస్‌ను బ్రేక్‌ చేసిన నాదల్‌ ఆ తర్వాత తన సర్వీస్‌ను నిలబెట్టుకొని స్కోరును 5–5తో సమం చేశాడు. 11వ గేమ్‌లో జ్వెరెవ్‌ తన సర్వీస్‌ను కాపాడుకోగా... 12వ గేమ్‌లో నాదల్‌ సర్వీస్‌లో చివరి పాయింట్‌ సమయంలో జ్వెరెవ్‌ జారి పడటంతో మ్యాచ్‌ ముగిసింది. నేడు మహిళల సింగిల్స్‌ ఫైనల్‌ స్వియాటెక్‌ (పోలాండ్‌) X కోకో గాఫ్‌ (అమెరికా) సా. గం. 6:30 నుంచి సోనీ నెట్‌వర్క్‌లో ప్రత్యక్ష ప్రసారం కెరీర్‌లో తొలి గ్రాండ్‌స్లామ్‌ టైటిల్‌ కోసం అమెరికా టీనేజర్‌ కోకో గాఫ్‌... రెండోసారి ఫ్రెంచ్‌ ఓపెన్‌ నెగ్గాలనే లక్ష్యంతో స్వియాటెక్‌ నేడు మహిళల సింగిల్స్‌ టైటిల్‌ పోరులో తలపడనున్నారు. ⚔️ A thrilling battle came to a tough end with an injury to @AlexZverev but he and @RafaelNadal played some amazing points! Check out the Highlights by @emirates 🎥#RolandGarros | #EmiratesFlyBetterMoment pic.twitter.com/E9vn2iRF1v — Roland-Garros (@rolandgarros) June 3, 2022

French Open 2022: ఫ్రెంచ్‌ ఓపెన్‌ గ్రాండ్‌స్లామ్‌ టెన్నిస్‌ టోర్నీలో స్పెయిన్‌ స్టార్‌ రాఫెల్‌ నాదల్‌ అదరగొట్టాడు. పురుషుల సింగిల్స్‌ విభాగంలో డిఫెండింగ్‌ చాంపియన్‌ సెర్బియన్‌ స్టార్‌ నొవాక్‌ జొకోవిచ్‌ను ఓడించాడు. ఫిలిప్‌ చార్టియర్‌ కోర్టులో బుధవారం తెల్లవారుజామున నాలుగు గంటల 12 నిమిషాల పాటు జరిగిన క్వార్టర్‌ ఫైనల్లో జొకోవిచ్‌కు చుక్కలు చూపించిన నాదల్‌.. 6-2, 4-6, 6-2, 7-6 (7/4) తేడాతో అతడిపై విజయం సాధించాడు. తద్వారా ఫ్రెంచ్‌ ఓపెన్‌-2022 సెమీ ఫైనల్లో అడుగుపెట్టాడు. కాగా ఈ గ్రాండ్‌స్లామ్‌ టోర్నీలో నాదల్‌ సెమీస్‌ చేరడం ఇది 15వ సారి. ఈ నేపథ్యంలో వరల్డ్‌ నంబర్‌ 1 జొకోవిచ్‌పై విజయానంతరం నాదల్‌ మాట్లాడుతూ.. ‘‘ఎన్నెన్నో భావోద్వేగాలు నన్ను చుట్టుముట్టాయి. ఇక్కడ ఆడటం నిజంగా నాకు ఎప్పుడూ ప్రత్యేకమే. అతడి(జొకోవిచ్‌)తో పోటీ పడటం అతిపెద్ద సవాలు.. మనలోని అత్యుత్తమ ప్రతిభ కనబరిచినపుడు మాత్రమే అతడిని ఓడించే అవకాశం ఉంటుంది’’ అని ఉద్వేగానికి లోనయ్యాడు. ఇక నాదల్‌కు అభినందనలు తెలిపిన జొకోవిచ్‌.. తనొక గొప్ప చాంపియన్‌ అని, ఈ విజయానికి నాదల్‌ అర్హుడు అంటూ ప్రశంసలు కురిపించాడు.  కాగా శుక్రవారం జరుగనున్న సెమీస్‌లో మూడో సీడ్‌ అలెగ్జాండర్‌ జ్వెరెవ్‌(జర్మనీ)తో నాదల్‌ ఫైనల్‌ బెర్తు కోసం పోటీపడనున్నాడు. చదవండి: French Open: కోకో కేక.. తొలిసారి గ్రాండ్‌స్లామ్‌లో సెమీస్‌కు అర్హత 🎥 Check out the best moments of @RafaelNadal 's thrilling four-set win over No.1 Novak Djokovic with Highlights by @emirates#RolandGarros | #EmiratesFlyBetterMoments pic.twitter.com/3F2oFCSD00 — Roland-Garros (@rolandgarros) June 1, 2022 "He was a better player in important moments" No.1 @DjokerNole on his loss to @RafaelNadal #RolandGarros — Roland-Garros (@rolandgarros) June 1, 2022

మియామి ఓపెన్‌ టెన్నిస్‌ టోర్నీలో భాగంగా గురువారం నార్వేకు చెందిన కాస్పర్‌ రాడ్‌, జర్మనీ టెన్నిస్‌ స్టార్‌ అలెగ్జాండర్‌ జ్వెరెవ్‌ మధ్య క్వార్టర్‌ ఫైనల్‌ మ్యాచ్‌ జరిగింది. ఈ మ్యాచ్‌లో కాస్పర్‌ రాడ్‌.. జ్వెరెవ్‌ను (6-3,1-6,6-3)తో ఓడించి సెమీస్‌కు దూసుకెళ్లాడు. మూడు సెట్లలోనే మ్యాచ్‌ను ముగించిన కాస్పర్‌ రాడ్ అభిమానులకు షాక్‌ ఇచ్చాడు. ఆ షాక్‌ నుంచి తేరుకునేలోపే తన ట్రిక్‌తో ప్రేక్షకులను సంభ్రమాశ్చర్యాలకు గురి చేశాడు. విషయంలోకి వెళితే.. మ్యాచ్‌ మధ్యలో రాడ్‌ సర్వీస్‌ చేయాల్సి ఉంది. జ్వెరెవ్‌ కోర్టు బయటకు వెళ్లి బంతిని రాడ్‌వైపు విసిరాడు. సాధారణంగా చేతితో అందుకుంటే సరిపోయేది..కానీ కాస్పర్‌ రాడ్‌ బంతి కచ్చితంగా తన జేబులో పడేలా ట్రిక్‌ చేయడం ఆసక్తి కలిగించింది. అతని టైమింగ్‌ ఎంతలా అంటే.. అతను తన జేబును ఓపెన్‌ చేయడం..బంతి వెళ్లి అతని పాకెట్‌లో పడడం జరిగిపోయింది. ఇది చూసిన అభిమానులు అతని ట్రిక్స్‌కు మంత్రముగ్దులై లేచి నిలబడి చప్పట్లతో అభినందించారు. దీనికి సంబంధించిన వీడియోను టెన్నిస్‌ టీవీ తన ట్విటర్‌లో షేర్‌ చేసింది. చదవండి: పుట్‌బాల్‌ ప్రపంచకప్‌కు పోర్చుగల్‌ Ruud-iculous skills 😍@CasperRuud98 #MiamiOpen pic.twitter.com/3NZCRN3p2b — Tennis TV (@TennisTV) March 31, 2022

అకాపుల్కో(మెక్సికో): టోక్యో ఒలింపిక్స్‌ చాంపియన్, జర్మనీ స్టార్‌ అలెగ్జాండర్‌ జ్వెరెవ్‌కు అసోసియేషన్‌ ఆఫ్‌ టెన్నిస్‌ ప్రొఫెషనల్స్‌ (ఏటీపీ) నుంచి చెప్పుకోదగ్గ ఊరట లభించింది. ఏటీపీ జరిమానా, సస్పెన్షన్‌ వేటు నిలుపుదల చేసింది. గత నెల మెక్సికో ఓపెన్‌లో డబుల్స్‌ మ్యాచ్‌ ఓడిన వెంటనే జ్వెరెవ్‌ చైర్‌ అంపైర్‌ కుర్చికేసి బలంగా తన రాకెట్‌ విరిగేలా పదేపదే కొట్టాడు. దీంతో టోర్నీ నిర్వాహకులు సింగిల్స్‌లో డిఫెండింగ్‌ చాంపియన్‌ అయిన జ్వెరెవ్‌ను పంపించేశారు. దాంతో పాటు 40 వేల డాలర్లు (రూ. 30 లక్షలు), ఆ టోర్నీలో పొందిన ఏటీపీ పాయింట్లను జరిమానాగా విధించారు. ఇది పూర్తిగా మెక్సికో ఓపెన్‌కు సంబంధించిన పెనాల్టీ అయితే... ఏటీపీ నుంచి మరో 25 వేల డాలర్లు (రూ. 19 లక్షల 25 వేలు) జరిమానా, 8 వారాల సస్పెన్షన్‌ వేటు కూడా వేశారు. తాజాగా ఏటీపీ ఈ శిక్షను తాత్కా లికంగా నిలిపివేసి, ఏడాది పాటు ప్రొబేషన్‌లో ఉంచింది. అంటే వచ్చే ఏడాది ఫిబ్రవరి 22తో ముగిసే ప్రొబేషన్‌ వరకు అతని ప్రవర్తన హుందాగా ఉంటే ఏ సమస్యా లేదు. ఏటీపీ శిక్ష కూడా ఉండదు. ఈ ప్రొబేషన్‌ కాలంలో జ్వెరెవ్‌ తన అనుచిత ప్రవర్తనను పునరావృతం చేస్తే మాత్రం ఏటీపీ శిక్షను తక్షణం అమలు చేస్తారు. 

అకాపుల్కో (మెక్సికో): ప్రపంచ మూడో ర్యాంకర్‌ అలెగ్జాండర్‌ జ్వెరెవ్‌ (జర్మనీ) హద్దు మీరాడు. మెక్సికో ఓపెన్‌ టెన్నిస్‌ టోర్నీలో జ్వెరెవ్‌ తన రాకెట్‌తో అంపైర్‌ను దాదాపు కొట్టినంత పని చేశాడు. దాంతో జ్వెరెవ్‌ నిర్వాకంపై టోర్నీ నిర్వాహకులు క్రమశిక్షణ చర్య తీసుకున్నారు. టోర్నీలో అతను సింగిల్స్‌ మ్యాచ్‌ ఆడాల్సిన పనిలేదంటూ ఇంటికి పంపించేశారు. వివరాల్లోకి వెళితే... మంగళవారం రాత్రి జరిగిన డబుల్స్‌ తొలి రౌండ్‌ మ్యాచ్‌లో జ్వెరెవ్‌ –మార్సెలో మెలో (బ్రెజిల్‌) జోడీ 2–6, 6–4, 6–10తో గ్లాస్‌పూల్‌ (బ్రిటన్‌)–హారి హెలియోవారా (ఫిన్‌లాండ్‌) జంట చేతిలో ఓడింది. మ్యాచ్‌ సందర్భంగా అంపైర్‌ నిర్ణయాలపై అసంతృప్తి వ్యక్తం చేసిన జ్వెరెవ్‌ తుది ఫలితం తర్వాత తన రాకెట్‌తో ఏకంగా చైర్‌ అంపైర్‌ కుర్చీకేసి బాదాడు. అంపైర్‌ తన కాళ్లను దగ్గరకు తీసుకోకపోతే కచ్చితంగా గాయమయ్యేది. ‘క్రీడాస్ఫూర్తికి విరుద్ధంగా ప్రవర్తించిన జ్వెరెవ్‌ను టోర్నీ నుంచి తప్పించాం’ అని అసోసియేషన్‌ ఆఫ్‌ టెన్నిస్‌ ప్రొఫెషనల్స్‌ తెలిపింది. మరోవైపు తన హద్దుమీరిన ప్రవర్తనపై జ్వెరెవ్‌ బుధవారం స్పందించాడు. చైర్‌ అంపైర్‌తోపాటు టోర్నీ నిర్వాహకులకు క్షమాపణలు చెప్పాడు. Alexander Zverev has been THROWN OUT of the Mexican Open for attacking the umpire's chair at the end of his doubles match 😮😮😮 pic.twitter.com/CWhQ1r6kwj — Amazon Prime Video Sport (@primevideosport) February 23, 2022

ఆస్ట్రేలియన్‌ ఓపెన్‌ గ్రాండ్‌స్లామ్‌లో స్పెయిన్‌ బుల్‌ రాఫెల్‌ నాదల్‌ దూసుకెళ్తున్నాడు. 21వ గ్రాండ్‌స్లామ్‌ లక్ష్యంగా బరిలోకి దిగిన నాదల్‌ మూడో రౌండ్‌లో అడుగుపెట్టాడు. బుధవారం జర్మనీకి చెందిన యానిక్‌ హాన్ఫ్‌మన్‌ను 6-2, 6-3, 6-4తో వరుస సెట్లో ఖంగుతినిపించిన నాదల్‌ ప్రిక్వార్టర్స్‌లోకి ఎంటరయ్యాడు. స్విస్‌ సూపర్‌స్టార్‌ రోజర్‌ ఫెదరర్‌తో సంయుక్తంగా 20 గ్రాండ్‌స్లామ్‌లు సాధించిన నాదల్‌కు ఇది మంచి అవకాశం. ఫెదరర్‌, జొకోవిచ్‌ లాంటి దిగ్గజాలు ఈ గ్రాండ్‌స్లామ్‌కు దూరంగా ఉన్నారు. ఇక మూడోరౌండ్‌లో నాదల్‌.. రష్యన్‌ టెన్నిస్‌ ప్లేయర్‌ కచనోవ్‌తో అమితుమీ తేల్చుకోనున్నాడు.  మరో మ్యాచ్‌లో అలెగ్జాండర్‌ జ్వెరెవ్ ఆస్ట్రేలియాకు చెందిన జాన్‌ మిల్‌మాన్‌ను 6-4,6-4,6-0తో ఓడించి మూడోరౌండ్‌లోకి అడుగుపెట్టాడు.

న్యూయార్క్‌: ఈ ఏడాది గ్రాండ్‌స్లామ్‌ టోరీ్నలలో తన అది్వతీయ ఫామ్‌ను కొనసాగిస్తూ వరల్డ్‌ నంబర్‌వన్‌ నొవాక్‌ జొకోవిచ్‌ (సెర్బియా) యూఎస్‌ ఓపెన్‌లోనూ ఫైనల్లోకి దూసుకెళ్లాడు. శనివారం జరిగిన పురుషుల సింగిల్స్‌ సెమీఫైనల్లో టాప్‌ సీడ్‌ జొకోవిచ్‌ 4–6, 6–2, 6–4, 4–6, 6–2తో నాలుగో సీడ్‌ అలెగ్జాండర్‌ జ్వెరెవ్‌ (జర్మనీ)పై గెలిచి తొమ్మిదోసారి టైటిల్‌ పోరుకు అర్హత సాధించాడు. 3 గంటల 33 నిమిషాలపాటు జరిగిన ఈ మ్యాచ్‌లో ఇద్దరూ ప్రతి పాయింట్‌ కోసం నువ్వా నేనా అన్నట్లు పోరాడారు. పలుమార్లు సుదీర్ఘ ర్యాలీలు (53, 19, 22, 31, 16 షాట్‌లు) సాగాయి. అయితే కీలకదశలో జొకోవిచ్‌ తన అనుభవాన్నంతా రంగరించి పోరాడి పైచేయి సాధించాడు. ఈ సెర్బియా స్టార్‌ 12 ఏస్‌లు సంధించడంతోపాటు జ్వెరెవ్‌ సరీ్వస్‌ను ఐదుసార్లు బ్రేక్‌ చేశాడు. మరోవైపు జ్వెరెవ్‌ 16 ఏస్‌లు కొట్టినా, ఎనిమిది డబుల్‌ ఫాల్ట్‌లు, 50 అనవసర తప్పిదాలు చేసి మూల్యం చెల్లించుకున్నాడు. ‘ఇంకొక్క మ్యాచే మిగిలి ఉంది. దానినీ జయిద్దాం. ఆ చివరి మ్యాచ్‌లో నా సర్వశక్తులూ ఒడ్డి పోరాడతా’ అని గతంలో మూడుసార్లు యూఎస్‌ చాంపియన్‌గా నిలిచిన 34 ఏళ్ల జొకోవిచ్‌ వ్యాఖ్యానించాడు. మరో సెమీఫైనల్లో రెండో సీడ్‌ డానిల్‌ మెద్వెదేవ్‌ (రష్యా) 6–4, 7–5, 6–2తో 12వ సీడ్‌ ఫిలిక్స్‌ ఉగర్‌ అలియాసిమ్‌ (కెనడా)పై నెగ్గి జొకోవిచ్‌తో అమీతుమీకి సిద్ధమయ్యాడు. ముఖాముఖి రికార్డులో జొకోవిచ్‌ 5–3తో మెద్వెదేవ్‌పై ఆధిక్యంలో ఉన్నాడు. పురుషుల టెన్నిస్‌ చరిత్రలో ఒకేరోజు రెండు రికార్డులు సృష్టించేందుకు సెర్బియా యోధుడు నొవాక్‌ జొకోవిచ్‌ విజయం దూరంలో నిలిచాడు. ఈ ఏడాది ఆస్ట్రేలియన్‌ ఓపెన్, ఫ్రెంచ్‌ ఓపెన్, వింబుల్డన్‌ టోరీ్నలలో విజేతగా నిలిచిన జొకోవిచ్‌ యూఎస్‌ ఓపెన్‌లోనూ టైటిల్‌ సాధిస్తే... రాడ్‌ లేవర్‌ (1969లో) తర్వాత ‘క్యాలెండర్‌ గ్రాండ్‌స్లామ్‌’ ఘనత సాధించిన తొలి ప్లేయర్‌గా రికార్డు సృష్టిస్తాడు. అంతేకాకుండా అత్యధిక గ్రాండ్‌స్లామ్‌ సింగిల్స్‌ టైటిల్స్‌ సాధించిన ప్లేయర్‌గా జొకోవిచ్‌ కొత్త చరిత్ర లిఖిస్తాడు. ప్రస్తుతం జొకోవిచ్, ఫెడరర్‌ (స్విట్జర్లాండ్‌), రాఫెల్‌ నాదల్‌ (స్పెయిన్‌) 20 చొప్పున గ్రాండ్‌స్లామ్‌ టైటిల్స్‌తో సమంగా ఉన్నారు. రాడుకాను చరిత్ర సృష్టించేనా? మహిళల సింగిల్స్‌ విభాగంలో ఎవరూ ఊహించని విధంగా ఇద్దరు టీనేజర్లు, అన్‌సీడెడ్‌ క్రీడాకారిణులు లేలా ఫెర్నాండెజ్‌ (కెనడా–19 ఏళ్లు), ఎమ్మా రాడుకాను (బ్రిటన్‌–18 ఏళ్లు) టైటిల్‌ పోరుకు అర్హత పొందారు. సెమీఫైనల్స్‌లో లేలా ఫెర్నాండెజ్‌ 7–6 (7/3), 4–6, 6–4తో రెండో సీడ్‌ సబలెంకా (బెలారస్‌)పై... రాడుకాను 6–1, 6–4తో 17వ సీడ్‌ మరియా సాకరి (గ్రీస్‌)పై గెలిచి తమ కెరీర్‌లో తొలిసారి గ్రాండ్‌స్లామ్‌ టోరీ్నలో ఫైనల్‌కు చేరారు. ఓపెన్‌ శకంలో క్వాలిఫయర్‌ హోదాలో ఫైనల్‌ చేరిన తొలి ప్లేయర్‌గా... వర్జీనియా వేడ్‌ (1977లో వింబుల్డన్‌) తర్వాత ఓ గ్రాండ్‌స్లామ్‌ టోర్నీలో ఫైనల్‌ చేరిన తొలి బ్రిటన్‌ ప్లేయర్‌గా రాడుకాను గుర్తింపు పొందింది. ఫైనల్లో లేలాపై రాడుకాను గెలిస్తే గ్రాండ్‌స్లామ్‌ టైటిల్‌ గెలిచిన తొలి క్వాలిఫయర్‌గా చరిత్ర సృష్టిస్తుంది. లేలా, రాడుకాను

Novak Djokovic In US Open 2021 Finals: సెర్బియన్‌ టెన్నిస్‌ స్టార్‌ నొవాక్‌ జొకోవిచ్‌ యూఎస్‌ ఓపెన్‌ ఫైనల్‌లో అడుగుపెట్టాడు. సెమీ ఫైనల్‌లో టోక్యో ఒలింపిక్స్‌ స్వర్ణ పతక విజేత అలెగ్జాండర్‌ జ్వెరెవ్‌ను ఓడించి తుదిపోరుకు అర్హత సాధించాడు. హోరాహోరీగా సాగిన ఈ మ్యాచ్‌లో టాప్‌ సీడ్‌ జొకోవిచ్‌.. 4-6, 6-2, 6-4, 4-6, 6-2 తేడాతో నాలుగో సీడ్‌ జ్వెరెవ్‌పై చేయి సాధించి ఫైనల్‌కు చేరుకున్నాడు. ఆర్థుర్‌ ఆషే స్టేడియంలో ఆదివారం జరుగనున్న ఫైనల్‌ మ్యాచ్‌లో అతడు.. రష్యన్‌ ప్లేయర్‌ డానిల్‌ మెద్వెదేవ్‌తో తలపడనున్నాడు.  ఈ మ్యాచ్‌లో గనుక జొకోవిచ్‌ విజయం సాధిస్తే... ఇప్పటికే ఆస్టేలియన్‌ ఓపెన్, ఫ్రెంచ్‌ ఓపెన్, వింబుల్డన్‌ టైటిళ్లను గెలిచిన అతడు.. క్యాలెండర్‌ స్లామ్‌ తన పేరిట లిఖించుకునే అవకాశం ఉంటుంది. అదే విధంగా 21వ గ్రాండ్‌స్లామ్‌ టైటిల్‌తో ఆల్‌టైమ్‌ గ్రేటెస్టు దిగ్గజాలు ఫెడరర్‌ (స్విట్జర్లాండ్‌), నాదల్‌ (స్పెయిన్‌)లను అధిగమించే ఛాన్స్‌ కూడా ఉంటుంది. ఈ నేపథ్యంలో సెమీస్‌లో గెలిచిన అనంతరం జొకోవిచ్‌ మట్లాడుతూ.. ‘‘ఈ క్షణాలు ఎంతో మధురం. ఇంకా ఒకే ఒక్క మ్యాచ్‌ మిగిలింది. గెలిచేద్దాం. తుదిపోరులో విజయం సాధించేందుకు నా శాయశక్తులా ప్రయత్నిస్తాను’’ అని పేర్కొన్నాడు. చదవండి: వారెవ్వా ఎమ్మా: యూఎస్‌ ఓపెన్‌లో సంచలనం Is @DjokerNole the most mentally tough player in tennis history? He takes us inside the 🧠 of a legend. pic.twitter.com/AiUfGDQYDT — US Open Tennis (@usopen) September 11, 2021

టోక్యో: పురుషుల టెన్నిస్‌ చరిత్రలో అరుదైన ‘గోల్డెన్‌ స్లామ్‌’ ఘనతను సాధించాలని ఆశించిన వరల్డ్‌ నంబర్‌వన్‌ నొవాక్‌ జొకోవిచ్‌కు నిరాశ ఎదురైంది. టోక్యో ఒలింపిక్స్‌ పురుషుల సింగిల్స్‌ విభాగంలో టాప్‌ సీడ్‌ జొకోవిచ్‌ సెమీఫైనల్లో ఓటమి పాలయ్యాడు. అలెగ్జాండర్‌ జ్వెరెవ్‌ (జర్మనీ) అద్భుత ఆటతీరుతో 1–6, 6–3, 6–1తో జొకోవిచ్‌ను ఓడించి ఫైనల్లోకి దూసుకెళ్లాడు. ఈ పరాజయంతో జొకోవిచ్‌ కాంస్య పతకం కోసం పోరాడనున్నాడు. ఒకే ఏడాది నాలుగు గ్రాండ్‌స్లామ్‌ టోర్నీలు (ఆస్ట్రేలియన్, ఫ్రెంచ్, వింబుల్డన్, యూఎస్‌ ఓపెన్‌) నెగ్గడంతోపాటు ఒలింపిక్‌ స్వర్ణాన్ని సాధిస్తే దానిని ‘గోల్డెన్‌ స్లామ్‌’ ఘన తగా పరిగణిస్తారు. గతంలో మహిళల విభా గంలో స్టెఫీ గ్రాఫ్‌ (1988లో) మాత్రమే ఈ ఘనత సాధించింది. ఈ ఏడాది జొకోవిచ్‌ ఆస్ట్రేలియన్, ఫ్రెంచ్, వింబుల్డన్‌ టోర్నీలలో విజేతగా నిలిచాడు.   

మాడ్రిడ్‌: మాడ్రిడ్‌ ఓపెన్‌ మాస్టర్స్‌ సిరీస్‌–1000 టెన్నిస్‌ టోర్నమెంట్‌లో బలమైన ప్రత్యర్థులను ఓడిస్తూ సాగిన జర్మనీ స్టార్‌ అలెగ్జాండర్‌ జ్వెరెవ్‌ ప్రయాణం ఘనంగా ముగిసింది. క్వార్టర్స్‌లో నాదల్‌ను, సెమీస్‌లో థీమ్‌ను ఓడించిన జ్వెరెవ్‌... ఫైనల్లోనూ అదే ప్రదర్శనను కనబరచి చాంపియన్‌గా నిలిచాడు. భారత కాలమానం ప్రకారం ఆదివారం అర్ధరాత్రి దాటాక జరిగిన టైటిల్‌ పోరులో జ్వెరెవ్‌ 6–7 (6/8), 6–4, 6–3తో మాటియో బెరెటిని (ఇటలీ)పై గెలిచాడు. మాడ్రిడ్‌ ఓపెన్‌ను జ్వెరెవ్‌ గెలవడం రెండో సారి.  2018లో అతను తొలిసారి ఈ టైటిల్‌ను నెగ్గగా...అతని కెరీర్‌లో ఇది నాలుగో మాస్టర్స్‌–1000 టైటిల్‌. మ్యాచ్‌ను ఘనంగా ఆరంభించిన ప్రపంచ పదో ర్యాంకర్‌ బెరెటిని కీలక సమయాల్లో తడబడి మూల్యం చెల్లించుకున్నాడు. తొలి సెట్‌లో ఇద్దరు ప్లేయర్లు కూడా హోరాహోరీగా తలపడటంతో టై బ్రేక్‌కు దారి తీసింది. ఇందులో నెగ్గిన బెరెటిని తొలి సెట్‌ను కైవసం చేసుకున్నాడు. రెండో సెట్‌లో బెరెటిని సర్వ్‌ చేసిన తొమ్మిదో గేమ్‌ను బ్రేక్‌ చేసిన జ్వెరెవ్‌... ఆ తర్వాత తన గేమ్‌ను నిలబెట్టుకొని సెట్‌ను 6–4తో సొంతం చేసుకున్నాడు. ఇక నిర్ణాయక మూడో సెట్‌లో పూర్తి ఆధిపత్యం కనబర్చిన జ్వెరెవ్‌ ఆ సెట్‌ను గెలవడంతో లాంఛనం పూర్తి చేశాడు. మ్యాచ్‌లో బెరెటిని 50 అనవసర తప్పిదాలు చేయడంతో పాటు... మూడో సెట్‌లో జ్వెరెవ్‌ సర్వీస్‌ను రెండు సార్లు బ్రేక్‌  చేసే అవకాశం లభించినా వాటిని జారవిడిచి మ్యాచ్‌ను కోల్పోయాడు. ఈ మ్యాచ్‌లో గెలిచిన జ్వెరెవ్‌ 3,15,160 యూరోల ప్రైజ్‌మనీ (సుమారు రూ. 2 కోట్ల 81 లక్షలు)ని అందుకున్నాడు. పురుషుల డబుల్స్‌ విభాగంలో జరిగిన ఫైనల్లో మార్సెల్‌ గ్రనోలర్స్‌ (స్పెయిన్‌)– హరసియో జెబలోస్‌ (అర్జెంటీనా) జంట 1–6, 6–3, 10–8తో నికోలా మెక్టిక్‌–మాటె పవిచ్‌ (క్రొయేషియా) జోడిపై గెలిచి టైటిల్‌ను కైవసం చేసుకుంది.

స్పెయిన్‌ టెన్నిస్‌ స్టార్‌ రాఫెల్‌ నాదల్‌కు మాడ్రిడ్‌ ఓపెన్‌ మాస్టర్స్‌ సిరీస్‌–1000 టోర్నీలో చుక్కెదురైంది. పురుషుల సింగిల్స్‌ క్వార్టర్‌ ఫైనల్లో డిఫెండింగ్‌ చాంపియన్, ప్రపంచ ఆరో ర్యాంకర్‌ అలెగ్జాండర్‌ జ్వెరెవ్‌ (జర్మనీ) 6–4, 6–4తో టాప్‌ సీడ్, ఐదుసార్లు మాజీ చాంపియన్‌ నాదల్‌పై నెగ్గి సెమీఫైనల్‌ చేరాడు. క్లే కోర్టులపై నాదల్‌పై జ్వెరెకిదే తొలి విజయం కావడం విశేషం. గంటా 44 నిమిషాలపాటు జరిగిన ఈ మ్యాచ్‌లో నాదల్‌ సర్వీస్‌ను జ్వెరెవ్‌ మూడుసార్లు బ్రేక్‌ చేశాడు.    ఇప్పట్లో బాచ్‌ ‘టోక్యో’ పర్యటన కష్టమే... టోక్యో ఒలింపిక్స్‌ ఏర్పాట్లను పర్యవేక్షించేందుకు అంతర్జాతీయ ఒలింపిక్‌ కమిటీ (ఐఓసీ) అధ్యక్షుడు థామస్‌ బాచ్‌ ఈ నెలలో జపాన్‌కు రావడం కష్టమేనని ఒలింపిక్‌ ఆర్గనైజింగ్‌ కమిటీ అధ్యక్షురాలు సీకో హషిమోటో పేర్కొన్నారు. కరోనా వ్యాప్తి కట్టడి కోసం మే 11 వరకు టోక్యోతోపాటు మరో మూడు నగరాల్లో విధించిన అత్యవసర పరిస్థితిని ఈనెల 31 వరకు ప్రభుత్వం పొడిగించింది. దాంతో థామస్‌ బాచ్‌ పర్యటన వాయిదా పడే అవకాశముంది.

అనుభవం అద్భుతం చేసింది. నమ్మకం ముందుకు నడిపించింది. ఓటమి అంచుల నుంచి గట్టెక్కించింది. చివరకు విజేత హోదాలో ట్రోఫీని ముద్దాడేలా చేసింది. చరిత్ర పుటల్లోనూ స్థానం కల్పించింది. కెరీర్‌లో మూడుసార్లు గ్రాండ్‌స్లామ్‌ టోర్నీల్లో ఫైనల్‌కు చేరి మూడుసార్లూ రన్నరప్‌ ట్రోఫీలతో సరిపెట్టుకున్న ఆస్ట్రియా యోధుడు డొమినిక్‌ థీమ్‌ ఎట్టకేలకు నాలుగో ప్రయత్నంలో గ్రాండ్‌స్లామ్‌ చాంపియన్‌ అయ్యాడు. కెరీర్‌లో తొలిసారిగా గ్రాండ్‌స్లామ్‌ టోర్నీలో ఫైనల్‌కు చేరిన తన మిత్రుడు అలెగ్జాండర్‌ జ్వెరెవ్‌తో సుదీర్ఘంగా సాగిన యూఎస్‌ ఓపెన్‌ తుది సమరంలో థీమ్‌ పైచేయి సాధించాడు. తొలి రెండు సెట్‌లు ఓడిపోయి... మూడో సెట్‌లో ఆరంభంలోనే సర్వీస్‌ కోల్పోయి వెనుకబడిన థీమ్‌ ఆ తర్వాత అనూహ్య ఆటతీరుతో మ్యాచ్‌ గతిని మార్చేశాడు. చివరకు నిర్ణాయక సెట్‌లో ఒకదశలో 3–5తో ఓటమి అంచుల్లో నిలిచి ఆ వెంటనే కోలుకొని స్కోరును సమం చేసి చివరకు టైబ్రేక్‌లో విజయాన్ని అందుకున్నాడు. తన గ్రాండ్‌స్లామ్‌ టైటిల్‌ కలను నిజం చేసుకున్నాడు. న్యూయార్క్‌: ఒకదశలో నాలుగోసారి అందివచ్చిన ‘గ్రాండ్‌’ టైటిల్‌ అవకాశం డొమినిక్‌ థీమ్‌ నుంచి చేజారిపోతుందా అనిపించింది. కానీ గత మూడు ‘గ్రాండ్‌’ ఫైనల్స్‌లో ఎదురైన ఓటమి నుంచి గుణపాఠం నేర్చుకున్న థీమ్‌ నేలకు కొట్టిన టెన్నిస్‌ బంతిలా పైకి వచ్చాడు. తొలి రెండు సెట్‌లు కోల్పోయి... ఐదో సెట్‌లో 3–5తో వెనుకబడి... పరాజయం ముంగిట నిలిచిన ఈ ఆస్ట్రియా ఆటగాడు తన స్వశక్తిపై, తన ఆటతీరుపై నమ్మకం కోల్పోకుండా ఆఖరి పాయింట్‌ వరకు పోరాడితే పోయేదేమీ లేదులే అనుకుంటూ ముందుకు సాగిపోయాడు. చివరకు చిరస్మరణీయ విజయంతో చాంపియన్‌గా అవతరించాడు. భారత కాలమానం ప్రకారం ఆదివారం అర్ధరాత్రి దాటాక జరిగిన యూఎస్‌ ఓపెన్‌ గ్రాండ్‌స్లామ్‌ టోర్నీ పురుషుల సింగిల్స్‌ ఫైనల్లో రెండో సీడ్‌ డొమినిక్‌ థీమ్‌ 4 గంటల 2 నిమిషాల పోరాటంలో 2–6, 4–6, 6–4, 6–3, 7–6 (8/6)తో ఐదో సీడ్‌ అలెగ్జాండర్‌ జ్వెరెవ్‌ (జర్మనీ)పై గెలిచాడు. విజేత థీమ్‌కు 30 లక్షల డాలర్లు (రూ. 22 కోట్లు), రన్నరప్‌ జ్వెరెవ్‌కు 15 లక్షల డాలర్లు (రూ. 11 కోట్లు) ప్రైజ్‌మనీగా లభించాయి. కెరీర్‌లో తొలిసారి గ్రాండ్‌స్లామ్‌ టైటిల్‌ గెలిచిన 27 ఏళ్ల థీమ్‌ 1949 తర్వాత యూఎస్‌ ఓపెన్‌ ఫైనల్లో తొలి రెండు సెట్‌లు ఓడిపోయి, ఆ తర్వాత వరుసగా మూడు సెట్‌లు గెలిచి విజేతగా నిలిచిన తొలి ప్లేయర్‌గా గుర్తింపు పొందాడు. 1949లో యూఎస్‌ నేషనల్‌ చాంపియన్‌షిప్‌ పేరుతో జరిగిన టోర్నీ ఫైనల్లో పాంచో గొంజాలెజ్‌ (అమెరికా) తన సహచరుడు టెడ్‌ ష్రోడెర్‌పై ఈ తరహాలో గెలిచాడు. 1968 నుంచి ప్రొఫెషనల్‌ ఆటగాళ్లకు కూడా గ్రాండ్‌స్లామ్‌ టోర్నీలు ఆడేందుకు అనుమతి ఇవ్వడంతో అప్పటి నుంచి టెన్నిస్‌లో ఓపెన్‌ శకం మొదలైంది. శుభారంభం లభించినా... కెరీర్‌లో తొలి ‘గ్రాండ్‌’ ఫైనల్‌ ఆడుతున్న జ్వెరెవ్‌ తొలి గేమ్‌ నుంచే ఆకట్టుకున్నాడు. మూడో గేమ్‌లో, ఏడో గేమ్‌లో థీమ్‌ సర్వీస్‌లను బ్రేక్‌ చేసిన జ్వెరెవ్‌ తొలి సెట్‌ గెలిచేశాడు. రెండో సెట్‌లో మూడు, ఐదో గేముల్లో మళ్లీ థీమ్‌ సర్వీస్‌లను బ్రేక్‌ చేసిన 23 ఏళ్ల జ్వెరెవ్‌ సెట్‌ను దక్కించుకున్నాడు. మూడో సెట్‌ మూడో గేమ్‌లో థీమ్‌ సర్వీస్‌ను బ్రేక్‌ చేసిన జ్వెరెవ్‌ 2–1తో ఆధిక్యంలోకి వెళ్లాడు. అటునుంచి జ్వెరెవ్‌ తన సర్వీస్‌లను నిలబెట్టుకొని ఆధిక్యాన్ని కాపాడుకొని ఉంటే చాంపియన్‌ అయ్యేవాడు. కానీ థీమ్‌ నెమ్మదిగా తేరుకున్నాడు. మూడో సెట్‌ను, నాలుగో సెట్‌ను నెగ్గి మ్యాచ్‌లో నిలిచాడు. నిర్ణాయక ఐదో సెట్‌లో ఎనిమిదో గేమ్‌లో థీమ్‌ సర్వీస్‌ను బ్రేక్‌ చేసిన జ్వెరెవ్‌ 5–3తో ఆధిక్యంలోకి వెళ్లాడు. తాను సర్వీస్‌ చేసిన తొమ్మిదో గేమ్‌లో జ్వెరెవ్‌ సర్వీస్‌ను నిలబెట్టుకొని ఉంటే సెట్‌ను 6–3తో నెగ్గి విజేతగా నిలిచేవాడు. కానీ జ్వెరెవ్‌ తొమ్మిదో గేమ్‌ను థీమ్‌ బ్రేక్‌ చేశాడు. ఆ తర్వాత స్కోరు 6–6తో సమం కావడంతో విజేతను నిర్ణయించేందుకు టైబ్రేక్‌ అనివార్యమైంది. టైబ్రేక్‌లో థీమ్‌దే పైచేయిగా నిలిచింది.  ► 5 ఓపెన్‌ శకం (1968 నుంచి) మొదలయ్యాక గ్రాండ్‌స్లామ్‌ టోర్నీ ఫైనల్లో తొలి రెండు సెట్‌లు కోల్పోయి ఆ తర్వాత వరుసగా మూడు సెట్‌లు గెలిచి టైటిల్‌ సాధించిన ఐదో ప్లేయర్‌గా థీమ్‌ నిలిచాడు. గతంలో గాస్టన్‌ గాడియో (గిలెర్మో కొరియాపై 2004 ఫ్రెంచ్‌ ఓపెన్‌లో); అగస్సీ (ఆండ్రీ మెద్వెదేవ్‌పై 1999 ఫ్రెంచ్‌ ఓపెన్‌లో); ఇవాన్‌ లెండిల్‌ (మెకన్రోపై 1984 ఫ్రెంచ్‌ ఓపెన్‌లో); జాన్‌ బోర్గ్‌ (మాన్యుయెల్‌ ఒరాన్‌టెస్‌పై 1974 ఫ్రెంచ్‌ ఓపెన్‌లో) ఈ ఘనత సాధించారు. ► 1 1990 తర్వాత జన్మించి పురుషుల సింగిల్స్‌ విభాగంలో గ్రాండ్‌స్లామ్‌ సింగిల్స్‌ విజేతగా నిలిచిన తొలి ప్లేయర్‌ థీమ్‌. ► 1 పురుషుల టెన్నిస్‌లో తొలిసారి వరుసగా నాలుగు గ్రాండ్‌స్లామ్‌ టోర్నీ ల ఫైనల్‌ ఫలితాలు ఐదు సెట్‌లపాటు (2019 వింబుల్డన్‌; 2019 యూఎస్‌ ఓపెన్, 2020 ఆస్ట్రేలియన్‌ ఓపెన్, 2020 యూఎస్‌ ఓపెన్‌) సాగిన మ్యాచ్‌ల ద్వారా వచ్చాయి. ► 2 థామస్‌ ముస్టర్‌ (1995లో ఫ్రెంచ్‌ ఓపెన్‌) తర్వాత గ్రాండ్‌స్లామ్‌ టైటిల్‌ నెగ్గిన రెండో ఆస్ట్రియా ఆటగాడిగా థీమ్‌ నిలిచాడు. ► 2  గ్రాండ్‌స్లామ్‌ టోర్నీల చరిత్రలో ఫైనల్లో టైబ్రేక్‌ ద్వారా ఫలితం రావడం ఇది రెండోసారి మాత్రమే. 2019 వింబుల్డన్‌ ఫైనల్లో ఫెడరర్‌పై జొకోవిచ్‌ టైబ్రేక్‌లో గెలిచాడు. వింబుల్డన్‌లో గతేడాదే చివరి సెట్‌లో స్కోరు 12–12 వద్ద సమం అయ్యాక ఫలితాన్ని టైబ్రేక్‌లో తేల్చాలని నిర్ణయం తీసుకున్నారు. ► 6 ఆరేళ్ల వ్యవధి తర్వాత గ్రాండ్‌స్లామ్‌ టోర్నీలలో పురుషుల సింగిల్స్‌ విభాగంలో కొత్త చాంపియన్‌ అవతరించాడు. చివరిసారి 2014 యూఎస్‌ ఓపెన్‌లో మారిన్‌ సిలిచ్‌ రూపంలో కొత్త విజేత వచ్చాడు. 2015 నుంచి ఈ ఏడాది యూఎస్‌ ఓపెన్‌ ముందు వరకు జరిగిన గ్రాండ్‌స్లామ్‌ టోర్నీలలో జొకోవిచ్, నాదల్, ఫెడరర్, ఆండీ ముర్రే, వావ్రింకాలలో ఎవరో ఒకరు విజేతగా నిలుస్తూ వచ్చారు. ► 1 గ్రాండ్‌స్లామ్‌ మ్యాచ్‌ల్లో జ్వెరెవ్‌ తొలిసారి తొలి రెండు సెట్‌లు గెలిచి ఆ తర్వాత మ్యాచ్‌లో ఓడిపోవడం ఇదే తొలి సారి. గతంలో అతను తొలి రెండు సెట్‌లు గెలిచాక 24 సార్లు మ్యాచ్‌ల్లో నెగ్గాడు. ఎలాగైతేనేం గట్టెక్కాను. ఫైనల్లో నా శరీరం ఒకదశలో అలసిపోయినా గెలుస్తానన్న నా నమ్మకమే చివరి వరకు నడిపించింది. తుది ఫలితంతో చాలా చాలా ఆనందంగా ఉన్నాను. 2014 నుంచి జ్వెరెవ్‌తో పరిచయం ఉంది. ఆ తర్వాత ఇద్దరం మంచి మిత్రులయ్యాం. ఎన్నో గొప్ప మ్యాచ్‌లు ఆడాం. వాస్తవానికి ఫైనల్లో ఇద్దరు విజేతలు ఉండాల్సింది. మా ఇద్దరికీ టైటిల్‌ గెలిచే అర్హత ఉంది. నా కెరీర్‌ కూడా ఫైనల్‌ మాదిరిగానే ఎత్తుపల్లాలతో సాగుతోంది. అయితే అంతిమ ఫలితం మాత్రం నాకు నచ్చింది. –డొమినిక్‌ థీమ్‌ తొలి గ్రాండ్‌స్లామ్‌ టైటిల్‌ నెగ్గిన థీమ్‌కు అభినందనలు. అతను మరిన్ని తప్పిదాలు చేసి ఉంటే నా చేతిలో విన్నర్స్‌ ట్రోఫీ ఉండేది. కానీ నేను రన్నరప్‌ ట్రోఫీతో ప్రసంగిస్తున్నాను. టోర్నీ ప్రారంభానికి ముందు నా తల్లిదండ్రులకు కరోనా పాజిటివ్‌ రావడంతో వారు నా వెంట రాలేకపోయారు. అయితే వారు కరోనా నుంచి కోలుకున్నందుకు సంతోషంగా ఉన్నాను. తొలి రెండు సెట్‌లు గెలిచాక కూడా ఓడిపోతే ఆ బాధ ఎలా ఉంటుందో తెలుసుకున్నాను. నాకింకా 23 ఏళ్లే కాబట్టి భవిష్యత్‌లో తప్పకుండా నేను కూడా గ్రాండ్‌స్లామ్‌ ట్రోఫీని ఎత్తుకుంటానన్న నమ్మకం ఉంది. –అలెగ్జాండర్‌ జ్వెరెవ్‌

న్యూయార్క్‌: యూఎస్‌ ఓపెన్‌లో కొత్త చాంపియన్‌ అవతరించాడు. ఆస్ట్రేలియా స్టార్‌ క్రీడాకారుడు, రెండో సీడ్‌ డొమనిక్‌ థీమ్‌ చాంపియన్‌గా నిలిచాడు.  భారతకాలమాన ప్రకారం ఈరోజు తెల్లవారుజామున జరిగిన ఫైనల్లో థీమ్‌ 2-6, 4-6, 6-4, 6-3, 7-6(8/6) తేడాతో జర్మనీ ప్లేయర్‌, ఐదో సీడ్‌ అలెగ్జాండర్‌ జ్వెరెవ్‌పై గెలిచి యూఎస్‌ ఓపెన్‌ను కైవసం చేసుకున్నాడు. ఇది థీమ్‌కు‌ తొలి గ్రాండ్‌ స్లామ్‌ టైటిల్‌ కావడం విశేషం. గతంలో మూడుసార్లు గ్రాండ్‌స్లామ్‌ ఫైనల్లో ఓడిపోయిన థీమ్‌.. ఈసారి మాత్రం టైటిల్‌ను సాధించే వరకూ వదిలిపెట్టలేదు. తొలి రెండు సెట్లను కోల్పోయినా ఇక మిగతా మూడు సెట్లను తన ఖాతాలో వేసుకుని ట్రోఫీని ముద్దాడాడు.(చదవండి: నమో నయోమి) ఈ ఏడాది ఆస్ట్రేలియా ఓపెన్‌లో  ఫైనల్‌కు చేరిన థీమ్‌.. అంతకుముందు 2018, 2019ల్లో ఫ్రెంచ్‌ ఓపెన్‌లో రన్నరప్‌గానే సరిపెట్టుకున్నాడు. అయితే ఈసారి టైటిల్‌ను సాధించే వరకు థీమ్‌ తన పోరాటాన్ని ఆపలేదు. వరుసగా రెండు సెట్లు కోల్పోయి ఒత్తిడిలో పడ్డ సమయంలో థీమ్‌ ఇరగదీశాడు. ప్రత్యర్థి జ్వెరెవ్‌ నుంచి అద్భుతమైన ఏస్‌లో దూసుకొస్తున్నా ఎక్కడా కూడా ఆత్మవిశ్వాసాన్ని కోల్పోలేదు. ఒక్కో గేమ్‌ను కైవసం చేసుకుంటూ వరుసగా రెండు సెట్లను గెలిచాడు.ఆపై చివరిసెట్‌ను టైబ్రేక్‌లో గెలిచి టైటిల్‌ సాధించాడు. యూఎస్‌ ఓపెన్‌లో ఒక ఆటగాడు తొలి రెండు సెట్లు కోల్పోయిన తర్వాత తేరుకుని టైటిల్‌ గెలవడం ఆ టోర్నీ ఓపెన్‌ ఎరాలో ఇదే తొలిసారి. ఫలితంగా థీమ్‌ కొత్త చరిత్ర సృష్టించాడు. ఐదో సెట్‌లో హోరాహోరీ టైటిల్‌ నిర్ణయాత్మక ఐదో సెట్‌లో ఇరువురి మధ్య హోరాహోరీ పోరు సాగింది. ఈ ఇద్దరూ ఎక్కడా తగ్గకుండా నువ్వా-నేనా అన్నట్లు తలపడ్డారు. ఇరువురు సమానంగా గేమ్‌లను గెలుచుకుంటూ స్కోరును కాపాడుకుంటూ వచ్చారు. దాంతో మ్యాచ్‌ ఫలితం టైబ్రేక్‌కు దారి తీసింది. ట్రైబ్రేకర్‌లో ఎనిమిది పాయింట్లతో ముందంజ వేసిన థీమ్‌.. జ్వెరెవ్‌ను ఆరు పాయింట్లకు పరిమితం చేసి టైటిల్‌ను ఎగురేసుకుపోయాడు. ఇక తన కెరీర్‌లో తొలిసారి గ్రాండ్‌స్లామ్‌ ఫైనల్లోకి చేరి టైటిల్‌ సాధిద్దామనుకున్న జ్వెరెవ్‌కు ఆశలకు బ్రేక్‌ పడింది. ఇరువురి మధ్య నాలుగు గంటలకు పైగా సాగిన పోరాటంలో చివరకు థీమ్‌ పైచేయి సాధించి ప్రతిష్టాత్మక ట్రోఫీని దక్కించుకున్నాడు.   

మూడేళ్ల క్రితం జర్మనీ ప్లేయర్‌ అలెగ్జాండర్‌ జ్వెరెవ్‌ ప్రపంచ మూడో ర్యాంకర్‌గా ఎదిగిన సమయంలో పురుషుల సింగిల్స్‌ విభాగంలో నయా తార అవతరించాడని టెన్నిస్‌ క్రీడా పండితులు విశ్లేషించారు. కానీ గత మూడేళ్లలో 23 ఏళ్ల జ్వెరెవ్‌ గ్రాండ్‌స్లామ్‌ టోర్నమెంట్‌లలో అంచనాలను అందుకోలేకపోయాడు. ఈ ఏడాది ఆస్ట్రేలియన్‌ ఓపెన్‌లో సెమీఫైనల్‌ చేరి తన కెరీర్‌లో అత్యుత్తమ ప్రదర్శన నమోదు చేశాడు. అయితే ఏడు నెలలు తిరిగేలోపు జ్వెరెవ్‌ మరో మెట్టు ఎక్కాడు. తన అత్యుత్తమ ‘గ్రాండ్‌’ సెమీస్‌ ప్రదర్శనను సవరించి ఈసారి ఏకంగా ‘గ్రాండ్‌’గా ఫైనల్లోకి దూసుకెళ్లాడు. కెరీర్‌లో తొలి గ్రాండ్‌స్లామ్‌ టైటిల్‌కు కేవలం విజయం దూరంలో నిలిచాడు. మరోవైపు మూడేళ్లుగా ‘బిగ్‌ త్రీ’ ఫెడరర్, నాదల్, జొకోవిచ్‌ నీడలోనూ తనకంటూ ప్రత్యేక స్థానాన్ని ఏర్పరచుకున్న ఆస్ట్రియా స్టార్‌ డొమినిక్‌ థీమ్‌ తన గ్రాండ్‌స్లామ్‌ టైటిల్‌ కలను సాకారం చేసుకోవడానికి నాలుగోసారి సిద్ధమయ్యాడు. జ్వెరెవ్, థీమ్‌ మధ్య ఫైనల్లో ఎవరు గెలిచినా తొలిసారి గ్రాండ్‌స్లామ్‌ చాంపియన్‌గా అవతరిస్తారు. న్యూయార్క్‌: తమ గ్రాండ్‌స్లామ్‌ టైటిల్‌ కలను నిజం చేసుకోవడానికి పురుషుల టెన్నిస్‌ భవిష్యత్‌ ఆశాకిరణాలు అలెగ్జాండర్‌ జ్వెరెవ్‌ (జర్మనీ), డొమినిక్‌ థీమ్‌ (ఆస్ట్రియా) ఒక్క విజయం దూరంలో నిలిచారు. యూఎస్‌ ఓపెన్‌ గ్రాండ్‌స్లామ్‌ టెన్నిస్‌ టోర్నీ పురుషుల సింగిల్స్‌ విభాగంలో వీరిద్దరూ తొలిసారి ఫైనల్లోకి ప్రవేశించారు. సెమీఫైనల్స్‌లో ఐదో సీడ్‌ జ్వెరెవ్‌ 3 గంటల 23 నిమిషాల్లో 3–6, 2–6, 6–3, 6–4, 6–3తో 20వ సీడ్‌ పాబ్లో కరెనో బుస్టా (స్పెయిన్‌)పై, రెండో సీడ్‌ థీమ్‌ 2 గంటల 55 నిమిషాల్లో 6–2, 7–6 (9/7), 7–6 (7/5)తో గత ఏడాది రన్నరప్, మూడో సీడ్‌ డానిల్‌ మెద్వెదేవ్‌ (రష్యా)పై గెలుపొందారు. ముఖాముఖి రికార్డులో థీమ్‌ 7–2తో జ్వెరెవ్‌పై ఆధిక్యంలో ఉన్నాడు. వీరిద్దరు గ్రాండ్‌స్లామ్‌ టోర్నీ మ్యాచ్‌ల్లో మూడు సార్లు తలపడగా... మూడు సార్లూ్ల థీమ్‌నే విజయం వరించింది. రెండు సెట్‌లు చేజార్చుకొని...  కరెనో బుస్టాతో జరిగిన సెమీఫైనల్లో జ్వెరెవ్‌ తొలి రెండు సెట్‌లు కోల్పోయి ఓటమి దిశగా సాగుతున్న దశలో పుంజుకున్నాడు. శక్తిమంతమైన సర్వీస్‌లతో, పదునైన రిటర్న్‌ షాట్‌లతో ఒక్కసారిగా విజృంభించాడు. మూడో సెట్‌లోని నాలుగో గేమ్‌లో బుస్టా సర్వీస్‌ను బ్రేక్‌ చేసిన జ్వెరెవ్‌ ఆ తర్వాత తన సర్వీస్‌లను కాపాడుకొని సెట్‌ నెగ్గాడు. నాలుగో సెట్‌లోని ఏడో గేమ్‌లో బుస్టా సర్వీస్‌ను బ్రేక్‌ చేసిన ఈ జర్మనీ యువతార 4–3తో ఆధిక్యంలోకి వెళ్లాడు. ఆ తర్వాత 6–4తో సెట్‌ను గెల్చుకున్నాడు. నిర్ణాయక ఐదో సెట్‌లోనూ జ్వెరెవ్‌ నియంత్రణ కోల్పోకుండా ఆడాడు. తొలి గేమ్‌లో, ఆ తర్వాత తొమ్మిదో గేమ్‌లో బుస్టా సర్వీస్‌లను బ్రేక్‌ చేసిన జ్వెరెవ్‌ విజయాన్ని ఖాయం చేసుకున్నాడు.  జ్వెరెవ్‌ తన కెరీర్‌లో తొలిసారి వరుసగా తొలి రెండు సెట్‌లను కోల్పోయి... ఆ తర్వాత వరుసగా మూడు సెట్‌లు నెగ్గి విజయాన్ని అందుకోవడం ఇదే ప్రథమం. మ్యాచ్‌ మొత్తంలో 24 ఏస్‌లు సంధించాడు. 8 డబుల్‌ ఫాల్ట్‌లతోపాటు 57 అనవసర తప్పిదాలు చేశాడు. అయితే 71 విన్నర్స్‌ కొట్టడం, నెట్‌ వద్దకు 50 సార్లు దూసుకొచ్చి 37 సార్లు పాయింట్లు గెలవడం, ఎనిమిది బ్రేక్‌ పాయింట్లు సంపాదించడం జ్వెరెవ్‌కు విజయాన్ని అందించాయి. తడబడి... నిలబడి... ఇప్పటికే మూడుసార్లు గ్రాండ్‌స్లామ్‌ ఫైనల్లో ఓడిపోయిన డొమినిక్‌ థీమ్‌ ఈసారి ఎలాగైనా విన్నర్స్‌ ట్రోఫీని ముద్దాడాలని పట్టుదలతో ఉన్నాడు. గతేడాది రన్నరప్‌ మెద్వెదేవ్‌తో జరిగిన సెమీఫైనల్లో థీమ్‌ ఆటలో ఇది స్పష్టంగా కనిపించింది. రెండో సెట్‌లో, మూడో సెట్‌లో సెట్‌ పాయింట్లు కాపాడుకున్న విధానం అతని సానుకూల దృక్పథాన్ని సూచిస్తోంది. రెండో సెట్‌లో మెద్వెదేవ్‌ తన సర్వీస్‌లో 5–4తో ఆధిక్యంలో ఉన్నపుడు సర్వీస్‌ నిలబెట్టుకొని ఉంటే సెట్‌ గెలిచేవాడు. కానీ థీమ్‌ అతని సర్వీస్‌ను బ్రేక్‌ చేశాడు. ఆ తర్వాత టైబ్రేక్‌లో పైచేయి సాధించాడు. ఇక మూడో సెట్‌లో ఒకదశలో థీమ్‌ 2–5తో వెనుకబడ్డాడు. కానీ థీమ్‌ ఒత్తిడికి లోనుకాకుండా మెద్వెదేవ్‌ సర్వీస్‌ను తొమ్మిదో గేమ్‌లో బ్రేక్‌ చేసి ఆ తర్వాత తన సర్వీస్‌లను కాపాడుకొని స్కోరును 6–6తో సమం చేశాడు. మళ్లీ టైబ్రేక్‌లో తన ఆధిపత్యం చాటుకొని గెలిచాడు. సిగెముండ్‌–జ్వొనరేవా జంటకు ‘డబుల్స్‌’ మహిళల డబుల్స్‌ విభాగంలో అన్‌సీడెడ్‌  జోడీ లౌరా సిగెముండ్‌ (జర్మనీ)–వెరా జ్వొనరేవా (రష్యా) విజేతగా నిలిచింది. 80 నిమిషాలపాటు జరిగిన ఫైనల్లో ఈ జంట 6–4, 6–4తో మూడో సీడ్‌ నికోల్‌ మెలికార్‌ (అమెరికా)–యిఫాన్‌ షు (చైనా) జోడీపై విజయం సాధించింది. విజేత సిగెముండ్‌–జ్వొనరేవా ద్వయంకు 4,00,000 డాలర్లు (రూ. 2 కోట్ల 94 లక్షలు) ప్రైజ్‌మనీగా లభించాయి. 6 యూఎస్‌ ఓపెన్‌ చరిత్రలో సెమీఫైనల్‌ మ్యాచ్‌లో తొలి రెండు సెట్‌లు కోల్పోయి ఆ తర్వాత వరుసగా మూడు సెట్‌లు నెగ్గి ఫైనల్‌ చేరిన ఆరో క్రీడాకారుడు జ్వెరెవ్‌. గతంలో జొకోవిచ్‌ (2011లో ఫెడరర్‌పై); ఆండీ రాడిక్‌ (2003లో నల్బందియాన్‌పై); జాన్‌ బోర్గ్‌ (1980లో యోహాన్‌ క్రీక్‌పై); వైటస్‌‡ జెరులైటిస్‌ (1979లో రోస్కో ట్యానర్‌పై); మాన్యుయెల్‌ ఒరాంటెస్‌ (1975లో గిలెర్మో విలాస్‌పై) ఈ ఘనత సాధించారు. 2 ఫైనల్లో థీమ్‌ విజయం సాధిస్తే థామస్‌ ముస్టర్‌ (1995లో ఫ్రెంచ్‌ ఓపెన్‌) తర్వాత గ్రాండ్‌స్లామ్‌ సింగిల్స్‌ టైటిల్‌ నెగ్గిన రెండో ఆస్ట్రియా ప్లేయర్‌గా నిలుస్తాడు. అంతేకాకుండా యూఎస్‌ ఓపెన్‌ నెగ్గిన తొలి ఆస్ట్రియా ఆటగాడిగా రికార్డు సృష్టిస్తాడు. 26 యూఎస్‌ ఓపెన్‌ పురుషుల సింగిల్స్‌లో 26 ఏళ్ల తర్వాత ఫైనల్‌ చేరిన తొలి జర్మనీ ప్లేయర్‌గా జ్వెరెవ్‌ గుర్తింపు పొందాడు. 1994లో చివరిసారి మైకేల్‌ స్టిచ్‌ రూపంలో జర్మనీ ఆటగాడు ఈ టోర్నీలో ఫైనల్‌ చేరి ఫైనల్లో ఆండ్రీ అగస్సీ (అమెరికా) చేతిలో ఓడిపోయాడు. 2 ఫైనల్లో జ్వెరెవ్‌ గెలిస్తే బొరిస్‌ బెకర్‌ (1989లో) తర్వాత యూఎస్‌ ఓపెన్‌ టైటిల్‌ నెగ్గిన రెండో జర్మనీ ప్లేయర్‌గా నిలుస్తాడు. అంతేకాకుండా 1991 తర్వాత ఓ గ్రాండ్‌స్లామ్‌ టైటిల్‌ సాధించిన జర్మనీ క్రీడాకారుడిగా గుర్తింపు పొందుతాడు. 1991లో చివరిసారి జర్మనీ క్రీడాకారులు బొరిస్‌ బెకర్‌ (ఆస్ట్రేలియన్‌ ఓపెన్‌), మైకేల్‌ స్టిచ్‌ (వింబుల్డన్‌) ఈ ఘనత సాధించారు.

న్యూయార్క్‌: ‘బిగ్‌ త్రీ’ నీడలో ఇన్నాళ్లూ గ్రాండ్‌స్లామ్‌ టైటిల్‌ వేటలో వెనుకబడిపోయిన జర్మనీ యువతార అలెగ్జాండర్‌ జ్వెరెవ్‌ అందివచ్చిన అవకాశాన్ని సద్వినియోగం చేసుకునే దిశగా మరో అడుగు వేశాడు. యూఎస్‌ ఓపెన్‌ గ్రాండ్‌స్లామ్‌ టెన్నిస్‌ టోర్నమెంట్‌లో 23 ఏళ్ల జ్వెరెవ్‌ తొలిసారి సెమీఫైనల్లోకి దూసుకెళ్లాడు. 27వ సీడ్‌ బొర్నా చోరిచ్‌ (క్రొయేషియా)తో జరిగిన పురుషుల సింగిల్స్‌ క్వార్టర్‌ ఫైనల్లో జ్వెరెవ్‌ 1–6, 7–6 (7/5), 7–6 (7/1), 6–3తో గెలుపొందాడు. 1995లో బోరిస్‌ బెకర్‌ తర్వాత యూఎస్‌ ఓపెన్‌లో సెమీఫైనల్‌ చేరిన తొలి జర్మనీ ప్లేయర్‌గా జ్వెరెవ్‌ నిలిచాడు.   జూనియర్‌స్థాయి నుంచి తన ప్రత్యర్థిగా ఉన్న చోరిచ్‌తో 3 గంటల 25 నిమిషాలపాటు జరిగిన క్వార్టర్‌ ఫైనల్‌ మ్యాచ్‌లో జ్వెరెవ్‌ తొలి సెట్‌లో తేలిపోయాడు. మూడు డబుల్‌ ఫాల్ట్‌లు, 12 అనవసర తప్పిదాలు చేయడంతోపాటు తన సర్వీస్‌ను రెండుసార్లు కోల్పోయి సెట్‌ను చేజార్చుకున్నాడు. అయితే రెండో సెట్‌ నుంచి జ్వెరెవ్‌ గాడిలో పడ్డాడు. ఈ సెట్‌లో ఇద్దరూ ఒక్కోసారి తమ సర్వీస్‌లను కోల్పోయారు. చివరకు టైబ్రేక్‌లో జ్వెరెవ్‌ పైచేయి సాధించాడు. మూడో సెట్‌లోనూ ఇద్దరూ ఒక్కోసారి తమ సర్వీస్‌లను కోల్పోయారు. చివరకు టైబ్రేక్‌లోనే ఫలితం వచ్చింది. ఈసారీ జ్వెరెవ్‌ ఆధిక్యం కనబరిచాడు. టైబ్రేక్‌లో రెండు సెట్‌లను కోల్పోయిన చోరిచ్‌ నాలుగో సెట్‌లో తడబడ్డాడు. ఎనిమిదో గేమ్‌లో చోరిచ్‌ సర్వీస్‌ను బ్రేక్‌ చేసి 5–3తో ఆధిక్యంలోకి వెళ్లిన జ్వెరెవ్‌ ఆ తర్వాత తొమ్మిదో గేమ్‌లో తన సర్వీస్‌ను నిలబెట్టుకొని 6–3తో సెట్‌తోపాటు మ్యాచ్‌ను సొంతం చేసుకున్నాడు. కెరీర్‌లో 20 గ్రాండ్‌స్లామ్‌ టోర్నీలు ఆడిన జ్వెరెవ్‌ కేవలం రెండోసారి మాత్రమే సెమీఫైనల్‌ దశకు అర్హత సాధించాడు. ఈ ఏడాది ఆస్ట్రేలియన్‌ ఓపెన్‌లో తొలిసారి అతను సెమీస్‌ చేరి డొమినిక్‌ థీమ్‌ (ఆస్ట్రియా) చేతిలో ఓడిపోయాడు. యూఎస్‌ ఓపెన్‌ ఫైనల్లో చోటు కోసం సెమీఫైనల్లో 20వ సీడ్‌ పాబ్లో కరెనో బుస్టా (స్పెయిన్‌)తో జ్వెరెవ్‌ ఆడతాడు. బుస్టా పోరాటం... ప్రిక్వార్టర్‌ ఫైనల్లో టాప్‌ సీడ్, ప్రపంచ నంబర్‌వన్‌ జొకోవిచ్‌ (సెర్బియా)తో తొలి సెట్‌లో 6–5తో ఆధిక్యంలో ఉన్న దశలో జొకోవిచ్‌ కోపంలో బంతిని వెనక్కి కొట్టడం... అదికాస్తా లైన్‌ జడ్జికి తగలడంతో... నిర్వాహకులు జొకోవిచ్‌పై అనర్హత వేటు వేశారు. దాంతో పూర్తిస్థాయి మ్యాచ్‌ ఆడకుండానే కరెనో బుస్టా క్వార్టర్‌ ఫైనల్‌ బెర్త్‌ దక్కించుకున్నాడు. అయితే క్వార్టర్‌ ఫైనల్లో కరెనో బుస్టాకు 12వ సీడ్‌ డెనిస్‌ షపోవలోవ్‌ (కెనడా) నుంచి గట్టిపోటీ ఎదురైంది. 4 గంటల 8 నిమిషాలపాటు జరిగిన క్వార్టర్‌ ఫైనల్లో కరెనో బుస్టా 3–6, 7–6 (7/5), 7–6 (7/0), 0–6, 6–3తో గెలుపొంది సెమీఫైనల్లోకి ప్రవేశించాడు. ఒసాకా అలవోకగా... కెరీర్‌లో మూడో గ్రాండ్‌స్లామ్‌ టైటిల్‌పై గురి పెట్టిన జపాన్‌ క్రీడాకారిణి నయోమి ఒసాకా సెమీఫైనల్‌ చేరింది. మహిళల సింగిల్స్‌ క్వార్టర్‌ ఫైనల్లో నాలుగో సీడ్‌ ఒసాకా 6–3, 6–4తో షెల్బీ రోజర్స్‌ (అమెరికా)పై గెలిచి సెమీఫైనల్లో 28వ సీడ్‌ జెన్నిఫర్‌ బ్రేడీ (అమెరికా)తో పోరాటానికి సిద్ధమైంది. షెల్బీ రోజర్స్‌తో 80 నిమిషాలపాటు జరిగిన మ్యాచ్‌లో ఒసాకా ఏడు ఏస్‌లు సంధించి, మూడు బ్రేక్‌ పాయింట్లు సాధించింది. సెమీస్‌లో సెరెనా అమెరికా స్టార్‌ సెరెనా వరుసగా 11వ సారి యూఎస్‌ ఓపెన్‌లో సెమీస్‌ చేరింది. బుధవారం రాత్రి జరిగిన క్వార్టర్స్‌లో మూడో సీడ్‌ సెరెనా 4–6, 6–3, 6–2తో స్వెతానా పిరన్‌కోవా (బల్గేరియా)పై గెలిచింది. తొలి సెట్‌ను కోల్పోయిన సెరెనా వెంటనే కోలుకుంది. రెండో సెట్‌లోని ఎనిమిదో గేమ్‌లో పిరన్‌కోవా సర్వీస్‌ను బ్రేక్‌ చేసి ఆ తర్వాత  తన సర్వీస్‌ను నిలబెట్టుకొని 6–3తో సెట్‌ను దక్కించుకుంది. నిర్ణాయక మూడో సెట్‌లోని తొలి గేమ్‌లో, ఏడో గేమ్‌లో పిరన్‌కోవా సర్వీస్‌లను బ్రేక్‌ చేసిన సెరెనా ఆ తర్వాత తన సర్వీస్‌లను కాపాడుకొని విజయాన్ని ఖాయం చేసుకుంది.

న్యూయార్క్‌: ఈ ఏడాది జరిగే యూఎస్‌ ఓపెన్‌లో ఆడాలా... వద్దా... అనే సందిగ్ధంలోనే ఉన్నానని జర్మనీ టెన్నిస్‌ ఆటగాడు అలెగ్జాండర్‌ జ్వెరెవ్‌ తెలిపాడు. ప్రస్తుతం అమెరికాలో కరోనా విజృంభణ తీవ్రంగా ఉండటమే అందుకు కారణమని 23 ఏళ్ల జ్వెరెవ్‌ వ్యాఖ్యానించాడు. ఒక టెన్నిస్‌ వెబ్‌సైట్‌ ఇంటర్వూ్యలో అతను మాట్లాడుతూ ‘ప్రస్తుతం అమెరికా పరిస్థితి బాగా లేదు. కరోనా తీవ్రత ఎక్కువగా ఉంది. దీంతో యూఏస్‌ ఓపెన్‌లో ఆడే విషయంపై ఇంకా ఏ నిర్ణయం తీసుకోలేదు. నా టీమ్‌తో చర్చించి త్వరలోనే ఈ విషయంపై స్పష్టతనిస్తా’ అని పేర్కొన్నాడు. ఇప్పటికే ఆస్ట్రేలియాకు చెందిన మహిళల ప్రపంచ నంబర్‌వన్‌ యాష్లే బార్టీ, పురుషుల సింగిల్స్‌ ఆటగాడు నిక్‌ కిరియోస్‌ టోర్నీలో ఆడటం లేదని ప్రకటించారు. యూఎస్‌ ఓపెన్‌ ఈ నెల 31 నుంచి సెప్టెంబర్‌ 13 వరకు జరుగనుంది.

బెర్లిన్‌: కరోనా మహమ్మారి విషయంలో కనీస జాగ్రత్తలు పాటించకపోవడంతో ప్రపంచ నంబర్‌వన్‌ టెన్నిస్‌ ప్లేయర్‌ నొవాక్‌ జొకోవిచ్‌ ఈ వైరస్‌ బారిన పడిన సంగతి తెలిసిందే. లాక్‌డౌన్‌తో ఇబ్బందుల్లో పడిన వర్ధమాన టెన్నిస్‌ క్రీడాకారుల కోసం నిధులు సేకరించాలనే సదుద్దేశంతో జొకోవిచ్‌ ఆధ్వర్యంలో ఎగ్జిబిషన్‌ టోర్నీ నిర్వహించగా, అది వారి పాలిట శాపంగా మారింది. ఈ ఎగ్జిబిషన్‌ టోర్నీలో పాల్గొన్న ప్రపంచ 19వ ర్యాంకర్‌ గ్రిగర్‌ దిమిత్రోవ్‌ (బల్గేరియా), క్రొయేషియా ఆటగాడు బోర్నా చోరిచ్, నొవాక్‌ ఫిట్‌నెస్‌ కోచ్‌ మార్కో పానిచిలు సైతం ఈ మహమ్మారి బారిన పడ్డారు. కాగా, ఇదే టోర్నీల్లో పాల్గొన్న  మిగతా వారిని సెల్ఫ్‌ ఐసోలేషన్‌లో ఉండాలని సూచించగా,  జర్మనీకి చెందని అలెగ్జాండర్‌ జ్వెరెవ్‌ దానిని అతిక్రమించాడు. సెల్ఫ్‌ ఐసోలేషన్‌లో ఉండాల్సిన జ్వెరెవ్‌ ఎంచక్కా పార్టీ చేసుకున్నాడు. ఒక క్లబ్‌లో విపరీతమైన జన సందోహంలో జ్వెరెవ్‌ పార్టీ చేసుకుని ఫోటోలు సోషల్‌ మీడియాలో వైరల్‌గా మారాయి. దాంతో విమర్శల పాలయ్యాడు. అసలు ఆ ఆడ్రియా టూర్‌లో భాగంగా ఎగ్జిబిషన్‌ టోర్నీలో పాల్గొన్నందుకు దేశ ప్రజలకు క్షమాపణలు చెప్పిన జ్వెరెవ్‌.. మాట వరసకు చెప్పాలి కదా అనే సూత్రాన్ని మాత్రమే పాటించినట్లున్నాడు. ఒకసారి ప్రజలకు, అభిమానులకు క్షమాపణలు చెప్పి సెల్ఫ్‌ ఐసోలేషన్‌లో ఉంటానన్న జ్వెరెవ్‌.. ఏకంగా క్లబ్‌లోనే సందడి చేశాడు. జనం మధ్యలో దూరి డ్యాన్స్‌ మరీ చేశాడు. దాంతో నెటిజన్లు జ్వెరెవ్‌ను ఏకిపారేస్తున్నారు.(జొకోవిచ్‌నూ వదలని మహమ్మారి) ‘ఒక ప్రైవేట్‌ క్లబ్‌లో జ్వెరెవ్‌ చిందులు వేస్తూ కనిపించడం క్లియర్‌గా కనిపించింది. ఇదేనా సెల్ఫ్‌ ఐసోలేషన్‌’ అంటూ ఒకరు  విమర్శించగా, ‘ఆరు రోజుల క్రితం ఏమి చెప్పావ్‌ జ్వెరెవ్‌.. ఇప్పుడు ఏమి చేస్తున్నావ్‌’ అంటూ మరొకరు మండిపడ్డారు. ‘ ఆటగాళ్లు రూల్స్‌ ఫాలో కావడం లేదు అనే దానికి ఇదొక ఉదాహరణ. ఇది చాలా బాధపెట్టే అంశం. మిగతా వారిని కూడా ప్రమాదంలోకి నెట్టడం భావ్యమా’ అని మరొకరు విమర్శించారు ‘పబ్లిక్‌కు సంబంధించి గైడ్‌లైన్స్‌ ఉన్నప్పుడు ఇంత నిర్లక్ష్యంగా వ్యవహరిస్తావా.. ఇదే ఒక సెలబ్రెటీగా నువ్వు ఇచ్చే సందేశం’ అని అభిమానులు విమర్శలు కురిపిస్తున్నారు.

పెద్దగా అంచనాలు లేవు... గ్రాండ్‌ స్లామ్‌ హార్డ్‌ కోర్టులపై గత రికార్డు చూసుకున్నా క్వార్టర్స్‌ దాటని ఆటతీరు...  ఆస్ట్రేలియన్‌ ఓపెన్‌ రెండో రౌండ్‌లో అన్‌సీడెడ్‌ ఆటగాడు అలెక్స్‌ బోల్ట్‌పై ఐదు సెట్ల పాటు పోరాడి అతికష్టం మీద గెలుపు ఇలా చెమటోడుస్తూ సాగిన డొమినిక్‌ థీమ్‌ ఏ దశలోనూ టైటిల్‌ ఫేవరెట్‌గా కనబడలేదు. అయితే క్వార్టర్స్‌లో ప్రపంచ నంబర్‌ వన్‌ రాఫెల్‌ నాదల్‌ను ఓడించి అందరి కళ్లను తన వైపు తిప్పుకున్న అతను... తాజాగా సెమీస్‌ పోరులో జర్మనీ స్టార్‌ అలెగ్జాండర్‌ జ్వెరెవ్‌పై నాలుగు సెట్లలో విజయం సాధించి తొలి గ్రాండ్‌ స్లామ్‌ టైటిల్‌కు అడుగు దూరంలో నిలిచి వారెవ్వా అనిపించాడు. ఆదివారం జరిగే పురుషుల ఫైనల్‌లో నొవాక్‌ జొకోవిచ్‌తో అమీతుమీకి థీమ్‌ సిద్ధమయ్యాడు. మెల్‌బోర్న్‌: రాడ్‌ లేవర్‌ ఎరీనాలో కిక్కిరిసిన జనం మధ్య మరోసారి మూడు గంటలకు పైగా సాగిన పోరులో ఐదో సీడ్‌ డొమినిక్‌ థీమ్‌ మరో అద్భుత విజయం సాధించాడు. శుక్రవారం జరిగిన ఆస్ట్రేలియన్‌ ఓపెన్‌ పురుషుల రెండో సెమీఫైనల్‌ మ్యాచ్‌లో థీమ్‌ 3–6, 6–4, 7–6 (7/3), 7–6 (7/4)తో అలెగ్జాండర్‌ జ్వెరెవ్‌(జర్మనీ)ను చిత్తు చేశాడు. దాంతో తొలిసారి ఆస్ట్రేలియన్‌ ఓపెన్‌ ఫైనల్‌కు అర్హత సాధించాడు. ఈ ఘనత సాధించిన తొలి ఆ  స్ట్రియా ఆటగాడిగా నిలిచాడు. ఓవరాల్‌గా థీమ్‌కు ఇది మూడో గ్రాండ్‌స్లామ్‌ టోర్నీ ఫైనల్‌ ఎంట్రీ కావడం విశేషం. 2018, 2019లలో ఫ్రెంచ్‌ ఓపెన్‌ ఫైనల్‌కు చేరి నాదల్‌ చేతిలో ఓడాడు. ఆదివారం జరిగే ఫైనల్‌ పోరులో 17వ గ్రాండ్‌స్లామ్‌ టైటిల్‌పై కన్నేసిన జొకోవిచ్‌తో ఫైట్‌కు థీమ్‌ సిద్ధమయ్యాడు. తొలి సెట్‌ను కోల్పోయినా...  3 గంటల 42 నిమిషాల పాటు సాగిన ఈ పోరును థీమ్‌ తడబడుతూ ఆరంభించాడు. తొలి సెట్‌ మొదటి గేమ్‌లోనే తన సర్వీస్‌ను కోల్పోయాడు. అయితే ఆ మరుసటి గేమ్‌లో ప్రత్యర్థి జ్వెరెవ్‌ సర్వీస్‌ను బ్రేక్‌ చేసి స్కోరును 1–1తో సమం చేశాడు. అయితే ఎనిమిదో గేమ్‌లో థీమ్‌ సర్వీస్‌ను బ్రేక్‌ చేసిన జ్వెరెవ్‌... అనంతరం తన గేమ్‌ను కాపాడుకోవడంతో 6–3తో తొలి సెట్‌ను గెల్చుకున్నాడు. ఇక రెండో సెట్‌లో దూకుడు కనబర్చిన 26 ఏళ్ల థీమ్‌ గ్రౌండ్‌ స్ట్రోక్‌ షాట్లతో జ్వెరెవ్‌ను ముప్పతిప్పలు పెట్టాడు. అంతేకాకుండా అతడి సర్వీస్‌ను రెండు సార్లు బ్రేక్‌ చేసిన థీమ్‌ 6–4తో సెట్‌ను సొంతం చేసుకోవడంతో... రెండు సెట్‌లు ముగిసే సరికి ఇరు ఆటగాళ్లు 1–1తో సమంగా నిలిచారు. కీలకమైన మూడో సెట్‌ టై బ్రేక్‌కు దారితీయగా... అక్కడ క్రాస్‌ కోర్టు, బ్యాక్‌ హ్యాండ్‌ షాట్లతో హోరెత్తించిన థీమ్‌... టై బ్రేక్‌ను సొంతం చేసుకొని తొలిసారి మ్యాచ్‌లో 2–1తో ఆధిక్యంలో నిలిచాడు. నాలుగో సెట్‌లో ఇద్దరు కూడా తమ సర్వీస్‌లను 12 గేమ్‌ల పాటు నిలుపుకోవడంతో... సెట్‌ మరోసారి టై బ్రేక్‌కు దారితీసింది. ఇక్కడ వరుసగా మూడు అనవసర తప్పిదాలు చేసిన జ్వెరెవ్‌ మూడు పాయింట్లను ప్రత్యర్థికి కోల్పోయాడు. ఈ ఆధిక్యాన్ని తనకు అనుకూలంగా మార్చుకున్న థీమ్‌ ఫోర్‌ హ్యాండ్‌ విన్నర్‌తో టై బ్రేక్‌ను గెలుచుకోవడంతో పాటు తుది పోరుకు అర్హత సాధించాడు. థీమ్‌ ఈ మ్యాచ్‌లో 10 ఏస్‌లు సంధించి... నాలుగు డబుల్‌ ఫాల్ట్స్‌ చేయగా... జ్వెరెవ్‌ 16 ఏస్‌లు కొట్టి మూడు డబుల్‌ ఫాల్ట్స్‌ చేశాడు. మ్యాచ్‌ ఆసాంతం జ్వెరెవ్‌ 200 కి.మీ పైబడిన వేగంతో సర్వీస్‌ చేసినా... కీలక సమయంలో చేసిన అనవసర తప్పిదాలతో మ్యాచ్‌ను దూరం చేసుకున్నాడు. మహిళల డబుల్స్‌ విజేత  మ్లదెనోవిచ్‌–బబోస్‌ జోడీ  మహిళల డబుల్స్‌ విభాగంలో చాంపియన్స్‌గా రెండో సీడ్‌ క్రిస్టినా మ్లదెనోవిచ్‌ (ఫ్రాన్స్‌)– టిమియా బబోస్‌ (హంగేరీ) జోడీ నిలిచింది. శుక్రవారం జరిగిన ఫైనల్‌ మ్యాచ్‌లో మ్లదెనోవిచ్‌–బబోస్‌ జంట 6–2, 6–1తో టాప్‌ సీడ్‌ సు వి హెయ్‌ (చైనీస్‌ తైపీ)–బార్బోరా స్ట్రికోవా (చెక్‌ రిపబ్లిక్‌) ద్వయంపై వరుస సెట్లలో విజయం సాధించింది. మ్లదెనోవిచ్‌–బబోస్‌ ద్వయానికి ఇది మూడో గ్రాండ్‌ స్లామ్‌ టైటిల్‌ కావడం విశేషం.   నేడు మహిళల సింగిల్స్‌ ఫైనల్‌  గార్బిన్‌ ముగురుజా (స్పెయిన్‌)*సోఫియా కెనిన్‌ (అమెరికా) మధ్యాహ్నం 2 గంటల నుంచి సోనీ సిక్స్‌లో ప్రత్యక్ష ప్రసారం

జెనీవా (స్విట్జర్లాండ్‌): ప్రతి యేటా మేటి టెన్నిస్‌ ఆటగాళ్ల మధ్య నిర్వహిస్తున్న లేవర్‌ కప్‌ టెన్నిస్‌ టోర్నమెంట్‌లో యూరోప్‌ జట్టు మరోసారి తమ ఆధిపత్యాన్ని చాటుకుంది. వరుసగా మూడో ఏడాది ఈ టోర్నీలో విజేతగా నిలిచి హ్యాట్రిక్‌ సాధించింది. రాఫెల్‌ నాదల్‌ (స్పెయిన్‌), రోజర్‌ ఫెడరర్‌ (స్విట్జర్లాండ్‌), అలెగ్జాండర్‌ జ్వెరెవ్‌ (జర్మనీ), డొమినిక్‌ థీమ్‌ (ఆస్ట్రియా), సిట్సిపాస్‌ (గ్రీస్‌), ఫాగ్‌నిని (ఇటలీ), బాటిస్టా అగుట్‌ (స్పెయిన్‌)లతో కూడిన యూరోప్‌ జట్టు 13–11తో వరల్డ్‌ టీమ్‌పై విజయం సాధించింది. వరల్డ్‌ టీమ్‌లో జాన్‌ ఇస్నెర్‌ (అమెరికా), మిలోస్‌ రావ్‌నిచ్‌ (కెనడా), నిక్‌ కిరియోస్‌ (ఆస్ట్రేలియా), టేలర్‌ ఫ్రిట్జ్‌ (అమెరికా), షపోవలోవ్‌ (కెనడా), జాక్‌ సోక్‌ (అమెరికా), జోర్డాన్‌ థాంప్సన్‌ (ఆస్ట్రేలియా) సభ్యులుగా ఉన్నారు. నిర్ణాయక చివరి సింగిల్స్‌ మ్యాచ్‌లో యూరోప్‌ జట్టు ఆటగాడు అలెగ్జాండర్‌ జ్వెరెవ్‌ (జర్మనీ) 6–4, 3–6, 10–4తో రావ్‌నిచ్‌ (వరల్డ్‌ టీమ్‌)పై నెగ్గి తన జట్టుకు కప్‌ అందించాడు. మూడు రోజులపాటు జరిగిన ఈ టోర్నీలో మొత్తం 12 మ్యాచ్‌లు జరిగాయి. ఇందులో తొమ్మిది సింగిల్స్‌ విభాగంలో, మూడు డబుల్స్‌ విభాగంలో నిర్వహించారు. తొలి రోజు జరిగిన మ్యాచ్‌ల్లో విజేతగా నిలిచిన వారికి ఒక్కో పాయింట్, రెండో రోజు రెండు పాయింట్లు, మూడో రోజు మూడు పాయింట్ల చొప్పున కేటాయించారు.   

పారిస్‌: ఫ్రెంచ్‌ ఓపెన్‌ పురుషుల సింగిల్స్‌ విభాగంలో టైటిల్‌ ఫేవరెట్స్‌లో ఒకడైన అలెగ్జాండర్‌ జ్వెరెవ్‌ అతికష్టమ్మీద తొలి రౌండ్‌ అడ్డంకిని అధిగమించాడు. 21 ఏళ్ల ఈ జర్మనీ యువతార మంగళవారం జరిగిన తొలి రౌండ్‌ మ్యాచ్‌లో 7–6 (7/4), 6–3, 2–6, 6–7 (5/7), 6–3తో జాన్‌ మిల్‌మన్‌ (ఆస్ట్రేలియా)పై నెగ్గి ఊపిరి పీల్చుకున్నాడు. 4 గంటల 11 నిమిషాలపాటు జరిగిన ఈ పోరులో జ్వెరెవ్‌ వరుసగా రెండు సెట్‌లలో నెగ్గినా... ఆ తర్వాతి రెండు సెట్‌లను కోల్పోయాడు. అయితే నిర్ణాయక ఐదో సెట్‌లో తేరుకొని విజయాన్ని దక్కించుకున్నాడు. గతేడాది యూఎస్‌ ఓపెన్‌లో రోజర్‌ ఫెడరర్‌ను ఓడించిన మిల్‌మన్‌ నాలుగో సెట్‌లో 2–4తో వెనుకబడిన దశలో పుంజుకొని స్కోరును సమం చేశాడు. టైబ్రేక్‌లో సెట్‌ను గెలిచి జ్వెరెవ్‌కు చెమటలు పట్టించాడు. అయితే నిర్ణాయక ఐదో సెట్‌లోని ఎనిమిదో గేమ్‌లో మిల్‌మన్‌ సర్వీస్‌ను బ్రేక్‌ చేసి, తొమ్మిదో గేమ్‌లో తన సర్వీస్‌ను నిలబెట్టుకొని జ్వెరెవ్‌ ప్రత్యర్థి ఆట కట్టించాడు. ఇతర తొలి రౌండ్‌ మ్యాచ్‌ల్లో ఎనిమిదో సీడ్‌ డెల్‌ పొట్రో (అర్జెంటీనా) 3–6, 6–2, 6–1, 6–4తో నికొలస్‌ జారీ (చిలీ)పై, తొమ్మిదో సీడ్‌ ఫాగ్‌నిని (ఇటలీ) 6–3, 6–0, 3–6, 6–3తో ఆండ్రియా సెప్పి (ఇటలీ)పై, పదో సీడ్‌ ఖచనోవ్‌ (రష్యా) 6–1, 6–1, 6–4తో స్టెబ్‌ (జర్మనీ)పై గెలిచి రెండో రౌండ్‌లోకి ప్రవేశించారు.మహిళల సింగిల్స్‌ విభాగంలో టాప్‌ సీడ్, ప్రపంచ నంబర్‌వన్‌ నయోమి ఒసాకా (జపాన్‌) రెండో రౌండ్‌ చేరేందుకు తీవ్రంగా శ్రమించాల్సి వచ్చింది. ప్రపంచ 90వ ర్యాంకర్‌ అనా కరోలినా ష్మెదిలోవా (స్లొవేకియా)తో జరిగిన తొలి రౌండ్‌లో ఒసాకా 0–6, 7–6 (7/4), 6–1తో నెగ్గింది. గంటా 54 నిమిషాలపాటు జరిగిన ఈ మ్యాచ్‌లో ఒసాకా 38 అనవసర తప్పిదాలు చేసింది. మరో మ్యాచ్‌లో 2017 ఫ్రెంచ్‌ ఓపెన్‌ చాంపియన్‌ జెలెనా ఒస్టాపెంకో (లాత్వియా) వరుసగా రెండో ఏడాది తొలి రౌండ్‌లోనే ఇంటిముఖం పట్టింది. ప్రపంచ మాజీ నంబర్‌వన్‌ విక్టోరియా అజరెంకా (బెలారస్‌) 6–4, 7–6 (7/4)తో ఒస్టాపెంకోను ఓడించింది. ఈ మ్యాచ్‌లో ఒస్టాపెంకో ఏకంగా 60 అనవసర తప్పిదాలు చేయడం గమనార్హం. మరో మ్యాచ్‌లో 17వ సీడ్‌ అనా కొంటావీట్‌ (ఎస్తోనియా) 6–3, 2–6, 2–6తో కరోలినా ముచోవా (చెక్‌ రిపబ్లిక్‌) చేతిలో ఓడిపోయింది.   

మెల్‌బోర్న్‌ : ఓటమితో తీవ్ర అసహనానికి గురైన జర్మని టెన్నిస్‌ స్టార్‌ నాలుగో సీడ్‌ అలెగ్జాండర్‌ జ్వెరెవ్‌ మైదానంలోనే తన ఫ్రస్టేషన్‌ను చూపించాడు. అందరి ముందే తీవ్ర చికాకుతో టెన్నిస్‌ రాకెట్‌ను ఎనిమిదిసార్లు నేలకేసి కొట్టాడు. తన కన్నా ఎక్కువ ర్యాంకైన ఆరో సీడ్‌ మిలోస్‌ రావ్‌నిచ్‌ (కెనడా) చేతిలో జ్వెరెవ్‌ ఘోరపరాజయాన్ని చూశాడు. దీంతో తన కోపాన్ని రాకెట్‌పై ప్రదర్శించాడు. ఆస్ట్రేలియా ఓపెన్‌లో భాగంగా సోమవారం జరిగిన పురుషుల సింగిల్స్‌ ప్రీక్వార్టర్స్‌లో జ్వెరెవ్‌ వరుస సెట్లలో 1-6, 1-6, 6(5)-7 తేడాతో మిలోస్‌ రావ్‌నిచ్‌ చేతిలో ఓటమి పాలయ్యాడు. సుమారు రెండు గంటలపాటు సాగిన ఈ మ్యాచ్‌లో తొలి రెండు సెట్లను కోల్పోయిన జ్వెరెవ్‌ మూడో సెట్‌లో గట్టి పోటీనిచ్చినప్పటికి కెనడా స్టార్‌ ఏ మాత్రం అవకాశం ఇవ్వలేదు. ఇక ఏటీపీ వరల్డ్‌ టూర్‌-2018 టైటిల్‌ నెగ్గిన జ్వెరావ్‌.. మరోసారి గ్రాండ్‌ స్లామ్‌ టైటిల్‌ అందుకోవడంలో విఫలమయ్యాడు. 15 గ్రాండ్‌స్లామ్‌ల్లో ఈ జర్మని ఆటగాడు 14 సార్లు క్వార్టర్‌ ఫైనల్‌కు చేరలేకపోయాడు. ఈ ఫ్రస్టేషన్‌తోనే తన రాకెట్‌ను నెలకొసి పదేపదే కొట్టాడు. ప్రస్తుతం ఈ వీడియో నెట్టింట హల్‌చల్‌ చేస్తోంది. మ్యాచ్‌ అనంతరం మాట్లాడుతూ.. ఆ సమయంలో తనకు తీవ్ర కోపం వచ్చిందని, దాన్ని అదుపులో ఉంచుకోలేక తన ఫ్రస్టేషన్‌ను బయటపెట్టానని జ్వెరెవ్‌ మీడియాకు తెలిపాడు. తను చాలా చెత్తగా ఆడానని, తొలి రెండు సెట్లలో తన ఆట మరి దారుణమని చెప్పుకొచ్చాడు. తన ప్రత్యర్థి తనకన్నా మెరుగైన ప్రదర్శనకనబర్చాడని అభిప్రాయపడ్డాడు.

ఏటీపీ వరల్డ్‌ టూర్‌ ఫైనల్స్‌ టోర్నీ విజేత జ్వెరెవ్‌  లండన్‌: ఈ ఏడాదిని గొప్ప విజయంతో ముగించాలని ఆశించిన సెర్బియా టెన్నిస్‌ స్టార్, ప్రపంచ నంబర్‌వన్‌ నొవాక్‌ జొకోవిచ్‌కు నిరాశ ఎదురైంది. పురుషుల టెన్నిస్‌ సీజన్‌ ముగింపు టోర్నమెంట్‌ ఏటీపీ వరల్డ్‌ టూర్‌ ఫైనల్స్‌లో ఐదుసార్లు మాజీ చాంపియన్‌ జొకోవిచ్‌ ఈసారి రన్నరప్‌ ట్రోఫీతో సరిపెట్టుకున్నాడు. భారత కాలమానం ప్రకారం ఆదివారం అర్ధరాత్రి దాటాక జరిగిన ఫైనల్లో 21 ఏళ్ల జర్మనీ యువతార అలెగ్జాండర్‌ జ్వెరెవ్‌ 6–4, 6–3తో జొకోవిచ్‌ను ఓడించి ఈ ప్రతిష్టాత్మక టోర్నీ టైటిల్‌ను తొలిసారి గెల్చుకున్నాడు. సెమీస్‌లో రెండో సీడ్‌ రోజర్‌ ఫెడరర్‌ (స్విట్జర్లాండ్‌)పై సాధించిన విజయం గాలివాటమేమీ కాదని ఫైనల్లో టాప్‌ సీడ్‌ జొకోవిచ్‌ను ఓడించి జ్వెరెవ్‌ నిరూపించాడు. ‘ఈ విజయాన్ని ఎలా వర్ణించాలో తెలియడంలేదు. నా జీవితంలోనే అతి పెద్ద విజయమిది. అత్యుత్తమ ఆటగాళ్లతో పోటీపడి గెలిచినందుకు అద్భుతంగా అనిపిస్తోంది’ అని ఈ సీజన్‌ను నాలుగో ర్యాంక్‌లో ముగించిన జ్వెరెవ్‌ వ్యాఖ్యానించాడు. హావిజేత జ్వెరెవ్‌కు 25 లక్షల 9 వేల డాలర్ల ప్రైజ్‌మనీ (రూ. 17 కోట్ల 96 లక్షలు), 1300 ర్యాంకింగ్‌ పాయింట్లు... రన్నరప్‌ జొకోవిచ్‌కు 14 లక్షల 32 వేల డాలర్ల ప్రైజ్‌మనీ (రూ. 10 కోట్ల 25 లక్షలు), 1000 ర్యాంకింగ్‌ పాయింట్లు లభించాయి.  హాఈ టోర్నీ లీగ్‌ దశ మ్యాచ్‌లో జ్వెరెవ్‌ 4–6, 1–6తో జొకోవిచ్‌ చేతిలో ఓడిపోయాడు. ఫైనల్లో విజయంతో లీగ్‌ దశ ఓటమికి బదులు తీర్చుకున్నాడు.  హాఅజేయంగా ఫైనల్‌కు చేరిన జొకోవిచ్‌ ఈ క్రమంలో  ఒక్కసారి కూడా సర్వీస్‌ను కోల్పోలేదు. అయితే ఫైనల్లో జ్వెరెవ్‌ తన తడాఖా చూపించాడు. ఏకంగా నాలుగుసార్లు జొకోవిచ్‌ సర్వీస్‌ను బ్రేక్‌ చేశాడు. అంతేకాకుండా 10 ఏస్‌లు కూడా సంధించాడు.  హా 80 నిమిషాలపాటు సాగిన టైటిల్‌ పోరులో తొలి సెట్‌ తొమ్మిదో గేమ్‌లో జొకోవిచ్‌ సర్వీస్‌ను బ్రేక్‌ చేసిన జ్వెరెవ్‌ 5–4తో ఆధిక్యంలోకి వెళ్లాడు. పదో గేమ్‌లో తన సర్వీస్‌లో మూడు ఏస్‌లు సంధించి గేమ్‌తోపాటుసెట్‌ను 6–4తో దక్కించుకున్నాడు.  హారెండో సెట్‌ బ్రేక్‌ పాయింట్లతో మొదలైంది. తొలి గేమ్‌లో జొకోవిచ్‌ సర్వీస్‌ను జ్వెరెవ్‌... రెండో గేమ్‌లో జ్వెరెవ్‌ సర్వీస్‌ను జొకోవిచ్‌ బ్రేక్‌ చేశారు. మూడో గేమ్‌లో జొకోవిచ్‌ సర్వీస్‌ను మళ్లీ బ్రేక్‌ చేసిన జ్వెరెవ్‌ ఆ తర్వాతతన సర్వీస్‌ను నిలబెట్టుకొని 3–1తో ముందంజ వేశాడు. ఆ తర్వాత తొమ్మిదో గేమ్‌లో జొకోవిచ్‌ సర్వీస్‌ను కళ్లు చెదిరే బ్యాక్‌హ్యాండ్‌ షాట్‌తో బ్రేక్‌ చేసి సెట్‌తోపాటు మ్యాచ్‌ను సొంతం చేసుకున్నాడు.  హా 2008లో జొకోవిచ్‌ (21 ఏళ్లు) తర్వాత ఏటీపీ వరల్డ్‌ టూర్‌ ఫైనల్స్‌ టైటిల్‌ గెలిచిన పిన్న వయస్కుడిగా జ్వెరెవ్‌ గుర్తింపు పొందాడు. హా జర్మనీ తరఫున బోరిస్‌ బెకర్‌ (1995లో) తర్వాత ఏటీపీ వరల్డ్‌ టూర్‌ ఫైనల్స్‌ టైటిల్‌ నెగ్గిన రెండో జర్మన్‌ ప్లేయర్‌ జ్వెరెవ్‌ కావడం విశేషం. హాఆండీ అగస్సీ (1990లో) తర్వాత టాప్‌ సీడ్, రెండో సీడ్‌ క్రీడాకారులను ఓడించి ఏటీపీ వరల్డ్‌ టూర్‌ ఫైనల్స్‌ గెలిచిన మరో ప్లేయర్‌ జ్వెరెవ్‌.   

పారిస్‌: మూడో రౌండ్‌లో మ్యాచ్‌ పాయింట్‌ కాపాడుకొని ఊపిరి పీల్చుకున్న జర్మనీ టెన్నిస్‌ యువతార అలెగ్జాండర్‌ జ్వెరెవ్‌ ప్రిక్వార్టర్‌ ఫైనల్లోనూ పోరాడి గట్టెక్కాడు. ఈ క్రమంలో తన కెరీర్‌లో తొలిసారి ఓ గ్రాండ్‌స్లామ్‌ టోర్నమెంట్‌లో క్వార్టర్‌ ఫైనల్‌ దశకు అర్హత సాధించాడు. టెన్నిస్‌ సీజన్‌ రెండో గ్రాండ్‌స్లామ్‌ టోర్నమెంట్‌ ఫ్రెంచ్‌ ఓపెన్‌లో ఆదివారం జరిగిన పురుషుల సింగిల్స్‌ ప్రిక్వార్టర్‌ ఫైనల్లో రెండో సీడ్‌ అలెగ్జాండర్‌ జ్వెరెవ్‌ (జర్మనీ) 4–6, 7–6 (7/4), 2–6, 6–3, 6–3తో కరెన్‌ ఖచనోవ్‌ (రష్యా)పై విజయం సాధించాడు. 3 గంటల 29 నిమిషాలపాటు జరిగిన ఈ మ్యాచ్‌లో జ్వెరెవ్‌ ఏకంగా 17 ఏస్‌లు సంధించాడు. నాలుగు డబుల్‌ ఫాల్ట్‌లతోపాటు 51 అవనసర తప్పిదాలు కూడా చేశాడు. ఒకదశలో 1–2 సెట్‌లతో వెనుకబడిన 21 ఏళ్ల జ్వెరెవ్‌ చివరి రెండు సెట్‌లను వరుసగా గెల్చుకొన్ని విజయాన్ని ఖాయం చేసుకున్నాడు. ‘నేనింకా యువకుడినే. ఇంకొంత సమయం కోర్టులో గడిపి మీ అందరికీ వినోదం అందిస్తాను’ అని మ్యాచ్‌ అనంతరం జ్వెరెవ్‌ సరదాగా వ్యాఖ్యానించాడు. ‘నేను, నా సోదరుడు మిషా జ్వెరెవ్‌ రోజుకు నాలుగైదు గంటలు జిమ్‌లో గడుపుతాం. ట్రెడ్‌మిల్‌పై సాధన చేస్తాం. ఆ శ్రమ ఈ రోజు ఫలితాన్నిచ్చింది’ అని జ్వెరెవ్‌ అన్నాడు. క్వార్టర్‌ ఫైనల్లో ఏడో సీడ్‌ డొమినిక్‌ థీమ్‌ (ఆస్ట్రియా)తో జ్వెరెవ్‌ తలపడతాడు. మరో ప్రిక్వార్టర్‌ ఫైనల్లో థీమ్‌ 6–2, 6–0, 5–7, 6–4తో 19వ సీడ్‌ నిషికోరి (జపాన్‌)పై గెలిచి వరుసగా ఈ టోర్నీలో మూడోసారి క్వార్టర్‌ ఫైనల్‌కు చేరాడు. మరో ప్రిక్వార్టర్‌ ఫైనల్లో మాజీ చాంపియన్‌ నొవాక్‌ జొకోవిచ్‌ (సెర్బియా) 6–3, 6–4, 6–2తో ఫెర్నాండో వెర్డాస్కో (స్పెయిన్‌)పై గెలుపొందగా... అన్‌సీడెడ్‌ మార్కో సెచినాటో (ఇటలీ) 7–5, 4–6, 6–0, 6–3తో ఎనిమిదో సీడ్‌ డేవిడ్‌ గాఫిన్‌ (బెల్జియం)ను బోల్తా కొట్టించి జొకోవిచ్‌తో క్వార్టర్‌ ఫైనల్‌ పోరుకు సిద్ధమయ్యాడు. స్లోన్‌ స్టీఫెన్స్‌ జోరు... మహిళల సింగిల్స్‌ విభాగంలో అమెరికా యువ తారలు పదో సీడ్‌ స్లోన్‌ స్టీఫెన్స్, 13వ సీడ్‌ మాడిసన్‌ కీస్‌ క్వార్టర్‌ ఫైనల్లోకి దూసుకెళ్లారు. ప్రిక్వార్టర్‌ ఫైనల్స్‌లో స్లోన్‌ స్టీఫెన్స్‌ 6–2, 6–0తో కొంటావీట్‌ (ఎస్తోనియా)పై... కీస్‌ 6–1, 6–4తో బుజర్‌నెస్కూ (రొమేనియా)పై గెలుపొందారు. మరో ప్రిక్వార్టర్‌ ఫైనల్లో 26వ సీడ్‌ బార్బరా స్ట్రికోవా (చెక్‌ రిపబ్లిక్‌) 4–6, 3–6తో యూలియా పుతింత్‌సెవా (కజకిస్తాన్‌) చేతిలో పరాజయం పాలైంది. 

పారిస్‌: అనుకోకుండా గాయపడటమో లేదా ఫిట్‌నెస్‌ సమస్యలు ఎదురైతే తప్పించి ఈసారీ మట్టికోటపై రాఫెల్‌ నాదల్‌ విజయబావుటా ఎగురవేయడం ఖాయమనిపిస్తోంది. ఇప్పటికే రికార్డుస్థాయిలో పదిసార్లు ఫ్రెంచ్‌ ఓపెన్‌ టైటిల్‌ను సొంతం చేసుకున్న ఈ స్పెయిన్‌ స్టార్‌ గతేడాది ఫలితాన్ని పునరావృతం చేయాలనే పట్టుదలతో ఉన్నాడు. క్లే కోర్టు సీజన్‌లో మూడు టైటిల్స్‌ (రోమ్, బార్సిలోనా, మోంటెకార్లో) నెగ్గిన నాదల్‌ తన స్థాయికి తగ్గట్టు ఆడితే 11వసారి ఫ్రెంచ్‌ ఓపెన్‌ను దక్కించుకోవడం కష్టమేమీ కాదు. తొలి రౌండ్‌లో అతడితో తలపడాల్సిన డల్గొపలోవ్‌ (ఉక్రెయిన్‌) గాయం కారణంగా చివరి నిమిషంలో వైదొలిగాడు. దాంతో ‘లక్కీ లూజర్‌’ సిమోన్‌ బొలెలీ (ఇటలీ)తో నాదల్‌ ఆడతాడు. బొలెలీతో ముఖా ముఖి రికార్డులో నాదల్‌ 5–0తో ఆధిక్యంలో ఉన్నాడు. ఇటీవలే మాడ్రిడ్‌ ఓపెన్‌ క్వార్టర్‌ ఫైనల్లో డొమినిక్‌ థీమ్‌ (ఆస్ట్రియా) చేతిలో నాదల్‌ ఓడిపోయినప్పటికీ... అనంతరం పుంజుకొని రోమ్‌ ఓపెన్‌లో విజేతగా నిలిచాడు. మాజీ చాంపియన్స్‌ వావ్రింకా (స్విట్జర్లాండ్‌), జొకోవిచ్‌ (సెర్బియా)... మాడ్రిడ్‌ ఓపెన్‌ విజేత, రెండో సీడ్‌ అలెగ్జాండర్‌ జ్వెరెవ్‌ (జర్మనీ), డొమినిక్‌ థీమ్, దిమిత్రోవ్‌ (బల్గేరియా) తదితరులు ఒకే పార్శ్వంలో ఉండటంతో నాదల్‌ పని మరింత సులువు కానుంది.   మరోవైపు మహిళల సింగిల్స్‌ విభాగంలో కచ్చితమైన ఫేవరెట్‌ ఎవరూ కనిపించడంలేదు. అయితే డిఫెండింగ్‌ చాంపియన్‌ ఒస్టాపెంకో (లాత్వియా), టాప్‌ సీడ్‌ హలెప్‌ (రొమేనియా), మాజీ విజేతలు షరపోవా (రష్యా), సెరెనా విలియమ్స్‌ (అమెరికా) ఆటతీరుపై అందరిలో ఆసక్తి నెలకొంది. గతేడాది పాపకు జన్మనిచ్చాక సెరెనా ఆడుతోన్న తొలి గ్రాండ్‌స్లామ్‌ టోర్నీ ఇదే. ఆదివారం జరిగే తొలి రౌండ్‌లో కొజ్లోవా (ఉక్రెయిన్‌)తో ఒస్టాపెంకో ఆడుతుంది. నాదల్, జొకోవిచ్, షరపోవా, సెరెనా సోమవారం తమ తొలి రౌండ్‌ మ్యాచ్‌లు ఆడే అవకాశం ఉంది.    - మధ్యాహ్నం గం. 2.30 నుంచి  స్టార్‌ స్పోర్ట్స్‌ సెలెక్ట్‌–1లో ప్రత్యక్ష ప్రసారం 


 ఫెడరర్‌ ఇంటర్వ్యూ
 
 తనలో 36 ఏళ్ల వయస్సులోనూ సత్తా ఏమీ తగ్గలేదని నిరూపిస్తూ స్విట్జర్లాండ్‌ దిగ్గజం రోజర్‌ ఫెడరర్‌ ఈ ఏడాది ఆస్ట్రేలియన్‌ ఓపెన్, వింబుల్డన్‌ గ్రాండ్‌స్లామ్‌ టోర్నీలలో విజేతగా నిలిచాడు. అయితే ఈ నెలలో జరిగిన యూఎస్‌ ఓపెన్‌ క్వార్టర్స్‌లో పరాజయం పొందినా... మరిన్ని గ్రాండ్‌స్లామ్‌ టైటిల్స్‌ గెలవగలననే విశ్వాసాన్ని వ్యక్తం చేస్తున్నాడు. గోల్ఫ్‌లో రైడర్‌ కప్‌ మాదిరిగా టెన్నిస్‌లో జరిగే లేవర్‌ కప్‌లో ‘టీమ్‌ యూరోప్‌’ తరఫున ఫెడరర్‌ బరిలోకి దిగబోతున్నాడు.   
 
 ఈ వినూత్నమైన టోర్నమెంట్‌లో ఆడబోతుండటంపై మీ అభిప్రాయం?
 చాలా ఉత్సుకతతో ఎదురుచూస్తున్నాను. గత మూడేళ్ల నుంచి ఈ కప్‌ గురించి నేను మాట్లాడుతూనే ఉన్నాను. ఇప్పటికి కార్యరూపం దాల్చినందుకు ఆనందంగా ఉంది. టీమ్‌ యూరోప్, రెస్టాఫ్‌ వరల్డ్‌ జట్ల మధ్య జరిగే ఈ ఫార్మాట్‌ గతంలో ఎప్పుడూ చూడనిది. ఇప్పటిదాకా ప్రత్యర్థులుగా భావించిన వారితోనే ఓ జట్టుగా కలిసి ఆడటం సరదాగా ఉండబోతోంది. ఇరు జట్ల కెప్టెన్లు బోర్గ్, జాన్‌ మెకన్రోలతో ఉండటం ఇంకా బావుంది. రాబోయే సంవత్సరాల్లో లేవర్‌ కప్‌ మరింత ప్రత్యేకంగా మారే అవకాశం ఉంది.
 
 ఆస్ట్రేలియా దిగ్గజ ఆటగాడు రాడ్‌ లేవర్‌తో మీ అనుబంధాన్ని పంచుకోగలరా?
 నా ఉద్దేశంలో రాడ్‌ లేవర్‌ టెన్నిస్‌లో అత్యుత్తమ ఆటగాడు. కొన్నేళ్లుగా ఆయనతో కలిసి సమయం గడిపే అవకాశం వచ్చినందుకు అదృష్టంగా భావిస్తున్నాను. ఆయన ఆడిన సమయంలో నేను కూడా ఆడి ఉంటే సర్వ్‌ అండ్‌ వాలీలతో ఓడించేందుకు ప్రయత్నించేవాణ్ణి.  
 
 రాఫెల్‌ నాదల్‌తో కలిసి ఒకే జట్టులో ఆడబోతున్నారు. ఎలా అనిపిస్తోంది?
 గతంలో ఎన్నడూ చూడని విధంగా టెన్నిస్‌లో తనకంటూ ఓ ప్రత్యేకమైన ఆటతో రాఫెల్‌ దూసుకువచ్చాడు. ఇద్దరం కలిసి ఒకే జట్టులో ఆడబోతుండటం నిజంగా నమ్మశక్యంగా అనిపించడం లేదు. డబుల్స్‌లో తనతో ఆడేందుకు అలాగే సింగిల్స్‌ ఆడుతున్నప్పుడు రాఫెల్‌ను ప్రోత్సహించేందుకు ఎదురుచూస్తున్నాను.   
 
 ఇరు జట్ల కెప్టెన్లు బోర్గ్, మెకన్రోల మధ్య ఆ కాలంలో చిరస్మరణీయ వైరం ఉంది. ఇప్పుడు మీ ఆటగాళ్ల మధ్య కూడా ఆ ప్రభావం కనిపిస్తుందా?
 బోర్గ్, మెకన్రో ఇద్దరూ టెన్నిస్‌ ప్రపంచంలో దిగ్గజ ఆటగాళ్లు. అలాంటి వారి మధ్య గడపడం గౌరవంగా భావిస్తున్నాం. నావరకైతే బోర్గ్‌తో కలిసి అద్భుత సమయాన్ని గడిపాను. ఇప్పుడు కెప్టెన్లుగా కూడా తమ జట్టే విజయం సాధించాలని వారు కోరుకుంటారు.  
 ప్రస్తుతం యువ ఆటగాళ్లలో అత్యంత నైపుణ్యం కలిగిన వారికి కొదవలేదు. అందులో కొందరు లేవర్‌ కప్‌లో కూడా ఆడనున్నారు. వీరిలో
 
 ఎవరైనా భవిష్యత్‌లో మీ రికార్డులను అధిగమించేవారున్నారా?
 మా జట్టులో ప్రపంచ నంబర్‌వన్‌ అయ్యే అర్హత ఉన్న అలెగ్జాండర్‌ జ్వెరెవ్‌ (జర్మనీ) ఉన్నాడు. ప్రతీ టోర్నీలో అతడి ఆటతీరులో మార్పు కనిపిస్తోంది. అత్యంత నిలకడగా ఆడుతూ ఆకట్టుకుంటున్నాడు. కచ్చితంగా అతడికి మంచి భవిష్యత్‌ ఉండబోతోంది. గాయాల విషయంలో జాగ్రత్త వహిస్తే వచ్చే దశాబ్దం అతడిదే అనిపిస్తోంది.
 
 టెన్నిస్‌లో ఇప్పటికే చాలా సాధించారు. ఇక తదుపరి లక్ష్యం ఏమిటి?
 ఈ ఏడాది లేవర్‌ కప్‌ తర్వాత షాంఘై, బాసెల్, పారిస్, ఏటీపీ ఫైనల్స్‌ ఉన్నాయి. ఈ షెడ్యూల్‌పైనే ప్రస్తుతం నా దృష్టంతా ఉంది. ఆరోగ్యంగా ఉన్నంతకాలం, ఆటను ఆస్వాదిస్తున్నంత కాలం ఆడుతూనే ఉంటాను.  
 
 కెరీర్‌ ముగిశాక మీ జీవితాన్ని ఎలా ఊహించుకుంటున్నారు?
 టెన్నిస్‌కు వీడ్కోలు పలికాక కూడా నా జీవితం కొనసాగుతుంది. ఇప్పటికి కూడా ఆటకన్నా జీవితమే ముఖ్యం. మంచి తండ్రిగా, భర్తగా పేరు తెచ్చుకోవాలని ఉంది.


 హాలీ:  ప్రపంచ మూడో ర్యాంకు ఆటగాడు, స్విస్ దిగ్గజం రోజర్ ఫెదరర్కు ఊహించని షాక్ తగిలింది. హాలీ  ఓపెన్ టోర్నమెంట్లో  ఫేవరెట్గా బరిలోకి దిగిన ఫెదరర్.. 19 ఏళ్ల జర్మనీ యువ ఆటగాడు అలెగ్జాండర్ జ్వెరేవ్ చేతిలో భంగపడ్డాడు. శనివారం జరిగిన సెమీ ఫైనల్లో అలెగ్జాండర్ 7-6(7/4), 5-7, 6-3 తేడాతో ఫెదరర్ను ఓడించి ఫైనల్కు దూసుకెళ్లాడు.   తొలి సెట్ నుంచి ఫెదరర్కు చెమటలు పట్టించిన అలెగ్జాండర్ అంచనాలు మించి రాణించాడు.  టై బ్రేక్ దారి తీసిన తొలి సెట్లో నాలుగు పాయింట్లు మాత్రమే కోల్పోయిన అలెంగ్జాడర్ ఆ సెట్ను దక్కించుకున్నాడు.
  
 అనంతరం రెండో సెట్లో తిరిగి పుంజుకున్న ఫెదరర్ ఆ సెట్ను కైవసం చేసుకున్నాడు. ఇక నిర్ణయాత్మక మూడో సెట్లో ఆది నుంచి అలెగ్జాండర్ ఆధిక్యం కనబరిచాడు. అనవసర తప్పిదాలకు ఎక్కువ ఆస్కారం ఇవ్వకుండా ఫెదరర్ ను వెనక్కునెట్టాడు. దీంతో వింబుల్డన్ గ్రాండ్ స్లామ్ కు ముందు ఓ గ్రాస్ కోర్టు టోర్నమెంట్లో విజేతగా నిలవాలనుకున్న ఫెదరర్ ఆశలకు గండిపడింది. ఒక యువ టెన్నిస్ క్రీడాకారుడి చేతిలో ఫెదరర్ ఓడిపోవడం దాదాపు పదేళ్ల తరువాత ఇదే ప్రథమం. అంతకుముందు 2006లో సిన్సినాటి మాస్టర్స్ టోర్నీలో బ్రిటన్ ఆటగాడు ఆండ్రీ ముర్రే  చేతిలో ఫెదరర్ పరాజయం చెందాడు. మరోవైపు అలెంగ్జాడర్ కెరీర్లో ఇది రెండో ఏటీపీ టూర్ ఫైనల్ కావడం విశేషం. గత నెల్లో నైస్ ఓపెన్ టోర్నీలో డోమినిక్ థెమ్ను ఓడించి అలెగ్జాండర్ ఫైనల్ చేరాడు.