టెర్మినేటర్ స్టార్, హాలీవుడ్‌ హీరో ఆర్నాల్డ్ స్క్వార్జెనెగర్ ఉక్రెయిన్‌పై రష్యా సాగిస్తున్న యుద్ధంపై స్పందించారు.  దయచేసి ఈ యుద్ధాన్ని ముగించండి. మీరే యుద్ధాన్ని మొదలు పెట్టారు.. మీరే కొనసాగిస్తున్నారు.. మీరే దీన్ని ముగించాలి అంటూ డైరెక్టుగా రష్యా అధ్యక్షుడు వ్లాదిమిర్ పుతిన్‌నుద్దేశించి వ్యాఖ్యానించారు. అలాగే రష్యా ప్రజలకు, సైనికులకు ఉద్వేగభరితమైన సందేశంతో ఒక వీడియోను షేర్‌ చేశారు కాలిఫోర్నియా మాజీ గవర్నర్. రష్యా ప్రజలంటే తనకు  చాలా అభిమానమని అందుకే ఈ వీడియో ద్వారా మాట్లాడుతున్నా  అన్నారు. రష్యన్ ప్రజల బలం,  వారి మనసు తనకు ఎపుడూ స్ఫూర్తినిస్తుందని అందుకే ఉక్రెయిన్‌లో యుద్ధం గురించి తెలుసుకోవలసిన భయంకరమైన విషయాలున్నాయంటూ తన తొమ్మిది నిమిషాల వీడియోలో కొన్ని అంశాలను చెప్పుకొచ్చారు. అలాగే రష్యన్ వెయిట్‌లిఫ్టర్ యూరి వ్లాసోవ్‌ 14 సంవత్సరాల వయస్సులో  తనకు  స్ఫూర్తిగా నిలిచిన విషయాన్ని గుర్తు చేసుకున్నారు.  ‘‘ఉక్రెయిన్‌ను 'డి-నాజిఫై' చేసే యుద్ధం అని రష్యా ప్రభుత్వం చెప్పిందని తెలుసు, "ఇది నిజం కాదు. క్రెమ్లిన్‌లో అధికారంలో ఉన్నవారు ఈ యుద్ధాన్ని ప్రారంభించారు. ఇది రష్యా ప్రజల యుద్ధం కాదు  చట్టవిరుద్ధమైన యుద్ధం. ప్రపంచం మొత్తం ఖండించిన తెలివిలేని యుద్ధం కోసం మీ జీవితాలు, మీ అవయవాలు, మీ భవిష్యత్తులు త్యాగం చేయబడుతున్నాయి. ఇప్పటికే వేలాది రష్యా  సైనికులు ప్రాణాలు కోల్పోయారు.  దేశం కోసం వారంతా  యుద్దం చేస్తోంటే నాయకులు మాత్రం విజయంకాంక్షతో ఉన్నారు. I love the Russian people. That is why I have to tell you the truth. Please watch and share. pic.twitter.com/6gyVRhgpFV — Arnold (@Schwarzenegger) March 17, 2022 స్క్వార్జెనెగర్ మాట్లాడుతూ ఉక్రెయిన్‌లో దాని చర్యలు, క్రూరత్వం  కారణంగా ప్రపంచం రష్యాకు వ్యతిరేకంగా మారింది, పిల్లల ఆసుపత్రి, ప్రసూతి ఆసుపత్రితో సహా రష్యన్ ఫిరంగిదళాలు  బాంబులతో నేలమట్టం  చేయడంపై ఆందోళన వ్యక్తం చేశారు.ఈ సందర్భంగా  స్క్వార్జె నెగర్ రెండవ ప్రపంచ యుద్ధంలో రష్యాలో నాజీల కోసం పోరాడుతున్నప్పుడు తన తండ్రికి కలిగిన గాయాలను గుర్తుచేసుకున్నారు. శారీరకంగానూ, మానసికంగానూ కుంగిపోయి జీవితాంతం బాధతోనే గడిపారు, మీరు ఆయనలా బాధపడటం తనకు ఇష్టం లేదంటూ రష్యా దళాలకు సందేశమిచ్చాడు.  అలాగే రష్యాల్లో ఉక్రెయిన్‌పై దండయాత్రకు వ్యతిరేకంగా   ఉద్యమిస్తున్న ఉద్యమకారులను మీరు నా హీరోలు అంటూ ప్రశంసించారు.  కాగా  ఉక్రెయిన్‌పై రష్యా దాడి చేసి నేటికి (మార్చి, 18) 23వ రోజు. అమెరికా అధ్యక్షులు జో బిడెన్, చైనా అధ్యక్షుడు జి జిన్‌పింగ్ ఈరోజు  చర్చించనున్నారని  వైట్‌హౌస్ అధికార ప్రతినిధి జెన్ ప్సాకి తెలిపారు.

లాస్‌ఏంజెలిస్‌: హాలీవుడ్‌ ‘టెర్మినేటర్‌’ ఆర్నాల్డ్‌ ష్వార్జ్‌నెగ్గర్‌ త్రుటిలో కారు ప్రమాదం నుంచి బయటపడ్డారు. శుక్రవారం ఆర్నాల్డ్‌ డ్రైవింగ్‌ చేస్తున్న కారు రోడ్డుపై మరో కారును ఢీకొట్టింది. ఈ ప్రమాదంలో ఒక మహిళ స్వల్పగాయాలపాలయ్యారు. ప్రమాద ఫలితంగా మరో రెండు కార్లు కూడా ఇరుక్కుపోయాయని సంబంధిత వర్గాలు తెలిపాయి. గాయపడిన యువతిని ఆస్పత్రికి తరలించారు. ఆర్నాల్డ్‌కు ఎలాంటి గాయాలు కాలేదని, యువతి ఆరోగ్యంపై ఆయన ఆందోళన వ్యక్తం చేశారని, ప్ర మాద స్థలిలో పోలీసులతో ఆయన మాట్లాడారని ఆర్నాల్డ్‌ ప్రతినిధి చెప్పారు. ప్రమాదంపై పోలీసులు దర్యాప్తు జరుపుతున్నారు.

Arnold Schwarzenegger And Maria Shriver Finalise Divorce: హాలీవుడ్‌ స్టార్‌ ఆర్నాల్డ్‌ స్క్వాజ్‌నెగ్గర్‌ అమెరికా మాజీ ప్రధాని జాన్‌ కెనెడీ కోడలు, జర్నలిస్ట్‌ శ్రివర్‌కు విడాకులిస్తున్నట్లు ప్రకటించాడు. 35 ఏళ్ల వైవాహిక బంధానికి ముగింపు పలుకుతున్నట్లు వెల్లడించాడు. సుమారు పదేళ్ల క్రితమే వీరిద్దరూ విడాకుల కోసం దరఖాస్తు చేసుకోగా అప్పటినుంచి విడివిడిగానే బతుకుతున్నారు. అయితే వీరికున్న 400 మిలియన్‌ డాలర్ల విలువైన ఆస్తులను విభజించి ఫైనల్‌ సెటిల్మెంట్‌ చేయడానికి కోర్టుకు ఇంత సమయం పట్టింది.  1986లో పెళ్లి చేసుకున్న ఆర్నాల్డ్‌, శ్రివర్‌లకు నలుగురు సంతానం.  కాగా యాక్షన్‌ చిత్రాలతో ప్రపంచవ్యాప్తంగా అభిమానులను సంపాదించుకున్న ఆర్నాల్డ్‌ సేవా కార్యక్రమాల్లోనూ ముందువరుసలో ఉంటాడు. ఇతడి సేవలను గుర్తించిన ప్రభుత్వం ఆర్నాల్డ్‌ను కాలిఫోర్నియాకు గవర్నర్‌గా నియమించింది. అలా 2003 నుంచి 2011 వరకు గవర్నర్‌గా సేవలందించాడు. ఇటీవలే క్రిస్‌మస్‌ పండగకు తలదాచుకోవడానికి నిలువ నీడ లేని పేదలకు 25 ఇళ్లు దానం చేసి సూపర్‌ హీరో అనిపించుకున్నాడు.

సేవా కార్యక్రమాలకు పెద్దపీట వేసే హాలీవుడ్‌ హీరో ఆర్నాల్డ్‌ స్క్వాజ్‌నెగ్గర్‌ మరోసారి తన పెద్దమనసు చాటుకున్నాడు. క్రిస్‌మస్‌ పండగను కలకాలం గుర్తుండిపోయేలా సెలబ్రేట్‌ చేసుకోవాలనుకున్న ఆయన నిలువ నీడ లేని పేదల కోసం ఇళ్లు సిద్ధం చేయించాడు. అలా ఏకంగా 25 ఏళ్లను దానం చేసి మరోసారి రియల్‌ హీరో అనిపించుకున్నాడు. ఈ విషయాన్ని ఆయన సోషల్‌ మీడియాలో అభిమానులతో పంచుకుంటూ.. 'క్రిస్‌మస్‌ పండగను నేను ముందుగానే జరుపుకుంటున్నా. తలదాచుకోవడానికి ఇల్లు లేని వారి కోసం 25 ఇళ్లను రెడీ చేయించాను. వీటిలో నివసించబోతున్న హీరోలకు ఇదే నా స్వాగతం.. వారితో కొంత సమయాన్ని గడిపినందుకు చాలా సంతోషంగా ఉంది' అని ట్వీట్‌ చేశాడు. దీనిపై కొందరు నెటిజన్లు స్పందిస్తూ వాటిని ఇళ్లుగా పరిగణించవద్దని కోరుతున్నారు. వాటిని చూస్తుంటే కేవలం తాత్కాలిక షెల్టర్స్‌లాగే కనిపిస్తున్నాయని కామెంట్లు చేస్తున్నారు. మరికొందరు మాత్రం ఆర్నార్డ్‌ చేసిన పనికి మెచ్చుకోకుండా ఉండలేకపోతున్నారు. కాగా యాక్షన్‌ చిత్రాలతో అలరించిన ఆర్నాల్డ్‌ 2003 నుంచి 2011 వరకు కాలిఫోర్నియా గవర్నర్‌గానూ పని చేశాడు. Today, I celebrated Christmas early. The 25 homes I donated for homeless veterans were installed here in LA. It was fantastic to spend some time with our heroes and welcome them into their new homes. pic.twitter.com/2mHKfoZ65V — Arnold (@Schwarzenegger) December 24, 2021

సినిమావాళ్లు రాజకీయాల్లోకి వస్తున్నారంటే అభిమానులకు ఎక్కడా లేని సంబురం. బ్యానర్లు కట్టడం దగ్గరి నుంచి సోషల్‌ మీడియా ప్రచారం దాకా మామూలు హడావిడి ఉండదు.​అయితే ఆ అభిమానం అన్నివేళలా ఆదుకుంటుందనే గ్యారెంటీ ఉండదు!. ఫ్యాన్స్‌ సంగతేమోగానీ తన కుటుంబం తన నిర్ణయాన్ని స్వాగతిస్తారని అనుకున్నాడట హాలీవుడ్‌ సీనియర్‌ హీరో ఆర్నాల్డ్ ష్వాజ్‌నెగ్గర్‌. కానీ, దానికి విరుద్ధంగా సొంత బిడ్డలే తనను అస్యహించుకున్నారని చెబుతున్నాడు.  డెబ్భై మూడేళ్ల వయసున్న ఆర్నాల్డ్‌.. ఫ్యాక్స్‌ న్యూస్‌ ఛానెల్‌కి ఈ మధ్య ఓ ఇంటర్వ్యూ ఇచ్చాడు. అందులో తన వ్యక్తిగత విషయాల గురించి మాట్లాడుతూ.. నటుడిగా ఉన్న నేను గవర్నర్‌గా ఎన్నికయ్యాక నా పిల్లలు ఎంతో సంతోషిస్తారని అనుకున్నా. కానీ, వాళ్లు ఆ టైంలో నన్ను, నా పదవిని ఎంతో అసహ్యించుకున్నారు. వాళ్లు నా సినిమాలు చూసి పెరిగారు. నాతో పాటు సెట్స్‌లోకి వచ్చి సందడి చేశారు. అది వాళ్లకు వినోదం. కానీ, రాజకీయాల సాకుతో వాళ్లను హాలీవుడ్‌ నుంచి షిప్ట్‌ చేయడం వాళ్లకు నచ్చలేదు. పైగా అక్కడ(కాలిఫోర్నియా) నేనేం అభివృద్ధి చేయలేదని వాళ్ల అభిప్రాయం. నా పరిమితులు నాకుంటాయి కదా. అది వాళ్లు అర్థం చేసుకోలేకపోయారు. అందుకే నా రాజకీయాలు వాళ్లకు అసహ్యంగా అనిపించాయి. నన్నూ ద్వేషించారు’ అని చెప్పుకొచ్చాడు ఆర్నాల్డ్‌.       ‘రాజకీయాలు.. సినిమాలు రెండు పడవల మీద ప్రయాణం లాంటివి. ఏమాత్రం బ్యాలెన్స్‌ తప్పినా మునిగిపోక తప్పదని రొనాల్డ్‌ రీగన్‌ లాంటి స్వఅనుభవం ఉన్నవాళ్లు ఏనాడో చెప్పారు. అది నాకు తర్వాతే అర్థమైంది’ అని ఆర్నాల్డ్‌ తెలిపాడు. కాగా,  2003 నుంచి 2011 వరకు కాలిఫోర్నియా గవర్నర్‌గా పని చేశాడు ఆర్నాల్డ్‌. ప్రస్తుతం కొత్త సినిమాలేమీ ఓకే చేయని ఆర్నాల్డ్‌.. 2019లో టెర్మినేటర్‌ డార్క్‌ ఫేట్‌ ద్వారా తెరపై కనిపించారు. View this post on Instagram A post shared by Arnold Schwarzenegger (@schwarzenegger) చదవండి: లులు అంటే ఏంటో తెలుసా?

వాషింగ్టన్‌: ‘డొనాల్డ్ ట్రంప్‌ అమెరికా చరిత్రలోనే ఓ చెత్త అధ్యక్షుడిగా మిగిలిపోయారు’ అని ప్రముఖ హాలీవుడ్‌ హీరో, కాలిఫోర్నియా మాజీ గవర్నర్‌ ఆర్నాల్డ్‌ స్క్వార్జ్‌‌నెగ్గర్ సంచలన వ్యాఖ్యలు చేశాడు.‌ గతవారం వాషింగ్టన్‌ డీసీలోని క్యాపిటల్‌ భవనంపై జరిగిన దాడిని ఆయన ఖండిస్తూ సోమవారం ఓ వీడియో సందేశాన్ని విడుదల చేశారు. ప్రస్తుతం అమెరికా అధ్యక్షుడిగా ఉన్న డొనాల్డ్‌ ట్రంప్‌ ఓ విఫలుడని వ్యాఖ్యానించారు. అంతేగాక దాడికి కారణమైన ట్రంప్‌ మద్దతుదారులను నాజీలతో పోలుస్తూ ఆయన ధ్వజమెత్తారు. ఈ సందర్భంగా ఆయన మాట్లాడుతూ.. ‘తోటి అమెరికన్‌లకు, నా మిత్రులకు ఇటీవల మన దేశంలో చోటుచేసుకున్న కొన్ని ఘటనల గురించి చెప్పాలనుకుంటున్నాను. నేను పుట్టి, పెరిగింది ఆస్ట్రియాలో. అక్కడ 1938లో జరిగిన క్రిస్టల్లానాచ్ గురించి (దీన్నే నైట్ ఆఫ్ బ్రోకెన్ గ్లాస్) నాకు తెలుసు. జర్మనీకి చెందిన నాజీలు ఆస్ట్రియాలోని యూదుల ఇళ్లపై దాడికి చేసి పెను విధ్వంసానికి కారణమయ్యారు. (చదవండి: యూఎస్‌: వివాదంగా మారిన త్రివర్ణ పతాకం) ఇప్పుడు అమెరికాలోని ప్రౌడ్ బాయ్స్ (ట్రంప్ మద్దతుదారుల గ్రూప్) కూడా అదే చేశారు. ఇటీవల క్యాపిటల్‌ భవనంపై వారు జరిపిన దాడిలో భవనం అద్దం పగిలింది. అయితే అది కేవలం అద్దం మాత్రమే కాదు.. అమెరికా కాంగ్రెస్ చట్ట సభ్యుల ఆలోచన కూడా. ఈ దాడితో వారంతా దేశ ప్రజాస్వామ్యాన్ని తుంగలో తొక్కారు’ అని వ్యాఖ్యానించారు. అయితే అమెరికా రాజ్యాంగాన్ని తిరిగి రాయాలని చూసేవారెవరూ అధ్యక్షుడిగా ఉండలేరని, ఎన్నికల్లో విజయం సాధించలేరన్నారు. అంతేగాక ప్రస్తుత పరిస్థితుల నేపథ్యంలో ప్రజలంతా రానున్న కొత్త నేత జో బైడెన్‌కు మద్దతు పలకాలని ఆయన ప్రజలకు పిలుపునిచ్చారు. కాగా, 'టర్మినేటర్' సినిమాలతో ప్రపంచవ్యాప్తంగా గుర్తింపు పొందిన ఆర్నాల్డ్ ఫ్యామిలీ ఆస్ట్రియా నుంచి అమెరికాకు వలస వచ్చింది. ఆపై ఆయన 2003లో కాలిఫోర్నియా గవర్నర్‌గా ఎన్నికయ్యారు. ఆయన రిపబ్లికన్ పార్టీకి చెందినప్పటికీ తన అభిప్రాయాలను ఎప్పటికప్పుడు వ్యక్తం చేస్తూ పలుమార్లు ఆయన విమర్శల పాలైన సంగతి తెలిసిందే. (చదవండి: నా కొడుకు వస్తే సర్వనాశనమే: ట్రంప్‌ తల్లి) My message to my fellow Americans and friends around the world following this week's attack on the Capitol. pic.twitter.com/blOy35LWJ5 — Arnold (@Schwarzenegger) January 10, 2021

72 ఏళ్ల వయసులోనూ హాలీవుడ్‌ యాక్షన్‌ హీరోగా అదరగొడుతున్నారు కండల వీరుడు ఆర్నాల్డ్‌ ష్వార్జ్‌‌నెగ్గర్‌. బహుశా ఆయన తన శరీరంపై తగిన శ్రద్ధ చూపించటమే ఇందుకు కారణమై ఉండొచ్చు. లాక్‌డౌన్‌లోనూ ఆయన జిమ్‌కు వెళ్లటం మాత్రం మానలేదు. తాజాగా ఆయన తన పెంపుడు గాడిద లులుతో జిమ్‌లో కసరత్తులు చేశారు. ఇందుకు సంబంధించిన వీడియోను తన ఇన్‌స్టాగ్రామ్‌ ఖాతాలో షేర్‌ చేశారు. ‘లులు కసరత్తులు చేస్తోంది’ అనే శీర్షికను ఉంచారు. ఆ వీడియోలో.. ఆర్నాల్డ్‌తో పాటు ఎంతో ఉత్సహంతో హోమ్‌ జిమ్‌లోని అడుగు పెట్టిన లులు ఆయన చేస్తున్న పనిని ఎంతో శ్రద్ధగా చూస్తూ ఉండిపోయింది. జిమ్‌ మొత్తం కలియతిరిగి సందడి చేసింది. ( కాలిపోనివ్వండి, కానీ న్యాయం జరగాలి) కాగా, సోషల్‌ మీడియాలో యాక్టీవ్‌గా ఉండే ఆర్నాల్డ్‌ తమ కుంటుంబానికి సంబంధించిన అన్ని విషయాలు అభిమానులతో పంచుకుంటుంటారు. కొద్దిరోజుల క్రితం ఓ ఇంటర్వ్యూలో ఆయన మాట్లాడుతూ.. ‘‘ క్యాథెరీన్(కూతురు)‌ తల్లి కోబోతున్న విషయం నాకెంతో ఎగ్జైటింగా ఉంది. మనవడో, మనవరాలో ఎవరో తెలియదు కానీ, పుట్టబోయే చిన్నారితో ఆడుకోవటానికి ఎదురుచూస్తున్నాను. నాక్కొంచెం సరదాగా ఉంటుంది’’ అని అన్నారు. చదవండి  : ష్వార్జ్‌నెగ్గర్‌ స్ఫూర్తిదాత మృతి

సాక్షి, న్యూఢిల్లీ : ఒకప్పటి హాలివుడ్‌ హీరో, కండల వీరుడైన ఆర్నాల్డ్‌ ష్వార్జ్‌నెగ్గర్‌ స్ఫూర్తిదాత, ఆప్త మిత్రుడు ఫ్రాంకో కొలంబో శుక్రవారం నాడు ప్రమాదవశాత్తు మరణించారు. ‘నా జీవితంలోకి ఆనందాన్ని తీసుకొచ్చిన వ్యక్తిగా నిన్నెప్పుడు మరచిపోను. ఫ్రాంక్, నీవంటే నాకు ఎంతో ప్రేమ. నా జీవితం ఇంత ఆనందంగా గడవడానికి, దానికో సార్థకత చేకూరడానికి ప్రత్యక్షంగా నీవే కారణం. నిన్నెప్పటికీ మరచిపోలేను. ఇదే నా ప్రగాఢ నివాళి’ అంటూ ఆర్నాల్డ్‌ శనివారం నాడు తన బ్లాగ్‌లో రాసుకున్నారు. తమ 54 ఏళ్ల మిత్ర బంధంలో చెరిగిపోని మధుర జ్ఞాపకాలు ఎన్నో ఉన్నాయని ఆర్నాల్డ్‌ చెప్పారు. ఇటలీలోని సర్డానియాలోని ఓ సముద్రంలో జరిగిన పడవ ప్రమాదంలో ఫ్రాంకో కొలంబో మరణించారు. ఆర్నాల్డ్‌ కన్నా ముందుగా అమెరికా వెళ్లిన కొలంబో 54 ఏళ్ల క్రితం అనుకోకుండా ఆర్నాల్డ్‌ను కలుసుకున్నారు. ఇద్దరు కలిసి వెయిట్‌ లిఫ్టింగ్‌లో శిక్షణ పొందారు. ‘పంపింగ్‌ ఐరన్‌’ పేరిట 1977లో వచ్చిన డాక్యుమెంటరీలో వీరిద్దరు ఉన్నారు. 70, 80 దశకాల్లో జరిగిన ఒలింపిక్‌ పోటీల్లో వీరిరువురు పాల్గొన్నారు. కొలంబోకు 78 ఏళ్లు.

హాలీవుడ్ సూపర్‌ స్టార్‌, కాలిఫోర్నియా మాజీ గవర్నర్‌ ఆర్నాల్డ్‌ ష్వార్జ్‌నెగ్గర్‌కు చేదు అనుభవం ఎదురైంది. సౌత్‌ ఆఫ్రికా, జోహెన్స్‌ బర్గ్‌లో జరుగుతున్న ఓ స్పోర్ట్స్‌ ఫెస్టివల్‌కు హాజరైన ఆర్నాల్డ్‌ ను ఓ వ్యక్తి వెనకు నుంచి బలంగా తన్నాడు. క్రీడాకారులు స్కిప్పింగ్ ఆడుతుండగా ఆర్నాల్డ్‌ అక్కడ ఉన్న అభిమానులతో సెల్పీలు దిగేందుకు ముందుకు వచ్చాడు. ఆ సమయంలో ఆకస్మాత్తుగా ఓ వ్యక్తి వెనుక నుంచి వచ్చి ఆర్నాల్డ్‌ ను బలంగా తన్నాడు. సెక్యూరిటీ సిబ్బంది వెంటనే ఆ వ్యక్తిని పట్టుకొని పోలీసులకు అప్పగించారు. అయితే అతడికి సంబంధించిన వివరాలను వెల్లడించలేదు. ఈ విషయంపై సోషల్ మీడియాలో స్పందించిన ఆర్నాల్డ్ వీడియోలో చూసే వరకు తనను వెనుక నుంచి ఓ వ్యక్తి తన్నిన విషయం తెలియదని.. కేవలం అక్కడున్న వారు తోపులాటలో తన మీద పడ్డారని భావించానని తెలిపారు. సంబంధిత వీడియో కోసం ఇక్కడ క్లిక్ చేయండి Thanks for your concerns, but there is nothing to worry about. I thought I was just jostled by the crowd, which happens a lot. I only realized I was kicked when I saw the video like all of you. I’m just glad the idiot didn’t interrupt my Snapchat. — Arnold (@Schwarzenegger) 18 May 2019

వాషింగ్టన్‌ : రెండు దేశాల మధ్య సంబంధాలను బలోపేతం చేయడమే లక్ష్యంగా అమెరికా, రష్యాల అధ్యక్షులు డొనాల్డ్‌ ట్రంప్, వ్లాదిమిర్‌ పుతిన్‌లు ఫిన్లాండ్‌లోని హెల్సింకిలో సమావేశమైన విషయం తెలిసిందే. భేటీ అనంతరం ట్రంప్‌ మాట్లాడుతూ.. ‘ఇదొక మంచి ఆరంభమనుకుంటున్నా. అందరికీ చాలా చాలా మంచి ఆరంభం’ అని వ్యాఖ్యానించగా.. పుతిన్‌ కూడా ట్రంప్‌తో తన చర్చలు ‘చాలా విజయవంతంగా, ఉపయోగకరంగా’  సాగాయని తెలిపారు. అయితే పుతిన్‌తో ట్రంప్‌ భేటీ గురించి ప్రస్తావిస్తూ హాలీవుడ్‌ నటుడు, కాలిఫోర్నియా మాజీ సెనేటర్‌ ఆర్నాల్డ్‌ స్క్వార్జ్‌నెగ్గర్‌ ట్రంప్‌పై తీవ్ర స్థాయిలో విరుచుకుపడ్డారు. ఆటోగ్రాఫ్‌ కోసం వెళ్లారా...? రష్యా అధ్యక్షుడు వ్లాదిమిర్‌ పుతిన్‌ ముందు.. ట్రంప్‌ ఓ ఫ్యాన్‌ బాయ్‌లా ప్రవర్తించారని ఆర్నాల్డ్‌ స్క్వార్జ్‌నెగ్గర్‌ విమర్శించారు. ‘ట్రంప్‌.. పుతిన్‌తో మీరు జరిపిన మంతనాలను చూశాను. చాలా ఇబ్బందిగా అనిపించింది. మీరక్కడ ఓ తడి నూడుల్‌లా నిల్చుని ఉన్నారు. మీ వాలకం చూస్తుంటే పుతిన్‌ ఆటోగ్రాఫ్‌ కోసమో, లేదా సెల్ఫీ దిగడానికో వెళ్లినట్లు ఉంది. సమావేశంలో భాగంగా అమెరికా కమ్యూనిటీని అమ్మేశారు. దేశం పరువు తీసేశారంటూ’ తీవ్ర వ్యాఖ్యలు చేశారు. ట్రంప్‌తో పాటు శ్వేత సౌధ ప్రతినిధుల తీరును కూడా ఆయన తప్పు పట్టారు.

...కామన్‌ ఆడియన్స్‌కు ఇది మామూలు ఫ్రేస్‌ కావొచ్చు. కానీ ఆర్నాల్డ్‌ స్క్వార్జ్‌నెగ్గర్‌ అభిమానులకు, ‘టెర్మినేటర్‌’ మూవీ సిరీస్‌ ఫ్యాన్స్‌కు ‘ఐ యామ్‌ బ్యాక్‌’ అనే లైన్‌ ఒక ఎమోషన్‌. ‘ఐ యామ్‌ బ్యాక్‌’ అనే పంచ్‌లైన్‌ ఆర్నాల్డ్‌ ఫస్ట్‌ ‘టెర్మినేటర్‌’ సినిమాలోనే వాడారు. సినిమా రిలీజై పెద్ద హిట్‌ అయిన తర్వాత నుంచి ఈ లైన్‌ ఆర్నాల్డ్‌ స్టైల్‌ స్టైట్‌మెంట్‌లో ఒక భాగమైపోయింది. ఈ మధ్య ఆర్నాల్డ్‌ ఆరోగ్యం కొంచెం దెబ్బతింది. దాంతో హార్ట్‌ సర్జరీ చేయించుకున్నారు. ఆ ఆపరేషన్‌ ఎలా జరిగింది? ఆర్నాల్డ్‌ ఎలా ఉన్నారు? అని ఆయన అభిమానులు ఆందోళన చెందారు. దాంతో ఆర్నాల్డ్‌ తన ఫ్యాన్స్‌ కోసం తన హెల్త్‌ గురించిన అప్‌డేట్‌ ఇవ్వాలని ‘ఐ యామ్‌ బ్యాక్‌’ అంటూ ఓ వీడియో పోస్ట్‌ చేశారు. ‘‘మెసేజ్‌లు, ఫోన్‌ కాల్స్, కార్డ్స్, ఈ మెయిల్స్‌ ద్వారా ప్రపంచం నలుమూలల  నుంచి ప్రేమను పంచిన అభిమానులందరికీ థ్యాంక్స్‌. నేను బావున్నాను అని మీ అందరికీ తెలియజేయడానికే ఈ వీడియో మెసేజ్‌. ఎంత పాజిటీవ్‌గా చెప్పాలనుకున్నా ఐ యామ్‌ నాట్‌ గ్రేట్‌. బట్‌ గుడ్‌. గ్రేట్‌ అంటే అది వేరే లెవల్‌. ప్రస్తుతానికైతే ఐ యామ్‌ గుడ్‌. నాకు మంచి డాక్టర్స్, నర్సస్‌ ఉన్నారు. వాళ్ల బాగా కేర్‌ తీసుకున్నారు. థ్యాంక్యూ ఆల్‌’’ అని పేర్కొన్నారు ఆర్నాల్డ్‌. విశేషం ఏంటంటే సర్జరీ జరిగిన తర్వాత మేలుకొన్న వెంటనే ఆర్నాల్డ్‌ ‘ఐ యామ్‌ బ్యాక్‌’ అని అన్నారట.

కాలిఫోర్నియా : ప్రముఖ హాలీవుడ్‌ నటుడు, కాలిఫోర్నియా మాజీ గవర్నర్‌ ఆర్నాల్డ్ ష్వార్జ్‌ నెగ్గర్ ఆస్పత్రి నుంచి క్షేమంగా ఇంటికి చేరుకున్నారు. గత కొద్ది నెలలుగా గుండె సంబంధిత సమస్యలతో బాధపడుతున్న ఆయన అత్యవసర చికిత్స నిమిత్తం ఈ మార్చి 29న లాస్‌ ఏంజెలిస్‌లోని సెడార్స్-సినై మెడికల్ సెంటర్‌లో చేరారు. చికిత్స విజయవంతం కావడంతో ఆయన కోలుకుంటున్నారు. ‘‘ నేను క్షేమంగా తిరిగొచ్చాను..ఇది నిజం. చిన్న గాట్లతో నన్ను బతికించిన డాక్టర్లకు, నర్సులకు నా ధన్యవాదాలంటూ’  ష్వార్జ్ నెగ్గర్ ట్వీట్‌ చేశారు. ఆర్నాల్డ్‌ క్షేమంగా ఇంటికి చేరుకున్నారని, ఆయన ప్రతినిధి డేనియల్‌ కెచెల్‌ కూడా వెల్లడించారు. ఏడు పదుల వయసులో ఉన్న ఆయన ప్రమాదంతో కూడిన ట్రాన్స్‌కాథెటర్‌ పల్మనరీ వాల్యూ రీప్లేస్‌మెంట్‌ శస్త్రచికిత్స విజయవంతం కావడంతో అభిమానులు ఆనందాన్ని వ్యక్తం చేస్తున్నారు. ఏడు సార్లు మిస్టర్‌ ఒలంపియా విజేతగా నిలిచి ప్రపంచ రికార్డు సృష్టించిన ఆయన తన ఆరోగ్యాన్ని నిర్లక్ష్యం చేయడం కారణంగానే ఈ పరిస్థితి వచ్చిందటున్నారు నెటిజన్లు. ఆస్సత్రి నుంచి విడుదలైన తర్వాత తన కుమారుడితో కలిసి ఓ హోటల్‌లో భోజనం చేసిన ఆయన నేరుగా ఇంటికి వెళ్లి పోయారు. కారులో కూర్చున్న ఆయన నోట్లో సిగర్‌ ఉండటం చూసిన కొందరు నెటిజన్లు చచ్చి బతికినా బుద్ది రాలేదంటూ ష్వార్జ్ నెగ్గర్‌ను తిట్టిపోస్తున్నారు.

లాస్‌ ఏంజిల్స్‌ : హాలీవుడ్‌ సూపర్‌ స్టార్‌ అర్నాల్డ్‌ స్క్వాజ్‌నెగ్గర్‌కు ఓపెన్‌ హార్ట్‌ సర్జరీ జరిగింది. శస్త్ర చికిత్స విజయవంతం అయినట్లు.. ఆయన స్పృహలోకి వచ్చినట్లు వ్యక్తిగత సిబ్బంది మీడియాకు వెల్లడించారు.  కాగా, 70 ఏళ్ల ఆర్నాల్డ్‌కు గతంలో కూడా ఓసారి గుండెకు శస్త్ర చికిత్స అయ్యింది. 1997లో గుండెకు సంబంధించిన ఓ కృత్రిమ నాళాన్ని డాక్టర్లు అమర్చారు. అయితే అది సరిగ్గా పని చేయకపోవటంతో ఇప్పుడు మరోసారి సర్జరీ చేయాల్సి వచ్చింది. గురువారం ఆపరేషన్‌ విజయవంతంగా పూర్తి చేసినట్లు వైద్యులు వెల్లడించారు. ఐయామ్‌ బ్యాక్‌.. ఆపరేషన్‌ తర్వాత స్పృహలోకి వచ్చిన దిగ్గజ నటుడు ‘ఐ యామ్‌ బ్యాక్‌’ అని పేర్కొన్నారు. ఈ మేరకు ఆయన ప్రతినిధి మీడియాకు విషయాన్ని తెలియజేశారు. ప్రస్తుతం ఆయన ఆరోగ్యం నిలకడగా ఉన్నట్లు తెలుస్తోంది. కెనన్‌ ది బార్బేరియన్‌,  ప్రేడేటర్‌, టెర్మినేటర్‌ తదితర చిత్రాలతో ఆర్నాల్డ్‌ సుపరిచితుడే. కాగా, గతంలో రెండు సార్లు ఆయన కాల్నిఫోరియాకు గవర్నర్‌గా కూడా పని చేశారు.  


 
 హాలీవుడ్ సూపర్ స్టార్ ఆర్నాల్డ్ స్కార్జ్ నెగ్గర్.. ప్రపంచ వ్యాప్తంగా పరిచయం అవసరం లేని వ్యక్తి. అలాంటి వ్యక్తి అనూహ్యంగా తన విగ్రహం ముందు తానే రోడ్డు మీద పడుకున్నాడు. అంతటి సూపర్ స్టార్ కు ఈ పరిస్థితి ఎందుకు వచ్చింది అనుకుంటున్నారా..? ఆ విషయంలోకే వస్తున్నా. కాలిఫోర్నియాకు ఆర్నాల్డ్ గవర్నర్ గా పనిచేసిన సమయంలో ఓహియోలోని కొలంబస్ ఏరియాలో ఓ హోటల్ ఓపెనింగ్ కార్యక్రమంలో పాల్గొన్నారు. హోటల్ నిర్వాహకులు కూడా అక్కడ ఆర్నాల్డ్ విగ్రహం ఏర్పాటు చేయటంతో పాటు, ఆయన ఎప్పుడు తమ హోటలకు వచ్చినా.. ఆయనకు ప్రత్యేకంగా ఓ గదిని కేటాయిస్తామని మాట ఇచ్చారు.
 
 అయితే ఇటీవల ఆ హోటల్ కు వెళ్లిన ఆర్నాల్డ్ వింత అనుభవం ఎదురైంది. ఓపెనింగ్ సమయంలో తనకు ప్రత్యేకంగా రూం కేటాయిస్తామని చెప్పిన వ్యక్తులే రూమ్స్ ఖాళీ లేవని చెప్పటంతో ఈ సూపర్ స్టార్ షాక్ తిన్నాడు. దీంతో నిరసన ఇలా రోడ్డు మీద పడుకొని తన నిరసన వ్యక్తం చేశాడు. తన ఫేవరెట్ స్టార్ ఇలా వీదుల్లో పడుకొని కనిపించటంతో ఈ ఫోటో ఇప్పుడు సోషల్ మీడియాలో వైరల్ అయ్యింది. కాగా, ఇదంతా కేవలం హాస్యం కోసమే చేశానని ఆర్నాల్డ్‌ ఓ పోస్ట్‌లో తెలిపారు.


 హాలీవుడ్‌: చిన్నపిల్లల దగ్గర నుంచి యాక్షన్‌ చిత్రాలను ఇష్టపడే కుర్రకారు వరకు అందరినీ అలరించిన ‘టెర్మినేటర్‌’ చిత్రాలు ఇక రావు. వరుస సీక్వెల్స్‌తో అలరించిన టెర్మినేటర్‌ సీరిస్‌ చిత్రాలను ఇకపై నిర్మించబోమని నిర్మాణ సంస్థ పారామౌంట్‌ స్టూడియోస్‌ ప్రకటిం చింది. ఆర్నాల్డ్‌ ష్క్వార్జ్‌ నెగ్గర్‌ కథానాయకుడి గా వచ్చిన ఈ చిత్రాలకు ఇక ముగింపు పలకనున్నట్లు సోమవారం ప్రకటించింది.
 
 ‘టెర్మినేటర్‌ అండ్‌ ఆర్నాల్డ్‌.. శకం ముగిసింది. మా నిర్మాణ సంస్థ ఈ స్వీక్వెల్స్‌కు ముగింపు పలకాలని నిర్ణయించింది. దీంతో ఇకపై టెర్మినేటర్‌కు సంబంధించి ఎటువంటి ప్రీ ప్రొడక్షన్‌ పనులు ఇకపై జరగవు. దీని అర్థం.. టెర్మినేటర్‌ ఇక ప్రేక్షకుల ముందుకు రాబోడు. నిజానికి టెర్మినేటర్‌ సీరిస్‌ను దీర్ఘకాలంపాటు కొనసాగిద్దామని అనుకున్నాం. కానీ అనుకున్న విధంగా అన్నీ జరగవు కదా..! ఇది కూడా అలాగే మధ్యలోనే నిలిపివేయాల్సివస్తోంద’ని పారామౌంట్‌ సంస్థ ఓ ప్రకటనలో పేర్కొంది.


 లాస్‌ఏంజిల్స్‌: అమెరికా అధ్యక్షుడు డోనాల్డ్‌ ట్రంప్‌ తనను ప్రేమిస్తున్నారని ప్రముఖ నటుడు, రాజకీయ నాయకుడు ఆర్నాల్డ్‌ స్క్వార్జ్‌నెగ్గర్‌ అన్నారు. ఆర్నాల్డ్‌కు తక్కువ రేటింగ్స్‌ రావడంపై ట్రంప్‌ ట్వీట్‌ చేశారు. 'ది సెలబ్రిటీ అప్రెంటీస్‌' నుంచి తక్కువ రేటింగ్స్‌ కారణంగా ఆర్నాల్డ్‌ను తీసేశారని ట్వీట్‌లో పేర్కొన్నారు. అది తనను బాధకు గురిచేసినట్లు తెలిపారు. 
  
 ట్రంప్‌ ట్వీట్‌పై ఓ ప్రోగ్రామ్‌లో ఆర్నాల్డ్‌ను ప్రశ్నించగా.. ఒకవేళ ఆయన తనను ప్రేమిస్తున్నారమోనని అన్నారు.


 సఫారీ: ఇనుప మనిషిలాగా టర్మినేటర్ వంటి చిత్రాల్లో నటించిన ప్రముఖ హాలీవుడ్ హీరో, ఇనుప కండల వీరుడు ఆర్నాల్డ్ స్వార్జ్ నెగ్గర్ కు ఓ ఏనుగు గుండెల్లో రైళ్లు పరుగెత్తించింది. జీపులో వెళుతున్న వారికి అనూహ్యంగా ఎదురుపడి భయంతో వణికిపోయేలా చేసింది. అంతేకాదు వారి వాహనాన్ని వెంబడించి ఇక చచ్చాం రా దేవుడా అనుకునేలా చేసింది. అంతేకాదు.. ఈ సంఘటన తర్వాత ఆ బృందంలో కొంతమంది తమ ప్యాంట్లు కూడా మార్చుకున్నారంట. పూర్తి వివరాల్లోకి వెళితే ఆర్నాల్డ్ తన మిత్రులతో సౌత్ ఆఫ్రికాలోని సఫారీ పార్క్కి వెళ్లాడు. అలా రహదారిపై వెళుతున్న వారికి అనూహ్యంగా ఓ ఏనుగు తారసపడటంతో తమ వాహనాన్ని ఆపేశారు.
 
 అయితే, రోడ్డు దాటి వెళ్లకుండా భారీ పొడవైన దంతాలతో ఉన్న ఆ ఏనుగు వారిని సమీపించింది. దాంతో అందులోని వారంతా కుక్కిన పేనులాగా కదలకుండా కూర్చున్నారు. అది కాసేపు తొండంతో ఆ వాహనాన్ని తడిమి వెనుకకు అడుగులు వేసుకుంటూ వెళ్లింది. అప్పటికీ వారు అలాగే తమ శ్వాసను కాసేపు ఆపేసి సింహంలా మీదకు దూకుతుందా అని భయంతో చూస్తున్నారు. అయితే, ఆ ఏనుగు పక్కకు వెళ్లింది. అంతా హమ్మయ్యా అని ఊపిరి పీల్చుకున్నారు. కానీ, ఆర్నాల్డ్ మాత్రం దాని ఆలోచనను ముందే పసిగట్టాడు. అది తమపై దాడి చేసేందుకు వస్తుందని చెప్పాడు. నిజంగానే ఆ ఏనుగు అన్నంత పనిచేసింది.
 
 వేగంగా వారి కారువైపు వెనుక నుంచి దూసుకొచ్చింది. దీంతో డ్రైవింగ్ సీట్లో ఉన్న వ్యక్తి సచ్చాం బాబోయ్ అన్నట్లు కారు ఎంత వేగంతో ఎక్స్ లేటర్ తొక్కి పోనిచ్చాడు. అప్పటికీ ఏనుగు కూడా గుర్రం మాదిరిగా తన పరుగును పెంచింది. అదృష్టవశాత్తు వారు అలా ఏనుగు నుంచి తప్పించుకున్నారు. ఈ అనుభవాన్ని చూసిన ఆర్నాల్డ్ తన అభిప్రాయం పంచుకుంటూ 'ఈ సంఘటన గురించి చెప్పలేకపోతున్నాను. బహుషా సినిమా అయితేనే బాగుండేదేమో. నేను నిజంగా ఇలాంటి ఓ జంతువును చూసి సంభ్రమాశ్చర్యాలకు లోనయ్యా. అది ఎంత బలమైన ఏనుగంటే.. మాలో కొంతమంది ప్యాంట్లు కూడా మార్చుకున్నారు' అని చెప్పారు. 'మనం ఏనుగులను చంపేయడం మానాలి. ఒక ఫోటో తీసుకోవాలి తప్ప కాల్చడం కాదు' అని ఆయన ఒక సందేశం కూడా ఇచ్చారు.


 టెర్మినేటర్, కేనన్, ఎక్స్పాండబుల్స్ చిత్రాలతో యాక్షన్ స్టార్గా అంతర్జాతీయ స్థాయి గుర్తింపు తెచ్చుకున్న హాలీవుడ్ స్టార్ హీరో ఆర్నాల్డ్ ష్వార్జ్నెగర్. ఇప్పటి వరకు తన బాడీకి తగ్గట్టుగా యాక్షన్ సినిమాలు మాత్రమే చేస్తూ వచ్చిన ఈ సీనియర్ హీరో ఇప్పుడు రూట్ మారుస్తున్నాడు. త్వరలో ఓ కామెడీ సినిమాతో అభిమానులను అలరించడానికి రెడీ అవుతున్నాడు ఆర్నాల్డ్.
 
 వై వియార్ కిల్లింగ్ గంథర్ పేరుతో తెరకెక్కుతున్న కామెడీ డ్రామాలో లీడ్ రోల్లో నటిస్తున్నాడు ఆర్నాల్డ్. ఈ సినిమాలో కిరాయి హంతుకుల ముఠా సభ్యుడిగా నటిస్తున్నాడు. తమకు ప్రత్యర్థి అయిన కరుడుగట్టిన హంతుకుడి గంథర్ను ఎలాగైన దెబ్బ కొట్టాలని ప్లాన్ చేస్తుంటుంది ఆర్నాల్డ్ టీం. అయితే గంథర్ గ్యాంగ్ వీళ్ల ఎత్తులను ముందే పసిగట్టి ఆ ఎటాక్లను తిప్పికొడుతుంది. ఇలా టామ్ అండ్ జెర్రీల గేమ్లా జరిగే కథ కడుపుబ్బ నవ్వించనుంది. శాటర్ డే నైట్ సినిమాలో కీలక పాత్రలో నటించిన టారన్ కిల్లమ్ ఈ సినిమాకు దర్శకత్వం వహించటంతో పాటు కీలక పాత్రలో నటిస్తున్నాడు.


 ఇండియన్ ఫిలిం ఇండస్ట్రీలోనే కాదు, హాలీవుడ్లోనూ వారసుల హవా కనిపిస్తోంది. ఇప్పటికే జాకీచాన్, విల్ స్మిత్ లాంటి టాప్ స్టార్స్ తమ వారసులను ఇండస్ట్రీకి పరిచయం చేయగా, మరో హాలీవుడ్ టాప్ స్టార్ తన వారసుడిని సినిమాల కోసం సిద్దం చేస్తున్నాడు. ప్రిడేటర్, టెర్మినేటర్ వంటి సినిమాలతో అంతర్జాతీయ స్థాయిలో గుర్తింపు తెచ్చుకున్న సీనియర్ హీరో ఆర్నాల్డ్ ష్వార్జ్నెగ్గర్ తన తనయుడు జోసెఫ్ బేనాను సినిమాల కోసం సిద్ధం చేస్తున్నాడు.
  
 ఇప్పటికే జోసేఫ్ ఫిజిక్ మీద దృష్టి పెట్టిన ఆర్నాల్డ్ స్వయంగా తానే దగ్గరుండి జోసెఫ్తో జిమ్ చేయిస్తున్నాడు. తాజాగా వెనిస్ లోని గోల్డ్స్ జిమ్లో తండ్రి కొడుకులు ఇద్దరూ కలిసి వర్క్ అవుట్స్ చేస్తూ కనిపించారు. 18 ఏళ్ల జోసెఫ్ ప్రస్తుతం మిస్టర్ యూనివర్స్ పోటీలకు సిద్ధమవుతున్నాడు. ఆ వెంటనే సిల్వర్ స్క్రీన్ ఎంట్రీ కూడా ఇవ్వనున్నాడు.


 హాలీవుడ్లోనే కాదు, ప్రపంచ సినీ అభిమానులకు పరిచయం అవసరం లేని సినిమా సీరీస్ టర్మినేటర్. హాలీవుడ్ స్టార్ హీరో ఆర్నాల్ స్క్వాజ్నెగ్గర్ హీరోగా తెరకెక్కిన ఈ సీరీస్లో ఇప్పటికే 5 భాగాలు విడుదలయ్యాయి. అయితే చివరగా రిలీజ్ అయిన టర్నినేటర్ జెనిసిస్ ఆశించిన స్థాయిలో ఆకట్టుకోకపోవటంతో ఈ సీరీస్లో మరో సినిమా వస్తుందో, లేదో అన్న అనుమానం కలిగింది.
 
 అయితే ఇటీవల ఇచ్చిన ఓ ఇంటర్వ్యూలో టర్నినేటర్ సీరీస్లో మరో సినిమా ఉంటుందంటూ ప్రకంటించాడు హీరో ఆర్నాల్డ్. 2015లో రిలీజ్ అయిన టర్మినేటర్ జెనిసిస్కు రిలీజ్ అయిన తొలి రోజు నుంచే నెగెటివ్ రివ్యూస్ రావటంతో కలెక్షన్ల విషయంలోనూ వెనకబడింది. నార్త్ అమెరికాలో 100 మిలియన్ డాలర్లు కూడా వసూళు చేయలేకపోయిన టర్మినేటర్ 5, చైనాలో మాత్రం భారీ వసూళ్లను రాబట్టింది. దీంతో మరోసారి టర్మినేటర్గా ఆడియన్స్ ముందుకు రావడానికి రెడీ అవుతున్నాడు ఆర్నాల్డ్.


 లండన్: హాలీవుడ్లో భారీ మాస్ ఇమేజ్ ఉన్న యాక్షన్ హీరో సిల్వెస్టర్ స్టాలోన్. 'రాంబో' సిరీస్ సినిమాలతో ప్రపంచవ్యాప్తంగా అభిమానులను సంపాదించుకున్న ఈ కండల వీరుడు తన మిత్రుడు ఆర్నాల్డ్ షార్గ్నెజ్జర్ దారిలో నడుస్తూ రాజకీయాల్లోకి రావాలని భావించాడు. ఆయనలాగే తాను కూడా అమెరికా ఎన్నికల్లో పోటీ చేయాలని నిర్ణయించాడు. అయితే చివరిన నిమిషంలో భార్య అడ్డుచెప్పడంతో ఆ నిర్ణయాన్ని మానుకున్నాడు. రాజకీయాల్లో చేరడం ఏమంతా మంచి నిర్ణయం కాదని, దానికన్నా ఎప్పటిలాగే సినిమాలు చేస్తూ ఉండటమే మేలని భార్య తనను ఒప్పించిందని స్టాలోన్ వెల్లడించాడు.
 
 'నేను రాజకీయాల్లో చేరే విషయమై నువ్వేమనుకుంటున్నావని నా భార్యను అడిగాను. 'నీకు ఏమైనా వెర్రా? ఇప్పటివరకు చాలా బావున్నావు. నిన్ను ప్రజలు ఎన్నుకోబోరు. ప్రజలతో జయజయధ్వానాలు చేయించుకోవాలన్న నెరవేరని కోరిక ఏది నీకు లేదు' అని ఆమె కాస్ల్ పీకింది' అని స్టాలోన్ చెప్పినట్టు 'డిజిటల్ స్పై' తెలిపింది.


 రజనీకాంత్ హీరోగా శంకర్ దర్శకత్వం వహించిన ‘రోబో’ ఎంతటి విజయాన్ని సొంతం చేసుకుందో ప్రత్యేకంగా చెప్పక్కర్లేదు. ప్రస్తుతం ఈ చిత్రానికి సీక్వెల్ చేయాలనే ఆలోచనలో శంకర్ ఉన్నారని సమాచారం. తొలి భాగానికన్నా  మలిభాగం మరింత భారీగా ఉండేలా ప్లాన్ చేస్తున్నారట. త్రీడీ మూవీగా ‘రోబో 2’ని తీయాలన్నది శంకర్ లక్ష్యం అని చెన్నయ్ టాక్. రజనీ సరసన దీపికా పదుకొనేని కథానాయికగా తీసుకోవాలనుకుంటున్నారనే వార్త వచ్చింది. అయితే, శంకర్ మనసు మారిందట.
 
 ఫస్ట్ పార్ట్‌లో నటించిన ఐశ్వర్యా రాయ్‌నే తీసుకోవాలనుకుంటున్నారట.
  
 పారితోషికం ఫిక్స్ అయితే యస్!
 ఈ సీక్వెల్‌కి సంబంధించి ప్రచారం అవుతున్న వార్తల్లో ఆర్నాల్డ్ ష్వార్జెనెగ్గర్‌కి సంబంధించిన వార్త ఒకటి. శంకర్ దర్శకత్వం వహించిన ‘ఐ’ ఆడియో వేడుకలో ఈ హాలీవుడ్ స్టార్ పాల్గొన్న విషయం తెలిసిందే. ఇప్పుడు ఏకంగా ఆయన ‘రోబో 2’లో నటించానున్నారని టాక్. మొదట్లో ఈయన విలన్‌గా నటిస్తారనే వార్త వచ్చింది. అయితే, మరో హీరోగా నటిస్తారట. ప్రస్తుతం ఆర్నాల్డ్ పారితోషికం గురించి చర్చలు జరుగుతున్నాయని బోగట్టా. పారితోషికం ఫిక్స్ అయితే ఆర్నాల్డ్ యస్ చెబుతారని సమాచారం. మరి.. ఆర్నాల్డ్ ‘రోబో 2’లో నటిస్తారా? ఇది త్రీడీ మూవీయా? అసలు నిజంగానే ఈ ప్రాజెక్ట్ ఉందా? అనే ప్రశ్నలకు కాలమే సమాధానం చెప్పాలి.


 లాస్ ఏంజెల్స్ : హాలీవుడ్ సూపర్ స్టార్, ఆర్నాల్డ్ స్క్వార్జ్ నెగ్గర్ మృతి చెందినట్లు వదంతులు వెలువడ్డాయి. లాస్ ఏంజెల్స్లోని తన నివాసంలో ఆయన గుండెపోటుతో మరణించినట్లు వార్త హల్చల్ చేసింది.  ఆర్నాల్డ్ గుండెపోటుతో మృతి చెందినట్టుగా MSMBC అనే అంతర్జాతీయ వెబ్సైట్  రెండు రోజుల క్రితం వార్త పోస్ట్ చేసింది. అయితే ఆయన మరణవార్తపై అధికారికంగా ఎలాంటి ప్రకటన వెలువడలేదు. అలాగే ఈ వార్తను ఇప్పటివరకూ ఖండించలేదు. కాగా ఆర్నాల్డ్...ట్విట్టర్ అకౌంట్ కూడా 13 గంటల క్రితం వరకూ యాక్టివ్ గానే ఉంది.
 
 కాగా టెర్మినేటర్ చిత్రం ద్వారా స్టార్ హీరోగా పేరు తెచ్చుకున్నఆర్నాల్డ్ ... ఆ తర్వాత రాజకీయాల్లోనూ రాణించారు.  కాలిఫోర్నియా గవర్నర్గా సేవలందించిన ఆర్నాల్డ్ బుధవారం రాత్రి 9.30 సమయంలో లాజ్ ఏంజిల్స్లోని తన నివాసంలో తుది శ్వాస విడిచినట్టుగా ఓ వార్తను  MSMBC వెబ్సైట్  పోస్ట్  చేయటమే కాకుండా, ఆర్నాల్డ్ మరణాన్ని ఆయన కుటుంబం కూడా ధృవీకరించినట్టుగా తెలిపారు వెబ్ సైట్ నిర్వాహకులు. గతంలోను పలువురు సెలబ్రిటీల విషయంలో కొన్ని వెబ్ సైట్స్ అత్యుత్సాహం ప్రదర్శించిన సందర్బాలు చాలా ఉన్నాయి.. మరి ఆర్నాల్డ్ విషయంలో నిజా నిజాలు తెలియాలంటే అధికారిక సమాచారం వచ్చే వరకు వెయిట్ చేయాల్సిందే.


 లండన్: నగ్నంగా నటించడం ఇబ్బందికరమేనని హాలివుడ్ యాక్షన్ స్టార్ ఆర్నార్డ్ ష్వార్జ్ నెగ్గర్ అంగీకరించాడు. తాజా చిత్రం 'టెర్మినేటర్ జెనిసిస్' కోసం అతడు దస్తులు త్యజించాడు. అయితే ఈ దృశ్యాల్లో నటించేందుకు ఇబ్బంది పడినా తమాషా ఉంటుందని 67 ఏళ్ల ష్వార్జ్ నెగ్గర్ పేర్కొన్నాడు.
 
 'నగ్న దృశ్యాలు ఇబ్బందికరం. కానీ మా సినిమాలో ఈ సన్నివేశం తమాషాగా ఉంటుంది. సరదా సంవాదం, మాటలతో హాస్యభరితంగా ఈ సీన్ ఉంటుంద'ని ష్వార్జ్ నెగ్గర్ తెలిపాడు.


 ఆర్నాల్డ్ ష్వాజెనెగ్గర్ నటించిన సంచలనాత్మక చిత్రం ‘టెర్మినేటర్’ చిత్రం గుర్తుంది కదా..! ఆ చిత్రం రెండు, మూడు భాగాల్లోనూ ఆయనే నటించారు. నాలుగో భాగంలో మాత్రం ఆర్నాల్డ్ నటించలేదు.  ఇప్పుడు ఐదో భాగం ‘టెర్మినేటర్ జెనిసిస్’లో ఆయనే హీరో. అలెన్ టేలర్ దర్శకత్వంలో రూపొందుతోన్న  ఈ చిత్రాన్ని జూలై 1న విడుదల చేయాలనుకుంటున్నారు.
  


  హాలీవుడ్ స్టార్ ఆర్నాల్డ్ ష్వార్జ్‌నెగర్, సిల్వెస్టర్ స్టాలెన్‌లకు ప్రపంచవ్యాప్తంగా అభిమానులున్నాయి. ఈ ఇద్దరూ నటించిన చిత్రాల జాబితా చెప్పాలంటే చాలానే ఉంది. ఆర్నాల్డ్ చేసిన ‘ది టెర్మినేటర్’, సిల్వెస్టర్ స్టాలెన్ చేసిన ‘రాంబో’ చిత్రాలను చూస్తే.. వీళ్లు ఏ స్థాయి నటులో అర్థమవుతుంది. మంచి యాక్షన్ హీరోలుగా పేరు తెచ్చుకున్న ఈ ఇద్దరూ 1980ల్లో పోటాపోటీగా సినిమాలు చేసేవాళ్లు.
  
  ఈ విషయాన్ని స్వయంగా ఆర్నాల్డే చెప్పారు. ఇటీవల ఢిల్లీలో జరిగిన ఓ కార్యక్రమంలో పాల్గొన్న ఆర్నాల్డ్ గతాన్ని నెమరువేసుకున్నారు. ముఖ్యంగా సిల్వెస్టర్ స్టాలెన్‌కూ, తనకూ మధ్య ఉన్న పోటీ గురించి చెబుతూ - ‘‘మాలో ఎవరు ఎక్కువ సినిమాలు చేస్తున్నారు? అనే విషయం నుంచి సినిమాల్లో ఎవరు ఎక్కువమంది విలన్లను చంపాం? ఎంత కొత్తగా చంపాం? అని చెక్ చేసుకునేవాళ్లం. ఫిట్‌నెస్ విషయంలో కూడా పోటీయే. ఎవరి సినిమా ఎక్కువ వసూలు చేసిందో చూసుకునేవాళ్లం. మా మధ్య ఆరోగ్యకరమైన పోటీ ఉండేది కాదు.
  
  ఒకరినొకరు బాగా ద్వేషించుకునేవాళ్లం. పరిపక్వత లేకనే ఆ ద్వేషం. 1990లలో ఇద్దరికీ మానసిక పరిపక్వత పెరగడంతో స్నేహితులమయ్యాం. అయితే.. ఒక్కటి మాత్రం నిజం. మా మధ్య ఉన్న పోటీతత్త్వమే మా అభివృద్ధికి తోడ్పడింది. శత్రువులుండడం చాలా ముఖ్యం. ఆ శత్రువును ఢీ కొనడానికి పరుగులుపెడతాం, కష్టపడతాం. ఫలితంగా పైకొస్తాం. మా విషయంలో జరిగింది అదే’’ అని చెప్పారు.
  


 హాలీవుడ్ యాక్షన్ హీరో ఆర్నాల్డ్ స్క్వాజెనెగ్గర్ ఇన్నేళ్ల తరువాత తన అంతరంగాన్ని బయటపెట్టాడు. తానెప్పుడూ లీడింగ్ మ్యాన్‌గా ఉండాలనే కోరుకునేవాడినని... ఆ ఆలోచనా ధోరణే నేడు ఈ స్థాయిలో నిలబెట్టిందని చెప్పాడు. ఉన్నట్టుండి వచ్చిన స్టార్‌డమ్ కాదన్నాడు. ‘ఆలోచనలు గొప్పగా ఉంటే గొప్పగా ఎదుగుతారనే సూత్రాన్ని విశ్వసిస్తాను. కావల్సిందల్లా... స్పష్టమైన లక్ష్యం, ఆ లక్ష్యం కోసం పాటుపడటం. నా చూపు ఎప్పుడూ టాప్ పొజిషన్‌పైనే ఉండేది. అది నన్ను సక్సెస్ కోసం పరితపించేలా చేసింది’ అన్నాడు మాజీ మిస్టర్ యూనివర్స్.


 ఆర్నాల్డ్ ష్వాజ్నెగర్, సిల్వస్టర్ స్టాలోన్ ఇద్దరూ ఒకే సమయంలో భారీ యాక్షన్ చిత్రాలు చేశారు. దాదాపు ఒక దశాబ్దం పాటు ఇద్దరి చిత్రాలు పోటాపోటీగా విడుదలయ్యేవి. ఫస్ట్బ్లడ్, రాంబో లాంటి చిత్రాలతో సిల్వస్టర్ స్టాలోన్, క్లిఫ్హాంగర్ లాంటి సినిమాలతో ఆర్నాల్డ్ ష్వాజ్నెగర్ ప్రేక్షకులకు ఉత్కంఠ రేకెత్తించేవారు. 1980లలో అయితే తామిద్దరి మధ్య దాదాపు యుద్ధాలే జరిగేవని, ఎవరికి ఎక్కువ కండలున్నాయి.. ఎవరి శరీరంలో కొవ్వు తక్కువగా ఉంది, వెండితెరమీద ఎవరు ఎక్కువమందిని చంపారు.. ఇలా అన్ని విషయాల్లో తమ మధ్య పోటీ తీవ్రంగా ఉండేదని ష్వాజ్నెగర్ చెప్పారు.
 
 దాదాపు దశాబ్ద కాలంపాటు స్టాలోన్ను తాను విపరీతంగా ద్వేషించానన్నారు. ఓ జాతీయ పత్రిక నిర్వహించిన సదస్సులో పాల్గొనేందుకు న్యూఢిల్లీ వచ్చిన ఆయన తన మనసులో భావాలను పంచుకున్నారు. ఆ తర్వాత.. అంటే, 1990ల ప్రారంభంలో తాము స్నేహితులం అయ్యామన్నారు. అప్పటికి ఇద్దరిలోనూ తగినంత పరిపక్వత రావడంతో ఇద్దరం కలిసి పనిచేశామన్నారు. ఎస్కేప్ ప్లాన్, ద ఎక్స్పెండబుల్స్ లాంటి చిత్రాల్లో అయితే ఇద్దరూ కలిసి కూడా నటించారు.


  హాలీ వుడ్ సూపర్‌స్టార్, కాలిఫోర్నియా గవర్నర్ ఆర్నాల్డ్ నుంచి ఐ చిత్ర హీరో సియాన్ విక్రమ్‌కు ఆహ్వానం అందిందన్నది తాజా సమాచారం. రియలిస్టిక్ యాక్షన్ కథా చిత్రాలతో హాలీవుడ్ ప్రేక్షకులతోపాటు యావత్ ప్రపంచ సినీ అభిమానులను అలరించి సూపర్‌స్టార్‌గా పేరుగాంచిన ఆర్నాల్డ్ స్క్వార్జెనెగ్గర్ కాలిఫోర్నియా గవర్నర్‌గా కూడా అక్కడి ప్రజల విశేష ఆదరణ పొందుతున్నారు. అలాంటి ప్రఖ్యాత నటుడు, ప్రజా నాయకుడు ఇటీవల చెన్నైలో జరిగిన ఐ ఆడియో ఆవిష్కరణ కార్యక్రమంలో ముఖ్య అతిథిగా పాల్గొన్నారు.
  
  అయితే ఆయన తన బిజీ షెడ్యూల్ కారణంగా కార్యక్రమం మధ్యలోనే వెళ్లిపోయారు. దీంతో ఆ చిత్ర హీరో విక్రమ్‌తో మనసు విప్పి మాట్లాడలేకపోయారు. ఐ చిత్ర నిర్మాత ఆస్కార్ రవిచంద్రన్ మాట్లాడుతూ విక్రమ్‌ను ఆర్నాల్డ్ కాలిఫోర్నియాకు ఆహ్వానించిన విషయం నిజమేనని స్పష్టం చేశారు. నటుడు విక్రమ్ కూడా ఆర్నాల్డ్ ఆహ్వానాన్ని స్వీకరించారని, ఆయన్ని కలుసుకోవడానికి ఎగ్జైటింగ్‌గా ఎదురు చూస్తున్నారని చెప్పారు. ఐ చిత్రం విడుదలకు ముందే విక్రమ్ కాలిఫోర్నియాకు వెళ్లి రానున్నారని ఆస్కార్ రవిచంద్రన్ వెల్లడించారు. శంకర్ దర్శకత్వం వహించిన ఐ చిత్రం నవంబర్‌లో తెరపైకి రావడానికి ముస్తాబవుతోంది.
  


 హాలీవుడ్ కండల వీరుడు ఆర్నాల్డ్ ష్వార్జ్ నెగర్ దక్షిణాది వంటకాలపై మనసు పారేసుకున్నాడు. ఇడ్లీ, దోశ, పొంగల్ వరుసగా లాగించేసి...వాటిని అరిగించుకోవటానికి సుమారు ఆరుగంటలు జిమ్లో కసరత్తు చేశాడు. దర్శకుడు శంకర్ దర్శకత్వంలో తెరకెక్కించిన 'ఐ'  సినిమా ఆడియో ఫంక్షన్కు చెన్నై వచ్చిన  ష్వార్జ్ నెగర్...కాంటినెంటల్ వంటకాల్ని కాదని,  అడిగి మరీ ఇడ్లీ, దోశ, పొంగల్ను ఇష్టంగా ఆరగించాడు. ఆ తర్వాత చెమటలు కక్కేలా ఆరు గంటలు వర్క్ అవుట్ చేశాడట.
 
 అంతేకాకుండా ష్వార్జ్ నెగర్  తమిళ సంప్రదాయ వస్త్రధారణ పంచెకట్టుపై కూడా మనసు పడ్డాడట. ఈవిషయాన్ని 'ఐ' చిత్ర నిర్మాత ఆస్కార్ రవిచంద్రన్ వెల్లడించాడు. తమిళనాడు ముఖ్యమంత్రి జయలలితను కలిసిందుకు ష్వార్జ్ నెగర్ పంచెకట్టులో వెళదామనుకున్నా... సమయం సరిపోనందున 'అమ్మ'ను సూట్లోనే కలిసినట్లు రవిచంద్రన్ తెలిపాడు. 'ష్వార్జ్ నెగర్ 3.30కి లాండ్ అయ్యాడు. 5.30కి బ్రేక్ ఫాస్ట్ చేశాడు...ఆ తర్వాత జిమ్లో ఆరు గంటలు గడిపాడు' . ఫిట్నెస్పై ష్వార్జ్ నెగర్కి ఉన్న అంకిత భావం చూసి చిత్ర యూనిట్ స్టన్ అయ్యారట. ఆరు పదులు వయసు దాటినా ష్వార్జ్ నెగర్ ఇప్పటికీ కుర్రాడిలా షూటింగ్లో ఫైట్స్ చేస్తూ కాళ్లు చేతులకు గాయాలు తగలించుకోవటం అలవాటే.


  ‘‘నేను ఇక్కడికి అవకాశం కోసం వచ్చాను. శంకర్ గారూ... మీ దర్శకత్వంలో నటించే అవకాశం నాకూ కల్పించండి’’ అని హాలీవుడ్ నటుడు ఆర్నాల్డ్ ష్వార్జ్‌నెగ్గర్ వ్యాఖ్యానించారు. స్టార్ డెరైక్టర్ శంకర్ దర్శకత్వంలో విక్రమ్ హీరోగా రూపొందుతోన్న ‘ఐ’ చిత్రం పాటల విడుదల కోసం సోమవారం ప్రత్యేకంగా చెన్నైకి వచ్చిన ఈ కండల వీరుడు పై విధంగా వ్యాఖ్యానించారు. ఆర్నాల్డ్ ప్రసంగిస్తూ, ‘‘నేను చెన్నైకి తొలిసారిగా వచ్చాను. చెన్నై అందమైన నగరం. ఇక్కడి ప్రజలు మంచి కళాపోషకులు’’ అని సభికుల హర్షధ్వానాల మధ్య అన్నారు. అలాగే, ‘‘ఈ ‘ఐ’ చిత్రంలో బాడీబిల్డర్స్‌కు అవకాశం ఇచ్చారు.
 
   చాలా సంతోషం. ఎందుకంటే నేను మొదట బాడీబిల్డర్‌గానే సినీ రంగ ప్రవేశం చేశాను’’ అని ఆయన తన సినీ రంగపు తొలినాళ్ళను గుర్తు చేసుకున్నారు. ‘‘ఆస్కార్ ఫిలిమ్స్ సంస్థ నన్ను ఈ కార్యక్రమానికి ఆహ్వానించడం గొప్ప గౌరవంగా భావిస్తున్నాను’’ అంటూ.. ‘‘శంకర్ గొప్ప దర్శకుడు. ఆయన దర్శకత్వంలో నటించాలని ఆశగా ఉంది.  ‘ఐ’ చిత్రం అద్భుతాల నిలయంగా ఉంటుందని అనిపిస్తోంది’’ అని చెప్పి, సినిమాపై అంచనాలను మరింత పెంచేశారు. ప్రముఖ చిత్ర నిర్మాణ సంస్థ ఆస్కార్ ఫిలిమ్స్ దాదాపు రూ. 180 కోట్ల వ్యయంతో, ఎన్నో నెలలుగా శ్రమించి నిర్మించిన ప్రతిష్ఠాత్మక ‘ఐ’ చిత్రంలో విక్రమ్ హీరోగా నటించగా, అమీ జాక్సన్ హీరోయిన్‌గా నటించారు.
  
   ఏఆర్ రెహ్మాన్ సంగీతం అందించిన ఈ చిత్రం ఆడియో ఆవిష్కరణ కార్యక్రమం సోమవారం సాయంత్రం చెన్నైలోని నెహ్రూ ఇండోర్ స్టేడియంలో ఘనంగా జరిగింది. పాటల సీడీని సూపర్‌స్టార్ రజనీకాంత్ ఆవిష్కరించగా, తొలి ప్రతిని కన్నడ సూపర్‌స్టార్ పునీత్ రాజ్‌కుమార్ అందుకున్నారు. ఈ కార్యక్రమంలో హీరో విక్రమ్ వింత మృగం వేషం ధరించి వేదికపై ఒక పాటకు నటించడం విశేషం. అలాగే, ఏ.ఆర్. రెహ్మాన్, యువ సంగీత దర్శకుడు అనిరుధ్ సైతం ఆడియో ఆవిష్కరణ వేదికపై పాడారు. ఈ చిత్రాన్ని తెలుగులో కూడా ‘ఐ’ పేరుతోనే విడుదల చేయనున్నారు. సూపర్ గుడ్ ఫిలింస్‌తో కలిసి ఆస్కార్ సంస్థే తెలుగులోనూ విడుదల చేయనుంది.


 చెన్నై: హాలీవుడ్ యాక్షన్ స్టార్, కాలిఫోర్నియా మాజీ గవర్నర్ ఆర్నాల్డ్ ష్వాజ్నెగర్ సోమవారం ఉదయం చెన్నై చేరుకున్నారు. కట్టుదిట్టమైన భద్రత మధ్య ఆయనిక్కడకు విచ్చేశారు. సంచలన తమిళ దర్శకుడు శంకర్ తాజా చిత్రం 'ఐ' ఆడియో ఆవిష్కరణ కార్యక్రమానికి ఆయన ముఖ్య అతిథిగా హాజరవుతారు. ఈ మధ్యాహ్నం ముఖ్యమంత్రి జయలలితను ఆయన కలుసుకుంటారని సన్నిహిత వర్గాలు వెల్లడించాయి.
 
 జవహర్లాల్  నెహ్రూ ఇండోర్ స్టేడియంలో ఈరోజు సాయంత్రం జరిగే 'ఐ' ఆడియో ఫంక్షన్ లో కండల వీరుడు ష్వాజ్నెగర్ ప్రత్యేక ఆకర్షణగా నిలవనున్నారు. విక్రమ్ హీరోగా నటించిన ఈ చిత్రానికి స్వర మాంత్రికుడు ఏఆర్ రెహ్మాన్ సంగీతం అందించారు. ఈ చిత్రాన్ని తెలుగులో మనోహరుడు పేరుతో విడుదల చేస్తున్నారు. ఈ సినిమాకు దీపావళికి విడుదల చేయాలని భావిస్తున్నారు.
 (ఇంగ్లీషు కథనం ఇక్కడ చదవండి)


 చెన్నై: సంచలన తమిళ దర్శకుడు శంకర్ తాజా చిత్రం 'ఐ' ఆడియో పంక్షన్కు హాలీవుడ్ యాక్షన్ స్టార్ ఆర్నాల్డ్ ష్క్వార్జ్నెగ్గర్ వస్తున్నారు.  చెన్నైలో ఈ నెల 15న జరిగే ఈ వేడుకలో ముఖ్య అతిథిగా పాల్గొననున్నారు. ష్క్వార్జ్నెగ్గర్ స్వయంగా ఈ విషయాన్ని వెల్లడించారు. 32 సెకెన్ల నిడివిగల యూ టూబ్ వీడియోలో తన అభిమానులనుద్దేశించి మాట్లాడారు.
 
 'అద్భుతమైన చిత్రాన్ని తీసిన గొప్ప దర్శకుడు శంకర్కు నా అభినందనలు. ఐ ఆడియో విడుదల కార్యక్రమంలో పాల్గొంటున్నా. ఈ ఈవెంట్ విజయవంతమవుతుంది' అని ష్క్వార్జ్ నెగ్గర్ అన్నారు. విక్రమ్ హీరోగా నటించిన ఐ చిత్రానికి సంగీత మాంత్రికుడు ఏఆర్ రెహ్మాన్ స్వరాలందించారు. ఈ చిత్రాన్ని తెలుగులో మనోహరుడు పేరుతో విడుదల చేస్తున్నారు.


 ఆరు పదుల వయసు దాటినా ఇప్పటికీ యాక్షన్ సినిమాల్లో నటిస్తూ చేతులు, కాళ్లు విరగ్గొట్టుకుంటున్నాడు హాలీవుడ్ స్టార్ ఆర్నాల్డ్ ష్వార్జ్నెగర్ (66). నాలుగు దశాబ్దాలకు పైగా సాగిన సినిమా కెరీర్లో దాదాపు ప్రతి సారీ ఆయన గాయపడుతూనే ఉన్నాడు. వాటిలో చాలాసార్లు ఆయన ఎమర్జెన్సీలోకూడా చేరాడు. ఇప్పుడు మరోసారి యాక్షన్ సినిమాలో నటిస్తూ ఈ బాడీబిల్డర్ హీరో గాయపడ్డాడు.
 
 తాను గాయపడటం నిర్మాతలకు ఏమాత్రం ఇష్టం ఉండదని, అలా గాయపడితే కొన్నాళ్ల పాటు సినిమా ఆగిపోతుంది కాబట్టి జాగ్రత్తగా ఉండాలంటున్నారని, అయినా కూడా సినిమాల్లో అందులోనూ యాక్షన్ సన్నివేశాల్లో చేసేటప్పుడు గాయాలు తప్పవని ఆయన అన్నాడు. చాలా సార్లు తాను ఎమర్జెన్సీ రూం నుంచి నేరుగా వచ్చి షూటింగులో పాల్గొన్నానని, కానీ కాలో చెయ్యో విరిగితే మాత్రం కొన్నాళ్ల పాటు అన్నీమూసేయక తప్పదని చెప్పాడు. గతంలో బాడీబిల్డింగ్ ఛాంపియన్గా కూడా నిలిచిన ఆర్నాల్డ్ ష్వార్జ్నెగర్.. టెర్మినేటర్ లాంటి సినిమాలతో భారత ప్రేక్షకులకు కూడా దగ్గరయ్యాడు.


 అనంతరం: ప్రపంచమంతా తెలిసిన ప్రముఖ నటుడి ఇంటి తొలి సంతానంగా జన్మించింది క్యాథరీన్. తండ్రి చేయి పట్టుకుని అడుగులు వేయడం నేర్చుకుంది. తండ్రి ఒడిలో కూచునే ప్రపంచాన్ని తెలుసుకుంది. కానీ తండ్రి దారిలో నడవడానికి మాత్రం ఇష్టపడలేదు. నటన కంటే వాస్తవాల మీద ఆసక్తి చూపించింది. రచయిత్రి అయ్యింది. ఇంతకీ క్యాథరీన్ ఎవరో తెలుసా... ఆర్నాల్డ్ ష్వార్‌‌జ నెగ్గర్ ముద్దులపట్టి!
  
  క్యాథరీన్ గురించి మాట్లాడేటప్పుడు ఆర్నాల్డ్ మాటల ప్రవాహానికి ఆనకట్ట వేయడం కాస్త కష్టమే. కూతురి గురించి గుక్క తిప్పుకోకుండా చెబుతారాయన. తొలిసారి చేతుల్లోకి తీసుకున్న క్షణాన్ని ఎప్పటికీ మర్చిపోలేను అంటున్నప్పుడు ఆర్నాల్డ్ ముఖం ఆనందంతో వెలిగిపోతుంది.  ‘‘నేనెప్పుడూ ఇది చెయ్యి అని క్యాథీకి చెప్పలేదు. ఏం చేయాలో తనే నిర్ణయించుకుంది. తానేం చేసినా నేను ప్రోత్సహిస్తానని తనకు తెలుసు. తాను ఏం చేసినా నాకు పేరు తెచ్చే పనే చేస్తుందని నాకూ తెలుసు. అందుకే పెద్దగా కల్పించుకోను’’ అంటారు  మురిసిపోతూ.
  
  హాలీవుడ్ హీరోల పేరు చెప్పమని మన వాళ్లెవరినైనా అడిగితే వెంటనే నోటికొచ్చే పేర్లలో ఒకటి... ఆర్నాల్డ్ ష్వార్జ్ నెగ్గర్! టెర్మినేటర్, ప్రిడేటర్ వంటి సినిమాలతో భారతీయుల మనసులను అంతగా దోచారాయన. రాజకీయ నాయకుడిగా, ఇన్వెస్టర్‌గా కూడా ప్రపంచమంతటికీ చిరపరిచితుడైన ఆర్నాల్డ్‌కి నలుగురు పిల్లలు. ఆ నలుగురిలో పెద్దమ్మాయి... క్యాథరీన్. పిల్లలందరూ సమానమే అయినా... తండ్రి అయిన సంతోషాన్ని తొలిసారి రుచి చూపిన క్యాథరీన్ అంటే ప్రత్యేకమైన ఇష్టం ఆర్నాల్డ్‌కి. సాధారణంగా కొడుకు తన అడుగు జాడల్లో నడవాలని తండ్రి కోరుకుంటాడు. అయితే ఆర్నాల్డ్‌కి కొడుకులు ప్యాట్రిక్, క్రిస్టఫర్‌ల మీద కంటే... పెద్ద కూతురు క్యాథరీన్ మీదే నమ్మకం ఎక్కువ. తన ఆలోచనలను, ఆశయాలను నిలబెట్టే సత్తా ఆమెకి ఉందని ఆయన విశ్వాసం. అది నిజమే. క్యాథరీన్ చాలా తెలివైన అమ్మాయి. తండ్రికి మంచి పేరు తీసుకురావాలని తపిస్తుంది. కానీ ఆయన అడుగు జాడల్లో నడవాలన్న ఆలోచన మాత్రం ఆమెకు లేదు.
  
  క్యాథరీన్ తరువాత పుట్టిన ప్యాట్రిక్ మోడల్ అయ్యాడు. ఆ తరువాత నటుడు కూడా అయ్యాడు. కానీ క్యాథరీన్ మాత్రం నటన వైపు మొగ్గు చూపలేదు. అది చాలామందిని ఆశ్చర్యపరిచింది. ఎందుకంటే... ఆమె కచ్చితంగా నటి అవుతుందనే అనుకున్నారంతా. తండ్రే లోకంగా భావించే ఆమె తండ్రి బాటలోనే సాగుతుందని భావించారు. ఆమె అద్భుత సౌందర్యరాశి కావడం, నటి కాదగ్గ అన్ని లక్షణాలూ ఉండటం కూడా అలా అనుకునేలా చేశాయి. కానీ అందరి అంచనాలనూ తల్లకిందులు చేసింది క్యాథరీన్. తండ్రిని అమితంగా గౌరవించినా, కెరీర్ విషయంలో మాత్రం తన తల్లిని అనుసరించింది.  ఆర్నాల్డ్ భార్య, క్యాథరీన్ తల్లి మారియా ష్రివర్‌కి జర్నలిస్టుగా, రచయిత్రిగా మంచి పేరుంది. ఎందుకోగానీ... తండ్రి ఆలోచనల కంటే తల్లి భావాలే క్యాథరీన్‌నే ఎక్కువ ప్రభావితం చేశాయి. అందుకే మాస్ కమ్యునికేషన్స్ చదివింది. కెమెరా ముందుకు రానంటూ కలం పట్టుకు కూచుంది. 2010లో ‘రాక్ వాట్ యు హ్యావ్ గాట్’ అనే పుస్తకం కూడా రాసింది. మహిళలు ఎవరి మీదా ఆధారపడకూడదని, తమకంటూ సొంత గుర్తింపు తెచ్చుకోవాలని, ఆత్మవిశ్వాసంతో అడుగేయాలని చెబుతూ ఆమె రాసిన ఆ పుస్తకం విమర్శకుల ప్రశంసలు పొందింది.
  
  కూతురిలో అంత మంచి రచయిత్రి ఉందని ఊహించని ఆర్నాల్డ్ ఆశ్చర్యపోయారు. తన కూతురి అభిరుచిని మెచ్చుకున్నారు. ఆమె ఎంచుకున్న బాటలో తాను అండగా ఉండాలని నిర్ణయించుకున్నారు. నిజానికి క్యాథరీన్‌కి పుట్టుకతోనే కొద్దిపాటి శారీరక, మానసిక రుగ్మతలు ఏర్పడ్డాయి. ఏడో తరగతి అయ్యేవరకూ చాలా ఇబ్బంది పడింది. ఆ తర్వాత కొద్దికొద్దిగా నిలదొక్కుకుంది. ఇదంతా కూడా ఆమె పట్టుదలతో సాధించింది అంటారు ఆమె గురించి తెలిసినవాళ్లంతా. ఏదైనా కూడా ఎందుకు సాధ్యం కాదు అన్న ప్రశ్న వేస్తుందామె. అనుకోవాలేగానీ చేయలేనిదేమీ లేదు అంటుంది దృఢంగా. అది తల్లి ఇచ్చిన ప్రోత్సాహం. అంతకంటే ముఖ్యంగా తండ్రి ఇచ్చిన ధైర్యం. తన తండ్రి గురించి చెప్పమంటే ఇలా చెబుతుంది క్యాథరీన్. ‘‘నాన్న పెద్ద సెలెబ్రిటీ. ఆయన ఇమేజ్ నన్ను చాలా ఆనందింపజేస్తుంది. కానీ ఆయన ఇమేజ్‌తో నేను ఎదగాలనుకోను. నాకు నేను సంపాదించుకున్న మంచిపేరుతో ఆయన ఇమేజ్‌ని మరింత పెంచాలనుకుంటాను.’’ ఈ ఆత్మవిశ్వాసం క్యాథరీన్ కళ్లలో, బాడీ లాంగ్వేజ్‌లో కొట్టొచ్చినట్టు కనిపిస్తుంది. దాన్ని చూసినప్పుడు ఆమె తండ్రి కళ్లలో గర్వం తొంగిచూస్తుంది!


 ఆర్నాల్డ్ ష్క్వార్జ్‌నెగ్గర్.. ఈ పేరు వినగానే టక్కున గుర్తొచ్చేది టెర్మినేటర్ సినిమా.  బాడీ బిల్డింగ్ చాంపియన్ షిప్స్, సినిమాలతో కోట్లు సంపాదించాడు. ఆ వచ్చిన సంపాదనను జల్సాలకంటూ ఖర్చు పెట్టేయకుండా ఇన్వెస్ట్ చేయడంలోనూ తెలివిగానే వ్యవహరించాడు.  400 మిలియన్ డాలర్ల పైగా ఆస్తిని ఆర్జించాడు. బాడీబిల్డర్‌గాను, యాక్టర్‌గాను, గవర్నర్‌గానూ, ఇన్వెస్టర్‌గాను వివిధ పాత్రల్లో రాణించిన ఆర్నాల్డ్ ఇన్వెస్ట్‌మెంట్ విశేషాలే ఈ వారం సెలబ్రిటీ స్టోరీ..
  
 ఆర్నాల్డ్ ప్రపంచవ్యాప్తంగా రెసిడెన్షియల్, కమర్షియల్ కాంప్లెక్స్‌లలో ఇన్వెస్ట్ చేశాడు. రెస్టారెంట్లలో, కన్‌స్ట్రక్షన్ కంపెనీలో పెట్టుబడులు పెట్టాడు. కమర్షియల్ జంబో జెట్లను కొనుక్కుని, లీజుకు ఇచ్చేవాడు. ఇవే కాకుండా షేర్లు, బాండ్లు మొదలైన వాటిల్లో కూడా భారీగానే పెట్టుబడులు పెట్టాడు.
  
 పద్ధతిగా పెట్టుబడి..
  
 ఆర్నాల్డ్ 1968లో తోటి బాడీబిల్డర్‌తో కలిసి నిర్మాణ సామగ్రి వ్యాపారాన్ని ప్రారంభించాడు. తమ మార్కెటింగ్ వ్యూహాలను జోడించి వ్యాపారాన్ని సక్సెస్ చేశాడు. అందులో వచ్చిన లాభాలతో కొరియర్ తరహా వ్యాపారాన్ని మొదలుపెట్టాడు. బాడీ బిల్డింగ్, ఫిట్‌నెస్ సంబంధిత ఉత్పత్తులను విక్రయించడం మొదలుపెట్టాడు. ఈ వ్యాపారాలతో వచ్చిన డబ్బును రియల్టీలోకి మళ్లించాడు.
 
 10,000 డాలర్లు పెట్టి అపార్ట్‌మెంట్ బిల్డింగ్ కొన్నాడు. ఆ తర్వాత అనేక రియల్ ఎస్టేట్ సంస్థల్లో ఇన్వెస్ట్ చేశాడు. తోటి నటులు బ్రూస్ విల్లీస్, సిల్వెస్టర్ స్టాలోన్ తదితరులతో కలిసి ప్లానెట్ హాలీవుడ్ పేరిట రెస్టారెంట్ చెయిన్‌ని కూడా ప్రారంభించాడు. కానీ దాన్నుంచి తర్వాత వైదొలిగాడు. ఇవే కాకుండా, ఓక్ ప్రొడక్షన్స్ అనే సినీ నిర్మాణ సంస్థ, ఫిట్‌నెస్ పబ్లికేషన్స్ పేరిట ప్రచురణ సంస్థ కూడా ఏర్పాటు చేశాడు.
  
 పాఠాలు
 పెట్టుబడులు, లక్ష్యసాధనకు సంబంధించి ఆర్నాల్డ్ నుంచి చాలానే నేర్చుకోవచ్చు. ప్రతి సంవత్సరం ప్రారంభంలో ఆ ఏడాది సాధించాల్సిన లక్ష్యాలను రాసి పెట్టుకునేవాడు. ఇలాంటి అంశాలన్నీ కూడా టోటల్ రికాల్ పేరుతో రాసిన తన బయోగ్రఫీలో పొందుపర్చాడు. లక్ష్యాలపై స్పష్టత, ఇన్వెస్ట్ చేసే ముందు అధ్యయనం, ఎప్పుడూ నెగటివ్‌గా ఉండే వ్యక్తులు.. పరిస్థితుల నుంచి దూరంగా ఉండటం తదితర విషయాలు ఆయన పుస్తకం నుంచి నేర్చుకోవచ్చు.     ఎప్పుడు, ఎందులో ఇన్వెస్ట్ చేయాలన్నది తెలియడంతో పాటు ఎప్పుడు వైదొలగాలన్నది కూడా తెలిసి ఉండటం కీలకం అంటాడు ఆర్నాల్డ్. డబ్బు ఎంత సంపాదించామన్నది కాదు.. మన ం ఎంత దాచుకోగలిగామన్నదే  ముఖ్యమని చెబుతాడు.
  
 తాను స్టార్‌గా కంటే బిజినెస్ మ్యాన్‌గా అనేక రెట్లు ఎక్కువగా సంపాదించాననే ఆర్నాల్డ్.. డబ్బు అనేది గొప్ప సంతోషాన్నివ్వదంటాడు. ఒకానొక సందర్భంలో..‘నా దగ్గర ఇప్పుడు 50 మిలియన్ డాలర్లు ఉన్నాయి. కానీ ఇంతకంటే చాలా తక్కువగా ఉన్నప్పుడు కూడా ఎంత సంతోషంగా ఉన్నానో ఇప్పుడూ అంతే సంతోషంగా ఉన్నాను. పెద్దగా తేడా ఏమీ లేదు.’ అని చెప్పుకొచ్చాడు.