సాక్షి,హైదరాబాద్‌: బీఆర్‌ఎస్‌ ఎమ్మెల్యేల అనర్హత పిటిషన్‌ను తెలంగాణ హైకోర్టు శుక్రవారం(అక్టోబర్‌ 25) మరోసారి విచారించింది. బీఆర్ఎస్ పార్టీ నుంచి గెలిచి కాంగ్రెస్ పార్టీలోకి వెళ్లిన ఎమ్మెల్యేలపై అనర్హత వేటు వేయాలని కేఏ పాల్‌ హైకోర్టులో తాజాగా పిటిషన్‌ దాఖలు చేశారు. ఈ పిటిషన్‌ను విచారించిన హైకోర్టు ప్రతివాదులకు నోటీసులు జారీ చేసింది. ఈ కేసులో పాల్‌ పార్టీఇన్‌పర్సన్‌(స్వయంగా)గా కేఏ పాల్‌ వాదనలు వినిపించారు. ఈ కేసులో తదుపరి విచారణను హైకోర్టు నవంబర్‌ 4కు వాయిదా వేసింది.కాగా, తమ ఎమ్మెల్యేల పార్టీ మార్పుపై బీఆర్‌ఎస్‌ వేసిన పిటిషన్‌పై హైకోర్టు ఇప్పటికే అసెంబ్లీ స్పీకర్‌ కార్యాలయానికి తుది ఆదేశాలు జారీ చేసిన విషయం తెలిసిందే. ఇదీ చదవండి: మాజీ ఈఎన్‌సీకి కాళేశ్వరం కమిషన్‌ కీలక ఆదేశాలు

సాక్షి, హైదరాబాద్‌: హైదరాబాద్‌ నగరంలోని మూసీ పరీవాహక ప్రాంత ప్రజల్లో భరోసా నింపడమే లక్ష్యంగా బీఆర్‌ఎస్‌ ఎమ్మెల్యేలు ఆదివారం పర్యటించనున్నారు. మాజీ మంత్రి హరీశ్‌రావు నేతృత్వంలో గ్రేటర్‌ హైదరాబాద్‌ పరిధిలోని బీఆర్‌ఎస్‌ ఎమ్మెల్యేలు, ఎమ్మెల్సీలు, పలువురు కార్పొరేటర్లు ఈ పర్యటనలో పాల్గొంటారు. మాజీ మంత్రులు సబితా ఇంద్రారెడ్డి, మహమూద్‌ అలీ తదితరులు ఈ బృందంలో ఉన్నారు. ఆదివారం ఉదయం 9 గంటలకు హరీశ్‌రావు తెలంగాణ భవన్‌కు చేరుకుంటారు. అక్కడ నుంచి హైదర్‌షాకోట్‌తో పాటు సమీప కాలనీల్లో బీఆర్‌ఎస్‌ ఎమ్మెల్యేల బృందం పర్యటిస్తుంది. మూసీ పరీవాహక కాలనీల్లో అధికారుల సర్వే పరిశీలన, ప్రజల్లో నెలకొన్న భయాందోళనలు వినడంతో పాటు బాధితులకు పారీ్టపరంగా భరోసా ఇస్తారు.

సాక్షి,హైదరాబాద్‌: బీఆర్‌ఎస్‌ నుంచి కాంగ్రెస్‌లోకి పార్టీ ఫిరాయించిన ఎమ్మెల్యేలు కాంగ్రెస్‌ లెజిస్లేటివ్‌ పార్టీ(సీఎల్పీ) సమావేశానికి హాజరయ్యారు.ఈ సమావేశానికి బీఆర్‌ఎస్‌ నుంచి కాంగ్రెస్‌లో చేరిన పీఏసీ చైర్మన్‌గాంధీ, వ్యవసాయశాఖ సలహాదారు పోచారం శ్రీనివాస్‌రెడ్డితో పాటు మిగిలిన ఫిరాయింపు ఎమ్మెల్యేలు పాల్గొన్నారు. సీఎల్పీ సమావేశం హైదరాబాద్‌లోని ట్రైడెంట్ హోటల్‌లో ప్రారంభమైంది. ఎమ్మెల్యే లు ,ఎమ్మెల్సీలు ,ఎంపీలు హోటల్‌కు వచ్చారు.సీఎం రేవంత్‌రెడ్డి అధ్యక్షతన సీఎల్పీ సమావేశం జరుగుతోంది.లోకల్ బాడీ ఎన్నికలు,పార్టీకి ప్రభుత్వానికి మధ్య సమన్వయం,పార్టీ సభ్యత్వం తదితర అంశాలపై ఈ సమావేశంలో చర్చిస్తున్నారు. ఇదీ చదవండి.. జమిలి ముసుగులో దేశాన్ని కబలించే కుట్ర

సాక్షి,హైదరాబాద్‌: శేరిలింగంపల్లి ఎమ్మెల్యే అరికెపూడిగాంధీ ఇంట్లో మేడ్చల్‌ జిల్లా బీఆర్‌ఎస్‌ నేతల భేటీ పిలుపు ఉద్రిక్తతలకు దారి తీసింది. శుక్రవారం(సెప్టెంబర్‌13) ఉదయం 11 గంటలకు అరికెపూడి గాంధీ నివాసంలో శేరిలింగంపల్లి నియోజవర్గ బీఆర్‌ఎస్‌ పార్టీ విస్తృత స్థాయి భేటీ నిర్వహించేందుకు సిద్ధమైన మేడ్చల్‌ జిల్లా బీఆర్‌ఎస్‌ నేతలను పోలీసులు ఎక్కడికక్కడ అడ్డుకుని హౌస్‌ అరెస్టులు చేశారు. ఎమ్మెల్యేలు తలసాని, కౌశిక్‌ రెడ్డి, మాగంటి గోపినాథ్‌, వివేకానంద, మాధవరం కృష్ణారావు, బండారి లక్ష్మారెడ్డి, సబితా ఇంద్రారెడ్డిలను ఆయా ప్రాంతాల్లో వారి ఇళ్లలోనుంచి బయటికి రాకుండా హౌస్‌ అరెస్టు చేశారు. శేరిలింగంపల్లి ఎమ్మెల్యే అరికెపూడి గాంధీకి మద్ధతు పలకడానికి అయన నివాసానికి వచ్చిన బొంతు రామ్మోహన్మీడియాలో వార్తల కోసమే కౌశిక్ రెడ్డి డ్రామాలు చేస్తున్నాడు: బొంతు రామ్మోహన్ సీనియర్ నేత గాంధీ పట్ల కౌశిక్ రెడ్డి వ్యాఖ్యలను ఖండిస్తున్నాను.ప్లాన్ ప్రకారమే బీఆర్ఎస్ ప్రాంతీయ అసమానతలు సృష్టిస్తుంది.హైదరాబాద్ అభివృద్ధిని అడ్డుకోవటమే బీఆర్ఎస్ లక్ష్యం.సెటిలర్ల పట్ల కౌశిక్ రెడ్డి కామెంట్స్ సరైనవి కావు.సీనియర్ నేత గాంధీకి మద్దతుగా కాంగ్రెస్ పార్టీ నిలుస్తుంది.రాజా సింగ్, బీజేపీ ఎమ్మెల్యేమాజీ మంత్రి కేటీఆర్ అధికారం కోల్పోవడంతో మెంటల్‌గా డిస్టర్బ్ అయ్యారు.కేంద్ర హోంమంత్రి అమిత్ షా హిందీ కూడా నేర్చుకుంటే బాగుంటందని మంచి సూచన చేశారు.దాన్ని తప్పు పడుతూ కేటీఆర్ ట్వీట్ చేశారు.పనిపాట లేక కేంద్రంపై ఏదో ఒక ఆరోపణ చేయాలని కేటీఆర్ ట్వీట్ చేశారు.కాంగ్రెస్ పైన మంచిగా ఫైట్ చేస్తున్నారు..కేటీఆర్‌తోపాటు వారి ఎమ్మెల్యేలు మంచిగా ఫైట్ చేస్తున్నారు ఆ దారిలో వెళ్లండి.కానీ మధ్యలో మంచి పనులపై ఇలాంటి కామెంట్స్ చేస్తే పిచివాళ్లని జనాలు అంటారు..నేను చేసిన తప్పు ఏంటి?: బీఆర్ఎస్ ఎమ్మెల్యే పాడి కౌశిక్ రెడ్డి.ఈ రోజు రాష్ట్ర వ్యాప్తంగా మా ఎమ్మెల్యేలు,ఎమ్మెల్సీలను, మాజీ మంత్రులను హౌస్ అరెస్టులు చేశారు.ఎమ్మెల్యే అరికేపూడి గాంధీ ఇంటికి వెళ్దామని నేను, ఎమ్మెల్సీ శంభిపూర్ రాజు బయలుదేరాము.మమ్మల్ని హౌస్ అరెస్ట్ చేశారు.నాపై ఇంటిపై దాడికి పోలీసులు ఎందుకు అనుమతి ఇచ్చారు.స్వయంగా రేవంత్ రెడ్డి పాడి కౌశిక్ రెడ్డి ఇంటిపై దాడి చేయండని చెప్పారు.నాపై హత్యాయత్నం చేశారు.తెలంగాణలో ఎమ్మెల్యేకు రక్షణ లేకపోతే ఎట్లానేను చేసిన తప్పు ఏంటి.?అరికేపూడి గాంధీ భాషను శేరిలింగంపల్లి ప్రజలు గమనించాలి.స్వయంగా అరికేపూడి గాంధీ నేను బిఆర్ఎస్ ఎమ్మెల్యే అని చెప్తున్నారు.అరికేపూడి గాంధీ భాషను సమాజం అంగీకరిస్తుందా?నేను వుండే విల్లాలో మొత్తం 69 కుటుంబాలు ఉంటాయి.అదే విల్లాలో ఏపీ మంత్రి నారాయణ,ఎమ్మెల్యేలు ఉంటారు.నేను వ్యక్తిగతంగా అరికేపూడి గాంధీని అన్నాను.ఆంధ్రా వాళ్ళు అంటే మాకు గౌరవం ఉంది.చిల్లర రాజకీయాల కోసం ఆంధ్రా, తెలంగాణ అంటూ రెచ్చగొడుతున్నారు.హైడ్రా పేరుతో రేవంత్ రెడ్డి ప్రజలను భయపెడుతున్నారు.రేవంత్ రెడ్డి కుట్రతో హైదరాబాద్ అభివృద్ధిని అడ్డుకుంటున్నారు.రేవంత్ రెడ్డి చంద్రబాబు డైరెక్షన్ లో హైదరాబాద్ అభివృద్ధిని అమరావతికి తరలిస్తున్నారు.రేవంత్ రెడ్డి కౌశిక్ రెడ్డి స్థాయికి దిగిపోయారుకాంగ్రెస్ మంత్రులు కౌశిక్ రెడ్డి స్థాయికి దిగిపోయారురేవంత్ రెడ్డికి ఇక నుంచి కేసీఆర్,కేటీఆర్,హరీష్ రావు అవసరం లేదుకౌశిక్ రెడ్డి రేవంత్ రెడ్డితో కాంప్రమైజ్ కావడానికి సిద్ధంగా లేడు.బిఆర్ఎస్ తెలంగాణలో అధికారంలోకి రావడం కోసం కొట్లాడుతాను.కేసీఆర్ హయాంలో హైదరాబాద్ నగరంలో ఇలాంటి పరిస్థితులు వచ్చాయా...?కేసీఆర్,తెలంగాణ లేకపోతే రేవంత్ రెడ్డి సీఎం కుర్చీలో కూర్చునేవారా...?రేవంత్ రెడ్డి అవాకులు చెవాకులు బంద్ చేయాలి మీ రౌడీయిజాన్ని ప్రజలు చూశారునిన్న హరీష్ రావును అరెస్టు చేసి షాద్ నగర్ కు తీసుకువెళ్లారుబీఆర్ఎస్ పార్టీ నేతలపై ప్రభుత్వం దౌర్జన్యం చేస్తోంది.పోలీసు రాజ్యంతో ప్రభుత్వాన్ని నడపలేరు.ఆరు గ్యారెంటీలు అమలు చేయకపోతే కాంగ్రెస్ నేతలు రోడ్ల మీద తిరిగే పరిస్థితి ఉండదునాకు అండగా నిలిచిన బిఆర్ఎస్ పార్టీ అధినేత కేసీఆర్, కేటీఆర్, హరీష్ రావు, కార్యకర్తలకు ధన్యవాదాలుహైకోర్టు తీర్పు తర్వాత పార్టీ మారిన ఎమ్మెల్యేలు గజగజ వణుకుతున్నారు.పది నియోజకవర్గాల్లో ఉప ఎన్నికలు రావడం పక్కా.కేసీఆర్ పెట్టిన భిక్షతో పార్టీ మారిన పది మంది ఎమ్మెల్యేలు అయ్యారు.ఇప్పటికైనా సిగ్గు,శరం ఉంటే పార్టీ మారిన ఎమ్మెల్యేలు రిజైన్ చేయాలి.నేను అడిగిన ప్రశ్నలకు అరికేపూడి గాంధీకి ఎందుకు భయం?పీఏసీ చైర్మన్‌గా బీఆర్ఎస్ పార్టీ హరీష్ రావు పేరును ఇచ్చింది.హైదరాబాద్ బ్రాండ్ ఇమేజ్ ను కాపాడుకునేందుకు మేము దాడులు చేయడం లేదు.దానం నాగేందర్‌కు గోకుడు ఎక్కువ ఉందిదానం నాగేందర్ ఎమ్మెల్యే పదవికి రాజీనామా చేసి ఎన్నికలకు రావాలి.నేను సెటిలర్స్ అనే పదం ఎక్కడా వాడలేదు.నేను ఎక్కడైనా ఆంధ్రా అనే పదం వాడితే అది నాకు గాంధీకి వ్యక్తిగతం మాత్రమే.కేసీఆర్ సీఎంగా వున్నప్పుడు ఆంధ్రా సెటిలర్స్ ను మంచిగా చూసుకున్నారు.ఎన్నికల్లో ఆంధ్రా సెటిలర్స్ బిఆర్ఎస్ పార్టీ వెంట ఉన్నారు.సెటిలర్స్ ను మా నుండి దూరం చేయాలని ప్రయత్నం చేస్తున్నారు. అల్లర్లు సృష్టించాలని కుట్ర చేస్తున్నారు: చొప్పదండి ఎమ్మెల్యే మేడిపల్లి సత్యంసీఎం రేవంత్ రెడ్డికి వస్తున్న ప్రజాదరణ చూసి ఓర్వలేక హై డ్రామా చేస్తున్నారు.కౌశి క్ రెడ్డి అనే షికండిని పెట్టి హరీష్ రావు డ్రామా అడుతున్నాడు.కౌశిక్ రెడ్డికి మహిళల పట్ల గౌరవం లేదు.మహిళ గౌర్నర్ ని కూడా అవమానించాడు.కరీంనగర్ జెడ్పీ మీటింగ్‌లో మహిళా కలెక్టర్ పై కూడా అమర్యాదగా మాట్లాడారు.రాష్ట్రంలో అల్లర్లు సృష్టించాలని కుట్ర చేస్తున్నారు.ఈ కుట్రలను పసిగట్టాలని డిజిపికి విజ్ఞప్తి.కేసీఆర్‌ పామ్ హౌస్ లో పడుకున్నాడు.కేటీఆర్ విదేశాల్లో ఉండి కుట్రలకు తెర లేపారు.గ్యాప్‌ను ఉపయోగించుకోవాలని హరీష్ రావు చిల్లర రాజకీయాలు చేస్తున్నాడు.కౌశిక్ రెడ్డి ఇప్పటికైనా బుద్ధి తెచ్చుకోవాలి.లేదంటే తెలంగాణ ప్రజలు కౌశిక్ రెడ్డిని తిరగనియ్యరు.ఏఐజీ ఆస్పత్రిలో హరీశ్‌రావుకు వైద్య పరీక్షలుకుడి భుజానికి చికిత్స తీసుకునేందుకు హరీశ్‌రావుకు అనుమతిచ్చిన పోలీసులుగురువారం గొడవల్లో హరీశ్‌రావు భుజానికి గాయంతొలుత హౌస్‌ అరెస్టు కారణంగా ఇంట్లోనుంచి బయటికి రావడానికి అనుమతించని పోలీసులు తర్వాత అనుమతిచ్చి ఏఐజీ ఆస్పత్రికి హరీశ్‌రావు వెంట వచ్చిన పోలీసులుఆస్పత్రిలో హరీశ్‌రావును ఎవరితో కలవనివ్వని పోలీసులుహరీశ్‌రావును కలిసేందుకు ఆయన నివాసానికి వచ్చిన బీఆర్‌ఎస్‌ మహిళా నేతలు సునీతా లక్ష్మారెడ్డి, మాలోత్‌ కవిత అరెస్టుకౌశిక్‌రెడ్డి, శంభీపూర్‌ రాజు హౌస్‌ అరెస్టుపీఏసీ చైర్మన్ గా ఎమ్మెల్యే గాంధీ ఎన్నికైనందునే శాలువా కప్పడానికి వెళ్తామంటే పోలీసులు అరెస్ట్ చేస్తున్నారు.గాంధే స్వయంగా రమ్మని ఆహ్వానించినా పోలీసులు అడ్డుకుంటున్నారు.ఎమ్మెల్యే దానం నాగేందర్ అరికెపూడి గాంధీ ఇంటికి ఎలా వెళ్లారు వారికి ఎలా పర్మిషన్‌ ఇస్తారు. ఎమ్మెల్యే గాంధీ ఇంటికి బయల్దేరిన ఎమ్మెల్యే కౌశిక్‌రెడ్డి, మేడ్చల్‌ జిల్లా బీఆర్‌ఎస్‌ ప్రెసిడెంట్‌ శంభీపూర్‌ రాజులను పోలీసులు బలవంతంగా ఇంట్లోకి లాక్కెళ్లి హౌస్‌ అరెస్టు చేశారు. హరీశ్‌రావు అంటే గౌరవం.. ఆయన స్థాయి తగ్గించుకుంటున్నారు: దానం నాగేందర్‌ కౌశిక్ రెడ్డిని తక్షణమే బర్తరఫ్ చేయాలి. కౌశిక్ రెడ్డికి మహిళలంటే లెక్కలేదు.ఆయన ఒక బచ్చా. మహిళల ప్రతాపం అతనికి పూర్తిస్థాయిలో తెలియదు.మా ఎమ్మెల్యే గాంధీ టిఫిన్‌కి పిలిచాడు. అందుకోసమే గాంధీ ఇంటికి వచ్చాను.హారతులిచ్చి స్వాగతం పలుకుతామంటేనే గాంధీ, కౌశిక్ రెడ్డి ఇంటికి వెళ్ళాడు.ప్రాంతీయ విభేదాలను కౌశిక్ రెడ్డి రెచ్చగొట్టడం సరికాదు.హరీష్ రావు అంటే నాకు గౌరవం. ఆయన స్థాయిని తగ్గించుకుంటున్నారుమాజీ మంత్రి హరీశ్‌రావు హౌజ్‌ అరెస్ట్‌.. ఎమ్మెల్యే అరికెపూడి గాంధీ ఇంట్లో భేటీ అవుతామని మేడ్చల్‌ జిల్లా నేతలు పిలుపునిచ్చిన నేపథ్యంలో పోలీసులు మాజీ మంత్రి, బీఆర్‌ఎస్‌ సీనియర్‌ నేత హరీశ్‌రావు ఇంటి వద్ద భారీగా మోహరించారు. కోకాపేటలోని ఇంట్లోనే హరీశ్‌రావును హౌస్‌ అరెస్ట్‌ చేశారు. హరీశ్‌రావు ఇంటి వద్ద బారికేడ్లు ఏర్పాటు చేసి కట్టుదిట్టమైన బందోబస్తు ఏర్పాటు చేశారు. ఇటు హరీశ్‌రావు బయటికి వెళ్లకుండా అటు ఇంట్లోకి ఎవరూ రాకుండా పోలీసులు ఆంక్షలు విధించారు. బీఆర్‌ఎస్‌ మహిళా నేతలు సునీతా లక్ష్మారెడ్డి, మాలోత్‌ కవితను హరీశ్‌రావు నివాసంలోకి వెళ్లకుండా పోలీసులు అడ్డుకున్నారు. గురువారం నిరసనలు, పోలీసుల అరెస్టు సందర్భంగా హరీశ్‌రావు చేతి గాయమైంది. ఈ గాయానికి చికిత్స తీసకోవడానికి ఆస్పత్రికి వెళ్తానని చెప్పినా తొలుత అనుమతించని పోలీసులు తర్వాత అనుమతిచ్చి ఆయన వెంట ఆస్పత్రికి వెళ్లారు. పార్టీ ఫిరాయింపుల విషయంలో కౌశిక్‌రెడ్డి వర్సెస్‌ అరికెపూడి గాంధీ వివాదంలో సైబరాబాద్‌ కమిషనరేట్‌ ముందు ఇతర బీఆర్‌ఎస్‌ నాయకులతో కలిపి నిరసన తెలిపిన హరీశ్‌రావును పోలీసులు అదుపులోకి తీసుకుని రాత్రి 11 గంటలకు విడుదల చేసిన విషయం తెలిసిందే. ఈ సందర్భంగా హరీశ్‌రావు చేతికి గాయమైంది. బీఆర్‌ఎస్‌తో యుద్ధం కాదు.. కౌశిక్‌రెడ్డితోనే యుద్ధం: ఎమ్మెల్యే గాంధీ ఇది బీఆర్‌ఎస్‌,గాంధీకి యుద్ధం కాదని, కౌశిక్‌రెడ్డికి తనకు మధ్య యుద్ధమని ఎమ్మెల్యే అరికెపూడి గాంధీ అన్నారు. ఎమ్మెల్యే కౌశిక్‌రెడ్డి రెచ్చగొట్టే ధోరణితో వ్యవహరిస్తున్నారన్నారు. ఈ విషయమై శుక్రవారం(సెప్టెంబర్‌13) ఉదయం మీడియాతో ఆయన మాట్లాడారు. గురువారం ఉదయం నా ఇంటికి వస్తానని కౌశిక్‌రెడ్డి అన్నారు.ఆయన రానందున వాళ్ల ఇంటికి నేనే వెళ్లా. ఇది బీఆర్‌ఎస్‌, గాంధీకి యుద్ధం కాదు.కౌశిక్‌రెడ్డితో యుద్ధం. కౌశిక్‌ బీఆర్‌ఎస్‌లోకి వచ్చి పార్టీని భ్రష్టుపట్టిస్తున్నారు.ఈ విషయాన్ని ఆ పార్టీ నేతలు గుర్తించాలి. పార్టీలో ప్రాంతీయ విభేదాలు తీసుకొస్తున్నారు.ఇలాంటి వాళ్లు బీఆర్‌ఎస్‌లో ఉంటే మరింత మంది ఎమ్మెల్యేలు బయటకు వెళ్లిపోయే ప్రమాదముంది.ఈ విషయాన్ని కేసీఆర్‌ గుర్తించాలి. బీఆర్‌ఎస్‌, కేసీఆర్‌ అంటే నాకు గౌరవం.వ్యక్తిగతంగా మాత్రమే కౌశిక్‌రెడ్డితోనే నాకు యుద్ధం. సమఉజ్జీ కూడా కాని కౌశి‌క్‌రెడ్డి ఇంటికి వెళ్లినందుకు బాధపడుతున్నాగాంధీ ఇంటి వద్ద భారీ బందోబస్తు.. గాంధీ ఇంట్లో భేటీకి బీఆర్‌ఎస్‌ పిలుపు నేపథ్యంలో ఎమ్మెల్యే అరికెపూడి గాంధీ నివాసం వద్ద పోలీసులు భారీ బందోబస్తు ఏర్పాటు చేశారు. బారికేడ్లు ఏర్పాటు చేసి గాంధీ నివాసానికి ఎవరు వచ్చినా అడ్డుకుంటున్నారు. శుక్రవారం ఉదయం గాంధీ ఇంటికి వచ్చిన పలువురు బీఆర్‌ఎస్‌ కార్యకర్తలను అరెస్టు చేసి ఇప్పటికే అక్కడినుంచి తరలించారు. కౌశిక్‌రెడ్డి డౌన్‌డౌన్‌ నినాదాలు.. గాంధీ ఇంటి వద్ద ఉద్రిక్తతఎమ్మెల్యే అరికెపూడి గాంధీ ఇంట్లో ముగిసిన కార్యకర్తల సమావేశం.కౌశిక్ రెడ్డిని తక్షణమే బీఆర్‌ఎస్‌ పార్టీ నుంచి సస్పెండ్ చేయాలంటూ సమావేశంలో తీర్మానం.కౌశిక్ రెడ్డితో పాటు ఇతర నాయకులు, కార్యకర్తలు ఎవరు గాంధీ వచ్చినా సానుకూలంగా స్వాగతిస్తాం.ఒకవేళ దాడి చేయడానికి ప్రయత్నిస్తే మాత్రం ప్రతి దాడి చేయడానికి సిద్ధంగా ఉన్నామని గాంధీ అనుచరులు స్పష్టం చేశారు.కౌశిక్‌రెడ్డి డౌన్‌డౌన్‌ నినాదాలతో గాంధీ నివాసప్రాంగణం మార్మోగుతోంది. ఈ సందర్భంగా అక్కడ ఉద్రిక్తత నెలకొంది. మేడ్చల్‌ బీఆర్‌ఎస్‌ నేతల ముందస్తు అరెస్టులు..మరోవైపు గాంధీ ఇంట్లో భేటీకి సిద్ధమవుతున్న పలువురు మేడ్చల్‌ జిల్లా బీఆర్‌ఎస్‌ ముఖ్య నేతలను పోలీసులు ఉదయం నుంచే అరెస్టు చేస్తున్నారు. పలువురిని హౌస్‌ అరెస్ట్‌ చేస్తున్నారు. భేటీ కోసం బీఆర్‌ఎస్‌ నేతలు ఎమ్మెల్యే గాంధీ ఇంటికి వెళితే ఉద్రిక్తతలకు దారి తీస్తుందని పోలీసు అధికారులు భావిస్తున్నారు. దీంతో పోలీసులు ముందస్తు చర్యలు తీసుకుంటున్నట్లు తెలుస్తోంది. మా ఎమ్మెల్యే ఇంటికి మేం వెళితే తప్పేంటి: మేడ్చల్‌ జిల్లా బీఆర్‌ఎస్‌ చీఫ్‌ శంభీపూర్‌ రాజు ఎమ్మెల్యే గాంధీ ఇంట్లో మేడ్చల్‌ జిల్లా బీఆర్‌ఎస్‌ నేతల భేటీకి పిలుపునిచ్చిన జిల్లా బీఆర్‌ఎస్‌ పార్టీ అధినేత శంభీపూర్‌రాజు ఇంటి వద్ద భారీగా పోలీసులు మోహరించారు. దీనిపై రాజు స్పందించారు. తమ పార్టీ ఎమ్మెల్యే ఇంటికి తాము వెళితే తప్పేంటి అని రాజు ప్రశ్నించారు. ఎమ్మెల్యే గాంధీ బీఆర్‌ఎస్‌లోనే ఉన్నా అని చెప్పిన మాటలను ఈ సందర్భంగా రాజు గుర్తు చేశారు. ఎమ్మెల్యే గాంధీ బీఆర్‌ఎస్‌ అధినేత కేసీఆర్‌ ఇంటికి రావాలని రాజు ఆహ్వానించారు. మరోపక్క గాంధీ ఇంటికి బయలుదేరిన మేడ్చల్‌ బీఆర్‌ఎస్‌ నేతలను, రాష్ట్రవ్యాప్తంగా పలు ప్రాంతాలకు చెందిన గులాబీ నేతలను పోలీసులు ఎక్కడికక్కడ అదుపులోకి తీసుకుంటున్నారు. ఎమ్మెల్యే కౌశిక్‌రెడ్డిపై అడిషనల్‌ ఎస్పీ ఫిర్యాదు.. కేసు నమోదు పోలీసుల విధులకు ఆటంకం కలిగించారని ఎమ్మెల్యే పాడి కౌశిక్‌రెడ్డిపై అడిషనల్‌ ఎస్పీ రవిచందన్‌ ఫిర్యాదు చేశారు. ఎస్పీ ఫిర్యాదుతో కౌశిక్‌రెడ్డిపై రాయదుర్గం పోలీసులు కేసు నమోదు చేశారు. ఈ దాడి పట్ల చర్యలు తీసుకోవాలని సైబరాబాద్‌ కమిషనరేట్‌ ముందు ఆందోళనకు దిగిన హరీశ్‌రావు, గంగుల కమలాకర్‌, వద్దిరాజు రవిచంద్ర తదితర బీఆర్‌ఎస్‌ ముఖ్య నాయకులను పోలీసులు అక్కడినుంచి తరలించి కేశంపేట పోలీస్‌స్టేషన్‌కు తరలించడంతో ఉద్రిక్తత చోటు చేసుకుంది. బీఆర్‌ఎస్‌ కార్యకర్తలకు, పోలీసులకు మధ్య ఘర్షణ జరిగింది. దీంతో పోలీసులు లాఠీఛార్జ్‌ చేయాల్సివచ్చింది. అనంతరం రాత్రి 11 గంటలకు హరీశ్‌రావు సహా ఇతర బీఆర్‌ఎస్‌ ముఖ్య నేతలను పోలీసులు కేశంపేట పోలీస్‌స్టేషన్‌ నుంచి విడుదల చేశారు. ఇదీ చదవండి.. బీఆర్‌ఎస్‌లోనే గాంధీ.. ప్రతిపక్షానికే పీఏసీ: సీఎం రేవంత్‌

సాక్షి, హైదరాబాద్‌: ఎమ్మెల్యేలు దానం నాగేందర్, కడియం శ్రీహరి, తెల్లం వెంకట్రావులను అనర్హులుగా ప్రకటించేలా స్పీకర్‌ను ఆదేశించాలని కోరుతూ దాఖలైన పిటిషన్లపై హైకోర్టు తీర్పు రిజర్వు చేసింది. రాజ్యాంగపరమైన అంశాల నేపథ్యంలో ఏప్రిల్‌ నుంచి సుదీర్ఘ వాదనలు విన్నది. పిటిషనర్లు, ప్రతివాదుల తరఫున సుప్రీంకోర్టు, హైకోర్టు సీనియర్‌ న్యాయవాదులు పలు తీర్పులను ఉదహరిస్తూ వాదనలు వినిపించారు. బీఆర్‌ఎస్‌ నుంచి ఎమ్మెల్యేలుగా గెలిచి కాంగ్రెస్‌లో చేరిన కడియం శ్రీహరి, తెల్లం వెంకట్రావులను అనర్హులుగా ప్రకటించాలని కోరుతూ కేపీ.వివేకానంద హైకోర్టులో పిటిషన్‌ దాఖలు చేసిన విషయం తెలిసిందే.ఖైరతాబాద్‌ నుంచి బీఆర్‌ఎస్‌ తరఫున గెలిచిన దానం నాగేందర్‌.. ఎమ్మెల్యే సభ్యత్వానికి రాజీనామా చేయకుండా కాంగ్రెస్‌లోకి చేరారని ఆయనను కూడా అనర్హుడిగా ప్రకటించాలని బీఆర్‌ఎస్‌ ఎమ్మెల్యే పాడి కౌశిక్‌రెడ్డి మరో పిటిషన్‌ వేశారు. నాగేందర్‌ను అనర్హుడిగా ప్రకటించాలని కోరుతూ ఫిర్యాదు చేసేందుకు ప్రయతి్నంచిన స్పీకర్‌ సమయం ఇవ్వడం లేదంటూ బీజేపీ ఎలీ్పనేత మహేశ్వర్‌రెడ్డి మరో పిటిషన్‌ దాఖలు చేశారు. ఈ మూడు పిటిషన్లపై జస్టిస్‌ బి.విజయ్‌సేన్‌రెడ్డి బుధవారం మరోసారి విచారణ చేపట్టారు. దానం, కడియం తరఫున సీనియర్‌ న్యాయవాదులు శ్రీరఘురాం, మయూర్‌రెడ్డి వాదనలు వినిపిస్తూ.. ‘సుప్రీంకోర్టు వేర్వేరు తీర్పుల ప్రకారం స్పీకర్‌కు కోర్టులు ఆదేశాలు జారీ చేసేందుకు వీల్లేదు. స్పీకర్‌ కార్యాలయంలో ఫిర్యాదు చేసిన పదిరోజులకే హైకోర్టులో పిటిషన్లు దాఖలు చేశారు. స్పీకర్‌కు కనీస గడువు కూడా ఇవ్వకుండానే న్యాయ సమీక్ష కోరడం చెల్లదు. తాజా పిటిషన్లను కొట్టేయాలి.. లేనిపక్షంలో డివిజన్‌ బెంచ్‌కు నివేదించాలి. గత శాసనసభ స్పీకర్‌ ఎదుట పార్టీ ఫిరాయింపులపై కాంగ్రెస్‌ నేతలు దాఖలు చేసిన పిటిషన్‌లో స్పీకర్‌కు నిర్దిష్ట గడువు నిర్ణయించేందుకు ఇద్దరు న్యాయమూర్తుల హైకోర్టు ధర్మాసనం నిరాకరించింది’అని పేర్కొన్నారు. లిఖితపూర్వక వాదనలను శుక్రవారం సమర్పిస్తామని రాష్ట్ర ప్రభుత్వం తెలిపింది. వాదనలు పూర్తి కావడంతో న్యాయమూర్తి.. తీర్పు రిజర్వు చేశారు.

సాక్షి, హైదరాబాద్‌: పార్టీ మారిన ఎమ్మెల్యేల అనర్హతపై నిర్ణయాధికారం శాసన సభ స్పీకర్‌దేనని హైకోర్టుకు అడ్వొకేట్‌ జనరల్‌ ఏ.సుదర్శన్‌రెడ్డి తెలిపారు. గడువు విధించి ఆలోగా నిర్ణయం తీసుకోవాల్సిందేనని న్యాయస్థానాలు ఆదేశాలు జారీ చేయజాలవన్నారు. ఎమ్మెల్యేలు కడియం శ్రీహరి, తెల్లం వెంకటరావు, దానం నాగేందర్‌ను అనర్హులుగా ప్రకటించాలని కోరుతూ బీఆర్‌ఎస్‌ ఎమ్మెల్యేలు కేపీ వివేకానంద్‌, పాడి కౌశిక్‌రెడ్డి, బీజేపీ ఎల్పీ మహేశ్వర్‌రెడ్డి మూడు పిటిషన్లు దాఖలు చేశారు. ఈ పిటిషన్లపై జస్టిస్‌ బీ.విజయ్‌సేన్‌రెడ్డి మంగళవారం మరోసారి విచారణ చేపట్టారు.ప్రభుత్వం తరఫున ఏజీ, ప్రతివాదుల తరఫున సీనియర్‌ న్యాయవాదులు శ్రీరఘురాం, మయూర్‌రెడ్డి వాదనలు వినిపించారు. ‘అనర్హతపై కోర్టులు స్పీకర్‌కు గడువు విధించలేవు. పిటిషనర్లు చెప్పిన ప్రకారం ఫిర్యాదు చేసిన తర్వాత స్పీకర్‌ నిర్ణయం తీసుకోవడానికి 3 నెలల సమయం ఇవ్వాలి. మరి వారంపది రోజుల్లోనే హైకోర్టులో పిటిషన్లు ఎలా వేశారు. ఎందుకు వేశారు?. స్పీకర్‌ విధుల్లో కోర్టుల జోక్యం అత్యంత స్వల్పం. అనర్హతపై స్పీకర్‌ నిర్ణయం తీసుకున్న తర్వాత విచారణ చేయవచ్చు. అయితే అందులోనూ న్యాయస్థానాల జోక్యం స్వల్పమే’అని వాదనలు వినిపించారు. పిటిషనర్ల తరఫు సీనియర్‌ న్యాయవాదులు జె.రాంచందర్‌రావు, గండ్ర మోహన్‌రావు.. ఉత్తర్వులు జారీ చేయాలని న్యాయమూర్తిని విజ్ఞప్తి చేశారు. న్యాయమూర్తి స్పందిస్తూ.. స్పీకర్‌ రాజ్యాంగ అధికారి అని.. ఆ కుర్చీపై మాకు గౌరవం ఉందన్నారు. అయితే తన ముందు పెండింగ్‌లో ఉన్న అనర్హత పిటిషన్లు ఏ దశకు చేరుకున్నాయో తెలియజేయాలని స్పీకర్‌ను ఆదేశించకున్నా.. దీనిపై అసెంబ్లీ కార్యదర్శికి ఆదేశాలు జారీ చేస్తామని వ్యాఖ్యానించారు.బీఆర్‌ఎస్‌ ఎమ్మెల్యేల ఫిర్యాదుపై స్పీకర్‌ ఏం చర్యలు చేపట్టారో వివరాలు అందజేయాలని కోరవచ్చు కదా అని అభిప్రాయపడ్డారు. దీనికి ఏజీ అభ్యంతరం వ్యక్తం చేస్తూ.. ఫిర్యాదులు ఏ దశలో ఉన్నాయో కూడా స్పీకర్‌ను న్యాయస్థానాలు వివరాలు అడగలేవని బదులిచ్చారు. ఇప్పడు అత్యవసర ఉత్తర్వులు కోరుతున్న న్యాయవాదులు కూడా గత ప్రభుత్వ హయాంలో ఇలాంటి కేసుల్లో వాయిదా కోరిన వారేనని చెప్పారు. ఇప్పుడు న్యాయస్థానంపై ఒత్తిడి తీసుకురావడం హాస్యాస్పదం అన్నారు. అనంతరం తదుపరి వాదనల కోసం విచారణను రేపటికి వాయిదా వేశారు.

సాక్షి, హైదరాబాద్‌: పార్టీ ఎమ్మెల్యేలతో కలిసి బీఆర్‌ఎస్‌ వర్కింగ్‌ ప్రెసిడెంట్‌ కేటీ రామారావు రాష్ట్ర గవర్నర్‌ సీపీ రాధాకృష్ణన్‌తో భేటీ కానున్నారు. శనివారం మధ్యాహ్నం 12 గంటలకు ఈ భేటీకి గవ ర్నర్‌ అపాయింట్మెంట్‌ ఇచ్చినట్లు సమాచారం. పార్టీ ఫిరాయించి కాంగ్రెస్‌లో చేరిన బీఆర్‌ఎస్‌ ఎమ్మెల్యేలపై అనర్హత వేటు వేయాలని ఇటీవల కేటీఆర్‌ నేతృత్వంలో అసెంబ్లీ స్పీకర్‌ ప్రసాద్‌ కుమార్‌ను కలిసి విజ్ఞప్తి చేసిన విషయం తెలిసిందే. ఈ నేపథ్యంలో శనివారం గవర్నర్‌తో జరిగే భేటీలోనూ బీఆర్‌ఎస్‌ ఎమ్మెల్యేల బృందం ఇదే అంశాన్ని ప్రముఖంగా ప్రస్తావించే అవకాశముంది.క్షేత్రస్థాయిలో ప్రొటోకాల్‌ ఉల్లంఘనలతో బీఆర్‌ఎస్‌ ఎమ్మెల్యేలు ఎదుర్కొంటున్న ఇబ్బందులపై కూడా సాక్ష్యాధారాలను గవర్నర్‌కు బీఆర్‌ఎస్‌ బృందం అందజేస్తుంది. దీంతోపాటు రాష్ట్రంలో క్షీణించిన శాంతి భద్రతలు, పోటీ పరీక్షల నిర్వహణపై నిరుద్యోగులు చేస్తున్న ఆందోళనలు, వారిపై పోలీస్‌ కేసుల నమోదు వంటి అంశాలను కూడా గవర్నర్‌ దృష్టికి తీసుకెళ్లనున్నా రు. ఈ నెల 23న రాష్ట్ర శాసనసభ సమావేశాలు ప్రారంభమయ్యేలోపే పార్టీ మారిన ఎమ్మెల్యేలపై అనర్హత వేటు పడేలా చూడాలని కేటీఆర్‌ రాష్ట్ర గవర్నర్‌కు విజ్ఞప్తి చేయనున్నారు. అప్పటికి అనర్హత వేటు పడకుంటే ఇదే అంశాన్ని అసెంబ్లీలోనూ ఎత్తిచూపాలని బీఆర్‌ఎస్‌ వ్యూహం సిద్ధం చేస్తోంది.

గ్రేటర్‌ కాంగ్రెస్ పార్టీ కి కొత్త కష్టమొచి్చంది. వలసల పర్వం ఆ పార్టీలో అసంతృప్తిని రాజేస్తోంది. మొన్నటి వరకు ప్రత్యర్థులుగా ఉన్న నేతలను అక్కున చేర్చుకుంటున్న తీరును ద్వితీయ శ్రేణి నాయకత్వం తప్పుపడుతోంది. పార్టీ బలోపేతం పేరిట గులాబీ నాయకులకు స్వాగతం పలుకుతుండడం సీనియర్లకు మింగుడు పడడంలేదు. ఒకవైపు పార్టీ బలీయంగా తయారవుతుందనే సంతోషపడుతున్నా.. మరోవైపు తమ భవిష్యత్తు ప్రశ్నార్థకంగా మారుతోందనే ఆందోళన వారిని వెంటాడుతోంది. ఇటీవల బీఆర్‌ఎస్‌కు చెందిన నలుగురు ఎమ్మెల్యేలు కాంగ్రెస్‌ తీర్థం పుచ్చుకున్నారు. మరికొందరు కండువా కప్పుకునేందుకు ముహూర్తం కూడా ఖరారు చేసుకున్నారు. ఈ నేపథ్యంలో వీరి రాక తమ ఉనికికి భంగం కలిగిస్తుందనే ఆవేదన వ్యక్తమవుతోంది. ఈ క్రమంలోనే పార్టీ అసమ్మతులకు తెరలేపింది. ఇటీవల చేవెళ్ల ఎమ్మెల్యే కాలె యాదయ్య పారీ్టలో చేరడంతో మొన్నటి ఎన్నికల్లో పోటీ చేసిన భీంభరత్‌ వర్గం అసంతృప్తికి గురైంది. పారీ్టలో చేర్చుకోవద్దని చివరి నిమిషం వరకు న్రయతి్నంచినా ఫలించకపోవడంతో సర్దుబాటుకు సరే అంది. అయితే.. మనుషులు కలిసినా మనసులను కలపలేమనే సంకేతాలు ఇరువర్గాలు ఇస్తున్నాయి. రాజేంద్రనగర్‌లోనూ.. రాజేంద్రనగర్‌ ఎమ్మెల్యే ప్రకాశ్‌గౌడ్‌ కాంగ్రెస్‌ పార్టీలో చేరారు. అందరికంటే ముందే రేవంత్‌ భేటీ అయి కండువా కప్పుకున్న ప్రకాశ్‌.. మొన్నటివరకు ఆగినా చివరకు కారు దిగి చేయి పట్టుకున్నారు. దీంతో 2023 అసెంబ్లీ ఎన్నికల్లో కాంగ్రెస్‌ తరుఫున పోటీచేసిన నరేందర్, సీనియర్‌ నేతలు జ్ఞానేశ్వర్, ముంగి జైపాల్‌రెడ్డి వర్గీయులు అసంతృప్తికి లోనయ్యారు. ఈ పరిణామాల నేపథ్యంలో నియోజకవర్గంలో వేరు కుంపట్లతో కాంగ్రెస్‌ ఎలా ముందుకు సాగుతుందో వేచిచూడాల్సిందే మరి! శేరిలింగంపల్లిలో మూడు గ్రూపులు శేరిలింగంపల్లి ఎమ్మెల్యే అరికెపూడి గాంధీ శనివారం కాంగ్రెస్‌ తీర్థం పుచ్చుకున్నారు. దీంతో ఆ సెగ్మెంట్‌లో కాంగ్రెస్‌ మూడు గ్రూపులుగా విడిపోయింది. శాసనసభ ఎన్నికల వేళ టికెట్‌ ఆశించిన జైపాల్‌ సహా.. ఆఖరి నిమిషంలో బీఆర్‌ఎస్‌ను వీడి టికెట్‌ దక్కించుకున్న జగదీశ్వర్‌గౌడ్‌ ఇప్పటికే రెండు వర్గాలు వ్యవహరిస్తున్నారు. తాజాగా గాంధీ రాకతో కాంగ్రెస్‌లో మూడో వర్గానికి తెరలేపింది. ఖైరతాబాద్‌తో మొదలు.. పరువు పోయిన చోటే వెతుక్కోవాలన్న ఉబలాటంతో ఆపరేషన్‌ ఆకర్‌‡్షకు శ్రీకారం చుట్టింది కాంగ్రెస్‌ పార్టీ. లోక్‌సభ ఎన్నికల ముందే నగరంలో గులాబీ తొలి వికెట్‌గా ఖైరతాబాద్‌ ఎమ్మెల్యే దానం నాగేందర్‌ను పార్టీలో చేర్చుకొని సికింద్రాబాద్‌ లోక్‌సభ స్థానానికి ప్రయోగించింది. ఇటీవల దానం బాటలోనే జీహెచ్‌ఎంసీ మేయర్‌ విజయలక్ష్మి, పలువురు కార్పొరేటర్లు పార్టీ తీర్థం పుచ్చుకున్నారు. దానం చేరికతో ఆయనపై పోటీ చేసిన ఓటమి పాలైన విజయారెడ్డి తీవ్ర అసంతృప్తిలో ఉన్నారు. డైలామాలో నేతలు ఇప్పటికే నలుగురు ఎమ్మెల్యేలు, ఎమ్మెల్సీలు, పలువురు కార్పొరేటర్లను చేర్చుకోవడం ద్వారా గ్రేటర్‌లో పార్టీని పటిష్టం చేసే దిశగా అడుగులు వేస్తున్న పీసీసీ నాయకత్వం ఆపరేషన్‌ ఆకర్‌‡్షకు మరింత పదును పెట్టాలని నిర్ణయించింది. ఇందులో భాగంగా మరింత మంది ఎమ్మెల్యేలకు గాలం విసిరింది. ఇప్పటికే వీరితో సంప్రదింపులు కూడా జరిపింది. అయితే.. వీరి రాకపై సంకేతాలు రావడంతో మొన్నటి అసెంబ్లీ ఎన్నికల్లో పోటీ చేసి ఓడిపోయిన నేతలకు తీవ్ర ఆగ్రహం తెప్పిస్తోంది. తాము ఓడినా.. అధికారంలోకి వచ్చామనే సంతోషంలో ఇన్నాళ్లూ ఉన్న తమను తాజా పరిణామాలు ఆవేదన కలిగిస్తున్నాయని వ్యాఖ్యానిస్తున్నారు. కొత్తగా చేరిన నాయకుల కింద తమ శ్రేణులు పనిచేయాల్సిన పరిస్థితి అనివార్యం కావడం.. దిగువ శ్రేణి నాయకుల పదవులను కొత్త నేతల అనుచరులు తన్నుకుపోయే ప్రమాదం ఉండడం వారిని ఆందోళనకు గురిచేస్తోంది.పటాన్‌చెరులోనూ.. పటాన్‌చెరు ఎమ్మెల్యే గూడెం మహిపాల్‌రెడ్డి కాంగ్రెస్‌లో చేరుతారనే వార్తలపై ఆ నియోజకవర్గ పార్టీలోనూ అసంతృప్తికి తెరలేపింది. శనివారం సాయంత్రం మహిపాల్‌ రెడ్డి సీఎం రేవంత్‌ను కలుస్తారనే సమాచారం ఒక్కసారిగా చర్చనీయాంశమైంది. ఆయన ఆదివారం చేరుతారని ప్రచారం జరుగుతోంది. కాగా.. ఇప్పటికే శ్రీనివాస్‌ గౌడ్, నీలం మధు ముదిరాజ్‌ గ్రూపులుగా విడిపోయిన ఆ పారీ్టలో తాజా ఈ పరిణామాలు పార్టీ శ్రేణులను కలవరపరుస్తున్నాయి.

సాక్షి, హైదరాబాద్‌: ఎన్నికల హామీల అమలులో రేవంత్‌ ప్రభుత్వం విఫలమైందని, భవిష్యత్‌లో బీఆర్‌ఎస్‌కు మళ్లీ మంచిరోజులు వస్తాయని ఆ పార్టీ అధ్యక్షుడు, మాజీ సీఎం కేసీఆర్‌ పార్టీ ఎమ్మె ల్యేలకు భరోసా ఇచ్చారు. మాజీ స్పీకర్‌ పోచారం శ్రీనివాస్‌రెడ్డి పార్టీ మారడాన్ని పట్టించుకోవా ల్సిన అవసరం లేదని వ్యాఖ్యానించారు. తెలంగాణ ఉద్యమ సమయంలోనూ బీఆర్‌ఎస్‌ ఎమ్మె ల్యేలను కాంగ్రెస్‌ పార్టీ చేర్చుకొని ఉద్యమస్ఫూర్తి ని దెబ్బతీసేందుకు ప్రయత్నించినా వెనుకంజ వేయలేదన్నారు.పార్టీ ఫిరాయింపు వ్యవహారం చర్చనీయాంశంగా మారిన నేపథ్యంలో బీఆర్‌ ఎస్‌కు చెందిన పలువురు శాసనసభ్యు లు, శాసన మండలి సభ్యులు మంగళవారం కేసీఆర్‌తో భేటీ అయ్యారు. ఎర్రవల్లి నివాసంలో జరిగిన ఈ భేటీ లో గ్రేటర్‌ హైదరాబాద్‌ పరిధిలోని అరడజను మంది ఎమ్మెల్యేలు ఉండటం ప్రాధాన్యం సంతరించుకుంది. ఈ భేటీలో రాష్ట్రంలో తాజా రాజకీయ పరిణామాలపై కేసీఆర్‌ చర్చించారు. కాంగ్రెస్‌ ప్రభుత్వం వైఫల్యం, క్షీణించిన శాంతిభద్రతలు వంటి అంశాలు కూడా ప్రస్తావనకు వచ్చాయి.రాష్ట్ర ఏర్పాటు ద్వారా అనుభవం కలిగిన నేతలను పునర్నిర్మాణంలో భాగస్వాము లు చేయాలనే లక్ష్యంతోనే కొందరిని బీఆర్‌ ఎస్‌లో గతంలో చేర్చుకున్నట్టు కేసీఆర్‌ చెప్పారు. అధికారం కేంద్రంగా పరిభ్రమించే వ్యక్తులు కొందరు అన్నిచోట్లా ఉంటారని, అలాంటి వారిని సీరియస్‌గా తీసుకోవాల్సిన అవసరం లేదని చెప్పినట్టు సమాచారం. పార్టీ వెంట నడిచే వారికి ఉజ్వల భవిష్యత్‌ ఉంటుందని కేసీ ఆర్‌ భరోసా ఇచ్చినట్టు భేటీలో పాల్గొన్న నేతలు వెల్లడించారు.నగర ఎమ్మెల్యేల భేటీకి ప్రాధాన్యంఎర్రవల్లిలో కేసీఆర్‌ను కలిసిన వారిలో మాజీ మంత్రులు, బీఆర్‌ఎస్‌ ఎమ్మెల్యేలు హరీశ్‌రావు, వేముల ప్రశాంత్‌రెడ్డితోపాటు పలువురు పార్టీ ఎమ్మెల్యేలు, ఎమ్మెల్సీలు ఇతర నేతలున్నారు. గ్రేటర్‌ హైదరాబాద్‌ పరిధిలో ఖైరతాబాద్‌ ఎమ్మె ల్యే దానం నాగేందర్‌ కాంగ్రెస్‌లో చేరిన నేపథ్యంలో మరికొందరు బీఆర్‌ఎస్‌ ఎమ్మెల్యేలు కూడా అదే తోవ పడుతున్నారనే ప్రచారం జరు గుతోంది. ఈ నేపథ్యంలో గ్రేటర్‌ పరిధిలోని ఎమ్మెల్యే లు కేసీఆర్‌తో భేటీ కావడం ప్రాధాన్యం సంతరించుకుంది.కేసీఆర్‌ను కలిసిన గ్రేటర్‌ ఎమ్మెల్యేల్లో అరికెపూడి గాంధీ (శేరిలింగంపల్లి), మాగంటి గోపీనాథ్‌ (జూబ్లీహిల్స్‌), మాధవరం కృష్ణారావు (కూకట్‌పల్లి), ముఠా గోపాల్‌ (ముషీరాబాద్‌), ప్రకాశ్‌గౌడ్‌ (రాజేంద్రనగర్‌), కేపీ.వివేకానంద (కుత్బుల్లాపూర్‌) ఉన్నారు. వీరితోపాటు ఎమ్మె ల్సీలు శేరి సుభాష్‌రెడ్డి, దండె విఠల్, మాజీ ఎమ్మెల్యే జోగు రామన్న, పార్టీ నేతలు క్యామ మల్లేశ్, రావుల శ్రీధర్‌రెడ్డి కూడా కేసీఆర్‌ను కలి శారు. కేసీఆర్‌తో భేటీ అధికారిక సమావేశం కాదని బీఆర్‌ఎస్‌ వర్గాలు వెల్లడించాయి. బుధ వారం కూడా పలువురు ఎమ్మెల్యేలు, ఎమ్మెల్సీలు కేసీఆర్‌తో భేటీ అయ్యే అవకాశముంది. రెండు రోజులుగా కేసీఆర్‌ను కలిసేందుకు వందల మంది నాయకులు, కార్యకర్తలు తరలివస్తుండటంతో ఎర్రవల్లి నివాసం వద్ద సందడి నెలకొంది.కౌశిక్‌ హరికి అభినందనలుఇటీవల రామగుండం కేశోరాం సిమెంట్స్‌ ఫ్యాక్ట రీ కాంట్రాక్ట్‌ లేబర్‌ యూనియన్‌ ఎన్నికల్లో బీఆర్‌ ఎస్‌ ప్యానెల్‌ విజయం సాధించింది. ఈ నేపథ్యంలో కార్మిక సంఘంనేత కౌశిక్‌ హరి కుటుంబ సమేతంగా ఎర్రవల్లి నివాసంలో కేసీ ఆర్‌ను కలిశారు. కౌశిక్‌ హరిని కేసీఆర్‌తోపాటు కేటీఆర్, హరీశ్‌రావులు కూడా అభినందించారు.కేసీఆర్‌కు ఊరట రైల్‌రోకో కేసు దర్యాప్తును నిలిపివేసిన హైకోర్టుసాక్షి, హైదరాబాద్‌: మాజీ ముఖ్యమంత్రి, బీఆర్‌ఎస్‌ అధినేత కె.చంద్రశేఖర్‌రావుకు హై కోర్టులో ఊరట లభించింది. ఆయనను నిందితుడిగా చేర్చిన మౌలాలి రైల్‌రోకో కేసులో దర్యాప్తును నిలిపివేసింది. తదుపరి విచారణ వరకు దర్యాప్తుపై స్టే విధించింది. పోలీసుల కు నోటీసులు జారీ చేసిన జస్టిస్‌ బి.విజయ్‌ సేన్‌రెడ్డి తదుపరి విచారణలోగా కౌంటర్‌ దాఖలు చేయాలని ఆదేశాలు జారీ చేశారు. విచారణను జూలై 23 కు వాయిదా వేశారు. 2011లో తనపై నమోదైన రైల్‌రోకో కేసును కొట్టివేయాలని, ఎలాంటి ఆధారాలు లేకు న్నా తనను నిందితుల జాబితాలో చేర్చారంటూ కేసీఆర్‌ హైకోర్టులో పిటిషన్‌ దాఖలు చేశారు.‘తెలంగాణ ప్రత్యేక రాష్ట్ర ఏర్పాటు ఉద్యమంలో భాగంగా 2011లో మౌలాలి రైల్వేస్టేషన్‌లో జరిగే రైల్‌రోకోలో పాల్గొనా ల ని ఉద్యమకారులను నేను, ప్రొఫెసర్‌ కోదండరామ్‌ పురిగొల్పినట్లు పేర్కొంటూ కేసు నమోదు చేశారు. స్వరాష్ట్ర పోరాటంలో నేను, కోదండరామ్‌లు తమకు పిలుపునిచ్చారన్న సాక్షుల మౌఖిక వాంగ్మూలం తప్ప పోలీసుల వద్ద ఎలాంటి ఆధారాలు లేవు. నేను ఆ రైల్‌ రోకోలో పాల్గొనలేదు. ఆధారాలు లేకుండా నిందితుల జాబితాలో నా పేరు చేర్చారు. కనుక ఈ కేసు కొట్టివేయాలి’ అని కేసీఆర్‌ పిటిషన్‌లో పేర్కొన్నారు. ఈ పిటిషన్‌పై మంగళవారం విచారణ చేపట్టిన జస్టిస్‌ విజయ్‌ సేన్‌ రెడ్డి వాదనల సందర్భంగా.. కేసీఆర్‌ రైల్‌ రోకోలో పాల్గొన్నట్లు చార్జిషీట్‌లో పేర్కొనలే దు కదా అని అన్నారు. ఆధారాలు లేకుండా కేసు నమోదు చేయడం సరికాదని చెప్పారు.

జనగామ జిల్లా: బీఆర్‌ఎస్‌ ఎమ్మెల్యే పల్లా రాజేశ్వర్ రెడ్డి పై ఎన్నికల నిబంధన ఉల్లంఘించారంటూ పోలీసులు కేసు నమోదైంది . గత ఏడాది నవంబరు 30న జరిగిన అసెంబ్లీ ఎన్నికల సందర్భంగా పోలింగ్ కేంద్రంలోకి పార్టీ కండువాతో చొరబడి ఓటర్లను మభ్యపెట్టారంటూ కాంగ్రెస్ నాయకులు కొమ్మూరి ప్రశాంత్ రెడ్డి పోలీసులకు ఫిర్యాదు చేశారు.దీనిపై అభ్యంతరం వ్యక్తం చేస్తూ అదే రోజు అప్పటి రిటర్నింగ్ ఆఫీసర్ పాటు పోలీసులకు కాంగ్రెస్ స్టేట్ యూత్ లీడర్, కాంగ్రెస్అభ్యర్థి పోలింగ్ ఏజెంట్ కొమ్మూరి ప్రశాంత్రెడ్డి ఫిర్యాదు చేశారు. కండువాతో పోలింగ్ బూత్ కి వెళ్లవద్దని ఎంత చెప్పినా వినలేదని ఫిర్యాదులో పేర్కొన్నారు. 'బలవంతంగా పోలింగ్ బూత్ లోకి చొచ్చుకు వెళ్లి ఎన్నికల కోడ్ ఉల్లంఘించాడని సదరు ఫొటో ఆధారాలను జత చేస్తూ ఫిర్యాదు చేశారు. దీనిపై పోలీసులు తాజాగా శనివారం కేసు నమోదు చేశారు. 188 ఐపీసీ, 130 ఆర్పీ సెక్షన్ల కింద కేసు నమోదు చేసిన విషయం ఆదివారం బయటకు వచ్చింది. ఈ విషయమై పోలీసులను వివరణ కోరగా కేసు నమోదైంది వాస్తవమేనని చెప్పారు.

సాక్షి, హైదరాబాద్‌/ఖమ్మం: ఎన్నికల వేళ బీఆర్ఎస్ పార్టీకి మరో బిగ్ షాక్ తగిలింది. బీఆర్‌ఎస్‌ సిట్టింగ్‌ ఎమ్మెల్యే తెల్లం వెంకట్రావ్‌ కాంగ్రెస్‌ తీర్థం పుచ్చుకున్నారు. సీఎం రేవంత్‌ సమక్షంలో వెంకట్రావ్‌ హస్తం పార్టీలో చేరారు. కాగా, తెల్లం వెంకట్రావ్‌ కొద్దిరోజులుగా కాంగ్రెస్‌ నేతలతో టచ్‌లో ఉన్న విషయం తెలిసిందే.  కాగా, రాష్ట్రంలో బీఆర్‌ఎస్‌కు మరో బిగ్‌ షాక్‌ తగిలింది. ఉమ్మడి ఖమ్మం జిల్లాలో బీఆర్ఎస్ పార్టీ తరపున గెలిచిన ఏకైక ఎమ్మెల్యే తెల్లం వెంకట్రావ్‌ నేడు కాంగ్రెస్‌లో చేరారు. దీంతో, ఖమ్మం జిల్లా వ్యాప్తంగా ఎమ్మెల్యే సెగ్మెంట్లలో బీఆర్‌ఎస్‌ పార్టీ ఖాళీ అయ్యింది. సీఎం రేవంత్ రెడ్డి, మంత్రి పొంగులేటి సమక్షంలో వెంకట్రావ్‌ హస్తం పార్టీలో చేరారు.  ఇదిలా ఉండగా.. అసెంబ్లీ ఎన్నికల్లో బీఆర్‌ఎస్‌ పార్టీ తరఫున గెలిచిన వెంటనే వెంకట్రావ్‌ సీఎం రేవంత్‌, మంత్రి పొంగులేటి శ్రీనివాస్‌ను కలిశారు. దీంతో, అప్పటి నుంచే ఆయన కాంగ్రెస్‌లో చేరుతున్నారనే చర్చ నడిచింది. ఇక, గత కొన్ని రోజుల క్రితమే మంత్రి తుమ్మల నాగేశ్వర్​రావు ఆధ్వర్యంలో జరిగిన మహబూబాబాద్​ పార్లమెంట్​ నియోజకవర్గ కాంగ్రెస్​ ముఖ్య నేతల సమావేశంలో ఎమ్మెల్యే తెల్లం కూడా ప్రత్యక్షమయ్యారు. బీఆర్ఎస్ ​ఎమ్మెల్యేగా ఉండి, కాంగ్రెస్ మీటింగ్‌లో పాల్గొనడం, గెలుపు వ్యూహాలపై చర్చించడం గమనార్హం. మరోవైపు.. ఇటీవల భద్రాద్రి కొత్తగూడెం జిల్లా మణుగూరులో కాంగ్రెస్​ పార్టీ ఆధ్వర్యంలో నిర్వహించిన బహిరంగ సభా వేదికపైన కూడా ఆయన కూర్చున్నారు. అయితే, ఇటీవలి కాలంలో తెలంగాణలో రాజకీయం రసవత్తరంగా మారిన విషయం తెలిసిందే. ఎన్నికల నేపథ్యంలో పలు పార్టీల నేతలు ఇతర పార్టీల్లోకి జంప్‌ చేస్తున్నారు. ఇక, పార్టీ చేరిన వెంటనే వారికి టికెట్‌ కూడా రావడం విశేషం. దీంతో, మొదటి నుంచి పార్టీలో ఉన్న వారు హైకమాండ్‌పై సీరియస్‌ అవుతున్నారు. తమకు కాకుండా ఇతర పార్టీల నుంచి వచ్చిన వారిని టికెట్‌ ఇవ్వడమేంటని ప్రశ్నిస్తున్నారు.

సాక్షి, హైదరాబాద్‌: రాష్ట్ర అసెంబ్లీ స్పీకర్ గడ్డం ప్రసాద్ తమకు అపాయింట్‌మెంట్‌ ఇచ్చిమరీ కలవకపోవడంపై ప్రతిపక్ష బీఆర్ఎస్ ఎమ్మెల్యేలు తీవ్ర అసంతృప్తి వ్యక్తం చేశారు. ఖైరతాబాద్ ఎమ్మెల్యే దానం నాగేందర్‌పై అనర్హత వేటు వేయాలని పిటిషన్ సమర్పించేందుకు బీఆర్ఎస్ ఎమ్మెల్యేలు సిద్ధమయ్యారు. ఆదివారం సాయంత్రం ఆరు గంటలకు అపాయిట్‌మెంట్ ఇవ్వడంతో స్పీకర్ గడ్డం ప్రసాద్‌కుమార్ ఇంటికి బీఆర్ఎస్ ఎమ్మెల్యేలు పాడి కౌశిక్ రెడ్డి, మాగంటి గోపీనాథ్, కాలేరు వెంకటేష్, ముఠా గోపాల్‌ వెళ్లారు. ఇంట్లో స్పీకర్‌ లేకపోవడంతో ఆయనకు బీఆర్ఎస్ ఎమ్మెల్యేలు ఫోన్ చేసినా స్పందించలేదు. దీంతో రెండున్నర గంటల పాటు స్పీకర్ నివాసం వద్ద బీఆర్‌ఎస్ ఎమ్మెల్యేలు నిరీక్షించి అయినప్పటికీ ఆయన రాకపోవటంతో వెనుదిరిగారు.  తమను స్పీకర్‌ కలవకపోవటంపై బీఆర్‌ఎస్‌ ఎమ్మెల్యే కౌశిక్‌రెడ్డి మాట్లాడారు. స్పీకర్ గడ్డం ప్రసాద్‌.. అపాయింట్‌మెంట్ ఇచ్చి తమను కలవకపోవడం బాధాకరమని అన్నారు. సీఎం రేవంత్‌రెడ్డి ఒత్తిడితోనే అసెంబ్లీ స్పీకర్ తమను కలవలేదని మండిపడ్డారు. రేపు మరోసారి స్పీకర్‌కు దానం నాగేందర్‌పై అనర్హత వేటు వేయాలని పిటిషన్ సమర్పించేందుకు ప్రయత్నిస్తామని చెప్పారాయన.

సాక్షి, హైదరాబాద్‌: తెలంగాణలో ఎల్‌ఆర్‌ఎస్‌ విషయంలో కాంగ్రెస్‌ ప్రభుత్వంపై బీఆర్‌ఎస్‌ నేతలు ఆగ్రహం వ్యక్తం చేస్తూ రాష్ట్రవ్యాప్తంగా ధర్నాలు చేపట్టారు. LRS పథకాన్ని ఉచితం చేయాలని డిమాండ్‌ చేస్తూ బీఆర్‌ఎస్‌ నేతలు నిరసనలు తెలుపుతున్నారు.  ఈ సందర్భంగా బీఆర్‌ఎస్‌ నేతలు.. గతంలో కాంగ్రెస్‌ ఇచ్చిన హామీలను నిలబెట్టుకోవాలని డిమాండ్‌ చేస్తున్నారు. ఛార్జీలు లేకుండా ఉచితంగా ఎల్‌ఆర్‌ఎస్‌ చేయాలని కోరుతున్నారు. ఈ క్రమంలో రాష్ట్రవ్యాప్తంగా అన్ని నియోజకవర్గాలు, జిల్లా కేంద్రాల్లో గులాబీ పార్టీ నేతలు ధర్నా కార్యక్రమాలు చేపట్టారు. అలాగే, హైదరాబాద్‌లోని జీహెచ్‌ఎంసీ, హెచ్‌డీఎంఏ కార్యాలయాల వద్ద నిరసనలు తెలుపుతున్నారు.  ఈ క్రమంలో ప్రతిపక్షంలో ఉన్నప్పుడు భట్టి విక్రమార్క, ఉత్తమ్‌కుమార్‌ రెడ్డి, కోమటిరెడ్డి, సీతక్క మాట్లాడిన మాటలను బీఆర్‌ఎస్‌ నేతలు గుర్తుచ చేస్తున్నారు. గతంలో కాంగ్రెస్‌ ఇచ్చిన మాట ప్రకారమే 25 లక్షల కుటుంబాలకు ఉచితంగా ఎల్‌ఆర్‌ఎస్‌ చేయాలని డిమాండ్‌ చేస్తున్నారు. ఇదే సమయంలో ప్రజల నుంచి 20వేల కోట్లు వసూలు చేసేందుకు కాంగ్రెస్‌ ప్రభుత్వం సిద్ధమైందని గులాబీ నేతలు ఆరోపిస్తున్నారు. ఈ నిరసనల్లో బీఆర్‌ఎస్‌ పార్టీ ఎమ్మెల్యేలు, మాజీ మంత్రులు, ప్రజాప్రతినిధులు, నేతలు ఉన్నారు. అమీర్‌పేటలోని మైత్రివనం హెచ్‌ఎండీఏ కార్యాలయం వద్ద బీఆర్‌ఎస్‌ ధర్నాలో మాజీ మంత్రి, ఎమ్మెల్యే తలసాని శ్రీనివాస్‌ యాదవ్‌ పాల్గొన్నారు.  తలసాని కిరణ్‌ వినూత్న నిరసన.. అమీర్‌పేటలోని HMDA కార్యాలయం ముందు బీఆర్ఎస్ నేత తలసాని సాయి కిరణ్ వినూత్న నిరసన చేపట్టారు. వాటర్‌ బాబిల్స్‌తో హెచ్‌ఎండీఏ ముందు నిరసన. ఈ క్రమంలో హెచ్‌ఎండీఏ సిబ్బందికి వాటర్‌ బాటిల్స్‌ పంపిణీ చేసిన కిరణ్‌. తాను ఇచ్చిన నీళ్లు తాగి ప్రశాంతంగా ఎల్‌ఆర్‌ఎస్‌ రద్దు అంశం ఆలోచించాలని కోరిన కిరణ్‌. ఈ సందర్బంగా తలసాని కిరణ్‌ మాట్లాడుతూ.. కాంగ్రెస్ ప్రభుత్వం రాష్ట్ర ప్రజలపై భారం మోపాలని చూస్తోంది. ఎల్‌ఆర్‌ఎస్‌ వల్ల ప్రజలు ఇబ్బందులు పడతారు. గత ప్రభుత్వాన్ని విమర్శించిన నాయకులు ఇప్పుడెందుకు ఎల్‌ఆర్‌ఎస్‌ అమలు చేస్తున్నారు అని ప్రశ్నించారు. 

హైదరాబాద్‌, సాక్షి: తెలంగాణ రాజకీయాల్లో జంపింగ్‌ల పర్వం మొదలైనట్లేననా?. బీఆర్‌ఎస్‌ అధినేత కల్వకుంట్ల చంద్రశేఖర్‌రావు అధ్యక్షతన జరుగుతున్న మీటింగ్‌కు.. ఆ పార్టీ ఎమ్మెల్యే ఒకరు గైర్హాజరు కావడతో ఈ అంశం తెరపైకి వచ్చింది. విశేషం ఏంటంటే..ఆ జిల్లాలో బీఆర్‌ఎస్‌కు ఉన్న ఏకైక ఎమ్మెల్యే ఆయన ఒక్కరే కావడం.  సోమవారం బీఆర్‌ఎస్‌ అధికార భవనం తెలంగాణ భవన్‌లో కేసీఆర్‌ అధ్యక్షతన ఖమ్మం, మహబూబాబాద్‌ పార్లమెంట్‌ స్థానాలపై లోక్‌సభ ఎన్నికల సన్నాహాక సమావేశాలు జరిగాయి. అయితే ఈ మీటింగ్‌కు భద్రాచలం ఎమ్మెల్యే తెల్లం వెంకట్రావ్‌ హాజరు కాలేదని తెలుస్తోంది. ఉమ్మడి ఖమ్మం తరఫున బీఆర్‌ఎస్‌కు ఉన్న ఏకైక ఎమ్మెల్యే ఆయనే. బీఆర్ఎస్ నేతలు కేటీఆర్‌తో కలిసి మేడిగడ్డ పర్యటనకు వెళ్లగా తెల్లం వెంకట్రావు మాత్రం వారితో వెళ్లలేదు. మరోవైపు ఇటీవలే కుటుంబంతో సహా ఆయన టీపీసీసీ చీఫ్‌, ముఖ్యమంత్రి రేవంత్‌రెడ్డిని కలిశారు. దీంతో..  ఆయన పార్టీ మారబోతున్నారా? అనే చర్చ జోరందుకుంది. అయితే ఈ పరిణామాలపై బీఆర్‌ఎస్‌ శ్రేణులు స్పందించాల్సి ఉంది. ఇదిలా ఉంటే.. గతంలోనూ ఆయన సీఎం రేవంత్‌ను కలవగా.. అప్పుడు ఇలాంటి ఊహాగానాలే వినిపించాయి. అయితే ఆ సమయంలో ఆయన ఆ ప్రచారాన్ని కొట్టిపారేశారు. తాజా పరిణామాలతో వెంకట్రావు పార్టీ మారతారన్న అనుమానాలు బలపడుతున్నాయి.

సాక్షి, హైదరాబాద్‌: లోక్‌సభ ఎన్నికల వేళ తెలంగాణ రాజకీయాల్లో కీలక పరిణామాలు చోటుచేసుకుంటున్నాయి. రాష్ట్రంలో అధికారంలో ఉన్న పార్టీ నేతలో ప్రతిపక్ష పార్టీ ఎమ్మెల్యేలు భేటీ కావడ​ం హాట్‌ టాపిక్‌గా మారింది.  వివరాల ప్రకారం.. తాజాగా ముఖ్యమంత్రి రేవంత్‌ రెడ్డితో భద్రాచలం బీఆర్‌ఎస్‌ ఎమ్మెల్యే తెల్లం వెంకట్రావు భేటీ అయ్యారు. ఆదివారం ఉదయం వెంకట్రావ్‌ తన కుటుంబసభ్యులతో వెళ్లి సీఎం రేవంత్‌ను కలిశారు. వారితో పాటు మంత్రి పొంగులేటి శ్రీనివాసరెడ్డి ఉన్నారు. దీంతో, ఆయన పార్టీ మారుతున్నారనే ప్రచారం జరుగుతోంది. ఇక, ఎన్నికల ఫలితాలు వచ్చిన తర్వాత సీఎంను వెంకట్రావ్‌ కలవడం ఇది రెండోసారి. అనంతరం, వెంకట్రావ్‌ మీడియాతో మాట్లాడుతూ.. నియోజకవర్గ అభివృద్ధికి నిధులు మంజూరు చేయాలని వినతి పత్రం అందజేశాను. భద్రాచలం రామాలయం అభివృద్ధి. ఐదు గ్రామ పంచాయతీలను తిరిగి తెలంగాణలో కలపాలి. భద్రాచలం పట్టణంలో డంపింగ్ యార్డు సైతం లేదు. పలు అభివృద్ధి కార్యక్రమాల కోసం సీఎం రేవంత్‌ను కలిశాను అని అన్నారు. 

సాక్షి ప్రతినిధి, సంగారెడ్డి/పటాన్‌చెరు/పటాన్‌చెరు టౌన్‌/కంటోన్మెంట్‌: దివంగత రాజకీయ నేత జి. సాయన్న కుమార్తె, బీఆర్‌ఎస్‌ సికింద్రాబాద్‌ కంటోన్మెంట్‌ ఎమ్మెల్యే జి. లాస్య నందిత (37) శుక్రవారం తెల్లవారుజామున జరిగిన ఘోర రోడ్డు ప్రమాదంలో మరణించారు. సంగారెడ్డి అదనపు ఎస్పీ సంజీవరావు తెలిపిన వివరాల ప్రకారం... సంగారెడ్డి జిల్లా పటాన్‌చెరు పోలీస్‌స్టేషన్‌ పరిధిలోని ఔటర్‌ రింగ్‌రోడ్డుపై రామేశ్వరం బండ సమీపంలో ఆమె ప్రయాణిస్తున్న కారు ఓ గుర్తుతెలియని భారీ వాహనాన్ని వెనుక నుంచి ఢీకొని ఆపై నియంత్రణ కోల్పోయి రోడ్డు పక్కనున్న రెయిలింగ్‌ను గుద్దుకోవడంతో ఈ ప్రమాదం జరిగింది. కారు ముందు సీట్లో కూర్చున్న నందిత తలకు తీవ్ర గాయాలు కావడంతో ఆమె అక్కడికక్కడే మృతిచెందారు. వాహనం నడిపిన ఆమె పీఏ ఆకాష్‌ కాళ్లు విరిగాయి. కారు గంటకు సుమారు 100 కి.మీ. వేగంతో వెళ్తుండటంతో ప్రమాద తీవ్రతకు ముందు భాగం పూర్తిగా నుజ్జునుజ్జు అయింది. ప్రమాద వార్త తెలియగానే హైవే పాట్రోల్, స్థానిక పోలీసులు ఘటనాస్థలికి చేరుకొని ఎమ్మెల్యే లాస్య నందిత, డ్రైవర్‌ను ఆస్పత్రికి తరలించగా నందిత అప్పటికే మృతిచెందినట్లు వైద్యులు నిర్ధారించారు.  బ్రేక్‌ఫాస్ట్‌ చేసేందుకు వెళుతున్న క్రమంలో..  ఎమ్మెల్యే లాస్య నందిత తన అక్క కూతురు స్కూల్‌లో చేరుతుండటంతో రెండు వాహనాల్లో కుటుంబ సభ్యులతో కలసి రెండు వాహనాల్లో గురువారం రాత్రి సంగారెడ్డి జిల్లా సదాశివపేట మండలం ఆరూరు సమీపంలోని సూఫీ మిస్కిన్‌ దర్గాను దర్శించుకున్నారు. అర్ధరాత్రి ఒంటి గంట వరకు అక్కడే ఉన్నారు. తెల్లవారుజామున రెండు గంటల ప్రాంతంలో హైదరాబాద్‌ చేరుకున్నారు. ఇతర కుటుంబ సభ్యులను వారి నివాసాల్లో దింపిన అనంతరం ఆకలి వేస్తుండటంతో బ్రేక్‌ఫాస్ట్‌ చేసేందుకు శామీర్‌పేట వైపు నుంచి పటాన్‌చెరు వైపు వెళ్తున్న క్రమంలో ఈ రోడ్డు ప్రమాదం చోటుచేసుకున్నట్లు సంగారెడ్డి అదనపు ఎస్పీ సంజీవరావు ప్రకటించారు. డ్రైవర్‌ ఆకాష్‌ అకస్మాత్తుగా నిద్ర మత్తులోకి జారుకోవడంతో ముందున్న గుర్తుతెలియని వాహనాన్ని ఢీకొట్టి ఆపై రైలింగ్‌ను ఢీకొట్టినట్లు తెలుస్తోందని... ఆ సమయంలో ఎమ్మెల్యే లాస్య సీటు బెల్టు పెట్టుకున్నట్లే ఉందని ఆయన పేర్కొన్నారు. కాగా, లాస్య నందిత కారు ఢీకొట్టిన గుర్తుతెలియని వాహనాన్ని జహీరాబాద్‌ వద్ద పోలీసులు స్వా«దీనం చేసుకున్నట్లు సమాచారం. అయితే ఈ విషయాన్ని పోలీసులు ధ్రువీకరించలేదు.   అక్క పిలుస్తోంది.. వెళ్లొస్తానని చెప్పి..  ఎమ్మెల్యే లాస్య కారు నడిపిన ఆకాశ్‌కు ఆమె నుంచి ఫోన్‌ రావడంతో అక్క దగ్గరికి వెళ్తున్నానంటూ ఇంట్లో వాళ్లకు చెప్పి బయలుదేరినట్లు తెలిసింది. ఆకాశ్‌ తండ్రి శ్రీనివాస్‌ కంటోన్మెంట్‌లో దఫేదార్‌గా పనిచేసి రెండేళ్ల క్రితం బ్రెయిన్‌డెడ్‌కు గురై మరణించారు. మడ్‌ఫోర్ట్‌లో నివసించే ఆకాశ్‌ ఇటీవలే కానిస్టేబుల్‌ రాత పరీక్షల్లో ఉత్తీర్ణుడైనట్లు అతని సన్నిహితులు పేర్కొంటున్నారు. లాస్య నందిత చిన్నమ్మ కూతురు, కొడుకు పీయూష్‌ రాఘవ, ఆకాశ్‌ స్నేహితులు. ఈ క్రమంలోనే పీయూష్‌ ద్వారా లాస్యకు ఆకాశ్‌ పరిచయం అయ్యాడు. ఇంటి మనిషిగా వ్యక్తిగత పనులపై వెళ్లినప్పుడు తరచూ ఆకాశ్‌తోనే ఆమె బయటకు వెళ్లేవారని తెలుస్తోంది. 10 రోజుల క్రితం నల్లగొండలో లాస్య కారు ప్రమాదానికి గురైన సమయంలో పీయూష్‌ ఆ వాహనాన్ని నడపగా శుక్రవారం నాటి ప్రమాదంలో ఆకాశ్‌ వాహనాన్ని నడపడం గమనార్హం.  కేసు నమోదు  ఈ ఘటనలో ఎమ్మెల్యే లాస్య నందిత పీఏ ఆకాష్పై పటాన్‌చెరు పోలీసులు కేసు నమోదు చేశారు. సెక్షన్‌ 304 కింద కేసు పెట్టారు. నిర్లక్ష్యంగా వాహనం నడిపారని లాస్య సోదరి నివేదిత ఇచ్చిన ఫిర్యాధు మేరకు ఈ కేసు నమోదు చేసినట్లు పటాన్‌చెరు పోలీసులు తెలిపారు.  సీఎం రేవంత్‌ సహా నేతల నివాళి...  రోడ్డు ప్రమాదంలో మృతి చెందిన ఎమ్మెల్యే లాస్య నందిత పారి్థవదేహానికి ముఖ్యమంత్రి రేవంత్‌రెడ్డి, స్పీకర్‌ ప్రసాద్‌రావు, ప్రతిపక్ష నేత కె. చంద్రశేఖర్‌రావు సహా పలువురు మంత్రులు, మాజీ మంత్రులు, ఎమ్మెల్యేలు, బీఆర్‌ఎస్‌ నేతలు నివాళులర్పించారు. గాంధీ ఆసుపత్రిలో పోస్టుమార్టం అనంతరం కార్ఖానాలోని స్వగృహానికి ఆమె పారి్థవదేహాన్ని తరలించగా సీఎం, మంత్రులు ఎమ్మెల్యేలు కేసీఆర్, కేటీఆర్, హరీశ్‌రావు మరికొందరు నేతలు ఆమె నివాసానికి చేరుకొని కుటుంబ సభ్యులను పరామర్శించారు. అనంతరం హరీశ్‌రావు, ప్రశాంత్‌రెడ్డి, పల్లా రాజేశ్వర్‌రెడ్డి సహా పలువురు ప్రముఖులు ఆమె అంతిమయాత్రలో పాడె మోశారు. శుక్రవారం సాయంత్రం ఈస్ట్‌ మారేడుపల్లిలోని హిందూ శ్మశానవాటికలో అధికార లాంఛనాలతో లాస్య నందిత అంత్యక్రియలు జరిగాయి.  కుటుంబానికి అండగా ఉంటాం: కేసీఆర్‌  సాక్షి, హైదరాబాద్‌: ఎమ్మెల్యే లాస్య నందిత మరణంతో కష్టకాలంలో ఉన్న ఆమె కుటుంబానికి బీఆర్‌ఎస్‌ అండగా ఉంటుందని బీఆర్‌ఎస్‌ అధినేత కేసీఆర్‌ పేర్కొన్నారు. ఇటీవల నల్లగొండలో జరిగిన రోడ్డు ప్రమాదంలో గాయపడిన లాస్య నందితను పరామర్శించి వారం కూడా కాకముందే ఆమె లేరనే విషాదకర వార్తను వినాల్సి వస్తుందని అనుకోలేదని బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ అన్నారు.  లాస్యను వెంటాడిన వరుస ప్రమాదాలు  సికింద్రాబాద్‌ కంటోన్మెంట్‌ ఎమ్మెల్యే లాస్య నందితను రెండు నెలలుగా వరుస ప్రమాదాలు వెంటాడాయి. గతేడాది డిసెంబర్‌ 3న ఎమ్మెల్యేగా గెలిచిన లాస్య అదే నెల 24న బోయిన్‌పల్లిలో ఓ ప్రైవేటు ఆసుపత్రిలో నూతన విభాగం ప్రారంభోత్సవానికి ముఖ్యఅతిథిగా వెళ్లారు. సెల్లార్‌ నుంచి మూడో అంతస్తుకు వెళ్లే క్రమంలో ఒకటో అంతస్తుకు రాగానే లిఫ్ట్‌ కూలిపోయింది. లిఫ్ట్‌ను బద్దలు కొట్టి ఆమెను బయటకు తీసుకొచ్చారు. దీంతో భయాందోళనకు గురైన ఆమె ఆసుపత్రి ప్రారం¿ోత్సవంలో పాల్గొనకుండానే వెనుతిరిగారు. ఈ ఏడాది జనవరి మూడో వారంలో అనారోగ్యానికి గురై ఆసుపత్రిలో చికిత్స పొందారు. ఈ నెల 13న నల్లగొండలో జరిగిన బీఆర్‌ఎస్‌ బహిరంగ సభలో పాల్గొని తిరిగి వస్తుండగా చర్లపల్లి వద్ద ఆమె కారు ప్రమాదానికి గురైంది. ఆ ఘటనలో ట్రాఫిక్‌ హోంగార్డు మృతి చెందాడు. ఈ రెండు ఘటనల నుంచి తేరుకోకముందే లాస్య నందిత ఔటర్‌ రింగ్‌రోడ్డుపై జరిగిన రోడ్డు ప్రమాదంలో మృతి చెందారు.  ఏడాది వ్యవధిలోనే తండ్రి, కూతురు మృతి  కంటోన్మెంట్‌ మాజీ ఎమ్మెల్యే సాయన్న గతేడాది ఫిబ్రవరి 19న అనారోగ్యానికి గురై ఆసుపత్రిలో మరణించారు. ఇటీవలే సాయన్న ప్రథమ వర్ధంతిని నిర్వహించగా అది జరిగిన నాలుగు రోజులకే లాస్య నందిత రోడ్డు ప్రమాదంలో మృతిచెందడంతో ఆ కుటుంబం శోకసంద్రంలో మునిగిపోయింది. మెజారిటీ కంటోన్మెంట్‌ వాసులు సైతం సాయన్నను తమ కుటుంబ సభ్యుడిగానే భావించేవారు. సాయన్న మరణానంతరం సైతం ఆయన కుమార్తె లాస్యను 17వేల ఓట్ల మెజారిటీతో ఎమ్మెల్యేగా గెలిపించారు. రెండున్నర నెలల్లోనే లాస్య మృతి చెందడంపట్ల స్థానికులు తీవ్ర దిగ్భ్రాంతికి గురయ్యారు.

సాక్షి, హైదరాబాద్‌: తెలంగాణ రాజకీయ వర్గాల్లో తీవ్ర విషాదం నెలకొంది. సికింద్రాబాద్ కంటోన్మెంట్ ఎమ్మెల్యే లాస్య నందిత(33) రోడ్డు ప్రమాదంలో ప్రాణాలు కోల్పోయారు. శుక్రవారం వేకువ ఝామున పటాన్‌చెరు ఓఆర్‌ఆర్‌ వద్ద ఆమె ప్రయాణిస్తున్న కారు అదుపు తప్పి ప్రమాదానికి గురైంది. ఈ ఘటనలో లాస్య నందిత అక్కడికక్కడే మృతి చెందారు. కారు నడిపిన ఆమె పీఏ, స్నేహితుడు ఆకాష్‌కు తీవ్ర గాయాలతో ఆస్పత్రిలో చికిత్స పొందుతున్నాడు. సుల్తాన్‌పూర్‌ వద్ద ఓఆర్‌ఆర్‌పై ప్రమాదానికి గురైన కారు నిద్రమత్తులోనే? సంగారెడ్డి జిల్లా అమీన్‌పూర్‌ సుల్తాన్‌పూర్‌ ఓఆర్‌ఆర్‌ వద్ద ఈ తెల్లవారు ఝామున దుర్ఘటన చోటు చేసుకుంది. మొక్కులు తీర్చుకునే క్రమంలో లాస్య తప్ప ఆమె కుటుంబ సభ్యులంతా గురువారం రాత్రి సదాశివపేట (మం) కొనాపూర్‌లోని మిస్కిన్ బాబా దర్గాకి వెళ్లారు. కాసేపటికే  ఆకాష్‌తో పాటు లాస్య కూడా దర్గాకి వచ్చారు. లాస్య కుటుంబం అంతా రాత్రి 12.30 గంటలకు దర్గాలో పూజలు చేశారని అక్కడి నిర్వాహకులు చెబుతున్నారు. తిరిగి.. అర్ధరాత్రి ఒంటి గంట ప్రాంతంలో హైదరాబాద్‌కు లాస్య కుటుంబం పయనం అయ్యింది. మొక్కులు తీర్చుకున్న తర్వాత.. 3 నుంచి 4 గంటల మధ్య లాస్య కారు బయల్దేరిందని చెప్తున్నారు. అయితే.. పటాన్ చెరు వైపు ఎందుకు ఆమె వాహనం వెళ్లింది అనే దానిపై స్పష్టత రావాల్సి ఉంది.  డ్రైవర్‌ సీట్‌లో ఉన్న వ్యక్తి నిద్రమత్తు, వాహన అతివేగం ప్రమాదానికి కారణాలైన ఉంటాయని పోలీసులు నిర్ధారణకు వచ్చారు. ముందు వెళ్తున్న వాహనాన్ని తప్పించే క్రమంలో సడన్‌ బ్రేక్‌ వేయడంతో కారు అదుపు తప్పి.. రెయిలింగ్‌ను బలంగా ఢీ కొట్టడంతోనే ప్రమాదం జరిగిందని భావిస్తున్నారు. ఆ సమయంలో లాస్య సీటు బెల్ట్‌ పెట్టుకోకపోవడం వల్ల అక్కడికక్కడే మృతి చెందారు.  సుల్తాన్‌పూర్‌ వద్ద ఓఆర్‌ఆర్‌పై ప్రమాదానికి గురైన కారు తల్లడిల్లిన తల్లి గుండె ఈ ప్రమాదంలో కారు ముందు భాగం బాగా దెబ్బతింది. డ్రైవర్‌  పక్క సీట్లో కూర్చున్న లాస్య నందిత స్పాట్‌లోనే మృతి చెందారు. తీవ్రగాయాలైన ఆకాశ్‌ను మియాపూర్‌ మదీనగూడలోని ఓ ప్రైవేట్‌ ఆస్పత్రికి తరలించి చికిత్స అందిస్తున్నారు. అతని పరిస్థితి విషమంగా ఉన్నట్లు సమాచారం. లాస్య నందిత మృతదేహాన్ని పటాన్‌చెరు అమెథా ఆస్పత్రికి తరలించారు. కూతురి మరణవార్త విని తల్లి స్పృహ తప్పి పడిపోయారు. మృతదేహాన్ని చూసి గుండెలు పగిలేలా రోదించారు. సోదరి నివేదితా రోదన  పలువురిని కంటతడి పెట్టించింది. బీఆర్‌ఎస్‌ సీనియర్‌ హరీష్‌రావు ఆస్పత్రికి వెళ్లి లాస్య కుటుంబ సభ్యుల్ని ఓదార్చారు. గాంధీ ఆస్పత్రిలో లాస్య మృతదేహానికి పోస్ట్‌మార్టం నిర్వహించనున్నారు. అనంతరం కుటుంబ సభ్యులకు మృతదేహం అందజేస్తారు. ఇక.. యువ ఎమ్మెల్యే మృతి పట్ల బీఆర్‌ఎస్‌ వర్గాల్లో విషాద ఛాయలు అలుముకున్నాయి. లాస్య కుటుంబ సభ్యుల్ని పరామర్శించిన హరీష్‌రావు సీఎం రేవంత్‌ దిగ్భ్రాంతి.. లాస్య నందిత అకాల మరణం తీవ్ర దిగ్భ్రాంతికి గురి చేసిందని సీఎం రేవంత్ రెడ్డి అన్నారు. ఆమె కుటుంబసభ్యులకు ప్రగాఢ సానుభూతి తెలియజేశారు. నందిత తండ్రి సాయన్నతో తనకు సన్నిహిత సంబంధాలు ఉన్నాయని తెలిపారు. ఆమె ఆత్మకు శాంతి చేకూరాలని భగవంతుడిని ప్రార్థిస్తున్నట్లు పేర్కొన్నారు. అధికారిక లాంఛనాలతో అంత్యక్రియలు నిర్వహించాలని అధికారుల్ని సీఎం రేవంత్‌ ఆదేశించారు. ఇక పలువురు మంత్రులు, కాంగ్రెస్‌ నేతలు సైతం లాస్య మృతిపై సంతాపం ప్రకటించారు. మంత్రి కోమటిరెడ్డి గాంధీ ఆస్పత్రికి వెళ్లి లాస్య కుటుంబాన్ని పరామర్శించారు. లాస్య మృతి బాధాకరమని.. ఎమ్మెల్యేగా ఆమె ప్రజలకు ఇచ్చిన హామీల్ని తమ ప్రభుత్వం నెరవేరుస్తుందని మంత్రి కోమటిరెడ్డి చెప్పారు. లాస్య నందిత మృతిపై బీఆర్‌ఎస్‌ అధినేత, మాజీ ముఖ్యమంత్రి కేసీఆర్‌ దిగ్భ్రాంతి వ్యక్తం చేశారు. ఆమె కుటంబసభ్యులకు ప్రగాఢ సానుభూతి తెలియజేశారు. అతి పిన్న వయసులో ఎమ్మెల్యేగా ప్రజామన్ననలు పొందారని.. రోడ్డు ప్రమాదంలో అకాల మరణం ఎంతో బాధాకరమని పేర్కొన్నారు. ఆమె కుటుంబానికి అన్ని విధాలుగా అండగా ఉంటామని చెప్పారాయన. బీఆర్‌ఎస్‌ నేతలు తలసాని, హరీష్‌రావు, కేటీఆర్‌, మల్లారెడ్డి.. తదితరులు లాస్య మృతిపై విచారం వ్యక్తం చేశారు. ఎమ్మెల్సీ కవిత లాస్య ఇంటికి వెళ్లి కుటుంబ సభ్యుల్ని ఓదార్చారు. లాస్య అంత్యక్రియలు అయ్యేదాకా ఆమె కుటుంబ సభ్యులతోనే ఉండాలని బీఆర్‌ఎస్‌ అధిష్టానం కవితకు సూచించినట్లు తెలుస్తోంది. ఘటనపై పోలీసుల దర్యాప్తు సికింద్రాబాద్‌ కంటోన్మెంట్‌ బీఆర్‌ఎస్‌ ఎమ్మెల్యే లాస్య నందిత రోడ్డు ప్రమాదంలో మృతి చెందడంపై పోలీసులు దర్యాప్తు ప్రారంభించారు. ఆమె మృతిపై వివిధ కోణాల్లో దర్యాప్తు చేస్తున్నారు. శుక్రవారం తెల్లవారుజామునే ప్రమాదం జరగ్గా.. ప్రాథమికంగా వచ్చిన అంచనాతో దర్యాప్తును ముందుకు తీసుకెళ్తున్నారు. ఈ క్రమంలోప్రమాద తీరును పోలీసు బృందాలు పరిశీలించాయి. త్వరలో కుటుంబ సభ్యులనూ పోలీసులు విచారించే అవకాశం ఉంది. ఫస్ట్‌ టైం ఎమ్మెల్యే..  లాస్య నందిత కంటోన్మెంట్‌ మాజీ ఎమ్మెల్యే సాయన్న కుమార్తె. గతేడాది ఫిబ్రవరిలో సాయన్న గుండె పోటుతో మృతి చెందారు. దీంతో ఆ స్థానంలో లాస్య నందితకు బీఆర్‌ఎస్‌ అధిష్టానం టికెట్‌ ఇచ్చింది. నవంబర్‌ చివర్లో జరిగిన అసెంబ్లీ ఎన్నికల్లో 17,169 ఓట్ల మెజారిటీతో ఆమె విజయం సాధించారు. రాజకీయంగా ఎంతో భవిష్యత్తు ఉందని భావిస్తున్న తరుణంలో.. అదీ చిన్న వయసులో లాస్య ఇలా దుర్మరణం చెందడం పట్ల పలువురు నేతలు తీవ్ర విచారం వ్యక్తం చేస్తున్నారు.    @KTRBRS @TelanganaCMO @BRSparty pic.twitter.com/r3ZBt5SiAz — G Lasya Nanditha (@glasyananditha) December 9, 2023 10 రోజుల కిందటే ప్రమాదం..  ఎమ్మెల్యేగా ఎన్నికయ్యాక లాస్య నందిత వరుసగా ప్రమాదాలకు గురయ్యారు. ఫిబ్రవరి 13వ తేదీన న‌ల్ల‌గొండలో కేసీఆర్‌ అధ్యక్షతన బీఆర్ఎస్ భారీ బహిరంగ సభ జరిగింది. ఎమ్మెల్యే లాస్య నందిత కూడా ఈ సభకు వెళ్లారు. ఆ సమయంలో ఆమె ప్ర‌యాణిస్తున్న కారును నార్క‌ట్‌ప‌ల్లి వ‌ద్ద ఓ టిప్ప‌ర్ ఢీకొట్టింది. దీంతో ఆమె వెళ్తున్న కారు ముందు టైర్ ఊడిపోయింది. ఈ ప్రమాదంలో ఎమ్మెల్యే లాస్య త‌ల‌కు స్వ‌ల్ప గాయ‌మైంది కూడా. అయితే ఆ సమయంలోనూ ఆకాషే(25) కారు నడిపినట్లు తెలుస్తోంది.  అంతకు ముందు.. కిందటి ఏడాది డిసెంబర్‌లో ఓ కార్యక్రమానికి వెళ్లిన ఆమె మూడు గంటలపాటు లిఫ్ట్‌లో  ఇరుక్కుపోయారు. సిబ్బంది అతికష్టం మీద లిఫ్ట్‌ను బద్ధలు కొట్టి ఆమెను, ఆమెతో పాటు ఉన్నవాళ్లను బయటకు తీశారు. తండ్రి సాయన్న చనిపోయిన ఏడాదికే.. ఇప్పుడు రోడ్డు ప్రమాదంలో లాస్య నందిత మృతి చెందడం గమనార్హం. నార్కట్‌పల్లి వద్ద లాస్య కారుకు ప్రమాదం కుటుంబ నేపథ్యం..  సాయన్న, గీతలకు లాస్య నందిత జన్మించారు. ఆమెకు ఇద్దరు సోదరీమణులు.. నమ్రతా, నివేదితా. లాస్య కంప్యూటర్‌ సైన్స్‌లో బీటెక్‌ చేశారు. లాస్య నందిత గతంలో కవాడిగూడ కార్పొరేటర్‌గానూ పని చేశారు. తండ్రి మరణంతో ఆమెకు బీఆర్‌ఎస్‌ సీటు ఇవ్వగా.. అసెంబ్లీ ఎన్నికల్లో బీజేపీ అభ్యర్థి ఎన్‌ గణేష్‌పై 17 వేల ఓట్లకు పైగా ఆధిక్యంతో లాస్య గెలుపొందారు. ఏడాదికే.. ప్రజాప్రతినిధుల హోదాలోనే ఈ తండ్రీకూతుళ్లిద్దరూ మృతి చెందడంతో పలువురు దిగ్భ్రాంతి వ్యక్తం చేస్తున్నారు. తండ్రి సాయన్నతో లాస్య నందిత

హైదరాబాద్: భారాస ఎమ్మెల్యే చామకూర మల్లారెడ్డి అంటే సందడి. ఎక్కడ ఉన్నా, ఏం చేసినా ఆయన జోష్‌ చూపిస్తూ ఉంటారు. నిన్న మొన్నటి వరకు ఎన్నికల హడావుడితో అలసిపోయిన మేడ్చల్‌ ఎమ్మెల్యే మల్లారెడ్డి గోవాకు వెళ్లి చిల్‌ అయ్యారు. ఆయన తన బృందంతో కలిసి గోవాకు వెళ్లి అక్కడ సముద్రంలో బోటింగ్, స్కూబాడైవింగ్‌ చేశారు. బోటింగ్‌లో ఉత్సాహంగా పాల్గొన్నారు. గోవాలో ఆయన చేసిన జల్సాల ఫొటోలు వైరల్‌ అయ్యాయి. పలువురు నెటిజన్లు మల్లన్నా.. మజాకా అంటూ కామెంట్స్‌ చేశారు.        

సాక్షి, హైదరాబాద్‌: తెలంగాణ మాజీ ముఖ్యమంత్రి కల్వకుంట్ల చంద్రశేఖర్‌రావు.. తెలంగాణ అసెంబ్లీ ఎన్నికల్లో బీఆర్‌ఎస్‌ ఓటమి తర్వాత తొలిసారి స్పందించారు. సోమవారం సాయంత్రం ఎర్రవల్లిలోని తన ఫామ్‌హౌజ్‌లో గెలిచిన ఎమ్మెల్యేతో ఆయన భేటీ అయ్యారు. ఈ భేటీలో ఆయన ఆసక్తికర వ్యాఖ్యలు చేశారు. ‘‘గెలిచిన ఎమ్మెల్యేలకు శుభాకాంక్షలు. వచ్చే నెల 16వ తేదీ దాకా మన ప్రభుత్వం కొనసాగేందుకు అవకాశం ఉంది(తెలంగాణ అసెంబ్లీ కాలపరిమితి గడువు జనవరి 16వ తేదీ దాకా ఉంది). కానీ, ప్రజల తీర్పుతో హుందాగా తప్పుకున్నాం. కొత్త ప్రభుత్వానికి సహకరిద్దాం.. ఏం జరగుతుందో చూద్దాం’’ అని అన్నట్లు తెలుస్తోంది.  అలాగే.. త్వరలో తెలంగాణ భవన్‌లో పార్టీ మీటింగ్‌ జరుపుదాం. ఎన్నికల ఫలితాలపై సమీక్ష చేద్దాం. అదే మీటింగ్‌లో బీఆర్‌ఎస్‌ శాసనసభ పక్ష నేతను ఎన్నుకుందాం అని ఆయన ఎమ్మెల్యేలతో అన్నారు. సీఎం కేసీఆర్‌ను కలిసిన వాళ్లలో నెగ్గిన ఎమ్మెల్యేలతో పాటు ఎమ్మెల్సీలు, పలువురు సీనియర్లు ఉన్నారు.

గోదావరిఖని: బీఆర్‌ఎస్‌ ప్రభుత్వం చేసిన అభివృద్ధి పనులు చూసి ప్రజలు ఈఎన్నికల్లో తనను గెలిపిస్తున్నారని రామగుండం ఎమ్మెల్యే కోరుకంటి చందర్‌ ధీమా వ్యక్తం చేశారు. శుక్రవారం స్థానిక పార్టీ కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడారు. ప్రజాప్రతినిధులు, కార్యకర్తల నిర్విరామ కృషితో తిరిగి తానే ఎమ్మెల్యేగా గెలువబోతున్నానన్నారు. రానున్న అయిదేళ్లలో ప్రజలకు మరిన్ని సౌకర్యాలు కల్పిస్తానని అన్నారు. పార్టీ ప్రజాప్రతినిధులు, కార్యకర్తలు దాదాపు రెండు నెలల పాటు పథకాలను గడపగడపకూ తీసుకెళ్లడంలో సఫలీకృతులయ్యారని అన్నారు. రామగుండం నియోజకవర్గం చైతన్యానికి మారుపేరని, ఉద్యమకారులను కన్నగడ్డ అన్నారు. ప్రజలను మభ్యపెట్టడానికి, ప్రలోభపెట్టడానికి కాంగ్రెస్‌ అభ్యర్థి అనేక కుట్రలు చేశారని ఆరోపించారు. తాను ప్రజాప్రతినిధులు, ప్రజలు, ఓటర్లకు మద్యం, మాంసం పంచలేదని, ఒక్కరూపాయి కూడా ఎవరికీ ఇవ్వలేదని అన్నారు. ప్రజలు ధర్మం, న్యాయం వైపే ఉన్నారని పేర్కొన్నారు. నాయకులు ఆముల నారాయణ, కుమ్మరి శ్రీనివాస్‌, బాదే అంజలి, తస్నీమ్‌ భాను, పీటీ స్వామి, కౌశిక హరి, గోపు ఐలయ్య యాదవ్‌, పర్లపల్లి రవి తదితరులు పాల్గొన్నారు. చిన్నారులకు పండ్లు పంపిణీ రామగుండం: కాంగ్రెస్‌ అభ్యర్థి మక్కాన్‌సింగ్‌ గెలుపును కాంక్షిస్తూ అభిమానులు శుక్రవారం పట్టణంలోని తబితా ఆశ్రమంలో చిన్నారులకు పండ్లు, మిఠాయిలు పంపిణీ చేశారు. కార్యక్రమంలో నాయకులు జూల విజయ్‌, రవీందర్‌, లంక రాజలింగు, జూల అజయ్‌ పాల్గొన్నారు.

Telangana Politics & Election Updates: 2nd Nov 2023, 07:20PM రాహుల్ గాంధీ, రేవంత్ రెడ్డిపై తీవ్రస్థాయిలో మండిపడ్డ కేటీఆర్ ►తెలంగాణ పప్పు రేవంత్ రెడ్డి, ఇండియా పప్పు రాహుల్ గాంధీ  ►వీళ్ళిద్దరూ ఎగేసికొని పోయి కాళేశ్వరం చూసి వచ్చారు ►మహా ఇంజనీర్లు వీళ్ళు.. బ్రిడ్జి కూలిపోతుంది అని ప్రచారం చేస్తున్నారు ►ఎక్స్పానషన్ లెవల్‌ను చూపిస్తూ కాళేశ్వరం బ్రిడ్జి కూలిపోతుంది అంటూ ఫోటోలు పెడుతున్నారు. ఇది వీళ్ళ అవగాహన ►జనాన్ని ఆగం చేసే ప్రయత్నం చేస్తోంది కాంగ్రెస్ పార్టీలోని ఈ చిల్లర గాళ్ళు ►రాష్ట్రానికి వరం కాళేశ్వరం, దేశానికి శనిశ్వరం కాంగ్రెస్ పార్టీ 2nd Nov 2023, 07:00PM ఖమ్మం రూరల్ మండలం తెల్దారుపల్లిలో పాలేరు కాంగ్రెస్ అభ్యర్థి పొంగులేటి శ్రీనివాసరెడ్డి కామెంట్స్.. ►అనేక మంది యువకుల బలిదానం ఫలితం తెలంగాణ రాష్ట్రం ►తెలంగాణా ఆత్మ గౌరవం కాపాడాలని రాష్ట్రం కోసం సోనియా గాంధీ తెలంగాణ రాష్ట్రం ఇచ్చారు.. ►గారడీ మాటలతో అనేక మాటలు చెప్పి రెండు సార్లు కేసీఆర్ పరిపాలించారు. ►పది సంవత్సరాలో కేసీఆర్ ఐదు లక్షల కోట్ల అప్పు చేశాడు. ► టీఎస్‌పీఎస్సీ ద్వారా రెండు సార్లు పరీక్షలు పెట్టి పేపర్లు అమ్ముకుని యువకులను బలి తీసుకుంది కల్వకుంట్ల కుటుంబం. ►కాళేశ్వరంలో రెండు ప్రాజెక్టులలో ఒక ప్రాజెక్టు 150 మీటర్లు కుంగి పోయింది. ►కాళేశ్వరం ప్రాజెక్టు ను ఏటీఎం వాడుకుందన్న బీజేపీ ఒక్కసారి కూడా ప్రశ్నిచలేదు..ఇక్కడే బీజేపీ, బీఆర్‌ఎస్‌ దోస్తీ తెలుస్తుంది. ►హస్తం గుర్తు పై ఓటేసి కాంగ్రెస్ పార్టీ అభ్యర్థినైన నన్ను గెలిపించండి.. 2nd Nov 2023, 5:40PM తెలుగుదేశం మీకో దండం.. ►చంద్రబాబు, లోకేష్‌ల నుంచి బయటకొచ్చేసిన కాసాని ►రేపు ఉదయం బీఆర్‌ఎస్‌లో  చేరనున్న కాసాని ►గజ్వేల్ నియోజకవర్గం ఎర్రవల్లి ఫార్మ్ హౌజ్‌లో ముఖ్యమంత్రి కేసీఆర్ సమక్షంలో బీఆర్ఎస్ పార్టీలో చేరిక ►తెలంగాణ తెలుగుదేశం అధ్యక్షులుగా రెండు రోజుల క్రితం వరకు పని చేసిన కాసాని జ్ఞానేశ్వర్ ముదిరాజ్ 2nd Nov 2023, 4:30PM జనసేన, బీజేపీ పొత్తు అంశంపై రచ్చ ►నిరసనలతో అట్టుడికిన బీజేపీ రాష్ట్ర కార్యాలయం ►నాగర్‌ కర్నూల్‌ టికెట్‌ .జనసేనకు కేటాయిస్తారని ప్రచారం ►నిరసనకు దిగిన  నియోజకవర్గ బీజేపీ ఇంచార్జి దిలీపాచారి, ఆయన అనుచరులు ►జనసేన వద్దు.. బీజేపీ ముద్దు అంటూ నినాదాలు ► జనసేన అసలు తెలంగాణలోనే లేదని అలాంటప్పుడు టికెట్ ఎలా కేటాయిస్తారంటూ ఆగ్రహం 2nd Nov 2023, 4:00PM ►కాంగ్రెస్‌తో తెగదెంపులు చేసుకున్న సీపీఎం ►తెలంగాణలో 17 స్ధానాల్లో పోటీ చేయనున్న సీపీఎం ►తెలంగాణ ఎన్నికల్లో ఒంటరిగా బరిలోకి సీపీఎం ►పోటీ చేయనున్న స్ధానాల పేర్లు ప్రకటించిన  సీపీఎం ►భద్రాచలం, అశ్వారావుపేట, పాలేరు, మధిర సత్తుపల్లి, ఖమ్మం, వైరా, మిర్యాలగూడ, నల్గొండలో సీపీఎం పోటీ 2nd Nov 2023, 2:53PM ►బీజేపీ మూడో జాబితాలో దత్తాత్రేయ కుమార్తెకు మొండిచేయి  ►ముషీరాబాద్ టికెట్‌ను పూస రాజుకు కేటాయించిన బీజేపీ 2nd Nov 2023, 2:30PM 35 మంది అభ్యర్థులతో బీజేపీ మూడో జాబితా  విడుదల 1. నిజామాబాద్‌ రూరల్‌ దినేష్‌ 2. రాజేంద్రనగర్‌-శ్రీనివాస్‌ రెడ్డి,  3. ఆందోల్‌- బాబూమోహన్‌ 4. జహీరాబాద్‌- రామచంద్ర రాజనర్సింహా 5. చేవేళ్ల-కేఎస్‌ రత్నం 6. బోథన్‌- మోహన్‌రెడ్డి 7.బాన్సువాడ- యెండల లక్ష్మీనారాయణ 8. పరిగి- మారుతి కిరణ్‌ 9.ముషీరాబాద్‌-పూస రాజు 10. జడ్చర్ల- చిత్తరంజన్‌ దాస్‌ 11.మక్తల్‌ - జలంధర్‌ రెడ్డి 12. రాజేంద్ర నగర్‌- తోకల శ్రీనివాసరెడ్డి 13.సనత్‌ నగర్‌- మర్రి శశిధర్‌ రెడ్డి 14.మంథని- చందుపట్ల సునీల్‌ రెడ్డి 15. ఉప్పల్‌- ఎన్‌బీఎస్‌ఎస్‌ ప్రభాకర్‌, 16. లాల్‌బహదూర్‌ నగర్‌- సామరంగారెడ్డి 17.దేవరకొండ- లాలూ నాయక్‌ 18. చల్లా శ్రీలతా రెడ్డి 19. నారాయణ్‌పేట-రతన్‌ పాండురంగారెడ్డి 20. మలక్‌పేట- శ్యామ్‌రెడ్డి సురేందర్‌ రెడ్డి 21. అంబర్‌పేట్‌-కృష్ణ యాదవ్‌ 22. షాద్‌నగర్‌- అందె బాబయ్య, 23. వనపర్తి- అశ్వద్ధామరెడ్డి, 24. అచ్చంపేట్‌- దేవని సతీష్‌ మాదిగ 25.సత్తుపల్లి(ఎస్సీ)-రామలింగేశ్వరరావు 26.సికింద్రాబాద్‌- మేకల సారంగపాణి 27. నారాయణపేట్‌- కేఆర్‌. పాండురెడ్డి 28. మెదక్‌- పంజా విజయ్‌ కుమార్‌ 29.నారాయణఖేడ్‌ -సంగప్ప 30. మంచిర్యాల- వీరబెల్లి రఘునాథ్‌ 31. అసిఫాబాద్‌(ఎస్టీ) అజ్మీరా ఆత్మరాం నాయక్‌ 32. జూబ్లీహిల్స్‌: లంకల దీపక్‌ రెడ్డి 33. ఆలేరు- పడాల శ్రీనివాస్‌ 34.నల్గొండ- మడగాని శ్రీనివాస్‌ గౌడ్‌ 35 పరకాల్‌- కాలి ప్రసాద్‌రావు 2nd Nov 2023, 2.10 pm తెలంగాణకు భారీగా ఇతర రాష్ట్రాల ఎమ్మెల్యేలు ► తెలంగాణలో ఎన్నికల ప్రచారంలో ఇతర రాష్ట్రాలకు చెందిన బీజేపీ ఎమ్మెల్యేలు ► ఇవాళ హైదరాబాద్ చేరుకొనున్న ఎమ్మెల్యేలు ► మహారాష్ట్ర, కర్నాటక, గోవా నుంచి 150 ఎమ్మెల్యేలు ► అన్నిజిల్లాలకు ఇంచార్జులుగా ఎమ్మెల్యేలు 2nd Nov 2023, 1.55 pm ఒక్క కేసీఆర్ ను కొట్టడానికి ఇంత మందా:కేటీఆర్ ► హైదరాబాద్ అభివృద్ధికి కేంద్ర సహకారం లేదు ► కిషన్ రెడ్డి ఫోటో పోజులకు తప్ప చేసిన పని ఏమి లేదు ► వర్షాలు వరదల వచ్చిన కనీసం జనాల ఇబ్బందులు కిషన్ రెడ్డి కి పట్టవు ► ఉప్పల్ ఫ్లై ఓవర్ కట్టడానికి కూడా బీజేపీకి కనీసం చేతకావటం లేదు ► బిజెపి, కాంగ్రెస్ పహిల్వాన్ లు తెలంగాణ లో దిగుతున్నారు ► బక్క పల్చని కేసిఆర్ ను కొట్టడానికి ఇంత మంది వస్తున్నారు ►డిక్కీ బలిసిన కోడి తొడ కొట్టినట్టు రేవంత్ రెడ్డి తీరు ఉంది 2nd Nov 2023, 1.40 pm తెలంగాణ బీజేపీకి పక్కరాష్ట్రాల ఎమ్మెల్యేలు ►నేటినుంచి తెలంగాణలో ఎన్నికల ప్రచారంలో ఇతర రాష్ట్రాలకు చెందిన బీజేపీ ఎమ్మెల్యేలు ►ఇవాళ హైదరాబాద్ చేరుకొనున్న  ఎమ్మెల్యేలు ►మహారాష్ట్ర, కర్నాటక, గోవా నుంచి 150 ఎమ్మెల్యేలు ►అన్నిజిల్లాలకు ఇంచార్జులుగా ఎమ్మెల్యేలు 2nd Nov 2023, 1.20 pm మాటలు vs ముఠాల మధ్య పోరు: హరీష్‌ రావు ►మల్కాజ్ గిరి ప్రజా ఆశీర్వాద సభలో మంత్రి హరీశ్ రావు ►ఇక్కడ ఎన్నికలు మంచి మనసున్న మనిషి, మాటలు, ముఠాల మనిషి మధ్య పోటీ ►మైనంపల్లి స్వార్థం కోసం పార్టీ మారాడు. మెదక్, మల్కాజగిరి రెండు చోట్ల ఓడటం ఖాయం. ►కేసీఆర్ టికెట్లు ఇస్తే మంచోడు, లేకుంటే చెడ్డొడా? ►9 ఏళ్ల తెలంగాణలో కరువు లేదు కర్ఫ్యూ లేదు. సీఎం  ప్రతి ఇంటికి నీళ్ళు ఇస్తున్నడు. ►అన్ని రంగాల్లో తెలంగాణ దేశానికి మోడల్ గా మారింది. ►మల్కాజ్ గిరి ప్రజలకు సీఎం గారు 1000 పడకల సూపర్ స్పెషాలిటీ ఆస్పత్రి కట్టిస్తున్నరు. ►28 రోజులు కష్టపడి రాజశేఖర్ రెడ్డిని గెలిపించండి. నేను దత్తత తీసుకొని అభివృద్ధికి బాధ్యత తీసుకుంటా. ►కర్ణాటకలో కుర్చీల కొట్లాట జరుగుతున్నది. ఒకర్ని దించాలే, మరొకరిని ఎక్కించాలి. ►కేసీఆర్ రాకుంటే రియల్ ఎస్టేట్ ఢమాల్ అవుతుంది. 2nd Nov 2023, 1.20 pm కౌశిక్‌ ప్రచారం అంటే డాన్సే డాన్స్‌ ►కరీంనగర్ జిల్లా :వీణవంక మండలం కనపర్తి గ్రామంలో ప్రచారం చేపట్టిన ఎమ్మెల్సీ పాడి కౌశిక్ రెడ్డి. ►కళ్యాణ లక్ష్మి, CMRF చెక్కులు ఇంటింటికి వచ్చి ఇచ్చా. ►కనపర్తిలో బ్రిడ్జి నిర్మాణం కోసం రూ.కోటి రూపాయలు మంజూరు చేపించాం. ►గ్రామంలో రూ.కోటి 14లక్షలతో రోడ్లు వేసాం. ►తెలంగాణలో రూ.19వేల కోట్లు రుణమాఫీ చేసాం. ►మరో రూ.5వేల కోట్లు కూడా త్వరలో మాఫీ చేయబోతున్నాం. ►మీ దయ, దండం ఒక్కసారి ఎమ్మెల్యేగా గెలిపించండి. ►బిసి బంధు చెక్కులు కూడా వచ్చాయి. ►అందువల్లే బిసి బంధు చెక్కులు MRO హాండవర్ చేసుకున్నారు ఈ రోజు హుజురాబాద్ మండలం ధర్మరాజపల్లి గ్రామంలో ఎన్నికల సంగ్రామంలో భాగంగా కెసిఆర్ గారు మొట్ట మొదట రైతు బంధు ఈ గ్రామానికి ఇచ్చారు వారి ఋణం తీసుకునే అవకాశం మనకు వచ్చింది రైతు బంధు ఇచ్చిన కెసిఆర్ గారికి మా ఓటు కార్ గుర్తుకు @BRSparty @KTRBRS pic.twitter.com/i7sUwLSm0b — Padi Kaushik Reddy (@KaushikReddyBRS) November 1, 2023 2nd Nov 2023, 1.15 pm స్మార్ట్‌ లేదంటే రిజైన్‌ : అరవింద్‌ రూటులో బీజేపీ అభ్యర్థి సంధ్యారాణి ► పెద్దపెల్లి జిల్లా:గోదావరిఖని ప్రెస్ క్లబ్ లో బీజేపీ ఆభ్యర్థి కందుల సంధ్యారాణి ►BRS, కాంగ్రెస్ అభ్యర్థులు సోషల్ మీడియాలో ఇష్టం వచ్చినట్లు పోస్టింగ్‌లు పెడుతున్నారు ►చర్రితలో 33 శాతం మహిళలకు రిజ్వరేషన్ ఇచ్చిన ఘనత బీజేపీదే. ►నన్ను గెలిపిస్తే రామగుండంను స్మార్ట్ సిటీ చేస్తా ►నాకు అధికారం ఇవ్వండి.. స్మార్ట్ సిటీ విషయంలోఇచ్చిన మాట తప్పితే  6 నెలల్లో రాజీనామా చేస్తా ►బాండ్ పేపర్ మీద రాసి ఇస్తున్నా 2nd Nov 2023, 12.50 pm ఎన్నికల వేళ మళ్లీ తెర మీదికి రూ.2వేల నోటు ► రిజర్వ్‌ బ్యాంకు వద్ద పెరిగిన రద్దీ ► ఆర్బీఐ శాఖల వద్దకు క్యూ కడుతున్న ప్రజలు ► రూ.2000 నోట్లు మార్చుకునేందుకు వస్తోన్న ప్రజలు ► అక్టోబర్ 7 నాటికి బ్యాంకుల్లో నోట్ల మార్పిడికి ముగిసిన గడువు ► ఇప్పుడు కేవలం రిజర్వ్‌బ్యాంకు శాఖల వద్దే మార్చుకునేందుకు వీలు 2nd Nov 2023, 12.50 pm కోమటిరెడ్డి ​​​​​బంధువు ఇంట్లో తనిఖీలు ► భువనగిరి ఎంపీ కోమటిరెడ్డి వెంకట్ రెడ్డి తోడల్లుడు గిరిధర్ రెడ్డి ఇంట్లో ఐటీ అధికారులు సోదాలు ► హైద్రాబాద్ కోకాపెట్ హిడెన్ గార్డెన్ లోని గిరిధర్ రెడ్డి నివాసంలో అధికారుల సోదాలు ► ఉదయం నుండి  హైద్రాబాద్ నగరంలో పలువురిర ఇళ్లలో  ఆదాయ పన్ను శాఖాధికారులు సోదాలు 2nd Nov 2023, 12.45 pm నాగార్జునసాగర్‌లో బీజేపీకి షాక్‌ ► నల్లగొండ జిల్లా : నాగార్జునా సాగర్ లో బీజేపీకి‌ షాక్ ► పార్టీ ప్రాథమిక సభ్యత్వానికి, రాష్ట్ర కార్యవర్గ సభ్యుడి పదవికి రాజీనామా చేసిన రిక్కల ఇంద్రసేనారెడ్డి ► నాగార్జున సాగర్ టికెట్ ఆశించి రాకపోవడంతో నిరసగా పార్టీకి రాజీనామా ► సాగర్ అభ్యర్థిగా నివేదితను ప్రకటించడంతో ఆగ్రహంతో ఉన్న రిక్కల ► నాగార్జున సాగర్ ఉప ఎన్నికల సమయంలో బీజేపీలో చేరిన రిక్కల ► గతంలో సీఎల్పీ మాజీ నేత జానారెడ్డికి కుడిభుజంగా ఉన్న ఇంద్రసేనా రెడ్డి 2nd Nov 2023, 12.25 pm బీజేపీ మూడో జాబితాలో ఉండేది వీరేనా? 01        ఆసిఫాబాద్       తుకారాం 02        చెన్నూరు         అందుగుల శ్రీనివాస్ 03        మంచిర్యాల       రఘునాథబాబు 04        బాన్సువాడ       మాల్యాద్రి రెడ్డి 05        బోధన్            మేడపాటి ప్రకాశ్ రెడ్డి/వడ్డి మోహన్ రెడ్డి 06        నిజామాబాద్ రూరల్    దినేష్ 07        ఎల్లారెడ్డి            పైళ్ల కృష్ణారెడ్డి 08        మంథని           చందుపట్ల సునీల్ రెడ్డి 09        పెద్దపల్లి            గొట్టిముక్కల సురేష్ రెడ్డి/ నల్ల మనోహర్ రెడ్డి/ దుగ్యాల ప్రదీప్ రావు/ గుజ్జుల రామకృష్ణారెడ్డి 10        వేములవాడ       తుల ఉమ/వికాస్ రావు 11        జహీరాబాద్        ఢిల్లీ వసంత్/దామోదర రామచంద్ర  12        సంగారెడ్డి          దేశ్ పాండే/ పులిమామిడి రాజు 13        నారాయణ ఖేడ్     విజయపాల్ రెడ్డి/సంగప్ప 14        ఆందోల్            15        మెదక్            16        హుస్నాబాద్      బొమ్మ శ్రీరాంచక్రవర్తి/ జన్నపరెడ్డి సురేందర్ రెడ్డి 17        సిద్దిపేట            దూది శ్రీకాంత్ రెడ్డి 18        షాద్ నగర్        విష్ణు వర్ధన్ రెడ్డి/ అందె బాబయ్య 19        ఎల్బీనగర్          సామ రంగారెడ్డి/ మధుసూదన్ 20        రాజేంద్రనగర్        తోకల శ్రీనివాస్ రెడ్డి 21        శేరిలింగంపల్లి        రవి యాదవ్ 22        చేవెళ్ల            కేఎస్ రత్నం 23        వికారాబాద్         24        తాండూరు        రమేష్ 25        కొడంగల్           చికోటి ప్రవీణ్ /  కొస్గి రమేష్ 26        మేడ్చల్            విక్రమ్ రెడ్డి 27        మల్కాజ్ గిరి      ఆకుల రాజేందర్/ భాను ప్రకాశ్ 28        కూకట్ పల్లి        జనసేన?? 29        ఉప్పల్            వీరేందర్ గౌడ్/ NVS ప్రభాకర్ 30        ముషీరాబాద్      బండారు విజయలక్ష్మి 31        మలక్ పేట        కొత్తకాపు రవీందర్ రెడ్డి 32        అంబర్ పేట        గౌతమ్ రావు 33        జూబ్లీహిల్స్        జూటూరి కీర్తిరెడ్డి 34        సనత్ నగర్        మర్రిశశిధర్ రెడ్డి 35        నాంపల్లి            విక్రమ్ గౌడ్ 36        సికింద్రాబాద్       బండ కార్తీక రెడ్డి 37        కంటోన్మెంట్        సుష్మిత 38        జడ్చర్ల            చిత్తరంజన్ దాస్ 39        దేవరకద్ర            పవన్ కుమార్ రెడ్డి 40        నాగర్ కర్నూల్     జనసేన ? 41        అచ్చంపేట          సతీశ్ మాదిగ 42        వనపర్తి            అశ్వద్ధామ రెడ్డి 43        గద్వాల            వీరబాబు 44        అలంపూర్        45        నకిరేకల్          పాల్వాయి రజిని 46        నల్లగొండ        శ్రీనివాస్ గౌడ్ 47        మునుగోడు      బూర నర్సయ్య గౌడ్ 48        దేవరకొండ        లాలు నాయక్ 49        మిర్యాల గూడ     సాదినేని శ్రీనివాస్ 50        హుజూర్ నగర్     చల్ల శ్రీలత రెడ్డి 51        కోదాడ            జనసేన 52        తుంగతుర్తి        కడియం రామచంద్రయ్య 53        ఆలేరు            కాసం వెంకటేశ్వర్లు 54        నర్సంపేట         పుల్లారావు చౌదరి 55        పరకాల           కాళీ ప్రసాద్ 56        పినపాక      57        కొత్తగూడెం        జనసేన 58        అశ్వరావు పేట    జనసేన 59        ఖమ్మం            జనసేన 60        పాలేరు            కొండపల్లి శ్రీధర్ రెడ్డి 61        మధిర            అజయ్ రాజ్ 62        వైరా            జనసేన 63        సత్తుపల్లి         శ్యామ్ నాయక్ 64        ములుగు        అజ్మీరా ప్రహ్లాద్/కృష్ణ 65        మక్తల్            జలంధర్ రెడ్డి 66        నారాయణపేట     రతన్ పాండురంగారెడ్డి 2nd Nov 2023, 12.15 pm తెలుగుదేశం పార్టీకి, బీజేపీకి సంబంధం లేదు ► ఢిల్లీ: డాక్టర్ లక్ష్మణ్, బిజెపి ఎంపీ ► ఈ నెల 7న  హైదరాబాద్ లో  బిసి ఆత్మ గౌరవ సభ ఏర్పాటు ► తెలుగుదేశం మా భాగస్వామి కాదు ► తెలంగాణలో ఎందుకు పోటీ నుంచి విరమించుకుందో టిడిపి చెప్పాలి ► టిడిపి ఇప్పటి వరకు ఎక్కడ కాంగ్రెస్ కు మద్దతు ఇస్తున్నామని చెప్పలేదు ► ఎవరో చెప్పినంత మాత్రాన  ప్రజలు వినే పరిస్థితి లేదు ► తెలంగాణలో పవన్ కళ్యాణ్ ప్రచారం ఉంటుంది ► కొందరు నేతలు పార్టీ వీడినంత మాత్రాన మాకు నష్టం లేదు ► ప్రజలు... ప్రజల ఓట్లు మాతో ఉన్నాయి ► నేతలు బయటకి వెళ్లినంత మాత్రాన వారి ఓట్లన్నీ వెళ్లిపోవు 2nd Nov 2023, 12.12 pm ఎన్నికల వేళ నగరాన్ని అస్తవ్యస్తం చేస్తారా? ► చంద్రబాబు పై ఎన్నికల కోడ్ ఉల్లంఘన కేసు ► నిన్న హైదరాబాద్ లో ర్యాలీ నిర్వహించిన చంద్రబాబు ► చంద్రబాబు పై కేసు నమోదు చేసిన బేగంపేట పోలీసులు ► అనుమతి లేకుండా ర్యాలీ చేయడంతో బాబు పై కేసు నమోదు ► ఎన్నికల కోడ్‌ ఉల్లంఘించిన చంద్రబాబు, తెలుగుదేశం ► నగరం రోడ్లపై నానా న్యూసెన్స్‌ ► క్రైం నెంబర్ 531/2023 IPC 341,290,341 and 21r/w76CP act ► హైదరాబాద్ సిటీ టీడీపీ పార్టీ జనరల్‌ సెక్రెటరీ GVG నాయుడు సహా పలువురిపై కేసులు నమోదు ► సుమారు 400మంది ర్యాలీలో పాల్గొన్నారని పేర్కొన్న పోలీసులు 2nd Nov 2023, 12.10 pm నారాయణ.. నారాయణ ► పొత్తుల పై సీపీఐ నారాయణ సెటైర్లు ► ఢిల్లీ : పొత్తుల పై కాంగ్రెస్ తీరు పై నారాయణ విమర్శలు ► నిశ్చితార్థమయ్యాక ఇంకా అందమైన వాళ్లు దొరికితే లేపుకుపోయినట్టు రాజకీయాల్లో జరుగుతున్నాయి ► పొత్తులు, సీట్ల సర్దుబాటు పై స్పష్టత ఇచ్చిన తర్వాత కాంగ్రెస్ వెనక్కి తగ్గడం పై సీపీఐ నారాయణ అసహనం నిచ్చితార్డం అయ్యాక యింకో అందమయిన అమ్మాయి గాని అబ్బాయిగాని దొరికితే లగేస్కుని పోవడం వ్యక్తి జీవితంలో అక్కడక్కడా జరగచ్చేమో మరి వ్యవస్థను కాపాడే తాజారాజకీయాలలో కుడా జరిగితే ఎలా?#media #SocialMediaPromo #aicc — Narayana Kankanala (@NarayanaKankana) November 2, 2023 2nd Nov 2023, 12.10 pm చేయిస్తారా? చేయి కలుపుతారా? ► కాంగ్రెస్ కు సీపీఎం డెడ్‌లైన్ ► వైరా, మిర్యాలగూడ కేటాయించాలంటున్న సీపీఐ ► నేడు మధ్యాహ్నం 3 గంటల వరకు డెడ్ లైన్ #Telangana Assembly polls: CPI(M) insists on Wyra and Miryalaguda seats Read: https://t.co/rNgueqJCsK pic.twitter.com/zGTivKs7qC — IANS (@ians_india) October 29, 2023 2nd Nov 2023, 12.00 pm జనసేనతో పొత్తు వద్దంండి ప్లీజ్‌ ► ఢిల్లీకి బీజేపీ నేత కొండా విశ్వేశ్వర్ రెడ్డి ► తాండూరు, శేరిలింగంపల్లి సీట్లను జనసేనకు ఇవ్వడాన్ని వ్యతిరేకిస్తోన్న కొండా ► బీజేపీ హైకమాండ్ కు తన అభిప్రాయాన్ని చెప్పనున్న విశ్వేశ్వర్ రెడ్డి Konda Vishveshwar Reddy & Dharmapuri Arvind strongly lobbying for Ravi Kumar Yadav for Serilingampally seat. BJP is feeling that they gonna loose this seat in alliance? Janasena @PawanKalyan lobbied hard for this seat with Amit Shah ? #TelanganaElections2023 pic.twitter.com/jFwYLLm4cx — Telangana  (@TelanganaRT) October 29, 2023 2nd Nov 2023, 12.00 pm కమలం మూడో జాబితా రెడీ ► తెలంగాణలో మూడో జాబితాను సిద్ధం చేసిన బీజేపీ ► ఢిల్లీ : నేడు అధికారికంగా ప్రకటించే అవకాశం ► 40-45 స్థానాల్లో అభ్యర్థులను ప్రకటించే ఛాన్స్ ► జనసేనతో పొత్తును దృష్టిలో పెట్టుకొని మరికొన్ని పెండింగ్ ► ఇప్పటి వరకు 53 స్థానాలకు అభ్యర్థులను ప్రకటించిన బీజేపీ 2nd Nov 2023, 11.30am ఎన్నికల వేళ గెలుపు కోసం రాజశ్యామల యాగం ► సిద్దిపేట : ఎర్రవల్లిలోని సీఎం కేసీఆర్ వ్యవసాయ క్షేత్రంలో రెండో రోజు కొనసాగుతున్న రాజశ్యామల యాగం ► ఈరోజు యాగంలో రాజశ్యామల యంత్ర పూజ ► పూజలో సీఎం  కేసీఆర్‌ దంపతులు ► యాగ క్రతువును పర్యవేక్షిస్తున్న విశాఖ శారదా పీఠాధిపతులు స్వరూపానందేంద్ర, స్వాత్మానందేంద్ర స్వాములు 2nd Nov 2023, 11.30am ఇందూరులో సీఎం కెసిఆర్‌ ► నేడు నిజామాబాద్ వేల్పూర్ స్పైస్ పార్క్ లో సీఎం కేసీఆర్ ప్రజా ఆశీర్వధ సభ ► మధ్యాహ్నం 2 గంటలకు బాల్కొండ నియోజక వర్గంలో సభ ►సభకు మంత్రి ప్రశాంత్ రెడ్డి తో పాటు చుట్టుపక్కల నియోజక వర్గాల నుంచి జన సమీకరణ 2nd Nov 2023, 11.20am బీసీలకు వ్యతిరేకం కాంగ్రెస్‌ : డాక్టర్‌ లక్ష్మణ్‌ ► ఢిల్లీ: బిసి  సీఎం చేస్తామన్న బిజెపి ప్రకటనను రాహుల్ గాంధీ చులకన చేస్తున్నారు ► బిసి వర్గాలను అవమానించే విధంగా వ్యవహరిస్తున్నారు ► పెత్తందార్ల మనస్తత్వం తో బి అర్ ఎస్,  కాంగ్రెస్ నేతలున్నారు ► బిఆర్ఎస్, కాంగ్రెస్ ను తెలంగాణ బిసిలు ఓటుతో తిప్పికొట్టాలి ► బిసి సీఎం అయ్యేందుకు బిసిలు ఏకం కావాలి, తమ సత్తా చాటాలి ► పార్లమెంట్ ఎన్నికల్లో మేము 4 సీట్లు సాధిస్తే, కాంగ్రెస్ 3 కు పరిమితం ► తరతరాలుగా బిసిలను అణగదొక్కిన పార్టీ కాంగ్రెస్ People of Telangana will never forget how the Congress delayed the demand for Telangana, and how because of Congress, over 1200 people had to sacrifice their lives. They will never forget how BRS betrayed their dreams, while KCR looted the state. Congress Killed, KCR Looted. — BJP Telangana (@BJP4Telangana) November 2, 2023 2nd Nov 2023, 11.00am మేడిగడ్డ బ్యారేజీని సందర్శించిన రాహుల్‌గాంధీ ► భూపాలపల్లి జిల్లా :మేడిగడ్డ లక్ష్మీ బ్యారేజ్‌ను పరిశీలించిన రాహుల్ గాంధీ ► ఏరియల్ సర్వే ద్వారా ద్వారా బ్యారేజ్ ని పరిశీలించిన రాహుల్ గాంధీ ► బ్యారెజ్ పరిశీలనకు ముందు అంబటిపల్లిలో మహిళా సదస్సులో పాల్గొన్న రాహుల్ గాంధీ. ► కాళేశ్వరం ప్రాజెక్టు నిర్మాణం పేరిట కరెప్షన్ చేసిన టిఆర్ఎస్ ప్రభుత్వం : రాహుల్‌ గాంధీ ► లక్ష కోట్ల రూపాయలతో కాళేశ్వరం కట్టామని గొప్పలు చెప్పుకున్న బిఆర్ఎస్ ప్రభుత్వ  అవినీతి, డొల్లతనం మేడిగడ్డ బ్యారేజ్ పిల్లర్ల కుంగుబాటుతో బట్టబయలైంది. ► కాళేశ్వరం ప్రాజెక్టు నిర్మాణానికి కేటాయించిన డబ్బులు ఆ ప్రాజెక్టు నిర్మాణం కోసమే పూర్తిగా ఖర్చు పెట్టి ఉంటే.. ఇలాంటి కుంగుబాటు వచ్చి ఉండేది కాదు. ► ప్రాజెక్టు కు కేటాయించిన లక్ష కోట్లల్లో సగం డబ్బులను దోపిడీ చేసి నాసిరకంగా నిర్మాణం చేయడం వల్లే బ్యారేజ్ పిల్లర్లు కుంగాయి ► ఆధునిక టెక్నాలజీ లేని రోజుల్లో కాంగ్రెస్ ప్రభుత్వ హయాంలో నిర్మాణం చేసిన శ్రీశైలం,  నాగార్జునసాగర్, జూరాల నెట్టెంపాడు బీమా తదితర ప్రాజెక్టు నేటికీ పటిష్టంగా ఉన్నాయి. ► కాళేశ్వరం నిర్మాణం చేసి పట్టుమని పది రోజులు కాకముందే కుంగివడం బాధాకరం. ► చిన్నపాటి వర్షాలకే మేడిగడ్డ బ్యారేజీ కుంగితే భారీ వరదలు వస్తే తట్టుకొని నిలబడే పరిస్థితి కనిపించడం లేదు. ► కాళేశ్వరం ప్రాజెక్టు టిఆర్ఎస్ ప్రభుత్వానికి ఏటీఎం గా మారిందని చెప్తున్న ప్రధాని మోడీ, హోం మంత్రి అమిత్ షా లు ఎందుకని చర్యలు తీసుకోకపోవడం లేదు. ► చిన్నపాటి ఇంటి నిర్మాణం కోసం ఇంజనీర్ తో డిజైన్ చేసుకుంటాం. ► లక్ష కోట్ల రూపాయలతో నిర్మాణం చేసిన కాళేశ్వరం ప్రాజెక్టుకు సీఎం కేసీఆర్ ఎలా డిజైన్ చేస్తారు. ► ఇంజనీర్ల పనిని ఇంజనీర్లను చేయిస్తే ఇలాంటి పరిస్థితి వచ్చి ఉండేది కాదు. ► సీఎం కేసీఆర్ డిజైన్ చేస్తే భవిష్యత్తులో ప్రాజెక్టు కు ప్రమాదం పొంచి ఉంటుందని కాంగ్రెస్ పార్టీగా ముందే చెప్పాము. ఇప్పుడు అదే జరిగింది. Kaleshwaram Project = KCR Family ATM I visited the Medigadda barrage, which is a part of the corruption-ridden Kaleshwaram Lift Irrigation Scheme in Telangana. Cracks have developed in multiple pillars because of shoddy construction with reports indicating that the pillars are… pic.twitter.com/BWe8Td9mCq — Rahul Gandhi (@RahulGandhi) November 2, 2023   సిఎల్పీ నేత భట్టి విక్రమార్క ► బ్యారేజ్ డ్యామేజ్ కి ప్రభుత్వం భాద్యత వహించాలి ► నాణ్యత లోపంతోనే బ్యారేజ్ కి సంబంధించిన పది పిల్లర్లు కుంగాయి. ► డ్యామేజ్ ని స్వయంగా పరిశీలించాం. ► బ్యారేజ్ తో ప్రభుత్వ సొమ్ము దోచుకున్నారు. ► కేసిఆర్ కు కాళేశ్వరం ప్రాజెక్టు ఏటీఎం గా మారింది. ► ప్రాజెక్టు అవినీతి అక్రమాలపై బిజెపి బిఆర్ఎస్ డ్రామాలు ఆడుతున్నాయి. ► రాష్ట్ర ప్రభుత్వం ఎందుకు చర్యలు చేపట్టడం లేదు. ► కేంద్రానికి చిత్తశుద్ధి ఉంటే దర్యాప్తు సంస్థలతో విచారణ జరిపించాలి. ► కాంగ్రెస్ అధికారంలోకి వచ్చాక విచారణ జరిపించి బాధ్యులపై చర్యలు తీసుకుంటాం 2nd Nov 2023, 10.55am కాంగ్రెస్‌ పొత్తు యూటర్న్‌పై నారాయణ ట్వీట్‌ ► పొత్తులో సీట్ల కేటాయింపు జరిగిన తర్వాత కూడా కాంగ్రెస్ పార్టీ యూటర్న్‌పై సీపీఐ జాతీయ కార్యదర్శి నారాయణ అసహనం వ్యక్తం చేశారు. ► ఆల్రెడీ లెఫ్ట్ పార్టీలకు కేటాయించిన సీట్లను కొత్త వారు జాయిన్ అవ్వగానే వాళ్లకు ఇవ్వడం ఏంటని ప్రశ్నించారు. 2nd Nov 2023, 10.35am ఇండిపెండెంట్‌గా మాజీ ఎమ్మెల్యే ప్రవీణ్‌రెడ్డి! ► హుస్నాబాద్‌ కాంగ్రెస్‌ టికెట్‌ పొన్నంకు ఖరారు కావడంతో టికెట్‌ ఆశించి భంగపడిన ప్రవీణ్‌రెడ్డి ► ఆల్‌ ఇండియా ఫార్వర్డ్‌ బ్లాక్‌ లేదా ఇండిపెండెంట్‌గా పోటీ చేసేందుకు రంగం సిద్ధం 2nd Nov 2023, 10.20am బెదిరింపు రాజకీయాలు ► కాంగ్రెస్ పార్టీలో చేరుతావని అని జూబ్లీహిల్స్ బీఆర్ఎస్ పార్టీ నేత మాగంటి గోపీనాథ్ గుండల్ని పంపించి నాపై దాడి చేశారు:  రాష్ట్ర వడ్డెర ఐక్యత వేదిక అధ్యక్షుడు వేముల యాదయ్య 2nd Nov 2023, 10.05am ఐటీ అధికారుల సోదాలు ► మున్సిపల్ కార్పోరేషన్ మేయర్ పారిజాత నర్సింహారెడ్డి ఇంటిపై ఐటీ అధికారుల సోదాలు ► తెల్లవారుజామున 5గంటలకు చేరుకుని పారిజాత కూతురి ఫోన్ స్వాధీనం ► ప్రస్తుతం పారిజాత తిరుపతి లో, ఆమె భర్త నర్సింహా రెడ్డి ఢిల్లీలో ఉన్నారు. ► మహేశ్వరం కాంగ్రెస్ అభ్యర్థి కేఎల్ఆర్ నివాసం లో కొనసాగుతున్న ఐటీ సోదలు ►  తుక్కుగూడ మున్సిపాలిటీలో ఉన్న కేఎల్ఆర్ ఫామ్ హౌస్ లో కొనసాగుతున్న ఐటీ సోదాలు 2nd Nov 2023, 9.45am కేసీఆర్ పర్యటన ► నేడు నిజామాబాద్ వేల్పూర్ స్పైస్ పార్క్ లో సీఎం కేసీఆర్ ప్రజా ఆశీర్వధ సభ ► మధ్యాహ్నం 2 గంటలకు జరిగే సభకు మంత్రి ప్రశాంత్ రెడ్డి బాల్కొండ నియోజక వర్గం తో పాటు చుట్టుపక్కల నియోజక వర్గాల నుంచి జన సమీకరణ ► ధర్మపురి  జూనియర్ కళాశాల మైదానంలో నిర్వహించే ప్రజా ఆశీర్వాదం సభలో ప్రసంగించనున్న కేసీఆర్ 2nd Nov 2023, 9.30am చాయ్‌ చేసి.. ఓట్లు అడిగి.. ► ఓటర్లను ఆకట్టుకునేందుకు ప్రజలు చేసే పనుల్లో భాగస్వాములవుతున్నారు నాయకులు  ► అల్లాదుర్గంలో బుధవారం అందోలు ఎమ్మెల్యే క్రాంతికిరణ్ ఎన్నికల ప్రచారం 2nd Nov 2023, 9am జయభేరి విన్నాకే.. కాళ్లకు జోళ్లు ► ఆదిలాబాద్‌ జిల్లా బోథ్‌ అసెంబ్లీ నియోజకవర్గ భారాస అభ్యర్థి అనిల్‌ జాదవ్‌ ఎన్నికల ప్రచారం  ► ఎన్నికల ప్రచారంలో చెప్పులు లేకుండా ఎన్నికల ప్రచారం..  ► ఎన్నికల్లో గెలిచాకే చెప్పులు ధరిస్తా