బిగ్‌బాస్‌ నాన్‌స్టాప్‌ షోలో మరో ఎలిమినేషన్‌ జరగబోతోంది. 17 మందితో ప్రారంభమైన ఈ షోలో ఇప్పటివరకు 10 మంది ఎలిమినేట్‌ అయ్యారు. శ్రీరాపాక, చైతూ, సరయు, తేజస్వి, ముమైత్‌ ఖాన్‌, స్రవంతి, మహేశ్‌, అజయ్‌, హమీదా, అషూ వరుసగా ఎలిమినేట్‌ అయ్యారు. అయితే షో సగం దాకా వచ్చాక బాబా భాస్కర్‌ వైల్డ్‌కార్డ్‌ ఎంట్రీ ఇచ్చాడు. ఈమధ్య ఇచ్చిన టాస్క్‌లో ఎవిక్షన్‌ ఫ్రీ పాస్‌ కూడా గెలుచుకోవడంతో అతడు ఫినాలేలో అడుగుపెట్టడం ఖాయంగా కనిపిస్తోంది. ఇక ఈ వారం హౌస్‌మేట్స్‌ అందరూ నామినేషన్‌లో ఉన్నారు. ఎప్పటిలాగే అఖిల్‌, బిందుకు పోటాపోటీగా ఓట్లు పడుతుండటంతో వీరు సేఫ్‌ జోన్‌లో ఉన్నారు. ఆ తర్వాత బాబా, శివకు సైతం భారీగానే ఓట్లు పడుతున్నాయి, కాబట్టి ఈ వారం వీళ్లు బయటకు వెళ్లే ప్రసక్తే లేదు. ఒకవేళ బాబా డేంజర్‌ జోన్‌లో ఉన్నా ఎవిక్షన్‌ ఫ్రీ పాస్‌ సాయంతో ఈజీగా గండం గట్టెక్కుతాడు. మిత్ర, అరియానా, అనిల్‌కు అంతంతమాత్రంగానే ఓట్లు వస్తున్నాయి. నటరాజ్‌ మాస్టర్‌కు అందరికంటే తక్కువ ఓట్లు పడ్డట్లు తెలుస్తోంది. దీంతో ఈ వారం నటరాజ్‌ మాస్టర్‌ ఇంటినుంచి బయటకు వెళ్లనున్నట్లు సమాచారం. మొదటి నుంచీ కష్టపడి ఆడుతూ వస్తున్న నటరాజ్‌ మాస్టర్‌ ఈ సీజన్‌లో ఫినాలేలో అడుగుపెట్టడం ఖాయం అనుకున్నారంతా! కానీ అనూహ్యంగా నామినేషన్స్‌లో బిందుతో, టాస్క్‌లో అఖిల్‌తో పెట్టుకుని నెగెటివిటీ మూటగట్టుకున్నాడు. ఫలితంగా అతడు పదకొండో వారంలోనే బిగ్‌బాస్‌ హౌస్‌కు వీడ్కోలు పలకబోతున్నాడు. చదవండి: ముగ్గురు ఖైదీలు తప్పించుకునేందుకు వేసిన ప్లాన్‌

ఎంత కష్టపడ్డా ఫలితం రాకపోతే ఎవరికైనా ఆవేశం రాకమానదు. అందులోనూ బిగ్‌బాస్‌ నాన్‌స్టాప్‌ షోలో మొదటి నుంచీ ఒంటరిగా పోరాడుతూ వస్తున్నాడు నటరాజ్‌ మాస్టర్‌. అవసరమైనప్పుడు తన ఫ్రెండ్స్‌కు సాయం కూడా చేశాడు. కానీ నిన్నటి టాస్క్‌లో మాత్రం తనకు బదులుగా అఖిల్‌ వేరొకరికి సాయం చేసి అతడిని గెలిపించడాన్ని తట్టుకోలేకపోయాడు. గెలుపు తథ్యం అనుకున్న సమయంలో ఓటమిపాలు కావడంతో భరించలేకపోయాడు. బాధపడ్డాడు, ఏడ్చేశాడు, ఆగ్రహించాడు. తాజాగా బిగ్‌బాస్‌ ఇచ్చిన బీబీ ఆవుల కొట్టం టాస్క్‌లో అఖిల్‌, నటరాజ్‌ మధ్య ఫైట్‌ జరిగింది. గేమ్‌లో నటరాజ్‌ తన చేయిని నెట్టేస్తుండటంతో అఖిల్‌ తన పాలన్నీ ఒలకబోసాడు. నీకు అత్యాశ ఎక్కువని ఫైర్‌ అయ్యాడు. దీనికి నటరాజ్‌ స్పందిస్తూ.. నన్ను ఎక్కడైతే కొట్టకూడదో అక్కడ కొట్టేశావు, దేవుడున్నాడు, నా కష్టానికి ఫలితం దక్కింది అని మాట్లాడాడు. నటరాజ్‌ మాటలను బట్టి అతడు ప్రేక్షకులను ఓట్లు అడిగే అవకాశాన్ని గెల్చినట్లు తెలుస్తోంది. మరి అఖిల్‌, నటరాజ్‌ మధ్య మాటల యుద్ధం ఎంతవరకు వెళ్లింది? వీళ్లు తిరిగి కలిసిపోయారా? లేదా? అన్నది తెలియాలంటే నేడు రాత్రి 9 గంటలకు ప్రసారమయ్యే ఎపిసోడ్‌ చూడాల్సిందే! చదవండి:  ఆచార్య నుంచి ‘భలే భలే బంజారా’ ఫుల్‌ సాంగ్‌ అవుట్‌  సిరిని అర్థం చేసుకోవడం చాలా కష్టం: శ్రీహాన్‌

బిగ్‌బాస్‌ నాన్‌స్టాప్‌లో గుంపులుగా గేమ్‌ ఆడకుండా సొంతంగా ఆటాడుతూ ఇక్కడిదాకా వచ్చాడు నటరాజ్‌ మాస్టర్‌. కానీ కొన్నిసార్లు ఆటలో గెలవాలంటే పక్కవారి సాయం కూడా తప్పనిసరి. లేదంటే గెలుపు తలుపు తడుతున్నామనుకునేలోపే ఓటమి వచ్చి నెత్తిమీద కూర్చుంటుంది. ఇప్పుడు నటరాజ్‌ పరిస్థితి అలాగే ఉంది. ప్రేక్షకులను ఓట్లు అడిగే అవకాశాన్ని పొందేందుకు హౌస్‌మేట్స్‌కు ఓ టాస్క్‌ ఇచ్చాడు బిగ్‌బాస్‌. ఈ టాస్క్‌లో పై నుంచి పడే పూలను ఏరుకుని వారికి ఇచ్చిన తొట్టిలో పెట్టుకోవాలి. మొదటి రౌండ్‌లో నటరాజ్‌ మాస్టర్‌ దగ్గర ఎక్కువ పూలున్నాయి. దీంతో వెంటనే మిగతా హౌస్‌మేట్స్‌ ఏకమై నట్టూను ఓడించారు. తక్కువ పూలున్న అనిల్‌కు సాయం చేయాలనుకున్నారు. అనుకున్నదే తడవు శివ, అఖిల్‌ తమ దగ్గరున్న పూలను అనిల్‌కు అప్పగించడంతో అతడే గెలుపొందాడు. దీంతో నటరాజ్‌ కంటతడి పెట్టుకున్నాడు. అఖిల్‌ నాలుగోసారి మోసం చేశాడంటూ ఎమోషనల్‌ అయ్యాడు. ఆకాశం వంక చూస్తూ.. 'ఎవరూ సాయం చేయరు. కనీసం ఆడేసి ఓట్లు అడుక్కుందామనుకునే భాగ్యం కూడా లేదు. ఆ అవకాశం కూడా లాక్కున్నావు. సగం చచ్చిపోయి ఉన్నా..' అంటూ ఏడ్చేశాడు. మరోవైపు ఈరోజు హౌస్‌లోకి జీవిత, రాజశేఖర్‌, అనూప్‌ రూబెన్స్‌ వచ్చి సందడి చేశారు. మరి ఆ సందడి, మాస్టర్‌ గుండెల్లో రేగిన అలజడి చూడాలంటే నేడు రాత్రి 9 గంటలకు ప్రసారమయ్యే ఎపిసోడ్‌ చూడాల్సిందే! చదవండి: నా ఫ్రెండ్స్‌ నన్ను ద్వేషించేవారు, ఎన్నో కష్టాలు అనుభవించాను

సాధారణంగా నామినేషన్స్‌ ప్రక్రియను బిగ్‌బాస్‌ ప్రేమికులు ఎంజాయ్‌ చేస్తారు. కానీ రెండు రోజులుగా సాగిన నామినేషన్స్‌తో ప్రేక్షకుల తల బొప్పి కట్టింది. కొట్టుకోవడం ఒక్కటే తక్కువగా అన్నట్లుగా పోట్లాడుకున్నారు హౌస్‌మేట్స్‌. ఆటలో రఫ్ఫాడించే నటరాజ్‌ మాస్టర్‌ నామినేషన్స్‌లోనూ జూలు వదిలిన సింహంలా పోరాడాడు. తనకు టాప్‌ 5లో ఉండే అర్హత లేదు అన్నందుకు బిందుమాధవిపై నిప్పులు చెరిగాడు. బయట పీఆర్‌ టీంలు పెట్టుకుని హౌస్‌లో కొనసాగుతోందని ఆరోపించాడు. ఈ క్రమంలో నటరాజ్‌ మాస్టర్‌ ముందు నిలబడిన బిందు అతడిని చూస్తూ ఉమ్మేసింది. ఆమె ప్రవర్తనకు అక్కడున్నవారంతా షాకయ్యారు. అటు సోషల్‌ మీడియాలోనూ నట్టూ ఫ్యాన్స్‌ తీవ్రస్థాయిలో మండిపడుతున్నారు. ఆడపులి అని పిలిపించుకోవచ్చు గానీ దానికి సమర్థత కూడా ఉండాలని చెప్తున్నారు. కనీసం అతడి వయసుకైనా గౌరవం ఇచ్చి ఉండాల్సిందని అసహనం వ్యక్తం చేస్తున్నారు. అయినా స్ట్రాంగ్‌గా ఆడే నటరాజ్‌ మాస్టర్‌ ఎక్కడ? ఏమీ ఆడకుండా కూర్చునే బిందు ఎక్కడ? అని విమర్శిస్తున్నారు. కిల్లర్‌ టాస్క్‌ దగ్గర నుంచి ప్రతీ టాస్క్‌లోనూ నటరాజ్‌ చెడుగుడు ఆడేస్తూ అందరి మనసులు గెలుచుకున్నాడని, కానీ బిందు ఎక్కడ గేమ్‌ ఆడిందో కనిపించడం లేదని సెటైర్లు వేస్తున్నారు.  ఆమె పీఆర్‌ టీం బిందుమాధవికి ఆడపులి అన్న ట్యాగ్‌ ఇచ్చిందని, ఇతర కంటెస్టెంట్లు ఆమెను ఏమన్నా సరే వారిపై బూతులతో రెచ్చిపోతూ కామెంట్లు చేస్తున్నారని ఆగ్రహం వ్యక్తం చేస్తున్నారు. ఆమెను గెలిపించుకోవడానికి పీఆర్‌ టీం అహర్నిశలు కష్టపడుతోందని, అటు బిగ్‌బాస్‌ కూడా ఈసారి లేడీ విన్నర్‌కే కిరీటం పెట్టాలని ముందే ఫిక్స్‌ అయిపోయినట్లు కనిపిస్తోందని కామెంట్లు చేస్తున్నారు. అటు బిందు ఫ్యాన్స్‌ ఈ విమర్శలను తిప్పికొడుతున్నారు. ముందు నటరాజ్‌ మాస్టర్‌కు అమ్మాయిలను గౌరవించడం నేర్పించండని కౌంటర్‌ ఇస్తున్నారు. బిందు ఉమ్మేసినందుకే తప్పంటున్నారు, మరి అతడు బాబా భాస్కర్‌ ముందు కాండ్రించి ఉమ్మేశాడు. అప్పుడు మీకు రోషం పొడుచుకురాలేదా? అని తిట్టిపోస్తున్నారు. మొత్తానికి ఈ ఫ్యాన్స్‌ వార్‌తో సోషల్‌ మీడియాలో #BiggBossNonStop, #BinduMadhavi హ్యాష్‌ట్యాగ్‌ తెగ ట్రెండ్‌ అవుతున్నాయి. Tamil bigg boss antene istam anta... kamal hassan norella bettaru.. ee ammayi enti mother tongue ki value ivvatledu ani.. So nat master correct ganey guess chesaru.. cup kosamey telugollu kavali..aa tarvatha vadilestundi ani🔥 #BiggBossNonStop #BiggBossNonStopTelugu pic.twitter.com/98QOVa2UZv — BiggBossTeluguSpy (@bbteluguspy) May 11, 2022 One Contestant Vs All Other Contestants & BB Management & PR &Paid mafia & Trolls,Abuses,Harassment But Fighting like a warrior One &Only @thebindumadhavi#BinduMadhavi🐯 #BiggBossNonStop VOTE FOR BINDU MADHAVI pic.twitter.com/GvqJrvSG01 — Shareef (@UrsShareef) May 11, 2022 #BiggBossNonStop No Drama No Safe game No Fakeness No sympathy drama Only Genuine Honest Fearless in debate. Lady tigress #BinduMadhavi. VOTE FOR BINDU MADHAVI. Go to DISNEY PLUS HOTSTAR. Search BIGBOSS NONSTOP Select VOTE Click BINDU MADHAVI Give 10 VOTES. pic.twitter.com/Fm4vuqNKUk — N Harsha (@harshanamburi) May 11, 2022 #BiggBossNonStop For me this is her best It needs lots of guts and strength Becoz of this treatment, yesterday Mithraw behaved 80% normal and ariyana and Siva ripped her with point to point.#BinduMadhavi is a Brand now pic.twitter.com/GnVmup0Tsj — Vijay (@Vijay2itz) May 11, 2022 I am from Chennai, I support Baba Master.I don't support people who spit when others are speaking and people who are arrogant. All Tamilians support #BabaMaster Thanks #NatrajMaster for exposing #BinduMadhavi and asking us to vote for genuine people like Baba. #BiggBossNonStop https://t.co/a5caXnzjHM — AYUSH (@ayush45MM) May 11, 2022 చదవండి: నా విషయం పక్కనపెట్టు, నీ ముఖం సంగతేంటి?: ట్రోలింగ్‌కు నటి కౌంటర్‌ పరాశక్తిలా బిందు మాధవి ఫోజు.. శూర్పణఖ ఆడియెన్స్ నీ ముక్కు కోస్తారు

బిగ్‌బాస్‌ కథ క్లైమాక్స్‌కు చేరుకుంటోంది. మరో రెండు వారాల్లో బిగ్‌బాస్‌ నాన్‌స్టాప్‌ గ్రాండ్‌ ఫినాలే జరగనుంది. ఈ క్రమంలో ఎవరు ఫైనల్‌కు చేరుకుంటారన్నదానిపై సర్వత్రా ఆసక్తి నెలకొంది. ప్రస్తుతం హౌస్‌లో అరియానా, నటరాజ్‌ మాస్టర్‌, అనిల్‌, మిత్ర, యాంకర్‌ శివ, బిందు మాధవి, అఖిల్‌, బాబా భాస్కర్‌ ఉన్నారు. వీరిలో అఖిల్‌, బిందుమాధవి, యాంకర్‌ శివ, బాబా భాస్కర్‌, నటరాజ్‌ మాస్టర్‌ ఫినాలేలో చోటు దక్కించుకునే అవకాశాలు పుష్కలంగా ఉన్నాయి. అయితే ఈసారి టాప్‌ 5కి బదులుగా టాప్‌ 6 ఉంటుందని జోరుగా ప్రచారం జరుగుతోంది. అదే నిజమైతే ఆ ఐదుగురితో పాటు మిత్ర, అరియానాలలో ఒకరికి అవకాశం దక్కే ఛాన్స్‌ ఉంది. ఇదిలా ఉంటే బిగ్‌బాస్‌ కథ చివరికి చేరుకుంటున్నా నామినేషన్స్‌లో మాత్రం ఫైర్‌ తగ్గడం లేదు. తాజాగా పదకొండో వారం నామినేషన్స్‌లో భాగంగా బిగ్‌బాస్‌ ఏ ముగ్గురు ఫినాలేకు చేరుకోవడానికి అర్హులు కారో చెప్పాలని హౌస్‌మేట్స్‌ను ఆదేశించాడు. దీంతో బిందుమాధవి ఊహించినట్లుగానే మిత్ర, అఖిల్‌, నటరాజ్‌లు ఫినాలేకు అనర్హులని చెప్పింది. నేనొకటి మాట్లాడుతుంటే అన్‌సింక్‌లో నువ్వొకటి మాట్లాడుతుంటవ్‌ అని అఖిల్‌ అనగా.. 'నీకు బ్రెయిన్‌ లేదు కదా, ఉంటే ఏం మాట్లాడుతున్నానో అర్థమయ్యేది అని ఫైర్‌ అయింది. ఎమోషన్స్‌ వాడుకుంటూనే ఎమోషన్స్‌ వాడనంటుంది, వాహ్‌.'. అని అఖిల్‌ బిందుపై సెటైర్‌ వేశాడు. అటు నటరాజ్‌.. నీ వల్ల మీ నాన్న ఫెయిల్‌ అయ్యాడు. ఈమెకు జ్ఞానాన్ని నేర్పండి. తెలుగమ్మాయికి ఉన్న ఒక్క లక్షణం కూడా నీకు లేదు అంటూ బిందు తండ్రికి రిక్వెస్ట్‌ చేశాడు. నిద్రపోయిన సింహాన్ని లేపావు అంటూ నటరాజ్‌ మాస్టర్‌ ఉడికిపోయాడు. 'పిచ్చి ముదిరిపోయింది, నీకు పిచ్చి, నీ పిచ్చి మొత్తం బయటకు తీస్తా, ఒక్కసారి కూడా గేమ్‌ ఆడలేదు, పనికిరాని పిల్లి' అని బిందును తిడుతూ రెచ్చిపోయాడు. మరి ఇంతకీ ఈ నామినేషన్స్‌లో ఎవరెవరున్నారో తెలియాలంటే రాత్రి 9 గంటల వరకు వేచి చూడాల్సిందే! చదవండి: అశును వరస్ట్‌ అన్న రవి, కోపంతో ఆమె ఏం చేసిందంటే? 'బిగ్‌ డే, నా కల నెరవేరబోతోంది' డైమండ్‌ రింగ్‌తో హీరోయిన్‌

బిగ్‌బాస్‌ నాన్‌స్టాప్‌ షోలో ఆఖరి కెప్టెన్‌గా బాబా భాస్కర్‌ ఎన్నికయ్యాడు. ఆది నుంచి కెప్టెన్సీకోసం కష్టపడ్డ చాలామందికి ఇప్పటికీ కెప్టెన్‌ అయ్యే అవకాశం రాలేదు. కానీ వైల్డ్‌ కార్డ్‌ ఎంట్రీ ఇచ్చిన బాబా భాస్కర్‌ మాత్రం హౌస్‌లో అడుగుపెట్టిన వారం రోజులకే కెప్టెన్‌గా అవతరించడం విశేషమనే చెప్పాలి. ఇదిలా ఉంటే షో ప్రారంభమై ఇప్పటికే రెండు నెలలు కావస్తున్న తరుణంలో బిగ్‌బాస్‌ కంటెస్టెంట్ల కోసం ఓ సర్‌ప్రైజ్‌ ప్లాన్‌ చేశాడు. ప్రస్తుతం హౌస్‌లో ఉన్న టాప్‌ 10 హౌస్‌మేట్స్‌ కోసం వారి కుటుంబ సభ్యులను ఇంట్లోకి పంపించాడు. ఈమేరకు ఓ ప్రోమో వదిలాడు. అందులో భాగంగా అషూ తల్లి బిగ్‌బాస్‌ ఇంట్లోకి వచ్చింది. అయితే ఆమె చీపురు పట్టుకుని హౌస్‌లోకి రావడంతో అషూ వణికిపోయింది. చీపురుపట్టుకుని వచ్చావేంటి, పరువు పోతుంది మమ్మీ అంటూ వెళ్లి తన తల్లిని హత్తుకోవడంతో ఆమె చేతిలోని చీపురు కింద పడేసింది. ఆ తర్వాత నీ ఫేవరెట్‌ ఎవరంటే అషూ కాకుండా అందరూ అని బదులివ్వడంతో అక్కడున్నవాళ్లంతా సరదాగా నవ్వారు. అనంతరం యాంకర్‌ శివ సోదరి యమున హౌస్‌లోకి వచ్చింది. అలాగే నటరాజ్‌ మాస్టర్‌ భార్యాకూతురు గేట్‌ లోపల నుంచి లోపలకు రావడంతో అతడు ఎమోషనల్‌అయ్యాడు. తన గారాలపట్టిని ఎత్తుకుని ముద్దాడాడు. కూతురిని ఆడిస్తూ సంబరపడిపోయాడు. చదవండి: 'పోకిరి' ఆఫర్‌ను రిజెక్ట్‌ చేసిన హీరోయిన్స్‌ ఎవరో తెలుసా? 'నటుడిగా పనికిరావు, పోయి ఇంకేదైనా పని చూసుకో అని హేళన చేశారు'

బిగ్‌బాస్‌ నాన్‌స్టాప్‌ షోలో ఎన్నో ప్రయత్నాల అనంతరం ఎట్టకేలకు కెప్టెన్‌ అయ్యాడు యాంకర్‌ శివ. మరోపక్క కెప్టెన్సీ కంటెండర్‌ టాస్క్‌లో అయోమయంతో నిర్ణయాలు తీసుకున్న అషూ వరస్ట్‌ కంటెస్టెంట్‌గా ఎంపికై జైలు పాలయ్యింది. ఇదిలా ఉంటే తాజాగా బిగ్‌బాస్‌ వారికి చిన్ననాటి జ్ఞాపకాలను గుర్తు చేసుకునే అవకాశం కల్పించాడు. కొన్ని ఫ్యామిలీ ఫొటోలను పంపించి దానితో మీకున్న అనుభవాలను తెలియజేయమన్నాడు. ఈ సందర్భంగా నటరాజ్‌ మాస్టర్‌ తను డ్యాన్స్‌ చేస్తున్నట్లుగా ఉన్న ఫొటో చూపిస్తూ ఎమోషనలయ్యాడు. 'చదువుకోకుండా డ్యాన్సులేంట్రా? ప్రభు మాస్టర్‌ ఏమైనా ఫుడ్‌ పెడతాడా? అని తిట్టేవారు. కానీ ఈరోజు నేను ఫుడ్‌ తింటున్నాను, నా ఫ్యామిలీని చూసుకుంటున్నాను, ఇంతపెద్ద ప్లాట్‌ఫామ్‌ మీదకు వచ్చి మీకు ఫుడ్‌ పెడుతున్నాను అంటే అదంతా ప్రభు మాస్టర్‌ వల్లే' అని చెప్పుకొచ్చాడు. శివ తన ఫ్యామిలీ ఫొటో చూపిస్తూ.. ఈ ఫొటో తర్వాత అమ్మవాళ్లతో కలిసిలేను. అమ్మ నన్ను ఇంట్లో నుంచి పంపించేసింది అని బాధపడ్డాడు. తర్వాత మిత్ర తన చిన్ననాటి ఫొటో చూపిస్తూ భావోద్వేగానికి లోనైంది. 'నన్ను పట్టుకున్న చేయి మా అమ్మది, కానీ నా కన్నతల్లిని నేనెప్పుడూ చూడలేదు. అమ్మ చేయి మాత్రమే నాకు తెలుసు' అని తెలిపింది. తర్వాత అనిల్‌ వంతు రాగా నా కంటే ముందు అన్నయ్య ఉండేవాడు, కానీ పుట్టిన రెండు రోజులకే చనిపోయాడు అంటూ ఏడ్చేశాడు. అటు బిందుమాధవి కూడా అన్నయ్యతో దిగిన ఫొటోలు చాలా తక్కువ అని, అతడిని మిస్‌ అవుతున్నానని చెప్పింది. చదవండి: ప్రియురాలితో యాంకర్‌ వివాహం, నెట్టింట ఫొటోలు వైరల్‌  ప్రేక్షకులు మెచ్చిన తెలుగు వెబ్‌ సిరీస్‌లు ఇవే..

సాధారణంగా బిగ్‌బాస్‌ షోలో సండే అనగానే ఫండే అంటూ ఎపిసోడ్‌ స్టార్ట్‌ చేస్తాడు నాగార్జున. కానీ బిగ్‌బాస్‌ తెలుగు ఓటీటీ షోలో మాత్రం ఫన్‌ అండ్‌ ఫ్రస్టేషన్‌ రెండూ చూపిస్తాడు. ఇక ఈ వారం అయితే ఎన్నడూ లేనంతగా సీరియస్‌ అయ్యాడు. హౌస్‌మేట్స్‌ ప్రవర్తనపై తీవ్రస్థాయిలో ఫైర్‌ అయ్యాడు. ఈ మేరకు తాజాగా ప్రోమో రిలీజైంది. ముందుగా నాగ్‌ హౌస్‌మేట్స్‌ను ఒక్కొక్కరిగా కన్ఫెషన్‌ రూమ్‌లోకి పిలుస్తూ నిన్ను మోసం చేస్తుంది ఎవరో చెప్పాలన్నాడు. మోసం చేసేంత చనువు తానెవరికీ ఇవ్వలేదని తెలివిగా ఆన్సరిచ్చాడు మహేశ్‌ విట్టా. అసలు ఈ హౌస్‌లో ఎవరినీ నమ్మడం లేదని తనదైన స్టైల్‌లో సమాధానమిచ్చింది హమీదా. ఇక నటరాజ్‌ మాస్టర్‌ యాంకర్‌ శివ మోసం చేస్తున్నాడని చెప్పినట్లు తెలుస్తోంది. చివరికి అతడు బిందును కూడా మోసం చేస్తాడన్నాడు. స్రవంతి.. తను ఎంతో బెస్ట్‌ ఫ్రెండ్స్‌గా భావించిన అఖిల్‌, అజయ్‌ మోసం చేశారని తెలిపింది. యాంకర్‌ శివ.. నటరాజ్‌ మాస్టర్‌ పేరు చెప్పాడు. ఈ సందర్భంగా నటరాజ్‌ మాస్టర్‌కు లుంగీ ఎత్తి చూపించడం కరెక్ట్‌ అనుకుంటున్నావా? అని సూటిగా ప్రశ్నించాడు. దానికి శివ సరదాగా అన్నానని చెప్పగా బిగ్‌బాస్‌ వీడియో ప్లీజ్‌ అంటూ అతడి నిజస్వరూపాన్ని బయటపెట్టాడు. అటు మాస్టర్‌ బూతులు మాట్లాడటాన్ని కూడా తప్పుపట్టాడు నాగ్‌. 23 ఏళ్ల అనుభవం ఉంది.. ఆ బూతులు మాట్లాడటమేంటి? అని ప్రశ్నించడంతో నటరాజ్‌ నీళ్లు నమిలాడు. మరోవైపు లుంగీ ఎత్తడం తప్పు అని శివను హెచ్చరిస్తుండగా పదేపదే మధ్యలో కలగజేసుకున్న మాస్టర్‌ మీద ఫుల్‌ ఫైర్‌ అయ్యాడు హోస్ట్‌. మాస్టర్‌ సైలెంట్‌, నేను అతడితో మాట్లాడుతున్నాను కదా అని మండిపడ్డాడు. మరి నాగ్‌ చేతిలో ఎవరికి కోటింగ్‌ పడతాయి?, ఎవరికి కాంప్లిమెంట్స్‌ దక్కుతాయో తెలియాలంటే నేడు సాయంత్రం 6 గంటలకు ప్రసారమయ్యే బిగ్‌బాస్‌ నాన్‌స్టాప్‌ ఎపిసోడ్‌ చూడాల్సిందే! చదవండి:  ఏడేళ్ల లవ్‌.. చూడకూడని స్థితిలో బావను చూశాను: అరియానా బ్రేకప్‌ స్టోరీ ప్రభాస్‌ ‘నో’ చెప్పి ఉంటే ఆదిపురుష్‌ ఉండేది కాదు

బిగ్‌బాస్‌ నాన్‌స్టాప్‌ షో వీకెండ్‌కు రెడీ అవుతోంది. అయితే ఎలిమినేషన్‌ కన్నాముందు వరస్ట్‌ పర్ఫామర్‌ను ఎన్నుకోవాల్సిన సమయం వచ్చేసింది. దీంతో మెజారిటీ ఇంటిసభ్యులు బిందుమాధవి పేరును ప్రస్తావించినట్లు తెలుస్తోంది. గేమ్‌లో నిర్లక్ష్యంగా వ్యవహరించి కాయిన్స్‌ పోగొట్టుకుందంటూ చాలామంది ఆమెను చెత్త ప్లేయర్‌గా అభిప్రాయపడ్డారు. ఆఖరికి ఆమె ఫ్రెండ్‌ యాంకర్‌ శివ కూడా కాయిన్స్‌ పోగొట్టుకోవడం తప్పంటూ బిందుకు వరస్ట్‌ పర్ఫామర్‌ ట్యాగ్‌ ఇచ్చాడు. ఈ క్రమంలో బిందు తన ఆటను తప్పుపట్టిన హౌస్‌మేట్స్‌ తీరును తిప్పికొట్టే ప్రయత్నం చేసింది. దీంతో మరోసారి అఖిల్‌, బిందుమాధవి మధ్య గొడవ రాజుకుంది. ఈ వారం బిందు వరస్ట్‌ పర్ఫామర్‌గా ఎంపికై జైల్లో పడ్డట్లు కనిపిస్తోంది. మరోవైపు అటు నటరాజ్‌ మాస్టర్‌, యాంకర్‌ శివ మధ్య కూడా పెద్ద ఫైట్‌ నడిచినట్లు కనిపిస్తోంది. కొట్టకపోతే అడుగు అంటూ శివకు సవాలు విసిరాడు నటరాజ్‌. ఇద్దరూ ఒకరిమీదకు ఒకరు దూసుకెళ్తుండటంతో వీరి కొట్లాటను ఆపే ప్రయత్నం చేసింది కెప్టెన్‌ అషూ. కోపంతో రగిలిపోయిన నటరాజ్‌ మాస్టర్‌ కిచెన్‌లో కూడా చిందులు తొక్కాడు. నాకు రక్తం మరిగిపోతుంది, ఎన్నిసార్లు ఊరుకుంటాను? కత్తి తెచ్చి కట్‌ చేసి పాడేద్దామనుకున్నాను అని ఆవేశంతో ఊగిపోయాడు. చివర్లో మనిషికి రెండు కళ్లు, శివుడికి మూడు కళ్లు, నటరాజ్‌కు ఒళ్లంతా కళ్లు అన్న తనదైన స్టైల్‌లో డైలాగ్‌ వదిలాడు నటరాజ్‌ మాస్టర్‌. చదవండి: ఓటీటీల్లో మిస్‌ అవ్వకూడని టాప్‌ 6 సినిమాలు..  ఏడేళ్ల లవ్‌.. బావ అనుమానించాడు: అరియానా బ్రేకప్‌ స్టోరీ

ఆర్జే చైతూ ఎలిమినేట్‌ కాకపోయుంటే ఈ వారం కెప్టెన్‌గా అతడు బిగ్‌బాస్‌ హౌస్‌ను ఏలేవాడు. కానీ ఊహించని ఎలిమినేషన్‌తో అతడు బిగ్‌బాస్‌ హౌస్‌ను వీడక తప్పలేదు. దీంతో ప్రస్తుతం ఇల్లు కెప్టెన్‌ లేకుండానే నడుస్తోంది. ఇక బిగ్‌బాస్‌ హౌస్‌మేట్స్‌కు కెప్టెన్సీ కంటెండర్స్‌ టాస్క్‌ ఇచ్చాడు. ఇందులో భాగంగా గార్డెన్‌ ఏరియాలో విసిరేసే స్టార్స్‌ను ఎవరైతే ఎక్కువగా దక్కించుకుంటారో వారు కెప్టెన్సీకి పోటీపడతారు. ఇక ఎలాగైనా గెలవడం కోసం దొంగతనానికి కూడా వెనుకాడట్లేదు హౌస్‌మేట్స్‌. ఈ క్రమంలో తనను అభ్యంతరకరంగా టచ్‌ చేశాడంటూ అఖిల్‌ మీద ఫిర్యాదు చేసింది హమీదా. తనమీద లేనిపోని నిందలేయొద్దని అఖిల్‌ వారించగా సంచాలకురాలిగా వ్యవహరించిన అషూ వీరి గొడవను సద్దుమణిగే ప్రయత్నం చేసింది. ఇదిలా ఉంటే ఈ రోజు తెల్లారేసరికి కొందరి స్టార్లు చోరీ అయ్యాయట. అతడెవరో తెలిసినా చెప్పనని బుకాయించింది అరియానా. మరోపక్క అషూ.. అఖిల్‌ మీద అలిగింది. నా మీద అరిచేస్తూ, హర్ట్‌ చేసి సారీ చెప్పకని కుండ బద్ధలు కొట్టింది. గేమ్‌లో నటరాజ్‌ మాస్టర్‌ స్టార్లు దాచుకున్న కవర్‌ చినగడంతో వాటన్నింటినీ మిగతా కంటెస్టెంట్లు లాగేసుకున్నారు. దీంతో చిర్రెత్తిపోయిన మాస్టర్‌ ఏం చేయాలో అర్థం కాక తన చెంపలు వాయించుకుని ఏడ్చేశాడు. మరి ఈ గేమ్‌లో ఎవరు గెలుస్తారు? నెక్స్ట్‌ కెప్టెన్‌ ఎవరన్నది తెలియాలంటే బిగ్‌బాస్‌ నాన్‌స్టాప్‌ చూడాల్సిందే! చదవండి: గులాబీ పూలతో వెంటపడిన అమ్మాయిలు.. సిగ్గు పడిన హీరో

బిగ్‌బాస్‌ నాన్‌స్టాప్‌ షోలో వినోదం కంటే గొడవలే ఎక్కువగా కనిపిస్తున్నాయి. బిగ్‌బాస్‌ కంటెస్టెంట్లను వారియర్స్‌, చాలెంజర్స్‌ అంటూ రెండు టీములుగా విభజించడంతో వారి మధ్య పోటీ రసవత్తరంగా మారింది. తాజాగా మరోసారి ఈ రెండు టీముల మధ్య బేధాభిప్రాయాలు వచ్చాయి. ఈ మేరకు హాట్‌స్టార్‌ తాజాగా ప్రోమో రిలీజ్‌ చేసింది. వారియర్స్‌.. వారి వసతులు గెలుచుకునేందుకు చివరి అవకాశంగా ఓ టాస్క్‌ ఇచ్చాడు బిగ్‌బాస్‌. బాస్కెట్‌ బొనాంజా టాస్క్‌లో వారియర్స్‌ గెలవగా వారు లగేజీ, బెడ్‌రూమ్‌ యాక్సెస్‌లో ఏదో ఒకటి పొందే చాన్స్‌ దక్కింది. దీంతో వారియర్స్‌ లగేజీ తీసుకుంటున్నామని ప్రకటించారు. ఆ తర్వాత వారియర్స్‌ వంట చేయడంలో బిజీగా అయిపోగా ఆర్జే చైతూ చాలెంజర్స్‌ను వెంటేసుకుని కిచెన్‌లో అడుగుపెట్టాడు. 'బెడ్‌రూం లేదా లగేజీ యాక్సెస్‌.. ఈ రెండింటిలో ఏ వసతిని వారియర్స్‌కు ఇవ్వాల్సి ఉంటుందో చాలెంజర్స్‌ సభ్యులు నిర్ణయించుకోవాల్సి ఉంటుంది' అని కొత్త నిబంధనను వినిపించాడు చైతూ. దీంతో కెప్టెన్‌ అషూ.. మా లగేజీని వెనక్కు తీసుకోవాలుకుంటున్నారా? అని అడిగింది. ఏదివ్వాలని మేము నిర్ణయించాలి, కానీ మీరు ముందుగానే తీసేసుకున్నారని చెప్పడానికి వచ్చామని బిందుమాధవి తెలిపింది. దీనికి నటరాజ్‌ మాస్టర్‌ స్పందిస్తూ.. మనకు అందమెంత ఇచ్చాడో మన మనసు, ఆలోచన కూడా అంతే అందంగా ఉండాలని తేజస్వితో చెప్పుకొచ్చాడు. ఫేస్‌ టు ఫేస్‌ డైరెక్ట్‌గా చెప్తే వింటాను అని గట్టిగా ఇచ్చిపడేసింది బిందు. అందమైన మనసుండాలని చెప్పానంతేనని నటరాజ్‌ మాస్టర్‌ ఆన్సరిచ్చాడు. మరి వీరి గొడవ ఎంతదూరం వెళ్తుందో చూడాలంటే నేడు రాత్రి 9 గంటలకు హాట్‌స్టార్‌లో ప్రసారమయ్యే ఎపిసోడ్‌ చూడాల్సిందే! E choose the answer ki anni aatankale! Mana housemates edi enchukuntaru? Catch them on @DisneyPlusHS today at 9 PM on #BiggBossNonStop #BiggBoss #BiggBossTelugu @endemolsunshineind pic.twitter.com/fnJRkzi7mr — DisneyPlus Hotstar Telugu (@DisneyPlusHSTel) March 9, 2022

బిగ్‌బాస్‌ నాన్‌స్టాప్‌లో నిమిషానికో రకంగా మారిపోతున్నారు హౌస్‌మేట్స్‌. అప్పుడే నవ్వుతూ కనిపించే కంటెస్టెంట్లు ఆ మరుక్షణమే గొడవలో దూరుతూ కన్నీళ్లు పెట్టుకుంటే మరికొందరేమో బూతులు మాట్లాడుతూ చెవులు మూసుకునేలా చేస్తున్నారు. మరీ ముఖ్యంగా గొడవలంటే చాలు ఎవరూ తగ్గేదే లే అన్నట్లుగా ఢీ అంటే ఢీ అంటూ ముందుకు దూకుతున్నారు. ఫలితంగా ఏడుపులు, పెడబొబ్బలు ఉండనే ఉన్నాయి. ఈ క్రమంలో నా మంచితనాన్ని ఆధారంగా చేసుకుని నన్ను చులకన చేస్తున్నారంటూ ఏడ్చేసింది సరయు. హమీదా ఎప్పుడూ తనను చులకన చేస్తూ మాట్లాడుతోందని కన్నీళ్లు పెట్టుకుంది. దీంతో అఖిల్‌ వెళ్లి ఆమెను ఓదార్చాడు. ఆ తర్వాత సరయు నేరుగా హమీదా దగ్గరకు వెళ్లి తన పైన జోకులు చేయొద్దని నొక్కి చెప్పింది. మరోవైపు యాంకర్‌ శివ పులిహోర కలుపుతూనే ఉన్నాడు. హౌస్‌లో అడుగుపెట్టగానే అరియానాను పొగిడిన ఆయన ఆ తర్వాత బిందు మాధవిని ఫోకస్‌ చేస్తూ ఆమె మీద పొగడ్తల వర్షం కురిపిస్తున్నాడు. చదవండి: అషూ మీద నీళ్లు ఉమ్మేసిన చైతూ, షాకైన హౌస్‌మేట్స్‌ ఇక కెప్టెన్సీ టాస్ఖ్‌లో అఖిల్‌, బిందు మాధవికి మధ్య పెద్ద ఫైటే జరిగింది. తాను ఫిజికల్‌ అయితే మామూలుగా ఉండదంటూ హీరోయిన్‌కు వార్నింగ్‌ ఇచ్చాడు అఖిల్‌. మరో పక్క నటరాజ్‌ మాస్టర్‌, యాంకర్‌ శివ దాదాపు కొట్టుకున్నంత పని చేశారు. రా అన్నావంటే తోలు తీస్తా, ఏం పీకుతావో చూస్తా అంటూ యాంకర్‌ శివ పైపైకి వెళ్లాడు మాస్టర్‌. దీంతో మిగతా హౌస్‌మేట్స్‌ వారిని కూల్‌ చేసేందుకు చాలానే  ప్రయత్నించారు. ఫైనల్‌గా మహేశ్‌, తేజస్వి, నటరాజ్‌, సరయు మొదటి వారం కెప్టెన్సీ పోటీదారులుగా నిలిచారు. మరి వీరిలో ఎవరు కెప్టెన్‌ అవుతారో చూడాలి! Voice being raised 🔊 words being exchanged 🤬 Can the contestants keep their 🆒?! Don't miss the recap episodes every day at 10 am and 9 pm, exclusively on @DisneyPlusHS@EndemolShineIND#BiggBoss #BiggBossNonStop #BiggBossTelugu pic.twitter.com/o5bSEoMqih — DisneyPlus Hotstar Telugu (@DisneyPlusHSTel) March 2, 2022

బిగ్‌బాస్‌.. ఆరడుగుల దూరం నుంచి చూసే ఈ షో అరచేతిలో నుంచి చూసేంత దగ్గరయ్యైంది. బుల్లితెర నుంచి మొబైల్‌ ఫోన్‌లో చూసేందుకు వీలుగా ఓటీటీలోకి వచ్చేసింది. కొత్త, పాత కంటెస్టెంట్ల కలయికతో బిగ్‌బాస్‌ నాన్‌స్టాప్‌ గ్రాండ్‌గా ప్రారంభమైంది. వచ్చీరావడంతోనే పరిచయాలే కాదు పోట్లాటలు కూడా మొదలు పెట్టేశారు కంటెస్టెంట్లు. ఒకరినొకరు తెలుసుకునే క్రమంలో గొడవలు రాజుకుంటున్నాయి. అగ్నికి ఆజ్యం పోసినట్టుగా దీనికి నామినేషన్‌ ప్రక్రియ తోడైంది. వారియర్స్‌, చాలెంజర్స్‌ మధ్య జరిగిన నామినేషన్‌ రసాభాసగా మారింది. ఈ ప్రక్రియలో పాల్గొన్న చైతు తనను బాడీ షేమింగ్‌ చేస్తున్నాడంటూ నటరాజ్‌ మాస్టర్‌ను నామినేట్‌ చేశాడు. దాదాపు చాలెంజర్స్‌ అందరూ నటరాజ్‌ మాస్టర్‌ను నామినేట్‌ చేశారు. దీంతో తనను టార్గెట్‌ చేశారంటూ మాస్టర్‌ కంటతడి పెట్టుకున్నాడు. నేను అందరికీ ఆదర్శంగా నిల్చుంటానే తప్ప బాడీ షేమింగ్‌ చేయలేదంటూ మోకాలి మీద కూర్చుని ఏడ్చేశాడు. అయితే  తాను చిన్నప్పటి నుంచి బాడీ షేమింగ్‌ కామెంట్లు ఫేస్‌ చేస్తున్నా కాబట్టే తట్టుకోలేకపోయానని కన్నీళ్లు పెట్టుకున్నాడు చైతు. వారియర్స్‌ అందరూ ఏకాభిప్రాయంతో మిత్ర శర్మ, చైతూను నామినేట్‌ చేశారు. ఫైనల్‌గా తొలివారం నటరాజ్‌ మాస్టర్‌, సరయు, హమీదా, మిత్ర శర్మ, ఆర్జే చైతూ, అరియానా, ముమైత్‌ ఖాన్‌ నామినేషన్స్‌లో ఉన్నారు. మరి వీరిలో ఎవరు ఎలిమినేషన్‌ గండం గట్టెక్కుతారు? ఎవరు వచ్చిన వారంలోనే బయటకు వెళ్లిపోతారు? అనేది చూడాలి! Nominations bringing out the True Emotions!!⚔️😱💥💥 It's 🔥🔥🔥🔥 in the House, ofcourse with Nonstop entertainment!! #Biggboss #BiggBossTelugu #BiggBossNonStop @DisneyPlusHS @EndemolShineIND pic.twitter.com/n8XQVlJMLd — DisneyPlus Hotstar Telugu (@DisneyPlusHSTel) February 28, 2022

తెలుగులో వస్తున్న డ్యాన్స్‌ రియాలిటీ షోలకు నటరాజ్‌ మాస్టర్‌ ఓరకంగా ఆద్యుడని చెప్పవచ్చు. గతంలో ఉదయభానుతో కలిసి డ్యాన్స్‌ బేబీ డ్యాన్స్‌ షో చేసిన నటరాజ్‌ పలు షోలకు కొరియోగ్రాఫర్‌గా, మెంటార్‌గా వ్యవహరించాడు. దాదాపు టాప్‌ హీరోలు, దర్శకులందరితోనూ కలిసి పని చేసిన నటరాజ్‌ మాస్టర్‌కు 20 ఏళ్లకు పైనే అనుభవం ఉంది. కృష్ణా జిల్లాకు చెందిన ఈ కొరియోగ్రాఫర్‌ ఏడు సంవత్సరాలుగా ప్రేమించిన అమ్మాయినే పెళ్లి చేసుకున్నాడు. భార్య ఏడు నెలల గర్భంతో ఉన్నప్పుడు బిగ్‌బాస్‌ ఐదో సీజన్‌లో అడుగు పెట్టిన ఆయన బిడ్డ పుట్టిన తర్వాత మరోసారి బిగ్‌బాస్‌లో అడుగుపెట్టాడు. అప్పుడు భార్య కోసం, ఇప్పుడు కూతురి కోసం షోలోకి వచ్చానని, ఈసారి మాత్రం తగ్గేదేలే అంటున్నాడు. రోరింగ్‌ ట్యాగ్‌తో హౌస్‌లో అడుగుపెట్టిన నటరాజ్‌ మాస్టర్‌ హౌస్‌లో ఉన్న కంటెస్టెంట్లకు ఏయే జంతువుల పేర్లు పెడతాడు? కోపాన్ని కంట్రోల్‌ చేసుకుని ఎలా ఆడతాడో చూడాలి!

Bigg Boss 5 Telugu, Natraj Master Supports VJ Sunny: నా రూటే సెపరేటు అన్నట్లుగా నడుచుకుంటూ అందరితో కయ్యానికి దిగుతూ నాలుగువారంలోనే ఎలిమినేట్‌ అయ్యాడు నటరాజ్‌ మాస్టర్‌. బిగ్‌బాస్‌ షో నుంచి బయటకు వచ్చాక అతడు ఎవరికీ సపోర్ట్‌ ఇవ్వలేదు. తాజాగా మాత్రం ముగ్గురికీ మరీ ముఖ్యంగా ఒకరికి మద్దతునిస్తున్నాడు. 'ఎవరు విన్‌ అవుతారు? ఎవరికి సపోర్ట్‌ చేస్తున్నారు? అని చాలామంది అడుగుతున్నారు. నేనైతే శ్రీరామచంద్ర, సన్నీ, షణ్ముఖ్‌.. ముగ్గురికి సపోర్ట్‌ చేస్తున్నా. షణ్ముఖ్‌కు ఎందుకు సపోర్ట్‌ అంటే.. ఒకరి ఇన్‌ఫ్లూయెన్స్‌ వల్ల జనాల్లో కొంత ఇబ్బందిపడుతున్నా నామినేషన్స్‌లో పర్ఫెక్ట్‌గా ఉండేవాడు. శ్రీరామచంద్రకు సపోర్ట్‌ ఎందుకంటే? అతడు చాలావరకు నిజమే మాట్లాడేవాడు, అనిపించింది చెప్పేవాడు. కానీ కొన్నిసార్లు మాత్రం ఇన్‌ప్లూయెన్స్‌ అయ్యాడనిపించింది' 'ఇక సన్నీ గురించి.. ఫస్ట్‌లో అతడు ఇన్‌ఫ్లూయెన్స్‌ అయ్యాడు. ఎవరేం చెప్పినా నమ్మేసేవాడు. కాకపోతే అందరితో సరదాగా ఉండేవాడు. ముగ్గురికీ సపోర్ట్‌ చేసినప్పుడు ఒక చిన్న పాయింట్‌ ఏమనిపించిందంటే శ్రీరామచంద్ర ఇండియన్‌ ఐడల్‌ విన్నర్‌. షణ్ముఖ్‌ యూట్యూబ్‌లో నెంబర్‌ 1. సన్నీ చాలారోజుల నుంచి కష్టపడుతున్నాడు.. అతడికి మంచి లైఫ్‌ రావాలనిపించింది. జనాలను ఎంటర్‌టైన్‌మెంట్‌ చేయడం ముఖ్యం. అది సన్నీ చేశాడు. తన జర్నీ చూసి నవ్వుకున్నాను, ఫీల్‌ కూడా వచ్చింది. తనను ఇష్టపడేవాళ్లను సన్నీ సూపర్‌గా ఇష్టపడతాడు. నచ్చకపోతే కొంచెం అగ్రెసివ్‌ అవుతాడు' ముగ్గురూ గెలవాలని ఉంది, కానీ ఒక్కరికే ఛాన్స్‌ కాబట్టి సన్నీ విన్‌ అవ్వాలని ఉంది. ఇన్నిరోజులు ఎందుకు ఆగానంటే వీళ్లు చివరి వరకు ఎలా ఉంటారో చూద్దామనుకున్నా. నిన్న సన్నీని ఇష్టమొచ్చినట్లు అంటూ కోపమొచ్చేలా చేశారు. అయినా సరే కంట్రోల్‌ అయ్యాడు. ఆ ప్లేస్‌లో నేనుంటే ఆగేవాడినే కాదు. తనని అలా చూస్తే బీపీ వచ్చేసింది. నరాలు తెగిపోయాయి. సన్నీ మాత్రం కంట్రోల్‌గా ఉన్నాడు. హ్యాట్సాఫ్‌ సన్నీ. సీరియల్‌ కూడా వదిలేసి బిగ్‌బాస్‌ చేస్తున్నాడు. అతడు గెలవాలని గట్టిగా పీలవుతున్నా. నా సపోర్ట్‌ కచ్చితంగా సన్నీకే. అతడికి సపోర్ట్‌ చేయండి' అని పిలుపునిచ్చాడు నటరాజ్‌ మాస్టర్‌. View this post on Instagram A post shared by Natrajmaster (@natraj_master)

బుల్లితెర హిట్‌ షో బిగ్‌బాస్‌ 9 వారం ముగింపుకు చేరుకుంది. ఈ వారం సన్నీ, శ్రీరామచంద్ర, సిరి, కాజల్‌, ప్రియాంక, రవి, జెస్సీ, విశ్వ నామినేషన్‌లో ఉన్నారు. వీరిలో విశ్వ, కాజల్‌, జెస్సీలలో ఒకరు ఎలిమినేట్‌ అయ్యే అవకాశం ఉందని ముందు నుంచీ ప్రచారం జరుగుతోంది. తాజాగా కండల వీరుడు విశ్వ హౌస్‌ను వీడనున్నట్లు వార్త లీకైంది. ఓ పక్క సూపర్‌ హీరో అని మెచ్చుకుంటూనే హౌస్‌మేట్స్‌ విశ్వను ఇంటి నుంచి పంపించివేస్తున్నారని నెటిజన్లు విచారం వ్యక్తం చేస్తున్నారు. తాజాగా ఈ విషయంపై బిగ్‌బాస్‌ కంటెస్టెంట్‌ నటరాజ్‌ మాస్టర్‌ స్పందించారు. 'అందరికీ సూపర్‌ ఎగ్జయిట్‌మెంట్‌ ఉన్న వార్త.. హౌస్‌లో నుంచి ఊసరవెల్లి బయటకు వచ్చేసింది. ఎందుకంటే అది చేసిన పాపాలు పండాయి కాబట్టే ఇలా జరిగింది' అని వ్యంగ్యంగా మాట్లాడాడు.  ఈ వీడియో చూసిన నెటిజన్లు నటరాజ్‌ మాస్టర్‌ను ఏకిపారేస్తున్నారు. 'మరి నువ్వెందుకు నాలుగో వారంలోనే బయటకు వచ్చావు? అంటే తమరెన్ని పాపాలు చేశారో!', 'మీ పాపం నాలుగో వారంలోనే పండింది', 'నువ్వు విశ్వ ఆడినదాంట్లో సగం కూడా ఆడలేదు, పైగా పోజులు కొడుతున్నావ్‌', 'నీ సోది జంతువులకు చెప్పుకోపో' అంటూ విమర్శలు గుప్పిస్తున్నారు. View this post on Instagram A post shared by BIGGBOSS 5 TELUGU 🧿 (@biggboss5teluguoffficial)

బుల్లితెర బాస్‌ బిగ్‌బాస్‌ షోకి రోజురోజుకీ ఆదరణ పెరుగుతుందే తప్ప ఏమాత్రం తగ్గడం లేదు. అందుకే పలు భాషల్లో ఈ రియాలిటీ షోను పట్టాలెక్కించారు. హిందీలో అయితే ఏకంగా 14 సీజన్లు పూర్తి చేసుకుని 15 వ సీజన్‌ ప్రసారమవుతోంది. తెలుగు, తమిళంలో ఐదో సీజన్‌ రన్‌ అవుతోంది. ఈ షోలో పాల్గొన్న కంటెస్టెంట్లకు బిగ్‌బాస్‌ తర్వాత గుర్తింపుతో పాటు మంచిమంచి ఆఫర్లు కూడా వస్తున్నాయి. బిగ్‌బాస్‌ తెలుగు ఐదో సీజన్‌లో ఐదో వారం ఎలిమినేట్‌ అయిన నటరాజ్‌ మాస్టర్‌ ఏకంగా నందమూరి బాలకృష్ణ నుంచి బంపర్‌ ఆఫర్‌ పట్టేశాడు. కాకపోతే ఇది సినిమా ఛాన్స్‌ కాదు! బాలయ్య ప్రముఖ ఓటీటీ సంస్థ 'ఆహా'లో 'అన్‌స్టాపబుల్‌ విత్‌ ఎన్‌బీకే' అనే టాక్‌ షో చేస్తున్న సంగతి తెలిసిందే కదా! దీనికి సంబంధించిన ప్రోమోలో బాలయ్య స్టెప్పులు వేయనున్నాడట, దీనికి నటరాజ్‌ మాస్టర్‌ కొరియోగ్రాఫీ చేస్తున్నట్లు ఓ వార్త నెట్టింట చక్కర్లు కొడుతోంది. ఈ మేరకు వీరిద్దరూ కలిసి దిగిన ఫొటో కూడా వైరల్‌ అవుతోంది. మరి ఇందులో ఎంత నిజముందనేది తెలియాలంటే మరికొద్ది రోజులు ఆగాల్సిందే! View this post on Instagram A post shared by Natrajmaster (@natraj_master)

Bigg Boss Telugu 5, Eliminated Contestant Natraj Master Interview: బిగ్‌బాస్‌ తెలుగు ఐదో సీజన్‌లో ఇటీవలే కొరియోగ్రాఫర్‌ నటరాజ్‌ మాస్టర్‌ ఎలిమినేట్‌ అయ్యాడు. నాలుగోవారానికే తట్టాబుట్టా సర్దుకుని బయటకు వచ్చేసినప్పటికీ అతడి ఎలిమినేషన్‌ను అభిమానులు జీర్ణించుకోలేకపోతున్నారు. ఇంకొన్నాళ్లు హౌస్‌లో ఉంటే మంచి ఎంటర్‌టైన్‌మెంట్‌ దొరికేదని అభిప్రాయపడుతున్నారు. ఇదిలా వుంటే నటరాజ్‌ మాస్టర్‌ తాజాగా సాక్షి టీవీకి ఇంటర్వ్యూ ఇచ్చాడు. ఈ సందర్భంగా ఆయన మాట్లాడుతూ.. 'నేను నాలా ఉంటే జనాలు ఎంకరేజ్‌ చేస్తారనుకున్నా, కానీ గొర్రె కసాయివాడినే నమ్మినట్లు కొందరు దొంగ నాటకాలు వేసేవాడినే సపోర్ట్‌ చేశారు' అని చెప్పుకొచ్చాడు. హౌస్‌లో ఎవరు వారిలా ఉండకుండా జనాలను ఫూల్‌ చేస్తున్నారని, అలాంటి కంటెస్టెంట్లకు మాత్రమే జంతువుల పేర్లను పెట్టానని తెలిపాడు. రవి.. లహరి తన వెనకాల పడుతుందని ఇంకో లేడీ కంటెస్టెంట్‌తో చెప్పడం తప్పని విమర్శించాడు. ఇదే గుంటనక్క వేషాలంటూ అతడి పరువు తీశాడు. సిరి, షణ్ముఖ్‌, జెస్సీ ఒక బ్యాచ్‌లా కలిసి ఆడుతున్నారన్నాడు. ఇక బరువు తగ్గే టాస్క్‌ కోసం నాలుగున్నర గంటలు వర్షంలో డ్యాన్స్‌ చేశానని, కానీ ఆ ఫుటేజీ చూపించలేదని వాపోయాడు. తనకు గతంలోనూ పలుమార్లు బిగ్‌బాస్‌ ఆఫర్‌ వచ్చిందని, ఈసారి అన్నీ కుదిరి హౌస్‌లోకి వెళ్లానని చెప్పాడు. ఇందుకోసం మూడు లక్షలపైచిలుకు పారితోషికం అందుకున్నట్లు పేర్కొన్నాడు. ఇక ఐదోవారం హౌస్‌లో నుంచి విశ్వ ఎలిమినేట్‌ అయ్యే అవకాశం ఉందని అభిప్రాయపడ్డాడు. శ్రీరామ్‌, మానస్‌లలో ఎవరైనా ఒకరు బిగ్‌బాస్‌ టైటిల్‌ గెలిచే అవకాశం ఉందని తెలిపాడు.

Bigg Boss Telugu 5, Natraj Master Remuneration: 19 మంది సెలబ్రిటీలతో గ్రాండ్‌గా మొదలైంది బిగ్‌బాస్‌ తెలుగు ఐదో సీజన్‌. చూస్తుండగానే షో నాలుగువారాలు పూర్తి చేసుకోగా నలుగురు హౌస్‌ నుంచి బయటకు వచ్చేశారు. వీరిలో సరయూ ఫస్ట్‌ వీక్‌లోనే తిరుగుముఖం పట్టగా ఉమాదేవి రెండోవారానికే తట్టాబుట్టా సర్దుకుంది. తర్వాతివారంలో లేడీ అర్జున్‌రెడ్డి లహరి షారి షో నుంచి బయటకు వచ్చేసింది. తాజాగా నటరాజ్‌ మాస్టర్‌​ షో నుంచి ఎలిమినేట్‌ అయ్యాడు. ఇంత త్వరగా బిగ్‌బాస్‌ హౌస్‌లో నుంచి బయటకు వచ్చేస్తున్నందుకు ఓ పక్క బాధగా ఉన్నప్పటికీ, గర్భంతో ఉన్న భార్య దగ్గరకు వెళ్తున్నందుకు మరోపక్క సంతోషపడ్డాడు మాస్టర్‌. ఇదిలా వుంటే నటరాజ్‌ మాస్టర్‌కు బిగ్‌బాస్‌ షో నుంచి ఎంత ముట్టిందన్నది చర్చనీయాంశంగా మారింది. సోషల్‌ మీడియాలో వినిపిస్తున్న ఊహాగానాల ప్రకారం.. మాస్టర్‌కు రోజుకు ఇంచుమించు 15 వేల రూపాయలు ఇస్తామని డీల్‌ కుదర్చుకున్నారట! ఈ లెక్కన అతడు వారానికి లక్ష రూపాయల పైచిలుకు పారితోషికం అందుకున్నట్లు తెలుస్తోంది. బిగ్‌బాస్‌ హౌస్‌లో అతడు నాలుగు వారాలున్నాడు, అంటే ఈ షో ద్వారా అతడు నాలుగు లక్షల పైనే వెనకేసుకున్నట్లు కనిపిస్తోంది. అయితే అతడు షోలో అందించిన ఎంటర్‌టైన్‌మెంట్‌ను పరిగణనలోకి తీసుకుని బిగ్‌బాస్‌ నిర్వాహకులు ముందుగా అనుకున్న డీల్‌ కన్నా కూడా ఎక్కువ పారితోషికం ఇచ్చే అవకాశం ఉందంటున్నారు నెటిజన్లు!

Nataraj Master BiggBoss Telugu 5 Elimination Interview: బిగ్‌బాస్‌ తెలుగు ఐదో సీజన్‌లో నుంచి నాలుగోవారం సింహం బయటకు వచ్చేసింది. కంటెస్టెంట్లందరికీ ఒక్కో జంతువు పేరిచ్చే నటరాజ్‌ మాస్టర్‌ తనకు తాను సింహం అని ప్రకటించుకున్న సంగతి తెలిసిందే కదా! ఈ సింహం సింగిల్‌గానే షో నుంచి ఎలిమినేట్‌ అయింది. తాజాగా మాస్టర్‌ బిగ్‌బాస్‌ బజ్‌ ఇంటర్వ్యూలో పాల్గొన్నాడు. ఈ సందర్భంగా హౌస్‌లో ఉన్న కంటెస్టెంట్లు ఎవరేంటి? అనేది పూసగుచ్చినట్లుగా వివరించాడు. తనకు ఎవరి మీదైతే కోపం ఉందో ఇంటర్వ్యూలో వారి తాట తీసినట్లు కనిపిస్తోంది. అరియానా గ్లోరీ హోస్ట్‌గా వ్యవహరించిన బిగ్‌బాస్‌ బజ్‌ ఇంటర్వ్యూలో ఆయన ఏం మాట్లాడాడో చదివేయండి.. మొదటగా నటరాజ్‌ మాస్టర్‌ విశ్వతో పాటు మరో కంటెస్టెంట్‌ ఫొటోను కింద పడేసి కాలితో తన్నేశాడు. తన ఫ్రస్టేషన్‌ అంతా బయటపెడుతూ గట్టిగా అరవడంతో అరియానా ఒక్కసారిగా షాకైంది. తర్వాత మాస్టర్‌.. ఒక్కో కంటెస్టెంట్‌ గురించి మాట్లాడాడు. యాంకర్‌ రవి టాస్క్‌ వచ్చినప్పుడు నత్తలాగా, నామినేషన్స్‌లో గుంటనక్కలాగా ఉంటాడని చెప్పుకొచ్చాడు. శ్వేత.. బిగ్‌బాస్‌ హౌస్‌లో తనకో ప్రపంచాన్ని సృష్టించుకుందన్నాడు. ప్రియను ఫిట్టింగ్‌ మాస్టర్‌ అని పేర్కొన్నాడు. తర్వాత జెస్సీ గురించి మాట్లాడుతూ.. వీడు పిల్ల బచ్చానే కానీ, మొన్న పులిహోర కలపడానికి ప్రయత్నించగా అది పులిసిపోయింది అని నవ్వేశాడు. శ్రీరామచంద్ర ముద్దపప్పులా వచ్చాడని, అతడు యాక్ట్‌ చేస్తున్నాడని కుండ బద్ధలు కొట్టేశాడు. 'మీరు మైక్‌ ధరించండి, చెవుల్లో మాట్లాడకూడదు' అన్న హెచ్చరికలు కాజల్‌నుద్దేశించే వస్తాయని తెలిపాడు. షణ్ముఖ్‌ పరమానందయ్య శిష్యుడని, తెలివి ఉన్నప్పటికీ దాన్ని వాడట్లేదని పెదవి విరిచాడు. ఇక లోబోను పొగిడినట్లే పొగిడి అతడి గాలి తీసేశాడు నటరాజ్‌ మాస్టర్‌. బిగ్‌బాస్‌ అంత ఫుడ్‌ పంపిస్తున్నా లోబో డస్ట్‌బిన్‌లో ఆహారం వెతుక్కోవమేంటి? అని అరియానా ప్రశ్నించగా అదంతా డ్రామా అని నొక్కి చెప్పాడు నట్టూ. లోబో ఇంకా రవి ఇచ్చిన మాస్క్‌లోనే ఉన్నాడని తెలిపాడు. ప్రస్తుతం ఈ ఇంటర్వ్యూ యూట్యూబ్‌లో తెగ ట్రెండ్‌ అవుతోంది.

Bigg Boss 5 Telugu, 4th Week Natraj Master Eliminated: బిగ్‌బాస్‌ తెలుగు ఐదో సీజన్‌లో ఇప్పటివరకు ఫీమేల్‌ కంటెస్టెంట్లే ఎలిమినేట్‌ అవుతూ వచ్చారు. మొదటి వారంలో సరయు, రెండో వారంలో ఉమాదేవి, మూడో వారంలో లహరి షారి బిగ్‌బాస్‌ షోకు వీడ్కోలు పలికారు. ఇక ఈసారి కూడా మళ్లీ లేడీ కంటెస్టెంట్‌ను పంపించేస్తారేమోనని అనుమానాలు వ్యక్తమయ్యాయి. అదే సమయంలో నటరాజ్‌ మాస్టర్‌ ఎలిమినేట్‌ అయ్యే అవకాశం ఉందని ఊహాగానాలు వెలువడ్డాయి. చివరాఖరకు నాగార్జున నటరాజ్‌ ఎలిమినేట్‌ అయినట్లు ప్రకటించాడు. మరి నటరాజ్‌ మాస్టర్‌ ఎందుకు ఎలిమినేట్‌ అయ్యాడో చదివేయండి.. వింత ప్రవర్తన కూడా ఓ కారణమే బిగ్‌బాస్‌ షోలోకి ఎంతో సీరియస్‌గా అడుగుపెట్టిన మాస్టర్‌ రానురాను జోకర్‌గా మారిపోయారు. టాస్క్‌ల్లో బాగానే పర్ఫామ్‌ చేసినప్పటికీ వింత బిహేవియర్‌ వల్ల కమెడియన్‌గా మారిపోయాడు. నేను మోనార్క్‌ను, నా మాటే అందరూ వినాలి, కానీ నేనెవరి మాటా వినను అన్నట్లుగా ప్రవర్తించడంతో అటు కంటెస్టెంట్లతో పాటు ఇటు జనాలకు కూడా విసుగు పుట్టించాడు. పైగా నేను సింహాన్ని.. పులితో వేట, నాతో ఆట రెండూ ప్రమాదమే అంటూ డైలాగులు వదలడం, కథలు చెప్పడం కాస్త అతిగా అనిపించాయి. ఈ వింత ప్రవర్తన అతడి ఆటను, ఓట్లను దెబ్బతీసిందనేది కాదనలేని నిజం. దెబ్బ తీసిన నామినేషన్స్‌ ఇక ఎలిమినేషన్‌కు మొదటి మెట్టు నామినేషన్‌. ఈ వారం విశ్వ, మానస్‌, హమీదా, యాంకర్‌ రవి.. నటరాజ్‌ మాస్టర్‌ను నామినేట్‌ చేశారు. ఈ క్రమంలో నటరాజ్‌ వాళ్లందరితోనూ తగాదా పెట్టుకుని మరింత నెగెటివిటీ మూటగట్టుకున్నాడు. దీంతో నామినేషన్‌ జరిగిన నెక్స్ట్‌ డే నుంచే నట్టూ హౌస్‌లో కొనసాగడం డౌటే అని కామెంట్లు చేశారు నెటిజన్లు. అలాగే కొరియోగ్రాఫర్‌ అయిన అతడు తన డ్యాన్స్‌ నైపుణ్యాలను కూడా సరిగ్గా వినియోగించుకోలేకపోయాన్నడది మరో వాదన.  అందరూ టార్గెట్‌ చేస్తున్నారని బాధ! ప్రతిసారి పక్కవాడిని టార్గెట్‌ చేస్తే మొదటికే మోసం వస్తుంది. అందుకు నటరాజ్‌ మాస్టర్‌ పెద్ద ఉదాహరణ. ఇంటిసభ్యులను జంతువులతో పోల్చడం, వాళ్లకు ఇష్టమున్నా లేకపోయినా ఎప్పటికప్పుడు కొత్త కొత్త జంతువుల పేర్లతో పిలవడం చాలామందికి నచ్చలేదు. ముఖ్యంగా తమ అభిమాన కంటెస్టెంట్లను జంతువులతో పోల్చినందుకు ఫ్యాన్స్‌ సోషల్‌ మీడియాలో నటరాజ్‌ను దుమ్మెత్తిపోశారు. హౌస్‌లో ఎవరూ ఆయనను పట్టించుకోకపోయినప్పటికీ అతడు మాత్రం అందరూ తనను టార్గెట్‌ చేస్తున్నారన్న భ్రమలో, బాధలోనే నాలుగువారాలు గడిపేశాడు. ఈసారి అమ్మాయిలను వద్దని నట్టూను పంపించారా? ఇదిలా వుంటే ఇప్పటికే ముగ్గురు లేడీ కంటెస్టెంట్లు వరుసగా ఎలిమినేట్‌ అవడంతో బిగ్‌బాస్‌ ఆటతీరుపై అనుమానాలు వ్యక్తమవుతున్నాయి. ఈ క్రమంలో మరోసారి ఆడవాళ్లను పంపిచేశారంటే కచ్చితంగా విమర్శలపాలవుతామని బిగ్‌బాస్‌ యాజమాన్యం నటరాజ్‌ మాస్టర్‌ మీద ఫోకస్‌ చేసి ఉంటుందని పలువురు అభిప్రాయపడుతున్నారు. అయితే ఫాలోయింగ్‌ తక్కువగా ఉన్న నటరాజ్‌కు అనఫీషియల్‌ పోల్స్‌తో పాటు అధికారిక పోల్స్‌లోనూ ఓట్లు తక్కువగా వచ్చాయని అందుకే ఆయన షోకు గుడ్‌బై చెప్పక తప్పలేదని సమాచారం. మొత్తంగా ఏదైనా సాధించాకే బయటకు వెళ్దామనుకున్న నటరాజ్‌ మాస్టర్‌ చివరకు వట్టి చేతులతోనే, అదీ నాలుగు వారాలకే షో నుంచి నిష్క్రమించడం బాధాకరమంటున్నారు అతడి ఫ్యాన్స్‌!

Bigg Boss Telugu 5, Episode 29: బిగ్‌బాస్‌ తెలుగు ఐదో సీజన్‌ ఐదో వారంలోకి ఎంటర్‌ అవుతున్న సందర్భంగా హౌస్‌మేట్స్‌ నాగ్‌కు చిన్న సర్‌ప్రైజ్‌ ఇచ్చారు. 'నిన్నే పెళ్లాడతా' సినిమాలోని పాటలకు కంటెస్టెంట్లు స్పెషల్‌ పర్ఫామెన్స్‌ ఇవ్వగా.. ఇంప్రెస్‌ అయిన నాగ్‌ తన కళ్లలో నీళ్లు తిరుగుతున్నాయని కాంప్లిమెంట్‌ ఇచ్చాడు. తర్వాత నాగ్‌ సండేను ఫండే చేసేందుకు ఇంటిసభ్యులను రెండు టీములుగా విడగొట్టాడు. శ్రీరామ్‌, నటరాజ్‌, యానీ, ప్రియ, మానస్‌, జెస్సీ, సిరి, రవి A టీమ్‌ కాగా మిగతావారు B టీమ్‌లో ఉన్నారు. షర్ట్‌ విప్పిన విశ్వ, పింకీ డ్యాన్స్‌ అరాచకం.. గేమ్‌లో భాగంగా ప్రతి టీమ్‌లోనుంచి ఒక్కొక్కరు బాక్స్‌లో నుంచి చీటీ తీయాలి. అందులో ఉన్న సినిమా పేరును హింట్‌ ఇస్తూ డ్రాయింగ్‌ వేయాలి. అది చూసి సదరు టీమ్‌ మెంబర్స్‌ సరైన ఆన్సర్‌ చెప్పాలి. కరెక్ట్‌ ఆన్సర్‌ గెస్‌ చేస్తే డ్రాయింగ్‌ వేసిన కంటెస్టెంట్‌ వారికి నచ్చినవాళ్లతో డ్యాన్స్‌ చేయొచ్చు. ఈ క్రమంలో విశ్వ- ప్రియాంక సింగ్‌ నరుడా.. ఓ నరుడా సాంగ్‌కు రెచ్చిపోయి మరీ డ్యాన్స్‌ చేశారు. పింకీ విశ్వ చొక్కా విప్పేయగా.. అతడు ఆమెను ఎత్తుకుని, హత్తుకుని మరీ స్టెప్పులేసి అందరినీ ఆశ్చర్యపరిచాడు. దీంతో అక్కడున్నవారితోపాటు నాగ్‌ కూడా ఇది వేరే లెవల్‌కు వెళ్తోందని భావించిన పాట ఆపేయండనని కోరడం విశేషం. మొత్తంగా ఈ గేమ్‌లో టీమ్‌ A గెలవగా, విజయానందంతో చిందులేసింది. తర్వాత యానీ మాస్టర్‌ సేఫ్‌ అయినట్లు నాగ్‌ ప్రకటించాడు. దాక్కోదాక్కో మేక.. తర్వాత ఇంటిసభ్యులతో నాగ్‌ 'దాక్కోదాక్కో మేక' గేమ్‌ ఆడించాడు. ఇందులో ఎవరు పులి, ఎవరు మేక అని పేర్లు చెప్పిన నాగ్‌ 30 సెకన్లలో మేకను పట్టుకోకపోతే పులి చచ్చిపోతుందని, పులికి పనిష్మెంట్‌ ఉంటుందన్నాడు. ఒకవేళ మేకను పట్టుకుంటే మేక చచ్చిపోవడంతో పాటు వారికి పనిష్మెంట్‌ ఉంటుందని తెలిపాడు. మొదటగా పులిగా వచ్చిన శ్రీరామ్‌.. హమీదాను వేటాడి పట్టుకున్నాడు. దీంతో హమీదా తనకు విధించిన శిక్షలో భాగంగా డ్యాన్స్‌ చేసి అందరినీ పడగొట్టింది. మానస్‌ను వెంటాడి వేటాడిన ప్రియాంక.. తర్వాత జెస్సీని పట్టుకోవడంలో విఫలమైన శ్వేతను నాలుకతో ముక్కును టచ్‌ చేయాలన్నాడు నాగ్‌. కానీ శ్వేత ఎంత ప్రయత్నించినా ముక్కును అందుకోలేకపోగా సిరి చాలా ఈజీగా నాలుకతో ముక్కును తాకింది. అనంతరం పులిలా వచ్చిన ప్రియాంక.. మానస్‌ను వెంటాడి వేటాడగా అతడు చిక్కకుండా ఉండేందుకు విశ్వ ప్రయత్నం చేశాడు. ఈ క్రమంలో స్విమ్మింగ్‌ పూల్‌లో పడటంతో నాగ్‌తో సహా అందరూ షాకయ్యారు. తర్వాత అతడికేమీ కాలేదని తెలియడంతో ఊపిరి పీల్చుకున్నారు. ఇక ఆటలో ఓడిపోయిన మానస్‌ పదిసార్లు కప్ప గెంతులు వేశాడు. సిరిని ఎత్తుకుని తిప్పిన షణ్ముఖ్‌ తర్వాత ప్రియ.. ఎంతకూ సన్నీని పట్టుకోలేకపోవడంతో ఆమెను హూలా హూప్‌తో డ్యాన్స్‌ చేయమన్నాడు నాగ్‌. హూప్‌ను తిప్పడం సాధ్యపడని ప్రియ దాంతో డ్యాన్స్‌ చేయడానికి ముప్పు తిప్పలు పడింది. అనంతరం సిరి.. షణ్నును పట్టేసుకోగా ఓడిపోయిన షణ్ముఖ్‌తో బెల్లీ డ్యాన్స్‌ చేయించాడు నాగ్‌. పులిలా వచ్చిన కాజల్‌.. లోబో మీద పంజా విసరడంతో అతడు 15 పుషప్స్‌ చేయక తప్పలేదు. అనంతరం రవి.. యానీ మాస్టర్‌ను ఇట్టే పట్టేసుకున్నాడు. దీంతో యానీ.. రవి చేతిలో ఓడిపోయానని డైలాగ్‌ చెప్తూ తీన్మార్‌ స్టెప్పులేసింది. తర్వాత సిరి సేవ్‌ అయినట్లు ప్రకటించగా సంతోషం పట్టలేకపోయిన షణ్ను సిరిని ఎత్తుకుని తిప్పాడు. నిజాయితీగా ఉండటమే నటరాజ్‌ చేసిన తప్పా? చివరగా బావ, బావమరుదులైన లోబో, నటరాజ్‌ ఇద్దరే మిగలగా.. హార్ట్‌ బీట్‌ సౌండ్‌తో టెన్షన్‌ పెంచేసిన నాగ్‌.. నటరాజ్‌ ఎలిమినేట్‌ అయినట్లు ప్రకటించాడు. దీంతో లోబో, యానీ, హమీదా గుక్కపెట్టి ఏడ్చేశారు. కడసారి బిగ్‌బాస్‌ హౌస్‌ను కళ్లారా చూసుకున్న నటరాజ్‌ కన్నీళ్లతో హౌస్‌కు వీడ్కోలు పలికాడు. మాస్టర్‌ పది మందికి పెట్టేవాడే కానీ అతడు ఇక్కడ సరిగా అన్నం కూడా తినలేదని బాధపడ్డాడు సన్నీ. నిజాయితీగా, స్ట్రిక్ట్‌గా ఉండటమే ఆయన చేసిన తప్పా? అని పింకీ ఎమోషనల్‌ అయింది. అనంతరం స్టేజీ మీదకు వచ్చిన నటరాజ్‌ బిగ్‌బాస్‌ హౌస్‌లో తన జర్నీ చూసుకుని భావోద్వేగానికి లోనయ్యాడు. హౌస్‌లో నుంచి వెళ్తున్నానంటే నా భార్యకు నా అవసరం ఉందేమోనని అభిప్రాయపడ్డాడు. నిజానికి బిగ్‌బాస్‌ గేట్లు పగలగొట్టుకుని బయటకు పోయేటంత అంతర్మథనానికి లోనయ్యానని తెలిపాడు. దీంతో అతడిని ఓదార్చిన నాగ్‌.. బిగ్‌బాస్‌ షోకు రావడంతోనే నువ్వు సాధించేశావని ధైర్యం నూరిపోశాడు. మానస్‌ గాడిద, ప్రియాంక చిలక.. అనంతరం నటరాజ్‌.. హౌస్‌లోని కంటెస్టెంట్లకు జంతువుల పేర్లను సూచిస్తూ గేమ్‌ ఆడాడు. సిరి తన జోలికొస్తే కాటేసే పాము అని చెప్పాడు. లోబో ఎలుకలా దూరి కిచెన్‌లో అంతా తినేస్తాడని పేర్కొన్నాడు. విశ్వ.. ప్రతిదానికి భయపడొద్దని, వేరేవాళ్ల కోసం మంచిగా మాట్లాడొద్దని అతడిని ఊసరవెల్లితో పోల్చాడు. శ్రీరామచంద్ర మూడోవారం నుంచి అమాంతం పెరిగిపోయాడని అతడిని మొసలితో పోల్చాడు. ప్రియాంక సింగ్‌.. అందరికీ ప్రేమతో వడ్డించే చిలక అని చెప్పుకొచ్చాడు. సింహం.. తానేనన్న నటరాజ్‌.. మానస్‌ గాడిదలా చాకిరీ చేస్తాడన్నాడు. రవి.. యాంకరింగ్‌ చేసిన తెలివితో ఆడుతున్నాడని అతడే గుంటనక్క అని వెల్లడించాడు. చివర్లో హమీదా.. నాగ్‌ వేసుకున్న టీ షర్ట్‌ మీద ఆశ పడటంతో హోస్ట్‌ దాన్ని తప్పకుండా ఇచ్చేస్తానని హమీ ఇచ్చాడు.

చూస్తుండగానే బిగ్‌బాస్‌ తెలుగు ఐదో సీజన్‌ నాలుగో వారం ముగింపుకు వచ్చింది. ఈ సీజన్‌లో తొలిసారిగా ఎనిమిది మంది నామినేషన్‌లో ఉండటంతో ఎవరు ఎలిమినేట్‌ అవుతారా? అని ప్రేక్షకులు ఉత్కంఠగా ఎదురు చూస్తున్నారు. అనధికారిక పోల్స్‌లో యానీ మాస్టర్‌, లోబో, నటరాజ్‌ మాస్టర్‌ చివరి మూడు స్థానాల్లో తచ్చాడుతుండటంతో వీరిలో ఒకరు ఎలిమినేట్‌ అవడం గ్యారెంటీ అనుకుంటున్నారంతా! ముఖ్యంగా నటరాజ్‌ మాస్టర్‌ ఎలిమినేట్‌ అయ్యే అవకాశాలు పుష్కలంగా ఉన్నాయని నామినేషన్‌ జరిగిననాటి నుంచే పలువురు జోస్యం చెప్తున్నారు. తాజాగా అదే నిజమైందంటున్నారు లీకువీరులు. నటరాజ్‌ మాస్టర్‌ ఎలిమినేట్‌ అయ్యాడని సోషల్‌ మీడియాలో ప్రచారం చేస్తున్నారు. నాలుగోవారం నటరాజ్‌ మాస్టర్‌కు గుడ్‌బై చెప్పారని అంటున్నారు. ఇప్పటివరకు జరిగిన అన్ని ఎలిమినేషన్స్‌ కూడా లీకువీరులు చెప్పినవే నిజమయ్యాయి. మరి నటరాజ్‌ వెళ్లిపోవడం కూడా నిజమేనా? కాదా? అన్నది తెలియాలంటే రేపటి ఎపిసోడ్‌ వచ్చేంతవరకు ఆగాల్సిందే!

బిగ్‌బాస్‌ షోను జంతుప్రదర్శనశాలగా మార్చేస్తున్నాడు నటరాజ్‌ మాస్టర్‌. ప్రతి ఒక్కరినీ ఒక్కో జంతువుతో పోలుస్తూ అందరికీ ఇరిటేషన్‌ తెప్పిస్తున్నాడు. తననేమైనా అంటే చెడుగుడు ఆడేసే ఈయన మిగతా కంటెస్టెంట్లను మాత్రం నోటికొచ్చినట్లు తిడుతుంటాడు. వారిని ఆయా జంతువులతో పోలుస్తూ టార్చర్‌ పెడుతుంటాడు. మొదట్లో హౌస్‌లో గుంటనక్క ఉందని ప్రచారం చేశాడు నటరాజ్‌. ఆ గుంటనక్క ఎవరు? అని స్వయంగా హోస్ట్‌ నాగార్జున అడిగినప్పటికీ ఆయన పెదవి విప్పలేదు. పైపెచ్చు హౌస్‌లో ఊసరవెల్లి కూడా ఉందని, సమయం సందర్భం వచ్చినప్పుడు ఆ రెండూ ఎవరో చెప్తానన్నాడు. అయితే రానురానూ ఆ రెండింటితో పాటు పిల్లి, నెమలి, ఎలుగుబంటి.. ఇలా ఎన్నో రకాల జంతువులు ఆయన లిస్టులో చేరాయి.  అయితే రవిని గుంటనక్క అన్న అతడు.. ఇప్పుడు అదే రవిని నత్తతో పోల్చాడు, అది కూడా లోబో దగ్గర! దీంతో లోబో ఈ విషయాన్ని రవి చెవిలో ఊదాడు. దీంతో మరోసారి ఖంగు తిన్న రవి.. ఆయన తననెందుకు టార్గెట్‌ చేస్తున్నాడో అర్థం కావడం లేదని తల పట్టుకున్నాడు. సోషల్‌ మీడియాలో నెటిజన్లు కూడా నటరాజ్‌ మాస్టర్‌ పద్ధతి బాగోలేదని విమర్శిస్తున్నారు. ఒకటీరెండుసార్లు ఏదైనా అంటే లైట్‌ తీసుకుంటారేమోకానీ పదేపదే జంతువులతో పోల్చడం ఏంటి? అని తిట్టిపోస్తున్నారు. ఈయన హౌస్‌మేట్స్‌కు పూటకో జంతువు పేరు పెడతాడంటూ నటరాజ్‌ను జంతుశాస్త్ర పితామహుడు అని సెటైర్లు వేస్తున్నారు. ఈయనను బిగ్‌బాస్‌లో కాకుండా జంతు ప్రదర్శనశాలలో ఉంచాల్సిందని కామెంట్‌ చేస్తున్నారు. #nattunuggets what amma, what is this amma?? New insect in bb house 🤦‍♀️ Votes enduku vesaramma , zoo ki velthe aipoyedi ga #BiggBossTelugu5 — Capri#ᴬᵇⁱʲᵉᵉᵗᴮᴰᵃʸᵀʳᵉⁿᵈᴼⁿᴼᶜᵗ¹⁰ᵗʰ (@BbfanCapricorn) October 1, 2021 #Nuggets assemble kotha name vacchindhi 😪 Ravi anniyaaa ki — 𝑺. (@ShravanUniverse) October 1, 2021 అయ్యా #Biggboss గారు దయచేసి #NatrajMaster ని లాస్ట్ వరకు ఉంచండి 🙏 ఎందుకంటే ఆయన ద్వారా మేము మరిన్నీ Animal's పేర్లు ఆ Animal's కి సంబంధించిన వారి పోలికలు మేము తెలుసుకోవాలి అనుకుంటున్నాం 😂 pic.twitter.com/jfYLH2uFN1 — Balu Nadiminti (@Balu_nadiminti) October 1, 2021 Arey bb 5 lo entertainer lobo kadu ra #natrajmaster 😂😂 — nithin_13🇮🇳 (@Nithin_rss) October 1, 2021 Zoo ki kothaga natha vachindhi ippudu 😂 Nattu master mari ekkuva ayindhi idhi next week ayina vellipovali 😴😪 Okati rendu ok Ravi Kuda enni sarulu silent vuntadu Siri Shannu waste raa babu target cheyadam or influence cheyadam idhe pani...😿#BiggBossTelugu5 pic.twitter.com/mbpPbzjP36 — Jahnavi#ᴬᵇⁱʲᵉᵉᵗᴮᴰᵃʸᵀʳᵉⁿᵈᴼⁿᴼᶜᵗ¹⁰ᵗʰ (@jahnavi003) October 1, 2021 Welcome to Bigg Boss house nattha garu. Go and meet guntanakka, nemali, oosaravelli, Baloo #BiggBossTelugu5 pic.twitter.com/vBOox1qmRP — RJ KAJAL ARMY (@bigbossstelugu5) October 1, 2021 #Ravi fed up with natraj finally One or two times Ok its will be irritation to anyone calling many times #BiggBossTelugu5 — 𝓢𝓷𝓮𝓪𝓴𝔂 ⛥ (@sneaky__7) October 1, 2021

Bigg Boss 5 Telugu, 4th Week Elimination: బిగ్‌బాస్‌ తెలుగు ఐదో సీజన్‌ 19 మంది కంటెస్టెంట్లతో ప్రారంభమైంది. టాలీవుడ్‌ కింగ్‌ అక్కినేని నాగార్జున సెప్టెంబర్‌ 5న ఈ షోను ప్రారంభించాడు. షో మొదలైన తొలి రోజే 18 టీఆర్పీ రేటింగ్‌ సొంతం చేసుకుని విజయవంతంగా ప్రారంభమైంది బిగ్‌బాస్‌. అయితే ఎక్కువ మంది హౌస్‌మేట్స్‌ ఉండటంతో ప్రతివారం నామినేషన్‌ లెక్కలు మారుతూ వస్తున్నాయి.. ఫస్ట్‌ వీక్‌లో ఏడుగురు నామినేషన్‌లోకి రాగా కార్తీకదీపం ఫేమ్‌ ఉమాదేవి ఎలిమినేట్‌ అయింది. రెండోవారంలో ఆరుగురు నామినేట్‌ అవగా బూతులతో బెంబేలెత్తించే సరయూ హౌస్‌ నుంచి వెళ్లిపోయింది. తర్వాత మూడో వారం ఐదుగురు మాత్రమే నామినేషన్‌లోకి వచ్చారు. వీరిలో నుంచి లేడీ అర్జున్‌ రెడ్డి లహరి షారి ఎలిమినేట్‌ అయింది. అలా ఇప్పటివరకు ముగ్గురు ఆడవాళ్లే హౌస్‌ నుంచి నిష్క్రమించారు. దీంతో ఈ వారం ఎలిమినేట్‌ అయ్యేది ఎవరన్నదానిపై సర్వత్రా ఆసక్తి నెలకొంది. ఈ వారం ఎనిమిది మంది నామినేట్‌ అయ్యారు. లోబో, ఆర్జే కాజల్‌, సిరి హన్మంత్‌, యానీ మాస్టర్‌, ప్రియ. యాంకర్‌ రవి, నటరాజ్‌ మాస్టర్‌, వీజే సన్నీ నామినేషన్‌లో ఉన్నారు. అయితే అనధికారిక పోల్స్‌లో వీజే సన్నీ ఎక్కువ ఓట్లు సాధిస్తూ నెంబర్‌ వన్‌ స్థానంలో ఉన్నాడు. తర్వాత ప్రియకు కూడా ప్రేక్షకుల నుంచి మంచి సపోర్ట్‌ అందుతున్నట్లు తెలుస్తోంది. యాంకర్‌ రవి మాత్రం మూడో స్థానానికే పరిమితం అయ్యాడు. తర్వాతి స్థానాల్లో సిరి హన్మంత్‌, ఆర్జే కాజల్‌ ఉన్నారు. మిగిలిందల్లా లోబో, నటరాజ్‌ మాస్టర్‌, యానీ మాస్టర్‌. నిన్నటివరకూ డేంజర్‌ జోన్‌లో ఉన్న లోబోకు కెప్టెన్సీ కంటెండర్‌ టాస్క్‌ తర్వాత ఒక్కసారిగా ఓట్లు పెరిగినట్లు సమాచారం. దీంతో అతడు కూడా సేఫ్‌ అయ్యే అవకాశాలు పుష్కలంగా ఉన్నాయి. మిగిలిన యానీ, నటరాజ్‌ మాస్టర్‌లలో ఎవరో ఒకరు ఎలిమినేషన్‌ను ఎదుర్కోబోతున్నారు. సోషల్‌ మీడియాలో తక్కువ ఫాలోయింగ్‌ ఉన్న వీళ్లిద్దరికీ మిగిలిన అందరికన్నా తక్కువ ఓట్లు వచ్చాయని తెలుస్తోంది. అయితే ఇప్పటివరకు ఆడవాళ్లనే పంపించారు కాబట్టి ఈసారి మేల్‌ కంటెస్టెంట్‌ను పంపించేందుకు ఆస్కారం ఉండొచ్చని అభిప్రాయపడుతున్నారు నెటిజన్లు. మొత్తంగా ఈ వారం ఒక కొరియోగ్రాఫర్‌ బిగ్‌బాస్‌ను వీడి వెళ్లడం ఖాయంగా కనిపిస్తోంది.