-
ప్రిన్స్ యావర్తో లవ్? క్లారిటీ ఇచ్చిన బిగ్బాస్ బ్యూటీ
బిగ్బాస్ షోలో పాల్గొంటే పాపులారిటీ ఎంతొస్తుందో.. నెగెటివిటీ కూడా అదే స్థాయిలో వస్తుంది. చిన్నచిన్న పొరపాట్లను, తప్పులను కూడా భూతద్దంలో పెట్టి చూస్తూ కంటెస్టెంట్లను ట్రోల్ చేస్తుంటారు. అయితే ఇలాంటి షోలో ఎటువంటి నెగెటివిటీ లేకుండా బయటకు రావడం చాలా కష్టం. కానీ బిగ్బాస్ తెలుగు ఏడో సీజన్లో ఫుల్ పాజిటివిటీతో బయటకు వచ్చింది నయని పావని. వైల్డ్ కార్డ్ కంటెస్టెంట్గా హౌస్లో అడుగుపెట్టిన ఈమె ఒక్క వారంలోనే బయటకు వచ్చేసింది. కానీ బోలెడంత పాపులారిటీ సంపాదించుకుంది. షో నుంచి బయటకు వచ్చాక బిగ్బాస్ కంటెస్టెంట్ ప్రిన్స్ యావర్తో తరచూ రీల్స్, డ్యాన్స్ వీడియోలు చేస్తూ వస్తోంది. ఇది చూసిన జనాలు.. వీళ్ల మధ్య ఏదో ఉందని అనుమానించడం మొదలుపెట్టారు. తాజాగా ఆమె అభిమానులతో చిట్చాట్ చేయగా ఓ వ్యక్తి నువ్వు ప్రిన్స్ యావర్తో ప్రేమలో ఉన్నావా? అని అడిగేశాడు. ఈ ప్రశ్న వినీవినీ విసుగెత్తిపోయిన నయని.. అరేయ్, ఏంట్రా మీరు? ఇంకో ప్రశ్నే లేదా? మా మధ్య ఏం లేదు అని ఎన్నిసార్లు క్లారిటీ ఇవ్వాలి అని రిప్లై ఇచ్చింది. దీంతో వారి మధ్య ఉన్నది కేవలం స్నేహం మాత్రమేనని క్లారిటీ వచ్చేసింది. #NayaniPavani Clarifies Relation with #Yawar pic.twitter.com/KR5B1jT93x — BigBoss Telugu Views (@BBTeluguViews) February 21, 2024 చదవండి: ఫస్ట్ ప్రెగ్నెన్సీ లేట్గా ప్లాన్ చేశా.. రెండోది త్వరలోనే.. -
'బిగ్బాస్' ఓటీటీ తెలుగు సీజన్ రద్దు? అదే అసలు కారణమా?
బిగ్బాస్ రియాలిటీ షో గురించి తెలుగు ప్రేక్షకులకు కొత్తగా చెప్పాల్సిన పనిలేదు. ఎందుకంటే మొన్నీమధ్యే డిసెంబరులో ఏడో సీజన్ పూర్తయింది. ఫినాలేలో రైతుబిడ్డ ప్రశాంత్ విజేతగా నిలవడం.. ఆ తర్వాత అన్నపూర్ణ స్టూడియో బయట విధ్వంసం.. కార్లు, ఆర్టీసీ బస్సులు ధ్వంసం.. ఇలా ఎంత జరగాలో అంతా జరిగింది. ఈ క్రమంలోనే ఫిబ్రవరిలో ఓటీటీ సీజన్ ఉందన్నట్లు వార్తలొచ్చాయి. ఇప్పుడేమో ఏకంగా అది రద్దయినట్లు చెబుతున్నారు. ఇంతకీ ఏమైంది? రద్దుకు కారణమేంటి? తెలుగులో బిగ్బాస్ షో ఇప్పటివరకు ఏడు సీజన్లు పూర్తి చేసుకుంది. ఎన్టీఆర్ హోస్ట్ చేసిన తొలి సీజన్ హిట్ అయింది. ఆ తర్వాత నుంచి మాత్రం ఏదో ఒక గొడవ అవుతూనే ఉంది. షో ఆపేయాలని విమర్శలు.. కోర్టు కేసులు.. ఇలా ప్రతిసారి రచ్చ అవుతూనే ఉంటుంది. ఇన్ని జరుగుతున్నా సరే షోని ఆపట్లేదు సరికదా ఓటీటీ సీజన్ కూడా ఆ మధ్యలో ఒకటి పెట్టారు. పాతవాళ్లతో పాటు కొత్తవాళ్లు పాల్గొన్న ఆ సీజన్లో బింధుమాధవి విన్నర్గా నిలిచింది. కాకపోతే ఆ సీజన్ ఫెయిలైంది. (ఇదీ చదవండి: స్టార్ హీరోని పెళ్లి చేసుకోబోతున్న 'హనుమాన్' నటి?) అయితే రీసెంట్గా జరిగిన ఏడో సీజన్.. విమర్శల కారణంగా వార్తల్లో నిలిచింది. దీన్ని క్యాష్ చేసుకుందామని నిర్వహకులు పెద్ద ప్లాన్ వేశారు. ఫిబ్రవరిలో తొలి వారంలో ఓటీటీ సీజన్ మొదలుపెట్టేయాలని అనుకున్నారు. ఏడో సీజన్లో పాల్గొన్న భోలె షావళి, నయన పావని తోపాటు యావర్ కూడా ఈ సీజన్లో పాల్గొంటారని రూమర్స్ వచ్చాయి. కానీ వీళ్లు తప్పితే మిగతా వాళ్లు ఎవరూ దీనిపై కనీస ఆసక్తి చూపించట్లేదట. టీవీ సీజన్ అయితే వస్తాం గానీ ఓటీటీ సీజన్కి మాత్రం వచ్చేది లేదని చెబుతున్నారట. రెమ్యునరేషన్ పెంచి ఇస్తామని చెప్పినా సరే పెద్దగా ఆసక్తి చూపించట్లేదట. మరోవైపు నాగార్జున కూడా అందుబాటులో ఉండట్లేదు. దీంతో హోస్ట్ కూడా మారే ఛాన్స్ ఉంటుంది. ఇలా సమస్యలు ఎక్కువయ్యేసరికి నిర్వహకులు.. సీజన్ని రద్దు చేయాలని ఫిక్సయ్యారట. మరి ఇందులో నిజమేంటి అనేది తెలియాల్సి ఉంది. (ఇదీ చదవండి: ఈ వారం ఓటీటీల్లో 21 సినిమాలు రిలీజ్.. అవేంటో తెలుసా?) -
ఆ జ్ఞాపకాల్లోనే మెగాడాటర్.. ముద్దులిచ్చేస్తున్న 'బిగ్బాస్ 7' బ్యూటీ!
'కుర్చీ మడతపెట్టి' స్టెప్పులతో అదరగొట్టిన విష్ణుప్రియ ఏనుగుతో చెరువులో మెగాడాటర్ నిహారిక జలకాలాట నీలం చీరలో క్యూట్ పోజుల్లో 'ఉప్పెన' బ్యూటీ కృతిశెట్టి కజికిస్థాన్ టూర్ జ్ఞాపకాల వీడియో షేర్ చేసిన అశ్విని వింటేజ్ లుక్లో ఆశ్చర్యపరిచిన మలయాళ హీరోయిన్ నిమిషా మరింత అందంగా మెరిసిపోతున్న 'లియో' బ్యూటీ జనని పట్టుచీరలో మహాలక్ష్మీలా మాయ చేస్తున్న నయని పావని గ్లామర్ ట్రీట్ ఇస్తూ కాక రేపుతున్న హీరోయిన్ దక్ష View this post on Instagram A post shared by Vishnupriyaa bhimeneni (@vishnupriyabhimeneni) View this post on Instagram A post shared by Niharika Konidela (@niharikakonidela) View this post on Instagram A post shared by Krithi Shetty (@krithi.shetty_official) View this post on Instagram A post shared by Ashwini Sree (@ashwinii_sree) View this post on Instagram A post shared by NIMISHA BINDU SAJAYAN (@nimisha_sajayan) View this post on Instagram A post shared by janany (@janany_kj) View this post on Instagram A post shared by Sai Pavani Raju (@nayani_pavani) View this post on Instagram A post shared by Daksha Nagarkar (@dakshanagarkar) View this post on Instagram A post shared by Priya Prakash Varrier✨ (@priya.p.varrier) View this post on Instagram A post shared by Sreemukhi (@sreemukhi) View this post on Instagram A post shared by Doulath sulthana (@inayasulthanaofficial) View this post on Instagram A post shared by Komalee (@komaleeprasad) View this post on Instagram A post shared by Sanjana Sanghi (@sanjanasanghi96) View this post on Instagram A post shared by Siri Hanumanthu (@sirihanmanth) View this post on Instagram A post shared by Mallika Sherawat (@mallikasherawat) View this post on Instagram A post shared by Shriya Pilgaonkar (@shriya.pilgaonkar) View this post on Instagram A post shared by Shanvi Srivastava (@shanvisri) View this post on Instagram A post shared by Sadaa (@sadaa17) -
ఫారెన్లో చిల్ అవుతున్న నిహారిక.. అలాంటి లుక్లో 'బిగ్బాస్' బ్యూటీ
థాయ్లాండ్లో చిల్ అవుతున్న మెగా డాటర్ నిహారిక కూతురు పుట్టినరోజు.. స్పెషల్ వీడియో పోస్ట్ చేసిన సుస్మిత కొణిదెల హాట్ లుక్లో షేక్ చేస్తున్న 'బిగ్బాస్' ఫేమ్ నయని పావని చీరలో మత్తెక్కిస్తున్న స్మాల్ స్క్రీన్ బ్యూటీ రీతూ చౌదరి పింక్ కలర్ డ్రస్లో పిచ్చెక్కిస్తున్న అరియానా సింపుల్ లుక్తో ఆకట్టుకుంటున్న నేహాశర్మ గోవాలో ఎంజాయ్ చేస్తున్న హీరోయిన్ భూమిక హృతిక్తో గర్ల్ఫ్రెండ్ షబా ఆజాద్ ముద్దుముచ్చట View this post on Instagram A post shared by Niharika Konidela (@niharikakonidela) View this post on Instagram A post shared by Vimala Raman (@vimraman) View this post on Instagram A post shared by Sushmita (@sushmitakonidela) View this post on Instagram A post shared by Sai Pavani Raju (@nayani_pavani) View this post on Instagram A post shared by Rithu_chowdary (@rithu_chowdhary) View this post on Instagram A post shared by Ariyana Glory ❤️ (@ariyanaglory) View this post on Instagram A post shared by Neha Sharma 💫 (@nehasharmaofficial) View this post on Instagram A post shared by Bhumika Chawla (@bhumika_chawla_t) View this post on Instagram A post shared by Cherukuri Maanasa Choudhary (@maanasa.choudhary1) View this post on Instagram A post shared by Saba Azad (@sabazad) View this post on Instagram A post shared by Pranati 🦋🦅 (@pranati_rai_prakash) View this post on Instagram A post shared by M.Bala bhargavi (@bhanuu_1006) View this post on Instagram A post shared by Shraddha ✶ (@shraddhakapoor) View this post on Instagram A post shared by Bhavani Sre (@bhavanisre) View this post on Instagram A post shared by ✯ riya sen ✯ (@riyasendv) View this post on Instagram A post shared by Kavya Thapar (@kavyathapar20) View this post on Instagram A post shared by Shruti Sodhi (@aslishrutisodhi) View this post on Instagram A post shared by Ananya ✨ (@ananyaraj.official) -
బిగ్ బాస్ OTT: బర్రెలక్కతో పాటు సీజన్-7 నుంచి ఆ ఇద్దరికీ ఛాన్స్
బిగ్ బాస్ తెలుగు సీజన్ 7 సూపర్ హిట్ అయినట్లు సోషల్ మీడియాలో భారీగానే వార్తలు వచ్చాయి. బిగ్ బాస్-7 విన్నర్గా పల్లవి ప్రశాంత్ నిలవడం... ఫైనల్ రోజున అన్నపూర్ణ స్టూడియో వద్ద జరిగిన గొడవల వల్ల ప్రశాంత్పై పోలీసులు కేసు నమోదు చేయడం.. చివరకు రెండు రోజుల పాటు ఆయన చంచల్గూడ జైలుకు కూడా వెళ్లడం వంటి సంఘటనలతో ఇప్పటికీ కూడా బిగ్ బాస్ సీజన్-7 టాపిక్ సోషల్ మీడియాలో నడుస్తూనే ఉంది. (ఇదీ చదవండి: రూ.500కోట్ల క్లబ్లో సలార్.. మరో వంద కోట్లు వస్తే) ఈ సీజన్ హిట్ కావడంతో బిగ్ బాస్ OTT -2 కోసం నిర్వాహకులు ప్లాన్ చేస్తున్నారట. గతేడాది ఫిబ్రవరిలో ‘బిగ్బాస్ నాన్- స్టాప్ పేరుతో హాట్స్టార్లో మాత్రమే ప్రసారం అయింది. 24/7 వినోదం పంచేందుకు 2022లో మొదటిసారి ఓటీటీలోకి కూడా వచ్చేశాడు బిగ్ బాస్. అప్పుడు కూడా ఈ షో పట్ల మంచి బజ్ క్రియేట్ అయింది. గతంలో మాదిరే ఈసారి కూడా అక్కినేని నాగార్జునే హోస్ట్గా వ్యహరిస్తున్నట్లు సమాచారం. బిగ్ బాస్ OTT సీజన్-1 విజేతగా తెలుగు హీరోయిన్ బిందు మాధవి నిలిచింది. బిగ్ బాస్ OTTలో ఒక ప్రత్యేకత ఉంది ఇందులో కొత్త, పాత కంటెస్టెంట్లు కూడా ఉంటారు. అంటే బుల్లితెర బిగ్ బాస్లో కనిపించిన కొంతమంది OTTలో కూడా పాల్గొంటారు. SPY బ్యాచ్ వర్గం నుంచి ఆ ఇద్దరికి ఛాన్స్ బిగ్ బాస్ సీజన్-7లో బాగా పాపులర్ అయిన కొంతమందిని ఓటీటీ కోసం తీసుకుంటున్నట్లు సమాచారం. SPY బ్యాచ్కు మద్ధతుగా నిలిచిన భోలే షావళి, నయని పావణిని బిగ్ బాస్ ఓటీటీ సీజన్-2 కోసం తీసుకోబోతున్నట్లు సమాచారం. వీరిద్దరూ కూడా ఈసారి బిగ్ బాస్లో మంచి ఇంపాక్ట్ చూపారు. తాజాగా పల్లవి ప్రశాంత్కు బెయిల్ కోసం భోలే ఎక్కువగా చొరవ చూపారు. దీంతో ఆయనకు షోషల్ మీడియాలో మంచి ఫాలోయింగ్ ఉంది. దీనిని బిగ్ బాస్ టీమ్ ఓటీటీ కోసం క్యాష్ చేసుకునే ఆలోచనలో ఉన్నట్లు టాక్. బర్రెలక్కతో పాటు పార్వతి కూడా అవకాశం బిగ్ బాస్ ఓటీటీలోకి కర్నె శిరీష (బర్రెలక్క) కూడా ఎంట్రీ ఇచ్చే అవకాశాలు ఎక్కువగా ఉన్నాయి. సోషల్ మీడియాలో ఆమెకు ఫ్యాన్బేస్ ఎక్కువగా ఉంది. తెలంగాణలో జరిగిన ఎన్నికల్లో నాగర్కర్నూల్ జిల్లా కొల్లాపూర్ నియోజకవర్గం నుంచి ఎమ్మెల్యేగా ఆమె పోటీ చేసింది. సుమారుగా 6 వేల ఓట్లు సాధించి మరింత పాపులర్ అయింది. ముఖ్యంగా జనసేన అభ్యర్థుల కంటే ఆమెకే ఎక్కువగా ఓట్లు రావడంతో ఆమె పేరును పెద్దపెద్ద రాజకీయ నాయకులే బహిరంగంగా పలికారు. దీంతో ఆమె పేరు రెండు రాష్ట్రాల్లో ట్రెండింగ్ అయిపోయింది. ఈ ఇమేజ్ను బిగ్ బాస్ టీమ్ క్యాష్ చేసుకునేందుకు ప్లాన్ వేసినట్లు సమాచారం. బగ్ బాస్ ఓటీటీ కోసం ఆమెను సంప్రదించినట్లు వార్తలు వస్తున్నాయి. వీరితో పాటు జీ తెలుగులో వచ్చిన 'సరిగమప' షో ద్వారా సింగర్గా పరిచయమైన పార్వతిని కూడా బిగ్ బాస్ వారు కలిశారట. యూట్యూబ్లో నవాబ్ కిచెన్ పేరుతో మోయిన్ భాయ్ చాలా పాపులర్ అయ్యాడు. ఆయన్ను కూడా బిగ్ బాస్ టీమ్ అప్రోచ్ అయిందని సమాచారం. వీరితో పాటు సోషల్ మీడియాలో బాగా పాపులర్ అయిన వారిని బిగ్ బాస్ టీమ్ కలుస్తున్నట్లు సమాచారం. 2024 ఫిబ్రవరిలో బిగ్ బాస్ ఓటీటీ సీజన్-2 ప్రారంభం కానుందని టాక్ ఉంది. -
Nayani Pavani Latest Photos: బోల్డ్ అండ్ బ్యూటీ నయని పావని అందాలు (ఫోటోలు)
-
నయని ఎలిమినేషన్తో బిగ్బాస్ అగ్రిమెంట్ గుట్టు విప్పిన అర్జున్ కల్యాణ్
బిగ్ బాస్ సీజన్-7 నుంచి ఆరోవారం నయని పావని ఎలిమినేట్ అయ్యింది. వైల్డ్ కార్డ్తో హౌస్లోకి అడుగుపెట్టిన పావని కేవలం ఒక వారంలోనే బిగ్ బాస్ హౌస్ నుంచి బయటకు వచ్చేసింది. వాస్తవానికి మిగిలిన కంటెస్టెంట్ల కంటే ఆమె మెరుగ్గానే ఆటలో తన సత్తా చూపినప్పటికే ఎలిమినేట్ అయ్యింది. దీంతో చాలామంది ప్రేక్షకులు నయని పావని ఎలిమినేషన్ను ఫేక్ అని కామెంట్లు చేస్తున్నారు. అమెను హౌస్ నుంచి పంపించడం చాలా అన్యాయం అని పలువురు కామెట్లు చేయగా.. యాంకర్ శివ కూడా ఆమెది అన్ ఫెయిర్ ఎలిమినేషన్ అంటూ తెలిపాడు. ఓటింగ్కు, ఎలిమినేషన్కు ఎలాంటి సంబంధం లేదు తాజాగా బిగ్బాస్- 6 కంటెస్టెంట్ అర్జున్ కల్యాణ్ కూడా నయని పావని ఎలిమినేషన్ ప్రక్రియను తప్పుపట్టాడు. నయని పావని ఎలిమినేట్ కావడంపై అర్జున్ కల్యాణ్ ఎక్స్ (ట్విటర్) ద్వారా స్పందించాడు. నయని పావనీని ఎలిమినేట్ చేయడం వల్ల బిగ్ బాస్ షో విలువను కోల్పోయింది అన్నాడు. ఆమె ఎలిమినేషన్ ప్రక్రియలో లోపాలు ఉన్నాయని, అది తనను ఎంతగానో బాధించిదని తెలిపాడు. ఎంతో యాక్టివ్గా ఉండే ఆమెకు ఇలా జరగడం కరెక్ట్ కాదని చెప్పాడు. దీంతో బిగ్బాస్ క్రెడిబిలిటీ దెబ్బతినడమే కాకుండా షో నిర్వాహుకులకు భారీ నష్టమని పేర్కొన్నాడు. అంతేకాకుండా ప్రేక్షకులు వేసే ఓటింగ్కు, కంటెస్టెంట్ల ఎలిమినేషన్కు ఎలాంటి సంబంధం లేదని షాకింగ్ న్యూస్ చెప్పాడు. ఈ విషయాన్ని ప్రజలు ఇప్పటికైనా అర్థం చేసుకోవాలని కోరాడు. బిగ్బాస్ అన్ని సీజన్స్ కి సంబంధించిన ఓటింగ్, ఎలిమినేషన్ వివరాలు ఇవ్వాలని ఎవరైనా కోర్టులో పిల్ దాఖలు చేయాలని అర్జున్ కల్యాణ్ పేర్కొన్నాడు. కోర్టులు ఖాళీగా లేవు దీంతో అర్జున్ కల్యాణ్కు పలువురు నెటిజన్లు కొన్ని ప్రశ్నలు సందించారు. ఇలాంటి పిల్స్ తీసోకోవడానికి కోర్టులు ఖాళీగా లేవని ఒకరు రాసుకొచ్చారు. దీంతో అర్జున్ ఇలా తిరిగి రిప్లై ఇచ్చాడు. రెండు తెలుగు రాష్ట్రాలతో పాటు ప్రపంచంలోని చాలామంది తెలుగువారు ఈ షో చూస్తున్నారు. ఆపై ఓట్లు కూడా వేస్తున్నారు. కానీ వారి ఓట్లకు విలువ లేకుండా ఇలాంటి నిర్ణయాల తీసుకోవడం వల్ల ప్రేక్షకులు కూడా నిరుత్సాహానికి గురౌతున్నారు. దీంతో కంటెస్టెంట్స్ కూడా నష్టపోతున్నారు. (ఇదీ చదవండి: అమర్ దీప్ బ్యాక్గ్రౌండ్ తెలుసా.. లండన్లో స్టడీస్, పొలిటికల్ ఫ్యామిలీ ఇంకా మరెన్నో..) కేవలం ఓట్ల వల్లే నిర్ణయాలు తీసుకుంటున్నామని చెబుతూ ఇలాంటి తప్పుడు చర్యలతో బాధపెట్టడం కరెక్ట్ కాదు. ఇలాంటి ఎలిమినేషన్స్ వల్ల వారికి కావాల్సిన టీఆర్పీ వస్తుంది. మా సీజన్లో కూడా ఇలాంటి సంఘటనలు కొన్ని జరిగాయి. అలా బిగ్బాస్పై బజ్ క్రియేట్ చేశారు. ఈ కారణాలు చాలవా పిల్ ఫైల్ చేయడానికి.' అంటూ అర్జున్ అభిప్రాయం చెప్పాడు. బిగ్బాస్ అగ్రిమెంట్ సీక్రెట్ ఇదే ఇప్పుడు ఎందుకు ఇలాంటి కామెంట్లు చేస్తున్నారని మరో నెటిజన్ ప్రశ్నించాడు. మీ ఎలిమినేషన్ ప్రక్రియ జరిగినప్పుడు ఎందుకు స్పందించలేదని అర్జున్ను తప్పుపట్టారు. దీంతో ఆయన ఇలా తిరిగి సమాధానం ఇచ్చాడు. ' నేను ఎలిమినేషన్ సమయంలో బిగ్బాస్ వారు ఇచ్చిన అగ్రిమెంట్ కాంట్రాక్ట్లో ఉన్నాను. నేను ఎలిమినేషన్ అయిన తర్వాత అసలు విషయం తెలిసింది. బిగ్బాస్ -6లో నేను ఓటింగ్ వల్ల ఎలిమినేట్ కాలేదు. ఇదే విషయం నాకు ఎంతో ఆలస్యంగా తెలిసింది. బిగ్బాస్ అగ్రిమెంట్లో ఒక క్లాజ్ ఉంటుంది. హౌస్లోని ఒక కంటెస్టెంట్ను ఎప్పుడైనా, ఎలాగైనా, ఎటువంటి కారణం చెప్పకుండా ఎలిమినేట్ చేసే అధికారం షో నిర్వాహుకులకు ఉంటుంది.' అని అర్జున్ సెన్సేషనల్ విషయాన్ని తెలిపాడు. ఎలిమినేషన్స్ అనేవి ఓటింగ్ వల్ల మాత్రమే జరగవు. హౌస్లో వాళ్లు ఏ స్థాయిలో ఎంటర్ టైన్ చేస్తున్నారు అనే విషయంపై కూడా ఆధారపడి ఉంటుందని చెప్పుకొచ్చాడు. దీంతో బిగ్బాస్ అసలు గుట్టు ఇదా అంటూ నెటిజన్లు పలు రకాలుగా కామెంట్లు చేస్తున్నారు. అర్జున్ కల్యాణ్ వ్యాఖ్యలకు బిగ్బాస్ టీమ్ ఏమైన సమాధానం చెబుతుందేమో తెలియాల్సి ఉంది. Felt really bad for #NayaniPavani. She didn't deserve it for sure. Huge loss for the show and their credibility. Hope ppl realize now that there is no link between voting and eliminations. Somebody should file a PIL to show the votings of all seasons and eliminations.… — Arjun Kalyan (@ArjunKalyan) October 15, 2023 @ArjunKalyan meeru eliminate ayinappudu enduku adagaledu evariki enni votes vachayo chupinchamani..if you remember BB season 3 Ali Reza ane contestant ki voting motham chupincharu ani tane last lo unnadu ani tane cheppadu..meeku guts leva adagadaniki appudu?? — Jagadeesh Bandaru (@NenuJagadeesh) October 15, 2023 -
నాలాంటి బాధ ఎవరికీ రాకూడదని కోరుకున్నా: నయని పావని
బిగ్ బాస్ హౌస్లో వైల్డ్ కార్డ్ ద్వారా ఎంట్రీ ఇచ్చిన సోషల్ మీడియా స్టార్ నయని పావని. అయితే హౌస్లో అడుగుపెట్టిన వారానికే ఎలిమినేట్ అయి అందరినీ షాకింగ్కు గురిచేసింది. ఈ ఎలిమినేషన్తో ఫుల్ ఎమోషనల్ అయ్యారు నయని పావని. ఏడుస్తూనే హౌస్ నుంచి బయటకొచ్చేశారు. ఎలిమినేషన్ తర్వాత ఇంటికెళ్లిన పావని.. తల్లిని చూసి కంటతడి పెట్టుకుంది. ఈ షో వల్ల నయని పావని ఇంటికొచ్చేసినప్పటికీ ఫుల్ పాపులారిటీ అయితే తెచ్చుకుంది. అయితే గతంలో ఓ ఇంటర్వ్యూకు హాజరైన నయని పావని పలు ఆసక్తికర విషయాలను వెల్లడించింది. నాన్న గురించి తలుచుకుంటూ ఫుల్ ఎమోషనల్ అయింది. (ఇది చదవండి: ఒకప్పుడు టాటా నానో.. ఇప్పుడు బీఎమ్డబ్ల్యూ - అట్లుంటది కిమ్ శర్మ అంటే!) నయని పావని మాట్లాడుతూ.. 'మా ఇంటి బాధ్యతలన్నీ నేను చూసుకునేదాన్ని. మా నాన్న చనిపోయాక ఏం చేయాలన్నా ఖర్చు అవుతుంది. అది వీళ్లేవరికి అర్థం కాదు. కొందరు చాలా దారుణంగా మాట్లాడతారు. మీ నాన్న చనిపోయాక ఇలాంటి డ్రెస్సులు వేస్తారా? అని కామెంట్స్ పెడతారు. కొందరి కామెంట్స్ చూసి నాకు చాలా డిప్రెషన్కు గురయ్యాను. అసలు దానికీ, దీనికి సంబంధమేంటి? మీకు ఏమైనా ఇబ్బంది అనిపిస్తే నా వీడియోలు, ఫోటోలు చూడకండి. ఆ సమయంలో అలాంటి కామెంట్స్ నాపై తీవ్ర ప్రభావం చూపాయి. అవీ చూసి నాకు చాలా బాధేసింది. మా ఫ్యామిలీ అంతా బాధలో ఉన్నాం. ఆ సమయంలో అందరూ ఇంత ఈజీగా ఎలా కామెంట్ చేస్తారా అనిపించింది. మాకు డబ్బులు సంపాదించాలని నాన్న ఎప్పుడూ చెప్పలేదు. మన వల్ల ఒకరు ఇబ్బంది పడకూడదని అనేవారు. నన్ను చాలా గారాభంగా పెంచారు. మా నాన్నకు సర్జరీ సమయంలో ఫ్రెండ్స్, బంధువులు ఎవరూ ఫోన్ చేయలేదు. ఆ రోజు రాత్రి ఏడుస్తూనే ఉన్నా. నాకు ఎవరూ కాల్ చేయలేదంటీ? అని ఎంతో బాధగా అనిపించింది' అంటూ కన్నీటి పర్యంతమైంది. (ఇది చదవండి: బద్రి సినిమా ఇప్పుడే రిలీజైనట్లు ఉంది: రేణు దేశాయ్ కామెంట్స్ వైరల్!) -
ఆమె ఎలిమినేట్ అవుతుందనుకున్నా.. ఏడ్చేసిన నయని పావని
బిగ్బాస్ 7 షోలో హౌస్మేట్లనే కాదు, ప్రేక్షకులను సైతం కంటతడి పెట్టించిన కంటెస్టెంట్ ఎవరైనా ఉన్నారా? అంటే అది నయని పావని మాత్రమే! వైల్డ్ కార్డ్ కంటెస్టెంట్గా హౌస్లో అడుగుపెట్టింది నయని. ఆత్మస్థైరంతో ఆటలాడుతూ వారం రోజుల్లోనే స్ట్రాంగ్ కంటెస్టెంట్ అని నిరూపించుకుంది. టాప్ 5లో ఉండాలని టార్గెట్ పెట్టుకుంది, కానీ వచ్చిన వారం రోజులకే ఎలిమినేట్ అయింది. దీంతో ఆమె ఎంతగానో ఏడ్చింది. హౌస్ను సైతం ఏడిపించేసింది. తాజాగా బిగ్బాస్ బజ్లో పాల్గొన్న నయని.. గీతూ రాయల్ అడిగిన ప్రశ్నలకు ఆసక్తికర సమాధానాలిచ్చింది. తేజతో కావాలనే గొడవపడాలని ఫిక్సయ్యావనిపించింది అని గీతూ చెప్పగా అలా ఏం లేదని క్లారిటీ ఇచ్చింది నయని. నువ్వు కాకుండా ఎవరు ఎలిమినేట్ అవుతారని అనుకున్నావు? అని ప్రశ్నించగా అశ్విని అని చెప్పింది. ఆమె ఇంకా మాట్లాడుతూ.. 'బిగ్బాస్ హౌస్లో నా గేమ్ నేను ఆడాను.. హౌస్లో శివాజీకి కనెక్ట్ అయ్యాను. నాకు తెలియకుండానే హౌస్మేట్స్తో కనెక్ట్ అయిపోయాను, వాళ్లు కూడా నాకు కనెక్ట్ అయిపోయారు' అని చెప్తూ ఏడ్చేసింది నయని పావని. ఇప్పటికీ ఎలిమినేషన్ బాధలో నుంచి బయటపడలేకపోతుంది నయని. తను ఇంటికి వెళ్లగానే బిగ్బాస్ షోని తల్చుకుంటూ కన్నీరుమున్నీరుగా విలపించింది. టాప్ 5లోకి వెళ్తాననుకున్నాను, కానీ ఇంత త్వరగా ఎలిమినేట్ అయిపోయాను, సారీ అమ్మా అంటూ ఏడ్చేసింది. కూతురికి హారతి ఇస్తూ ఆ తల్లి సైతం కంటతడి పెట్టుకుంది. చదవండి: వారంలో ఎలిమినేట్.. నయని సంపాదన అన్ని లక్షలా? -
ప్రేక్షకుల గుండెల్ని తాకిన నయని పావని.. ఈ కారణంతో నో రీ ఎంట్రీ
బిగ్ బాస్ సీజన్-7 నుంచి ఆరోవారం నయని పావని ఎలిమినేట్ అయ్యింది. వైల్డ్ కార్డ్తో హౌస్లోకి అడుగుపెట్టిన పావని ఒక వారంలోనే బిగ్ బాస్ హౌస్ నుంచి బయటకు వచ్చేసింది. సాధారణంగా ఈ షోను అందరూ ఎంటర్టైన్మెంట్ షో మాదిరే చూస్తారు. కానీ నయని పావని ఎలిమినేట్ అయిన తీరును చూసిన మెజారిటీ ప్రేక్షకులు కన్నీరు పెట్టుంటారు అనడంలో ఎలాంటి సందేహం లేదు. హౌస్లోని సభ్యులతో పాటు ప్రేక్షకుల గుండెను ఆమె కన్నీళ్లు తాకాయి. చివరకు ఎంతో గొప్ప యాక్టర్, బిగ్ బాస్ హోస్ట్ నాగార్జున కూడా తొలిసారి ఎమోషనల్ అయ్యాడు. నయని పావని స్టేజీపైన మాట్లుడుతున్న సమయంలో ఆమె కంట వస్తున్న కన్నీరు మెడ భాగం వరకు పోతూనే ఉంటాయి. ఆ దృశ్యాలను చూసిన ప్రతి ప్రేక్షకుడు కూడా ఎమోషనల్ అయ్యాడు అని చెప్పవచ్చు. కొద్దిరోజుల క్రిత్రం నయని పావని తండ్రి మరణించారని విషయం తెలిసిందే. అందుకే ఆమె శివాజీని నాన్న అంటూ పిలుస్తూ ఉండేది. స్టేజీపైన శివాజీని డాడీ అంటూ అలా ఉండిపోయిన ఆమె కోసం హౌస్ నుంచి తాను వెళ్లిపోతానని అవకాశం ఉంటే నయని పావనిని హౌస్లో ఉంచండని శివాజీ కోరుతాడు. (ఇదీ చదవండి: బిగ్బాస్ నుంచి శివాజీ ఔట్.. మళ్లీ వచ్చే ఛాన్స్ ఉందా?) అందుకు నాగార్జున అవకాశం లేదు.. అది ప్రేక్షకుల నిర్ణయం అంటాడు. ఆమె హౌస్ నుంచి వెళ్తున్న సమయంలో మొదటిసారి శివాజీ కూడా పావని కోసం గేట్ క్లోజ్ అయ్యే వరకు అక్కడే ఉన్నాడు. అలా ఆమె హౌస్లో ఉన్న వారందరిని మెప్పించింది. ఒక రకంగా ఆదివారం ఎపిసోడ్ నయని పావని వల్ల బిగ్ బాస్ ప్రేక్షకుల హర్ట్ మెల్ట్ అయిందని చెప్పవచ్చు. ఎలిమినేట్కు కారణాలు ఇవే నయని పావనికి ఇన్స్టాగ్రామ్లో సుమారు 6 లక్షల మంది ఫాలోవర్స్ ఉన్నారు. ఎన్నో షార్ట్ ఫిలిమ్స్లలో నటించి సోషల్ మీడియాలో మంచి ఫాలోయింగ్ ఉంది. కానీ ఆమె హౌస్లోకి వెళ్తున్న సమయంలో పీఆర్ టీమ్ను ఏర్పాటు చేసుకోకుండా వెళ్లడం ప్రధాన కారణం అని తెలుస్తోంది. రీ ఎంట్రీ ఇచ్చిన వారందరిలో ఆమె బెటర్ అనేలా గేమ్ ప్లే చేసింది. ఈ వారంలో ఆమెపై ఎక్కడా నెగటివ్ రాలేదు. శివాజీతో ఆమెకు మంచి బాండింగ్ ఉంది. అలాగే పల్లవి ప్రశాంత్తో ఆమె క్లోజ్గా ఉంది. యావర్ ఆమె వల్లే హౌస్ కెప్టెన్ అయ్యాడు. ఈ ముగ్గురికి ఉన్న ఓట్ బ్యాంక్ ఆమె వైపు వెళ్లలేదు. దీనికి ప్రధాన కారణం ఆమెకు పీఆర్ టీమ్ లేకపోవడం అని చెప్పవచ్చు. అంతకు మించి ఆమెపై ప్రేక్షకుల్లో ఎలాంటి నెగటివిటీ లేదు. నయని పావని రీ ఎంట్రీ.. అవకాశాలు తక్కువే నయని పావని రీ ఎంట్రీ ఉంటే బాగుంటుంది అని ప్రతి బిగ్ బాస్ ప్రేక్షకుడు అనుకుంటున్నాడు. ఆ మేరకు ఇప్పటికే పలువురు ఆమె రీ ఎంట్రీ కోసం సోషల్ మీడియాలతో పాటు స్టార్ మా యూట్యూబ్ వీడియోల కింద మెసేజ్లు చేస్తున్నారు. కానీ బిగ్బాస్ ఆమెకు రీ ఎంట్రీ అవకాశం ఇవ్వకపోవచ్చని తెలుస్తోంది. ఎందకంటే నయని పావని ఎలిమినేషన్ ఎపిసోడ్తో భారీ గుర్తింపు వచ్చింది. మళ్లీ రీ ఎంట్రీ ఇస్తే ఆ ఇమేజ్ కోల్పోయే ఛాన్స్ ఉంది. దీంతో ప్రస్తుతానికి రీ ఎంట్రీ ఆప్షన్ ఇవ్వకుండా... త్వరలో రాబోయే బిగ్బాస్ OTT కోసం ఆమెను ఉపయోగించుకునే అవకాశమే ఎక్కువ ఉంది. దీనికి ప్రధాన కారణం ఆమె సోషల్ మీడియా ఇన్ఫ్లూయన్సర్. దీంతో ఆమెను OTT సీజన్ కోసం ఉపయోగించుకుంటే షో రేటింగ్ మరింతే పెరిగే ఛాన్స్ ఉంటుందని బిగ్బాస్ టీమ్ ఆలోచిస్తుందట. ఇదే నిజమైతే OTT సీజన్లో ఆమె టైటిల్ రేసులో నిలవడం ఖాయం. ఏదేమైనా నయని పావని రీ ఎంట్రీ అవకాశాలు చాలా తక్కువ. ఇందులో సందేహమే లేదు. (ఇదీ చదవండి: సాక్షి టీవీ వాట్సాప్ ఛానెల్ క్లిక్ చేసి ఫాలో అవ్వండి) -
బిగ్బాస్ 7 ఎలిమినేషన్.. నయని పావని రెమ్యునరేషన్ ఎంతో తెలుసా?
బిగ్బాస్ 7వ సీజన్ నుంచి ఆరోవారం ఊహించని కంటెస్టెంట్ ఎలిమినేట్ అయిపోయింది. వైల్డ్ కార్డ్ ఎంట్రీస్లో భాగంగా హౌసులోకి అడుగుపెట్టిన సోషల్ మీడియా ఇన్ఫ్లూయెన్సర్ నయని పావని.. వచ్చిన వారంలో తన ఆటతో ఆకట్టుకుంది. కానీ అనుకోని విధంగా బయటకొచ్చేసింది. మరీ వారంలో ఆమె ఎంత సంపాదించిందో తెలుసా? బిగ్బాస్లో ఎప్పుడు ఏం జరుగుతుందనేది చెప్పలేం. నామినేషన్స్ నుంచి ఎలిమినేషన్స్ వరకు కొన్నిసార్లు మనం ఊహించని సంఘటనలు జరుగుతుంటాయి. అలా ఈ వారం ఏడుగురు నామినేట్ అయ్యారు. రెండు రోజులు ముందు వరకు ఓటింగ్ పరంగా చూసుకుంటే శోభాశెట్టి, పూజామూర్తి, నయని పావని చివరి స్థానాల్లో ఉన్నారు. (ఇదీ చదవండి: హీరోయిన్గా ఛాన్స్ కొట్టేసిన 'బిగ్బాస్' రతిక) వీళ్లలో చాలామంది శోభాశెట్టి లేదా పూజామూర్తి ఎలిమినేట్ అవుతుందని అనుకున్నారు. కానీ వీళ్లిద్దరూ కాకుండా నయని పావని ఎలిమినేట్ అయిపోయింది. అయితే గేమ్, టాస్కుల పరంగా ఈమెకి బలం ఉంది. ఇంకో రెండు-మూడు వారాలు ఉండుంటే రేసులో ఉండేదేమో. కానీ పరిస్థితులు అనుకూలించక.. వారంలోనే ఎలిమినేట్ అయిపోయింది. ఇకపోతే వారానికి రూ.2 లక్షలకు నయని పావని అగ్రిమెంట్ చేసుకున్నట్లు తెలుస్తోంది. అంటే వచ్చిన వారం మాత్రమే ఉంది కాబట్టి కేవలం రూ.2 లక్షలు తీసుకునే ఇంటికి వెళ్లిపోనుంది. సో అదన్నమాట విషయం. (ఇదీ చదవండి: గుడ్డిగా నమ్మేశా.. లవర్ మోసం చేశాడు: యంగ్ హీరోయిన్) -
'బిగ్బాస్ 7'లో నయని పావని ఎలిమినేట్.. అలా జరగడం ఇదే ఫస్ట్ టైమ్!
'బిగ్బాస్' షోలో ప్రతివారం ఎలిమినేషన్ కచ్చితంగా ఉంటుంది. కానీ గత ఐదువారాల కంటే ఈసారి భిన్నంగా సాగింది. అనుకోని విధంగా స్ట్రాంగ్ కంటెస్టెంట్ అనుకున్న నయని పావని ఎలిమినేట్ అయిపోయింది. అలానే దామిని, రతిక, శుభశ్రీ రీఎంట్రీ విషయంలో నాగ్ సరికొత్త ట్విస్ట్ పెట్టాడు. ఇంతకీ ఆదివారం ఎపిసోడ్లో ఏం జరిగిందనేది Day 42 హైలైట్స్లో ఇప్పుడు చూద్దాం. రీఎంట్రీ కోసం పోలింగ్ ఇక దామిని, శుభశ్రీ, రతికలలో ఒకరికి ఛాన్స్ ఉందని శనివారం ఎపిసోడ్లో చెప్పిన నాగ్.. వాళ్ల కోసం ఓటింగ్ ప్రక్రియ మొదలు పెట్టడంతో ఆదివారం ఎపిసోడ్ ప్రారంభించాడు. ఇందులో భాగంగా అందరూ బ్యాలెట్ బాక్సులో వాళ్లకు అనిపించిన కంటెస్టెంట్కి ఓటు వేశారు. అయితే వీళ్లలో ఎక్కువ ఓట్లు వచ్చిన వ్యక్తి కాకుండా తక్కువ ఓట్లు వచ్చిన వ్యక్తి హౌసులోకి రీఎంట్రీ ఇస్తాడని బాంబు పేల్చాడు. అది ఎవరనేది వచ్చే శనివారం చెబుతానని అన్నాడు. (ఇదీ చదవండి: హీరోయిన్గా ఛాన్స్ కొట్టేసిన 'బిగ్బాస్' రతిక) కాస్త ఎంటర్టైన్మెంట్ ఆదివారం ఎపిసోడ్ అంటే సందడి ఉంటుంది. అందుకు తగ్గట్లే ఈ వారం 'భగవంత్ కేసరి' టీమ్ నుంచి దర్శకుడు అనిల్ రావిపూడి, హీరోయిన్ శ్రీలీల వచ్చారు. కాసేపు హౌస్మేట్స్ అందరితో డ్యాన్సులు వేయించి, మాట్లాడి తమ చిత్రాన్ని ప్రమోట్ చేసి వెళ్లిపోయారు. ఇక ఎలిమినేషన్లో భాగంగా తేజ, యవర్ తొలి రౌండ్లో సేఫ్ అయ్యారు. రెండో రౌండ్లో అమరదీప్, శోభాశెట్టి సేఫ్ అయ్యారు. మూడో రౌండ్లో పూజామూర్తి సేఫ్ అయింది. చివరగా అశ్విని, నయని పావని మిగలగా.. వీళ్లిద్దరిలో అనుహ్యంగా నయని పావని ఎలిమినేట్ అయిపోయింది. ఏడుస్తూనే ఉంది అయితే వచ్చిన వారంలోనే ఎలిమినేట్ అయిపోవడంపై నయని పావనికి షాక్ తగిలింది. బాగా ఆడాను కానీ ఎలిమినేట్ అయిపోయానని గట్టిగా ఏడ్చేసింది. బాగా ఆడకుండా ఎలిమినేట్ అయితే ఒప్పుకుంటానని ఏడుస్తూ చెప్పింది. ఏం ఆడలేదని పంపించేస్తున్నారో అని ఏడుస్తూనే బిగ్బాస్ని ప్రశ్నించింది. ఇక నయని స్టేజీపై వెళ్లిపోయిన తర్వాత హౌసులో అందరితో ఆమె మాట్లాడుతున్నప్పుడు ప్రతిఒక్కరూ ఏడుస్తూనే ఉన్నారు. ఇన్నేళ్లలో ఇలా ఓ కంటెస్టెంట్ కోసం అందరూ కన్నీళ్లు పెట్టుకోవడం ఇదే మొదటిసారి అని స్వయంగా హౌస్ట్ నాగార్జునే అన్నాడు. ఇంతమంది మనసు గెలుచుకున్న ఈ అమ్మాయి జీవితంలో చాలా పైకొస్తుందని నాగ్ ఆశీర్వదించాడు. అలా ఆదివారం ఎపిసోడ్ ముగిసింది. (ఇదీ చదవండి: గుడ్డిగా నమ్మేశా.. లవర్ మోసం చేశాడు: యంగ్ హీరోయిన్) -
ఆమె కోసం ఈమె బలి? వచ్చిన వారంలోనే ఆ బ్యూటీ ఎలిమినేట్!
ఈసారి బిగ్బాస్ తెలుగు సీజన్ అనుకున్నంత గొప్పగా ఏం సాగట్లేదు! వైల్డ్ కార్డ్ ఎంట్రీ అని గత ఆదివారం ఏకంగా ఐదుగురు కొత్తోళ్లని తీసుకొచ్చారు. కానీ ఆటలో పెద్దగా మార్పు అయితే వచ్చినట్లు కనిపించలేదు. ఇప్పుడు వాళ్లలో ఓ బ్యూటీని ఎలిమినేట్ చేసి బయటకు పంపేశారని తెలుస్తోంది. ఇంతకీ ఏం జరుగుతోంది? ఎలిమినేషన్ ఎవరు? బిగ్బాస్ 7 ఆరోవారం ఎలిమినేషన్లో మొత్తం ఏడుగురు ఉన్నారు. అమరదీప్, ప్రిన్స్ యవర్, తేజ, శోభాశెట్టి, పూజా, అశ్విని, నయని పావని ఈ లిస్టులో ఉన్నారు. అయితే వీళ్లలో ఓటింగ్ పరంగా చూసుకుంటే రెండు రోజుల ముందు వరకు శోభాశెట్టి, పూజా చివరి స్థానాల్లో ఉన్నారు. వీళ్లకు పైన నయని పావని ఉంది. అలాంటిది ఇప్పుడు నయని ఎలిమినేట్ అయినట్లు సమాచారం. (ఇదీ చదవండి: ఫ్యాన్స్కి 'లియో' షాక్.. అక్కడ టికెట్ రేటు రూ.5 వేలు!) ఎలిమినేషన్ ట్విస్ట్? గతవారం హౌస్ నుంచి ప్రియాంక వెళ్లిపోతుందని అనుకున్నారు. కానీ శుభశ్రీని పంపేశారు. గౌతమ్ ని ఎలిమినేట్ చేసినట్లు షో చేసి సీక్రెట్ రూంలో పెట్టారు. తిరిగి హౌసులోకి తీసుకొచ్చేశారు. ఈ వారం కూడా శోభాశెట్టి ఎలిమినేట్ అవుతుందని అందరూ అనుకున్నారు. కానీ ఆమెని సేఫ్ చేసి నయని పావనిని బయటకు పంపేశారా అని ప్రేక్షకులు అభిప్రాయపడుతున్నారు. అయితే వైల్డ్ కార్డ్ ఎంట్రీల్లో భాగంగా వచ్చిన అమ్మాయిల్లో అశ్విని, పూజామూర్తి, నయని పావని ఉన్నారు. వీళ్లు వచ్చి వారం కూడా కాలేదు కాబట్టి పెద్దగా నిరూపించుకునే ఛాన్స్ రాలేదు. ఇప్పుడేమో నయని పావని ఎలిమినేషన్ అంటున్నారు. మరో 1-2 వారాలు ఉంచున్నాసరే ఈమె గేమ్ ఏంటనేది తెలిసేది. అసలు నయనని నిజంగానే ఎలిమినేట్ చేశారా అనేది ఆదివారంతో క్లారిటీ వచ్చేస్తుంది. (ఇదీ చదవండి: బిగ్బాస్ చరిత్రలోనే తొలిసారి.. కంటెస్టెంట్ల చేతికి మొబైల్ ఫోన్స్!) -
హౌస్లో అడుగుపెట్టిన సోషల్ మీడియా సెన్సేషన్
టిక్టాక్ వీడియోలతో బాగా ఫేమస్ అయింది నయని పావని. ఈమె అసలు పేరు సాయి పవని రాజ్. పక్కా తెలంగాణ అమ్మాయి. టిక్టాక్లో వీడియోలు చేస్తూ కిల్లింగ్ ఎక్స్ప్రెషన్స్తో అందరినీ బుట్టలో వేసుకుంది. సమయం లేదు మిత్రమా, ఎంత ఘాటు ప్రేమ, పెళ్లి చూపులు 2.0, మిత్రమా, బబ్లూ వర్సెస్ సుబ్బులు కేరాఫ్ అనకాపల్లి వంటి పలు షార్ట్ ఫిలింస్లోనూ నటించింది. ఈ సోషల్ మీడియా ఇన్ఫ్లూయెన్సర్కు ఇన్స్టాగ్రామ్లో 6 లక్షల మందికి పైగా అభిమానులు ఉన్నారు. ఆ మధ్య డ్యాన్స్ షో ఢీలోకి వెళ్లి మంచి గుర్తింపు పొందింది. షార్ట్ ఫిలింస్, రియాలిటీ షోలే కాదు సినిమాలు కూడా చేసింది. చిత్తం మహారాణి, సూర్యకాంతం అనే చిత్రాల్లో నటించి మెప్పించింది. అందానికి అందం, దానికి మించి టాలెంట్ ఉన్న ఈ బ్యూటీ తాజాగా బిగ్బాస్ 7లో వైల్డ్ కార్డ్ ఎంట్రీ ఇచ్చింది. మరి తన జర్నీ ఎలా ఉంటుంది? అందరినీ ఆటాడిస్తుందా? తన ఆట తనే ఆడుతుందా? చూడాలి!