హైదరాబాద్‌: ఇటీవల కుప్పలుతెప్పలుగా వివాహేతర సంబంధాలు వెలుగులోకి వస్తున్నాయి. అచ్చం అలాంటి పనిచేసే..ఓ సాఫ్ట్‌వేర్‌ ఉద్యోగి భార్యకు అడ్డంగా దొరికిపోయాడు. ప్రస్తుతం ఈ ఘటన సోషల్ మీడియాలో తెగ వైరల్‌ అవుతుంది. వివరాల్లోకెళ్తే.. హైదరాబాద్‌కి చెందిన శివ అనే వ్యక్తి సాఫ్ట్‌వేర్ ఉద్యోగం చేస్తున్నాడు. నాలుగేళ్ల క్రితం దీప్తి అనే మహిళతో పెళ్లి కాగా ఈ దంపతులకు మూడేళ్ల కుమార్తె కూడా ఉంది. అయితే పెళ్లై, పిల్లలున్న శివ కొంతకాలంగా తన భార్యతో దూరంగా ఉంటున్నాడు. కారణం మరో మహిళతో వివాహేతర సంబంధమే. ఆ విషయం అతడి భార్య దీప్తి కనిపెట్టింది. ఎలాగైనా రెడ్‌హ్యండెడ్‌గా పట్టుకోవాలని గట్టి నిఘా పెట్టింది.చివరికి తన భర్త శివ, సుష్మా అనే ఆమెతో కలిసి కూకట్‌పల్లిలో ఓ ఇంట్లో నివసిస్తున్నాడని తెలుసుకుని, కుటుంబసభ్యుల సాయంతో ఒకే గదిలో ఉన్న భర్త శివ, సుష్మలను రెడ్‌హ్యండెడ్‌గా పట్టుకుంది. ఆ తర్వాత పోలీసులకు సమాచారం అందించింది. అంతేగాక తనను పట్టించుకోకుండా మరో మహిళతో తన భర్త అక్రమ సంబంధం పెట్టుకున్నాట్లు ఫిర్యాదు కూడా చేసింది. pic.twitter.com/95aRDE2twc— Telugu Scribe (@TeluguScribe) April 26, 2025

పుట్టిన గడ్డపై ప్రజలు చిన్న వయసులోనే కేన్సర్, లివర్, గుండె జబ్బు వంటి ప్రమాదకరమైన వ్యాధుల బారిన పడి మృతి చెందటంతో కలవరపాటుకు గురైన ఆమె అమెరికాలో ఆరంకెల సాఫ్ట్‌వేర్‌ ఉద్యోగం వదిలి ఏడేళ్ల క్రితం పుట్టింటికి తిరిగి వచ్చేశారు. తమ ఏడెకరాల్లో ఐదంచెల ప్రకృతి వ్యవసాయం చేస్తున్నారు. యోగా, ప్లాస్టిక్‌ రహిత జీవన శైలిని తాను ఆచరిరిస్తూ 2017 నుంచి అనేక ఇతర స్వచ్ఛంద సంస్థలతో కలసి ప్రచారోద్యమం చేపట్టారు. ముఖ్యంగా పాఠశాల విద్యార్థుల్లో ఎకోఫ్రెండ్లీ లివింగ్‌పై శిక్షణ ఇస్తున్నారు. ఆమె పేరు అక్కిన భవానీ.పశ్చిమగోదావరి జిల్లా తాడేపల్లిగూడెం మండలం చినతాడేపల్లి భవాని స్వగ్రామం. అమెరికాలో పెద్ద జీతంతో కూడిన సాఫ్ట్‌వేర్‌ ఉద్యోగం 17 ఏళ్లకు పైగా చేశారు. తాను పుట్టిన గడ్డ మీద ఆహార, ఆరోగ్య, పర్యావరణ సంక్షోభాన్ని గుర్తించి, ఉద్యోగానికి రాజీనామా చేశారు. మితిమీరిన రసాయనాలతో ఆహారోత్పత్తి చేయటం, ప్లాస్టిక్‌ వాడకం, అపసవ్యమైన జీవన శైలి మూల కారణాలని గుర్తించారు. అమెరికాలో ఉండగానే ఆమె యోగా నేర్చుకున్నారు. ప్రకృతికి అనుగుణమైన సాధారణ జీవన శైలిని అలవర్చుకున్నారు. మనకు, భూమికి శాశ్వత ప్రయోజనాన్ని కలిగించే పర్మాకల్చర్‌ వ్యవసాయ పద్ధతిని నేర్చుకున్నారు. గత 50 ఏళ్లుగా పర్మాకల్చర్‌ను ఆచరిస్తున్న వాషింగ్టన్‌ (అమెరికా)కు చెందిన మైఖేల్‌ పిలార్సి్క వద్ద శిక్షణ పొందారు. అనేక దేశాలు పర్యటించి ప్రకృతి వనరుల పరిరక్షణ పద్ధతుల్ని భవాని అధ్యయనం చేయటం విశేషం. భూమి, నీరు, గాలి, అడవి, భూమిపైన జీవరాశిని పరిరక్షించుకోవటం ద్వారా మనిషి ఆరోగ్యంగా జీవించవచ్చని.. ప్లాస్టిక్, రసాయన రహిత ఆరోగ్యదాయకమైన జీవన శైలి, యోగా, ప్రకృతి సేద్యం ఇందుకు దోహదపడతాయని భవాని మనసా వాచా కర్మణా నమ్ముతున్నారు. రసాయనాల్లేని ఆహారోత్పత్తితో పాటు యోగా తదితర కార్యకలాపాల ద్వారా.. శారీరకంగా/ మానసికంగా/ఆధ్యాత్మికంగా ఆరోగ్యదాయకమైన జీవనశైలిని అనుసరించటం అవసరమని నమ్ముతున్నారు. ఈ భావాలను తమ గ్రామం కేంద్రంగా ప్రచారం చేయటమే జీవిత లక్ష్యంగా పెట్టుకున్నారు. ఇందుకోసం వర్క్‌షాపులు, స్టడీ టూర్లు, ఫామ్‌ విజిట్లు నిర్వహించటంతో పాటు ‘నర్చర్‌5’ పేరుతో వెబ్‌సైట్‌ను, యూట్యూబ్‌ ఛానల్‌ను నిర్వహిస్తున్నారు.స్వగ్రామానికి తిరిగి వచ్చిన తర్వాత 2019లో పాలేకర్‌ పద్ధతిలో వరి సాగుతో ప్రకృతి సేద్యంప్రారంభించారు. తదనంతరం తమ కుటుంబానికి చెందిన 7 ఎకరాల భూమిలో ఫైవ్‌ లేయర్‌ మోడల్‌లో వక్క ప్రధాన పంటగా పండ్లు, కూరగాయలు, ఔషధ మొక్కలను ప్రకృతి వ్యవసాయ పద్ధతిలో సాగు చేపట్టారు. సేంద్రియ పెరటి తోటల సాగు ద్వారా పోషకాహార స్థాయిని పెంపొందించటం.. పండ్ల తొక్కలతో సేంద్రియ ద్రావణాలు తయారు చేసుకొని వినియోగించటం.. గుడ్డ సంచుల వాడకం.. వంటి అంశాలపై గుంటూరు తదితర ప్రాంత పాఠశాలల్లో విద్యార్థులు, టీచర్లకు శిక్షణ ఇస్తున్నారు. కరోనా సమయంలో జిల్లా అధికారులతో కలసి ఆరోగ్యదాయకమైన జీవన శైలి, యోగా తదితరాలపై ప్రచార కార్యక్రమాల్లో పాల్గొన్నారు. ఆహారం, ఆదాయం, ఆరోగ్యం అనే ఫార్ములాతో భవానీ ప్రస్తుతం చినతాడేపల్లిలోని ఏడెకరాల ‘పొలంలో ప్రకృతి బడి’ని నిర్మించే పనిలో నిమగ్నమై ఉన్నారు. ఆదాయం కోసం వక్క సాగు, ఆహారం కోసం వివిధ రకాల మంచి పండ్లు, ఆరోగ్యం కోసం ఔషధ మొక్కలు ఒకే చోట పెంచే ఫుడ్‌ ఫారెస్ట్‌ను పెంచుతున్నారు. వక్క ప్రధాన పంటగా నాటారు. మొదట అరటి, ఆ తర్వాత పసుపు అంతర పంటలుగా వేశారు. అక్కడక్కడా మామిడి, లిచీ, రాంభోళా వంటి పండ్ల మొక్కలను నాటారు. వక్క చెట్లపైకి పాకించడానికి రెండు రకాల మిరియం పాదులను పెంచుతున్నారు. ఒక మడిని ఔషధ మొక్కల కోసం కేటాయించారు. కుంకుడు, షికాకాయ్‌ మొక్కలు కూడా నాటారు. ఔషధ మొక్కలతో తల నూనె, పండ్ల పొడి, ఎండిన పూలతో టీ పొడి, పసుపు తదితర ఉత్పత్తులను స్వయంగా తయారు చేసి విక్రయిస్తున్నారు. క్షేత్రంలో మొక్కలన్నిటికీ డ్రిప్‌ పద్ధతిలో నీటిని అందిస్తున్నారు. పొలం చుట్టూ రక్షణ కోసం వెదురు, వాక్కాయ మొక్కలను నాటారు. మడినే బడిగా మార్చి బాలలు, యువతకు ప్రకృతి పాఠాలు బోధించాలన్నది ఆమె సంకల్పం. నవతరానికి స్ఫూర్తిని కలిగించే వర్కుషాపుల నిర్వాహణ ఆమెకు ఇష్టం. భవానీ కృషిని గుర్తించిన హైద్రాబాద్‌లోని ‘మేనేజ్‌’ సంస్థ గత ఏడాది ఉమెన్‌ అగ్రిప్రెన్యూర్‌ పురస్కారాన్ని ఇచ్చి గౌరవించింది. జీవితానుభవాలతో ‘జర్నీ ఆఫ్‌ మై మిస్టేక్స్‌’ అనే పుస్తకం రాస్తున్నానని ఆమె తెలిపారు. – యడ్లపల్లి మురళీకృష్ణ, తాడేపల్లిగూడెం, పశ్చిమగోదావరి జిల్లా

కరీంనగర్‌ అర్బన్‌: సినిమా.. అదో రంగుల ప్రపంచం. అద్భుతంగా తెరకెక్కిస్తే సందేశమేదైనా చేరువ చేసే సాధనం. ఇక, సినిమా తీయాలంటే సాంకేతిక విభాగం, నటీనటులు, ప్రొడక్షన్, డైరెక్షన్‌ ఇలా ఎన్నెన్నో.. ఆపై హీరోనే నిర్మాతగా, ఫిల్మ్‌ మేకర్‌గా, కథా రచయితగా రాణించాలంటే కఠోర శ్రమ అవసరం. కానీ, అనుకుంటే కానిది ఏదీ లేదని కరీంనగర్‌ భగత్‌నగర్‌లోని శ్రీరామకాలనీకి చెందిన గుండ వెంకట్‌సాయి నిరూపించాడు. వృత్తి సాఫ్ట్‌వేర్‌ ఉద్యోగం, ప్రవృత్తి నటనగా ముందుకెళ్తూ నిరంతర శ్రమతో సఫలీకృతుడయ్యాడు. 31 ఏళ్ల వయసులోనే ఏకంగా హాలీవుడ్‌లో సినిమా నిర్మించి, ట్రైలర్‌తోనే 28 ఇంటర్నేషనల్‌ ఫిల్మ్‌ ఫేర్‌ అవార్డులు సాధించాడు. 11 ఏళ్ల క్రితం అమెరికాకు..వెంకట్‌సాయి బీటెక్‌ పూర్తి చేసి, ఎంఎస్‌ చదివేందుకు 11 ఏళ్ల క్రితం ఆమెరికా వెళ్లాడు. తన భార్య ప్రత్యూషతో కలిసి న్యూజెర్సీలో ఉంటున్నాడు. అతనికి మొదటి నుంచి ఫొటోగ్రఫీ, నటనపై మక్కువ. తల్లిదండ్రులు గుండ సునీత–శ్రీనివాస్‌ వెన్నుతట్టి ప్రోత్సహించారు. ఈ క్రమంలో అమెరికా వెళ్లినా, ఆరంకెల వేతనం వస్తున్నా వెంకట్‌సాయి ఫొటోగ్రఫీ, నటనను వదలలేదు. హాలీవుడ్‌లోనే సినిమా తీయాలి.. తెలుగువాడి సత్తా చాటాలన్న ఆలోచనతో విరామ సమయాల్లో వెబ్‌సిరీస్, ఫొటోగ్రఫీ చేసేవాడు. ‘వద్దంటే వస్తావే ప్రేమ’ 10 ఎపిసోడ్స్‌ తీసి, ప్రత్యేక గుర్తింపు పొందాడు. బెస్ట్‌ ఫొటోగ్రాఫర్‌గా అనేక అవార్డులు పొందాడు. 14 రోజుల్లోనే సినిమా తీశాడు..తప్పు చేసి, పశ్చాత్తపపడే ఇతివృత్తంతో ది డిజర్వింగ్‌ సినిమా నిర్మించాడు వెంకట్‌సాయి. చిన్నప్పటి నుంచి ఇంగ్లిష్‌ మూవీస్‌ చూసే అలవాటు ఉండటంతో తదనుగుణ నటీనటులను ఆడిషన్స్‌ నిర్వహించి, ఎంపిక చేశాడు. అందరూ అమెరికన్‌లే. గంట పదిహేడు నిమిషాల నిడివి గల ఈ సినిమాను 14 రోజుల్లోనే తీయడం విశేషం. హార్రర్, థ్రిల్లర్, సైకాలజికల్, ఎమోషనల్‌ సమ్మిళితమైన మూవీ ఇది. సాయిసుకుమార్, అరోరా(డైరెక్టర్‌), ఇస్మాయిల్, సీమోన్‌స్టార్లర్, కేసీస్టార్లర్, ప్రియ(మోడల్‌), మారియంలు సినిమా నిర్మాణంలో ఎంతో సహకరించారని వెంకట్‌సాయి తెలిపాడు. అక్టోబర్‌ 1న 128 దేశాల్లో సినిమా విడుదల కానుందని పేర్కొన్నాడు. సినిమా కోసం చాలా కష్టపడ్డానుది డిజర్వింగ్‌ సినిమా తీసేందుకు ఐదేళ్లు పట్టింది. కథ రాయడం నుంచి సినిమా పూర్తయ్యే వరకు చాలా కష్టపడ్డాను. టాలీవుడ్‌లో ఎన్నైనా టేక్‌లు తీసుకోవచ్చు. హాలీవుడ్‌లో అలా కాదు.. డబ్బింగ్‌ ఉండదు. నటులు ఇచ్చిన షెడ్యూల్‌ ప్రకారమే పూర్తి చేయాలి. వాయిదా పడితే మళ్లీ ఏళ్లు పడుతుంది. చిన్నతనంలో తాతయ్య, నాన్న కథలు చెప్పేవారు. ఇంగ్లిష్‌ సినిమాలు ఎక్కువ చూసేవాణ్ణి. ఇంగ్లిష్‌వారికి నచ్చేలా మన కథనే కొంత మార్పు చేశా. సినిమా నిర్మాణంలో నా భార్య ప్రత్యూష సహకారం మరువలేను. టీం అంతా ఒక స్నేహపూర్వక వాతావరణంలో సినిమా చేశాం. తెలుగు వ్యక్తిగా త్వరలోనే టాలీవుడ్‌లో నటిస్తా. – గుండ వెంకట్‌సాయి ప్రపంచస్థాయిలో గుర్తింపునా కొడుకు వెంకట్‌సాయికి చిన్నప్పటి నుంచి సినిమాలంటే పిచ్చి. ఎక్కువగా ఇంగ్లిష్‌ మూవీస్‌ చూసేవాడు. కెమెరా పట్టుకొని, ఫొటోలు తీస్తూ తన సరదా తీర్చుకునేవాడు. మేము ఏనాడూ తన ఇష్టాలను కాదనలేదు. అమెరికా వెళ్తానంటే పంపించాం. అక్కడ ఉద్యోగం చేసూ్తనే ప్రపంచం మెచ్చే స్థాయిలో సినిమా తీస్తాడని కలలో కూడా ఊహించలేదు. గ్రేట్‌రా సాయి. – గుండ శ్రీనివాస్, వెంకట్‌సాయి తండ్రి

రాజంపేట: ఆ దంపతులకు ఒక్కగానొక్క కొడుకు... ఉన్నత విద్యను అభ్యసించాడు... క్యాంపస్‌ సెలక్షన్స్‌లోనే మంచి ఉద్యోగం పొందాడు... అంతలోనే అనూహ్యంగా అదృశ్యమయ్యాడు. రెండేళ్లుగా అతను ఎక్కడ ఉన్నాడో... ఏమయ్యాడో తెలియదు. అతని కోసం 2022 జూలై నుంచి తల్లిదండ్రులు ఎదరుచూస్తూ నిత్యం కన్నీరుమున్నీరుగా విలపిస్తున్నారు. వారి వేదన స్థానికులను సైతం కంటతడిపెట్టిస్తోంది. ఇందుకు సంబంధించిన వివరాలు... అన్నమయ్య జిల్లా రాజంపేటలోని విద్యుత్‌నగర్‌కు చెందిన పైడి సుబ్రహ్మణ్యం, లక్షమ్మ దంపతులకు ఇద్దరు పిల్లలు. కుమార్తె శృతికి గత ఏడాది వివాహమైంది. కుమారుడు సు«దీర్‌ బెంగళూరులోని కేంబ్రిడ్జి యూనివర్సిటీలో బీటెక్‌ పూర్తి చేసి, క్యాంపస్‌ సెలక్షన్‌లో అక్కడే టీసీఎస్‌లో సాఫ్ట్‌వేర్‌ ఉద్యోగం పొందాడు. ఈ క్రమంలో అతను రెండేళ్ల కిందట అదృశ్యమయ్యాడు. తల్లిదండ్రుల ఫిర్యాదు మేరకు బెంగళూరులో సు«దీర్‌ మిస్సింగ్‌ అయినట్లు కేసు నమోదు చేశారు. కానీ, ఇంతవరకు సుదీర్‌ జాడ తెలియలేదు.న్యూడ్‌ వీడియో వల్లే..! సుధీర్‌ వాట్సాప్‌లో న్యూడ్‌ వీడియో ముఠా ట్రాప్‌కు గురయ్యాడని తెలుస్తోంది. అందుకు సంబంధించిన ఆర్‌ఐఎల్‌వైఏ ప్లస్‌ 1720–657–9633 నంబర్‌ నుంచి దుండుగులు సు«దీర్‌ న్యూడ్‌ ఫొటో­ను అతని అక్క శృతి ఫోన్‌కు వాట్సాప్‌లో 2022, జూలైలో పంపారు. వెంటనే శృతి తనకు వాట్సాప్‌ మెసేజ్‌ వచ్చిన నంబర్‌కు కాల్‌ చేయగా, స్విచ్‌ ఆఫ్‌ వచ్చింది. సు«దీర్‌కు ఫోన్‌ చేయగా కట్‌చేశాడు. మళ్లీ కాల్‌ చేయగా స్విచ్‌ ఆఫ్‌ వచ్చింది. ఆ తర్వాత ‘తమ్ముడు నువ్వు భయపడవద్దు...’ అని సుదీర్‌కు శృతి మెసేజ్‌ పెట్టింది. అయినా తిరిగి అతని నుంచి సమాధానం లేదు. వెంటనే శృతి తన తండ్రితో కలిసి బెంగళూరులో పోలీసులకు ఫిర్యాదు చేశారు. సుధీర్‌ రూమ్‌మేట్స్‌ను విచారించగా, 2022 జూలై 26న ఫోన్‌లో మాట్లాడిన తర్వాత అతను బయటికి వెళ్లాడని, తిరిగిరాలేదని చెప్పారు. వీడియోను పంపించి బ్లాక్‌మెయిలర్స్‌ డబ్బు డి­మాండ్‌ చేయడంతో సు«దీర్‌ అవమానంగా భావించి ఉంటాడని, ఫోన్‌ స్విచ్‌ ఆఫ్‌ చేసి ఎవరికీ అందుబాటులో లేకుండాపోయాడని అనుమానిస్తున్నారు. పోలీసులకు ఫిర్యాదు చేసినా రెండేళ్లుగా అతీగతీ లేకపోవడంతో తల్లిదండ్రులు కుంగిపోతున్నారు. ఎప్పటికైనా తమ కొడుకు తిరిగివస్తాడనే ఆశతో తెలిసిన ప్రతి చోట వెతుకుతున్నారు. తమ కుమారుడు తిరిగి వస్తాడనే ఆశతో ఇన్నాళ్లు ఈ విషయాన్ని మీడియా దృష్టికి కూడా తీసుకురాలేదని సుధీర్‌ తల్లిదండ్రులు కన్నీటిపర్యవంతమయ్యారు.

‘ఏది తానంతట తానై నీ దరికి రాదు.. శోధించి సాధించాలనే’ నానుడిని నిజం చేశాడీ సంతోష్‌. లక్షల్లో వేతనం.. లగ్జరీ జీవితం అయినా ఏదో వెలితి.. ఒకరి వద్ద పని చేయడమేంటనే ఆలోచన వెంటాడటంతో సొంతంగా వ్యాపారం చేయాలని భావించాడు.అనుకున్నదే తడువుగా చదువుకు తగిన పనినే ఎంచుకున్నాడు. మెకానిక్‌లుగా ఇంజినీరింగ్‌ పట్టభద్రులు లేక పోగా మెకానికల్‌ ఇంజినీరింగ్‌ విద్యతోనే వినియోగదారులకు సేవలందించాలని నిర్ణయించుకున్నాడు. ఈ క్రమంలో నగరంలో మెకానిక్‌ షాపును ప్రారంభించి పదేళ్లుగా విజయవంతంగా నిర్వహిస్తుండగా.. తను మాత్రమే కాకుండా 20మందికి ఉపాధి కల్పిస్తూ ఆదర్శంగా నిలుస్తున్నాడు. – కరీంనగర్‌ అర్బన్‌స్వయంకృషే నా బలం..మొదటి నుంచి స్వయంకృషితో ఎదగాలనుకున్న. తల్లిదండ్రుల ప్రోత్సాహంతో ఎంటెక్‌ పూర్తి చేసి మెకానికల్‌ రంగంలో రాణించాలని నిర్ణయించుకున్న. ఉద్యోగాన్ని వదిలినపుడు చాలామంది హేళన చేశారు. ఇప్పుడు వారే అభినందిస్తున్నారు. సొంతకాళ్లపై నిలబడటంతో పాటు 20మందికి పైగా ఉపాధి కల్పిస్తున్నా. – రొక్కం సంతోష్‌రెడ్డి

వైఎస్సార్‌: సాఫ్ట్‌వేర్‌ ఉద్యోగం కలి ్పస్తామని సుమారు రూ. 10 కోట్లకు కుచ్చుటోపీ పెట్టిన సంఘటన పీలేరులో ఆలస్యంగా వెలుగు చూసింది. ఆదివారం పలువురు బాధితులు పీలేరు పోలీస్‌ స్టేషన్‌ వద్దకు వెళ్లి ఎస్‌ఐ ముందు తమ గోడు వెళ్లబోసుకున్నారు. బాధితుల కథనం మేరకు వివరాలిలా ఉన్నాయి. పీలేరు పట్టణం బండ్లవంకకు చెందిన రెడ్డిసూర్యప్రసాద్‌ అలియాస్‌ భరత్‌ అనే యువకుడు హైదరాబాద్‌లో ఉంటూ అడ్డదారిలో సంపాదించడానికి నిరుద్యోగులకు వల వేశాడు. ఈ క్రమంలో సాఫ్ట్‌వేర్‌ ఉద్యోగాలు ఇప్పిస్తానంటూ సుమారు 400 మంది నిరుద్యోగుల నుంచి ఒక్కొక్కరి వద్ద రూ. 2 లక్షల నుంచి రూ. 4 లక్షల వరకు వసూలు చేశాడు. రెండు నెలల పాటు వేతనాలు సక్రమంగా చెల్లించి నమ్మించాడు. అనంతరం మొహం చాటేశాడు. దీంతో మోసపోయిన కొంత మంది యువకులు తాము డబ్బులు చెల్లించిన బ్యాంకు అకౌంట్‌ చిరునామాను గుర్తించారు. హైదరాబాద్, గుంటూరు, ప్రకాశం, అనంతపురం, చిత్తూ రు, కడప, అన్నమయ్య జిల్లాల నుంచి సుమారు 400 మంది నిరుద్యోగులు మోసపోయినట్లు తెలుసుకున్నారు. పలువురు బాధితులు తమకు న్యాయం చేయాలని పీలేరు పోలీస్‌ స్టేషన్‌ను ఆశ్రయించారు.

2024 ప్రారంభమైనా.. ఐటీ ఉద్యోగాలు గాల్లో దీపంలో అయిపోయాయి, ఏ కంపెనీ ఎప్పుడు లే ఆప్స్ అంటుందో తెలియక ఐటీ ఉద్యోగులు బిక్కుబిక్కుమంటున్నారు. గత నెలలో ఏకంగా 30000 కంటే ఎక్కువ మంది ఉద్యోగాలు కోల్పోయినట్లు Layoffs.fyi ఒక నివేదికలో వెల్లడించింది. ఎప్పుడు పోతాయో తెలియని ఐటీ జాబ్స్ గురించి భయపడుతున్న తరుణంలో ఓ ఉద్యోగి చేసిన ట్వీట్.. అతని ఉద్యోగం పోయేలా చేసింది. బెంగళూరుకు చెందిన ఒక ఐటీ ఉద్యోగి తన ఎక్స్ (ట్విటర్) ఖాతాలో ప్రస్తుత ఆర్ధిక మాంద్యం నేపథ్యంలో ప్రశాంతంగా లేనని, కాన్ఫిడెన్స్ లెవెల్‌ తగ్గిపోతోందని ట్వీట్ చేశారు. ట్వీట్ చేసిన మరుసటి రోజే అతని ఉద్యోగం ఊడిపోయిందని, ఉద్యోగం కోసం వెతుక్కుంటున్నానని, ఏదైనా జాబ్ ఉంటే చెప్పండని మరో ట్వీట్ చేశాడు. ఫోర్మా (Forma) అనే కంపెనీలో పనిచేసే సాఫ్ట్‌వేర్ ఇంజినీర్‌‌ 'జిష్ణు మోహన్' అనే వ్యక్తి 2019లో కొచ్చి నుంచి బెంగరూరు వచ్చి జాబ్ చేసుకుంటున్నాడు. ఇటీవల అతడు జాబ్ కోల్పోయే సమయానికి ఫుల్ టైమ్ రిమోట్ ఎంప్లాయ్‌గా పనిచేస్తున్నాడు. ఒక్క ట్వీట్ వల్ల ఉద్యోగం పోవడంతో ఇప్పుడు ఇతడే సోషల్ మీడియాలో హాట్ టాపిక్‌గా నిలిచాడు. ఇదీ చదవండి: లే ఆఫ్స్‌.. 32000 మంది టెకీలు ఇంటికి - అసలేం జరుగుతోంది? జిష్ణు మోహన్ ట్వీట్ ప్రస్తుతం వైరల్ అవుతోంది. నెటిజన్లు తమదైన రీతిలో కామెంట్స్ చేస్తున్నారు. కొందరు రెస్యూమ్ పంపమని అడగ్గా.. ఇంకొందరు ఓపెన్ పొజిషన్స్ గురించి కామెంట్ సెక్షన్లలోనే ఆఫర్ చేశారు. That was quick. I got laid off today, as part of reorg. So actively looking for a job now. Please let me know if anyone is hiring. https://t.co/CqGWYQbgY6 — Jishnu (@jishnu7) February 8, 2024

చిక్కడపల్లి: అనారోగ్య కారణాలతో ఎలుకల మందు తాగి ఓ సాఫ్ట్‌వేర్‌ ఉద్యోగి ఆత్మహత్య చేసుకున్న సంఘటన దోమలగూడ పోలీస్‌స్టేషన్‌ పరిధిలో జరిగింది. దోమలగూడ ఇన్‌స్పెక్టర్‌ డి.శ్రీనివాస్‌రెడ్డి ఆదివారం రాత్రి తెల్పిన వివరాల మేరకు..హిమాయత్‌నగర్‌లోని వెలమ హాస్టల్‌లో ఉంటున్న జగిత్యాల జిల్లా మహాలక్ష్మినగర్‌కు చెందిన లింగారావు కుమారుడు దొనకంటి సాయిరాం (32) శనివారం రాత్రి 11 గంటలకు ఎలుకల మందు తాగి పడిపోయాడు. హాస్టల్‌లో ఉంటున్న స్నేహితులు, సిబ్బంది వెంటనే హైదర్‌గూడలోని ఆపోలో ఆసుపత్రికి తరలించారు. ఆసుపత్రిలో సాయిరాం చికిత్స పొందుతూ సాయంత్రం 5 గంటలకు చనిపోయాడు. ఆయన శవాన్ని పోస్ట్‌మార్టం నిమిత్తం గాంధీ ఆసుప్రతికి పోలీసులు తరలించారు. పోస్టుమార్టం అనంతరం సాయిరాం శవాన్ని కుటుంబ సభ్యులకు అందజేస్తామని సీఐ శ్రీనివాస్‌రెడ్డి తెలిపారు. సాయిరాం అనారోగ్యం, ఇతర మానసిక సమస్యల కారణంగా ఆత్మహత్య చేసుకున్నట్లు తెలుస్తోందని ఆయన వెల్లడించారు.

రాధ వెంబు విజయాన్ని చూసిన తరువాత ‘ప్రతి పురుషుడి విజయం వెనుక ఒక స్త్రీ ఉంటుంది’ అనే సుపరిచిత మాటకు అదనంగా మరో మాట చేర్చవచ్చు అనిపిస్తుంది. ‘ప్రతి పరిశ్రమ విజయం వెనుక ఒక స్త్రీ ఉంటుంది’ సాధారణ ఉద్యోగిగా సాఫ్ట్‌వేర్‌ డెవలప్‌మెంట్‌ కంపెనీ ‘జోహో కార్పోరేషన్‌’లోకి అడుగు పెట్టిన రాధ వెంబు క్షేత్రస్థాయి పరిస్థితులను అధ్యయనం చేసి గెలుపు పాఠాలు తయారు చేసుకుంది. ప్రతిభావంతులైన సిబ్బందికి పూర్తి స్వేచ్ఛ ఇచ్చి బలమైన సైన్యాన్ని తయారు చేసింది. మీడియాలో, సోషల్‌ మీడియాలో ఎక్కువగా కనిపించని రాధ వెంబు ‘ఇన్‌విజిబుల్‌ ఫోర్స్‌’గా పేరు తెచ్చుకుంది. తాజాగా ‘360 వన్‌ వెల్త్‌ హురున్‌ ఇండియా రిచ్‌ లిస్ట్‌ 2023’ లో చోటు సంపాదించి, బ్యూటీ అండ్‌ లైఫ్‌ స్టైల్‌ రిటైల్‌ కంపెనీ నైకా ఫౌండర్‌ ఫల్గుణి నాయర్‌ని దాటేసి మన దేశంలోని సంపన్న మహిళగా వార్తల్లో నిలిచింది....' ‘ఎన్నో విజయాలు సాధించిన రాధ వెంబు గురించి నేనెందుకు వినలేకపోయాను అనేది ఆశ్చర్యంగా అనిపిస్తుంది’ అంటూ ఒక సోషల్‌ మీడియా ప్లాట్‌ఫామ్‌లో రాశాడు జోహో కార్పొరేషన్‌ కన్సల్టెంట్‌ ఇంగ్లాండ్‌కు చెందిన ఆడిసన్‌. ఈ కన్సల్టెంట్‌కు మాత్రమే కాదు దేశంలో చాలామందికి ఆమె విజయాల గురించి తప్ప వ్యక్తిగత వివరాల గురించి తెలియదు. ‘సెల్ఫ్‌–మేడ్‌ ఉమన్‌’ అనేది ఆమె పేరు ముందు కనిపించే విశేషణం. ‘కామ్‌ అండ్‌ టాస్క్‌–ఓరియెంటెడ్‌’ అని సన్నిహితులు రాధ గురించి చెబుతుంటారు. చెన్నైలో పుట్టి పెరిగింది రాధ. తండ్రి మద్రాస్‌ హైకోర్టులో స్టెనోగ్రాఫర్‌. ఇండియన్‌ ఇన్‌స్టిట్యూట్‌ ఆఫ్‌ టెక్నాలజీ(మద్రాస్‌) లో ఇండస్ట్రియల్‌ మేనేజ్‌మెంట్‌లో పట్టా పుచ్చుకుంది రాధ. ఆమె సోదరుడు శ్రీధర్‌ వెంబు ఆమెకు స్నేహితుడు, గురువు. టెక్‌ ఇండస్ట్రీ గురించి గంటల కొద్దీ మాట్లాడుకునేవారు. మన కంపెనీలను విదేశీ కంపెనీలతో పోల్చుతూ విశ్లేషించుకునేవారు. తన సోదరులతో కలిసి సాఫ్ట్‌వేర్‌ డెవలప్‌మెంట్‌ కంపెనీ ‘జోహో కార్పొరేషన్‌’ మొదలు పెట్టింది రాధ వెంబు. అంతకుముందు ఉన్న శ్రీధర్‌ వెంబు కంపెనీ ‘అడ్వెన్‌ నెట్‌’ జోహో కార్పోరేషన్‌లో విలీనమైంది. మొదట్లో ఒక సాధారణ ఉద్యోగిగా ఆ సంస్థలో చేరింది రాధ వెంబు. క్షేత్రస్థాయి పరిస్థితులను లోతుగా అధ్యయనం చేయడానికి ఇది తనకెంతో ఉపయోగపడింది. ఆ తరువాత జోహో మెయిల్‌ ప్రాడక్ట్‌ మేనేజర్‌గా బాధ్యతలు స్వీకరించింది. వేగంగా ఉన్నత హోదాలోకి వెళ్లే అవకాశం ఉన్నప్పటికీ చాలా సంవత్సరాల పాటు ప్రాడక్ట్‌ మేనేజర్‌గానే పనిచేసింది. పెద్ద పెద్ద సంస్థలతో పోటీ పడుతూ తమ కంపెనీని ముందు వరుసలో నిలిచేలా చేసింది. ‘కంపెనీకి సంబంధించిన సాంకేతికతను శక్తిమంతం చేయడానికి, కస్టమర్‌లను ఆశ్చర్యానందాలకు గురి చేయడానికి సంబంధించి ఎప్పుడూ ఆలోచిస్తుంటాను’ అంటుంది రాధ. ‘పని చేసే ప్రదేశంలో పక్షపాతానికి చోటు లేదు. ఆడా మగా అనే తేడా లేదు. ప్రతిభ ఒక్కటే ప్రమాణం’ అని నమ్మడమే కాదు ఆచరణలో నిరూపించింది రాధ. జోహో వర్క్‌కల్చర్‌ బాగా పాపులర్‌ అయింది. ఒక స్థాయికి చేరిన తరువాత టెక్‌ కంపెనీల హెడ్‌క్వార్టర్స్‌ విదేశాల బాట పడితే ‘జోహో’ మాత్రం మన దేశంలోని చిన్న పట్టణాలను ఎంచుకుంది. టెక్‌ రంగంలో పురుషాధిక్యతే ఎక్కువగా కనిపించే పరిస్థితులలో రాధా వెంబు ఎన్నో మూస ఆలోచనలను బద్దలు కొట్టింది. ఎంతోమంది అమ్మాయిలకు స్ఫూర్తిగా నిలిచింది. ‘నువ్వు కనిపించడం కాదు నీ ప్రాడక్ట్‌ కనిపించాలి. నువ్వు మాట్లాడడం కాదు నీ ప్రాడక్ట్‌ మాట్లాడాలి’ అనేది రాధ వెంబు నమ్మిన సిద్ధాంతం. పబ్లిసిటీ లేకపోతే పని జరగదు అని నమ్మే ఈ కాలంలోనూ ఆమె నమ్మిన సిద్ధాంతం నిలిచి గెలిచింది. తీరిక సమయాల్లో తోటపని చేసే రాధ వెంబుకు సామాజిక సేవాకార్యక్రమాలు అంటే ఇష్టం. ‘సంపన్నురాలిగా మారాలని టెక్‌ ఇండస్ట్రీలోకి అడుగు పెట్టలేదు. నాకంటూ కొన్ని సిద్ధాంతాలు ఉన్నాయి. వాటిని ఆచరణలోకి తీసుకువచ్చి ఆ ఫలితాలతో సంతోషంగా ఉండాలనే లక్ష్యంతో వచ్చాను’ అంటుంది రాధ వెంబు. (చదవండి: రుచికి చూపెందుకు? చూపులేకపోయిన వంట అదుర్స్‌)   

సాక్షి,హైదరాబాద్‌: కాలంచెల్లిన కంప్యూటర్లు తెలంగాణ ట్రెజరీస్‌ అండ్‌ అకౌంట్స్‌కు పెద్ద కష్టాన్నే తెచి్చపెట్టాయి. సాఫ్ట్‌వేర్‌ లోపాలు ఉద్యోగులకు శాపాలుగా మారాయి. నిధుల కొరతతో ప్రతి రూపాయి విడుదల కోసం ఆర్థికశాఖ ఆచీతూచి నిర్ణయాలు తీసుకుంటుంటే ఇక్కడ మాత్రం రూ.12 కోట్లను పెన్షనర్ల అకౌంట్లలో జమచేసింది. ప్రతినెలా వారికి ఇవ్వాల్సిన పెన్షన్‌ కంటే అధికంగా చెల్లించింది. ఇందుకు ప్రధానకారణం కాలంచెల్లిన సాఫ్ట్‌వేర్‌ కారణమని తేల్చారు. పెన్‌–13 నుంచి ఇంపాక్ట్‌ సాఫ్ట్‌వేర్‌గా మార్పు జరిగిన అనంతరం పెన్షన్‌ డేటాలో లోపాలున్నాయని పలు జిల్లాల నుంచి డైరెక్టరేట్‌కు ఫిర్యాదులొచ్చాయి. అయినా సరిదిద్దకపోవటం వల్ల ఒక నంబర్‌ టైప్‌ చేస్తే, మరో నంబర్‌ అటోమెటిక్‌గా అప్‌లోడ్‌ కావటంతో చాలాకాలంగా హైదరాబాద్, రంగారెడ్డి జిల్లాల్లోని పెన్షనర్ల ఖాతాలకు వాస్తవ పెన్షన్‌ కంటే ఎక్కువగా చెల్లించారు. ప్రస్తుతం వినియోగిస్తున్న సాఫ్ట్‌వేర్‌ను థర్డ్‌పార్టీ తనిఖీ లేకుండానే నేరుగా తమపై రుద్దారని ఉద్యోగులు ఆవేదన వ్యక్తం చేస్తున్నారు. క్రమశిక్షణాచర్యలంటూ సిబ్బందికి హెచ్చరికలు: తాము చెల్లించిన ఎక్కువ మొత్తాన్ని తిరిగి చెల్లించాలంటూ తాజాగా ట్రెజరీస్‌ అండ్‌ అకౌంట్స్‌ అధికారులు పెన్షనర్లకు నోటీసులు పంపుతున్నారు. మరోవైపు అధికచెల్లింపులు చేసిన సిబ్బందిపై క్రమశిక్షణాచర్యలు తీసుకుంటామని హెచ్చరిస్తుండటంతో ట్రెజరీస్‌ ఉద్యోగుల్లో తీవ్ర ఆందోళన వ్యక్తమవుతోంది. లోపాలు, అధిక చెల్లింపుల విషయాన్ని తాము అనేకమార్లు డైరెక్టరేట్‌ దృష్టికి తీసుకుపోయినా, కనీస నివారణచర్యలు తీసుకోకుండా తమపై క్రమశిక్షణాచర్యలు తీసుకోవాలని చూస్తే ఆందోళన చేస్తామని ట్రెజరీస్‌ అకౌంట్స్‌ ఉద్యోగులు హెచ్చరిస్తున్నారు. పెన్షనర్లు కూడా తాము ఇప్పుడు చెల్లించలేమన్న నిస్సహాయతను వ్యక్తం చేస్తుండటంతో డైరెక్టరేట్‌ అధికారులు తలలు పట్టుకుంటున్నారు.

అనకాపల్లి రూరల్‌ : నేటి యువత ఎక్కువగా సాఫ్ట్‌వేర్‌ ఉద్యోగాలే లక్ష్యంగా విద్యాభ్యాసం చేస్తున్నారు. ఈ నేపథ్యంలో విద్యార్థులు కేవలం ఇంటర్మీడియట్‌ అర్హతతోనే సాఫ్ట్‌వేర్‌ ఉద్యోగం పొందేలా రాష్ట్ర ప్రభుత్వం అద్భుత అవకాశం కల్పించేందుకు కార్యాచరణ రూపొందించింది. భారతదేశపు అతిపెద్ద ఐటీ కంపెనీ హెచ్‌సీఎల్‌తో రాష్ట్ర నైపుణ్యాభివృద్ధి సంస్థ ఈ మేరకు ఒప్పందం కుదుర్చుకుంది. దీని ప్రకారం ఇంటర్మీడియట్‌ పూర్తి చేసుకున్న విద్యార్థులకు మంచి ఉద్యోగావకాశాలను అందిస్తోంది ప్రభుత్వం. హెచ్‌సీఎల్‌ టెక్‌ బీ పేరుతో అమలు చేస్తున్న ఈ అసాధారణ కార్యక్రమంపై విద్యార్థులకు విస్తృతంగా అవగాహన కల్పించేందుకు ప్రభుత్వం సమాయత్తమైంది. ఇందులో భాగంగా మంగళవారం అనకాపల్లి ఏఎంఏఎల్‌ కళాశాలలో జిల్లాలో ప్రభుత్వ, ప్రైవేటు జూనియర్‌ కళాశాలల ప్రిన్సిపాళ్లకు హెచ్‌సీఎల్‌ సంస్థ ప్రతినిధులు ఏర్పాటు చేసిన అవగాహన సమావేశాన్ని జిల్లా వృత్తి విద్యాధికారిణి బి. సుజాత ప్రారంభించారు. ఆమె మాట్లాడుతూ ఇలాంటి మంచి అవకాశంపై విద్యార్థులందరికీ కళాశాలల ప్రిన్సిపాళ్లు వివరించి అవగాహన కల్పించాలన్నారు. చిన్న వయసులోనే సాఫ్ట్‌వేర్‌ కొలువులతోపాటుగా ఉన్నత విద్య చదువుకునే వీలుంటుందన్నారు. దీనిని విద్యార్థులంతా సద్వినియోగపర్చుకునేలా చూడాలని ప్రిన్సిపాళ్లను ఆమె కోరారు. హెచ్‌సీఎల్‌ టెక్‌ బీ ప్రోగ్రాం గురించి సంస్థ రాష్ట్ర మేనేజర్‌ అనిల్‌, ఉత్తరాంధ్ర క్లస్టర్‌ మేనేజర్‌ యుగేష్‌ పవర్‌ పాయింట్‌ ప్రెజెంటేషన్‌ ద్వారా సమగ్రంగా వివరించారు. 2023, 2024 సవత్సరాల్లో ఇంటర్‌ పూర్తి చేసిన విద్యార్థులు హెచ్‌సీఎల్‌ ఎర్లీ కెరీర్‌ ప్రోగ్రాంకు అర్హులని తెలిపారు. అర్హులైన అభ్యర్థులు ముందుగా రిజిస్ట్రేషన్‌ చేసుకుంటే ఎంపిక ప్రక్రియ ఉంటుంది. తొలుత నిర్వహించే ఆన్‌లైన్‌లో పరీక్షలో ఎంపికై న వారికి హెచ్‌ఆర్‌ ఇంటర్వ్యూ ఉంటుంది. ఎంపికై న విద్యార్థులు హెచ్‌సీఎల్‌ టెక్‌ బీ ప్రోగ్రాంలో చేరడానికి ఆఫర్‌ లెటర్‌ పొందుతారని సంస్థ ప్రతినిధులు తెలిపారు. ఆ తర్వాత ఏడాది కాలపరిమితితో టెక్‌ బీ ట్రైనింగ్‌ ఉంటుంది. విజయవాడ, హైదరాబాద్‌, బెంగుళూరుల్లో హెచ్‌సీఎల్‌ క్యాంపస్‌లకు వెళ్లి ఒక నెల శిక్షణ తీసుకోవాలి. అనంతరం మరో ఐదు నెలలు ఇంటి వద్ద నుంచే ఆన్‌లైన్‌ శిక్షణ పొందవచ్చు. ఇందుకోసం అభ్యర్థులకు ల్యాప్‌ ట్యాప్‌తో పాటు ఇంటర్‌నెట్‌ ఛార్జీలు సంస్థ ఇస్తుంది. అనంతరం ప్రారంభంలోనే రూ.10 వేల స్టైఫండు ఆరు నెలలు చెల్లిస్తారు. తర్వాత ప్రతిభా ఆధారంగా సాఫ్ట్‌వేర్‌తో పాటు ఇతర రంగాల్లో ఉద్యోగాలు పొందే అవకాశం ఉంటుందని వారు తెలిపారు. విద్యార్థులకు ఉన్నత విద్యావకాశాల కోసం తమ సంస్థ దేశంలో ప్రముఖ విశ్వవిద్యాలయాలు, ఐఐటీ, ఐఐఎంలతో ఒప్పందం కుదుర్చుకుందని చెప్పారు. కార్యక్రమంలో ఏఎంఏఎల్‌ కళాశాల ప్రిన్సిపాల్‌ జయబాబు, జిల్లాలో వివిధ ప్రాంతాలకు చెందిన కళాశాలల ప్రిన్సిపాళ్లు పాల్గొన్నారు.

గోలి సోడా.. ఈ పేరు తెలియని వారు ఉండరు. ఒకప్పుడు ఎక్కడ చూసినా ఇదే కనిపించేది.. దాహర్తిని తీర్చుకునేందుకు ఎక్కువగా గోలిసోడానే ఎంచుకునేవారు. ఎండకాలంలో దీనికి డిమాండ్‌ మరీనూ. బస్టాండ్లు, రోడ్డు పక్కన బండిలో… ఇలా ఎక్కడ పడితే అక్కడ గోలీసోడా కనిపించేది. కానీ కాలక్రమేనా గోలిసోడా వినియోగం తగ్గింది. ఎక్కడైనా చుద్దామన్నా సరిగా కనిపించడం లేదు.  తాజాగా ఓ యువకుడు గోలిసోడా అమ్మేందుకు హైదరాబాద్‌లో సాఫ్ట్‌వేర్‌ ఉ ఉద్యోగాన్ని వదిలేశాడు. వినడానికి కొంచెం విడ్డూరంగా ఉన్నా ఇదే నిజం.. అసలు వార్తలోకి వెళితే.. కరీంనగర్‌ జిల్లాకు చెందిన తుల రంగనాథ్‌కు ఐటీ సెక్టార్‌లో ఉద్యోగం. మంచి జీతం. కానీ అవేవి అతనికి సంతృప్తి నివ్వలేదు. దీంతో సొంతంగా వ్యాపారం చేయాలని నిర్ణయించుకున్నాడు. అయితే ఏ వ్యాపారం చేయాలనే దానిపై ఇంకా స్పష్టత రాలేదు. ఈ క్రమంలో దాదాపు 20 ఏళ్ల కిత్రం తను చిన్న తనంలో కరీంనగర్‌లో గోలిసోడా తయారు చేసే వ్యక్తులను చూసినట్లు అతనికి గుర్తొచ్చింది. తమ ప్రాంతంలో ప్రస్తుతం గోలిసోడాను తయారు చేసేందుకు ఎవరూ ఆస్తి చూపడం లేదని తెలుసుకున్నాడు. దీంతో తను పుట్టి పెరిగిన ప్రాంతంలో గోలిసోడాను తయారు చేసే బాధ్యతను తీసుకోవాలని నిర్ణయించుకున్నాడు. ఇంకేముందే అనుకుందే తడవుగా గోలిసోడా అమ్మేందుకు సిద్ధపపడ్డాడు. ముందుగా తన బిజినెస్‌ ఐడియాను తల్లిదండ్రులకు వివరించగా వారు అంగీకరించలేదు. అయినా పట్టువదలకుండా ప్రయత్నించి తల్లిదండ్రులను ఒప్పించాడు.  చదవండి: ఆర్డినెన్స్‌ వివాదం.. ఆప్‌కు షాక్‌ ఇవ్వనున్న కాంగ్రెస్‌? ఇక ఈ పని చేయడం అంత సులువు కాదని తెలుసు. దీని గురించి పలువురి దగ్గర పూర్తి తెలుసుకున్నాడు. గోలిసోడా ఆలోచన తట్టిన సమయంలో రంగనాథ్‌కు ఇంకా పెళ్లి కాలేదు. ఒకవేళ ఈ వ్యాపారంలో ఫెయిల్‌ అయితే పెళ్లి సంబంధాలు కూడా రావని అతనికి తెలుసు అయినా తనమీద తనకున్న నమ్మకంతో 2020లో తన ఉద్యోగానికి రాజీనామా చేసి రూ. 30 లక్షలు పెట్టుబడితో గోలిసోడా కంపెనీని ప్రారంభించాడు. ఈ డబ్బును తెలిసిన వ్యక్తుల వద్ద వడ్డీ చొప్పున అప్పు చేసి మరీ తీసుకొచ్చాడు.  కొంత భూమిని లీజుకు తీసుకొని అక్కడ గోలి సోడా ఫ్లాంట్‌ను నిర్మించి బిజినెస్‌ను స్టార్ట్ చేశాడు. గోలిసోడాపై అతని కృషి, అభిరుచి రంగనాథ్‌కు మంచి ఫలితాన్ని ఇచ్చింది. అది రాను రాను నాలుగు కోట్ల టర్నోవర్‌కు చేరింది. అంతేగాక దాదాపు 100 మందికి ఉపాధి కల్పిస్తున్నాడు. కరీంనగర్ జిల్లాలో కాకుండా పక్క జిల్లాలలో కూడా ఈ గోలి సోడాలను బేకరీలకు, కిరాణా షాపులకు అందిస్తున్నామని నిర్వాహకుడు రంగనాత్‌ తెలిపారు. మొదట్లో ప్లాంటు కొంచెం ఇబ్బంది అయినా కూడా తర్వాత మెల్లమెల్లగా ప్లాంటును పెద్ద ఎత్తున విస్తరించామని రఘు అంటున్నాడు. చదవండి: అవమానానికి గుణపాఠం.. తలపాగా రంగుకు తగ్గ రోల్స్ రాయిస్

అనంతపురం శ్రీకంఠంసర్కిల్‌: మద్యం వ్యసనం ఓ సాఫ్ట్‌వేర్‌ ఉద్యోగిని దొంగను చేసింది. డబ్బు కోసం పక్కింటి ఒంటరి మహిళ నగలపై కన్నేశాడు. అదను చూసి నగలు చోరీ చేశాడు. అనుమానం రాకుండా అత్యంత జాగ్రత్తపడ్డాడు. బాధితురాలి ఫిర్యాదుతో రంగంలోకి దిగిన పోలీసులు పది రోజుల్లోపే కేసు ఛేదించారు. సాఫ్ట్‌వేర్‌ ఉద్యోగే దొంగ అని గుర్తించి కటకటాల్లోకి నెట్టారు. తాగుడుకు అవసరమైన డబ్బు కోసమే ఈ చోరీ చేసినట్లు నిందితుడు పోలీసుల విచారణలో ఒప్పుకున్నాడు. పోలీసులు తెలిపిన మేరకు వివరాలిలా ఉన్నాయి. అనంతపురం వన్‌టౌన్‌ పోలీసుస్టేషన్‌ పరిధిలోని ఫాదర్‌ విన్సెంట్‌ ఫెర్రర్‌ కాలనీలో రమాదేవి అనే ఒంటరి మహిళ నివాసం ఉంటోంది. ఆమె అద్దెకుంటున్న చిన్నపాటి భవనంలోనే నాలుగు పోర్షన్లు ఉన్నాయి. రమాదేవి ఇంటి పక్కనే మరో కుటుంబం నివాసం ఉంటోంది. వారి ఇంటికి ఇటుకలపల్లికి చెందిన సందీప్‌ అనే సాఫ్ట్‌వేర్‌ ఉద్యోగి వచ్చి వెళుతుండేవాడు. వర్క్‌ ఫ్రం హోం కావడంతో ఎక్కువ శాతం అతనూ ఇక్కడే గడిపేవాడు. ఇందులో భాగంగానే రమాదేవి దగ్గర బంగారు నగలు ఉన్న విషయాన్ని సందీప్‌ గమనించాడు. ఎలాగైనా కొట్టేయాలని నిర్ణయించుకున్నాడు. వేసవి కావడంతో అన్ని కుటుంబాల వారూ రాత్రిపూట మేడపై పడుకుంటున్నారు. దీన్ని ఆసరాగా చేసుకుని చోరీకి పథక రచన చేశాడు. ఈ నెల 14న రాత్రి అక్కడే బస చేశారు. అర్ధరాత్రి వేళ రమాదేవి తల దిండుకింద ఉంచిన తాళం చెవి తీసుకుని ఇంట్లోకి వెళ్లాడు. బీరువా తెరచి 25 తులాల బంగారు ఆభరణాల్లో 7 తులాల నగలను అపహరించాడు. తిరిగి తాళం చెవిని రమాదేవి దిండు కింద పెట్టి.. అక్కడి నుంచి జారుకున్నాడు. 15న ఉదయం ఇంట్లోకి వెళ్లిన రమాదేవి.. అప్పటికే తెరిచి ఉన్న బీరువాని గమనించింది. బంగారు నగలను పరిశీలిస్తే కొన్ని కనిపించలేదు. చోరీ జరిగిందని గుర్తించి వన్‌టౌన్‌ పోలీసులను ఆశ్రయించింది. బుకాయించినా.. బుక్కయ్యాడు.. పోలీసులు మొదట చోరీ జరగలేదని భావించారు. అయితే రమాదేవి పక్కాగా చెబుతుండటంతో నేరస్థలాన్ని పరిశీలించిన పోలీసులు తగిన ఆధారాల కోసం దర్యాప్తు ముమ్మరం చేశారు. వేలిముద్రలు సేకరించారు. అనంతరం ఆ ఇంటి చుట్టుపక్కల నివాసముంటున్న వారి వేలి ముద్రలను తీసుకున్నారు. అయితే వీరి వేలిముద్రలు సరిపోలలేదు. చివరగా సందీప్‌ ఒక్కడే మిగిలిపోయాడు. పోలీసులు పిలిస్తే తనకు ఇటుకలపల్లి పోలీసుస్టేషన్‌లో కోట్ల రూపాయల స్థలానికి చెందిన పంచాయితీ నడుస్తోందని, తానిప్పుడు రాలేనని బుకాయిస్తూ వచ్చాడు. రెండు రోజులు ఎదురు చూసిన పోలీసులు ఎట్టకేలకు సందీప్‌ను స్టేషన్‌కు పిలిపించి విచారణ చేపట్టారు. అయినా అతని నుంచి సరైన వివరాలు రాలేదు. చివరగా వేలిముద్రలు మ్యాచ్‌ అయ్యాయని చెప్పడంతో చేసేదిలేక సందీప్‌ నగలు చోరీ చేసింది తానేనని ఒప్పుకున్నాడు. కాజేసిన బంగారు నగలను బ్యాంకులో తాకట్టు పెట్టి వచ్చిన డబ్బును తాగుడు కోసం ఖర్చు చేసినట్లు చెప్పాడు. నిందితుడు సందీప్‌ను పోలీసులు శనివారం అరెస్ట్‌ చేసి రిమాండ్‌కు పంపించారు.

విభిన్న పాత్రలతో తనకంటూ ప్రత్యేక గుర్తింపు సంపాదించుకున్న హీరో సత్యదేవ్‌. ఎలాంటి బ్యాగ్రౌండ్‌ లేకుండా ఇండస్ట్రీకి వచ్చిన సత్యదేవ్‌ తనదైన నటన స్కిల్స్‌తో తనకంటూ ప్రత్యేక గుర్తింపు సంపాదించుకున్నాడు. చిన్న చిన్న పాత్రలు చేస్తూ హీరోగా ఎదిగిన సత్యదేవ్ ఇటీవల గాడ్‌ఫాదర్‌ మంచి హిట్‌ అందుకున్నాడు. ఈ సినిమాలో ఆయన చేసిన జయదేవ్‌ పాత్రకి మంచి స్పందన వచ్చింది. గాడ్‌ఫాదర్‌ బ్లాక్‌బస్టర్‌ హిట్‌ అయిన నేపథ్యంలో ఆయన రీసెంట్‌గా ఓ యూట్యూబ్‌చానల్‌తో ముచ్చటించాడు. ఈ సందర్భంగా తన కెరీర్‌ గురించిన పలు ఆసక్తికర విషయాలను పంచుకున్నాడు. చదవండి: విడాకులు రద్దు? కొత్త ఇంటికి మారనున్న ధనుశ్‌-ఐశ్వర్యలు! ఇదిలా ఉంటే సత్యదేవ్‌ సాఫ్ట్‌వేర్‌ జాబ్‌ వదులుకుని మరి ఇండస్ట్రీకి వచ్చిన సంగతి తెలిసిందే. కెరీర్‌ ప్రారంభంలో ఆయన జాబ్‌ చేస్తూ మరోవైపు సినిమాల్లో నటించాడు. ఇక సాఫ్ట్‌వేర్‌ జాబ్‌ను పూర్తిగా వదిలేసి సినిమాల వైపే మొగ్గు చూపాడు. తాజాగా ఈ విషయంపై ఆయన స్పందించాడు. ‘అందరు నేను సాఫ్ట్‌వేర్‌ జాబ్‌ వదిలేసి సినిమాల్లోకి వచ్చానంటున్నారు. అది నిజం కాదు. సినిమాల్లోకి రావడం కోసమే నేను ఉద్యోగం చేశాను.  ఎందుకంటే అవకాశాలు వచ్చి నిలదొక్కునేంత వరకు డబ్బులు కావాలి కదా. డబ్బు కోసమే నేను జాబ్‌ చేశా. బ్లఫ్‌ మాస్టర్‌ సినిమా వరకూ జాబ్‌ చేస్తూనే షూటింగ్‌లో పాల్గోన్నాను’ అని చెప్పుకొచ్చాడు. చదవండి: మోహన్‌ లాల్‌కు షాక్‌, అక్కడ ‘మాన్‌స్టర్‌’పై నిషేధం అనంతరం ‘షూటింగ్‌ కోసం నైట్‌ షిఫ్ట్‌లు చేశాను. ఉదయం షూటింగ్‌, నైట్‌ ఉద్యోగం చేస్తూ వచ్చాను. జ్యోతిలక్ష్మి సినిమాకి గ్యాప్‌ లేకుండా 39 రోజులు పని చేశాను. ఈ మూవీ చేసేటప్పుడు నేను సినిమాల్లో చేస్తున్నట్టు ఆఫీసులో తెలియదు. జాబ్‌ చేస్తున్నాననే విషయం డైరెక్టర్‌ పూరీ గారికి తెలియదు.  జాబ్‌ టెన్షన్‌ షూటింగ్‌లో, సినిమా టెన్షన్‌ ఆఫీసుల కనిపించకుండ మేనేజ్‌ చేశా. ‘ఘాజీ’, ‘మనవూరి రామాయణం’, ‘బ్లఫ్‌ మాస్టర్‌’ చిత్రాలు అలాగే పూర్తి చేశాను’ అని చెప్పాడు. ఈ సందర్భంగా చిరంజీవిగారితో చేయాలనేది తన కల అని, ఆయనతో కలిసి నటించాలనే తన డ్రీమ్‌ను చాలా ఏళ్లుగా భద్రపరుచుకుంటూ వచ్చానన్నాడు సత్యదేవ్‌. 

అమెరికాలో సాఫ్ట్‌వేర్‌ జాబ్‌. పైసా ఖర్చులేకుండా భారత్‌ నుంచి అమెరికా వచ్చేందుకు ఫ్రీగా ఫ్లైట్‌ టికెట్‌. కళ్లు చెదిరే ప్యాకేజీ ఇస్తామంటూ పిలుపు అందింది. కుర్రాడి ఆనందానికి అవధులు లేకుండా పోయింది. కానీ అంతలోనే సదరు సంస్థ ఆ కుర్రాడికి భారీ షాకిచ్చింది.  నాగపూర్‌కు చెందిన రాజేష్‌, అశ్వనీ దంపతుల కుమారుడు వేదాంత్ డియోకటే (15) 10వ తరగతి చదువుతున్నాడు. కరోనా కారణంగా విద్యార్ధులకు ఆన్‌లైన్‌ క్లాసులు నిర్వహించిన విషయం తెలిసిందే. అయితే టెన్త్‌ క్లాస్‌ చదివే వేదాంత్‌ ఆన్‌లైన్‌ క్లాసులతో పాటు ఆన్‌లైన్‌లో డజన్ల కొద్ది కోడింగ్‌ కోర్స్‌లు నేర్చుకున్నాడు.  రెండు రోజుల్లో ఈ తరుణంలో తల్లీ అశ్వినీకి చెందిన ల్యాప్‌ట్యాప్‌లో వేదాంత్‌ ఇన్‌స్ట్రాగ్రామ్‌ బ్రౌజ్‌ చేస్తుండగా..వెబ్‌సైట్‌ డెవలప్మెంట్ కాంపిటీషన్‌ జరుగుతుంది. ఎవరైనా పాల్గొన వచ్చంటూ ఓ లింక్‌ కంట పడింది. అంతే ఏమాత్రం ఆలస్యం చేయకుండా ఈ 15ఏళ్ల కుర్రాడు కోడింగ్‌ కాపింటీషన్‌లో పాల్గొన్నాడు. రెండు రోజుల్లో హెచ్‌టీఎంఎల్‌,జావా స్క్రిప్ట్‌,వర్చువల్‌ స్టూడియో కోడ్‌ (2022) 2,066 రాశాడు. దేశ వ్యాప్తంగా 1000మంది పాల్గొన్న ఈ కోడింగ్‌ కాంపిటీషన్‌లో వేదాంత్‌ తనకిచ్చిన టార్గెట్‌ను విజయవంతంగా పూర్తిచేశాడు. ఖండాంతరాలు దాటిన ప్రతిభ ఈ కాంపిటీషన్‌లో వేదాంత్‌ చూపించిన ప్రతిభ ఖండాంతరాలు దాటింది. అమెరికా న్యూజెర్సీకి చెందిన యాడ్‌ ఏజెన్సీ సంస్థ ఆర్‌ అండ్‌ డి డిపార్ట్‌మెంట్‌లో జాబ్‌ ఇస్తామని, సంవత్సరానికి రూ.33లక్షల ప్యాకేజీ ఇస్తామని పిలిచింది. తీరా వేదాంత్‌ ఎడ్యుకేషన్‌తో పాటు వయస్సు చాలా చిన్నది కావడంతో తాము ఇస్తామన్న ఆఫర్‌ను విరమించుకుంటున్నామని.. విద్యార్ధిగా సాధించిన విజయాలు ఇంకా ఉన్నాయంటూ యూఎస్‌  కంపెనీ తెలిపింది.    వేదాంత్‌ ప్రతిభ అమోఘం  ఈ కుర్రాడి ప్రతిభ అమోఘం, అనుభవం, ప్రొఫెషనలిజం, అప్రోచ్‌ అయ్యే విధానం చాలా బాగుంది. వేదాంత్‌కు జాబ్‌ ఇప్పుడు ఇవ్వలేకున్నా.. ఉన్నత చదువులు పూర్తి  చేసిన తర్వాత అతను కోరుకున్న జాబ్‌ ఇచ్చేందుకు సిద్ధంగా ఉన్నాం.ఎప్పుడు కావాలనుకుంటే అప్పుడు మమ్మల్ని సంప్రదించవచ్చంటూ అమెరికన్‌ యాడ్‌ ఏజెన్సీ ప్రతినిధులు తెలిపారు.

ఖమ్మం: ప్రేమించిన వ్యక్తి పెళ్లికి నిరాకరించాడని ఓ సాఫ్ట్‌వేర్‌ ఉద్యోగిని మనప్తాపంతో గడ్డి మందు తాగి ఆత్మహత్యకు పాల్పడింది. గురువా రం రాత్రి జరిగిన ఈ సంఘటన వివరాలను పోలీసులు వెల్లడించారు. తల్లాడ మండలం కుర్నవల్లి గ్రామానికి చెందిన ముదిగొండ త్రివేణి(22) కలకొడిమ గ్రామానికి చెందిన అనంతోజు రవీంద్ర ఒకరినొకరు ప్రేమించుకున్నారు. ఇద్దరూ బీటెక్‌ చదివారు. త్రివేణి ఇంటి వద్ద నుంచే ఆన్‌లైన్‌లో సాఫ్ట్‌వేర్‌ ఉద్యోగం చేస్తుండగా.. రవీంద్ర ప్రైవేట్‌ ఉద్యోగం చేస్తున్నారు. గత ఎనిమిది నెలలుగా ప్రేమిస్తున్నానని, పెళ్లి చేసుకుంటానని చెప్పి మభ్యపెట్టి ఇప్పుడు పెళ్లి చేసుకోనని చెప్పడంతో మనస్తాపం చెందిన త్రివేణి ఈ నెల 27న గడ్డి మందు సేవించింది. ఖమ్మం ఆస్పత్రికి తరలించగా చికిత్స పొందుతూ గురువారం రాత్రి మృతి చెందింది. ఈ మేరకు ఎస్‌ఐ సురేష్‌ కేసు నమోదు చేసి దర్యాప్తు   చేస్తున్నారు.   చదవండి: (రెండో భర్త ఫిర్యాదు.. మూడో భర్తతో కలిసి..)

కరోనా కొంత మంది ఉద్యోగాలు ఊడేలా చేస్తే.. ఫ్రెషర్స్‌కు మాత్రం బంపరాఫర్‌ ఇస్తోంది.మా ఆఫీస్‌లో జాయిన్‌ అవ్వండి. మీ టాలెంట్‌కు తగ్గట్లు ప్యాకేజీ ఇస్తాం. కాదు..కూడదు అంటే అంతకంటే ఎక్కువ ఇస్తాం అంటూ దిగ్గజ సంస్థలు పిలిచి మరి ఉద్యోగాలిస్తున్నాయి. కానీ ఫ్రెషర్స్‌, ప్రస్తుతం ఆయా సంస్థల్లో పనిచేస్తున్న ఉద్యోగులు సైతం ఆ ఆఫర్‌లను సున్నితంగా తిరస్కరిస్తున్నారు. అందుకు కారణం ఏంటీ? అసలు ఐటీ కంపెనీల  లోపల ఏం జరుగుతుంది.   ఫ్రెషర్స్‌, ఉద్యోగులు సైతం    మా ఆఫీస్‌లో జాయిన్‌ అవ్వండి. మీ టాలెంట్‌కు జీతాలిస్తాం. కాదు..కూడదు అంటే అంతకంటే ఎక్కువ ఇస్తామంటూ దిగ్గజ ఐటీ కంపెనీలు ఫ్రెషర్స్‌కు పిలిచి మరి ఉద్యోగాలిస్తున్నాయి. దీంతో పాటు హెల్త్‌ ఇన్స్యూరెన్స్‌, ట్రాన్స్‌పోర్ట్‌ ఫెసిలీటీతో పాటు ఇంకా మరెన్నో ఆఫర్లు అందిస్తున్నాయి. కానీ ఆఫర్‌ లెటర్‌లు అందుకున్న ఫ్రెషర్స్‌ సైతం..ఆ ఆఫర్లను వద్దనుకుంటున్నారు. అందుకు కారణం అప్‌డేట్‌ అవుతున్న టెక్నాలజీయేనని మార్కెట్‌ నిపుణులు చెబుతున్నారు. రోజు రోజుకీ పుట్టుకొస్తున్న కొత్త కొత్త టెక్నాలజీ కోర్స్‌లు నేర్చుకొని స్టార్టప్‌లలో చేరేందుకు ఉత్సాహం చూపిస్తున్నారు. ఇక ఇప్పటికే పనిచేస్తున్న ఉద్యోగులు సైతం కోవిడ్‌ సమయంలో విధించిన నిబంధనలు, అప్‌డేట్‌ అవుతున్న టెక్నాలజీల వల్ల తలెత్తే ఇబ్బందులు, జీతాల వంటి ఇతర కారణాల వల్ల చేస్తున్న ఉద్యోగాలకు గుడ్‌ బై చెబుతున్నారు.స్టార్టప్స్‌లో  చేరుతున్నారు.  స్టార్టప్స్‌ జపం  ఈ సందర్భంగా ఇన్ఫోసిస్‌ సీఓఓ ప్రవీణ్‌ రావ్‌ మాట్లాడుతూ..ఉద్యోగుల నిర్ణయాన్ని బట్టి వారికి నచ్చేలా ఉద్యోగాలు, ప్రమోషన్‌లు,జీతాలతో..స్టార్టప్‌లు,యూనికార్న్‌ సంస్థలు ఆకర్షిస్తున్నాయి. అంతెందుకు యూనికార్న్‌ కంపెనీలు సైతం మా కంపెనీ(ఇన్ఫోసిస్‌) ఉద్యోగులకు అవకాశం ఇచ్చేందుకు పోటీ పడుతున్నాయని ప్రవీణ్‌ రావు అన్నారు.కాబట్టే టీసీఎస్‌, ఇన్ఫోసిస్‌తో పాటు ఇతర దిగ్గజ కంపెనీలు భారీ ప్యాకేజీలు ఆఫర్‌ చేస్తూ ఫ్రెషర్స్‌ను నియమించుకుంటూనే..అట్రిషన్‌ రేట్‌ తగ్గించుకునేందుకు సంస్థలో పనిచేస్తున్న ఉద్యోగులకు ప్రమోషన్‌లు ఇస్తున్నాయి.   కారణం అదే కరోనా కారణంగా దేశంలో డిజిటల్‌ ట్రాన్సర్మేషన్‌ అంటే చేసే బిజినెస్‌, కల్చర్‌, కొత్త ప్రాజెక్ట్‌లను దక్కించుకునేందుకు కావాల్సిన మార్కెట్‌ రిక్వైర్‌ మెంట్స్‌ మారిపోయాయి. దీంతో సాఫ్ట్‌వేర్‌తో పాటు ఇతర సంస్థల్లో పనిచేస్తున్న ఉద్యోగులు సైతం మార్కెట్‌లో వస్తున్న కొత్త కొత్త అవకాశాల్ని అందిపుచ్చుకునేందుకు ప్రయత్నిస్తున్నారు. ఇందుకోసం ప్రత్యేకంగా కోర్స్‌లు నేర్చుకుంటున్నారు. ప్రస్తుతం పనిచేస్తున్న సంస్థల్లో జీతాలు ఎక్కువగా ఉన్నా..వారికి నచ్చిన జాబ్‌లో జాయిన్‌ అవుతున్నారు. కాబట్టే ఇన్ఫోసిస్‌,టీసీఎస్‌ వంటి టెక్‌ కంపెనీలలో ఉద్యోగులు కొరత తీవ్రంగా వేధిస్తోంది.  ఒక్క ఇన్ఫోసిస్‌లోనే  గత ఆర్థిక సంవత్సరానికిగాను నాలుగో త్రైమాసిక ఫలితాలను ఇన్ఫోసిస్‌ ప్రకటించింది. మూడో త్రైమాసికం 25.5 శాతంతో పోల్చితే నాలుగో త్రైమాసికంలో ఇన్ఫోసిస్ అట్రిషన్ రేటు 27.7 శాతానికి పెరిగింది. అట్రిషన్‌ రేట్‌ తగ్గించేందుకు ఈనెల నుంచి ఇన్ఫోసిస్‌ ఉద్యోగుల జీతాల్ని భారీ ఎత్తున పెంచనుంది. ఇక ఇక గడిచిన ఆర్థిక సంవత్సరంలో ఇన్ఫోసిస్ 85,000 మంది ఫ్రెషర్లను నియమించుకోగా.. ప్రస్తుత ఆర్థిక సంవత్సరంలో 50,000 మందిని నియమించుకోనేందుకు ఇన్ఫోసిస్‌ చూస్తోంది.  ఎంతమందిని నియమించుకున్నాయంటే? ఫైనాన్షియల్‌ ఇయర్‌ 2022లో టీసీఎస్‌ 1.03లక్షల మందిని..మూడు నెలల్లో ఎక్కువ మంది నియమించుకుంది. దీంతో మొత్తం 6లక్షల మంది ఉద్యోగులు పనిచేస్తున్నారు. చదవండి: జోరుగా..హుషారుగా! ఐటీ రంగంలో ఊపందుకున్న ఉద్యోగ నియామకాలు!

వచ్చే ఏడాది ప్రారంభం నుంచి లక్షల ఉద్యోగాలకు నియామకాలు చేపట్టేందుకు ఆయా దిగ్గజ కంపెనీలు సిద్ధంగా ఉన్నాయి. దీంతో ఈ నియామకాల్లో జాబ్‌ కొట్టేందుకు అభ్యర్ధులు ప్రయత్నిస్తున్నారు. ఇలా ఒక్క జాబ్‌కే 5 మంది పోటీ పడుతున్నట్లు టెక్‌ గిగ్‌ సంస్థ నిర్వహించిన ఆన్‌లైన్‌ సర్వేలో తేలింది.  వచ్చే ఏడాది దిగ్గజ ఐటీ కంపెనీల్లో కొలువుల జాతర ప్రారంభం కానుంది. అందుకోసం ఆయా కంపెనీలు ఇప్పటి నుంచి ఉద్యోగుల ఎంపికపై కసరత్తు చేస్తున్నట్లు మార్కెట్‌ ఇంటెలిజెన్స్‌ సంస్థ అన్‌ఎర్త్ ఇన్‌సైట్‌  తెలిపింది. అంతేకాదు కోవిడ్‌ తగ్గి వచ్చే ఏడాది మార్చి నాటికి ఐటీ కంపెనీలు సుమారు 4.5 లక్షల నియామకాలు చేపట్టే అవకాశం ఉందని విడుదల చేసిన ఓ రిపోర్ట్‌లో పేర్కొంది. అయినా సరే ఒక్క జాబ్‌ కోసం ఐదుగురు పోటీపడడం ఆసక్తికరంగా మారింది.  టెక్‌ గిగ్‌ సంస్థ అభ్యర్ధులు ఏఏ కంపెనీల్లో జాబ్‌ చేసేందుకు ఇష్టపడుతున్నారు? ఒక‍్క జాబ్‌ కోసం ఎంతమంది పోటీ పడుతున్నారనే అంశంపై సర్వే నిర్వహించింది.ఈ సర్వేలో పాల్గొన్న 43శాతం మంది టీసీఎస్‌లో జాబ్‌ సంపాదించాలనే లక్ష్యంతో ఉండగా, ఇన్ఫోసిస్ 24%, విప్రో, హెచ్‌సిఎల్ టెక్నాలజీస్, టెక్ మహీంద్రా 4% కంటే ఎక్కువ మంది అభ్యర్ధులు జాబ్‌ దక్కించుకునేందుకు పోటీ పుడుతునట్లు అభిప్రాయం వ్యక్తం చేశారు. 21% మంది ఇతర కంపెనీల్లో ఉద్యోగాల కోసం ప్రయత్నిస్తున్నట్లు తేలింది.  ఎక్స్ పర్ట్స్‌ ఏం చెబుతున్నారు  ప్రస్తుతం మార్కెట్‌లో జాబ్స్‌ డిమాండ్‌ ఎక్కువగా ఉందని, అదే సమయంలో అభ్యర్ధులు కూడా ఐటీ ఉద్యోగం దక్కించుకునేందుకు పోటీపడుతున్నట్లు మార్కెట్‌ నిపుణులు చెబుతున్నారు. ముఖ్యంగా దేశీయ టెక్‌ కంపెనీలైన టీసీఎస్‌,ఇన్ఫోసిస్‌,విప్రో కంపెనీల్లో ఒక్క జాబ్‌ కోసం 5మంది పోటీపడుతున్నారని, వారిని షార్ట్‌ లిస్ట్‌ చేయడం కత్తిమీద సాములాగా మారిందని అంటున్నారు.   ఐటీ రంగంలో టాలెంట్ వార్ డిమాండ్‌కు అనుగుణంగా ఐటీ రంగంలో టాలెంట్ వార్ నడుస్తున్నట్లు తెలుస్తోంది. ఐటీ కంపెనీల్లో అట్రిషన్ రేటు స్థిరంగా పెరుగుతుండగా.. సంస్థలు మాత్రం నైపుణ్యమైన అభ్యర్ధుల్ని ఎంపిక చేసేందుకు మొగ్గు చూపుతున్నాయి. దీంతో ఐటీ రంగంలో టాలెంట్‌ వార్‌ నడుస్తుందని టెక్‌ నిపుణులు చెబుతున్నారు. చదవండి: నిరుద్యోగులకు గుడ్‌న్యూస్‌..! ఐటీ కంపెనీల్లో కొలువుల జాతర..! 

సాక్షి, ఉప్పల్‌: ఫేస్‌బుక్‌లో ఓ యువతికి అసభ్యకర మెసేజ్‌లు పోస్ట్‌ చేసిన ఓ వ్యక్తిని రిమాండ్‌కు తరలించిన ఘటన మేడిపల్లి పోలీస్‌స్టేషన్‌ పరిధిలో చోటు చేసుకుంది. డిటెక్టివ్‌ ఇన్‌స్పెక్టర్‌ మక్బుల్‌ జానీ వివరాల ప్రకారం.. బోడుప్పల్‌ ప్రాంతానికి చెందిన సాఫ్ట్‌వేర్‌ ఉద్యోగం చేస్తున్న ఓ యువతి మ్యాట్రీమోనిలో తన పేరును నమోదు చేసుకుంది. ఇది గమనించిన నెల్లూరు ప్రాంతానికి చెందిన సాఫ్ట్‌వేర్‌ ఉద్యోగి సువనం సాయికుమార్‌ (29), యువతి తల్లిదండ్రులతో మాట్లాడి కుటుంబ సభ్యులతో కలిసి పెళ్లి చూపులకు వెళ్లగా నచ్చకపోవడంతో నిరాకరించారు. దీంతో కక్ష పెంచుకున్న సాయికుమార్‌ యువతి ఫేస్‌బుక్‌లో అసభ్యకరమైన పోస్ట్‌లు పెట్టి ఇబ్బందులకు గురి చేసాడు. బాధితురాలి ఫిర్యాదు మేరకు కేసు నమోదు చేసుకున్న పోలీసులు సాయికుమార్‌ను రిమాండ్‌కు తరలించారు.   (చదవండి: ఘరానా మోసం.. ఐటీ అధికారినంటూ టోకరా)

న్యూఢిల్లీ: ఎడ్‌టెక్‌ దిగ్గజం కోర్సెరా ప్లాట్‌ఫాంలో వివిధ కోర్సులు నేర్చుకునేందుకు దేశీయంగా మహిళలు ఆసక్తిగా ముందుకొస్తున్నారు. ప్రస్తుతం భారత్‌లో తమ ప్లాట్‌ఫాంలో నమోదైన మహిళా లెర్నర్ల సంఖ్య 48 లక్షల పైచిలుకు ఉందని ’మహిళలు, నైపుణ్యాల నివేదిక’లో కోర్సెరా వెల్లడించింది.  దీంతో తమ ప్లాట్‌ఫాంలో అత్యధికంగా మహిళా లెర్నర్ల విషయంలో భారత్‌ రెండో స్థానంలో ఉందని పేర్కొంది. దేశీయంగా ఆన్‌లైన్‌లో నేర్చుకునేందుకు మరింత మంది మహిళలు ఆసక్తి చూపుతున్నట్లు తమ అధ్యయనంలో వెల్లడైనట్లు కోర్సెరా తెలిపింది. 2019లో మొత్తం కొత్త లెర్నర్ల సంఖ్యలో మహిళల వాటా 37 శాతంగా ఉండగా, 2021లో ఇది 44 శాతానికి పెరిగిందని వివరించింది.  కరోనా వైరస్‌ మహమ్మారి పరిస్థితుల నేపథ్యంలో.. ఉద్యోగ నియామకాల్లో పురుషులు, మహిళల మధ్య వ్యత్యాసం గణనీయంగా పెరగ్గా, ఆన్‌లైన్‌ లెర్నింగ్‌లో మాత్రం ఇది తగ్గిందని పేర్కొంది. ఉద్యోగాల్లో తిరిగి చేరడం కోసం కొత్త నైపుణ్యాలను నేర్చుకునేందుకు మహిళలు ఆన్‌లైన్‌ బాట పడుతున్నారని కోర్సెరా సీఈవో జెఫ్‌ మెజియోన్‌కాల్డా తెలిపారు.  2016లో మొత్తం లెర్నర్ల సంఖ్యలో మహిళల వాటా 24 శాతంగా ఉండగా.. ప్రస్తుతం ఇది 38 శాతానికి పెరిగిందని నివేదిక పేర్కొంది. ఇక అంతర్జాతీయంగా మహిళా లెర్నర్ల సగటు వయస్సు 31గా ఉండగా భారత్‌లో ఇది 27గా ఉందని వివరించింది. చాలా మంది ఎక్కువగా స్టెమ్‌ (సైన్స్, టెక్నాలజీ, ఇంజినీరింగ్, మ్యాథ్స్‌) కోర్సులు, ఎంట్రీ స్థాయి ప్రొఫెషనల్‌ సర్టిఫికెట్లను ఎంచుకుంటున్నారని పేర్కొంది. ప్రపంచవ్యాప్తంగా కోర్సెరా ప్లాట్‌ఫాంపై 8.7 కోట్ల మంది యూజర్లు ఉండగా, భారత్‌లో వీరి సంఖ్య 1.25 కోట్లుగా ఉంది.   చదవండి: సంప్రదాయ డిగ్రీలతోనూ..  సాఫ్ట్‌వేర్‌ జాబ్‌! 

సాక్షి, హైదరాబాద్‌:  సాఫ్ట్‌వేర్‌ జాబ్‌ అంటే ఇంజనీరింగ్‌ చేసిన వాళ్లకే అన్నది ఇప్పటివరకు ఉన్నమాట. ఇకముందు బీఏ, బీకాం, బీఎస్సీ.. వంటి సంప్రదాయ కోర్సులు చేసినా సాఫ్ట్‌వేర్‌ ఉద్యోగం చేయడానికి అవకాశం రానుంది. ఇందుకోసం సంప్రదాయ డిగ్రీల్లోనే ప్రత్యేకమైన కోర్సులు అందుబాటులోకి రానున్నాయి. బహుళ జాతి కంపెనీలు డిగ్రీ కాలేజీల్లోనూ క్యాంపస్‌ నియామకాలు చేపట్టబోతున్నాయి. ఈ దిశగా ఇప్పటికే కసరత్తు వేగవంతం చేశామని, రాష్ట్రంలోని ప్రభుత్వ, ప్రైవేటు డిగ్రీ కాలేజీలను సమాయత్తం చేస్తున్నామని రాష్ట్ర సాంకేతిక విద్యా మండలి చైర్మన్‌ ఆర్‌.లింబాద్రి తెలిపారు. మరోవైపు ఉస్మానియా సహా రాష్ట్రంలోని విశ్వవిద్యాలయాలు సంప్రదాయ డిగ్రీ కోర్సుల స్వరూపాన్ని మార్చడంపై దృష్టి సారించాయి.  ప్రస్తుత పరిస్థితి ఇదీ..  రాష్ట్రంలో ఏటా 4.5 లక్షల మంది సంప్రదాయ డిగ్రీ కోర్సులు (బీఏ, బీఎస్సీ, బీకాం) పూర్తిచేస్తున్నారు. వీరిలో 20 శాతం మంది కూడా తగిన జీతాలతో ఉద్యోగాలు పొందలేకపోతున్నారు. మరోవైపు రాష్ట్రంలో ఏటా రెండు లక్షల మంది వరకు వివిధ ఇంజనీరింగ్‌ కోర్సులు పూర్తిచేస్తున్నారు. బహుళజాతి కంపెనీలు (ఎంఎన్‌సీ), ప్రముఖ సాఫ్ట్‌వేర్‌ సంస్థలు క్యాంపస్‌ రిక్రూట్‌మెంట్ల ద్వారా 20 నుంచి 30 వేల మందికి ఉద్యోగాలు కల్పిస్తున్నాయి. ఉద్యోగాలు ఉన్నా.. మారుతున్న అవసరాలకు అనుగుణంగా అభ్యర్థులు లేక ఎంపిక చేయడం లేదని కంపెనీలు చెప్తున్నాయి. అందువల్ల డిగ్రీ ఏదైనా, కోర్సు ఏదైనా సరే.. కంపెనీలకు అవసరమైన సాంకేతిక నైపుణ్యాలు ఉంటే ఉద్యోగాలు లభించే పరిస్థితి ఉందని ఒక కంపెనీ ప్లేస్‌మెంట్‌ నిర్వాహకుడు తెలిపారు. ఇందుకోసం కొత్త కోర్సులు అందుబాటులోకి రావాల్సి ఉందని పేర్కొన్నారు.  డిగ్రీలో ఏం చేయబోతున్నారు?  సంప్రదాయ డిగ్రీ కోర్సుల స్వరూపాన్ని పూర్తిగా మార్చేందుకు కసరత్తు జరుగుతోంది. మార్కెట్‌ అవసరాలకు అనుగుణంగా కొత్త కోర్సులు తీసుకొచ్చే ఏర్పాట్లు చేస్తున్నారు. పలు యూనివర్సిటీలు దీనిపై అధ్యయనం చేస్తున్నాయని ఉన్నత విద్యా మండలి తెలిపింది. ఉదాహరణకు బీకాంలో బిజినెస్‌ అనలిటిక్స్, బీఎస్సీలో డేటా సైన్స్‌ కోర్సులను ఇప్పటికే ప్రవేశపెట్టారు. సిలబస్‌ రూపకల్పన నుంచే ప్రముఖ సాఫ్ట్‌వేర్‌ సంస్థ టాటా కన్సల్టెన్సీ భాగస్వామ్యం తీసుకున్నారు. దాదాపు 120 కాలేజీల్లో ఈ కోర్సుల్లో చేరిన విద్యార్థులకు టీసీఎస్‌ శిక్షణ ఇస్తోంది. కోర్సులు పూర్తయ్యాక వారికి ప్రత్యేకంగా పరీక్ష కూడా నిర్వహించి, వివిధ కంపెనీల్లో ఉద్యోగాలకు అర్హత పొందేలా చేయనుంది. ఇదే తరహాలో బీఏ, బీఎస్సీ, బీకాం డిగ్రీల్లో ఉపాధి అవకాశాలున్న కొత్త కోర్సులను తీసుకురానున్నారు. ఇందులో ఆర్ట్స్, హ్యుమానిటీస్‌ కోర్సుల విద్యా ప్రణాళిక రూపకల్పనకు సంబంధించి బ్రిటిష్‌ కౌన్సిల్‌తో ఎంవోయూ చేసుకున్నారు. సాఫ్ట్‌వేర్‌ రంగానికి సంబంధించి పలురకాల కోర్సులనూ జత చేసేందుకు ఏర్పాట్లు చేస్తున్నారు.  ఉపాధి పొందేలా డిగ్రీ కోర్సులు  సంప్రదాయ డిగ్రీ కోర్సుల నాణ్యత పెంచాలన్నదే మా తపన. ఈ దిశగా కొత్త కోర్సులపై కసరత్తు జరుగుతోంది. మరో ఏడాదిలో వాటి స్వరూపం మారబోతోంది. అన్ని ప్రభుత్వ, ప్రైవేటు కాలేజీల యాజమాన్యాలతోనూ ఈ దిశగా సంప్రదింపులు జరుపుతున్నాం. ఇప్పటికే టీసీఎస్‌ భాగస్వామ్యంతో స్కిల్‌ డెవలప్‌మెంట్‌ శిక్షణ ఇస్తున్నాం.  –ఆర్‌.లింబాద్రి, ఉన్నత విద్యా మండలి చైర్మన్‌  మంచి ప్రయత్నం  సంప్రదాయ డిగ్రీ కోర్సులను మార్కెట్‌కు అనుగుణంగా తీర్చిదిద్దాలనే ప్రయత్నం అభినందనీయం. ఇది వచ్చే ఏడాది నుంచి అమల్లోకి వస్తుందని భావిస్తున్నాం. దీనిపై ఇప్పటికే అధ్యయనం జరుగుతోందని తెలిసింది. దీనివల్ల డిగ్రీ కోర్సులకు పూర్వ వైభవం వస్తుంది.  – గౌరీ సతీశ్, కేజీ టు పీజీ జేఏసీ కన్వీనర్‌  

సాక్షి, సిటీబ్యూరో: హైదరాబాద్‌కు చెందిన నర్కుటి దీప్తి అమెరికాలోని మైక్రోసాఫ్ట్‌ ప్రధాన కార్యాలయంలో ఉద్యోగానికి ఎంపికయ్యారు. క్యాంపస్‌ ఇంటర్వ్యూలో భాగంగా రూ.2 కోట్ల వార్షిక  వేతనం అందుకోనున్నారు. దీప్తి తండ్రి, ఫోరెన్సిక్‌ నిపుణుడు డాక్టర్‌ వెంకన్న హైదరాబాద్‌ పోలీసు కమిషనరేట్‌లోని క్లూస్‌ టీమ్స్‌కు నేతృత్వం వహిస్తున్నారు. దీప్తి యూనివర్శిటీ ఆఫ్‌ ఫ్లోరెడాలో సీటు సాధించారు. ఇలా అమెరికా వెళ్లిన ఆమె ఎంఎస్‌ (కంప్యూటర్స్‌) ఈ నెల 2తో పూర్తి చేశారు. దీనికి ముందే ఆ యూనివర్శిటీలో క్యాంపస్‌ ఇంటర్వ్యూలు జరిగాయి. ఈ నేపథ్యంలోనే దీప్తికి మైక్రోసాఫ్ట్, గోల్డ్‌ మెన్‌ సాక్స్, అమేజాన్‌ కంపెనీల్లో ఉద్యోగం వచి్చంది. ఈమె మాత్రం మైక్రోసాఫ్ట్‌ సంస్థ వైపే మొగ్గు చూపారు. దీప్తి ప్రతిభను గుర్తించిన మైక్రోసాఫ్ట్‌ ప్రతినిధులు సాఫ్ట్‌వేర్‌ డెవలప్‌మెంట్‌ ఇంజినీర్‌ (ఎస్‌డీఈ) గ్రేడ్‌–2 కేటగిరీలో ఎంపిక చేసుకుంటూ రూ.2 కోట్ల వార్షిక ప్యాకేజ్‌ ఇచ్చారు. ఈ నెల 17న మైక్రోసాఫ్ట్‌ ప్రధాన కార్యాలయంలో దీప్తి బాధ్యతలు స్వీకరించనున్నారు.    (చదవండి: H-1B: భాగస్వాముల వీసాలకు గూగుల్‌ మద్దతు)

సాక్షి, హైదరాబాద్‌: రోడ్డు ప్రమాదంలో సాఫ్ట్‌వేర్‌ ఉద్యోగి దుర్మరణం చెందాడు. మల్కాజిగిరి పోలీస్‌స్టేషన్‌ పరిధిలో ఈ సంఘటన జరిగింది. ఎస్‌ఐ శ్రీనివాస్, స్థానికులు తెలిపిన వివరాల ప్రకారం.. నర్సింహారెడ్డి నగర్‌కు చెందిన నటేషన్‌(39) సాఫ్ట్‌వేర్‌ ఉద్యోగి. శనివారం సాయంత్రం తన యాక్టివా మీద ఎలక్ట్రీషియన్‌తో కలిసి ఎలక్ట్రికల్‌ సామాన్లు తీసుకొని ఇంటికి తిరిగి వెళుతుండగా ఆర్‌.కె.నగర్‌ వద్ద ఆర్టీసీ బస్సు ఢీ కొట్టడంతో అదుపుతప్పి బస్సు కింద పడిపోయాడు. బస్సు వెనుక చక్రం తల మీద వెళ్లడంతో అక్కడికక్కడే మృతి చెందాడు. వెనుక ఉన్న ఎలక్ట్రీషియన్‌ స్వల్ప గాయాలతో బయటపడ్డాడు. సంఘటనా స్ధలానికి చేరుకున్న ఎస్‌ఐ శ్రీనివాస్‌ మృతదేహాన్ని గాంధీ ఆస్పత్రికి తరలించారు. నటేషన్‌ భార్య ప్రవీణ ఫిర్యాదు చేయడంతో కేసు నమోదు చేసి దర్యాప్తు చేస్తున్నారు. (చడవండి: ప్రేమ పేరుతో మోసం; యువతిని లైంగికంగా వాడుకొని. )

సాక్షి, కర్ణాటక:  ప్రేమను తిరస్కరించిన యువతికి హైటెక్‌ తరహాలో వేధింపులకు పాల్పడిన ఓ టెక్కీ ఎట్టకేలకు చిక్కాడు. పరిహార  కుటుంబ సలహా కేంద్రం సమాలోచనతో కేసు సుఖాంతమైంది. ఉత్తరభారతదేశానికి చెందిన 24 ఏళ్ల యువతి నగరంలో ఓ సాఫ్ట్‌వేర్‌ కంపెనీలో టెక్కీగా పనిచేస్తూ వైట్‌ఫీల్డ్‌లో నివాసం ఉంటోంది. నెలక్రితం స్కైప్‌ ద్వారా గుర్తు తెలియని నెంబర్‌ నుంచి ఫోన్‌ కాల్స్‌ వచ్చా యి. సదరు వ్యక్తి అశ్లీలంగా మాట్లాడాడు. లాక్‌డౌన్‌ నేపథ్యంలో పోలీసులకు ఫిర్యాదు చేయడానికి సాధ్యం కాలేదు. ప్రతిరోజు ఇదే విధంగా కాల్స్‌ వస్తుండటంతో కొద్ది రోజుల క్రితం ఇతరుల సాయంతో కుటుంబ సలహా కేంద్రానికి ఫోన్‌లో ఫిర్యాదు చేసింది. కుటుంబ సలహా కేంద్రం సిబ్బంది సైబర్‌ పోలీసులసహకారం  తీసుకున్నా సదరు నిందితుడి ఆచూకీ లభించలేదు.   మీకు శత్రువులు, బాయ్‌ఫ్రెండ్స్‌ ఉన్నారా ? కుటుంబ సలహా కేంద్రం కౌన్సిలర్‌ డాక్టర్‌ బింద్య సదరు బాధితురాలితో మీకు ఎవరైనా కానివారు, బాయ్‌ఫ్రెండ్స్‌ ఉన్నారా అంటూ ప్రశ్నించింది. అలాంటి వారు ఎవరూ లేరని ఆమె సమాధానమిచ్చింది. రెండు రోజుల తరువాత ఫోన్‌ చేసి ఇంజినీరింగ్‌ చదువుతున్న సమయంలో క్లాస్‌మెట్‌ తనను ప్రేమిస్తున్నట్లు వేధింపులకు పాల్పడినట్లు గుర్తు చేసింది.   ప్రేమ తిరస్కరించిందని.. : కళాశాలలో చదువుతున్న సమయంలో తన ప్రేమను తిరస్కరించిందని క్లాస్‌మెట్‌ అయిన యువకుడు యువతిపై కక్ష పెంచుకున్నాడు. రెండేళ్ల తరువాత ఆమె గురించి ఆరా తీసి ఫోన్‌ చేయ డం ప్రారంభించాడు. యువతి ఫిర్యాదు మేరకు కుటుంబ సలహా కేంద్రం అధికారులు వివిధ మార్గాల్లో సదరు వ్యక్తి గురించి ఆరా తీయగా అతను ముంబయిలో సాఫ్ట్‌వేర్‌ ఉద్యోగం చేస్తున్నట్లు బయటపడింది. అంతేకాకుండా యువతి క్లాస్‌మెట్‌గా గుర్తించారు. కుటుంబ సలహా కేంద్రం అధికారులు సదరు యువకుడికి ఫోన్‌ చేసి విచారణ చేయగా మొదట తనకు సంబంధం లేదని చెప్పినా చివరకు తానే చేసినట్లు ఒప్పుకున్నాడు. ఈ విషయం తెలిసి యువతి ఆశ్చర్యపోయింది. అనంతరం ఇద్దరిని కలపడంతో సదరు వ్యక్తి యువతికి క్షమాపణ చెప్పడంతో బాధితురాలు కేసు ఉపసంహరించుకోవడంతో కథ సుఖాంతమైంది. ఈ సందర్భంగా కుటుంబ సలహా కేంద్రం ఇన్‌చార్జ్‌ రాణి శెట్టి మాట్లాడుతూ... సైబర్‌ క్రైం పట్ల మహిళలు అప్రమత్తంగా ఉండాలని, మేనెలలో 433 ఫిర్యాదులు అందగా అందులో 25 కేసులు ఇంటర్నెట్‌ ద్వారా వేధింపుల కేసులేనని చెప్పారు.  చదవండి: నలుగురూ స్నేహితులు.. ఒకే గ్రామం

సాక్షి, న్యూఢిల్లీ : అమెరికాలోని శాన్‌ ఫ్రాన్సిస్కో నగరం పేరు వినగానే ‘సిలికాన్‌ వ్యాలీ’ గుర్తుకు వస్తోంది. అది టెకీలుండే ప్రాంతం. టెకీలంటే రోజంతా కష్టపడి రాత్రంతా, తాగి తందనాలు ఆడుతారని, ముఖ్యంగా వారాంతంలో గర్ల్‌ ఫ్రెండ్స్‌తో బార్లకు, పబ్‌లకు వెళ్లి కులుకుతారని మిగతా సమాజం కుళ్లు పడేది. అందుకు విరుద్ధంగా సిలికాన్‌ వాలీ టెకీ (ఐటీ నిపుణులు)ల్లో ఓ సరికొత్త ట్రెండ్‌ మొదలయింది. అదే ‘డొపోమైన్‌ ఫాస్టింగ్‌’. ‘డొపోమైన్‌’ అనేది మెదడులో ఆనందానుభూతికి కల్గించే హార్మోన్‌. దీన్ని ‘ఆనంద రసాయనం’ అని కూడా వ్యవహరిస్తున్నారు. ఈ హార్మోన్‌ ఆనందం అనుభూతిని కలిగించడమే కాకుండా ఆ ఆనందానికి బానిసను కూడా చేస్తుంది. మద్యం, ఇతర మత్తులకు అలాగే బానిసలవుతారు. వ్యాయామం చేయడం వల్ల, ముఖ్యంగా వెయిట్‌ లిఫ్టింగ్, జాగింగ్, స్విమ్మింగ్‌ల వల్ల, ఇష్టమైన ఆహారం తినడం వల్ల నరాల ప్రేరణ ద్వారా ఏ హార్మోన్‌ ఉత్పత్తి అవుతుంది. ఈ హార్మోన్‌ కారణంగానే మొబైల్‌ ఫోన్లకు, వాట్సాప్, ట్విట్టర్, టిక్‌టాక్, ఫేస్‌బుక్, ఇన్‌స్టాగ్రామ్‌ లాంటి సోషల్‌ మీడియాకు బానిసలవుతున్నామని కూడా టెకీలు భావించారు. గ్రహించారు. మెదడు నరాల్లో ‘డొపోమైన్‌’ అనే హార్మోన్‌ను ఉత్పత్తి కాకుండా అడ్డుకోవడం ద్వారా ఇలాంటి వ్యసనాలకు కొంతకాలం విరామం ఇవ్వాలని నిర్ణయించుకున్నారు.  అందుకోసం ‘డొపోమైన్‌ ఫాస్టింగ్‌’ను మొదలు పెట్టారు. జిమ్ములు, క్లబ్బులు, పబ్బులు, ఫుడ్‌కోర్టులకు వెళ్లడం మానేశారు. గర్ల్‌ ఫ్రెండ్స్‌తో ముద్దూ ముచ్చట్లకు గుడ్‌బై చెప్పారు. మొబైల్‌ ఫోన్లను, సోషల్‌ మీడియాను ముట్టుకోవడం లేదు. మ్యూజిక్‌తోపాటు మిత్రులకు దూరంగా ఉంటున్నారు. ఆఫీసులకు పోవడానికి సైకిళ్లను, అత్యవసర ఫోన్ల కోసం మాత్రమే మొబైల ఫోన్లను వాడుతున్నారు. మాంసాహారం, శాకాహారాలను కూడా పక్కన పెట్టి పండ్లతోని పచ్చి మంచి నీళ్లతోని పత్తెం ఉంటున్నారు. కొందరైతే విద్యుత్‌ లైట్లను కూడా ఉపయోగించకుండా చీకట్లో, వెన్నెల్లో గడుపుతున్నారు. కొకైన్‌ అనే మాదక ద్రవ్యం తీసుకోవడం వల్ల మెదడు మొద్దు బారినట్లయ్యి, సహనం పెరుగుతుందని, అలాగే డొపోమైన్‌ హార్మోన్‌ ఉత్పత్తి ఆగిపోయినట్లయితే సహనం పెరగడంతోపాటు చేసే పనిమీద దష్టి కేంద్రీకతం అవడమే కాకుండా, అదేంటో స్పష్టంగా అవగతమవుతుందని ప్రస్తుతం ఈ ఫాస్టింగ్‌లో ఉన్న సిలికాన్‌ వాలీ టెకీ, 24 ఏళ్ల జేమ్స్‌ సింకా తెలిపారు. ఉపవాసం వదిలేశాక మళ్లీ డొపొమైన ఉత్పత్తి పెరుగుతుందని ఆయన చెప్పారు. అప్పుడు మళ్లీ యథావిధి జీవితాన్ని కొనసాగించవచ్చని చెప్పారు.  ఈ ఫాస్టింగ్‌ వల్ల ఓ అధ్యాత్మిక స్థితి మనస్సుకు ఆవరిస్తుందని, అందువల్ల మనస్సు పరిపరి విధాల పోకుండా, చేసే వత్తిపై కేంద్రీకతం అవుతుందని, తద్వారా కంపెనీల్లో ఉత్పత్తి పెరిగి ప్రశంసల వర్షం కురుస్తుందని, మరోపక్క మానసిక ప్రశాంతత లభించి మనిషి ఎక్కువ కాలం జీవించే అవకాశం ఉంటుందని భావించడం వల్ల ఎక్కువ మంది టెకీలు ఈ ఫాస్టింగ్‌ వైపు మొగ్గు చూపుతున్నారు. అమెరికా సిలికాన్‌ వాలీలో మొదలైన ఈ ఫాస్టింగ్‌ ట్రెండ్, భారత సిలికాన్‌ వ్యాలీగా వ్యవహరించే బెంగుళూరుకు పాకి, ఇప్పుడిప్పుడే హైదరాబాద్‌కు తాకింది. ఈ ‘డొపోమైన్‌ ఫాస్టింగ్‌’కు ఎలాంటి శాస్త్రీయ ఆధారాలు లేవని సిలికాన్‌ వ్యాలీ సైకాలజిస్ట్‌ డాక్టర్‌ కమెరాన్‌ సిపా కొట్టివేశారు. పోషక పదార్థాలు కలిగిన ఆహారం, వ్యాయామం వల్ల డొపోమైన్‌ హార్మోన్‌ పెరుగుతుందనడంలో సందేహం లేదని, ఈ రెండింటికి దూరంగా ఉండడం వల్ల, సామాజిక మీడియాకు, సామాజిక సంబంధాలకు దూరంగా ఉండడం వల్ల తగ్గుతుందనడం తప్పని ఆయన చెప్పారు. కాలిఫోర్నియా యూనివర్శిటీలోని న్యూరాలోజీ, సైకాలోజీ విభాగంలో పనిచేస్తున్న ప్రొఫెసర్‌ జోష్‌ బెర్క్‌ కూడా ఇదే అభిప్రాయాన్ని వ్యక్తం చేశారు. కొద్దికాలం అన్నింటికి దూరంగా ఉండి, మళ్లీ వాటిని ఆస్వాదించినప్పుడు ఎక్కువ ఆనందానుభూతి కలిగే అవకాశం మానసికంగా ఉందని వారు చెప్పారు. ఏదీ శతి మించి రాగాన పడనీయ రాదని, అలవాట్లు అదుపులో ఉంటే అంతకన్నా మంచి మరోటి ఉండదని, ఇలాంటి ఫాస్టింగ్‌ల వల్ల ఆరోగ్యం నశించే అవకాశమే ఎక్కువగా ఉందని వారు హెచ్చరించారు. శ్రమ, శ్రమకు తగ్గ విశ్రాంతి, ఆ తర్వాత మిగిలే సమయాన్ని సామాజిక సంబంధాలకు, ఇతర అభిరుచులకు కేటియిస్తే మానసికంగా ప్రశాంత జీవితాన్ని గడపవచ్చని వారు సూచించారు. 

మణికొండ: ఆ విద్యార్థి వారంలో మూడు రోజులు స్కూల్‌కు వెళ్లి పాఠాలు వింటాడు.. మరో మూడు రోజులు సాఫ్ట్‌వేర్‌ సంస్థలో డేటా సైంటిస్ట్‌గా ఉద్యోగం చేస్తాడు. చిన్నప్పటి నుంచే తల్లి దండ్రులు ప్రోత్సహించడంతో 12 ఏళ్ల వయసులోనే ఏకంగా సాఫ్ట్‌వేర్‌ ఉద్యోగాన్ని సాధించాడు. గుంటూరు జిల్లా తెనాలికి చెం దిన పి.రాజ్‌కుమార్, ప్రియ క్యాప్‌జెమినీలో ఉద్యోగం చేస్తూ మణికొండ మున్సిపాలిటీ కేంద్రంలో నివసిస్తున్నారు. వారి కుమారుడు శరత్‌ స్థానిక శ్రీచైతన్య పాఠశాలలో ఏడో తర గతి చదువుతున్నాడు. సాఫ్ట్‌వేర్‌ ఉద్యోగులైన తల్లిదండ్రులిద్దరూ ఇంట్లో రోజూ ల్యాప్‌ టాప్‌ల్లో పనిచేయటాన్ని ఆ విద్యార్థి చిన్నప్పటి నుంచి నిశితంగా గమనిస్తూ వస్తున్నాడు. దీంతో ఏడేళ్ల వయసులోనే అతడిలో కోడింగ్, జావా తదితర సాఫ్ట్‌వేర్‌లపై ఆసక్తి పెరగ డంతో వాటిని నేర్చుకున్నాడు. అతడిలోని టాలెంట్‌ను గమనించిన తల్లిదండ్రులు ఐటీ ఉద్యోగిగా పనికి వస్తాడని నిర్ణయించారు. పలు ఐటీ సంస్థల ఉద్యోగాలకు దరఖాస్తు చేసి ఇంటర్వ్యూలకు వెళ్లాడు. ఇటీవల మోంటైగ్నే సంస్థలో నెలకు రూ.25 వేల గౌరవ వేతనంతో శరత్‌కు డేటా సైంటిస్ట్‌గా ఉద్యోగం దక్కింది. దాంతో పాటుగా కొన్ని రోజులు ఉద్యోగం, కొన్ని రోజులు చదువుకునేందుకు అవకాశం కల్పించేందుకు అంగీకరించారు. మంత్రి సబితా ఇంద్రారెడ్డి అభినందనలు..  12 ఏళ్ల వయసులో ఏడో తరగతి చదువుతూ డేటా సైంటిస్ట్‌గా ఉద్యోగం దక్కించుకున్న శరత్‌ను విద్యా శాఖ మంత్రి సబితా ఇంద్రారెడ్డి అభినందించారు. శరత్‌ తల్లిదండ్రులు మంగళవారం మంత్రిని కలిశారు. ఈ సందర్భంగా శరత్‌కు మంత్రి శుభాకాంక్షలు తెలిపారు.

సాక్షి, వైఎస్సార్‌ జిల్లా : జిల్లాల్లో దారుణం చోటుచేసుకుంది. చదువుకు తగ్గ ఉద్యోగం రాలేదని మనస్తాపం చెంది ఓ సాఫ్ట్‌వేర్‌ ఉద్యోగి ఆత్మహత్యకు పాల్పడ్డారు. పోలీసులు తెలిపిన వివరాల ప్రకారం.. వైఎస్సార్‌ జిల్లా బద్వేలు కృష్ణదేవరాయనగర్‌కి చెందిన చైతన్య ఢిల్లీలో ఓ చిన్న ఉద్యోగం చేస్తున్నారు. తన చదువు తగ్గ ఉద్యోగం దొరకలేదని మనస్తాపం చెందిన చైతన్య ఇటీవల సొంత గ్రామానికి తిరిగి వచ్చారు. మూడు రోజుల క్రితం చైతన్య తల్లిదండ్రులు పని మీద వేరే గ్రామానికి వెళ్లారు. ఇదే మంచి సమయంగా భావించిన చైతన్య సూసైడ్‌ నోట్‌ రాసి ఆత్మహత్యకు పాల్పడ్డారు. ఇంట్లో నుంచి దుర్వాసన రావడంతో స్థానికులు పోలీసులకు సమాచారం అందించారు. ఘటనా స్థలానికి చేరుకున్న పోలీసులు ఇంటి తలుపులు పగులగొట్టి చూడగా చైతన్య తాడుకు వేలాడుతూ కనిపించాడు. మృతదేహాన్ని పోస్ట్‌మార్టంకి తరలించామని, సూసైడ్‌ నోట్‌పై విచారణ చేపట్టామని పోలీసులు పేర్కొన్నారు. 

రాయికల్‌(జగిత్యాల): అత్తింటి వేధింపులు తాళలేక ఓ నవవధువు పుట్టింట్లో ఉరివేసుకుని ఆత్మహత్య చేసుకుంది. ఎస్సై కరుణాకర్‌ వివరాల ప్రకారం... రాయికల్‌ పట్టణానికి చెందిన ఊరడి మల్లయ్య, గంగరాజుల కుమార్తె లహరి ఊరాఫ్‌ కృష్ణవేణి(22)కి ధర్మపురికి చెందిన శనిగారపు రాకేశ్‌తో ఆగస్టులో వివాహం అయ్యింది. ఆ సమయంలో రూ.15 లక్షల కట్నం ఒప్పుకోగా రూ.10 లక్షలు ఇచ్చారు. రాకేశ్‌ హైదరాబాద్‌లో సాఫ్ట్‌వేర్‌గా చేస్తుంటాడు. ఈ క్రమంలో కృష్ణవేణిని కొంతకాలంగా అత్తింటివారు మిగితా కట్నం తేవాలని వేధించారు. దీంతో సద్దుల బతుకమ్మకు పుట్టింటికి వచ్చిన కృష్ణవేణిని తిరిగి అత్తారింటికి తీసుకెళ్లలేదు. దీంతో తీవ్రమనస్తాపం చెందిన కృష్ణవేణి శనివారం పుట్టింట్లో ఉరివేసుని ఆత్మహత్య చేసుకుంది. ఆమె తండ్రి ఊరడి మల్లయ్య ఫిర్యాదు మేరకు కేసు నమోదు చేసినట్లు ఎస్సై వివరించారు. ఘటనాస్థలాన్ని డీఎస్పీ వెంకటరమణ, సీఐ రాజేశ్‌ పరిశీలించారు. 

బత్తలపల్లి : బెంగళూరులో సాఫ్ట్‌వేర్‌ ఉద్యోగం కోసం ఇంటర్వ్యూలకు వెళ్లిన యువతి ఉద్యోగం సాధించిందిగానీ... అక్కడ తిరిగి తిరిగి వడదెబ్బ తగలడంతో ఇంటికొచ్చిన తర్వాత అస్వస్థతకు లోనై మృతి చెందింది. ఈ దుర్ఘటన బత్తలపల్లిలో చోటుచేసుకుంది. స్థానికుల కథనం మేరకు... మండలంలోని పోట్లమర్రి గ్రామానికి చెందిన శ్రీనివాసరెడ్డి 20 సంవత్సరాలుగా మండల కేంద్రమైన బత్తలపల్లిలో నివాసముంటున్నారు. ఆయనకు ఇద్దరు కుమార్తెలు. వారిలో పెద్ద కుమార్తెకు పెళ్లి చేశారు. చిన్న కుమార్తె శ్రీలక్ష్మీ(26) బీటెక్‌ పూర్తి చేసింది. మూడు రోజుల క్రితం బెంగళూరులో ఇన్ఫోసిస్‌ కంపెనీ నిర్వహించిన ఇంటర్వూలకు హాజరైంది. ఉద్యోగానికి ఎంపికైంది. బుధవారం బెంగుళూరు నుంచి బత్తలపల్లికి చేరుకుంది. ఇంటికి రాగానే ఉన్నఫళంగా కింద పడిపోయింది. తలకు గాయమైంది. కుటుంబ సభ్యులు వెంటనే ఆర్డీటీ ఆసుపత్రికి తరలించారు. పరిస్థితి విషమంగా ఉండటంతో అక్కడి నుంచి కర్నూలు ప్రభుత్వాసుపత్రికి తరలిస్తుండగా బుధవారం రాత్రి మార్గమధ్యంలోనే శ్రీలక్ష్మీ చెందింది. కొడుకులు లేకున్నా కూతుర్లనే కొడుకులుగా భావించి ఉన్నత చదువులు చదివిస్తే ఉద్యోగం వచ్చాక మమ్మల్ని వదిలిపెట్టి వెళ్లిపోయావా తల్లీ అంటూ కుటుంబ సభ్యులు కన్నీరుమున్నీరుగా విలపించడం చూపరులను సైతం కంటతడి పెట్టించింది.

సాక్షి, హైదరాబాద్‌: బీటెక్‌ పూర్తి చేసిన ఆ యువకుడికి అమెరికాలో ఉద్యోగం చేయాలన్నది ఆశ. దీని కోసం ఓ వెబ్‌సైట్‌లో రిజిస్టర్‌ చేసుకున్నాడు. ‘001’కోడ్‌తో కూడిన నంబర్‌ నుంచి కాల్‌ రావడంతో బుట్టలో పడ్డాడు. నెలకు రూ.4 లక్షల జీతం వచ్చే ఉద్యోగమంటూ ఎరవేసిన సైబర్‌ నేరగాళ్లు మొత్తం రూ.86 లక్షలు గుంజారు. మరో రూ.4.5 లక్షలు డిమాండ్‌ చేయడంతో అనుమానించిన బాధితుడు సీసీఎస్‌ అధీనంలోని సైబర్‌ క్రైమ్‌ పోలీసులను ఆశ్రయించాడు. ఈ మొత్తం చెల్లించడం కోసం అప్పులు చేయడంతో పాటు ఇల్లు కూడా అమ్మేసినట్లు పోలీసుల వద్ద వాపోయారు.   మార్క్‌ ఆరన్‌ గ్రూప్‌లో ఉద్యోగమంటూ...  బోయగూడకి చెందిన శంకర్‌నాథ్‌ అమెరికాలో సాఫ్ట్‌వేర్‌ ఉద్యోగం చేయాలని భావించి తన ప్రొఫైల్‌ను షైన్‌.కామ్‌ అనే వెబ్‌సైట్‌లో రిజిస్టర్‌ చేశాడు. గత  ఆగస్టులో ‘001’ కోడ్‌తో మొదలయ్యే నంబర్‌ నుంచి ఫోన్‌ వచ్చింది. తాము యూఎస్‌లోని ఓక్లహామాకు చెందిన మార్క్‌ ఆరన్‌ గ్రూప్‌ సంస్థ నుంచి మాట్లాడుతున్నామన్న నేరగాళ్లు మీ ప్రొఫైల్‌ ఆధారంగా ఉద్యోగానికి ఎంపిక చేసినట్లు చెప్పారు. నెలకు రూ.4 లక్షలు (భారత కరెన్సీలో) జీతం ఇవ్వనున్నామని, వీసా ప్రాసెసింగ్‌ వ్యవహారాల కోసం ఇండియన్‌ ఆఫీసర్‌ మీనంద్‌ ఆడమ్స్‌ మాట్లాడతారంటూ చెప్పారు.   బోగస్‌ వెబ్‌సైట్‌ సైతం ఏర్పాటు...  కొన్ని రోజులకు మీనంద్‌ ఫోన్‌ చేసి, ఓ బోగస్‌ వెబ్‌సైట్‌ చిరుమానా చెప్పి అందులో వీసా కోసం దరఖాస్తు చేసుకోమని కోరగా శంకర్‌ అలానే చేశాడు. యూఎస్‌ఇమిగ్రేషన్‌ఢిల్లీ.ఇన్‌ పేరుతో ఓ ఈ–మెయిల్‌ ఐడీని క్రియేట్‌ చేసిన సైబర్‌ నేరగాళ్లు దాని ద్వారానే శంకర్‌ వీసా దరఖాస్తు స్వీకరించామని, అది ప్రాసెసింగ్‌లో ఉందంటూ మెయిల్స్‌ పంపారు. ట్రావెలింగ్‌ అలవెన్స్, యూఎస్‌ క్రాస్‌ బోర్డర్‌ పర్మిట్, యాంటీ వర్క్‌ పర్మిట్‌ వైలేషన్‌ తదితర పేర్లు చెప్పి నగదును కొన్ని బ్యాంకు ఖాతాల్లో డిపాజిట్‌ చేయమన్నారు. ఇవన్నీ రిఫం డబుల్‌ డిపాజిట్స్‌ అని, ఉద్యోగంలో చేరాక మొత్తం తిరిగి వచ్చేస్తుందంటూ చెప్పడంతో శంకర్‌ అలానే చేశాడు.  అంగీకరించిన కుటుంబీకులు...  శంకర్‌ కుటుంబీకులు సైతం ఫీజులు చెల్లించడానికి అంగీకరించడంతో 2016 సెప్టెంబర్‌ నుంచి ఈ ఆగస్టు వరకు రూ.86 లక్షలు సైబర్‌ నేరగాళ్లు చెప్పిన ఖాతాల్లోకి డిపాజిట్‌ చేశారు. దీన్ని చెల్లించడం కోసం అప్పులు తీసుకోవడంతోపాటు ఇంటిని సైతం అమ్మేశారు. 30 ఖాతాల్లో 101 సార్లు నగదు డిపాజిట్‌ చేసినట్లు లెక్కతేలింది. గత నెల్లో మరో రూ.4.5 లక్షలు చెల్లించమని చెప్పడంతో అనుమానించిన శంకర్‌ ఆరా తీయగా మోసపోయినట్లు తేలింది.   ఈశాన్య యువతుల ఖాతాలే...  కేసు నమోదు చేసుకున్న సైబర్‌ క్రైమ్‌ ఇన్‌స్పెక్టర్‌ పి.రవికిరణ్‌ నేతృత్వంలోని బృందం బాధితుడు డబ్బు డిపాజిట్‌ చేసిన బ్యాంకు ఖాతాల వివరాలు ఆరా తీయగా, సగం ఢిల్లీ, సగం బెంగళూరుకు చెందినవిగా తేలింది. బెంగళూరుకు వెళ్లిన టీమ్‌ ఖాతాదారుల వివరాలు సేకరించింది. 2014– 15లో ఈశాన్య రాష్ట్రాలకు చెందిన కొందరు యువతులు బెంగళూరులో నర్సు కోర్సులో శిక్షణ తీసుకునే సమయంలో సైబర్‌ నేరగాళ్లు వారి నుంచి ఖాతాల వివరాలు సేకరించి, డబ్బు డిపాజిట్‌ చేయించుకున్నారు. ప్రస్తుతం ఆ ఖాతాలన్నింటిలోనూ కలిపి రూ.5 వేలు కూడా లేవని తేలింది. ఈ నేరానికి పాల్పడింది నైజీరియన్లుగా అనుమానిస్తున్న పోలీసులు వారి కోసం గాలిస్తున్నారు. అమెరికాలో ఉన్న తమ అనుచరుల ద్వారానో లేక వీఓఐపీ విధానంలోనో ‘001’ నంబర్‌ డిస్‌ప్లే అయ్యేలా కాల్‌ చేసి ఉండవచ్చని భావిస్తున్నారు.   


 ఆస్ట్రేలియాలో ఎంఎస్‌.. ఆ వెంటనే అక్కడే ప్రముఖ సాఫ్ట్‌వేర్‌ కంపెనీలో ఉద్యోగం.. నెలకు లక్షల్లోనే జీతం.. చేతిలో ఆస్ట్రేలియా సిటిజన్‌ షిప్‌! నేటి తరం యువతకు అంతకంటే ఏం కావాలి! కోర్సులో చేరిన రోజు నుంచే ఇలాంటి అవకాశాల కోసం ఎదురు చూసే వారెందరో!! కానీ ఆ యువకుడికి మాత్రం ఇవేమీ సంతృప్తినివ్వలేదు. ఏసీ గదుల్లో ఉన్నా యాంత్రిక జీవనం సాగిస్తున్నాననే భావన ‘సాగు’ బాట పట్టించింది. అడిలైడ్‌ నుంచి సొంతూరుకు తిరిగొచ్చి పొలం పనులు, వ్యవసాయంవైపు కదిలాడు. వినూత్న పద్ధతుల్లో వ్యవసాయం చేస్తూ అందరికీ ఆదర్శంగా నిలుస్తున్న కోయంబత్తూరుకు చెందిన సురేశ్‌ బాబు స్ఫూర్తి కథనం...
 
 సురేశ్‌బాబుది వ్యవసాయ ఆధారిత కుటుంబమే. ఆర్థికంగా ఫర్వాలేదనిపించే    పరిస్థితి. అయితే కోయంబత్తూరు ప్రాంతంలో వ్యవసాయం అనుకూలంగా లేకపోవడం, నీరు, విద్యుత్‌ వంటి సదుపాయాల కొరతతో సాగుకు ఇబ్బందిగా ఉండేది. దాంతోపాటు తన కుమారుడు పొలం పనులకు పరిమితం కాకూడదని భావించిన తండ్రి.. సురేశ్‌బాబును ఉన్నత విద్య చదివించారు. అప్పటికే  సాఫ్ట్‌వేర్‌ రంగంలో క్రేజ్‌ కారణంగా ఇంజనీరింగ్‌ వైపు అడుగులు వేస్తున్న స్నేహితులను చూసి.. సురేశ్‌బాబు కూడా బీటెక్‌ పూర్తి చేశాడు. ఆ తర్వాత ఆస్ట్రేలియాలోని యూనివర్సిటీ ఆఫ్‌ సౌత్‌ ఆస్ట్రేలియాలో ఎంఎస్‌ కోర్సులో 2009లో ప్రవేశం పొందాడు.
 
 కోర్సు పూర్తవుతూనే కొలువు
 కోర్సు పూర్తవుతూనే 2011లో సురేశ్‌బాబుకు అడిలైడ్‌లోని ఓ సాఫ్ట్‌వేర్‌ సంస్థలో ప్రోగ్రామర్‌గా ఉద్యోగం లభించింది. దాదాపు నాలుగేళ్లు ఆ సంస్థలో పని చేశాడు. కానీ విధుల్లో చేరిన కొద్ది రోజులకే జీవితం యాంత్రికంగా మారిందనే భావన మొదలైంది. అది రాన్రానూ పెరిగి పెద్దదైంది. చివరికి 2014లో స్థిర నిర్ణయానికి వచ్చేశాడు. అదే ‘ఉద్యోగం వదిలేయడం. సొంతూరుకు వెళ్లి తన పొలంలో వ్యవసాయం చేయడం’.  అప్పటికి సురేశ్‌బాబుకు నెలకు మూడు లక్షల వరకు జీతం వచ్చేది. ఆస్ట్రేలియా సిటిజన్‌షిప్‌ కూడా లభించింది. కానీ, అవన్నీ తన ఆసక్తి, సంతృప్తినిచ్చే వ్యవసాయం ముందు దిగదుడుపే అని భావించానని చెబుతాడు. ఆస్ట్రేలియా నుంచి సొంతూరుకు వచ్చేస్తున్నానని చెప్పినప్పుడు.. కుటుంబం, స్నేహితుల నుంచి తీవ్ర వ్యతిరేకత ఎదురైంది. వాటిని పట్టించుకోకుండా మాతృభూమిపై అడుగుపెట్టాడు.
 
 సొంత పొలంలో సాగుతో ప్రారంభం
 ఆస్ట్రేలియా నుంచి తిరిగి రాగానే తమ పదెకరాల పొలంలో సాగుకు ఉపక్రమించాడు. మదురమలై సమీపంలో మరో నాలుగు ఎకరాలు భూమి కొనుగోలు చేశాడు. ఇందుకోసం తాను అప్పటివరకు సంపాదించిన మొత్తాన్ని వెచ్చించాడు. వాస్తవానికి సాగులో అడుగుపెట్టే సమయానికి అతనికి వ్యవసాయమంటే ఏంటో తెలియదు. దుక్కి దున్నడం, నారు పోయడం తెలియదు. కానీ, సంకల్పం ఉంటే దేన్నైనా సాధించొచ్చని అనుకున్నాడు. తన ఆలోచనలకు కార్యరూపం ఇచ్చేందుకు తమిళనాడు అగ్రికల్చర్‌ యూనివర్సిటీ అధికారులను, వ్యవసాయ శాఖ అధికారులను సంప్రదించి సలహాలు తీసుకున్నాడు.
 
 ఆటుపోట్లను దాటుకుంటూ
 ప్రారంభంలో సురేశ్‌బాబుకు ఎన్నో ఆటుపోట్లు ఎదురయ్యాయి. పొలంపై ఏనుగులు దాడి చేయడం ప్రధాన సమస్యగా మారింది. దీంతో ఎలక్ట్రికల్‌ ఫెన్సింగ్‌ వేసి ఏనుగుల దాడి నుంచి బయటపడాలని భావించాడు. కానీ, విద్యుత్‌ శాఖ నిరాకరించింది. దీంతో సోలార్‌ ఫెన్సింగ్‌ను ఏర్పాటు చేశాడు.
 
 ఆర్గానిక్‌ ఫార్మింగ్‌
 సురేశ్‌బాబు ఆర్గానిక్‌ ఫార్మింగ్‌ విధానాన్ని అవలంబించాడు. మొదట పోకచెక్కల పంట వేశాడు. మంచి దిగుబడి వచ్చింది. దీంతోపాటు అరటి పంట వేశాడు. అందులోనూ సత్ఫలితమే. ఇక వెనుదిరిగి చూసుకోకుండా ముందుకు సాగుతున్నాడు. ఇతని ఆర్గానిక్‌ సాగు పద్ధతులు, పంట దిగుబడి చూసిన సరిహద్దు పొలాల్లోని రైతులు కూడా ఇప్పుడు సురేశ్‌ నుంచి సలహాలు తీసుకుంటూ ఆదాయాన్ని పెంచుకుంటున్నారు. సురేశ్‌బాబు కేవలం వ్యవసాయానికే పరిమితం కాకుండా.. అప్పటికే తన తండ్రి నిర్వహిస్తున్న డెయిరీ ఫామ్‌ను విస్తరించాడు. తమిళనాడు ప్రభుత్వ ఆధ్వర్యంలోని డెయిరీ సంస్థకు పాలు సరఫరా   చేస్తున్నాడు.
 
 అవార్డులు సొంతం
 వ్యవసాయమంటే ఏ మాత్రం తెలియకుండా అడుగు పెట్టిన సురేశ్‌బాబు ఇప్పుడు అదే వ్యవసాయంలో వినూత్న పద్ధతిలో సాగు చేసినందుకు అవార్డులు సైతం అందుకున్నాడు. గతేడాది యంగ్‌ అచీవర్‌ అవార్డ్, యంగ్‌ ప్రోగ్రెసివ్‌ ఫార్మర్‌ అవార్డులు సొంతం చేసుకున్నాడు.
 
 నేటి యువతకు మీరిచ్చే సలహా ఏమిటని అడిగితే.. ఏదైనా మనస్ఫూర్తిగా ఇష్టం ఉంటేనే చేయండి. లేదంటే సమయం వృథా అవుతుంది. ఇష్టం ఉన్న రంగంలో ప్రవేశిస్తే.. ఇవాళ కాకపోయినా.. రేపైనా.. ఫలితం ఖాయమంటున్నాడు  సురేశ్‌ బాబు.


 ఆత్మహత్య చేసుకున్న శరణ్య తల్లిదండ్రుల ఆరోపణ
 ముషీరాబాద్: శాడిస్తు భర్త వేధింపులు తాళలేక తన కుమార్తె శరణ్య ఆత్మహత్య చేసుకుందని కరీనంగర్ జిల్లా కాపువాడకు చెందిన మృతురాలి తల్లిదండ్రులు మోహన్, విజయలు ఆరోపించారు. సోమవారం రాంనగర్ వారు విలేకరులకు తెలిపిన వివరాల ప్రకారం...  చిన్న కుమార్తె శరణ్య(25)ను గోదావరిఖని ఎన్టీపీసీలో అసిస్టెంట్ ఇంజనీర్ రాజమౌళి కుమారుడు ఎం.మధుకర్‌కు ఇచ్చి 2015 నవంబర్‌లో పెళ్లి చేశారు.  రూ.10 లక్షలు నగదు, 30 తులాల బంగారం, రెండు కిలోల వెండి, రూ.30 లక్షలు విలువ చేసే రెండు గుంటల స్థలం కట్నం కింద ఇచ్చారు.
 
 పెళ్లికి ముందు శరణ్య సాఫ్ట్‌వేర్ ఉద్యోగం చేసేది. నెలకు రూ.80 వేలు జీతం వచ్చేది.  ఉద్యోగం మాన్పిం చి భర్త శరణ్యను తనతో పాటు బెంగళూర్ తీసుకెళ్లాడు. ప్రస్తు తం ఆమె ఏడు నెలల గర్భిణి. బెంగళూర్ వెళ్లాక మధుకర్ భార్యను మానసిక శారీరక వేధింపులకు గురి చేసేవాడు. ఉద్యోగానికి వెళ్లే ముందు భార్య ఎవరితోనూ ఫోన్‌లో మాట్లాడకూడదని ఫోన్‌కు లాక్ చేసేవాడు. ఏప్రిల్ 25న కరీంనగర్‌లో శర్యణకు శ్రీమంతం చేశారు.  బెంగళూరుకు తిరిగి వెళ్లే సమయంలో తన భర్త వేధిస్తున్న తీరును తల్లిదండ్రులకు చెప్పి రోదించింది.
 
 అయితే, తల్లిదండ్రులు కూతురికి సర్దిచెప్పి పంపారు. కాగా, భర్త మధుకర్, అత్తింటివారు రకరకాలుగా వేధిస్తుండటంతో తాళలేక తమ కుమార్తె ఈనెల 3న ఇంట్లో ఉరేసుకొని ఆత్మహత్య చేసుకుందని  శరణ్య తల్లిదండ్రులు కన్నీరుమున్నీరయ్యారు.  తమ కుమార్తె మృతిపై బెంగళూరులోని మాడివాల పోలీస్ స్టేష న్ పరిధిలో కేసు నమోదు చేశామని, అయితే అల్లుడు మధుకర్ తన పలుకుబడితో కేసును తనకు అనుకూలంగా మార్చుకొనే ప్రయత్నం చేస్తున్నాడని వారు ఆరోపించారు. ఈ విషయంపై ముఖ్యమంత్రి కేసీఆర్, హోం మంత్రి నాయిని, డీజీపీ, కరీంనగర్ జిల్లా  ఎస్పీ స్పందించి తమ కుమార్తె ఆత్మహత్యకు కారుకులైన అల్లుడు మధుకర్, అతని కుటుంబ సభ్యులపై హత్య కేసు నమోదు చేసి అరెస్ట్ చేయించాలని వేడుకున్నారు.


 ►వర్క్ కల్చర్‌ను మార్చేస్తున్న
  ►ఐటీ, స్టార్టప్ సంస్థలు
 ► పనితో పాటు ఉద్యోగుల
 ► ఆరోగ్యమూ ముఖ్యమే
 ► అందుకే ఉద్యోగులకు పెట్టే ఫుడ్ విషయంలోనూ శ్రద్ధ
 ► ఆఫీసులోనే ఫ్యాషన్ షోలు..
 ► ప్రొడక్ట్ లాంచింగ్‌లు కూడా...
 
  
  హైదరాబాద్, బిజినెస్ బ్యూరో: సాఫ్ట్‌వేర్ ఉద్యోగం.. అంటే ముందుగా గుర్తొచ్చేది ‘‘గంటల తరబడి కంప్యూటర్ల ముందు కూర్చోవటం. ఒత్తిడితో కూడిన జాబ్. వీకెండ్స్ పార్టీలు’’. కానీ ఇపుడీ జాబితాను సవరించక తప్పదు. ఎందుకంటే ‘గంటల తరబడి కూర్చోవటం’ అనేదిపుడు తగ్గుతోంది. ఎందుకంటే నడుస్తూ పనిచేయడం, సమావేశాల్లో ఆసాంతం నిల్చునే ఉండటం వంటివి చేరుతున్నాయి. ఫ్యాషన్ షోలు, ప్రొడక్ట్ లాంచింగ్‌లూ దీనికి తోడవుతున్నాయి. ఉద్యోగుల మానసికోల్లాసం కోసం ఆఫీసులోనే జిమ్, మెడిటేషన్, యోగ వంటి సెంటర్లనూ ఏర్పాటు చేస్తున్నాయి యాజమాన్యాలు.
  
  ఉద్యోగుల పనితీరనేది వారి మానసిక, శారీరక ఆరోగ్యంపై ఆధారపడి ఉంటుంది కనక బెంగళూరు, ముంబై, హైదరాబాద్, ఢిల్లీ వంటి మెట్రోల్లోని ఐటీ, స్టార్టప్ కంపెనీలు తమ ఉద్యోగుల ఆరోగ్యంపై ప్రత్యేక శ్రద్ధ తీసుకుంటున్నాయి. యాహూ, గూగుల్, మైక్రోసాఫ్ట్, ఇన్ఫోసిస్, సిస్కో, క్యాపిటల్ ఐక్యూ, ప్రొగ్రెసివ్ వంటి సంస్థలు దీనికోసం ప్రత్యేక ఏర్పాట్లు చేశాయి. పాశ్యాత్య దేశాల్లో మాదిరి కూర్చొని పనిచేసే బదులు..
  
   నిల్చుని పనిచేసే సంస్కృతికి తెరలేపాయి. గంటల తరబడి ఒకే సీట్లో కూర్చొని పనిచేయడం బదులు నిల్చుని పనిచేయటాన్ని ఉద్యోగులు బాగా ఇష్టపడుతున్నారని చెప్పారు హైదరాబాద్ సాఫ్ట్‌వేర్ ఎంటర్‌ప్రైజ్ అసోసియేషన్ (హైసియా) ప్రెసిడెంట్ రమేష్ లోగనాథన్. ‘‘అదే పనిగా కూర్చొని పనిచేసి ఉద్యోగులు కనక అలసిపోతే నిల్చునో, అటూ ఇటూ తిరుగుతూనే పనిచేసేందుకు మా సంస్థలో అనుమతి ఉంది’’ అన్నారు బ్రాడ్‌రిజ్డ్ సంస్థ సీనియర్ అనాలసిస్ట్ జి.అరవింద్‌కుమార్. ‘‘కొందరికి ఎక్కువ సేపు కూర్చుంటే నడుం పట్టేయటం, ఒత్తిడికి గురవటం జరుగుతాయి. ఇలాంటివేమీ లేకుండా ఉద్యోగులు తమకు నచ్చినట్లు.. నచ్చిన రీతిలో పనిచేసే వీలు కల్పించడమే మంచిది’’ అన్నారాయన.
  
  గంట నిల్చుంటే 132 క్యాలరీలు ఖర్చు...
  బెంగళూరులోని గూగుల్ సంస్థ తమ ఉద్యోగుల ఇష్ట ప్రకారం వారికి నిల్చుని పనిచేయటంతో పాటు నిల్చునే చిన్న చిన్న మీటింగ్‌లు, వీడియో కాన్ఫరెన్స్‌లలో పాల్గొనే అవకాశం కల్పిస్తోంది. ‘‘గంటల కొద్ది కూర్చొని మీటింగ్‌లో పాల్గొనాలంటే బోర్. నిజం చెప్పాలంటే నిద్రొస్తుంది. అదే నిల్చుని మీటింగ్‌లు, వీడియో కాన్ఫరెన్స్‌లంటే ఆసక్తిగా ఉంటుంది’’ అని గూగుల్ ఉద్యోగి ఒకరు అభిప్రాయపడ్డారు. అందుకే నిల్చుని మీటింగ్‌లు నిర్వహించుకునేందుకు అనువైన టేబుళ్లు, డెస్క్‌లు, క్యాబిన్లు, ర్యాకుల్ని తమ సంస్థ ఏర్పాటు చేసిందన్నారు. గంట సేపు నిలబడి పనిచేస్తే 132 క్యాలరీలు కరుగుతాయని వైద్యులూ చెబుతున్నారు మరి.
  
  భాగ్యనగరం మరో అడుగు ముందుకు..
  హైదరాబాద్‌లోని ఐటీ కంపెనీలు మరో అడుగు ముందుకేసి ఉద్యోగుల ఫిట్‌నెస్ కోసం ఆఫీసుల్లోనే జిమ్, యోగా, మెడిటేషన్, రిక్రియేషన్ క్లబ్‌లు ఏర్పాటు చేస్తున్నాయి. వీటితో పాటు ఫిట్‌నెస్ ట్రైనర్లనూ నియమిస్తున్నాయి. దీంతో ఉద్యోగులు తమకు వీలుదొరికినప్పుడు హాయిగా వ్యాయామాల్లో మునిగిపోతారని తెలంగాణ ఐటీ జాక్ ప్రెసిడెంట్ లక్ష్మారెడ్డి చెప్పారు. శారీరక ఆరోగ్యంతో పాటు మానసికోల్లాసాన్ని కలిగించడానికి ఆఫీసు ప్రాంగణంలోనే స్విమ్మింగ్ పూల్స్, లైబ్రరీ తదితర ఏర్పాట్లు ఎలాగూ ఉన్నాయి. హైదరాబాద్‌లో సుమారు 40కి పైగా ఐటీ పార్కులు.. 1,200కి పైగా ఐటీ సంస్థల్లో 3.5 లక్షల మందికి పైగా పనిచేస్తున్నారు.
  
  తిండిలోనూ లెక్కలు..
  ఆరోగ్యం, ఫిట్‌నెస్‌లో భాగంగా ఉద్యోగుల భోజనం విషయంలోనూ ఐటీ కంపెనీలు ప్రత్యేక శ్రద్ధ చూపిస్తున్నాయి. ఆఫీసు క్యాంటీన్లో వండిన పదార్థాల్లో ఒక్కొక్కటీ ఎన్ని క్యాలరీలను కలిగి ఉంటుందనే విషయాన్ని తెలిపే బోర్డుల్ని ఏర్పా టు చేస్తున్నాయి. అంతేకాక కాస్త క్యా లరీలు ఎక్కువ ఉన్న ఆహారం తీసుకున్న రోజున ఎక్సర్‌సైజు సమయాన్ని పెంచేలా ఫిట్‌నెస్ ట్రైనర్లూ సలహాలిస్తున్నారు.
  
  భార్యభర్తలకు ప్రత్యేక ఏర్పాట్లు..
  ఒకే సంస్థలో భార్యాభర్తలిద్దరూ పనిచేస్తుంటే వారికి కొన్ని ప్రత్యేక సదుపాయాలు కల్పిస్తున్నాయి. ఎందుకిలా అని అడిగితే... ఇద్దరూ ఒకే ఆఫీసులో ఉంటే వారు పెట్టే సెలవులు తగ్గుతాయట. చాటిం గ్‌లు, మీటింగ్‌లు అంటూ ఆఫీసులోని ఇతర ఉద్యోగులతో ఎప్పుడు మాట్లాడుతూ ఉంటే పద్ధతికి వీరు దూరంగా ఉంటారట. సంస్థ గురించిన ఏ విషయాన్నైనా ఇద్దరూ చర్చిస్తారు కనక మెరుగైన ఫలితాలు పొందే అవకాశమూ ఉందనేది యాజమాన్యాల వాదన.
  
  ఆఫీసుల్లోనే ఫ్యాషన్ షోలు..
  వీకెండ్ పార్టీలు, గెట్ టు గెదర్‌ల స్థానంలో ఆఫీసు ప్రాంగణంలో ఫ్యాషన్ షోలు, ప్రొడక్ట్ లాంచింగ్‌లను ఏర్పాటు చేస్తున్నాయి కొన్ని ఐటీ సంస్థలు. దీంతో సంస్థకు ఆదాయం రావటమే కాక ఉద్యోగులు ర్యాంప్‌పై నడుస్తూ సెలబ్రిటీలుగా ఫీలవుతున్నారు. సంగీతంతో ప్రశాంతత, ఉల్లాసం, ఒత్తిడి రాహిత్యం సాధ్యమవుతాయి కనక కొన్ని సంస్థలు ఆఫీసుల్లో ఆహ్లాదకరమైన సంగీతం వినిపించే ఏర్పాట్లూ చేశాయి మరి!!.
  


 అయిదారంకెల జీతాలు... అలసట ఎరుగని జీవితాలు...సాఫ్ట్‌వేర్ జాబ్‌ను అత్యంతఆదరణీయ ఉద్యోగంగా మార్చింది ఇవేనా? కాదు కాదు ఇంకా చాలా ఉన్నాయి.  జీతభత్యాలవిషయంలో మాత్రమే కాదుఉద్యోగులకు సకల సౌకర్యాలు కల్పించే పనిలోనూ పోటీపడుతున్నాయి.
 
 తనకు నచ్చిన, తాను మెచ్చిన కంపెనీని ఎంచుకునే  సమర్ధులైన ఉద్యోగులను ఆకర్షించడమే లక్ష్యంగా కార్పొరేట్ కంపెనీలు తమ కార్యాలయాలను తీర్చిదిద్దుతున్నాయి. కార్పొరేట్ ఉద్యోగులు ‘ఇంటి కన్నా ఆఫీసే పదిలం’అనుకునేలా మార్చుతున్నాయి.
 ..:: శిరీష చల్లపల్లి
  
 ‘ఈ రోజు ఏం సినిమా చూద్దాం? రోమన్ హాలిడే అయితే ఓకే కదా?’, ‘లేదు బాస్ ది టూరిస్ట్ చూద్దాం’ ఇలాంటి చర్చలు సాగుతున్నాయంటే.. ఆ ఫ్రెండ్స్ ఏ సినిమా థియేటర్‌కో వెళుతున్నారనుకుంటాం. అయితే అది కంపెనీలోని ఇన్ హౌస్ థియేటర్‌లో అని తెలిస్తే ఔరా సాఫ్ట్‌వేర్ కంపెనీలు అనుకోకుండా ఉండలేం. ఇవే కాదు... గచ్చిబౌలి, మాదాపూర్ పరిసర ప్రాంతాల్లోని సాఫ్ట్‌వేర్ కంపెనీలు తమ ఉద్యోగుల కోసం పనిచేసే చోటునే పసందైన విడిదిగా మార్చుతున్న క్రమంలో ఎన్నో సౌకర్యాలు..
 
 మరెన్నో వసతులు..
 జిమ్ టు స్విమ్...
 టాప్ క్లాస్ ఎక్విప్‌మెంట్‌తో అల్ట్రామోడ్రన్ జిమ్‌లు ఇప్పుడు దాదాపు అన్ని పెద్ద కంపెనీల్లో సర్వసాధారణం. అంతేకాదు వర్క్‌లోడ్‌తో అలసి సొలసిన ఉద్యోగులను సేదతీర్చేందుకు  స్విమ్మింగ్ పూల్స్, స్టాఫ్‌కి అనుకోని ప్రమాదం సంభవిస్తుందేమోనని లైఫ్‌గార్డ్స్ కూడా సిద్ధంగా ఉంటారు. ఆరోగ్యం కోసం వ్యాయామాలు మాత్రమే కాదు.. ఎమర్జెన్సీ మెడికల్ సర్వీస్ అవసరమైతే అందించడానికి ఆన్‌సైట్ మెడికల్ స్టాఫ్ సైతం 24/7 రెడీ.
  
 ఆటలా పాటలా..
 ఆడుతు పాడుతు పనిచేస్తుంటే అలుపూ సొలుపూ ఉండదు.. అయితే అస్తమానం కంప్యూటర్లతో కుస్తీ పట్టే వారికి ఆటపాటల్ని పనిలో భాగం చేయడం కష్టం కదా. అందుకే దీనికి ప్రత్యేకంగా పలు కంపెనీల్లో బిలియర్డ్స్ వంటి ఇండోర్ గేమ్స్, పింగ్ పాంగ్.. ఉంటాయి. అంతేకాదు తమ ప్రియమైన పెట్ ఇంటి దగ్గర ఎలా ఉందో అని బెంగపడకుండా ఉండేందుకు అప్పుడప్పుడు పెట్‌ని సైతం తమతో పాటు తెచ్చుకునే అవకాశం ఉంది. హాయిగా వర్క్ బ్రేక్‌లో పెట్స్‌తో కాలక్షేపం చేస్తే.. వావ్.. వాటె వండర్‌ఫుల్ టైం ఇటీజ్.. అని అనుకోకుండా ఉండలేం కదా.
  
 ఈట్ స్ట్రీట్స్...
 స్టార్ హోటల్ ఫుడ్‌కి తగ్గకుండా సాఫ్ట్‌వేర్ కంపెనీలు స్టాఫ్‌కి అందిస్తాయి. స్థాయీ భేదాలకు అతీతంగా 3 నుంచి 7 స్టార్ హోటల్ రేంజ్‌లో ఇవి ఉంటాయి.  స్వయంగా మాత్రమే వండుకుని తినేవారికి కూడా కొన్ని ప్రత్యేక సౌకర్యాలు ఉన్నాయి. కాంటినెంటల్, ఇటాలియన్, మల్టీక్యుజిన్ రుచుల్ని ఆస్వాదించవచ్చు. బ్రేక్‌ఫాస్ట్ మొదలుకుని డిన్నర్ దాకా సిద్ధంగా ఉంటాయి. క్యాంటీన్‌లలో ఆహారం తినేటప్పుడు పొరపాటున ఏమైనా దుస్తుల మీద పడితే వెంటనే క్లీన్ చేసి ఇవ్వడానికి లాండ్రీలు కూడా ఉంటున్నాయి.
  
 అవీ ఇవీ...
 ఫెస్టివల్ బోనస్‌లు, అప్రైజల్ బోనస్‌లు, ల్యాప్‌టాప్స్, ఐప్యాడ్స్ ఇంటికి తీసుకెళ్లే సౌకర్యం, అప్రిషియేషన్ రూపంలో ఎక్స్‌పెన్సివ్ గాడ్జెట్స్ అందుతాయి. తల్లిదండ్రులతో సహా మొత్తం ఫ్యామిలీకి హెల్త్ బెనిఫిట్స్, సొడెక్సో షాపింగ్ కూపన్స్, మీల్ కూపన్స్ కూడా. నలుగురు సభ్యులున్న ఫ్యామిలీ  తీర్థయాత్రలు లేదా ఫారిన్ విజిట్‌కి వెళితే.. ఖర్చులు కూడా కంపెనీలే భరిస్తున్నాయి. క్లబ్స్, రిసార్ట్స్‌లో సభ్యత్వాలు  గిఫ్ట్స్‌గా అందిస్తున్నాయి.  ఫిమేల్ ఎంప్లాయ్‌కి మెటర్నిటీ లీవ్ ఇవ్వడం మామూలే. కొన్ని సాఫ్ట్‌వేర్ కంపెనీల్లో తల్లికి మాత్రమే కాదు తండ్రికి కూడా లీవ్ మంజూరు చేస్తున్నారు. గూగుల్‌లో అయితే డెలివరీ అయిన తల్లికి ఒకటిన్నర ఏడాది జీతం ఇస్తారట. తండ్రికి ఆర్నెల్ల జీతం ఇస్తారు.
  
 భళా...గూగుల్...
 మనకు ఏ ఇన్ఫర్మేషనైనా వెంటనే గూగుల్ గుర్తుకు వస్తుంది. టాప్ క్లాస్ ఫెసిలిటీస్ అనగానే సాఫ్ట్‌వేర్ ఉద్యోగులకు గూగుల్ కంపెనీయే గుర్తొస్తుంది. శాలరీ సంగతి అలా ఉంచి,  ఈ సంస్థ తమ ఉద్యోగుల కోసం అందిస్తున్న ఫెసిలిటీస్ వల్లే ఆ కంపెనీలో జాబ్‌కి టెకీలు విపరీతమైన ఇష్టాన్ని చూపిస్తారట. అదే విధంగా ఇన్ఫోటెక్, కాగ్నిజెంట్, టెక్ మహీంద్రా, టీసీఎస్.. ఇలా మరికొన్ని కంపెనీలు కూడా అత్యున్నత వసతులు కల్పిస్తున్న జాబితాలో ఉన్నాయి.
  
 క్రియేటివిటీకి జై...
 క్యాంటీన్, ఇతరత్రా సౌకర్యాల సంగతెలా ఉన్నా,  జిమ్‌లు, స్విమ్మింగ్‌పూల్‌లు, కల్చరల్ యాక్టివిటీ సెంటర్లు, స్పోర్ట్స్ ఏరియాలు.. ఇలా ఒకటొకటిగా కంపెనీలు తమ ఫెసిలిటీస్‌ని విస్తరిస్తుండటానికి ఇటీవల కార్పొరేట్ సంస్థల మధ్య పెరుగుతున్న క్రియేటివ్ వార్ కూడా ఒక కారణంగా కనిపిస్తోంది. క్విజ్‌లు, డ్యాన్స్‌లు, ఫ్యాషన్ షోలు, కార్పొరేట్ స్పోర్ట్స్ కాంపిటీషన్స్ ఇంకా ఇలాంటి టాలెంట్ బేస్డ్ కాంటెస్ట్‌లు వరుసగా జరుగుతుండడం, సిబ్బంది బాగా ఆసక్తి చూపిస్తుండడంతో ఈ తరహా వసతులు ఏర్పాటు చేయడం సంస్థలకు కూడా అవసరంగా మారింది. సిబ్బందిలోని క్రియేటివిటీ  పెరగడం తమ సంస్థ పేరు ప్రఖ్యాతులకు కూడా ఉపయుక్తం అవుతోందని కంపెనీలు ఆశిస్తున్నాయి.


 భార్య, కొడుకును హత్య చేసి సాఫ్ట్‌వేర్ ఇంజనీర్ ఆత్మహత్య
  
 గచ్చిబౌలిలో దారుణం
 ఆలస్యంగా వెలుగు చూసిన ఘటన
  
 హైదరాబాద్: సాఫ్ట్‌వేర్ ఉద్యోగం.. లక్షకు పైగా జీతం.. ఇంతకన్నా ఏం కావాలి? లైఫ్ ఎంజాయ్ చేయాల్సిన సాఫ్ట్‌వేర్ ఇంజనీర్ జీవి తాన్ని అర్ధాంతరంగా ముగించాడు. కుటుంబ కలహాల కారణంగా కట్టుకున్న భార్యను, కన్న కొడుకును కడతేర్చి తానూ ఉరివేసుకున్నాడు. బుధవారం వెలుగు చూసిన ఈ సంఘటన మాదాపూర్ పోలీస్ స్టేషన్ పరిధిలో జరిగింది. వివరాలు.. ఉత్తరప్రదేశ్ మొరాదాబాద్‌కు చెందిన మనీష్ సాహు (35) మూడేళ్ల కిందట నగరానికి వచ్చాడు. మాదాపూర్‌లోని ఇమోమెంటస్ కంపెనీలో చీఫ్ ఇన్‌ఫర్మేషన్ ఆఫీసర్‌గా పనిచేస్తున్నాడు. మాదాపూర్‌లోనే మై హోమ్ నవద్వీప్ వరుణ  బ్లాక్‌లోని ఫ్లాట్ నెం 108లో భార్య శ్వేత సాహు (32), కొడుకు యశ్ (5)తో కలసి అద్దెకుంటున్నాడు. శ్వేత గృహిణి కాగా, యశ్ మెరిడియన్ స్కూల్‌లో నర్సరీ చదువుతున్నాడు. ఈనెల 19న ఆఫీస్‌కు వెళ్లి వచ్చిన మనీష్ శుక్రవారం నుంచి ఆఫీస్‌కు వెళ్లలేదు. బుధవారం ప్రాజెక్ట్ డెలివరీ ఉండటంతో కంపెనీ హెచ్‌ఆర్ ఎగ్జిక్యూటివ్ శ్రీరామ్.. మనీష్ నివాసానికి వచ్చి చూడగా డోర్ వెనక నుంచి గడియపెట్టి ఉంది. కిటికీ తలుపులు తెరచి చూడగా తీవ్ర దుర్వాసన రావడంతో అపార్ట్‌మెంట్ నిర్వాహకులకు విషయం చెప్పారు.
 
 వారు వచ్చి కిటికీలోంచి చూడగా మనీష్ కిటికీకి వేలాడుతూ కనిపించాడు. సమాచారం అందుకున్న పోలీసులు తలుపులు తెరిచి చూడగా శ్వేత, కొడుకు యశ్‌లు మంచంపై నిర్జీవంగా పడిఉన్నారు. మనీష్ నైలాన్ తాడుతో కిటికీకి ఉరివేసుకున్నాడు. ముగ్గురి శరీర భాగాలు ఉబ్బిపోయి ఉండడంతో నాలుగు రోజుల క్రితమే చనిపోయి ఉంటారని భావిస్తున్నారు. భార్య శ్వేత రెండుచేతుల మణికట్టుపై పదునైన కత్తితో కోయగా తీవ్ర రక్తస్రావమైనట్టుగా ఉంది. కొడుకు యశ్ తలకు, ముక్కు భాగంలో తీవ్రగాయాలయ్యాయి. దిండుతో ముఖాన్ని అదిమిపెట్టి కొడుకును హతమార్చినట్లు తెలుస్తుంది. వారిద్దరు చనిపోయారని నిర్ధారించుకున్న తర్వాత తాను రెండు చేతుల మణికట్టుపై కోసుకున్న మనీష్ ఉరివేసుకొని ఆత్మహత్య చేసుకుని ఉంటాడని పోలీసులు తెలిపారు. మనీష్, శ్వేత కుటుంబ సభ్యులకు పోలీసులు సమాచారం అందించారు. మృతదేహాలను పోస్టుమార్టం నిమిత్తం ఉస్మానియా ఆస్పత్రికి తరలించారు.
 
  ఠాణాకీడ్చిందని..?:
 
 రెండు నెలల నుంచి దంపతుల మధ్య ఏదో ఒక విషయుంపై గొడవలు జరుగుతున్నారుు. భర్త తనను వేధిస్తున్నాడని శ్వేత మాదాపూర్ పోలీసులను ఆశ్రరుుంచింది. దీనిపై స్పందించిన పోలీసులు ఇద్దరినీ పిలిచి కౌన్సెలింగ్ చేసి పంపించారు. తనను పోలీసు స్టేషన్‌ కీడ్చిందని భార్యపై మరింత కక్ష పెంచుకుని ఈ ఘాతుకానికి పాల్పడి ఉంటాడా అనే సందేహాలు కలుగుతున్నాయి.
  


 గ్రాడ్యుయేషన్ పూర్తి చేశాక సాఫ్ట్‌వేర్ ఉద్యోగం సంపాదించాలనుకొనే ప్రస్తుత యువతరానికి ‘ఒరాకిల్’ కంపెనీలో ఉద్యోగం సంపాదించడం ఒక కల. ఆయన కూడా అలాంటి మంచి ఉద్యోగం ఏదైనా సంపాదించుకొంటే చాలనుకొన్నాడట. అయితే మదిలోని వ్యాపార ఆలోచనలు అతడిని ప్రశాంతంగా ఉద్యోగం మీద దృష్టి సారించనివ్వలేదు.
 
 ఏదో చేయాలనే తపన తీవ్రమవసాగింది.  అమెరికాలో ఇంకా అప్పుడప్పుడే కంప్యూటరీకరణ అవుతున్న సేవారంగ వ్యవస్థలను చూసి ఆ రంగంలో ప్రయత్నిస్తే లాభం ఉంటుందేమోననే ఆలోచన మొదలైంది. ప్రయత్నాలు మొదలెట్టాడు, అంతే... ఆయన దశ తిరిగింది. ప్రపంచంలోనే అత్యంత ధనికుల్లో ఒకడయ్యాడు. దాదాపు 32 ఏళ్ల క్రితం ఒక సాఫ్ట్‌వేర్ కంపెనీని మొదలుపెట్టి ఇప్పుడు ప్రపంచవ్యాప్తంగా వేల మందికి ఉపాధినిస్తూ కోట్ల రూపాయలకు అధిపతి అయిన ఆయనే - ఒరాకిల్ కార్పొరేషన్ సహ వ్యవస్థాపకుడు ల్యారీ ఎలిసన్.
  న్యూయార్క్‌లోని ఒక యూదు కుటుంబంలో జన్మించిన ల్యారీ ఎలిసన్‌ను తల్లిదండ్రులు చిన్నప్పుడు తెలిసిన వాళ్లకు దత్తత ఇచ్చేశారు. వారింట్లో పెరిగి పెద్ద అయిన ఎలిసన్‌కు చదువు అంతగా అబ్బలేదు. అయితే గ్రాడ్యుయేషన్‌లో నేర్చుకొన్న కంప్యూటర్స్ సబ్జెక్ట్ బాగా నచ్చింది. దాన్నే అర్హతగా చేసుకొని ‘ఆంపెక్స్ కార్పొరేషన్’ అనే డాటా మేనేజ్‌మెంట్ కంపెనీలో పని చేయసాగాడు. ఆ సమయంలో అమెరికన్ గూఢచారి సంస్థ ‘సీఐఏ’ ఇచ్చిన ఒక ప్రాజెక్ట్‌కు ఎలిసన్ పెట్టిన పేరే -
 
  ‘ఒరాకిల్’. అది 1970 నాటి మాట. ఆ తర్వాత 12 సంవత్సరాలకు ‘ఒరాకిల్ సిస్టమ్స్ కార్పొరేషన్’ పేరుతో ఒక కంపెనీని స్థాపించాడు ఎలిసన్. 1990 వరకూ కూడా నిలదొక్కుకోవడానికి ఆ కంపెనీ చాలా కష్టాలే పడింది. అప్పటి వరకూ కంపెనీలో పనిచేస్తున్న ఉద్యోగుల సంఖ్య కేవలం 400. అయితే ప్రపంచ వ్యాప్తంగా సాఫ్ట్‌వేర్ సేవలు విస్తృతం అయ్యాక ఒరాకిల్ కంపెనీ స్థాయి మారిపోయింది. కోట్ల డాలర్ల టర్నోవర్ స్థాయికి చేరుకొంది.
 
 ఆ తర్వాత అనేక సాఫ్ట్‌వేర్ కంపెనీలను కొనుగోలు చేసి విలీనం చేసుకొన్నాడు. ఉద్యోగుల సంఖ్య వేల స్థాయికి చేరింది. ఎలిసన్ సంపద కోట్ల స్థాయికి చేరింది. ఇందులోనే కొంత మొత్తాన్ని విరాళాలకూ, సామాజిక  సేవకూ వెచ్చిస్తూ సాగుతున్నాడు ఎలిసన్. ఇక ఆయన జీవనశైలి విషయానికి వస్తే... ఎలిసన్ ఒక సరదా మనిషి. ఆయన అభిరుచులు చూసిన వారు చెప్పే మాట ఇది.
  ‘‘ఒక దశ వరకూ క్రమశిక్షణతో గడిపితే తప్ప కోట్ల రూపాయలను జమ చేయడం సాధ్యం కాదు... కానీ కొంత సంపాదించాక మన సరదాలను తీర్చుకోగలగాలి. వాటి కోసం కూడా మనం కొంత సమయాన్ని వెచ్చించాలి.
 
 
 
 అలా వెచ్చించగలిగినప్పుడు జీవితంలో సాధించిన సక్సెస్‌కు ఒక పరిపూర్ణత వస్తుంది...’’ అని అంటాడాయన. ఎలిసన్‌కు విమానాలు నడపడం అంటే ఇష్టం. బాగా డబ్బు సంపాదించిన తర్వాత మొదలైన సరదా అది. అందుకోసం ఆయన సొంతంగా విమానాలు కొనుక్కున్నాడు. పెలైట్‌గా శిక్షణ పొందాడు. 69 ఏళ్ల వయసులో కూడా విమానాలను నడపడంలో సాహసాలు చేస్తూ థ్రిల్‌ఫుల్‌గా గడిపేస్తున్నాడు. ఇది ఇలా ఉంటే ప్రస్తుతం ప్రపంచంలోని శ్రీమంతుల జాబితాలో నాలుగోస్థానంలో ఉన్న ఎలిసన్ భవిష్యత్తులో తొలి స్థానానికి చేరే అవకాశాలు కూడా ఉన్నాయని ‘ఫోర్బ్స్’ అంచనా