వాషింగ్టన్‌: భారతీయ సంతతికి చెందిన శాస్త్రవే త్త, ఆంకాలజిస్ట్‌ డాక్టర్‌ వినయ్‌ ప్రసాద్‌ ఎఫ్‌డీఏ నుంచి వైదొలిగారు. యూఎస్‌ ఫుడ్‌ అండ్‌ డ్రగ్‌ అడ్మినిస్ట్రరేషన్‌ (ఎఫ్‌డీఏ) వేక్సిన్‌ చీఫ్‌ అయిన వినయ్‌.. సెంటర్‌ ఫర్‌ బయోలాజిక్స్‌ ఎవాల్యు యేషన్‌ అండ్‌ రీసెర్చ్‌ (సీబీఈఆర్‌) డైరెక్టర్‌గా నియమితులైన నియమితులైన ఆయన మూడు నెలల్లోనే బయటికి వచ్చారు. డుచెన్‌ కండరాల బలహీనతకు జన్యు చికిత్సను ఇటీవల సారెప్టా థెరప్యూటిక్స్‌ నుంచి ఏజెన్సీ నిర్వహించింది. ఎఫ్‌డీఏ–ఆమోదించిన చికిత్సను వ్యాధితో బాధ పడుతున్న ఇద్దరు టీనేజర్లపై ప్రయోగించారు. వారిద్దరూ మరణించారు. ఇటీవలే జూలై 18న మరో మరణం సంభవించింది. దీంతో ఆమో దించిన డీఎండీ చికిత్సతోపాటు అన్ని సరుకు లను నిలిపివేయమని సారెప్టాను ఎఫ్‌డీఏ కోరింది. దీనికి భద్రతా సమస్యలు ఉన్నాయని పేర్కొంది. దీంతో.. అధ్యక్షుడు డోనాల్డ్‌ ట్రంప్‌ మిత్రురాలు లారా లూమర్‌ తన బ్లాగులో ఓ పోస్ట్‌చేశారు. అందులో ఆమె ప్రసాద్‌ను ప్రగతి శీల వామపక్ష విధ్వంసకారుడని అభివర్ణించారు. అంతేకాదు.. అతను ఏజెన్సీ పనిని బలహీన పరుస్తున్నారని ఆరోపించారు. ఈ సంవత్సరం ప్రారంభంలో లూమర్‌ విమర్శలు జాతీయ భద్రతా అధికారులను తొలగించటానికి దారి తీశాయి. దీంతో ప్రసాద్‌ను విమర్శిస్తూ వాల్‌ స్ట్రీట్‌ జర్నల్‌ అభిప్రాయ విభాగం రెండు వ్యాసా లు ప్రచురించింది. ఈ విమర్శలు, ఆరోపణల నేపథ్యంలో వినయ్‌ ప్రసాద్‌ పదవి నుంచి వైదొలిగారు. ప్రసాద్‌.. శాన్‌ఫ్రాన్సిస్కోలోని కాలి ఫోర్నియా విశ్వవిద్యాలయం నుంచి ఏజెన్సీలో చేరిన వైద్యుడు. ఆయన నేషనల్‌ కేన్సర్‌ ఇనిస్టి ట్యూట్, నేషనల్‌ ఇనిస్టిట్యూట్‌ ఆఫ్‌ హెల్త్‌లో పనిచేశారు. యూఎస్‌ కోవిడ్‌–19 వేక్సిన్, మాస్క్‌ ఆదేశాలను ఆయన తీవ్రంగా విమర్శించారు.

సాక్షి,న్యూఢిల్లీ: మేం పడుతున్న బాధ ఎలా ఉంటుందో ఆసిమ్‌ మునీర్‌కు ఇప్పుడు అర్ధం కాదు. తన బిడ్డలకు ఏదైనా హాని జరిగితే అప్పుడు అర్ధమవుతుంది. ఈ మాటలన్నది మరెవరో కాదు. పహల్గాంలో లష్కరే తోయిబా అనుబంధ సంస్థ టీఆర్‌ఎఫ్‌(The Resistance Front)ఉగ్రవాదులు ప్రదర్శించిన అంతులేని ఉన్మాదంలో కోల్పోయిన తొలి ప్రాణం లెఫ్టినెంట్‌ వినయ్‌ నార్వాల్‌ (26)తండ్రి రాజేష్‌ఈ ఏడాది ఏప్రిల్‌ 22న ప్రకృతి అందాలతో అలరారే పచ్చిక బయళ్లపై ముష్కరులు సృష్టించిన నరమేధంలో 26మంది టూరిస్టులు మరణించగా.. వారిలో లెఫ్టినెంట్‌ వినయ్‌ నార్వాల్‌ ఒకరు.ఏప్రిల్ 16న వివాహం చేసుకున్న 26 ఏళ్ల లెఫ్టినెంట్ వినయ్ నర్వాల్..కేవలం ఆరు రోజుల్లోనే జమ్మూ కశ్మీర్‌లోని పహల్గామ్‌లో ఉగ్రవాదుల కాల్పుల్లో ప్రాణాలు కోల్పోయారు. ఆ దుర్ఘటన జరిగిన సమయంలో ఆయన భార్య హిమాన్షీ నర్వాల్. భర్త పార్థివ దేహం పక్కన కూర్చుని రోదిస్తున్న దశ్యాలు దేశ ప్రజల్ని కంటతడి పెట్టించాయి.ఈ దారుణ ఘటన దేశ ప్రజల్ని తీవ్రంగా కలిచివేసింది.అయితే,పహల్గాంలో మారణ హోమం సృష్టించిన టీఆర్‌ఎఫ్‌పై అమెరికా కీలక నిర్ణయం తీసుకుంది. పహల్గాం దాడికి బాధ్యత వహించిన టీఆర్‌ఎఫ్‌ను ఉగ్రవాద సంస్థగా ప్రకటించింది.అమెరికా ప్రకటనపై లెఫ్టినెంట్ నర్వాల్ తండ్రి రాజేష్ నర్వాల్ మీడియాతో మాట్లాడారు.ఉగ్రవాదుల చేతుల్లో ప్రాణాలు కోల్పోయిన తన కుమారుడు వినయ్‌ నార్వాల్‌ను గుర్తు చేసుకుని కన్నీటి పర్యంతరమయ్యారు. పాక్‌ ఆర్మీ చీఫ్‌ అసీం మునీర్‌ కుమారుడు,కుమార్తెకు ఏదైనా హాని జరిగితే.. మేం పడుతున్న బాధ అర్థమవుతుంది.నా కొడుకు మరణంతో కుటుంబం మొత్తం మానసికంగా కృంగిపోయింది. నిద్రలేని రాత్రులు, మానసిక సమస్యలు వెంటాడుతున్నాయి. మానసికంగా అలసిపోయాం. రెండు మూడు గంటలకంటే ఎక్కువ నిద్రపోవడం లేదన్నారు..ఏదో బ్రతుకుతున్నాం అంటే బ్రతుకుతున్నాం’ అంటూ నిట్టూర్చారు. కాగా,పహల్గాం ఉగ్రదాడికి ప్రతీకారంగా పాక్‌పై భారత్‌ ఆపరేషన్‌ సిందూర్‌ను చేపట్టింది. భారత్‌ చేపట్టిన ఈ ఆపరేషన్‌లో పాకిస్తాన్, పాకిస్తాన్ ఆక్రమిత కాశ్మీర్లోని ముజఫ్ఫరాబాద్, కోట్లి,బహావల్పూర్,రావలకోట్,చక్స్వారీ, భింబర్,నీలం వ్యాలీ,జెహ్లం చక్వాలపై దాడులు చేపట్టింది. ఈ దాడులతో పాక్‌ ఆర్ధికంగా,భారీ సంఖ్యలో ఉగ్రవాదులను కోల్పోయింది.

వాషింగ్టన్‌: అమెరికా ఫుడ్‌ అండ్‌ డ్రగ్‌ అడ్మినిస్ట్రేషన్‌ (ఎఫ్‌డీఏ) వ్యాక్సిన్‌ విభాగం సెంటర్‌ ఫర్‌ బయోలాజిక్స్‌ ఎవాల్యుయేషన్‌ అండ్‌ రీసెర్చ్‌ (సీబీఈఆర్‌) డైరెక్టర్‌గా భారత సంతతికి చెందిన హెమటాలజిస్ట్‌–ఆంకాలజిస్ట్‌ వినయ్‌ ప్రసాద్‌ నియమితులయ్యారు. ఎఫ్‌డీఏ కమిషనర్‌ మార్టి మకారీ ఈ విషయాన్ని వెల్లడించారు. ప్రసాద్‌కు మెడిసిన్‌లో సుదీర్ఘమైన, విశిష్టమైన చరిత్ర ఉందని, ఆయన ఆంకాలజీలో విస్తృతమైన పరిశోధనలు చేశారని మకారీ పేర్కొన్నారు. సీబీఈఆర్‌.. ఎఫ్‌డీఏ కింద ఉన్న టీకాలు, ఔషధాలను పర్యవేక్షిస్తుంది. ప్రసాద్‌ గతంలో ఎఫ్‌డీఏను, కోవిడ్‌–19 వాక్సిన్స్, మాస్క్‌ ఆదేశాలను తీవ్రంగా విమర్శించడం గమనార్హం. కోవిడ్‌ సమయంలో ప్రసాద్‌ తన బ్లాగులో, సోషల్‌ మీడియా వేదికలపై సీబీఈఆర్‌ అప్పటి డైరెక్టర్‌ మార్క్స్‌ నాయకత్వాన్ని తీవ్రంగా ఖండించారు. పాఠశాల మూసివేతలు, మాస్క్‌ విధానాలు, కోవిడ్‌ –19 బూస్టర్‌ షాట్‌ను వ్యతిరేకించారు. అందుకు ప్రస్తుత ఎఫ్‌డీఏ కమిషనర్‌ డాక్టర్‌ మార్టి మకారీ నుంచి ప్రశంసలు అందుకున్నారు. ఈ నేపథ్యంలో ప్రసాద్‌ నియమాకంపై సీబీఈఆర్‌ మాజీ డైరెక్టర్‌ పీటర్‌ మార్క్స్‌ ఆగ్రహం వ్యక్తం చేశారు. కాగా, సీబీఈఆర్‌ డైరెక్టర్‌గా ప్రసాద్‌ నియామకం తరువాత వ్యాక్సిన్‌ తయారీ సంస్థ మోడెర్నా (నాస్డాక్‌: ఎంఆర్‌ఎన్‌ఏ) షేర్లు సుమారు 10 శాతం క్షీణించాయి. ఫైజర్‌ షేర్లు 3 శాతం తగ్గాయి. సరెప్టా థెరప్యూటిక్స్, టేషా జీన్‌ థెరపీస్‌ వంటి చిన్న జన్యు చికిత్స సంస్థలు తీవ్రమైన నష్టాలను చవిచూశాయి. సుమారు 20% పడిపోయాయి. చికాగో విశ్వవిద్యాలయం నుంచి వైద్య పట్టా పొందిన ప్రసాద్‌.. నేషనల్‌ క్యాన్సర్‌ ఇనిస్టిట్యూట్, నేషనల్‌ ఇనిస్టిట్యూట్‌ ఆఫ్‌ హెల్త్‌లో సేవలందించారు. శాన్‌ఫ్రాన్సిస్కోలోని కాలిఫోర్నియా విశ్వవిద్యాలయంలో ఎపిడెమియాలజీ ప్రొఫెసర్‌గా పనిచేశారు.

ఆడపడుచు తప్పుడు మార్గంలో వెళ్తుంటే.. వద్దని శిరీష వారించింది. ఇది ఇలాగే కొనసాగితే పరువు పోతుందని చెప్పింది. అలా మంచి చెప్పడమే ఆమె పాలిట శాపమైంది. అదను కోసం ఎదురు చూసిన ఆడపడుచు.. కపట ప్రేమతో శిరీషను నమ్మించి బలిగొంది. నగరంలో చర్చనీయాంశమైన మలక్‌పేట శిరీష హత్య కేసులో సంచలన కోణం వెలుగు చూసింది ఇప్పుడు.. హైదరాబాద్‌, సాక్షి: మలక్‌పేట్ శిరీష(Malakpet Sirisha Case) హత్య కేసులో.. భర్త వినయ్, అతని సోదరి సరిత కలిసి నేరానికి పాల్పడినట్లు పోలీసులు నిర్ధారించిన సంగతి తెలిసిందే. అయితే ఈ కేసులో తాజాగా వివాహేతర సంబంధ కోణం వెలుగుచూసింది. ఆ గుట్టు ఎక్కడ బయటపడుతుందోననే భయంతో శిరీషను సరితే హత్య చేసినట్లు తేలింది. వినయ్‌ సోదరి సరిత(Vinay Sister Saritha) భర్త ఒమన్‌లో ఉంటాడు. దీంతో సరిత మరో వ్యక్తితో వివాహేతర సంబంధం కొనసాగిస్తోంది. ఈ విషయం తెలియడంతో శిరీష.. పరువు పోతుందని ఆమెను మందలించింది. ఇది మనసులో పెట్టుకుని కోపంతో రగిలిపోయిన సరిత.. అవకాశం కోసం ఎదురు చూసింది. శిరీష కొంతకాలం నుంచి నిద్ర కోసం మత్తు ఇంజక్షన్లు వాడుతోంది. ఈ క్రమంలో ఈనెల 2న సరిత, శిరీష మధ్య మరోసారి ఘర్షణ జరిగింది. అయితే శిరీషకు క్షమాపణలు చెప్పినట్లు నటించిన సరిత.. ఇక నుంచి మంచిగా ఉంటానని నమ్మబలికింది. కాసేపు ఇద్దరూ కబుర్లు చెప్పున్నారు. ఆ ప్రేమ నిజమేనని శిరీష నమ్మింది. ఆపై నిద్రపోయేందుకు శిరీషకు సరితే మత్తు ఇంజక్షన్‌ ఇచ్చింది. అయితే.. నిద్ర మత్తులోకి జారిపోయిన శిరీషకు.. ఓవర్‌డోస్‌ ఇంజెక్షన్‌ ఇచ్చింది సరిత. అలా నిద్రలోనే ఆమె ప్రాణం తీసింది. మరుసటిరోజు శిరీషను లేపేందుకు ప్రయత్నించినట్టు.. ఆపై ఆస్పత్రికి తీసుకెళ్లినట్లు నాటకం ఆడింది. ఈ నాటకంలో సరిత సోదరుడు, శిరీష భర్త వినయ్‌ కూడా భాగమయ్యాడు. శిరీష గుండెపోటుతో చనిపోయిందని డాక్టర్లతో చెప్పించింది. 👉ఆపై శిరీష సోదరి స్వాతికి.. ఫోన్‌ చేసి, శిరీష ఛాతి నొప్పితో మరణించినట్టు అక్కాతమ్ముడు సమాచారమిచ్చారు. ఈ విషయాన్ని స్వాతి నిజాంపేట్‌లోని మేనమామ మధుకర్‌కు చెప్పింది. అయితే తాను వచ్చేంత వరకు మృతదేహాన్ని ఆస్పత్రిలోనే ఉంచాలని ఆయన సూచించాడు. ఆపై పలుమార్లు ఫోన్‌చేసినా స్పందన లేకుండా పోయింది. దీంతో.. సదరు ఆసుపత్రి వాళ్లను ఆయన సంప్రదించాడు. వాళ్లు మృతదేహాన్ని అంబులెన్స్‌లో తీసుకెళ్తున్నట్లు సమాచారమిచ్చారు. ఆలస్యం చేయకుండా ఆయన అంబులెన్స్‌ డ్రైవర్‌ నెంబర్‌ తీసుకుని ఫోన్‌ చేసి.. ఆరా తీశారు. 👉మృతదేహాన్ని నాగర్‌కర్నూల్‌ దోమలపెంట(Domalpenta)కు తరలిస్తున్నట్లు ఆంబులెన్స్‌ డ్రైవర్‌ చెప్పాడు. దీంతో మధుకర్‌ పోలీసుల సాయంతో.. ఆ అంబులెన్స్‌ను వెనక్కి రప్పించారు. ఉస్మానియా ఆస్పత్రిలో పోస్టుమార్టం నిర్వహించి.. ఆపై చాదర్‌ఘాట్‌ పోలీసులకు తన మేనకోడలు శిరీష మృతిపై అనుమానాలు ఉన్నాయని ఫిర్యాదు చేశాడు.👉శిరీష మెడ చుట్టూ గాయాలు ఉండడంతో మధుకర్‌, ఇతర బంధువులు వినయ్‌ను నిలదీశారు. ఛాతీ నొప్పితో శిరీష కుప్పకూలినపుడు సీపీఆర్‌ చేశామని.. ఆ సమయంలో చేతి గోళ్లు గుచ్చుకొని ఉండవచ్చని ఒకసారి.. మృతదేహాన్ని తరలించేటప్పుడు గాయాలైనట్టు మరోసారి పొంతన లేకుండా చెప్పాడు. దీంతో బంధువులను పోలీసులను ఆశ్రయించగా.. వాళ్లు తమదైన శైలిలో విచారించి అసలు విషయం బయటకు లాగారు. తాజాగా వచ్చిన ఉస్మానియా పోస్టు మార్టం రిపోర్టుతో ఈ కేసు మిస్టరీ వీడిపోయింది. 👉హత్య విషయం తెలిసినా దాన్ని బయటపెట్టకుండా సోదరి సరితతో కలిసి శిరీష మృతదేహాన్ని వినయ్‌ మాయం చేయాలనున్నాడు. దీంతో సరితకు సహకరించినందుకు వినయ్‌ను సహనిందితుడిగా చేర్చారు. పాపం శిరీషశిరీష స్వస్థలం హనుమకొండ జిల్లా పరకాల. చిన్నతనంలోనే తల్లిదండ్రులు చనిపోవడంతో.. ముగ్గురు పిల్లల్లో చిన్నదైన శిరీషను కరీంనగర్‌కు చెందిన ఓ ప్రొఫెసర్‌ దత్తత తీసుకుని చదవించాడు. కాలేజీ రోజుల్లో నాగర్‌కర్నూలు జిల్లా దోమలపెంటకు చెందిన వినయ్ ఆమెను ప్రేమించాడు. అయితే అప్పటికే వినయ్ కు రెండు పెళ్లిళ్లు అయ్యాయి. మొదటిభార్యను చంపేసినట్లుగా, రెండో భార్య ఇతడి టార్చర్ తట్టుకోలేక పారిపోయినట్లుగా పోలీసుల విచారణలో తేలింది. అయితే అవేం తెలియని శిరీష వినయ్‌ ప్రేమ మత్తులో ముగినిపోయింది. 2016లో వినయ్‌ను ప్రేమ వివాహం చేసుకుంది. ఈ పెళ్లి ఇష్టం లేని ప్రొఫెసర్‌ కుటుంబం ఆమెను దూరం పెట్టింది. ఆపై హైదరాబాద్‌ మలక్‌పేట జమున టవర్స్‌లో వినయ్-శిరీష్ కాపురం పెట్టారు. ప్రైవేటు ఉద్యోగం చేసిన వినయ్‌ ప్రస్తుతం ఖాళీగా ఉండగా... శిరీష్ నర్సుగా పని చేస్తూ భర్త, బిడ్డను పోషిస్తోంది. ఇదిలా ఉంటే.. వినయ్‌ తరచూ శిరీషపై అనుమానంతో హింసించేవాడని.. అందుకు ఆడపడుచు సరిత కూడా సహకరించేదని చుట్టుపక్కల వాళ్లు చెబుతున్నారు.

చిలుకూరు: ఇంగ్లిష్‌ మీడియంలో పాఠాలు అర్థం కావడం లేదని, దీంతో మార్కులు తక్కువ వస్తున్నాయని ఇంటర్‌ విద్యార్థి మనస్తాపంతో ఉరివేసుకొని ఆత్యహత్యకు పాల్పడ్డాడు. ఈ ఘటన సూర్యాపేట జిల్లా చిలుకూరు మండల పరిధిలోని కవిత జూనియర్‌ కళాశాలలో ఆదివారం మధ్యాహ్నం చోటు చేసుకుంది. పోలీసులు, బంధువులు తెలిపిన వివరాల ప్రకారం.. సూర్యాపేట జిల్లా పాలకవీడు మండలం సజ్జాపురానికి చెందిన బీమన శేఖర్‌ కుమారుడు బీమన వినయ్‌ (17) చిలుకూరు మండల పరిధిలోని కవిత జూనియర్‌ కళాశాలలో ఎంపీసీ గ్రూప్‌లో చేరాడు. 10వ తరగతి వరకు తెలుగు మీడియంలో చదివిన వినయ్‌.. ఇంటర్‌లో ఇంగ్లిష్‌ మీడియంలో సబ్జెక్టులు అర్థంకాక మార్కులు తక్కువగా వస్తున్నాయని కొంతకాలంగా బాధపడుతున్నాడు. ఈ క్రమంలో దసరా సెలవులకు ఇంటికి వెళ్లిన వినయ్‌ తిరిగి కళాశాలకు వెళ్లడానికి ఇష్టపడలేదు. దీంతో తల్లిదండ్రులు సర్ది చెప్పి ఆదివారం అతడిని మేనమామ, బంధువులు తీసుకొని వచ్చి కళాశాలలో విడిచి పెట్టి వెళ్లారు. ఆ సమయంలో స్టడీ అవర్స్‌ నడుస్తుండటంతో విద్యార్థులు, అధ్యాపకులు తరగతి గదుల్లో ఉన్నారు. హాస్టల్‌ గదిలో లగేజీ పెట్టి వస్తానని వెళ్లిన వినయ్‌ అక్కడున్న ఫ్యాన్‌కు టవల్‌తో ఉరివేసుకొని ఆత్మహత్యకు పాల్పడ్డాడు. అరగంట తరువాత గమనించిన తోటి విద్యార్థులు, అధ్యాపకులు వెంటనే అతడిని చికిత్స నిమిత్తం కోదాడలోని ప్రైవేట్‌ వైద్యశాలకు తరలించగా, అప్పటికే మృతి చెందినట్లు వైద్యులు ధ్రువీకరించారు. వినయ్‌ తండ్రి ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఎస్‌ఐ రాంబాబు తెలిపారు. దసరా సెలవులు ముగించుకుని తిరిగి వెళ్లిన రోజే ఇలా జరగడంతో కుటుంబ సభ్యులు దిగ్భ్రాంతికి లోనయ్యారు.

బిగ్‌బాస్‌ ఫేమ్‌ షణ్ముక్‌, అతని ‍సోదరుడు సంపత్‌ వినయ్‌ కేసులో సంచలన విషయాలు బయటకొస్తున్నాయి. ఓ యువతి ఇచ్చిన ఫిర్యాదుతో దర్యాప్తునకు వెళ్లిన పోలీసులకు వారి వద్ద గంజాయి లభ్యమైంది. వినయ్‌ని అదుపులోకి తీసుకునేందుకు తన ఫ్లాట్‌కి వెళ్లిన పోలీసులకు.. అక్కడ షణ్ముఖ్‌ గంజాయి సేవిస్తూ కనిపించాడు. దీంతో సంపత్‌ వినయ్‌తో పాటు షణ్ముఖ్‌ని నార్సింగ్‌ పోలీసులు అదుపులోకి తీసుకున్నారు.  తాజాగా పోలీసులకు బాధిత యువతి తన వాంగ్మూలం ఇచ్చింది. ఆ యువతితో వినయ్‌కు మూడేళ్ల క్రితమే నిశ్చితార్థం జరిగినట్లు తెలుస్తోంది. అంతే కాకుండా ఆమెకు ఒకసారి అబార్షన్ కూడా చేయించినట్లు సమాచారం. ప్రేమ పేరుతో పెళ్లి చేసుకుంటానని చెప్పి నయవంచనకు గురి చేశాడని యువతి పేర్కొంది. దీనికి సంబంధించి తన వద్ద అన్ని ఆధారాలు ఉన్నాయని బాధిత యువతి వెల్లడించింది. పోలీసులతో కలిసి వినయ్‌ ఫ్లాట్‌కు వెళ్లగా.. షణ్ముక్‌ వద్ద డ్రగ్స్‌, గంజాయి దొరికాయని తెలిపింది. వారితో తనకు ప్రాణహాని ఉందని.. న్యాయం కావాలని యువతి పోలీసులకు విజ్ఞప్తి చేసింది. యువతి వాంగ్మూలంలో సంచలన విషయాలు..  యువతి ఇచ్చిన ఫిర్యాదు ప్రకారం.. 'సంపత్‌ను యూట్యూబ్ స్టార్ షణ్ముఖ్ పరిచయం చేశాడు. మా పరిచయం ప్రేమగా మారాక సంపత్ వినయ్ పలుమార్లు నాపై లైంగిక దాడి చేశాడు. వివాహేతర సంబంధం పెట్టుకోవాలని నన్ను బలవంత పెట్టగా.. చేతికి రింగ్ పెట్టి మనం పెళ్లి చేసుకోబోతున్నామని నమ్మించాడు. ఆ తర్వాత కూడా పలుమార్లు శారీరకంగా వాడుకున్నాడు. ఒకసారి గర్భం కూడా తీయించాడు. ఈ విషయం సంపత్ పేరెంట్స్ అప్పారావుకి చెప్పా. ఎవరికైనా ఫిర్యాదు చేస్తే.. మీ ఇద్దరు కలిసి ఉన్న ఫొటోలకు సోషల్ మీడియాలో పెడతామని బెదిరించారు. సంపత్‌కి మరో యువతి తో పెళ్లి అయ్యిందని తెలిసి పోలీసులకు ఫిర్యాదు చేశా.'అని తెలిపింది.  పోలీసులతో కలిసి నానక్‌రామ్‌గూడలోని సంపత్ ఫ్లాట్‌కి వెళ్లాను. అక్కడే షణ్ముక్ ఉన్నాడు. అతని వద్ద గంజాయి.. డ్రగ్స్ పిల్స్ ఉన్నాయి. జావేద్ అనే కానిస్టేబుల్ షణ్ముక్‌కు సహకరించే ప్రయత్నం చేశాడు. మమ్మల్ని వెంటనే కిందకు వెళ్లమని బలవంతపెట్టాడు. నన్ను కాంప్రమైజ్ అవమని కానిస్టేబుల్ ఒత్తిడి తెచ్చాడు. నా దగ్గర విడియో కూడా ఉందని యువతి పోలీసులకు ఇచ్చిన ఫిర్యాదులో పేర్కొంది

సంగారెడ్డి: జులాయిగా తిరగొద్దని తల్లిదండ్రులు మందలించినందుకు యువకుడు ఆత్మహత్యాయత్నానికి పాల్పడి చికిత్స పొందుతూ మృతి చెందాడు. ఈ ఘటన రాయపోలు మండలం ఎల్కల్‌లో చోటు చేసుకుంది. బేగంపేట ఎస్సై అరుణ్‌కుమార్‌ తెలిపిన వివరాల ప్రకారం.. ఎల్కల్‌కు చెందిన ఎల్లొల్ల చంద్రం కుమారుడు వినయ్‌ (16) చదువు మానేసి ఖాళీగా తిరుగుతున్నాడు. స్నేహితులతో జులాయిగా తిరగొద్దని, ఏదైనా పనిచేసుకోవాలని తల్లిదండ్రులు మందలించారు. దీంతో మనస్తాపానికి గురైన వినయ్‌ డిసెంబర్‌ 29న గ్రామంలోని ప్రాథమిక పాఠశాల సమీపంలో గడ్డిమందు తాగాడు. విషయాన్ని తన వాట్సాప్‌ స్టేటస్‌గా పెట్టుకున్నాడు. గమనించి స్నేహితులు కుటుంసభ్యులకు సమాచారం అందించి వెంటనే గజ్వేల్‌ ప్రభుత్వాస్పత్రికి తరలించారు. అక్కడి నుంచి లక్ష్మక్కపల్లిలోని ఆర్వీఎం ఆస్పత్రికి తీసుకెళ్లి చికిత్స పొందుతూ బుధవారం మృతిచెందాడు. కేసు నమోదు చేసుకొని దర్యాప్తు చేస్తున్నట్లు ఎస్సై వివరించారు. ఇవి చ‌ద‌వండి: బర్త్‌డేకు ఇదే నా చిన్న గిఫ్ట్‌ అంటూ.. సెల్ఫీతో యువ‌కుడి విషాదం!

సాక్షి, హైదరాబాద్‌: సీఎం కేసీఆర్‌ ఇచ్చే కమీషన్లకు బీజేపీ కక్కుర్తి పడుతోందని, అందుకే కేసీఆర్‌ అవినీతి, దోపిడీలను బీజేపీ నేతలు బలపరుస్తున్నారని టీపీసీసీ అధ్యక్షుడు ఎ.రేవంత్‌రెడ్డి ఆరోపించారు. ఉమ్మడి నిజామాబాద్‌ జిల్లా ఆర్మూర్‌కు చెందిన బీజేపీ నేత పి.వినయ్‌రెడ్డి శుక్రవారం తన అనుచరులతో కలిసి గాందీభవన్‌లో కాంగ్రెస్‌ పార్టీలో చేరారు. ఆయనకు కండువా కప్పి పార్టీలోకి ఆహ్వనించిన అనంతరం రేవంత్‌ మాట్లాడుతూ బీఆర్‌ఎస్‌ రాష్ట్రాన్ని దోచుకుంటున్నా బీజేపీ ఎందుకు చర్యలు తీసుకోవడం లేదని ప్రశ్నించారు. ‘బండి సంజయ్, కిషన్‌రెడ్డి, అరవింద్‌లను అడుగుతున్నా. దేశవ్యాప్తంగా ఐదువేలకు పైగా ఈడీ కేసులు పెట్టా రు. లక్షకు పైగా ఐటీ కేసులు నమోదు చేశారు. వేలాది కేసులను సీబీఐ విచారిస్తోంది. కానీ, కేసీఆర్‌పై ఎందుకు కేసులు పెట్టడం లేదు. మోదీ నుంచి అమిత్‌షా వరకు, బండి సంజయ్‌ నుంచి జవదేకర్‌ వరకు ప్రతి ఒక్కరూ కాళేశ్వరం ప్రాజెక్టు కేసీఆర్‌కు ఏటీఎంలా మారిందని అంటున్నారే తప్ప చర్యలు ఎందుకు తీసుకోవడం లేదు?’అని నిలదీశారు.  కేసీఆర్‌ రూ.లక్ష కోట్లు దోచుకున్నారు  కేసీఆర్‌ లక్ష కోట్లు దోచుకున్నారని, ఇప్పుడు ఎన్నికల్లో ప్రతి నియోజకవర్గానికి రూ.50 కోట్లు చొప్పు న రూ.500 కోట్లు ఖర్చు పెట్టాలని చూస్తున్నారని రేవంత్‌ ఆరోపించారు. బీజేపీ, బీఆర్‌ఎస్‌ రెండు పార్టీలు జమిలీ ఎన్నికల పేరుతో కాంగ్రెస్‌ను ఓడించాలని ప్రయత్నిస్తున్నాయని, బీజేపీ, బీఆర్‌ఎస్‌ కలిసి వచ్చినా ఈసారి కాంగ్రెస్‌ గెలుపును ఆపలేరు అని ధీమా వ్యక్తం చేశారు. కార్యక్రమంలో మాజీ ఎమ్మెల్యే అనిల్‌తో పాటు ఆర్మూర్‌ నియోజకవర్గానికి చెందిన కార్యకర్తలు పాల్గొన్నారు.  

సంగారెడ్డి: ఉద్యోగం రాదేమోనన్న బెంగతో యువకుడు ఆత్మహత్యా యత్నానికి ప్రయత్నించి చికిత్స పొందుతూ మృతిచెందిన సంఘటన శనివారం మండలంలోని చిలాపూర్‌ గ్రామంలో చోటుచేసుకుంది. పోలీసులు, స్థానికులు తెలిపిన వివరాలు. గ్రామానికి చెందిన తీపిరిశెట్టి వినయ్‌(20) తండ్రి శ్రీనివాస్‌ ఉపాధి కోసం దుబాయ్‌కు వెళ్లాడు. తల్లి మానసిక స్థితి సరిగా లేక అమ్మమ్మ ఇంటి వద్ద ఉంటుంది. వినయ్‌ నానమ్మతో కలిసి చిలాపూర్‌లో ఉంటూ డిగ్రీ పూర్తి చేసి ఆర్మీ ఉద్యోగం కోసం ప్రయత్నిస్తున్నాడు. గత ప్రయత్నంలో ఉద్యోగానికి సెలక్ట్‌ కాకపోవడంతో కోచింగ్‌ తీసుకుంటున్నాడు. రెండు రోజుల క్రితం ఇంటికి వచ్చి ఈసారి కూడా ఉద్యోగం వస్తదో రాదోనని నానమ్మ కనుకమ్మతో చెప్పి బాధపడ్డాడు. శుక్రవారం సాయంత్రం ఇంట్లో ఎవరూ లేని సమయంలో గడ్డి మందు తాగి ఆత్మహత్యా ప్రయత్నం చేశాడు. గమనించిన బంధువులు సిద్దిపేట ప్రభుత్వ ఆస్పత్రికి తరలించారు. మెరుగైన చికిత్స కోసం కరీంనగర్‌ ప్రైవేటు ఆస్పత్రికి తరలించారు. అక్కడ చికిత్స పొందుతూ శనివారం వినయ్‌ మృతి చెందాడు. మృతుని తల్లి మానసిక స్థితి సరిగా లేకపోవడం, తండ్రి శ్రీనివాస్‌ దుబాయ్‌లో ఉండటంతో బాబాయి రవి పోలీస్‌ స్టేషన్‌లో ఫిర్యాదు చేశాడు. కేసు నమోదు చేసి దర్యాప్తు చేస్తున్నట్లు హెడ్‌ కానిస్టేబుల్‌ ఎల్లయ్య తెలిపారు.

మల్లిక్‌ బాబు, వినయ్, ఇషా, ప్రియాన్స్‌ హీరో హీరోయన్లుగా, సుమన్‌ కీలక పాత్రలో నటిస్తున్న సినిమా ‘దుమారం‘. జీఎల్బీ శ్రీనివాస్‌ స్వీయ దర్శకత్వంలో నిర్మిస్తున్నారు.  సుమన్‌ మాట్లాడుతూ– ‘‘నాయీ బ్రాహ్మణుల వృత్తి, వారు జీవితంలో పడుతున్న ఇబ్బందులను కమర్షియల్‌ ఫార్మాట్‌లో ఈ సినిమాలో చూపిస్తున్నాం. ఇందులో బార్బర్‌గా చేస్తున్నా. వినోదం, సందేశం అన్నీ ఉన్న చిత్రం అన్నారు. ‘‘హీరో తండ్రి పాత్రను  సుమన్‌ చేస్తున్నారు’’ అన్నారు జీఎల్బీ శ్రీనివాస్‌. ‘‘తొలి చిత్రంలోనే మాస్‌ క్యారెక్టర్‌ దొరకడం హ్యాపీ’’ అన్నారు మల్లిక్‌. ‘‘ఈ సినిమా కో ప్రొడ్యూసర్‌గా చేస్తూనే, విలన్‌ కొడుకు పాత్ర చేస్తున్నా’’ అన్నారు పాండు గౌడ్‌.

ముంబై: తమ దగ్గర నిధుల సౌలభ్యం ఉందని, ఈ ఏడాది చివరిలో భారీ సంఖ్యలో (మూడు అంకెల) విమానాలకు ఆర్డర్‌ చేయగలమని ఆకాశ ఎయిర్‌ సీఈవో వినయ్‌ దూబే ప్రకటించారు. చాలా వేగంగా వృద్ధి చెందే సామర్థ్యాలున్నట్టు చెప్పారు. ఈ సంస్థను ప్రముఖ ఇన్వెస్టర్‌ రాకేశ్‌ జున్‌జున్‌వాలా స్థాపించడం గమనార్హం. వచ్చే నెలతో సంస్థ కార్యకలాపాలకు ఏడాది పూర్తి కానుంది. ఈ కాలంలో తాము అంచనాలను మించినట్టు దూబే తెలిపారు. ప్రస్తుతం ఈ సంస్థ వద్ద 19 విమానాలు ఉండగా, మరొకటి ఈ నెలలోనే అందుబాటులోకి రానుంది. దీంతో అంతర్జాతీయ సరీ్వసులు సైతం ప్రారంభించడానికి వీలు కలగనుంది. మూడు అంకెల విమానాల ఆర్డర్లు, అంతర్జాతీయ సేవల ప్రారంభం ఈ ఏడాదిలో ఉంటాయని దూబే చెప్పారు. ఈ సంస్థ 76 విమానాలకు గత నెలలో ఆర్డర్లు ఇవ్వడం తెలిసిందే. మార్కెట్లో పోటీ పెరగడంతో ఇండిగో, ఎయిర్‌ ఇండియా ఒకవైపు పెద్ద సంఖ్యలో విమానాలకు ఆర్డర్లు ఇవ్వడాన్ని ప్రస్తావించగా.. తాము ఏదీ కూడా స్వల్పకాల దృష్టితో చేయబోమని దూబే స్పష్టం చేశారు. తాము వృద్ధి కోసం పరుగులు పెట్టడం కాకుండా, స్థిరత్వానికి ప్రాధాన్యం ఇస్తామని చెప్పారు. ‘‘ఇప్పటి నుంచి 2027 మార్చి నాటికి 76 ఎయిర్‌క్రాఫ్ట్‌లు మాకు అందుబాటులోకి వస్తాయి. ఉజ్వలమైన దేశీయ మార్కెట్, పలు అంతర్జాతీయ మార్గాలకు సరీ్వసులతో, ఎక్కువ మంది కస్టమర్ల సంతృప్తి పొందే ఎయిర్‌లైన్‌ సంస్థగా ఉంటాం’’అని దూబే చెప్పారు. అధికారిక గణాంకాల ప్రకారం మే నెలలో దేశీ మార్గాల్లో ఆకాశ ఎయిర్‌ 4.8 శాతం వాటాను సంపాదించింది.   స్వర్ణయుగం.. వచ్చే రెండు దశాబ్దాల కాలం ఏవియేషన్‌ చరిత్రలో స్వర్ణయుగంగా నిలిచిపోతుందని దూబే అన్నారు. వచ్చే 15–20 ఏళ్లలో సుమారు 2,000 విమాన సరీ్వసులు, పెద్ద సంఖ్యలో ఎయిర్‌పోర్టులు అందుబాటులోకి వస్తాయని చెప్పారు. ‘‘ప్రస్తుతం మేమున్న స్థితి పట్ల ఎంతో సంతోíÙస్తున్నాం. ఎంతో వృద్ధి చూడనున్నాం. మేము చిన్న సంస్థగా ఉన్నాం. కనుక మరింత వేగంగా వృద్ధి చెందే సామర్థ్యాలు మాకున్నాయి. ఒక్కసారి మా విమానాల సంఖ్య 20కు చేరితే అంతర్జాతీయ సరీ్వసులు ఆరంభించేందుకు అర్హత లభిస్తుంది. 120 ఏళ్ల విమానయాన చరిత్రలో సున్నా నుంచి 19 విమానాలకు మా అంత వేగంగా చేరుకున్నది మరొకటి లేదు. గత ఏడాదిలో మేము సాధించిన ప్రగతి పట్ల సంతోíÙస్తున్నాం’’అని దూబే వివరించారు. తాము ఉద్యోగులను పెంచుకుంటున్నామని చెబుతూ, 2023 చివరికి 3,500 మంది ఉద్యోగులను కలిగి ఉంటామని పేర్కొన్నారు. 

మొగల్తూరు: తెల్లారితే చెల్లి పెళ్లి. అందరూ పెళ్లి పనుల్లో బిజీగా ఉన్నారు. స్నేహితులతో సరదాగా బీచ్‌కు వచ్చిన యువకుడు, అతని స్నేహితుడు నీటిలో మునిగి మృత్యువాత పడిన ఘటన పశ్చిమ గోదావరి జిల్లా పేరుపాలెం బీచ్‌లో జరిగింది. పోలీసుల కథనం ప్రకారం... పశ్చిమ గోదావరి జిల్లా పాలకొల్లుకు చెందిన వజ్జిపోతు సత్యనారాయణ కుటుంబం హైదరాబాద్‌లోని దిండిగల్‌లో స్థిరపడింది. వారి కుమార్తె వజ్జిపోతు ఆశాజ్యోతికి ఇటీవల వివాహం నిశ్చయించగా, తమ సొంత ఊరైన పాలకొల్లులోనే పెళ్లి చేయాలని నిర్ణయించుకున్నారు. కుటుంబ సభ్యులు, బంధువులు, స్నేహితులంతా కలిసి పాలకొల్లు వచ్చారు. బుధవారం పెళ్లి జరగాల్సి ఉంది. అయితే పెళ్లి కుమార్తె అన్న వజ్జిపోతు రాజేష్‌ (22), నిజాంపేటకు చెందిన అతని స్నేహితుడు బండారు వినయ్‌ (16) మరో తొమ్మిది మంది స్నేహితులతో కలిసి మంగళవారం సాయంత్రం నాలుగు గంటల సమయంలో పేరుపాలెం బీచ్‌కి వచ్చారు. స్నానానికి దిగిన రాజేష్, వినయ్‌ నీటిలో గల్లంతవడంతో అతని స్నేహితులు ఒక్కసారిగా ఆందోళనకు గురయ్యారు. స్థానికుల సహాయంతో వారి కోసం గాలింపు చేపట్టగా, రాజేష్‌ మృతదేహం లభించింది. కొన ఊపిరితో ఉన్న వినయ్‌ని ఆస్పత్రికి తరలిస్తుండగా మార్గమధ్యంలోనే మృతి చెందాడు. కుమార్తె పెళ్లి వేళ కుమారుడు శాశ్వతంగా దూరమవడంతో అతని తల్లిదండ్రులు సత్యనారాయణ, నాగవేణి కన్నీరుమున్నీరుగా విలపిస్తున్నారు.

శంకరపట్నం (మానకొండూర్‌): పెళ్లికూతురు మెడలో తాళికట్టే సమయానికి బండి కొనిస్తేనే పెళ్లి చేసుకుంటా.. అని వరుడు మొండికేయడంతో అతిథిగా వెళ్లిన ఎమ్మెల్యే తానుబండి కొనిస్తా అని డబ్బులు ఇచ్చి వివాహంజరిపించిన ఘటన కరీంనగర్‌ జిల్లా శంకరపట్నం మండలం మొలంగూర్‌లో చోటుచేసుకుంది. శంకరపట్నం మండలం అంబాల్‌పూర్‌ మాజీ సర్పంచ్‌ గాజుల లచ్చమ్మ, మాజీ ఉపసర్పంచ్‌ మల్లయ్య కూతురు అనూష వివాహం సైదాపూర్‌ మండలం వెన్నంపల్లి గ్రామానికి చెందిన సంఘాల వినయ్‌తో కుదిరింది. రూ.5 లక్షల కట్నంతో పాటు మోటార్‌ సైకిల్‌ కొనిస్తామని ఒప్పందం కుదుర్చుకున్నారు. కట్నం డబ్బులు ముట్టచెప్పారు. మొలంగూర్‌ శివారులోని ఓ ఫంక్షన్‌హాల్‌లో శుక్రవారం పెళ్లి మండపానికి వధువు, వరుడి బంధువులు చేరుకున్నారు. కొత్తజంటను ఆశీర్వదించేందుకు మానకొండూర్‌ ఎమ్మెల్యే రసమయి బాలకిషన్‌ కూడా హాజరయ్యారు. తీరా.. తాళికట్టే సమయంలో మోటార్‌ సైకిల్‌ కొనిస్తేనే పెళ్లి చేసుకుంటా.. అని వరుడు వినయ్‌ మొండికేశాడు. దీంతో వరుడు, వధువు బంధువులు గొడవకు దిగడంతో ఎమ్మెల్యే రసమయి జోక్యం చేసుకుని పెళ్లి కొడుకు వినయ్‌తో మాట్లాడి మోటార్‌ సైకిల్‌ కొనుక్కోమని సొంత డబ్బులను (సుమారు రూ.50వేలు) అప్పటికప్పుడే పందిట్లోనే అందించారు. మిగతా సొమ్ము కూడా తానే ఇస్తానని హామీ ఇచ్చారు. అనంతరం దగ్గరుండి వివాహం జరిపించి నూతన జంటను ఆశీర్వదించారు. తోడబుట్టిన అన్నగా పెళ్లి మండపంలో పరువు కాపాడావని మాజీ సర్పంచ్‌ గాజుల లచ్చమ్మ కన్నీరు పెట్టుకుంది.

సాక్షి, హైదరాబాద్‌: దేశవ్యాప్తంగా ప్రకంపనలు సృష్టించిన డేటా చౌర్యం కేసులో సైబరాబాద్‌ పోలీసులు దూకుడు పెంచారు. గత నెల రోజుల వ్యవధిలో సైబరాబాద్‌ పోలీసులు నాలుగు డేటా చౌర్యం, విక్రయం, నకిలీ కాల్‌ సెంటర్‌ నిర్వహణ కేసులను ఛేదించారు. వీటిల్లో 30 మంది నిందితులను అరెస్టు చేసిన సంగతి తెలిసిందే. ఆయా కేసులలో నిందితులు విక్రయానికి పెట్టిన వ్యక్తిగత సమాచారం థర్డ్‌ పార్టీ ఏజెన్సీలు, ఈ–కామర్స్‌ సంస్థల నుంచి లీకైనట్లు గుర్తించిన ప్రత్యేక దర్యాప్తు బృందం (సిట్‌) ఆయా కంపెనీలను విచారించాలని నిర్ణయించింది. ఇప్పటికే బిగ్‌ బాస్కెట్, ఫోన్‌పే, ఫేస్‌బుక్, క్లబ్‌ మహీంద్రా, పాలసీ బజార్, యాక్సిస్‌ బ్యాంక్, అస్ట్యూట్‌ గ్రూప్, మ్యాట్రిక్స్, టెక్‌ మహీంద్రా, బ్యాంక్‌ ఆఫ్‌ బరోడా, స్టేట్‌ బ్యాంక్‌ ఆఫ్‌ ఇండియాలకు నోటీసులు జారీ చేసింది. తాజాగా మరో పది కంపెనీలకూ తాఖీదులు జారీ చేసింది. ఇప్పటికే సిట్‌ ముందు హాజరైన కంపెనీలు.. కస్టమర్ల డేటా, సమీకరణ, భద్రతా విధానాలు, థర్డ్‌ పార్టీ ఏజెన్సీలు తదితరాలపై సమగ్ర సమాచారాన్ని సమర్పించాయి. ఆయా సమాచారాన్ని విశ్లేషించిన పోలీసులు మరికొంత అదనపు సమాచారం కోసం మరోసారి నోటీసులు జారీ చేయాలని నిర్ణయించినట్లు తెలిసింది.  నాలుగు రాష్ట్రాల్లో గాలింపు..  ప్రధానంగా హరియాణాలోని ఫరీదాబాద్‌కు చెందిన వినయ్‌ భరద్వాజ్‌ దేశంలోని 70 కోట్ల మంది వ్యక్తులు, సంస్థలకు చెందిన వ్యక్తిగత సమాచారాన్ని తస్కరించి, విక్రయానికి పెట్టడం సంచలనం సృష్టించింది. ఇందులో 2.60 లక్షల మంది రక్షణ శాఖ ఉద్యోగుల సమాచారంతో పాటు విద్యుత్, ఇంధనం వంటి ప్రభుత్వ శాఖలు, విద్యార్థులు, ప్రవాసులు, గృహిణులు, బ్యాంకు ఖాతాదారుల సమాచారం ఉండటం గమనార్హం. ఈ కేసులో నిందితుడు వినయ్‌ భరద్వాజ్‌ ఈ డేటాను గుజరాత్‌కు చెందిన అమీర్‌ సోహైల్, మదన్‌ గోపాల్‌ అనే వ్యక్తుల నుంచి కొనుగోలు చేసినట్లు పోలీసులు ప్రాథమిక విచారణలో గుర్తించారు. దీంతో వారి కోసం సిట్‌ బృందాలు గాలిస్తున్నాయి. ఢిల్లీ, రాజస్తాన్, హరియాణా, పశ్చిమ బెంగాల్‌లో నిందితుల కోసం వేట కొనసాగిస్తున్నట్లు తెలిసింది.   

ఉదయగిరి/ఆత్మకూరు: శ్రీపొట్టి శ్రీరాములు నెల్లూరు జిల్లా ఉదయగిరి ఎమ్మెల్యే మేకపాటి చంద్రశేఖర్‌రెడ్డి విసిరిన సవాల్‌కు వైఎస్సార్‌సీపీ నాయకులు ప్రతిస్పందించారు. అయితే ఆయన మాత్రం వారి సవాల్‌ను స్వీకరించలేదు. ఉదయగిరికి రాలేదు. వివరాలిలా ఉన్నాయి. పార్టీకి అన్యాయం చేసిన చంద్రశేఖర్‌రెడ్డి ఉదయగిరిలో అడుగుపెడితే ఒప్పుకోబోమని సొసైటీ మాజీ అధ్యక్షుడు మూలె వినయ్‌రెడ్డి గురువారం ఉదయం హెచ్చరించారు. దీనికి స్పందించిన చంద్రశేఖర్‌రెడ్డి సాయంత్రం ఉదయగిరి బస్టాండ్‌ సెంటర్‌కు చేరుకుని ‘నేను బస్టాండ్‌లో ఉన్నాను.. ఏం చేస్తారో రా..’ అంటూ సవాల్‌ చేశారు. ఈ విషయం తెలిసిన వినయ్‌రెడ్డి.. తన అనుచరులతో బస్టాండ్‌ వద్దకు చేరుకునేలోపు ఎమ్మెల్యే వెళ్లిపోయారు. ఈ సందర్భంగా వినయ్‌రెడ్డి మాట్లాడుతూ.. ‘ఈ రాత్రి, రేపు ఉదయగిరి బస్టాండ్‌లోనే ఉంటా.. దమ్ము, ధైర్యం ఉంటే ఇక్కడికి వచ్చి మాట్లాడాలి’ అని ఎమ్మెల్యే సవాల్‌కు ప్రతిసవాల్‌ చేశారు. శుక్రవారం ఉదయం ఉదయగిరి మాజీ ఎంపీపీ చేజర్ల సుబ్బారెడ్డి తమ అనుచరులతో బస్టాండ్‌కు వచ్చి అక్కడే ఉన్న వినయ్‌రెడ్డికి సంఘీభావంగా నిలిచారు. వారు ఎమ్మెల్యేకు ఫోన్‌ చేయగా.. ఆయన ఫోన్‌ కట్‌ చేశారు. ఆ తర్వాత అక్కడి వైఎస్సార్‌సీపీ నేతలు మాట్లాడుతూ.. సీఎంను, పార్టీ పెద్దలను ఒక్క మాట అన్నా సహించేది లేదని హెచ్చరించారు.  కాగా, ఉదయగిరి బస్టాండ్‌ వద్ద సీఐ వి.గిరిబాబు ఆధ్వర్యంలో భారీ బందోబస్తు ఏర్పాటు చేశారు.    అనారోగ్యంగా ఉన్నాను  ఎమ్మెల్యే చంద్రశేఖర్‌రెడ్డి శుక్రవారం మీడియా ప్రతినిధులతో మాట్లాడుతూ.. తన సోదరుడు మేకపాటి రాజమోహన్‌రెడ్డిపై ఆగ్రహం వ్యక్తం చేశారు. తాను అనారోగ్యంతో ఉన్నానని, మెరు­గైన వైద్యం కోసం ఆస్పత్రికి వెళుతున్నానని, ఆరోగ్యం కుదుటపడిన తర్వాత తనపై సవాల్‌ చేసిన వారి గురించి మాట్లాడతానని చెప్పారు. 2024లో తన ఆరోగ్య పరిస్థితిని బట్టి ఎన్నికల్లో పోటీచేస్తానని చెప్పారు.  పార్టీకి భిన్నంగా వ్యవహరిస్తే చర్యలు తప్పవు: ఎమ్మెల్యే విక్రమ్‌రెడ్డి  ఉదయగిరి ఎమ్మెల్యే మేకపాటి చంద్రశేఖర్‌రెడ్డితో 3 సంవత్సరాలుగా తాము దూరంగా ఉంటున్నామని, ఎవరి వ్యా­పా­రాలు వారు చేసుకుంటున్నామని ఆత్మకూరు ఎమ్మెల్యే విక్రమ్‌రెడ్డి చెప్పారు. ఆత్మకూరులో శుక్రవారం ఆయన విలేకరులతో మాట్లాడుతూ.. పార్టీ సిద్ధాంతాలకు భిన్నంగా వ్యవహరిస్తే చర్యలు తప్పవని పేర్కొన్నారు. మేకపాటి కుటుంబం పట్ల సీఎం జగన్, వారి కుటుంబ సభ్యులు ఎంతో ఆదరణగా ఉంటున్నారని తెలిపారు. సస్పెండైన వారు వెళ్లిపోయినంత మాత్రాన వైఎస్సార్‌సీపీకి ఎలాంటి నష్టంలేదని అన్నారు. తాను పార్టీ మారుతున్నట్లు కొన్ని చానెల్స్‌ విషప్రచారం చేశాయని, వాస్తవాలు తెలుసుకోకుండా అలా ప్రసారం చేయడం సరికాదన్నారు.  

సాక్షి ప్రతినిధి, భద్రాద్రి కొత్తగూడెం: సైన్స్‌ఫేర్‌ ఈవెంట్‌లో కెమికల్‌ మీద పడి గాయపడిన ఆరో తరగతి విద్యార్థి వినయ్‌కి అన్ని విధాలా అండగా ఉంటామని వైద్య, ఆరోగ్య శాఖమంత్రి టి.హరీశ్‌రావు హామీ ఇచ్చారు. ‘అయ్యో వినయ్‌.. ఆదుకునేవారే లేరా?’శీర్షికన శుక్రవారం సాక్షి ప్రధాన సంచికలో ప్రచురితమైన కథనంపై మంత్రి స్పందించారు. వినయ్‌ చికిత్స పొందుతున్న ఆస్పత్రికి వెంటనే తన సిబ్బందిని పంపించారు. ఆ తర్వాత బాలుడికి చికిత్స అందిస్తున్న వైద్యులతో మంత్రి స్వయంగా మాట్లాడి ఆరోగ్య పరిస్థితిని అడిగి తెలుసుకున్నారు. అనంతరం వినయ్‌ తల్లిదండ్రులతో మాట్లాడి ధైర్యం చెప్పారు. వినయ్‌ ఆరోగ్యం మెరుగై సాధారణ స్థితికి వచ్చే వరకు తమ ప్రభుత్వం అన్ని రకాలుగా అండగా ఉంటుందని హామీ ఇచ్చారు. చికిత్స ముగిసే వరకు తోడుగా ఉండి, ప్రభుత్వ అంబులెన్స్‌లోనే ఇంటివరకు పంపిస్తామని, ఎలాంటి ఆందోళన చెందవద్దని భరోసా ఇచ్చారు. భద్రాద్రి కొత్తగూడెం జిల్లా దమ్మపేట మండలం మందలపల్లి సాంఘిక సంక్షేమ గురుకుల పాఠశాలలో ఫిబ్రవరి 28న జరిగిన ప్రమాదంలో వినయ్‌ గాయపడగా, ప్రస్తుతం హైదరాబాద్‌లో ఓ కార్పొరేట్‌ ఆస్పత్రిలో చికిత్స పొందుతున్నాడు.     

కోలీవుడ్‌ నటుడు వినయ్‌, హీరోయిన్‌ విమలారామన్‌ ప్రేమలో ఉన్నట్టు తాజా సమాచారం. తెలుగు, మలయాళం, కన్నడ భాషల్లో కథానాయకుడిగా నటించిన వినయ్‌ ప్రస్తుతం ప్రతినాయకుడు పాత్రల్లో నటిస్తున్నారు. అదేవిధంగా నటి విమలరామన్‌ కథానాయకగా పలుభాషల్లో నటించారు. ఈమె తెలుగులోనూ ఎప్పుడైనా ఎక్కడైనా, గాయం-2, చట్టం, చుక్కలాంటి అమ్మాయి చక్కనైన అబ్బాయి సినిమాల్లో హీరోయిన్‌గా నటించింది.  ఆస్ట్రేలియాలో పుట్టిపెరిగిన ఈ బ్యూటీ మిస్‌ ఇండియా, ఆస్ట్రేలియా పోటీల్లో కిరీటం గెలుచుకున్నారు. ఆ తర్వాత మోడలింగ్‌ రంగంలోకి ప్రవేశించిన విమలరామన్‌ను దర్శకుడు కే.బాలచందర్‌ పొయ్‌ చిత్రం ద్వారా కథానాయికగా పరిచయం చేశారు. ఆ తర్వాత చేరన్‌ దర్శకత్వంలో రామన్‌ తేడియ సీతై చిత్రాల్లో నటించి ఆ తర్వాత మాలీవుడ్‌కు ఎంట్రీ ఇచ్చింది. ఇలా తమిళం, తెలుగు, కన్నడం, మలయాళం భాషల్లో నటిస్తూ మంచి గుర్తింపు తెచ్చుకుంది. ఈమె ఏడాది నుంచి వినయ్‌తో ప్రేమలో ఉన్నట్టు ప్రచారం జరుగుతోంది. తాజాగా ఇటీవల ఈ అమ్మడు పుట్టినరోజు వేడుకను గ్రాండ్‌గా జరుపుకుంది. ఈ వేడుకలు ఆమె కుటుంబసభ్యులతో పాటు వినయ్‌ కూడా పాల్గొనడం విశేషం. ఆ ఫొటోలు ఇప్పుడు సామాజిక మాధ్యమాల్లో వైరల్‌ అవుతున్నాయి. దీంతో వీరిద్దరి మధ్య ప్రేమాయణం సాగుతోందన్న ప్రచారం హోరెత్తుతోంది. త్వరలోనే వీరు పెళ్లి చేసుకోసుకోబోతున్నట్లు సమాచారం. View this post on Instagram A post shared by Vimala Raman (@vimraman)

ప్రపంచాన్ని వణికించిన కోవిడ్‌ మహమ్మారి కథ ముగిసినట్టేనా? వేల సంఖ్యలో రోజువారీ కేసులు, ఆక్సిజన్‌ కొరతలు, ఆసుపత్రి చేరికలు ఇక గతకాలపు మాటేనా? కావచ్చు.. కాకపోనూవచ్చని అంటున్నారు సెంటర్‌ ఫర్‌ సెల్యులార్‌ అండ్‌ మాలిక్యులర్‌ బయాలజీ (సీసీఎంబీ) డైరెక్టర్‌ వినయ్‌ నంది­కూరి. మారు­తున్న వాతావరణ పరిస్థితులు.. నగరీకరణ, జంతు ఆవాసాల విస్తృతి తగ్గిపోతుండటం వంటి వాటి వల్ల భవిష్యత్తులోనూ జంతువుల నుంచి మనుషులకు వ్యాధులు సోకుతూనే ఉంటాయని ఆయన తెలిపారు. దేశంలో కోవిడ్‌ నియంత్రణలో కీలకపాత్ర పోషించిన వినయ్‌.. ‘సాక్షి’తో కోవిడ్‌ తదనంతర పరిస్థితులపై తన ఆలోచనలను పంచుకున్నారు! ప్రపంచవ్యాప్తంగా కోవిడ్‌ కథ ఇక ముగిసినట్టేనా? జవాబు: వైరస్‌ వ్యాధుల విషయంలో ముగింపు ఉండదు. దశాబ్దాలుగా వచ్చిపోతున్న ఫ్లూ మాది­రిగానే కోవిడ్‌ కూడా అప్పుడప్పుడూ మనల్ని పలకరిస్తుంటుంది. సాధారణంగా ఇలాంటి వైరస్‌లు కాలక్రమంలో నెమ్మదిస్తాయి. కొన్ని ప్రాంతాలకే పరిమితమైతే ఎండమిక్‌ అని, తరచూ కొన్నిచోట్ల వస్తుంటే ఎపిడమిక్‌ అని పిలుస్తారు. కోవిడ్‌ ఇకపై ఎపిడమిక్‌ స్థాయిలో కొనసాగుతుందని అంచనా. కోవిడ్‌ వైరస్‌ జన్యుక్రమం గురించి తెలుసుకొని మనం ఏం నేర్చుకోగలిగాము? ►జన్యుక్రమాల ద్వారా నిత్యం ఒక మహ­మ్మారి వైరస్‌ను పరిశీలించడం కోవిడ్‌­తోనే మొదలైంది. వేల జన్యుక్ర­మా­­లను నమో­దు చేయడం వల్ల వైరస్‌­లో వచ్చే అతిసూ­క్ష్మ మార్పులనూ గుర్తించేందుకు వీలు ఏ­ర్ప­డింది. ప్రొటీన్‌ కొమ్ములోని ఏ భాగంలో మా­ర్పులొస్తే ఏ రకమై­న లక్షణాలు రాగలవో అంచనా వేయవ­చ్చు. ప­రి­ణామ క్రమాన్ని అర్థం చేసుకో­వడమూ సాధ్య­మైం­ది. భవి­ష్య­­త్తును అంచనా వేయడమూ వీలవుతోంది. భారతీయ పరిశోధనల్లో వచ్చిన మార్పులేంటి? ►కోవిడ్‌ వంటి అత్యవసర పరిస్థితిని ఎదుర్కొనేందుకు కేంద్ర ప్రభుత్వం భారీ ఎత్తున నిధులు వెచ్చించడంతో మునుపె­న్నడూ భారతీయ శాస్త్రవేత్తలు చేయని పనులను చేపట్టారు. జన్యుక్రమాల నమోదు, అత్యవసరంగా టీకా తయారీ వంటివన్నీ ఈ కోవకు చెందుతాయి. అమె­రికా లాంటి దేశాలతో పోలిస్తే భారత్‌లో ఇప్పటికీ పదో వంతు మంది శాస్త్రవేత్తలు కూడా లేరు. పాశ్చాత్య దేశాల్లో నిర్దిష్ట సమస్య పరిష్కారం లక్ష్యం­గా వందల మంది శాస్త్రవేత్తలు పనిచేస్తుంటారు. భారత్‌లో అలాంటి పరిస్థితి లేదు. కోవిడ్‌ తదనంతర పరిస్థి­తుల్లో శాస్త్రవేత్తలు, పరిశోధన సంస్థల మధ్య సహకారం మరింత పెరిగింది. సీసీఎంబీ మాతృసంస్థ సీఎస్‌ఐఆర్‌కు ఉన్న 35కుపైగా ల్యాబ్స్‌ మధ్య పరిశోధనల్లో పరస్పర సహకారం ఉందా? ►సీఎస్‌ఐఆర్‌ ల్యాబ్స్‌ అన్నీ ఒక అంశంపై సహకరించుకోవడం అన్నది ఆచరణసా­ధ్యమైన విషయం కాదు. కానీ కోవిడ్‌ సమయంలో ఆక్సిజన్‌ ఉత్పత్తి మొదలు­కొని వైరస్‌ను చంపేందుకు ఉన్న మార్గాల వరకూ అనేక అంశాల్లో సీఎస్‌ఐఆర్‌లోని పలు సంస్థలు కలిసికట్టుగా పనిచేశాయి. మంచి ఫలితాలు సాధించాయి కూడా. డిపార్ట్‌మెంట్‌ ఆఫ్‌ బయో టెక్నాలజీకి సంబంధించిన ప్రాజెక్టుల్లోనూ పలు సంస్థలు కలిసి పనిచేస్తున్నాయి. జంతువుల నుంచి మనుషులకు సోకే వ్యాధులు ఎక్కువవుతున్నాయి. వాటిని ఎదుర్కోవడం ఎలా? ►ఇటీవలి కాలంలో మనుషులకు, జంతు ఆవాసాలకు మధ్య దూరం బాగా తగ్గిపోవడంతో జంతువుల్లోని వ్యాధులు మనుషులకు సోకుతున్నాయి. అలాగే వాతావరణ పరిస్థితుల్లో వచ్చిన మార్పులు కూడా వ్యాధులు ఎక్కువయ్యేందుకు కారణమవుతోంది. వాటిని ఎదుర్కోవడం ఎలా? అన్న ప్రశ్నకు ‘వన్‌ హెల్త్‌’ కార్యక్రమం సమాధానం చెబుతోంది. మానవ ఆరోగ్యాన్ని మాత్రమే కాకుండా... వాతావరణ పరిస్థితులు, జంతువుల ఆరోగ్యంపై నిత్యం నిఘా పెట్టడం క్లుప్తంగా వన్‌ హెల్త్‌ లక్ష్యం. దేశంలో క్షయను పూర్తిగా నివారించాలన్న లక్ష్యాన్ని అందుకోవడంలో ఎదురవుతున్న ఇబ్బందులేమిటి? ►క్షయవ్యాధిని మటుమాయం చేసేందుకు టీకా కచ్చితంగా కావాలి. దీనికోసం చాలా ప్రయత్నాలు జరిగాయి కానీ పూర్తిస్థాయిలో విజయం సాధించలేదు. దేశంలో క్షయ వ్యాధి నివారణకు ప్రస్తుతం 6–9 నెలల కార్యక్రమం నడుస్తోంది. వ్యాధి నయమవ్వాలంటే మందులను క్రమం తప్పకుండా వాడటం, పోషకాహారం తీసుకోవడం వంటివి కచ్చితంగా చేయాల్సి ఉంటుంది. అయితే రకరకాల కారణాల వల్ల ఇవి అమలు కావడం లేదు. అందుకే వ్యాధి నివారణ కష్టతరమవుతోంది.  

సాక్షి, అమరావతి: ‘డెంగ్యూ, మలేరియా, ఇన్‌ఫ్లూయాంజాతో నేటికీ మరణాలు సంభవిస్తున్నాయి. రోగ నిరోధకత బలహీనంగా ఉన్న వారిపై వీటి ప్రభావం ఉంటోంది. ఇదే తరహాలో కరోనా వైరస్‌ కొత్త వేరియంట్ల రూపంలో బలహీన రోగ నిరోధకత ఉన్న వారిపై తీవ్ర ప్రభావం చూపుతోంది’ అని సెంటర్‌ ఫర్‌ సెల్యూలార్‌ అండ్‌ మాలిక్యులర్‌ బయాలజీ (సీసీఎంబీ) డైరెక్టర్‌ డాక్టర్‌ వినయ్‌ నందికూరి తెలిపారు. కరోనా మూడో దశ వ్యాప్తి, ఒమిక్రాన్‌ ప్రభావంపై పలు అంశాలను ఆయన ‘సాక్షి’ ప్రతినిధికి వివరించారు. సీసీఎంబీలో ఏపీ నమూనాలను జీనోమ్‌ సీక్వెన్సింగ్‌ చేస్తున్నారు. డెల్టాతో పోలిస్తే ఒమిక్రాన్‌ తీవ్రత ఎలా ఉంది? డెల్టాతో పోలిస్తే ప్రస్తుతం వ్యాపిస్తున్న ఒమిక్రాన్‌ వైరస్‌ బలహీనంగా ఉంది. డెల్టా వైరస్‌ శరీరంలోకి వేగంగా ప్రవేశించడంతో పాటు స్పైక్‌ ప్రోటీన్‌తో కణాలపై దాడి చేస్తుంది. రిప్లికేషన్‌ (ఉత్పాదక సామర్థ్యం) బాగా ఉంటుంది. ప్రస్తుతం ఒమిక్రాన్‌ వేగంగా వ్యాíపిస్తున్నా డెల్టా అంత తీవ్రతతో దాడి చేయడం లేదు. రిప్లికేషన్‌ తగ్గింది. వైరస్‌ ఎండమిక్‌ దశకు చేరుకున్నట్లేనా? డెల్టాతో పోలిస్తే ఒమిక్రాన్‌ వేరియంట్‌లో వైరస్‌ క్షీణించింది. దీన్ని ఆధారంగా చేసుకుని వైరస్‌ ఎండమిక్‌ దశకు చేరిందని భావించలేం. భవిష్యత్‌లో బలమైన లక్షణాలతో వైరస్‌ రూపాంతరం చెందవచ్చేమో చెప్పలేం. ఇన్‌ఫ్లూయాంజా దేశంలోకి వచ్చినప్పుడు ఎన్ని రోజులు ఉందో తెలిసిందే.  కేసుల నమోదు ఎప్పటిలోగా తారస్థాయికి చేరవచ్చు? మన దేశంలో ప్రస్తుతం పాండమిక్‌ దశలో ఉన్నాం. ఈ దశలో సాధారణంగా ప్రతి మూడు రోజులకు కేసుల నమోదు రెట్టింపు అవుతూ వస్తుంది. ఈ నెలాఖరు, ఫిబ్రవరి మొదటి వారంలో కేసుల నమోదు తారస్థాయికి చేరుతుంది. పాజిటివిటీ రేటు పెరిగే కొద్దీ ఆసుపత్రులపై ఒత్తిడి పెరుగుతుంది. ప్రస్తుతం అమెరికాలో ఇదే జరుగుతోంది. బలహీన రోగనిరోధకత ఉన్న వారిపై ఒమిక్రాన్‌ వైరస్‌ తీవ్ర ప్రభావం చూపుతోంది. ఒమిక్రాన్‌ + డెల్టా కేసులు నమోదయ్యాయా? ఇప్పటివరకూ మేం పరీక్షించిన నమూనాల్లో ఒమిక్రాన్‌ + డెల్టా కేసులు నమోదవలేదు. కేవలం ఒమిక్రాన్‌ కేసులు మాత్రమే ఉంటున్నాయి.  టీకాల నుంచి రక్షణ ఉంటోందా? గతంలో వైరస్‌ సోకడం, టీకాలు తీసుకోవడం వల్ల వచ్చిన రోగనిరోధకతను దాటుకుని ఒమిక్రాన్‌ వేరియంట్‌ శరీరంలోకి ప్రవేశిస్తోంది. గతంలో వైరస్‌తో పరిచయం ఉండటం, టీకాలు తీసుకుని ఉండటం వల్ల టీ సెల్స్‌ కొంత రక్షణగా ఉంటున్నాయి. బలహీన రోగ నిరోధకత ఉండే వృద్ధులు, రోగులకు చికిత్స అందించే వైద్యులు, వైద్య సిబ్బంది, ఇతరులకు ప్రభుత్వం ప్రికాషన్‌ డోసు అందిస్తోంది. అర్హులైన వారంతా ప్రికాషన్‌ డోసు తీసుకోవాలి. ప్రికాషన్‌ డోసు కింద ఏ వ్యాక్సిన్‌ వేసుకోవాలి? విదేశాల్లో మొదటి రెండు డోసులు కింద తీసుకున్న టీకా కాకుండా వేరే రకం టీకాను ప్రికాషన్‌ డోసు కింద ఇస్తున్నారు. ఇలా తీసుకోవడం వల్ల ఇబ్బందులు ఏమీ ఉండవు. మన దేశంలో మాత్రం మొదటి రెండు డోసులు ఏ టీకా తీసుకుంటే ప్రికాషన్‌ డోసుగా అదే టీకాను పంపిణీ చేస్తున్నారు. కాబట్టి మొదటి రెండు డోసుల కింద ఏ టీకా తీసుకుంటే అదే టీకాను ప్రికాషన్‌ డోసు కింద పొందాలి.  

సైదాపూర్‌ (హుస్నాబాద్‌): తక్కువ సమయంలో ఎక్కువ సొమ్ము సంపాదించాలనే ఆలోచనతో పనిచేస్తున్న సంస్థకే కన్నం వేశారు ఓ నలుగురు యువకులు. వీరి వ్యవహారంపై పైస్థాయి ఉద్యోగికి అనుమానం వచ్చి పోలీసులకు ఫిర్యాదు చేయడంతో ఆ నలుగురు చేసిన మోసం బయటపడింది. ఈ కేసు వివరాలను హుజురాబాద్‌ ఏఎస్పీ వెంకటరెడ్డి ఆదివారం మీడియాకు వెల్లడించారు. కరీంనగర్‌ జిల్లా సైదాపూర్‌ మండల కేంద్రం, వెన్కెపల్లి గ్రామానికి చెందిన నీర్ల కల్యాణ్‌(24), అనగోని వికాస్‌(23), కనుకుంట్ల అనిల్‌(26), తూటి వినయ్‌ (22) హుజూరాబాద్‌లోని లార్జ్‌ లాజిక్‌ ప్రైవేట్‌ లిమిటెడ్‌ కంపెనీలో ఫ్లిప్‌కార్ట్‌ కొరియర్‌ బోయ్స్‌గా 3 నెలల నుంచి పని చేస్తున్నారు. వీరు తక్కువ సమయంలో అధిక డబ్బులు సంపాదించాలనుకున్నారు. దీని కోసం ఆన్‌లైన్‌లో మోసం చేయడం ఎలా అని యూట్యూబ్‌లో వెదికారు. ఆ తర్వాత ఆన్‌లైన్‌లో విలువైన వస్తువుల్ని వీరి స్నేహితుల ఫోన్‌నంబర్ల నుంచి బుక్‌ చేసుకున్నారు. ఆ వస్తువులు హుజూరాబాద్‌ ఫ్లిప్‌కార్టు హబ్‌కు రాగానే డెలివరీ ఇచ్చేందుకు వారిపేరున అసైన్‌ చేసుకుని సైదాపూర్‌కు తీసుకొచ్చారు. పార్శిల్‌ ఓపెన్‌ చేసి ఆ వస్తువులు తీసేసుకుని, రిటర్న్‌ల పేరిట ఆ కవర్లో బండరాళ్లు, పెం కులు నింపి వెనక్కి పంపించేశారు. కాజేసిన వస్తువుల్ని అమ్ముకుని ఆ సొమ్ముతో జల్సాలు చేశారు.  అనుమానంతో కదిలిన డొంక  వీరి వ్యవహారంపై టీంలీడర్‌ నవీన్‌కు అనుమానం వచ్చి సైదాపూర్‌ పోలీసులకు ఫిర్యాదు చేశారు. దర్యాప్తులో వీరి మోసం బయటపడింది. ఆదివారం నిందితులను అదుపులోకి తీసుకుని విచారించగా.. నేరాన్ని ఒప్పుకోవడంతో వారినుంచి రూ.9లక్షల విలువైన వస్తువులను స్వాధీనం చేసుకున్నారు. 

వాషింగ్టన్‌: అమెరికాకు 46వ అధ్యక్షుడిగా బాధ్యతలు స్వీకరించిన జో బైడెన్ ప్రమాణ స్వీకార కార్యక్రమానికి ముందే తన యంత్రాంగాన్ని సిద్ధం చేసుకున్నారు. ఇక ఉపాధ్యాక్షురాలిగా భారత సంతతి మహిళ కమలా హారిస్‌ను ఎన్నుకున్న బైడెన్‌.. తన టీమ్‌లో పలువురు భారతీయ అమెరికన్‌లకు కీలక బాధ్యతలు అప్పగించారు. బైడెన్ యంత్రాంగంలో 20 మంది భారత సంతతి అమెరికన్లకు చోటు దక్కగా.. వీరిలో 13 మంది మహిళలే కావడం విశేషం. వీరిలో 17 మంది వైట్‌హౌస్‌లో అత్యంత శక్తివంతమైన పాత్ర పోషించనున్నారు. అమెరికా జనాభాలో భారత సంతతి వాటా ఒకశాతం కంటే తక్కువే అయినా, అగ్రరాజ్యం వృద్ధిలో కీలక పాత్ర పోషిస్తూ వస్తున్న ఈ వర్గానికి బైడెన్‌ తన బృందంలో పెద్దపీట వేశారు. అలాగే, తన టీమ్‌లో వివిధ మూలాలున్న వ్యక్తులకు అవకాశం కల్పించి అమెరికా చరిత్రలోనే అత్యంత వైవిధ్యం కలిగిన పాలకవర్గాన్ని సమకూర్చుకున్నారు.  ఎన్నికల ప్రచారంలోనే భారతీయ అమెరికన్లకు తన బృందంలో పెద్దపీట వేయనున్నట్లు బైడెన్‌ సంకేతాలిచ్చారు. ఉపాధ్యక్ష అభ్యర్థిగా భారత సంతతి మహిళ కమలా హారిస్‌ను ఎంపికచేసి, అందర్నీ బైడెన్ ఆశ్చర్యంలో ముంచెత్తారు. ఈ ఎంపిక ఆయన విజయంలో కీలక పాత్ర పోషించిందనడంలో ఎటువంటి సందేహం లేదు. కేవలం భారతీయ అమెరికన్లే కాదు, ఆసియా సంతతి మొత్తం బైడెన్ వెంట నిలిచింది. ఇక నూతన అధ్యక్షుడి యంత్రాంగంలోని భారత సంతతి వ్యక్తులు ఎవరు.. ఏ బాధ్యతలు నిర్వహించనున్నారో ఓ సారి చూడండి..  (చదవండి: చరిత్ర సృష్టించిన జో బైడెన్‌) 1. నీరా టాండన్‌ అమెరికా నూతన అధ్యక్షుడు ఎంపిక చేసుకున్న బడ్జెట్‌ చీఫ్‌ నీరా టాండన్‌ భారతీయ మూలాలు కలిగిన మహిళ. సెంటర్‌ ఫర్‌ అమెరికన్‌ ప్రోగ్రెస్‌, అమెరికన్‌ ప్రోగ్రెస్‌ యాక్షన్‌ ఫండ్‌కు ఈమె సీఈవోగా వ్యవహరిస్తున్నారు. 2008లో జరిగిన అధ్యక్ష ఎన్నికల ప్రచారంలో హిల్లరీ క్లింటన్‌కు సహాయకురాలిగా, ఆమెతో కలిసి పనిచేశారు నీరా. ఇక ఆమె బడ్జెట్‌ తయారీ, అమలు, నియంత్రణ విధానం పర్యవేక్షణ, అధ్యక్ష ఆదేశాలు, కార్యనిర్వాహక ఆదేశాల అమలు మొదలైన బాధ్యతలను నిర్వర్తిస్తారు. 2. వివేక్‌మూర్తి డాక్టర్‌ వివేక్‌ మూర్తి. అమెరికా సర్జన్‌ జనరల్‌గా నియమితులవుతున్నారు. ఆరోగ్యరంగ నిపుణుడిగా ఆయన వ్యాక్సినేషన్‌ విషయంలో దిశానిర్దేశం చేయనున్నారు. 3. చొల్లేటి వినయ్‌ రెడ్డి తెలంగాణ మూలాలు ఉన్న చొల్లేటి వినయ్‌ రెడ్డి కాబోయే అధ్యక్షుడు జో బైడెన్‌కు స్పీచ్‌ రైటింగ్‌ డైరెక్టర్‌గా బాధ్యతలు నిర్వహిస్తున్నారు. తెలంగాణలోని కరీంనగర్‌ జిల్లా హుజురాబాద్‌ మండలం పోతిరెడ్డి నారాయణరెడ్డి విజయారెడ్డి దంపతుల కుమారుడే వినయ్‌ రెడ్డి. వృత్తిరీత్యా వైద్యుడైన నారాయణరెడ్డి 1970లో కుటుంబంతో సహా అమెరికా వెళ్లి అక్కడే స్థిరపడ్డారు. ఆయన ముగ్గురు కుమారుల్లో వినయ్‌ రెడ్డి ఒకరు. అమెరికాలోని ఒహియా రాష్ట్రంలో ఉన్న డేటన్లో పుట్టి పెరిగిన వినయ్‌ రెడ్డి మియామీ యూనివర్సిటీ నుంచి న్యాయశాస్త్రంలో పట్టా పొందారు. అమెరికా అధ్యక్ష ఎన్నికల్లో బైడెన్,‌ హారిస్‌ ఎలక్షన్‌ క్యాంపెయిన్‌లో సీనియర్‌ అడ్వైజర్‌గా, స్పీచ్‌ రైటర్‌గా పని చేశారు.  (చదవండి: వినయ్‌రెడ్డి మనోడే!) 4.వనితా గుప్తా అమెరికాలో అత్యంత గౌరవప్రదమైన మానవహక్కుల న్యాయవాది, భారతీయ వలస తల్లితండ్రులు గర్వించదగిన కుమార్తె అని జో బైడెన్‌ కొనియాడిన భారతీయ మహిళ వనితా గుప్తా. సెనేట్‌కు నామినేట్‌ అయిన మొట్టమొదటి ఇండియన్‌ అమెరికన్‌ అసోసియేట్‌ అటార్నీ జనరల్‌ కూడా వనితానే! లీగల్‌ డిఫెన్స్‌ ఫండ్‌లో ఉద్యోగిగా కెరీర్‌ను మొదలుపెట్టి, అంచెలంచెలుగా ఎదుగుతూ ఒబామా- బైడెన్‌ ప్రభుత్వంలో జస్టిస్‌ డిపార్ట్‌మెంట్‌లో మానవహక్కుల డివిజన్‌లోకి అడుగుపెట్టారు. అమెరికన్‌ ప్రజలను ఏకం చేసే సమానత్వం, స్వేచ్ఛకోసం ఆమె ఎంతో కృషి చేశారు.  5. ఉజ్రా జేయా పౌరభద్రత, ప్రజాస్వామ్యం, మానవహక్కుల శాఖకు నామినేట్‌ అయిన కశ్మీరీ మహిళ ఉజ్రా జేయా. స్టేట్‌ డిపార్ట్‌మెంట్‌లో ముప్పై ఏళ్ల అనుభవం కలిగిన ఉజ్రా ఉత్తరాసియా, దక్షిణాసియా, ఐరోపా మానవహక్కులు, బహుపాక్షిక అంశాలలో నిపుణురాలు. గతంలో జేయా 2014 నుంచి 2017 వరకూ ప్యారిస్‌లోని యూఎస్‌ ఎంబసీలో చార్జ్‌ అఫైర్స్‌, డిప్యూటీ చీఫ్‌ ఆఫ్‌ మిషన్‌ బాధ్యతలు నిర్వహించారు. మస్కట్‌, డమాస్కస్‌, కైరో, కింగ్‌స్టన్‌లలో యూఎస్‌ మిషన్స్‌లో సేవలు అందించారు. 6. మాలా అడిగా ప్రథమ మహిళ జిల్‌ బైడెన్‌కు మాలా పాలసీ డైరెక్టర్‌గా వ్యవహరించబోతున్నారు. జిల్‌కు సీనియర్‌ సలహాదారుగా, బైడెన్‌-కమలా హారిస్‌ బృందంలో సీనియర్‌ పాలసీ సలహాదారుగా మాలా పనిచేశారు. యూనివర్శిటీ ఆఫ్‌ షికాగో లా స్కూల్‌లో గ్రాడ్యుయేషన్‌ పూర్తి చేసిన మాలా కొంతకాలంపాటు న్యాయవాదిగా పనిచేశారు. 2008లో ఒబామా ప్రచార బృందంలో చేరారు. ఇల్లినాయిస్‌కు చెందిన మాలా ఒబామా హయాంలో అసోసియేట్‌ అటార్నీ జనరల్‌ సభ్యురాలిగా నియమితులయ్యారు. బ్యూరో ఆఫ్‌ ఎడ్యుకేషన్‌ అండ్‌ కల్చరల్‌ అఫైర్స్‌ డిప్యూటీ అసిస్టెంట్‌ సెక్రటరీగా కూడా బాధ్యతలు చేపట్టారు. తర్వాత బైడెన్‌ ఫౌండేషన్‌లో ఉన్నత విద్య, సైనిక కుటుంబాల డైరెక్టర్‌గా పనిచేశారు. (చదవండి: సొంతూరు వీడుతూ బైడెన్‌ కంటతడి) 7. గరిమా వర్మ భారత సంతతికి చెందిన గరిమా వర్మ అమెరికా ప్రథమ మహిళ జిల్‌ బైడెన్‌కు డిజిటల్‌ డైరెక్టర్‌గా వ్యవహరించబోతున్నారు. భారతదేశంలో జన్మించిన గరిమా తల్లితండ్రులతో కలిసి అమెరికా వలస వెళ్లారు. గత అధ్యక్ష ఎన్నికల్లో బైడెన్‌-కమలా హారిస్‌తో కలసి పనిచేశారు. వారికి మీడియా స్ట్రాటజిస్ట్‌గా సేవలు అందించారు.  8. గౌతమ్‌ రాఘవన్‌ గతంలో వైట్‌హౌజ్‌లో పని చేసిన గౌతమ్‌ రాఘవన్‌.. ఇప్పుడు ప్రెసిడెన్షియల్‌ పర్సనల్‌ ఆఫీస్‌ డిప్యూటీ డైరెక్టర్‌గా నియమితులయ్యారు. 9. భరత్‌ రామ్మూర్తి వైట్‌ హౌస్‌లోని యూఎస్‌ నేషనల్‌ ఎకనామిక్‌ కౌన్సిల్‌ (ఎన్‌ఈసీ) భరత్‌ రామ్మూర్తి అనే మరో ఇండో అమెరికన్‌  డిప్యూటీ డైరెక్టర్‌గా వ్యవహరించనున్నారు. 10. సోనియా అగర్వాల్‌ బైడెన్‌ అధికార యంత్రాంగంలో కీలకమైన పర్యావరణ విధాన సీనియర్‌ సలహాదారు పదవికి ఎంపికైన భారతీయ-అమెరికన్‌ సోనియా అగర్వాల్‌ కుటుంబానిది పంజాబ్‌ ప్రాంతం. అమెరికాలోని ఓహాయో ప్రాంతంలో పుట్టి పెరిగిన ఆమె స్టాన్‌ఫోర్డ్‌ యూనివర్సిటీ నుంచి ఇంజనీరింగ్‌ మాస్టర్స్‌ డిగ్రీ అందుకున్నారు. పర్యావరణ, ఆర్థిక, ప్రజా ఆరోగ్య అంశాల మీద వాతావరణ, ఇంధన విధానాల ప్రభావంపై విశ్లేషణ జరిపి, ఇంధన విధానాన్ని, దేశీయ క్లైమెట్‌ పాలసీనీ రూపుదిద్దే బృందానికి ఆమె నాయకత్వం వహిస్తారు. అలాగే వైట్‌ హౌస్‌లోని జాతీయ వాతావరణ పాలసీ ఆఫీస్‌లో ఇన్నోవేషన్‌ విభాగం బాధ్యతలు కూడా చూసుకుంటారు. 11.సుమోనా గుహా వైట్‌హౌస్‌కు కీలకమైన నేషనల్‌ సెక్యూరిటీ కౌన్సిల్‌కు ఎంపికైన ముగ్గురు భారతీయ అమెరిన్లలో సుమోనా గుహా ఒకరు. గుహ అమెరికా విదేశీ విధానం, జాతీయ భద్రత అంశాల్లో కీలక భూమిక పోషించబోతున్నారు. బైడెన్‌ - హారిస్‌ అధ్యక్ష ఎన్నికల ప్రచార సమయంలో దక్షిణాసియా విదేశాంగ వ్యవహారాల కార్యనిర్వాహక బృందానికి ఉపాధ్యక్షురాలిగా గుహ పని చేశారు. అమెరికా స్టేట్‌ డిపార్ట్‌మెంట్‌లో ఫారిన్‌ సర్వీస్‌ ఆఫీసర్‌గా సేవలందించారు. ఒబామా ప్రభుత్వంలో ఉపాధ్యక్షుడైన బైడెన్‌కు జాతీయ భద్రతా వ్యవహారాల ప్రత్యేక సలహాదారుగా కూడా వ్యవహరించారు. తాజాగా బైడెన్‌ అధ్యక్ష హయాంలో గుహ దక్షిణాసియా సీనియర్‌ డైరెక్టర్‌ హోదా పొందబోతున్నారు. (చదవండి: అమెరికా అధ్యక్షుల పెంపుడు జంతువులు ఇవే..) 12.శాంతి కలతిల్‌ శాంతి కలతిల్‌ది కాలిఫోర్నియాలో స్థిరపడ్డ మలయాళ కుటుంబం. ప్రస్తుతం 'నేషనల్‌ ఎండోమెంట్‌ ఫర్‌ డెమొక్రసీ'లోని ఇంటర్నేషనల్‌ ఫోరమ్‌ ఫర్‌ డెమొక్రటిక్‌ స్టడీస్‌లో సీనియర్‌ డైరెక్టర్‌గా వ్యవహరిస్తున్నారు. మానన హక్కులపై తన గళాన్ని గట్టిగా వినిపించే శాంతికి చైనీస్‌, మాండరిన్‌ భాషలు క్షుణ్ణంగా తెలుసు. ఇప్పుడు అగ్రరాజ్య విదేశాంగ విభాగంలో ప్రజాస్వామ్యం, మానవ హక్కుల వ్యవహారాల సమన్వయకర్తగా నియమితురాలయ్యారు. 13. తరుణ్‌ చబ్రా జో బైడెన్‌ టెక్నాలజీ అండ్‌ నేషనల్‌ సెక్యూరిటీ సీనియర్‌ డైరెక్టర్‌‌గా తరుణ్‌ చబ్రాని నియమించారు. 14.వేదాంత్‌ పటేల్‌ వైట్‌ హౌస్‌ అసిస్టెంట్‌ ప్రెస్‌ సెక్రటరీగా ప్రవాస భారతీయుడు వేదాంత్‌ పటేల్‌ను నియమితులయ్యారు. బైడెన్‌ ప్రచారవర్గంలో రీజనల్‌ కమ్యూనికేషన్‌ డైరెక్టర్‌ గాను, అంతకుముందు నెవాడా-వెస్టర్న్‌ ప్రైమరీ స్టేట్స్‌ కమ్యూనికేషన్స్‌ డైరెక్టర్‌ గా వేదాంత్‌ పనిచేశారు. అంతకుముందు ఇండియన్‌-అమెరికన్‌ కాంగ్రెస్‌ ఎంపీ ప్రమీలా జయపాల్‌ కు కూడా ఇదే హోదాలో డైరెక్టర్‌ గా ఆయన వ్యవహరించారు. ఇండియాలో పుట్టి కాలిఫోర్నియాలో పెరిగిన వేదాంత్‌ పటేల్‌.. ఫ్లోరిడా యూనివర్సిటీ నుంచి గ్రాడ్యుయేట్‌ పట్టా అందుకున్నారు. 15.సమీరా ఫాజిలీ బైడెన్‌ యంత్రాంగంలో జాతీయ ఆర్థిక మండలి డిప్యూటీ డైరెక్టర్‌గా ఎంపికైన సమీర తల్లితండ్రులది కశ్మీర్‌. ఆమె పుట్టక ముందు, 1970లో అమెరికా వెళ్ళి స్థిరపడ్డారు. యేల్‌ లా స్కూల్‌, హార్వర్డ్‌ కళాశాలల్లో ఉన్నత విద్యను పూర్తి చేసుకున్న సమీర అట్లాంటాలో ఎంగేజ్‌మెంట్‌ ఫర్‌ కమ్యూనిటీ అండ్‌ ఎకనామిక్‌ డెవలప్‌మెంట్‌కు డైరెక్టర్‌గా, ఒబామా హయాంలో... శ్వేత సౌథంలో సీనియర్‌ పాలసీ అడ్వయిజర్‌గా పని చేశారు. 16.అయేషా షా శ్వేత సౌథంలోని డిజిటల్‌ వ్యూహ కార్యాలయంలో పార్టనర్‌షిప్‌ మేనేజర్‌గా బాధ్యతలు చేపడుతున్న అయేషా కశ్మీర్‌ రాష్ట్రం శ్రీనగర్‌లోని గగ్రిబల్‌లో పుట్టారు. ఆమె బాల్యమంతా అమెరికాలోని లూసియానాలో గడిచింది. ఆమె తండ్రి డాక్టర్‌ అమిర్‌ షా. శ్రీనగర్‌లోని ప్రముఖ కుటుంబాల్లో వారిది ఒకటి. 1993లో, అయేషా చిన్నపిల్లగా ఉన్నప్పుడే ఆమె తల్లితండ్రులు అమెరికాకు వలస వెళ్ళారు. నార్త్‌ కరోలినాలోని డేవిడ్సన్‌ కాలేజీలో అయేషా గ్రాడ్యుయేషన్‌ పూర్తి చేశారు. జాన్‌ ఎఫ్‌.కెనడీ సెంటర్‌ ఫర్‌ పెర్పార్మింగ్‌ ఆర్ట్స్‌లో అసిస్టెంట్‌ మేనేజర్‌గానూ పనిచేశారు. ప్రస్తుతం స్మిత్‌సోనియన్‌ ఇనిస్టిట్యూట్‌లో అడ్వాన్స్‌మెంట్‌ స్పెషలిస్ట్‌గా ఉన్నారు. ఇటీవలి అధ్యక్ష ఎన్నికల ప్రచారంలో  జో బైడెన్‌- కమలా హారిస్‌ తరఫున పార్టనర్‌ షిప్స్‌మేనేజర్‌గా వ్యవహరించారు.  17. సబ్రీనా సింగ్‌ అమెరికా ఉపాధ్యక్షురాలిగా ఎన్నికైన కమలా హారిస్​కు డిప్యూటీ ప్రెస్​ సెక్రటరీగా భారత సంతతి అమెరికన్​ సబ్రిన సింగ్​ నియమితులయ్యారు. అధ్యక్ష ఎన్నికల ప్రచారంలో కమలా హారిస్​కు సబ్రిన్ ప్రెస్​ సెక్రటరీగా వ్యవహరించారు. 18. రీమా షా భారతసంతతి రీమా షా పుట్టిందీ, పెరిగిందీ కాలిఫోర్నియాలో. హార్వర్డ్‌ యూనివర్సిటీ, కేంబ్రిడ్జి యూనివర్సిటీ, యేల్‌ లా స్కూల్‌లో న్యాయవాద విద్యను పూర్తి చేసిన రీమా కాలిఫోర్నియా నార్త్‌ డిస్ట్రిక్ట్‌ కోర్టు, డిపార్ట్‌మెంట్‌ ఆఫ్‌ జస్టిస్‌, అమెరికా సుప్రీం కోర్టు... ఇలా అనేక న్యాయ సంస్థల్లో వివిధ ఉద్యోగాలు చేశారు. ఇప్పుడు శ్వేత సౌధంలో డిప్యూటీ అసోసియేట్‌ కౌన్సెల్‌గా బాధ్యతలు తీసుకోబోతున్నారు. (చదవండి: ఫలించిన మూడు దశాబ్దాల కల) 19. రోహిత్‌ చోప్రా భారతీయ అమెరికన్‌ రోహిత్‌ చోప్రాను కన్స్యూమర్‌ ఫైనాన్షియల్‌ ప్రొటెక్షన్‌ బ్యూరో(సీఎఫ్‌పీబీ) చీఫ్‌గా నియమించారు. కాథ్లీన్‌ లౌరా క్రానింగర్‌ స్థానంలో రోహిత్‌ ఎంపికయ్యారు. ప్రస్తుతం రోహిత్‌ ఫెడరల్‌ ట్రేడ్‌ కమిషన్‌ కమిషనర్‌గా ఉన్నారు. 2018లో సెనేట్‌ ఆయనను ఈ పదవికి ఏకగ్రీవంగా ఎంపిక చేయడం విశేషం. తాజాగా కీలక పరిపాలన స్థానాలకు పలువురిని నియమించిన బైడెన్‌.. రోహిత్‌కు సీఎఫ్‌పీబీ చీఫ్‌గా బాధ్యతలు అప్పగించారు.     20.విదుర్‌ శర్మ కొవిడ్‌ టెస్టింగ్‌ విభాగం వ్యవహారాలను చూసే  బాధ్యతను డాక్టర్‌ విదుర్‌ శర్మకు అప్పగించారు.

సాక్షి, కరీంనగర్‌: అమెరికా అధ్యక్షుడిగా కొలువుదీరనున్న జో బైడెన్‌ టీమ్‌లో తెలంగాణ మూలాలున్న వ్యక్తికి చోటుదక్కింది. బైడెన్‌కు స్పీచ్‌ రైటింగ్‌ డైరెక్టర్‌గా చొల్లేటి వినయ్‌రెడ్డి త్వరలో బాధ్యతలు స్వీకరించనున్న నేపథ్యంలో ఆయన మూలాలున్న పోతిరెడ్డిపేటలో హర్షాతిరేకాలు వ్యక్తమవుతున్నాయి. కరీంనగర్‌ జిల్లా హుజూరాబాద్‌ మండలం పోతిరెడ్డిపేట గ్రామానికి చెందిన చొల్లేటి నారాయణరెడ్డి, విజయారెడ్డి దంపతులు 1970లో అమెరికా వెళ్లారు. నారాయణరెడ్డి అక్కడే డాక్టర్‌గా స్థిరపడగా, ఆయన ముగ్గురు కుమారుల్లో ఒకరైన వినయ్‌రెడ్డి వైట్‌హౌస్‌లో బైడెన్‌కు స్పీచ్‌ రైటింగ్‌ డైరెక్టర్‌గా త్వరలో బాధ్యతలు స్వీకరించనున్నారు. అమెరికాలోని ఒహియా రాష్ట్రం డేటన్‌లో పుట్టి పెరిగిన వినయ్‌రెడ్డి కేజీ నుంచి డిగ్రీ వరకు ఒహియాలోనే చదువుకున్నారు. మియామి విశ్వవిద్యాలయం నుంచి న్యాయవాద విద్యలో పట్టా పొందారు. వినయ్‌రెడ్డి.. అమెరికా ఎన్నికల్లో బైడెన్‌–హ్యారిస్‌ ఎన్నికల ప్రచారానికి సీనియర్‌ సలహాదారుగా, ప్రసంగ రచయితగా పనిచేసిన అనుభవం ఉంది.  చదవండి: (యూఎస్‌లో రెండు బిగ్‌ ‘డే’లు.. అందులో ఒకటి నేడే!) కుటుంబ నేపథ్యం ఇదీ..: చొల్లేటి వినయ్‌రెడ్డి తాత తిరుపతిరెడ్డి పోతిరెడ్డిపేట గ్రామానికి 30 ఏళ్ల పాటు సర్పంచ్‌గా సేవలందించారు. వినయ్‌రెడ్డి తం డ్రి నారాయణరెడ్డి అమెరికా వెళ్లి డాక్టర్‌గా స్థిరపడ్డారు. పోతిరెడ్డిపేటలో వీరికి సొంతిల్లు, ఐదెకరాల పొలం ఉన్నాయి. నారాయణరెడ్డితోపాటు కుటుంబసభ్యులు సొంత గ్రామమైన పోతిరెడ్డిపేటకు అప్పుడప్పుడు వచ్చి వెళ్తుంటారు. చదవండి: (బైడెన్‌ కర్తవ్యాలు)

హైదరాబాద్‌ : ఉప్పల్ నియోజకవర్గం రామంతపూర్ డివిజన్‌లో స్థానిక ప్రతినిధి మేడిపల్లి వినయ్ రెడ్డి ఆధ్వర్యంలో 400 మంది నిరుపేదలకు నిత్యావసర సరుకులు పంపిణీ  చేశారు. కరోనా మహమ్మారి యావత్‌ ప్రపంచాన్ని పీడిస్తున్న తరుణంలో వైరస్ నియంత్రణకు కేంద్ర, రాష్ట్ర ప్రభుత్వాలు లాక్‌డౌన్‌ అమలు చేస్తున్న సంగతి తెలిసిందే. ఈ నేపథ్యంలో దినసరి కూలీ పని చేసుకునే నిరుపేదలు నిత్యావసర సరుకులు దొరక్క అనేక ఇబ్బందులను ఎదుర్కొంటున్నారు. స్థానిక నిరుపేదల ఇబ్బందులను తెలుసుకున్న వినయ్ రెడ్డి వారికి అండగా నిలుస్తూ దాతృత్వం ప్రదర్శించారు. తనవంతు సహాయంగా నిరుపేదలకు సహాయంగా ఆదివారం 400 మందికి నిత్యావసర వస్తువులు పంపిణీ చేశారు. ఈ కార్యక్రమంలో నగర మేయర్ బొంతు రామ్మోహన్, ఉప్పల్ ఎమ్మెల్యే భేతి సుభాష్ రెడ్డి, రాష్ట్ర పౌర సరఫరాల కార్పొరేషన్ చైర్మన్ మారెడ్డి శ్రీనివాస్ రెడ్డి తదితరులు పాల్గొన్నారు. వారి చేతుల మీదుగా కూడా పేదలకు సరుకులు పంపిణీ చేయించారు. పేదలకు సహాయం చేయాలని సహృదయంతో ఆలోచన చేసిన వినయ్ రెడ్డిని వారు అభినందించారు. ఆయన దాతృత్వాన్ని కొనియాడారు. పేదల ఆకలి తీర్చేందుకు మరింత మంది దాతలు ముందుకు రావాలని ఈ సందర్భంగా వారు పిలుపునిచ్చారు. పెద్ద ఎత్తున జరిగిన ఈ కార్యక్రమంలో మల్కాజిగిరి ఏసీపీ, ఉప్పల్ మున్సిపల్ డిప్యూటీ కమిషనర్, ఇతర అధికారులు, ప్రజాప్రతినిధులు పాల్గొన్నారు.

హిమాయత్‌నగర్‌:‘‘అలనాటి నటులు ఏఎన్‌ఆర్, ఎన్టీఆర్, ఎస్వీ రంగారావు తదితర మహా నటులు సైతం నాటకాల ద్వారా తెలుగు తెరకు పరిచయమైన వారే. నటన అనేది థియేటర్‌ ఆర్ట్స్‌తోనే వస్తుందంటున్నారు నటులు. థియేటర్‌ ఆర్ట్‌లోనే నటనకు ఓనమాలు దిద్దుకోవచ్చునంటున్నారు ‘సూత్రధార్‌’ ఫిల్మ్‌ ప్రొడక్షన్‌ కంపెనీ అధినేత వినయ్‌వర్మ. కామెడీ, సీరియస్, విలనిజం, ఏడిపించడం, కవ్వించడం ఆయన సొంతం. థియేటర్‌ ఆర్ట్స్‌లో ఆయనకు తిరుగు లేదు. నటనలో లీనమవ్వడం, ఇతరులను మెప్పించడం ఆయనకే సాధ్యం. దేశవ్యాప్తంగా ఆయనకో క్రేజ్‌ ఉంది. నవలల్లోని స్టోరీలను ఆధారంగా చేసుకుని నేటివిటీ తగ్గట్టు నాటకాన్ని రూపుదిద్దుతారు. నాటకం పూర్తయ్యే వరకు కుర్చీలో  కూర్చోబెట్టగలిగే ప్రతిభ వినయ్‌వర్మ సొంతం.   హిమాయత్‌నగర్‌కు చెందిన వినయ్‌వర్మ. 1980లో హైదరాబాద్‌ సెంట్రల్‌ యూనివర్సిటీలో ‘సోషియాలజీ’ పీజీ పూర్తి చేశారు. యూనివర్సిటీలో చదువుతున్న రోజుల్లో హుషారుగా ఉండేవారు. ఆయన ప్రతిభను గుర్తించిన రీసర్చ్‌ స్కాలర్‌ డాక్టర్‌ గోయల్‌ నాటకం చేస్తావా..అంటూ అడిగారు.  రూ.లక్షలు వదిలి..లక్ష్యం దిశగా ఆయన మాటను కాదనలేక నటించేందుకు ఒప్పుకున్న వినయ్‌వర్మ ‘యాంగ్రీయంగ్‌ మ్యాన్‌’గా చేశారు. ఒక లీడర్‌గా వ్యతిరేకంగా వెళ్లే క్యారెక్టర్‌లో లీనమైన వినయ్‌వర్మ యూనివర్సిటీలోని అందర్నీ తన నటనతో మెప్పించాడు. అందరూ ప్రశంసించడంతో నటనపై దృష్టి సారించాడు. ఇదే నటనతో యావత్‌ ప్రజానీకాన్ని మెప్పించాలనే ఆలోచనకు శ్రీకారం చుట్టాడు. చదువు పూర్తయ్యాక ‘డేనా’ బ్యాంకులో ఆఫీసర్‌గా ఉద్యోగం వచ్చినా, తన లక్ష్యం కోసం రూ. లక్షల జీతం వచ్చే ఉద్యోగాన్ని సైతం వదులుకున్నాడు.   ‘ సూత్రధార్‌’ ద్వారా 65కి పైగా నాటకాలు హిమాయత్‌నగర్‌లో 1998లో ‘సూత్రదార్‌’ పేరుతో థియేటర్‌ ఆర్ట్‌ ఇనిస్టిట్యూట్‌ను ప్రారంభించాడు. దీని ద్వారా అనేక నవలల్లోని అతి ముఖ్యమైన కథలను నాటకాలుగా చిత్రీకరించారు. హైదరాబాద్‌తో పాటు ఢిల్లీ, ముంబై, బెంగళూరు, పూణే, చెన్నై, కలకత్తా, లక్నో, అహ్మదాబాద్, ఇండోర్, భోపాల్, ఉదయ్‌పూర్‌ తదితర నగరాల్లోనూ నాటక ప్రదర్శనలు ఇచ్చాడు. సుమారు 45 నిమిషాల నుంచి రెండు గంటల పాటు ఉండే ఈ నాటకాల్లో ‘నవ్వించడం, ఏడిపించడం, టెన్షన్‌కు గురి చేయడం, థ్రిల్‌ అయ్యేలా చెయ్యడం, మెప్పించడం, ఒప్పించడం’ ఆయనకు మాత్రమే సొంతం అనేలా అక్కున చేర్చుకున్నారు ప్రేక్షకులు. ‘లవ్‌’తో తెరంగేట్రం.. నాటకాల్లో అతడి నటనను చూసి మెచ్చిన టాలీవుడ్, బాలీవుడ్, హాలీవుడ్‌ డైరెక్టర్లు తమ సినిమాల్లో అతడికి అవకాశాలు ఇచ్చారు. 2001లో ‘లవ్‌’ సినిమాతో తెరంగ్రేటం చేసిన వినయ్‌వర్మ ఆ సినిమాలో ‘టెర్రరిస్ట్‌’గా నటించాడు. ఆయన నటకు, తెరపైకి వచ్చిన ప్రతిసారీ ప్రేక్షకులను కుర్చీలలో నుంచి కదలనివ్వకుండా చేశాడు. ఇలా తెలుగులో 19 సినిమాలు, హిందీలో 7 సినిమాలు, హాలీవుడ్‌లో ‘బీపర్‌’ అనే సినిమాలో నటించాడు. బుల్లితెరపై కూడా తొమ్మిది సీరియల్స్‌ చేశాడు.   అబ్బే..ఏం లేదు ఇప్పటి వరకు ఆయన చేసిన నాటకాలన్నీ హిందీ, ఉర్దూ, మరాఠి, గుజరాతి తదితర భాషలకు చెందినవే. మొదటిసారి తెలుగు స్టోరీతో తెలుగులో ‘అబ్బే..ఏం లేదు’ అనే నాటకంతో ముందుకొస్తున్నాడు వినయ్‌వర్మ. ఓ కుటుంబంలో భార్య, భర్త, పనివాడు, డాక్టర్, ఇద్దరు దొంగలతో రూపుదిద్దుకున్న నాటకమే ‘అబ్బే..ఏం లేదు’. వినయ్‌వర్మ మొదటిసారి తెలుగులో చేస్తున్న నాటకం కావడంతో సిటీ ప్రజలు ఎంతో ఉత్కంఠంగా ఎదురు చూస్తున్నారు. ఈ నెల 20, 21 తేదీల్లో బంజారాహిల్స్‌లోని ‘లామాకాన్‌’ ఈ నాటకాన్ని ప్రదర్శించనున్నారు. ‘థియేటర్‌ ఆర్ట్‌’ బేసిక్‌ నాలెడ్జ్‌ నాటకం అంటే ఈ రోజుల్లో వారికి పెద్దగా తెలీదు, దానిని లైట్‌గా తీసుకుంటారు. థియేటర్‌ ఆర్ట్‌ అనేది బేసిక్‌ నాలెడ్జ్‌. దాని నుంచి సినిమాల్లోకి వెళితే అవలీలగా చేయగలిగే శక్తి, సామర్థ్యాలు వస్తాయి. హీరో విజయ్‌ దేవరకొండ కూడా థియేటర్‌ ఆర్ట్‌ నుంచి సినిమాల్లోకి వెళ్లిన వ్యక్తే. విజయ్‌ నా శిష్యుడు అని చెప్పుకోవడం గర్వంగా ఉంది. నటనపై ఆసక్తి, డెడికేషన్‌ ఉన్న వారికే నేను నేర్పిస్తా. మొదటిసారి తెలుగు నవలలోని ఓ కథను ‘అబ్బే..ఏం లేదు’ అనే పేరుతో ప్రదర్శిస్తున్నాము.  – వినయ్‌వర్మ, నటుడు, ‘సూత్రధార్‌’ ఫిల్మ్‌ ప్రొడక్షన్‌ కంపెనీ అధినేత.

బహదూర్‌పురా: నెహ్రూ జూలాజికల్‌ పార్కులో మంగళవారం వినయ్‌ (21) అనే పెద్దపులి అనారోగ్యంతో మృతి చెందింది. గత ఏడాదిగా తీవ్ర అనారోగ్యంతో పాటు వృద్ధాప్యంతో బాధపడుతున్న పెద్దపులి మంగళవారం ఉదయం మృతి చెందింది. గత కొంతకాలంగా సమ్మర్‌ హౌజ్‌లోని ఇన్‌టెన్సివ్‌ కేర్‌లో పశు వైద్య నిపుణులు డాక్టర్‌ ఎం.నవీన్‌ కుమార్‌ బృందం దానికి చికిత్స అందజేస్తోంది. డాక్టర్‌ లక్ష్మణ్, ప్రొఫెసర్‌ డాక్టర్‌ సదానంద్‌ తదితరులు పోస్టుమార్టం నిర్వహించారు. నమునాలను సేకరించి శాంతినగర్‌లోని వీబీఆర్‌ఐకు పంపినట్లు వారు తెలిపారు. 

సాక్షి, బెంగళూరు: బీజేపీ రాష్ట్ర అధ్యక్షుడు బీఎస్‌ యడ్యూరప్ప శికారిపురకు హెలికాప్టర్‌లో వచ్చి గత గురువారం నామినేషన్‌ దాఖలు చేశారు. తానేం తక్కువ కాదంటూ వినయ్‌ రాజావత్‌ అనే స్వతంత్ర అభ్యర్థి కూడా హెలికాప్టర్‌లోనే వచ్చి నామినేషన్‌ సమర్పించారు. 25 ఏళ్ల ఈ యువకుని స్వస్థలం బెంగళూరు కాగా, హెలికాప్టర్‌లో శికారిపురకు వెళ్లి  నామినేషన్‌ పత్రాలను రిటర్నింగ్‌ అధికారికి సమర్పించారు. హెలికాప్టర్‌ అద్దె డబ్బులను అతని స్నేహితులు భరించడం విశేషం. ఎద్దులబండిలో వెళ్లాలనుకున్నా : రాజావత్‌ మాట్లాడుతూ అందరి కంటే విచిత్రంగా నామినేషన్‌ పత్రాలను సమర్పించాలని తొలుత తాను తలచినట్లు చెప్పారు. ఎద్దుల బండిలో వెళితే ఎలా ఉంటుందని  ఆలోచించా ను, కానీ ఆ తర్వాత యడ్యూరప్ప లాంటి వ్యక్తిని ఎదుర్కొవాలంటే హెలి కాప్టర్‌లో వెళ్లడమే ఉత్తమమని తన స్నేహితులు సూచించినట్లు చెప్పారు. రాజావత్‌  ‘విద్యార్థి’ అనే ఒక స్టూడెంట్‌ ఆర్గనైజేషన్‌లో పనిచేస్తున్నారు.


 సాక్షి, హైదరాబాద్‌: ఆన్‌లైన్‌ షాపింగ్‌ చేస్తున్నారా?  బిజీ లైఫ్‌ లో  షాపింగ్‌ చేసే ఓపిక లేకో...లేక బిజీబిజీ షెడ్యూల్‌ ..సమయం లేదనో ఆన్‌లైన్‌ షాపింగ్‌ను  ఎంచుకుంటున్నారా? అయితే మీకో హెచ్చరిక. ఎందుకంటే   ఆన్‌లైన్‌ లో విలువైన వస్తువులను ఆర్డర్‌ చేస్తే .. రాళ్లు, రప్పలు  మనల్ని వెక్కిరించడం ఈ మధ్య కాలంలో తరచూ జరుగుతోంది.  ఆన్‌లైన్‌లో షాపింగ్ చేస్తున్న వినియోగదారులకు వస్తువులకు బదులు రాళ్లు, ఇటుకలు రావడం  ఆందోళన రేపుతోంది. తాజాగా ఇలాంటి ఆన్‌లైన్‌ మోసం ఒకటి వెలుగులోకి వచ్చింది.  ఆన్‌లైన్‌ రీటైలర్‌  ఫ్లిప్‌కార్ట్  లో కెమెరాను ఆర్డర్ చేసిన వ్యక్తికి పార్సిల్‌లో రాయి,  పిల్లలు ఆడుకునే  రెండు బొమ్మ కెమెరాలు రావడంతో బాధితుడు పోలీసులను ఆశ్రయించారు.
 
 హైదరాబాద్‌లో చోటుచేసుకున్న ఈ ఘటనపై ఎల్బీనగర్ పోలీసులు దర్యాప్తు ప్రారంభించారు. వివరాల్లోకి వెళితే.. నాగోల్ మమతా నగర్‌కాలనీకి చెందిన  వినయ్(24)  డీఎస్‌ఎల్‌ ఆర్‌ కెమెరా కోసం  ఫ్లిప్‌కార్ట్‌లో ఆర్డర్ చేశారు.  రూ.41 వేల విలువైన కెనాన్‌ ఈవోఎస్‌ 700డి కెమెరాను ఆన్‌లైన్‌లో ఆర్డర్‌ చేశారు.   తీరా  సెప్టెంబర్‌ 5వ తేదీ  సాయంత్రం డెలివరీ బాయ్ ఇచ్చిన పార్శిల్  విప్పి  చూస్తే  అందులో రాయి, డమ్మి కెమెరాలు దర్శనమిచ్చాయి. దీంతో మోసపోయానని  గ్రహించిన  బాధితుడు వెంటనే పోలీసులకు ఫిర్యాదు చేశారు.
 కేసు నమోదు చేసిన పోలీసులు  పార్శిల్ ఎక్కడి నుంచి వచ్చింది, డెలివరీ బాయ్ ఎవరు, ఫోన్ నంబర్ తదితర వివరాలను  ఆరా తీస్తున్నారు. అలాగే  సీసీ ఫుటేజీలను కూడా పరిశీలిస్తున్నామని ఎల్‌బీ నగర్‌ ఎస్‌ఐ  తెలిపారు. అయితే  ఈ ఆరోపణలను ఫ్లిప్‌కార్ట్‌ తిరస్కరించింది. కస‍్టమర్‌ కేర్‌ ద్వారా సంప్రదించినపుడు అత్యంత భద్రత మధ్య తమ ప్యాకింగ్‌ ఉంటుందనీ, డెలివరీకంపెనీ మోసం చేసి ఉంటుందని, దీనికి తమ బాధ్యత ఏమీ లేదని సమాధానం ఇవ్వడం గమనార్హం. ఆన్‌లైన్ మోసాలు ఎంతలా జరుగుతున్నాయనేదానికి నిలువెత్తు నిదర్శనం ఈ ఉదంతం.. సో..ఇకపై ఆన్‌లైన్‌ షాపింగ్‌ చేసేటపుడు ఒకటికి రెండుసార్లు ఆలోచించాల్సిందే.


 శోభన్‌బాబు ‘ఏవండీ ఆవిడ వచ్చింది’, కృష్ణ ‘అమ్మ దొంగ’తో సహా పలు చిత్రాలకు కథ, మాటలు అందించిన రచయిత వినయ్‌కుమార్ ఇక లేరు. గురువారం ఉదయం హైదరాబాద్‌లోని స్వగృహంలో గుండెపోటుతో మరణించారు. ఆయన స్వస్థలం వరంగల్.
 
 సినిమాలపై ఆసక్తితో రచయితగా తెలుగు చిత్ర పరిశ్రమలోకి ప్రవేశించారు. ‘అమ్మనా కోడలా’, ‘ప్రేమ ఖైదీ’ వంటి పలు హిట్ చిత్రాలకు పని చేశారాయన.
  


 ఆదిలాబాద్ జిల్లా నేరడుగొండ మండలంలోని కుంటాల జలపాతంలో ఒక యువకుడు గల్లంతయ్యాడు. నిజామాబాద్ జిల్లా కేంద్రానికి చెందిన ఐదుగురు యువకులు ఆదివారం మధ్యాహ్నం కుంటాల జలపాతం అందాలను వీక్షించేందుకు వచ్చారు. జలపాతం వద్ద వారు సరదాగా గడిపే సమయంలో ప్రమాదవ శాత్తు వినయ్(21) నీటిలో పడిపోయాడు. వెంటనే అతడి కోసం స్నేహితులు, అక్కడి వారు గాలించినా దొరకలేదు. పోలీసులు సంఘటన స్థలికి చేరుకుని తమ వంతు ప్రయత్నాలు చేశారు. అయినప్పటికీ రాత్రి 7 గంటల దాకా అతడి ఆచూకీ లభ్యం కాలేదు.
 
  


  పిల్లలకు తండ్రి గండం తప్పింది.. ఇప్పుడెంతో హ్యాపీగా ఉన్నాను..
  హుస్సేన్‌సాగర్ నీళ్లు చల్లుకుని శుద్ధి చేసుకున్నా.. నాకే పాపం ఉండదు
  సాక్ష్యాలు అడిగితే ఇవ్వలేను: పోలీసు విచారణలో వెల్లడించిన రజని
  ఆమె మానసిక స్థితి సరిగా లేదు: రజని భర్త వినయ్
      
 హైదరాబాద్: ‘‘నా ఇద్దరు బిడ్డలను నేనే చంపేశా.. కన్న కూతుళ్లను పాశవికంగా హత్య చేశావు.. ఏం అనిపించలేదా అని మీరంతా ప్రశ్నిస్తున్నారు. నిజానికి నా కూతుళ్లను కడతేర్చాక చాలా రిలాక్స్‌గా, హ్యాపీగా ఉన్నాను. రెండు నెలలుగా నా భర్త నుంచి నా బిడ్డలకు హాని ఉందని చాలా కుమిలిపోయా.. మున్ముందు ఏం జరుగుతుందోనన్న ఆందోళన ఇకపై ఉండదు. ఇద్దరు కూతుళ్లను చంపేశాక నేరుగా ట్యాంక్‌బండ్‌కు వెళ్లా.. తలపై హుస్సేన్‌సాగర్ నీళ్లు చల్లుకుని ఒంటిని శుద్ధి చేసుకున్నా.. ఇక నాకే పాపం ఉండదు. అందుకే ట్యాంక్‌బండ్ నుంచి నేరుగా ఇంటికి వచ్చా..’’ కన్న కూతుళ్లు అశ్విక(7), తివిష్క(3)లను కర్కశంగా గాజు పెంకుతో గొంతుకోసి చంపిన తల్లి రజని(41) పోలీసుల విచారణలో చెప్పిన విషయమిది. బుధవారం రాత్రే రజనిని అదుపులోకి తీసుకున్న తుకారాంగేట్ పోలీసులు గురువారం రిమాండ్‌కు తరలించారు. ఇద్దరు బిడ్డలను కడతేర్చి పోలీసుల ఎదుట ప్రత్యక్షమైన రజని.. కంటతడి పెట్టకపోగా నిర్భీతిగా పోలీ సు విచారణలో చెప్పిన సమాధానాలు అధికారులనే నివ్వెరపరిచాయి. విచారణలో పోలీసు లు అడిగిన ప్రశ్నలకు రజని ఇచ్చిన సమాధానాలు ఆమె మాటల్లోనే..
 
 తండ్రిని చూస్తే భయపడేది..
 రెండు నెలలుగా నా పెద్ద కూతురు అశ్విక తండ్రి వినయ్ దగ్గరికి వెళ్లడం లేదు. ఆయన లేనప్పుడు ఇంట్లో బాగానే ఉంటున్న అమ్మా యి.. ఆయన్ను చూడగానే భయపడి పోతోం ది. మా అమ్మాయి తండ్రి లైంగిక వేధింపులకుగురై భయపడిపోతోందని నా అంతరాత్మ చె ప్పింది. నా మనసు ఎప్పుడూ తప్పు చెప్పదు. ఆత్మసాక్షిగా అది నిజమేనని అనుకున్న మీదట నా మనసు నిలకడగా లేదు. నేను ప్రాణంగా చూసుకునే అమ్మాయిలు ఏదో ఒకరోజు తండ్రి చేతిలో అత్యాచారానికి బలైపోతారని దృఢంగా నమ్మాను. నా పిల్లలను రక్షించుకోవడానికి మా ర్గం అన్వేషించా. వారిని చంపేయడమే కరెక్ట్ అనిపించింది. అందుకే నిన్న(బుధవారం) రాత్రి ఇద్దరినీ చంపేశాను. ఇప్పుడు చాలా రిలాక్స్‌గా, హ్యాపీగా ఉన్నాను. ఇకపై నాకు ఎటువంటి చింతా ఉండదు. నా ఇద్దరు పాపలకు తండ్రి నుంచి లైంగిక వేధింపుల భయం ఉండదు. అలాగని నా కళ్లతో ఎప్పుడూ భర్త పిల్లల్ని లైంగికవేధింపులకు గురిచేయడం చూ డలేదు. సాక్ష్యాలు తెమ్మంటే నా దగ్గర లేవు.
 
 భర్త వాదన మరోలా..
 ఇద్దరు కూతుళ్లను కోల్పోయి కుప్పకూలిపోయిన రజని భర్త వినయ్ పోలీసులకు ఇచ్చిన వివరణ మరోలా ఉంది. కన్న కూతుళ్లపై.. అందులోనూ ముక్కుపచ్చలారని పసివారిపై తాను లైంగిక వేధింపులకు పాల్పడినట్టు రజని చెప్పడం పూర్తిగా అవాస్తవమని వినయ్ చెప్పాడు. ఈ మధ్య తన భార్య మానసిక స్థితి సరిగ్గా లేదని, తనలో తానే ఏదో ఊహించుకుని అవే వాస్తవాలుగా భావించి తనతో గొడవ పడేదన్నాడు. హత్య జరిగిన రోజు ఉదయం భార్యాపిల్లలతో గుడికి వెళ్లివచ్చామని, ఇంటికి వచ్చాక రజని తనతో లైంగిక వేధింపుల ప్రస్తావన తెచ్చి గొడవ పడిందని వెల్లడించాడు. తన మానసిక స్థితి సరిగా లేదని తెలిసి తానేమీ మాట్లాడకుండానే ఆఫీసుకు వెళ్లిపోయానని, తిరిగి వచ్చేసరికి ఘోరం జరిగిపోయిందని పోలీసుల ముందు భోరున విలపించాడు.
  
 లైంగిక వేధింపులపై ఆధారాల్లేవు: గాంధీ వైద్యులు
 అశ్విక, తివిష్కలను ఊపిరాడకుండా చేసి, గొంతు కోసి హత్య చేసినట్టుగా గాంధీ ఆస్పత్రి ఫోరెన్సిక్ వైద్యులు ధ్రువీకరించారు. తల్లి చేతిలో హత్యకు గురైన ఇరువురు బాలికల మృతదేహాలకు గురువారం గాంధీ వైద్యులు పోస్టుమార్టం నిర్వహించారు. అనంతరం వైద్యులు మాట్లాడుతూ బాలికల ఒంటిపై లైంగిక వేధింపులకు గురైన ఆనవాళ్లు లేవని నిర్ధారించారు. దీంతో మానసిక స్థితి సరిగా లేని కారణంగానే రజని తన కూతుళ్లను హత్యచేసి ఉంటుందని పోలీసులు భావిస్తున్నారు.
  


 దేవరనేని కొత్తపల్లిలో ఇద్దరి హత్య
 * తండ్రీకుమారుడిని మట్టుబెట్టిన ప్రత్యర్థులు
 * వ్యవసాయ బోరు వద్ద నిద్రిస్తుండగా దాడి
 * పోలీసుల అదుపులో అనుమానితులు..?
 అర్వపల్లి: అర్వపల్లి మండలం దేవరనేని కొత్తపల్లి గ్రామానికి చెందిన  గైగుళ్ల శ్రీను(40) ఆయన దాయాదులు గైగుళ్ల వెంకట్‌నారాయణ,అవిలయ్యల మధ్య ఏడేళ్లుగా తగాదాలు జరుగుతున్నాయి. గతంలో భూమి తగాదాలుండగా రెండేళ్ల నుంచి బోరు తగాదా జరుగుతోంది.
 
 శ్రీను-వెంకట్‌నారాయణల భూములు పక్కపక్కనే ఉండటం ఈ క్రమంలోనే బోర్లను కూడా ఒకరి పక్క ఒకరు వేసుకోవడంతో సమస్య తీవ్రమైంది. అయితే కొన్ని నెలల నుంచి శ్రీను బోరు ఆన్ చేస్తే వెంకట్‌నారాయణ, అవిలయ్యల బోరులో నీళ్లు రాకపోవడం, వీరి బోరు ఆన్‌చేస్తే శ్రీను బోరు పనిచేయకపోవడం(నీళ్లు రాకపోవడం)తో ఘర్షణలు జరుగుతున్నాయి. అయితే గురువారం రాత్రి శ్రీను తన బోరు నీళ్లు పొలానికి పారించడానికి కుమారుడు వినయ్(15)తో కలిసి పొలం వద్దకు వెళ్లాడు. కరెంట్ లేకపోవడంతో జనరేటర్ అద్దెకు తెచ్చుకుని అర్ధరాత్రి వరకు నడిపించుకున్నాడు.  
  
 పథకం ప్రకారమే..
 వ్యవసాయ బోరు వద్ద నిద్రిస్తున్న తండ్రీకుమారుడిని ప్రత్యర్థులు పథకం ప్రకారమే హత్య చేసినట్టు తెలుస్తోంది. దుండగులు తొలుత ఆదమరచి నిద్రిస్తున్న శ్రీనుపై గొడ్డలి, గడ్డపారతో దాడి చేసి హతమార్చి అనంతరం ఆయన కుమారుడిని మట్టుబెట్టినట్టు సంఘటన స్థలాన్ని బట్టి అవగతమవుతోంది. ప్రత్యర్థులు తండ్రిపై దాడిచేస్తున్న సమయంలో వినయ్ గమనించి పత్తిచేల వైపు పరుగుతీసినట్టు తెలుస్తోంది. అయినా దుండగులు అతడిని వెంటాడి వేటాడినట్టు స్పష్టమవుతోంది.
 
 ఈ హత్యకు నిందితులు గొడ్డలి, గడ్డపార, కర్రలను వాడారు. గ్రామ రైతులు, కూలీలు ఉదయం వ్యవసాయ బావి వద్దకు తండ్రీకుమారుడి హత్యోదంతం వెలుగులోకి వచ్చింది. విషయం తెలుసుకుని అక్కడికి చేరుకున్న మృతుల కుటంబ సభ్యులు రోదించిన తీరు పలువురిని కలచివేసింది.
  
 దాయాదులపైనే అనుమానాలు
 పోలీసులు న ల్లగొండ నుంచి డాగ్ స్క్వాడ్‌ను రప్పించి నిందులకోసం వెతికించారు. నిందితులుగా అనుమానిస్తున్న వెంకట్‌నారాయణ, అవిలయ్యల ఇళ్ల వద్దకు జాగిలం వెళ్లి అగిపోయింది. పోస్టుమార్టం నిమిత్తం మృతదేహాలను తుంగతుర్తి ఆస్పత్రికి తరలించారు. భూతగాదాల నేపథ్యంలో వెంకట్‌నారాయణ,అవిలయ్యలే ఈ ఘాతుకానికి ఒడిగట్టినట్టు అనుమానిస్తు మృతుల కుటుంబ సభ్యులు పోలీసులకు ఫిర్యాదు చేశారు. కాగా, పోలీసులు ఇప్పటికే అనుమానితులను అదుపులోకి తీసుకుని విచారిస్తున్నట్టు సమాచారం.
  
 ఏడేళ్ల కిందట ..
 గైగుళ్ల శ్రీను భూతగాదాల నేపథ్యంలో ఏడేళ్ల కిందట దాయాదులు వెంకట్‌నారాయణ, అవిల య్యలపై దాడిచేసి గాయపర్చా డు. అప్పట్లో శ్రీనుపై కూడా కేసు నమోైదె ంది. అయితే ఆ తర్వాత పెద్ద మనుషుల సమక్షంలో పంచాయితీ పెట్టి సమస్యను పరిష్కరించుకున్నా రు. కాగా ఈ మధ్య వర్షాభావ పరిస్థితులతో పక్కపక్కనే ఉన్న ఇద్దరి బోర్లలో నీళ్లు అడుగంటడం, ఉన్న కొద్ది నీరును వాడుకోవాలంటే ఒకరు బోరు వేస్తే మరొకరిది పనిచేయకపోవడంతో గొడవలు మళ్లీ మొదలయ్యాయి.
  
 సంఘటన స్థలాన్ని పరిశీలించిన డీఎస్పీ...
 సూర్యాపేట డీఎస్పీ ఎంఏ. రషీద్, తుంగతుర్తి సీఐ దండి లక్ష్మణ్‌లు సంఘటన స్థలాన్ని సందర్శించి వివరాలు తెలుసుకున్నారు. అవాంఛనీ య ఘటనలు జరుగకుండా అర్వపల్లి,నూతనకల్ ఎస్సైలు మోహన్‌రెడ్డి, అభిలాష్ గ్రా మం లో బందోబస్తు ఏర్పాట్లు చేశారు. సంఘటన స్థలాన్ని సర్పంచ్ బెల్లి సైదులు, ఎంపీటీసి  వంగూరి రజితశ్రీనివాస్‌లు సందర్శించి మృ తుల కుటుంబాన్ని పరామర్శించారు. శ్రీనివాస్‌కు భార్య రాధ, కూతురు లిఖిత ఉన్నారు.


 ఎదురెదురుగా వస్తున్న రెండు వాహనాలు ఢీకొన్న ఘటనలో ఓ యువకుడు మృతిచెందగా.. మరో ఇద్దరికి గాయాలయ్యాయి. ఈ సంఘటన కృష్ణా జిల్లా కంచికచర్ల సమీపంలో బుధవారం చోటుచేసుకుంది. మండలంలోని నక్కలపేటకు చెందిన గుత్తా వినయ్(26) పరిటాల నుంచి కంచకచర్ల వైపు బైక్ పై వెళ్తున్న సమయంలో ఎదురుగా వస్తున్న ఆటో ఢీకొట్టింది. దీంతో వినయ్ తలకు బలమైన గాయాలయ్యాయి. ఇది గుర్తించిన స్థానికులు అతన్ని 108 సాయంతో ఆస్పత్రికి తరలించడానికి ప్రయత్నించగా.. మార్గమధ్యలో మృతిచెందాడు. సమాచారం అందుకున్న పోలీసులు కేసు నమోదు చేసుకొని దర్యాప్తు చేస్తున్నారు.
 
  


 రామకృష్ణాపూర్: ఆదిలాబాద్ జిల్లా రామకృష్ణాపూర్‌లో 3 రోజుల క్రితం అదృశ్యమైన ఓ బాలుడు దారుణ హత్యకు గురయ్యాడు. ఇనుప తీగతో ఉరివేసి గోనె సంచిలో కట్టి మృతదేహాన్ని దుండగులు బాలుడి ఇంటి సమీపంలోనే పడేసి వెళ్లారు. మల్లిఖార్జున్‌నగర్‌కు చెందిన సుధాకర్-నాగలక్ష్మి పెద్దకుమారుడు పెండ్యాల వినయ్(6) ప్రైవేట్ పాఠశాలలో యూకేజీ చదువుతున్నాడు. ఈ నెల 14న మధ్యాహ్నం 3 గంటల ప్రాంతంలో ఆడుకునేందుకు వెళ్లి తిరిగిరాలేదు. సాయంత్రం వరకు గాలించినా ఆచూకీ లభించలేదు. దీంతో కుటుంబసభ్యులు పోలీసులకు ఫిర్యాదు చేశారు. 
 
 కాగా.. శనివారం వేకువజామున బాలుడి ఇంటి సమీపంలోని ఓ హోటల్ వెనుక గోనె సంచి పడి ఉండటాన్ని గుర్తించిన స్థానికులు పోలీసులకు సమాచారం అందించారు. పోలీసులు వచ్చి దానిని తెరిచి చూడగా వినయ్ మృతదేహం ఉంది. గొంతుకు ఇనుప తీగతో ఉరి బిగించి అత్యంత దారుణంగా హత్య చేశారు. మృతదేహం కుళ్లిపోయి ఉండటాన్ని బట్టి చూస్తే అదృశ్యమైన రోజునే హత్యకు గురై ఉంటాడని తెలుస్తోంది.  డాగ్‌స్క్వాడ్‌ను రప్పించి దర్యాప్తు సాగిస్తున్నారు.
  
  
  


 మందమర్రి : ఆదిలాబాద్ జిల్లాలో దారుణం చోటు చేసుకుంది. గురువారం అదృశ్యమైన బాలుడు వినయ్ ను దుండుగులు హత్యచేశారు. వివరాలు.. జిల్లాలోని మందమర్రి మండలం రామకృష్ణాపురం గ్రామంలోని మల్లికార్జునవగర్‌కు చెందిన వినయ్(6) అదృశ్యమయ్యాడని అబ్బాయి తల్లి నాగలక్ష్మి గురువారం మందమర్రి పోలీసులకు ఫిర్యాదుచేసింది. పోలీసులు కేసు నమోదుచేశారు.
  
 అయితే శనివారం ఉదయం నాగలక్ష్మి ఇంటి సమీపంలో గోనెసంచి మూట కనిపించడంతో స్థానికులు పోలీసులకు సమాచారం అందించారు. ఈ రోజు ఉదయం గోనెసంచిని తెరిచి చూసిన పోలీసులకు అందులో వినయ్ మృతదేహం కనిపించింది. వినయ్ తండ్రి సుధాకర్‌ను కూడా ఇలాగే రెండేళ్ల క్రితం గుర్తు తెలియని వ్యక్తులు హత్య చేశారు. తన భర్తను హతమార్చిన వారే తన కుమారుడిని కూడా బలితీసుకుని ఉంటారని నాగలక్ష్మి పోలీసులకు ఫిర్యాదు చేసింది. కేసు దర్యాప్తులో ఉన్నట్లు పోలీసులు చెప్పారు.
  


 అమెరికా నుంచి స్వదేశానికి వచ్చిన ఓ యువకుడు తన కుటుంబంలోని సమస్యలను ఎలా పరిష్కరించుకున్నాడు...? అనే కథాంశంతో వస్తున్న చిత్రం ‘మార్గం'. ప్రముఖ దర్శకుడు మణిరత్నం వద్ద పనిచేసి, ఎన్నో సూపర్‌హిట్ చిత్రాలను అందించిన  కణ్ణన్ ఈ చిత్రానికి దర్శకుడు. వినయ్, భావన జంటగా నటించిన ఈ చిత్రాన్ని సత్యదేవా పిక్చర్స్ పతాకంపై ఆర్. సత్యనారాయణ తెలుగు ప్రేక్షకులకు అందిస్తున్నారు.
 
 ఈ సందర్భంగా నిర్మాత మాట్లాడుతూ - ‘‘ప్రేమ, కుటుంబ విలువలు, వినోదం కలగలిసిన చిత్రమిది. కుటుంబ సమస్య పరిష్కారం కోసం ఇందులో హీరో ఎంచుకునే మార్గం వైవిధ్యంగా, విభిన్నంగా ఉంటుంది. ఈ సినిమా పాటలను మార్చి మొదటి వారంలో, సినిమాను మూడో వారంలో విడుదల చేస్తాం’’ అని తెలిపారు.  ఈ చిత్రానికి సంగీతం: విద్యాసాగర్, కెమెరా: బాల సుబ్రహ్మణ్యం, పాటలు: శివ గణేష్.


 రంగారెడ్డి: మొయినాబాద్ మండలంలోని చిలుకూరు గ్రామం వద్ద సైకిల్‌పై వెళ్తున్న విద్యార్థులను డీసీఎం ఢీకొట్టింది. ఈ ప్రమాదంలో స్కూల్ విద్యార్థి వినయ్(10) మృతి చెందాడు. మరో బాలుడికి తీవ్ర గాయాలయ్యాయి. గాయపడిన బాలున్ని దగ్గరలోని భాస్కర ప్రైవేటు ఆసుపత్రిలో చేర్చారు. వినయ్ మృతదేహాన్ని పోస్టుమార్టం నిమిత్తం ఉస్మానియా ఆసుపత్రికి తరలించారు. పోలీసులు డీసీఎం డ్రైవర్‌పై కేసు నమోదు చేశారు.
 (మొయినాబాద్)


 
  హన్మకొండ : రాష్ట్ర మంత్రిగా బాధ్యతలు చేపట్టాక తొలిసారి జిల్లాకు వచ్చిన గ్రామీణ, పంచాయతీరాజ్, ఐటీ శాఖ మంత్రి కె.తారకరామారావు, పార్లమెంటరీ కార్యదర్శిగా బాధ్యతలు స్వీకరించాక తొలిసారి జిల్లాకు వచ్చిన దాస్యం వినయ్‌భాస్కర్‌కు టీఆర్‌ఎస్ శ్రేణులు, అభిమానులు ఘన స్వాగతం పలికారు. జిల్లా సరిహద్దు జనగామ మండలం పెంబర్తి వద్ద ఆ పార్టీ జిల్లా అధ్యక్షుడు తక్కళ్లపల్లి రవీందర్‌రావు, ఎంపీ సీతారాంనాయక్, జెడ్పీ చైర్‌పర్సన్ గద్దల పద్మ, ఎమ్మెల్సీలు బోడకుంటి వెంకటేశ్వర్లు, నాగపురి రాజలింగం, పూల రవీందర్, ఎమ్మెల్యేలు ముత్తిరెడ్డి యాదగిరిరెడ్డి, ఆరూరి రమేష్, శంకర్‌నాయక్, టీఈఏ రాష్ట్ర అధ్యక్షుడు మర్రి యాదవరెడ్డి, టీఆర్‌ఎస్‌వీ జనరల్ సెక్రటరీ కె.వాసుదేవరెడ్డి, జనగామ మునిసిపల్ చైర్‌పర్సన్ గాడిపల్లి ప్రేమలతరెడ్డి, టీఆర్‌ఎస్ నాయకులు మార్నేని రవీందర్‌రావు, భరత్‌కుమార్‌రెడ్డి, సకినాల శోభర్, ఎల్లావుల లలితా యాద వ్‌తోపాటు సీనియర్ నాయకులు కేటీఆర్‌కు, వినయ్‌భాస్కర్‌కు శనివారం పుష్పగుచ్ఛాలు అందించి స్వాగతం పలికారు. అనంతరం ఎమ్మెల్యే ముత్తిరెడ్డి స్వగృహంలో తేనీటి విందు స్వీకరించి, వరంగల్‌కు బయలుదేరారు.
 
 కాజీపేటలోని కడిపికొండ బ్రిడ్జి వద్ద టీఆర్‌ఎస్ నగర అధ్యక్షుడు నన్నపునేని నరేందర్, తెలంగాణ జాగృతి యువత రాష్ట్ర అధ్యక్షుడు దాస్యం విజయ్‌భాస్కర్ ఆధ్వర్యంలో పార్టీ నాయకులు అతిథులకు పుష్పగుచ్ఛాలు అందించారు. అనంతరం టీఆర్‌ఎస్, తెలంగాణ జాగృతి ఆధ్వర్యంలో ద్విచక్ర వాహన ర్యాలీగా బయలుదేరారు. కాజీపేట కూడలిలో మాజీ మంత్రి దాస్యం ప్రణయ్‌భాస్కర్ చిత్రపటానికి పార్లమెంటరీ కార్యదర్శి వినయ్‌భాస్కర్ పూలమాల వేసి నివాళులర్పించారు. సుబేదారిలోని వడ్డెపల్లి రోడ్డు ప్రణయ్‌మార్గ్ వద్ద వినయ్‌భాస్కర్ కుటుం బ సభ్యులు మంగళహారతులతో స్వాగతం పలికారు. కలెక్టరేట్ వద్ద ఉద్యోగ సంఘాల నాయకులు పరిటాల సుబ్బారావు, కోల రాజేష్‌కుమార్, ఎ.జగన్‌మోహన్, రత్నవీరచారితోపాటు ఉద్యోగులు కేటీఆర్, వినయ్‌భాస్కర్‌కు స్వాగ తం పలికారు. సుబేదారిలోని అమరుల కీర్తి స్తూపం వద్ద నివాళులర్పించారు. అనంతరం మంత్రి కేటీఆర్, పెద్దపల్లి ఎంపీ బాల్క సుమన్ ప్రజలనుద్దేశించి మాట్లాడారు. అనంతరం హైదరాబాద్‌లో సమావేశం ఉందని మంత్రి కేటీఆర్, ఎంపీ సుమన్ వెళ్లిపోయారు. తర్వాత కాళోజీ విగ్రహానికి పూలమాల వేసి, నివాళులర్పించారు. అనంతరం ప్రొఫెసర్ జయశంకర్, అంబేద్కర్ విగ్రహాలకు పూలమాల వేసి నివాళులర్పించారు. ర్యాలీగా ములుగు రోడ్డు కూడలిలోని వెంకటేశ్వర గార్డెన్‌కు చేరుకున్నారు. అక్కడ పార్లమెంటరీ కార్యదర్శి వినయ్‌భాస్కర్‌ను పార్టీ శ్రేణులు, ప్రజా సంఘాలు, వ్యాపార సంఘాలు, అభిమానులు పూల మాలలు వేసి, పుష్పగుచ్ఛాలు అందించి శాలువా కప్పి సన్మానించారు. నాయకులు కన్నెబోయిన రాజయ్యయాదవ్, కోరబోయిన సాంబయ్య, మరుపల్లి రవి, మాడిశెట్టి శివశంకర్, కోరబోయిన విజయ్‌కుమార్, కేశబోయిన శ్రావణ్, మిడిదొడ్డి స్వప్న, జోరిక రమేశ్, రమేశ్, నర్సింగ్, రాజ్‌కుమార్, కిశోర్, ప్రశాంత్, సైదిరెడ్డి, కొమురయ్య, ఇంద్రసేనారెడ్డి, మధు, రంజిత్, డిన్న, రాజు పాల్గొన్నారు.
  
  


 * చందూలాల్‌కు చాన్స్   
 * కొండా సురేఖ, వినయ్‌లో ఒకరికి అవకాశం
 సాక్షి ప్రతినిధి, వరంగల్ : టీఆర్‌ఎస్ సర్కారు ఏర్పడి ఆరు నెలలు పూర్తయిన నేపథ్యంలో నామినేటెడ్ పదవుల పంపకాలతోపాటు మంత్రివర్గ విస్తరణ ఉంటుందని టీఆర్‌ఎస్ వర్గాలు బలంగా చెబుతున్నాయి.  నామినేటెడ్ పదవులను భర్తీ చేస్తుండగా.. పరిపాలనను మెరుగు పరిచే చర్యల్లో భాగంగా త్వరలోనే మంత్రివర్గ విస్తరణ ఉంటుందని గులాబీ పార్టీ నేతలు భావిస్తున్నారు. మంత్రివర్గ విస్తరణ ఎప్పుడు ఉన్నా.. గిరిజన సంక్షేమ  శాఖ బాధ్యతలు ఈ వర్గం వారికే అప్పగిస్తామని ముఖ్యమంత్రి కేసీఆర్ గురువారం ప్రకటించారు.
 
 కేసీఆర్ తాజా ప్రకటనతో జిల్లాకు చెందిన ములుగు ఎమ్మెల్యే అజ్మీరా చందులాల్‌కు మంత్రి పదవి వరిస్తుందనే చర్చ జోరందుకుంది. టీఆర్‌ఎస్ తరుఫున గెలిచిన గిరిజన ఎమ్మెల్యేల్లో చందులాల్ సీనియర్. గతంలో మంత్రిగా, రెండు సార్లు ఎంపీగా కూడా పని చేశారు. అన్నింటి కంటే ముఖ్యంగా కేసీఆర్‌కు రాజకీయంగా సమకాలికుడు కావడం చందులాల్‌కు అనుకూల అంశంగా కనిపిస్తోంది.
  
 ఎవరికి వారు..
 మంత్రివర్గ విస్తరణపై చందులాల్‌తోపాటు వరంగల్ తూర్పు ఎమ్మెల్యే కొండా సురేఖ, వరంగల్ పశ్చిమ ఎమ్మెల్యే దాస్యం వినయభాస్కర్ ఆశలు పెట్టుకున్నారు. వీరు ముగ్గురు సీఎంకు తమ పేర్లు పరిశీలించాని విన్నవిస్తున్నట్లు టీఆర్‌ఎస్ వర్గాలు చెబుతున్నాయి. ప్రస్తుత మంత్రివర్గంలో మహిళలకు ప్రాతినిథ్యం లేదు. మహిళా కోటాలో మంత్రి పదవి వస్తుందని కొండా సురేఖ ఆశాభావంతో ఉన్నారు.
 
 జిల్లాలోని టీఆర్‌ఎస్ ఎమ్మెల్యేల్లో సీనియర్‌గా తనకు అవకాశం వస్తుందని వినయభాస్కర్ భావిస్తున్నారు. 2009లో కేసీఆర్ నిరహార దీక్ష తర్వాత ఉద్యమం కీలక సమయంలో వినయభాస్కర్ ఒక్కరే జిల్లాలో ఎమ్మెల్యేగా ఉన్నారు. అన్ని కార్యక్రమాల్లోనూ ప్రత్యక్షంగా పాల్గొన్న వ్యక్తిగా ఆయనకు పార్టీ అధిష్టానం వద్ద గుర్తింపు ఉంది. ఇలా ఎవరికివారు తమకు ఉన్న అనుకూల అంశాలతో మంత్రి పదవి కోసం ప్రయత్నిస్తున్నారు.
  
 ఒక్కరికా.. ఇద్దరికా..?
 సాధారణ ఎన్నికల్లో జిల్లాలోని 12 అసెంబ్లీ స్థానాల్లో టీఆర్‌ఎస్ ఎనిమిది స్థానాలు గెలుచుకుంది. తర్వాత జరిగిన రాజకీయ పరిణామాలతో డోర్నకల్ ఎమ్మెల్యే డీఎస్ రెడ్యానాయక్, పరకాల ఎమ్మెల్యే చల్లా ధర్మారెడ్డి టీఆర్‌ఎస్‌లో చేరారు. తెలంగాణ ఉద్యమంలో, టీఆర్‌ఎస్‌కు ఎన్నికల్లో విజయాలను అందించడంలో జిల్లాకు మొదటి నుంచి ప్రత్యేకత ఉంది.
 
 తెలంగాణ ఉద్యమానికి, టీఆర్‌ఎస్‌కు మొదటి నుంచి వరంగల్ జిల్లాలో మద్దతు అధికంగా ఉంటోంది. తెలంగాణ తొలి ప్రభుత్వంలో రాష్ట్రస్థాయిలో రెండు కీలక పదవులు జిల్లాలోని ఎమ్మెల్యేలకే దక్కాయి. ఉప ముఖ్యమంత్రి పదవి స్టేషన్ ఘన్‌పూర్ ఎమ్మెల్యే టి.రాజయ్య, స్పీకర్ పదవి భూపాలపల్లి ఎమ్మెల్యే ఎస్.మధుసూదనాచారికి దక్కారుు. ఇలా త్వరలో చేపట్టనున్న మంత్రి వర్గ విస్తరణలో జిల్లాకు చెందిన ఎమ్మెల్యేల్లో ఒకరు లేదా ఇద్దరికి చోటు దక్కుతుందని టీఆర్‌ఎస్ జిల్లా శ్రేణులు ఆశిస్తున్నాయి.


 
      మంత్రి పదవిపై సీనియర్ల ఆశలు
 
      చందూలాల్, మధుసూదనాచారికి అవకాశం
 
      రేసులో రాజయ్య, వినయ్, కొండా
 
      తొలి సర్కారులో చోటుపై టీఆర్‌ఎస్‌లో చర్చలు
 
  సాక్షి ప్రతినిధి, వరంగల్ : తెలంగాణలో తొలి ప్రభుత్వం తెలంగాణ రాష్ట్ర సమితిదే అని తేలిపోయింది. ముఖ్యమంత్రిగా టీఆర్‌ఎస్ అధినేత కేసీఆర్ పేరును శనివారం ప్రకటించే అవకాశం ఉంది. తెలంగాణ రాష్ట్రం ఏర్పడే జూన్ 2న నూతన ప్రభుత్వం ప్రమాణస్వీకారం చేసే అవకాశం ఉందని టీఆర్‌ఎస్ వర్గాలు చెబుతున్నాయి. హైదరాబాద్‌లో శనివారం జరిగే టీఆర్‌ఎస్ సమావేశానికి జిల్లాలోని ఆ పార్టీకి చెందిన ఎమ్మెల్యేలు హాజరుకానున్నారు. వీరందరూ సమావేశానికి వెళ్తున్నా... మంత్రి వర్గంలో చోటు కోసం ఎవరికివారు ఇప్పటికే ప్రయత్నాలు మొదలుపెట్టారు.
 
 టీఆర్‌ఎస్ జిల్లాలో ఎనిమిది సీట్లు గెలిచింది. ఎక్కువ సంఖ్యలోనే గెలిచినా... టీఆర్‌ఎస్‌కు ఆశించిన మేర సీట్లు రాలేదు. తెలంగాణ సెంటిమెంట్ ఎక్కువగా ఉన్న జిల్లాలో టీడీపీ రెండు సీట్లు గెలవడం, పాలకుర్తిలో టీఆర్‌ఎస్ మూడో స్థానంలో నిలవడం గులాబీ పార్టీకి మింగుడుపడడంలేదు. ఆశించిన దాని కన్నా... రెండు సీట్లు తక్కువ వచ్చాయని భావిస్తున్న టీఆర్‌ఎస్ అధినాయకత్వం మంత్రి పదవుల కోటాలో జిల్లాకు ఎన్ని కేటాయిస్తుందనేది ఇప్పుడు ఆసక్తికరంగా మారింది.
 
 తెలంగాణలో ఎమ్మెల్యేల సంఖ్యను బట్టి గరిష్టంగా 15 నుంచి 18 మందితో మంత్రివర్గం ఉండనుంది. ప్రస్తుతం టీఆర్‌ఎస్‌కు పది జిల్లాల్లోనూ ఎమ్మెల్యేలు ఉన్నారు. అన్ని జిల్లాలకు ప్రాతినిధ్యం కల్పించడంతోపాటు సామాజిక సమీకరణల్లో జిల్లాకు గరిష్టంగా రెండు మంత్రి పదవులు దక్కే అవకాశం ఉంది. ఈ రెండు పదవులు ఎవరికి ఇస్తారనే అంశం తాజాగా ఆసక్తికరంగా మారింది.
  
 టీఆర్‌ఎస్‌లో పార్టీ అధినేత కేసీఆర్ నిర్ణయమే ఫైనల్ కావడంతో ఆయనకు సన్నిహితంగా ఉండే నేతలు మంత్రి పదవుల కోసం ప్రయత్నిస్తున్నారు. గతంలో టీడీపీ ప్రభుత్వంలో మంత్రిగా పని చేసిన అజ్మీరా చందూలాల్ ములుగులో గెలిచారు. లోక్‌సభ సభ్యుడిగా పనిచేసిన అనుభవం కూడా ఆయనకు ఉంది. గిరిజన నేతల్లో సీనియర్ కావడం, కేసీఆర్‌తో సాన్నిహిత్యంతో చందూలాల్‌కు మంత్రి పదవి వచ్చే అవకాశం ఉందని టీఆర్‌ఎస వర్గాల్లో ప్రచారం జరుగుతోంది.
 
 గిరిజనులు ఎక్కువగా ఉండే ఆదిలాబాద్ జిల్లాలో సీనియర్లు లేకపోవడం, ఖమ్మంలో ఈ వర్గం వారు గెలకపోవడం ఆయనకు అనుకూలంగా ఉండనుంది. కేసీఆర్‌కు సన్నిహితంగా ఉండే మరో సీనియర్ నేత సిరికొండ మధుసూదనాచారి సైతం మంత్రి పదవిపై ఆశ పెట్టుకున్నారు. టీఆర్‌ఎస్‌లో మొదటి నుంచి కీలక నేతగా ఉన్న ఆయనకు సామాజిక సమీకరణలు అనుకూలంగా ఉండే పరిస్థితి కనిపిస్తోంది.
 
 అంతేకాదు... మధుసూదనాచారిని ఎమ్మెల్యేగా గెలిపిస్తే టీఆర్‌ఎస్ ప్రభుత్వంలో కీలకంగా ఉంటారని భూపాలపల్లి ఎన్నికల సభలో కేసీఆర్ ప్రకటించడం గమనార్హం. టీఆర్‌ఎస్‌లో సీనియర్ ఎమ్మెల్యేలుగా ఉన్న వరంగల్ పశ్చిమ ఎమ్మెల్యే దాస్యం వినయ్‌భాస్కర్, స్టేషన్‌ఘన్‌పూర్ ఎమ్మెల్యే రాజయ్యతోపాటు మాజీ మంత్రి కొండా సురేఖ పేరు మంత్రి పదవి పరిశీలనలో ఉంటుందని టీఆర్‌ఎస్ వర్గాల్లో ప్రచారం ఊపందుకుంది.
  


 చెట్టు మీద కాయ.. సముద్రంలో ఉప్పు కలిస్తే...? రుచులూరించే ఊరగాయ!
 మరి ఈ ఉపమానం డిజిటల్ ప్రపంచానికీ వర్తిస్తుందా?
 ఇంటర్నెట్ లోకంలో విరివిగా ఉన్న సమాచారాన్ని...
 టీచర్లు, సౌకర్యాలు అరకొరగానే ఉండే పల్లెలకు చేర్చవచ్చా?
 కొంత ఆలోచన... ఇంకొంత చిత్తశుద్ధి... మరికొంత పట్టుదల ఉంటే
 అసాధ్యమేమీ కాదంటారు వినయ్ వెంకటరామన్!
 మాటలతోనే ఆగిపోకుండా... గ్రామాల్లోని తరగతి గదుల్ని కూడా
 ఆధునిక వర్చువల్ క్లాస్‌రూమ్స్‌గా మార్చేశారు కూడా..
 పిసరంత ఖర్చుతో బోలెడు సామాజిక మేలుకు నాంది పలుకుతున్న
 ఈ ‘ఫ్రూగల్ డిజిటల్’ ఆవిష్కరణలేమిటో మీరే చూడండి!
  
  పల్లెలకు విజ్ఞాన ‘దర్శన’ం
  గ్రామాల్లోని బడుల పరిస్థితి మనకు తెలియంది కాదు.. ఏకోపాధ్యాయ పాఠశాలలు కొన్నైతే... మరికొన్నింటిలో టీచర్ అనేవాడు ఉండడు. ఒకవేళ ఉన్నా... వస్తారో, లేదో తెలియని పరిస్థితి. డిజిటల్ ప్రొజెక్టర్ ఒక్కటి ఉంటే ఈ చిక్కులన్నింటినీ చిటికెలో అధిగమించవచ్చు. కానీ ఒక్కోదానికి ఖర్చు తడిసిమోపెడవుతుంది. చిన్న రిపేరు వచ్చినా మరమ్మతు చేయించడం మరో తలనొప్పి. మరి.. పరిష్కారం? ‘దర్శన’ అంటారు..
 వినయ్ వెంకటరామన్. టెక్నాలజిస్ట్, డిజైనర్ కూడా అయిన వినయ్ డెన్మార్క్ కేంద్రంగా పనిచేస్తున్న ఫ్రూగల్ డిజిటల్ రీసెర్చ్ గ్రూప్ వ్యవస్థాపకుడు. ఓ సాధారణ త్రీజీ మొబైల్ ఫోన్‌లోని పరికరాలు... వీధిచివరి దుకాణంలో దొరికే స్పీకర్లు, ఇతర ఎలక్ట్రానిక్ పరికరాలతో దీన్ని రూపొందించారు. మొబైల్‌ఫోన్‌లోని ప్రొజెక్టర్ (కొన్ని మోడళ్లలో లభ్యమయ్యేది) సాయంతో సిద్ధమైన ఈ డిజిటల్ ప్రొజెక్టర్‌లో ఓ యూఎస్‌బీ పోర్ట్ కూడా ఉంటుంది. త్రీజీ కనెక్టివిటీ కారణంగా నెట్‌లో ఉండే డిజిటల్ పాఠాలు తరగతి గదిలోని గోడపై  నేరుగా ప్రత్యక్షమవుతాయన్నమాట.
 గ్రామాల్లోని విద్యుత్ కోతలను దృష్టిలో ఉంచుకుని ‘దర్శన’ కోసం సౌరశక్తి ఫలకాలను ఏర్పాటు చేశారు. తమిళనాడులోని నీలగిరి వద్ద మారుమూల ప్రాంతాల్లోని పాఠశాలల్లో దీన్ని ప్రయోగాత్మకంగా ఉపయోగించిన తరువాత మరికొన్ని మార్పులు చేసి శబ్ద, దృశ్య నాణ్యతలకు మెరుగులు దిద్దారు. భౌతికశాస్త్రం మొదలుకొని అన్ని రకాల బోధనాంశాలకు సంబంధించిన కాన్సెప్ట్స్‌ను వీడియోల ద్వారా అందిస్తే విద్యార్థుల అవగాహన మరింత పెరుగుతుందని, అందుకు దర్శన ఎంతో ఉపయోగపడుతుందని అంటున్నారు వినయ్.
  
 నాడీ పట్టే పాత గడియారం!
  
 గంటకొట్టే అలారం గడియారం గురించి తెలియందెవరికి? మనం దాంట్లో టైమ్ చూసుకోవడం.. అలారం పెట్టుకోవడం వంటి ఉపయోగాలు మాత్రమే చూశాం. కానీ కొన్ని మార్పులు, చేర్పులు చేస్తే అదే గడియారం.. గ్రామీణ ప్రాంతాల్లోని ఆశా వర్కర్లు మరింత మెరుగ్గా తమ పనులు చేసే అవకాశం ఏర్పడుతుందని, తద్వారా పల్లె జనాల అనారోగ్యాన్ని వేగంగా గుర్తించవచ్చునని వినయ్ బృందం మాత్రమే గుర్తించింది. అవును. ఇది నిజం.
 ఒక యూఎస్‌బీ కనెక్టర్, టీవీ రిమోట్‌లలో ఉండే సెన్సర్.. కొన్ని ఎంబెడెడ్ మైక్రోప్రాసెసర్ల చేరికతో ఈ అలారం గడియారం అద్భుతమైన స్క్రీనింగ్ పరికరంగా మారిపోతుంది. రక్తపోటు, ఊపిరితీసుకునే వేగం, ఉష్ణోగ్రతలు, నాడి, రక్తంలో చక్కెర మోతాదు, ఆక్సిజన్ సాచురేషన్ వంటి ప్రాథమిక ఆరోగ్య సూచికలన్నింటినీ దీంతో చూడవచ్చు. గడియారం పైభాగంలో ఉండే మూడు దశల సూచీ ద్వారా పరిస్థితిని అర్థం చేసుకోవచ్చు. సూచీ ఎర్ర రంగు వద్ద ఆగితే వెంటనే ఆసుపత్రికి వెళ్లాలని, లేత జేగురు రంగు వద్ద ఆగితే ఏం ఫర్వాలేదని అర్థమన్నమాట. ఒకవేళ మధ్యలో ఉండే పసుపు ప్రాంతంలో ఆగిందనుకోండి. దగ్గరలో ఉండే ప్రాథమిక ఆరోగ్య కేంద్రానికి వెళితే సరిపోతుందన్నమాట. ఇంతకీ ఈ గడియారం పేరేమిటో తెలుసా... ‘క్లాక్ సెన్స్’!
  
 ఇవే కాదు.. ఇంకొన్ని కూడా...
  చౌకైన డిజిటల్ పరికరాలతో సమాజానికి ఎంతో కొంత మేలు చేసే మరికొన్ని గాడ్జెట్స్‌ను కూడా వినయ్ వెంకటరామన్ బృందం అభివృద్ధి చేసింది. సాధారణ మొబైల్ ఫోన్‌నే రేడియో స్టేషన్‌గా మార్చేసే ‘లోకలైజ్డ్ వోకలైజ్డ్ కమ్యూనిటీ’ని దక్షిణాఫ్రికాలోని కేప్‌టౌన్‌లో వర్కర్స్ వరల్డ్ మీడియా ప్రొడక్షన్ కార్యకర్తలు పరీక్షిస్తున్నారు. దీంతోపాటు గ్రామీణ ప్రాంత అవసరాలు, ప్రాధాన్యతలపై ప్రజల అభిప్రాయాలను తెలుసుకునేందుకు ఉద్దేశంచిన ‘టెలి పంచాయత్’ను ముంబైలో ఉపయోగించేందుకు ప్రయత్నాలు జరుగుతున్నాయి. కాయిన్‌బాక్స్ ఫోన్ల ఆధారంగా నడిచే ఈ టెలి పంచాయత్ ద్వారా ప్రజలు ఎప్పటికప్పుడు తమ అభిప్రాయాలను చెప్పవచ్చునన్నమాట. పరిచయమున్న కాయిన్‌బాక్స్ ఫోన్ల ద్వారానే ఓటింగ్ నడుస్తుంది.
 
 ఫలితాలను ఎప్పటికప్పుడు కార్పొరేటర్లు, ప్రభుత్వ వర్గాల వారూ తెలుసుకోవచ్చు. చివరగా ఓషా గురించి... ప్రపంచ ఆరోగ్య సంస్థ అంచనాల ప్రకారం... ఒక్క భారతదేశంలోనే దాదాపు ఏడు నుంచి ఎనిమిది కోట్ల మంది వినికిడి సమస్యలతో బాధపడుతున్నారు. వీరిలో కనీసం రెండు కోట్ల మంది చిన్నపిల్లలు. తొలిదశలోనే వినికిడి సమస్యలను గుర్తించగలిగితే సగంమందికి సమస్య అనేది లేకుండా చేయవచ్చు. కానీ ఇందుకోసం ఖరీదైన పరికరాలు, శిక్షణ పొందిన సిబ్బంది అవసరం. ఈ ఇబ్బందులేవీ లేకుండా వినికిడి సమస్యలను సులువుగా గుర్తించేందుకు తయారు చేసిన పరికరమే ఓషా. ఇది కూడా సాధారణ మొబైల్ ఫోన్ ఆధారంగానే పని చేస్తుంది.


      తెలంగాణపై మాట్లాడిన చీఫ్ విప్ గండ్ర
      దయాకర్‌రావు, వినయ్, శ్రీధర్‌కు కూడా అవకాశం
      ఎర్రబెల్లి, దాస్యం నడుమ వాగ్వాదం
  
  వరంగల్, న్యూస్‌లైన్ :  ఆరు దశాబ్దాల తెలంగాణ ఏ ర్పాటు కల సాకారమయ్యే సమయంలో బిల్లుకు అడ్డం కులు సృష్టించడం సరైంది కాదు. ఇప్పటికే సీమాంధ్ర పాలనలో తెలంగాణకు అన్ని రంగాల్లో అన్యాయం జరి గింది. ఆత్మగౌరవం, స్వయం పాలన లక్ష్యంగా ప్రత్యేక రాష్ట్రం కోరుకుంటున్నాం. శాసనసభలో ప్రవేశపెట్టిన తెలంగాణ బిల్లుకు సంపూర్ణ మద్దతునిస్తూ .. స్వాగతం తెలియజేస్తున్నామంటూ జిల్లాకు చెందిన ఎమ్మెల్యేలు అసెంబ్లీలో ప్రకటించారు.
 
 ఆంధ్రప్రదేశ్ పునర్విభజన బిల్లుపై అసెంబ్లీలో జరుగుతున్న చర్చ సందర్భంగా జిల్లాకు చెందిన చీఫ్ విప్ గండ్ర వెంకటరమణారెడ్డి, టీ టీడీపీ ఫోరం కన్వీనర్ ఎర్రబెల్లి దయాకర్‌రావు మాట్లాడారు. అలాగే, దాస్యం వినయ్‌భాస్కర్, కొండేటి శ్రీధర్‌కు మాట్లాడే అవకాశం లభించింది. అయితే, ఎర్రబెల్లి తన ప్రసంగంలో అమరువీరుల కుటుంబాలను ఆదుకోలేదంటూ టీఆర్‌ఎస్ నేతలపై విమర్శలు చేశారు. దీంతో వినయ్‌భాస్కర్ కూడా తాను మాట్లాడిన సమయంలో దయాకర్‌రావుపై విరుచుకుపడ్డారు. తమ జిల్లాలో ఎర్రబెల్లి దయాకర్‌రావును డీలర్ దయాకర్‌రావు అంటారని.. ఆయన ప్రస్తుతం డీలర్ నుంచి డాలర్ స్థాయికి ఎదిగారని మండిపడ్డారు. ఈక్రమంలో ఇరువురి నడుమ వాడీవేడీ విమర్శలు చోటుచేసుకున్నాయి. కాగా, వినయ్‌భాస్కర్, కొండేటి శ్రీధర్ ప్రసంగంలోని ముఖ్యాంశాలు వారి మాటల్లోనే..
  
 ఆజంజాహిని మింగేశారు: వినయ్
  
 నిజాం హయంలో వరంగల్‌లో ఏర్పాటు చేసిన ఆజం జాహి మిల్లును మింగేశారు. భూమి కూడా లేకుండా చేశారు. సీమాంధ్రపాలనలో జిల్లాకు జరిగిన అన్యాయాన్ని వివరించేందుకు ఇంత కంటే ఉదాహరణ అవసరం లేదు. ఇక మహబూబ్‌నగర్ జనం వలసబాట పట్టగా, రంగారెడ్డి, హైదరాబాద్ రైతులు వారి భూముల్లోనే కూలీలుగా మారారు. నల్లగొండ ప్రజలకు ఫ్లోరైడ్ మహమ్మారి మిగలగా, చేనేత కార్మికులకు ఆత్మహత్యలే దిక్కయ్యాయి. అలాగే, ఖమ్మంలో భూగర్భ వనులను కొల్లగొట్టారు. ఈక్రమంలో స్వయం పాలన కోసం జరిగిన తెలంగాణ ఉద్యమంలో ఎందరో అమరవీరులయ్యారు. తెలంగాణ పదాన్ని శాసనసభలో మాట్లాడకుండా టీడీపీ హయంలో నిషేధించారు.
  
 షరతులు లేని తెలంగాణ కావాలి: కొండేటి
  
 షరతులు లేని తెలంగాణ కావాలి. రాష్ట్ర ఏర్పాటుసందర్భంగా హైదరాబాద్‌పై ఎలాంటి ఆంక్షలు విధించరాదు. అనేక మంది అమరుల త్యాగఫలితం, కాంగ్రెస్ పార్టీ సాహసోపేత నిర్ణయం వల్ల తెలంగాణ సాకారమైంది. బడుగువర్గాల నేత అంబేద్కర్ ఆలోచన మేరకే తెలంగాణ ఆకాంక్ష ఫలించే సమయం ఆసన్నమైంది. నియోజకవర్గాన్ని ఆశించిన స్థాయిలో అభివృద్ధి చేయలేకపోయినప్పటికీ వచ్చిన మేరకు కృషి చేశాను. ఎయిర్‌పోర్ట్, డీ ఫ్లోరైడ్ ప్రాజెక్టుల ఏర్పాటుకు శ్రద్ధ వహించాను. రానున్న తెలంగాణ రాష్ట్రంలో మరింత అభివృద్ధికి కృషి చేయాల్సి ఉంది.