వణికిస్తున్న చలిగాలులు

వణికిస్తున్న చలిగాలులు

చింతపల్లి: మన్యంలో పొగమంచు, చలి తీవ్రత కొనసాగుతోంది. గురువారం జి.మాడుగులలో 1.4 డిగ్రీల కనిష్ట ఉష్ణోగ్రతలు నమోదైనట్టు చింతపల్లి ప్రాంతీయ వ్యవసాయ పరిశోధన స్థానం ఏడీఆర్‌, వాతావరణ విభాగం నోడల్‌ అధికారి డాక్టర్‌ ఆళ్ల అప్పలస్వామి తెలిపారు. శుక్రవారం పాడేరు డివిజన్‌ పరిధి అనంతగిరిలో 10.7 డుంబ్రిగుడలో 11.4, ముంచంగిపుట్టులో 11.5, అరకులోయలో 11.7 ,హుకుంపేటలో 12.2, పెదబయలులో 12.2, పాడేరులో 13.2, గూడెంకొత్తవీధిలో 13.4, చింతపల్లిలో 14.1, కొయ్యూరులో 14.7 డిగ్రీల ఉష్ణోగ్రతలు నమోడైనట్టు ఏడీఆర్‌ తెలిపారు. ఉదయం 10 వరకు మంచు అధికంగా కురవడంతో హెడ్‌ లైట్ల వెలుగులో వాహన చోదకులు రాకపోకలు సాగించారు. సాయంత్రం నుంచి చలిగాలులు వీస్తున్నాయి.