జిల్లా అంతటా శనివారం చలి వాతావరణం నెలకొంది. ఉష్ణోగ్రతలు స్థిరంగా నమోదయ్యాయి. ఈశాన్యం దిశగా గంటకు 6 నుంచి 8 కిలోమీటర్ల వేగంతో గాలులు వీచాయి.

జిల్లా అంతటా శనివారం చలి వాతావరణం నెలకొంది. ఉష్ణోగ్రతలు

ముగిసిన రాష్ట్ర స్థాయి

సెపక్‌తక్రా పోటీలు

● మూడో స్థానంలో అనంతపురం

పొదిలి రూరల్‌: స్థానిక ప్రభుత్వ జూనియర్‌ కళాశాల ప్రాంగణంలో రెండు రోజులుగా జరుగుతున్న 28వ రాష్ట్ర స్థాయి జూనియర్‌ సెపక్‌తక్రా ఛాంపియన్‌ షిప్‌ పోటీలు శనివారం ముగిశాయి. పోటీలకు వివిధ జిల్లాల నుంచి 32 బాల, బాలికల జట్లు పాల్గొన్నాయి. బాలుర విభాగం ఫైనల్‌ మ్యాచ్‌లో ప్రకాశం–కర్నూలు జట్లు నువ్వా–నేనా అన్న విధంగా తలపడ్డాయి. ఈ పోరులో ప్రకాశం జట్టు విజయం సాధించింది. మొదటి బహుమతి ప్రకాశం జట్టు, రెండో బహుమతి కర్నూలు జట్టు సొంతం చేసుకున్నాయి. మూడో బహుమతికి అనంతపురం, ఈస్టుగోదావరి జట్లను సంయుక్త విజేతలుగా ప్రకటించారు. బాలికల విభాగంలో మొదటి బహుమతి తూర్పుగోదావరి జట్టు కై వసం చేసుకోగా, రెండో బహుమతిని ప్రకాశం జిల్లా జట్టు సొంతం చేసుకుంది. మూడో బహుమతికి విజయనగరం, అనంతపురం జట్లు సంయుక్త విజేతలుగా నిలిచాయి. అనంతరం విజేతలకు సీఐ వెంకటేశ్వర్లు చేతుల మీదగా బహుమతులు, జ్ఞాపికలు అందజేశారు. కార్యక్రమంలో సెపక్‌తక్రా ఫెడరేషన్‌ ఆఫ్‌ ఇండియా వైస్‌ ప్రెసిడెంట్‌ జీ శ్రీనివాసులు, అమరనాథ్‌, మధు పాల్గొన్నారు.

ఆర్టీసీ ప్రత్యేక బస్సులు

అనంతపురం క్రైం: సాధారణ చార్జీలతోనే ప్రధాన పట్టణాలకు ప్రత్యేక బస్సులు నడుపుతున్నట్లు ఆర్టీసీ ఆర్‌ఎం సుమంత్‌ ఆర్‌ ఆదోని తెలిపారు. సెలవులు ముగించుకుని అనంతపురం నుంచి వివిధ నగరాలకు వెళ్లే ప్రయాణికుల కోసం ఈ నెల 19 నుంచి హైదరాబాద్‌, బెంగళూరు, చైన్నె, విజయవాడ, తిరుపతికి ప్రత్యేక బస్సులు నడుపుతున్నట్లు తెలిపారు. విజయవాడ, చైన్నె నగరాలకు ఇంద్ర బస్సులు నడుపుతున్నట్లు పేర్కొన్నారు.