అర్ధరాత్రి షాపుల్లో దొంగతనాలు

అర్ధరాత్రి షాపుల్లో దొంగతనాలు

పర్చూరు (చినగంజాం): పర్చూరులోని ప్రధాన కూడలి బొమ్మల సెంటర్‌లో బుధవారం అర్థరాత్రి దొంగలు పలు షాపుల్లో వరుస దొంగతనాలకు పాల్పడ్డారు. స్థానిక చీరాల రోడ్డు, ఇంకొల్లు రోడ్డులోని షాపులలో బుధవారం రాత్రి సుమారు 12 గంటల సమయంలో ఈ వరుస దొంగతనాలు చోటుచేసుకున్నాయి. చీరాల రోడ్డులోని ఆటోమొబైల్‌ షాపు, చిల్లరకొట్టులో దొంగతనం జరగగా, ఇంకొల్లు రోడ్డులోని సెల్‌ఫోన్‌ షాపు, డ్రైఫ్రూట్స్‌, మిల్క్‌ సెంటర్‌ షాపుల్లో దొంగతనాలు జరిగినట్లు షాపు యజమానులు గుర్తించారు. గురువారం ఉదయం షాపులు తెరచిన అనంతరం తమ షాపులలో దొంగతనాలు జరిగినట్లు గుర్తించిన యజమానులు స్థానిక పోలీస్‌స్టేషన్‌లో ఫిర్యాదు చేశారు. బాధితుల ఫిర్యాదుకు వెంటనే స్పందించిన ఎస్‌ఐ మాల్యాద్రి ఉన్నతాధికారులకు సమాచారమందించారు. ఉన్నతాధికారుల ఆదేశాల మేరకు క్లూస్‌ టీం వెంటనే రంగంలోకి దిగి దొంగతనాలు జరిగిన ప్రాంతంలో ఆధారాలను సేకరించారు. ఈ విషయమై ఎస్‌ఐను వివరణ కోరగా వరుస దొంగతనాలపై షాపు యజమానులను విచారిస్తున్నట్లు, దొంగతనానికి పాల్పడిన వ్యక్తులను పట్టుకునేందుకు సత్వరం చర్యలు తీసుకుంటామని ఎస్‌ఐ తెలిపారు.

పోలీస్‌స్టేషన్‌లో ఫిర్యాదు చేసిన షాపు యజమానులు ఆధారాలు సేకరించేందుకు రంగంలోకి దిగిన క్లూస్‌ టీం