వ్యవసాయానికి నాణ్యమైన విద్యుత్‌

పాలకుర్తి టౌన్‌: గ్రామీణ ప్రాంతాల్లో వ్యవసాయానికి నాణ్యమైన విద్యుత్‌ అందించేందుకు సబ్‌సేష్టన్ల నిర్మాణాలు చేపట్టామని విద్యుత్‌ శాఖ చీఫ్‌ ఇంజనీ ర్‌ రాజ్‌ చౌహన్‌ అన్నారు. మండల పరిధి తొర్రూరు(జె)లో చేపట్టిన 33/11 కేవీ సబ్‌సేష్టన్‌ నిర్మాణ పనులు పూర్తి కావడంతో సోమవారం టెక్నికల్‌ చార్జ్‌ ప్రారంభించారు. సాంకేతిక సమస్యలను గుర్తించడంతోపాటు ప్రమాదాల నివారణకు ముందస్తుగా సబ్‌సేష్టన్‌లో 5 ఎంవీఏ సామర్థ్యం కలిగిన పవర్‌ ట్రాన్స్‌పార్మర్‌ చార్జ్‌ చేశామన్నారు. డీఈ రాంబాబు, విజయ్‌కుమార్‌, గణేష్‌, ఏడీఈ శ్రీనివాస్‌, ఏఈలు బోయిని సత్తయ్య, ఆవిరినేని రణధీర్‌, సబ్‌ ఇంజనీరు రామకృష్ణ, లైన్‌ ఇన్‌స్పెక్టర్‌ కాంతయ్య, లైన్‌మెన్లు వెంకటేశ్వర్లు, రాజలింగం పాల్గొన్నారు.