పోరాట యోధుల సమీకరణే సభ్యత్వ ఉద్దేశం

పోరాట యోధుల సమీకరణే సభ్యత్వ ఉద్దేశం

కరీంనగర్‌ అర్బన్‌: పోరాట యోధుల సమీకరణే సభ్యత నమోదు ప్రధాన ఉద్దేశఽమని టీఎన్జీవోల సంఘం జిల్లా అధ్యక్షుడు దారం శ్రీనివాస్‌రెడ్డి అన్నారు. బుధవారం జిల్లా పశుసంవర్థక శాఖ, కొత్తపల్లి తహసీల్దార్‌ కార్యాలయాల్లో సభ్యత్వ నమోదు కార్యక్రమం నిర్వహించారు. ఈ సందర్భంగా మాట్లాడుతూ సభ్యత్వమంటే డబ్బులు కాదని, పునాది రాళ్ల సేకరణ, ప్రశ్నించే పోరాట యోధుల సమీకరణ అని అన్నారు. ఉద్యోగుల సంఘటిత పోరాటాలతోనే సమస్యలు పరిష్కారమవుతాయని, అందుకు టీఎన్జీవో చక్కటి వేదికని వివరించారు. ఈ కార్యక్రమంలో టీఎన్జీవోల జిల్లా కార్యదర్శి సంగెం లక్ష్మణరావు, వేణుగోపాలరావు, రాగి శ్రీనివాస్‌, గూడ ప్రభాకర్‌రెడ్డి, కోశాధికారి ముప్పిడి కిరణ్‌కుమార్‌, పట్టణ అధ్యక్షుడు సర్దార్‌ హర్మిందర్‌ సింగ్‌, గిరిధర్‌రావు, జగన్‌గౌడ్‌, హరిప్రియ, విజయలక్ష్మి, రాజు, పోచయ్య, ఉద్యోగ సంఘ నాయకులు, ఉద్యోగులు పాల్గొన్నారు.