జిల్లాకు చేరుకున్న హరీశ్‌రావు

జిల్లాకు చేరుకున్న హరీశ్‌రావు

ఖమ్మం మయూరిసెంటర్‌/చింతకాని: మాజీ మంత్రి హరీశ్‌రావు జిల్లాలో శుక్రవారం పర్యటించనున్నారు. ఈ మేరకు ఆయన గురువారం రాత్రి ఖమ్మం చేరుకోగా మాజీ మంత్రి పువ్వాడ అజయ్‌కుమార్‌, నాయకులు స్వాగతం పలికారు. కాగా, శుక్రవారం ఉదయం ఖమ్మం మార్కెట్‌లో పత్తి కొనుగోళ్లను బీఆర్‌ఎస్‌ బృందం పరిశీలించి రైతులతో మాట్లాడనుంది. ఆతర్వాత హరీశ్‌రావు విలేకరుల సమావేశంలో మాట్లాడతారు. అనంతరం చింతకాని మండలం ప్రొద్దుటూరులో ఆత్మహత్య చేసుకున్న రైతు బోజెడ్ల ప్రభాకర్‌ కుటుంబం, ఇటీవల జైలుకు వెళ్లి వచ్చిన బీఆర్‌ఎస్‌ మండల అధ్యక్షుడు పెంట్యాల పుల్ల య్యను పరామర్శించనున్నారు. అలాడే, లచ్చగూడెంలో విద్యుదాఘాతంతో మృతి చెందిన గూని ప్రసాద్‌ కుటుంబాన్ని హరీశ్‌రావు పరామర్శిస్తారని జెడ్పీ మాజీ చైర్మన్‌ కమల్‌రాజ్‌ కోరారు.

నేడు మార్కెట్‌లో కొనుగోళ్ల పరిశీలన