తుది ఓటరు జాబితా విడుదల

కర్నూలు(సెంట్రల్‌): స్పెషల్‌ సమ్మరీ రివిజన్‌–2025కు సంబంధించి సోమవారం తుది ఓటరు జాబితాను విడుదల చేశారు. ఈజాబితా ప్రకారం జిల్లాలో 20,62,569 మంది ఓటర్లు ఉన్నారు. ఇందులో పురుష ఓటర్లు 10,17074, మహిళా ఓటర్లు 10,45,183 మంది, థర్డ్‌ జెండర్‌ ఓటర్లు 312 మంది ఉన్నారు. పురుష ఓటర్లతో పోల్చుకుంటే మహిళా ఓటర్లు 28,109 మంది అధికంగా ఉన్నారు. కాగా, 2024 జనవరి 22వ తేదీన ప్రకటించిన ఎస్‌ఎస్‌ఆర్‌–2024 ప్రకారం జిల్లాలో 20,14,794 మంది ఓటర్లు ఉండగా, ప్రస్తుత సంవత్సరం ప్రకటించిన తుది ఓటరు జాబితా ప్రకారం 20,62,569 ఉండడంతో ఏడాది కాలంలో 47,775 మంది ఓటర్లు పెరిగారు. ఇటీవల ఎస్‌ఎస్‌ఆర్‌–2025కు సంబంధించి ప్రకటించిన ముసాయిదా జాబితా ప్రకారం 20,59,700 మంది ఓటర్లు ఉండగా, తుది జాబితాలో 20,62,569 మంది ఓటర్లు ఉన్నారు. దీంతో 2,869 మంది ఓటర్లు పెరిగారు. మరోవైపు జిల్లాలో సర్వీసు ఓటర్లు 1615, పీడబ్ల్యూడీ ఓటర్లు 23,908 మంది, 80 ఏళ్లకు పైబడిన వారు 27,208 మంది, ఎన్‌ఆర్‌ఐ ఓటర్లు సంఖ్య 123గా ఉంది. కాగా, ఎస్‌ఎస్‌ఆర్‌–2025 ప్రకారం 18–19 ఏళ్ల మధ్య ఓటర్ల సంఖ్య 27,927గా ఉంది. 992 మంది ఓటర్లు చనిపోగా, 1,889 మంది ఇతర ప్రాంతాలకు వలస వెళ్లగా, 781 డూప్లికేట్‌ ఓటర్లను గుర్తించారు.

ఏడాదిలో 47,775 మంది

ఓటర్ల పెరుగుదల