ఉపాధ్యాయ ఓటర్లు 24,905

సాక్షిప్రతినిధి, వరంగల్‌ : వరంగల్‌–నల్లగొండ–ఖమ్మం ఉపాధ్యాయ ఎమ్మెల్సీ నియోజకవర్గ ఓటర్ల తుది జాబితాను సోమవారం జిల్లా కలెక్టర్‌, జిల్లా ఎన్నికల అధికారి పి.ప్రావీణ్య విడుదల చేశారు. మొత్తం 24,905 మంది ఓటర్లు ఉన్నట్లు ప్రకటించారు. ఉపాధ్యాయ ఎమ్మెల్సీ పదవీ కాలం 2025 మార్చి 29తో ముగియనుంది. ఈ నేపథ్యంలో ఎన్నికల సంఘం ఉపాధ్యాయ ఎమ్మెల్సీ ఎన్నికలు నిర్వహించేందుకు పాత ఓటర్ల జాబితాను సెప్టెంబర్‌ 30న రద్దు చేసింది. ఉపాధ్యాయులు తిరిగి తమ ఓటుహక్కును అక్టోబర్‌ 1 నుంచి నమోదు చేసుకోవాలని. ఆన్‌లైన్‌ పద్ధతుల్లో ఓటు నమోదు చేసుకునేందుకు అవకాశం కల్పించారు. మూడు నెలలుగా సాగిన ప్రక్రియ అనంతరం 24,905 మంది అర్హత గల ఓటర్ల తుది జాబితాను విడుదల చేశారు. కాగా ఎన్నికల సంఘం, ఏర్పాట్ల స్పీడును బట్టి వచ్చే ఏడాది ఫిబ్రవరి, మార్చిలో ఎన్నికల జరిగే అవకాశం ఉందని ఉపాధ్యాయవర్గాలు అభిప్రాయపడుతున్నాయి.

2019తో పోలిస్తే పెరిగిన ఓటర్లు...

2019 మార్చిలో జరిగిన వరంగల్‌ – నల్లగొండ – ఖమ్మం శాసన మండలి ఉపాధ్యాయ ఎమ్మెల్సీ ఎన్నికల సమయంలో మొత్తం 20,888 మంది ఓటర్లు ఉన్నారు. ఇందుకోసం 181 పోలింగ్‌ కేంద్రాలు అప్పుడు ఏర్పాటు చేశారు. 2025 మార్చిలో ఎమ్మెల్సీ పదవీ కాలం ముగియనున్న నేపథ్యంలో సెప్టెంబర్‌ 30న పాత జాబితాను రద్దు చేసి కొత్తగా ఓటర్ల నమోదుకు నోటిఫికేషన్‌ విడుదల చేసిన సంగతి తెలిసిందే. 

ఓటర్ల నమోదు ప్రక్రియలో భాగంగా నవంబర్‌ 23న ప్రకటించిన ముసాయిదా జాబితా నాటికి 22,554 మంది ఓటర్లు నమోదయ్యారు. ఆ తర్వాత కూడా ఓటర్ల నమోదుకు దరఖాస్తుల గడువు పెంచగా.. డిసెంబర్‌ 30 (సోమవారం) నాటికి 24,905 మంది ఓటర్లుగా నమోదైనట్లు ఎన్నికల సంఘం తుది జాబితా ప్రకటించింది. ముసాయిదా జాబితాకు ఫైనల్‌ జాబితాకు 2,351 మంది ఓటర్లు పెరగగా.. 2019 ఓటర్ల జాబితాతో పోలిస్తే 4,017 మంది ఉపాధ్యాయుల ఓట్లు పెరిగాయి.

జిల్లాలు 12

మండలాలు 191

ప్రతిపాదిత పోలింగ్‌ స్టేషన్లు 200

పురుష ఓటర్లు 14,940

సీ్త్ర ఓటర్లు 9,965

మొత్తం ఓటర్లు 24,905

జిల్లాల వారీగా మండలాలు, పోలింగ్‌ కేంద్రాలు, ఓటర్ల వివరాలు..

జిల్లా మండలాలు పోలింగ్‌ పురుషులు స్త్రీలు మొత్తం కేంద్రాలు

సిద్దిపేట 04 04 120 43 163

జనగామ 12 12 556 365 921

హనుమకొండ 11 15 2,884 2,214 5,098

వరంగల్‌ 13 13 1,381 844 2,225

మహబూబాబాద్‌ 18 16 1,083 535 1,618

భూపాలపల్లి 07 07 211 112 323

ములుగు 09 09 394 218 612

భద్రాద్రి 23 23 1,038 941 1,949

ఖమ్మం 21 24 2,300 1,655 3,955

యాదాద్రి 17 17 595 326 921

సూర్యాపేట 23 23 1,690 947 2,637

నల్లగొండ 33 37 2,688 1,795 4,483

మొత్తం 191 200 14,940 9,965 24,905