కుటుంబ సభ్యుల్లో వెల్లివిరిసిన ఆనందం

కుటుంబ సభ్యుల్లో వెల్లివిరిసిన ఆనందం

నల్లగొండ డీటీసీలో సంగారెడ్డి, వికారాబాద్‌, కామారెడ్డి, నారాయణపేట, నిర్మల్‌ జిల్లాలకు చెందిన పోలీస్‌ అభ్యర్థులు తొమ్మిది నెలలుగా శిక్షణ పొందారు. కాగా నల్లగొండ జిల్లాకు చెందిన పోలీసులు మేడ్చల్‌లో శిక్షణ పొందారు. తమ పిల్లలు పోలీస్‌ ఉద్యోగ శిక్షణ పూర్తి చేసుకుని విధుల్లో చేరునుండడంతో ఆయా జిల్లాల నుంచి వచ్చిన కుటుంబ సభ్యుల్లో ఆనందం వెల్లివిరిసింది. మొత్తంగా పోలీస్‌ ఉద్యోగం సాధించిన తమ కుమారులు, కుమార్తెలను చూసిన వారి కుటుంబ సభ్యులు, బంధువులు బావోద్యేగానికి గురయ్యారు. ఆత్మీయంగా అలింగనం చేసుకోవడంతో పాటు ఉద్యోగం పొందిన వారు వారి తల్లిదండ్రులకు పాదాభివందనం కృతజ్ఞతలు తెలిపారు. కొందరు శిక్షణార్థులు తమ తల్లిదండ్రుల నెత్తిపై పోలీస్‌ టోపీలు పెట్టి, చేతికి గన్నులు ఇచ్చి మురిసిపోయారు.