ముజ్గి పాఠశాలలో ప్రపంచ టాయిలెట్‌ డే

ముజ్గి పాఠశాలలో ప్రపంచ టాయిలెట్‌ డే

నిర్మల్‌ రూరల్‌: ప్రపంచ టాయిలెట్‌ డే సందర్భంగా మండలంలోని ముజ్గి ఉన్నత పాఠశాల విద్యార్థులకు డీఆర్డీవో విజయలక్ష్మి మంగళవారం అవగాహన కల్పించారు. విద్యార్థులు తప్పకుండా టాయిలెట్‌ను వినియోగించాలని సూచించారు. విద్యార్థులంతా వ్యక్తిగత పరిశుభ్రతను పాటించాలన్నారు. ఇంటిని, బడిని, పరిసరాలను శుభ్రంగా ఉంచుకోవాలని తెలిపారు. చెత్తను ఎక్కడపడితే అక్కడ వేయొద్దని పేర్కొన్నారు. ఈ సందర్భంగా గ్రామానికి చెందిన స్వచ్ఛ కార్మికులను శాలువా, పూలమాలతో సన్మానించారు. అనంతరం గ్రామంలోని నర్సరీని పరిశీలించి సిబ్బందికి సూచనలు చేశారు. ఆమె వెంట ఎంపీడీవో గజానంద్‌, ఎంపీవో శ్రీనివాస్‌గౌడ్‌, ఏపీవో తుల రామకృష్ణ, ఉపాధ్యాయులు ఉన్నారు.