కొత్తపేటలో ట్రాన్స్‌ఫార్మర్ల ఏర్పాటు

కొత్తపేటలో ట్రాన్స్‌ఫార్మర్ల ఏర్పాటు

నిజామాబాద్‌రూరల్‌: మండలంలోని కొత్తపేట గ్రామంలో భారతీయ కిసాన్‌ సంఘ్‌ సహకారంతో విద్యు ట్రాన్స్‌ఫార్మర్లను ఏర్పాటు చేయించారు. గ్రామంలో ఇటీవల గుర్తుతెలియని దుండగులు ట్రాన్స్‌ఫార్మర్లను ధ్వంసం చేసి కాపర్‌ కాయిల్స్‌ను, ఆయిల్‌ను చోరీ చేశారు. ఈవిషయపై గ్రామస్తులు శాఖ అధికారులకు ఫిర్యాదు చేసిన పట్టించుకోలేదు. దీంతో కరెంట్‌ సరఫరా లేకపోవడంతో రైతులు తీవ్ర ఇబ్బందులు పడ్డారు. సమస్యను తెలుసుకున్న భారతీయ కిసాన్‌ సంఘ్‌ కార్యకర్తలు రంగంలోకి సమస్యను పరిష్కరించాల్సిందిగా జిల్లా విద్యుత్‌ అధికారుల దృష్టికి తీసుకువచ్చారు.

దీంతో బుధవారం యుద్ధప్రతిపాదికన ఏడు ట్రాన్స్‌ఫార్మర్లను బిగించి రైతులకు విద్యుత్‌ సౌకర్యం కల్పించారు. రైతులు కిసాన్‌ సంఘ్‌ పరివార్‌ నిజామాబాద్‌ అధ్యక్షుడు సాయిరెడ్డి, ఆల్‌ ఇండియా సెక్రటరీ కొండలసాయిరెడ్డి, రాష్ట్ర ఉపాధ్యక్షులు రాజారెడ్డి, రాష్ట్ర ప్రధాన కార్యదర్శి అంబిర్‌ ఆనంద్‌, సభ్యులకు, అధికారులకు ధన్యవాదాలు తెలిపారు.