కొంగరాంలో జ్వరాల విజృంభణ

కొంగరాంలో జ్వరాల విజృంభణ

ఎచ్చెర్ల క్యాంపస్‌: మండలంలోని కొంగరాం గ్రామంలో పది రోజులుగా జ్వరాలు విజృంభిస్తున్నాయి. చిన్నారుల నుంచి పెద్దల వరకు బాధితులు మంచంపట్టారు. కొందరు శ్రీకాకుళం ఆస్పత్రులకు వెళ్లి వైద్యం చేయించుకోగా.. మరికొందరు ఇంటి వద్ద ఆర్‌ఎంపీ వైద్యుల సేవలు పొందుతున్నారు. కాళ్ల నొప్పులు, తలనొప్పి వంటి సమస్యలతో వీరు ఇబ్బంది పడుతున్నారు. గ్రామంలో తాగునీరు కలుషితమైందంటూ గ్రామస్తులు గతంలో కలెక్టరేట్‌ గ్రీవెన్స్‌లో సైతం ఫిర్యాదు చేశారు. తాజాగా గ్రామంలో జ్వరాలు విజృంభించాయి. ఇప్పటికై నా అధికారులు స్పందించి ప్రత్యేక చర్యలు తీసుకోవాలని స్థానికులు కోరుతున్నారు.