మున్సిపల్‌ ఉపాధ్యాయుల పదోన్నతుల కౌన్సెలింగ్‌ నేడు

విజయనగరం: జిల్లాలోని వివిధ మున్సిపాలిటీలతో పాటు విజయనగరం కార్పొరేషన్‌ పరిధిలో గల ప్రభుత్వ పాఠశాలల్లో సబ్జెక్ట్‌ ఉపాధ్యాయులకు పదోన్నతులు కల్పించనున్నట్లు జిల్లా విద్యాశాఖ అధికారి ఎం.మాణిక్యంనాయుడు బుధవారం ఒక ప్రకటనలో తెలిపారు. 2017వ సంవత్సరం అనంతరం మున్సిపాలిటీల్లో ఖాళీగా ఉన్న తెలుగు విభాగంలో 4 స్కూల్‌ అసిస్టెంట్‌ పోస్టులను, కార్పొరేషన్‌ పరిధిలో సోషల్‌ విభాగంలో ఖాళీగా ఉన్న స్కూల్‌ అసిస్టెంట్‌ 3 పోస్టులను భర్తీ చేసేందుకు ఉపాధ్యాయుల సీనియార్టీ జాబితాను జిల్లా విద్యాశాఖ వెబ్‌సైట్‌లో పొందుపరిచినట్లు పేర్కొన్నారు. జాబితాలో ఉన్న ఉపాధ్యాయులు వారి సేవా పుస్తకం, ధ్రువీకరణ పత్రాలతో ఈనెల 19న ఉదయం 10.30 గంటలకు జిల్లా విద్యాశాఖ కార్యాలయంలో హాజరు కావాలని సూచించారు.