ఆగి ఉన్న ట్రక్కును ఢీకొన్న కారు

ఆగి ఉన్న ట్రక్కును ఢీకొన్న కారు

● నలుగురికి తీవ్ర గాయాలు

జయపురం: జయపురం 26వ జాతీయ రహదారి డొంగాగుడ ప్రాంతంలో జరిగిన రోడ్డు ప్రమాదంలో నలుగురు తీవ్రంగా గాయపడ్డారు. బుధవారం ఉదయం దట్టమైన పొగ మంచు కారణంగా ఆగి ఉన్న ట్రక్కును వెనుక నుంచి వచ్చిన కారు ఢీకొట్టడంతో ప్రమాదం చోటుచేసుకుంది. స్థానికులు గమనించి క్షతగాత్రులను జయపురం జిల్లా కేంద్ర ఆస్పత్రికి తరలించారు. సరుకు లోడుతో ఉన్న ట్రక్కు బ్రేక్‌ డౌన్‌ కారణంగా 26వ జాతీయ రహదారిలో పక్కన నిలిపి ఉంచారు. జగదల్‌పూర్‌ నుంచి దేవమాలి వెళ్తున్న కారు ట్రక్కును ఢీకొట్టింది. దీంతో కారులో ఉన్న నిసిద్ద వర్మ, ప్రశాంత కోర్మ, రబి నేతన్‌, మనోజ్‌ ధూబెలు తీవ్రంగా గాయపడ్డారు. కాగా క్షతగాత్రులకు జిల్లా కేంద్ర ఆస్పత్రిలో ప్రాథమిక చికిత్స అనంతరం మెరుగైన వైద్యం కోసం విశాఖపట్నం తరలించారు. ప్రమాద సమాచారం తెలుసుకున్న క్షతగాత్రుల బందువులు జయపురం వచ్చి పోలీసులకు ఫిర్యాదు చేయగా కేసు నమోదు చేసి దర్యాప్తు చేస్తున్నారు.