చౌదర్‌పల్లిలో అభివృద్ధి పనులు

చౌదర్‌పల్లిలో అభివృద్ధి పనులు

బొంరాస్‌పేట: మండల పరిధిలోని చౌదర్‌పల్లిలో అభివృద్ధి పనులకు నిధులు నిండుగా వస్తున్నాయని జిల్లా గ్రంథాలయ సంస్థ జిల్లా చైర్మన్‌ రాజేశ్‌రెడ్డి అన్నారు. గ్రామంలో రూ.1.13 కోట్లతో అభివృద్ధి పనులను మంగళవారం ప్రారంభించారు. ఈ సందర్భంగా ఆయన మాట్లాడుతూ.. రూ.61లక్షలతో పాఠశాలకు రెండు అదనపు తరగతి గదుల నిర్మాణం, రూ.20లక్షలతో అంగన్‌వాడీ భవనం, అలాగే గ్రామంలోని 32 మంది రైతులకు రూ.లక్ష చొప్పున రూ.32 లక్షలతో పశువుల పాకల నిర్మాణాలకు ఆయన భూమిపూజలు చేశారు. సీఎం రేవంత్‌రెడ్డి, కాంగ్రెస్‌ పార్టీ నియోజవర్గ ఇన్‌చార్జి తిరుపతిరెడ్డి కృషితో నిధులు మంజూరు అయ్యాయని తెలిపారు. కార్యక్రమంలో ఎంపీడీఓ వెంకన్నగౌడ్‌, పార్టీ మండలాధ్యక్షుడు నర్సింలుగౌడ్‌, పీఏసీఎస్‌ చైర్మన్‌ జయకృష్ణ, రాంచంద్రారెడ్డి, వర్కింగ్‌ ప్రెసిడెంట్‌ నర్సింలునాయుడు తదితరులు పాల్గొన్నారు.