బస్తాల కోసం ఎదురుచూపులు

బస్తాల కోసం ఎదురుచూపులు

బొంరాస్‌పేట: వరి ధాన్యం కొనుగోలు కేంద్రానికి రెండు రోజులుగా గన్నీ బ్యాగులు సరఫరా లేకపోవడంతో రైతులు నిరాశ చెందుతున్నారు. మండల కేంద్రంలోని వరి ధాన్యం కొనుగోలు కేంద్రంలో గత రెండు రోజులుగా గన్నీ బ్యాగుల కొరత ఏర్పడింది. ఇప్పుడా, అప్పుడా అంటూ రైతులు రోజంతా పడిగాపులు గాసి ఇళ్లకు వెళ్తున్నారు. ఈ కేంద్రానికి మండల కేంద్రంతోపాటు చుట్టుపక్కల గ్రామాలు, తండాల రైతులు ధాన్యం తీసుకువచ్చి విక్రయిస్తున్నారు. బస్తాలు లేకపోవడంతో రెండు రోజులుగా ధాన్యం కొనుగోళ్లు బంద్‌ నిలిచిపోయాయి. దీనిపై అదనపు కలెక్టర్‌ లింగ్యానాయక్‌ను వివరణ కోరగా త్వరలో బన్నీ బ్యాగులను సరఫరా చేస్తామన్నారు.