7న మెగా పేరెంట్‌ టీచర్స్‌ సమావేశం

మహారాణిపేట : పిల్లల బంగారు భవిష్యత్తు కోసం–బడి వైపు ఒక అడుగు అనే నినాదంతో డిసెంబర్‌ 7న నిర్వహించనున్న మెగా పేరెంట్‌ టీచర్స్‌(పీటీఎం) సమావేశం విజయవంతం చేయాలని కలెక్టర్‌ ఎం.ఎన్‌.హరేందిర ప్రసాద్‌ పిలుపునిచ్చారు. ఈ మేరకు జిల్లా విద్యాశాఖ అధికారులతో శనివారం కలెక్టరేట్‌లో సమీక్షా సమావేశం నిర్వహించారు. జిల్లాలో 11 మండలాల పరిధిలోని ఉన్న 595 ప్రభుత్వ పాఠశాల్లో పీటీఎం సమావేశాలు నిర్వహిస్తామని చెప్పారు. ఈ కార్యక్రమం వల్ల పాఠశాలలు, తల్లిదండ్రుల మధ్య బంధాన్ని బలోపేతం చేయడానికి అవకాశం ఉంటుందని తెలిపారు. పోషకాహారం, పిల్లల భద్రత అంశాలపై తల్లిదండ్రులకు అవగాహన కల్పిస్తామన్నారు. డీఈవో ఎన్‌.ప్రేమ్‌కుమార్‌, ఉప విద్యాశాఖ అధికారి సోమేశ్వరరావు, ఎంఈవోలు, హెచ్‌ఎంలు పాల్గొన్నారు.