మెరుగైన వైద్యసేవలు అందించాలి

మెరుగైన వైద్యసేవలు అందించాలి

డీఎంహెచ్‌ఓ అప్పయ్య

ఐనవోలు: లక్ష్యాన్ని పూర్తిచేసి, ప్రజలకు మెరుగైన వైద్య సేవలందించాలని డీఎంహెచ్‌ఓ అప్పయ్య అన్నారు. మండల కేంద్రంలోని ప్రాథమిక ఆరోగ్య కేంద్రాన్ని డీఎంహెచ్‌ఓ అప్పయ్య మంగళవారం ఆకస్మికంగా తనిఖీ చేశారు. ఈ సందర్భంగా డీఎంహెచ్‌ఓ అప్పయ్య పీహెచ్‌సీలో ఓపీ, ఐపీ సేవలు అందిస్తున్న తీరును పరిశీలించారు. రోగులతో మాట్లాడి వైద్య సేవలు అందుతున్న తీరును అడిగి తెలుసుకున్నారు. పలు రికార్డులు పరిశీలించారు. మందుల ఎక్స్‌పైరీ వివరాలు, ఏ మందులు ఎక్కువగా వాడుతున్నారో తెలుసుకున్నారు. మండల వ్యాప్తంగా వివిధ రకాల వ్యాధులతో బాధపడుతున్న వారిని గుర్తించి రిజిస్టర్‌ చేయాలన్నారు. పీహెచ్‌సీలో అందిస్తున్న వైద్య సేవలపై డీఎంహెచ్‌ఓ సంతృప్తి వ్యక్తం చేసినట్లు మెడికల్‌ ఆఫీసర్‌ శ్రీనివాస్‌ తెలిపారు.