యాదగిరీశుడికి లక్ష పుష్పార్చన

యాదగిరీశుడికి లక్ష పుష్పార్చన

యాదగిరిగుట్ట: యాదగిరిగుట్ట శ్రీలక్ష్మీనరసింహస్వామి వారి ఆలయంలో మంగళవారం ఏకాదశితో పాటు కార్తీక మాసం కలిసి రావడంతో లక్ష పుష్పార్చన పూజను అర్చకులు పాంచరాత్ర ఆగమశాస్త్రానుసారం నిర్వహించారు. ఆలయ ముఖ మండపంలో సువర్ణ పుష్పార్చన మూర్తులకు పుష్పాలు, తులసీ దళాలతో అర్చన చేశారు. పూజల్లో ఈఓ భాస్కర్‌రావు, భక్తులు పాల్గొన్నారు. అదేవిధంగా ప్రధానాలయంలో, విష్ణు పుష్కరిణి చెంత, పాతగుట్ట ఆలయంలో ఆంజనేయస్వామిని సింధూరం, పాలతో అభిషేకించి, తమలపాకులతో అర్చించారు. హనుమంతుడికి ఇష్టమైన నైవేద్యాన్ని సమర్పించి భక్తులకు ప్రసాదంగా అందజేశారు. ఇక ప్రధానాలయంలో నిత్య పూజలు సంప్రదాయంగా కొనసాగించారు. శ్రీసుదర్శన నారసింహ హోమం, గజవాహన సేవ, నిత్య కల్యాణం, బ్రహ్మోత్సవం జరిపించి, సాయంత్రం వెండి జోడు సేవలు వంటి పూజలు కొనసాగాయి. వివిధ పూజలతో శ్రీస్వామి వారికి నిత్యాధాయం రూ.31,06,451 వచ్చినట్లు ఆలయాధికారులు వెల్లడించారు.