ముఖ్యమంత్రి పదవిని లక్కీ లాటరీలా పొందినవారు కొందరు, పైరవీలతో చేజిక్కించుకున్నవారు కొందరు, తెలివిగా పావులు కదిపి సాధించినవారు కొందరు... ఈ కేటగిరీల్లో కాంగ్రెస్‌ ఏలుబడిలోని రాష్ట్రాల్లో ఎందరినో చూశాం. పూర్తి ప్రజాదరణతో ఒకే ఒక్కడై నిలిచి, గెలిచి ఆంధ్రప్రదేశ్‌ ముఖ్యమంత్రి పీఠాన్ని అధిష్ఠించిన వ్యక్తి... కాదు శక్తి... డాక్టర్‌ వైఎస్‌ రాజశేఖరరెడ్డి మాత్రమే! జమ్మలమడుగులో పుట్టి, స్వగ్రామం పులివెందులలో, బళ్లారిలో చదివి, గుల్బర్గాలో మెడిసిన్‌ చేసి డాక్టరుగా పులివెందులలో రూపాయి డాక్టరుగా ఊరి జనానికి చేరువయ్యారు. చిన్ననాటి నుండీ గాంధీ, నెహ్రూలపై పెరుగుతూ వస్తున్న అభిమానం ఆయనను కాంగ్రెస్‌కు చేరువ చేసింది. పులివెందుల డిగ్రీ కాలేజీ స్థాపించి విద్యాభివృద్ధికీ, 20 పడకల ఆసుపత్రి నిర్మించి, పేదలకు ఉచిత వైద్యం చేసి ఊరి చుట్టుపక్కల ప్రజలకూ దగ్గరయ్యారు. యువజన కాంగ్రెస్‌ జిల్లా అధ్యక్షుడై 1978లో కాంగ్రెస్‌ చీలిక రాగా ‘రెడ్డి కాంగ్రెస్‌’ ఎమ్మెల్యేగా తొలిసారి ఎన్నికయ్యారు. ఎమ్మెల్యేగా, ఎంపీగా ప్రతిసారీ గెలుస్తూ వచ్చారు. యువజన సర్వీసులు, ఎక్సైజ్, విద్యా శాఖలకు మంత్రిగా పనిచేశారు. రెండుసార్లు పీసీసీ అధ్యక్షుడిగా వ్యవహరించారు. 1999 అసెంబ్లీ ఎన్నికల్లో తన నాయకత్వంలో 91 స్థానాలు గెలుచుకుని ప్రతిపక్ష నాయకుడిగా సత్తా చాటారు. 2004 ఎన్నికలకు ఏడాది ముందు జనంలోకి వెళ్ళారు. ఆ ఏడాది ఏప్రిల్‌ 3న రంగారెడ్డి జిల్లా చేవెళ్లలో పాదయాత్రకు శ్రీకారం చుట్టి, ఆంధ్రప్రదేశ్‌ చివరి గ్రామం ఇచ్ఛాపురం వరకూ దాదాపు 1600 కిలోమీటర్లు వైఎస్‌ పాదయాత్ర చేశారు. దారి పొడవునా, గ్రామ గ్రామాన ప్రజల కష్టనష్టాలను కళ్ళారా చూశారు. చెవులారా విన్నారు. భగ్గున మండుతున్న ఎండల్లో కాలినడకలో ప్రజలు ఎన్నెన్ని అవస్థలు పడుతున్నారో గమనించారు.ఓ పక్క కరువు, మరోవంక గంజినీళ్లకు కూడా నోచుకోని అభాగ్యులు, విద్యుత్‌ కొరత వల్ల బోర్లు పనిచేయక అచేతనులైన రైతన్నల దౌర్భాగ్య స్థితి, నిరుద్యోగుల నిస్తేజం... ఇవన్నీ ఆయనను కొత్త మనిషిగా తీర్చిదిద్దాయి. ‘ఇందిరమ్మ రాజ్యం’ తెస్తాననీ, అన్ని కష్టాల నుంచి గట్టెక్కిస్తాననీ ప్రజలకు మాటిచ్చారు. నమ్మకం కలిగించారు. వ్యవసాయ ప్రధానమైన గ్రామీణ ప్రజలకు విద్యుత్‌ చార్జీలు భారం కావడం, ఎప్పుడు వస్తుందో, పోతుందో తెలియని కరెంటు సరఫరా ప్రాథమిక అవరోధంగా గుర్తించి ‘ఉచిత విద్యుత్‌’ హామీ ఇచ్చి ముఖ్యమంత్రిగా తొలి సంతకం ఆ ఫైలు పైనే చేస్తానన్నారు. సరిగా పండక, అరకొర దిగుబడి తెగనమ్మితే పెట్టుబడి ధర కూడా రాక రైతన్నలు ఆత్మహత్యలు చేసుకుంటున్న వార్తలు విని, చదివి ఆయన చలించి పోయారు. వివిధ వర్గాల ప్రజల జీవన్మరణ సమస్యలను ఎలాగైనా సరే పరిష్కరించాలని నిశ్చయించుకున్నారు. పాదయాత్ర క్రమంలో రాజమండ్రి నగరం వచ్చాక తీవ్ర అస్వస్థతకు గురయ్యారు. మూడు రోజుల విశ్రాంతి అనంతరం మళ్ళీ నిర్విరామంగా ఇచ్ఛాపురం వరకూ నడక సాగించి, 64 రోజుల పాదయాత్ర (3 రోజుల విరామంతో కలిపి 67 రోజులు) లక్ష్యం పూర్తి చేశారు.అంతలో 2004 ఎన్నికల నగారా మోగింది. వైఎస్‌ హైదరాబాద్‌ తిరుగు పయనమయ్యారు. అంతకు పదేళ్ళ ముందు 1994 ఎన్నికల్లో ఎన్టీఆర్‌ అఖండ విజయం సాధించి ముఖ్యమంత్రి అయ్యారు. కొద్దికాలానికే ఎన్టీఆర్‌ను పదవీచ్యుతుణ్ణి చేసి, తెలుగుదేశం పార్టీని హైజాక్‌ చేసి, ముఖ్యమంత్రి పీఠంపై కూర్చున్నారు చంద్రబాబు. అలాంటి చంద్రబాబు బీజేపీ ఆసరా తోడై, 1999లో మళ్ళీ అధికార పగ్గాలు చేపట్టారు. ప్రజలంటే గొఱె<లనీ, ఎన్నికలంటే కాస్త పేరున్న పార్టీతో జతకట్టి సునాయాసంగా గెలవచ్చనీ పాత అనుభవ పాఠాల ద్వారా నమ్మి, ఈసారి 2004 ఎన్నికల బరిలోనూ దూకారు. అలిపిరి మందుపాతర పేలుడులో త్రుటిలో బతికి బయటపడిన ఘటన సానుభూతి తెచ్చి గెలిపిస్తుందని నమ్మారు. సానుభూతి చల్లారకుండా ముందస్తు ఎన్నికలకు చంద్రబాబు దిగారు. ప్రచార పర్వంలో ఎక్కడా సానుభూతి జాడలేదు సరికదా ప్రజాగ్రహం ఎదురైంది. కాంగ్రెస్‌ అఖండ విజయం, వైఎస్‌ ముఖ్యమంత్రి కావడం చకచకా జరిగిపోయాయి.ఆంధ్రప్రదేశ్‌ ముఖ్యమంత్రిగా 2004 మే 14న హైదరాబాద్‌ లాల్‌ బహదూర్‌ స్టేడియంలో ప్రజా సమక్షంలో ప్రమాణ స్వీకారం చేశారు వైఎస్‌. ఇచ్చిన మాట ప్రకారం ఉచిత విద్యుత్‌ ఫైలుపై తొలి సంతకం చేశారు. అది మొదలు ప్రజలకు ఎలా మేలు చేయాలన్న ఆలోచన తప్ప ఆయనకు మరొకటి లేదు. రైతులకు సహకార రుణమాఫీ కోసం కేంద్రాన్ని ఒప్పించారు. పీకల లోతు అప్పుల్లో మునిగి ఉన్న రైతులకు రుణ విముక్తి కలిగించారు. ‘ఆరోగ్యశ్రీ’తో అత్యంత ఖరీదైన వైద్యాన్ని నిరుపేదలకు అందించారు. పేదరికం కారణంగా పౌష్టికాహార లోపంతో గుండెజబ్బుల బారిన పడిన పసిపిల్లలకు ఉచిత శస్త్రచికిత్సలు చేయించారు.‘108 వాహనం’ ద్వారా అత్యవసర అంబులెన్సు వాహనాలను రాష్ట్రమంతటా అందుబాటులోకి తెచ్చారు. బీసీ విద్యార్థులకు ఇంజనీరింగ్‌ విద్య కోసం ‘ఫీజు రీ–ఇంబర్స్‌మెంట్‌’ పథకాన్ని ప్రవేశపెట్టారు. ముస్లిమ్‌ మైనారిటీ విద్యార్థులకు 4 శాతం రిజర్వేషన్లతో ఇంజనీరింగ్‌ విద్యను అందించారు. ‘జలయజ్ఞం’తో భారీ, మధ్యతరహా, చిన్నతరహా సాగునీటి ప్రాజెక్టులను రాష్ట్రం నలుమూలలా విస్తరించే పథకాలకు శ్రీకారం చుట్టారు. కోటి ఎకరాల సాగుభూమితో రాష్ట్రం అన్నపూర్ణగా విరాజిల్లాలని పట్టుదలతో కృషి చేసారు. అంతకు ముందు నామమాత్రంగా ఉండే వికలాంగ, వృద్ధాప్య పింఛన్లను ఇబ్బడిముబ్బడిగా పెంచారు. ఎస్సీ, ఎస్టీ పథకాల రుణమాఫీతో ఊరట కలిగించారు.‘ఇందిరమ్మ ఇళ్ల’ను ‘ఇందిరమ్మ ఊళ్ళు’ అనేలా గణనీయంగా నిర్మించారు. ప్రకృతి కూడా పరవశించిందేమో... హర్షాతిరేకంతో వర్షాలను చాలినంతగా రాష్ట్రమంతటా కురిపించింది. గ్రామదేవతల, దేవాలయ ఉత్సవాలు ఊరూరా పునః ప్రారంభమయ్యాయి. దేశం ఆంధ్రప్రదేశ్‌ వైపు తల తిప్పి చూడసాగింది. కాంగ్రెసేతర ముఖ్యమంత్రులు సైతం ‘ఆరోగ్యశ్రీ’తో పాటు వైఎస్‌ రాజశేఖరరెడ్డి ప్రవేశపెట్టిన మరికొన్ని పథకాలను తమ రాష్ట్రంలో అమలు చేశారు. 2009 ఎన్నికల్లోనూ వైఎస్‌ నేతృత్వంలో కాంగ్రెస్‌ అధికారం కైవసం చేసుకుంది. రెండోసారి ముఖ్యమంత్రిగా అధికార పీఠాన్ని అధిష్ఠించి, మరింత జాగరూకతతో సాగుతూ, పథకాల అమలు తీరు ఎలా ఉందో ప్రజల నుండి నేరుగా తెలుసుకోవాలన్న కోరికతో ‘రచ్చబండ’ ప్రవేశపెట్టారు. తొలి సమావేశానికి హాజరవడానికి హెలికాప్టర్‌లో చిత్తూరు జిల్లాకు పోయే క్రమంలో వాతావరణం ప్రతికూలించింది. కంట్రోల్‌ రూముతో సంబంధాలు తెగిపోయాయి. మరునాడు ఊహించని విషాద వార్త వెల్లడైంది. ‘నల్లమల అడవుల్లో హెలికాప్టర్‌ కూలిపోయింది. వైఎస్‌ ఇకలేరు’! ఈ వార్తను తట్టుకోలేక రాష్ట్రవ్యాప్తంగా సుమారు 700 గుండెలు ఆగిపోయాయి. ఇంతగా ప్రేమను పొందిన నాయకుడు చరిత్రలో మరొకరు లేరు. 2009 సెప్టెంబరు 3వ తేదీ జన హృదయ విజేత వైఎస్‌ రాజశేఖరరెడ్డి ఇక లేరని లోకానికి తెలిసిన రోజు. అదే రోజు గణేశ నిమజ్జనం. ‘గణేశ్‌ మహరాజ్‌కీ జై’, ‘గణపతి బప్పా మోరియా’ నినాదాలతో, పిల్లలు, పెద్దలు సహా అశేష జనసందోహంతో, నృత్యాలు, ఆటపాటలు, టపాసుల, డప్పులు, ఆర్కెస్ట్రాల కోలాహలంతో 24 గంటలపాటు నిర్విరామంగా సాగాల్సిన హైదరాబాద్‌ గణేశ్‌ నిమజ్జనోత్సవం అంతే జనంతో నిర్వికారంగా, ఎటువంటి ఆర్భాటం లేకుండా ఒక మహా మౌనప్రదర్శన అన్నట్టుగా సాగిపోయింది. లెక్కకు మిక్కిలిగా పూనుకున్నా జరగదనిపించే ఆ సంఘటన ఆ జననేత పట్ల గొప్ప గౌరవానికి తార్కాణం. ‘పథకాలంటే ఇవీ, పరిపాలన అంటే ఇదీ, పాలకుడంటే ఇలా...’ అని మామూలు వ్యక్తుల నుండి మేధావుల దాకా అనుకునేలా సాగిన ఆయన రాష్ట్ర నాయకత్వ హయాం ‘న భూతో న భవిష్యతి!’తిరుమలగిరి సురేందర్‌ – వ్యాసకర్త సీనియర్‌ జర్నలిస్టు, ప్రెస్‌ అకాడమీ మాజీ చైర్మన్‌

ప్రజా సంక్షేమం కోసం అనుక్షణం పరితపించిన నాయకుడాయన. పేదవాడి ముఖంపై చిరునవ్వు వెలిగించడానికి నిరంతరం శ్రమించిన కార్మికుడాయన. జలయజ్ఞంతో రాష్ట్రాన్ని అన్నపూర్ణగా మార్చిన కర్షక భగీరథుడాయన. సర్కారీ పాలనలోనే కాదు... స్నేహంలోనూ, సాయంలోనూ వై.ఎస్‌. రాజశేఖరరెడ్డిది ఓ అరుదైన వ్యక్తిత్వం. మనుషుల గుండెల్లో చిరకాలం చెరిగిపోని సంతకం. జనహృదయ విజేత వైఎస్‌ 2009లో అకాల మరణం చెందినప్పుడు ఆయన ఆప్తుడు, నాటి కాంగ్రెస్‌ నేత ఉండవల్లి అరుణ్‌కుమార్‌ తన గుండె లోతుల్లో నుంచి ‘సాక్షి’తో పంచుకున్న అనుభవాల మాలిక ఈ వ్యాసం. నేడు వైఎస్‌ 15వ వర్ధంతి సందర్భంగా నాటి కథనాన్ని నవతరం పాఠకుల కోసం మరోసారి అందిస్తున్నాం.గాంధీభవన్‌లో మీటింగ్‌... పీసీసీ అధ్యక్షులు ఎం. సత్యనారాయణరావు గారు, సీఎల్‌పీ లీడర్‌ వై.ఎస్‌. రాజశేఖరరెడ్డిగారు కూర్చున్నారు. ఏదో అర్జంట్‌ మీటింగ్‌! అందుబాటులో ఉన్న నాయకులందరినీ పిలిచారు. ప్రెసిడెంట్‌ గారి రూంలోనే మీటింగ్‌. ముప్పై కుర్చీల దాకా వేశారు. నేను బాగా చివరి వరుసలో మూలగా ఉన్న కుర్చీలో కూర్చున్నాను. ‘అరుణ్‌! ముందుకు రావయ్యా... ఇక్కడ ఖాళీగా ఉంది గదా!’ అంటూ ముందు వరుసలో కూర్చోమని ఆహ్వానించారు సత్యనారాయణ గారు. ‘ఎందుకు సార్‌... మళ్లీ ఎవరైనా పెద్ద లీడరొస్తే లేచి వెనక్కి రావాలి. ఇక్కడ కూర్చుంటే ఎవ్వరొచ్చినా లేవక్కర్లేదు’ అన్నాను నవ్వుతూ. అన్ని సీట్లూ నిండిపోయాయి. మీటింగ్‌ ప్రారంభమైంది. ఏదో నోట్‌ చేయాల్సిన అవసరమొచ్చింది. ‘అరుణ్‌! ముందుకు రావయ్యా!’ అంటూ వైఎస్‌ గారి పక్కనే కుర్చీ వేయించి నన్ను కూర్చోపెట్టారు. నేను, వైఎస్‌ గారితో అన్నాను... ‘చూశారా సార్‌! టైం వచ్చినప్పుడు చివరాఖర్న కూర్చున్నా తీసుకొచ్చి ముందు కూర్చోపెడ్తారు.’ ‘అవును అరుణ్‌! ఇది బైబిల్‌లో ఉంది... తనను తాను తగ్గించుకొనువాడు హెచ్చించబడును, తనను తాను హెచ్చించుకొనువాడు తగ్గించబడును’. నా జీవితంలో మర్చిపోలేని సందేశమిది. అప్పట్నుంచి నేనేనాడూ నా గురించి నేను గొప్పగా ఊహించుకోలేదు. ఎవరైనా పొగుడుతుంటే వైఎస్‌ గారి వాక్యమే గుర్తుతెచ్చుకుంటూ ఉండేవాడిని. 2009 ఎన్నికల ఫలితాలపై వైఎస్‌ మాట్లాడుతూ, ‘ప్రజలు మాకు పాస్‌ మార్కులే వేశారు. ఇది ఘన విజయంగా నేను భావించడం లేదు. గర్వం వీడి అణకువతో ప్రజలకు దగ్గరకండి’ అంటూ తనను తాను తగ్గించుకుంటున్నప్పుడు ఆయన మరింత హెచ్చించబడతాడనే అనుకున్నాను గానీ ఆ హెచ్చు మరీ ఇంత ఎక్కువగా ఉంటుందనీ... ఎవరికీ అందనంత ఎత్తులోకి వెళ్లిపోతారనీ కలలోనైనా ఊహించుకోలేదు. ఎవరైనా ఇతర ప్రాంతాల నుంచి నాయకులొస్తే వారి ఉపన్యాసాలను నేను అనువదించాలి. ఈ విషయంలో మాత్రం ఇంకెవర్నీ ఒప్పుకునేవారు కాదు వైఎస్‌ గారు! చాలాసార్లు కొందరు నాయకులు లోపల్లోపల గొణుక్కుంటూ ఉండేవారు ‘వీడే చెయ్యాలా ట్రాన్స్‌లేషన్‌... ఆ మాత్రం అనువాదకులు మనూళ్లో లేరా...’ అని!! కొన్నిసార్లు బాహాటంగా పత్రికల్లోనే విమర్శించారు. రాజీవ్‌గాంధీ, మన్మోహన్‌సింగ్, రాహుల్‌ గాంధీ – ఎవరొచ్చినా వారితోపాటు వేదిక మీద నాకూ కుర్చీ వేసేవారు! నాకన్నా సీనియర్లు, మంత్రులు, పెద్ద నాయకులు ఎంతోమంది కింద కూర్చోవటం, కేవలం అనువాదకుడినైన కారణంగా నేను వేదిక మీద కూర్చోవటం కొంతమందికి మింగుడుపడేది కాదు. కానీ ట్రాన్స్‌లేషన్‌ విషయంలో మాత్రం వైఎస్‌ కాంప్రమైజ్‌ అయ్యేవారు కారు. రూరల్‌ ఎంప్లాయ్‌మెంట్‌ గ్యారంటీ ప్రోగ్రాం అనంతపూర్‌లో ప్రారంభించారు. ప్రధాని మన్మోహన్‌సింగ్, అఖిల భారత కాంగ్రెస్‌ అధ్యక్షురాలు సోనియాగాంధీ, గ్రామీణాభివృద్ధి శాఖ మంత్రి రçఘువంశప్రసాద్, పంచాయతీరాజ్‌ శాఖ మంత్రి మణిశంకర్‌ అయ్యర్‌ ప్రసంగించారు. నన్ను సోనియాగాంధీ గారికి కేటాయించి, మిగతా ముగ్గురికీ ఇంకో ముగ్గురు నాయకులను ట్రాన్స్‌లేషన్‌కి ఏర్పాటు చేశారు. సరిగ్గా అందరూ స్టేజీ మీద కూర్చున్నాక వైఎస్‌ గారికి ఈ ఏర్పాటు సంగతి తెలిసింది. ఆయన ససేమిరా అంగీకరించలేదు. మొత్తం నలుగురికీ నేనే అనువాదం చెయ్యాలన్నారు. ‘సుమారు నలుగురు మాట్లాడేదీ ఒకటే ఉంటుంది. మళీ మళ్లీ అదే నేనొక్కడినే రిపీట్‌ చేస్తే జనానికి బోర్‌ కొడ్తుందేమో సార్‌’ అన్నాను. ‘చెప్పినట్టు చెయ్‌! నో మోర్‌ ఆర్గ్యుమెంట్‌!’ అన్నారు. నలుగురి స్పీచ్‌లూ నేనే అనువదించాను. ‘ఇంటర్‌ ప్రెటేషన్‌ కావాలి, ట్రాన్స్‌లేషన్‌ కాదు. లక్షల మంది పాల్గొన్న సభ, ఎక్స్‌పెరిమెంట్లు చేయటం పద్ధతి కాదు’ అన్నారాయన. నాకు అప్పుడు పదేళ్ల క్రితం జరిగిన ఒక అనువాద సంఘటన గుర్తుకొచ్చింది. విశాఖలో గాజువాక దగ్గర రాజీవ్‌గాంధీ విగ్రహావిష్కరణ. రాజేష్‌ పైలట్, అహ్లూవాలియా, వైఎస్, ద్రోణంరాజులతో కలిసి కార్లలో గాజువాక వెళ్తున్నాం. రాజీవ్‌గాంధీ చిరునవ్వు ముఖంలో మృత్యుకళ ప్రవేశపెట్టడం ఆ దేవుడి వల్ల కాలేదనీ... అందుకే అందమైన ఆ ముఖం నిర్జీవమైనప్పుడు ఎలాగుంటుందో చూపించలేని ఆ దేవుడు, అసలు ఆ ముఖమే లేకుండా చేసేశాడని వైఎస్‌ గారితో చెప్పాను. ఆ రోజుల్లో వైఎస్‌తో ఉండవల్లి ఈ మాటలు రాజశేఖరరెడ్డి గారి స్పీచ్‌లో చెప్పమన్నాను. ఆయన వద్దన్నారు. ‘ఇంత వివరంగా నువ్వే చెప్పగలవు. నువ్వే చెప్పు’ అన్నారు. ‘సార్‌! నేను అనువాదకుణ్ణేగానీ వక్తను గాను. రాజేష్‌ పైలట్, లేదా అహ్లూవాలియానో ఈ మాటలంటే నేను అనువదించగలను గానీ వాళ్లనకుండా నేనెలా చెప్తాను’ అన్నాను. ‘అక్కడికేదో వాళ్లు చెప్పింది మాత్రమే నువ్వు చెబుతున్నట్టు పోజు పెట్టకోయ్‌... అయినా నువ్వు చేసేది భావానువాదం, భాషానువాదం కాదు! భావం మారకుండా ఈ పదాలు జొప్పించు’ అన్నారు వైఎస్‌. అహ్లూవాలియా మాట్లాడుతూ రాజీవ్‌ మరణాన్ని విశ్లేషిస్తుండగా... నేను అనువాదం చేస్తూ, పైన చెప్పిన నాలుగు మాటలూ కలిపేశాను. సభలో ఊహించని రెస్పాన్స్‌. వైఎస్‌ గారు మీటింగ్‌ అయిపోయాక నా భుజం తట్టారు. ఇప్పుడనిపిస్తోంది... ఎప్పుడూ నవ్వుతూ ఉండే వైఎస్‌ ముఖంలో సైతం మృత్యువును ప్రవేశపెట్టడం ఆ భగవంతుని వల్ల కాలేదనీ, అందుకే హెలికాప్టర్‌ ప్రమాదంలో ఛిన్నాభిన్నమైన ఆ శరీరం కోట్లాదిమంది అభిమానుల ఆఖరి చూపులకు కూడా నోచుకోలేదని!ఇద్దరు మనుష్యుల మధ్య సంబంధాలు... ఇచ్చిపుచ్చుకోవటాలతో బలపడుతుంటాయి. ఒకరికొకరు సహాయపడుతూ ఆప్తులవుతారు. వైఎస్‌ గారితో నా సంబంధం తల్చుకుంటే... నాకు ఆశ్చర్యమేస్తుంది! ఎప్పుడూ ఆయన వల్ల నాకు జరిగిన ఉపకారాలే తప్ప... నా నుంచి ఆయన కోసం వీసమెత్తు కంట్రిబ్యూషన్‌ కూడా లేదు. కనీసం వార్డు కౌన్సిలర్‌గా పోటీ చేయడానికి కూడా... కావల్సిన కులబలం, ధనబలం లేని నన్ను రెండుసార్లు అసెంబ్లీకి, రెండుసార్లు పార్లమెంట్‌కీ పోటీ చేయించారు. ఎక్కడో లక్షలాదిమంది మధ్య నుంచొని రాజీవ్‌గాంధీ ఉపన్యాసానికి చప్పట్లుకొట్టే స్థాయి కాంగ్రెస్‌ కార్యకర్తనైన నన్ను సాక్షాత్తూ ఆ రాజీవ్‌గాంధీ పక్కనే నిలబెట్టారు. అగ్రనాయకులందరూ అడ్డుపడ్డా... నేనే బాగా అనువదిస్తానని, వారితో వాదించి – వారిని వారించి నాకు ఢిల్లీ స్థాయి నాయకులందరి పక్కనా ఉండే స్థాయి కల్పించారు. సోనియాగాంధీ, రాహుల్‌గాంధీ స్థాయి నాయకులు నన్ను పేరెట్టి పిలిచే స్థానంలోకి పంపించారు. నేనేనాడూ ఆయన్ని ‘నాకిది కావాల’ని అడగలేదు. మొన్నటి (2009) ఎన్నికలకు మూడు నెలల ముందు మాత్రం ధైర్యం చేసి ఒక్క రిక్వెస్ట్‌ చేశాను... ‘ఈసారి ఎన్నికల్లో నన్ను పోటీ చేయించవద్ద’ని! అప్పటికే రామచంద్రరావు గారి దగ్గర ఈ ప్రతిపాదన చేసి చాలా తిట్టించుకున్నాను. అందుకే వైఎస్‌ గారితో నెమ్మదిగా ఈ విషయం చెప్పాను. హైదరాబాద్‌ శివార్లలో ఒక సభకు హాజరవ్వటానికి బయలుదేరుతున్న వైఎస్, తనతో పాటు కారెక్కమన్నారు. సుమారు ఇరవై నిమిషాల ప్రయాణం. దారిలో ఆయనకి ఎక్స్‌ప్లైన్‌ చేశాను. ఈసారి నాకెంత ప్రతికూల పరిస్థితులున్నాయో... నేను నెగ్గటం ఎంత అసాధ్యమో వివరించాను. ‘ఇప్పుడు నువ్వు పోటీ చేయకపోవడం కరెక్ట్‌ డెసిషన్‌ కాదు. నువ్వు చెప్పిందంతా నిజమే, అయినా నువ్వే గెలుస్తావు... డోంట్‌ వర్రీ గాడ్‌ ఈజ్‌ దేర్‌’ అన్నారు వైఎస్‌. అది 2009 సెప్టెంబర్‌ 3. ఆ రోజు వినాయక నిమజ్జనం. హైదరాబాద్‌ నగరమంతా అల్లకల్లోల సునామీ సముద్రంలా ఉండేరోజు. వైఎస్‌ మరణవార్త నెమ్మది నెమ్మదిగా జనానికి చేరుతోంది. నిశ్శబ్దంగా నిమజ్జనం ప్రారంభమయ్యింది. ప్రతి ముఖంలో దుఃఖం, ఎంతోమంది మహానాయకుల మరణవార్తల్ని విన్నాం, కళ్లారా చూశాం. ‘ఆ వార్త వినగానే గుండె పగిలింది’ అంటూ చాలాసార్లు అంటుంటాం. ఇంతకాలం ఇదొక పద ప్రయోగమే... మహా అయితే పదాలంకారమో అనుకున్నాగానీ... నిజంగా గుండె పగిలి చచ్చిపోయేంత దుఃఖం ఉంటుందని నాకు ఇప్పుడే తెలిసింది. ఇంట్లో అందొచ్చిన కొడుకు చచ్చిపోతే ఏడ్చినట్టుగా ఏడుస్తున్న వృద్ధులు... ‘రేపు నా బిడ్డల పరిస్థితేమి’టంటూ పిల్లల తల్లులు... ఫ్రీగా ఇంజనీరింగ్‌ చదువుకుంటున్న విద్యార్థులు... రాష్ట్రమంతా వెక్కివెక్కి ఏడ్చింది. కొన్ని వందల గుండెలు నిజంగానే పగిలిపోయాయి. యాక్సిడెంట్‌ కన్‌ఫర్మ్‌ అయి వైఎస్‌ మృతదేహాన్ని గుర్తించారని తెలిసిపోయాక, సెక్రటేరియట్‌లో ముఖ్యమంత్రి గారి ఫ్లోర్‌లోకి వెళ్లాను. ఆయనతో నాకున్న సంబంధం, ఆయన నాపై చూపిన ప్రేమాభిమానాలూ మనసులో రీళ్లు తిరగసాగాయి. ఒక మాట దగ్గర రీల్‌ ఆగిపోయింది. ‘డోంట్‌ వర్రీ,,, గాడ్‌ ఈజ్‌ దేర్‌.’ నేను తప్పుగా విన్నాను ఆయనన్న మాట... ‘డోంట్‌ వర్రీ గాడ్‌ ఈజ్‌ హియర్‌!’ అని అయి ఉంటుంది. నేనుండగా నీకెందుకు వర్రీ!! నా సంకల్పమే నీకు దైవం. నా బలమే నీకు దైవబలం. ఇంకా తెలియలేదా అరుణ్‌... నేనెవరినో!!వైఎస్‌ గారితో నేను మాట్లాడిన మాటలు, వెటకారాలు, వేళాకోళాలు, జోకులూ అన్నీ గుర్తుకొచ్చి నెమ్మదిగా వెన్నులో వణుకు పుట్టింది. ఆయనతో మాట్లాడేటప్పుడు ఏమి అనాలనిపిస్తే అది అనేసేవాడిని. ఎవరేమనుకుంటారో, అనొచ్చో–లేదో... అని ఏనాడూ సంకోచించలేదు. ఎన్నిసార్లు నా మాటలు ఆయనకు నచ్చకపోయి ఉండొచ్చో... ఎన్నిసార్లు ఆయనకు నా మాటల వల్ల బాధ కలిగిందో... హఠాత్తుగా నాకు ‘భగవద్గీత’లోని ఒక శ్లోకం (11: 42) గుర్తుకొచ్చింది. అర్జున ఉవాచ :‘‘యచ్చావహా సార్థ మసత్కృతోసివిహార శయ్యాసన భోజనేషుఏకోథ వాప్యచ్యుత తత్సమక్షంతత్‌ క్షామయే త్వామహ మప్రమేయమ్‌’’ (విశ్వరూప సందర్శన యోగం)‘‘కృష్ణా! నాశరహితా! నీ ఈ మహిమ తెలియక పొరపాటున గానీ, చనువు వల్ల గానీ ఓ కృష్ణా, ఓ యాదవా, ఓ సఖా అని అలక్ష్యముగా నేనేమి అన్నానో... విహారము సల్పునపుడుగానీ, పరుండునప్పుడుగానీ, కూర్చుండునప్పుడు గానీ, భుజించినప్పుడు గానీ, ఒక్కడవుగా ఉన్నప్పుడుగానీ, ఇతరుల యెదుట పరిహాసముగా గానీ ఏ విధంగా ప్రవర్తించితినో నా అపరాధములన్నీ అప్రమేయుడవగు నీవు క్షమించమని వేడుకొనుచున్నాను.’’తండ్రీ! ఓ రాజశేఖరరెడ్డీ! నన్ను క్షమించు... అనుగ్రహించు!!ఉండవల్లి అరుణ్‌కుమార్‌ – వ్యాసకర్త ప్రముఖ రాజకీయ నాయకుడు, పార్లమెంట్‌ మాజీ సభ్యుడు

యుఏఈ దుబాయ్: యుఏఈ దేశంలోని దుబాయ్ పట్టణంలో దివంగత మహానేత ఉమ్మడి ఆంధ్రప్రదేశ్ ముఖ్యమంత్రి స్వర్గీయ 'వైఎస్ రాజశేఖర రెడ్డి' 14వ వర్ధంతి వేడుకలను వైఎస్సార్‌సీపీ యుఏఈ కమిటీ కన్వీనర్ సయ్యద్ అక్రం బాషా అండ్ కమిటీ సభ్యుల ఆధ్వర్యంలో ఆయన చిత్ర పటానికి పూలమాలలు వేసి ఘనంగా నివాళులర్పించినారు. ఈ సందర్భంగా సయ్యద్ అక్రం బాషా మాట్లాడుతూ.. దివంగత మహానేత స్వర్గీయ రాజశేఖర రెడ్డి పరిపాలన ఒక స్వర్ణయుగం లాంటిదని ఆయన పరిపాలనలో బడుగు బాలహీన వర్గాల ప్రజలు సఖ సంతోషాలతో వున్నారని పేద ప్రజల కొరకు ఎన్నో సంక్షేమ పథకాలు ప్రవేశ పెట్టి అమలు చేసిన అపర భగీరథుడు, జలయగ్నం సృస్టికర్త, ఆరోగ్య శ్రీ ప్రదాత, విధ్యాదాత, ఉచిత విద్యుత్ పధకం, ఫీజు రీయంబ్రస్మెంట్, ఇలా ఎన్నో పధకాలు ప్రవేశపెట్టి అమలు చేసిన ఏకైక ముఖ్య మంత్రి. ముస్లింలకు ప్రభుత్వ విద్య ఉద్యోగ రంగాలలో 4 శాతం రిజర్వేషన్లు కల్పించిన ఘనత వారిదేనని, వారు చనిపోయోటప్పుడు కూడా ప్రజల సంక్షేమం కొరకు పాటు పడ్డారని, రాజన్న భౌతికంగా మన ముందు లేకపోయిన తెలుగు ప్రజల గుండెలలో చిరస్థాయిగా నిలిచిపోయారని వారు తెలిపారు. ఈ కార్యక్రమంలో యుఏఈ వైఎస్సార్‌సీపీ నాయకులు, కార్యకర్తలు అభిమానులు పాల్గొన్నారు.

అట్లాంటా:  వైఎస్సార్‌ వర్ధంతి సందర్భంగా రెండు తెలుగు రాష్ట్రాలతో పాటు ప్రపంచ వ్యాప్తంగా ఉన్న వైయస్ఆర్‌సీపీ శ్రేణులు వివిధ కార్యక్రమాలు చేపట్టారు. దివంగత మహానేత ప్రవేశపెట్టిన సంక్షేమ పథకాలను, ఆయన జ్ఞాపకాలను గుర్తు చేసుకుంటూ నివాళులర్పించారు. ఇక అమెరికాలో సైతం వైఎస్సార్‌సీపీ శ్రేణులు ఈ కార్యక్రమాల్లో పాల్గొన్నారు. అట్లాంటాలో నిర్వహించిన వర్ధంతి కార్యక్రమంలో విద్యాశాఖమంత్రి మంత్రి బొత్స సత్యనారాయణ పాల్గొని దివంగత మహానేతకు నివాళులర్పించారు. ఈ సందర్భంగా మహానేతతో తన అనుబంధాన్ని, ఆయన తీసుకొచ్చిన విప్లవాత్మక కార్యక్రమలు పేదల జీవితాలను ప్రభావితం చేసిన తీరును బొత్స సత్యనారాయణ ప్రస్తావించారు. సమాజం బాగుండాలంటే ప్రతి ఒక్కరూ ఉన్నత చదువులు చదవాలి, నిరుపేదలు తమ పిల్లలను డాక్టర్లు, ఇంజినీర్లుగా చూడాలని దివంగత వైయస్ఆర్ ఆనాడే తపించారు. ఫీజు రీయింబర్స్ మెంట్ పథకాన్ని ప్రవేశపెట్టి లక్షలమంది పేద పిల్లలను ఉచితంగా చదివించారు. ఫీజు రీయింబర్స్మెంట్ పథకం ద్వారా చదువుకున్న ఎంతో మంది పిల్లలు నేడు ప్రపంచవ్యాప్తంగా ఉన్న అనేక ఎంఎన్‌సీల్లో పెద్ద ఉద్యోగాలు చేస్తూ జీవితంలో గొప్పగా స్థిరపడ్డారని పేర్కొన్నారు. దేశానికే ఆదర్శం.. నాడు మహానేత వైఎస్సార్‌ చదువుల కోసం రెండు అడుగులు వేస్తే నేడు ముఖ్యమంత్రి జగన్ అదే స్ఫూర్తితో నాలుగడుగులు ముందుకు వేశారన్నారు. సీఎం జగన్ నేతృత్వంలో ఏపీ ప్రభుత్వం విద్యను ప్రధాన అంశంగా గుర్తించి అనేక విప్లవాత్మక కార్యక్రమాలు చేపట్టిందని అన్నారు. నాడు-నేడు, డిజిటల్ బోధనలు, విద్యాకానుక, అమ్మఒడి, గోరు ముద్ద వంటి పథకాలు దేశంలో మరెక్కడా లేవని, ఏపీ విద్యారంగం దేశానికే ఆదర్శంగా నిలుస్తోందని కొనియాడారు. కార్యక్రమం అనంతరం, ప్రవాస ఆంధ్రులతో చిట్ చాట్ లో పాల్గొన్నారు. సీఎం జగన్ ప్రవేశపెట్టిన ప్రభుత్వ పథకాలు, రాష్ట్ర- దేశ ఆర్ధిక, రాజకీయ పరిస్థితులు ఇతర అంశాలపై ఎన్నారైలతో ముచ్చటించారు.  ఆ ఘనత వైఎస్సార్‌దే కనిగిరి నియోజకవర్గ మాజీ ఎమ్మెల్యే కదిరి బాబురావు మాట్లాడుతూ.. ఆరోగ్య శ్రీ, 108 వంటి అద్భుతమైన కార్యక్రమాల ద్వారా దివంగత వైయస్ఆర్ ప్రపంచానికే స్ఫూర్తిగా నిలిచారని, పేదలకు ఉచితంగా గుండె ఆపరేషన్లు చేయించి ఎంతో మంది ప్రాణాలను కాపాడిన ఘనత వైయస్ఆర్‌దే అని అన్నారు. ఆయన సంక్షేమ పథకాల స్పూర్తితో మన దేశంలోని వివిధ రాష్ట్రాలతో పాటు ఇతర దేశాలూ ఆరోగ్య శ్రీ వంటి పథకాలు ప్రవేశపెట్టాయన్నారు.  వైయస్ జగన్ తండ్రిని మించిన తనయుడు.. ఉత్తర అమెరికా ఏపీ ప్రభుత్వ ప్రత్యేక ప్రతినిధి పండుగాయల రత్నాకర్ మాట్లాడుతూ విశ్వసనీయతకు, మంచితనానికి మారుపేరు డాక్టర్ వైయస్ఆర్ అన్నారు. 14 ఏళ్ల తర్వాత కూడా ప్రజలకు వైయస్ఆర్ పై ఉన్న అభిమానం చెక్కుచెదర్లేదని, తెలుగు నేలపై ఆయన పేరు, ఆయన ప్రవేశపెట్టిన అజరామరంగా కీర్తింపబడతాయని పేర్కొన్నారు. ఆ మహానేత దారిలోనే ప్రయాణిస్తున్న వైయస్ జగన్ తండ్రిని మించిన తనయుడిగా ఏపీని తీర్చిదిద్దుతున్నారని అన్నారు. 4 ఏళ్లలో ఏ ముఖ్యమంత్రికి సాధ్యం కాని విప్లవాత్మక మార్పులను సీఎం వైయస్ జగన్ తీసుకొచ్చారని, ఆంధ్రప్రదేశ్ సీఎంగా జగన్ ఉండటం మన అదృష్టం అని రత్నాకర్ అన్నారు. ఈ కార్యక్రమంలో IIIT మాజీ ప్రిన్సిపాల్ కృష్ణా రెడ్డి వైయస్ఆర్ గొప్పతనాన్ని పద్యరూపంలో చెప్పడం అలరించింది. సీఎం సలహాదారు ( విద్య ) కుమార్ అన్నవరపు కూడా కార్యక్రమంలో పాల్గొని ప్రసంగించారు. అట్లాంటాలో నివాసముంటున్న వైఎస్సార్‌సీపీ శ్రేణులు, సోషల్ మీడియా యాక్టివిస్టులు,  వైఎస్సార్‌ అభిమానులు ఈ కార్యక్రమంలో పాల్గొన్నారు. ఇదీ చదవండి: స్మృత్యంజలి

సాక్షి కడప : దివంగత సీఎం డాక్టర్‌ వైఎస్‌ రాజశేఖరరెడ్డి 14వ వర్ధంతిని పురస్కరించుకుని శనివారం సీఎం వైఎస్‌ జగన్‌మోహన్‌రెడ్డి కుటుంబ సభ్యులతో ఇడుపులపాయలోని డాక్టర్‌ వైఎస్సార్‌ సమాధి వద్ద నివాళులర్పించారు. ఇడుపులపాయలోని డాక్టర్‌ వైఎస్సార్‌ సమాధి ఘాట్‌ వద్ద ముఖ్యమంత్రి వైఎస్‌ జగన్‌మోహన్‌రెడ్డి, కుటుంబ సభ్యులు ప్రత్యేక ప్రార్థనలు నిర్వహించారు. ప్రధానంగా రెవరెండ్‌ పాస్టర్లు ఆనంద్‌బాబు, నరేష్‌బాబు, మృత్యుంజయరావులు అక్కడనే ప్రార్థన కార్యక్రమాలు నిర్వహించారు. ఈ సందర్భంగా ౖవైఎస్సార్‌తో తమకున్న అనుబంధాన్ని స్మరించుకున్నారు. ఎప్పటికీ మరిచిపోలేని మహానేతగా వైఎస్సార్‌ మిగిలిపోయారని... ముఖ్యమంత్రి వైఎస్‌ జగన్‌మోహన్‌రెడ్డికూడా సంక్షేమ పథకాలను అన్ని వర్గాలకు అందిస్తూ పేద ప్రజల గుండెల్లో నిలిచిపోయారని పాస్టర్లు కొనియాడారు. ప్రార్థన కార్యక్రమం సందర్భంగా వైఎస్సార్‌ సతీమణి వైఎస్‌ విజయమ్మ సమాధి ఘాట్‌ వద్ద వైఎస్సార్‌ను తలుచుకుని కొద్దిసేపు భావోద్వేగానికి గురయ్యారు. ప్రార్థనల్లో డిప్యూటీ సీఎం ఎస్‌బీ అంజద్‌బాషా, జిల్లా ఇన్‌చార్జిమంత్రి ఆదిమూలపు సురేష్‌, కడప ఎంపీ వైఎస్‌ అవినాష్‌రెడ్డి, ప్రభుత్వ విప్‌ గడికోట శ్రీకాంత్‌రెడ్డి, తుడా చైర్మన్‌, ఎమ్మెల్యే చెవిరెడ్డి భాస్కర్‌రెడ్డి, శాసనమండలి డిప్యూటీ చైర్‌ పర్సన్‌ జకియాఖానమ్‌, ఎమ్మెల్యేలు రవీంద్రనాథ్‌రెడ్డి, రఘురామిరెడ్డి, మేడా మల్లికార్జునరెడ్డి, కొరముట్ల శ్రీనివాసులు, డాక్టర్‌ సుద, టీజే సుధాకర్‌బాబు, జెడ్పీ చైర్మన్‌ ఆకేపాటి అమర్‌నాథరెడ్డి, వైఎస్సార్‌ సీపీ జిల్లా అధ్యక్షులు, కడప నగర మేయర్‌ సురేష్‌బాబు, ఎమ్మెల్సీలు పి.రామసుబ్బారెడ్డి, డీసీ గోవిందరెడ్డి, రమేష్‌ యాదవ్‌, రామచంద్రారెడ్డి, ఆర్టీసీ చైర్మన్‌ అబ్బిరెడ్డి మల్లికార్జునరెడ్డి, మాజీ ఎమ్మెల్యే గడికోట మోహన్‌రెడ్డి, వైఎస్సార్‌ సీపీ నేతలు వైఎస్‌ కొండారెడ్డి, వైఎస్‌ మనోహర్‌రెడ్డి, వైఎస్‌ అభిషేక్‌రెడ్డి, యువ నాయకులు అర్జున్‌రెడ్డి, మైదుకూరు సమన్వయకర్త నాగిరెడ్డి, రాష్ట్ర ప్రభుత్వ వ్యవసాయ సలహాదారు ఇరగంరెడ్డి తిరుపేలరెడ్డి, జిల్లా వ్యవసాయ సలహా మండలి చైర్మన్‌ పి.శివ ప్రసాద్‌రెడ్డి, మాజీ జెడ్పీటీసీ గిరిధర్‌రెడ్డిలు పాల్గొన్నారు. ప్రార్థనలనంతరం వైఎస్సార్‌ వర్దంతి సందర్బంగా ఘాట్‌ వద్ద అందరూ రెండు నిమిషాలపాటు మౌనం పాటించారు. ప్రజాప్రతినిధులు, ప్రజలతో కాసేపు రాష్ట్ర ముఖ్యమంత్రి వైఎస్‌ జగన్‌మోహన్‌రెడ్డి ఇడుపులపాయలో వైఎస్సార్‌ ఘాట్‌ ప్రాంగణంతోపాటు హెలిప్యాడ్‌ వద్ద కొద్దిసేపు ప్రజలతో మమేకమయ్యారు. అలాగే సీఎం వైఎస్‌ జగన్‌, మంత్రులను, ఎమ్మెల్యేలు, ఎమ్మెల్సీలను పేరుపేరునా పలకరించారు. ప్రజలతో కాసేపు సమస్యలపై వినతులు స్వీకరించారు. ప్రార్థనలనంతరం నేరుగా వైఎస్సార్‌ గెస్ట్‌హౌస్‌కు చేరుకుని ముఖ్యమంత్రి వైఎస్‌ జగన్‌మోహన్‌రెడ్డి కుటుంబ సభ్యులతో కాసేపు గడిపారు. ముఖ్యమంత్రి వైఎస్సార్‌ గెస్ట్‌హౌస్‌ వద్ద పోలీసుల గౌరవ వందనం స్వీకరించారు. అలాగే బ్రహ్మకుమారీలు ముఖ్యమంత్రి వైఎస్‌ జగన్‌మోహన్‌రెడ్డికి రాఖీలు కట్టారు. ► ముఖ్యమంత్రి వైఎస్‌ జగన్‌మోహన్‌రెడ్డి శనివారం ఉదయం 11.30 గంటల ప్రాంతంలో కడప ఎయిర్‌పోర్టుకు చేరుకోగానే ఉప ముఖ్యమంత్రి ఎస్‌బీ అంజద్‌బాషా, జిల్లా కలెక్టర్‌ విజయరామరాజు, ఎస్పీ కేకేఎన్‌ అన్బురాజన్‌, ప్రొద్దుటూరు, చంద్రగిరి ఎమ్మెల్యేలు రాచమల్లు శివప్రసాద్‌రెడ్డి, చెవిరెడ్డి భాస్కర్‌రెడ్డి, జాయింట్‌ కలెక్టర్‌ గణేష్‌కుమార్‌, నగర పాలక సంస్థ కమిషనర్‌ ఎస్‌ఎస్‌ ప్రవీణ్‌చంద్‌, పాడా ఓఎస్‌డీ అనిల్‌కుమార్‌రెడ్డి, జెడ్పీటీసీ నరేన్‌ రామాంజురెడ్డిలు ఘన స్వాగతం పలికారు. అనంతరం ఇడుపులపాయ హెలిప్యాడ్‌ వద్ద టీటీడీ చైర్మన్‌ భూమన కరుణాకర్‌రెడ్డి, కడప ఎంపీ వైఎస్‌ అవివాష్‌రెడ్డి, ఎమ్మెల్సీలు రామచంద్రయ్య,రామసుబ్బారెడ్డి ఘన స్వాగతం పలికారు. ముఖ్యమంత్రి వెంట ముఖ్య కార్యదర్శి ధనుంజయరెడ్డి, ఓఎస్‌డీ కృష్ణమోహన్‌రెడ్డి, వ్యక్తిగత కార్యదర్శి కె.నాగేశ్వరరెడ్డిలు ఉన్నారు. ముఖ్యమంత్రి పర్యటన నేపధ్యంలో జిల్లా ఎస్పీ కేకేఎన్‌ అన్బురాజన్‌ ఆధ్వర్యంలో పటిష్ట పోలీసు బందోబస్తు ఏర్పాటు చేశారు.

వైఎస్సార్ కోసం చెప్పాలంటే...కొన్ని మాటల్లో చెప్పడం సాధ్యం కాదు ఆయన కోసం మాట్లాడుకుంటే..ఆయన్ను అభిమానించే వారికి కొన్ని గంటల సమయం సరిపోదు ఎందుకంటే...వైఎస్సార్...ఓ లెజెండ్ భారతదేశ రాజకీయాల్లోనే ఓ ధ్రువ తార రాజకీయానికే రాజసం నేర్పిన మహానేత రాజనీతికి విశ్వసనీయతను నేర్పిన ప్రజానేత పేదల తలరాతలను మార్చిన విధాత ఒక్క మాటలో చెప్పాలంటే...వైఎస్సార్...అంటే పేరు కాదు....బ్రాండ్ ఆ బ్రాండ్ ఎంత గొప్పదంటే....ఈరోజు ఆయన మరణించి పదమూడేళ్లయినా... ఆయన కోసం తల్చుకోగానే మనందరి కళ్లల్లో కన్నీళ్ల సుడులు తిరుగుతాయి...అంత గొప్ప బ్రాండ్. వైఎస్సార్ అసలు వైఎస్సార్ ని ఎందుకు ప్రజలు ఇలా గుండెల్లో పెట్టుకుని దేవుడిలా పూజిస్తున్నారో...మనం ఆలోచిస్తే...ఆయన ఆదర్శవంతమైన ప్రస్థానమే అందుకు కారణం అని నేను చెప్పగలను 2004 వరకు ఈ రాష్ట్రంలోని...హిందువులు...క్రైస్తవులు...ముస్లింలు... ఇలా అన్ని మతాల వాళ్లు...రోజూ తమ దేవుళ్లకు పూజిస్తునే ఉండే వారు.. దేవుడా నా బిడ్డకు చదువునివ్వు...నా బిడ్డకు ఆరోగ్యాన్నివ్వు... ఈ ఏడాది నా పొలాన్ని పండించు... అని అన్ని మతాల పేదలు, రైతులు, ప్రజలు చేయని పూజలు లేవు... వాళ్ల పూజలన్నింటినీ విన్న దేవుళ్లు అందరూ కలిసి...తమ ప్రతినిధిగా వైఎస్సార్ ని పంపారేమో...అన్నట్టుగా..ఆయన పాలన సాగించారు... దేవుడు పాలన...రాముడి పాలన కోసం...చరిత్రలో విన్నాం...కానీ వై ఎస్సార్ ముఖ్యమంత్రిగా ఉన్నప్పుడు మాత్రమే...ప్రత్యక్షంగా చూశాం.. ప్రతీ గడపకి...ప్రతీ గుండెకి తన పాలనను అందించిన ముఖ్యమంత్రి వైఎస్సార్ కనుకనే.. అందుకే దేవుడిలాంటి పాలన వైఎస్సార్...పాలన...అని ఇప్పటికీ...మనం చెప్పుకుంటాం... వైఎస్సార్...అంటే తెలుగు ప్రజల  ఎమోషన్... వైఎస్సార్ అంటే తెలుగు ప్రజలకి ఎఫెక్షన్.. సెప్టెంబర్ 2....2009 న... తెలుగు ప్రజలకు...అభివ్రుద్ధి, సంక్షేమం అన్న కథను చెబుతూ...చెబుతూ...శాశ్వత నిద్రలోకి వై ఎస్సార్ వెళ్లిపోయారు... 10 కోట్ల మంది తెలుగు వాళ్లు...కట్టుకున్న ఆశల సౌధం...క్షణాల్లో కుప్పకూలిపోయింది.... ఈ దేశ చరిత్రలో....ఓ పెద్ద రాజకీయ విషాదం ....వై ఎస్సార్ మరణం... దేశంలోని ప్రతిపక్ష నాయకులను సైతం...కన్నీళ్లు పెట్టించిన గొప్ప యుగపురుషుడు...వైెఎస్సార్ వైఎస్సార్ కి మరణం లేదు... ఎందుకు ఈ మాట చెప్తున్నానంటే  పేదోడికి జబ్బు చేస్తే.  డబ్బు లేకుండా వైద్యం చేశారు రూపాయి డాక్టరున్నంత వరకు... ఒక్క రూపాయి అవసరం లేదని నిరూపించారు ఆరోగ్యశ్రీ తో కోట్ల మందికి  ఆయుష్సు పోశారు చిల్లుపడ్డ చిన్నారుల గుండెలకు ప్రాణం పోశారు  చావుతో పోరాడే ప్రతీ పేదోడిని గెలిపించారు  గంజి నీళ్లకు గతిలేనోళ్ల గడపల్లో గ్రాడ్యువేట్లను ఇచ్చారు ఉన్నోడికే సొంతమైన ఉన్నత విద్యను ఊరందరికీ ఉచితంగా ఇచ్చారు ఆసరా లేని అవ్వా తాతలకు ఆదుకునేలా ఫించనిచ్చారు గుడిసెల్లో జీవితాన్ని గడిపేవాళ్లకి ఇందిరమ్మ ఇళ్లిచ్చారు పావలా వడ్డీ తో అక్క చెల్లెల్లలో ఆత్మవిశ్వాసాన్ని నింపారు గడప గడపను...గుండె గుండెకు తన పథకాలతో పలకరించారు  అంత గొప్ప ప్రజా నాయకుడికి  మరణం ఉంటుందా...? ఆయన ప్రజల గుండెల్లో మాత్రం శాశ్వతంగా జీవించే ఉంటారని గర్వంగా చెప్పగలను ఇంత గొప్పగా పాలించి...పేదల తలరాతలను మార్చారు కాబట్టే వైఎస్సార్ మరణించారన్న వార్త వినగానే... కోట్లాది మంది ప్రజల ఊపిరి బరువైపోయింది... వైఎస్సార్ ని అభిమానించే గుండెలు పగిలిపోయాయి.. వైఎస్సార్ ఉన్నారులే అని ధీమాగా ఉన్న ప్రజల నమ్మకం నేలకొరిగిపోయింది... ఆంధ్రప్రదేశ్ని అగ్రగామి రాష్ట్రంగా నడిపిస్తున్న వై ఎస్సార్ ప్రయాణం ఆగిపోయింది... కానీ ఆ గుండెల్లో ధైర్యం నింపుతూ....మన నాయకుడు జగనన్న...తెలుగు ప్రజలకు అండగా నేనుంటాను అని ముందుకొచ్చారు పులి కడుపున పులే పుడుతుంది,...అన్నట్టు వైఎస్సార్ బిడ్డ...వైఎస్సార్ బ్లడ్...మన పులివెందుల పులి...జగనన్న మనందరి కోసం అండగా నిలబడ్డాడు తన తండ్రి ఆశయ సాధాన కోసం...ఎన్నో కష్టాలను, కక్ష సాధింపులను ఎదుర్కొన్నాడు వైఎస్సార్ మరణించాక....ఆ కుటుంబాన్ని సోనియా గాంధీ...నడి రోడ్డున పడేయాలని చూసింది... కానీ ఈ రోజు అదే కుటుంబం....అదే సోనియా గాంధీ...కళ్ల ముందే మళ్లీ ఆంధ్రప్రదేశ్ గడ్డ మీద మూడు రంగుల జెండాను ఎగరేసి...ఇది గో వై ఎస్సార్ పాలన అని....తలెత్తుకుని నిలబడ్డాడు మన జగనన్న... ఢిల్లీ పెద్దలు....ఆంధ్రా గెద్దలు....కలిసి కుమ్మక్కై కుట్రలు చేసి...జగనన్నను అక్రమంగా జైలులో పెట్టారు... ఆ రోజే చెప్పాం.....జైలు గోడలు బద్దలు కొట్టి మరీ...వైఎస్సార్ పాలన తెచ్చుకుంటామని... ఈ రోజు...ఆ అక్రమ నిర్భంధాలను ఛేదించి....అక్రమంగా కేసులు పెట్టిన వాళ్లకు గూబ గుయ్యి మనేలా రీ సౌండ్ విక్టరీ ని సాధించి చూపించారు మన జగనన్న  కాంగ్రెస్ పార్టీ కుట్రలు...సోనియా గాంధీ కక్ష సాధింపులు...పరాకాష్టకు చేరిన సందర్భంలో.. అప్పుడు జగనన్న....ఒక మాట చెప్పారు... వైఎస్సార్ ని అభిమానించే ప్రతీ గుండె చప్పుడు ఒక్కటవుతుంది... ఓ ఉప్పెన పుడుతుంది...ఆ ఉప్పెనలో కొట్టుకుపోతారు....వీళ్లంతా....అని చాలా ఎమోషనల్ గా మాట్లాడారు... నిజంగానే....ఆంధ్రప్రదేశ్ రాష్ట్రంలో పదేళ్ల తరువాత...వై ఎస్సార్ ని అభిమానించే గుండెల చప్పుడు ఒక్కటయ్యింది... గత  ఎన్నికల్లో ఓ రాజకీయ ఉప్పెన పుట్టించాయి.... అందుకే 151 ఎమ్మెల్యే సీట్లు...22 ఎంపీ సీట్లతో విజయ ఢంకా మోగించారు జాతీయ పార్టీలు కు సింగిల్ సీటు కూడా రాలేదు.. 40 ఏళ్ల రాజకీయ అనుభవానికి ి40 సీట్లు కూడా రానివ్వలేదు.. ప్యాకేజీ పార్టీల అధ్యక్షులకు సైతం అడ్రస్ లేకుండా చేశారు... దేశమంతా మోడీ గాలి వీస్తే...ఆంధ్రా లో మాత్రం...జగనన్న ఫ్యాన్ గాలి వీచింది... అదీ జగన్మోహన్ రెడ్డి పవర్....వైఎస్సార్ అభిమానుల పవర్... అందుకే గర్వంగా చెప్తున్నా....వైఎస్సార్ పాలన మళ్లీ వచ్చింది అని... వైఎస్సార్ మనమధ్య లేకపోయినా....వైఎస్సార్ వారసుడు మనతో ఉన్నాడు వైఎస్సార్ ప్రాణం మనతో లేకపోయినా...వైఎస్సార్ పాలన మనతో ఉంది స్వర్గంలో ఉన్న వైఎస్సార్ సైతం...గర్వపడేలా ఈరోజు జగనన్న 50 నెలల పాలన సాగింది వైఎస్సార్ మరణించినా...ఆయన ఆశయం..ఆయన సంకల్పం జగనన్న ఉన్నంత వరకు మరణించదని ఈ నాలుగున్నారేళ్ల పాలనతో నిరూపించారు మన జగనన్న One and only... Ysr....Forever  ఇట్లు.. నిద్దాన సతీష్, వై ఎస్సార్ అభిమాని గాజులరేగ, విజయనగరం

హైదరాబాద్: వైఎస్సార్‌ వర్థంతి సందర్భంగా ఆయన్ను గుర్తు చేసుకున్నారు మధ్యప్రదేశ్‌ మాజీ సీఎం, కాంగ్రెస్‌ ఎంపీ దిగ్విజయ్‌ సింగ్‌. హైదరాబాద్‌లో రైతే రాజైతే పుస్తకావిష్కరణ కార్యక్రమంలో దిగ్విజయ్‌ సింగ్‌, జస్టిస్‌ సుదర్శన్‌రెడ్డి తదితరులు పాల్గొన్నారు. దీనిలో భాగంగా దిగ్విజయ్‌ సింగ్‌ మాట్లాడుతూ..  ‘వైఎస్సార్ ముక్కుసూటి మనిషి.వైఎస్సార్‌తో నా అనుబంధం విడదీయరానిది. పార్టీ నిర్మాణంలో యుక్త వయస్సు నుంచే వైఎస్సార్ కీలకం గా పనిచేసారు. ఉచిత విద్యుత్ వైఎస్సార్ మానసపుత్రిక. ఇందిరమ్మ ఇళ్ళు వైఎస్సార్ చలువే.. అవే విధానాలను జగన్‌మోహన్‌రెడ్డి అమలు చేస్తున్నారు. నక్సలైట్లతో చర్చలు జరిపి జనజీవన స్రవంతి లోకి తీసుకురావడంలో వైఎస్సార్ కీలక భూమిక పోషించారు. 40 లక్షల ఎకరాలకు సాగునీరు అందించే జలయజ్ఞంకు శ్రీకారం చుట్టారు. వైఎస్సార్ మరణించకుండా ఉంటే తెలుగు రాష్ట్రాలు మరోలా ఉండేవి. శత్రువులు కూడా మెచ్చేగుణం వైఎస్సార్‌కు ఉంది. రాజశేఖర్ రెడ్డి దగ్గర నేను ఎంతో నేర్చుకున్నాను. వైఎస్సార్ బతికి ఉంటే బీజేపీ తీసుకువచ్చిన వ్యవసాయ నల్ల చట్టాలకు వ్యతిరేకంగా ఢిల్లీ లో ధర్నా కు దిగేవాడు. వైఎస్సార్ లేకపోయి ఉంటే 2004,2009లో యూపీఏ ప్రభుత్వం ఏర్పడకపోయేది. వైఎస్సార్ బతికి ఉంటే దేశంలో ఇప్పుడు ఉన్న విపత్కర పరిస్థితులకు వ్యతిరేకంగా పోరాడే వారు.’ అని తెలిపారు. వైఎస్సార్ అందరి అభిప్రాయాలను గౌరవించేవారు జస్టిస్‌ సుదర్శన్‌ రెడ్డి మాట్లాడుతూ.. వైఎస్సార్ తో నేను రాజకీయంగా విభేదించొచ్చు. కానీ వైఎస్సార్ అమలు చేసిన ఆర్థిక, వ్యవసాయ విధానాలు అందరికీ ఆదర్శం. నేను హైకోర్టు జస్టిస్ గా ఉన్న సమయంలో ఎన్ని అభిప్రాయ భేదాలు ఉన్నా..రాజ్యాంగ వ్యవస్థ ల ఒత్తిడి చేయలేదు. సుధీర్ఘ కాలం పోరాడి సీఎం అయిన వ్యక్తి కాబట్టి.. వైఎస్సార్ అందరి అభిప్రాయాలను గౌరవించేవారు. కాంగ్రెస్ అదిష్టానం పై ఒత్తిడి తీసుకొచ్చి మ్యానిఫెస్టో లో ఉచిత విద్యుత్ చేర్చారు. జాతీయ పార్టీ లకు ప్రాంతియ ప్రయోజనం అవసరం లేదా అనివైఎస్సార్  ప్రశ్నించారు.జాతీయ పార్టీ లో ఉన్నా ప్రాంతియ స్పృహ ఉన్న వ్యక్తి వైఎస్సార్’ అని కొనియాడారు. చదవండి: ఇడుపులపాయలో వైఎస్సార్‌కు సీఎం జగన్‌ నివాళి

వైఎస్సార్‌.. ఆ పేరు ఓ ప్రభంజనం. నవ్వులో స్వచ్ఛత.. పిలుపులో ఆత్మీయత.. మాట తప్పని, మడమ తిప్పని గుణంతో ఆయన ప్రజల గుండెల్లో చెరగని ముద్ర వేసుకున్నారు. ప్రపంచీకరణ విధానాల యుగంలో అభివృద్ధి, సంక్షేమాలను సమపాళ్లలో మేళవించి చూపిన మహోన్నత నాయకుడు వైఎస్సార్‌. మహానేతను కోల్పోయి 14 ఏళ్లు గడిచిపోయాయి. కానీ ఆ జ్ఞాపకాలు చెరిగిపోలేదు..ఆ రూపం చెదిరిపోలేదు. ఇక, మహానేత వైఎస్సార్‌ వర్ధంతి సందర్భంగా న్యూయర్‌ టైమ్స్‌ స్వ్కేర్‌లో ప్రత్యేక ప్రదర్శన చేపట్టారు. చెదరని జ్ఞాపకం మహానేత వైఎస్సార్‌ 14వ వర్ధంతి సందర్భంగా ఘన నివాళులు అని ప్రదర్శించారు.  అవధుల్లేని అభిమానం 🙏🏻 In Texas 🔥#YSRVardanthi #JoharYSR pic.twitter.com/1ilcV1iMi4 — Jagananna Connects (@JaganannaCNCTS) September 2, 2023 ఇది కూడా చదవండి: వైఎస్సార్‌ ఎప్పటికీ మనతోనే ఉంటారు: సజ్జల

సాక్షి, అమరావతి: తాడేపల్లిలోని వైఎస్సార్‌సీపీ కేంద్ర కార్యాలయంలో వైఎస్సార్‌ వర్ధంతి కార్యక్రమం నిర్వహించారు. మహానేత వైఎస్సార్‌ విగ్రహానికి వైఎస్సార్‌సీపీ రాష్ట్ర ప్రధాన కార్యదర్శి సజ్జల రామకృష్ణారెడ్డి, మంత్రులు మేరుగ నాగార్జున, జోగి రమేష్, ఎమ్మెల్సీ లేళ్ల అప్పిరెడ్డి నివాళులర్పించారు. ఈ సందర్భంగా మహానేతతో తమ జ్ఞాపకాలను నేతలు గుర్తుచేసుకున్నారు. కోట్లాది మంది ప్రజల హృదయాల్లో వైఎస్సార్‌ సుస్థిరస్థానం సంపాదించుకున్నారని సజ్జల రామకృష్ణారెడ్డి అన్నారు. వైఎస్సార్‌ ఎప్పటికీ మనతోనే ఉంటారు. వైఎస్సార్‌ మనసున్న నాయకుడు. మనసుతో పాలన చేసిన మహానేత వైఎస్సార్‌. వైఎస్సార్‌ అడుగుజాడల్లోనే సీఎం జగన్‌ పాలన చేస్తున్నారని సజ్జల అన్నారు. ‘‘వైఎస్సార్‌, వైఎస్‌ జగన్‌ పాలనలో ఉండటం మన అదృష్టం. అందరూ బావుండాలని కోరుకునే వ్యక్తి వైఎస్సార్‌. మనసున్న వ్యక్తి పాలకుడైతే ప్రజలు సంతోషంగా ఉంటారు’’ అని సజ్జల రామకృష్ణారెడ్డి పేర్కొన్నారు. తిరుపతిలో.. సీఎం జగన్‌ సంక్షేమ పాలనలో రాష్ట్రంలో 60 శాతానికిపైగా ప్రజలు తిరిగి వైఎస్సార్‌సీపీకి పట్టం కట్టేందుకు సిద్ధంగా ఉన్నారని టీటీడీ చైర్మన్ భూమన కరుణాకర్ రెడ్డి అన్నారు. వైఎస్సార్‌ వర్ధంతి సందర్భంగా తుడా సర్కిల్ వద్ద ఆయన విగ్రహానికి భూమన నివాళులర్పించారు. వైఎస్సార్‌ మనల్ని విడిచి 14 ఏళ్లు అయినా ప్రజలు ఇప్పటికీ మరిచిపోలేక పోతున్నారనీ, ప్రజలు గుండెల్లో చిరస్థాయిగా నిలిచి పోయారన్నారు. ప్రజలు గుండెల్లో చిరస్థాయిగా వైఎస్సార్‌: మంత్రి పెద్దిరెడ్డి వైఎస్సార్‌ వర్ధంతి సందర్భంగా తిరుపతిలో క్యాంప్ కార్యాలయంలో ఆయన విగ్రహానికి మంత్రి పెద్దిరెడ్డి రామచంద్రారెడ్డి నివాళులర్పించారు. ఈ సందర్భంగా మంత్రి మాట్లాడుతూ, సంక్షేమ పాలన అందించిన వైఎస్సార్‌ ప్రజలు గుండెల్లో చిరస్థాయిగా నిలిచిపోయారన్నారు. ఎన్టీఆర్ జిల్లాలో.. ఎన్టీఆర్ జిల్లా వైఎస్సార్‌సీపీ ఆధ్వర్యంలో వైఎస్సార్‌ వర్ధంతి కార్యక్రమం నిర్వహించారు. కంట్రోల్ రూం వద్ద వైఎస్సార్ విగ్రహానికి  ఎమ్మెల్యేలు వెల్లంపల్లి శ్రీనివాస్‌, మల్లాది విష్ణు, తూర్పు నియోజకవర్గ ఇంఛార్జి దేవినేని అవినాష్, మేయర్ రాయన భాగ్యలక్ష్మి , డిప్యూటీ మేయర్లు, వైసీపీ శ్రేణులు పూలమాలలు వేసి నివాళులర్పించారు. 

సాక్షి, గుంటూరు: దివంగత మహానేత వైస్‌ రాజశేఖర్‌రెడ్డి వర్ధంతి సందర్భంగా ఆయన తనయుడు, ఆంధ్రప్రదేశ్‌ ముఖ్యమంత్రి వైఎస్‌ జగన్‌మోహన్‌రెడ్డి భావోద్వేగంగా స్పందించారు. ‘‘నాన్నా... మీరు లేని లోటు ఎన్నటికీ తీర్చలేనిది’’ అంటూ తన సోషల్‌ మీడియా అకౌంట్‌లో పోస్ట్‌ చేశారాయన.  భౌతికంగా మా మధ్య లేకపోయినా.. ప్రజల గుండెల్లో చిరకాలం జీవించే లీడర్ మీరు. మీ పట్ల ప్రజలకున్న ప్రేమాభిమానాలు నాకు కొండంత అండగా నిలిచాయి. మీ ఆశయాలే సంక్షేమం, సమగ్రాభివృద్ధి లక్ష్యాల సాధనలో నన్ను చేయిపట్టి నడిపిస్తున్నాయి. వర్ధంతి సందర్భంగా మీకు ఘనంగా నా నివాళులు నాన్నా అంటూ ట్వీట్‌లో పేర్కొన్నారాయన.  నాన్నా… మీరు లేని లోటు ఎన్నటికీ తీర్చలేనిది. భౌతికంగా మా మధ్య లేకపోయినా ప్రజల గుండెల్లో చిరకాలం జీవించే లీడర్‌ మీరు. మీ పట్ల ప్రజలకున్న ప్రేమాభిమానాలు నాకు కొండంత అండగా నిలిచాయి. మీ ఆశయాలే సంక్షేమం, సమగ్రాభివృద్ధి లక్ష్యాల సాధనలో నన్ను చేయిపట్టి నడిపిస్తున్నాయి. వర్ధంతి… pic.twitter.com/Fq1Ngg4f5Q — YS Jagan Mohan Reddy (@ysjagan) September 2, 2023 ఇక వైఎస్సార్‌ జిల్లా ఇడుపులపాయకు కుటుంబ సభ్యులతో పాటు వైఎస్సార్‌ అభిమానగణం తరలివెళ్తోంది. సీఎం జగన్‌ కూడా వైఎస్సార్‌ ఘాట్‌ వద్దకు వెళ్లి నివాళులు అర్పించనున్నారు. 

సాక్షి, కృష్ణా: దివంగత మహానేత, ఉమ్మడి ఏపీ మాజీ ముఖ్యమంత్రి వైఎస్‌ రాజశేఖర్‌రెడ్డి వర్ధంతి సందర్భంగా ఆంధ్రప్రదేశ్‌ గవర్నర్‌ జస్టిస్‌ అబ్దుల్‌ నజీర్‌ ఘనంగా నివాళి అర్పించారు. ఈ మేరకు శనివారం గవర్నర్‌ కార్యాలయం అధికారిక ఎక్స్‌(ట్విటర్‌) హ్యాండిల్‌ ఆయన సందేశం ఉంచింది. డాక్టర్ వైఎస్ రాజశేఖరరెడ్డి దార్శనికత కలిగిన నాయకుడు. రైతులు, పేద, అణగారిన వర్గాల సంక్షేమం కోసం అవిశ్రాంతంగా కృషి చేశారు. అనేక సంక్షేమ కార్యక్రమాలను అమలు చేయడంలో ఆయన పేరుగాంచారు. అందుకే ఆ పేరు నేటికీ వినిపిస్తుంటుంది.  డాక్టర్‌ వైఎస్‌ రాజశేఖర్‌రెడ్డి ప్రజల హృదయాలను గెలుచుకున్నారు. ఆయన అమలు చేసిన ప్రజా-స్నేహపూర్వక సంక్షేమ కార్యక్రమాలకు ఎల్లప్పుడూ గుర్తుండిపోతారు అని గవర్నర్‌ అబ్దుల్‌ నజీర్‌ పేర్కొన్నారు. Governor of Andhra Pradesh Sri S. Abdul Nazeer offered rich tributes to Dr. Y.S. Rajasekhara Reddy, Former Chief Minister in united Andhra Pradesh, on his death anniversary. pic.twitter.com/JgSHCGOgxR — governorap (@governorap) September 2, 2023

సాక్షి, అమరావతి: ‘నా అనుకున్న వాళ్ల కోసం ఎంతవరకైనా వెళ్లే గొప్ప వ్యక్తిత్వం డాక్టర్‌ వైఎస్‌ రాజశేఖరరెడ్డిది. అనుకున్నది సాధించడానికి ఎన్ని సవాళ్లనైనా ఎదుర్కొనే ధైర్యం ఆయన నైజం. ఆయన నవ్వుతూ ఉండేవాడు. మమ్మల్ని కూడా నవ్వుతూ ఉండమనేవారు. ఒక్కోసారి చిన్నపిల్లాడిలా మారిపోయేవారు. నా లాంటి ఎందరికో రాయకీయ పునాదులు వేసిన నాయకుడు’ అంటూ మహానేత, దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డితో తన అనుబంధాన్ని గుర్తు చేసుకున్నారు మాజీ ఎంపీ ఉండవల్లి అరుణ్‌కుమార్‌. ‘వైఎస్సార్‌ కేవలం మంచి వాడే కాదు.. అంతకు మించిన వాడు’  అని ‘సాక్షి’కి చెప్పారు. వైఎస్సార్‌ తనను ఎంతగానో ప్రోత్సహించేవారని తెలిపారు. చదవండి: Johar ysr: అజేయుడు 

సాక్షి, అమరావతి/ వైఎస్సార్‌: దివంగత మహానేత, ఉమ్మడి ఏపీ మాజీ సీఎం డాక్టర్‌ వైఎస్‌ రాజశేఖర్‌రెడ్డి వర్ధంతి సందర్భంగా ఆయన తనయుడు, ముఖ్యమంత్రి వైఎస్‌ జగన్‌మోహన్‌రెడ్డి ఇడుపులపాయలోని వైఎస్సార్‌ ఘాట్‌ వద్ద నివాళులర్పించారు. అనంతరం నిర్వహించిన ప్రత్యేక ప్రార్థనల్లో సీఎం జగన్‌ పాల్గొన్నారు.  సతీసమేతంగా ఇడుపులపాయ వెళ్లిన సీఎం జగన్‌.. తల్లి వైఎస్‌ విజయమ్మ, మరికొందరు కుటుంబ సభ్యులు, మంత్రులతో కలిసి కార్యక్రమంలో పాల్గొన్నారు. అంతకు ముందు ఆయన తన ట్విటర్‌ ఖాతాలో తండ్రి వైఎస్సార్‌ను గుర్తు చేసుకుని భావోద్వేగానికి లోనయ్యారు నాన్నా… మీరు లేని లోటు ఎన్నటికీ తీర్చలేనిది. భౌతికంగా మా మధ్య లేకపోయినా ప్రజల గుండెల్లో చిరకాలం జీవించే లీడర్‌ మీరు. మీ పట్ల ప్రజలకున్న ప్రేమాభిమానాలు నాకు కొండంత అండగా నిలిచాయి. మీ ఆశయాలే సంక్షేమం, సమగ్రాభివృద్ధి లక్ష్యాల సాధనలో నన్ను చేయిపట్టి నడిపిస్తున్నాయి. వర్ధంతి… pic.twitter.com/Fq1Ngg4f5Q — YS Jagan Mohan Reddy (@ysjagan) September 2, 2023 ఈ కార్యక్రమానికి డిప్యూటీ సీఎం అంజాద్‌ బాషా, మంత్రి ఆదిమూలపు సురేష్, ఎంపీ వైఎస్ అవినాష్‌రెడ్డి, ఎమ్మెల్యేలు గడికోట శ్రీకాంత్ రెడ్డి, రవీంద్రనాథ్ రెడ్డి, మేడా మల్లికార్జున రెడ్డి, రఘురామిరెడ్డి, పీజేఆర్ సుధాకర్ బాబు, చెవిరెడ్డి భాస్కర్ రెడ్డి, ఎమ్మెల్సీ రామచంద్రారెడ్డి, ఆర్టీసీ ఛైర్మన్ మల్లికార్జున రెడ్డి, మేయర్ సురేష్ బాబు హాజరయ్యారు. చదవండి: Johar ysr: అజేయుడు 

సాక్షి ప్రతినిధి కడప: దివంగత ముఖ్యమంత్రి వైఎస్‌ రాజశేఖరరెడ్డి ప్రవేశ పెట్టిన ప్రభుత్వ పథకాలు ఇప్పటికీ, ఎప్పటికీ మరువరానివి. ఫీజురీయింబర్స్‌మెంటు పథకం పేదల తలరాతలు మార్చివేసింది. అనారోగ్యపాలైతే వల్లకాడే దిక్కుగా ఉన్న పేదలకు ఆరోగ్యశ్రీ పథకంతో పునర్జన్మ కల్పించింది. ఇళ్లు లేని నిరుపేదలందరీకి గూడు కల్పించి వైఎస్సార్‌ వారి పాలిట కల్పవృక్షంలా నీడనిచ్చారు. అణగారిన వర్గాల ఉన్నతి కోసం రిజర్వేషన్లు కల్పించి చరిత్రను తిరగరాశారు. అరుగాలం శ్రమించినా ఫలితం దక్కని రైతన్నకు దన్నుగా నిలిచారు. వృద్ధులకు పెద్దకొడుకుగా, వితంతువులకు సోదరుడిగా... ఇలా చెప్పుకుంటూపోతే ఐదేళ్ల పాలనలో అన్ని వర్గాలకు ఏదో ప్రయోజనం కల్పించిన ఘనత ఆయన సొంతమైంది. ఓవైపు పన్నులు లేకుండా మరోవైపు సంక్షేమ పాలన చేపట్టి, ప్రభుత్వ పాలనంటే ఇలా ఉండాలని భవిష్యత్‌ తరాలకు ఆయన ఆదర్శప్రాయుడుగా నిలిచారు. వెరసి ప్రతి హృదయము మందిరమే అయ్యిందని పరిశీలకులు వెల్లడిస్తున్నారు. అరుదైన నాయకుడు.... అచ్చతెలుగుదనం ఉట్టిపడే పంచెకట్టు, నడకలో ఠీవి, నమ్ముకున్న వారిని ఆదరించేగుణం, మాట తప్పని.. మడమ తిప్పని నైజం, అన్నదాతలు, కార్మిక, కర్షకుల కోసం పరితపించే గుణం, వీటన్నీంటికీ మించి మోముపై చిరునవ్వు... ఈ లక్షణాలన్నీ కలగలిపి పుణికి పుచ్చకున్న నాయకుడు దివంగత సీఎం డాక్టర్‌ వైఎస్‌ రాజశేఖరరెడ్డి. అనంతపురం నుంచి అదిలాబాద్‌ వరకూ, శ్రీకాకుళం నుంచి చిత్తూరు దాకా ఆ పేరు ఉచ్ఛరిస్తేనే మనస్సు పులికిస్తుంది. అందుకు కారణం రాజకీయాలకు అతీతంగా పేదలను ప్రేమించడం, వర్గాలకు, పార్టీలకు, ప్రాంతాలకతీతంగా సమగ్రాభివృద్ధి చేయాలనే తపన ఉండ డం. ప్రజల కోసం, ఎంతటి కష్టాన్నైనా భరించి సంక్షేమ పాలన చేపట్టడం. దాంతో మరుపురాని జ్ఞాప కంగా ప్రజానీకం గుండెలోతుల్లో కొలువయ్యారు. దివంగత సీఎం వైఎస్‌ రాజశేఖరరెడ్డి 14వ వర్ధంతి శనివారం ప్రజానీకం ఘనంగా చేపట్టేందుకు సన్నహాలు చేసుకున్నారు. అనేక సేవా కార్యక్రమాలు చేపట్టనున్నారు. తండ్రిని మించి ఆరోగ్యశ్రీ అమలు... పేదల మదిలో వైఎస్‌ రాజశేఖరరెడ్డి సుస్థిర స్థానం సంపాదించారు. నేను సైతం పేదల పక్షపాతినేని సీఎం వైఎస్‌ జగన్‌మోహన్‌రెడ్డి రుజువు చేశారు. తండ్రి కంటే రెండు అడుగులు ముందుంటానని స్వతహాగా వెల్లడించిన ఆయన ఆరోగ్యశ్రీని మరింత పటిష్టం చేసే దిశగా చర్యలు చేపట్టారు. 3,255 రోగాలను వైఎస్సార్‌ ఆరోగ్యశ్రీ పరిఽధిలోకి తీసుకొచ్చారు. రూ.5లక్షల వరకు ఆదాయం ఉన్న కుటుంబాలను సైతం ఆరోగ్యశ్రీ పథకంలోకి వర్తించేలా పథకాన్ని రూపొందించారు. మరోవైపు ఆరోగ్య ఆసరా పథకాన్ని తీసుకొచ్చారు. జబ్బుల బారిన పడిన వారి జీవనానికి ఎలాంటి ఆటంకం తలెత్తకుండా రోజుకు రూ.225 చెల్లించేలా పథక రచన చేశారు. ఇప్పటి వరకూ జిల్లాలో రూ.550 కోట్లు వ్యయం భరించి 2.6లక్షల మందికి వివిధ వైద్య సేవలు ఉచితంగా అందించారు. ఆరోగ్య ఆసరా ద్వారా 1.2లక్షల మందికి సుమారు రూ.58 కోట్లు పైగా అందజేశారు. జిల్లా సమగ్రాభివృద్ధికి విశేష కృషి డాక్టర్‌ వైఎస్‌ రాజశేఖరరెడ్డి ముఖ్యమంత్రి అయ్యే వరకు పాలకుల వివక్షతతో అభివృద్ధికి ఆమడదూరంలో ఉండిపోయిన కడప జిల్లా ఐదేళ్ల వైఎస్‌ హయాంలో సమగ్రాభివృద్ధి సాధించింది. ఉన్నత విద్య అందుబాటులోకి తీసుకొచ్చేందుకు యోగి వేమన యూనివరిర్సటీ, జేఎన్‌టీయూ ఇంజినీరింగ్‌, పశువైద్య విద్య కళాశాలలను నెలకొల్పారు. జిల్లా కేంద్రంలో రిమ్స్‌ వైద్య కళాశాల, 750 పడకల రిమ్స్‌ ఆస్పత్రి, దంత వైద్యశాల నిర్మించారు. ట్రిపుల్‌ ఐటీ, ఐజీ కార్ల్‌ (పశు పరిశోధన కేంద్రం), దాల్మియా సిమెంటు కర్మాగారం, గోవిందరాజా స్పిన్నింగ్‌ మిల్స్‌, భారతి సిమెంటు కర్మాగారం, సజ్జల పాలిమర్స్‌ లాంటి పరిశ్రమలను నెలకొల్పారు. జలయజ్ఞం ద్వారా పెండింగ్‌లో ఉన్న సాగునీటి ప్రాజెక్టుల నిర్మాణాలను పరుగులు పెట్టించారు. సుమారు రూ. 12 వేల కోట్లతో జిల్లాలోని సాగునీటి ప్రాజెక్టులకు ఖర్చు చేశారు. గాలేరు– నగరి సుజల స్రవంతి, గండికోట కెనాల్‌, టన్నల్‌, గండికోట వరద కాల్వ, గండికోట ఎత్తిపోతల పథకాలను వైఎస్సార్‌ హయాంలో రూపొందించినవే. మైలవరం ఆదునీకరణ, సర్వరా యసాగర్‌, వామికొండ ప్రాజెక్టు, సీబీఆర్‌, పీబీసీ, పైడిపాళెం, వెలిగల్లు, తెలుగుగంగ ప్రాజెక్టు పనులు చకచకా సాగించారు. అధికారంలోకి వచ్చిన మరుసటి ఏడాదే తెలుగుగంగ పనులను పూర్తి చేసి కృష్ణా జిల్లాలతో బ్రహ్మంసాగర్‌లో నింపి ఘనత సాధించారు. మెట్ట ప్రాంతాలల్లో కృష్ణా జలాలు పారుతున్నాయంటే అది ఆనాటి వైఎస్సార్‌ చలువే. ఎవరు ఏది అడిగినా కాదనకుండా అభయమిచ్చారని జిల్లావాసులు ఇప్పటికీ కొనియాడుతున్నారు. ప్రొద్దుటూరులోని శ్రీనివాసనగర్‌లో నివాసం ఉంటున్న పెనుగొండ రామశేషయ్య లారీ డ్రైవర్‌. ముగ్గురు కుమార్తెలు, అందరూ పనికి వెళ్తేగానీ పూట గడవని పరిస్థితి. 2008లో రామశేషయ్యకు గుండె నొప్పి రావడంతో కుప్పకూలిపోయారు. ప్రయివేట్‌ ఆస్పత్రికి వెళ్లగా గుండెపోటు అని ని ర్ధారించారు.ఆపరేషన్‌ చేయించాలన్నారు. చే తిలో చిల్లిగవ్వకూడా లేకపోవడంతో ఏమి చే యాలో పాలుపోలేని స్థితి.వైఎస్‌ రాజశేఖరరెడ్డి ప్రవేశపెట్టిన ఆరోగ్యశ్రీ పథకం కింద తిరుపతి లోని స్విమ్స్‌ ఆస్పత్రిలో ఉచితంగా గుండె ఆపరేషన్‌ చేశారు. ఎన్ని జన్మలెత్తినా వైఎస్సార్‌ రుణం తీర్చుకోలేమని రామశేషయ్య అంటున్నారు. ప్రొద్దుటూరులోని సంజీవనగర్‌లో నివాసం ఉంటున్న చౌటపల్లె ఆదినారాయణరెడ్డి దంపతులకు 2008లో ఒకే నెలలో ఆరోగ్యశ్రీ కింద ఆపరేషన్‌ చేశారు. ఏప్రిల్‌లో ఆయనకు గుండెపోటు రావడంతో స్థానిక ప్రైవేట్‌ ఆస్పత్రికి తీసుకెళ్లారు. ప్రాథమిక వైద్యం చేసి వెంటనే హైదరాబాద్‌కు రెఫర్‌ చేశారు. అక్కడి మెడిసిటి హాస్పిటల్‌లో ఆపరేషన్‌ చేసి స్టంట్‌ వేశారు. నేను ఆరోగ్యంగా ఉన్నానంటే ౖవైఎస్సార్‌ పెట్టిన భిక్షేనని ఆదినారాయణరెడ్డి చెబుతున్నారు. అదే నెలలో వెంకటసుబ్బమ్మకు ఆరోగ్యశ్రీ కింద థైరాయిడ్‌ ఆపరేషన్‌ జరిగింది. ఆరోగ్యశ్రీ కింద ఆపరేషన్‌ చేయడంతో భార్యాభర్తలు ఇప్పుడు సంతోషంగా ఉన్నారు.  

వైఎస్సార్‌.. ఆ పేరు ఓ ప్రభంజనం. నవ్వులో స్వచ్ఛత.. పిలుపులో ఆత్మీయత.. మాట తప్పని, మడమ తిప్పని గుణంతో ఆయన ప్రజల గుండెల్లో చెరగని ముద్ర వేసుకున్నారు. ప్రపంచీకరణ విధానాల యుగంలో అభివృద్ధి, సంక్షేమాలను సమపాళ్లలో మేళవించి చూపిన మహోన్నత నాయకుడు వైఎస్సార్‌. మహానేతను కోల్పోయి 14 ఏళ్లు గడిచిపోయాయి. కానీ ఆ జ్ఞాపకాలు చెరిగిపోలేదు..ఆ రూపం చెదిరిపోలేదు. మహానేత వైఎస్సార్‌ మానస పుత్రికగా విశాఖ నగరం.. ఆయన తనయుడు ముఖ్యమంత్రి వైఎస్‌ జగన్‌మోహన్‌రెడ్డి పాలనలో ఉజ్వలంగా వెలుగొందుతోంది. వైఎస్సార్‌ వర్ధంతి సందర్భంగా విశాఖలో మహానేత చేపట్టిన అభివృద్ధి.. సంక్షేమాన్ని గుర్తు చేసుకుందాం..   సాక్షి, విశాఖపట్నం: 2004.. ఉమ్మడి విశాఖ జిల్లా అన్ని రంగాల్లో సంక్షోభ వలయంలో చిక్కుకొని కొట్టుమిట్టాడుతోంది. నగరంలో తాగునీటి సమస్య, అచ్యుతాపురం సెజ్‌ ఏర్పాటుకు భూసేకరణ, పరవాడ ఫార్మాసిటీ భూ వివాదాలు, గంగవరం పోర్టు భూ సేకరణ సమస్యలు అపరిష్కృతంగా ఉన్నాయి. స్టీల్‌ ప్లాంట్‌, బీహెచ్‌పీవీ, షిప్‌యార్డులు నష్టాల ఊబిలో కూరుకుపోయి మూసివేసే పరిస్థితి ఏర్పడింది. వీటి పరిష్కారమే లక్ష్యంగా 2005 జనవరిలో ముఖ్యమంత్రి వైఎస్‌ రాజశేఖరరెడ్డి విశాఖలో మంత్రులు, ప్రజాప్రతినిధులు, అధికారులతో అత్యవసర ఉన్నతస్థాయి సమావేశం నిర్వహించారు. ఒక్కో సమస్యకు సానుకూల పరిష్కారం చూపించారు. నగరంలో మంచినీటి సమస్య పరిష్కారంతో పాటు అచ్యుతాపురం, ఫార్మా సెజ్‌లకు భూముల ధర నిర్ణయించడంతో పాటు పునరావాస ప్యాకేజీలు ప్రకటించారు. నష్టాల్లో ఉన్న స్టీల్‌ప్లాంట్‌ను గట్టెక్కించి రెండో దశను విస్తరించాలని నిర్ణయించారు. భారత్‌ హెవీ ప్లేట్స్‌ అండ్‌ వెసల్స్‌(బీహెచ్‌పీవీ)ని భెల్‌(బీహెచ్‌ఈఎల్‌)లో విలీనం చేశారు. షిప్‌యార్డును రక్షణ శాఖలో విలీనం చేసి పునరుజ్జీవం కల్పించారు. అదే సమావేశంలో విశాఖలో ఐటీకి అభివృద్ధి బాటలు వేశారు. అభివృద్ధితో పాటు సంక్షేమ పథకాలను అమలు చేసి ప్రజా నాయకుడిగా మన్ననలు అందుకున్నారు. ఉచిత విద్యుత్‌, ఫీజు రీయింబర్స్‌మెంట్‌, 108, 104, ఆరోగ్యశ్రీ, గృహనిర్మాణం, జలయజ్ఞం.. ఇలా ఎన్నో పథకాలను విజయవంతంగా అమలు చేశారు. మరుపురాని మహానేత గురుతులివీ.. ► వైఎస్సార్‌ విశాఖ మున్సిపల్‌ కార్పొరేషన్‌ను 2005 నవంబర్‌ 22న మహా విశాఖ నగర పాలక సంస్థ(జీవీఎంసీ)గా మార్పు చేస్తూ.. గ్రేటర్‌ హోదా కల్పించారు. అప్పటి వరకు 111 చదరపు కిలోమీటర్ల విస్తీర్ణంతో ఉన్న విశాఖ 540 చ.కి.మీ విస్తీర్ణంతో మహా విశాఖగా అవతరించింది. 2013లో భీమిలి, అనకాపల్లి మున్సిపాలిటీలు విలీనమయ్యాయి. వైఎస్‌ జగన్‌మోహన్‌రెడ్డి ముఖ్యమంత్రి అయిన తర్వాత మరో 10 పంచాయతీలను గ్రేటర్‌లో విలీనం చేసి.. 98 వార్డులుగా విస్తరించారు. ► జవహర్‌లాల్‌ నెహ్రూ జాతీయ పట్టణ పునర్ని ర్మాణ పథకం(జేఎన్‌ఎన్‌యూఆర్‌ఎం)లో విశాఖ నగరాన్ని చేర్పించడంలో వైఎస్సార్‌ కీలక పాత్ర పోషించారు. ఆయన చొరవతో నగరానికి రూ.1,885 కోట్ల విలువైన పనులు దక్కాయి. సింహాచలం, పెందుర్తి బీఆర్‌టీఎస్‌ కారిడార్లు, ఆశీల్‌మెట్ట ఫ్లైఓవర్‌, విలీన గ్రామాలకు తాగునీటి సౌకర్యం, భూగర్భ మురుగు నీటి వ్యవస్థ, మౌలిక సదుపాయాల కల్పన మొదలైన 20 ప్రాజెక్టులను వైఎస్సార్‌ తీసుకొచ్చారు. ► విశాఖ విమానాశ్రయానికి అంతర్జాతీయ హోదా తీసుకొచ్చింది వైఎస్సారే. దాంతో విమాన సర్వీసులు గణనీయంగా పెరిగాయి. విదేశాలకు కూడా ఇక్కడ నుంచి విమానాలు ఎగిరాయి. ఆ ఒరవడి కొనసాగిస్తూ ఇటీవల భోగాపురం అంతర్జాతీయ విమానాశ్రయం పనులకు సీఎం జగన్‌ శంకుస్థాపన చేశారు. ► గోదావరి నీటిని విశాఖతో పాటు ఉత్తరాంధ్రలో తాగు, సాగు, పారిశ్రామిక అవసరాలు తీర్చాలన్న సంకల్పంతోనే పోలవరం ఎడమ కాలువను నిర్మించారు. తాండవ, రైవాడ, పెద్దేరు, కోనాం ప్రాజెక్టుల ఆధునికీకరణకు శ్రీకారం చుట్టారు. ఏలేరు నీటిని మళ్లించడం ద్వారా స్టీల్‌ప్లాంట్‌ నీటి సమస్యను పరిష్కరించారు. ► నగరంలోని నిరుపేదలకు గూడు కల్పించాలనే లక్ష్యంతో రాజీవ్‌ గృహకల్ప ఇళ్లకు శ్రీకారం చుట్టారు. నగర పరిధిలో సుమారు లక్షకుపైగా పునరావాస, పూర్‌సెటిల్‌మెంట్‌ కాలనీ ఇళ్లు నిర్మించారు. రాజీవ్‌ గృహకల్ప ద్వారా రూ.650 కోట్లతో 15,320 ఇళ్లు, జేఎన్‌ఎన్‌యూఆర్‌ఎం ద్వారా రూ.600 కోట్లతో 15 వేల గృహాలు, వాంబే కింద రూ.400 కోట్లతో 9 వేల ఇళ్ల నిర్మాణం చేశారు. మధురవాడలో గృహ సముదాయాలు ఆయన చేతుల మీదుగానే ప్రారంభమయ్యాయి. ► ఐటీ ప్రగతి ఒక్క హైదరాబాద్‌కే పరిమితం కాకుండా వికేంద్రీకరణ జరగాలని వైఎస్‌ భావించారు. విశాఖలో 3 కొండలు, కొండల కింద ఉన్న సుమారు 100 ఎకరాల పల్లపు ప్రాంతాన్ని ఎంపిక చేశారు. కనీసం 100 మందికి ఉద్యోగావకాశాలు కల్పించే ఐటీ కంపెనీలకు మాత్రమే అవకాశమిచ్చి మౌలిక సదుపాయాలు ఏర్పాటు చేసేందుకు ప్లాట్లుగా డివైడ్‌ చేసి అందించారు. వైఎస్‌ ఆలోచనలను మెచ్చి సుమారు 200 కంపెనీలు ముందుకొచ్చాయి.కొద్ది కాలంలోనే 70 శాతం కంపెనీలు కార్యకలాపాలను ప్రారంభించాయి. సత్యం, విప్రో కంపెనీలూ విశాఖలో తమ శాఖలను విస్తరింపజేశాయి. అలా.. వైజాగ్‌ను ఐటీ హబ్‌గా మార్చేందుకు వైఎస్‌ రాజశేఖర్‌రెడ్డి చేసిన ప్రయత్నాలు సఫలీకృతమయ్యాయి. వైఎస్సార్‌ మరణం తర్వాత.. దాదాపు పదేళ్లు విశాఖ ప్ర‘గతి’తప్పింది. మళ్లీ 2019 తర్వాత ఐటీ ప్రగతి మళ్లీ పట్టాలెక్కింది. కొత్తగా ఇన్ఫోసిస్‌ తమ కార్యకలాపాలు ప్రారంభించింది. అదానీ డేటా సెంటర్‌కు ఇటీవలే సీఎం జగన్‌ శంకుస్థాపన చేశారు. ఉత్తరాంధ్ర ప్రజలకు అత్యుత్తమ వైద్య సేవలందించేందుకు 2006లో విమ్స్‌కు వైఎస్సార్‌ శ్రీకారం చుట్టారు. 1130 పడకలు, 21 సూపర్‌ స్పెషాలిటీ బ్లాకులతో రూ.250 కోట్లతో విమ్స్‌ ఆస్పత్రి నిర్మాణానికి 2007లో శంకుస్థాపన చేశారు. ఆయన మరణాంతరం అనేక పరిణామాల తర్వాత 2016 ఏప్రిల్‌లో విమ్స్‌ అందుబాటులోకి వచ్చింది. అంతా సవ్యంగా సాగుతున్న తరుణంలో చంద్రబాబు ప్రభుత్వం.. విమ్స్‌ను ప్రైవేట్‌పరం చేసేందుకు కుయుక్తులు పన్నింది. అప్పుడే ప్రతిపక్షంలో ఉన్న వైఎస్సార్‌ సీపీ ఈ ప్రయతాన్ని అడ్డుకుంది. కోవిడ్‌ సమయంలో విమ్స్‌ స్టేట్‌ కోవిడ్‌ హాస్పిటల్‌గా విశేష సేవలందించింది.

సాక్షి ప్రతినిధి, కాకినాడ : ఎన్నాళ్లయినా...ఎన్నేళ్లయినా...అభివృద్ధిలో పెద్దాయన అడుగు జాడలు తీపి గుర్తులుగా మిగిలిపోయాయి. మాట అంటే చాలు ఎంత కష్టమైనా కడదాకా నిలిచే మనస్తత్వం మహానేత రాజశేఖరరెడ్డి సొంతం. ఆయన హయాంలో చేపట్టిన అభివృద్ధి ఫలాలు ఈ జిల్లాపై చూపించిన అభిమానానికి నిలువెత్తు నిదర్శనాలు. 1475 కిలోమీటర్ల సుదీర్ఘ పాదయాత్రలో భాగంగా జిల్లాకు వచ్చినప్పుడు వైఎస్సార్‌ జిల్లా వాసులు బాధలను ప్రత్యక్షంగా చూశారు. తాను సీఎం అయ్యాక ఈ సమస్యలన్నింటిపైనా శ్రద్ధ చూపించారు. నాడు చూపించిన పరిష్కార మార్గాలే ఇప్పటి తరానికి బాటలు వేశాయి. ముఖ్యంగా అన్నదాతల కష్టాలు తెలుసుకుని అధికారంలోకి రాగానే పరిష్కారానికి కృషి చేశారు. ఇచ్చిన మాటకు కట్టుబడి జిల్లాలోని మెట్ట ప్రాంత రైతు సమస్యలకు శాశ్వత పరిష్కార మార్గం చూపారు. నేడు(శనివారం) వైఎస్‌ వర్థంతి. ఈ సందర్భంగా జిల్లా ప్రజానీకం ఆయన్ను మననం చేసుకుంటున్నారు. రెండు పంటల స్థాయికి.. జిల్లాలోని మెట్ట ప్రాంతంలో ఇప్పుడు రెండు పంటలకు సాగునీరు పుష్కలంగా అందుతుందంటే నాడు వైఎస్సార్‌ దార్శనికతే కారణం. ఆయన రూపకల్పన చేసిన నీటి ప్రాజెక్టులే ఇందుకు తార్కాణం. వైఎస్సార్‌ అధికారంలోకి రాక మునుపు ఈ ప్రాంతంలో ఒక పంట పండటమే గొప్ప. అలాంటిది ఆయన చూపిన దారితో రెండు పంటలు పండించే స్థితికి మెట్ట ప్రాంత భూములు చేరుకున్నాయి. ఇది మహానేత పుణ్యమే అంటారు ఇక్కడి రైతులు. తుని, ప్రత్తిపాడు, జగ్గంపేట, పిఠాపురం నియోజకవర్గాలలో బీడు భూములలో బంగారం పండుతోందంటే అది వైఎస్‌ చలవే. అందుకే ఇన్నేళ్లయినా రైతులు వైఎస్సార్‌ను దైవంగా గుండెల్లో నింపుకున్నారు. సీఎం అయ్యాక తమ ప్రాంతం సుభిక్షమైందని చెబుతుంటారు. మచ్చుకు కొన్ని .. ● మెట్ట ప్రాంత రైతులకు ఏళ్ల తరబడి సమస్య తోట వెంకటాచలం పుష్కర ఎత్తి పోతల పథకం. ఒకేసారి రూ.600కోట్లు వెచ్చించి లక్షన్నర ఎకరాల్లో సాగునీరందించడంలో మహానేత సఫలీకృతమయ్యారు. ● గత పాలకుల హామీకే పరిమితమైన తాండవ ప్రాజెక్టును వైఎస్‌ రాజశేఖరరెడ్డి రూ.52 కోట్లతో ఆధునీకరించారు. కుడి,ఎడమ కాలువలు, పిల్ల కాలువలకు శాశ్వత పరిష్కారం చూపించారు. ● రూ.120 కోట్లతో పిఠాపురం బ్రాంచ్‌ కెనాల్‌, రూ.132కోట్లతో ఏలేరు ఆధునీకరణకు శ్రీకారం చుట్టి రైతుల పక్షపాతిగా నిలిచారు. ● జంట మున్సిపాలిటీలు సామర్లకోట, పెద్దాపురం ప్రజల దాహార్తిని తీర్చి వారి హృదయాల్లో చెరగని ముద్రవేశారు.రూ.15 కోట్లతో మంచినీటి ట్యాంకర్లు, రూ.12 కోట్లతో పెద్దాపురంలో రాజీవ్‌ గృహకల్ప, రూ.25 కోట్లతో పేదల ఇళ్ల నిర్మాణంతో ప్రయోజనం పొందిన లబ్థిదారులు ఇప్పటికీ రాజశేఖరరెడ్డిని గుర్తు చేసుకుంటూనే ఉంటారు. ● రూ.5 కోట్లతో తాండవపై మినీ అనకట్టలను నిర్మించి తమకు దాహం తీర్చిన దివంగత నేతను తుని ప్రజలు ఎప్పటికీ గుర్తు తెచ్చుకుంటున్నారు. ● ఎక్కడో రంపచోడవరం ఏజెన్సీలో ముసురుమిల్లి ప్రాజెక్టు నుంచి 10 వేల ఎకరాలకు సాగునీరు అందించి గోకవరం మండల రైతుల కళ్లల్లో సంతోషాన్ని నింపారు. గోకవరం రైతుల కడగండ్లతో చలించిన వైఎస్‌ తాను సీఎం అయ్యాక రూ.205 కోట్లతో ఈ ప్రాజెక్టు పనులు వడివడిగా చేపట్టారు. ఈ మండల రైతులు వైఎస్‌ను ఇప్పటికీ స్మరించుకుంటారు.

వైఎస్సార్‌ .. ఆ పేరు వినపడగానే తెలుగునేల మీద ప్రతి గుండె స్పందిస్తుంది. మహానుభావుడు.. అంటూ ఆయన జ్ఞాపకాలను తడుముకుంటుంది. మరపురాని మహానేత వైఎస్సార్‌.. ది లెజెండ్‌. 2009.. సెప్టెంబర్‌ 2. ఒక దుర్దినం.  తెలుగుజనం గుండెమీద బండ పడ్డ దినం. నిరంతరం తమ గురించి, తమ మేలు గురించి ఆలోచించే ఓ పాలకుడిని కోల్పోయిన రోజు.  పదమూడేళ్లు గడిచిపోయాయి. ఆ జ్ఞాపకాలు చెరిగిపోలేదు. ఆ రూపం చెదిరిపోలేదు.  ఆ నవ్వుల రేడు...సంక్షేమసారధి లేడుగానీ ప్రజల జ్ఞాపకాల్లో  నిలిచిపోయాడు. జోహార్‌ వైఎస్సార్‌. వర్షం గురించి కలవరించే మనిషి. ఊరూరా వర్షం లెక్కలు వేసుకునే ముఖ్యమంత్రి. జలసిరులతో పంటలు బాగా పండాలని, రైతన్నల గడపల్లో సంతోషం వెల్లివిరియాలన్నది నిరంతర తపన. వైఎస్సార్‌ దగ్గర పనిచేసిన అధికారులు తరచూ గుర్తు చేసుకునే విషయమిది. వర్షం పడుతుంటే కిటికీ పక్కన చేరి హర్షాతిరేకం ప్రకటించే వైఎస్సార్‌ కన్నా రైతుబంధువు ఎవరుంటారు?  పదమూడేళ్ల క్రితం ఆ సెప్టెంబర్‌ 2న కూడా అదే రోజు. మేఘాలు పట్టాయి. రాజన్న ప్రజాబాట పట్టారు. రచ్చబండలో ప్రజాసమస్యలను నేరుగా తెలుసుకోవాలని బయలు దేరారు.  వర్షం మొదలయిందో.. ముందే దుశ్శకునం పలికిందో ఆకాశం భోరుమంది.  వైఎస్సార్‌ పయనిస్తున్న హెలికాప్టర్‌ పావురాలగుట్టలో కూలింది. అంతా అన్వేషణ. రాజన్న తిరిగొస్తాడన్న ఆశ.  ఆయన రాలేదు. తిరిగిరాని లోకాలకు మరలిపోయిన రాజన్న ఇక లేడన్న చేదునిజం భరించడానికి వేలాది గుండెలకు సాధ్యం కాలేదు. ఆ దుఃఖసాగరంలోనే మునిగిపోయిన జీవితాలెన్నో... గుండెలాగిపోయిన బతుకులెన్నో.. కాలం ఆగిపోలేదు. కదలిపోతూనే వుంది. పదమూడేళ్లపోయినా రాజన్న స్మృతులు చెరిగిపోలేదు. ఎక్కడ సంక్షేమ ఫలాలు అందుతున్నా. ఎక్కడ అభివృద్ది జాడలు కనిపించినా...ప్రాజెక్టులు కనిపించినా రాజన్న పేరే తలపుకొస్తుంది. తన ముందు తన తర్వాత కూడా ఏ నాయకుడూ తలపెట్టలేనని పథకాలను ప్రవేశపెట్టిన ఆ ఘన చరిత్ర చరిత్ర పుటల్లో చెరగని ముద్ర.  రాష్ట్ర రాజకీయ చరిత్రలో వైయస్‌ రాజశేఖరరెడ్డిది బలమైన ముద్ర.  ఆయన జీవితం ప్రజలతో ముడిపడిపోయింది. అది విడదీయలేని బంధం. అంతే కాదు, వైఎస్సార్‌ హయాంలో ప్రతి పేదకుటుంబానికి జరిగిన మేలెంతో ఉంది. అటు విద్యారంగంలోనూ, ఇటు వైద్యరంగంలోనూ, వ్యవసాయరంగంలోనూ వైయస్సార్ ప్రజలకు చేసిన మేలెంతో! హిమగిరి ఎవరెస్టే అందుకు ప్రామాణికం. ఎంతకాలం బతికామన్నది కాదు.. ఎలా బతికామన్నది ముఖ్యం అన్నది.. వైఎస్సార్‌ జీవనసిద్దాంతం. అందుకు అనుగుణంగానే ఆయన జీవించారు. తన జీవితాన్ని ప్రజాసేవకు అంకితం చేశారు. సువిశాల ఆంధ్రప్రదేశ్‌ ప్రగతిని కలవరించి, పలవరించారు. రాష్ర్టరూపురేఖలను తీర్చిదిద్దే క్రమంలో నిరంతరం శ్రమించారు. హరితాంధ్రప్రదేశ్‌ను స్వప్నించారు. ఆరోగ్యాంధ్రప్రదేశ్‌కోసం అద్భుతాలు చేశారు. ఆదర్శాంధ్రప్రదేశ్‌ సాధనలో విప్లవాత్మకమార్పులకు శ్రీకారం చుట్టారు. వైఎస్‌ రాజశేఖరరెడ్డి ఓ దార్శనికుడు. పేదబిడ్డల పెద్దచదువులకు పేదరికం అడ్డు కాకూడదని వైయస్‌..తన పాదయాత్ర దారిలోనే సంకల్పించారు. చదువులు చదివితే..ఉద్యోగాల్లో స్థిరపడితే, ఆ పేదింట తలరాతే మారిపోతుందన్నది ఆయన దార్శనికత. ఆలోచనను అద్భుతరూపంలో తీర్చిదిద్దారు. ఫీజురీయింబర్స్‌మెంట్‌ పథకం ద్వారా పేదింటబిడ్డల పెద్దచదువులకు దీపం వెలిగించారు. వైయస్సార్‌ హయాంలో లక్షలాది మంది పేదింటబిడ్డలు ఇంజనీర్లు, డాక్టర్లు అయ్యారు. తమ తలరాతలే మార్చుకోవడమే కాదు, కుటుంబాల తలరాతలు మార్చారు. ఆ పథకం లబ్దిపొందిన కుటుంబాల్లో నేటికీ వైయస్సార్‌ను తలచుకోనిదే పొద్దుగడవదు. ఆ మహానుభావుడి చలవే ఇదంతా.. అన్నది లబ్దదారుల గడపల్లో ఓంకారమైన ధ్వనిస్తుంటుంది.  నిరుపేదల సంజీవని రాజీవ్‌ ఆరోగ్యశ్రీ. అనారోగ్యం ఎవరికైనా ఒకే విధమైన బాధ కలిగిస్తుంది. కానీ పేదవాడికి అది పెనుశాపమై పీడిస్తుంది. వైయస్‌కు ముందు పేదల అనారోగ్యబాధల గురించి పెద్దగా ఆలోచించిన నాయకులు లేరు. బీద,బిక్కి, అనారోగ్యం పాలైతే ఆదుకునే నాథుడే కరువయ్యారు. ఒక డాక్టర్‌గా రోగి బాధ తెలిసిన డాక్టర్‌ రాజశేఖరరెడ్డి, పేదలకు ఆరోగ్యభద్రతపై శ్రద్దపెట్టారు. రాజీవ్‌ ఆరోగ్యశ్రీ పేరిట బీదలకు కార్పొరేట్‌ వైద్యం ఉచితంగా అందుబాటులోకి తెచ్చారు. ఈ పథకం ద్వారా నిరుపేదలకు ధనవంతులతో సమానంగా కార్పొరేటు స్థాయి ఆస్పత్రులలో ఉచితంగా వైద్యసౌకర్యాలు అందగలిగాయి. ఆ పథకం ద్వారా నాడు.. నేడు లబ్దిపొందిన.. పొందుతున్నవారు లక్షలాదిమంది. లక్షలాది కుటుంబాలకు అది పెద్ద భరోసా. ఆపదలో ఆపన్నహస్తంలా 108 అత్యవసర అంబులెన్స్‌ సేవలు,  నడిచే వైద్యశాలగా 104 మొబైల్‌ ఆస్పత్రులు అందుబాటులోకి తెచ్చారు. విద్య, వైద్య రంగాల్లో వైఎస్సార్‌ విప్లవాత్మక పథకాలు అనితరసాధ్యమైనవి. అసలు సిసలు ప్రజానాయకుడి మాత్రమే వచ్చే ఆలోచనలవి.  ఇలా ప్రజాజీవితాల్లో.. మరీ ముఖ్యంగా పేదల జీవితాల్లో వెలుగులు నింపే పథకాలెన్నో వైఎస్సార్‌ హయాంలో పురుడు పోసుకున్నవే.  ప్రజాసంక్షేమమే శ్వాసగా జీవించినవాడు వైఎస్సార్‌..  ఆయన రాజకీయాల్లో వేసిన ప్రతి అడుగూ.. ఆ దిశగానే సాగాయి. ముఖ్యమంత్రిగా ఆయన తెచ్చిన సంక్షేమపథకాలు, చేసిన అభివృద్ది పనులు గుర్తు చేసుకుంటే.. ఇదంతా మరొకరి వల్ల సాధ్యమయ్యేదేనా? అనిపించకపోదు. ప్రజాసేవలో అనుక్షణం తపించిపోయిన వైయస్సార్‌ సంకల్పబలం ఆయనకు మాత్రమే స్వంతమైనది. ఎన్నెన్ని పథకాలు.. ఊరువాడా, పట్టణాల తలరాతలు మార్చేశాయో! రాజశేఖరుడు జననేత. వారికేం కావాలో ఆయనకు తెలుసు. ప్రజల సమస్యలు ఎలా తీర్చాలో ఆయనకు తెలుసు. అందుకే, అధికారంలోకి వచ్చిన వెంటనే వాటిపై దృష్టి సారించారు. ప్రజాసంక్షేమమే శ్వాసగా పరిపాలన సాగించారు.  అరకొరగా పథకాలను అమలు చేయడం కాకుండా.. సంతృప్తస్థాయిలో అందరికీ అన్నీ ఇవ్వాలనే సంకల్పంతో ఆయన ముందుకు సాగారు.  ముఖ్యమంత్రిగా ఆయన తొలిసంతకం ఉచితవిద్యుత్తు,  విద్యుత్‌ బకాయిల మాఫీపై సంతకం చేశారు.  ఆయన ముఖ్యమంత్రి కావడానికి ముందు తొమ్మిదేళ్ల కరవు నేర్పిన పాఠాలను గుర్తుపెట్టుకున్నారు.  ఆ పాఠాలతోనే జలయజ్ఞానికి శ్రీకారం చుట్టారు. సముద్రంలోకి వృధాగా పోతున్న నీళ్లను ఒడిసి పట్టి రిజర్వాయర్లలో నిలిపితే, కరవు సమయంలో రైతన్నలను ఆదుకోవచ్చనే ఉద్దేశంతో, వేల కోట్ల రూపాయలతో ప్రాజెక్టుల నిర్మాణాన్ని చేపట్టారు. లక్ష కోట్ల రూపాయల వ్యయంతో 81 ప్రాజెక్టులను నిర్మించి, కోటి ఎకరాలకు నీరందంచాలన్నదే ఈ అపరభగీరధుడి లక్ష్యం.  రాష్ట్రంలోని వివిధ వర్గాల ప్రజలకు ఆయన ఇచ్చిన వరం పావలా వడ్డీ. మొదట స్వయం సహాయక సంఘాల మహిళలకే ఈ పధకాన్ని ఇచ్చినా, ఆ తర్వాత రైతులతో పాటు వివిధ వర్గాలకు కేటాయించారు. ప్రతి మహిళను లక్షాధికారిని చేస్తానన్నది రాజన్న లక్ష్యం. మహిళల ఆర్ధికస్వావలంబనే కుటుంబాల వెలుగు అన్నది ఆయన ఆలోచన. అలాగే ఏ ఆసరాలేని వృద్దులు, వితంతువులు, వికలాంగులు..ఇలా దాదాపు 70లక్షల మందకి ఫించను పథకాన్ని విస్తరించడమే కాదు, నెలనెలా అందేలా చేశారు.  ఇందిరమ్మ ఇళ్లు, ప్రతి ఒక్కరికీ ఉపాధి హామీ ,మహిళలకు అభయహస్తం. నిరుపేదలకు రూ.2కే కిలోబియ్యం ఇలా ఎన్నెన్నో పథకాలు విజయవంతంగా అమలు చేసిన వైయస్సార్‌ను ఒకే ఒక్కడు అనక తప్పదు. కలలు అందరూ కంటారు. కానీ అవి సాకారం అయ్యేలా శ్రమించడం కొందరే చేస్తారు. ముఖ్యమంత్రిగా వైయస్సార్‌ ఐదేళ్ల పాలనా కాలం పాలకులకుల ఆదర్శప్రాయం.  రాజశేఖరరెడ్డికి ప్రజల మనసు తెలుసు. ప్రజలకు ఏం కావాలో తెలుసు. అభివృద్ది ఎంత అవసరమో తెలుసు. దానికోసం ఏ స్థాయిలో కృషి చేయాలో తెలుసు. సమర్ధపాలనకు వైయస్సార్‌ కేరాఫ్‌ అడ్రస్‌.  రాష్ట్ర రాజకీయాల్లో ప్రతిపక్షనేతగా డాక్టర్‌ వైఎస్‌ రాజశేఖరరెడ్డి దేశస్థాయిలో గుర్తింపు పొందారు. ఒక రాష్ట్రంలో ప్రతిపక్ష నాయకుడు ప్రజల సంక్షేమం కోసం ఏ విధంగా ప్రభుత్వాన్ని మెడలు వంచి పని చేయించాలో చాటి చెప్పిన రాజకీయ నాయకులలో వైయస్‌ చరిత్ర చిరస్థాయిగా నిలిచిపోతుంది. ప్రతిపక్షనేతగా వైయస్‌ ప్రజల హృదయాల్లో నాటుకొనిపోయారు.  ఆ తర్వాత ముఖ్యమంత్రిగా ప్రజల గుండెల్లో నిలిచిపోయారు. వైఎస్సార్‌ జనహృదయనేత.. జనహృదయాలను గెలిచిన నేతలు చరిత్రలో చిరస్థాయిగా నిలిచిపోతారు అనేందుకు వైఎస్సార్‌ ఓ  ఉదాహరణ. ఆయన ఓ లెజెండ్‌ ఆఫ్‌ పాలిటిక్స్‌. ముఖ్యమంత్రిగా ఉన్నా...ప్రతిపక్షంలో ఉన్నా ఆయనది ఒకే తీరు. ప్రజాసమస్యల పరిష్కారమే ఆయన ప్రధాన ఎజెండా. అనాథలను, అభాగ్యులను ఆదరిస్తూ...అభివృద్ది ఫలాలకు నోచుకోని మట్టిబిడ్డల అభివృద్దే లక్ష్యంగా పనిచేసిన జనహృదయనేత వైయస్సార్‌. మిన్ను విరిగి మీద పడ్డా భయపడని ధృఢమైన వ్యక్తిత్వం వైఎస్‌ రాజశేఖరరెడ్డిది. నమ్మినవారికి ప్రాణాలు అడ్డువేసే ఆయన వ్యక్తిత్వమే కార్యకర్తల్లో, నాయకుల్లో ఆయనకంటూ ఒక ఇమేజ్‌ తెచ్చింది.  అత్యంత జనాకర్షణ ఉన్న నేతగాపేరు సంపాదించిపెట్టింది. పేదలు, రైతులు, చేను, చెట్టు, మట్టి, గ్రామీణం, వ్యవసాయం ఇవి వైయస్‌కు ఇష్టమైన పదాలు.  ఫీజు రీయింబర్స్‌మెంట్‌తో ఎస్సీ, ఎస్టీ, బీసీ, మైనారిటీ, ఓబీసీ విద్యార్తులకు పెద్ద చదువులు, ఆరోగ్యశ్రీతో కార్పొరేట్‌ వైద్యాన్ని పేదలకు అందచేసిన నిజమైన విద్యాధికుడు, డాక్టర్‌ వైయస్సార్‌. రెండురూపాయల బియ్యం, వృద్దులకు, వికలాంగులకు నెలనెలా పెన్షన్లు, అర్హులందరికీ తెల్లకార్డులు, బడుగు, బలహీనవర్గాలకు ఇచ్చిన అండదండలు, అన్నింటికీ మించి ప్రజల పట్ల, ప్రజాసేవ పట్ల ఆయనకున్న చిత్తశుద్ది, నిబద్దత తిరిగి రెండోసారి అధికారాన్ని తెచ్చిపెట్టాయి. విలువలు, విశ్వసనీయతలే ప్రాణంగా... రైతులు, సేద్యం, పేదలు, అభివృద్ది ప్రాతిపదికగా సాగిన వైఎస్‌ పాలనకు వరుణుడు మనసారా సహకరించారు. ఐదేళ్లు రాష్ట్రం సుభిక్షంగా ఉంది. మనుషుల్ని ప్రేమించడమెలాగో వైఎస్‌కి తెలిసినంతగా ఇంకెవ్వరికీ తెలీదు. అది ఆయనకు సహజంగా అబ్బిన గుణం. మాటంటే మాటే. పోరాటమంటే పోరాటమే. అంతే....ధైర్యం, సాహసం, పట్టుదల, రిస్క్‌ తీసుకోవడం, ఆలోచనలతో తాత్సారం చేయకపోవడం.. ఎప్పుడూ ఉల్లాసంగా ఉండడం, జనాన్నినమ్మడం లాంటి ప్రతేక లక్షణాలకు పెట్టింది పేరు.. వైఎస్సార్‌. నేను ఏ నాటికైనా ముఖ్యమంత్రి పీఠాన్ని అధిరోహించగలను. ఆ విశ్వాసం నాకుంది అని.. రాజకీయాల్లో అడుగుపెట్టిన మొదటి రోజుల్లోనే వైఎస్సార్‌ ఎక్కువగా అంటూ వుండేవారట. ఏనాటికైనా ముఖ్యమంత్రి కావాలని స్వప్నించిన వైఎస్‌.. అందుకనుగుణంగా ప్రణాళికలు ఏర్పరచుకోవడం మొదలెట్టారు.  నిరంతరం ప్రజల మధ్యనే ఉండటం అలవరచుకున్నారు. ఊరికే కలవడం కాదు, వారి కష్టసుఖాలు తెలుసుకోవడం, తనకు వీలయినంత సాయం చేయడం అలవాటుగా మార్చుకున్నారు.  ప్రజాసమస్యలపై నిజాయితీగా పోరాడాలన్న సిద్దాంతం వైయస్సార్‌ది. ఆ విషయంలో రాజశేఖరుడి చిత్తశుద్దిని శంకించలేనిది.  మండుటెండాకాలంలో నాటి వైయస్సార్‌ పాదయాత్ర ఆయన్న  జనహృదయాలకు మరింత దగ్గర చేసింది. అది కరువు కాలం. రైతుల ఆత్మహత్యలు రోజురోజుకు పెరిగిపోయాయి. ఆత్మహత్యల స్థాయి దాటి ఆకలిచావులు ముంచుకొచ్చాయి. గ్రామీణులు, రైతులు, రైతు కూలీలు, చేతివృత్తులవారు, నిరుపేదలు, నిరుద్యోగులు, చిన్నచిన్న వ్యాపారులు..ఇలా అన్ని వర్గాలు, రకరకాల పీడలు, పీడనల్లో నలిగిపోయాయి. సంప్రదాయ గ్రామీణ ఆర్ధికవ్యవస్థ ఛిన్నాభిన్నమైంది.  మొత్తానికి పల్లెలు కన్నీరు పెడుతున్న వేళ వైయస్సార్‌ పాదయాత్రికుడయ్యారు. 1400కిలోమీటర్లకు పైగా నడిచారు. ఆ కష్ణకాలంలో ప్రజలకు నేనున్నానన్న భరోసానిచ్చారు. అధికారంలోకి రాగానే ప్రజాసంక్షేమమే పరమావధిగా పనిచేస్తానని శపథం చేశారు. వైయస్సార్‌ను జనం నమ్మారు. ఆయన్ను, ఆయన పార్టీని 2004లో అఖండ మెజారిటీతో గెలిపించారు. 2004 నుంచి 2009 వరకు ముఖ్యమంత్రిగా వైయస్‌ఆర్‌ ప్రజలకు చేయని మేలంటూ లేదు.  2009 ఎన్నికల్లోనూ వైఎస్సార్‌ వెంటే నిలిచారు జనం. అన్ని రాజకీయపార్టీలు ఒక్కటైనా, ఒకే ఒక్కడుగా వైఎస్సార్‌ తన పార్టీని గెలిపించారు. రెండోసారి వైయస్సార్‌ ముఖ్యమంత్రి కావడం ఓ చారిత్రాత్మక ఘట్టం. ఆ తర్వాత వందరోజుల పాటే ఆయన పాలన సాగింది. విశాలాంధ్రప్రదేశ్‌ అదృష్టం అక్కడితో ఆగింది. వైఎస్సార్‌లాంటి ప్రజలమనిషి, ఆత్మీయమూర్తి అరుదుగా ఉంటారు. నూటికో..కోటికో ఒక్కరు అంటారే, అలాగన్నమాట. వ్యవస్థ ఏదైనా కావచ్చు. పాలకుడి విధానాల్లో స్పష్టత, ఆచరణలో చిత్తశుద్ది ఉంటే ప్రజల జీవన స్థితి ఎలా మెరుగుపడుతుందో అన్నదానికి, డాక్టర్‌ వైయస్‌ రాజశేఖరరెడ్డి పరిపాలన ఓ ఉదాహరణ.  ఆయన దూరదృష్టి, దార్శనికత భవిష్యత్తుకు మార్గదర్శి. ఆయన మహానాయకుడు.  మరిచిపోలేని మన రాజన్న చిరస్మరణీయుడు. 

సాక్షి, అమరావతి: తాడేపల్లిలోని వైఎస్సార్‌సీపీ కేంద్ర కార్యాలయంలో వైఎస్సార్‌ వర్ధంతి కార్యక్రమం నిర్వహించారు. వైఎస్సార్‌ విగ్రహానికి పూలమాల వేసి నేతలు నివాళులర్పించారు. ఈ కార్యక్రమంలో పార్టీ ప్రధాన కార్యదర్శి సజ్జల రామకృష్ణారెడ్డి, మంత్రి కొట్టు సత్యనారాయణ, ఎమ్మెల్సీలు లేళ్ల అప్పిరెడ్డి, కల్పలతారెడ్డి, జంగా కృష్ణమూర్తి, ఎంపీ నందిగం సురేష్, మహిళా కమిషన్ ఛైర్ పర్సన్ వాసిరెడ్డి పద్మ, పలు కార్పోరేషన్ల ఛైర్మన్లు పాల్గొన్నారు.  చదవండి: మార్గనిర్దేశకుడు వైఎస్సార్‌.. ఆ మూడు పథకాలు సజీవ సాక్ష్యాలుగా.. ఈ సందర్భంగా సజ్జల రామకృష్ణారెడ్డి మాట్లాడుతూ, పాలకుడు ఎలా ఉండాలో చూపిన నాయకుడు వైఎస్సార్‌ అని, తండ్రి స్ఫూర్తితో సీఎం జగన్‌  ముందుకెళ్తున్నారన్నారు. రాష్ట్రంలో ప్రజా సంక్షేమ పాలన నడుస్తోందన్నారు. పేదల జీవితాల్లో సీఎం జగన్‌ వెలుగులు తెచ్చారన్నారు. సంక్షేమ పథకాలు నేరుగా లబ్ధిదారులకే అందిస్తున్నామన్నారు. కాగా, మహానేత, దివంగత ముఖ్యమంత్రి వైఎస్‌ రాజశేఖరరెడ్డి వర్ధంతి సందర్భంగా తన తండ్రిని తలుచుకుంటూ ఆంధ్రప్రదేశ్‌ సీఎం వైఎస్‌ జగన్‌మోహన్‌రెడ్డి భావోద్వేగ ట్వీట్ చేశారు. ‘‘నాన్న భౌతికంగా దూరమైనా నేటికీ ఆయన చిరునవ్వు, ఆ జ్ఞాపకాలు అలానే నిలిచి ఉన్నాయి. దేశచరిత్రలోనే సంక్షేమాన్ని సరికొత్తగా నిర్వచించి.. ప్రజల అవసరాలే పాలనకు ప్రధానాంశం కావాలని ఆయన చాటిచెప్పారు. ప్రతి అడుగులోనూ నాన్నే స్ఫూర్తిగా ఇకపై కూడా ఈ ప్రభుత్వం అడుగులు వేస్తుంది’’ అని సీఎం జగన్‌ ట్వీట్‌ చేశారు.

సాక్షి, వైఎస్సార్‌ జిల్లా: ముఖ్యమంత్రి వైఎస్‌ జగన్‌మోహన్‌రెడ్డి వైఎస్సార్‌ జిల్లాలో రెండోరోజు పర్యటిస్తున్నారు. దివంగత మహానేత వైఎస్ రాజశేఖరరెడ్డి వర్థంతి సందర్భంగా ఇడుపులపాయలోని వైఎస్సార్‌ ఘాట్‌ వద్ద ఆయన నివాళులర్పించారు. సీఎంతో పాటు ఆయన కుటుంబసభ్యులు వైఎస్‌ విజయమ్మ, వైఎస్‌ భారతి, వైఎస్‌ షర్మిల వైఎస్సార్‌కు నివాళులర్పించారు. అనంతరం కుటుంబసభ్యులతో కలిసి వైఎస్‌ జగన్‌ ప్రత్యేక ప్రార్థనల్లో పాల్గొన్నారు. చదవండి: ‘ప్రతి అడుగులోనూ నాన్నే స్ఫూర్తి’.. సీఎం జగన్‌ భావోద్వేగ ట్వీట్  పులివెందుల నియోజకవర్గ అభివృద్ధిపై సీఎం జగన్‌ సమీక్ష వైఎస్సార్‌ ఘాట్‌ వద్ద వైఎస్సార్‌కు నివాళి అనంతరం పులివెందుల నియోజకవర్గ అభివృద్ధిపై సీఎం జగన్‌ సమీక్ష చేపట్టారు. విడతల వారీగా సాయంత్రం వరకు పులివెందుల నియోజకవర్గ పరిధిలో జరుగుతున్న అభివృద్ధి కార్యక్రమాలు, ఇతర అంశాల పై స్థానిక నాయకులు, అధికారులతో సీఎం సమీక్ష జరుపుతున్నారు.

సాక్షి, అమరావతి: మహానేత, దివంగత ముఖ్యమంత్రి వైఎస్‌ రాజశేఖరరెడ్డి వర్ధంతి సందర్భంగా తన తండ్రిని తలుచుకుంటూ ఆంధ్రప్రదేశ్‌ సీఎం వైఎస్‌ జగన్‌మోహన్‌రెడ్డి భావోద్వేగ ట్వీట్ చేశారు. ‘‘నాన్న భౌతికంగా దూరమైనా నేటికీ ఆయన చిరునవ్వు, ఆ జ్ఞాపకాలు అలానే నిలిచి ఉన్నాయి. దేశచరిత్రలోనే సంక్షేమాన్ని సరికొత్తగా నిర్వచించి.. ప్రజల అవసరాలే పాలనకు ప్రధానాంశం కావాలని ఆయన చాటిచెప్పారు. ప్రతి అడుగులోనూ నాన్నే స్ఫూర్తిగా ఇకపై కూడా ఈ ప్రభుత్వం అడుగులు వేస్తుంది’’ అని సీఎం జగన్‌ ట్వీట్‌ చేశారు. చదవండి: స్ఫూర్తి సముదాయం.. ఒకేచోట అన్ని భవనాలు నాన్న భౌతికంగా దూరమైనా నేటికీ ఆయన చిరునవ్వు, ఆ జ్ఞాపకాలు అలానే నిలిచి ఉన్నాయి. దేశచరిత్రలోనే సంక్షేమాన్ని సరికొత్తగా నిర్వచించి.. ప్రజల అవసరాలే పాలనకు ప్రధానాంశం కావాలని ఆయన చాటిచెప్పారు. ప్రతి అడుగులోనూ నాన్నే స్ఫూర్తిగా ఇకపై కూడా ఈ ప్రభుత్వం అడుగులు వేస్తుంది. — YS Jagan Mohan Reddy (@ysjagan) September 2, 2022

దేశంలోని అనేక రాష్ట్రాల్లో వ్యవసాయానికి ఉచిత విద్యుత్‌ను సరఫరా చేయడానికి కారణం  వైఎస్‌ రాజశేఖరరెడ్డి ఆలోచనే. దానిని 2004, మే 14న సీఎంగా ప్రమాణ స్వీకారం చేసిన రోజునే ఆయన ప్రారంభించారు. దేశంలోని అనేక రాష్ట్రాల్లో వ్యవసాయానికి ఉచిత విద్యుత్‌ను సరఫరా చేయడానికి కారణం  వైఎస్‌ రాజశేఖరరెడ్డి ఆలోచనే. దానిని 2004, మే 14న సీఎంగా ప్రమాణ స్వీకారం చేసిన రోజునే ఆయన ప్రారంభించారు. దేశంలో అనేక రాష్ట్రాలు ఉన్నత విద్యను పేదలకు అందుబాటులో తీసుకొచ్చేందుకు అమలుచేస్తున్న ఫీజు రీయింబర్స్‌మెంట్‌ పథకానికి తొలుత శ్రీకారం చుట్టిందీ వైఎస్సే. పాలకులకు వైఎస్‌ రాజశేఖరరెడ్డి టార్చ్‌బేరర్‌గా నిలిచారనడానికి ఈ మూడు పథకాలు సజీవ సాక్ష్యాలు. ఆ మహానేత భౌతికంగా దూరమై నేటికి సరిగ్గా 13 ఏళ్లు. సాక్షి, అమరావతి: ఉమ్మడి ఆంధ్రప్రదేశ్‌కు సీఎంగా వైఎస్‌ రాజశేఖరరెడ్డి పనిచేసింది కేవలం ఐదేళ్ల మూడు నెలలే. కానీ, ఆ కొద్దికాలంలోనే తెలుగునేల ఆయన్ను కలకాలం గుర్తుంచుకునేలా సుపరిపాలన అందించారు. పాలనకు మానవత్వాన్ని జోడించి పాలకుడంటే ఇలా ఉండాలి అని దేశానికి చాటిచెప్పారు. సంక్షేమాభివృద్ధి పథకాలు, సుపరిపాలనతో ప్రజల హృదయాల్లో చెరగని ముద్రవేశారు. వైఎస్సార్‌ జిల్లా జమ్మలమడుగులో 1949, జూలై 8న జన్మించిన వైఎస్‌.. వైద్య విద్యను అభ్యసించారు. పులివెందులలో ఆస్పత్రిని ఏర్పాటుచేసి.. రూపాయికే వైద్యంచేసి రూపాయి డాక్టర్‌గా ప్రజల ప్రశంసలు అందుకున్నారు. ప్రజాభ్యుదయమే పరమావధిగా.. డాక్టర్‌గా ప్రజల నాడి తెలిసిన వైఎస్‌ రాజశేఖరరెడ్డి పులివెందుల నియోజకవర్గం నుంచి 1978లో రాజకీయ అరంగేట్రం చేశారు. అప్పటినుంచి తుదిశ్వాస విడిచే వరకూ అధికారంలో ఉన్నా ప్రతిపక్షంలో ఉన్నా ప్రజాభ్యుదయమే పరమావధిగా రాజీలేని పోరాటం చేశారు. దాంతో పులివెందుల నుంచి 1978, 1983, 1985.. కడప లోక్‌సభ స్థానం నుంచి 1989, 1991, 1996, 1998.. ఆ తర్వాత పులివెందుల నుంచి 1999, 2004, 2009 ఎన్నికల్లో విజయం సాధించారు. ప్రజలు ఆయన్ను అజేయుడిగా నిలిపారు. పాలకులకు మార్గనిర్దేశకుడిగా.. వరుస ఓటములతో ఉమ్మడి ఏపీలో జీవచ్ఛవంలా మారిన కాంగ్రెస్‌ను వైఎస్‌ మండుటెండలో 1,475 కి.మీల పొడవున పాదయాత్ర చేసి ఒంటిచేత్తో అధికారంలోకి తెచ్చారు. పాదయాత్రలో ప్రజల కష్టాలను అర్థంచేసుకుని, నేనున్నానని భరోసా ఇచ్చిన ఆయన 2004, మే 14న సీఎంగా తొలిసారి ప్రమాణస్వీకారం చేశారు. ఇక ఆ తర్వాత ఆయన ప్రజలను ఓటర్లుగా కాకుండా కుటుంబ సభ్యులుగా భావించారు. విద్య, వైద్యం కోసం ప్రజలు అప్పులపాలవుతుండటాన్ని పసిగట్టి.. వాటిని ఉచితంగా అందించేందుకు ఫీజు రీయింబర్స్‌మెంట్, ఆరోగ్యశ్రీ పథకాలను ప్రవేశపెట్టారు. చదవండి: మరో రూపంలో మహానేత  అలాగే, ప్రమాదాల నుంచి ప్రజలను రక్షించడానికి 108 సర్వీసును ప్రారంభించి లక్షలాది మందికి ప్రాణంపోశారు. ఇక అత్యంత ప్రజాదరణ పొందిన ఫీజు రీయింబర్స్‌మెంట్, ఆరోగ్యశ్రీ, 108 సర్వీసులను అనేక రాష్ట్రాలు అమలుచేస్తుండటం ఆయన దార్శనికతకు నిదర్శనం. ఇక ఐదేళ్లలో సంక్షేమాభివృద్ధి పథకాలతో జనరంజక పాలన అందించిన వైఎస్‌.. గెలుపోటములకు తనదే బాధ్యత అని 2009 ఎన్నికల్లో ప్రకటించారు. ప్రతిపక్షాలు మహాకూటమి కట్టినా 2009 ఎన్నికల్లో ఇటు రాష్ట్రంలోనూ.. అటు కేంద్రంలోనూ ఒంటిచేత్తో కాంగ్రెస్‌ను అధికారంలోకి తెచ్చి, 2009, మే 20న రెండోసారి సీఎంగా ప్రమాణ స్వీకారంచేశారు. రూ.లక్ష కోట్లతో జలయజ్ఞం.. కడలి పాలవుతున్న నదీ జలాలను ప్రాజెక్టుల ద్వారా మళ్లించి, తెలుగు నేలను సుభిక్షం చేయడానికి జలయజ్ఞం చేపట్టారు. రూ.లక్ష కోట్ల వ్యయంతో కోటి ఎకరాలకు నీళ్లందించేలా ఒకేసారి 84 ప్రాజెక్టులకు శ్రీకారం చుట్టారు. తెలుగు ప్రజల దశాబ్దాల స్వప్నమైన పోలవరాన్ని పట్టాలెక్కించారు. 2009 నాటికే 16 ప్రాజెక్టులను పూర్తిగా.. 25 ప్రాజెక్టులను పాక్షికంగా వెరసి 41 ప్రాజెక్టుల ద్వారా 19.53 లక్షల ఎకరాలకు నీళ్లందించడంతోపాటు 3.96 లక్షల ఎకరాలను స్థిరీకరించారు. ఐదేళ్లలో 23.49 లక్షల ఎకరాలకు నీళ్లందించే ప్రాజెక్టులను పూర్తిచేయడం ద్వారా దేశ సాగునీటి రంగంలో రికార్డును నెలకొల్పారు. దార్శనికతకు తార్కాణాలెన్నే.. ప్రపంచవ్యాప్తంగా 2007–08, 2008–09లో ఆర్థిక మాంద్యం అనేక దేశాలను అతలాకుతలం చేసింది. ఆ ప్రభావం భారత్‌పై కూడా పడింది. కానీ.. అది రాష్ట్రంపై పడకుండా వైఎస్‌ చేయగలిగారు. సాగునీటి ప్రాజెక్టులు, పేదల ఇళ్ల నిర్మాణం, రహదారుల పనులు వంటి అభివృద్ధి పనులు చేపట్టి.. మార్కెట్లోకి ధనప్రవాహం కొనసాగేలా చేసి.. వాటి ద్వారా రాష్ట్రానికి పన్నులు వచ్చేలా చేసి.. మాంద్యం ముప్పు నుంచి రాష్ట్రాన్ని వైఎస్‌ కాపాడారని అప్పట్లో ఆర్థిక నిపుణులు ప్రశంసించారు. ఇక ఐటీకి వెన్నుదన్నుగా నిలిచి ఎగుమతులను రెట్టింపయ్యేలా చేశారు. శంషాబాద్‌ అంతర్జాతీయ విమానాశ్రయాన్ని శరవేగంగా పూర్తిచేసి హైదరాబాద్‌ను ప్రపంచపటంలో నిలిపారు.  పండగలా వ్యవసాయం.. వ్యవసాయ కుటుంబం నుంచి వచ్చిన వైఎస్‌కు రైతుల కష్టనష్టాలు బాగా తెలుసు. అందుకే పంట పండినా.. ఎండినా రైతు నష్టపోకుండా.. వ్యవసాయాన్ని పండగలా మార్చేలా పలు కీలక నిర్ణయాలు అమలుచేశారు.  ♦పాదయాత్రలో ఇచ్చిన హామీ మేరకు.. వ్యవసాయానికి ఉచిత విద్యుత్‌ సరఫరా చేసే ఫైలుపై తొలి సంతకం చేశారు.  ♦పంటలులేక విద్యుత్‌ చార్జీలు కట్టలేని రైతులపై టీడీపీ సర్కార్‌ రాక్షసంగా బనాయించిన కేసులను ఒక్క సంతకంతో ఎత్తేశారు.  ♦రూ.1,100 కోట్ల వ్యవసాయ విద్యుత్‌ బకాయిలను మాఫీ చేశారు. దాదాపు 35 లక్షల పంపు సెట్లకుపైగా ఉచిత విద్యుత్‌ను అందించారు. రూ.400 కోట్లతో మొదలైన వ్యవసాయ విద్యుత్‌ సబ్సిడీ.. ఆ తర్వాత ఏడాదికి రూ.6 వేల కోట్లకు చేరినా వెనక్కు తగ్గలేదు.  ♦వ్యవసాయానికి ఉచిత విద్యుత్‌ ఇస్తే విద్యుత్‌ తీగలపై బట్టలు ఆరేసుకోవాల్సిందేనని ఎగతాళి చేసిన నేతలు కూడా అధికారంలోకి వచ్చాక.. ఆ పథకాన్ని కొనసాగించాల్సిన ♦పరిస్థితిని వైఎస్‌ కల్పించారు. వైఎస్‌ స్ఫూర్తితో దేశంలో పలు రాష్ట్రాలు సాగుకు ఉచిత విద్యుత్‌ను సరఫరా చేస్తున్నాయి.  ♦ఇక పావలా వడ్డీకే రైతులకు రుణాలందించి.. పెట్టుబడి కోసం వడ్డీ వ్యాపారులను ఆశ్రయించాల్సిన దుస్థితిని తప్పించారు.  ♦నాణ్యమైన విత్తనాలు, ఎరువులను అందించారు. పంట పండినా.. ఎండినా రైతు నష్టపోకూడదనే లక్ష్యంతో పంటల బీమాను అమలుచేశారు. ఇన్‌çపుట్‌ సబ్సిడీని అందించారు.  ♦పండిన పంటకు గిట్టుబాటు ధర కల్పించడం కోసం ఢిల్లీతో పోరాడారు. 2004 నుంచి 2009 మధ్య ధాన్యం కనీస మద్దతు ధర క్వింటాలుకు రూ.550 నుంచి రూ.1,000 వరకూ పెరగడమే అందుకు నిదర్శనం. 

సాక్షి, అమరావతి: ముఖ్యమంత్రి వైఎస్‌ జగన్‌మోహన్‌రెడ్డి సెప్టెంబర్‌ 1 నుంచి 3 వరకు వైఎస్సార్‌ జిల్లాలో పర్యటించనున్నారు. ఈ మేరకు షెడ్యూల్‌ విడుదలైంది. తన పర్యటనలో భాగంగా సెప్టెంబర్‌ 1 మధ్యాహ్నం 2 గంటలకు సీఎం వైఎస్‌ జగన్‌ తాడేపల్లి నివాసం నుంచి బయలుదేరి 2.20 గంటలకు గన్నవరం విమానాశ్రయానికి చేరుకుంటారు. అక్కడ నుంచి 2.30 గంటలకు కడపకు విమానంలో బయలుదేరివెళ్తారు. కడప విమానాశ్రయం నుంచి 3.30 గంటలకు హెలికాప్టర్‌లో బయలుదేరి 3.50 గంటలకు వేముల మండలం వేల్పులకు చేరుకుంటారు. అక్కడ 3.50 నుంచి 4.05 గంటల వరకు స్థానిక నాయకులతో మాట్లాడతారు. 4.10 గంటల నుంచి 5.10 గంటల మధ్య వేల్పుల గ్రామ సచివాలయం కాంప్లెక్స్‌ను ప్రారంభిస్తారు. సాయంత్రం 5.15 గంటలకు వేల్పుల నుంచి హెలికాప్టర్‌లో బయలుదేరి 5.35 గంటలకు ఇడుపులపాయ చేరుకుంటారు. అక్కడ వైఎస్సార్‌ ఎస్టేట్‌ గెస్ట్‌హౌస్‌లో రాత్రి బస చేస్తారు.    2న సీఎం షెడ్యూల్‌..  సెప్టెంబర్‌ 2న ఉదయం 8.50 గంటలకు సీఎం వైఎస్‌ జగన్‌ ఇడుపులపాయ గెస్ట్‌హౌస్‌ నుంచి రోడ్డు మార్గాన బయలుదేరుతారు. 9 గంటల నుంచి 9.40 గంటల వరకు ఎస్టేట్‌లోని వైఎస్సార్‌ ఘాట్‌ వద్ద దివంగత సీఎం వైఎస్‌ రాజశేఖరరెడ్డి వర్ధంతి సందర్భంగా జరిగే ప్రత్యేక ప్రార్థనల్లో పాల్గొంటారు. 9.45 గంటలకు అక్కడి నుంచి బయలుదేరి ఎస్టేట్‌లోని ప్రేయర్‌ హాల్లో పులివెందుల నియోజకవర్గ అభివృద్ధి కార్యక్రమాలపై సాయంత్రం 5 గంటల వరకు సమీక్షలు నిర్వహిస్తారు. ఆ తర్వాత 5.10 గంటలకు వైఎస్సార్‌ గెస్ట్‌హౌస్‌కు చేరుకుని రాత్రి బస చేస్తారు.    3న షెడ్యూల్‌ ఇదీ..  సెప్టెంబర్‌ 3న ఉదయం 8.50 గంటలకు సీఎం జగన్‌ ఇడుపులపాయ నుంచి హెలికాప్టర్‌లో బయలుదేరి కడప చేరుకుంటారు. అక్కడ నుంచి 9.20 గంటలకు ప్రత్యేక విమానంలో బయలుదేరి 10.10 గంటలకు గన్నవరం విమానాశ్రయానికి వస్తారు. అక్కడ నుంచి ఉదయం 10.40 గంటలకు తాడేపల్లిలోని నివాసానికి చేరుకుంటారు.   

సాక్షి నెట్‌వర్క్‌: దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డి 12వ వర్ధంతిని గురువారం రాష్ట్రవ్యాప్తంగా ఘనంగా నిర్వహించారు. నగరాలు, పట్టణాలు, పంచాయతీల్లో వాడవాడలా వైఎస్సార్‌ విగ్రహాలకు పూలమాలలు వేసి నివాళులర్పించారు. ప్రజాప్రతినిధులు, వైఎస్సార్‌సీపీ నాయకులు, కార్యకర్తలు, అభిమానులు సేవా కార్యక్రమాలు చేపట్టారు. అన్నదానాలు, వస్త్రదానాలు చేశారు. రక్తదాన శిబిరాలు నిర్వహించారు. గుంటూరు జిలాలో జరిగి కార్యక్రమాల్లో మంత్రులు సుచరిత, శ్రీరంగనాథరాజు, ప్రభుత్వవిప్‌ పిన్నెల్లి రామకృష్ణారెడ్డి, డిప్యూటీ స్పీకర్‌ కోన రఘుపతి, ఎంపీలు మోపిదేవి, శ్రీకృష్ణదేవరాయలు, ఎమ్మెల్యేలు పాల్గొన్నారు. నెల్లూరు జిల్లాలో కోవూరు ఎమ్మెల్యే నల్లపరెడ్డి ప్రసన్నకుమార్‌రెడ్డి రక్తదానం చేశారు. ఆయా నియోజకవర్గాల్లో ఎమ్మెల్యేలు కాకాణి గోవర్ధన్‌రెడ్డి, ఆనం రామనారాయణరెడ్డి, శ్రీధర్‌రెడ్డి, మేకపాటి చంద్రశేఖర్‌రెడ్డి, ప్రతాప్‌ కుమార్‌రెడ్డి, సంజీవయ్య, వరప్రసాద్‌రావు, నాయ కులు, కార్యకర్తలు పాల్గొన్నారు. వైఎస్సార్‌ విగ్రహాలకు క్షీరాభిషేకం కర్నూలు జిల్లాలో దివంగత ముఖ్యమంత్రి వైఎస్‌ రాజశేఖరరెడ్డి విగ్రహాలకు క్షీరాభిషేకం చేసి, రోగులకు పండ్లు, బ్రెడ్‌ పంపిణీ చేశారు. మంత్రి జయరాం, ఎమ్మెల్యేలు శిల్పా చక్రపాణిరెడ్డి, రాంభూపాల్‌రెడ్డి, హఫీజ్‌ఖాన్, బాలనాగిరెడ్డి, కర్నూలు మేయర్‌ రామయ్య, మాజీ ఎమ్మెల్యే ఎస్‌.వి.మోహన్‌రెడ్డి తదితరులు పాల్గొన్నారు. కృష్ణాజిల్లాలో జరిగిన కార్యక్రమాల్లో మంత్రులు వెలంపల్లి, కొడాలి నాని, ఎమ్మెల్సీ కరిమున్నీసా, ఎమ్మెల్యేలు మల్లాది విష్ణు, ఉదయభాను, జగన్మో హనరావు, మేకా ప్రతాప్‌ అప్పారావు, కృష్ణప్రసాద్, రక్షణనిధి, సింహాద్రి రమేష్‌బాబు, జోగి రమేష్, దూలం నాగేశ్వరరావు, అనిల్‌కుమార్, పార్థసారథి, విజయవాడ మేయర్‌ భాగ్యలక్ష్మి, కార్పొరేటర్‌ మణిమ్మ, వైఎస్సార్‌సీపీ విజయవాడ నగర అధ్యక్షుడు భవకుమార్, విజయవాడ ఈస్ట్‌ ఇన్‌చార్జి అవినాష్‌ తదితరులు పాల్గొన్నారు. చిత్తూరు జిల్లాలో జరిగిన కార్యక్రమాల్లో మంత్రి పెద్దిరెడ్డి, ఎంపీలు రెడ్డెప్ప, గురుమూర్తి, ఎమ్మెల్యే భూమన కరుణాకరరెడ్డి, తిరుపతి మేయర్‌ డాక్టర్‌ శిరీష, డిప్యూటీ మేయర్లు అభినయ్‌రెడ్డి, నారాయణ, పార్టీ నగర అధ్యక్షుడు ప్రతాప్‌రెడ్డి పాల్గొన్నారు.  ‘అనంత’ స్మరణ అనంతపురం జిల్లా ప్రజలు వైఎస్సార్‌కు ఘనంగా నివాళులర్పించారు. మంత్రి జయరాం, ఎంపీ రంగయ్య, ప్రభుత్వ విప్‌ కాపు రామచంద్రారెడ్డి, ఎమ్మెల్సీ మహమ్మద్‌ ఇక్బాల్, ఎమ్మెల్యేలు అనంత వెంకట్రామిరెడ్డి, తిప్పేస్వామి, ఉషశ్రీచరణ్, పీవీ సిద్ధారెడ్డి, శ్రీధర్‌రెడ్డి, పద్మావతి, ప్రకాష్‌రెడ్డి, వైఎస్సార్‌సీపీ అనంతపురం పార్లమెంటరీ జిల్లా అధ్యక్షుడు నదీమ్, మాజీ ఎమ్మెల్యే విశ్వేశ్వరరెడ్డి తదితరులు పాల్గొన్నారు. తూర్పు గోదావరి జిల్లా లొల్లలో వైఎస్సార్‌ విగ్రహానికి ప్రభుత్వవిప్, ఎమ్మెల్యే చిర్ల జగ్గిరెడ్డి, రైతులు క్షీరాభిషేకం చేశారు. పంట పొలాల మధ్య 250 మంది రైతులను సత్కరించారు. రాజానగరంలో ఎమ్మెల్యే జక్కంపూడి రాజా రక్తదానం చేశారు. జిల్లాలో జరిగిన కార్యక్రమాల్లో మంత్రి íవిశ్వరూప్, ఎంపీలు గీత, భరత్‌రామ్, ఎమ్మెల్యే చంటిబాబు, రాష్ట్ర హౌసింగ్‌ కార్పొరేషన్‌ చైర్మన్‌ దొరబాబు, మాజీ ఎమ్మెల్యే శేషారెడ్డి తదితరులు పాల్గొన్నారు. ప్రకాశం జిల్లాలో మంత్రి బాలినేని శ్రీనివాసరెడ్డి, ఎంపీ మాగుంట శ్రీనివాసులురెడ్డి, ఎమ్మెల్యేలు పాల్గొన్నారు. వైఎస్సార్‌తో పాటు హెలికాప్టర్‌ ప్రమాదంలో ప్రాణాలు కోల్పోయిన ఆయన చీఫ్‌ సెక్యూరిటీ ఆఫీసర్‌ వెస్లీ విగ్రహానికి పూలమాలలు వేశారు. శ్రీకాకుళం జిల్లాలో జరిగిన కార్యక్రమాల్లో డిప్యూటీ సీఎం కృష్ణదాస్, స్పీకర్‌ సీతారాం తదితరులు పాల్గొన్నారు. విజయనగరం జిల్లాలో జరిగిన కార్యక్రమాల్లో మంత్రి బొత్స సత్యనారాయణ, ఎమ్మెల్యే లు వీరభద్రస్వామి, జోగారావు, వెంకట చిన అప్పలనాయుడు, బడ్డుకొండ అప్పలనాయుడు, అప్పలనర్సయ్య, రాజన్నదొర, వైఎస్సార్‌ సీపీ జిల్లా సమన్వయకర్త మజ్జి శ్రీనివాసరావు పాల్గొన్నారు. ట్రైసైకిళ్ల పంపిణీ డాక్టర్‌ వైఎస్సార్‌ వర్ధంతి సందర్భంగా పశ్చిమ గోదావరి జిల్లాలో పేదలకు దుప్పట్లు, వికలాంగులకు ట్రైసైకిళ్లు, ప్రభుత్వాస్పత్రుల్లో రోగులకు, బాలింతలకు పండ్లు పంపిణీ చేశారు. దుగ్గిరాలలో ఎమ్మెల్యే అబ్బయ్యచౌదరి ఆధ్వర్యంలో డాక్టర్‌ అంబేడ్కర్, డాక్టర్‌ వైఎస్సార్‌ విగ్రహాలను ఆవిష్కరించారు. డిప్యూటీ సీఎం ఆళ్ల నాని తదితరులు పాల్గొన్నారు. విశాఖ జిల్లాలో సేవా కార్యక్రమాలు జరిగాయి. విశాఖలోని వైఎస్సార్‌సీపీ నగర కార్యాలయంలోను, బీచ్‌రోడ్డులోను వైఎస్సార్‌ విగ్రహాలకు ఎంపీ విజయసాయిరెడ్డి పూలమాలలు వేసి నివాళులర్పించారు. ఆనందపురం మండలం కల్లివానిపాలెంలో వైఎస్సార్‌ విగ్రహాన్ని మంత్రి ముత్తంశెట్టి ఆవిష్కరించారు. భీమిలిలోని మంత్రి క్యాంప్‌ కార్యాలయంలో రక్తదాన శిబిరం నిర్వహిం చి, అన్నదానం చేశారు. వైఎస్సార్‌ జిల్లా పులివెందులలో నిర్వహించిన రక్తదాన శిబిరంలో ఎంపీ వైఎస్‌ అవినాష్‌రెడ్డి, వైఎస్‌ మధురెడ్డి రక్తదానం చేశారు. జిల్లాలో జరిగిన కార్యక్రమాల్లో డిప్యూటీ సీఎం అంజద్‌బాషా, ప్రభుత్వ చీఫ్‌విప్‌ శ్రీకాంత్‌రెడ్డి, ఎమ్మెల్సీలు రమేష్‌యాదవ్, జకియాఖానం, ఎమ్మెల్యేలు సుధీర్‌రెడ్డి, రఘురామిరెడ్డి, మల్లికార్జునరెడ్డి, ప్రభుత్వ సలహాదారు అంబటి కృష్ణారెడ్డి, కడప మేయర్‌ సురేష్‌బాబు, మాజీ ఎమ్మెల్యే అమర్‌నా థ్‌రెడ్డి, జెడ్పీ మాజీ వైస్‌చైర్మన్‌ దేవనాథరెడ్డి, మున్సి పల్‌ చైర్మన్‌ ఫయాజ్‌బాషా, నేతలు వైఎస్‌ మనోహర్‌రెడ్డి, వైఎస్‌ భాస్కర్‌రెడ్డి, వైఎస్‌ అభిషేక్‌ రెడ్డి, దేవిరెడ్డి శివశంకర్‌రెడ్డి, మేడా రఘునాథరెడ్డి, మేడా భాస్కర్‌రెడ్డి తదితరులు పాల్గొన్నారు.  

సాక్షి, కడప: దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డి 12వ వర్ధంతి సందర్భంగా వైఎస్సార్‌ కుటుంబ సభ్యులు ఘన నివాళులర్పించారు. ఇడుపులపాయలోని వైఎస్సార్‌ ఘాట్‌ వద్ద ప్రత్యేక ప్రార్థనలు నిర్వహించారు. ముందురోజే ఇడుపులపాయ చేరుకున్న సీఎం వైఎస్‌ జగన్‌మోహన్‌రెడ్డి గురువారం ఉదయం 9.10 గంటల ప్రాంతంలో కుటుంబ సభ్యులతో కలసి వైఎస్సార్‌ ఘాట్‌ వద్దకు చేరుకున్నారు. పార్టీ గౌరవాధ్యక్షురాలు వైఎస్‌ విజయమ్మ, సీఎం సతీమణి వైఎస్‌ భారతి, సోదరి షర్మిల, దివంగత జార్జిరెడ్డి సతీమణి వైఎస్‌ భారతమ్మ తదితరులు ఘాట్‌ వద్దకు చేరుకుని పూలమాలలు వేసి నివాళులర్పించారు. ముందుగా సమాధి ప్రాంగణం వద్ద కుటుంబ సభ్యులు, స్నేహితులు, బంధుమిత్రులు, ప్రజాప్రతినిధులు అందరూ ప్రత్యేక ప్రార్థనల్లో పాల్గొన్నారు. ఈ సందర్భంగా రెండు నిమిషాలు మౌనం పాటించారు. ప్రార్థనలు నిర్వహిస్తున్న సమయంలో వైఎస్సార్‌ జ్ఞాపకాలను గుర్తు చేసుకుని సీఎం జగన్, ఆయన తల్లి వైఎస్‌ విజయమ్మ, సతీమణి వైఎస్‌ భారతి, సోదరి షర్మిల, పెద్దమ్మ వైఎస్‌ భారతమ్మలు ఒకింత భావోద్వేగానికి గురై చెమర్చిన కళ్లతో కనిపించారు. అక్కడికి సమీపంలో ఉన్న వైఎస్సార్‌ విగ్రహానికి సీఎంతోపాటు కుటుంబ సభ్యులంతా పూలమాలలు వేసి నివాళులర్పించారు.   వైఎస్సార్‌ ఘాట్‌ వద్ద నివాళులర్పించిన అనంతరం ముఖ్యమంత్రి జగన్‌ గెస్ట్‌హౌస్‌కు చేరుకుని కుటుంబ సభ్యులతో కొద్దిసేపు గడిపారు. అల్పాహారం అనంతరం నేరుగా హెలిప్యాడ్‌ వద్దకు చేరుకున్నారు. అక్కడ తనను కలిసేందుకు నిరీక్షిస్తున్న వారిని పలకరించారు. ఒక్కొక్కరితో మాట్లాడుతూ సమస్యలను తెలుసుకుని పరిష్కారానికి సంబంధిత అధికారులను ఆదేశించారు. ఉదయం 10.15 గంటలకు హెలిప్యాడ్‌ వద్దకు చేరుకున్న ఆయన 11.10 గంటల వరకు వినతులు స్వీకరిస్తూ ప్రజలతో మమేకమయ్యారు. అనంతరం అక్కడి నుంచి బయలుదేరి 11.30 గంటలకు కడప విమానాశ్రయానికి చేరుకున్నారు. అక్కడి నుంచి విమానంలో గన్నవరం బయలుదేరి వెళ్లారు.   ఇడుపులపాయలోని వైఎస్సార్‌ ఘాట్‌ వద్ద నివాళులర్పిస్తున్న దివంగత సీఎం వైఎస్సార్‌ సతీమణి వైఎస్‌ విజయమ్మ, ముఖ్యమంత్రి వైఎస్‌ జగన్‌మోహన్‌రెడ్డి, ఆయన సతీమణి వైఎస్‌ భారతిరెడ్డి, సోదరి షర్మిల, మంత్రులు, ఎమ్మెల్యేలు తదితరులు  కార్యకర్త ‘సల్మా’కు ఫోన్‌లో పరామర్శ  అనారోగ్యంతో కర్నూలులోని ఓ ప్రైవేట్‌ ఆస్పత్రిలో చికిత్స పొందుతున్న వేంపల్లెకు చెందిన వైఎస్సార్‌ సీపీ కార్యకర్త సల్మాను ముఖ్యమంత్రి వైఎస్‌ జగన్‌ మోహన్‌రెడ్డి ఫోన్‌లో పరామర్శించారు. పార్టీ కార్యకర్త భారతి ద్వారా సల్మా అనారోగ్యం గురించి తెలుసుకున్న సీఎం జగన్‌ వెంటనే వీడియో కాల్‌ ద్వారా ఆమెతో మాట్లాడారు. త్వరగా కోలుకోవాలని ఆకాంక్షించారు. ఆరోగ్యపరమైన జాగ్రత్తలు తీసుకోవాలని సూచించారు.  పార్టీ నేత అనిల్‌ కుమార్తెకు నామకరణం చేసిన సీఎం   లింగాల: వైఎస్సార్‌  జిల్లా లింగాల మండలం పెద్దకుడాల గ్రామానికి చెందిన వైఎస్సార్‌సీపీ నాయకుడు పెద్దమల్లు అనిల్‌కుమార్‌రెడ్డి, పెద్దమల్లు అనూషల కుమార్తెకు ముఖ్యమంత్రి జగన్‌ చేతుల మీదుగా జగతి అని నామకరణం జరిగింది. అనిల్‌కుమార్‌రెడ్డి దంపతులు ఇడుపులపాయలో ముఖ్యమంత్రిని కలిశారు.  పలువురు నివాళులు..  ఇడుపులపాయలోని వైఎస్సార్‌ ఘాట్‌ వద్ద పలువురు మంత్రులు, ప్రజాప్రతినిధులు, నేతలు  నివాళులర్పించారు. దివంగత ముఖ్యమంత్రి వైఎస్‌ సోదరుడు వైఎస్‌ సుధీకర్‌రెడ్డి, డిప్యూటీ సీఎంలు ఎస్‌బీ అంజాద్‌బాషా, నారాయణస్వామి, టీటీడీ చైర్మన్‌ వైవీ సుబ్బారెడ్డి, జిల్లా ఇన్‌చార్జి మంత్రి ఆదిమూలపు సురేష్, మంత్రి చెల్లుబోయిన వేణుగోపాలకృష్ణ, ప్రభుత్వ చీఫ్‌ విప్‌ గడికోట శ్రీకాంత్‌రెడ్డి, విప్‌ కొరముట్ల శ్రీనివాసులు, ఎంపీలు వైఎస్‌ అవినాష్‌రెడ్డి, గోరంట్ల మాధవ్, గురుమూర్తి, ఎమ్మెల్యేలు పి.రవీంద్రనాథ్‌రెడ్డి, చెవిరెడ్డి భాస్కర్‌రెడ్డి, డాక్టర్‌ సుధీర్‌రెడ్డి, ఎమ్మెల్సీలు వెన్నపూస గోపాల్‌రెడ్డి, జకియాఖానమ్, కత్తి నరసింహారెడ్డి, కల్పలత, గంగుల ప్రభాకర్‌రెడ్డి, ఆర్టీïసీ చైర్మన్‌ దుగ్గాయపల్లె మల్లికార్జునరెడ్డి, పరిశ్రమలశాఖ సలహాదారు రాజోలి వీరారెడ్డి, కలెక్టర్‌ విజయరామరాజు, డీఐజీ వెంకట్రామిరెడ్డి, మాజీ ఎమ్మెల్సీ డీసీ గోవిందరెడ్డి, వైఎస్సార్‌ సీపీ కడప, రాజంపేట పార్లమెంటరీ జిల్లాల అధ్యక్షులు కె.సురేష్‌బాబు, ఆకేపాటి అమర్నాథరెడ్డి, చక్రాయపేట ఇన్‌చార్జి వైఎస్‌ కొండారెడ్డి, వైఎస్సార్‌ ఆర్కిటెక్చర్‌ యూనివర్సిటీ రిజిస్ట్రార్‌ ఈసీ సురేంద్రనాథ్‌రెడ్డి తదితరులు వైఎస్సార్‌కు నివాళులర్పించిన వారిలో ఉన్నారు.  

Chiranjeevi Tribute To YS Rajasekhara Reddy: మహానేత వైఎస్‌ రాజశేఖరరెడ్డి వర్ధంతి సందర్భంగా మెగాస్టార్‌ చిరంజీవి ఆయకు సోషల్‌ మీడియా వేదికగా నివాళుల్పరించారు. 'దివంగత ముఖ్యమంత్రి, ప్రియతమ ప్రజా నాయకుడు వైఎస్ రాజశేఖరరెడ్డి గారి వర్ధంతి సందర్బంగా ఆయన్ని సంస్మరించుకుంటూ  ఆయన ఆత్మకు శాంతి చేకూరాలని ప్రార్థిస్తున్నాను' అని ట్వీట్‌ చేశారు. దివంగత ముఖ్యమంత్రి , ప్రియతమ ప్రజా నాయకుడు శ్రీ వై ఎస్ రాజశేఖర రెడ్డి గారి వర్ధంతి సందర్బంగా ఆయన్ని సంస్మరించుకుంటూ  ఆయన ఆత్మకు శాంతి చేకూరాలని ప్రార్ధిస్తూ .. — Chiranjeevi Konidela (@KChiruTweets) September 2, 2021 చదవండి మహానేత వైఎస్సార్‌కు సీఎం వైఎస్‌ జగన్‌ నివాళి

సాక్షి, న్యూఢిల్లీ: మహానేత వైఎస్‌ రాజశేఖరరెడ్డి వర్ధంతి సందర్భంగా ఢిల్లీలోని ఏపీ భవన్‌లో ఆల్‌ ఇండియా బిసి అసోసియేషన్‌ అధ్యక్షుడు పోతల ప్రసాద్, ఓబిసి సెంట్రల్ కమిటీ చైర్ పర్సన్ భాగ్యలక్ష్మి, ఢిల్లీ యూనివర్సిటీ అసోసియేట్ ప్రొఫెసర్  శ్రీనివాసరావు తదితరులు వైఎస్సార్‌ చిత్ర పటానికి పూలమాలలు వేసి ఘనంగా నివాళులర్పించారు. వైఎస్సార్ మరణించినా ఆరోగ్య శ్రీ ద్వారా ప్రజల గుండెల్లో చిరకాలం జీవించే ఉంటారని వారు స్మరించుకున్నారు.  చదవండి: మహానేత వైఎస్సార్‌కు గవర్నర్‌ విశ్వభూషణ్‌ నివాళి  

సాక్షి, చిత్తూరు: పేద ప్రజల గుండె చప్పుడు వైఎస్‌ రాజశేఖరరెడ్డి అని మంత్రి పెద్దిరెడ్డి రామచంద్రారెడ్డి కొనియాడారు. వైఎస్సార్‌ వర్ధంతి సందర్భంగా ఆయన విగ్రహానికి మంత్రి పెద్దిరెడ్డి పూలమాలలు వేసి నివాళులర్పించారు. అనంతరం ఆయన మీడియాతో మాట్లాడుతూ.. వైఎస్సార్‌ ప్రవేశపెట్టిన పథకాలు దేశానికి ఆదర్శంగా నిలిచాయని గుర్తుచేశారు. అన్ని వర్గాలకు మేలు చేసిన ఘనత వైఎస్సార్‌కే దక్కుతుందన్నారు. వైఎస్సార్‌ చూపిన బాటలో సీఎం వైఎస్‌ జగన్‌ నడుస్తున్నారని పెద్దిరెడ్డి తెలిపారు. సాక్షి, పశ్చిమగోదావరి: పశ్చిమగోదావరి జిల్లాలోని దుగ్గిరాల గ్రామంలో అంబేద్కర్, వైఎస్సార్‌ విగ్రహాలను మంత్రి ఆళ్ల నాని ఆవిష్కరించారు. ఈ సందర్భంగా ఆయన మాట్లాడుతూ.. దివంగత నేత వైఎస్‌ రాజశేఖరరెడ్డి తర్వాత పేదల సంక్షేమం కోసం కృషి చేస్తున్న నాయకుడు  సీఎం జగన్‌మోహన్‌రెడ్డి అని అన్నారు. కరోనాను కట్టడి చేస్తూ సీఎం జగన్‌ రాష్ట్ర ఆర్థిక వ్యవస్థను గాడిలో పెట్టారని తెలిపారు. ఇచ్చిన మాట ప్రకారమే సీఎం జగన్‌ పేదలకు సంక్షేమన్ని చేరువచేశారని కొనియాడారు.  ఈ సందర్బంగా ఎమ్మెల్యే అబ్బయ్య చౌదరి మాట్లాడుతూ.. వైఎస్‌ రాజశేఖరరెడ్డి మనందరికీ దూరమై నేటికీ 12ఏళ్లు గడిచాయని, ఆయన ఆశయాల సాధనకు అందరూ కృషి చేయాలన్నారు. రైతు రుణమాఫీ, ఆరోగ్యశ్రీ, ఫీజు రీయింబర్స్‌మెంట్ వంటి పధకాలతో చెరగని ముద్ర వేశారని గుర్తుచేశారు. పేదలకు కుల, మత, పార్టీ, బేధం లేకుండా సంక్షేమ పాలన అందించారని కొనియాడారు. భావితరాల భవిష్యత్‌ను ఉద్దేశించి సీఎం జగన్‌ పాలన అందిస్తున్నారని తెలిపారు. సీఎం జగన్‌ అంబేద్కర్ ఆశయాల అనుగుణంగా పాలన సాగిస్తున్నారని తెలిపారు. మేనిఫెస్టోలో 90 శాతం పథకాలు అమలు చేసిన ఘనత సీఎం వైఎస్‌ జగన్‌కు దక్కుతుందని పేర్కొన్నారు. దెందులూరు నియోజకవర్గంలో రూ. 750 కోట్లతో అభివృద్ధి పనులు చేశామని, రూ.100కోట్లతో రూర్బన్ కింద 15కొల్లేరు గ్రామాల రూపురేఖలు మారబోతోన్నాయని తెలిపారు. రూ.240 కోట్లతో ఆర్అండ్‌బీ కింద పనులు జరుగుతున్నాయని పేర్కొన్నారు. ఎమ్మెల్సీ మోషేన్ రాజు మాట్లాడుతూ.. అంబేద్కర్ ఆశయాల సాధనకు అనుగుణంగా సీఎం వైఎస్‌ జగన్‌మోహన్‌రెడ్డి పాలన సాగిస్తున్నారని అన్నారు. పేదల గుండె చప్పుడు  వైఎస్‌ రాజశేఖరరెడ్డి బాటలో.. బడుగు, బలహీన వర్గాలకు సీఎం జగన్‌ అండగా నిలుస్తున్నారని చెప్పారు. అదేవిధంగా ఎమ్మెల్యే వాసుబాబు మాట్లాడుతూ.. దుగ్గిరాల గ్రామంలో రాజ్యాంగ నిర్మాత డాక్టర్‌ బీఆర్‌ అంబేద్కర్, వైఎస్సార్‌ విగ్రహన్ని ప్రారంభించడం శుభపరిణామమని అన్నారు. సంక్షేమ పాలనలో సువర్ణ అధ్యాయం వైఎస్సార్‌ పాలన అని కొనియాడారు.

విజయవాడ: మహానేత వైఎస్‌ రాజశేఖరరెడ్డి వర్ధంతిని పురస్కరించుకొని ఆంధ్రప్రదేశ్‌ వ్యాప్తంగా ఆయన అభిమానులు ఘనంగా నివాళులు అర్పించారు. ఈ సందర్భంగా దివంగత నేతను స్మరించుకుంటూ.. పలు కార్యక్రమాలను నిర్వహించారు. విజయవాడలోని గొల్లపూడిలో వైఎస్సార్‌సీపీ నేతలు పెద్దఎత్తున అన్నదాన కార్యక్రమాన్నినిర్వహించారు. ఈ కార్యక్రమంలో స్థానిక ఎమ్మెల్యే వసంత, సురేష్‌, ధూళిపాళ్ల శ్రీనాథ్‌, శ్రీకాంత్‌ తదితరులు పాల్గొన్నారు.  చదవండి: పేదల గుండె చప్పుడు మహానేత వైఎస్సార్‌

సాక్షి, అమరావతి: మహానేత వైఎస్‌ రాజశేఖరరెడ్డి వర్ధంతి సందర్భంగా ఆంధ్రప్రదేశ్‌ గవర్నర్‌ విశ్వభూషణ్‌ హరిచందన్‌ నివాళులర్పించారు. అనేక సంక్షేమ పథకాలు ప్రవేశపెట్టి ప్రజల హృదయాల్లో ప్రత్యేక స్థానం సంపాదించుకున్నారని కొనియాడారు. ఆ మహానేత తన జీవితాన్ని ప్రజల సంక్షేమానికి అంకితం చేశారన్నారు. ఆయన ప్రవేశపెట్టిన ఆరోగ్యశ్రీ, 108 అంబులెన్స్, 104 ఆరోగ్య సేవల నుంచి ఇతర రాష్ట్రాలు కూడా స్ఫూర్తి పొందాయని గవర్నర్‌ ట్వీట్‌ చేశారు. ఇవీ చదవండి: మీ స్ఫూర్తి ముందుండి నడిపిస్తోంది నాన్న: సీఎం జగన్‌ భావోద్వేగ ట్వీట్‌  వైఎస్సార్ ఆచరణలో నుంచి ఓ మహావృక్షం పెరిగింది: సజ్జల I pay my humble tributes to former Chief Minister Dr #YSRajasekharaReddy on his Vardanthi. His flagship schemes such as #arogyasri, 108 Ambulance and 104 Health services have been replicated in other States. #YSRVardhanthi pic.twitter.com/O6wivaXeKA — Biswa Bhusan Harichandan (@BiswabhusanHC) September 2, 2021

సాక్షి, అమరావతి: పాలకుడు ఎలా ఉండాలో చూపించిన వ్యక్తి మహానేత వైఎస్సార్‌ అని వైఎస్సార్‌సీపీ రాష్ట్ర ప్రధాన కార్యదర్శి సజ్జల రామకృష్ణారెడ్డి అన్నారు. గురువారం తాడేపల్లిలోని వైఎస్సార్‌సీపీ కేంద్ర కార్యాలయంలో వైఎస్సార్ 12వ వర్ధంతి కార్యక్రమం నిర్వహించారు. ఈ సందర్భంగా వైఎస్సార్‌ విగ్రహానికి సజ్జల రామకృష్ణారెడ్డి పూలమాల వేసి నివాళులర్పించారు. ఈ కార్యక్రమంలో మంత్రి సీదిరి అప్పలరాజు, ఎమ్మెల్యే పార్థసారథి, ఎమ్మెల్సీ లేళ్ల అప్పిరెడ్డి, డొక్కా మాణిక్య వరప్రసాద్, జూపూడి ప్రభాకర్, ఉమ్మారెడ్డి వెంకటేశ్వర్లు, తెలుగు అకాడెమీ చైర్ పర్సన్ లక్ష్మీపార్వతి, మహిళా కమిషన్ చైర్ పర్సన్ వాసిరెడ్డి పద్మ తదితరులు పాల్గొన్నారు. ఈ సందర్భంగా సజ్జల రామకృష్ణారెడ్డి మాట్లాడుతూ, వైఎస్సార్ ఆచరణలో నుంచి ఓ మహావృక్షం పెరిగిందన్నారు. నాన్న వేసిన అడుగుకి పదడుగులు వైఎస్‌ జగన్‌ వేశారన్నారు. వైఎస్సార్‌ ఆశయాలకు శాశ్వత ముద్ర ఉండేలా వైఎస్‌ జగన్‌ పాలన చేస్తున్నారన్నారు. సీఎం జగన్‌ను బలోపేతం చేస్తూ ఆయన అడుగులో అడుగు వేద్దామని పిలుపునిచ్చారు. తండ్రి బాటలో సీఎం జగన్‌: లక్ష్మీపార్వతి పేద ప్రజల గుండెల్లో వైఎస్సార్‌ చిరస్థాయిగా నిలిచిపోయారని తెలుగు, సంస్కృత భాషా అకాడమీ చైర్‌పర్సన్‌ నందమూరి లక్ష్మీపార్వతి అన్నారు. వైఎస్సార్‌ మరణించినా.. ఆయన జ్ఞాపకాలు నిలిచే ఉన్నాయన్నారు. తండ్రి బాటలోనే సీఎం వైఎస్‌ జగన్‌మోహన్‌రెడ్డి నడుస్తున్నారన్నారు. లోకేష్‌ అసమర్థుడని.. ఎప్పటికీ నాయకుడు కాలేడని లక్ష్మీ పార్వతి వ్యాఖ్యానించారు. చదవండి: మీ స్ఫూర్తి ముందుండి నడిపిస్తోంది నాన్న: సీఎం జగన్‌ భావోద్వేగ ట్వీట్‌  గుండెనిండా ‘జగనన్న’ అభిమానం: కశ్మీర్‌ నుంచి యాత్ర 

సాక్షి, విజయవాడ: పేదల గుండెచప్పుడు మహానేత వైఎస్సార్‌ అని రాష్ట్ర దేవాదాయ శాఖ మంత్రి వెల్లంపల్లి శ్రీనివాస్‌ అన్నారు. వైఎస్సార్‌ ప్రవేశపెట్టిన పథకాలు వల్ల ప్రజలకు ఎంతో మేలు జరిగిందన్నారు. అందరి హృదయాలు గెలిచిన మహానేత వైఎస్సార్‌ అని కొనియాడారు. వైఎస్సార్‌ వర్ధంతి సందర్భంగా విజయవాడ పోలీస్ కంట్రోల్ రూం వద్ద వైఎస్సార్ విగ్రహానికి మంత్రి పూలమాలలు వేసి నివాళులర్పించారు. మహిళా కమీషన్ చైర్ పర్సన్ వాసిరెడ్డి పద్మ, ఎమ్మెల్యే మల్లాది విష్ణు, మేయర్ రాయన భాగ్యలక్ష్మి, ఫైబర్ నెట్ చైర్మన్ గౌతమ్ రెడ్డి, దేవినేని అవినాష్, కాపు కార్పోరేషన్ చైర్మన్ అడపా శేషు, దుర్గా మల్లేశ్వర స్వామి ఆలయ చైర్మన్ పైలా సోమినాయుడు, డిప్యూటీ మేయర్ బెల్లం దుర్గ తదితరులు పాల్గొన్నారు. ఆరేళ్లలోనే వైఎస్సార్‌ 60 ఏళ్ల ప్రగతి... రాజన్న పాలన ఒక స్వర్ణయుగం అని వైఎస్సార్‌సీపీ ఎమ్మెల్యే మల్లాది విష్ణు అన్నారు. అన్ని వర్గాల అభ్యున్నతికి వైఎస్సార్‌ బాటలు వేశారన్నారు. ఆరేళ్లలోనే వైఎస్సార్‌ 60 ఏళ్ల ప్రగతి చూపారన్నారు. పుట్టపర్తి వైఎస్సార్ సీపీ కార్యాలయంలో అనంతపురం జిల్లా: పుట్టపర్తి వైఎస్సార్ సీపీ కార్యాలయంలో మహానేత వైఎస్సార్ 12 వ వర్ధంతి కార్యక్రమం నిర్వహించారు. వైఎస్సార్ విగ్రహానికి ఎమ్మెల్యే దుద్దుకుంట శ్రీధర్ రెడ్డి పూలమాలలు వేసి నివాళులర్పించారు. వైఎస్సార్‌ వర్ధంతి సందర్భంగా ఓడిసి మండలం గౌనిపల్లి ప్రభుత్వ పాఠశాలలో విద్యార్థులకు నోటు పుస్తకాలు పంపిణీ చేశారు. మారాలలో అన్నదాన కార్యక్రమంలో ఎమ్మెల్యే దుద్దు కుంట పాల్గొన్నారు. వైఎస్సార్ జిల్లా: ప్రొద్దుటూరు మైదుకూరు రోడ్డు లో దివంగత వైఎస్ రాజశేఖరరెడ్డి వర్ధంతి సందర్భంగా వైఎస్సార్‌ విగ్రహానికి ఎమ్మెల్యే రాచమల్లు శివ ప్రసాద్‌రెడ్డి పూలమాలలు వేసి నివాళులర్పించారు. పోరుమామిళ్లలోని వైఎస్సార్ విగ్రహానికి పార్టీ మండల కన్వీనర్ సీఎం భాష, జిల్లా అగ్రి గోల్డ్ బాధితుల బాసట కమిటీ అధ్యక్షుడు చిత్తా విజయ్ ప్రతాప్‌రెడ్డి, రాష్ట్ర కార్యదర్శి నాగార్జున రెడ్డి, పార్టీ శ్రేణులు పూలమాలలు వేసి నివాళులు అర్పించాయి. పశ్చిమగోదావరి జిల్లా: వైఎస్సార్‌ వర్ధంతి సందర్భంగా ఏలూరు వైఎస్సార్‌సీపీ కార్యాలయంలో డిప్యూటీ సీఎం ఆళ్ల నాని ఆయన విగ్రహానికి పూల మాలలువేసి నివాళులర్పించారు. ఈ కార్యక్రమంలో ఎమ్మెల్యేలు కొఠారి అబ్బయ్య చౌదరి, పుప్పాల వాసుబాబు, ఎమ్మెల్సీ కోయ మోషన్ రాజు, మేయర్ షేక్ నూర్జహాన్ , ఇడా చైర్మన్ ఈశ్వరి ,స్మార్ట్ సిటీ చైర్మన్ బొద్దాని అఖిల, సాహిత్య అకాడమీ చైర్మన్ పి. శ్రీలక్ష్మి, డిప్యూటీ మేయర్లు, కార్పొరేటర్లు,పార్టీ శ్రేణులు పాల్గొన్నారు. నెల్లూరు జిల్లా: వైఎస్సార్సీపీ జిల్లా పార్టీ కార్యాలయంలో మహానేత వైఎస్సార్‌ వర్ధంతి కార్యక్రమం నిర్వహించారు. ఈ సందర్భంగా వైఎస్సార్‌ విగ్రహానికి ఎమ్మెల్యే కాకాణి గోవర్ధన్‌రెడ్డి, పార్టీ నేతలు  పూలమాలలు వేసి నివాళులర్పించారు. అనంతరం రక్తదాన శిబిరాన్ని ఆయన ప్రారంభించారు. మరణం లేని మహానేత డాక్టర్ వైఎస్సార్ అని, చరిత్రలో నిలిచిపోయేలా పేదలకు సంక్షేమాన్ని అందించారని ఎమ్మెల్యే కాకాణి అన్నారు.  ప్రజానేతగా జన హృదయాల్లో నిలిచిపోయారన్నారు. అలాంటి విలువలు, విశ్వసనీయతతో కూడిన పాలనను ఆయన తనయుడు ముఖ్యమంత్రి వైఎస్ జగన్‌మోహన్‌రెడ్డి అందిస్తున్నారన్నారు. పేదల పెన్నిధిగా ఎదుగుతున్న సీఎం వైఎస్ జగన్‌కి మరో ఇరవై ఏళ్లు తిరుగులేదన్నారు.

ప్రతి ఇంటి ముంగిటా ఆ అభివృద్ధి వెలుగులే... ప్రతి పేద గుండెలో ఆ నిండైన రూపమే... బీడువారిన నేలతల్లికి జలసిరులందించిన భగీరథునిలా... లయతప్పిన పేద గుండెకు ఊపిరిలూదిన దైవంలా...  చదువు ‘కొన’లేక పేదింటి అక్షరం చిన్నబోతే...  వయసుడిగిన నాడు ఆసరాలేక వృద్ధాప్యం ఉసూరుమంటే...  ఇంటికి పెద్ద కొడుకై ఆదుకున్న ఆపన్న హస్తంలా..  ఆ మహానేత వైఎస్సార్‌ నిలిచారు..  వైఎస్సార్‌ వర్ధంతి సందర్భంగా ఆ చెరగని జ్ఞాపకాలతో, జిల్లాకు వైఎస్సార్‌ అందించిన అభివృద్ధి ఫలాలపై కథనం. సాక్షి ప్రతినిధి, ఒంగోలు: నిత్యం కరువు కాటకాలతో అల్లాడుతూ.. అభివృద్ధికి నోచుకోని ప్రకాశం జిల్లాపై దివంగత ముఖ్యమంత్రి వైఎస్‌ రాజశేఖరరెడ్డి ప్రత్యేక శ్రద్ధతో అభివృద్ధికి బాటలు వేశారు. జలయజ్ఞంతో ఇక్కడి దుర్భిక్ష పరిస్థితుల్ని పారదోలేందుకు నడుంకట్టారు. వైఎస్సార్‌ అధికారంలోకి రాగానే జిల్లాలో 2.60 లక్షల మంది రైతులు తీసుకున్న పంట రుణాలు రూ.480 కోట్లు రుణమాఫీ చేశారు. అందులో 2.17 లక్షల మంది చిన్న, సన్నకారు రైతులు లాభపడ్డారు. 43,572 మంది రైతులకు వారు తీసుకున్న బ్యాంకు రుణాలు ఒకే మొత్తంలో పరిష్కరించుకునే విధానాన్ని అమలు చేశారు. దీంతో రైతులు రూ.97 కోట్ల మేర లబ్ధిపొందారు. కరువుతో అల్లాడిన రైతులు 1,23,147 మందికి ఒక్కొక్కరికి రూ.5 వేల చొప్పున రూ.62 కోట్లు రిలీఫ్‌ స్కీం కింద అందించారు. ఐదేళ్లలో ప్రాజెక్టులకు భారీగా నిధులు  ►వైఎస్సార్‌ జిల్లాలో ప్రాజెక్టులకు భారీగా నిధులిచ్చారు. 24.37 లక్షల ఎకరాలకు సాగు నీరు అందించేలా చర్యలు చేపట్టారు. ఐదేళ్లలో అన్ని ప్రాజెక్టులకు కలిపి రూ.6,280.11 కోట్లు ఖర్చు చేశారు.    ►జిల్లాలోని 63,346 మంది విద్యార్థులకు రూ.30 కోట్లు ఫీజు రీయింబర్స్‌మెంట్‌ ఇచ్చారు. రూ.75 కోట్లు పోస్ట్‌ మెట్రిక్‌ ఉపకార వేతనాలు అందించారు. ►2004 ముందు జిల్లాలో 2.86 లక్షల మందికి పింఛన్లు ఉన్నాయి. ఇందిరమ్మ మూడు దశల కార్యక్రమాల కింద అదనంగా 1.79 లక్షల మందికి నూతనంగా పింఛన్లు మంజూరు చేశారు. పావలా వడ్డీ కింద రూ.20 కోట్లు పొదుపు గ్రూపులకు రీయింబర్స్‌మెంట్‌ ఇచ్చారు. బ్యాంకు లింకేజి రుణాలు రూ.853 కోట్లు మంజూరు చేయించారు.  ►జిల్లాలో 7.19 లక్షల మందికి ఆరోగ్యశ్రీ హెల్త్‌ కార్డులు అందించారు. 10,366 మందికి గుండె ఆపరేషన్లు చేయించారు.  జిల్లా కేంద్రం ఒంగోలులో రిమ్స్‌ మెడికల్‌ కాలేజీ మంజూరు చేయించారు. 37.46 ఎకరాల్లో దాదాపు రూ.250 కోట్లతో మెడికల్‌ కళాశాల, వెయ్యి పడకల రిమ్స్‌ వైద్యశాలల నిర్మాణాలు చేపట్టారు.  ►ఐదేళ్లలో 3,22,630 గృహాలు నిర్మించి పేదలకు అందించారు. 19,904 మంది భూమి లేని పేదలకు 31,734 ఎకరాలు  పంపిణీ చేశారు.    జిల్లాలో రూ.400 కోట్లతో సాగర్‌ కాలువల ఆధునికీకరణ పనులు చేపట్టటంతో 4.50 లక్షల సాగర్‌ ఆయకట్టుకు నీరందింది. దీంతో యర్రగొండపాలెం, దర్శి, అద్దంకి, పర్చూరు, సంతనూతలపాడు, మార్కాపురం, ఒంగోలు నియోజకవర్గాల రైతులకు మేలు చేకూరింది.    ►కొండపి నియోజకవర్గంలో పొన్నలూరు మండలం చెన్నుపాడు వద్ద పాలేరు నదిపై సంగమేశ్వరం వద్ద రూ.50 కోట్లతో ప్రాజెక్టు మంజూరు చేశారు.   ►దర్శి నియోజకవర్గంలో రూ.120 కోట్లతో రక్షిత మంచినీటి పథకం, రూ.2 కోట్లతో మార్కెట్‌ యార్డు నిర్మించారు.   ► కనిగిరి నియోజకవర్గంలో రూ.175 కోట్లతో రక్షిత మంచినీటి పథకం మంజూరు చేశారు.    ► కందుకూరులో రూ.110 కోట్లతో సమ్మర్‌ స్టోరేజ్‌ ట్యాంకు నిర్మించారు. రూ.80 కోట్లతో రాళ్లపాడు ప్రాజెక్టు అనుసంధానం కోసం సోమశిల ప్రాజెక్టు నుంచి ఉత్తర కాలువ నిర్మించారు.   ►గిద్దలూరులో రూ.12 కోట్లతో బైరేనిగుండాల ప్రాజెక్టుకు శంకుస్థాపన చేయడంతో పాటు రూ.22 కోట్లతో రామన్న కతువ నిర్మించారు.  ► చీరాల, పర్చూరుల్లో కృష్ణా డెల్టా ఆధునికీకరణకు రూ.2 వేల కోట్లు కేటాయించారు. చేనేతలకు 50 ఏళ్లకే పింఛన్‌ ఇచ్చారు.   ► అద్దంకిలో రూ.400 కోట్లతో నార్కెట్‌పల్లి, అద్దంకి, మేదరమెట్లకు రాష్ట్రీయ రహదారి నిర్మించారు. 5 వేల ఎకరాలకు సాగునీరందించే యర్రం చినపోలిరెడ్డి ఎత్తిపోతల పథకం మంజూరు చేశారు. ► 2004 మే నెలకు ముందు జిల్లాలో 63,559 మంది రైతుల కరెంట్‌ బకాయిలు రూ.59.5 కోట్లు వైఎస్సార్‌ రద్దు చేశారు.   ఐదేళ్లలో మొత్తం 86,207 మంది రైతులు ఉచిత విద్యుత్‌ పొందారు. వైఎస్‌ జగన్‌ మోహన్‌ రెడ్డి అధికారంలోకి వచ్చాక  ఆ సంఖ్య 1.50 లక్షలకు చేరింది. ► 2019 ఎన్నికల్లో ఘన విజయాన్ని సాధించిన వైఎస్సార్‌ తనయుడు వైఎస్‌ జగన్‌మోహన్‌రెడ్డి తండ్రి బాటలోనే ప్రజా రంజక పాలన సాగిస్తూ వ్యవసాయానికి, మహిళాభివృద్ధికి పెద్ద పీట వేస్తున్నారు. తండ్రి అడుగుజాడల్లోనే సాగుతూ ఇచ్చిన వాగ్దానాలు నెరవేర్చుకుంటూ నవరత్నాలను ప్రజలకు చేరువ చేస్తున్నారు.      

సాక్షి, విశాఖపట్నం: వైఎస్సార్‌ మనసున్న మహారాజు అని ఎంపీ విజయసాయిరెడ్డి అన్నారు. విశాఖలో వైఎస్సార్‌ సంస్మరణ సమావేశంలో ఆయన మాట్లాడుతూ, దివంగత మహానేత వైఎస్సార్‌ సుపరిపాలన అందించారన్నారు. వైఎస్సార్‌ స్ఫూర్తితో ముందడుగు వేస్తున్నామన్నారు. తండ్రి బాటలో ముఖ్యమంత్రి వైఎస్‌ జగన్‌మోహన్‌రెడ్డి నడుస్తున్నారని తెలిపారు. ‘‘ఇచ్చిన ప్రతి హామీని సీఎం జగన్‌ నెరవేరుస్తున్నారు. ఎక్కడా అవినీతికి తావులేకుండా పాలన చేస్తున్నాం. పార్టీలో కష్టపడిన వారందరికీ న్యాయం జరుగుతుంది. ప్రభుత్వ భూములు ప్రజలకే చెందాలన్నది మా లక్ష్యం. ఎక్కడైనా భూ ఆక్రమణలు జరిగితే ఫిర్యాదు చేయొచ్చు. అభివృద్ధే ధ్యేయంగా పని చేస్తున్నామని’’ ఎంపీ విజయసాయిరెడ్డి అన్నారు. వ్యవసాయాన్ని పండగ చేశారు: మంత్రి అవంతి దివంగత మహానేత వైఎస్సార్‌ భౌతికంగా లేకపోయిన ప్రజల గుండెల్లో కొలివై ఉన్నారని మంత్రి అవంతి శ్రీనివాస్‌ అన్నారు. పేదలకు ఎన్నో సంక్షేమ పథకాలు అమలు చేశారన్నారు. వ్యవసాయాన్ని పండగ చేసి చూపించారని కొనియాడారు. రాష్ట్రాన్ని సంక్షేమ రాజ్యంగా మార్చిన గొప్ప నేత అని, అభివృద్ధి విషయంలో వైఎస్సార్‌ రాజకీయాలు చూడలేదని మంత్రి అవంతి అన్నారు. ఇవీ చదవండి: మీ స్ఫూర్తి ముందుండి నడిపిస్తోంది నాన్న: సీఎం జగన్‌ భావోద్వేగ ట్వీట్‌  చిరునవ్వుల వేగుచుక్క 

సాక్షి, పులివెందుల: మహానేత వైఎస్‌ రాజశేఖరరెడ్డి వర్ధంతి సందర్భంగా ముఖ్యమంత్రి వైఎస్‌ జగన్‌మోహన్‌రెడ్డి నివాళులర్పించారు. తన కుటుంబ సభ్యులతో కలసి గురువారం ఉదయం ఇడుపులపాయలోని వైఎస్సార్‌ ఘాట్‌ వద్ద ప్రత్యేక ప్రార్థనల్లో పాల్గొన్నారు. వైఎస్‌ విజయమ్మ, వైఎస్‌ షర్మిల, వైఎస్ భారతి నివాళులర్పించారు. వైఎస్సార్‌ను స్మరించుకుంటూ మౌనం పాటించారు.   ఇవీ చదవండి: మీ స్ఫూర్తి ముందుండి నడిపిస్తోంది నాన్న: సీఎం జగన్‌ భావోద్వేగ ట్వీట్‌ చిరునవ్వుల వేగుచుక్క  (ఫొటో గ్యాలరీ కోసం ఇక్కడ క్లిక్ చేయండి)

తెలుగునేల మీద ఎవరూ చెరపలేని నిఖార్సయిన చెరగని సంతకం దివంగత  వైఎస్సార్‌. రాజకీయాలకు అతీతంగా బీదాబిక్కీ ప్రజానీకాన్ని అక్కున చేర్చుకున్నారు. అందుకే మరణానంతరం కూడా వైఎస్సార్‌ను జనం అంతలా ప్రేమిస్తున్నారు. మహానేత అంటూ పూజిస్తున్నారు. నిజంగానే మహానేత అనేది వైఎస్సార్‌కు పర్యాయపదమై పోయింది. గుండెను గుడిని చేసుకుని వైఎస్సార్‌ను దేవునిలా కొలుస్తున్నారు. ఇళ్ళలో దేవుని పటం పక్కన మహానేత ఫొటో పెట్టుకుని పూజలు చేసుకుంటున్నారు. తమ బతుకులు పండించిన దేవుడు వైఎస్సార్‌ అనుకుంటూ, ఆనాటి పాలనను సువర్ణ యుగంగా తలపోసుకుంటున్నారు. 2010 లో ఓ చర్చా కార్యక్రమంలో  నన్ను ఓ ప్రశ్న అడిగేరు. ‘వైఎస్సార్‌ను ఇంతలా ప్రజలు ఎందుకు ఆరాధిస్తున్నారు’ అని. ‘ప్రజలను, పల్లెలను మరచిపోయిన గత పాలకుల పాలనకు భిన్నంగా, నేలతల్లినీ, పచ్చదనాన్నీ, పల్లెపట్టులనూ, రైతునీ, పాడీనీ, పంటనూ, పేదా బీదా ఆరోగ్యాన్నీ, వారి సొంత గూడునీ, పేద పిల్లల చదువునూ, పేదేళ్ల ఉన్నతినీ ఆలోచించి, వారి కోసం పాటుపడిన పాలన వైఎస్సార్‌ది కాబట్టి. బీద బిక్కీ బతుకుల్ని స్పృశించి, వారికేమి కావాలో అది చేసి  చూపించేరు వైఎస్సార్‌ కాబట్టి జనం ఆరాధిస్తున్నారు’ అని చెప్పాను. అవును. 2004లో వైఎస్సార్‌ అధికారంలోకి రాకుండా ఉంటే ఏమయ్యేది? పల్లెలను, పేదోళ్ళను, రైతులను గాలికొదిలి, లేనిపోని  టెక్నాలజీ భ్రమలలో, మొత్తం పాలనంతా, బడా బాబుల డాబుగా మారిపోయి ఉండేది. వైఎస్సార్‌ రాకతో  పేదోడికి పట్టాభిషేకం చేసే పాలనకు అంకురార్పణ జరిగింది. ఆ తర్వాత వచ్చే పాలకులు కూడా తప్పని సరై పేదోడి అవసరాలను, రైతుల ఇక్కట్లను పట్టించుకోవలసిన అవసరం ఏర్పడింది. అంతటి బలమైన ముద్ర వైఎస్సార్‌ది. వైఎస్సార్‌ ఆశయాలే తన జెండాగా, తన పార్టీ ఎజెండాగా, తండ్రి ఓ అడుగు వేస్తే, తను మరో నాలుగడుగులు  వేస్తున్న వైఎస్‌ జగన్‌ పాలనలో వైఎస్సార్‌ సజీవమై బ్రతికి ఉన్నారనీ, భవిష్యత్తులో కూడా బతికే ఉంటారనీ, ఘంటాపథంగా చెబుతున్నాను. – రమాప్రసాద్‌ ఆదిభట్ల, విశ్రాంత డైరెక్టర్‌ యూజీసీ స్కిల్‌ డెవలప్‌మెంట్‌ సెంటర్, విశాఖపట్నం.  మొబైల్‌ 93480 06669 

సాక్షి, అమరావతి: తన తండ్రి వైఎస్‌ రాజశేఖరరెడ్డి భౌతికంగా దూరమై 12 ఏళ్లయినా జనం మనిషిగా, తమ ఇంట్లో సభ్యునిగా నేటికి జన హృదయాల్లో కొలువై ఉన్నారని ముఖ్యమంత్రి వైఎస్‌ జగన్‌మోహన్‌రెడ్డి అన్నారు. గురువారం మహానేత వైఎస్సార్ వర్ధంతి సందర్భంగా తన తండ్రిని తలుచుకుంటూ భావోద్వేగ ట్వీట్‌ చేశారు. చిరునవ్వులు చిందించే ఆయన రూపం, ఆత్మీయ పలకరింపు మదిమదిలో అలానే నిలిచి ఉన్నాయన్నారు. ‘నేను వేసే ప్రతి అడుగులోనూ, ప్రతి ఆలోచనలోనూ  నాన్న స్ఫూర్తి ముందుండి నడిపిస్తోంది’’ అని సీఎం వైఎస్‌ జగన్‌ ట్విటర్‌లో పేర్కొన్నారు. ఇవీ చదవండి: మహానేత వైఎస్సార్‌: నిలువెత్తు సంక్షేమ రూపం  నిరుపేదల గుండె దీపం నాన్న భౌతికంగా దూరమై 12ఏళ్లయినా జనం మనిషిగా, తమ ఇంట్లోని సభ్యునిగా నేటికీ జ‌న హృద‌యాల్లో కొలువై ఉన్నారు.చిరునవ్వులు చిందించే ఆయన రూపం, ఆత్మీయ పలకరింపు మదిమదిలోనూ అలానే నిలిచి ఉన్నాయి. నేను వేసే ప్రతి అడుగులోనూ,చేసే ప్రతి ఆలోచనలోనూ నాన్న స్ఫూర్తి ముందుండి నడిపిస్తోంది#YSRForever — YS Jagan Mohan Reddy (@ysjagan) September 2, 2021

సాక్షి ప్రతినిధి, శ్రీకాకుళం: మాటిస్తే నిలబెట్టుకోవాలి. హామీ ఇస్తే ఎలాగైనా అమలు చేయాలి. కష్టాన్ని కనిపెట్టి కన్నీరు తుడవాలి.. మహానేత వైఎస్‌ రాజశేఖర రెడ్డి నేర్పిన పాఠాలివి. ముఖ్యమంత్రిగా ఆయ న అనుసరించిన విధానాలూ ఇవే. అందుకే మరణించాక కూడా ఆయన జనం గుండెల్లో బతికున్నారు. సంక్షేమానికి ఆయన పేరునే శాశ్వత చిరునామాగా మార్చేశారు. ఆయన తనయుడు వైఎస్‌ జగన్‌మోహన్‌రెడ్డి కూడా తండ్రి బాటలోనే నడుస్తున్నారు. ఉద్దానానికి మంచినీటి ప్రాజెక్టు, కిడ్నీ పరిశోధన కేంద్రం వంటి ప్రాజెక్టులతో సిక్కోలుపై వరాలు కురిపిస్తున్నారు.   వైఎస్సార్‌ హయాంలో..  ►శ్రీకాకుళానికి ఓ పెద్దాసుపత్రి ఉండాల్సిందేనని భావించి ప్రజలు కోరకుండానే రిమ్స్‌ వైద్య కళాశాలను, ఆస్పత్రిని నిర్మించారు.    ►సిక్కోలు జిల్లాకు యూనివర్సిటీని అందించారు. ఎచ్చెర్లలో 2008 జూలై 25న డాక్టర్‌ బీఆర్‌ అంబేడ్కర్‌ వర్సిటీ ఏర్పాటు చేశారు. ఇప్పుడీ వర్సిటీ గ్రామీణ ప్రాంత విద్యార్థులను ఉన్నత విద్యావేత్తలుగా తీర్చిదిద్దుతోంది.  ►ఎచ్చెర్లలో ట్రిపుల్‌ ఐటీని ఏర్పాటు చేశారు.   ►ప్రతి చుక్క నీటిని అందిపుచ్చుకుని, రైతుకు అందించాలని అనేక ప్రాజెక్టులకు శ్రీకారం చుట్టారు. 2005 మే నెలలో వంశధార స్టేజ్‌ 2, ఫేజ్‌2 ప్రాజెక్టు పనులను ప్రారంభించారు. 20 మండలాల్లో 2.55లక్షల ఎకరాలకు సాగునీరు అందించేందుకు తలపెట్టారు.  ►జిల్లాలోని హిరమండలం వద్ద సుమారు 10వేల ఎకరాల్లో 19 టీఎంసీల నీటి నిల్వ కోసం రిజర్వాయర్‌ నిర్మాణం చేపట్టారు. తోటపల్లి ఫేజ్‌ 2 పనుల ఘనత ఆయనకే దక్కుతుంది.  ►సాగునీరు, పలాస పట్టణానికి తాగునీటి సమస్య పరిష్కారం కోసం రూ.123.25 కోట్లతో ఆఫ్‌షోర్‌ ప్రాజెక్టుకు రూపకల్పన చేశారు.  ►వంశధార, నాగావళి నదుల అనుసంధానం పనులు పూర్తయితే 2.55లక్షల ఎకరాలు సస్యశ్యామలం అవుతాయని వైఎస్సార్‌ అప్పట్లోనే పనులకు శ్రీకారం చుట్టారు.  ►∙12,500 ఎకరాల సాగునీటి కోసం మడ్డువలస ప్రాజెక్టు స్టేజ్‌ 1 పనులను రూ.57.87కోట్లతో చేపట్టారు.  ►నాగావళి, వంశధార నదుల వరద ఉద్ధృతి నుంచి పంట పొలాలను, ఆవాసాలను రక్షించేందుకు రూ. 300కోట్లతో కరకట్టల నిర్మాణాలకు సంకల్పించారు. ►సీతంపేట ఏజెన్సీలో 14 వేల ఎకరాల్లో 5వేల మంది గిరిజన రైతులకు పట్టాలు ఇచ్చారు.   ►రైతులను ఆదుకున్న ఏకైక నేత వైఎస్సారే. 2.5లక్షల మందికి పైగా రైతులకు రుణమాఫీ చేశారు. అప్పటికే రుణాలు చెల్లించేసిన వారికి రూ. 5వేలు చొప్పున ప్రోత్సాహం అందించారు.   ►చరిత్రలో ఎప్పుడూ లేని విధంగా పేదలకు 1,80,817 ఇళ్లు మంజూరు చేసి అందులో 1,63,140ఇళ్ల నిర్మాణాన్ని పూర్తిచేశారు.   ►నిరుపేదలకు కార్పొరేట్‌ వైద్యం అందించాలన్న సంకల్పంతో 2007లో ప్రారంభించిన ఆరోగ్యశ్రీతో వేలాది మందికి జీవం పోశారు. 938 రకాల వ్యాధులకు కార్పొరేట్‌ వైద్యం అందించారు.  ►ప్రమాద బాధితులకు అత్యవసర సమయంలో ఆస్పత్రిలో చేర్పించి ప్రాణం నిలబెట్టవచ్చని 108 అంబులెన్స్‌లను ప్రారంభించారు. గ్రామీణులకు ప్రతి నెలా వైద్యం అందించడానికి 104 వాహనాలను అందుబాటులోకి తెచ్చారు.  ►పేద విద్యార్థులకు కూడా కార్పొరేట్‌ చదువులు అందించాలనే ఉద్దేశంతో ఫీజు రీయింబర్స్‌మెంట్‌ పథకాన్ని ప్రవేశపెట్టారు. ఉన్నత విద్యాభ్యాసానికి కొండంత అండగా నిలిచారు. ఈ పథకం ద్వారా లబ్ధి పొందిన వారిలో బీసీ విద్యార్థులే 72 వేలకు పైగా ఉన్నారు. 

కృష్ణమ్మ పరవళ్లు చూసి కరువు సీమ పులకించిపోయింది. తెలుగుగంగ వేగాన్ని చూసి బీడువారిన భూమితల్లికి జీవమొచ్చింది. కేసీ జలకళతో ఆయకట్టు పచ్చదనం సింగారించుకుంది. ఎగువ నుంచి వస్తున్న నీళ్లు.. దిగువ సగిలేటిలో జల సవ్వడులు.. వెరసి నలుదిక్కులా నీళ్లే కనిపిస్తున్నాయి. వరిమళ్లు.. కేపీ ఉల్లి పంటలతో పొలమంతా నిండిపోయింది. రైతు మనసంతా ఆనందంతో ఉప్పొంగిపోతోంది. కరువు రాతను మార్చేందుకు వైఎస్సార్‌ చేసిన ‘జలయజ్ఞం’ .. వైఎస్‌ జగన్‌ పాలనలో పుడమి తల్లి నుదుటన పచ్చని సంతకమై నిలిచింది.  సాక్షి ప్రతినిధి, కడప: జిల్లాలో కరువును పారదోలే లక్ష్యంతో మహానేత వైఎస్సార్‌ చేపట్టిన జలయజ్ఞం నేడు రైతుల పాలిట వరంగా మారింది. మహానేత స్ఫూర్తితో.. అన్నదాతల సంక్షేమమే లక్ష్యంగా ముందుకు సాగుతున్న సీఎం  వైఎస్‌ జగన్‌  జిల్లా లోని ప్రాజెక్టుల పెండింగ్‌ పనులను పూర్తి చేయడంతోపాటు కొత్త సాగునీటి వనరులను నెలకొల్పి కావాల్సినంత నీటిని అందించారు. జిల్లాను సస్యశ్యామలం చేశారు. వైఎస్‌ జగన్‌ పాలన మొదలైన మూడవ ఏడు వరుసగా ప్రాజెక్టులను కృష్ణా జలాలతో నింపడంతో కేసీ కెనాల్, తెలుగుగంగ, జీఎన్‌ఎస్‌ఎస్‌ పరిధిలో లక్షలాది ఎకరాల్లో వరి పంట సాగవుతోంది. భూగర్భ జలాలు పెరిగి ఒట్టిపోయిన బోరు బావులకు నీళ్లు రావడంతో మెట్ట ప్రాంతాల్లో సైతం పసుపు, ఉల్లి, మిరప, పత్తి,  వేరుశనగ, మొక్కజొన్న, శనగ తదితర పంటలు సాగవుతున్నాయి.    గండికోటలో రికార్డు స్థాయిలో నీరు: వైఎస్‌ జగన్‌ ప్రభుత్వం కొలువుదీరాక గండికోట ప్రాజెక్టులో గతేడాది గతంలో ఎన్నడూ లేని విధంగా రికార్డు స్థాయిలో 26.85 టీఎంసీల సామర్థ్యం మేరకు నీటిని నిల్వ పెట్టారు. వరుసగా రెండవ ఏడు గండికోటలో ఇంతే స్థాయిలో నీటిని నిల్వ పెడుతున్నారు. అవుకు నుంచి గండికోటకు ఇటీవలే నీటిని విడుదల చేశారు. బుధవారం నాటికి అవుకు నుంచి∙7000 క్యూసెక్కుల నీటిని విడుదల చేయగా గురువారం నాటికి దీనిని 9000 క్యూసెక్కులకు పెంచనున్నారు. జీఎన్‌ఎస్‌ఎస్‌ పరిధిలోని ఆరు ప్రాజెక్టుల పరిధిలో పూర్తి స్థాయి నీటి సామర్థ్యం 54.297 టీఎంసీలు కాగా, ప్రస్తుతం 42.846 టీఎంసీల నీరు ఉంది. ప్రస్తుతం ఇన్‌ ఫ్లో కొనసాగితే వారం రోజుల్లోపే అన్ని ప్రాజెక్టులు నిండే అవకాశం ఉంది.  ఇదే జరిగితే 2.76 లక్షల ఎకరాలకు సాగునీరు అందనుంది.   తెలుగుగంగ పరిధిలో లక్ష ఎకరాలకు సాగునీరు: తెలుగుగంగ ప్రాజెక్టు పరిధిలోని మైదుకూరు, బద్వేలు నియోజకవర్గాల్లో 1.58 లక్షల ఎకరాల ఆయకట్టు ఉండగా, ఈ ఏడాది సుమారు లక్షా 19 వేల ఎకరాల్లో ఆయకట్టుకు నీళ్లించేందుకు ప్రభుత్వం ప్రణాళిక సిద్ధం చేసింది. ఆగస్టు 8న తెలుగుగంగకు ప్రభుత్వం నీటిని విడుదల చేసింది. ఇప్పటికే బ్రహ్మంసాగర్‌ నుంచి బద్వేలు నియోజకవర్గంలోని ఎడమ, కుడికాలువలకు నీటిని విడుదల చేస్తున్నారు. దీంతో ఆ నియోజకవర్గ పరిధిలోని 173 చెరువులను అధికారులు నీటితో నింపారు. దిగువ సగిలేరు ప్రాజెక్టుకు తెలుగుగంగ నీటిని తరలించి బి.కోడూరు, బద్వేలు మండలాల్లో 27 చెరువులను నీటితో నింపారు. తద్వారా 13 వేల ఎకరాల ఆయకట్టులో రైతులు వరి సాగు చేస్తున్నారు. మరోవైపు బద్వేలు, పోరుమామిళ్ల పెద్ద చెరువులతోపాటు నియోజకవర్గంలోని అన్ని చెరువులకు కృష్ణా జలాలు చేరడంతో రైతులు వరితోపాటు ఉల్లి, పత్తి, మిరప పంటలను సాగు చేస్తున్నారు. కేసీ కెనాల్‌ పరిధిలో ఇప్పటికే 30 శాతం వరినాట్లు  కేసీ కెనాల్‌ పరిధిలో 92 వేల ఎకరాల ఆయకట్టు ఉంది. ఆగస్టు 1న శ్రీశైలం నుంచి కేసీ కెనాల్‌కు ప్రభుత్వం నీటిని విడుదల చేసింది. ప్రస్తుతం కేసీ ఆయకట్టుకు రాజోలి వద్ద 700 క్యూసెక్కులు, ఆదినిమ్మాయపల్లె వద్ద 150 క్యూసెక్కులు, చాపాడు ఛానల్‌కు 150 క్యూసెక్కుల చొప్పున నీటిని విడుదల చేస్తున్నారు. ప్రస్తుతం 30 శాతం ఆయకట్టులో వరినాట్లు వేశారు.      

‘వాని రెక్కల కష్టంబు లేనినాడు/ సస్యరమ పండి పులకింప సంశ యించు/ వాడు చెమ్మట లోడ్చి  ప్రపంచమునకు/ భోజనం బెట్టువానికి  భుక్తి లేదు’’. మహాకవి గుర్రం జాషువా రైతు కష్టాన్ని కవిత్వంగా చెప్పాడు. కష్టజీవుల దీనగాథను కళ్ళకు కట్టాడు. ఆ కవిత్వం, కావ్యం సాహిత్య ప్రపంచంలో నిత్యనూతనం. నేటికీ దేశంలో ఇదీ రైతు దుస్థితి.  ఆంధ్రప్రదేశ్‌ మట్టి మీద సజీవసాక్ష్యంగా మరుపురాని మహోన్నతగాథ మరొకటి వుంది. ఇది రైతు బతుకుతో పెనవేసుకు నడిచిన ఒక మహానాయకుని సత్యయాత్ర. అదే ప్రజల గుండెల్లో రాజన్నగా ముద్రపడిన డాక్టర్‌ వైఎస్‌ రాజశేఖర రెడ్డి జీవితం. ఇచ్చిన మాట మీద నిలబడి పాలన చేసిన రాజన్నకి నాడు ప్రజలు హృదయపూర్వకంగా రెండోసారీ ముఖ్యమంత్రిగా పట్టం గట్టారు. పదవంటే బాధ్యత, జాతి భవితవ్యమని ఎలుగెత్తి చాటిన పాలకుడు రాజన్న. ప్రజల ఆకాంక్షలకు అద్దం పట్టే పాలన. ఆయనది ప్రజాకర్షకమైన వ్యక్తిత్వమే కాదు రూపం కూడా. రచ్చబండలో పాల్గొననున్న ముఖ్యమంత్రిని మనసారా చూడాలన్న జనం ఆశలు అడియాసలై పోయాయి. కళ్ళన్నీ కన్నీరుమున్నీరైపోయాయి. ఆంధ్రప్రదేశ్‌ రాజకీయ చరిత్రలో రైతు కోసం, రైతు కూలీ కష్టం కోసం తన శక్తినంతా ధారబోసిన ముఖ్యమంత్రి డాక్టర్‌ వైఎస్‌ రాజశేఖరరెడ్డి ఒక్కరే. ప్రతిపక్షనాయకునిగా పాదయాత్రతో ఆయన ప్రజల్ని పలకరించారు. నెర్రెలు తీసిన పంట పొలాల మాటున నెత్తురోడుతున్న బతుకుల్ని కళ్ళారా చూశారు. ఆర్థిక దుస్థితితో చదువులకు దూరమవుతున్న యువతతో మాట్లాడారు. చికిత్సకరువై చీకటిలో కొట్టుమిట్టాడుతున్న ప్రభుత్వ ఆసుపత్రుల్లో అడుగెట్టారు. రోగుల దుస్థితి చూసి తల్లడిల్లిపోయారు. తడబడుతున్న బతుకుమాటల్ని చెవులారా విన్నారు. అన్నార్తుల ఆవేదనను  ఆలకించారు. రాష్ట్ర ప్రజల కష్టాలకు ఆయనే ప్రత్యక్షసాక్షిగా నిలిచారు. అందుకే రాజన్న తనదైన అజెండా అమలు చేశారు. అన్నదాతకు అండగా నిలిచారు. ముఖ్యమంత్రిగా తొలి సంతకమే విద్యుత్‌ బకాయిల మాఫీ కోసం చేశారు.  విద్యార్థులకు ఫీజు రీయంబర్స్‌మెంట్‌తో అండగా నిలిచి వారిలో ఆశావాదాన్ని నింపారు. ప్రజలందరికీ ప్రాణరక్షగా ‘ఆరోగ్యశ్రీ’ తెచ్చారు. మహిళల్ని అక్కచెల్లమ్మలుగా పిలిచి వారిపై అమితమైన ప్రేమ కురిపించారు. వారి సాధికారత కోసం శ్రమించారు. రాష్ట్రాన్ని సతత హరితవనంగా పరిరక్షించారు. అవసరమైన ప్రతి చోటా నీటి ప్రాజెక్టుల్ని నిర్మించారు. పంట చేలలో ప్రతి నీటిబొట్టూ రాజన్న బొమ్మను చెక్కుకుంటూ ప్రవహించిందనడంలో అతిశయోక్తి లేదు. ఆరిపోతున్న ఎన్నో గుండెదీపాలు వెలిగించిన వైద్యుడు రాజన్న. అందుకే రాజన్న పేరును ఎందరో తమ ఎదల మీద పచ్చబొట్టు పొడిపించుకున్నారు. ప్రజలకిచ్చిన మాట జవదాటలేదు. తన లక్షాన్ని నమ్మి వెంటనడిచిన స్నేహితుల్ని ప్రాణప్రదంగా ప్రేమించారు. రాష్ట్రం సుభిక్షంగా వర్ధిల్లుతున్న వేళ ఆయన మాత్రం నింగికెగసి దేశం యావత్తును శోకసంద్రంలోకి నెట్టేశారు. వైఎస్‌  తన అనుభవాల్నే కాదు, సంస్కర్తలనూ ఆదర్శంగా తీసుకొని పాలన చేశారు. డాక్టర్‌ అంబేడ్కర్‌ సాగించిన సామాజిక పోరాటాల్ని ఆయన గౌరవించారు. అణగారిన ప్రజల కోసం  మహాత్మా ఫూలే చేబట్టిన కార్యాచరణను ఆచరించారు. అందుకే నాడు ధనిక, పేద తేడా లేకుండా మనుషుల్ని ప్రేమించారు రాజన్న. పేదరికంతో ఏ ఒక్కరి ప్రాణమూ పోకూడదని, ఏ పేదవిద్యార్థి చదువూ ఆగకూడదని ఆయన నినదించారు. నీటినీ, నింగినీ ప్రేమించిన రాజన్న మీద నాడు ప్రజలు ఉంచిన నమ్మకాన్నే నేడు జనం జగనన్న మీద పెంచుకున్నారు. తండ్రి బాటలో రెట్టింపు ఉత్సాహంతో  వైఎస్‌ జగన్‌మోహన్‌రెడ్డి పాలన చేస్తున్నారు. ఎస్సీ, ఎస్టీ, బీసీ, మహిళల అభివృద్ధి కోసం తన పాలనలో ఎన్నో మార్పులు తీసుకొచ్చారు. ప్రతిపౌరుని పరిరక్షణ బాధ్యతగా భావించి ప్రభుత్వం దూసుకుపోతోంది. రాజన్న పథకాలకు జగనన్న రక్షణకవచమై నిలిచారు. జగనన్న పల్లెపల్లెకు ఆరోగ్యశ్రీకారం చుట్టారు. వృద్ధుల చేతిలో ఫించన్‌ ఆసరాగా నిలిచారు. పేదల గుండెల్లో విద్యాదీపమై వెలుగులు విరజిమ్ముతున్నారు. రాజన్న పేదల పాలిట రాజైతే ఆ రాజ్యానికి సర్వసైన్యాధక్షుడై జగనన్న ధైర్యసాహసాలతో  పరిరక్షిస్తున్నారనేది సత్యం. ఈ నిజాన్ని ప్రజలు నిండు మనస్సుతో ఆశీర్వదిస్తున్నారు. డాక్టర్‌ జి.కె.డి. ప్రసాద్‌ వ్యాసకర్త ఫ్యాకల్టీ, జర్నలిజం విభాగం ఆంధ్ర విశ్వవిద్యాలయం, విశాఖ.  మొబైల్‌ : 9393 111740  

సాక్షి, హైదరాబాద్‌: దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డి సంస్మరణసభ గురువారం హైదరాబాద్‌లోని హైటెక్స్‌లో జరగనుంది. వైఎస్‌ 12వ వర్ధంతి సందర్భంగా ఆయన సతీమణి వైఎస్‌ విజయమ్మ ఆధ్వర్యంలో నిర్వహిస్తున్న ఈ సభకు రావాలంటూ 300 మందికిపైగా ప్రముఖులకు ఆహ్వానాలు పంపారు. ఇందులో వైఎస్‌కు సన్నిహితులుగా మెలిగిన పలువురు రాజకీయ నాయకులు, ఐఏఎస్, ఐపీఎస్‌ అధికారులు, రిటైర్డ్‌ న్యాయమూర్తులు, జర్నలిస్టులు, సినీప్రముఖులు ఉన్నా రు. వీరిలో కొందరికి విజయమ్మ స్వయంగా ఫోన్‌ చేసి ఆహ్వానించారు. ఆహ్వానితుల్లో పీసీసీ మాజీ అధ్యక్షుడు, ఎంపీ డి.శ్రీనివాస్, మాజీ ఎంపీలు కేవీపీ రామచందర్‌రావు, ఉండవల్లి అరుణ్‌కుమార్‌లతోపాటు మంత్రి సబితాఇంద్రారెడ్డి, పలు పార్టీల సీనియర్‌ నేతలు జానారెడ్డి, దామోదర రాజనర్సింహ, కోమటిరెడ్డి బ్రదర్స్, గీతారెడ్డి, సునీతా లక్ష్మారెడ్డి, దానం నాగేందర్, శ్రీధర్‌బాబు, ఎంఏ ఖాన్, సురేశ్‌షెట్కార్, డి.కె.అరుణ, జితేందర్‌రెడ్డి, అసదుద్దీన్‌ ఒవైసీ తదితరులున్నారని నిర్వాహకులు వెల్లడించారు. వీరితోపాటు మాజీ ఐఏఎస్‌ అధికారులు రమాకాంత్‌రెడ్డి, బీపీ ఆచార్య, మోహన్‌కందా, సినీప్రముఖులు చిరంజీవి, నాగార్జున, కృష్ణ, దిల్‌రాజు, పలువురు రిటైర్డ్‌ జడ్జీలు, జర్నలిస్టులున్నారని తెలిపారు. ఆహ్వానితుల్లో తెలంగాణ ప్రాంతానికి చెందిన రాజకీయ నాయకులే ఎక్కువగా ఉన్నారని సమాచారం. ఈ సభ ఏర్పాట్లను మాజీ ఐఏఎస్‌ అధికారి ప్రభాకర్‌రెడ్డి, వైఎస్‌ వ్యక్తిగత కార్యదర్శిగా వ్యవహరించిన భాస్కరశర్మ పర్యవేక్షిస్తున్నారు.    

దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డి ప్రజల కోసం ఎన్ని మంచి పనులు చేయవచ్చో, వారిని ఆరోగ్యవంతులుగా, ఉన్నత విద్యావంతులుగా ఎలా తీర్చిదిద్దవచ్చో.. నిరూపించి వారి హృదయాల్లో నిలిచిపోయారు. ప్రజలను కుటుంబసభ్యులుగా భావించి వారి కష్టాలు, కన్నీళ్లు.. వాటికి కారణాలు తెలుసుకుని నేనున్నానంటూ భరోసా కల్పించి.. మీకోసం ఎందాకైనా.. అంటూ నడిచి నిలిచారు. గలగలా జలాలు పారించి నోళ్లు తెరిచిన బీళ్లకు ఊపిరి పోశారు. ఆయన భౌతికంగా దూరమై నేటికి 12 ఏళ్లు పూర్తయ్యాయంటే నమ్మలేం. నమస్తే అక్కయ్యా.. నమస్తే చెల్లెమ్మా.. నమస్తే తమ్ముడూ.. అంటూ ఆప్యాయమైన ఆయన పిలుపు చెవుల్లో  ఇంకా ప్రతిధ్వనిస్తూనే ఉంది. సాక్షి, అమరావతి: ఉమ్మడి రాష్ట్రంలో ప్రతిపక్ష నేతగా వైఎస్‌ రాజశేఖరరెడ్డి టీడీపీ ప్రభుత్వ దోపిడీ, దౌర్జన్యాలు, దాష్టీకాలపై మడమతిప్పకుండా పోరా డారు. ఆ చీకటి పాలనలో నిరాశ, నిస్పృహలతో కొట్టుమిట్టాడుతున్న ప్రజలకు నేనున్నానంటూ మండుటెండను సైతం లెక్కచేయకుండా ప్రజా ప్రస్థానం పేరుతో 1,475 కిలోమీటర్లు పాదయాత్ర చేసి భరోసా కల్పించారు. ప్రజల కష్టాలు విన్నారు. కన్నీళ్లు తుడిచారు. 2004 సాధారణ ఎన్నికల్లో ప్రజ లు బ్రహ్మరథం పట్టిన డాక్టర్‌ వైఎస్‌ రాజశేఖరరెడ్డి మే 14న ముఖ్యమంత్రిగా ప్రమాణ స్వీకారం చేశారు. ఆ వేదికపై నుంచే వ్యవసాయానికి ఉచిత విద్యుత్‌ సరఫరా చేసే ఫైలుపై తొలి సంతకం చేసి రైతు రాజ్యానికి పునాది వేశారు. పంటలు పండక విద్యుత్‌ చార్జీలు కట్టలేని రైతులపై టీడీపీ సర్కార్‌ రాక్షసంగా బనాయించిన కేసులను ఒక్క సం తకంతో ఎత్తేశారు. రూ.1,100 కోట్ల వ్యవసాయ విద్యుత్‌ బకాయిలను మాఫీ చేశారు. దాదాపు 35 లక్షలకుపైగా పంపు సెట్లకు ఉచిత విద్యుత్‌ అందించారు. రూ.400 కోట్లతో మొదలైన వ్యవసాయ విద్యుత్‌ సబ్సిడీ.. ఆ తర్వాత ఏడాదికి రూ.6 వేల కోట్లకు చేరినా ఉచిత విద్యుత్‌ హామీ అమలుపై వెనక్కి తగ్గలేదు. పావలా వడ్డీకే రైతులకు రుణాలు, నాణ్యమైన విత్తనాలు, ఎరువులు అందించారు. పంటల బీమాను అమలు చేశారు. ఇన్‌పుట్‌ సబ్సిడీ ఇచ్చారు. పంటలకు గిట్టుబాటు ధర కల్పించడం కోసం ఢిల్లీతో పోరాడారు. 2004 – 2009 మధ్య ధాన్యం కనీస మద్దతు ధర క్వింటాలుకు రూ.550 నుంచి రూ.1,000 వరకు పెరిగిందంటే.. అది ఆ యన కృషే. నదీ జలాలను తెలుగునేలకు మళ్లించి.. సుభిక్షం చేయడానికి రూ.లక్ష కోట్ల వ్యయంతో కోటి ఎకరాలకు నీళ్లందించేలా ఒకేసారి 84 ప్రాజెక్టులను జలయజ్ఞం కింద చేపట్టి.. శరవేగంగా పనులు చేసి..  నీళ్లందించి అపర భగీరథుడిగా నిలిచారు. విద్య, వైద్యం.. అందరికీ అవసరమైన విద్య, వైద్యాలను అందు బాటులోకి తీసుకొచ్చారు. పేదరికం వల్ల ఏ ఒక్క రూ ఉన్నత చదువులకు దూరం కాకూడదన్న లక్ష్యంతో ఫీజు రీయింబర్స్‌మెంట్‌ పథకానికి రూపకల్పన చేశారు. లక్షలాదిమంది నిరుపేద ఎస్సీ, ఎస్టీ, బీసీ, మైనార్టీ, ఆర్థిక ఇబ్బందులతో సతమతమవుతున్న ఓసీ విద్యార్థులు ఉన్నత విద్యావంతులయ్యేలా చేశారు. ఉన్నత చదువులు అందరికీ అందుబాటు లోకి రావాలని జిల్లాకు ఒక విశ్వవిద్యాలయం ఏర్పాటు చేశారు. హైదరాబాద్‌ సమీపంలో కంది వద్ద ఇండియన్‌ ఇన్‌స్టిట్యూట్‌ ఆఫ్‌ టెక్నాలజీ (ఐ ఐటీ)ని ఏర్పాటు చేయించారు. బాసర, ఇడు పులపాయ, నూజివీడుల్లో ట్రిపుల్‌ ఐటీలను ఏర్పా టు చేశారు. వైద్యానికి డబ్బులేక ఏ ఒక్కరూ ఇబ్బం ది పడకూడదనే లక్ష్యంతో ఆరోగ్యశ్రీ పథకాన్ని ఆవిష్కరించారు. క్యాన్సర్, గర్భకోశవ్యాధులు, గుండె జబ్బులు తదితర 942 వ్యాధులకు చికిత్స అందించేలా ఆరోగ్యశ్రీని రూపొందించి ఖరీదైన కార్పొరేట్‌ వైద్యాన్ని పేదలకు ఉచితంగా దక్కేలా చేశారు. దేశవ్యాప్తంగా దాదాపు అన్ని రాష్ట్రాల్లోను మహానేత వైఎస్‌ రూపకల్పన చేసిన ఆరోగ్యశ్రీ పథకం వివిధ పేర్లతో అమలవుతోందంటే ఆయన దార్శనికత అర్థమవుతోంది. ఫోన్‌ చేసిన నిమిషాల్లోనే ప్రత్యక్షమయ్యే 108 అత్యవసర అంబులెన్స్‌ సర్వీసులు, 104 వైద్యసేవలకు ఆయనే శ్రీకారం చుట్టారు. తనయుడు..  మరో రెండడుగులు ముందుకు ప్రజల సంక్షేమం కోసం మహానేత వైఎస్‌ రాజశేఖరరెడ్డి ఒక అడుగు ముందుకేస్తే.. ఆయన కొడుకుగా సీఎం వైఎస్‌ జగన్‌మోహన్‌రెడ్డి జనం అభ్యున్నతి కోసం రెండడుగులు ముందుకేస్తున్నారు. విత్తనం నుంచి విక్రయం వరకు రైతులకు తోడ్పాటును అందించేందుకు రైతుభరోసా కేంద్రాలను (ఆర్బీకేలను) ఏర్పాటు చేశారు. వైఎస్సార్‌ రైతుభరోసా కింద రూ.13,500 పెట్టుబడి సాయం అందిస్తున్నారు. రైతుకు అన్నింటా సాయంగా నిలుస్తున్నారు. విద్యారంగంలో విప్లవాత్మక సంస్కరణలు తీసుకొచ్చారు. వైద్యరంగంలో ఆరోగ్యశ్రీ పథకాన్ని మరింత బలోపేతం చేశారు. చికిత్స ఖర్చు రూ.వెయ్యి దాటితే ఆరోగ్యశ్రీ పరిధిలోకి తీసుకొచ్చారు. ప్రపంచాన్ని గడగడలాడిస్తున్న  కోవిడ్‌–19ను వైఎస్సార్‌ ఆరోగ్యశ్రీలో చేర్చారు. కొత్తగా 16 వైద్య కళాశాలలను ఏర్పాటు చేస్తున్నారు. ఫ్యామిలీ డాక్టర్‌ కాన్సెప్ట్‌తో వైద్యవ్యవస్థను గ్రామస్థాయి నుంచి బలోపేతం చేయడం ద్వారా ప్రజల ఆరోగ్యానికి భరోసా కల్పించేందుకు శ్రీకారం చుట్టారు.  

సాక్షి ప్రతినిధి, కడప/పులివెందుల: తన తండ్రి, దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డి వర్ధంతి కార్యక్రమంలో పాల్గొనేందుకు బుధవారం వైఎస్సార్‌ కడప జిల్లాకు చేరుకున్న సీఎం వైఎస్‌ జగన్‌మోహన్‌రెడ్డికి మంత్రులు, ప్రజాప్రతినిధులు, అధికారులు స్వాగతం పలికారు. ముఖ్యమంత్రి జగన్‌ వారిని పేరుపేరున సాదరంగా పలకరించారు. సాయంత్రం గన్నవరం నుంచి ప్రత్యేక విమానంలో సతీమణి వైఎస్‌ భారతితో కలిసి బయలుదేరిన ముఖ్యమంత్రి జగన్‌ 5.10 గంటలకు కడప విమానాశ్రయానికి చేరుకున్నారు. అక్కడి నుంచి 5.35 గంటలకు హెలికాప్టర్‌లో బయలుదేరి 5.50కి ఇడుపులపాయ హెలిప్యాడ్‌కు చేరుకున్నారు. 6.30 గంటల వరకు అక్కడున్న వారిని ఆప్యాయంగా పలకరించి వినతిపత్రాలు స్వీకరించారు. అనంతరం ఇడుపులపాయ ఎస్టేట్‌లోని గెస్ట్‌హౌస్‌కు చేరుకున్నారు. రాత్రి అక్కడే బస చేయనున్నారు. ముఖ్యమంత్రికి స్వాగతం పలికిన వారిలో కడప ఎంపీ వైఎస్‌ అవినాష్‌రెడ్డి, జిల్లా ఇన్‌చార్జి మంత్రి ఆదిమూలపు సురేష్, డిప్యూటీ సీఎం అంజాద్‌ బాషా, ప్రభుత్వ చీఫ్‌ విప్‌ శ్రీకాంత్‌రెడ్డి, ప్రభుత్వ విప్‌ కొరముట్ల శ్రీనివాసులు, ఆర్టీసీ చైర్మన్‌ దుగ్గాయపల్లె మల్లికార్జునరెడ్డి, ఎమ్మెల్యేలు రాచమల్లు శివప్రసాద్‌రెడ్డి, ఎస్‌.రఘురామిరెడ్డి, చెవిరెడ్డి భాస్కర్‌రెడ్డి, బిజేంద్రనాథరెడ్డి, కలెక్టర్‌ వి.విజయరామరాజు, పరిశ్రమల శాఖ సలహాదారు రాజోలి వీరారెడ్డి తదితరులున్నారు. నేడు వైఎస్సార్‌ ఘాట్‌ వద్ద నివాళులు దివంగత సీఎం వైఎస్‌ రాజశేఖరరెడ్డి వర్ధంతి సందర్భంగా గురువారం ఉదయం ఇడుపులపాయలోని వైఎస్సార్‌ ఘాట్‌ వద్ద ముఖ్యమంత్రి జగన్‌ కుటుంబ సభ్యులతో కలసి నివాళులర్పించనున్నారు. ప్రత్యేక ప్రార్థనల్లో పాల్గొన్న అనంతరం ముఖ్యమంత్రి తిరిగి తాడేపల్లి బయలుదేరి వెళతారు.  ఇడుపులపాయకు చేరుకున్నవైఎస్‌ విజయమ్మ, షర్మిల  వైఎస్సార్‌ వర్ధంతి సందర్భంగా వైఎస్సార్‌సీపీ గౌరవాధ్యక్షురాలు వైఎస్‌ విజయమ్మ, వైఎస్సార్‌ కుమార్తె, వైఎస్సార్‌ టీపీ అధ్యక్షురాలు షర్మిల, కుటుంబ సభ్యులు బుధవారం సాయంత్రం ఇడుపులపాయకు చేరుకున్నారు. గురువారం ఉదయం వైఎస్సార్‌ ఘాట్‌లో నివాళులర్పించి ప్రత్యేక ప్రార్థనా కార్యక్రమంలో పాల్గొంటారు. 

తన పంటకు మా ముఖ్యమంత్రి ఉన్నాడనే భరోసా రైతుకూ, తన వైద్యానికి మా ముఖ్యమంత్రి ఉన్నాడనే భరోసా రోగికీ, మా పిల్లల చదువుకు మా ముఖ్యమంత్రి ఉన్నాడనే భరోసా తల్లితండ్రులకూ, తలెత్తుకుని నడిచే సాధికారత మహిళలకూ, శేషజీవితానికి దిగుల్లేదనే భరోసా వృద్ధులకూ కల్పించిన గొప్ప మానవీయ ముఖ్యమంత్రి డాక్టర్‌ వైఎస్‌ రాజశేఖరరెడ్డి. జలయజ్ఞంతో బీడుభూములను సస్యశ్యామలం చేశారు. ఆరోగ్యశ్రీ, ఉచిత విద్యుత్‌ పథకాలతో దేశానికే ఆదర్శంగా నిలిచారు. రెండవ హరిత విప్లవాన్ని కలగన్నారు. అభివృద్ధి, సంక్షేమం తన రెండు కళ్లుగా పాలన సాగించారు వైఎస్‌. కేవలం ఐదేళ్ల మూడు నెలలు మాత్రమే ముఖ్యమంత్రిగా ఉన్నారు వైఎస్‌ రాజశేఖర రెడ్డి. అయినా ప్రజా సంక్షేమం కోసం ఎవరూ చేయలేని పనులు చేశారు. రాజకీయ నాయకుడిగా తొలి రోజులలోనే అసెంబ్లీలో విస్పష్టంగా సాగునీటి అవసరం గురించి మాట్లాడారు. ‘నేను యువకుడిగా కోస్తా ప్రాంతానికి వెళ్ళినప్పుడు, ఆ కాలువలలో పారుతున్న నీటిని చూసి కరువు ప్రాంతాలకు కూడా ఇలా నీటిని తీసుకుని వెళ్ళాలనే సంకల్పం నాలో ఏర్పడింది. చెన్నారెడ్డి ముఖ్యమంత్రిగా ఉండగా రాయలసీమకు నీళ్ళివ్వమని నేను అడిగితే, దోసిలి పట్టు పోస్తానని ఎగతాళిగా మాట్లాడారు. ఆ రోజున నా సంకల్పం మరింత బలపడింది’ అన్నారు వైఎస్‌. ఆ సంకల్పబలం నుండి ఉద్భవించిందే మహత్తరమైన జలయజ్ఞం. సాగునీటి వనరుల అభివృద్ధి మొదలైన కృష్ణదేవరాయల పాలన నుండి వైఎస్‌ ముఖ్యమంత్రి అయ్యేదాకా ఆంధ్రప్రదేశ్‌లో సాగునీటి వనరులు ఉన్న భూమి 80 లక్షల ఎకరాలు మాత్రమే. ఈ పరిస్థితిలో లక్ష కోట్లతో కోటి ఎకరాలకు నీరు అందిస్తానని ఆయన జలయజ్ఞం ప్రారంభించారు. ఇందులో భాగంగా మొదట ప్రారంభించిన ప్రాజెక్టు పులిచింతల. కానీ మొదట పూర్తయ్యింది నిజామాబాద్‌ జిల్లాలోని అలీసాగర్‌. ఎన్టీ రామారావు ముఖ్యమంత్రిగా ఉన్నప్పుడు పేర్లు పెట్టినా ఏమాత్రం కూడా పనులు జరగని హంద్రీ–నీవా సుజల స్రవంతి, గాలేరు–నగరి సుజల స్రవంతులకు అవే పేర్లు కొనసాగించడం, ప్రకాశం జిల్లాలోని కరువు ప్రాంతానికి జీవనాడి అయిన వెలుగొండ ప్రాజెక్టుకు కమ్యూనిస్టు నాయకుడు పూల సుబ్బయ్య పేరు పెట్టడం, కృష్ణా డెల్టా రైతుల చిరకాల స్వప్నమైన పులిచింతలకు కృష్ణా డెల్టా వాసి, ఆంధ్రప్రదేశ్‌ గర్వించే ఇంజనీర్‌ కె.ఎల్‌.రావు పేరు పెట్టడం ఆయన రాజకీయ విజ్ఞతకు నిదర్శనం.  అలాగే ఆంధ్రరాష్ట్రానికి వరం, పోలవరం. ఈ ప్రాజెక్టు విషయంలో ఆయన కృషి మరువలేనిది. దీనికోసం గోదావరి జిల్లా వాసులు పోలవరం సాధనా సమితి పేరుతో అనేక ఉద్యమాలు చేసి చివరికి అది అసాధ్యం అనుకున్న తరుణంలో– అన్ని అనుమతులు సాధించి, ప్రాజెక్టును ప్రారంభించారు. ఆయన ముఖ్యమంత్రిగా ఉండగానే 70 శాతం పనులు పూర్తి చేయడం ఆయన కార్య శూరత్వానికి నిదర్శనం. 2004లో వైఎస్‌ ముఖ్యమంత్రిగా ప్రమాణం చేసే నాటికి వ్యవసాయ రంగం కుదేలైంది. రైతులు అప్పులపాలై ఆత్మహత్యలు చేసుకుంటున్న దుస్థితి. అయినా రైతులను ఆదుకోకపోగా ఈ విషయమై అప్పటి ముఖ్యమంత్రి చంద్రబాబు ఎగతాళిగా మాట్లాడారు. కానీ వైఎస్‌ సీఎంగా మే నెల రెండవ వారంలో ప్రమాణ స్వీకారం చేస్తే జూన్‌ మొదటి వారంలోనే ఆత్మహత్యలు చేసుకున్న రైతు కుటుంబాలు అనా«థలు కాకూడదని రెండు లక్షల రూపాయల పరిహారం ఇచ్చేలా చర్యలు తీసుకున్నారు. ప్రాథమిక వ్యవసాయ సహకార పరపతి సంఘాలు రైతుకు వెన్నెముక. రైతులు అప్పుల కట్టలేక సహకార సంఘాలు దివాలా తీసే పరిస్థితిలో వైద్యనాథన్‌ కమిటీ సిఫారసులు అమలు చేసి రూ.1,800 కోట్ల సాయం అందించారు. పూర్తి నష్టాలలో ఉన్న సంఘాలను పక్క సహకార సంఘంలో కలిపి సహకార వ్యవస్థను కాపాడారు. పావలా వడ్డీకే రైతులకు పంట రుణాలు అందించారు. ఒక ప్రాజెక్టు కట్టి ఒక ఎకరానికి నీరివ్వాలంటే ప్రభుత్వానికి లక్షలలో ఖర్చు అవుతుంది. పైగా నిర్వహణ భారం ప్రభుత్వానిదే. అదే భూగర్భ జలాలకైతే రైతు స్వయంగా బోరు వేయించుకోవడమో, బావి తవ్వడమో చేస్తాడు. దానికోసం అప్పు తెచ్చుకుంటాడు. దానికి అవసరమైన పూర్తి బరువు అతడే మోస్తాడు. ఈ తర్కం ఆధారంగా వ్యవసాయానికి ఉచితంగా విద్యుత్‌ ఇవ్వాలని వైఎస్‌ సంకల్పించారు. కానీ అది జరిగేపని కాదని కొందరు వ్యంగ్యంగా మాట్లాడారు. అయినా ఆయన పట్టు వీడలేదు. వ్యవసాయానికి ఉచిత విద్యుత్‌ ఇచ్చి చూపారు. ఆ పథకం దేశానికే ఆదర్శమై ఇప్పుడు తెలంగాణ, కర్ణాటక, తమిళనాడు, పంజాబ్‌ రాష్ట్రాల్లోనూ అమలవుతోంది.  వ్యవసాయం రాష్ట్ర ప్రభుత్వం అధీనంలో ఉన్నప్పటికీ, వ్యవసాయ విధానాలన్నీ కేంద్ర ప్రభుత్వం చేతిలోనే ఉన్నాయి. అందువలన కేంద్ర–రాష్ట్రాల సమన్వయం కోసం ప్రత్యేక వ్యవస్థ ఉండాలని గుర్తించి ఆయన చైర్మన్‌గా, సోమయాజులు వైస్‌ చైర్మన్‌గా  అగ్రికల్చర్‌ టెక్నాలజీ మిషన్‌ ఏర్పాటు చేశారు. 2006లో దాని ప్రారంభోత్సవం సందర్భంగా– ‘నీటిపారుదల, గిట్టుబాటు వ్యవ సాయ మూలంగానే రెండవ హరిత విప్లవం సాధ్యమవుతుంది. ఆంధ్రప్రదేశ్‌ రాష్ట్రాన్ని భారతదేశానికే అన్నపూర్ణగా తీర్చిదిద్దడం నా లక్ష్యం’ అని ప్రకటించారు. అది ఆయన ఆత్మవిశ్వాసానికి సూచిక. వ్యవసాయంలో ఉత్పత్తి వ్యయం ఎక్కువ. పండించిన పంటను లాభసాటి ధరకు అమ్ముకుంటేనే రైతుకు ఆదాయం వస్తుంది. పెరుగుతున్న పెట్టుబడులకు అనుగుణంగా మద్దతు ధరలు లేవని కేంద్ర ప్రభుత్వం దృష్టికి తీసుకెళ్లి అవి పెరిగేలా చేశారు.  కేంద్ర ప్రభుత్వం రుణమాఫీ ప్రకటించడానికి కారణం వైఎస్‌ ప్రోద్బలమే. సన్న, చిన్నకారు రైతులు, కౌలు రైతులు ఆర్థిక సంక్షోభంలో కూరుకుపోవడానికి కారణాలు విద్య, వైద్యం ఖర్చు. అందుకే గొప్ప పథకాలైన ఆరోగ్యశ్రీ, ఫీజు రీయింబర్స్‌మెంట్, 108, 104 అమలు చేశారు.  ఒక్క రూపాయి పన్ను పెంచకుండా, ఒక్క రూపాయి కొత్త పన్ను వెయ్యకుండా సంక్షేమ పథకాలన్నీ అర్హులందరికీ అందించారు. రాజశేఖరరెడ్డి పాలనలో రైతులకు భూములు అమ్ముకోవలసిన అగత్యం పట్టలేదు. వారి ఆదాయాలు పెరిగాయి. దీని ఫలితంగా వ్యవసాయ కార్మికులు, చిన్న వ్యాపారులు, చిరు వ్యాపారుల ఆదాయం కూడా పెరిగింది. ప్రకృతి ప్రేమికులు పాలకులుగా ఉంటే ప్రకృతిమాత సహకారం  ఉంటుంది. ఇందుకు నిదర్శనం ఆయన పాలన సాగించిన ఐదేళ్లపాటు సకాలంలో వర్షాలు పడ్డాయి. ప్రాజెక్టులన్నీ నీటితో కళకళలాడాయి. ఆహార ధాన్యాల ఉత్పత్తులు గణనీయంగా పెరిగాయి. సంక్షేమ రాజ్యం సాక్షాత్కరించింది. వ్యాసకర్త: ఎం.వి.ఎస్‌. నాగిరెడ్డి    రైతు విభాగం అధ్యక్షుడు, వైఎస్సార్‌ కాంగ్రెస్‌

సాక్షి, అమరావతి: రెండు రోజుల వైఎస్సార్‌ కడప జిల్లా పర్యటనలో భాగంగా ముఖ్యమంత్రి వైఎస్‌ జగన్‌మోహన్‌రెడ్డి ప్రత్యేక హెలికాప్టర్‌లో ఇడుపులపాయకు చేరుకున్నారు.  ఇడుపులపాయ హెలిప్యాడ్ వద్ద నేతలు, ప్రజలను కలిసిన సీఎం జగన్.. సమస్యలపై వారి నుంచి వినతులు స్వీకరిస్తూ ఆప్యాయంగా పలకరించారు. బుధవారం రాత్రి ఇక్కడి గెస్ట్‌హౌస్‌లో సీఎం వైఎస్‌ జగన్‌ బస చేస్తారు. అంతకుముందు కడప విమానాశ్రయంలో సీఎం జగన్‌కు జిల్లా కలెక్టర్ విజయరామ రాజు, ఎస్పీ అన్బురాజన్ ఎమ్మెల్యే లు రవీంద్రనాధ్ రెడ్డి, సుధీర్ రెడ్డి, ఎమ్మెల్సీలు రామచంద్రయ్య, అధికారులు స్వాగతం పలికారు.  గురువారం తన తండ్రి, దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డి వర్ధంతిని పురస్కరించుకొని ఉదయం 9.35 గంటలకు వైఎస్సార్‌ ఘాట్‌ వద్ద కుటుంబ సభ్యులతో కలిసి సీఎం జగన్‌ నివాళులర్పిస్తారు. అనంతరం ప్రత్యేక ప్రార్థనల్లో పాల్గొంటారు. తార్వత పార్టీ నాయకులతో మాట్లాడి.. తిరిగి అక్కడి నుంచి బయల్దేరి, మధ్యాహ్నం 12.45కు తాడేపల్లిలోని తన నివాసానికి చేరుకుంటారు. చదవండి: విత్తనం నుంచి విక్రయం వరకు రైతుకు అండగా నిలవాలి: సీఎం జగన్‌

సాక్షి, అమరావతి: ముఖ్యమంత్రి వైఎస్‌ జగన్‌మోహన్‌రెడ్డి రేపు (బుధవారం), ఎల్లుండి(గురువారం) వైఎస్సార్‌ కడప జిల్లాలో పర్యటించనున్నారు. పర్యటనలో భాగంగా రేపు  మధ్యాహ్నం 3.30 గంటలకు గన్నవరం ఎయిర్‌పోర్ట్‌ నుంచి కడప బయలుదేరనున్నారు. సాయంత్రం 4.50 గంటలకు ఇడుపులపాయ చేరుకుని పార్టీ నాయకులతో మాట్లాడి, వైఎస్సార్‌ ఎస్టేట్‌లోని గెస్ట్‌హౌస్‌లో రాత్రికి బస చేస్తారు. గురువారం దివంగత నేత డాక్టర్‌ వైఎస్‌ రాజశేఖర్‌రెడ్డి వర్ధంతి సందర్భంగా ఉదయం 9.30 గంటలకు ఇడుపులపాయలోని వైఎస్సార్‌ ఘాట్‌ వద్ద జరిగే ప్రత్యేక ప్రార్ధనల్లో ముఖ్యమంత్రి వైఎస్‌ జగన్‌ పాల్గొని నివాళులు అర్పించనున్నారు. ఆ తర్వాత పార్టీ నాయకులతో సీఎం జగన్‌ భేటీ అవుతారు. అదే రోజు ఉదయం 11.30 గంటలకు కడప ఎయిర్‌పోర్ట్‌ నుంచి బయలుదేరి 12.45 గంటలకు తాడేపల్లి నివాసానికి చేరుకుంటారు. చదవండి: మూడు రాజధానులకు ప్రభుత్వం కట్టుబడి ఉంది : మేకపాటి గౌతమ్ రెడ్డి

సెప్టెంబర్ 2 న దివంగత మహానేత వైస్సార్ వర్ధంతిని పురష్కరించుకుని ముందస్తుగా ఘన నివాళులు అర్పించారు ఆస్ట్రేలియా లోని ప్రవాస భారతీయులు.బ్రిస్బేన్ నగరంలో జరిగిన  ఈ  కార్యక్రంమలో పలువురు  ఎన్నారైలు మాట్లాడుతూ వైస్సార్ గారు చిరస్మరణీయుడన్నారు. డాక్టర్‌ వైఎస్సార్‌ చేసిన గొప్ప పనులు చరిత్ర పుటల్లో నిలిచిపోతాయని పేర్కొన్నారు. ఈ కార్యక్రమంలో  ఏపీఎన్‌ఆర్‌టీ  ఆస్ట్రేలియా కోఆర్డినేటర్ చింతలచెరువు సూర్యనారాయణ రెడ్డి , రామకృష్ణ  రెడ్డి వల్లూరి ,బిజివేముల రఘు రెడ్డి, కర్రి శ్రీనివాస్ ,అల్లం యుగంధర్ రెడ్డి , కోట శ్రీనివాస్‌రెడ్డి, కనుబుద్ది సురేష్, గాదె విజయేందర్, కిషోర్, చాగంటి వంశీ, బొమ్మిరెడ్డి జస్వంత్, మందా రామకృష్ణారెడ్డిలతో పాటు పలువురు ఎన్నారైలు పాల్గొన్నారు.  ఈ కార్యకమంలో పాల్గొన్నవారిని ఉద్దేశించి డిప్యూటీ స్పీకర్ కోన రఘుపతి, ఎమ్మెల్యేలు  పిన్నెల్లి రామకృష్ణ రెడ్డి, ముస్తఫా, బియ్యపు మధుసూధన్‌రెడ్డి, ఏపీఎన్‌ఆర్‌టీ చైర్మన్ వెంకట్ మేడపాటి , చల్లా మధు తదితరులు మాట​‍్లాడారు. నిర్వాహకులను అభినందించారు. చదవండి : Veena Reddy: ఆ ఘనత సాధించిన భారత సంతతి తొలి వ్యక్తిగా..

వాషింగ్టన్‌ డీసీ (వర్జీనియా): అవిభజిత ఆంధ్రప్రదేశ్‌ దివంగత ముఖ్యమంత్రి, మహానేత డాక్టర్ వైఎస్ రాజశేఖరరెడ్డి 11వ వర్ధంతి సందర్భంగా అమెరికాలోని వాషింగ్టన్ డీసీ మెట్రో వైఎస్సార్‌ అభిమానులు, వైఎస్సార్‌సీపీ నాయకులు, కార్యకర్తలు శుక్రవారం సెప్టెంబర్ 4వ తేదీ సాయంత్రం(ఇండియా కాలమానము ప్రకారం శనివారం ఉదయం) ఆయనకు ఘనంగా నివాళులు అర్పించారు. వాషింగ్టన్ డీసీ రీజినల్ ఇన్‌ఛార్జ్ శశాంక్‌రెడ్డి, సత్య పాటిల్‌రెడ్డి ఆధ్వర్యంలో వైఎస్సార్‌సీపీ అమెరికా సలహాదారు రమేష్‌రెడ్డి వల్లూరు అధ్యక్షతన ఈ కార్యక్రమం జరిగింది. సామాజిక దూరం పాటిస్తూ మహానేత వైఎస్సార్‌కి ఘన నివాళి అర్పించారు. ఈ సందర్భంగా వైఎస్సార్‌సీపీ అమెరికా సలహాదారు రమేష్రెడ్డి వల్లూరు మాట్లాడుతూ.. స్వర్గీయ వైఎస్‌ రాజశేఖరరెడ్డి మాట తప్పని, మడమ తిప్పని రాజకీయ నేత అని కొనియాడారు. ప్రజల సంక్షేమానికి కట్టుబడి విద్యకు, వ్యవసాయానికి, ఆరోగ్యానికి ప్రాధాన్యత ఇచ్చిన మహానాయకుడని గుర్తుచేశారు. పేద, బడుగు, బలహీన వర్గాల సంక్షేమం కోసం, రాష్ట్ర సమగ్రాభివృద్ధి కోసం తన తండ్రి రాజశేఖరరెడ్డి ఒక అడుగు ముందుకు వేస్తే ఆయన కుమారుడిగా వైఎస్‌ జగన్‌ రెండు అడుగులు ముందుకు వేస్తానని చెప్పారని, మాట నిలుపుకుంటున్నందుకు ఎంతో సంతోషంగా ఉందన్నారు. సంక్షేమాభివృద్ధి పథకాల అమలులో టార్చ్‌ బేరర్‌ (మార్గ నిర్దేశకుడు)గా నిలిచిన వైఎస్‌ రాజశేఖరరెడ్డి అమరుడై 11 ఏళ్లు గడిచిపోయాయని, ఆ మహానేత దిశా నిర్దేశం చేసిన మార్గంలోనే గత 16 నెలలుగా సీఎం వైఎస్‌ జగన్‌మోహన్‌రెడ్డి విప్లవాత్మక రీతిలో సంక్షేమాభివృద్ధి పథకాలను పరుగులు పెట్టిస్తూ.. పాదయాత్రలో ఇచ్చిన ప్రతి హామీని నిలుపుకునే దిశగా చర్యలు చేపట్టడాన్ని హర్షించారు. వాషింగ్టన్‌ డీసీ రీజినల్ ఇన్‌ఛార్జ్ శశాంక్‌రెడ్డి మాట్లాడుతూ.. దివంగత మహానేత వైఎస్‌ రాజశేఖరరెడ్డి ఉమ్మడి ఆంధ్రప్రదేశ్‌ రాష్ట్రానికి ఐదున్నరేళ్ల పాటు ముఖ్యమంత్రిగా పనిచేసి ప్రజల గుండెల్లో చిరంజీవిగా మిగిలిపోయారని ప్రశంసించారు. రఘునాథరెడ్డి మాట్లాడుతూ.. వైఎస్సార్‌ సంక్షేమ పధకాల ద్వారా ప్రజలతో మమేకమైయ్యారని చెప్పారు. ప్రతి ఊరు బాగుండాలని కులాలు, మతాలు, వర్గాలు, పార్టీలు చూడకుండా సంక్షేమం కోరుకునే వ్యక్తి వైఎస్‌ జగన్‌మోహన్‌రెడ్డి అని తెలిపారు. ఈ కార్యక్రమంలో వైఎస్సార్‌సీపీ నాయకులు నినాద్‌రెడ్డి అన్నవరం, నాటా నాయకులు సత్య పాటిల్‌రెడ్డి, రఘునాథ్‌రెడ్డి, సుజిత్ మారం, రామిరెడ్డి , సునీల్, మదన గళ్ల, అర్జున్ కామిశెట్టి, వినీత్ లోక, పలువురు ఎన్‌ఆర్‌ఐలు పాల్గొన్నారు.

టేనస్సీ: దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డి 11వ వర్ధంతి సందర్భంగా వైఎస్సార్‌ కాంగ్రెస్‌ పార్టీ ఇంచార్జీ తాతా రాజశేఖర్రెడ్డి మెంఫిస్ నగరంలో ఘన నివాళులు అర్పించారు. ఈ కార్యక్రమంలో వైఎస్సార్‌ కార్యనిర్వాహక వర్గం నాయకులు జైపాల్‌రెడ్డి, వీరమోహన్‌రెడ్డి, అశోక్‌రెడ్డి, రాజా చెన్నం, రమేష్ సనపాల, సూర్యరెడ్డి, విజయ్‌రెడ్డి చిట్టెం, వైఎస్సార్ అభిమానులు పాల్గొని ​నివాళులు అర్పించారు. వైఎస్సార్ తన పాలనలో ప్రజల కోసం పలు సంక్షేమ పధకాలు ప్రవేశపెట్టారని, పేద బలహీన వర్గాల సంక్షేమం కోసం అనుక్షణం పరితపించారని గుర్తు చేసుకున్నారు. విద్య, వైద్యం, ఆరోగ్యం, అన్నదాతలకు ఉచిత కరెంట్‌, జలయజ్ఞం ద్వారా సాగునీరు అందించిన తీరును స్మరించుకున్నారు. వైఎస్సార్ పాలనని తలపిస్తూ రాజన్న ముద్దుబిడ్డ ముఖ్యమంత్రి వైఎస్‌ జగన్‌మోహన్‌రెడ్డి నవరత్నాలు ప్రవేశపెడుతున్న విధానం, విద్యార్థి దశ నుంచే నైపుణ్య శిక్షణ అందించడం ద్వారా రాష్ట్ర అభివృద్ధికి కృషి చేస్తున్న తీరును కొనియాడారు. మరిన్ని కాలాలపాటు జగనన్న ముఖ్యమంత్రిగా కొనసాగాలని ఆకాంక్షించారు.

న్యూజిలాండ్‌ : మహానేత, దివంగత ముఖ్యమంత్రి వైఎస్‌ రాజశేఖరరెడ్డి 11వ వర్ధంతిని పురష్కరించుకుని న్యూజిలాండ్‌ వైఎస్సార్‌ సీపీ ఎన్‌ఆర్‌ఐ విభాగం నివాళులు అర్పించింది. సెప్టెంబర్‌ 2వ తేదీన ఆనంద్‌ ఎద్దుల నాయకత్వంలో ఆక్లాండ్‌లో రక్తదాన శిబిరం నిర్వహించారు. ఈ సందర్భంగా ఆనంద్‌ ఎద్దుల, సుష్మిత చిన్నమలరెడ్డి, సమంత్‌ దాగెపూడి, శివ గండ, మనోజ్‌ అల్లం, విజయ్‌ ఆల్ల, గీతా ఇందూరి, ప్రణవ్‌ అన్నమరాజు, శ్రీనివాస్‌ గోట్ల, వినయ్‌ చంద్రపతి, శ్రద్ధా సాయిలు రక్తదానం చేశారు. న్యూజిలాండ్‌ వైఎస్సార్‌ సీపీ ఎన్‌ఆర్‌ఐ విభాగం సభ్యుల కృషిని ఏపీ ఉమెన్స్‌ కమిషన్‌ ఛైర్‌ పర్సన్‌ వాసిరెడ్డి పద్మ, శ్రీకాళహస్తి ఎమ్మెల్యే మధుసూధన్‌రెడ్డి, ధర్మవరం ఎమ్మెల్యే కేతిరెడ్డి వెంకట్రామిరెడ్డి, తాడిపత్రి ఎమ్మెల్యే కేతిరెడ్డి పెద్దారెడ్డిలు అభినందించారు.

నాదెండ్ల(చిలకలూరిపేట) : వైఎస్‌ రాజశేఖరరెడ్డి  11వ  వర్ధంతి కార్యక్రమాన్ని ముగించుకుని  ఇళ్లకు తిరిగి వెళ్తున్న వైఎస్సార్‌సీపీ కార్యకర్తలపై టీడీపీ వ‌ర్గీయులు  కత్తులు, రాడ్లు, కర్రలతో దాడికి తెగబడ్డారు. గుంటూరు జిల్లా నాదెండ్లలోని చినమాలపల్లెలో బుధవారం రాత్రి ఈ ఘటన చోటుచేసుకుంది. ఈ దాడిలో ముగ్గురు వైఎస్సీర్‌సీపీ కార్య‌కర్త‌ల‌కు  తీవ్ర గాయాలయ్యాయి.  వివరాల ప్రకారం.. నాదెండ్లలో  మహానేత వైఎస్సార్ వర్ధంతి కార్యక్రమాన్ని ముగించుకొని తిరిగి వెళ్తుండ‌గా  తమ ఇళ్లపై బాణసంచా కాల్చి వేశారంటూ టీడీపీ వర్గీయులు  ఘర్షణకు దిగారు. అంతేకాకుండా క‌త్తుల‌తో దాడికి తెగ‌బ‌డ్డారు. (నెల్లూరులో బాలుడి కిడ్నాప్ కలకలం) ఈ ఘ‌ట‌న‌లో  వైఎస్సార్‌సీపీ కార్య‌క‌ర్త‌లు  వలేరు రాజేష్, రాఘవ, రాజారావులకు తీవ్ర గాయాలు కావడంతో 108 వాహనంలో చిలకలూరిపేట ప్రభుత్వాసుపత్రికి తరలించారు. సమాచారం తెలుసుకున్న ఎస్‌ఐ కేవీ నారాయణరెడ్డి ఆసుప‌త్రికి చేరుకుని వివరాలు తెలుసుకున్నారు. దాడికి పాల్పడిన 11 మంది టీడీపీ వ‌ర్గీయుల‌పై  కేసు నమోదు చేసినట్లు ఎస్‌ఐ తెలిపారు. మాజీ మంత్రి ప్రత్తిపాటి పుల్లారావు ప్రోద్బలంతోనే టీడీపీ వర్గీయులు దాడికి తెగబడ్డారని స్థానిక వైఎస్సార్‌సీపీ నాయకులు ఆరోపించారు. (వరకట్న వేధింపులకు మహిళ మృతి )

సాక్షి, ఖమ్మం‌: మహానేత దివంగత ముఖ్యమంత్రి రాజశేఖర్‌రెడ్డి 11వ వర్థంతిని  నగర వైఎస్సార్‌ కాంగ్రెస్‌ పార్టీ శ్రేణులు బుధవారం ఘనంగా నిర్వహించారు. పట్టణ అధ్యక్షుడు తుమ్మ అప్పిరెడ్డి ఆధ్వర్యంలో ముస్తాఫనగర్‌లో గల పార్టీ పట్టణ కార్యాలయంలో వైఎస్సార్‌ చిత్రపటానికి పూలమాలలు వేసి నివాళులర్పించారు. గాంధీచౌక్‌లో గుండపునేని ఉదయ్‌కుమార్, ఎస్‌కె.నజీర్‌ల ఆధ్వర్యంలో పాలాభిషేకం నిర్వహించారు. ఈ సందర్భంగా తుమ్మ అప్పిరెడ్డి మాట్లాడుతూ వైఎస్‌ఆర్‌ చేసిన మంచి పనులే నేడు తెలుగు రాష్ట్రాల ప్రజల గుండెల్లో చెరగని ముద్ర వేసుకున్నాయని, ఎప్పటికీ ప్రజాబాంధవుడిగా నిలిచిపోయారన్నారు.  కార్యక్రమంలో పార్టీ జిల్లా అధ్యక్షుడు లక్కినేని సుధీర్‌బాబు, రాష్ట్ర కార్యదర్శులు మందడపు వెంకట్రామిరెడ్డి, ఆలస్యం సుధాకర్, వేమిరెడ్డి రోశిరెడ్డి, జిల్లా కార్యదర్శులు గాదె వీరా రెడ్డి, మర్రి శ్రీనివాసరావు, పట్టణ అధికార ప్రతినిధి అమర్లపుడి బాలశౌరి, పట్టణ యువజన విభాగం అధ్యక్షుడు ఆదూరి రాజవర్ధన్‌రెడ్డి, రాజా, మొగిలి శ్రీను, పేర్ని త్రివేణి, వాలూరి సత్యనారాయణ, ప్రకాశ్‌రావు, ఎనిక స్వామి, పాసంగులపాటి రాఘవ, మాస్టర్‌ శ్రీను పాల్గొన్నారు.  13వ డివిజన్‌లో..  13వ డివిజన్‌ కొత్తూరు గ్రామంలో మందడపు వెంకట్రామిరెడ్డి ఆధ్వర్యంలో వైఎస్‌ఆర్‌ వర్ధంతిని నిర్వహించారు. జిల్లా అధ్యక్షులు లక్కినేని సుధీర్‌బాబు హాజరై  నివాళుర్పించారు. అనంతరం అన్నదానం నిర్వహించారు.  పార్టీ రాష్ట్ర కార్యదర్శులు ఆలస్యం సుధాకర్, వేమిరెడ్డి రోశిరెడ్డి, పార్టీ పట్టణ అధ్యక్షుడు తుమ్మా అప్పిరెడ్డి, యువజన విభాగం అధ్యక్షులు ఏ.రాజవర్ధన్‌రెడ్డి, నగర అధికార ప్రతినిధి అమర్లపుడి బాలశౌరి, డివిజన్‌ అధ్యక్షులు కొవ్వూరి శ్రీనివాసరావు, పీ.పాపయ్య, కె.సత్యనారాయణరెడ్డి, ఎం.రామకృష్ణారెడ్డి, పి.వెంకటేశ్వర్లు, పి.సీతారాములు, వేముల వెంకమ్మ, కె.సిలవరాజు, జి.భా స్కర్‌రావు, పి.సాంబయ్య,  వెంకటయ్య, పి.వెంకటయ్య, జి.చిన్నగోపయ్య, పి.ధనమూర్తి, సిరిగిరి కృష్ణారెడ్డి వైఎస్సార్‌సీపీ కార్యకర్తలు, అభిమానులు పాల్గొన్నారు.  15వ డివిజన్‌లో.. సంబానినగర్‌ 15వ డివిజన్‌లో వైఎస్సార్‌ కాంగ్రెస్‌ పార్టీ రాష్ట్ర కార్యదర్శి ఆలస్యం సుధాకర్‌ ఆధ్వర్యంలో నిర్వహించారు.   జిల్లా అధ్యక్షుడు లక్కినేని సుధీర్‌బాబు, రాష్ట్ర కార్యదర్శులు మందడపు వెంకట్రామిరెడ్డి, వేమిరెడ్డి రోశిరెడ్డి, పట్టణ అధ్యక్షులు తుమ్మా అప్పిరెడ్డి, 15వ డివిజన్‌ అధ్యక్షులు బోనగిరి వెంకటరమణ, డివిజన్‌ పార్టీ సలహాదారు నాగుబండి వెంకటేశ్వరరావు, జిల్లా కార్యదర్శి ఆలస్యం రవి, సింగిరి పుల్లారెడ్డి జమలాపురం రామకృష్ణ, మర్రి శ్రీనివాస్, వెంకటాచారి, పాపాచారి, ఎస్‌కె.ఫరీద్, ఆలస్యం నర్సయ్య, ఎస్‌కె.ఖుర్దూస్, కోటియావ్, రాజుయాదవ్, బొల్లిని నాగరాజు, ఆటో ప్రసాద్‌  పాల్గొన్నారు.  మహోన్నత వ్యక్తి వైఎస్‌ఆర్‌: పువ్వాళ్ల  ఖమ్మంసహకారనగర్‌: మాజీ ముఖ్యమంత్రి వైఎస్‌ రాజశేఖర్‌రెడ్డి వర్ధంతిని కాంగ్రెస్‌ పార్టీ కార్యాలయంలో బుధవారం ఘనంగా నిర్వహించారు. జిల్లా అధ్యక్షులు పువ్వాళ్ల దుర్గాప్రసాద్‌ మాట్లాడుతూ  ఆరోగ్యశ్రీ ద్వారా పేద ప్రజలకు ఉచి తంగా వైద్య సేవలు అందించేలా కృషి చేసిన మహోన్నత వ్యక్తి వైఎస్‌ఆర్‌ అన్నారు. అనంతరం రాపర్తినగర్‌ సెంటర్‌లోని వైఎస్‌ఆర్‌ విగ్రహానికి పూలమాలలు వేసి ఘనంగా నివాళులర్పించారు. కార్యక్రమాల్లో పార్టీ నగర అధ్యక్షులు ఎండీ జావీద్, వర్కింగ్‌ ప్రెసిడెంట్‌ నాగండ్ల దీపక్‌చౌదరి, మైనార్టీ సెల్‌ చైర్మన్‌ ఎండీ తాజుద్దీన్, నాయకులు గోపాల్, సైదులు వెంకటనారాయణ, రజిని తదితరులు పాల్గొన్నారు.  అల్లీపురంలో ఘనంగా వైఎస్‌ఆర్‌ వర్ధంతి వేడుకలు రఘునాథపాలెం: నగరంలో సాగర్‌ కాల్వకట్టపై ఉన్న వైఎస్‌ రాజశేఖర్‌రెడ్డి విగ్రహానికి పూలమాల వేసి నివాళులర్పించారు. పార్టీ జిల్లా నాయకుడు పత్తిపాటి అప్పారావు, సొసైటీ డైరెక్టర్‌ గుండె ఆదినారాయణ, గద్దల నాగేశ్వరరావు, సామినేని ముత్తయ్య, పత్తిపాటి వీరయ్య, ఉపేందర్‌ తదితరులు పాల్గొన్నారు. అదేవిధంగా పుఠానితండాలో  వైఎస్‌ఆర్‌ విగ్రహానికి అభిషేకం చేసి పూలమాల వేసి నివాళులర్పించారు. మూడు చిన్నా, మూడు శ్యామ్, సునావత్‌ నందారెడ్డి పాల్గొని నివాళులర్పించారు. కామేపల్లి మండలంలో.. కామేపల్లి: దివంగత ముఖ్యమంత్రి డాక్టర్‌ వైఎస్‌ రాజశేఖర్‌రెడ్డి  వర్థంతిని బుధవారం గోవింద్రాల, పండితాపురం, కామేపల్లి, ముచ్చర్ల, జాస్తిపల్లి, మద్దులపల్లి, బాసిత్‌నగర్‌ గ్రామాల్లో కాంగ్రెస్‌ పార్టీ మండల అధ్యక్షులు గింజల నర్సింహారెడ్డి, జెడ్పీటీసీ సభ్యులు బానోత్‌ వెంకటప్రవీణ్‌కుమార్‌నాయక్‌ ఆధ్వర్యంలో ఘనంగా నిర్వహించారు.  వైఎస్‌ఆర్‌ విగ్రహాలకు పూలమాలలు వేసి నివాళలు అర్పించారు. గోవింద్రాలలో అన్నదానం చేశారు. మద్దులపల్లి, ముచ్చర్ల గ్రామాల్లో వైఎస్సార్‌ సీపీ మండల అధ్యక్షులు రుద్ర హనుమంతరావు ఆధ్వర్యంలో వేడుకలను నిర్వహించారు. కాంగ్రెస్‌ జిల్లా నాయకులు మద్దినేని రమేష్, ఎంపీటీసీలు రాంరెడ్డి జగన్నాథరెడ్డి, మాళోత్‌ శంకర్, నాయకులు దేవెండ్ల రామకృష్ణ, రాంరెడ్డి ప్రదీప్‌రెడ్డి, ఆర్‌.కవిరాజు, డి.అనురాధ, ఆర్‌.రమేష్‌రెడ్డి, ఎం.భావ్‌సింగ్, శివ, మోహన్, ప్రేమ్‌కుమార్, రాయల భాస్కర్‌రావు,  వేణు, బి.ఉపేందర్‌. జె.లింగయ్య, డి.వెంకటేష్, నాగరాజు, బి.దేవీలాల్, సక్రాం పాల్గొన్నారు.

న్యూయార్క్‌ : మహానేత, దివంగత ముఖ్యమంత్రి వైఎస్‌ రాజశేఖరరెడ్డి  పరిపాలనను స్వర్ణయుగంగా భావిస్తూ.. ఆయన స్ఫూర్తి, అలోచనలతో ఏర్పడిన  వైఎస్సార్‌ కాంగ్రెస్ పార్టీ  జననేత, ఆంధ్రప్రదేశ్‌ ముఖ్యమంత్రి వైఎస్‌ జగన్‌మోహన్‌రెడ్డి  నాయకత్వాన పేద ప్రజలు, వెనుకబడిన వర్గాల అభివృద్ధికి అన్ని విధాలుగా అవిశ్రామంగా పనిచేస్తుందని అమెరికాలోని రాష్ట్ర ప్రభుత్వ ప్రత్యేక ప్రతినిధి రత్నాకర్ అన్నారు. బుధవారం వైఎస్సార్ 11వ వర్ధంతిని పురష్కరించుకుని ఘన నివాళులు అర్పించారు. సీఎం వైఎస్‌ జగన్‌ని‌ తండ్రిని మించిన తనయుడుగా యావత్ భారత దేశం కొనియాడుతుందన్నారు.

సాక్షి, అమరావతి: నమ్ముకున్న జనం కోసం ఎంత దూరమైనా పోరాడే తత్వం గల మహనీయుడు దివంగత ముఖ్యమంత్రి వైఎస్‌ రాజశేఖరరెడ్డి అని, మాట మీద నిలబడే మనిషిగా ఆయన పేరు తెచ్చుకున్నారని రాష్ట్ర ప్రభుత్వ సలహాదారు (ప్రభుత్వ వ్యవహారాలు) సజ్జల రామకృష్ణారెడ్డి అన్నారు. సరిగ్గా అదే స్ఫూర్తితో ఆయన కుమారుడు, ఏపీ ముఖ్యమంత్రి వైఎస్‌ జగన్‌మోహన్‌రెడ్డి రాష్ట్రంలో పరిపాలన సాగిస్తున్నారని చెప్పారు. బుధవారం తాడేపల్లిలోని పార్టీ కేంద్ర కార్యాలయంలో జరిగిన వైఎస్సార్‌ 11వ వర్ధంతి సభలో ఆయన మాట్లాడుతూ..  ► తెలుగు వారందరి హృదయాల్లో చిరస్థాయిగా నిలిచి పోయేలా అభివృద్ధి–సంక్షేమ కార్యక్రమాలు అమలు చేసిన మహావ్యక్తి వైఎస్సార్‌ అన్నారు. సజ్జల ఇంకా ఏమన్నారంటే..  ► వైఎస్సార్‌ మరణించి 11 ఏళ్లు పూర్తయ్యాయి. ఆయన కోసం పరితపిస్తూ ఎన్నో గుండెలు ఆగిపోయాయి. ఆయన్ను గుర్తు చేసుకుంటే చాలు అందరి కళ్లూ చెమరుస్తాయి.   ► బహుశా ఆధునిక చరిత్రలో ఇంతగా వ్యవస్థను ప్రభావితం చేసి, కోట్లాది మంది ప్రజల అభిమానం చూరగొన్న వ్యక్తి మరొకరు లేరు. ఆయన జీవితం నేడు రాజకీయాల్లో ఎందరికో ఆదర్శం. వందేళ్ల చరిత్ర కలిగిన కాంగ్రెస్‌లో తనకంటూ ఒక ప్రత్యేక గుర్తింపుతో వైఎస్సార్‌ రాణించారు.   ► వైఎస్సార్‌ అందించిన పరిపాలన, ఆయన వ్యక్తిత్వం లక్షలాది మందిని కార్యకర్తలుగా చేస్తే, అదే రీతిన నేడు ఆయన తనయుడు వైఎస్‌ జగన్‌ప్రజా జీవితంలో తీసుకున్న సంచలన నిర్ణయాలు, వైఎస్సార్‌సీపీ స్థాపన, సుదీర్ఘ పాదయాత్ర, 2019 ఎన్నికల్లో 151 ఎమ్మెల్యే సీట్లను గెలుపొందడం.. ఇదంతా ఒక చరిత్ర.   ► వైఎస్సార్‌ జీవితం, ఆయన పరిపాలనే సిద్ధాంతంగా ఆయన ఆలోచనలే మార్గదర్శకాలుగా వాటిని మరింత గొప్పగా ముందుకు తీసుకు పోయేందుకు ముఖ్యమంత్రి జగన్‌ అహర్నిశలు శ్రమిస్తున్నారు. ఆ మహానేతకు మరణం లేదు. అందరం ఆయన అడుగుజాడల్లో నడవాలి. సీఎం జగన్‌ చేస్తున్న ప్రయత్నాలను కార్యకర్తలు ప్రజల్లోకి తీసుకెళ్లాలి. ► విజయవాడలోని కంట్రోల్‌ రూం వద్ద ఉన్న వైఎస్సార్‌ పార్క్‌లో రాజశేఖరరెడ్డి 11వ వర్ధంతి నిర్వహించారు. వైఎస్సార్‌ కాంస్య విగ్రహానికి రాష్ట్ర మంత్రులు, సెంట్రల్‌ ఎమ్మెల్యే మల్లాది విష్ణు, తణుకు ఎమ్మెల్యే కారుమూరి నాగేశ్వరరావు పూలమాలలు వేసి నివాళులర్పించారు.  ► విశాఖలో జరిగిన కార్యక్రమంలో రాజ్యసభ సభ్యుడు వి.విజయసాయిరెడ్డి, మంత్రి అవంతి శ్రీనివాస్, ఎంపీలు ఎంవీవీ సత్యనారాయణ, మాధవి, ఎమ్మెల్యే అదీప్‌రాజ్‌ తదితరులు వైఎస్‌కు నివాళులర్పించారు. మంత్రులు, నేతల ఘన నివాళి  ► అంతకు ముందు పార్టీ కార్యాలయంలో సజ్జలతో సహా ఉప ముఖ్యమంత్రి ధర్మాన కృష్ణదాస్, మంత్రులు బుగ్గన రాజేంద్రనాథ్, బొత్స సత్యనారాయణ, కురసాల కన్నబాబు, వెలంపల్లి శ్రీనివాస్, గుమ్మనూరు జయరాం, ఎంపీలు నందిగం సురేష్, గోరంట్ల మాధవ్, ఎమ్మెల్యేలు మేరుగ నాగార్జున, తోపుదుర్తి ప్రకాష్‌రెడ్డి, ఎమ్మెల్సీ జంగా కృష్ణమూర్తి, పార్టీ ప్రధాన కార్యదర్శి లేళ్ల అప్పిరెడ్డి మహిళా కమిషన్‌ చైర్‌పర్సన్‌ వాసిరెడ్డి పద్మ, స్కిల్‌ డెవలప్‌మెంట్‌ కార్పొరేషన్‌ చైర్మన్‌ చల్లా మధుసూదన్‌రెడ్డి వైఎస్‌ విగ్రహానికి పూలమాలలు వేసి, ఘనంగా నివాళులు అర్పించారు.   ► కార్యాలయం కూడలిలో ఉన్న వైఎస్సార్‌ నిలువెత్తు విగ్రహానికి ముఖ్య నేతలంతా పూలమాలలు వేసి శ్రద్ధాంజలి ఘటించారు. మంత్రులు పేద మహిళలకు దుస్తులు పంపిణీ చేశారు. కేంద్ర కార్యాలయ వ్యవహారాల పర్యవేక్షకుడు, పార్టీ ప్రధాన కార్యదర్శి లేళ్ల అప్పిరెడ్డి ఆధ్వర్యంలో ఈ కార్యక్రమాలు జరిగాయి.  

సాక్షి, కడప: దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డికి ఆయన తనయుడు, సీఎం వైఎస్‌ జగన్‌మోహన్‌రెడ్డి ఘనంగా నివాళులర్పించారు. బుధవారం వైఎస్‌ వర్ధంతి సందర్భంగా ఇడుపులపాయలోని వైఎస్సార్‌ ఘాట్‌ వద్ద పూల మాల వేసి శ్రద్ధాంజలి ఘటించారు.  బుధవారం ఇడుపులపాయలోని వైఎస్సార్‌ ఘాట్‌ వద్ద మహానేత వైఎస్‌ రాజశేఖరరెడ్డికి నివాళులర్పిస్తున్న సీఎం జగన్, విజయమ్మ, భారతీ రెడ్డి, ఇతర కుటుంబసభ్యులు    ► సీఎం వైఎస్‌ జగన్, ఆయన సతీమణి వైఎస్‌ భారతిరెడ్డి, తల్లి వైఎస్‌ విజయమ్మ, దివంగత వైఎస్‌ జార్జిరెడ్డి సతీమణి వైఎస్‌ భారతమ్మ, టీటీడీ చైర్మన్‌ వైవీ సుబ్బారెడ్డి సతీమణి స్వర్ణమ్మ, వైఎస్‌ సోదరులు వైఎస్‌ రవీంద్రనాథ్‌రెడ్డి, వైఎస్‌ సుధీకర్‌రెడ్డి తదితరులు ఉదయం 8.50 గంటలకు ఘాట్‌ వద్దకు చేరుకున్నారు.   ► పాస్టర్‌ రెవరెండ్‌ నరేష్‌ ప్రత్యేక ప్రార్థనలు నిర్వహించారు. వైఎస్‌ను స్మరించుకోవడంతోపాటు ప్రజలకు జరిగిన మేలును గుర్తు చేసుకున్నారు.  ► వైఎస్‌ అందించిన విధంగానే ఆయన తనయుడు రాష్ట్ర ప్రజలకు సుపరిపాలన అందించాలని ఈ సందర్భంగా ఆకాంక్షించారు. అదే సందర్భంలో వైఎస్‌ సతీమణి వైఎస్‌ విజయమ్మ ఒకింత భావోద్వేగానికి లోనయ్యారు.  ► ప్రత్యేక ప్రార్థనల అనంతరం సీఎం వైఎస్‌ జగన్‌తోపాటు తల్లి వైఎస్‌ విజయమ్మ, సతీమణి వైఎస్‌ భారతిరెడ్డి, వైఎస్‌ జగన్‌ అత్తమామలు ఈసీ సుగుణమ్మ, ఈసీ గంగిరెడ్డి, టీటీడీ చైర్మన్‌ వైవీ సుబ్బారెడ్డి, ఇతర కుటుంబ సభ్యులు వైఎస్‌ ఘాట్‌ వద్ద పూల మాలలు ఉంచి అంజలి ఘటించారు.  ► డిప్యూటీ సీఎం ఎస్‌బీ అంజాద్‌బాషా, బీసీ సంక్షేమ శాఖ మంత్రి శ్రీనివాస వేణుగోపాలకృష్ణ, చీఫ్‌ విప్‌ శ్రీకాంత్‌రెడ్డి, విప్‌ కొరముట్ల శ్రీనివాసులు, ఎమ్మెల్యేలు పి.రవీంద్రనాథ్‌రెడ్డి, ప్రసాద్‌రాజు, కడప, రాజంపేట పార్లమెంటరీ జిల్లా అధ్యక్షులు సురేష్‌బాబు, ఆకేపాటి అమర్‌నాథరెడ్డి, ఎమ్మెల్సీలు వెన్నపూస గోపాలరెడ్డి, జకియాఖానమ్, చక్రాయపేట ఇన్‌చార్జ్‌ వైఎస్‌ కొండారెడ్డి, పరిశ్రమల మౌలిక సదుపాయాలు..పెట్టుబడి సలహాదారు రాజోలి వీరారెడ్డి, కలెక్టర్‌ హరి కిరణ్, డీఐజీ వెంకట్రామిరెడ్డి, ఎస్పీ కేకేఎన్‌ అన్బురాజన్, జేసీ గౌతమి, వైఎస్‌ స్నేహితుడు అయ్యపురెడ్డి సతీమణి సరళాదేవి తదితరులు పూలమాలలు వేసి నివాళులర్పించారు.  ► అందరూ కొద్దిసేపు వైఎస్సార్‌ను స్మరించుకుంటూ మౌనం పాటించారు. సమీపంలో ఉన్న వైఎస్సార్‌ విగ్రహానికి సీఎం వైఎస్‌ జగన్‌తోపాటు కుటుంబ సభ్యులు పూలమాలలు వేసి నివాళులర్పించారు.   ► ఇడుపులపాయలోని గెస్ట్‌హౌస్‌ వద్ద పులివెందులకు చెందిన జ్యోతి తన బిడ్డను ఆశీర్వదించాలని కోరగా.. ముఖ్యమంత్రి వైఎస్‌ జగన్, వైఎస్‌ భారతిరెడ్డిలు బిడ్డను ఒడిలోకి తీసుకుని ఆశీర్వదించారు. హెలిప్యాడ్‌ వద్ద  సీఎం ప్రజల వినతులు స్వీకరించారు. అనంతరం ముఖ్యమంత్రి విజయవాడకు బయలుదేరారు.    పులివెందులకు చెందిన జ్యోతి బిడ్డను ఎత్తుకొని ఆశీర్వదిస్తున్న సీఎం వైఎస్‌ జగన్‌ దంపతులు  మహానేత జ్ఞాపకాలకు, పథకాలకు ఎప్పటికీ మరణం ఉండదు ముఖ్యమంత్రి వైఎస్‌ జగన్‌ ట్వీట్‌ మహానేత వైఎస్సార్‌ శరీరానికి మరణం ఉంటుంది కానీ, ఆయన జ్ఞాపకాలు, పథకాలకు ఎప్పుడూ మరణం ఉండదని ముఖ్యమంత్రి వైఎస్‌ జగన్‌మోహన్‌రెడ్డి ట్వీట్‌ చేశారు. తన తండ్రి 11వ వర్ధంతిని పురస్కరించుకుని బుధవారం ఆయన ట్విట్టర్‌లో... ‘నాన్న మన మధ్య నుంచి దూరమై నేటికి 11 ఏళ్లు. ఆ మహానేత శరీరానికి మరణం ఉంటుంది కానీ ఆయన జ్ఞాపకాలకు, పథకాలకు ఎప్పుడూ మరణం ఉండదు. నా ప్రతి అడుగులోనూ నాన్న తోడుగా ఉంటూ ముందుకు నడిపిస్తూనే ఉన్నారు’ అని వైఎస్‌ జగన్‌ పేర్కొన్నారు.  

సాక్షి,హైదరాబాద్‌: దివంగత మహానేత డాక్టర్‌ వై.ఎస్‌.రాజశేఖరరెడ్డి 11వ వర్ధంతి సందర్భంగా బుధవారం వైఎస్సార్‌ కాంగ్రెస్‌ పార్టీ తెలంగాణ ఆధ్వర్యంలో పలు సేవా కార్యక్రమాలు చేపట్టారు. హైదరాబాద్‌లో పంజగుట్ట సర్కిల్‌లోని వైఎస్సార్‌ విగ్రహానికి పార్టీ తెలంగాణ అధ్యక్షుడు గట్టు శ్రీకాంత్‌రెడ్డి, ఇతరనాయకులు, కార్యకర్తలు పూలమాలలు వేసి ఘనంగా నివాళులర్పించారు. ఈ సందర్భంగా శ్రీకాంత్‌రెడ్డి మాట్లాడుతూ ఈ రోజు ప్రపంచవ్యాప్తంగా తెలుగువారు వైఎస్సార్‌ను స్మరించుకునే రోజని, ఉమ్మడి ఏపీలో ఆరోగ్యశ్రీ, ఫీజు రీయింబర్స్‌మెంట్‌ వంటి అనేక సంక్షేమ పథకాలు ప్రవేశపెట్టారని అన్నారు. వైఎస్‌ చేసిన అభివృద్ధి, సంక్షేమ ఫలాలు ప్రతీ గుడిసెకు, గుండెకు చేరుకోవడంతో ప్రజలకు మహానేత చిరస్థాయిగా గుర్తుండిపోతారని పేర్కొన్నారు. వైఎస్సార్‌ ఆశయాలను కొనసాగించేందుకు, ఆయన ప్రవేశపెట్టిన సంక్షేమ పథకాల అమలుకు ఏపీ ముఖ్యమంత్రి వై.ఎస్‌.జగన్‌మోహన్‌రెడ్డి కృషి చేస్తున్నారని అన్నారు. అక్కడ అమలు చేస్తున్న పథకాలను తెలంగాణలోనూ చేపట్టాలని ప్రజలు కోరుకుంటున్నారని శ్రీకాంత్‌రెడ్డి పేర్కొన్నారు. ఈ కార్యక్రమంలో పార్టీ రాష్ట్ర ప్రధాన కార్యదర్శులు డాక్టర్‌ ప్రఫుల్లారెడ్డి, బి.సంజీవరావు, రాష్ట్ర యువజన విభాగం అధ్యక్షుడు వెల్లాల రాంమోహన్, సేవాదళ్‌ అధ్యక్షుడు బండారు వెంకటరమణ, పార్టీ రాష్ట్ర కార్యదర్శి కొయ్యాడ మహేష్‌కుమార్, మహిళా విభాగం అధ్యక్షురాలు అమృతసాగర్, నేతలు జస్వంత్‌రెడ్డి, పిట్టా రాంరెడ్డి తదితరులు పాల్గొన్నారు. ప్రజల హృదయాల్లో చెరగని స్థానం  వైఎస్సార్‌కు కాంగ్రెస్‌ నివాళి  సాక్షి, హైదరాబాద్‌: దివంగత ముఖ్యమంత్రి డాక్టర్‌ వై.ఎస్‌.రాజశేఖరరెడ్డి పేదల సంక్షేమమే పరమావధిగా పనిచేసి ప్రజల హృదయాల్లో చెరగని స్థానం సంపాదించారని పలువురు కాంగ్రెస్‌ నేతలు కొనియాడారు. వైఎస్సార్‌ 11వ వర్ధంతి సందర్భంగా బుధవారం కాంగ్రెస్‌ పార్టీ కార్యాలయం గాంధీభవన్, అసెంబ్లీలోని కాంగ్రెస్‌ శాసనసభాపక్ష (సీఎల్పీ) కార్యాలయాల్లో ఆయనకు ఘనంగా నివాళులర్పించారు. వైఎస్‌ చిత్రపటానికి పూలమాలలు వేసి ఉమ్మడి ఆంధ్రప్రదేశ్‌ రాష్ట్రానికి ఆయన చేసిన సేవలను స్మరించుకున్నారు. గాంధీభవన్‌లో జరిగిన కార్యక్రమంలో పీసీసీ మాజీ అధ్యక్షుడు పొన్నాల లక్ష్మయ్య, హైదరాబాద్‌ కాంగ్రెస్‌ అధ్యక్షుడు అంజన్‌కుమార్‌ యాదవ్, ఎమ్మెల్యే జగ్గారెడ్డి, టీపీసీసీ నాయకులు మల్లు రవి, బొల్లు కిషన్, అఫ్జలుద్దీన్, కుమార్‌ రావ్, ప్రేమ్‌ లాల్‌ తదితరులు పాల్గొన్నారు.  సీఎల్పీ కార్యాలయంలో జరిగిన కార్యక్రమంలో మంథని ఎమ్మెల్యే దుద్దిళ్ల శ్రీధర్‌ బాబు పాల్గొన్నారు. 

సాక్షి, బెంగళూరు : దివంగ‌త మ‌హానేత వైఎస్ రాజ‌శేఖ‌ర‌రెడ్డి 11వ వర్ధంతి పురస్కరించుకొని ఆయనను బెంగళూరులోని తెలుగు ప్రజలు స్మరించుకున్నారు. ఇడమకంటి లక్ష్మీరెడ్డి  ఆధ్వర్యంలో శ్రీకృష్ణదేవరాయ కళామందిరంలో  సంస్మరణ సభ నిర్వహించి వైఎస్సార్‌కు ఘన నివాళులర్పించారు. ఈ సభకు ముఖ్య అతిథులుగా రాజ్యసభ సభ్యులు కేసీ రామ్మూర్తి, కావలి ఎమ్మెల్యే ప్రతాప్‌కుమార్‌రెడ్డి, డాక్టర్‌ రాధాకృష్ణరాజు, డాక్టర్‌ బలవీరారెడ్డి, ధనుంజయరెడ్డి, సుదాకర్‌ నాయుడు తదితరులు పాల్గొన్నారు. ఈ సందర్భాన్ని పురస్కరించుకొని దివంగత నేత వైఎస్సార్‌ సతీమణి విజయమ్మ రచించిన  ‘నాలో నాతో వైఎస్సార్‌’ పుస్తకాన్ని ఆవిష్కరించారు.  ఈ సందర్భంగా ఎంపీ కేసీ రామ్మూర్తి మాట్లాడుతూ.. ఆంధ్రప్రదేశ్ ముఖ్యమంత్రిగా రాజకీయక్షేత్రంలో ధీమంత నాయకునిగా చెరగని ముద్రవేసిన వైఎస్సార్‌.. బడుగు బలహీన వర్గాల అభ్యున్నతి కోసం కృషి చేశారని కొనియాడారు. ఆయన చేపట్టిన ప్రజా సంక్షేమ పథకాలు కేవలం ఆంధ్రప్రదేశ్‌కే పరిమితం కాకుండా యావత్ భారతదేశం అనుసరిస్తుందని ప్రశంసించారు. కావలి ఎమ్మెల్యే ప్రతాప్‌కుమార్‌రెడ్డి మాట్లాడుతూ.. దివంగత రాజశేఖర్ రెడ్డి సంక్షేమ పథకాల వలే తాము ఎమ్మెల్యేలుగా గెలిచామని చెప్పారు. ఆ మహనీయుడు వేసిన బాటే  తమకు మార్గదర్శకమని, ఆయన బాటలోనే ముఖ్యమంత్రి వైఎస్‌ జగన్‌మోహన్‌రెడ్డి పనిచేస్తున్నారని కొనియాడారు. ఇక సభను ప్రారంభించిన తెలుగు విజ్ఞానసమితి అధ్యక్షుడు డాక్టర్‌ రాధాకృష్ణరాజు మాట్లాడుతూ..భారతదేశ చరిత్రలో స్వయంకృషితో, ప్రతిభతో ఎదిగి ఓ రాష్ట్రానికి ముఖ్యమంత్రులుగా అయింది కేవలం ఎంజీఆర్‌, ఎన్టీఆర్‌, వైఎస్సార్‌ మాత్రమేనని పేర్కొన్నారు. వైఎస్సార్‌ స్వయం కృషితో ఎదిగారుకాబట్టే.. ఇప్పటికీ ఆయన పేరుతో స్థాపించిన రాజకీయపార్టీ అధికారంలో ఉందని ప్రశంసించారు. వైఎస్సార్‌ తీసుకొచ్చిన సంక్షేమ పథకాల ప్రతిఫలమే నేడు వైస్సార్‌సీపీని అధికారంలోకి తీసుకొచ్చిందని పేర్కొన్నారు. ‘నాలో నాతొ వైఎస్సార్‌’ పుస్తకాన్ని సభకు పరిచయం చేసిన  పూర్వ ఉపకులపతి, డాక్టర్ బలవీరారెడ్డి మాట్లాడుతూ.. విజయమ్మ రాసిన పుస్తకం సామాన్యుడిని కూడా వైఎస్సార్‌కు దగ్గర చేసేలా ఉందన్నారు. వైఎస్సార్‌ రాజకీయ వ్యక్తిత్వానికి నిలువుటద్దం ఈ పుస్తకం అని కొనియాడారు. ఈ పుస్తకాన్ని ఇంగ్లీష్‌, హీందీ భాషల్లో కూడా అనువాదం చేసి దేశ ప్రజలతో పాటు, భావితరాలకు వైఎస్సార్‌ గొప్పతనాన్ని తెలియజేయాలని అభిప్రాయపడ్డారు. 

సాక్షి, కృష్ణా : అనేక సంక్షేమ పథకాలతో దివంగత నేత వైఎస్‌ రాజశేఖరరెడ్డి ప్రజల గుండెల్లో గూడు కట్టుకున్నారని పెనమలూరు వైఎస్సార్‌ కాంగ్రెస్‌ పార్టీ ఎమ్మెల్యే కొలుసు పార్థసారధి అన్నారు. నేడు వైఎస్సార్‌ తమ మధ్య లేకపోవడం ప్రతి పేదవాడికి తీరనిలోటు అని పేర్కొన్నారు. బుధవారం వైఎస్సార్‌ 11వ వర్ధంతి సందర్భంగా ఆయన మాట్లాడుతూ.. తమ నియోజకవర్గంలో పార్టీలకతీతంగా అందరూ వైఎస్సార్‌కు ఘనమైన నివాళులు ఆర్పిస్తున్నారని తెలిపారు. ఆయన పాలనలో రాష్ట్రంలో లబ్ధి పొందని ఇంటి గడప లేదని వ్యాఖ్యానించారు. (ఎన్టీఆర్‌ ఆత్మ ఘోషిస్తోంది) కుల,మత,పార్టీలు చూడకుండా పేదవారందరికి పధకాల ద్వారా మేలు చేశారని పార్థసారధి గుర్తు చేసుకున్నారు. పేదవాడి చదువుకై విప్లవాత్మక ఆలోచన చేసి..పేద పిల్లలు చదివితే ఆ కుటుంబాల అభివృద్ధి చెందుతాయని ఫీజు రీయింబర్స్‌మెంట్ తెచ్చారన్నారు. పేదలందరికి ఇళ్ళు కట్టించిన గొప్ప వ్యక్తి, మొదటి ముఖ్యమంత్రి వైఎస్ రాజశేఖర్ రెడ్డి అని కీర్తించారు. దీర్ఘకాలిక రోగాలతో బాధపడే వారికోసం ఆరోగ్య శ్రీ తీసుకు వచ్చారని, దీని వల్ల పేదోడు కూడా కోటేశ్వరుడితో సమానంగా వైద్యం పొందేలా చేశారని కొనియాడారు.(‘పశ్చిమ’ తీరం.. అభివృద్ధి సమీరం) ‘మన అదృష్టం కొద్ది ఆయన తనయుడు మన ముఖ్యమంత్రిగా వచ్చి ఆయన ఆశయాలు నెరవేర్చుతున్నారు. నాన్న ఒక్క అడుగు వేస్తే రెండడుగులు వేస్తానని ముఖ్యమంత్రి వైఎస్‌ జగన్‌మోహన్‌రెడ్డి మాట ఇచ్చారు. చెప్పిన రీతిలోనే తండ్రి రీయింబర్స్‌మెంట్ తీసుకు వస్తే తనయుడు అమ్మ ఒడితో పేదలకు అండగా నిలబడ్డారు. తండ్రి 45 లక్షల ఇళ్లు కడితే విభజిత రాష్టంలో 30 లక్షల ఇళ్ల పట్టాలు ఇస్తున్నారు. పేదల పాలిట నిజమైన దేవుడు జగన్‌మోహన్‌రెడ్డి’ అని ఎమ్మెల్యే పార్థసారధి అన్నారు. (రెవెన్యూ కార్యాలయంలో ఏసీబీ ఆకస్మిక తనిఖీలు)

సాక్షి,  పశ్చిమ గోదావరి: దివంగత నేత వైఎస్‌ రాజశేఖర్ రెడ్డి పేద ప్రజల కోసం ఎన్నో సంక్షేమ పథకాలు అమలు చేశారని స్త్రీ,శిశు సంక్షేమ శాఖ మంత్రి తానేటి వనిత పేర్కొన్నారు. బుధవారం వైఎస్సార్‌ 11వ వర్థంతి సందర్భంగా పార్టీ కార్యాలయంలోని రాజాశేఖరరెడ్డి విగ్రహాంతో పాటు కొవ్వూరు పట్టణంలోని ఆయన విగ్రహాలకు మంత్రి పూలమాలలు వేసి నివాళులు అర్పించారు. అదే విధంగా పేదలకు వస్త్రాలు పంపిణీ చేయడమే కాకుండా వృద్ధులకు పండ్లు,రొట్టెలు పంచారు. అలాగే టీడీపీకి చెందిన పలువురు కార్యకర్తలకు పార్టీ కండువా కప్పి మంత్రి పార్టీలోకి ఆహ్వానించారు. అనంతరం మంత్రి మీడియా సమావేశంలో మాట్లాడుతూ.. గత కాంగ్రెస్ హయాంలో చాలా మంది ముఖ్యమంత్రులు పని చేశారన్నారు. కానీ వైఎస్‌ రాజశేఖరరెడ్డి ప్రజల కోసం పని చేసినట్లుగా ఏ సీఎం కూడా చేయలేదన్నారు. తండ్రి అడుగుజాడల్లోనే ముఖ్యమంత్రి వైఎస్ జగన్‌మోహన్‌రెడ్డి నడుస్తున్నారని, తండ్రిలాగే పేదల పక్షపాతిగా ఆయన‌ పని చేస్తున్నారని మంత్రి వ్యాఖ్యానించారు. 

సాక్షి, వైఎస్సార్‌ కడప: సంక్షేమ సారథిగా పాలన సాగిస్తున్న ముఖ్యమంత్రి వైఎస్‌ జగన్‌మోహన్‌రెడ్డి ప్రజా నేతగా మన్ననలందుకుంటున్నారు. అన్ని వర్గాల ప్రజలకు ఆప్తుడిగా మారి చేయూతనందిస్తున్నారు. ప్రజా రంజక పాలనతోపాటు తన వద్దకు వచ్చే అభిమానులను చిరునవ్వుతో పలకరిస్తూ తండ్రిని తలపిస్తున్నారు. ఇక ఇడుపులపాయలో మహానేత, దివంగత ముఖ్యమంత్రి వైఎస్‌ రాజశేఖరరెడ్డి వర్ధంతి కార్యక్రమంలో పాల్గొన్న సీఎం వైఎస్‌ జగన్ పార్టీ కార్యకర్తలు, స్థానికులతో మాట్లాడారు. వారి యోగ క్షేమాలు అడిగి తెలుసుకున్నారు. ఈక్రమంలోనే జ్యోతి అనే మహిళా అభిమాని సీఎం జగన్‌ దంపతులను కలుసుకుని తన బాబును ఆశీర్వదించాలని కోరారు. సీఎం వైఎస్‌ జగన్‌, వైఎస్‌ భారతి చిన్నారిని చేతుల్లోకి తీసుకుని ఆశీర్వదించారు.  (చదవండి: అంబులెన్స్‌కు దారి ఇచ్చిన సీఎం కాన్వాయ్‌)

సాక్షి, హైదరాబాద్‌: దివంగత ముఖ్యమంత్రి వైఎస్‌ రాజశేఖరరెడ్డి 11వ వర్ధంతి సందర్భంగా బుధవారం తెలంగాణ వ్యాప్తంగా వైఎస్సార్‌సీపీ నాయకులు, కాంగ్రెస్‌ నేతలు, ప్రజలు, అభిమానులు పెద్ద ఎత్తున నివాళులు అర్పించారు. నగరంలోని పంజాగుట్ట సర్కిల్‌లో డాక్టర్‌ వైఎస్సార్‌ వర్ధంతి కార్యక్రమాన్నివైఎస్సార్‌సీపీ నేతలు నిర్వహించారు. తెలంగాణ వైఎస్సార్‌సీపీ అధ్యక్షుడు గట్టు శ్రీకాంత్‌రెడ్డి వైఎస్సార్‌ విగ్రహానికి పూల మాల వేసి నివాళులర్పించారు. ఈ కార్యక్రమంలో పార్టీ రాష్ట్ర కార్యదర్శి ప్రపుల్‌రెడ్డి, అమృతాసాగర్‌ పాల్గొన్నారు. హైదరాబాద్‌: పంజాగుట్ట సర్కిల్‌లో డాక్టర్‌ వైఎస్సార్‌ వర్ధంతి కార్యక్రమంలో కాంగ్రెస్‌ ఎమ్మెల్యే జగ్గారెడ్డి పాల్గొన్నారు. వైఎస్సార్‌ విగ్రహానికి పూల మాల వేసి నివాళులర్పించారు. ఈ కార్యక్రమంలో తెలంగాణ కాంగ్రెస్‌ నేతలు మల్లురవి, అంజన్‌కుమార్‌ యాదవ్‌, ఫిరోజ్‌ఖాన్‌ తదితరులు పాల్గొన్నారు. ఈ సందర్భంగా ఎమ్మెల్యే జగ్గారెడ్డి మాట్లాడుతూ.. వైఎస్సార్‌ సేవలు చిరస్మరణీయని కొనియాడారు.  సూర్యాపేట: జిల్లా కేంద్రంలోని ఎంజీ రోడ్డులో దివంగత మాజీ ముఖ్యమంత్రి వైఎస్ రాజశేఖరరెడ్డి వర్ధంతి సందర్భంగా ఆయన చిత్ర పటానికి కాంగ్రెస్పార్టీ శాసనసభ పక్షనేత మల్లు భట్టి విక్రమార్క పూల మాల వేసి ఘనంగా నివాళులు అర్పించారు. ఈ కార్యక్రమంలో జిల్లా అధ్యక్షులు చెవిటి వెంకన్న యాదవ్‌, అభిమానులు పాల్గొన్నారు. కరీంనగర్: మహానేత స్వర్గీయ వైఎస్‌ రాజశేఖరరెడ్డి వర్ధంతి సందర్భంగా కాంగ్రెస్ కార్యాలయంలో వైఎస్సార్ చిత్ర పటానికి జిల్లా కాంగ్రెస్ కమిటీ అధ్యక్షులు డాక్టర్ సత్యనారాయణ పూల మాల వేసి నివాళులర్పించారు. ఈ కార్యక్రమంలో జిల్లా పార్టీ నాయకులు పాల్గొన్నారు. జగిత్యాల: మహానేత దివంగత ముఖ్యమంత్రి వైఎస్ రాజశేఖరరెడ్డి 11వ వర్ధంతి సందర్భంగా వైఎస్సార్‌సీపీ, కాంగ్రెస్ పార్టీ కార్యకర్తలతో పాటు వైఎస్సార్ అభిమానులు ఘనంగా నివాళులు అర్పించారు. పలు సామాజిక సేవా కార్యక్రమాలు నిర్వహించారు. కరీంనగర్‌లోని కాంగ్రెస్ కార్యాలయంలో వైఎస్ఆర్ చిత్రపటానికి నగర కాంగ్రెస్ అధ్యక్షులు కోమటిరెడ్డి నరేందర్‌రెడ్డితో పాటు పార్టీ నాయకులు పూల మాల వేసి నివాళులర్పించారు. తెలంగాణ చౌక్‌లో వైఎస్సార్ చిత్ర పటానికి వైఎస్సార్ కాంగ్రెస్ పార్టీ నాయకులు కార్యకర్తలు పూల మాల వేసి నివాళులర్పించారు. జగిత్యాలలో ఎమ్మెల్సీ జీవన్ రెడ్డి తన స్వగృహంలో వైఎస్సార్‌ చిత్ర పటానికి పూల మాల వేసి నివాళులు అర్పించారు.  ఈ సందర్భంగా ఆయన మాట్లాడుతూ.. వైస్సార్ సేవలను కొనియాడారు. మహానేత వైఎస్సార్‌ మన నుంచి దూరమై పదకొండు సంవత్సరాలు అవుతోందని, ఆయన చేసిన మేలు ప్రజలు మరవలేక పోతున్నారని తెలిపారు. మరువలేని మరపురాని మహానేత వైఎస్‌ రాజశేఖరరెడ్డి ప్రజల గుండెల్లో ఉన్నారని, అలాంటి నాయకుడిని మళ్లీ చూడలేమని తెలిపారు. వైఎస్సార్‌ను స్ఫూర్తిగా తీసుకుని ప్రతి కార్యకర్త పని చేయాలని కాంగ్రెస్ పార్టీ నగర అధ్యక్షుడు నరేందర్‌రెడ్డి కోరారు. ఈ కార్యక్రమంలో జిల్లా కాంగ్రెస్‌ పార్టీ అధ్యక్షుడు అడ్లూరి లక్ష్మణ్ కుమార్‌, పార్టీ నాయకులు, కార్యకర్తలు పాల్గొన్నారు.  పెద్దపల్లి: జిల్లా కేంద్రంలోని గాంధీ విగ్రహం వద్ద స్వర్గీయ వైఎస్‌ రాజశేఖరరెడ్డి 11వ వర్ధంతి సందర్భంగా ఆయన చిత్ర పటానికి డీసీసీ అధ్యక్షులు ఈర్ల కొమురయ్య పూల మాల వేసి నివాళులర్పించారు. ఈ కార్యక్రమంలో కాంగ్రెస్ నాయకులు, అభిమానులు పాల్గొన్నారు. జిల్లాలోని మంథని ఎమ్మెల్యే క్యాంపు కార్యాలయంలో వైఎస్‌ రాజశేఖరరెడ్డి వర్ధంతి సందర్భంగా ఆయన చిత్ర పటానికి మంథని కాంగ్రెస్పార్టీ నాయకులు పూల మాల వేసి నివాళులర్పించారు.  గద్వాల: దివంగత ముఖ్యమంత్రి వైఎస్ రాజశేఖరరెడ్డి వర్ధంతి సందర్భంగా గద్వాలలోని వైఎస్సార్‌ విగ్రహానికి డీసీసీ అధ్యక్షుడు పటేల్ ప్రభాకర్‌రెడ్డి పూల మాల వేసి నివాళులు అర్పించారు. వనపర్తి: జిల్లాలోని వనపర్తి మండలం పెద్దగూడెం గ్రామంలో వైఎస్సార్‌ విగ్రహానికి వైఎస్సార్‌ కాంగ్రెస్‌ జిల్లా ప్రధాన కార్యదర్శి వెంకటేష్ పూల మాల వేసి ఘనంగా నివాళులు అర్పించారు. ఈ కార్యక్రమంలో పార్టీ నేతలు, ప్రజలు, అభిమానులు పాల్గొన్నారు.  నారాయణపేట: మక్తల్ మండల కేంద్రంలో ఉమ్మడి ఆంధ్రప్రదేశ్ దివంగత ముఖ్యమంత్రి డాక్టర్ వైఎస్‌ రాజశేఖరరెడ్డి 11వ వర్ధంతి సందర్భంగా ఆయన చిత్ర పటానికి పార్టీ నాయకులు పూల మాల వేసి నివాళులర్పించారు. ఈ కార్యక్రమంలో పార్టీ నేతలు, కార్యకర్తలు, అభిమానులు పాల్గొన్నారు. నాగర్ కర్నూల్‌: కల్వకుర్తి నియోజకవర్గంలోని అన్ని మండల కేంద్రాల్లో ఘనంగా దివంగత నేత వైఎస్‌ రాజశేఖరరెడ్డి విగ్రహాల వద్ద అభిమానులు నివాళులు అర్పించారు. కొల్లాపూర్‌లో దివంగత నేత వైఎస్ రాజశేఖరరెడ్డి 11వ వర్ధంతి సందర్భంగా ఆయన విగ్రహానికి వైఎస్సార్‌సీపీ నాయకులు రామకృష్ణ, వెంకట్‌రెడ్డి, రాజశేఖర్‌రెడ్డి పూల మాల వేసి నివాళులర్పించారు. ఎంపీడీఓ కార్యాలయంలో వైఎస్సార్‌ విగ్రహానికి కాంగ్రెస్ మండల పార్టీ అధ్యక్షుడు రాము యాదవ్ పూల మాల వేసి నివాళులర్పించారు. ఈ కార్యక్రమంలో మున్సిపాలిటీ టౌన్ ప్రెసిడెంట్ కొండూరు ప్రమోద్ పాల్గొన్నారు. భద్రాద్రి కొత్తగూడెం: పాల్వంచ, బూర్గంపాడు మండలంలోని సారపాకలో మాజీ ముఖ్యమంత్రి డా.వైఎస్సార్‌ 11వ వర్ధంతి సందర్భంగా ఆయన విగ్రహానికి జిల్లా వైఎస్సార్‌సీపీ పార్టీ అధ్యక్షుడు కొల్లు వెంకటరెడ్డి పూల మాల వేసి ఘన నివాళులు అర్పించారు. ఈ కార్యక్రమంలో పార్టీ నాయకులు పాల్గొన్నారు.  ఖమ్మం: దివంగత నేత మాజీ ముఖ్యమంత్రి వైఎస్ రాజశేఖరరెడ్డి వర్ధంతి సందర్భంగా సత్తుపల్లి పట్టణంలోని వైఎస్సార్‌ విగ్రహానికి వైఎస్సార్‌సీపీ నాయకులు, కార్యకర్తలు పూల మాల వేసి నివాళులర్పించారు. దివంగత నేత మాజీ ముఖ్యమంత్రి వైఎస్సార్‌ వర్ధంతి సందర్భంగా మధిరలో ఆయన విగ్రహానికి వైఎస్సార్‌సీపీ నాయకులు ఉమా మహేశ్వర్రెడ్డి, అజాద్, ధర్మయ్య, మస్తాన్ పాషా పూల మాల వేసి నివాళులర్పించారు. ఈ కార్యక్రమంలో కార్యకర్తలు, అభిమానులు, ప్రజలు పాల్గొన్నారు.

చెరిగిపోని సంక్షేమ సంతకం.. చెదిరిపోని మధుర జ్ఞాపకం.. పాలించింది ఐదేళ్లే అయినా తరతరాలు తలచుకునేలా రామరాజ్యాన్ని అందించిన మహానుభావుడు. రాజకీయాలతో సంబంధం లేని.. జెండాలతో నిమిత్తం లేని అజెండా ఆయనది. అందరికీ మంచి జరగాలన్నదే ఆయన ఆశయం. మిత్రుడికే కాదు శత్రువుకు సైతం మేలు చేయాలన్నదే ఆయన నైజం. అందుకే అందరి మనసులను గెలిచాడు. చిరంజీవిగా నిలిచాడు. సాక్షి, శ్రీకాకుళం: మానవత్వం, దయాగుణం ఉన్న మహా మనీషి ముఖ్యమంత్రి అయితే ఎలా ఉంటుందో వైఎస్సార్‌ను చూస్తే తెలుస్తుంది. ఆరోగ్యవంతంగా రాష్ట్రం ఉన్నప్పుడే అభివృద్ధి పథంలో పయనిస్తుందని నమ్మిన మహా వ్యక్తి ఆయన. రాజకీయంగా ఎక్కడ కనుమరుగైపోతామోనన్న భయంతో కొందరు ఆరోగ్యశ్రీపై రకరకాల విమర్శలు చేసినా వెనక్కి తగ్గలేదు. ప్రభుత్వ నిధులను కార్పొరేట్‌ ఆసుపత్రులకు దోచిపెడుతున్నారని అరిచినా పట్టించుకోలేదు. నిరాటంకంగా ఆరోగ్యశ్రీ పథకాన్ని అమలు చేసి లక్షలాదిమంది ప్రాణాలు నిలిచారు. దేశంలోనే ఒక అద్భుత పథకంగా చూపించారు. మాట ఇచ్చామంటే నిలబడాలి. మాట మీద నిలబడ్డ వాడే నాయకుడు. ఇచ్చిన హామీలనే కాకుండా పరిస్థితులకు తగ్గట్టుగా, ప్రజా అవసరాల దృష్ట్యా సంక్షేమ, అభివృద్ధి పథకాలు అమలు చేసినవాడే ప్రజా నాయకుడవుతారు. అలా కావాలంటే దయాగుణం, మానవత్వం, స్పందించేతత్వం ఉండాలి. అవన్నీ ఉంటూ ప్రజల బాధలకు పరిష్కారం చూపినవాడే మంచి పాలకుడిగా భావిస్తారు. అదంతా మహానేత వైఎస్‌ రాజశేఖరరెడ్డిలో కన్పించింది. ఆయనున్నంతకాలం ప్రజల మేలుకోరి పనిచేశారు. ‘పాదయాత్రలో గుర్తించిన సమస్యలకు పరిష్కారం చూపడమే కాకుండా ఇచ్చిన హామీలను అధికారంలోకి వచ్చిన వెంటనే అమలు చేసిన ఘనత వైఎస్‌కే దక్కింది. హామీ ఇవ్వకుండా కూడా అనేక పథకాలు ప్రవేశ పెట్టి ప్రజానేత అయ్యారు. జనం గుండెల్లో చిరస్థాయిగా నిలిచిపోయారు. చెరపలేని సంతకంగా... చెరిగిపోని జ్ఞాపకంగా అందరిలోనూ చిరస్మరణీయుడయ్యాడు. ఇప్పుడా మహానేత బాటలోనే ఆయన తనయుడు, ప్రస్తుత ముఖ్యమంత్రి వైఎస్‌ జగన్‌మోహన్‌రెడ్డి నడుస్తున్నారు. నమ్మిన సిద్ధాంతంతో... వైఎస్సార్‌ ఆశయ సాధనతో... పేద ప్రజల కోసం శక్తివంచన లేకుండా పనిచేస్తున్నారు.  జిల్లాలో రాజన్న జాడలివి.. చిన్న చిన్న ఆరోగ్య సమస్యలకే విశాఖపట్నానికి పరుగులు తీసే చిక్కోలు ప్రజలకు ఓ పరిష్కారం చూశారు. శ్రీకాకుళానికి ఓ పెద్దాసుపత్రి ఉండాల్సిందేనని భావించి ప్రజలు కోరకుండానే ఒక ప్రభుత్వ వైద్య కళాశాలను మంజూరు చేశారు. మంజూరు ప్రకటన చేయడమే కాకుండా రూ. 119 కోట్లు కేటాయించారు. 300 పడకల జిల్లా కేంద్ర ఆసుపత్రిని 500 పడకల ఆసుపత్రిగా అభివృద్ధి చేశారు. ఏటా జిల్లా నుంచి వందల మంది వైద్యులను తయారు చేసే సంస్థను జిల్లాలో పెట్టారు. శంకుస్థాపన, ప్రారంభోత్సవం రెండూ ఆయన చేతుల మీదుగానే జరిగాయి. 13 ఆధునిక వసతులతో కూడిన భవనాలను మంజూరు చేశారు. కానీ వైఎస్సార్‌ మరణం తర్వాత దాని కోసం పట్టించుకున్న నాథుడు కరువయ్యాడు. మళ్లీ ఆయన తనయుడు వైఎస్‌ జగన్‌మోహన్‌రెడ్డి ఆధ్వర్యంలో రిమ్స్‌లో అభివృద్ధి అడుగులు పడుతున్నాయి. ఆరోగ్యశ్రీ ద్వారా ప్రాణంపోసుకున్నవారు, ఫీజు రీయింబర్స్‌మెంట్‌తో ఉన్నత విద్య అభ్యసించిన విద్యార్థులు వైఎస్సార్‌ పటాన్ని ఇంట్లో పెట్టుకొని పూజించుకుంటారు. విశ్వవిద్యాలయం ఆయన పుణ్యమే సిక్కోలు జిల్లాకు 1980 నుంచి గ్రామీణ విశ్వవిద్యాలయం ఏర్పాటు చేయాలని ఉద్యమాలు జరిగాయి. ప్రభుత్వాలు అనేక కమిటీలు కూడా వేశాయి. కానీ విశ్వవిద్యాలయం ఏర్పాటు కాలేదు. ప్రతీ జిల్లాలో విశ్వవిద్యాలయం ఏర్పాటు చేయాలని వైఎస్సార్‌ భావించారు. ఆ ఆలోచనకు ప్రతిరూపంగా ఎచ్చెర్లలోని బీఆర్‌ఏయూ యూనివర్సిటీ ఏర్పాటైంది. 2008 జూలై 25న డాక్టర బీఆర్‌ అంబేడ్కర్‌ వర్సిటీ ఏర్పాటు చేస్తూ నిర్ణయం తీసుకున్నారు. ఇప్పుడీ వర్సిటీ గ్రామీణ ప్రాంత విద్యార్థులను ఉన్నత విద్యావేత్తలుగా తీర్చిదిద్దుతున్నది.  రైతు పక్షపాతిగా.. నదులున్నా పొలాలు తడవని పరిస్థితి. భూములున్నా సాగు చేసుకోలేని దుస్థితి. సాగు చేద్దామని భావించినా అప్పు పుట్టని పరిస్థితి. ఇలాంటి పరిస్థితుల్లో రైతులను ఆదుకున్న ఏకైక నేత వైఎస్సారే. 2.50 లక్షల మందికి పైగా రైతులకు రుణమాఫీ చేశారు. అప్పటికే రుణాలు చెల్లించేసిన వారికి రూ.5 వేలు చొప్పున ప్రోత్సాహం అందించారు. అంతటితో ఆగకుండా ప్రతీ చుక్కనీటిని అందిపుచ్చుకుని, రైతుకు అందించాలని కంకణం కట్టుకున్నారు. అందులో భాగంగా తోటపల్లి ఫేజ్‌ 2, వంశధార రెండో దఫా ప్రాజెక్టును, టెక్కలి నియోజకవర్గంలోని ఆఫ్‌షోర్‌ ప్రాజెక్టుకు శ్రీకారం చుట్టారు. 2005 మే నెలలో వంశధార స్టేజ్‌ 2, ఫేజ్‌ 2 ప్రాజెక్టు పనులను ప్రారంభించారు. 20 మండలాల్లో 2.55 లక్షల ఎకరాలకు సాగునీరందించేందుకు తలపెట్టారు. వంశధార రిజర్వాయర్‌ నిర్మాణానికి రూ.970 కోట్లు విడుదల చేశారు. హిరమండలం వద్ద సుమారు 10 వేల ఎకరాల్లో 19 టీఎంసీల నీటి నిల్వ కోసం చేపట్టిన వంశధార రిజర్వాయర్‌ నిర్మాణం పూర్తయితే రైతులకు సాగునీటి కష్టాలు తీరినట్టే. వంశధార కుడి, ఎడమ కాలువలతో పాటు వంశధార, నాగావళి నదుల అనుసంధానం పనులు పూర్తయితే 2.55 లక్షల ఎకరాలు సస్యశ్యామలం అవుతాయని వైఎస్సార్‌ అప్పట్లో పనులకు శ్రీకారం చుట్టారు. 12,500 ఎకరాల సాగునీటి కోసం మడ్డువలస ప్రాజెక్టు స్టేజ్‌ 1 పనులను రూ.57.87 కోట్లతో చేపట్టారు. సాగునీరు, పలాస పట్టణానికి తాగునీటి సమస్య పరిష్కారం కోసం రూ. 123.25 కోట్లతో ఆఫ్‌షోర్‌ ప్రాజెక్టును రూపకల్పన చేశారు. నాగావళి, వంశధార నదుల వరద ఉద్ధృతి నుంచి పంట పొలాలను, ఆవాసాలను రక్షించేందుకు రూ.300 కోట్లతో కరకట్టల నిర్మాణాలకు సంకల్పించారు. సీతంపేట ఏజెన్సీలో  14 వేల ఎకరాల్లో 5 వేల మందికి గిరిజన రైతులకు పట్టాలు ఇచ్చారు.  పేదలకు లక్షా 80 వేల సొంతిళ్లు  పేదలకు సొంతింటి కల నెరవేర్చారు. పక్కా స్థలమిచ్చి గూడు కట్టారు. వైఎస్సార్‌ ముఖ్యమంత్రిగా ఉన్న కాలంలో 2006–07 నుంచి వరుస మూడేళ్లు ఇందిరమ్మ ఇళ్లు పథకం పేరిట పేదలందరికీ కుల, మత, వర్గ, రాజకీయ భేదాలు లేకుండా ఇళ్లను అందించారు. ప్రభుత్వం ఇచ్చిన డబ్బు సరిపడని లబ్ధిదారులు డ్వాక్రా సంఘాల్లో ఉంటే వారికి మరో రూ.20 వేలు అదనంగా బ్యాంకుల నుంచి రుణం ఇప్పించి పక్కా ఇళ్లను నిర్మించకునేందుకు ప్రోత్సహించారు.  ఇందిరమ్మ పథకం కింద 2006–07లో 71,141 ఇళ్లను, 2007–08లో 70,435 ఇళ్లను మంజూరు చేసి వాటిలో 61,754 ఇళ్లను పూర్తి చేశారు. మూడో విడతగా 42,800 ఇళ్లను మంజూరు చేయగా 39,240 ఇళ్లను నిర్మించి మూడేళ్లలో  చరిత్రలో ఎక్కడా లేని విధంగా లక్షా 80 వేల 817 ఇళ్లు మంజూరు చేసి అందులో లక్షా 63 వేల 140 ఇళ్లను పూర్తి చేసిన ఘనత వైఎస్సార్‌కు దక్కింది.   ఇచ్ఛాపురంతో విడదీయలేని అనుబంధం  మహానేత వైఎస్‌ రాజశేఖరరెడ్డి పాదయాత్ర ఓ ప్రభంజనం. ప్రజల బాధలు వింటూ, కన్నీళ్లు తుడుస్తూ సాగిన ప్రజాప్రస్థానం ఓ చరిత్ర. ఉమ్మడి ఆంధ్రప్రదేశ్‌ అంతటా పర్యటించి వైఎస్సార్‌ శ్రీకాకుళం జిల్లా ఇచ్ఛాపురంలో తన యాత్ర ముగించారు. అందుకు గుర్తుగా అక్కడ విజయస్థూపం నిర్మించారు. 2003 ఏప్రిల్‌ 9న పాదయా త్ర ముగింపు రోజున స్థూపాన్ని ఆవిష్కరించారు. వైఎస్సార్‌ తనయుడు, ప్రస్తుత ముఖ్యమంత్రి వైఎస్‌ జగన్‌మోహన్‌రెడ్డి.. కుమార్తె వైఎస్‌ షర్మిల పాదయాత్రల ముగింపునకు కూడా ఇదే వేదిక కావడం విశేషం.

సాక్షి, తాడేపల్లి : దివంగత ముఖ్యమంత్రి వైఎస్‌ రాజశేఖరరెడ్డిలేని లోటు తీర్చలేనిదని, ఆయన ప్రపంచ వ్యాప్తంగా ఉన్న తెలుగువారి గుండెల్లో గూడు కట్టుకున్నారని ప్రభుత్వ సలహాదారు సజ్జల రామకృష్ణారెడ్డి వ్యాఖ్యానించారు. బుధవారం వైఎస్సార్‌ 11వ వర్ధంతి సందర్భంగా ఆయన మాట్లాడుతూ..‘‘ మహానేత మరణించి 11 ఏళ్లయింది. ప్రతి వ్యక్తి వైఎస్సార్‌ని తమ కుటుంబ సభ్యుడని భావించారు. విలువల కోసం కట్టుబడిన వ్యక్తి.. సంక్షేమం, అభివృద్ధితో రాష్ట్రాన్ని ముందుకు నడిపించారు. ( నాన్న నా ప్రతి అడుగులోనూ తోడుగా ఉన్నారు ) కోట్లాది మంది గుండెల్లో మహానేత స్థానం సంపాదించారు. వైఎస్‌ రాజశేఖరరెడ్డి జీవితం అందరికీ ఒక స్ఫూర్తి. ఆయన స్ఫూర్తితో పుట్టిన పార్టీనే వైఎస్సార్‌ కాంగ్రెస్‌ పార్టీ. ఆయన ఆశయాలను ముందుకు తీసుకెళ్తాము. వైఎస్సార్‌ను ప్రజలు గుండెల్లో పెట్టుకున్నట్టే వైఎస్‌ జగన్‌మోహన్‌రెడ్డిని కూడా గుండెల్లో పెట్టుకున్నారు. రాజశేఖర్ రెడ్డి ఆశయాలతో వైఎస్సార్‌ సీపీని ముందుకు తీసుకెళ్తామ’’న్నారు.

ఆరోగ్యశ్రీతో పేదలకు పునర్జన్మ ఇచ్చారు.. ఫీజు రీయింబర్స్‌మెంట్‌తో చదువుల విప్లవం తీసుకువచ్చారు.. నీడలేని పేదలకు గూడును అందించారు.. జలయజ్ఞంతో బీడులను సస్యశ్యామలం చేశారు.. డెల్టా ఆధునికీకరణ, గోదావరి ఏటిగట్టు పటిష్టతకు నడుం బిగించారు.. ఉద్యాన వర్సిటీ ద్వారా అన్నదాతలకు అండగా నిలవడంతో పాటు ఉపాధి, ఉద్యోగావకాశాలకు బాటలు వేశారు.. ఇలా అన్నింటా ‘పశ్చిమ’పై ఎనలేని ప్రేమను చూపించారు.. జిల్లాలో అభివృద్ధి, సంక్షేమం పోటీపడి పరుగులు తీసేలా చర్యలు తీసుకున్నారు.. అడుగడుగునా మహానేత గురుతులతో చెరగని సంతకమై నిలిచిపోయారు. మా గుండెల్లో గుడిసెల్లో.. కొలువుంటావు రాజన్నా.. సాయం సంధ్యా దీపంలో.. నిన్నే తలుచుకుంటాము రాజన్నా.. అంటూ జిల్లావాసులు స్మరించుకుంటున్నారు. దివంగత ముఖ్యమంత్రి వైఎస్‌ రాజశేఖరరెడ్డి వర్ధంతి సందర్భంగా మహానేత.. అందుకో మా జ్యోతఅంటూ పశ్చిమవాసులు నీరాజనాలు అర్పిస్తున్నారు. సాక్షి, పశ్చిమగోదావరి: దివంగత ముఖ్యమంత్రి వైఎస్‌ రాజశేఖరరెడ్డి నరసాపురం తీర ప్రాంత అభివృద్ధి ప్రత్యేక శ్రద్ధ పెట్టారు. తీర ప్రాంత ప్రజల సంక్షేమం విషయంలో గతంలో ఏ ముఖ్యమంత్రి చూపని చొరవను చూపించారు. ఆయన పరమపదించి 11 ఏళ్లు గడుస్తున్నా నిత్యం ఆయన స్మృతులను ఈ ప్రాంత ప్రజలు గుర్తుచేసుకుంటున్నారు. పట్టణంలో వైఎస్‌ పేరుపై పెద్దకాలనీ కూడా ఉంది. ఈ కాలనీ వాసులు చందాలు వేసుకుని వైఎస్‌ విగ్రహాన్ని ఏర్పాటుచేశారు. వైఎస్సార్‌ ముఖ్యమంత్రి అయిన తొలినాళ్లలో సునామీ ప్రళయంతో తీరంలో మృత్యుఘోష వినిపించింది. సునామీ బాధితులను ఆదుకోవడంలో ఆయన చొరవ చూపారు. కేంద్ర ప్రభుత్వ నిధులతో సీతారామపురంలో లేసుపార్కును నిర్మించడంలో విశేషంగా కృషిచేశారు. లేసుపార్కునూ ఆయనే ప్రారంభించారు. ప్రస్తుతం ఈ పార్కులో వేలాది మంది ఉపాధి పొందుతున్నారు.   వశిష్ట వారధికి శ్రీకారం  ఉభయగోదావరి జిల్లావాసులకు కలగా ఉన్న వశిష్ట వంతెన నిర్మాణానికి వైఎస్సార్‌ జీఓ ఇచ్చి రూ.94 కోట్లు మంజూరు చేశారు. ఆయన మరణానంతరం నిర్మాణ పనులు అటకెక్కగా ప్రస్తుత ముఖ్యమంత్రి జగన్‌మోహన్‌రెడ్డి వంతెన నిర్మాణానికి చొరవ చూపిస్తున్నారు. బియ్యపుతిప్ప మినీ ఫిషింగ్‌ హార్బర్‌ ప్రాజెక్ట్‌లో కదలిక వచ్చిందంటే అదీ వైఎస్‌ చలువే. ఆయన మృతితో ఈ ప్రాజెక్ట్‌ కూడా అటకెక్కింది. తండ్రి ఆశయ సాధనలో భాగంగా సీఎం జగన్‌మోహన్‌రెడ్డి రూ.450 కోట్లతో మేజర్‌ ఫిషింగ్‌ హార్బర్‌ నిర్మాణానికి చర్యలు తీసుకున్నారు. పేరుపాలెం బీచ్‌ అభివృద్ధికి తొలిసారిగా నిధులు మంజూరు చేసిన ఘనత మహానేత వైఎస్సార్‌కు దక్కుతుంది. ఆయన హయాంలో నియోజకవర్గంలో 4 వేల మందిపైగా పేదలు ఆరోగ్యశ్రీ పథకంలో వైద్యం చేయించుకున్నారు. 2004 నాటికి నియోజకర్గంలో 200 మందికి అందే పింఛన్ల సంఖ్యను ఆయన 2 వేలకు పెంచారు. ఆయన హయాంలో నియోజకవర్గ అభివృద్ధికి రూ.400 కోట్లకు పైగా నిధులు మంజూరుచేశారు. పలు రహదారులు, తాగునీటి ప్రాజెక్ట్‌లు, ఉప్పుటేరులపై వంతెనలు ఆయన హయాంలో నిర్మించినవే. నరసాపురంలో హౌసింగ్‌ బోర్డు కాలనీని ఆనుకుని ఇందిరమ్మ పథకంలో రూ.10 కోట్ల ఖర్చుతో 700 మందికి ఇళ్లు నిర్మించి అందించారు.    నగర బాటతో సంక్షేమ పరవళ్లు  నిడదవోలులో 2005లో రాజీవ్‌ నగరబాట కార్యక్రమంలో భాగంగా మహానేత వైఎస్సార్‌ పర్యటించారు. పట్టణానికి సుమారు రూ.కోటి నిధులను కేటాయించారు. వీటితో సీసీ రోడ్లు, డ్రెయిన్‌ నిర్మాణాలు చేపట్టారు. పట్టణంలో సీపీఎఫ్‌ నిధులు సుమారు రూ.కోటితో నిర్మించిన సెంట్రల్‌ విద్యుత్‌ లైటింగ్‌ను, పట్టణంలో విద్యానగర్‌లో రూ.10 లక్షలతో నిర్మించిన పార్కును ఆయన ప్రారంభించారు. బాలాజీనగర్‌లో రూ.1.64 కోట్లతో నిర్మించిన 500 కేఎల్‌ సామర్థ్యం గల మంచినీటి రిజర్వాయర్‌కు వైఎస్సార్‌ శంకుస్థాపన చేశారు. ఎంవీ నగర్‌లో మంచినీటి రిజర్వాయర్‌ను ప్రారంభించారు. ఇందిరమ్మ పథకంలో భాగంగా 28వ వార్డులో 832 మంది పేదలకు ఇళ్లను అందించారు. మహానేత సేవలకు గుర్తుగా ఈ ప్రాంతవాసులు ఆయన విగ్రహాన్ని ఏర్పాటుచేసి స్మరించుకుంటున్నారు. మాజీ కౌన్సిలర్‌ పొలదాసు శ్రీనివాస్‌ వైఎస్సార్‌పై ఉన్న అభిమానంతో సొంత నిధుతో రూ.2 లక్షలతో వైఎస్సార్‌ నగర్‌కు ముఖద్వారాన్ని నిర్మించారు.  2008లో వైఎస్సార్‌ హయాంలో రూ.70 లక్షలతో పట్టణంలో నూతన మున్సిపల్‌ కార్యాలయాన్ని నిర్మించారు. అనంతర కాలంలో డాక్టర్‌ వైఎస్‌ రాజశేఖరరెడ్డి మున్సిపల్‌ కార్యాలయంగా కౌన్సిల్‌ నామకరణం చేసి ఏకగీవ్రంగా తీర్మానం చేసింది.   బాలికా విద్యకు ప్రాధాన్యం దివంగత సీఎం వైఎస్‌ రాజశేఖరరెడ్డి హయాంలో పెరవలి మండలంలో ఇందిరమ్మ పథకంలో భాగంగా నడిపల్లిలో 53 మంది లబ్ధిదారులకు 1.78 ఎకరాలు, కడింపాడులో 48 మంది లబ్ధిదారులకు 1.50 ఎకరాలు, మల్లేశ్వరంలో 38 మంది లబ్ధిదారులకు 1.21 ఎకరాలు, అన్నవరప్పాడులో 123 మంది లబ్ధిదారులకు 3.71 ఎకరాలు, కాపవరంలో 88 మంది లబ్ధిదారులకు 2.95 ఎకరాలు, ఖండవల్లిలో 274 మంది లబ్ధిదారులకు 8.20 ఎకరాల భూమిని సేకరించి ఇళ్ల పట్టాలు అందించారు. రాజీవ్‌ పల్లెబాట కార్యక్రమంలో భాగంగా ఆయన కానూరులో ప్రాథమిక ఆరోగ్య కేంద్రాన్ని పరిశీలించి అప్పటికప్పుడు రూ.46 లక్షలు నిధులు మంజూరు చేసి నూతన భవనానికి శంకుస్థాపన చేశారు. కానూరు బీసీ బాలికల వసతి గృహం పరిశీలించి అప్పటికప్పుడు రూ.26 లక్షల నిధులు మంజూరు చేసి శంకుస్థాపన చేసిన ఘనత ఆయనదే. ముక్కామలలో ఇళ్ల స్థలాలు, జాతీయ రహదారి నుంచి ముక్కామల వరకు రోడ్డు నిర్మాణానికి రూ.76 లక్షల నిధులు మంజూరు చేశారు. గోదావరి తీర ప్రాంత ప్రజల గుండెల్లో ఉన్న భయాన్ని పోగొట్టిన మహనీయులు ఆయన. రూ.136 కోట్లతో గోదావరి ఏటిగట్టును ఎత్తు పెంచడంతో పాటు పటిష్టం చేసి ఇక్కడ ప్రజల గుండెల్లో చిరస్థాయిగా నిలిచిపోయారు.  మెట్టనింట ఆరోగ్య సిరులు జిల్లాలోని మెట్ట ప్రాంతంపై మహానేత వైఎస్సార్‌ చెరగని ముద్ర వేశారు. జంగారెడ్డిగూడెంలో 100 పడకల ఆస్పత్రిని ఏర్పాటుచేసి ఆరోగ్య ప్రదాతగా నిలిచారు. చింతలపూడి నియోజకవర్గంలో దీర్ఘకాలంగా ఉన్న ట్రాఫిక్‌ సమస్యను పరిష్కరించేందుకు 2006 ఫిబ్రవరి 10న రూ.5 కోట్లతో పట్టణంలో రోడ్ల విస్తరణ, సెంట్రల్‌ లైటింగ్‌ పనులకు శంకుస్థాపన చేశారు. మెట్ట రైతుల కోరిక మేరకు 2008 అక్టోబర్‌లో రూ.1,701 కోట్లతో కామవరపుకోటలో చింతలపూడి ఎత్తిపోతల పథకానికి శంకుస్థాపన చేశారు.   నియోజకవర్గంతో ప్రత్యేక అనుబంధం  2003 మే నెలలో పాదయాత్రలో భాగంగా చింతలపూడి నియోజకవర్గంలో వైఎస్సార్‌ మూడు రోజులు పర్యటించారు. 2006 ఫిబ్రవరి 10న ముఖ్యమంత్రిగా చింతలపూడి విచ్చేసి ఇందిరమ్మ గ్రామ సభలో పాల్గొన్నారు. 2007 జూన్‌ 7న  జంగారెడ్డిగూడెం వచ్చిన సందర్భంగా 100 పడకల ఆస్పత్రిని మంజూరు చేసి అదే రోజు శంకుస్థాపన చేశారు. రూ.7.54 కోట్లతో ఆస్పత్రి భవనాలను నిర్మించారు. జంగారెడ్డిగూడెంలో పాలిటెక్నిక్‌ కాలేజీ, సబ్‌ట్రెజరీ కార్యాలయం ఆయన మంజూరు చేసినవే.   మదిలో మెదిలే నాయకుడు మదిలో నిరంతరం మెదిలే నాయకుడు వైఎస్‌ రాజశేఖరరెడ్డి.. ఆయన ఫొటో కన్పించినా, ఆయన చేసిన పనులు కన్పించినా ఆయన జ్ఞాపకాలు, ఆయనతో మాట్లాడిని మాటలు ఇట్టే గుర్తుకువస్తాయి అని ఉండి నియోజకవర్గ వైఎస్సార్‌ సీపీ ఇన్‌చార్జి పీవీఎల్‌ నర్సింహరాజు అన్నారు. మహానాయకుడి మాటా, బాటా, మర్యాద, మనస్ఫూర్తి నవ్వు మరవలేమని గుర్తుచేసుకున్నారు. సీఎంగా బాధ్యతలు స్వీకరించిన అనంతరం ఉండి మండలంలోని 220 కేవీ సబ్‌స్టేషన్‌ ప్రారంభోత్సవానికి వచ్చిన సమయంలో వైఎస్సార్‌ను కలిసిన జ్ఞాపకాలు ఎప్పటికీ మరువలేనన్నారు. ప్రజారంజకమైన పాలనతో ఆయన ప్రజల గుండెల్లో చిరస్థాయిగా నిలిచారని పీవీఎల్‌ అన్నారు.  మానస పుత్రిక ఉద్యాన వర్సిటీ భవిష్య దార్శనికుడు, రైతుల పక్షపాతి దివంగత ముఖ్యమంత్రి వైఎస్‌ రాజశేఖరరెడ్డి స్మృతిపథం నుంచి సరిగ్గా 13 ఏళ్ల క్రితం ఊపిరిపోసుకున్న జిల్లాలోని వెంకట్రామన్నగూడెంలో డాక్టర్‌ వైఎస్సార్‌ ఉద్యాన యూనివర్సిటీ ఉద్యాన రైతుల పాలిట వరంగా మారింది. ఉద్యాన విద్య అభ్యసించే విద్యార్థులకు ఉపాధి, ఉద్యోగ అవకాశాలు కల్పించే కల్పతరువుగా నిలుస్తోంది. రైతును రాజు చేసే క్రమంలో తక్కువ నీటితో వాణిజ్య విలువలు కలిగిన ఉద్యాన ఉత్పత్తులను పండించే స్థాయికి తీసుకెళ్లడానికి వైఎస్‌ సీఎంగా, ప్రస్తుత ఎమ్మెల్యే కొట్టు సత్యనారాయణ శాసనసభ్యులుగా ఉన్న సమయంలో ఏర్పడిన ఆంధ్రప్రదేశ్‌ ఉద్యాన విశ్వవిద్యాలయం అనంతర కాలంలో డాక్టర్‌ వైఎస్సార్‌ ఉద్యాన విశ్వవిద్యాలయంగా రూపాంతరం చెందింది. విద్య, పరిశోధన, విస్తరణ లక్ష్యాలుగా 216 ఎకరాల సువిశాల విస్తీర్ణంలో దేశంలో రెండవదిగా, దక్షిణ భారతదేశంలో మొదటి విశ్వవిద్యాలయంగా ఏర్పడింది. వర్సిటీ 13 జిల్లాల్లో 20 పరిశోధనా స్థానాలు, నాలుగు ప్రభుత్వ ఉద్యాన కళాశాలలు, నాలుగు ప్రైవేటు ఉద్యాన కళాశాలలు, నాలుగు ప్రభుత్వ పాలిటెక్నిక్‌లు, ఏడు ప్రైవేటు ఉద్యాన పాలిటెక్నిక్‌లు, నాలుగు కృషి విజ్ఞాన కేంద్రాలతో ఉద్యాన రైతులకు సేవలను అందిస్తోంది. కొత్త వంగడాల సృష్టితో పాటు సెంటర్‌ ఆఫ్‌ ఎక్సలెన్సు ద్వారా సారవంతమైన నారును రైతు లోకానికి అందిస్తోంది. విదేశీ సిరులు కురిపించే ఆర్కిడ్స్, రైతులకు లాభాలను పంచే క్యాప్సికం, కీరా దోస వంటి పంటలతో పాటు వాణిజ్య సిరులు అందించే పూల సాగులను ప్రోత్సహిస్తోంది. ఎండిన పూలకు వాణిజ్యపు హంగులు అద్దే ప్రాజెక్టు కార్యాచరణకు రాబోతుంది. ప్రధాని అవార్డు అందుకున్న వీఆర్‌ గూడెం కృషి విజ్ఞాన కేంద్రంతో పాటు దేశంలో ఉత్తమ కృషి విజ్ఞాన కేంద్రాలుగా ఉద్యాన వర్సిటీ కేంద్రాలు అవార్డులు అందుకునే స్థాయికి ఎదగడం వెనుక వైఎస్సార్‌ ఆశయ స్ఫూర్తి దాగి ఉంది. వెస్ట్‌ చాంపియన్‌ అని పిలిచేవారు దివంగత ముఖ్యమంత్రి వైఎస్‌ రాజశేఖరరెడ్డి సంక్షేమ ప్రదాత అని మాజీ ఎమ్మెల్యే, పీసీసీ మాజీ అధ్యక్షుడు జీఎస్‌ రావు అన్నారు. 1999లో కాంగ్రెస్‌ పార్టీ కొవ్వూరు ఎమ్మెల్యేగా వైఎస్సార్‌ తనకు టికెట్‌ ఇచ్చారని, జిల్లాలో తాను ఒక్కడినే ఎమ్మెల్యేగా గెలుపొందిన సమయంలో తనను ఎంతగానో మెచ్చుకున్నారని గుర్తుచేసుకున్నారు. తాను ఎప్పుడు కలిసిన వెస్ట్‌గోదావరి చాంపియన్‌ అని పిలిచేవారన్నారు. వైఎస్సార్‌ ముఖ్యమంత్రిగా ఉన్న సమయంలోనే తాను పీసీసీ అధ్యక్షుడి పదవిని చేపట్టానని, కాంగ్రెస్‌ అధిష్టానానికి ఆయనే స్వయంగా ప్రతిపాదించారన్నారు.  వైఎస్సార్‌ హయాంలోనే ఆంధ్రప్రదేశ్‌ కాంగ్రెస్‌ కమిటీ వైస్‌ ప్రెసిడెంట్‌గా, ఆల్‌ ఇండియా కాంగ్రెస్‌ కమిటీ మెంబర్‌గా, జిల్లా కాంగ్రెస్‌ కమిటీ అధ్యక్షులుగా పనిచేశానన్నారు. ఆయన ముఖ్యమంత్రిగా ఉన్న సమయంలో పేదలకు సంక్షేమ ఫలాలను అందించడం ఆనందంగా ఉందన్నారు. మహానేత బాటలోనే సీఎం జగన్‌ పయనిస్తున్నారని జీఎస్‌ రావు అన్నారు.    ఆయన జ్ఞాపకాలు మరువలేం దివంగత మహానేత డాక్టర్‌ వైఎస్‌ రాజశేఖరరెడ్డితో తనకు మంచి అనుబంధం ఉందని, ఆయన జ్ఞాపకాలు మరువలేమని గోపాలపురం ఎమ్మెల్యే తలారి వెంకట్రావు అన్నారు. తనను ఎంతో ఆప్యాయంగా ఆయన పలకరించేవారని, జిల్లాలో పాదయాత్ర జరిగినప్పుడు ఆయనతో కలిసి నడిచానని గుర్తు చేసుకున్నారు. కుల, మత, పార్టీలకు అతీతంగా అన్నివర్గాలకు సంక్షేమ పథకాలు అందించిన మహోన్నత వ్యక్తి వైఎస్సార్‌ అని కొనియాడారు. ఆయన హయాంలోనే గోపాలపురం నియోజకవర్గం అభివృద్ధి చెందిందని, ఇందిరమ్మ కాలనీ పేరుతో వేలాది మందికి ఇళ్లపట్టాలు పంపిణీ చేశారని అన్నారు. ద్వారకాతిరుమలలో బాలయోగి గురుకుల పాఠశాలను నిర్మించారన్నారు. వైఎస్సార్‌ వర్ధంతిని పురస్కరించుకుని వైఎస్సార్‌ సీపీ శ్రేణులు, ఆయన అభిమానులు బుధవారం సేవా కార్యక్రమాలు చేపట్టాలని ఎమ్మెల్యే తలారి వెంకట్రావు పిలుపునిచ్చారు.     

ఇల్లెందుకు వృద్ధి ఫలాలు  ఇల్లెందు: నియోజకవర్గంలో సాగిన పాదయాత్రలో ప్రజలకు ఇచ్చిన హామీల మేరకు ముల్కనూరు సమీపంలో గల పాకాల ఏటిపై మున్నేరు ప్రాజెక్ట్‌ నిర్మాణానికి నాటి ముఖ్యమంత్రి వైఎస్‌.రాజశేఖర్‌ రెడ్డి ఆమోదం తెలిపారు. 2009 మార్చి 2న మున్నేరు ప్రాజెక్ట్‌ నిర్మాణానికి జీఓ జారీ చేశారు. రూ.131.67 కోట్ల వ్యయంతో 5 వేల ఎకరాలకు సాగునీరు, 29 గ్రామాలకు మంచినీరు అందించేలా నిర్మించేలా చర్యలు తీసుకున్నారు. ఆ తర్వాత ఆయన హఠాన్మరణంతో ఇది నిలిచింది. కామేపల్లి మండలంలోని తాళ్లగూడెంలో 2005 మే 6వ తేదీన జరిగిన ప్రజాపథంలో పాల్గొన్న వైఎస్సార్‌ తాళ్లగూడేనికి 50 గృహాల మోడల్‌ కాలనీ మంజూరు చేశారు. ఇక్కడి చెరువు వద్ద ఆయన స్వయంగా అరక దున్ని  ఏరువాక కార్యక్రమాన్ని ప్రారంభించారు. 2005లో బయ్యారం చెరువుకు గండి పడగా మరమ్మతులు, అభివృద్ధి పనులకు రూ.10 కోట్లు మంజూరు చేశారు. మర్రిగూడెం వద్ద గల ముసలమ్మ వాగు వద్ద చెరువు నిర్మాణానికి అప్పటి ఎమ్మెల్యే గుమ్మడి నర్సయ్యకు హామీ ఇచ్చి రెండోమారు అధికారంలోకి రాగానే నిధులు మంజూరు చేస్తూ ఆదేశాలు జారీ చేశారు.  నాటి రాజీవ్‌ సాగరే.. నేటి సీతారామ ప్రాజెక్ట్‌ అశ్వాపురం: జలయజ్ఞం పథకంలో భాగంగా  అశ్వాపురం మండలం కుమ్మరిగూడెంలోని దుమ్ముగూడెం ఆనకట్ట ఆధారంగా 2003లో దుమ్ముగూడెం రాజీవ్‌సాగర్‌ ప్రాజెక్ట్‌కు నాటి ముఖ్యమంత్రి వైఎస్సార్‌ రూపకల్పన చేశారు. 2003లో కుమ్మరిగూడెంలో దుమ్ముగూడెం ఆనకట్ట వద్ద శంకుస్థాపన చేశారు. ప్రాజెక్ట్‌ పనులు కూడా కొంత వరకు జరిగాయి. అనంతరం పెద్దాయన హఠాన్మరణంతో ఆగిపోయాయి. తెలంగాణ ప్రభుత్వం సాగునీటి ప్రాజెక్ట్‌ల రీడిజైన్‌లో భాగంగా సీతారామ ఎత్తిపోతల పథకంగా పేరుమార్చి ప్రస్తుతం నిర్మిస్తోంది. మూడో దశ వరకు పనులు తుది దశకు చేరుకున్నాయి.   అయితే..వైఎస్సార్‌ హయాంలోని ప్రాజెక్ట్‌ డిజైన్‌లో పినపాక నియోజకవర్గంలో వేల ఎకరాలకు సాగునీరందేలా ఉండగా..సీతారామ ప్రాజెక్ట్‌ డిజైన్‌లో దానికి మినహాయింపునిచ్చారు.  కిన్నెరసాని కాల్వలతో వేల ఎకరాలకు సాగునీరు పాల్వంచరూరల్‌: పాల్వంచ, పినపాక, బూర్గంపాడు మండలాల్లో పదివేల ఎకరాలకు కిన్నెరసాని జలాలను సాగునీరుగా అందించారు. జలయజ్ఞంలో భాగంగా 2005 డిసెంబర్‌ 31న పాల్వంచకు వచ్చిన వైఎస్‌.రాజశేఖర్‌ రెడ్డి రూ.37 కోట్ల వ్యయంతో కిన్నెరసాని జలాల తరలింపునకు కుడి, ఎడమ కాల్వల నిర్మాణానికి శంకుస్థాపన చేశారు. పనులు పూర్తయి..నేటికీ జలాలు అందుతున్నాయి. తద్వారా ఇక్కడి వేలాదిమంది రైతులకు రెండు పంటలు పండే భాగ్యాన్ని ప్రసాదించారు. ఇంకా ఫీజు రీయింబర్స్‌మెంట్, ఆరోగ్య శ్రీ, ఉచిత విద్యుత్, పింఛన్లు తదితర సంక్షేమ కార్యక్రమాలతో అనేక మందికి అండగా నిలిచారు.  మున్నేరు ప్రాజెక్ట్‌ కోసం నాటి ముఖ్యమంత్రి వైఎస్సార్‌ను కలిసిన గుమ్మడి నర్సయ్య, తదితరులు (ఫైల్‌)  నర్సన్నా.. నేరుగా వచ్చి కలువు ఇల్లెందు: విద్యుత్‌ పోరాటంలో తనతో కలిసి పోరాడిన నాటి ఇల్లెందు ఎమ్మెల్యే, సీపీఐ (ఎంఎల్‌)న్యూడెమోక్రసీ రాష్ట్ర నేత గుమ్మడి నర్సయ్య అంటే వైఎస్సార్‌కు ప్రత్యేక గౌరవం ఉండేది. ఆ తర్వాత జరిగిన ఎన్నికల్లో గుమ్మడి నర్సయ్య ఓటమి చెంది చాలా కాలం తర్వాత ఇల్లెందు అభివృద్ధి కోసం వెళ్లగా..ఉమ్మడి ఏపీ ముఖ్యమంత్రి హోదాలో ఉన్న వైఎస్సార్‌ ఆప్యాయంగా తన గదిలోకి ఆహ్వానించారు. ‘నర్సన్నా నువ్వు ఓడిపోవడం ఏమిటన్నా’ అంటూ బాధపడ్డారు. ‘ ఏ పని ఉన్నా నేరుగా వచ్చి కలువు అన్నా..’ అంటూ అక్కడ ఉన్న తన ప్రత్యేక కార్యదర్శులకు సూచించినట్లు గుమ్మడి నర్సయ్య వైఎస్సార్‌ జ్ఞాపకాలను గతంలో నెమరవేసుకున్నారు. నడుస్తూ..కష్టాలు వింటూ ఇల్లెందు: ఉమ్మడి ఆంధ్రప్రదేశ్‌లో అప్పటి ప్రతిపక్ష నేతగా వైఎస్‌.రాజశేఖర్‌ రెడ్డి చేపట్టిన ప్రజాప్రస్థానం పాదయాత్ర నాటి ఉమ్మడి ఖమ్మం జిల్లా వ్యాప్తంగా సాగింది. 2003 మే 5వ తేదీన వరంగల్‌ జిల్లా మహబూబాబాద్‌ నుంచి..బయ్యారం చేరుకోగా ఆయనకు ప్రజలు ఘన స్వాగతం పలికారు. అనేక సమస్యలను తెలుసుకుని..2004 ఎన్నికల్లో అధికారంలోకి వచ్చాక ముఖ్యమంత్రిగా వాటికి పరిష్కారం చూపారు. పాదయాత్ర సందర్భంగా బయ్యారం పెద్ద చెరువును శాశ్వత ప్రాతిపదికన అభివృద్ధి పర్చాలని రైతులు విన్నవించారు. గుండ్ల వీరస్వామి అనే స్వాతంత్య్ర సమరయోధుడు పేదరికంలో మగ్గుతున్న విషయం తెలుసుకుని..నాటి సుజాతనగర్‌ ఎమ్మెల్యే రాంరెడ్డి వెంకటరెడ్డితో మాట్లాడి..పింఛన్‌ మంజూరు చేయించాలని సూచించారు. అలిగేరు, గుంపెళ్లగూడెం, ముల్కనూరు, దుబ్బగూడెం మీదుగా గార్లకు పాదయాత్ర సాగింది. తర్వాతి రోజు లింగాల గ్రామానికి చేరుకుని రాంరెడ్డి వెంకటరెడ్డి స్వగృహంలో బస చేశారు. మరుసటి రోజు కొత్తలింగాల క్రాస్‌రోడ్‌ మీదుగా ముచ్చర్ల క్రాస్‌రోడ్, పండితాపురం, రఘునాథపాలెం, బల్లెపల్లిల మీదుగా ఖమ్మానికి చేరుకున్నారు.                                 బయ్యారంలో వైఎస్సార్‌ ప్రజా ప్రస్థానం పాదయాత్ర (ఫైల్‌) 

ఆరోగ్యశ్రీ పథకంతో పేదలకు ఆరోగ్య భద్రత కల్పించావు.. 108 వాహనాలతో అత్యవసర సేవలు అందుబాటులోకి తెచ్చావు.. రుణమాఫీతో రైతులను ఆదుకున్నావు.. ఉచిత విద్యుత్‌తో సాగుకు సాయం చేశావు.. జలయజ్ఞంతో సాగునీటి కొరత తీర్చావు.. సంక్షేమ పథకాలతో ప్రజల గుండెల్లో చిరస్థాయిగా నిలిచావు.. మహానేతా నీవు మా నుంచిభౌతికంగా దూరమైనా నీ మేలు మరచిపోలేం.. మా మది నిండుగా నీ జ్ఞాపకాలే అంటూ జిల్లా వాసులు దివంగత ముఖ్యమంత్రి వైఎస్‌ రాజశేఖరరెడ్డిని తలచుకుంటున్నారు. ఆయన వర్ధంతిని పురస్కరించుకుని జిల్లాకు ఆయన చేసిన మేలును గుర్తుచేసుకుంటున్నారు. సాక్షి, విజయనగరం: పేద వాడికి సుస్తీ చేస్తే బంగారం, ఇల్లు, భూమి  తాకట్టు పెట్టి వైద్యం చేసుకునే పరిస్థితి ఉండేది. పాదయాత్రలో ప్రజల కష్టాలు చూసి చలించిన దివంగత ముఖ్యమంత్రి వై.ఎస్‌.రాజశేఖరరెడ్డి 2007లో ఆరోగ్యశ్రీ పథకాన్ని అమలులోకి తెచ్చారు. ప్రతీ పేదవాడికి కార్పొరేట్‌ వైద్యాన్ని ఉచితంగా అందించారు. కేన్సర్, కిడ్నీ, గుండె సంబంధిత వ్యాధులకు ఆరోగ్య కార్డుతో పైసా ఖర్చులేకుండా వైద్యం అందేది. పథకంతో ఎంతో మంది వైద్యసేవలు పొంది పునర్జన్మ పొందారు.   అపరసంజీవిని 108.. ఆరోగ్యశ్రీ లాగే వైఎస్సార్‌ అమలుచేసిన మరో గొప్పపథకం 108. రోడ్డు ప్రమాదాలు, పాముకాటుకు గురైన వారిని, అగ్నిప్రమాదాల్లో గాయపడిన వారిని, గర్భిణులు, కడుపునొప్పి, ప్రాణాపాయ స్థితిలో ఉన్నవారిని సకాలంలో ఆస్పత్రికి చేర్చడంలో 108 వాహన సేవలు ఎనలేనివి. వైఎస్సార్‌ సీపీ ప్రభుత్వం వచ్చాక సేవలను మరింత విస్తృతం చేశారు. ఆధునిక వైద్య పరికరాలతో కూడిన కొత్తవాహనాలను అందుబాటులోకి తెచ్చారు. ఫోన్‌ చేసిన 15, 20 నిమిషాల్లో సేవలు అందిస్తున్నారు. జిల్లాలో ప్రస్తుతం 108 అంబులెన్సులు 36 ఉన్నాయి.   పల్లెముంగిటకే వైద్యం.. ఆస్పత్రులకు రాలేని వారికోసం పల్లె ముంగిటకు వైద్య సేవలు అందించడం కోసం 104 అనే మరో పథకాన్ని దివంగత ముఖ్యమంతి వైఎస్సార్‌ అమల్లోకి తెచ్చారు. రోజుకో గ్రామానికి ఉదయం 7 గంటలకే 104 వాహనం వెళ్తోంది. వాహన సిబ్బంది బీపీ, సుగర్, ఆస్తమా, జలుబు, దగ్గు, జ్వరం వంటి వ్యాధిగ్రస్తులకు పరీక్షలు చేసి మందులు అందజేస్తున్నారు. ప్రస్తుతం జిల్లాలో మండలానికొకటి చొప్పున 34 వాహనాలు ఉన్నాయి.   రైతులకు పూర్తి స్థాయిలో రుణమాఫీ..    2004కు ముందు తీవ్ర కరువు పరిస్థితులు. ఎటుచూసినా దుర్బిక్షమే. తినడానికి తిండిలేక రైతులు వలసబాట పట్టేవారు. వరుస కరువులతో రైతులు అప్పులు ఊబిలో కూరుకుపోయారు. చాలా మంది అప్పులు తీర్చలేక ఆత్మహత్యలకు పాల్పడ్డారు. ఇటువంటి పరిస్థితులను చూసిన వైఎస్సార్‌ రైతులను ఆదుకోవాలనే ఉద్దేశంతో రైతుల రుణాలను పూర్తిగా మాఫీ చేశారు. అంతేకాదు.. రుణమాఫీ అయిన రైతులకు తిరిగి రుణాలు ఇప్పించారు. దీంతో లక్షలాది మంది రైతులకు లబ్ధిచేకూరింది. రుణాలు సకాలంలో చెల్లించిన రైతులకు రూ.5 వేల చొప్పున ప్రోత్సాహకం అందజేశారు. ఆపదలో ఉన్న రైతులను ఆదుకుని వైఎస్సార్‌ రైతు బాంధవుడిగా పేరుగాంచారు. మహానేత మానసపుత్రిక పెద్దగెడ్డ పాచిపెంట: పెద్దగెడ్డ జలాశయం నిర్మించక ముందు పశువులకు పచ్చగడ్డి కూడా కానరాని ప్రాంతమిది. వర్షాధారంతో మెట్టపైర్లు పండితే ఈ ప్రాంత రైతు కడుపునిండేది. లేదంటే అప్పులు చేసి లేదా అస్తులు అమ్ముకుని పిల్లాపాపలను పోషించుకోవాల్సిన దుస్థితి. వైఎస్సార్‌ దయతో కరువు ప్రాంతం కోనసీమగా మారింది. ఒడిశా కొండ ప్రాంతాల నుంచి జీవనదిగా ప్రవహించే వేగావతి నదిపై పాచిపెంట వద్ద ప్రతిపాదనలకే పరిమితమైన పెద్దగెడ్డ జలాశయ నిర్మాణానికి వైఎస్సార్‌ శంకుస్థాపన చేశారు. కొద్దిరోజుల్లోనే ప్రాజెక్టును పూర్తిచేయించారు. 2006 సెప్టెంబర్‌ 26న పెద్దగెడ్డ జలాశాయాన్ని రైతులకు అంకితం చేశారు. పాచిపెంట,  సాలూరు, రామభద్రపురం మండలాల్లో సుమారు 12వేల ఎకరాలకు సాగునీరు అందించారు. అప్పటివరకు బీడువారిని భూములు నేడు పచ్చని పంటలతో కనువిందు కలిగిస్తున్నాయి. రైతుల బతుకులను మార్చుతున్నాయి. జిల్లాలో మొదటి ప్రాజెక్టు కావడంతో పెద్దగెడ్డ వైఎస్సార్‌ మానస పుత్రికగా పేరుపొందింది. మహనేత మరణంతో కలగా మారిన పర్యాటక శోభ  మహనేత రాజశేఖర్‌ రెడ్డి మరణంతో పర్యాటక శోభ ఎండమావిగా మారింది. అప్పట్లో పార్వతీపురం గిరిజనాభివృద్ధి సంస్థ పర్యవేక్షణలో విశాఖపట్నం హార్బర్‌ సాంకేతిక నిపుణులతో ఇక్కడ బోటు షికారు సదుపాయాన్ని కల్పించారు. పెద్దగెడ్డ ప్రాజెక్టుకు అనుసరించి పార్కుకు కోసం సుమారు 10 ఎకరాలు కేటాయించారు. పర్యాటకంగా ఈ ప్రాంతం అభివృద్ధి చెందుతున్న దశలో ఆయన మరణంతో ఎక్కడి పనులు అక్కడే నిలిచిపోయాయి. ఆయన తనయుడు జగన్‌మోహన్‌ రెడ్డి సీఎం కావడంతో మహానేత ఆశలు నెరవేరుతాయన్న ఆశ ఉంది.  – సలాది అప్పలనాయుడు, వైఎస్సార్‌ సీపీ రాష్ట్ర బీసీ సెల్‌ కార్యదర్శి, మాజీ సర్పంచ్‌ కోటికిపెంట

సాక్షి, నెల్లూరు: దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డి.. ఆయన పాలన స్వర్ణయుగం. సాగుకు అందే ప్రతి నీటి చుక్కలో పెద్దాయన నవ్వులున్నాయి. కుయ్‌ కుయ్‌ కుయ్‌ అంటూ తిరిగే 108 అంబులెన్స్‌లు మహానేత దూర దృష్టే. లక్షల మందికి ప్రాణవాయువైన ఆరోగ్యశ్రీ.. పేద విద్యార్థుల పాలిట వరం ఫీజు రీయింబర్స్‌మెంట్‌.. సొంతింటి కలను నిజం చేసిన ఇందిరమ్మ ఇళ్లు.. ఇలా ఎన్నో రాజన్న చలువే. అవ్వాతాతలు, అక్కచెల్లెళ్ల జీవితాల్లో వెలుగులకు కారణం ఆయనే. జిల్లా అభివృద్ధిలో వైఎస్సార్‌ది చెరగని ముద్ర. యూనివర్సిటీ ఏర్పాటు.. సాగునీటి ప్రాజెక్టులకు అంకురార్పణ.. అనేక అభివృద్ధి పనులు.. ఆయన పాలనను ఇప్పటికీ జిల్లావాసులు మర్చిపోలేదు. బుధవారం రాజన్న వర్ధంతి సందర్భంగా ప్రత్యేక కథనం.  కరువుతో జి ల్లా అతలాకుతలం అవుతోంది. ఈ తరుణంలో 2004 సంవత్సరంలో వైఎస్‌ రాజశేఖరరెడ్డి ముఖ్యమంత్రిగా బాధ్యతలు చేపట్టారు.   అన్నదాతల సాగునీటి కష్టాలను శాశ్వతంగా పరిష్కరించేందుకు ప్రత్యేక ప్రణాళికను సిద్ధం చేసి నెలల వ్యవధిలోనే అమలు చేశారు.   వందల కోట్ల రూపాయలతో జిల్లాలో సాగునీటి ప్రాజెక్టులకు పెద్దపీట వేశారు.  మహానేత చొరవతో ఆనాడు ప్రారంభమైన ప్రాజెక్టులు గతేడాది కాలంగా తుదిదశకు చేరుకోవడంతో సాగునీటి కష్టాలు దాదాపుగా తొలగిపోయాయి.   2004లో అధికారంలోకి రాకముందు జిల్లాలో మహానేత పాదయాత్ర సాగింది.   ఈ సందర్భంగా ప్రతిచోటా రైతులు సాగునీటి సమస్యలను ఏకరువు పెట్టడం.. సరైన పరిశ్రమల్లేక ఉపాధి అవకాశాలు స్థానికంగా లేవని ప్రజలు విన్నవించిన నేపథ్యంలో అధికారంలోకి రాగానే దానిపై దృష్టి పెట్టారు.   ఏమి చేశారంటే..   48 టీఎంసీలకే పరిమితమైన సోమశిల జలాశయం నీటి సామర్థ్యాన్ని రెండు దశల్లో 78 టీఎంసీల స్థాయికి తీసుకువచ్చారు.   అనంతరం సమగ్ర సోమశిలలో భాగంగా 104 కిలోమీటర్ల పొడవునా ఉత్తరకాలువను సోమశిల నుంచి ప్రకాశం జిల్లా కందుకూరు వరకు అభివృద్ధి చేసి నీటి ఔట్‌ఫ్లో సామర్థ్యాన్ని పెంచారు.   జిల్లాలోనే కీలక ప్రాజెక్టులైన సంగం, పెన్నాపై దృష్టి సారించారు. 2006 మే 28వ తేదీన రూ.98 కోట్ల వ్యయంతో సంగం బ్యారేజీ నిర్మాణానికి శంకుస్థాపన చేశారు.   ఆ సమయంలో 800 మీటర్ల పొడవుతో దీనిని నిర్మించి 0.45 టీఎంసీల నీటిని నిల్వ చేయడంతోపాటు డెల్టా స్థిరీకరణకు దోహదపడేలా సిద్ధం చేశారు.   మళ్లీ దీనికి 2008లో రీ టెండర్లు నిర్వహించి ప్రాజెక్టు వ్యయాన్ని రూ.149.60 కోట్లకు పెంచి పనులు వేగవంతం చేశారు.  రాజన్న మరణానికి ముందు వరకు 40 శాతం పనులు పూర్తయ్యాయి. తర్వాత వచ్చిన పాలకులు దీనిపై నిర్లక్ష్యం వహించారు.  వైఎస్సార్‌సీపీ అధికారంలోకి రాజన్న కుమారుడు, ముఖ్యమంత్రి వైఎస్‌ జగన్‌మోహన్‌రెడ్డి దీనిపై దృష్టి సారించి పనులు వేగవంతం చేయించడంతో ప్రస్తుతం 88 శాతం పూర్తయ్యాయి. 1185 మీటర్ల పొడవు, 84 గేట్లతో దీనిని నిర్మిస్తున్నారు. ఇప్పటివరకు 42 ర్యాఫ్టులకు గానూ 39 పూర్తి చేశారు.   2008లో నెల్లూరులో పెన్నా బ్యారేజ్‌ రూ.126 కోట్ల వ్యయంతో నిర్మించడానికి వైఎస్సార్‌ శంకుస్థాపన చేశారు. 0.55 టీఎంసీ నీటి సామర్థ్యంతో తలపెట్టిన బ్యారేజీ తదనంతరం రీ టెండర్ల ద్వారా రూ.149.39 కోట్లకు చేరింది. ప్రస్తుతం 91 శాతం పనులు పూర్తి చేసుకుంది.  ఇరిగేషన్‌ శాఖ మంత్రి డాక్టర్‌ పి.అనిల్‌కుమార్‌ యాదవ్‌ జిల్లాకు చెందిన నేత కావడంతో పనుల పురోగతిని సమీక్షించడంతోపాటు కొద్దినెలల్లో ముఖ్యమంత్రి జగన్‌మోహన్‌రెడ్డి చేతుల మీదుగా వీటిని ప్రారంభిస్తామని ప్రకటించారు.  57 గేట్లతో 637 మీటర్ల పొడవుతో 10.90 లక్షల క్యూసెక్కుల వరద నీటి ప్రవాహానికి అనుగుణంగా బ్యారేజ్‌ని నిర్మిస్తున్నారు. సరికొత్తగా 108 కరోనా సమయంలో వైఎస్సార్‌ మానసపుత్రిక అయిన 108 వాహనాలు కీలకంగా జిల్లాలో సేవలందిస్తున్నాయి.   ఆయన హయాంలో ప్రారంభమైన 108, 104 వాహనాలను తదనంతర కాలంలో పాలకులు పూర్తిగా నిర్వీర్యం చేశారు.  దీంతో పల్లెల్లో సకాలంలో వైద్యం అందక ఇబ్బందులు పడిన పరిస్థితి.   వైఎస్‌ జగన్‌మోహన్‌రెడ్డి అధికారంలోకి రాగానే 108 పై దృష్టి సారించారు. అధునాతన సౌకర్యాలతో పరిపుష్టం చేసి నూతన వాహనాలను కొనుగోలు చేశారు.  జిల్లాలోని 46 మండలాలకు 46 వాహనాలు కొత్తగా వచ్చాయి. గతంలో 15 వాహనాలున్నాయి.   ప్రస్తుతం కోవిడ్‌ సమయంలో రోగులకు 108 అంబులెన్స్‌ సిబ్బంది అందిస్తున్న సేవలు స్ఫూర్తిదాయకం.   జూన్‌ నెలలో 5,071 మందిని, ఆగస్ట్‌ నెలలో 6,627 మంది రోగులను 108 వాహనాల ద్వారా ఆస్పత్రులకు తరలించి వందల సంఖ్యలో ప్రాణాలను కాపాడారు.   ఇక 104 వాహనాల ద్వారా జూలై 15వ తేదీ నుంచి ఇప్పటివరకు సుమారు 36 వేల మందికి ప్రాథమిక వైద్యసేవలు ఇంటి వద్దే అందించారు. సోమశిలకు జలకళ  ప్రస్తుతం సోమశిల జలాశయం జలకళ సంతరించుకుంది.  ఎగువ ప్రాంతాల్లో భారీ వర్షాలతో జలాశయంలో ఇప్పటికే 46.813 టీఎంసీల నీరు నిల్వ ఉంది.   ప్రస్తుతం పోతిరెడ్డిపాడు హెడ్‌ రెగ్యులేటర్‌తోపాటు ఇతర ప్రాంతాలు కలుపుకుని 28,637 క్యూసెక్కులు ఇన్‌ఫ్లో నమోదవుతుంది.   వారంరోజుల నుంచి కండలేరు ప్రాజెక్టుకు రోజుకు 9,200 క్యూసెక్కుల నీటిని విడుదల చేస్తున్నారు.   గతేడాది సోమశిల సరికొత్త చరిత్ర సృష్టించింది. 78 టీఎంసీల పూర్తి సామర్థ్యంతో కొన్నినెలలపాటు కొనసాగింది. మళ్లీ పూర్తి సామర్థ్యంతో నిండుకునే పరిస్థితితో ఇన్‌ఫ్లో కొనసాగుతోంది.   రికార్డు స్థాయిలో..  జిల్లాలో పదేళ్ల తర్వాత రికార్డు స్థాయిలో ఖరీఫ్, రబీ రెండు సీజన్లు కలిపి అధికారికంగా 8 లక్షల ఎకరాలకు నీటిని అందించారు.   ఈ ఏడాది రబీ సీజన్‌లో అధికారికంగా 5.47 లక్షల ఎకరాలకు గానూ 6 లక్షల ఎకరాలకు పైగా సాగు జరిగింది. అలాగే ఖరీఫ్‌ సీజన్‌లో రెండున్నర లక్షల ఎకరాలకు గానూ మూడు లక్షల ఎకరాల వరకు సాగు జరిగే పరిస్థితి. దీంతో జలవనరుల శాఖ గడిచిన రబీ సీజన్‌లో 51 టీఎంసీలు, ప్రస్తుత రబీ సీజన్‌లో 27 టీఎంసీలు నీటిని విడుదల చేశాయి.   మొత్తంగా ఈ ఏడాది వ్యవధిలోనే రెండు పంటలకు కలిపి 78 టీఎంసీల పూర్తిస్థాయిలో నీరు అందించడం జిల్లాలో ఓ రికార్డు.  విద్యార్థుల కోసం..  2008 సంవత్సరం జూలై 14న వెంకటాచలం మండలం కాకుటూరు గ్రామంలో 83 ఎకరాల విస్తీర్ణంలో విక్రమ సింహపురి యూనివర్సిటీ  ఏర్పాటుకు శ్రీకారం చుట్టారు. అనంతరం అదే నెల 28న కొత్తగా వర్సిటీకి వీసీని నియమించారు. అభివృద్ధి పనుల కోసం రూ.25 కోట్ల నిధులను రాజన్న విడుదల చేశారు.  2009 ఫిబ్రవరి 21న 42 టీచింగ్‌ పోస్టులు, 33 నాన్‌ టీచింగ్‌ పోస్టులు మంజూరు చేశారు. ప్రస్తుతం కాకుటూరులో నిర్మించిన నూతన భవనంలో 17 కోర్సులతో యూనివర్సిటీని నిర్వహిస్తున్నారు.  2012లో వర్సిటీ భవన నిర్మాణ పనులు ప్రారంభించి ఎట్టకేలకు 2018 మార్చి 6న ప్రారంభించారు.  ఆయకట్టు స్థిరీకరణ   ప్రాజెక్టులు పూర్తయితే జిల్లాలోని 3.85 లక్షల ఎకరాల ఆయకట్టు స్థిరీకరణకు దోహదడుతుంది.   పెన్నా డెల్టాలో 2.47 లక్షల ఎకరాలకు, కనుపూరు కెనాల్‌ పరిధిలో 63 వేల ఎకరాలు, కావలి కెనాల్‌ 75 వేల ఎకరాలకు సాగునీరు అందడంతోపాటు రానున్న రోజుల్లో కొత్త ఆయకట్టు సాగులోకి వస్తుంది.  ఆత్మకూరు, ఉదయగిరి, కావలి, సర్వేపల్లి, నెల్లూరు సిటీ, నెల్లూరు రూరల్, కోవూరు, వెంకటగిరి నియోజకవర్గాల్లో సాగుకు లబ్ధి చేకూరుతుంది.  నెల్లూరు బ్యారేజ్‌ నిర్మాణంతో 5 మండలాల్లోని 72 గ్రామాల పరిధిలో 99,525 ఎకరాల ఆయకట్టు స్థిరీకరణ జరుగుతుంది.  సర్వేపల్లి కాలువ, జాఫర్‌సాహెబ్‌ కాలువల పరిధిలోని ఈ ఆయకట్టు పూర్తిగా నీరు అందుతుంది.   నెల్లూరు నగర తాగునీటి అవసరాలు తీరుతాయి.  రైతు ఇంట సిరులు  వెంకటగిరి: దివంగత ముఖ్యమంత్రి వైఎస్‌ రాజశేఖరరెడ్డి వెంకటగిరి నియోజకవర్గ ప్రజల గుండెల్లో చెరగనిముద్ర వేశారు. మెట్ట ప్రాంతాన్ని అభివృద్ధిపథంలోకి తెచ్చారు. ప్రస్తుత వెంకటగిరి ఎమ్మెల్యే ఆనం రామనారాయణరెడ్డి అప్పట్లో జిల్లా మంత్రిగా ఉన్నారు. ఆనం వెంకటగిరి అభివృద్ధికి తోడ్పాటు అందించే దిశగా ఎస్‌ఎస్‌కెనాల్‌ ఆవశ్యకతను వైఎస్సార్‌కు వివరించి సాధించారు. ఇక నియోజకవర్గంలోని రాపూరు మీదుగా వెళుతున్న వెంకటాచలం – ఓబులవారిపల్లి రైల్వే లైన్‌ ప్రాజెక్ట్‌పై వైఎస్సార్‌ ముద్ర ఉంది. దీంతో రాపూరు ప్రాంతం నేడు అభివృద్ధి వైపు పయనిస్తోంది. వైఎస్సార్‌ ముఖ్యమంత్రి అయ్యాక వెంకటగిరికి పురపాలక సంఘం హోదా లభించింది. అప్పటి వరకూ తాగునీటి ఇబ్బందులు ఎదుర్కొంటున్న పట్టణ ప్రజల దాహార్తిని తీర్చేందుకు పెద్ద పెద్ద పట్టణాలకే పరిమితమైన సమ్మర్‌ స్టోరేజ్‌ ట్యాంక్‌ను  సుమారు రూ.72 కోట్లతో మంజూరు చేశారు. మెట్ట ప్రాంతమైన వెంకటగిరి ప్రాంత రైతులను ఆదుకునేందుకు ప్రతిపాదనలు పంపిందే తడువుగా తెలుగుగంగ బ్రాంచ్‌ కాలువల నిర్మాణం కోసం నిధులు మంజూరు చేశారు. దీంతో బ్రాంచ్‌ కాలువల ద్వారా సాగునీరు పుష్కలంగా అందుతుండడంతో గతేడాది నుంచి రబీ, ఖరీఫ్‌ సీజన్లలో రైతుల ఇంట సిరులు పండాయి.

మనసున్నవాడు పాలకుడు అయితే పాలన ఎంత ప్రజారంజకంగా ఉంటుందో.. గుండెలో తడి ఉన్న నేత రాజు అయితే ప్రజల కళ్లలో తడి చేరకుండా ఎలా పాలిస్తాడో.. ప్రజలను ఓటర్లుగా కాకుండా తన వాళ్లుగా చూసే నాయకుడు సింహాసనం ఎక్కితే ఎంతటి సంక్షేమం సాధ్యమో దేశానికి చాటి చెప్పిన నేత డాక్టర్‌ వైఎస్‌ రాజశేఖరరెడ్డి. ఎందుకంటే ఆయన అమ్మానాన్నల కష్టం తెలిసిన ఓ కొడుకు. చదువు‘కొనలేక ’పోతున్న విద్యార్థుల మానసిక క్షోభ తెలిసిన ఓ తండ్రి. అవ్వాతాతల బాధలు చూసిన ఓ మనవడు. రైతు రుణం తీర్చుకోవాలనే ఓ రుషి. పేదోడి గుండె చప్పుడు విన్న మనసున్న ఓ రాజు. అందుకే ఆయన రాజకీయనేత కాకుండా అభివృద్ధి శ్రామికుడిగా.. సామాజికవేత్తగా.. వ్యవసాయ శాస్త్రవేత్తగా.. ఆర్థిక నిపుణుడిగా.. అన్నింటికీ మించి ప్రతి ఇంటి సభ్యుడిగా తరతమ భేదం లేకుండా పాలించి.. తెలుగువారి గుండెల్లో అభివృద్ధి సంతకం చేసి.. చెరగని జ్ఞాపకంగా మిగిలిపోయారు. బుధవారం ఆయన వర్ధంతి  సందర్భంగా  పెద్దాయన హయాంలో జిల్లా అభివృద్ధి.. అనుబంధంపై ప్రత్యేక కథనాలు. విద్యా ప్రదాత వైఎస్సార్‌ దివంగత ముఖ్యమంత్రి వైఎస్‌ రాజశేఖరరెడ్డి తిరుపతిపై ఎంతో ప్రేమ చూపారు. నగరంలోని విద్యాసంస్థలపై తనదైన ముద్ర వేశారు. తిరుపతి లో శ్రీవేంకటేశ్వర వెటర్నరీ యూనివర్సిటీ, శ్రీవేంకటేశ్వర వేదిక వర్సిటీ ఏర్పాటు చేశారు. అలాగే శ్రీపద్మావతి మహిళా విశ్వవిద్యాలయంలో తొలిసారిగా మహిళా  ఇంజినీరింగ్‌ కళాశాలను ప్రారంభించారు.   వెటర్నరీ వర్సిటీ: తిరుపతిలోని వెటర్నరీ కళాశాల ఆచార్య ఎన్‌జీ రంగా వ్యవసాయం విశ్వవిద్యాలయం పరిధిలో ఉండేది. 2004 సెప్టెంబర్‌ 30న నిర్వహించిన కళాశాల స్వర్ణోత్సవాల ప్రారంభ సభలో శ్రీవేంకటేశ్వర వెటర్నరీ యూనివర్సిటీని ఏర్పాటు చేస్తానని హామీ ఇచ్చి, 2005 జూలై 15వ తేదీన ఏర్పాటు చేయడంతో పాటు రూ.43 కోట్ల నిధులు కేటాయించారు. అనంతరం మరో రూ.100 కోట్ల నిధులు ఇచ్చి వర్సిటీని అభివృద్ధి చేశారు.    ఎస్వీయూ : ఎస్వీయూలో 2004లో నిర్వహించిన స్వర్ణోత్సవాలకు హాజరై, పలు వరాలు ప్రకటించారు. 2007లో 125 అసిస్టెంట్‌ ప్రొఫెసర్‌ పోస్టులు భర్తీ చేశారు. అదే సంవత్సరం సుమారు 400 మంది ఎన్‌ఎంఆర్‌ ఉద్యోగులకు మినిమం టైమ్‌   స్కేల్‌ అందించి, వారి జీవితాల్లో వెలుగు నింపారు.   మహిళా వర్సిటీ: శ్రీపద్మావతి మహిళా విశ్వవిద్యాలయంలో మహిళల కోసం ప్రత్యేకంగా ఇంజినీరింగ్‌ కళాశాలను ఏర్పాటు చేశారు. రాష్ట్రంలో మహిళల కోసం ప్రత్యేకంగా ఏర్పాటైన తొలి ఇంజినీరింగ్‌ కళాశాల ఇదే. అలాగే వర్సిటీలో వివిధ కార్యక్రమాలు నిర్వహించుకునేందుకు ఆడిటోరియం నిర్మాణానికి శ్రీకారం చుట్టారు.    వేదిక్‌ వర్సిటీ: 2006 జూలై12న తిరుపతిలో వేదిక్‌ వర్సిటీ ఏర్పాటుకు వైఎస్సార్‌ ఆమోదం తెలిపారు. అనంతరం ఎస్వీయూకు సమీపంలో అవసరమైన స్థలాన్ని  అందించి, భవన నిర్మాణాలు చేపట్టారు. అదే ఏడాది ఆగస్టు 19న భవన నిర్మాణాలకు శంకుస్థాపన చేశారు. ప్రస్తుతం 147.6 ఎకరాల్లో వేదిక్‌ వర్సిటీ సుందరభవనాల మధ్య అలరారుతోంది.    పేరు పెట్టి పిలిచేంత అనుబంధం  పుంగనూరు: నియోజకవర్గ నాయకులతో దివంగత ముఖ్యమంత్రి వైఎస్‌ రాజశేఖరరెడ్డికి ఉన్న అనుబంధం చెప్పలేనిది. పుంగనూరులో వైఎస్సార్‌ మూడు సార్లు పర్యటించారు. తొలుత 1996 ఉప ఎన్నికల్లో పుంగనూరుకు వచ్చిన సందర్భంగా వైఎస్సార్‌ స్థానిక ట్రావెల ర్స్‌ బంగ్లాలో కొద్దిసేపు గడిపారు. అప్పటి కాంగ్రెస్‌ నాయకులు, ప్రస్తుత ఎంపీ రెడ్డెప్ప ను ఏం...రెడ్డెప్ప అంటూ అప్యాయంగా పేరు పెట్టి పిలిచేవారు. అలాగే అప్పటి కాంగ్రెస్‌ సేవాదళ్‌ జిల్లా అధ్యక్షుడుగా ఉన్న మాజీ మున్సిపల్‌ చైర్మన్‌ నాగభూషణంను ఏం...భూషణ్‌ అంటూ సంబోధించేవారు. కేబీడీ షుగర్స్‌ మాజీ పీఆర్వో రాంకుమార్‌రెడ్డి, పారిశ్రామికవేత్త ఎంఎం.మహమ్మదాలి తదితరులతో వైఎస్సార్‌కు, ఆయన కుటుంబ సభ్యులకు విడదీయరాని అనుబంధం ఉండేది. అలాగే  చౌడేపల్లె మండలంలోని వైఎ స్సార్‌ సీపీ నేత మిద్దింటి శంకర నారాయణ, సోమల మండలంలోని రామచంద్రయ్య, రామసముద్రంలోని సీతారామయ్యను వైఎస్సార్‌ పేరు పెట్టి పిలిచేవారు. అలాగే 2004 ఎన్నికల ప్రచారంలో ప్రస్తుత మంత్రి డాక్టర్‌ పెద్దిరెడ్డి రామచంద్రారెడ్డి, ప్రస్తుత ఎంపీ మిధున్‌రెడ్డితో రహస్య సంభాషణ చేశారు. ఈ సందర్భంగా దివంగత నేత వైఎస్సార్‌కు మంత్రి పెద్దిరెడ్డి వేంకటేశ్వరుని పటం జ్ఞాపికగా అందజేశారు.    సత్యవేడు అభివృద్ధికి రాజబాట వరదయ్యపాళెం: సత్యవేడు నియోజకవర్గం అభివృద్ధికి వైఎస్సార్‌ రాజబాట వేశారు. 2004లో వైఎస్సార్‌ రాజీవ్‌ పల్లెబాట కార్యక్రమం ద్వారా జిల్లాలోని సత్యవేడు నియోజకవర్గంలో తొలిసారిగా పర్యటించి, వరాల జల్లు కురిపించారు. అందులో భాగంగా సత్యవేడులో ప్రభుత్వ డిగ్రీ కళాశాల, పాలిటెక్నిక్‌ కళాశాలతోపాటు ఉబ్బలమడుగు, భుపతేశ్వరకోన, రాళ్లవాగు నీటి ప్రాజెక్టుల ఏర్పాటు చేశారు. అన్నింటికీ మించి నేడు దేశంలోనే అత్యుత్తమ పారిశ్రామికవాడగా పేరు పొందిన శ్రీసిటీకి కూడా ఆయన రూపకల్పన చేశారు. 2006లో అధికారికంగా సెజ్‌కు జెండా ఊపి 2008 ఆగస్టు 8వ తేదీన 8 పరిశ్రమలకు శంకుస్థాపన చేశారు. ఆయన సంకల్ప బలం 8 పరిశ్రమలతో మొదలైన శ్రీసిటీ అంచలంచెలుగా అభివృద్ధి చెంది 187 పరిశ్రమలకు కేంద్రంగా మారింది. రూ. 28వేల కోట్ల పెట్టుబడులతో 27 దేశాలకు చెందిన పరిశ్రమలు ఏర్పాటయ్యాయి. ప్రత్యక్షంగా, పరోక్షంగా 50వేల మందికి ఉపాధి అవకాశాలు లభిస్తున్నాయి. కరువునేలపై జలసిరి!  బి.కొత్తకోట: తంబళ్లపల్లె నియోజకవర్గ అభివృద్ధికి వైఎస్సార్‌ పలు పథకాలు, ప్రాజెక్టులు చేపట్టి పూర్తి చేయించారు. వైఎస్సార్‌ సీఎం అయ్యాక నియోజకవర్గానికి ఒకేసారి నాలుగు సాగునీటి ప్రాజెక్టులు మంజూరు చేశారు. రూ.3.43 కోట్లతో పెద్దమండ్యం మండలంలో 2,400 ఎకరాలు సాగులోకి వచ్చేలా ఆకుమానుగుట్ట ప్రాజెక్టును నిర్మించారు. తంబళ్లపల్లె సమీపంలో రూ.8.50 కోట్లతో చిన్నేరు ప్రాజెక్టు నిర్మించారు. దీనికింద 2200 ఎకరాల ఆయకట్టు సాగవుతుంది. కోసువారిపల్లె గ్రామంలో రూ.3.17కోట్లతో దబ్బలగుట్టపల్లె ప్రాజెక్టు నిర్మించారు. 600 ఎకరాల ఆయకట్టు భూములు సాగులోకి తీసుకువచ్చారు. పెద్దతిప్పసముద్రం మండలం మడుమూరు గ్రామంలో రూ.6.20కోట్లతో మిట్టసానిపల్లె ప్రాజెక్టును మంజూరు చేశారు. దీనికింద 1,200 ఎకరాల ఆయుకట్టు భూమి సాగులోకి వస్తుంది.    హంద్రీ–నీవాతో ప్రయోజనం ఏవీఆర్‌ హంద్రీ–నీవా రెండోదశ ప్రాజెక్టు కాలువల ద్వారా నియోజకవర్గానికి ఎంతో ప్రయోజనం చేకూర్చారు. కలిచర్ల జలాశయం, తంబళ్లపల్లె బ్రాంచ్‌కెనాల్, పుంగనూరు బ్రాంచ్‌కెనాల్‌ పనులు వైఎస్సార్‌ హయాంలోనే పూర్తి చేయించారు. వీటి ద్వారా 46,550 ఎకరాలు సాగులోకి వచ్చేలా కాలువల నిర్మాణం జరిగింది. ఈ కాలువల కింద పెద్దమండ్యంలో 10వేల ఎకరాలు, ములకలచెరువులో 9,565, బి.కొత్తకోటలో 6,900, పీటీఎంలో 4,685, తంబళ్లపల్లెలో 5000, కురబలకోటలో 5000 ఎకరాలు సాగులోకి రానున్నాయి. గచ్చంవారిపల్లె వద్ద రూ.7.50కోట్లతో కొత్తచెరువు, వెలిగల్లు ఛానల్‌ ద్వారా రూ.4.30కోట్లతో ఆరు చెరువులకు నీటి మళ్లీంపు పథకం, ములకలచెరువు మండలంలోని ఏడు మడకల కాలువ కోసం రూ.1.80 కోట్లు మంజూరు చేశారు.      కుప్పంపై ‘రాజ’ముద్ర  శాంతిపురం: కుప్పం నియోజకవర్గంతో దివంగత నేత వైఎస్సార్‌కు విడదీయలేని బంధం ఉంది.   వైఎస్సార్‌ ముఖ్యమంత్రిగా ఉన్న సమయంలో కుప్పం నియోజకవర్గంలో రూ.69.03 కోట్ల విద్యుత్‌ బకాయిలు మాఫీతోపాటు 24,254 వ్యవసాయ విద్యుత్‌ సర్వీసులకు ఉచిత విద్యుత్‌ అందించారు. 23,144మంది రైతులకు చెందిన రూ.60.24 కోట్ల బ్యాంకు రుణాలను రద్దు చేశారు. మరో 5వేల మందికి రూ 5వేల వంతున ప్రోత్సాహకాలను అందజేశారు. పాలారు ప్రాజెక్టు నిర్మాణానికి ప్రణాళికలు రూపొందించి, రూ.55కోట్లు నిధులు విడుదల చేశారు. కుప్పం నియోజకవర్గంలో 36 వేల పైచిలుకు ఇళ్లను మంజూరు చేశారు. 26 వేల రేషన్, ఆరోగ్యశ్రీ కార్డులు ఇచ్చారు. 793 మందికి ఆరోగ్యశ్రీ పథకంతో ఉచితంగా కార్పొరేట్‌ వైద్యం అందించారు.    విద్యకు ప్రాధాన్యం  ద్రావిడ యూనివర్సిటీకి నిధుల కొరత లేకుండా చూసి, 14 కొత్త కోర్సులు ప్రారంభమయ్యేందుకు మహానేత కారణమయ్యారు. దివంగత వైఎస్సార్‌ తన హయాంలోనే కుప్పంలో ప్రభుత్వ డిగ్రీ కళాశాల, అబకలదొడ్డి వద్ద ప్రభుత్వ ఐటీఐలను ఏర్పాటు చేశారు.  శాంతిపురం, రావుకుప్పం, గుడుపల్లి, కుప్పంలో కస్తూర్బా గాంధీ పాఠశాలల ప్రారంభం ద్వారా బాలికల విద్యకు ఊతం ఇచ్చారు. అలాగే నియోజకవర్గంలో 5 భారీ పరిశ్రమలు ఏర్పాటు చేశారు. ఆ పిలుపు నేటికీ మదిలో.. తంబళ్లపల్లె: దివంగత ముఖ్యమంత్రి వైఎస్సార్‌ తనని అన్నా అంటూ పిలిచే పిలుపు నేటికీ తన మదిలో మెదులుతోందని మాజీ ఎమ్మెల్యే కలిచెర్ల ప్రభాకర్‌రెడ్డి (అప్పా) వైఎస్సార్‌తో ఉన్న సంబంధాన్ని గతస్మృతులను తలచుకుంటూ సాక్షితో పంచుకున్నారు. 1989లో తంబళ్లపల్లె నియోజకవర్గం ఎమ్మెల్యే ఇండిపెండెంట్‌ అభ్యర్థిగా విజయం సాధించినప్పుడు తనను అభినందిస్తూ ఎంతో ప్రోత్సహించారు. జిల్లాలో వైఎస్‌ రాజశేఖరరెడ్డి వర్గంలో మొదటి వ్యక్తిగా నేటి వరకూ కొనసాగుతున్నానన్నారు. ఆయనతో తనకున్న సన్నిహిత సంబంధాలు మరుపురానివన్నారు. 2004 ఎన్నికల ప్రచార సభలో తంబళ్లపల్లెను దత్తత తీసుకుని అభివృద్ధి చేస్తానని తంబళ్లపల్లె మూడు రోడ్ల కూడలిలో హామీ ఇచ్చారు. ఆ ఎన్నికల్లో విజయం సాధించడం ముఖ్యమంత్రిగా ప్రమాణ స్వీకారం చేసిన తరువాత తంబళ్లపల్లె నియోజకవర్గానికి ఆకుమానుగుట్ట, చిన్నేరుప్రాజెక్టు, దబ్బలగుట్ట ప్రాజెక్టులను మంజూరు చేసి, రైతు పక్షిపాతిగా నిలిచారన్నారు. ఆయన చూపే ఆప్యాయత, అనురాగాలు, పలకరింపులు ఊపిరున్నంత వరకూ మరుపురానివన్నారు. ఇచ్చినమాటకు కట్టుబడి అభివృద్ధిలో రాష్ట్రాన్ని పరుగులు పెట్టించి జాతీయస్థాయిలో గుర్తింపు తెచ్చారన్నారు. అందుకే నేటికీ ఆయన మహానేతగా మరుపురాని వ్యక్తి గా ఆంధ్ర, తెలంగాణ రాష్ట్రాల ప్రజల గుండెల్లో చెరగని ముద్ర వేసుకున్నారు. తిరుపతికి వన్నె తెచ్చిన మహానేత పవిత్ర పుణ్యక్షేత్రమైన తిరుపతికి వన్నెతెచ్చిన నాయకుడు దివంగత నేత వైఎస్‌ రాజశేఖరరెడ్డి. తెలుగు భాష.. సంస్కృతి సాంప్రదాయాలు ఉట్టిపడేలా తిరుపతి నగరాన్ని తీర్చిదిద్దారు. తెలుగు భాష, తెలుగు ఆనవాయితీ, తెలుగు సంస్కృతిపై ఆయనకున్న గౌరవానికి తిరుపతి నగరంలో ఏర్పాటు చేసిన కార్యక్రమాలే నిదర్శనం. తెలుగు భాషాభిమానంతో అన్నమయ్య 600వ జయంతిని అత్యంత వైభవంగా తాళ్లపాకలో నడిపించారు. ప్రపంచ తెలుగు మహాసభలకు దీటుగా తెలుగు సంస్కృతి, సాహితీ ఉత్సవాలను వైభవంగా నిర్వహించటానికి డాక్టర్‌ వైఎస్‌ రాజశేఖరరెడ్డి కృషి చేశారు. పవిత్ర పుణ్యక్షేత్రమైన తిరుపతిలో శ్రీకృష్ణదేవరాయలు, రాష్ట్ర గేయాన్ని రాసిన శంకరంబాడి, ఎంఎస్‌ సుబ్బలక్ష్మి విగ్రహాలను స్థాపనకు శ్రీకారం చుట్టారు. అలాగే తిరుపతి ముఖద్వారంలో పూర్ణకుంభం ఏర్పాటు చేసి.. పూర్ణకుంభం కూడలిగా నామకరణం చేశారు. అలాగే తెలుగుతల్లి విగ్రహం ఏర్పాటు చేసి తిరుపతి నగరాన్ని మరింత ప్రాచుర్యంలోకి తీసుకొచ్చారు.    

సాక్షి, అమరావతి : మహానేత, దివంగత ముఖ్యమంత్రి వైఎస్‌ రాజశేఖరరెడ్డి తన ప్రతి అడుగులోనూ తోడుగా ఉంటూ ముందుకు నడిపిస్తూనే ఉన్నారని ఆంధ్రప్రదేశ్‌ ముఖ్యమంత్రి వైఎస్‌ జగన్‌మోహన్‌రెడ్డి వ్యాఖ్యానించారు. బుధవారం వైఎస్సార్‌ 11వ వర్ధంతి సందర్భంగా ఆయన ట్విటర్‌ వేదికగా స్పందించారు. ‘‘ నాన్న మన మధ్య నుంచి దూరమై నేటికి 11 ఏళ్లు. ఆ మ‌హానేత శ‌రీరానికి మ‌ర‌ణం ఉంటుంది కానీ, ఆయ‌న జ్ఞాప‌కాల‌కు, ప‌థ‌కాల‌కు ఎప్పుడూ మ‌ర‌ణం ఉండ‌దు. నా ప్రతి అడుగులోనూ నాన్న‌ తోడుగా ఉంటూ ముందుకు నడిపిస్తూనే ఉన్నార’’ని పేర్కొన్నారు. ( జనం గుండెల్లో రాజన్న సంక్షేమం ) అంతకు క్రితం ఇడుపులపాయలోని వైఎస్సార్‌ ఘాట్‌ వద్ద కుటుంబసభ్యులతో కలిసి ముఖ్యమంత్రి నివాళులు అర్పించారు. ఈ కార్యక్రమంలో వైఎస్‌ విజయమ్మ, వైఎస్‌ భారతి ఇతర కుటుంబసభ్యులతో పాటు టీటీడీ ఛైర్మన్‌ వైవీ సుబ్బారెడ్డి, ఉప ముఖ్యమంత్రి అంజాద్‌ బాషా, రవీంద్రనాథ్‌ రెడ్డి, అమర్‌నాథ్‌ రెడ్డి తదితరులు పాల్గొన్నారు. ఈ సందర్భంగా ఏర్పాటు చేసిన ప్రత్యేక ప్రార్థనల్లో సీఎం వైఎస్‌ జగన్‌ పాల్గొన్నారు.

‘‘రాజు మరణించు నొకతార రాలిపోయే కవియు మరణించు నొకతార గగనమెక్కె రాజు జీవించు రాతి విగ్రహములందు సుకవి జీవించు ప్రజల నాలుకల యందు’’  ఇక్కడ మహాకవి జాషువా పద్యపంక్తులు సందర్భోచితం. ఆయన సుకవిని కీర్తించినా రాజన్న విషయంలో సుపరిపాలకునికి అన్వ యించుకోవడం సముచితమే. తారగా రాలిపోయినా ధృవతారగా జనం గుండెల్లో వెలుగొందడం రాజన్నకే సాధ్య మయింది. అంతేకాదు.. సుపరిపాలకుడు ప్రజల నాలుకలపై జీవించే వుంటాడని రాజన్న శిలాశాసనం రాశారు. దివంగత ముఖ్యమంత్రి వైఎస్‌ రాజశేఖరరెడ్డి ఏ ప్రజల కోసం కలలు కన్నారో ఆ జనం గుండెల నిండా సుపరిపాలనా ప్రతిమగా నిలిచి నేడు పండువెన్నెల్లా ప్రకాశిస్తు న్నారు. అందరి నోటా రాజన్న తనయుడు జగనన్న నామస్మరణే నేడు మారుమోగుతోంది. నాటి అపరభగీరథుని శ్రమ నేడు ఆంధ్రప్రదేశ్‌ అంతటా హరితహారమై పరిమళిస్తోంది. రాజన్న కలల సాకారానికి జగనన్న పాలన నిండు నిదర్శనంగా నిలిచింది. (చదవండి: నాకు తెలిసిన మహనీయుడు) ప్రజాహృదయాల్లో జీవించే వున్న రాజన్న స్మృతి చిరస్మరణీయం. దశాబ్దకాలం రైతుల్ని కాలదన్ని, వ్యవసాయాన్ని వ్యర్థమన్న కార్పొరేట్‌ పాలన కబంధహస్తాల నుంచి రాష్ట్రాన్ని విముక్తం చేసిన విమోచకుడు వైఎస్సార్‌. 2004కి ముందు గడిచిన తొమ్మిదేళ్ళ పాలన రాజన్నకు ఎన్నో చేదు జ్ఞాపకాల్ని మిగిల్చింది. ‘ఇన్ఫర్మేషన్‌ టెక్నాలజీ తోనే భవిష్యత్‌’ అనే అబద్ధాన్ని నినాదంగా ప్రచారం చేసి మిగతా చదు వుల్ని, రంగాల్ని నిరుత్సాహానికి గురిచేసిన సందర్భాన్నీ ఆయన గుర్తుంచుకున్నారు. మిగతా చదువులు, రంగాల భవితవ్యాన్ని ఆలోచ నలో వుంచుకున్నారు. భారీగా విద్యుత్‌ చార్జీలు పెంచి వినియోగదా రుల్ని నడ్డివిరిచిన నిర్ణయాన్ని ఆయన పత్రికల సాక్షిగా దుయ్యబ ట్టారు. నిరసనగా రైలుపట్టాల మీద కొచ్చిన కాల్దరి రైతుల రక్తం కళ్ళ చూసిన ప్రభుత్వ హత్యల్ని నిలదీశారు. రాజధానిలోనే విద్యార్థుల మీద బుల్లెట్ల వర్షం కురిపించిన కర్కశంపై రాజన్న కదం తొక్కారు. (చదవండి: ఇక్కడెవరైనా అమృతం తాగి ఉన్నారా?) ప్రతిపక్షనాయకునిగా ఆనాటి ప్రభుత్వ కఠిన నిర్ణయాల్ని కాలినడకన ప్రచారం చేసి ప్రజల్లో మనోధైర్యాన్ని నింపిన మహాపాద యాత్రకుడా యన. రక్తం కార్చిన అరికాళ్ళ పాదముద్రల ప్రమాణంగా కోట్లాది మంది ప్రజానీకానికి బతుకు భరోసా కల్పించారు. కఠిన నిర్ణయాల మధ్య కాలం వెళ్లదీసిన ప్రజలు, సహకారం సన్నగిల్లి వ్యవసాయాన్ని పక్కనబెట్టిన రైతు, పనుల్లేక కునుకుతీసిన కూలీలు, ఉద్యోగాలు లేక, ఉపాధి లేక కొట్టుమిట్టాడుతున్న నిరుద్యోగులు రాజన్న వెంట నడి చారు. ఆయనకు ఊరూరా నీరాజనాలు అందించారు. జనం జనం కలిసి ప్రభంజనమై వైఎస్‌ రాజశేఖరరెడ్డిని ముఖ్యమంత్రి పీఠం మీద కూర్చోబెట్టారు. రైతులకు, పేదలకు ఉచిత విద్యుత్‌ దస్త్రం మీద తొలి సంతకాన్ని దస్తూరీగా చేసి మాటతప్పని మహానాయకునిగా అవతరించారు.  రాజన్నగా తన పేరును ప్రజల పిలుపుగా మార్చుకున్నారు. ప్రజల కలల సాకారానికి నిలువెత్తు సాక్షిగా నిలిచిన పాలకుడు రాజన్న. రాజకీయాల్లో యువతరం ప్రాధాన్యత పెంచడానికి ఒక చారిత్రక అవసరంగా రాజన్న రాజకీయ అరంగేట్రం జరిగింది. 1978లో పులివెందుల శాసనసభ నియోజకవర్గం నుంచి పులిబిడ్డగా తొలిసా రిగా ఎన్నికైన తర్వాత ఆయన విజయపరంపర అంతిమక్షణం వరకు వెన్నుతట్టి విజయపథం వైపు నడిపించింది. శాసనసభలోనైనా, లోక్‌ సభలోనైనా తనదైన బాధ్యతాయుతమైన పాత్ర జనం మెచ్చిన నిజమై రగిలింది. అంతర్గత ఆధిపత్య పోరుల్లో కోల్పోయిన అవకాశాలు తనలో పట్టుదలను రేకెత్తించాయి. చెవులతో వినడమే తప్ప కళ్ళతో చూడటం తెలియని అధిష్టానం కళ్ళు తెరిపించిన ఘనత అప్పటి ఆంధ్రప్రదేశ్‌లో డాక్టర్‌ వైఎస్‌దే. (చదవండి: అదే స్ఫూర్తి.. అదే లక్ష్యం.. అదే గమ్యం ) చివరిగా తనకు తాను కాలినడకన ప్రత్యక్షంగా ప్రజలందరినీ పలకరిస్తే తప్ప అధిష్టానం కళ్ళుతెరచి నిజాన్ని చూడలేకపోయింది. అనంతరం ముఖ్యమంత్రిగా అవతరించిన డాక్టర్‌ వైఎస్‌ సంక్షేమ సంతకంగా, మాటల మనిషిగా కాదు చేతల మనిషిగా ప్రజాజీవితాలతో మమేకమైపోయారు. వైఎస్సార్‌  రైతు సాగు నీటి కోసం, తాగు నీటి కోసం వెలిగొండ, గుండ్లకమ్మ, రామతీర్థ ప్రాజెక్టులై ప్రవహించారు. కోట్లాది రూపాయల రుణమాఫీతో నష్టాల్లో ఉన్న రైతులను వైఎస్సార్‌ ఆదుకున్నారు. జిల్లాలో సాగునీటి ప్రాజెక్టుల ద్వారానే అభివృద్ధి సాధ్యమని భావించిన రాజన్న అపర భగీరథునిగా అవతరించారు. నిలువనీడ లేనివారికి పక్కా ఇళ్లు, భూమి పంపిణీ చేశారు. వృద్ధాప్య పింఛన్లు రాష్ట్రంలో గొప్ప పేదరిక నిర్మూలన విప్లవం. తనను మహానేతను చేసిన ప్రజలకు తన పాలనను కళ్ళారా చూపించాలని ఆలోచన చేసిన రాజన్న ఆరోగ్యశ్రీ పథకం ద్వారా కోట్లాదిమంది జనం ఆయుష్షు పెంచారు. అన్ని కులాల, మతాల, వర్గాల విద్యార్థులకు పూర్తి ఫీజు రీయింబర్స్‌మెంట్‌. ఉచిత విద్యుత్తుతో ప్రతి ఇంటా వెలుగులు విరజిమ్మిన విశాలహృదయుడు రాజన్న. సంక్షేమంలో ‘చెరగనిముద్ర’గా, రాయితీల్లో ‘రైతు పక్షపాతి’గా, విద్యావిషయకమై ‘విశాలహృదయుని’గా, ప్రజారోగ్యంలో ‘ఆరోగ్య శ్రీమంతుని’గా అశేషప్రజానీకానికి విశేషసేవలందించిన ‘విశ్వన రుడు’ రాజన్న. ‘రచ్చబండ’ దగ్గరే రాజకీయం నిగ్గు తేల్చాలనుకు న్నారు. ఊరిజనాన్ని ఒక్కచోట, ఒకేతాటిపై నిలపాలనుకున్నారు. సమస్యలకు సత్వర పరిష్కారం ఇవ్వాలనుకున్నారు. సకలజన సౌభాగ్యాన్ని స్వాగతించాలనుకున్నారు. ప్రమాదవశాత్తూ స్వప్నకథగా మిగిలిన ఆయన జీవితం జనజీవన స్రవంతిలో సాక్షాత్కారమయింది. తండ్రి పోరాట జవసత్వాలతో రాజకీయంగా జనించిన వైఎస్‌ జగన్‌మోహన్‌రెడ్డి తన తండ్రి స్వాభిమాన పోరాటాన్ని పతాకగా ఎగురవేశారు. అభిమానంతో ప్రజలే సహజ కవచకుండలాలుగా జగన్‌తో జతకట్టారు. రాజన్న సంక్షేమమే పరమావధిగా పాలన కొనసాగిస్తున్న వైఎస్‌ జగన్‌ ప్రజాభిమానం చూరగొన్నారు. తండ్రి వైఎస్‌ రాజశేఖరరెడ్డి అలుపెరగలేదు. తనయుడు జగన్‌మోహన్‌రెడ్డి సైతం అంతే.. తండ్రి అడుగుల్లో అడుగులేసి సమస్త జనావళి ముఖారవిందాలను ప్రేమగా ముద్దాడే తీరునే సొంతం చేసుకున్నారు. తండ్రి జ్ఞాపకాల్నీ తనివితీరా ఆస్వాదించే పాలనే చేస్తున్నారు. జనం గుండెల్లో రాజన్న సంక్షేమాన్ని నిండా నింపుతున్నారు. డా. జీకేడీ ప్రసాదరావు -వ్యాసకర్త ఫ్యాకల్టీ, జర్నలిజం అండ్‌ మాస్‌ కమ్యూనికేషన్, ఆంధ్ర విశ్వవిద్యాలయం, విశాఖపట్నం

నిజమైన ప్రజానాయకుడు ప్రజలు కోరుకున్నది ఇవ్వడం కాకుండా ప్రజలకు ఏది అవసరమో అది చేస్తారు. అలా చేసిన వారే చిరకాలం ప్రజలలో ఉంటారు. అలాంటి అరుదైన గౌరవాన్ని దక్కించుకున్న నేత వైఎస్సార్‌. తెలుగు రాష్ట్రాల వరకు నీటికి సంబంధించి ఆంగ్లేయుల తర్వాత సమగ్రమైన ప్రణాళికను రూపొందించినవారు వైఎస్సార్‌ మాత్రమే అని చెప్పక తప్పదు. కేసీ కెనాల్, కాటన్‌ బ్యారేజీ, ప్రకాశం బ్యారేజీ ఆంగ్లేయులను గుర్తుతెస్తే, పులిచింతల, పోలవరం, శ్రీశైలం కనీస నీటిమట్టం, పోతిరెడ్డిపాడు వెడల్పు, ప్రాణహిత చేవెళ్ల, దుమ్ముగూడెం టెయిల్‌ పాండ్, పాలమూరు ఎత్తిపోతల పథకం లాంటివి వైఎస్సార్‌ను గుర్తుకుతెస్తాయి. వైఎస్సార్‌ అన్ని ప్రాంతాల నీటి అవసరాల నిమిత్తం ప్రాజెక్టుల నిర్మాణం చేపట్టారు. ఈ సమయంలో కొందరు ఒకేసారి ప్రాజెక్టులు చేపట్టకుండా ప్రాధాన్యత క్రమంలో చేస్తే బాగుంటుందన్నారు. (చదవండి: ఇక్కడెవరైనా అమృతం తాగి ఉన్నారా? ) ఆ సమయంలో వైఎస్సార్, ‘అన్ని ప్రాంతాలకు ఉపయోగపడే ప్రాజెక్టుల రూపకల్పన చేసి ప్రజల ముందు ఉంచితే కాల క్రమంలో వాటిని ప్రజలు సాధించుకుంటారు’ అన్నారు. నేడు చాలా ప్రాంతాల్లో ప్రాజెక్టుల నిర్మాణం కోసం ప్రజలు పోరాడుతున్నారు. ఫలితంగా ప్రభుత్వాలు నీటి ప్రాజెక్టులకు అధిక ప్రాధాన్యత ఇస్తున్నాయి. నాగార్జున సాగర్‌ జలాశయం నిర్మాణానికి నాటి ప్రభుత్వం 92 కోట్ల రూపాయల అప్పుతెచ్చి నిర్మించింది. అప్పు చేసి కట్టడం అవసరమా? అని చర్చ జరిగింది. అప్పును తీర్చడమే కాదు, అపారమైన సంపదను నీటి ప్రాజెక్టులు సృష్టిస్తాయని నాటి ప్రధాని నెహ్రూ ముందుకు సాగారు. వైఎస్సార్‌ కూడా అదే స్ఫూర్తితో ప్రాజెక్టుల విషయంలో వ్యవహరించారు.( చదవండి: అదే స్ఫూర్తి.. అదే లక్ష్యం.. అదే గమ్యం) దశాబ్దాల కల పోలవరం నేడు సాకారం వైపు అడుగులు వేస్తోంది అంటే అందుకు వైఎస్‌ చొరవ కీలకం. వారు చేపట్టిన కుడికాల్వ పైనే పట్టిసీమ, ఎడమ కాల్వపై పురుషోత్తమ పట్నం రూపుదిద్దుకున్నాయి. ఉత్తరాంధ్ర సుజలస్రవంతి వారి ఆలోచనే. డెల్టా అవసరాలకు పులిచింతల రూపకల్పన చేశారు. దుమ్ముగూడెం పథకం ఆయన దూరదృష్టికి ఉదాహరణ. ఆయనపై రాజకీయ కోణంలో పోతిరెడ్డిపాడు విషయంలో నాడు వివాదం చేశారు. నేడు తెలంగాణ ప్రాజెక్టులకు సీమలో తలపెట్టిన నిర్మాణాల వల్ల నష్టం అని విమర్శలు చేస్తున్న వారు గుర్తుకుతెచ్చుకోవాల్సిన అంశం దక్షిణ తెలంగాణలో ఏ ప్రాజెక్టులకు నష్టం వాటిల్లుతుందని వాదిస్తున్నారో వాటి రూపకల్పన చేసింది వైఎస్సార్‌ అన్న విషయాన్ని మరువకూడదు.( చదవండి: నాకు తెలిసిన మహనీయుడు ) రాయలసీమ ఉద్యమం ప్రధాన లక్ష్యం నీరు. వైఎస్సార్‌ ముఖ్యమంత్రి అయిన తర్వాత పోతిరెడ్డిపాడు వెడల్పు, శ్రీశైలం నీటిమట్టం, గండికోట రిజర్వాయర్, కుందూ నదిపై నిర్మాణాలు, గాలేరు నగరి, హంద్రీనీవా పనులకు ప్రాధాన్యత ఇచ్చినారు. నాడు వారు చేసిన కృషి వల్లే కొంత మేరకు అయినా రాయలసీమకు నీరు అందుతోంది. ప్రజానాయకుడు తాను అధికారంలో ఉన్నప్పుడు తీసుకున్న నిర్ణయాలు వారి తర్వాత కూడా ప్రాధాన్యత కలిగివుంటాయి. అదే ఆ నాయకుడి దూరదృష్టిని తెలియజేస్తుంది. - మాకిరెడ్డి పురుషోత్తమరెడ్డి  సమన్వయ కర్త, రాయలసీమ మేధావుల ఫోరం

‘చాలు.. చాల్లేవయ్యా.. కూర్చోవయ్యా.. కూర్చో.. ఏందయ్యా.. నీకు బుద్ధి, జ్ఞానం ఉందా?’ అని అసెంబ్లీలో ముఖ్యమంత్రిగా వైఎస్‌ రాజశేఖరరెడ్డి ఆనాటి ప్రతిపక్ష నాయకుడు చంద్రబాబును సూటిగా, స్పష్టంగా, ఘాటుగా మాట్లాడిన మాటలు నాకు ఇప్పటికీ గుర్తుకొస్తూనే ఉంటాయి. చంద్రబాబు అసెంబ్లీలో అనవసర రాద్ధాంతం చేస్తూ ఆవేశపడిన ప్రతిసారీ వైఎస్సార్‌ తాపీగా చిరునవ్వులు చిందిస్తున్న దశ్యం నా కళ్ల ముందు నేటికీ కనువిందు చేస్తుంటుంది. అసెంబ్లీలో నాడు వైఎస్‌ మాట్లాడిన ప్రతి మాటా తూటాలా పేలేది. నిక్కచ్చిగా ఆయన మాట్లాడే విధానం, ముక్కు సూటితనం, నిజాయితీ.. సభ్యులను ముగ్ధు్దల్ని చేసేది. ఆయనతో కలిసి ఒక దశాబ్ద కాలంపాటు శాసనసభ్యునిగా అసెంబ్లీలో నేను ఉన్న దృశ్యాలు కళ్లలో కదలాడుతూనే ఉంటాయి. 1999లో ప్రతిపక్ష నాయకుడిగా, 2004లో తొలిసారి ముఖ్యమంత్రిగా సభలో అందరినీ ఆకట్టుకునే ఆయన శైలి అనితర సాధ్యం. (చదవండి: ఇక్కడెవరైనా అమృతం తాగి ఉన్నారా?) 1978లో 29 సంవత్సరాల పిన్న వయసులో రాజకీయ రంగ ప్రవేశం చేసిన వైఎస్‌ రాజశేఖరరెడ్డి పులివెందుల నుంచి మొదటిసారి శాసనసభ్యునిగా గెలిచారు. నాలుగుసార్లు కడప పార్లమెంట్‌ సభ్యునిగా, ఆరుసార్లు పులివెందుల శాసనసభ్యునిగా విజయదుందుభి మోగించి, విజయానికి కేరాఫ్‌ అడ్రస్‌గా నిలిచారు. పీసీసీ రథసారథిగా, శాసనసభ్యునిగా, మంత్రిగా, పార్లమెంట్‌ సభ్యునిగా, ప్రతిపక్ష నాయకునిగా, ఉమ్మడి ఆంధ్రప్రదేశ్‌ రాష్ట్ర సీఎంగా ఆయన సుదీర్ఘ రాజకీయ జీవితంలో సమస్తం విభిన్న పార్శ్వాలే కనిపిస్తాయి. పదవి ప్రజల కోసమే అని నిరూపించిన గొప్ప నేత.  ప్రతిపక్ష నాయకుడిగా 2003లో చేవెళ్ల నుంచి ఇచ్ఛాపురం వరకు వైఎస్సార్‌ చేసిన ‘ప్రజాప్రస్థానం’ పాదయాత్ర ఆనాడు ఒక చరిత్ర. మండుటెండల్లో సుమారు 1,500 కిలోమీటర్లు సాగిన పాదయాత్రలో మరో సరికొత్త వైఎస్సార్‌ ఆవిష్కృతమయ్యారు. వైఎస్సార్‌ సుదీర్ఘ రాజకీయ ప్రస్థానంలో పాదయాత్రకు ముందు.. పాదయాత్ర తర్వాత అని చెప్పుకోవాలి. రాష్ట్రంలో ఆనాడు అఖిలాంధ్ర జనం అనుకున్నట్టే 2004లో వైఎస్సార్‌ ముఖ్యమంత్రి స్థానాన్ని అధిష్టించారు. పాదయాత్రలో ప్రతి పేదవాడి కష్టం కళ్లారా చూశారు. వారి వెతలు విన్నారు. రైతును ఎలా ఆదుకోవాలి? మహిళామణులకు ఏం చెయ్యాలి? విద్యార్థులకు, నిరుద్యోగులకు ఎలాంటి మేలు చేయాలి? పేదవాడి కన్నీరు ఎలా తుడవాలి? ఇలాంటి నిరంతర ఆలోచనలే ఆయన అధికారంలోకి వచ్చాక అనేక సంక్షేమ పథకాల అమలుకు శ్రీకారం చుట్టడానికి దోహదపడ్డాయి. (చదవండి:మహానుభావుడు లేకుంటే బతికేవాణ్ణి కాదు) రూపాయి డాక్టరుగా పేదల మన్ననలు పొందిన వైఎస్సార్‌ ప్రజల మనిషిగా గొప్ప గుర్తింపు పొందారు. ఎవరు ఎదురుపడినా చిరునవ్వుతో ‘ఏమయ్యా’ అని, ‘సార్‌’ అని ప్రేమతో పేరుపెట్టి ఆప్యాయంగా పిలిస్తే రాజన్న మత్తులో, ఆ మనిషి మాయలో పడినట్టే. ఇక అంతే. జీవితాంతం ఆయన మనిషిగా ఉండిపోతాడు. 2009 ఎన్నికల్లో 33 పార్లమెంట్‌ స్థానాలను గెలిపించిన ఘనత వైఎస్సార్‌కే సొంతం. సంక్షేమ ఫలాలు ప్రతి పేదవాడికి ఎలా చేర్చాలి అన్నది చేసి చూపించిన ఘనత వైఎస్సార్‌దే. వ్యవసాయం దండగ కాదు.. పండగ అని నిరూపించిన రైతు జనబాంధవుడు.  ముఖ్యమంత్రి హోదాలో 2005లో కర్నూలు జిల్లాలోని నా నివాసం అవుకులో ‘అవుకు బ్యాలెన్సింగ్‌ రిజర్వాయర్‌’కు శంకుస్థాపన మహోత్సవానికి నా ఆహ్వానం మేరకు వచ్చారు. ఆనాడు అవుకులో ఏర్పాటు చేసిన బహిరంగ సభలో కోవెలకుంట్ల శాసనసభ్యునిగా నేను అడిగిన ప్రతి పనీ మంజూరు చేశారు. కర్నూలు జిల్లాలో 50 ఏళ్ల తర్వాత అవుకులో ప్రభుత్వ ఐటీఐ మంజూరు చేశారు. దీంతోపాటు ప్రభుత్వ జూనియర్‌ కాలేజీ, 30 పడకల ఆస్పత్రి, మెట్టుపల్లె అడిషనల్‌ స్లూయిస్‌.. ఇలా నేను అడిగినవన్నీ ఇచ్చారు. కోవెలకుంట్ల సమీపంలో కుందూ నదిపై ‘జోళదరాశి ప్రాజెక్టు’కు నాంది పలికింది కూడా ఆయనే.  ఉచితవిద్యుత్తు, జలయజ్ఞం, ఇందిరమ్మ ఇళ్లు, రాజీవ్‌ ఆరోగ్యశ్రీ, 104, 108 వాహనాలు, ఫీజు రీయింబర్స్‌మెంట్, రెండు రూపాయలకు కిలో బియ్యం, పావలా వడ్డీ, భూపంపిణీ, ముస్లింలకు 4 శాతం రిజర్వేషన్, రిమ్స్, ఐఐఐటీ.. వైఎస్సార్‌ సంక్షేమానికి మారుపేర్లయిన పథకాలివి. ఒక వ్యక్తిలో ఇన్ని విశిష్ట లక్షణాలు, భిన్న కోణాలు, ఇంత పోరాట పటిమ, మరే నాయకుడికి లేనంత జనాకర్షణ, అన్నింటికీ మించి పాలనాదక్షత.. వైఎస్సార్‌లోని ఈ గుణాలను తలుచుకున్న ప్రతిసారీ నా కళ్లు చెమర్చుతాయి. వారి సాహచర్యం మరపురానిది, మరువలేనిది. ఆ జ్ఞాపకాలతో ఒక్కోసారి గుండె బరువెక్కుతుంది. గొంతు మూగబోతుంది. వారి మరణం రాష్ట్ర ప్రజలకు తీరని లోటు. ఆయన తిరిగి రాని లోకాలకు వెళ్లినా, ఈ రాష్ట్ర ప్రజల హృదయాల్లో మాత్రం సజీవంగా నిలిచారు. -చల్లా రామకృష్ణారెడ్డి వ్యాసకర్త ఎమ్మెల్సీ, ఆంధ్రప్రదేశ్‌

‘కీర్తిశేషులు’ అంటే మరణించినా జీవించే ఉన్నారని అర్థం. వారి కీర్తి, వారి చరిత్ర ఈ ధరిత్రి ఉన్నంతవరకూ ఉంటుంది. అది ఏ కొద్దిమందికో అంటే రాజశేఖరరెడ్డి లాంటి కారణజన్ములకే సాధ్యం. అది 2009 ఆగస్టు 31. శాసనసభ బడ్జెట్‌ సమావేశాల చివరి రోజు. వైఎస్‌ అసెంబ్లీలో తన చాంబర్లో కూర్చొని ఉన్నారు. వారికి ఎదురు గదిలో నేను పనిచేసుకుంటున్నాను. అంతలో కొందరు మీడియా ప్రతినిధులు సీఎంను మర్యాదపూర్వ కంగా కలుస్తాం అన్నారు. నేను దగ్గరకెళ్లి అడిగాను. ‘ఓకే షార్‌’ అన్నారు. మూడ్‌ బాగున్నప్పుడు ‘వాట్‌ షార్‌’, ‘ఓకే షార్‌’ అనటం సారుకు అలవాటు. ఒక విలేఖరి ‘గతంలో మీరు ప్రతిపక్షనాయకుడిగా ఉన్న ప్పుడు 60 ఏళ్లు నిండాక రాజకీయాలలోంచి తప్పుకుంటాను అన్నారు. మొన్న జూలై 8 నాటికి మీకు 60 నిండాయి కదా’ అన్నారు.  ‘అవునయ్యా చాలా కాలం క్రితం చెప్పాను, ఇప్పుడు మనిషి సగటు జీవిత కాలం పెరిగిందికదా. నేను కూడ ఎక్కువ కాలం పనిచేయాలనుకుంటున్నాను. ఐనా మీ మీడియాలోనే నాకు మంచి దేహధారుఢ్యం ఉందనీ, చురుకుగా పని చేస్తుంటాననీ రాస్తున్నారు కదా’ అని జవాబిచ్చారు. మరొక విలేఖరి ‘అయితే మీరు శాశ్వతంగా ఈ పదవిలో వుండాలనుకుంటున్నారా?’ అని అడిగారు. ‘వెళ్ళవయ్యా, ఇక్కడెవరైనా అమృతం తాగి ఉన్నారా శాశ్వతంగా బ్రతకడానికి’ అంటూ నవ్వేశారు. మరో 45 గంటల తర్వాత ఆ చిరునవ్వు మాయమైంది.(చదవండి: అదే స్ఫూర్తి.. అదే లక్ష్యం.. అదే గమ్యం ) 2009లో రెండవసారి సీఎం అయ్యాక వైఎస్సార్‌ తన పథకాల సరళిని సమీక్షించారు. భూపంపిణీ, ఇందిరమ్మ ఇళ్లు, ఉచిత బియ్యం, ఉపకారవేతనాలు, పింఛన్లు వంటి పథకాల ఫలి తాలు ఏమేరకు ప్రజలకు చేరుతున్నాయో తెలుసు కునేందుకు రచ్చబండ కార్యక్రమాన్ని ప్రవేశపెట్టాలని నిర్ణయించారు. ఏరోజు ఏ గ్రామానికి వెళ్లేది రహస్యంగా ఉంచి, ఆ రోజు ఉదయం మాత్రమే ప్రకటించాలని కూడా నిర్ణయించారు. అలా సెప్టెంబర్‌ 2 నాడు చిత్తూరు అసెంబ్లీ, నెల్లూరు జిల్లాలో ఉదయగిరి అసెంబ్లీ, ప్రకాశం జిల్లాలొ కొండెపి నియోజకవర్గంలోని ఒక్కో గ్రామంలో రచ్చబండ జరగాలి. ఆ గ్రామాల సమాచారం అడిగారు. మరో విషయం, సెప్టెంబరు 2న చిత్తూరులో ఆ జిల్లా శాసనమండలి సభ్యులు గోపీనాథ్‌ గారి కుమారుని వివాహానికి వస్తానని మాట ఇచ్చారు.  సెప్టెంబర్‌ 2 – ఉదయం 4.30. సీఎం ఫోన్‌ చేశారు. ‘శర్మా, నేను రచ్చబండకి చిత్తూరు జిల్లాలో అనుపల్లి, తరువాత నెల్లూరులో నర్రవాడ, ఆ తరువాత ప్రకాశం జిల్లాలో కనుమళ్ల గ్రామాలకు వెళ్తాను. కలెక్టర్లకు సమాచారం పంపించు’ అని చెప్పారు. మళ్లా 20 నిమిషాలకు సూరీడు ఫోన్‌ చేసి సీఎంకి కలిపాడు. ‘శర్మా కలెక్టర్లకు వెసులుబాటు ఇద్దాం. ఇందాక చెప్పిన మూడు గ్రామాలకు ప్రత్యా మ్నాయంగా మరో మూడు ఇద్దాం. చిత్తూరులో దిగువమాసుపల్లి,  ఉదయగిరి నియోజకవర్గంలో బొడ్డువారిపల్లి, ప్రకాశంలో బింగినపల్లి...’ నేను నోట్‌ చేసుకున్నానని నిర్ధారించుకున్నాక ఫోన్‌ పెట్టేశారు.(చదవండి: రైతుల ఖాతాలోకే విద్యుత్‌ సబ్సిడీ) 5.40కి మళ్లీ ఫోన్‌ చేశారు. ఏ హెలికాప్ట్టర్‌ వస్తుంది, మంత్రులు ఎవరు వస్తున్నారు, పిఆర్‌ఓ రవిచంద్‌ కూడా వస్తున్నాడా అని అడిగారు. ఆ ముందురోజు రాత్రి పైలెట్‌ భాటియాతో మట్లాడాను. దానిప్రకారం అగస్టా 128 హెలికాప్ట్టర్‌ తప్పనిసరిగా సర్వీసుకు వెళ్లాల్సి ఉంది. అందుకని భెల్‌ 430 హెలికాప్టర్‌లో ఈ ప్రోగ్రాం కవర్‌ చేస్తున్నాం, ప్రయాణ సమయం దాదాపు రెండు గంటల పైన ఉంటుంది కాబట్టి ఫ్యూయల్‌ టాంక్‌ నిండా తీసుకోవాలి, బరువు ఎక్కువ అవుతుంది కాబట్టి ముగ్గురు మించి వెళ్లడం కష్టం, మిగిలిన వారు రెగ్యులర్‌ విమానంలో వెళ్లాలి అని పైలెట్‌ చెప్పారు. సీఎం, ముఖ్య కార్యదర్శి సుబ్రహ్మణ్యం, సెక్యూరిటీ అధికారి వెస్లీ మాత్రం హెలికాప్టర్లో వెళతారు. మంత్రులు పెద్దిరెడ్డి రామచంద్రారెడ్డి, గల్లా అరుణ కుమారి,  స్పీకర్‌ కిరణ్‌కుమార్‌రెడ్డిని తిరుపతి విమానంలో ముందుగా వెళ్లమని కోరాను. పీఆర్‌ఓ రవిచంద్‌ వేరే పని ఉండటంవల్ల వెళ్లలేదు. బేగంపేటలో హెలికాప్టర్‌ 8 గంటలకు ఎగరాల్సి ఉంటుంది. నేను 7.45కు క్యాంప్‌ ఆఫీసుకు చేరాను. (చదవండి: మహానేతకు భారతరత్న ఇవ్వాలి) అక్కడనుంచి సరిగ్గా 7.50కి బయలుదేరి 7.55కి బేగంపేట విమానాశ్రయం చేరాము. అప్పటికే అక్కడ సీఎం ముఖ్య కార్యదర్శి జన్నత్‌ హుస్సేన్, కార్యదర్శి ప్రభాకరరెడ్డితో పాటు ఇంటెలిజెన్స్‌ డి.జి. అరవిందరావు వేచి ఉన్నారు. 8.20కి బయటికి వచ్చి కారిడార్లో నన్ను తదు పరి కార్యక్రమాల గురించి అడిగారు. ప్రధాని మన్మోహన్‌ తిరుపతి ప్రోగ్రాం, బీహెచ్‌ఈఎల్‌ మన్నవరం శంకుస్థాపన ఖరారైనాయి. 8.30కి హెలికాప్టర్లో కూర్చున్నారు. ‘శర్మా, హెలికాప్టర్‌ ఫ్లయింగ్‌ టైం ఎంత?’ ‘రెండుగంటల 5 నిమిషాలు సర్‌’ అని చెప్పా. హెలికాప్టర్‌ గాల్లోకి ఎగిరింది. అది ఎగరక ముందు ఆయనతో మాట్లాడిన చివరి వ్యక్తిని నేనే. 1992 నవంబర్‌ 1 నుంచి సర్‌తో సాగిన నా అను బంధం భౌతికంగా 2009 సెప్టెంబర్‌ 2తో ముగి సింది. కానీ మానసికంగా అది ముగిసేది కాదు. అలాగే జీవితంలో మొట్టమొదటిసారి సర్‌ ఇచ్చినమాట నిలుపు కోలేకపొయారు. అదే గోపీనాథ్‌ కొడుకు వివాహానికి వస్తానని... వెళ్లకుండా... అందర్నీ దుఃఖ సముద్రంలో ముంచి కనిపించని లోకాలకు వెళ్లిపోయారు. - భాస్కర శర్మ వైఎస్‌ అదనపు ఆంతరంగిక కార్యదర్శి

సాక్షి, కరీంనగర్‌: రాజువయ్యా.. వైఎస్సార్‌ అంటే ఓ నమ్మకం.. భరోసా.. దిక్కులేని వారు, అన్నార్తులకు ఆపన్నహస్తం.. పేద విద్యార్థుల పాలిట వరం. 108, ఆరోగ్యశ్రీ ద్వారా ఎందరికో ప్రాణాలు పోసిన ప్రాణదాత.. వైఎస్‌ రాజశేఖరరెడ్డి హయాంలో ప్రవేశపెట్టిన సంక్షేమ పథకాలతో ఎంతో మంది లబ్ధిపొందారు.. ఫీజురీయింబర్స్‌మెంట్‌తో ఎంతో మంది పేద విద్యార్థులకు ఉన్నత విద్యను దరిచేర్చిన విద్యాదాత..ఆయన హయాంలో రూపుదిద్దుకున్న పలు సాగునీటి ప్రాజెక్టులు ప్రస్తుతం జలకళను సంతరించుకున్నాయి.. రుణమాఫీ, విద్యుత్‌ బకాయిల మాఫీ, ఉచిత విద్యుత్‌..ఇలా ప్రజల గుండెల్లో నిలిచారు.. నేడు వైఎస్సార్‌ వర్ధంతి సందర్భంగా ప్రత్యేక కథనం.. వర ప్రదాయినిగా శుక్రవారంపేట రిజర్వాయర్‌ ముత్తారం(మంథని): మండలంలోని మచ్చుపేట పంచాయతీ పరిధి శుక్రవారంపేటలో 2టీఎంసీ సామర్థ్యంతో నిర్మించిన రిజర్వాయర్‌ను 2008లో వైఎస్సార్‌ ప్రారంభించడం ఈ ప్రాంత ప్రజలు ఎన్నటికీ మరచిపోరు. ఈ రిజర్వాయర్‌ నిర్మాణంతో సుమారు 20 వేల ఎకరాలు సాగులోకి వచ్చాయి. కరువు నేలకు సాగునీరు అందించిన అపర భగీరథుడు వైఎస్సార్‌ అని ఈ ప్రాంత రైతులు హర్షం వ్యక్తం చేస్తున్నారు.  పాదయాత్రలో మహానేతతో ‘ఆది’ వేములవాడ: మహానేత డాక్టర్‌ వైఎస్‌ రాజశేఖరరెడ్డి పాదయాత్రతో ఉమ్మడి కరీంనగర్‌ జిల్లాలో ప్రవేశించినప్పుడు ఆయన ప్రియ శిశ్యుడు, వేములవాడ రాజన్న ఆలయ మాజీ చైర్మన్‌ ఆది శ్రీనివాస్‌ గంభీరావుపేట మండలం నర్మాల ప్రాజెక్టు ప్రాంతంలో వైఎస్సార్‌ను కలుసుకున్నారు. మహానేతతో కలిసి ఎల్కతుర్తి మండలం వరకు పాదయాత్రలో పాల్గొన్నారు.                                   పాదయాత్రలో వైఎస్సార్‌తో ఆది శ్రీనివాస్‌(ఫైల్‌)  మహానుభావుడు లేకుంటే బతికేవాణ్ణి కాదు వేములవాడ: మాది వేములవాడ పట్టణంలోని ముదిరాజ్‌ వీధి. పదేళ్ల వయస్సులో బ్రెయిన్‌లో ప్రాబ్లమ్‌ వచ్చింది. ఆ సమయంలో మహానుభావుడు డాక్టర్‌ వైఎస్‌ రాజశేఖరరెడ్డి ప్రవేశపెట్టిన ఆరోగ్యశ్రీ పథకంలో భాగంగా నిమ్స్‌లో ఎలాంటి ఖర్చు లేకుండా బ్రెయిన్‌కు ఆపరేషన్‌ చేశారు. ప్రస్తుతం అమ్మానాన్న రేగుల శ్రీనివాస్‌–మహేశ్వరీతో కలిసి టీకొట్టులో పని చేసుకుంటూ జీవిస్తున్నా. ఈ రోజు నేను ఇలా ఉన్నానంటే ఆ మహానుభావుడే కారణం. ఆయన మరణం ఈ రాష్ట్రానికి, దేశానికి తీరనిలోటు. ఆ దేవుడిలాంటి వాళ్లు ఇగ పుట్టరేమో అనిపిస్తుంది. – రేగుల సుశీల్, వేములవాడ  విద్యాదాత.. జ్యోతినగర్‌(రామగుండం): వైఎస్సార్‌ విద్యాదాత. ఆయన ప్రవేశపెట్టిన ఫీజు రీయింబర్స్‌మెంట్‌తో బీ టెక్‌ చదివి ఉద్యోగం చేస్తున్న. మా నాన్న సాంబశివారెడ్డి ఎన్టీపీసీ రామగుండం పర్మనెంట్‌ టౌన్‌షిప్‌లో సెక్యూరిటీగా విధులు నిర్వహిస్తున్నాడు. 2013లో ఇంజినీరింగ్‌ పూర్తి చేశా. ప్రస్తుతం హైదరాబాద్‌లోని టాటా కన్సల్టెన్సీలో ఉద్యోగం చేస్తున్నా. నాలాంటి పేదవారికి ఆయన పథకాలు ఎంతో ఉపయోగపడ్డాయి. – కొణుదుల సుదర్శన్‌రెడ్డి  2 టీఎంసీ పైపులైన్‌తో రెండు పంటలకు నీరు కమాన్‌పూర్‌(మంథని): వైఎస్సార్‌ సీఎంగా ఉన్న సమయంలో గోదావరినదిపై నిర్మించిన ఎల్లంపల్లి ప్రాజెక్టు నుంచి గుండారం రిజర్వాయర్‌ వరకు ఏర్పాటు చేసిన 2టీఎంసీ పైపులైన్‌తో గుండారం రిజర్వాయర్‌ ఆయకట్ట కింద సాగు చేసే రెండు పంటలకు సరిపడా సాగునీరు అందుతుంది. పైపులైన్‌ లేక ముందు సాగునీరు లేక పంటలు ఎండిపోయిన పరిస్థితులు ఉన్నాయి. ఆయకట్టు కింద సాగు వీస్తీర్ణం పెరిగింది. – పిడుగు గట్టయ్య, రైతు, గుండారం మంథని అభివృద్ధికి ప్రాధాన్యం మంథని: వైఎస్సార్‌ హయాంలో మంథని నియోజకవర్గ అభివృద్ధికి ప్రాధాన్యత ఇచ్చారు. నాడు నియోజకవర్గంలో 60 వేల ఎకరాలకు సాగునీటి సౌకర్యం కల్పించే శ్రీ కాళేశ్వర ముక్తీశ్వర ఎత్తిపోతల పథకంతో పాటు చింతల చెరువు రిజర్వాయర్‌లకు శంకుస్థాపన చేయగా పనులు పురోగతిలో ఉన్నాయి. శంకుస్థాపన సమయంలో ఇక్కడి గిరిజనులతో మమేకమై వారి సాదకబాధకాలను అడిగి తెలుసుకున్నారు. గిరిజనుల ప్రగతికి అడ్డుగా నిలిచిన రింగు రోడ్డు నిర్మాణానికి అనుమతులు సాధించి నిర్మాణానికి రూ.48కోట్లు కేటాయించడం విశేషం. రైతు పక్షపాతి వైఎస్సార్‌ బోయినపల్లి(చొప్పదండి): రైతు పక్షపాతి వైఎస్‌ రాజశేఖరరెడ్డి.  వైఎస్సార్‌ సీఎంగా ఉన్నప్పుడు 2006లో  మిడ్‌మానేరు ప్రాజెక్టుకు శ్రీకారం చుట్టారు. జలయజ్ఞంలో భాగంగా ఎస్సారెస్పీ నుంచి జగిత్యాల, మల్యాల, గంగాధర, రామడుగు మండలాల మీదుగా బోయినపల్లి మండలం వరదవెల్లి క్రాస్‌ రెగ్యూలేటర్‌ల వరకు 122 కిలోమీటర్ల మేర వరదకాలువ నిర్మించారు. అప్పుడు వైఎస్సార్‌ వరదకాలువ నిర్మాణం చేపడితే కాలువలు ఎందుకు తవ్వుతున్నారు అని హేళన చేసినవారు రెండేళ్లుగా కాలువలో చేరుతున్న నీరు రైతన్న చేలకు ఊపిరిగా మారడంతో కంగుతింటున్నారు.  మా ఇంట్లో బస చేశారు విద్యానగర్‌(కరీంనగర్‌): మా నాన్న బొమ్మ వెంకటేశ్వర్లు మాజీ ఎమ్మెల్యే. వైఎస్‌ రాజశేఖరరెడ్డి రెండోసారి సీఎంగా ఉన్నప్పుడు జరిగిన స్థానిక సంస్ధల ఎన్నికల సందర్భంగా ప్రచారానికి కరీంనగర్‌ వచ్చారు. ఎన్నికల కోడ్‌ ఉండడం వల్ల ప్రభుత్వ గెస్ట్‌హౌస్‌లో ఉండే వీలు లేకపోవడంతో మా ఇంట్లో బస చేశారు. ఆయన ఎంతో ప్రేమగా పలకరించి నేను చేస్తున్న ప్రజాహిత కార్యక్రమాలను తెలుసుకుని అభినందించారు.       – మూగ జయశ్రీ, ప్రకృతి పర్యావరణ సంస్ధ, అధ్యక్షురాలు, కరీంనగర్‌                                వైఎస్సార్‌తో మూగ జయశ్రీ(ఫైల్‌)

సాక్షి, వైఎస్సార్‌ జిల్లా : సంక్షేమ పథకాల ప్రదాత, మహానేత, దివంగత ముఖ్యమంత్రి వైఎస్‌ రాజశేఖరరెడ్డికి భారతరత్న ప్రకటించాలని ప్రభుత్వ చీఫ్ విప్ శ్రీకాంత్ రెడ్డి, ఎమ్మెల్సీ జకీయా ఖానంలు డిమాండ్‌ చేశారు. పేదలకు అభివృద్ధి పథకాలు, సంక్షేమ పథకాలు అమలు చేసిన నాయకుడు వైఎస్సార్‌.. భారతరత్నకు అన్ని రకాల అర్హుడన్నారు. స్వాతంత్ర్యం వచ్చిన తర్వాత దేశంలో ప్రజలకు మేలు చేసిన నాయకుల్లో మహనేత మొదటి స్థానంలో నిలుస్తారని, దేశవ్యాప్తంగా సర్వేలు చేసి మహనేతకు భారతరత్న ఇవ్వాలన్నారు. పేదలకు దేవుడిలాగా అండగా నిలిచిన అపరభగీరధుడు మహనేత వైఎస్సార్‌ అంటూ కొనియాడారు. బుధవారం మహానేత 11వ వర్ధంతి సందర్భంగా వైఎస్సార్‌ సీపీ కార్యాలయంలో వైఎస్సార్‌ చిత్రపటానికి, విగ్రహానికి, వైఎస్సార్‌ సర్కిల్లోని వైఎస్సార్‌ విగ్రహానికి పూలమాలలు వేసి ప్రభుత్వ చీఫ్ విప్ శ్రీకాంత్ రెడ్డి, ఎమ్మెల్సీ జకీయా ఖానంలు నివాళులర్పించారు. ( అదే స్ఫూర్తి.. అదే లక్ష్యం.. అదే గమ్యం ) ఈ కార్యక్రమంలో మాజీ కౌన్సిలర్లు, కార్యకర్తలు, ఆభిమానులు, పార్టీ శ్రేణులు పాల్గొన్నారు.  ఈ సందర్భంగా శ్రీకాంత్ రెడ్డి, జకీయా ఖానంలు మాట్లాడుతూ..‘‘ ప్రతి ఒక్కరు స్మరించుకుంటున్న మహానాయకుడు వైఎస్సార్. సంక్షేమానికి పెట్టిన పేరు వైఎస్సార్‌. రైతులు, విద్యార్థులు, బడుగు బలహీన వర్గాల, మైనారిటీల సంక్షేమం కోసం ఆలోచించి ప్రతి ఒక్కరికి అండగా నిలిచిన నాయకుడు వైఎస్సార్‌. మహనేత ప్రవేశపెట్టిన సంక్షేమ పథకాలు దేశానికే ఆదర్శంగా నిలిచాయి. తండ్రి తరహాలోనే తనయుడి పాలన కొనసాగుతోంది. తండ్రి అకాల మరణం తర్వాత తనయుడు ఏపీ ప్రజల సంక్షేమం తన భుజాల మీద వేసుకుని పాలన కొనసాగిస్తున్నారు. ఆయన బాటలో మేము నడవడం గర్వంగా భావిస్తున్నా’’మన్నారు.

సాక్షి, అమరావతి: ప్రజా సంకల్ప పాదయాత్రలో ప్రతిపక్ష నేత హోదాలో చెప్పిన మాటలను ముఖ్యమంత్రిగా బాధ్యతలు చేపట్టాక నిజం చేస్తూ ప్రజాభ్యుదయమే లక్ష్యంగా వైఎస్‌ జగన్‌మోహన్‌రెడ్డి వడివడిగా అడుగులు వేస్తున్నారు. ‘పేద, బడుగు, బలహీన వర్గాల సంక్షేమం కోసం, రాష్ట్ర సమగ్రాభివృద్ధి కోసం మా నాన్న గారు ఒక అడుగు ముందుకు వేస్తే.. ఆయన కొడుకుగా నేను రెండు అడుగులు ముందుకు వేస్తాను’ అని చెప్పిన మాటలను నిలుపుకుంటున్నారు. దివంగత మహానేత వైఎస్‌ రాజశేఖరరెడ్డి ఉమ్మడి ఆంధ్రప్రదేశ్‌ రాష్ట్రానికి ఐదున్నరేళ్లపాటు ముఖ్యమంత్రిగా పని చేశారు. సంక్షేమానికి సరికొత్త నిర్వచనం ఇచ్చారు. కోటి ఎకరాలకు నీళ్లందించి.. రాష్ట్రాన్ని సుభిక్షం చేయడానికి జలయజ్ఞం కింద 84 ప్రాజెక్టులను చేపట్టి, సింహభాగం పూర్తి చేశారు. రికార్డు స్థాయిలో వ్యవసాయ ఉత్పత్తులు సాధించడం ద్వారా అన్నపూర్ణ నామధేయాన్ని రాష్ట్రానికి సార్థకం చేశారు. శంషాబాద్‌ అంతర్జాతీయ విమానాశ్రయం, గంగవరం పోర్టు, కృష్ణపట్నం పోర్టులను పూర్తి చేసి.. ఐటీ రంగం, పారిశ్రామికాభివృద్ధికి బాటలు వేయడం ద్వారా ప్రగతి రథాన్ని కొత్త పుంతలు తొక్కించారు. సంక్షేమాభివృద్ధి పథకాల అమలులో టార్చ్‌ బేరర్‌(మార్గ నిర్దేశకుడు)గా నిలిచిన వైఎస్‌ రాజశేఖరరెడ్డి అమరుడై నేటికి 11 ఏళ్లు. ఆ మహానేత దిశానిర్దేశం చేసిన మార్గంలోనే గత 15 నెలలుగా సీఎం వైఎస్‌ జగన్‌మోహన్‌రెడ్డి విప్లవాత్మక రీతిలో సంక్షేమాభివృద్ధి పథకాలను పరుగులు పెట్టిస్తున్నారు.  మహానేత అడుగుజాడల్లో మచ్చుకు కొన్ని... ► పాదయాత్రలో ఇచ్చిన ప్రతి హామీని నిలుపుకునే దిశగా సీఎం వైఎస్‌ జగన్‌ చర్యలు చేపట్టారు. నవరత్నాలతోపాటు 90 శాతం హామీలను ఇప్పటికే అమలు చేస్తున్నారు.  ► మహానేత చేపట్టిన ఫీజు రీయింబర్స్‌మెంట్, ఆరోగ్యశ్రీ పథకాలను మరింత బలోపేతం చేశారు. ఫీజు ఎంతైనా సరే రీయింబర్స్‌ చేస్తున్నారు. ఆరోగ్యశ్రీ పరిధిలోకి రెండు వేల చికిత్సలను చేర్చి.. చికిత్స బిల్లు రూ.1,000 దాటితే.. ఈ పథకాన్ని వర్తింపజేస్తున్నారు. త్వరలో రాష్ట్రమంతటా ఈ విధానం అమలు కానుంది.    ► అవ్వాతాతల పెన్షన్‌ను రూ.వెయ్యి నుంచి రూ.2,250కు పెంచి.. ఏటా రూ.250 చొప్పున రూ.మూడు వేలకు పెంచే ఫైలుపై సంతకం చేశారు. ప్రతి నెలా ఒకటో తేదీన ఉదయాన్నే అర్హులైన అవ్వాతాతలు, వికలాంగులు, వితంతవులకు వలంటీర్ల ద్వారా ఇళ్ల వద్దకే పెన్షన్‌ అందిస్తున్నారు.  ► మహానేత తరహాలోనే ఉచిత విద్యుత్‌.. తక్కువ వడ్డీకే పంట రుణాలు.. తదితర విషయాల్లో సీఎం వైఎస్‌ జగన్‌.. అన్నదాతలకు దన్నుగా నిలుస్తున్నారు. రైతు భరోసా కింద రూ.13,500ను పెట్టుబడిగా ఇస్తున్నారు. రైతు భరోసా కేంద్రాల ఏర్పాటుతో వ్యవసాయాన్ని పండగగా మార్చారు.   ► మహానేత పొదుపు సంఘాలకు భారీ ఎత్తున రుణాలను పావలా వడ్డీకే అందిస్తే.. సీఎం వైఎస్‌ జగన్‌మోహన్‌రెడ్డి మరో అడుగు ముందుకేసి వడ్డీ లేని రుణాలు ఇస్తున్నారు. 2019 ఏప్రిల్‌ 11 నాటికి బ్యాంకుల్లో పొదుపు సంఘాల మహిళలకు ఉన్న రుణాలను నాలుగు విడతల్లో చెల్లించేలా వైఎస్సార్‌ ఆసరా పథకాన్ని చేపట్టారు. 45 నుంచి 60 ఏళ్లలోపు ఉన్న ఎస్సీ, ఎస్టీ, బీసీ, మైనార్టీ మహిళలకు వైఎస్సార్‌ చేయూత పథకం కింద ఏడాదికి రూ.18,750 చొప్పున నాలుగేళ్లలో రూ.75 వేలను అందించే పథకానికి శ్రీకారం చుట్టారు. ఇడుపులపాయ చేరుకున్న సీఎం జగన్‌ సాక్షి ప్రతినిధి కడప: దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డి వర్ధంతి కార్యక్రమంలో పాల్గొనేందుకు  మంగళవారం సాయంత్రం 5.30 గంటలకు ముఖ్యమంత్రి వైఎస్‌ జగన్‌మోహన్‌రెడ్డి కుటుంబ సభ్యులతో కలసి ఇడుపులపాయకు చేరుకున్నారు. కడప విమానాశ్రయం, ఇడుపులపాయ హెలిప్యాడ్‌లో ఆయనకు ఉప ముఖ్యమంత్రి, మంత్రులు, ఎమ్మెల్యేలు, ఇతర ప్రజాప్రతినిధులు, అధికారులు, నేతలు ఘన స్వాగతం పలికారు. ఇడుపులపాయ హెలిప్యాడ్‌ వద్ద సీఎం ప్రజల నుంచి వినతులను స్వీకరించారు. అక్కడి నుంచి ప్రజాప్రతినిధులు, అధికారులు, నేతలతో కలిసి నడుస్తూ అతిథి గృహానికి చేరుకున్నారు. బుధవారం ఉదయం 9.45 గంటలకు వైఎస్సార్‌ ఘాట్‌ వద్ద సీఎం వైఎస్‌ జగన్‌ కుటుంబ సభ్యులతో కలిసి నివాళులు అర్పించి, ప్రత్యేక ప్రార్థనల్లో పాల్గొంటారు. మధ్యాహ్నం 12.30 గంటలకు తిరిగి తాడేపల్లిలోని క్యాంపు కార్యాలయానికి చేరుకోనున్నారు. (వేగంగా నైపుణ్యాభివృద్ధి కాలేజీలు)

సాక్షి, వైఎస్సార్‌ జిల్లా : ఆంధ్రప్రదేశ్‌ ముఖ్యమంత్రి వైఎస్‌ జగన్‌మోహన్‌రెడ్డి వైఎస్సార్‌ జిల్లా పర్యటనలో భాగంగా మంగళవారం ఇడుపుల పాయ చేరుకున్నారు. గన్నవరం నుంచి ప్రత్యేక విమానంలో ఇడుపులపాయకు వచ్చిన సీఎం జగన్‌కు ఘన స్వాగతం లభించింది. ప్రభుత్వ చీఫ్ విప్ గడికోట శ్రీకాంత్ రెడ్డి, ఎమ్మెల్యేలు చెవిరెడ్డి భాస్కర్ రెడ్డి, రఘురామిరెడ్డి, ఇతర అధికారులు సీఎం జగన్ కు స్వాగతం పలికారు. వారితో కాసేపు ముచ్చటించిన సీఎం.. తర్వాతా వైఎస్సార్‌ ఎస్టేట్‌లో బస చేసేందుకు వెళ్లారు. దివంగత ముఖ్యమంత్రి వైఎస్‌ రాజశేఖరరెడ్డి వర్థంతిని పురస్కరించుకుని రేపు(సెప్టెంబర్‌ 2) ఉదయం 9.45 గంటలకు వైఎస్సార్‌ ఘాట్‌ వద్ద కుటుంబ సభ్యులతో కలిసి నివాళులర్పించి, ప్రత్యేక ప్రార్థనల్లో పాల్గొంటారు. అనంతరం అక్కడ్నుంచి బయల్దేరి మధ్యాహ్నం 12.30కి సీఎం వైఎస్‌ జగన్‌ తాడేపల్లిలోని తన నివాసానికి చేరుకుంటారు.

సాక్షి, అమరావతి : ఆంధ్రప్రదేశ్‌ ముఖ్యమంత్రి వైఎస్‌ జగన్‌మోహన్‌రెడ్డి వైఎస్సార్‌ జిల్లా పర్యటనకు బయలుదేరారు. సాయంత్రం 4 గంటలకు ఆయన గన్నవరం విమానాశ్రయానికి చేరుకున్నారు. అక్కడ నుంచి  సాయంత్రం 4. 45గంటలకు కడప ఎయిర్‌పోర్ట్‌కు చేరుకుంటారు. సాయంత్రం 5.15 గంటలకు ఇడుపులపాయలోని వైఎస్సార్‌ ఎస్టేట్‌కు చేరుకొని రాత్రికి అక్కడే బస చేస్తారు. దివంగత ముఖ్యమంత్రి వైఎస్‌ రాజశేఖరరెడ్డి వర్థంతిని పురస్కరించుకుని 2వ తేదీ ఉదయం 9.45 గంటలకు వైఎస్సార్‌ ఘాట్‌ వద్ద కుటుంబ సభ్యులతో కలిసి నివాళులర్పించి, ప్రత్యేక ప్రార్థనల్లో పాల్గొంటారు. అనంతరం అక్కడ్నుంచి బయల్దేరి మధ్యాహ్నం 12.30కి సీఎం వైఎస్‌ జగన్‌ తాడేపల్లిలోని తన నివాసానికి చేరుకుంటారు.

రాజశేఖరరెడ్డి గారి ప్రత్యేకత ఏమిటంటే ముఖ్యమంత్రిగా పార్టీకి విధేయుడిగా ఉంటూనే, పార్టీ ప్రయోజనాల పరిధిని దాటి ప్రజల కోసం పరిపాలన సాగించారు. ఆయన పాలన కాంగ్రెస్‌ ఇతర రాష్ట్రాలలో అమలు పరుస్తున్న విధానాలకు భిన్నంగా సాగింది. 108,104, ఆరోగ్యశ్రీ,  ఫీజు రీయింబర్స్‌మెంట్‌, ముస్లింలకు రిజర్వేషన్లు ప్రవేశపెట్టారు. ఉదాహరణకు అనంతపురం జిల్లాలో కలగల అనే గ్రామంలో ఆయన బహిరంగ సభలో ప్రసంగిస్తూ ప్రజలకు ఒక ప్రశ్న వేశారు. ‘ఈ గ్రామంలో మా పార్టీ అభ్యర్థి వేణుగోపాల్‌రెడ్డికి తక్కువ ఓట్లు వచ్చాయి; తెలుగుదేశం పార్టీకి ఎక్కువ ఓట్లు వచ్చాయి. అయినా వృద్ధాప్య పెన్షన్లు గానీ, ఆరోగ్యశ్రీ గానీ, ఇంకా ఏ సంక్షేమ పథకాలు గానీ తెలుగుదేశం వారికి అందడం లేదు, కేవలం కాంగ్రెస్‌ వారికే అందాయి అనిపిస్తే తెలుగుదేశం వారు, పథకాలు అందని వారు మాకు ఓట్లు వేయకపోయినా సరే చేతులెత్తండి’అంటే ఆశ్చర్యంగా ఎవరూ చేతులెత్త లేదు. అన్నిపథకాలు లబ్ధిదారులకు చేరేటట్లు ఆయన చూశారు. (చదవండి: తండ్రివి నీవే చల్లగ కరుణించిన దీవెన నీవే) ఆయన గుడిసెలు లేని ఆంధ్రప్రదేశ్‌  చేయాలని సంకల్పించారు. ఉచిత విద్యుత్‌ ఇవ్వడం గొప్పవిషయం. చంద్రబాబు, రామోజీ లాంటి వారు బట్టలు ఆరేసుకోవడానికి కరెంటు వైర్లు పనికోస్తాయని కార్టూన్లు వేసినా ఆయన దాన్ని రిసీవ్‌ చేసుకున్న తీరు ప్రశంసనీయం. ప్రతి ఎకరం భూమికి నీటిని అందించాలన్న ఆశయంతో జలయజ్ఞం సంకల్పించారు. దాదాపు 23 ప్రాజెక్టులు చేపట్టారు. ప్రాణహిత– చేవెళ్ల, కల్వకుర్తి, నెట్టెంపాడు, బీమా, కోయిల్‌సాగర్, అలాగే చివరి రోజుల్లో పాలమూరు రంగారెడ్డి ఎత్తిపోతల పథకాలకు కూడా కృషిచేశారు. హంద్రీ నీవాకు పునాది వేశారు. పోతిరెడ్డిపాడు సామర్థ్యం పెంచారు. పోలవరం ప్రాజెక్టువైపు కన్నెత్తి చూడాలంటేనే భయపడేటటువంటి కాలంలో పోలవరంకు అన్ని అనుమతులు సంపాదించారు. ఉత్తరాంధ్ర సుజలస్రవంతి ద్వారా 8 లక్షల ఎకరాలకు సేద్యపు నీటి సౌకర్యం కల్పించే దీక్షా దక్షత ఎవరికైనా ఉంటాయా? కాకినాడకు తాగునీటి స్కీము, ఇటువైపు గుంటూరు జిల్లా సేద్యపు నీటి వసతులు, తరువాత రాయలసీమ, ప్రకాశం నెల్లూరు జిల్లాల్లో తాగు, సాగునీరు లేని ప్రాంతాల్లో వెలుగొండ ప్రాజెక్టు ద్వారా సేద్యపు నీటిని అందించాలని బృహత్తరమైన ఆలోచన చేసిన సాహసి రాజశేఖరరెడ్డి. రాయలసీమను, ఉత్తరాంధ్రను అభివృద్ధిలో భాగస్వామ్యం చేయాలని ఆరోజుల్లో 1937లో పెద్దలు శ్రీబాగ్‌ ఒప్పందం చేసుకున్నారు. ఇది ఎందుకు ప్రస్తావన చేస్తున్నానంటే రాజశేఖరరెడ్డి హైదరాబాద్, బంజారాహిల్స్‌లోని రోడ్‌ నం.2లో ఒక ఇల్లు నిర్మించుకుని, ఆ ఇంటిపేరును శ్రీబాగ్‌ అని పెట్టుకున్నారు. ఇటీవల జగన్‌మోహన్‌రెడ్డి రెడ్డిని సినీ ప్రముఖులు కలిసినపుడు విశాఖపట్టణంలో సినీ పరిశ్రమను నిర్మించుకునేందుకు వైఎస్‌ ఆనాడే స్థలం కేటాయించారని ఒక వార్త వచ్చింది. (చదవండి: ప్రభుత్వ ప్రకటనల్లో వైఎస్‌ ఫొటో ఎందుకుండకూడదు?) నేడు వికేంద్రీకరణలో భాగంగా విశాఖపట్టణాన్ని రాజధానిగా చేయాలనే ఆలోచనను ప్రభుత్వం చేస్తోంది. ఇది రాజశేఖరరెడ్డి విజ్ఞత, ముందుచూపు. ఆయన తెలుగు ప్రజలకు అందించిన అపురూప కానుక మరొకటి ఉంది. ప్రజల సంక్షేమానికి కట్టుబడి వ్యవసాయానికి, ఆరోగ్యానికి ప్రాధాన్యతనిచ్చే ఒక నాయకున్ని మనకు అందించారు. వైఎస్‌ ఎలాగైతే దేశంలో ఒక నూతన ఒరవడి సృష్టించారో ప్రస్తుత ముఖ్యమంత్రి జగన్‌ కూడా తండ్రి అడుగుజాడలలోనే నడుస్తూ సంక్షేమం, అభివృద్ధి కేంద్ర బిందువులుగా గొప్ప పాలన అందిస్తున్నారు.  (రేపు డాక్టర్‌ వై.ఎస్‌.రాజశేఖరరెడ్డి వర్ధంతి సందర్భంగా) వ్యాసకర్త: ఇమామ్‌, ‘కదలిక’ పత్రిక సంపాదకుడు

సాక్షి, అమరావతి: సీఎం వైఎస్‌ జగన్‌మోహన్‌రెడ్డి మంగళవారం(నేడు) సాయంత్రం వైఎస్సార్‌ జిల్లా ఇడుపులపాయకు వెళ్లనున్నారు. సాయంత్రం 4 గంటలకు ఆయన గన్నవరం విమానాశ్రయం నుంచి కడపకు బయల్దేరుతారు. 5.16 గంటలకు ఇడుపులపాయలోని వైఎస్సార్‌ ఎస్టేట్‌కు చేరుకొని రాత్రికి అక్కడే బస చేస్తారు. తన తండ్రి, దివంగత ముఖ్యమంత్రి వైఎస్‌ రాజశేఖరరెడ్డి వర్థంతిని పురస్కరించుకుని 2వ తేదీ ఉదయం 9.45 గంటలకు వైఎస్సార్‌ ఘాట్‌ వద్ద కుటుంబ సభ్యులతో కలిసి నివాళులర్పించి, ప్రత్యేక ప్రార్థనల్లో పాల్గొంటారు. అనంతరం అక్కడ్నుంచి బయల్దేరి మధ్యాహ్నం 12.30కి సీఎం వైఎస్‌ జగన్‌ తాడేపల్లిలోని తన నివాసానికి చేరుకుంటారు.  

సాక్షి, వైఎస్ఆర్ కడప: సెప్టెంబర్ 2న దివంగత ముఖ్యమంత్రి వైఎస్ రాజశేఖర్ రెడ్డి వర్థంతి సందర్భంగా రేపు సాయంత్రం ముఖ్యమంత్రి వైఎస్‌ జగన్‌మోహన్‌రెడ్డి ఇడుపులపాయ చేరుకోనున్నారు. ఈ నేపథ్యంలో కలెక్టర్ హరికిరణ్, జాయింట్ కలెక్టర్ సాయికాంత్ వర్మ, ఎస్పీ అన్బురాజన్, సబ్ కలెక్టర్ పృథ్వితేజ్ ఇడుపులపాయలో భద్రతా ఏర్పాట్లను పరిశీలించారు. హెలిప్యాడ్ వద్ద బాంబ్ స్క్వాడ్‌తో తనిఖీ చేశారు. బుధవారం ఉదయం 9.30 గంటలకు వైఎస్ఆర్ ఘాట్ వద్ద కుటుంబ సభ్యులతో కలసి సీఎం జగన్‌ నివాళులు అర్పిస్తారు. ఈ క్రమంలో వైఎస్ఆర్ ఘాట్, హెలిప్యాడ్ వద్ద ఆటోమేటిక్ శానిటైజేషన్, థర్మల్ స్క్రీనింగ్‌లను ఏర్పాటు చేశారు. (చదవండి: చెస్‌ విజేతలకు సీఎం జగన్‌ అభినందనలు) ఘాట్ దగ్గరకు వచ్చే ప్రతి ఒక్కరికి కోవిడ్ టెస్ట్ తప్పనిసరి అని.. లేదంటే అనుమతించేది లేదని ఎస్పీ అన్బురాజన్ తెలిపారు. ఈ కార్యక్రమంలో వైఎస్ఆర్ సీపీ రాష్ట్ర కార్యదర్శి దేవి రెడ్డి శంకర్ రెడ్డి, చక్రాయపేట ఇన్చార్జ్‌ వైఎస్ కొండారెడ్డి తదితరులు పాల్గొన్నారు.

మేరీలాండ్‌: దివంగత మహానేత వైఎస్‌ రాజశేఖరరెడ్డి పదో వర్ధంతి(సెప్టెంబర్‌ 2)ని మేరీలాండ్‌లో ఆయన అభిమానులు, వైఎస్సార్‌ కాంగ్రెస్‌ పార్టీ ఆర్గనైజర్స్‌ ఘనంగా నిర్వహించారు. మహానేత చిత్రపటానికి పూలమాల వేసి శ్రద్ధాంజలి ఘటించారు. ఈ సందర్భంగా పలువురు కార్యకర్తలు జననేతను ఉద్దేశించి ప్రసంగించారు. ఆయన గొప్పతనాన్ని గుర్తుచేసుకుంటూ తాము కూడా జననేత అడుగుజాడల్లోనే నడుస్తామని పేర్కొన్నారు. అనంతరం కార్యకర్తలు సేకరించిన విరాళాలను మేరీలాండ్‌లో  సరైన వసతి లేక ఇబ్బందిపడుతున్న వారికి, హరికేన్‌ బాధితులకు అందజేశారు.  ఈ కార్యక్రమానికి ప్రసన్న కాకుమాని, క్లియోనా కాకుమాని, పార్థసారథి రెడ్డి బైరెడ్డి, పవన్‌ ధనిరెడ్డి, రాజశేఖర్‌ రెడ్డి యరమల, తిప్పా రెడ్డి కోట్ల, లోకేష్‌ మేడపాటి, శ్రీనివాస్‌ రెడ్డి పూసపాటి, వాసుదేవ రెడ్డి తాళ్ల, పూర్ణ శేఖర్‌ రెడ్డి జొన్నల, శ్రీనాధ్‌ కలకడ, సురేష్‌ కుప్పిరె​డ్డి, సంజీవ రెడ్డి దేవిరెడ్డి, వెంకట సతీష్‌ రెడ్డి, జగన్‌మోహన్‌ రెడ్డి, నోయల్‌ రాజ్‌ కట్టా, స్వర్ణ కట్టా, పల్లవి నామాల, దీపిక కదరి, రాజేష్‌ తంజీరెడ్డి, సబ్బు సిస్ట, మెర్సి ఆవుల బేబి క్యాధరిన, హర్ష, శ్రీనివాస్‌ యవసాని, సత్యనారాయణ రెడ్డి, శ్రీని గడ్డం, వసంత్‌, రామ్‌ గోపాల్‌, మోహన్‌, తదితరులు హాజరయ్యారు.

కాలిఫోర్నియా: మహానేత వైఎస్‌ రాజశేఖరరెడ్డి  పదో వర్ధంతి(సెప్టెంబర్‌ 2) సందర్భంగా యూఎస్‌ఏ వైఎస్సార్‌సీపీ ఎన్‌ఆర్‌ఐ కమిటీ అధ్వర్యంలో అభిమానులు, వైఎస్సార్‌ కాంగ్రెస్‌ పార్టీ కార్యకర్తలు  ఘన నివాళులు అర్పించారు. కాలిఫోర్నియాలోని బే ఏరియాలో సెప్టెంబర్‌ 2, సోమవారం రోజున బ్లూ ఫాక్స్‌ బంకెట్‌ హాల్‌లో అమెరికన్ రెడ్ క్రాస్ సంస్థ అధ్వర్యంలో రక్తదాన కార్యక్రమాన్ని నిర్వహించి, మహానేతకు ఘనంగా నివాళులు అర్పించారు. ఈ కార్యక్రమానికి ముఖ్య అతిథులుగా బే ఏరియా ప్రముఖులు డా. లక్కిరెడ్డి హనిమిరెడ్డి, వైఎస్సార్‌సీపీ యూఎస్‌ఏ కన్వీనర్‌ మధులిక, యూఎస్‌ఏ గవర్నింగ్‌ కౌన్సిల్‌ మెంబర్‌ కేవీ రెడ్డి పాల్గొన్నారు. ఈ సందర్భంగా డా. లక్కిరెడ్డి హనిమిరెడ్డి మాట్లాడుతూ.. మహానేత వైఎస్సార్‌తో తనకున్న అనుబంధాన్ని గుర్తుచేసుకున్నారు. పేద ప్రజల కోసం, వారి అభివృద్ధి కోసం వైఎస్సార్‌ ఎంత పరితపించేవారో వివరించారు. ఆంధ్రప్రదేశ్‌ అభివృద్ధి కోసం సీఎం వైఎస్‌ జగన్‌కు అందరు అండగా నిలవాలని పిలుపునిచ్చారు. వైఎస్సార్‌సీపీ యూఎస్‌ఏ కన్వీనర్ మధులిక మాట్లాడుతూ వైఎస్సార్‌ అనే మూడు అక్షరాలు పేదప్రజల గుండెచప్పుడుగా చిరస్థాయిగా ప్రజల హృదయాల్లో నిలిచి ఉంటాయన్నారు. ప్రస్తుతం జగనన్న రూపంలో రాజన్న రాజ్యం తిరిగి వచ్చిందన్నారు. యూఎస్‌ఏ గవర్నింగ్‌ కౌన్సిల్‌ మెంబర్‌ కేవీ రెడ్డి మాట్లాడుతూ.. మహానేత వైఎస్సార్‌ మరణించి 10 ఏళ్లు అయినప్పటికీ ప్రజల హృదయాలలో  ఆయనకున్న స్థానం చూస్తే ఆయన అభిమానిగా చాలా సంతోషంగా ఉందన్నారు. పాదయాత్ర ద్వారా ప్రజల కష్టాలను దగ్గర నుంచి చూడటంతో.. ఆ ఆలోచనల నుంచి వచ్చిన పథకాలే ఆరోగ్యశ్రీ, రైతులకు ఉచిత విద్యుత్‌, రూ. 2కే కిలో బియ్యం, 108, 104, ట్రిపుల్‌ ఐటీల ఏర్పాటు అని కొనియాడారు. వైఎస్సార్‌ హయాంలో ప్రతి కుటుంబం ఏదో విధంగా లబ్ధిపొందిందన్నారు. వినాయకచవితి పండుగ రోజున అన్ని కార్యక్రమాలను పక్కనపెట్టి ఈ కార్యక్రమానికి ఇంతమంది వచ్చారంటే వైఎస్సార్‌ మీద ఉన్న ఎనలేని అభిమానాన్ని చాటుతుందన్నారు. ఇంకా అనేక మంది వక్తలు మాట్లాడుతూ.. వైఎస్సార్‌ సువర్ణయుగం గురించి, మహిళా సాధికారత కోసం ఆయన చేసిన కృషిని గుర్తుచేసుకున్నారు. కార్యక్రమంలో వైఎస్సార్‌సీపీ కమిటీ ముఖ్య సభ్యులు నాగార్జున, ప్రముఖ ఎన్‌ఆర్‌ఐ ఫార్మాసిస్ట్‌ మధు వంగ, నీలిమ వంగ, సురేంద్ర అబ్బవరం, గోపిరెడ్డి, కిరణ్ కూచిబొట్ల, సుబ్రహ్మణ్యం రెడ్డివారి, ప్రవీణ్ మునుకూరు, హరి శీలం, నరసింహ బయనబోయిన, రవీంద్రరెడ్డి, గురు, మరికొంతమంది వైఎస్సార్‌ అభిమానులు అమెరికన్ రెడ్ క్రాస్ అధ్వర్యంలో రక్తదానం చేశారు. కార్యక్రమంలో వందకు పైగా కుటుంబాలు, వైఎస్సార్‌ అభిమానులు, తెలుగు రాష్ట్రాలకు చెందిన ఎన్‌ఆర్‌ఐలు పాల్గొన్నారు.  

టెక్సాస్‌ : మహానేత వైఎస్‌ రాజశేఖరరెడ్డి  పదో వర్ధంతి(సెప్టెంబర్‌ 2) సందర్భంగా టెక్సాస్‌లోని ఆస్టిన్‌ నగరంలో ఆయన అభిమానులు, వైఎస్సార్‌ కాంగ్రెస్‌ పార్టీ కార్యకర్తలు ఘనంగా నివాళులు అర్పించారు. మహానేత చిత్రపటానికి పూలమాల వేసి శ్రద్ధాంజలి ఘటించారు. ఈ సందర్భంగా వక్తలు మాట్లాడుతూ.. పేద ప్రజల అభ్యున్నతి కోసం వైఎస్సార్‌ ఎనలేని కృషి చేశారని కొనియాడారు. వైఎస్సార్‌ గొప్ప మానవతావాది అని, ఆయన పెట్టిన పథకాలు దేశానికే ఆదర్శంగా నిలిచాయన్నారు. సెప్టెంబర్‌ 2ను తలచుకుంటే చాలా బాధ కలుగుతుందని, పదేళ్ల క్రితం ఆరోజు 10కోట్ల మంది హృదయాలు తల్లడిల్లిపోయాయన్నారు. ఆయన క్షేమంగా తిరిగి రావాలని కుల, మతాలకు అతీతంగా ప్రజలు పూజలు చేశారని గుర్తుచేశారు. ఏ నాయకుడికి ప్రజల్లో ఇంతటి స్థానం దక్కలేదన్నారు. వైఎస్సార్‌ మీద చూపిన అభిమానాన్నే ఈ రోజు ఆయన తనయుడు, ఏపీ సీఎం వైఎస్‌ జగన్‌మోహన్‌రెడ్డి మీద చూపుతున్నారని, వారి నమ్మకాన్ని సీఎం జగన్‌ తప్పకుండా నిలబెడతారని కొనియాడారు.          ఈ కార్యక్రమానికి వైస్సార్ అభిమానులు సుబ్బా రెడ్డి చింతగుంట, పుల్లారెడ్డి యెదురు, పరమేశ్వర రెడ్డి నంగి, రవి బల్లాడ, ప్రవర్ధన్ చిమ్ముల, సాచి ముట్లూరు, మల్లికార్జున రెడ్డి ఆవుల,వెంకట శివ దుర్భకుల, మురళీధర్ రెడ్డి బండ్లపల్లి, అనురాగ్ , బాలాజి బొమ్ము, విట్టల్ రెడ్డి, శివ శంకర్ వంకదారు, మళ్ళా రెడ్డి, వెంకట రెడ్డి , భాను ప్రకాష్ , వినోద్, రాజేందర్,  యస్వంత్ రెడ్డి గట్టికొప్పుల, ఇంకా మరెంతోమంది  హాజరయి కార్యక్రమాన్ని జయప్రదం చేసారు.

ఫిలడెల్పియా : రాజశేఖరరెడ్డి  ఫౌండేషన్‌ ఆధ్వర్యంలో ఫిలడెల్ఫియాలో మెగా రక్తదాన శిబిరం ఏర్పాటు చేశారు. దివంగత ముఖ్యమంత్రి వైఎస్‌ రాజశేఖర రెడ్డి పదో వర్థంతి సందర్భంగా ఈ కార్యక్రమాన్ని చేపట్టారు. ఫిలడెల్పియాలో నిర్వహించిన ఈ కార్యక్రమంలో ఫౌండేషన్ కోర్ కమిటీ సభ్యులు డాక్టర్ గోసల రాఘవ రెడ్డి, ఫౌండేషన్ ప్రెసిడెంట్ ఆళ్ళ రామి రెడ్డి పాల్గొన్నారు. డాక్టర్ గోసల రాఘవ రెడ్డి ఆధ్వర్యం లో జరిగే ఈ రక్త దాన శిబిరానికి నాలుగు వందల మంది కార్యకర్తలు పాల్గొని వైఎస్సార్‌కి ఘన నివాళి అర్పించారు. 150 మంది రక్త దానం చేశారు. ఈ కార్యక్రమంలో సెక్రటరీ అన్నా రెడ్డి, జాయింట్ ట్రెజరర్ శరత్ మందపాటి, శివ మేక, హరి వెళ్కూర్,అంజి రెడ్డి సాగంరెడ్డి, హరి కురుకుండ, ద్వారక వారణాసి, శ్రీకాంత్ పెనుమాడ, వెంకటరామి రెడ్డి, శ్రీనివాస్ ఈమని, మధు గొనిపాటి, విజయ్ పోలంరెడ్డి, తాతా రావు, శ్రీధర్ రెడ్డి తిక్కవరపు, రామ్ కళ్ళం, గీత దోర్నాదుల, లక్ష్మి నారాయణ రెడ్డి, లక్ష్మీనరసింహ రెడ్డి, పద్మనాభ రెడ్డి, నాగరాజా రెడ్డి , జగన్ దుద్దుకుంట, ఆనంద్ తొండపు, రవి మరక, అజయ్ యారాట, నరసింహ రెడ్డి, వెంకట్ సుంకిరెడ్డితో పాటు వైఎస్సార్‌ అభిమానులు పాల్గొన్నారు.

సాక్షి, పొదలకూరు (నెల్లూరు): జగన్‌మోహన్‌రెడ్డి ముఖ్యమంత్రి అయిన తర్వాత దివంగత మహానేత వైఎస్‌ రాజశేఖరరెడ్డి ఆశాయాలకు అనుగుణంగా పాలన సాగిస్తున్నారని, దీంతో రాజన్న రాజ్యం మళ్లీ వచ్చిందని సర్వేపల్లి ఎమ్మెల్యే కాకాణి గోవర్ధన్‌రెడ్డి పేర్కొన్నారు. పొదలకూరులోని బస్టాండ్‌లో వైఎస్సార్‌సీపీ ఆధ్వర్యంలో సోమవారం వైఎస్సార్‌ పదో వర్ధంతిని నిర్వహించారు. ఈ సందర్భంగా ఎమ్మెల్యే వైఎస్సార్‌ విగ్రహానికి పూలమాల వేసి నివాళుర్పించారు. మధ్యాహ్నం వేలాది మంది పేదలకు అన్నదాన కార్యక్రమాన్ని ప్రారంభించారు. అనంతరం ఆయన మాట్లాడుతూ ముఖ్యమంత్రి జగన్‌మోహన్‌రెడ్డి రాజన్న అడుగు జాడల్లో నడుస్తూ తన కేబినెట్లో 60 శాతం ఎస్సీ, ఎస్టీ, బీసీ, మైనారిటీలకు మంత్రి పదవులు ఇచ్చారన్నారు. ఖజానా ఖాళీగా ఉన్నా ఇచ్చిన హామీలను నిలబెట్టుకుంటామని స్పష్టం చేశారు. అనంతరం పేదలకు నిత్యావసరాలను పంపిణీ చేశారు. కార్యక్రమంలో వైఎస్సార్‌సీపీ జిల్లా కార్యదర్శి గోగిరెడ్డి గోపాల్‌రెడ్డి, మాజీ ఎంపీపీ కోనం బ్రహ్మయ్య, నాయకులు మద్దిరెడ్డి రమణారెడ్డి, వాకాటి శ్రీనివాసులురెడ్డి, మొలబంటి శేఖర్‌బాబు, కుడుముల వెంకటేశ్వర్‌రెడ్డి, సంగన పెంచలరెడ్డి, మారు వెంకట్రామిరెడ్డి, తెనాలి నిర్మలమ్మ, కండే సులోచన, ఎస్‌కే అంజాద్, వి.లక్ష్మీనారాయణ, ఎ.బుజ్జిరెడ్డి, డి.విజయభాస్కర్‌రెడ్డి, సతీష్‌కుమార్‌రెడ్డి, నోటి వెంకటేశ్వర్‌రెడ్డి, తుమ్మల కిషోర్, తన్నీరు సాయిచంద్‌ పాల్గొన్నారు. అలాగే మండలంలోని తాటిపర్తిలో నాయకులు వైఎస్సార్‌ విగ్రహానికి పూలమాల వేసి నివాళుర్పించారు. మధ్యాహ్నం పెద్ద ఎత్తున అన్నదాన కార్యక్రమం నిర్వహించి, దుప్పట్లను పంపిణీ చేశారు. కార్యక్రమంలో పలుకూరు పోలిరెడ్డి, పామూరు లచ్చారెడ్డి, ఎస్కే మహ్మద్, లక్కు శ్రీనివాసులురెడ్డి, లక్కు మల్లికార్జున్‌రెడ్డి, లక్కు సురేంద్రరెడ్డి, పి.వెంకటరమణారెడ్డి, పి.నారాయణరెడ్డి తదితరులు పాల్గొన్నారు. అదేవిధంగా మొగళ్లూరులో వైఎస్సార్‌ వర్ధంతి సందర్భంగా గ్రామంలో యువకులు ఆయన ఫ్లెక్సీలను ఏర్పాటు చేసి, అన్నదాన కార్యక్రమం నిర్వహించారు. కారణజన్ముడు డాక్టర్‌ వైఎస్సార్‌ ముత్తుకూరు: దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డి కారణజన్ముడని వైఎస్సార్‌సీపీ నేతలు కొనియాడారు. ముత్తుకూరు మండలంలోని పలు గ్రామాల్లో సోమవారం వైఎస్‌ వర్ధంతిని నిర్వహించారు. ఇందులో భాగంగా మండల కేంద్రంలో వైఎస్‌ విగ్రహానికి క్షీరాభిషేకం చేశారు. కాకుటూరు లక్ష్మణరెడ్డి, మురాల వెంకటేశ్వర్లు, ఈదూరు శ్రీనివాసులురెడ్డి, బైనా రామయ్య, అక్కయ్యగారి శివ పాల్గొన్నారు. అలాగే మామిడిపూడిలో వైఎస్‌ విగ్రహానికి పూలమాలలు వేసి ఘనంగా నివాళులర్పించారు. వేళపాళెం ప్రభాకరరెడ్డి, పెమ్మారెడ్డి పద్మనాభరెడ్డి, షేక్‌ గౌస్‌బాషా, రాజారామిరెడ్డి, మీరామొహిద్దీన్, బ్రహ్మారెడ్డి పాల్గొన్నారు. అదేవిధంగా నేలటూరు ఎస్సీ కాలనీలో వైఎస్సార్‌ చిత్రపటానికి పూలమాల వేసి నివాళులర్పించారు. ఈపూరు గిరిధర్‌రెడ్డి, చీకిరి నాగేశ్వరరావుల ఆధ్వర్యంలో పేదలకు అన్నదానం చేసి, బట్టలు పంపిణీ చేశారు. అలాగే అచ్చన్నతోపులో వైఎస్‌ చిత్రపటానికి పూలమాల వేసి, నివాళులర్పించారు. మధ్యాహ్నం పేదలకు అన్నదానం చేశారు. కందులూరు వెంకటరామరెడ్డి, అన్నం రామసుబ్బయ్య, అన్నం రమేష్, ఎ.ప్రసాద్, హరి, చెంగారెడ్డి పాల్గొన్నారు. అదేవిధంగా పంటపాళెంలో నాయకులు నంగాచెంగారెడ్డి, మాదినేని ప్రభాకరనాయుడు, రావి విజయకుమార్‌రెడ్డి, ఈపూరు ధనుంజయ వైఎస్సార్‌ విగ్రహానికి పూలమాల వేసి నివాళులర్పించారు. దొరువులపాళెంలో మాజీ సర్పంచ్‌ ఇసనాక చంద్రశేఖర్‌రెడ్డి ఆధ్వర్యంలో వైఎస్సార్‌ విగ్రహం వద్ద నివాళులర్పించారు. వైఎస్సార్‌ ఆదర్శప్రాయులు తోటపల్లిగూడూరు: దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డి ఆదర్శప్రాయులని వైఎస్సార్‌సీపీ రాష్ట్ర కార్యదర్శి చిల్లకూరు సుధీర్‌రెడ్డి పేర్కొన్నారు. వైఎస్సార్‌ పదో వర్ధంతి సందర్భంగా సోమవారం తోటపల్లిగూడూరు వైఎస్సార్‌సీపీ మండల కమిటీ ఆధ్వర్యంలో మండల కార్యాలయం ఎదుట ఉన్న వైఎస్సార్‌ విగ్రహం వద్ద నివాళలర్పించారు. ఈ సందర్భంగా నాయకులు సుధీర్‌రెడ్డి మాట్లాడుతూ వైఎస్సార్‌ మాటతప్పని, మడమ తిప్పని నాయకుడిగా ప్రజారంజక పాలన సాగించాడన్నారు. వైఎస్సార్‌ సువర్ణయుగ పాలనే ధ్యేయంగా ముందుకు సాగుతున్న ముఖ్యమంత్రి జగన్‌మోహన్‌రెడ్డికి ప్రజలు అండగా నిలవాలన్నారు. కార్యక్రమంలో వైఎస్సార్‌సీపీ జిల్లా కార్యదర్శి ఇసనాక రమేష్‌రెడ్డి, మండల కన్వీనర్‌ ఉప్పల శంకరయ్యగౌడ్, మాజీ జెడ్పీటీసీ మన్నెం చిరంజీవులగౌడ్, నాయకులు కామిరెడ్డి చంద్రశేఖర్‌రెడ్డి, తలమంచి సురేంద్రబాబు, ఆకుల మధు, మన్నెం సుబ్రహ్మణ్యం, ఎంబేటి శేషమ్మ పాల్గొన్నారు. అలాగే పేడూరులో స్థానిక నాయకుడు తిక్కవరపు సనత్‌కుమార్‌రెడ్డి ఆద్వర్యంలో వైఎస్సార్‌ విగ్రహానికి పూలమాల వేసి, నివాళలర్పించారు. వరిగొండ పంచాయతీలో నాయకులు కామిరెడ్డి చంద్రశేఖర్‌రెడ్డి, సురేష్‌రెడ్డిల ఆధ్వర్యంలో, పాపిరెడ్డిపాళెంలో తిరవళ్లూరు ఈశ్వరయ్య, తివళ్లూరు వెంకటేశ్వర్లు, నెల్లూరు లక్ష్మణ్‌ల ఆధ్వర్యంలో, నరుకూరు సెంటర్‌లో వేగూరు శ్రీనివాసులు, వెలిచర్ల శ్రీనివాసులగౌడ్‌ల ఆధ్వర్యంలో కార్యక్రమాలు జరిగాయి. జనం గుండెల్లో చెరగని ముద్ర  మనుబోలు: మహానేత రాజశేఖరరెడ్డి తన జనరంజక పాలనతో జనం గుండెల్లో చెరగని ముద్ర వేశారని వైఎస్సార్‌సీపీ మనుబోలు మండలాధ్యక్షుడు బొమ్మిరెడ్డి హరగోపాల్‌రెడ్డి కొనియాడారు. వైఎస్సార్‌ పదో వర్ధంతి సందర్భంగా సోమవారం మండలంలోని కట్టువపల్లి ఎస్సీకాలనీలో వైఎస్సార్‌ అభిమాని గిద్దలూరు సుబ్రహ్మణ్యం ఆధ్వర్యంలో మహిళలకు రవికలు పంపిణీ చేశారు. అలాగే చెర్లోపల్లి, మడమనూరు, వీరంపల్లిల్లోని వైఎస్సార్‌ విగ్రహాల వద్ద ఆయా గ్రామాల నాయకులు నివాళులర్పించారు. కార్యక్రమాల్లో చిట్టమూరు అజయ్‌రెడ్డి, దాసరి మహేంద్రవర్మ, అనమాల ప్రభాకర్‌రెడ్డి, చేరెడ్డి రామిరెడ్డి, కేవీఆర్‌ గౌడ్, దాసరి భాస్కర్‌గౌడ్, కోసూరు కోటేశ్వర్‌గౌడ్, గిద్దంటి రమణయ్య, దేసిరెడ్డి హరనాద్‌రెడ్డి, ఏలూరు భాస్కర్‌రెడ్డి పాల్గొన్నారు. పూడిపర్తిలో వెంకటాచలం: వైఎస్సార్‌ వర్ధంతి సందర్భంగా వెంకటాచలం మండలం పూడిపర్తిలో నాయకులు ఆయన విగ్రహానికి పూలమాల వేసి నివాళులర్పించారు. కార్యక్రమంలో డక్కిలి రమణయ్య, ఎన్‌.సుధీర్, నాగేంద్ర పాల్గొన్నారు. అలాగే కసుమూరులో వైఎస్సార్‌సీపీ నాయకులు పేదలకు పండ్లు పంపిణీ చేశారు. కార్యక్రమంలో టి.సుధాకర్, తూమాటి వెంకటరామానాయుడు, బాబర్‌ పాల్గొన్నారు.

సాక్షి, అమరావతి/కడప: దివంగత ముఖ్యమంత్రి వైఎస్‌ రాజశేఖరరెడ్డి పదో వర్థంతిని పురస్కరించుకుని ఆయన తనయుడు, సీఎం వైఎస్‌ జగన్‌మోహన్‌రెడ్డి.. వైఎస్సార్‌ విగ్రహాన్ని సోమవారం విజయవాడలో ఆవిష్కరించారు. విజయవాడలోని కంట్రోల్‌ రూం ఎదురుగా ఉన్న వైఎస్సార్‌ పార్కులో ఈ విగ్రహాన్ని ప్రజల హర్షధ్వానాలు, వర్షపు జల్లుల మధ్య సాయంత్రం 6 గంటల ప్రాంతంలో సీఎం ప్రారంభించారు. మధ్యాహ్నం 3.30 నుంచి రెండుసార్లు జడివాన కురిసినా సరిగ్గా జగన్‌ వచ్చి విగ్రహాన్ని ఆవిష్కరించే సమయానికి వర్షం తెరిపిచ్చింది. కాగా, 2011లో ఇక్కడే అన్ని అనుమతులతో వైఎస్సార్‌ భారీ విగ్రహాన్ని అప్పటి ప్రభుత్వం ఏర్పాటుచేసింది. ఆ తరువాత చంద్రబాబు సర్కార్‌ 2016 జూలై 31వ తేదీ అర్థరాత్రి వైఎస్సార్‌ విగ్రహాన్ని తొలగించింది. ఈ నేపథ్యంలో.. ప్రస్తుతం మున్సిపల్‌ శాఖ ద్వారా అన్ని అనుమతులు తీసుకుని వైఎస్‌ విగ్రహావిష్కరణ చేశారు. ఈ కార్యక్రమంలో మంత్రులు బొత్స సత్యనారాయణ, మోపిదేవి వెంకటరమణ, కురసాల కన్నబాబు, టీటీడీ చైర్మన్‌ వైవీ సుబ్బారెడ్డి, ఎంపీలు వల్లభనేని బాలశౌరి, నందిగం సురేష్, ప్రభుత్వ విప్‌ సామినేని ఉదయభాను, జిల్లా కలెక్టర్‌ ఎండీ ఇంతియాజ్, మున్సిపల్‌ కమిషనర్‌ ప్రసన్న వెంకటేష్, జేసీ మాధవీలత, నగర పోలీసు కమిషనర్‌ ద్వారకా తిరుమలరావు, ఎమ్మెల్యేలు పార్థసారథి, విష్ణు, రక్షణనిధి, మేకా ప్రతాప్‌ అప్పారావు, జోగి రమేష్,  కృష్ణప్రసాద్, ఎం.జగన్‌మోహన్‌రావు, సింహాద్రి రమేష్, అనిల్‌కుమార్, డి. నాగేశ్వరరావు, మేరుగ నాగార్జున, ఇతర నేతలు పొట్లూరి వరప్రసాద్, పలువురు కార్పొరేటర్లు పాల్గొన్నారు. ఇడుపులపాయలో జగన్‌ ఘన నివాళి అంతకుముందు.. ఉదయం 8.45 గంటల ప్రాంతంలో వైఎస్సార్‌ జిల్లా ఇడుపులపాయలోని వైఎస్సార్‌ ఘాట్‌లో వైఎస్‌ జగన్‌.. ఆయన తండ్రి, దివంగత సీఎం వైఎస్‌ రాజశేఖరరెడ్డికి ఘన నివాళులు అర్పించారు. వైఎస్‌ అభిమానులు, వైఎస్సార్‌సీపీ శ్రేణులు పెద్దఎత్తున అక్కడకు తరలివచ్చారు. ఆయనతోపాటు తల్లి వైఎస్‌ విజయమ్మ, సోదరి వైఎస్‌ షర్మిలమ్మ, సతీమణి వైఎస్‌ భారతిరెడ్డి, దివంగత వైఎస్‌ జార్జిరెడ్డి సతీమణి వైఎస్‌ భారతమ్మ, టీటీడీ చైర్మన్‌ వైవీ సుబ్బారెడ్డి, ఇతర కుటుంబ సభ్యులు నివాళులర్పించారు. అనంతరం ఘాట్‌ వద్ద ప్రత్యేక ప్రార్థనలు నిర్వహించారు. వైఎస్‌ విజయమ్మ, కుమార్తె వైఎస్‌ షర్మిలమ్మ భావోద్వేగానికి గురై కంటితడి పెట్టుకున్నారు. వైఎస్‌ జగన్‌ ఇతర కుటుంబ సభ్యులు విమలమ్మ, కమలమ్మ, వైఎస్‌ ప్రతాప్‌రెడ్డి, వైఎస్‌ మనోహర్‌రెడ్డి, వైఎస్‌ అభిషేక్‌రెడ్డి, వైఎస్‌ మధురెడ్డి, ఈసీ గంగిరెడ్డి, సుగుణమ్మ, వైఎస్‌ ప్రమీలమ్మ, డిప్యూటీ సీఎంలు అంజద్‌బాషా, పిల్లి సుభాష్‌చంద్రబోస్, చీఫ్‌విప్‌ గడికోట, మంత్రి బుగ్గన, కడప ఎంపీ వైఎస్‌ అవినాష్‌రెడ్డి, జిల్లా కలెక్టర్‌ హరికిరణ్, ఎమ్మెల్యేలు రవీంద్రనాథ్‌రెడ్డి, రాచమల్లు ప్రసాద్‌రెడ్డి, రఘురామిరెడ్డి, సుధీర్‌రెడ్డి, మేడా మల్లికార్జునరెడ్డి, వెంకట సుబ్బయ్య, వైఎస్సార్‌సీపీ జిల్లా అధ్యక్షులు ఆకేపాటి అమర్‌నాథ్‌రెడ్డి, ఎమ్మెల్సీలు డీసీ గోవిందరెడ్డి, గంగుల ప్రభాకర్‌రెడ్డి తదితరులు పాల్గొన్నారు. పులివెందులలో వైఎస్‌ వివేకా విగ్రహావిష్కరణ అనంతరం వైఎస్‌ జగన్‌ హెలికాప్టర్‌లో పులివెందుల చేరుకుని మాజీమంత్రి, చిన్నాన్న దివంగత వైఎస్‌ వివేకానందరెడ్డి విగ్రహాన్ని ఆవిష్కరించారు. వైఎస్‌ వివేకా కుమార్తె సునీత, అల్లుడు నర్రెడ్డి రాజశేఖర్‌రెడ్డితోపాటు పలువురు కుటుంబ సభ్యులు ఈ కార్యక్రమంలో పాల్గొన్నారు. అంతకుముందు.. వైఎస్‌ జగన్‌ వైఎస్‌ వివేకా ఇంటికి వెళ్లి ఆయన సతీమణి వైఎస్‌ సౌభాగ్యమ్మను, కుటుంబ సభ్యులను ఓదార్చారు.   వాడవాడలా.. కాగా, వైఎస్‌ వర్థంతి వేడుకలు రాష్ట్రవ్యాప్తంగా ఘనంగా జరిగాయి. మహానేతను స్మరించుకుంటూ వైఎస్సార్‌సీపీ శ్రేణులు, సాధారణ ప్రజలు మండల, అసెంబ్లీ నియోజకవర్గ, జిల్లా స్థాయిలో అనేక సేవా కార్యక్రమాలు చేపట్టారు. గుంటూరు జిల్లా తాడేపల్లిలోని పార్టీ కేంద్ర కార్యాలయంలో ఆయన విగ్రహానికి పూలమాలలు వేసి శ్రద్ధాంజలి ఘటించారు. ఈ కార్యక్రమంలో మంత్రి బొత్స సత్యనారాయణ పాల్గొని వైఎస్‌ సేవలను కొనియాడారు. ముఖ్యమంత్రి వైఎస్‌ జగన్‌మోహన్‌రెడ్డి వైఎస్సార్‌ స్ఫూర్తిని కొనసాగిస్తూ ఆయన చూపిన ప్రగతిబాటను ముందుకు తీసుకెళ్తున్నారన్నారు. అలాగే, విజయవాడలోని వైఎస్సార్‌సీపీ రాష్ట్ర కార్యాలయంలోనూ వైఎస్‌ వర్థంతి కార్యక్రమం ఎమ్మెల్యే మల్లాది విష్ణు ఆధ్వర్యంలో జరిగింది.  వైఎస్సార్‌కి గవర్నర్‌ నివాళి రాష్ట్ర గవర్నర్‌ విశ్వభూషణ్‌ హరిచందన్‌ కూడా వైఎస్‌కు నివాళి ప్రకటించారు. తెలుగు ప్రజలు వైఎస్సార్‌ జ్ఞాపకాలను ఎప్పటికి మరచిపోలేరని ఆయన  కొనియాడారు. వైఎస్‌ అందించిన సంక్షేమ పథకాలు, వాటి ద్వారా లబ్ధిపొందిన లక్షలాది మంది ప్రజలు వైఎస్సార్‌ను నిత్యం తలుచుకుంటూనే ఉంటారని గవర్నర్‌ తెలిపారు. మమతా బెనర్జీ కూడా.. పశ్చిమబెంగాల్‌ ముఖ్యమంత్రి మమతా బెనర్జీ కూడా వైఎస్‌కు నివాళులర్పించారు. ఈ మేరకు ఆమె ట్విట్టర్‌లో ఏపీ ముఖ్యమంత్రి వైఎస్‌ జగన్‌మోహన్‌రెడ్డిని ఉద్దేశించి ఒక ట్వీట్‌ చేశారు.

సాక్షి, రాజమహేంద్రవరం: మహానేత వైఎస్‌ రాజశేఖరరెడ్డి మన మధ్య నుంచి దూరమై అప్పుడే పదేళ్లయిపోయింది. పెద్దాయన దూరమై ఇన్నేళ్లయినా ఆయన జ్ఞాపకాలు జిల్లా ప్రజల హృదయాల్లో చిరస్థాయిగా నిలిచిపోయాయి. ఆయన హఠాన్మరణాన్ని తట్టుకోలేక రాష్ట్రవ్యాప్తంగా గుండెలాగిపోయిన అభిమానుల సంఖ్య జిల్లాలోనే అత్యధికం కావడం గమనార్హం. మహానేత మరణించిన తరువాత ఆ దుఃఖం తట్టుకోలేక మన జిల్లాలో 80 మంది పైచిలుకు అభిమానులు తనువు చాలించారు. వైఎస్‌ పదేళ్ల క్రితం వేసిన అభివృద్ధి బాటలను ఇప్పటికీ ఎవ్వరూ మరువలేరు. ప్రధానంగా జిల్లాలోని రెండు ప్రాంతాల మధ్య అభివృద్ధి సమతుల్యతను సాధించడానికి ఆయన ఉన్నంత కాలం ఎంతో పరితపించారు. ఒకపక్క బీడువారిన భూములతో ఉన్న మెట్ట ప్రాంతం, మరోపక్క సమృద్ధిగా సాగునీరందే డెల్టా. ఈ రెండింటి మధ్య అభివృద్ధిలో తీవ్ర వ్యత్యాసం ఉండటాన్ని రైతు పక్షపాతిగా నాడు వైఎస్సార్‌ గుర్తించారు. ఆయన హయాంలో తీసుకున్న నిర్ణయాలే నేడు ఉన్నంతలో జలవనరులను పూర్తిగా వినియోగించుకునే అవకాశాన్ని మెట్ట ప్రాంతానికి అందించాయి. మన్యంలో గిరిజనం సుదీర్ఘకాలంగా నిరీక్షిస్తున్న భూమిపై హక్కులు కల్పించిన ఘనత కూడా వైఎస్‌కే సొంతం. జలయజ్ఞం మెట్టప్రాంతాన్ని సస్యశ్యామలం చేసే లక్ష్యంతో పుష్కర ఎత్తిపోతల పథకాన్ని 2008లో సోనియాగాంధీతో ప్రారంభింపచేశారు వైఎస్సార్‌. తద్వారా మెట్ట రైతుల మేలు కోసం పరితపించిన నేతగా ముద్ర వేసుకున్నారు. రూ.600 కోట్లతో పురుషోత్తపట్నం నుంచి గోదావరి జలాలను తుని వరకు తీసుకువచ్చారు. జగ్గంపేట, గండేపల్లి మండలాల్లో సుమారు 40 వేల ఎకరాలకు సాగునీరంది, పంటలు పండుతున్నాయంటే పెద్దాయన చలవేనని అక్కడి రైతులు ఇప్పటికీ గుర్తు చేసుకుంటారు. ► ధర్మవరం వద్ద ఏలేరు ఆధునీకరణకు రూ.132 కోట్లతో 2009లో శంకుస్థాపన చేసి ప్రాజెక్టును పరుగులు పెట్టించారు. ► రంపచోడవరం ఏజెన్సీలో భూపతిపాలెం, ముసురుమిల్లి ప్రాజెక్టుల ద్వారా సుమారు 35 వేల ఎకరాలకు సాగునీరందించారు. ► తూర్పు గోదావరి, విశాఖ జిల్లాల్లో 51,460 ఎకరాలకు సాగునీరందించే తాండవ ఆధునికీకరణ కూడా ఆయన పుణ్యమే. 2003 పాదయాత్రలో రాజశేఖరరెడ్డికి ఈ ప్రాంత రైతులు తమ సమస్యను వివరించారు. నాడు ఇచ్చిన మాటకు కట్టుబడిన ఆయన, సీఎం అయ్యాక తాండవ కాలువల సీసీ లైనింగ్‌ అభివృద్ధికి రూ.55 కోట్లు మంజూరు చేశారు. స్వయంగా పనులను ప్రారంభించి, రైతులకు ఎంతో మేలు చేశారు. ► డెల్టాలో సమృద్ధిగా నీరున్నా మురుగునీటి పారుదల, ఏటిగట్ల ఆధునికీకరణ లేక రైతులు పడుతున్న కష్టాలను తెలుసుకున్నారాయన. అప్పటి వరకూ ఏ సీఎం తీసుకోనివిధంగా గోదావరి డెల్టా ఆధునికీకరణకు సాహసోపేతమైన నిర్ణయం తీసుకున్నారు. ఇందులో భాగంగా 2007–08లో రూ.1660 కోట్లు కేటాయించారు. దాదాపు రూ.500 కోట్లతో పనులు పూర్తి చేశారు. ► ఉభయ గోదావరి జిల్లాల్లో ఏటిగట్ల ఆధునికీకరణకు రూ.489 కోట్లు కేటాయించగా 400 కిలోమీటర్ల మేర ఈ పనులు పూర్తయ్యాయి. మౌలిక సదుపాయాలపై.. ► రైతులే కాదు.. ప్రజల మౌలిక సదుపాయాల కల్పనపై కూడా వైఎస్సార్‌ ఎంతో శ్రద్ధ చూపారు. ► పశువుల్లంక మొండి రేవులో గోదావరి పాయపై వంతెన నిర్మాణానికి 2008లో ఆయన శంకుస్థాపన చేశారు. దీని పనులు రూ.35 కోట్లతో చురుకుగా జరుగుతున్నాయి. వాస్తవానికి ఆయన తదనంతరం వచ్చిన పాలకులు వైఎస్‌ ఆకాంక్షలకు అనుగుణంగా దీనిని పూర్తి చేసి ఉంటే.. పశువుల్లంకలో ఏడు నిండు ప్రాణాలు జలసమాధి అయ్యే పరిస్థితి తప్పేది. ► వైఎస్‌ అత్యంత ప్రతిష్టాత్మకంగా భావించిన ఇందిరమ్మ గృహ నిర్మాణ పథకానికి 2006 ఏప్రిల్‌ 1న కపిలేశ్వరపురం మండలం పడమ ఖండ్రికలో శ్రీకారం చుట్టారు. ► రామచంద్రపురం పట్టణ ప్రజల దాహార్తి తీర్చేందుకు 2010లో రూ.21 కోట్లతో సీపీడబ్ల్యూసీæ ప్రాజెక్టుకు శంకుస్థాపన చేశారు. మున్సిపాలిటీలో 17 వేల కుటుంబాలకు రక్షిత మంచినీరందించే ఈ ప్రాజెక్టు ఆయన మరణానంతరం నిలిచిపోయింది. ► కాకినాడలో జేఎన్‌టీయూ, రాజమహేంద్రవరంలో ఆదికవి నన్నయ్య యూనివర్సిటీని ఆయన హయాంలోనే ఏర్పాటు చేశారు. తద్వారా జిల్లా విద్యాభివృద్ధికి కొత్త బాటలు పరిచారు. ► కాకినాడలో పెరిగిన జనసమ్మర్థాన్ని దృష్టిలో ఉంచుకొని సినిమా రోడ్డులో రెండో ఫ్లైఓవర్‌ వంతెన నిర్మించారు. ఆయన మరణానంతరం ఆ వంతెనకు వైఎస్సార్‌ వారధిగా నామకరణం చేశారు. ► డైయిరీ ఫారం సెంటర్‌లో పేదలకు బహుళ అంతస్తుల భవనాలను రాజీవ్‌ గృహకల్ప పథకం కింద నిర్మించి, రాష్ట్రంలోనే తొలిసారి పూర్తి చేశారు. ఇలా మహానేత వైఎస్‌ అభివృద్ధి అడుగుజాడలు జిల్లాలో ఏ మారుమూల చూసినా సాక్షాత్కరిస్తాయి. అందుకే భౌతికంగా దూరమై ఇన్నేళ్లయినా ఆయన అందరి గుండెల్లోనూ ఇప్పటికీ కొలువై ఉన్నారు.

చరిత్ర సృష్టించే వాడు ఎప్పుడూ మాటలు చెప్పడు. చేతల్లో చేసి చూపుతాడు. ప్రజల గుండెల్లో నిలుస్తాడు. జనం మెచ్చే నాయకుడవుతాడు. వైఎస్‌ రాజశేఖరరెడ్డిలా.. అభివృద్ధి పరుగులిడిన ఆ రోజులను ప్రజలింకా మరువలేదు. మరువబోరు కూడా!! సంక్షేమానికి గీటురాయిగా నిలిచిన వైఎస్సార్‌ ఐదేళ్ల మూడు నెలల పరిపాలన ప్రకాశం జిల్లానూ ప్రగతి పథంలో నడిపింది. వైఎస్సార్‌ దూరదృష్టి వెలిగొండకు పునాదిరాళ్లు వేసింది. అన్నదాతలపై ఆయనకున్న ప్రేమ గుండ్లకమ్మై సాగునీరందించింది. ప్ర‘జల’ సమస్యపై చలించినహృదయం రామతీర్థమై గొంతు తడిపింది. ఠంఛనుగా పింఛను అందుకున్న అవ్వాతాతలకు వైఎస్సార్‌ పెద్దకొడుకయ్యారు. తెలుగింటి ఆడపడుచులకు అన్నై అండగా నిలిచారు. నిరుపేదల గుండెల్లో ‘గూడు’ కట్టుకున్నారు. నిన్న వైఎస్సార్‌ పదో వర్ధంతి.. ఈ సందర్భంగా జిల్లాకు వైఎస్సార్‌ అందించిన అభివృద్ధి ఫలాలపై ‘సాక్షి’ ప్రత్యేక కథనం.. రూ.480 కోట్ల రుణమాఫీ వ్యవసాయంలో నష్టాలు వచ్చి, ప్రభుత్వం తగిన విధంగా ప్రోత్సహించని కారణంగా ఇబ్బందుల్లో ఉన్న రైతులను వైఎస్సార్‌ ఆదుకున్నారు. ఆయన సీఎంగా పదవీ ప్రమాణం చేసిన తర్వాత జిల్లాలో 2.6 లక్షల మంది రైతులు తీసుకున్న పంట రుణాలు రూ.480 కోట్లు రద్దు చేశారు. ఇందులో 2.17 లక్షల మంది చిన్న సన్నకారు రైతులు లాభపడ్డారు. ఇవి కాకుండా వ్యవసాయంలో నష్టపోయి బ్యాంకర్ల నుంచి అప్పు కట్టమని ఒత్తిడి గురవుతున్న 43,572 మంది రైతులకు వారు తీసుకున్న రుణాలను ఒకే మొత్తంలో పరిష్కరించుకునే(ఒన్‌ టైమ్‌ సెటిల్‌మెంట్‌) విధానాన్ని అమలు చేశారు. రైతులు రూ.97 కోట్ల మేరకు లబ్ధి పొందారు. తీవ్ర కరువుతో అల్లాడిన రైతులు 1,23,147 మందికి ఒక్కొక్కరికి రూ.5 వేల లెక్కన రూ.62 కోట్లు డెట్‌ రిలీఫ్‌ స్కీమ్‌ కింద లబ్ధి కలిగేలా చర్యలు తీసుకున్నారు. అపర భగీరథుడు రాజన్న జిల్లాలో సాగునీటి ప్రాజెక్టుల ద్వారానే అభివృద్ధి సాధ్యమని వైఎస్‌ రాజశేఖర రెడ్డి బావించారు. వెలిగొండ ప్రాజెక్టు కలను సాకారం చేసే దిశగా అడుగులు వేశారు. 3.36 లక్షల ఎకరాలకు సాగునీరు, 16 లక్షల మందికి తాగునీరు అందించేందుకు రూ.4,500 కోట్లతో ప్రాజెక్టును ప్రారంభించారు. రూ.46 కోట్లతో పునరావాస కార్యక్రమాలకు శ్రీకారం చుట్టారు. వెలిగొండ సొరంగం పనులు వైఎస్సార్‌ పాలనలో చకచకా సాగాయి. అనంతర కాలంలో పనులు నెమ్మదించాయి. వైఎస్సార్‌ తనయుడు, ప్రస్తుత సీఎం వైఎస్‌ జగన్‌మోహన్‌ రెడ్డి ఏడాదిలోగా మొదటి సొరంగం నుంచి సాగు నీరు ఇవ్వడానికి కార్యాచరణ రూపొందించారు. రామతీర్ధం జాతికి అంకితం తాగునీరు, సాగుకు నీరు అందించే రామతీర్ధం ప్రాజెక్టు నిర్మించి జాతికి అంకితం చేశారు. 72,874 ఎకరాల ఆయకట్టు స్థిరీకరణ, ఒంగోలు నగర పాలక సంస్ధ, కందుకూరు మున్సిపాలిటీల్లో తాగునీటి కొరతను ఈ ప్రాజెక్టు తీరుస్తోంది. మొత్తం 56 తాగునీటి వనరులకు ఈ ప్రాజెక్టు ఉపయోగపడుతోంది. గూడు లేని వారికి పక్కాఇళ్లు జిల్లాలో ఐదేళ్లల్లో 3,22,630 ఇళ్లు కట్టించారు. నివేశన స్థలాలకు రూ.7 కోట్లు ఖర్చు చేశారు. 19,904 మందికి 31,734 ఎకరాల భూమిని ఏడు విడతల్లో పంపిణీ చేశారు.  లేని వారందరికీ పింఛన్లు జిల్లాలో 2004 వరకు 2,86,189 పింఛన్లు ఉన్నాయి. ఇందిరమ్మ మూడు దశల కార్యక్రమాల కింద 1,78,659 మందికి నూతన పింఛన్లు మంజూరు చేశారు. ఏటా అదనంగా రూ.69 కోట్లను పింఛన్ల రూపంలో చెల్లించారు. పావలా వడ్డీ కింద రూ.20 కోట్ల వరకు పొదుపు గ్రూపులకు రీయింబర్సుమెంట్‌ ఇప్పించారు. బ్యాంకు లింకేజి రుణాలు ఐదేళ్లల్లో రూ.853 కోట్లు మంజూరు చేశారు. వైద్యో నారాయణో ‘వైఎస్సార్‌’ జిల్లాలో ఆరోగ్యశ్రీ పథకాన్ని 2008 ఏప్రిల్‌లో ప్రారంభించారు. 7.19 లక్షల మందికి హెల్త్‌కార్డులు అందించారు. 10,366 మందికి గుండె ఆపరేషన్లు చేయించారు. ఆరోగ్యశ్రీ ప్రారంభం సందర్భంగా జిల్లాలో మెగా మెడికల్‌ క్యాంపు నిర్వహించి 70 వేల మందికి స్క్రీనింగ్‌ పరీక్షలు చేశారు. వీరిలో శస్త్రచికిత్సలు అవసరమైన వారికి రిఫరల్‌ ఆసుపత్రుల్లో వైద్యం అందించారు. వెనుకబడిన జిల్లా అభివృద్ధిలో భాగంగా ఒంగోలుకు రిమ్స్‌ మెడికల్‌ కళాశాల మంజూరు చేశారు. ఇందుకు రూ.125 కోట్లు నిధులు ఇచ్చారు. 37.46 ఎకరాల్లో ఈ వైద్య కళాశాల నిర్మాణం జరిగింది. 1358 మంది కార్మికులకు ఉచిత బీమా కింద రూ.68 కోట్ల క్లెయిమ్‌లు పరిష్కరించారు. జిల్లాలో 26 పర్యాయాలు వైఎస్సార్‌ పర్యటన జిల్లా ప్రజలతో దివంగత ముఖ్యమంత్రి వైఎస్‌ రాజశేఖరరెడ్డికి ఎంతగానో అనుబంధం ఉంది. ఆయన 26 పర్యాయాలు జిల్లాలో పర్యటించడమే అందుకు నిదర్శనం. వరదలు, రైతు సదస్సులు ఇతర కార్యక్రమాలతో పాటు వివిధ సందర్భాల్లో ఆయన జిల్లా పర్యటనకు వచ్చారు. జిల్లాకు ఆయన వచ్చారంటే పండగే. ఒక పర్యాయం ఒక పనిపై వచ్చిన వారు తిరిగి అదే పనిపై కలిస్తే నేరుగా సంబంధిత అధికారితో మాట్లాడి ఎందుకు పని కాలేదో అడిగే వారు. ఈ క్రమంలోనే వివిధ రంగాల వారితో వైఎస్సార్‌కు అనుబంధం పెరిగింది. విద్యార్థులకు వరం ఫీజు రీయింబర్స్‌మెంట్‌ జిల్లాలో 63,346 మంది ఎస్సీ, ఎస్టీ, బీసీ మైనారిటీ విద్యార్థులకు రూ.30 కోట్ల ఫీజు రీయింబర్సుమెంట్‌ ఇచ్చారు. రూ.75 కోట్లు పోస్టు మెట్రిక్‌ ఉపకార వేతనాలు అందించారు. కార్పొరేట్‌ విద్యా పథకంలో భాగంగా 300 మంది విద్యార్థులకు కార్పొరేట్‌ తరహా విద్య అందించడానికి ప్రభుత్వ పరంగా చర్యలు తీసుకున్నారు. జిల్లాలోని నిరుద్యోగ యువకులు 8,410 మందిని గుర్తించారు. వీరికి రూ.5.5 కోట్లతో ప్రత్యేక శిక్షణ కార్యక్రమాలు నిర్వహించి ఉపాధి కల్పించడానికి చర్యలు తీసుకున్నారు.  ఐదేళ్లల్లో ప్రాజెక్టులకు భారీగా నిధులు వైఎస్‌ రాజశేఖర రెడ్డి ఐదేళ్లల్లో ప్రాజెక్టులకు నిధులు భారీగా విడుదల చేశారు. జిల్లాలో 24.37 లక్షల ఎకరాలకు నీరు ఇవ్వడానికి చర్యలు తీసుకున్నారు. గ్యాప్‌ ఆయకట్టుగా ఉన్న 11.11 లక్షల ఎకరాలకు నీరు ఇవ్వడానికి ప్రత్యేక ప్రణాళిక ద్వారా చర్యలు తీసుకున్నారు. ఐదేళ్లల్లో అన్ని ప్రాజెక్టులకు కలిపి రూ.6,280.11 కోట్లు ఖర్చు చేశారు. సాగునీటి ప్రాజెక్టులకు ఇంత మొత్తంలో కేటాయించిన సీఎంలు వైఎస్సార్‌కు సాటిరారు. ఉచిత విద్యుత్తుతో వెలుగు వైఎస్సార్‌ అధికారం చేపట్టగానే రైతులకు ఉచిత విద్యుత్‌ ఇచ్చారు. 2004 మే నెలకు ముందు జిల్లాలో 63,559 మంది రైతుల కరెంటు బకాయిలు 59.5 కోట్లు రద్దు చేశారు. అప్పటికే ఉన్న 71,321 మంది రైతులకు ఉచిత విద్యుత్‌ అందజేశారు. ఐదేళ్లల్లో మొత్తం 86,207 మంది రైతులు ఉచిత విద్యుత్‌ పొందారు. ఇందుకోసం రూ.65 కోట్ల వరకు ఖర్చు చేశారు. 25 మండలాల్లో భూగర్భ జలాలపైనే ఆధారపడి జీవించే రైతులకు ఉచిత విద్యుత్తు వెలుగు నింపింది.

సాక్షి, విజయవాడ : దివంగత ముఖ్యమంత్రి వైఎస్‌ రాజశేఖరరెడ్డి పదవ వర్ధంతి సందర్భంగా ఆంధ్రప్రదేశ్‌ గవర్నర్‌ విశ్వభూషణ్‌ హరిచందన్‌ నివాళులర్పించారు. దివంగత వైఎస్సార్‌ జ్ఞాపకాలను తెలుగు ప్రజలు ఎప్పటికీ మరిచిపోలేరని ఆయన కొనియాడారు. నాటి స్మృతులు ప్రతి ఒక్కరి మదిలో పదిలంగా ఉన్నాయని అన్నారు. వైఎస్సార్‌ పాలన కాలంలో అందించిన సంక్షేమ పథకాల ద్వారా లబ్ధిపొందిన లక్షలాది మంది ప్రజలు ఆయనను ప్రతి నిత్యం తలుచుకుంటూనే ఉంటారని గవర్నర్‌ పేర్కొన్నారు. ఈ మేరకు గవర్నర్‌ కార్యాలయం సోమవారం ఒక ప్రకటన విడుదల చేసింది. 

సాక్షి, విజయవాడ : నగరంలోని పోలీసు కంట్రోల్‌ రూమ్‌ సమీపంలో దివంగత మహానేత వైఎస్‌ రాజశేఖరరెడ్డి విగ్రహాన్ని పున: ప్రతిష్టించారు. సోమవారం వైఎస్సార్‌ వర్ధంతి సందర్భంగా ఆంధ్రప్రదేశ్‌ ముఖ్యమంత్రి వైఎస్‌ జగన్‌మోహన్‌రెడ్డి మహానేత విగ్రహాన్ని ఆవిష్కరించారు. అనంతరం వైఎస్సార్‌ విగ్రహానికి పూలమాల వేసి నివాళులర్పించారు. పుష్కరాల పేరుతో నాటి టీడీపీ ప్రభుత్వం విజయవాడ పోలీసు కంట్రోల్‌ రూమ్‌ సమీపంలోని మహానేత విగ్రహాన్ని రాజకీయ కారణాలతో దౌర్జన్యంగా తొలగించిన సంగతి తెలిసిందే. దీంతో వైఎస్సార్‌సీపీ ప్రభుత్వం అదే ప్రాంతంలో మహానేత విగ్రహాన్ని తిరిగి ఏర్పాటు చేసింది. అలాగే కంట్రోల్‌ రూమ్‌ సమీపంలోని ప్రగతి పార్క్‌ను డాక్టర్‌ వైఎస్సార్‌ పార్క్‌గా నామకరణం చేశారు. మహానేత విగ్రహం ఏర్పాటుతో నాలుగేళ్ల తర్వాత కంట్రోల్‌ రూమ్‌ సెంటర్‌లో మళ్లీ శోభ ఉట్టిపడుతుంది. తమ అభిమాన నేత విగ్రహావిష్కరణను తిలకించేందుకు పెద్ద ఎత్తున అభిమానులు, వైఎస్సార్‌ కాంగ్రెస్‌ పార్టీ శ్రేణులు పెద్ద ఎత్తున డాక్టర్‌ వైఎస్సార్‌ పార్క్‌కు తరలివచ్చారు. దీంతో పోలీసులు ఆ పరిసరాల్లో ట్రాఫిక్‌ ఆంక్షలు విధించారు. అలాగే బస్టాండ్‌, రైల్వే స్టేషన్‌లకు వెళ్లే వాహనాలను దారి మళ్లించారు. కాగా, 2011లో విజయవాడ పోలీస్‌ కంట్రోల్‌ రూం వద్ద పోలవరం ప్రాజెక్టు ప్రతిమపై వైఎస్‌ విగ్రహాన్ని ప్రతిష్టించారు. అనంతరం రాజకీయ కారణాలతో టీడీపీ ప్రభుత్వం గత కృష్ణా పుష్కరాల సమయంలో 2016 జూలై 31వ తేదీ అర్ధరాత్రి పోలీసు బందోబస్తు మధ్య ఆ విగ్రహాన్ని తొలగించింది. మున్సిపల్‌ అడ్మినిస్ట్రేషన్‌ విభాగం ఆధ్వర్యంలో అన్ని అనుమతులతో విగ్రహ పునఃప్రతిష్ట జరిగింది. నేడు మహానేత వర్ధంతి సందర్భంగా సీఎం వైఎస్‌ జగన్‌ ఆయన విగ్రహాన్ని ఆవిష్కరించారు.

సాక్షి, విశాఖపట్నం : దివంగత ముఖ్యమంత్రి వైఎస్‌ రాజశేఖరరెడ్డి తన పాలనతో పేద ప్రజల గుండెల్లో చెరగని ముద్ర వేసుకున్నారని వైఎస్సార్‌ సీపీ గాజువాక ఎమ్మెల్యే తిప్పల నాగిరెడ్డి అన్నారు. సోమవారం వైఎస్సార్‌ 10వ వర్ధంతి సందర్భంగా ఆసిల్ మెట్ట జంక్షన్‌లోని  మహానేత విగ్రహానికి పూలమాలలువేసి నివాళులర్పించారు. ఈ కార్యక్రమంలో  వేమనసంక్షేమ సంఘ గౌరవాధ్యక్షులు సత్తి నాగేశ్వరరెడ్డి, అధ్యక్షులు ఎన్. వివేకానందరెడ్డి,  రాష్ట్ర గిడ్డంగుల మాజీ చైర్మన్ సత్తి రామకృష్ణారెడ్డి , వేమన సంఘం ప్రధాన కార్యదర్శి సత్తి రామకృష్ణారెడ్డి,  ఆర్గనైజింగ్  కార్యదర్శి బోరా కుమార్ రెడ్డి,  సంఘ నాయకులు సుబ్బారెడ్డి, కర్రి రామారెడ్డి, నాగిరెడ్డి తదితరులు పాల్గొన్నారు. ఈ సందర్భంగా తిప్పల నాగిరెడ్డి మాట్లాడుతూ.. వైఎస్సార్ పేద ప్రజలకి అండగా ఎన్నో సంక్షేమ పథకాలు ప్రవేశపెట్టారన్నారు. తండ్రికి తగ్గ తనయుడిగా వైఎస్ జగన్‌మోహన్‌రెడ్డి మూడు నెలల తన పాలనలోనే ఇచ్చిన వాగ్ధానాలను నెరవేర్చారని తెలిపారు. అధికారంలోకి వచ్చి వంద రోజులు కాకుండానే లక్షకుపైగా ఉద్యోగాలు భర్తీ చేస్తున్న ఘనత వైఎస్ జగన్‌దేనన్నారు.

సాక్షి, విజయవాడ: దివంగత మహానేత వైఎస్‌ రాజశేఖరరెడ్డి పదవ వర్ధంతిని పురస్కరించుకొని దళిత బహుజన ఫ్రంట్ ఆధ్వర్యంలో జిల్లాలోని ప్రెస్‌క్లబ్‌లో సోమవారం సంస్మరణ సభ ఏర్పాటు చేశారు. ఈ సందర్భంగా మహానేత వైఎస్సార్‌తోపాటు హెలికాప్టర్ ప్రమాదంలో మృతి చెందిన అధికారులు డా. సుబ్రహ్మణ్యం, సాల్మన్ వెస్లీలను ఈ సందర్భంగా నివాళులర్పించారు. ఈ కార్యక్రమానికి ఐఏఎస్‌ అధికారి ఉండ్రు రాజశేఖర్‌, రిటైర్డ్‌ ఐఏఎస్‌ అధికారి చల్లప్ప, సాక్షి మాజీ ఎడిటోరియల్ డైరెక్టర్ కె రామచంద్రమూర్తి అతిథులుగా హాజరయ్యారు. ఈ సందర్భంగా రాజశేఖర్ మాట్లాడుతూ.. ఐఏఎస్ అధికారిగా పి సుబ్రహ్మణ్యం ప్రజలకు అత్యుత్తమ సేవలు అందించారని, మహానేత వైఎస్సార్ హయాంలో వచ్చిన అన్ని సంక్షేమ పథకాలను విజయవంతం చేయడంలో కీలకపాత్ర పోషించారని అన్నారు. ఏడేళ్ళ పాటు వివిధ దేశాల్లో పనిచేసిన సుబ్రహ్మణ్యం తన అనుభవాన్ని ఏపీలో ఆచరణలో చూపారని తెలిపారు. అంతేకాక సుబ్రహ్మణ్యం, వెస్లీ వంటి అధికారుల సేవలు స్పూర్తిదాయకమని తెలిపారు. చల్లప్ప మాట్లాడుతూ.. అంబేడ్కర్ ఆశయాలకు అనుగుణంగా దళితులు ఉన్నత విద్యావంతులు కావాలని కోరారు. అంబేడ్కర్‌ ఆశయాలను నిజం చేస్తూ.. సుబ్రహ్మణ్యం, వెస్లీ వంటి అధికారులు సమాజాన్ని ప్రభావితం చేసే స్థాయికి ఎదిగారని పేర్కొన్నారు. అలాంటి వారిని అందరు ఆదర్శంగా తీసుకోవాలని అన్నారు.  రామచంద్రమూర్తి మాట్లాడుతూ.. మహానేత వైఎస్సార్‌ మరణం తెలుగు ప్రజలను కలచి వేసిందని గుర్తుచేశారు. పదేళ్ల కిందట జరిగిన హెలికాఫ్టర్‌ ప్రమాదంలో మహానేత వైఎస్సార్‌, అధికారులు మరణించడం దురదృష్టకరమన్నారు. ప్రస్తుతం ఆంధ్రప్రదేశ్‌ ముఖ్యమంత్రి వైఎస్‌ జగన్‌మోహన్‌రెడ్డి.. దివంగత వైఎస్సార్‌ను గుర్తుచేసేలా పాలన సాగిస్తున్నారని ప్రశంసించారు. సీఎం వైఎస్‌ జగన్‌ ఎన్నో ఇబ్బందులు ఎదుర్కొని అధికారంలోకి వచ్చారని గుర్తు చేశారు. వైఎస్‌ జగన్‌ సంక్షేమంలో తండ్రిని మించిన తనయుడిగా పేరు తెచ్చుకుంటారని ధీమా వ్యక్తం చేశారు. ముఖ్యమంత్రిగా బాధ్యతలు స్వీకరించిన మూడు నెలల్లోనే వైఎస్‌ జగన్‌ ప్రజల ఆదరణను పొందుతున్నారని పేర్కొన్నారు.  సంక్షేమ పథకాల రూపకల్పనలో మహానేత వైఎస్సార్‌ తోడుగా నిలిచిన సుబ్రహ్మణ్యం, వెస్లీ వంటి అధికారులు ప్రజలకు అత్యంత చేరువయ్యారని తెలిపారు. వారి అకాల మరణం సమాజానికి, ముఖ్యంగా దళిత సమాజానికి తీరని లోటు అని రామచంద్రమూర్తి పేర్కొన్నారు. నిరుపేద దళిత కుటుంబంలో జన్మించిన సుబ్రహ్మణ్యం పట్టుదలతో ఉన్నత స్థానానికి చేరారని.. అటువంటి అధికారులు సమాజానికి అవసరమని అన్నారు.

సాక్షి, విజయవాడ:  పరిపాలనలో పారదర్శకత చూపి పేదల అభ్యున్నతికి పాటుపడిన గొప్ప వ్యక్తి దివంగత నేత వైఎస్‌ రాజశేఖరరెడ్డి అని ఎమ్మెల్యే మల్లాది విష్టు అన్నారు. వైఎస్సార్‌ పదో వర్దంతి సందర్భంగా సోమవారం ఆయన వైఎస్సార్‌ విగ్రహానికి పూలమాలవేసి నివాళులర్పించారు. అనంతరం ఆయన మీడియాతో మాట్లాడుతూ.. సరిగ్గా పదేళ్ల కిందట ఇదే రోజు రాష్ట్రం ఓ గొప్ప నేతను కోల్పోయిందన్నారు. బతికినంత కాలం ప్రజా సంక్షేమం కోసమే పరితపించిన గొప్ప వ్యక్తి వైఎస్సార్‌ అని కొనియాడారు.  కాగా, చంద్రబాబు పాలనకు వైఎస్సార్‌ పాలనకు ఉన్న వ్యత్యాసాన్ని ప్రజలు గమనించారని, అందుకే రాజన్న తనయుడికి మళ్లీ అధికారం ఇచ్చారన్నారు. సీఎం జగన్‌ ఆధ్వర్యంలో వైఎస్సార్‌ ఆశయాల సాధనకు కృషి చేస్తామని విష్టు తెలిపారు.జననేత దార్శనికత ప్రతినిత్యం ప్రజల కళ్లకు కనిపించేందుకు వైఎస్సార్‌ పార్కులో రాజశేఖరరెడ్డి విగ్రహాన్ని పునః ప్రతిష్టింస్తున్నామని తెలిపారు. ఈ రోజు సాయంత్రం నాలుగు గంటలకు వైఎస్సార్‌ విగ్రహాన్ని ముఖ్యమంత్రి వైఎస్‌ జగన్‌మోహన్‌రెడ్డి ఆవిష్కరిస్తారని పేర్కొన్నారు. సీఎం జగన్‌ ఆధ్వర్యంలో వైఎస్సార్‌ ఆశయాల సాధనకు కృషి చేస్తామని విష్టు తెలిపారు. ఈకార్యక్రమంలో ఎమ్యెల్యేతోపాటు, పలువురు వైఎస్సార్‌కాంగ్రెస్‌ పార్టీ కార్యకర్తలు పాల్గొన్నారు. 

సాక్షి, తాడేపల్లి: పేద ప్రజల సంక్షేమానికి గొప్ప పథకాలు ప్రవేశపెట్టిన ఘనత దివంగత మహానేత వైఎస్‌ రాజశేఖరరెడ్డికే దక్కుతుందని పురపాలక శాఖ మంత్రి బొత్స సత్యనారాయణ అన్నారు. తాడేపల్లిలోని వైఎస్సార్‌సీపీ కేంద్ర కార్యాలయంలో జరిగిన వైఎస్సార్‌ వర్ధంతి కార్యక్రమంలో పార్టీ నేతలతో కలిసి బొత్స పాల్గొన్నారు. ఈ సందర్భంగా ఆయన మహానేతకు పూలమాల వేసి నివాళులర్పించారు. అనంతరం ఆయన మాట్లాడుతూ.. వైఎస్సార్‌ అమలు చేసిన పథకాలు దేశానికే ఆదర్శంగా నిలిచాయన్నారు. ఆరోగ్యశ్రీ, ఫీజు రీయింబర్స్‌మెంట్‌, పేదలకు ఇళ్లు, పింఛన్‌ వంటి పథకాలతో వైఎస్సార్‌ ప్రజల గుండెల్లో సుస్థిర స్థానం సంపాదించుకున్నారని గుర్తుచేశారు. ఫీజు రీయింబర్స్‌మెంట్‌తో ఎంతోమంది పేద విద్యార్థులు ఉన్నత చదువులు అభ్యసించారని తెలిపారు. ఆరోగ్యశ్రీ లక్షల మంది జీవితాల్లో వెలుగులు నింపిందన్నారు. ఏపీ భవన్‌లో వైఎస్సార్‌ వర్ధంతి.. వైఎస్సార్‌సీపీ నేత పోతల ప్రసాద్‌ ఆధ్వర్యంలో ఢిల్లీలోని ఏపీ భవన్‌లో మహానేత వైఎస్‌ రాజశేఖరరెడ్డి వర్ధంతిని నిర్వహించారు. ఈ సందర్భంగా మహానేత చిత్రపటానికి పూలమాలలు వేసి నివాళుర్పించారు. ఈ కార్యక్రమంలో పార్టీ నేతలు, కార్యకర్తలు, అభిమానులు పాల్గొన్నారు. మహానేత ప్రవేశపెట్టిన సంక్షేమ పథకాలను నేతలు ఈ సందర్భంగా గుర్తుచేసుకున్నారు.  వైఎస్సార్‌సీపీ కేంద్ర కార్యాలయంలో చవితి వేడుకలు తాడేపల్లిలోని వైఎస్సార్‌ కాంగ్రెస్‌ పార్టీ కేంద్ర కార్యాలయంలో వినాయక చవితి వేడుకలు ఘనంగా నిర్వహించారు. ఈ సందర్భంగా ప్రత్యేక పూజలు నిర్వహించారు. మంత్రి బొత్స సత్యనారాయణ, పార్టీ నేతలు పూజా కార్యక్రమంలో పాల్గొన్నారు.

సాక్షి, హైదరాబాద్‌/అమరావతి: కుల, మత, వర్గ, వర్ణ రాజకీయాలకు అతీతంగా మానవత్వమే తన అభిమతంగా ప్రజా సంక్షేమ సుపరిపాలన అందించిన దివంగత మహానేత వైఎస్‌ రాజశేఖర్‌ రెడ్డి 10వ వర్ధంతి కార్యక్రమాలను తెలుగు రాష్ట్రాల్లోని వైఎస్సార్‌సీపీ నాయకులు, కార్యకర్తలు అభిమానులు నిర్వహించారు. మహానేతను మనసారా స్మరించి ఘన నివాళుర్పించారు. వైఎస్సార్‌ గతించి పదేళ్లయినా ఆయనపై ప్రేమ, అభిమానం చెక్కు చెదరలేదని కొనియడారు. వైఎస్సార్ సీపీ తెలంగాణ కార్యాలయంలో.. హైదరాబాద్‌లోని వైఎస్సార్ సీపీ తెలంగాణ కార్యాలయంలో మహానేత వైఎస్సార్‌ వర్ధంతి కార్యక్రమాన్నినిర్వహించారు. పార్టీ సీనియర్‌ నేత ఉమ్మారెడ్డి వెంకటేశ్వర్లు, గట్టు శ్రీకాంత్‌రెడ్డి వైఎస్సార్‌ విగ్రహానికి  పూలమాలలు వేసి నివాళర్పించారు. ఖమ్మం జిల్లా కూసుమంచి మండలం పాలేరులో మహానేత వైఎస్సార్‌ వర్ధంతి నిర్వహించారు. వైఎస్సార్‌ విగ్రహానికి  వైఎస్సార్‌సీపీ కార్యదర్శి జల్లేపల్లి సైదులు పూలమాలలు వేసి నివాళర్పించారు. భద్రాద్రి కొత్తగూడెం జిల్లా అశ్వాపురం మండలంలోని డాక్టర్ వైఎస్ రాజశేఖరరెడ్డి 10వ వర్ధంతిని ఆరీఫా, రొష్ని వృద్దాశ్రమంలో వైఎస్సార్‌సీపీ మండల అధ్యక్షులు వైవీ పురుషోత్తం ఆధ‍్వర్యంలో  ఘనంగా నిర్వహించారు. వృద్ధులకు  రొట్టెలు, బియ్యం పంపిణీ చేశారు. ఈ కార్యక్రమలో సురేష్, అశోక్, రమేష్, వెంకన్న తదితరులు పాల్గొన్నారు. పశ్చిమగోదావరిలో.. జిల్లాలోనూ బుట్టాయిగూడెం మండలం దొరమామిడి, తెల్లవారి గూడెం, బుట్టాయిగూడెం గ్రామాల్లో వైఎస్సార్‌ వర్ధంతి సందర్భంగా ఆయన విగ్రహానికి పూల మాలలు వేసి నివాళర్పించారు. ఎమ్మెల్యే తెల్లం బాలరాజు ప్రభుత్వాసుపత్రిలో రోగులకు పాలు,రొట్టె,పళ్లు పంపిణీ చేశారు. పేదవేగి మండలం బాపిరాజు గూడెంలో వైఎస్సార్‌ విగ్రహాన్ని దెందులూరు ఎమ్మెల్యే కొఠారి కొఠారి అబ్బాయి చౌదరి ఆవిష్కరించారు. వైఎస్సార్‌ విగ్రహానికి పూలమాలలు వేసి నివాళర్పించారు. తాడేపల్లిగూడెంలోవైఎస్సార్‌ వర్ధంతి సందర్భంగా పోలీసు ఐ ల్యాండ్‌, మసీదు రోడ్డులో ఉన్న వైఎస్సార్‌ విగ్రహాలకు ఎమ్మెల్యే కొట్టు సత్యనారాయణ పూలమాలలు వేసి నివాళర్పించారు. వర్ధంతి సందర్భంగా రక్తదాన శిబిరం ఏర్పాటు చేశారు. వృద్ధులు, రోగులకు పండ్లు, దుప్పట్లు పంపిణీ చేశారు. తూర్పుగోదావరిలో.. మామిడికుదురు మండలం మొగలికుదురులో వైఎస్సార్‌ చిత్రపటానికి ఘన నివాళర్పించారు. వైఎస్సార్‌ వర్ధంతి సందర్భంగా అనాధ ఆశ్రమంలో ఎమ్మెల్యే కొండేటి చిట్టిబాబు దుప్పట్లు పంపిణీ  చేశారు. గోకవరంలో వైఎస్సార్‌ వర్ధంతి సందర్భంగా స్థానిక సాంఘిక సంక్షేమ వసతి గృహానికి హన్న విద్యా సంస్థల అధినేత బి.సువర్ణకుమార్‌ టీవీని బహుకరించారు. రంపచోడవరంలో వైఎస్సార్‌ వర్ధంతి సందర్భంగా ఎమ్మెల్యే నాగులపల్లి ధనలక్ష్మి వృద్ధులకు చీరలు పంపిణీ చేశారు. వైఎస్సాఆర్‌ విగ్రహానికి పూలమాలలు వేసి నివాళర్పించారు. ఈ కార్యక్రమంలో రామన్నదొర, రాము, కారుకోడి పూజ పాల్గొన్నారు. కృష్ణా జిల్లాలో.. పామర్రు వైఎస్సార్‌సీపీ కార్యాలయంలో వైఎస్సార్‌ వర్ధంతి కార్యక్రమాన్ని నిర్వహించారు. ఎమ్మెల్యే కైలే అనిల్‌కుమార్‌ వైఎస్సార్‌ విగ్రహానికి పూలమాల వేసి నివాళర్పించారు. అనంతరం పార్టీ కార్యాలయంలో మొక్కలు నాటారు. ఈ కార్యక్రమంలో పార్టీ నేతలు రాజశేఖర్‌, బొమ్మారెడ్డి మధురెడ్డి, కాకర్ల వెంకటేశ్వరరావు, ఆరుమళ్ళ శ్రీనాధరెడ్డి, ఆరేపల్లి శ్రీనివాసరావు, కిరణ్ రెడ్డి, అబ్దుల్ మొబీన్, పెయ్యేల రాజు పాల్గొన్నారు. తిరువూరు నియోజకవర్గం వైఎస్సార్‌సీపీ కార్యాలయంలో వైఎస్సార్‌ విగ్రహానికి ఎమ్మెల్యే కొక్కిలిగడ్డ రక్షణ నిధి పూలమాల వేసి నివాళర్పించారు. నూజివీడు చిన్నగాంధీ బొమ్మ సెంటర్‌లో వైఎస్సార్‌ చిత్రపటానికి ఎమ్మెల్యే మేకా ప్రతాప్‌ అప్పారావు పూలమాల వేసి నివాళర్పించారు. ఈ కార్యక్రమంలో మాజీ మున్సిపల్ ఛైర్‌పర్సన్‌ మద్దిరాల కోటమ్మ, రామిశెట్టి మురళి, పలువురు మున్సిపల్ కౌన్సిలర్లు, పార్టీ నేతలు పాల్గొన్నారు. జగ్గయ్యపేట నియోజకవర్గంలో నిర్వహించిన వైఎస్సార్‌ వర్ధంతి కార్యక్రమాల్లో వైఎస్సార్‌సీపీ విజయవాడ పార్లమెంటరీ సమన్వయకర్త పొట్లూరి వరప్రసాద్‌, ప్రభుత్వవిప్  సామినేని ఉదయభాను పాల్గొని వైఎస్సార్‌ విగ్రహాలకు, చిత్రపటాలకు పూల మాలలు వేసి నివాళర్పించారు.ఈ కార్యక్రమంలో వైఎస్సార్‌సీపీ నేతలు తన్నీరు నాగేశ్వరావు, ఇంటూరి రాజగోపాల్, చౌడవరపు జగదీష్, ఎంవి చలం, తుమ్మల ప్రభాకర్, వేల్పుల రవికుమార్ పాల్గొన్నారు. విజయవాడ తూర్పు నియోజకవర్గంలో వాడవాడలా మహానేత డాక్టర్‌ వైఎస్సార్‌ వర్ధంతి కార్యక్రమాలను నిర్వహించారు. ఈ సందర్భంగా వైఎస్సార్‌ విగ్రహాలకు పూలమాలలు వేసి నివాళర్పించారు. వైఎస్సార్‌సీపీ తూర్పు నియోజకవర్గ సమన్వయకర్త బొప్పన భవకుమార్‌ ఆధ్వర్యంలో ఐదువేల మందికి అన్నదానం ఏర్పాటు చేశారు. వైఎస్సార్‌సీపీ నేతలు, కార్యకర్తలు,అభిమానులు పలు సేవా కార్యక్రమాలు చేపట్టారు. వృద్ధులకు చీరలు,పండ్లు పంపిణీ చేశారు. విశాఖ జిల్లాలో.. విశాఖ వైఎస్సార్‌సీపీ కార్యాలయంలో సేవాదళ్‌ అధ్యక్షులు వాసు ఆధ్వర్యంలో వైఎస్సార్‌ వర్ధంతి కార్యక్రమాన్ని నిర్వహించారు. వైఎస్సార్‌ విగ్రహానికి  మంత్రి అవంతి శ్రీనివాస్‌ పూలమాల వేసి నివాళర్పించారు. పార్క్‌ హోటల్‌లో జంక్షన్‌లో వైఎస్సార్‌ విగ్రహానికి పార్టీ అధికారి ప్రతినిధి కొయ్య ప్రసాద్‌రెడ్డి పూలమాల వేసి నివాళర్పించారు. పెందుర్తి నియోజకవర్గం పరిధిలోని వేపగుంట, వేపగుంట, సుజాత నగర్, పెందుర్తి, సబ్బవరం, రాంపురం ప్రాంతాల్లో వైఎస్సార్‌ వర్ధంతి కార్యక్రమాలను నిర్వహించారు. ఎమ్మెల్యే అన్నంరెడ్డి అదీప్‌రాజ్‌ వైఎస్సార్‌ విగ్రహాలకు పూల మాలలు వేసి నివాళర్పించారు. ఈ కార్య​క్రమంలో విశాఖ రూరల్‌ పార్లమెంటు అధ్యక్షుడు సరగడం చిన్నప్ప నాయుడు, నక్కా కనకరాజు, మామిడి రాజు పాల్గొన్నారు. విశాఖ ఉత్తర నియోజకవర్గ సమన్వయకర్త కె.కె.రాజు ఆధ్వర్యంలో వైఎస్సార్‌ వర్ధంతి కార్యక్రమాన్ని నిర్వహించారు. వైఎస్సార్‌ విగ్రహానికి పార్టీ నేతలు పూలమాలలు వేసి నివాళర్పించారు. ఈ కార్యక్రమంలో రాష్ట్ర కార్యదర్శి చొక్కాకుల వెంకటరావు, రాష్ట్ర  కార్యదర్శి సత్తి రామకృష్ణ రెడ్డి, రాష్ట్ర కార్యదర్శి రొంగలి జగన్నాధం, మాజీ కార్పొరేటర్లు,వార్డుఅధ్యక్షులు,అనుబంధ సంఘాల అధ్యక్షులు,కార్యకర్తలు పాల్గొన్నారు. విశాఖ బీచ్‌ రోడ్డులో వైఎస్సార్‌ విగ్రహానికి మంత్రి అవంతి శ్రీనివాస్‌,ఎంపీ ఎంవీవీ సత్యనారాయణ, ఎమ్మెల్యే తిప్పల నాగిరెడ్డి పూల మాలలు వేసి నివాళర్పించారు. ఈ కార్యక్రమంలో పార్టీ నగర అధ్యక్షుడు శ్రీనివాస్‌ వంశీకృష్ణ, విఎంఆర్‌డిఏ ఛైర్మన్‌ ద్రోణం రాజు శ్రీనివాస్‌ పాల్గొన్నారు. దివంగత మహానేత వైఎస్సాఆర్‌ వర్ధంతి సందర్భంగా అనకాపల్లి రోడ్డులో వైఎస్సార్‌ విగ్రహానికి రాష్ట్ర్ర ప్రధాన కార్యదర్శి దాడి వీరభద్రరావు, ఎంపీ బీశెట్టి వెంకట సత్యవతి, ఎమ్మెల్యే గుడివాడ అమర్‌నాథ్‌లు పూలమాలలు వేసి నివాళర్పించారు. ఈ కార్యక్రమంలో నేతలు దంతులూరి దిలీప్ కుమార్,మళ్ల బుల్లిబాబు,కాండ్రేగుల విష్ణు మూర్తి, జాజుల రమేష్, కొణతాల మురళీ కృష్ణ పాల్గొన్నారు. వైఎస్సార్‌ వర్ధంతి సందర్భంగా పాయకరావు, నక్కపల్లి, ఎస్‌.రాయవరంలో ఎమ్మెల్యే గొల్ల బాబురావు వృద్ధులకు దుప్పట్లు, రోగులకు పాలు,పండ్లు పంపిణీ చేశారు.వైఎస్సార్‌ విగ్రహానికి పూలమాలలు వేసి నివాళర్పించారు. ఈ కార్యక్రమంలో వైఎస్సార్‌సీపీ నేతలు చిక్కాల రామారావు, వీసం రామకృష్ణ, బొలిశెట్టి గోవిందు,మధువర్మ,బాబూరావు, సాయిబాబా పాల్గొన్నారు. స్థానిక వైఎస్సార్‌సీపీ నేతల ఆధ్వర్యంలో అరకులోయలో వైఎస్సార్‌ వర్ధంతి కార్యక్రమాన్ని నిర్వహించారు. ఎమ్మెల్యే చెట్టి ఫాల్గుణ,మాజీ ఎమ్మెల్యే డాక్టర్‌ కుంబా రవిబాబు వైఎస్సార్‌ విగ్రహానికి పూల మాలలు వేసి నివాళర్పించారు. ఈ సందర్భంగా పేద మహిళలకు చీరలు పంపిణీ చేశారు. అరకు వ్యాలీ కమ్యూనిటీ హెల్త్‌ సెంటర్లలో రోగులకు పాలు, రొట్టెలు పంపిణీ చేశారు. చోడవరం కొత్తురు జంక్షన్‌లో నిర్వహించిన దివంగత నేత డాక్టర్‌ వైఎస్సార్‌  వర్ధంతి కార్య​క్రమంలో ఎమ్మెల్యే కరణం ధర్మశ్రీ పాల్గొని వైఎస్సార్‌ విగ్రహానికి పూల మాల వేసి నివాళర్పించారు. అనంతరం ప్రభుత్వాసుపత్రిలో పేదలకు పండ్లు,రొట్టెలు పంపిణీ చేశారు. అనంతపురం జిల్లాలో... దివంగత మహానేత వైఎస్ రాజశేఖరరెడ్డి వర్థంతి సందర్భంగా అనంతపురం జిల్లా వ్యాప్తంగా సామాజిక సేవా కార్యక్రమాలు నిర్వహించారు. అనంతపురం జిల్లా వైఎస్సార్ సీపీ కార్యాలయంలో మహానేత వైఎస్సార్ చిత్రపటానికి ఎమ్మెల్యే అనంతవెంకట్రామిరెడ్డి, ఎంపీ తలారి రంగయ్య, ఎమ్మెల్సీ వెన్నపూస గోపాల్ రెడ్డి తదితరులు నివాళులు అర్పించారు. పొట్టి శ్రీరాములు మున్సిపల్ పాఠశాలలో పేద ప్రజలకు చీరలు పంపిణీ చేశారు. కర్నూలు జిల్లాలో.. మహానేత వైఎస్సార్‌ వర్ధంతి సందర్భంగా నందికొట్కూరులోని వైఎస్సార్‌ విగ్రహాలకు ఎమ్మెల్యే ఆర్థర్‌ పూలమాల వేసి నివాళర్పించారు. ఈ కార్యక్రమంలో పార్టీ నేతలు చెరుకుచెర్ల రఘురామయ్య, భరత్ కుమార్ రెడ్డి, ధర్మారెడ్డి, రమాదేవి, వనజ పాల్గొన్నారు. చిత్తూరు జిల్లాలో.. పుల్లిచెర్ల మండలం కల్లూరులో వైఎస్సార్‌ వర్ధంతి సందర్భంగా వైఎస్సార్‌ విగ్రహానికి రాష్ట్ర్ర పంచాయతీరాజ్‌ గ్రామీణాభివృద్ధి శాఖ మంత్రి పెద్దిరెడ్డి రామచంద్రారెడ్డి పూలమాల వేసి నివాళర్పించారు. మహానేత వైఎస్సార్‌ వర్ధంతి సందర్భంగా కలికిరిలోని వైఎస్సార్‌ విగ్రహానికి పీలేరు ఎమ్మెల్యే చింతల రామచంద్రారెడ్డి పూలమాల వేసి నివాళర్పించారు. సంతపేటలో ఎమ్మెల్యే ఆరని శ్రీనివాసులు వైఎస్సార్‌ విగ్రహానికి పూలమాలలు వేసి నివాళర్పించారు. ఈ కార్యక్రమంలో నేతలు జగదీష్, పురుషోత్తమరెడ్డి, కృష్ణారెడ్డి పాల్గొన్నారు. ఆదిలాబాద్ జిల్లాలో.. ఆదిలాబాద్ పట్టణంలో వైఎస్సార్ చిత్రపటానికి వైఎస్సార్‌సీపీ తెలంగాణ ప్రధాన కార్యదర్శి అనిల్ కుమార్ పూలమాలలు వేసి నివాళులు అర్పించారు. వైఎస్సార్ సంక్షేమ పథకాలు రైతులు, పేదలు, విద్యార్థులు అన్నివర్గాల మేలు చేశాయని ఈ సందర్భంగా గుర్తు చేసుకున్నారు. తండ్రి ఆశయాలు ముఖ్యమంత్రిగా వైఎస్ జగన్ కొనసాగిస్తారని అభిప్రాయపడ్డారు. (ఫొటో గ్యాలరీ కోసం ఇక్కడ క్లిక్ చేయండి)

నల్లగొండ :ఆయన పేదల పెన్నిధి. ఉమ్మడి రాష్ట్రంలో ఆనాడు తెలుగుదేశం అధికారంలో ఉన్నప్పుడు కరువు కాటకాలతో ప్రజలు అల్లాడుతున్న పరిస్థితి. ప్రజల సమస్యలను నేరుగా తెలుసుకునేందుకు పాదయాత్ర చేపట్టిన మహానేత దివంగత ముఖ్యమంత్రి వైఎస్‌ రాజశేఖరరెడ్డి. నాయన ప్రజలతో మమేకమై వారి కష్టాలను తెలుసుకున్నారు. అధికారంలోకి వచ్చిన తర్వాత ఆనాడు పాదయాత్రలో ప్రజలు పడుతున్న ఇబ్బందులను తొలగించేందుకు వారికి అవసరమైన సంక్షేమ పథకాలతో పాటు అభివృద్ధి ప్రణాళికలు రూపొందించి అమలు చేసి ప్రజల గుండెల్లో చిరస్థాయిగా నిలిచిపోయాడు. అలాంటి మహావ్యక్తి మనల్ని విడిచి 10 సంవత్సరాలు పూర్తవుతోంది. సొరంగ మార్గం జిల్లాలో ఎస్‌ఎల్‌బీసీ సొరంగ మార్గానికి అప్పట్లో నిధులు విడుదల చేశారు. మాజీ ఎమ్మెల్యే కోమటిరెడ్డి వెంకట్‌రెడ్డి సొరంగ మార్గం కోసం పట్టుబట్టారు. దీంతో ఆయన సొరంగ మార్గం చేపట్టేందుకు రూ.3వేల కోట్లు మంజూరు చేసిన మహానాయకుడు. నేడు ఆ పనులు పూర్తి కావస్తున్నాయి. ఈ విషయంలో వైఎస్‌ తీసుకున్న చొరవ జిల్లా ప్రజలకు సాగు, తాగునీటితో పాటు హైదరాబాద్‌కు కూడా తాగునీటికి భవిష్యత్‌లో ఇబ్బంది ఉండదు. సొరంగ మార్గం పూర్తయితే నల్లగొండ జిల్లాలో ఫ్లోరిన్‌ సమస్య పరిష్కారం కావడంతో పాటు సాగునీరు కూడా గ్రావిటీ ద్వారానే రానుంది. బ్రాహ్మణ వెల్లెంల ప్రాజెక్ట్‌ ప్రపంచంలో ఎత్తిపోతల పథకంపై మరో ఎత్తిపోతల పథకాన్ని నిర్మించింది లేదు. కాని కోమటిరెడ్డి వెంకట్‌రెడ్డి పోరాడి వైఎస్‌ నుంచి సాధించారు. ఎస్‌ఎల్‌బీసీ ఎత్తిపోతల నుంచి నల్లగొండ ఉదయ సముద్రానికి నీరు చేరుతుంది. అక్కడి నుండి నీటిని లిఫ్ట్‌ చేసి నార్కట్‌పల్లి మండలంలోని బ్రాహ్మణ వెల్లెంల ప్రాజెక్టు తరలిస్తారు. ఇందులో సొరంగ మార్గం పనులు కూడా చివరి దశలో ఉన్నాయి. ఈ ప్రాజెక్టు ఆనాడు వైఎస్‌ రాజశేఖర్‌రెడ్డి ముఖ్యమంత్రిగా ఉన్నప్పుడు ప్రారంభించిందే. ఆ ప్రాజెక్టు పూర్తి అయితే మునుగోడు, నకిరేకల్‌తో పాటు నల్లగొండ నియోజకవర్గంలో కూడా సాగు, తాగు నీటిని ఇబ్బందులు ఉండవు. మహాత్మాగాంధీ యూనివర్సిటీ మహాత్మాగాంధీ యూనివర్సిటీ వైఎస్‌ ముఖ్యమంత్రిగా ఉన్న సందర్భంలోనే మంజూరు చేశారు. భూ సేకరణతో పాటు నిధులు మంజూరు చేసి యూనివర్సిటీ నిర్మాణం పూర్తి చేయించారు. అండర్‌ గ్రౌండ్‌ డ్రెయినేజీ నల్లగొండలో వైఎస్‌ హయాంలోనే నల్లగొండకు అండర్‌గ్రౌండ్‌ డ్రెయినేజీ మంజూరయింది. కడప జిల్లా తర్వాత నల్లగొండ జిల్లాకే అండర్‌గ్రౌండ్‌ డ్రెయినేజీ మంజూరు చేశారు. ఆనాడు కేంద్ర పట్టణాభివృద్ధి శాఖ మంత్రిగా ఉన్న జైపాల్‌రెడ్డి ద్వారా అండర్‌గ్రౌండ్‌ డ్రెయినేజీని నల్లగొండకు మంజూరు చేయించారు. ఆయన తర్వాత ఆ ప్రాజెక్టు ఆగి పోయింది. నేటికీ సీవరేజ్‌ ట్రీట్మెంట్‌ ప్లాంట్లు పూర్తి కాని పరిస్థితి. ప్రధాన పనులన్నీ వైఎస్‌ హయాంలోనే పూర్తయ్యాయి.  దీంతో పాటు నల్లగొండలో రైల్వే ఫ్లైఓవర్‌ బ్రిడ్జి కూడా వైఎస్‌ హయాంలోనే మంజూరయింది. అంతకుముందు ప్రతి రోజూ రైళ్ల రాకపోకలతో గేట్లు పడడం వల్ల ప్రజలు తీవ్ర ఇబ్బందులు ఎదుర్కొనేవారు. ఈ పరిస్థితుల్లో వైస్‌ దృష్టికి తీసుకెళ్లగా దాన్ని కూడా మంజూరు చేయించారు. కనగల్‌వాగుపై బ్రిడ్జి, నల్లగొండ మున్సిపల్‌ భవనం నిర్మాణం, రాంనగర్‌ పార్కులను అభివృద్ధి కూడా ఆయన కాలంలోనే జరిగింది. పట్టణ శివారులు రాజీవ్‌ గృహ కల్ప, నల్లగొండ పట్టణంలో మున్సిపల్‌ కాంప్లెక్స్, ఇండోర్‌ స్టేడియంలో స్విమ్మింగ్‌పూల్, రైల్వే ఫ్లైఓవర్‌ బ్రిడ్జిని కూడా వైఎస్సే శంకుస్థాపన చేశారు. పేదలకు ఆయువు నిలిపిన ఆరోగ్య శ్రీ వైఎస్‌ అధికారంలోకి రాగానే 2007లో ఆరోగ్యశ్రీకి ట్రస్ట్‌ను ఏర్పాటు చేసి దాని ద్వారా పేదలకు ఉచితంగా కార్పొరేట్‌ ఆస్పత్రుల్లో వైద్యం అందించి పేదల పాలిట దైవంగా నిలిచారు. తెల్ల రేషన్‌కార్డు ఉంటే చాలు. ప్రైవేట్‌ ఆస్పత్రుల్లో గుండె జబ్బులతో పాటు ఇతర జబ్బులకు వైద్యం చేయించుకోవచ్చు. 104 సేవలు 104 సేవలు కూడా గ్రామీణ ప్రాంత ప్రజలకు ఎంతో మేలు నేటికీ చేస్తున్నాయి. గ్రామాల్లో నిరక్షరాస్యులైన ప్రజలు షుగర్, బీపీ, తదితర దీర్ఘకాలిక రోగాలకు ఇది ఎంతో మేలు చేస్తుంది. 104 వాహనంలో డాక్టర్‌తో పాటు ల్యాబ్‌ టెక్నీషియన్, నర్సులు ఉంటారు. రోజూ ఒక గ్రామానికి వెళ్లి అక్కడ వైద్య పరీక్షలు చేసి షుగర్‌ బీపీ, టీబీ వంటి దీర్ఘ కాలిక రోగాలకు ఉచితంగా మందులు ఇస్తూ వస్తున్నారు. ప్రతి నెలా వైద్యం ఊరిలోనే అందే పరిస్థితి తీసుకొచ్చి పేద ప్రజలకు దేవుడయ్యారు వైఎస్‌ రాజశేఖర్‌రెడ్డి. జిల్లాతో ఎంతో అనుబంధం దివంగత ముఖ్యమంత్రి వైఎస్‌ రాజశేఖర్‌రెడ్డికి జిల్లాతో విడదీయలేని అనుబంధం. తెలుగుదేశం హయాంలో కరెంట్‌ కష్టాలు ఎన్నో ఉండేవి. చంద్రబాబు నాయుడు అభివృద్ధి పథకాలకు శిలాపలకాలు వేసి ఏండ్లు గడిచినా వాటికి నిధులు విడుదల చేయని పరిస్థితి. దీంతో రాజశేఖర్‌రెడ్డి పాదయాత్ర సందర్భంగా ఎక్కడైతేశిలాపలకాలు ఉన్నాయో అక్కడ నిరసన మొక్కలు నాటుతూ వచ్చారు. అందులో భాగంగా నల్లగొండలోని పానగల్‌లో గల మహాత్మాగాంధీ పీజీ కళాశాలలో మొక్కలు నాటారు. ఆతర్వాత ముఖ్యమంత్రి అయిన తర్వాత వివిధ అభివృద్ధి కార్యక్రమాలపై జిల్లాకు 30 మార్లకు పైగానే రావడం జరిగింది. 108 సేవలు వైఎస్‌ హయాంలోనే 108 సేవలు ప్రారంభించారు. క్షతగాత్రులను ఆస్పత్రులను తరలించడంలో 108 ప్రధాన భూమిక పోషించింది. ఎక్కడైనా, ఏ మనిషి ఆపదలో ఉన్నా 108కు ఫోన్‌ చేస్తే కుయ్యు... కుయ్యుమంటూ 5–10 నిమిషాల్లోనే ఘటనా స్థలానికి చేరుకొని వారిని ఆస్పత్రికి తరలిస్తూ ఎంతోమంది ప్రాణాలు కాపాడుతున్నారు. దీంతో వైఎస్‌ పేరు ప్రపంచ స్థాయిలో నిలిచింది.

సాక్షి, ఇబ్రహీంపట్నం : తెలంగాణలో నీటి ప్రాజెక్టులకు రూపకల్పన చేసిన ఘనత మహానేత వైఎస్సార్‌దే అని కాంగ్రెస్‌ పార్టీ ఎంపీ కోమటిరెడ్డి వెంకట్‌రెడ్డి అన్నారు. తన పాలనాకాలంలో పలు సంక్షేమ కార్యక్రమాలు చేపట్టిన వైఎస్సార్‌కు తెలంగాణలో కూడా ఎంతోమంది అభిమానులు ఉన్నారని తెలిపారు. తన రాజకీయ గురువు, ఎల్లవేళలా వెన్నంటి ప్రోత్సహించిన వైఎస్సార్‌కు నివాళులు అర్పిస్తున్నానన్నారు. నేడు(సోమవారం) దివంగత ముఖ్యమంత్రి వైఎస్‌ రాజశేఖరరెడ్డి పదవ వర్ధంతి సందర్భంగా కోమటిరెడ్డి మహానేతను గుర్తుచేసుకున్నారు.  ఈ సందర్భంగా ఆయన మాట్లాడుతూ... ఉచితంగా విద్యుత్ సరఫరా, పేదల పాలిట వరంలా నిలిచిన ఆరోగ్యశ్రీ,108 వ్యవస్థను వైఎస్సార్‌ నెలకొల్పారన్నారు. ప్రతి పేదవాడు కార్పొరేట్ స్థాయిలో వైద్యం కోసం ఆరోగ్యశ్రీ ప్రవేశపెట్టిన గొప్ప నాయకుడు అని కొనియాడారు. ‘రైతు బాంధవుడు, జలయజ్ఞం ద్వారా రైతాంగానికి  సాగునీరు ఇవ్వాలని దృఢ సంకల్పంతో ఉన్న మహానేత వైఎస్సార్. ప్రాణహిత చేవెళ్ల ప్రాజెక్ట్ చేపట్టిన ఘనత వైఎస్సార్‌కే దక్కుతుంది. ముచ్చర్లలో పార్మ సిటీ ఏర్పాటు చేశారు. ఇబ్రహీంపట్నం చెరువుకు నీరు వచ్చేది కానీ ప్రస్తుత పాలకులు నిర్లక్ష్యం చేశారు. కాళేశ్వరానికి పెట్టిన బాహుబలి మోటార్లు తెచ్చింది కూడా వైఎస్సారే’ అని వ్యాఖ్యానించారు. వైఎస్సార్ చేపట్టిన ప్రాజెక్టులకు పేరు, డిజైన్ మార్చి ముఖ్యమంత్రి కేసీఆర్‌ కాపీ కొట్టారని కోమటిరెడ్డి విమర్శించారు.

ఇబ్రహీంపట్నం: దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డి వల్లే ఆదిబట్ల నేడు ప్రపంచ పటంలోకి ఎక్కింది. రాజశేఖరరెడ్డి సుదీర్ఘ పాదయాత్ర అనంతరం 2004లో సమైక్య ఆంధ్రప్రదేశ్‌ రాష్ట్రానికి మొదటిసారి సీఎం అవ్వగానే ప్రపంచంలోని పెట్టుబడిదారులను హైదరాబాద్‌కు తీసుకొచ్చి అభివృద్ధి చేయాలని సంకల్పించారు. అందులో భాగంగానే టాటా వంటి దిగ్గజ సంస్థలను ఆదిబట్లకు రప్పించారు. 2005 సంవత్సరంలో ఆదిబట్ల గ్రామంలో టాటా సెజ్‌కు పూనాదిరాయి వేశారు. టాటా అడ్వాన్స్‌డ్‌ సిస్టమ్స్‌ను 60 ఎకరాల్లో ఏర్పాటు చేయడానికి ప్రభుత్వం నుంచి సకల సౌకర్యాలు కల్పించారు. రూ.600 కోట్ల పెట్టుబడులతో అంతర్జాతీయ ప్రమాణాలతో టాటా అడ్వాన్స్‌డ్‌ సిస్టమ్స్‌ కంపెనీని ఆదిబట్లలో ఏర్పాటు చేశారు. రెండోసారి అధికారంలోకి వచ్చిన అనంతరం 2009లో టాటా అడ్వాన్స్‌డ్‌ సిస్టమ్స్‌ తయారీ కేంద్రం ప్రారంభించడానికి నెలరోజులు ముందుగా ఆ మహానేత మరణించాడు.  ఔటర్‌రింగ్‌రోడ్డు ఆయన చొరవే..  నెహ్రూ ఔటర్‌రింగ్‌ రింగ్‌రోడ్డు 158 కిలోమీటర్లు, 8 లైన్లతో నగరం చుట్టూ విస్తరించేలా నగరానికి సునాయాసంగా వెళ్లే విధంగా డిసెంబర్‌ 2005లో ప్రారంభం అయ్యింది. దీని పనులు కూడా రాజశేఖరరెడ్డి పునాదిరాయి వేశారు. అంతర్జాతీయ విమానాశ్రయానికి వెళ్లే రహదారి, నగరం చుట్టూ వెళ్లడానికి వాహనదారులకు ఈ ఔటర్‌ రింగ్‌రోడ్డు ఎంతో ఉపయోగకరంగా ఉంటుంది. నేటికీ దివంగత నేత రాజశేఖరరెడ్డి జ్ఞాపకాలు ఇక్కడ ప్రజల గుండెల్లో అలాగే నిలిచిపోయాయి.  నగరానికే మణిహారం ‘పీవీ ఎక్స్‌ప్రెస్‌ వే’...  రాజేంద్రనగర్‌: ఏషియాలోనే అతిపెద్ద ఎక్స్‌ప్రెస్‌వే పనులకు 2005వ సంవత్సరంలో దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డి శంకుస్థాపన చేశారు. అనంతరం ఈ ఎక్స్‌ప్రెస్‌వేకు పీ.వీ.నర్సింహారావు ఎక్స్‌ప్రెస్‌వేగా నామకరణం చేశారు. 11.06 కిలోమీటర్ల పొడవైన ఈ ఎక్స్‌ప్రెస్‌వే దేశంలోనే కాకుండా ఏషియాలోనే అతిపెద్దది. మొత్తం 315 పిల్లర్లపై దీనిని నిర్మించారు. మెహదీపట్నంలోని సరోజినీదేవి కంటి ఆస్పత్రి ఎదుట ప్రధాన రహదారి నుంచి ఈ ఎక్స్‌ప్రెస్‌వే ప్రారంభమై ఆరాంఘర్‌ చౌరస్తా వరకు నిర్మించారు. దాదాపు 600 కోట్ల వ్యయంతో దీనిని పూర్తి చేశారు. నగరం నుంచి రాజీవ్‌ గాంధీ ఇంటర్నేషనల్‌ ఎయిర్‌పోర్టుకు ప్రయాణికులు వెళ్లేందుకుగాను దీనిని ముందుచూపుతో నిర్మించారు. 2005 మార్చి 16న శంషాబాద్‌ ఎయిర్‌పోర్టుకు శంకుస్థాపన..  శంషాబాద్‌: రాజీవ్‌గాంధీ అంతర్జాతీయ విమానాశ్రయం ఏర్పాటుతో జిల్లా ఖ్యాతి కూడా అదే స్థాయికి చేరింది. మహానేత వైఎస్‌ రాజశేఖరరెడ్డి పాలన సమయంలో శంషాబాద్‌ ఎయిర్‌పోర్టుకు పునాదులు పడడమే కాకుండా పూర్థియి స్తాయిలో అమల్లోకి కూడా వచ్చింది. కేవలం మూడేళ్ల స్వల్ప వ్యవధిలోనే శంషాబాద్‌ ఎయిర్‌పోర్టు నిర్మాణం పూర్తిచేసుకుని గాలిమోటార్లు చక్కర్లు కొట్టాయంటే అదంతా అప్పటి ముఖ్యమంత్రి ధృడసంకల్పమేనన్నది అందరికి తెలిసిందే.. 2004 ముందు శంషాబాద్‌లో అంతర్జాతీయ విమానాశ్రయం ఏర్పాటుకు ప్రతిపాదనలు పడ్డాయి. 2004 మేలో ముఖ్యమంత్రిగా మహానేత వైఎస్‌ రాజశేఖరరెడ్డి పాలన పగ్గాలు చేపట్టారు. ఆ తర్వాతే శంషాబాద్‌ విమానాశ్రయానికి భూ సేకరణ శరవేగంగా పూర్తయింది. వైఎస్‌ఆర్‌ ప్రత్యేక చొరవతో ఎయిర్‌పోర్టు నిర్మాణానికి 2005 మార్చి 16న అప్పటి యూపీఏ చైర్‌పర్సన్‌ సోనియాగాంధీ భూమిపూజ చేశారు. జీఎంఆర్‌ సంస్థ శరవేగంగా పనులు చేపట్టడంతో 2008 మార్చి 14  శంషాబాద్‌ విమానాశ్రయాన్ని యూపీఏ చైర్‌పర్సన్‌ సోనియాగాంధీ ప్రారంభోత్సవాన్ని చేశారు. ఎయిర్‌పోర్టుకు అనుబంధంగా..  శంషాబాద్‌ ఎయిర్‌పోర్టు నిర్మాణంతో ఓ వైపు పూర్తిచేసుకున్న సమయంలోనే రహదారులు అనుసంధానం కోసం ఔటర్‌ రింగురోడ్డు, పీవీఎన్‌ఆర్‌ ఎక్స్‌ప్రెస్‌వేలకు కూడా మహానేత వైఎస్‌ఆర్‌ హయాంలోనే పునాదులు పడటంతో పాటు శరవేగంగా పనులు కూడా పూర్తయ్యాయి. ఔటర్‌ మొదటి దశ పనులను కూడా అప్పటి సీఎం వైఎస్‌ రాజశేఖరరెడ్డి  2008లో పరిశీలించి పనులను వేగవంతం చేయించారు. మహేశ్వరానికి మహర్ధశ..  మహేశ్వరం: దివంగత నేత వైఎస్‌.రాజశేఖరరెడ్డి హయాంలో మహేశ్వరం మండలం రూపురేఖలు మారిపోయింది. రాజన్న ప్రత్యేక చొరవతో అంతర్జాతీయ విమానాశ్రయం, ఐటీ, సాఫ్ట్‌వేర్‌ కంపెనీలు, ప్రత్యేక ఆర్థిక మండళ్లు, అంతర్జాతీయ స్కూల్స్‌ పలు ఐటీ సంస్థలు, కంపెనీలను తీసుకొచ్చి అభివృద్ధికి బీజాలు వేశారు. హైదరాబాద్‌ నగరానికి మణిహారమైన ఔటర్‌ రింగురోడ్డు గ్రామానికి ఆనుకొని రావడంతో గ్రామం అభివృద్ధి వేగం పూంజుకుంది. మహానేత నగర శివారు ప్రాంతాల అభివృద్ధికి చూపిన చొరవ వల్లే ఇక్కడ ప్రస్తుతం పెద్దఎత్తున అభివృద్ధి జరగడానికి మూలకారణమని ఆయన అభిమానులు గుర్తుచేసుకుంటున్నారు. రాజశేఖర్‌రెడ్డి హయాంలో రంగారెడ్డి జిల్లాలోని వివిధ మండలాలతో పాటు మహేశ్వరం మండలంలోని వివిధ గ్రామాలకు భారీ ప్రాజెక్టులు తీసుకురావడం జరిగింది. ప్రతి పనిలో ఆయనే స్ఫూర్తి  పరిగి: నేను చేసే ప్రతి పనిలో వైఎస్‌ రాజశేఖరరెడ్డినే స్ఫూర్తిగా తీసుకుంటాను. ఆయన స్ఫూర్తితోనే నేను నియోజకవర్గంలో వైస్‌ సందేశ్‌యాత్ర చేపట్టి ప్రజల మన్ననలు పొందాను. ఆయన స్ఫూర్తితోనే విద్యాలయాలు, ఉచిత వైద్యశిబిరాలు ఏర్పాటు చేసి ప్రజలకు సేవ చేస్తున్నాను. ఉత్తర తెలంగాణాలోనే మొట్టమొదటి డెంటల్‌ కళాశాల నాకూతురు మేగ్నా పేరుతో స్థాపించి అప్పట్లో వైఎస్‌ఆర్‌ చేతులమీదుగా ప్రారంభోత్సవం చేయించాను. వికారాబాద్‌ సమావేశంలో అడిగిన వెంటనే  చేవెళ్ల–ప్రాణహిత ప్రాజెక్టును పరిగి వరకు పొడిగించారు. ఆయన ఆప్యాయతను ఎప్పటికీ మర్చిపోలేము. – రామ్మోహన్‌రెడ్డి, డీసీసీ అధ్యక్షుడు, వికారాబాద్‌ జిల్లా  ఆయన జ్ఞాపకాలు పదిలంగా ఉన్నాయి  పరిగి: వైఎస్‌ఆర్‌ గారు పీసీసీ చైర్మన్‌గా ఉన్నప్పటి నుంచే ఆయన అనుబంధం ఏర్పడింది. ఆయన సీఎం అయ్యాక ఆ అనుబంధం మరింత ధృడంగా తయారయ్యింది. నేరుగా ఇంటికి వెళ్లినా నన్ను పీఏలు, సెక్యూరిటీ ఎవరూ ఆపేవారు కాదు. ప్రతి 15 రోజులకోసారి కలిసి వచ్చేవాడిని. నేను అడగకుండానే ఉపాధి హామీ స్టేట్‌ డైరక్టర్‌ పోస్టు ఇచ్చారు. ఆయన జ్ఞాపకాలన్నీ అలాగే నామదిలో పదిలంగా ఉన్నాయి. ఎంతమందిలో ఉన్నా నన్ను గుర్తించి పేరుపెట్టి పిలిచేవారు.   – వెంకటేశం, మాజీ ఉపాధి హామీ రాష్ట్ర డైరక్టర్, పరిగి  

సాక్షి, విశాఖపట్నం : టీడీపీ నేత గంటా శ్రీనివాసరావుపై మంత్రి అవంతి శ్రీనివాస్‌ తీవ్ర స్థాయిలో ధ్వజమెత్తారు. గంటా ఒక రాజకీయ వ్యాపారి అని వ్యాఖ్యానించారు. ఇతర పార్టీల్లో ఆఫర్‌ ఉందని చెప్పడం ఆయన దిగజారుడుతనానికి నిదర్శమని అన్నారు. పదవుల కోసం నమ్మినవాళ్లను నట్టేట ముంచిన ఘన చరిత్ర గంటాదని చురకలంటించారు. ద​మ్ముంటే ఎమ్మెల్యే పదవికి రాజీనామా చేసి మాట్లాడాలని సవాల్‌ విసిరారు. పదవులు శాశ్వతం కాదు. ప్రజా సేవే ముఖ్యమని అవంతి ఉద్ఘాటించారు. గెలిచిన తర్వాత నియోజకవర్గం (విశాఖ ఉత్తరం)లో కనిపించకుండా పోయిన ఎమ్మెల్యే గంటా ప్రజలకు క్షమాపణ చెప్పాలని డిమాండ్‌ చేశారు. ఇక అవంతిని మంత్రిగా పరిగణించడంలేదన్న గంటా వ్యాఖ్యలపై ఆయన సీరియస్‌ అయ్యారు. తనతో పెట్టుకుంటే గంటా విశాఖలో తిరగలేరని మంత్రి హెచ్చరించారు. ఇక దివంగత మహానేత, ఉమ్మడి ఏపీ మాజీ ముఖ్యమంత్రి వైఎస్‌ రాజశేఖరరెడ్డి వర్ధంతిని పురస్కరించుకుని చిన బజార్‌, తగరపు వలసల్లో అవంతి వైఎస్సార్‌ విగ్రహాల్ని ఆవిష్కరించారు. పూలమాలలు వేసి నివాళులర్పించారు. తన క్యాంపు కార్యాలయంలో రక్తదాన శిబిరం నిర్వహించడంతో పాటు పలు సేవా కార్యక్రమాల్లో అవంతి పాల్గొన్నారు. అభిమానులు, పార్టీ కార్యకర్తలు వైఎస్సార్‌కు నివాళులర్పించారు.

ఎన్నో సంక్షేమ పథకాలతో అన్ని వర్గాల అభ్యున్నతికి కృషి చేసి.. కేఎల్‌ఐతో వ్యవసాయాన్ని పండుగ చేసి.. ప్రజా సంక్షేమమే శ్వాసగా, అభివృద్ధే ధ్యాసగా పాలన సాగించిన దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డి ఉమ్మడి పాలమూరు జిల్లాపై చెరగని ముద్రవేశారు. రైతే రాజు అని నమ్మి.. శ్రీశైలం మిగులు నీటిని ఎత్తిపోసేందుకు జలయజ్ఞం పేరుతో కేఎల్‌ఐని చేపట్టి.. సాగునీటిని తీసుకొచ్చిన జలయజ్ఞ ప్రధాతగా ప్రజల గుండెల్లో నిలిచారు వైఎస్సార్‌. సోమవారం ఆ మహానేత వర్ధంతి సందర్భంగా ఆయన హయాంలో చేపట్టిన అభివృద్ధి కార్యక్రమాలు, అమలైన సంక్షేమ పథకాలపై ప్రత్యేక కథనాలు..  వైఎస్సార్‌ హయాంలో తీసుకువచ్చిన అభివృద్ధి పథకాలు నేటికీ పేద, బడుగు బలహీన వ ర్గాల ప్రజలుకు ఎంతగానో ఉపయోగపడుతున్నాయి. ఆరోగ్యశ్రీ, 108, 104 ఆరోగ్య సేవలతో పాటు వృద్ధులు, వితంతువుల సామాజిక భద్రతకోసం పెన్షన్‌లు అందించారు. ఉచిత వి ద్యుత్, ఇందిరమ్మ ఇళ్లు, రేషన్‌ కార్డులు, అభయహస్తం, జలయజ్ఞం, ఫీజు రీయంబర్స్‌మెంట్, భూపంపిణీ, మహిళలకు పావళా వడ్డీకే బ్యాం కు రుణాలు వంటి ఎన్నో సంక్షేమ పథకాలు పేదలపాలిట వరంలా మారాయి. ఏదో ఒక రూ పంలో ప్రతి ఒక్కరికీ ఆయన తీసుకువచ్చిన ప థకాలు లబ్ధిని చేకూర్చాయి. నేడు ఆయన ప్రజ ల మద్యలో లేకపోయినా వారి మదిలో చిరస్థాయిగా నిలిచేలా పథకాలను రూపొందించారాయన.   నడిగడ్డ అభివృద్ధికి నాంది పలికిన వైఎస్సార్‌ అలంపూర్‌: దివంగత ముఖ్యమంత్రి మహానేత వైఎస్‌.రాజశేఖర్‌రెడ్డి పాలన నడిగడ్డ అభివృద్ధికి నాంది పలికింది. జోగుళాంబ గద్వాల జిల్లాలో సాగు నీటి ప్రాజెక్టుల నిర్మాణంతో సస్యశ్యామలం చేయడానికి కృషి చేశారు. సువర్ణయుగంగా రాజన్న పాలన ఏళ్లు గడిచిన ప్రజల గుండెల్లో చిరస్థాయిగా గుర్తుండిపోయింది. ఆయన పేద ప్రజల కోసం అనేక సంక్షేమ పథకాలు అందించి ప్రజల గుండెల్లో సుస్థిర స్థానాన్ని సంపాదించుకున్నారు. వైఎస్సార్‌ పాలనలో ఆయన అందించిన వరాలు గద్వాల, అలంపూర్‌ అభివృద్ధికి నాంది పలికాయి. జిల్లాను సందర్శించిన ప్రతిసారి వరాలు కురిపిస్తూ అభివృద్ధికి ఆయన తోడ్పాటును అందించారు. అత్యధికంగా అలంపూర్‌కు మూడు సార్లు పర్యటించారు.  నెట్టంపాడుకు రూ.1,448 కోట్లు  జిల్లాలో అతి పెద్ద సాగు నీటి ప్రాజెక్టు నిర్మాణానికి వైఎస్సార్‌ బీజం వేశారు. నెట్టంపాడుతో ఆరు మండలాలకు సాగునీటి వసతి కల్పించారు. రూ.1448 కోట్ల వ్యయంతో నెట్టంపాడు ప్రాజెక్టును నిర్మించారు. నెట్టంపాడుతో గద్వాల, అలంపూర్‌ నియోజకవర్గంలోని 1.5 లక్షల ఎకరాలకు సాగు నీటిని అందించడానికి కృషి చేశారు. అదేవిధంగా ఏడు రిజర్వాయర్ల నిర్మాణంతోపాటు పీజేపీదిగువన 234 మెగా వాట్ల సామార్ధ్యంతో జెన్‌కో జల విద్యుత్‌ కేంద్రాన్ని ప్రారంభించారు. ఆర్డీఎస్‌కు ఆదరణ  ఉమ్మడి జిల్లాలోనే తొలి ప్రాజెక్టుకు వైఎస్సార్‌ హాయంలో ఆదరణ లభించింది. ఆర్డీఎస్‌ అలంపూర్‌ ప్రజలకు జీవనాడి. 87,500 ఎకరాలకు సాగు నీటిని అందించాల్సిన ఆర్డీఎస్‌ ఆధునీకరణకు ముందుకు వచ్చారు. కాలువల లైనింగ్, హెడ్‌వర్క్స్‌ వద్ద పూడికతీత, డిస్టిబ్యూటరీల నిర్మాణాలు చేపట్టడానికి అప్పట్లో రూ.112 కోట్లు కేటాయించారు. అలాగే, అలంపూర్‌–ర్యాలంపాడు గ్రామాల మధ్య ఉన్న తుంగభద్ర నదిలో బ్రిడ్జి నిర్మాణానికి రూ.35 కోట్లు మంజూరు చేశారు.  కేఎల్‌ఐతో నీటిని అందించిన అపర భగీరథుడు కందనూలు జిల్లాలో మరో భారీ నీటిపారుదల పథకం ‘మహాత్మా గాంధీ కల్వకుర్తి ఎత్తిపోతల’ పథకాన్ని ముఖ్య మంత్రి వైఎస్‌.రాజశేఖరరెడ్డి 2005లో జలయజ్ఞంలో భాగంగా కొల్లాపూర్‌ మండలం ఎల్లూర్‌ గ్రామ పంచాయితీ రేగుమాన్‌ గడ్డ ప్రాంతంలో పనులు ప్రారంభించారు.  శ్రీశైలం మిగులు జలాలను 3.40లక్షల ఎకరాలకు సాగునీటిని అందించేందుకు 25టీఎంసీల నీటి కెటాయింపు చేస్తూ రూ.2,990కోట్ల వ్యయంతో పనులు ప్రారంభించారు. మొదట నాగర్‌కర్నూల్, అచ్చంపేట, కొల్లాపూర్, కల్వకుర్తి ప్రాంతాలకు మాత్రమే నీళ్లు ఇచ్చేలా డిజైన్‌ చేసినా వనపర్తి ప్రాంతానికి కూడా సాగునీటిని అందించేలా  పథకాన్ని రూపకల్పన చేశారు. 99శాతం పనులు పూర్తిచేసి మొదటి లిఫ్టు పంపుల ద్వారా సాగునీటిని ఆయన హయాంలోనే అందించారు. అనుకోని సంఘటన నేపధ్యంలో సెప్టెంబర్‌–2న అకాల మరణం పొందారు. వైఎస్సార్‌ హయాంలో చేపట్టిన ఫీజు రీయింబర్స్‌ మెంట్‌తో ఎంతోమంది పేద విద్యార్థులు లబ్ధిపొందారు. ఇంజనీరింగ్, మెడిసిన్‌తోపాటు మరెన్నో ఉన్నత చదువులు చదివి ప్రస్తుతం ఉన్నత స్థానాల్లో ఉన్నారు. రామన్‌పాడు జలాలు.. వైఎస్సార్‌ చలువే జడ్చర్ల: పట్టణానికి రామన్‌పాడు జలాలను తరలించిన ఘనత దివంగత ముఖ్యమంత్రి డాక్టర్‌ వైఎస్‌ రాజశేఖర్‌రెడ్డి చలువేనని పేర్కొనవచ్చు. తీవ్ర తాగునీటి సమస్యను ఎదుర్కొంటున్న నియోజకవర్గ ప్రజలకు దాహార్తిని తీర్చేందుకు వైఎస్సార్‌ ప్రతిష్టాత్మక రామన్‌పాడ్‌ తాగునీటి పథకాన్ని చేపట్టారు.  పట్టణ ప్రజలతోపాటు బాలానగర్, నవాబ్‌పేట మండలాల్లోని దాదాపు 103 గ్రామాల ప్రజలకు ఈ తాగు నీటి పథకం అందించేందుకు వైఎస్‌ఆర్‌ కృషి చేశారనడంలో ఎలాంటి అతిశయోక్తి లేదు. 2008 ఉప ఎన్నికల సందర్భంగా ప్రచారనిమిత్తం జడ్చర్లకు విచ్చేసిన సీఎం వైఎస్‌ఆర్‌ కాంగ్రెస్‌ అభ్యర్థి మల్లురవిని గెలిపిస్తే జడ్చర్ల తాగు నీటి సమస్యను పరిష్కరిస్తామని ప్రజలకు హామీ ఇచ్చారు. వైఎస్సార్‌ పిలుపు మేరకు అప్పట్లో కాంగ్రెస్‌ అభ్యర్థి డాక్టర్‌ మల్లురవిని ప్రజలు భారీ మెజార్టితో గెలిపించారు. దీంతో మడమ తిప్పని మహానేత వైఎస్సార్‌ తాను ఇచ్చిన హామీ మేరకు జడ్చర్లకు రామన్‌పాడ్‌ జలాలను తరలించేందుకు వెంటనే రూ.55 కోట్లు మంజూరు చేశారు. అంతేగాక ఆయా పనులకు 13 ఫిబ్రవరి 2009న శంకుస్థాపన కూడా చేశారు.అనంతరం పనులు కొనసాగి ప్రజల దాహార్తి తీరింది. అలాగే, జిల్లాలో మరెక్కడా లేని విధంగా అన్ని హంగులతో సరికొత్త సాంకేతిక విజ్ఞానంతో కోట్ల రూపాయలను వెచ్చించి సువిశాలమైన మైదానంలో ప్రత్యేకంగా నిర్మించిన పత్తి మార్కెట్‌ యార్డును నాటి సీఎం వైఎస్‌ఆర్‌చేతుల మీదుగా ప్రారంభానికి నోచుకుంది. అంతేగాక, గతంలో రూ.5.50కిలో ఉన్న రేషన్‌ బియ్యం ధరని వైఎస్సార్‌ తమ పాలనలో తగ్గించారు. రూ.2కిలో బియ్యం పథకాన్ని జడ్చర్లలోనే ప్రారంభించిన ఘనత చోటుచేసుకుంది. కొల్లాపూర్‌లో వరుస పర్యటనలు నియోజకవర్గంలో మొదటిసారిగా వైఎస్‌ రాజశేఖరరెడ్డి ప్రతిపక్షనేత హోదాలో 1995లో పర్యటించారు. 2004లో కాంగ్రెస్‌ పార్టీ అధికారంలోకి వచ్చాక  ముఖ్యమంత్రి హోదాలో వైఎస్సార్‌ కొల్లాపూర్‌ ప్రాంతానికి వచ్చారు. ఎంజీఎల్‌ఐ ప్రాజెక్టు నిర్మాణానికి రూ.2,995కోట్లను కేటాయిస్తున్నట్లు ప్రకటించారు. 2009 అసెంబ్లీ ఎన్నికలకు ముందు ఐదోసారి కొల్లాపూర్‌లో పర్యటించారు. జనం యాదిలో చెరగని జ్ఞాపకాలు వనపర్తి: ఉమ్మడి ఆంధ్రప్రదేశ్‌ రాష్ట్ర ముఖ్యమంత్రిగా ఐదేళ్లపాటు పనిచేసి ఒంటిచేత్తో పార్టీని మళ్లీ గెలిపించి తన ఆకాంక్షలను పూర్తిస్థాయిలో నెరవేర్చి పేదవాడి కంట కన్నీరు తుడవాలనుకున్న దివంగత మాజీ ముఖ్యమంత్రి డాక్టర్‌ వైఎస్‌ రాజశేఖరరెడ్డి మరణాన్ని నేటికి పేద ప్రజలు జీర్ణించుకోలేక పోతున్నారు. ఆయన ప్రవేశపెట్టిన పలు పలు పథకాలు పేదలకు ఎంతగానో ఉపయోగపడ్డాయి. తన ఐదేళ్ల పాలనలో వనపర్తితో వైఎస్సార్‌కు ప్రత్యేక అనుబంధం ఏర్పడింది. దీంతో రాష్ట్ర వ్యాప్తంగా 104 సర్వీస్‌లను, మహిళలకు పావలావడ్డీ రుణ పథకాలను వనపర్తి నుంచే వైఎస్సార్‌ ప్రారంభించడం విశేషం. అలాగే మురికి వాడల అభ్యున్నతికి  కోట్లాది రూపాయాలు నిధులు విడుదల చేసి పట్టణమంతా వాటిని తిరిగి ప్రారంభించారు. ఉచిత విద్యుత్, విద్యుత్‌ బకాయిల మాఫీ, రెండు రూపాయలకు కిలో బియ్యం పథకం, విద్యార్థులకు ఫీజు రీయింబర్స్‌మెంట్, ముస్లీం మైనార్టీలకు నాలుగు శాతం రిజర్వేషన్, మహిళలకు పావలా వడ్డీ రుణాలు, వృద్ధులకు, వితంతువులు, వికలాంగులకు అర్ధవంతమైన పింఛన్‌లు అందించి ఆయన అందరి మనసుల్లో సుస్థిరమైన స్థానం సంపాదించుకున్నారు. రాష్ట్రంలో ఎంతో మంది ముఖ్యమంత్రుల పాలనను ప్రజలు చూశారు. అందులో వైఎస్‌ రాజశేఖర్‌రెడ్డి పరిపాలించిన ఐదేళ్ల మూడు నెలల పాలన మాత్రం ఎందరో జీవితాలను ప్రభావి తం చేసింది. గడపగడపకు వైఎస్సార్‌ సంక్షేమ పథకాల ద్వారా ఏదోరకమైన ప్రయోజనం చేకురింది. దీంతో వైఎస్‌ను తమ ఇంట్లో సభ్యుడిగా భావించి అభిమానాన్ని పెంచుకున్నారు. దళితవాడలో పర్యటన ఉమ్మడి రాష్ట్రం నుంచి ఇప్పటి వరకు ఏ ముఖ్యమంత్రి వననర్తి దళితవాడల్లో పర్యటించిన చరిత్ర లేదు. అలాంటిది వైఎస్సార్‌ ప్రత్యేకంగా దళితుల బస్తీలో పర్యటించి వారితో సదరాగా కలిపి మాట్లాడిన సంఘటనలు ఈ ప్రాంత దళితులు నేటికి గుర్తు చేసుకుంటున్నారు. చిన్నారులను ఎత్తుకొని లాలించిన  సంఘటనలు ఉన్నాయి. గొప్ప వ్యక్తి వైఎస్సార్‌.. ఆరోగ్యశ్రీ, పింఛన్, మైనార్టీలకు 4శాతం రిజర్వేషన్లు ఇలా అన్ని వర్గాలను సంతృప్తి పరిచేలా.. ప్రజలు మెచ్చిన పాలన అందించిన గొప్ప వ్యక్తి దివంగత ముఖ్యమంత్రి వైఎస్‌.రాజశేఖరరెడ్డి. ఎందరో నిరుపేద మైనార్టీ వర్గాలు ఉన్నత చదువులు చదివేందుకు ఉపయోగపడ్డాడు. ఆయన ప్రవేశపెట్టిన ఆరోశ్రీ పథకంతోనే ఎందరికో లక్షలాది రూపాయాల శస్త్రచికిత్సాలు చేయించుకున్నారు.  వెఎస్సార్‌ ఎప్పుడు వనపర్తికి వచ్చిన ఆయనకు భోజ నం వడ్డించే అవకాశం రావడం జీవితంలో మరచిపోలేను.           – సయ్యద్‌ అఖ్తర్, కాంగ్రెస్‌ రాష్ట్ర మైనార్టీ ప్రధాన కార్యదర్శి, వనపర్తి మహానేతను 15 సార్లు కలిశా.. మహబూబ్‌నగర్‌ క్రీడలు: 2004 నుంచి 2009 వరకు దివంగత ముఖ్యమంత్రి వైఎస్‌ రాజశేఖర్‌రెడ్డిని 15 సార్లు కలిశా. చివరి సారి కొంత ఆలస్యమైనందుకు ఏం..మాస్టర్‌! కరాటేను బాగా నేర్పుతున్నావా లేదా అంటూ ఉత్సాహ పరచిన తీరు నా జీవితంలో మరుపురాని మధుర స్మృతి. సీఎం స్థాయిలో ఉండి కూడా నన్ను గుర్తు పట్టి పలకరించాడాన్ని చూసి వెంట వచ్చిన పలువురు ఆశ్చర్య పోయారు. అప్పటి నుంచి ఆయనకు ఫిదా అయ్యాను.  – ఎతినె చెన్నయ్య, టీఎస్‌ స్కూల్‌ కరాటే స్పోర్ట్స్‌ అధ్యక్షుడు

పేదల పెన్నిధి.. దివంగత ముఖ్యమంత్రి వైఎస్‌ రాజశేఖర్‌ రెడ్డి పాలనను ఉమ్మడి జిల్లా ప్రజలు మరవలేదు. ఆయన పథకాలతో జనం ఇప్పటికీ లబ్ధి పొందుతూ నిరంతరం తలుచుకూనే ఉంటున్నారు. అప్పుడు ప్రవేశపెట్టిన ఆరోగ్యశ్రీ, 108, 104 సేవలు, మహిళలకు పావలా వడ్డీ రుణాలు, జలయజ్ఞం, రైతులకు ఉచిత విద్యుత్, విద్యార్థులకు ఫీజు రీయింబర్స్‌మెంట్‌.. ఇలా ఎన్నో మంచి పనులతో పేదోళ్ల గుండెల్లో కొలువై ఉన్నారు. నేడు రాజశేఖర్‌రెడ్డి వర్ధంతి సందర్భంగా ప్రతీ పల్లె.. ప్రతీ గుండె తలుచుకుంటోంది. భౌతికంగా ఆయన లేకపోయినా జ్ఞాపకాలు మాత్రం పదిలంగా ఉన్నాయి. సాక్షి, ఆదిలాబాద్‌: వెనుకబడిన ఉమ్మడి ఆదిలాబాద్‌ జిల్లాలో పేదలకు మెరుగైన వైద్యం అందించాలని సంకల్పించి దివంగత ముఖ్యమంత్రి వైఎస్‌ రాజశేఖర్‌రెడ్డి 2008లో ఆదిలాబాద్‌ జిల్లా కేంద్రంలో రూ.125 కోట్లతో రాజీవ్‌గాంధీ ఇన్‌స్టిట్యూట్‌ ఆఫ్‌ మెడికల్‌ సైన్సెస్‌ (రిమ్స్‌) కళాశాలను ఏర్పాటు చేశారు. నేడు ఈ ఆస్పత్రిలో అధునాతన వైద్యం అందుతుందంటే అది ఆ మహానుభావుడి చలువే. ఏటా వందలాది మంది విద్యార్థులు వైద్య పట్టాలు పుచ్చుకొని బయటకు వస్తున్నారు. రిమ్స్‌తోపాటు ఉమ్మడి జిల్లాలోని బాసర ట్రిపుల్‌ఐటీ నెలకొల్పి ఎందరో మంది విద్యార్థులకు విద్యా ప్రదాత అయ్యారు. పేద విద్యార్థులకు ఇన్ఫర్మేషన్‌ టెక్నాలజీ చదువులు అందించారు. రోడ్డు, ఇతర ప్రమాద మరణాలను అరికట్టాలనే ఉద్దేశంతో 108 అంబులెన్స్‌ను వైఎస్‌ఆర్‌ హయాంలోనే 2006 జూన్‌లో అమలులోకి తీసుకొచ్చారు. ఎక్కడా ఏ ప్రమాదం జరిగినా కాల్‌ చేస్తే చాలూ.. ప్రమాద స్థలానికి 108 అంబులెన్స్‌ చేరుకుంటోంది. గ్రామీణ ప్రజలకు వైద్యసేవలు అందించేలా 104 వాహనాన్ని ప్రవేశపెట్టారు. గ్రామీణులకు ప్రతినెలా వారి చెంతకే వెళ్లి వైద్యసేవలు అందిస్తున్నారు. సంక్షేమ పథకాలు ప్రజలకు చేరువలో.. వైఎస్‌ఆర్‌ ప్రవేశపెట్టిన పథకాలు ప్రజల సంక్షేమానికి దోహదపడ్డాయి. ఇప్పటికే ఆయన ప్రవేశపెట్టిన పథకాలతో ఎంతోమంది లబ్ధి పొందుతున్నారు. ప్రజా సంక్షేమమే పరమావధిగా తుది శ్వాస వరకు శ్రమించారు. పిల్లలు, యువత, విద్యార్థులు, మహిళలు, వృద్దులు, వికలాంగులు, వితంతువులు, రైతులు.. ఇలా అన్నివర్గాల ప్రజలకు ఆయన దేవుడయ్యారు. ప్రజలకు జలయజ్ఞ ఫలాలు అందించారు. దీంతో ఉమ్మడి జిల్లాలో వేలాది ఎకరాల బీడు భూములు పంట పొలాలుగా మారాయి. తుమ్మిడిహెట్టి వద్ద డాక్టర్‌ బీఆర్‌ అంబేద్కర్, ప్రాణహిత చేవెళ్ల ప్రాజెక్టులకు శంకుస్థాపన చేశారు. ఎల్లంపల్లి, గొల్లవాగు, ర్యాలీవాగు, కుమురంభీం, జగన్నాథ్‌ఫూర్, గడ్డెన్నవాగు, మత్తడివాగు ప్రాజెక్టులు వైఎస్‌ చొలువే. రైతులకు ఉచిత విద్యుత్‌ సరఫరా చేయడంతోపాటు విద్యుత్‌ బకాయిలు మాఫీ చేసిన ఘనత ఆయనకే దక్కుతోంది. ఏడు గంటల పాటు నిరంతరం ఉచిత విద్యుత్‌ అందించారు. నిరుపేదల సొంతింటి కలను సాకారం చేయాలనే ఉద్దేశంతో ఇందిరమ్మ పథకం తీసుకొచ్చి పేదలకు నీడ కల్పించారు. కార్పొరేట్‌ ఆస్పత్రుల మెట్లు కూడా ఎక్కని పేదలకు రాజీవ్‌ ఆరోగ్యశ్రీ పథకం ద్వారా ఆస్పత్రుల్లో వైద్యం అందేలా చూశారు. లక్షలు ఖర్చు చేసే వైద్య సదుపాయాలను పేదలు ఉచితంగా పొందుతున్నారు. మహిళల కోసం ఇందిరా క్రాంతి పథకాన్ని ప్రవేశపెట్టారు. వీరికి పావలా వడ్డీ ద్వారా రుణాలను అందించారు. ఎంతో మంది పేద విద్యార్థులకు ఫీజు రీయింబర్స్‌మెంట్‌ అందించి విద్యాప్రదాతగా నిలిచారు. దీంతో వారు ఉన్నత చదువులు చదవాలనుకున్న పేద విద్యార్థుల కల సాకారమైంది. రైతు బిడ్డగా.. వైఎస్‌ఆర్‌ అధికారంలోకి వచ్చిన వెంటనే రైతు సంక్షేమంపై దృష్టి సారించి ఉచిత విద్యుత్‌ సరఫరా>, బకాయిల మాఫీపై మొదటి సంతకం చేశారు. దీంతో ఆదిలాబాద్‌ జిల్లాలో విద్యుత్‌ బకాయిలు రూ.34కోట్ల మేర రైతులకు మేలు జరిగింది. 65వేల మంది రైతులు ఉచిత విద్యుత్‌ లబ్ధి పొందారు. రుణమాఫీ కింద 2.33 లక్షల మంది రైతులకు రూ.252 కోట్ల రుణమాఫీ అయ్యాయి. అప్పటికే రుణాలు చెల్లించిన 1.29 లక్షల మందికి 5వేల చొప్పున రూ.6297 కోట్ల ప్రోత్సాహకాలు అందించారు. 2004 నుంచి 2009 వరకు వైఎస్‌ హయాంలో 83,385 మంది విద్యార్థులకు రూ.38.89 కోట్లు ఫీజు రీయింబర్స్‌మెంట్‌ కింద చెల్లించారు. అదేవిధంగా అటవీ భూములపై హక్కులు కల్పించగా, భూములపై ఆధారపడిన ఎంతో మంది గిరిజనులకు మేలు జరిగింది. పాదయాత్రలో ఈ సమస్యలు తెలుసుకున్న వైఎస్‌ఆర్‌ 2004లో అధికారంలోకి వచ్చిన తర్వాత హక్కు పత్రాలను రైతులకు అందజేశారు. ఐదు విడతల్లో 38,483 దరఖాస్తులపై 4.03 లక్షల ఎకరాలకు అటవీహక్కు పత్రాలు ఇచ్చారు. అదేవిధంగా వైఎస్‌ హయాంలో ఇందిరమ్మ పథకం ద్వారా 2.67 లక్షల గృహాలు మంజూరు కాగా, రూ.315కోట్లు వెచ్చించి 84వేల ఇండ్ల నిర్మాణాలు పూర్తి చేయించారు. ఆరోగ్యశ్రీ పథకం ద్వారా 1100 మందికి రూ.33 కోట్లు ఖర్చు చేసి ఆపరేషన్లు చేయించారు. ఆరోగ్యశ్రీ కింద 948 రకాల వ్యాధులకు ఉచితంగా వైద్య పరీక్షలు చేయించుకునే విధంగా చూశారు. నేడు వర్ధంతి కార్యక్రమాలు.. దివంగత ముఖ్యమంత్రి వైఎస్‌ రాజశేఖర్‌రెడ్డి వర్ధంతి కార్యక్రమాలు సోమవారం ఉమ్మడి జిల్లా వ్యాప్తంగా నిర్వహించనున్నారు. వైఎస్‌ఆర్‌సీపీ రాష్ట్ర ప్రధాన కార్యదర్శి అనిల్‌కుమార్‌ ఆధ్వర్యంలో ఆ పార్టీ నాయకులు, కార్యకర్తలు పలు సేవా కార్యక్రమాలు చేపట్టనున్నారు.

పేదల కళ్లల్లో ఆనందం చూసినప్పుడే నిజమైన అభివృద్ధి అని నమ్మిన ఒకేఒక్క నాయకుడు వైఎస్‌ఆర్‌. తాను ఏమి చేసినా పేదోడి అవసరాన్ని తీర్చేలా ఉండేలా చూసుకున్నారు. ప్రాజెక్టు కట్టినా..పథకం రూపొందించినా వాటి ఫలాలు ప్రతీ ఇంటికి చేరేలా నిరంతరం కృషి చేసి ప్రజల మనిషిగా చరిత్రలో నిలిచిపోయారు. ప్రాజెక్టుల నిర్మాణం, రైతు రుణమాఫీ, ఉచిత విద్యుత్, ఆరోగ్యశ్రీ , ఫీజురీయింబర్స్‌మెంట్‌ ఇలా అనేక పథకాలు ప్రవేశపెట్టి అమలు చేసిన ఘనతను సొంతం చేసుకున్నారు. జనం మధ్య నుంచి వెళ్లిన వైఎస్సార్‌ దాదాపు పదేళ్లు గడుస్తున్నా రాజన్న ప్రతిరూపం ప్రతిఒక్కరి కంటిలో కదలాడుతూ, ప్రతిఒక్కరి గుండెను తడుతోంది. నేడు వైఎస్సార్‌ వర్ధంతి సందర్భంగా ‘సాక్షి’ ప్రత్యేక కథనం. గూడు కల్పించిన దేవుడు  గోదావరిఖని(రామగుండం): కట్టుకున్న ఇళ్లకు పట్టాలు లేక..ఇంటి నిర్మాణం కోసం రుణం లభించక..ఏళ్ల తరబడి ఎదురుచూస్తున్న కోల్‌బెల్ట్‌ ప్రాంతవాసులకు వరాలు ప్రకటించారు అప్పటి సీఎం దివంగత డాక్టర్‌ వైఎస్‌ రాజశేఖరరెడ్డి. దశాబ్దాల తరబడి సింగరేణి స్థలాల్లో ఇళ్లు నిర్మించుకున్న వారందరికీ వన్‌టైం సెటిల్‌మెంట్‌ కింద స్థలాలకు పట్టాలు అందించి అందరి పాలిట దైవంగా నిలిచారు. అసాధ్యంకాని పని.. సుసాధ్యం రామగుండం పారిశ్రామిక ప్రాంత ప్రజలు అసాధ్యమనుకున్న పనిని సుసాధ్యం చేసి పట్టాలిప్పించిన ఘనత దివంగత సీఎం వైఎస్‌ఆర్‌కే దక్కింది. 40 ఏళ్లుగా ఇళ్లలో ఉండి పట్టాలు లేక అనేక ఇబ్బందులు ఎదుర్కొన్నారు. సీఎంగా వైఎస్‌ రాజశేఖరరెడ్డి దృష్టికి ఈ విషయాన్ని తీసుకెళ్లడంతో సింగరేణి యాజమాన్యంతో మాట్లాడి వెంటనే ఇళ్ల స్థలాలను క్రమబద్ధీకరణ చేసి పట్టాలు స్వయంగా వచ్చి అందించారు. రాష్ట్ర చరిత్రలోనే ఎన్నడూ లేని విధంగా 17,413 ఇళ్ల పట్టాలు పంపిణీ చేసి చరిత్రలో నిలిచిపోయారు. సింగరేణి విస్తరణతోపాటు పెద్దసంఖ్యలో కార్మికులు, కార్మికేతరులు సింగరేణి స్థలాల్లో నివాసాలు ఏర్పాటు చేసుకొని దశాబ్దాల తరబడి ఉంటున్నారు. కాలక్రమేణ కట్టుకున్న ఇళ్లకు పట్టాలు ఇవ్వాలనే డిమాండ్‌ తెరపైకి వచ్చింది. 2008 ఏప్రిల్‌ 11వ తేదీన కరీంనగర్‌ జిల్లా పర్యటనకు వచ్చిన వైఎస్సార్‌ సింగరేణి స్థలాల్లో ఇళ్లను క్రమబద్ధీకరిస్తామని హామీ ఇచ్చారు. ఇచ్చిన మాటకు కట్టుబడి సింగరేణి అధికారులను ఆదేశించారు. సర్వే చేయించిన సింగరేణి 442 ఎకరాల 9 గుంటల స్థలం, సింగరేణి ఆధీనంలోని 84 ఎకరాల 38 గుంటల ప్రభుత్వ స్థలంలో 21,907 గృహాలు ఆక్రమించుకున్నట్లుగా తేల్చింది. ఇందులో మొదటి విడతగా 17,413 నివాస స్థలాలకు పట్టాలు అందించి పేదల చిరకాల స్వప్నాన్ని నెరవేర్చారు. పట్టాలు పొందిన వారు వైఎస్సార్‌ను నేటికి స్మరించుకుంటున్నారు. వీడిన ‘మైక్రో’ భూతం సిరిసిల్ల: సిరిసిల్ల కార్మికక్షేత్రంలో మైక్రోఫైనాన్స్‌ వేధింపులతో అనేక కుటుంబాలు చితికిపోయాయి. నేతన్నల ఆత్మహత్యలకు ఆర్థిక ఇబ్బందులు ప్రధాన కారణమని గుర్తించిన అప్పటి సీఎం డాక్టర్‌ వై.ఎస్‌.రాజశేఖరరెడ్డి సిరిసిల్ల మహిళలకు సంపూర్ణ ఆర్థిక చేకూర్పు కల్పించారు. ఏకకాలంలో ఒక్కో మహిళకు రూ.50 వేలకు తగ్గకుండా బ్యాంకు రుణాలు ఇప్పించారు. 2009 జనవరి 1న సిరిసిల్ల నేత కార్మిక కుటుంబాలకు చెందిన మహిళలను హైదరాబాద్‌ పబ్లిక్‌ గార్డెన్‌కు పిలిచి రూ.35 కోట్లు అందించారు. సిరిసిల్ల మహిళలకు చీరలు అందించారు. వైఎస్సార్‌ చొరవతో దరి చేరిన ఆర్థిక చేకూర్పు ఇప్పుడు 18240 మంది సభ్యులతో 1604 సంఘాలతో రూ.128 కోట్ల లావాదేవీలతో సాగుతున్నాయి. స్వయం ఉపాధికి బాటలు సిరిసిల్ల మహిళలు బీడీలు చేస్తూ ప్రతీ వారం షేర్‌ముల్ల కడుతూ నానా కష్టాలు పడేవారు. వైఎస్సార్‌ స్ఫూర్తితో సంపూర్ణ ఆర్థిక చేకూర్పు దరిచేరడంతో మైక్రోభూతం మాయమైంది. ప్రతీ మహిళకు కనీసం రూ.50 వేలు రావడంతో ఆర్థిక వెసులుబాటు లభించింది. ఒక్క సిరిసిల్ల పట్టణంలోనే రూ.128 కోట్ల లావాదేవీలు జరగడంతో ఇక్కడి ప్రజల జీవనశైలిలో మార్పు వచ్చింది. కిరాణ దుకాణాలు, పూల వ్యాపారం, పిండిగిర్నీలు, బ్యాంగిల్‌స్టోర్స్, సాంచాల ఏర్పాటు, చీరల దుకాణాలు, మ్యాచింగ్‌ సెంటర్లు, బ్యూటీ పార్లర్లు, పాడిపశువుల కొనుగోళ్లు వంటి రంగాల్లో బ్యాంకు రుణాలు వినియోగించుకున్నారు. మహిళలకు ఆర్థిక క్రమశిక్షణను అలవాటు చేసేందుకు మెప్మా అధికారులు శిక్షణ ఇచ్చారు. సిరిసిల్ల మహిళలు ఆర్థికాభివృద్ధికి వైఎస్సార్‌ బాటలు వేశారు. నేతన్నలకు బాసట నేత కార్మిక కుటుంబాలకు వైఎస్సార్‌ బాసటగా నిలిచారు. ఆత్మహత్య చేసుకున్న నేత కార్మికులకు రూ.1.50 లక్షల చొప్పున ఆర్థిక సాయాన్ని 2004 నుంచి అందించారు. ఈ లక్షన్నరలో రూ.50వేలతో నేత కార్మికుడికి ఉన్న అప్పులన్నింటినీ అధికారులే సెటిల్‌ చేయాలి. మిగతా రూ.లక్షతో ఆ నేతన్న కుటుంబానికి పునరావాసం కల్పించే విధానాన్ని వైఎస్సార్‌ ప్రవేశపెట్టారు. 236 మంది నేత కార్మిక కుటుంబాలకు ఆసరా లభించింది. ఇప్పుడు ఆత్మగౌరవంతో బతికేందుకు అవకాశం ఏర్పడింది. వరుస ఆత్మహత్యలు జరిగినపుడు సిరిసిల్లకు వచ్చి కార్మిక కుటుంబాలను ఓదార్చారు. ఆందుకుంటామని భరోసా ఇచ్చారు. మెగా వైద్యశిబిరం ఏర్పాటు చేసి ఆరోగ్య సమస్యలు పరిష్కరించారు. సిరిసిల్ల ప్రాంతీయ ఆస్పత్రిలో మనోవికాస కేంద్రాన్ని ఆయనే ఏర్పాటు చేయడం విశేషం. ప్రతీ నేత కార్మికుడికి 35 కిలోల అంత్యోదయ కార్డులు, పింఛన్లు అందించారు. నేతన్నలను ఆదుకోవడంలో వైఎస్సార్‌ తనదైన ముద్ర వేశారు. జలయజ్ఞ ప్రదాత రామగుండం: దివంగత వైఎస్‌ఆర్‌ జలయజ్ఞ ప్రదాతగా చరిత్రలో నిలిచిపోయారు. ఇటీవల తెలంగాణ ప్రభుత్వం ప్రతిష్టాత్మకంగా నిర్మించిన కాళేశ్వరం ప్రాజెక్టులో ఎల్లంపల్లి ప్రాజెక్టు కీలకంగా మారిందనే విషయం సు స్పష్టం. దివంగత సీఎం వైఎస్‌.రాజశేఖరరెడ్డి హయంలో జలయజ్ఞంలో భాగంగా నిర్మించిన ఎల్లంపల్లి ప్రాజెక్టు ప్రస్తుతం రాష్ట్ర రాజధాని నలుమూలలకు తాగునీటిని అందించే స్థాయికి చేరింది. ప్రస్తుతం కాళేశ్వరం ప్రాజెక్టుకే ఎల్లంపల్లి ప్రాజెక్టు గుండెకాయ. కాళేశ్వరం ప్రాజెక్టు ఎల్లంపల్లి ప్రాజెక్టు బ్యాలెన్సింగ్‌ రిజర్వాయర్‌గా ఉపయోగపడుతుంది. కాళేశ్వరం ప్రాజెక్టు రివర్స్‌ పంపింగ్‌తో జలాలు లింక్‌–1లో భాగంగా ఎల్లంపల్లిలోకి ఎత్తిపోయడంతో ఎల్లంపల్లి ప్రాజెక్టు ప్రాధాన్యత దేశ,రాష్ట్రవ్యాప్తంగా విస్తరించింది. దివంగత సీఎం వైఎస్‌.రాజశేఖరరెడ్డి శ్రీపాద (ఎల్లం పల్లి)ప్రాజెక్టు పూర్తితో ఆయన ఆశయం నెరవేరడంతోపాటు కాళేశ్వరం ప్రాజెక్టుతో భావితరాలకు తాగునీటి అందించే స్థాయికి ఎల్లంపల్లి ప్రాజెక్టు చేరింది. ఫలితంగా నేటికీ రాష్ట్ర ప్రజ లు వైఎస్‌ఆర్‌ను తలుచుకుంటుండడంతో ఆయన ఆత్మకు శాంతి చేకూరినట్లయింది. ఉ మ్మడి రాష్ట్రంలో సీఎంగా ఉన్న వైఎస్‌.రాజశేఖరరెడ్డి ఎల్లంపల్లి ప్రాజెక్టును జూలై 28, 2004 లో శంకస్థాపన చేయగా గడిచిన ఐదేళ్ల నుంచి ఎల్లంపల్లి ప్రాజెక్టులో పూర్తిస్థాయి నీటి మట్టానికి నీటిని నిల్వ చేస్తున్నారు. దీనికి అప్పుడు రూ.2744 కోట్ల నిధులను కేటాయించారు. తెలంగాణ గుండెకాయ మిడ్‌మానేరు బోయినపల్లి (చొప్పదండి): దివంగత సీఎం డాక్టర్‌ వైఎస్‌ఆర్‌  రైతుపక్షపాతి. గోదావరి జలాలు శ్రీ రాజరాజేశ్వర ప్రాజెక్టు నుంచి కరీంనగర్‌ ఎల్‌ఎండీ ప్రాజెక్టును ముద్దాడుతున్నాయి. మెట్టప్రాంతాలకు సాగు, తాగు నీరు అందాలనే దశాబ్దాల రైతుల కళ నెరవేరే సమయం ఆసన్నమైంది. ప్రాజెక్టుల్లోకి చేరుతున్న నీరు రాజన్నకు నివాళి అర్పిస్తున్నాయి. తెలంగాణకు గుండెకాయ మిడ్‌మానేరు రాజన్న సిరిసిల్ల జిల్లా బోయినపల్లి మండలం మాన్వాడ వద్ద 25.873 టీఎంసీల నీటి నిల్వ సామర్థ్యం గల శ్రీరాజరాజేశ్వర (మధ్యమానేరు) ప్రాజెక్టుకు 2006లో అప్పటి సీఎం వైఎస్‌రాజశేఖరరెడ్డి శ్రీకారం చుట్టారు. మిడ్‌మానేరు ప్రాజెక్టు పూర్తి సామర్థ్యంతో 25 టీఎంసీలకు చేరితే ప్రాజెక్టు కుడి, ఎడమ కాలువలకు, ఎల్‌ఎండీకి, వేములవాడ గుడి చెరువుకు, కాళేశ్వరం–9,10  ప్యాకేజీల నుంచి మల్కపేట,అనంతగిరి, రంగనాయకసాగర్, మల్లన్నసాగర్, కొండపోచమ్మ తదితర ప్రాజెక్టులకు నీరు అందించే అవకాశం ఉంది. ప్రస్తుతం కాళేశ్వరం నుంచి ఎల్లంపల్లికి..అటు నుంచి నంది మేడారం మీదుగా రామడుగు లక్ష్మీపూర్‌ పంప్‌హౌస్‌కు..అక్కడి నుంచి వరదకాలువ మీదుగా మిడ్‌మానేరు ప్రాజెక్టుకు గోదావరి జలాలు తరలివస్తున్నాయి. మిడ్‌మానేరులో ఈనెల30 వరకు 15 టీఎంసీల నీరు చేరింది. సీఎం కేసీఆర్‌ ఆదేశాలతో ప్రాజెక్టు 25 గేట్ల నుంచి నీటిని విడుదల చేసి ఎల్‌ఎండీకి తరలిస్తున్నారు. డెడ్‌స్టోరేజికి చేరిన ఎల్‌ఎండీ ప్రాజెక్టు కొద్దిరోజులలో గోదావరి జలాలతో తాగు, సాగు నీరు అందించనుంది. జీవ నదిలా వరదకాలువ జలయజ్ఞంలో భాగంగా ఉమ్మడి నిజామాబాద్‌ జిల్లా బాల్కొండ ఎస్సారెస్పీ ప్రాజెక్టు నుంచి జగిత్యాల, మల్యాల, గంగాధర, రామడుగు మండలాల మీదుగా బోయినపల్లి మండలం వరదవెల్లి క్రాస్‌ రెగ్యులేటర్ల వరకు 122 కిలోమీటర్ల మేర వరదకాలువ నిర్మించారు. అప్పుడు వైఎస్సార్‌ వరదకాలువ నిర్మాణం చేపడితే కాలువలు ఎందుకు తవ్వుతున్నారని హేళన చేసిన వారు ఎందరో ఉన్నారు. రెండేళ్లుగా వరదకాలువలో చేరుతున్న నీరు రైతుల చేలకు ఊపిరిగా మారాయి. వరదకాలువ ఉన్న కొన్ని ప్రాంతాల్లో రివర్స్‌ పంపింగ్‌ పనులు జరుగుతున్నాయి. పనుల నేపథ్యంలో అక్కడ నీరు నిల్వ చేయలేదు. ప్రస్తుత ఖరీఫ్‌ సీజన్‌లో వరదకాలువ 99 కిలోమీటర్‌ నుంచి 122 కిలోమీటర్‌ వరకు గోదావరి జలాలు నిండుగా ఉండడంతో గంగాధర, రామడుగు, బోయినపల్లి మండలాల రైతులు వేల ఎకరాల్లో వరి సాగు చేస్తున్నారు. రూపం వైఎస్సార్‌..రూపశిల్పి కేసీఆర్‌ ప్రాజెక్టుల నిర్మాణ రూపం వైఎసార్‌ అయి తే..రూపశిల్పి కేసీఆర్‌ అయ్యారు. వైఎస్‌ మరణానంతరం ప్రాజెక్టుల పనులు పడకేశాయి. తెలంగాణ రాష్ట్రం ఏర్పడ్డాక సీఎం కేసీఆర్‌ ప్రాజెక్టుల నిర్మాణాలకు జీవం పోస్తున్నారు. మిడ్‌మానేరు నుంచి ఎల్‌ఎండీకి గోదావరి జలాలు తరలివెళ్తున్నాయి. మెట్టప్రాంతాలకు జీవం సిరిసిల్ల: మధ్యమానేరు(శ్రీరాజరాజేశ్వర) జలాశయం రూపశిల్పి దివంగత నేత వై.ఎస్‌.రాజశేఖరరెడ్డి. 2006లోనే మిడ్‌మానేరు ప్రాజెక్టుకు శంకుస్థాపన చేసి శ్రీకారం చుట్టారు. ఇప్పుడది నిండుకుండలా మారంది. 15 టీఎంసీల నీటితో కలకలలాడుతోంది.  ఇదీ మధ్యమానేరు నేపథ్యం రాజన్న సిరిసిల్ల జిల్లా బోయినపల్లి మండలం మాన్వాడ వద్ద 25.873 టీఎంసీల నీటి నిల్వ సామర్థ్యంతో జలాశయానికి దివంగత నేత వైఎస్‌. రాజశేఖరరెడ్డి 2006లో శ్రీకారం చుట్టారు.. సుమారు రూ.780 కోట్ల అంచనాలతో చేపట్టిన పనులు 12 ఏళ్ల తరువాత ప్రాజెక్టు తుది దశకు చేరి రైతుల భూములను తడిపేందుకు గోదారమ్మ ఎల్‌ఎండీకి తరలివచ్చింది. మధ్య మా‘నీటి’తో రైతుకు ప్రయోజనం దివంగత నేత డాక్టర్‌ వైఎస్సార్‌ చొరవతో రూపుదిద్దుకున్న ఈ ప్రాజెక్టు ఇప్పుడు సాకారంకావడం ఈప్రాంత రైతుల్లో ఆనందం వ్యక్తమవుతోంది. గంభీరావుపేట మండలం నర్మాల వద్ద సీఎం హోదాలో వైఎస్సార్‌.. ఎత్తిపోతల పథకానికి పైలాన్‌ ఆవిష్కరించారు. ఆయన ముందుచూపుతోనే మధ్యమానేరు జలాశయం, శ్రీరాంసాగర్‌ వరద కాల్వ పూర్తయిదని రైతులు గుర్తు చేసుకుంటున్నారు. వరదకాలువ నీటితో ఉపాధి మిడ్‌మానేరు డ్యాంలో మా ఊరు నీలోజిపల్లి మునిగింది.. పొలం, చేను పోయింది. జగ్గారావుపల్లి గ్రామ వరద కాలువ పరిసరాల్లో నాలుగు ఎకరాల మేర భూమి కొన్నా. వరదకాలువ నీళ్లతో ఏటా రెండు ఫసళ్లు వరి పంట వేస్తున్నా. వైఎస్‌ఆర్‌ నిర్మించిన వరదకాలువకు నీళ్తు వస్తున్నయి. వరద కాలువ నీటితో చేను పండి మా ఇంటికి ఉపాధి దొరుకుతోంది. – కడుదుల శ్రీనివాస్, నీలోజిపల్లి రైతు బోయినపల్లి వైఎస్సార్‌ జీవం పోశారు ఒకప్పుడు మా ప్రాంతం అంతా వర్షాలు లేక కరువుతో రైతులు గల్ఫ్‌ దేశాలు, ముంబాయి పోయేవారు. దివంగత మహానేత వైఎస్‌ఆర్‌ మధ్యమానేరు ప్రాజెక్టుకు భూమిపూజ చేయడం కారణంగానే ఇప్పుడు బావులు, బోర్లలో భూగర్భజలాలు పెరిగాయి. వైఎస్‌ చలువతోనే ఈ ప్రాంతం సుభిక్షంగా ఉండబోతుంది.  –  మ్యాక తిరుపతి, పాండలపురం

వైఎస్సార్‌... ఈ పేరు వింటే చాలు.. పేదవాడి మోములో చిరునవ్వు కనిపిస్తుంది.. తమ ఆత్మబంధువును తలుచుకున్నంతగా మది పులకిస్తుంది. ఆయన దూరమై పదేళ్లు గడిచినా.. నేటికీ ప్రతి హృదీ, ప్రతి మదీ ఆ నిలువెత్తు రాజసాన్ని తలుచుకోకుండా ఉండలేదు.. ఆయన ప్రతి అడుగు బడుగుల ఉన్నతి వైపే.. జలయజ్ఞంతో అపర భగీరథుడిగా మారి, గంగమ్మను ఒడిసిపట్టి రైతన్నకు అందించాడు. ఒక పంటే ఎక్కువన్న చోటు మూడు పంటలు పండాయి.. అన్నదాతల లోగిళ్లు సిరులతో నిండాయి. ఆరోగ్యశ్రీతో గుండె గుండెల్లో దేవుడుగా మారారు..పేదల ఊహకైనా అందని కార్పొరేట్‌ హాస్పటల్స్‌ను వారి ముంగిటకే తెచ్చి మహానుభావుడయ్యారు.  అన్నివర్గాల గుండెల్లో కొలువైన మహానేత డాక్టర్‌ వైఎస్‌ రాజశేఖరరెడ్డి భౌతికంగా దూరమై పదేళ్లు గడిచినా.. ఆ చెరగని చిరునవ్వు.. నిలువెత్తు రాజసం.. మాట ఇస్తే మడమతిప్పని నైజంతో ప్రతి గుండె గుడిలో  నేటికీ కొలువైఉన్నాడు.. నేడు మహానేత వర్థంతి సందర్భంగా ప్రత్యేక కథనం..  ‘కృష్ణా’ అభివృద్ధికి తపించిన మహానేత సాక్షి, అమరావతి బ్యూరో : మహానేత, దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డి తన సేవల ద్వారా జిల్లా ప్రజల హృదయాల్లో చిరస్థాయిగా నిలిచిపోయారు. కృష్ణా డెల్టాకు వరదలు వచ్చినప్పుడు జిల్లా రైతులు పడుతున్న కష్టాలను చూసి వైఎస్‌ చలించిపోయారు. అన్నపూర్ణగా పేరుగాంచిన కృష్ణా డెల్టా ముంపునకు గురవుతోందని భావించి 2008 జూన్‌ 6న మోపిదేవి వార్పు సర్‌ అర్ధర్‌ కాటన్‌ విగ్రహం వద్ద డెల్టా ఆధునికీకరణ పనులు ప్రారంభించారు. కృష్ణా డెల్టా పరిధిలో 13.06 లక్షల ఎకరాలు ఉండగా,  రూ.4,573 కోట్లతో డెల్టా ఆధునికీకరణ పనులకు పరిపాలనాపరమైన అనుమతులు ఇచ్చారు. ఇందులో 40 శాతం పనులు ఆయన హయాంలోనే పూర్తయ్యాయి. ఆ తర్వాత నుంచి ఇప్పటి వరకు 25 శాతం పనులు మాత్రమే పూర్తయినట్లు ఇరిగేషన్‌ శాఖ లెక్కలు చెబుతున్నాయంటే పాలకుల చిత్తశుద్ధి ఏపాటిదో అర్థమవుతోంది 1994 నుంచి బందరు పోర్టు డిమాండ్‌ రాష్ట్ర, జాతీయ స్థాయిలో వినిపించినా అప్పటి ముఖ్యమంత్రి చంద్రబాబు నాయుడు దానిని కనీసం పట్టించుకున్న దాఖలాలు లేవు. తూర్పు కృష్ణా ప్రజలు దాదాపుగా 25 ఏళ్లుగా బందరు పోర్టు డిమాండ్‌తో ఉద్యమించారు. ఈ క్రమంలో దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డి సాధ్యాసాధ్యాలను పరిశీలించి బందరు పోర్టు నిర్మించాలని నిర్ణయించారు. 2008 ఏప్రిల్‌ 23వ తేదీ రూ.1,500 కోట్లతో పోర్టు ఏర్పాటుకు ఆయన శంకుస్థాపన చేశారు. తదనంతరం దివంగత వైఎస్సార్‌ మరణించడంతో మళ్లీ బందరు పోర్టు వ్యవహారం మరుగునపడింది. బందరు ప్రజల ఆందోళన ఫలితంగా మళ్లీ 2012 మే 12న అప్పటి సీఎం కిరణ్‌కుమార్‌రెడ్డి సర్కారు 5,324 ఎకరాల భూమిని సేకరించేందుకు జీవో ఇచ్చింది. కానీ ఉత్తర్వులు అమలు కాలేదు. ఆ తర్వాత ముఖ్యమంత్రిగా పగ్గాలు చేపట్టిన చంద్రబాబు బందరు పోర్టును నిర్మిస్తామని గొప్పగా ప్రకటించారు. అయితే పోర్టు పేరుతో 1.05 లక్షల ఎకరాల రైతుల భూములు తీసుకొని కార్పొరేట్, విదేశీ కంపెనీలకు ధారాదత్తం చేయడానికి ఎత్తుగడ వేశారు.  ఈ క్రమంలో బందరు పోర్టు కోసం 28 గ్రామాల్లో 33 వేల ఎకరాల భూమిని తీసుకోవడానికి నోటిఫికేషన్‌ జారీ చేశారు. వాస్తవానికి పోర్టు నిర్మాణానికి 4,800 వేల ఎకరాలు సరిపోతుంది. కానీ వేల ఎకరాల భూమిని తీసుకోవడానికి యత్నిస్తూ రైతుల జీవితాలతో టీడీపీ సర్కారు చెలగాటమాడటంపై రైతన్నలు తీవ్ర ఆగ్రహం వ్యక్తం  చేస్తున్నారు.  దివి ఆపద్బాంధవుడు వైఎస్‌ అవనిగడ్డ: దివంగత ముఖ్యమంత్రి వైఎస్‌ రాజశేఖరరెడ్డి దివిసీమకు ఆపద్బాంధవునిగా చెప్పవచ్చు. కోట్లాది రూపాయల ఆధునికీకరణ పనులకు నియోజకవర్గంలోని పులిగడ్డలో శ్రీకారం చుట్టారు. అడగకుండానే విజయవాడ – పులిగడ్డ డబుల్‌లైన్‌ నిర్మాణం చేపట్టారు. భావదేవరపల్లిలో రాష్ట్రంలోనే తొలి మత్స్యకార పాలిటెక్నిక్‌ కళాశాలను ఏర్పాటు చేశారు. రూ.40కోట్లతో దివితీర ప్రాంత సముద్ర కరకట్ట అభివృద్ధి పనులతో పాటు వైఎస్‌ హయాంలో నియోజకవర్గంలో రూ.317.89 కోట్లు అభివృద్ధి పనులు చేపట్టిన రాజశేఖరరెడ్డి దివిసీమ ప్రజల గుండెల్లో చెరగని ముద్ర వేసుకున్నారు.   నూజివీడు అభివృద్ధిలో ‘వైఎస్‌’ మార్కు నూజివీడు: నూజివీడు అభివృద్ధిలో దివంగత ముఖ్యమంత్రి వైఎస్సార్‌ ‘మార్కు’ స్పష్టంగా కనిపిస్తుంది. ముఖ్యమంత్రి హోదాలో నూజివీడులో వైఎస్‌ రాజశేఖర్‌రెడ్డి మూడుసార్లు పర్యటించారంటే,  జిల్లాలోని నూజివీడు నియోజకవర్గంతో వైఎస్‌కు ఉన్న అనుబంధానికి తార్కాణంగా నిలుస్తోంది.  నూజివీడులో ‘వైఎస్‌ మార్కు’ అభివృద్ధిని ప్రతిపక్షాలు సైతం ఒప్పుకుంటాయి. ఎమ్మెల్యే మేకా ప్రతాప్‌అప్పారావు కృషితో పాటు, ఆయనపై ఉన్న ప్రత్యేక అభిమానంతో ఎమ్మార్‌ అప్పారావు కాలనీని ఏర్పాటు చేసి నాలుగు వేలమందికి నివేశన స్థలాలే కాకుండా నాలుగు వేల ఇళ్లు మంజూరు చేశారు. పట్టణ ప్రాంత ప్రజల దాహార్తిని శాశ్వతంగా పరిష్కరించేందుకు  అపర  భగీరథుడిలా కృష్ణాజలాల ప్రాజెక్టును రూ.66 కోట్లతో మంజూరు చేశారు. స్థానిక ఎస్‌ఆర్‌ఆర్‌ బాలుర ఉన్నత పాఠశాల ప్రాంగణంలో రూ.1.5 కోట్లతో సమీకృత వసతి గృహం (ఇంటిగ్రేటెడ్‌ హాస్టల్‌)ను ఏర్పాటుచేశారు.   ట్రిపుల్‌ఐటీతో మారిన నూజివీడు రూపురేఖలు నూజివీడులో ప్రతిష్టాత్మకమైన ట్రిపుల్‌ఐటీని స్థాపించి పట్టణానికి దేశపటంలో ప్రత్యేక గుర్తింపు తీసుకొచ్చారు. వేలాది మంది పేదవర్గాల, గ్రామీణ ప్రాంతాల విద్యార్థులకు ఉన్నతమైన సాంకేతిక విద్య లభిస్తోంది. ట్రిపుల్‌ఐటీలు నా మానసపుత్రికలని పలుమార్లు వైఎస్‌ చెప్పేవారు. సెప్టెంబర్‌ 29న, 2008న ట్రిపుల్‌ ఐటీ విద్యార్థులతో ముచ్చటించేందుకు వైఎస్‌ ఇక్కడకు వచ్చారు. అరగంటకు పైగా విద్యార్థులతో గడిపారు. అదేవిధంగా నూజివీడు ప్రాంతంలో మామిడి పరిశోధనా స్థానం, ఉద్యానవనపంటల చీడపీడల నియంత్రణకేంద్రాన్ని రూ.12కోట్లతో ఏర్పాటు చేశారు.  పులిగడ్డలోనే ఆధునికీకరణ పనులకు అంకురార్పణ  2006లో ఓగ్ని తుపాను వల్ల ముంపునకు గురైన ప్రాంతాల్లో నాటి ముఖ్యమంత్రి వైఎస్‌ రాజశేఖరరెడ్డి దివిసీమలో పర్యటించారు. 45 ఏళ్ల దివి చరిత్రలో అప్పడు అత్యధిక వర్షపాతం నమోదైంది.  ఇప్పటి వరకూ కురిసిన వర్షపాతం కంటే 25 శాతం అధికంగా వచ్చినా రైతులకు ఎలాంటి ఇబ్బంది కలుగకుండా డెల్టాను ఆధునీకీకరిస్తానని వైఎస్‌ హామీ ఇచ్చారు. ఇచ్చిన మాటకు కట్టుబడి  రూ.4,576 కోట్లతో డెల్టా ఆధునీకీకరణ పనులు చేపట్టారు. ఈ బృహత్తర పథకానికి 2008 జూన్‌ 6న అవనిగడ్డ మండలం పులిగడ్డవార్పు వద్ద శంకుస్థాపన చేశారు. ఈ పనుల వల్ల జిల్లాలో రూ.2,180కోట్లు, నియోజకవర్గంలో రూ547.93 కోట్లు పనులు జరిగాయి. దీనివల్ల నియోజకవర్గంలో 13 భారీ వంతెనలు, యూటీలు ఏర్పడ్డాయి. ఆరోగ్యశ్రీ మా ఆశాదీపాన్ని కాపాడింది దివంగత ముఖ్యమంత్రి వైఎస్‌ రాజశేఖరరెడ్డి ప్రవేశపెట్టిన ఆరోగ్యశ్రీ పథకం మా ఇంటి ఆశాదీపాన్ని కాపాడింది. మా కుమార్తెకు గుండెలో రంధ్రాలు ఏర్పడ్డాయి. వైద్యులకు చూపిస్తే లక్షల రూపాయలు ఖర్చు అవుతుందని చెప్పారు. చిరుద్యోగినైన నాకు అంత ఖర్చు పెట్టి ఆపరేషన్‌ చేయించే స్తోమత లేకపోవడంతో కుటుంబ సభ్యులమంతా బాధపడేవాళ్లం. అప్పుడే దివంగత ముఖ్యమంత్రి రాజశేఖరరెడ్డి అధికారంలోకి రావడం, ఆయన ప్రవేశపెట్టిన ఆరోగ్యశ్రీ పథకం మా పాపను కాపాడింది. ఆరోగ్యశ్రీ పథకం ద్వారా మా పాపకు ఆపరేషన్‌ విజయవంతంగా జరిగింది. మాలాంటి ఎన్నో కుటుంబాలకు వైఎస్‌ పథకాలు ఎంతో ఉపయోగపడ్డాయి. వైఎస్‌కు మా కుటుంబ సభ్యులం ఎంతో రుణపడి ఉన్నాము. – వై. రామకృష్ణ దంపతులు, మైలవరం దివంగత ముఖ్యమంత్రి వైఎస్‌ రాజశేఖరరెడ్డి ప్రవేశపెట్టిన ఆరోగ్యశ్రీ పథకం మా ఇంటి ఆశాదీపాన్ని కాపాడింది. మా కుమార్తెకు గుండెలో రంధ్రాలు ఏర్పడ్డాయి. వైద్యులకు చూపిస్తే లక్షల రూపాయలు ఖర్చు అవుతుందని చెప్పారు. చిరుద్యోగినైన నాకు అంత ఖర్చు పెట్టి ఆపరేషన్‌ చేయించే స్తోమత లేకపోవడంతో కుటుంబ సభ్యులమంతా బాధపడేవాళ్లం. అప్పుడే దివంగత ముఖ్యమంత్రి రాజశేఖరరెడ్డి అధికారంలోకి రావడం, ఆయన ప్రవేశపెట్టిన ఆరోగ్యశ్రీ పథకం మా పాపను కాపాడింది. ఆరోగ్యశ్రీ పథకం ద్వారా మా పాపకు ఆపరేషన్‌ విజయవంతంగా జరిగింది. మాలాంటి ఎన్నో కుటుంబాలకు వైఎస్‌ పథకాలు ఎంతో ఉపయోగపడ్డాయి. వైఎస్‌కు మా కుటుంబ సభ్యులం ఎంతో రుణపడి ఉన్నాము. – వై. రామకృష్ణ దంపతులు, మైలవరం మత్స్య పరిశ్రమలో సాంకేతిక విప్లవం తీసుకురావాలని వైఎస్‌ రాజశేఖరరెడ్డి ఆకాంక్షించారు. ఈ రంగంలో మంచి నిపుణులను తయారు చేయాలన్న సంకల్పంతో వైఎస్‌ దేశంలోనే తొలి ఫిషరీస్‌  పాలిటెక్నిక్‌ కళాశాలను నాగాయలంక మండలం భావదేవరపల్లిలో ఏర్పాటు చేశారు. 2007 సెప్టెంబర్‌ 7వ తేదీన అవనిగడ్డ గాంధీక్షేత్రంలో ఈ కళాశాలను తాత్కాలికంగా ఏర్పాటు చేయగా, అనంతరం భావదేవరపల్లిలో 8.58 ఎకరాల విస్తీర్ణంలో రూ.2కోట్లతో నిర్మించిన నూతన భవనాల్లోకి ఈ కళాశాలను  మార్చారు. ఈ కళాశాల నుంచి వందలాది మంది మత్స్య             నిపుణులు తయారయ్యారు. ప్రాణభిక్ష పెట్టిన దేవుడు కూలి పనులకు వెళితేనే పూటగడిచే నాకు గుండె సంబంధ వ్యాధి  రావడంతో మా కుటుంబ సభ్యులు తీవ్ర ఆందోళనకు గురయ్యారు. పైసా చేతిలో లేకుండా గుండె ఆపరేషన్‌ చేయించడమెలాగని మధనపడుతున్న సమయంలో మహానేత వైఎస్‌ రాజశేఖరరెడ్డి ప్రవేశపెట్టిన ఆరోగ్యశ్రీ పథకం నా ప్రాణాలు కాపాడింది.  2006లో విజయవాడలోని ఒక కార్పొరేట్‌ ఆసుపత్రిలో నేను శస్త్రచికిత్స చేయించుకుని, నెలరోజుల పాటు ఆసుపత్రిలోనే ఇన్‌పేషెంటుగా ఉన్నాను. ఒక్క రూపాయి కూడా మేము ఖర్చు చేయవలసిన అవసరం లేకుండా ప్రభుత్వమే పూర్తిస్థాయిలో భరించింది.  సంపూర్ణ ఆరోగ్యంతో ఇంటికి తిరిగి వచ్చేటపుడు మా ప్రయాణఖర్చులు కూడా అధికారులు చెల్లించారు.  రుణమాఫీతో అంతా హ్యాపీ మహనీయుడు దివంగత వైఎస్‌ రాజశేఖరరెడ్డి రుణ మాఫీ పథకంతో నాకు ఒకేసారి పూర్తిగా రుణ మాఫీ జరిగింది. మైలవరం మండలం వెల్వడం గ్రామం భాస్కరనగర్‌లో నివాసం ఉంటూ వ్యవసాయం చేసుకుంటూ కుటుంబాన్ని పోషించుకుంటున్నాను. నాకు భార్య, ఇద్దరు ఆడ పిల్లలు. 2004లో బంగారం బ్యాంకులో తాకట్టు పెట్టి వ్యవసాయానికి రుణం తీసుకున్నాను. వ్యవసాయంలో బాగా నష్టం వచ్చింది. ఆ రుణం ఎలా తీర్చాలా అని బాధపడేవాడిని, బంగారం స్టేట్‌ బ్యాంకులో పెట్టి రూ. 60వేలు రుణం తీసుకుని వ్యవసాయానికి పెట్టుబడి పెట్టాను, ఆ ఏడాది పంటలు సరిగా పండక వ్యవసాయంలో తీవ్రంగా నష్టపోయాను. ఇద్దరు ఆడపిల్లల పెళ్లిళ్లు ఎలా చేయాలా అని మథనపడేవాడిని.          రాత్రిళ్లు నిద్ర కూడాపట్టేది కాదు. భగవంతుడిలా వైఎస్‌ రాజశేఖరరెడ్డి అధికారంలోకి రావడం ముఖ్యమంత్రి కావడం తొలి సంతకం రుణ మాఫీ ఫైల్‌పై సంతకం చేయడంతో నా రుణం ఒక్కసారిగా మాఫీ జరిగింది. బ్యాంకు సిబ్బంది ఇంటికి వచ్చి రుణ మాఫీ జరిగిందని చెప్పిన తరువాత నాకు ఉపశమనం కలిగింది. మా కుటుంబం మొత్తం వైఎస్‌కు రుణపడి ఉన్నాం.                                                               – అవులూరి ప్రతాపరెడ్డి, వెల్వడం,  మైలవరం మండలం 

‘ప్రజల్లో నుంచి పుట్టిన నాయకుడు ఆయన. ప్రజాకాంక్షకు తగ్గట్టు పాలన అందించిన మహానేత. పేద ప్రజల జీవన ప్రమాణాలు మెరుగయ్యేలా కులమతాలకు, పార్టీలకు అతీతంగా సంక్షేమ పథకాలను అమలు చేసి పల్లె కన్నీరు తుడిచిన మనసున్న మారాజు.’’ ఆయనకు గుంటూరు జిల్లాతో విడదీయ రాని అనుబంధం ఉంది.  తండ్రిబాటలో ముఖ్యమంత్రి వైఎస్‌ జగన్‌మోహన్‌రెడ్డి రైతులు, మహిళలతోపాటు అన్ని వర్గాల ప్రజల ముంగిటకు సంక్షేమ పథకాలు అందించే ప్రణాళికను ప్రకటించారు. నిరుద్యోగులకు గ్రామ వలంటీర్‌లు, గ్రామ, వార్డు సచివాలయాల ద్వారా జిల్లాలో వేలాది ఉద్యోగాల భర్తీకి శ్రీకారం చుట్టి తండ్రి తగ్గ తనయుడిగా పేరు తెచ్చుకొన్నారు.  సాక్షి,అమరావతి : జిల్లాపై మహానేత డాక్టర్‌ వైఎస్‌ రాజశేఖర్‌రెడ్డి చెరగని ముద్ర వేశారు. ఎందరికో రాజకీయ భిక్ష పెట్టారు. పులిచింతల ప్రాజెక్టుకు అంకురార్పణ చేసి డెల్టాను సస్యశ్యామలంగావించారు. ఆరోగ్యశ్రీకి ఈ జిల్లాలోనే అంకురార్పణ చేశారు.  పేదోడు తలెత్తుకుని కార్పొరేట్‌ ఆస్పత్రికి వెళ్లి వైద్యం చేయించుకుంది మహానేత హయాంలోనే. రైతుల బతుకు చిత్రాన్ని మార్చే క్రమంలో ఆయన 1.50 లక్షల కోట్ల రూపాయల అంచనాతో జలయజ్ఞం కింద రాష్ట్రంలో 86 ప్రాజెక్టులు చేపట్టారు. వైఎస్సార్‌ చివరి సంతకం చేసిన ఫైల్‌ కూడా జిల్లాలో మిర్చి రైతులకు వాతావరణ ఆధారిత బీమా కింద ప్రయోజనం చేకూర్చేదే. కావడం గమనార్హం.  రాజ్యం మేలు కోరిన పాలకుడు తెనాలి: వైఎస్సార్‌ సీఎంగా పగ్గాలు చేపట్టాక తెనాలి ప్రాంతమే కాదు, కృష్ణా డెల్టాకు చిరకాలంగా కలగా మిగిలిన  పులిచింతల రిజర్వాయరుకు శంకుస్థాపన చే శారు. బహిరంగసభను తెనాలిలో నిర్వహించారు. పోలవరం ప్రాజెక్టుతో గోదావరి జలాలను కృష్ణానదికి రప్పించి, డెల్టా ప్రాంతానికి నీటికరువు లేకుండా చేస్తావుని ప్రకటించారు. అయిదేళ్లలో పులించింతలను సాకారం చేశారు. పోలవరం పనుల్లోనూ పురోగతిని సాధించిన విషయం తెలిసిందే.  2004 ఎన్నికల ప్రచారంలో భాగంగా దుగ్గిరాలలో మాట్లాడుతూ అధికారంలోకి వచ్చాక డెల్టా ప్రాంతంలో రెండు పంటలకు నీరిస్తావుని హామీనిచ్చారు. ముఖ్యమంత్రి పదవిని చేపట్టాక అయిదేళ్లూ ఆ మాటను నిలబెట్టుకుంటూ వచ్చారు. అంతుకు ముందెన్నడూ లేనివిధంగా 2008లో 2.20 లక్షల ఎకరాల విస్తీర్ణంలో సాగుచేసిన మెుక్కజొన్న పైరుకు 2009 ఏప్రిల్‌ వరకు సాగునీరిచ్చి సహకరించిన వైనాన్ని రైతులు ఇప్పటికీ గుర్తు చేసుకుంటారు. ఇందిరమ్మ పథకం ఫేజ్‌–2 ఆరంభానికి అప్పటి ఏఐసీసీ అధినేత్రి సోనియాగాంధీని రప్పించటమే కాకుండా Üమీపంలోని కొల్లిపర మండలం తూములూరులో శంకుస్థాపన చేయించారు. గుంటూరు–హనువూన్‌పాలెం డబుల్‌ లైన్‌ రహదారి, కొల్లిపర గ్రామం నుంచి కృష్ణా కరకట్ట వరకు రెండు లైన్ల సిమెంటు రహదారి, రూ.112 కోట్లతో కృష్ణా కుడి వరదకట్ట విస్తరణ, మున్నంగిలో 33 కేవీ విద్యుత్‌ సబ్‌స్టేషన్‌తో సహా వందల కోట్ల రూపాయల అభివృద్ధి పనులను ఇక్కడ నుంచే ప్రారంభించారు.    గొడవర్రు వద్ద బ్యాంక్‌ కెనాల్‌పై బల్లకట్టు మునిగి 14 మంది చనిపోతే, మరో ఏడాదికల్లా కృష్ణా పశ్చిమ మెయిన్‌ కెనాల్, రేపల్లె బ్యాంక్‌ కెనాల్‌పై 17 చోట్ల కాలిబాట వంతెనలు నిర్మింపజేశారు. తెనాలిలో నిర్మించిన రాజీవ్‌ గృహకల్ప గృహ సముదాయాలను 2009 జనవరి 28న వచ్చిన వైఎస్‌ ప్రారంభించారు.  యడ్ల లింగయ్యకాలనీలో అగ్ని ప్రమాదం కారణంగా ఇళ్లు కోల్పోయిన బాధితులకు నూరు శాతం ఉచితంగా పక్కా గృహాల నిర్మాణానికి ప్రత్యేకంగా జీవో ఇప్పించారు. చంద్రబాబునాయుడు కాలనీలో మురుగు కాలువల నిర్మాణానికి రూ.30 లక్షలు మంజూరు చేశారు. డాక్టర్‌ వైఎస్‌ రాజశేఖరరెడ్డి వుుఖ్యవుంత్రి బాధ్యతలు స్వీకరించే నాటికి రాష్ట్రంలో 3 వేల మంది కళాకారులకు రూ.200 పింఛనును అందిస్తున్నారు. అప్పటికింకా 21 నెలల బకాయిలు చెల్లించాల్సి ఉంది. వైఎస్‌ దృష్టికి ఈ విషయం రాగానే కళాకారుల 21 నెలల బకాయిలు చెల్లించేశారు. పింఛను మొత్తాన్ని రూ.500 చేశారు. అప్పటి వరకు ఉన్న 3 వేల మందికి అదనంగా మరో 7 వేల మందికి పెన్షన్లను మంజూరు చేశారు. నెరవేరిన పులిచింతల కల గుంటూరు, కృష్ణా జిల్లాలకు పులిచింతల ప్రాజెక్టు గుండెకాయ లాంటిది. విజయవాడ, గుంటూరు నగరాల తాగు నీటి అవసరాలు తీర్చడంతోపాటు, కృష్ణా పశ్చిమ డెల్టాను సస్యశ్యామలం చేస్తుంది.  ప్రాజెక్టు సామర్థ్యం 47.45 టీఎంసీలు. తరువాత ప్రాజెక్టు అంచనాలు పెరిగాయి. 2013లో ప్రాజెక్టుకు సీఎం కిరణ్‌కుమార్‌రెడ్డి ప్రారంభించారు. తెలుగుదేశం ప్రభుత్వం పులిచింతల నిర్వాసితులకు సంబంధించి పరిహారం ఇవ్వకుండా నిర్లక్ష్యంగా వ్యవహరించింది. దీంతో ప్రాజెక్టులో పూర్తి స్థాయిలో నీటిని నిలువ చేయకుండా కిందికి విడుదల చేయాల్సిన దుస్థితి నెలకొంది. ఈ ఏడాది పులిచింతల ప్రాజెక్టులో 40 టీఎంసీలకుపైగా నీటిని నిల్వ చేశారు. ఈ నీరుతో కృష్ణా తూర్పు, పశ్చిమ ఆయకట్టు రైతులకు భరోసా ఏర్పడింది. గుంటూరు, విజయవాడ నగరాలకు తాగునీటి అవసరాలకు ఇబ్బంది లేకుండా పోయింది.  నాగార్జున సాగర్, జవహర్‌ కాలువల ఆధునికీకరణ పనులు నాగార్జున సాగర్‌ ప్రాజెక్టు ఆధునికీకరణ పనులను ప్రపంచ బ్యాంకు, రాష్ట్ర ప్రభుత్వం భాగస్వామ్యంతో 2008లో రూ. 4444.4 కోట్లతో పనులను చేపట్టారు. ఈ పనుల్లో భాగంగానే గుంటూరు జిల్లా పరిధిలోని ప్రధాన కాలువ, బ్రాంచ్‌ కాలువ ఆధునికీకరణ పనులు, డిస్ట్రిబ్యూటరీ పనులు సాగాయి. కుడికాలువ పరిధిలో లైనింగ్‌ పనులను చేపట్టారు. ఈ పనులను 2018 జూలై నాటికి పూర్తి చేయాలని నిర్దేశించారు. అయితే ఇప్పటి వరకు రూ. 2,832.69 కోట్లు మాత్రమే ఖర్చు చేశారు. ఇందులో ప్రపంచ బ్యాంకు వాటా 48 శాతం కాగా.. రాష్ట్ర ప్రభుత్వం వాటా 52 శాతంగా ఉంది. డాలరు మారకపు విలువతో రూ.900 కోట్ల నిధులతో కాలువల అధునికీకరణ పనులు చేపట్టే అవకాశం వచ్చినప్పటికీ.. అప్పటి రాష్ట్ర ప్రభుత్వం పూర్తి స్థాయిలో పనులు చేపట్టకుండా నిర్లక్ష్యంగా వ్యవహరించింది. గడువు ముగుస్తున్న తరుణంలో హడావిడిగా కేవలం రూ.400 కోట్లతో మాత్రమే పనులు చేపట్టారు.. జిల్లాపై ఎనలేని మమకారం జిల్లా ప్రయోజనాలను దృష్టిలో ఉంచుకుని ఆర్థికంగా, రాజకీయంగా గుంటూరుకు వైఎస్‌ అధిక ప్రాధాన్యాన్ని కల్పించారు. జిల్లాకు నాలుగు మంత్రి పదవులను కేటాయించటంతోపాటు పథకాల అమల్లో పెద్ద పీట వేశారు. రాష్ట్ర వ్యాప్తంగా చేసిన 12 వేల కోట్ల రుణమాఫీలో జిల్లా రైతులకు రూ.560 కోట్ల మేర రైతులకు ప్రయోజనం చేకూరింది. ఇందిర ప్రభ జిల్లాలో ప్రారంభించారు. రాజీవ్‌ పల్లెబాటలతో ఎన్నో గ్రామాలకు దాహార్తిని తీర్చారు. గుంటూరు నగరానికి దాహార్తి తీర్చేందుకు రూ 6.50 కోట్లతో తక్కెళ్ళపాడు రా వాటర్‌ ప్లాంటు నుంచి తక్కెళ్ళపాడు నీటి శుద్ధి ప్లాంటు వరకు రెండో పైప్‌లైన్‌ నిర్మించారు. విద్యుత్‌ బకాయిల మాఫీ, ఉచిత విద్యుత్‌ పథకం ద్వారా లక్ష మందికిపైగా రైతులు లబ్ధి పొందుతున్నారు. తెనాలిలో తాగునీటి ప్రాజెక్టు శంకుస్థాపన (ఫైల్‌)  ఐదేళ్లలో 57 సార్లు పర్యటన: ఏ సీఎం తిరగని రీతిలో ముఖ్యమంత్రి హోదాలో డాక్టర్‌ వైఎస్సార్‌ జిల్లాలో పర్యటించారు. జిల్లా ప్రజల చిరకాల స్వప్నంగా నిలిచిపోయిన పులిచింతల ప్రాజెక్టును 2004 అక్టోబర్‌ 15న రూ.682 కోట్ల రూపాయలతో శంకుస్థాపన చేశారు. నిరుపేదల పాలిటి అపర సంజీవనిగా పేరొందిన ఆరోగ్యశ్రీ పథకాన్ని 2008లో గుంటూరు నుంచే ఆయన ప్రారంభించటం జిల్లా చరిత్రలో మర్చిపోలేని విషయం. ఇలా ఎన్నో సంక్షేమ పథకాలకు జిల్లాలోనే అంకురార్పణ చేశారు.  జలయజ్ఞం పనులతో రూపు రేఖలు మార్చిన  మహానేత... దివంగత మహానేత డాక్టర్‌ వైఎస్,రాజశేఖరరెడ్డి జిల్లాలో నీటి పారుదల ప్రాజెక్టులపై  ప్రత్యేక దృష్టి సారించారు. జిల్లాలో జలయజ్ఞం పథకం కింద పులిచింతల ప్రాజెక్టు, నాగార్జున సాగర్, జవహర్‌ కాలువల∙ఆధునికీకరణ పనులు, కృష్ణా,పశ్చిమ డెల్టా ఆధునికీకరణ పనులను చేపట్టారు. మొత్తం మీద నీటిపారుదల రంగానికి దాదాపు రూ. 6వేల కోట్లు జలయజ్ఞం పనులు చేసి జిల్లా రూపు రేఖలనే మార్చారు. కృష్ణా పశ్చిమ డెల్టా  గుంటూరు జిల్లాలో కృష్ణా పశ్చిమ డెల్టా ఆధునికీకరణ పనుల కోసం 2008లో వైఎస్సార్‌ రూ. 835.33 కోట్లతో పనులు చేపట్టారు. ఇందులో రూ. 390.83 కోట్ల పనులు మాత్రమే పూర్తయ్యాయి. మిగిలిన పనులు పెండింగ్‌లోనే ఉన్నాయి. ఇప్పటికీ పూర్తి స్థాయిలో కాలువల అధునికీకరణ పనులు జరగని దుస్థితి నెలకొంది. తెనాలిలో నగరబాటలో భాగంగా 2008 జనవరిలో రూ. 97 కోట్ల విలువైన రక్షిత మంచినీటి పథకానికి వైఎస్‌ శంకుస్థాపన చేశారు. దీంతోపాటు ఇందిరప్రభ ద్వారా 13 వేల ఎకరాల భూమిని నిరుపేదలకు పంపిణీ చేశారు. రాజీవ్‌ పల్లెబాట కార్యక్రమానికి ఇక్కడే శ్రీకారం చుట్టారు. జిల్లాలో దివంగత మహానేత డాక్టర్‌ వైఎస్‌ రాజశేఖరరెడ్డి హయంలో చేపట్టిన పనులు ప్రజల మదిలో నిలిచిపోయాయి. ఆరోగ్యశ్రీకి మళ్లీ మంచి రోజులొచ్చాయి ఆరోగ్యశ్రీ పథకానికి మళ్లీ మంచి రోజులొచ్చాయి. చరిత్ర సృష్టించే విధంగా మహానేత డాక్టర్‌ వైఎస్‌ రాజశేఖర్‌రెడ్డి ఆరోగ్యశ్రీ పథకం ప్రారంభించి ఎందరికో ప్రాణదానం చేశారు. తిరిగి నేడు ఆయన బిడ్డ వైఎస్‌ జగన్‌మోహన్‌రెడ్డి ఆ పథకానికి జీవం పోశారు. వీరిద్దరి పాలనలోనే ఆరోగ్యశ్రీ పథకం పూర్తిస్థాయిలో అమలు జరుగుతోంది. నాడు మహానేత నేడు ఆయన తనయుడు ప్రజా నాయకులుగా నిలిచిపోయారు.   – కేసరి నర్సింహా రెడ్డి, నకరికల్లు ఇంత మొత్తంలో ఉద్యోగాల కల్పన ఇదే తొలిసారి  ఉపాధిమార్గం కల్పిస్తేనే అభివృద్ధి సాధ్యపడుతుందని విశ్వసించే ముందుచూపున్న గొప్ప నాయకుడు వైఎస్‌ జగన్మోహన్‌రెడ్డి. అప్పట్లో మహానేత డాక్టర్‌ వైఎస్‌ రాజశేఖర్‌రెడ్డి భారీగా ఉద్యోగాలను కల్పించి ఎందరో నిరుద్యోగులకు ఉపాధి మార్గం చూపారు. నేడు ఆయన తనయుడు ముఖ్యమంత్రి వైఎస్‌ జగన్మోహన్‌రెడ్డి వలంటీర్లు, గ్రామ సచివాలయాల ద్వారా లక్షలాది మందికి ఉపాధినిస్తున్నారు. ఇంతస్థాయిలో ఉద్యోగాలు కల్పించడమనేది చరిత్రలో అరుదైన ఘట్టం. ఇదే సమయంలో సంక్షేమాన్ని పరుగులు పెట్టిస్తూ తండ్రికి తగ్గ తనయుడిగా వైఎస్‌ జగన్‌మోహన్‌రెడ్డి పేరు తెచ్చుకుంటున్నారు.   – షేక్‌.హుస్సేన్, నకరికల్లు రాజన్న దయ వల్లే నాకు పునర్జన్మ  నా పేరు గుంటూరు భూలక్ష్మి. నా భర్త శ్రీనివాసరావు సెంట్రింగ్‌ పని చేస్తుంటాడు. కుమారుడు రాజేష్‌ సెల్‌ మెకానిక్‌ చేస్తుండగా, నా కుమార్తె నాగజ్యోతి పీజీ విద్యనభ్యసించడంతో వివాహం చేశాం. నాకు గుండెల్లో నొప్పి రావడంతో ప్రైవేటు వైద్యశాలను ఆశ్రయించా. గుండె ఆపరేషన్‌ చేయాలని లేకపోతే ప్రాణాలకు ప్రమాదమని చెప్పారు. ఆ సమయంలో వైఎస్‌ రాజశేఖరరెడ్డి ప్రవేశపెట్టిన ఆరోగ్యశ్రీ ద్వారా ఆపరేషన్‌ చేయించుకుని బతికి బయట పడ్డా. రాజన్న వల్లే నేను ప్రాణాలతో ఉన్నా. నాకు ఆపరేషన్‌తోపాటు ఆరోగ్యశ్రీ ద్వారానే ఇంటికి వెళ్లడానికి చార్జీలు, మందులు కూడా ఉచితంగా ఇచ్చి పంపించారు. నా కుమార్తె ఫీజు రీయింబర్స్‌మెంట్‌ ద్వారా పీజీ చదివింది. పక్కా గృహాన్ని రాజన్న హయాంలోనే నిర్మించుకున్నా.  – గుంటూరు భూమలక్ష్మి, సాలిపేట, సత్తెనపల్లి అన్నదాతకు భరోసా ఇచ్చారు  నా పేరు బాపతు శివారెడ్డి. నా భార్య వెంకాయమ్మ. నాకు నందిని, నాగలక్ష్మి, నాగజ్యోతి ముగ్గురు కుమార్తెలు ఉన్నారు. నాకు 2.25 ఎకరాల పొలం ఉంది. వ్యవసాయం చేస్తూ జీవిస్తున్నాం. పంటలు పండక అప్పులపాలు కావడంతో పొలం అమ్మకానికి పెడు తున్న తరుణంలో రాజశేఖరరెడ్డి రైతుల రుణాలు మాఫీ చేశారు. ఆ సమయంలో నాకు రూ. 90 వేలు రుణమాఫీ అయ్యింది. అంతేగాక నా కుమార్తె నందిని డిగ్రీ, నాగలక్ష్మిని పీజీ, నాగజ్యోతిని ఇంజినీరింగ్‌ ఫీజు రీయింబర్స్‌మెంట్‌ ద్వారా చదివించాను. రూపాయి ఖర్చు లేకుండా ఉన్నత విద్యనభ్యసించారు. ఆయన హయాంలోనే పక్కా గృహం నిర్మించుకున్నా. అన్నదాతలను ఆదుకున్న మహానేత రాజశేఖరరెడ్డిని ఎప్పటికీ మరిచిపోలేం.  – బాపతు శివారెడ్డి, శాలివాహననగర్, సత్తెనపల్లి

అర్హులందరికీ సంక్షేమ పథకాలు.. నిరుపేదలకు ఉన్నత చదువులు... పేదోడికి చిన్న జబ్బు చేసినా ఆదుకునే ఆరోగ్యశ్రీ...కరువు సీమలో పారుతున్న కృష్ణా జలాలు...పంటపోయినా రైతు కుంగిపోకుండా ఆదుకునే పంటల బీమా...అన్నీ ఆయన చలువే. ఆ మహానేత పాలనలోనే. అందుకే రాజన్నను  ‘అనంత’ జనం గుండెల్లో పెట్టుకుని చూసుకుంటున్నారు. వైఎస్సార్‌ భౌతికంగా దూరమై దశాబ్దమవుతున్నా...‘అనంత’ అభివృద్ధి జ్ఞాపకంగా నిత్యం ఆయన వెలుగొందుతూనే ఉన్నారు.  వైఎస్సార్‌ ..... ఈ పిలుపు తెలుగువారి గుండెల చప్పుడు. సంక్షేమ పథకాల అమలులో దేశానికే  దార్శనీకుడుగా. రాజన్న అనే పిలుపునకు సార్థకత చేకూర్చిన వాడు. రైతు, పేదల పక్షపాతిగా పేరొందిన మహనీయుడు. అక్కాచెల్లెమ్మలకు ఆసరా ఇచ్చిన అనుంగు సోదరుడు. ఫీజు రీయింబర్స్‌మెంట్‌తో ఎంతోమంది నిరుపేద విద్యార్థుల ఉన్నత చదువులకు చేయూతనిచ్చి, ఉన్నత శిఖరాలు అధిరోహించడానికి దోహదపడిన మహోన్నతుడు. ముస్లిం, మైనార్టీలకు నాలుగు శాతం రిజర్వేషన్‌ కల్పించి.. వారి జీవితాల్లో వెలుగులు నింపిన రారాజు. దేశంలో ఎక్కడా లేని విధంగా ఆరోగ్యశ్రీ పథకం ద్వారా ఎందరికో ప్రాణభిక్ష పెట్టిన ప్రాణదాత. ఇవి మచ్చుకు మాత్రమే! రాష్ట్ర ప్రజలకు ఏమి కావాలో అన్నీ అడగకముందే అందించిన సుపరిపాలకుడు వైఎస్‌ రాజశేఖరుడు. అలాంటి మహానేత, పేదల గుండెల చప్పుడు అయిన రాజశేఖరరెడ్డి భౌతికంగా దూరమై పదేళ్లు గడిచినా.. నేటికీ ఆయన మనమధ్యే ఉన్నట్లు ప్రజలు భావిస్తున్నారు. ఆయన జ్ఞాపకాలు చెరిగిపోలేదు. నేడు వైఎస్సార్‌ వర్ధంతి సందర్భంగా ఆయన జ్ఞాపకాలు మననం చేసుకుంటూ.. తాడిపత్రిపై రాజన్న ముద్ర... తాడిపత్రి పట్టణంలో అభివృద్ధి జరిగిందంటే అది మహానేత డాక్టర్‌ వైఎస్‌ రాజశేఖర్‌రెడ్డి హయాంలోనే అన్నది అక్షర సత్యం. పట్టణంలోని మున్సిపల్‌వార్డుల్లో ప్రతి వీధిలో సీసీ రోడ్లు నిర్మించారు. జాతీయ రహదారిని తలపించేలా సీబీ రోడ్డును నిర్మించారు. సుమారు రూ. 38 కోట్ల వ్యయంతో రైల్వే ఓవర్‌ బ్రిడ్జిని నిర్మించారు. అలాగే పీఎబీఆర్‌ స్టేజ్‌–2 కింద తాడిపత్రి నియోజకవర్గంలోని 50 వేల ఎకరాల ఆయకట్టుకు నీటిని అందించాలన్న లక్ష్యంతో చాగల్లు ప్రాజెక్ట్‌ నిర్మించారు. పెద్ద పప్పూరు మండలం చాగల్లు గ్రామం వద్ద పెన్నానదిపై రూ.244 కోట్ల వ్యయంతో ఈ ప్రాజెక్ట్‌ను నిర్మించారు. పెద్దపప్పూరు, తాడిపత్రి, యాడికి మండలాల్లోని 18,500 ఎకరాల ఆయకట్టుకు సాగునీరు అందించేలా పెండేకల్లు ప్రాజెక్ట్‌ను నిర్మించారు. పెద్దవడుగూరు, యాడికి, పెద్దపప్పూరు.తాడిపత్రి మండలాల పరిధిలోని 38 గ్రామాలకు లబ్ధి చేకూరేలా రూ.190 కోట్ల వ్యయంతో యాడికి కాలువ పనులకు 2005, మార్చి 20న డాక్టర్‌ వైఎస్సార్‌ శంకుస్థాపన చేశారు. సుమారు 50వేల ఎకరాలకు సాగునీటిని అందించాలని లక్ష్యంగా పెట్టుకున్నారు. అన్నింటా అగ్రస్థానం వైఎస్సార్‌ హయాంలో మడకశిర నియోజకవర్గం అన్ని రంగాల్లో అభివృద్ధి సాధించింది. జిల్లాలోనే పూర్తిగా వెనుకబడిన ఈ నియోజకవర్గాన్ని అభివృద్ధిలో అగ్రభాగాన నిలిపిన ఘనత వైఎస్సార్‌దే. నియోజకవర్గాన్ని విద్యాకేంద్రంగా మార్చారు.  మడకశిరలో వ్యవసాయ ఇంజనీరింగ్‌ కళాశాల, వ్యవసాయ, హార్టికల్చర్, వెటర్నరీ పాలిటెక్నిక్‌ కళాశాలలను ఏర్పాటు చేశారు. అమరాపురం, గుడిబండ మండలాలకు ప్రభుత్వ జూనియర్‌ కళాశాలను మంజూరు చేశారు. నియోజకవర్గంలో పూర్తిగా అట్టడుగున ఉన్న వక్కలిగ, సాదర, వీరశైవ కులాల వారిని బీసీలుగా గుర్తించి ఆదుకున్నారు. రాష్ట్రంలోనే అత్యధికంగా మడకశిర నియోజకవర్గానికి 40 వేల ఇందిరమ్మ ఇళ్లను మంజూరుచేసి పేదలను ఆదుకున్నారు. ఇందుకు గాను దాదాపు రెండు వేల ఎకరాలను సేకరించిన ఘనత వైఎస్సార్‌దే. ఎలాంటి సాగునీటి పథకాలు లేని నియోజకవర్గానికి హంద్రీనీవా పథకంలో భాగంగా మడకశిర బ్రాంచ్‌ కెనాల్‌ను మంజూరు చేశారు. ఫ్లోరైడ్‌ రహిత తాగునీటిని అందించాలని లక్ష్యంతో పీఏబీఆర్‌ నుంచి రూ.600కోట్లతో పీఏబీఆర్‌ (శ్రీరామరెడ్డి తాగునీటి పథకం) తాగునీటి పథకాన్ని కార్యరూపంలోకి తీసుకువచ్చారు. దాదాపు 250 గ్రామాల దాహార్తిని తీర్చారు. 2004కు ముందు నియోజకవర్గంలో ఏ గ్రామానికి రోడ్లు లేవు. వైఎస్సార్‌ ముఖ్యమంత్రిగా బాధ్యతలు స్వీకరించిన తర్వాత ప్రతి గ్రామానికి తారురోడ్లు వేయించారు. 50వేల రేషన్‌కార్డులను, 35వేల మంది వృద్దులు, వికలాంగులు, వితంతువులకు పింఛన్లను మంజూరు చేశారు. నియోజకవర్గంలో పాడిపరిశ్రమను పెద్ద ఎత్తున అభివృద్ధి చేశారు. వైఎస్సార్‌ హయాంలోనిది..  ఇక్కడ మీరు చూస్తున్న ఈ మామిడితోట ఇందిర జలప్రభ పథకం కింద మహానేత వైఎస్సార్‌ హయాంలోనిది. కుందుర్పి మండలం జంబుగుంపల గ్రామంలో నిరుపేద దళిత కుటుంబాలకు చెందిన ఐదుగురు రైతులను ఓ గ్రూపుగా ఏర్పాటు చేసి ఉచితంగా బోరుబావులు తవ్వించి, విద్యుత్‌ సౌకర్యం, బిందు సేద్యం పరికరాలు, పండ్లమొక్కలు అందజేశారు. నాడు ఆ రైతులు నాటిన మొక్కలు నేడు వృక్షాలై ఫలసాయాన్ని అందిస్తున్నాయి. ప్రతి నీటి బిందువులోనూ వైఎస్సార్‌ రాయదుర్గం ప్రజల అవసరాలు, ఆకాంక్షలు, తెలుసుకున్న మహానేత వైఎస్‌ రాజశేఖర్‌రెడ్డి ఎన్నో పథకాలు చేపట్టి, వారి కన్నీళ్ళు తుడిచేందుకు నిరంతరం శ్రమించారు. రాయదుర్గం పట్టణానికి తాగునీటిని అందించే వైఎస్సార్‌ తాగునీటి పథకాన్ని రూ.48 కోట్లతో పూర్తి చేశారు. కణేకల్లు వద్ద సమ్మర్‌ స్టోరేజీ ట్యాంకు ఏర్పాటుకు 168 ఎకరాలు భూసేకరణ చేసి, ట్యాంకు నిర్మించారు. హెచ్చెల్సీ నీటిని ట్యాంకులోకి ఎత్తిపోతల ద్వారా నింపి, అక్కడి నుండి రాయదుర్గం వరకు పైపులైను ద్వారా అందిస్తున్నారు. 2009 సాధారణ ఎన్నికల అనంతరం మరో రూ.4 కోట్ల నిధులు వెచ్చించి ఈ పథకాన్ని మరింత అభివృద్ధి చేశారు. ప్రస్తుతం దుర్గం ప్రజలు తాగే ప్రతి నీటి బిందువులోనూ మహానేత వైఎస్‌ రాజశేఖర్‌రెడ్డిని చూసుకుంటున్నారు. ఉరవకొండలో వైఎస్సార్‌ మానస పుత్రిక కరువు పీడిత అనంత జిల్లాను కృష్ణా జలాలతో సశ్యశామలం చేయాలన్న మహోన్నత లక్ష్యంతో డాక్టర్‌ వైఎస్‌ రాజశేఖర్‌రెడ్డి మొట్టమొదటి సారిగా ముఖ్యమంత్రి హోదాలో 2005, ఏప్రిల్‌ 24న ఉరవకొండలో పైలాన్‌ ఆవిష్కరించారు. హంద్రీ–నీవా మొదటి దశలో 1.18లక్షల ఎకరాలు, రెండో దశలో 2.27లక్షల ఎకరాలకు సాగునీరు అందించడమే ఈ పథకం లక్ష్యం. ఇందులో భాగంగా జీడిపల్లి వద్ద రూ.100 కోట్లతో 2005లో రిజర్వాయర్‌ను పూర్తి చేశారు. వైఎస్‌ మానస పుత్రికగా విరాజిల్లుతున్న ఈ రిజర్వాయర్‌కు ఎనిమిదేళ్లుగా కృష్ణా జలాలు చేరుతున్నాయి. తాగు, సాగునీటి అవసరాలు తీర్చి జలప్రదాతగా జిల్లా రైతుల గుండెల్లో దివంగత నేత వైఎస్‌ రాజశేఖర్‌రెడ్డి చిరస్థాయిగా నిలిచిపోయారు. రైతునేస్తం ‘వైఎస్‌’ హైటెక్‌ పాలన అంటూ ట్రిక్కులు చేసి వ్యవసాయ రంగాన్ని పెను సంక్షోభంలోకి నెట్టిన చంద్రబాబు పాలనను ఇప్పటికీ రైతులు మరచిపోలేరు. అప్పటి చంద్రబాబు ప్రభుత్వం అనుసరించిన రైతు వ్యతిరేక విధానాల వల్ల పల్లెసీమలు చిన్నాభిన్నమై రైతుల ఆర్థిక పరిస్థితులు దయనీయంగా మారిపోయాయి. గ్రామసీమలు భరోసా కోసం ఎదురుచూశాయి. అలాంటి సంక్లిష్ట పరిస్థితుల్లో వైఎస్‌ రాజశేఖర్‌రెడ్డి 2004లో అధికారంలోకి వచ్చారు. అభివృద్ధి, సంక్షేమాన్ని రెండుకళ్లుగా చేసుకుని సువర్ణపాలన కొనసాగించారు. అందులోనూ వ్యవసాయ, అనుబంధ రంగాలకు పెద్ద పీట వేసి రైతు పక్షపాతిగా మారారు. సంక్షోభంలో కూరుకుపోయిన వ్యవసాయరంగం గట్టెక్కేలా రాయితీలు, ప్రోత్సాహాలతో రైతులను భుజం తట్టి ప్రోత్సహించారు. వ్యవసాయాన్ని పండుగలా చేసి చూపించి అన్నదాత గుండెల్లో గూడుకట్టుకున్న నేతగా స్థానం సంపాదించుకున్నారు.  కేవలం వ్యవసాయమే కాకుండా అనుబంధ రంగాలైన పాడి, పశుసంవర్ధక, పట్టు, ఏపీఎంఐపీ, ఉద్యానశాఖలకు వైఎస్సార్‌ పెద్దపీట వేశారు. దీంతో ప్రత్యామ్నాయ వ్యవసాయంపై ఆధారపడిన రైతులు, పేదలు కూడా సమస్యల నుంచి గట్టెక్కారు.  పశుక్రాంతి, జీవక్రాంతి లాంటి ప్రజాకర్షక పథకాలకు శ్రీకారం చుట్టారు. క్షీరవిప్లవం కోసం హర్యానా, గుజరాత్, తమిళనాడు లాంటి ఇతర రాష్ట్రాల నుంచి మేలు జాతి పశువులు, గేదెలు రాయితీతో రైతులకు అందజేశారు. అందుకోసం రూ.25 కోట్లు రాయితీ వర్తింపజేసి 8 వేల సంఖ్యలో పాడి పశువులు అందజేశారు. ఈ క్రమంలో రైతు ఇంట పాలవెల్లువ కనిపించింది. అప్పట్లో ప్రభుత్వ డెయిరీకి రోజుకు 50 నుంచి 60 వేల లీటర్లు పాలు వచ్చాయంటే ప్రోత్సాహం ఎలా ఉందనేది తెలుస్తుంది.  అనంత గుండెల్లో రాజన్న  దేశంలో అత్యల్ప వర్షపాతం నమోదయ్యే జిల్లాలో కరువు దెబ్బకు ఏటా రైతులు పంటనష్టపోవడం, ఆత్మహత్యలకు పాల్పడడాన్ని వైఎస్‌ గమనించారు. ఈ క్రమంలో 2004లో ముఖ్యమంత్రిగా బాధ్యతలు చేపట్టిన తర్వాత తాగు, సాగునీటిపై ప్రత్యేక శ్రద్ధ చూపిస్తూనే జిల్లా సమగ్రాభివృద్ధికి బాటలు వేశారు. తుంగభద్ర జలాల్లో 10 టీఎంసీలు కేసీకెనాల్‌ (కర్నూలు–కడప కాలవ)కు అందాలి. ఏళ్ల తరబడి ఈ నీళ్లు కేసీకి అందేవి. పది టీఎంసీలు తన సొంత జిల్లా కడపకు కాదని ‘అనంత’ తాగు, సాగునీటి అవసరాలకు రివర్స్‌ డైవర్షన్‌ పద్ధతిలో పీఏబీఆర్‌కు కేటాయిస్తూ  2005 ఆగస్టు 14న ఉత్తర్వులు జారీ చేశారు. వైఎస్‌ తీసుకున్న ఈ నిర్ణయంతో ‘అనంత’ ప్రజల దాహార్తి శాశ్వతంగా తీరింది. నగర ప్రజల దాహార్తిని తీర్చేందుకు రూ. 67 కోట్లతో ముద్దలాపురం వద్ద అనంత తాగునీటి పథకాన్ని ఏర్పాటు చేశారు. హంద్రీ–నీవాతో సాగునీరు..  మొత్తం 6.02 లక్షల ఎకరాలకు సాగునీరు, 310 గ్రామాల్లోని 33 లక్షల మంది ప్రజల దాహార్తిని తీర్చేందుకు రూ.6,850 కోట్లతో హంద్రీ–నీవా సుజల స్రవంతి పథకాన్ని రూపొందించారు.  వైఎస్‌ హయాంలో రూ.4,054 కోట్లను ఖర్చు చేశారు. పారిశ్రామిక ప్రగతే లక్ష్యం...  వ్యవసాయరంగానికి దీటుగా పారిశ్రామికరంగం అభివృద్ధిపై వైఎస్‌ ప్రత్యేక దృష్టి సారించారు. ఈ క్రమంలోనే  రూ.లక్ష కోట్ల పెట్టుబడితో ఒడిస్సీ సంస్థతో సైన్సు సిటీ స్థాపనకు ఒప్పందం చేసుకున్నారు. హిందూపురం పరిసర ప్రాంతాల్లో పారిశ్రామికాభివృద్ధికి లేపాక్షి నాలెడ్జ్‌ హబ్‌ను ఏర్పాటు చేశారు. తర్వాత వచ్చిన ప్రభుత్వం తీరుతో సైన్సు సిటీ ఏర్పాటు ఒప్పందాన్ని ఒడిస్సీ సంస్థ రద్దు చేసుకుంది. లేపాక్షి నాలెడ్జ్‌ హబ్‌లో బీడీఎల్‌(భారత్‌ దైనిక్స్‌ లిమిటెడ్‌), హెచ్‌ఏఎల్‌(హిందూస్థాన్‌ ఏరోనాటిక్స్‌ లిమిటెడ్‌), ఈసీఐఎల్‌(ఎలక్ట్రానిక్స్‌ కార్పొరేషన్‌ ఆఫ్‌ ఇండియా లిమిటెడ్‌), బీహెచ్‌ఈఎల్‌(భారత్‌ హెవీ ఎలక్ట్రానిక్స్‌ లిమిటెడ్‌) వంటి ప్రభుత్వరంగ సంస్థలతోపాటూ పలు బహుళజాతి సంస్థలు పరిశ్రమలను ఏర్పాటుచేయడానికి ముందుకొచ్చాయి. లేపాక్షి నాలెడ్జ్‌ హబ్‌లో పరిశ్రమలకు నీరు అందించేందుకు సోమశిల బ్యాక్‌వాటర్‌ నుంచి పైపులైన్‌ నిర్మాణ పనులు చేపట్టారు. 25శాతం ఈ పనులు కూడా పూర్తయ్యాయి. తర్వాతి ప్రభుత్వాలు లేపాక్షి నాలెడ్జ్‌హబ్‌ భూముల ఒప్పందాలను రద్దు చేశాయి. వైఎస్‌ ఆశయాలు కొనసాగిస్తాం.. దివంగత ముఖ్యమంత్రి వైఎస్‌ రాజశేఖర్‌రెడ్డి చిరస్మరణీయుడు. ఆయన పరిపాలన కాలం సువర్ణయుగం. రాష్ట్రానికి ముఖ్యమంత్రులుగా పనిచేసిన అందరిలోనూ గొప్ప వ్యక్తిత్వం కల్గిన మానవతావాది వైఎస్‌. ప్రజల కోసం పనిచేసిన మహనీయుడు. ఫీజు రీయింబర్స్‌మెంట్, ఆరోగ్యశ్రీతో పేదల కుటుంబాల్లో వెలుగులు నింపారు. హంద్రీ–నీవా ద్వారా కృష్ణా జలాలను తీసుకొచ్చిన రైతు బాంధవుడు. ఆయన ఆశయాలు కొనసాగించేందుకు ప్రభుత్వం పని చేస్తోంది.  – మాలగుండ్ల శంకరనారాయణ, బీసీ సంక్షేమశాఖ మంత్రి  బీమాతో భరోసా  1995–2003 మధ్య చంద్రబాబు హయాంలో మండలం యూనిట్‌గా అమలవుతున్న వేరుశనగ పంటల బీమా పథకాన్ని మార్పు చేసి గ్రామం యూనిట్‌గా అమలు చేసి నష్టపోయిన ప్రతి రైతుకు పారదర్శకంగా పరిహారం ఇచ్చారు. 2004 నుంచి 2009 వరకు ఖరీఫ్‌లో దెబ్బతిన్న వేరుశనగ పంటకు ఏకంగా రూ.1116 కోట్లు పరిహారం ఇచ్చారు. 2008లో తీవ్ర వర్షాభావంతో 80 శాతం మేర పంటలు దెబ్బతిన్నాయి. అప్పట్లో జిల్లా వ్యాప్తంగా 4.64 లక్షల మంది రైతులు తమ వాటా కింద రూ.32 కోట్లు ప్రీమియం కట్టారు. గ్రామం యూనిట్‌గా బీమా పథకం కింద 4.59 లక్షల మంది రైతులకు ఏకంగా రూ.620 కోట్లు పరిహారం అందజేశారు. ‘రాజన్న’జ్ఞాపకం కదిరి నియోజకవర్గ అభివృద్దికి వైఎస్‌ రాజశేఖర్‌రెడ్డి చేసిన సేవలు మరువలేనివి. ఆయన ప్రవేశ పెట్టిన  సంక్షేమ పథకాల ద్వారా ఎంతో మంది లభ్ది పొందారు.    కదిరి పట్టణ ప్రజల దాహార్తిని తీర్చేందుకు  రూ.100 కోట్లతో శాశ్వత మంచినీటి పథకాన్ని ప్రవేశ పెట్టారు.   కదిరిలో రూ 7.40 కోట్లతో ప్రభుత్వ పాలిటెక్నిక్‌ కళాశాల ఏర్పాటు చేశారు.   రూ. 50లక్షల వ్యయంతో కదిరిలో ఎంపీడీఓ కార్యాలయం నిర్మించారు.   కదిరి ప్రాంతాన్ని సస్యశ్యామలం చేసేందుకు కదిరి రూరల్‌ మండలం చెర్లోపల్లి వద్ద హంద్రీ–నీవా రిజర్వాయర్‌ను ఏర్పాటు చేశారు.  తనకల్లులో రూ. 1.20 కోట్లు వెచ్చించి 30 పడకల ఆస్పత్రిని నిర్మించారు.  సీజీ ప్రాజెక్ట్‌ సమీపంలో రూ. 3 కోట్లతో ప్రభుత్వ గిరిజన బాలికల గురుకుల పాఠశాలను నిర్మించారు.  నియోజకవర్గ వ్యాప్తంగా ప్రతి మండలంలోనూ పాల శీతలీకరణ కేంద్రాలను ఏర్పాటు చేయించారు.  గ్రామీణ ప్రాంత వాసుల దాహం తీర్చేం దుకు రూ. 8 కోట్లు మంజూరు చేశారు.  నియోజకవర్గంలోని ప్రతి మండలంలోనూ 33–కేవీ సబ్‌ స్టేషన్‌లను ఏర్పాటు చేసి రైతులకు లో ఓల్టేజీ సమస్య లేకుండా చేశారు.  నియోజకవర్గంలోని ప్రతి మండలానికి కస్తూరిబా పాఠశాలలు మంజూరు చేశారు.  గాండ్లపెంట మండలంలో తెగిపోయిన కొండారెడ్డి చెరువుకు మరమ్మతులు చే యించారు.  కదిరిలో వ్యవసాయ పరిశోధనా కేంద్రం అభివృద్ది కోసం రూ 10 కోట్లు మంజూరు చేశారు. 

సాక్షి, సిటీబ్యూరో: హైదరాబాద్‌ అభివృద్ధిలో చెరగని సంతకం ఆయనది..ఐదున్నరేళ్ల తన పాలనలో హైదరాబాద్‌ ఖ్యాతిని అంతర్జాతీయ స్థాయికి తీసుకువెళ్లిన దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డి ముందు చూపే నేడు నగరంలో పరుగులు పెడుతున్న మెట్రోరైలు, నగరాన్ని చుట్టేసిన ఔటర్‌రింగు రోడ్డు, నీటి కొరతను తీర్చిన గోదావరి జలాలు. హైదరాబాద్‌ మున్సిపాలిటీలో శివారు ప్రాంతాలను విలీనం చేసిన మహానగరాన్ని మరింతగా విస్తరించింది డాక్టర్‌ వైఎస్‌ హయాంలోనే. ఆయన వర్ధంతి సందర్భంగా సిటీలో వైఎస్‌ ముద్రపై ప్రత్యేక కథనం... మెట్రో...వైఎస్‌ కలల ప్రాజెక్టే   నగరంలో నేడు నిత్యం మూడు లక్షల మంది ప్రయాణికులకు చేరువైన హైదరాబాద్‌ మెట్రో రైలు ప్రాజెక్ట్‌కు వైఎస్‌ చేతుల మీదుగానే  అంకురార్పణ జరిగింది. వడివడిగా విస్తరిస్తున్న సమయంలో వచ్చే 2050 వరకు ట్రాఫిక్‌ అవసరాల్ని తీర్చే విధంగా 2008లో నాగోలు –శిల్పారామం, ఎల్బీనగర్‌ – మియాపూర్, జేబీఎస్‌–ఇమ్లీబన్‌ల మధ్య 72 కి.మీల మేర రూ.14,132 కోట్ల అంచనాతో ప్రాజెక్ట్‌ను ప్రారంభించారు. ప్రపంచంలోనే అతిపెద్ద పబ్లిక్‌ ప్రైవైట్‌ భాగస్వామ్యంతో 20 లక్షల మంది ప్రయాణికుల కోసం  చేపట్టిన తొలి ప్రాజెక్ట్‌ ఇదే కావటం విశేషం.  తరలివచ్చిన ‘గోదావరి’ వైఎస్‌ అధికారంలోకి వచ్చేనాటికి మంజీరా, ఉస్మాన్‌సాగర్, హిమాయత్‌సాగర్‌లతో పాటు కృష్ణా నుంచి వచ్చే 45 ఎంజీడీల నీళ్లే హైదరాబాద్‌కు దిక్కు. అన్ని జలాశయాల నుండి కేవలం 150 ఎంజీడీలే సరఫరా కావటంతో నగరంలో వారం రోజులకోసారి మంచినీటి సరఫరా చేసే వారు. ఈ ఇబ్బందిని అధిగమించేందుకు కృష్ణా రెండు, మూడు దశలతో పాటు, గత మూడేళ్ల క్రితం నగరానికి తరలివచ్చి...నేడు సగం సిటీ దాహర్తిని తీరుస్తున్న గోదావరి జలాల ప్రాజెక్ట్‌లు వైఎస్‌ హయాంలోనే రూపొందించి పనులు ప్రారంభించారు. ఔటర్‌తో మారిన రూపురేఖలు   నగరం చుట్టూ 158 కి.మీల మేర ఔటర్‌ రింగురోడ్డు పనులను ప్రారంభించింది వైఎస్‌ హయాంలోనే. నగరంలో ఫైనాన్షియల్‌ డిస్ట్రిక్ట్, గేమ్స్‌విలేజ్, ఎయిర్‌పోర్ట్, సింగ్‌పూర్‌ సిటీ, ఫార్మా ఇండస్ట్రీలను కలుపుతూ రు.9819 కోట్ల వ్యయంతో  ఎనిమిది లైన్ల అధునూతన రింగురోడ్డు పనులను హెచ్‌ఎండీఏ, జపాన్‌ ఇంటర్నేషనల్‌ బ్యాంక్‌ ఆర్థిక సహాయంతో ప్రారంభించి గడిచిన రెండేళ్ల క్రితం నిర్మాణం మొత్తాన్ని పూర్తి చేశారు. ఎయిర్‌పోర్ట్‌కు ఎక్స్‌ప్రెస్‌ వే...   ఔటర్‌తో నగరం మీదుగా వెళ్లే జాతీయ రహదారుల విస్తరణ..ఆటంకాలు లేని ప్రయాణాల కోసం పంజగుట్ట, గ్రీన్‌ల్యాండ్స్, నల్లగొండ క్రాస్‌రోడ్స్, చంద్రాయణగుట్ట ఫ్‌లై ఓవర్లు, రూ.622 కోట్ల వ్యయంతో  11.2 కి.మీల ఎయిర్‌పోర్ట్‌కు ఎక్స్‌ప్రెస్‌ వే పనులు డాక్టర్‌ వైఎస్సార్‌ హయాంలోనే రూపుదిద్దుకున్నాయి. సూపర్‌ స్పీడ్‌ ఐటీ నగరంలో ఐటీ పరిశ్రమల ఏర్పాటు, ఉత్పత్తి వైఎస్‌ హయాంలో సూపర్‌ స్పూడ్‌తో దూసుకుపోయింది. 2004 నుండి 2009 వరకు 1206 ఐటీ కంపెనీలు ఏర్పడి ఐటీ ఉత్పత్తుల ఎగుమతులు రూ.32,509 కోట్లకు దూసుకువెళ్లాయి. 2.5 లక్షల మందికి ఉపాధి లభించింది. వైఎస్‌ ఆదేశాలతోనే..   హైదరాబాద్‌లో పెరిగిపోతున్న ట్రాఫిక్‌ నేపథ్యంలో 2007లో వైఎస్‌ ఆదేశాలతో మెట్రోరైలుకు రూపకల్పన జరిగింది. హైదరాబాద్‌ స్థితిని మార్చే సత్తా మెట్రోరైలుకు ఉంది. ఈ మహా ప్రాజెక్ట్‌లో నేను డాక్టర్‌ వైఎస్‌తో కలిసి పాలు పంచుకోవటం జీవితంలో మర్చిపోలేని గొప్ప అంశం.– ఎన్వీఎస్‌ రెడ్డి, మెట్రోరైల్‌ ఎండీ   అభివృద్ధి పరుగులు పెట్టింది.. వైఎస్‌ రాజశేఖర్‌రెడ్డితోనే హైదరాబాద్‌లో అభివృద్ధి పరుగులు పెట్టింది. పాతబస్తీ అభివృద్ధికోసం రూ.2 వేల కోట్లను కేటాయించారు. రోడ్ల విస్తరణతో పాటు ఫ్‌లై ఓవర్లు, మెట్రో కోసం భూసేకరణ, ఎంఎంటీఎస్‌ రెండవ దశ పనులన్నీ వైఎస్‌ ముందుచూపుతోనే సాకారమయ్యాయి. ఆ యజ్ఞంలో పాలుపంచుకునే అవకాశం కలగటం నా అదృష్టంగానే భావిస్తున్నా.– ధనుంజయ్‌రెడ్డి, ఐఏఎస్‌ అధికారి ఐటీ కంపెనీలు..క్యూ కట్టాయి   చంద్రబాబునాయుడు ఐటీ పేరుతో బినామీలతో రియల్‌ ఎస్టేట్‌ వ్యాపారం చేసుకుంటే.. వైఎస్‌ రాజశేఖరరెడ్డి హయాంలో ఐటీలో రియల్‌ అభివృద్ధి జరిగింది. అనేక కంపెనీలు హైదరాబాద్‌ను తమ ఐటీ బేస్‌గా ఎంచుకున్నాయి. ఐటీ కంపెనీలకు సింగిల్‌విండో అనుమతులు ఇచ్చాం. వైఎస్‌ ముందుచూపే నేటి ఐటీ విప్లవం. – కోమటిరెడ్డి వెంకట్‌రెడ్డి, (వైఎస్‌ కేబినెట్‌లో ఐటీ మంత్రి)

సాక్షి, వైఎస్సార్‌ కడప : దివంగత మహానేత, ఉమ్మడి ఏపీ మాజీ ముఖ్యమంత్రి వైఎస్ రాజశేఖరరెడ్డి 10వ వర్ధంతి సందర్భంగా సీఎం జగన్‌మోహన్‌రెడ్డి కుటుంబ సభ్యులతో కలిసి ఇడుపులపాయకు చేరుకున్నారు. ముఖ్యమంత్రి జగన్‌, వైఎస్సార్‌సీపీ గౌరవాధ్యక్షురాలు వైఎస్‌ విజయమ్మ, వైఎస్‌ భారతి, వైఎస్‌ షర్మిల వైఎస్సార్‌ ఘాట్‌ వద్ద నివాళులర్పించారు. వారితో పాటు వైఎస్సార్‌సీపీ నాయకులు టీటీడీ చైర్మన్‌ వైవీ సుబ్బారెడ్డి, ప్రభుత్వ చీఫ్‌ విప్‌ గడికోట శ్రీకాంత్‌డ్డి, వైఎస్సార్‌ అభిమానులు నివాళులర్పించారు. వివేకానందరెడ్డి విగ్రహావిష్కరణ ఇడుపులపాయ నుంచి బయల్దేరిన అనంతరం ముఖ్యమంత్రి జగన్‌ భాకరాపురం చేరుకుని వైఎస్‌ వివేకానందరెడ్డి విగ్రహాన్ని ఆవిష్కరించారు. పూలమాలలు వేసి నివాళులర్పించారు. సొంత నియోజకవర్గం పులివెందుల అభివృద్ధిపై మధ్యాహ్నం 12 గంటలకు సీఎం సమీక్ష నిర్వహిస్తారు. అనంతరం పులివెందుల నియోజకవర్గంలో నిర్వహించే వైఎస్సార్‌ వర్ధంతి కార్యక్రమాల్లో పాల్గొంటారు. సాయంత్రం 4 గంటలకు విజయవాడలోని పోలీస్‌ కంట్రోల్‌ రూమ్‌ వద్ద వైఎస్సార్‌ విగ్రహాన్ని ఆవిష్కరిస్తారు. (ఫొటో గ్యాలరీ కోసం ఇక్కడ క్లిక్ చేయండి)

కోల్‌కతా:  దివంగత మహానేత, ఉమ్మడి ఆంధ్రప్రదేశ్‌ మాజీ ముఖ్యమంత్రి వైఎస్‌ రాజశేఖరరెడ్డి పదవ వర్ధంతి సందర్భంగా పశ్చిమ బెంగాల్‌ సీఎం మమతా బెనర్జీ నివాళులు అర్పించారు. ఈ మేరకు.. ‘ఏపీ మాజీ సీఎం వైఎస్‌ రాజశేఖరరెడ్డి వర్ధంతి సందర్భంగా ఆయననకు నివాళులు అర్పిస్తున్నా’ అని ఆమె ట్వీట్‌ చేశారు. Tribute to YS Rajasekhara Reddy, former Chief Minister of Andhra Pradesh, on his death anniversary @ysjagan অন্ধ্রপ্রদেশের প্রাক্তন মুখ্যমন্ত্রী ওয়াই এস রাজশেখর রেড্ডিকে তাঁর প্রয়াণদিবসে শ্রদ্ধাঞ্জলি — Mamata Banerjee (@MamataOfficial) September 2, 2019

సాక్షి, కోరుకొండ(తూర్పుగోదావరి) : పేదల సంక్షేమమే లక్ష్యంగా పని చేసిన దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డి అందరి హృదయాల్లో కొలువై ఉన్నారని కాపు కార్పొరేషన్‌ రాష్ట్ర చైర్మన్, ఎమ్మెల్యే జక్కంపూడి రాజా కొనియాడారు. సోమవారం వైఎస్సార్‌ వర్ధంతిని పురస్కరించుకుని జక్కంపూడి రామ్మోహనరావు ఫౌండేషన్‌ ఆధ్వర్యంలో గ్రామంలోని శ్రీ వల్లీ సుబ్రహ్మణ్యేశ్వర స్వామివారి కళా వేదిక వద్ద ఆదివారం ఏర్పాటు చేసిన ఉచిత మెగా వైద్య శిబిరాన్ని వైఎస్సార్‌ సీపీ పీఏసీ సభ్యురాలు జక్కంపూడి విజయలక్ష్మి ప్రారంభించారు. నియోజకవర్గ స్థాయిలో ఏర్పాటు చేసిన వైద్య శిబిరంలో తొలుత వైఎస్సార్, జక్కంపూడి రామ్మోహనరావుల విగ్రహాలకు పూలమాలలు వేసి ఘనంగా నివాళులర్పించారు. ముఖ్యఅతిథిగా కాపు కార్పొరేషన్‌ రాష్ట్ర చైర్మన్, ఎమ్మెల్యే జక్కంపూడి రాజా మాట్లాడుతూ వైఎస్సార్‌ ఎన్నో సంక్షేమ పథకాలు అమలు చేసి ప్రజల హృదయాల్లో చెరగని ముద్ర వేశారని చెప్పారు. వైఎస్సార్‌ వర్ధంతి సోమవారం అయినప్పటికీ ఆదే రోజు వినాయక చవితి పర్వదినం రావడంతో ఒక రోజు ముందే ఉచిత మెగా వైద్య శిబిరం ఏర్పాటు చేసినట్టు తెలిపారు.   జగన్‌ పాలనలో అందరికీ మేలు ముఖ్యమంత్రి వైఎస్‌ జగన్‌మోహన్‌రెడ్డి పాలనలో పార్టీలకు అతీతంగా అన్ని వర్గాల ప్రజలకు మేలు చేకూరుతుందన్నారు. పాదయాత్రలో ప్రజలకు ఇచ్చిన ప్రతి హామీని ఆయన అమలు చేస్తున్నారని రాజా చెప్పారు. వైఎస్సార్‌ సీపీ సీజీసీ సభ్యురాలు జక్కంపూడి విజయలక్ష్మి మాట్లాడుతూ ముఖ్యమంత్రి జగన్‌మోహన్‌రెడ్డి నవరత్న పథకాల అమలు ద్వారా ప్రజలకు సమక్షేమ ఫలాలు అందించేందుకు కృషి చేస్తున్నారని చెప్పారు. అతి త్వరలోనే అన్ని వర్గాల ప్రజలకు మేలు చేకూరుతుందని తెలిపారు. గ్రామాల్లోని పేదలకు మంచి వైద్యం అందించాలనే ఉద్ధేశంతో నియోజకవర్గ స్థాయిలో మెగా వైద్య శిబిరం ఏర్పాటు చేశామన్నారు. శిబిరంలో వైద్యులు రోగులను పరీక్షించి మందుల పంపిణీ చేశారు. వైద్య శిబిరం విజయవంతానికి కృషి చేసిన అందరికీ జక్కంపూడి విజయలక్ష్మి ధన్యవాదాలు తెలిపారు.  ఈ కార్యక్రమంలో వైఎస్సార్‌ సీపీ మండల కన్వీనర్‌ వుల్లి బుజ్జిబాబు, గాదరాడ ఓం శివశక్తి పీఠం ధర్మకర్త బత్తుల బలరామకృష్ణ, పార్టీ వివిధ విభాగాల నాయకులు      తిరుమలశెట్టి సత్యనారాయణ, బొరుసు బద్రి, తాడి హరిశ్చంద్రప్రసాద్‌రెడ్డి, అరిబోలు చినబాబు, యర్రంశెట్టి పోలారావు, డాక్టర్‌ ఫణిసుబ్రహ్మణ్యం, అయిల రామకృష్ణ, అత్తిలి రాంప్రసాద్, చిక్కిరెడ్డి సురేష్, అడబాల చినబాబు, వైఎల్‌ఎన్‌ స్వామి, పిట్టా కృష్ణ, వనుం గంగాధర్, నిడిగట్ల బాబ్జీ, మారిశెట్టి అర్జునరావు, కోరుకొండ సీఐ పవన్‌కుమార్‌రెడ్డి, ఎస్సై విజయ్‌కుమార్, తహసీల్దార్‌ టీఆర్‌ రాజేశ్వరరావు, మూడు మండలాలకు చెందిన పార్టీ నాయకులు, గ్రామ వలంటీర్లు, ఆశ కార్యకర్తలు, పలువురు వైద్యులు పాల్గొన్నారు. శిబిరానికి వచ్చిన వారికి ఓం శివశక్తి పీఠం ఆధ్వర్యంలో పులిహోర, మజ్జిగ పంపిణీ చేశారు. 

అమరావతి : దివంగత మహానేత, ఉమ్మడి ఏపీ మాజీ ముఖ్యమంత్రి వైఎస్ రాజశేఖరరెడ్డి 10వ వర్ధంతిని పురస్కరించుకుని సీఎం వైఎస్‌ జగన్‌మోహన్‌రెడ్డి ట్వీట్‌ చేశారు. తన తండ్రి వైఎస్సార్‌ని గుర్తు చేసుకున్నారు. ‘పరిపాలన, ప్రజాసంక్షేమం విషయంలో నాన్న నిర్ణయాలు మొత్తం దేశానికే మార్గదర్శకాలయ్యాయి. రాష్ట్రాన్ని నాన్న నడిపించిన తీరు జాతీయస్థాయిలో మనల్ని ఎంతో గర్వించేలా చేసింది.నాన్న భౌతికంగా దూరమైనా పథకాల రూపంలో బతికే ఉన్నారు. ఆయనిచ్చిన స్ఫూర్తి మనల్ని ఎప్పటికీ విలువలబాటలో నడిపిస్తూనే ఉంటుంది’అని పేర్కొన్నారు. నేడు (సెప్టెంబర్‌ 2) వైఎస్ రాజశేఖరరెడ్డి వర్ధంతి సందర్భంగా ఇడుపులపాయలోని వైఎస్సార్‌ ఘాట్‌ వద్ద నివాళులర్పించేందుకు ముఖ్యమంత్రి జగన్‌ కుటుంబ సభ్యులతో కలసి గన్నవరం ఎయిర్‌పోర్టు నుంచి విమానంలో బయలుదేరారు. వైఎస్సార్‌ ఘాట్‌ వద్ద నివాళుర్పించిన అనంతరం పులివెందుల నియోజకవర్గంలో నిర్వహించే వైఎస్సార్‌ వర్ధంతి కార్యక్రమాల్లో సీఎం జగన్‌ పాల్గొంటారు.

సాక్షి, అమరావతి/సాక్షి, అమరావతి బ్యూరో: దివంగత మహానేత, ముఖ్యమంత్రి వైఎస్‌ రాజశేఖర్‌ రెడ్డి విగ్రహాన్ని విజయవాడ నగరంలో సోమవారం ఆవిష్కరిస్తున్నట్లు రాష్ట్ర పురపాలక శాఖ మంత్రి బొత్స సత్యనారాయణ తెలిపారు. వైఎస్సార్‌ వర్ధంతి సందర్భంగా ముఖ్యమంత్రి వైఎస్‌ జగన్‌మోహన్‌రెడ్డి చేతుల మీదుగా ఈ విగ్రహాన్ని ఆవిష్కరిస్తున్నట్లు చెప్పారు. ఆదివారం ఆయన మాట్లాడుతూ.. విజయవాడ పోలీసు కంట్రోల్‌ రూమ్‌ సమీపంలోని ప్రగతి పార్కును డాక్టర్‌ వైఎస్సార్‌ పార్కుగా నామకరణం చేశారన్నారు. ప్రభుత్వ ఉత్తర్వులు విడుదల అయ్యాయని చెప్పారు. ప్రగతి పార్కు వద్ద గతంలో వైఎస్సార్‌ విగ్రహం ఉండేదని తెలిపారు. చంద్రబాబు ప్రభుత్వ హయాంలో దాన్ని తొలగించారన్నారు. అదే కూడలిలో అదే విగ్రహాన్ని తిరిగి ఏర్పాటు చేస్తున్నట్లు పేర్కొన్నారు. సాయంత్రం ఈ కార్యక్రమం జరుగుతుందని చెప్పారు. ప్రజలు, వైఎస్సార్‌ అభిమానులు, వైఎస్సార్‌సీపీ కార్యకర్తలు, నాయకులు, ఎమ్మెల్యేలు, మంత్రులు, ఎంపీలు, పార్టీ శ్రేణులు హాజరు కావాలని కోరారు. కాగా, అన్ని అనుమతులతో 2011లో విజయవాడ పోలీస్‌ కంట్రోల్‌ రూం వద్ద పోలవరం ప్రాజెక్టు ప్రతిమపై వైఎస్‌ విగ్రహాన్ని ప్రతిష్టించారు. అనంతరం రాజకీయ కారణాలతో టీడీపీ ప్రభుత్వం గత కృష్ణా పుష్కరాల సమయంలో 2016 జూలై 31వ తేదీ అర్ధరాత్రి పోలీసు బందోబస్తు మధ్య ఆ విగ్రహాన్ని తొలగించింది. మున్సిపల్‌ అడ్మినిస్ట్రేషన్‌ విభాగం ఆధ్వర్యంలో అన్ని అనుమతులతో విగ్రహ పునఃప్రతిష్ట జరుగుతోంది.  

ఆరంభింపరు నీచ మానవులు విఘ్నాయత్త సంత్రస్థులై ఆరంభించి పరిత్యజించుదురు విఘ్నాయత్తులై మధ్యముల్‌ ధీరుల్‌ విఘ్ననిహస్య మానులగుచున్‌ ధృత్యున్నతోత్సాహులై ప్రారబ్దార్థము లుజ్జగింపరు సుమీ ప్రజ్ఞానిధుల్‌ గావునన్‌ భర్తృహరి నీతిశతకంలోని ఈ సుభాషితం (తెలుగు: ఏనుగు లక్ష్మణ కవి) వైఎస్‌కు ఇష్టమైన శ్లోకం. దీని అర్థం: ఆటంకాలు ఎదురవుతాయేమోనన్న భయంతో అధములు అసలు పనే మొదలుపెట్టరు. మధ్యములు పని మొదలుపెట్టినా ఆటంకాలు ఎదురుకాగానే వదిలేస్తారు. ఇక ధీరులు ఎన్నెన్ని ఆటంకాలు ఎదురైనా మొదలుపెట్టిన పనిని పూర్తిచేసేదాకా వదిలిపెట్టరు. 

అభివృద్ధి ఒకే ప్రాంతానికి పరిమితం కాకూడదు.. అన్ని ప్రాంతాలకు విస్తరించాలి.. లేకపోతే ప్రాంతాలు, ప్రజల మధ్య అసమానతలు పెరుగుతాయని దూరదృష్టితో గ్రహించిన ఒకే ఒక్క నేత.. వైఎస్సార్‌. ఉమ్మడి ఆంధ్రప్రదేశ్‌ను పాలించిన సీఎంలంతా అభివృద్ధినంతా హైదరాబాద్‌కే పరిమితం చేస్తే.. వైఎస్సార్‌ మాత్రమే రాష్ట్రమంతా విస్తరించారు. ముఖ్యంగా ఆంధ్రప్రదేశ్‌లోని మూడు ప్రాంతాలు.. ఉత్తరాంధ్ర, కోస్తాంధ్ర, రాయలసీమలను పారిశ్రామికంగా అభివృద్ధి చేయడానికి అద్భుతమైన ప్రణాళికలు రూపొందించడమే కాకుండా వాటిని కార్యరూపం దాల్చేలా చేశారు. వాటిలో చాలా ప్రాజెక్టులను ఆయన హయాంలోనే ప్రారంభించారు. ఆయన ఆకస్మిక మృతితో మరికొన్ని ప్రాజెక్టులను తర్వాత పాలకులు అటకెక్కించారు. ఇప్పుడు వైఎస్సార్‌ తనయుడు వైఎస్‌ జగన్‌మోహన్‌రెడ్డి సీఎంగా బాధ్యతలు చేపట్టడంతో వైఎస్‌ కలల ప్రాజెక్టులు తిరిగి పట్టాలెక్కుతాయనే ఆశతో రాష్ట్ర ప్రజలు వేయి కళ్లతో ఎదురుచూస్తున్నారు.  సాక్షి, అమరావతి: ఉత్తరాంధ్రను ఐటీ, ఫార్మా హబ్‌గా వైఎస్సార్‌ తీర్చిదిద్దారు. అప్పటివరకు ఐటీ అంటే కేవలం హైదరాబాద్‌ వైపు మాత్రమే కంపెనీలు చూసేవి. విశాఖ సమీపంలో మధురవాడలో ఐటీ హిల్స్‌ను ఏర్పాటు చేసి ఐటీ కంపెనీలను రప్పించారు. ఫార్మా సెజ్‌లను కూడా ఏర్పాటు చేయడంతో రెడ్డీస్, అరబిందో, దివీస్, రాంకీ, హెటిరో వంటి సంస్థలు ఉత్తరాంధ్రలో భారీగా ఫార్మా యూనిట్లను నెలకొల్పాయి. విశాఖ పోర్టుకు అదనంగా గంగవరం పోర్టును కూడా అందుబాటులోకి తేవడంతో పోర్టు ఆధారిత పరిశ్రమలు వేగంగా విస్తరించాయి. ప్రముఖ గార్మెంట్స్‌ సంస్థ బ్రాండిక్స్‌ విశాఖలో భారీ యూనిట్‌ను ఏర్పాటు చేసి 20 వేల మందికి ఉపాధి కల్పిస్తోంది. అనేక అంతర్జాతీయ బ్రాండ్‌ల దుస్తులు స్థానిక మహిళల చేతుల్లో తయారవుతున్నాయి. పెట్రోకెమికల్‌ కారిడార్‌ కూడా అందుబాటులోకి వస్తే ఈ ప్రాంత వాసులకు మరింతగా ఉపాధి అవకాశాలు లభిస్తాయనడంలో సందేహం అక్కర్లేదు.  వాణిజ్య కేంద్రంగా.. కోస్తాంధ్ర  ఓడరేవులను అభివృద్ధి చేయడం ద్వారా కోస్తాంధ్రను వాణిజ్య కేంద్రంగా తీర్చిదిద్దడానికి విశాఖ సమీపంలో గంగవరం, నెల్లూరు జిల్లాలో కృష్ణపట్నం పోర్టులను పూర్తిచేశారు. ఈ రెండు ప్రాంతాల అభివృద్ధితో బందరు పోర్టు, ప్రకాశం జిల్లాలో వాన్‌పిక్‌ పేరుతో ఓడరేవు వద్ద ఒక భారీ రేవు ఆధారిత ప్రాజెక్టు ఏర్పాటుకు నిర్ణయించారు. అయితే.. వైఎస్సార్‌ అకాల మృతితో ఈ ప్రాజెక్టులను తర్వాత పాలకులు అటకెక్కించేశారు. ఇతర రాష్ట్రాలతో పోరాడి మరీ సాధించిన విశాఖ–కాకినాడ భారీ పెట్రో–కెమికల్‌ ప్రాజెక్టుకు అదే గతి పట్టించారు. తన హయాంలో వైఎస్సార్‌ అనేక ఐటీ, తయారీ రంగ సెజ్‌లు ఏర్పాటు చేసి వేలాది మందికి ఉపాధి కల్పించారు. ముఖ్యంగా నెల్లూరు జిల్లాలో మాంబట్టు, అపాచీ, మేనకూరు, విశాఖలోని బ్రాండిక్స్‌ సెజ్‌ల ద్వారా వేలాది మంది మహిళలకు ఉపాధి లభిస్తోంది. ఒక్క అపాచీ సెజ్‌లోనే సుమారు 18 వేల మంది.. అందులోనూ మహిళలే ఎక్కువ మంది పనిచేస్తున్నారంటే పారిశ్రామికాభివృద్ధిలో వైఎస్సార్‌ దార్శనికతను అర్థం చేసుకోవచ్చు. విజయవాడలో ఎల్‌ అండ్‌ టీ మేథా టవర్స్, కాకినాడలో ఇన్ఫోటెక్‌లను ఏర్పాటు చేయించారు. రాష్ట్రమంతా విద్యా సంస్థల ఏర్పాటు  వైఎస్సార్‌ హయాంలో విద్యా రంగం కొత్త పుంతలు తొక్కింది. ప్రపంచీకరణ ఫలాలు గ్రామీణ విద్యార్థులకు అందించేందుకు ట్రిపుల్‌ ఐటీలను నూజివీడు (కోస్తాంధ్ర), ఇడుపులపాయ (రాయలసీమ), బాసర (తెలంగాణ)లో ఏర్పాటు చేశారు. అంతేకాకుండా శ్రీకాకుళం జిల్లాలో బీఆర్‌ అంబేడ్కర్‌ వర్సిటీ, విశాఖపట్నం జిల్లాలో దామోదరం సంజీవయ్య లా వర్సిటీ, తూర్పుగోదావరి జిల్లా రాజమహేంద్రవరంలో ఆదికవి నన్నయ వర్సిటీ, పశ్చిమ గోదావరి జిల్లాలోని వెంకట్రామన్న గూడెంలో ఉద్యానవన విశ్వవిద్యాలయం, తూర్పు గోదావరి జిల్లా కాకినాడలో జేఎన్‌టీయూ, కృష్ణా జిల్లా మచిలీపట్నంలో కృష్ణా వర్సిటీ, నెల్లూరులో విక్రమ సింహపురి వర్సిటీ, చిత్తూరు జిల్లా తిరుపతిలో శ్రీ వేంకటేశ్వర వెటర్నరీ వర్సిటీ, శ్రీ వెంకటేశ్వర వేదిక్‌ విశ్వవిద్యాలయం, కడపలో యోగి వేమన విశ్వవిద్యాలయం, కర్నూలులో రాయలసీమ విశ్వవిద్యాలయం, అనంతపురంలో జేఎన్‌టీయూ, నిజామాబాద్‌లో తెలంగాణ విశ్వవిద్యాలయం, కరీంనగర్‌లో శాతవాహన విశ్వవిద్యాలయం, నల్గొండలో మహాత్మాగాంధీ విశ్వవిద్యాలయం, మహబూబ్‌నగర్‌లో పాలమూరు వర్సిటీ, హైదరాబాద్‌లో జేఎన్‌ ఆర్కిటెక్చర్‌ అండ్‌ ఫైన్‌ ఆర్ట్స్‌ వర్సిటీలను ఏర్పాటు చేయడంతోపాటు కేంద్ర ప్రభుత్వాన్ని ఒప్పించి హైదరాబాద్‌లో ఐఐటీ, విజయవాడలో స్కూల్‌ ఆఫ్‌ ప్లానింగ్‌ అండ్‌ ఆర్కిటెక్చర్‌ (స్పా)లను ఏర్పాటు చేయించారు. తయారీ కేంద్రంగా.. రాయలసీమ   తీవ్ర కరువు కాటకాలతో రాయలసీమ ప్రజలు ఉపాధి కోసం చెన్నై, బెంగళూరు, హైదరాబాద్‌ వంటి ప్రాంతాలకు వలస వెళ్లిపోతుండటం, గ్రామాలకు గ్రామాలు ఖాళీ అయిపోతుండటం వైఎస్సార్‌ మనసును కలిచివేసేవి. దీంతో 2004లో ముఖ్యమంత్రి అయిన వెంటనే రాయలసీమను తయారీ కేంద్రంగా తీర్చిదిద్దాలని కంకణం కట్టుకున్నారు. ఇందులో భాగంగా చిత్తూరు జిల్లాలో శ్రీసిటీ సెజ్‌ను ఏర్పాటు చేసి అనేక తయారీ సంస్థలు భారీ పెట్టుబడులు పెట్టే విధంగా దాన్ని తీర్చిదిద్దారు. ఇప్పుడు శ్రీ సిటీ ద్వారా 35 వేల మందికి పైగా ప్రత్యక్షంగా ఉపాధి లభిస్తోంది. అలాగే హైదరాబాద్‌ అభివృద్ధిలో మిథానీ, డీఆర్‌డీఎల్, బీహెచ్‌ఈఎల్, హెచ్‌ఏఎల్‌ వంటి కేంద్ర ప్రభుత్వ రంగ సంస్థలు కీలకంగా వ్యవహరించాయని వైఎస్సార్‌ బలంగా విశ్వసించేవారు. అలాంటి భారీ ప్రాజెక్టును ఒకటి రాయలసీమ ప్రాంతంలో ఏర్పాటు చేస్తే ఈ ప్రాంతం రూపురేఖలు మారతాయని దాని ఏర్పాటుకు సంకల్పించారు. దీంతో అప్పటి ప్రధాని మన్మోహన్‌సింగ్‌తో పోరాడి మరీ రూ.6,000 కోట్ల పెట్టుబడితో చిత్తూరు జిల్లా మన్నవరంలో ఎన్‌టీపీసీ–బీహెచ్‌ఎల్‌ ప్లాంట్‌ను సాధించారు. ఇనుప ఖనిజం భారీగా లభించే ప్రాంతం కావడంతో కడపలో ఉక్కు కర్మాగారం ఏర్పాటుకు సంకల్పించి బ్రాహ్మణి స్టీల్‌ పేరుతో శంకుస్థాపన కూడా చేశారు. అనంతపురం జిల్లాలో లేపాక్షి నాలెడ్జ్‌ హబ్‌ పేరుతో ఎలక్ట్రానిక్‌ పార్క్‌ను ఏర్పాటు చేశారు. అయితే.. వైఎస్సార్‌ అకాల మరణం తర్వాత ఈ రెండు ఆగిపోయాయి.  నాలుగు ప్రాంతాల్లోనూ రిమ్స్‌  స్వతహాగా వైద్యుడైన వైఎస్సార్‌ వైద్య రంగంలో మౌలిక వసతులు కల్పించి ప్రజలకు మెరుగైన ఆధునిక వైద్యం అందించేందుకు పరితపించారు. అందుకే విప్లవాత్మక రీతిలో నాటి ఉమ్మడి ఆంధ్రప్రదేశ్‌లోని తెలంగాణ (ఆదిలాబాద్‌), ఉత్తరాంధ్ర (శ్రీకాకుళం), కోస్తాంధ్ర (ఒంగోలు), రాయలసీమ (కడప)ల్లో రాజీవ్‌గాంధీ ఇన్‌స్టిట్యూట్‌ ఆఫ్‌ మెడికల్‌ సైన్సెస్‌ (రిమ్స్‌)లకు రూపకల్పన చేశారు. రూ.వెయ్యి కోట్లతో ఒకేసారి నాలుగు రిమ్స్‌లను ఏర్పాటు చేశారు. అందులోనూ అన్ని ప్రాంతాలకు సమాన ప్రాధాన్యమిచ్చారు. దీంతో ఆధునిక వైద్యం పేద ప్రజలకు అందుబాటులోకి వచ్చింది. మరోవైపు రిమ్స్‌లలో ఏర్పాటు చేసిన వైద్య కళాశాలల ద్వారా రాష్ట్రానికి ఒకేసారి 400 మెడికల్‌ సీట్లు కూడా వచ్చాయి.  

1973–75 కాలంలో ఓ పక్క వైద్యం, ఇంకోపక్క కుటుంబం. ఇక ఖాళీ సమయమంతా పుస్తక పఠనం ఇంతే. మరో వ్యాపకమే ఉండేది కాదు వైఎస్‌కి. పులివెందులలో జిల్లా శాఖా గ్రంథాలయం ఒకటుంది. ఆ గ్రంథాలయం కేరాఫ్‌ అడ్రస్సయ్యింది. అక్కడ కూర్చుని– చరిత్ర, సమాజం, రాజకీయాలకు చెందిన పుస్తకాలతో పాటు ఇంగ్లిష్‌ ఫిక్షన్‌ కూడా చదివేవాడు. హెరాల్డ్‌ రాబిన్స్‌ రచించిన ‘ది ఎడ్వెంచరర్స్‌’, మారియో ఫ్యుజో రచించిన ‘ద గాడ్‌ఫాదర్‌’ లాంటి పుస్తకాలు వైఎస్‌ ఆ రోజులలో చదివినవే. చదవడం మొదలుపెడితే వైఎస్‌కి పుస్తకమే ప్రపంచమైపోయేది. బయటి ప్రపంచం కనిపించకుండా పోయేది. వైఎస్‌ కాన్సంట్రేషన్‌ అలాంటిది. అసెంబ్లీలోనో, మరో చోటనో ప్రసంగించేందుకు తయారు చేసుకునే స్పీచ్‌లకు ప్రిపేరయ్యేటప్పుడు కూడా అంతే. తలుపులు వేసేసుకొని గంట రెండు గంటలపాటు ఎవరినీ లోపలికి రానివ్వకుండా, ఎవరూ తనను డిస్టర్జ్‌ చేయకుండా– ఎంసెట్‌కో, ఐఏఎస్‌కో ప్రిపేరయ్యే సీరియస్‌ స్టూడెంట్‌లా ఏకాగ్రతతో ప్రసంగ పాఠాల్ని పఠించిన సందర్భాలు అనేకం. -ఆకెళ్ల రాఘవేంద్ర  (‘దటీజ్‌ వైఎస్‌ఆర్‌’ లోంచి) సాహిత్యం పట్ల వైఎస్‌కు ప్రత్యేకమైన అభిమానం ఉండేది. కళాకారులు, సాహితీవేత్తల పట్ల కులం, వర్గం, మతాలతో నిమిత్తం లేకుండా గౌరవాన్ని ప్రదర్శించేవారు. షేక్‌ హుసేన్‌ సత్యాగ్ని, శశిశ్రీ(షేక్‌ రహమతుల్లా) లాంటి రచయితల్ని ఎంతో ప్రోత్సహించారు. కడపలోని సి.పి.బ్రౌన్‌ భాషా పరిశోధన కేంద్రం అభివృద్ధికీ, అది నిలదొక్కుకోవడానికీ ఎంతగానో సహకరించారు.-కేతు విశ్వనాథ రెడ్డి తెలుగుకు ప్రాచీన హోదా గురించి ఆయనకు ఎలాంటి ఆలోచనలుండేవోగానీ భాష అభివృద్ధి చెందుతుంది అని ఓ సందర్భంలో చెప్పినప్పుడు వెంటనే సీరియస్‌గా తీసుకున్నారు. రెండ్రోజుల్లోనే దాని గురించి కమిటీ వేశారు. తెలుగుకు ప్రాచీన హోదా దక్కడానికి కృషి చేశారు. ఇంగ్లిషు నేర్చుకోవాలి, తెలుగు తప్పకుండా చదువుకోవాలి అనేవారు. -డాక్టర్‌ ఎల్వీకే 2000 సంవత్సరంలో విద్యుత్‌ ఉద్యమం జరిగినప్పుడు పాత ఎమ్మెల్యే క్వార్టర్స్‌లో జరిగిన  దీక్షకు మద్దతుగా కవిసమ్మేళనం జరిగింది. ఆయన అందరి కవితలనూ ఎంతో శ్రద్ధగా విన్నారు. సమాజాన్ని ప్రభావితం చేయగలిగే శక్తి కవిత్వానికి ఉందని నమ్మిన మనిషి ఆయన. ఒక పుస్తకం ఇస్తే దాని సారాన్ని ఇట్టే గ్రహించగలిగేవారు.-కందిమళ్ల భారతి  

ఇంగ్లిషులో అనర్గళంగా మాట్లాడే పాండిత్యం ఉన్నప్పటికీ మాతృభాష పట్ల మక్కువతో అతి ఎక్కువగా తెలుగు తప్ప ఇంగ్లిషు పదం రాకుండా జాగ్రత్తపడిన వ్యక్తి వైఎస్‌. తెలుగు భాష, సంస్కృతి సంప్రదాయాలకు నిలువెత్తు రూపం మహానేత డాక్టర్‌ వైఎస్‌ రాజశేఖర రెడ్డి. తెలుగు ప్రాచీన భాష కోసం కృషి చేసి సాధించిపెట్టిన వ్యక్తి ఆయన. రాజకీయాల్లోకి అడుగుపెట్టిన 29 ఏళ్ల యువకుడు, వైద్యవృత్తిని చదివిన వ్యక్తి, మోడరేట్‌ అవకాశాలు మెండుగా ఉండే నేపథ్యం ఉన్నటువంటి వ్యక్తి – రైతాంగానికీ, సాంప్రదాయానికీ బద్ధుడై తెలుగుతనం ఉట్టిపడేవిధంగా పంచెకట్టుతో రాజకీయాల్లోకి ప్రవేశించారు. తెలుగు సంస్కృతిక ఉద్దీపకుల పట్ల ఆయనకు ఉన్న గౌరవం గొప్పది. తన జిల్లాలో ఉన్న పుట్టపర్తి నారాయణాచార్యులు వంటి మహాకవులతో ఆయనకు ఎనలేని సాన్నిహిత్యం ఉంది. గజ్జెల మల్లారెడ్డి లాంటి గొప్ప విమర్శకులు, తెలుగుతనాన్ని ఇష్టపడే అనేకమంది తాత్వికులతో సంబంధాలను అత్యంత చనువుగా నెరిపారు. ఇంగ్లీషులో అనర్గళంగా మాట్లాడే పాండిత్యం ఉన్నప్పటికీ మాతృభాష పట్ల మక్కువతో అతి ఎక్కువగా తెలుగు తప్ప ఇంగ్లీషు పదం రాకుండా జాగ్రత్తపడిన వ్యక్తి వైఎస్‌. పాత తెలుగు పాటలు, ఆ పాటల్లో ఉన్న సాహిత్యం కోసం చెవులు కోసుకునేవారు. ఆయన కారులో కొన్ని వేల సార్లు ప్రయాణించిన వ్యక్తిని నేను. అలా ఆ అద్భుతమైన పాటలను ఆస్వాదించే అదృష్టం నాకు కలిగింది. అన్నమయ్య 600వ జయంతిని అత్యంత వైభవంగా తాళ్లపాకలో నడిపించిన సైన్యాధ్యక్షుడు వైఎస్‌. తిరుపతిలో ప్రపంచ తెలుగు మహాసభలకు దీటుగా తెలుగు సంస్కృతి, సాహితీ ఉత్సవాలను నిర్వహించటానికి ఆయన కృషి చేశారు. పవిత్ర పుణ్యక్షేత్రమైన తిరుపతిలో శ్రీకృష్ణదేవరాయలు, రాష్ట్ర గేయాన్ని రాసిన శంకరంబాడి సుందరాచారి, ఎంఎస్‌ సుబ్బులక్ష్మి విగ్రహాలను స్థాపించింది వైఎస్‌. తిరుపతి ముఖద్వారంలో పూర్ణకుంభం ఏర్పాటు చేసి దానికి పూర్ణకుంభం కూడలిగా నామకరణం చేశారు. అదే విధంగా తెలుగుతల్లి విగ్రహం ఏర్పాటుచేసిన మహామనీనిషి రాజశేఖర రెడ్డి. -భూమన కరుణాకర రెడ్డి తెలుగు స్వాభిమానపు కట్టు నేను 1978లో అసెంబ్లీ ఎన్నికల ప్రచారానికి ప్యాంటు షర్ట్‌ వేసుకుని వెళ్లాను. ఆ డ్రస్సులో రాజకీయ నాయకుడిగా కనిపించలేదు. పైగా కాలేజీ కుర్రాడిలా ఉన్నానని అంతా అన్నారు. కాస్త పెద్దమనిషిలా కనిపించాలంటే ఏం చేయాలని ఆలోచించాను. పంచె గుర్తొచ్చింది. మొదట నాకు పంచె కట్టింది మా బాబాయి వాళ్లనుకుంటాను. వారం రోజులు ఇబ్బందిగా అనిపించినా ఆ తరువాత అలవాటైపోయింది. పంచెకట్టులో హుందాగా ఉన్నానని మా వాళ్లంతా అన్నారు. అప్పట్లో ఎన్నికలప్పుడు పంచె కట్టాను. అప్పటినుంచీ పంచెకట్టు వదల్లేదు. ఇందులో సంప్రదాయం, సంస్కృతి, రైతు పౌరుషం, తెలుగు స్వాభిమానం ఉన్నాయి. ఈ డ్రస్‌లో రైతుల దగ్గరికి వెళ్లినప్పుడు వాళ్లు రైతులు, నేను రాష్ట్ర ముఖ్యమంత్రిని అనే భావన వారికిగానీ, నాకుగానీ ఏ కోశానా కలుగదు. (తన పంచెకట్టు గురించి వైఎస్‌) 

సాక్షి, అమరావతి: దివంగత ముఖ్యమంత్రి, మహానేత వైఎస్‌ రాజశేఖరరెడ్డి తెలుగు ప్రజల దశాబ్దాల స్వప్నాలను సాకారం చేయడానికి 2004లో ముందు చూపుతో చేపట్టిన జలయజ్ఞం ఫలాలు నేడు ప్రజలకు చేరువయ్యాయి. వెనుకబడిన ఉత్తరాంధ్రకు తోటపల్లి, వంశధారతో దన్నుగా నిలిస్తే దుర్భిక్ష రాయలసీమకు హంద్రీ–నీవా, గాలేరు–నగరితో ఊపిరి పోశారు. పులిచింతల, పోలవరం ప్రాజెక్టులతో కృష్ణా, గోదావరి డెల్టాలనే కాదు.. రాష్ట్రాన్ని సస్యశ్యామలం చేయడానికి ప్రణాళిక రచించారు. ఉమ్మడి ఆంధ్రప్రదేశ్‌కు 2004లో రూ.లక్ష కోట్ల బడ్జెట్‌ లేదు. కానీ.. రూ.1,33,730 కోట్ల అంచనా వ్యయంతో 86 సాగునీటి ప్రాజెక్టులను ఒకేసారి చేపట్టారు. వాటిని పూర్తి చేయడం ద్వారా 1.21 కోట్ల ఎకరాలకు నీళ్లందించడానికి పక్కాగా ప్రణాళిక రచించారు. ఐదేళ్లలో రూ.53,205.29 కోట్లు ఖర్చు చేసి 16 ప్రాజెక్టులను పూర్తి చేశారు. మరో 25 ప్రాజెక్టులను పాక్షికంగా పూర్తి చేసి 18.48 లక్షల ఎకరాల కొత్త ఆయకట్టుకు నీళ్లందించడంతోపాటు 2.07 లక్షల ఎకరాల ఆయకట్టును స్థిరీకరించారు. రాయలసీమ ప్రజల దశాబ్దాల కల హంద్రీ–నీవా, గాలేరు–నగరిలను 2004లో చేపట్టి, 2009 నాటికి తొలి దశ పూర్తి చేశారు. రెండో దశ పనులను కూడా ఓ కొలిక్కి తెచ్చారు. ప్రస్తుతం గాలేరు – నగరి కాలువ ద్వారా గోరకల్లు, అవుకు, గండికోట, మైలవరం, చిత్రావతి బ్యాలెన్సింగ్‌ రిజర్వాయర్, వామికొండసాగర్, సర్వారాయసాగర్‌లకు కృష్ణా జలాలను తరలిస్తున్నారు. హంద్రీ–నీవా ద్వారా కర్నూలు, అనంతపురం, చిత్తూరు జిల్లాలకు కృష్ణా జలాలను తరలిస్తున్నారు.   వైఎస్‌ హయాంలో సాగునీటి ప్రాజెక్టులకు చేసిన ఖర్చు   ముందు చూపుతోనే నేడు సాగు నీరు  కృష్ణా డెల్టా ప్రజల తొమ్మిది దశాబ్దాల కల పులిచింత ప్రాజెక్టును 2009 నాటికే పూర్తి చేశారు. ప్రస్తుతం పులిచింతలో 44 టీఎంసీలను నిల్వ చేసి.. కృష్ణా ఆయకట్టుకు నీటి కొరత లేకుండా చూడటానికి ఆ మహానేత ముందుచూపే కారణం. శ్రీకాకుళం, విజయనగరం జిల్లాలను అభివృద్ధి చేయడమే లక్ష్యంగా వంశధార, తోటపల్లి, జంఝావతి ప్రాజెక్టులను యుద్ధ ప్రాతిపదికన పూర్తి చేశారు. ప్రస్తుతం ఆ ప్రాజెక్టుల కింద భారీ ఎత్తున రైతులు పంటలు సాగు చేస్తున్నారు. తెలుగు ప్రజల దశాబ్దాల స్వప్నం పోలవరం ప్రాజెక్టును చేపట్టడానికి అవసరమైన అన్ని అనుమతులు సాధించి.. 2004లో పనులు ప్రారంభించారు. కుడి, ఎడమ కాలువ పనులను సింహభాగం పూర్తి చేశారు. హెడ్‌ వర్క్స్‌కు అవసరమైన భూమిని అత్యధిక భాగం సేకరించారు. ఆ ప్రాజెక్టును కొలిక్కి తెచ్చే క్రమంలోనే మహానేత హఠన్మరణం చెందారు. ఆ మహానేత తనయుడు, ప్రస్తుత ముఖ్యమంత్రి వైఎస్‌ జగన్‌మోహన్‌రెడ్డి పోలవరాన్ని వీలైనంత త్వరగా పూర్తి చేయడానికి పక్కాగా ప్రణాళిక రచించారు. 

ఏ విషయాన్నయినా ఇట్టే అరటిపండు ఒలిచి చేతిలో పెట్టినట్టు స్పష్టంగా వివరించే సామర్థ్యం గల ముఖ్యమంత్రి డాక్టర్‌ వై.ఎస్‌.రాజశేఖర రెడ్డి. తనకు ఇష్టమైన, ఆధునిక దేవాలయాలుగా అభివర్ణించే నీటి ప్రాజెక్టులపై శాసనసభలో ప్రసంగిస్తూ(21 జూలై 2004) రైతులు నిజంగా అప్పుల వల్లనే ఆత్మహత్యలు చేసుకుంటున్నారా? లేక ప్రభుత్వం ఇచ్చే పరిహారం కోసం చేసుకుంటున్నారా? అని రైతులు కానివాళ్లంతా వ్యక్తం చేస్తున్న అనుమానాల నేపథ్యంలో తాను చదివిన ఒక పిట్టకథ చెప్పారు. బాగా చదువుకున్న పండితుడు ఒకాయన ఒకరోజు ఒక నూనె గానుగ దగ్గరికి వెళ్లాడు. నువ్వులు ఆడించే గానుగ అది. అప్పుడే కూర తిరగమోత పెట్టినట్టు కమ్మటి వాసన వస్తోంది. ఒక ఎద్దు తప్ప ఎవరూ కనిపించలేదు. దాని మెడలోని గంట శబ్దం తప్ప ఇంకే అలికిడీ లేదు. వచ్చిన పెద్దాయన చుట్టూ చూసి ‘‘రామయ్యా’’ అని గట్టిగా పిలిచాడు. గానుగ యజమాని గుడిసెలో నుంచి పరుగెత్తుకుంటూ వచ్చాడు. నూనె కొన్న తర్వాత పండితుడు అతణ్ణి అడిగాడు– ‘‘ఎప్పుడొచ్చినా ఉండవు. అయినా పని నడుస్తూవుంటుంది. ఎలా?’’ అని. ‘‘ఎద్దు మెడలో గంట కట్టింది అందుకే గదయ్యా! గంట శబ్దం వినపడుతున్నంత సేపూ ఎద్దు తిరుగుతున్నట్లే. అది ఆగినప్పుడు నిద్రలో వున్నా తెలుస్తుంది. లేచి పరిగెత్తుకొచ్చి కాస్త పచ్చిగడ్డివేసి, నీళ్లు పెట్టి, మెడ నిమిరి మళ్లీ నడవడం మొదలుపెట్టాక నేవెళ్లి నా పని చూసుకుంటా’’ అన్నాడు రామయ్య. పండితుడికి అనుమానం తీరలేదు. ‘‘ఎద్దు ఒకేచోట నిలబడి తలమాత్రం ఆడిస్తుంటే నీకు గంట శబ్దం వినబడుతుంది గాని పని సాగదు కదా, అప్పుడెలా?’’ అన్నాడు. దానికి ‘‘నా ఎద్దు అలా చెయ్యదు’’ అని రామయ్య నమ్మకంగా చెప్పాడు. ఎలా చెప్పగలవని పండితుడు సమాధానం కోసం మళ్లీ గుచ్చిగుచ్చి అడిగాడు. ‘‘అది మీలాగా చదువుకున్నది కాదయ్యా. దానికా ఆలోచనే రాదు’’ అని చెప్పి పండితుడి కళ్లు తెరిపించాడు. -టి.ఉడయవర్లు  (‘అక్షరాంజలి’ లోంచి)

ఒకసారి వైఎస్‌ను కలుసుకున్న వ్యక్తి తనకు ఆయనతో ప్రత్యేక అనుబంధం ఉన్నట్లు భావిస్తాడు. అది వైఎస్‌ వ్యక్తిత్వంలోని విశిష్టత. పేద ప్రజలకు మేలు చేయాలన్న తపన, మాటకు కట్టుబడే మనస్తత్వం, చిరునవ్వు, స్నేహశీలత, ఆపన్నులను ఆదుకునే గుణం, నమ్ముకున్నవారికి అండగా నిలిచేందుకు ఏ త్యాగానికైనా సిద్ధపడే తెగింపు, కుల మతాలకు అతీతంగా వ్యవహరించే లౌకిక స్వభావం, నేలవిడిచి సాము చేయని ఆచరణవాదం, ప్రేమ, ఆప్యాయతను పంచిపెట్టే ధోరణి వైఎస్‌ను ప్రజానాయకుడిగా నిలబెట్టాయనడం అక్షర సత్యం.      – సాక్షి, అమరావతి నిజమైన ప్రజానాయకుడికి ఉండవలసిన లక్షణం ‘మీకు అండగా నేనున్నాను’ అన్న భరోసా ప్రజలకివ్వడం. సహచరులు, అనుచరులు ఇబ్బందుల్లో ఉన్నప్పుడు దేనికీ వెనకాడకుండా ఆదుకోవడం. వాగ్దానాలను అమలు చేయడానికి మనస్ఫూర్తిగా, నిజాయతీగా, నిబద్ధతతో కృషి చేయడం. ప్రజల ప్రగతి పట్ల, వారి అవసరాల పట్ల సంపూర్ణమైన అవగాహన కలిగి ఉండటం. దృఢమైన నిర్ణయాలు తీసుకోవడం, వాటికి కట్టుబడి ఉండటం. ప్రజా సంక్షేమం కోసం ఎటువంటి త్యాగానికైనా సిద్ధపడటం. సంక్షేమ, ప్రగతి లక్ష్యాలను నిర్దేశించుకోవడంలో, వాటిని సాధించడంలో క్షేత్రవాస్తవికతను దృష్టిలో పెట్టుకొని, సాహసోపేతమైన, సృజనాత్మకమైన కార్యక్రమాలు రూపొందించుకొని భవిష్యత్‌ చిత్రపటాన్ని నిర్ణయించుకోవడం. దూరదృష్టితో అభివృద్ధికి ప్రణాళికా రచన చేసిన రాజకీయవాదే రాజనీతిజ్ఞుడిగా చరిత్రలో నిలిచిపోతారు. ఇలా నిలిచిపోయిన వారిలో దివంగత వైఎస్సార్‌ అగ్రగణ్యుడు. పేదలందరినీ దృష్టిలో పెట్టుకుని ‘ఆరోగ్యశ్రీ’, ఫీజురీయింబర్స్‌మెంట్, పేదలకూ, దళితులకూ భూ పంపిణి వంటి కార్యక్రమాలను పార్టీలు, ప్రాంతాలు, కులాలు, మతాలకు అతీతంగా అమలు చేసిన ఘనత వైఎస్‌ది. ఎవరికి ఏ సంక్షేమ పథకం వర్తింపజేయాలో, ఎవరికి చేయకూడదో నిర్ణయించే జన్మభూమి కమిటీల వంటి దుర్మార్గపు వ్యవస్థ ఆ మహానేత హయాంలో లేదు. అన్ని సంక్షేమ పథకాల అమలులో ‘శాచ్యురేషన్‌’ (అవసరం ఉన్న అందరికీ నూటికి నూరు శాతం అనుభవంలోకి రావాలి) అనేది వైఎస్‌ అమలు చేసిన విధానం. నిరుపేద ముస్లిం యువతకు విద్యా ఉద్యోగావకాశాల్లో 4 శాతం రిజర్వేషన్లు ఇవ్వడం ఓ విప్లవాత్మక నిర్ణయం. దేశంలోనే చర్చనీయాంశమైంది. ఈ దేశానికి వ్యవసాయం వెన్నెముక అనే విషయంపై అవగాహన ఉన్న నాయకుడు కనుకనే వ్యవసాయానికి సాగునీరు ప్రధానమని గుర్తించి జలయజ్ఞం ఆరంభించారు. నేడు ఇది ఫలాలనిస్తోందంటే ఇందుకు కారణం ముమ్మాటికే వైఎస్సే.   కష్టం విలువ తెలిసిన ప్రజా నేత: ఆపదలో ఉన్న వారిని.. ఆదుకోవడానికే తప్ప నిబంధనలు ఉండకూడదని వైఎస్సార్‌ తన పాలనలో అనేక సందర్భాల్లో నిరూపించారు. నిబంధనలు అంగీకరించవని అధికారులు చెబితే అవి ఆదుకోవడానికి ఉండాలి తప్ప ఏ విధంగా ఆదుకోకూడదో చెప్పడానికి కాదని, నిబంధనలు అంగీకరించకపోతే వాటిని సవరించైనా సాయం చేయాలని చెప్పి కోట్ల మందికి అండగా నిలిచారు. ‘నాయకుడు అవసరం లేని సమాజాన్ని సృష్టించడమే గొప్ప నాయకుడి లక్షణం’ అన్న రాజ్యాంగ నిర్మాత బీఆర్‌ అంబేడ్కర్‌ మాటను దశాబ్దం క్రితమే ఆచరణలో చేసి చూపించిన గొప్ప నేత. అందుకే ఆయన జీవించి ఉండగానే ప్రజలు ఎంతో అభిమానంతో ఆయన ఫొటోను తమ ఇళ్లల్లో పెట్టుకున్నారు. ఆయన హఠాన్మరణం తర్వాత ఆ ఫొటోను గుండెల్లో పదిలపర్చుకుని కొలుచుకుంటున్నారు. ఆయన చరిత్రాత్మక పాదయాత్ర చేసి ప్రజల కష్టాలు, కన్నీళ్లూ దగ్గరుండి చూసి చలించిపోయిన నాయకుడు. ఆయన పాదయాత్ర చేసినప్పుడు 2003లో రాష్ట్రంలో ప్రజల పరిస్థితి దుర్భరంగా ఉంది. ఇలాంటి పరిస్థితుల్లో 2004 మేలో సీఎంగా బాధ్యతలు చేపట్టగానే  రైతులకు ఉచిత విద్యుత్, రూ.2కే కిలో బియ్యం, గ్యాస్‌ సబ్సిడీ భారం భరించడం, 108, 104, ట్రిపుల్‌ ఐటీల ఏర్పాటు తదితర ఎన్నో పథకాలు, నిర్ణయాలతో కొత్త చరిత్ర సృష్టించారు. 76 పారిశ్రామిక సెజ్‌లను ఏర్పాటు చేసి, దాదాపు 2 లక్షల ఉద్యోగావకాశాలు కల్పించారు. పారిశ్రామిక ప్రగతిని పరుగులు పెట్టించారు. అప్పట్లో ఐటీ ఎగుమతులు రూ.26 వేల కోట్లకు చేరుకోవడం ఓ రికార్డు.  

కరపత్రం ఆయనకు చూపిస్తే, కమ్యూనిస్టు ప్రణాళికలోని మార్క్స్‌ చెప్పిన ‘పోరాడితే పోయేదేమీ లేదు బానిస సంకెళ్లు తప్ప’ అనే అంశాన్ని ఇలా మార్చి రాశావు అన్నారు. డాక్టర్‌ వైఎస్‌ రాజశేఖర రెడ్డి నిరంతరం తెలుగుదనం ఉట్టిపడే రీతిలో తన దుస్తులలోనూ, అలోచన సరళిలోనూ, నడకలోనూ, హావభావాలలోనూ మనకు కనిపించేవారు. తెల్లటి ఖద్దరు బట్టల వెనుక ఉన్న వెన్నెల లాంటి హృదయం సన్నిహితంగా ఆయనతో తిరిగిన వారికి మాత్రమే అర్థమవుతుంది. ఆయన చిన్న వయస్సులో పులివెందులలోని ఆదర్శ కమ్యూనిస్టు వెంకటప్పయ్య ఇంటిలోనే ఒక బడి నివాసంలో విద్యను అభ్యసించారు. సోమవారం ఉదయమే తన ఇంటి నుండి వెంకటప్పయ్య పాఠశాలకు వెళ్లి అక్కడే చదువు, భోజనం, నిద్రతో శనివారం వరకు గడిపి, ఇంటికి తిరిగి వచ్చేవారు. వెంకటప్పయ్య కమ్యూనిస్టు సిద్ధాంతాల  ప్రభావంతో చాలా నిరాడంబరంగా ఉంటూ విద్యార్థులకు పాఠ్యాంశాలు బోధిస్తూనే సామాజిక అంశాలను కూడా చెప్పేవారు. వేమన, శ్రీశ్రీ, గురజాడ లాంటి కవుల గురించీ, కమ్యూనిస్టు ప్రణాళిక గురించీ, శ్రీశ్రీ ‘మహా ప్రస్థానం’, మక్సీమ్‌ గోర్కీ ప్రఖ్యాత నవల ‘అమ్మ’ గురించీ చెప్పేవారు. వీరందరినీ వైఎస్‌ చదివినట్టుగా ఆయన జరిపే సంభాషణల్లో రుజువులు కనబడతాయి. వెంకటప్పయ్య దగ్గరికి రాజశేఖరరెడ్డిని వైఎస్‌ రాజారెడ్డి తీసుకెళ్లి, మీ స్కూల్లో మా వాడిని చేర్చుకోమని అడిగి, వీడిని నాయకుడిని చేయాలనుకుంటున్నామనీ, స్వామీ మీరు వాడికి రాజకీయాలు కూడా ఒక నాయకుడిలా ఎదగడానికి కావాల్సినంతగా చెప్పండి అని అన్నారు. అందువల్లే రాజశేఖరరెడ్డికి చక్కటి అ«ధ్యయన పద్ధతులు అబ్బాయి. ఈ రచయిత ఒక సందర్భంలో ‘రైతులారా, ఆత్మహత్యలు చేసుకోవద్దు. ఆలుబిడ్డలున్నారని మరువవద్దు. మీకు పోయేదేమీ లేదు భూమి తప్ప’ అని ఒక కరపత్రం రాసి ఆయనకు చూపిస్తే, కమ్యూనిస్టు ప్రణాళికలోని మార్క్స్‌ చెప్పిన ‘పోరాడితే పోయేదేమీ లేదు బానిస సంకెళ్లు తప్ప’ అనే అంశాన్ని ఇలా మార్చి రాశావు అన్నారు. ఇటువంటిదే మరో సంఘటన. విద్వాన్‌ విశ్వం గారి పెన్నేటి పాటలోని కొన్ని చరణాలను తరతరాల రాయలసీమ పుస్తకం వెనుక అట్ట మీద వాడటం జరిగింది. అందులో ఒక చరణం సరిగాలేదనీ, తప్పుగా రాశాననీ నన్ను సవరించారు. ఆయన రాయలసీమ కావ్యం పెన్నేటి పాటను అంతగా చదివారని నాకు అర్థం అయింది. ఒక సందర్భంలో శ్రీశ్రీని కూడా ప్రస్తావిస్తూ తన ప్రసంగాన్ని కొనసాగించారు.  వైఎస్‌ తెలుగు భాషకు ప్రాచీన హోదా సాధించడంలో భాగంగా ప్రముఖ పత్రికా విలేకరి ఏబీకే ప్రసాద్‌ను తెలుగు భాషా సంఘం అధ్యక్షుడిగా నియమించి ప్రాచీన హోదా సాధించడంలో విజయవంతం అయ్యారు. తిరుపతిలో రాయలసీమ ఎడిషన్‌ విశాలాంధ్ర ప్రారంభోత్సవానికి ముఖ్యమంత్రి హోదాలో  వైఎస్‌ హాజరయ్యారు. తాను జీవితంలో మొట్టమొదటి సారిగా 8వ తరగతి చదువుతున్నప్పుడు తన ఇంటికి రోజూ వచ్చే విశాలాంధ్రను చదివేవాడిననీ, విశాలాంధ్ర నిర్వహించిన చారిత్రక బాధ్యత గొప్పదనీ ప్రస్తావించారు. వైఎస్‌ ఒక రూపాయి డాక్టరుగా ఉన్నా, శాసనసభ్యుడిగా, పార్లమెంట్‌ సభ్యుడిగా ఉన్నా ఉదయాన్నే లేచి వ్యాయామం చేయడం, ఆ తర్వాత పత్రికలు క్షుణ్ణంగా చదవడం, జరిగిన సంఘటనలు నోట్‌ చేసుకొని ఆ అంశాల పై తగు విధంగా కార్యాచరణకు మలచుకోవడం జరిగేవి.  ఆయన బైబిల్‌ను ఎంత అర్థం చేసుకున్నారో అచరణలో జీవితాన్ని కూడా బైబిల్‌లోని సారాంశంతో కలగలిపి గొప్ప మానవతావాదిగా ఎదిగాడు. అంత మాత్రం చేత హిందూ మతం పట్ల, ఇస్లాం పట్ల గాని ఆయనకి గౌరవం తగ్గలేదు. బైబిల్, ఖురాన్, భగవద్గీతను అర్థం చేసుకొని అన్ని మతాలను గౌరవించే వ్యక్తిగా ఆయన ఎదిగాడు.  చాలా ఆశ్చర్యము, ప్రస్తుత పరిస్థితుల్లో గుర్తించుకోవాల్సిన అంశం ఏమిటంటే– 1983లో ఆయన బంజారాహిల్స్‌ రోడ్‌ నంబర్‌ 2లో నిర్మించుకున్న ఇంటికి శ్రీబాగ్‌ అని పేరు పెట్టుకోవడం. ఇది ఆయన రాజకీయ పరిణతికి చిహ్నం. చరిత్రలో శ్రీబాగ్‌ ఒడంబడిక  ప్రాముఖ్యతను ఆయన గుర్తించినట్లుగా మరెవరూ గుర్తించలేదు. ఉమ్మడి మద్రాసు రాష్ట్రంలోని తెలుగువారు, తెలుగు రాష్ట్రం కొరకు భాషా ప్రయుక్త రాష్ట్రంగా ఏర్పడాలని జరిపిన ఉద్యమంలో కోస్తా నాయకులకూ, రాయలసీమ నాయకులకూ 1937లో మధ్య జరిగిన ఈ ఒప్పందం... నేడు రాష్ట్రంలో కేంద్రీకృత అభివృద్ధి, అభివృద్ధి వికేంద్రీకరణ చర్చలు కొనసాగుతున్న నేపథ్యంలో కీలకమైనది. రాయలసీమలో సేద్యపునీటి ప్రాజెక్టులను కోరుతూ లేపాక్షి నుండి పోతిరెడ్డిపాడుకు 1986లో వైఎస్‌ జరిపిన పాదయాత్రలో నడవడంతో ఆయనలో పట్టుదలను నేను గమనించాను. చేవెళ్ల నుంచి ఇచ్చాపురం వరకు జరిగిన ప్రజాప్రస్థానం తెలుగు రాజకీయాలను ఒక ఊపు ఊపింది. రాజకీయాల మార్పునకు పునాది వేసింది. ఆ పాదయాత్రలోనూ ఆయనను సన్నిహితంగా చూసే భాగ్యం నాకు దక్కింది. ప్రజలతో ఆయన మాట తీరు సులువుగా వారి గుండెలకు హత్తుకునేలా ఉండేది. వెంకటసుబ్బయ్య పాఠశాలలో ఆయనలో గొప్ప అభివృద్ధి కాంక్షకు బీజాలు పడ్డాయి. ప్రజలలో నిరంతరం సంబంధాలు కలిగి ఉండడంతో మరింతగా ఆలోచనలు పదునెక్కాయి. ఒక మంచి కార్యకర్త ఒక మంచి నాయకుడు అవుతాడు. ఒక నాయకుడే ఒక మహా నాయకుడు అవుతాడు. నిరంతర పఠనం, పరిస్థితులను ఆకళింపు చేసుకునే విధానం ఆయన్ని  మహానాయకుడిగా చేశాయి. మంచి సాహిత్యాన్ని జీర్ణం చేసుకున్న వ్యక్తి సమాజాన్ని అర్థం చేసుకోగలడు అనేదానికి మారుమూల పులివెందుల నుండి జాతీయ స్థాయికి ఎదిగి వచ్చిన వైఎస్‌ జీవితం ఓ తార్కాణం. -‘కదలిక’ ఇమామ్‌

పేద, బడుగు, బలహీన వర్గాల సంక్షేమం కోసం మా నాన్న గారు ఒకడుగు ముందుకు వేస్తే.. ఆయన కొడుకుగా ప్రజల సంక్షేమం కోసం నేను రెండడుగులు ముందుకు వేస్తాను.. నాన్న గారు చనిపోయాక ప్రతి ఇంటిలోనూ ఆయన ఫొటో పెట్టుకున్నారు. నాకూ అదే ఆశ.. నేను మరణించిన తర్వాత కూడా ప్రతి ఇంటా ఆయన ఫొటో పక్కన నా ఫొటో ఉండాలని, ప్రజల హృదయాల్లో కలకాలం నిలిచిపోవాలని కోరుకుంటున్నాను.  – ఆంధ్రప్రదేశ్‌ ముఖ్యమంత్రి వైఎస్‌ జగన్‌మోహన్‌రెడ్డి ప్రజా సంకల్ప పాదయాత్రలో ప్రతిపక్ష నేత హోదాలో అన్న మాటలివి.  సాక్షి, అమరావతి : ముఖ్యమంత్రి పీఠం ఎక్కిన తర్వాత అక్షరాలా పై మాటలను నిజం చేస్తూ ప్రజలకు మేలు చేసే దిశగా వైఎస్‌ జగన్‌మోహన్‌రెడ్డి వడి వడిగా అడుగులు వేస్తున్నారు. అసలు తెలుగు నాట పేదరిక నిర్మూలన కోసం విప్లవాత్మక రీతిలో ప్రజా సంక్షేమ పథకాల అమలుకు శ్రీకారం చుట్టిందే దివంగత ముఖ్యమంత్రి వైఎస్‌ రాజశేఖరరెడ్డి. సామాన్యులకు మేలు చేయాలంటే ప్రధానంగా వారికి వైద్యం, విద్య అందుబాటులోకి తేవాలన్నది వైఎస్‌ లక్ష్యం. అదే ఆలోచనతో ఆయన నిరుపేదలకు సైతం కార్పొరేట్‌ ఆసుపత్రుల్లో ఖరీదైన వైద్యాన్ని ఆరోగ్యశ్రీ పథకం ద్వారా అందుబాటులోకి తెచ్చారు. డబ్బు లేక ఉన్నత విద్యకు దూరం కారాదన్న ఒకే ఒక్క సదాశయంతో పేద విద్యార్థులందరికీ ఫీజు రీయింబర్స్‌మెంట్‌ పథకాన్ని వర్తింపజేశారు. అంతలోనే ఆయన మనందరికీ దూరమయ్యారు. తదనంతర రాజకీయ పరిణామాలు అందరికీ తెలిసిందే. మొన్నటి ఎన్నికల్లో ఘన విజయం సొంతం చేసుకున్న వైఎస్‌ జగన్‌ ముఖ్యమంత్రి కాగానే.. తాను ఎన్నికల ప్రణాళికలో హామీ ఇచ్చిన మేరకు ‘నవరత్నాలు’ అమలు చేసేందుకు నడుం బిగించారు. నవరత్నాల ద్వారా ఇప్పటి వరకూ దేశంలో కనీ వినీ ఎరుగని రీతిలో సంక్షేమ పథకాలను రూపొందించారు. ప్రజలు తనకు 151 శాసనసభ స్థానాలు, 22 లోక్‌సభ స్థానాల్లో చరిత్రాత్మక విజయం అందించాక తన తొలి ప్రసంగంలో.. ‘ఆరు నెలలు లేదా సంవత్సరంలోనే మీ అందరి (ప్రజలు) చేత జగన్‌ మంచి ముఖ్యమంత్రి అనిపించుకుంటాను’ అన్నారు. ఆ మాటలను నిజం చేసేలా ముందుకు దూసుకెళ్తున్నారు. ఏదైనా ఒక మాట ఇస్తే తప్పని గుణం దివంగత వైఎస్‌కు ఉండేది. అదే విధానాన్ని తాను కూడా పుణికిపుచ్చుకున్న జగన్‌ ప్రజాసంకల్ప యాత్రలో లక్షలాది మంది జనం సమక్షంలో ఇచ్చిన హామీలను అమలు పరిచేందుకు తహ తహ లాడటం చూస్తుంటే ఆ కుటుంబం జన్యువుల్లోనే మాట తప్పని గుణం ఇమిడి ఉందనేది అవగతం అవుతుంది.   అదే వేగం.. అంతకు మించిన దూకుడు..  ముఖ్యమంత్రిగా ప్రమాణ స్వీకారం చేసిన రోజు.. మే 30వ తేదీన తొలి సంతకంతో రాష్ట్రంలోని యావత్‌ అవ్వా తాతల పింఛన్లు పెంచారు. వారికి ఇచ్చే నెల పింఛన్‌ మొత్తాన్ని రూ.2000 నుంచి రూ.2250కి పెంచడమే కాకుండా ఏటా రూ.250 చొప్పున పెంచుతూ రూ.3000కు తీసుకెళ్లే ఫైలుపై తొలి సంతకం చేశారు. అచ్చంగా దివంగత వైఎస్‌ కూడా.. తాను ముఖ్యమంత్రిగా ప్రమాణ స్వీకారం చేసిన మరుక్షణమే అదే వేదికపై నుంచి వ్యవసాయం కుదేలై కునారిల్లుతున్న రైతులకు మేలు కలిగిస్తూ ఉచిత విద్యుత్‌ ఫైలుపై సంతకం చేయడం తెలిసిందే. అప్పటి నుంచి వ్యవసాయానికి ఉచిత విద్యుత్‌ సరఫరా నేటికీ కొనసాగుతోంది. ఇప్పటి ప్రతిపక్ష నేత చంద్రబాబు 2014లో ముఖ్యమంత్రి కాగానే ఒకటి కాదు, రెండు కాదు.. ఏకంగా ఐదు అంశాలపై తొలి సంతకాలు చేశారు. కానీ ఏ ఒక్కటీ అమలుకు నోచుకోలేదు.   జగన్‌ సీఎం కావడం కాకతాళీయం కాదు  వైఎస్‌ జగన్‌ ముఖ్యమంత్రి కావడం కాకతాళీయం కాదు. క్లిష్టమైన పరిస్థితుల మధ్య పదేళ్లకు పైగా పోరాడి అనేక సంక్షోభాలను ఎదుర్కొని ముఖ్యమంత్రి గద్దె నెక్కారు. తండ్రీ కొడుకులు ఓ రాష్ట్రానికి ముఖ్యమంత్రులు కావడం కొత్తేమీ కాదు. కానీ తెలుగు రాష్ట్రాల్లో ప్రథమం. ఎన్నికల్లో గెలిచాక ప్రజలకు మేలు చేయడానికి మీన మేషాలు లెక్కించడం ఎందుకు? అని జగన్‌ భావించారు. ఇలా అనుకున్నదే తడవుగా గద్దె నెక్కిన పక్షం రోజుల్లోనే మంత్రివర్గ విస్తరణ జరిగిన మూడో రోజునే సుమారు ఏకబిగిన 8 గంటల పాటు సాగిన తొలి మంత్రివర్గ సమావేశంలో పలు సంక్షేమ పథకాల అమలుకు నిర్ణయం తీసుకోవడం ఇప్పటి వరకు దేశంలో ఎక్కడా జరగలేదు.  తొలి అడుగుల్లో తనదైన ముద్ర  తొలి బడ్జెట్‌ సమావేశాల్లోనే 19 బిల్లులను ప్రవేశ పెట్టి ఆమోదింప జేసిన ఘనత వైఎస్‌ జగన్‌మోహన్‌రెడ్డి ప్రభుత్వానిదేనని చెప్పాలి. ప్రజాహితం కోరి తానొక నిర్ణయం తీసుకుంటే దానిని ఎంత చిత్తశుద్ధితో అమలు చేస్తారనేది జగన్‌ ఈ సమావేశాల్లో నిరూపించారు. ముఖ్యమైన బిల్లులివి..  - శాశ్వత బీసీ కమిషన్‌ ఏర్పాటు  - నామినేటెడ్‌ పదవుల్లో బీసీ ఎస్సీ,ఎస్టీ మైనారిటీలకు 50% రిజర్వేషన్లు  - నామినేటెడ్‌ పనుల్లో బీసీ, ఎస్సీ,ఎస్టీ, మైనారిటీలకు 50% రిజర్వేషన్లు  - నామినేటెడ్‌ పదవుల్లో మహిళలకు 50% రిజర్వేషన్లు  - నామినేటెడ్‌ పనుల్లో మహిళలకు 50% రిజర్వేషన్లు  - టీటీడీ మినహా అన్ని ఆలయాలు, ట్రస్టుల్లో బీసీ, ఎస్సీ, ఎస్టీలు, మహిళలకు 50% రిజర్వేషన్లు  - పరిశ్రమల్లో 75% ఉద్యోగాలు స్థానికులకే   - ఆంధ్రప్రదేశ్‌ పంట సాగుదారు హక్కుల బిల్లు  - మద్య నియంత్రణ చట్టానికి సవరణ.. దశల వారీగా సంపూర్ణ మద్య నిషేధం - ముందస్తు న్యాయ పరిశీలన అనంతరమే టెండర్లు - లోకాయుక్త ఏర్పాటు 8 ఏపీ ల్యాండ్‌ టైటిలింగ్‌ చట్టం  - ఏపీ వ్యవసాయ ఉత్పత్తుల,పశు సంపద మార్కెట్ల సవరణ బిల్లు  - పాఠశాల విద్య నియంత్రణ, పర్యవేక్షణ కమిషన్‌  - ఉన్నత విద్య నియంత్రణ, పర్యవేక్షణ కమిషన్‌ 

సాక్షి, అమరావతి: రాజకీయాలంటే సినిమా కాదని, వంద రోజుల్లో పాలనపై తీర్పు ఇవ్వడం ప్రతిపక్షం తొందరపాటని వైఎస్సార్‌సీపీ గౌరవాధ్యక్షురాలు, దివంగత ముఖ్యమంత్రి వైఎస్‌ రాజశేఖరరెడ్డి సతీమణి, ప్రస్తుత ముఖ్యమంత్రి వైఎస్‌ జగన్‌మోహన్‌రెడ్డి మాతృమూర్తి వైఎస్‌ విజయమ్మ అన్నారు. ప్రజలకు మంచి చేసే విషయంలో దివంగత మహానేత ఒకడుగు ముందుకు వేస్తే జగన్‌ రెండడుగులు ముందుకు వేస్తానంటున్నాడని చెప్పారు. జగన్‌లో ధైర్యం పాళ్లు ఎక్కువని, ప్రజా సంక్షేమమే ధ్యేయంగా మేనిఫెస్టోలో చెప్పిన విషయాలను ఆచరించి చూపుతారని ఆత్మవిశ్వాసంతో పేర్కొన్నారు. దివంగత సీఎం వైఎస్సార్‌ 10వ వర్ధంతిని పురస్కరించుకుని ‘సాక్షి’ టీవీ ప్రతినిధి కొమ్మినేని శ్రీనివాసరావుకు ఆదివారం ఇచ్చిన ప్రత్యేక ఇంటర్వ్యూలో ఆమె పలు విషయాలపై మాట్లాడారు. ఎన్నో కష్టనష్టాలకోర్చి అఖండ విజయంతో సీఎం పదవిని అధిష్టించిన వైఎస్‌ జగన్‌.. తండ్రి వైఎస్సార్‌ అడుగుజాడల్లో నడుస్తూ ఏడాదిలోగా మంచి ముఖ్యమంత్రి అని నిరూపించుకుంటారని ఆకాంక్షించారు. ఇంటర్వ్యూ ముఖ్యాంశాలు ఆమె మాటల్లోనే..  ఆ కమిట్‌మెంట్‌ నాకు చాలా నచ్చింది జగన్‌ అధికారంలోకి వచ్చినందుకు సంతోషంగా ఉంది. 100 రోజుల పాలనను పెద్దగా పరిగణనలోకి తీసుకోలేం. ఇది సినిమా కాదు. ప్రతి రోజు.. ప్రతి నిమిషం ప్రజల కోసం పని చేయాలి. నాన్న ఒకడుగు ముందుకేస్తే తాను రెండడుగులు వేస్తానంటున్నాడు జగన్‌. ప్రజాప్రతినిధులు, ఉన్నతాధికారులు, వలంటీర్లకు మేనిఫెస్టోను ముందు పెట్టుకోవాలని చెప్పారు. ఆ కమిట్‌మెంట్‌ నాకు చాలా నచ్చింది. మళ్లీ ఎన్నికల నాటికి ఈ మేనిఫెస్టోలోని అంశాలు అమలు చేశాకే ఓట్లడుగుతానంటున్నాడు. మద్యపాన నిషేధంలో భాగంగా బెల్ట్‌షాపుల తొలగింపు మొదలుపెట్టారు.   జగన్‌ సీఎం అవుతాడని ఊహించే కష్టపెట్టారు    వైఎస్సార్‌ అన్ని కష్టాలు అనుభవించారు. చాలా పోరాటం చేశారు. ప్రతిపక్షంతోనూ, స్వపక్షంతోనూ పోరాడారు. ఆయన సీఎం కావడానికి 25 ఏళ్లు పట్టింది. ఆయన మన మధ్య నుంచి వెళ్లిపోయాక జగన్‌ను చాలా వేధించారు. జగన్‌ సీఎం అవుతారని ఊహించే ఇలా కష్టపెట్టారు. ఓదార్పు యాత్రలో ప్రజా స్పందన, ప్రజల అభిమానం చూశారు. రాజశేఖరరెడ్డికి మంచి పేరు రావడం, ఆయన కోసం జగన్‌ ఓదార్పు యాత్ర చేయడం హైకమాండ్‌కు నచ్చలేదు. అందుకే తొక్కిపెట్టాలని నిర్ణయించుకున్నారు. వారికి చంద్రబాబు తోడయ్యారు. 2014లో ఓటమి మమ్మల్ని మరింత బలోపేతం చేసింది. మేమెక్కడా కుంగిపోలేదు. 23 మంది ఎమ్మెల్యేలను చంద్రబాబు తీసుకున్నా జగన్‌ భయపడలేదు. ఏం జరుగుతోంది నాయనా అంటే ‘నీవు దేవుడిని నమ్ముతావు కదమ్మా.. దేవుడు మంచి చేస్తాడు’ అన్నాడు. వెళ్లే వాళ్లు వెళ్లినా భయపడలేదు. నల్లకాలువ సభలో ఇచ్చిన మాట కోసం జగన్‌ కష్టపడుతున్నాడని ప్రజలు భావించారు. వైఎస్‌ చేసిన మంచి పనులన్నీ ప్రజలు గుర్తు పెట్టుకుంటారని ఓదార్పు యాత్రలో గమనించాం. జగన్‌ జైలులో ఉండగా, మేము బయటకు వెళ్లినప్పుడు ప్రజలు మా వెంట నిలవడం, 18 మందిని గెలిపించుకోవడం, పార్టీ కోసం వెళ్లినప్పుడు కూడా జనం మమ్మల్ని అక్కున చేర్చుకోవడం.. పాదయాత్ర అయిపోయే నాటికి గెలుపుపై మాకు పూర్తి విశ్వాసం కలిగింది. ఎక్కడ వైఎస్, జగన్‌ పేరు ప్రస్తావించినా మంచి స్పందన ఉండేది. వైఎస్సార్‌ చేసిన పనులు, చంద్రబాబు చేయని పనులు జనమే చెప్పేవారు.   అసెంబ్లీలో చరిత్రాత్మక బిల్లులు ఆమోదించారు  చంద్రబాబు చివరి మూడు నెలల్లో అన్నీ చేశానని చెప్పారు. పెన్షన్‌ రూ.2 వేలు చేశానన్నారు.. 3 వేలు చేస్తానని చెప్పారు.. డ్వాక్రా మహిళలకు పసుపు–కుంకుమ ఇస్తానన్నారు.. అమ్మ ఒడి అమలు చేస్తానని, యువతకు మేలు చేస్తానన్నారు. పింఛన్‌ను జగన్‌ రూ.2 వేలకు పెంచుతానని చెప్పకపోతే బాబు చెప్పేవాడా? జగన్‌ హామీలను చూసి బాబు కాపీ కొట్టలేదా? రైతులకు ఏటా రూ.12,500 జగన్‌ ఇస్తానన్నాకే కదా బాబు కూడా ఇస్తానంది? వైఎస్‌ చెప్పినవన్నీ చేసి చూపించారు. ఆయన రక్తం పంచుకుపుట్టిన జగన్‌ కూడా చేస్తాడు. ఒక అవకాశం ఇవ్వండని కోరాను. ప్రజలు అవకాశం ఇచ్చారు. తొలిరోజే మేనిఫెస్టో గురించి మాట్లాడాడు. ప్రజా సమస్యల పరిష్కారానికి చేపట్టిన స్పందన కార్యక్రమం బాగుంది. ఎన్నిరోజుల్లో సమస్య పరిష్కరిస్తామో చెప్పాలన్నారు. అసెంబ్లీలో చరిత్రాత్మక బిల్లులు ఆమోదించారు.   ఐదేళ్లలో ఏమీ చేయలేని వారు అప్పుడే విమర్శలా?  జగన్‌ ప్రభుత్వం ఏర్పడి మూడు నెలలు కూడా కాలేదు. ఐదేళ్లలో ఏమీ చేయలేని వారు విమర్శలు మొదలు పెట్టారు. వాళ్లు తప్పులు మాట్లాడుతున్నారు. బిల్డింగులు, రోడ్లు.. ప్రతి చోటా అవినీతే. వచ్చిన డబ్బులేం చేశారో తెలీదు. రాజధాని పేరుతో అంతా అవినీతే. జలయజ్ఞం కోసం రూ.65 వేల కోట్లు ఖర్చు పెట్టామంటున్నారు. స్వాతంత్య్రం వచ్చినప్పటి నుంచి బాబు పాలనకు ముందు వరకు రూ.96 వేల కోట్ల అప్పులుంటే.. బాబు రూ.2.60 లక్షల కోట్లు అప్పులు చేశారు. ఈ డబ్బులతో ఏం చేశారంటే జవాబు లేదు. పవన్‌ కల్యాణ్‌ టార్గెట్‌ ఎప్పుడూ జగనే. ఎన్నికలప్పుడు జగన్‌ను విమర్శించారు. ఇప్పుడూ విమర్శిస్తున్నారు. రాజధాని మార్పు నిజం కాదనుకుంటా. రాజధాని పేరుతో బాబు ప్రభుత్వం సాగించిన అవినీతి వ్యవహారం గురించి సీఆర్‌డీఏ మీటింగ్‌లో మాట్లాడుకున్నారు. బాబు పర్మినెంట్‌గా ఒక ఇటుక పెట్టింది లేదు. అవన్నీ బయటకు వస్తాయని చెప్పి ఇలా బురద వేస్తున్నారు. నాకు ఏదైనా చెప్పాలనిపిస్తే జగన్‌కు చెబుతుంటాను. బయట అలా అనుకుంటున్నారని, ఇలా అనుకుంటున్నారని వివరిస్తాను.   చంద్రబాబు నోట అన్నీ అబద్ధాలే  తను ఎందుకు ఓడిపోయారో అర్థం కావడం లేదని చంద్రబాబు మాట్లాడుతుండటం ప్రజల చెవిలో పూలు పెట్టాలనే. తునిలో తనే రైలు తగలబెట్టించి కడప నుంచి రౌడీలు వచ్చారన్నారు.  నీళ్లను ఆపగలిగే శక్తి ఎవరికి ఉంటుంది? అలా చేసి ఉంటే నిజంగా ఆయన ఇల్లు మునిగిపోయేది. ఏం చేశారని బాబుకు ప్రజలు ఓటేస్తారు? ఈ విషయం ఆయనకు ఎందుకు అర్థం కాదు? 1978లో వైఎస్సార్, చంద్రబాబు, కేఈ కృష్ణమూర్తి కలిసి వెళ్లే వారు. తర్వాత బాబు దారి బాబుది. వైఎస్సార్‌ బెస్ట్‌ ఫ్రెండ్‌ అని చెబుతున్నారు. బెస్ట్‌ ఫ్రెండ్‌ కాదు..  శత్రువుగా చూశారు. బాబు హయాంలో ఇసుక పేరుతో దోచుకున్నారు. పోలవరంలో పనులు చేయకుండానే కోట్లు కోట్లు డబ్బులిచ్చేశారు. ఇవాళ జగన్‌ అసెంబ్లీలో అడిగిన ప్రశ్నలకు బాబు సమాధానం చెప్పలేకపోతున్నారు. జగన్‌ అన్ని పథకాలను వాళ్ల కంటే దర్జాగా అమలు చేస్తారు. ఇసుక విక్రయంలో పారదర్శకత తీసుకొస్తున్నారు. పోలవరం వైఎస్సార్‌ కల. ప్రాజెక్టులంటే జగన్‌కు ఆసక్తి, ఇష్టం. పోలవరం ప్రాజెక్టును గడువులోగా పూర్తి చేస్తారు. రాష్ట్రంలో ప్రాజెక్టులు కనిపిస్తున్నాయంటే వైఎస్సార్‌ నిర్ణయాలే కారణం. కనీసం జగన్‌ పాలనను ఏడాది చూడాలి. బాబు అడ్డగోలుగా దోచుకున్నారు. అలాంటి పాలనను దారికి తేవాలంటే సమయం పడుతుంది. జగన్‌ గొప్ప పనులు చేస్తారు.   ఎంత మంది చెప్పినా ప్రభుత్వాన్ని పడగొట్టలేదు  వైఎస్సార్‌ ప్రభుత్వం తొలి రోజుల్లో జీతాలిచ్చే పరిస్థితి లేదు. మంచి మనసు ఉంటే ప్రకృతి, దేవుడు సహకరిస్తారు. జగన్‌ ఎంపీ అయ్యాక 2009లో వైఎస్‌ మన మధ్యనుంచి వెళ్లిపోయారు. ఒకసారి ఎంపీలందరినీ పిలుచుకుని సోనియా, రాహుల్‌కు పరిచయం చేశారు. తర్వాత ప్రతి నెలా అపాయింట్‌మెంట్‌ అడిగారు. కానీ అవకాశం ఇవ్వలేదు. అప్పుడు మొదలైన పోరాటం మొన్నటి దాకా సాగింది. తనకెన్ని కష్టాలున్నా పక్కనపెట్టాడు. ప్రజలకు ఎప్పుడూ తన కష్టం చెప్పలేదు. జగన్‌ ఎప్పుడూ పెద్దలను గౌరవించేవాడు. సోనియాను ఓదార్పునకు అనుమతి కోసం వెళ్లినప్పుడు.. తనకు సీఎం పదవి కావాలని కోరలేదు. ‘నాన్న చెప్పినట్లు 41 స్థానాలు మీకు అప్పగిస్తాను.. నాకు మంత్రి పదవి వద్దు.. రాష్ట్రంలో తిరగడానికి అనుమతిస్తే చాలు’ అని కోరాడు. చాలా మంది సలహా ఇచ్చినా ప్రభుత్వాన్ని పడగొట్టలేదు.  చంద్రబాబు అవకాశవాది  జగన్‌ను ఎప్పుడూ విమర్శించడమే వాళ్ల పని. వారి బాగోతాలు బయట పడుతుంటే ఓర్చుకోలేక ఇలా మాట్లాడుతున్నారు. కేటీఆర్‌తో జగన్‌ బావుంటే నష్టం ఏమిటి? రకరకాల గొడవలతో నీవు దూరమయ్యావు. మళ్లీ వారితో పొత్తు కోసం హరికృష్ణ మృతదేహం సాక్షిగా మాట్లాడావు. కేంద్రంతో, మోదీ.. అమిత్‌ షాలతో, పక్క రాష్ట్రాలతో మంచి సంబంధాలు అవసరం. ప్రజలకు మంచి చేయడానికి వీలవుతుంది. చంద్రబాబు అవకాశవాది. ఈరోజు మోదీని, కేసీఆర్‌ను తిట్టడం లేదు. ఈ రోజు తన పార్టీ వాళ్లను బీజేపీలోకి పంపిస్తున్నారు. జగన్‌ తో మోదీ, అమిత్‌షాలు బాగానే ఉన్నారు. వాళ్ల పార్టీ వేరు. మా పార్టీ వేరు. అయినా కేంద్ర, రాష్ట్రాల మధ్య ఉండాల్సిన సంబంధాలున్నాయి. రాష్ట్రంలో సాగిన స్కాంలపై విచారణ జరుగుతుంది’’అని వైఎస్‌ విజయమ్మ అన్నారు.   సమస్య తెలుసుకుని పరిష్కరించే వారు  వైఎస్‌ అధికారంలోకి రావడానికి 25 ఏళ్లు పట్టింది. ప్రతి ఊరు, ప్రతి అవసరం తెలుసు. ప్రతి జిల్లాకు ఎన్నో మార్లు వెళ్లారు. లక్షల మందిని గుర్తు పట్టి పేరుతో పిలిచేవారు. కష్టాల్లో ఉన్న వారికి భరోసా ఇచ్చేవారు. ఆయనే సమస్య తెలుసుకుని పరిష్కారం చూపేంత మంచి మనసు. సీఎం రిలీఫ్‌ ఫండ్‌ సరిపోవడం లేదనే ఆరోగ్య శ్రీ తీసుకొచ్చారు. రైతులకు నీళ్లుంటే తప్ప పండించుకునే పరిస్థితి లేదని ప్రాజెక్టులు మొదలు పెట్టారు. నిజాయితీ, వ్యక్తిత్వం ఉంది కాబట్టి ఎవరికీ భయపడలేదు. ఆ రోజూ స్వపక్షంలోనే కార్నర్‌ చేసేవాళ్లు. ఇదే మీడియా.. ఇదే చంద్రబాబు.. దేనికీ వెరవ లేదు. ఆయనకు ఆయనే సీబీఐ ఎంక్వైరీ వేశారు. పరిటాల రవి హత్య, అవుటర్‌ రింగ్‌ రోడ్డుపై ఎంక్వైరీ వేశారు. జలయజ్ఞంపై ప్రతిపక్ష పార్టీలతో చర్చించడానికి సిద్ధమని చెప్పేవారు. ప్రజలకు ఏది అవసరమో అది తెలుసుకుని ఎవరూ అడగకపోయినా స్వయంగా చేశారు. ఈ రోజు జగన్‌ కూడా అంతే. అదే కోవలోనే మేనిఫెస్టో తయారైంది. వైఎస్‌ నాడు అలా చేశారు కాబట్టే ఈ రోజు కోట్లాది మంది హృదయాల్లో నిలిచిపోయారు. ప్రతి ఇంట్లో వర్ధంతి జరుపుకునే వారున్నారు.   జగన్‌ మంచి సీఎంగా నిలబడతారు అక్టోబర్‌ నుంచి నాలుగైదు లక్షల మంది కొత్తగా పనుల్లోకి వస్తున్నారు. గ్రామ సెక్రటేరియట్‌ నుంచే పాలన సాగించాలనుకుంటున్నారు. అన్ని కార్యక్రమాలకు వైఎస్‌ స్ఫూర్తి. అందుకే ఆయన పేరు పెడుతున్నారనుకుంటా. డేట్లు ఇచ్చి ఒక్కో పని చేపడుతున్నారు. జనంలో ఎక్కడా వ్యతిరేకత లేదు. వచ్చి మూడు నెలలు కూడా కాలేదు. సమయం ఇవ్వాలని ప్రజలు ఆలోచిస్తున్నారు. ఆ నేతల మాటలను మీడియా పది సార్లు వేస్తుంది కాబట్టి వారలా చెప్పుకుంటారు. అప్పుడు, ఇప్పుడు నా మాట ఒక్కటే. నాకు రాజకీయాల్లో తిరగాలని ఇంట్రస్ట్‌ లేదు. వైఎస్‌ భార్యగా, జగన్‌ తల్లిగా ప్రజలకు మంచి జరగాలన్నది నా ఆకాంక్ష. నా కొడుకు మీద నమ్మకంతో 175కు 151 అసెంబ్లీ, 25కు 22 పార్లమెంట్‌ సీట్లు ఇచ్చారు. చరిత్రలో నిలబడతాడని ప్రజలందరికీ మీ ద్వారా తెలియజేస్తున్నా. మంచి ముఖ్యమంత్రిగా జగన్‌ నిలబడతారు. ఆ రోజు వైఎస్‌ వల్లే కాంగ్రెస్‌ వచ్చింది. ఈ రోజు రాష్ట్రంలో వాళ్ల  పరిస్థితి ఏమిటి? ఆరోజు ఒక్కసారిగా కష్టాలన్నీ కళ్లెదుట రీల్‌ తిరిగాయి. అక్రమ కేసులతో ఇబ్బంది పెట్టడం, మీడియాను అడ్డుపెట్టుకుని అవాస్తవాలు ప్రచారం చేయడం, అసెంబ్లీలో వాళ్లు వ్యవహరించిన తీరు అన్నీ ఒక్కసారిగా.. సీఎంగా జగన్‌ ప్రమాణ స్వీకారం రోజున గుర్తుకొచ్చాయి. కన్నీళ్లు ఆపుకోలేకపోయాను.  వాళ్లు ఎంత అణిచినా నేల కేసి కొట్టిన బంతిలా జగన్‌ ముందడుగే వేశారు. సోనియా ఓదార్పు యాత్ర చేయొద్దని చెప్పిందని, వాళ్ల మాట కాదంటే ఇబ్బందులొస్తాయని చెప్పాను. అయినా జగన్‌ చేయాల్సిందేనన్నారు. ఇబ్బంది పెడతారని తెలిసి నాకు భయం వేయలేదు కానీ బాధేసింది.  పదేళ్లలో చాలా మంది అక్కచెల్లెమ్మలు జగన్‌తో వారి బాధ చెప్పారు. మద్యానికి బానిసైన వారి పిల్లలు ఇబ్బంది పడుతున్నారు. పాదయాత్రలో వారి బాధలు స్వయంగా విన్నారు.. చూశారు. అందుకే ‘ఓ వైపు ఆదాయం తగ్గినా మద్య నిషేధం అమలు చేయాలమ్మా..’ అని చెబుతున్నాడు. ఇది కష్టసాధ్యమైనా చేస్తాడనుకుంటున్నా.   వైఎస్‌ గారు నిజంగా గొప్ప మానవతావాది. చరిత్రను ప్రభావితం చేసే నాయకుడు. ఆయన పెట్టిన పథకాలు ఈ రోజు ఎవరూ తీసేయలేనివి. మన మధ్య నుంచి ఆయన వెళ్లిపోయి ఇవాళ్టికి 10 సంవత్సరాలైంది. అందరిలో ఆ బాధ ఉంది. సెప్టెంబర్‌ 2ను తలచుకుంటే చాలా చాలా బాధనిపిస్తుంది. పదేళ్ల క్రితం ఆ రోజు 10 కోట్ల మంది హృదయాలు తల్లడిల్లిపోయాయి. ఆయన తిరిగి రావాలని, క్షేమంగా ఉండాలని కుల, మతాలకు అతీతంగా ప్రజలు పూజలు చేశారు. ఏ నాయకుడికీ ప్రజల్లో ఇంతటి స్థానముండదు. ఏ నాయకుడి కోసం 700 మంది చనిపోవడం ఉండదు. అదే అభిమానాన్ని ఈ రోజు జనం ఆయన కొడుకు జగన్‌పై చూపారు. వారి నమ్మకాన్ని జగన్‌ తప్పకుండా నిలబెడతారు.  వివేకానందరెడ్డి హత్య ఊహించనిది. మమ్మల్ని ఇబ్బంది పెట్టాలనే చేశారు. మనుషులను చంపే వరకు ఎందుకు పోతారో నాకు అర్థం కావడం లేదు. ఆరోజు వైఎస్‌ను ఇబ్బంది పెట్టేందుకే మా మామ గారిని చంపారు. ఆ రోజు దోషులను అధికారంలో ఉన్న వారు అన్ని విధాలా సహకరించి కాపాడారు. ఈ రోజు జగన్‌ను ఇబ్బంది పెట్టడం కోసం వాళ్ల చిన్నాన్నను ఇలా చేశారు.

వైఎస్‌ వంటి గొప్ప వ్యక్తి బయోపిక్‌ అనుకున్నప్పుడు మీకు ఎదురైన సవాళ్లు ఏంటి? సినిమా తీయాలనుకున్నప్పుడు భయం లేదు. కానీ, ప్రీ రిలీజ్‌ ఫంక్షన్‌కి వచ్చిన జనాలను చూస్తే భయమేసింది. ఇంతమంది నాపై నమ్మకం పెట్టుకున్నారు. వారి అంచనాలను అందుకోగలమా? అని. అయితే నేను ఓ సినిమా కంటే వైఎస్‌గారి పాజిటివ్‌ స్టోరీ చెబుతున్నానని అనుకున్నా, అప్పుడు చాలా నమ్మకం కలిగేది. వైఎస్‌ గురించి నాకు చాలా తక్కువ తెలియడం వల్ల సినిమాపై నమ్మకం ఎక్కువ ఉండేది. అది తలరాతేమో తెలియదు కానీ, ఆయన కథ నేను ప్రజలకు చెప్పాలని రాసి ఉందేమో(నవ్వుతూ).   ‘యాత్ర’ కోసం ఓ డైరెక్టర్‌గా కాకుండా రచయితగా మీ అనుభవాలేంటి? పాఠశాల, ఆనందో బ్రహ్మ, యాత్ర సినిమాలకు స్వయంగా కథ రాసుకున్నా. వీటిల్లో ‘యాత్ర’ ∙రాయడం సులభంగా అనిపించింది. ఎక్కడా తడబడలేదు. అది ఎందుకో తెలియదు. ఈ చిత్రంలోని డైలాగ్స్‌ నేనేదో అనుకొనో, బాగా పరిశోధించి రాశానని చెప్పడానికో లేదు. ఆయన గురించి ప్రజలు మాట్లాడుకుంటున్నవే రాశా. వైఎస్‌ పాత్రని మీరు వేటిని దృష్టిలో పెట్టుకుని రాసుకున్నారు? నేను ఆయన్ని దగ్గరి నుంచి చూడలేదు. చాలా మందిని కలిసి వారి అనుభవాలు తెలుసుకున్నా. యూట్యూబ్‌లో ఆయన గురించి ఉన్న ఇంటర్వూ్యలు, కథనాలు చదివా. ఆయనతో చాలా మంది ప్రయాణించారు. వారందరికీ చాలా అనుభూతులున్నాయి. వాటికి నా ఊహల్ని జతచేసి ‘యాత్ర’ చేశా.  ఆ పాత్ర రాసేటప్పుడు మీ మానసిక సంఘర్షణ ఎలా ఉండేది?  ఆయన ప్రజలకు దూరమై పదేళ్లవుతున్నా ఇప్పటికీ జనాలు ఆయన గురించి మంచిగా మాట్లాడుతున్నారు. ఆయన ప్రవేశపెట్టిన ఆరోగ్యశ్రీ, వ్యవసాయానికి ఉచిత విద్యుత్‌... ఇలాంటి పథకాలు  కావొచ్చు, ఆయన తోటి మనుషులకు ఇచ్చిన విలువ కావొచ్చు... అది నాకు ఆశ్చర్యంగా అనిపించింది. నాకు తెలిసిన వైఎస్‌లోని లక్షణాల నుంచి పుట్టింది ‘యాత్ర’ కథ. ఆయనది హీరో పాత్రనా, దేవుడి పాత్రనా అన్నది అనుకోలేదు.  ఏ సన్నివేశం రాస్తున్నప్పుడు మీరు బాగా ఎంజాయ్‌ చేశారు?  వైఎస్‌ అనగానే రైతు బాంధవుడు, ఆరోగ్యశ్రీ, ఉచిత విద్యుత్‌ గుర్తుకొస్తాయి. అలాంటి రైతు బాంధవుడికి ఓ రైతు తన కష్టం ఎలా చెబుతాడు? దానికి వైఎస్‌గారు ఎలా రియాక్ట్‌ అవుతారన్నది ఒకటి, రెండు పేజీల డైలాగులతోనూ చెప్పొచ్చు. కానీ, ఒక్కమాట కూడా రైతు చెప్పకుండానే ‘నాకు వినపడుతోందయ్యా, నేను విన్నాను... నేను ఉన్నాను’ అనే డైలాగ్‌తో చెప్పించడం చాలెంజింగ్‌గా అనిపించింది. ఆస్పత్రి సన్నివేశంలో ఆ ఎమోషన్స్‌ని క్యాప్చర్‌ చేయగలిగాం. నాకు బాగా నచ్చిన సన్నివేశం అదే. సినిమాకి వచ్చిన స్పందనకి మీలోని రచయిత సంతృప్తి చెందాడా? నేను ఓ ఐదు, పదేళ్లు సినిమాలు చేసినా, వంద కోట్ల బడ్జెట్‌ సినిమా చేసినా ‘యాత్ర’ నాకు ఎప్పటికీ ప్రత్యేకంగా గుర్తుంటుంది. ‘ఆనందోబ్రహ్మ’ చూసి నవ్వుకున్నాం అంటారు. కానీ, ‘యాత్ర’ అనేది ప్రజల్లో ఎమోషనల్‌ ఇంపాక్ట్‌ ఇచ్చింది. అది చాలా కష్టం. వేరే హిట్‌ సినిమాలు చాలా ఉండొచ్చు. కానీ, వైఎస్‌ అభిమానులతో పాటు రాయలసీమ ప్రజలు చూపించిన అభిమానం, ఆ ప్యాయత తెచ్చుకోవడం కష్టం. అవి దొరకడం నా అదృష్టం. ఏ బంధమో తెలియదు కానీ, ఆయన కథ చెప్పే గొప్ప అవకాశం నాకు ఇచ్చినందుకు వైఎస్‌గారికి థ్యాంక్స్‌. దీనివల్ల ఓ ఫిలిం మేకర్‌గా నాకు విశ్వసనీయత, గుర్తింపు వచ్చాయి. -డేరంగుల జగన్‌

అమరావతి: దివంగత నేత వైఎస్సార్‌ 10వ వర్థంతిని పురస్కరించుకుని సోమవారం ఏపీ సీఎం వైఎస్‌ జగన్‌మోహన్‌రెడ్డి ఇడుపులపాయకు వెళ్లనున్నారు. ఈ క్రమంలోనే పులివెందుల నియోజకవర్గంలో జరిగే వైఎస్సార్‌ వర్థంతి కార్యక్రమాలకు వైఎస్‌ జగన్‌ హాజరుకానున్నారు. ముందుగా తన తండ్రి వైఎస్సార్‌కు నివాళులర్పించిన తర్వాత పులివెందులలో నిర్వహించే వర్థంతి కార్యక్రమాల్లో ఆయన పాల్గొంటారు.   ఉదయం గం.8.00లకు సీఎం జగన్‌తో పాటు ఆయన కుటుంబ సభ్యులు ఇడుపాయలోని వైఎస్సార్‌ ఘాట్‌ వద్ద నివాళులర్పించనున్నారు. అటు తర్వాత మధ్యాహ్నం గం.12.00లకు పులివెందుల ప్రాంత అభివృద్ధిపై సమీక్ష నిర్వహించనున్నారు. ఇక సాయంత్రం గం.4.00లకు విజయవాడ పోలీస్‌ కంట్రోల్‌ రూమ్‌ వద్ద వైఎస్సార్‌ విగ్రహాన్ని సీఎం జగన్‌ ఆవిష్కరించనున్నారు.