మహబూబ్‌నగర్‌: మతిస్థిమితం లేకుండా తిరుగుకుంటూ వెళ్లిన ఓ మహిళా నాలుగేళ్ల తర్వాత ఇంటికి చేరుకుంది. ఈ ఘటన మండలంలోని కానాయపల్లిలో చోటు చేసుకుంది. గ్రామానికి చెందిన దేవరకుంట సరళమ్మ, కర్రెన్నల కుమార్తె వివాహిత గిరమ్మ మతిస్థిమితం లేకుండా గ్రామంలో తిరుగుతుండేది. నాలుగేళ్ల క్రితం ఇంటి నుంచి వెళ్లిపోయింది. రెండేళ్లు వెతికినా ఎక్కడ ఆచూకీ లభించకపోవడంతో ఆశలు వదులుకున్నారు. ముంబైలోని శ్రద్ధ ఫౌండేషన్‌ సభ్యులు గిరమ్మను చేరదీశారు. మతిస్థిమితం నుంచి కోలుకునేవిధంగా చికిత్స అందించి గిరమ్మ నుంచి చిరునామా కనుకున్నారు. ఆదివారం శ్రద్ధ ఫౌండేషన్‌ సభ్యులతో కలిసి ఇంటికి వచ్చిన గిరమ్మను చూసిన కుటుంబ సభ్యులు ఆనందంలో ముగిగిపోయారు. ఫౌండేషన్‌ సభ్యుడు ప్రదీప్‌కుమార్‌కు గిరమ్మ కుటుంబ సభ్యులు, గ్రామస్తులు కృతజ్ఞతలు తెలిపారు.

సాక్షి, హైదరాబాద్‌: దేశ వ్యాప్తంగా కోట్లాది మంది చదువుతున్న అండర్‌ గ్రాడ్యుయేట్‌ (యూజీ) డిగ్రీ స్వరూపం క్రమంగా మారబోతోంది. ఇప్పటిలా మూడేళ్ళు కాకుండా, నాలుగేళ్ళ కాలపరిమితితో డిగ్రీ (యూజీ ఆనర్స్‌) ఉండనుంది. సాధారణ సంప్రదాయ కోర్సులు భవిష్యత్‌లో తెరమరుగయ్యే వీలుంది. బీఏ, బీకాం, బీఎస్సీ..లాంటివి ప్రత్యేకంగా ఉండకుండా వీటికి కంప్యూటర్స్, డేటాసైన్స్, ఆర్టిఫిషియల్‌ ఇంటెలిజెన్స్‌ (ఏఐ).. లాంటి కోర్సులు జత కానున్నాయి. విద్యార్థికి లోతైన పరిజ్ఞానం అందించడమే లక్ష్యంగా ఈ కోర్సులు ఉండనున్నాయి. ఆర్ట్స్‌ విద్యారి్థకి కంప్యూటర్‌ పరిజ్ఞానం.. సైన్స్‌ విద్యార్థికి సామాజిక అవగాహన కోర్సుల వంటి మార్పులతో నాలుగేళ్ల డిగ్రీ ఉండనుంది. జాతీయ విద్యావిధానం–2020లో భాగంగా ఈ తరహా బోధన ప్రణాళికను (కొత్త కరిక్యులం ఫ్రేమ్‌వర్క్‌) యూనివర్సిటీ గ్రాంట్స్‌ కమిషన్‌ (యూజీసీ) ఇప్పటికే సిద్ధం చేసింది. యూజీసీ కొత్త ప్రణాళికలను అన్ని రాష్ట్రాలూ ఆమోదించాయి. తెలంగాణతో పాటు అన్ని రాష్ట్రాల్లో నాలుగేళ్ల యూజీ ఆనర్స్‌ డిగ్రీ కోర్సులను పరిమితంగా ప్రవేశపెట్టారు. భవిష్యత్తులో ఇది మరింత విస్తృతం కానుండగా..రాష్ట్రంలోని ప్రైవేటు కాలేజీలు కూడా ఆనర్స్‌ డిగ్రీ కోర్సులను అందుబాటులోకి తెచ్చేందుకు ముందుకొస్తున్నాయి.   ఇకనుంచి క్రెడిట్స్‌ విధానం  ఇక నుంచి డిగ్రీ పట్టాలు క్రెడిట్స్‌ ఆధారంగా ఉంటాయి. ఒక్కో స్థాయికి కొన్ని క్రెడిట్స్‌ ఉంటాయి. విద్యార్థులు మూడేళ్లలో 120 క్రెడిట్లు పూర్తి చేస్తేనే యూజీ డిగ్రీకి అర్హులవుతారు. సబ్జెక్టులను బట్టి క్రెడిట్లు ఉంటాయి. కాగా విద్యార్థి నాలుగేళ్లలో 160 క్రెడిట్లను పూర్తి చేస్తేనే యూజీ ఆనర్స్‌ డిగ్రీ పట్టా లభిస్తుంది. అలాగే ఆనర్స్‌ డిగ్రీ కోర్సుల్లో చేరేవారు రీసెర్చ్‌ కోసం వెళ్లాలనుకుంటే తమ నాలుగేళ్ల కోర్సులోనే రీసెర్చ్‌ ప్రాజెక్టులను చేపట్టాల్సి ఉంటుంది. మొదటి ఆరు సెమిస్టర్లలో 75 శాతం అంతకంటే ఎక్కువ మార్కులు సాధించిన విద్యార్థులు పరిశోధనలు చేపట్టాలనుకుంటే నాలుగో ఏడాదిలో పరిశోధనా ప్రాజెక్టును ఎంచుకోవచ్చు. దీన్ని పూర్తి చేస్తే వారికి యూజీ ఆనర్స్‌ విత్‌ రీసెర్చ్‌ డిగ్రీని ప్రదానం చేస్తారు. మూడేళ్ల కోర్సు చేస్తున్నవారికీ అవకాశం  ప్రస్తుతం మూడేళ్ల డిగ్రీ కోర్సులు చేస్తున్నవారు కూడా నాలుగేళ్ల ఆనర్స్‌ కోర్సులకు మారేందుకు కొత్త కరిక్యులం ఫ్రేమ్‌వర్క్‌ అవకాశం కల్పిస్తుంది. ఇప్పటికే చాయిస్‌ బేస్డ్‌ క్రెడిట్‌ సిస్టమ్‌ (సీబీసీఎస్‌) ప్రకారం మూడేళ్ల యూజీ కోర్సుల్లో పేర్లు నమోదు చేసుకున్న, అభ్యసిస్తున్న విద్యార్థులు కూడా నాలుగేళ్ల యూజీ ఆనర్స్‌ కొనసాగించడానికి అర్హులని నిబంధనల్లో పేర్కొన్నారు. ఇలాంటి విద్యార్థులు బ్రిడ్జి కోర్సులు పూర్తి చేయడం తప్పనిసరి అని యూజీసీ పేర్కొంది.   ఏడాది చదివితే సరి్టఫికెట్‌.. రెండేళ్లయితే డిప్లొమా  నాలుగేళ్ల యూజీ ఆనర్స్‌ కోర్సు విద్యార్థులకు బహుళ ప్రవేశ, నిష్క్రమణలకు అవకాశం కల్పించనున్నారు. ఇందులో భాగంగా మొదటి ఏడాది పూర్తి చేస్తే ఆ మేరకు విద్యారి్థకి సర్టిఫికెట్‌ లభిస్తుంది. రెండేళ్లు చదివితే డిప్లొమా లభిస్తుంది. మూడేళ్లు చదివితే డిగ్రీ పట్టా లభిస్తుంది. నాలుగేళ్లు పూర్తి చేస్తే ఆనర్స్‌ బ్యాచిలర్‌ డిగ్రీ పట్టా అందుతుంది. బోధనలోనూ మార్పులు..  ళీయూజీ ఆనర్స్‌ను మార్కెట్లో తక్షణ ఉపాధి లభించేలా, వైవిధ్యంగా నైపుణ్యాత్మకంగా అందించాలని నిర్ణయించారు. మెయిన్, మైనర్‌ స్ట్రీమ్‌ కోర్సులు, భాష, నైపుణ్య కోర్సులు, పర్యావరణ విద్య, డిజిటల్, సాంకేతిక పరిష్కారాలు తదితర విభాగాల కోర్సులు ఉంటాయి. కొత్తగా ఆరోగ్యం, యోగా, క్రీడలు, ఫిట్‌నెస్‌ వంటివి కూడా చేర్చారు. ఆధునిక భారతీయ భాష, సంస్కృతి, ఆంగ్ల భాష, నైపుణ్యాల పెంపుదల, నైతిక విలువల కోర్సులు ఉంటాయి. అలాగే విద్యార్థుల ఉపాధి అవకాశాలు పెంపొందించడానికి ఆచరణాత్మక నైపుణ్యాలు, శిక్షణ, సాఫ్ట్‌ స్కిల్స్‌ అందించడం లక్ష్యంగా ప్రత్యేక కోర్సులను చేర్చారు.  లోతైన పరిజ్ఞానం అందించడమే లక్ష్యం   ఆనర్స్‌ డిగ్రీ కోర్సుల్లో లోతైన పరిజ్ఞానం అందించేలా బోధన ఉంటుంది. బహుళ ప్రయోజనాలు ఉండాలన్నదే సరికొత్త మార్పుల లక్ష్యం. భవిష్యత్‌లో ఇక నాలుగేళ్ళ ఆనర్స్‌ కోర్సులే ఉండే వీలుంది. ఇందుకు అనుగుణంగానే తెలంగాణలోనూ బోధన ప్రణాళిక, పరీక్ష విధానంపై మార్పులకు అధ్యయనాలు జరుగుతున్నాయి.  – ప్రొఫెసర్‌ ఆర్‌.లింబాద్రి, ఉన్నత విద్యా మండలి చైర్మన్‌ ఆనర్స్‌ వైపే అందరిచూపు..   విద్యార్థులు డిగ్రీ విద్యలో మార్పు కోరుకుంటున్నారు. ఆనర్స్‌ కోర్సులకు ప్రాధాన్యత పెరుగుతోంది. అందుకే ప్రైవేటు కాలే జీలు కూడా విద్యార్థులు కోరుకుంటున్న ఆనర్స్‌ కోర్సులు అందించేందుకు యతి్నస్తున్నాయి. ఈ మేరకు మౌలిక వసతుల కల్పనకు కృషి చేస్తున్నాయి. – ఎక్కల్‌దేవి పరమేశ్వర్, ప్రైవేటు డిగ్రీ కాలేజీల సంఘం ప్రధాన కార్యదర్శి

సాక్షి, అమరావతి: ఆంధ్రప్రదేశ్‌లో అఖండ మెజార్టీతో విజయం సాధించి.. సంక్షేమ పాలనతో నాలుగేళ్లు పూర్తి చేసుకున్నారు ముఖ్యమంత్రి వైఎస్‌ జగన్‌మోహన్‌రెడ్డి.. 50 శాతానికి పైగా ఓట్లు.. 151 అసెంబ్లీ, 22 లోక్‌సభ స్థానాల్లో వైఎస్సార్‌సీపీ అఖండ విజయం సాధించింది. దేశంలో ఒంటరిగా పోటీచేసిన ఒక పార్టీ ఇంత భారీ విజయం సాధించడం అదే ప్రథమం. చంద్రబాబు  దుర్మార్గపు పాలనకు సమాధి కడుతూ సరిగ్గా నాలుగేళ్ల క్రితం ఇదే రోజు చారిత్రక తీర్పు ఇచ్చారు రాష్ట్ర ప్రజలు.. ప్రజాసంకల్ప పాదయాత్రలో భవితపై భరోసా కల్పించిన సీఎం జగన్‌ నేతృత్వంలోని వైఎస్సార్‌సీపీకి బ్రహ్మరథం పట్టి.. నవశకాన్ని ఆవిష్కరించి నేటికి నాలుగేళ్లు. ఈ సందర్భంగా నాలుగేళ్ల పాలనపై సీఎం ట్వీట్‌  చేశారు. ‘‘దేవుడి ద‌య‌, మీ అంద‌రి చ‌ల్ల‌ని దీవెన‌ల‌తో నాలుగేళ్ల క్రితం మ‌న ప్ర‌భుత్వం అధికారంలోకి వ‌చ్చింది. మీరు అప్ప‌గించిన బాధ్యతను మీకు సేవ చేసే అవ‌కాశంగా భావించి, ఎన్నిక‌ల స‌మ‌యంలో ఇచ్చిన హామీల‌ను మ‌న ప్ర‌భుత్వంలో ఒక్కొక్క‌టిగా అమ‌లు చేశాం. మ‌రోసారి మీకు సేవ చేసే అవ‌కాశం ల‌భించేందుకు వ‌చ్చే ఎన్నిక‌ల్లో 175కు 175 స్థానాల్లో గెలుపొందేలా అడుగులు వేస్తున్నాం’’ అంటూ సీఎం జగన్‌ ట్వీట్‌ చేశారు.   దేవుడి ద‌య‌, మీ అంద‌రి చ‌ల్ల‌ని దీవెన‌ల‌తో నాలుగేళ్ళ క్రితం మ‌న ప్ర‌భుత్వం అధికారంలోకి వ‌చ్చింది. మీరు అప్ప‌గించిన బాధ్యతను మీకు సేవ చేసే అవ‌కాశంగా భావించి, ఎన్నిక‌ల స‌మ‌యంలో ఇచ్చిన హామీల‌ను మ‌న ప్ర‌భుత్వంలో ఒక్కొక్క‌టిగా అమ‌లు చేశాం. మ‌రోసారి మీకు సేవ చేసే అవ‌కాశం ల‌భించేందుకు వ… — YS Jagan Mohan Reddy (@ysjagan) May 23, 2023

అల్లిపురం (విశాఖ దక్షిణ ): చనిపోయాడు అనుకున్న కొడుకు తిరిగి వస్తే ఆ ఆనందం వర్ణణాతీతం. అలాంటి అనుభవం ఒక తండ్రికి కలిగింది. మధ్యప్రదేశ్‌ రాష్ట్రంలోని చింద్వారా గ్రామానికి చెందిన శ్యామ్‌రావ్‌ లోఖండే (38) మతిస్థిమితం లేకపోవడంతో నాలుగేళ్ల క్రితం ఊరు వదిలి వచ్చేశాడు. అలా వచ్చిన వ్యక్తి నగరంలో తిరుగుతుండగా అతడిని భీమ్‌నగర్‌ ఏయూటీడీ, టీఎస్‌ఆర్‌ కాంప్లెక్స్‌ నిరాశ్రయ వసతి గృహం సిబ్బంది రక్షించి, మెంటల్‌ కేర్‌ ఆస్పత్రిలో చేరి్పంచి చికిత్స అందజేశారు. చదవండి: కన్నతల్లిని నమ్మించి.. 12 లక్షలు కాజేసి! చికిత్స పొందుతూ ఈ ఏడాది జనవరి 31న పూర్తి ఆరోగ్యవంతుడిగా డిశ్చార్జి అయ్యాడు. దీంతో ఆయనకు భీమ్‌నగర్‌ షెల్టర్‌లో ఆశ్రయం కల్పించారు. అతని వివరాలు తెలుసుకున్న శ్రద్ధ  ఫౌండేషన్‌ సభ్యులు స్వగ్రామం తీసుకెళ్లి తండ్రి ప్రవీణ్‌కు అప్పగించారు. చనిపోయాడనుకున్న శ్యామ్‌రావ్‌ తిరిగి రావడంతో తల్లిదండ్రులు, కుటుంబ సభ్యులు సంతోషం వ్యక్తం చేశారు.

సాక్షి, మచిలీపట్నం: కృష్ణా యూనివర్సిటీ అనుబంధ కాలేజీల్లో డిగ్రీ కోర్సు ఇకపై నాలుగేళ్లు ఉండనుంది. 2022–23 విద్యా సంవత్సరం నుంచే దీనిని ప్రారంభించేలా వర్సిటీ అకడమిక్‌ సెనేట్‌ కీలక నిర్ణయం తీసుకుంది. వర్సిటీ సమావేశ మందిరంలో మంగళవారం అకడమిక్‌ సెనేట్‌ సమావేశమైంది. వైస్‌ చాన్స్‌లర్‌ కేబీ చంద్రశేఖర్, రిజిస్ట్రార్‌ డాక్టర్‌ ఎం. రామిరెడ్డి, సీడీసీ డీన్‌ సుందరకృష్ణ పాటు కమిటీలో 32 మంది సభ్యులు సమావేశానికి హాజరయ్యారు. 2021–22 సంవత్సరంలో చేపట్టిన కార్యక్రమాలను సభ్యుల ముందు ఉంచారు. అదే విధంగా 2022–23 విద్యా సంవత్సరానికి సంబంధించిన అకడమిక్‌ కార్యకలాపాలు, తదితర 50 అంశాలపై చర్చించి, సభ్యులంతా ఏకగ్రీవంగా ఆమోదం తెలిపారు. విద్యా పరంగా పలు కీలక నిర్ణయాలు తీసుకున్నారు.   ►నూతన విద్యా పాలసీకి అనుగుణంగా యూనివర్సిటీ అనుబంధ కాలేజీలన్నింటిలోనూ నాలుగేళ్ల డిగ్రీ కోర్సు అమలుకు గ్రీన్‌ సిగ్నల్‌ ఇచ్చారు.  మూడు ఏళ్లు పూర్తయ్యాక పదినెలల ఇంటర్న్‌షిప్‌ ఉండేలా సిలబస్‌ను రూపొందించనున్నారు. దీనిని 2022–23 విద్యా సంవత్సరం నుంచే అమలు చేయాలని నిర్ణయించారు.  ►డిగ్రీ కోర్సులన్నీ ఇంగ్లిష్‌ మీడియంలో బోధన, పరీక్షల నిర్వహణకు నిర్ణయించారు.   ►డిగ్రీ, పోస్టు గ్రాడ్యుయేషన్‌ స్థాయిలో పరీక్షల నిర్వహణలకు సంబంధించి సంస్కరణలు తీసుకురావాలని నిర్ణయించారు.   ►కాలేజీల్లో నాణ్యమైన విద్యాబోధన చేపట్టేలా అన్ని చర్యలు తీసుకునేలా పర్యవేక్షణ పెంచ  నున్నారు.   ►నాలుగేళ్ల డిగ్రీతో బయటకు వచ్చే ప్రతి విద్యార్థి ఉద్యోగ, ఉపాధి అవకాశాలను తప్పనిసరిగా పొందేలా బోధనకు ప్రాధాన్యం ఇచ్చేలా కార్యాచరణ సిద్ధం చేయాలని సెనేట్‌ సభ్యులు సూచించారు.   ►అకడమిక్‌ ఆడిట్‌ సెల్‌ డైరెక్టర్‌ డాక్టర్‌ జయశంకర్‌ ప్రసాద్‌ సమన్వయకర్తగా వ్యవహరించగా, రిజిస్ట్రార్‌ డాక్టర్‌ ఎం. రామిరెడ్డి సెనేట్‌ అజెండా, వర్సిటీలో నూతన విద్యా విధానం అమలు తీసుకుంటున్న చర్యలపై వివరించారు.  

సాక్షి, తూర్పుగోదావరి: ప్రజాసంకల్ప పాదయాత్ర ఒక చరిత్రగాప్రభుత్వ సలహాదారుడు సజ్జల రామకృష్ణారెడ్డి అభివర్ణించారు. ప్రజాసంకల్ప యాత్ర నాలుగేళ్లు పూర్తి చేసుకున్న సందర్భంగా శనివారం ఆయన మీడియాతో మాట్లాడుతూ.. క్షేత్రస్థాయిలో ప్రజల కష్టాలను చూసిన వ్యక్తి సీఎం వైఎస్‌ జగన్‌ అని తెలిపారు. అన్ని వర్గాలనూ ఆదుకునేలా సంక్షేమ పథకాలు అమలు చేస్తున్నారని అన్నారు. కరోనా సంక్షోభంలోనూ సంక్షేమ పథకాల అమలుకు సీఎం జగన్‌ వెనుకాడలేదని గుర్తుచేశారు. చదవండి: సందడిగా జగనన్న సంకల్ప యాత్ర నాలుగేళ్ల పండగ ప్రజలు సీఎం వైఎస్‌ జగన్‌వైపే నిలిచారని సజ్జల అన్నారు. సంక్షేమాన్ని అడ్డుకోవడమే ప్రతిపక్షానికి తెలిసిన రాజకీయమని మండిపడ్డారు. ముఖ్యమంత్రి వైఎస్ జగన్ పాదయాత్ర ప్రారంభించి నేటికి నాలుగేళ్లు పూర్తి అయింది. నవంబర్6, 2017న ఇడుపులపాయలో ఆయన ప్రజాసంకల్ప పాదయాత్ర ప్రారంభించిన విషయం తెలిసిందే.  పాదయాత్ర ద్వారా సీఎం జగన్‌ ప్రజలతో మమేకమయ్యారు సాక్షి, కాకినాడ: ముఖ్యమంత్రి వైఎస్‌ జగన్‌మోహన్‌రెడ్డి ప్రజా సంకల్ప పాదయాత్ర చరిత్రలో నిలిచిపోతుందని మంత్రి కురసాల కన్నబాబు అన్నారు. పాదయాత్ర ద్వారా సీఎం జగన్‌ ప్రజలతో మమేకమయ్యారని పేర్కొన్నారు. అధికారం చేపట్టగాలనే సమస్యల పరిష్కారానికి సీఎం జగన్‌ నడుంబిగించారని తెలిపారు. రూ.లక్షా 40 వేల కోట్లు పేద ప్రజల బ్యాంక్‌ ఖాతాల్లో జమ చేశారని చెప్పారు. ఈ ఖరీఫ్‌ సీజన్‌ నుంచే ఆర్‌బీకేల ద్వారా ధాన్యం కొనుగోలు చేశామని పేర్కొన్నారు. సాగునీటి సమస్యల లేకుండా చూడాలని సీఎం జగన్‌ ఆదేశించారని తెలిపారు. 

సాక్షి, అమరావతి: దేశ రాజకీయాల్లోనే ఓ సంచలనం సృష్టించిన చరిత్రాత్మక ‘ప్రజా సంకల్ప యాత్ర’ చేపట్టి నేటితో సరిగ్గా నాలుగేళ్లు పూర్తయ్యింది. ఈ సందర్భంగా ముఖ్యమంత్రి వైఎస్‌ జగన్‌మోహన్‌రెడ్డి ట్వీట్‌ చేశారు. ‘‘ప్రజా సంకల్ప యాత్రకు తొలి అడుగు పడి నేటికి నాలుగేళ్లు. నాడు నేడూ నా యాత్ర, నా ప్రయాణం ప్రజల చేత, ప్రజల వల్ల, ప్రజల కోసమే. మీ అందరి ఆత్మీయతలు, నమ్మకం, అనురాగాలతో ఈ యాత్ర కొనసాగుతోందని’’ సీఎం వైఎస్‌ జగన్‌ ట్విట్టర్‌లో పేర్కొన్నారు. ప్రజాసంకల్ప యాత్రకు తొలి అడుగు పడి నేటికి నాలుగేళ్లు. నాడు నేడూ నా యాత్ర, నా ప్రయాణం ప్రజల చేత, ప్రజల వల్ల, ప్రజల కోసమే. మీ అందరి ఆత్మీయతలు, నమ్మకం, అనురాగాలతో ఈ యాత్ర కొనసాగుతోంది. — YS Jagan Mohan Reddy (@ysjagan) November 6, 2021 చదవండి: మరవలేని మహా యజ్ఞం.. ప్రజా సంకల్పం 

Updates: వారి జీవితాల్లో వెలుగులు నింపిన ఘనత సీఎం జగన్‌దే: ఎమ్మెల్యే ఆర్కే రోజా ప్రజాసంకల్పయాత్ర పాదయాత్ర నాలుగేళ్లు పూర్తిచేసుకున్న సందర్భంగా ఎమ్మెల్యే ఆర్కే రోజా ఆధ్వర్యంలో నగిరిలో ఘనంగా వేడుకలు నిర్వహించారు. నగిరి ఓం శక్తి సర్కిల్ నందు వైఎస్సార్‌ విగ్రహానికి పూలమాలలు వేసి, కేక్ కట్ చేశారు. ఈ సందర్భంగా నగిరి ఎమ్మెల్యే ఆర్కే రోజా మాట్లాడుతూ.. రాష్ట్రంలోని  రైతులు, మహిళలు, యువత పడుతున్న కష్టాలకు ప్రధాన కారకుడు చంద్రబాబు. ప్రజలు పడుతున్న కష్టాలను పరిష్కరించాలని దృఢ సంకల్పంతో సంకల్ప పాదయాత్ర చేపట్టారు. అధికారంలోకి వచ్చిన రెండున్నర సంవత్సర కాలంలోనే సమస్యలకు పరిష్కారం చూపుతూ తానిచ్చిన వాగ్దానాలను నూటికి నూరు శాతం నెరవేర్చారు. రాష్ట్రంలో ఏ ఎన్నికలు జరిగినా వార్‌ వన్‌సైడ్‌గా సీఎం జగన్‌కు విజయాన్ని అందిస్తున్నారు. ఆనాడు సీఎం జగన్‌ పడిన కష్టానికి ప్రతిఫలంగా ఈ రోజు 151 మంది ఎమ్మెల్యేలను గెలిపించి ప్రజలు జగన్‌ వైపు నిలబడ్డారు. ఈ దేశంలో ఏ ముఖ్యమంత్రి కూడా ఇన్ని వేల కిలోమీటర్లు పాదయాత్ర చేసి ప్రజల కష్టాలను తెలుసుకుని వాగ్దానాలు చేసి ఇచ్చిన మాటకు కట్టుబడిన దాఖలాలు లేవు. ఇచ్చిన మాటకు కట్టుబడి తండ్రికి తగ్గ తనయుడిగా అన్ని ప్రాంతాల వారికి సంక్షేమ పథకాలతో వారి జీవితాల్లో వెలుగులు నింపిన ఘనత సీఎం జగన్‌కే దక్కుతుందని ఎమ్మెల్యే ఆర్కే రోజా అన్నారు. శ్రీకాకుళం జిల్లా.. టెక్కలిలో సీఎం వైఎస్‌ జగన్‌ పాదయాత్ర నాలుగు సంవత్సరాలు పూర్తయిన సందర్భంగా నియోజకవర్గంలో ఎమ్మెల్సీ దువ్వాడ శ్రీనివాస్ స్థానిక వైఎస్సార్ జంక్షన్ వద్ద వైఎస్‌ రాజశేఖర్ రెడ్డి విగ్రహానికి పూలమాల వేసి, కేక్ కట్ చేసి పాదయాత్రను ప్రారంభించారు. గుంటూరులో.. వైఎస్ జగన్‌ ప్రజాసంకల్పయాత్ర ప్రారంభించి నాలుగేళ్లు పూర్తయిన సందర్భంగా ఎమ్మెల్యేలు ముస్తఫా, మద్దాలి గిరిధర్, ఎమ్మెల్సీ డొక్కా మాణిక్య వరప్రసాద్, మేయర్ కావటి మనోహర్ నాయుడు గుంటూరు నగరపాలెంలోని వైఎస్సార్‌ విగ్రహానికి నివాళులర్పించి హిమని సెంటర్ వరకు పాదయాత్ర నిర్వహించారు. ఈ కార్యక్రమంలో నగర కార్పొరేటర్లు, వైఎస్సార్‌ కాంగ్రెస్ పార్టీ నాయకులు, కార్యకర్తలు పాల్గొన్నారు. నెల్లూరు జిల్లాలో.. గూడూరులో జనహృదయనేత సీఎం జగన్‌ ప్రజా సంకల్ప యాత్ర నేటితో నాలుగేళ్లు పూర్తయిన సందర్భంగా ఎమ్మెల్యే వెలగపల్లి వరప్రసాద్ వైఎస్సార్ విగ్రహం నుంచి సాదుపేట సెంటర్ వరకు ప్రజల సమస్యలు తెలుసుకుంటూ పాదయాత్ర చేశారు. ఈ కార్యక్రమంలో వైఎస్సార్ సీపీ నాయకులు, కార్యకర్తలు పాల్గొన్నారు. కర్నూలు జిల్లాలో.. సీఎం జగన్‌ పాదయాత్ర నాలుగేళ్లు పూర్తయిన సందర్భంగా ఆళ్ళగడ్డ నాలుగు రోడ్ల కూడలిలో దివంగత ముఖ్యమంత్రి రాజశేఖర్ రెడ్డి విగ్రహానికి పూల మాలవేసి నివాళులు అర్పించారు. ఈ కార్యక్రమంలో ఎమ్మెల్సీ గంగుల ప్రభాకర్ రెడ్డి, ఎమ్మెల్యే గంగుల బ్రిజేంద్రారెడ్డి, ఎంపీపీ గజ్జల రాఘవేంద్ర రెడ్డి, చాగలమర్రి ఎంపీపీ వీరభద్రుడు, వైఎస్సార్‌ సీపీ నాయకులు పాల్గొన్నారు. వైఎస్‌ జగన్‌ 10 ఏళ్ల కష్టం ప్రజలందరికీ తెలుసు: భూమన ప్రజా సంకల్ప యాత్ర నాలుగేళ్లు పూర్తి చేసికున్న  సందర్భంగా వైఎస్సార్‌ విగ్రహనికి పూలమాలలు వేసి ఎమ్మెల్యే భూమన కరుణాకర్ రెడ్డి ఘనంగా నివాళులర్పించారు. తుడా సర్కిల్ లో వైఎస్సార్‌ విగ్రహం వద్ద సర్వమత ప్రార్ధనలు, కేక్ కట్ చేసి సంబరాలు జరుపుకున్నారు. అనంతరం తుడా వైఎస్సార్ సర్కిల్ నుంచి మున్సిపల్ కార్పొరేషన్ కార్యాలయం వరకు ఎమ్మెల్యే భూమన, మేయర్ శిరీషా, కార్పొరేటర్‌లు పాదయాత్ర చేపట్టారు. ఈ సందర్భంగా తిరుపతి ఎమ్మెల్యే భూమన కరుణాకర్ రెడ్డి మాట్లాడుతూ.. వైఎస్‌ జగన్‌మోహన్‌రెడ్డి 10 ఏళ్లు పడ్డ కష్టం ప్రజలందరికీ తెలుసు. నాడు వైఎస్ పాదయాత్రతో ఎలా ప్రభంజనం సృష్టించారో, అదే సంకల్పంతో వైఎస్‌ జగన్‌ ప్రజాసంకల్ప పాదయాత్ర చేపట్టారు. ప్రజలు కష్టాలు తెలుసుకుని, రెండు పేజీలు మ్యానిఫెస్టోలో పెట్టి నవరత్నాలుగా మార్చి ప్రజలకు అందించారు. కోట్లాది మంది ప్రజల కష్టాలు తెలుసుకుని ఈరోజు అధికారంలోకి వచ్చిన వెంటనే అమలు చేస్తున్నారు. చంద్రబాబు నిరంతరం దూషిస్తున్నా ఏమాత్రం పట్టించుకోకుండా నిరంతరం సంక్షేమ పథకాలు కొనసాగిస్తున్నారు. 2019 ఎన్నికల్లో టీడీపీ భూస్థాపితం అయ్యింది. చంద్రబాబు ఎన్నికుట్రలు చేసినా ప్రజలు మాత్రం వైఎస్‌ జగన్‌కే పట్టం కట్టారు. 3,648 కి.మీ ప్రజా సంకల్ప పాదయాత్ర సువర్ణ చరిత్ర అని ఎమ్మెల్యే భూమన కరుణాకర్ రెడ్డి అన్నారు.  అనంతపురం జిల్లాలో.. సీఎం వైఎస్ జగన్ మోహన్ రెడ్డి పాదయాత్రకు నాలుగేళ్లు పూర్తయిన సందర్భంగా పెనుకొండలో మంత్రి శంకరనారాయణ క్యాంపు కార్యాలయంలో కేక్‌ కట్‌చేశారు. ఈ కార్యక్రమంలో మంత్రి శంకర్ నారాయణ, ఎమ్మెల్సీ వెన్నుపూస గోపాల్ రెడ్డి, ఉర్దూ అకాడమీ చైర్మన్ నదీం అహ్మద్, ఇతర నేతలు, కార్యకర్తలు పాల్గొన్నారు. వైఎస్సార్‌సీపీ జెండా ఆవిష్కరించిన మంత్రి పెద్దిరెడ్డి తిరుపతి: ప్రజాసంకల్ప పాదయాత్ర 4 ఏళ్ళు పూర్తి చేసుకున్న సందర్భంగా మంత్రి పెద్దిరెడ్డి రామచంద్రారెడ్డి వైఎస్సార్‌ కాంగ్రెస్ పార్టీ జెండా ఆవిష్కరించారు. ఈ సందర్భంగా ఆయన మాట్లాడుతూ.. ప్రతిపక్ష నేతగా జగన్‌మోహన్ రెడ్డి ఇచ్చిన హామీలు, మ్యానిఫెస్టోలో ఇచ్చిన హామీలు అధికారంలోకి వచ్చిన రెండేళ్లలోనే పూర్తి చేసిన ఘనత మన ముఖ్యమంత్రికి దక్కుతుంది. విపక్ష నేత చంద్రబాబు పూటకో మాట మాట్లాడుతున్నారు. అధికారంలో ఉంటే ఒకలా.. ప్రతిపక్షంలో ఉంటే మరోలా మాట్లాడుతున్నారు. ఆయన మాటలు పట్టించుకోవాల్సిన అవసరం లేదు అని మంత్రి పెద్దిరెడ్డి రామచంద్రారెడ్డి అన్నారు. పశ్చిమగోదావరి జిల్లా.. ప్రజాసంకల్పయాత్రకు నాలుగేళ్లు పూర్తయిన సందర్భంగా ఎమ్మెల్యే పుప్పాల వాసుబాబు నిడమర్రు మండలం బువ్వనపల్లిలో పాదయాత్ర చేపట్టారు. అనంతరం వైఎస్సార్ విగ్రహనికి పూలమాలలు వేసి నివాళులర్పించారు. పార్టీ శ్రేణులు కేక్ కట్ చేసి సంబరాలు నిర్వహించాయి.  విజయవాడలో.. సీఎం వైఎస్ జగన్  ప్రజా సంకల్ప యాత్ర 4 సంవత్సరాలు పూర్తయిన సందర్భంగా విజయవాడ పశ్చిమ నియోజకవర్గంలో వైఎస్సార్ సీపీ శ్రేణుల సంబరాలు నిర్వహించారు. మంత్రి వెల్లంపల్లి శ్రీనివాస్, విజయవాడ నగర మేయర్ రాయన భాగ్యలక్ష్మి, పలువురు కార్పొరేటర్లు ఈ సంబరాల్లో పాల్గొని వైఎస్సార్‌ విగ్రహానికి పూలమాలలు వేసి నివాళులర్పించారు. మేయర్‌ భాగ్యలక్ష్మి పార్టీ శ్రేణుల మధ్య కేక్‌ కట్‌ చేశారు.  చిత్తూరు జిల్లా వైఎస్‌ జగన్‌మోహన్‌ రెడ్డి ప్రజా సంకల్ప యాత్రకు నాలుగేళ్లు పూర్తయిన సందర్భంగా చిత్తూరు జిల్లా వ్యాప్తంగా వైఎస్సార్ సీపీ శ్రేణులు సంబరాలు చేసుకుంటున్నారు. కుప్పంలో వైఎస్‌ జగన్ చిత్రపటానికి ఎమ్మెల్యేలు, నేతలు పాలాభిషేకం చేశారు. ప్రజా సంకల్ప యాత్రను గుర్తుచేసుకుంటూ సంబరాలు చేసుకుంటున్నారు. ఎండనక వాననక వైఎస్ జగన్‌మోహన్‌రెడ్డి నిర్వహించిన పాదయాత్ర దేశ చరిత్రలో నిలిచి పోయిందని అంటున్నారు. వైఎస్సార్‌ జిల్లా ముఖ్యమంత్రి వైఎస్ జగన్‌మోహన్‌రెడ్డి ప్రారంభించిన ప్రజాసంకల్పయాత్ర నాలుగు సంవత్సరాలు పూర్తి చేసుకున్న సందర్భంగా వేంపల్లెలో వైఎస్సార్‌ కాంగ్రెస్‌ శ్రేణులు భారీ బైక్ ర్యాలీ నిర్వహించారు. వేంపల్లె నాలుగు రోడ్ల కూడలి నుండి రాయచోటి బైపాస్‌లో ఉన్న వైఎస్సార్‌ విగ్రహం వరకు ఈ ర్యాలీ కొనసాగింది. అనంతరం వైఎస్ రాజశేఖర్ రెడ్డి విగ్రహానికి పూలమాలలు వేసి ఘనంగా నివాళులర్పించారు. ఈ కార్యక్రమంలో వేంపల్లె జడ్పీటీసీ రవికుమార్ రెడ్ది, ఎంపీపీ గాయత్రి, కార్పొరేషన్ డైరెక్టర్లు, పార్టీ కార్యకర్తలు, అభిమానులు పాల్గొన్నారు. సాక్షి, అమరావతి: జననేత వైఎస్‌ జగన్‌మోహన్‌రెడ్డి ప్రజా సంకల్ప యాత్ర ప్రారంభించి నవంబర్‌ 6వ తేదీతో నాలుగేళ్లు పూర్తి చేసుకున్న సందర్భంగా రాష్ట్ర వ్యాప్తంగా అన్ని నియోజకవర్గాల్లో నేడు (శనివారం) పాదయాత్రలు నిర్వహించాలని వైఎస్సార్‌సీపీ రాష్ట్ర ప్రధాన కార్యదర్శి సజ్జల రామకృష్ణారెడ్డి పిలుపునిచ్చారు. ఉదయం పాదయాత్రతో పాటు దివంగత ముఖ్యమంత్రి వైఎస్‌ రాజశేఖరరెడ్డి విగ్రహాలకు పూలమాల వేసి ఘనంగా నివాళులు అర్పించాలని, సర్వమత ప్రార్థనలు నిర్వహించాలని, కేక్‌ కటింగ్‌ చేయాలని ఆయన తెలియజేశారు. ఎంపీలు, ఎమ్మెల్యేలు, ఎమ్మెల్సీలు, నియోజకవర్గ సమన్వయకర్తలు, ఇతర ప్రజాప్రతినిధులు తమ బాధ్యతగా భావించి ఈ కార్యక్రమాలను విజయవంతం చేయాలని తెలిపారు. నాటి పాదయాత్ర అనుభవాలనే మేనిఫెస్టోగా మలుచుకుని అధికారం చేపట్టిన రెండేళ్ల కాలంలోనే 97 శాతం హామీలను సీఎం వైఎస్‌ జగన్‌మోహన్‌రెడ్డి అమలు చేశారన్నారు. నాటి పాదయాత్రను గుర్తు చేస్తూ.. ఈనాటి జగనన్న పరిపాలనను వివరిస్తూ ప్రతి నియోజకవర్గంలో కార్యక్రమాలు నిర్వహించాలని చెప్పారు.    కాగా, నవంబర్ 6, 2017న ఇడుపులపాయలో ప్రజాసంకల్పయాత్ర ప్రారంభమైంది. ఇది రాష్ట్ర వ్యాప్తంగా 134 నియోజకవర్గాల్లో 231 మండలాల్లో 2,516 గ్రామాల్లో కొనసాగింది. అడుగడుగున పేదల కష్టాలను తెలుసుకున్నారు. పాదయాత్రలో తెలుసుకున్న సమస్యల పరిష్కారానికి వైఎస్‌ జగన్‌ ఆనాడే రూట్ మ్యాప్ సిద్ధం చేసుకున్నారు. అధికారం చేపట్టగానే యాత్రలో తెలుసుకున్న సమస్యల పరిష్కారానికి నడుంకట్టారు. 

న్యూఢిల్లీ: ఆసియా అథ్లెటిక్స్‌ చాంపియన్‌షిప్‌ స్వర్ణ పతక విజేత గోమతి మరిముత్తు డోపీగా తేలింది. దీంతో ఆమెపై నాలుగేళ్ల నిషేధాన్ని విధించినట్లు సోమవారం వరల్డ్‌ అథ్లెటిక్స్‌ ప్రకటించింది. తమిళనాడుకు చెందిన గోమతి నుంచి సేకరించిన నాలుగు నమూనాల్లోనూ నిషేధిత ఉత్ప్రేరకం ‘19 నార్‌ ఆండ్రోస్టెరోన్‌’ స్టెరాయిడ్‌ ఆనవాళ్లు ఉండటంతో... అథ్లెటిక్స్‌ ఇంటిగ్రిటీ యూనిట్‌ (ఏఐయూ) నాలుగేళ్ల సస్పెన్షన్‌ వేటు వేసింది.  2019 మే 17 నుంచి 2023 మే 16 వరకు ఆమెపై ఈ నిషేధం అమల్లో ఉంటుందని ఏఐయూ పేర్కొంది. 2019 దోహా ఆసియా అథ్లెటిక్స్‌ చాంపియన్‌షిప్‌ 800 మీటర్ల పరుగును తన అత్యుత్తమ టైమింగ్‌తో (2ని: 2.70 సెకన్లు) పూర్తిచేసిన గోమతి విజేతగా నిలిచింది. ఈ క్రీడల సెలక్షన్స్‌ సందర్భంగా గతేడాది ఏప్రిల్‌లో, ఫెడరేషన్‌ కప్‌ సందర్భంగా పాటియాలాలో గోమతి నుంచి శాంపిల్స్‌ సేకరించారు. ఇవి పాజిటివ్‌గా రావడంతో ఆమె ఆసియా చాంపియన్‌షిప్‌లో సాధించిన పసిడి పతకాన్ని కూడా ఆమె కోల్పోనుంది. దీంతో పాటు ఆమె ఏఐయూకు లక్ష రూపాయల జరిమానా చెల్లించాల్సి ఉంటుంది. అయితే జాతీయ డోపింగ్‌ టెస్టు ల్యాబ్‌ (ఎన్‌డీటీఎల్‌)లో పరీక్షించిన తన నమూనాల పరిమాణంపై ఆమె సందేహాలు వ్యక్తం చేసింది. కానీ ఇవేవీ ఆమెను శిక్ష నుంచి తప్పించలేకపోయాయి.

న్యూఢిల్లీ: డోపింగ్‌లో పట్టుబడటంతో భారత మహిళా మిడిల్‌ డిస్టెన్స్‌ రన్నర్‌ జూమా ఖాతూన్‌పై అంతర్జాతీయ అథ్లెటిక్స్‌ సమాఖ్య నాలుగేళ్లపాటు నిషేధం విధించింది. అంతర్జాతీయ డోపింగ్‌ నిరోధక సంస్థ (వాడా) నిర్వహించిన పరీక్షలో ఆమె నిషేధిత ఉత్ప్రేరకం ‘డి హైడ్రోక్లోరోమిథైల్‌ టెస్టోస్టిరాన్‌’ వాడినట్లు తేలింది. 2018 జూన్‌లో గువాహటి వేదికగా జరిగిన అంతర్‌ రాష్ట్ర చాంపియన్‌షిప్‌లో జుమా 1500, 5000 మీటర్ల విభాగాల్లో కాంస్య పతకాలు సాధించింది. ఈ పోటీల సందర్భంగా ఆమె నుంచి జాతీయ డోపింగ్‌ టెస్టింగ్‌ లేబొరేటరీ (ఎన్‌డీటీఎల్‌) శాంపిల్స్‌ సేకరించి పరీక్ష చేయగా నెగెటివ్‌ అని తేలింది. అయితే అదే శాంపిల్‌ను ‘వాడా’ పరీక్షించగా పాజిటివ్‌గా తేలడం గమనార్హం. జుమాపై నిషేధం ఈ ఏడాది విధించినా... ఈ నిషేధం మాత్రం 2018 నుంచి అమల్లోకి రానుంది. ఫలితంగా 2018 జూన్‌ నుంచి నవంబర్‌ వరకు ఆమె పాల్గొన్న ఈవెంట్స్‌లో సాధించిన అన్ని ఫలితాలను రద్దు చేశారు. 

న్యూఢిల్లీ: డోపింగ్‌ పరీక్షలో విఫలమైన భారత షాట్‌పుట్‌ క్రీడాకారుడు నవీన్‌ చికారాపై అంతర్జాతీయ అథ్లెటిక్స్‌ సంఘం (ఐఏఏఎఫ్‌) ఇంటెగ్రిటీ విభాగం నాలుగేళ్ల నిషేధాన్ని విధించింది. 2018 జూలైలో జాతీయ డోపింగ్‌ నిరోధక సంస్థ (నాడా) నిర్వహించిన డోపింగ్‌ పరీక్షలో నవీన్‌ విఫలమైనట్లు ఐఏఏఎఫ్‌ ఒక ప్రకటనలో తెలిపింది. దాంతో అతనిపై నిషేధం జూలై 27, 2018 నుంచి అమలులోకి వస్తుందంటూ ఐఏఏఎఫ్‌ తన తాజా ప్రకటనలో తెలిపింది. ‘నాడా’ అతని శాంపిల్స్‌ను సేకరించి కెనడాలోని అంతర్జాతీయ డోపింగ్‌ నిరోధక సంస్థ (వాడా)కు పంపగా... అక్కడ జరిపిన పరీక్షల్లో నవీన్‌ నిషేధిత ఉత్ప్రేరకం జీహెచ్‌ఆర్‌పీ–6 వాడినట్లు తేలింది. అనంతరం జీహెచ్‌ఆర్‌పీ–6 నిషేధిత ఉత్ప్రేరకాల జాబితాలో ఉన్నట్లు తనకు అవగాహన లేదని నవీన్‌ వివరణ ఇచ్చాడు. 23 ఏళ్ల నవీన్‌ 2018 ఫెడరేషన్‌ కప్‌లో రజత పతకంతో పాటు... అదే ఏడాది జరిగిన అంతర్రాష్ట్ర చాంపియన్‌షిప్‌లో రన్నరప్‌గా నిలిచాడు.

కందుకూరు అర్బన్‌:  ఆడుతూ పాడుతూ అందరు పిల్లలతో కలిసి బడికి వెళ్లాల్సిన వయస్సులో నిత్యం చర్మం పగిలి, దురద, మంటతో  ఆ బాలుడు నరక యాతన అనుభవిస్తున్నాడు. తోటి పిల్లలు దగ్గరకు రానివ్వక ఆ బాలుడు పడుతున్న మానసిక వేదన తల్లిదండ్రులతో పాటు చూసిన గ్రామస్తులను కలిచివేస్తోంది. ప్రకాశం జిల్లా వలేటివారిపాలెం మండలం బడేవారిపాలెం ఎస్సీ కాలనీలోని లింగాబత్తిన మాల్యాద్రి, శ్రీలతలది రోజు కూలీ పనులకు వెళితే కానీ పూటగడవని పరిస్థితి. ఈ దంపతులకు మూడవ సంతానం జోష్‌కుమార్‌ 2015లో జన్మించాడు. గంటలోపే బాలుడి చేతులు, కాళ్లు, ముఖంపై చర్మం మొత్తం పొరలు పొరలుగా ఊడి పోవడం ప్రారంభమైంది. ఈ వ్యాధి ఆరోగ్యశ్రీ పథకం పరిధిలోకి రాదని డాక్టర్లు చెప్పడంతో తల్లిదండ్రులు వడ్డీకి అప్పుచేసి రెండేళ్లపాటు వైద్యం చేయించారు. అయినా తగ్గలేదు. ఇక చూపించే స్తోమత లేక బిడ్డను ఇంటి దగ్గర వదిలి కూలీనాలి చేసుకుంటున్నారు. గత రెండేళ్లుగా చెన్నైలోని ఓ ప్రైవేటు వైద్యశాలలో చూపిస్తూ నెలకు రూ. 5వేల ఖర్చుతో మందులను వాడుతున్నట్లు తల్లిదండ్రులు తెలిపారు. వేసవి వచ్చిందంటే నరకమే.. వేసవి కాలం వచ్చిందంటే నరకం అనుభవిస్తున్నట్లు బాలుడి తల్లిదండ్రులు కన్నీటి పర్యంతమవుతున్నారు. ఒళ్లంతా చర్మం పగిలి రక్తం కారడం, దురద, భరించలేని మంటతో బాలుడు తట్టుకోలేక అల్లాడుతుంటే తల్లిదండ్రులు పడుతున్న బాధ వర్ణనాతీతం. ఎండను తట్టుకునేందుకు ప్లాస్టిక్‌ టబ్‌లో నీళ్లుపోసి దాంట్లో ప్రతి అరగంటకు ఒకసారి కూర్చోబెడుతున్నారు. బైట ఉన్నంత సేపూ తడి బట్టలు కప్పితేనే ఉపశమనం. కూలి పనులకు వెళ్తేనే గానీ పూటగడవని పరిస్థితుల్లో పిల్లవాడిని కనిపెట్టుకొని ఒకరు ఇంటి వద్దనే ఉండాల్సి వస్తోందని ఆవేదన చెందుతున్నారు. సీఎం వైఎస్‌ జగన్‌మోహన్‌రెడ్డి పాదయాత్ర సందర్భంగా బడేవారిపాలెం వచ్చినప్పుడు పిల్లవాడి తల్లి జోష్‌కుమార్‌ను జగన్‌మోహన్‌రెడ్డి వద్దకు తీసుకొచ్చి తన కుమారుడి దీనగాథను వివరించి మెరుగైన వైద్యం అందించాలని కోరింది. అప్పట్లో కందుకూరులో జరిగిన బహిరంగ సభలో వింత వ్యాధితో బాధపడుతున్న పిల్లవాడిని చూశానని అధికారంలోకి రాగానే ఆరోగ్యశ్రీలో ఇలాంటి వ్యాధులను కూడా చేరుస్తామని చెప్పారు.

ప్రపంచ క్రీడల్లో అగ్రరాజ్యం అమెరికాకు పక్కలో బల్లెంలా నిలిచిన దేశం రష్యా. అయితే ‘డోపింగ్‌’ భూతం రష్యా కొంప ముంచింది. ఐదేళ్ల క్రితం ప్రపంచ క్రీడాలోకాన్ని నివ్వెరపరిచిన రష్యాలోని వ్యవస్థీకృత డోపింగ్‌ ఉదంతం కథ ఇప్పుడు కంచికి చేరింది. ఎన్నిసార్లు హెచ్చరించినా పరిస్థితిలో మార్పు కనబడకపోవడంతో ప్రపంచ డోపింగ్‌ నిరోధక సంస్థ (వాడా) తీవ్రమైన చర్య తీసుకుంది. ఏకంగా నాలుగేళ్లపాటు అంతర్జాతీయ క్రీడలకు దూరంగా ఉండాలని ఆదేశిస్తూ రష్యా దేశంపై ‘వాడా’ నిషేధం విధించింది. లుసానే (స్విట్జర్లాండ్‌): డోపింగ్‌ భూతం రష్యా పుట్టి ముంచేసింది. అంతర్జాతీయ క్రీడా సమాజం రష్యాను గెంటేసింది. వచ్చే 2020 టోక్యో ఒలింపిక్స్‌కు దూరం చేసింది. దీంతో టోక్యో వేదికపై రష్యా జాతీయ పతాకం కనిపించదు. జాతీయ గీతం కూడా వినిపించదు. వ్యవస్థీకృత డోపింగ్‌ కారణంగా... ప్రపంచ డోపింగ్‌ నిరోధక సంస్థ (వాడా) రష్యాపై నాలుగేళ్ల పాటు నిషేధం విధించింది. సోమవారం జరిగిన ‘వాడా’ ఉన్నతస్థాయి సమావేశంలో ఈ నిర్ణయం తీసుకుంది. ఈ చర్యతో రష్యా క్రీడా సమాజం తీవ్రంగా నష్టపోనుంది. 2020 పారాలింపిక్స్, 2022 యూత్‌ ఒలింపిక్స్, 2022లో బీజింగ్‌ ఆతిథ్యమివ్వనున్న వింటర్‌ ఒలింపిక్స్‌లో రష్యా జట్లేవీ బరిలోకి దిగవు. వచ్చే నాలుగేళ్లలో ఆ దేశం అంతర్జాతీయ క్రీడా పోటీల ఆతిథ్యానికి కూడా పనికిరాదు. ‘వారికి’ అవకాశం అయితే డోపింగ్‌ మచ్చలేని రష్యా క్రీడాకారులకు ‘వాడా’ కాస్త వెసులుబాటు ఇచ్చింది. వారు స్వతంత్ర హోదాలో (అంతర్జాతీయ ఒలింపిక్‌ కమిటీ పతాకం కింద) పాల్గొనవచ్చని తెలిపింది. స్వతంత్ర హోదాలో పాల్గొనే రష్యా అథ్లెట్లు పతకాలు గెలిచినా అవి రష్యా ఖాతాలోకి రావు. రష్యా జాతీయ పతాకం ఎగరదు, జాతీయ గీతం కూడా వినిపించదు. వచ్చే ఏడాది రష్యాలో జరిగే కొన్ని యూరో ఫుట్‌బాల్‌ మ్యాచ్‌లకు, ఫార్ములావన్‌ రేసు నిర్వహణకు మాత్రం మినహాయింపునిచ్చింది. 2020 యూరో టోర్నీ 12 దేశాల్లో జరగనుంది. రష్యా  పేరు లేకుండా... ఒకవేళ ఖతర్‌లో జరిగే 2022 ఫుట్‌బాల్‌ ప్రపంచకప్‌కు రష్యా అర్హత సాధిస్తే పరిస్థితి ఏంటనే దానిపై ‘వాడా’ స్పష్టత ఇవ్వలేదు. యూరోప్‌కు సంబంధించి 2021లో ప్రపంచకప్‌ క్వాలిఫయింగ్‌ మ్యాచ్‌లు మొదలవుతాయి. ప్రధాన టోర్నీ కానందున క్వాలిఫయింగ్‌లో రష్యా పాల్గొనవచ్చని ‘వాడా’ తెలిపింది. ఒకవేళ రష్యా ప్రపంచకప్‌కు అర్హత సాధిస్తే ప్రపంచ ఫుట్‌బాల్‌ సమాఖ్య (ఫిఫా)తో చర్చించి దీనిపై తుది నిర్ణయం తీసుకుంటామని ‘వాడా’ తెలిపింది. ఫుట్‌బాల్‌ ప్రపంచకప్‌లో ఆడేందుకు ఒకవేళ రష్యాకు అనుమతి ఇచ్చినా వారు రష్యా పేరును వాడే అవకాశం ఉండదని ‘వాడా’ వివరించింది. అసలేం జరిగిందంటే...  రష్యా క్రీడల యంత్రాంగమంతా డోపింగ్‌లో భాగస్వామ్యమైందని జర్మన్‌ టీవీ చానెల్‌ ఓ డాక్యుమెంటరీని ఐదేళ్ల క్రితం 2014 డిసెంబర్‌ లో ప్రసారం చేసింది. ఇది అంతర్జాతీయ క్రీడాలోకాన్నే నిర్ఘాంతపరిచింది. ఎక్కడైనా... ఎప్పుడైనా... డోపింగ్‌లో ఇప్పటివరకు వ్యక్తిగతంగా ఆటగాళ్లే దొరుకుతారు. మొత్తం దేశమే ఈ అవకతవకల జాడ్యంలో పట్టుపడటం ఏంటనే చర్చ లేవనెత్తింది. దీనిపై దర్యాప్తు చేసిన ‘వాడా’ 2011 నుంచి 2015 వరకు రష్యా వ్యవస్థీకృత డోపింగ్‌కు పాల్పడిందని 2016లో ప్రకటించింది. మాస్కోలోని ల్యాబోరేటరీలోని ఫలితాలన్నీ అసలైనవి కావని, అవన్నీ నకిలీవని విచారణలో తేలింది. ఆటగాళ్ల రక్త, మూత్ర నమూనాల్లో డోపీలనీ తేలినా... డేటా మొత్తం ఏమార్చిందని విస్తుగొలిపే విషయాన్నీ వెల్లడించింది. మొత్తం అధికార యంత్రాంగం ఈ పాపానికి పాల్పడినట్లు తేలడంతో రష్యా డోపింగ్‌ నిరోధక సంస్థ (ఆర్‌యూఎస్‌ఏడీఏ)పై, రష్యా ఒలింపిక్‌ కమిటీ (ఆర్‌ఓసీ)పై వేటు వేసింది. అప్పటినుంచి నిషేధం ఉచ్చు రష్యా మెడకు బిగుసుకుంది. కానీ వ్యక్తిగత క్రీడాంశాలపై కరుణ చూపింది. రష్యా ఆటగాళ్లను  మెగా ఈవెంట్లలో అంతర్జాతీయ ఒలింపిక్‌ కమిటీ (ఐఓసీ) గొడుగు కింద పాల్గొనేందుకు వెసులుబాటు ఇచ్చింది. అప్పీలుకు వెళ్లొచ్చు...  నిషేధంపై అప్పీలుకు వెళ్లేందుకు ‘వాడా’ అవకాశమిచ్చింది. ‘స్పోర్ట్స్‌ ఆర్బిట్రేషన్‌ కోర్టు’లో సవాలు చేసేందుకు 21 రోజుల గడువిచ్చింది. ఏదేమైనా రష్యా అథ్లెట్లు మేటి ఈవెంట్లలో పాల్గొనేందుకు వెసులుబాటైతే ఉంది. కానీ... వారిపై ‘వాడా’ ‘స్కానింగ్‌’ తప్పనిసరిగా ఉంటుంది. అంటే ‘వాడా’ పరీక్షల్లో నిషిద్ధ ఉత్ప్రేరకాలు తీసుకోలేదని క్షుణ్ణంగా తేలిన అథ్లెట్లను, అది కూడా స్వతంత్రంగా పోటీపడేందుకు అవకాశం కల్పిస్తారు. క్రీడల్లో ఇది అతిపెద్ద డోపింగ్‌ కుంభకోణమని, ఈ అపరాధానికి శిక్షతో పాటు అంతర్జాతీయ సమాజానికి  రష్యా క్షమాపణలు చెప్పాలని నార్వేకు చెందిన న్యాయకోవిదుడు లిండా హెలెలాండ్‌ తెలిపారు. ‘ఈ నిర్ణయంపై నాకు సంతోషం లేదు. కానీ తప్పదు. రష్యా యంత్రాంగం పరీక్షల తాలూకు డేటాను ‘వాడా’ కోరినపుడు ఆలస్యం చేయడంతోనే రష్యా కపటం బట్టబయలైంది’ అని అన్నారు. కఠినమైన చర్యలు తీసుకోవాలని ఐఓసీ సిఫార్సు చేసింది. రష్యా అధికారులు, క్రీడాకారులకు ఈ చర్యలు చెంపపెట్టు కావాలని ఐఓసీ గట్టిగా కోరింది. కూర్చున్న కొమ్మనే నరుక్కుంది...  తానెక్కిన కొమ్మను తానే నరికినట్లుగా రష్యా కపటానికి, మోసానికి రష్యానే బలైందని ‘వాడా’ అథ్లెట్‌ ప్యానెల్‌ తెలిపింది. ‘ఈ మొత్తం ఉదంతాన్ని రష్యానే సృష్టించింది. ప్రపంచాన్నే మోసం చేసింది. తద్వారా తమ అథ్లెట్ల బంగారు కలల్ని, ఉజ్వల భవిష్యత్తును రష్యానే నాశనం చేసింది’ అని వాడా ప్యానెల్‌ సమావేశానికి ముందే ప్రకటించింది. రష్యా ఒలింపిక్‌ కమిటీ (ఆర్‌ఓసీ) మాత్రం ‘వాడా’ చర్యలపై అసంతృప్తి వెళ్లగక్కింది. మొత్తం దేశాన్నే నిషేధించడం సహేతుకం కాదని... ఇది పూర్తిగా అశాస్త్రీయ విధానమని ఆర్‌ఓసీ అభిప్రాయపడింది. అలా మొదలై... ఇలా వెలియై...  ►డిసెంబర్, 2014:  రష్యా డోపింగ్‌పై జర్మన్‌ టీవీలో డాక్యుమెంటరీ ప్రసారం ►నవంబర్, 2015 రష్యా డోపింగ్‌ నిరోధక సంస్థపై ‘వాడా’,ఆటగాళ్లపై అంతర్జాతీయ అథ్లెటిక్స్‌ సమాఖ్య వేటు. ►జూలై 18, 2016: 2011 నుంచి 2015 వరకు రష్యా వ్యవస్థీకృత డోపింగ్‌కు పాల్పడినట్లు ‘వాడా’ నివేదిక. ►ఆగస్టు, 2016 రియో ఒలింపిక్స్‌లో రష్యా జట్టులో 276 మంది అథ్లెట్లకు అవకాశం. 111 మంది తొలగింపు. ►డిసెంబర్, 2017 ఐఓసీ చర్యలు షురూ. ముందుగా రష్యా ఒలింపిక్‌ కమిటీపై వేటు. 43 మంది అథ్లెట్లపై జీవితకాల నిషేధం. సోచి వింటర్‌ ఒలింపిక్స్‌లో రష్యా గెలిచిన 13 పతకాలు వాపస్‌. ►ఫిబ్రవరి, 2018 స్పోర్ట్స్‌ ఆర్బిట్రేషన్‌ కోర్టులో నిషేధాలపై మొదలైన విచారణ. ప్యాంగ్‌చాంగ్‌ వింటర్‌ ఒలింపిక్స్‌లో 169 మంది రష్యన్లకు ఐఓసీ గ్రీన్‌సిగ్నల్‌. ►సెప్టెంబర్, 2018 మాస్కో ల్యాబోరేటరీ డేటా ఇచ్చేందుకు రష్యా డోపింగ్‌ నిరోధక సంస్థ అంగీకరించడంతో ఆ సంస్థపై నిషేధం ఎత్తివేత. ►జనవరి, 2019 ‘వాడా’కు మాస్కో ల్యాబోరేటరీ డేటా అందజేసిన రష్యా డోపింగ్‌ నిరోధక సంస్థ. ►సెప్టెంబర్, 2019 డేటా అందాకా కొత్తగా మళ్లీ ‘వాడా’ దర్యాప్తు. ప్రపంచ అథ్లెటిక్స్‌ చాంపియన్‌షిప్‌ (దోహా)లో రష్యాపై నిషేధం కొనసాగింపు. ►నవంబర్‌ 25, 2019 నాలుగేళ్ల నిషేధం విధించాలంటూ ‘వాడా’ ప్యానెల్‌ సిఫారసు. ►డిసెంబర్‌ 9, 2019 రష్యాపై నిషేధం ఖరారు

సాక్షి, భువనేశ్వర్‌: భారత వెయిట్‌లిఫ్టర్లు డోపింగ్‌లో దొరికిపోయారు. నిషిద్ధ ఉత్ప్రేరకాలు తీసుకున్న ఐదుగురు డోపీల్లో కామన్వెల్త్‌ గేమ్స్‌ మాజీ చాంపియన్, ఒడిశాకు చెందిన కత్తుల రవికుమార్‌ ఉన్నాడు. 2010లో బంగారం నెగ్గిన రవి... 2014లో రజతం గెలిచాడు. అతనితో పాటు జూనియర్‌ కామన్వెల్త్‌ గేమ్స్‌ పతక విజేత పూర్ణిమా పాండే, హీరేంద్ర సారంగ్, దీపిక శ్రీపాల్, గౌరవ్‌ తోమర్‌ ఉన్నారు. జాతీయ డోపింగ్‌ నిరోధక సంస్థ (నాడా) నిర్వహించిన పరీక్షల్లో వీరంతా నిషేధిత ఉత్ప్రేరకాలు తీసుకున్నట్లు తేలడంతో వీరిపై సస్పెన్షన్‌ వేటు వేశారు. స్టార్‌ లిఫ్టర్‌ రవి ‘ఒస్టారిన్‌’ అనే ఉత్ప్రేరకం తీసుకున్నాడు. ఇది కండరాల శక్తిని పెంచేది. విశాఖపట్నంలో జరిగిన జాతీయ చాంపియన్‌షిప్‌లో అతనికి నిర్వహించిన పరీక్షల్లో దొరికిపోవడం జాతీయ వెయిట్‌లిఫ్టింగ్‌ వర్గాల్ని కలవరపరిచింది. అయితే ఈ డోపింగ్‌ ఉదంతంతో టోక్యో ఒలింపిక్స్‌లో భారత్‌ కోటా బెర్తులకు వచ్చిన ముప్పేమీ లేదని భారత వెయిట్‌లిఫ్టింగ్‌ సమాఖ్య (ఐడబ్ల్యూఎల్‌ఎఫ్‌) కార్యదర్శి సహదేవ్‌ యాదవ్‌ స్పష్టం చేశారు. ‘నాడా’ భారత్‌కు సంబంధించిన సంస్థ అని అంతర్జాతీయ డోపింగ్‌ నిరోధక సంస్థ (వాడా) చేసే పరీక్షల్నే అంతర్జాతీయ వెయిట్‌లిఫ్టింగ్‌ సమాఖ్య (ఐడబ్ల్యూఎఫ్‌) పరిగణిస్తుందని ఆయన చెప్పారు. కొత్త ఐడబ్ల్యూఎఫ్‌ నిబంధనల ప్రకారం 2008 నుంచి 2020 వరకు ఏదైనా దేశంలో 20 లేదా అంతకంటే ఎక్కువ డోపీలు పట్టుబడితే ఒలింపిక్స్‌ కోటా బెర్తుల్ని ఆ దేశం కోల్పోతుంది.

న్యూఢిల్లీ: ప్రపంచ ఆరోగ్య సంస్థ(డబ్ల్యూహెచ్‌వో) నిర్దేశించిన వాయు నాణ్యత ప్రమాణాలను భారత్‌ అందుకోగలిగితే దేశ ప్రజల సగటు జీవితకాలాన్ని మరో నాలుగేళ్లు పెంచవచ్చని తాజా అధ్యయనం తెలిపింది. వాయు కాలుష్యం కారణంగా దేశం ప్రతి ఏటా రూ.35 లక్షల కోట్లు నష్టపోతున్నట్లు పేర్కొంది. ప్రజలు అనారోగ్యం బారిన పడి ఆయుర్దాయం తగ్గిపోతున్నట్లు తెలిపింది. ఈ నేపథ్యంలో యూనివర్సిటీ ఆఫ్‌ షికాగో, హార్వర్డ్‌ కెన్నెడీ స్కూల్‌కి చెందిన పరిశోధకులు ఓ నివేదిక సమర్పించారు. ఇందులో ఉద్గారాల పర్యవేక్షణకు ఆడిటర్ల నియామకం, కాలుష్యకారకాలపై ప్రజలకు సమాచారం ఇవ్వడం, అదనంగా విడుదలయ్యే ఉద్గారాలపై జరిమానా విధించటం, ఉద్గారాలపై ఎప్పటికప్పడు రెగ్యులేటర్లకు సమాచారం అందించటం, కాలుష్యాన్ని తగ్గించేందుకు యత్నించే పరిశ్రమలపై భారం తగ్గేలా చర్యలు తీసుకోవాలని సూచించారు. దేశంలో 66 కోట్ల మంది అధిక కాలుష్య ప్రాంతాల్లోనివసిస్తున్నట్లు ఈ నివేదిక పేర్కొంది.

బాబు మాటలు : ‘‘ఇసుక అక్రమాలపై కఠినంగా వ్యవహరిస్తాం. ఈ వ్యవహారంలో నాయకుల ప్రమేయం ఉండటానికి వీల్లేదు. ఏటా 600–700కోట్ల రూపాయల ఆదాయాన్ని వదులుకుని ఉచితంగా ఇస్తున్నాం. అక్రమాల్లో ఎవరి పాత్ర ఉన్నా వారిపై వేటు పడుతుంది. ఎక్కడి వారు అక్కడే ఉచితంగా ఇసుక తీసుకోవచ్చు. ఎవరైనా అడ్డుకుంటే తిరగబడాలి’’.. అని ఇసుకను ఉచితంగా ఇస్తామని ప్రకటించిన సందర్భంలో ముఖ్యమంత్రి చంద్రబాబు అన్న మాటలివి.  వాస్తవం : ఆచరణను మాత్రం మాటలను తుంగలో తొక్కారు. రాష్ట్రవ్యాప్తంగా ఏ జిల్లాలో ఏ రీచ్‌ చూసినా ఇసుక అక్రమ రవాణా విచ్చలవిడిగా సాగుతోంది. రాజకీయ నాయకుల కనుసన్నల్లోనే ఇసుక దోపిడీ ఎక్కువగా జరుగుతోంది. సామాన్యులు ఇసుకను ఉచితంగా తీసుకెళ్లే పరిస్థితి ఎక్కడాలేదు. అడ్డగోలుగా సాగుతున్న ఇసుక అక్రమ తవ్వకాల కారణంగా నదీ పరీవాహక ప్రాంతాల్లో భూగర్భ జలాలు  దారుణంగా పడిపోతున్నాయి.  సాక్షి, అమరావతి : నాలుగేళ్ల టీడీపీ సర్కారు పాలనలో జరిగిన ఇసుక దందా విలువ అక్షరాలా రూ.8,600 కోట్లు. రాష్ట్రంలో ఇసుక మాఫియా ఏ విధంగా చెలరేగిపోతోందో ఇది చూస్తే తెలిసిపోతుంది. ఇసుక రేవు (రీచ్‌)లను కొందరు అధికార టీడీపీ నేతలు సొంత జాగీర్లలా మార్చుకుని అడ్డగోలుగా తోడేస్తున్నారు. ఇటు ఒడిశా సరిహద్దులోని శ్రీకాకుళం మొదలు అటు కర్ణాటక సరిహద్దులోని అనంతపురం వరకూ అంతటా ఇదే పరిస్థితి. రెండేళ్లుగా ‘ఉచిత ఇసుక’ కాగితాలకే పరిమితమైంది. జిల్లా కలెక్టర్ల నేతృత్వంలోని శాండ్‌ కమిటీలు నిర్ణయించిన ధరలు ఎక్కడా అమలుకావడంలేదు. ఇసుక మాఫియా చెప్పిందే ధర. ఇక రాజధాని ప్రాంతమైన కృష్ణా, గుంటూరు జిల్లాల మంత్రులు, టీడీపీ ఎమ్మెల్యేల ఆగడాలకు అడ్డూ అదుపులేదు. వారు చెప్పిందే శాసనం.  తనిఖీలతో హుటాహుటిన క్రేన్ల తరలింపు  ఇదిలా ఉంటే.. కృష్ణా నదిలో యంత్రాలతో జరుపుతున్న ఇసుక తవ్వకాలను అడ్డుకోవాలంటూ ఓ స్వచ్ఛంధ సంస్థ జాతీయ హరిత ట్రైబ్యునల్‌లో వేసిన కేసు నేపథ్యంలో నిజనిర్ధారణ నివేదిక సమర్పణ కోసం ట్రైబ్యునల్‌ నియమించిన కమిటీ ప్రతినిధులు గుంటూరు జిల్లాలో పర్యటించారు. దీంతో ఇసుక మాఫియా గ్యాంగులు నదుల్లోని భారీ క్రేన్లను అక్కడ లేకుండా చేశారు. కమిటీ ప్రతినిధులు అటు పోగానే మళ్లీ ఎక్కడ క్రేన్లు అక్కడ అమర్చి యథాతథంగా దందా సాగిస్తున్నారు. కాగా, రాష్ట్రంలో మొత్తం 459 ఇసుక రేవులు ఉండగా ప్రజలు సొంత అవసరాలకు ఎక్కడ నుంచైనా ట్రాక్టర్లలో ఇసుక తీసుకెళ్లవచ్చు. కానీ, ఇది ఎక్కడా అమలుకావడంలేదు. ఇసుక నింపుకోవాలంటే కప్పం కట్టాల్సిందే. ‘రీచ్‌లోకి దారి మేమే నిర్మించాం. అందువల్ల ట్రాక్టరు వెళ్లాలంటే డబ్బు ఇవ్వాల్సిందే..’ అంటూ మాఫియా గ్యాంగులు వసూళ్లు సాగిస్తున్నాయి.   చీకట్లో విచ్చలవిడిగా తవ్వకాలు  అలాగే, నిబంధనల ప్రకారం ప్రైవేటు వ్యక్తులు రేవుల్లోకి లారీలను తీసుకెళ్లరాదు. సాగునీటి ప్రాజెక్టులు, రహదారుల నిర్మాణం లాంటి ప్రభుత్వ కార్యకలాపాలకు మాత్రమే అనుమతులున్నాయి. వీటికి గ్లోబల్‌ పొజిషనింగ్‌ సిస్టం (జీపీఎస్‌) పరికరాలు అమర్చామని అధికారులు చెబుతున్నారు. అయితే, జీపీఎస్‌ పరికరాలను పనిచేయకుండా చేసి రాత్రి వేళల్లో తోడేసి ప్రైవేట్‌గా అధిక రేట్లకు అమ్ముతున్నారు. కర్నూలు, నెల్లూరు, గుంటూరు, కృష్ణా, శ్రీకాకుళం జిల్లాల నుంచి కర్ణాటక, తమిళనాడు, ఒడిశా రాష్ట్రాలకు కూడా తరలించడం ద్వారా వేల కోట్లు దండుకుంటున్నారు. గుంటూరు జిల్లాకు చెందిన ఒక మంత్రి అనుచరులు ఏకంగా ఇసుక రీచ్‌కు అనధికారికంగా రహదారి వేయించి తన సొంత ఆస్తిలా నడుపుతున్నారంటే దోపిడీ ఎంత బహిరంగంగా సాగుతుందో అర్థమవుతుంది. తూర్పు గోదావరి జిల్లాలో కూడా ఇలాగే నదిలో రెండు కిలోమీటర్ల పొడవునా అనుమతి లేకుండా రోడ్డు వేసేశారు. ఇదంతా అధికార పార్టీ పెద్దల వ్యవహారం కావడంతో అధికారులు కిక్కురుమనడంలేదు.   రెండేళ్లలో రూ.5,000 కోట్లు దోపిడీ  జిల్లా కమిటీలు నిర్ణయించిన ధరలతో పోల్చితే దాదాపు అన్ని జిల్లాల్లో 50 నుంచి 100 శాతం అధిక ధరలకు ఇసుకను అమ్ముతున్నారు. ఇది చాలదన్నట్లు కర్ణాటక, తమిళనాడు, ఒడిశా రాష్ట్రాలకు అక్రమంగా తరలించి పెద్ద లారీ ఇసుకను రూ.50వేల నుంచి 60 వేల వరకూ విక్రయిస్తున్నారు. తద్వారా టీడీపీ ఇసుక మాఫియా గత రెండేళ్ల కాలంలో (2016 జూన్‌ నుంచి 2018 మే వరకూ) రూ.5,000 కోట్లకు పైగా దండుకుందని అనధికారిక అంచనా. అలాగే, డ్వాక్రా సంఘాలు ఇసుక రీచ్‌లను నిర్వహించిన కాలంలో (2014 నవంబరు నుంచి 2016 మార్చి వరకూ) టీడీపీ నేతలు రూ.3,600 వేల కోట్లకు పైగా దోచుకున్నారని అంచనా. ఆ కాలంలో ఇసుక అక్రమ తవ్వకాలు, రవాణావల్ల సర్కారు ఖజానాకు రూ.2,000 కోట్లకు పైగా నష్టం వాటిల్లిందని సాక్షాత్తు రాష్ట్ర ఆర్థిక మంత్రి యనమల రామకృష్ణుడు స్వయంగా ప్రకటించడం గమనార్హం.  పొంచివున్న పెను ముప్పు  నిబంధనలకు విరుద్ధంగా నదుల్లో ఎక్కువ లోతు వరకు ఇసుక తవ్వకాలు సాగుతుండటం ప్రమాదకరమని పర్యావరణవేత్తలతోపాటు భూగర్భ జల నిపుణులు హెచ్చరిస్తున్నారు. రాష్ట్రంలోని రీచ్‌లలో 2.82 కోట్ల క్యూబిక్‌ మీటర్ల (సుమారు 4.22 కోట్ల మెట్రిక్‌ టన్నుల) ఇసుకను ఏటా తవ్వుకోవచ్చని ప్రభుత్వం 2015లో అంచనా వేసింది. కానీ, 7 కోట్ల టన్నులకు పైగా తవ్వుతున్నారు. మీటరు లోతు మించి ఇసుక తవ్వరాదన్న నిబంధనను బేఖాతరు చేస్తూ 2 నుంచి 4 మీటర్ల లోతు వరకూ తవ్వేస్తున్నారు. దీనివల్ల పలువురు మృత్యువాత పడిన సంఘటనలూ ఉన్నాయి.   సీఎం ఇంటికి కూతవేటు దూరంలో..  గుంటూరు జిల్లాలో నిబంధనలను ‘కృష్ణ’లో కలిపేసి నది మధ్యలో భారీ క్రేన్లు ఏర్పాటుచేసి డ్రెడ్జింగ్‌ ద్వారా బాగా లోతు వరకూ ఇసుక తోడేస్తున్నారు. ముఖ్యమంత్రి చంద్రబాబు అధికార నివాసానికి కూతవేటు దూరంలో ఇంత జరుగుతున్నా ప్రభుత్వానికి కనిపించడంలేదు.   ఉత్తరాంధ్రకు నేనే మంత్రినని చెప్పుకునే ఒక నేత ఒడిశాకు ఇసుక అక్రమ తరలింపులు జరిపిస్తూ వందల కోట్లు దండుకుంటున్నారు.  గోదావరి జిల్లాలో ఒక మంత్రి అతిముఖ్యమైన రేవును సొంత నదిలా మార్చుకుని అనుచరులకు అప్పగించి వాటాలు మింగుతున్నారు.   కర్నూలు జిల్లాలో మరో మంత్రి అనుచరులు ఏకంగా తుంగభద్రలో ఎలాంటి అనుమతులు లేకుండా రోడ్డు నిర్మించారనే విషయం ఉన్నత న్యాయస్థానం వరకూ వెళ్లింది.   కాగా, తవ్విన ఇసుకను 30 శాతానికిపైగా ఇతర రాష్ట్రాలకు యథేచ్ఛగా తరలిస్తూ చెక్‌ పోస్టులను చెకింగ్‌ లేని పోస్టుల్లా మార్చేశారు. ఇలా గత రెండేళ్లలో టీడీపీ నేతలు ఇసుక మాఫియా ద్వారా దోచుకున్న సొమ్ము రూ.5,000 కోట్ల పైమాటేనని అనధికారిక అంచనా. అంతకుముందు.. డ్వాక్రా సంఘాల ముసుగులో రూ.3,600 కోట్లకు పైగా దోచుకున్నారు. మొత్తం మీద తెలుగుదేశం నాలుగేళ్ల పాలనలో టీడీపీ నేతలు ఇసుక ద్వారా దండుకున్న మొత్తం రూ. 8,600 కోట్ల పైమాటే.

యువతకు ఉద్యోగావకాశాల కల్పన ద్వారా దేశంలో నిరుద్యోగం పారదోలుతామని 2014 ఎన్నికల మేనిఫెస్టోలో బీజేపీ ప్రకటించింది. దీనితో సహా పారిశ్రామిక, వ్యవసాయ, కార్మిక రంగాలకు, దళిత, బహుజన వర్గాలకు ఉద్దేశించిన సంక్షేమ పథకాలు అన్నీ గుంటపూలు పూస్తున్నాయి. కానీ కుట్ర రాజకీయాల ద్వారా పేదరికాన్ని, దుర్భర దారిద్య్రాన్ని మరుగుపరిచేందుకు ప్రసిద్ధ సర్వే సంస్థల అంచనాలను కూడా పెట్టుబడి వ్యవస్థ (అటు కాంగ్రెస్, ఇటు బీజేపీ) పాలకులు తారుమారు చేసే స్థితికి ఒడిగట్టడం కనిపిస్తున్నది. ఇందుకు ఉన్న ఉదాహరణలు ఒకటీ రెండూ కాదు. ‘చట్ట విరుద్ధంగా అపారమైన ధనరాశులను సంపాదించుకున్నవారు మాత్రమే అపవిత్ర కూటమిగా, అపవిత్ర కలయిక కోసం చేతులుకలుపుతున్నారు. కానీ ఒక్క బీజేపీకి మాత్రమే పంచాయతీ స్థాయి నుంచి పార్లమెంట్‌ దాకా దేశ వ్యాప్తంగా 1500 మంది లెజిస్లేటర్లున్నారు. గత నాలుగేళ్లుగా బీజేపీ మాత్రమే కేంద్రంలో అవినీతి రహిత ప్రభుత్వాన్నీ నిజాయితీగల పాలననూ అందించింది.’– నరేంద్ర మోదీ (నాలుగేళ్ల పాలన పూర్తయిన సందర్భంగా 26న కటక్‌లో జరిగిన సమావేశంలో. అమిత్‌షా కూడా ఇలాంటి ప్రకటనే ఇచ్చారు) ‘దేశ ప్రజలకు ఇప్పుడు బీజేపీ (మోదీ) నాయకత్వం ఒక కొత్త తరహా అధికార ఉన్మత్త రూపాన్ని చూపిస్తున్నది. ఒక పద్ధతి ప్రకారమే నిరంతరం దాడులు జరుగుతున్నాయి. కనుకనే ప్రజలు నిరంతరం జాగరూకులై ఉండి పోరాడవలసిన సమయం వచ్చింది. రాజ్యాంగం ప్రకారం ద్రవ్య సంబంధమైన బిల్లులపై నిర్ణయాధికారం రాజ్యసభకు లేకపోయినా సభ ప్రతిపత్తిని కాస్తా మోదీ ప్రభుత్వం దిగజార్చింది. చివరికి న్యాయవ్యవస్థ కూడా పలు ప్రకటనల ద్వారా, తీర్పుల ద్వారా ఆ వ్యవస్థపైన మన విశ్వాసాన్ని దిగజార్చింది. తీర్పుల విలువ పడిపోయింది. దీనికి కారణం– పాలకుల నుంచి పనిగట్టుకుని ఒక పద్ధతి ప్రకారం చేసే దాడులకు న్యాయ వ్యవస్థ గురికావడమే. ఈ దాడులను సహించడానికి పౌరులు అలవాటుపడేలా బీజేపీ ప్రభుత్వం చేస్తోంది’. – (హైదరాబాద్‌లో 25–5–18న జరిగిన తన నూతన గ్రంథ ఆవిష్కరణ సభలో బీజేపీ నేత, మాజీ మంత్రి, ప్రసిద్ధ పాత్రికేయుడు అరుణ్‌ శౌరి) అబద్ధాన్ని అదేపనిగా వల్లిస్తే ప్రజలు నమ్ముతారన్నది ఫాసిస్ట్‌ గోబెల్స్‌ వ్యూహం. కేంద్రంలో నాలుగేళ్ల పాలన పూర్తయిన సందర్భంలో బీజేపీ నేతలు ప్రారంభించిన ఊదర కూడా అలాంటిదే. అందులో వాస్తవం ఎంతో దేశ ప్రజలకు ప్రత్యక్షానుభవమే. ఏ రంగాన్ని చూసినా ఇంతే. ఆఖరికి ‘బీజేపీకి మాత్రమే 1,500 మంది చట్టసభల సభ్యులు ఉన్నారు’ అన్న మోదీ ప్రకటన కూడా పెద్ద అబద్ధం. ఇలాంటి గప్పాల విషయంలో బీజేపీ, కాంగ్రెస్‌లకు తేడా మాత్రం లేదు. పెట్టుబడిదారీ దోపిడీ వ్యవస్థలో విలువల కోసం దుర్భిణీ వేసి వెతుక్కోవడమే తప్ప ఫలితం ఉండదు.   దేశవ్యాప్తంగా 1,500 మంది చట్టసభల సభ్యులు అంటూ ప్రధాని వినిపించిన మాటలోని తర్కాన్ని విడమరిచి చూడాల్సిందే. ఎందుకంటే అందులో కనిపించే వాస్తవం వేరు. 29 రాష్ట్రాలలోని పది శాసనసభలలో మాత్రమే బీజేపీకి ఆధిక్యత ఉంది. అసలు దేశంలో ఉన్న శాసనసభ స్థానాల సంఖ్య 4,139. ఇందులో బీజేపీకి దక్కినవి 1,516. నిజానికి బీజేపీ పాలిత రాష్ట్రాలలో దక్కినవి (గుజ రాత్, మహారాష్ట్ర, కర్ణాటక, ఉత్తరప్రదేశ్, మధ్యప్రదేశ్, రాజస్తాన్‌) 950. సిక్కిం, మిజోరం, తమిళనాడు సభలలో సున్న. మిగిలినచోట్ల ఆ పార్టీ బలాబలాలు ఎలా ఉన్నాయో చూడండి! శాసనసభ     మొత్తం సీట్లు    బీజేపీకి దక్కినవి  ఆంధ్రప్రదేశ్‌           175          4 తెలంగాణ             119         5 కేరళ                   140         1 పంజాబ్‌               117         3 ప. బెంగాల్‌           294         3 ఢిల్లీ                       70         3 ఒడిశా                  147       10 నాగాలాండ్‌              60       12 బీజేపీ భాగస్వామ్యం ఉన్న రాష్ట్రాలు మేఘాలయ      60            2 బిహార్‌            243          53 జెకె                  87         25 గోవా                40         13 అయినా కొంతమంది విర్రవీగుడికి కారణం కనిపించదు. ఇలాంటి ధోరణి గతంలో హిట్లర్‌ జర్మనీలో కూడా ఉండేది. అతడి అనుచరులు తమ బలాన్ని ప్రదర్శించడానికి అనుసరించిన మార్గాల్లో ఒకటి– కోట్ల మంది నిరుద్యోగ యువకుల అండదండలు ఉన్నాయని ప్రకటించడం. వారే తమ సైన్యమని చెప్పుకోవడం. ఇక్కడ బీజేపీలో చోటామోటా నేతలు కూడా తమ పార్టీకి 11 కోట్ల మంది సభ్యులు ఉన్నారని ప్రచారం చేయడం తెలిసిందే. యువతకు ఉద్యోగావకాశాల కల్పన ద్వారా దేశంలో నిరుద్యోగం పారదోలుతామని 2014 ఎన్నికల మేనిఫెస్టోలో బీజేపీ ప్రకటించింది. దీనితో సహా పారిశ్రామిక, వ్యవసాయ, కార్మిక రంగాలకు, దళిత, బహుజన వర్గాలకు ఉద్దేశించిన సంక్షేమ పథకాలు అన్నీ గుంటపూలు పూస్తున్నాయి. కానీ కుట్ర రాజకీయాల ద్వారా పేదరికాన్ని మరుగు పరిచేందుకు ప్రసిద్ధ సర్వే సంస్థల అంచనాలను కూడా పెట్టుబడి వ్యవస్థ (అటు కాంగ్రెస్, ఇటు బీజేపీ)పాలకులు తారుమారు చేసే స్థితికి ఒడిగట్టడం కనిపిస్తున్నది. ఇందుకు ఉదాహరణలు ఒకటీ అరా కాదు. అపార ధనరాశులు సంపాదించుకున్నవారంతా ప్రతిపక్షాలలోనే ఉన్నట్లు మోదీ చిత్రిస్తున్నారు. కానీ అనేక సాధికార సర్వేల ప్రకారం నేడు దేశంలో ధనిక పార్టీ బీజేపీ అని తేలింది. అంతేగాదు, ‘అవినీతిపరుల’ సంఖ్యలో బీజేపీ కాంగ్రెస్‌ను మించిపోయిందనీ, కాంగ్రెస్‌ పాలనలో మాదిరి నేటి బీజేపీ పాలనలో కూడా లెజిస్లేటర్లు (పార్లమెంటు/శాసనసభల్లో) ఎక్కువ సంఖ్యలోనే కేసులు ఎదుర్కొంటున్న అవి నీతిపరులున్నారనీ ‘ఏటీఆర్‌’ నివేదికలు వెల్ల డించాయి. అందుకనే ప్రసిద్ధ ఆర్థిక నిపుణుడు, ఉదారవాద ప్రజాస్వామ్యవాది యాశ్చ మౌనిక్‌ మాటలు ఇక్కడ గుర్తు చేసుకోవాలి. రబ్బరులాగా ఎటుపడితే అటు సాగుతూ, ఆకర్షణీయంగా ఉండే ‘ప్రజల’నే పదాన్ని సృష్టించడానికీ ఆ పేరుతో మోసగించడానికీ పునాది ‘రాజు దైవాంశ సంభూతుడన్న’ సిద్ధాంతమేనని అంటారాయన. రబ్బరులాగా సాగే ఆ పదాన్ని ఆసరా చేసుకుని ‘జన సమ్మతమైన వ్యక్తి’ పేరుతో దూసుకువచ్చే నాయకులు కొందరుంటారని (‘ప్యూపుల్స్‌ వర్సెస్‌ డెమోక్రసీ’ గ్రంథంలో) కూడా ఆయన చెప్పారు. నాయకులు ఎంతటివారైనా ప్రజ లపై తమకుగల పరిమితాధికారానికీ, ప్రజలపట్ల జవాబుదారీ (పూచీ)తనానికీ మధ్య ఉండాల్సిన సమతుల్యతను తుంగలో తొక్కేస్తుంటారు. అలాంటివాళ్లు అల్లిన కట్టుకథే ‘పాపులిజం’ అని కూడా ఆయన అన్నాడు.  దీనిని బట్టి బేరీజు వేసుకున్నప్పుడు ఈ నాలుగేళ్ల పాలనలో ప్రజా బాహుళ్యం నడుం విరిచిన తొలి నిర్ణయమే ‘నోట్ల రద్దు’. కరెన్సీ చెలామణిని నిర్వహిస్తూ, శాసించే రిజర్వు బ్యాంకును సహితం పక్కన పెట్టేసి తీసుకున్న ఆ నిర్ణయం పార్లమెంటునూ, దేశ ప్రజలనూ చకితులను చేసింది. పాత, కొత్త గవర్నర్లు పెక్కుమంది మోదీ ప్రభుత్వ చర్య పట్ల ఆగ్రహం వ్యక్తం చేశారు. బీజేపీ పాలకుల అనాలోచిత చర్యల పర్యవసానాన్ని ముందే పసిగట్టిన నాటి ఆర్‌బీఐ గవర్నర్‌ రఘురామ్‌ రాజన్‌ రాజీనామా చెయ్యాల్సి వచ్చింది, తరువాత గుజరాత్‌నుంచి పట్టుకొచ్చిన ఊర్జిత్‌ పటేల్‌గానీ, ప్రధాని మోదీగానీ, చివరికి ఆర్థిక మంత్రిగా అరుణ్‌ జైట్లీగానీ పార్లమెంటరీ కమిటీ ముందుకు వచ్చి ఈ పరిణామానికి వివరణ ఇవ్వకుండా తప్పించుకుంటూ వచ్చారు. ఇలా బీజేపీ ప్రభుత్వం నాలుగేళ్లలోనూ తీసుకున్న నిర్ణయాలతో గ్రామీణ మధ్యతరగతి ప్రజలను, నిత్య వ్యవహారాలలో నగదు (క్యాష్‌) లావాదేవీలపై ఆధారపడే వ్యవసాయదారులను, చిన్న వ్యాపారులను నానా యాతనలకు గురిచేశారు. ఏటీఎంలు మూతపడ్డమే కాదు, అసలు పబ్లిక్‌ రంగ బ్యాంకులే ‘నో క్యాష్‌’ బోర్డులతో (నేటికీ) ‘స్వాగతం’ పలుకుతూనే ఉన్నాయి. ఇక జీఎస్టీ విధానంతో రాష్ట్రాల ఆర్థిక వ్యవస్థలను దెబ్బతీయడమేగాక, ద్రవ్య వ్యవహార లావాదేవీలను నియంత్రించి, విధాన నిర్ణయాలకు రూపకల్పన చేసే ఫైనాన్స్‌ కమిషన్‌ ప్రతిపత్తిని కూడా దిగజార్చేశారు. దేశీయ తయారీ (మాన్యుఫ్యాక్చరింగ్‌) పరిశ్రమల్ని దేశీయంగానే ఉత్పత్తి ఇతోధికం చేసేందుకు (మేకిన్‌ ఇండియా) పథకాన్ని రూపొందించినట్టే రూపొం దించి, దేశవాళీ ఉత్పత్తులంటే అర్థం మన దేశంలోకి విదేశీ గుత్త పెట్టుబడి వర్గాలను ఆహ్వానించి వారిచేత ‘దేశీయ ఉత్పత్తులు’ నిర్వహించే పరాధార దుస్థితికి ‘ఆహ్వాన పత్రిక’గా మార్చారు. ప్రధానిగా తొలినాటి విదేశీ పర్యటనల్లోనే మోదీ పోర్చుగీస్‌ దోపిడీ వ్యాపారులైన అందరూ ‘వాస్కోడిగామాలై ఇండియాకు తరలి రమ్మని’ పిలుపిచ్చారని మరవరాదు. ఇక భావ ప్రకటనా స్వేచ్ఛకు, రాజ్యాంగం హామీపడిన మతాతీత సెక్యులర్‌ సోషలిస్టు, ప్రజాతంత్ర రిపబ్లిక్‌ ఎదుగుదలకు, దేశంలోని పౌరహక్కుల రక్షణకు పూచీ లేకుండా పోయింది. దళిత, జాతీయ మైనారిటీ బహుజనులపై ఏదో ఒక మిషపైన నిరంతర దాడులను, హత్యలను నర్మగర్భంగా ఆమోదించడమో, ఏమీ ఎరగనట్టు నటించడమో పాలకులకు అలవాటుగా మారడం, చివరికి ‘లవ్‌ జిహాద్‌’ ముసుగు కింది దౌర్జన్యకాండకు దిగడం– ఈ నాలుగేళ్లలోనే పరిపాటిగా మారడం గమనించాలి. ఇవన్నీ మనం సాకుతున్న పెట్టుబడిదారీ దోపిడీ వ్యవస్థకు సహజ అవలక్షణాలని గుర్తించాలి. చివరికి సమాచార హక్కు చట్టాన్ని కూడా బీజేపీ ప్రభుత్వం చెదలు పట్టిస్తోంది. ‘మంచి రోజులు రావడమంటే’ అర్థం (బ్రిటిష్‌ మాజీ ప్రధాని మాక్మిలన్‌ నినాదం ఇదే)– ఏమిటో ప్రపంచ ప్రసిద్ధ ఆర్థిక వేత్త సమీర్‌ అమీన్‌ ఇలా స్పష్టం చేశాడు. ‘‘పెట్టుబడిదారీ వ్యవస్థ ప్రజలకు దుర్భరమైన దారిద్య్రాన్ని సృష్టించి పెట్టింది. అభివృద్ధి పేరిట ఇండియాలో జరిగే అభివృద్ధి– దేశంలోని కేవలం 15–20 శాతంమందికే పరిమితమవుతోంది, మిగతా 85 శాతం ప్రజా బాహుళ్యం దారిద్య్రంలో కొట్టుమిట్టాడుతున్నది!’’   - ఏబీకే ప్రసాద్‌(సీనియర్‌ సంపాదకులు) abkprasad2006@yahoo.co.in

సాక్షి, హైదరాబాద్‌: నాలుగేళ్ల మోదీ పాలనలో ఎస్సీ, ఎస్టీలకు భద్రత లేకుండా పోయిందని పీసీసీ ఇన్‌చార్జ్‌ ఆర్‌సీ కుంతియా ఆరోపించారు. మోదీ వైఫల్యాలపై శనివారం మీడియాతో మాట్లాడుతూ... ఏడాదికి రెండు కోట్ల ఉద్యోగాలు ఇస్తామన్నారు ఇప్పటి వరకు ఎన్ని ఉద్యోగాలు ఇచ్చారో చెప్పాలని డిమాండ్‌ చేశారు. జీఎస్‌టీ, నోట్ల రద్దు వంటి నిర్ణయాలతో ఉన్న ఉద్యోగాలు పోయ్యాయని విమర్శించారు. బీజేపీ పాలనలో విద్యావిధానం పూర్తిగా కార్పొరేటికరణ అయిందన్నారు. విదేశాల్లో దాగిఉన్న నల్లధనం తీసుకువచ్చి జన్‌ధన్‌ ఖాతాలో ఒక్కొక్కరికి పదిహేను లక్షలు వేస్తామని చెప్పిన మోదీ నల్లధనాన్ని ఎందుకు తీసుకురాలేకపోయారని ప్రశ్నించారు. పెట్రొల్‌, డీజిల్‌ ధరలు విపరీతంగా పెరిగాయని, ముడిచమురు చారెల్‌ ధర తక్కువగా ఉన్నా కూడా ప్రజల మీద భారం పెంచుతున్నారని ధ్వజమెత్తారు. బీజేపీ పాలనలో ప్రజలకు భద్రత కరువైందన్నారు. సర్జికల్ స్ట్రైక్స్ చేస్తే దేశ భద్రతా బలగాల, పౌరుల ప్రాణాలు ఎందుకు పోతున్నాయని బీజేపీ ప్రభుత్వంపై విమర్శల వర్షం కురిపించారు.

న్యూఢిల్లీ: కేంద్రంలో ఎన్డీఏ ప్రభుత్వానికి నాలుగేళ్లు పూర్తయిన సందర్భంగా బీజేపీ అధిష్టానం 15 రోజుల కార్యక్రమాలకు రూపకల్పన చేసింది. వివిధ రంగాలకు చెందిన లక్షమంది ప్రముఖులను కలిసి మోదీ సారథ్యంలోని బీజేపీ ప్రభుత్వం సాధించిన విజయాలను వివరించనుంది. ఈ నెల 27వ తేదీ నుంచి ప్రారంభమయ్యే ఈ కార్యక్రమాలకు పార్టీ అధ్యక్షుడు అమిత్‌షా నేతృత్వం వహిస్తారని బీజేపీ ప్రధాన కార్యదర్శి అరుణ్‌ సింగ్‌ తెలిపారు. ఈ కార్యక్రమాల్లో కేంద్ర మంత్రులతోపాటు బీజేపీ అధికారంలో ఉన్న రాష్ట్రాల మంత్రులు, ఎంపీలు, ఎమ్మెల్యేలు, మేయర్లు, పార్టీ ఆఫీసు బేరర్లు పాల్గొంటారని చెప్పారు. కేంద్ర ప్రభుత్వ సంక్షేమ కార్యక్రమాల లబ్ధిదారులు, మేథావులతో సదస్సులు, గ్రామసభలు, మీడియా సమావేశాలు నిర్వహిస్తారు.  


 తణుకు : ఓ ప్రైవేటు పాఠశాలలో విద్యార్థుల నుంచి వసూలు చేసిన పరీక్ష ఫీజు మొత్తాన్ని సొంతానికి వాడుకున్న గుమాస్తాకు  రెండు కేసుల్లో నాలుగేళ్ల జైలుశిక్షతోపాటు రూ.20 వేల జరిమానా విధిస్తూ తణుకు రెండో అదనపు జుడీషియల్‌ మొదటి తరగతి మెజిస్ట్రేట్‌ ఇ.రాజేంద్రబాబు బుధవారం తీర్పు చెప్పారు. కోర్టు లైజినింగ్‌ అధికారి ఆర్‌.బెన్నిరాజు కథనం ప్రకారం.. తణుకు పట్టణంలోని శ్రీకృష్ణవేణి టాలెంట్‌ స్కూలులో పని చేస్తున్న ఖండవల్లి విక్టర్‌బాబు 2012లో విద్యార్థుల నుంచి వసూలు చేసిన పరీక్ష ఫీజు మొత్తాన్ని ప్రభుత్వానికి చెల్లించలేదు.  దీనిపై పాఠశాల కరస్పాండెంట్‌ అరకుల మోహనరావు అప్పట్లో పోలీసులకు ఫిర్యాదు చేశారు. అప్పటి ఏఎస్సై జి.ప్రభువరం కేసు నమోదు చేసి దర్యాప్తు చేపట్టారు. నిందితుడిని అరెస్టు చేసి కోర్టులో హాజరు పరచగా వాదోపవాదాల అనంతరం రెండుకేసుల్లో రెండేళ్లచొప్పున జైలు శిక్ష, రూ.10 వేల చొప్పున జరిమానా విధిస్తూ న్యాయమూర్తి తీర్పు చెప్పారు. జరిమానా చెల్లించకుంటే మరో ఆరునెలల జైలుశిక్ష అనుభవించాల్సి ఉంటుందని తీర్పులో పేర్కొన్నారు.  
  


 హైదరాబాద్ : వాహనచోదకుడితో పాటు ఎదుటి వారికీ అత్యంత ప్రమాదకరంగా పరిణమించే మద్యం తాగి వాహనం నడపటం (డ్రంకన్ డ్రైవింగ్)పై ట్రాఫిక్ విభాగం ప్రత్యేక డ్రైవ్ ప్రారంభించి బుధవారానికి నాలుగేళ్లు పూర్తయింది. ఈ తనిఖీల్లో చిక్కిన మందుబాబులకు న్యాయస్థానం జరిమానాలు విధించడంతో పాటు జైలు శిక్షలు విధిస్తోంది. ఇప్పటి వరకు ‘నిషా’చరులు న్యాయస్థానానికి చెల్లించిన జరిమానా అక్షరాలా రూ.8,29,26,660.
  
 చట్ట ప్రకారం ప్రతి 100 మిల్లీలీటర్ల రక్తంలో 30 మిల్లీగ్రాములకు మంచి ఆల్కాహాల్ ఉంటే చర్యలు తీసుకునే అవకాశం ఉంది. దీన్ని బ్లెడ్ ఆల్కహాల్ కౌంట్ (బీఏసీ) అంటారు. ఇందుకుగాను ప్రపంచ ఆరోగ్య సంస్థ అందించిన నిధులతో ఉపకరణాలు సమీకరించుకుని 2011 నవంబర్ 4 నుంచి వారంలో నాలుగు రోజుల పాటు స్పెషల్ డ్రైవ్‌లు నిర్వహిస్తున్నారు. అప్పటి నుంచి గత నెలాఖరు వరకు మొత్తం 54,658 మంది ట్రాఫిక్ పోలీసులకు చిక్కగా, వారిలో 5677 మందికి కోర్టులు జైలు శిక్ష విధించాయి.


 తల్లికి అరుదైన క్యాన్సర్. చికిత్సలో ఉంది. ఆమె కోసం నాలుగేళ్ల పాప ఓ పాట పాడుతుంది. క్యాన్సర్ అవగాహన కార్యక్రమంలో తల్లి కోసం ఆ పాప నువ్వు బలం కోల్పోతే... నేనే నీ బలమౌతా... నీ పట్టు జారిపోతే... నేనే నిను ఒడిసి పట్టుకుంటా...అంటూ పాడుతూంటే ఆ తల్లి కళ్ళనుంచి నీళ్లు జలజల రాలాయి. ఆమె నోట అప్రయత్నంగా ఐ లవ్యూ అన్న మాట వెలువడింది.
 
 చూస్తున్న వారంతా గొంతు కలిపారు. అందరి కళ్లలోనూ కన్నీళ్లే...  ఎప్పటిదో, ఎక్కడిదో తెలియదు కానీ, ఈ వీడియోను ఎలెన్ డీ జనరస్ షో వారి ఎలెన్‌ట్యూబ్ లో పెట్టగానే ఇరవై నాలుగు గంటల్లో కోటీ తొంభై లక్షల మంది చూశారు. వందలాది వెబ్ సైట్లు దీన్ని షేర్‌చేసుకున్నాయి. మనసు పొరల్లోని అతి సున్నిత భావాలను ఆవిష్కరించిన ఈ విడియోని మీరూ చూడండి.