సాక్షి, తూర్పుగోదావరి జిల్లా: గోపాలపురం నియోజకవర్గం టీడీపీలో వర్గ విభేదాలు భగ్గుమన్నాయి. ముద్దిపాటి వర్సెస్‌ మళ్లపూడి బాపిరాజు, ముప్పిడి వెంకటేశ్వరరావు వర్గాల మధ్య ముసలం పుట్టింది. నియోజకవర్గం ఇంఛార్జ్‌ మద్దిపాటి వెంకటరాజును మార్చాలంటూ కార్‌ ర్యాలీ చేపట్టారు. 500 కార్లతో గోపాలపురం నుంచి అమరావతికి టీడీపీ నాయకులు బయలుదేరారు. చంద్రబాబు గ్రూపు రాజకీయాలను ప్రోత్సహిస్తున్నారని నేతలు ఆగ్రహం వ్యక్తం చేస్తున్నారు. గోపాలపురం నియోజకవర్గంలో టీడీపీని మూడు ముక్కలు చేశారంటున్న నేతలు.. ఒంటెద్దు పోకడలతో మద్దిపాటి వ్యవహరిస్తున్నారంటూ మండి పడుతున్నారు. మద్దిపాటిని అభ్యర్థిగా ప్రకటిస్తే రెబల్‌ అభ్యర్థిని బరిలోకి దింపుతామని నేతలు హెచ్చరిస్తున్నారు. ఇదీ చదవండి: అఖిలప్రియపై ఏవీ సుబ్బారెడ్డి సంచలన వ్యాఖ్యలు

సాక్షి, విశాఖపట్నం: ఎండాడలో ‘దిశ’ పోలీస్ స్టేషన్‌ను హోం మంత్రి తానేటి వనిత శనివారం సందర్శించారు. సిబ్బంది పనితీరును అడిగి తెలుసుకున్నారు. మహిళల రక్షణ కోసమే దిశ యాప్, దిశ చట్టాన్ని ముఖ్యమంత్రి వైఎస్‌ జగన్‌మోహన్‌రెడ్డి తీసుకువచ్చారని హోంమంత్రి పేర్కొన్నారు. రాష్ట్రవ్యాప్తంగా కోటి 24 లక్షల మందికి పైగా దిశ యాప్ ను డౌన్‌లోడ్‌ చేసుకున్నారన్నారు. చదువుకొనే ప్రతి విద్యార్థిని దిశా యాప్‌ను డౌన్‌లోడ్‌ చేసుకోవాలని విజ్ఞప్తి చేశారు. చదవండి: AP: ఏలూరు కొత్తపల్లిలో తీవ్ర ఉద్రిక్తత మహిళలపై దాడులను సీఎం జగన్‌ ఎట్టి పరిస్థితుల్లోనూ ఉపేక్షించరన్నారు. ఇటీవల మహిళలపై దాడులు చేయడం టీడీపీ నేతలకు అలవాటుగా మారిందన్నారు. వారే దాడులు చేసి వారే తిరిగి ప్రభుత్వంపై విమర్శలు చేస్తున్నారన్నారు. విశాఖ నగరంలో మైనర్ బాలికపై అత్యాచారం చేసిన టీడీపీ నేత పై కేసు నమోదు చేశామన్నారు... జి.కొత్తపల్లి ఘటనపై స్పందిస్తూ.. ద్వారకా తిరుమల మండలం జి.కొత్తపల్లిలో ఎమ్మెల్యే తలారి వెంకట్రావుపై జరిగిన దాడిపై ఆమె స్పందిస్తూ.. ఎమ్మెల్యేపై జరిగిన ఘటనపై వివరాలు తెలుసుకున్నానన్నారు. ఇప్పటికే తాను జిల్లా ఎస్పీతో మాట్లాడానని.. దాడి ఎందుకు జరిగిందన్న దానిపై పోలీసులు విచారణ జరుపుతున్నారన్నారు. బాధితులను పరామర్శించేందుకు వెళ్లినప్పుడు ఎమ్మెల్యేపై దాడి జరిగిందన్నారు.

సాక్షి, ఏలూరు: ద్వారకా తిరుమల మండలం జి.కొత్తపల్లిలో శనివారం ఉదయం ఉద్రిక్త పరిస్థితులు నెలకొన్నాయి. గ్రామంలో వైఎస్‌ఆర్‌సీపీ నేత దారుణ హత్యకు గురికాగా, పరామర్శకు వెళ్లిన ఎమ్మెల్యే తలారి వెంకట్రావ్‌పై ప్రత్యర్థి వర్గం దాడికి యత్నించింది.   జి. కొత్తపల్లి గ్రామ పార్టీ ప్రెసిడెంట్‌ గంజి ప్రసాద్‌పై కొందరు దుండగులు కత్తితో దాడి చేసి హత్య చేశారు. అనంతరం సంఘటనా స్థలానికి గోపాలపురం ఎమ్మెల్యే తలారి వెంకట్రావ్‌ చేరుకోగా, ప్రత్యర్థి వర్గం ఎమ్మెల్యేపై ఒక్కసారిగా దాడికి యత్నించింది. ఈ క్రమంలో ఎమ్మెల్యేను రక్షించేందుకు ప్రయత్నించిన పోలీసులపైనా రాళ్లు రువ్వినట్లు తెలుస్తోంది. దీంతో వలయంగా ఏర్పడి.. ఎమ్మెల్యేను అక్కడి నుంచి తరలించే ప్రయత్నం చేశారు.  వ్యక్తిగత కారణాలా? ఆస్తి వివాదాలా? లేదంటే రాజకీయ వైరంతోనే గంజి ప్రసాద్‌ను హత్య చేశారా? అనే కోణాల్లో పోలీసులు కేసు నమోదు చేసుకుని దర్యాప్తు చేశారు.

సాక్షి, రాంగోపాల్‌పేట్‌(హైదరాబాద్‌): ఇంటి ఎదుట ఆడుకుంటున్న మూడేళ్ల బాలికను కిడ్నాప్‌ చేసిన దుండగులను పోలీసులు తొమ్మిది గంటల్లోనే పట్టుకున్నారు. ఈ వ్యవహారంతో సంబంధమున్న నలుగురిని అదుపులోకి తీసుకున్నారు. ఈ ఘటన గోపాలపురం పోలీస్‌ స్టేషన్‌ పరిధిలో గురువారం చోటుచేసుకుంది. రెజిమెంటల్‌ బజార్‌లో నివసించే శ్రీనివాస్, ఉమా దంపతులకు తరుణ్‌ (6), కీర్తన (3) ఉన్నారు. గురువారం మధ్యాహ్నం 1.30 గంటల సమయంలో కీర్తనకు అన్నం పెట్టేందుకు తల్లి ఉమా కిచెన్‌లోకి వెళ్లగా చిన్నారి మొదటి అంతస్తు నుంచి కిందకు వచ్చింది. 10 నిమిషాలకు తల్లి వచ్చి చూసేసరికి పాప కనిపించ లేదు. దీనిపై ఫిర్యాదు అందుకున్న పోలీసులు కిడ్నాప్‌ కేసు నమోదు చేసిన దర్యాప్తు చేశారు. శ్రీనివాస్‌ ఇంటికి కొద్ది దూరంలో ఇద్దరు యువకులు తచ్చాడినట్లు స్థానికులు తెలిపారు. ఓ మహిళ వీరిని ప్రశ్నించగా... సాయి కోసం వచ్చామని చెప్పడంతో పాటు అక్కడ కొందరు ఆ పేరున్న వాళ్లు ఉండటంతో తెలిసిన వారై ఉండవచ్చని ఆమె భావించింది. కాసేపటికి చిన్నారిని యాక్టివా వాహనంపై తమ మధ్య కూర్చోబెట్టుకుని వెళ్లడాన్ని గుర్తించిన ఎల్లోరా అనే వృద్ధురాలు పోలీసులకు తెలిపింది. వాళ్లు చిన్నారితో మాట్లాడుకుంటూ తీసుకుని వెళ్లినట్లు చెప్పింది. చదవండి: న్యూఇయర్‌ వేడుకలు.. గ్రాము కొకైన్‌ ధర.. బంగారం కంటే 3 రెట్లు ఎక్కువ దీంతో తెలిసిన వారే ఈ పని చేసి ఉంటారని భావించారు. రంగంలోకి దిగిన ఉత్తర మండలం టాస్క్‌ఫోర్స్, గోపాలపురం పోలీసులు సీసీ కెమెరాల ఆధారంగా ముందుకు వెళ్లి గాలింపు చేపట్టారు. రాత్రి 10 గంటలకు జీడిమెట్లలో నిందితుల ఆచూకీ గుర్తించి నలుగురిని అదుపులోకి తీసుకున్నారు. వీరిలో సూత్రధారి బాలిక కుటుంబానికి పరిచయస్తుడు. పాపకు మామ వరసైన వ్యక్తే కిడ్నాప్ చేసినట్టు పోలీసులు గుర్తించారు. కాగా, మరో ఇద్దరు కిడ్నాప్‌ చేశారని, ఇంకొకరు బాలికను దాచిపెట్టడానికి సహకరించారని తేల్చారు.  వ్యక్తిగత కారణాలతోనే బాలికను కిడ్నాప్‌ చేసి ఉంటారని పోలీసులు భావిస్తున్నారు.   చదవండి: ఆన్‌లైన్‌లో పరిచయం.. నీ కష్టాలు తీరుస్తా.. వ్యక్తిగత ఫొటోలు, రూ.5 వేలు పంపు..

సాక్షి, పశ్చిమగోదావరి : గోపాలపురం మండలం కరగ పాడులో దారుణం చోటుచేసుకుంది. అన్నదమ్ముల మధ్య చిన్నపాటి వివాదం హత్యకు దారి తీసింది. కరక పాడు గ్రామానికి చెందిన మద్దాల సుధీర్, సతీష్ అన్నదమ్ములు. ఈ క్రమంలో తమ్ముడు సతీష్ చెడు వ్యసనాలకు బానిసై పని చేసిన సొమ్మును ఇంటి దగ్గర ఇవ్వడం లేదని ఇటీవల అన్న సుధీర్ మందలించాడు. దీంతో అన్నపై కోపం పెంచుకున్న తమ్ముడు సతీష్ ఆదివారం రాత్రి తన స్నేహితుడైన దుర్గాప్రసాద్ సహాయంతో అన్న గొంతుకు ఉరివేసి హత్య చేశాడు. ఈ ఘటనపై కేసు నమోదు చేసినట్లు గోపాలపురం ఎస్సై సుబ్రహ్మణ్యం తెలియజేశారు. దీనిపై పోలీసులు దర్యాప్తు చేపట్టారు.

సాక్షి, దేవరపల్లి(పశ్చిమగోదావరి) : ‘ఇది మంచినీరా..? ఇవి పిల్లలు తాగాలా?’ అంటూ గోపాలపురం ఎమ్మెల్యే తలారి వెంకట్రావు హాస్టల్‌ అధికారులపై మండిపడ్డారు. దేవరపల్లి మండలం గౌరీపట్నం సాంఘిక సంక్షేమశాఖ బాలుర ప్రత్యేక వసతి గృహాన్ని ఎమ్మెల్యే తలారి వెంకట్రావు ఆదివారం ఆకస్మిక తనిఖీ చేశారు. మధ్యాహ్నం 12 గంటల నుంచి 1.30 గంటల వరకు వసతి గృహాన్ని పరిశీలించి నిర్వహణ పట్ల అసంతృప్తి వ్యక్తం చేశారు. సిబ్బందిపై ఆగ్రహం వ్యక్తం చేశారు. అపరిశుభ్రంగా ఉన్న గదులు, పురుగులు, మట్టి, నాచుతో నిండి మూతలేని మంచినీటి ట్యాంకును పరిశీలించిన ఎమ్మెల్యే తలారి వెంకట్రావు సిబ్బందిపై ఆగ్రహం వ్యక్తం చేశారు. పురుగులు పట్టిన మంచినీటిని విద్యార్థులకు ఎందుకు సరఫరా చేస్తున్నారని సిబ్బందిని ఎమ్మెల్యే తలారి వెంకట్రావు నిలదీశారు. చుట్టూ క్వారీలు ఉండడం వల్ల దుమ్ము నీటి తొట్టెలో పడుతుందని, తొట్టెకు మూత లేకపోవడం వల్ల కలుషితమవుతుందని విద్యార్థులు ఎమ్మెల్యేకు వివరించారు. పురుగులు, అన్నం మెతుకులు గల మంచినీటిని సరఫరా చేస్తున్నారని, ఈ నీటితోనే వంటలు చేస్తున్నారని విద్యార్థులు తెలిపారు. అడిగితే సిబ్బంది బూతులు తిడుతున్నారని విద్యార్థులు కన్నీటి పర్యంతమయ్యారు. వసతిగృహంలో పనిచేస్తున్న వెంకటేశ్వరరావు అనే వ్యక్తి దుర్భాషలాడుతూ చిత్రహింసలు పెడుతున్నట్టు విద్యార్థులు ఆవేదన వ్యక్తం చేశారు. విద్యుత్‌ దీపాలు సరిగా వెలగడం లేదని, మంచినీరులేక ఇబ్బంది పడుతున్నట్టు విద్యార్థులు వివరించారు. ఫ్యాన్లు లేక ఉక్కపోతలో ఉంటున్నట్టు తెలిపారు. డైనింగ్‌ హాల్‌ లేక కింద కూర్చుని భోజనం చేస్తున్నట్టు విద్యార్థులు ఎమ్మెల్యే తలారి వెంకట్రావుకు వివరించారు. ప్రతీరోజు పప్పు అన్నం తినలేకపోతున్నామని. 50 మంది విద్యార్థులకు రెండున్నర లీటర్ల పెరుగు వేస్తున్నారని విద్యార్థులు తెలిపారు. ఆదివారం మధ్యాహ్న భోజనంతో పెరుగు వేయడం లేదన్నారు. పరిసరాలు శుభ్రంగాలేక చదవలేకపోతున్నట్టు విద్యార్థులు ఎమ్మెల్యే వెంకట్రావుకు వివరించారు. విద్యుత్‌ తీగలు వేలాడుతున్నా పట్టించుకోవడం లేదని, రాత్రి సమయంలో కరెంట్‌ సరిగా ఉండడంలేదని విద్యార్థులు తెలిపారు. దీనిపై ఎమ్మెల్యే తలారి వెంకట్రావు మాట్లాడుతూ విద్యార్థులకు తక్షణం మినరల్‌ వాటర్‌ సరఫరా చేయాలని సిబ్బందిని ఆదేశించారు. మినరల్‌ వాటర్‌ సరఫరా చేయకుండా పురుగులు పట్టిని మంచినీటిని సరఫరా చేస్తున్నారని సంక్షమాధికారి సత్యనారాయణను ఫోన్‌లో ప్రశ్నించారు. ఇంటి వద్ద మీ పిల్లలకు ఇలాంటి మంచినీరు ఇస్తారా? అని ఆయన నిలదీశారు. విద్యార్థుల సమస్యలను జిల్లా కలెక్టర్, సంబంధిత మంత్రి దృష్టికి తీసుకువెళతానని ఆయన తెలిపారు. వసతిగృహాల సంక్షేమాధికారులు స్థానికంగా ఉండాలన్నారు.. వసతిగృహాల సంక్షేమాధికారులు స్థానికంగా ఉండకపోవడం వల్ల సమస్యలను పట్టించుకోవడంలేదని ఆయన అన్నారు. గౌరీపట్నం వసతిగృహం నిర్వహణ అస్తవ్యస్తంగా ఉందని ఆయన అసంతృప్తి వ్యక్తం చేశారు. బడుగు, బలహీనవర్గాల పిల్లలు చదువుకుంటున్న వసతిగృహాలు ఈ విధంగా ఉండడం దారుణమని ఆయన అన్నారు. నియోజకవర్గంలోని అన్ని వసతిగృహాలను ఆకస్మిక తనిఖీలు నిర్వహిస్తానని, విద్యార్థులపై సిబ్బంది నిర్లక్ష్యంగా ఉంటే చర్యలు తప్పవని ఆయన హెచ్చరించారు. వసతిగృహాల్లో మినరల్‌ వాటర్‌ వినియోగించాలని ఆయన అన్నారు. గౌరీపట్నం వసతి గృహం సంక్షేమాధికారి ఇన్‌చార్జ్‌గా వ్యవహరించడం వల్ల అందుబాటులో లేరు.  కార్యక్రమంలో వైఎస్సార్‌ సీపీ గ్రామ కమిటీ అధ్యక్షులు గుత్తికొండ అచ్యుతరావు, పార్టీ నాయకులు కొటారు వెంకటసుబ్బారావు. ఆండ్రు సత్తిరాజు, కుండా వెంకటేశ్వరరావు పాల్గొన్నారు.

సాక్షి, పశ్చిమ గోదావరి: గోపాలపురం మండలం దొండపూడి గ్రామంలో దారుణం జరిగింది. ఓ వ్యక్తి  శుక్రవారం రాత్రి భార్య, అత్తను అతికిరాతకంగా నరికి చంపాడు. వివరాల ప్రకారం దొండపూడి గ్రామానికి చెందిన కప్పల లక్ష్మితో గంగోలు పంచాయతీ పరిధిలోని రాంపాలెం గ్రామానికి చెందిన కుమ్మర కాంతారావుకు 15ఏళ్ల క్రితం వివాహం జరిగింది. వీరికి ఇద్దరు మగపిల్లలు ఉన్నారు. కాంతారావు వ్యవసాయ కూలి. ఏడాది కాలంగా భార్యాభర్తలు గొడవలు పడుతున్నారు. నాలుగు నెలల క్రితం భర్త కాంతారావు తప్పతాగి ఇంటికి వచ్చి తరచూ కొట్టడం చేస్తుండటంతో విసుగు చెందిన లక్ష్మి భర్త కాంతారావును పిల్లలను వదిలి పుట్టింటికి వచ్చింది. శుక్రవారం సాయంత్రం జామాయిల్‌ తోటలో కర్రలు నరకడానికి వెళ్లి పనులు ముగించుకుని మద్యం మత్తులో అత్తగారింటికి వచ్చాడు. వచ్చిన వెంటనే భార్యను పిలిచి గొడవ పడతున్నాడు. దీంతో అత్త కప్పల పుష్పవతి (55) అడ్డుతగలడంతో తనతో తీసుకువచ్చిన కత్తితో తల, మెడపైన నరకడంతో అత్త కుప్పకూలిపోయింది. వెంటనే భార్య లక్ష్మి(32)ని కత్తితో విచక్షణా రహితంగా నరకడంతో వీరిద్దరూ రక్తపు మడుగులోపడి అక్కడికక్కడే మృతిచెందారు. దీనిని గమనించిన బావమరిది కప్పల మంగారావు కాంతారావును పట్టుకోవడానికి ప్రయత్నించగా అతని చేతిపై కత్తితో నరికాడు. కాంతారావును స్థానికులు పట్టుకుని దేహశుద్ధిచేసి పోలీసులకు అప్పగించారు. భార్యపై అనుమానంతోనే కాంతారావు ఈ దారుణానికి పాల్పడ్డాడని తెలుస్తోంది.  

సాక్షి, ద్వారకాతిరుమల : కుల అహంకారంతో కొందరు టీడీపీ నేతలు పేట్రేగిపోతున్నారు. ఓ పక్క వారికి ఓటమి భయం వెంటాడుతుండగా మరో పక్క వైఎస్సార్‌ సీపీకి పెరుగుతున్న ప్రజాదరణ వారికి కంటిమీద కునుకులేకుండా చేస్తోంది. దీంతో తమకు అడ్డొచ్చిన ప్రతి ఒక్కరిపై టీడీపీ కార్యకర్తలు ఒక పథకం ప్రకారం దాడులకు దిగుతున్నారు. దళితుల ఓట్లు ఎలాగో తమకు పడవని తెలుసుకున్న టీడీపీ నేతలు వారిని నోటికొచ్చినట్లు దూషిస్తున్నారు. గ్రామాల్లో కుల చిచ్చు పెడుతున్నారు. ఎలాగైనా గెలవాలన్న ఉద్దేశంతో వీధి రౌడీల్లా ప్రవర్తిస్తున్నారు. ద్వారకాతిరుమల మండలం ఎం.నాగులపల్లిలో బుధవారం రాత్రి జరిగిన ఘటన ఇందుకు దర్పణంగా నిలుస్తోంది.    ప్రజాదరణ చూసి ఓర్వలేక తలారి కారు ధ్వంసం టీడీపీకి కంచుకోటగా ఉన్న గోపాలపురం నియోజకవర్గానికి బీటలు వారాయి. వైఎస్సార్‌ సీపీ ఫ్యాన్‌ గాలి ఇక్కడ విపరీతంగా వీస్తోంది. ఎన్నికల ప్రచారం నిమిత్తం గ్రామాల్లోకి వెళుతున్న వైఎస్సార్‌ సీపీ అభ్యర్థి తలారి వెంకట్రావుకు ప్రజలు బ్రహ్మరథం పడుతున్నారు. ఈ క్రమంలోనే టీడీపీ ఎమ్మెల్యే అభ్యర్థి ముప్పిడి వెంకటేశ్వరరావును ప్రజలు అడుగడుగునా నిలదీస్తున్నారు. ఇదిలా ఉంటే నిన్న మొన్నటి వరకు టీడీపీలో కీలకంగా ఉన్న నేతలు సైతం వైఎస్సార్‌ సీపీలో చేరుతున్నారు. ఇవన్నీ చూస్తూ సహించలేని ఒక సామాజిక వర్గానికి చెందిన టీడీపీ నేతలు ఎం.నాగులపల్లిలో తలారి ప్రచారాన్ని అడ్డుకున్నారు. న్యూస్‌ కవరేజ్‌ కోసం అక్కడకొచ్చిన ‘సాక్షి’ దినపత్రిక, మీడియా విలేకరులపై దౌర్జన్యం చేశారు. తలారి కారును ధ్వంసం చేశారు. ఇదంతా ఒక పథకం ప్రకారం జరిగినట్టు స్పష్టంగా కనిపిస్తోంది. ఎం.నాగులపల్లి, మారంపల్లి, సూర్యచంద్రరావు పేట, తిరుమలంపాలెం, పంగిడిగూడెం, తిమ్మాపురం, భీమడోలు తదితర పంచాయతీలకు చెందిన చంద్రబాబు సామాజికవర్గ పచ్చ నేతలు ఈ దాష్టికంలో పాల్గొన్నారు. సభ్యత, సంస్కారాలను మరచి తలారిని నోటికి రాని బూతులు తిడుతూ రోడ్డుపై రెచ్చిపోయారు. మా గ్రామానికి రావద్దంటూ వైఎస్సార్‌ సీపీ నేతలను బెదిరించారు. చివరకు పోలీస్‌ ఉన్నతాధికారుల చొరవతో వివాదం సద్దుమణిగింది.    గత చరిత్ర హీనం ఎం.నాగులపల్లిలో టీడీపీ కార్యకర్తలు రెచ్చిపోవడం కొత్తేమి కాదని పలువురు అంటున్నారు. 2006 ఆగస్టు నెలలో జరిగిన పంచాయతీ ఎన్నికల ఓట్లు లెక్కింపు సమయంలో కొందరు టీడీపీ నేతలు విధ్వంసాలను సృష్టించారు. ఆ సమయంలో అక్కడున్న పోలీసులను కొట్టడంతో పాటు, ఒక ఎన్నికల అధికారి కారును తిరగబెట్టి, నిప్పంటించే ప్రయత్నం చేశారు. ఈ ఘటనకు సంబంధించి అప్పట్లో పోలీసులు 40 మంది టీడీపీ నాయకులపై పలు సెక్షన్ల కింద కేసు నమోదు చేశారు. అయితే కొద్ది రోజుల తరువాత కొన్ని సెక్షన్‌లను తొలగించి, ఆ కేసును దొమ్మీ కేసుగా మార్చినట్టు చెబుతున్నారు. ఇప్పటికీ ఆ 40 మందిపై బైండోవర్‌ కేసులున్నట్టు తెలుస్తోంది. అలాగే ఇందిలోని కొందరు నేతలు నాలుగేళ్ల క్రితం గుళ్లపాడు గ్రామంలో, ఎస్సీలపై కోళ్ల దొంగతనం మోపీ వారిని తల్లకిందులుగా వేలాడదీసి కొట్టారు. దీనిపై నమోదైన ఎస్సీ, ఎస్టీ అట్రాసిటీ కేసు ఇప్పటికీ కోర్టులో నడుస్తోంది. ఇలాంటి నేతలు తలారిపై విషం కక్కడం టీడీపీ పరువును మరింత దిగజార్చింది.  ఎమ్మెల్యే ముప్పిడికి చుక్కెదురు గోపాలపురం టీడీపీ ఎమ్మెల్యే అభ్యర్థి ముప్పిడి వెంకటేశ్వరరావు, ఎంపీపీ వడ్లపూడి ఈశ్వర భానువరప్రసాద్, ఎం.నాగులపల్లికి చెందిన పలువురు నేతలతో కలిసి ప్రచారం నిమిత్తం గురువారం మత్తేవారిగూడెంకు వెళ్లారు. అయితే అక్కడ ఎస్సీలు వారిని అడ్డుకున్నారు. ఎం.నాగులపల్లిలో దళితులను అవమానించినందుకు ముందు క్షమాపణ చెప్పాలంటూ వారిని నిలదీశారు. దీంతో టీడీపీ నేతలకు, ఎస్సీలకు మధ్య ఘర్షణ జరిగింది. ఆ సమయంలో పోలీసుల ఇరువర్గాలను బుజ్జగించారు. దీంతో టీడీపీ నేతలు తమ ప్రచారాన్ని విరమించుకుని అక్కడి నుంచి వెనుతిరిగారు. ఎన్నికలు ప్రశాంతంగా జరగనివ్వరు  టీడీపీ నాయకులు వైఎస్సార్‌ సీపీ నేతలను ఎన్నికల ప్రచారం కూడా చేసుకోనివ్వడం లేదు. వారు ప్రవర్తిస్తున్న తీరు సభ్యసమాజం తలదించుకునేలా ఉంది. దళిత ఎమ్మెల్యే అభ్యర్థి అని కూడా చూడకుండా, తలారిని వైఎస్సార్‌ సీపీ నేతలను నిర్భందించి నోటికొచ్చినట్లు దూషించారు. ఇప్పుడే పరిస్థితి ఇలా ఉంటే టీడీపీ నేతలు పోలింగ్‌ను ప్రశాంతంగా జరగనిస్తారన్న నమ్మకం మాకు లేదు. 2014లో ఇదే మండలంలోని మారంపల్లిలో టీడీపీ నేతలు వైఎస్సార్‌ సీపీ నేతలపై గొడవకు దిగారు. ఈసారి పారా మిలటరీ సిబ్బందిని, ప్రత్యేక బలగాలను పోలింగ్‌ కేంద్రాల వద్ద ఏర్పాటు చేసి, ఎన్నికలు ప్రశాంతంగా జరిగేలా చూడాలి. లేకపోతే పచ్చ నేతలు రెగ్గింగులు చేయడానికి కూడా వెనుకాడరు.  – పిల్లంగోళ్ల శ్రీలక్ష్మి, వైఎస్సార్‌ సీపీ గోపాలపురం నియోజకవర్గ ఎన్నికల పరిశీలకురాలు బెదిరింపులకు భయపడేది లేదు టీడీపీ వారు నన్ను బెదిరించాలని ఎన్ని ప్రయత్నాలు చేసినా వాటిని స్వాగతిస్తానే గానీ భయపడను. అడుగడుగునా వైఎస్సార్‌ సీపీకి ప్రజలు బ్రహ్మరథం పడుతున్నారు. ఈ క్రమంలోనే టీడీపీపై తిరగబడుతున్నారు. దీన్ని చూసి సహించలేని తెలుగు తమ్ముళ్లు నన్ను అవమానించాలని, నాపై బురదచిమ్మాలని ప్రయత్నం చేస్తున్నారు. అయినా వారు నన్నేమీ చేయలేరు. ఎం.నాగులపల్లిలో టీడీపీ నేతలు చేసిన గొడవ ఆ పార్టీ పరువు ప్రతిష్టలను మరింత బజారుకీడ్చింది. వైఎస్సార్‌ సీపీ శ్రేణులు టీడీపీ ప్రచారాలను ఎక్కడా అడ్డుకోవద్దు. ఎందుకంటే ప్రజలే వారికి బుద్ధి చెబుతారు.  – తలారి వెంకట్రావు, వైఎస్సార్‌ సీపీ గోపాలపురం నియోజకవర్గ అసెంబ్లీ అభ్యర్థి

సాక్షి, పశ్చిమ గోదావరి : గత ఎన్నికల్లో ఇచ్చిన హామీలను నిలబెట్టుకోని చంద్రబాబు ఇప్పుడు కొత్త నాటకానికి తెరలేపి ‘మీ భవిష్యత్‌ నా బాధ్యత’ అంటున్నాడని వైఎస్సార్‌ సీపీ అధ్యక్షుడు, ప్రతిపక్ష నేత వైఎస్‌ జగన్‌మోహన్‌ రెడ్డి సోదరి వైఎస్‌ షర్మిల విమర్శించారు. గారడీ బాబుకు ఓటుతో తగిన బుద్ధి చెప్పాలని అన్నారు. అయిదేళ్లు అధికారంలో ఉండి అధ్వాన పాలన అందించిన చంద్రబాబును ‘నిను నమ్మం బాబు’ అని సాగనంపాలని పిలుపునిచ్చారు. ‘కేజీ నుంచి పీజీ విద్య, ఆడపిల్ల పుడితే రూ.25 వేలు, నిరుద్యోగులకు నెలకు రూ.2 వేలు ఇస్తామన్న బాబు సర్కారు మాట తప్పింది. టీడీపీకి ఓటు వేయాలని మీ ఇంటికొచ్చిన తెలుగుదేశం నాయకులను అడగండి. హామీలను అమలు చేయకుండా బాకీ పడిన సొమ్ము సంగతి తేల్చండని నిలదీయండి’ అని ప్రజలను కోరారు. బస్సు యాత్ర నిర్వహిస్తున్న షర్మిల గురువారం పశ్చిమగోదావరి జిల్లా గోపాలపురం నియోజకవర్గ ఎన్నికల ప్రచార సభలో మాట్లాడారు. ఆ వివరాలు ఆమె మాటల్లోనే... పొత్తుల్లేకుండా వచ్చే ధైర్యం ఉందా.. ‘చంద్రబాబు అబద్దాలు ప్రచారం చేస్తూ కేసీఆర్‌తో పొత్తు పెట్టుకుంటున్నామని ఆరోపిస్తున్నారు. మాకు ఎవరితో పొత్తు అవసరం లేదు. సింహం సింగిల్‌ గానే వస్తుంది. నక్కలే గుంపులుగా వస్తాయి. అందుకే చంద్రబాబు కాంగ్రెస్‌, జనసేనతో కలిసి వస్తున్నారు. ఏ పొత్తు లేకుండా చంద్రబాబు ఇంతవరకు ఎన్నికలకే రాలేదు. 11వతేది ఎన్నికలు ఉన్నాయి. ఓటు వేసే సమయంలో ఒక్కసారి రాజన్నను తలచుకోండి. రాజన్న రాజ్యం రావాలంటే జగనన్న సీఎం కావాలి. జగనన్న ముఖ్యమంత్రి అయిన తర్వాత ప్రతి రైతుకి పెట్టుబడి సాయం కింద ప్రతి మే మాసంలో రూ. 12500 రూపాయలు ఇస్తారు. గిట్టుబాటు ధరకై 3 వేల కోట్ల రూపాయలతో నిధి ఏర్పాటు చేస్తారు.  డ్వాక్రా రుణాలు నాలుగు విడతల్లో మాఫీ చేస్తారు. సున్నా వడ్డికే రుణాలు ఇస్తారు. కాలేజీ విద్యార్థులు ఏ కోర్సు అయినా చదవచ్చు. ఏ కోర్సు చదివిన ప్రభుత్వం ఉచితంగా చదివిస్తుంది. ఆరోగ్య శ్రీలో కార్పొరేట్‌ ఆస్పత్రులను చేరుస్తాం. పిల్లలను బడికి పంపించడానికి తల్లిదండ్రులకు రూ. 15వేలు ఇస్తాం. అవ్వలకు తాతలకు పెన్షన్లు రూ. రెండు వేల నుంచి క్రమంగా మూడు వేలకు పెంచుతాం. వికలాంగులకు పెన్షన్లు మూడు వేలు ఇస్తాం. ఎస్సీ, ఎస్టీ, మైనారిటీ, బీసీ మహిళలకు ఆర్థికసాయంగా రూ.75వేలు ఇస్తాం. మీ సేవ చేసే అవకాశం జగనన్నకు ఇవ్వండి. మీ అమూల్యమైన ఓటు ఫ్యాన్‌ గుర్తుపై వేసి వైఎస్సార్‌ కాంగ్రెస్‌ పార్టీ  గోపాలపురం ఎమ్మెల్యే అభ్యర్థిగా తలారి వెంకట్రావు, రాజమండ్రి ఎంపీ అభ్యర్థిగా మార్గాని భరత్‌ను గెలిపించండి. జగనన్నకు ఒక్క అవకాశం ఇవ్వండి’ అని వైఎస్ షర్మిల ప్రజలకు విజ్ఞప్తి చేశారు.

సాక్షి, ద్వారకాతిరుమల : ఓటమి భయంతో టీడీపీ నేతలు బరితెగించారు. పశ్చిమగోదావరి జిల్లా గోపాలపురం అసెంబ్లీ నియోజకవర్గ వైఎస్సార్‌సీపీ అభ్యర్థి తలారి వెంకట్రావుకు పెరుగుతున్న జనాభిమానాన్ని చూసి ఓర్వలేక ఆయన ప్రచారాన్ని అడ్డుకున్నారు. అసభ్య పదజాలంతో దూషించారు. న్యూస్‌ కవరేజ్‌కు వెళ్లిన సాక్షి మీడియాపై సైతం టీడీపీ నేతలు దాడికి ప్రయత్నించారు.  ద్వారకాతిరుమల మండలంలోని పలు గ్రామాల్లో ఉదయం నుంచి వైఎస్సార్‌ సీపీ నేతలు పెద్ద ఎత్తున ఎన్నికల ప్రచారాన్ని నిర్వహించారు. ఏ గ్రామానికి వెళ్లినా ప్రజలు తలారి వెంకట్రావుకు బ్రహ్మరథం పడుతున్నారు. ఇది చూసి ఓర్వలేక.. వైఎస్సార్‌సీపీ ప్రచారాన్ని ఎలాగైనా అడ్డుకోవాలని ఎం.నాగులపల్లిలో బుధవారం సాయంత్రం తలారిని అడ్డుకున్నారు.  ఉద్దేశపూర్వకంగా బైక్‌ అడ్డుపెట్టి..  తలారి ప్రచార రథం ఎం.నాగులపల్లికి చేరగానే టీడీపీ నేతలు ఒక బైక్‌ను రోడ్డుకు అడ్డంగా నిలిపారు. దీంతో వైఎస్సార్‌సీపీ కార్యకర్త బైక్‌కు ఉన్న జెండా కర్ర, టీడీపీ నేత బైక్‌కు తగిలింది. దీంతో టీడీపీ నేత ఇష్టానుసారం బూతులు తిడుతూ వైఎస్సార్‌సీపీ కార్యకర్తపై దాడిచేశాడు. ఈ క్రమంలో టీడీపీ నాయకులు, కార్యకర్తలు మూకుమ్మడిగా తలారి వాహనాన్ని అడ్డుకున్నారు. ఒక దళిత ఎమ్మెల్యే అభ్యర్థి అని కూడా చూడకుండా తలారిని ఇష్టానుసారం దూషించారు. తలారిని నిర్బంధించి ఆయన కారును సైతం ధ్వంసం చేశారు. వైఎస్సార్‌ సీపీ శ్రేణులను, అక్కడకు చేరుకున్న ప్రజలను, మీడియా వారిని భయబ్రాంతులకు గురిచేసేలా టీడీపీ నేతలు వీరంగం సృష్టించారు. దీంతో తీవ్ర ఉద్రిక్తత నెలకొంది. విషయం తెలుసుకున్న జిల్లా ఎస్పీ రవిప్రకాష్‌ పలువురు డీఎస్పీలు, సీఐలను సంఘటనా స్థలానికి పంపించారు. వారి ఆధ్వర్యంలో భీమడోలు సీఐ సీహెచ్‌ కొండలరావు, స్థానిక పోలీసులు గొడవ సద్దుమణిగేలా చేశారు. నిర్భంధంలో ఉన్న తలారిని, వైఎస్సార్‌ సీపీ నేతలు, కార్యకర్తలను విడిపించారు. అంతకుముందు న్యూస్‌ కవరేజ్‌ నిమిత్తం అక్కడకు వెళ్లిన సాక్షి దినపత్రిక, ఎలక్ట్రానిక్‌ మీడియా విలేకర్లపై కూడా టీడీపీ శ్రేణులు దౌర్జన్యం చేయడంతో పాటు దాడికి ప్రయత్నించగా పోలీసులు అడ్డుకున్నారు. ముందుజాగ్రత్త చర్యగా గ్రామంలో ప్రత్యేక దళాలను మోహరించారు. గత ఐదేళ్లలో టీడీపీ ప్రభుత్వం గోపాలపురం నియోజకవర్గంలో చేసిన అభివృద్ధి ఏమీ లేకపోగా, ఆ పార్టీ నేతలు చేసిన అక్రమాలతో ప్రజల్లో తీవ్ర వ్యతిరేకత ఏర్పడింది. ప్రచారానికి వెళుతున్న ముప్పిడిని ప్రజలు అడుగడుగునా అడ్డుకుంటున్నారు. దీంతో తలారి ప్రచారాన్ని అడ్డుకోవాలని టీడీపీ నేతలు నిర్ణయించుకున్నారు. తలారి ప్రచారాన్ని కూడా ప్రజలు అడ్డుకుంటున్నారని చూపే ఎత్తుగడతో ఈ కార్యక్రమాన్ని చేపట్టారు. 

సాక్షి, తాడేపల్లిగూడెం : ఎన్నికల సంగ్రామంలో జిల్లాకు చెందిన మహిళలు నారీశక్తిని చాటిచెప్పారు. నరసాపురం నియోజకవర్గంలో 1981 ఉప ఎన్నికల్లో పరకాల కాళికాంబ కాంగ్రెస్‌ పార్టీ తరఫున పోటీ చేసి విజయం సా«ధించారు. 1983 ఎన్నికల్లో కాంగ్రెస్‌ తరఫున పోటీ చేసి ఓటమి పాలయ్యారు. 1999లో ఆచంట రిజర్వుడ్‌ నియోజకవర్గం నుంచి మోచర్ల జోహార్‌వతి టీడీపీ తరఫున పోటీ చేసి విజయం పొందారు. 2004 ఎన్నికల్లో తెలుగుదేశం పార్టీ తరఫున పీతల సుజాత పోటీచేసి విజయం పొందారు.  భీమవరం నుంచి 1995లో భూపతిరాజు కస్తూరి కాంగ్రెస్‌ పార్టీ తరఫున పోటీ చేసి ఓటమి చెందారు. ఉండి నుంచి 1970 ఉప ఎన్నికల్లో  స్వతంత్ర అభ్యర్థిగా కె.ఆండాళ్లమ్మ పోటీ చేసి విజయం సాధించారు. పెనుగొండ నియోజకవర్గం నుంచి 1983,1985లో టీడీపీ తరఫున ప్రత్తి మణెమ్మ పోటీచేసి విజయం పొందారు. అత్తిలి నియోజకవర్గం నుంచి 1955లో చోడగం అమ్మనరాజా కాంగ్రెస్‌ పార్టీ తరపున పోటీ చేసి విజయబావుటా ఎగురవేశారు. తాడేపల్లిగూడెం నియోజకవర్గం నుంచి 1972లో కాంగ్రెస్‌ తరఫున పోటీచేసిన డాక్టర్‌ కోసూరి కనకలక్ష్మి ఓడిపోయారు. 1983 ఉప ఎన్నికల్లో టీడీపీ అభ్యర్థిని ఈలి వరలక్ష్మి విజయం పొందగా, 1985లో స్వతంత్ర అభ్యర్థిగా పోటీ చేసి ఓటమి చెందారు. ఆమె తిరిగి 1987 ఉప ఎన్నికల్లో పోటీ చేసి విజయం సాధించగా, 1989లో పోటీ చేసి పరాజయం చెందారు. దెందులూరు నుంచి 1985లో కాంగ్రెస్‌ తరçఫున ఎం.పద్మావతి పోటీ చేసి ఓటమి చెందారు. 1991 ఉప ఎన్నికల్లో కాంగ్రెస్‌ పార్టీ తరపున మాగంటి వరలక్ష్మీదేవి విజయం పొందారు. ఏలూరు నుంచి 1994లో కాంగ్రెస్‌ పార్టీ తరఫున పోటీ చేసిన ఆమెకు పరాజయం ఎదురైంది. గోపాలపురం నియోజకవర్గం నుంచి 1978 ఎన్నికల్లో కాంగ్రెస్‌ ఐ తరఫున పోటీ చేసి దాసరి సరోజనిదేవి గెలుపొందారు. 1983లో తిరిగి కాంగ్రెస్‌ తరఫున పోటీ చేసిన ఆమె పరాజయం పాలయ్యారు. 1985 ఎన్నికల్లో కాంగ్రెస్‌ తరఫున పోటీచేసిన నంబూరి ఝాన్సీరాణి విజయం సాధించలేదు. 1999లో కాంగ్రెస్‌ అభ్యర్థిగా పోటీచేసిన మద్దాల సునీత ఓటమిపాలై.. 2004లో విజయం సాధించారు. 2009లో తానేటి వనిత టీడీపీ తరపున పోటీచేసి గెలిచారు. 2014లో టీడీపీ అభ్యర్థిగా పీతల సుజాత చింతలపూడిలో గెలుపొందారు. 

ద్వారకాతిరుమల: ‘ఐదేళ్ల పాలనలో మా సమస్యలు తీర్చలేకపోయారు.. ఎప్పుడడిగినా అదిగో.. ఇదిగో అంటూ కాలం వెళ్లబుచ్చారు. ఇప్పుడు ఓట్లు వేయమంటే ఎలా వేస్తాం.. మేమడిగిన పని పూర్తిచేస్తేనే ఓట్లు వేస్తాం’ అని గోపాలపురం ఎమ్మెల్యే ముప్పిడి వెంకటేశ్వరరావుకు కుండబద్దలు కొట్టినట్టు చెప్పారు కొందరు గ్రామస్తులు. ద్వారకాతిరుమల మండలంలోని పలు గామాల్లో టీడీపీ అభ్యర్థి ముప్పిడి పార్టీ నేతలతో కలిసి ఆదివారం ఎన్నికల ప్రచారం నిర్వహించారు. ప్రచారానికి ప్రజాదరణ కరువైంది. పలు ప్రాంతాల్లో ప్రజలు ప్రచార రథాన్ని అడ్డగించి తమ సమస్యల సంగతి ఏం చేశారంటూ నిలదీశారు. ఇలా అడుగడుగునా ప్రజల నిలదీతలతో ప్రచారం సాగింది. కొన్ని గ్రామాల్లో కార్యకర్తలు లేక ప్రచారం వెలవెలబోయింది.  స్థానికుల పట్టుతో ఎస్సీ కాలనీ సందర్శన రామానుజాపురం ఎస్సీ కాలనీలో విద్యుత్‌ స్తంభాలు ఏర్పాటు చేయాలని స్థానికులు కొన్నేళ్లుగా ఎమ్మెల్యే ముప్పిడిని కోరుతున్నారు. ఇప్పటి వరకు స్తంభాలు వేయలేదు. దీంతో ఆ ప్రాంతంలో ఇళ్లకు విద్యుత్‌ కనెక్షన్లు లేక తీవ్ర ఇబ్బందులు ఎదుర్కొంటున్నారు. ఎన్నికల ప్రచారానికి వచ్చిన టీడీపీ ప్రచార రథాన్ని స్థానికులు అడ్డుకున్నారు. తమ కాలనీలో విద్యుత్‌ స్తంభాలు ఏర్పాటు చేయలేదని, ఇప్పుడు ఓట్లు కోసం ఎలా వచ్చారని నిలదీశారు. ప్రస్తుతం ఎన్నికల కోడ్‌ ఉందని, ఏ పని చేయడానికీ వీల్లేదని ముప్పిడి వారికి నచ్చజెప్పే ప్రయత్నం చేశారు. తమ దుస్థితిని కళ్లారా చూడాల్సిందేనని స్థానికులు పట్టుబట్టడంతో ఆయన ఎస్సీ కాలనీకి వెళ్లారు. అక్కడి నుంచి విద్యుత్‌ శాఖ డీఈతో ఫోన్‌లో మాట్లాడారు. తాను ఎమ్మెల్యే అయిన దగ్గర నుంచి ఇక్కడి ప్రజలు విద్యుత్‌ స్తంభాలు ఏర్పాటు చేసి, కరెంటు ఇవ్వమని అడుగుతుంటే అదిగో చేస్తాం.. ఇదిగో చేస్తాం అన్నాముగానీ చేయలేదని చెప్పారు. స్తంభాలువేసి, కరెంటు ఇవ్వకపోతే పరిస్థితి ఏమిటని డీఈని ప్రశ్నించారు. మీరు ఎప్పటికల్లా పని పూర్తి చేస్తారో చెప్పాలన్నారు. దీనికి డీఈ సమాధానమిస్తూ పది, పదిహేను రోజుల్లోగా పని పూర్తి చేస్తానని అన్నారు. ఇదంతా విన్న పలువురు తెలుగు తమ్ముళ్లు ఎన్నికల కోడ్‌ ఉండగా పనులు చేయడం కుదరదన్న ఎమ్మెల్యే, ఈ సమయంలో పనులు ఎలా చేయిస్తారని చెవులు కొరుకున్నారు.  బురద నీళ్లు తాగుతున్నాం  గొడుగుపేట వెళ్లిన ముప్పిడిని స్థానిక రామాలయం వద్ద గ్రామస్తులు నిలదీశారు. ఐదేళ్ల పాలనలో తమ గ్రామంలో చేసిన అభివృద్ధి పనులేంటో చూపాలని ప్రశ్నించారు. ఇప్పటికీ తాము బురద నీటినే తాగాల్సివస్తోందని ధ్వజమెత్తారు. ఎస్సీ కాలనీలో ఒక్క సిమెంట్‌ రోడ్డు కూడా వేయలేదని మండిపడ్డారు. ఇప్పుడు ఏ ముఖం పెట్టుకుని ఓట్లు అడగడానికి వచ్చారో చెప్పాలని నిలదీశారు. దీంతో వారు నెమ్మదిగా జారుకున్నారు.  

సాక్షి ,దేవరపల్లి :  27ఏళ్ల యుక్తవయస్సులోనే రాజకీయ ప్రవేశం చేసిన తలారి వెంకట్రావు 23 ఏళ్లపాటు ప్రజల్లోనే ఉన్నారు. కాంగ్రెస్‌ పార్టీ తరఫున చురుగ్గా పనిచేశారు. వైఎస్సార్‌సీపీ ఆవిర్భావంతో వైఎస్‌ జగన్‌మోహన్‌రెడ్డి వెనుక నడిచిన ఆయన గత ఎన్నికల్లో స్వల్ప తేడాతో ఓడిపోయారు. మళ్లీ గోపాలపురం స్థానం నుంచి పోటీకి దిగారు. ఈ నేపథ్యంలో తలారి అంతరంగం   ప్రశ్న : రాజకీయాల్లోకి రావడానికి స్ఫూర్తి? వెంకట్రావు :  అంబేడ్కర్‌తోపాటు దివంగత ముఖ్యమంత్రి వైఎస్‌ రాజశేఖరరెడ్డి స్ఫూర్తి. ఆయన చేసిన ప్రజాప్రస్థానం నాకు రాజకీయ ఓనమాలు నేర్పింది.   ప్రశ్న : 2014 ఎన్నికల్లో  ఓటమి బాధించిందా? వెంకట్రావు : లేదు. నా ఎదుగుదలకు నాందిగా భావించా. 2014 ఎన్నికల్లో గోపాలపురం నుంచి పోటీచేసే అవకాశాన్ని వైఎస్‌ జగన్‌ కల్పించారు. నియోజకవర్గం మొదటి నుంచీ టీడీపీ కంచుకోటగా ముద్రపడింది. స్వల్పతేడాతోనే ఓడాను. టీడీపీ అభ్యర్థిని ఓటమి అంచుల వరకూ తీసుకొచ్చాను. అది నా తొలి విజయం.  ప్రశ్న :  గెలుపు అవకాశాలెలా ఉన్నాయి?   వెంకట్రావు: గెలుపు ఖాయం. భారీ మెజార్టీనే నా లక్ష్యం. ఐదేళ్లుగా నేను చేసిన పోరాటాలు, వైఎస్‌ జగన్‌మోహన్‌రెడ్డి నవరత్న పథకాలే నన్ను గెలిపిస్తాయి.   ప్రశ్న: కుటుంబ సభ్యుల సహకారం? వెంకట్రావు: చాలా బాగుంది. తల్లిదండ్రులు యేసుదాస్, విజయలక్ష్మి, భార్య పరంజ్యోతి, సోదరీమణులు నా తరఫున ప్రచారం చేస్తున్నారు.   ప్రశ్న: నియోజకవర్గంలో ప్రధాన సమస్యలు ఏమున్నాయి?  వెంకట్రావు: పరిష్కారానికి నోచుకోని సమస్యలు అనేకం ఉన్నాయి. ప్రధానంగా పేదలకు ఇళ్లస్థలాలు, గృహాలు అందలేదు. వ్యవసాయరంగానికి విద్యుత్‌ కొరత ఉంది. మెట్ట భూములకు సాగునీటి ఎద్దడి నెలకొంది. వీటి పరిష్కారానికి కృషి చేస్తా.   ప్రశ్న: చదువు, ఉద్యోగం గురించి చెబుతారా?   వెంకట్రావు:  ఎలక్ట్రికల్‌ ఇంజినీరింగ్‌ డిప్లమా పూర్తి చేసిన అనంతరం  1992లో ఎస్సైగా ఎంపికయ్యా. కానీ రాజకీయాలంటే ఆసక్తి. అందుకే ఆ అవకాశాన్ని వదిలేశా. ప్రజాసేవే నాలక్ష్యం.  

సాక్షి, పశ్చిమ గోదావరి : ఏపీ ఎన్నికల్లో జనసేనతో పొత్తు పెట్టుకున్న జాతీయ పార్టీ బీఎస్పీలో రగడ మొదలైంది. ఉత్తరప్రదేశ్‌కు చెందిన నేతలు ఏపీలో బీఎస్పీ టికెట్లు అమ్ముకుంటున్నారని ఆ పార్టీ రాష్ట్ర అధ్యక్షుడు కారెం లెనిన్‌ ఆరోపించారు. స్థానిక కేడర్‌ను సంప్రదించకుండా కొవ్వూరు, గోపాలపురం అభ్యర్థులను ఎంపిక చేశారని ఆదివారం జరిగిన బీఎస్పీ జిల్లా సమావేశంలో ఆగ్రహం వ్యక్తం చేశారు. డబ్బులు ఇచ్చిన వ్యక్తులకు మాత్రమే పార్టీలో ప్రాధాన్యత ఇస్తున్నారని విమర్శలు గుప్పించారు. జనసేన ప్రకటించిన అభ్యర్థులకు మద్దతివ్వబోమని, ప్రచారంలోపాల్గొనమని తేల్చిచెప్పారు. ఇదిలాఉండగా.. ‘పార్టీలో కొన్ని ఇబ్బందులు ఎదురవడం మామూలే. నాయకులు సంయమనం పాటించాలి’ అని జిల్లా బీఎస్పీ అధ్యక్షుడు నేతల రమేష్‌ అన్నారు.

సాక్షి, దేవరపల్లి: జిల్లాలోని మూడు ఎస్సీ నియోజకవర్గాల్లో ఇది ఒకటి. ఇక్కడి ఓటర్లు 35 ఏళ్ల నుంచి తమ విలక్షణతను ప్రదర్శిస్తున్నా.. వారి తలరాత మాత్రం మారడం లేదు. 1983 వరకు కాంగ్రెస్‌ పార్టీకి పట్టం కట్టిన ఓటర్లు అనంతరం టీడీపీ ఆవిర్భావంతో ఆపార్టీని ఆదరిస్తున్నారు. అయితే పాలకులు మాత్రం ప్రజల సంక్షేమం గురించి పట్టించుకోలేదు. కులదురహంకారంతో ఆధిపత్యం చెలాయిస్తున్నారు. 2004 ఎన్నికల్లో అప్పటి ప్రతిపక్ష నేత వైఎస్‌ రాజశేఖరరెడ్డి ప్రభంజనంతో ఈ నియోజకవర్గంలో మార్పువచ్చినా.. మళ్లీ 2009 నుంచి పాతతీరే కొనసాగింది. ఈ సారైనా మళ్లీ మార్పు కనిపిస్తోందని ప్రజలు ఆశగా నిరీక్షిస్తున్నారు.   అగ్రకుల ఏలుబడి  నియోజకవర్గం ఎస్సీలకు రిజర్వు అయినప్పటికీ ఏలుబడి మాత్రం అగ్రకులాల పెద్దలదే. 2004 వరకు కొవ్వూరు జమీందార్లు పెండ్యాల కుటుంబం నాయకత్వంలో శాసనసభ్యులు పనిచేసేవారు. 2004 ఎన్నికల్లో వై.ఎస్‌.రాజశేఖరరెడ్డి నాయకత్వంలో కాంగ్రెస్‌ గెలవడంతో పరిస్థితిలో కొంత మార్పు వచ్చింది. అయితే మళ్లీ 2009 నుంచి పాతతీరే కొనసాగింది.  2014 ఎన్నికల నుంచి నియోజకవర్గంలో జెడ్పీ చైర్మన్‌ ముళ్లపూడి బాపిరాజు వర్గం ఆధిపత్యం కొనసాగిస్తోంది.  1962లో గోపాలపురం నియోజకవర్గం ఏర్పడింది.   2014లో జరిగిన ఎన్నికల్లో వైఎస్సార్‌ సీపీ అభ్యర్థిగా తలారి వెంకట్రావు, టీడీపీ అభ్యర్ధిగా ముప్పిడి వెంకటేశ్వరరావు పోటీపడగా అతితక్కువ ఓట్ల తేడాతో ముప్పిడి వెంకటేశ్వరరావు గెలిచారు. ఇక్కడి నుంచి ఎమ్మెల్యేగా ప్రాతినిథ్యం వహించిన వారిలో తానేటి వీరరాఘవులు, కారుపాటి వివేకానంద మంత్రులుగా పనిచేశారు.  వ్యవసాయం ప్రధాన జీవనాధారం నియోజకవర్గంలో వ్యవసాయమే ప్రధాన జీవనాధారం. ప్రధానంగా వాణిజ్య పంటలు వర్జీనియా పొగాకు, జీడిమామిడి, ఆయిల్‌పామ్, కొబ్బరి సాగవుతున్నాయి.  వరి, మొక్కజొన్న సాగుపైనా ఇక్కడి రైతులు మొగ్గుచూపుతారు. వ్యవసాయరంగం పూర్తిగా బోరుబావులపై ఆధారపడి సాగుతోంది. మోటార్ల ద్వారా భూగర్భ జలాలను తోడి రైతులు పంటలు పండిస్తున్నారు.  సుమారు 7,600 హెక్టార్లలో వర్జీనియా పొగాకు సాగవుతోంది. మెట్ట ప్రాంతంలోని పొలాలకు సాగునీరు అందించాలనే ఆలోచనతో 2005లో ఏర్పాటు చేసిన తాడిపూడి ఎత్తిపోతల పథకం కాలువ ద్వారా 2.05 లక్షల ఎకరాలకు నీరు సరఫరా చేయాల్సి ఉండగా, కేవలం 60 వేల నుంచి 70 వేల ఎకరాలకు నీరు సరఫరా జరుగుతోంది. దాదాపు 7 వేల బోర్లు ఉన్నాయి. ఆధ్యాత్మిక క్షేత్రాలు..  ద్వారకాతిరుల చినవెంకన్న క్షేత్రం ఈ నియోజకవర్గంలోనే ఉంది. ప్రముఖ క్రైస్తవ పుణ్య క్షేత్రం నిర్మలగిరి కూడా ఇక్కడే గౌరీపట్నంలో కొలువైంది.   120 ఎకరాల్లో నల్లరాతి క్వారీలు నియోజకవర్గంలో విస్తరించిన నల్లరాతి క్వారీల ద్వారా ప్రభుత్వానికి ఆదాయం వస్తోంది. దేవరపల్లి మండలంలో గౌరీపట్నం, కొండగూడెం, దుద్దుకూరు, బందపురం, లక్ష్మీపురం గ్రామాల్లో నల్లరాతి క్వారీలు విస్తరించి ఉన్నాయి. వీటి ద్వారా ప్రభుత్వానికి ఆదాయంతోపాటు దాదాపు 10వేల మంది కూలీలకు ఉపాధి లభిస్తోంది. 120 క్వారీలు, 100 క్రషర్లు ఉన్నాయి.  భౌగోళిక స్వరూపం తూర్పున కొవ్వూరు, దక్షిణాన తాడేపల్లిగూడెం,  ఉత్తరాన పోలవరం, పడమర చింతలపూడి  నియోజకవర్గాలు సరిహద్దులుగా ఉన్నాయి. ముఖ్యమైన సమస్య ఇళ్లస్థలాల సమస్య ఎక్కువగా ఉంది.  టీడీపీ పాలనలో ఎక్కడా ఒక్క పేదవాడికి కూడా ప్రభుత్వం గజం జాగా ఇవ్వలేదు.  సుమారు 20 వేల కుటుంబాలు ఇళ్లస్థలాల కోసం దరఖాస్తు చేసుకున్నాయి. దివంగత ముఖ్యమంత్రి వై.ఎస్‌. రాజశేఖరరెడ్డి  పాలనలో అడిగిన ప్రతిపేదవాడికీ గృహాలు మంజూరు చేశారు. ఆయన హయాంలో సుమారు 25,000 గృహాల నిర్మాణం జరిగింది. గత ఐదేళ్లల్లో కనీసం నాలుగు వేల గృహాలు కూడా నిర్మాణం జరగలేదు.                బలం పుంజుకున్న వైఎస్సార్‌ సీపీ నియోజకవర్గంలో వైఎస్సార్‌ సీపీ బలమైన శక్తిగా ఎదిగింది.  ఐదేళ్లుగా ఆపార్టీ సమన్వయకర్త తలారి వెంకట్రావు ప్రజల్లో ఉంటూ సమస్యలపై నిరంతర పోరాటం చేస్తున్నారు. గడగడపకూ వైఎస్సార్‌ సీపీ కార్యక్రమంలో భాగంగా ఇప్పటికే మూడునాలుగుసార్లు ఇంటింటికీ వెళ్లి ప్రజలతో మమేకమయ్యారు. ఈసారి గెలుపుపై ధీమాతో ఉన్నారు.  అధికార టీడీపీలో రెండు బలమైనవర్గాలు గ్రూపులుగా ఏర్పడ్డాయి. ఆధిపత్యం కోసం కుమ్ములాడుతున్నాయి. ప్రజలు ఈసారి వైఎస్సార్‌సీపీవైపు మొగ్గుచూపుతున్నారు.   మండలాలు: గోపాలపురం, దేవరపల్లి, నల్లజర్ల, ద్వారకాతిరుమల ఓటర్లు పురుషులు   స్త్రీలు ఇతరులు  2,22,223 1,11,092 1,11,115 16  

సాక్షి, అమరావతి : టీడీపీ నేతలకు అసమ్మతి సెగ తగులుతోంది. ఇప్పటికే పలు చోట్ల తెలుగు తమ్ముళ్లు సిట్టింగ్‌ ఎమ్మెల్యేలకు ఎదురుతిరుగుతుండగా.. తాజాగా గోపాలపురం ఎమ్మెల్యేకు చేదు అనుభవం ఎదురైంది. ముప్పిడి వెంకటేశ్వర రావుకు ఎమ్మెల్యే సీటు ఇవ్వొద్దని అసమ్మతి నేతలు డిమాండ్‌ చేస్తున్నారు. ఆయన నియోజకవర్గంలో గ్రూపులను ప్రోత్సహిస్తూ.. పార్టీని బ్రష్టుపట్టిస్తున్నారని కార్యకర్తలు ఆగ్రహం వ్యక్తం చేస్తున్నారు. ముప్పిడికి సీటు ఇస్తే.. ఓడిస్తామని అధిష్టానాన్ని హెచ్చరించారు.

సాక్షి, పశ్చిమ గోదావరి: గోపాలపురం టీడీపీ ఎమ్మెల్యే ముప్పిడి వెంకటేశ్వరరావుకు సొంత నియోజకవర్గంలోనే చేదు అనుభవం ఎదురైంది. వేంపాడులో శుక్రవారం వాటర్‌ట్యాంక్‌ ప్రారంభించడానికి వచ్చిన ఆయనకు స్థానిక ప్రజల నుంచి నిరసన సెగ ఎదురైంది. నియోజకవర్గంలోని సమస్యలపై వెంకటేశ్వరరావును ప్రజలు నిలదీశారు. గత నాలుగున్నరేళ్లలో ఈ ప్రాంత సమస్యలపై కనీసం స్పందించలేదని, ఎన్నికలు సమీపిస్తున్నందునే ప్రజలు గుర్తొచారా? అని ఆయనపై స్థానికులు ఆగ్రహం వ్యక్తం చేశారు. దీంతో వాటర్‌ ట్యాంక్‌ ప్రారంభించకుండానే ఎమ్మెల్యే అక్కడి నుంచి వెనుదిరిగారు. కాగా గతకొంత కాలంగా అనేక సమస్యలను ఎమ్మెల్యే దృష్టికి తీసుకుకెళ్లామని, కనీసం తమ విజ్ఞప్తిని కూడా ఆయన పట్టించుకోలేదని అక్కడి స్థానికులు వాపోతున్నారు. 

సాక్షి, నల్లజర్ల: రాష్ట్ర ప్రజానీకాన్ని అన్ని రకాలుగా దోచుకుంటోన్న దళారీలు జన్మభూమి కమిటీలైతే.. ఆ దళారీలకు నాయకుడు చంద్రబాబు నాయుడని వైఎస్సార్‌సీపీ అధినేత వైఎస్‌ జగన్‌మోహన్‌ రెడ్డి విమర్శించారు. పొగాకు, ఆయిల్‌పామ్‌, వరి, మొక్కజొన్న.. ఏ ఒక్కపంటకూ గిట్టుబాటు ధర కల్పించలేని ముఖ్యమంత్రి.. మరోవైపు తన హెరిటేజ్‌ సంస్థ కోసం రైతులను నిలువునా ముంచేస్తున్నారని, పంటల్ని తక్కువ ధరకు కొనుగోలుచేసి, మూడింతల లాభలకు అమ్ముకుంటూ తానే పెద్ద దళారీగా అవతరించాడని ఆరోపించారు. 165వ రోజు ప్రజాసంకల్పయాత్రలో భాగంగా పశ్చిమగోదావరి జిల్లా గోపాలపురం నియోజకవర్గంలోని నల్లజర్లలో నిర్వహించిన బహిరంగ సభలో జగన్‌ మాట్లాడారు. పైసలు మింగుతున్నారుతప్ప పోలవరం పూర్తిచేయట్లేదు: ‘‘ఇక్కడి రైతులు, జనం నాతో చాలా విషయాలు చెప్పారు. పోలవరం ప్రాజెక్టు పూర్తయితే మా నియోజకవర్గం కూడా సస్యశామలం అవుతుందని, ఏళ్లు గడుస్తున్నా ప్రాజెక్టు పూర్తికావడంలేదని బాధపడుతున్నారు. నిజమే, 30 లక్షల క్యూబిక్‌ మీటర్ల పనిలో 6లక్షల క్యూబిక్‌ మీటర్ల పని మాత్రమే పూర్తయింది. అసలు కేంద్రం పూర్తిచేయాల్సిన ప్రాజెక్టును చంద్రబాబు తీసుకోవడమేంటి? సిమెంట్‌, ఇసుక.. ధరలన్నీ తగ్గినా కాంట్రాక్టుల రేట్లు మాత్రం భారీగా పెరుగుతున్నాయి. నామినేషన్‌ పద్ధతితో తన బినామీలకు సబ్‌ కాంట్రాక్టులు అప్పగించారు. కేవలం డబ్బులు దండుకోవడమేతప్ప పనులు పూర్తిచేయాలన్న ధ్యాసేలేదు. రాష్ట్రానికి వరదాయినిలాంటి ప్రాజెక్టును ఇంత దారుణంగా విస్మరిస్తున్నారు. నిజానికి చంద్రబాబుకు ఎన్నికలప్పుడు మాత్రమే ప్రజలు, ప్రాజెక్టులు గుర్తుకువస్తాయన్నది తెలిసిందే. దీని గురించి ఇక్కడి రైతులే నాకొక కథ చెప్పారు.. అది ‘‘మూడు రాళ్ల కథ..’ మూడు రాళ్లు.. మూడు కథలు: గతంలో చంద్రబాబు నాయుడు ముఖ్యమంత్రిగా ఉన్నప్పుడు  పశ్చిమగోదావరి జిల్లాలోని ఇదే నియోజకవర్గం చుట్టుపక్కల మూడు ప్రాజెక్టులకు శిలాఫలాకాలు ఆవిష్కరించారు. ఒకటి తాడేపూడి ప్రజెక్టు. సుమారు 2లక్షల ఎకరాలకు సాగునీరు అందించే ఆ ప్రాజెక్టుకు చంద్రబాబు రాయి వేసి ఊరుకుంటే.. మహానేత వైఎస్సార్‌ మాత్రం పనులు దాదాపు పూర్తిచేయించారు. మళ్లీ ఇప్పుడు చంద్రబాబు వచ్చి తాడేపూడి ప్రాజెక్టుకు పిల్లకాలువలు కూడా తవ్వించలేకపోయారు. రెండోది కొవ్వాడ కాలువపై ఎల్లెండిపేట వద్ద రిజర్వాయర్‌ నిర్మాణం. దానికీ చంద్రబాబే రాయివేసి వెళ్లిపోయారు. లక్ష ఎకరాలకు సాగునీరు అందే అవకాశమున్న ఆ ప్రాజెక్టునూ వైఎస్సారే కట్టించారు. ఇక మూడోది ద్వారకా తిరుమల మండలం సీహెచ్‌ పోతేపల్లి వద్ద గిరియమ్మ ప్రాజెక్టు. చంద్రబాబు శిలాఫలకం మాత్రమే వేసిన ఆ ప్రాజెక్టును వైఎస్సార్‌ 2010లోనే పూర్తిచేసి, ట్రయల్‌రన్‌ చేయించారు. ఇప్పటివరకూ ఆ ప్రజెక్టుకు పిల్లకాలువలు కట్టించే పనులు పూర్తికాలేదంటే రైతులపట్ల చంద్రబాబుకు ఉన్న చిత్తశుద్ధిని అర్థం చేసుకోవచ్చు. ఇలాంటి మోసగాళ్లు అవసరమా?: ఎన్నికల సమయంలో రైతుల రుణాలు మాఫీ చేస్తామని, డ్వాక్రా అక్కచెల్లెమ్మల రుణాల మాఫీ, ఇంటికో ఉద్యోగం లేదా నిరుద్యోగ భృతి ఇస్తానని చెప్పాడు. అందులో ఏ ఒక్క హామీనీ నెరవేర్చలేదు. అబద్ధాలు చెబుతూ, మోసాలు చేసేవాళ్లు నాయకులు మనకు అవసరమా? ఒకప్పుడు రేషన్‌ షాపులో 185 రూపాయలకే అన్ని నిత్యావసరాలు వచ్చేవి. ఇవాళ రేషన్‌ కార్డులనే ఎత్తేసే పరిస్థితి. పెట్రోల్‌, డీజిల్‌పై విపరీతంగా పన్నులు బాదుతున్నారు. కరెంట్‌ చార్జీలు, ఆర్టీసీ టికెట్ల ధరలు అదుపులేకుండా ఉన్నాయి. బాబు చేతిలో మోసపోనివారంటూ ఎవరూలేరు. హోదాపై బాబు దగా: చంద్రబాబు చేసిన అన్ని మోసాల్లోకి ప్రత్యేక హోదా అంశంలో దారుణంగా మోసం చేశాడు. నాలుగేళ్లపాటు బీజేపీతో అంటకాగిన ఆయనకు ప్రత్యేక హోదా గుర్తుకురాలేదు. అనునిత్యం హోదా నినాదాన్ని అవమానించి, చులకన చేస్తూ మాట్లాడాడు. వైఎస్సార్‌సీపీ ఆందోళనలు చేస్తే అడ్డుకున్నాడు. మొన్న పార్లమెంట్‌ బడ్జెట్‌ సమావేశాల చివరిరోజు వైఎస్సార్‌సీపీ ఎంపీలు రాజీనామాలు చేశారు. అదే సమయంలో టీడీపీ ఎంపీలు కూడా రాజీనామాలు చేసుంటే హోదా వచ్చేదే. ఆ పనిచేయకుండా దీక్షల పేరుతో నాటకాలకు తెరలేపారు చంద్రబాబు. ఇంత దారుణంగా అబద్ధాలు చెప్పేవాళ్లకు బుద్ధిచెప్పాలి. పొరపాటున క్షమిస్తే రేపు ఇంటికో కేజీ బంగారం, కారు ఇస్తానని ముందుకొస్తాడు. డ్వాక్రా అక్కచెల్లెమ్మలకు వరాలు: రేప్పొద్దున ప్రజల ఆశీర్వాదంతో ఏర్పడబోయే ప్రజాప్రభుత్వంలో ఏమేం చెయ్యబోతున్నది నవరత్నాల ద్వారా ఇప్పటికే చెప్పాం. అందులో నుంచి డ్వాక్రా మహిళలకు ఏమేం చెయ్యబోతున్నామో మరోసారి గుర్తుచేస్తాను.. మన ప్రభుత్వ రాగానే పొదుపు సంఘాల అప్పు ఎంత ఉందో ఆ మొత్తాన్ని నాలుగు దఫాలుగా వారి చేతికే ఇస్తాం. సున్నా వడ్డీకి రుణాలు ఇప్పిస్తాం. ప్రతి పేద వాడికీ ఇల్లు కట్టిస్తాం. ఆ ఇంటిని మహిళల పేరిట రిజిస్ట్రేషన్‌ చేయిస్తాం. ఏదైనా ఇబ్బంది వచ్చినప్పుడు ఆ ఇంటిని తాకట్టు పెట్టి బ్యాంకు నుంచి పావలా వడ్డీకి అప్పు తీసుకునేలా ఏర్పాటు చేయిస్తాం..’’ అని వైఎస్‌ జగన్‌ వివరించారు.

సాక్షి, గోపాలపురం : బడికి వెళ్లాల్సిన వయసులో తల్లితో కూలి పనులకు వెళ్తున్న పాపను చూసిన వైఎస్సార్‌ కాంగ్రెస్‌ పార్టీ అధ్యక్షుడు వైఎస్‌ జగన్‌మోహన్‌ రెడ్డి చలించిపోయారు. పాపను పాఠశాలలో చేర్పించాలని ఆ తల్లికి సూచించారు. పశ్చిమ గోదావరి జిల్లా గోపాలపురం మండలంలోని మారంపల్లిలో ప్రజాసంకల్పయాత్ర చేస్తున్న వైఎస్‌ జగన్‌ స్థానికులతో మాట్లాడి వారి సమస్యలు తెలుసుకున్నారు. ఈ సందర్భంగా తల్లితోపాటు పొలం పనులకు వెళ్తున్న ఓ చిన్నారిని చూసి ఆమెతో మాట్లాడారు. చదువుకోవాలని ఉందా అంటూ ఆ పాపతో ముచ్చటించారు. ఆ తర్వాత పాప తల్లితో మాట్లాడుతూ.. చిన్నారి ఉన్నత చదువులు చదివి పైకి రావాలంటే పొలం పనులకు కాకుండా బడికి పంపాలని సూచించారు. వైఎస్సార్‌ కాంగ్రెస్‌ పార్టీ అధికారంలోకి వస్తే పిల్లల చదువు భారం కాకుండా అన్ని రకాలుగా సహాయ సహకారాలు అందించడానికి చేపట్టనున్న కార్యక్రమాలను వైఎస్‌ జగన్‌ అక్కడి వారికి వివరించారు.  

సాక్షి, గోపాలపురం : గోపాలపురం మాజీ ఎమ్మెల్యే మద్దాల సునీత శుక్రవారం ఉదయం వైఎస్సార్‌ కాంగ్రెస్‌ పార్టీలో చేరారు.  నియోజకవర్గంలోని రాజుపాలెంలో ప్రజాసంకల్పయాత్ర చేస్తున్న వైఎస్సార్‌సీపీ అధ్యక్షుడు వైఎస్‌ జగన్‌మోహన్‌​ రెడ్డి సమక్షంలో ఆమె పార్టీలో చేరారు. ఈ సందర్భంగా వైఎస్‌ జగన్‌ పార్టీ కండువా కప్పి ఆమెను సాదరంగా పార్టీలోకి ఆహ్వానించారు. ఆమెతోపాటు  వందలాది మంది ఆమె అనుచరులు పార్టీలో చేరారు. గతంలో దివంగత వైఎస్‌ రాజశేఖరరెడ్డి ముఖ్యమంత్రిగా ఉన్న సమయంలో ఆమె ఎమ్మెల్యేగా ఉన్నారు. రాజుపాలెం గ్రామంలో ప్రజాసంకల్పయాత్రకు విశేష స్పందన లభిస్తోంది. స్థానికంగా అధికంగా ఉన్న డయాలిసిస్ వ్యాధి గ్రస్తులు జననేత వైఎస్ జగన్‌ను కలుసుకుని తమ సమస్యలను చెప్పుకున్నారు. ప్రజసమస్యలు తెలుసుకుంటూ.. వారికి నేనున్నా అని భరోసానిస్తూ వైఎస్‌ జగన్‌ పాదయాత్రలో ముందుకు సాగుతున్నారు. నేడు నల్లజర్లలో జరిగే బహిరంగ సభలో వైఎస్‌ జగన్‌ ప్రజలనుద్దేశించి ప్రసంగిస్తారు. 


 గోపాలపురం: సీపీఐ పేదల పక్షాన పోరాడుతోందని, ప్రభుత్వ నిరంకుశవైఖరిని ఎండగడతామని సీపీఐ జిల్లా కార్యదర్శి డేగా ప్రభాకర్‌ అన్నారు. మండలంలోని భీమోలులో మంగళవారం ఆందోళన కారులతో ఆయన సమావేశం నిర్వహించారు. 35 సంవత్సరాలుగా పట్టాలు పొంది భూమి సాగులో ఉన్న పేదలకు అన్యాయం జరిగితే చూస్తూ ఊరుకోమన్నారు. బినాబీ కౌలు దారులను సృష్టించి కోర్టును అడ్డుపెట్టుకుని భూములను లాక్కోవాలని చూస్తున్న అధికార పార్టీ నాయకులకు తగిన బుద్దిచెబుతామని హెచ్చరించారు. పార్టీ రాష్ట్ర కంట్రోల్‌ కమిటీ చైర్మన్‌ నెక్కంటి సుబ్బారావు మాట్లాడుతూ భీమోలు భూసమస్యపై రాష్ట్ర కార్యదర్శి రామకృష్ణ రాకను గమనించి నాయకులను నిర్బంధించడం చరిత్రలో మొట్టమొదటి సారన్నారు. నాయకులు బండి వెంకటేశ్వరరావు, వైట్ల విద్యాదరరావు,జెవి నరసింహారావు, కాకులపాటి వెంకట్రావు, దోశమ్మ పట్టాదారులు పాల్గొన్నారు. 
 ప్రభుత్వ నిరంకుశవైఖరిని ఎండగడతాం 
 ఏలూరు (సెంట్రల్‌): సామాజిక హక్కుల వేదిక, దళిత హక్కుల పోరాట సమితి ఆధ్వర్యంలో గురువారం స్థానిక వసంతమహల్‌ సెంటర్‌ సమీపంలోని రెవెన్యూ భవన్‌లో రౌండ్‌టేబుల్‌ సమావేశం  జరగనున్నట్లు సామాజిక హక్కుల వేదిక జిల్లా కన్వీనర్‌ డేగా ప్రభాకర్‌ తెలిపారు. కార్యక్రమానికి  సీపీఐ రాష్ట్ర కార్యదర్శి కె.రామకృష్ణ హాజరవుతారని పేర్కొన్నారు.
  
  


 గోపాలపురం: గోపాలపురం తహసీల్దార్‌ కార్యాలయంలో మండల సర్వేయర్‌గా పనిచేస్తున్న పి.జాగారాలపై ఏసీబీ అధికారులు దాడి చేశారు. బుధవారం రాత్రి ఏసీడీ డీఎస్పీ వి.గోపాలకృష్ణ తెలిపిన వివరాల ప్రకారం.. మండలంలోని కొవ్వూరుపాడుకి చెందిన బసవ మంగరాజుకు భార్యకు చెందిన ఆరెకరాల పొలం ఉంది. కొంత కాలంగా పక్క రైతులతో విభేదాలు ఉండటంతో తన పొలాన్ని సర్వే చేయాలంటూ సర్వేయర్‌కు దరఖాస్తు చేసుకున్నారు. అయితే దీనిని సర్వేయర్‌ పి.జాగారాల రెండుసార్లు తిరస్కరించడంతో మరోసారి దరఖాస్తు చేసి రూ.585 చలానా తీశారు. సర్వేయర్‌ జాగారాల మాత్రం పొలం సర్వే చేయాలంటే రూ.20 వేలు కావాలని డిమాండ్‌ చేశారు. అంత నగదు ఇవ్వలేనంటే రూ.18 వేలకు ఒప్పుకున్నారు. మొదటి దఫాగా రూ.9 వేలు .. సర్వే జరిగిన రోజున మిగిలిన సొమ్ము పొలం వద్దే ఇవ్వాలని సర్వేయర్‌ జాగారాల చెప్పడంతో బాధిత రైతు మంగరాజు ఏసీబీ అధికారులను ఆశ్రయించారు. ఏసీబీ అ«ధికారులు వ్యూహం ప్రకారం గోపాలపురం మీ సేవ కేంద్రం వద్ద రైతు మంగరాజు నుంచి రూ.9 వేలు తీసుకుంటుండగా సర్వేయర్‌ జాగారాలను రెడ్‌హ్యాండెడ్‌గా పట్టుకున్నారు. స్థానిక తహసీల్దార్‌ కార్యాలయానికి తీసుకువెళ్లి విచారించారు. ఏసీబీ సీఐ వీజే విల్సన్‌, సిబ్బంది పాల్గొన్నారు. 
  


 మారేడుపల్లి: గోపాలపురం పోలీస్‌ స్టేషన్‌ పరిధిలో దోపిడీలు, దొంగతనాలకు పాల్పడుతున్న నలుగురు వ్యక్తులను పోలీసులు అరెస్టు చేసి రిమాండ్‌ కు తరలించారు. నార్త్‌ జోన్‌ డీసీపీ సుమతి కథనం మేరకు వివరాలిలా ఉన్నాయి. బోయిన్‌ పల్లి బాపూజీ నగర్‌ కు చెందిన సంతోష్‌ యాదవ్‌ , క్లాక్‌ టవర్‌ ప్రాంతానికి చెందిన నాగారాజు, కాచిగూడకు చెందిన రంగయ్య ముఠాగా ఏర్పడ్డారు.
 
 వీరు అర్ధరాత్రి వేళల్లో తమ గ్యాంగ్‌లో ఉన్న  అమ్మాయిలను రైల్వే స్టేషన్‌ పరిసరాల్లో ఫుట్‌పాత్‌లపై నిలబెట్టి యువకులను ఆకర్శించేలా చేస్తారు. తమ వలలో పడిన వారిని తన భార్యతో అసభ్యంగా ప్రవర్తించావంటూ దాడికి పాల్పడి  వారి  వద్ద ఉన్న డబ్బులు, వస్తువులను లాక్కుని పరారయ్యేవారు. దాడిక సమయంలో ఎవరైనా ఎదురు తిరిగితే నిందితులు తమంతట తామే బ్లేడ్‌తో కొసుకుని భయభ్రాంతులకు గురి చేస్తారు. గత మూడు నెలల్లో గోపాలపురం పోలీస్‌ స్టేసన్‌ పరిధిలో మూడు కేసులు నమోదయ్యాయి.దీనిపై ప్రత్యేక నిఘా ఏర్పాటు చేసిన పోలీసులు సీసీ కెమెరాల ఆధారంగా నిందితులను పట్టుకున్నారు. వీరిపై పీడీ యాక్టు నమోదు చేయనున్నట్లు డీసీపీ తెలిపారు.    
  


 గోపాలపురం(రావులపాలెం) :
 రావులపాలెం మండలం గోపాలపురంలో ఉన్న పాకలపాటి గురుదేవులు(శ్రీబాబు) ఆశ్రమాన్ని గురువారం ఇండియ¯ŒS బ్యాడ్మింట ¯ŒS చీఫ్‌ కోచ్‌ పుల్లెల గోపీచంద్, ఒలింపిక్‌ రజిత పతక విజేత పీవీ సింధు సందర్శించారు. బాబావారిని కలసి, ఆశీర్వా దం పొందారు. వీరి వెంట సింధు తండ్రి అర్జున వార్డు గ్రహీత పీవీ రమణ కూడా ఉన్నారు. వీరంతా కొద్దిసేపు ఆశ్రమంలో గడిపారు. ఏదైనా అంతర్జాతీయ పోటీలకు వెళ్లేముందు గోపీచంద్‌ గోపాలపురం బాబాను కలుస్తుంటారని, ఈసారి కూడా సింధుతో కలసి వచ్చారని తెలిసింది.
  


 
 సిలిండర్‌ పేలి రూ.15 లక్షల ఆస్తినష్టం  
 
 రావులపాలెం :
 రావులపాలెం మండలం గోపాలపురం కన్నాయిగూడెంలో సోమవారం సాయంత్రం సంభవించిన అగ్ని ప్రమాదంలో సుమారు రూ.15 లక్షల ఆస్తినష్టం వాటిల్లిది. రెవెన్యూ అధికారులు, స్థానికులు తెలిపిన వివరాల ప్రకారం.. గ్రామానికి చెందిన నక్కా సత్యవతి ఆమె కుమార్తె శేషారత్నం తాటాకింటిలోని ఓ భాగంలో నివసిస్తున్నారు. మరో భాగంలో చల్లా దుర్గారావు కుటుంబం ఉంటోంది. సోమవారం సాయంత్రం టీ కాసేందుకు సత్యవతి చిన్న సిలిండర్‌ స్టౌ వెలిగించింది. అది భారీ శబ్దంతో పేలడంతో, ఆ ఇంటిలోని వారు ప్రాణభయంతో బయటకు పరుగులు తీశారు. ఈ సంఘటనలో  మంటలు వ్యాపించడంతో ఇల్లు దగ్ధమైంది. ఈ ఇంటి వెనుకే ఉన్న కన్నా నాగేశ్వరరావు ఇంటికి మంటలు వ్యాపించాయి. ఈ సంఘటనలో రెండు ఇళ్ల దగ్ధం కాగా, వాటిలో నివసిస్తున్న నక్కా సత్యవతి, చల్లా దుర్గారావు, కన్నా నాగేశ్వరరావు, సింగులూరి సత్యనారాయణ కుటుంబాల వారు నిరాశ్రయులయ్యారు. ఈ సంఘటనలో బాధితులకు చెందిన బంగారు, వెండి వస్తువులు, నగదుతో పాటు గృహోపకరణాలు కాలిపోయాయి. బాధితులు కట్టుబట్టలతో మిగిలారు. కాగా సత్యవతి ఇంటిలో రూ.10 లక్షలు, కన్నా నాగేశ్వరరావు ఇంటిలో రూ.5 లక్షల నష్టం వాటిల్లినట్టు బాధితులు తెలిపారు.
  
 సహాయక చర్యల్లో ఎమ్మెల్యే
 సంఘటన విషయం తెలియగానే కొత్తపేట ఎమ్మెల్యే చిర్ల జగ్గిరెడ్డి హుటాహుటిన అక్కడకు చేరుకని సహాయక చర్యల్లో పాల్గొన్నారు. అగ్నిమాపక, రెవెన్యూ, పోలీస్‌ అధికారులను అప్రమత్తం చేశారు. స్థానికులతో కలసి స్వయంగా మంటలను అదుపు చేశారు.కొత్తపేట ఫైర్‌ ఆఫీసర్‌ సీహెచ్‌ నాగేశ్వరరావు తన సిబ్బందితో మంటలను పూర్తిగా అదుపు చేశారు. బాధితులను జగ్గిరెడ్డి పరామర్శించారు. బాధిత కుటుంబాలకు రూ.20 వేలు నగదు సాయం అందజేశారు. తక్షణ సాయంగా రెవెన్యూ అధికారులు 40 కిలోల బియ్యం అందించారు. సుమారు రూ.3.5 లక్షల ఆస్తినష్టం వాటిల్లి ఉండవచ్చని ఫైర్‌ ఆఫీసర్‌ నాగేశ్వరరావు తెలిపారు.
  


 – గోపాలపురం ఎంపీపీ ఎన్నికను వాయిదా వేయించేందుకు యత్నాలు
 – అవసరమైతే పోలీసుల్ని రంగంలోకి దింపి అధికార దుర్వినియోగానికి పాల్పడాలని మంత్రి ఆదేశం
 – వైఎస్సార్‌ సీపీ నాయకులపై తప్పుడు కేసులు
  
 గోపాలపురం :
 తెలుగుదేశం పార్టీకి ఓటమి భయం పట్టుకుంది. ఈ నెల 28న నిర్వహించాల్సిన గోపాలపురం మండల పరిషత్‌ అధ్యక్ష ఎన్నికను వాయిదా వేయించేందుకు యత్నాలు ప్రారంభించింది. లేదంటే పోలీసుల్ని రంగంలోకి దింపి.. అధికార దుర్వినియోగానికి పాల్పడి ఎంపీటీసీలను దారికి తెచ్చుకోవాలంటూ సాక్షాత్తు ఓ మంత్రి టీడీపీ నాయకులకు ఆదేశాలు ఇవ్వడం ఆ పార్టీ నేతల్లో నెలకొన్న భయాన్ని వెల్లడిస్తోంది. ఇప్పటికే వైఎస్సార్‌ సీపీ నేతలపై అక్రమ కేసులు బనాయించి.. దొడ్డిదారి రాజకీయాలకు తెరలేపారు.
 
 వివరాల్లోకి వెళితే.. గోపాలపురం ఎంపీపీగా పనిచేస్తూ గద్దే వెంకటేశ్వరరావు గతనెల 24న గుండెపోటుతో మరణించారు. ఆయన స్థానంలో కొత్త ఎంపీపీని ఎన్నుకోవాల్సిన అవసరం ఏర్పడింది. దీంతో ఈనెల 28న ఎన్నిక నిర్వహించేందుకు అధికారులు నోటిఫికేషన్‌ జారీ చేశారు. మండలంలో మొత్తం 18 ఎంపీటీసీ స్థానాలు ఉండగా, అందులో 10 స్థానాల్లో టీడీపీ, 8 స్థానాల్లో వైఎస్సార్‌ సీపీ ఎంపీటీసీలు ఉన్నారు. చిట్యాల ఎంపీటీసీగా గెలిచిన గద్దే వెంకటేశ్వరరావు మరణంతో ఆ స్థానం ఖాళీ అయ్యింది. దీంతో ప్రస్తుతం టీడీపీ ఎంపీటీసీల సంఖ్య 9, వైఎస్సార్‌ సీపీ ఎంపీటీసీల సంఖ్య 8గా ఉన్నాయి. స్థానిక పరిస్థితులు, మారిన రాజకీయ పరిణామాల నేపథ్యంలో టీడీపీ ఎంపీటీసీల్లో అసంతప్తి నెలకొంది. ఈ తరుణంలో ఎంపీపీ ఎన్నిక నిర్వహిస్తే కొందరు ఎంపీటీసీలు క్రాస్‌ ఓటింగ్‌కు పాల్పడతారనే భయం టీడీపీ నేతలను వెన్నాడుతోంది. దీంతో 9మంది ఎంపీటీసీలను రాజమండ్రిలో ఏర్పాటు చేసిన రహస్య శిబిరానికి తరలించారు.
 
 అయితే, వేళ్లచింతలగూడెం ఎంపీటీసీ దాకే రమేష్‌బాబు టీడీపీ శిబిరం నుంచి తప్పించుకుని బయటకు వచ్చేశారు. ఎంపీపీ ఎన్నికల్లో తనకు నచ్చిన వారికి ఓటు వేస్తానని ప్రకటించారు. దీంతో టీడీపీ నేతలకు ఓటమి భయం పట్టుకుంది. తమ పార్టీ ఎంపీటీసీల్లో కొందరు చేజారిపోతారన్న ఉద్దేశంతో వైఎస్సార్‌ సీపీ నాయకులపై అక్రమ కేసు బనాయించారు. ఎంపీటీసీ రమేష్‌బాబు వైఎస్సార్‌ సీపీకి చెందిన ముగ్గురు నాయకులు, మరికొందరు కార్యకర్తలు తీసుకెళ్లిపోయారంటూ ఫిర్యాదు చేశారు. అయితే, టీడీపీ శిబిరం నుంచి తప్పించుకున్న ఎంపీటీసీ రమేష్‌బాబు తనను ఎవరూ తీసుకెళ్లలేదని, ఎవరి నిర్బంధంలోనూ లేనని పత్రికలకు తెలియజేశారు. ఇదిలావుండగా, అసంతప్త సెగలు రాజుకోవడంతో ఎంపీపీ ఎన్నికల్లో ఓడిపోతామన్న భయంతో టీడీపీ నేతలు ఉన్నారు. ఈ పరిస్థితుల్లో ఈనెల 28న జరగాల్సిన ఎన్నికను ఏదో రకంగా వాయిదా వేయించాలనే ఉద్దేశంతో పావులు కదుపుతున్నారు. అవసరమైతే అధికార దుర్వినియోగానికి పాల్పడాలని.. పోలీసులను పెద్దఎత్తున ఉపయోగించుకోవాలంటూ ఓ మంత్రి టీడీపీ నేతలను ఆదేశించడం చర్చనీయాంశమైంది. ఈ నేపథ్యంలోనే వైఎస్సార్‌ సీపీ నాయకులపై అక్రమ కేసులు బనాయించి, ఆ పార్టీ ఎంపీటీసీలను ఎన్నికకు హాజరుకాకుండా ఆటంకాలు సష్టించే పనిలో అధికార పార్టీ నేతలు గట్టి ప్రయత్నాలు చేస్తున్నట్టు సమాచారం.
  


 రాంగోపాల్‌పేట: బ్యాంక్‌లో ఓ వినియోగదారుడికి చెందిన రూ.1.5 లక్షలు మాయమయ్యాయి.  గోపాలపురం పోలీసుల కథనం ప్రకారం... బోయిగూడకు చెందిన భాస్కర్‌ ఫ్యాబ్రిక్‌ పనులు చేస్తుంటాడు. సోమవారం ఉదయం 11.30కి  సెయింట్‌ మేరీస్‌రోడ్‌లోని ఆంధ్రాబ్యాంక్‌కు వచ్చిన భాస్కర్‌ తన వ్యాపారాల కోసం రూ.8.5 లక్షలు నగదు డ్రా చేశాడు. ఇతరులకు ఇచ్చేందుకు రూ.7 లక్షలు ఒక పేపర్‌లో చుట్టుకుని రూ. 1.5 లక్షలు పక్కన పెట్టాడు.
   పేపర్‌లో చుట్టుకున్న రూ.7 లక్షలు తీసుకుని వెళ్లిపోయిన ఆయన మిగతా లక్షన్నర అక్కడే పెట్టి మరచిపోయాడు.  కొద్దిదూరం వెళ్లాక బ్యాంక్‌లో మర్చిపోయిన డబ్బు గుర్తుకు వచ్చి..వెంటనే బ్యాంక్‌కు తిరిగి వచ్చి చూడగా అక్కడ కనిపించ లేదు. బ్యాంక్‌లో వాకబు చేసినా డబ్బు దొరకలేదు. దీంతో ఆయన గోపాలపురం పోలీసులకు ఫిర్యాదు చేశాడు. కేసు నమోదు చేసుకున్న పోలీసులు సీసీ కెమెరాల ఫుటేజీని పరిశీలిస్తున్నారు.


 రావులపాలెం : 
 గోపాలపురంలో ఓ బొప్పాయికి చెట్టుకు కాసిన కాయ గుమ్మడికాయ ఆకారంలో ఉండి ఆకట్టుకుంది. గ్రామానికి చెందిన గంగుమళ్ళ లక్ష్మణ్‌ స్థానికంగా గోదావరి లంకలో బొప్పాయి తోటలు కొనుగోలు చేసి వాటిని విక్రయిస్తుంటారు. రోజూ మాదిరిగానే ఒక చేలో పండిన కాయలను మార్కెట్‌కు తీసుకువెళ్ళేందుకు కోస్తుండగా వాటిలో ఒకటి గుమ్మడికాయ ఆకారంలో కనిపించడంతో ఆశ్చర్యపోయారు. ఈ కాయను చూసిన వారికి తమాషాగా అనిపించింది.
               –
  


 
 నడుస్తూ వెళ్లి.. నిర్జీవమై వచ్చింది
 
 గోపాలపురంలో విషాద ఛాయలు
 
 పదో తరగతిలో ఉత్తమ ఫలితాలు సాధించి.. ఎన్నో ఆశలతో ఇంటర్మీడియట్‌ చదువుతున్న బాలికను టైఫాయిడ్‌ రూపంలో మృత్యువు కాటేసింది. ఆమెకు మంచి భవిష్యత్తు కల్పించాలన్న తల్లిదండ్రులకు గర్భశోకమే మిగిలింది. రావులపాలెం మండలం గోపాలపురంలో తీవ్ర విషాదాన్ని నింపిన ఈ ఘటనకు సంబంధించి వివరాలు ఇలా ఉన్నాయి.
 – గోపాలపురం (రావులపాలెం)
  
 గోపాలపురం పంచాయతీ కార్యాలయం సమీపంలో నివసిస్తున్న ఓదూరి సత్యనారాయణ, లక్ష్మి కుమార్తె కాంచన(16) రావులపాలెంలోని ఓ ప్రైవేట్‌ జూనియర్‌ కళాశాలలో ఇంటర్మీడియట్‌ ఫస్టియర్‌ చదువుతోంది. వారం రోజుల కిత్రం ఆమె జ్వరం బారిన పడింది. తల్లిదండ్రులు రావులపాలెంలోని ప్రైవేట్‌ ఆస్పత్రిలో చూపించారు. టైఫాయిడ్‌ సోకినట్టు వైద్యుడు నిర్ధారించారు. నాలుగు రోజుల పాటు మందులు వాడినా జ్వరం తగ్గలేదు. తీవ్ర తలనొప్పి, వాంతులతో బాలిక పరిస్థితి విషమించడంతో, తిరిగి అదే ఆస్పత్రికి సోమవారం సాయంత్రం తీసుకువెళ్లారు. ఆమెను రాజమండ్రిలోని మరో ప్రైవేట్‌ ఆస్పత్రికి తరలించగా, అక్కడ చికిత్స పొందుతూ మంగళవారం తెల్లవారుజామున మరణించింది.
  
 చదువులో మేటి
 వ్యవసాయ కూలీ సత్యనారాయణ, లక్ష్మి దంపతులకు వెంకటేష్, కాంచన సంతానం. పేద కుటుంబానికి చెందిన కాంచన చదువులో రాణించింది. పదో తరగతితో చదువు మానేసిన వెంకటేష్‌ తన తండ్రికి చేదోడువాదోడుగా ఉంటున్నాడు. కుటుంబంలో ఎవరూ పెద్ద చదువులు చదవకపోవడంతో కాంచన బాగా చదవాలని  కష్టపడేది. స్థానిక జెడ్పీ బాలికోన్నత పాuý శాలలో ఈ ఏడాది మార్చిలో పదో తరగతిలో ఉత్తమ పాయింట్లు పొంది, పాఠశాల ద్వితియ స్థానంలో నిలిచింది. దాతలు ఇచ్చిన నగదు ప్రోత్సాహంతో రావులపాలెంలోని ప్రైవేట్‌ జూనియర్‌ కళాశాలలో ఇంటర్మీడియట్‌లో చేరింది. ఆమె కల తీరకుండానే తనువు చాలించింది.
  
 ఆ ఇంజెక్షనే ప్రాణం తీసింది
 జ్వరం తగ్గకపోవడంతో వైద్యులు చేసిన ఇంజెక్షనే తమ కుమార్తెను విషమ పరిస్థితిలోకి నెట్టిందని కాంచన తల్లిదండ్రులు విలపించారు. సోమవారం ఆస్పత్రిలో డెంగీ సోకిందేమోనని కాంచనకు వైద్య పరీక్షలు చేశారని, డెంగీ లేదని టైఫాయిడ్‌ మాత్రమే ఉందని చెప్పి ఇంజెక్షన్‌ చేశారని పేర్కొన్నారు. కాసేపటికి ఆమె నోటి వెంట, ముక్కు వెంట నురుగలు వచ్చి అపస్మారకస్థితికి చేరిందన్నారు. అక్కడి వైద్యులు అంబులెన్స్‌లో రాజమహేంద్రవరంలోని ప్రైవేట్‌ ఆస్పత్రికి పంపించారన్నారు. అక్కడ రూ.30 వేలు కట్టించుకుని, తమ కుమార్తెను వైద్యానికి తీసుకువెళ్లారని, తెల్లవారుజామున తమ కుమార్తె చనిపోయిందని చెప్పారని కన్నీరుమున్నీరుగా విలపించారు. గత నెల 25న పుట్టిన రోజు చేసుకున్న కాంచన సోమవారం వినాయక చవితి పూజలో కూడా పాల్గొందని, నడుచుకుంటూ ఆస్పత్రికి వెళ్లిన ఆమె నిర్జీవమై ఇంటికి చేరిందని రోదించారు. ఈ సంఘటనతో గోపాలపురంలో విషాదఛాయలు అలుముకున్నాయి.
  
 టైఫాయిడ్‌ పాజిటివ్‌
 కాంచనకు కొద్దిరోజుల కిత్రం వైద్య పరీక్షలు నిర్వహించగా, టైఫాయిడ్‌ పాజిటివ్‌ వచ్చిందని గోపాలపురం పీహెచ్‌సీ వైద్యాధికారి ఎం.శివాజీ చెప్పారు. గ్రామంలో ఐదు బృందాలతో సర్వే నిర్వహించగా, ఎవరికీ టైఫాయిడ్‌ కానీ, డెంగీ కానీ సోకలేదని పేర్కొన్నారు.  


 గోపాలపురం: వ్యక్తిగత మరుగుదొడ్లు, రైతులు పంట పొలాల్లో ఫామ్‌పాండ్లు నిర్మిస్తేనే ఆయా గ్రామాల అభివృద్ధికి నిధులు మంజూరు చేస్తామని కలెక్టర్‌ కాటంనేని భాస్కర్‌ అన్నారు. స్థానిక ఎంపీడీవో సమావేశ మందిరంలో మంగళవారం ఎమ్మెల్యే ముప్పిడి వెంకటేశ్వరావు అధ్యక్షతన రాజమండ్రి ఎంపీ మాగంటి మురళీమోహన్‌ దత్తత గ్రామం సంజీవపురం అభివృద్ధిపై అధికారులతో సమీక్ష సమావేశం నిర్వహించారు. ఈ సందర్భంగా భాస్కర్‌ మాట్లాడుతూ గ్రామంలో అభివృద్ధి పనుల ఛాయలు కనిపించడం లేదన్నారు.
 అధికారుల తీరులో మార్పు రావాలని సూచించారు. వ్యక్తిగత మరుగుదొడ్లు నూటికి నూరుశాతం పూర్తయిన పంచాయతీలకు మాత్రమే ఎటువంటి నిధులైనా మంజూరు చేస్తామని, అప్పటి వరకు నిధులు ఇవ్వమని తేల్చి చెప్పారు. ఎంపీ మురళీమోహన్‌ మాట్లాడుతూ గ్రామస్తులు సమన్వయంతో కలిసి వస్తే అభివృద్ధి చేయడానికి ముందుకు వస్తామన్నారు. జెడ్పీ చైర్మన్‌ ముళ్లపూడి బాపిరాజు, ఎమ్మెల్యే ముప్పిడి వెంకటేశ్వరరావు, ఏఎంసీ చైర్మన్‌ ముళ్లపూడి వెంకట్రావు, జెడ్పీటీసీ సభ్యురాలు ఈలి మోహినీ పద్మజారాణి, దేవరపల్లి జెడ్పీటీసీ కొయ్యలమూడి సుధారాణి తదితరులు పాల్గొన్నారు.


 గోపాలపురం : లారీ ఢీకొని మూడేళ్ల బాలుడి కాలికి తీవ్ర గాయమైంది. లారీడ్రైవర్‌ చాకచక్యంగా వ్యవహరించడంతో బాలుడికి ప్రాణాపాయం తప్పింది.  స్థానిక దుర్గమ్మ గుడి సమీపంలో ఉంటున్న షేక్‌ అహ్మద్‌ తనయుడు  మూడేళ్ల సాజిత్‌ బుదవారం  ఇంటి వద్ద ఆడుకుంటూ తల్లిదండ్రులకు తెలియకుండా రోడ్డుమీదకు వచ్చాడు. రోడ్డుపై వెళ్తున్న కంటైనర్‌ లారీకి అతను అడ్డువచ్చాడు. దీంతో డ్రైవర్‌ అప్రమత్తమై  లారీని చాకచక్యంగా పక్కకుతిప్పాడు. ఈ ఘటనలో బాలుని కాలికి తీవ్రగాయమైంది. ప్రథమ చికిత్స అనంతరం అతడిని రాజమండ్రి తరలించారు. లారీ డ్రైవర్‌ అప్రమత్తత వల్ల బాలుడికి ప్రాణాపాయం తప్పిందని స్థానికులు చెప్పారు.  
  
  
  


 గోపాలపురం :  అర్హత ఉన్న వారు పింఛను అందుకోవాలంటే సవాలక్ష నిబంధనలు. వేలిముద్రలు మాసేవరకూ మిషన్‌పై నొక్కిస్తారు.. కాళ్లరిగేలా తిప్పిస్తారు.. నువ్వే ఆ మనిషివని గ్యారేంటి ఏంటంటూ ఆకార్డు ఈ కార్డులు చూపించమంటారు.. కానీ, ఒకామె దుబాయ్ వెళ్లిపోయి నాలుగు నెలలైనా ఆమెకు పింఛను ఆగలేదు. మనిషి ఇక్కడ లేకపోయినా ఆమె పేరిట మూడు నెలల పింఛను పంపిణీ చేసేశారు. ఎలా, అంటే.... మాత్రం తెల్లమొఖాలు.
 ఈ విచిత్ర ఘటన మండలంలోని వాదాలకుంట గ్రామంలో చోటు చేసుకుంది. మహాత్మాగాందీ జాతీయ గ్రామీణ ఉపాధి హామీ పథకం 2015-16కు సంబంధించి బుధవారం స్థానిక ఎంపీడీవో కార్యాలయ ఆవరణలో బహిరంగ విచారణ చేపట్టారు. ఈ విచారణలో పై విషయం వెలుగుచూసి అంతా అవాక్కయ్యారు. దీంతో ఆ పింఛను సొమ్ము రికవరీ చేయాలని అధికారులు ఆదేశించారు. ఇది ఇలా ఉండగా ఉపాధి నిధులు రూ.23, 237 దుర్వినియోగమైనట్టు ప్రిసైడింగ్ అధికారి అప్పారావు వెల్లడించారు.


 రాజమండ్రి : తూర్పుగోదావరి జిల్లా రావులపాలెం మండలం గోపాలపురంలోలని రైస్ మిల్లుపై మంగళవారం విజిలెన్స్ అధికారులు దాడి చేశారు. ఈ సందర్భంగా 26 రేషన్ బియ్యం బస్తాలను స్వాధీనం చేసుకుని... సీజ్ చేశారు. అనంతరం రైస్ మిల్లు యజమానిని విజిలెన్స్ అధికారులు అదుపులోకి తీసుకుని... ప్రశ్నిస్తున్నారు.
 ప్రజా పంపిణీ వ్యవస్థ ద్వారా సరఫరా చేయాల్సిన బియ్యం బస్తాలు సదరు మిల్లులో ఉన్నాయని విజిలెన్స్ అధికారులకు ఆగంతకులు ఫోన్ చేసి సమాచారం అందించారు. ఈ నేపథ్యంలో విజిలెన్స్ అధికారులు దాడి చేశారు.


 గోపాలపురం : పశ్చిమగోదావరి జిల్లా గోపాలపురం మండలం దొండపూడి గ్రామంలో ఫారెస్ట్ సెక్షన్ ఆఫీసర్ ఎం. నాగేశ్వరరావు ఇంటిపై ఏసీబీ అధికారులు మంగళవారం సాయంత్రం దాడులు నిర్వహించారు. ఈ సందర్భంగా లెక్కలు చూపని రూ.1.60 లక్షల నగదును స్వాధీనం చేసుకున్న అధికారులు ఇంట్లో లభించిన పలు పత్రాలను తనిఖీ చేస్తున్నారు. అక్రమాస్తులపై సమాచారం అందుకున్న ఏసీబీ అధికారులు ఈ సోదాలు చేపట్టారు.


 
 రావులపాలెం: తూర్పుగోదావరి జిల్లా రావులపాలెం మండలంలో పోలీసుల తీరుకు నిరసనగా గోపాలపురం గ్రామస్తులు మంగళవారం ఆందోళన నిర్వహించారు. గోగులమ్మ జాతరకు పోలీసులు ఆటంకం కలిగిస్తున్నారంటూ గ్రామస్తులు ఆందోళన చేయగా పోలీసులు లాఠీచార్జ్ చేశారు. దీనికి నిరసనగా వైఎస్ఆర్ కాంగ్రెస్ పార్టీ ఎమ్మెల్యే జగ్గిరెడ్డి ఆందోళనకు దిగారు. దాంతో ఆయనను కూడా పోలీసులు అరెస్ట్ చేశారు.


 గోపాలపురం : చంద్రబాబు మెడలు వంచైనా రైతులు, డ్వాక్రా మహిళల రుణాలు మాఫీ చేయించేందుకు వైఎస్సార్ కాంగ్రెస్ పోరాడుతుందని పార్టీ జిల్లా శాఖ అధ్యక్షులు ఆళ్ల కాళీకృష్ణ శ్రీనివాస్ (నాని) అన్నారు. రుణాలను తక్షణమే మాఫీ చేయూలని కోరుతూ వైఎస్సార్ సీపీ శ్రేణులు బుధవారం గోపాలపురంలో ధర్నా, నిరసన ర్యాలీలు నిర్వహించాయి. ముఖ్యఅతిథిగా హాజరైన నాని మాట్లాడుతూ చంద్రబాబు అబద్ధపు మాటలు, అసత్యాలు చెప్పి రాష్ట్ర ప్రజలను ఘోరంగా మోసం చేశారని
  
  ధ్వజమెత్తారు. చంద్రబాబు వైఖరితో ఆందోళన చెందుతున్న రైతులు, డ్వాకా మహిళలకు మద్దతుగా వైఎస్సార్ సీపీ పోరాటాలు చేస్తుందన్నారు. ఎన్నికలకు ముందు దేవరపల్లి, జంగారెడ్డిగూడెంలో పర్యటించిన చంద్రబాబు పొగాకు, ఆయిల్‌పామ్ రైతుల రుణాలు మొత్తం మాఫీ చేస్తానని చెప్పి వారిని నట్టేట ముంచారన్నారు. రైతు సాధికారిత కార్పొరేషన్‌కు రూ.1.07 లక్షల కోట్లు కేటాయించాల్సి ఉండగా, కేవలం రూ.5 వేల కోట్లు కేటాయిస్తే ఎలా సరిపోతాయని ప్రశ్నించారు. ఇప్పటికే రైతులు రూ.14 వేల కోట్లను అపరాధ రుసుం కింద చెల్లించాల్సి వస్తోందని పేర్కొన్నారు. ‘శేషాచలం కొండల్లోని ఎర్రచందనం అమ్మి రుణాల మాఫీ చేస్తానన్నారని, ఎర్రచందనాన్ని అమ్మితే రూ.వెరుు్య లేదా రూ.రెండు వేల కోట్లు మాత్రమే ఆదాయం వస్తుందన్నారు. ఆ మొత్తంతో రుణమాఫీ ఏవిధంగా చేస్తారని నాని ప్రశ్నించారు. ఇసుక అమ్మకాల ద్వారా వచ్చే ఆదాయాన్ని డ్వాక్రా రుణాల మాఫీకి మళ్లిస్తామని చెప్పిన చంద్రబాబుకు ఇసుకపై ఎంత ఆదాయం వస్తుందో తెలుసా అని నిలదీశారు. రుణమాఫీ చేస్తానని అటు రైతులను, ఇటు డ్వాక్రా మహిళలన నిలువునా ముంచిన ఘనత చంద్రబాబుకే దక్కుతుందన్నారు. ప్రస్తుతం చేపట్టిన ధర్నాలు ఆరంభం మాత్రమేనని పేర్కొన్నారు. ఇప్పటికైనా చంద్రబాబు ఎన్నికల్లో ఇచ్చిన హామీలను నెరవేర్చకపోతే రాష్ట్ర ప్రజల ఆగ్రహానికి గురై చెప్పులు, రాళ్లతో కొట్టించుకొనే పరిస్థితి వస్తుందని హెచ్చరించారు. కార్యక్రమంలో గోపాలపురం నియోజకవర్గ వైఎస్సార్ సీపీ సమన్వయకర్త తలారి వెంకట్రావు తదితరులు పాల్గొన్నారు.
  
  వంచన మానుకో చంద్రబాబూ : ఎమ్మెల్సీ శేషుబాబు
  పాలకొల్లు:  రైతులు, డ్వాక్రా మహిళలు తీసుకున్న అన్ని రుణాలను పూర్తిస్థారుులో మాఫీ చేస్తానని వస్తున్నా మీకోసం పాదయూత్రల సందర్భంగా, ఎన్నికల మేనిఫెస్టోలో హామీలు కురిపించిన చంద్రబాబు గద్దెనెక్కిన తరువాత మోసపూరిత మాటలతో ప్రజలను వంచిస్తున్నారని ఎమ్మెల్యే మేకా శేషుబాబు ధ్వజమెత్తారు. రుణాల మాఫీని తక్షణమే అమలు చేయూలని డిమాండ్ చేస్తూ పాలకొల్లులో బుధవారం వైఎస్సార్ కాంగ్రెస్ పార్టీ ఆధ్వర్యంలో పెద్దఎత్తున ప్రదర్శన, రాస్తారోకో, ధర్నా కార్యక్రమాలు జరిగారుు. ఈ సందర్భంగా శేషుబాబు మాట్లాడుతూ టీడీపీ బండారాన్ని బట్టబయలు చేసి, వాగ్దానాలను అమలు చేయించేందుకే వైఎస్సార్ కాంగ్రెస్ పార్టీ ప్రజల పక్షాన నిలిచి పోరాటం చేపట్టిందన్నారు. చంద్రబాబు ఒకపక్క రైతులను, డ్వాక్రా మహిళలను రుణాలు కట్టవద్దని చెబుతూనే.. బ్యాంకుల నుంచి నోటీసులు ఇప్పించి వేధిస్తున్నారని ఆవేదన వ్యక్తం చేశారు. ప్రభుత్వం నిర్వహిస్తున్న జన్మభూమి కార్యక్రమాల్లో పింఛన్లు పంపిణీ మినహా ప్రజలకు ఒనగూరేదేమీ లేదని దుయ్యబట్టారు. కార్యక్రమంలో పార్టీ నాయకులు గుణ్ణం నాగబాబు,ఎడ్లపల్లి తాతాజీ, నడపన గోవిందరాజులునాయుడు తదితరులు పాల్గొన్నారు.
  


 (తిరుపతి నుంచి సాక్షి టీవీ రిపోర్టర్ మధు)
 చిత్తూరు : చిత్తూరు జిల్లా నాగులాపురం మండలం గోపాలపురంలో దారుణం జరిగింది. కట్టుకున్న భర్త పాలిట భార్యే మృత్యువుగా మారింది. కొడుకు, ప్రియుడితో కలిసి భర్తను హత్య చేసిన ఘటన స్థానికంగా కలకలం రేపింది. హత్య అనంతరం భర్త శవాన్ని పొలంలోనే పాతిపెట్టిన విషయం ఆలస్యంగా వెలుగులోకి వచ్చింది. వివరాల్లోకి వెళితే కేవీ పురానికి చెందిన మునెయ్యకు గోపాలపురానికి చెందిన సుమతితో 15ఏళ్ల క్రితం వివాహం జరిగింది. వీరికి 12ఏళ్ల కుమారుడు ఉన్నాడు.
 
 కాగా గోపాలపురానికి చెందిన సెల్వంతో సుమతికి వివాహేతర సంబంధం ఏర్పడింది. ఈ విషయమై భార్యభర్తల మధ్య తరచు గొడవలు జరుగుతున్నాయి. దాంతో భర్తను అంతమొందించేందుకు ప్రియుడితో కలిసి పథకం రచించింది. వారం క్రితం భర్తను హతమార్చి శవాన్ని,  సెల్వం పొలంలో పూడ్చిపెట్టారు. అనంతరం ఎవరూ గుర్తించకుండా పొలంలో వరినాట్లు కూడా వేశారు. అయితే మునెయ్య తల్లిదండ్రులు తమ కుమారుడు కనిపించటం లేదని పోలీసులకు ఫిర్యాదు చేశారు. రంగంలోకి దిగిన పోలీసులు ముందుగా మునెయ్య కుమారుడు బాబును ప్రశ్నించటంతో అసలు విషయం వెలుగులోకి వచ్చింది. కాగా శవాన్ని ఈరోజు వెలికి తీయటం సాధ్యం కాదని పోలీసులు తెలపటంతో మృతుడి తరపు బంధువులు పోలీస్ స్టేషన్ వద్ద ఆందోళనకు దిగారు.
 
 murder, wife, husband, paramour, chittoor, హత్య, భార్య, భర్త, ఫిర్యాదు, గోపాలపురం, చిత్తూరు జిల్లా


 
  గోపాలపురం, న్యూస్‌లైన్ : వైఎస్సార్ కాంగ్రెస్ పార్టీ అధినేత వైఎస్ జగన్‌మోహన్‌రెడ్డి నాయకత్వంలోనే సీమాంధ్ర అభివృద్ధి సాధ్యమని గోపాలపురం నియోజకవర్గం వైసీపీ సమన్వయకర్త తలారి వెంకట్రావు అన్నారు. టీడీపీ అధినేత చంద్రబాబు అధికారం కోసం ఆచరణ సాధ్యం కాని హామీలు ఇస్తూ ప్రజలను మోసగిస్తున్నారని ధ్వజమెత్తారు.
  
  స్థానిక కూసం గాంధీరెడ్డి, లక్ష్మీరాజేశ్వరి భవనం వద్ద బుధవారం కొవ్వూరుపాడుకు చెందిన కాంగ్రెస్ సీనియర్ కాంగ్రెస్ నేత చిలకా లక్ష్మణస్వామి ఆధ్వర్యంలో భారీగా కాంగ్రెస్ కార్యకర్తలు వైఎస్సార్ సీపీలో చేరారు. వారికి తలారి వెంకట్రావు కండువాలు వేసి పార్టీలోకి ఆహ్వానించారు. ఈ సందర్భంగా ఆయన మాట్లాడుతూ బూటకపు హామీలు ఇస్తున్న టీడీపీని ప్రజలు నమ్మడం లేదన్నారు.
  
  వైఎస్ జగన్‌మోహన్‌రెడ్డి ప్రకటించిన అమ్మఒడి, వృద్ధులకు పింఛన్లు, డ్వాక్రా రుణాల రద్దు, రైతులకు ధర ిస్థిరీకరణతో అన్ని వర్గాలకు మేలు జరుగుతుందన్నారు. స్థానిక సంస్థల ఎన్నికలలో నియోజకవర్గంలో వైసీపీ జెండా ఎగురవేయడం ఖాయమన్నారు. చిలకా లక్ష్మణస్వామి మాట్లాడుతూ వైఎస్ జగన్ నాయకత్వంలో రాష్ట్రం అభివృద్ధి చెందుతుందన్న నమ్మకం ఉందన్నారు.
  
   అనంతరం పార్టీ నాయకులు, కార్యకర్తలతో కలిసి కొవ్వూరుపాడు ఎంపీటీసీ అభ్యర్థిగా లక్ష్మణస్వామి నామినేషన్ దాఖలు చేశారు. మండల కన్వీనర్ ముల్లంగి శ్రీనివాసరెడ్డి, జిల్లా స్టీరింగ్ కమిటీ సభ్యులు ఇళ్ల భాస్కరావు, వెలగా శ్రీరామ్మూర్తి, పఠాన్ అన్సర్ బాషా, జిల్లా రైతు విభాగం అధ్యక్షుడు కాండ్రేకుల శ్రీహరి, వడ్లమూడి రాజేంద్రప్రసాద్ తదితరులు ఈ కార్యక్రమంలో పాల్గొన్నారు.


 ద్వారకాతిరుమల, న్యూస్‌లైన్ : గోపాలపురం నియోజకవర్గంలో టీడీపీ పరిస్థితి ముందు నుయ్యి వెనుక గొయ్యి పరిస్థితిలో ఉంది. టికెట్ రేసులో ముప్పిడి వెంకటేశ్వరరావు, యేపూరి దాలయ్య ఉన్నారు. ముప్పిడికి టికెట్ ఖరారైందని అధిష్టానం నుంచి సంకేతాలు వచ్చాయని స్థానిక నాయకులు చెబుతున్నారు. అయితే టికెట్ ఖరారుపై ప్రకటన చేస్తే దాలయ్య వర్గం దూరమయ్యే పరిస్థితి కనిపిస్తుండడంతో ఆ పార్టీ నేతలు తలలు పట్టుకుంటున్నారు. గ్రామాల్లో ప్రచారాలు చేస్తున్న నాయకులు తమ ఎమ్మెల్యే అభ్యర్థి ఎవరో చెప్పకుండా దాటవేస్తున్నారు. ఇటీవల హైదరాబాద్‌లో జరిగిన సీమాంధ్ర టీడీపీ నేతల సమావేశానికి ద్వారకాతిరుమల, నల్లజర్ల మండలాల నుంచి ఆ పార్టీ నాయకులు వెళ్లి ఈసారి గోపాలపురం టికెట్ ఈ రెండు మండలాల్లోని వారికే ఇవ్వాలని, స్థానికేతరుడిని తీసుకువస్తే సహకరించేది లేదని అధినేత చంద్రబాబు, రాజమండ్రి పార్లమెంటరీ నియోజకవర్గ ఇన్‌చార్జి మాగంటి మురళీమోహన్ వద్ద కుండబద్దలు కొట్టారు. ఈ రెండు మండలాల్లో యేపూరి దాలయ్య వైపు ఒక వర్గం, ముప్పిడి వెంకటేశ్వరరావు వైపు మరో వర్గం పనిచేస్తోంది.
  
   ఈ క్రమంలోనే ముప్పిడికి టికెట్ ఖరారయ్యిందని టీడీపీ అధిష్టానం స్థానిక నాయకులకు తెలిపింది. అయితే రెండు వర్గాల మధ్య విభేదాలు తీవ్రం కావడంతో అధికారికంగా ప్రకటించలేదు. ముప్పిడి తనకు టికెట్ ఖరారయిందని ధీమా వ్యక్తం చేస్తుండగా..  పార్టీ జెండాను భూజనెత్తుకుని, అహర్నిశలు శ్రమించిన వ్యక్తికి కాకుండా ఎక్కడి నుంచో వచ్చిన వ్యక్తికి టికెట్ ఎలా ఇస్తారని, ఇస్తే సహించేది లేదని దాలయ్య వర్గం అధినేత తీరుపై మండిపడుతోంది. ఇటీవల ద్వారకాతిరుమలలో ఓ కార్యక్రమంలో పాల్గొన్న మురళీమోహన్ ముప్పిడి, దాలయ్య చేతులు కలిపి టికెట్ ఎవరికి ఇచ్చినా వారి విజయానికి యత్నించాలని ఇద్దరికీ సూచించారు. వీరి మధ్య సయోధ్య కుదిర్చేందుకు మురళీమోహన్ చేసిన యత్నాలు ఫలించలేదు.
  


 ఇంద్రప్రస్థం నడివీధిలో ఓ యువతి అన్యాయానికి గురై ముష్కరుల అకృత్యానికి బలవ్వడంతో పుట్టిన ‘నిర్భయ’ చట్టం ఇంకా మహిళలకు రక్షాకవచం కాలేకపోతోంది. కఠినతరమైన సెక్షన్ల చట్రం ఉన్నా నేరగాళ్ల మైండ్‌సెట్ మారడం లేదు. కేసుల నమోదు వారిని భయపెట్టడం లేదు. మృగాళ్ల దాష్టీకానికి అడ్డుకట్ట పడడం లేదు. ఇందుకు జిల్లాలో సంభవిస్తున్న ఆ తరహా నేరాల పరంపరే సాక్ష్యమిస్తున్నాయి. ఆడపడుచుల కంట కన్నీరు తుడవలేకపోతున్నాయి. దీంతోటే గురువారం అడ్డాకులలో స్థానికులు ‘నిర్భయ’ కేసు పెట్టిన నిందితులను అరెస్టుచేయాలని పోలీసు స్టేషను ఎదుట ఆందోళన చేశారు.
  
  పాలమూరు, న్యూస్‌లైన్ : ఆడపిల్లల పట్ల అనుచితంగా వ్యవహరించే వారిపై చట్టపరంగా ఎన్ని చర్యలు చేపట్టినా.. జరగాల్సిన దారుణాలు జరుగుతూనే ఉన్నాయి. వారిపై లైంగిక వేధింపుల కు పాల్పడే వారిపై కఠిన చర్యలు చేపట్టేం దుకు ఉద్ధేశించిన ‘నిర్భయ’  అమలులో ఉన్నప్పటికీ మహిళలు, యువతులు, చిన్నారులపై అత్యాచార సంఘటనలు తరచూ వెలుగు చూస్తూనే ఉన్నాయి.
  
  ఇలా 2013 జనవరి నెల నుంచి డిసెంబర్ వరకు జిల్లాలో దాదాపు 70 వరకు  కేసులు నమోదయ్యాయి. జిల్లాలో ఈ మధ్య కాలంలో జరుగుతున్న దారుణాలు అందరికీ విస్మయాన్ని కలిగిస్తున్నాయి. పదేళ్లలోపు చిన్నారులపై మైనార్టీ తీరని బాలురు అత్యాచారాలకు పాల్పడుతున్నారు. అత్యాచార బాధితులైన బాలికలు ఈ సంఘటన తర్వాత తీవ్ర మానసిక వేదనకు గురయ్యే ప్రమాదం ఉంది. గత నెల జరిగిన దారుణాలు ఒకసారి గుర్తు తెచ్చుకుంటే.. అభం శుభం ఎరుగని చిన్నారులపై మైనర్ బాలురు అత్యచారానికి పాల్పడిన సంఘటనలు చోటుచేసుకున్నాయి.
  
  కల్వకుర్తిలోనూ ఆతర్వాత జిల్లా కేంద్రంలోని హనుమాన్‌పుర కాలనీ సంఘటనల్లోనూ నిందితులు మైనర్లే.., అందరిపైనా నిర్భయ చట్టం కింద కేసులు నమోదు చేశారు. ఫలితంగా వారి విలువైన జీవితం జైలులో గడపాల్సిన పరిస్థితి ఏర్పడింది. జిల్లా కేంద్రం లో గత నెల అయిదు రోజుల వ్యవధిలోనే రెండు, మూడు సంఘటనలు చో టుచేసుకున్నాయి. ఈ చట్టం కింద ఎ క్కువ సంఖ్యలో కింద కేసులు నమోదు చేస్తున్నా.. ఎక్కడా ఇలాంటి సంఘటనలకు అడ్డుకట్ట పడటంలేదు. పోలీసులు ఇలాంటి నేరాల పట్ల క ఠినంగా వ్యవహరిస్తున్నప్పటికీ... అస లు ఈ సంఘటనలు జరుగకుండా అ డ్డుకట్ట వేసేందుకు అవగాహన కార్యక్రమాలపై ఏమాత్రం దృష్టి పెట్టడంలేదు.
  
  70వరకు కేసుల నమోదు
  2012 అక్టోబరు నెలలో అమలులోకి వచ్చిన నిర్భయ చట్టం పరిధిలో ఆ ఏడాదిలో పోలీస్ శాఖకు చెందిన నారాయణపేట సబ్ డివిజన్ పరిధిలో 2 కేసులు నమోదయ్యాయి. 2013 జనవరి నుంచి నవంబర్ చివరి వరకు మొత్తం 58 కేసులు నమోదయ్యాయి.
  
  జిల్లాలో చోటుచేసుకున్న
  సంఘటనలు..!
   2013 నవంబర్ 23:  పాన్‌గల్ మండలం గోప్లాపూర్‌లో ఓ మైనర్ బాలికపై ఓ వ్యక్తి అత్యాచారానికి పాల్పడి కటకటాల పాలయ్యాడు.
  
   డిసెంబర్ 7: కల్వకుర్తి మండలం తుర్కలపల్లి గ్రామానికి చెందిన ఏడేళ్ల చిన్నారిపై 16 ఏళ్ల బాలుడు అత్యాచారం చేశాడు. దీనికి 14, 16 ఏళ్లున్న మరో ఇద్దరు బాలురు సహకరించారు. బాలిక తల్లిదండ్రులకు  చెప్పడంతో విషయం బయటపడింది.
  
   డిసెంబర్ 14: జిల్లా కేంద్రంలోని హనుమాన్‌పుర కాలనీకి చెందిన ఆరేళ్ల బాలికపై 14, 16 ఏళ్లలోపు వయసున్న నలుగురు బాలురు అత్యాచారం చేశా రు. వారం రోజులుగా వీరు ఆమెపై అ త్యాచారం చేస్తుండగా.. చివరకు తల్లిదండ్రులు గుర్తించి మొదటి పట్టణ పోలీస్ స్టేషన్‌లో ఫిర్యాదు చేస్తే విషయం వెలుగులోకి వచ్చింది.
  
   డిసెంబర్ 18 : జిల్లా కేంద్రంలోని బం డ్ల గేరిలో అయిదేళ్ల చిన్నారిపై ఓ యువకుడు అత్యాచారం చేశాడు. ఆ అమ్మాయికి తీవ్ర రక్తస్రావం  కావడం గుర్తించి జిల్లా ఆసుపత్రికి చికిత్స నిమిత్తం తీసుకువచ్చారు. పరిస్థితి విషమంగా ఉండటంతో హైదరాబాద్‌కు తరలించారు.
   2014 జనవరి 17: పాన్‌గల్ మండలం గుడిసిరెడ్డి పల్లి ఓ యువకుడు మైనర్ బాలికపై అత్యాచారానికి పాల్పడ్డాడు.
  
  జనవరి 18 : అడ్డాకుల మండలంలోని వేముల కొజెంట్ గ్లాస్ కంపెనీలో పనికి వెళ్లిన యువతి పట్ల అక్కడి మేనేజర్ అసభ్యకరంగా ప్రవర్తించిన కారణంగా సద రు మేనేజర్‌పై కేసు నమోదు చేశారు.
  
   నిందితులను వెంటనే అరెస్టు చేయాలి
  అడ్డాకుల, న్యూస్‌లైన్: మండల పరిధిలోని వేముల కొజెంట్ గ్లాస్ కంపెనీకి చెందిన నిర్భయ కేసు నిందితులను వెంటనే అరెస్టు చేయాలని బాధిత కుటుంబ సభ్యులు డిమాండ్ చేశారు. మండల కేంద్రంలోని పోలీస్ స్టేషన్ ముందు గురువారం ఉదయం బాధిత కుటుంబీకులతో పాటు టీఆర్‌ఎస్ నాయకులు ధర్నా చేశారు. కంపెనీలో పనికి వెళ్లిన యువతి పట్ల అసభ్యంగా ప్రవర్తించిన యూనిట్ ఆఫీసర్ ప్రసన్నకుమార్ శ్రీజిత్‌తో పాటు కంపెనీ మేనేజర్ వైద్యనాథన్, సూపర్‌వైజర్ దామోదర్‌రెడ్డిలపై పోలీసులు ఈనెల 18న నిర్భయ కేసు నమోదు చేశారు. అయితే నిందితులను  అరెస్టు చేయడంలేదని ఆరోపిస్తూ స్టేషన్ ముందు ఆందోళన చేశారు.
  
  గంటకు పైగా స్టేషన్ గేటు ముందు భైఠాయించి  నినాదాలు చేశారు. దీంతో శిక్షణ ఎస్‌ఐ వెంకటేశ్వర్లు, ఏఎస్‌ఐ అబ్దుల్ ఫయాజ్, హెడ్ కానిస్టేబుల్ నర్సింహులు ఆందోళనకారులతో చర్చించినా ఫలితం లేకపోయింది. చివరికి రెండు రోజుల్లో నిందితులను అరెస్టు చేస్తామని పోలీసులు హామీ ఇవ్వడంతో ఆందోళనకారులు ధర్నాను విరమించారు. ఈ ధర్నాలో నాయకులు నాగార్జున్‌రెడ్డి, మహిమూద్, ఇంద్రయ్యసాగర్, భీమన్నయాదవ్, శ్రీకాంత్, రామన్‌గౌడ్, అరుణ, చెన్నమ్మ, రఘు, దేవేందర్‌రావు, నరేందర్, చల్మారెడ్డి, రాములు, శ్రీశైలం, సుదర్శన్ తదితరులు పాల్గొన్నారు.
  


 గోపాలపురం, న్యూస్‌లైన్: జీవితంలో ఉన్నతస్థాయికి చేరుకోవాలని ఆకాంక్షించేవారు తాము ఎదుగుతున్న కొద్ది ఒదిగి ఉండాలని సినీగేయ రచయిత కనుకుంట్ల చంద్రబోస్ అన్నారు. నేతాజీ సుభాష్ చంద్రబోస్ జయంతిని పురస్కరించుకుని హసన్‌పర్తి మండల కేంద్రంలోని జిల్లా పరిషత్ ఉన్నత పాఠశాలలో ‘హోప్’ స్వచ్ఛంద సంస్థ ఆధ్వర్యంలో నేత్రదాన నమోదు కార్యక్రమాన్ని నిర్వహించారు.
 
 ఈ సందర్భంగా ఏర్పాటు చేసిన సమావేశానికి చంద్రబోస్ ముఖ్యఅతిథిగా హాజరై మాట్లాడారు. సమాజంలో మంచి పనులు చేసే వారు చిరకాలం గుర్తుంటారని తెలిపారు. విద్యార్థులు చిన్నతనంలోనే లక్ష్యాన్ని ఎంచుకుని ముందుకుసాగి తల్లి దండ్రుల ఆశయాలను నెరవేర్చాలని సూచించారు.  పాఠశాలలో ఉపాధ్యాయులు చెబుతున్న పాఠాలను క్రమశిక్షణతో అభ్యసించే వారిక మంచి భవిష్యత్ ఉంటుందని తెలిపారు. జిల్లాలోని చల్లగరిగె గ్రామాని కి చెందిన తాను సినీ పరిశ్రమలోకి ప్రవేశించి 20 ఏళ్లయిందని, ఇప్పటివరకు 750 సినిమాలకు 2800ల పాటలురాశానని వివరించారు. అనంతరం ‘ నేనున్నానని.. నీకేం కాద ని’ ఎక్కడో పుట్టి ఎక్కడో పెరిగి.. పంచదార బొమ్మ.. బొమ్మ అంటూ పాటలుపాడడంతో విద్యార్థులు పులకించిపోయారు.
  
 వారిని ఆదర్శంగా తీసుకోవాలి : ప్రొఫెసర్ రాజారాం
  
 విద్యార్థులు స్వామివివేకానందుడు, నేతాజీ సుభాష్‌చంద్రబోస్‌లను ఆదర్శంగా తీసుకుని ముందుకుసాగాలని తెలంగాణ యూనివర్సిటీ ప్రొఫెసర్, హోప్ స్వచ్ఛంద సంస్థ మార్గదర్శకుడు కంకటి రాజారాం పిలుపునిచ్చారు. హసన్‌పర్తికి చెందిన కొంతమంది యువకులు తొమ్మిదేళ్ల క్రితం హోప్ స్వచ్ఛంద సంస్థ ను నెలకొల్పి గ్రామంలో నెలకొన్న సమస్యలను పరి ష్కరిస్తున్నారని తెలిపారు. ఐఎంఏ జిల్లా అధ్యక్షుడు విజయ్‌చందర్‌రెడ్డి, మేచినేని కిషన్‌రావు మాట్లాడు తూ అన్నిదానాల కంటే నేత్రదానం గొప్పదన్నారు.
 
 రామకృష్ణ మిషన్ సభ్యుడు లక్ష్మణాచార్యులు మా ట్లాడుతూ స్వాతంత్య్రం రాకముందు ఆజాద్ హింద్ ఫౌజ్‌ను నెలకొల్పి పోరాడిన నేతాజీ సుభాష్‌చంద్రబోస్‌ను విద్యార్థులు మరువొద్దని కోరారు. అనంతరం హోప్ సంస్థ అధ్యక్ష, కార్యదర్శులు ముక్తీశ్వర్, శివకుమార్‌తోపాటు హసన్‌పర్తిలో చదువుకుని ఉన్నతస్థాయికి ఎదిగిన సుమారు 150 మందిని జ్ఞాపికలతో సత్కరించారు. అలాగే చంద్రబోస్ తల్లిదండ్రులు నర్సయ్య, మధునమ్మతోపాటు ప్రొఫెసర్ రాజారాం ను కూడా నిర్వాహకులు సన్మానించారు. కార్యక్రమానికి ముందు చంద్రబోస్ స్వామివివేకానందుడి విగ్రహానికి పూలమాల వేసి నివాళులర్పించారు.
  


 చిట్యాల (గోపాలపురం), : భార్యతో వివాహేతర సంబంధం పెట్టుకున్న వ్యక్తిని హత్య చేసిన భర్త అనంతరం పోలీసులకు లొంగిపోయూడు. పోలీసులు తెలిపిన వివరాల ప్రకారం.. గోపాలపురం మండలం చిట్యాల గ్రామానికి చెందిన జ్యోతి అనే మహిళకు కొయ్యలగూడెం మండలం గంగవరం గ్రామానికి చెందిన కలిదిండి పాటియ్యతో  13 ఏళ్ల క్రితం వివాహమైంది. పాటియ్య ఆటో నడుపుతూ జీవనం సాగిస్తున్నాడు.
 అదే గ్రామానికి చెందిన పాటియ్య స్నేహితుడు, ఆటో డ్రై వర్ ఈడుగుబంటి శ్రీను(31) మూ డేళ్లుగా జ్యోతితో వివాహేతర సంబంధం కొనసాగిస్తున్నాడు. ఆరు నెలల క్రితం అనుమానం వచ్చిన పాటియ్య భార్యను కొట్టి పుట్టింటికి పంపేశాడు. అయితే 20 రోజుల క్రితం చిట్యాలలో ఉన్న భార్య దగ్గరకు వచ్చిన పాటియ్య అక్కడే ఉంటున్నాడు.
 శనివారం రాత్రి 11 గంటల సమయంలో భర్త నిద్రిస్తుండగా బయటకు వచ్చిన జ్యోతి ప్రియుడు శ్రీనుతో కలిసి ఆటోలో ఊరి బయటకు వెళ్లడాన్ని పాటియ్య గమనించాడు. ఊరి బయట భార్య, శ్రీను కలిసి ఉండటాన్ని చూసిన అతను తనతో తీసుకువచ్చిన ఇనుప రాడ్‌తో శ్రీను తలపై విచక్షణా రహితంగా కొట్టడంతో తీవ్ర రక్తస్రావం అయ్యింది. జ్యోతి పారిపోవడంతో కొనఊపిరితో ఉన్న శ్రీనును ఆటోలో వేసుకుని స్థానిక ప్రభుత్వాసుపత్రికి తీసుకు వచ్చాడు.
 డాక్టర్లు పరీక్షించి అప్పటికే శ్రీను మతి చెందినట్లు ధ్రువీకరించారు. దీంతో పాటియ్య పక్కనే ఉన్న పోలీస్‌స్టేషన్‌లో లొంగిపోయాడు. మతుడు శ్రీనుకు భార్య, ఇద్దరు పిల్లలు ఉన్నారు. నిందితుడు పాటియ్యకు ఇద్దరు కుమార్తెలు, కుమారుడు ఉన్నారు. ఇదిలావుండగా పథకం ప్రకారం తన భర్తను హత్యచేసినట్లు మృతుని భార్య ఆరోపిస్తోంది. జ్యోతి, ఆమె భర్తపై అనుమానం వ్యక్తం చే స్తూ పోలీసులకు ఫిర్యాదు చేసింది. జంగారెడ్డిగూడెం డీఎస్పీ రాఘవ ఘటనా స్థలాన్ని పరిశీలించారు.