TV
breaking news
Jitesh Sharma
-
సంజూ ఎందుకు?.. అతడిని ఇంకెప్పుడు ఆడిస్తారు?
ఆసియా కప్‌-2025 టోర్నమెంట్లో టీమిండియా హ్యాట్రిక్‌ విజయాలు సాధించింది. లీగ్‌ దశలో తొలుత యూఏఈ, పాకిస్తాన్‌లను ఓడించిన సూర్యకుమార్ సేన.. శుక్రవారం నాటి నామమాత్రపు మ్యాచ్లో ఒమన్‌పై 21 పరుగుల తేడాతో గెలిచింది. తద్వారా గ్రూప్‌-ఎ టాపర్‌గా కొనసాగుతూ సూపర్-4 దశను ఆదివారం మొదలుపెట్టనుంది.ఓపెనర్లు మినహాఇదిలా ఉంటే.. ఒమన్‌తో మ్యాచ్లో టీమిండియా తమ బ్యాటింగ్ ఆర్డర్లో ప్రయోగాలు చేసింది. ఓపెనర్లు అభిషేక్ శర్మ (15 బంతుల్లో 38)- శుబ్మన్ గిల్(5) మినహా మిగతా వారి ఆర్డర్‌ను మార్చింది. వన్డౌన్లో సంజూ శాంసన్ (45 బంతుల్లో 56), నాలుగో నంబర్‌లో హార్దిక్ పాండ్యా (1).. ఆ తర్వాతి స్థానాల్లో అక్షర్ పటేల్ (13 బంతుల్లో 26), తిలక్ వర్మ (18 బంతుల్లో 29), హర్షిత్ రాణా (8 బంతుల్లో 13 నాటౌట్‌), అర్ష్దీప్ సింగ్ (1), కుల్దీప్ యాదవ్ (1 నాటౌట్‌)లను ఆడించింది.బ్యాటింగ్‌కు రాని సూర్యఇక కెప్టెన్ సూర్యకుమార్ యాదవ్ (Suryakumar Yadav) బ్యాటింగ్‌కు రానేరాలేదు. మరోవైపు.. గత రెండు మ్యాచ్‌లలోనూ బ్యాటింగ్ చేసే అవకాశమే పొందని వికెట్ కీపర్ బ్యాటర్ సంజూ శాంసన్ (Sanju Samson).. తాజాగా టాప్‌ రన్‌ స్కోరర్‌గా నిలిచి ‘ప్లేయర్‌ ఆఫ్ ది మ్యాచ్’ అవార్డు అందుకున్నాడు.ఈ నేపథ్యంలో టీమిండియా మాజీ క్రికెటర్ ఆకాశ్‌ చోప్రా ఆసక్తికర వ్యాఖ్యలు చేశాడు. సంజూకు బదులు జితేశ్ శర్మను వికెట్ కీపర్‌గా బరిలోకి దించాల్సిందని అభిప్రాయపడ్డాడు. లీగ్‌ దశలో అన్ని మ్యాచ్‌లు ముగిసినా జితేశ్‌కు అవకాశం రాలేదని.. అతడొక్కడినే వదిలేశారని పేర్కొన్నాడు.వికెట్ కీపర్‌గా సంజూ ఎందుకు?‘‘తిలక్ వర్మ మరీ లోయర్‌ ఆర్డర్లో వచ్చాడు. సూర్య అసలు బ్యాటింగ్‌కు రాలేదు. అలాంటపుడు జితేశ్‌ను ఈ మ్యాచ్లో ఆడించాల్సింది కదా!.. జితేశ్‌ను ఆడిస్తారనే అనుకున్నా. ఇప్పటి వరకు.. అతడిని తప్ప అందరినీ ఆడించారు. వందకు వంద శాతం సూపర్ పవర్‌ హిట్టర్‌ను మాత్రం వదిలేశారు.అతడికి ఒక అవకాశమైతే ఇవ్వాలి కదామిడిలార్డర్‌లో వికెట్ కీపర్ అవసరం ఉంటుంది. కానీ మీరు సంజూను ఆ స్థానంలో ఆడించాలని ఫిక్సయిపోయారు కాబట్టి జితేశ్‌ను పక్కనపెట్టారు. వికెట్ కీపర్ రేసులో ఉండాలన్న.. సంజూతో పోటీపడాలన్నా అతడికి ఒక అవకాశమైతే ఇవ్వాలి కదా!’’ అని ఆకాశ్‌ చోప్రా పేర్కొన్నాడు.సంజూ సూపర్‌ఏదేమైనా ఒమన్‌తో మ్యాచ్లో వన్డౌన్లో వచ్చిన సంజూ.. అద్భుతంగా బ్యాటింగ్ చేశాడని ఆకాశ్‌ చోప్రా అభినందించాడు. ఆరంభంలో ఫాస్ట్‌బౌలర్ల కారణంగా కాస్త ఇబ్బందిపడినప్పటికీ.. తర్వాత పరుగులు రాబట్టాడని పేర్కొన్నాడు. వికెట్లు పడుతున్న వేళ విలువైన అర్ధ శతకంతో రాణించాడని ప్రశంసించాడు. కాగా తదుపరి సూపర్-4 దశలో తొలుత టీమిండియా ఆదివారం నాటి మ్యాచ్లో పాకిస్తాన్‌తో తలపడనుంది. ఇందుకు దుబాయ్ వేదిక.చదవండి: IND vs OMAN: సూర్యకుమార్ అనూహ్య నిర్ణయం.. గావస్కర్‌ స్పందన ఇదేThe Sanju Show was in full swing tonight! 👌Watch #INDvOMAN LIVE now on the Sony Sports Network TV channels & Sony LIV. #SonySportsNetwork #DPWorldAsiaCup2025 pic.twitter.com/ZYT9ptqCKR— Sony Sports Network (@SonySportsNetwk) September 19, 2025 -
యూఈఏతో మ్యాచ్.. భారత తుది జట్టు ఇదే! శాంసన్‌కు నో ఛాన్స్
ఆసియాకప్-2025లో తమ తొలి మ్యాచ్‌కు టీమిండియా సిద్దమైంది. సెప్టెంబర్ 10న అబుదాబి వేదికగా యూఈఏతో తలపడనుంది. ఈ మ్యాచ్లో గెలిచి టోర్నీలో శుభారంభం చేయాలని భారత జట్టు భావిస్తోంది. ఈ క్రమంలో యూఏఈతో మ్యాచ్‌కు టీమిండియా ప్లేయింగ్ ఎలెవన్‌ను భారత మాజీ క్రికెటర్ కృష్ణమాచారి శ్రీకాంత్ అంచనా వేశాడు. తన ఎంచుకున్న తుది జట్టులో ఓపెనర్లుగా అభిషేక్ శర్మ, వైస్ కెప్టెన్ శుభ్‌మన్‌ గిల్‌కు ఛాన్స్ ఇచ్చాడు. ఈ జట్టులో సంజూ శాంసన్‌కు మాత్రం చోటు దక్కలేదు. అతడి స్ధానంలో వికెట్ కీపర్ బ్యాటర్‌గా జితేష్ శర్మను శ్రీకాంత్ ఎంపిక చేశాడు. మిడిలార్డర్‌లో తిలక్ వర్మ, సూర్యకుమార్ యాదవ్, శివమ్ దూబేలతో అతడు వెళ్లాడు. తిలక్ వర్మ ప్రస్తుతం అద్బుతమైన ఫామ్‌లో ఉన్నాడు. స్వదేశంలో ఇంగ్లండ్‌తో జరిగిన టీ20 సిరీస్‌తో పాటు ఐపీఎల్-2025లో దుమ్ములేపాడు. దీంతో అతడికి భారత తుది జట్టులో చోటు ఖాయం. ఇక ఆల్‌రౌండర్లగా హార్దిక్ పాండ్యా, అక్షర్ పటేల్‌కు ఈ తమిళనాడు క్రికెటర్ అవకాశమిచ్చాడు. అదేవిధంగా ఫాస్ట్‌ బౌలర్ల కోటాలో జస్ప్రీత్ బుమ్రా, అర్ష్దీప్ సింగ్‌లకు చోటు దక్కింది. ఇక స్పెషలిస్ట్‌ స్పిన్నర్‌గా వరుణ్ చక్రవర్తికి ఛాన్స్ లభించింది. అయితే గిల్ తిరిగి రావడంతో తుది జట్టులో సంజూ శాంసన్ స్దానంపై సందిగ్ధం కొనసాగుతోంది.కానీ మంగళవారం విలేకరుల సమావేశంలో మాట్లాడిన భారత కెప్టెన్ సూర్యకుమార్ యాదవ్ మాత్రం శాంసన్‌కు తుది జట్టులో చోటు దక్కుతుందన్న సంకేతాలు ఇచ్చాడు. సంజూ ప్రస్తుతం టీ20 క్రికెట్లో దుమ్ములేపుతున్నాడు.ఐపీఎల్-2025తో పాటు కేరళ క్రికెట్ లీగ్‌ టోర్నీలోనూ మెరుగైన ప్రదర్శన చేశాడు. మరోవైపు జితేష్ కూడా ఐపీఎల్‌లో మ్యాచ్ విన్నింగ్‌ ప్రదర్శనలు చేశాడు. టీమ్ మెనెజ్‌మెంట్‌కు ఇదొక కఠిన సవాల్‌ అనే చెప్పుకోవాలి. మరి సూర్య అండ్‌ గంభీర్‌ ఎవరివైపు మొగ్గు చూపుతారో బుధవారం వరకు వేచి చూడాల్సిందే.యూఏఈతో మ్యాచ్‌కు శ్రీకాంత్ అంచనా వేసిన భారత తుది జట్టు: అభిషేక్ శర్మ, శుబ్మన్ గిల్, తిలక్ వర్మ, సూర్యకుమార్ యాదవ్ (కెప్టెన్), శివమ్ దూబే, అక్షర్ పటేల్, హార్దిక్ పాండ్యా, జితేష్ శర్మ (వికెట్ కీపర్), జస్ప్రీత్ బుమ్రా, వరుణ్ చక్రవర్తి, అర్ష్దీప్ సింగ్చదవండి: IND vs AUS: ఫ్యాన్స్‌కు బ్యాడ్‌ న్యూస్‌.. ఆ సిరీస్‌కు కోహ్లి-రోహిత్ దూరం!? -
'సంజూ శాంసన్ కంటే అతడు ఎంతో బెటర్.. అద్భుతాలు సృష్టిస్తాడు'
ఆసియాకప్-2025 సెప్టెంబర్ 9 నుంచి ప్రారంభం కానుంది. ఈ మెగా టోర్నీ కోసం సూర్యకుమార్ యాదవ్ సారథ్యంలోని భారత జట్టు గురువారం దుబాయ్ పయనం కానుంది. నాలుగు రోజుల పాటు స్పెషల్ ట్రైనింగ్ క్యాంపులో టీమిండియా చెమటోడ్చనుంది. అయితే ఈ టోర్నీలో భారత జట్టు తరపున సంజూ శాంసన్‌కు ఆడే అవకాశం లభిస్తుందా లేదా అన్నది ప్రస్తుతం చర్చనీయాంశంగా మారింది. ఇన్నాళ్లు ఓపెనర్‌గా ఆడిన శాంసన్‌కు శుబ్మన్ గిల్ రీఎంట్రీతో తుది జట్టులో చోటుపై సందేహం నెలకొంది. సంజూ ప్రస్తుతం అద్భుతమైన ఫామ్‌లో ఉన్నప్పటికి టీమ్ మెనెజ్మెంట్ గిల్ వైపే మొగ్గు చూపే అవకాశముంది. భారత ఇన్నింగ్స్‌ను అభిషేక్‌తో పాటు గిల్ ప్రారంభించే సూచనలు కన్పిస్తున్నాయి.ఒకవేళ శాంసన్‌ను మిడిలార్డర్‌లో ఆడించాలని భావిస్తే అతడికి తుది జట్టులో చోటు దక్కే అవకాశముంది. లేదంటే అతడి స్ధానంలో వికెట్ కీపర్‌గా జితేష్ శర్మను ప్లేయింగ్ ఎలెవన్‌లోకి తీసుకోవడం ఖాయం. తాజాగా ఇదే విషయంపై భారత మాజీ ఆటగాడు దీప్ దాస్ గుప్తా తన అభిప్రాయాన్ని వెల్లడించాడు. భారత తుది జట్టులో సంజూకు చోటు కష్టమేనని అతడు అన్నాడు."టీమిండియా ఇన్నింగ్స్‌ను అభిషేక్ శర్మతో కలిసి శుబ్మన్ గిల్ ప్రారంభిస్తాడని అనుకుంటున్నాను. అతడు జట్టు వైస్ కెప్టెన్‌గా ఉన్నందున కచ్చితంగా ప్లేయింగ్ ఎలెవన్‌లో ఉంటాడు. అంతేకాకుండా రెట్ హ్యాండ్, లెఫ్ట్ హ్యాండ్ బ్యాటింగ్ కాంబనేషన్ కూడా సరిగ్గా సరిపోతుంది. ఇక మూడో స్ధానంలో కెప్టెన్ సూర్యకుమార్, నాలుగో స్ధానంలో తిలక్ వర్మ రానున్నారు. ఈ రెండు స్ధానాల్లో ఇంతకంటే బెటర్ ఆప్షన్స్ లేవని భావిస్తున్నాను. మరోసారి లెఫ్ట్-హ్యాండ్, రైట్-హ్యాండ్ కాంబినేషన్ జట్టుకు ఉపయోగపడుతోంది. ఇక వికెట్ కీపర్ బ్యాటర్‌గా జితేష్ శర్మకు అవకాశమివ్వాలని నేను సూచిస్తాను. సంజూ శాంసన్ కంటే అతడు బెటర్ ఆప్షన్‌. జితేష్ ఐదు లేదా ఆరో స్ధానంలో బ్యాటింగ్ వచ్చి జట్టుకు మంచి ఫినిష్‌ను అందించగలడు. అదే శాంసన్ అయితే టాపర్డర్‌లో మాత్రమే ఆడగలడు. కాబట్టి సంజూ కంటే జితేష్‌కే తుది జట్టులో చోటు దక్కే అవకాశాలు ఎక్కువగా ఉన్నాయని" రేవ్‌స్పోర్ట్స్‌కు ఇచ్చిన ఇంటర్వ్యూలో గుప్తా పేర్కొన్నాడు.ఆసియాకప్-2025కు భారత జట్టుసూర్యకుమార్ యాదవ్ (కెప్టెన్), శుభమన్ గిల్ (వైస్ కెప్టెన్), అభిషేక్ శర్మ, తిలక్ వర్మ, హార్దిక్ పాండ్యా, శివమ్ దూబే, అక్షర్ పటేల్, జితేష్ శర్మ (వికెట్ కీపర్), జస్ప్రీత్ బుమ్రా, వరుణ్ చక్రవర్తి, అర్ష్దీప్ సింగ్, కులదీప్ యాదవ్, సంజూ శాంసన్ (వికెట్‌కీపర్‌), హర్షిత్ సింగ్ రానాచదవండి: ఎంత గొప్పగా ఆడినా ప్రయోజనం ఉండదు.. అంతా సెలక్టర్ల ఇష్టం: భువీ -
అతడొక ఫినిషర్.. తనకు తెలిసిందల్లా ఒక్క‌టే: దినేష్ కార్తీక్
ఆర్సీబీ వికెట్ కీపర్ బ్యాటర్ జితేష్ శర్మ ఏడాది విరామం తర్వాత తిరిగి టీమిండియా తరపున ఆడేందుకు సిద్ద‌మ‌య్యాడు. ఆసియాకప్-2025కు ఎంపిక చేసిన భారత జట్టులో అతడికి చోటు దక్కింది. వికెట్ కీపర్ కోటాలో సంజూ శాంసన్, జితేష్‌కు మధ్య పోటీ నెలకొంది.ఒకవేళ డౌన్‌ది ఆర్డర్లో ఫినిషర్ కావాల‌ని టీమ్ మెనెజ్మెంట్ భావిస్తే సంజూకు బ‌దుల‌గా జితేష్‌కు తుది జట్టులో చోటు దక్కే అవకాశముంది. సంజూ శాంసన్ ప్రస్తుతం అద్బుతమైన ఫామ్‌లో ఉన్నాడు. కేరళ టీ20లో శాంసన్ పరుగుల వరద పారిస్తున్నాడు. మరోవైపు జితేష్ కూడా మంచి టచ్‌లో ఉన్నాడు. ఐపీఎల్-2025 తర్వాత క్రికెట్‌కు దూరంగా ఉన్న ఈ విధర్బ ఆటగాడు.. భారీ షాట్ల ఆడ‌టంలో దిట్ట. ముఖ్యంగా డౌన్‌ది ఆర్డర్లో బ్యాటింగ్‌కు వచ్చి జట్టుకు మంచి ఫినిషింగ్ అందించగలడు. ఈ ఏడాది ఐపీఎల్ ఛాంపియన్గా ఆర్సీబీ నిల‌వ‌డంలో జితేష్‌ది కీలక పాత్ర. ఈ క్యాష్ రిచ్ లీగ్‌లో 31 ఏళ్ల జితేష్ 15 మ్యాచ్‌లు ఆడి 37 సగటు, 76 స్ట్రైక్ రేట్‌తో 261 పరుగులు చేశాడు. తాజాగా జితేష్ గురుంచి టీమిండియా మాజీ ఆటగాడు, ఆర్సీబీ బ్యాటింగ్ కోచ్ దినేష్ కార్తీక్ ఆసక్తికర విష‌యాల‌ను వెల్లడించాడు."టీమిండియా తరపున ఆడేందుకు జితేష్ శర్మ ఎప్పుడూ అంతగా ఆరాట‌ప‌డలేదు. అతడికి తెలిసింది ఒక్క‌టే. ఇన్నింగ్స్‌ను ఎలా పూర్తి చేయాలి? తన ఆడే జట్టును అత్యుత్తమ స్దాయికి ఎలా తీసుకుకెళ్లాలి? అని ఆలోచిస్తాడు. తన పని తాను చేసుకుపోవ‌డంపై ఎక్కువగా దృష్టి పెడతాడు. అందుకే ఆఖరిలో వచ్చి అద్బుతమైన ఇన్నింగ్స్‌లు ఆడగల్గుతున్నాడు. భారీ ఇన్నింగ్స్‌లు ఎలా ఆడాలో, డిఫెన్స్ ఆడుతూ జట్టును ముందుకు ఎలా తీసుకు వెళ్లాలో అతడికి ఇప్పటికి తెలియదు. కానీ అతడికి అద్బుతమైన స్కి‍ల్స్ ఉన్నాయి. కాబట్టి జితేష్‌ను ఎలా సరిదిద్దాలో నాకు తెలుసు. అతడికి భారీ షాట్లు ఆడే సత్తా ఉంది. అంతేకాకుండా స్ట్రైట్‌గా సిక్సర్లు కొట్టగలడు. అయితే రివర్స్ స్కూప్‌, ల్యాప్ షాట్లు వంటివి ఆడలేడు" అని క్రిక్‌బజ్‌కు ఇంటర్వ్యూలో కార్తీక్ పేర్కొన్నాడు. కాగా ఐపీఎల్-2024లో పంజాబ్ కింగ్స్ తరపున మెరుగైన ప్రదర్శన అనంతరం జితేష్ టీమిండియా తరపున అరంగేట్రం చేశాడు.చదవండి: టాప్‌-5 క్రికెటర్లలో కోహ్లికి నో ఛాన్స్.. సారీ చెప్పిన డివిలియర్స్‌ -
Asia Cup: జైస్వాల్ కాదు!.. బ్యాకప్‌ ఓపెనర్‌గా అతడే సరైనోడు!
ఆసియా కప్‌-2025 (Asia Cup) టోర్నమెంట్‌ నేపథ్యంలో భారత జట్టు కూర్పు గురించి టీమిండియా మాజీ క్రికెటర్ మహ్మద్‌ కైఫ్‌ (Mohammed Kaif) ఆసక్తికర వ్యాఖ్యలు చేశాడు. ఈ ఖండాంతర టోర్నీలో ఓపెనర్లుగా సంజూ శాంసన్ (Sanju Samson), అభిషేక్ శర్మను కొనసాగించాలని అభిప్రాయపడ్డాడు. అదే విధంగా.. వికెట్ కీపర్లలోనూ మొదటి ప్రాధాన్యంగా తన ఓటు సంజూకేనని స్పష్టం చేశాడు.గిల్, జైసూ రీ ఎంట్రీ పక్కా!కాగా యూఏఈ వేదికగా సెప్టెంబరు 9- 28 వరకు ఆసియా కప్‌ టోర్నీ జరుగనుంది. ఈసారి టీ20 ఫార్మాట్లో నిర్వహించే ఈ ఈవెంట్‌కు ఆగష్టు 19న బీసీసీఐ తమ జట్టును ప్రకటించే సూచనలు కనిపిస్తున్నాయి. ఈ నేపథ్యంలో టీమిండియా టెస్టు కెప్టెన్ శుబ్మన్ గిల్, ఓపెనర్‌ యశస్వి జైస్వాల్‌ల టీ20 రీఎంట్రీపై చర్చ భారత క్రికెట్ వర్గాల్లో చర్చ నడుస్తోంది.హర్భజన్‌ సింగ్ వంటి మాజీ క్రికెటర్లు గిల్, జైసూలను తిరిగి జట్టులోకి తీసుకురావాలని సూచిస్తుండగా.. కైఫ్‌ మాత్రం భిన్నంగా స్పందించాడు. గత కొంతకాలంగా నిలకడగా రాణిస్తున్న సంజూ- అభిషేక్ శర్మలనే ఓపెనింగ్‌ జోడీనే కొనసాగించాలని పేర్కొన్నాడు.జైస్వాల్ కాదు!.. బ్యాకప్‌ ఓపెనర్‌గా అతడే సరైనోడు!అయితే, వీరికి బ్యాకప్‌ ఓపెనర్‌గా గిల్‌ను ఎంపిక చేస్తే బాగుంటుందని కైఫ్‌ అభిప్రాయపడ్డాడు. ‘‘జైస్వాల్, గిల్.. వీరిద్దరిలో ఎవరో ఒకరికి మాత్రమే ఆసియా కప్‌ జట్టులో చోటు దక్కే వీలుంది. నేనైతే శుబ్మన్ గిల్ వైపే మొగ్గుచూపుతాను.ఇంగ్లండ్‌లో కెప్టెన్‌గా గిల్ రాణించాడు. 750 పరుగులు కూడా చేశాడు. అంతేకాదు.. ఐపీఎల్‌లోనూ అతడు మెరుగ్గా రాణించాడు. అయితే, తుదిజట్టులో కాకపోయినా.. బ్యాకప్‌ ఓపెనర్‌గానైనా గిల్ పేరు ఆసియా కప్‌ జట్టులో ఉంటుంది.జితేశ్ శర్మకు నా ఓటునిజానికి ఓపెనింగ్‌ స్లాట్‌ కోసం గిల్- జైస్వాల్ మధ్య తీవ్రమైన పోటీ ఉంది. అయితే, ఇద్దరిలో ఒక్కరికే ఛాన్స్ ఉంటుంది కాబట్టి.. గిల్ సరైన ఆప్షన్‌ అవుతాడు. ఇక బ్యాకప్‌ వికెట్ కీపర్ విషయానికి వస్తే.. జితేశ్ శర్మకు నా ఓటు.ఈ ఏడాది ఐపీఎల్‌లో ఆర్సీబీ ఫైనల్‌ చేరి టైటిల్‌ గెలవడంలో జితేశ్ పాత్ర కూడా కీలకం. కాబట్టి ఆసియా కప్‌ టోర్నీలో సంజూ ప్రధాన వికెట్ కీపర్‌గా ఉంటే.. జితేశ్ అతడికి బ్యాకప్‌గా ఉండాలి’’ అని మహ్మద్‌ కైఫ్‌ తన అభిప్రాయాలు పంచుకున్నాడు. అదే విధంగా.. ఆసియ కప్‌-2025లో భారత తుదిజట్టును కూడా కైఫ్‌ ఈ సందర్భంగా ఎంచుకున్నాడు. ఇక బ్యాకప్‌ ప్లేయర్లుగా వరుణ్ చక్రవర్తి, శుబ్మన్ గిల్, మహ్మద్‌ సిరాజ్‌, జితేశ్ శర్మలను కైఫ్‌ తన జట్టుకు ఎంపిక చేసుకున్నాడు.ఆసియా కప్‌-2025లో కైఫ్‌ ఎంచుకున్న భారత తుదిజట్టు ఇదేసంజూ శాంసన్, అభిషేక్ శర్మ, తిలక్ వర్మ, సూర్యకుమార్ యాదవ్ (కెప్టెన్), అక్షర్ పటేల్ (వైస్ కెప్టెన్), హార్దిక్ పాండ్యా, శివం దూబే, వాషింగ్టన్ సుందర్, కుల్దీప్ యాదవ్, అర్ష్దీప్ సింగ్, జస్ప్రీత్ బుమ్రా. చదవండి: సంజూ శాంసన్ మెరుపు ఇన్నింగ్స్‌.. టీమిండియా సెలక్టర్లకు వార్నింగ్‌! -
జట్టు మారనున్న ఆర్సీబీ స్టార్ జితేశ్ శర్మ
తాజాగా ముగిసిన ఐపీఎల్ సీజన్లో రాయల్ ఛాలెంజర్స్ బెంగళూరును (ఆర్సీబీ) ఛాంపియన్గా నిలపడంతో కీలకపాత్ర పోషించిన జితేశ్ శర్మ.. రానున్న దేశవాలీ సీజన్‌ కోసం జట్టు మారనున్నాడు. అరంగేట్రం నుంచి గత సీజన్‌ వరకు విదర్భకు ప్రాతినిథ్యం వహించిన జితేశ్.. వచ్చే సీజన్‌ నుంచి బరోడాకు ఆడనున్నాడు. గత రంజీ సీజన్లో (2024-25) మొత్తం బెంచ్‌కే పరిమితం కావడంతో జితేశ్ ఈ నిర్ణయం తీసుకున్నాడు. జట్టు మారే విషయంలో జితేశ్‌ను బరోడా కెప్టెన్, ఆర్సీబీ సహచరుడు కృనాల్‌ పాండ్యా ప్రభావితం చేసినట్లు తెలుస్తుంది.విదర్భ తరఫున పరిమిత ఓవర్ల ఫార్మాట్లకు మాత్రమే పరిమితమైన జితేశ్.. రెడ్‌ బాల్‌ ఫార్మాట్లో సత్తా చాటాలని అనుకుంటున్నాడు. ఇందుకు అతనికి సరైన అవకాశాలు కావాలి. అయితే విదర్భలో ఇది జరగడం లేదు. అందుకే అతను బరోడాకు మారాలని నిర్ణయించుకున్నాడు. విదర్భలో జితేశ్‌కు బదులు అక్షయ్‌ వాద్కర్‌కు అవకాశాలు ఎక్కువగా దొరికేవి.రైట్ హ్యాండ్ వికెట్‌కీపర్‌ బ్యాటర్ అయిన జితేశ్.. 2015-16 సీజన్లో ఫస్ట్‌క్లాస్‌ క్రికెట్‌లోకి అరంగేట్రం చేసినప్పటికీ ఇప్పటివరకు కేవలం 18 మ్యాచ్‌లు మాత్రమే ఆడాడు. ఇందులోనూ అతని ప్రదర్శన ఏమంత ఆశాజనకంగా లేదు. ఈ మ్యాచ్‌ల్లో జితేశ్ 24.48 సగటున కేవలం 661 పరుగులు మాత్రమే చేశాడు.జితేశ్ పరిమిత ఓవర్ల కెరీర్‌ (దేశవాలీ) విషయానికొస్తే.. అతను ఇప్పటివరకు 56 లిస్ట్‌-ఏ మ్యాచ్‌లు, 141 టీ20లు ఆడాడు. ఇందులో 3 సెంచరీలు, 18 హాఫ్‌ సెంచరీల సాయంతో 4419 పరుగులు చేశాడు. 31 ఏళ్ల జితేశ్ తాజాగా ముగిసిన ఐపీఎల్ సీజన్లో అత్యుత్తమంగా రాణించాడు. ఈ సీజన్లో అతను 176.35 స్ట్రయిక్‌రేట్‌తో పరుగులు సాధించి, ఆర్సీబీ విజయాల్లో కీలకపాత్ర పోషించాడు.మరో ఆర్సీబీ ఆటగాడు కూడా..!దేశవాలీ క్రికెట్లో మరో ఆర్సీబీ ఆటగాడు కూడా జట్టు మారనున్నాడు. గత ఐపీఎల్ సీజన్లో బెంచ్‌కే పరిమితమైన స్వప్నిల్‌ సింగ్.. రానున్న దేశవాలీ సీజన్‌ కోసం ఉత్తరాఖండ్‌ నుంచి త్రిపురకు మారనున్నాడు. లెఫ్ట్ ఆర్మ్‌ ఆఫ్ స్పిన్నర్‌ అయిన స్వప్నిల్‌.. ఉత్తరాఖండ్‌ తరఫున 5 ఫస్ట్‌ క్లాస్ మ్యాచ్‌లు ఆడి 18 వికెట్లు తీశాడు. -
జితేశ్ శర్మకు అవమానం.. దినేశ్‌ కార్తిక్‌ కూడా పట్టించుకోలేదా?
టీమిండియా స్టార్, రాయల్ చాలెంజర్స్‌ బెంగళూరు కీలక బ్యాటర్ జితేశ్ శర్మ (Jitesh Sharma)కు చేదు అనుభవం ఎదురైంది. భారత్- ఇంగ్లండ్ (Ind vs Eng) మధ్య మూడో టెస్టు వీక్షించేందుకు వెళ్తుంటే భద్రతా సిబ్బంది అతడిని అడ్డుకున్నారు. తాను ఎవరన్న విషయం స్పష్టంగా చెప్పినా.. లార్డ్స్‌ మైదానం (Lord's Stadium)లోకి ప్రవేశించకుండా ఆపేశారు.డీకేను సాయం కోరిన జితేశ్‌ఇలా జితేశ్ శర్మ స్టేడియం వెలుపల భద్రతా సిబ్బందితో పాట్లు పడుతున్న వేళ.. ఆర్సీబీ కోచ్, టీమిండియా- ఇంగ్లండ్ సిరీస్‌ కామెంటేటర్‌ దినేశ్‌ కార్తిక్‌ బయటకు వచ్చాడు. అయితే, అతడు ఎవరితోనో ఫోన్‌లో మాట్లాడుతూ బిజీగా ఉన్నాడు. ఇంతలో డీకేను చూసిన జితేశ్.. తనకు సాయం చేయాల్సిందిగా అతడిని కోరాడు.కానీ.. అప్పటికే ఆటోగ్రాఫ్‌లు, ఫొటోల కోసం తనను చుట్టుముట్టిన అభిమానుల గోల కారణంగా జితేశ్.. దినేశ్‌ కార్తిక్‌ను పిలిచినా అతడికి.. జితేశ్ గొంతు వినబడే పరిస్థితి లేకపోయింది. దీంతో జితేశ్ స్వయంగా డీకేకు ఫోన్‌ చేసి తన ఇబ్బంది గురించి చెప్పగా.. అతడు రంగంలోకి దిగాడు. అనంతరం ఇద్దరూ కలిసి మైదానంలోకి వెళ్లారు.ఇంతలా అవమానిస్తారా?.. అదేం లేదు!ఇందుకు సంబంధించిన దృశ్యాలను ఓ అభిమాని సోషల్‌ మీడియాలో పోస్ట్‌ చేయగా వైరల్‌ అవుతున్నాయి. ఈ క్రమంలో.. ‘‘అంతర్జాతీయ క్రికెటర్ అయిన జితేశ్ శర్మను ఇంతలా అవమానిస్తారా?’’ అంటూ ఆర్సీబీ ఫ్యాన్స్‌ మండిపడుతుండగా.. సెక్యూరిటీ సిబ్బంది తమ విధి నిర్వహణలో భాగంగానే ఇలా చేసిందని మరికొందరు కామెంట్‌ చేస్తున్నారు. అదే విధంగా.. లార్డ్స్‌ ఎంట్రీ విషయంలో కచ్చితమైన నిబంధనలు ఉంటాయని.. స్టువర్ట్‌ బ్రాడ్‌ సైతం రిటైర్‌ అయిన వెంటనే తనకు స్టేడియంలోకి నేరుగా వచ్చే యాక్సెస్‌ లేకుండా పోయిందని గుర్తుచేస్తున్నారు. ఆటగాళ్ల భద్రత దృష్ట్యా సిబ్బంది అలా ప్రవర్తించడంలో తప్పులేదని సమర్థిస్తున్నారు.ఆర్సీబీ గెలుపులో కీలక పాత్రకాగా 2023లో టీమిండియా తరఫున అంతర్జాతీయ క్రికెట్లో అడుగుపెట్టాడు విదర్భ ఆటగాడు జితేశ్ శర్మ. ఇప్పటికి ఏడు టీ20 మ్యాచ్‌లు ఆడి. 100 పరుగులు సాధించాడు. ఈ 31 ఏళ్ల వికెట్ కీపర్ బ్యాటర్ ఇప్పటి వరకు వన్డే, టెస్టుల్లో మాత్రం అరంగేట్రం చేయలేదు.ఇదిలా ఉంటే.. ఈ ఏడాది ఆర్సీబీ టైటిల్‌ గెలవడంలో జితేశ్ శర్మది కీలక పాత్ర. 15 మ్యాచ్‌లలో కలిపి 261 పరుగులు చేసిన జితేశ్.. రెగ్యులర్‌ కెప్టెన్ రజత్ పాటిదార్ గైర్హాజరీలో జట్టును ముందుండి నడిపించాడు కూడా!.. ఇక ఐపీఎల్-2025 ఫైనల్లో పంజాబ్ కింగ్స్‌ను ఓడించి ఆర్సీబీ తొలిసారి ట్రోఫీని ముద్దాడిన విషయం తెలిసిందే.ఇక ఐదు టెస్టులు ఆడేందుకు ఇంగ్లండ్‌లో పర్యటిస్తోన్న భారత జట్టు.. లార్డ్స్‌లో జరిగిన మూడో టెస్టులో 22 పరుగుల తేడాతో ఓటమిపాలైంది. దీంతో సిరీస్‌లో 1-2తో వెనుకబడింది గిల్ సేన. కాగా అంతకుముందు ముందు లీడ్స్‌లో జరిగిన తొలి టెస్టులో ఇంగ్లండ్ గెలవగా.. ఎడ్జ్‌బాస్టన్‌లో టీమిండియా ఘన విజయం సాధించింది. ఇరుజట్ల మధ్య మాంచెస్టర్‌లో నాలుగో టెస్టు జరుగుతుంది.చదవండి: వాళ్లిద్దరిలో అత్యుత్తమ స్పిన్నర్‌ ఎవరు?.. కుండబద్దలు కొట్టేసిన లారాpic.twitter.com/7gqAeAJHtx— Out Of Context Cricket (@GemsOfCricket) July 16, 2025 -
పునర్జన్మనిచ్చిన జట్టుకు షాకిచ్చిన కరుణ్‌ నాయర్‌
ప్రస్తుతం భారత క్రికెట్లో వినిపిస్తున్న పేర్లలో కరుణ్‌ నాయర్‌ పేరు ముందువరుసలో ఉంది. దేశవాలీ క్రికెట్లో విశేషంగా రాణించి, 8 ఏళ్ల తర్వాత టీమిండియా తలుపులు తట్టిన 33 ఏళ్ల ఈ కర్ణాటక మిడిలార్డర్‌ బ్యాటర్.. ప్రస్తుతం ఇంగ్లండ్ పర్యటనలో టెస్ట్‌ సిరీస్‌ ఆడేందుకు రెడీగా ఉన్నాడు. భారత్, ఇంగ్లండ్ మధ్య లీడ్స్‌ వేదికగా ఇవాల్టి నుంచి (జూన్‌ 20) తొలి టెస్ట్‌ ప్రారంభం కానుంది. ఈ మ్యాచ్లో కరుణ్‌ ఆడటం దాదాపుగా ఖరారైపోయింది. దేశవాలీ క్రికెట్లో పరుగుల వరద పారించిన కారణంగా కరుణ్‌కు భారత జట్టులో చోటు దక్కింది. ఇదే సమయంలో స్టార్ మిడిలార్డర్‌ బ్యాటర్ విరాట్‌ కోహ్లి రిటైర్‌ కావడం కూడా కరుణ్‌కు కలిసొచ్చింది. ఇంగ్లండ్‌తో నేటి నుంచి ప్రారంభం కాబోయే మ్యాచ్లో కరుణ్‌ ఆరో స్థానం లేదా ఐదో స్థానంలో బ్యాటింగ్‌కు దిగే అవకాశం ఉంది. కరుణ్‌ ఇటీవలే ఇంగ్లండ్ లయన్స్‌పై డబుల్‌ సెంచరీ బాది మాంచి జోష్‌లో ఉన్నాడు. భారత క్రికెట్ అభిమానులు సైతం కరుణ్‌పై భారీ అంచనాలు పెట్టుకున్నారు.ఈ విషయం పక్కన పెడితే.. తాజాగా కరుణ్‌ మరో అంశానికి సంబంధించి వార్తల్లోకెక్కాడు. కరుణ్‌ తనకు పునర్జన్మనిచ్చిన దేశవాలీ జట్టు విదర్భను వీడాలని అనుకుంటున్నట్లు ప్రచారం జరుగుతుంది. ఈ విషయాన్ని విదర్భ క్రికెట్ అసోసియేషన్‌ కూడా పరోక్షంగా ధృవీకరించింది. అధికారిక లాంఛనాలు పూర్తి కావడమే తరువాయిగా తెలుస్తుంది. కరుణ్‌ తన సొంత రాష్ట్రమైన కర్ణాటకకు తిరిగి వెళ్తున్నాడని సమాచారం. కరుణ్‌ 2023-24 సీజన్కు ముందే కర్ణాటకను వదిలి విదర్భకు వలస వచ్చాడు. విదర్భకు మారడమే కరుణ్‌ కెరీర్‌ను మలుపు తప్పింది. ఎనిమిదేళ్లు స్వప్నించిన టీమిండియా రీఎంట్రీ కల సాకారమైంది. విదర్భకు ఆడిన రెండు సీజన్లలో కరుణ్‌ ఎన్నో అద్భుత ప్రదర్శనలు చేశాడు. ఇంకా చెప్పాలంటే కరుణ్‌ ప్రదర్శనల కారణంగా విదర్భ తమ చరిత్రలో కనీవినీ ఎరుగని విజయాలను అందుకుంది. గత దేశవాలీ సీజన్లో (2024-25) కరుణ్‌ పరుగుల వరద పారించి (863 పరుగులు) విదర్భను రంజీ ఛాంపియన్గా నిలిపాడు. అదే భీకర ఫామ్‌ను విజయ్‌ హజారే ట్రోఫీలో (779 పరుగులు) కూడా కొనసాగించి విదర్భను రన్నరప్‌గా నిలబెట్టాడు. ఈ టోర్నీలో కరుణ్‌ విదర్భకు కెప్టెన్‌గా కూడా వ్యవహరించాడు. సయ్యద్‌ ముస్తాక్‌ అలీ టీ20 టోర్నీలోనూ కరుణ్‌ క్రియాశీలకంగా వ్యవహరించి విదర్భను క్వార్టర్‌ ఫైనల్స్‌కు చేర్చాడు. కరుణ్‌ రెండు సీజన్లలోనే తన తలరాతను మార్చుకోవడంతో పాటు విదర్భ క్రికెట్ జట్టు స్థాయిని కూడా పెంచాడు. అయితే వ్యక్తిగత, కుటుంబ కారణాల చేత కరుణ్‌ తనకు పునర్జన్మనిచ్చిన విదర్భను వదిలి సొంత రాష్ట్రం కర్ణాటకకు తిరిగి వెళ్లాలని భావిస్తున్నట్లు తెలుస్తుంది. కర్ణాటక క్రికెట్ అసోసియేషన్‌ కూడా కరుణ్‌ను తిరిగి తమ దేశవాలీ జట్టులో చేర్చుకునేందుకు ఆసక్తి ప్రదర్శిస్తుంది.విదర్భకు మరో షాక్‌విదర్భకు మరో షాక్‌ కూడా తగలనున్నట్లు తెలుస్తుంది. పరిమిత ఓవర్ల ఫార్మాట్లలో ఆ జట్టుకు ప్రాతినిథ్యం వహిస్తున్న జితేశ్ శర్మ (ఆర్సీబీ వికెట్‌కీపర్‌ బ్యాటర్) కూడా ఆ జట్టును వీడేందుకు సిద్దమైనట్లు తెలుస్తుంది. 31 ఏళ్ల జితేశ్ బరోడాకు మారాలని నిర్ణయించుకున్నట్లు సమాచారం. ఈ విషయాన్ని బరోడా క్రికెట్ అసోసియేషన్‌ దాదాపుగా ధృవీకరించినట్లు తెలుస్తుంది. జితేశ్ మూడు ఫార్మాట్లకు అందుబాటులో ఉంటాడని బరోడా క్రికెట్ బోర్డుకు చెందిన కీలక వ్యక్తి ఒకరు చెప్పారు. జితేశ్ విదర్భకు సయ్యద్‌ ముస్తాక్‌ అలీ టీ20 టోర్నీలో కెప్టెన్‌గా వ్యవహరించాడు. విజయ్‌ హజారే ట్రోఫీలో కరుణ్‌ కెప్టెన్సీలో ఆడాడు. అయితే జితేశ్‌కు రంజీల్లో ఆడే అవకాశం రాలేదు. -
ఐపీఎల్ ఫామ్‌ను కొనసాగించిన జితేశ్ శర్మ.. మెరుపు ఇన్నింగ్స్‌తో మరో టైటిల్‌
ఆర్సీబీ స్టార్ ఆటగాడు జితేశ్ శర్మ ఐపీఎల్ 2025 ఫామ్‌ను కొనసాగించాడు. తాజాగా ముగిసిన విదర్భ టీ20 లీగ్‌ ఫైనల్లో తన జట్టు NECO మాస్టర్‌ బ్లాస్టర్‌ను సుడిగాలి ఇన్నింగ్స్‌తో గెలిపించాడు. రెండు వారాల వ్యవధిలో జితేశ్ గెలిచిన రెండో టీ20 టైటిల్‌ ఇది. విదర్భ టీ20 లీగ్‌ ఫైనల్లో జితేశ్ జట్టు NECO మాస్టర్‌ బ్లాస్టర్‌ పరగారియా స్ట్రయికర్స్‌పై 7 వికెట్ల తేడాతో గెలుపొంది టైటిల్‌ కైవసం చేసుకుంది. ఈ గెలుపులో జితేశ్ కీలకపాత్ర పోషించాడు. 179 పరుగుల లక్ష్య ఛేదనలో జితేశ్ మ్యాచ్ విన్నింగ్‌ ఇన్నింగ్స్‌ ఆడాడు. 14వ ఓవర్లో బ్యాటింగ్‌కు దిగి 11 బంతుల్లో 3 సిక్సర్లు, బౌండరీ సాయంతో అజేయమైన 30 పరుగులు చేశాడు. జితేశ్ ఐపీఎల్ లీగ్‌ మ్యాచ్లో లక్నోపై ఏ తరహాలో సిక్సర్‌తో మ్యాచ్‌ను ముగించాడో, ఈ మ్యాచ్‌లోనూ అదే తరహాలో సిక్సర్‌తో తన జట్టును విజయతీరాలకు చేర్చాడు. జితేశ్ మెరుపు బ్యాటింగ్ ధాటికి అతని జట్టు మరో రెండు ఓవర్లు మిగిలుండగానే లక్ష్యాన్ని ఛేదించింది.జితేశ్ ఐపీఎల్ 2025లో ఆర్సీబీ తరఫున నాలుగో లీడింగ్‌ రన్‌ స్కోరర్‌గా నిలిచాడు. ఈ సీజన్లో అతను 11 ఇన్నింగ్స్‌ల్లో 261 పరుగులు చేశాడు. లక్నోతో జరిగిన లీగ్‌ మ్యాచ్లో తాత్కాలిక కెప్టెన్‌గా బరిలోకి దిగి జితేశ్ ఆడిన సుడిగాలి ఇన్నింగ్స్‌ సీజన్‌ మొత్తానికే హైలైట్‌గా నిలిచింది. ఆ ఇన్నింగ్స్‌లో జితేశ్ 33 బంతుల్లో 8 ఫోర్లు, 6 సిక్సర్ల సాయంతో అజేయమైన 85 పరుగులు చేశాడు. ఆ మ్యాచ్లో ఆర్సీబీ గెలుస్తుందని ఎవ్వరూ ఊహించలేదు. అయితే జితేశ్ నమ్మశక్యంకాని ఇన్నింగ్స్‌తో తన జట్టును విజయతీరాలకు చేర్చాడు. జితేశ్ విధ్వంసం ధాటికి ఆ మ్యాచ్లో ఆర్సీబీ 228 పరుగుల భారీ లక్ష్యాన్ని మరో ఎనిమిది బంతులు మిగిలుండగానే ఛేదించింది. అదే మ్యాచ్లో లక్నో కెప్టెన్ రిషబ్‌ పంత్‌ మెరుపు శతకం (61 బంతుల్లో 118 నాటౌట్‌; 11 ఫోర్లు, 8 సిక్సర్లు) బాదాడు. జితేశ్ సుడిగాలి ఇన్నింగ్స్‌తో పంత్‌ శతకానికి విలువ లేకుండా పోయింది. పంజాబ్ కింగ్స్‌తో జరిగిన ఫైనల్లోనూ జితేశ్ ఓ మెరుపు ఇన్నింగ్స్‌ ఆడాడు. కేవలం 10 బంతుల్లో 2 ఫోర్లు, 3 సిక్సర్ల సాయంతో 24 పరుగులు చేశాడు. ఈ పరుగులు ఆర్సీబీ గెలుపుకు దోహదపడ్డాయి. ఆ మ్యాచ్లో ఆర్సీబీ పంజాబ్‌ను 6 పరుగుల తేడాతో ఓడించి తొలిసారి ఐపీఎల్ ట్రోఫీని ముద్దాడింది. సీజన్‌ మొత్తంలో జితేశ్ ఆర్సీబీ విజయాల్లో కీలకపాత్ర పోషించాడు. -
LSG VS RCB: రిషబ్‌ పంత్పై మండిపడ్డ అశ్విన్‌.. సొంత బౌలర్నే ఫూల్‌ చేశాడు..!
ఐపీఎల్ 2025లో భాగంగా నిన్న (మే 27) జరిగిన లక్నో-ఆర్సీబీ మ్యాచ్లో ఓ ఆసక్తికర ఘటన చోటు చేసుకుంది. మ్యాచ్ కీలక దశలో సాగుతుండగా లక్నో స్పిన్నర్‌ దిగ్వేశ్‌ రాఠీ మన్కడింగ్‌కు (నాన్ స్ట్రయికర్‌ ఎండ్‌లోని బ్యాటర్ బంతి వేయకముందే క్రీజ్‌ను దాటిన సమయంలో బౌలర్ వికెట్లను గిరాటు వేయడం) పాల్పడ్డాడు. ఈ విషయమై రాఠీ అప్పీల్‌ చేసినప్పటికీ.. లక్నో కెప్టెన్ పంత్‌ దాన్ని విత్‌డ్రా చేసుకున్నాడు. రీప్లే పరిశీలించిన అనంతరం థర్డ్‌ అంపైర్‌ దీన్ని నాటౌట్‌గా ప్రకటించాడు.టెక్నికల్‌గా (రాఠీ ఫ్రంట్‌ ఫుట్‌ ల్యాండ్‌ అయ్యే సమయానికి నాన్ స్ట్రయికింగ్‌ ఎండ్‌లో ఉన్న జితేశ్ శర్మ క్రీజ్‌లోనే ఉన్నాడు) ఇది నాటౌటే అయినప్పటికీ.. రూల్స్‌కు విరుద్దం అయితే కాదు. గతంలో చాలా సందర్భాల్లో బౌలర్లు మన్కడింగ్‌ చేసి బ్యాటర్లను ఔట్‌ చేశారు. తాజాగా అదే ప్రయత్నం జరిగింది. అయితే ఇక్కడ కెప్టెన్ బౌలర్‌ను సమర్థించకపోవడం చర్చనీయాంశంగా మారింది.అ విషయమై క్రికెట్ సర్కిల్స్‌లోభిన్నాభిప్రాయాలు వినిపిస్తున్నాయి. కొందరు రాఠీ చర్యను సమర్దిస్తుంటే.. మరికొందరు పంత్‌ అప్పీల్‌ను వెనక్కు తీసుకోవడాన్ని తప్పుబడుతున్నారు.రాఠీ చర్యను సమర్దించిన వారిలో సీఎస్‌కే వెటరన్‌ స్పిన్నర్‌ రవిచంద్రన్‌ అశ్విన్‌ కూడా ఉన్నాడు. యాష్‌ ఓ పక్క రాఠీ చర్యను సమర్దిస్తూనే, అప్పీల్‌ను విత్‌డ్రా చేసుకున్న పంత్‌ను తప్పుబట్టాడు. పంత్‌ అప్పీల్‌ను విత్‌డ్రా చేసుకోవడం వల్ల రాఠీ కోట్లాది మంది అభిమానుల ముందు ఫూల్‌ అయ్యాడని అభిప్రాయపడ్డాడు. పంత్‌ రాఠీని జీవితంలో ఇంకోసారి మన్కడింగ్‌కు పాల్పడకుండా చేశాడని మండిపడ్డాడు.మన్కడింగ్‌ విషయంలో బౌలర్లంటే ఎందుకు అంత చిన్న చూపని ప్రశ్నించాడు. ఓ రకంగా బౌలర్‌కు ఇది అవమానమని అన్నాడు. పంత్‌ తీసుకున్న నిర్ణయం వల్ల రాఠీ భయపడి ఉంటాడని తెలిపాడు. బౌలర్ చర్యను వెనకేసుకురావడం కెప్టెన్ బాధ్యత అని గుర్తు చేశాడు. ఔటైనా, నాటౌటైనా మన్నడింగ్‌ అనేది ఆటలో భాగమని అన్నాడు. మ్యాచ్ కీలక దశలో సాగుతుండగా బౌలర్ ఇలాంటి ప్రయత్నం చేయడం తప్పేది కాదని అభిప్రాయపడ్డాడు.కాగా, ఆర్సీబీ 228 పరుగుల భారీ లక్ష్యాన్ని ఛేదిస్తుండగా ఇన్నింగ్స్‌ 17వ ఓవర్లో (ఆఖరి బంతికి) ఇది జరిగింది. రాఠీ మన్కడింగ్‌కు పాల్పడే సమయానికి ఆర్సీబీ 19 బంతుల్లో 29 పరుగులు చేయాలి. చేతిలో 6 వికెట్లు ఉన్నాయి. అప్పటకే జితేశ్ శర్మ జోరు మీదున్నాడు. ఒకవేళ జితేశ్ మన్కడింగ్‌ ద్వారా ఔటయ్యుంటే ఆర్సీబీ కష్టాల్లో పడేది. మ్యాచ్‌ను కూడా కోల్పోవాల్సి వచ్చేది. ఇలాంటి సందర్భంలో పంత్‌ బౌలర్ అప్పీల్‌ను ఉపసంహరించుకుని ఆర్సీబీకి ఫేవర్‌ చేశాడు. క్రీడా స్పూర్తి అని పెద్దపెద్ద మాటలు అనుకోవచ్చు కానీ, మ్యాచ్‌ను కాపాడుకునే ప్రయత్నంలో బౌలర్ చేసింది కరెక్టే అని చెప్పాలి. రాఠీ అప్పీల్‌ను పంత్‌ చిన్నచూపు చూసి తన వ్యక్తిగత ఇమేజ్‌ను పెంచుకున్నాడు. అంతటితో ఆగకుండా అప్పీల్‌ విత్‌డ్రా చేసుకున్న తర్వాత జితేశ్‌ను కౌగించుకుని సొంత బౌలర్‌ను అవమానించాడు. మన్కడింగ్‌ తర్వాత మరింత రెచ్చిపోయిన జితేశ్ కొద్ది బంతుల్లోనే మ్యాచ్‌ను లక్నో చేతుల్లో నుంచి లాగేసుకున్నాడు. -
LSG VS RCB: అబ్బురపరిచే ఇన్నింగ్స్‌.. ధోని రికార్డు బద్దలు కొట్టిన జితేశ్
ఐపీఎల్ 2025లో భాగంగా నిన్న (మే 27) జరిగిన ఉత్కంఠ సమరంలో లక్నో సూపర్ జెయింట్స్‌పై ఆర్సీబీ 6 వికెట్ల తేడాతో ఘన విజయం సాధించింది. ఈ మ్యాచ్లో ఆర్సీబీని తాత్కాలిక కెప్టెన్ జితేశ్ శర్మ ఒంటిచేత్తో గెలిపించాడు. 227 పరుగుల భారీ లక్ష్య ఛేదనలో జితేశ్ హీరోయిక్‌ ఇన్నింగ్స్‌ ఆడాడు. 33 బంతుల్లో 8 ఫోర్లు, 6 సిక్సర్ల సాయంతో అజేయమైన 85 పరుగులు చేసి ఆర్సీబీని విజయతీరాలకు చేర్చాడు.ఈ ఇన్నింగ్స్‌తో జితేశ్ ధోని పేరిట ఏడేళ్లు కొనసాగిన ఓ రికార్డును బద్దలు కొట్టాడు. విజయవంతమైన ఛేదనల్లో 6 అంతకంటే కింది స్థానాల్లో బ్యాటింగ్‌కు వచ్చి అత్యధిక స్కోర్‌ చేసిన ఆటగాడిగా సరికొత్త రికార్డు నెలకొల్పాడు. 2018 సీజన్లో ధోని ఆర్సీబీపై 34 బంతుల్లో అజేయమైన 70 పరుగులు చేశాడు. ఆ మ్యాచ్లో సీఎస్‌కే ఆర్సీబీపై విజయం సాధించింది.విజయవంతమైన ఛేదనల్లో 6 అంతకంటే కింది స్థానాల్లో బ్యాటింగ్‌కు వచ్చి అత్యధిక స్కోర్‌ చేసిన ఆటగాళ్లు..85*(33) - జితేష్ శర్మ (RCB) vs LSG, లక్నో, 2025 70* (34) - MS ధోని (CSK) vs RCB, బెంగళూరు, 2018 70*(31) - ఆండ్రీ రస్సెల్ (KKR) vs PBKS, ముంబై WS, 2022 70(47) - కీరన్ పొలార్డ్ (MI) vs RCB, బెంగళూరు, 2017 68(30) - డ్వేన్ బ్రావో (CSK) vs MI, ముంబై WS, 2018లక్నో, ఆర్సీబీ మ్యాచ్ పూర్తి వివరాలు..టాస్‌ ఓడి తొలుత బ్యాటింగ్ చేసిన లక్నో.. రిషబ్‌ పంత్‌ (61 బంతుల్లో 118 నాటౌట్‌; 11 ఫోర్లు, 8 సిక్సర్లు) విధ్వంసకర శతకంతో, మిచెల్‌ మార్ష్ (37 బంతుల్లో 67; 4 ఫోర్లు, 5 సిక్సర్లు) మెరుపు అర్ద శతకంతో విరుచుకుపడటంతో నిర్ణీత 20 ఓవర్లలో 3 వికెట్ల నష్టానికి 227 పరుగుల భారీ స్కోర్‌ చేసింది.అనంతరం భారీ లక్ష్య ఛేదనకు దిగిన ఆర్సీబీ మరో ఎనిమిది బంతులు మిగిలుండగానే (4 వికెట్లు కోల్పోయి) విజయతీరాలకు చేరింది. జితేశ్ శర్మ (33 బంతుల్లో 85 నాటౌట్‌; 8 ఫోర్లు, 6 సిక్సర్లు) వీరోచితమైన ఇన్నింగ్స్‌ ఆడి ఆర్సీబీని ఒంటిచేత్తో గెలిపించాడు. అతనికి మయాంక్ అగర్వాల్‌ (23 బంతుల్లో 41 నాటౌట్‌; 5 ఫోర్లు) సహకరించాడు.అంతకుముందు విరాట్‌ కోహ్లి (30 బంతుల్లో 54; 10 ఫోర్లు), ఫిల్‌ సాల్ట్ (19 బంతుల్లో 30; 6 ఫోర్లు) మెరుపు ఇన్నింగ్స్‌లు ఆడి ఆర్సీబీ గెలుపుకు పునాది వేశారు.ఈ గెలుపుతో ఆర్సీబీ టేబుల్‌ సెకెండ్‌ టాపర్‌గా నిలిచి క్వాలిఫయర్‌-1 బెర్త్‌ ఖరారు చేసుకుంది. మే 29న జరిగే క్వాలిఫయర్‌-1లో ఆర్సీబీ.. పంజాబ్‌తో తలపడనుంది. మే 30న జరిగే ఎలిమినేటర్‌ మ్యాచ్లో గుజరాత్‌, ముంబై ఇండియన్స్‌ అమీతుమీ తేల్చుకుంటాయి. -
IPL 2025: పంత్‌ తప్పు చేశాడా?
-
జితేశ్ జితాదియా
లక్నో: సొంతగడ్డపై విజయగర్వంతో సీజన్ను ముగించే భారీ స్కోరునే లక్నో చేసింది... ఛేదనలో సాల్ట్, లివింగ్స్టోన్, కోహ్లిలాంటి విలువైన వికెట్లను తీసింది. 52 బంతుల్లో 105 పరుగుల సమీకరణం బెంగళూరుకు క్లిష్టంగా అనిపించింది... అయితే కెప్టెన్ జితేశ్... మయాంక్‌తో కలిసి చేసిన బ్యాటింగ్ మ్యాజిక్‌ మ్యాచ్‌నే మార్చేసింది. ఇంకో 8 బంతులు మిగిలుండగానే రాయల్ చాలెంజర్స్‌ బెంగళూరు 6 వికెట్ల తేడాతో లక్నో సూపర్ జెయింట్స్‌పై జయభేరి మోగించింది. టాస్‌ ఓడి ముందుగా బ్యాటింగ్‌కు దిగిన లక్నో నిర్ణీత 20 ఓవర్లలో 3 వికెట్ల నష్టానికి 227 పరుగుల భారీ స్కోరు చేసింది. కెప్టెన్ రిషభ్‌ పంత్‌ (61 బంతుల్లో 118 నాటౌట్‌; 11 ఫోర్లు, 8 సిక్స్‌లు) సీజన్లో తొలి సెంచరీతో కదం తొక్కగా, మిచెల్‌ మార్ష్ (37 బంతుల్లో 67; 4 ఫోర్లు, 5 సిక్స్‌లు) ధాటిగా ఆడాడు. అనంతరం బెంగళూరు 18.4 ఓవర్లలో 4 వికెట్లు కోల్పోయి 230 పరుగులు చేసి గెలిచింది. ‘ప్లేయర్‌ ఆఫ్ ద మ్యాచ్’ జితేశ్ శర్మ (33 బంతుల్లో 85 నాటౌట్‌; 8 ఫోర్లు, 6 సిక్స్‌లు), కోహ్లి (30 బంతుల్లో 54; 10 ఫోర్లు) చెలరేగారు. చితగ్గొట్టిన పంత్‌ మార్ష్ తో ఇన్నింగ్స్‌ ఆరంభించిన బ్రిట్‌జ్కీ (14) మూడో ఓవర్లో నిష్క్రమించాడు. తర్వాత రిషభ్‌ పంత్‌ రావడంతో లక్నో ప్రతీ ఓవర్లోనూ పండగ చేసుకుంది. యశ్‌ దయాళ్ వేసిన నాలుగో ఓవర్లో ఒక సిక్స్, రెండు బౌండరీలు బాదడం ద్వారా పంత్‌ ప్రతాపం మొదలైంది. పవర్‌ప్లే తర్వాత ఓ వైపు మార్ష్, ఇంకోవైపు రిషభ్‌ ధనాధన్‌ షోతో ఓవర్‌కు సగటున పది పరుగుల రన్‌రేట్‌ నమోదైంది. దీంతో 9.5 ఓవర్లో జెయింట్స్‌ 100 స్కోరును చేరుకుంది.ముందుగా పంత్‌ 29 బంతుల్లో అర్ధ సెంచరీ పూర్తి చేసుకున్నాడు. 14వ ఓవర్లో సిక్సర్‌తో మార్ష్ 31 బంతుల్లో ఫిఫ్టీ సాధించాడు. ఆ ఓవర్లో రిషభ్‌ కూడా ఫోర్, సిక్స్ బాదడంతో 18 పరుగులు వచ్చాయి. 16వ ఓవర్లో వరుసగా 2 సిక్సర్లు కొట్టిన మార్ష్ ను భువనేశ్వర్‌ అవుట్‌ చేశాడు. దీంతో రెండో వికెట్‌కు 152 పరుగుల సుదీర్ఘ భాగస్వామ్యానికి తెరపడింది. అతని మరుసటి ఓవర్లో బౌండరీతో పంత్‌ 54 బంతుల్లోనే సెంచరీని పూర్తి చేసుకోవడం, జట్టు 200మార్క్ దాటడం జరిగిపోయాయి. మెరుపు భాగస్వామ్యం... సాల్ట్, కోహ్లిలు పెద్ద లక్ష్యాన్ని ఛేదించేందుకు అవసరమైన మెరుపు ఆరంభాన్నిచ్చారు. ఇద్దరు బౌండరీలతో స్కోరుబోర్డును పరుగు పెట్టించారు. 4 ఓవర్లలోనే స్కోరు 50కి చేరింది. కానీ పవర్‌ప్లే ఆఖరి ఓవర్లోనే సాల్ట్ (19 బంతుల్లో 30; 6 ఫోర్లు) వికెట్‌ను కోల్పోయింది. తర్వాత కోహ్లికి జతయిన రజత్ పటిదార్‌ (14) ఫోర్, సిక్సర్‌ బాదాడు. కానీ రూర్కే ఒకే ఓవర్లో అతన్ని, లివింగ్స్టోన్ (0)ను అవుట్‌ చేసి బెంగళూరును కష్టాల్లో పడేశాడు. కోహ్లి తన మార్క్ షాట్లతో చెలరేగిపోవడంతో రన్‌రేట్‌ లక్ష్యాన్ని కరిగించేంత వేగంగా దూసుకెళ్లింది. 9.1 ఓవర్లోనే ఆర్సీబీ స్కోరు వందను దాటేసింది. కోహ్లి 27 బంతుల్లోనే అర్ధ సెంచరీ సాధించాడు. ధాటిని కొనసాగించే ప్రయత్నంలో కొట్టిన షాట్‌ మిడాఫ్‌లో బదోని చేతికి చిక్కడంతో కోహ్లి నిరాశగా వెనుదిరిగాడు. అప్పుడు జట్టు స్కోరు 11.2 ఓవర్లలో 123/4. కాగా గెలుపు సమీకరణం 52 బంతుల్లో 105 చాలా కష్టమైంది.మయాంక్, కెప్టెన్ జితేశ్ శర్మల మెరుపులకు తోడు... లక్నో ఆటగాళ్ల చెత్త ఫీల్డింగ్, సులువైన రనౌట్‌పట్ల రూర్కే అశ్రద్ధ వెరసి... పరుగులు, బౌండరీలు అలవోకగా రావడంతో చూస్తుండగానే లక్ష్యం దిగొచ్చింది. అబేధ్యమైన ఐదో వికెట్‌కు మయాంక్, జితేశ్‌లు కేవలం 44 బంతుల్లోనే 107 పరుగులు జోడించడం విశేషం! స్కోరు వివరాలు లక్నో సూపర్‌జెయింట్స్‌ ఇన్నింగ్స్‌: మార్ష్ (సి) జితేశ్ (బి) భువనేశ్వర్‌ 67; బ్రిట్‌జ్కీ (బి) తుషార 14; పంత్‌ నాటౌట్‌ 118; పూరన్‌ (సి) యశ్‌ దయాళ్ (బి) షెఫర్డ్‌ 13; సమద్‌ నాటౌట్‌ 1; ఎక్స్‌ట్రాలు 14; మొత్తం (20 ఓవర్లలో 3 వికెట్లకు) 227. వికెట్ల పతనం: 1–25, 2–177, 3–226. బౌలింగ్‌: తుషార 4–0–26–1, కృనాల్‌ పాండ్యా 2–0–14–0, యశ్‌ దయాళ్ 3–0–44–0, భువనేశ్వర్‌ 4–0–46–1, సుయశ్‌ 3–0–39–0, షెఫర్డ్‌ 4–0–51–1. రాయల్ చాలెంజర్స్‌ బెంగళూరు ఇన్నింగ్స్‌: సాల్ట్ (సి) దిగ్వేశ్‌ (బి) ఆకాశ్‌ 30; కోహ్లి (సి) బదోని (బి) అవేశ్‌ఖాన్‌ 54; పటిదార్‌ (సి) సమద్‌ (బి) రూర్కే 14; లివింగ్స్టోన్ (ఎల్బీడబ్ల్యూ) (బి) రూర్కే 0; మయాంక్ నాటౌట్‌ 41; జితేశ్ నాటౌట్‌ 85; ఎక్స్‌ట్రాలు 6; మొత్తం (18.4 ఓవర్లలో 4 వికెట్లకు) 230. వికెట్ల పతనం: 1–61, 2–90, 3–90, 4–123. బౌలింగ్‌: ఆకాశ్‌ 4–0–40–1, విల్‌ రూర్కే 4–0–74–2, దిగ్వేశ్‌ రాఠి 4–0–36–0, షాబాజ్‌ 3–0–39–0, అవేశ్‌ఖాన్‌ 3–0–32–1, బదోని 0.4–0–9–0. ఐపీఎల్ ‘ప్లే ఆఫ్స్‌’క్వాలిఫయర్‌–1 (మే 29)పంజాబ్ X బెంగళూరువేదిక: ముల్లాన్‌పూర్‌ , రాత్రి 7: 30 గంటల నుంచిఎలిమినేటర్‌ (మే 30)గుజరాత్‌ X ముంబైవేదిక: ముల్లాన్‌పూర్‌ , రాత్రి 7: 30 గంటల నుంచి స్టార్ స్పోర్ట్స్, జియో హాట్‌స్టార్‌లో ప్రత్యక్ష ప్రసారం -
IPL 2025: ఆర్సీబీ కెప్టెన్‌గా జితేష్ శర్మ..?
భారత్-పాకిస్తాన్ మధ్య ఉద్రిక్త‌ల కారణంగా ఐపీఎల్-2025ను బీసీసీఐ వారం రోజుల పాటు తాత్కాలికంగా వాయిదా వేసిన సంగతి తెలిసిందే. అయితే ప‌రిస్థితులు కాస్త చ‌ల్లార‌డంతో ఈ ఏడాది ఐపీఎల్ సీజన్ను తిరిగి ప్రారంభించాల‌ని బీసీసీఐ భావిస్తోంది. మే 15 నుంచి ఐపీఎల్ రీ స్టార్ట్ కానున్న‌ట్లు పలు రిపోర్ట్‌లు పేర్కొంటున్నాయి. మంగళవారం (మే 13) నాటికి ఆటగాళ్లందరినీ జట్టుతో చేరేలా చూసుకోవాలని ఫ్రాంఛైజీలకు ఐపీఎల్ గ‌వ‌ర్నింగ్ కౌన్సిల్‌ ఆదేశాలు జారీ చేసినట్లు సమాచారం. డబుల్‌ హెడర్‌ (ఒకే రోజు రెండు) మ్యాచ్‌లు నిర్వహించి, ముందుగా నిర్ణయించిన షెడ్యూల్‌ ప్రకారమే మే 25న ఈ ఏడాది సీజన్కు ముగింపు ప‌ల‌కాల‌ని బీసీసీఐ యోచిస్తోంది.ఆర్సీబీ కెప్టెన్‌గా జితేష్ శర్మ..ఇక ఇది ఇలా ఉండగా.. రాయల్ ఛాలెంజర్స్ బెంగళూరు కెప్టెన్ రజత్ పాటిదార్ గాయం కారణంగా కనీసం ఒక మ్యాచ్‌కైనా దూరమ‌య్యే అవకాశముంది. మే 3న చెన్నై సూపర్ కింగ్స్‌తో జరిగిన మ్యాచ్లో ఫీల్డింగ్ చేస్తున్నప్పుడు పాటిదార్ చేతి వేలికి గాయమైంది. దీంతో అతడికి రెండు వారాల పాటు విశ్రాంతి అవ‌స‌ర‌మ‌ని వైద్యులు సూచించారు. ఈ క్రమంలో అతడు కనీసం రెండు మ్యాచ్‌ల‌కైనా దూర‌మ‌వుతాడ‌ని అంతా భావించారు.కానీ ఐపీఎల్-2025లో మ‌ధ్య‌లోనే ఆగిపోవ‌డంతో ఆర్సీబీకి కలిసొచ్చింది. అతడు చేతి వేలి గాయం నుంచి కోలుకుంటున్నాడు. ఒకవేళ ఐపీఎల్-2025 మే 15 నుంచి తిరిగి ప్రారంభ‌మైతే.. లక్నో సూపర్ జెయింట్స్‌తో మ్యాచ్‌కు పాటిదార్ కానున్నాడు. పాటిదార్ గైర్హ‌జ‌రీలో వికెట్ కీపర్ బ్యాటర్ జితేష్ శర్మ ఆర్సీబీ జట్టును న‌డిపించ‌నున్నాడు. ఇప్పటికే ఈ విషయాన్ని జితేష్ శర్మ ధ్రువీక‌రించాడు."లక్నో సూపర్ జెయింట్స్‌తో మ్యాచ్‌కు పాటిదార్ దూరమయ్యాడు. అతడి స్ధానంలో కెప్టెన్‌గా నాకు అవ‌కాశ‌మిచ్చినందుకు ధ‌న్య‌వాదాలు తెల‌పాల‌నుకుంటున్నాను. ఇది నాకు, నా కుటుంబానికి చాలా గొప్ప విషయం. దేవదత్ పడిక్కల్, ర‌జిత్ పాటిదార్ ఇద్దరూ అందుబాటులో లేనందున, వారిస్ధానాల‌ను ఎవ‌రితో భర్తీ చేయాలని నేను ఆలోచిస్తున్నాను. నాకు నిజంగా ఇది చాలా పెద్ద బాధ్యత" అని ఐపీఎల్ స‌స్పెన్ష‌న్‌కు ముందు జితేష్ శర్మ ఆర్సీబీ బోల్డ్ డైరీస్‌లో పేర్కొన్నాడు. ఒకవేళ మే 15న ఐపీఎల్ తిరిగి ప్రారంభం కాక‌పోతే కెప్టెన్సీ అవకాశాన్ని జితేష్ కోల్పోయే ఛాన్స్ ఉంది.చదవండి: ENG vs IND: రోహిత్ శర్మ స్థానంలో యువ సంచలనం..? ఇక భారత్కు తిరుగులేదు? -
శ్రేయాంకతో కలిసి తిరుమల శ్రీవారిని దర్శించుకున్న ఆర్సీబీ కెప్టెన్ పాటిదార్ (ఫొటోలు)
-
నాకెందుకు?.. ఇందుకు అతడే అర్హుడు: విరాట్‌ కోహ్లి
పంజాబ్ కింగ్స్‌తో మ్యాచ్లో రాయల్ చాలెంజర్స్‌ బెంగళూరు (PBKS vs RCB) స్టార్ విరాట్‌ కోహ్లి (Virat Kohli) అదరగొట్టాడు. ఈ ఓపెనింగ్‌ బ్యాటర్ దూకుడు శైలికి భిన్నంగా సంయమనంతో ఆడి ఆఖరి వరకు అజేయంగా నిలిచాడు. అద్భుత అర్ధ శతకంతో మెరిసి జట్టుకు విజయాన్ని అందించడంలో కీలక పాత్ర పోషించాడు.పంజాబ్‌తో మ్యాచ్లో మొత్తంగా 54 బంతులు ఎదుర్కొన్న కోహ్లి.. ఏడు ఫోర్లు, ఒక సిక్స్ సాయంతో 73 పరుగులు సాధించాడు. అయితే, ఈ మ్యాచ్లో కోహ్లి 135 స్ట్రైక్‌రేటుతో బ్యాటింగ్ చేస్తే.. వన్‌డౌన్‌ బ్యాటర్ దేవదత్ పడిక్కల్ (Devdutt Padikkal) మాత్రం వేగంగా ఆడాడు.ఈ కేరళ బ్యాటర్ 35 బంతుల్లో ఐదు ఫోర్లు, నాలుగు సిక్సర్లు కొట్టి 61 పరుగులు సాధించాడు. ఇక ఆఖర్లో జితేశ్ శర్మ సిక్స్‌తో ఆర్సీబీ గెలుపును ఖరారు చేశాడు. ఈ నేపథ్యంలో ‘ప్లేయర్‌ ఆఫ్ ది మ్యాచ్’ అవార్డు అందుకున్న అనంతరం విరాట్‌ కోహ్లి చేసిన వ్యాఖ్యలు వైరల్‌ అవుతున్నాయి.నాకెందుకు?.. ఈ అవార్డుకు అతడే అర్హుడు‘‘మాకు ఇది అతి ముఖ్యమైన మ్యాచ్. రెండు పాయింట్లు కూడా ప్లే ఆఫ్స్‌నకు అర్హత సాధించే క్రమంలో ఎంతో ఉపయోగపడతాయి. సొంత మైదానం వెలుపలా మేము అద్భుతంగా ఆడుతున్నాం.ఈ విషయం ఇక్కడ మరోసారి నిరూపితమైంది. అయితే, ఈరోజు దేవ్‌ ఇన్నింగ్స్‌ వల్లే ఇది సాధ్యమైంది. అతడు భిన్న రీతిలో స్కోరు బోర్డును ముందుకు నడిపించాడు. నాకు అభిప్రాయం ప్రకారం ఈ అవార్డుకు అతడే అర్హుడు.కానీ నాకెందుకు ఇచ్చారో తెలియడం లేదు’’ అంటూ కోహ్లి పేర్కొన్నాడు. అదే విధంగా.. ‘‘నేను క్రీజులో నిలదొక్కుకునేందుకు సమయం తీసుకున్నా పర్లేదు.. ఆ తర్వాత వేగం పెంచి.. ఆఖరిదాకా క్రీజులో ఉండాలనేదే మా వ్యూహం.మాకు మంచి జట్టు లభించిందిఈ సీజన్లో మాకు మంచి జట్టు లభించింది. వేలంలో మా వ్యూహాలు మంచి ఫలితాలను ఇస్తున్నాయి. డేవిడ్‌, టిమ్‌, పాటిదార్.. అందరూ తమ పాత్రలను చక్కగా నిర్వర్తిస్తున్నారు. ఇక రొమారియో షెఫర్డ్‌, లియామ్‌ లివింగ్స్టోన్ కూడా ఉండటం మాకు సానుకూలాంశం’’ అని కోహ్లి చెప్పుకొచ్చాడు.కాగా మూడు రోజుల క్రితం చిన్నస్వామి స్టేడియంలో పంజాబ్ కింగ్స్ ఆర్సీబీని ఓడించింది. అందుకు బదులుగా పంజాబ్ సొంత మైదానం ముల్లన్‌పూర్‌లో ఆర్సీబీ ఆదివారం నాటి మ్యాచ్లో శ్రేయస్‌ సేనపై ప్రతీకారం తీర్చుకుంది. ఏడు వికెట్ల తేడాతో పంజాబ్‌ను చిత్తు చేసింది. తద్వారా ఈ సీజన్లో ఎనిమిదింట ఐదో గెలుపు నమోదు చేసి పాయింట్ల పట్టికలో మూడో స్థానానికి దూసుకువచ్చింది. మరోవైపు.. పంజాబ్ కూడా ఎనిమిదింట ఐదు విజయాలు సాధించినా రన్‌రేటు పరంగా వెనుకబడి నాలుగో స్థానంలో ఉంది.ఐపీఎల్-2025: పంజాబ్ వర్సెస్‌ ఆర్సీబీ👉టాస్‌: ఆర్సీబీ.. మొదట బౌలింగ్‌👉పంజాబ్ స్కోరు: 157/6 (20)👉ఆర్సీబీ స్కోరు: 159/3 (18.5)👉ఫలితం: ఏడు వికెట్ల తేడాతో పంజాబ్‌ను ఓడించిన ఆర్సీబీ.చదవండి: RCB Vs PBKS: ‘హద్దు’దాటిన కోహ్లి.. కింగ్‌పై మండిపడ్డ శ్రేయస్‌ అయ్యర్‌!.. వీడియోSmacking them with ease 🤌Virat Kohli is in the mood to finish this early 🔥Updates ▶ https://t.co/6htVhCbTiX#TATAIPL | #PBKSvRCB | @imVkohli pic.twitter.com/iuT58bJY2A— IndianPremierLeague (@IPL) April 20, 2025 -
RCB Vs MI: ఆర్సీబీ కెప్టెన్ రజత్ పాటిదార్‌కు భారీ షాక్‌!
గెలుపు జోష్‌లో ఉన్న రాయల్ చాలెంజర్స్‌ బెంగళూరు (RCB) జట్టు కెప్టెన్ రజత్ పాటిదార్ (Rajat Patidar)కు గట్టి ఎదురుదెబ్బ తగిలింది. ఐపీఎల్-2025లో భాగంగా ముంబై ఇండియన్స్‌తో మ్యాచ్ సందర్భంగా పాల్పడిన తప్పిదానికి గానూ ఐపీఎల్ పాలక మండలి అతడికి భారీ జరిమానా విధించింది. కాగా పదేళ్ల సుదీర్ఘ విరామం తర్వాత ఆర్సీబీ వాంఖడేలో తొలి విజయం నమోదు చేసి విషయం తెలిసిందే. పాటిదార్ కెప్టెన్సీలో సోమవారం ముంబైతో జరిగిన మ్యాచ్లో టాస్‌ ఓడిన ఆర్సీబీ.. తొలుత బ్యాటింగ్ చేసింది. ఓపెనర్లలో ఫిల్‌ సాల్ట్ (4) విఫలం కాగా.. విరాట్‌ కోహ్లి (42 బంతుల్లో 67) మాత్రం రాణించాడు. ఆకాశమే హద్దుగా ఇక వన్‌డౌన్‌ బ్యాటర్ దేవదత్ పడిక్కల్ 22 బంతుల్లో 37 పరుగులు చేయగా.. పాటిదార్ కెప్టెన్ ఇన్నింగ్స్‌తో మెరిశాడు. కేవలం 32 బంతుల్లోనే 5 ఫోర్లు, 4 సిక్సర్ల సాయంతో పాటిదార్ 64 పరుగులు సాధించాడు. ఇక వికెట్ కీపర్ జితేశ్ శర్మ ఆకాశమే హద్దుగా చెలరేగాడు. కేవలం 19 బంతుల్లోనే 2 ఫోర్లు, 4 సిక్స్‌లు బాది 40 పరుగులతో అజేయంగా నిలిచాడు. ఫలితంగా నిర్ణీత 20 ఓవర్లలో ఆర్సీబీ ఐదు వికెట్ల నష్టానికి 221 పరుగుల మేర భారీ స్కోరు సాధించింది.ముంబై బౌలర్లలో పేసర్లు ట్రెంట్‌ బౌల్ట్‌, కెప్టెన్ హార్దిక్ పాండ్యా తలా రెండు వికెట్లు తీయగా.. స్పిన్నర్‌ విఘ్నేశ్‌ పుతూర్‌ ఒక వికెట్ తన ఖాతాలో వేసుకున్నాడు. ఇక లక్ష్య ఛేదనలో ముంబై ఆరంభంలోనే తడబడింది. టాపార్డర్‌ రోహిత్ శర్మ (17), రియాన్‌ రికెల్టన్‌ (17), విల్‌ జాక్స్‌ (22)విఫలం కాగా.. సూర్యకుమార్ యాదవ్(28) కూడా నిరాశపరిచాడు.తిలక్, హార్దిక్ రాణించినా..ఈ క్రమంలో తిలక్ వర్మ (29 బంతుల్లో 56), హార్దిక్ పాండ్యా (15 బంతుల్లోనే 42) ధనాధన్‌ బ్యాటింగ్‌తో అదరగొట్టినా.. అప్పటికే పరిస్థితి చేయిదాటిపోయింది. 20 ఓవర్లలో 9 వికెట్లు నష్టపోయిన ముంబై 209 పరుగుల వద్ద నిలిచింది. దీంతో పన్నెండు పరుగుల తేడాతో ఆర్సీబీ ముంబైపై విజయం సాధించింది.రూ. 12 లక్షల జరిమానాఅయితే, రెండో ఇన్నింగ్స్‌ సందర్భంగా ఆర్సీబీ స్లో ఓవర్‌ రేటు మెయింటెన్‌ చేసింది. నిర్ణీత సమయంలో బౌలింగ్‌ కోటా పూర్తి చేయలేకపోయింది. దీంతో ఆర్సీబీ కెప్టెన్ రజత్ పాటిదార్‌కు ఐపీఎల్ పాలక మండలి రూ. 12 లక్షల జరిమానా విధించింది. ఐపీఎల్ నియమావళిలోని ఆర్టికల్‌ 2.2 ప్రకారం.. తొలి తప్పిదం కాబట్టి ఈసారి రూ. 12 లక్షల ఫైన్‌తో సరిపెట్టింది.కాగా ఐపీఎల్-2025 సందర్భంగా ఆర్సీబీ కెప్టెన్‌గా తొలిసారి పగ్గాలు చేపట్టిన రజత్ పాటిదార్ ఊహించని రీతిలో అదరగొడుతున్నాడు. ఇటు బ్యాటర్‌గా.. అటు సారథిగా దుమ్ములేపుతున్నాడు. ఇప్పటి వరకు అతడి సారథ్యంలో ఆడిన నాలుగు మ్యాచ్‌లలో మూడు గెలిచి ఆరు పాయింట్లతో కొనసాగుతోంది. టోర్నీ ఆసాంతం ఇదే జోరు కనబరిస్తే ఈసారి కప్‌ కొట్టాలన్న ఆర్సీబీ చిరకాల కల నెరవేరే అవకాశాలు లేకపోలేదు.చదవండి: Hardik Pandya: అతడు అద్భుతంగా బ్యాటింగ్ చేశాడు.. రోహిత్ రావడం వల్ల.. A #TATAIPL Classic in every sense 🔥#RCB hold their nerves to seal a win after 1️⃣0️⃣ years against #MI at Wankhede! Scorecard ▶️ https://t.co/ArsodkwOfO#TATAIPL | #MIvRCB | @RCBTweets pic.twitter.com/uu98T8NtWE— IndianPremierLeague (@IPL) April 7, 2025 -
RCB Vs MI: ఆర్సీబీ అదరహో
ముంబై విజయలక్ష్యం 222 పరుగులు... ఆర్సీబీ చక్కటి బౌలింగ్‌తో స్కోరు 99/4 వద్ద నిలిచింది. ముంబై గెలిచేందుకు 8 ఓవర్లలో 123 పరుగులు చేయడం అసాధ్యంగా అనిపించింది. అయితే అసాధారణ ఆటతో తిలక్ వర్మ, హార్దిక్ పాండ్యా పోరాడారు. కేవలం 34 బంతుల్లో 89 పరుగులు జోడించి విజయం దిశగా నడిపించారు. అయితే ఆరు పరుగుల వ్యవధిలో వీరిద్దరిని అవుట్‌ చేసి బెంగళూరు చివరకు మ్యాచ్‌పై పట్టు నిలబెట్టుకుంది. అంతకుముందు కెప్టెన్ రజత్ పాటీదార్, విరాట్‌ కోహ్లి, జితేశ్ శర్మ దూకుడుతో బెంగళూరు ప్రత్యర్థికి సవాల్‌ విసిరింది. ముంబై: వాంఖెడే మైదానంలో పదేళ్ల తర్వాత ముంబైపై బెంగళూరు విజయం సాధించింది. సోమవారం చివరి వరకు ఉత్కంఠభరితంగా సాగిన పోరులో ఆర్సీబీ 12 పరుగులతో ముంబై ఇండియన్స్‌ను ఓడించింది. టాస్‌ ఓడి ముందుగా బ్యాటింగ్‌కు దిగిన బెంగళూరు 20 ఓవర్లలో 5 వికెట్ల నష్టానికి 221 పరుగులు చేసింది. ‘ప్లేయర్‌ ఆఫ్ ద మ్యాచ్’ రజత్ పాటీదార్ (32 బంతుల్లో 64; 5 ఫోర్లు, 4 సిక్స్‌లు), విరాట్‌ కోహ్లి (42 బంతుల్లో 67; 8 ఫోర్లు, 2 సిక్స్‌లు) అర్ధ సెంచరీలు సాధించగా... జితేశ్ శర్మ (19 బంతుల్లో 40 నాటౌట్‌; 2 ఫోర్లు, 4 సిక్స్‌లు), దేవదత్ పడిక్కల్ (22 బంతుల్లో 37; 2 ఫోర్లు, 3 సిక్స్‌లు) కూడా మెరుపు ఇన్నింగ్స్‌లు ఆడారు. అనంతరం ముంబై 20 ఓవర్లలో 9 వికెట్లకు 209 పరుగులు చేసింది. తిలక్ వర్మ (29 బంతుల్లో 56; 4 ఫోర్లు, 4 సిక్స్‌లు) హాఫ్‌ సెంచరీ చేయగా, హార్దిక్ పాండ్యా (15 బంతుల్లో 42; 3 ఫోర్లు, 4 సిక్స్‌లు) రాణించాడు. సమష్టి ప్రదర్శన... ఇన్నింగ్స్‌ రెండో బంతికే ఫిల్‌ సాల్ట్ (4) వెనుదిరగ్గా... కోహ్లి, పడిక్కల్ కలిసి దూకుడుగా స్కోరుబోర్డును నడిపించారు. బౌల్ట్‌ ఓవర్లో వీరిద్దరు కలిసి 16 పరుగులు రాబట్టారు. చహర్‌ ఓవర్లో పడిక్కల్ వరుసగా 6, 6, 4 బాదగా పవర్‌ప్లే ముగిసేసరికి స్కోరు 73 పరుగులకు చేరింది. చక్కటి షాట్లు ఆడిన కోహ్లి 29 బంతుల్లోనే హాఫ్‌ సెంచరీని అందుకున్నాడు. మరో భారీ షాట్‌కు ప్రయతి్నంచి పడిక్కల్ వెనుదిరగడంతో 91 పరుగుల (52 బంతుల్లో) రెండో వికెట్ భాగస్వామ్యానికి తెర పడింది. ఆ తర్వాత సాంట్నర్‌ ఓవర్లో 2 సిక్స్‌లతో పాటీదార్ జోరు ప్రదర్శించాడు. హార్దిక్ ఒకే ఓవర్లో కోహ్లి, లివింగ్స్టోన్ (0)లను అవుట్‌ చేయగా, బౌల్ట్‌ ఓవర్లో ఆర్సీబీ బ్యాటర్లు పాటీదార్, జితేశ్ కలిసి 18 పరుగులు సాధించారు. 16 ఓవర్లు ముగిసేసరికి స్కోరు 169/4. ఆఖరి 4 ఓవర్లలో బెంగళూరు 52 పరుగులు సాధించింది. భారీ భాగస్వామ్యం... భువనేశ్వర్‌ వేసిన తొలి ఓవర్లో 6, 4తో దూకుడుగా ఆటను మొదలు పెట్టిన రోహిత్ శర్మ (9 బంతుల్లో 17; 2 ఫోర్లు, 1 సిక్స్)... దయాళ్ తర్వాతి ఓవర్లో వరుసగా 2 ఫోర్లు కొట్టి తర్వాతి బంతికి బౌల్డయ్యాడు. రికెల్టన్‌ (17), జాక్స్‌ (22) కూడా మెరుగ్గానే ఆరంభించినా ఎక్కువ సేపు నిలవలేకపోయారు. బౌలర్ దయాళ్, కీపర్ జితేశ్ సమన్వయలోపంతో సులువైన క్యాచ్‌ను వదిలేయడంతో బతికిపోయిన సూర్యకుమార్ యాదవ్ (26 బంతుల్లో 28; 5 ఫోర్లు)ను అదే ఓవర్లో మరో రెండు బంతుల తర్వాత పెవిలియన్‌ పంపించి దయాళ్ సంబరాలు చేసుకున్నాడు. ఆ తర్వాత సుయాశ్‌ ఓవర్లో తిలక్ 2 ఫోర్లు, సిక్స్...హాజల్‌వుడ్‌ వేసిన తర్వాతి ఓవర్లో హార్దిక్ 2 ఫోర్లు, 2 సిక్స్‌లు బాది విజయంపై ఆశలు రేపారు. గత మ్యాచ్లో ‘రిటైర్ట్‌ అవుట్‌’గా పంపించిన కసి తిలక్ బ్యాటింగ్‌లో కనిపించింది. తర్వాతి మూడు ఓవర్లలో కూడా ఈ జోరు కొనసాగి 43 పరుగులు వచ్చాయి. అయితే తిలక్ వికెట్‌తో ఆట మళ్లీ బెంగళూరు వైపు మొగ్గింది. స్కోరు వివరాలు రాయల్ చాలెంజర్స్‌ బెంగళూరు ఇన్నింగ్స్‌: సాల్ట్ (బి) బౌల్ట్‌ 4; కోహ్లి (సి) నమన్‌ (బి) హార్దిక్ 67; పడిక్కల్ (సి) జాక్స్‌ (బి) పుతూర్‌ 37; పాటీదార్ (సి) రికెల్టన్‌ (బి) బౌల్ట్‌ 64; లివింగ్స్టోన్ (సి) బుమ్రా (బి) హార్దిక్ 0; జితేశ్ (నాటౌట్‌) 40; డేవిడ్‌ (నాటౌట్‌) 1; ఎక్స్‌ట్రాలు 8; మొత్తం (20 ఓవర్లలో 5 వికెట్లకు) 221. వికెట్ల పతనం: 1–4, 2–95, 3–143, 4–144, 5–213. బౌలింగ్‌: బౌల్ట్‌ 4–0–57–2, చహర్‌ 2–0–29–0, బుమ్రా 4–0–29–0, జాక్స్‌ 1–0–10–0, సాంట్నర్‌ 4–0–40–0, హార్దిక్ 4–0– 45–2, విఘ్నేశ్‌ 1–0–10–1. ముంబై ఇండియన్స్‌ ఇన్నింగ్స్‌: రోహిత్ (బి) దయాళ్ 17; రికెల్టన్‌ (ఎల్బీ) (బి) హాజల్‌వుడ్‌ 17; జాక్స్‌ (సి) కోహ్లి (బి) కృనాల్‌ 22; సూర్యకుమార్ (సి) లివింగ్స్టోన్ (బి) దయాళ్ 28; తిలక్‌వర్మ (సి) సాల్ట్ (బి) భువనేశ్వర్‌ 56; హార్దిక్ (సి) లివింగ్స్టోన్ (బి) హాజల్‌వుడ్‌ 42; నమన్‌ ధీర్‌ (సి) దయాళ్ (బి) కృనాల్‌ 11; సాంట్నర్‌ (సి) డేవిడ్‌ (బి) కృనాల్‌ 8; దీపక్ చహర్‌ (సి) డేవిడ్‌ (బి) కృనాల్‌ 0; బౌల్ట్‌ (నాటౌట్‌) 1; బుమ్రా (నాటౌట్‌) 0; ఎక్స్‌ట్రాలు 7; మొత్తం (20 ఓవర్లలో 9 వికెట్లకు) 209. వికెట్ల పతనం: 1–21, 2–38, 3–79, 4–99, 5–188, 6–194, 7–203, 8–203, 9–209. బౌలింగ్‌: భువనేశ్వర్‌ 4–0–48–1, యశ్‌ దయాళ్ 4–0–46–2, హాజల్‌వుడ్‌ 4–0–37–2, సుయాశ్‌ శర్మ 4–0–32–0, కృనాల్‌ పాండ్యా 4–0–45–4. -
అప్పుడు రూ. 20 లక్షలు.. ఇప్పుడు రూ. 11 కోట్లు.. ఐపీఎల్ చరిత్రలోనే తొలిసారి
ఇండియన్‌ ప్రీమియర్‌ లీగ్‌(ఐపీఎల్) చరిత్రలో అత్యంత ఎక్కువ ధరకు అమ్ముడుపోయిన ఆటగాడు ఎవరనగానే ఠక్కున.. టీమిండియా స్టార్ రిషభ్‌ పంత్‌ పేరు చెప్పేస్తారు క్రికెట్ ప్రేమికులు. ఇక అతడి తర్వాతి స్థానాల్లో ఉన్నది ఎవరంటే.. మరో ఇద్దరు భారత స్టార్లు శ్రేయస్‌ అయ్యర్‌, వెంకటేశ్‌ అయ్యర్‌. మరి ఈ ముగ్గురికి సాధ్యంకాని రీతిలో ఓ అరుదైన ఫీట్‌ సాధించిన ఆటగాడు మరొకడు ఉన్నాడు.క్యాష్ రిచ్ లీగ్‌ చరిత్రలోనే అత్యధిక హైక్‌ పొందిన ప్లేయర్‌గా చరిత్ర సృష్టించాడు. ఏకంగా 5500 శాతం హైక్‌తో కోట్లు కొలగొట్టాడు. ఇంతకీ అతడు ఎవరా అంటారా?!.... టీమిండియా వికెట్ కీపర్ బ్యాటర్ జితేశ్ శర్మ. అవును.. ఐపీఎల్‌లో ఇంత వరకు ఎవరికీ సాధ్యం కాని రీతిలో జితేశ్ ఏకంగా ఈసారి వేలంలో తన పాత ధర కంటే.. 5500 శాతం ఎక్కువ మొత్తం పలికాడు.21 నిమిషాల వ్యవధిలోనే సౌదీ అరేబియాలోని జెద్దా నగరంలో రెండురోజుల పాటు జరిగిన వేలంలో.. మొదటిరోజే రికార్డులు బ్రేకైన విషయం తెలిసిందే. టీమిండియా పేసర్‌ అర్ష్దీప్ సింగ్‌ను రూ. 18 కోట్లను పంజాబ్ కింగ్స్ కొనుగోలు చేయగా.. ఆ తర్వాత శ్రేయస్‌ అయ్యర్‌ కోసం రికార్డు స్థాయిలో ఏకంగా రూ. 26.75 కోట్లు ఖర్చు చేసింది. దీంతో ఐపీఎల్‌లో అత్యధిక ధరకు అమ్ముడుపోయిన ఆటగాడిగా అయ్యర్‌ నిలిచాడు.అయితే, 21 నిమిషాల వ్యవధిలోనే అతడి రికార్డును రిషభ్‌ పంత్‌ బద్దలుకొట్టాడు. లక్నో సూపర్ జెయింట్స్‌ ఈ వికెట్ కీపర్‌ను ఏకంగా రూ. 27 కోట్లకు కొనుగోలు చేసింది. అయితే, ఐపీఎల్-2024 సీజన్లో శ్రేయస్‌ అయ్యర్‌ కోల్‌కతా నైట్‌ రైడర్స్‌ కెప్టెన్‌గా ఉన్న విషయం తెలిసిందే. జట్టును చాంపియన్‌గా నిలిపిన అతడు కేకేఆర్‌ నుంచి 2022 వేలంలో రూ. 12.25 కోట్లు అందుకున్నాడు. అంతే మొత్తానికి ఈసారీ ఆడాడు.అర్ష్దీప్ హైక్‌ 3500 శాతానికి పైనే!అయితే, ఈసారి వేలంలో రూ. 26.75 కోట్లు దక్కించుకోవడంతో అయ్యర్‌కు 200 శాతం మేర హైక్‌ లభించినట్లయింది. మరోవైపు అర్ష్దీప్ గతంలో రూ. 4 కోట్లే అందుకున్నాడు. ఈసారి ఏకంగా రూ. 18 కోట్లు దక్కించుకున్నాడు. అంటే అర్ష్దీప్ హైక్‌ 3500 శాతానికి పైనే!ఇక రిషభ్‌ పంత్‌ ఢిల్లీ క్యాపిటల్స్‌ కెప్టెన్‌గా గతంలో రూ. 16 కోట్లు అందుకోగా.. ఈసారి 11 కోట్ల మేర హైక్‌ పొందాడు. మరోవైపు.. లెగ్‌ స్పిన్నర్‌ యుజువేంద్ర చహల్‌ కూడా భారీ జంప్‌ కొట్టాడు. చివరగా రాజస్తాన్‌ రాయల్స్‌కు ఆడిన చహల్‌ పాత ధర రూ. 6జ5 కోట్లు.. ఈసారి పంజాబ్ కింగ్స్ అతడి కోసం ఏకంగా రూ. 18 కోట్లు ఖర్చు చేసింది.20 లక్షల నుంచి 11 కోట్లకు భారీ జంప్‌మరి జితేశ్ శర్మ ధర సంగతి ఏమిటంటారా?!.. ఐపీఎల్ 2022 మెగా వేలంలో పంజాబ్ కింగ్స్ ఈ విదర్భ ఆటగాడిని రూ. 20 లక్షల కనీస ధరకు కొనుక్కుంది. 2024 వరకు అదే ధరకు అతడిని కొనసాగించింది. అయితే, ఈసారి వేలంలో జితేశ్‌కు డిమాండ్‌ రాగా.. రాయల్ చాలెంజర్స్‌ బెంగళూరు అతడిని రూ. 11 కోట్లకు సొంతం చేసుకుంది. అలా 20 లక్షల నుంచి 11 కోట్లకు భారీ జంప్‌ కొట్టాడు.నిజానికి 2024 ఎడిషన్లో జితేశ్ పెద్దగా రాణించలేదు. 131 స్ట్రైక్‌రేటుతో కేవలం 187 పరుగులే చేశాడు. అయినప్పటికీ భారీ ధర పలకడానికి కారణం అతడి వికెట్ కీపింగ్‌ నైపుణ్యాలు. అంతేకాదు పొట్టిఫార్మాట్లో లోయర్‌ ఆర్డర్లో ఫినిషర్‌గానూ జితేశ్‌కు మంచి రికార్డు ఉంది. ఇక దినేశ్‌ కార్తిక్‌ రిటైర్మెంట్‌ తర్వాత ఆర్సీబీకి వికెట్ కీపర్ బ్యాటర్ అవసరం కూడా ఉండటంతో జితేశ్ పంట ఇలా పండింది. చదవండి: KKR: అతడు 12 కోట్లకే వచ్చేవాడు.. ఇషాన్ కూడా చీప్‌.. అయినా ఎందుకిలా? -
టీమిండియా క్రికెటర్ నిశ్చితార్థం (ఫోటోలు)
-
పెళ్లి పీటలెక్కనున్న భారత క్రికెటర్.. నిశ్చితార్థం ఫోటోలు వైరల్‌
టీమిండియా యువ క్రికెటర్ జితేష్ శర్మ త్వరలో ఓ ఇంటివాడు కాబోతున్నాడు. గురువారం (ఆగస్టు 8) జితేష్ తన చిన్ననాటి స్నేహితురాలు శలక మకేశ్వర్‌తో నిశ్చితార్థం చేసుకున్నాడు. ఈ విషయాన్ని ఇన్‌స్టాగ్రామ్ వేదికగా అభిమానుల‌తో ఈ మ‌హారాష్ట్ర క్రికెటర్ పంచుకున్నాడు. దీంతో ఈ కొత్త జంటకు అభినందనలు వెల్లువెత్తున్నాయి. భారత క్రికెటర్లు రుత‌రాజ్ గైక్వాడ్, టీ20 కెప్టెన్ సూర్యకుమార్ యాద‌వ్‌లు సైతం జితేష్-మకేశ్వర్‌ల‌కు శుభాకాంక్షలు తెలిపారు. నాగ‌పూర్ చెందిన శలాకా ఇంజినీరింగ్ పూర్తి చేసి ఓ సాప్ట్‌వేర్ కంపెనీలో ప‌నిచేస్తోంది. ఇక జితేష్ శర్మ విషయానికి వస్తే.. టీమిండియాతో పాటు ఐపీఎలో పంజాబ్ కింగ్స్‌కు ప్రాతినిథ్యం వ‌హిస్తున్నాడు. గతేడాది చైనా వేదికగా జరిగిన ఆసియా క్రీడల ద్వారా భారత జట్టు తరపున అరంగ్రేటం చేశాడు.కానీ తనకు వచ్చిన అవకాశాన్ని జితేష్ అందిపుచ్చుకోలేకపోయాడు. ఇప్పటివరకు 9 మ్యాచ్‌లు ఆడిన జితేష్ కేవలం 100 పరుగులు మాత్రమే చేశాడు. ఐపీఎల్‌లో పంజాబ్ కింగ్స్ తరపున 40 మ్యాచ్‌లు ఆడిన జితేష్ శర్మ.. 730 పరుగులు చేశాడు. View this post on Instagram A post shared by Jitesh Sharma (@jiteshsharma_) -
పంజాబ్ కింగ్స్ కెప్టెన్‌గా జితేష్ శర్మ..
ఐపీఎల్-2024 సీజన్లో తమ చివరి మ్యాచ్ ఆడేందుకు పంజాబ్ కింగ్స్ సిద్దమైంది. ఈ మెగా ఈవెంట్‌లో భాగంగా రాజీవ్ గాంధీ ఇంటర్నేషనల్ స్టేడియం వేదికగా సన్రైజర్స్ హైదరాబాద్తో పంజాబ్ కింగ్స్ తలపడనుంది. ఇప్పటికే ప్లే ఆఫ్ రేసు నుంచి నిష్క‌మ్రించిన పంజాబ్.. కనీసం తమ చివరి మ్యాచ్‌లోనైనా గెలిచి సీజన్ను ఘనంగా ముగించాల‌ని భావిస్తోంది.ఇక ఈ మ్యాచ్లో పంజాబ్ కింగ్స్ కెప్టెన్‌గా వికెట్ కీపర్ బ్యాటర్ జితేష్ శర్మ వ్యవహరించనున్నాడు. పంజాబ్ త‌త్కాలిక కెప్టెన్, ఇంగ్లండ్ స్టార్ ఆల్రౌండర్ శామ్ కుర్రాన్ టీ20 వరల్డ్కప్-2024కు స‌న్న‌ద్ద‌మ‌య్యేందుకు తన స్వ‌దేశానికి వెళ్లిపోయాడు.ఈ క్ర‌మంలోనే చివరి మ్యాచ్లో పంజాబ్ జట్టుకు జితేష్ శర్మ నాయకత్వం వ‌హించ‌నున్నాడు. పంజాబ్ ఫ్రాంచైజీకి జితేష్ నాయకత్వం వహించడం ఇదే తొలిసారి. కాగా పంజాబ్ రెగ్యూల‌ర్ కెప్టెన్ శిఖ‌ర్ ధావ‌న్ గాయం కారణంగా సీజన్లో మ‌ధ్య‌లోనే వైదొలిగాడు. దీంతో సామ్‌కుర్రాన్‌కు జట్టు కెప్టెన్సీ బాధ్య‌త‌ల‌ను పంజాబ్ అప్ప‌గించింది. అయితే ఇప్పుడు సామ్ కుర్రాన్ కూడా స్వ‌దేశానికి వెళ్లిపోవ‌డంతో జితేష్ జట్టును ముందుండి న‌డిపించ‌నున్నాడు. ఈ ఏడాది సీజన్లో ఇప్పటివరకు 13 మ్యాచ్‌లు ఆడిన పంజాబ్.. ఐదింట విజయం సాధించింది. -
IPL 2024 GT VS PBKS: ఫిఫ్టి కొట్టిన రషీద్‌ ఖాన్
ఐపీఎల్ 2024లో భాగంగా పంజాబ్ కింగ్స్‌తో నిన్న (ఏప్రిల్‌ 4) జరిగిన మ్యాచ్లో గుజరాత్‌ టైటాన్స్‌ బౌలర్ రషీద్‌ ఖాన్ ఓ అరుదైన ఘనత సాధించాడు. ఐపీఎల్‌లో గుజరాత్‌ తరఫున 50 వికెట్లు సాధించిన తొలి బౌలర్‌గా రికార్డుల్లోకెక్కాడు. నిన్నటి మ్యాచ్లో జితేశ్ శర్మ వికెట్ సాధించడం ద్వారా రషీద్‌ ఈ అరుదైన మైలురాయిని చేరుకున్నాడు. ఈ మ్యాచ్‌కు ముందు మ్యాచ్‌లోనే (సన్‌రైజర్స్‌తో) షమీని అధిగమించి గుజరాత్‌ తరఫున అత్యధిక వికెట్లు తీసిన బౌలర్‌గా అవతరించిన రషీద్‌.. తాజాగా మరో మైలురాయిని తాకాడు. పంజాబ్‌తో మ్యాచ్లో రషీద్‌ 4 ఓవర్లలో 40 పరుగులిచ్చి ఓ వికెట్ పడగొట్టాడు. ఐపీఎల్‌లో గుజరాత్‌ తరఫున అత్యధిక వికెట్లు సాధించిన ఆటగాళ్లు.. రషీద్‌ ఖాన్-50 మొహమ్మద్‌ షమీ-48 మోహిత్‌ శర్మ-34 నూర్‌ అహ్మద్‌-17 అల్జరీ జోసఫ్‌-14 మ్యాచ్ విషయానికొస్తే.. శాశంక్ సింగ్ (29 బంతుల్లో 61 నాటౌట్‌; 6 ఫోర్లు, 4 సిక్సర్లు), అశుతోష్‌ శర్మ (17 బంతుల్లో 31; 3 ఫోర్లు, సిక్స్) అనూహ్య రీతిలో విరుచుకుపడటంతో గుజరాత్‌పై పంజాబ్ సంచలన విజయం సాధించింది. 200 పరుగుల లక్ష్య ఛేదనలో ఈ ఇద్దరు ఆటగాళ్లు చిరస్మరణీయ ఇన్నింగ్స్‌లు ఆడి పంజాబ్‌ను గెలిపించారు. ఈ మ్యాచ్లో తొలుత బ్యాటింగ్ చేసిన పంజాబ్.. శుభ్‌మన్‌ గిల్ (89 నాటౌట్‌) రెచ్చిపోవడంతో నిర్ణీత ఓవర్లలో 4 వికెట్ల నష్టానికి 199 పరుగులు చేయగా.. పంజాబ్ శశాంక్‌ సింగ్, అశుతోష్‌ శర్మ, ప్రభ్‌సిమ్రన్‌ సింగ్ (35) రాణించడంతో 19.5 ఓవర్లలో 7 వికెట్లు కోల్పోయి లక్ష్యాన్ని చేరుకుంది. ఫలితంగా 3 వికెట్ల తేడాతో విజయం సాధించి, పాయింట్ల పట్టికలో గుజరాత్‌ను వెనుక్కునెట్టి ఐదో స్థానానికి చేరుకుంది. -
పంత్‌ తిరిగొచ్చి ఐపీఎల్‌లో అదరగొట్టినా.. టీమిండియాలో చోటు కష్టం
T20 WC 2024- Rishabh Pant: రిషభ్‌ పంత్‌ టీమిండియా పునరాగమనం గురించి భారత మాజీ బౌలర్ జహీర్‌ ఖాన్ ఆసక్తికర వ్యాఖ్యలు చేశాడు. ఈ ఉత్తరాఖండ్‌ బ్యాటర్ జట్టులోకి తిరిగి వచ్చినా.. టీ20 ప్రపంచకప్‌-2024 జట్టులో మాత్రం అతడికి చోటు దక్కడం కష్టమన్నాడు. కాగా డిసెంబరు 30, 2022లో కారు ప్రమాదంలో తీవ్రంగా గాయపడిన పంత్‌ ఇప్పటికీ పూర్తిగా కోలుకోలేదు. ప్రస్తుతం జాతీయ క్రికెట్ అకాడమీలో పునరావాసం పొందుతున్న ఈ వికెట్ కీపర్.. ఫిట్‌నెస్‌ సాధించేందుకు శాయశక్తులా కృషి చేస్తున్నాడు. ఈ నేపథ్యంలో ఐపీఎల్-2024 సీజన్‌ ఆరంభం నాటికి అతడు అందుబాటులోకి వచ్చే అవకాశం ఉందనే వార్తలు వినిపిస్తున్నాయి. ఢిల్లీ క్యాపిటల్స్‌ కెప్టెన్‌గా పంత్‌ రీఎంట్రీ ఇవ్వనున్నట్లు తెలుస్తోంది. ఇక ఐపీఎల్ తాజా ఎడిషన్‌ ముగిసిన తర్వాత అంటే.. జూన్‌ 4 నుంచి టీ20 ప్రపంచకప్‌-2024 నిర్వహణకు షెడ్యూల్‌ ఖరారైన విషయం తెలిసిందే. ఈ నేపథ్యంలో ఐపీఎల్ ప్రదర్శనను బట్టే బీసీసీఐ సెలక్టర్లు.. వరల్డ్కప్ ఆడే భారత జట్టును ఎంపిక చేయనున్నారని విశ్లేషకులు అభిప్రాయపడుతున్నారు. ఇదిలా ఉంటే.. ప్రపంచకప్‌లో టీమిండియా వికెట్ కీపర్ ఎవరన్న అంశంపై బోర్డు ఇప్పటికీ నిర్ణయానికి రాలేకపోతోంది. ఇషాన్ కిషన్‌కు బీసీసీతో విభేదాలు తలెత్తాయన్న తరుణంలో.. ఇటీవల అఫ్గనిస్తాన్‌తో ముగిసిన సిరీస్‌కు అతడిని ఎంపిక చేయలేదు. ఈ క్రమంలో జితేశ్ శర్మ, సంజూ శాంసన్‌లకు స్వదేశంలో జరిగిన ఈ టీ20 సిరీస్‌ ఆడే అవకాశం దక్కింది. అయితే, పంత్‌ తిరిగి వస్తే వీరి భవిష్యత్తు ప్రశ్నార్థకమయ్యే అవకాశాలు ఉన్నాయనే అభిప్రాయాలు వ్యక్తమవుతున్నాయి. ఈ నేపథ్యంలో మాజీ పేసర్‌ జహీర్‌ ఖాన్ మాట్లాడుతూ.. టీ20 జట్టులో పంత్‌ పునరాగమనం గురించి కీలక వ్యాఖ్యలు చేశాడు. ‘‘రిషభ్‌ పంత్‌ జీవితంలో అనూహ్య ఘటనలు చోటు చేసుకున్నాయి. ఓ ఆటగాడిగా ఇలాంటి క్లిష్ట పరిస్థితులను ఎదుర్కోవడం అంత సులువేమీ కాదు. పంత్‌ తిరిగి మైదానంలో అడుగుపెడితే అందరికీ సంతోషమే. కఠిన సవాళ్లను దాటి ఇక్కడిదాకా చేరుకున్నాడు. అయితే, ప్రస్తుతం తను పూర్తిగా కోలుకుని ఫిట్‌నెస్‌ సాధించడమే అన్నికంటే ముఖ్యం. ఆతర్వాత రెగ్యులర్‌గా క్రికెట్ ఆడాలి. ఆటలో మునుపటి లయను అందుకోవాలి. దాదాపు ఏడాదిన్నర విరామం తర్వాత కమ్‌బ్యాక్‌ ఇవ్వడం అది కూడా అంతటి ఘోర ప్రమాదం తర్వాత పూర్తిగా కోలుకుని తిరిగి రావడం అంటే కష్టంతో కూడుకున్న పనే.. ఇవన్నీ ఆలోచిస్తే గనుక.. పంత్‌ ఐపీఎల్‌లో అద్భుతంగా ఆడినా.. సెలక్టర్లు అతడిని టీ20 ప్రపంచకప్‌-2024 జట్టులో ఆడించే రిస్క్‌ చేస్తారని అనుకోవడం లేదు’’ అని జహీర్‌ ఖాన్ అభిప్రాయపడ్డాడు. చదవండి: చెలరేగిన హైదరాబాద్‌ బౌలర్లు, బ్యాటర్లు.. తొలిరోజే 302 రన్స్‌ ఆధిక్యం! తిలక్ రీ ఎంట్రీతో.. -
పాపం జితేష్.. ఫోర్ కొట్టి అదే బంతికి ఔటయ్యాడు! వీడియో వైరల్‌
జోహన్నెస్‌బర్గ్‌ వేదికగా దక్షిణాఫ్రికాతో జరిగిన మూడో టీ20లో టీమిండియా వికెట్ కీపర్ బ్యాటర్ జితేష్ శర్మ విచిత్రకర రీతిలో ఔటయ్యాడు. భారత ఇన్నింగ్స్‌ ఆఖరి ఓవర్‌ వేసిన విలియమ్స్‌ బౌలింగ్‌లో తాను ఎదుర్కొన్న 5వ బంతిని బౌండరీగా మలిచిన జితేష్.. అదే బంతికి హిట్ వికెట్‌గా వెనుదిరిగాడు. స్టంప్స్‌కు దగ్గరగా ఆడుతున్న జితేష్.. ఫోర్ కొట్టే క్రమంలో బ్యాలన్స్‌ కోల్పోయి తన కాలితో స్టంప్స్‌ను పడగొట్టాడు. దీంతో 4 పరుగులు చేసిన జితేష్ హిట్‌వికెట్‌గా పెవిలియన్‌కు చేరాడు. ఇందుకు సంబంధించిన వీడియో ప్రస్తుతం నెట్టింట వైరలవుతుంది. జితేష్ అంత దురదృష్టవంతుడు మరొకరు ఉండరని నెటిజన్లు కామెంట్లు చేస్తున్నారు. ఐదో భారత ఆటగాడిగా.. కాగా అంతర్జాతీయ టీ20ల్లో హిట్‌వికెట్‌గా వెనుదిరిగిన ఐదో భారత ఆటగాడిగా జితేష్ చెత్త రికార్డును నెలకొల్పాడు. ఈ జాబితాలో కేఎల్‌ రాహుల్, హర్షల్ పటేల్, హార్దిక్ పాండ్యా, శ్రేయస్‌ అయ్యర్‌ ఉన్నారు. తాజాగా ఈ జాబితాలో జితేష్ శర్మ కూడా చేరాడు. ఇక ఆఖరి టీ20లో దక్షిణాఫ్రికాపై 106 పరుగుల తేడాతో భారత్ ఘన విజయం సాధించింది. దీంతో మూడు మ్యాచ్‌ల సిరీస్‌ను 1-1తో డ్రాగా ముగించింది. ఈ మ్యాచ్లో సూర్యకుమార్ యాదవ్ విధ్వంసకర శతకంతో చెలరేగాడు. pic.twitter.com/KkkayMyqMm — Sitaraman (@Sitaraman112971) December 14, 2023 చదవండి: IND vs SA: ఇదేమి అంపైరింగ్‌.. కళ్లు కన్పించడం లేదా? వీడియో వైరల్‌ -
అనవాయితీని కొనసాగించిన సూర్యకుమార్.. రింకూ, జితేశ్లకు..!
స్వదేశంలో ఆస్ట్రేలియాతో జరిగిన ఐదు మ్యాచ్‌ల టీ20 సిరీస్‌ను టీమిండియా 4-1 తేడాతో కైవసం చేసుకుంది. సూర్యకుమార్ యాదవ్ టీమిండియా కెప్టెన్‌గా తన తొలి సిరీస్‌లోనే విజయం సాధించి, దిగ్గజ కెప్టెన్ల సరసన చేరాడు. ట్రోఫీ గెలిచిన అనంతరం స్కై భారత కెప్టెన్లు ఆచరించిన ఆనవాయితీని కొనసాగించాడు. ఇటీవలికాలంలో భారత్ సిరీస్‌ నెగ్గిన ప్రతిసారి కెప్టెన్లు కొత్త ఆటగాళ్లకు ట్రోఫీని అందించడం ఆనవాయితీగా వస్తుంది. అదే ఆనవాయితీని స్కై కూడా కొనసాగిస్తూ.. జట్టులోకి కొత్తగా ఎంట్రీ ఇచ్చిన రింకూ సింగ్, జితేశ్ శర్మలకు ట్రోఫీని అందించాడు. టీమిండియాలో ఈ ఆనవాయితీని మహేంద్ర సింగ్ ధోని 2007లో ప్రవేశపెట్టాడు. నాటి నుంచి భారత్ ట్రోఫీ నెగ్గిన ప్రతిసారి కెప్టెన్ ఎవరైనా ఈ ట్రెడిషన్‌ కొనసాగుతూనే ఉంది. Suryakumar Yadav with the T20I series Trophy. - A memorable start for Captain SKY. pic.twitter.com/zo3elColpN — Johns. (@CricCrazyJohns) December 3, 2023 ఇదిలా ఉంటే, ఐదు మ్యాచ్‌ల సిరీస్‌లో భాగంగా బెంగళూరు వేదికగా ఆస్ట్రేలియాతో నిన్న (డిసెంబర్‌ 3) జరిగిన నామమాత్రపు ఐదో టీ20లో టీమిండియా 6 పరుగుల స్వల్ప తేడాతో గెలుపొందిన విషయం తెలిసిందే. ఈ మ్యాచ్లో టీమిండియా స్వల్ప లక్ష్యాన్ని విజయవంతంగా డిఫెండ్‌ చేసుకుని అద్భుత విజయం సాధించింది. తొలుత బ్యాటింగ్ చేసి 160 పరుగులు చేసిన భారత్.. బౌలర్లు మూకుమ్మడిగా రాణించడంతో ఆసీస్‌ను నిలువరించగలిగింది. Suryakumar Yadav handed over the Trophy to Rinku & Jitesh. - A lovely gesture by the leader. pic.twitter.com/gwHdVxZRlA — Johns. (@CricCrazyJohns) December 3, 2023 ఆఖరి ఓవర్లో ఆసీస్‌ గెలుపుకు 10 పరుగుల చేయాల్సిన తరుణంలో అర్షదీప్‌ సింగ్ మ్యాజిక్‌ చేశాడు. 6 బంతుల్లో వికెట్ తీసి కేవలం మూడు పరుగులు మాత్రమే ఇచ్చి టీమిండియాను గెలిపించాడు. ఈ సిరీస్‌లో ఆసీస్‌ కేవలం మూడో టీ20లో మాత్రమే విజయం సాధించగా.. భారత్ మిగిలిన మ్యాచ్‌లన్నిటిలో గెలుపొంది సిరీస్‌ కైవసం చేసుకుంది. -
ఆసీస్‌తో 100 మీటర్ల భారీ సిక్సర్‌.. సీక్రెట్‌ చెప్పేసిన రింకూ
టీమిండియా నయా బ్యాటింగ్ సంచలనం రింకూ సింగ్ మరోసారి దుమ్మురేపాడు. రాయ్‌పూర్‌ వేదికగా ఆస్ట్రేలియాతో జరిగిన నాలుగో టీ20లో రింకూ అదరగొట్టాడు. ఈ మ్యాచ్లో 29 బంతులు ఎదుర్కొన్న రింకూ 4 ఫోర్లు, రెండు సిక్స్‌లతో 46 పరుగులు చేశాడు. కాగా శ్రేయస్‌ అయ్యర్‌, సూర్యకుమార్ యాదవ్ వంటి కీలక వికెట్లు కోల్పోయిన సమయంలో క్రీజులోకి వచ్చిన రింకూ తన అద్భుత ఇన్నింగ్స్‌తో జట్టును అదుకున్నాడు. టీమిండియా 174 పరుగులు సాధించడంలో కీలక పాత్ర పోషించాడు. అయితే ఈ మ్యాచ్లో రింకూ కొట్టిన సింగ్ ఓ సిక్సర్‌ ఏకంగా 100 మీటర్ల దూరం వెళ్లింది. దీంతో ఈ సిరీస్‌లో భారీ సిక్సర్‌ కొట్టిన ఆటగాడిగా రింకూ నిలిచాడు. కాగా మ్యాచ్ అనంతరం తన పవర్‌ హిట్టింగ్‌కు గల సీక్రెట్‌ను రింకూ బయటపెట్టాడు. రోజూ వ్యాయామం చేయడం, మంచి ఆహారాన్ని తీసుకోవడమే తన బలానికి కారణమని రింకూ తెలిపాడు. మ్యాచ్ ముగిసిన తర్వాత బీసీసీఐ టీవీతో రింకూ సింగ్, జితేష్ శర్మ మాట్లాడారు. ఈ క్రమంలో జితేష్.. నీ పవర్‌ హిట్టింగ్‌కు గల కారణమెంటి అని ప్రశ్నించాడు. "నేను నీతో(జితేష్ శర్మ) కలిసి జిమ్‌ చేస్తున్నాను. మంచి ఫుడ్‌ తీసుకుంటున్నాను. బరువులు ఎత్తడం కూడా నాకిష్టం. అందుకే సహజంగా నాలో అంత పవర్‌ ఉంది" అని నవ్వుతూ రింకూ సమాధనమిచ్చాడు. చదవండి: IPL 2024 Mini Auction: ఐపీఎల్ వేలంలోకి 1166 మంది ప్లేయర్స్.. వారి కోసం తీవ్ర పోటీ! SINGH IS KING.#RinkuSinghpic.twitter.com/B4Bbikmz0F — KnightRidersXtra (@KRxtra) December 1, 2023 Secret behind the giant six 😎 Roaring Raipur crowd 🔥 Adding calmness to the partnership 👏 On the mic with Rinku Singh & Jitesh Sharma 👌👌 - By @28anand Watch the full Video 🎥🔽 #TeamIndia | #INDvAUS https://t.co/lc8Dfk7hI7 pic.twitter.com/RHaXeFnsmP — BCCI (@BCCI) December 2, 2023 -
'భారత్కు మరో ఫినిషర్ దొరికేశాడు.. దుమ్మురేపుతున్నాడు'
జితేష్ శర్మ తన ప్రదర్శనతో అందరని అకట్టుకున్నాడు. ఈ మ్యాచ్లో 19 బంతులు ఎదుర్కొన్న జితేష్ శర్మ 1 ఫోర్, 3 సిక్స్‌లతో 35 పరుగులు చేశాడు. టీమిండియా 175 పరుగుల స్కోర్‌ నమోదు చేయడంలో జితేష్ తన వంతు పాత్ర పోషించాడు. రింకూ సింగ్‌తో కలిసి కీలక భాగస్వామ్యం నెలకొల్పాడు. ఈ ఏడాది చైనా వేదికగా జరిగిన ఏషియన్‌ గేమ్స్‌లో జితేష్ శర్మ భారత తరపున అంతర్జాతీయ అరంగేట్రం చేశాడు. అయితే జితేష్ శర్మ సీనియర్‌ జట్టు తరపున ఆడటం ఇదే మొదటిసారి కావడం గమనార్హం. ఇక ఈ మ్యాచ్లో సంచలన ప్రదర్శన కనబరిచిన జితేష్‌పై టీమిండియా మాజీ క్రికెటర్ అభిషేక్ నాయర్‌ ప్రశంసల వర్షం కురిపించాడు. "ఈ మ్యాచ్లో జితేష్ శర్మ అద్బుతమైన ప్రదర్శన కనబరిచాడు. అతడి బ్యాటింగ్ చేసిన విధానం నమ్మశక్యం కానిది. ఈ మ్యాచ్‌కి ముందు అతడి ఫియర్‌లెస్‌ బ్యాటింగ్ గురించి మాట్లాడాను. మరోసారి అతడు తన బ్యాటింగ్ టాలెంట్‌ను చూపించాడు. వేరే ఆటగాడు జితేష్ శర్మ పొజిషన్‌లో బ్యాటింగ్‌కు వచ్చి వుంటే కచ్చితంగా కొన్ని బంతులను ఎదుర్కొని క్రీజులో సెటిల్‌ కావడానికి ప్రయత్నిస్తారు. కానీ అతడు బ్యాటింగ్‌కు వచ్చిన వెంటనే క్రిస్‌ గ్రీన్‌ను ఆటాక్‌ చేయాలని నిర్ణయించుకున్నాడు. అందుకే వరుసగా సిక్స్‌లు బాది బౌలర్‌ను ఒత్తడిని నెట్టాడు. దీంతో భారత్ స్కోర్‌ బోర్డు ఒక్కసారిగా ముందుకు కదలింది. అతడి బ్యాటింగ్ ఎటాక్‌ నన్ను ఎంతగానో అకట్టుకుంది. టీమిండియాకు జితేష్ రూపంలో మరో ఫినిషర్ దొరికినట్లే" అని జియో సినిమాకు ఇచ్చిన ఇంటర్వ్యూలో నాయర్‌ పేర్కొన్నాడు. చదవండి: IND vs AUS: ఆసీస్‌తో ఐదో టీ20.. టీమిండియా కెప్టెన్‌గా శ్రేయస్‌! తిలక్ రీ ఎంట్రీ -
అదొక్కటే కలిసి రాలేదు.. అతడిని ఒత్తిడిలోకి నెట్టడం ఇష్టం: సూర్య
టీమిండియా టీ20 కెప్టెన్‌గా వ్యవహరించిన తొలి సిరీస్‌లోనే సూర్యకుమార్ యాదవ్ అదరగొట్టాడు. ఆస్ట్రేలియాతో సిరీస్‌లో అటు బ్యాటర్‌గా.. ఇటు సారథిగా తన పాత్రను సమర్థవంతంగా పోషించి.. భారత జట్టుకు ట్రోఫీని అందించాడు. రోహిత్ శర్మ, విరాట్‌ కోహ్లి సహా కీలక ఆటగాళ్లు ఎవరూ లేకుండానే యువ జట్టుతో ఆసీస్‌పై పైచేయి సాధించగలిగాడు. కాగా ఆస్ట్రేలియాతో నాలుగో టీ20లో గెలుపొందడం ద్వారా టీమిండియా ఓ మ్యాచ్ మిగిలి ఉండగానే సిరీస్‌ను కైవసం చేసుకుంది. రాయ్‌పూర్‌ వేదికగా శుక్రవారం జరిగిన మ్యాచ్లో 20 పరుగుల తేడాతో విజయం సాధించి 3-1తో సత్తా చాటింది. ఈ మ్యాచ్లో టాస్‌ ఓడి తొలుత బ్యాటింగ్ చేసిన భారత జట్టు నిర్ణీత 20 ఓవర్లలో 9 వికెట్ల నష్టానికి 174 పరుగులు సాధించింది. రింకూ సింగ్ 29 బంతుల్లో 46 పరుగులు చేసి టాప్‌ స్కోరర్‌గా నిలిచాడు. వికెట్ కీపర్ బ్యాటర్ జితేశ్ శర్మ 19 బంతుల్లోనే 35 పరుగులతో రాణించాడు. ఇక లక్ష్య ఛేదనకు దిగిన ఆస్ట్రేలియాను టీమిండియా స్పిన్నర్లు అక్షర్ పటేల్, రవి బిష్ణోయి దెబ్బకొట్టారు. అక్షర్ అత్యధికంగా మూడు వికెట్లు తీయగా.. రవి ఒక వికెట్ తన ఖాతాలో వేసుకున్నాడు. మరోవైపు చాలా రోజుల తర్వాత భారత జట్టులో పునరాగమనం చేసిన పేసర్‌ దీపక్ చహర్‌ రెండు వికెట్లు పడగొట్టగా.. ఆవేశ్‌ ఖాన్ కూడా ఒక వికెట్ తీయగలిగాడు. ఈ క్రమంలో.. నిర్ణీత 20 ఓవర్లలో ఏడు వికెట్లు నష్టపోయిన మాథ్యూ వేడ్‌ బృందం 154 పరుగులకే ఆట ముగించి.. భారత్కు సిరీస్‌ను సమర్పించుకుంది. ఈ నేపథ్యంలో సిరీస్‌ విజయంపై టీమిండియా తాత్కాలిక కెప్టెన్ సూర్యకుమార్ యాదవ్ హర్షం వ్యక్తం చేశాడు. ‘‘ఈరోజు టాస్‌ తప్ప అన్నీ మాకు అనుకూలంగా జరిగాయి. మా కుర్రాళ్లు పట్టుదలగా నిలబడి మ్యాచ్ గెలిపించారు. వాళ్లు ఇలా బాధ్యతగా ఆడటమే మాకు అన్నిటికన్నా ముఖ్యం. మ్యాచ్‌కు ముందే మేమంతా సమావేశమైన సమయంలో.. ‘మిమ్మల్ని మీరు నిరూపించుకునే అద్భుత అవకాశం. ప్రతి ఒక్కరు భయం లేకుండా ఆడాలి’ అని చెప్పాం. నిజానికి అక్షర్ పటేల్‌ను ఒత్తిడిలోకి నెట్టడం నాకెంతో ఇష్టం. ఎందుకంటే.. ఎంత ప్రెజర్‌ పెడితే అతడు అంత గొప్ప స్పెల్స్‌ వేస్తాడు. ఇక డెత్‌ ఓవర్లలో యార్కర్లు వేయాలని ముందుగానే నిర్ణయించుకున్నాం’’ ప్రణాళికను సరిగ్గానే అమలు చేశాం’’ అని సూర్య పేర్కొన్నాడు. కాగా ఆసీస్‌తో మ్యాచ్లో 4 ఓవర్ల బౌలింగ్‌లో 16 పరుగులు మాత్రమే ఇచ్చి మూడు వికెట్లు తీసిన అక్షర్ పటేల్ ప్లేయర్‌ ఆఫ్ ది మ్యాచ్‌గా నిలిచాడు. ఇక టీమిండియా- ఆస్ట్రేలియా మధ్య మిగిలిన నామమాత్రపు మ్యాచ్ ఆదివారం బెంగళూరులో జరుగనుంది. చదవండి: టీమిండియా హెడ్‌కోచ్‌ అయితేనేం! కుమారుల కోసం అలా.. The moment #TeamIndia recorded their third win of the series 👌 Celebrations and smiles all around in Raipur 😃#INDvAUS | @IDFCFIRSTBank pic.twitter.com/BxRiBbSzCz — BCCI (@BCCI) December 1, 2023 -
Ind Vs Ire: ప్రయోగానికి ఆఖరి అవకాశం .. జితేశ్, షహబాజ్‌లకు ఛాన్స్!
డబ్లిన్‌: వెస్టిండీస్‌తో ఐదు టి20 మ్యాచ్‌లు, ఆ తర్వాత ఐర్లాండ్‌తో మూడు టి20 మ్యాచ్‌లు భారత యువ ఆటగాళ్లను ఈ ఫార్మాట్లో పరీక్షించేందుకు అవకాశం ఇచ్చాయి. వన్డే ప్రపంచకప్‌ ఏడాది ఎక్కువ మంది సీనియర్లు విరామం తీసుకోగా, కుర్రాళ్లంతా తమకు లభించిన చాన్స్‌ను చక్కగా ఉపయోగించుకున్నారు. ఈ రెండు పర్యటనల్లో కలిపి ఏడు మ్యాచ్‌లలో ఇప్పటికే ఐదుగురు ఆటగాళ్లు అంతర్జాతీయ టి20ల్లో అరంగేట్రం చేశారు. ఇక మరో ఇద్దరు దాని కోసం ఎదురు చూస్తున్నారు. టూర్‌ చివరి మ్యాచ్లో ఆ చాన్స్‌ దక్కుతుందా అనేది చూడాలి. సిరీస్‌ను 2–0తో సొంతం చేసుకున్న భారత్ కోణంలో ఇది మాత్రమే ఆసక్తికర అంశం. మరోవైపు వన్డే, టి20 ఫార్మాట్లలో కలిపి భారత్‌తో ఆడిన 10 సార్లూ ఓడిన ఐర్లాండ్‌ ఈసారైనా సొంతగడ్డపై ఒక్క మ్యాచ్ గెలవాలని కోరుకుంటోంది. ఈ నేపథ్యంలో నేడు చివరి టి20కి రంగం సిద్ధమైంది. జితేశ్, షహబాజ్‌లకు అవకాశం! ఐర్లాండ్‌తో రెండు మ్యాచ్‌లోలనూ రాణించిన కెప్టెన్ బుమ్రా, పేసర్‌ ప్రసిధ్‌ కృష్ణ ఫామ్‌లోకి రావడం, ఆసియా కప్‌కు ఎంపిక కావడంతో ఈ సిరీస్‌ నుంచి భారత్కు ఆశించిన ప్రధాన ఫలితం దక్కింది. అయితే మరింత మ్యాచ్ ప్రాక్టీస్ కోసం వీరిద్దరు ఈ మ్యాచ్‌లోనూ బరిలోకి దిగుతారు. రవి బిష్ణోయ్ కూడా సిరీస్‌లో తన బౌలింగ్‌తో ఆకట్టుకున్నాడు. బ్యాటింగ్‌లో రుతురాజ్, సామ్సన్, రింకూ సింగ్ కూడా తమకు లభించిన అవకాశాలు చక్కగా ఉపయోగించుకోగా, శివమ్ దూబే కూడా తన ధాటిని ప్రదర్శించాడు. సిరీస్‌లో విఫలమైన తిలక్ వర్మ చివరి పోరులో సత్తా చాటాలని పట్టుదలగా ఉన్నాడు. యశస్వి కూడా మరో మెరుపు ఇన్నింగ్స్‌ బాకీ ఉన్నాడు. ఈ స్థితిలో తుది జట్టులో మూడు మార్పులకు అవకాశం ఉంది. ఇప్పటి వరకు అంతర్జాతీయ క్రికెట్ ఆడని వికెట్ కీపర్ జితేశ్ శర్మ, 3 వన్డేలు ఆడిన షహబాజ్‌ అహ్మద్‌ అవకాశం కోసం ఎదురు చూస్తున్నారు. వీరిని తీసుకోవాలని మేనేజ్‌మెంట్‌ భావిస్తే సంజు సామ్సన్, వాషింగ్టన్ సుందర్ స్థానాల్లో అవకాశం దక్కుతుంది. మరోవైపు కొంత విరామం తర్వాత టీమ్‌లోకి వచ్చిన అవేశ్‌ ఖాన్ కూడా టీమ్‌తో పాటు ఉన్నాడు. అతనికీ ఒక మ్యాచ్ ఇవ్వాలనుకుంటే అర్‌‡్షదీప్‌కు విశ్రాంతినిస్తారు. ఇదే జరిగితే కుర్రాళ్లతో భారత్ ప్రయోగం సంపూర్ణమవుతుంది. స్టిర్లింగ్ ఫామ్‌లోకి వచ్చేనా! రెండు టి20 మ్యాచ్‌లలో ఐర్లాండ్‌ ఆటతీరు మరీ పేలవంగా లేకున్నా భారత్‌లాంటి బలమైన జట్టుకు పోటీనిచ్చేందుకు సరిపోలేదు. గతంలోనూ కొన్ని చక్కటి ప్రదర్శనలు వచ్చినా టీమిండియాను ఓడించడంలో మాత్రం ఆ జట్టు సఫలం కాలేకపోయింది. ఈ నేపథ్యంలో చివరి పోరులోనైనా ఆ జట్టు గెలుపు బాట పడుతుందేమో చూడాలి. ప్రపంచవ్యాప్తంగా లీగ్‌లలో అద్భుతంగా బ్యాటింగ్ చేస్తూ వచ్చిన కెప్టెన్ పాల్ స్టిర్లింగ్ ఇక్కడ మాత్రం రెండింటిలోనూ విఫలమయ్యాడు. బల్బిర్నీ మినహా మిగతావారంతా ప్రభావం చూపలేకపోయారు. విజయం సాధించాలంటే జట్టు సమష్టిగా రాణించడం కీలకం. ఐర్లాండ్‌ కూడా గత మ్యాచ్‌తో పోలిస్తే మూడు మార్పులతో బరిలోకి దిగే అవకాశం ఉంది. -
ఐర్లాండ్‌తో మూడో టీ20.. సంజు శాంసన్పై వేటు! ఐపీఎల్ హీరో ఎంట్రీ
ఐర్లాండ్‌తో టీ20 సిరీస్‌ను ఇప్పటికే సొంతం చేసుకున్న టీమిండియా.. నామమాత్రపు మ్యాచ్ అయిన ఆఖరి టీ20లో తలపడేందుకు సిద్దమైంది. బుధవారం డబ్లిన్‌ వేదికగా భారత్-ఐర్లాండ్‌ మధ్య మూడో టీ20 జరగనుంది. ఈ మ్యాచ్లో గెలిచి సిరీస్‌ను క్లీన్‌ స్వీప్‌ చేయాలని బుమ్రా సేన భావిస్తోంది. అదే విధంగా గత రెండు మ్యాచ్‌లకు బెంచ్‌కే పరిమితమైన ఆటగాళ్లకు ఆఖరి టీ20లో అవకాశం ఇవ్వాలని జట్టు మెన్‌జ్‌మెంట్‌ యోచిస్తున్నట్లు సమాచారం. ఈ క్రమంలో వికెట్ కీపర్ బ్యాటర్ సంజూ శాంసన్, ఆల్రౌండర్ వాషింగ్టన్ సుందర్, పేసర్‌ అర్ష్దీప్ సింగ్‌ను ఆఖరి మ్యాచ్‌కు పక్కన పెట్టనున్నట్లు తెలుస్తోంది. వీరి ముగ్గురి స్ధానంలో వరుసగా జితేష్ శర్మ, షాబాజ్‌ అహ్మద్‌, అవేష్ ఖాన్ తుది జట్టులోకి రానున్నట్లు తెలుస్తోంది. కాగా ఐపీఎల్‌లో అదరగొట్టి జట్టులోకి వచ్చిన జితేష్ శర్మ.. అంతర్జాతీయ క్రికెట్లో అడుగుపెట్టేందుకు అతృతగా ఎదురుచూస్తున్నాడు. గత కొన్ని సిరీస్‌లకు జితేష్ ఎంపికవుతున్నప్పటికీ.. అరంగేట్రం చేసే అవకాశం రావడం లేదు. అయితే ఐర్లాండ్‌తో ఆఖరి టీ20లో జితేష్ అరంగేట్రం దాదాపు ఖాయమన్పిస్తోంది. మరోవైపు అవేష్ ఖాన్ విండీస్‌తో టీ20 సిరీస్‌ ఎంపికైనప్పటికి ఒక్క మ్యాచ్లో కూడా అవకాశం రాలేదు. ఈ క్రమంలో అతడికి ఆఖరి టీ20లో ఛాన్స్ ఇవ్వనున్నట్లు వార్తలు వినిపిస్తున్నాయి. మరోవైపు ఐర్లాండ్‌ కూడా తమ జట్టులో ఒకే ఒక మార్పు చేయనున్నట్లు సమాచారం. ఆల్రౌండర్ డాక్రెల్‌ స్ధానంలో గ్రెత్‌ డెలానీకి ఛాన్స్ ఇవ్వాలని ఐరీష్‌ జట్టు మెనెజ్మెంట్ భావిస్తున్నట్లు పలు రిపోర్టులు పేర్కొంటున్నాయి. తుది జట్లు(అంచనా) భారత్: రుతురాజ్ గైక్వాడ్, యశస్వి జైస్వాల్, జితేష్ శర్మ (వికెట్ కీపర్), తిలక్ వర్మ, రింకూ సింగ్, శివమ్ దూబే, షాబాజ్‌ , ప్రసిద్ధ్ కృష్ణ, అవేష్ ఖాన్, జస్ప్రీత్ బుమ్రా (కెప్టెన్), రవి బిష్ణోయ్ ఐర్లాండ్‌: పాల్ స్టిర్లింగ్ (కెప్టెన్), ఆండ్రూ బల్బిర్నీ, లోర్కాన్ టక్కర్ (వికెట్ కీపర్), హ్యారీ టెక్టర్, కర్టిస్ కాంఫర్,గ్రెత్‌ డెలానీ, మార్క్ అడైర్, బారీ మెక్‌కార్తీ, క్రెయిగ్ యంగ్, జాషువా లిటిల్, బెంజమిన్ వైట్ చదవండి: IND vs IRE: అయ్యో రింకూ.. ఇంగ్లీష్‌ రాక ఇబ్బంది పడిన సిక్సర్ల కింగ్‌! బుమ్రా మంచి మనసు -
Ind Vs Ire: వాళ్లిద్దరి అరంగేట్రం.. జితేశ్ శర్మకు మొండిచేయి..
Ireland vs India, 1st T20I: అంతర్జాతీయ క్రికెట్లో అడుగుపెట్టాలన్న భారత యువ బ్యాటర్ రింకూ సింగ్ కల ఎట్టకేలకు నెరవేరింది. ఐర్లాండ్‌తో తొలి టీ20 సందర్భంగా అతడు టీమిండియా తరఫున అరంగేట్రం చేశాడు. ఐరిష్‌ జట్టుతో టీ20 సిరీస్‌లో కెప్టెన్‌గా వ్యవహరిస్తున్న భారత ప్రధాన పేసర్‌ జస్ప్రీత్ బుమ్రా చేతుల మీదుగా క్యాప్ అందుకున్నాడు. పేద కుటుంబం నుంచి వచ్చి కాగా ఉత్తరప్రదేశ్‌కు చెందిన రింకూ సింగ్‌ది పేద కుటుంబం. అయితే, చిన్ననాటి నుంచే క్రికెట్‌పై మక్కువ పెంచుకున్న అతడు.. ఇంటింటికి గ్యాస్‌ బండలు మోస్తూనే ఆటపై దృష్టి సారించాడు. దేశవాళీ క్రికెట్లో తన ప్రతిభను నిరూపించుకుని ఐపీఎల్‌లో ఎంట్రీ ఇచ్చాడు. కోల్‌కతా నైట్‌ రైడర్స్‌ రింకూను కొనడంతో అతడి రాత మారింది. ఆరంభంలో బెంచ్‌కే పరిమితమవ్వాల్సి వచ్చినా.. రింకూ ఓపికగా ఎదురుచూశాడు. ఈ క్రమంలో 25 ఏళ్ల లెఫ్టాండ్‌ బ్యాటర్ ఐపీఎల్-2023లో వచ్చిన అవకాశాలను పూర్తిగా సద్వినియోగం చేసుకున్నాడు. ఐపీఎల్-2023లో సత్తా చాటి మొత్తంగా 14 ఇన్నింగ్స్‌లో 149.53 స్ట్రైక్‌రేటుతో 474 పరుగులు చేశాడు. ఈ క్రమంలో టీమిండియా సెలక్టర్ల దృష్టిలో పడిన రింకూ సింగ్ తొలుత ఆసియా క్రీడలు-2023 జట్టుకు ఎంపికయ్యాడు. ఆ తర్వాత టీ20 సిరీస్‌ నిమిత్తం ఐర్లాండ్‌లో పర్యటించే భారత జట్టులో చోటు దక్కడంతో శుక్రవారం అరంగేట్రం చేశాడు. జితేశ్‌కు మొండిచేయి ఇక రింకూ సంగతి ఇలా ఉంటే.. ఈ మ్యాచ్‌తో కచ్చితంగా టీమిండియా క్యాప్ అందుకుంటాడనుకున్న మరో బ్యాటర్ జితేశ్ శర్మకు నిరాశే మిగిలింది. వెస్టిండీస్‌ పర్యటనలో మెరుగ్గా రాణించకపోయినప్పటికీ సీనియర్‌ వికెట్ కీపర్‌గా సంజూ శాంసన్‌కు తుది జట్టులో చోటు దక్కింది. దీంతో వికెట్ కీపర్ బ్యాటర్ జితేశ్ ఇంకొన్నాళ్లు వేచిచూడకతప్పదు. డబ్లిన్‌లో మూడు మ్యాచ్‌లు ఇదిలా ఉంటే.. ఐర్లాండ్‌తో తొలి టీ20 సందర్భంగా కర్ణాటక బౌలర్ ప్రసిద్‌ కృష్ణ అంతర్జాతీయ టీ20లలో ఎంట్రీ ఇచ్చాడు. ప్రసిద్‌కు కూడా బుమ్రా టీమిండియా క్యాప్ అందించాడు. రింకూ, ప్రసిద్‌ల అరంగేట్రానికి సంబంధించిన ఫొటోలను బీసీసీఐ షేర్‌ చేయగా.. నెట్టింట వైరల్‌ అవుతున్నాయి. ఇక డబ్లిన్‌ వేదికగా టీమిండియా- ఐర్లాండ్‌ల మధ్య ఆగష్టు 18, 20, 23 తేదీల్లో మూడు టీ20లు జరుగనున్నాయి. మొదటి మ్యాచ్లో టాస్‌ గెలిచిన భారత్ తొలుత బౌలింగ్‌ ఎంచుకుంది. టీమిండియా: జస్ప్రీత్ బుమ్రా (కెప్టెన్), రుతురాజ్ గైక్వాడ్ (వైస్ కెప్టెన్), యశస్వి జైశ్వాల్‌, తిలక్ వర్మ, రింకూ సింగ్, సంజు శాంసన్ (వికెట్ కీపర్), శివమ్ దూబే, వాషింగ్టన్ సుందర్, రవి బిష్ణోయ్ , ప్రసిద్‌ కృష్ణ, అర్ష్దీప్ సింగ్. చదవండి: బౌలింగ్‌లోనూ 'కింగే'.. చెక్కుచెదరని బౌలింగ్‌ రికార్డు విరాట్‌ సొంతం Moments like these! ☺️ All set for their debuts in international cricket and T20I cricket respectively 👍 👍 Congratulations Rinku Singh and Prasidh Krishna as they receive their caps from captain Jasprit Bumrah 👏 👏#TeamIndia | #IREvIND pic.twitter.com/JjZIoo8B8H — BCCI (@BCCI) August 18, 2023 -
టీమిండియా క్యాప్ అందుకోవడం ఈజీ అయిపోయింది.. అదే జరిగితే బుమ్రా అవుట్‌!
Ireland vs India T20Is 2023: ఇటీవలి కాలంలో యువ క్రికెటర్లలో చాలా మందికి టీమిండియా క్యాప్ తేలికగానే లభిస్తోందని మాజీ పేసర్‌ అతుల్‌ వాసన్‌ కీలక వ్యాఖ్యలు చేశాడు. అయితే, ఈ ట్రెండ్‌ ఇలాగే కొనసాగడం మంచిది కాదని.. ప్రతిభావంతులైన ఆటగాళ్లకు మాత్రమే అవకాశాలు ఇవ్వాలని మేనేజ్‌మెంట్‌కు సూచించాడు. కొత్త వాళ్లను ఆడించే క్రమంలో అర్హులైన ప్లేయర్లను బెంచ్‌కు పరిమితం చేయవద్దని బీసీసీఐకి విజ్ఞప్తి చేశాడు. ఐపీఎల్ స్టార్లకు అవకాశాలు కాగా దేశవాళీ క్రికెట్‌తో పాటు ఐపీఎల్‌లో నిరూపించుకున్న చాలా మంది యువ క్రికెటర్లు అనతికాలంలో భారత జట్టుకు ఆడే అదృష్టం దక్కించుకుంటున్న విషయం తెలిసిందే. ముఖ్యంగా టీమిండియా టీ20 జట్టు ఎంపిక సమయంలో వీరికి ప్రాధాన్యం ఉంటోంది. ఇటీవల ముగిసిన వెస్టిండీస్‌ పర్యటనలో భాగంగా యశస్వి జైశ్వాల్‌(టెస్టు ద్వారా), ముకేశ్‌ కమార్‌, తిలక్ వర్మ అరంగేట్రం చేశారు. ఇక ప్రస్తుతం ఐర్లాండ్‌లో పర్యటిస్తున్న భారత జట్టులో పంజాబ్ కింగ్స్ ప్లేయర్‌ జితేశ్ శర్మతో పాటు కోల్‌కతా నైట్‌ రైడర్స్‌ స్టార్ రింకూ సింగ్ తొలిసారి చోటు దక్కించుకున్నాడు. ఈజీ అయిపోయింది.. ఇలాగే కొనసాగితే డబ్లిన్‌ వేదికగా శుక్రవారం మొదలుకానున్న మూడు మ్యాచ్‌ల సిరీస్‌ నేపథ్యంలో ఐరిష్‌ జట్టుపై వీరిద్దరి అరంగేట్రం ఖాయంగా కనిపిస్తోంది. ఈ నేపథ్యంలో అతుల్‌ వాసన్‌ మాట్లాడుతూ.. ‘‘ఇటీవలి కాలంలో ఇండియన్‌ క్యాప్ అందుకోవడం ఈజీ అయిపోయింది. మనందరం ఇలాంటి పరిణామాలు చూస్తూనే ఉన్నాం. ఈ ట్రెండ్‌ ఇలాగే కొనసాగితే కష్టం. నా అభిప్రాయం ప్రకారం... ఎంత మందికి అవకాశమిచ్చినా.. ఒక మంచి ఆటగాడిని మాత్రం మిస్‌ చేయకూడదు. ప్రపంచవ్యాప్తంగా టీ10, టీ20, 50- ఓవర్‌ పేరిట ఎన్నో జట్లు ఉన్నాయి. కాబట్టి ప్రతిభ ఉన్న ప్రతి ఒక్క ఆటగాడికి ఏదో ఒక రూపంలో కచ్చితంగా ఆడే అవకాశం వస్తోంది’’ అని అతుల్‌ ఇండియా.కామ్‌తో చెప్పుకొచ్చాడు. అదే జరిగితే బుమ్రా అవుట్‌! ఇక ఈ సిరీస్‌తో రీఎంట్రీ ఇస్తున్న భారత ప్రధాన పేసర్‌ జస్ప్రీత్ బుమ్రా గురించి ప్రస్తావిస్తూ.. ‘‘తీవ్రమైన వెన్ను నొప్పి నుంచి ఇప్పుడిప్పుడే కోలుకుని బుమ్రా తిరిగి వస్తున్నాడు. ఫిట్‌నెస్‌ నిరూపించుకుంటే అతడి కెరీర్‌ మరికొంత కాలం పొడిగించుకోవచ్చు. ఒకవేళ గాయం గనుక తిరగబెడితే మాత్రం కష్టం. తనదైన బౌలింగ్‌ యాక్షన్‌తో బుమ్రా సాధించిన విజయాలు కొనసాగించాలంటే తప్పక పూర్తిస్థాయి ఫిట్‌నెస్‌ సాధించాల్సిందే’’ అని అతుల్‌ వాసన్‌ అభిప్రాయపడ్డాడు. కాగా 55 ఏళ్ల అతుల్‌ వాసన్‌ టీమిండియా తరఫున 4 టెస్టుల్లో 10, 9 వన్డేల్లో 11 వికెట్లు తీశాడు. ఇదిలా ఉంటే.. ఆగష్టు 18-23 వరకు బుమ్రా సారథ్యంలోని భారత యువ జట్టు ఐర్లాండ్‌తో మూడు మ్యాచ్‌ల టీ20 సిరీస్‌లో పోటీ పడనుంది. చదవండి: అరంగేట్రంలో విఫలం.. కట్‌ చేస్తే.. ప్రపంచ క్రికెట్లో రారాజుగా! From emotions of an India call-up to the first flight ✈️ & Training session with #TeamIndia 😃 𝗪𝗵𝗲𝗻 𝗱𝗿𝗲𝗮𝗺𝘀 𝘁𝗮𝗸𝗲 𝗳𝗹𝗶𝗴𝗵𝘁 ft. @rinkusingh235 & @jiteshsharma_ 👌👌 - By @RajalArora Full Interview 🎥🔽 #IREvINDhttps://t.co/m4VsRCAwLk pic.twitter.com/ukLnAOFBWO — BCCI (@BCCI) August 17, 2023 -
తొలిసారి బిజినెస్ క్లాస్లో ప్రయాణం.. మా అమ్మ కల నెరవేరింది!
ఐర్లాండ్‌తో మూడు టీ20ల సిరీస్‌లో తలపడేందుకు టీమిండియా సిద్దమైంది. ఈ సిరీస్‌లో భాగంగా తొలి టీ20 ఇరు జట్ల మధ్య డబ్లిన్‌ వేదికగా శుక్రవారం జరగనుంది. ఈ సిరీస్‌తో టీమిండియా పేస్‌గుర్రం జస్ప్రీత్ బుమ్రా రీఎంట్రీ ఇవ్వనున్నాడు. దాదాపు 11 నెలల తర్వాత బుమ్రా తిరిగి మైదానంలో అడుగుపెట్టనున్నాడు. అంతేకాకుండా ఐరీష్‌ టూర్‌లో బుమ్రానే భారత జట్టు సారథిగా వ్యవహరించనున్నాడు. ఈ పర్యటనకు సీనియర్లందరికీ విశ్రాంతినిచ్చిన సెలక్టర్లు.. ఐపీఎల్-2023లో అదరగొట్టిన రింకూ సింగ్, జితేశ్ శర్మ, తిలక్ వర్మ, జైశ్వాల్‌ వంటి యువ ఆటగాళ్లకు చోటుకల్పించారు. అయితే తిలక్ వర్మ, జైశ్వాల్‌ ఇప్పటికే విండీస్‌ టూర్‌తో అంతర్జాతీయ క్రికెట్లో అడుగుపెట్టగా.. రింకూ సింగ్, జితేశ్ శర్మ తమ అరంగేట్రం కోసం అతృతగా ఎదురుచూస్తున్నారు. ఇక ఈ సిరీస్‌ కోసం బుమ్రా సారథ్యంలోని భారత జట్టు బుధవారం ఐర్లాండ్‌కు చేరుకుంది. తొలిసారి.. భారత జట్టుకు ఎంపికైన రింకూ సింగ్, జితేశ్ శర్మలు తొలిసారి బిజినెస్ క్లాస్ విమానంలో ప్రయాణించారు. ఈ క్రమంలో వీరిద్దరూ తమ తొలి అంతర్జాతీయ పర్యటనకు సంబంధించిన అనుభవాలను పంచుకున్నారు. ఇందుకు సంబంధించిన వీడియోను బీసీసీఐ సోషల్‌ మీడియాలో షేర్‌చేసింది. "నాకు చాలా సంతోషంగా ఉంది. టీమిండియాకు ఆడాలనేది ప్రతీ ఒక్క ఆటగాడి కల. నేను నా గదిలోకి వెళ్లి.. నా పేరు, 35 నంబర్‌ ముద్రించిన జెర్సీని చూడగానే భావోద్వేగానికి లోన‌య్యా. ఈ రోజు కోసమే నేను కష్టపడ్డాను. నేను భారత జట్టు ఎంపికైనప్పుడు నా స్నేహితులతో నోయిడాలో ప్రాక్టీస్ చేస్తున్నాను. వెంటనే మా అ‍మ్మకు ఫోన్‌ చేశాను. నేను ఈ స్ధాయిలో ఉన్నానంటే అందుకు ఒక కారణం మా అమ్మ కూడా. ఆమెకు నాకు ఎంతో సపోర్ట్‌గా ఉంటుంది. భారత్ తరపున ఆడాలన్నది నా ఒక్కడి కలే కాదు మా అమ్మది కూడా. ఇప్పడు మా ఇద్దరి కల నిజమైందని" బీసీసీఐ షేర్‌ చేసిన వీడియోలో రింకూ చెప్పుకొచ్చాడు. అదే విధంగా జితేష్ శర్మ మాట్లాడుతూ.. నిజం చెప్పాలంటే ఈ సంతోషంలో నాకు మాటలు కూడా రావడం లేదు. భారత క్రికెట్ జట్టుతో కలిపి విదేశాల్లో పర్యటించడం గొప్ప అనుభవం. జాతీయ జట్టుకు ప్రాతినిథ్యం అనేది మనకు లభించిన గౌరవం. అంతేకాకుండా బాధ్యత కూడా మన సత్తా చూపించుకునేందుకు ఇదొక మంచి అవకాశం. నాకు ఆడేందుకు అవకాశం లభిస్తే 100 శాతం ఎఫక్ట్‌ భారత్‌ను గెలిపించేందుకు పెడతాను "అని పేర్కొన్నాడు. చదవండి: BAN vs NZ: బంగ్లాదేశ్‌ పర్యటనకు న్యూజిలాండ్‌ క్రికెట్ జట్టు.. 10 ఏళ్ల తర్వాత -
ఐర్లాండ్‌తో తొలి టీ20.. రింకూ, జితేశ్ అరంగేట్రం.. సంజూకు మొండిచెయ్యే..!
భారత్-ఐర్లాండ్‌ మధ్య తొలి టీ20కి సర్వం సిద్ధమైంది. డబ్లిన్‌లోని ద విలేజ్‌ మైదానంలో రేపు (ఆగస్ట్‌ 18) జరుగబోయే ఈ మ్యాచ్‌పై సర్వత్రా ఆసక్తి నెలకొంది. టీమిండియా కెప్టెన్ జస్ప్రీత్ బుమ్రా దాదాపుగా ఏడాది తర్వాత బరిలోకి దిగనున్న మ్యాచ్ కావడంతో భారత అభిమానులు ఈ మ్యాచ్ కోసం ఎంతో ఆసక్తిగా ఎదురుచూస్తున్నారు. అలాగే ఐపీఎల్ స్టార్లు రింకూ సింగ్, జితేశ్ శర్మ ఈ మ్యాచ్‌తో అరంగేట్రం చేస్తారా లేదా అని ఆసక్తిగా గమనిస్తున్నారు. ముఖ్యంగా ఫ్యాన్స్‌కు రింకూ సింగ్‌పై భారీ అంచనాలు ఉండటంతో ఈ మ్యాచ్‌కు మరింత ప్రాధాన్యత సంతరించుకుంది. మరి ఈ మ్యాచ్‌తో రింకూ, జితేశ్‌లు అరంగేట్రం చేస్తారో లేదో మరికొన్ని గంటల్లో తెలిసిపోతుంది. రింకూ, జితేశ్‌ల అరంగేట్రంపై డిస్కషన్‌ నేపథ్యంలో ఐర్లాండ్‌తో తొలి టీ20కి భారత జట్టు ఇలా ఉండబోతుందంటూ పలువురు మాజీ, విశ్లేషకులు, అభిమానులు సోషల్‌మీడియా వేదికగా తమ అభిప్రాయాలను వెల్లడిస్తున్నారు. మెజారిటీ శాతం అభిప్రాయాల మేరకు.. భారత తుది జట్టులో రింకూ సింగ్, జితేశ్ శర్మ ఇద్దరూ చోటు దక్కించుకోనున్నారు. వికెట్‌కీపర్‌ కోటాలో సంజూ శాంసన్‌ను కాదని జితేశ్‌కు మెజారిటీ శాతం జనాలు ఓటేస్తున్నారు. సంజూకి విండీస్‌తో సిరీస్‌లో చాలా అవకాశాలు ఇచ్చారని, జితేశ్‌కు కూడా ఒకట్రెండు అవకాశాలిస్తే, అతనిలో విషయం ఉందో లేదో తెలిసిపోతుందని అంటున్నారు. అలాగే స్పిన్‌ ఆల్రౌండర్ కోటాలో వాషింగ్టన్ సుందర్, పేస్‌ బౌలింగ్‌ ఆల్రౌండర్ కోటాలో శివమ్ దూబేలను అవకాశాలు ఇవ్వాలని కోరుతున్నారు. స్పెషలిస్ట్‌ పేసర్లుగా బుమ్రా, అర్షదీప్‌ తుది జట్టులో ఎలాగూ ఉంటారు కాబట్టి, మూడో పేసర్‌గా ప్రసిద్ధ కృష్ణ, స్పెషలిస్ట్‌ స్పిన్నర్‌గా బిష్ణోయ్‌కు అవకాశాలు ఇస్తే బాగుంటుందని అనుకుంటున్నారు. ఐర్లాండ్‌తో తొలి టీ20కి భారత్ తుది జట్టు (అంచనా).. రుతురాజ్ గైక్వాడ్, యశస్వి జైస్వాల్, జితేశ్ శర్మ (వికెట్‌కీపర్‌), తిలక్ వర్మ, రింకూ సింగ్, శివమ్ దూబే, వాషింగ్టన్ సుందర్, అర్షదీప్‌ సింగ్, ప్రసిద్ధ్ కృష్ణ, బుమ్రా, రవి బిష్ణోయ్ -
నువ్వు ఇక్కడికి ఎందుకు వచ్చావు అని ద్రవిడ్‌ అడిగాడు! అప్పుడు నేను..
ఐపీఎల్‌లో గత రెండు సీజన్లలో పంజాబ్ కింగ్స్ ఆటగాడు జితేశ్ శర్మ మెరుగైన ప్రదర్శనతో ఆకట్టుకున్నాడు. గతేడాది 10 ఇన్నింగ్స్‌లో 234 పరుగులు సాధించిన ఈ వికెట్ కీపర్ బ్యాటర్.. 16వ ఎడిషన్లో 14 ఇన్నింగ్స్‌లో 309 రన్స్‌ తన పేరిట లిఖించుకున్నాడు. ఈ క్రమంలో ఇప్పటికే ఓసారి టీమిండియాకు ఎంపికైన జితేశ్‌కు తుదిజట్టులో మాత్రం చోటు దక్కలేదు. శ్రీలంకతో టీ20 సిరీస్‌ నేపథ్యంలో ఈ విదర్భ బ్యాటర్‌కు పిలుపు వచ్చింది. కేరళ వికెట్ కీపర్ బ్యాటర్ సంజూ శాంసన్ గాయపడటంతో అతడి స్థానంలో జితేశ్‌ను జట్టులోకి తీసుకున్నారు. కానీ ఇషాన్ కిషన్ రూపంలో వికెట్ కీపర్ అందుబాటులో ఉండటంతో అతడికి ఆడే అవకాశం రాలేదు. ఈ క్రమంలో ఆసియా క్రీడలు-2023 సందర్భంగా మరోసారి అదృష్టం జితేశ్ తలుపుతట్టింది. చైనాలో జరుగునున్న ఈ మెగా ఈవెంట్‌లో పాల్గొననున్న భారత ద్వితీయ శ్రేణి జట్టులో అతడికి చోటు దక్కింది. ఈ నేపథ్యంలో ఏబీపీ న్యూస్‌తో మాట్లాడిన జితేశ్ మొదటిసారి జట్టుకు ఎంపికైనపుడు హెడ్‌కోచ్‌ రాహుల్ ద్రవిడ్‌తో జరిగిన సంభాషణ గురించి వెల్లడించాడు. ‘‘జితేశ్.. నువ్వు ఇక్కడకు ఎందుకు వచ్చావో తెలుసా?’’ అని ద్రవిడ్‌ అడిగారు. అందుకు బదులుగా.. ‘‘వీలైనంత ఎక్కువ స్ట్రైక్‌రేటు నమోదు చేయడం నా బలం. త్వరత్వరగా పరుగులు రాబడతాను. అందుకే నన్ను ఇక్కడికి తీసుకువచ్చారు’’ అని సమాధానమిచ్చాను. అందుకు రాహుల్ సర్‌ కూడా.. ‘‘అవును.. నువ్వు ఇక్కడిదాకా వచ్చింది అందుకే! నీదైన శైలిలో ఆడు.. జట్టు కోసం ఆడు.. ఈ ప్రయాణంలో ఎన్నో విషయాలు నేర్చుకునే అవకాశం ఉంటుంది’’ అని చెప్పారు’’ అంటూ 29 ఏళ్ల జితేశ్ డ్రెస్సింగ్‌రూం అనుభవాలు పంచుకున్నాడు. కాగా ఆసియా క్రీడలకు రింకూ సింగ్, జితేశ్ శర్మ, ప్రభ్‌సిమ్రన్‌ సింగ్ తదితరులు ఎంపికైన విషయం తెలిసిందే. ఈ జట్టుకు రుతురాజ్ గైక్వాడ్ నాయకుడు. -
భారత జట్టులో నో ఛాన్స్.. ‘దేవుడు నా కోసం పెద్ద ప్లాన్తో ఉన్నాడు’
వెస్టిండీస్‌తో టీ20 సిరీస్‌కు కొత్త ఛైర్మన్ అజిత్ అగార్కర్ నేతృత్వంలోని సెలక్షన్ కమిటీ భారత జట్టును ప్రకటించిన సంగతి తెలిసిందే. ఐపీఎల్‌లో అద్భుతంగా రాణించిన తిలక్ వర్మ, యశస్వీ జైశ్వాల్‌ వంటి యువ ఆటగాళ్లకు ఈ జట్టులో చోటు దక్కింది. అయితే మరి కొంతమంది ఐపీఎల్ హీరోలకు మాత్రం సెలక్టర్లు మొండిచేయి చూపారు. అందులో ముందు వరుసలో ఉంటాడు పంజాబ్ కింగ్స్ వికెట్ కీపర్ బ్యాటర్ జితేశ్ శర్మ. జితేష్ శర్మ ఈ ఏడాది సీజన్లో అదరగొట్టాడు. లోయార్డర్‌లో బ్యాటింగ్‌కు వచ్చి జట్టుకు వెన్నెముకగా నిలిచాడు. 14 మ్యాచ్‌ల్లో 156.06 స్ట్రైక్ రేట్‌తో 309 పరుగులు చేశాడు. కాగా అంతకు ముందు శ్రీలంక, న్యూజిలాండ్‌తో టీ20 సిరీస్‌లకు భారత జట్టులో జితేష్‌కు చోటు దక్కినప్పటికీ బెంచ్‌కే పరిమితమయ్యాడు. ఇక తాజాగా ఓ ఇంటరర్వ్యూలో విండీస్‌ టూర్‌కు చోటు దక్కకపోవడంపై జితేష్ శర్మ స్పందించాడు. విండీస్‌ టూర్‌కు ఎంపికకాకపోవడం గురించి ఏమనుకుంటున్నారు? అని ప్రశ్నించగా.. ‘‘దేవుడు నా కోసం పెద్ద ప్లాన్‌ వేశాడు’’ ఒక్క మాటలో సమాధానమిచ్చాడు. రాహల్‌ ద్రవిడ్‌ సార్‌ నా ప్రదర్శన పట్ల సంతోషంగా ఉన్నారు. మీరు చాలా బాగా రాణిస్తున్నారని, మేము మీలాంటి యువ ఆటగాళ్ల కోసం వెతుకుతున్నామని ద్రవిడ్‌ సార్‌ చెప్పారు. నేను ఇంకా ఎక్కువగా పరుగులు సాధించాలని అనుకుంటున్నాని అతనితో చెప్పాను. అందుకు బదులుగా ఆయన నేను ఆడే పోజేషన్‌కు అవే ఎక్కువ పరుగులు అని కితాబు ఇచ్చారు. పరుగులు కాదు గెలుపు కోసం మీరు ఎంత ఎక్కువ కృషి చేస్తారో అది ముఖ్యమని ఆయన అన్నారు" అని క్రికెట్.కామ్‌ ఇచ్చిన ఇంటర్వ్యూలో జితేష్ శర్మ చెప్పుకొచ్చాడు. విండీస్‌తో టి20 సిరీస్‌కు భారత జట్టు: ఇషాన్ కిషన్ (వికెట్ కీపర్), శుబ్మన్ గిల్, యశస్వి జైస్వాల్, తిలక్ వర్మ, సూర్య కుమార్ యాదవ్ (వైస్ కెప్టెన్), సంజు శాంసన్ (వికెట్ కీపర్), హార్దిక్ పాండ్యా (కెప్టెన్), అక్షర్ పటేల్, యుజ్వేంద్ర చాహల్, కుల్దీప్ యాదవ్, రవి బిష్ణోయ్, అర్ష్దీప్ సింగ్, ఉమ్రాన్ మాలిక్, అవేష్ ఖాన్, ముఖేష్ కుమార్. చదవండి: Rohit Sharma: 'ఆటగాళ్ల మధ్య దూరానికి అది కూడా కారణమే.. రోహిత్ కెప్టెన్సీ అంతగా బాగోలేదు' -
#JiteshSharma: పంజాబ్ తరపున కొత్త సిక్సర్ల వీరుడు
ఐపీఎల్ 16వ సీజన్లో పంజాబ్ కింగ్స్ తరపున వికెట్ కీపర్ జితేశ్ శర్మ సంచలన ప్రదర్శన కనబరిచాడు. బ్యాటింగ్ ఆడినంతసేపు ఎక్కువగా సిక్సర్లకే ప్రాధాన్యమిచ్చిన జితేశ్ ఒక రికార్డును తన ఖాతాలో వేసుకున్నాడు. శుక్రవారం(మే 19న) రాజస్తాన్‌ రాయల్స్‌తో మ్యాచ్లో 28 బంతుల్లో 44 పరుగులు చేసిన జితేశ్ ఇన్నింగ్స్‌లో మూడు ఫోర్లు, మూడు సిక్సర్లు ఉన్నాయి. Photo: IPL Twitter కాగా ఈ సీజన్లో ఇప్పటివరకు జితేశ్ శర్మ 21 సిక్సర్లు బాదాడు. పంజాబ్ కింగ్స్ తరపున సీజన్లో అత్యధిక సిక్సర్ల వీరుడిగా నిలిచాడు. జితేశ్ శర్మ తర్వాత లియామ్‌ లివింగ్స్టోన్, ప్రభ్‌సిమ్రన్‌ సింగ్ 19 సిక్సర్లతో ఉన్నారు. ఇక ఈ సీజన్లో పంజాబ్ కింగ్స్ తరపున జితేశ్ శర్మ మూడో టాప్‌ స్కోరర్‌గా నిలిచాడు. 14 మ్యాచ్‌ల్లో 309 పరుగులు చేశాడు. ఎక్కువగా ఆరు, ఏడు స్థానాల్లో బ్యాటింగ్‌కు వచ్చే జితేశ్ ఖాతాలో ఒక్క హాఫ్‌ సెంచరీ కూడా లేకపోవడం గమనార్హం. సీజన్లో అతని అత్యధిక స్కోరు 49 నాటౌట్‌గా ఉంది. చదవండి: స్థిరత్వం లేని బ్యాటింగ్.. పైగా వెకిలి నవ్వొకటి! -
అతడిని టీమిండియాకు ఎంపిక చేయండి.. శాంసన్ కంటే బెటర్!
ఐపీఎల్-2023లో అదరగొడుతున్న పంజాబ్ కింగ్స్ వికెట్ కీపర్ బ్యాటర్ జితేష్ శర్మపై భారత మాజీ సెలెక్టర్ సునీల్ జోషి ప్రశంసల వర్షం కురిపించాడు. భారత అత్యుత్తమ వికెట్ కీపర్లలో జితేష్ శర్మ ఒకడని సునీల్ జోషి కొనియాడాడు. కాగా జితేష్ శర్మ ప్రస్తుతం అద్భుతమైన ఫామ్‌లో ఉన్నాడు. ముఖ్యంగా ఆఖరిలో బ్యాటింగ్‌కు వచ్చి పంజాబ్ జట్టుకు అద్భుతమైన ఫినిషర్‌గా మారాడు. ఇప్పటివరకు ఈ ఏడాది సీజన్లో 10 మ్యాచ్‌లు ఆడిన జితేష్ 165.97 స్ట్రైక్ రేట్‌తో239 పరుగులు చేశాడు.ఈ నేపథ్యంలో హిందూస్తాన్‌ టైమ్స్‌తో జోషి మాట్లాడుతూ.. "ఐపీఎల్‌లో జితేష్ దుమ్మురేపుతున్నాడు. పంజాబ్‌కు మంచి ఫినిషింగ్ ఇస్తున్నాడు. కాబట్టి సంజూ శాంసన్ స్ధానంలో జితేష్ శర్మను భారత జట్టుకు ఎంపిక చేయాలి. సంజూ కంటే జితేష్ శర్మ మెరుగైన ఆటగాడు. గత కొన్ని నెలలగా అతడు దేశవాళీ క్రికెట్‌తో పాటు ఐపీఎల్‌లో కూడా అద్భుతంగా రాణిస్తున్నాడు. అటువంటి ఆటగాడు కచ్చితంగా టీమిండియాకు ఆడాలి. గత కొన్ని టీ20 సిరీస్‌లకు జితేష్ భారత జట్టులో భాగమయ్యాడు. కానీ అతడు బెంచ్‌కే పరిమితమయ్యాడు.ఈ సారి మాత్రం అతడికి తుది జట్టులో ఛాన్స్ ఇవ్వండి. అతడు పంజాబ్‌కు ఏమి చేస్తున్నాడో టీమిండియాకు కూడా అదే అందిస్తాడు" అని పేర్కొన్నాడు. చదవండి: IPL 2023: ఐపీఎల్‌లో చరిత్ర సృష్టించిన పాండ్యా బ్రదర్స్‌ -
#JiteshSharma: అదనపు మార్కుల కోసం క్రికెటర్ అవతారం
పంజాబ్ కింగ్స్ వికెట్ కీపర్ జితేశ్ శర్మ స్టన్నింగ్‌ బ్యాటింగ్‌తో అదరగొడుతున్నాడు. ఇటీవలే ముంబై ఇండియన్స్‌తో మ్యాచ్లో ఏడు బంతుల్లోనే 25 పరుగులు చేసిన జితేశ్ శర్మ ఐపీఎల్ చరిత్రలో పంజాబ్ కింగ్స్ తరపున అత్యధిక స్ట్రైక్‌రేట్‌ నమోదు చేసిన బ్యాటర్‌గా నిలిచాడు. ముంబైతో మ్యాచ్లో జితేశ్ 357.14 స్ట్రైక్‌రేట్‌ నమోదు చేయడం విశేషం. Photo: IPL Twitter కాగా గత సీజన్‌లోనే జితేశ్ శర్మ వెలుగులోకి వచ్చాడు. ఎక్కువగా ఆరు లేదా ఏడు స్థానాల్లో బ్యాటింగ్‌కు వస్తున్న జితేశ్ ఐపీఎల్ 2022లో పంజాబ్ తరపున 12 మ్యాచ్‌ల్లో 163.64 స్ట్రైక్‌రేట్‌తో 234 పరుగులు చేశాడు. ఈ సీజన్లో కూడా జితేశ్ అదిరిపోయే స్ట్రైక్‌రేట్‌తో బ్యాటింగ్ కొనసాగిస్తున్నాడు. ఇప్పటివరకు సీజన్లో పంజాబ్ తరపున ఏడు మ్యాచ్‌ల్లో 150 స్ట్రైక్‌రేట్‌తో 145 పరుగులు చేశాడు. ఎయిర్‌ఫోర్స్‌ ఆఫీసర్‌ కావాలనుకొని.. Photo: IPL Twitter అయితే జితేశ్ శర్మకు చిన్నప్పటి నుంచి క్రికెట్‌పై పెద్దగా ఆసక్తి లేదు. పదో తరగతి బోర్డ్‌ ఎగ్జామ్‌లో అదనపు మార్కుల కోసం క్రికెటర్ అవతారం ఎత్తాడు. ఎయిర్‌ఫోర్స్‌ ఆఫీసర్‌ కావాలన్న కోరిక జితేశ్‌లో బలంగా ఉండేది. మహారాష్ట్రలో ఎన్డీఏ పరీక్షకు స్పోర్ట్స్ కోటాలో ఒక కటాఫ్‌ ఉంది. ఏ క్రీడ అయినా రాష్ట్ర స్థాయిలో ఆటగాడిగా రాణిస్తే 25 మార్కులు అదనంగా ఇస్తారు. ఇది జితేశ్ శర్మను బాగా ఆకట్టుకుంది. ఎలాగైనా బ్లూ డ్రెస్‌(ఎయిర్‌ఫోర్స్‌) వేసుకోవాలని కల గన్న జితేశ్ అలా క్రికెటర్ అవతారం ఎత్తాడు. కట్‌చేస్తే దేశవాలీలో విదర్భ క్రికెట్ అసోసియేషన్‌ తరపున ఆడుతున్న జితేశ్ శర్మ.. ఇవాళ ఐపీఎల్‌లో పంజాబ్ కింగ్స్ తరపున బెస్ట్‌ ఫినిషర్‌గా ఎదిగాడు. Photo: IPL Twitter ఇక క్రికెట్‌పై తనకు ఆసక్తి లేదన్న విషయాన్ని జితేశ్ శర్మ స్వయంగా వెల్లడించాడు. ప్రాక్టీస్ సందర్భంగా ఇండియన్‌ ఎక్స్‌ప్రెస్‌కు ఇచ్చిన ఇంటర్య్వూలో మాట్లాడుతూ..'' నేను ఎప్పుడు క్రికెటర్ అవ్వాలనుకోలేదు. నిజానికి నాకు ఎలాంటి చైల్డ్‌హుడ్‌ కోచ్ లేడు. యూట్యూబ్‌లో వీడియోలు చూస్తూ క్రికెట్ నేర్చుకున్నా. ముఖ్యంగా ఆడమ్‌ గిల్‌క్రిస్ట్‌, సౌరవ్‌ గంగూలీ బ్యాటింగ్‌లకు సంబంధించిన వీడియోలను రిపీట్‌గా చూసేవాడిని. డిఫెన్స్‌లోకి వెళ్లి ఎయిర్‌ఫోర్స్‌ ఆఫీసర్‌ కావాలన్న కోరిక బలంగా ఉండేది. అయితే మహారాష్ట్రలో స్పోర్ట్స్ కోటాలో 25 మార్కులు అదనంగా ఇచ్చే అవకాశం ఉండేది. ఎయిర్‌ఫోర్స్‌ ఆఫీసర్‌ కావడం కోసం క్రికెట్ ఆడడం ప్రారంభించాను. 2011లో 16 ఏళ్ల వయసులో విదర్భ క్రికెట్ అసోసియేషన్‌ జిల్లాస్థాయి పోటీల్లో పాల్గొన్నా. అక్కడే నాకు పరిచయం అయ్యాడు అమర్‌. అమర్‌ సహా అక్కడికి వచ్చిన చాలా మంది నీకు మంచి టాలెంట్‌ ఉందని.. క్రికెటర్‌గా మంచి భవిష్యత్తు ఉందని ఎంకరేజ్‌ చేశారు. అలా ఎయిర్‌ఫోర్స్‌ ఆఫీసర్‌ కలను వదులుకొని క్రికెట్‌వైపు అడుగులేశాను. నా జీవితంలో అదొక టర్నింగ్‌ పాయింట్‌'' అంటూ చెప్పుకొచ్చాడు. చదవండి: జితేశ్ శర్మ సంచలనం.. ఐపీఎల్ చరిత్రలో పలు రికార్డులు బద్దలు -
జితేశ్ శర్మ సంచలనం.. ఐపీఎల్ చరిత్రలో పలు రికార్డులు బద్దలు
ఐపీఎల్ 16వ సీజన్లో ముంబై ఇండియన్స్‌, పంజాబ్ కింగ్స్ మ్యాచ్లో పలు రికార్డులు బద్దలయ్యాయి. తొలుత బ్యాటింగ్ చేసిన పంజాబ్ కింగ్స్ నిర్ణీత 20 ఓవర్లలో 8 వికెట్ల నష్టానికి 214 పరుగులు చేసింది. సామ్ కరన్‌, హర్‌ప్రీత్‌ బాటియా, జితేశ్ శర్మలు కలిసి చేసిన విధ్వంసానికి రికార్డులు పగిలిపోయాయి. చివరి ఆరు ఓవర్లలో పంజాబ్ 109 పరుగులు చేసింది. దీనితో పాటు కొన్ని రికార్డులను పరిశీలిద్దాం. ►ముంబై ఇండియన్స్‌తో మ్యాచ్లో పంజాబ్ కింగ్స్ బ్యాటర్ జితేశ్ శర్మ సంచలనం సృష్టించాడు. ఏడు బంతుల్లోనే 25 పరుగులు చేసిన జితేశ్ శర్మ పంజాబ్ కింగ్స్ తరపున ఐపీఎల్‌లో అత్యధిక స్ట్రైక్‌రేట్‌ నమోదు చేసిన బ్యాటర్‌గా నిలిచాడు. జితేశ్ 357.14 స్ట్రైక్‌రేట్‌తో తొలి స్థానంలో ఉన్నాడు. ఆ తర్వాతి స్థానాల్లో బానుక రాజపక్స(9 బంతుల్లో 31 పరుగులు, 344.44 స్ట్రైక్‌రేట్‌), కేఎల్‌ రాహుల్(16 బంతుల్లో 51 పరుగులు, 318.75 స్ట్రైక్‌రేట్‌), నికోలస్‌ పూరన్‌ (8 బంతుల్లో 25*పరుగుఉల, 312.50 స్ట్రైక్‌రేట్‌) ఉన్నారు. ►ముంబై ఇండియన్స్‌తో మ్యాచ్లో చివరి ఆరు ఓవర్లలో పంజాబ్ కింగ్స్ 109 పరుగులు చేసింది. ఐపీఎల్ చరిత్రలో చివరి ఆరు ఓవర్లలో ఇన్ని పరుగులు చేయడం పంజాబ్‌కు ఇదే తొలిసారి. ఓవరాల్‌గా పంజాబ్ రెండో స్థానంలో ఉండగా.. తొలి స్థానంలో ఆర్సీబీ గుజరాత్‌ లయన్స్‌పై చివరి ఆరు ఓవర్లలో 126 పరుగులు చేసి తొలి స్థానంలో ఉండగా.. 2020లో పంజాబ్ కింగ్స్‌పై ముంబై 104 పరుగులు చేసింది. ►ఇక ముంబై ఇండియన్స్‌ తరపున ఒక ఓవర్లో అత్యధిక పరుగులు సమర్పించుకున్న రెండో బౌలర్‌గా అర్జున్‌ టెండూల్కర్‌ నిలిచాడు. పంజాబ్‌తో మ్యాచ్లో అర్జున్‌ ఒక ఓవర్లో 31 పరుగులిచ్చుకున్నాడు. తొలి స్థానంలో డేనియల్‌ సామ్స్‌ (35 పరుగులు వర్సెస్‌ కేకేఆర్‌) ఉన్నాడు. ►ముంబై ఇండియన్స్‌తో మ్యాచ్లో సామ్ కరన్‌-హర్‌ప్రీత్‌ బాటియాలు ఐదో వికెట్‌కు 92 పరుగులు జోడించారు. పంజాబ్ కింగ్స్ తరపున ఐదో వికెట్‌కు ఇది రెండో అత్యుత్తమ భాగస్వామ్యం కావడం విశేషం. తొలి స్థానంలో డేవిడ్‌ మిల్లర్‌-రాజ్‌గోపాల్‌ సతీష్‌(130*పరుగులు) తొలి స్థానంలో ఉన్నారు. Jitesh da muqabla, das mainu kithe ae ni 💪#MIvPBKS #IPLonJioCinema #IPL2023 #TATAIPL | @jiteshsharma_ pic.twitter.com/kphTnuy591 — JioCinema (@JioCinema) April 22, 2023 Super Sam goes bang bang 💥 A stunning 5️⃣0️⃣ by Curran and @PunjabKingsIPL are ✈ at Wankhede 📈 #MIvPBKS #IPLonJioCinema #IPL2023 #TATAIPL pic.twitter.com/NQjSSWnLDA — JioCinema (@JioCinema) April 22, 2023 -
కేఎల్‌ రాహుల్ స్టన్నింగ్‌ క్యాచ్‌.. బిత్తరపోయిన జితేశ్ శర్మ
పంజాబ్ కింగ్స్‌తో మ్యాచ్లో లక్నో సూపర్‌జెయింట్స్‌ కెప్టెన్ కేఎల్‌ రాహుల్ స్టన్నింగ్‌ క్యాచ్‌తో మెరిశాడు. మార్క్‌వుడ్‌ వేసిన ఇన్నింగ్స్‌ 16వ ఓవర్‌ ఐదో బంతిని జితేశ్‌శర్మ మిడాఫ్‌ దిశగా ఆడాడు. బంతి కచ్చితంగా బౌండరీ వెళుతుందన్న దశలో కేఎల్‌ రాహుల్ తన ఫీల్డింగ్ నైపుణ్యం ప్రదర్శించాడు. బంతి అతనికి చాలా దూరంలో ఉన్నప్పటికి సూపర్ టైమ్‌లైన్‌తో స్పందించిన రాహుల్ అమాంతం ఒకవైపుగా డైవ్‌చేస్తూ స్టన్నింగ్‌ క్యాచ్‌ తీసుకున్నాడు. లక్నో కెప్టెన్ దెబ్బకు జితేశ్ శర్మ నోట మాట రాక బిత్తరపోయాడు. రాహుల్ విన్యాసం సోషల్‌ మీడియాలో వైరల్‌గా మారింది. ఇక కేఎల్‌ రాహుల్ ఇవాళ్టి మ్యాచ్లో బ్యాట్‌తోనూ రాణించాడు. 56 బంతుల్లో 74 పరుగులు చేసిన కేఎల్‌ రాహుల్‌కు ఈ సీజన్లో ఇదే తొలి అర్థసెంచరీ కావడం విశేషం. ఇక తొలుత బ్యాటింగ్ చేసిన లక్నో సూపర్ జెయింట్స్‌ నిర్ణీత 20 ఓవర్లలో 8 వికెట్ల నష్టానికి 159 పరుగులు చేసింది. उड़ता राहुल #KLRahul #LSGvPBKS @LucknowIPL #IPL23 pic.twitter.com/koq3dTTj4R — KUNAL KOUSHAL (@KUNALKOUSHAL65) April 15, 2023 WHAT A CATCH BY KL RAHUL. pic.twitter.com/cFzyRdQbQ0 — Johns. (@CricCrazyJohns) April 15, 2023 An absolute blinder from KL Rahul to dismiss Jitesh Sharma🔥 📸: JioCinema#KLRahul #JiteshSharma #LSGvPBKS #LSGvsPBKS #PBKSvLSG #PBKSvsLSG #TATAIPL #TATAIPL2023 #IPL #IPL2023 #IndianPremierLeague #Cricket #SBM pic.twitter.com/VttOONPJrC — SBM Cricket (@Sbettingmarkets) April 15, 2023 చదవండి: 'ఆ నవ్వుకే పడిపోయాడనుకుంటా..' var request = 'https://www.sakshi.com/knowwidget/kwstr_4381453179.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } }); -
న్యూజిలాండ్‌తో మూడో టీ20.. టీమిండియాలో మూడు మార్పులు..?
IND VS NZ 3rd T20: ఫిబ్రవరి 1న అహ్మదాబాద్‌ వేదికగా న్యూజిలాండ్‌తో జరుగనున్న నిర్ణయాత్మక మూడో టీ20లో టీమిండియా భారీ మార్పులతో బరిలోకి దిగే అవకాశం ఉన్నట్లు తెలుస్తోంది. తొలి రెండు మ్యాచ్‌ల్లో దాదాపు ఒకే జట్టుతో (చహల్‌ మినహాయించి) బరిలోకి దిగిన భారత్.. మూడో టీ20 కోసం మూడు మార్పులు చేయనుందని సమాచారం. రెండు మ్యాచ్‌ల్లో దారుణంగా విఫలమైన ఓపెనర్లు శుభ్‌మన్‌ గిల్, ఇషాన్ కిషన్‌లతో పాటు బౌలింగ్‌ విభాగంలో మరో కీలక మార్పు చేయాలన్నది జట్టు యాజమాన్యం యోచనగా తెలుస్తోంది. శుభ్‌మన్‌, ఇషాన్‌ల స్థానాల్లో పృథ్వీ షా, వికెట్‌కీపర్‌ జితేశ్ శర్మ.. అలాగే చహల్‌ లేదా కుల్దీప్ స్థానాల్లో ముకేశ్‌ కుమార్‌కు అవకాశం కల్పించే ఛాన్స్ ఉన్నట్లు తెలుస్తోంది. అహ్మదాబాద్‌లోని నరేంద్ర మోదీ స్టేడియం తొలుత బ్యాటింగ్‌కు, ఆతర్వాత పేసర్లకు సహకరించే అస్కారం ఉండటంతో స్పిన్నర్‌ స్థానంలో అదనపు పేసర్‌కు అవకాశం ఇవ్వాలని మేనేజ్‌మెంట్‌ యోచిస్తున్నట్లు సమాచారం. ముకేశ్‌ కుమార్‌కు ఈ సిరీస్‌లో ఒక్క అవకాశం కూడా రాకపోవడంతో మూడో టీ20లో తప్పక ఆడించాలన్నది కోచ్ ద్రవిడ్‌ ఆలోచనగా తెలుస్తోంది. అలాగే గిల్, ఇషాన్‌లు వరుసగా లభించిన అవకాశాలను సద్వినియోగం చేసుకోని నేపథ్యంలో పృథ్వీ షా, వికెట్‌కీపర్‌ జితేశ్ శర్మలకు ఒక్క అవకాశం ఇవ్వాలన్నది టీమ్ ప్లాన్‌గా తెలుస్తోంది. మరోవైపు, సిరీస్‌ డిసైడర్‌ మ్యాచ్ కావడంతో మేనేజ్‌మెంట్‌ పెద్దగా ప్రయోగాలు చేసేందుకు మొగ్గు చూపకపోవచ్చన్న టాక్‌ కూడా నడుస్తోంది. ఏదిఏమైనప్పటికీ తుది జట్టులో ఎవరెవరు ఉంటారో తేలాలంటే మ్యాచ్ ప్రారంభానికి అరగంట ముందు వరకు వెయిట్‌ చేయాల్సిందే. ఇదిలా ఉంటే, మూడు మ్యాచ్‌ల ఈ టీ20 సిరీస్‌లో భారత్, న్యూజిలాండ్‌ జట్లు చెరో మ్యాచ్ గెలిచి (తొలి మ్యాచ్లో న్యూజిలాండ్‌, రెండో మ్యాచ్లో భారత్ గెలిచాయి) సిరీస్‌లో సమవుజ్జీలుగా ఉన్న విషయం తెలిసిందే. అంతకుముందు జరిగిన వన్డే సిరీస్‌ను రోహిత్ సేన 3-0 తేడాతో క్లీన్‌ స్వీప్‌ చేసింది. వన్డేల్లో డబుల్‌ సెంచరీ, ఓ సెంచరీతో హిట్ అయిన శుభ్‌మన్‌ గిల్.. టీ20 సిరీస్‌లో మాత్రం ఫట్‌ అయ్యాడు. -
ఉమ్రాన్‌ను తప్పించి జితేశ్‌ను తీసుకోండి! పృథ్వీ షా కంటే బెటర్!
India vs New Zealand T20 Series: ‘‘పేస్‌లో వైవిధ్యం చూపనంత వరకు ఉమ్రాన్ మాలిక్ ఈ ఫార్మాట్లో ఇబ్బంది పడుతూనే ఉంటాడు. శుక్రవారం నాటి మ్యాచ్లో కూడా తను కట్టర్లు వేయాలని భావించినట్లు అనిపించింది. కానీ అలా చేయలేకపోయాడు’’ అని టీమిండియా మాజీ క్రికెటర్ వసీం జాఫర్‌ అన్నాడు. న్యూజిలాండ్‌తో రాంచిలో శుక్రవారం జరిగిన తొలి టీ20లో భారత యువ పేసర్‌ ఉమ్రాన్ మాలిక్‌కు ఒకే ఒక్క ఓవర్‌ వేసే అవకాశం వచ్చింది. దానిని కూడా పూర్తిగా సద్వినియోగం చేసుకోలేకపోయాడు ఈ కశ్మీరీ ఎక్స్‌ప్రెస్‌. 16 పరుగులు సమర్పించుకున్నాడు. ఉమ్రాన్‌ను తప్పించండి ఈ నేపథ్యంలో వసీం జాఫర్‌.. జట్టులో ఉమ్రాన్ మాలిక్ స్థానం గురించి మరోసారి కీలక వ్యాఖ్యలు చేశాడు. పేస్‌లో వైవిధ్యం చూపలేకపోతున్నాడని, రెండో టీ20లో తనను తప్పించాలని మేనేజ్‌మెంట్‌కు సూచించాడు. అతడి స్థానంలో ఎక్స్‌ట్రా బ్యాటర్‌కు అవకాశం ఇవ్వాలని విజ్ఞప్తి చేశాడు. ఈ మేరకు ఈఎస్‌పీఎన్‌క్రిక్‌ఇన్ఫోతో మాట్లాడుతూ.. ‘‘ఉమ్రాన్‌తో ఒకే ఒక్క ఓవర్‌ వేయించారు. శివం మావికి కూడా 14 ఓవర్‌ వరకు బాల్‌ ఇవ్వలేదు. ఇద్దరు బౌలర్లతో కలిపి కేవలం మూడు ఓవర్లు మాత్రమే వేయిస్తున్నపుడు ఎక్స్‌ట్రా బ్యాటర్‌ను తీసుకోవచ్చు కదా! అతడే బెటర్ ఉమ్రాన్‌ను తప్పించి జితేశ్ శర్మ లేదంటే పృథ్వీ షాకు అవకాశం ఇవ్వాలి. ఇక నా అభిప్రాయం ప్రకారం.. వీరిద్దరిలో జితేశ్ బెటర్ ఆప్షన్‌. లోయర్‌ ఆర్డర్లో చక్కగా బ్యాటింగ్ చేయగలడు ’’అని మాజీ ఓపెనర్‌ వసీం జాఫర్‌ అభిప్రాయపడ్డాడు. కాగా శ్రీలంకతో సిరీస్‌ నేపథ్యంలో సంజూ శాంసన్ స్థానంలో విదర్భ బ్యాటర్ జితేశ్ శర్మకు తొలిసారి బీసీసీఐ నుంచి పిలుపు వచ్చిన విషయం తెలిసిందే. ఈ క్రమంలో కివీస్‌తో టీ20 సిరీస్‌కూ ఎంపికైన 29 ఏళ్ల ఈ వికెట్ కీపర్ బ్యాటర్‌కు ఇంత వరకు అరంగేట్రం చేసే అవకాశం రాలేదు. ఇక రాంచి మ్యాచ్లో ఓటమి పాలైన టీమిండియా లక్నోలో ఆదివారం న్యూజిలాండ్‌తో జరుగనున్న రెండో టీ20లో గెలిచి సిరీస్‌ సమం చేయాలని పట్టుదలగా ఉంది. చదవండి: Umpire Marais Erasmus: బొత్తిగా ఆసక్తి లేనట్టుంది.. ఆ మాత్రం దానికి అంపైరింగ్‌ ఎందుకు? డబుల్‌ సెంచరీ ఓకే! టీ20లలో మరీ ఇంత ఘోరమా? అయినా ఇదెక్కడి న్యాయం -
Ind Vs SL: ఎవరీ జితేశ్ శర్మ? సంజూ స్థానంలో అతడే ఎందుకు?
India vs Sri Lanka, 2nd T20I- Sanju Samson- Jitesh Sharma: గాయం కారణంగా కేరళ బ్యాటర్ సంజూ శాంసన్ జట్టుకు దూరం కావడంతో తొలిసారి బీసీసీఐ పిలుపు అందుకున్నాడు జితేశ్ శర్మ. స్వదేశంలో శ్రీలంకతో టీ20 సిరీస్‌ నేపథ్యంలో టీమిండియాలో చోటు దక్కించుకున్నాడు. సంజూ దురదృష్టం... జితేశ్ పాలిట అదృష్టంగా మారిందనే చెప్పాలి. తుది జట్టులో ఆడే అవకాశం వచ్చినా రాకపోయినా.. సెలక్టర్ల దృష్టిలో పడటం అతడికి మేలు చేకూర్చే అంశమే. లంకతో తొలి టీ20లో యువ ఓపెనర్‌ ఇషాన్ కిషన్ వికెట్ కీపర్‌గా వ్యవహరించగా.. సంజూ బ్యాటింగ్ సేవలకే పరిమితమయ్యాడు. ఇంతకీ జితేశ్ శర్మ ఎవరు? ఇప్పుడు అతడు మోకాలి గాయంతో దూరమైన నేపథ్యంలో బ్యాకప్‌ వికెట్ కీపర్‌గా విదర్భ బ్యాటర్ జితేశ్ రావడం విశేషం. నిజానికి సంజూ స్థానాన్ని జితేశ్‌తో భర్తీ చేయడం ఒకింత ఆశ్చర్యం కలిగించే అంశమే! ఇంతకీ జితేశ్ శర్మ ఎవరు? అతడి నేపథ్యం ఏమిటి?! PC: PBKS మహారాష్ట్రలోని అమరావతిలో 1993 అక్టోబరు 22న జితేశ్ జన్మించాడు. కుడిచేతి వాటం గల ఈ వికెట్ కీపర్ బ్యాటర్ 2012- 13 కూచ్‌ బెహర్‌ ట్రోఫీ టోర్నీలో మెరుగైన ప్రదర్శన కనబరిచాడు. 12 ఇన్నింగ్స్‌లో కలిపి మొత్తంగా 537 పరుగులు చేశాడు. దేశవాళీ క్రికెట్లో సత్తా చాటి ఈ క్రమంలో.. 2014లో టీ20 ఫార్మాట్లో అరంగేట్రం చేసిన అతడు.. అదే ఏడాది దేశవాళీ వన్డే టోర్నీ విజయ్‌ హజారే ట్రోఫీలో ఆడే అవకాశం దక్కించుకున్నాడు. పరిమిత ఓవర్ల క్రికెట్లో విదర్భ మేటి బ్యాటర్లలో ఒకడిగా ఎదిగాడు. దేశవాళీ టీ20 టోర్నీ సయ్యద్‌ ముస్తాక్‌ అలీ 2015- 16 సీజన్లో జితేశ్ అదరగొట్టాడు. 140కి పైగా స్ట్రైక్‌రేటుతో 343 పరుగులు సాధించాడు. ఇందులో ఓ సెంచరీ, రెండు అర్ధ శతకాలు ఉన్నాయి. కాగా ఆ సీజన్లో టోర్నీలో అత్యధిక పరుగుల వీరుల జాబితాలో అతడు మూడో స్థానంలో నిలవడం విశేషం. అలా ఐపీఎల్‌లోకి ఇలా దేశవాళీ క్రికెట్లో సత్తా చాటిన జితేశ్ శర్మ... 2016లో 10 లక్షల రూపాయల కనీస ధరతో వేలంలోకి రాగా.. ముంబై ఇండియన్స్‌ కొనుగోలు చేసింది. అయితే, స్టార్లతో నిండిపోయిన ముంబై జట్టు తరఫున అతడికి ఒక్క మ్యాచ్ కూడా ఆడే అవకాశం రాలేదు. ఈ క్రమంలో 2022 మెగా వేలంలో పంజాబ్ కింగ్స్ జితేశ్‌ను కొనుగోలు చేసింది. రూ. 20 లక్షలు వెచ్చించి అతడిని జట్టులోకి ఆహ్వానించింది. అంతేకాదు.. తొలిసారి ఐపీఎల్ మ్యాచ్ ఆడే ఛాన్స్ కూడా ఇచ్చింది. సీఎస్‌కేతో మ్యాచ్‌తో అరంగేట్రం గతేడాది చెన్నై సూపర్ కింగ్స్‌తో జరిగిన మ్యాచ్ సందర్భంగా జితేశ్ శర్మ అరంగేట్రం చేశాడు. ఐదో స్థానంలో బ్యాటింగ్‌కు వచ్చిన ఈ వికెట్ కీపర్.. 17 బంతులు ఎదుర్కొని 26 పరుగులు చేశాడు. చెన్నైపై విజయం సాధించిన ఈ మ్యాచ్లో మూడో టాప్‌ స్కోరర్‌ జితేశ్ కావడం విశేషం. PC: PBKS అదే విధంగా ముంబైతో మ్యాచ్లో 15 బంతుల్లో 2 ఫోర్లు, 2 సిక్సర్లతో 30 పరుగులు చేశాడు. ఇక ఆఖరిసారిగా సన్రైజర్స్ హైదరాబాద్తో మ్యాచ్లో ఆడిన ఈ పంజాబ్ బ్యాటర్.. 7 బంతుల్లో 19 పరుగులు చేశాడు. కీలక సమయంలో మెరుపులు మెరిపించి జట్టు విజయంలో తన వంతు పాత్ర పోషించాడు. అలా వెలుగులోకి వచ్చి అందరి దృష్టిని ఆకర్షించాడు. ఇదిలా ఉంటే.. 2015- 16 సీజన్లో రంజీల్లో అడుగుపెట్టిన జితేశ్ శర్మ.. పెద్దగా ఆకట్టుకోలేకపోయాడు. ఫస్ట్‌క్లాస్‌ క్రికెట్లో రాణించలేకపోయాడు. జితేశ్ శర్మనే ఎందుకు?! బీసీసీఐ ఆలోచన? కేఎల్‌ రాహుల్, రిషభ్‌ పంత్‌ వంటి సీనియర్ల గైర్హాజరీలో యువ బ్యాటర్ ఇషాన్ కిషన్ వికెట్ కీపర్‌గా వ్యవహరిస్తున్నాడు. మరో వికెట్ కీపర్ బ్యాటర్ సంజూ దూరమయ్యాడు. ఈ నేపథ్యంలో అతడికి జితేశ్ సరైన ప్రత్యామ్నాయని బీసీసీఐ భావించింది. ఎందుకంటే.. జితేశ్ సంజూ మాదిరి కీపింగ్‌ బాధ్యతలు నిర్వర్తించడంతో పాటుగా.. ఐదు లేదంటే ఆరో స్థానంలో బ్యాటింగ్ కూడా చేయగలడు. ఐపీఎల్-2022లో పంజాబ్ కింగ్స్ తరఫున ఫినిషర్ పాత్రకు తగిన న్యాయం చేశాడీ 29 ఏళ్ల ప్లేయర్‌. అందుకే సెలక్టర్లు అతడివైపు మొగ్గు చూపినట్లు తెలుస్తోంది. అయితే, మొదటి బంతి నుంచే దూకుడు ప్రదర్శించే జితేశ్ శర్మ ఒక్కోసారి.. అంతే త్వరగా వికెట్ సమర్పించుకుంటాడు కూడా! ఈ కారణంగానే ఇటీవలి సయ్యద్‌ ముస్తాక్‌ అలీ ట్రోఫీలో స్థాయికి తగ్గ ప్రదర్శన చేయలేకపోయాడు. శ్రీలంకతో మిగిలిన రెండు టీ20లకు భారత జట్టు: హార్దిక్ పాండ్యా (కెప్టెన్), ఇషాన్ కిషన్ (వికెట్ కీపర్), రుతురాజ్ గైక్వాడ్, శుభమన్ గిల్, సూర్యకుమార్ యాదవ్ (వైస్ కెప్టెన్), దీపక్ హుడా, రాహుల్ త్రిపాఠి, జితేష్ శర్మ (వికెట్ కీపర్), వాషింగ్టన్ సుందర్, యజ్వేంద్ర చాహల్, అక్షర్ పటేల్, అర్ష్దీప్ సింగ్, హర్షల్ పటేల్ , ఉమ్రాన్ మాలిక్, శివం మావి, ముఖేష్ కుమార్. చదవండి: Sam Curran: స్టార్ క్రికెటర్‌కు చేదు అనుభవం! షాకయ్యానంటూ ట్వీట్‌.. వైరల్‌ డాన్‌ బ్రాడ్‌మన్‌ రికార్డు బద్దలు కొట్టిన స్టీవ్‌ స్మిత్‌ Sanju Samson: మరీ ఇంత దరిద్రం ఏంటి భయ్యా! ఇలాగైతే ‘కెరీర్‌’కు ఎండ్‌ కార్డ్‌ పడ్డట్లే!
Advertisement