బిగ్‌బాస్‌ ఫేమ్‌, నటుడు మానస్‌ గుడ్‌న్యూస్‌ చెప్పాడు. త్వరలోనే తండ్రిని కాబోతున్నట్లు వెల్లడించాడు. భార్య శ్రీజ ప్రస్తుతం గర్భిణి అన్న విషయాన్ని సోషల్‌ మీడియాలో షేర్‌ చేశాడు. పెద్దలు కుదిర్చిన పెళ్లి అయినా మా మనసులు పర్ఫెక్ట్‌గా కలిశాయి. ఇప్పుడు మా కుటుంబంలోకి ఓ బుజ్జాయి రాబోతున్నందుకు సంతోషంగా ఉంది. బేబీ నాగులపల్లి వచ్చేస్తున్నాడు అంటూ శ్రీజ బేబీ బంప్‌ ఫోటో షేర్‌ చేశాడు. వారం రోజుల క్రితమే శ్రీజకు ఘనంగా సీమంతం కూడా చేశారు. ఇందుకు సంబంధించిన ఫోటోలు, వీడియోలు నెట్టింట వైరలయ్యాయి. ఇకపోతే గతేడాది నవంబర్‌లో చెన్నైకి చెందిన శ్రీజను మానస్‌ పెళ్లి చేసుకున్నాడు. నెల తిరిగేలోపు కొత్త కారు కూడా కొన్నాడు. ఇప్పుడు ఏడాది తిరగకముందే శ్రీజ గర్భం దాల్చిందన్న గుడ్‌ న్యూస్‌ చెప్పాడు.కాగా మానస్‌.. కాయ్‌ రాజా కాయ్‌, ప్రేమికుడు తదితర చిత్రాల్లో హీరోగా నటించాడు. తెలుగు బిగ్‌బాస్‌ ఐదో సీజన్‌లో పాల్గొని టాప్‌ 5 ఫైనలిస్టుల్లో ఒకరిగా నిలిచాడు. బ్రహ్మముడి సీరియల్‌తో బుల్లితెర ప్రేక్షకులను అలరిస్తున్నాడు. View this post on Instagram A post shared by Maanas Nagulapalli (@maanasnagulapalli) చదవండి: 23 కిలోలు తగ్గా.. అప్పటినుంచే ఎక్కువ ఆఫర్లు: బాలీవుడ్‌ నటి

బిగ్‌బాస్ షో, తెలుగు సీరియల్ ప్రేక్షకులకు మానస్‌ని కొత్తగా పరిచయం చేయాల్సిన అవసరం లేదు. సినిమా హీరోగా కెరీర్ ప్రారంభించినప్పటికీ.. ఇప్పుడు సీరియల్స్‪‌లో నటిస్తూ ఫేమ్ తెచ్చుకున్నాడు. ఈ మధ్య పెళ్లి చేసుకున్నాడు. ఇప్పుడేమో ఏకంగా ఖరీదైన బెంజ్ కారు కొనేశాడు. ఇంతకీ ఆ కారు రేటు ఎంతంటే?  (ఇదీ చదవండి: ఓటీటీలోకి వచ్చేసిన 'మంగళవారం' సినిమా.. స్ట్రీమింగ్ అందులోనే) 'కాయ్ రాజా కాయ్', 'ప్రేమికుడు' తదితర సినిమాల్లో మానస్ హీరోగా నటించాడు. కానీ బిగ్ స్క్రీన్ పెద్దగా కలిసి రాలేదు. ఆ తర్వాత బిగ్‌బాస్ 5వ సీజన్‌లో పాల్గొని ఫినాలే వరకు వచ్చాడు కానీ విజేతగా నిలవలేకపోయాడు. అయితేనేం ఫేమ్ తెచ్చుకుని 'బ్రహ్మముడి' అనే సీరియల్‌తో బుల్లితెర హీరోగా మారిపోయాడు. నవంబరు 23న చెన్నెకి చెందిన శ్రీజ అనే అమ్మాయిని మానస్ పెళ్లి చేసుకున్నాడు. ఇప్పుడు నెల తిరిగేలోపు ఖరీదైన బెంజ్ ఎఫ్220డీ కారుని కొనుగోలు చేశాడు. ఇదే విషయాన్ని తన ఇన్ స్టాలో షేర్ చేసుకున్నాడు. అయితే ఈ కారు ఖరీదు.. దాదాపు రూ.85-90 లక్షల వరకు ఉంటుందని తెలుస్తోంది. ఏదేమైనా సరే మొన్నే పెళ్లి చేసుకుని, ఇప్పుడు కారు కూడా కొనేశాడు. అదిరిందయ్యా చంద్రం! (ఇదీ చదవండి: మెగా క్రిస్మస్ సెలబ్రేషన్స్.. ఒక్కటిగా కనిపించిన ఆ ఇద్దరు!)

బిగ్‏బాస్ ఫేమ్, నటుడు మానస్  వివాహాబంధంలోకి అడుగుపెట్టారు. హల్దీ వేడుకతో మొదలైన పెళ్లి వేడుకలు మూడు రోజుల పాటు విజయవాడలోని ఓ రిసార్ట్స్ వేదికగా ఘనంగా జరిగాయి.  చెన్నైకు చెందిన శ్రీజ అనే అమ్మాయి మెడలో మూడు ముళ్లు వేశారు. ఈ పెళ్లికి ఇరువర్గాల కుటుంబసభ్యులు, నటీనటులు, ప్రముఖులు హాజరై నూతన వధూవరులను ఆశీర్వదించారు. వీరి పెళ్లికి సంబంధించిన ఫోటోలు నెట్టింట వైరలవుతున్నాయి. ఈ విషయం తెలుసుకున్న అభిమానులు కొత్త జంటకు శుభాకాంక్షలు తెలిపారు. కాగా.. ఈ జంట సెప్టెంబర్ 2న నిశ్చితార్థం చేసుకున్నారు. (ఇది చదవండి: ఓటీటీలోకి 'భగవంత్ కేసరి' సినిమా.. రిలీజ్ డేట్ ఫిక్స్?) కాగా.. కోయిలమ్మ అనే సీరియల్ ద్వారా మానస్ గుర్తింపు తెచ్చుకున్నారు. ఆ తర్వాత పలు సీరియల్స్‌లో నటించారు. ఆ తర్వాత బిగ్‏బాస్ సీజన్ -5లో ఫైనలిస్ట్‌గా నిలిచాడు.  ప్రస్తుతం బ్రహ్మాముడి సీరియల్‌తో బుల్లితెర ప్రేక్షకులను అలరిస్తున్నారు. ఇటీవలే బిగ్ బాస్‌ సీజన్‌-7లో కంటెస్టెంట్‌గా ఉన్న తన ఫ్రెండ్‌ అమర్‌దీప్‌ కోసం వచ్చిన సంగతి తెలిసిందే.  View this post on Instagram A post shared by Amardeep♥️ Tejaswini (@amarteju_girl_fan)

బిగ్‌బాస్‌ కంటెస్టెంట్‌, నటుడు మానస్‌ బ్యాచిలర్‌ లైఫ్‌కు ఫుల్‌స్టాప్‌ పెట్టబోతున్నాడు. పెద్దలు కుదిర్చిన వివాహానికి పచ్చజెండా ఊపిన ఇతడు ఇటీవలే ఎంగేజ్‌మెంట్‌ కూడా చేసుకున్నాడు. నేడు (నవంబర్‌ 22న) రాత్రి 8.55 గంటలకు శ్రీజతో ఏడడుగులు వేయనున్నాడు. వీరి వివాహం విజయవాడలో జరగనుంది. ఇప్పటికే పెళ్లికి సంబంధించిన అన్ని ఏర్పాట్లూ పూర్తయ్యాయి. ప్రస్తుతం మానస్‌ హల్దీ వేడుకలకు సంబంధించిన వీడియోలు సోషల్‌ మీడియాలో వైరల్‌గా మారాయి. వధూవరులిద్దరూ ఒకరి మీద ఒకరు నీళ్లు గుమ్మరించుకున్నారు. ఈ సెలబ్రేషన్స్‌లో బిగ్‌బాస్‌ కంటెస్టెంట్లు హమీదా, శుభశ్రీ రాయగురు, తేజ స్పెషల్‌ అట్రాక్షన్‌గా నిలిచారు. మానస్‌- శ్రీజ హల్దీ వేడుకల అనంతరం కలిసి సంతోషంగా స్టెప్పులేశారు. కాగా మానస్‌ అసలు పేరు సాయి రోహిత్‌. పద్మిని- వెంకటరావు నాగులపల్లిల ఏకైక సంతానం. చైల్డ్‌ ఆర్టిస్ట్‌గా ఎన్నో సినిమాలు చేసిన ఇతడు బిగ్‌బాస్‌ తెలుగు ఐదో సీజన్‌తో పాపులర్‌ అయ్యాడు. ప్రస్తుతం సీరియల్స్‌ చేస్తున్న ఇతడు ఆ మధ్య మాన్షన్‌ 24 అనే వెబ్‌ సిరీస్‌లోనూ నటించాడు.  View this post on Instagram A post shared by Subhashree Rayaguru ( Subha ) (@subhashree.rayaguru) View this post on Instagram A post shared by Tasty Teja (@tastyteja) చదవండి: పేరు కూడా అడగలేదు, గదిలోకి రమ్మని పిలిచాడు.. రోజూ తాగి వచ్చి టార్చర్‌..

బిగ్‌బాస్‌ సీజన్‌ 7 ఇప్పుడిప్పుడే కాస్త రసవత్తరంగా మారుతోంది. కంటెస్టెంట్స్‌ అంతా కాస్త సీరియస్‌గా గేమ్స్‌ ఆడుతున్నారు. పోటీలో గెలిచేందుకు వందశాతం ప్రయత్నం చేస్తున్నారు. కానీ ఒకే ఒక కంటెస్టెంట్‌ మాత్రం సీజన్‌ ప్రారంభం నుంచి గేమ్‌ ఆడట్లేదు. అతనే శివాజీ.  ప్లేయర్‌గా హౌస్‌లోకి వెళి​ కోచ్‌గా అవతారమెత్తాడు. పోని అలా అయినా న్యాయంగా ఉంటున్నాడా అంటే.. ‘అబ్బే..మనవి మాటలే’ అంటున్నాడు. నీతి ముచ్చట్లు చెప్పడమే కానీ..పాటించడం మన హిస్టరీలోనే లేదంటున్నాడు. ఇతరులకు ఓ న్యాయం తనకో న్యాయం అన్నట్లుగా వ్యవహరిస్తున్నాడు.   అయితే హౌస్‌లో అంతా అతని మాయ మాటలకు పడిపోతే.. గౌతమ్‌ కృష్ణ మాత్రం అవకాశం వచ్చినప్పుడల్లా శివాజీ నిజస్వరూపం బయటపెడుతున్నాడు. మరోవైపు అమర్‌దీప్‌ కూడా ఆ ప్రయత్నం చేస్తున్నాడు కానీ.. శివాజీ తెలివిగా వ్యవహరిస్తూ..అతన్ని బకరా చేస్తున్నారు. ఈ విషయం షో వీక్షిస్తున్న ప్రేక్షకులకు ఈజీగా అర్థమవుతుంది. తాజాగా బిగ్‌బాస్‌ మాజీ కంటెస్టెంట్‌  మానస్‌ కూడా ఇదే విషయాన్ని తెలియజేస్తూ.. శివాజీపై ఆసక్తికర వ్యాఖ్యలు చేశాడు.  శివాజీ లాంటి కంటెస్టెంట్‌ని చూడలేదు: మానస్‌ బిగ్‌బాస్‌ షోలో అమర్‌దీప్‌, శివాజీల మధ్య కోల్డ్‌వార్‌ జరుగుతోంది. ప్రతిసారి చిన్న చిన్న కారణాలు చెప్పి అమర్‌దీప్‌ని నామినేట్‌ చేస్తున్నాడు శివాజీ. అంతేకాదు తనకు నచ్చినవాళ్లు తప్పు చేస్తే సమర్థిస్తాడు.. అదే అమర్‌దీప్‌, గౌతమ్‌ కృష్ణ చిన్న మిస్టేక్‌ చేసినా..దాన్ని భూతద్దంలో పెట్టి ప్రచారం చేస్తాడు. పైగా తెలివిగా హౌస్‌లోని మిగతా కంటెస్టెంట్స్‌కి కూడా తన అభిప్రాయాన్ని రుద్దే ప్రయత్న చేస్తాడు. తాజగా ఓ ఇంటర్వ్యూలో ఇదే విషయాన్ని మానస్‌ చెప్పాడు.  ‘ప్రతీ సీజన్‌లో శివాజీ లాంటి విలన్స్ ఉంటారు. కానీ హీరో ఎవరనేది ప్రేక్షకులే నిర్ణయిస్తారు. శివాజీ కేవలం ఇద్దరి పట్ల మాత్రమే వ్యక్తిగత ఇష్టం చూపిస్తున్నాడు. మిగిలిన కంటెస్టెంట్ల గేమ్ చెడగొట్టడానికి ప్రయత్నిస్తున్నాడు. ఇప్పటివరకు నేను రకరకాల మైండ్ సెట్ ఉన్నవాళ్లను చూశాను. కానీ శివాజీ లాంటి కంటెస్టెంట్‌ను ఇప్పటివరకు చూడలేదు’అంటూ షాకింగ్‌ కామెంట్స్‌ చేశాడు.

బిగ్‌బాస్‌ కంటెస్టెంట్‌, నటుడు మానస్‌ త్వరలో ఓ ఇంటివాడు కాబోతున్నాడు. శ్రీజతో ఏడడుగులు వేయబోతున్నాడు. ఈ మధ్యే వీరి ఎంగేజ్‌మెంట్‌ వేడుక చెన్నైలో ఘనంగా జరిగింది. బిగ్‌బాస్‌ కంటెస్టెంట్స్‌ ఆర్జే కాజల్‌, వీజే సన్నీ ఈ నిశ్చితార్థ వేడుకకు హాజరై సందడి చేశారు. ఈ క్రమంలో మానస్‌ ఎంగేజ్‌మెంట్‌ ఫోటోలు, వీడియోలు నెట్టింట వైరల్‌గా మారాయి. తాజాగా మానస్‌ ఇంట పెళ్లి పనులు షురూ అయ్యాయి. నేడు హల్దీ వేడుక జరగనుంది. ఇందుకోసం ఇప్పటికే ఇంటిని అందంగా ముస్తాబు చేశారు. పసుపు దంచే కార్యక్రమం ఉందంటూ మానస్‌ అందుకు సంబంధించిన ఫోటోలను ఇన్‌స్టాగ్రామ్‌ స్టోరీలో షేర్‌ చేశాడు. పంచెకట్టులో మానస్‌ మెరిసిపోగా కొడుకును చూసి మురిసిపోయింది అతడి తల్లి పద్మిని. ఈ ఫోటోలు సోషల్‌ మీడియాలో చక్కర్లు కొడుతున్నాయి. ఇది చూసిన అభిమానులు మానస్‌కు శుభాకాంక్షలు చెప్తుంటే మరికొందరు మాత్రం అప్పుడే పెళ్లికి రెడీ అయిపోయావేంటి? అని కామెంట్లు చేస్తున్నారు. View this post on Instagram A post shared by Padmini Nagulapalli (@padmini.nagulapalli.7)

చైల్డ్‌ ఆర్టిస్ట్‌గా ఎన్నో సూపర్‌ హిట్‌ చిత్రాల్లో నటించిన మానస్‌ బుల్లితెరపైనా సత్తా చాటాడు. బిగ్‌బాస్‌ తెలుగు ఐదో సీజన్‌లో ఎంట్రీ ఇచ్చి మరింత పాపులర్‌ అయ్యాడు. గేమ్‌ పరంగానే కాకుండా మెచ్యూర్డ్ థింకింగ్‌తో అటు కుటుంబ ప్రేక్షకుల్ని, ఇటు యువతని అమితంగా ఆకట్టుకున్నాడు. సీరియల్స్‌, సాంగ్స్‌, సినిమాలు చేస్తున్న మానస్‌ త్వరలో ఓ ఇంటివాడు కాబోతున్నాడు. శ్రీజ నిశ్శంకర్‌ రావుతో పెళ్లికి రెడీ అయ్యాడు. తాజాగా వీరి నిశ్చితార్థం ఘనంగా జరిగింది. కాబోయే భార్య మెడలో పూల మాల వేసి మురిసిపోయాడు మానస్‌. ఆమెతో కలిసి నడుస్తూ.. నిండునూరేళ్లు కలిసి ప్రయాణించబోతున్నామని చెప్పకనే చెప్పాడు. ఈ ఎంగేజ్‌మెంట్‌ వేడుకకు తన బెస్ట్‌ఫ్రెండ్స్‌ కాజల్‌, సన్నీ కూడా హాజరైనట్లు తెలుస్తోంది. ఈమేరకు పలు ఫోటోలు, వీడియోలు నెట్టింట వైరల్‌గా మారాయి. View this post on Instagram A post shared by 🌟 sunny & maanas 🌟 (@mansun_warriors) View this post on Instagram A post shared by brahmamudi serial (@brahmamudi__) చదవండి:  సర్‌ప్రైజ్‌ ఇచ్చిన జైలర్‌... ఓటీటీ డేట్‌ కన్ఫామ్‌, కానీ ప్లాట్‌ఫామ్‌ మారింది.. స్ట్రీమింగ్‌ ఎక్కడంటే?

యాంకర్‌ విష్ణు ప్రియ గురించి ప్రత్యేకంగా పరిచయం అక్కర్లేదు.  షార్ట్ ఫిల్మ్స్ ద్వారా గుర్తింపు పొందిన భామ.. సుడిగాలి సుధీర్‌తో కలిసి ఓ షోకు యాంకర్‌గా బుల్లితెరపై రాణించింది. మరోవైపు సోషల్ మీడియాలోనూ ఫుల్‌ యాక్టివ్‌గా ఉంటోంది. తరచూ తన లేటెస్ట్‌ హాట్‌హాట్‌ ఫొటోలను షేర్‌ చేస్తూ సోషల్‌ మీడియా షేక్‌ చేస్తోంది. గతంలో మానస్‌తో కలిసి ఓ పాటకు స్టెప్పులేసిన ముద్దుగుమ్మ మరోసారి సందడి చేసింది. బిగ్ బాస్ ఫేమ్ మానస్, విష్ణు ప్రియ కలిసి డ్యాన్స్ చేసిన ‘గంగులు’ అనే జానపద సాంగ్ తాజాగా రిలీజ్ చేశారు. ప్రస్తుతం ఈ సాంగ్ యూట్యూబ్‌లో  అదరగొడుతోంది. ఈ పాటకు మానస్, విష్ణుప్రియ అదిరిపోయే స్టెప్పులతో ఆకట్టుకున్నారు. ఈ సాంగ్‌కు భీమ్స్ సిసిరిలియో సంగీతం అందించగా.. జానీ మాస్టర్ శిష్యురాలు శ్రష్టి వర్మ నృత్య దర్శకత్వం వహించారు. ఈ కార్యక్రమానికి ముఖ్య అతిథులుగా ప్రముఖ కొరియో గ్రాఫర్ జానీ మాస్టర్, పద్మిని నాగులపల్లి, ప్రముఖ నిర్మాత జయతి పాల్గొన్నారు.

బిగ్‌బాస్‌ హౌస్‌లో ఎవిక్షన్‌ ఫ్రీ పాస్‌ కోసం ఫైట్‌ జరుగుతోంది. ఇప్పటికే సిరి వచ్చి కంటెస్టెంట్స్‌తో మొదటి లెవల్‌ గేమ్‌ ఆడించి వెళ్లిపోగా తాజాగా మానస్‌ హౌస్‌లో అడుగుపెట్టాడు. హౌస్‌మేట్స్‌తో గేమ్స్‌ ఆడిస్తున్నాడు. ఈ క్రమంలో బిగ్‌బాస్‌ ఓ ఇంట్రస్టింగ్‌ టాస్క్‌ ఇవ్వగా ఇందులో నుంచి అఖిల్‌, అషూ, బిందు మాధవి మొదటగా అవుట్‌ అయ్యారు. వీరు పోటీదారులను డిస్టర్బ్‌ చేసేందుకు ఛాన్స్‌ ఇవ్వడంతో గేమ్‌లో ఇంకా పోటీపడుతున్న కంటెస్టెంట్ల ఆటకు ఆటంకం కలిగించేందుకు యత్నించారు. ఈ క్రమంలో బాబా, యాంకర్‌ శివ అవుట్‌ అయ్యారు. తర్వాతి లెవల్‌లో అరియానా గేమ్‌లో ఓడిపోగా నటరాజ్‌, అనిల్‌ మాత్రమే మిగిలారు. మరి వీరిలో ఎవరు ఎవిక్షన్‌ ఫ్రీ పాస్‌ సాధించారనేది తెలియాలంటే ఎపిసోడ్‌ వచ్చేంతవరకు వేచి చూడాల్సిందే! చదవండి: ఆన్​లైన్​లో లీకైన 'అవతార్​ 2' సినిమా ట్రైలర్​ !.. సినీప్రియులకు ఆహా గుడ్‌న్యూస్‌, మేలో ఏకంగా 40కి పైగా సినిమాలు!

వాలంటైన్స్‌ డే దగ్గర పడుతోంది. సింగిల్స్‌ ప్రపోజ్‌ చేయడానికి రెడీ అవుతుంటే అదే సింగిల్స్‌ కొందరు మాత్రం లవ్వు లేదు, గివ్వు లేదు.. లవ్వంటే ఇంట్రస్ట్‌ లేదంటూ పాటలు పాడుకుంటూ కాలం గడిపేస్తున్నారు. బ్రేకప్‌ అయిన వాళ్ల సంగతి సరేసరి.. పాత జ్ఞాపకాలను గుర్తు చేసుకుంటూ వాటిని ఎలా మర్చిపోవాలా? అని వేదన అనుభవిస్తున్నారు. యూట్యూబ్‌ స్టార్‌ షణ్ముఖ్‌ జశ్వంత్‌ పరిస్థితి కూడా ఇంచుమించు అలాగే ఉంది. ఇన్‌స్టాగ్రామ్‌లో సాడ్‌ సాంగ్స్‌ పెట్టుకుంటూ బ్రేకప్‌ హార్ట్‌ ఎమోజీని జత చేస్తూ తన బాధను చెప్పకనే చెప్తున్నాడు. ఇది చూసిన అతడి సోదరుడు సంపత్‌ వినయ్‌.. 'ఫస్టూ చదువుకోండి.. ఈ ఏజ్‌లో లవ్‌ ఎందుకు?' అని రిప్లై ఇచ్చాడు. దీంతో షణ్నూ నా బాధ నీకేం తెలుసు అన్నట్లుగా ఓ ఎమోజీ పెట్టాడు. బిగ్‌బాస్‌ కంటెస్టెంట్‌ మానస్‌ అయితే 'హ్యాపీ ప్రపోజ్‌ డే' అంటూ షణ్నూని మరింత ఉడికించాడు. 'హుష్‌, తప్పు తప్పుగా మాట్లాడొద్దు మా సింగిల్స్‌ దగ్గర' అని రిప్లై ఇవ్వగా 'హలో నేను కూడా సింగిలే..' అని బదులిచ్చాడు మానస్‌.

Bigg Boss 5 Telugu Finalist Maanas Clear On Relationship With Priyanka Singh: బిగ్‌బాస్‌ సీజన్‌-5లో మిస్టర్‌ కూల్‌గా పేరు తెచ్చుకున్న కంటెస్టెంట్‌ మానస్‌. ఎమోషన్స్‌, గేమ్‌ను బ్యాలెన్స్‌ చేస్తూ టాప్‌ 5లో స్థానం సంపాదించుకున్న మానస్‌ తన ఆటతీరుతో, ప్రవర్తనతో ఎంతోమంది ప్రేక్షకుల హృదయాలను గెలుచుకున్నాడు.  చైల్డ్‌ ఆర్టిస్ట్‌గా ఎన్నో సూపర్‌ హిట్‌ చిత్రాల్లో నటించిన ఆయన బుల్లితెరపై కూడా సత్తా చాటాడు. చదవండి: బ్రేకప్‌పై తొలిసారి స్పందించిన షణ్ముఖ్‌.. పోస్ట్‌ వైరల్‌ చాలా ఏళ్లుగా ఇండస్ట్రీలో ఉన్నప్పటికీ బిగ్‌బాస్‌ షోతో పాపులర్‌ అయ్యాడు. అయితే మానస్‌ అనగానే చాలామందికి గుర్తొచ్చేది పింకీ లవ్‌ ట్రాక్‌. చాలా సార్లు తన ఇష్టాన్ని వ్యక్తపరిచినా మానస్‌ మాత్రం సున్నితంగానే నో చెప్పేవాడు. తాజాగా ఓ ఇంటర్వ్యూలో మాట్లాడిన మానస్‌ ప్రియాంక గురించి షాకింగ్‌ కామెంట్స్‌ చేశాడు.  'జైలు నామినేషన్‌ టాస్కుల్లో అవకాశం ఉన్నా రవిని కాకుండా జెస్సీని నామినేట్‌ చేసింది. ఆ సందర్భంలో ప్రియాంక నటిస్తున్నట్లు అనిపించింది. అంతకుముందు టవర్‌ టాస్కులో కూడా చీరను అడ్డుపెట్టి ఓడిపోయేలా చేసింది. ఈ రెండు సందర్భాల్లో ప్రియాంక నటిస్తున్నట్లు ఉంది అని కాజల్‌తో చెప్పాను. తను నా  ఫ్రెండ్‌ కాబట్టి ఎక్స్‌ప్రెస్‌ చేశాను. వేరే వాళ్లతో చెప్పలేదు. కానీ కొందరికి అది బ్యాక్‌ బిచ్చింగ్‌లా అనిపించొచ్చు. హౌస్‌లో 90రోజులు జర్నీ చేసిన ప్రియాంక సైతం బయటికి వెళ్లాక ఈ ఫుటేజ్‌ చూసి.. నువ్వు నటించావా లేదా భరించావా అని వీకెండ్‌ ఎపిసోడ్‌లో అడిగింది. 24 గంటలు హౌస్‌లో నన్ను గమనించి కేవలం ఒక గంట ఫుటేజ్‌ చూసి అలా అడిగిందంటే అది ఆమె విజ్ఞతకే వదిలేస్తున్నా' అంటూ వివరించాడు.  చదవండి: బిగ్‌బాస్‌ షోపై సంచలన వ్యాఖ్యలు చేసిన హీరోయిన్‌

Bigg Boss 5 Maanas Home Tour Video Goes Viral: బిగ్‌బాస్‌ సీజన్‌-5 ఫేమ్‌ మానస్‌ గురించి పరిచయం అవసరం లేదు. చైల్డ్‌ ఆర్టిస్ట్‌గా ఎన్నో సూపర్‌ హిట్‌ చిత్రాల్లో నటించిన మానస్‌ బుల్లితెరపై కూడా సత్తా చాటాడు. బిగ్‌బాస్‌లో ఎంట్రీ ఇచ్చి మరింత పాపులర్‌ అయ్యాడు. గేమ్‌ పరంగానే కాకుండా మెచ్యూర్డ్ థింకింగ్ తో అటు కుటుంబ ప్రేక్షకుల్ని ఇటు యువతని అమితంగా ఆకట్టుకున్నాడు. ముఖ్యంగా సన్నీ, మానస్‌ల ఫ్రెండిప్‌కి ప్రత్యేకంగా ఫ్యాన్స్‌ ఉన్నారు. బిగ్‌బాస్‌లో టాప్‌-4గా నిలిచిన మానస్‌కి సంబంధించిన మరిన్ని ఇంట్రెస్టింగ్‌ విశేషాలను 'హోంటూర్‌'(Home tour)ద్వారా తల్లి పద్మజ వివరించింది. మానస్‌ సొంత డబ్బులతో ఇంటిని కొన్నామని, చిన్నప్పుడు హీరో సినిమాలో చైల్డ్‌ ఆర్టిస్ట్‌గా నటించిన మానస్‌కు వైఎస్‌ రాజశేఖర్‌ రెడ్డి నుంచి నంది అవార్డు వచ్చిందని తెలిపారు. ఎంతో అందమైన, విలసవంతమైన మానస్‌ ఇంటిని మీరు కూడా చేసేయండి. 

Bigg Boss 5 Winner Sunny Comments On Shanmukh Friendship With Siri:ఎలాంటి అంచనాలు లేకుండా బిగ్‌బాస్‌లోకి అడుగుపెట్టిన సన్నీ టైటిల్‌ ఎగరేసుకుపోయాడు. టాస్కుల్లో వందశాతం ఆడటంతో పాటు హౌస్‌లో రియల్‌ ఎంటర్‌టైనర్‌ అనే పేరు సంపాదించాడు. దీంతో పాటు షణ్నూ-సిరిలపై నెగిటివిటి పెరగడం సన్నీకి మరింత లాభం చేకూర్చింది. మచ్చా అంటూ తనదైన మ్యానరిజంతో ప్రేక్షకులను ఆకట్టుకున్న సన్నీ బిగ్‌బాస్‌ టైటిల్‌ను సొంతం చేసుకున్నాడు. ఈ సందర్భంగా గ్రాండ్‌ ఫినాలేలో మాట్లాడిన సన్నీ.. సిరి, షణ్నూల రిలేషన్‌ గురించి ఆసక్తికర వ్యాఖ్యలు చేశాడు.  'షణ్నూ-సిరిల రిలేషన్‌ గురించి ఒక క్లారిటీ ఇస్తాను. అది ఈ స్టేజ్‌ మీదే మాట్లాడాలి. సిరి, అండ్‌ షణ్ముఖ్‌ అలాంటి ఫ్రెండిష్‌ దొరకడం అదృష్టం. నాకు, మానస్‌కు మధ్య ఎలాంటి స్నేహం ఉందో వాళ్లిద్దరి మధ్య కూడా అదే ఉంది' అంటూ చెప్పుకొచ్చాడు. సన్నీ అన్న మాటలకు సిరి ఎమోషనల్‌ అయ్యింది. 

Bigg Boss 5 Telugu Third Runner up Maanas Remuneration: బిగ్‌బాస్‌ తెలుగు ఐదో సీజన్‌లో మోస్ట్‌ అండర్‌రేటెడ్‌ కంటెస్టెంట్‌ ఎవరైనా ఉన్నారా? అంటే అది మానస్‌ మాత్రమే! మాటలు తక్కువ చేతలు ఎక్కువగా ఉండే మానస్‌ ఎమోషన్స్‌, గేమ్‌ను బ్యాలెన్స్‌ చేస్తూ టాప్‌ 5లో స్థానం సంపాదించుకున్నాడు. ఫిజికల్‌ టాస్క్‌ అయినా, మైండ్‌ గేమ్‌ అయినా రెండింటినీ ఓ పట్టు పట్టేవాడు. బుల్లితెర నటుడిగా కెరీర్‌ మొదలు పెట్టిన మానస్‌ బిగ్‌బాస్‌ హౌస్‌లో గొడవల్లో దూరకుండా తన పనేంటో తను చేసుకునేవాడు. సహనానికి మారుపేరుగా నిలిచిన మానస్‌ స్నేహం కోసం ఏదైనా చేసేవాడు. చాలా ఏళ్లుగా ఇండస్ట్రీలో ఉన్నప్పటికీ సరైన గుర్తింపు రాకపోవడంతో బిగ్‌బాస్‌ ద్వారా అందరికీ చేరువ కావాలనుకున్నాడు. అనుకోవడమే కాదు తన ప్రవర్తనతో, ఆటతీరుతో ఎంతోమంది ప్రేక్షకుల హృదయాలను గెలుచుకున్నాడు.  ఈ సీజన్‌లో థర్డ్‌ రన్నరప్‌గా నిలిచిన మానస్‌ బిగ్‌బాస్‌ షో ద్వారా ఎంత లాభపడ్డాడన్న విషయం ఇంట్రస్టింగ్‌గా మారింది. సోషల్‌ మీడియాలో వినిపిస్తున్న సమాచారం ప్రకారం వారానికి అతడికి లక్షనుంచి లక్షన్నర రూపాయల రెమ్యునరేషన్‌ ఇస్తున్నారట. ఈ లెక్కన పదిహేనువారాలకుగానూ అతడు సుమారు 20 లక్షల వరకు వెనకేసినట్లు తెలుస్తోంది. నిర్మాణ సంస్థను నెలకొల్పాలనుకున్న మానస్‌ ఈ డబ్బుతో తన కలను సాకారం చేసుకుంటాడేమో చూడాలి! చదవండి: Bigg Boss 5 Telugu Winner Sunny: విన్నర్‌ సన్నీతో పాటు రన్నరప్‌ షణ్ముఖ్‌కు కూడా ప్లాట్‌

Bigg Boss 5 Telugu Grand Finale Highlights: బిగ్‌బాస్‌ తెలుగు ఐదో సీజన్‌లో సిరి ఎలిమినేట్‌ అవడంతో నలుగురు మాత్రమే మిగిలారు. సన్నీ, శ్రీరామ్‌, మానస్‌, షణ్ముఖ్‌ టైటిల్‌ బరిలో నిలిచారు. వీరిలో ఒకరిని ఎలిమినేట్‌ చేసేందుకు శ్యామ్‌ సింగరాయ్‌ టీమ్‌ నుంచి నాని, సాయిపల్లవి, కృతీ శెట్టి హౌస్‌లో అడుగుపెట్టారు. మీ నలుగురిలో ఒకరే గెలుస్తారు, కాబట్టి గెలిచే అవకాశాలు తక్కువగా ఉన్నాయనుకున్నవారు డబ్బులు తీసుకుని ఎలిమినేట్‌ కావచ్చని నాని ఆఫర్‌ ఇచ్చాడు. సూట్‌కేసులో ఎంతుందో చెప్పను కానీ భారీ మొత్తమే ఉంటుందని ఫైనలిస్టులను టెంప్ట్‌ చేసేందుకు ప్రయత్నించాడు. కానీ ఎవరూ ఆ డబ్బు తీసుకోవడానికి ముందుకు రాలేదు. దీంతో మానస్‌ ఎలిమినేట్‌ అయినట్లు ప్రకటించారు. ఇప్పుడు ఓడిపోయావంటే ఇంకోసారి గెలుస్తావనే అంటూ మానస్‌లో ధైర్యాన్ని నింపే ప్రయత్నం చేశారు సాయిపల్లవి, కృతీశెట్టి. ఇక స్టేజీపైకి వచ్చిన మానస్‌ ఈ బిగ్‌బాస్‌ హౌస్‌లో హౌస్‌మేట్స్‌ హృదయాలను గెల్చుకున్నానన్నాడు. ఎవరు గెలవాలన్న నాగ్‌ ప్రశ్నకు సన్నీలో గెలవాలన్న ఫైర్‌ ఉందని, అతడే విన్నర్‌ అవ్వాలని కోరుకుంటున్నట్లు తెలిపాడు.

Bigg Boss Telugu 5 Grand Finale, Maanas, Siri Eliminated From BB House: బిగ్‌బాస్‌ తెలుగు ఐదో సీజన్‌కు శుభం కార్డు పలికే సమయం ఆసన్నమైంది. ట్రోఫీ ఎవరి వశం అవుతుందనేది మరికొద్ది గంటల్లో తేలనుంది. ఇప్పటికే గ్రాండ్‌ ఫినాలే ఎపిసోడ్‌ను కనీవినీ ఎరగని రీతిలో ప్లాన్‌ చేశారు నిర్వాహకులు. టాలీవుడ్‌ నుంచి స్టార్‌ సెలబ్రిటీలను స్పెషల్‌ గెస్టులుగా తీసుకొస్తుండటంతో పాటు బాలీవుడ్‌ స్టార్లను సైతం రంగంలోకి దింపారు. ఇక హౌస్‌ నుంచి ఎలిమినేట్‌ అయిన కంటెస్టెంట్ల డ్యాన్సులు, హంగామా ఉండనే ఉంటుంది. తాజాగా అందిన సమాచారం ప్రకారం మానస్‌, సిరి హౌస్‌ నుంచి ఎలిమినేట్‌ అయ్యారట! కంటెస్టెంట్ల డ్యాన్సులతో పాటు ఫైనలిస్టుల్లో నుంచి ఇద్దరిని ఎలిమినేట్‌ చేసే ప్రక్రియను ఒకరోజు ముందుగానే అంటే శనివారమే షూట్‌ చేశారు. ఈ క్రమంలో టైటిల్‌ రేసు నుంచి మొదటగా సిరి తప్పుకుందని లీకువీరులు సోషల్‌ మీడియాలో చాటింపు వేశారు. తర్వాత నాలుగో స్థానంలో మానస్‌ ఎలిమినేట్‌ అయినట్లు పేర్కొన్నారు. డైరెక్టర్‌ సుకుమార్‌ డ్రోన్ల ద్వారా సిరి ఎలిమినేషన్‌ను ప్రకటించగా హీరోయిన్‌ సాయిపల్లవి చేతుల మీదుగా మానస్‌ ఎలిమినేషన్‌ను వెల్లడించనున్నట్లు టాక్‌ వినిపిస్తోంది. ఇప్పటివరకు లీకువీరులు చెప్పిన ప్రతీది నిజమవుతూ వస్తుండటంతో ఈ ఎలిమినేషన్స్‌ కూడా నిజమయ్యే ఉంటుందని నమ్ముతున్నారు ఆడియన్స్‌. పైగా అనధికారిక ఓటింగ్‌లోనూ మానస్‌, సిరి చివరి రెండు స్థానాల్లో ఉన్నారు. ఐదో స్థానంలో ఉన్నప్పుడు సిరి, నాలుగో స్థానంలో ఉన్నప్పుడు మానస్‌ ఎలిమినేట్‌ అవుతారని అందరూ అంచనా వేశారు. ఇప్పుడదే నిజమైనట్లు కనిపిస్తోంది. కాకపోతే మానస్‌ హౌస్‌లో ఉన్నప్పుడు బిగ్‌బాస్‌ రూ.10 లక్షలు ఆఫర్‌ చేయగా దాన్ని తీసుకోవడానికి ఎవరూ ముందుకు రాలేదని తెలుస్తోంది. మరి ఈ ఆఫర్‌ను రెట్టింపు చేస్తే టాప్‌ 3లో ఉన్న షణ్ను, సన్నీ, శ్రీరామ్‌లలో  ఎవరు తీసుకునే అవకాశం ఉందనేది ఫినాలేలో తేలనుంది!

Bigg Boss Telugu 5, Episode 105: బిగ్‌బాస్‌ తెలుగు ఐదో సీజన్‌ ఫైనలిస్టులతో మాజీ సీజన్ల కంటెస్టెంట్లు రచ్చరచ్చ చేశారు. మొదటగా ఫస్ట్‌ సీజన్‌ కంటెస్టెంట్లు శివబాలాజీ, హరితేజ హౌస్‌మేట్స్‌తో ముచ్చటించారు. శ్రీరామ్‌తో ఎవరు ఫ్రెండ్‌షిప్‌ చేసినా వారు వెళ్లిపోతారని సెటైర్‌ వేయడంతో అతడు తల పట్టుకున్నాడు. తర్వాత ఒక పీపా పట్టుకుని ఊదితే ఆ పాటేంటో హౌస్‌మేట్స్‌ గెస్‌ చేయాలి. పాట సరిగ్గా గెస్‌ చేస్తే దానికి డ్యాన్స్‌ చేయాలి. ఈ క్రమంలో షణ్ను, సిరి కలిసి జంటగా స్టెప్పులేస్తుంటే మిగతా ముగ్గురు మాత్రం ఎవరికి వారే డ్యాన్స్‌ చేశారు. ఇది చూసిన హరితేజ మోస్ట్‌ ఎలిజిబుల్‌ బ్యాచిలర్స్‌ అయిన ముగ్గురిపై జాలి చూపించింది. దీంతో రెచ్చిపోయిన శ్రీరామ్‌ సిరిని ఎలిమినేట్‌ చేసినట్లే చేసి మళ్లీ తీసుకొచ్చారంటూ జోక్‌ చేశాడు. ఇక హరితేజ బిగ్‌బాస్‌ షో గురించి, టాప్‌ 5 కంటెస్టెంట్ల గురించి హరికథ చెప్పి వీడ్కోలు తీసుకున్నారు. తర్వాత రెండో సీజన్‌ కంటెస్టెంట్లు గీతా మాధురి, రోల్‌ రైడా ఆటపాటలతో హౌస్‌మేట్స్‌ను అలరించారు. టాప్‌ 5లో చోటు దక్కించుకున్న సిరి తెలుగు రాష్ట్రాల్లోని మహిళలకు ఆదర్శం అంటూ తెగ పొగిడాడు. అయితే వచ్చిన కంటెస్టెంట్లు అందరూ పొగడ్తలతో పాటు షణ్ను, సిరిల ఫ్రెండ్‌షిప్‌పై సెటైర్లు వేస్తూ వారిని ఓ ఆటాడుకుండటంతో సన్నీ, మానస్‌, శ్రీరామ్‌ పడీపడీ నవ్వారు. అసలే చిన్న మాట అంటేనే తట్టుకోలేని షణ్ను ఇలా అందరూ కలిసి తన మీద పడిపోవడంతో అట్టుడికిపోయాడు. మనిద్దరం హైలైట్‌ అయిపోతున్నామని ముగ్గురికీ మండిపోతున్నట్లుందని సిరితో వాపోయాడు. అయితే సిరి మాత్రం ఏ షిప్‌ అయినా బిగ్‌బాస్‌ హౌస్‌ వరకే అని షణ్ను అన్న మాటను గుర్తు చేసుకుని బాధపడింది. దీంతో అతడు సిరిని ఓదార్చుతూ హగ్‌ చేసుకున్నాడు. ఇది చూసిన సన్నీ.. బయటకు వెళ్లాక షణ్ను హగ్‌ గురూ అయిపోతాడని కామెంట్‌ చేశాడు. అనంతరం నాలుగో సీజన్‌ కంటెస్టెంట్లు శివజ్యోతి, సావిత్రి హౌస్‌మేట్స్‌తో కబుర్లాడారు. బెలూన్లలోని హీలియం పీల్చుకుని పాట లేదా డైలాగులు చెప్పాలన్నారు. ఈ గేమ్‌లో హౌస్‌మేట్స్‌ గొంతులు మారిపోవడంతో అందరూ పడీపడీ నవ్వారు. ఐదో సీజన్‌ కంటెస్టెంట్లు అఖిల్‌ సార్థక్‌, అరియానా వచ్చీరాగానే శ్రీరామ్‌ చేసిన మొట్ట మొదటి ఆల్బమ్‌లోని సాంగ్‌ ప్లే చేయడంతో అతడు సర్‌ప్రైజ్‌ అయ్యాడు. ఆ వెంటనే కంటెస్టెంట్లందరినీ కొన్ని సరదా ప్రశ్నలడిగారు. అందులో భాగంగా డేటింగ్‌ యాప్‌లో ఎవరినైనా కలిశారా? అని అడగ్గా సన్నీ ఒకరిని కలిశాను కానీ ఆ అమ్మాయి బాయ్‌ఫ్రెండ్‌ గురించి చెప్పుకుంటూ పోయిందని, దీంతో తానే ఆమెను ఓదార్చాల్సి వచ్చిందన్నాడు. వేరే కంటెస్టెంట్‌ టవల్‌ వాడారా? అన్న ప్రశ్నకు షణ్ను.. శ్రీరామ్‌ టవల్‌ వాడానని చెప్పగా మధ్యలో సిరి కలగజేసుకుంటూ తన టవల్‌ కూడా వాడాడని ఆరోపించింది. కొన్ని ఫొటోలు చూపించి అవి హౌస్‌లో ఎక్కడ ఉన్నాయో చెప్పాలన్న గేమ్‌లో శ్రీరామ్‌ గెలిచాడు. సిరి తాను తీసుకోవాలనుకుని మర్చిపోయిన ఫొటోను అఖిల్‌, అరియానా చూపించడంతో ఆమె చాలా సర్‌ప్రైజ్‌ అయింది. అంతేకాదు షణ్ను, సిరి ఆ ఫొటోలో ఏ పాటకైతే డ్యాన్స్‌ చేశారో మరోసారి అదే సాంగ్‌కు స్టెప్పులేశారు. మొత్తానికి ఈరోజు ఎపిసోడ్‌ సరదా సరదాగా సాగింది.