సినిమా అనేది మాయా ప్రపంచం. స్టార్‌డమ్‌ ఉన్నంతకాలం వెండితెరపై ఓ వెలుగు వెలుగుతారు. కానీ ఫేడవుట్‌ అయ్యాక ఎవరూ పట్టించుకోరు. అప్పటిదాకా టిప్‌టాప్‌గా ఉన్న సెలబ్రిటీ బికారిగా మారినా ఆశ్చర్యపోనక్కర్లేదు. చేతినిండా సంపాదించిన తారలు చేతులు చాచి సాయం కోసం అర్థించే దీన పరిస్థితులూ ఎదురు కావొచ్చు. పైన కనిపిస్తున్న హీరో ఇప్పుడలాంటి స్థితిలోనే ఉన్నాడు. తనకు సాయం చేయమని రెండు చేతులు జోడించి వేడుకుంటున్నాడు.సినిమాఇంతకీ ఆ హీరో మరెవరో కాదు అభినయ్‌ కింగర్‌ (Abhinay Kinger). మలయాళ ప్రముఖ నటి టి.పి. రాధామణి కుమారుడే అభినయ్‌. తళుల్లువదో ఇళమై సినిమాతో నటుడిగా పరిచయమయ్యాడు. జంక్షన్‌ అనే తమిళ మూవీలో హీరోగా నటించాడు. సక్సెస్‌, దాస్‌, పొన్‌ మేఘలై, సొల్ల సొల్ల ఇనిక్కుం, అరుముగం, ఆరోహణం వంటి పలు తమిళ చిత్రాల్లో కీలక పాత్రల్లో నటించాడు. మలయాళ సినిమాల్లోనూ యాక్ట్‌ చేశాడు. చివరగా 2014లో వచ్చిన వల్లవణుక్కు పుళ్లుం ఆయుధం సినిమా చేశాడు. ఆర్థిక పరిస్థితి అంతంతమాత్రమేవిద్యుత్‌ జమ్వాల్‌, మిలింద్‌ సోమన్‌, బాబు ఆంటోని వంటి నటులకు డబ్బింగ్‌ ఆర్టిస్ట్‌గా తన గొంతు అరువిచ్చాడు. సినిమాలతో పాటు పలు వాణిజ్య ప్రకటనల్లోనూ కనిపించాడు. అయితే అభినయ్‌.. దాదాపు దశాబ్దకాలంగా వెండితెరకు దూరంగా ఉంటున్నాడు. ఇండస్ట్రీలో మంచి పేరుప్రఖ్యాతలు సంపాదించుకున్న ఇతడు కొంతకాలంగా అనారోగ్యంతో బాధపడుతున్నాడు. దానికి తోడు అతడి ఆర్థిక పరిస్థితి కూడా అస్సలు బాగోలేదు. ప్రభుత్వం నడిపే క్యాంటీన్‌లో తింటూ బతుకు నెట్టుకొస్తున్నాడు. పూట గడవడమే కష్టంగా ఉన్న ఇతడు కాలేయ వ్యాధితో బాధపడుతున్నాడు. ఇప్పుడా వ్యాధి ముదిరిందని, తాను కొంతకాలం మాత్రమే బతుకుతానని దీనంగా చెప్తున్నాడు.కొన్నాళ్లే బతుకుతా..తాజాగా ఈ నటుడి దుస్థితి గురించి తెలుసుకున్న తమిళ కమెడియన్‌ కేపీవై బాలా.. అభినయ్‌ను కలిసి రూ.1 లక్ష ఆర్థిక సాయం చేశాడు. ఈ సందర్భంగా అభినయ్‌.. నేను ఏడాదిన్నర మాత్రమే బతుకుతానని డాక్టర్స్‌ చెప్పారని తెలిపాడు. ఆ మాటతో భావోద్వేగానికి లోనైన బాలా.. నీకు తప్పకుండా నయమవుతుంది, మళ్లీ సినిమాలు చేస్తావు అని ధైర్యం చెప్పాడు. ఇందుకు సంబంధించిన వీడియో సోషల్‌ మీడియాలో వైరల్‌గా మారింది. ఈ వీడియో చూసిన ప్రేక్షకులు.. అభినయ్‌ బక్కచిక్కిపోయి గుర్తుపట్టలేనంతగా మారిపోయాడని అంటున్నారు. అభినయ్‌కు సాయం చేసినందుకు బాలాను మెచ్చుకుంటున్నారు. View this post on Instagram A post shared by Balan Akassh Balaiyan Jaganathan (@bjbala_kpy) చదవండి: జాతీయ సినీ అవార్డులు.. ప్రైజ్‌మనీ ఎంత? ఎవరికి ఏమేం ఇస్తారంటే?

తమిళ హీరో జయం రవి.. భార్య ఆర్తికి గతేడాది విడాకులు ఇచ్చేశాడు. దాదాపు 18 ఏళ్ల బంధాన్ని తెగదెంపులు చేసుకున్నాడు. కెన్నీషా అనే సింగర్ తో సదరు హీరో డేటింగ్ చేస్తున్నాడని, అందుకే భార్యకు విడాకులు ఇచ్చేశాడనే రూమర్స్ వచ్చాయి. తాజాగా నిర్మాత ఇషారీ గణేశ్ కూతురి పెళ్లి జరగ్గా.. జయం రవి కెన్నీషాతో కలిసి జంటగా వచ్చాడు.(ఇదీ చదవండి: బడా నిర్మాత కూతురి పెళ్లి.. ఇండస్ట్రీ మొత్తం అక్కడే) ఉదయం నుంచి జయం రవి-కెన్నీషా కలిసున్న ఫొటోలు, వీడియోలు వైరల్ అవుతున్నాయి. సరిగ్గా ఈ టైంలో మాజీ భార్య ఆర్తి చాలా పెద్ద పోస్ట్ పెట్టింది. జయం రవిపై సంచలన వ్యాఖ్యలు చేసింది. తనని ఇంటి నుంచి తరిమేశారని, జయం రవికి అసలు పిల్లలు బాధ్యత అనేదే లేదని ఆవేదన వ్యక్తం చేసింది.'ఏడాది పాటు మౌనాన్ని కవచంలా మోస్తున్నాను. నా కొడుకులు ప్రశాంతంగా ఉండాలి కాబట్టే ఇవన్నీ భరిస్తున్నాను. నాపై లేనిపోని ఆరోపణలు చాలా చేశావ్. ‍అయినా సరే నేను నోరు మెదపలేదు. ఎందుకంటే నా కొడుకులు.. తల్లిదండ్రులు విడిపోయారనే బాధని అనుభవించకూడదు కాబట్టి. అంతే తప్ప నా దగ్గర నిజం లేదని కాదు. ఇప్పుడు ప్రపంచమంతా ఫొటోలు చూస్తోంది. కానీ మా మధ్యలో జరిగింది వేరు. విడాకుల ప్రక్రియ ఇంకా నడుస్తోంది. నాతో పాటు 18 ఏళ్లు సంసారం చేసిన వ్యక్తి.. ప్రేమ, నమ్మకంతో పాటు ప్రామిస్ చేసిన ప్రతి బాధ్యతని పక్కనబెట్టి నన్ను వదిలి వెళ్లిపోయాడు. నా బాధ్యత అని చెప్పిన ఆ వ్యక్తి.. నాకు ఆర్థికంగా అండగా నిలబడం, మాట సాయం గానీ చేయట్లేదు''ప్రస్తుతం మమ్మల్ని ఇంట్లో నుంచి గెంటేశారు. నాతో కలిసి ఇదే ఇంటిని నిర్మించిన సదరు వ్యక్తి.. బ్యాంక్ అధికారులతో కలిసి నేను బయటకు వెళ్లిపోయేలా చేశాడు. నేను డబ్బుల కోసమే ఈ విడాకుల డ్రామా ఆడుతున్నానని అందరూ అనుకుంటున్నారు. ఒకవేళ అదే నిజమైతే ఎ‍ప్పుడో నా స్వార్థం చూసుకునేదాన్ని. కానీ నేను అలా చేయలేదు. ప్రేమని పంచాను. నమ్మకం చూపించాను. ఇప్పుడదే నన్ను ఈ పరిస్థితికి తీసుకొచ్చింది''ప్రేమించినందుకు పశ్చాత్తాపపడట్లేదు గానీ దాన్ని ఓ బలహీనతలా ఉపయోగించుకున్నందుకు బాధపడుతున్నాను. నా కొడుకుల వయసు 10, 14 ఏళ్లు. వాళ్లకు ఇప్పుడు కావాల్సింది భద్రత.. షాక్ కాదు, నిశ్బబ్దం కాదు. ఈ చట్టాల గురించి అర్థం చేసుకోలేనంత చిన్నపిల్లలు వాళ్లు. సమాధానం లేని కాల్స్, రద్దయిన మీటింగ్స్.. ఇవన్నీ నాకు తగిలిన గాయాలు. నేను ఈరోజు మాట్లాడేది భార్యగా కాదు. అలా అని స్త్రీకి అన్యాయం చేసిన దానిలా కూడా కాదు. పిల్లల శ్రేయస్సు కోసం ఆలోచించే తల్లిగా మాత్రమే మాట్లాడుతున్నాను. ఇ‍ప్పుడు మాట్లాడకపోతే ఎ‍ప్పటికీ ఫెయిల్యూర్ గానే మిగిలిపోతాను''నువ్వు ఏమైనా చేయొచ్చు గానీ నిజాన్ని తిరిగి రాయలేవు కదా. తండ్రి అంటే టైటిల్ కాదు అదో బాధ్యత. మా విడాకుల ప్రక్రియ పూర్తయ్యేంత వరకు నా పేరు వెనక రవి అని ఉంటుంది. మీడియా వాళ్లకు చెప్పేదేంటంటే నన్ను మాజీ భార్య అని సంభోదించొద్దు. మేం ఇంకా లీగల్ గా విడాకులు తీసుకోలేదు. ప్రతికారమో మరేదో కాదు,పిల్లల్ని కాపాడే తల్లిగా ఇది నా బాధ్యత. నేను ఏడవను. గట్టిగా అరిచి గోలపెట్టను. కానీ బలంగా నిలబడతా. నిన్ను ఇంకా నాన్న అని పిలుస్తున్న ఇద్దరబ్బాయిల కోసం నేను అస్సలు తగ్గను' అని ఆర్తి రవి రాసుకొచ్చింది.(ఇదీ చదవండి: ఒక్క వీకెండ్ ఓటీటీలోకి వచ్చిన 32 మూవీస్) View this post on Instagram A post shared by Aarti Ravi (@aarti.ravi)

తమిళ హీరో శ్రీ గుర్తుపట్టలేనంతగా మారిపోయాడు. శ్రీ అసలు పేరు శ్రీరామ్‌ నటరాజన్‌ (Sriram Natarajan). ఫస్ట్‌ సీరియల్‌లో నటించాడు. తర్వాత బాలాజీ శక్తివేల్‌ దర్శకత్వం వహించిన వళక్కు ఎన్‌ 18/9 సినిమాతో హీరోగా మారాడు. ఈ మూవీ ఘన విజయం సాధించింది. తమిళంలో బెస్ట్‌ ఫీచర్‌ ఫిలింగా జాతీయ అవార్డు అందుకుంది. తొలి సినిమాతోనే శ్రీ పెద్ద హిట్‌ అందుకున్నాడు.ఇలా అయిపోయాడేంటి?తర్వాత ఒనాయుమ్‌ ఆటకుట్టియుమ్‌, సోన్‌ పాపిడి, విల్‌ అంబు, మా నగరం, ఇరుగపట్రు చిత్రాల్లో నటించాడు. 2023లో తమిళ బిగ్‌బాస్‌ మొదటి సీజన్‌లో పాల్గొన్నాడు. కానీ వ్యక్తిగత కారణాల వల్ల నాలుగు రోజులకే బయటకు వచ్చేశాడు. ప్రస్తుతం ఇతడు గుర్తుపట్టలేనంతగా మారిపోయాడు. బక్కచిక్కిపోయి పొడవు జుట్టుతో కనిపిస్తున్నాడు. సోషల్‌ మీడియాలోనూ అసభ్యకరమైన వీడియోలు, ఫోటోలు షేర్‌ చేస్తున్నాడు. మానసిక స్థితి?ఇది చూసిన అభిమానులు శ్రీకి ఏమైంది? అని కంగారుపడుతున్నారు. తన మానసిక స్థితి సరిగానే ఉందా? లేదా డిప్రెషన్‌లోకి వెళ్లిపోయాడా? అని ఆరా తీస్తున్నారు. కొందరైతే శ్రీతో కలిసి మా నగరం సినిమా తీసిన లోకేశ్‌ కగనరాజ్‌ను ట్యాగ్‌ చేస్తూ శ్రీ గురించి పట్టించుకోమని కోరుతున్నారు. View this post on Instagram A post shared by Shriram Natarajan (@shri_blueticked)చదవండి: గొప్ప నటి.. చివరి రోజుల్లో రూ.50 కోసం చేయి చాచింది.. విజయ

తమిళ హీరో జయం రవి (Jayam Ravi) పేరు మార్చుకున్నాడు. తనను ఇకపై రవి మోహన్‌(Ravi Mohan) అని పిలవాలని చెప్తున్నాడు. అతడు ప్రధాన పాత్రలో నటించిన కాదలిక్క నెరమలై సినిమా రిలీజ్‌కు ఒక రోజు ముందు ఈ నిర్ణయం తీసుకున్నాడు. ఈ మేరకు సోషల్‌ మీడియాలో ఒక ప్రకటన విడుదల చేశాడు. ఈ రోజు నుంచి నా పేరు రవి లేదా రవి మోహన్‌. వ్యక్తిగతంగా కానీ, వృత్తిగతంగా కానీ ఇలాగే పిలవండి. ఇకపై అలా పిలవొద్దుదయచేసి ఇకపై ప్రతి ఒక్కరూ నన్ను జయం రవి అని సంభోదించకుండా రవి/ రవి మోహన్‌ అని మాత్రమే పిలవాలని కోరుతున్నాను అన్నాడు. జయం రవి అసలు పేరు రవి. ఆయన తండ్రి మోహన్‌ డైరెక్ట్‌ చేసిన జయం (తెలుగు జయం మూవీ రీమేక్‌) మూవీ బ్లాక్‌బస్టర్‌ కావడంతో తన పేరు జయం రవిగా మారింది. రెండు దశాబ్దాలుగా జయం రవిగానే కొనసాగిన ఆయన ఇప్పుడు తనను పాత పేరుతోనే పిలవాలని చెప్తున్నాడు. అలాగే ఈ హీరో తన పేరు మీద రవి మోహన్‌ స్టూడియోస్‌ అనే నిర్మాణ సంస్థను ప్రారంభించాడు. తన బ్యానర్‌ ద్వారా మంచి కథలను అందించడంతో పాటు ప్రతిభావంతులైన కొత్తవారిని ఇండస్ట్రీకి పరిచయం చేస్తానని చెప్పుకొచ్చాడు. (చదవండి: 50 ఏళ్ల వయసులో హీరోయిన్‌ డేటింగ్‌? నిజమిదే!)మీరిచ్చిన ప్రేమకు ప్రతిఫలంగా..అంతే కాదు తన అభిమానుల కోసం రవిమోహన్‌ ఫ్యాన్స్‌ ఫౌండేషన్‌ అనే సంస్థను స్థాపించాడు. దీని ద్వారా ఆపదలో ఉన్నవారికి, అవసరం కోసం అర్థిస్తున్నవారికి సాయం చేస్తానన్నాడు. ఈ ఫౌండేషన్‌తో సమాజంలో సానుకూల మార్పును ఆశిస్తున్నట్లు తెలిపాడు. మీరు నాకందించిన ప్రేమాభిమానాలను, సపోర్ట్‌కు ప్రతిఫలంగా నేను మీకు సహాయసహాకారాలు అందిస్తాను అని సదరు లేఖలో పేర్కొన్నాడు. సినిమాఇకపోతే జయం రవి, నిత్యా మీనన్‌ ప్రధాన పాత్రలో నటించిన కాదళిక్క నేరమిళై మూవీ జనవరి 14న విడుదల కానుంది. కిరుతిగ ఉదయనిధి దర్శకత్వం వహించిన ఈ చిత్రానికి ఏఆర్‌ రెహ్మాన్‌ సంగీతం అందించారు. ఉదయనిధి స్టాలిన్‌ నిర్మించారు. View this post on Instagram A post shared by Ravi Mohan (@jayamravi_official) చదవండి: డైరెక్టర్‌ అసభ్యకర వ్యాఖ్యలు.. స్పందించిన మన్మథుడు హీరోయిన్‌

తమిళ హీరో కమల్ హాసన్ పనైపోయిందని అందరూ అనుకున్నారు. అలాంటి టైంలో 'విక్రమ్' మూవీతో అదిరిపోయే కమ్ బ్యాక్ ఇచ్చారు. ఈ ఏడాది 'ఇండియన్ 2' రూపంలో దెబ్బ తగిలినప్పటికీ.. 'కల్కి'లో డిఫరెంట్ పాత్రలో కనిపించి ఆకట్టుకున్నారు. రాజకీయాల్లో తనవంతు ప్రయత్నం చేశారు కానీ సక్సెస్ కాలేకపోయారు. సరే ఇదంతా పక్కనబెడితే ఇప్పుడు మీడియా మిత్రులు, అభిమానులని ఉద్దేశించి ఓ ట్వీట్ చేశారు. అది ఇప్పుడు వైరల్ అవుతుంది.'నా పనిని మెచ్చి 'ఉలగనాయగన్' లాంటి ఎన్నో బిరుదులు ఇచ్చినందుకు థ్యాంక్యూ. ప్రేక్షకులు, సహ నటీనటులు, ఆత్మీయులు నుంచి ఇలాంటి ప్రశంసలు నన్నెంతగానో కదిలించాయి. సినిమా విషయంలో నేను నిత్య విద్యార్థిని. ఇండస్ట్రీలో ఎన్నో విషయాలు నేర్చుకోవాలని, మరింత ఎదగాలని ఆశిస్తున్నాను. కళా కంటే కళాకారుడు గొప్ప కాదనేది నా నమ్మకం. ఎంతో ఆలోచించిన తర్వాత ఓ నిర్ణయం తీసుకున్నాను. స్టార్ ట్యాగ్స్‌ని మర్యాదపూర్వకంగా తిరస్కరిస్తున్నాను'(ఇదీ చదవండి: ఈ వారం ఓటీటీల్లోకి 22 సినిమాలు.. అవి ఏంటంటే?)'నా అభిమానులు, మీడియా, సినీ ప్రముఖులు.. నన్ను కమల్ హాసన్ లేదా కమల్ లేదా కేహెచ్ అని పిలవండి చాలు. ఎన్నో ఏళ్లుగా ఇలాంటి బిరుదులతో మీరు నాపై చూపించిన ప్రేమాభిమానాలకు థ్యాంక్స్. మూలాలకు కట్టుబడి ఉండాలని, నటుడిగా బాధ్యత నిర్వర్తించాలని అనుకుంటున్నాను. అందుకే ఈ నిర్ణయం తీసుకున్నాను' అని కమల్ హాసన్ ట్వీట్ చేశారు.కమల్ హాసన్ అనే కాదు తమిళ హీరో అజిత్ కూడా గతంలో ఇలానే చేశాడు. తనని వేరే పేర్లతో పిలవొద్దని.. అజిత్ కుమార్ లేదా అజిత్ అని పిలవండి చాలు అని రిక్వెస్ట్ చేశాడు.(ఇదీ చదవండి: మెట్లపైనుంచి జారిపడ్డ విజయ్‌.. ట్రోలర్స్‌కు అదిరిపోయే పంచ్‌)உங்கள் நான்,கமல் ஹாசன். pic.twitter.com/OpJrnYS9g2— Kamal Haasan (@ikamalhaasan) November 11, 2024

సినిమా ఇండస్ట్రీలో నిలబడాలంటే బ్యాక్ గ్రౌండ్ ఉండాలని చాలామంది అనుకుంటారు. కానీ అప్పుడప్పుడు ఎలాంటి అంచనాల్లేకుండా నటుడు అయినోళ్లు.. కష్టంతో పాటు అదృష్టం కలిసొచ్చి స్టార్స్ అవుతారు. ఇతడు కూడా సేమ్ అలాంటివాడే. టీవీ యాంకర్‌గా కెరీర్ మొదలుపెట్టి ఇప్పుడు ఏకంగా పాన్ ఇండియా స్టార్ అయిపోయాడు. పైన హీరో ఎవరో గుర్తుపట్టారా? మమ్మల్నే చెప్పేయమంటారా?పైన ఫొటోలో ఉన్నది 'అమరన్' ఫేమ్ శివకార్తికేయన్. ఏంటి అతడా? అని ఆశ్చర్యపోతున్నారా! ఇది సినిమాల్లోకి రాకముందు, పెళ్లి టైంలో తీసుకున్న ఫొటో ఇది. శివకార్తికేయన్ పక్కనున్న ఉన్నది ఇతడి భార్య ఆర్తి. 2010లో వివాహం జరిగింది. తమిళనాడులో పుట్టిపెరిగిన శివకార్తికేయన్‌కి చిన్నప్పటి నుంచే యాక్టింగ్ అంటే ఇంట్రెస్ట్. కానీ పూర్తిస్థాయి నటుడు కావడానికి ముందే ఆర్తిని ప్రేమించి పెళ్లి చేసుకున్నాడు. వీళ్లకు 2013లో పాప పుట్టింది. ఆమె పేరు ఆరాధన.(ఇదీ చదవండి: అక్కడ సౌండ్ చేస్తే చచ్చిపోతారు.. ఓటీటీలోనే క్రేజీ మూవీ)ఓసారి ఫ్రెండ్స్ బలవంతం చేయడంతో షోలో పాల్గొని విజేతగా నిలిచాడు. మరోవైపు యాంకర్‌గానూ పలు షోలు చేశాడు. ఇవి కాదన్నట్లు షార్ట్ ఫిల్మ్స్‌లోనూ నటించాడు. '3' సినిమాలో ధనుష్‌కి ఫ్రెండ్‌గా చేశాడు. 2013లో విడుదలైన 'కేడీ బిల్లా కిలాడీ రంగ' మూవీ హీరోగా శివ కార్తికేయన్‌కి ఇచ్చింది. అక్కడి నుంచి ఒక్కో మూవీతో తన రేంజ్ పెంచుకుంటూ వెళ్లాడు. 'డాక్టర్' మూవీతో రూ.100 కోట్ల క్లబ్‪‌లో చేరిపోయాడు. ఇదే సినిమాతో తెలుగులోనూ ఫ్యాన్స్ ఏర్పడ్డారు.'డాక్టర్' తర్వాత అయలాన్, మహావీరుడు, డాన్ తదితర చిత్రాలతో ఎంటర్‌టైన్ చేశాడు. కానీ రీసెంట్‌గా దీపావళికి రిలీజైన 'అమరన్' మూవీతో మాత్రం తనలోని అసలు సిసలు నటుడిని అందరికీ పరిచయం చేశాడు. ఇప్పటికే రూ.100 కోట్ల కలెక్షన్స్‌కి దగ్గర్లో ఉంది. ఈ మూవీ వల్ల అప్పుడెప్పుడో పెళ్లినాటి ఫొటోలు మరోసారి సోషల్ మీడియాలో వైరల్ అవుతున్నాయి. పైన ఫోటో అదే!(ఇదీ చదవండి: ఈ శుక్రవారం ఓటీటీలోకి వచ్చేసిన 15 సినిమాలు)

ఒకప్పుడు తెలుగు సినిమాల్లో చాలా ప్రయోగాలు చేశారు. హిట్ కొట్టడంతో పాటు ప్రేక్షకుల మనసుల్ని కూడా గెలుచుకున్నారు. కానీ ఇప్పుడు మాత్రం రొటీన్ రొట్ట కొట్టుడు కమర్షియల్ మూవీస్ ఎక్కువగా తీస్తున్నారు. కొద్దోగొప్పో పలువురు చిన్న హీరోలు ప్రయోగాలు చేస్తున్నారు గానీ పెద్దగా వర్కౌట్ కావట్లేదు. తాజాగా తమిళ యంగ్ హీరోని బిచ్చగాడు పాత్రలో పెట్టి ఏకంగా సినిమా తీసేశారు.(ఇదీ చదవండి: 'లెవల్ క్రాస్' సినిమా రివ్యూ (ఓటీటీ))తమిళ బిగ్‌బాస్ షోలో పాల్గొని గుర్తింపు తెచ్చుకున్న కవిన్.. రీసెంట్ టైంలో 'దాదా' అనే డబ్బింగ్ సినిమాతో తెలుగు ప్రేక్షకులకు కూడా కాస్త పరిచయమే. ఇప్పుడు ఇతడిని హీరోగా పెట్టి 'బ్లడీ బెగ్గర్' అనే మూవీ తీశారు. తాజాగా ట్రైలర్ రిలీజ్ చేశారు. బిచ్చగాడు పాత్రలో కనిపించిన సీన్స్ చూసి ఆశ్చర్యపోయారు. నిజం బెగ్గర్ ఏమో అనుకునేంతలా పరకాయ ప్రవేశం చేశాడనిపించింది.దివ్యాంగుడిలా నటిస్తూ బిచ్చమెత్తుకుంటే జీవించే ఓ బెగ్గర్.. ఊహించని పరిస్థితుల్లో ఓ ఇంట్లో పెద్ద కుటుంబం మధ్యలో చిక్కుకుపోతే ఏం జరిగింది? చివరకు ఆ ఇంటినుంచి బయటపడ్డాడా లేదా అనేదే స్టోరీలా అనిపిస్తుంది. 'బీస్ట్', 'జైలర్' సినిమాలతో దర్శకుడిగా ఆకట్టుకున్న నెల్సన్.. ఈ సినిమాని నిర్మిస్తున్నారు. దీపావళి సందర్భంగా అక్టోబర్ 31న ఈ మూవీ రిలీజ్ కానుంది. తమిళ వెర్షన్ మాత్రమే థియేటర్లలోకి వస్తుంది. కొన్నాళ్లకు డబ్బింగ్ వెర్షన్ ఓటీటీలోకి వస్తుంది. (ఇదీ చదవండి: బిగ్‌బాస్ 8 ఎలిమినేషన్.. డేంజర్ జోన్‌లో ఆ ఇద్దరు కానీ!)

తమిళ హీరో జయం రవి విడాకుల వ్యవహారం కోలీవుడ్‌లో చర్చనీయాంశంగా మారింది. పరస్పర అంగీకారంతో విడిపోతున్నామని రవి తెలపగా.. తన అనుమతి లేకుండానే విడాకులు తీసుకుంటున్నట్లు ప్రకటించాడని ఆర్తి ఆవేదన వ్యక్తం చేసింది. విడాకుల విషయంలో వెనక్కు తగ్గేదే లేదని రవి పేర్కొంటుండగా ఇప్పటికీ తన భర్తతో ఏకాంతంగా మాట్లాడే అవకాశం కోసం ఎదురుచూస్తున్నానని ఆర్తి అంటోంది. రవిని ముప్పుతిప్పలు పెట్టిన ఆర్తి?ఇంతలో వీరి విడాకులకు ఈవిడే కారణమంటూ ఓ సింగర్‌ పేరు తెరపైకి రావడం, ఆమె స్పందించి తనను మధ్యలోకి లాగొద్దని హెచ్చరించడమూ జరిగింది. ఇక జయం రవిని ఆర్తి ముప్పుతిప్పలు పెట్టిందంటూ సోషల్‌ మీడియాలో ఓ ప్రచారం జరిగింది. అతడి సోషల్‌ మీడియా ఖాతాలన్నీ ఆర్తి ఆధీనంలో ఉన్నాయని, వాటిని అతడికి అప్పగించకుండా ఇబ్బందిపెడుతోందని సదరు వార్తల సారాంశం. ఈ నేపథ్యంలో ఆర్తి తాజాగా సోషల్‌ మీడియాలో ఓ నోట్‌ షేర్‌ చేసింది.మౌనంగా ఉన్నానంటే..'నా వ్యక్తిగత జీవితం గురించి నానారకాలుగా ప్రచారం జరుగుతోంది. నన్ను చెడుగా చిత్రీకరించి నిజాన్ని కప్పిపుచ్చాలని ప్రయత్నిస్తున్నారు. అయినా మౌనంగా ఉంటున్నానంటే నేను తప్పు చేశానని అర్థం కాదు. కేవలం హుందాగా వ్యవహరించాలనుకున్నాను. న్యాయ వ్యవస్థపై నాకు పూర్తి నమ్మకం ఉంది. పరస్పర అంగీకారంతో విడాకులు తీసుకుంటున్నాం అని అతడు లేఖ రిలీజ్‌ చేసినప్పుడు నేను నిజంగానే షాకయ్యాను.అదే నాకు ముఖ్యంఅప్పుడు నేను మాట్లాడిన మాటలను తప్పుగా అర్థం చేసుకున్నారు. ఇప్పటికీ ఈ విషయంలో తనతో వ్యక్తిగతంగా మాట్లాడేందుకు అవకాశం ఉందేమోనని ఎదురుచూస్తున్నాను. వివాహవ్యవస్థను నేను గౌరవిస్తాను. ఇరువురి ప్రతిష్టను దెబ్బతీసే బహిరంగ చర్చలను నేను ఎంకరేజ్‌ చేయను. నా కుటుంబ క్షేమమే నాకు ముఖ్యం అని ఇన్‌స్టాగ్రామ్‌ వేదికగా ఆర్తి పోస్ట్‌ పెట్టింది. View this post on Instagram A post shared by Aarti Ravi (@aarti.ravi) చదవండి: సినిమాల్లోకి రావాలనుకుని టీవీలో సెటిలయ్యా,.. అనుకున్నంత ఈజీ కాదు!

చార్మింగ్‌ స్టార్‌ ప్రశాంత్‌ 1990 ప్రాంతంలో టాప్‌ హీరోగా రాణించాడు. అప్పట్లో ఈయన నటించిన చిత్రాలన్నీ సూపర్‌హిట్‌ అయ్యాయి. ప్రపంచ సుందరి ఐశ్వర్యరాయ్‌తో కలిసి నటించిన జీన్స్‌ చిత్రం సంచలన విజయాన్ని సాధించింది. అతడు తమిళంలో నటించిన ఎన్నో చిత్రాలు తెలుగులో అనువాదమై సక్సెసయ్యాయి. ఈయన తెలుగులోనూ తొలిముద్దు, ప్రేమశిఖరం, లాఠీ చిత్రాల్లో హీరోగా నటించారు. వియన విధేయ రామ సినిమాలో చివరిసారిగా కనిపించారు. గోట్‌ మూవీలో కీలకపాత్ర ప్రస్తుతం విజయ్‌ హీరోగా నటిస్తున్న ది గ్రేటెస్ట్‌ ఆఫ్‌ ఆల్‌ టైమ్‌ చిత్రంలో కీలక పాత్ర పోషిస్తున్నారు. వెంకట్‌ప్రభు దర్శకత్వం వహిస్తున్న ఈ చిత్రంలో ప్రభుదేవా, అజ్మల్‌, నటి మీనాక్షీ చౌదరి, స్నేహా, లైలా ముఖ్య పాత్రలు పోషిస్తున్నారు. ఏజీఎస్‌ ఎంటర్‌టైయిన్‌మెంట్‌ సంస్థ నిర్మించిన ఈ చిత్రంలో విజయ్‌ తండ్రీ కొడుకులుగా ద్విపాత్రాభినయం చేస్తున్నారు. ఇది సైన్స్‌ ఫిక్షన్‌ జానర్‌లో తెరకెక్కుతున్నట్లు సమాచారం. షూటింగ్‌ చివరి దశకు చేరుకున్న ఈ చిత్రం ప్రస్తుతం మాస్కోలో చిత్రీకరణ జరుపుకుంటోంది. విజయ్‌ సినిమాలో ఎందుకు? శనివారం ప్రశాంత్‌ పుట్టిన రోజు సందర్భంగా ఈ చిత్ర యూనిట్‌ ఆయనకు శుభాకాంక్షలు తెలుపుతూ పోస్టర్‌ విడుదల చేసింది. ఈ సందర్భంగా టాప్‌ స్టార్‌గా వెలిగిన మీరు విజయ్‌ హీరోగా నటిస్తున్న చిత్రంలో నటించడానికి కారణం ఏమిటన్న ప్రశ్నకు ప్రశాంత్‌ బదులిస్తూ వెంకట్‌ప్రభు కథ చెప్పినప్పుడే ఇది మల్టీస్టారర్‌ చిత్రం అనిపించిందన్నారు. ఆయన చెప్పిన కథ అద్భుతంగా ఉండడంతో విజయ్‌, ప్రభుదేవాలతో కలిసి నటించడానికి అంగీకరించినట్లు చెప్పారు. కథలో చాలా ట్విస్టులు ఉంటాయన్నారు. చిత్రం అన్ని వర్గాల వారికి పసందైన విందుగా ఉంటుందని, విజయ్‌, ప్రభుదేవాలతో పాట తన డాన్స్‌ బాగుంటుందన్నారు. OFFICIAL: Team The G.O.A.T Wishing the Top Star #Prashanth a very happy birthday! #TheGreatestOfAllTime @actorvijay @actorprashanth pic.twitter.com/g8m6vJPcoI — Actor Vijay Team (@ActorVijayTeam) April 6, 2024 చదవండి: అల్లు అర్జున్‌ గురించి ఈ విషయాలు తెలిస్తే.. ఎత్తిన ప్రతి వేలూ ముడుచుకోవాల్సిందే

సుమారు 12 ఏళ్ల గ్యాప్‌ తరువాత నటుడు రామరాజన్‌ హీరోగా నటిస్తున్న చిత్రం సామాన్యన్‌. ఆర్‌.రాకేశ్‌ దర్శకత్వం వహిస్తున్న ఈ చిత్రానికి ఇళయరాజా సంగీతం అందిస్తున్నారు. ఎక్స్‌ట్రా ఎంటర్‌టైన్‌మెంట్‌ సంస్థ అధినేత వి.మదియళగన్‌ నిర్మిస్తున్నారు. ఇంతకు ముందు రామరాజన్‌, ఇళయరాజా కాంబోలో పలు విజయవంతమైన చిత్రాలు వచ్చాయి. కాగా సుమారు 23 ఏళ్ల తరువాత మళ్లీ వీరి కాంబోలో రూపొందుతున్న చిత్రం సామాన్యన్‌. నటి నక్సాచరణ్‌, స్మృతి వెంకట్‌, అపర్ణ హీరోయిన్లుగా నటిస్తున్న ఇందులో రాధారవి, ఎంఎస్‌.భాస్కర్‌, లియో శివకుమార్‌, రాజారాణి పాండియన్‌, మైమ్‌ గోపి తదితరులు ముఖ్య పాత్రలు పోషిస్తున్నారు. రజనీకాంతే భయపడ్డారు శుక్రవారం సాయంత్రం చైన్నెలో ఆడియో లాంచ్‌ నిర్వహించారు. ఈ కార్యక్రమానికి దర్శకుడు ఆర్‌వీ ఉదయకుమార్‌, పేరరసు, కేఎస్‌.రవికుమార్‌, శరణసుబ్బయ్య తదితర సినీ ప్రముఖులు అతిథులుగా పాల్గొన్నారు. ఈ సందర్భంగా దర్శకుడు కేఎస్‌.రవికుమార్‌ మాట్లాడుతూ.. సహయ దర్శకుడిగా 9 ఏళ్లు కష్టపడ్డప్పటికీ.. తనను దర్శకుడిని చేసింది రామరాజన్‌నేనని చెప్పారు. ఈయన నటించిన చిత్రాలన్నీ విజయాన్ని సాధించాయని, ఒక సమయంలో రామరాజన్‌ గురించి నటుడు రజనీకాంత్‌ తనతో మాట్లాడుతూ రామరాజన్‌ మాస్‌ ఫాలోయింగ్‌, వసూళ్లను చూస్తుంటే తనను మించి పోతారేమోనని భయంగా ఉందని అన్నారన్నారు. 23 ఏళ్ల తర్వాత.. దర్శకుడు పేరరసు మాట్లాడుతూ.. వనవాసం ముగించుకుని వచ్చిన రామరాజన్‌కు ఇక పట్టాభిషేకమేనని పేర్కొన్నారు. ఆయన పరిగెత్తే గుర్రం కాదని, పలు గుర్రాలను పరిగెత్తించిన నటుడన్నారు. రామరాజన్‌ చిన్న మక్కళ్‌ తిలగం అని దర్శకుడు ఆర్‌వీ ఉదయకుమార్‌ పేర్కొన్నారు. 23 ఏళ్ల తర్వాత ఇళయరాజా, రామరాజన్‌ కలిసి పని చేస్తున్న ఈ చిత్రానికి తాను దర్శకత్వం వహించడం భాగ్యంగా భావిస్తున్నానని చిత్ర దర్శకుడు రాకేశ్‌ అన్నారు. నటుడు రామరాజన్‌ మాట్లాడుతూ 2010లో పార్టీ మీటింగ్‌ ముగించుకుని వస్తున్న సమయంలో ఘోర ప్రమాదానికి గురయ్యానని, వెంట్రుక వాసిలో బతికి బయట పడ్డానని, ఇప్పుడు ఈ చిత్రంలో నటించడం చాలా ఆశ్చర్యంగా ఉందన్నారు. అభిమానుల ప్రార్థనల వల్లే తాను మళ్లీ ప్రాణాలతో బయట పడ్డానన్నారు. చదవండి: కలెక్షన్స్‌తో మోత మోగిస్తున్న టిల్లుగాడు.. ఓటీటీలోకి వచ్చేది ఎప్పుడంటే

ఒక్క ఛాన్స్‌.. ఒకే ఒక్క ఛాన్స్ అంటూ తిరిగేవాళ్లు చాలామందే కనిపిస్తారు. నిజంగానే ఒక్క ఛాన్స్‌తో అద్భుతాలు జ‌రిగిపోతాయా? అంటే అవున‌నే చెప్పాలి. ఎంతోమంది తొలి సినిమాతోనే తామేంటో ప్రూవ్ చేసుకుని గొప్ప స్థాయికి ఎదిగారు. అదే స‌మ‌యంలో ఫ‌స్ట్ సినిమాతో క్రేజ్ అందుకున్నా త‌ర్వాతి రోజుల్లో దాన్ని కాపాడుకోలేక మ‌రుగున‌ప‌డ్డ హీరోలూ ఉన్నారు. ప్రేమికుల రోజు సినిమా హీరో కునాల్ సింగ్ ఈ కోవ‌లోకే వ‌స్తాడు. ఆయ‌న గురించే నేటి ప్ర‌త్యేక క‌థ‌నం.. ఫ‌స్ట్ సినిమా సూప‌ర్ డూప‌ర్ హిట్‌ కునాల్ సింగ్ న‌టించిన తొలి సినిమా కాద‌ల్ దినం. ఈ మూవీ తెలుగులో ప్రేమికుల రోజు పేరిట డ‌బ్ అయింది. ఇందులో సోనాలి బింద్రే హీరోయిన్‌గా యాక్ట్ చేయ‌గా ఏఆర్‌ రెహ‌మాన్ సంగీతం అందించాడు. వాలు క‌నుల‌దానా, ప్రేమ అనే ప‌రీక్ష రాసి.. , దాండియా ఆట‌లు ఆడ‌.. ఇలా అన్ని పాట‌లు బ్లాక్‌బ‌స్ట‌ర్ హిట్ట‌య్యాయి. సినిమా కూడా సూప‌ర్ హిట్ట‌యింది. ఇంకేముంది.. వ‌రుస అవ‌కాశాలు క్యూ క‌ట్టాయి. ఇక్క‌డే త‌ప్ప‌ట‌డుగులు వేశాడు. హిట్ల క‌న్నా ఫ్లాపులే ఎక్కువ‌గా అందుకున్నాడు. అత‌డు సంత‌కం చేసిన సినిమాలు ఆదిలోనే ఆగిపోయాయి. (చ‌ద‌వండి: Vithika Sheru: మీ స్థానాన్ని ఎవ‌రూ భ‌ర్తీ చేయ‌లేరు.. వితికా ఎమోష‌న‌ల్ పోస్ట్‌) భార్య ఉండ‌గా న‌టితో క్లోజ్‌.. మ‌రికొన్ని షూటింగ్ జ‌రిగినా విడుద‌ల‌కు నోచుకోలేదు. ఐదేళ్ల‌లోనే డీలా ప‌డిపోయాడు. 2007లో చివ‌ర‌గా నంబ‌నిన్ కాద‌లై అనే సినిమాలో యాక్ట్ చేశాడు. యాక్ట‌ర్‌గా రాణించ‌డం క‌ష్ట‌మ‌ని తెలియ‌గానే అసిస్టెంట్ డైరెక్ట‌ర్ అవ‌తార‌మెత్తాడు. త‌ర్వాత నిర్మాత‌గానూ మారాడు. అయ‌తే కునాల్, న‌టి లావిణ పంక‌జ్ భాటియా అత్యంత స‌న్నిహితంగా మెదిలేవార‌ని అప్ప‌ట్లో ప్ర‌చారం జ‌రిగింది. అప్ప‌టికే అత‌డికి భార్య, ఇద్ద‌రు పిల్ల‌లు ఉన్నారు. అత‌డి ప్రేమ‌ విష‌యం కునాల్ భార్య అనురాధ‌కు తెలిసింది. దీని గురించి భార్యాభ‌ర్త‌ల మ‌ధ్య త‌ర‌చూ గొడ‌వ‌లు జ‌రిగేవ‌ట‌! ప్రాణాలు తీసుకున్నాడు ఆమె కోపంతో ఇల్లు విడిచి పుట్టింటికి వెళ్లిపోవ‌డంతో కునాల్ మ‌న‌స్తాపానికి గుర‌య్యాడు. 2008 ఫిబ్ర‌వ‌రి 7న త‌న అపార్ట్‌మెంట్‌లో ఉరేసుకుని చ‌నిపోయాడు. ఇది జ‌ర‌గ‌డానికి  కొన్ని గంట‌ల ముందు ఏదో సినిమా గురించి స్క్రిప్ట్ రైట‌ర్‌, కాస్ట్యూమ్ డిజైన‌ర్స్‌, న‌టి పంక‌జ్‌తో త‌న ఇంట్లోనే చ‌ర్చ‌లు జ‌రిపాడు. అంద‌రూ వెళ్లిపోయాక పంక‌జ్ అక్క‌డే ఉన్న‌ వాష్‌రూమ్‌ను వాడుకుందామ‌ని వెళ్లి వ‌చ్చింది. అంత‌లోనే కునాల్ ఫ్యాన్‌కు వేలాడుతూ క‌నిపించాడు. ఏమీ మిగ‌ల్లేదు అయితే పంక‌జ్‌కు, కునాల్‌కు మ‌ధ్య ఏదో గొడ‌వ జ‌రిగింద‌ని, ఆ ఆవేశంలోనే హీరో ఇంత‌టి అఘాయిత్యానికి పాల్ప‌డ్డాడ‌న్న పుకార్లు కూడా వ‌చ్చాయి. ఈ కేసులో పోలీసులు పంక‌జ్ భాటియాను అదుపులోకి తీసుకుని విచారించారు. కానీ ఇది ఆత్మ‌హ‌త్యే అని నిర్ధారించారు. అంత‌కుముందు కూడా కునాల్ ఒక‌టీరెండు సార్లు చ‌నిపోయేందుకు ప్ర‌య‌త్నించాడ‌ట‌! ఒక‌వైపు కెరీర్ నాశ‌న‌మైంది.. మ‌రోవైపు సంసార జీవితం కూడా స‌వ్యంగా లేదు.. వీటికి తోడు నిర్మాత‌గా అప్పుల‌పాలు అవ‌డంతోనే అత‌డు త‌నువు చాలించాడ‌ని చెప్తుంటారు. ఏదేమైనా 31 ఏళ్ల వ‌య‌సులోనే అత‌డు ప్రాణాలు తీసుకోవ‌డం అంద‌రినీ క‌లిచివేసింది. చ‌ద‌వండి: త‌న‌కెందుకు క్రెడిట్‌? అని ఆటిట్యూడ్ చూపించా.. త‌ర్వాతి సినిమాల్లో నాకు ఛాన్స్‌ ఇవ్వ‌లే!

కొన్నిసార్లు మనకు బాగా తెలిసిన హీరోల‍్ని కూడా వాళ్ల పాత ఫొటోలు చూస్తే గుర్తుపట్టడం కష్టమే. ఎందుకంటే అంత మార్పు ఉంటుంది మరి. ఈ హీరో కూడా సేమ్ అలాంటోడే. పైన కనిపిస్తున్న ఫొటో అలాంటిదే. ఇతడు తెలుగోడు కానప్పటికీ మన దగ్గర వేరే లెవల్ క్రేజ్ తెచ్చుకున్నాడు. కోట్లాది మంది ఫ్యాన్స్ ఉన్నారు. హిట్ ఫ్లాప్ అనేది పక్కనబెడితే ప్రతి మూవీతో మెస్మరైజ్ చేస్తుంటాడు. మరి ఇంతలా చెప్పాం కదా ఎవరో కనిపెట్టారా? మమ్మల్నే చెప్పేయమంటారా? పైన కనిపిస్తున్న హీరో పేరు సూర్య. అవును మీలో చాలామంది ఊహించింది కరెక్టే. ఇతడు అసలు పేరు శరవణన్ శివకుమార్. తండ్రి శివకుమార్ నటుడు కావడంతో ఇండస్ట్రీ గురించి కాస్తోకూస్తో తెలుసు. కానీ నేరుగా హీరో అయిపోలేదు. డిగ్రీ పూర్తయిన తర్వాత ఎవరనేది చెప్పకుండా బట్టల ఫ్యాక్టరీలో చాలా తక్కువ జీతానికి కొన్నినెలల పాటు పనిచేశాడు. ఫలానా నటుడి అబ్బాయి అని తెలిసిపోవడంతో అక్కడ పనిమానేశాడు. కెరీర్ ప్రారంభంలో నటుడిగా పలు విమర్శలు ఎదుర్కొన్నాడు. (ఇదీ చదవండి: ప్రభాస్ డూప్‌కి షాకింగ్ రెమ్యునరేషన్.. ఒక్కో సినిమాకు ఎంతంటే?) ఎక్కడ పోగొట్టుకున్నామో అక్కడ వెతుక్కోవాలనే సామెతకి తగ్గట్లు నటుడిగా తనని తాను మెరుగుపెట్టుకుంటూ వెళ్లాడు. కాకా, మౌనం పెసియాదే, పితాగమన్, గజిని లాంటి చిత్రాలతో స్టార్ హీరోగా గుర్తింపు తెచ్చుకున్నాడు. 'గజిని' సినిమా అయితే తమిళంతో పాటు తెలుగులోనూ సూపర్‌హిట్‌గా నిలచింది. ఆ తర్వాత 7th సెన్స్, వీడొక్కడే, 24, 'సింగం' సిరీస్ చిత్రాలతో.. చాలామంది తెలుగు స్ట్రెయిట్ హీరోల కంటే ఎక్కువ స్టార్‌డమ్ సంపాదించాడు. త్వరలో 'కంగువ' అనే చిత్రంతో రాబోతున్నాడు. సూర్య ఫ్యామిలీ విషయానికొస్తే.. తనతో పాటు కలిసి హీరోయిన్‌గా చేసిన జ్యోతికని 2006లో పెళ్లి చేసుకున్నాడు. వీళ్లకు ఇద్దరు పిల్లలు కూడా ఉన్నారు. ప్రస్తుతం హీరో కమ్ నిర్మాతగా సూర్య అదరగొట్టేస్తుంటే.. జ్యోతిక కూడా నటిగా రీఎంట్రీ ఇచ్చి హిందీ, తమిళ, మలయాళ చిత్రాల్లో నటించేస్తోంది. తాజాగా ఒకానొక సందర్భంగా సూర్య పాత ఫొటో ఒకటి సోషల్ మీడియాలో వైరల్ అయింది. పైన ఉన్న ఫొటో అదే. తొలుత చాలామంది గుర్తుపట్టలేకపోయారు. ఎందుకంటే అప్పటికీ ఇప్పటికీ సూర్యలో అంత తేడా ఉంది మరి! (ఇదీ చదవండి: ప్రేమ కావాలంటున్న మెగా డాటర్ నిహారిక.. ఇన్‌స్టా పోస్ట్ వైరల్)

చల్లని పానీయాల ప్రకటనల్లో నటించడానికి కోట్లు ఇస్తానన్నా తాను అంగీకరించడం లేదని నటుడు, సంగీత దర్శకుడు, గాయకుడు జీవీ ప్రకాష్‌కుమార్‌ తెలిపారు. సినీ రంగంలో ప్రతిభను ప్రోత్సహించే విధంగా నరేష్‌ బృందం స్టార్డా అనే సరికొత్త ప్లాట్‌ఫామ్‌ ప్రారంభించింది. దీనికి జీవీ ప్రకాష్‌కుమార్‌ బ్రాండ్‌ అంబాసిడర్‌గా వ్యవహరిస్తున్నారు. గురువారం సాయంత్రం చైన్నెలోని ఓ హోటల్‌లో ఏర్పాటు చేసిన మీడియా సమావేశంలో జీవీ మాట్లాడుతూ.. తాను చిన్నతనంలోనే చిత్ర రంగ ప్రవేశం చేశానన్నారు. హీరోగా 23 సినిమాలు చేశా పలు చిత్రాలకు సంగీతాన్ని అందించానని, అదే విధంగా కథానాయకుడిగా 23 చిత్రాలు చేశానన్నారు. వెట్రిమారన్‌, ఏఎల్‌ విజయ్‌, అట్లీ వంటి పలువురు దర్శకులతో తొలి రోజుల్లో తాను పనిచేసినట్లు చెప్పారు. పనిచేసిన దర్శకుల్లో 17 మంది కొత్త వారేనన్నారు. ఇక్కడ ప్రతిభకు కొరత లేదని, అయితే దానిని ప్రదర్శించడానికి సరైన మార్గం చాలా మందికి తెలియడం లేదన్నారు. ఇలాంటి వారికి ఈ స్టార్డా మంచి ప్లాట్‌ఫామ్‌ అవుతుందనే అభిప్రాయాన్ని వ్యక్తం చేశారు. జూదం, కూల్‌ డ్రింక్స్‌.. నో! ఈ ప్లాట్‌ఫామ్‌ను ఏర్పాటు చేసిన నరేష్‌ బృందాన్ని అభినందిస్తున్నానన్నారు. శీతల పానీయాలు, జూదం ఆడటం వంటి సంస్థల ప్రకటనల్లో నటించడానికి కోట్లు ఇస్తానంటున్నారని, అయినా తాను వాటిలో నటించడానికి అంగీకరించడం లేదన్నారు. ఈ స్టార్డా ప్లాట్‌ఫామ్‌కు బ్రాండ్‌ అంబాసిడర్‌గా వ్యవహరించడం సంతోషంగా ఉందని జీవీ ప్రకాష్‌ కుమార్‌ పేర్కొన్నారు. చదవండి: వాలంటైన్స్​ డే స్పెషల్.. 9 సూపర్‌ హిట్‌ చిత్రాలు రీ రిలీజ్‌

ఇండస్ట్రీలోకి చాలామంది హీరోలు వస్తుంటారు. కానీ వీళ్లలో హిట్ కొట్టి నిలబడేది చాలా తక్కువమంది. ఏమైనా బ్యాక్‌గ్రౌండ్ ఉండే పర్లేదు కానీ ఒకవేళ సినీ నేపథ్యం ప్లస్ హిట్లు లేకపోతే మాత్రం ఎంత త్వరగా ఫేమ్ తెచ్చుకున్నారో అంతే ఫాస్ట్‌గా కనుమరుగైపోతారు. 'షాపింగ్‌ మాల్' సినిమా హీరోది కూడా సరిగ్గా అలాంటి పరిస్థితే. అప్పట్లో సెన్సేషన్ క్రియేట్ చేశాడు. మరి ఇప్పుడేం చేస్తున్నాడు? అసలెలా ఉన్నాడనేది చూద్దాం. తమిళనాడులోని దిండిగల్ పుట్టి పెరిగిన మహేశ్.. స్వతహాగా వాలీబాల్ ప్లేయర్. ఓ రోజు గేమ్ ఆడుతున్నప్పుడు ఇతడిని చూసిన డైరెక్టర్ వసంతబాలన్.. తన తీయబోయే సినిమాలో నటించమని కోరాడు. కానీ తనకు యాక్టింగ్ అంటే పెద్దగా ఇంట్రెస్ట్ లేదని మహేశ్ చెప్పాడు. కానీ ఆ తర్వాత కొన్నాళ్లకు మనసు మారడంతో అదే వసంతబాలన్ తీసిన 'అంగడి తెరు' మూవీలో హీరోగా నటించాడు. దీన్నే తెలుగులో 'షాపింగ్ మాల్' పేరుతో రిలీజ్ చేయగా సూపర్ హిట్ అయింది. (ఇదీ చదవండి: ఓటీటీలోకి వచ్చేసిన అవార్డు విన్నింగ్ సినిమా.. స్ట్రీమింగ్ ఎక్కడంటే?) 'షాపింగ్ మాల్' సినిమాతో హీరోగా గుర్తింపు తెచ్చుకున్న మహేశ్.. ఆ తర్వాత మాత్రం కెరీర్‌ని సరిగా ప్లాన్ చేసుకోలేకపోయాడు. ఎందుకంటే తమిళంలో వరసగా మూవీస్ చేస్తూ వచ్చాడు. అలానే మలయాళ, ఫ్రెండ్, తెలుగులోనూ తలో చిత్రం చేశాడు. కానీ ఏం లాభం... ఒక్కటంటే ఒక్క మూవీ కూడా 'షాపింగ్ మాల్' మాదిరి హిట్ అవ్వలేదు. మనోడికి పేరు రాలేదు.  ఇక తన ఫ్రెండ్స్ అందరూ జీవితంలో సెటిలైపోయారు కానీ హీరోగా పలు సినిమాలు చేసిన మహేశ్ మాత్రం హిట్లు లేకపోవడంతో పూర్తిగా డీలా పడిపోయాడు. సినిమాల వల్లనో ఏమో గానీ ఇప్పటికీ పెళ్లి చేసుకోకుండా సింగిల్‌గానే ఉండిపోయాడు. ప్రస్తుతం ఇతడికి సంబంధించిన కొన్ని ఫొటోలు సోషల్ మీడియాలో వైరల్ కావడంతో తొలుత ఇతడిని గుర్తుపట్టలేకపోయారు. కానీ ఆ తర్వాత 'షాపింగ్ మాల్' హీరో అని తెలిసి తెలుగు నెటిజన్స్ అవాక్కయ్యారు. (ఇదీ చదవండి: 'హనుమాన్' కోసం 70-75 సినిమాలు రిజెక్ట్ చేశా: హీరో తేజ)

ఆర్‌జేగా జీవితాన్ని ప్రారంభించిన బాలాజీ ఆ తరువాత హాస్యనటుడిగా సినీ రంగ ప్రవేశం చేసి ఆ తరువాత కథానాయకుడిగా అవతారం ఎత్తి ఆపై మెగాఫోన్‌ పట్టి సక్సెస్‌ అయ్యారు. ఈయన కథానాయకుడిగా నటించిన తాజా చిత్రం సింగపూర్‌ సెలూన్‌. గోకుల్‌ దర్శకత్వంలో వేల్స్‌ ఫిలిం పతాకంపై ఐసరీ గణేష్‌ నిర్మించిన ఈ చిత్రంలో మీనాక్షి చౌదరి హీరోయిన్‌గా నటించగా, సత్యరాజ్‌, లాల్‌, జీవా, దర్శకుడు లోకేష్‌ కనకరాజ్‌ ముఖ్యపాత్రలు పోషించారు. వీరితో పాటు ఒక ప్రముఖ నటుడు కీలక పాత్రను పోషించినట్లు దర్శకుడు చెప్పారు. వివేక్‌ మెర్విన్‌ సంగీతాన్ని అందించిన ఈ చిత్రం నిర్మాణ కార్యక్రమాలు పూర్తిచేసుకుని ఈ నెల 25న తెరపైకి రానుంది. సింగపూర్‌ సెలూన్‌ చిత్రం సెన్సార్‌ బోర్డు నుంచి యూ సర్టిఫికెట్‌ పొందడం విశేషం. ఈ చిత్రం తమిళనాడు విడుదల హక్కులను రెడ్‌ జెయింట్‌ మూవీస్‌ సంస్థ పొందింది. ఈ చిత్రం చైన్నెలో నిర్వహించిన పాత్రికేయుల సమావేశంలో దర్శకుడు గోకుల్‌ మాట్లాడుతూ.. చదువుకుంటున్న దశలోనే హెయిర్‌ స్టైలిస్ట్‌ కావాలని ఆశపడే ఒక సాధారణ వ్యక్తి కథే ఈ సినిమా అన్నారు. సింగపూర్‌ సెలూన్‌ చిత్రం తన కెరీర్‌లో 10 కాలాల పాటు గుర్తుండిపోతుందనే నమ్మకాన్ని బాలాజీ వ్యక్తం చేశారు. ఈ చిత్రం కోసం హెయిర్‌ స్టైలిస్ట్‌గా ప్రాథమిక శిక్షణ తీసుకున్నట్లు చెప్పారు. చదవండి:  'ధర్మం కోసం నిలబడేవాడు ఎప్పటికీ గెలుస్తాడు': ప్రశాంత్ వర్మ ట్వీట్ వైరల్!

కొన్నాళ్ల ముందు తీవ్ర అనారోగ్య సమస్యలతో ఆస్పత్రిలో చేరిన తమిళ స్టార్ హీరో విజయ్ కాంత్.. కోలుకుని ఇంటికెళ్లిపోయారు. ఇప్పుడు మరోసారి ఆస్పత్రిలో చేరారు. దీంతో ఈయన అభిమానులు ఆందోళన చెందుతున్నారు. అయితే ఇది రెగ్యులర్ చెకప్ కోసమేనని కుటుంబ సభ్యులు చెబుతున్నారు. రెండు రోజుల్లో డిశ్చార్జ్ అవుతారని అంటున్నారు.  (ఇదీ చదవండి: ఖరీదైన కారు కొన్న 'బిగ్‌బాస్' మానస్.. రేటు ఎంతో తెలుసా?) ఇకపోతే తమిళంలో పలు సినిమాల్లో హీరోగా నటించిన విజయ్‌కాంత్ చాలా ఫేమ్ సంపాదించారు. ఓ వైపు సినిమాలు చేస్తూ రాజకీయాల్లోకి ఎంట్రీ ఇచ్చారు. 2011-16 మధ్య తమిళనాడు ప్రతిపక్ష నాయకుడిగా పనిచేశారు. ఇలా నటుడు, పొలిటీషియన్ కాకుండా నిర్మాత, దర్శకుడిగానూ పేరు తెచ్చుకున్నారు.  విజయ్‌కాంత్ పూర్తి పేరు విజయరాజ్ అలగర్‌స్వామి. 1952 ఆగస్టు 25లో పుట్టారు. కెప్టెన్ ప్రభాకర్ సినిమాతో చాలా క్రేజ్ తెచ్చుకున్నారు. దీంతో ఆయన పేరు కాస్త కెప్టెన్ విజయ్‌కాంత్‌గా మారిపోయింది. విజయ్‌‌కాంత్‌ భార్య పేరు ప్రేమలత. వీరికి ఇద్దరు కొడుకులు ఉన్నారు. వీళ్లలో ఒకబ్బాయి ఆల్రెడీ హీరోగా కొన్ని సినిమాలు చేశాడు. ఇకపోతే 70 ఏళ్ల విజయ్‌‌కాంత్ గత కొన్నేళ్లుగా తీవ్రమైన అనారోగ్య సమస్యలతో బాధపడుతున్నారు. అందుకే ఇలా ఆస్పత్రి పాలవుతున్నారు. (ఇదీ చదవండి: 'బిగ్‌బాస్‌ 7'లో ఓడిపోతేనేం.. ఇప్పుడు శోభాశెట్టికి ఆ అవార్డ్)

సినీ నటుడు గంగా (53) శుక్రవారం సాయంత్రం చెన్నైలో గుండెపోటుతో కన్నుమూశారు. ఈయన టి.రాజేందర్‌ దర్శకత్వం వహించిన ఉయిరుళ్లవరై ఉషా చిత్రం ద్వారా కథానాయకుడిగా పరిచయం అయ్యారు. నటి నళిని హీరోయిన్‌గా నటించిన ఈ చిత్రం అప్పట్లో ఘనవిజయం సాధించింది. దీంతో నటుడు గంగాకు అవకాశాలు వెతుక్కుంటూ వచ్చాయి. అలా క్రైం తొడుమ్‌ అలైగళ్, మురుగేశన్‌ తునై, మామండ్రం, సావిత్రి వంటి చిత్రాల్లో నటించారు. ఆ తరువాత హీరోగా అవకాశాలు రాకపోవడంతో క్యారెక్టర్‌ ఆర్టిస్ట్‌గానూ నటించారు. అనంతరం కొన్ని టీవీ సీరియల్స్‌లో నటించిన గంగా మరికొన్ని టీవీ సీరియల్స్‌కు దర్శకత్వం కూడా వహించారు. స్థానిక మైలాపూర్‌లో నివసిస్తున్న ఈయన పెళ్లి చేసుకోకుండా బ్రహ్మచారిగా మిగిలిపోయాడు. కాగా శుక్రవారం సాయంత్రం హఠాత్తుగా గుండెపోటు రావడంతో తుది శ్వాస విడిచారు. ఈయన భౌతిక కాయాన్ని సొంతూరు చిదంబరం సమీపంలోని భరత్తూర్‌ చావడి గ్రామానికి తరలించి శనివారం అంత్యక్రియలు నిర్వహించారు. చదవండి: సల్మాన్‌ ఖాన్‌ ‘టైగర్‌-3’ మూవీ ఎలా ఉందంటే.. 900కుపైగా సినిమాల్లో నటన.. తొలి చిత్రానికే నంది అవార్డు

 విభిన్న కథా చిత్రాలకు కేరాఫ్‌ పార్థిబన్‌. నటుడిగా, కథకుడిగా, దర్శక, నిర్మాతగా ఈయనకంటూ ఒక ప్రత్యేకత ఉంది. ప్రయోగాత్మక చిత్రాలు చేయడంలో పార్థిబన్‌ దిట్ట. ఆ మధ్య ఏకపాత్రాభినయం చేసి స్వీయ దర్శకత్వంలో రూపొందిన ఒత్త చెరుప్పు సైజ్‌ సెవెన్‌ చిత్రం విమర్శకుల ప్రశంసలతో పాటు ప్రేక్షకుల ఆధరణ పొందింది. అంతర్జాతీయ అవార్డులను కొల్లగొట్టింది. ఆ తరువాత పార్థిబన్‌ రూపొందించిన చిత్రం ఇరవిన్‌ నిళల్‌. ఇది నాన్‌ లీనియర్‌ ఫార్మెట్లో సింగిల్‌ షాట్‌లో తెరకెక్కించిన ప్రయోగాత్మక కథా చిత్రం. ఈ చిత్రం ప్రశంసలను అందుకుంది. తాజాగా మరో కొత్త కథతో వస్తున్నానని ట్విట్టర్‌(ఎక్స్‌)లో పేర్కొన్నారు. ఈసారి నాన్‌ లీనియర్‌ ఫార్మెట్‌ కాదని, ప్రయోగాత్మకంగా కథా చిత్రం అస్సలు కాదని, అలాగని సాధారణ కథా చిత్రం కాదని చెప్పారు. ఇంతకు ముందు చిత్రాల్లో చేసిన తప్పులను సరి చేసుకుంటూ ఈ చిత్రాన్ని ప్రతి అంశాన్ని క్షుణ్ణంగా పరిశీలించి రూపొందిస్తున్నట్లు తెలిపారు. చిత్రంలో వీఎఫ్‌ఎక్స్‌ వర్క్‌ చాలా ఉంటుందని, గ్రాఫిక్స్‌ అంటే హాలీవుడ్‌ చిత్రాలే గుర్తుకొస్తాయని అన్నారు. మనకు బడ్జెట్‌ సమస్య తలెత్తుతుందని అన్నారు. అయితే చాలాకాలం క్రితమే తమిళంలో చంద్రలేఖ, ఆయిరత్తిల్‌ ఒరువన్‌, ఉలగం చుట్రం వాలిబన్‌ వంటి బ్రహ్మాండ చిత్రాలు వచ్చాయని పేర్కొన్నారు. అలా మంచి కథతో తాను రూపొందిస్తున్న కథా చిత్రం ప్రస్తుతం షూటింగ్‌ను పూర్తి చేసి డబ్బింగ్‌ కార్యక్రమాలను నిర్వహిస్తున్నట్లు చెప్పారు. ఈ చిత్రం కోసం తాను చాలా ఆసక్తిగా ఉన్నట్లు పార్థిబన్‌ అన్నారు. త్వరలోనే మంచి కథతో మీ ముందుకు వస్తున్నానని పేర్కొన్నారు.  

సౌత్‌ ఇండియాలో నిత్యా మీనన్‌కు ప్రత్యేకమైన గుర్తింపు ఉంది. ఇప్పటి వరకు తను కూడా మంచి కథతో పాటు నటనకు స్కోప్‌ ఉన్న సినిమాలనే ఎంచుకుంటూ వచ్చింది. అంతేకాకుండా వివాదాలకు కూడా దూరంగా ఉంటుంది. కానీ గత కొన్ని రోజులుగా ఆమెపై పలు వార్తలు వైరల్‌ అయ్యాయి. తమిళ సినీ ఇండస్ట్రీపై ఆమె వివాదస్పద వ్యాఖ్యలు చేశారంటూ కొన్ని రూమర్లు చక్కర్లు కొడుతున్నాయి. ఈ పుకార్లు సోషల్ మీడియాలో దుమారాన్ని రేపుతున్నాయి. అయితే, నిత్య ఆ వ్యాఖ్యలు చేయలేదని తెలుస్తోంది.  ఆ రూమర్స్‌ ఎంటి..? 'ఓ తమిళ హీరో నన్ను చాలా వేధించాడు.. షూటింగ్‌లో నన్ను ఇబ్బంది పెట్టాడు.. తమిళ ఇండస్ట్రీలో నేను చాలా సమస్యలు ఎదుర్కొన్నాను. తెలుగు సినిమాల్లో ఇప్పటి వరకు ఎలాంటి ఇబ్బందులు ఎదుర్కొనలేదు.' అంటూ నిత్యా మీనన్ చెప్పినట్టుగా కొన్ని తమిళ మీడియా సంస్థలు ప్రచురించాయి. అవి ఒక్కసారిగా సోషల్ మీడియాలో వైరల్ అయ్యాయి. వాటిని నిత్యా మీనన్‌ కూడా ఖండించింది. ఇది అవాస్తవం.. జర్నలిజంలోని కొన్ని వర్గాలు ఇలా దిగజారడం చాలా బాధాకరం. ఇలాంటి చెత్తపనులు ఎలా చేస్తారు. 'నేను ఇప్పటి వరకు ఎక్కడా ఇంటర్వ్యూనే ఇవ్వలేదు. ఇలాంటి తప్పుడు వార్తలు ఇవ్వకండి. దీని కంటే మెరుగ్గా ఉండండి. ఇలాంటివి పక్కన పెట్టి కాస్త మంచి పనులు చేయండి.' అని నిత్యా మీనన్ పోస్ట్ వేసింది. దొంగ దొరికాడు అంటూ నిత్యామీనన్‌ మరోక పోస్ట్‌ చేసింది. కొన్ని సోషల్‌ మీడియా ఖాతాలను స్క్రీన్‌ షాట్‌ తీసి తన ఇన్‌స్టాగ్రామ్‌లో షేర్‌ చేసింది. 'మిమ్మల్ని చూస్తే సిగ్గేస్తోంది.. మనం అందరం ఈ భూమ్మీద తక్కువ సమయమే ఉంటాం. ఒకరికొకరం ఇలాంటి ఎంత పెద్ద తప్పులు  చేస్తున్నామో అనుకుంటే ఆశ్చర్యం వేస్తుంది. నేను దీనిని ఎందుకు ఎత్తి చూపుతున్నాననంటే.. జవాబుదారీతనం మాత్రమే చెడు ప్రవర్తనను ఆపుతుంది. ఈ తప్పుడు ప్రచారం చేసిన వారు ఇప్పటికైన మారండి. ఇలాంటి వారిని అనుసరించిన వారు కూడా తప్పును తెలుసుకోండి.' అని నిత్యా మీనన్‌ చెప్పింది. (ఇదీ చదవండి: విజయ్‌ దేవరకొండ సినిమా నుంచి శ్రీలీల ఔట్‌.. క్రేజీ హీరోయిన్‌కు ఛాన్స్‌) ప్రస్తుతం నిత్యా మీనన్.. తన తరువాతి ప్రాజెక్ట్స్‌తో బిజీగా ఉంది. ఒకవైపు సినిమాలతో పాటు మరోవైపు వెబ్ సిరీస్‌లు చేయడానికి కూడా నిత్యా వెనకాడడం లేదు. అందుకే ‘కుమారి శ్రీమతి’ అనే వెబ్ సిరీస్‌తో త్వరలోనే ప్రేక్షకుల ముందుకు రానుంది. సెప్టెంబర్ 28న ఈ సిరీస్ అమెజాన్‌ ప్రైమ్‌లో విడుదల కానుంది. View this post on Instagram A post shared by Nithya Menen (@nithyamenen) View this post on Instagram A post shared by Nithya Menen (@nithyamenen)

సినిమా ఇండస్ట్రీలో హీరోయిన్లకు వేధింపులు.. ఇదీ ఎంతకు తెగని టాపిక్. ఎందుకంటే అవకాశాల కోసం ప్రయత్నించే లేడీ యాక్టర్స్‌ని పలువురు దర్శకనిర్మాతలు ఇబ్బంది పెడుతుంటారనేది చాలామందికి తెలుసు. అయితే స్టార్ హీరోయిన్ల విషయానికొస్తే.. ఇలా జరగడం చాలా అంటే చాలా తక్కువ. కానీ నిత్యామేనన్‌ని ఓ తమిళ హీరో వేధించడనేది ఇప్పుడు మరోసారి హాట్ టాపిక్‌గా మారిపోయింది. ఇప్పుడు దీనిపై సదరు బ్యూటీనే క్లారిటీ ఇచ్చింది. ఏం జరిగింది? మలయాళ ముద్దుగుమ్మ నిత్యామేనన్.. 'అలా మొదలైంది' సినిమాతో తెలుగులోకి ఎంట్రీ ఇచ్చింది. దీనికి కొన్నాళ్ల మునందే ఇండస్ట్రీలోకి అడుగుపెట్టింది. అయితే తెలుగు, తమిళ, మలయాళంలో పలు సినిమాలు చేసిన నిత్యామేనన్.. మన దగ్గర చివరగా 'భీమ్లా నాయక్' చేసింది. అయితే ఈ ఏడాది జూన్‌లో నిత్యామేనన్ షాకింగ్ కామెంట్స్ చేసినట్లు వార్తలొచ్చాయి. (ఇదీ చదవండి: ఈ వారం ఓటీటీల్లోకి ఏకంగా 37 సినిమాలు) ఏం చెప్పింది? 'నేను చాలా తెలుగు సినిమాలు చేశాను కానీ ఎలాంటి ఇబ్బంది ఎదురవలేదు. తమిళంలో ఓ సినిమా చేస్తున్నప్పుడు మాత్రం షూటింగ్ సమయంలో ఓ హీరో నన్ను పదేపదే తాకుతూ వేధించాడు' అని హీరోయిన్ నిత్యామేనన్ చెప్పినట్లు పలు వెబ్‌సైట్స్ రాసుకొచ్చాయి. జూన్‌లో తొలుత ఈ కామెంట్స్ సెన్సేషన్ కాగా, ఇప్పుడు మరోసారి అవి తెరపైకి వచ్చాయి. అసలు నిజమేంటి? అయితే నిత్యామేనన్ పేరు చెప్పి వైరల్ అయిన ఈ కామెంట్స్ పూర్తిగా అబద్ధం. స్వయంగా ఈ బ్యూటీనే ఇన్ స్టాలో పోస్ట్ పెట్టింది. తాను ఎవరికీ ఎలాంటి ఇంటర్వ్యూ ఇవ్వలేదని, అసలు ఇలాంటి రూమర్స్ ఎందుకు సృష్టిస్తారంటూ సీరియస్ అయింది. ఇదిలా ఉండగా 'కుమారి శ్రీమతి' అనే వెబ్ సిరీస్‌తో నిత్యా.. తెలుగు ప్రేక్షకుల్ని పలకరించనుంది. సెప్టెంబరు 28న అమెజాన్ ప్రైమ్‌లో ఇది రిలీజ్ కానుంది. (ఇదీ చదవండి: సాయితేజ్-స్వాతి.. ఆ విషయం ఇప్పుడు బయటపెట్టారు!) View this post on Instagram A post shared by Nithya Menen (@nithyamenen)

నెట్‌ కో స్టూడియోస్‌ పతాకంపై జేమ్స్‌ కార్తీక్‌, ఎం.నియాజ్‌కలిసి నిర్మించిన చిత్రం సీరన్‌. దురై కె.మురుగన్‌ దర్శకత్వం వహించిన ఈ చిత్రంలో నిర్మాతల్లో ఒకరైన జేమ్స్‌ కార్తీక్‌ ప్రధాన పాత్రను పోషించగా నటి ఇనియ, సోనియా అగర్వాల్‌, అరుంధతి నాయర్‌, ఆడుగళం నరేన్‌, కృష్ణ కురూప్‌, అజిత్‌, సెండ్రాయన్‌ తదితరులు ముఖ్యపాత్రలు పోషించారు. నిర్మాణ కార్యక్రమాలు పూర్తి చేసుకున్న ఈ చిత్రం త్వరలో తెరపైకి రావడానికి ముస్తాబవుతోంది. అక్కడ కులమత బేధాలు లేవు ఈ సందర్భంగా సోమవారం సాయంత్రం చైన్నైలోని ప్రసాద్‌ ల్యాబ్‌లో మీడియా సమావేశాన్ని నిర్వహించారు. ఇందులో ఇనియా, సోనియా అగర్వాల్‌, అరుంధతి యూర్‌, చిత్ర దర్శక నిర్మాతలతో పాటు యూనిట్‌ అంతా పాల్గొన్నారు. నటుడు జేమ్స్‌ కార్తీక్‌ మాట్లాడుతూ ఇప్పటికీ సమాజంలో కులమత ద్వేషాలు రగులుతునే ఉన్నాయన్నారు. తాను ఆస్ట్రేలియాలో వ్యాపారం చేస్తున్నానని అక్కడ ఎలాంటి కులమత బేధాలు లేవని చెప్పారు. చైన్నెలో ఒక ఏడాది పాటు ఉండటానికి కుటుంబ సభ్యులతో సహా ఇక్కడికి వచ్చానని, అప్పుడు తన పిల్లలను చైన్నెలోని ఒక పాఠశాలలో చేర్పించడానికి కులం పేరు అడిగారన్నారు. డబ్బు లేని వారి పరిస్థితి ఏంటి? అందుకు తనకు కులం పేరు చెప్పడం ఇష్టం లేదని చెప్పానన్నారు. తనకు డబ్బు ఉంది కాబట్టి తన పిల్లలను ఆ పాఠశాలలో చేర్చుకున్నారని, కానీ డబ్బు లేని వారి పరిస్థితి ఏంటని ప్రశ్నించారు. అలాంటి కథాంశంతో కూడిన చిత్రమే సీరన్‌ అని తెలిపారు. ఇది కులాల గురించి చెప్పే చిత్రం కాదని, కులం వద్దని చెప్పే కథా చిత్రం అని పేర్కొన్నారు. కులమతాల తారతమ్యం లేని సమాజాన్ని కోరుకునే కథా చిత్రం సీరన్‌ అని చెప్పారు. చిత్రం బాగా వచ్చిందని, యూనిట్‌ సభ్యులందరూ ఎంతగానో సహకరించారని జేమ్స్‌ కార్తీక్‌ తెలిపారు. చదవండి: మహాత్మ సినిమాలో మోసం, చావు అంచుల వరకు వెళ్లా, డబ్బుల్లేక.. ఏడ్చేసిన జబర్దస్త్‌ జీవన్‌

శివకార్తికేయన్ తన ఇన్‌స్టాగ్రామ్ పేజీలో తన భార్య ఆర్తి కోసం ఒక అందమైన సందేశాన్ని పంచుకున్నారు. నటుడు శివకార్తికేయన్-ఆర్తి జంట ఈరోజు 13వ వివాహ వార్షికోత్సవాన్ని జరుపుకుంటున్నారు, ఉదయం నుండి చాలా మంది వారికి శుభాకాంక్షలు తెలిపారు.రెమో, డాక్టర్, డాన్ లాంటి సినిమాలతో శివ కార్తికేయన్‌ తెలుగు ప్రేక్షకులకు బాగా దగ్గరయ్యాడు. తాజాగ ఆయన 13వ వివాహ వార్షికోత్సవాన్ని జరుపుకున్నారు. దీంతో ఆయన అభిమానులతో పాటు పలువురు శుభాకాంక్షలు తెలుపుతున్నారు. (ఇదీ చదవండి; శేఖర్‌ మాస్టర్‌ విషయంలో చాలా బాధపడ్డాను: ‍శ్రీలీల) కోలీవుడ్‌లో విజయ్‌ టీవీ ద్వారా బుల్లితెరపై తన ప్రయాణాన్ని ప్రారంభించి వెండితెరపై విజయవంతంగా అడుగుపెట్టిన నటుడు శివకార్తికేయన్ తన ఎదుగుదలతో యావత్ సినీ ప్రపంచం వెనక్కి తిరిగి చూసేలా చేశాడు. ఒకవైపు తన డ్రీమ్ వైపు పయనిస్తున్న నటుడు శివకార్తికేయన్ అదే సమయంలో 2010 ఆగస్టు 27న  తన బంధువైన ఆర్తిని పెళ్లి చేసుకున్నాడు. శివకార్తికేయన్-ఆర్తి దంపతులకు ఒక కుమార్తెతో పాటు కుమారుడు ఉన్నారు. వారిద్దరూ కూడా తమ ఫ్యామిలీ ఫోటోలను ఎప్పటికప్పుడు సోషల్ మీడియాలో పోస్ట్ చేస్తున్నారు. 13 సంవత్సరాల వైవాహిక జీవితం తన 13వ వివాహ వార్షికోత్సవాన్ని జరుపుకుంటున్న శివకార్తికేయన్ తన భార్య ఆర్తి కోసం తన ఇన్‌స్టాగ్రామ్ పేజీలో ఒక అందమైన సందేశాన్ని పంచుకున్నాడు. తన భార్యతో కలిసి దిగిన సంతోషకరమైన ఫోటోను 'ఇవి నా సంతోషకరమైన కన్నీళ్లు... విష్ హ్యాపీ వెడ్డింగ్ డే' అంటూ పోస్ట్ చేశారు. ఈ సందర్భంలో, శివకార్తికేయన్ అభిమానులు వారిద్దరికీ శుభాకాంక్షలు తెలుపుతూ కామెంట్ సెక్షన్‌లో పోస్ట్ చేస్తున్నారు శివకార్తికేయన్ ప్రయాణం మిమిక్రీ ఆర్టిస్ట్‌గా తన ప్రయాణాన్ని ప్రారంభించిన శివకార్తికేయన్, బుల్లితెరపై పాపులర్ హోస్ట్‌గా ఉంటున్న సమయంలోనే మెరీనా అనే సినిమాతో ఎంట్రీ ఇచ్చినా ఆ తర్వాత ఐశ్వర్య రజనీకాంత్ డైరెక్షన్‌లో వచ్చిన '3' సినిమాతో మంచి గుర్తింపు దక్కింది. ఆ తర్వాత కేడి బిల్లా కిల్లాడి రంగా, మనంకోటి పక్షి, ఒప్పో నెచ్చిల వంటి హిట్లతో అంచెలంచెలుగా అభిమానులను సంపాదించుకున్నాడు. 2016లో రెమో సినిమాతో తెలుగు ప్రేక్షకులకు బాగా దగ్గరయ్యాడు తదుపరి సినిమా ఏమిటి? సూపర్‌హిట్‌ చిత్రాలను అందిస్తూ అంచెలంచెలుగా తమిళ చిత్రసీమలో టాప్‌ స్టార్‌లలో ఒకరిగా ఎదిగిన శివకార్తికేయన్‌ తెలుగు పరిశ్రమలో కూడా గుర్తింపు తెచ్చుకుంటున్నాడు. ప్రస్తుతం ఎస్‌కె 23 సినిమాపై దృష్టి సారించాడు. ఇంతకుముందు శివకార్తికేయన్-అదితి శంకర్ నటించిన మావీరన్ సూపర్ హిట్ అయ్యి 100 కోట్లు దాటింది. 'మండేలా' దర్శకుడు మడోన్ అశ్విన్ దర్శకత్వం వహించిన మావీరన్ ప్రస్తుతం అమెజాన్ ప్రైమ్‌లో స్ట్రీమింగ్ అవుతోంది. View this post on Instagram A post shared by Sivakarthikeyan Doss (@sivakarthikeyan)

కోలీవుడ్‌ యంగ్‌ హీరో కెవిన్‌ పెళ్లిపీటలెక్కాడు. ఇటీవలే దాదా చిత్రంతో సక్సెస్‌ను రుచి చూసిన ఈ హీరో ప్రేయసి మోనిక డేవిడ్‌ మెడలో మూడు ముళ్లు వేశాడు. ఆదివారం (ఆగస్టు 20) ఉదయం ఇరు కుటుంబాలు, అత్యంత సన్నిహితుల సమక్షంలో వీరి వివాహం ఘనంగా జరిగింది. నయనతార భర్త, దర్శకుడు విఘ్నేశ్‌ శివన్‌ సహా తదితర తారలు ఈ శుభకార్యానికి హాజరై వధూవరులను ఆశీర్వదించినట్లు తెలుస్తోంది. తన అర్ధాంగితో కలిసి దిగిన ఫోటోలను కెవిన్‌ సోషల్‌ మీడియా వేదికగా పంచుకున్నాడు. ప్రస్తుతం ఈ ఫోటోలు సోషల్‌ మీడియాలో వైరల్‌గా మారాయి. ఇది చూసిన అభిమానులు మీ జంట చూడముచ్చటగా ఉందని కామెంట్లు చేస్తున్నారు. కాగా కెవిన్‌ 'కనా కానమ్‌ కలలాంగల్‌' సీరియల్‌లో తొలిసారి కెమెరా ముందు నటించాడు. మొదటి సీరియల్‌తోనే మంచి పాపులారిటీ తెచ్చుకున్నాడు. శ్రావణన్‌ మీనాక్షి, తాయుమానవన్‌ వంటి సీరియల్స్‌తో బుల్లితెర హీరోగా మారాడు. 2017లో 'శత్రియాన్‌' చిత్రంలో క్యారెక్టర్‌ ఆర్టిస్టుగా చేశాడు. ఆ తర్వాతి సంవత్సరమే 'నాట్పున్న ఎన్ననాను తెరియుమా' చిత్రంతో హీరోగా మారాడు. ఈ ఏడాది వచ్చిన 'దాదా'తో సూపర్‌ హిట్‌ అందుకున్నాడు. ఈ మూవీ ఓటీటీ ప్లాట్‌ఫామ్‌ అమెజాన్‌ ప్రైమ్‌లో స్ట్రీమింగ్‌ అవుతోంది. మధ్యలో తమిళ బిగ్‌బాస్‌ మూడో సీజన్‌లోనూ పాల్గొన్నాడు కెవిన్‌. ఆ సమయంలో తోటి కంటెస్టెంట్‌ లాస్లియాతో లవ్‌లో పడ్డాడు. ఈ విషయాన్ని లాస్లియా కూడా ధృవీకరించింది. కానీ వీరి ప్రేమ ఎంతోకాలం నిలవలేదు. కొద్దికాలానికే వీరిద్దరూ బ్రేకప్‌ చెప్పుకున్నారు. కెవిన్‌ ప్రస్తుతం కొరియోగ్రాఫర్‌ సతీష్‌తో ఓ సినిమా చేస్తున్నాడు. ఈ మూవీకి అనిరుధ్‌ సంగీతం అందించనున్నాడు. Congratulation @Kavin_m_0431 🧡💚🖤#kavinpic.twitter.com/N9TbDp6snG — SathishKumar (@Sathish49531833) August 20, 2023 View this post on Instagram A post shared by Kavin M (@kavin.0431) చదవండి: 'విజయ్‌, సామ్‌లకు ఈ రేంజ్‌లో పారితోషికమా? అంత లేదు!'

తమిళంలో బాయ్స్‌, కాదల్‌ చిత్రాలతో కథానాయకుడిగా తనకంటూ ప్రత్యేక గుర్తింపు తెచ్చుకున్న నటుడు భరత్‌. ఆ తర్వాత పలు భాషల్లో అనేక చిత్రాల్లో నటించి ఇప్పుడు అర్ధ సెంచరీ మైలురాయికి చేరుకున్నారు. ఈయన కథానాయకుడిగా నటించిన 50వ చిత్రం లవ్‌. మలయాళంలో మంచి విజయాన్ని సాధించిన లవ్‌ చిత్రానికి ఇది తమిళ రీమేక్‌. వాణిభోజన్‌ హీరోయిన్‌గా నటించిన ఈ చిత్రాన్ని ఆర్పీ బాల స్వీయ దర్శకత్వంలో నిర్మించారు. నటుడు వివేక్‌ ప్రసన్న రాధారవి జూనియర్‌ ముఖ్యపాత్ర పోషించిన ఈ చిత్రానికి పీజీ ముత్తయ్య ఛాయాగ్రహణం, లోని రప్పీల్‌ సంగీతాన్ని అందించారు. ఈ చిత్రం ఈనెల 28న విడుదలకు సిద్ధమవుతోంది. ఈ సందర్భంగా గురువారం సాయంత్రం చిత్ర ఆడియో విడుదల కార్యక్రమాన్ని స్థానిక సాలిగ్రామంలోని ప్రసాద్‌ ల్యాబ్‌లో నిర్వహించారు. ఇది ప్రేమించి పెళ్లి చేసుకున్న ఒక జంట నేపథ్యంలో సాగే విభిన్న ప్రేమ కథా చిత్రం అని దర్శకుడు తెలిపారు. పెళ్లయిన జంట మధ్య ప్రేమ, సంతోషం, కోపం, చిన్నచిన్న గొడవలు చివరికి ఎలాంటి పరిణామాలకు దారి తీశాయన్నదే ఈ చిత్ర కథ అని తెలిపారు. ఒక సంఘటనలో పొరపాటున భరత్‌ కారణంగా అతని భార్య హత్యకు గురవుతుందన్నారు. దానిని మార్చడానికి భరత్‌ తన స్నేహితులతో కలిసి ఏం చేశాడు? అన్న పలు ఆసక్తికరమైన అంశాలతో చిత్రం సాగుతుందని చెప్పారు. ఈ చిత్రం తనుకు చాలా ముఖ్యమైనదని నటుడు భరత్‌ పేర్కొన్నారు. కాగా మిరల్‌ చిత్రం తర్వాత భరత్‌తో కలిసి లవ్‌ చిత్రంలో నటించడం సంతోషంగా ఉందని వాణిభోజన్‌ అన్నారు. View this post on Instagram A post shared by Bharath (@bharath_niwas) చదవండి: సినీ ఇండస్ట్రీలో విషాదం.. ప్రముఖ నటుడు మృతి

ఈ ఫోటోలో ఉన్నది ఎవరో గుర్తుపట్టారా? చిన్న బాబును ఎత్తుకున్న పిల్లాడు కోలీవుడ్‌లో టాప్‌ హీరో.. అతడి వెనకాల నుదుటన విభూతితో పింక్‌ డ్రెస్‌లో ఉన్న చిన్నారి ప్రస్తుతం అతడి భార్య! వీరిద్దరూ తమిళనాట సెలబ్రిటీ కపుల్‌.. ఇంకా అర్థం కాలేదా? అతడు శివకార్తికేయన్‌, ఆమె ఆర్తి. సోషల్‌ మీడియాలో ఈ దంపతుల చిన్ననాటి ఫోటో వైరల్‌ తెగ వైరలవుతోంది. ఈ హీరో విషయానికి వస్తే.. శివకార్తికేయన్‌ మిమిక్రీ ఆర్టిస్ట్‌గా కెరీర్‌ ఆరంభించాడు. అందరి పెదాలపై నవ్వులు పూయించే టాలెంట్‌ కార్తికేయన్‌ సొంతం. ఇది గమనించిన స్నేహితులు ఓ కామెడీ షోలో పాల్గొనమని సూచించాడు. సరే, వారి మాట ఎందుకు కాదనాలి? అనుకున్నాడే ఏమో కానీ ఓ రాయేద్దామనుకున్నాడు. కళక్క పోవతు యారు అనే కామెడీ షోలో పార్టిసిపేట్‌ చేయగా అందరినీ ఆశ్చర్యంలో ముంచెత్తుతూ షో విజేతగా అవతరించాడు. ఆ తర్వాత షార్ట్‌ ఫిలింస్‌ చేశాడు. ముగప్పుటగం, ఐడెంటిటీ, కురాహి 786, 360° వంటి లఘుచిత్రాలు చేశాడు. అతడిలోని ప్రతిభను గుర్తించిన ఏగన్‌ చిత్రబృందం అదే సినిమాలో శివకార్తికేయన్‌కు ఓ చిన్న రోల్‌ ఇచ్చింది. కానీ ఎడిటింగ్‌లో అతడి పాత్రను తీసేశారు. దీంతో వెండితెరపై కనిపించాలన్న అతడి కలకు ఆదిలోనే హంసపాదు పడింది. ఆ తర్వాత డైరెక్టర్‌ పాండిరాజ్‌ 'మెరీనా' సినిమాతో అతడిని వెండితెరకు హీరోగా పరిచయం చేశాడు. ఈ మూవీ శివకార్తికేయన్‌కు మంచి గుర్తింపు తీసుకురావడంతో ఇక వెనుదిరిగి చూసుకోలేదు. తక్కువకాలంలోనే స్టార్‌ హీరోగా పేరు గడించాడు.  ‘రెమో’, ‘కౌసల్యా కృష్ణ మూర్తి’ సినిమాలతో తెలుగు ప్రేక్షకులకూ దగ్గరయ్యాడు. త‌మిళంలో వరుస సినిమాలు చేస్తూ వీలు చిక్కినప్పుడల్లా తెలుగులో డబ్‌ చేస్తూ అటు కోలీవుడ్‌, ఇటు టాలీవుడ్‌లోనూ ఫ్యాన్‌ ఫాలోయింగ్‌ సంపాదించుకున్నాడు. హీరోగా, హోస్ట్‌గా, డబ్బింగ్‌ ఆర్టిస్ట్‌గా, సింగర్‌గా, నిర్మాతగానూ సత్తా చాటాడు. తన బంధువులమ్మాయి ఆర్తిని 2010 ఆగస్టు 27న పెళ్లి చేసుకున్నాడు. వీరికి కూతురు ఆరాధన, కుమారుడు గుగన్‌ దాస్‌ అని ఇద్దరు సంతానం. కౌసల్యా కృష్ణమూర్తి తమిళ వర్షన్‌ కనాలో శివకార్తికేయన్‌ తన కూతురితో కలిసి ఓ పాట పాడాడు. ప్రస్తుతం శివకార్తికేయన్‌ హీరోగా నటించిన మావీరన్‌ జూలై 14న రిలీజ్‌ కానుంది. అయాలన్‌ దీపావళికి ప్రేక్షకుల ముందుకు రానుంది. View this post on Instagram A post shared by Sivakarthikeyan Doss (@sivakarthikeyan) చదవండి: క్యాస్టింగ్‌ కౌచ్‌ అనుభవాన్ని వెల్లడించిన సుచిత్రా కృష్ణమూర్తి సెలబ్రిటీల బాడీగార్డు నెల జీతం లక్షల్లో.. ఏడాదికి కోట్లల్లోనే!

తమిళ స్టార్ హీరో, దర్శకుడు, కొరియోగ్రాఫర్‌ రాఘవ లారెన్స్‌ మరోసారి తన గొప్పమనసును చాటుకున్నారు. లారెన్స్‌ ఛారిటబుల్‌ ట్రస్ట్‌ ద్వారా ఇప్పటికే ఎంతోమంది చిన్నారులకు సాయం చేస్తున్న సంగతి తెలిసిందే. తాజాగా మరో 150 మంది చిన్నారులను ఆయన దత్తత తీసుకున్నారు. ఈ విషయాన్ని  సోషల్‌ మీడియా వేదికగా వెల్లడించారు. పిల్లలతో దిగిన ఫొటోను షేర్ చేస్తూ సంతోషం వ్యక్తం చేశారు. వారికి నాణ్యమైన విద్య అందించేలా కృషి చేస్తానన్నారు. ఈ విషయం తెలుసుకున్న నెటిజన్స్ లారెన్స్‌పై ప్రశంసల వర్షం కురిపిస్తున్నారు.  తాజాగా ఆయన నటిస్తున్న 'రుద్రన్' (తెలుగులో 'రుద్రుడు') మూవీ ఆడియా లాంఛ్ కార్యక్రమంలో ఈ విషయాన్ని ప్రకటించారు. పిల్లలకు అభిమానుల ఆశీస్సులు కావాలని కోరారు. కాగా.. గతంలో గుండె సమస్యలతో బాధపడుతున్న 141 మంది చిన్నారులకు సర్జరీ చేయించిన సంగతి తెలిసిందే. తెలుగు రాష్ట్రాల్లో చిన్నారులెవరైనా.. ఆర్థిక సమస్య కారణంగా చదువుకు దూరమవుతున్నా, హార్ట్‌ సర్జరీ చేయాల్సిన అవసరం ఉన్నా.. వెంటనే లారెన్స్‌ ఛారిటబుల్‌ ట్రస్ట్‌ను సంప్రదించాలని లారెన్స్ విజ్ఞప్తి చేశారు. లారెన్స్ నటించిన 'రుద్రన్' తెలుగులో రుద్రుడు పేరుతో రిలీజ్ చేస్తున్నారు. ఈ సందర్భంగా హైదరాబాద్‌లో సోమవారం నిర్వహించిన ప్రీ రిలీజ్‌ ఈవెంట్‌లో లారెన్స్ మాట్లాడారు. సేవ చేసే విషయంలో రాఘవేంద్ర స్వామి తనను ముందుకు నడిపిస్తున్నాడని తెలిపారు. తెరపైనే కాదు.. నిజ జీవితంలో హీరోగా ఉండాలన్న తన మాతృమూర్తి చెప్పిన మాటను ఆయన గుర్తుచేసుకున్నారు. కతిరేశన్‌ దర్శకత్వంలో తెరకెక్కిన‘రుద్రన్‌’ ఈ నెల 14న విడుదలకానుంది. ఇప్పటికే ట్రైలర్‌ను కూడా రిలీజ్ చేశారు. మరోవైపు లారెన్స్‌ ‘చంద్రముఖి 2’లో నటిస్తున్నారు. వాసు దర్శకత్వం వహిస్తున్న ఆ సినిమాలో బాలీవుడ్‌ నటి కంగనా రనౌత్‌ కీలక పాత్ర పోషించారు. త్వరలోనే ఆ చిత్రం ప్రేక్షకుల ముందుకురానుంది. I’m extremely happy to share the news of adopting 150 children and provide them with education as a new venture from rudhran audio launch. I need all your blessings #Serviceisgod 🙏🏼 pic.twitter.com/lSwns10Grs — Raghava Lawrence (@offl_Lawrence) April 11, 2023

టాలీవుడ్‌ నటి మీనా ప్రస్తుతం వరుస సినిమాలతో బిజీగా మారింది. గతేడాది జూన్‌లో భర్త విద్యాసాగర్‌ను కోల్పోయిన మీనా ఆ బాధ నుంచి తేరుకోవడానికి వరుసగా షూటింగ్స్‌లో పాల్గొంటుంది. చాలా గ్యాప్‌తో తర్వాత ఇటీవల విడుదలైన తెలుగు చిత్రం ‘ఆర్గానిక్‌ మామ హైబ్రిడ్‌ అల్లుడు’ సినిమాతో ప్రేక్షకులను పలకరించిన మీనా తమిళం, మలయాళంలోనూ పలు చిత్రాలకు సైన్‌ చేసింది. ఇదిలా భర్తను కొల్పోయిన బాధలో ఉన్న మీనాపై సోషల్‌ మీడియాలో రకరకాలు పుకార్లు వినిపిస్తున్నాయి. చదవండి: అప్పట్లోనే సొంత హెలికాప్టర్‌, వేల కోట్ల ఆస్తులు.. నటి కేఆర్‌ విజయ ఇప్పుడు ఏం చేస్తుందో తెలుసా? ఆమె రెండో పెళ్లికి సిద్ధమైందంటూ కొద్ది రోజులుగా నెట్టింట జోరుగా ప్రచారం జరుగుతుంది. ఇప్పటికే తన పెళ్లి వార్తలపై స్పందించిన మీనా తీవ్రంగా ఖండిచింది. అయినప్పటికీ ఆమె రెండో పెళ్లికి సంబంధించిన రూమర్స్‌కు మాత్రం చెక్‌ పడటం లేదు. తాజాగో ఓ సినీ క్రిటిక్‌, నటుడు తమిళ యూట్యూబ్‌ చానల్‌కు ఇచ్చిన ఇంటర్య్వూలో మీనా రెండో పెళ్లిపై షాకింగ్‌ కామెంట్స్‌ చేశాడు. మీనా త్వరలోనే ఓ తమిళ స్టార్‌ హీరోను పెళ్లి రెండో పెళ్లి చేసుకోబోతుందంటూ సంచలన వ్యాఖ్యలు చేశాడు. ఆ హీరో పాన్‌ ఇండియా స్టార్‌ అని, గతేడాది భార్యతో విడాకులు తీసుకున్ని విడిపోయాడంటూ హింట్‌ ఇచ్చాడు. అంతేకాదు ఆ హీరో మీనా కంటే చిన్నవాడని, నిశ్చితార్థానికి కూడా ముహుర్తం పెట్టుకున్నారంటూ షాకింగ్‌ కామెంట్స్‌ చేశాడు. ప్రస్తుతం అతడి కామెంట్స్‌ కోలీవుడ్‌లో హాట్‌టాపిక్‌గా నిలిచాయి. సోషల్‌ మీడియాలో అతడి వ్యాఖ్యలు వైరల్‌ అవుతుండటంతో నెటిజన్లు రకరకాలుగా స్పందిస్తున్నారు. అతడి కామెంట్స్‌ని కొట్టిపారేస్తూ ట్రోల్‌ చేస్తున్నారు. ఇలాంటి తప్పుడు ప్రచారం ఎలా చేస్తారు?’,‘ఏదైనా చెబితే నమ్మే విధంగా ఉండాలి’ అంటూ సదరు ఫిలిం క్రిటిక్‌కు చురకలు అట్టిస్తున్నారు. చదవండి: నాటు నాటుకు ఆస్కార్‌.. అజయ్‌ దేవగన్‌ షాకింగ్‌ కామెంట్స్‌ కాగా గతంలోనే మీనా తాను తనకు రెండో పెళ్లి చేసుకునే ఉద్దేశమే లేదని మీనా ఇటీవల ఓ ఇంటర్య్వూలో తేల్చి చెప్పిన సంగతి తెలిసింది. ఓ మూవీ ప్రమోషన్స్‌లో భాగంగా ఓ చానల్‌కు ఇచ్చిన ఇంటర్యూలో మీనాకు రెండో పెళ్లిపై ప్రశ్న ఎదురైంది. దీనికి ఆమె స్పందిస్తూ.. ‘నా భర్త చనిపోయినప్పటి నుంచి సోషల్‌ మీడియాలో నా గురించి ఆసత్య ప్రచారం చేస్తున్నారు. ఇది కరెక్ట్‌ కాదు. బాధలో ఉన్న నాకు ఇలాంటి వార్తలు మరింత బాధిస్తున్నాయి. అసలు నాకు మరో పెళ్లి చేసుకునే ఉద్దేశమే లేదు’ అంటూ మీనా కుండ బద్దలు కొట్టారు. 

తమిళ స్టార్ హీరో విజయ్ నటిస్తున్న చిత్రం 'లియో'. ఈ సినిమాలో విజయ్ సరసన త్రిష నటిస్తోంది. ఈ చిత్రానికి లోకేశ్‌ కనగరాజ్‌ దర్శకత్వం వహిస్తున్నారు. తాజాగా ఈ సినిమా షూటింగ్ జమ్మూ-కశ్మీర్‌ షెడ్యూల్‌ ఇటీవలే పూర్తయింది. అయితే ఈ మూవీ షూటింగ్‌కు సంబంధించి మేకర్స్ ఓ వీడియో రిలీజ్‌ చేశారు. ఆ వీడియోలో చిత్రబృందం పడిన కష్టాలను కళ్లకు కట్టినట్లు చూపించారు. ప్రస్తుతం ఈ వీడియో సోషల్ మీడియాలో తెగ వైరలవుతోంది.  తెల్లవారుజామున 3 గంటలకే జమ్మూ-కశ్మీర్‌లో ఎముకలు కొరికే చలిలో తెల్లవారుజామున 3 గంటలకే లేచి పనులు ప్రారంభించేవారమని చిత్రబృంద సభ్యులు తెలిపారు. సాయంత్రం అవ్వగానే ముక్కు నుంచి రక్తం కారేదని.. అయినా దాన్ని లెక్క చేయలేదని వివరించారు. చిత్రీకరణకు రాత్రిపూటే అనుకూలంగా ఉండేదని తెలిపారు. ఎడతెరిపి లేకుండా మంచు కురుస్తున్నందుకు కెమెరా లెన్స్‌లు స్పష్టంగా కనిపించేవి కావని వెల్లడించారు.  ఈ షూటింగ్‌ జరుగుతుండగానే అసిస్టెంట్‌ డైరెక్టర్లలో ఒకరికి పెళ్లయింది. అయినా రెండు రోజులకే స్పాట్‌కు తిరిగొచ్చారు. మా టీమ్‌లో ఒకరికి బిడ్డ పుడితే ఇప్పటి వరకూ ఇంటికి కూడా వెళ్లలేదని తెలిపారు. అలాగే ఫోటోగ్రాఫర్ మనోజ్‌ తన తల్లిని కోల్పోయారు. ఆమె అంత్యక్రియలు ముగిసిన వెంటనే మళ్లీ వచ్చి చిత్రీకరణలో పాల్గొన్నారు.' అని చిత్రబృందంలోని సభ్యులు ఒకరు తెలిపారు. దీన్ని బట్టి సినిమాపై వారికి ఎంత ప్రేమో అర్థమవుతోంది. We take a bow ❤️ ▶️ https://t.co/ciFbaM6Shx Thank you to the amazing crew who poured their heart & soul into this project! Huge respect to our dedicated crew whose hard work has brought the magic to life on screen 🙏#TheCrewBehindLEO#Thalapathy @actorvijay @Dir_Lokesh #Leo — Seven Screen Studio (@7screenstudio) March 23, 2023

సీనియర్‌ నటుడు విజయ్‌ కుమార్‌ తనయుడు, తమిళ యంగ్‌ హీరో అరుణ్‌ విజయ్‌ షూటింగ్‌లో గాయపడ్డారు. లండన్‌లో 'అచ్చం ఎన్బందు ఇళయే' మూవీ షూటింగ్‌లో గాయాలపాలయ్యారు. దీంతో ఇండియాకు తిరిగివచ్చిన ఆయన కేరళలో ఆయుర్వేద చికిత్స తీసుకుంటున్నారు. ఈ విషయాన్ని అరుణ్‌ స్వయంగా సోషల్‌ మీడియాలో వెల్లడించాడు. 'సాంప్రదాయ ఆయుర్వేద చికిత్సా విధానం ద్వారా కాలి గాయానికి చికిత్స పొందుతున్నాను. ప్రస్తుతం మెరుగ్గా అనిపిస్తుంది. త్వరలోనే తిరిగి షూటింగ్‌లో పాల్గొంటాను' అని ఇన్‌స్టాగ్రామ్‌లో రాసుకొచ్చాడు. ట్రీట్‌మెంట్‌ తీసుకుంటున్నట్లుగా ఓ ఫోటో సైతం రిలీజ్‌ చేయగా అది కాస్తా వైరల్‌గా మారింది.  కాగా ఈ సినిమాలో యాక్షన్‌ సీన్లు చిత్రీకరించే సమయంలో గతంలోనూ రెండుసార్లు అరుణ్‌ తీవ్రంగా గాయపడ్డారు. గతేడాది అక్టోబర్‌లో మోకాలికి గాయమవగా నవంబర్‌లో చేతులకు గాయమైంది. ఇప్పుడిది మూడోసారి కావడంతో ఫైట్‌ సీన్లలో కాస్త జాగ్రత్తగా ఉండమంటూ అభిమానులు కామెంట్లు చేస్తున్నారు. ఇకపోతే 'అచ్చం ఎన్బందు ఇళయే' అనే తమిళ చిత్రానికి ఏఎల్‌ విజయ్‌ దర్శకత్వం వహిస్తున్నారు. ఈ సినిమాతో హీరోయిన్‌ అమీ జాక్సన్‌ కోలీవుడ్‌లో కమ్‌బ్యాక్‌ ఇవ్వనుంది. ఈ చిత్రంలో మలయాళ నటి నిమిశ సజయన్‌ ముఖ్య పాత్ర పోషించనుండగా జీవీ ప్రకాశ్‌ కుమార్‌ సంగీతం అందిస్తున్నాడు. View this post on Instagram A post shared by Arun Vijay (@arunvijayno1) Behind all my hard-core actions you'll see on screen there are plenty of bruises like these... But still love doing my own stunts..😉 Wait for the next on screen..💪🏽 Luv you all..❤️#AchchamEnbadhuIllayae #actorslife #nothingcanstop pic.twitter.com/UqTcsOhuiS — ArunVijay (@arunvijayno1) November 26, 2022 View this post on Instagram A post shared by Arun Vijay (@arunvijayno1) చదవండి: అమ్మానాన్న విడాకులు.. ఆయన పేరు మాకొద్దు, అందుకే తీసేశా

టైటిల్: వారసుడు నటీనటులు: విజయ్‌, రష్మిక మందన్నా, శరత్‌ కుమార్, ప్రకాశ్‌రాజ్‌, ప్రభు, శ్రీకాంత్‌, జయసుధ, సుమన్, శ్యామ్, యోగిబాబు తదితరులు నిర్మాణ సంస్థలు: శ్రీ వెంకటేశ్వర క్రియేషన్స్‌, పీవీపీ బ్యానర్ నిర్మాతలు: దిల్ రాజు, శిరీష్ దర్శకత్వం: వంశీ పైడిపల్లి సంగీతం: తమన్ సినిమాటోగ్రఫీ: కార్తీక్ పళని  ఎడిటర్: ప్రవీణ్ కేఎల్ విడుదల తేదీ: జనవరి 14, 2023 తమిళ స్టార్ హీరో విజయ్‌ కథానాయకుడిగా నటించిన తాజా చిత్రం వారీసు. టాలీవుడ్‌లో 'వారసుడు'గా రిలీజ్ చేశారు. ఈ చిత్రంలో నేషనల్ క్రష్ రష్మిక మందన్నా జోడీగా నటించింది. తెలుగులో జనవరి 14న ప్రేక్షకుల ముందుకొచ్చింది. ఒకేసారి తెలుగు, తమిళ భాషల్లో ఈ చిత్రాన్ని తెరకెక్కించడం విశేషం. తమిళ వర్షన్ జనవరి 11నే విడుదల కాగా.. సంక్రాంతి కానుకగా థియేటర్లలో రిలీజైన ఈ చిత్రం ఎలా ఉందో రివ్యూలో చూద్దాం.    అసలు కథేంటంటే.. శరత్‌కుమార్(రాజేంద్ర) ఓ పెద్ద బిజినెస్‌ మ్యాన్. అతని భార్య జయసుధ(సుధ). వీరికి ముగ్గురు కుమారులు. విజయ్(విజయ్), శ్రీకాంత్(జై), శ్యామ్(అజయ్). పెద్ద పెద్ద మైనింగ్ కాంట్రాక్టులు డీల్ చేస్తుంటారు. రాజేంద్రతో జయప్రకాశ్(ప్రకాశ్ రాజ్) బిజినెస్‌లో పోటీ పడుతుంటాడు. రాజేంద్రతో పాటు శ్రీకాంత్, శ్యామ్ బిజినెస్‌ వ్యవహారాలు చూసుకుంటూ ఉంటారు. ముగ్గురు కుమారులు కావడంతో వారసుడిని ప్రకటించి బిజినెస్‌ను ఎవరికీ అప్పగించాలనే ఆలోచిస్తూ ఉంటాడు రాజేంద్ర. కానీ విజయ్‌కు తన తండ్రి వ్యాపారంలో కొనసాగడం ఇష్టం లేదని చెప్పడంతో ఇంటి నుంచి వెళ్లిపోమంటాడు రాజేంద్ర. ఆ తర్వాత సొంతంగా ఓ స్టార్టప్ కంపెనీ ప్రారంభిస్తాడు.    మరోవైపు జయప్రకాశ్(ప్రకాశ్ రాజ్) రాజేంద్ర కాంట్రాక్టులు కొట్టేసేందుకు కుట్రలు చేస్తుంటాడు. కానీ అతని వల్ల కాకపోవడంతో శ్రీకాంత్(జై), శ్యామ్(అజయ్)ను పావులుగా వాడుకుని వారి కుటుంబాన్ని దెబ్బతీస్తాడు. ఊహించని సంఘటనలతో రాజేంద్ర కుటుంబం విడిపోతుంది. ఆ తర్వాత రాజేంద్రకు ఓ భయంకర నిజాన్ని డాక్టర్ ఆనంద్(ప్రభు) చెబుతాడు. అప్పటి నుంచి అసలు కథ మొదలవుతుంది. ఇంటి నుంచి వెళ్లగొట్టిన విజయ్ తిరిగొచ్చాడా? అసలు రాజేంద్రకు డాక్టర్ చెప్పిన భయంకర నిజం ఏంటి? ఆ తర్వాత కుటుంబం అంతా కలిసిందా? జై, అజయ్ మళ్లీ కుటుంబంతో కలిశారా? రాజేంద్ర తన వారసుడిగా ముగ్గురిలో ఎవరినీ ప్రకటించారు? రాజేంద్ర బిజినెస్‌ను అలాగే కొనసాగించారా?  చివరికి కుటుంబం, బిజినెస్‌లో ఎలాంటి పరిణామాలు చోటు చేసుకున్నాయన్నదే అసలు కథ.    కథ ఎలా ఉందంటే.. కథ విషయానికొస్తే.. రోటీన్ స్టోరీ అయినప్పటికీ తెరపై రిచ్‌ లుక్ కనిపించేలా చేశారు. ప్రకాశ్ రాజ్ ఎంట్రీతో కథ మొదలు కావడం, బిజినెస్ డీల్స్, కాంట్రాక్టులు అంతా రోటీన్‌గా సాగుతుంది. హీరో, హీరోయిన్ల మధ్య కామెడీ తప్ప.. రొమాంటిక్ సీన్స్ పెద్దగా కనిపించవు. విజయ్, కిచ్చా మామ(యోగిబాబు) మధ్య సన్నివేశాలు ప్రేక్షకులకు నవ్వులు తెప్పించడం ఖాయం. ఫస్టాప్‌లో కుటుంబంలో గొడవలు, బిజినెస్ కాంట్రాక్టలతో కథనం సాగుతుంది. కథలో జరగబోయే సన్నివేశాలు ప్రేక్షకులు ఊహకు అందేలా ఉన్నాయి. అయితే సీరియస్ సీన్లలోనూ కామెడీ పండించడం వంశీ తనదైన మార్క్ చూపారు. కథలో కొత్తదనం లేకపోవడం వల్ల ప్రేక్షకులకు అంతగా ఆసక్తి కలగకపోవచ్చు. కథ చాలా నెమ్మదిగా ఉన్నప్పటికీ కుటుంబ సభ్యుల ప్రేమ, అప్యాయతలను కొత్త కోణంలో చూపించారు డైరెక్టర్ వంశీ. సెకండాఫ్‌లో ఫ్యామిలీ ఎమోషన్స్‌పై ఎక్కువ దృష్టి పెట్టారు. ఒకవైపు బిజినెస్ కాపాడుకోవడం, అలాగే కుటుంబాన్ని ఒక్కటి చేయడం ఈ రెండు అంశాల ఆధారంగా కథను తీర్చిదిద్దారు. ఫ్యామిలీ సెంటిమెంట్‌తో పాటు విజయ్‌ యాక్షన్ ప్రేక్షకులకు అలరిస్తాయి. హీరోయిన్ రష్మిక పాత్రను కొంతమేరకే పరిమితం చేశారు. కుటుంబ సభ్యుల మధ్యే పోటీ, బిజినెస్‌లో పెత్తనం కోసం వారి మధ్య జరిగే పోరాటం చుట్టే స్టోరీ నడుస్తుంది. విజయ్ ఫైట్స్, పాటలు అభిమానులను అలరించడంలో సందేహం లేదు. సెకండాఫ్‌లో రంజితమే సాంగ్ గ్రాండ్‌గా తెరకెక్కించడం ప్రేక్షకులను ఆకట్టుకుంటుంది. మొత్తంగా ఫ్యామిలీ ఎమోషన్స్, బిజినెస్ చుట్టే కథను నడిపించడం రోటీన్‌గా అనిపిస్తుంది. ఇలాంటి కథలు గతంలోనూ వచ్చినప్పటికీ కాస్త భిన్నంగా చూపించారు. కొన్ని చోట్ల ఫ్యామిలీ ఎమోషన్స్‌తో కంటతడి పెట్టించారు. ఓవరాల్‌గా కుటుంబ సభ్యుల మధ్య ప్రేమానురాగాలను తెరపై సరికొత్తగా ఆవిష్కరించారు వంశీ.  ఎవరెలా చేశారంటే.. విజయ్ తనదైన నటనతో మరోసారి ప్రేక్షకులను అలరించాడు. సీరియస్ సీన్లలో కామెడీ పండించడం, ఫైట్ సీన్స్‌, డ్యాన్స్‌తో విజయ్ అదరగొట్టారు. ముఖ్యంగా ఫైట్ సీన్స్‌లో తనదైన మార్క్ చూపించారు. రష్మిక పాత్ర చిన్నదే అయినప్పటికీ తన గ్లామర్‌తో మరోసారి ప్రేక్షకులను ఆకట్టుకుంది. బిజినెస్‌ మ్యాన్‌గా  శరత్ కుమార్, అమ్మ పాత్రలో జయసుధ ఒదిగిపోయారు. శ్రీకాంత్, శ్యామ్, ప్రకాశ్ రాజ్, సంగీత, ప్రభు, యోగిబాబు తమ పాత్రలకు న్యాయం చేశారు. సాంకేతికత విషయానికొస్తే.. నిర్మాణ విలువలు సినిమా స్థాయికి తగ్గట్లు ఉన్నతంగా ఉన్నాయి.  తమన్ సంగీతం సినిమాకు అదనపు బలం.  కార్తీక్ పళని సినిమాటోగ్రఫీ, ప్రవీణ్ కేఎల్ ఎడిటింగ్ బాగుంది. ప్రవీణ్ తన కత్తెరకు ఇంకాస్త పని చెప్పాల్సింది. 

సాక్షి, తిరుచానూరు (తిరుపతి జిల్లా): రాజకీయ నేతల్లో ఏపీ సీఎం వైఎస్‌ జగన్‌మోహన్‌రెడ్డి అంటే తనకు అభిమానమని తమిళ సినిమా స్టార్‌ విశాల్‌ తెలిపారు. లాఠీ సినిమా ప్రమోషన్స్‌లో భాగంగా సోమవారం తిరుపతిలోని పలు కళాశాలల్లో విద్యార్థులతో విశాల్‌ ముఖాముఖి కార్యక్రమం నిర్వహించారు. తిరుç­³తి ఎస్‌డీహెచ్‌ఆర్‌ కళాశాలలో జరిగిన కార్యక్రమానికి సీనియర్‌ నటుడు మంచు మోహ­న్‌­బాబు సైతం హాజరయ్యారు. ఈ సందర్భంగా విశాల్‌ పలు ఆసక్తికర విషయాలను వ్యక్తం చేశారు. రాజకీయాల్లో ఎవరంటే ఇష్టమని అడిగిన విద్యార్థికి తనకు జగన్‌ అంటే అభిమానమన్నారు. కుప్పంలో వ్యాపారాలు ఉన్నాయని, అయితే అక్కడ నుంచి తాను పోటీ చేయడం లేదని స్పష్టం చేశారు. ప్రజా­సేవ చేయాలంటే రాజకీయాల్లోకే రానవసరం లేదన్నారు. సిని­మాల్లో తాను సంతోషంగా ఉన్నానని తెలిపా­రు. మోహన్‌బాబు మాట్లాడుతూ తాను హీరో­గా నటించిన ఎం.ధర్మరాజు ఎంఏ సినిమాకు విశాల్‌ తండ్రి నిర్మాత అని, ఆ కుటుంబంతో ఎప్పటి నుంచో ఉన్న అనుబంధంతోనే లాఠీ ప్రమోషన్‌ ఫంక్షన్‌కు వచ్చినట్టు తెలిపారు.

తమిళ స్టార్ విశాల్ హీరోగా తెరకెక్కుతున్న చిత్రం 'లాఠీ'. తాజాగా ఈ మూవీ టీజర్ ఫస్ట్ సింగిల్ లాంఛ్ ఈవెంట్‌ను హైదరాబాద్‌లోని జేఆర్సీ కన్వెన్షన్‌లో నిర్వహించారు. ఈ సినిమాకు వినోద్ కుమార్ దర్శకత్వం వహిస్తున్నారు. రమణ, నందా నిర్మాతలుగా వ్యవహరిస్తున్నారు. ఈ‍ కార్యక్రమంలో పాల్గొన్న హీరో విశాల్ పలు ఆసక్తికర వ్యాఖ్యలు చేశారు. ఆయన పెళ్లిపై వస్తున్న రూమర్లకు చెక్‌ పెట్టారు. విశాల్ ప్రస్తుతం దక్షిణ భారత నటీనటుల సంఘం కార్యదర్శిగా వ్యవహరిస్తున్నారు.  (చదవండి: నాకు అరెంజ్‌డ్ మ్యారేజ్ సెట్ కాదు.. త్వరలోనే ఆ వివరాలు చెబుతా: విశాల్)  ఈ సందర్భంగా లాఠీ చిత్రాన్ని పోలీసు కానిస్టేబుల్స్‌కు అంకితమిస్తున్నట్లు విశాల్ ప్రకటించారు. నడిగర్ సంఘం భవనం నిర్మించాకే పెళ్లి చేసుకుంటానని స్పష్టం చేశారు. 3,500 మంది నటీనటులు, రంగస్థల కళాకారుల కోసం ఆ భవనం నిర్మిస్తున్నట్లు వేదికపై వెల్లడించారు. కళాకారుల జీవనాన్ని మెరుగుపర్చేందుకు నా బృందం తీవ్రంగా శ్రమిస్తోందని విశాల్ తెలిపారు. త్వరలోనే భవనాన్ని నిర్మించి పెళ్లిచేసుకుంటానని విశాల్ పేర్కొన్నారు.    The grand event of @VishalKOfficial's #Laatti is live now Watch 👇🏼 https://t.co/wF0joReRYO A @thisisysr musical@RanaProduction0 @nandaa_actor @dir_vinothkumar @TheSunainaa @balasubramaniem @DOP_bala @PeterHeinOffl @srikanth_nb @UrsVamsiShekar @Ticket_Factory pic.twitter.com/a1edIdjRuU — Vishal Film Factory (@VffVishal) November 13, 2022

హీరో కార్తి, అభిమన్యుడు ఫేమ్ దర్శకుడు పిఎస్ మిత్రన్ కాంబినేషన్‌లో ప్రిన్స్ పిక్చర్స్ బ్యానర్‌పై ఎస్ లక్ష్మణ్ కుమార్ నిర్మించిన స్పై యాక్షన్ థ్రిల్లర్ 'సర్దార్'. రాశి ఖన్నా , రజిషా విజయన్ కథానాయికలు. దీపావళి కానుకగా అక్టోబర్ 21న ఈ చిత్రం తెలుగు, తమిళ భాషల్లో విడుదలవుతోంది. కింగ్ అక్కినేని నాగార్జున అన్నపూర్ణ స్టూడియోస్ ఈ సినిమాని తెలుగు రాష్ట్రాలలో భారీగా విడుదల చేస్తోంది. అయితే తాజాగా ఈ చిత్రానికి సంబంధించి ఇంట్రెస్టింగ్ అప్‌డేట్ వచ్చింది. ఈ సినిమాలో దాదాపు 15 గెటప్పుల్లో కార్తి కనిపించనున్నట్లు తెలుస్తోంది. అదే నిజమైతే ఇప్పటివరకు సూర్యను అధిగమించనున్నాడు. ఇంతకుముందు వీడొక్కడే సినిమాలో ఓ పాటకోసం పది రూపాల్లో కనిపించాడు సూర్య.  (చదవండి: రంగస్థల నటుడిని గూఢచారిగా మార్చారు.. అదే ‘సర్దార్’కు స్ఫూర్తి) అయితే ఈ గెటప్స్‌ పాట కోసమా, సినిమాలో భాగంగా వేశాడా అన్న విషయం రిలీజైన తర్వాతే క్లారిటీ రానుంది. యాక్షన్‌ థ్రిల్లర్‌గా  తెరకెక్కిన ఈ చిత్రంలో కార్తి ద్విపాత్రాభినయంలో కనిపించనున్నారు. అతనికి జంటగా రాశిఖన్నా, రజిషా విజయన్‌ హీరోయిన్లుగా నటించగా.. లైలా, చంకీ పాండే కీలకపాత్రలు పోషించారు. తమిళం, తెలుగులో ఈ చిత్రం ఏకకాలంలో విడుదల కానుంది. టాలీవుడ్‌లో ఈ చిత్రాన్ని అన్నపూర్ణ స్డూడియోస్‌ సంస్థ విడుదల చేస్తుంది. ఈ చిత్రానికి దర్శకత్వం పీఎస్ మిత్ర‌న్ వహించారు. ఇప్పటికే విడుదలైన టీజర్‌,ట్రైలర్‌ అభిమానులను విపరీతంగా ఆకట్టుకున్నాయి. ఈ సినిమా దీపావళి కానుకగా ప్రపంచవ్యాప్తంగా అక్టోబర్‌ 21న విడుదల కానుంది. 

Actress Madhu Shalini Married To Tamil Hero Gokul Anand In Hyderabad: ఇటీవలే ప్రముఖ డైరెక్టర్‌ విఘ్నేష్‌ శివన్‌ను పెళ్లి చేసుకుని ఓ ఇంటి కోడలైంది లేడీ సూపర్‌ స్టార్‌ నయన తార. తాజాగా మరో హీరోయిన్‌ పెళ్లి పుస్తకాన్ని తెరిచింది. సైలెంట్‌గా వివాహం చేసుకుని అభిమానులుక సర్‌ప్రైజ్‌ ఇచ్చింది. ఆమె ఎవరో కాదు. ఇటీవల '9 అవర్స్‌' వెబ్‌ సిరీస్‌తో అలరించిన మధు శాలిని. తమిళ హీరో గోకుల్‌ ఆనంద్‌తో మధు శాలిని వివాహం గురువారం (జూన్ 16) హైదరాబాద్‌లో జరిగింది. ఈ వివాహ వేడుకకు కుటుంబ సభ్యులు, సన్నిహితులు, పలువురు సినీ ప్రముఖులు హాజరయ్యారు.  తమ వివాహ వేడుక గురించి సోషల్ మీడియా వేదికగా వెల్లడించింది. తమిళ సినిమా పంచాక్షరంలో మధు శాలిని, గోకుల్‌ నటించారు. ఈ మూవీ టైమ్‌లోనే ఇద్దరి మధ్య చిగురించిన స్నేహ్నం.. ప్రేమగా, తర్వాత వివాహం బంధంగా మారిందని సమచారం. అల్లరి నరేష్‌ హీరోగా నటించిన కితకితలు సినిమాలో రెండో హీరోయిన్‌గా గుర్తింపు తెచ్చుకుంది తెలుగు అందం మధు శాలిని. తర్వాత ఒక విచిత్రం, అగంతకుడు, కింగ్ (ఓ సాంగ్‌), వాడు-వీడు, గోపాల గోపాల వంటి తదితర చిత్రాల్లో నటించింది. అలాగే గోకుల్‌ అరడజను తమిళ సినిమాల్లో, వెబ్‌ సిరీస్‌ల్లో నటించాడు.  చదవండి: కాలేజ్‌లో డ్యాన్స్‌ చేసిన సాయి పల్లవి.. వీడియో వైరల్‌.. డేటింగ్‌ సైట్‌లో తల్లి పేరు ఉంచిన కూతురు.. అసభ్యకరంగా మెసేజ్‌లు బిజినెస్‌మేన్‌ కిడ్నాపర్‌గా మారితే.. Thank you for all the love we’ve received. We look forward to the new chapter of our lives with hope and gratitude in our hearts. Love MADHU SHALINI & GOKUL ♥️ pic.twitter.com/6YLREAZo8L — MADHU SHALINI (@iamMadhuShalini) June 17, 2022

Hero Simbu Hospitalised in Chennai: తమిళ హీరో శింబు ఆస్పత్రిలో చేరాడు. వైరల్‌ ఇన్‌ఫెక్షన్‌తో బాధపడుతున్న శింబు శనివారం చెన్నైలోని ప్రైవేటు ఆస్పత్రిలో చేరి చికిత్స తీసుకుంటున్నాడు. కాగా 'వెందు తనిందదు కాడు' అనే సినిమా షూటింగ్‌లో కొన్ని వారాలపాటు బిజీగా ఉన్న శింబు జ్వరం, గొంతులో ఇన్ఫెక్షన్‌ రావడంతో ఆస్పత్రిలో చేరినట్లు సమాచారం. అయితే ఇది కరోనా కాదని, సాధారణ ఇన్‌ఫెక్షనేనని వైద్యులు స్పష్టం చేశారు. శింబు అనారోగ్యంబారిన పడ్డారని తెలిసిన అభిమానులు ఆయన త్వరగా కోలుకోవాలని ప్రార్థిస్తున్నారు. కాగా తమిళ స్టార్‌ అయిన శింబు తెలుగులో 'వల్లభ', 'మన్మధ' వంటి ప్రేమకథా చిత్రాలతో ఇక్కడిప్రేక్షకులకూ చేరువయ్యాడు. ఇటీవలే రిలీజైన ‘మానాడు’ తెలుగులో ‘ది లూప్‌‘ పేరుతో అనువదించారు.

తమిళసినిమా: మానాడు చిత్ర యూనిట్‌ సభ్యులను నటుడు శింబు ఖుషీ పరిచారు. శింబు కథానాయకుడిగా నటిస్తున్న తాజా చిత్రం మానాడు, వెంకట్‌ప్రభు దర్శకత్వంలో వి.హౌస్‌ పతాకంపై సురేష్‌ కామాక్షి నిర్మిస్తున్న భారీ చిత్రం ఇది. సమకాలిన రాజకీయాల నేపథ్యంలో రూపొందుతున్న ఈ చిత్రం షూటింగ్‌ శనివారంతో పూర్తయింది. దీంతో చిత్ర యూనిట్‌ కేక్‌ కట్‌ చేసి ఆనందాన్ని పంచుకున్నారు. శింబు సర్‌ప్రైజ్‌ గిఫ్ట్‌తో చిత్ర యూనిట్‌ సభ్యులను ఖుషీ పరిచారు. ఆయన దర్శకుడు వెంకట్‌ప్రభు నుంచి 300 మంది యూనిట్‌ సభ్యులకు ఖరీదైన వాచీలను కానుకగా అందించారు.  

కండలు తిరిగిన దృఢకాయంతో మతి పోగొడుతున్న ఈ హీరో ఎవరో చెప్పగలరా? అటు తిరిగి నిలుచోవడంతో గుర్తు పట్టలేకపోతున్నారా? దక్షిణాది ప్రేక్షకులకు చిరపరిచితమైన విలక్షణ నటుడు ఇతడు. తమిళ సినిమాల్లో హీరోగా సత్తా చాటిన ఈ నటుడు విలన్‌గా తెలుగు తెరకు పరిచయమయ్యాడు. అతనెవరో కాదు తమిళ హీరో ఆర్య. తన 30వ సినిమా కోసం తీవ్రంగా శ్రమించి కండలు పెంచి కొత్త అవతారంలోకి మారిపోయాడు. ఈ సినిమాకు సంబంధించిన వివరాలు గురువారం వెల్లడిస్తానని చెబుతూ ఈ ఫొటోను ఆర్య ట్వీట్‌ చేశాడు. ‘మీరంతట మీరు బలవంతులుగా మారేంత వరకు తెలియదు మీరెంత బలవంతులో’ అంటూ క్యాప్షన్‌ కూడా పెట్టాడు. ఆర్య లేటెస్ట్‌ ఫొటోపై ప్రశంసల వర్షం కురుస్తోంది. ఊహించని హార్డ్‌వర్క్‌, అంకితభావంతో స్ఫూర్తిగా నిలిచారని ఆయన భార్య సాయేషా సైగల్‌ పేర్కొన్నారు. దర్శకుడు శక్తిసౌందర్‌రాజన్‌, మ్యూజిక్‌ డైరెక్టర్‌ ఎస్‌ఎన్‌ ప్రసాద్‌, నటి శ్రియారెడ్డి, టీవీ యాంకర్‌ డీడీ నీలకందన్‌ తదితరులు ఆర్యను మెచ్చుకుంటూ ట్వీట్లు పెట్టారు. కాగా, ఆర్య నటించిన తాజా చిత్రం ‘టెడ్డీ’ విడుదలకు సిద్ధమవుతోంది. దర్శకుడు శక్తిసౌందర్‌రాజన్‌ తెరకెక్కించిన ఈ సినిమాలో ఆర్యకు జంటగా ఆయన భార్య సాయేషా సైగల్‌ నటించడం​ విశేషం. జ్ఞానవేల్‌రాజా నిర్మించిన ఈ చిత్రంలో గ్రాఫిక్స్‌కు పెద్దపీట వేశారు. (చదవండి: టెడ్డీ చిత్రం కథేంటి?)


 చెన్నై: తమిళనాడు అధికార అన్నాడీఎంకే పార్టీలో సంక్షోభం నేపథ్యంలో హీరో అజిత్ రాజకీయ ప్రవేశంపై ఆసక్తి నెలకొంది. ఆయన రాజకీయాల్లోకి రాజకీయాల్లోకి రావాలని అభిమానులు కోరుతున్నారు. అజిత్‌ రాజకీయ ప్రవేశానికి అనుకూలంగా చెన్నైలో పోస్టర్లు వెలిశాయి. పుట్టినరోజు(మే 1) నాడు తన నిర్ణయం వెలువరించాలని కోరుతూ అభిమానులు పోస్టర్లు పెట్టడం చర్చనీయాంశంగా మారింది. దీనిపై ఆయన ఎలా స్పందిస్తారన్నది ఆసక్తికరంగా మారింది. తన రాజకీయ ప్రవేశంపై అజిత్ ఎలాంటి ప్రకటన చేయలేదు.
 
 దివంగత ముఖ్యమంత్రి జయలలిత మానసపుత్రుడిగా, రాజకీయ వారసుడిగా అజిత్‌ పై మీడియాలో ప్రచారం కూడా జరిగింది. ఆయనను తన వారసుడిగా ప్రకటిస్తూ జయలలిత విలునామా కూడా రాశారని అప్పట్లో కథనాలు వచ్చాయి. జయలలిత మరణించినప్పుడు ఆయన ఎక్కడ ఉన్నారన్న చర్చ ఆసక్తికరంగా సాగింది. విదేశాల నుంచి నేరుగా జయలలిత సమాధి వద్దకు వెళ్లి ఆయన నివాళులు అర్పించి ‘అమ్మ’పై తన అభిమానాన్ని చాటుకున్నారు.
 
 జయలలిత తనను కొడుకులా చూసుకునేవారని గతంలో చెప్పిన అజిత్‌... ‘అమ్మ’  మృతి తర్వాత  రాజకీయ సంక్షోభం తారస్థాయికి చేరినా ఆయన స్పందించలేదు. రాజకీయాల జోలికిపోకుండా సినిమాలకే పరిమితమయ్యారు. తాజాగా అన్నాడీఎంకే పార్టీలో చోటుచేసుకున్న పరిణామాల నేపథ్యంలో అజిత్‌ పేరు మళ్లీ తెరపైకి వచ్చింది. జయలలితకు నిజమైన వారసుడు అజిత్‌ అంటూ అభిమానులు పేర్కొంటున్నారు.


 సినీ హీరో భరత్
 
 అమలాపురం : తమిళంలో ఇప్పటి వరకూ దాదాపు 30 సినిమాల్లో హీరోగా నటించిన తాను తెలుగు పరిశ్రమలోనూ రాణించేందుకు శ్రమిస్తున్నానని హీరో భరత్ అన్నారు. తమిళంలో తాను నటించిన పలు చిత్రాలు తెలుగులో డబ్బింగ్ కావటం ద్వారా ఆరేడేళ్లుగా తెలుగు పరిశ్రమకు సుపరిచితుడేనని చెప్పారు.
 రమా రీల్స్ బ్యానర్‌పై నిర్మిస్తున్న చిత్రం షూటింగ్ గత పదిరోజులుగా కోనసీమలోని వివిధ ప్రాంతాల్లో జరుగుతోంది. అమలాపురంలోని సర్ సీవీ రామన్ పబ్లిక్ స్కూలులో గురువారం జరిగిన ఆ చిత్ర షూటింగ్‌లో భరత్ పాల్గొన్నారు. ఈ సందర్భంగా ‘సాక్షి’తో మాట్లాడుతూ తెలుగు చిత్ర పరిశ్రమలో నేరుగా హీరో అవకాశం ఏడాది కిందట ‘యువ సేన’ చిత్రం ద్వారా వచ్చిందన్నారు.
 ఇప్పుడు తమిళ, తెలుగు వెర్షన్లలో రూపొందుతున్న ఈ కొత్త చిత్రం కూడా మంచి కథ ఉన్న సినిమా అని చెప్పారు. తాను హీరోగా నటించిన ‘ప్రేమిస్తే’ రెండు భాషల్లోనూ సూపర్ హిట్ కావడంతో హీరోగా మంచి గుర్తింపు వచ్చిందని పేర్కొన్నారు. ‘బోయ్స్’ సినిమాలో నలుగురు హీరోల్లో ఒకడైన తాను తమిళ, తెలుగు రంగాల్లో ఒకేసారి అరంగ్రేటం చేసినట్లయిందని గుర్తు చేశారు.
 ప్రస్తుతం కోనసీమలో షూటింగ్ జరుపుకొంటున్న చిత్రం రొమాంటిక్, యూత్, లవ్, ఎంటర్‌టైన్‌మెంట్ కలబోసిన కథతో రూపొందుతున్నందున కచ్చితంగా హిట్ కాగగలదన్న ఆశాభావాన్ని వ్యక్తం చేశారు. తెలుగు చిత్ర పరిశ్రమలో నిలదొక్కుకోగలనన్న నమ్మకం బలంగా ఉందని భరత్ చెప్పారు.
  
 కేరళ అందాలకు దీటైనవి కోనసీమ సోయగాలు
 కోనసీమలోని పచ్చని అందాలు కేరళ రాష్ట్రంలో కొబ్బరి చెట్లతో కూడిన పచ్చదనాన్ని గుర్తుకు తెస్తున్నాయని భరత్ అన్నారు. తమిళనాడులోని కొన్ని ప్రాంతాల్లో కొబ్బరి చెట్లు అధికంగా ఉంటాయని, ఇక్కడ కూడా అలాంటి దృశ్యాలు కనిపిస్తున్నాయని అన్నారు. మొత్తం మీద కోనసీమ తనను బాగా ఆకట్టుకుందన్నారు.
  
  
 
 స్థానిక సర్ సీవీ రామన్ పబ్లిక్ స్కూలు గురువారం సినిమా షూటింగ్‌తో సందడిగా కనిపించింది. రమా రీల్స్ బేనర్‌పై ఇంకా పేరు పెట్టని చిత్రం కోసం హీరో హీరోయిన్లు భరత్, రుహానీ శర్మ పదేళ్ల అమ్మాయిని స్కూలులో చేర్పించే దృశ్యాలను దర్శకుడు భార్గవన్ చిత్రీకించారు. ఉదయం నుంచి సాయంత్రం వరకూ స్కూలు లోపల, ఆవరణలో షూటింగ్ సాగింది.
 సినిమా మేనేజర్లు మామిళ్లపల్లి రూపేష్, రెడ్డి, నటుడు గునిశెట్టి రమణలాల్, స్కూలు డెరైక్టర్లు పరసా రాజా, రవణం రాంబాబు తదితరులు పాల్గొన్నారు. మరో వారం రోజులు కోనసీమలోనే పలు ప్రాంతాల్లో షూటింగ్ కొనసాగుతుందని దర్శకుడు తెలిపారు. ప్రేమ, హాస్యం, వినోదం కలరుుకగా సినిమా సాగుతుందని చెప్పారు.


 చెన్నై: అసలే ఎండాకాలం.. ఎనిమిదయిందంటేనే వీపులు పగిలిపోయేలా వేడి. జుట్టు కాలిపోయి పొగలు కక్కుతుందేమో అనిపించేంతటి. ఇంత వేడి అనుభవాన్ని ఎదుర్కుంటున్నవారికి ఆ సమయంలో ఓ నీటి కొలను కనిపిస్తే ఆగుతారా.. టపీ మని అందులో దూకేయరు. మన దక్షిణాధి నటుడు, రాజారాణి చిత్రంతో తెలుగు ప్రేక్షకుల్లో కూడా తనకంటూ ఓ ప్రత్యేక స్థానాన్ని దక్కించుకున్న ఆర్యా కూడా అదే చేశాడు. హీరో ఇమేజ్ ను పక్కకు పెట్టి ఓ కాలువలో దూకి అందరితో కలిసి సరదాగా స్నానం చేశాడు.
 
 
 సాధారణంగానే వర్కవుట్, బాడీ ఫిట్ నెస్ అంటే ప్రత్యేక శ్రద్ధ చూపే.. మరీ ముఖ్యంగా కచ్చితంగా సైక్లింగ్కు వెళ్లే ఆర్య తమ ప్రాంతంలోని ఓ కాలువలాంటిదాంట్లో దూకేశాడు. ఉదయాన్నే వర్కవుట్ ముగించుకొని సైక్లింక్ చేస్తూ వచ్చిన ఆర్య.. దారిలో ఉన్న ఒక పెద్ద కాలువలో తాను హీరో అనే విషయాన్ని కూడా పక్కన పెట్టి చిన్నచిన్న పిల్లలు, ఆ గ్రామస్థులతో కలిసి సరదాగా ఈతకొట్టాడు. ప్రముఖ సైక్లిస్ట్ కృతికా, ఇతర స్నేహితులతో కలిసి హాయిగా ఈత కొట్టి పొద్దుపొద్దున్నే హ్యాపీ సండే అంటూ ఓ సెల్ఫీ పెట్టేశాడు.


 ఆవారా, నా పేరు శివ... తదితర అనువాద చిత్రాల ద్వారా తెలుగు ప్రేక్షకులకు దగ్గరయ్యారు తమిళ హీరో కార్తీ. ఎప్పట్నుంచో తెలుగులో ఓ స్ట్రయిట్ చిత్రంలో నటిస్తానని చెబుతున్న ఆయన, త్వరలో తెలుగులో ఓ అగ్రహీరోతో కలిసి మల్టీస్టారర్ సినిమా చేయనున్నారని సమాచారం.
  


 డబ్బింగ్ సినిమాలతో తెలుగు ప్రేక్షకులకు కూడా సుపరిచితుడైన నటుడు.. ఆర్య. తమిళంలో మంచి జోరుమీదున్న ఆర్య.. చాలా తెలివైన నటుడని దర్శకుడు మగిళ్ తిరుమేని ప్రశంసలు కురిపించాడు. ఆర్యతో కలిసి 'మేగామన్' అనే సినిమా తీస్తున్న తిరుమేని.. తన హీరో ఆర్య సహజంగానే తెలివైనవాడని, కథకు తన అవసరం ఏంటో సులభంగా అర్థం చేసుకుని, అంచనాలకు మించిన పెర్ఫార్మెన్స్ అందిస్తాడని చెప్పాడు. పరిశ్రమలో ఉన్న చాలా తక్కువమంది తెలివైన నటుల్లో ఆర్య ఒకడని, అతడితో సినిమా తీయడం చాలా సులువని అన్నాడు.
 
 'మేగామన్' సినిమాలో ఆర్య నటన చూసి తాను స్టన్నయ్యానని, ఇప్పటివరకు అతడి కెరీర్లో ఇలాంటి నటన ఎప్పుడూ చూడలేదని చెప్పాడు. ఆర్యకు నిజాయితీ కూడా చాలా ఎక్కువని, పని పట్ల అతడికి అనురక్తి బాగా ఉందని అన్నాడు. ఈ సినిమాలో హన్సిక సరసన నటించే ఆర్య చాలా సహజంగా, స్టైలిష్గా కనిపిస్తాడని చెప్పాడు. ప్రస్తుతం ఈ సినిమా పోస్ట్ ప్రొడక్షన్ పనులు జరుగుతున్నాయి.


 తిరుమల : తనకు పాప పుట్టాలనే కోరిక నెరవేరడంతో తిరుమల శ్రీ వెంకటేశ్వర స్వామి దర్శనానికి వచ్చినట్లు తమిళ సినీ హీరో కార్తీ తెలిపారు. ఆయన నిన్న  నైవేద్య విరామ సమయంలో భార్య  రంజని, కుమార్తెతో కలిసి  స్వామివారిని దర్శించుకున్నారు. అనంతరం ఆలయం వెలుపల కార్తీ మీడియాతో మాట్లాడుతూ పదేళ్ల తర్వాత శ్రీవారిని దర్శించుకోవటం ఆనందంగా ఉందన్నారు. త్వరలోనే ఒక మందచి సినిమాతో అభిమానుల ముందుకు వస్తానని తెలిపారు. ఈ సందర్భంగా కార్తీని చూడటానికి అభిమానులు ఉత్సాహం చూపారు. ఆయనతో కలిసి ఫోటోలు, ఆటోగ్రాఫ్లు తీసుకున్నారు.
  


  నటి నిత్యామీనన్ ప్రేమలో పడిందా? అన్న ప్రశ్నకు కోలీవుడ్ వర్గాల నుంచి అవుననే సమాధానమే వస్తోంది. ఈ కేరళ కుట్టి మలయాళ చిత్ర పరిశ్రమలో కంటే తమిళం, తెలుగు భాషల్లోనే మంచి క్రేజ్ ఉంది. ముఖ్యంగా తెలుగులో సక్సెస్‌ఫుల్ హీరోయిన్‌గా వెలుగొందుతోంది. ప్రస్తుతం ఈ ముద్దుగుమ్మ తమిళంలో చేరన్ దర్శకత్వంలో జెకె ఎన్నుం నన్భనిన్ వాళ్కై చిత్రంలోను, మాలిని 22 పాళయం కోట్టై చిత్రంలోనూ నటిస్తోంది. ఈ రెండు చిత్రాలు షూటింగ్ పూర్తి చేసుకుని విడుదలకు సిద్ధమవుతున్నాయి. మాలిని 22 పాళయం కోటై చిత్ర హీరో నవ నటుడు క్రిష్ సదార్ ప్రేమలో పడిందట. షూటింగ్ దశలో వీరి మధ్య పరిచయం చిత్రం ముగిసే సరికి ప్రణయంగా మారిందట. 
  
 ఇద్దరూ షూటింగ్ సమయంలో సన్నిహితంగా మెలగడం ఒకే గదిలో గడపడం వంటి దృశ్యాలు యూనిట్ వర్గాల దృష్టిని దాటలేకపోయాయట. త్వరలోనే వీరి ప్రేమ వ్యవహారం బహిరంగం కానుందని కోలీవుడ్ వర్గాలు చెబుతున్నారుు. విశేషం ఏమిటంటే మాలిని 22 పాళయం కోటై మలయాళ చిత్రం 22 ఫేమ్ కొట్టాయం కురీమేక్. మలయాళంలో ఈ చిత్రాన్ని దర్శకత్వం వహించిన ఆశిక్ సబు ఆ చిత్ర హీరోయిన్  రిమా కళింగళ్ ప్రేమించుకుని పెళ్లి చేసుకున్నారు. ఇప్పుడు తమిళంలో నటిస్తున్న క్రిష్ సదర్, నిత్యామీనన్‌ల ప్రేమ పెళ్లికి దారితీస్తుందా అన్నది వేచి చూడాల్సిందే.