ప్రపంచ దిగ్గజ కంపెనీ యాపిల్‌ భారత్‌లో నాలుగు అవుట్‌లెట్లను ప్రారంభించేందుకు సిద్ధంగా ఉన్నట్లు కంపెనీ సీఈఓ టిమ్‌కుక్‌ తెలిపారు. భారత్‌లో యాపిల్‌ ఉత్పత్తుల విక్రయాలు పెరుగుతున్నట్లు చెప్పారు. సెప్టెంబర్‌తో ముగిసిన త్రైమాసికంలో కంపెనీ రెవెన్యూ గతంలో కంటే 6 శాతం పెరిగి 94.9 బిలియన్‌ డాలర్ల(రూ.7.9 లక్షల కోట్లు)కు చేరిందని తెలిపారు.ఈ సందర్భంగా యాపిల్‌ సీఈఓ టిమ్‌కుక్‌ ముదుపర్లను ఉద్దేశించి మాట్లాడారు. ‘యాపిల్ తాజా త్రైమాసిక ఫలితాల్లో రికార్డు స్థాయి ఆదాయాన్ని నమోదు చేసింది. ప్రపంచవ్యాప్తంగా భారీగా ఐఫోన్ అమ్మకాలు జరిగాయి. భారతదేశంలో యాపిల్‌ సేల్స్‌ గరిష్ఠాలను చేరుకున్నాయి. ఇండియాలో కంపెనీ కార్యకలాపాలు మరింత విస్తరించేందుకు చర్యలు చేపడుతున్నాం. ఇప్పటికే దేశంలో ముంబయి, ఢిల్లీలో రెండు అవుట్‌లెట్లను ఏర్పాటు చేశాం. రానున్న రోజుల్లో మరో నాలుగు అవుట్‌లెట్లను ఏర్పాటు చేయాలని నిర్ణయించాం. దీంతో కంపెనీ రెవెన్యూ మరింత పెరిగే అవకాశం ఉంది’ అన్నారు.ఇదీ చదవండి: చాట్‌జీపీటీ కొత్త ఆప్షన్‌.. గూగుల్‌కు పోటీ ఇవ్వనుందా?మంబయిలో యాపిల్‌ బీకేసీ, ఢిల్లీలో యాపిల్‌ సాకెత్‌ పేరుతో రెండు అవుట్‌లెట్లను గతంలో ప్రారంభించింది. బెంగళూరు, పుణె, ముంబయి, ఢిల్లీ-ఎన్‌సీఆర్‌ల్లో మరో నాలుగు కొత్త స్టోర్‌లను ప్రారంభించే యోచనతో ఉన్నట్లు గతంలో ప్రతిపాదించింది. తాజాగా కంపెనీ సీఈఓ కూడా ఈ విషయాన్ని ధ్రువీకరించడం గమనార్హం. ఇటీవల కంపెనీ ఐఫోన్‌ 16 సిరీస్‌ను ఆవిష్కరించింది. వారం కిందట యాపిల్‌ ఐఓఎస్‌ 18.1ను అందుబాటులోకి తీసుకొచ్చింది. ఇందులో వినియోగదారులకు వినూత్న ఫీచర్లను అందించినట్లు కంపెనీ తెలిపింది.

ప్రపంచ నం.1 కంపెనీ యాపిల్‌ ఐఫోన్‌ విక్రయాలు తగ్గుతున్నట్లు తెలిసింది. మార్చి 2024తో ముగిసిన త్రైమాసికంలో యాపిల్ ఐఫోన్‌ విక్రయాలు 10 శాతం తగ్గినట్లు కంపెనీ చెప్పింది. దాంతో కంపెనీ ఆదాయం 4 శాతం క్షీణించిందని చీఫ్ ఎగ్జిక్యూటివ్ టిమ్ కుక్ తెలిపారు.గడిచిన త్రైమాసికంలో ప్రపంచవ్యాప్తంగా ఐఫోన్‌ విక్రయాలు తగ్గుతుంటే ఇండియాలో మాత్రం వీటికి ఆదరణ పెరుగుతుందని చెప్పారు. ఇండియాలో రికార్డు స్థాయిలో విక్రయాలు పెరిగినట్లు పేర్కొన్నారు. ఈ సందర్భంగా ఆయన మాట్లాడుతూ.. ‘ఇండియాలో యాపిల్‌ ఉత్పత్తులకు అద్భుతమైన మార్కెట్‌ ఉంది. భారత్‌లో స్థిరంగా రెండంకెల వృద్ధి నమోదవుతోంది. ఇక్కడ రికార్డుస్థాయిలో విక్రయాలు జరుగుతున్నాయి. ముందుగా కంపెనీ ఆశించినమేరకు అంచనాలను అధిగమిస్తున్నాం’ అని అన్నారు.యాపిల్‌ సంస్థ ముంబై, దిల్లీలో రెండు అవుట్‌లెట్‌లను ప్రారంభించిన విషయం తెలిసిందే. వీటిలో యాపిల్‌ అమ్మకాలు రోజురోజుకు పెరుగుతున్నట్లు తెలిసింది. ఈ స్టోర్‌లు ప్రారంభించిన నాటినుంచి నెలవారీ సగటు అమ్మకాలు స్థిరంగా రూ.16 కోట్లు-రూ.17 కోట్లుగా నమోదవుతున్నాయని కంపెనీ తెలిపింది.ఇదీ చదవండి: దిగ్గజ కంపెనీల మధ్య రూ.1.66లక్షల కోట్ల ఒప్పందం.. ఎందుకంటే..ముంబై స్టోర్ యాపిల్‌ బీకేసీ ఆదాయం దిల్లీ స్టోర్ యాపిల్‌ సాకెట్‌ కంటే కొంచెం అధికంగా నమోదవుతోంది. త్వరలో భారత్‌లో మరో మూడు స్టోర్‌లను ప్రారంభించే యోచనలో ఉన్నట్లు కంపెనీ వర్గాలు తెలిపాయి. పుణె, బెంగళూరుతోపాటు దిల్లీ-ఎన్‌సీఆర్ ప్రాంతంలో ఈ అవుట్‌లెట్‌లను ఏర్పాటు చేయడానికి చర్చలు జరుపుతున్నట్లు తెలిసింది. అయితే గతేడాది జూన్‌లో వెలువడిన బ్లూమ్‌బెర్గ్ నివేదిక ప్రకారం.. యాపిల్‌ తన స్టోర్‌లను విస్తరించే ఆలోచన లేదని కథనాలు వెలువడ్డాయి. కానీ 2024లో సమకూరిన ఆదాయాల నేపథ్యంలో భారత్‌లో మరిన్ని స్టోర్లను విస్తరించాలని భావిస్తున్నట్లు తెలిసింది.

ఓపెన్‌ ఏఐ సీఈఓ శామ్‌ ఆల్ట్‌మన్‌ ఇటీవల తన బాయ్‌ఫ్రెండ్‌ ఆలివర్‌ మల్హెరిన్‌ను వివాహం చేసుకున్నారు. ఈమేరకు వివాహానికి సంబంధించిన ఫొటోలు సామాజిక మాధ్యమాల్లో వైరల్‌గా మారాయి. అయితే చాలామంది ఆ ఫొటోలను ఏఐ రూపొందించిందా అని అభిప్రాయపడ్డారు. డీప్‌ఫేక్‌ అందుబాటులోకి రావడంతో ఇలాంటి అనుమానాలు రావడం సహజం. దాంతో ఆల్ట్‌మన్‌ తన పెళ్లిపై స్పందిస్తూ ఓ ప్రముఖ మీడియా సంస్థతో ఈ విషయాన్ని ధ్రువీకరించారు. హైస్కూల్‌లో చదువుతున్న సమయంలోనే తాను ‘గే’నని ఆల్ట్‌మన్‌ ప్రకటించారు. తొమ్మిదేళ్ల పాటు లూప్ట్‌ సంస్థ సహ వ్యవస్థాపకుడు నిక్‌ సివోతో డేటింగ్‌ చేసి 2012లో శామ్‌ విడిపోయారు. ప్రపంచ దిగ్గజ టెక్‌ కంపెనీలకు సారథ్యం వహిస్తున్న సీఈఓలు తమ వ్యక్తిగత జీవితంలో తీసుకునే నిర్ణయాలను కొందరు వ్యతిరేకిస్తారు, మరికొందరు ఆహ్వానిస్తారు. ఏదిఏమైనా వారు తమ జీవితంలో ఏ నిర్ణయం తీసుకోవడానికైనా పూర్తి హక్కు ఉంటుంది. ప్రపంచ వ్యాప్తంగా చాలా కంపెనీల సీఈవోలు తమనుతాము ‘గే’గా ప్రకటించుకుని వారి జీవితాల్లో సంతోషంగా ఉన్నట్లు చెబుతున్నారు. వారిలో కొందరి వివరాలు కొంద తెలుపబడ్డాయి. శామ్ ఆల్ట్‌మన్, ఓపెన్‌ ఏఐ సీఈవో హైస్కూల్‌లో 17 సంవత్సరాల వయసులో తాను ఒక గే అని ప్రకటించుకున్నారు. ఆ సమయంలో తోటి విద్యార్థుల నుంచి చాలా అభ్యంతరాలను ఎదుర్కొన్నట్లు చెప్పారు. తాజాగా మల్హెరిన్‌తో పెళ్లికి ముందు లూప్ట్‌ సంస్థలో తన సహ వ్యవస్థాపకుడు నిక్ శివోతో సహజీవనం చేసినట్లు ఒక ఇంటర్వ్యూలో తెలిపారు. సంయుక్తంగా అమెరికన్ జియోలొకేషన్ సాఫ్ట్‌వేర్ కంపెనీని స్థాపించిన వీరిద్దరూ తొమ్మిదేళ్ల పాటు కలిసి ఉన్నారు. 2012లో కంపెనీని విక్రయించిన తర్వాత ఇద్దరూ విడిపోయారు. ఆల్ట్‌మాన్ అనేక సందర్భాల్లో మల్హెరిన్‌తో డేటింగ్ గురించి పబ్లిక్‌గా మాట్లాడారు. సెప్టెంబరు 2023లో న్యూయార్క్ మ్యాగజైన్‌కి ఇచ్చిన ఇంటర్వ్యూలో సామ్ ఆల్ట్‌మాన్ త్వరలో మల్హెరిన్‌తో పిల్లలను కనాలని ఆశపడుతున్నట్లు వెల్లడించారు. భారత ప్రధాని నరేంద్ర మోదీ పర్యటన సందర్భంగా అమెరికా అధ్యక్షుడు జో బైడెన్ వైట్‌హౌస్‌లో ఇచ్చిన విందులోనూ ఇద్దరు చాలా సన్నిహితంగా కనిపించినట్లు మీడియా కథనాల ద్వారా తెలిసింది. టిమ్ కుక్, యాపిల్ సీఈవో యాపిల్‌ సీఈవో టిమ్ కుక్ 2014లో స్వలింగ సంపర్కుడిగా ప్రకటించుకున్నారు. ఆ సంవత్సరం జూన్‌లో ‘శాన్ ఫ్రాన్సిస్కో గే ప్రైడ్ పరేడ్‌’లో యాపిల్ సిబ్బందితో కలిసి పాల్గొన్నారు. అక్టోబరు 30, 2014న కుక్ బహిరంగంగా ‘నేను స్వలింగ సంపర్కుడిగా గర్వపడుతున్నాను. స్వలింగ సంపర్కం దేవుడు నాకిచ్చిన గొప్ప బహుమతిగా భావిస్తున్నాను’ అని చెప్పారు. పీటర్ థీల్, పేపాల్ సహ వ్యవస్థాపకుడు 2016లో రిపబ్లికన్ నేషనల్ కన్వెన్షన్‌లో పీటర్ థీల్ తాను స్వలింగ సంపర్కుడిగా గర్విస్తున్నట్లు చెప్పారు. 2002లో, ‘ఈబే’ పేపాల్‌ను 1.5 బిలియన్‌ డాలర్లకు కొనుగోలు చేసింది. ఈ డీల్‌ థీల్‌ను బిలియనీర్‌గా మార్చింది. క్రిస్ హ్యూస్, ఫేస్‌బుక్ సహ వ్యవస్థాపకుడు మార్క్ జుకర్‌బర్గ్‌తో పాటు ఫేస్‌బుక్ నలుగురు సహ వ్యవస్థాపకులలో క్రిస్ హ్యూస్ ఒకరు. అతడు బహిరంగంగా ‘గే’ ప్రకటించుకున్నారు. హ్యూస్ 2012లో సీన్ ఎల్‌డ్రిడ్జ్‌ను వివాహం చేసుకున్నారు. 2019లో హ్యూస్ ఫేస్‌బుక్, మార్క్ జుకర్‌బర్గ్‌పై విమర్శలు గుప్పించి వార్తల్లోకెక్కారు. క్లాడియా బ్రిండ్, మేనేజింగ్ డైరెక్టర్, ఐబీఎం క్లాడియా బ్రిండ్‌ ఐబీఎంలో ఇంటెలెక్చువల్‌ ప్రాపర్టీకి వైస్ ప్రెసిడెంట్, మేనేజింగ్ డైరెక్టర్‌గా పనిచేస్తున్నారు. 1990లో ఆ సంస్థలో తన కెరీర్‌ను ప్రారంభించిన ఆమె తాను ఒక లెస్బియన్‌గా ప్రకటించుకున్నారు. ఇదీ చదవండి: బుల్లెట్‌ రైలు ప్రాజెక్ట్‌.. కీలక సమాచారాన్ని వెల్లడించిన మంత్రి ఆన్ మే చాంగ్, కాండిడ్, సీఈవో యాపిల్‌, గూగుల్‌, ఇన్‌టుఇట్‌ కంపెనీల్లో కీలక స్థానాల్లో పని చేసిన ఆమె ప్రస్తుతం సామాజిక రంగానికి సంబంధించిన డేటాను అందించే ఒక నాన్‌ప్రాఫిట్‌ సంస్థ కాండిడ్‌లో పని చేస్తున్నారు. లెస్బియన్ల హక్కుల కోసం వివిధ వేదికలపై ఆమె మాట్లాడారు.

ప్రముఖ టెక్‌ దిగ్గజం యాపిల్‌కు వచ్చే ఆదాయం తగ్గడంతో ఆ సంస్థ సీఈఓ టిమ్‌కుక్‌ సంపాదించే సంపాదన తగ్గించింది. 2022తో పోలిస్తే 2023లో ఆ‍యన సంపాదన భారీగా తగ్గినట్లు యాపిల్‌ సంస్థ విడుదల చేసిన ఓ నివేదికలో తేలింది.    ఆ నివేదిక ప్రకారం.. టిమ్‌కుక్‌ గత ఏడాది భారీ మొత్తంలో సంపాదించారని, కానీ అది 2022లో కంటే తక్కువగా ఉన్నట్లు తేలింది. 2022లో ఆయన సంపాదించిన మొత్తం 99.4 మిలియన్లు కాగా 2023లో 63.2 మిలియన్లగా ఉందని నివేదికలో పేర్కొంది.  రిపోర్ట్‌లో ఏముందంటే? ఇటీవల యాపిల్‌ తన వార్షిక నివేదికను విడుదల చేసింది. అందులో టిమ్‌ కుక్‌కు అందించే పరిహారం, షేర్‌ హోల్డర్స్‌ సలహాలు, బోర్డ్‌ ఆఫ్‌ డైరెక్టర్స్‌లో మార్పులు వంటి అంశాలను ప్రధానంగా చర్చించింది. అందులో యాపిల్‌ సీఈఓ సంపాదన తగ్గినట్లు హైలెట్‌ చేసింది. టిమ్‌కుక్‌ విమాన ఖర్చులు యాపిల్‌ 2022లో సీఈఓ కుక్‌కి అందించే శాలరీ, స్టాక్‌ అవార్డ్స్‌, నాన్‌ ఈక్విటీ బోనస్‌ (పరిహారం) 84 మిలియన్లగా నిర్దేశించింది. అయితే అతను అంచనాలను మించి 99.4 మిలియన్లను సంపాదించాడు. కానీ 2023కి కుక్ పరిహారం 40 శాతం తగ్గి 49 మిలియన్లకు పడిపోయింది. కుక్ అందించే పరిహారంలో 3 మిలియన్ల జీతం, స్టాక్ అవార్డులు మొత్తం 46,970,283 డాలర్లు, నాన్-ఈక్విటీ ఇన్సెంటివ్ ప్లాన్ పరిహారం మొత్తం 10,713,450 డాలర్లు, ఇతర పరిహారం  2,526,112 డాలర్ల వరకు పొందారు.   2023లో కుక్ కోసం యాపిల్ వ్యక్తిగత విమాన ప్రయాణ కోసం 1,621,468 డాలర్లు ఖర్చు చేసిందని, 2022లో వెచ్చించిన మొత్తం కంటే రెండింతలు ఎక్కువ అని నివేదిక వెల్లడించింది. కంపెనీ కుక్ కోసం వ్యక్తిగత భద్రత కోసం 820,309 డాలర్లు పెట్టుబడి పెట్టింది  యాపిల్‌ సగటు ఉద్యోగి వేతనం ఎంతంటే?  2023లో తన సగటు ఉద్యోగికి సగటు వార్షిక మొత్తం పరిహారం 94,118 డాలర్లు అని యాపిల్‌ తెలిపింది. ఇక టిమ్‌కుక్‌తో పాటు మిగిలిన ఎగ్జిక్యూటీవ్‌లకు యాపిల్‌ భారీ మొత్తాన్ని అందించింది. వారిలో   సీఎఫ్‌ఓ లూకా మాస్త్రి : 26,935,883 డాలర్లు  జనరల్ కౌన్సెల్ అండ్‌  సెక్రటరీ కేట్ ఆడమ్స్ : 26,941,705 డాలర్లు  రిటైల్ సీనియర్ వైస్ ప్రెసిడెంట్ ఓబ్రెయిన్‌ :  26,937,010 డాలర్లు  సీఓఓ జెఫ్ విలియమ్స్ : 26,961,221 డాలర్లను అందిచినట్లు యాపిల్‌ తన నివేదికలో వెల్లడించింది.      

మీరు పాత ఐఫోన్‌లను వినియోగిస్తున్నారా? వాటిల్లో ఏమైనా బ్యాటరీ సంబంధిత సమస్యలు తలెత్తుతున్నాయా? ఈ తరహా ఇబ్బందులు తలెత్తుంటే  ప్రముఖ టెక్‌ దిగ్గజం, ఐఫోన్‌ తయారీ సంస్థ యాపిల్‌ నష్టపరిహారం చెల్లిస్తుంది.   సుమారు 8 ఏళ్ల క్రితం నమోదైన యాపిల్‌పై ‘బ్యాటరీగేట్‌’ క్లాస్‌-యాక్షన్‌ లాసూట్‌ నమోదైంది. ఈ కేసుకు సంబంధించిన ఐఫోన్‌లను వినియోగిస్తుంటే యాపిల్‌ నుంచి నష్టపరిహారం పొందవచ్చు.  అసలేంటి యాపిల్‌ ‘బ్యాటరీగేట్‌’ వివాదం 2016లో యాపిల్‌ సంస్థకు చెందిన ఐఫోన్‌ 6, ఐఫోన్‌ 6 ఎస్‌, 7 సిరీస్‌తో పాటు ఎస్‌ఈ మోడల్‌ ఫోన్‌లపై అనేక ఫిర్యాదులు వెల్లువెత్తాయి. ఐఫోన్‌ సిరీస్‌ మోడళ్లు స్లో అవ్వడంతో వాటిని ఆపరేట్‌ చేయలేపోతున్నామంటూ అమెరికాకు చెందిన సుమారు 33 రాష్ట్రాల యూజర్లు మూకుమ్మడిగా సంబంధిత రాష్ట్రాల కోర్టులను ఆశ్రయించారు.  యాపిల్‌ సంస్థ ధనార్జన కోసం కావాలనే తమ ఫోన్‌లలో కొత్త సాఫ్ట్‌వేర్‌ అప్‌డేట్‌ చేసిందని, తద్వారా మేం వినియోగించే ఫోన్‌లు పనిచేయడం మందగిస్తే.. కొత్త ఫోన్‌లు కొనుక్కోవాల్సిన అవసరం ఏర్పడుతుంది. అలా కొనుగోలు చేస్తే ఐఫోన్‌ల అమ్మకాలు జరిగి.. యాపిల్‌ సంస్థకు లబ్ధి చేకూరుతుందని ఆరోపించారు.   యాపిల్‌ అనాలోచిత నిర్ణయం వల్లే  వినియోగదారుల హక్కుల కోసం పోరాడే జస్టిన్ గుట్మాన్ సైతం యాపిల్‌కు వ్యతిరేకంగా కోర్టులో కేసు వేశారు. ఫోన్‌లో సాఫ్ట్‌వేర్‌ అప్‌డేట్‌లతో పాటు పవర్‌ మేనేజ్మెంట్‌ టూల్‌ వల్ల ఐఫోన్‌లు అకస్మాత్తుగా షట్‌డౌన్‌ అవ్వడం, బ్యాటరీ సంబంధిత సమస్యలు ఉత్పన్నమవుతున్నాయని పిటిషన్‌లో పేర్కొన్నారు. యాపిల్‌ నిర్ణయంతో ఐఫోన్‌ 6, 6ప్లస్‌, 6 ఎస్‌, 6ఎస్‌ ప్లస్‌, ఎస్‌ఈ,7, 7 ప్లస్‌, 8, 8 ప్లస్‌, ఐఫోన్‌ ఎక్స్‌ను వినియోగిస్తున్న యూకేలో 25 మిలియన్ల ఐఫోన్‌ యూజర్లకు నష్టం వాటిల్లిందని, ఆ మొత్తం విలువ 768 మిలియన్లని కోర్టుకు ఆధారాల్ని అందించారు.       తెరపైకి బ్యాటరీగేట్‌ వివాదం ఈ వివాదాన్ని మరింత ఉదృతం చేసేలా.. యాపిల్‌ కంపెనీ ఐఫోన్‌లను ఉద్దేశపూర్వకంగా ప్రాసెసర్‌ పనితీరు మందగించేలా వ్యవహరించిందని తెలిపేలా ‘బ్యాటరీగేట్‌’ అనేపదాన్ని అనే పదాన్ని రూపొందించారు. ‘బ్యాటరీగేట్‌’ పేరును ట్రెండింగ్‌లోకి తెచ్చారు.  బాధిత యూజర్లకు 92 డాలర్ల నష్టపరిహారం ఈ వివాదం చిలిచిలికి గాలివానలా మారింది. వినియోగదారుల ఫిర్యాదు  దెబ్బకు యాపిల్‌ దిగొచ్చింది. 2020లో బాధిత యూజర్లకు 500 మిలియన్ల నష్టపరిహారం చెల్లిస్తామని అంగీకరించింది. ఒప్పందం ప్రకారం.. యాపిల్‌ ఇటీవల ప్రతి ఒక్క బాధిత యూజర్‌కు 92 డాలర్ల వరకు నష్టపరిహారం చెల్లిస్తున్నట్లు పలు నివేదికలు వెలుగులోకి వచ్చాయి.

చైనా అధ్యక్షుడు జిన్‌ పింగ్‌ ప్రముఖ టెక్‌ దిగ్గజం యాపిల్‌ను గడగడలాడిస్తున్నాడా? తమ దేశం కాదని ఇతర దేశాల్లో యాపిల్‌ మ్యానిఫ్యాక్చరింగ్‌ యూనిట్లను నెలకొల్పడంపై ఆయన ఆగ్రహంతో ఉన్నారా? అంటే అవుననే సమాధానం వినిపిస్తోంది జిన్‌ పింగ్‌ నిర్ణయాలను చూస్తుంటే.  ఇటీవల జిన్‌ పింగ్‌ ప్రభుత్వం దేశంలో మేడిన్‌ ఇన్‌ చైనా ఉత్పత్తులను ప్రోత్సహించాలని, ఐఫోన్‌లాంటి ఇతర దేశాలకు చెందిన ఉత్పత్తులను దేశంలో వినియోగించడాన్ని తగ్గించాలని ఆదేశాలు జారీ చేసినట్లు పలు నివేదికలు వెలుగులోకి వచ్చాయి.    డ్రాగన్‌ కంట్రీ స్థానికంగా తయారవుతున్న విదేశీ ఉత్పత్తుల వినియోగాన్ని తగ్గిస్తుంది. ఇందులో భాగంగా ప్రభుత్వ సంస్థలైన బ్యాంక్‌లు ఇతర రంగాల ప్రభుత్వ సంస్థలకు అవసరమయ్యే సాఫ్ట్‌వేర్‌లను దేశీయ సంస్థల నుంచి పొందాలని, అదే సమయంలో సెమీ కండక్టర్‌ పరిశ్రమ వృద్దిలో పాలు పంచుకోవాలని కోరింది.  ఈ తరుణంలో కనీసం ఎనిమిది ప్రావిన్సుల్లోని పలు రాష్ట్ర సంస్థలు, ప్రభుత్వ విభాగాలు ఉద్యోగులు స్థానికంగా తయారైన స్మార్ట్‌ఫోన్‌లతో పాటు ఇతర ఉత్పత్తులను ఉపయోగించాలని సూచించినట్లు బ్లూమ్‌ బర్గ్‌ నివేదిక తెలిపింది. అంతవరకూ బాగున్నా..ప్రపంచంలోనే అతిపెద్ద ఐఫోన్ ఫ్యాక్టరీ ఉన్న జెజియాంగ్, షాన్డాంగ్, లియోనింగ్, సెంట్రల్ హెబీ వంటి ప్రావిన్సులకు చెందిన నగరాల్లోని సంస్థలు, ఏజెన్సీలకు ఈ ఆదేశాలు జారీ చేయడం ఆసక్తికరంగా మారింది. మేడిన్‌ ఇన్‌ చైనా నినాదం దేశ వ్యాప్తంగా అమలు చేయాలి గానీ.. కేవలం ఐఫోన్‌ తయారీ ప్రాంతాల్లో మాత్రమే అమలు చేయడం ఏంటని ఐఫోన్‌ లవర్స్‌ చర్చించుకుంటున్నారు.    కాగా, సెప్టెంబర్‌ నెలలో కనీసం మూడు మంత్రిత్వ శాఖలు, ప్రభుత్వ సంస్థల్లోని సిబ్బందికి కార్యాలయాల్లో ఐఫోన్లను ఉపయోగించవద్దని చైనా ప్రభుత్వం చెప్పినట్లు రాయిటర్స్ నివేదించింది. చివరిగా ఐఫోన్‌ల బ్యాన్‌ అంశంపై యాపిల్‌ కంపెనీ ఎలాంటి అధికారిక ప్రకటన ఇవ్వలేదు.

ప్రముఖ టెక్‌ దిగ్గజం యాపిల్‌ ఆదాయంలో అదరగొట్టేస్తుంది. భారత్‌లో ఆ సంస్థ వ్యాపారం రూ.50 వేల కోట్ల చేరువలో ఉన్నట్లు తెలుస్తోంది. 2022-23 దేశీయంగా యాపిల్‌ ఉత్పత్తుల అమ్మకాలు 48 శాతం వృద్దితో ఆదాయం రూ.49,321 కోట్లకు చేరింది. నెట్‌ ప్రాఫిట్‌ సైతం 76 శాతం పెరిగి రూ.2,229గా నమోదైనట్లు రెగ్యూలరేటరీ ఫైలింగ్‌లో యాపిల్‌ తెలిపింది.    యాపిల్‌ భారత్‌లో గత ఐదేళ్ల నుంచి వ్యాపార కార్యకలాపాలు నిర్వహిస్తుంది. మునుపెన్నడూ జరగని విధంగా ఈసారి ఊహించని విధంగా బిజినెస్‌తో పాటు అమ్మకాలు జరిగాయి. ముఖ్యంగా, యాపిల్‌ ప్రొడక్ట్‌ల తయారీ కోసం ఉపయోగించి విడి భాగాల ధరల తగ్గింపుతో న్యూజనరేషన్‌ ప్రొడక్ట్‌లు మాక్‌, హోం ప్యాడ్‌, ఐఫోన్‌ 15ల అమ్మకాల షేర్‌, మార్జిన్ సేల్స్‌ పెరిగినట్లు పలు నివేదికలు వెలుగులోకి వచ్చాయి.    ఈ ఏడాదిలో యాపిల్‌ రూ.45 వేలకంటే విలువైన ఐఫోన్‌లు 59 శాతం షేర్‌ను సాధించగా.. షిప్‌మెంట్‌ 56 శాతం జరిగింది. నిర్వహణ పరంగా చూస్తే.. నిర్వహణ ఖర్చు5.4 శాతంతో, ప్రొడక్ట్‌ల అమ్మకాలు   94.6 శాతంతో జరిగినట్లు యాపిల్‌ రెగ్యూలరేటరీలో ఫైల్‌ చేసింది. గత ఏడాది 2022తో పోలిస్తే  విదేశీ మారకపు అవుట్‌ ఫ్లో 2023లో 2 శాతం పెరిగి రూ.18,140కి, విదేశీయ మారకం ఆదాయం 39 శాతంతో రూ.2,662గా నమోదైంది.    ఈ సందర్భంగా గడిస్తున్న ఆదాయంతో భారత్‌లో యాపిల్‌ దీర్ఘ కాలం వ్యాపార శక్తి సామర్ధ్యాలు మెండుగా ఉన్నాయని నిరూపిస్తుందని బిజినెస్‌ ఇంటెలిజెన్స్‌ సంస్థ తరణ్‌ పాఠక్‌ అభిప్రాయం వ్యక్తం చేశారు. 

న్యూఢిల్లీ: టెక్‌ దిగ్గజం యాపిల్‌ భారత్‌లో సరికొత్త రికార్డులు నమోదు చేస్తోంది. 2023 జూన్‌ త్రైమాసికంలో గరిష్ట స్థాయిలో ఆదాయాన్ని ఆర్జించింది. ఐఫోన్లకు భారీ డిమాండ్‌ ఇందుకు కారణం. ప్రపంచంలోని రెండవ అతిపెద్ద స్మార్ట్‌ఫోన్‌ మార్కెట్‌ అయిన భారత్‌లో వృద్ధి పట్ల యాపిల్‌ సీఈవో టిమ్‌ కుక్‌ సంతోషం వ్యక్తం చేశారు. ఇక్కడి మార్కెట్లో బలమైన రెండంకెల వృద్ధి సాధించామన్నారు. ‘అపార వ్యాపార అవకాశాలను అందిపుచ్చుకోవడానికి  శక్తిని ఉపయోగిస్తాం. భారత స్మార్ట్‌ఫోన్‌ మార్కెట్‌లో ఇప్పటికీ చాలా నిరాడంబరమైన, తక్కువ వాటాను కలిగి ఉన్నాం. కాబట్టి ఇది మాకు గొప్ప అవకాశం అని నేను భావిస్తున్నాను. జూన్‌ త్రైమాసికంలో రెండు స్టోర్లను తెరిచాం. అంచనాలను మించి ఇవి పనితీరు కనబరుస్తున్నాయి’ అని చెప్పారు.   

ప్రముఖ టెక్‌ దిగ్గజం యాపిల్‌ భారత్‌లో ఆర్ధిక రంగంలోకి అడుగు పెట్టనుంది. ఈ ఏడాది యాపిల్‌ తన  స్టోర్‌లను భారత్‌లో ప్రారంభించిన విషయం తెలిసిందే. ఈ సందర్భంగా దేశాన్ని సందర్శించిన ఆ కంపెనీ సీఈవో టిమ్‌కుక్‌ హెచ్‌డీఎఫ్‌సీ బ్యాంక్‌ సీఈవో, మేనేజింగ్‌ డైరక్టర్‌ శశిధర్‌ జగదీషన్‌తో భేటీ అయ్యారు. వారిద్దరి భేటీలో యాపిల్‌ క్రెడిట్‌ కార్డ్‌ విడుదలతో పాటు ఇతర అంశాలపై చర్చించుకున్నట్లు సమాచారం.   తాజాగా,యాపిల్‌..నేషనల్‌ పేమెంట్స్‌ కార్పొరేషన్‌ ఆఫ్‌ ఇండియా (ఎన్‌సీపీఐ)తో సంప్రదింపులు జరిపినట్లు పలు నివేదికలు వెలుగులోకి వచ్చాయి. అయితే, టెక్‌ దిగ్గజం ‘యాపిల్‌ పే’ పేరుతో క్రెడిట్‌ కార్డ్‌ను తేనుందని, ఈ కార్డ్‌ సాయంతో రూపే ప్లాట్‌ ఫామ్‌ ఆధారిత యూపీఐ పేమెంట్స్‌ చేసుకునేలా చర్చలు జరిపినట్లు వెలుగులోకి వచ్చిన నివేదికలు పేర్కొన్నాయి. భారత్‌లోని బ్యాంక్‌లు తన కస్టమర్ల కోసం క్రెడిట్‌ కార్డ్‌లను విడుదల చేస్తున్నాయి. అయితే, వినియోగదారులు ట్రాన్సాక్షన్లను మరింత వేగంగా, సులభతరం చేసుకునేందుకు క్యూఆర్‌ కోడ్‌ను ఉపయోగిస్తున్నారు. క్యూఆర్‌ కోడ్‌లను స్కాన్‌ చేసి డబ్బుల్ని సెండ్‌ చేస్తున్నారు. మరి ఇప్పుడు యాపిల్‌ఏ తరహా క్రెడిట్‌ కార్డ్‌లను విడుదల చేయనుందనే ఆసక్తికరంగా మారింది. ఇక, ఈ క్రెడిట్‌ కార్డ్‌ విడుదలపై టెక్‌ దిగ్గజం ఆర్‌బీఐని సంప్రదించగా.. కో-బ్రాండెడ్ క్రెడిట్ కార్డుల కోసం నిర్ధిష్ట నిబంధ‌న‌లను అనుస‌రించాల‌ని ఆర్‌బీఐ సూచించింది. చదవండి👉 ‘ఇక చాలు.. దయ చేయండి’.. గూగుల్ ఉద్యోగులకు సీఈఓ ఈ మెయిల్

టెక్‌ దిగ్గజం యాపిల్‌ కొత్త ప్రొడక్ట్‌లను విడుదల చేసేందుకు సిద్ధమైంది. ఏటా నిర్వహించే వరల్ట్‌ వైడ్‌ డెవలపర్‌ కాన్ఫరెన్స్‌ (WWDC 2023)లో తమ ప్రొడక్ట్స్‌ను యూజర్లకు పరిచయం చేయనుంది. ఈ ఏడాది జూన్ 5 (రేపటి నుంచే) సోమవారం నుంచి జూన్‌ 9 శుక్రవారం వరకు ఈవెంట్‌ను నిర్వహించనున్నట్లు యాపిల్‌ వెల్లడించింది. యాపిల్ ఆవిష్కరించే ప్రొడక్ట్స్‌ ఇవేనా ఐదు రోజుల డెవలపర్‌ ఈవెంట్‌లో ప్రీమియం ప్రొడక్ట్‌లైన మిక్స్‌డ్‌ రియాలిటీ (ఎంఆర్‌)హెడ్‌సెట్‌, న్యూ మాక్‌బుక్‌ ఎయిర్‌, కొత్త ఆపరేటింగ్‌ సిస్టంను విడుదల చేయనుంది. దీంతో పాటు వర్చువల్‌ రియాలిటీ (వీఆర్‌), అగ్మెంటెడ్‌ రియాలిటీ (ఏఆర్‌)ను అనుభూతి పొందేందుకు వినియోగించే మిక్స్‌డ్‌ రియాలిటీ హెడ్‌ సెట్‌ కోసం గత కొంత కాలంగా నిరీక్షిస్తున్న యూజర్లు కోరిక నెరవేరనుంది.  ఈవెంట్ ఎక్కడ జరుగుతుంది? కాలిఫోర్నియాలోని కుపెర్టినో యాపిల్ పార్క్‌ కేంద్రంగా జరిగే ఈ ఈవెంట్‌కు డెవలపర్‌లు, విద్యార్థులు పాల్గొననున్నారు. భారతీయులు స్థానిక కాలమానం ప్రకారం జూన్ 5 (సోమవారం) రాత్రి 10:30 గంటలకు వీక్షించవచ్చు.  ఎలా వీక్షించాలి? వరల్ట్‌ వైడ్‌ డెవలపర్‌ కాన్ఫరెన్స్‌ను యాపిల్‌ డాట్‌కామ్‌లో లైవ్‌ స్ట్రీమ్‌ జరగనుంది. యాపిల్‌ టీవీ సబ్‌స్క్రిప్షన్ ఉంటే యాప్‌ను ఇన్‌స్టాల్ చేసి లైవ్‌లో చూడొచ్చు.

ప్రముఖ టెక్‌ దిగ్గజం యాపిల్‌ ప్రపంచ దేశాల రిటైల్‌ మార్కెట్‌పై దృష్టిసారించింది. ప్రస్తుతం, దేశీయంగా జరుగుతున్న ఊహించని బిజినెస్‌తో భారత్‌లో మరో మూడు స్టోర్లతో పాటు చైనా, ఆసియా, అమెరికా, యూరప్‌ దేశాలలో రీటైల్‌ స్టోర్‌లను ప్రారంభించనున్నట్లు బ్లూమ్‌బెర్గ్‌ నివేదించింది.  అయితే, తాజాగా యాపిల్‌ కీలక నిర్ణయానికి కారణం భారత్‌ మార్కెటేనని సమాచారం. ఇప్పటికే ఆ సంస్థ 26 దేశాల్లో 520 స్టోర్‌ల నుంచి ఉత్పత్తుల్ని విక్రయించింది. రానున్న రోజుల్లో మరో 53 రీటైల్‌ స్టోర్‌లను ప్రారంభించేలా భారత్‌లోని యాపిల్‌ స్టోర్‌లు దారి చూపినట్లు టెక్‌ పరిశ్రమ వర్గాలు తెలిపాయి.    కుపెర్టినో దిగ్గజం ఈ ఏడాది భారత్‌లో ఢిల్లీ, ముంబైలలో యాపిల్‌ రీటైల్‌ స్టోర్‌లను ప్రారంభించిన సంగతి తెలిసిందే. ప్రారంభోత్సవానికి సీఈవో టిమ్‌కుక్‌ హాజరయ్యారు. అయితే ఇటీవల ఈ రెండు స్టోర్‌లలోని యాపిల్‌ ఉత్పత్తుల అమ్మకాలు సరికొత్త రికార్డ్‌లను నమోదు చేస్తున్నాయి. రోజుల వ్యవధిలో ఈ రెండు స్టోర్‌లలోని నెలవారీ విక్రయాలు రూ. 22 కోట్ల నుంచి 25 కోట్ల మధ్య జరిగినట్లు పలు నివేదికలు వెలుగులోకి వచ్చాయి.  ఈ అమ్మకాల ఫలితాలతో యాపిల్‌ సీఈఓ టిమ్‌ కుక్‌ సంతోషం వ్యక్తం చేశారని, అందుకే 2027 నాటికల్లా ఆసియా - పసిపిక్‌ రీజియన్లలో 15 స్టోర్లు, యూరప్‌ - మిడిల్‌ ఈస్ట్‌ దేశాల్లో ఐదు స్టోర్లు, అమెరికా - కెనడాలలో నాలుగు స్టోర్లను ప్రారంభించనున్నట్లు బ్లూమ్‌బెర్గ్‌ నివేదిక హైలెట్‌ చేసింది.  దీంతో పాటు ఇప్పటికే కార్యకాలపాలు కొనసాగుతున్న ఆసియా దేశాల్లో ఆరు స్టోర్లు, యూరప్‌లో తొమ్మిది స్టోర్లు, నార్త్‌ అమెరికాలో ఉన్న 13 స్టోర్లను మరో ప్రాంతానికి మార్చేలా టిమ్‌ కుక్‌ సంబంధిత విభాగాల అధిపతులతో చర్చలు జరుపుతున్నారని సమాచారం.  ముఖ్యంగా..అమెరికా, యూరప్‌ తర్వాత ఆసియా ప్రాంతంలో యాపిల్ రిటైల్ మార్కెట్‌ను విస్తరించాలనే లక్ష్యంతో 2027 నాటికల్లా యాపిల్‌ స్టోర్ల పునరుద్దరణ, విస్తరణ దిశగా అడుగులు వేస్తుంది. ఇందులో భాగంగా 2025 నాటికి ముంబైలోని సబర్బన్‌లోని బోరివాలి ప్రాంతంలో మూడో యాపిల్‌ స్టోర్‌ను, 2026 నాటికి ఢిల్లీలోని డీఎల్‌ఎఫ్‌ ప్రోమెనేడ్‌ మాల్‌లో ఐదో స్టోర్‌ను, 2027 నాటికి ముంబైలోని వ్రోలి ప్రాంతంలో ఇలా మరో మూడు స్టోర్‌లను యాపిల్‌ ప్రారంభించనుంది.  చదవండి👉 ఆ ఇద్దరు ఉద్యోగుల కోసం.. రెండు కంపెనీల సీఈవోలు పోటీ..రేసులో చివరికి ఎవరు గెలిచారంటే?

ఏ మార్పైన కొంత వరకు మంచిదే. కానీ అతిగా జరిగితే అనార్ధం తప్పదు. అలాంటి ఆర్టిఫిషియల్‌ ఇంటెలిజెన్స్‌పై ఎటు చూసినా ఇదే చర్చ నడుస్తోంది. దీనిని నమ్మితే మానవజాతి వినాశనం తప్పదని, మానవుని ఎదుగుదలకు మూలమైన సృజనాత్మకతను అంతం చేస్తుందనే వాదనలు వినిపిస్తున్నాయి. ఎవరి వాదనలు ఎలా ఉన్నా దిగ్గజ టెక్‌ సంస్థలు ఈ ఏఐ రేసులో ఒకదానికొకటి పోటీపడుతున్నాయి.   శరవేగంగా విస్తరిస్తున్న ఏఐ విభాగంలో సత్తా చాటేందుకు గూగుల్‌, మైక్రోసాఫ్ట్‌తో పాటు కృత్రిమ మేధస్సు వినియోగంలో కాస్త వెనుకంజలో ఉన్న మరో టెక్‌ దిగ్గజం యాపిల్‌ సైతం దృష్టి సారించింది. గూగుల్‌ బార్డ్‌, మైక్రోసాఫ్ట్‌ చాట్‌జీపీటీతో ముందంజలో ఉంటే యాపిల్‌ ఏఐని విస్మరించింది. ఊహించని పరిణామలతో ఓపెన్‌ ఏఐ లాంటి సంస్థలతో పోటీపడలేక ఆ సంస్థ ఆర్టిఫిషియల్‌ ఇంటెలిజెన్స్‌ (ఏఐ) చీఫ్‌ జాన్ జియానాండ్రియా తీవ్ర ఇబ్బందులు పడుతున్నట్లు పలు నివేదికలు వెలుగులోకి వచ్చాయి.  బంగారు గుడ్లు పెట్టే బాతుల్లా నివేదికల ప్రకారం.. ఏఐలో కీలకంగా వ్యవహరిస్తున్న ముగ్గురిలో శ్రీనివాస్‌ వెంకటా చారి, ఆనంద్‌ శుక్లాలు (స్టీవెన్‌ బాకెర్‌ కాకుండా) ఇద్దరు దిగ్గజ కంపెనీలకు బంగారు గుడ్లు పెట్టే బాతుల్లాగా కనిపిస్తున్నారు. అందుకే ఎంత ప్యాకేజీ కావాలంటే అంత చెల్లించి తమ సంస్థలో చేర్చుకునేందుకు పోటీపడుతున్నారు.    యాపిల్‌ను వదిలేసి గూగుల్‌ వైపు యాపిల్‌ సెర్చ్‌ టెక్నాలజీలో పని చేస్తున్న ఆ ముగ్గురు యాపిల్‌ను వదిలేసి గూగుల్‌లో చేరారు. అందులో లార్జ్‌ లాంగ్వేజ్‌ మోడల్ (ఎల్‌ఎల్‌ఎం)పై పనిచేస్తున్నారు. వారిలో ఇద్దరు ఐఐటీని పూర్తి చేశారు. ఆ ఇద్దరిని తమతో పాటు ఉంచుకునేందుకు గూగుల్‌ సీఈవో సుందర్‌ పిచాయ్‌ ప్రయత్నిస్తుంటే.. యాపిల్‌ సంస్థ నుంచి గూగుల్‌కు వెళ్లిన ఆ ఇద్దరినే.. మళ్లీ తమవైపుకు తిప్పుకోవాలని సీఈవో టిమ్‌కుక్‌ చూస్తున్నారు. దీంతో ఇప్పుడు ఐఐటీయన్ల కోసం టెక్‌ సంస్థలు పోటీ పడుతున్న తీరు ప్రపంచ టెక్‌ రంగంలో చర్చాంశనీయంగా మారింది.   ఎవరా ఇద్దరు భారతీయులు? ఐఐటీ మద్రాస్‌లో బీటెక్‌ కంప్యూటర్‌ సైన్స్‌ను పూర్తి చేసిన వెంకటాచారి ప్రస్తుతం గూగుల్‌ ఏఐ ప్రొడక్ట్‌ విభాగంలో వైస్‌ ప్రెసిడెంట్‌గా పనిచేస్తున్నారు. మరొకరు ఆనంద్‌ శుక్లా. శుక్లా గూగుల్‌లో మంచి పేరున్న ఇంజినీర్‌గా చెలామణి అవుతున్నారు. లింక్డిన్‌ ఫ్రొఫైల్‌ ప్రకారం.. 2022 అక్టోబర్‌ నెలలో వెంకటచారీ యాపిల్‌కు రిజైన్‌ చేయగా.. అదే ఏడాది నవంబర్‌లో యాపిల్‌కు గుడ్‌పై చెప్పి గూగుల్‌లో చేరారు శుక్లా.      బ్రతిమలాడి, బామాలి ది ఇన్ఫర్మేషన్ నివేదిక ప్రకారం, ఆ ఇద్దరు భారతీయులు గూగుల్‌లో పనిచేందుకు మొగ్గుచూపుతున్నట్లు తేలింది. గూగుల్‌ ఎల్‌ఎల్‌ఎంలో పనిచేసుందకు మంచి ప్రదేశమని భావించారని, గూగుల్ సీఈఓ సుందర్ పిచాయ్ సైతం తమ ఆలోచనలకు అనుగుణంగా ఉన్నట్లు తెలుస్తోంది. యాపిల్ సీఈఓ టిమ్ కుక్ వాళ్లిద్దరికి ఇక్కడే ఉండమని ఒప్పించేందుకు ప్రయత్నించారని నివేదిక పేర్కొంది. చదవండి👉 ‘ఇక చాలు.. దయ చేయండి’.. గూగుల్ ఉద్యోగులకు సీఈఓ ఈ మెయిల్

ముంబైలో బాంద్రా కుర్లా కాంప్లెక్స్‌లోని రిలయన్స్‌ జియో వరల్డ్‌ డ్రైవ్‌ మాల్‌లో టెక్‌ దిగ్గజం యాపిల్‌ తొలి రిటైల్‌ స్టోర్‌ ‘యాపిల్‌ బీకేసీ’ని ఏర్పాటు చేసిన విషయం తెలిసిందే. ఈ స‍్టోర్‌ను (ఏప్రిల్‌ 18న) యాపిల్‌ సీఈవో టిమ్‌ కుక్‌ స్వయంగా ప్రారంభించారు.  రిటైల్‌ స్టోర్‌ అందుబాటులోకి రానున్నడంతో స్టోర్‌ను వీక్షించేందుకు, అందులోని ప్రొడక్ట్‌లను కొనుగోలు చేసేందుకు భారత్‌తో పాటు ప్రపంచ దేశాలకు చెందిన యాపిల్‌ అభిమానులు యాపిల్‌ బీకేసీ స్టోర్‌ ఎదుట బారులు తీరారు. చాలా మంది సందర్శకులు స్టీవ్ జాబ్స్ ఇష్టపడేలా టీ-షర్టులను ధరించారు. వారి జుట్టును యాపిల్ లోగో ఆకారంలో కత్తిరించుకొని తమ అభిమానాన్ని చాటుకున్నారు. ఓ అభిమాని 1984లో ప్రారంభించిన మొదటి యాపిల్ కంప్యూటర్ వెర్షన్‌ (మాకింతోష్ కంప్యూటర్)ను  తీసుకువచ్చారు. ఈ సందర్భంగా యాపిల్‌ ఉత్పత్తులతో తమకున్న అనుబంధాల్ని, స్మృతులను నెమరేసుకున్నారు. అయితే రిటైల్‌ స్టోర్‌ ప్రారంభం అనంతరం అభిమానులతో కరచాలనం చేసిన టిమ్‌కుక్‌ సదరు ఫ్యాన్‌ తెచ్చిన కంప్యూటర్‌ను చూసి ‘వావ్‌’ అంటూ సంభ్రమాశ్చర్యాలకు గురయ్యారు.  ‘నేను తొలిసారి 1984 యాపిల్‌ కంప్యూటర్‌ను కొనుగోలు చేశా. నాటి నుంచి యాపిల్‌ ఉత్పత్తులనే వినియోగిస్తున్నా. తన చేతిలో ఉన్న కంప్యూటర్‌ను చూపిస్తూ ఇదిగో దీని డిస్కోస్టోరేజ్‌ కెపాసిటీ 2 మెగాబైట్స్‌. బ్లాక్‌ అండ్‌ వైట్‌ కలర్‌ వేరియంట్స్‌లో ఉంది. ఇప్పుడు ఇదే కంప్యూటర్‌ను యాపిల్‌ 4కే, 8కే రెసెల్యూషన్‌ డిస్‌ప్లేలను తయారు చేస్తోంది’ అని చెప్పుకొచ్చారు. ప్రస్తుతం యాపిల్‌ అభిమాని తన వెంట తీసుకొచ్చిన యాపిల్‌ కంప్యూటర్‌ను టిమ్‌ కుక్‌కు చూపించడం.. ఆ కంప్యూటర్‌ను చూసి ఆశ్చర్యం వ్యక్తం చేసిన ఫోటోలు సోషల్‌ మీడియాలో వైరల్‌గా మారాయి. కాగా, సినీ హీరో హీరోయిన్లకే కాదు ఎలక్ట్రానిక్స్‌ వస్తువులకు అభిమానులుంటారని యూజర్లు కామెంట్లు చేస్తున్నారు.   చదవండి👉 ‘మాధురీ మేడం వడపావ్‌ అదిరింది’.. యాపిల్‌ సీఈవో టిమ్‌కుక్‌ వైరల్‌

భారత్‌లో యాపిల్‌ తొలి రిటైల్‌ స్టోర్‌ ప్రారంభమైంది. ముంబైలోని బాంద్రా కుర్లా కాంప్లెక్స్‌లో ‘యాపిల్‌ బీకేసీ’ (Apple BKC) పేరిట ఏర్పాటైన ఈ స్టోర్‌ను కంపెనీ సీఈఓ టిమ్‌ కుక్‌ స్వయంగా తలుపులు తెరిచి కస్టమర్లను ఆహ్వానించారు. ఈ స్టోర్‌ ప్రారంభోత్సవానికి ముందు రోజు అంటే ఏప్రిల్‌ 17న టిమ్‌కుక్‌ ముంబైలో సందడి చేశారు. బాలీవుడ్‌ బ్యూటీ మాధురీ దీక్షిత్‌తో కలిసి వడపావ్‌ రుచి చూడడం నుంచి దేశంలో ప్రముఖ ఇండస్ట్రీలిస్ట్‌లను కలిసినట్లు తెలుస్తోంది.    ఇక దేశీయంగా యాపిల్‌ వ్యాపార వ్యవహారాల నిమిత్తం కుక్‌ ప్రపంచంలోనే రెండో విలాసవంతమైన భవనం, ముంబై అల్టామౌంట్ రోడ్‌లోని ముఖేష్‌ అంబానీ నివాసం ఆంటిలియాకు వెళ్లారు. అక్కడ రిలయన్స్ జియో చైర్మన్ ఆకాష్ అంబానీని కలిశారు. ఆ తర్వాత టాటా సన్స్ ఛైర్మన్ ఎన్ చంద్రశేఖరన్‌తో పాటు పలువురు ప్రముఖ పారిశ్రామికవేత్తలను కలిశారని విశ్వసనీయ సమాచారం. ఆ తర్వాత బాలీవుడ్‌ బ్యూటీ మాధురీ దీక్షిత్‌తో కలిసి ముంబై వీధుల్లో టిమ్‌కుక్‌ సందడి చేశారు. ముఖేష్‌ అంబానీ ఫ్యామిలీ అమితంగా ఇష్టపడే ముంబైలోని ప్రముఖ స్వాతీ స్నాక్స్‌ రెస్టారెంట్‌లో ముంబైలోని ప్రముఖ స్వాతీ స్నాక్స్‌ రెస్టారెంట్‌లో మాధురీ దీక్షిత్‌తో కలిసి  వడపావ్‌ (అంబానీల సూచన మేరకు) ఆరగించారు.  Thanks @madhuridixit for introducing me to my very first Vada Pav — it was delicious! https://t.co/Th40jqAEGa — Tim Cook (@tim_cook) April 17, 2023 దీనికి సంబంధించిన ఫోటోను మాధురి దీక్షిత్ ట్వీట్ చేశారు. ముంబైలో వడా పావ్ కంటే మెరుగైన స్వాగతం మరొకటి ఉండదు అంటూ పోస్ట్ చేశారు. దీనికి టిమ్‌ కుక్‌ 'నాకు మొదటిసారి వడ పావ్‌ని  పరిచయం చేసినందుకు ధన్యవాదాలు. ఇది చాలా రుచిగా ఉంది’అంటూ టిమ్ కుక్ బదులిచ్చారు. చదవండి👉భారత్‌లో తొలి యాపిల్‌ రిటైల్‌ స్టోర్‌.. ప్రారంభించిన టిమ్‌కుక్‌!

ఎప్పుడెప్పుడా అని ఎదురు చూస్తున్న యాపిల్‌ స్మార్ట్‌ఫోన్‌ దేశీయ మార్కెట్‌లోకి అడుగు పెట్టింది. యాపిల్‌ బీకేసీ (Apple BKC) పేరుతో ముంబైలో ఏర్పాటైన యాపిల్‌ రిటైల్‌ స్టోర్‌ను ఆ సంస్థ సీఈవో టిమ్‌కుక్‌ ప్రారంభించారు. దీంతో ముంబై బాంద్ర కుర్లా కాంప్లెక్స్‌లో అందుబాటులోకి వచ్చిన రిటైల్‌స్టోర్‌లో యాపిల్‌ ఉత్పత్తులను కొనుగోలు చేసే సౌకర్యం కలిగినట్లైంది.  ఏప్రిల్‌ 18న (ఈరోజు) వన్‌.. టూ..త్రీ అంటూ యాపిల్‌ ఉద్యోగుల కరతాళ ధ్వనుల మధ్య టిమ్‌కుక్‌ రిటైల్‌ స్టోర్‌ను ఘనంగా ప్రారంభించారు. ముందుగా అనున్నకున్నట్లుగా మూహూర్తపు సమయానికి యాపిల్‌ బీకేసీ స్టోర్‌ డోర్లను ఓపెన్‌ చేశారు. అనంతరం స్టోర్‌ లోపలి నుంచి ఎంట్రన్స్‌ వద‍్దకు వచ్చిన టిమ్‌కుక్‌ భారతీయుల్ని మరింత ఉత్సాహ పరిచేలా చేతులు జోడించి నమస్కరించి ముందుకు సాగారు. ఇక  బీకేసీ.. బీకేసీ.. బీకేసీ అంటూ ఉద్యోగులు, వినియోగదారులకు నినాదాల మధ్య ఆ ప్రాంతంలో ఆహ్లాదకర వాతావరణం కనిపించింది.    రిటైల్‌ స్టోర్‌లో అమ్మకాలు ప్రారంభం ఇప్పటివరకు, యాపిల్ సంస్థ యాపిల్‌ వాచ్‌,ఐఫోన్‌, ఐప్యాడ్‌(Pad),ఐపాడ్‌ (iPod),ఐమాక్‌ ఇలా ప్రొడక్ట్‌లను ఆన్‌లైన్‌లో లేదంటే థర్డ్‌ పార్టీ సంస్థల నుంచి అమ్మకాలు, కొనుగోళ్లు జరిగేవి. లేదంటే ఫ్లిప్‌కార్ట్‌,అమెజాన్‌ వంటి ఈ కామర్స్‌ వెబ్‌సైట్ల ద్వారా యాపిల్‌ ఉత్పత్తులను కొనుగోలు చేసే అవకాశం లభించేది. ఇప్పుడు అందుబాటులోకి వచ్చిన యాపిల్‌ బీకేసీ రిటైల్‌ స్టోర్‌లో యాపిల్‌ ప్రొడక్ట్‌లను కొనుగోలు చేయొచ్చు.   రూ.738 కోట్ల విలువైన ఉత్పత్తుల ఎగుమతి యాపిల్‌ సంస్థలో ఏప్రిల్ 2022 నుంచి ఫిబ్రవరి 2023 మధ్యకాలంలో సుమారు 9 బిలియన్ (దాదాపు రూ. 738 కోట్లు) విలువైన  ప్రొడక్ట్‌లను ఎగుమతి చేసింది. అందులో 50 శాతానికి పైగా ఐఫోన్‌లు ఉన్నాయని ఇండియా సెల్యులార్, ఎలక్ట్రానిక్స్ అసోసియేషన్ నివేదిక తెలిపింది.ఇక స్టోర్‌ల ప్రారంభంతో యాపిల్‌ బిజినెస్‌ మరింత వృద్ది సాధింస్తుందని మార్కెట్‌ నిపుణులు అంచనా వేస్తున్నారు.   (ఫొటో గ్యాలరీ కోసం ఇక్కడ క్లిక్ చేయండి) #WATCH | Apple CEO Tim Cook opens the gates to India's first Apple store at Mumbai's Bandra Kurla Complex pic.twitter.com/MCMzspFrvp — ANI (@ANI) April 18, 2023 తెల్లవారుజాము నుంచే పడిగాపులు మరోవైపు రిటైల్‌ స్టోర్‌ను యాపిల్‌ ఐఫోన్‌లను కొనుగోలు చేసేందుకు ఔత్సాహికులు స్టోర్‌ వద్ద పెద్ద ఎత్తున బారులు తీరారు. స్టోర్‌ ప్రారంభించేందుకు ఇంకా సమయం ఉన్నప్పటికీ మంగళవారం తెల్లవారు జాము నుంచి దీని ముందు పడిగాపులు కాశారు.ఆ ఫోటోలు సోషల్‌ మీడియాలో తెగ చక్కెర్లు కొడుతున్నాయి.

భారత పర్యటనలో ఉన్న యాపిల్‌ సీఈవో టిమ్‌కుక్‌ ముంబైలో సందడి చేశారు. ఏప్రిల్‌ 18న యాపిల్‌ తన మొదటి స్టోర్‌ను ముంబైలో, ఏప్రిల్‌ 20న ఢిల్లీలో రెండో స్టోర్‌ ప్రారంభించనున్నారు.  ఈ సందర్భంగా ముంబైలోని ప్రముఖ స్వాతీ స్నాక్స్‌ రెస్టారెంట్‌లో భారతీయులు అమితంగా ఇష్టపడే వడపావ్‌ను బాలీవుడ్‌ బ్యూటీ మాధురీ దీక్షిత్‌తో కలిసి యాపిల్‌ సీఈవో టిమ్‌కుక్‌ రుచి చూశారు. వడపావ్‌ చాలా బాగుంది అంటూ ఆ ఫోటోల్ని ట్వీట్‌ చేశారు.  Thanks @madhuridixit for introducing me to my very first Vada Pav — it was delicious! https://t.co/Th40jqAEGa — Tim Cook (@tim_cook) April 17, 2023 నటి మాధురీ దీక్షిత్ టిమ్ కుక్‌తో కలిసి వడ పావ్ తింటున్న ఫోటోల్ని నెటిజన్లతో పంచుకున్నారు. “ముంబైకి వడ పావ్ కంటే మెరుగైన స్వాగతం గురించి ఆలోచించలేను!” అని ట్వీట్‌లో పేర్కొన్నారు. ప్రస్తుతం ఆఫోటోలు సోషల్‌ మీడియాలో తెగ వైరల్‌ అవుతున్నాయి. Can’t think of a better welcome to Mumbai than Vada Pav! pic.twitter.com/ZA7TuDfUrv — Madhuri Dixit Nene (@MadhuriDixit) April 17, 2023

భారత్‌లో అడుగుపెట్టి 25 ఏళ్లు పూర్తయిన సందర్భంగా ప్రముఖ టెక్‌ దిగ్గజం యాపిల్‌ దేశీయంగా రెండు యాపిల్‌ రిటైల్‌ స్టోర్‌లను ప్రారంభించనుంది. ఏప్రిల్‌ 18న యాపిల్‌ తన మొదటి స్టోర్‌ను ముంబైలో, ఏప్రిల్‌ 20న ఢిల్లీలో రెండో స్టోర్‌ తెరవనుంది.  ప్రపంచంలోని ఐకానిక్ బ్రాండ్ రీటైల్‌ స్టోర్‌ ప్రారంభోత్సవానికి టిమ్‌ కుక్‌ హాజరు కానున్నారు. పలు నివేదికల ప్రకారం.. యాపిల్‌ సీఈవో ప్రధాని నరేంద్ర మోదీతో భేటీ కానున్నట్లు తెలుస్తోంది. యాపిల్‌ రిటైల్ సీనియర్ వైస్ ప్రెసిడెంట్ డీర్డ్రే ఓబ్రియన్ మాట్లాడుతూ..యాపిల్‌ రీటైల్‌ స్టోర్‌లలో ఉండే 100 మంది సిబ్బంది 18 మంది భాషల్లో మాట్లాడతారని తెలిపారు. సంస్థ దేశంలో 2,500 మందికి ఉపాధి కల్పిస్తోందని, యాప్ ఎకోసిస్టమ్ ద్వారా 10 లక్షల ఉద్యోగాలు కల్పించడంలో పరోక్షంగా సహాయపడిందని ఆమె చెప్పారు. యాపిల్‌కు ప్రపంచ వ్యాప్తంగా 25 దేశాల్లో 500 రిటైల్‌ స‍్టోర్‌లు ఉన్నాయి. ఆ స్టోర్‌లలో ఉన్న ఫీచర్లే భారత్‌లో ప్రారంభించబోయే స్టోర్‌లలో ఉన్నాయి. అయితే స్థానికతకు పెద్దపీట వేస్తూ రూపొందించిన రెండు స్టోర్లూ భారత వినియోగదారులకు కొత్త అనుభూతిని పంచేలా దృష్టిసారించింది.  ముఖ్యంగా స్టోర్ లోపల గోడల కోసం, కంపెనీ ప్రత్యేకంగా రాజస్థాన్ నుండి రాయిని కొనుగోలు చేసింది. 4.5 లక్షల కలప ముక్కలు పైకప్పు గోడలను అలంకరించింది.స్టోర్‌లో ఉత్పత్తులు, కస్టమర్‌ల కోసం అందుబాటులో ఉన్న గాడ్జెట్‌లను రిపేర్ చేయడం వంటి సేవలు ఉన్నాయి. ఎగ్జిక్యూటివ్‌లు మాట్లాడుతూ..కస్టమర్‌లు ప్రొడక్ట్‌లను తనిఖీ చేసుకోవచ్చని వాటిని  ఎలా ఉపయోగించాలనే అంశంపై అవగాహన కల్పిస్తారని చెప్పారు.

ప్రముఖ టెక్‌ దిగ్గజం యాపిల్‌ వచ్చే భారత్‌లో తొలి రీటైల్‌ స్టోర్‌ను ప్రారంభించబోతుంది. దేశంలో ఐఫోన్‌ల తయారీని వేగంగా విస్తరిస్తున్న యాపిల్‌ తన రిటైల్ స్టోర్‌ని తీసుకొచ్చేందుకు సన్నాహాలు మొదలుపెట్టింది.  ఈ క్రమంలో రీటైల్‌ స్టోర్‌ ప్రారంభం కంటే ముందే తన ప్రత్యర్ధులకు చెక్‌ పెట్టేలా ఆ సంస్థ సీఈవో టిమ్‌కుక్‌ వ్యూహాత్మకంగా వ్యవహరిస్తున్నట్లు పలు నివేదికలు వెలుగులోకి వచ్చాయి.    ముంబైలో ఆసియా అపర కుబేరుడు ముకేశ్‌ అంబానీకి చెందిన ‘బంద్రా కుర్లా కాంప్లెక్స్‌’లోని జియో వరల్డ్‌ డ్రైవ్‌ మాల్‌లో యాపిల్‌ స్టోర్‌ను ఏర్పాటు చేస్తుంది. రిటైల్ స్టోర్ ఏర్పాటు చేయడం ద్వారా యాపిల్‌ స్పెషల్‌ డిస్కౌంట్‌ పొందినట్లు తెలుస్తోంది. ఇందుకోసం టిమ్‌కుక్‌.. జియో వరల్డ్‌ డ్రైవ్‌ యాజమాన్యానికి కొన్ని షరతులు పెట్టారని, ఆ షరతులకు లోబడే యాపిల్‌ రీటైల్‌ స్టోర్‌ ఏర్పాటు అంగీకరించినట్లు సమాచారం. ఇంతకీ ఆ షరతు ఏంటంటే?  ముంబైలోని రిలయన్స్ జియో వరల్డ్ డ్రైవ్ మాల్‌లో రీటైల్‌ స్టోర్‌ ఏర్పాటు కోసం యాపిల్‌ సంస్థ 20,800 చదరపు అడుగుల విస్తీర్ణాన్ని 11 ఏళ్ల పాటు లీజుకు తీసుకుంది. లీజు ఒప్పందం ప్రకారం.. నెలకు రూ.42 లక్షలను అద్దె రూపంలో చెల్లించనుంది. ఈ లెక్కన ఏడాదికి అద్దె రూపంలోనే రూ.5 కోట్లను  చెల్లిస్తుండగా.. ప్రతి 3 ఏళ్లకు ఒకసారి అద్దె 15 శాతం మేర పెంపు ఉంటుంది. ఆ మూడేళ్లలో 2 శాతం రెవెన్యూ షేర్‌, మూడేళ్ల తర్వాత 2.5 శాతం రెవెన్యూ షేర్‌ను అంబానీ సంస్థకు చెల్లించనుంది.    అదే సమయంలో కొన్ని కండీషన్లు పెట్టింది. డేటా అనలటిక్స్‌ సంస్థ సీఆర్‌ఈ మ్యాట్రిక్స్‌ రిపోర్ట్‌ ప్రకారం.. రీటైల్‌ స్టోర్‌ ఏర్పాటు అనంతరం ఆ ప్రాంతంలో 21 సంస్థలకు చెందిన బ్రాండ్ల యాడ్స్‌ను డిస్‌ప్లే చేసేందుకు వీలు లేదు. వాటిల్లో అమెజాన్‌,ఫేస్‌బుక్‌, గూగుల్‌, ఎల్‌జీ, మైక్రోసాఫ్ట్‌, సోనీ, ట్విటర్‌, బోస్‌, డెల్‌, డెలాయిట్‌ , ఫాక్స్‌కాన్‌, గార్‌మిన్‌, హిటాచీ, హెచ్‌పీ, హెచ్‌టీసీ, ఐబీఐఎం, ఇంటెల్‌, లెనోవో, నెస్ట్‌, ప‍్యానసోనిక్‌, తోషిబా, శాంసంగ్‌ వంటి సంస్థలు ఉన్నాయి.

ప్రముఖ టెక్‌ దిగ్గజం యాపిల్‌ గుడ్‌ న్యూస్‌ చెప్పింది. భారత్‌లో తొలి రిటైల్‌ స్టోర్‌ ‘యాపిల్ బీకేసీ’ (Apple BKC) ను ఏప్రిల్‌ 18న వినియోగదారులకు అందుబాటులోకి తీసుకురానున్నట్లు సంస్థ ప్రకటించింది. బ్లూమ్‌ రిపోర్ట్‌ నివేదిక ప్రకారం.. యాపిల్‌ సీఈవో టిమ్‌కుక్‌ ఏప్రిల్‌ 18న ముంబైలోని బాంద్రా కుర్లా కాంప్లెక్స్ (బీకేసీ)లోని జియో వరల్డ్‌ డ్రైవ్‌ మాల్‌లో ఉదయం 11 గంటలకు భారత్‌లో తొలి అధికారిక రిటైల్ స్టోర్ ప్రారంభించనున్నారు. రెండ్రోజుల తర్వాత అంటే ఏప్రిల్‌ 20 ఉదయం 10 గంటలకు ఢిల్లీ సాకెట్‌లోని సెలెక్ట్‌ సిటీవాక్‌ మాల్‌లో యాపిల్‌ రిటైల్‌ స్టోర్‌ను వినియోగదారులకు అందుబాటులోకి తీసుకురానున్నట్లు నివేదిక పేర్కొంది.    లాస్‌ ఎంజెల్స్‌,న్యూయార్క్‌, బీజింగ్‌, మిలాన్‌, సింగ్‌పూర్‌ దేశాల తరహాలోనే ముంబైలోని యాపిల్ బీకేసీ రీటైల్‌ స్టోర్‌ 22,000 చదరపు అడుగుల్లో నిర్మించినట్లు తెలుస్తోంది. దీంతో యాపిల్‌ సంస్థ రీటైల్‌ స్టోర్‌ల సంఖ్య 25 దేశాల్లో 552కి చేరినట్లైంది. 

యాపిల్‌ సీఈవో టిమ్‌ కుక్‌ చైనా విషయంలో స్వరం మార్చారు. చైనా వేగవంతమైన ఆవిష్కరణలపై టిమ్‌ కుక్‌ ప్రశంసల వర్షం కురిపించారంటూ స్థానిక మీడియా కథనాలు వెలుగులోకి వచ్చాయి.     కరోనా మహమ్మారి అదుపులోకి రావడంతో డ్రాగన్‌ ప్రభుత్వం చైనా బిజినెస్‌ సమ్మిట్‌ను అధికారికంగా నిర్వహించింది. ఆ సమ్మిట్‌కు ప్రభుత్వ ఉన్నతాధికారులు, టిమ్‌ కుక్‌తో పాటు కోవిడ్‌ తయారీ సంస్థల ఫైజర్‌, బీహెచ్‌పీ సీఈవోలు హాజరయ్యారు.  ఈ సందర్భంగా..చైనాలో వేగంగా ఆవిష్కరణలు జరుగుతున్నాయి. ఇవి మరింత వేగవంతమవుతాయని విశ్వసిస్తున్నా అని టిమ్‌కుక్‌ వ్యాఖ్యానించినట్లు ఓ వార్తా సంస్థ పేర్కొంది. కాగా, ఇటీవల స్పై బెలూన్‌ విషయంలో అమెరికా-చైనా మధ్య నెలకొన్న వివాదం, యాపిల్‌ ప్రొడక్ట్‌లలో సప్లై చైన్‌ సమస్యలతో.. ఆదేశంపై ఆధారపపడం తగ్గించి భారత్‌తో పాటు ఇతర దేశాల్లో ఉత్పత్తి కేంద్రాలను తరలించాలని యాపిల్‌ ప్రయత్నాలు చేస్తోంది. ఈ తరుణంలో చైనాపై టిమ్‌ కుక్‌ వ్యాఖ్యలు వ్యాపార వర్గాల్లో మరింత ఆసక్తిని రేకెత్తిస్తున్నాయి. 

ప్రముఖ టెక్‌ దిగ్గజం యాపిల్‌ సీఈవో టిమ్‌ కుక్‌ అందించే వేతనం ఈ ఏడాది భారీగా తగ్గిపోనుంది. యాపిల్‌ యాన్యువల్‌‌ జనరల్‌‌ మీటింగ్‌‌లో టిమ్‌కుక్‌ వేతనం తగ్గించాలని చర్చకు వచ్చింది. షేర్‌‌ హోల్డర్లతో జరిపిన సమావేశం అనంతరం వేతన తగ్గింపు నిర్ణయం తీసుకుంటున్నట్లు సంస్థ వెల్లడించింది.   పెట్టుబడిదారుల అభిప్రాయం మేరకు తన వేతనాన్ని సర్దుబాటు చేయమని కుక్ స్వయంగా అభ్యర్థించారు.కాబట్టే తాము ఈ నిర్ణయం తీసుకున్నట్లు యాపిల్‌ తన రెగ్యులేటరీ ఫైలింగ్‌లో తెలిపింది. దీంతో ఆయన వేతనం 40శాతం పైగా తగ్గించి 49 మిలియన్లను మాత్రమే ముట్టజెప్పనుంది.  2023లో కుక్‌కు ఇచ్చే శాలరీ మార్పులు, యాపిల్ పనితీరుతో ముడిపడి ఉన్న స్టాక్ యూనిట్ల శాతం 50 నుంచి రానున్న రోజుల్లో 75శాతానికి పెరుగుతుందని పేర్కొంది. 2022లో కుక్  99.4 మిలియన్ల మొత్తాన్ని శాలరీ రూపంలో తీసుకోగా, ఇందులో 3 మిలియన్ల బేసిక్‌ శాలరీ, సుమారు 83 మిలియన్లు స్టాక్ అవార్డ్‌లు, బోనస్‌లు ఉన్నాయి.    కుక్ వేతనంపై యాపిల్‌ సంస్థ స్పందించింది. సంస్థ అసాధారణమైన పనితీరు, సీఈవో సిఫార్స్‌ మేరకు ఈ నిర్ణయం తీసుకుంటున్నాం’ అని ఫైలింగ్‌లో పేర్కొంది. కాగా, యాపిల్‌ సంస్థ టిమ్‌ కుక్‌కు ఇచ్చే ప్యాకేజీపై వాటాదారులకు అభ్యంతర వ్యక్తం చేశారు. అదే సమయంలో కుక్‌ పట్ల యాపిల్‌ ప్రదర్శిస్తున్న విధేయతపై సైతం విమర్శలు వెల్లువెత్తాయి.  దీంతో టిమ్‌కుక్‌ శాలరీ విషయంలో వెనక్కి తగ్గారు. ఈ తరుణంలో ప్రముఖ అడ్వైజరీ సంస్థ ఐఎస్‌ఎస్‌ (Institutional Shareholder Services) సైతం 2026లో టిమ్‌కుక్‌ రిటైర్‌ కానున్నారు. అప్పటివరకు ఈ ప్రోత్సహాకాలు ఇలాగే కొనసాగుతాయనే అభిప్రాయం వ్యక్తం చేసింది.

చైనా నుంచి ఒక్కొక్క కంపెనీ తరలి వెళ్లిపోతుంది. ప్రముఖ కంపెనీలు భారత్‌కు క్యూ కడుతున్నాయి. మొబైల్‌ దిగ్గజం యాపిల్‌కు విడి భాగాలు సరఫరా చేసే ఫాక్స్‌కాన్‌ భారత్‌లో పెట్టుబడులు పెట్టేందుకు సిద్ధమైనట్లు తెలుస్తోంది. సౌత్ చైనా మార్నింగ్ పోస్ట్ నివేదిక ప్రకారం..యాపిల్‌కు అతిపెద్ద తయారీ భాగస్వామి సంస్థ, తైవాన్‌కు చెందిన ఫాక్స్‌కాన్‌..భారత్‌లో 500 మిలియన్‌ డాలర్ల పెట్టుబడి పెట్టనున్నట్లు ఆ కంపెనీ తన స్టాక్ ఎక్స్ఛేంజ్‌ ఫైలింగ్‌లో తెలిపింది. చైనా నుండి ఉత్పత్తిని తరలించడంపై యాపిల్‌ ప్రయత్నిస్తుందంటూ వాల్ స్ట్రీట్ జర్నల్ సూచించిన కొన్ని రోజుల తర్వాత ఈ నివేదిక వెలుగులోకి వచ్చింది.   విజృంభిస్తున్న కోవిడ్‌-19 డ్రాగన్‌ కంట్రీలో రోజుకు 20 వేలు అంతకన్నా ఎక్కువ కోవిడ్‌ కేసులు విజృంభిస్తున్న కారణంగా అక్కడ అమలు చేస్తున్న కఠిన లాక్‌ డౌన్‌ నిబంధనలు తీవ్ర ఉద్రిక్తతలకు కారణం అవుతుంది. గతంలో మాదిరిగా కాకుండా.. ఈ సారి ఆర్ధిక వ్యవస్థ దెబ్బ తినకుండా ఫ్యాక్టరీలో తయారీని కొనసాగించాలని చైనా ప్రభుత్వం నిర్ణయించింది. ఇందుకోసం కంపెనీలో క్వారంటైన్‌ కేంద్రాల్ని ఏర్పాటు చేసి కార్మికులు, సిబ్బందిని అందులో నెలల తరబడి ఉంచుతున్నారు. కొన్ని చోట్ల ఇనుప కంచెలు వేసి సిబ్బంది తప్పించుకోకుండా ఏర్పాట్లు చేశారు. కంపెనీలు, ఫ్యాక్టరీల వెలుపల భారీ ఎత్తున భద్రతా సిబ్బందిని మోహరించారు.  తిరగబడ్డ యాపిల్‌ ఉద్యోగులు ఫలితంగా నెలల తరబడి క్వారంటైన్‌ కేంద్రాల్లో మగ్గిపోతున్న కార్మికులు, సిబ్బంది ఆందోళనలు చేపడుతున్నారు. తాజాగా యాపిల్‌ ఫోన్‌ ప్రధాన తయారీ భాగస్వామి జెంగ్షూలోని ఫాక్స్‌కాన్‌ ఫ్యాక్టరీలో కార్మికులు బయటకు వెళ్లేందుకు ప్రయత్నించినట్లు సోషల్‌ మీడియాలో వీడియోలు వైరల్‌ అయ్యాయి. వీరిని నిలువరించేందుకు ప్రయత్నించిన సెక్యూరిటీ  సిబ్బందితో వారు ఘర్షకు దిగారు. దీంతో ఫాక్స్‌కాన్‌ ఫ్యాక్టరీలో ఉద్రిక్తత వాతావరణం నెలకొంది. ‘నా దారి నేను చూసుకుంటా’ అక్కడి ప్రభుత్వం ఈ తరహా నిర్ణయాలు ఉత్పత్తులపై తీవ్ర ప్రభావం పడడంతో..ఐఫోన్‌ తయారీని చైనా వెలుపలి దేశాలకు తరలించాలని యాపిల్‌ తన కాంట్రాక్ట్‌ తయారీ కంపెనీలకు సమాచారం ఇచ్చింది. మార్కెట్‌ కేపిటలైజేషన్‌ వ్యాల్యూలో ప్రపంచంలో రెండో అతిపెద్ద కంపెనీగా యాపిల్‌ తన ఉత్పత్తులైన ఐఫోన్‌, ఐప్యాడ్‌, మ్యాక్‌బుక్‌ల తయారీ 90 శాతం చైనాలోనే జరుగుతుంది. ఈ తరుణంలో యాపిల్‌ సూచనతో ఫాక్స్‌కాన్‌ భారత్‌లో ఇన్వెస్ట్‌ చేసేందుకు సిద్ధమైంది.   ఫాక్స్‌కాన్ విషయానికి వస్తే ఫాక్స్‌కాన్‌  2019 నుండి మనదేశంలో యాపిల్‌ ఐఫోన్ 11 నుంచి తయారీని ప్రారంభించింది. ఇటీవల విడుదలైన ఐఫోన్ 14 మోడల్‌ను అసెంబుల్‌ చేస్తోంది. ఇప్పుడు దాని సామర్థ్యాన్ని విస్తరించేందుకు, ఇతర ప్రొడక్ట్‌లను తయారు చేసేందుకు పెట్టుబడులు పెడుతున్నట్లు వెలుగులోకి వచ్చిన నివేదికలు చెబుతున్నాయి.  ఐప్యాడ్‌ను భారత్‌ లో ఇతర ప్రొడక్ట్‌లను తయారు చేసే అవకాశలను అన్వేషించేందుకు కేంద్రంతో చర్చలు జరిపినట్లు సమాచారం. ఇతర దేశాలకు ప్రత్యామ్నాయంగా యాపిల్‌.. తన ఐపాడ్‌లను అసెంబుల్‌ కోసం మనదేశం వైపు చూస్తుందంటూ నిపుణులు అభిప్రాయం వ్యక్తం చేస్తున్నారు.  చైనా వద్దు.. భారత్‌ ముద్దు భారత్‌లో తైవాన్‌కు చెందిన ఫాక్స్‌కాన్‌, విస్ట్రాన్‌,పెగాట్రాన్‌లు యాపిల్‌ తయారీ భాగస్వాములుగా ఉన్నాయి. ఈ కంపెనీలు భారత్‌లో ఐప్యాడ్‌ అసెంబుల్‌ చేయడం అంత సులువు కాదనే అభిప్రాయాలు వ్యక్తమవుతున్నాయి. అధిక నైపుణ్యం, ప్రతిభ గల సిబ్బంది లేకపోవడం ఆందోళన వ్యక్త మవుతుంది. అయినా సరే ఫాక్స్‌ కాన్ $500 మిలియన్ డాలర్ల పెట్టుబడులతో సమీకరణాలు మారనున్నాయని, యాపిల్ గతంలో కంటే ఉత్పత్తికి కేంద్రంగా భారత్‌ అనువైన దేశమని భావిస్తోందంటూ చర్చ జరుగుతోంది.

ట్విటర్‌ సీఈవో ఎలాన్‌ మస్క్‌కు భారీ షాక్‌ తగిలింది. ప్రముఖ టెక్‌ దిగ్గజం యాపిల్‌ ట్విటర్‌లో యాడ్స్‌ను నిలిపి వేసింది. ఇదే విషయమంపై మస్క్‌ స్వయంగా ట్వీట్‌ చేశారు. ఆ ట్వీట్‌పై యాపిల్‌ ఇప్పటి వరకు స్పందించలేదు. అయితే యాపిల్‌ ట్విటర్‌లో యాడ్స్‌ నిలిపివేడయం ప్రస్తుతం చర్చనీయాంశంగా మారింది.  యాపిల్‌ ట్విటర్‌లో ప్రకటనల్ని నిలిపి వేసింది. వారు అమెరికాలో వాక్ స్వాతంత్ర్యాన్ని ద్వేషిస్తారా ? టిమ్‌ కుక్‌ ఇక్కడ ఏం జరుగుతోంది?’ అని ట్వీట్‌లో ప్రశ్నించారు.  యాడ్స్‌ తగ్గించుకుంది యాడ్ మెజర్‌మెంట్ సంస్థ పాత్‌మాటిక్స్ నివేదిక ప్రకారం.. మస్క్‌ కొనుగులో చేయకముందు యాపిల్‌ ట్విటర్‌లో అక్టోబర్‌ 16 నుంచి అక్టోబర్‌ 22 వరకు  220,800 డాలర్లు ఖర్చు చేసింది. మస్క్‌ టేకోవర్‌ చేసుకున్న తర్వాత నవంబర్ 10 నుండి నవంబర్ 16 మధ్య కాలంలో 131,600 డాలర్లు మాత్రమే ఖర్చు చేసింది.  తాత్కాలికంగా నిలిపేస్తున్నాం. జనరల్ మిల్స్ ఇంక్, లగ్జరీ ఆటోమేకర్ ఆడి సహా అనేక కంపెనీలు మస్క్ ట్విటర్‌ను కొనుగోలు చేసిన తర్వాత ప్రకటన ఖర్చుల్ని తగ్గించు కుంటున్నాయి. అయితే జనరల్ మోటార్స్  ట్విటర్‌లో యాడ్స్‌ను తాత్కాలికంగా నిలిపివేసినట్లు తెలిపింది. ఆదాయం తగ్గుతోంది కొద్ది రోజుల క్రితం మస్క్‌ మాట్లాడుతూ..ట్విటర్‌ ఆదాయంలో భారీగా తగ్గుతోందన్నారు. ఈ సందర్భంగా ట్విటర్‌లో యాడ్స్‌ ఇవ్వకుండా ఉండేలా  సంస్థలపై ఒత్తిడి తెస్తున్నారనే అనుమానం వ్యక్తం చేశారు.     Apple has mostly stopped advertising on Twitter. Do they hate free speech in America? — Elon Musk (@elonmusk) November 28, 2022 What’s going on here @tim_cook? — Elon Musk (@elonmusk) November 28, 2022 var request = 'https://www.sakshi.com/knowwidget/kwstr_5051504145.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

ప్రపంచ వ్యాప్తంగా తలెత్తిన ఆర్ధిక మాంద్యం దెబ్బకు దిగ్గజ కంపెనీలు ఉక్కిరిబిక్కిరి అవుతున్నాయి. ఆర్ధిక మాంద్యం ముంచుకొస్తుందనే భయాలతో సంస్థలు ఉద్యోగులకు చెల్లించే జీతాల నుంచి వారికి అందించే లంచ్‌ వంటి ఇతర సదుపాయాల్లో కోత విధిస్తున్నాయి. తాజాగా టెక్‌ దిగ్గజం యాపిల్‌ సంస్థ కీలక నిర్ణయం తీసుకుంది. నియామకాల్ని నిలిపివేస్తున్నట్లు ఆ సంస్థ సీఈవో టిమ్‌ కుక్‌ తెలిపారు.  ఆర్ధిక మాంద్యం కారణంగా అన్నీ దిగ్గజ సంస్థలు నియామకాల్ని నిలిపివేశాయి.యాపిల్‌ సంస్థ సైతం నియామాకల నిలుపుదలపై దృష్టి సారించిందని టిమ్‌కుక్‌ మీడియా ఇంటర్వ్యూలో వెల్లడించారు.  ఫేస్‌బుక్ మాతృ సంస్థ మెటా ప్రపంచవ్యాప్తంగా 11,000 ఉద్యోగాలను తగ్గించింది. యాపిల్‌ కాకుండా గూగుల్‌, నెట్‌ ఫ్లిక్స్‌ వంటి సంస్థలు నియామకాల్ని నిలిపివేశాయి. ఉద్యోగుల్ని విధుల నుంచి తొలగించాయి. ఎలాన్‌ మస్క్‌ కొనుగోలు తర్వాత ట్విటర్‌లో రెండు వారాల్లో సుమారు 5,000 మంది ఉద్యోగులను ఫైర్‌ చేశారు.అదే తరహాలో తొలగింపులు లేకపోయినా, నియామకాలు నిలిపివేస్తున్నట్లు టిమ్‌కుక్‌ పేర్కొన్నారు.