రేపు స్విమ్మింగ్‌ జిల్లా జట్ల ఎంపిక

నరసరావుపేట ఈస్ట్‌: పల్నాడు జిల్లా స్విమ్మింగ్‌ అసోసియేషన్‌ ఆధ్వర్యంలో ఈనెల 23న శ్రీసుబ్బరాయ అండ్‌ నారాయణ కళాశాల స్విమ్మింగ్‌ పూల్‌లో జిల్లా జట్ల ఎంపిక పోటీలు నిర్వహిస్తున్నట్టు అసోసియేషన్‌ కార్యదర్శి వై.వి.సుబ్బారెడ్డి గురువారం తెలిపారు. డిసెంబర్‌ 7, 8 తేదీలలో విశాఖలో జరగనున్న 9వ వింటర్‌ సబ్‌ జూనియర్‌, జూనియర్‌ ఇంటర్‌ డిస్ట్రిక్ట్‌ చాంపియన్‌షిప్‌లో పాల్గొనేందుకు ఈ జట్లను ఎంపిక చేస్తున్నట్టు వివరించారు. అండర్‌–11, అండర్‌–14, అండర్‌–17 విభాగాలలో జట్టు ఎంపిక పోటీలు నిర్వహిస్తున్నట్టు తెలిపారు. ఆసక్తి గల క్రీడాకారులు 23న ఉదయం 8 గంటలకు స్విమ్మింగ్‌పూల్‌ వద్దకు రావాలని సూచించారు. ఇతర వివరాలకు 8296374963 నెంబర్‌లో సంప్రదించాలని కోరారు.