అనంతపూర్‌లో ప్రమాదం.. వేములవాడలో విషాదం

అనంతపూర్‌లో ప్రమాదం.. వేములవాడలో విషాదం

● గుర్తు తెలియని వాహనం ఢీకొని స్థానిక అయ్యప్ప భక్తుడి దుర్మరణం

వేములవాడఅర్బన్‌: వేములవాడ నుంచి పాదయాత్రగా బయలుదేరిన అయ్యప్ప భక్తు డు శనివారం ఆంధ్రప్రదేశ్‌లో జరిగిన రోడ్డు ప్రమాదంలో మృతిచెందాడు. స్థానికుల వివరాలు.. వేములవాడ పట్టణా ని కి చెందిన పలువురు అయ్యప్ప భక్తులు 24 రోజుల క్రితం పాదయాత్రగా శబరిమల బయలుదేరారు. ఈక్రమంలో శనివారం ఉదయం ఆంధ్రప్రదేశ్‌ రాష్ట్రం అనంతపూర్‌ జిల్లా పెనుగొండ వద్ద గుర్తుతెలియని వాహనం ఢీకొని వేములవాడకు చెందిన వంగపల్లి హరీశ్‌ (28) అక్కడికక్కడే మృతిచెందా డు. వేకువజామున అందరికంటే ముందు నిద్రలేచిన హరీశ్‌ పాదయాత్ర మొదలుపెట్టాడు. ఉద యం పూట మంచుకురియడంతో గుర్తు తెలియనం వాహనం అతడిని ఢీకొట్టింది. కాగా హరీశ్‌ తండ్రి గతంలోనే చనిపోయాడు. తల్లి, తమ్ముడు ఉన్నారు. అతడి మృతితో వేములవాడలో విషాదఛాయలు నెలకొన్నాయి. ప్రమాదం స్థలం నుంచి వేములవాడకు చెందిన కొందరు విషయాన్ని కేంద్ర మంత్రి బండి సంజయ్‌కుమార్‌ దృష్టికి తీసుకెళ్లగా, ఆయన అక్కడి పోలీసులతో మాట్లాడారు. మృతదేహానికి పోస్టుమార్టం చేసి త్వరగా వేములవాడకు తరలించేందుకు చర్యలు చేపట్టాలని సూచించారు.