పరిశోధన పత్రం సమర్పణ

పరిశోధన పత్రం సమర్పణ

విద్యారణ్యపురి: జాతీయ గణిత దినోత్సవాన్ని పురస్కరించుకొని హైదరాబాద్‌లోని ఎస్‌సీఈఆర్‌టీలో ఈనెల 21న నిర్వహించిన రాష్ట్రస్థాయి మేథమెటిక్స్‌ సెమినార్‌లో కరీమాబాద్‌ ప్రభుత్వ ఉన్నత పాఠశాల మ్యాథ్స్‌ స్కూల్‌ అసిస్టెంట్‌ పోగుల అశోక్‌ పరిశోధన పత్రం సమర్పించారు. (పేపర్‌ ప్రజెంటేషన్‌) ‘ఎన్‌ హాన్సింగ్‌ క్వాలిఫికేషన్‌ టెక్నిక్స్‌ ఇన్‌ సెకండరీ స్కూల్స్‌ స్టూడెంట్స్‌ త్రూ వేదిక్‌ మేథమెటిక్స్‌’ అంశంపై పరిశోధన పత్రం సమర్పించారు. పాఠశాల విద్యాశాఖ డైరెక్టర్‌ నర్సింహారెడ్డి, ఎస్‌సీఈఆర్టీ డైరెక్టర్‌ గాజర్ల రమేశ్‌ సర్టిఫికెట్‌ను ప్రదానం చేశారు. ఇదిలా ఉండగా.. పోగుల అశోక్‌ వచ్చే నెలలో జాతీయ స్థాయిలో జరగబోయే విద్యా సదస్సులోనూ పాల్గొనేందుకు ఇప్పటికే ఆయనకు అవకాశం లభించింది. జాతీయ సదస్సుకు ఎంపికై న పోగుల అశోక్‌ను విద్యాశాఖ డైరెక్టర్‌ నర్సింహారెడ్డి ఈసందర్భంగా అభినందించారు.