బస్సుల్లో డీజిల్‌ చోరీ.. కేసు నమోదు

ఖిల్లాఘనపురం: పెట్రోల్‌ బంకులో నిలిపి ఉంచిన రెండు బస్సుల్లో నుంచి డీజిల్‌ చోరీ జరిగిన ఘటనపై శనివారం కేసునమోదు చేసినట్లు ఎస్‌ఐ సురేశ్‌గౌడ్‌ తెలిపారు. ఆయన కథనం మేరకు.. మండల కేంద్రంలోని ఇండియన్‌ ఆయిల్‌ పెట్రోల్‌బంకులో శుక్రవారం రాత్రి రెండు నైట్‌హాల్ట్‌ ఆర్టీసీ బస్సులను డ్రైవర్లు కావలి శాంతయ్య, కొత్తకాపు శ్రీనివాస్‌రెడ్డి నిలిపారు. వాటిలోనే డ్రైవర్లతో పాటు కండక్టర్లు సత్యం, వెంకటేశ్‌ పడుకున్నారు. శనివారం ఉదయం నిద్రలేచి రోజువారీగా టైర్లలో గాలిని పరిశీలిస్తుండగా డీజిల్‌ ట్యాంకు మూతలు తెరుచుకొని కనిపించాయి. పరిశీలించగా రెండు బస్సుల ట్యాంకుల్లో ఉన్న సుమారు 372 లీటర్ల డీజిల్‌ చోరీకి గురైనట్లు గుర్తించి పోలీసులకు ఫిర్యాదు చేశారు. కావలి శాంతయ్య ఫిర్యాదు మేరకు కేసునమోదు చేసుకొని దర్యాప్తు చేపడుతున్నట్లు ఎస్‌ఐ వివరించారు.