సమస్యల పరిష్కారానికి కృషి

సమస్యల పరిష్కారానికి కృషి

ఏటూరునాగారం : గిరిజనుల సమస్యలు పరిష్కరిస్తామని ఐటీడీఏ పీఓ చిత్రామిశ్రా అన్నారు. సోమవారం స్థానిక గిరిజన దర్భార్‌లో గిరిజనుల నుంచి వినతులను పీఓ స్వీకరించి పరిశీలించారు.

● తాడ్వాయి మండలం లవ్వాల గ్రామం బోదబోయిన నాగరాణి అటవీ హక్కుల పత్రంలో బోదబోయిన నాగమణి తప్పుగా ప్రచురించడం జరిగిందని దానిని నాగరాణిగా సవరిస్తూ పట్టా ఇవ్వాలని కోరింది.

● మంగపేట మండలం కమలాపురం గ్రామానికి చెందిన భూక్య రాములు ఫిట్టర్‌ పూర్తి చేశానని ఉద్యోగం ఇప్పించాలని కోరాడు.

● వరంగల్‌ జిల్లా ఖానాపురం మండలం భూక్య అనిల్‌, ఇతరులు నాజీతండాలో మురుగుకాల్వ లేక తీవ్ర ఇబ్బంది పడుతున్నామన్నారు. తండాలో కాల్వ నిర్మాణం కోసం నిధులు ఇవ్వాలని కోరారు.

● గూడూరు మండలం చిన్న ఎల్లాపురం గ్రామానికి చెందిన భుక్య దేవేందర్‌ రోడ్లు, సైడ్‌ కాల్వలు మంజూరు చేయాలని కోరారు.

● వెంకటాపురం(కె) చెందిన భాగ్యవతి జాక్‌ ఎలక్ట్రానిక్‌ కుట్టుమిషన్‌ ఇప్పించాలని కోరింది.

● ఏటూరునాగారం ప్రభుత్వ జూనియర్‌ కళాశాలలో నాలుగేళ్ల నుంచి కాంట్రాక్టు వర్కర్‌గా పనిచేస్తున్నానని స్వీపర్‌గా నియమించాలని దుర్గి పద్మ పీఓకు విన్నవించారు.

● మంగపేట మండలం కోమటిపల్లికి చెందిన శామంతకమని టైలరింగ్‌ శిక్షణ పొంది ఉన్నానని, కుట్టుమిషన్‌ ఇప్పించాలని కోరింది.

● జీసీసీ తాడ్వాయి మండలం బయ్యక్కపేటకు చెందిన 70 మంది గ్రామస్తులు ఆర్‌ఓఎఫ్‌ఆర్‌లో ఇళ్ల స్థలాలు కల్పించాలని పీఓను వేడుకున్నారు. కార్యక్రమంలో డీఎం ప్రతాప్‌రెడ్డి, ఎస్‌ఓ సురేశ్‌బాబు, శిరీష్‌కుమార్‌, మహేందర్‌, కిషోర్‌, జగన్‌మోహన్‌రెడ్డి, ప్రభాకర్‌ పాల్గొన్నారు.

ఐటీడీఏ పీఓ చిత్రామిశ్రా